'The Source of Every Spiritual Attainment,' being a Lama Practice Connected to the Teachings of a Great Many Extraordinary Angels Such as theSecret Collection (Guhyasamaja); Highest Bliss (Sambara); and the Frightener (Bhairava)

*, ,GSANG BDE 'JIGS GSUM SOGS LHAG LHA DU MA DANG 'BREL BA'I BLA MA'I RNAL 'BYOR DNGOS GRUB KUN 'BYUNG ZHES BYA BA BZHUGS SO, , @001 #, ,NA MO GU RU BADZRA DH'A R'A YA, SPYI BOR SNA TSOGS PADMA NYI MA'I STENG, ,SKYABS GSUM KUN 'DUS RTZA BA'I BLA MA DANG, ,DBYER MED MI BSKYOD MGON PO SKU MDOG MTHING, ,NAG DKAR DMAR BA'I ZHAL GSUM PHYAG DRUG PA, ,RTZA PHYAG RDOR DRIL 'DZIN PAS YUM LA 'KHYUD, ,LHAG MA GA-YAS SU 'KHOR LO PADMA DANG, ,GA-YON PA'I PHYAG GIS RIN CHEN RAL GRI 'DZIN, ,RANG 'OD DANG MTSUNGS REG BYA RDO RJE MAR, ,MNYAM SBYOR RDO RJE SKYIL MO KRUNG GIS BZHUGS, ,LHA YI GOS DANG RIN CHEN RGYAN GYIS MDZES, (,ZHES PA'I 'PHROR,) PHUNG PO KHAMS DANG SKYE MCHED YAN LAG RNAMS, ,SUM CU RTZA GNYIS LHA YI NGO BO NYID, (,CES PA'AM,) BDE GSHEGS YAB YUM SEMS DPA' KHRO BO SOGS, ,SUM CU RTZA GNYIS LHA YI 'KHOR LOR BCAS,,

, (,ZHES PA GANG RIGS SBYOR, DE NAS,) GNAS GSUM YI GE GSUM MTSAN H'Um YIG GIS, ,BLA MA YI DAM MCHOG GSUM MA LUS PA, ,KHYAB BDAG DPAL LDAN 'DUS PA'I LHA TSOGS KYI, ,RNAM PAR SPYAN DRANGS DBYER MED BRTAN PAR BZHUGS, ,DAM CHOS DKON MCHOG SNYING PO BSTAN PA'I BCUD, ,'JIG RTEN GSUM GYI SGRON ME 'DUS PA YI, ,LAM BZANG MCHOG GIS 'GRO KUN 'DREN MDZAD PA, ,BLA MA MI BSKYOD RDO RJE LA PHYAG 'TSAL, ,NYER SBYOD 'DOD YON BKRA SHIS RTAGS RDZAS SOGS, ,NGO MTSAR KUN BZANG MCHOD SPRIN RAB 'BYAMS DANG, ,BDE STONG PADMA'I SNOD DU DAM RDZAS RNAMS, ,SBYANGS RTOGS SBAR BYAS BDUD RTZI'I RGYUN GYIS MCHOD, ,MTSAR SDUG YID 'ONG PHYAG RGYA'I TSOGS SPROS TE, ,YUM LA THIM PAS DGA' BA'I MCHOG SKYED CING, ,STONG

DANG BDE CHEN SGYU 'PHRUL DBYER MED PA, ,DON DAM DE NYID MCHOD PAS DGYES GYUR CIG ,SDIG LTUNG SPYI DANG RTZA BA YAN LAG GI, ,DAM TSIG NYAMS CHAG MA LUS SNYING NAS BSHAGS, ,ZAB CING RGYA CHE RIM GNYIS RNAL 'BYOR SOGS, ,SKYE 'PHAGS DGE BA'I TSOGS LA RJES YI RANG, ,'GOG MED RDO RJE'I SKU LAS MI GA-YO ZHING, ,GSANG CHEN GDAMS PA'I DGA' STON STZAL DU GSOL, ,'DIS MTSON DGE BAS BDAG GZHAN 'GRO BA KUN, ,RING MIN BYANG CHUB RDO RJE NYID GYUR CIG (,DE NAS SPRO NA RIGS LNGA'I SDOM GZUNG SOGS KYANG BYA, DE NAS GONG GI PHYAG 'TSAL GYI TSIG DE GSOL 'DEBS SU BSGYUR BA CI 'GRUB DANG,) DE'I THUGS KAR H'Um YIG LA SNGAGS 'PHRENG GIS BSKOR BA LAS 'OD ZER 'PHROS PAS, RGYAL BA SRAS BCAS KYI BYIN RLABS THAMS CAD BSDUS TE DE LA THIM ZHING, SLAR YANG 'OD DANG BDUD RTZI'I RGYUN BYUNG BA RANG DANG SEMS CAN THAMS CAD KYI SPYI BO NAS ZHUGS BAS ZHE SDANG LA SOGS PA'I NYON MONGS PA DANG, DES BSKYED PA'I LAS NGAN SDIG SGRIB BAG CHAGS DANG BCAS PA THAMS CAD BYANG ZHING DAG, MI BSKYOD PA LA SOGS PA'I GO 'PHANG LA BKOD BYUNG SNYAM PA'I SGO NAS, (GTZO BO YAB YUM GYI SNGAGS SAM, YANG NA GTZO 'KHOR KUN GYI SNGAGS BZLA, MJUG? TU YI GE BRGYA PAS LHAG CHAD BSKANG,) GANG LA BRTEN NA SRID ZHI'I 'JIGS 'PHROG

, ,CING, ,LHAN SKYES BDE BA MCHOG GI DPAL STER BA, ,THUGS RJE'I BDAG NYID DANG PO'I MGON PO YIS, ,MCHOD CHEN DGA' STON MCHOG GIS RJES BZUNG STE, ,SGO GSUM NYES PA'I DRI MA SBYANG DU GSOL, ,RIM GNYIS LAM GYI RTOGS PA SKYED DU GSOL, ,RDO RJE GSUM DBYER MI PHYED BDAG NYID KYI, ,SKU BZHI'I GO 'PHANG THOB PAR BYIN GYIS RLOBS, ,DE LTAR GSOL BTAB SPYI BO'I AOm YIG LAS, , RAB DKAR BDUD RTZI'I RGYUN GYIS DBANG BSKUR PAS, ,LUS KYI SKYON SPYANGS RIM PA DANG PO YI, ,SPRUL PA'I SKU MCHOG 'GRUB PAR BYIN GYIS RLOBS, ,LONGS SPYOD 'KHOR LO'I A'A:LAS AA MRi TA, ,DMAR PO'I RGYUN GYIS NGAG GI SKYON DAG CING, ,SNANG PHYOGS SGYU MA'I LAM GYI RLUNG SNGAGS KUN, ,SBYANGS TE LONGS SKU 'GRUB PAR BYIN GYIS RLOBS, ,CHOS KYI 'KHOR LO'I H'Um SNGON BDUD RTZI YIS, ,YID KYI NYES KUN BSAL NAS 'KHOR 'DAS CHOS, ,STONG PAR RTOGS PA'I 'OD GSAL YE SHES KYI, ,SGRIB BRAL CHOS SKU THOB PAR BYIN GYIS RLOBS, ,'BRU GSUM THUN MONG 'OD DANG BDUD RTZI'I MTHUS, ,SGO GSUM DRI MA PHRA RAGS KUN ZHI ZHING, ,SKU THUGS DBYER MED LAN? LAG BDUN LDAN GYI ,ZUNG 'JUG GO 'PHANG 'GRUB BAR BYIN GYIS RLOBS, ,MDOR NA RIGS KUN BDAG PO RDO RJE 'DZIN, ,KHYOD LAS LHAG PA'I SKYABS

GZHAN MA MCHIS PAS, ,TSE RABS 'PHRENG BAR DGYES BZHIN RJES BZUNG STE, ,YANG DAG LAM BZANG BGROD PAR BYIN GYIS RLOBS, ,RGYU YI THEG PA'I LAM GYIS RGYUD SBYANGS TE, ,'BRAS BU GSANG CHEN ZAB MO'I MYUR LAM GYIS, ,PHRA RAGS SRID PA'I RGYA MTSO NYER BRGAL NAS, ,MA LUS 'GRO BA'I MGON DU BDAG GYUR CIG ,DE NAS SPYI BO'I BLA MA RDO RJE 'CHANG RANG GI SPYI BO NAS MAR ZHUGS TE, RANG SEMS DANG DBYER MED DU 'DRES PAR BSAM LA, 'KHOR LO'I MGON PO BLA MA RDO RJE 'CHANG, ,BDAG GI SNYING GAR PADMA'I STENG BZHUGS LA, ,BKA' DRIN CHEN PO'I SGO NAS RJES BZUNG STE, ,SKU GSUNG THUGS KYI DNGOS GRUB STZAL DU GSOL, (,ZHES SOGS DANG, GZHAN YANG TSE RABS RJES 'DZIN GYI SMON LAM CI RIGS BAS MTSAMS SBYOR BYA'O; ;ZHES PA 'DI YANG DAD BRTZON BLO DANG LDAN PA SNGAGS? RAM PO CHOS RGYA MTSOS BSKUL NGOR 7 BTZUN PA DKON MCHOG BSTAN PA'I SGRON MES BRAG DKAR LHA ZHOL DU BRIS PA'O,,) ` ,,NA MO GU RU SHR'I HE RU K'A YA, (DPAL 'KHOR LO SDOM PA DANG DBYER MED DU BYAS TE ZAB LAM BLA MA'I RNAL 'BYOR NYAMS SU LEN BAR 'DOD BAS KUN SLONG LEGS PAR BCOS TE,) BLA MA YI DAM MKHA' 'GRO'I TSOGS, ,SANGS RGYAS CHOS DANG DGE 'DUN LA, ,RTAG TU BDAG NI SKYABS SU MCHI, ,BDAG NYID HE RU KAR GYUR NAS, ,SEMS CAN THAMS CAD HE RU KA'I, ,GO 'PHANG MCHOG LA 'GOD PAR SHOG (,CES PA LAN GSUM GYIS SKYABS SEMS SNGON DU BTANG LA,) RANG GI SPYI BOR SNA TSOGS PAD NYI'I STER, ,BKA' DRIN MNYAM MED RTZA BA'I BLA MA DANG, ,DBYER MED DPA' BO'I DBANG PHYUG TE RU

, ,KA:, ,NAM MKHA'I MDANGS LDAN SNGO LJANG DMAR SER ZHAL, ,NYI MA'I SPYAN BGRAD RAL PA'I THOR COG BCINGS, ,RTZA PHYAG RDOR DRIL 'DZIN PAS YUM LA 'KHYUD, ,GNYIS KYIS GTI MUG DAG PA'I GLANG LPAGS BRGYANGS, ,GA-YAS KYI LHAG MAS RIM BZHIN d'A MA RU, ,DGRA STA GRI GUG MDUNG THOGS GA-YON PA BZHIS, ,KHAtV'Am THOD KHRAG ZHAGS BTSANGS MGO BSNAMS, ,GA-YAS BRKYANGS 'JIGS BYED NAG PO'I MGO BO DANG, ,GA-YON BSKUMS DUS MTSAN DMAR MO'I NU MA MNAN, ,GAR DGU'I NYAMS LDAN PHYAG RGYA DRUG GIS SPRAS, ,SDER 'PHRENG GROL BA'I STAG LPAGS SHAM THABS GSOL, ,THOD SKAM DBU RGYAN MGO RLON DO SHAL 'PHYANG, ,PANG NA LHAN SKYES DGA' BA'I MCHOG SBYIN YUM, ,PHAG MO DMAR MO RDO RJE THOD KHRAG 'DZIN, ,GCENG MO SKRA GROL PHYAG RGYA LNGA YIS BRGYAN, ,LANG TSO RGYAS SHING LHAN CIG MNYAM PAR SBYOR, ,YE SHES ME DPUNG 'BAR BA'I DBUS NA BZHUGS, ,PHUNG KHAMS KUN KYANG RNAM SNANG RDO RJE SOGS, ,LHA YI RANG BZHIN GNAS GSUM 'BRU GSUM GYIS, ,MTSAN PA'I H'Um YIG 'OD KYIS YE SHES PA'I, ,'KHOR LO SBYAN DRANGS DBYER MED RO GCIG GYUR, ,'OD GSAL YE SHES 'BAR BA'I GDENGS KA YIS, , KUN RMONGS MTHAR MDZAD BRTAN GA-YO'I DNGOS PO KUN, ,LHAN SKYES BDE BA'I 'KHOR LOR SDOM BYED PA, ,BLA MA HE RU KA DPAL LA PHYAG 'TSAL, ,PHYI NANG GSANG BDE NYID MCHOD PA'I TSOGS, ,DMIGS MED SGYU MA'I ROL PA'I

BZHIN DU, ,'BUL ZHING SGO GSUM DAM TSIG NYAMS CHAG KUN, ,SNYING NAS MTHOL LO BYANG ZHING DAG BAR MDZOD, ,RAB 'BYAMS 'KHOR LO LNGA YI LHA TSOGS RNAMS, ,SPROS TE MKHA' KHYAB ZHING KHAMS THAMS CAD DU, ,GANG LA GANG 'TSAM SPRUL PA'I BKOD PA YIS, ,'GRO KUN SMIN CING GROL BAR BYIN GYIS RLOBS, (,ZHES BRJOD CING 'OD ZER SPRO BSDU DANG SNOD BCUD SBYANG SGYUR SOGS KYI DMIGS PA GSAL BA'I? PA'I NGANG NAS,) AOm A'A:GU RU RATNA SH'A SA NA D'I PAm SIDDHI H'Um H'Um, (ZHES PA LTA BU RANG GI BLA MA'I MTSAN SNGAGS DANG,) AOm SHR'I BADZRA HE HE RU RU KAm H'Um H'Um PHAt d'A KI N'A DZ'A LA SHAm WA RAm SV'AH'A, AOm HR'I:HA HA H'Um H'Um PHAt, (CES YAB KYI SNYING PO DANG NYE SNYING,) AOm BADZRA BEE RO TZA N'I YE H'Um H'Um PHAt, AOm SARBBA BUDDHA d'AKI N'I YE BADZRA WARnnA N'I YE H'Um H'Um PHAt SV'AH'A, (ZHES YUM GYI SNYING PO DANG NYE SNYING GI 'GRUB BZLA, HE RU KA'I YIG BRGYA BRJOD DE LHAG TSAD BSKANG, SGRO NA BOD SKAD DANG RGYA SKAD CI RIG PA'I RKANG BRGYAD KYIS BSTOD,) DNGOS GRUB 'BYUNG GNAS BLA MA LHAG PA'I LHAS, ,TSE RABS KUN TU 'BRAL MED RJES 'DZIN ZHING, ,THUN MONG LAM GYI RMANG GZHI BRTAN PA'I SGOS, ,GSANG CHEN THEG PA'I SNOD DU 'GYUR BAR SHOG ,DBANG THOB DAM TSIG SDOM PA TSUL BZHIN BSRUNG, ,RANG LUS LHA SKUR SGYUR BA'I RNAL 'BYOR DANG, ,ZHUGS GNAS THIM PA'I BDE CHEN 'OD GSAL THUGS, ,DBYER MED ZUNG 'JUG GO 'PHANG THOB PAR SHOG ,MDOR NA BLA MA BCOM LDAN HE RU KA, ,GNAS GSUM MKHA' 'GRO'I TSOGS DANG BCAS PA YIS, ,BRTZE BAS BU BZHIN 'BRAL MED RJES BZUNG STE, ,MCHOG THUN DNGOS GRUB MA LUS STZAL DU GSOL, ,

, (,ZHES BRJOD CING SNOD THAMS CAD GZHAL YAS KHANG DANG, BCUD THAMS CAD 'KHOR LO SDOM PA'I LHA TSOGS KYI RNAM PAR GNAS PA RNAMS RIM GYIS BSDUS TE BLA MA HE RU KA LA THIM, DE 'OD DU ZHU BA RANG LA THIM PAS RANG NYID HE RU KA'I SKUR GYUR, RANG YANG STONG SMAD NAS RIM GYIS 'OD DU ZHU BA SNYING GA'I SA BON LA THIM PA'I MTHAR NAM MKHA' LA 'JA' YAL BA BZHIN GYUR PAR BSAMS TE LTA THOG TU BZHAG LA,) SNOD BCUD MTHA' DAG BLA MA'I SKUR BSDUS TE, ,RANG LA THIM ZHING RANG NYID LHA YI SKUR, ,BZHENGS PA NAM MKHA'I 'JA' TSON BZHIN GYUR PAS, ,DMIGS MED 'OD GSAL NGANG DU GNAS PAR GYUR, (,CES BRJOD CING,) SRID PA GSUM 'BAR SOGS KYI BSDOMS MTSAMS SBYAR BAR BYA'O, ,ZHES PA 'DI'ANG DAD BRTZON LDAN PA SNGAGS RAM PA DKON MCHOG SENG GES BSKUL DOR 7 BTZUN PA DKON MCHOG BSTAN PA'I SGRON MES BRIS PA'O,,) ` ,,CHOS BDEN BDAG NYID BLA MA HE RU KA:, ,KHYOD MIN SKYABS GZHAN GANG DU'ANG MI 'TSOL BAS, ,SGO GSUM DRI MA MTHA' DAG DRUNGS PHYUNG STE, ,BDE CHEN SKU BZHI THOB PAR BYIN GYIS RLOBS, ,DE LTAR RTZE GCIG GSOL BA BTAB PA NA, ,SPRUL PA'I PHAG MO MKHA' 'GRO BZHIR BCAS PAS, ,BUM PA'I DBANG BSKUR LUS KYI SGRIB PA SBYANGS, ,BSKYED RIM PHRA RAGS SPRUL SKU 'GRUB PAR BYAS, ,HE RU KA:DANG PHAG MO SBYAR BA YI, ,GSANG RDZAS MYANG BAS NGAG GI SGRIB PA DAG ,KUN RDZOB SGYU MA'I RDZOGS RIM BSGOM PA DANG, ,RGYAL GSUNG LONGS SKU 'GRUB PA'I NUS PA BZHAG ,PHAG MO RANG LA PHYAG RGYAR GNANG BA DANG, ,SNYOMS PAR ZHUGS PAS DGA' BZHI'I YE

SHES SKYES; ,YID KYI SGRIB BYANG DON DAM 'OD GSAL GYI, ,RDZOGS RIM CHOS SKU DANG BCAS 'GRUB PAR BYAS, ,BDE CHEN THUGS DANG SGYU 'PHRUL DRA BA'I SKU, ,ZUNG DU 'JUG PA'I DON LA NGO SPRAD PAS, ,SGO GSUM SGRIB BRAL ZUNG 'JUG RDO RJE 'CHANG, ,'GRUB PA'I NUS PA YONGS SU SMIN PAR GYUR, (,'DI RKANG BRGYAD KYI BSTOD PA'I 'PHROR BYA ZHING, DBANG BZHI LEN TSE GONG GI SKYABS SEMS KYI 'PHROR SKAD CIG DKRONG BSKYED KYANG CHO GA'I GZHUNG BZHIN BYA DGOS SO, ,ZHES SNGAR BRIS PA'I BDE MCHOG GI BLA MA'I RNAL 'BYOR LA DBANG BZHI'I KHA SKONG ZHIG DGOS ZHES DAD BRTZON BLO DANG LDAN BA 'JIGS MED SHES RAB DANG SNGAGS RAM PA DKON MCHOG BSHES GNYEN GNYIS KYIS BSKUL NGOR 7 BTZUN PA DKON MCHOG BSTAN PA'I SGRON MES BRIS PA'O, , ` NA MO GU RU BADZRA BHEERA W'A YA, ('DIR LAM ZAB MO BLA MA LHA'I RNAL 'BYOR NYAMS SU LEN PAR BYED PA LA, SPYIR MDO RGYUD THAMS CAD LAS BLA MA NI YON TAN KUN GYI GZHI RTEN DANG SKYABS GNAS MTHA' DAG 'DUS PA'I BDAG NYID DU LAN GRANGS DU MAR GSUNGS PAS, YI DAM CHOS SKYONG GANG DANG SBREL NAS KYANG BLA MA'I RNAL 'BYOR NYAMS SU BLANG DU YOD LA, KHYAD PAR DBYANGS CAN BZHAD PA DGE 'DUN RGYA MTSOS, RGYAL BA KUN GYI YAB GCIG 'JAM PA'I DBYANGS, ,MA RUNGS GDUG PA 'DUL MDZAD GSHIN RJE'I GSHED, ,MI YI GZUGS KYI RNAM ROL TZONG KHA PA, ,DBYER MED BLA MA YI DAM ZHES GSUNGS PA LTAR, RANG CAG RI BO DGE LDAN PA RNAMS, BLA MA YI DAM CHOS SKYONG THAMS CAD NGO BO GCIG TU SGRUB PA LA RTEN 'BREL GYI GNAD SHIN TU CHE BAS, 'DIR YI DAM RDO RJE 'JIGS BYED DANG SBYAR TE BLA MA'I RNAL 'BYOR NYAMS SU BLANG BA'I TSUL NI, SKYABS SEMS SNGON DU BTANG STE, DGE SEMS KHYAD PAR CAN GYI NGANG NAS,) RANG GI SPYI BOR PADMA NYI ZLA'I STENG, ,SKYABS GNAS MA LUS

, ,'DUS PA'I BDAG NYID MCHOG ,BKA' DRIN GSUM LDAN RTZA BA'I BLA MA NI, ,RNAM PA KHAMS GSUM ZA BYED GSHIN RJE'I GSHED, ,DBU DGU 'BAR BAS NAM MKHA'I KHYON GANG ZHING, ,SO BZHI'I PHYAG GIS MTSON CHA SNA TSOGS 'DZIN, ,BCU DRUG ZHABS KYIS SA GSUM RNAM PAR GNON, ,GTUM DRAG KHRO BO'I NYAMS LDAN HA HAR BZHAD, ,DUS PA'I RGYAN LDAN 'BAR BA'I CHAS KYIS BRJID, ,PHYOGS KYI GOS CAN BSKAL PA'I ME YIS 'KHYUD, , DE YI THUGS KAR 'JAM DPAL GZHON NU DANG, ,'OD ZER LNGA LDAN H'Um GIS MTSAN PAR GYUR, ,THUGS KA'I H'Um YIG 'OD KYIS GSHIN RJE'I GSHED, ,SRAS BCAS RGYAL BAS BSKOR BA SPYAN DRANGS TE, ,DZA:H'Um BAm HO:DBYER MED BSTIM BYAS NAS; ;DBANG BSKUR MI BSKYOD RGYAL POS RGYAS BTAB GYUR, ,MKHYEN BRTZE'I DKYIL 'KHOR YONGS SU RDZOGS PA'I THUGS, ,LUS CAN NYON MONGS 'CHING BA GCOD PA'I GSUNG, ,RLABS CHEN TSOGS GNYIS DPAL GYIS BRJID PA'I SKU, , BLA MA GSHIN RJE'I GSHED LA PHYAG 'TSAL LO, ,'KHOR 'DAS SPROS BRAL YE SHES RANG BZHIN LAS, ,KUN KHYAB MCHOD SPRIN MTHA' YAS LEGS 'BUL ZHING, ,NYES LTUNG SDIG PA'I TSOGS RNAMS KUN BSHAGS TE, ,RLABS CHEN DGE BA RNAMS LA RJES YI RANG, ,BLA MA YI DAM DBYER MED 'DREN PA KHYOD, ,BLO BZANG RGYAL BSTAN PHYOGS MTHAR SBEL BA'I PHYIR, ,MTHA' YAS 'GRO BA'I MGON DU RTAG BZHUGS NAS, ,LEGS GSUNG BDUD RTZI'I DGA' STON STZAL DU GSOL, ,

'DI LTAR BSKRUN PA'I RNAM DKAR DGE BA'I MTHUS, ,BDAG KYANG DENG NAS TSE RABS THAMS CAD DU, ,LAM MCHOG SGRUB PA'I RTEN BZANG RIM BRGYUD DE, ,RNAM DAG CHOS LA GCIG TU GZHOL BAR SHOG ,DE TSE BLA MA GSHIN RJE'I GSHED PO YIS, , 'BRAL BA MED PAR DGYES BZHIN RJES BZUNG STE, ,BYIN RLABS SRUNG BA'I 'KHOR LO LA BRTEN NAS, ,DAM CHOS SGRUB LA BAR CHAD MED PAR SHOG ,DE YI GSUNG GI BDUD RTZI'I BCUD MYANG STE, ,THUN MONG LAM GYI RIM PAS RGYUD SBYANGS SHING, ,DPAL LDAN RDO RJE THEG PA'I SGOR ZHUGS NAS, ,DAM TSIG SDOM PA TSUL BZHIN SRUNG BAR SHOG ,DE NAS RIM GNYIS LAM BZANG BGROD PA YIS, ,PHYI NANG GSANG BA'I GSHIN RJE'I GA-YUL BCOM STE, ,BLA MA YI DAM GO 'PHANG MNGON GYUR NAS, ,LUS CAN MTHA' DAG SRID LAS SGROL BAR SHOG (,CES DPAL RDO RJE 'JIGS BYED LA BRTEN PA'I BLA MA'I RNAL 'BYOR 'DI NI THUGS DAM DGE SBYOR LA GCIG TU BRTZON PA RAB 'BYAMS PA BLO BZANG DKON MCHOG GIS BSKUL BA'I DOR 7BTZUN PA DKON MCHOG BSTAN PA'I SGRON MES BRIS PA'O, , ` ,,NA MO BADZRA BHEE RA W'A YA, (SKYABS SEMS SNGON DU BTANG LA,) RANG GI SPYI BOR PADMA NYI MA'I STENG, ,H'Um YIG MTHING NAG 'OD KYI 'PHRO 'DU LAS, ,'JAM DPAL RDO RJE KHRO BO'I ZLOS GAR MKHAN, ,KHAMS GSUM ZA BYED PHYI NANG GSHIN RJE'I GSHED, ,DUS MTHA'I ME DPUNG DRA BAS 'KHYUD PA YI, ,MIG SMAN LHUN PO LING LING GA-YO BA BZHIN, ,GZI BYIN BZOD DKA' HA HA'I GAD RGYANGS CAN, ,'BAR BA'I ZHAL DGU 'DREN BYED GLOG DMAR GA-YO, ,BDEN GNYIS RVA GDENGS DRI 'DZIN 'THOR RLUNG GIS, ,SRID PA

, ,MTHAR BYED ME YI RAL BA GZINGS, ,GDAB PA'I MTSON GDENGS GA-YAS PHYAG BCU DRUG GIS, ,'DAS BA'I LHA LA BSDIGS SHING DNGOS GRUB 'BEBS, ,ROL BA'I MTSON THOGS GA-YON RNAMS SDIGS MDZUB RTZE, ,THUR PHYOGS 'JIG RTEN PA RNAMS SKRAG BAR BYED, ,BRGYAD GNYIS ZHABS KYIS TSANGS DANG LOG 'DREN SOGS, ,DBANG BYED GDENGS CAN BDAG POS GSHAL BYAS, ,THOD SKAM DBU RGYAN MI MGO'I PHRENG BA DANG, ,RUS BA'I RGYAN SPRAS YAN LAG SBOM ZHING RAGS, ,RDO RJE RO LANGS MA DANG MNYAM SBYOR ZHING, ,PHUNG KHAMS RNAM DAG RIGS LNGA YUM BZHI DANG, ,BDUD BZHI'I DPUNG 'JOMS SGO BA BZHI DANG BCAS, ,BCU GSUM LHA YI 'KHOR LO'I NGO BO NYID, , DE YI GNAS RNAMS RDO RJE GSUM GYI BDAG ,YI GE GSUM MTSAN H'Um GI 'OD ZER GYIS, ,RAB 'BYAMS RGYAL BA'I 'KHOR BCAS YE SHES PA, ,SPYAN DRANGS DZA:H'Um BAm HO:DBYER MED GYUR, ,DMIGS MED RGYAL BA KUN GYI YE SHES NI, , BDE CHEN SNYING RJE SGYU MA'I ROL GAR GYIS, ,GTUM DRAG KHRO BO'I RGYAL PO'I SKUR BZHENGS PA, ,BLA MA GSHIN RJE'I GSHED LA PHYAG 'TSAL LO, ,PHYI NANG NYER SPYOD 'DOD YON RNAM LNGA DANG, ,SBYANGS RTOGS SBAR BYAS RNAM LNGA BDUD RTZI'I BCUD, ,DGA' BA'I MCHOG SBYIN MDZOS SDUG PHYAG RGYA DANG, ,BDE STONG DBYER MED ZUNG 'JUG MCHOD PA'I TSOGS, ,BLA MA GSHIN RJE'I GSHED BO'I LHA TSOGS LA, ,GUS BAS 'BUL LO DGYES PA CHEN POS ROL, ,SKU BZHI'I

BDAG NYID 'KHOR LO'I MGON PO YI, ,GNAS GSUM SNGAGS KYI 'OD DANG BDUD RTZI'I CHUS, ,LUS NGAG YID KYI SGRIB PA MA LUS PA, ,LHAG MED BYANG ZHING DAG PAR BYIN GYIS RLOBS, ,NGES 'BYUNG YANG DAG LTA DANG BYANG SEMS KYIS, ,LEGS SBYANGS RDO RJE'I THEG PA'I SKOR ZHUGS TE, ,BSKYED RIM GNYIS DANG RDZOGS RIM RNAL 'BYOR BZHIS, ,SHES RGYUD SMIN CING GROL BAR BYIN GYIS RLOBS, ,GANG 'DUL GZUGS SKUR SNANG BA SPRUL PA'I SKU, ,RLUNG SNGAGS DBYER MED BDE CHEN LONGS SPYOD RDZOGS, ,'OD GSAL THUGS DANG GNYIS SU MI PHYED PA'I, ,ZUNG 'JUG GO 'PHANG THOB PAR BYIN GYIS RLOBS, (,ZHES BDUD RTZI 'BEBS SBYANG GI DMIGS PA DANG SGRAGS TE SNGAGS GSUM BZLA, YIG BRGYAS LHAG CHAD BSKANG, GONG GI PHYAG 'TSAL GYI TSOGS BCAD GSOL 'DEBS SU BSGYUR BA LAN 'GA' BRJOD,) DE LTAR GSOL BTAB SPYI BO'I BLA MA LHA, ,DH'U T'I'I LAM NAS RANG GI SNYING GAR BYON, ,PHRA BA GNYUG MA'I SEMS DANG DBYER MED PAR, ,BYANG CHUB BAR DU BRTAN PAR BZHUGS SU GSOL, ,SKYE ZHING SKYE BAR 'JAM DPAL ZHI KHRO YIS, ,RJES BZUNG RNAM 'BYED SHES RAB MCHOG THOB CING, ,MTHA' DAG BDUD SDE'I GA-YUL LAS RGYAL GYUR TE, ,MA LUS 'GRO BA'I MGON DU 'GYUR BAR SHOG (,CES PA 'DI NI DAD BRTZON BLO DANG LDAN BA RAB 'BYAMS PA BLO BZANG BSTAN 'DZIN GYIS BSKUL NGOR, 7BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA' 'O,, ` ,,NA MO GU RU SHR'I HE RU K'A YA, (BLA MA DANG RDO RJE SEMS DPA' DBYER MI PHYED PA'I

, ,RNAL 'BYOR LA BRTEN NAS HE RU KA'I YIG BRGYA BZLA BAR 'DOD PAS SKYABS SEMS SNGON DU GANG LA, SPROS BRAL DBYINGS LAS RANG NYID HE RU KA:, ,SKU MDOG SNGON PO ZHAL GCIG PHYAG GNYIS PA, ,RDOR DRIL BZUNG STE PHAG MO DMAR MOR 'KHYUD, ,GA-YAS BRKYANG STABS KYIS BZHUGS BA'I THUGS KA YI, ,H'Um LAS 'OD 'PHROS SNOD BCUD SKYON KUN SBYANGS, ,DAG PA'I BRTAN GA-YO ZAG MED MCHOD SPRIN DANG, ,AOm A'A:H'Um GIS SBYANGS RTOGS SNGAR BYAS PAS, ,NANG MCHOD ZAG MED BDUD RTZI'I RGYA MTSOR GYUR, ,RANG GI SPYI BOR PAm LAS PADMA DANG, ,AA LAS ZLA BAR H'Um DANG RDO RJE LAS, ,BKA' DRIN MNYAM MED RTZA BA'I BLA MA NI, ,RNAM PA RDO RJE SEMS DPA' ZLA BA'I MDOG ,RDOR DRIL BZUNG STE RDO RJE BSNYEMS MAR 'KHYUD,, SKYIL KRUNG GIS BZHUGS RIN CHEN RGYAN GYIS SPRAS, ,DAR GYI NA BZAS KLUBS PA'I GNAS GSUM DU, ,YI GE GSUM MTSAN H'Um GI 'OD ZER GYIS, ,YE SHES PA RNAMS SPYAN DRANGS DBYER MED BSTIM, ,SLAR YANG DBANG GI LHA TSOGS SPYAN DRANGS TE, ,ZAG MED BDUD RTZI'I CHU YIS DBANG BSKUR CING, ,SPYI BOR MI BSKYOD RGYAL POS RGYAS BTAB GYUR, ,GANG GI THUGS RJE BYIN RLABS 'OD STONG GIS, ,SRID PA'I SDUG BSNGAL GRANG REG GDUNG BA DANG, ,LAS NYON SDIG SGRIB MUN PA'I 'JIGS 'PHROG PA, ,BLA MA RDO RJE SEMS DPA' LA PHYAG 'TSAL, ,DNGOS BSHAMS YID SPRUL YID 'ONG MCHOD PA'I SPRIN, ,DUS GSUM DGE TSOGS DANG BCAS MCHOD PAR 'BUL, ,BRTZE BAS BZHES NAS SNGON BYAS DGE TSOGS

KUN; ;MI NYAMS GONG DU 'PHEL BAR BYIN GYIS RLOBS, ,THOG MA MED NAS MA RIG DBANG GYUR TE, ,SGO GSUM NYES PA JI SNYED BGYIS BA DANG, ,KHYAD PAR SDOM GSUM DANG 'GAL NYES LTUNG KUN, ,SNYING NAS 'GYOD PA DRAG POS MTHOL LO BSHAGS, ,RNAM SMIN 'BRAS BU'I SDUG BSNGAL MI BZOD BZHIN, ,DE RGYU SDIG LA RNGAMS PA'I SMYON PA BDAG ,THUGS RJE'I GTER CHEN KHYOD KYIS BRTZER DGONGS TE, ,SRID PA NGAN 'GRO'I GA-YANG LAS BSKYAB TU GSOL, ,SEMS NYID GDOD NAS DRI MA LAS 'DAS KYANG, ,DAM TSIG NYAMS CHAG NYES BAS SPAGS PA KUN, ,BLA MA LHA YI THUGS RJE BDUD RTZI'I CHUS, ,MYUR DU BYANG ZHING DAG PAR MDZAD DU GSOL, ,DE LTAR GSOL BTAB THUGS KAR ZLA BA LA, ,H'Um MTHAR YI GE BRGYA PAS BSKOR BA LAS, ,'OD 'PHROS SEMS CAN KUN GYI SDIG SGRIB SBYANGS, ,SRAS BCAS RGYAL BA'I BYIN RLABS BSDUS TE BSTIM, ,SLAR YANG DE LAS BDUD RTZI'I RGYUN BABS BA, ,SBYOR MTSAMS NAS THON RANG GI GTZUG NAS ZHUGS, LUS KUN GANG BAS SGO GSUM DRI MA SBYANGS, ,RDOR SEMS BYIN RLABS MA LUS THOB PAR GYUR, AOm BADZRA HE RU KA SA MA YA, MA NU P'A LA YA, HE RU KA TVE NO PA TIshthA, DRI dHO ME BHA WA, SU TO shYO ME BHA WA, SU PO shYO ME BHA WA, AA NU RAKTO ME BHA WA, SARBBA SIDDHIMME PRA YATZTSA, SARBBA KARMA SU TZA ME, TZITTAm SHR'I YAm KU RU H'Um, HA HA HA HA HO:, BHA GA WA NA BADZRA HE RU KA MA ME MUNYTZA, HE RU KO BHA WA MAH'A SA MA LA SATVA A'A:H'Um PHAt, (CES CI 'GRUB BZLA, BLA MA RDOR SEMS

, ,DGYES BA'I 'DZUM ZHAL GYIS, ,KHYOD KYI SDIG LTUNG LHAG MED BYANG NGO ZHES, ,DBUGS DBYUNG MDZAD CING THIM PAS SGO GSUM DANG, ,DE YI SKU GSUNG THUGS GSUM DBYER MED GYUR, ,DENG NAS JI SRID BYANG CHUB SNYING PO'I BAR, ,BLA MA LHA YIS 'BRAL MED RJES BZUNG MTHUS, ,SGO GSUM NYES LTUNG DRI MAS MA SBAGS PAR, ,SA LAM BGROD BA MYUR DU MTHAR PHYIN SHOG, (,CES PA 'DI NI AU RAD SHOG NAS GU SHR'I DGE SLONG DKON MCHOG DGE LEGS DANG AOR DU SU DGE SLONG THOS BSAM GNYIS KYIS BSKUL NGOR 7BTZUN PA DKON MCHOG BSTAN PA'I SGRON MES BRIS PA'O,,) ` ,,NA MO GU RU AA MO GHA SIDDHA YE, (DNGOS GRUB GNYIS KYI RTZA BA DAM TSIG RNAM PAR DAG PA LA LTOS PAS DE'I NYAMS CHAG SKONG BA'I PHYIR DAM TSIG RDO RJE'I BSGOM BZLAS NYAMS SU LEN PA'I TSUL NI,) YID KYI ROL PA DRI MED ZLA 'DRAS BSGRUBS, ,SNYING RJE DAM PA MTHA' YAS PA YI THABS, ,RANG GI YID LA GNAS PAR GYUR PA YI, ,BDE GSHEGS RNAMS LA RTAG TU SKYABS SU MCHI; ;RTOG PA MA LUS PA LAS NGES GROL CING, ,SEMS DPA' DAM PA RNAMS KYI PHUN TSOGS GZHI, ,DNGOS BO THAMS CAD RO GCIG NGO BO NYID, ,DAM PA'I CHOS LA RTAG TU SKYABS SU MCHI, ,'CHING BA RNAMS LAS YANG DAG GROL GYUR CING; ;SNYING RJE MCHOG GIS BSKRUN PA'I DPAL DANG LDAN, ,RAB TU DGA' SOGS SA LA RAB ZHUGS PA, ,BRTUL ZHUGS DBANG PO'I TSOGS LA SKYABS SU MCHI, ,BSAM DANG RNAM PAR SMIN PA DAG GYUR PAS, ,SGRIB PA KUN GYI DAG

CHAGS YANG DAG 'BYIN, ,LHAG PAR MOS PAS RNAM PAR BRGYAN PA YI, ,SEMS NI BYANG CHUB DAM PAR BSKYED PAR BGYI, (,ZHES THUN MONG MA YIN PA'I SKYABS 'GRO SEMS BSKYED SHUGS DRAG LAN GSUM SNGON DU BTANG LA,) RANG NYID YI DAM LHA YI SKUR GSAL BA'I, ,THUGS KAR PA DANG AA LAS PADMA DANG, ,ZLA BA'I GDAN LA SNA TSOGS RDO RJE'I STENG, ,H'A LAS RAL GRI 'CHANG BZUNG H'AS MTSAN PA, ,DE LAS 'OD 'PHROS SRAS BCAS RGYAL KUN MCHOD, ,MA LUS 'GRO BA'I DAM TSIG NYAMS CHAG SBYANGS, ,TSUR 'DUS THIM PA YONGS SU GYUR BA LAS, ,BCOM LDAN DAM TSIG RDO RJE SKU MDOG LJANG, ,LJANG NAG DKAR BA'I ZHAL GSUM PHYAG DRUG GIS, ,LA GRI SNA TSOGS RDO RJE 'KHOR LO GA-YAS, ,GA-YON NA DRIL BU PAD LJANG NOR BU 'DZIN, ,RANG 'OD DANG MTSUNGS DAM TSIG SGROL MA NI, ,PHYAG GA-YAS SNA TSOGS RDO RJE 'KHOR LO DANG, ,RDO RJES MTSAN PA'I AUTPA LA 'DZIN CING, ,GA-YON GSUM DRIL BU RIN CHEN RAL GRI BSNAMS, ,THABS SHES DBYER MED PHAN TSUN 'KHYUD PA YI, ,GNAS GSUM AOm A'A:H'Um GIS MTSAN PAR GYUR, ,THUGS KA'I H'Um LAS 'OD 'PHROS RGYAL BA KUN, ,DAM TSIG RDO RJE'I RNAM PAR SPYAN DRANGS TE, ,DZA:H'Um BAm HO:GNYIS SU MED PAR BSTIM, ,SLAR YANG RIGS LNGA 'KHOR BCAS SPYAN DRANGS TE, ,DBANG SA SKUR SKU LUS GANG ZHING DRI MA DAG ,YAB KYI DBU LA MI BSKYOD MGON PO DANG, ,YUM LA DON YOD GRUB PAS RGYAS BTAB GYUR, ,AOm SARBBA TA TH'A GA TA AARGHAm (NAS,) SHAPTA PRA T'ITZTSA H'Um SV'AH'A,

, ,DON YOD RDO RJE RDZOGS SANGS RGYAS, ,BSAM PA THAMS CAD RDZOGS MDZAD PA, ,DAG PA NGO BO NYID LAS BYUNG, ,DAM TSIG RDO RJE LA PHYAG 'TSAL, ,BCOM LDAN DAM TSIG RDO RJE YIS, ,BDAG DANG SEMS CAN THAMS CAD KYI, ,DAM TSIG NYAMS CHAG SDIG SGRIB KUN, ,BYANG ZHING DAG PAR MDZAD DU GSOL, ,THUGS KAR ZLA DANG SNA TSOGS RDO RJE'I STENG, ,H'A YIG SNGAGS 'PHRENG BCAS LAS 'OD 'PHROS TE, ,SRAS BCAS RGYAL BA'I BYIN RLABS NUS MTHU KUN; ;BSDUS NAS BSTIM ZHING DE LAS BDUD RTZI'I RGYUN, ,BABS PAS RDO RJE'I KHONG GTAMS RVA RTZE NAS, ,THON TE SKU GANG ZAG MED BDE CHEN MYONG, ,DE YI BA SPU'I SGO NAS PHYIR THON BAS, ,RANG LUS GANG STE NYES KUN SBYANGS PAR GYUR, , AOm A'A:PRADZNY'A DHRiKA H'A H'Um, (ZHES BRGYA STONG SOGS CI NUS SU BZLA, BLA MA'I ZHABS BRTAN DU BYED NA SNGAGS CI NUS BZLAS PA'I MJUG TU,) DPAL LDAN BLA MA MTSAN 'DI ZHES BGYI PA'I DAM TSIG NYAMS CHAG DANG, DE'I DBANG GIS BYUNG BA'I NAD SOGS PHYI NANG GI NYER 'TSO THAMS CAD SH'INTAm KU RU SV'AH'A, (ZHES SNGAGS BRGYA RTZA RE'I MTSAMS SU SPEL TSIG BTAGS LA CI 'GRUB BZLA, 'DI 'DRA'I TSE H'A YIG GI MDUN DU BLA MA'I MTSAN GYI YI GE DANG PO 'GOD LA, DE RANG NGAM BSGRUB BYA GZHAN LA'ANG 'BRA'O, ,MJUG TU, BDAG NI MI SHES RMONGS BA YIS, ,DAM TSIG LAS NI 'GAL ZHING NYAMS, ,BLA MA MGON POS SKYABS MDZOD CIG ,GTZO BO RDO RJE 'DZIN PA STE, ,THUGS RJE CHEN PO'I BDAG NYID CAN, ,'GRO BA'I GTZO LA BDAG SKYABS MCHI, ,DE LTAR

GSOL BA BTAB BA NA, ,BCOM LDAN DAM TSIG RDO RJE YIS, ,KHYOD KYI DAM TSIG NYAMS CHAG KUN, ,BYANG ZHING DAG GO ZHES GSUNGS NAS, ,RANG LA THIM PAR GYUR PA YIS, ,RANG GI LUS NGAG YID GSUM DANG, ,DAM TSIG RDO RJE'I SKU GSUNG THUGS DBYER MED LHA SKU'I NGO BOR GYUR, (,CES BRJOD CING BSAMS LA, 'DIR YANG BLA MA'I ZHABS BRTAN YIN NA,) BLA MAR THIM PAR GYUR PA YIS, ,BLA MA'I SKU GSUNG THUGS GSUM DANG, (,ZHES BSGYUR LA, PHA MA'AM GSHIN PO SOGS KYI DON DU BYAS PA YIN NA'ANG, DE LA THIM ZHES DANG, DE YI LUS NGAG YID GSUM ZHES BSGYUR, BZLA BA'I SPEL TSIG KYANG SNGA MAS MTSON TE SHES PAR BYA'O, ,ZHES PA 'DI NI DANG LDAN NGAG DBANG SHES RAB DANG GONG 'PHEL KYIS 'DI'I CHO GA TSIGS BCAD DU BYAS PA'I 'DON BDE BA ZHIG DGOS ZHES BSKUL BA LTAR, 7BTZUN PA DKON MCHOG BSTAN PA'I SGRON MES BRIS PA'O,,) ` ,,NA MO GU RU BADZRA DH'A R'A YA, ('DIR ZAB LAM BLA MA'I RNAL 'BYOR NYAMS SU LEN BAR 'DOD PAS, SNGON 'GRO SBYOR BA'I CHOS RNAMS TSAGS SU TSUD PAR BYAS TE, RANG DANG SNOD BCUD KUN LA THA MAL GYIS NANG ZHEN DANG BRAL BA'I SGO NAS,) MDUN GYI MKHA' LA DPAG BSAM LJON PA'I RTZER, ,SENG KHRI PADMA NYI ZLA'I GDAN STENG DU, ,SKYABS GSUM NGO BO BLA MA THUGS RJE'I GTER, ,CHOS 'CHAD MNYAM GZHAG PHYAG RGYAS GLEGS BAM BSNAMS, ,DE YI THUGS KAR THUB DBANG RDO RJE 'CHANG, ,BLA MA'I MTHA' SKOR SKYABS YUL RAB 'BYAMS KYIS, ,YONGS BSKOR THUGS KA'I H'Um LAS 'OD 'PHROS TE, ,YE SHES PA RNAMS SPYAN DRANGS DBYER MED GYUR, ,MCHOG THUN DNGOS GRUB KUN STZOL DBANG GI RGYU LA,,

, ,SKYABS MCHOG RNAM GSUM 'DUS PA'I NGO BO NYID, ,RGYAL BA KUN LAS LHAG PA'I BKA' DRIN CAN, ,RJE BTZUN BLA MA'I ZHABS LA PHYAG 'TSAL LO, ,LUS DANG LONGS SPYOD DGE TSOGS MA LUS 'BUL, ,RNAM SMIN MI BZAD SDIG LTUNG THAMS CAD BSHAGS, ,DAG LA YI RANG BSKUL ZHING GSOL BA YI, ,DGE TSOGS DANG BCAS BYANG CHUB MCHOG TU BSNGO, (,MAndAL DBUL,) KHYOD NI BLA MA KHYOD NI YI DAM (ZHES PA NAS,) BAR GCOD SRUNGS, (,LAN GSUM,) DUS GSUM SKYABS GNAS KUN 'DUS KYI NGO BO BLA MA RIN PO CHE LA GSOL BA 'DEBS SO, ,BSHES GNYEN LA MA GUS PA DANG TSE 'DI'I SNANG SHAS KYI GDON GYI DBANG DU GYUR TE 'KHOR BA SPYI DANG BYE BRAG GI SDUG BSNGAL MI SEMS SHING, SKYABS 'GRO LAS 'BRAS SDOM PA GSUM GYI BCAS MTSAM SOGS LA MI BRTZON PA DANG, THOG MED NAS DRIN GYIS BSKYANGS PA'I MA RNAMS YAL BAR BOR ZHING, 'KHOR 'DAS KYI DNGOS PO KUN LA BDEN PAR ZHEN PA LA SOGS PA PHYIN CI LOG GI BLO SNA MTHA' DAG DE L? NYID DU ZHI BAR BYIN GYIS BRLAB TU GSOL, LEGS TSOGS KUN GYI RTZA BA DGE BA'I BSHES GNYEN SANGS RGYAS DNGOS SU MTHONG BA NAS BZUNG STE GNAS LUGS RTOGS BA'I SHES RAB KYI BAR SKYES BU GSUM GYI LAM GYI RIM PAS BSDUS PA'I BLO SNA PHYIN CI MA LOG PA THAMS CAD DA LTA NYID DU SKYE BAR BYIN GYIS BRLAB TU GSOL, DE LTAR SGRUB PA LA BAR DU GCOD PA'I PHYI NANG GI NYE BAR 'TSE BA THAMS CAD ZHI BAR BYIN GYIS BRLAB TU GSOL, (LAN GSUM,) DE LTAR GSOL BA BTAB PAS

SKYABS YUL KUN, ,RIM GYIS BSDUS TE RTZA BA'I BLA MAR THIM, ,BLA MA'I SKU LAS BDUD RTZI'I RGYUN BABS PAS, ,NYES KUN BYANG ZHING BYIN GYIS BRLAB PAR GYUR, ,DPAL LDAN RTZA BA'I BLA MA RIN PO CHE, ,BDAG GI SNYING GAR ZHES PA NAS, STZAL DU GSOL, ,TSE RABS KUN TU MGON PO KHYOD NYID KYIS, ,THEG MCHOG BSHES GNYEN DNGOS SU MDZAD PA'I MTHUS, (,ZHES SOGS DANG,) SHES KYI KHE 'DOD PA DANG, (ZHES PA NAS,) BLA MED BYANG CHUB KHO NA'I RGYUR GYUR CIG (,CES PA 'DI NI DAL 'BYOR DON LDAN DU SGRUB PA'I THABS LA GCIG TU GZHOL BA RAB 'BYAMS BA DGE 'DUN 'JIGS MED KYIS BSKUL NGOR 7BTZUN BA DKON MCHOG BSTAN PA'I SGRON MES BLA MA'I RNAL 'BYOR GYI DKYUS SU LAM RIM GYI DMIGS SKOR BSDUS TE SHIN TU 'JUG PA BDE BA'I TSUL DU BSDEBS BA'O,,) ` ,,NA MO GU RU BADZRA WA RA HA YE, BLA MA DANG RDO RJE RNAL 'BYOR MA DBYER MED DU BYAS TE GSOL BA 'DEBS PAR 'DOD BA'I GANG ZAG GIS SKYABS SEMS SNGON DU BTANG LA, MDUN GYI NAM MKHA' CHOS 'BYUNG BA SNOL MA'I DBUS, ,SNA TSOGS PADMA NYI MA'I GDAN STENG DU, ,RTZA BA'I BLA MA RDO RJE RNAL 'BYOR MA, ,SKU MDOG BANDHU DZI BA KA:LAR DMAR, ,GCER MO SKRA GROL LANG TSO DAR LA BAB, ,GA-YAS PA RDO RJE GRI GUG THUR DU 'PHYANG, ,GA-YON PAS THOD KHRAG STENG DU BZUNG NAS GSOL, ,ZHABS GA-YAS BRKYANGS PAS RUS MTSAN DMAR MO DANG, ,GA-YON PA BSKUMS TE 'JIGS BYED NAG PO MNAN, ,SPYAN GSUM DAG PA MKHA' SPYOD GNAS SU GZIGS, ,NU 'PHUR RAB RGYAS BDE DGA'I NYAMS DANG LDAN, ,MI MGO SKAM PO'I DBU RGYAN DO SHAL DANG,

, ,PHYAG RGYA LNGAS BRGYAN GZI BYIN RAB TU 'BAR, ,DE YI THUGS KA'I BAm YIG 'OD ZER GYIS, ,PHYOGS BCU'I RGYAL KUN RJE BTZUN RNAL 'BYOR MA'I, ,RNAM PAR SPYAN DRANGS DBYER MED THIM PAR GYUR, ,SANGS RGYAS LAS DKON GSANG CHEN GDAMS BA'I MCHOG ,BSTAN PA'I SNYING PO BDE STONG ZUNG 'JUG LAM, ,SKAL BZANG 'GRO LA SNANG BYED SGRON ME MCHOG ,MKHA' SPYOD DBANG MO'I ZHABS LA PHYAG 'TSAL LO, ,BKOD LEGS PHYI YI MCHOD PA TSAR DU DNGAR, ,SBYANGS RTOGS SBAR BYAS NANG MCHOD BDUD RTZI'I MTSO, ,LHAN SKYES BDE STER GSANG BA'I MCHOD PA DANG, ,BDEN GNYIS ZUNG 'JUG DE NYID MCHOD PA 'BUL, ,SNGON BSAGS MI DGE'I PHUNG PO MTHA' DAG DANG, ,KHYAD PAR RTZA BA YAN LAG DAM TSIG LAS, ,'DAS BA'I NYES TSOGS SNYING NAS MTHOL BSHAGS NA, ,BCOM LDAN THUGS RJES LHAG MED BYANG GYUR CIG ,RGYAL YUM SHES RAB PHA ROL PHYIN PA'I DNGOS, ,BCOM LDAN 'DAS MAS THUGS RJES NYER DGONGS TE, ,NAM YANG 'BRAL MED BU BZHIN RJES 'DZIN ZHING, ,LAM BZANG RTOGS PA SKYE BAR BYIN GYIS RLOBS, ,SNGON 'GRO THUN MONG LAM GYIS RGYUD SBYANGS TE, ,'JUG SGO RNAM DAG DBANG GIS SMIN BYAS NAS, ,DAM TSIG SDOM PA TSUL BZHIN BSRUNG BA YIS, ,DNGOS GRUB GNYIS KYI SGO BRGYA 'BYED PAR SHOG ,KHYAD PAR RNAM 'BYOR MA YI THUGS RJE MTHUS, ,RTZA RLUNG KHAMS KYI NUS PA YONGS SMIN PAS, ,LHAN SKYES DGA' BA MCHOG DANG STONG PA NYID, ,

DBYER MED LAM GYIS SRING RTZA 'BYIN PAR SHOG ,CES BRJOD CING, RDO RJE RNAL 'BYOR MA'I THUGS KA'I SNGAGS 'PHRENG DANG SKU'I CHA LAS BDUD RTZI'I RGYUN BABS, RANG GI SPYI BO NAS ZHUGS, LUS KYI NANG THAMS CAD GANG BAS RTZA KHAMS BYIN GYIS BRLABS SHING BDE STONG GI TING 'DZIN KHYAD PAR CAN SKYE BAR BYIN GYIS BRLAB BYUNG SNYAM PA BYAS LA, AOm A'A:RATNA SH'A SANAD'I PAm SIDDHI H'Um H'Um, ZHES DANG, AOm AOm AOm SARBBA BUDDHA KI N'I YE, BADZRA WARnnA N'IYE, BADZRA BEE RO TZA N'I YE, H'Um H'Um H'Um PHAt PHAt PHAt SV'AH'A, ZHES CI 'GRUB BZLA, YIG BRGYAS LHAG CHAD BSKANG, BLA MA BCOM LDAN 'DAS MA THUGS RJE'I GTER, ,YI DAM MKHA' 'GRO CHOS SKYONG KUN GYI DNGOS, KHYOD MIN SKYABS GZHAN NAM YANG MI 'TSOL BSVA, ,BYANG CHUB PAR DU RJES SU GZUNG DU GSOL, ,'DI SNANG 'GAGS TSE BCOM LDAN 'DAS MAS ZHAL, ,MNGON SUM BSTAN NAS DAG PA MKHA' SPYOD DU, ,KHRID DE GSANG CHEN MYUR LAM LA BRTEN NAS, ,DPA' BO'I DBANG PHYUG GO 'PHANG MYUR THOB SHOG ,CES BRJOD CING, RANG GI SPYI BO NAS MAR BYON TE SNYING GA'I MI SHIGS PA'I THIG LE DANG DBYER MED DU 'DRES PAR BSAMS LA, LHA MO TSAD MA DAM TSIG TSAD MA DANG, ,DES BRJOD GSUNG YANG MCHOG TU TSAD MA STE, ,BDEN PA 'DI DAG GIS NI LHA MO RNAMS, ,BDAG CAG RJES SU 'DZIN PA'I RGYUR GYUR CIG ,CES BSNGO SMON DANG BDEN STOBS BRJOD PAS RGYAS GDAB PAR BYA'O, ,ZHES PA 'DI NI MER GAN SHOG NAS DAD BRTZON BLO DANG LDAN PA DGE SLONG SKAL BZANG YAR 'PHEL GYIS BSKUL NGOR 7 BTZUN PA DKON MCHOG BSTAN

, ,BA'I SGRON MES BRIS PA'O,, ` ,,BLOo BZANGo RGYAL BA KUN GYI YE SHES DANG, ,DBYER MED SGRIB BRAL CHOSo SKU'I LHA LAM LAS, ,MKHA' KHYAB ZHING DU GANG 'DUL GZUGS KYI SKU'I, ,NYIo MAo STONG 'BAR KHYAB BDAG RIGS KYI MGON, ,RAB 'BYAMS DKYIL 'KHOR SPRO ZHING SDUD PA PO, ,DPAL LDAN BLA MA HE RU KA DPAL DANG, ,GNYIS MED YE SHES RANG 'OD BCOM LDAN MA, ,GNAS GSUM DPA' BO MKHA' 'GRO YONGS KYI GTZO, ,SKU MDOG DMAR PO BYU RU'I 'KHRI SHING LA, ,MTHAR BYED ME YI GDENGS KAS 'KHYUD PA BZHIN, ,LANG TSO'I DPAL 'BAR SGRA GROL GCER MO'I GZUGS, ,'KHRIL LDEM RKED SKABS PHRA ZHING NU 'BUR RGYAS, ,KHRO CHAGS SGEG PA'I NYAMS KYI SPYAN GSUM GDANGS, ,TSEMS PHRENG MCHE BA ZLA BA'I MYU GU GCIG SA, ,PHYAG GA-YAS RDO RJE GRI GUG THUR DU BRGYANGS, ,GA-YON PA THOD KHRAG STENG DU BZED CING GSOL, ,MTSAN KHUNG GA-YON PAR KHA tV'Am GA YIS MTSAN, ,RUS PA'I RGYAN SPRAS MGO RLON DO SHAL 'PHYAD, ,BRKYANG BSKUM ZHABS KYIS 'JIGS BYED DUS MTSAN BCAS, ,MNAN TE MDUN GYI NAM MKHAR BZHUGS PA YI, ,GNAS GSUM YI GE GSUM MTSAN H'Um YIG LAS, ,SPROS PA'I 'OD GYI RANG 'DRA'I YE SHES PA, ,BLA MA YI DAM MKHA' 'GRO'I TSOGS DANG BCAS, ,SPYAN DRANGS DBYER MED BRTAN PAR BZHUGS SU GSOL, ,BLOo CHEN KUN BZANGo BDE CHEN THABS KYI BDAG ,MTSAN 'DZIN DMIGS MED SHES RAB CHOSo KYIo DBYINGS, ,DBYER MED LHAN CIG SKYES

DGA'Io NYI 'OD KYIS, ,SKYONG MDZAD BCOM LDAN MAo LA PHYAG 'TSAL LO, ,DNGOS BSHAMS YID SPRUL PHYI NANG GSANG BA YI, ,MCHOD TSOGS BDE STONG DBYER MED DANG DU 'BUL, ,SPYI DANG BYE BRAG DAM TSIG NYAMS CHAG KUN, ,'GYOD PAS BSHAGS SO YONGS SU DAG PAR MDZOD, ,GSANG CHEN SPYOD LA DGA' BRAS YI RANG NGO, ,ZAS LAM THEG MCHOG CHOS KYI DGA' STON STZOL, ,DGE BAS THUN MONG LAM GYIS RGYUD SBYANGS TE, ,RNAL 'BYOR MA RGYUD LAM GYI SNOD GYUR CIG ,DNGOS GRUB RTZA BA DAM TSIG LA GNAS SHING, ,SMIN BYED BSKYED RIM LHA YI RNAL 'BYOR LA, ,BRTEN NAS GROL BYED ZAB MO'I RDZOGS RIM GYIS, ,TSE GCIG SANGS RGYAS THOB PAR BYIN GYIS RLOBS, ,MDOR NA BLA MA YI DAM MKHA' 'GRO'I TSOGS, ,KUN GYI NGO BOR KHYOD LA GSOL 'DEBS NA, ,NAM YANG 'BRAL MED BRTZE BAS RJES BZUNG STE, MCHOG THUN DNGOS GRUB MA LUS STZAL DU GSOL, ,DE NAS, BLO CHEN KUN BZANG (ZHES PA'I SHLOO KA GSOL 'DEBS SU BSGYUR BA GANG MANG DANG, GZHAN YANG GSOL 'DEBS CI RIGS DANG, AOm GSUM MA'I SNGAGS RNAMS KYI BZLAS BCI 'GRUB BYA, MJUG TU,) DPAL LDAN BLA MA BCOM LDAN MKHA' 'GRO'I GTZO, ,BDAG GI SNYING GAR ZHES PA NAS, STZAL DU GSOL, (,ZHES RANG GI SNYING GAR SPYAN DRANGS PAS PHRA BA'I RLUNG SEMS DANG NGO BO DBYER MED DU BZHUGS BAR BSAMS LA, TSER PAS PHRENG BAR BLA MA RJE BTZUN MAS, ,'BRAL MED LHAN SKYES DGA' BAS RJES BZUNG STE, ,ZUNG 'JUG SKU BZHI'I GO 'PHANG MNGON GYUR NAS, ,MKHA' MNYAM 'GRO BA SRID LAS SGROL GYUR CIG ,LHA MO TSAD MA ZHES SOGS SMON LAM GZHAN GYIS KYANG MTSAMS SBYAR BAR BYA'O,,

, ,ZHES PA 'DI NI MKHYEN DPYOD YANGS PA CHOS RJE NGAG DBANG RIN CHEN GYIS BSKUL NGOR 7BTZUN PA DKON MCHOG BSTAN PA'I SGRON MES 'PHRAL DU SUG BRIS SU BGYIS SO,, ` ,,NA MO GU RU BHYA: 'DIR BLA MA'I RNAL 'BYOR NYAMS SU LEN BAR 'DOD PAS, SKYABS SEMS SNGON DU BTANG STE, DGE SEMS KHYAD PAR CAN GYI NGANG NAS, MI 'GYUR MCHOG YANGS RANG BZHIN KUN GSAL MAR, ,GSER 'OD 'KHYUG PA'I 'JA' SPRIN DRA BA'I DBUS, ,SENG KHRI BAD ZLA NYI MA'I DKYIL 'KHOR STENG, ,RTZA BA'I BLA MA GSUM LDAN RDO RJE 'DZIN, ,CHOS 'CHAD MNYAM GZHAG PHYAG RGYAS GLEGS PAM BSNAMS, ,RAB DGYES 'DZUM PA'I NYAMS LDAN THUGS RJE'I GTER, ,NAM MKHA'I MTHA' KLAS TSOGS ZHING RGYA MTSOR BCAS, ,MOS BLO'I ZHING DU BRTAN PAR BZHUGS SU GSOL, ,LEGS BYAS SPRIN DKAR PHUNG PO 'KHRIGS PA'I SKU, ,LEGS BSHAD DBYAR RNGA DAL GYIS RGOD PA'I GSUNG, ,MKHYEN BRTZE'I SBRANG CHAR KHUR GYIS GTAMS PA'I THUGS, ,SKYABS MCHOG MTSUNGS MED KHYOD LA PHYAG 'TSAL LO; ;YE SHES SGYU 'PHRUL ME NA KA TSOGS KYIS, ,KUN TU BZANG PO'I MCHOD SPRIN LEGS BSTAR TE, ,BSOD NAMS ZHING MCHOG RNAMS LA GUS 'BUL NA, ,ZAG MED BDE CHEN DNGOS POR BZHES SU GSOL, ,THOG MED DUS NAS SEMS KYI DBANG GYUR CING, ,SEMS NI RMONGS BAS BRAN DU BZUNG BA'I MTHUS, ,HA LA 'BAR 'DRA'I SDIG LTUNG CI BGYIS PA, ,DE KUN BSAM PA THAG PAS SO SOR BSHAGS, ,AE MA YID 'ONG 'BRAS BU KUN GYI GZHI, ,MA SMAD 'KHOR GSUM YONGS DAG DGE

BA'I TSOGS, ,SKYE 'PHAGS GANG GIS BGYIS PA DE KUN LA, ,PHRAG DOG MED PAR SNYING NAS RJES YI RANG, ,DUG GSUM NAD KYIS GZIR BA'I 'GRO RNAMS KYI, ,SKYOB PA ZLA MED SMAN PA KHYOD LEGS NA, ,BRTZE BAS DGONGS TE ZAB RGYAS DAM CHOS KYI; ;BDUD RTZI'I SGO MO DENG 'DIR DBYE BAR MDZOD, ,RDZU 'PHRUL RKANG PAS BRTEN SLAD BSKAL PA'I MTHAR, ,GZHOM GZHIG BRAL BA CHOS KYI SKU BRNYES RNAMS, ,RING NAS GOMS PA'I SNYING RJE'I MA MA YIS, ,'GRO KUN MI GTONG BRTAN PAR BZHUGS SU GSOL, ,SNANG MTHA' YID BZHIN 'KHOR LO BI DZA Y'A, ,LA SOGS 'CHI MED DPAL STER LHA RNAMS KYI, ,THUGS RJE MTHU NUS BDEN PA'I BYIN GYIS KYANG, ,RJE BTZUN BLA MA BSKAL BRGYAR ZHABS BRTAN SHOG ,DENG NAS BZUNG STE TSE RABS PHRENG BA'I BAR, ,MGON PO KHYOD KYIS 'BRAL MED RJES 'DZIN ZHING, ,KHYOD GSUNG YAN LAG BRGYAD LDAN KLUNG RGYUN GYIS, ,LAS NYON DRI MA DRUNGS NAS 'BYIN BAR SHOG ,KHYAD PAR BDE LDAN ZHING DU SKYES GYUR TE, ,'OD DPAG MED BAS RJES SU 'DZIN PA DANG, ,ZHING KHAMS RGYA MTSOR SPRUL PA'I BKOD PA YIS, ,TSOGS GNYIS RAB RDZOGS BYANG CHEN MYUR THOB SHOG ,CES PA 'DI NI DAD BRTZON BLO GROS DANG LDAN PA SNGAGS RAM PA BKRA SHIS RGYA MTSOS BSKUL NGOR 7 BTZUN PA DKON MCHOG BSTAN PA'I SGRON MES CHOS GRVA CHEN PO BKRA SHIS 'KHYIL DU BRIS BA'O,, ` ,,NA MO GU RU BHYA: 'DIR LAM ZAB BLA MA'I RNAL 'BYOR NYAMS SU LEN PAR 'DOD BAS, SKYABS SEMS SNGON DU BTANG STE DGE SEMS KHYAD PAR CAN GYI NGAD NAS, SGRIB BRAL MKHA' LA YE SHES DBANG PO'I GZHU, ,SNYING RJE'I RGYUD DU

, ,BKUG PA'I LDING KHENG DBUS, ,SRID BA'I 'DAM GYIS MA GOS 'DAB BRGYA'I RTZER, ,RTZA BA'I BLA MA DUR SMRIG 'CHANG BA'I TSUL, ,CHOS 'CHAD MNYAM GZHAG PHYAG RGYAS GLEGS BAM BSNAMS, ,DE YI GNAS GSUM SNGAGS KYIS MTSAN PA YI, ,H'Um YIG 'OD KYIS SPYAN DRANGS BSOD NAMS ZHING, ,DPAG YAS NAM MKHA' KHYAB PAR BZHUGS SU GSOL, ,GANG LA BRTEN NA SRID ZHI'I RGUD PA KUN, ,DRUNGS NAS 'BYIN MDZAD THEG MCHOG DGE BA'I BSHES, ,BKA' DRIN MNYAM MED RTZA BA'I BLA MA LA, ,SGO GSUM GUS PAS LAN BRGYAR PHYAG BGYID DO, ,DNGOS BSHAMS GZUNGS RIGS KYIS SPRUL MCHOD SPRIN GYIS, ,RAB 'BYAMS RGYA MTSO'I ZHING KUN BKANG STE 'BUL, ,BCAS DANG RANG BZHIN KHA NA MA THO BA'I, ,NYES LTUNG DRI MA'I TSOGS RNAMS SO SOR BSHAGS, ,RANG GZHAN SKYE 'PHAGS DUS GSUM DGE TSOGS LA, ,PHRAG DOG MED BAR SNYING NAS RJES YI RANG, ,BGRANG YAS BSKAL BA'I BAR DU ZHABS BRTAN CING, , ZAB RGYAS CHOS KYI 'KHOR LO BSKOR BAR BSKUL, ,GANG GI THUGS RJES BDAG KYANG THUN MONG DANG, ,THUN MONG MIN BA'I LAM GYI RIM PA LA, ,NGES BRNYED DE TSUL BZHIN BSGRUB PA YIS, ,SHES RGYUD SMIN CING GROL BAR BYIN GYIS RLOBS, , 'DIR 'BAD LEGS BYAS BDE 'BYUNG RAL BA'I KLUNG, ,BSOD NAMS GUNG PHRAN STONG GI RTEN GYUR TE, ,SGRIB GNYIS SGRIB GSUM SGRIB BZHI'I DRI MA KUN, ,SBYANGS NAS BYANG CHEN RGYA MTSOR 'JUG GYUR CIG ,CES PA 'DI NI AA RO HOR CHEN SHOG

BLO BZANG BLO GROS KYIS BSKUL DOR BTZUN PA DKON MCHOG BSTAN PA'I SGRON MES BRIS,, ` ,,NA MO GU RU BHYA: CHOS DBYINGS BDE CHEN 'CHI MED ROL PA'I LAM, ,BRTZE CHEN SGYU 'PHRUL 'JA' TSON GUR KHANG NA, ,GDONG LNGA'I KHRIL PADMA NYI ZLA'I STENG; ;SKYABS GSUM KUN 'O DUS NGO BO THUGS RJE'I GTER, ,DBUS SU 'JAM MGON BLA MA BTZONG KHA PA, ,GA-YAS SU RIGS KUN KHYAB BDAG 'JIGS MED DBANG, ,GA-YON NA RJE BTZUN BSTAN PA'I SGRON ME RNAMS, ,SKU MDOG DKAR GSAL CHOS GOS GSUM GSOL ZHING, ,GNAS GSUM YI GE GSUM MTSAN H'Um YIG GIS, ,YE SHES PA RNAMS SPYAN DRANGS DBYER MED GYUR, ,THER LAM JI BZHIN STON MDZAD RDZOGS SANGS RGYAS, ,SRID ZHI'I 'JIGS PA KUN SEL DAM PA'I CHOS, ,BYANG CHUB LAM GYI 'DREN PA DGE 'DUN TE, ,SKYABS GSUM KUN DNGOS KHYOD LA PHYAG 'TSAL LO, ,MKHA' KHYAB KUN BZANG MCHOD SPRIN RGYA MTSOS MCHOD, ,MI BZAD NYES LTUNG MA LUS SNYING NAS BSHAGS, , RLABS CHEN RGYAL SRAS SPYOD LA RJES YI RANG, ,BSKAL BRGYAR BZHUGS SHING CHOS 'KHOR BSKOR BAR BSKUL, ,'DIS MTSON DGE BAS TSE RABS THAMS CAD DU, ,BSHES GNYEN RNAMS KYIS 'BRAL MED RJES 'DZIN ZHING, ,DAL 'BYOR RNYED DKA' TSE LA LONG MED DANG, ,SKYABS 'GRO LAS 'BRAS TSUL BZHIN SEMS BAR SHOG ,'KHOR BA ME MDAG 'KHRIGS PA'I 'OBS 'DI LA, ,SRED PA'I 'DUN PA NAM YANG MI SKYE BAR, ,BDEN BZHI'I 'JUG LDOG BSLAB GSUM NYAMS LEN GYIS, ,

, ,SRID PA'I RGYA MTSO MYUR DU SKEM PAR SHOG ,RING NAS PHA MAR GYUR PA'I 'GRO KUN LA, ,RJES CHAGS SNYING RJES DRANGS PA'I BYANG CHUB SEMS, ,RGYAL SRAS SPYOD PA PHYIN DRUG BSDU BZHI SOGS, ,THEG MCHOG LAM BZANG MYUR DU BGROD PAR SHOG ,KHYAD PAR SRID PA'I NAD BRGYA SEL PA'I SMAN, ,DNGOS 'DZIN GDON CHEN 'JOMS PA'I RIG SNGAGS GTZO, ,DUS GSUM RGYAL BA'I DGONGS PA MTHAR THUG PA, ,KLU SGRUB LUGS BZANG KHONG DU CHUD BAR SHOG ,SANGS RGYAS LAS KYANG DKON PA GSANG SNGAGS KYI, ,'JUG SGO SMIN BYED DBANG GIS RGYUD SBYANGS TE, ,MTSAN BCAS MTSAN MED RIM GNYIS RNAL 'BYOR SOGS, ,RDO RJE THEG PA'I LAM BZANG MTHAR PHYIN SHOG ,MDOR NA DUS GSUM DGE BCI MCHIS RNAMS, ,SRID PA'I PHUN TSOGS RGYU RU MI SMIN PAR, ,THUN MONG THUN MONG MIN PA'I LAM BGROD NAS, ,MTHAR THUG SKU BZHI'I GO 'PHANG 'THOB PHYIR BSNGO, ,ZHES PA 'DI NI MKHYEN RAB KYI DBANG PHYUG SLOB ZUR BLO BZANG RIN CHEN PA'I GSUNG GIS 'DI LTA BU ZHIG DGOS TSUL BYUNG BAR BRTEN 7BTZUN PA DKON MCHOG BSTAN PA'I SGRON MES BRIS BA'O,, ` ,,NA MO GU RU BHYA: 'DIR BLA MA DANG MGON PO 'OD DPAG TU MED PA NGO BO DBYER MI PHYED BA'I ZAB LAM BLA MA LHA'I RNAL 'BYOR GYI SGO NAS NGAN 'GRO'I SKYE SGO BCAD DE ZHING MCHOG BDE BA CAN DU SGROD BAR BYED PA'I THABS MKHAS KYI LAM BZANG NYAMS SU LEN PA NA, THOG MAR RANG DANG RIGS DRUG MTHA' DAG THOG MED NAS 'KHOR BAR 'KHYAMS TSUL BSAM PA'I SKYO SHAS DANG, DE LAS SKYOB BA'I NUS PA BLA MA DKON MCHOG LA YOD PAR YID CHES BA'I SGO NAS SKYABS SEMS SNGON DU BTANG STE, RANG GI

SPYI GTZUG BDE CHEN 'KHOR LO'I STENG, ,RAB MDZES RMA BYAS BTEG PA'I NOR BU'I KHRIR, ,SKYON BRAL PADMA NYI ZLA'I GANG NA STENG DU, ,RTZA BA'I BLA MA MGON PO 'OD DPAG MED, ,'JA' TSON RNAM BKRA BYU RU'I LHUN PO BZHIN, ,SKU MDOG DMAR GSAL 'OD BRGYA'I DRA BA 'GYED, ,MNYAM GZHAG BDUD RTZIS GANG BA'I LHUNG BZED BSNAMS, ,DGYES BA'I NYAMS LDAN RDO RJE SKYIL KRUNG GIS, ,BZHUGS PA'I THUGS KA'I H'Um YIG 'OD ZER GYIS, ,BDE LDAN ZHING NAS RGYAL BA 'OD DPAG MED, ,RGYAL SRAS RGYA MCHOS BSKOR BA SPYAN DRANGS TE, ,DAM TSIG PA DANG DBYER MED THIM PAR GYUR, ,DNGOS BSHAMS YID SPRUL KUN BZANG MCHOD PA'I SPRIN, ,KHYAD PAR DUS GSUM DGE BA'I TSOGS DANG BCAS, ,BLO YIS BLANGS TE BLA MA LHAR 'BUL NA, ,MKHA' MNYAM 'GRO BA'I DON DU BZHES SU GSOL, ,KUN RMONGS MUN PAR ZHUGS PAS MI DGE'I LAS, ,JI SNYED BGYIS RNAMS 'GYOD PA DRAG PO YIS, ,THUGS RJE CHE LDAN SPYAN SNGAR BA SHAGS BGYID NA, ,NYES TSOGS BYANG ZHING DAG PAR BYIN GYIS RLOBS, ,BSLU MED DKON MCHOG GSUM GYI NGO BO NYID, ,NGAN SONG 'JIGS LAS SGROL BYED BSTAN PA'I BDAG ;DAG PA'I ZHING GIS MKHAN SGRON ME MCHOG ,BLA MA 'OD DPAG MED LA GSOL BA 'DEBS, ,'DI SNANG ZHEN PA CHOD PAR BYIN GYIS RLOGS, ,BAR DO'I 'KHRUL SNANG SEL BAR BYIN GYIS RLOBS, ,NGAN SONG SKYE SGO CHOD PAR BYIN GYIS RLOBS, ,ZAB LAM 'PHO BA 'BYONGS BAR BYIN GYIS RLOBS, ,DE LTAR GSOL BA BTAB PAS BLA MA LHA'I, ,SKU LAS BABS PA'I BDUD RTZI'I CHU RGYUN GYIS, ,SGO GSUM SDIG

, ,LTUNG DRI MA KUN BYANG NAS, ,RANG LUS SHEL GYI GONG BU BZHIN DU GYUR, ,DE YI DBUS SU DBU MA MDA' SNYUG TZAM, ,LTE 'OG NAS BZUNG SPYI BOR ZUG PA YI, ,SNYING GA'I THAD DU RANG SEMS THIG LE'I GZUGS DKAR GSAL 'OD KYI RANG BZHIN CAN DU GYUR, ,RIGS KYI BDAG PO BLA MA 'OD DPAG MED, ,GSOL BA 'DEBS SO BDAG RGYUD BYIN GYIS RLOBS, ,GNAS NGAN 'KHOR BA 'DI LAS DRANG DU GSOL, ,ZHING MCHOG BDE BA CAN DER KHRID DU GSOL, , DE LTAR GSOL BA BTAB PAS THUGS KA NAS, ,'OD KYI LCAGS KYUS RNAM SHAS GYEN DRANGS TE, ,'OD DPAG MED MGON THUGS KA'I HR'I:YIG DANG, ,DBYER MED RO GCIG DANG DU GNAS PAR GYUR, ,SLAR YANG BLA MA 'OD DPAG MED DANG BCAS, , THUR DU BAB STE SNYING GAR BZHUGS PA YIS, ,DENG NAS JI SRID BYANG CHUB SNYING PO'I BAR, ,NAM YANG 'BRAL BA MED PAR RJES 'DZIN SHOG ,MDOR NA DUS DANG GNAS SKABS THAMS CAD DU, ,ZLA MA MCHOG GIS DGYES BZHIN RJES 'DZIN ZHING, , MDO SNGAGS ZUNG 'GREL LAM BZANG RIM BGROD NAS, ,ZUNG 'JUG SKU BZHI'I GO 'PHANG MYUR THOB SHOG (,DE YANG GSOL 'DEBS GRANGS GSOG BYED NA BSLU MED MA BZLA ZHING LAS LA SBYOR, DNGOS GZHI'I TSE SLAR YANG ZHES PA'I TSIG RKANG GNYIS KYI DOD DU,) DE NAS BLA MA 'OD DPAG MED DANG BCAS, ,BDE LDAN ZHING DER YUD KYIS GSHEGS GYUR TE, ,ZHES SBYOR RO, TSUL 'DI NI MI PHYED PA'I DAD PA DANG LHAG BSAM MCHOG TU DGE BA RAB 'BYAMS PA NGAG DBANG MCHOG LDAN GYIS BSKUL NGER 7BTZUN PA DKON MCHOG BSTAN PA'I SGRON MES

BRES PA'O,, ` ,,BLA MA 'OD DPAG MED LA PHYAG 'TSAL LO, ,'DIR RGYAL BA 'OD DPAG MED LA BRTEN PA'I BLA MA'I RNAL 'BYOR NYAMS SU LEN PAR 'DOD PAS SKYABS SEMS SNGON DU BTANG LA, BLA MA DANG MGON PO 'OD DPAG MED NGO BO DBYER MI PHYED PA'I MOS GUS DANG, BDE BA CAN GYI ZHING GI RNAM PA YID NGOR GSAL BTAB STE, ZAB LAM BLA MA'I RNAL 'BYOR 'DI'I SGO NAS ZHING DER SKYE BA'I RGYU TSOGS BSGRUB PAR BYA'O, ,SNYAM PA'I 'PHEN PA SOGS DGE SEMS KHYAD PAR CAN GYI NGANG NAS, MDUN GYI MKHA' LA KUN BZANG MCHED SPRIN DBUS, ,YID 'OD RMA BYAS BTEG PA'I NOR BU'I KHRIR, ,'DAB STONG PADMA'I LTE BAR ZLA BA'I STENG, ,SKYABS GSUM KUN 'DUS BLA MA 'OD DPAG MED, ,NYI 'OD STONG 'BAR BYU RU'I LHUN PO BZHIN, ,SKU MDOG DMAR BO ZHAL GCIG PHYAG GNYIS PA, ,MNYAM GZHAG PHYAG RGYAS DRANG SRONG SNOD MCHOG BSNAMS, ,RDO RJE SKYIL KRUNG TSUL GYIS BZHUGS PA YI, ,GNAS GSUM YI GE GSUM MTSAN H'Um YIG GIS, ,BDE LDAN ZHING NAS RANG 'DRA'I YE SHES PA, ,MTHA' YAS RAB 'BYAMS RGYAL BA SRAS DANG BCAS, ,SPYAN DRANGS DBYER ME; GCIG TU 'DRES PAR GYUR, ,BSLU MED DKON MCHOG GSUM GYI NGO BO NYID, ,BSTAN PA'I BDUD RTZIS LUS CAN GDUNG BA SEL, ,YANG DAG THAR LAM GSAL BA'I SGRON ME MCHOG ,BLA MA 'OD DPAG MED LA PHYAG 'TSAL LO, ,RAB 'BYAMS MCHOD SPRIN DGE BA'I DNGOS POR BCAS, ,GUS PAS 'BUL YO BRTZE BA'I THUGS KYIS BZHES, ,SDIG LTUNG MA LUS BSHAGS SHING SDOM BGYID NA, ,KHYOD KYI THUGS RJES BYANG ZHING DAG PAR MDZOD, ,

, ,ZAB RGYAS CHOS KYI 'KHOR LO BSKOR BA'I PHYIR, ,BGRANG YAS BSKAL BA RGYA MTSOR BRTAN PAR BZHUGS, ,'DIS MTSON DGE BA'I DNGOS PO THAMS CAD KYANG, ,KHYOD KYIS RJES SU 'DZIN BA'I RGYU RU BSNGO, ,SA GZHI SPOS KYIS BYUGS SHING ZHES SOGS MAndAL GRANGS GSOG DANG LTUNG BSHAGS, GONG GI PHYAG 'TSAL BA'I TSIGS BCAD DANG, BLA MA STON PA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD DPAG TU MED PA LA PHYAG 'TSAL LO, ,MCHOD DO SKYABS SU MCHI'O, ,ZHES PA RNAMS KYI SGO NAS BRGYA PHYAG LA SOGS PA GNAD DU 'GRO NGES BYA, DE NAS, SPYI GTZUGS DH'U T'Am YAR SNE PHYE BA'I STENG, ,DGYES BZHIN BYON TE 'BRAL MED BZHUGS PA YI, ,DBU MA'I LAM NAS 'OD DANG BDUD RTZI'I RGYUN, ,BABS PAS RANG RGYUD BYIN GYIS BRLAB PAR GYUR, ,ZHAS 'OD RANG BDUD RTZI'I RGYUN BABS PAS MUN KHUNG DU SGRON ME SBAR BA BZHIN SDIG LTUNG THAMS CAD SANGS KYIS DAG NAS BLA MA'I THUGS DANG RANG SEMS DBYER MED DU 'BRES PA'I MOS PA BYAS LA, GONG GI PHYAG 'TSAL BA'I TSIG DE GSOL BA 'DEBS ZHES PAR BSGYUR NAS BRGYA STONG SOGS 'DON, MTHAR BSLU MED SKYABS MCHOG BLA MA 'DOD DPAG MED, ,MGON MED BDAG LA THUGS RJE'I SBYAN GYIS GZIGS, ,DENG NAS BYANG CHUB BAR DU KHYOD MIN PA'I, , RE SA GZHAN MED BDAG GI BSHES MDZOD CIG ,MI KHO MNGAN SONG GSUM GYI GA-YENG LAS SKYOBS, ,BZOD DKA' 'JAGS RUNG SRID PA'I MTSO LAS SGROL, ,RANG NYID GCES 'DZIN 'CHING BA KUN BCAD DE, ,BYANG CHUB SEMS GNYIS 'BYONGS

PAR BYIN GYIS RLOBS, ,DE LTAR GDUNG SHUGS DRAG POS RTZE GCIG TU, ,GSOL BA BTAB PAS DH'U T'I'I LAM BRGYUD DE, ,SNYING GAR BYON NAS PHRA BA'I RLUNG SEMS DANG, ,DBYER MED DANG DU BRTAN PAR BZHUGS PAR GYUR, ,DPAL LDAN BLA MA'I RNAM PAR THAR PA LA, ,ZHES SOGS DANG, 'DI LTAR BSKUN PA'I RNAM DKAR DGE BA'I TSOGS, ,ZHES SOGS TSER BAS RJES 'DZIN GYI SMON TSIG BA DANG, BDE SMON YONGS RDZOGS SAM, RGYAL BA'I DKYIL 'KHOR BZANG ZHING DGA' BA DER, ,ZHES SOGS SMON LAM GYIS MTSAMS SBYAR BAR BYA'O, ZHES PA 'DI NI DAD BRTZON LDAN PA DGE SLONG DKON MCHOG MKHAS GRUB KYIS BSKUL BOR ~BTZUN PA DKON MCHOG BSTAN BA'I SGRON MES DBEN GNAS YID DGA' CHOS 'DZIN DU SBYAR BA'I YI GE BA NI BHIKshU RA TANA A'A NANT'O,, ` ,,'DIR MGON PO 'OD DPAG MED LA BRTEN PA'I BLA MA'I RNAL 'BYOR NYAMS SU LEN PAR 'DOD PA'I GANG ZAG GIS SKYABS SEMS SNGON DU BTANG LA, MDUN GYI NAM MKHAR KUN BZANG MCHOD SPRIN DBUS, ,YID 'ONG RMA BYAS BTEG PA'I NOR BU'I KHRIR, ,RTZA BA'I BLA MA MGON PO 'OD DPAG MED, ,SKU MDOG DMAR PO MNYAM PA ZHAG PHYAG RGYA CAN, , MTHA' SKOR DNGOS BRGYUD BLA MA YI DAM LHA, ,SANGS RGYAS SO LNGA BDE GSHEGS BDUN LA SOGS, ,RGYAL DANG RGYAL SRAS NYAN RANG CHOS SKYONG BCAS, ,SKYABS GNAS MA LUS DGYES BZHIN BZHUGS PAR GYUR, ,RANG BZHIN RNAM DAG CHOS KYI DBYINGS NAS KYANG; ,THUGS BSKYED BDEN MTHUS BSKUL TE RANG RANG GI ,YE SHES PA RNAMS SPYAN DRANGS DBYER MED DU, ,BSTIMS PAS SKYABS GNAS KUN 'DUS NGO BOR GYUR, ,BSLU MED DKON MCHOG GSUM GYI NGO BO NYID, ,NGAN SONG 'JIGS LAS SGROL BA'I THABS

, ,BSTAN NAS, ,THAR LAM GSAL BAR BYED PA'I SGRON ME MCHOG ,MGON PO 'OD DPAG MED LA GUS PHYAG 'TSAL, ,NAM MKHA'I MTHAS GTUGS ZHING KHAMS RAB 'BYAMS NA, ,YID 'PHROG MCHOD PA'I DNGOS PO CI MCHIS PA; ;MTHA' DAG BLO YIS BLANGS TE GUS 'BUL GYI, ,BDAG CAG BSOD NAMS RDZOGS PHYIR BZHES SU GSOL, ,THOG MA MED NAS BLANG DOR GNAS RNAMS LA, ,RMONGS PA'I MUN PA STUGS PO'I DBANG GYUR TE, ,SGO GSUM NYES TSOGS MTHA' YAS BSAGS PA RNAMS, ,THUGS RJE CHE LDAN SPYAN SNGAR MTHOL LO BSHAGS, ,DAL 'BYOR LAN GCIG RNYED NAS BSTAN PA'I SGOR, ,ZHUGS KYANG BDAG MED SMYON PA'I SPYOD PA BZHIN, ,SDOM GSUM BCAS MTSAMS LAS 'DAS SDIG LTUNG KUN, ,'GYOD PAS BSHAGS SHING PHYIN CHAD SDOM PAR BGYI, ,BSLU MED BLA MA LHA YI THUGS RJE'I MTHUS, ,NYES LTUNG DRI MA MA LUS BYANG BA DANG, ,RANG GZHAN KUN GYI RNAM DKAR DGE BA'I DNGOS, ,MTHA' DAG GONG NAS GONG DU 'PHEL GYUR CIG ,KHYAD PAR 'DI SNANG 'GAG PAR NYE BA'I TSE, ,GNAD GCOD GSHIN RJE'I 'JIGS PA MI 'BYUNG ZHING, ,NGAN SONG NGAN 'GRO'I GA-YANG DU MI LTUNG BAR, ,BDE BA CAN GYI ZHING DER KHRID DU GSOL, ,'OD GSAL MKHA' DBYINGS DVANGS DPAR SNANG MTHA' YAS, ,NYE SRAS DANG BCAS DGYES PA'I 'DZUM BSTAN CING, ,SNYAN PA'I GSUNG GIS DBUGS DBYUNG MDZAD PA'I MTHUS, ,DGA' DAG DAD PA'I SHUGS KYIS 'PHO BAR SHOG ,MDOR NA DUS 'DI NAS BZUNG BYANG CHUB BAR, ,'OD DPAG MED KYIS DGE BA'I BSHES

MDZAD DE, ,'BRAL MED GSUNG GI BDUD RTZIS BSKYANGS PA YIS, ,SA LAM RTOGS PA MYUR DU MTHAR PHYIN SHOG ,'DI PHYI BAR DO'I GNAS SKABS GANG DU YANG, ,MGON PO KHYOD MIN SKYABS GZHAN MA MCHIS PAS, ,THUGS RJE LCAGS KYUS NAM YANG MI GTONG BAR, ,RJES BZUNG BYIN RLABS DGA' STON STZAL DU GSOL, ,ZHES GSOL BA BTAB PAS SKYABS YUL RNAMS GTZO BO LA THIM ZHING, DE NYID RANG LA THIM PAS BYIN GYIS BRLAB PAR MOS TE, SHA'KY'I DBANG PO 'DREN PA 'OD DPAG MED, ,CES SOGS KYI BSNGO BAS MTHA' BRGYAN PAR BYA'O, ,ZHES PA 'DI NI DAD BRTZON LDAN PA RAB 'BYAMS PA DKON MCHOG YAR 'PHEL DANG, DGE SLONG DKON MCHOG RAB 'BYOR GNYIS KYIS 'DI LTA BU'I BLA MA'I RNAL 'BYOR STOBS BZHI'I GNAD CHANG BA ZHIG DGOS ZHES BSKUL BA LTAR BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU LO KE SHVA R'A YA, 'DIR BLA MED KYI LUGS DPA' 'BREL BAR THUGS RJE CHEN PO PHYAG BZHI PA LA BRTEN PA'I BLA MA'I RNAL 'BYOR ZAB MO NYAMS SU LEN BAR 'DOD PA'I GANG ZAG GIS SKYABS SEMS SNGON DU BTANG LA DGE BA'I BSAM PA KHYAD PAR CAN GYI DANG NAS, MDUN GYI NAM MKHAR RTZA BA'I BLA MA DANG, ,DBYER MED SPYAN RAS GZIGS MGON PHYAG BZHI PA, ,RAB 'BYAMS ZHING NAS BLA MA YI DAM KUN, ,BYON TE THIM PAS KUN 'DUS NGO BOR GYUR, CES; MDUN GYI NAM MKHAR PAD ZLA'I GDAN LA DRIN CAN RTZA BA'I BLA MA DANG NGO BO DBYER MED PA'I 'PHAGS PA SPYAN RAS GZIGS SKU MDOG DKAR PO RTZA PHYAG GNYIS THAL MO SBYAR ZHING, 'OG MA GNYIS KYIS SHEL 'PHRENG DANG PAD DKAR 'DZIN PA, RIN PO CHE'I RGYAN DANG DAR GYI NA

, ,BZA' CAN, RDO RJE SKYIL KRUNG GIS BZHUGS PA'I GNAS GSUM DU YI GE GSUM GYIS MTSAN PA, DE'I THUGS KA'I HR'I: YIG LAS 'OD ZER DPAG TU MED PA PHYOGS BCU'I ZHING RAB 'BYAMS KHYAB PAR SPROS TE DNGOS BRGYUD KYI BLA MA THAMS CAD SPYAN DRANGS NAS THIM BAS BLA MA KUN 'DUS, YI DAM RGYUD SDE BZHI'I DKYIL 'KHOR GYI LHA TSOGS THAMS CAD SPYAN DRANGS TE THIM PAS YI DAM KUN 'DUS KYI NGO BOR GYUR PAR BSAMS LA, YAN LAG BDUN PA SOGS KYI SGO NAS TSOGS GSOG BA NI, SGO GSUM MI PHYED DAD PAS PHYAG 'TSAL ZHING, ,PHYI NANG GSANG PA DE NYID MCHOD TSOGS 'BUL, ,SDIG LTUNG MA LUS SNYING NAS MTHOL ZHING BSHAGS, ,DGE LA YI RANG BSGUL ZHING GSOL BA 'DEBS, ,RAB 'BYAMS ZHING KHAMS DUS GSUM DGE TSOGS BCAS, ,DBUL ZHING BLA MED DBYANG CHUB RGYU RU BSNGO, ,SO THAR BYANG SEMS GSANG SNGAGS SDOM PA YI, ,BCAS MTSAMS MTHA' DAG TSUL BZHIN BSRUNG BAR BGYI, ,ZHES YAN LAG BDUN PA MAndAL DANG BCAS PA DBUL ZHING, ,SGRUB PA'I MCHOD PA MCHOG TU GYUR PA SDOM PA GZUNG PA RNAMS BLO 'KHUL NGES SU BYA, ,DE NAS, ,SANGS RGYAS KUN 'DUS BLA MA THUGS RJE'I GTER, ,DAM CHOS KUN 'DUS BLA MA THUGS RJE'I GTER, ,DGE 'DUN KU 'DUS BLA MA THUGS RJE'I GTER SKYABS GNAS MA LUS 'DUS PA'I NGO BO NYID, ,KHYOD MIN SKYABS GZHAN NAM YANG MA MCHIS PAS, ,BYANG CHUB BAR DU 'BRAL MED RJES BZUNG STE, ,SPID DANG ZHI BA'I 'JIGS LAS BSKYAB TU GSOL, ,'DI SANG ZHEN PA'I DRI MA BSAL DU

GSOL, ,LOS DANG NYON MONGS 'CHING BA GCAD DU GSOL, ,GCES 'DZIN RGUD PA'I 'PHRANG LAS BSGRAL DU GSOL, ,SKYES BU GSUM GYI LAM BZANG RIM BGROD DE, ,BDE CHEN THAR PA'I SA LA DRANG DU GSOL, ,ZHES RANG DANG MTHA' SKOR NA YOD PA'I RIGS DRUG SEMS CAN THAMS CAD KYIS RANG RANG 'KHOR BA PHRA RAGS KYI SDUG BSNGAL MTHA' YAS PAS MNAR TSUL LA BSAMS NAS 'JIGS SHING SKRAG PA DANG, MDUN GYI NAM MKHAR BZHUGS PA'I BLA MA THUGS RJE CHEN PO NI SKYABS GNAS MA LUS PA 'DUS PA'I NGO BO RANG GIS BLO BKAL NA SRID ZHI'I 'JIGS PA GANG LAS KYANG SKYOB PA LA THUGS RJE DANG NUS MTHU THOGS PA MED PA'I TSUL PAS MAS TE GDUNG SHUGS DRAG POS MGRIN GCIG TU GSOL BA BTAB PA'I MOS DANG, LAM THUN MONG DANG THUN MONG MA YIN PA'I LUS YONGS SU RDZOGS PA LA GSHAR SGOM DANG 'BREL BAR BYIN RLABS ZHU BA'I DMIGS RNAM BSKYANGS LA, DE NAS THUGS RJE CHEN PO DE NYID KYI SKU LAS RANG 'DRA GNYIS PA SEMS CAN GYI GRANGS DANG MNYAM PA SPROS TE RANG DANG SEMS CAN THAMS CAD KYI SBYI BOR BZHUGS PA'I MOS PA BYAS LA, DE LTAR GSOL BA BTABS GNAS GSUM LAS, ,'DOD DANG BDUD RTZI DKAR DMAR MTHING GA'I TSOGS, ,RIM DANG CIG CAR BYUNG NAS DBANG BSKUR BAS, ,SGRIB BZHI DAG CING DBANG BZHI THOB PAR GYUR, ,CES SPYI BO'I AOm YIG LAS BYUNG DU dI DKAR PO'I RGYUN BAB PAS MGRIN PA'I RTZA 'KHOR GYI STE YAN TSAD GANG, LUS KYI SGRIB PA SBYANGS BUM PA'I DBANG THOB CID SPRUL SKU 'GRUB PA'I NUS PA BZHAG ,DE BZHIN DU MGRIN PA'I A'A: YIG GI BDUD RTZI DMAR POS NGAG GI SGRIB PA SBYANGS, GSANG DBANG DANG LONGS SKU 'GRUB PA'I NUS PA BZHAG ,THUGS GA'I H'Um YIG GI BDUD RTZI SNGON POS YID KYI SGRIB PA

, ,SBYANGS, SHER DBANG RANG CHOS SKU 'GRUB PA'I NUS PA BZHAG, DE GSUM LAS BDUD RTZI MNYAM DU BABS PAS SGO GSUM GA'I DRI MA SBYANGS, DBANG BZHI PA DANG ZUNG 'JUG 'BRUB PA'I NUS PA BZHAG PAR BSAMS, DE NAS SEMS CAN SO SO'I SPYI BOR BZHUGS PA'I BLA MA SPYAN RAS GZIGS RNAMS 'OD DU ZHU STE RANG RANG LA THIM PAS DE THAMS CAD SPYAN RAS GZIGS KYI SKUR'GYUR, DE DAG KYANG GCIG LA GCIG THIM GYI TSUL DU RIM GYIS BSDAS TE RANG GI SPYI BO'I BLA MA SPYAN RAS GZIGS LA THIM, ,DE 'OD DU NU BAR RANG LA THIM, ,RANG GI SGO GSUM DANG BLA MA'I SKU GSUNG THUGS DBYAR MI PHYED PAR GYUR, RANG NYID KYANG SKU'I STOD SMAD NAS RIM GYIS 'OD DU ZHUBS NAM MKHA' LA 'JA' YAL BA BZHIN GYUR TE, SNOD BCUD 'KHOR 'DAS KYI CHOS KUN RANG BZHIN MI DMIGS PA 'OD GSAL STONG PA'I DBYINGS LA MNYAM PAR BZHAG BAS YE SHES KYI TSOGS BAS SHAS SHING CHOS KYI SKU LA RGYAL BZHAG, 'OD GSAL DE'I DANG LAS MDON BYANG LNGA'I RIM PAS SPYAN RAS GZIGS KYI SKUR BZHENGS PA LONGS SKU DANG SBRUL SKU'I NGA RGYAL 'DZIN CING SKYE SHI BAR DO GSUM SBYANG STE RGYAL BA'I SKU GSUM DU BSGYUR BA'I DMIGS PA DANG BCAS, ,'GRO KUN SPYAN RAS GZIGS KYI SKUR BSGYUR CING, ,RIM GYIS BSDUS TE 'OD GSAL STONG PAR GYUR, ,STONG PA'I NGANG LAS PADMA ZLA BA'I STENG, ,HRI': DANG PAD DKAR YONGS SU GYUR PA LAS, ,RANG NYID SPYAN RAS GZIGS KYI SKUR BZHENGS PA'I, ,THUGS KA'I HR'I: YIG SNGAGS 'PHRENG DANG BCAS PAR, ,GZUNGS SNGAGS KUN BSDUS 'OD KYI 'PHRO 'DU YIS, ,SNOD BCUD SBYANGS BSGYUR BYIN GYIS BRLABS PAR GYUR, ,CES THUGS KA'I SNGAGS 'PHRENG LAS 'OD ZER 'PHROS TA RGYUD SDE SHI'I GSANG SNGAGS

DANG RIG SNGAGS THAMS CAD BSDUS NAS DE LA BSTIM PAS GZUNGS SNGAGS KUN 'DUS KYI NGO BOR GYUR PAR BSAMS LA, SNAD BCUD KUN GYI MA DAG PA'I NYES PA SBYANGS TE, GZUGS SU SNANG BA THAMS CAD SPYAN RAS GZIGS KYI SKU DANG DAG PA'I ZHING KHAMS, SGRA GRAGS TSAD 'PHAGS PA'I GZUNGS SNGAGS YID KYI DRAN RTOG THAMS CAD DE'I THUGS RNAM PAR MI RTOG PA'I YE SHES SU MOS PA 'KHYER SO GSUM DANG MA BRAL BA'I SGO NAS GZUNGS RING DANG YIG DRUG SOGS CI 'GRUB BZLAS LA YIG BRGYAS LHAG CHED BSKANG, DGE BA 'DI YIS MYUR DU BDAG ,SPYAN RAS GZIGS DBANG 'GRUB GYUR NAS, ,ZHES SOGS BSNGO BAS MTSAMS SBYAR BAR BYA'O, ,ZHES PA 'DI NI DGE SBYOR LAM MCHOG TU GZHOL BA'I RI KHROD PA DKON MCHOG RAB RGYAS KYIS BLA MED DANG 'BREL BA'I THUGS RJE CHEN PO'I BLA MA'I RNAL 'BYOR GYIS GZHUNG BSRANGS TE BZLAS BRJOD BYED TSUL ZAB GNANG TSANG ZHING SHIN TU MDOR BSDUS PA ZHIG DGOS ZHES BSKUL BA LTAR, GRUB CHEN TSEM BU PA DANG RGYAL BA DBEN SA PA SOGS KYI MAN NGAG GUNG BSGRIGS TE, BCUN PA DKON MCHOG BSTAN PA'I SGRON MES BRIS PA 'DIS KYANG SKYE BO KUN LA PHAN THOGS PAR GYUR CIG, ` ,,NA MO GU RU LO KE SHVA R'A YA, RANG GI SPYI BOR PADMA ZLA BA'I STENG, ,BKA' DRIN MNYAM MED RTZA BA'I BLA MA DANG, ,DBYER MED SNYING RJE'I LHA MCHOG SPYAN RAS GZIGS, ,SKU MDOG DKAR GSAL SHEL GYI RI BO BZHIN, ,'DZUM BA'I ZHAL MNGA' RTZA PHYAG THAL MO SBYAR, ,LHAG MA'I PHYAG GIS SHEL 'PHRED PAD DKAR BSNAMS, ,RIN CHEN RGYAN LDAN DAR GYI NA BZAS KLUBS, ,RDO RJE SKYIL MO KRUNG GIS BZHUGS PA'I MTHAR,

, ,DNGOS DANG BRGYUD PA'I BLA MA YI DAM LHA, ,RGYAL DANG RGYAL SRAS NYAN RANG SRUNG TSOGS BCAS, ,SKYABS YUL NAM MKHA' GANG BA BZHUGS PA RNAMS, ,BSOD NAMS ZHING DU BRTEN PAR BZHUGS SU GSOL, ,BSAL MED DKON MCHOG GSUM GYI NGO BO NYID, ,LUNG RTOGS BSHAD SGRUB BSTAN PA'I DPAL GYUR CING, ,LAS NYON SGRIB PA'I MUN SEL SGRON ME MCHOG ,BLA MA SPYAN RAS GZIGS LA PHYAG 'TSAL LO, ,PHUN TSOGS BDE DGE MA LUS MCHOD PAR 'BUL, ,MI BZAD SDIG LTUNG MTHA' DAG SNYING NAS BSHAGS, ,RLABS CHEN THUGS RJE'I SPYOD LA RJES YI RANG, ,SLAD KYANG ZAB RGYAS CHOS CHAR DBAB TU GSOL, ,TSE 'DI'I SNANG SHES SRID LA ZHEN PA DANG, ,RANG NYID GCES 'DZIN MTSAN MAR LTA BA SOGS, ,PHYIN CI LOG GI BLO SNA KUN 'GAGS SHING, ,LAM BZANG GEGS MED SKYE BAR BYIN GYIS RLOBS, ,ZHES BRJOD LA GONG GI PHYAG 'TSAL GYI TSIGS BCAD GSOL 'DEBS SU BSGYUR BA GRANGS GSOG DANG, THUGS RJE CHEN PO'I GZUNGS RING THUNG GI BZLAS PA CI 'GRUB BYA, DE NAS, 'DIS MTSON BGYIS DANG BGYID 'GYUR DUS GSUM GYI, ,RNAM DKAR DGE TSOGS JI SNYED MCHIS PA KUN, ,SRAS BCAS RGYAL BA'I THUGS BSKYED RGYA MTSO DANG, ,'DRES TE KUN BZANG SPYOD BA RDZOGS GYUR CIG ,RTAG TU BSHES GNYEN DAM PAS RJES BZUNG NAS, ,DE YI BKA' BZHIN SGRUB PA LHUR BYED CING, ,KHYAD PAR 'JAM MGON BSTAN PA'I SNYING PO LA, ,THOS BSAM SGOM PAS DUS KUN

'DA' BAR SHOG ,'DI PHYI'I PHAN BDE'I LEGS TSOGS KUN GYI GZHI, ,DPAL LDAN BLA MA'I SKU TSE BRTAN PA DANG, ,SDE 'DIR BSLAB GSUM 'DZIN PA'I DGE 'DUN RNAMS, ,BSHAD SGRUB BYA BA GEGS MED MTHAR PHYIN SHOG ,SGO GSUM 'GYI BAM LUS BSTAN 'GRO LA, ,'PHRAL DANG YUN DU PHAN PA'I RGYUR GYUR TE, ,MNGON MTHO NGES LEGS DGA' STON LA SBYOR BAS, ,DON GNYIS GEGS MED LHUN GYIS GRUB GYUR CIG, BLA MA LHAG PA'I LHA MCHOG SPYAN RAS GZIGS,,BDAG GI SNYING GAR PADMA'I ZHES SOGS DANG, SKYE BA KUN TU , ZHES SOGS BSNGO SMON GYIS MTSAMS SBYOR ZHING, SGO GSUM GYI BYA BA KUN LA DE NYID DBANG PO'I TSUL DU DRAN PA DANG, ZAS GOS GNAS MAL GANG LA ZHONGS SPYOD PA'I TSE DE LA DBUL BAR SEMS PA SOGS TSOGS GSOG SGRIB SBYONG LA 'BAD PAR BYA'O, ,ZHES PA 'DI NI BSTAN PA'I GSAL BYED DAM PA LUNG BZANG NANG SPRUL PA'I SKU DKON MCHOG BSTAN 'DZIN RGYA MTSO'I THUGS BZHED BZHIN ~BTZUN PA DKON MCHOG BSTAN PA'I SGRON MES DGON DE NYID DU BRIS PA'O,, ` ,,NA MO GU RU A'ARYA LO KA SHVR'A YA, GNAS SPYI GTZUG BDE CHEN 'KHOR LO'I STENG, ,GDAN SENG KHRI PADMA NYI ZLA'I DBUS, ,SKYABS KUN 'DUS RTZA BA'I BLA MA DANG, ,DBYER MED PA 'PHAGS MCHOG SPYAN RAS GZIGS, ,SKU RAB DKAR SHEL GYI MCHOD SDONG LA, ,DAR SNA TSOGS DBANG PO'I GZHU YIS SPRAS, ,THABS SHES RAB PHYAG GNYIS THAL SBYAR GYIS, ,MGON RGYAL RNAMS 'GRO BA'I DON DU BSKUL, ,GA-YAS 'OG MAS SHEL DKAR 'GRANG 'PHRENG DANG, ,GA-YON SKYON BRAL GSER GYI PADMA BSNAMS, ,YONGS DUS

, ,GSUM RGYAL BA'I THUGS RJE'I BDAG ,MA 'GRO BA KUN GYI MGON DANG SKYABS, ,YUL GANG CAN 'GRO BA'I LHA SKAL TE, ,MI BDAG GI 'DI PHYI'I SKYABS GCIG PU, ,MGON KHYOD MIN RE SA GZHAN MED NA, THUGS BRTZE BAS BDAG GI MGON MDZAD CIG ,LHA DKON MCHOG GSUM GYI THUGS RJE'I MKHAR, ,CHOS LUNG RTOGS BSTAN PA'I 'OD SNANG GIS, ,RGYUD RMONGS MUN SEL BA'I SGRON ME MCHOG ,MGON SPYAN RAS GZIGS LA GSOL BA 'DEBS, ,LUS LONGS SPYOD DUS GSUM DGE TSOGS KUN, ,PHA THUGS RJE'I GTER CHEN KHYOD LA 'BUL, ,MA 'GRO KUN DON DU B ZHES NAS KYANG, ,SDIG GNYES LTUNG BYANG BAR BYIN GYIS RLOBS, ,GNAS MTHA' MED 'KHOR BA'I RGYA MTSO 'DIR, ,LAS NYON MONGS GDON GYI DBANG GYUR TE, ,DUS THOG MA MED NAS 'KHYAMS BA BDAG, ,MCHOG THAR BA'I GNAS DER DRANG DU GSOL, ,CHOS ZAB ZHI SBROS BRAL DBU MA'I LAM, BYAMS SNYING RJE CHEN POS RGYAS BTAB STE, ,SRAD ZHI BA'I MTHA' LA MI GNAS PA'I, ,'BRAL BYANG CHUB CHEN PO MYUR THOB SHOG, ,DPAL 'CHI BA MED PA'I GNAS THOB STE, ,CHOS ZAB GSANG BDUD RTZI'I DGA' STON GYIS, ,MA MKHA' MNYAM 'GRO BA THAMS CAD KYANG, ,GTAN BDE BA'I DPAL LA SBYOR BAR SHOG ,CES BA 'DI NI DAD BRTZON LDAN PAR BA 'BYAMS PA 'JAM DBYANG RAB RGYAS KYIS BSKUL NGOR ~BRTZUN PA DKON MCHOG BSTAN PA'I SGRON MES SBYAR BA'O,, ` ,,MDUN DU PAD ZLAR SENG GE DKAR MO'I STENG, ,BLA MA'I NGO BO 'PHAGS

MCHOG SENG GI SGRA, ,GA-YAS GA-YON RTZE GSUM PADMA'I SNOD KYIS MTSAN, ,DKA' THUB RNAM PA RGYAL PO ROL STABS CAN, ,SKYABS GNAS MA LUS 'DUS PA'I NGO BO LA, ,GSOL BA 'DEBS SOG THUGS RJES BYIN GYIS RLOBS, ,AOm A'A HR'I SI BHA N'A DA H'Um PHAt, CES MANG DU BU ZLAS LA, ,BLA MA SENG GE'I SGYI SKU'I CHA LAS, ,BDUD RTZI'I RGYUN BABS RANG GI LUS KUN GANG, ,SDIG LTUNG NAD GDON MA LUS LHAG MED DU, ,BYANG ZHING RNAM SMIN PHUNG PO 'OD GSAL DU, ,SBYANGS TE STONG THUG PA'I NGANG LAS SKAD CIG GIS, ,RANG NYID SPYEN RAS GZIGS DBANG SENG GE SGRA, ,GDONG LNGA'I GDAN LA BLO BA'I STABS KYIS BZHUGS, ,SKU MDOG DKAR ZHING SHIN TU SKEM PA'I TSUL, ,GA-YAS PA SKYABS SBYIN GA-YON PA GDAN LA BRTEN, ,MDUN KYI BLA MA SPYAN GZHIG MGON YANG, 'OD DU ZHU NAS RANG DANG DBYER MED GYUR, ,THUGS KA'I SNGAGS 'PHRENG 'OD KYI SPRO BAS DI YIS, ,SKYON SBYANGS RGYAL KUN BYIN RLABS BSDUS PAR GYUR, ,CES BRJOD CING, ,THUGS GAR HRI: LA SNGAG 'PHRENG GIS BSKOR PA LAS 'OD ZER 'PHROS, KLU DANG SA BDAG GI GNOD PA SOGS NAD RIMS GDON BGEGS NYER 'TSE THAMS CAD SBYANGS, RGYAL BA SBRANGS BCAS KYI BYIN RLABS BSDUM TE THAM PA LAS BDUD TZI'I RGYUN BABS, LUS THAMS CAD GANG BAS LAGS TSOGS KYI YON TAN MA LUS PA RGYAS PAR BSAMS LA SNGAG BZLA, MJUG TU YIG BRGYAS LHAG CHAD BSKANG, DENG NAS BYANG CHUB SNYING POR MCHIS KYI BAR, ,'PHAGS MCHOG THUGS RJES 'BRAL MED RJES BZUNG MTHUS, ,DAM CHOS SGRUB PA'I NYER 'TSE KUN ZHI ZHING,,

, ,YANG DAG LAM GYI 'GROD PA MTHAR PHYIN SHOG ,CES SOGS BSNGO BAS MTSAMS SBYAR BAR BYA'O, ,ZHES PA 'DI NI AU CU MU CHIN SHOG NAS DAD BRTZON BLO DANG LDAN PA RAB 'BYAMS PA DPAL LDAN BKRA SHIS KYIS BLA MA'I RNAL 'BYOR DANG 'BREL BA'I SENG GE SGRA'I SGRUB THABS MDOR BSDUS SHIG DGOS ZHES BA SKUL BA LTAR BTZUN PA DKON MCHOG BSTAN PA'I SGRON MES BRIS PA'O,, ` ,,NGO MTSAR MCHOD SPRIN 'KHRIGS PA NAM MKHA'I DBYINGS, ,SENG KHRI PAD ZLA'I GDAN LA BLA MA DANG, ,DBYER MED BYAMS MGON BZANG PO'I BZHUGS STANGS CAN, ,MTSAN DPE'I DPAL 'BAR CHOS 'KHOR PHYAG RGYA MDZAD, ,SRAS BCAS RGYAL BAS BSKOR CING GNAS GSUM DU, ,'BRU GSUM GYIS MTSAN H'Um GI 'OD ZER GYIS, , DGA' LDAN GNAS NAS BYAMS MGON YE SHES PA, ,SPYAN DRANGS DBYER MED BRTAN PAR BZHUGS SU GSOL, ,RGYAL YUM SBAS DON LAM GYI RIM PA KUN, ,MA NOR MA 'DRES JI BZHIN 'DOMS PA YIS, ,SKAL LDAN SKYE BO BYANG CHUB MCHOG GI SAR, ,'KHRID MDZAD SKYABS KYI DAM PAR PHYAG 'TSAL LO, ,DNGOS BSHAMS YID SPRUL MCHOD SPRIN RAB 'BYAMS DANG, ,BDAG LUS LONGS SPYOD DUS GSUM DGE TSOGS BCAS, ,BLO YIS BLANGS TE GUS PAS 'BUL LAGS NA, ,BDAG GI DON SLAD NYID KYI MTHUS BZHES SHIG ,NGAN SONG MU MED MTSAN MO'I SMAG RUM NAS, ,DAL 'BYOR GLOG GI SNANG BA SKAD CIG CAM, ,THOB KYANG BAG MED SDIG LA SPYOD PA YI, ,RMONGS PA BDAG GI SDIG LTUNG SBYANG DU

GSOL, ,RGYU MED PAR YANG 'GROL MNYES GSHIN PA, ,BYAMS MGON NYE SRAS DANG BCAS KHYED RNAMS KYIS, ,RTAG TU BDAG CAG KHO NA'I DON MDZAD PA'I, ,BKA' DRIN SNYING NAS DRAN ZHING RJES YI RANG, ,ZAB RGYAS CHOS KYI BDUD RTZI'I CHAR PHAB STE, ,SGRIB GNYIS DRI MA DRUNGS NAS 'BYIN PA DANG, ,'GRO KUN SRID ZHI'I MTHA' LAS SGOL GYI BAR, ,NAM YAB MI 'DA' RTAG PAR BZHUGS SU GSOL, ,'DIS MTSON GTONG DANG TSUL KHRIMS THOS BSAM SGOM, ,DGE BA'I DNGOS PO JI SNYED MCHIS PA KUN, ,GCIG TU BSDOMS TE SRAS BCAS RGYAL KUN GYI, ,RLABS CHEN THUGS BSKYED RGYA MTSOR 'JUG GYUR CIG ,RTAG TU MTHE RIS YON TAN BDUN LDAN GYI, ,RTEN THOB BSHES GNYEN DAM PAS RJES 'DZIN CING, , 'DI SNANG 'KHRI PA CHOD PA'I BRTZON 'GRUS KYIS, ,BLANG DOR TSUL BZHIN SGRUB PAR BYIN GYIS RLOBS, ,MI BZAD 'KHOR BA'I SDUG BSNGAL GYIS 'JIGS SHING, ,DER GNAS NYAM THAG 'GRO LA RJES BRTZE BAS, ,RIN CHEN BYANG CHUB MCHOG TU SEMS BSKYED DE, ,THEG MCHOG LAM BZANG BGROD PAR BYIN GYIS RLABS, ,NAM ZHIG 'DI SNANG 'GAG PAR RTZOM PA NA, ,KHYOD ZHAL MIG GI BDUD RTZIR 'GYUR BA YIS, ,SHUGS DRAG DAD PA'I NGANG NAS SHI 'PHOS TE, ,YID DGA' CHOS 'DZIN GNAS SU SKYE BAR SHOG ,MDOR NA DANG NAS JI SRID BYANG CHUB BAR, ,'DREN MCHOG MA PHA MA MGON GYIS RJES BZUNG STE, ,SA LA MA RTOGS PA GEGS MED MYUR BGROD NAS, ,DPAL LDAN STOBS BCU'I SA LA REG GYUR CIG ,CES PA

, ,'DI NI BZANG PO'I BAG CHAGS KYI MTHU BRTAS PA ZHABS DRUNG DKON MCHOG CHOS 'BYOR GYIS BSKUL BOR BTZUN PA DKON MCHOG BSTAN PA'I SGRON MES BRIS PA'O,, ` ,,MDUN GYI NAM MKHAR KUN BZANG MCHOD SPRIN DBUS, ,NOR BU'I 'OD CHAGS SENG KHRI PAD ZLA'I STENG, ,BKA' DRIN MNYAM MED RTZA BA'I BLA MA DANG, ,NGO BO DBYER MED RGYAL TSAB BYAMS PA MGON, ,GSER GYI LHUN PO LTA BUR BRJID PA'I SKU, ,MTSAN DPE'I RGYAN LDAN CHOS 'KHOR PHYAG RGYA CAN, ,LHA RDZAS GOS DANG RIN CHEN RGYAN GYIS SPRAS, ,BZANG PO'I BZHUGS STANGS MDZAD PA'I THUGS KA NAS, ,'OD 'PHROS DGA' LDAN GNAS NAS BYAMS MGON LA, ,SRAS BCAS RGYAL BAS BSKOR BA SPYAN DRANGS TE, ,DBYER MED BSTIM PAS SKYABS GNAS KUN 'DUS KYI, ,NGO BOR BSOD NAMS ZHING DU BZHUGS GYUR CIG ,DKON MCHOG KUN 'DUS THUGS RJE'I ZLOS GAR GYIS, ,ZAB RGYAS BSTAN PA'I GNAD KUN GDAN GCIG LA, ,SGRUB PA'I LAM BZANG GSAL MDZAD SGRON ME MCHOG ,BYAMS MCHOG BLA MA MCHOG LA GUS PHYAG 'TSAL, ,LUS DANG LONGS SPYOD DUS GSUM DGE TSOGS BCAS, ,KUN BZANG MCHOD PA'I NGO BOR LEGS 'BUL NA, ,THUGS RJES BZHES NAS BDAG SOGS 'GRO KUN GYI, ,SHES RGYUD SMIN CING GROL BAR BYIN GYIS RLOBS, ,SDOM GSUM BCAS PA'I MTSAMS LAS 'DAS BA SOGS, ,NYES KUN GNOD ZHING 'GYOD PAS MTHOL BGYID NA, ,THUGS RJE CHE LDAN BYIN RLABS BDUD RTZI'I CHUS, ,

LHAG MED BYANG ZHING DAG PAR BYIN GYIS RLOBS, ,'DREN PA KHYOD MIN SKYABS GZHAN MA MCHIS PAS, ,RTAG TU 'BRAL MED BDAG GI MGON MDZAD DE, ,ZAB RGYAS GDAMS PA'I GRU CHAR 'JOB YIS, ,DGE BA'I LO TOG GONG DU SPEL BAR MDZOD, , MA 'ONGS SKYE BA'I 'PHRENG BA KUN TU YANG BDAG PA'I ZHING DAM DAL 'BYOR TSANG BA'I RTEN, ,RIM BRGYUD BSHES GNYEN DAM BA MNYES BYAS NAS, ,MDO SNGAGS LAM LA TSUL BZHIN SLOB GYUR CIG ,MDOR NA BLA MA YI DAM CHOS SKYONG SOGS, ,KUN GYI NGO BOR RTZE GCIG GSOL 'DEBS NA, ,SRID ZHI'I 'JIGS LAS BSGRAL TE BLA MA LHA'I, ,GO 'PHANG MYUR DU THOB PAR BYIN GYIS RLOBS, ,BKA' DRIN MNYAM MED BLA MA LHAG PA'I LTA, ,BDAG GI SNYING BAR PADMA'I GDAN BZHUGS LA, ,ZHES SOGS DANG, 'DIS MTSON DGE BA'I ZHES SOGS DANG, NAM ZHIG RDO RJE GDAN GYI ZHES SOGS BYAMS MGON DANG 'BREL PA'I SMON LAM CI RIGS PAS MTSAMS SBYAR BAR BYA'O, ,ZHES PA 'DI NI THOS BSAM SGOM PA THUNG DU 'JUG BA'I BSTAN PA'I GSAL BYED DAM PA RGYAL MKHAN PO GRAGS PA RGYAL MTSAN PA'I GSUNG GIS BSKUL NGOR, BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU BADZRA DH'A R'A YA, 'DAR 'JAM MGON BLA MA LA BRTEN PA'I ZAB LAM BLA MA'I RNAL 'BYOR DGA' LDAN LHA BRGYA MA'I SGO NAS RANG GZHAN GYI DON RLABS PO CHE SGRUB PAR 'DOD PA'I GANG ZAG GIS RJE'I SKU BRNYAN BRIS 'BUR CI RIGS KYIS GTZOS PA'I SKU GSUNG THUGS KYI RTEN LEGS PAR DGRAM, MDUN DU CHU GNYIS NYER SPYOD DANG BCAS PA TSAR GSUM YAN CHAD DANG, GZHAN YANG MAR ME BRGYA RTZA SOGS

, ,MCHOD PA GANG RGYAS, MAndAL DANG BCAS PA LEGS PAR BSTAR, SKYABS SEMS RGYAS BAR SNGON DU BTANG, DKON MCHOG GSUM GYI BDEN PA DANG, CHOS DBYINGS RTEN 'BREL BSLU BA MED PA'I MTHU STOBS KYIS MCHOD BA'I YO BYAD THAMS CAD KUN TU BZANG PO'I SMON PA'I MTHU LAS SKYABS YUL RNAMS LA ZAG PA MED PA'I DGYES PA SKYED PAR BYED PA'I MTHU DANG LDAN PAR GYUR, NA MO RATNA TRA Y'A YA, AOm NA MO BHA GA WA TE, BADZRA S'A RA PRA MARDA NI, TA TH'A GA T'A YA, AARHA TE SAMYAKSAm BUDDH'A YA, TADYATH'A, AOm BADZRE BADZRE, MAH'A BADZRE, MAH'A TE DZA BADZRE, MAH'A BIDY'A BADZRE, MAH'A BO DHI TZITTA BADZRE, MAH'A BO DHI MAndO PA SAm KRAMA nA BADZRE, SARBA KARMA A'A WA RAn BI SHO DHA NA BADZRE SV'AH'A, ZHES MCHOD PA'I SPRIN GYI GZUNGS LAN GSUM BRJOD DE BYIN GYIS BRLAB, DGA' LDAN GYI ZHING GI BKOD BA YID NGOR LEGS PAR GSAL BTAB STE, STENG PHYOGS DGA' LDAN GNAS KYI BYE BRAG MCHOG ,YID DGA' CHOS 'DZIN RGYAL BA'I MDUN SA NAS, ,RNAM 'DREN STOBS BCU MNGA' BA MA PHAM MGO NA, ,NYIN BYED 'BUM GYIS 'KHYUD PA'I GSER RI BZHIN, ,MTSAN DPE'I DPAL 'BAR GZI BRJID LHAM ME BA, ,RIN CHEN RGYAN SPRAS CHOS 'KHOR PHYAG RGYA CAN, ,GDONG LNGA'I KHRI LA BZANG PO'I BZHUGS STANGS MDZAD, ,DE YI THUGS MTSAN DPAL GYI BE'U'I NANG, ,'JAM MGON BLA MA YAB SRAS LEGS BZHUGS SHING, ,GZHAN YANG SAR GNAS DPA' BO GRANGS MED SOGS, ,'KHOR TSOGS RGYA MTSOS BSKOR BA THAMS CAD KYANG, ,BDAG SOGS LHO GLING GDUL BYA'I TSOGS

RNAMS LA, ,BRTZE BA'I THUGS KYIS MNGON PAR DGONGS PA YI, ,NYAMS 'GYUR DANG BCAS RNAM PA GSAL BAR GYUR, ,DGA' LDAN LHA BRGYA'I MGON GYI THUGS KA NAS, ,RAB DKAR ZHO GSAR SPUNGS 'DRA'I CHU 'DZIN RTZER, ,CHOS KYI RGYAL PO KUN MKHYEN BLO BZANG GRAGS, ,SRAS DANG BCAS PA GNAS 'DIR GSHEGS SU GSOL, ,MDUN GYI NAM MKHAR SENG KHRI PANG ZLA'I STENG, ,RJE BTZUN BLA MA DGYES PA'I 'DZUM DKAR CAN, ,BDAG BLO DAD PA'I BSOD NAMS ZHING MCHOG TU; ,BSTAN PA RGYAS PHYIR BSKAL BRGYAR BZHUGS SU GSOL, ,DE YANG SENG KHRI GSUM GYI DBUS MA LA, ,SKYABS GSUM KUN 'DUS 'JAM MGON TZONG KHA PA, ,SKU MDOG DKAR LA DMAR BA'I MDANGS CHAGS SHING, ,PHYAG GNYIS THUGS KAR CHOS 'KHOR PHYAG RGYA YIS, ,RAL GRI GLEGS BAM DANG BCAS AUTPAL BSNAMS, ,DRI MED GSER MDOG PAn ZHVAS GTZUG MDZES SHING, ,CHOS GOS GSUM GSOL SKYIL KRUNG TSUL GYIS BZHUGS, ,DE YI SPYI BOR SKU YI RDO RJE'I DNGOS, ,LHA MCHOG SNYING RJE'I BDAG NYID SPYAN RAS GZIGS, ,MGRIN PAR GSUNG GI RDO RJE'I NGO BO NYID, ,SHES RAB STONG PA'I RANG BZHIN 'JAM PA'I DBYANGS, ,THUGS KAR THUGS KYI RDO RJE'I BDAG NYID MCHOG ,MTHU STOBS NUS PA'I GTER GYUR GSANG BA'I BDAG ,RIGS BRGYA RIGS LNGA RIGS GSUM KUN GYI DNGOS, ,LHA MCHOG GSUM DANG DBYER MED NGO BO NYID, ,GA-YAS SU CHOS KYI RGYAL PO DAR MA'I MTSAN, ,ZHI DUL NYAMS LNGA MCHOS 'CHAD MNYAM

, ,GZHAG MDZAD, ,GA-YON DU SMRA BA'I NYI MA DGE LEGS DPAL, ,CHOS 'CHAD MNYAM GZHAG DANG BCAS 'GYING BA'I NYAMS, ,YAB SRAS GSUM GYI 'OD ZER 'PHRO 'DU YIS, ,DNGOS DANG BRGYUD BA'I BLA MA THAMS CAD DANG, ,ZHI KHRO RAB 'BYAMS YI DAM 'KHOR LO'I TSOGS, ,RAB 'BYAMS RGYAL DANG RGYAL SRAS MA LUS PA, ,DPA' BO MKHA' 'GRO NYAN RANG CHOS SRUNG KUN, ,SPYAN DRANGS BSOD NAMS ZHING DU BZHUGS SU GSOL, ,JI SNYED SU DAG PHYOGS BCU'I 'JIG RTEN NA, ,DUS GSUM GSHEGS PA MI YI SENG GE KUN, ,BDAG GIS MA LUS DE DAG THAMS CAD LA, ,LUS DANG NGAG YID DANG BAS PHYAG BGYI'O, ,BZANG PO SPYOD PA'I SMON LAM STOBS DAG GIS, ,RGYAL BA THAMS CAD YID KYI MNGON SUM DU, ,ZHING GI RDUL SNYED LUS RAB BTUD PA YIS, ,RGYAL BA KUN LA RAB TU PHYAG 'TSAL LO, ,RDUL GCIG STENG NA RDUL SNYED SANGS RGYAS RNAMS, ,SANGS RGYAS SRAS KYI DBUS NA BZHUGS PA DAG ,DE LTAR CHOS KYI DBYINGS RNAMS MA LUS PA, ,THAMS CAD RGYAL BDAG GIS GANG BAR MOS, ,DE DAG BSNGAGS MI ZAD RGYA MTSO RNAMS, ,DBYANGS KYI YAN LAG RGYA MTSO'I SGRA KUN GYIS, ,RGYAL BA KUN GYI YON TAN RAB BRJOD CING, ,BDE BAR GSHEGS PA THAMS CAD BDAG GIS BSTOD, ,SHES BYA'I KHYON KUN 'JAL BA'I BLO GROS THUGS, ,SKAL BZANG RNA BA'I RGYAN GYUR LEGS BSHAD GSUNG, ,GRAGS PA'I DPAL GYIS LHAM MER MDZES PA'I SKU, ,MTHONG THOS DRAN PA DON LDAN LA PHYAG 'TSAL, ,ZHES DANG,

DPAL LDAN SA GSUM MA SOGS RJE'I GSOL 'DEBS DANG BSTOD BA CI RIGS 'DON ZHING, SPRON PHYAG 'TSAL BA DANG SBRAGS KYANG RUNG, YID 'ONG MCHOD YON ZHES PA'I SHLOOKA GCIG PU'AM, RGYAL BA RGYA MTSO, MA SOGS KYI MCHOD 'PHRENG RGYAS PA DANG, 'DOD YON RNAM LNGA RIN CHEN SNA BDUN SOGS KYANG 'BUL, LTUNG BSHAGS DANG SGYI BSHAGS SOGS KYANG BTON TE, GANG ZHIG THOG MED DUS NAS ZHES PA MAN CHAD MTHAR CHAGS SU BYA, DE NAS MAndAL SO BDUN MA RGYAS PAR PHUL LA, SA GZHI SPOS BYUGS MGRANGS BSAGS TE BDUN NA MNYER GCIG SOGS DBUL, DE NAS BDUD RTZI 'BEB SBYANG GI DMIGS PA KHRID YIG SOGS NAS 'BYUNG BA LTAR BYAS LA DMIGS BRTZE MA BRGYA STONG SOGS 'DON, DE RJES, RJE BLA MA'I GNAS GSUM GYI RIGS GSUM MGON PO SO SO'I THUGS KAR RIM PA BZHIN ZLA GDAN LA HR'I:YIG DANG DH'I:YIG, NYI GDAN LA H'Um YIG GI MTHAR RANG RANG GI SNGAGS KYIS BSKOR BAR MOS TE, RIGS GSUM MGON PO'I SNYING PO BGRANG, KHRUS LA SOGS PA'I SGO NAS GZHAN GYI DON SGRUB PA'I TSE THUGS KA'I GSANG BDAG KHRO BO'I RNAM PA DE NYID RDO RJE RNAM PAR 'JOMS PA'I SKUR GYUR PAR MOS LA, DE'I THUGS KA'I SNGAGS 'PHRENG LAS BDUD RTZI'I RGYUN BABS PAS BUM PA GANG BAR BSAMS TE, DE'I SNGAGS BZLA ZHING BUM CHU DE NYID KYIS BSKRU BYA BA SOGS DKYUS BZHIN BYA, DES MTSON TE MGRIN PA'I 'JAM DPAL DE NYID RDO RJE 'JIGS BYED KYI SKUR GYUR PAR MOS LA DE'I SNGAGS BGRANG BA SOGS SKABS DANG SBYAR NA RUNG BAR GSUNGS SO, ,MJUG TU RJE BLA MA RANG GI SNYING GAR BYON PAR MOS TE, DPAL LDAN RTZA BA'I BLA MA ZHES SOGS DANG, TSER BAS RJES 'DZIN GYI SMON PA SOGS BYA'O, ,

, ,ZHES PA 'DI YANG DED BRTZON LDAN PA DGE SLONG 'JIGS MED BDE CHEN GYIS BSKUL NGOR BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU MANYDZU GHOsh'A YA, YE SHES SNANG BA MCHOG TU 'BAR BA'I GZIS, ,NANG GI MUN PA SEL PA'I NYIN MOR BYED, ,'JAM DBYANGS ZHABS KYI PADMO LA BTUD NAS, ,DE LA BRTEN PA'I BLA MA'I RNAL 'BYOR BRI, ,DE'ANG YON TAN RIN PO CHE SDUD BA LAS, SLOB MA BZANG BO BLA MAR GUS LDAN DE DAG GIS, ,BLA MA MKHAS PA RNAMS LA RTAG TU BRTEN PAR BYA, ,CI'I PHYIR ZHE NA MKHAS PA'I YON TAN DE LAS 'BYUNG, ,DE DAG SHES RAB PHA ROL PHYIN PA RJES SU STON, ,ZHES GSUNGS PA LTAR, SPYIR SRID ZHI'I LEGS TSOGS GZHAN THAMS CAD NI BDAG RKYEN SANGS RGYAS KYI 'PHRIN LAS LA BRTEN CING SANGS RGYAS DE NI YUM SHES RAB KYI PHA ROL TU PHYIN PA LAS 'KHRUNGS, SHES RAB KYI PHA ROL TU PHYIN BA'I RTOGS PA NI DGE BA'I BSHES GNYEN GYIS RJES SU GDAMS BA LA RAG LAS PAS MDOR BSDU NA LEGS TSOGS YON TAN THAMS CAD KYI RTZA BA DGE BA'I BSHES GNYEN KHO NA LA THUG GO, DES NA GNAS SKABS MTHAR THUG GI PHYAN TSOGS GANG ZHIG BSGRUB KYANG DE'I RTEN 'BREL THAMS CAD BLA MA LA BRTEN NAS BSGRIG DGOS TE, STON PA YANG DAG PAR RDZOGS PA'I SANGS RGYAS NAS BZUNG 'PHAGS YUL PAn GRUB RNAMS DANG JO BO YAB SRAS, 'JAM MGON BLA MA YAB SRAS THAMS CAD KYANG RTZA BA BSHES GNYEN BSTEN TSUL GYI RMANG GZHI BRTAN PA'I STENG NAS SA LAM GYI RTOGS PA BGROD TSUL DANG BSTAN 'GRO'I DON LHUN GYIS GRUB TSUL RNAM THAR RNAMS SU GSAL BA BZHIN NO, ,DES NA BSHES GNYEN BSTEN TSUL NI DMIGS SKOR

THUN RE TZAM GYIS MI RDZOGS PA LAM RIM CHEN MOR GSUNGS PA BZHIN YIN PAS SANGS RGYAS DNGOS SU MTHONG BA'I DAD PA DANG RGYAL BA KUN LAS BKA' DRIN CHE TSUL RJES SU DRAN BA'I GUS PA CHEN POS YID GTING NAS GA-YOS TE SGO GSUM MTHA' DAG BLA MA'I DBANG DU BTANG ZHING BYA BA THAMS CAD BLA MA MNYES PA'I MCHOD PAR 'GYUR PA ZHIG BYUNG NA MGO BSHES GNYEN BSTEN TSUL GYI SARGA MA LOG PA DANG LAM GYI RTZA BA TSUGS PA YIN PAS GNAS 'DI LA SHIN TU GZAB PAR BYA'O, ,'DIR BLA MA'I RNAL 'BYOR SGOM TSUL GYI RIM BTZAM ZHIG ZUR DU 'GOD PA LA LHAG PA'I LHA SO SO DANG SBYAR BA'I BLA MA'I RNAL 'BYOR RIGS SNA TSOGS SHIG YOD KYANG RJE BLA MA'I GDAMS PA THUN MONG MA YIN PA RNAMS NYAMS SU LEN SKABS BLA MA DANG 'JAM PA'I DBYANGS NGO BO DBYER MED DU BYAS NA RTEN 'BREL GYI SGO KHYAD PAR CAN YOD TSUL YAB SRAS RNAMS KYI GSUNG RGYUN DU MA LAS 'BYUNG BA LTAR YIN PAS 'DIR YANG DE'I DBANG DU BYAS TE NYAMS SU LEN PA LA, GNAS KHANG BYI DOR BYAS, LAM GTZO'I TSOGS ZHING DAM 'JAM PA'I DBYANGS DANG RJE BLA MA, RANG GI RTZA BA'I BLA MA RNAMS KYI SKU BRNYAN BRIS 'BUR CI RIGS KYIS GTZO BYAS PA'I SKU GSUNG THUGS KYI RTEN DGYAM, YON CHAB DANG MAR ME SOGS DVANGS SHING GSAL BA'I MCHOD PA LEGS PAR BSHAM, SPYOD LAM TSUL MTHUN GYIS 'KHOD DE DGE SEMS KHYAD PAR CAN GYI NGANG NAS SKYABS 'GRO SEMS BSKYED TSAD MED BZHI RNAMS YONGS GRAGS LTAR DANG, KHYAD PAR MA SEMS CAN THAMS CAD KYI MI SHES PA'I MUN PA DRUNGS NAS PHYUNG STE YE SHES KYI SNANG BA PHUN SUM TSOGS PA LA 'GOD PAR BYA, DE'I PHYIR DU LE MA ZAB MO BLA MA LHA'I RNAL 'BYOR NYAMS SU BLANG BAR BYA'O, ,ZHES KHYAD BAR GYI

, ,SEMS BSKYED BYA, DNGOS GZHI TSIGS SU BCAD PAS BRJOD NA 'JUG PA BDEBS 'DI LTAR, RNAM DAG 'OD GSAL CHOS DBYINGS LHA YI LAM, ,BDE CHEN YE SHES 'JA' TSON RNAM LNGA'I KLONG, ,MI 'JIGS BZHI LDAN GDONG LNGA 'BAR BA'I KHRIR, ,SRID PA'I SKYON BRAL 'DAB STONG RGYAS PA'I RTZER, ,THABS SHES DBYER MED NYI ZLA'I GDAN STENG DU, ,RTZA BA'I BLA MA MGON PO 'JAM PA'I DBYANGS, ,NYI GZHON BYE BA PHRAG BRGYAS 'KHYUD PA YI, ,GUR GUM RDUL MANG BRTZEGS PA'I LHUN PO BZHIN, ,SKU MDOG DMAR SER LANG TSO'I DPAL GYIS SGEG ,ZHAL KHYIM RAB RGYAS AUTPAL SPYAN ZUNG GA-YO, ,SMIN 'KHYOG BIMA'I MCHU SGROS 'DZUM ZHING MDZES, ,MTHON MTHING RAL PA'I THOR COG SPYI BOR BCINGS, ,DNGOS 'DZIN 'CHING BA DRUNGS NAS GCOD PA YI, ,SHES RAB RAL GRI GA-YAS PA'I PHYAG GIS 'PHYAR, ,GA-YON NA CHOS KUN SNYING PO SHER PHYIN GYIS, ,NYE BAR MTSAN PA'I AUTPAL SDONG BU BSNAMS, ,ME TOG THOD BCING NOR BU'I DBU RGYAN DANG, ,RNA CHAG DU BKOR DO SHAL CHOGS KYIS MDZES, ,LHA RDZAS DAR GYI STOD GA-YOGS SHAM THABS PA GOS, ,RDO RJE SKYIL MO KRUNG GIS BZHUGS PA YI, ,GNAS LNGAR BDE GSHEGS LNGA DANG YE SHES LNGA'I, ,RANG BZHIN YI GE LNGA YIS MTSAN PA YI, ,H'Um YIG 'OD KYIS RANG 'DRA'I YE SHES BA, ,SRAS BCAS RGYAL BA'I TSOGS BCAS SPYAN DRANGS TE, ,BSTIM PAS SKYABS GNAS KUN 'DUS NGO BOR GYUR, ,SPROS BRAL DBYINGS DANG DBYER

MED 'OD GSAL THUGS, ,ZAB RGYAS CHOS KYI DGA' STON 'GYED PA'I GSUNG, ,GANG 'DUL CIR YANG 'CHAR BA GZUGS KYI SKU, ,MI ZAD RGYAN GYI 'KHOR LO DER PHYAG 'TSAL, ,GANG GI ZHABS SEN 'OD KYIS REG PA YIS, ,MI SHES RGUD PA'I MUN PA KUN SEL ZHING, ,PHAN DANG BDE BA'I PAD TSAL RGYAS MDZAD PA, ,BLA MA 'JAM PA'I DBYANGS LA PHYAG 'TSAL LO, ,RAB 'BYAMS RGYAL BA KUN GYI YAB GYUR KYANG, ,RGYAL SRAS TSUL GYIS 'GRO KUN SRID LAS 'DREN, , YE SHES LUS CAN THUGS RJE'I GTER KHYOD LA, ,SGO GSUM MI PHYED DANG BAS PHYAG 'TSAL LO, ,KUN BZANG SMON PA'I PIR GYIS BRIS PA YI, ,MCHOD PA'I RI MO ZHING KHAMS KUN KHYAB PA, ,'KHOR GSUM DMIGS MED BLO YIS 'BUL LAGS NA, ,ZAG MED BDE STONG DGA' BAS DGYES GYUR CING, ,MA RIG DBANG GYUR NYES TSOGS MTHA' DAG DANG, ,CHOS DANG BLA MAR GUS PA DMAN PA SOGS, ,SHES RAB 'CHAL BYED DAM TSIG NYAMS CHAG KUN, ,SHUGS DRAG GDUNG BA'I YID KYIS MTHOL LO BSHAGS, ,DUS GSUM DGE TSOGS KUN DANG KHYAD PAR DU, ,MGON KHYOD DMIGS MED SNYING RJE'I DBANG GYUR TE, ,RGYAL BA'I MDZAD PA MA LUS BSGRUB PA LA, ,SNYING NAS BSAM PA THAG PAS RJES YI RANG; ;'GRO BA'I LAS NYON DRI MA KUN SEL BA, ,RJES SU BSTAN PA'I CHO 'PHRUL BDUD RTZI'I CHUS, ,LUS CAN SNYING GI GDUNG BA KUN BCIL TE, ,YANG DAG LAM GYI RTOGS PA SKYED PAR MDZOD, ,RING NAS 'GRO LA RJES SU CHAGS BA'I

, ,GNYEN, ,SRID ZHI'I 'JIGS LAS SGROL BA'I DED DPON MCHOG ,MGON KHYOD LAS LHAG SKYABS GZHAN MA MCHIS PAS, ,BSKAL PA RGYA MTSOR BRTAN PAR BZHUGS SU GSOL, ,'DIS MTSON BDAG GZHAN DGE TSOGS CI MCHIS PA, ,NYES KUN RTZA BA RMONGS PA'I GDON BCOM STE, ,YE SHES LNGA LDAN 'JAM DPAL DPA' BO YI, ,GO 'PHANG BDE BLAG 'THOB PA'I RGYU RU BSNGO, ,DE NAS GONG GI PHYAG 'TSAL GYI TSIGS BCAD GANG YANG RUNG BA GSOL 'DEBS SU BSGYUR BA CI MANG BZLAS LA, MTHAR 'DOD DON LA GSOL BA GDAB PA NI, RNAM 'DREN KUN GYI YE SHES 'JAM PA'I DBYANGS, ,KHYOD ZHABS GUS MCHOD GSOL BA BTAB PA'I MTHUS, ,YANG DAG LAM GYI RTOGS PA MNGON GYUR TE, , SKU GSUM GO 'PHANG THOB PAR BYIN GYIS RLOBS, ,KUN BYANG BLANG DOR GNAS RNAMS MA LUS PA, ,JI BZHIN 'BYED PA'I SHES RAB RLABS CHE ZHING, ,SHIN TU DPAG DKA'I GNAS KUN 'BYED PA YI, ,ZAB MO'I SHES RAB THOB PAR BYIN GYIS RLOBS, ,KU SHA'I RTZE LTAR PHRA ZHING MDZANGS PA YI, ,SHES RAB RNON GSAL MYUR BA'I MTSON RNON GYIS, ,THE TSOM DRA BA 'PHRAL DU GCOD PA LA, ,THOGS MED SPOBS BA 'GRUB PAR BYIN GYIS RLOBS, ,MA RTOGS LOG RTOG DRI MA KUN SEL ZHING, ,RGYA CHEN GZHUNG LA NGES PA BDE BLAG STER, ,YANG DAG LAM DU NYE BAR 'KHRID NUS PA'I, ,'CHAD PA'I SHES RAB THOB PAR BYIN GYIS RLOBS, ,DNGOS STOBS RIGS PA'I RNO RGYUN 'BAR BA YI, ,DGAG SGRUB GNAM

LCAGS PHRENG BAS RGOL NGAN GYI, ,DAM BCA'I BRAG RI PHYE MAR 'THAG BYED PA, ,RTZOD PA'I SHES RAB THOB PAR BYIN GYIS RLOBS, ,RJOD BYED SNYAN 'JEBS RNA BA'I BDUD RTZI 'GYED, ,BRJOD DON ZAB LAM BYANG GROL 'JUG DOGS STON, , THUB BSTAN MDZES PA'I RGYAN DU GYUR PA YI, ,RTZOM PA'I SHES RAB THOB PAR BYIN GYIS RLOBS, ,TSIG GI 'KHRUL PA SEL BSGRA RIG DANG, ,DON LA SGRO 'DOGS GCOD PA TSAD MA'I GZHUNG, ,SGO GSUM RNAM DKAR 'DU BYED BZO YI GNAS, NYAM THAG GDUNG SEL GSO RIG BDUD RTZI'I RGYUN, ,THAR PA'I 'JUG NGOGS NANG DON RIG PA STE, ,RIG GNAS CHEN PO RNAM LNGA SKAR RTZIS DANG, ,MNGON BRJOD LA SOGS RIG GNAS CHUNG BAR BCAS, ,KUN GYI MTHAR SON GDUL BYA'I MOS PA BZHIN, ,RJES 'DZIN MTHU DANG LDAN PAR BYIN GYIS RLOBS, ,BSTAN PA'I RTZA BA 'DUL BA 'BUM SDE'I GZHUNG, ,LUNG DANG RIGS PA'I MNGON PA DBU TSAD MDZOD, ,MDO SDE'I MCHOG GYUR PHA ROL PHYIN RNAMS KYI, ,DGONGS DON BDE BLAG RTOGS PAR BYIN GYIS RLOBS, ,LHA DRUG GIS BSDUS BYA BA SPYOD PAR BCAS, ,PHYAG RGYA BZHI YIS RGYAS BTAB RNAL 'BYOR RGYUD, ,BDEN GNYIS GTZOR GYUR BLA MED RNAM GNYIS SOGS, ,RGYUD DON MTHA' DAG RTOGS PAR BYIN GYIS RLOBS, , MDOR NA GZHUNG LUGS KUN LA THOS PAS ZHUGS, ,DE DON TSUL BZHIN BSAM BAS SGRO 'DOGS BCAS, ,RTZE GCIG BSGOMS PAS JI BZHIN MNGON GYUR TE, ,MDO SNGAGS LAM BZANG BGROD PAR BYIN GYIS RLOBS, ,THUGS RJE'I

, ,GTER CHEN LHAG PA'I LHA KHYOD KYI, ,BYIN RLABS BDUD RTZIS SNYING LA BRAN PA YIS, ,LAM BZANG SNYE MA GA-YUR DU ZA BA'I RTZER, ,SKU GSUM 'BRAS BU SMIN PAR BYIN GYIS RLOBS, ,DE LTAR GSOL BA BTAB BAS BLA MA LHA, ,SNYING GAR BYON NAS RANG GI SEMS NYID DANG, ,DBYER MED BRTAN PAR BZHUGS NAS MCHOG THUN GYI, ,DNGOS GRUB KUN STZOL RJES SU 'DZIN GYUR CIG ,TSE RABS KUN TU 'JAM MGON BLA MA YIS, ,THEG MCHOG BSHES GNYEN DNGOS SU MDZAD PA'I MTHUS, ,RGYAL BAS BSNGAGS PA'I LAM BZANG DE NYID LAS, ,SKAD CIG TZAM YANG LDOG PAR MA GYUR CIG (,CES PA 'DI NI RNAM DPYOD MCHOG TU YANGS PA'I DGE BA'I BSHAS GNYEN RDO RAM PA DKON MCHOG NAM MKHAS BSKUL NGOR BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA'O,), ` ,,KUN RTOG SPROS DANG BRAL PA'I DBYINGS KYI MKHAR, ,DMAR SER DH'I:YIG 'OD KYI 'PHRO 'DU LAS, ,DPAL LDAN BLA MA RJE BTZUN MKHYEN PA'I GTER, ,YID 'ONG MTSAMS SPRIN GZHON NU'I MDANGS LDAN ZHING, ,BRGYAD GNYIS LANG TSOGS PA'I DPAL GYIS SGEG ,PHYAG GA-YAS RMONGS PA'I 'CHING GCOD RAL GRI DANG, ,GA-YON NA GZHUNG MCHOG SHER PHYIN GLEGS BAM BAS BSNAMS, ,GANG SNUM RAL PA'I ZUR PHUD LNGA LDAN ZHING, ,MU TIG 'BRENG MDZES NOR BU'I RGYAN GYIS SPUD, ,SKYIL MO KRUNG GIS BZHUGS PA'I GNAS GSUM DU, ,RDO RJE GSUM MTSON YI GES RGYAS BTAB

CING; ;KHYAD PAR THUGS KA'I DH'I:YIG 'OD ZER GYIS, ,MI 'GYUR CHOS DBYINGS BDE BA'I PHO BRANG NAS, ,RGYAL DANG RGYAL SRAS 'JAM DPAL ZHI KHRO'I TSOGS, ,YE SHES LHA YI 'KHOR LO SPYAN DRANGS TE, ,DBYER MED BSOD NAMS ZHING DU BZHUGS PAR GYUR, ,MA LUS RGYAL BA'I YE SHES GCIG BSDUS DNGOS, ,MA NOR LAM BZANG STON MDZAD DGE BA'I BSHES, ,MA RIG MUN PA SEL BA'I SGRON ME MCHOG ,BLA MA 'JAM PA'I DBYANGS LA PHYAG 'TSAL LO, ,KUN RTOG ZHEN PA'I 'KHOR GSUM YONGS DAG PA, ,KUN BZANG MCHOD PA'I SPRIN GYIS RAB 'BYAMS ZHING, ,KUN TU BKANG STE DANG BAS 'BUL LAGS NA, ,KUN NAS BRTZE BA'I THUGS KYIS BZHES SU GSOL, ,MU MED 'KHOR BAR 'KHYAMS PA'I GNAS SKABS SU, ,MA RIG 'KHRUL PA'I DBANG DU GYUR PA YIS, ,MI DGE SDIG PA'I LAS RNAMS CI BGYIS PA, ,MA LUS 'GYUD PA DRAG POS MTHOL LO BSHAGS, ,MKHYEN BRTZE'I 'OD KYIS THAR LAM GSAL MDZAD PA'I, ,RMAD BYUNG RNAM PAR THAR LA RJES YI RANG, , SLAD KYANG 'KHOR BA SRID DU RTAG BZHUGS NAS, ,LEGS GSUNG CHOS KYI 'KHOR LO BSKOR DU GSOL, ,'DIS MTSON DUS GSUM DGE TSOGS BSDOMS PA'I MTHUS, ,RAB 'BYAMS RGYAL PA'I CHOS KYI MDZOD BZUNG STE, ,NAM MKHA'I MTHAS GTUGS MKHA' MNYAM 'GRO KUN GYI, ,SRID DANG BZHI BA'I RGUD PA SEL GYUR CIG ,DKON MCHOG RGYAL BA'I MKHYEN RAB ME SHEL KHAMS, ,MDO SNGAGS BSTAN PA'I PAD TSAL BZHAD PA'I GNYEN, ,SKYE RGU'I SNYING GI MUN SEL

, ,SGRON ME MCHOG ,BLA MA 'JAM PA'I DBYANGS GSOL BA 'DEBS, ,KUN TU RMONGS PA'I DRA BA BCAD DU GSOL, ,RNAM 'BYED SHES RAB SNANG BA STZAL DU GSOL, ,'CHAD RTZOD RTZOM PA'I GZI BYIN SKYED DU GSOL, ,MYUR DU MGON KHYOD LTA BUR BYIN GYIS RLOBS, ,SNYING RJE CHE DANG MTHA' BRAL LTA BA YIS, ,SRID DANG ZHI BA'I GA-YANGS KUN BKAG STE, ,MI GNAS MYA NYAN 'DAS PA'I SAR BGROD NAS, ,MA LUS 'GRO BA SRID LAS SGROL GYUR CIG (,CES RJE BTZUN 'JAM DBYANGS LA BRTEN PA'I ZLA MA'I RNAL 'BYOR 'DI NI BSTAN PA'I GSAL BYED STAG LUNG SPRUL PA'I SKU NAS BSKUL NGOR ` BTZUN PA DKON MCHOG BSTAN PA'I SGRON MES BRIS PA'O, ,) ` ,,RNAM DAG 'OD GSAL DBYINGS KYI ROL PA LAS, , RGYA CHEN TSOGS GNYIS 'O MA'I CHU GTER DBUS, ,SRID PA'I SKYON BRAL 'DAB STONG PAD DKAR RTZER, ,DMIGS MED SNYING RJE ZLA BA'I DKYIL 'KHOR STENG, ,RTZA BA'I BLA MA RJE BTZUN MKHYEN PA'I GTER, ,SKU MDOG DKAR GSAL BRGYAD GNYIS LANG TSOGS SGEG ,AUTPAL SPYAN YANGS SMIN MA'I 'KHRI SHING MDZES, ,MCHU SGROS 'DZUM LDAN NOR BU'I RNA CHA GA-YO, ,PHYAG GNYIS MCHOG SPYIN CHOS STON PHYAG RGYA YI, ,AUTPAL SDONG BU LA GNAS GLEGS RAL 'DZIN, ,RDO RJE SKYIL MO KRUNG GIS LEGS BZHUGS SHING, ,RIN CHEN RGYAN DANG DAR GYIN BZAS KLUBS, ,THUGS KA'I H'Um YIG 'OD KYIS ZHING KUN NAS, ,RAB 'BYAMS RGYAL BA'I 'KHOR LO SPYAN DRANGS TE, ,BSOD NAMS ZHING DU DBYER MED BZHUGS PAR GYUR, ,

SANGS RGYAS LAS KYANG DKON PA'I THEG MCHOG CHOS, ,MDO SNGAGS ZUNG 'BREL BSTAN PA'I SGRON ME YI, ,LUS CAN RMONGS PA'I MUN SEL BLA MA LHA, ,DBYER MED ZHABS KYI PADMOR GSUM PHYAG 'TSAL, ,DAG CING DVI MED BDUD RTZI'I CHU BZHI DANG; ;NYER SPYOD ROL MO 'DOD PA'I YON TAN LNGA, ,BKRA SHIS RTAGS RDZAS RIN CHEN MAndAL, ,DUS GSUM DGE TSOGS DANG BCAS MCHOD PAR 'BUL, ,MI BZANG NYES LTUNG MA LUS SNYING NAS BSHAGS, ,RNAM DKAR DGE PA'I TSOGS LA RJES YI RANG, ,BSKAL BRGYAR BZHUGS TE CHOS 'KHOR BSKOR BAR BSKUL, ,DGE TSOGS KUN MKHYEN YE SHES RGYU RU BSNGO, ,SA GZHI SPOS KYIS BYUNGS SHING MA TOG BKRA MA, (,ZHES PA NAS,) 'GRO KUN RNAM DAG ZHING LA SPYOD PAR SHOG (,CES PA'I BAR GYIS MAndAL GRANGS GSOG, GONG GI PHYAG 'TSAL GYI TSIGS BCAD DE GSOL 'DEBS SU BSGYUR BA DANG,) AOm WA KYEE DAm NA MA: (ZHES PA GNYIS CI MANG BZLAS LA BDUD RTZI 'BEBS SBYANG GI DMIGS RNAM SKYONG,) PHUL BYUNG BYAMS DANG SNYING RJE'I PHYAG BRKYANGS TE; ;NGAN SONG GA-YANG LAS SGOL BA'I 'DREN PA MCHOG ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,DAL 'BYOR RNYED DPA' 'JIG PAR SLA BA DANG, ,DAN SONG SDUG BSNGAL BSAM PA'I 'JIGS SKRAG GIS, ,SKYABS 'GRO LAS 'BRAS BLANG DOR LA 'BAD NAS, ,NGAN SONG SKYE SGO CHOD PAR BYIN GYIS RLOBS, ,BSTAN BA'I GZHI MA SO THAR KHRIMS NOD CING, ,THAR PA'I GRONG DU 'JUG PA'I LAM STON PA, ,

, ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,RNAM DAG NGES 'BYUNG BSAM PAS RGYUD 'KHUL ZHING, ,MI BZAD NYES PA'I SGO BZHI YONGS BKAG STE, ,DA SLAB GSUM RNAM PAR DAG PA'I NYAMS LEN GYIS, ,THAR PA'I RGYAL MTSAN TSUGS PAR BYIN GYIS RLOBS, ,THEG PA MCHOG GI TSUL KHRIMS LA BKOD DE, ,SRID DANG ZHI BA'I MTHA' LAS YONGS SU 'DZIN, ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,BYAMS DANG SNYING RJE BDAG GZHAN BRJE PA'I BLOS, ,RIN CHEN BYANG CHUB SEMS KYI RTZA BRTAN ZHING, ,TSOGS GNYIS SPYOD PA'I YAL DANG RGYAS BA YI,, THEG MCHOG LAM BZANG SKYE BAR BYIN GYIS RLOBS, ,'JUG SGO RNAM DAG DBANG GIS SMIN BYAS TE, ,GSANG CHEN GDAMS PA'I DGA' STON LHUG PAR STZOL, ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,DNGOS GRUB RTZA BA DAM TSIG RNAM PAR DAG ,MTSAN BCAS MTSAN MED RIM GNYIS RNAL 'BYOR SOGS, ,GSANG CHEN LAM GYI BGROD PA MTHAR PHYIN TE, ,ZUNG 'JUG GO 'PHAR THOB PAR BYIN GYIS RLOBS, ,MDOR NA JI SRID BYANG CHUB SNYING PO'I BAR, ,'DREN PA KHYOD KYIS 'BRAL MED RJES 'DZIN CING, ,ZAB RGYAS GDAMS PA'I BDUD RTZI MYANG BA YIS, ,STOBS BCU MNGA' BA'I GO 'PHANG MYUR THOB SHOG ,(,CES PA 'DI NI DAD

(BRTZON LDAN NGA DGE SLONG DKON MCHOG CHOS LDAN GYIS BSKUL NGOR 7 BTZUN PA DKON MCHOG BSTAN PA'I SGRON MES BRIS PA'O,,) ` ,,MU TIG PHRENG LDAN 'O MA'I CHU GTER DBUS, ,'DAB MA STONG LDAN PAD DKAR LTE BA LA, ,NYA GANG BSIL ZER BYED PA'I DKYIL 'KHOR STENG, ,RAB DKAR DH'I:YIG 'OD KYI 'PHRO 'DU LAS, ,SMRA BA'I DBANG PHYUG MTSUNGS MED MKHYEN PA'I GTER, ,BKA' DRIN MNYAM MED RTZA BA'I BLA MA DANG, ,DBYER MED RGYAL KUN YAB GCIG 'JAM PA'I DBYANGS, ,BCU DRUG LANG TSOGSAR BA'I 'JO SGEG CAN, ,SKU MDOG RAB DKAR PHYAG GA-YAS MCHOG SBYIN GYIS, ,SHES RAB RAL GRIS MTSAN PA'I AUTPAL DANG, ,GA-YON PA CHOS 'CHAD PHYAG RGYAS GLEGS BAM BSNAMS, ,DRI MED NOR BU'I DO SHAL GA-YO LDAN ZHING, ,'OD BRGYA'I SNANG BA SPRO BZHIN BZHUGS PA YI, ,GNAS GSUM YI GE GSUM MTSAN H'Um YIG GIS, ,YE SHES SEMS DPA' SPYAN DRANGS DBYER MED DU, ,GYUR TE BSOD NAMS ZHING DU BRTAN PAR BZHUGS, ,YID 'OD MTSAN DANG DPE BYAD 'BAR BA'I SKU, ,YAN LAG DRUG CU'I SGRA DBYANG RDZOGS PA'I GSUNG, ,DRI MED MKHYEN RAB BRTZE BA'I THUGS MNGA' BA, ,MGON BO 'JAM PA'I DBYANGS LA PHYAG 'TSAL LO, ,NAM MKHA'I MTHA' KLAS MCHOD SPRIN RGYA MTSOS MCHOD, ,BCAS RANG NYES LTUNG DRI MA SNYING NAS BSHAGS, ,BSKAL BRGYAR BZHUGS TE CHOS 'KHOR BSKOR DU GSOL, ,'DIS MTSON DGE BA RDZOGS BYANG RGYU RU BSNGO, ,GZHAN YANG LHUN PO GLING BZHI NYI ZLA BCAS, ,RANG LUS LONGS

, ,SPYOD DGE TSOGS KUN 'BUL NA, ,ZAB GSAL MYUR PA'I SHES RAB SNANG BA YIS, ,BDAG BLO RMONGS PA'I DRA BA BSAL DU GSOL, ,AOm WA KYE DAm NA MA: (ZHES CI 'GRUB BZLA, DE'ANG 'DI'I KLAD KOR NGES CAN DU NAR BKLAG DGOS TE, WA KYE NGAG LA 'JUG PAS NGAG GI DBANG PHYUG GAM DNGOS GRUB DANG, DAm ZHES PA'I YI GES SO SOR PHRAL NA DA NA ZHES PA SPYIN PA LA 'JUG PAS DE LTAR SPREL DGOS LA, RANG GI SDE PA'I LNGA PAR BKLAG, ,CES KYANG 'BYUNG BAS SO, ,DE NAS YIG BRGYAS LHAG CHAD BSKANG LA,) NOR BU'I 'KHRI SHING BZHAD PA'I RTZE MO NA, ,ZLA BA'I DKYIL 'KHOR 'DZUM PA'I ZHAL MNGA' BA, ,BCOM LDAN NGAG GI DBANG PHYUG MKHYEN PA'I GTER, ,BRTZE PAS DGONGS TE BDAG RGYUD BYIN GYIS RLOBS, ,ZAB CING RGYA CHE PHA ROL PHYIN PA'I LAM; ;MTHA' DRUG TSUL BZHI'I RGYAS BTAB RDO RJE'I THEG ,YAN LAG THUN MONG RIG GNAS BZHI LA SOGS, ,JI BZHIN 'BYED PA'I SHES RAB STZAL DU GSOL, ,'CHAD LA MI 'JIGS SPOBS PA'I LUS STOBS RDZOGS, ,RTZOD NGAG NGA ROS PAS RGOL KLAD PA 'GEMS, ,SDE BA LEGS RTZOM PA RAL BA'I KHUR 'CHANG BA'I, ,SMRA BA'I SENG+GE MCHOG TU BDAG GRUB MDZOD, ,MDOR NA DENG NAS SKYE ZHING SKYE BA RU, ,'JAM DBYANGS BLA MA KHYOD KYIS RJES BZUNG STE, ,LEGS BSHAD BDUD RTZI'I DGA' STON MYANG BA LAS, ,SA DANG LAM GYI BGROD PA MTHAR PHYIN SHOG (,CES 'JAM DBYANGS DKAR PO LA BRTEN PA'I BLA MA'I RNAL 'BYOR 'DI NI DAD BRTZON LDAN PA DGE SLONG BLO BZANG DKON MCHOG GIS BSKUL DOR BTZUN PA DKON MCHOG BSTAN PA'I SGRON MES BRIS

PA'O,,) ` ,,'GOG MED MCHOG TU DVANGS PA'I YID MKHA' LA, ,RAL PA'I KHUR 'CHANG GDONG LNGA 'BAR BA'I KHRI, ,MA SNYIGS 'DAB BRGYA'I PHRENG LDAN RNAM GSUM GYI, ,DBUS SU RGYAL KUN YAB GCIG 'JAM PA'I DBYANGS, ,NGUR SMRIG GAR BSGYUR BLO BZANG GRAGS PA'I DPAL, ,GA-YAS SU KUN MKHYEN 'JIGS MED DBANG PO'I SDE, ,GA-YON NA RJE BTZUN BSTAN PA'I SGRON ME RNAMS, ,THUGS RJE'I 'DZUM DKAR SPRO BZHIN BZHUGS PA YI, ,KHOR YUG DNGOS BRGYUD BLA MA YI DAM SOGS,, SKYABS YUL MTHA' KLAS SPRIN LTAR GTIBS PA RNAMS, ,BGRANG DU MED PA RAB 'BYAMS BSKAL PA'I BAR, ,BDAG CAG BSOD NAMS ZHING DU BZHUGS SU GSOL, ,MKHA' DBYINGS GCIG LA NYID ZLA RGYU SKAR SOGS, ,SNA TSOGS ROL PA KUN TU STON PA LTAR, ,RNAM PA THA DAD SKYABS GNAS KUN GYI DNGOS, ,RJE BTZUN BLA MA RNAMS LA PHYAG 'TSAL LO, ,MING GI LHAG MAR GYUR PA RGYAL PA'I BSTAN, ,RGYAL BA'I DGONGS PA JI BZHIN 'DZIN PA LA, ,MA SMAD SNYING STOBS MCHOG GI DPAL MNGA' BA; ;THUB BSTAN RTZA LAG GSUM LA GSOL BA 'DEBS, ,NAM MKHA'I MTHA' KLAS KUN BZANG MCHOD PA'I SPRIN, ,RANG GZHAN DUS GSUM DGE BA'I DNGOS POR BCAS, ,BSOD NAMS ZHING MCHOG KHYED LA GUS 'BUL NA, ,THUGS RJES BZHES NAS BYIN GYIS BRLAB TU GSOL, ,MU MED 'KHOR BAR 'KHYAMS PA'I 'GRO BA RNAMS, ,BLANG DOR GNAS LA KUN NAS RMONGS PA'I MTHUS, ,BRNAG DKA'I SDUG BSNGAL SKYED PA'I LAS BSAGS PA, ,KUN KYANG KHYOD KYI THUGS RJES

, ,BYANG BAR MDZOD, ,PHUL BYUNG GRAGS PA'I GZHIR GYUR MDZAD PA'I MCHOG ,LEGS GSUNG BDUD RTZI'I DRA BA 'GYED PA YIS, ,LUS CAN YID KYI GDUNG BA RAB BCIL NAS, ,RNAM GROL KUNDA'I SKYED TSAL BZHAD PAR MDZOD, , LEGS BYAS KHA BA'I RDUL BRTZEGS TE SE'I RI, ,LEGS SMON DROD KYIS ZHU BA'I GANG+G'AMS, ,NYES LTUNG DUG CAN DRI MA RAB SBYANGS NAS, ,DAL 'BYOR TSANG PA'I RTEN BZANG RNYED BAR SHOG ,DE TSE 'JAM MGON BLA MA YAB SRAS KYI, ,ZHABS RDUL RNYOG PA MED PA GUS BSTEN NAS, ,TSANG LA MA NOR BSTAN PA'I GNAD KUN LA, ,THOS BSAM SGOM PAS TSUL BZHIN SLOB PAR SHOG ,DE LTAR RGYAL PA'I BSTAN LA SLOB PA NA, ,PHYI ROL NYER 'TSE'I BAR CHAD MI 'BYUNG ZHING, ,CHOS BRGYAD 'CHING BA'I SLAD PA MI 'JUG PAR; ;RNAM DAG CHOS SU 'GRO BAR BYIN GYIS RLOBS, ,SRID GSUM MTHA' DAG DMYAL BA'I BRTZON RA DANG, ,SGYU MA'I GRONG KHYER LTA BUR MTHONG BA YI, ,NGES 'BYUNG BYANG SEMS YANG DAG LTA BA LA, ,RTZOL MED MYONG BA BRTAN PO RNYED PAR SHOG ,DE LTAR THUN MONG LAM GYIS RGYUD SMIN TSE, ,DPAL LDAN BLA MA THUGS RJE'I GTER CHEN RNAMS, ,DKYIL 'KHOR 'KHOR LO'I MGON POR LEGS BZHENGS TE, ,GSANG BA MCHOG GI LAM DU 'KHRID PAR SHOG ,DE NAS RIM GNYIS RNAL 'BYOR LA BRTEN NAS, , LAS RLUNG RGYU BA KUN RTOG PHRA MOR BCAS, ,YONGS SU DAG PA'I RTEN DANG BRTEN PA KUN, ,BDE PA'I ROL PA GCIG TU 'CHAR BAR SHOG ,MDOR NA DENG NAS TSE RABS THAMS CAD DU, ,KHYOD KYIS DGYES BZHIN 'BRAL MED RJES BZUNG

MTHUS; ;GCIG TU DGE BA'I LAM LA RAB ZHUGS NAS, ,KUN MKHYEN RGYAL BA'I GO 'PHAR MYUR THOB SHOG (,CES BA 'DI NI DAD BRTZON RNAM DPYOD LDAN PA DKA' BCU 'JAM DBYANGS BKRA SHIS KYIS MAndAL DANG THUB PA'I SKU BRNYAN BCAS BSKUL NGOR 7 BTZUN PA DKON MCHOG BSTAN PA'I SGRON MES SBYAR BA'O,, ` ,,SKYABS SEMS SNGON DU BTANG LA,) SPYI BOR PADMA ZLA BA'I STENG, ,DRIN CAN RTZA BA'I BLA MA DANG, ,DBYER MED BCOM LDAN KLU YI DBANG, ,NAM MKHA'I MDANGS LDAN ZLA BA'I ZHAL, ,KLU RNAMS DBUGS 'BYIN PHYAG RGYA CAN, ,CHOS GOS DMAR PO GSUM GSOL ZHING, ,BRGYA RTZA BCU GNYIS MTSAN DPES SPRA SO, ,RDO RJE SKYIL KRUNG GIS BZHUGS SHING, ,GNAS RNAMS 'BRU GSUM GYIS MTSAN PA'I, ,H'Um YIG 'OD KYIS YE SHES PA, ,SRAS DANG BCAS PA SPYAN DRANGS TE, ,DBYER MED BRTAN PAR BZHUGS SU GSOL, ,BYIN RLABS BDUD RTZI'I CHAR RGYUN GYIS, ,PHYI NANG NYER 'TSE KUN SEL ZHING, ,PHAN BDE'I DGA' STON STZOL MDZAD PA, ,KLU DBANG RGYAL POR GUS PHYAG 'TSAL, , DNGOS BSHAMS YID SPRUL MCHOD TSOGS KUN, ,DMIGS MED THUGS RJES BZHES SU GSOL, ,LAS NGAN LAN CHAGS KYIS BSKYED PA'I, ,KLU GNYAN SA BDAG GNOD PA SOGS, ,PHYI NANG NYER 'TSE MA LUS PA, ,RGYU BCAS BYANG BAR BYIN GYIS RLOBS, ,ZHES GSOL BA BTAB PAS SKU LAS BDUD RTZI'I RGYUN BABS TE, NAD GDON SDIG SGRIB THAMS CAD BYANG BAR BSAM LA, TADYA THA, AOm TA TH'A GA TA BHA GA W'A NA N'A GA R'A DZE SHVA RA AA DHIshth'A NA AA DHIshthI TE SV'A H'A, (ZHES CI 'GRUB BZLA,

, ,DGE 'DIS TSE RABS THAMS CAD DU, ,DAL 'BYOR TSANG BA'I RTEN THOB CING, ,BCOM LDAN KLU DBANG RGYAL PO YIS, ,'BRAL MED RJES SU 'DZIN GYUR CIG ,YUL PHYOGS 'DIR YANG NAD MUG SOGS, ,PHYI NANG NYER 'TSE KUN ZHI STE, ,SBRANG RTZI CAN GYI ZHING KHAMS LTAR, ,BDE SKYID DPAL 'BYOR RGYAS GYUR CIG ,CES PA 'DI NI MIR NAG SHOG NAS DAD LDAN DGE SLONG ZLO BZANG BSOD NAMS KYIS BSKUL NGOR `BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA' 'O,, ` ,, RANG GI SPYI BOR SENG KHRI BAD ZLA DANG, ,KHRI SNYAN SA LA'I PAGS PA'I GDAN STENG DU, ,SKYABS GSUM MA LUS 'DUS PA'I NGO BO NYID, ,BKA' DRIN MNYAM MED RTZA BA'I BLA MA DANG, ,DBYER MED GRUB MCHOG BZHAD PA'I RDO RJE NI, ,SKU MDOG SNGO BSANGS SKEM ZHING GZI BYIN 'BAR, ,DKA' THUB SPYOD PA'I DRANG SRONG RNAM PA CAN, ,GA-YAS PA'I PHYAG GI THAL MO 'GRAM PAR BRTEN, ,GA-YON NA BDE SKYONG BDUD RTZI'I BCUD LDAN BSNAMS, ,KA SHI'I RAS DKAR 'DAB MA'I NA BZA' GSOL, ,LCANG LO SIL BUR GROL PAS SKU STOD KHEBS, ,ZAB RGYAS GDAMS BA'I GLU DBYANGS LHANG LHANG SGROGS, ,SKYIL KRUNG PHYED PA'I STABS KYIS BZHUGS PA YI, ,GNAS GSUM YI GE GSUM MTSAN H'Um YIG GIS, ,MI BSKYOD RGYAL BA'I ZHING NAS YE SHES PA; ;'KHOR BCAS SPYAN DRANGS DBYER MED BSTIM PAR GYUR, ,DKON MCHOG KUN 'DUS MI BSKYOD RGYAL BA'I DBANG, ,GSANG CHEN BSTAN PA'I SGRON ME SBAR BA'I PHYIR, ,GRUB PA'I DBANG PHYUG GAR GYIS RNAM ROL BA, ,BZHAD PA'I

RDO RJE'I ZHABS LA PHYAG 'TSAL LO, ,RAB 'BYAMS PHYI NANG GSANG BA DE NYID KYI, ,MCHOD TSOGS KUN 'BUL SDIG LTUNG MA LUS BSHAGS, ,TSE GCIG SANGS RGYAS SGRUB PA'I DKA' THUB KYI, ,SPYOD PA BSAM MI KHYAB LA RJES YI RANG, ,ZAB RGYAS GDAMS PA'I DGA' STON MCHOG STZOL CING, ,BSKAL PA RGYA MTSOR BRTAN PAR BZHUGS SU GSOL, ,'DIS MTSON DGE BAS BDAG SOGS 'GRO KUN KYANG, ,TSE RABS 'PHRENG BAR KHYOD KYIS RJES 'DZIN SHOG ,GRUB PA'I DPA' BO KHYOD KYI RNAM THAR BZHIN, , MDO SNGAGS LAM BZANG GEGS MED MYUR BGROD DE, ,MI BSKYOD RGYAL BA'I GO 'PHANG MNGON GYUR NAS, ,MA LUS 'GRO BA SRID LAS SGREL GYUR CIG ,DE LTAR GSOL BA BTAB PAS TSANGS BUG NAS, ,SNYING GA CHOS KYI 'KHOR LO'I ZE'U 'BRU'I DBUS, , BYON NAS DBYER MED BRTAN PAR BZHUGS PA YIS, ,YANG DAG LA MA BZANG MNGON DU 'GYUR BAR SHOG ,CES PA 'DI NI DAD BRTZON LDAN PA RI KHROD PA DGE SLONG BLO BZANG DKON MCHOG GIS BSKUL NGOR 7BRTZUN PA DKON MCHOG BSTAN PA'I SGREN MES BRIS PA'O,, ` ,,NA MO GU RU MU NI AINTR'A YE, DE'ANG 'DI PHYI'I LEGS TSOGS MA LUS PA'I 'BYUNG GNAS, THEG BA MCHOG GI LAM GYI LUS, DNGOS GRUB THAMS CAD KYI RTZA BA, LAM ZAB MA BLA MA LHA'I RNAL 'BYOR NYAMS SU LEN PAR 'DOD PAS, SNGON 'GRO SPYOR BA'I CHOS RNAMS TSAGS SU TSUD PAR BYAS LA, SRID ZHI'I RGUD PA MA LUS PA SEL ZHING, 'PHRAL DANG PHUN GYI PHAN BDE MA LUS PA 'BYUNG BA'I SGO GCIG PU, LAM GYA RTZA BA BSHES GNYEN BSTEN TSUL PHYIN CI MA LOG PA 'DI LA RAG LAS PAR RGYAL BAS MDO RGYUD THAMS CAD NAS MTHUN PAR GSUNGS SHING, GRUB PA'I GO 'PHANG MTHON POR GSHEGS PA'I DAM PA GONG MA THAMS CAD KYIS KYANG

, ,SKU NYAMS SU BSTAR BA'I TSUL BSAM STE NGES SHES THUN MONG MA YIN PA BSKYED, DE NAS RANG RGYUD LA BSKOR TE BRTAG PA NA, NYON MONGS PA'I GDON CHEN PHUGS SU ZHUGS PA'I DBANG GIS, RANG GI SNANG TSUL THAMS CAD BDEN BDEN LTA BU DANG, BLA MA'I MDZAD BSKYON DANG BCAS PAR MTHONG BA'I TSE BLO NGAN 'DIS NI RANG NYID PHUNG KHROL CHEN PO LA SBYOR BA'I BDUD KYI BYED PA LTAS NGAN GYI GTZO BO YIN SNYAM DU, DAM PA GONG MA MANG PO'I LO RGYUS SOGS DANG SBYAR LA RIGS PA'I RNAM GRANGS SU MA'I SGO NAS BKAG STE, SANGS RGYAS DNGOS SU MTHONG BA'I MOS PA DANG, SANGS RGYAS THAMS CAD KYI 'DUL BA'I ZHING DU MA GYUR PA NA, BLA MA 'DIS NI RANG DANG SKAL PA 'TSAM PA'I SKUR BSTAN TE RGYAL BA'I MDZAD PA THAMS CAD BSGRUB BAS, BKA' DRIN GYI NGOS NAS SANGS RGYAS THAMS CAD LAS KYANG LHAG BA YIN NO SNYAM DU GUS PA BSKYED LA, DNGOS GZHI NI SKYABS SEMS SNGON DU 'GRO BAS TSIG DON DRAN BZHIN PAR, MDUN GYI MKHA' LA SENG KHRI PAD ZLA'I STENG, ,SKYABS GSUM KUN 'DUS NGO BO BLA MA LHA, ,GA-YAS GA-YON CHOS 'CHAD SKYABS SBYIN PHYAG RGYA MDZAD, ,CHOS GOS GSUM GSOL GSER MDOG PAn ZHVAS MDZES, ,DGYES PA'I TSUL GYIS BZHUGS BDI MTHA' SKOR DU, ,DNGOS BRGYUD BLA MA YI DAM LHA TSOGS DANG, ,SANGS RGYAS BYANG SEMS NYAN RANG CHOS SRUNG SOGS, ,MKHA' DBYINGS KHYAB PAS BSKOR TE BRTAN PAR BZHUGS, ,BSLU MED 'DREN PA DKON MCHOG GSUM GYI DNGOS, ,BSHAD SGRUB BSTAN PA'I SROG SHING ZLA MED PA, ,THAR 'DOD SNYING GI MUN SEL SGRON ME MCHOG ,RJE BTZUN BLA MA'I ZHABS LA PHYAG 'TSAL LO, ,GZHAN YANG ZHI KHRO RAB 'BYAMS LHA TSOGS LA, ,SGO GSUM MI PHYED DAD BAS PHYAG 'TSAL ZHING, ,DNGOS

BSHAMS YID SPRUL MCHOD PA MA LUS 'BUL, ,THOG MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA KUN LA RJES YI RANG, ,'KHOR BAM STONGS BAR DU RTAG BZHUGS NAS, ,'GROL CHOS KYI 'KHOR LO BSKOR DU GSOL, ,'DIS MTSON DGE BA BYANG CHUB CHEN POR BSNGO, ,SA GZHI SPOS KYIS BYUGS SHING ME TOG BKRAM, ,ZHES PA NAS, SPYOD PAR SHOG ,KHYOD NI BLA MA KHYOD NI YI DAM KHYOD NI MKHA' 'GRO CHOS SKYONG STE, ,ZHES PA NAS, BAR GCOD SRUNGS, LAN GSUM, , BYIN RLABS DNGOS GRUB GTER CHEN BLA MA LA, ,GSOL BA 'DEBS SO BDAG RGYUD BYIN GYIS RLOBS, ,NGAN SONG 'KHOR BA'I GNAS LAS YID 'BYUNG BAS, ,BLO KHA CHOS LA PHYOGS PAR BYIN GYIS RLOBS, ,RIN CHEN BYANG CHUB SEMS KYI RGYAS BTAB STE, , DAM CHOS LAM DU 'GRO BAR BYIN GYIS RLOBS, ,DNGOS 'DZIN GDON CHEN BDUD KYI DPUNG BCOM STE, ,LAM LA BAR CHAD MED PAR BYIN GYIS RLOBS, ,RAB DKAR BDUD RTZIS BUM PA'I DBANG BSKUR TE, ,RGYAL BA'I GZUGS SKU 'GRUB PAR BYIN GYIS RLOBS, ,BDUD RTZI DMAR POS GSANG BA'I DBANG BSKUR TO, ,RGYAL GSUNG LONGS SKU 'GRUB PAR BYIN GYIS RLOBS,, SNGON POS SHES RAB YE SHES DBANG BSKUR TE, ,THUGS MCHOG CHOS SKU 'GRUB PAR BYIN GYIS RLOBS, ,RNAM GSUM BDUD RTZIS BZHI BA'I DBANG BSKUR BAS, ,SKU THUGS ZUNG 'JUG 'GRUB PAR BYIN GYIS RLOBS, ,MDOR NA SRID DANG ZHI BA'I RGUD PA KUN, ,MA LUS LHAG MED ZHI BAR BYIN GYIS RLOBS, ,MCHOG DANG THUN MONG DNGOS GRUB MA LUS PHA, ,BDE

, ,BLA NYID DU 'GRUB PAR BYIN GYIS RLOBS, ,DUS DANG GNAS SKABS KUN TU KHYOD MIN PA, ,RE SA GZHAN NA MED DO THUGS RJES GZIGS, ,DE LTAR GSOL BA BTAB PAS BLA MA MCHOG ,DGYES BZHIN DH'U T'I'I LAM NAS SNYING GAR BYON, ,DPAL LDAN RTZA BA'I BLA MA RIN PO CHE, ,BDAG GI SNYING GAR PADMA'I GDAN BZHUGS LA, ,BKA' DRIN CHEN PO'I SGO NAS RJES BZUNG STE, ,SKU GSUNG THUGS KYI DNGOS GRUB STZOL DU GSOL, ,GONG GI PHYAG 'CHAL GSOL 'DEBS SU BSGYUR BA GRANGS GSOG DANG, MTHAR, TSE RABS KUN TU RJE BTZUN BLA MA YIS, ,THEG MCHOG BSHES GNYEN ZHES SOGS DANG, DPAL LDAN BLA MA'I RNAM PAR THAR PA LA, ,ZHES SOGS DANG, SKYE BA KUN TU ZHES SOGS BSNGE SMON GYIS MTSAMS SBYOR ZHING, RGYUN DU'ANG SNYING DBUS KYI BLA MA'I 'DU SHES MA BRJED PAS, DE NYID DBANG POR BYAS TE DGE SDIG GI BLANG DOR LA BAG ZON BYED CING, SPYOD LAM KUN TU DE LA BRTEN PA'I TSOGS GSOG SGRIB SBYONG GI NYAMS LEN CHU BO'I RGYUN GYI RNAL 'BYOR LTAR BYA'O, ,ZHES BLA MA'I RNAL 'BYOR SHIN TU BSDUS BA MDO SNGAGS SPYI'I LAM GYI 'GROS DANG SBYAR BA 'DI NI RNAM DPYOD MCHOG TU YANGS PA RDO RAM BA DAG DBANG RAB BRTAN GYIS BSKUL NGOR 7 BTZUN PA DKON MCHOG BSTAN PA'I SGRON MES BRIS BA'O,, ` ,,LAM THUN MONG DANG THUN MONG MA YIN PA'I GNAD TSANG BA'I BLA MA'I RNAL 'BYOR BZHUGS, NA MO GU RU MU N'I NDRA BADZRA DH'A R'A YA, MDUN GYI NAM MKHAR SENG KHRI BAD ZLA'I STENG, ,BKA' DRIN MNYAM MED RTZA BA'I BLA MA DANG, ,NGO BO DBYER MED STON PA BCOM LDAN 'DAS, ,GSER GYI MDOG CAN SA GNON MNYAM GZHAG MDZAD, ,THUGS KAR KHYAB

BDAG DPAL LDAN HE RU KA:, ,SKU MDOG SNGON PO ZHAL BZHI PHYAG BCU GNYIS, ,GAR DGU'I NYAMS LDAN BDE STONG ROL PAS DGYES, ,GNAS GSUM YI GE GSUM MTSAN H'Um YIG GIS, ,RAB 'BYAMS RGYAL BA'I 'KHOR LO MA LUS PA, ,SPYAN DRANGS DBYER MED GCIG TU 'DUS PA YI, ,SKYABS GNAS KUN GYI BDAG NYID THUGS RJE'I GTER, ,BDAG GI BSOD NAMS ZHING DU BRTAN PAR BZHUGS, ,CHER SNYIGS LNGA BDO'I 'GRO BA MGON MED LA, ,THAR PA'I LAM BZANG JI BZHIN STON PA YIS, , MA LUS RGYAL BA'I MDZAD PA SGRUB MDZAD PA, ,BKA' DRIN MTSUNGS MED DAM PAR GSOL BA 'DEBS, ,KHYAD PAR SANGS RGYAS LAS KYANG DKON PA YI, ,THEG MCHOG BSTAN PA'I SNYING PO GSANG SNGAGS KYI, ,LAM BZANG GSAL BAR BYED PA'I SGRON ME MCHOG ,'GRO BA'I DED DPON DAM PAR GSOL BA 'DEBS, ,LUS DANG LONGS SPYOD DUS GSUM DGE TSOGS BCAS, ,KUN BZANG MCHOD PA'I SPRIN DU LEGS BSTAR NAS, ,RTZE GCIG DANG BA'I YID KYIS 'BUL LAGS NA, ,DGYES BZHIN BZHES TE BYIN GYIS BRLAB TU GSOL, ,LEGS TSOGS RTZA BA DAM PA'I MGON GYIS BZUNG, ,MI RTAG LAS 'PRAS BSAM NAS 'DI PHYI YI, ,SNANG SHAS BZLOG STE 'KHOR BA ME'O BAS LTAR, ,MTHONG BA'I NGES 'BYUNG SKYE DANG BYIN GYIS RLOBS, ,RANG GZHAN DON GNYIS PHUN SUM TSOGS BA'I RGYU, ,RIN CHEN BYANG CHUB MCHOG TU SEMS BSKYED CING, ,SRID BA'I RTZA BA DRUNGS NAS 'BYIN BYED PA'I, ,YANG DAG LTA BRTOGS BAR BYIN GYIS RLOBS, ,THA MAL SNANG ZHEN SBYONG BA'I BSKYED

, ,RIM DANG, ,RLUNG SEMS DBU MAR GZHUG BYED DBEN PA GSUM, ,ZHUGS LAS SGYU 'OD ZUNG 'JUG SKUR LDANG BA'I, ,RIM GNYIS RNAL 'BYOR 'GRUB PAR BYIN GYIS RLOBS, ,MDOR NA BLO BZANG RGYAL BSTAN SNYING PO'I BCUD, ,MTSANG MED PAR THOS BSAM BSGOM PA YIS, ,NYAMS SU BLANGS TE BSHAD SGRUB MTHAR PHYIN NAS, ,DON GNYIS LHUN GYIS GRUB PAR BYIN GYIS RLOBS, ,ZHES PA'I MTHAR, DPAL LDAN RTZA BA'I BLA MA ZHES SOGS KYIS SNYING GAR BSTIM ZHING TSE RABS RJES 'DZEN GYI SMON PAS MCHAMS SBYAR BAR BYA'O, ,ZHES LAM THUN MONG DANG THUN MONG MA YIN PA'I GNAD CHA TSANG BA DANG 'BREL BA'I BLA MA'I RNAL 'BYOR 'DI NI, ^'JAM MGON RGYAL BA GNYIS PA'I BSTAN PA'I RTZA LAG DAM PA SUM PA MKHAN CHEN SPRUL PA'I SKU RIN PO CHE NAS GSER GYI ME TOG DANG BCAS BSKUL MA GNANG BA'I BZHED PA BZHIN, ^ BTZUN BA DKON MCHOG BSTAN PA'I SGRON MES BRIS PA'O,, ` ,,CHOS DBYINGS SPROS DANG BRAL BA LHA YI LAM, ,BDE CHEN SNYING RJE'I CHU 'DZIN 'KHRIGS PA'I KLONG, ,MI 'JIGS BZHI LDAN GDONG LNGA 'BAR BA'I KHRI, ,SRID PA'I SKYON BRAL YID 'ONG 'DAB BRGYAB, ,THABS SHES ZUNG 'JUG NYI ZLA'I GDAN STENG DU, ,ZHI KHRO RAB 'BYAMS SKYABS GNAS MA LUS PA, ,DBYER MED GCIG TU 'DUS PA'I NGO BO NYID, ,BKA' DRIN GSUM LDAN BLA MA RDO RJE 'CHANG, ,ZHI ZHING DUL LA DGYES PA'I NYAMS DANG LDAN, ,THUGS RJE'I SPYAN GYIS MKHA' MNYAM 'GRO LA GZIGS, ,NGES DON RDO RJE THAL MO'I SBYOR BA YIS, ,BDEN ZUNG GNYIS SU MI PHYED RDO RJE 'DZIN, ,PAn ZHVAS GTZUG MDZES CHOS GOS GSUM GSOL ZHING, ,MI PHYED RDO RJE SKYIL

MO KRUNG GIS BZHUGS, ,GNAS LNGAR YE SHES LNGA YI NGO BO NYID, ,RIGS LNGA'I RANG BZHIN SA BON LNGAS MTSAN PA'I, ,H'Um YIG 'OD KYIS LHUN GRUB CHOS DBYINGS NAS, ,SRAS BCAS RGYAL BA'I DKYIL 'KHOR YE SHES PA, ,MTHA' DAG SPYAN DRANGS DBYER MED BRTAN PAR GYUR, ,BLO BZANG THUB BSTAN 'DAB BRGYA'I GNYEN GCIG PU, ,DBANG PHYUG BRGYAD LDAN 'JIGS MED STOBS BCU'I BDAG ,DKYIL 'KHOR RGYA MTSE SPRO ZHING SDUD MDZAD PA, ,KHYAB BDAG 'KHOR LO'I MGON POR GSOL BA 'DABS, ,SNYIGS MA'I 'GRO BA SPYI DANG KHYAD PAR DU, ,'DZAM GLING BYANG PHYOGS 'DZIN MA'I KHYON KUN LA, ,THUB BSTAN SNYING PO NYI LTAR GSAL MDZAD PA, ,BKA' DRIN MTSUNGS MED DAM PAR GSOL BA 'DEBS, ,RAB 'BYAMS PHYI NANG GSANG BA DE NYID KYI, ,MCHOD TSOGS MA LUS BLO YIS BLANGS TE 'BUL, ,RGYA CHEN NAM MKHA' MDZOD KYI TING 'DZIN MTHUS, ,BYIN GYIS BRLABS TE DGYES BZHIN BZHES SU GSOL, ,THOG MED NAS BSAGS SDIG LTUNG THAMS CAD DANG, ,KHYAD PAR SDOM GSUM BCAS 'GAL NYES PA KUN, , SHUGS DRAG GDUNG BA'I YID KYIS MTHOL LO BSHAGS, ,LHAG MED BYANG ZHING DAG PAR BYIN GYIS RLOBS, ,BDAG GIS DUS GSUM DGE TSOGS CI BGYIS PA, ,DE DAG THAMS CAD SKYE ZHING SKYE BA RU, ,MGON PO KHYOD KYIS 'BRAL MED RJES 'DZIN ZHING, , BKA' BZHIN SGRUB PA LHUR LEN RGYUR GYUR CIG ,NGES 'BYUNG BYANG SEMS ZAB MO'I LTA BA SOGS, ,THUN MONG LAM SBYANG RIM PA SNGON 'GRO BA'I, ,GSANG CHEN THEG PA MCHOG GI SGOR ZHUGS TE, ,DAM TSIG MTHA' DAG TSUL BZHIN BSRUNG GYUR

, ,CIG ,THABS SHES ZUNG 'BREL ZAB MO'I MYUR LAM GYIS, ,RING MIN SRID PA'I RGYA MTSO MTHAR BYAS TE, ,BLA MA LHA YI GO 'PHANG MNGON GYUR NAS, ,'GRO KUN THAR PA'I GLING DU 'KHRID GYUR CIG ,CES BLA MA RANG GI SNYING GAR SPYAN DRANGS PAR BSAMS LA, DPAL LDAN BLA MA'I RNAM PAR THAR PA LA, ZHES SOGS DANG, SKYE BA KUN TU ZHES SOGS SMON LAM GYIS MTSAMS SBYAR PAR BYA'O, ,ZHES BSTAN 'GRO'I DBUNG GNYEN MTSUNGS ZLA MA MCHIS BA RJE BTZUN DAM PA BLO BZANG THUB BSTAN DBANG PHYUG 'JIGS MED RGYA MTSOD PAL BZANG PO'I ZHAL SNGA NAS LA BRTEN BA'I BLA MA'I RNAL 'BYOR 'DI NI HAL HA KHU RE CHEN MO'I GRVA RIGS DAD LDAN DGE SLONG DKON MCHOG DGE LEGS KYIS BSKUL NGOR 7 BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU BADZRA DH'A RA SUM TI WA GINDRA YA, DAG PA RAB 'BYAMS BYED PO BDE BA CHE, ,SPROS BRAL DBYINGS SU RTZEN PA'I SGYU 'PHRUL LAS, ,'BYAMS KLAS KUN BZANG MCHOD SPRIN RGYA MTSO'I DBUS, ,SENG KHRI PAD ZLA NYI MA'I GDAN GYI STENG, ,RIGS KUN KHYAB BDAG RDO RJE SEMS DPA'I DNGOS, ,RTZA BA'I BLA MA NGAG DBANG BLO BZANG ZHABS, ,THAL MO BSNOL TE ZAB RGYAS GLEGS BAM BSNAMS, ,CHOS GOS GSUM 'CHANG PAn ZHVA LEB MOR GSOL, ,RAB DGYES 'DZUM PA'I NYAMS DANG LDAN PA YI, ,DPRAL MGRIN THUGS KAR RDO RJE GSUM GYI DNGOS, ,YI GE GSUM MTSAN H'Um GI 'OD ZER GYIS, ,SKYABS GNAS MA LUS BSDUS TE THIM PAR GYUR, ,DZA: H'Um BAm HO:MDO RGYUD MAN NGAG KUN LA DBANG 'BYOR ZHING, ,BLO GROS BUM BZANG BSLAB GSUM

BDUD RTZIS GTAMS, ,ZAB CING RGYA CHE'I RTOGS PA'I KLONG RDOL BA, ,DPAL LDAN BLA MA'I ZHABS LA GSOL BA 'DEBS, ,CHER SNYIGS DMU RGOD GDUL DKA'I 'GRO BA LA, ,RGYAL KUN THUGS BCUD GDAMS PA'I MCHOG STZAL TE, ,SKAL BA JI BZHIN SRID BZHI'I RGUD PA LAS, ,SGROL MDZAD SKYABS KYI DAM PAR PHYAG 'TSAL LO, ,BSLU MED THUGS RJE'I GTER CHEN MGON KHYOD KYIS, ,'BRAL MED BYANG CHUB BAR DU RJES 'DZIN CING, ,'KHRUL MED 'JAM MGON ZHAL LUNG BDUD RTZI'I CHUS, , THOG MED LAS NYON DRI MA BYANG BAR MDZOD, ,LUS DANG LONGS SPYOD DUS GSUM DGE BA'I DNGOS, ,MTHA' DAG ZHUM MED BLO YIS LEGS 'DUL NA, ,ZAG MED BDE CHEN DANG DU RNAM ROL CING, ,MTHAR THUG BYANG CHEN RGYU RU SMIN PAR MDZED, ,SA GZHI SPOS KYIS BYUGS SHING ZHES SOGS KYIS MAndAL DBUL, GSOL 'DEBS KYI BZLAS BRJOD BYA BAR 'DOD NA, MDO RGYUD MAN NGAG CES SOGS KYI SHLOO KA DE GRANGS GSOG NAS BZLA, PHRA RAGS SRID PA'I RGYA MTSO DRGAL GYI BAR, ,BLA MA YI DAM TSAS SRUNG KUN GYI DNGOS, ,'DREN PA KHYOD MIN SKYABS GZHAN MA MCHIS PAS, ,BRTZE CHEN THUGS RJE'I PHYAG GIS DRANG DU GSOL, ,DNGOS GRUB RTZA BA BLA MA'I MOS GUS DANG, ,NGES 'BYUNG BYANG SEMS YANG DAG LTA BA'I GNAD, ,ZAB LAM RIM GNYIS RNAL 'BYOR LA SOGS PA, ,LAM BZANG GEGS MED SKYE BAR BYIN GYIS RLOBS, ,MDOR NA MGON KHYOD THUGS RJE'I SPRIN PHUNG LAS, ,MCHOG THUN DNGOS GRUB GRUB CHANG 'JOB YIS, ,PHAN DANG BDE BA'I DGA' TSAL RGYAS GYUR TE, ,BLA MED THAR PA'I 'BRAS BZAD SMIN

, ,GYUR CIG ,DE NAS BLA MA RANG GI SPYI BO NAS MAR PHEBS TE SNYING GAR RANG SEMS DANG DBYER MED DU BZHUGS PA'I MOS PA BYAS LA, DPAL LDAN RTZA BA'I BLA MA RIN PO CHE, ,BDAG GI SNYING GAR ZHES SOGS DANG, TSE RABS RJES 'DZIN GYI SMON PAS MTSAMS SBYAR BAR BYA'O, ,RGYUN DU ZAS GOS GNAS MAL SOGS GANG LA LONGS SPYOD PA NA SNYING GA'I BLA MA LA DBUL BA'I DMIGS PA CHU BO'I RGYUN GYI RNAL 'BYOR BZHIN DU BYAS NA DKOR SGRIB SBYONG ZHING RANG GZHAN GNYIS KA'I TSOGS RDZOGS PA DANG, BLA MA RJES SU DRAN PA DANG MI 'BRAL ZHING DGYES BZHIN RJES SU 'DZIN PA'I RTEN 'BREL GYI SGO KHYAD PAR CAN YOD PAS THABS SNA TSOGS KYI SGO NAS DAL 'BYOR LA SNYING PO BLANG BAR BYA'O, ,ZHES RJE BTZUN BLA MA DAM PA GRUB PA'I DBANG PHYUG CHEN PO CHOS BRGYAD KYI SNANG BA BTZAN CHOD DU BYED PA'I RJE BTZUN MI LA GNYIS PA KLONG RDOL GRUB PA'I DBANG PHYUG NGAG DBANG BLO BZANG PA'I ZHAL SNGA NAS KYI BLA MA'I RNAL 'BYOR 'DI NI, RJE BTZUN DE NYID LA RTZE GCIG TU MES GUS CAN KHA KYA'I RAB 'BYAMS BA BLO BZANG BRTZON 'GRUS KYIS BSKUL DOR 7BTZUN PA DKON MCHOG BSTAN PA'I SGRON MES DBEN GNAS YID DGA' CHOS 'DZIN NAS BRIS PA'O,, ` ,, RANG GI SPYI BOR PADMA ZLA BA'I STENG, ,RTZA BA'I BLA MA MCHOG DANG DBYER MED PA'I, ,RDOR SEMS DKAR BO PHYAG GNYIS RDOR DRIL 'DZIN, ,GRI THOD 'DZIN MDZAD DBYINGS KYI DBANG MOS 'KHYUD, ,DE YI THUGS KA'I H'Um GI 'OD ZER GYIS, ,YE SHES PA RNAMS SPYAN DRANGS DBYER MED GYUR, ,SLAR YANG 'OD 'PHROS RDO RJE GSUM GYI LHA'I, ,THUGS KA'I YIG BRGYAD KAR DMAR MTHING GA'I TSOGS, ,SPYAN DRANGS SPYI BO'I RDOR SEMS GNAS GSUM DU, ,'KHOD PA'I BDUD RTZIS LUS KUN GANG BAR GYUR, ,MI BZANG

NYES LTUNG DRI MA KUN SEL ZHING, ,MCHOG THUN DNGOS GRUB MA LUS STZOL MDZAD PA, ,BLA MA RDO RJE SEMS DPAR GUS PHYAG 'TSAL, ,RANG GZHAN SDIG LTUNG BYANG BAR BYIN GYIS RLOBS, ,DE LTAR GSOL BTAB SPYI BO;I 'RDIR SEMS LAS, ,'GRO DRUG GRANGS SNYED RDER SEMS YAB YUM SPROS, ,KUN GYI SPYI BOR BZHUGS PA'I SBYER MTSAMS NAS, ,BDUD RTZI'I RGYUN BABS NYES KUN BYANG BAR GYUR, ,DE NAS YIG BRGYA BZLA, RDOR SEMS 'OD DU ZHU BAS 'GRE BA KUN, ,DE YI SKUR BSHENGS DE DAG THAMS CAD KYANG, ,GCIG BSDUS RANG LA THIM PAS RANG NYID DANG, ,RDOR SEMS DBYER MED GCIG TU 'DRES PAR GYUR, ,'DIS MTSON DGE BAS TSE RABS KUN TU YANG, ,BLA MA RDO RJE SEMS DPAS RJES BZUNG STE, ,RNAM DAG DAM TSIG SDOM PA'I GU GZINGS LA, ,BRTEN NAS ZUNG 'JUG NOR BU'I GLING BGROD SHOG ,CES PA 'DI NI AER DUS DAR HAN SHOG GI DGE SLONG RIN CHEN BZANG PO DANG, DGE SLONG DKON MCHOG CHOS 'BREL GNYIS KYIS BSKUL NGOR 7 BTZUN PA DKON MCHOG BSTAN PA'I LJON MES BRIS PA'O,, ` ,,TSE DPAG MED DANG 'BREL BA'I BLA MA'I RNAL 'BYOR BZHUGS, BLA MTSE DPAG TU MED PAL PHYAG 'TSAL LO, ,MDUN GYI NAM MKHAR MCHOD SPRIN RGYA MTSE'I DBUS, ,RMA BYAS BTEG PA'I KHRIL PAD ZLA'I STENG, ,BKA' 'DRIN MNYAM MED RTZA BA'I BLA MA DANG, ,GNYIS SU MED PA BCOM LDAN CHO MTHA' YAS, ,NYI 'OD STONG 'BAR BYU RU'I LHUN PO BZHIN, ,SKU MDOG DMAR GSAL MTSAN DPE'I DPAL GYIS BRJID, ,MNYAM GZHAG PHYAG RGYAS BDUD RTZI'I BUM BZANG BSNAMS, ,LHA YI GES DANG RIN CHEN RGYAN

, ,GYIS MDZES, ,SKYIL MO KRUNG GIS BZHUGS PA'I GNAS GSUM DU, ,YI GE GSUM MTSAN H'Um GI 'OD ZER GYIS, ,BDE LDAN ZHING NAS MGON PO TSE DPAG MED, ,SPYAN DRANGS DAM TSIG PA DANG DBYER MED GYUR, ,BSLU MED DKON MCHOG GSUM GYI NGO BO NYID, ,NGAN SONG 'JIGS SGROL LEGS PA'I LAM BSTAN NAS, ,THAR PAR 'KHRID MDZAD 'GRO BA'I SGRON ME MCHOG ,MGON PO TSE DPAG MED LA PHYAG 'TSAL LO, ,DNGOS BSHAMS YID SPRUL NGO MTSAR MCHOD PA'I SPRIN, ,NAM MKHA' RAB 'BYAMS KHAMS KYI MTHAS GTUGS PA, ,BLO YIS BLANGS TE GUS PAS 'BUL LAGS NA, ,BRTZE BAS BZHES NAS BYIN GYIS BRLAB TU GSOL, ,SRID ZHI'I 'JIGS PA KUN LAS SKYOB BA DANG, ,MCHOG THUN DNGOS GRUB MA LUS 'GRUB PA'I PHYIR, ,RTZE GCIG GDUNG PA'I YID KYIS GSOL 'DEBS NA, ,THUGS RJES MYUR BA MYUR BAR BYIN GYIS RLOBS, ,DE LTAR GSOL BA BTAB PAS BUM NANG DANG, ,THUGS KA'I SNGAGS 'PHRENG 'OD KYIS RANG GI TSE, ,NYAMS BA GSOS SHING BRTAN GA-YO'I BYIN RLABS BCUD, ,TSE DPAL KUN BSDUS RANG LA THIM PAR GYUR, (,CES RGYAL BA SRAS BCAS KYI BYIN RLABS, LHA DANG DRANG SRONG 'KHOR LOS BSGYUR BA SOGS KYI TSE DANG BSOD NAMS 'BYUNG BA LNGA'I BCUD, RANG GI TSE SNGAR GOD PA RNAMS DANG BCAS BA BSDUS TE SNGAGS 'PHRENG LA THIM PA LAS BDUD RTZI'I RGYUN 'BEBS BA'AM, DANG PO NAS RANG LA BSTIM PAS LEGS TSOGS KYI YON TAN THAMS CAD RGYAS SHING, SLAN CHAD 'TSO BA GANG GIS KYANG MI TSUGS BA'I SRUNG BA CHEN BOR)

GYUR PAR BSAMS LA GDUNGS RING ZUNG RNAMS BZLA, MJUG TU YIG BRGYAS LHAG CHAD BSKAD,) TSE DPAG MED MGON BDUD RTZIR ZHU BA'I RGYUN, ,TSANGS BU GNAS ZHUGS LUS KUN GANG BA YIS, ,MI SHIGS GA-YUNG DRUNG TSE YI RTEN GYUR CING, ,GSANG GSUM BYIN RLABS MA LUS THOB PAR GYUR, (,CES BRJOD CING DE LTAR BSAMS LA,) DUS MIN 'CHI BA'I MTSAN MA MTHONG BA NA, ,DE YI MOD LA TSE DPAG MED MGON SKU, (,ZHES SOGS DANG,) TSE RABS KUN TU TSE DPAG MED PA YIS, ,THEG MCHOG BSHES GNYEN DNGOS SU MDZAD PA'I MTHUS, (,ZHES SOGS SMON PAS MTSAMS SBYAR BAR BYA'O, ,ZHES PA 'DI NI BSTAN PA'I GSAL BYED DAM PA AA MO SPRUL BA'I SKU BLO BZANG DKON MCHOG BSTAN PA'I RGYAL MTSAN GYIS BSKUL BA BZHIN 7BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA' 'O,,) ` ,,GNAS SPYI GTZUG BDE CHEN 'KHOR LO'I STENG, ,SKYABS DKON MCHOG GSUM 'DUS NGO BO NYID, ,RJE BLO BZANG RGYAL BA GNYIS PA YI, ,CHOS LUNG RTOGS BSTAN PA'I SGRON ME MCHOG ,SKU ZHI DUL DUR SMRIG 'CHANG BA'I TSUL, ,PHYAG CHOS 'CHAD MNYAM GZHAG PHYAG RGYA CAN, ,YONGS SRAS BCAS RGYAL BA'I 'KHOR LOR BCAS, ,MI BDAG GI MGON DU RTAG PAR BZHUGS, ,CHOS SNYIGS MA BDO BA'I DUS MTHA' 'DIR, ,YONGS THUB BSTAN SNYING PO DRI MA MED, ,BSHAD SGRUB PAS NYI LTAR GSAL MDZAD PA, ,RJE THUGS RJE'I GTER LA PHYAG 'TSAL LO, ,LUS LONGS SPYOD DUS GSUM DGE TSOGS BCAS, ,BLOS BLANGS TE GUS PAS 'BUL LAGS NA, ,THUGS BRTZE BA CHEN POS

, ,LEGS BZHES NAS, ,MCHOG THAR PA'I RGYU RU BYIN GYIS RLOBS, ,DUS YA MTHA' GTUGS PA MED PA NAS, ,SEMS NYON MONGS BRAN DU GYUR PA YIS, ,LAS SDIG PA'I DNGOS PO GANG BGYIS BA, ,YID 'GYOD PAS MTHOL LO BYANG BAR MDZOD, ,RGYU MED PAR 'GRO LA MNYES GSHIN PA, ,MGON RGYAL BA SRAS BCAS THAMS CAD DANG, ,RJE BLA MA'I RNAM PAR THAR PA LA, ,SEMS RTZE GCIG DAD PAS RJES YI RANG, ,DUS RING NAS 'GRO BA'I DUG GSUM GYI, ,NAD GDUNG BA SEL BA'I THUGS BSKYED BZHIN, ,CHOS ZAB RGYAS BDUD RTZI'I GTER PHYE STE, ,LAS NYON MONGS NYES KUN SBYANG DU GSOL, ,DGE 'DIS MTSON DUS GSUM BSAGS PA YI, ,LAS RNAM DKAR PHUNG PO BA SNGOMS BA'I MTHUS, ,YONGS LEGS TSOGS RTZA BA DRIN CAN RJE, ,BSAM SBYOR BAS TSUL BZHIN BSTEN PAR SHOG ,DUS RTAG TU DAL 'BYOR RTEN THOB CING, ,TSE 'DI SNANG GDON GYIS MI BSLU BAR, ,LAS RGYU 'BRAS NGANG TSUL LEGS BSAM NAS, ,SKYABS MCHOG GSUM GTZUG GIS STEN GYUR CIG ,GNAS 'KHOR BA GSHIN RJE'I BTZON RAL, ,YID GTING NAS LOG PA'I NGES 'BYUNG GIS, ,LAM BSLAB GSUM GRU GZINGS LA ZHUGS NAS, ,MCHOG THAR PA'I GLING DU BGROD GYUR CIG ,MA MKHA' MNYAM 'GRO BA MTHA' DAG LA, ,SNYING BRTZE BA'I GZHAN DBANG GYUR PA YIS, ,LAM BYANG CHUB MCHOG TU SEMS BSKYED DE, ,YONGS RGYAL SRAS SPYOD LA SLOB GYUR CIG ,RGYU'I THEG PA'I LAM GYIS RGYUD

SBYANGS TE, ,CHOS ZAB GSANG MYUR BA GSANG SNGAGS KYI, ,SGOR ZHUG SA NAS DAM TSIG LEGS BSRUNG ZHING, ,LAM RIM GNYIS SPYOD LA SLOB GYUR CIG ,DA MDOR NA BLO DMAN BYIS PA BDAG ,SNGAR DAL 'BYOR TSANG BA'I RTEN THOB KYANG, ,DUS DE RING YAN CHAD STONG PAR ZAD, ,DENG TSE LHAG CHOS KYIS 'DA' BAR SHOG ,MGON RGYAL KUN THUGS KYI BCUD BSDUS PA, ,RJE BLO BZANG BSTAN PA'I SGOR ZHUGS KYANG, ,SNGON JI BZHIN BSGRUB PAR MA NUS PAS, ,DA TSUL BZHIN NYAMS SU LEN PAR SHOG ,LAM 'KHRUL BRAL TSANG LAM NOR BA, ,RJE BLO BZANG RGYAL BA'I BKA' RGYUD KYI, ,LAM BZANG PO PHYOGS BRGYAR SPEL BA YIS, ,MA 'GRO KUN SRID LAS SGROL GYUR CIG (,CES PA 'DI NI GZHUNG BRGYA SMRA BA'I DBANG PHYUG GRA TSANG 'OG GI SLOB ZUR LTAR MA PA 'PHRIN LAS DPAL BZANG, MKHAS BTZUN BZANG PO'I BDAG NYID GRVA CHED BLA MA ZHABS DRUNG 'JAM DBYANGS RGYA MTSO, LHAG BSAM RNAM DPYOD YANGS PA GZHUNG LAS PA 'JAM DBYANGS BZANG PO RNAMS KYIS BSKUL NGOR ` BTZUN PA DKON MCHOG BSTAN PA'I SGRON MES GSER DGON DGA' LDAN DAM CHOS GLING DU SBYAR BA'I YI GE PA NI SNGAGS

*, ,GSANG BDE 'JIGS GSUM SOGS LHAG LHA DU MA DANG 'BREL BA'I BLA MA'I RNAL 'BYOR DNGOS GRUB KUN 'BYUNG ZHES BYA BA BZHUGS SO, , @001 #, ,NA MO GU RU BADZRA DH'A R'A YA, SPYI BOR SNA TSOGS PADMA NYI MA'I STENG, ,SKYABS GSUM KUN 'DUS RTZA BA'I BLA MA DANG, ,DBYER MED MI BSKYOD MGON PO SKU MDOG MTHING, ,NAG DKAR DMAR BA'I ZHAL GSUM PHYAG DRUG PA, ,RTZA PHYAG RDOR DRIL 'DZIN PAS YUM LA 'KHYUD, ,LHAG MA GA-YAS SU 'KHOR LO PADMA DANG, ,GA-YON PA'I PHYAG GIS RIN CHEN RAL GRI 'DZIN, ,RANG 'OD DANG MTSUNGS REG BYA RDO RJE MAR, ,MNYAM SBYOR RDO RJE SKYIL MO KRUNG GIS BZHUGS, ,LHA YI GOS DANG RIN CHEN RGYAN GYIS MDZES, (,ZHES PA'I 'PHROR,) PHUNG PO KHAMS DANG SKYE MCHED YAN LAG RNAMS, ,SUM CU RTZA GNYIS LHA YI NGO BO NYID, (,CES PA'AM,) BDE GSHEGS YAB YUM SEMS DPA' KHRO BO SOGS, ,SUM CU RTZA GNYIS LHA YI 'KHOR LOR BCAS,,

, (,ZHES PA GANG RIGS SBYOR, DE NAS,) GNAS GSUM YI GE GSUM MTSAN H'Um YIG GIS, ,BLA MA YI DAM MCHOG GSUM MA LUS PA, ,KHYAB BDAG DPAL LDAN 'DUS PA'I LHA TSOGS KYI, ,RNAM PAR SPYAN DRANGS DBYER MED BRTAN PAR BZHUGS, ,DAM CHOS DKON MCHOG SNYING PO BSTAN PA'I BCUD, ,'JIG RTEN GSUM GYI SGRON ME 'DUS PA YI, ,LAM BZANG MCHOG GIS 'GRO KUN 'DREN MDZAD PA, ,BLA MA MI BSKYOD RDO RJE LA PHYAG 'TSAL, ,NYER SBYOD 'DOD YON BKRA SHIS RTAGS RDZAS SOGS, ,NGO MTSAR KUN BZANG MCHOD SPRIN RAB 'BYAMS DANG, ,BDE STONG PADMA'I SNOD DU DAM RDZAS RNAMS, ,SBYANGS RTOGS SBAR BYAS BDUD RTZI'I RGYUN GYIS MCHOD, ,MTSAR SDUG YID 'ONG PHYAG RGYA'I TSOGS SPROS TE, ,YUM LA THIM PAS DGA' BA'I MCHOG SKYED CING, ,STONG

DANG BDE CHEN SGYU 'PHRUL DBYER MED PA, ,DON DAM DE NYID MCHOD PAS DGYES GYUR CIG ,SDIG LTUNG SPYI DANG RTZA BA YAN LAG GI, ,DAM TSIG NYAMS CHAG MA LUS SNYING NAS BSHAGS, ,ZAB CING RGYA CHE RIM GNYIS RNAL 'BYOR SOGS, ,SKYE 'PHAGS DGE BA'I TSOGS LA RJES YI RANG, ,'GOG MED RDO RJE'I SKU LAS MI GA-YO ZHING, ,GSANG CHEN GDAMS PA'I DGA' STON STZAL DU GSOL, ,'DIS MTSON DGE BAS BDAG GZHAN 'GRO BA KUN, ,RING MIN BYANG CHUB RDO RJE NYID GYUR CIG (,DE NAS SPRO NA RIGS LNGA'I SDOM GZUNG SOGS KYANG BYA, DE NAS GONG GI PHYAG 'TSAL GYI TSIG DE GSOL 'DEBS SU BSGYUR BA CI 'GRUB DANG,) DE'I THUGS KAR H'Um YIG LA SNGAGS 'PHRENG GIS BSKOR BA LAS 'OD ZER 'PHROS PAS, RGYAL BA SRAS BCAS KYI BYIN RLABS THAMS CAD BSDUS TE DE LA THIM ZHING, SLAR YANG 'OD DANG BDUD RTZI'I RGYUN BYUNG BA RANG DANG SEMS CAN THAMS CAD KYI SPYI BO NAS ZHUGS BAS ZHE SDANG LA SOGS PA'I NYON MONGS PA DANG, DES BSKYED PA'I LAS NGAN SDIG SGRIB BAG CHAGS DANG BCAS PA THAMS CAD BYANG ZHING DAG, MI BSKYOD PA LA SOGS PA'I GO 'PHANG LA BKOD BYUNG SNYAM PA'I SGO NAS, (GTZO BO YAB YUM GYI SNGAGS SAM, YANG NA GTZO 'KHOR KUN GYI SNGAGS BZLA, MJUG? TU YI GE BRGYA PAS LHAG CHAD BSKANG,) GANG LA BRTEN NA SRID ZHI'I 'JIGS 'PHROG

, ,CING, ,LHAN SKYES BDE BA MCHOG GI DPAL STER BA, ,THUGS RJE'I BDAG NYID DANG PO'I MGON PO YIS, ,MCHOD CHEN DGA' STON MCHOG GIS RJES BZUNG STE, ,SGO GSUM NYES PA'I DRI MA SBYANG DU GSOL, ,RIM GNYIS LAM GYI RTOGS PA SKYED DU GSOL, ,RDO RJE GSUM DBYER MI PHYED BDAG NYID KYI, ,SKU BZHI'I GO 'PHANG THOB PAR BYIN GYIS RLOBS, ,DE LTAR GSOL BTAB SPYI BO'I AOm YIG LAS, , RAB DKAR BDUD RTZI'I RGYUN GYIS DBANG BSKUR PAS, ,LUS KYI SKYON SPYANGS RIM PA DANG PO YI, ,SPRUL PA'I SKU MCHOG 'GRUB PAR BYIN GYIS RLOBS, ,LONGS SPYOD 'KHOR LO'I A'A:LAS AA MRi TA, ,DMAR PO'I RGYUN GYIS NGAG GI SKYON DAG CING, ,SNANG PHYOGS SGYU MA'I LAM GYI RLUNG SNGAGS KUN, ,SBYANGS TE LONGS SKU 'GRUB PAR BYIN GYIS RLOBS, ,CHOS KYI 'KHOR LO'I H'Um SNGON BDUD RTZI YIS, ,YID KYI NYES KUN BSAL NAS 'KHOR 'DAS CHOS, ,STONG PAR RTOGS PA'I 'OD GSAL YE SHES KYI, ,SGRIB BRAL CHOS SKU THOB PAR BYIN GYIS RLOBS, ,'BRU GSUM THUN MONG 'OD DANG BDUD RTZI'I MTHUS, ,SGO GSUM DRI MA PHRA RAGS KUN ZHI ZHING, ,SKU THUGS DBYER MED LAN? LAG BDUN LDAN GYI ,ZUNG 'JUG GO 'PHANG 'GRUB BAR BYIN GYIS RLOBS, ,MDOR NA RIGS KUN BDAG PO RDO RJE 'DZIN, ,KHYOD LAS LHAG PA'I SKYABS

GZHAN MA MCHIS PAS, ,TSE RABS 'PHRENG BAR DGYES BZHIN RJES BZUNG STE, ,YANG DAG LAM BZANG BGROD PAR BYIN GYIS RLOBS, ,RGYU YI THEG PA'I LAM GYIS RGYUD SBYANGS TE, ,'BRAS BU GSANG CHEN ZAB MO'I MYUR LAM GYIS, ,PHRA RAGS SRID PA'I RGYA MTSO NYER BRGAL NAS, ,MA LUS 'GRO BA'I MGON DU BDAG GYUR CIG ,DE NAS SPYI BO'I BLA MA RDO RJE 'CHANG RANG GI SPYI BO NAS MAR ZHUGS TE, RANG SEMS DANG DBYER MED DU 'DRES PAR BSAM LA, 'KHOR LO'I MGON PO BLA MA RDO RJE 'CHANG, ,BDAG GI SNYING GAR PADMA'I STENG BZHUGS LA, ,BKA' DRIN CHEN PO'I SGO NAS RJES BZUNG STE, ,SKU GSUNG THUGS KYI DNGOS GRUB STZAL DU GSOL, (,ZHES SOGS DANG, GZHAN YANG TSE RABS RJES 'DZIN GYI SMON LAM CI RIGS BAS MTSAMS SBYOR BYA'O; ;ZHES PA 'DI YANG DAD BRTZON BLO DANG LDAN PA SNGAGS? RAM PO CHOS RGYA MTSOS BSKUL NGOR 7 BTZUN PA DKON MCHOG BSTAN PA'I SGRON MES BRAG DKAR LHA ZHOL DU BRIS PA'O,,) ` ,,NA MO GU RU SHR'I HE RU K'A YA, (DPAL 'KHOR LO SDOM PA DANG DBYER MED DU BYAS TE ZAB LAM BLA MA'I RNAL 'BYOR NYAMS SU LEN BAR 'DOD BAS KUN SLONG LEGS PAR BCOS TE,) BLA MA YI DAM MKHA' 'GRO'I TSOGS, ,SANGS RGYAS CHOS DANG DGE 'DUN LA, ,RTAG TU BDAG NI SKYABS SU MCHI, ,BDAG NYID HE RU KAR GYUR NAS, ,SEMS CAN THAMS CAD HE RU KA'I, ,GO 'PHANG MCHOG LA 'GOD PAR SHOG (,CES PA LAN GSUM GYIS SKYABS SEMS SNGON DU BTANG LA,) RANG GI SPYI BOR SNA TSOGS PAD NYI'I STER, ,BKA' DRIN MNYAM MED RTZA BA'I BLA MA DANG, ,DBYER MED DPA' BO'I DBANG PHYUG TE RU

, ,KA:, ,NAM MKHA'I MDANGS LDAN SNGO LJANG DMAR SER ZHAL, ,NYI MA'I SPYAN BGRAD RAL PA'I THOR COG BCINGS, ,RTZA PHYAG RDOR DRIL 'DZIN PAS YUM LA 'KHYUD, ,GNYIS KYIS GTI MUG DAG PA'I GLANG LPAGS BRGYANGS, ,GA-YAS KYI LHAG MAS RIM BZHIN d'A MA RU, ,DGRA STA GRI GUG MDUNG THOGS GA-YON PA BZHIS, ,KHAtV'Am THOD KHRAG ZHAGS BTSANGS MGO BSNAMS, ,GA-YAS BRKYANGS 'JIGS BYED NAG PO'I MGO BO DANG, ,GA-YON BSKUMS DUS MTSAN DMAR MO'I NU MA MNAN, ,GAR DGU'I NYAMS LDAN PHYAG RGYA DRUG GIS SPRAS, ,SDER 'PHRENG GROL BA'I STAG LPAGS SHAM THABS GSOL, ,THOD SKAM DBU RGYAN MGO RLON DO SHAL 'PHYANG, ,PANG NA LHAN SKYES DGA' BA'I MCHOG SBYIN YUM, ,PHAG MO DMAR MO RDO RJE THOD KHRAG 'DZIN, ,GCENG MO SKRA GROL PHYAG RGYA LNGA YIS BRGYAN, ,LANG TSO RGYAS SHING LHAN CIG MNYAM PAR SBYOR, ,YE SHES ME DPUNG 'BAR BA'I DBUS NA BZHUGS, ,PHUNG KHAMS KUN KYANG RNAM SNANG RDO RJE SOGS, ,LHA YI RANG BZHIN GNAS GSUM 'BRU GSUM GYIS, ,MTSAN PA'I H'Um YIG 'OD KYIS YE SHES PA'I, ,'KHOR LO SBYAN DRANGS DBYER MED RO GCIG GYUR, ,'OD GSAL YE SHES 'BAR BA'I GDENGS KA YIS, , KUN RMONGS MTHAR MDZAD BRTAN GA-YO'I DNGOS PO KUN, ,LHAN SKYES BDE BA'I 'KHOR LOR SDOM BYED PA, ,BLA MA HE RU KA DPAL LA PHYAG 'TSAL, ,PHYI NANG GSANG BDE NYID MCHOD PA'I TSOGS, ,DMIGS MED SGYU MA'I ROL PA'I

BZHIN DU, ,'BUL ZHING SGO GSUM DAM TSIG NYAMS CHAG KUN, ,SNYING NAS MTHOL LO BYANG ZHING DAG BAR MDZOD, ,RAB 'BYAMS 'KHOR LO LNGA YI LHA TSOGS RNAMS, ,SPROS TE MKHA' KHYAB ZHING KHAMS THAMS CAD DU, ,GANG LA GANG 'TSAM SPRUL PA'I BKOD PA YIS, ,'GRO KUN SMIN CING GROL BAR BYIN GYIS RLOBS, (,ZHES BRJOD CING 'OD ZER SPRO BSDU DANG SNOD BCUD SBYANG SGYUR SOGS KYI DMIGS PA GSAL BA'I? PA'I NGANG NAS,) AOm A'A:GU RU RATNA SH'A SA NA D'I PAm SIDDHI H'Um H'Um, (ZHES PA LTA BU RANG GI BLA MA'I MTSAN SNGAGS DANG,) AOm SHR'I BADZRA HE HE RU RU KAm H'Um H'Um PHAt d'A KI N'A DZ'A LA SHAm WA RAm SV'AH'A, AOm HR'I:HA HA H'Um H'Um PHAt, (CES YAB KYI SNYING PO DANG NYE SNYING,) AOm BADZRA BEE RO TZA N'I YE H'Um H'Um PHAt, AOm SARBBA BUDDHA d'AKI N'I YE BADZRA WARnnA N'I YE H'Um H'Um PHAt SV'AH'A, (ZHES YUM GYI SNYING PO DANG NYE SNYING GI 'GRUB BZLA, HE RU KA'I YIG BRGYA BRJOD DE LHAG TSAD BSKANG, SGRO NA BOD SKAD DANG RGYA SKAD CI RIG PA'I RKANG BRGYAD KYIS BSTOD,) DNGOS GRUB 'BYUNG GNAS BLA MA LHAG PA'I LHAS, ,TSE RABS KUN TU 'BRAL MED RJES 'DZIN ZHING, ,THUN MONG LAM GYI RMANG GZHI BRTAN PA'I SGOS, ,GSANG CHEN THEG PA'I SNOD DU 'GYUR BAR SHOG ,DBANG THOB DAM TSIG SDOM PA TSUL BZHIN BSRUNG, ,RANG LUS LHA SKUR SGYUR BA'I RNAL 'BYOR DANG, ,ZHUGS GNAS THIM PA'I BDE CHEN 'OD GSAL THUGS, ,DBYER MED ZUNG 'JUG GO 'PHANG THOB PAR SHOG ,MDOR NA BLA MA BCOM LDAN HE RU KA, ,GNAS GSUM MKHA' 'GRO'I TSOGS DANG BCAS PA YIS, ,BRTZE BAS BU BZHIN 'BRAL MED RJES BZUNG STE, ,MCHOG THUN DNGOS GRUB MA LUS STZAL DU GSOL, ,

, (,ZHES BRJOD CING SNOD THAMS CAD GZHAL YAS KHANG DANG, BCUD THAMS CAD 'KHOR LO SDOM PA'I LHA TSOGS KYI RNAM PAR GNAS PA RNAMS RIM GYIS BSDUS TE BLA MA HE RU KA LA THIM, DE 'OD DU ZHU BA RANG LA THIM PAS RANG NYID HE RU KA'I SKUR GYUR, RANG YANG STONG SMAD NAS RIM GYIS 'OD DU ZHU BA SNYING GA'I SA BON LA THIM PA'I MTHAR NAM MKHA' LA 'JA' YAL BA BZHIN GYUR PAR BSAMS TE LTA THOG TU BZHAG LA,) SNOD BCUD MTHA' DAG BLA MA'I SKUR BSDUS TE, ,RANG LA THIM ZHING RANG NYID LHA YI SKUR, ,BZHENGS PA NAM MKHA'I 'JA' TSON BZHIN GYUR PAS, ,DMIGS MED 'OD GSAL NGANG DU GNAS PAR GYUR, (,CES BRJOD CING,) SRID PA GSUM 'BAR SOGS KYI BSDOMS MTSAMS SBYAR BAR BYA'O, ,ZHES PA 'DI'ANG DAD BRTZON LDAN PA SNGAGS RAM PA DKON MCHOG SENG GES BSKUL DOR 7 BTZUN PA DKON MCHOG BSTAN PA'I SGRON MES BRIS PA'O,,) ` ,,CHOS BDEN BDAG NYID BLA MA HE RU KA:, ,KHYOD MIN SKYABS GZHAN GANG DU'ANG MI 'TSOL BAS, ,SGO GSUM DRI MA MTHA' DAG DRUNGS PHYUNG STE, ,BDE CHEN SKU BZHI THOB PAR BYIN GYIS RLOBS, ,DE LTAR RTZE GCIG GSOL BA BTAB PA NA, ,SPRUL PA'I PHAG MO MKHA' 'GRO BZHIR BCAS PAS, ,BUM PA'I DBANG BSKUR LUS KYI SGRIB PA SBYANGS, ,BSKYED RIM PHRA RAGS SPRUL SKU 'GRUB PAR BYAS, ,HE RU KA:DANG PHAG MO SBYAR BA YI, ,GSANG RDZAS MYANG BAS NGAG GI SGRIB PA DAG ,KUN RDZOB SGYU MA'I RDZOGS RIM BSGOM PA DANG, ,RGYAL GSUNG LONGS SKU 'GRUB PA'I NUS PA BZHAG ,PHAG MO RANG LA PHYAG RGYAR GNANG BA DANG, ,SNYOMS PAR ZHUGS PAS DGA' BZHI'I YE

SHES SKYES; ,YID KYI SGRIB BYANG DON DAM 'OD GSAL GYI, ,RDZOGS RIM CHOS SKU DANG BCAS 'GRUB PAR BYAS, ,BDE CHEN THUGS DANG SGYU 'PHRUL DRA BA'I SKU, ,ZUNG DU 'JUG PA'I DON LA NGO SPRAD PAS, ,SGO GSUM SGRIB BRAL ZUNG 'JUG RDO RJE 'CHANG, ,'GRUB PA'I NUS PA YONGS SU SMIN PAR GYUR, (,'DI RKANG BRGYAD KYI BSTOD PA'I 'PHROR BYA ZHING, DBANG BZHI LEN TSE GONG GI SKYABS SEMS KYI 'PHROR SKAD CIG DKRONG BSKYED KYANG CHO GA'I GZHUNG BZHIN BYA DGOS SO, ,ZHES SNGAR BRIS PA'I BDE MCHOG GI BLA MA'I RNAL 'BYOR LA DBANG BZHI'I KHA SKONG ZHIG DGOS ZHES DAD BRTZON BLO DANG LDAN BA 'JIGS MED SHES RAB DANG SNGAGS RAM PA DKON MCHOG BSHES GNYEN GNYIS KYIS BSKUL NGOR 7 BTZUN PA DKON MCHOG BSTAN PA'I SGRON MES BRIS PA'O, , ` NA MO GU RU BADZRA BHEERA W'A YA, ('DIR LAM ZAB MO BLA MA LHA'I RNAL 'BYOR NYAMS SU LEN PAR BYED PA LA, SPYIR MDO RGYUD THAMS CAD LAS BLA MA NI YON TAN KUN GYI GZHI RTEN DANG SKYABS GNAS MTHA' DAG 'DUS PA'I BDAG NYID DU LAN GRANGS DU MAR GSUNGS PAS, YI DAM CHOS SKYONG GANG DANG SBREL NAS KYANG BLA MA'I RNAL 'BYOR NYAMS SU BLANG DU YOD LA, KHYAD PAR DBYANGS CAN BZHAD PA DGE 'DUN RGYA MTSOS, RGYAL BA KUN GYI YAB GCIG 'JAM PA'I DBYANGS, ,MA RUNGS GDUG PA 'DUL MDZAD GSHIN RJE'I GSHED, ,MI YI GZUGS KYI RNAM ROL TZONG KHA PA, ,DBYER MED BLA MA YI DAM ZHES GSUNGS PA LTAR, RANG CAG RI BO DGE LDAN PA RNAMS, BLA MA YI DAM CHOS SKYONG THAMS CAD NGO BO GCIG TU SGRUB PA LA RTEN 'BREL GYI GNAD SHIN TU CHE BAS, 'DIR YI DAM RDO RJE 'JIGS BYED DANG SBYAR TE BLA MA'I RNAL 'BYOR NYAMS SU BLANG BA'I TSUL NI, SKYABS SEMS SNGON DU BTANG STE, DGE SEMS KHYAD PAR CAN GYI NGANG NAS,) RANG GI SPYI BOR PADMA NYI ZLA'I STENG, ,SKYABS GNAS MA LUS

, ,'DUS PA'I BDAG NYID MCHOG ,BKA' DRIN GSUM LDAN RTZA BA'I BLA MA NI, ,RNAM PA KHAMS GSUM ZA BYED GSHIN RJE'I GSHED, ,DBU DGU 'BAR BAS NAM MKHA'I KHYON GANG ZHING, ,SO BZHI'I PHYAG GIS MTSON CHA SNA TSOGS 'DZIN, ,BCU DRUG ZHABS KYIS SA GSUM RNAM PAR GNON, ,GTUM DRAG KHRO BO'I NYAMS LDAN HA HAR BZHAD, ,DUS PA'I RGYAN LDAN 'BAR BA'I CHAS KYIS BRJID, ,PHYOGS KYI GOS CAN BSKAL PA'I ME YIS 'KHYUD, , DE YI THUGS KAR 'JAM DPAL GZHON NU DANG, ,'OD ZER LNGA LDAN H'Um GIS MTSAN PAR GYUR, ,THUGS KA'I H'Um YIG 'OD KYIS GSHIN RJE'I GSHED, ,SRAS BCAS RGYAL BAS BSKOR BA SPYAN DRANGS TE, ,DZA:H'Um BAm HO:DBYER MED BSTIM BYAS NAS; ;DBANG BSKUR MI BSKYOD RGYAL POS RGYAS BTAB GYUR, ,MKHYEN BRTZE'I DKYIL 'KHOR YONGS SU RDZOGS PA'I THUGS, ,LUS CAN NYON MONGS 'CHING BA GCOD PA'I GSUNG, ,RLABS CHEN TSOGS GNYIS DPAL GYIS BRJID PA'I SKU, , BLA MA GSHIN RJE'I GSHED LA PHYAG 'TSAL LO, ,'KHOR 'DAS SPROS BRAL YE SHES RANG BZHIN LAS, ,KUN KHYAB MCHOD SPRIN MTHA' YAS LEGS 'BUL ZHING, ,NYES LTUNG SDIG PA'I TSOGS RNAMS KUN BSHAGS TE, ,RLABS CHEN DGE BA RNAMS LA RJES YI RANG, ,BLA MA YI DAM DBYER MED 'DREN PA KHYOD, ,BLO BZANG RGYAL BSTAN PHYOGS MTHAR SBEL BA'I PHYIR, ,MTHA' YAS 'GRO BA'I MGON DU RTAG BZHUGS NAS, ,LEGS GSUNG BDUD RTZI'I DGA' STON STZAL DU GSOL, ,

'DI LTAR BSKRUN PA'I RNAM DKAR DGE BA'I MTHUS, ,BDAG KYANG DENG NAS TSE RABS THAMS CAD DU, ,LAM MCHOG SGRUB PA'I RTEN BZANG RIM BRGYUD DE, ,RNAM DAG CHOS LA GCIG TU GZHOL BAR SHOG ,DE TSE BLA MA GSHIN RJE'I GSHED PO YIS, , 'BRAL BA MED PAR DGYES BZHIN RJES BZUNG STE, ,BYIN RLABS SRUNG BA'I 'KHOR LO LA BRTEN NAS, ,DAM CHOS SGRUB LA BAR CHAD MED PAR SHOG ,DE YI GSUNG GI BDUD RTZI'I BCUD MYANG STE, ,THUN MONG LAM GYI RIM PAS RGYUD SBYANGS SHING, ,DPAL LDAN RDO RJE THEG PA'I SGOR ZHUGS NAS, ,DAM TSIG SDOM PA TSUL BZHIN SRUNG BAR SHOG ,DE NAS RIM GNYIS LAM BZANG BGROD PA YIS, ,PHYI NANG GSANG BA'I GSHIN RJE'I GA-YUL BCOM STE, ,BLA MA YI DAM GO 'PHANG MNGON GYUR NAS, ,LUS CAN MTHA' DAG SRID LAS SGROL BAR SHOG (,CES DPAL RDO RJE 'JIGS BYED LA BRTEN PA'I BLA MA'I RNAL 'BYOR 'DI NI THUGS DAM DGE SBYOR LA GCIG TU BRTZON PA RAB 'BYAMS PA BLO BZANG DKON MCHOG GIS BSKUL BA'I DOR 7BTZUN PA DKON MCHOG BSTAN PA'I SGRON MES BRIS PA'O, , ` ,,NA MO BADZRA BHEE RA W'A YA, (SKYABS SEMS SNGON DU BTANG LA,) RANG GI SPYI BOR PADMA NYI MA'I STENG, ,H'Um YIG MTHING NAG 'OD KYI 'PHRO 'DU LAS, ,'JAM DPAL RDO RJE KHRO BO'I ZLOS GAR MKHAN, ,KHAMS GSUM ZA BYED PHYI NANG GSHIN RJE'I GSHED, ,DUS MTHA'I ME DPUNG DRA BAS 'KHYUD PA YI, ,MIG SMAN LHUN PO LING LING GA-YO BA BZHIN, ,GZI BYIN BZOD DKA' HA HA'I GAD RGYANGS CAN, ,'BAR BA'I ZHAL DGU 'DREN BYED GLOG DMAR GA-YO, ,BDEN GNYIS RVA GDENGS DRI 'DZIN 'THOR RLUNG GIS, ,SRID PA

, ,MTHAR BYED ME YI RAL BA GZINGS, ,GDAB PA'I MTSON GDENGS GA-YAS PHYAG BCU DRUG GIS, ,'DAS BA'I LHA LA BSDIGS SHING DNGOS GRUB 'BEBS, ,ROL BA'I MTSON THOGS GA-YON RNAMS SDIGS MDZUB RTZE, ,THUR PHYOGS 'JIG RTEN PA RNAMS SKRAG BAR BYED, ,BRGYAD GNYIS ZHABS KYIS TSANGS DANG LOG 'DREN SOGS, ,DBANG BYED GDENGS CAN BDAG POS GSHAL BYAS, ,THOD SKAM DBU RGYAN MI MGO'I PHRENG BA DANG, ,RUS BA'I RGYAN SPRAS YAN LAG SBOM ZHING RAGS, ,RDO RJE RO LANGS MA DANG MNYAM SBYOR ZHING, ,PHUNG KHAMS RNAM DAG RIGS LNGA YUM BZHI DANG, ,BDUD BZHI'I DPUNG 'JOMS SGO BA BZHI DANG BCAS, ,BCU GSUM LHA YI 'KHOR LO'I NGO BO NYID, , DE YI GNAS RNAMS RDO RJE GSUM GYI BDAG ,YI GE GSUM MTSAN H'Um GI 'OD ZER GYIS, ,RAB 'BYAMS RGYAL BA'I 'KHOR BCAS YE SHES PA, ,SPYAN DRANGS DZA:H'Um BAm HO:DBYER MED GYUR, ,DMIGS MED RGYAL BA KUN GYI YE SHES NI, , BDE CHEN SNYING RJE SGYU MA'I ROL GAR GYIS, ,GTUM DRAG KHRO BO'I RGYAL PO'I SKUR BZHENGS PA, ,BLA MA GSHIN RJE'I GSHED LA PHYAG 'TSAL LO, ,PHYI NANG NYER SPYOD 'DOD YON RNAM LNGA DANG, ,SBYANGS RTOGS SBAR BYAS RNAM LNGA BDUD RTZI'I BCUD, ,DGA' BA'I MCHOG SBYIN MDZOS SDUG PHYAG RGYA DANG, ,BDE STONG DBYER MED ZUNG 'JUG MCHOD PA'I TSOGS, ,BLA MA GSHIN RJE'I GSHED BO'I LHA TSOGS LA, ,GUS BAS 'BUL LO DGYES PA CHEN POS ROL, ,SKU BZHI'I

BDAG NYID 'KHOR LO'I MGON PO YI, ,GNAS GSUM SNGAGS KYI 'OD DANG BDUD RTZI'I CHUS, ,LUS NGAG YID KYI SGRIB PA MA LUS PA, ,LHAG MED BYANG ZHING DAG PAR BYIN GYIS RLOBS, ,NGES 'BYUNG YANG DAG LTA DANG BYANG SEMS KYIS, ,LEGS SBYANGS RDO RJE'I THEG PA'I SKOR ZHUGS TE, ,BSKYED RIM GNYIS DANG RDZOGS RIM RNAL 'BYOR BZHIS, ,SHES RGYUD SMIN CING GROL BAR BYIN GYIS RLOBS, ,GANG 'DUL GZUGS SKUR SNANG BA SPRUL PA'I SKU, ,RLUNG SNGAGS DBYER MED BDE CHEN LONGS SPYOD RDZOGS, ,'OD GSAL THUGS DANG GNYIS SU MI PHYED PA'I, ,ZUNG 'JUG GO 'PHANG THOB PAR BYIN GYIS RLOBS, (,ZHES BDUD RTZI 'BEBS SBYANG GI DMIGS PA DANG SGRAGS TE SNGAGS GSUM BZLA, YIG BRGYAS LHAG CHAD BSKANG, GONG GI PHYAG 'TSAL GYI TSOGS BCAD GSOL 'DEBS SU BSGYUR BA LAN 'GA' BRJOD,) DE LTAR GSOL BTAB SPYI BO'I BLA MA LHA, ,DH'U T'I'I LAM NAS RANG GI SNYING GAR BYON, ,PHRA BA GNYUG MA'I SEMS DANG DBYER MED PAR, ,BYANG CHUB BAR DU BRTAN PAR BZHUGS SU GSOL, ,SKYE ZHING SKYE BAR 'JAM DPAL ZHI KHRO YIS, ,RJES BZUNG RNAM 'BYED SHES RAB MCHOG THOB CING, ,MTHA' DAG BDUD SDE'I GA-YUL LAS RGYAL GYUR TE, ,MA LUS 'GRO BA'I MGON DU 'GYUR BAR SHOG (,CES PA 'DI NI DAD BRTZON BLO DANG LDAN BA RAB 'BYAMS PA BLO BZANG BSTAN 'DZIN GYIS BSKUL NGOR, 7BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA' 'O,, ` ,,NA MO GU RU SHR'I HE RU K'A YA, (BLA MA DANG RDO RJE SEMS DPA' DBYER MI PHYED PA'I

, ,RNAL 'BYOR LA BRTEN NAS HE RU KA'I YIG BRGYA BZLA BAR 'DOD PAS SKYABS SEMS SNGON DU GANG LA, SPROS BRAL DBYINGS LAS RANG NYID HE RU KA:, ,SKU MDOG SNGON PO ZHAL GCIG PHYAG GNYIS PA, ,RDOR DRIL BZUNG STE PHAG MO DMAR MOR 'KHYUD, ,GA-YAS BRKYANG STABS KYIS BZHUGS BA'I THUGS KA YI, ,H'Um LAS 'OD 'PHROS SNOD BCUD SKYON KUN SBYANGS, ,DAG PA'I BRTAN GA-YO ZAG MED MCHOD SPRIN DANG, ,AOm A'A:H'Um GIS SBYANGS RTOGS SNGAR BYAS PAS, ,NANG MCHOD ZAG MED BDUD RTZI'I RGYA MTSOR GYUR, ,RANG GI SPYI BOR PAm LAS PADMA DANG, ,AA LAS ZLA BAR H'Um DANG RDO RJE LAS, ,BKA' DRIN MNYAM MED RTZA BA'I BLA MA NI, ,RNAM PA RDO RJE SEMS DPA' ZLA BA'I MDOG ,RDOR DRIL BZUNG STE RDO RJE BSNYEMS MAR 'KHYUD,, SKYIL KRUNG GIS BZHUGS RIN CHEN RGYAN GYIS SPRAS, ,DAR GYI NA BZAS KLUBS PA'I GNAS GSUM DU, ,YI GE GSUM MTSAN H'Um GI 'OD ZER GYIS, ,YE SHES PA RNAMS SPYAN DRANGS DBYER MED BSTIM, ,SLAR YANG DBANG GI LHA TSOGS SPYAN DRANGS TE, ,ZAG MED BDUD RTZI'I CHU YIS DBANG BSKUR CING, ,SPYI BOR MI BSKYOD RGYAL POS RGYAS BTAB GYUR, ,GANG GI THUGS RJE BYIN RLABS 'OD STONG GIS, ,SRID PA'I SDUG BSNGAL GRANG REG GDUNG BA DANG, ,LAS NYON SDIG SGRIB MUN PA'I 'JIGS 'PHROG PA, ,BLA MA RDO RJE SEMS DPA' LA PHYAG 'TSAL, ,DNGOS BSHAMS YID SPRUL YID 'ONG MCHOD PA'I SPRIN, ,DUS GSUM DGE TSOGS DANG BCAS MCHOD PAR 'BUL, ,BRTZE BAS BZHES NAS SNGON BYAS DGE TSOGS

KUN; ;MI NYAMS GONG DU 'PHEL BAR BYIN GYIS RLOBS, ,THOG MA MED NAS MA RIG DBANG GYUR TE, ,SGO GSUM NYES PA JI SNYED BGYIS BA DANG, ,KHYAD PAR SDOM GSUM DANG 'GAL NYES LTUNG KUN, ,SNYING NAS 'GYOD PA DRAG POS MTHOL LO BSHAGS, ,RNAM SMIN 'BRAS BU'I SDUG BSNGAL MI BZOD BZHIN, ,DE RGYU SDIG LA RNGAMS PA'I SMYON PA BDAG ,THUGS RJE'I GTER CHEN KHYOD KYIS BRTZER DGONGS TE, ,SRID PA NGAN 'GRO'I GA-YANG LAS BSKYAB TU GSOL, ,SEMS NYID GDOD NAS DRI MA LAS 'DAS KYANG, ,DAM TSIG NYAMS CHAG NYES BAS SPAGS PA KUN, ,BLA MA LHA YI THUGS RJE BDUD RTZI'I CHUS, ,MYUR DU BYANG ZHING DAG PAR MDZAD DU GSOL, ,DE LTAR GSOL BTAB THUGS KAR ZLA BA LA, ,H'Um MTHAR YI GE BRGYA PAS BSKOR BA LAS, ,'OD 'PHROS SEMS CAN KUN GYI SDIG SGRIB SBYANGS, ,SRAS BCAS RGYAL BA'I BYIN RLABS BSDUS TE BSTIM, ,SLAR YANG DE LAS BDUD RTZI'I RGYUN BABS BA, ,SBYOR MTSAMS NAS THON RANG GI GTZUG NAS ZHUGS, LUS KUN GANG BAS SGO GSUM DRI MA SBYANGS, ,RDOR SEMS BYIN RLABS MA LUS THOB PAR GYUR, AOm BADZRA HE RU KA SA MA YA, MA NU P'A LA YA, HE RU KA TVE NO PA TIshthA, DRI dHO ME BHA WA, SU TO shYO ME BHA WA, SU PO shYO ME BHA WA, AA NU RAKTO ME BHA WA, SARBBA SIDDHIMME PRA YATZTSA, SARBBA KARMA SU TZA ME, TZITTAm SHR'I YAm KU RU H'Um, HA HA HA HA HO:, BHA GA WA NA BADZRA HE RU KA MA ME MUNYTZA, HE RU KO BHA WA MAH'A SA MA LA SATVA A'A:H'Um PHAt, (CES CI 'GRUB BZLA, BLA MA RDOR SEMS

, ,DGYES BA'I 'DZUM ZHAL GYIS, ,KHYOD KYI SDIG LTUNG LHAG MED BYANG NGO ZHES, ,DBUGS DBYUNG MDZAD CING THIM PAS SGO GSUM DANG, ,DE YI SKU GSUNG THUGS GSUM DBYER MED GYUR, ,DENG NAS JI SRID BYANG CHUB SNYING PO'I BAR, ,BLA MA LHA YIS 'BRAL MED RJES BZUNG MTHUS, ,SGO GSUM NYES LTUNG DRI MAS MA SBAGS PAR, ,SA LAM BGROD BA MYUR DU MTHAR PHYIN SHOG, (,CES PA 'DI NI AU RAD SHOG NAS GU SHR'I DGE SLONG DKON MCHOG DGE LEGS DANG AOR DU SU DGE SLONG THOS BSAM GNYIS KYIS BSKUL NGOR 7BTZUN PA DKON MCHOG BSTAN PA'I SGRON MES BRIS PA'O,,) ` ,,NA MO GU RU AA MO GHA SIDDHA YE, (DNGOS GRUB GNYIS KYI RTZA BA DAM TSIG RNAM PAR DAG PA LA LTOS PAS DE'I NYAMS CHAG SKONG BA'I PHYIR DAM TSIG RDO RJE'I BSGOM BZLAS NYAMS SU LEN PA'I TSUL NI,) YID KYI ROL PA DRI MED ZLA 'DRAS BSGRUBS, ,SNYING RJE DAM PA MTHA' YAS PA YI THABS, ,RANG GI YID LA GNAS PAR GYUR PA YI, ,BDE GSHEGS RNAMS LA RTAG TU SKYABS SU MCHI; ;RTOG PA MA LUS PA LAS NGES GROL CING, ,SEMS DPA' DAM PA RNAMS KYI PHUN TSOGS GZHI, ,DNGOS BO THAMS CAD RO GCIG NGO BO NYID, ,DAM PA'I CHOS LA RTAG TU SKYABS SU MCHI, ,'CHING BA RNAMS LAS YANG DAG GROL GYUR CING; ;SNYING RJE MCHOG GIS BSKRUN PA'I DPAL DANG LDAN, ,RAB TU DGA' SOGS SA LA RAB ZHUGS PA, ,BRTUL ZHUGS DBANG PO'I TSOGS LA SKYABS SU MCHI, ,BSAM DANG RNAM PAR SMIN PA DAG GYUR PAS, ,SGRIB PA KUN GYI DAG

CHAGS YANG DAG 'BYIN, ,LHAG PAR MOS PAS RNAM PAR BRGYAN PA YI, ,SEMS NI BYANG CHUB DAM PAR BSKYED PAR BGYI, (,ZHES THUN MONG MA YIN PA'I SKYABS 'GRO SEMS BSKYED SHUGS DRAG LAN GSUM SNGON DU BTANG LA,) RANG NYID YI DAM LHA YI SKUR GSAL BA'I, ,THUGS KAR PA DANG AA LAS PADMA DANG, ,ZLA BA'I GDAN LA SNA TSOGS RDO RJE'I STENG, ,H'A LAS RAL GRI 'CHANG BZUNG H'AS MTSAN PA, ,DE LAS 'OD 'PHROS SRAS BCAS RGYAL KUN MCHOD, ,MA LUS 'GRO BA'I DAM TSIG NYAMS CHAG SBYANGS, ,TSUR 'DUS THIM PA YONGS SU GYUR BA LAS, ,BCOM LDAN DAM TSIG RDO RJE SKU MDOG LJANG, ,LJANG NAG DKAR BA'I ZHAL GSUM PHYAG DRUG GIS, ,LA GRI SNA TSOGS RDO RJE 'KHOR LO GA-YAS, ,GA-YON NA DRIL BU PAD LJANG NOR BU 'DZIN, ,RANG 'OD DANG MTSUNGS DAM TSIG SGROL MA NI, ,PHYAG GA-YAS SNA TSOGS RDO RJE 'KHOR LO DANG, ,RDO RJES MTSAN PA'I AUTPA LA 'DZIN CING, ,GA-YON GSUM DRIL BU RIN CHEN RAL GRI BSNAMS, ,THABS SHES DBYER MED PHAN TSUN 'KHYUD PA YI, ,GNAS GSUM AOm A'A:H'Um GIS MTSAN PAR GYUR, ,THUGS KA'I H'Um LAS 'OD 'PHROS RGYAL BA KUN, ,DAM TSIG RDO RJE'I RNAM PAR SPYAN DRANGS TE, ,DZA:H'Um BAm HO:GNYIS SU MED PAR BSTIM, ,SLAR YANG RIGS LNGA 'KHOR BCAS SPYAN DRANGS TE, ,DBANG SA SKUR SKU LUS GANG ZHING DRI MA DAG ,YAB KYI DBU LA MI BSKYOD MGON PO DANG, ,YUM LA DON YOD GRUB PAS RGYAS BTAB GYUR, ,AOm SARBBA TA TH'A GA TA AARGHAm (NAS,) SHAPTA PRA T'ITZTSA H'Um SV'AH'A,

, ,DON YOD RDO RJE RDZOGS SANGS RGYAS, ,BSAM PA THAMS CAD RDZOGS MDZAD PA, ,DAG PA NGO BO NYID LAS BYUNG, ,DAM TSIG RDO RJE LA PHYAG 'TSAL, ,BCOM LDAN DAM TSIG RDO RJE YIS, ,BDAG DANG SEMS CAN THAMS CAD KYI, ,DAM TSIG NYAMS CHAG SDIG SGRIB KUN, ,BYANG ZHING DAG PAR MDZAD DU GSOL, ,THUGS KAR ZLA DANG SNA TSOGS RDO RJE'I STENG, ,H'A YIG SNGAGS 'PHRENG BCAS LAS 'OD 'PHROS TE, ,SRAS BCAS RGYAL BA'I BYIN RLABS NUS MTHU KUN; ;BSDUS NAS BSTIM ZHING DE LAS BDUD RTZI'I RGYUN, ,BABS PAS RDO RJE'I KHONG GTAMS RVA RTZE NAS, ,THON TE SKU GANG ZAG MED BDE CHEN MYONG, ,DE YI BA SPU'I SGO NAS PHYIR THON BAS, ,RANG LUS GANG STE NYES KUN SBYANGS PAR GYUR, , AOm A'A:PRADZNY'A DHRiKA H'A H'Um, (ZHES BRGYA STONG SOGS CI NUS SU BZLA, BLA MA'I ZHABS BRTAN DU BYED NA SNGAGS CI NUS BZLAS PA'I MJUG TU,) DPAL LDAN BLA MA MTSAN 'DI ZHES BGYI PA'I DAM TSIG NYAMS CHAG DANG, DE'I DBANG GIS BYUNG BA'I NAD SOGS PHYI NANG GI NYER 'TSO THAMS CAD SH'INTAm KU RU SV'AH'A, (ZHES SNGAGS BRGYA RTZA RE'I MTSAMS SU SPEL TSIG BTAGS LA CI 'GRUB BZLA, 'DI 'DRA'I TSE H'A YIG GI MDUN DU BLA MA'I MTSAN GYI YI GE DANG PO 'GOD LA, DE RANG NGAM BSGRUB BYA GZHAN LA'ANG 'BRA'O, ,MJUG TU, BDAG NI MI SHES RMONGS BA YIS, ,DAM TSIG LAS NI 'GAL ZHING NYAMS, ,BLA MA MGON POS SKYABS MDZOD CIG ,GTZO BO RDO RJE 'DZIN PA STE, ,THUGS RJE CHEN PO'I BDAG NYID CAN, ,'GRO BA'I GTZO LA BDAG SKYABS MCHI, ,DE LTAR

GSOL BA BTAB BA NA, ,BCOM LDAN DAM TSIG RDO RJE YIS, ,KHYOD KYI DAM TSIG NYAMS CHAG KUN, ,BYANG ZHING DAG GO ZHES GSUNGS NAS, ,RANG LA THIM PAR GYUR PA YIS, ,RANG GI LUS NGAG YID GSUM DANG, ,DAM TSIG RDO RJE'I SKU GSUNG THUGS DBYER MED LHA SKU'I NGO BOR GYUR, (,CES BRJOD CING BSAMS LA, 'DIR YANG BLA MA'I ZHABS BRTAN YIN NA,) BLA MAR THIM PAR GYUR PA YIS, ,BLA MA'I SKU GSUNG THUGS GSUM DANG, (,ZHES BSGYUR LA, PHA MA'AM GSHIN PO SOGS KYI DON DU BYAS PA YIN NA'ANG, DE LA THIM ZHES DANG, DE YI LUS NGAG YID GSUM ZHES BSGYUR, BZLA BA'I SPEL TSIG KYANG SNGA MAS MTSON TE SHES PAR BYA'O, ,ZHES PA 'DI NI DANG LDAN NGAG DBANG SHES RAB DANG GONG 'PHEL KYIS 'DI'I CHO GA TSIGS BCAD DU BYAS PA'I 'DON BDE BA ZHIG DGOS ZHES BSKUL BA LTAR, 7BTZUN PA DKON MCHOG BSTAN PA'I SGRON MES BRIS PA'O,,) ` ,,NA MO GU RU BADZRA DH'A R'A YA, ('DIR ZAB LAM BLA MA'I RNAL 'BYOR NYAMS SU LEN BAR 'DOD PAS, SNGON 'GRO SBYOR BA'I CHOS RNAMS TSAGS SU TSUD PAR BYAS TE, RANG DANG SNOD BCUD KUN LA THA MAL GYIS NANG ZHEN DANG BRAL BA'I SGO NAS,) MDUN GYI MKHA' LA DPAG BSAM LJON PA'I RTZER, ,SENG KHRI PADMA NYI ZLA'I GDAN STENG DU, ,SKYABS GSUM NGO BO BLA MA THUGS RJE'I GTER, ,CHOS 'CHAD MNYAM GZHAG PHYAG RGYAS GLEGS BAM BSNAMS, ,DE YI THUGS KAR THUB DBANG RDO RJE 'CHANG, ,BLA MA'I MTHA' SKOR SKYABS YUL RAB 'BYAMS KYIS, ,YONGS BSKOR THUGS KA'I H'Um LAS 'OD 'PHROS TE, ,YE SHES PA RNAMS SPYAN DRANGS DBYER MED GYUR, ,MCHOG THUN DNGOS GRUB KUN STZOL DBANG GI RGYU LA,,

, ,SKYABS MCHOG RNAM GSUM 'DUS PA'I NGO BO NYID, ,RGYAL BA KUN LAS LHAG PA'I BKA' DRIN CAN, ,RJE BTZUN BLA MA'I ZHABS LA PHYAG 'TSAL LO, ,LUS DANG LONGS SPYOD DGE TSOGS MA LUS 'BUL, ,RNAM SMIN MI BZAD SDIG LTUNG THAMS CAD BSHAGS, ,DAG LA YI RANG BSKUL ZHING GSOL BA YI, ,DGE TSOGS DANG BCAS BYANG CHUB MCHOG TU BSNGO, (,MAndAL DBUL,) KHYOD NI BLA MA KHYOD NI YI DAM (ZHES PA NAS,) BAR GCOD SRUNGS, (,LAN GSUM,) DUS GSUM SKYABS GNAS KUN 'DUS KYI NGO BO BLA MA RIN PO CHE LA GSOL BA 'DEBS SO, ,BSHES GNYEN LA MA GUS PA DANG TSE 'DI'I SNANG SHAS KYI GDON GYI DBANG DU GYUR TE 'KHOR BA SPYI DANG BYE BRAG GI SDUG BSNGAL MI SEMS SHING, SKYABS 'GRO LAS 'BRAS SDOM PA GSUM GYI BCAS MTSAM SOGS LA MI BRTZON PA DANG, THOG MED NAS DRIN GYIS BSKYANGS PA'I MA RNAMS YAL BAR BOR ZHING, 'KHOR 'DAS KYI DNGOS PO KUN LA BDEN PAR ZHEN PA LA SOGS PA PHYIN CI LOG GI BLO SNA MTHA' DAG DE L? NYID DU ZHI BAR BYIN GYIS BRLAB TU GSOL, LEGS TSOGS KUN GYI RTZA BA DGE BA'I BSHES GNYEN SANGS RGYAS DNGOS SU MTHONG BA NAS BZUNG STE GNAS LUGS RTOGS BA'I SHES RAB KYI BAR SKYES BU GSUM GYI LAM GYI RIM PAS BSDUS PA'I BLO SNA PHYIN CI MA LOG PA THAMS CAD DA LTA NYID DU SKYE BAR BYIN GYIS BRLAB TU GSOL, DE LTAR SGRUB PA LA BAR DU GCOD PA'I PHYI NANG GI NYE BAR 'TSE BA THAMS CAD ZHI BAR BYIN GYIS BRLAB TU GSOL, (LAN GSUM,) DE LTAR GSOL BA BTAB PAS

SKYABS YUL KUN, ,RIM GYIS BSDUS TE RTZA BA'I BLA MAR THIM, ,BLA MA'I SKU LAS BDUD RTZI'I RGYUN BABS PAS, ,NYES KUN BYANG ZHING BYIN GYIS BRLAB PAR GYUR, ,DPAL LDAN RTZA BA'I BLA MA RIN PO CHE, ,BDAG GI SNYING GAR ZHES PA NAS, STZAL DU GSOL, ,TSE RABS KUN TU MGON PO KHYOD NYID KYIS, ,THEG MCHOG BSHES GNYEN DNGOS SU MDZAD PA'I MTHUS, (,ZHES SOGS DANG,) SHES KYI KHE 'DOD PA DANG, (ZHES PA NAS,) BLA MED BYANG CHUB KHO NA'I RGYUR GYUR CIG (,CES PA 'DI NI DAL 'BYOR DON LDAN DU SGRUB PA'I THABS LA GCIG TU GZHOL BA RAB 'BYAMS BA DGE 'DUN 'JIGS MED KYIS BSKUL NGOR 7BTZUN BA DKON MCHOG BSTAN PA'I SGRON MES BLA MA'I RNAL 'BYOR GYI DKYUS SU LAM RIM GYI DMIGS SKOR BSDUS TE SHIN TU 'JUG PA BDE BA'I TSUL DU BSDEBS BA'O,,) ` ,,NA MO GU RU BADZRA WA RA HA YE, BLA MA DANG RDO RJE RNAL 'BYOR MA DBYER MED DU BYAS TE GSOL BA 'DEBS PAR 'DOD BA'I GANG ZAG GIS SKYABS SEMS SNGON DU BTANG LA, MDUN GYI NAM MKHA' CHOS 'BYUNG BA SNOL MA'I DBUS, ,SNA TSOGS PADMA NYI MA'I GDAN STENG DU, ,RTZA BA'I BLA MA RDO RJE RNAL 'BYOR MA, ,SKU MDOG BANDHU DZI BA KA:LAR DMAR, ,GCER MO SKRA GROL LANG TSO DAR LA BAB, ,GA-YAS PA RDO RJE GRI GUG THUR DU 'PHYANG, ,GA-YON PAS THOD KHRAG STENG DU BZUNG NAS GSOL, ,ZHABS GA-YAS BRKYANGS PAS RUS MTSAN DMAR MO DANG, ,GA-YON PA BSKUMS TE 'JIGS BYED NAG PO MNAN, ,SPYAN GSUM DAG PA MKHA' SPYOD GNAS SU GZIGS, ,NU 'PHUR RAB RGYAS BDE DGA'I NYAMS DANG LDAN, ,MI MGO SKAM PO'I DBU RGYAN DO SHAL DANG,

, ,PHYAG RGYA LNGAS BRGYAN GZI BYIN RAB TU 'BAR, ,DE YI THUGS KA'I BAm YIG 'OD ZER GYIS, ,PHYOGS BCU'I RGYAL KUN RJE BTZUN RNAL 'BYOR MA'I, ,RNAM PAR SPYAN DRANGS DBYER MED THIM PAR GYUR, ,SANGS RGYAS LAS DKON GSANG CHEN GDAMS BA'I MCHOG ,BSTAN PA'I SNYING PO BDE STONG ZUNG 'JUG LAM, ,SKAL BZANG 'GRO LA SNANG BYED SGRON ME MCHOG ,MKHA' SPYOD DBANG MO'I ZHABS LA PHYAG 'TSAL LO, ,BKOD LEGS PHYI YI MCHOD PA TSAR DU DNGAR, ,SBYANGS RTOGS SBAR BYAS NANG MCHOD BDUD RTZI'I MTSO, ,LHAN SKYES BDE STER GSANG BA'I MCHOD PA DANG, ,BDEN GNYIS ZUNG 'JUG DE NYID MCHOD PA 'BUL, ,SNGON BSAGS MI DGE'I PHUNG PO MTHA' DAG DANG, ,KHYAD PAR RTZA BA YAN LAG DAM TSIG LAS, ,'DAS BA'I NYES TSOGS SNYING NAS MTHOL BSHAGS NA, ,BCOM LDAN THUGS RJES LHAG MED BYANG GYUR CIG ,RGYAL YUM SHES RAB PHA ROL PHYIN PA'I DNGOS, ,BCOM LDAN 'DAS MAS THUGS RJES NYER DGONGS TE, ,NAM YANG 'BRAL MED BU BZHIN RJES 'DZIN ZHING, ,LAM BZANG RTOGS PA SKYE BAR BYIN GYIS RLOBS, ,SNGON 'GRO THUN MONG LAM GYIS RGYUD SBYANGS TE, ,'JUG SGO RNAM DAG DBANG GIS SMIN BYAS NAS, ,DAM TSIG SDOM PA TSUL BZHIN BSRUNG BA YIS, ,DNGOS GRUB GNYIS KYI SGO BRGYA 'BYED PAR SHOG ,KHYAD PAR RNAM 'BYOR MA YI THUGS RJE MTHUS, ,RTZA RLUNG KHAMS KYI NUS PA YONGS SMIN PAS, ,LHAN SKYES DGA' BA MCHOG DANG STONG PA NYID, ,

DBYER MED LAM GYIS SRING RTZA 'BYIN PAR SHOG ,CES BRJOD CING, RDO RJE RNAL 'BYOR MA'I THUGS KA'I SNGAGS 'PHRENG DANG SKU'I CHA LAS BDUD RTZI'I RGYUN BABS, RANG GI SPYI BO NAS ZHUGS, LUS KYI NANG THAMS CAD GANG BAS RTZA KHAMS BYIN GYIS BRLABS SHING BDE STONG GI TING 'DZIN KHYAD PAR CAN SKYE BAR BYIN GYIS BRLAB BYUNG SNYAM PA BYAS LA, AOm A'A:RATNA SH'A SANAD'I PAm SIDDHI H'Um H'Um, ZHES DANG, AOm AOm AOm SARBBA BUDDHA KI N'I YE, BADZRA WARnnA N'IYE, BADZRA BEE RO TZA N'I YE, H'Um H'Um H'Um PHAt PHAt PHAt SV'AH'A, ZHES CI 'GRUB BZLA, YIG BRGYAS LHAG CHAD BSKANG, BLA MA BCOM LDAN 'DAS MA THUGS RJE'I GTER, ,YI DAM MKHA' 'GRO CHOS SKYONG KUN GYI DNGOS, KHYOD MIN SKYABS GZHAN NAM YANG MI 'TSOL BSVA, ,BYANG CHUB PAR DU RJES SU GZUNG DU GSOL, ,'DI SNANG 'GAGS TSE BCOM LDAN 'DAS MAS ZHAL, ,MNGON SUM BSTAN NAS DAG PA MKHA' SPYOD DU, ,KHRID DE GSANG CHEN MYUR LAM LA BRTEN NAS, ,DPA' BO'I DBANG PHYUG GO 'PHANG MYUR THOB SHOG ,CES BRJOD CING, RANG GI SPYI BO NAS MAR BYON TE SNYING GA'I MI SHIGS PA'I THIG LE DANG DBYER MED DU 'DRES PAR BSAMS LA, LHA MO TSAD MA DAM TSIG TSAD MA DANG, ,DES BRJOD GSUNG YANG MCHOG TU TSAD MA STE, ,BDEN PA 'DI DAG GIS NI LHA MO RNAMS, ,BDAG CAG RJES SU 'DZIN PA'I RGYUR GYUR CIG ,CES BSNGO SMON DANG BDEN STOBS BRJOD PAS RGYAS GDAB PAR BYA'O, ,ZHES PA 'DI NI MER GAN SHOG NAS DAD BRTZON BLO DANG LDAN PA DGE SLONG SKAL BZANG YAR 'PHEL GYIS BSKUL NGOR 7 BTZUN PA DKON MCHOG BSTAN

, ,BA'I SGRON MES BRIS PA'O,, ` ,,BLOo BZANGo RGYAL BA KUN GYI YE SHES DANG, ,DBYER MED SGRIB BRAL CHOSo SKU'I LHA LAM LAS, ,MKHA' KHYAB ZHING DU GANG 'DUL GZUGS KYI SKU'I, ,NYIo MAo STONG 'BAR KHYAB BDAG RIGS KYI MGON, ,RAB 'BYAMS DKYIL 'KHOR SPRO ZHING SDUD PA PO, ,DPAL LDAN BLA MA HE RU KA DPAL DANG, ,GNYIS MED YE SHES RANG 'OD BCOM LDAN MA, ,GNAS GSUM DPA' BO MKHA' 'GRO YONGS KYI GTZO, ,SKU MDOG DMAR PO BYU RU'I 'KHRI SHING LA, ,MTHAR BYED ME YI GDENGS KAS 'KHYUD PA BZHIN, ,LANG TSO'I DPAL 'BAR SGRA GROL GCER MO'I GZUGS, ,'KHRIL LDEM RKED SKABS PHRA ZHING NU 'BUR RGYAS, ,KHRO CHAGS SGEG PA'I NYAMS KYI SPYAN GSUM GDANGS, ,TSEMS PHRENG MCHE BA ZLA BA'I MYU GU GCIG SA, ,PHYAG GA-YAS RDO RJE GRI GUG THUR DU BRGYANGS, ,GA-YON PA THOD KHRAG STENG DU BZED CING GSOL, ,MTSAN KHUNG GA-YON PAR KHA tV'Am GA YIS MTSAN, ,RUS PA'I RGYAN SPRAS MGO RLON DO SHAL 'PHYAD, ,BRKYANG BSKUM ZHABS KYIS 'JIGS BYED DUS MTSAN BCAS, ,MNAN TE MDUN GYI NAM MKHAR BZHUGS PA YI, ,GNAS GSUM YI GE GSUM MTSAN H'Um YIG LAS, ,SPROS PA'I 'OD GYI RANG 'DRA'I YE SHES PA, ,BLA MA YI DAM MKHA' 'GRO'I TSOGS DANG BCAS, ,SPYAN DRANGS DBYER MED BRTAN PAR BZHUGS SU GSOL, ,BLOo CHEN KUN BZANGo BDE CHEN THABS KYI BDAG ,MTSAN 'DZIN DMIGS MED SHES RAB CHOSo KYIo DBYINGS, ,DBYER MED LHAN CIG SKYES

DGA'Io NYI 'OD KYIS, ,SKYONG MDZAD BCOM LDAN MAo LA PHYAG 'TSAL LO, ,DNGOS BSHAMS YID SPRUL PHYI NANG GSANG BA YI, ,MCHOD TSOGS BDE STONG DBYER MED DANG DU 'BUL, ,SPYI DANG BYE BRAG DAM TSIG NYAMS CHAG KUN, ,'GYOD PAS BSHAGS SO YONGS SU DAG PAR MDZOD, ,GSANG CHEN SPYOD LA DGA' BRAS YI RANG NGO, ,ZAS LAM THEG MCHOG CHOS KYI DGA' STON STZOL, ,DGE BAS THUN MONG LAM GYIS RGYUD SBYANGS TE, ,RNAL 'BYOR MA RGYUD LAM GYI SNOD GYUR CIG ,DNGOS GRUB RTZA BA DAM TSIG LA GNAS SHING, ,SMIN BYED BSKYED RIM LHA YI RNAL 'BYOR LA, ,BRTEN NAS GROL BYED ZAB MO'I RDZOGS RIM GYIS, ,TSE GCIG SANGS RGYAS THOB PAR BYIN GYIS RLOBS, ,MDOR NA BLA MA YI DAM MKHA' 'GRO'I TSOGS, ,KUN GYI NGO BOR KHYOD LA GSOL 'DEBS NA, ,NAM YANG 'BRAL MED BRTZE BAS RJES BZUNG STE, MCHOG THUN DNGOS GRUB MA LUS STZAL DU GSOL, ,DE NAS, BLO CHEN KUN BZANG (ZHES PA'I SHLOO KA GSOL 'DEBS SU BSGYUR BA GANG MANG DANG, GZHAN YANG GSOL 'DEBS CI RIGS DANG, AOm GSUM MA'I SNGAGS RNAMS KYI BZLAS BCI 'GRUB BYA, MJUG TU,) DPAL LDAN BLA MA BCOM LDAN MKHA' 'GRO'I GTZO, ,BDAG GI SNYING GAR ZHES PA NAS, STZAL DU GSOL, (,ZHES RANG GI SNYING GAR SPYAN DRANGS PAS PHRA BA'I RLUNG SEMS DANG NGO BO DBYER MED DU BZHUGS BAR BSAMS LA, TSER PAS PHRENG BAR BLA MA RJE BTZUN MAS, ,'BRAL MED LHAN SKYES DGA' BAS RJES BZUNG STE, ,ZUNG 'JUG SKU BZHI'I GO 'PHANG MNGON GYUR NAS, ,MKHA' MNYAM 'GRO BA SRID LAS SGROL GYUR CIG ,LHA MO TSAD MA ZHES SOGS SMON LAM GZHAN GYIS KYANG MTSAMS SBYAR BAR BYA'O,,

, ,ZHES PA 'DI NI MKHYEN DPYOD YANGS PA CHOS RJE NGAG DBANG RIN CHEN GYIS BSKUL NGOR 7BTZUN PA DKON MCHOG BSTAN PA'I SGRON MES 'PHRAL DU SUG BRIS SU BGYIS SO,, ` ,,NA MO GU RU BHYA: 'DIR BLA MA'I RNAL 'BYOR NYAMS SU LEN BAR 'DOD PAS, SKYABS SEMS SNGON DU BTANG STE, DGE SEMS KHYAD PAR CAN GYI NGANG NAS, MI 'GYUR MCHOG YANGS RANG BZHIN KUN GSAL MAR, ,GSER 'OD 'KHYUG PA'I 'JA' SPRIN DRA BA'I DBUS, ,SENG KHRI BAD ZLA NYI MA'I DKYIL 'KHOR STENG, ,RTZA BA'I BLA MA GSUM LDAN RDO RJE 'DZIN, ,CHOS 'CHAD MNYAM GZHAG PHYAG RGYAS GLEGS PAM BSNAMS, ,RAB DGYES 'DZUM PA'I NYAMS LDAN THUGS RJE'I GTER, ,NAM MKHA'I MTHA' KLAS TSOGS ZHING RGYA MTSOR BCAS, ,MOS BLO'I ZHING DU BRTAN PAR BZHUGS SU GSOL, ,LEGS BYAS SPRIN DKAR PHUNG PO 'KHRIGS PA'I SKU, ,LEGS BSHAD DBYAR RNGA DAL GYIS RGOD PA'I GSUNG, ,MKHYEN BRTZE'I SBRANG CHAR KHUR GYIS GTAMS PA'I THUGS, ,SKYABS MCHOG MTSUNGS MED KHYOD LA PHYAG 'TSAL LO; ;YE SHES SGYU 'PHRUL ME NA KA TSOGS KYIS, ,KUN TU BZANG PO'I MCHOD SPRIN LEGS BSTAR TE, ,BSOD NAMS ZHING MCHOG RNAMS LA GUS 'BUL NA, ,ZAG MED BDE CHEN DNGOS POR BZHES SU GSOL, ,THOG MED DUS NAS SEMS KYI DBANG GYUR CING, ,SEMS NI RMONGS BAS BRAN DU BZUNG BA'I MTHUS, ,HA LA 'BAR 'DRA'I SDIG LTUNG CI BGYIS PA, ,DE KUN BSAM PA THAG PAS SO SOR BSHAGS, ,AE MA YID 'ONG 'BRAS BU KUN GYI GZHI, ,MA SMAD 'KHOR GSUM YONGS DAG DGE

BA'I TSOGS, ,SKYE 'PHAGS GANG GIS BGYIS PA DE KUN LA, ,PHRAG DOG MED PAR SNYING NAS RJES YI RANG, ,DUG GSUM NAD KYIS GZIR BA'I 'GRO RNAMS KYI, ,SKYOB PA ZLA MED SMAN PA KHYOD LEGS NA, ,BRTZE BAS DGONGS TE ZAB RGYAS DAM CHOS KYI; ;BDUD RTZI'I SGO MO DENG 'DIR DBYE BAR MDZOD, ,RDZU 'PHRUL RKANG PAS BRTEN SLAD BSKAL PA'I MTHAR, ,GZHOM GZHIG BRAL BA CHOS KYI SKU BRNYES RNAMS, ,RING NAS GOMS PA'I SNYING RJE'I MA MA YIS, ,'GRO KUN MI GTONG BRTAN PAR BZHUGS SU GSOL, ,SNANG MTHA' YID BZHIN 'KHOR LO BI DZA Y'A, ,LA SOGS 'CHI MED DPAL STER LHA RNAMS KYI, ,THUGS RJE MTHU NUS BDEN PA'I BYIN GYIS KYANG, ,RJE BTZUN BLA MA BSKAL BRGYAR ZHABS BRTAN SHOG ,DENG NAS BZUNG STE TSE RABS PHRENG BA'I BAR, ,MGON PO KHYOD KYIS 'BRAL MED RJES 'DZIN ZHING, ,KHYOD GSUNG YAN LAG BRGYAD LDAN KLUNG RGYUN GYIS, ,LAS NYON DRI MA DRUNGS NAS 'BYIN BAR SHOG ,KHYAD PAR BDE LDAN ZHING DU SKYES GYUR TE, ,'OD DPAG MED BAS RJES SU 'DZIN PA DANG, ,ZHING KHAMS RGYA MTSOR SPRUL PA'I BKOD PA YIS, ,TSOGS GNYIS RAB RDZOGS BYANG CHEN MYUR THOB SHOG ,CES PA 'DI NI DAD BRTZON BLO GROS DANG LDAN PA SNGAGS RAM PA BKRA SHIS RGYA MTSOS BSKUL NGOR 7 BTZUN PA DKON MCHOG BSTAN PA'I SGRON MES CHOS GRVA CHEN PO BKRA SHIS 'KHYIL DU BRIS BA'O,, ` ,,NA MO GU RU BHYA: 'DIR LAM ZAB BLA MA'I RNAL 'BYOR NYAMS SU LEN PAR 'DOD BAS, SKYABS SEMS SNGON DU BTANG STE DGE SEMS KHYAD PAR CAN GYI NGAD NAS, SGRIB BRAL MKHA' LA YE SHES DBANG PO'I GZHU, ,SNYING RJE'I RGYUD DU

, ,BKUG PA'I LDING KHENG DBUS, ,SRID BA'I 'DAM GYIS MA GOS 'DAB BRGYA'I RTZER, ,RTZA BA'I BLA MA DUR SMRIG 'CHANG BA'I TSUL, ,CHOS 'CHAD MNYAM GZHAG PHYAG RGYAS GLEGS BAM BSNAMS, ,DE YI GNAS GSUM SNGAGS KYIS MTSAN PA YI, ,H'Um YIG 'OD KYIS SPYAN DRANGS BSOD NAMS ZHING, ,DPAG YAS NAM MKHA' KHYAB PAR BZHUGS SU GSOL, ,GANG LA BRTEN NA SRID ZHI'I RGUD PA KUN, ,DRUNGS NAS 'BYIN MDZAD THEG MCHOG DGE BA'I BSHES, ,BKA' DRIN MNYAM MED RTZA BA'I BLA MA LA, ,SGO GSUM GUS PAS LAN BRGYAR PHYAG BGYID DO, ,DNGOS BSHAMS GZUNGS RIGS KYIS SPRUL MCHOD SPRIN GYIS, ,RAB 'BYAMS RGYA MTSO'I ZHING KUN BKANG STE 'BUL, ,BCAS DANG RANG BZHIN KHA NA MA THO BA'I, ,NYES LTUNG DRI MA'I TSOGS RNAMS SO SOR BSHAGS, ,RANG GZHAN SKYE 'PHAGS DUS GSUM DGE TSOGS LA, ,PHRAG DOG MED BAR SNYING NAS RJES YI RANG, ,BGRANG YAS BSKAL BA'I BAR DU ZHABS BRTAN CING, , ZAB RGYAS CHOS KYI 'KHOR LO BSKOR BAR BSKUL, ,GANG GI THUGS RJES BDAG KYANG THUN MONG DANG, ,THUN MONG MIN BA'I LAM GYI RIM PA LA, ,NGES BRNYED DE TSUL BZHIN BSGRUB PA YIS, ,SHES RGYUD SMIN CING GROL BAR BYIN GYIS RLOBS, , 'DIR 'BAD LEGS BYAS BDE 'BYUNG RAL BA'I KLUNG, ,BSOD NAMS GUNG PHRAN STONG GI RTEN GYUR TE, ,SGRIB GNYIS SGRIB GSUM SGRIB BZHI'I DRI MA KUN, ,SBYANGS NAS BYANG CHEN RGYA MTSOR 'JUG GYUR CIG ,CES PA 'DI NI AA RO HOR CHEN SHOG

BLO BZANG BLO GROS KYIS BSKUL DOR BTZUN PA DKON MCHOG BSTAN PA'I SGRON MES BRIS,, ` ,,NA MO GU RU BHYA: CHOS DBYINGS BDE CHEN 'CHI MED ROL PA'I LAM, ,BRTZE CHEN SGYU 'PHRUL 'JA' TSON GUR KHANG NA, ,GDONG LNGA'I KHRIL PADMA NYI ZLA'I STENG; ;SKYABS GSUM KUN 'O DUS NGO BO THUGS RJE'I GTER, ,DBUS SU 'JAM MGON BLA MA BTZONG KHA PA, ,GA-YAS SU RIGS KUN KHYAB BDAG 'JIGS MED DBANG, ,GA-YON NA RJE BTZUN BSTAN PA'I SGRON ME RNAMS, ,SKU MDOG DKAR GSAL CHOS GOS GSUM GSOL ZHING, ,GNAS GSUM YI GE GSUM MTSAN H'Um YIG GIS, ,YE SHES PA RNAMS SPYAN DRANGS DBYER MED GYUR, ,THER LAM JI BZHIN STON MDZAD RDZOGS SANGS RGYAS, ,SRID ZHI'I 'JIGS PA KUN SEL DAM PA'I CHOS, ,BYANG CHUB LAM GYI 'DREN PA DGE 'DUN TE, ,SKYABS GSUM KUN DNGOS KHYOD LA PHYAG 'TSAL LO, ,MKHA' KHYAB KUN BZANG MCHOD SPRIN RGYA MTSOS MCHOD, ,MI BZAD NYES LTUNG MA LUS SNYING NAS BSHAGS, , RLABS CHEN RGYAL SRAS SPYOD LA RJES YI RANG, ,BSKAL BRGYAR BZHUGS SHING CHOS 'KHOR BSKOR BAR BSKUL, ,'DIS MTSON DGE BAS TSE RABS THAMS CAD DU, ,BSHES GNYEN RNAMS KYIS 'BRAL MED RJES 'DZIN ZHING, ,DAL 'BYOR RNYED DKA' TSE LA LONG MED DANG, ,SKYABS 'GRO LAS 'BRAS TSUL BZHIN SEMS BAR SHOG ,'KHOR BA ME MDAG 'KHRIGS PA'I 'OBS 'DI LA, ,SRED PA'I 'DUN PA NAM YANG MI SKYE BAR, ,BDEN BZHI'I 'JUG LDOG BSLAB GSUM NYAMS LEN GYIS, ,

, ,SRID PA'I RGYA MTSO MYUR DU SKEM PAR SHOG ,RING NAS PHA MAR GYUR PA'I 'GRO KUN LA, ,RJES CHAGS SNYING RJES DRANGS PA'I BYANG CHUB SEMS, ,RGYAL SRAS SPYOD PA PHYIN DRUG BSDU BZHI SOGS, ,THEG MCHOG LAM BZANG MYUR DU BGROD PAR SHOG ,KHYAD PAR SRID PA'I NAD BRGYA SEL PA'I SMAN, ,DNGOS 'DZIN GDON CHEN 'JOMS PA'I RIG SNGAGS GTZO, ,DUS GSUM RGYAL BA'I DGONGS PA MTHAR THUG PA, ,KLU SGRUB LUGS BZANG KHONG DU CHUD BAR SHOG ,SANGS RGYAS LAS KYANG DKON PA GSANG SNGAGS KYI, ,'JUG SGO SMIN BYED DBANG GIS RGYUD SBYANGS TE, ,MTSAN BCAS MTSAN MED RIM GNYIS RNAL 'BYOR SOGS, ,RDO RJE THEG PA'I LAM BZANG MTHAR PHYIN SHOG ,MDOR NA DUS GSUM DGE BCI MCHIS RNAMS, ,SRID PA'I PHUN TSOGS RGYU RU MI SMIN PAR, ,THUN MONG THUN MONG MIN PA'I LAM BGROD NAS, ,MTHAR THUG SKU BZHI'I GO 'PHANG 'THOB PHYIR BSNGO, ,ZHES PA 'DI NI MKHYEN RAB KYI DBANG PHYUG SLOB ZUR BLO BZANG RIN CHEN PA'I GSUNG GIS 'DI LTA BU ZHIG DGOS TSUL BYUNG BAR BRTEN 7BTZUN PA DKON MCHOG BSTAN PA'I SGRON MES BRIS BA'O,, ` ,,NA MO GU RU BHYA: 'DIR BLA MA DANG MGON PO 'OD DPAG TU MED PA NGO BO DBYER MI PHYED BA'I ZAB LAM BLA MA LHA'I RNAL 'BYOR GYI SGO NAS NGAN 'GRO'I SKYE SGO BCAD DE ZHING MCHOG BDE BA CAN DU SGROD BAR BYED PA'I THABS MKHAS KYI LAM BZANG NYAMS SU LEN PA NA, THOG MAR RANG DANG RIGS DRUG MTHA' DAG THOG MED NAS 'KHOR BAR 'KHYAMS TSUL BSAM PA'I SKYO SHAS DANG, DE LAS SKYOB BA'I NUS PA BLA MA DKON MCHOG LA YOD PAR YID CHES BA'I SGO NAS SKYABS SEMS SNGON DU BTANG STE, RANG GI

SPYI GTZUG BDE CHEN 'KHOR LO'I STENG, ,RAB MDZES RMA BYAS BTEG PA'I NOR BU'I KHRIR, ,SKYON BRAL PADMA NYI ZLA'I GANG NA STENG DU, ,RTZA BA'I BLA MA MGON PO 'OD DPAG MED, ,'JA' TSON RNAM BKRA BYU RU'I LHUN PO BZHIN, ,SKU MDOG DMAR GSAL 'OD BRGYA'I DRA BA 'GYED, ,MNYAM GZHAG BDUD RTZIS GANG BA'I LHUNG BZED BSNAMS, ,DGYES BA'I NYAMS LDAN RDO RJE SKYIL KRUNG GIS, ,BZHUGS PA'I THUGS KA'I H'Um YIG 'OD ZER GYIS, ,BDE LDAN ZHING NAS RGYAL BA 'OD DPAG MED, ,RGYAL SRAS RGYA MCHOS BSKOR BA SPYAN DRANGS TE, ,DAM TSIG PA DANG DBYER MED THIM PAR GYUR, ,DNGOS BSHAMS YID SPRUL KUN BZANG MCHOD PA'I SPRIN, ,KHYAD PAR DUS GSUM DGE BA'I TSOGS DANG BCAS, ,BLO YIS BLANGS TE BLA MA LHAR 'BUL NA, ,MKHA' MNYAM 'GRO BA'I DON DU BZHES SU GSOL, ,KUN RMONGS MUN PAR ZHUGS PAS MI DGE'I LAS, ,JI SNYED BGYIS RNAMS 'GYOD PA DRAG PO YIS, ,THUGS RJE CHE LDAN SPYAN SNGAR BA SHAGS BGYID NA, ,NYES TSOGS BYANG ZHING DAG PAR BYIN GYIS RLOBS, ,BSLU MED DKON MCHOG GSUM GYI NGO BO NYID, ,NGAN SONG 'JIGS LAS SGROL BYED BSTAN PA'I BDAG ;DAG PA'I ZHING GIS MKHAN SGRON ME MCHOG ,BLA MA 'OD DPAG MED LA GSOL BA 'DEBS, ,'DI SNANG ZHEN PA CHOD PAR BYIN GYIS RLOGS, ,BAR DO'I 'KHRUL SNANG SEL BAR BYIN GYIS RLOBS, ,NGAN SONG SKYE SGO CHOD PAR BYIN GYIS RLOBS, ,ZAB LAM 'PHO BA 'BYONGS BAR BYIN GYIS RLOBS, ,DE LTAR GSOL BA BTAB PAS BLA MA LHA'I, ,SKU LAS BABS PA'I BDUD RTZI'I CHU RGYUN GYIS, ,SGO GSUM SDIG

, ,LTUNG DRI MA KUN BYANG NAS, ,RANG LUS SHEL GYI GONG BU BZHIN DU GYUR, ,DE YI DBUS SU DBU MA MDA' SNYUG TZAM, ,LTE 'OG NAS BZUNG SPYI BOR ZUG PA YI, ,SNYING GA'I THAD DU RANG SEMS THIG LE'I GZUGS DKAR GSAL 'OD KYI RANG BZHIN CAN DU GYUR, ,RIGS KYI BDAG PO BLA MA 'OD DPAG MED, ,GSOL BA 'DEBS SO BDAG RGYUD BYIN GYIS RLOBS, ,GNAS NGAN 'KHOR BA 'DI LAS DRANG DU GSOL, ,ZHING MCHOG BDE BA CAN DER KHRID DU GSOL, , DE LTAR GSOL BA BTAB PAS THUGS KA NAS, ,'OD KYI LCAGS KYUS RNAM SHAS GYEN DRANGS TE, ,'OD DPAG MED MGON THUGS KA'I HR'I:YIG DANG, ,DBYER MED RO GCIG DANG DU GNAS PAR GYUR, ,SLAR YANG BLA MA 'OD DPAG MED DANG BCAS, , THUR DU BAB STE SNYING GAR BZHUGS PA YIS, ,DENG NAS JI SRID BYANG CHUB SNYING PO'I BAR, ,NAM YANG 'BRAL BA MED PAR RJES 'DZIN SHOG ,MDOR NA DUS DANG GNAS SKABS THAMS CAD DU, ,ZLA MA MCHOG GIS DGYES BZHIN RJES 'DZIN ZHING, , MDO SNGAGS ZUNG 'GREL LAM BZANG RIM BGROD NAS, ,ZUNG 'JUG SKU BZHI'I GO 'PHANG MYUR THOB SHOG (,DE YANG GSOL 'DEBS GRANGS GSOG BYED NA BSLU MED MA BZLA ZHING LAS LA SBYOR, DNGOS GZHI'I TSE SLAR YANG ZHES PA'I TSIG RKANG GNYIS KYI DOD DU,) DE NAS BLA MA 'OD DPAG MED DANG BCAS, ,BDE LDAN ZHING DER YUD KYIS GSHEGS GYUR TE, ,ZHES SBYOR RO, TSUL 'DI NI MI PHYED PA'I DAD PA DANG LHAG BSAM MCHOG TU DGE BA RAB 'BYAMS PA NGAG DBANG MCHOG LDAN GYIS BSKUL NGER 7BTZUN PA DKON MCHOG BSTAN PA'I SGRON MES

BRES PA'O,, ` ,,BLA MA 'OD DPAG MED LA PHYAG 'TSAL LO, ,'DIR RGYAL BA 'OD DPAG MED LA BRTEN PA'I BLA MA'I RNAL 'BYOR NYAMS SU LEN PAR 'DOD PAS SKYABS SEMS SNGON DU BTANG LA, BLA MA DANG MGON PO 'OD DPAG MED NGO BO DBYER MI PHYED PA'I MOS GUS DANG, BDE BA CAN GYI ZHING GI RNAM PA YID NGOR GSAL BTAB STE, ZAB LAM BLA MA'I RNAL 'BYOR 'DI'I SGO NAS ZHING DER SKYE BA'I RGYU TSOGS BSGRUB PAR BYA'O, ,SNYAM PA'I 'PHEN PA SOGS DGE SEMS KHYAD PAR CAN GYI NGANG NAS, MDUN GYI MKHA' LA KUN BZANG MCHED SPRIN DBUS, ,YID 'OD RMA BYAS BTEG PA'I NOR BU'I KHRIR, ,'DAB STONG PADMA'I LTE BAR ZLA BA'I STENG, ,SKYABS GSUM KUN 'DUS BLA MA 'OD DPAG MED, ,NYI 'OD STONG 'BAR BYU RU'I LHUN PO BZHIN, ,SKU MDOG DMAR BO ZHAL GCIG PHYAG GNYIS PA, ,MNYAM GZHAG PHYAG RGYAS DRANG SRONG SNOD MCHOG BSNAMS, ,RDO RJE SKYIL KRUNG TSUL GYIS BZHUGS PA YI, ,GNAS GSUM YI GE GSUM MTSAN H'Um YIG GIS, ,BDE LDAN ZHING NAS RANG 'DRA'I YE SHES PA, ,MTHA' YAS RAB 'BYAMS RGYAL BA SRAS DANG BCAS, ,SPYAN DRANGS DBYER ME; GCIG TU 'DRES PAR GYUR, ,BSLU MED DKON MCHOG GSUM GYI NGO BO NYID, ,BSTAN PA'I BDUD RTZIS LUS CAN GDUNG BA SEL, ,YANG DAG THAR LAM GSAL BA'I SGRON ME MCHOG ,BLA MA 'OD DPAG MED LA PHYAG 'TSAL LO, ,RAB 'BYAMS MCHOD SPRIN DGE BA'I DNGOS POR BCAS, ,GUS PAS 'BUL YO BRTZE BA'I THUGS KYIS BZHES, ,SDIG LTUNG MA LUS BSHAGS SHING SDOM BGYID NA, ,KHYOD KYI THUGS RJES BYANG ZHING DAG PAR MDZOD, ,

, ,ZAB RGYAS CHOS KYI 'KHOR LO BSKOR BA'I PHYIR, ,BGRANG YAS BSKAL BA RGYA MTSOR BRTAN PAR BZHUGS, ,'DIS MTSON DGE BA'I DNGOS PO THAMS CAD KYANG, ,KHYOD KYIS RJES SU 'DZIN BA'I RGYU RU BSNGO, ,SA GZHI SPOS KYIS BYUGS SHING ZHES SOGS MAndAL GRANGS GSOG DANG LTUNG BSHAGS, GONG GI PHYAG 'TSAL BA'I TSIGS BCAD DANG, BLA MA STON PA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD DPAG TU MED PA LA PHYAG 'TSAL LO, ,MCHOD DO SKYABS SU MCHI'O, ,ZHES PA RNAMS KYI SGO NAS BRGYA PHYAG LA SOGS PA GNAD DU 'GRO NGES BYA, DE NAS, SPYI GTZUGS DH'U T'Am YAR SNE PHYE BA'I STENG, ,DGYES BZHIN BYON TE 'BRAL MED BZHUGS PA YI, ,DBU MA'I LAM NAS 'OD DANG BDUD RTZI'I RGYUN, ,BABS PAS RANG RGYUD BYIN GYIS BRLAB PAR GYUR, ,ZHAS 'OD RANG BDUD RTZI'I RGYUN BABS PAS MUN KHUNG DU SGRON ME SBAR BA BZHIN SDIG LTUNG THAMS CAD SANGS KYIS DAG NAS BLA MA'I THUGS DANG RANG SEMS DBYER MED DU 'BRES PA'I MOS PA BYAS LA, GONG GI PHYAG 'TSAL BA'I TSIG DE GSOL BA 'DEBS ZHES PAR BSGYUR NAS BRGYA STONG SOGS 'DON, MTHAR BSLU MED SKYABS MCHOG BLA MA 'DOD DPAG MED, ,MGON MED BDAG LA THUGS RJE'I SBYAN GYIS GZIGS, ,DENG NAS BYANG CHUB BAR DU KHYOD MIN PA'I, , RE SA GZHAN MED BDAG GI BSHES MDZOD CIG ,MI KHO MNGAN SONG GSUM GYI GA-YENG LAS SKYOBS, ,BZOD DKA' 'JAGS RUNG SRID PA'I MTSO LAS SGROL, ,RANG NYID GCES 'DZIN 'CHING BA KUN BCAD DE, ,BYANG CHUB SEMS GNYIS 'BYONGS

PAR BYIN GYIS RLOBS, ,DE LTAR GDUNG SHUGS DRAG POS RTZE GCIG TU, ,GSOL BA BTAB PAS DH'U T'I'I LAM BRGYUD DE, ,SNYING GAR BYON NAS PHRA BA'I RLUNG SEMS DANG, ,DBYER MED DANG DU BRTAN PAR BZHUGS PAR GYUR, ,DPAL LDAN BLA MA'I RNAM PAR THAR PA LA, ,ZHES SOGS DANG, 'DI LTAR BSKUN PA'I RNAM DKAR DGE BA'I TSOGS, ,ZHES SOGS TSER BAS RJES 'DZIN GYI SMON TSIG BA DANG, BDE SMON YONGS RDZOGS SAM, RGYAL BA'I DKYIL 'KHOR BZANG ZHING DGA' BA DER, ,ZHES SOGS SMON LAM GYIS MTSAMS SBYAR BAR BYA'O, ZHES PA 'DI NI DAD BRTZON LDAN PA DGE SLONG DKON MCHOG MKHAS GRUB KYIS BSKUL BOR ~BTZUN PA DKON MCHOG BSTAN BA'I SGRON MES DBEN GNAS YID DGA' CHOS 'DZIN DU SBYAR BA'I YI GE BA NI BHIKshU RA TANA A'A NANT'O,, ` ,,'DIR MGON PO 'OD DPAG MED LA BRTEN PA'I BLA MA'I RNAL 'BYOR NYAMS SU LEN PAR 'DOD PA'I GANG ZAG GIS SKYABS SEMS SNGON DU BTANG LA, MDUN GYI NAM MKHAR KUN BZANG MCHOD SPRIN DBUS, ,YID 'ONG RMA BYAS BTEG PA'I NOR BU'I KHRIR, ,RTZA BA'I BLA MA MGON PO 'OD DPAG MED, ,SKU MDOG DMAR PO MNYAM PA ZHAG PHYAG RGYA CAN, , MTHA' SKOR DNGOS BRGYUD BLA MA YI DAM LHA, ,SANGS RGYAS SO LNGA BDE GSHEGS BDUN LA SOGS, ,RGYAL DANG RGYAL SRAS NYAN RANG CHOS SKYONG BCAS, ,SKYABS GNAS MA LUS DGYES BZHIN BZHUGS PAR GYUR, ,RANG BZHIN RNAM DAG CHOS KYI DBYINGS NAS KYANG; ,THUGS BSKYED BDEN MTHUS BSKUL TE RANG RANG GI ,YE SHES PA RNAMS SPYAN DRANGS DBYER MED DU, ,BSTIMS PAS SKYABS GNAS KUN 'DUS NGO BOR GYUR, ,BSLU MED DKON MCHOG GSUM GYI NGO BO NYID, ,NGAN SONG 'JIGS LAS SGROL BA'I THABS

, ,BSTAN NAS, ,THAR LAM GSAL BAR BYED PA'I SGRON ME MCHOG ,MGON PO 'OD DPAG MED LA GUS PHYAG 'TSAL, ,NAM MKHA'I MTHAS GTUGS ZHING KHAMS RAB 'BYAMS NA, ,YID 'PHROG MCHOD PA'I DNGOS PO CI MCHIS PA; ;MTHA' DAG BLO YIS BLANGS TE GUS 'BUL GYI, ,BDAG CAG BSOD NAMS RDZOGS PHYIR BZHES SU GSOL, ,THOG MA MED NAS BLANG DOR GNAS RNAMS LA, ,RMONGS PA'I MUN PA STUGS PO'I DBANG GYUR TE, ,SGO GSUM NYES TSOGS MTHA' YAS BSAGS PA RNAMS, ,THUGS RJE CHE LDAN SPYAN SNGAR MTHOL LO BSHAGS, ,DAL 'BYOR LAN GCIG RNYED NAS BSTAN PA'I SGOR, ,ZHUGS KYANG BDAG MED SMYON PA'I SPYOD PA BZHIN, ,SDOM GSUM BCAS MTSAMS LAS 'DAS SDIG LTUNG KUN, ,'GYOD PAS BSHAGS SHING PHYIN CHAD SDOM PAR BGYI, ,BSLU MED BLA MA LHA YI THUGS RJE'I MTHUS, ,NYES LTUNG DRI MA MA LUS BYANG BA DANG, ,RANG GZHAN KUN GYI RNAM DKAR DGE BA'I DNGOS, ,MTHA' DAG GONG NAS GONG DU 'PHEL GYUR CIG ,KHYAD PAR 'DI SNANG 'GAG PAR NYE BA'I TSE, ,GNAD GCOD GSHIN RJE'I 'JIGS PA MI 'BYUNG ZHING, ,NGAN SONG NGAN 'GRO'I GA-YANG DU MI LTUNG BAR, ,BDE BA CAN GYI ZHING DER KHRID DU GSOL, ,'OD GSAL MKHA' DBYINGS DVANGS DPAR SNANG MTHA' YAS, ,NYE SRAS DANG BCAS DGYES PA'I 'DZUM BSTAN CING, ,SNYAN PA'I GSUNG GIS DBUGS DBYUNG MDZAD PA'I MTHUS, ,DGA' DAG DAD PA'I SHUGS KYIS 'PHO BAR SHOG ,MDOR NA DUS 'DI NAS BZUNG BYANG CHUB BAR, ,'OD DPAG MED KYIS DGE BA'I BSHES

MDZAD DE, ,'BRAL MED GSUNG GI BDUD RTZIS BSKYANGS PA YIS, ,SA LAM RTOGS PA MYUR DU MTHAR PHYIN SHOG ,'DI PHYI BAR DO'I GNAS SKABS GANG DU YANG, ,MGON PO KHYOD MIN SKYABS GZHAN MA MCHIS PAS, ,THUGS RJE LCAGS KYUS NAM YANG MI GTONG BAR, ,RJES BZUNG BYIN RLABS DGA' STON STZAL DU GSOL, ,ZHES GSOL BA BTAB PAS SKYABS YUL RNAMS GTZO BO LA THIM ZHING, DE NYID RANG LA THIM PAS BYIN GYIS BRLAB PAR MOS TE, SHA'KY'I DBANG PO 'DREN PA 'OD DPAG MED, ,CES SOGS KYI BSNGO BAS MTHA' BRGYAN PAR BYA'O, ,ZHES PA 'DI NI DAD BRTZON LDAN PA RAB 'BYAMS PA DKON MCHOG YAR 'PHEL DANG, DGE SLONG DKON MCHOG RAB 'BYOR GNYIS KYIS 'DI LTA BU'I BLA MA'I RNAL 'BYOR STOBS BZHI'I GNAD CHANG BA ZHIG DGOS ZHES BSKUL BA LTAR BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU LO KE SHVA R'A YA, 'DIR BLA MED KYI LUGS DPA' 'BREL BAR THUGS RJE CHEN PO PHYAG BZHI PA LA BRTEN PA'I BLA MA'I RNAL 'BYOR ZAB MO NYAMS SU LEN BAR 'DOD PA'I GANG ZAG GIS SKYABS SEMS SNGON DU BTANG LA DGE BA'I BSAM PA KHYAD PAR CAN GYI DANG NAS, MDUN GYI NAM MKHAR RTZA BA'I BLA MA DANG, ,DBYER MED SPYAN RAS GZIGS MGON PHYAG BZHI PA, ,RAB 'BYAMS ZHING NAS BLA MA YI DAM KUN, ,BYON TE THIM PAS KUN 'DUS NGO BOR GYUR, CES; MDUN GYI NAM MKHAR PAD ZLA'I GDAN LA DRIN CAN RTZA BA'I BLA MA DANG NGO BO DBYER MED PA'I 'PHAGS PA SPYAN RAS GZIGS SKU MDOG DKAR PO RTZA PHYAG GNYIS THAL MO SBYAR ZHING, 'OG MA GNYIS KYIS SHEL 'PHRENG DANG PAD DKAR 'DZIN PA, RIN PO CHE'I RGYAN DANG DAR GYI NA

, ,BZA' CAN, RDO RJE SKYIL KRUNG GIS BZHUGS PA'I GNAS GSUM DU YI GE GSUM GYIS MTSAN PA, DE'I THUGS KA'I HR'I: YIG LAS 'OD ZER DPAG TU MED PA PHYOGS BCU'I ZHING RAB 'BYAMS KHYAB PAR SPROS TE DNGOS BRGYUD KYI BLA MA THAMS CAD SPYAN DRANGS NAS THIM BAS BLA MA KUN 'DUS, YI DAM RGYUD SDE BZHI'I DKYIL 'KHOR GYI LHA TSOGS THAMS CAD SPYAN DRANGS TE THIM PAS YI DAM KUN 'DUS KYI NGO BOR GYUR PAR BSAMS LA, YAN LAG BDUN PA SOGS KYI SGO NAS TSOGS GSOG BA NI, SGO GSUM MI PHYED DAD PAS PHYAG 'TSAL ZHING, ,PHYI NANG GSANG PA DE NYID MCHOD TSOGS 'BUL, ,SDIG LTUNG MA LUS SNYING NAS MTHOL ZHING BSHAGS, ,DGE LA YI RANG BSGUL ZHING GSOL BA 'DEBS, ,RAB 'BYAMS ZHING KHAMS DUS GSUM DGE TSOGS BCAS, ,DBUL ZHING BLA MED DBYANG CHUB RGYU RU BSNGO, ,SO THAR BYANG SEMS GSANG SNGAGS SDOM PA YI, ,BCAS MTSAMS MTHA' DAG TSUL BZHIN BSRUNG BAR BGYI, ,ZHES YAN LAG BDUN PA MAndAL DANG BCAS PA DBUL ZHING, ,SGRUB PA'I MCHOD PA MCHOG TU GYUR PA SDOM PA GZUNG PA RNAMS BLO 'KHUL NGES SU BYA, ,DE NAS, ,SANGS RGYAS KUN 'DUS BLA MA THUGS RJE'I GTER, ,DAM CHOS KUN 'DUS BLA MA THUGS RJE'I GTER, ,DGE 'DUN KU 'DUS BLA MA THUGS RJE'I GTER SKYABS GNAS MA LUS 'DUS PA'I NGO BO NYID, ,KHYOD MIN SKYABS GZHAN NAM YANG MA MCHIS PAS, ,BYANG CHUB BAR DU 'BRAL MED RJES BZUNG STE, ,SPID DANG ZHI BA'I 'JIGS LAS BSKYAB TU GSOL, ,'DI SANG ZHEN PA'I DRI MA BSAL DU

GSOL, ,LOS DANG NYON MONGS 'CHING BA GCAD DU GSOL, ,GCES 'DZIN RGUD PA'I 'PHRANG LAS BSGRAL DU GSOL, ,SKYES BU GSUM GYI LAM BZANG RIM BGROD DE, ,BDE CHEN THAR PA'I SA LA DRANG DU GSOL, ,ZHES RANG DANG MTHA' SKOR NA YOD PA'I RIGS DRUG SEMS CAN THAMS CAD KYIS RANG RANG 'KHOR BA PHRA RAGS KYI SDUG BSNGAL MTHA' YAS PAS MNAR TSUL LA BSAMS NAS 'JIGS SHING SKRAG PA DANG, MDUN GYI NAM MKHAR BZHUGS PA'I BLA MA THUGS RJE CHEN PO NI SKYABS GNAS MA LUS PA 'DUS PA'I NGO BO RANG GIS BLO BKAL NA SRID ZHI'I 'JIGS PA GANG LAS KYANG SKYOB PA LA THUGS RJE DANG NUS MTHU THOGS PA MED PA'I TSUL PAS MAS TE GDUNG SHUGS DRAG POS MGRIN GCIG TU GSOL BA BTAB PA'I MOS DANG, LAM THUN MONG DANG THUN MONG MA YIN PA'I LUS YONGS SU RDZOGS PA LA GSHAR SGOM DANG 'BREL BAR BYIN RLABS ZHU BA'I DMIGS RNAM BSKYANGS LA, DE NAS THUGS RJE CHEN PO DE NYID KYI SKU LAS RANG 'DRA GNYIS PA SEMS CAN GYI GRANGS DANG MNYAM PA SPROS TE RANG DANG SEMS CAN THAMS CAD KYI SBYI BOR BZHUGS PA'I MOS PA BYAS LA, DE LTAR GSOL BA BTABS GNAS GSUM LAS, ,'DOD DANG BDUD RTZI DKAR DMAR MTHING GA'I TSOGS, ,RIM DANG CIG CAR BYUNG NAS DBANG BSKUR BAS, ,SGRIB BZHI DAG CING DBANG BZHI THOB PAR GYUR, ,CES SPYI BO'I AOm YIG LAS BYUNG DU dI DKAR PO'I RGYUN BAB PAS MGRIN PA'I RTZA 'KHOR GYI STE YAN TSAD GANG, LUS KYI SGRIB PA SBYANGS BUM PA'I DBANG THOB CID SPRUL SKU 'GRUB PA'I NUS PA BZHAG ,DE BZHIN DU MGRIN PA'I A'A: YIG GI BDUD RTZI DMAR POS NGAG GI SGRIB PA SBYANGS, GSANG DBANG DANG LONGS SKU 'GRUB PA'I NUS PA BZHAG ,THUGS GA'I H'Um YIG GI BDUD RTZI SNGON POS YID KYI SGRIB PA

, ,SBYANGS, SHER DBANG RANG CHOS SKU 'GRUB PA'I NUS PA BZHAG, DE GSUM LAS BDUD RTZI MNYAM DU BABS PAS SGO GSUM GA'I DRI MA SBYANGS, DBANG BZHI PA DANG ZUNG 'JUG 'BRUB PA'I NUS PA BZHAG PAR BSAMS, DE NAS SEMS CAN SO SO'I SPYI BOR BZHUGS PA'I BLA MA SPYAN RAS GZIGS RNAMS 'OD DU ZHU STE RANG RANG LA THIM PAS DE THAMS CAD SPYAN RAS GZIGS KYI SKUR'GYUR, DE DAG KYANG GCIG LA GCIG THIM GYI TSUL DU RIM GYIS BSDAS TE RANG GI SPYI BO'I BLA MA SPYAN RAS GZIGS LA THIM, ,DE 'OD DU NU BAR RANG LA THIM, ,RANG GI SGO GSUM DANG BLA MA'I SKU GSUNG THUGS DBYAR MI PHYED PAR GYUR, RANG NYID KYANG SKU'I STOD SMAD NAS RIM GYIS 'OD DU ZHUBS NAM MKHA' LA 'JA' YAL BA BZHIN GYUR TE, SNOD BCUD 'KHOR 'DAS KYI CHOS KUN RANG BZHIN MI DMIGS PA 'OD GSAL STONG PA'I DBYINGS LA MNYAM PAR BZHAG BAS YE SHES KYI TSOGS BAS SHAS SHING CHOS KYI SKU LA RGYAL BZHAG, 'OD GSAL DE'I DANG LAS MDON BYANG LNGA'I RIM PAS SPYAN RAS GZIGS KYI SKUR BZHENGS PA LONGS SKU DANG SBRUL SKU'I NGA RGYAL 'DZIN CING SKYE SHI BAR DO GSUM SBYANG STE RGYAL BA'I SKU GSUM DU BSGYUR BA'I DMIGS PA DANG BCAS, ,'GRO KUN SPYAN RAS GZIGS KYI SKUR BSGYUR CING, ,RIM GYIS BSDUS TE 'OD GSAL STONG PAR GYUR, ,STONG PA'I NGANG LAS PADMA ZLA BA'I STENG, ,HRI': DANG PAD DKAR YONGS SU GYUR PA LAS, ,RANG NYID SPYAN RAS GZIGS KYI SKUR BZHENGS PA'I, ,THUGS KA'I HR'I: YIG SNGAGS 'PHRENG DANG BCAS PAR, ,GZUNGS SNGAGS KUN BSDUS 'OD KYI 'PHRO 'DU YIS, ,SNOD BCUD SBYANGS BSGYUR BYIN GYIS BRLABS PAR GYUR, ,CES THUGS KA'I SNGAGS 'PHRENG LAS 'OD ZER 'PHROS TA RGYUD SDE SHI'I GSANG SNGAGS

DANG RIG SNGAGS THAMS CAD BSDUS NAS DE LA BSTIM PAS GZUNGS SNGAGS KUN 'DUS KYI NGO BOR GYUR PAR BSAMS LA, SNAD BCUD KUN GYI MA DAG PA'I NYES PA SBYANGS TE, GZUGS SU SNANG BA THAMS CAD SPYAN RAS GZIGS KYI SKU DANG DAG PA'I ZHING KHAMS, SGRA GRAGS TSAD 'PHAGS PA'I GZUNGS SNGAGS YID KYI DRAN RTOG THAMS CAD DE'I THUGS RNAM PAR MI RTOG PA'I YE SHES SU MOS PA 'KHYER SO GSUM DANG MA BRAL BA'I SGO NAS GZUNGS RING DANG YIG DRUG SOGS CI 'GRUB BZLAS LA YIG BRGYAS LHAG CHED BSKANG, DGE BA 'DI YIS MYUR DU BDAG ,SPYAN RAS GZIGS DBANG 'GRUB GYUR NAS, ,ZHES SOGS BSNGO BAS MTSAMS SBYAR BAR BYA'O, ,ZHES PA 'DI NI DGE SBYOR LAM MCHOG TU GZHOL BA'I RI KHROD PA DKON MCHOG RAB RGYAS KYIS BLA MED DANG 'BREL BA'I THUGS RJE CHEN PO'I BLA MA'I RNAL 'BYOR GYIS GZHUNG BSRANGS TE BZLAS BRJOD BYED TSUL ZAB GNANG TSANG ZHING SHIN TU MDOR BSDUS PA ZHIG DGOS ZHES BSKUL BA LTAR, GRUB CHEN TSEM BU PA DANG RGYAL BA DBEN SA PA SOGS KYI MAN NGAG GUNG BSGRIGS TE, BCUN PA DKON MCHOG BSTAN PA'I SGRON MES BRIS PA 'DIS KYANG SKYE BO KUN LA PHAN THOGS PAR GYUR CIG, ` ,,NA MO GU RU LO KE SHVA R'A YA, RANG GI SPYI BOR PADMA ZLA BA'I STENG, ,BKA' DRIN MNYAM MED RTZA BA'I BLA MA DANG, ,DBYER MED SNYING RJE'I LHA MCHOG SPYAN RAS GZIGS, ,SKU MDOG DKAR GSAL SHEL GYI RI BO BZHIN, ,'DZUM BA'I ZHAL MNGA' RTZA PHYAG THAL MO SBYAR, ,LHAG MA'I PHYAG GIS SHEL 'PHRED PAD DKAR BSNAMS, ,RIN CHEN RGYAN LDAN DAR GYI NA BZAS KLUBS, ,RDO RJE SKYIL MO KRUNG GIS BZHUGS PA'I MTHAR,

, ,DNGOS DANG BRGYUD PA'I BLA MA YI DAM LHA, ,RGYAL DANG RGYAL SRAS NYAN RANG SRUNG TSOGS BCAS, ,SKYABS YUL NAM MKHA' GANG BA BZHUGS PA RNAMS, ,BSOD NAMS ZHING DU BRTEN PAR BZHUGS SU GSOL, ,BSAL MED DKON MCHOG GSUM GYI NGO BO NYID, ,LUNG RTOGS BSHAD SGRUB BSTAN PA'I DPAL GYUR CING, ,LAS NYON SGRIB PA'I MUN SEL SGRON ME MCHOG ,BLA MA SPYAN RAS GZIGS LA PHYAG 'TSAL LO, ,PHUN TSOGS BDE DGE MA LUS MCHOD PAR 'BUL, ,MI BZAD SDIG LTUNG MTHA' DAG SNYING NAS BSHAGS, ,RLABS CHEN THUGS RJE'I SPYOD LA RJES YI RANG, ,SLAD KYANG ZAB RGYAS CHOS CHAR DBAB TU GSOL, ,TSE 'DI'I SNANG SHES SRID LA ZHEN PA DANG, ,RANG NYID GCES 'DZIN MTSAN MAR LTA BA SOGS, ,PHYIN CI LOG GI BLO SNA KUN 'GAGS SHING, ,LAM BZANG GEGS MED SKYE BAR BYIN GYIS RLOBS, ,ZHES BRJOD LA GONG GI PHYAG 'TSAL GYI TSIGS BCAD GSOL 'DEBS SU BSGYUR BA GRANGS GSOG DANG, THUGS RJE CHEN PO'I GZUNGS RING THUNG GI BZLAS PA CI 'GRUB BYA, DE NAS, 'DIS MTSON BGYIS DANG BGYID 'GYUR DUS GSUM GYI, ,RNAM DKAR DGE TSOGS JI SNYED MCHIS PA KUN, ,SRAS BCAS RGYAL BA'I THUGS BSKYED RGYA MTSO DANG, ,'DRES TE KUN BZANG SPYOD BA RDZOGS GYUR CIG ,RTAG TU BSHES GNYEN DAM PAS RJES BZUNG NAS, ,DE YI BKA' BZHIN SGRUB PA LHUR BYED CING, ,KHYAD PAR 'JAM MGON BSTAN PA'I SNYING PO LA, ,THOS BSAM SGOM PAS DUS KUN

'DA' BAR SHOG ,'DI PHYI'I PHAN BDE'I LEGS TSOGS KUN GYI GZHI, ,DPAL LDAN BLA MA'I SKU TSE BRTAN PA DANG, ,SDE 'DIR BSLAB GSUM 'DZIN PA'I DGE 'DUN RNAMS, ,BSHAD SGRUB BYA BA GEGS MED MTHAR PHYIN SHOG ,SGO GSUM 'GYI BAM LUS BSTAN 'GRO LA, ,'PHRAL DANG YUN DU PHAN PA'I RGYUR GYUR TE, ,MNGON MTHO NGES LEGS DGA' STON LA SBYOR BAS, ,DON GNYIS GEGS MED LHUN GYIS GRUB GYUR CIG, BLA MA LHAG PA'I LHA MCHOG SPYAN RAS GZIGS,,BDAG GI SNYING GAR PADMA'I ZHES SOGS DANG, SKYE BA KUN TU , ZHES SOGS BSNGO SMON GYIS MTSAMS SBYOR ZHING, SGO GSUM GYI BYA BA KUN LA DE NYID DBANG PO'I TSUL DU DRAN PA DANG, ZAS GOS GNAS MAL GANG LA ZHONGS SPYOD PA'I TSE DE LA DBUL BAR SEMS PA SOGS TSOGS GSOG SGRIB SBYONG LA 'BAD PAR BYA'O, ,ZHES PA 'DI NI BSTAN PA'I GSAL BYED DAM PA LUNG BZANG NANG SPRUL PA'I SKU DKON MCHOG BSTAN 'DZIN RGYA MTSO'I THUGS BZHED BZHIN ~BTZUN PA DKON MCHOG BSTAN PA'I SGRON MES DGON DE NYID DU BRIS PA'O,, ` ,,NA MO GU RU A'ARYA LO KA SHVR'A YA, GNAS SPYI GTZUG BDE CHEN 'KHOR LO'I STENG, ,GDAN SENG KHRI PADMA NYI ZLA'I DBUS, ,SKYABS KUN 'DUS RTZA BA'I BLA MA DANG, ,DBYER MED PA 'PHAGS MCHOG SPYAN RAS GZIGS, ,SKU RAB DKAR SHEL GYI MCHOD SDONG LA, ,DAR SNA TSOGS DBANG PO'I GZHU YIS SPRAS, ,THABS SHES RAB PHYAG GNYIS THAL SBYAR GYIS, ,MGON RGYAL RNAMS 'GRO BA'I DON DU BSKUL, ,GA-YAS 'OG MAS SHEL DKAR 'GRANG 'PHRENG DANG, ,GA-YON SKYON BRAL GSER GYI PADMA BSNAMS, ,YONGS DUS

, ,GSUM RGYAL BA'I THUGS RJE'I BDAG ,MA 'GRO BA KUN GYI MGON DANG SKYABS, ,YUL GANG CAN 'GRO BA'I LHA SKAL TE, ,MI BDAG GI 'DI PHYI'I SKYABS GCIG PU, ,MGON KHYOD MIN RE SA GZHAN MED NA, THUGS BRTZE BAS BDAG GI MGON MDZAD CIG ,LHA DKON MCHOG GSUM GYI THUGS RJE'I MKHAR, ,CHOS LUNG RTOGS BSTAN PA'I 'OD SNANG GIS, ,RGYUD RMONGS MUN SEL BA'I SGRON ME MCHOG ,MGON SPYAN RAS GZIGS LA GSOL BA 'DEBS, ,LUS LONGS SPYOD DUS GSUM DGE TSOGS KUN, ,PHA THUGS RJE'I GTER CHEN KHYOD LA 'BUL, ,MA 'GRO KUN DON DU B ZHES NAS KYANG, ,SDIG GNYES LTUNG BYANG BAR BYIN GYIS RLOBS, ,GNAS MTHA' MED 'KHOR BA'I RGYA MTSO 'DIR, ,LAS NYON MONGS GDON GYI DBANG GYUR TE, ,DUS THOG MA MED NAS 'KHYAMS BA BDAG, ,MCHOG THAR BA'I GNAS DER DRANG DU GSOL, ,CHOS ZAB ZHI SBROS BRAL DBU MA'I LAM, BYAMS SNYING RJE CHEN POS RGYAS BTAB STE, ,SRAD ZHI BA'I MTHA' LA MI GNAS PA'I, ,'BRAL BYANG CHUB CHEN PO MYUR THOB SHOG, ,DPAL 'CHI BA MED PA'I GNAS THOB STE, ,CHOS ZAB GSANG BDUD RTZI'I DGA' STON GYIS, ,MA MKHA' MNYAM 'GRO BA THAMS CAD KYANG, ,GTAN BDE BA'I DPAL LA SBYOR BAR SHOG ,CES BA 'DI NI DAD BRTZON LDAN PAR BA 'BYAMS PA 'JAM DBYANG RAB RGYAS KYIS BSKUL NGOR ~BRTZUN PA DKON MCHOG BSTAN PA'I SGRON MES SBYAR BA'O,, ` ,,MDUN DU PAD ZLAR SENG GE DKAR MO'I STENG, ,BLA MA'I NGO BO 'PHAGS

MCHOG SENG GI SGRA, ,GA-YAS GA-YON RTZE GSUM PADMA'I SNOD KYIS MTSAN, ,DKA' THUB RNAM PA RGYAL PO ROL STABS CAN, ,SKYABS GNAS MA LUS 'DUS PA'I NGO BO LA, ,GSOL BA 'DEBS SOG THUGS RJES BYIN GYIS RLOBS, ,AOm A'A HR'I SI BHA N'A DA H'Um PHAt, CES MANG DU BU ZLAS LA, ,BLA MA SENG GE'I SGYI SKU'I CHA LAS, ,BDUD RTZI'I RGYUN BABS RANG GI LUS KUN GANG, ,SDIG LTUNG NAD GDON MA LUS LHAG MED DU, ,BYANG ZHING RNAM SMIN PHUNG PO 'OD GSAL DU, ,SBYANGS TE STONG THUG PA'I NGANG LAS SKAD CIG GIS, ,RANG NYID SPYEN RAS GZIGS DBANG SENG GE SGRA, ,GDONG LNGA'I GDAN LA BLO BA'I STABS KYIS BZHUGS, ,SKU MDOG DKAR ZHING SHIN TU SKEM PA'I TSUL, ,GA-YAS PA SKYABS SBYIN GA-YON PA GDAN LA BRTEN, ,MDUN KYI BLA MA SPYAN GZHIG MGON YANG, 'OD DU ZHU NAS RANG DANG DBYER MED GYUR, ,THUGS KA'I SNGAGS 'PHRENG 'OD KYI SPRO BAS DI YIS, ,SKYON SBYANGS RGYAL KUN BYIN RLABS BSDUS PAR GYUR, ,CES BRJOD CING, ,THUGS GAR HRI: LA SNGAG 'PHRENG GIS BSKOR PA LAS 'OD ZER 'PHROS, KLU DANG SA BDAG GI GNOD PA SOGS NAD RIMS GDON BGEGS NYER 'TSE THAMS CAD SBYANGS, RGYAL BA SBRANGS BCAS KYI BYIN RLABS BSDUM TE THAM PA LAS BDUD TZI'I RGYUN BABS, LUS THAMS CAD GANG BAS LAGS TSOGS KYI YON TAN MA LUS PA RGYAS PAR BSAMS LA SNGAG BZLA, MJUG TU YIG BRGYAS LHAG CHAD BSKANG, DENG NAS BYANG CHUB SNYING POR MCHIS KYI BAR, ,'PHAGS MCHOG THUGS RJES 'BRAL MED RJES BZUNG MTHUS, ,DAM CHOS SGRUB PA'I NYER 'TSE KUN ZHI ZHING,,

, ,YANG DAG LAM GYI 'GROD PA MTHAR PHYIN SHOG ,CES SOGS BSNGO BAS MTSAMS SBYAR BAR BYA'O, ,ZHES PA 'DI NI AU CU MU CHIN SHOG NAS DAD BRTZON BLO DANG LDAN PA RAB 'BYAMS PA DPAL LDAN BKRA SHIS KYIS BLA MA'I RNAL 'BYOR DANG 'BREL BA'I SENG GE SGRA'I SGRUB THABS MDOR BSDUS SHIG DGOS ZHES BA SKUL BA LTAR BTZUN PA DKON MCHOG BSTAN PA'I SGRON MES BRIS PA'O,, ` ,,NGO MTSAR MCHOD SPRIN 'KHRIGS PA NAM MKHA'I DBYINGS, ,SENG KHRI PAD ZLA'I GDAN LA BLA MA DANG, ,DBYER MED BYAMS MGON BZANG PO'I BZHUGS STANGS CAN, ,MTSAN DPE'I DPAL 'BAR CHOS 'KHOR PHYAG RGYA MDZAD, ,SRAS BCAS RGYAL BAS BSKOR CING GNAS GSUM DU, ,'BRU GSUM GYIS MTSAN H'Um GI 'OD ZER GYIS, , DGA' LDAN GNAS NAS BYAMS MGON YE SHES PA, ,SPYAN DRANGS DBYER MED BRTAN PAR BZHUGS SU GSOL, ,RGYAL YUM SBAS DON LAM GYI RIM PA KUN, ,MA NOR MA 'DRES JI BZHIN 'DOMS PA YIS, ,SKAL LDAN SKYE BO BYANG CHUB MCHOG GI SAR, ,'KHRID MDZAD SKYABS KYI DAM PAR PHYAG 'TSAL LO, ,DNGOS BSHAMS YID SPRUL MCHOD SPRIN RAB 'BYAMS DANG, ,BDAG LUS LONGS SPYOD DUS GSUM DGE TSOGS BCAS, ,BLO YIS BLANGS TE GUS PAS 'BUL LAGS NA, ,BDAG GI DON SLAD NYID KYI MTHUS BZHES SHIG ,NGAN SONG MU MED MTSAN MO'I SMAG RUM NAS, ,DAL 'BYOR GLOG GI SNANG BA SKAD CIG CAM, ,THOB KYANG BAG MED SDIG LA SPYOD PA YI, ,RMONGS PA BDAG GI SDIG LTUNG SBYANG DU

GSOL, ,RGYU MED PAR YANG 'GROL MNYES GSHIN PA, ,BYAMS MGON NYE SRAS DANG BCAS KHYED RNAMS KYIS, ,RTAG TU BDAG CAG KHO NA'I DON MDZAD PA'I, ,BKA' DRIN SNYING NAS DRAN ZHING RJES YI RANG, ,ZAB RGYAS CHOS KYI BDUD RTZI'I CHAR PHAB STE, ,SGRIB GNYIS DRI MA DRUNGS NAS 'BYIN PA DANG, ,'GRO KUN SRID ZHI'I MTHA' LAS SGOL GYI BAR, ,NAM YAB MI 'DA' RTAG PAR BZHUGS SU GSOL, ,'DIS MTSON GTONG DANG TSUL KHRIMS THOS BSAM SGOM, ,DGE BA'I DNGOS PO JI SNYED MCHIS PA KUN, ,GCIG TU BSDOMS TE SRAS BCAS RGYAL KUN GYI, ,RLABS CHEN THUGS BSKYED RGYA MTSOR 'JUG GYUR CIG ,RTAG TU MTHE RIS YON TAN BDUN LDAN GYI, ,RTEN THOB BSHES GNYEN DAM PAS RJES 'DZIN CING, , 'DI SNANG 'KHRI PA CHOD PA'I BRTZON 'GRUS KYIS, ,BLANG DOR TSUL BZHIN SGRUB PAR BYIN GYIS RLOBS, ,MI BZAD 'KHOR BA'I SDUG BSNGAL GYIS 'JIGS SHING, ,DER GNAS NYAM THAG 'GRO LA RJES BRTZE BAS, ,RIN CHEN BYANG CHUB MCHOG TU SEMS BSKYED DE, ,THEG MCHOG LAM BZANG BGROD PAR BYIN GYIS RLABS, ,NAM ZHIG 'DI SNANG 'GAG PAR RTZOM PA NA, ,KHYOD ZHAL MIG GI BDUD RTZIR 'GYUR BA YIS, ,SHUGS DRAG DAD PA'I NGANG NAS SHI 'PHOS TE, ,YID DGA' CHOS 'DZIN GNAS SU SKYE BAR SHOG ,MDOR NA DANG NAS JI SRID BYANG CHUB BAR, ,'DREN MCHOG MA PHA MA MGON GYIS RJES BZUNG STE, ,SA LA MA RTOGS PA GEGS MED MYUR BGROD NAS, ,DPAL LDAN STOBS BCU'I SA LA REG GYUR CIG ,CES PA

, ,'DI NI BZANG PO'I BAG CHAGS KYI MTHU BRTAS PA ZHABS DRUNG DKON MCHOG CHOS 'BYOR GYIS BSKUL BOR BTZUN PA DKON MCHOG BSTAN PA'I SGRON MES BRIS PA'O,, ` ,,MDUN GYI NAM MKHAR KUN BZANG MCHOD SPRIN DBUS, ,NOR BU'I 'OD CHAGS SENG KHRI PAD ZLA'I STENG, ,BKA' DRIN MNYAM MED RTZA BA'I BLA MA DANG, ,NGO BO DBYER MED RGYAL TSAB BYAMS PA MGON, ,GSER GYI LHUN PO LTA BUR BRJID PA'I SKU, ,MTSAN DPE'I RGYAN LDAN CHOS 'KHOR PHYAG RGYA CAN, ,LHA RDZAS GOS DANG RIN CHEN RGYAN GYIS SPRAS, ,BZANG PO'I BZHUGS STANGS MDZAD PA'I THUGS KA NAS, ,'OD 'PHROS DGA' LDAN GNAS NAS BYAMS MGON LA, ,SRAS BCAS RGYAL BAS BSKOR BA SPYAN DRANGS TE, ,DBYER MED BSTIM PAS SKYABS GNAS KUN 'DUS KYI, ,NGO BOR BSOD NAMS ZHING DU BZHUGS GYUR CIG ,DKON MCHOG KUN 'DUS THUGS RJE'I ZLOS GAR GYIS, ,ZAB RGYAS BSTAN PA'I GNAD KUN GDAN GCIG LA, ,SGRUB PA'I LAM BZANG GSAL MDZAD SGRON ME MCHOG ,BYAMS MCHOG BLA MA MCHOG LA GUS PHYAG 'TSAL, ,LUS DANG LONGS SPYOD DUS GSUM DGE TSOGS BCAS, ,KUN BZANG MCHOD PA'I NGO BOR LEGS 'BUL NA, ,THUGS RJES BZHES NAS BDAG SOGS 'GRO KUN GYI, ,SHES RGYUD SMIN CING GROL BAR BYIN GYIS RLOBS, ,SDOM GSUM BCAS PA'I MTSAMS LAS 'DAS BA SOGS, ,NYES KUN GNOD ZHING 'GYOD PAS MTHOL BGYID NA, ,THUGS RJE CHE LDAN BYIN RLABS BDUD RTZI'I CHUS, ,

LHAG MED BYANG ZHING DAG PAR BYIN GYIS RLOBS, ,'DREN PA KHYOD MIN SKYABS GZHAN MA MCHIS PAS, ,RTAG TU 'BRAL MED BDAG GI MGON MDZAD DE, ,ZAB RGYAS GDAMS PA'I GRU CHAR 'JOB YIS, ,DGE BA'I LO TOG GONG DU SPEL BAR MDZOD, , MA 'ONGS SKYE BA'I 'PHRENG BA KUN TU YANG BDAG PA'I ZHING DAM DAL 'BYOR TSANG BA'I RTEN, ,RIM BRGYUD BSHES GNYEN DAM BA MNYES BYAS NAS, ,MDO SNGAGS LAM LA TSUL BZHIN SLOB GYUR CIG ,MDOR NA BLA MA YI DAM CHOS SKYONG SOGS, ,KUN GYI NGO BOR RTZE GCIG GSOL 'DEBS NA, ,SRID ZHI'I 'JIGS LAS BSGRAL TE BLA MA LHA'I, ,GO 'PHANG MYUR DU THOB PAR BYIN GYIS RLOBS, ,BKA' DRIN MNYAM MED BLA MA LHAG PA'I LTA, ,BDAG GI SNYING BAR PADMA'I GDAN BZHUGS LA, ,ZHES SOGS DANG, 'DIS MTSON DGE BA'I ZHES SOGS DANG, NAM ZHIG RDO RJE GDAN GYI ZHES SOGS BYAMS MGON DANG 'BREL PA'I SMON LAM CI RIGS PAS MTSAMS SBYAR BAR BYA'O, ,ZHES PA 'DI NI THOS BSAM SGOM PA THUNG DU 'JUG BA'I BSTAN PA'I GSAL BYED DAM PA RGYAL MKHAN PO GRAGS PA RGYAL MTSAN PA'I GSUNG GIS BSKUL NGOR, BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU BADZRA DH'A R'A YA, 'DAR 'JAM MGON BLA MA LA BRTEN PA'I ZAB LAM BLA MA'I RNAL 'BYOR DGA' LDAN LHA BRGYA MA'I SGO NAS RANG GZHAN GYI DON RLABS PO CHE SGRUB PAR 'DOD PA'I GANG ZAG GIS RJE'I SKU BRNYAN BRIS 'BUR CI RIGS KYIS GTZOS PA'I SKU GSUNG THUGS KYI RTEN LEGS PAR DGRAM, MDUN DU CHU GNYIS NYER SPYOD DANG BCAS PA TSAR GSUM YAN CHAD DANG, GZHAN YANG MAR ME BRGYA RTZA SOGS

, ,MCHOD PA GANG RGYAS, MAndAL DANG BCAS PA LEGS PAR BSTAR, SKYABS SEMS RGYAS BAR SNGON DU BTANG, DKON MCHOG GSUM GYI BDEN PA DANG, CHOS DBYINGS RTEN 'BREL BSLU BA MED PA'I MTHU STOBS KYIS MCHOD BA'I YO BYAD THAMS CAD KUN TU BZANG PO'I SMON PA'I MTHU LAS SKYABS YUL RNAMS LA ZAG PA MED PA'I DGYES PA SKYED PAR BYED PA'I MTHU DANG LDAN PAR GYUR, NA MO RATNA TRA Y'A YA, AOm NA MO BHA GA WA TE, BADZRA S'A RA PRA MARDA NI, TA TH'A GA T'A YA, AARHA TE SAMYAKSAm BUDDH'A YA, TADYATH'A, AOm BADZRE BADZRE, MAH'A BADZRE, MAH'A TE DZA BADZRE, MAH'A BIDY'A BADZRE, MAH'A BO DHI TZITTA BADZRE, MAH'A BO DHI MAndO PA SAm KRAMA nA BADZRE, SARBA KARMA A'A WA RAn BI SHO DHA NA BADZRE SV'AH'A, ZHES MCHOD PA'I SPRIN GYI GZUNGS LAN GSUM BRJOD DE BYIN GYIS BRLAB, DGA' LDAN GYI ZHING GI BKOD BA YID NGOR LEGS PAR GSAL BTAB STE, STENG PHYOGS DGA' LDAN GNAS KYI BYE BRAG MCHOG ,YID DGA' CHOS 'DZIN RGYAL BA'I MDUN SA NAS, ,RNAM 'DREN STOBS BCU MNGA' BA MA PHAM MGO NA, ,NYIN BYED 'BUM GYIS 'KHYUD PA'I GSER RI BZHIN, ,MTSAN DPE'I DPAL 'BAR GZI BRJID LHAM ME BA, ,RIN CHEN RGYAN SPRAS CHOS 'KHOR PHYAG RGYA CAN, ,GDONG LNGA'I KHRI LA BZANG PO'I BZHUGS STANGS MDZAD, ,DE YI THUGS MTSAN DPAL GYI BE'U'I NANG, ,'JAM MGON BLA MA YAB SRAS LEGS BZHUGS SHING, ,GZHAN YANG SAR GNAS DPA' BO GRANGS MED SOGS, ,'KHOR TSOGS RGYA MTSOS BSKOR BA THAMS CAD KYANG, ,BDAG SOGS LHO GLING GDUL BYA'I TSOGS

RNAMS LA, ,BRTZE BA'I THUGS KYIS MNGON PAR DGONGS PA YI, ,NYAMS 'GYUR DANG BCAS RNAM PA GSAL BAR GYUR, ,DGA' LDAN LHA BRGYA'I MGON GYI THUGS KA NAS, ,RAB DKAR ZHO GSAR SPUNGS 'DRA'I CHU 'DZIN RTZER, ,CHOS KYI RGYAL PO KUN MKHYEN BLO BZANG GRAGS, ,SRAS DANG BCAS PA GNAS 'DIR GSHEGS SU GSOL, ,MDUN GYI NAM MKHAR SENG KHRI PANG ZLA'I STENG, ,RJE BTZUN BLA MA DGYES PA'I 'DZUM DKAR CAN, ,BDAG BLO DAD PA'I BSOD NAMS ZHING MCHOG TU; ,BSTAN PA RGYAS PHYIR BSKAL BRGYAR BZHUGS SU GSOL, ,DE YANG SENG KHRI GSUM GYI DBUS MA LA, ,SKYABS GSUM KUN 'DUS 'JAM MGON TZONG KHA PA, ,SKU MDOG DKAR LA DMAR BA'I MDANGS CHAGS SHING, ,PHYAG GNYIS THUGS KAR CHOS 'KHOR PHYAG RGYA YIS, ,RAL GRI GLEGS BAM DANG BCAS AUTPAL BSNAMS, ,DRI MED GSER MDOG PAn ZHVAS GTZUG MDZES SHING, ,CHOS GOS GSUM GSOL SKYIL KRUNG TSUL GYIS BZHUGS, ,DE YI SPYI BOR SKU YI RDO RJE'I DNGOS, ,LHA MCHOG SNYING RJE'I BDAG NYID SPYAN RAS GZIGS, ,MGRIN PAR GSUNG GI RDO RJE'I NGO BO NYID, ,SHES RAB STONG PA'I RANG BZHIN 'JAM PA'I DBYANGS, ,THUGS KAR THUGS KYI RDO RJE'I BDAG NYID MCHOG ,MTHU STOBS NUS PA'I GTER GYUR GSANG BA'I BDAG ,RIGS BRGYA RIGS LNGA RIGS GSUM KUN GYI DNGOS, ,LHA MCHOG GSUM DANG DBYER MED NGO BO NYID, ,GA-YAS SU CHOS KYI RGYAL PO DAR MA'I MTSAN, ,ZHI DUL NYAMS LNGA MCHOS 'CHAD MNYAM

, ,GZHAG MDZAD, ,GA-YON DU SMRA BA'I NYI MA DGE LEGS DPAL, ,CHOS 'CHAD MNYAM GZHAG DANG BCAS 'GYING BA'I NYAMS, ,YAB SRAS GSUM GYI 'OD ZER 'PHRO 'DU YIS, ,DNGOS DANG BRGYUD BA'I BLA MA THAMS CAD DANG, ,ZHI KHRO RAB 'BYAMS YI DAM 'KHOR LO'I TSOGS, ,RAB 'BYAMS RGYAL DANG RGYAL SRAS MA LUS PA, ,DPA' BO MKHA' 'GRO NYAN RANG CHOS SRUNG KUN, ,SPYAN DRANGS BSOD NAMS ZHING DU BZHUGS SU GSOL, ,JI SNYED SU DAG PHYOGS BCU'I 'JIG RTEN NA, ,DUS GSUM GSHEGS PA MI YI SENG GE KUN, ,BDAG GIS MA LUS DE DAG THAMS CAD LA, ,LUS DANG NGAG YID DANG BAS PHYAG BGYI'O, ,BZANG PO SPYOD PA'I SMON LAM STOBS DAG GIS, ,RGYAL BA THAMS CAD YID KYI MNGON SUM DU, ,ZHING GI RDUL SNYED LUS RAB BTUD PA YIS, ,RGYAL BA KUN LA RAB TU PHYAG 'TSAL LO, ,RDUL GCIG STENG NA RDUL SNYED SANGS RGYAS RNAMS, ,SANGS RGYAS SRAS KYI DBUS NA BZHUGS PA DAG ,DE LTAR CHOS KYI DBYINGS RNAMS MA LUS PA, ,THAMS CAD RGYAL BDAG GIS GANG BAR MOS, ,DE DAG BSNGAGS MI ZAD RGYA MTSO RNAMS, ,DBYANGS KYI YAN LAG RGYA MTSO'I SGRA KUN GYIS, ,RGYAL BA KUN GYI YON TAN RAB BRJOD CING, ,BDE BAR GSHEGS PA THAMS CAD BDAG GIS BSTOD, ,SHES BYA'I KHYON KUN 'JAL BA'I BLO GROS THUGS, ,SKAL BZANG RNA BA'I RGYAN GYUR LEGS BSHAD GSUNG, ,GRAGS PA'I DPAL GYIS LHAM MER MDZES PA'I SKU, ,MTHONG THOS DRAN PA DON LDAN LA PHYAG 'TSAL, ,ZHES DANG,

DPAL LDAN SA GSUM MA SOGS RJE'I GSOL 'DEBS DANG BSTOD BA CI RIGS 'DON ZHING, SPRON PHYAG 'TSAL BA DANG SBRAGS KYANG RUNG, YID 'ONG MCHOD YON ZHES PA'I SHLOOKA GCIG PU'AM, RGYAL BA RGYA MTSO, MA SOGS KYI MCHOD 'PHRENG RGYAS PA DANG, 'DOD YON RNAM LNGA RIN CHEN SNA BDUN SOGS KYANG 'BUL, LTUNG BSHAGS DANG SGYI BSHAGS SOGS KYANG BTON TE, GANG ZHIG THOG MED DUS NAS ZHES PA MAN CHAD MTHAR CHAGS SU BYA, DE NAS MAndAL SO BDUN MA RGYAS PAR PHUL LA, SA GZHI SPOS BYUGS MGRANGS BSAGS TE BDUN NA MNYER GCIG SOGS DBUL, DE NAS BDUD RTZI 'BEB SBYANG GI DMIGS PA KHRID YIG SOGS NAS 'BYUNG BA LTAR BYAS LA DMIGS BRTZE MA BRGYA STONG SOGS 'DON, DE RJES, RJE BLA MA'I GNAS GSUM GYI RIGS GSUM MGON PO SO SO'I THUGS KAR RIM PA BZHIN ZLA GDAN LA HR'I:YIG DANG DH'I:YIG, NYI GDAN LA H'Um YIG GI MTHAR RANG RANG GI SNGAGS KYIS BSKOR BAR MOS TE, RIGS GSUM MGON PO'I SNYING PO BGRANG, KHRUS LA SOGS PA'I SGO NAS GZHAN GYI DON SGRUB PA'I TSE THUGS KA'I GSANG BDAG KHRO BO'I RNAM PA DE NYID RDO RJE RNAM PAR 'JOMS PA'I SKUR GYUR PAR MOS LA, DE'I THUGS KA'I SNGAGS 'PHRENG LAS BDUD RTZI'I RGYUN BABS PAS BUM PA GANG BAR BSAMS TE, DE'I SNGAGS BZLA ZHING BUM CHU DE NYID KYIS BSKRU BYA BA SOGS DKYUS BZHIN BYA, DES MTSON TE MGRIN PA'I 'JAM DPAL DE NYID RDO RJE 'JIGS BYED KYI SKUR GYUR PAR MOS LA DE'I SNGAGS BGRANG BA SOGS SKABS DANG SBYAR NA RUNG BAR GSUNGS SO, ,MJUG TU RJE BLA MA RANG GI SNYING GAR BYON PAR MOS TE, DPAL LDAN RTZA BA'I BLA MA ZHES SOGS DANG, TSER BAS RJES 'DZIN GYI SMON PA SOGS BYA'O, ,

, ,ZHES PA 'DI YANG DED BRTZON LDAN PA DGE SLONG 'JIGS MED BDE CHEN GYIS BSKUL NGOR BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU MANYDZU GHOsh'A YA, YE SHES SNANG BA MCHOG TU 'BAR BA'I GZIS, ,NANG GI MUN PA SEL PA'I NYIN MOR BYED, ,'JAM DBYANGS ZHABS KYI PADMO LA BTUD NAS, ,DE LA BRTEN PA'I BLA MA'I RNAL 'BYOR BRI, ,DE'ANG YON TAN RIN PO CHE SDUD BA LAS, SLOB MA BZANG BO BLA MAR GUS LDAN DE DAG GIS, ,BLA MA MKHAS PA RNAMS LA RTAG TU BRTEN PAR BYA, ,CI'I PHYIR ZHE NA MKHAS PA'I YON TAN DE LAS 'BYUNG, ,DE DAG SHES RAB PHA ROL PHYIN PA RJES SU STON, ,ZHES GSUNGS PA LTAR, SPYIR SRID ZHI'I LEGS TSOGS GZHAN THAMS CAD NI BDAG RKYEN SANGS RGYAS KYI 'PHRIN LAS LA BRTEN CING SANGS RGYAS DE NI YUM SHES RAB KYI PHA ROL TU PHYIN PA LAS 'KHRUNGS, SHES RAB KYI PHA ROL TU PHYIN BA'I RTOGS PA NI DGE BA'I BSHES GNYEN GYIS RJES SU GDAMS BA LA RAG LAS PAS MDOR BSDU NA LEGS TSOGS YON TAN THAMS CAD KYI RTZA BA DGE BA'I BSHES GNYEN KHO NA LA THUG GO, DES NA GNAS SKABS MTHAR THUG GI PHYAN TSOGS GANG ZHIG BSGRUB KYANG DE'I RTEN 'BREL THAMS CAD BLA MA LA BRTEN NAS BSGRIG DGOS TE, STON PA YANG DAG PAR RDZOGS PA'I SANGS RGYAS NAS BZUNG 'PHAGS YUL PAn GRUB RNAMS DANG JO BO YAB SRAS, 'JAM MGON BLA MA YAB SRAS THAMS CAD KYANG RTZA BA BSHES GNYEN BSTEN TSUL GYI RMANG GZHI BRTAN PA'I STENG NAS SA LAM GYI RTOGS PA BGROD TSUL DANG BSTAN 'GRO'I DON LHUN GYIS GRUB TSUL RNAM THAR RNAMS SU GSAL BA BZHIN NO, ,DES NA BSHES GNYEN BSTEN TSUL NI DMIGS SKOR

THUN RE TZAM GYIS MI RDZOGS PA LAM RIM CHEN MOR GSUNGS PA BZHIN YIN PAS SANGS RGYAS DNGOS SU MTHONG BA'I DAD PA DANG RGYAL BA KUN LAS BKA' DRIN CHE TSUL RJES SU DRAN BA'I GUS PA CHEN POS YID GTING NAS GA-YOS TE SGO GSUM MTHA' DAG BLA MA'I DBANG DU BTANG ZHING BYA BA THAMS CAD BLA MA MNYES PA'I MCHOD PAR 'GYUR PA ZHIG BYUNG NA MGO BSHES GNYEN BSTEN TSUL GYI SARGA MA LOG PA DANG LAM GYI RTZA BA TSUGS PA YIN PAS GNAS 'DI LA SHIN TU GZAB PAR BYA'O, ,'DIR BLA MA'I RNAL 'BYOR SGOM TSUL GYI RIM BTZAM ZHIG ZUR DU 'GOD PA LA LHAG PA'I LHA SO SO DANG SBYAR BA'I BLA MA'I RNAL 'BYOR RIGS SNA TSOGS SHIG YOD KYANG RJE BLA MA'I GDAMS PA THUN MONG MA YIN PA RNAMS NYAMS SU LEN SKABS BLA MA DANG 'JAM PA'I DBYANGS NGO BO DBYER MED DU BYAS NA RTEN 'BREL GYI SGO KHYAD PAR CAN YOD TSUL YAB SRAS RNAMS KYI GSUNG RGYUN DU MA LAS 'BYUNG BA LTAR YIN PAS 'DIR YANG DE'I DBANG DU BYAS TE NYAMS SU LEN PA LA, GNAS KHANG BYI DOR BYAS, LAM GTZO'I TSOGS ZHING DAM 'JAM PA'I DBYANGS DANG RJE BLA MA, RANG GI RTZA BA'I BLA MA RNAMS KYI SKU BRNYAN BRIS 'BUR CI RIGS KYIS GTZO BYAS PA'I SKU GSUNG THUGS KYI RTEN DGYAM, YON CHAB DANG MAR ME SOGS DVANGS SHING GSAL BA'I MCHOD PA LEGS PAR BSHAM, SPYOD LAM TSUL MTHUN GYIS 'KHOD DE DGE SEMS KHYAD PAR CAN GYI NGANG NAS SKYABS 'GRO SEMS BSKYED TSAD MED BZHI RNAMS YONGS GRAGS LTAR DANG, KHYAD PAR MA SEMS CAN THAMS CAD KYI MI SHES PA'I MUN PA DRUNGS NAS PHYUNG STE YE SHES KYI SNANG BA PHUN SUM TSOGS PA LA 'GOD PAR BYA, DE'I PHYIR DU LE MA ZAB MO BLA MA LHA'I RNAL 'BYOR NYAMS SU BLANG BAR BYA'O, ,ZHES KHYAD BAR GYI

, ,SEMS BSKYED BYA, DNGOS GZHI TSIGS SU BCAD PAS BRJOD NA 'JUG PA BDEBS 'DI LTAR, RNAM DAG 'OD GSAL CHOS DBYINGS LHA YI LAM, ,BDE CHEN YE SHES 'JA' TSON RNAM LNGA'I KLONG, ,MI 'JIGS BZHI LDAN GDONG LNGA 'BAR BA'I KHRIR, ,SRID PA'I SKYON BRAL 'DAB STONG RGYAS PA'I RTZER, ,THABS SHES DBYER MED NYI ZLA'I GDAN STENG DU, ,RTZA BA'I BLA MA MGON PO 'JAM PA'I DBYANGS, ,NYI GZHON BYE BA PHRAG BRGYAS 'KHYUD PA YI, ,GUR GUM RDUL MANG BRTZEGS PA'I LHUN PO BZHIN, ,SKU MDOG DMAR SER LANG TSO'I DPAL GYIS SGEG ,ZHAL KHYIM RAB RGYAS AUTPAL SPYAN ZUNG GA-YO, ,SMIN 'KHYOG BIMA'I MCHU SGROS 'DZUM ZHING MDZES, ,MTHON MTHING RAL PA'I THOR COG SPYI BOR BCINGS, ,DNGOS 'DZIN 'CHING BA DRUNGS NAS GCOD PA YI, ,SHES RAB RAL GRI GA-YAS PA'I PHYAG GIS 'PHYAR, ,GA-YON NA CHOS KUN SNYING PO SHER PHYIN GYIS, ,NYE BAR MTSAN PA'I AUTPAL SDONG BU BSNAMS, ,ME TOG THOD BCING NOR BU'I DBU RGYAN DANG, ,RNA CHAG DU BKOR DO SHAL CHOGS KYIS MDZES, ,LHA RDZAS DAR GYI STOD GA-YOGS SHAM THABS PA GOS, ,RDO RJE SKYIL MO KRUNG GIS BZHUGS PA YI, ,GNAS LNGAR BDE GSHEGS LNGA DANG YE SHES LNGA'I, ,RANG BZHIN YI GE LNGA YIS MTSAN PA YI, ,H'Um YIG 'OD KYIS RANG 'DRA'I YE SHES BA, ,SRAS BCAS RGYAL BA'I TSOGS BCAS SPYAN DRANGS TE, ,BSTIM PAS SKYABS GNAS KUN 'DUS NGO BOR GYUR, ,SPROS BRAL DBYINGS DANG DBYER

MED 'OD GSAL THUGS, ,ZAB RGYAS CHOS KYI DGA' STON 'GYED PA'I GSUNG, ,GANG 'DUL CIR YANG 'CHAR BA GZUGS KYI SKU, ,MI ZAD RGYAN GYI 'KHOR LO DER PHYAG 'TSAL, ,GANG GI ZHABS SEN 'OD KYIS REG PA YIS, ,MI SHES RGUD PA'I MUN PA KUN SEL ZHING, ,PHAN DANG BDE BA'I PAD TSAL RGYAS MDZAD PA, ,BLA MA 'JAM PA'I DBYANGS LA PHYAG 'TSAL LO, ,RAB 'BYAMS RGYAL BA KUN GYI YAB GYUR KYANG, ,RGYAL SRAS TSUL GYIS 'GRO KUN SRID LAS 'DREN, , YE SHES LUS CAN THUGS RJE'I GTER KHYOD LA, ,SGO GSUM MI PHYED DANG BAS PHYAG 'TSAL LO, ,KUN BZANG SMON PA'I PIR GYIS BRIS PA YI, ,MCHOD PA'I RI MO ZHING KHAMS KUN KHYAB PA, ,'KHOR GSUM DMIGS MED BLO YIS 'BUL LAGS NA, ,ZAG MED BDE STONG DGA' BAS DGYES GYUR CING, ,MA RIG DBANG GYUR NYES TSOGS MTHA' DAG DANG, ,CHOS DANG BLA MAR GUS PA DMAN PA SOGS, ,SHES RAB 'CHAL BYED DAM TSIG NYAMS CHAG KUN, ,SHUGS DRAG GDUNG BA'I YID KYIS MTHOL LO BSHAGS, ,DUS GSUM DGE TSOGS KUN DANG KHYAD PAR DU, ,MGON KHYOD DMIGS MED SNYING RJE'I DBANG GYUR TE, ,RGYAL BA'I MDZAD PA MA LUS BSGRUB PA LA, ,SNYING NAS BSAM PA THAG PAS RJES YI RANG; ;'GRO BA'I LAS NYON DRI MA KUN SEL BA, ,RJES SU BSTAN PA'I CHO 'PHRUL BDUD RTZI'I CHUS, ,LUS CAN SNYING GI GDUNG BA KUN BCIL TE, ,YANG DAG LAM GYI RTOGS PA SKYED PAR MDZOD, ,RING NAS 'GRO LA RJES SU CHAGS BA'I

, ,GNYEN, ,SRID ZHI'I 'JIGS LAS SGROL BA'I DED DPON MCHOG ,MGON KHYOD LAS LHAG SKYABS GZHAN MA MCHIS PAS, ,BSKAL PA RGYA MTSOR BRTAN PAR BZHUGS SU GSOL, ,'DIS MTSON BDAG GZHAN DGE TSOGS CI MCHIS PA, ,NYES KUN RTZA BA RMONGS PA'I GDON BCOM STE, ,YE SHES LNGA LDAN 'JAM DPAL DPA' BO YI, ,GO 'PHANG BDE BLAG 'THOB PA'I RGYU RU BSNGO, ,DE NAS GONG GI PHYAG 'TSAL GYI TSIGS BCAD GANG YANG RUNG BA GSOL 'DEBS SU BSGYUR BA CI MANG BZLAS LA, MTHAR 'DOD DON LA GSOL BA GDAB PA NI, RNAM 'DREN KUN GYI YE SHES 'JAM PA'I DBYANGS, ,KHYOD ZHABS GUS MCHOD GSOL BA BTAB PA'I MTHUS, ,YANG DAG LAM GYI RTOGS PA MNGON GYUR TE, , SKU GSUM GO 'PHANG THOB PAR BYIN GYIS RLOBS, ,KUN BYANG BLANG DOR GNAS RNAMS MA LUS PA, ,JI BZHIN 'BYED PA'I SHES RAB RLABS CHE ZHING, ,SHIN TU DPAG DKA'I GNAS KUN 'BYED PA YI, ,ZAB MO'I SHES RAB THOB PAR BYIN GYIS RLOBS, ,KU SHA'I RTZE LTAR PHRA ZHING MDZANGS PA YI, ,SHES RAB RNON GSAL MYUR BA'I MTSON RNON GYIS, ,THE TSOM DRA BA 'PHRAL DU GCOD PA LA, ,THOGS MED SPOBS BA 'GRUB PAR BYIN GYIS RLOBS, ,MA RTOGS LOG RTOG DRI MA KUN SEL ZHING, ,RGYA CHEN GZHUNG LA NGES PA BDE BLAG STER, ,YANG DAG LAM DU NYE BAR 'KHRID NUS PA'I, ,'CHAD PA'I SHES RAB THOB PAR BYIN GYIS RLOBS, ,DNGOS STOBS RIGS PA'I RNO RGYUN 'BAR BA YI, ,DGAG SGRUB GNAM

LCAGS PHRENG BAS RGOL NGAN GYI, ,DAM BCA'I BRAG RI PHYE MAR 'THAG BYED PA, ,RTZOD PA'I SHES RAB THOB PAR BYIN GYIS RLOBS, ,RJOD BYED SNYAN 'JEBS RNA BA'I BDUD RTZI 'GYED, ,BRJOD DON ZAB LAM BYANG GROL 'JUG DOGS STON, , THUB BSTAN MDZES PA'I RGYAN DU GYUR PA YI, ,RTZOM PA'I SHES RAB THOB PAR BYIN GYIS RLOBS, ,TSIG GI 'KHRUL PA SEL BSGRA RIG DANG, ,DON LA SGRO 'DOGS GCOD PA TSAD MA'I GZHUNG, ,SGO GSUM RNAM DKAR 'DU BYED BZO YI GNAS, NYAM THAG GDUNG SEL GSO RIG BDUD RTZI'I RGYUN, ,THAR PA'I 'JUG NGOGS NANG DON RIG PA STE, ,RIG GNAS CHEN PO RNAM LNGA SKAR RTZIS DANG, ,MNGON BRJOD LA SOGS RIG GNAS CHUNG BAR BCAS, ,KUN GYI MTHAR SON GDUL BYA'I MOS PA BZHIN, ,RJES 'DZIN MTHU DANG LDAN PAR BYIN GYIS RLOBS, ,BSTAN PA'I RTZA BA 'DUL BA 'BUM SDE'I GZHUNG, ,LUNG DANG RIGS PA'I MNGON PA DBU TSAD MDZOD, ,MDO SDE'I MCHOG GYUR PHA ROL PHYIN RNAMS KYI, ,DGONGS DON BDE BLAG RTOGS PAR BYIN GYIS RLOBS, ,LHA DRUG GIS BSDUS BYA BA SPYOD PAR BCAS, ,PHYAG RGYA BZHI YIS RGYAS BTAB RNAL 'BYOR RGYUD, ,BDEN GNYIS GTZOR GYUR BLA MED RNAM GNYIS SOGS, ,RGYUD DON MTHA' DAG RTOGS PAR BYIN GYIS RLOBS, , MDOR NA GZHUNG LUGS KUN LA THOS PAS ZHUGS, ,DE DON TSUL BZHIN BSAM BAS SGRO 'DOGS BCAS, ,RTZE GCIG BSGOMS PAS JI BZHIN MNGON GYUR TE, ,MDO SNGAGS LAM BZANG BGROD PAR BYIN GYIS RLOBS, ,THUGS RJE'I

, ,GTER CHEN LHAG PA'I LHA KHYOD KYI, ,BYIN RLABS BDUD RTZIS SNYING LA BRAN PA YIS, ,LAM BZANG SNYE MA GA-YUR DU ZA BA'I RTZER, ,SKU GSUM 'BRAS BU SMIN PAR BYIN GYIS RLOBS, ,DE LTAR GSOL BA BTAB BAS BLA MA LHA, ,SNYING GAR BYON NAS RANG GI SEMS NYID DANG, ,DBYER MED BRTAN PAR BZHUGS NAS MCHOG THUN GYI, ,DNGOS GRUB KUN STZOL RJES SU 'DZIN GYUR CIG ,TSE RABS KUN TU 'JAM MGON BLA MA YIS, ,THEG MCHOG BSHES GNYEN DNGOS SU MDZAD PA'I MTHUS, ,RGYAL BAS BSNGAGS PA'I LAM BZANG DE NYID LAS, ,SKAD CIG TZAM YANG LDOG PAR MA GYUR CIG (,CES PA 'DI NI RNAM DPYOD MCHOG TU YANGS PA'I DGE BA'I BSHAS GNYEN RDO RAM PA DKON MCHOG NAM MKHAS BSKUL NGOR BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA'O,), ` ,,KUN RTOG SPROS DANG BRAL PA'I DBYINGS KYI MKHAR, ,DMAR SER DH'I:YIG 'OD KYI 'PHRO 'DU LAS, ,DPAL LDAN BLA MA RJE BTZUN MKHYEN PA'I GTER, ,YID 'ONG MTSAMS SPRIN GZHON NU'I MDANGS LDAN ZHING, ,BRGYAD GNYIS LANG TSOGS PA'I DPAL GYIS SGEG ,PHYAG GA-YAS RMONGS PA'I 'CHING GCOD RAL GRI DANG, ,GA-YON NA GZHUNG MCHOG SHER PHYIN GLEGS BAM BAS BSNAMS, ,GANG SNUM RAL PA'I ZUR PHUD LNGA LDAN ZHING, ,MU TIG 'BRENG MDZES NOR BU'I RGYAN GYIS SPUD, ,SKYIL MO KRUNG GIS BZHUGS PA'I GNAS GSUM DU, ,RDO RJE GSUM MTSON YI GES RGYAS BTAB

CING; ;KHYAD PAR THUGS KA'I DH'I:YIG 'OD ZER GYIS, ,MI 'GYUR CHOS DBYINGS BDE BA'I PHO BRANG NAS, ,RGYAL DANG RGYAL SRAS 'JAM DPAL ZHI KHRO'I TSOGS, ,YE SHES LHA YI 'KHOR LO SPYAN DRANGS TE, ,DBYER MED BSOD NAMS ZHING DU BZHUGS PAR GYUR, ,MA LUS RGYAL BA'I YE SHES GCIG BSDUS DNGOS, ,MA NOR LAM BZANG STON MDZAD DGE BA'I BSHES, ,MA RIG MUN PA SEL BA'I SGRON ME MCHOG ,BLA MA 'JAM PA'I DBYANGS LA PHYAG 'TSAL LO, ,KUN RTOG ZHEN PA'I 'KHOR GSUM YONGS DAG PA, ,KUN BZANG MCHOD PA'I SPRIN GYIS RAB 'BYAMS ZHING, ,KUN TU BKANG STE DANG BAS 'BUL LAGS NA, ,KUN NAS BRTZE BA'I THUGS KYIS BZHES SU GSOL, ,MU MED 'KHOR BAR 'KHYAMS PA'I GNAS SKABS SU, ,MA RIG 'KHRUL PA'I DBANG DU GYUR PA YIS, ,MI DGE SDIG PA'I LAS RNAMS CI BGYIS PA, ,MA LUS 'GYUD PA DRAG POS MTHOL LO BSHAGS, ,MKHYEN BRTZE'I 'OD KYIS THAR LAM GSAL MDZAD PA'I, ,RMAD BYUNG RNAM PAR THAR LA RJES YI RANG, , SLAD KYANG 'KHOR BA SRID DU RTAG BZHUGS NAS, ,LEGS GSUNG CHOS KYI 'KHOR LO BSKOR DU GSOL, ,'DIS MTSON DUS GSUM DGE TSOGS BSDOMS PA'I MTHUS, ,RAB 'BYAMS RGYAL PA'I CHOS KYI MDZOD BZUNG STE, ,NAM MKHA'I MTHAS GTUGS MKHA' MNYAM 'GRO KUN GYI, ,SRID DANG BZHI BA'I RGUD PA SEL GYUR CIG ,DKON MCHOG RGYAL BA'I MKHYEN RAB ME SHEL KHAMS, ,MDO SNGAGS BSTAN PA'I PAD TSAL BZHAD PA'I GNYEN, ,SKYE RGU'I SNYING GI MUN SEL

, ,SGRON ME MCHOG ,BLA MA 'JAM PA'I DBYANGS GSOL BA 'DEBS, ,KUN TU RMONGS PA'I DRA BA BCAD DU GSOL, ,RNAM 'BYED SHES RAB SNANG BA STZAL DU GSOL, ,'CHAD RTZOD RTZOM PA'I GZI BYIN SKYED DU GSOL, ,MYUR DU MGON KHYOD LTA BUR BYIN GYIS RLOBS, ,SNYING RJE CHE DANG MTHA' BRAL LTA BA YIS, ,SRID DANG ZHI BA'I GA-YANGS KUN BKAG STE, ,MI GNAS MYA NYAN 'DAS PA'I SAR BGROD NAS, ,MA LUS 'GRO BA SRID LAS SGROL GYUR CIG (,CES RJE BTZUN 'JAM DBYANGS LA BRTEN PA'I ZLA MA'I RNAL 'BYOR 'DI NI BSTAN PA'I GSAL BYED STAG LUNG SPRUL PA'I SKU NAS BSKUL NGOR ` BTZUN PA DKON MCHOG BSTAN PA'I SGRON MES BRIS PA'O, ,) ` ,,RNAM DAG 'OD GSAL DBYINGS KYI ROL PA LAS, , RGYA CHEN TSOGS GNYIS 'O MA'I CHU GTER DBUS, ,SRID PA'I SKYON BRAL 'DAB STONG PAD DKAR RTZER, ,DMIGS MED SNYING RJE ZLA BA'I DKYIL 'KHOR STENG, ,RTZA BA'I BLA MA RJE BTZUN MKHYEN PA'I GTER, ,SKU MDOG DKAR GSAL BRGYAD GNYIS LANG TSOGS SGEG ,AUTPAL SPYAN YANGS SMIN MA'I 'KHRI SHING MDZES, ,MCHU SGROS 'DZUM LDAN NOR BU'I RNA CHA GA-YO, ,PHYAG GNYIS MCHOG SPYIN CHOS STON PHYAG RGYA YI, ,AUTPAL SDONG BU LA GNAS GLEGS RAL 'DZIN, ,RDO RJE SKYIL MO KRUNG GIS LEGS BZHUGS SHING, ,RIN CHEN RGYAN DANG DAR GYIN BZAS KLUBS, ,THUGS KA'I H'Um YIG 'OD KYIS ZHING KUN NAS, ,RAB 'BYAMS RGYAL BA'I 'KHOR LO SPYAN DRANGS TE, ,BSOD NAMS ZHING DU DBYER MED BZHUGS PAR GYUR, ,

SANGS RGYAS LAS KYANG DKON PA'I THEG MCHOG CHOS, ,MDO SNGAGS ZUNG 'BREL BSTAN PA'I SGRON ME YI, ,LUS CAN RMONGS PA'I MUN SEL BLA MA LHA, ,DBYER MED ZHABS KYI PADMOR GSUM PHYAG 'TSAL, ,DAG CING DVI MED BDUD RTZI'I CHU BZHI DANG; ;NYER SPYOD ROL MO 'DOD PA'I YON TAN LNGA, ,BKRA SHIS RTAGS RDZAS RIN CHEN MAndAL, ,DUS GSUM DGE TSOGS DANG BCAS MCHOD PAR 'BUL, ,MI BZANG NYES LTUNG MA LUS SNYING NAS BSHAGS, ,RNAM DKAR DGE PA'I TSOGS LA RJES YI RANG, ,BSKAL BRGYAR BZHUGS TE CHOS 'KHOR BSKOR BAR BSKUL, ,DGE TSOGS KUN MKHYEN YE SHES RGYU RU BSNGO, ,SA GZHI SPOS KYIS BYUNGS SHING MA TOG BKRA MA, (,ZHES PA NAS,) 'GRO KUN RNAM DAG ZHING LA SPYOD PAR SHOG (,CES PA'I BAR GYIS MAndAL GRANGS GSOG, GONG GI PHYAG 'TSAL GYI TSIGS BCAD DE GSOL 'DEBS SU BSGYUR BA DANG,) AOm WA KYEE DAm NA MA: (ZHES PA GNYIS CI MANG BZLAS LA BDUD RTZI 'BEBS SBYANG GI DMIGS RNAM SKYONG,) PHUL BYUNG BYAMS DANG SNYING RJE'I PHYAG BRKYANGS TE; ;NGAN SONG GA-YANG LAS SGOL BA'I 'DREN PA MCHOG ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,DAL 'BYOR RNYED DPA' 'JIG PAR SLA BA DANG, ,DAN SONG SDUG BSNGAL BSAM PA'I 'JIGS SKRAG GIS, ,SKYABS 'GRO LAS 'BRAS BLANG DOR LA 'BAD NAS, ,NGAN SONG SKYE SGO CHOD PAR BYIN GYIS RLOBS, ,BSTAN BA'I GZHI MA SO THAR KHRIMS NOD CING, ,THAR PA'I GRONG DU 'JUG PA'I LAM STON PA, ,

, ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,RNAM DAG NGES 'BYUNG BSAM PAS RGYUD 'KHUL ZHING, ,MI BZAD NYES PA'I SGO BZHI YONGS BKAG STE, ,DA SLAB GSUM RNAM PAR DAG PA'I NYAMS LEN GYIS, ,THAR PA'I RGYAL MTSAN TSUGS PAR BYIN GYIS RLOBS, ,THEG PA MCHOG GI TSUL KHRIMS LA BKOD DE, ,SRID DANG ZHI BA'I MTHA' LAS YONGS SU 'DZIN, ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,BYAMS DANG SNYING RJE BDAG GZHAN BRJE PA'I BLOS, ,RIN CHEN BYANG CHUB SEMS KYI RTZA BRTAN ZHING, ,TSOGS GNYIS SPYOD PA'I YAL DANG RGYAS BA YI,, THEG MCHOG LAM BZANG SKYE BAR BYIN GYIS RLOBS, ,'JUG SGO RNAM DAG DBANG GIS SMIN BYAS TE, ,GSANG CHEN GDAMS PA'I DGA' STON LHUG PAR STZOL, ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,DNGOS GRUB RTZA BA DAM TSIG RNAM PAR DAG ,MTSAN BCAS MTSAN MED RIM GNYIS RNAL 'BYOR SOGS, ,GSANG CHEN LAM GYI BGROD PA MTHAR PHYIN TE, ,ZUNG 'JUG GO 'PHAR THOB PAR BYIN GYIS RLOBS, ,MDOR NA JI SRID BYANG CHUB SNYING PO'I BAR, ,'DREN PA KHYOD KYIS 'BRAL MED RJES 'DZIN CING, ,ZAB RGYAS GDAMS PA'I BDUD RTZI MYANG BA YIS, ,STOBS BCU MNGA' BA'I GO 'PHANG MYUR THOB SHOG ,(,CES PA 'DI NI DAD

(BRTZON LDAN NGA DGE SLONG DKON MCHOG CHOS LDAN GYIS BSKUL NGOR 7 BTZUN PA DKON MCHOG BSTAN PA'I SGRON MES BRIS PA'O,,) ` ,,MU TIG PHRENG LDAN 'O MA'I CHU GTER DBUS, ,'DAB MA STONG LDAN PAD DKAR LTE BA LA, ,NYA GANG BSIL ZER BYED PA'I DKYIL 'KHOR STENG, ,RAB DKAR DH'I:YIG 'OD KYI 'PHRO 'DU LAS, ,SMRA BA'I DBANG PHYUG MTSUNGS MED MKHYEN PA'I GTER, ,BKA' DRIN MNYAM MED RTZA BA'I BLA MA DANG, ,DBYER MED RGYAL KUN YAB GCIG 'JAM PA'I DBYANGS, ,BCU DRUG LANG TSOGSAR BA'I 'JO SGEG CAN, ,SKU MDOG RAB DKAR PHYAG GA-YAS MCHOG SBYIN GYIS, ,SHES RAB RAL GRIS MTSAN PA'I AUTPAL DANG, ,GA-YON PA CHOS 'CHAD PHYAG RGYAS GLEGS BAM BSNAMS, ,DRI MED NOR BU'I DO SHAL GA-YO LDAN ZHING, ,'OD BRGYA'I SNANG BA SPRO BZHIN BZHUGS PA YI, ,GNAS GSUM YI GE GSUM MTSAN H'Um YIG GIS, ,YE SHES SEMS DPA' SPYAN DRANGS DBYER MED DU, ,GYUR TE BSOD NAMS ZHING DU BRTAN PAR BZHUGS, ,YID 'OD MTSAN DANG DPE BYAD 'BAR BA'I SKU, ,YAN LAG DRUG CU'I SGRA DBYANG RDZOGS PA'I GSUNG, ,DRI MED MKHYEN RAB BRTZE BA'I THUGS MNGA' BA, ,MGON BO 'JAM PA'I DBYANGS LA PHYAG 'TSAL LO, ,NAM MKHA'I MTHA' KLAS MCHOD SPRIN RGYA MTSOS MCHOD, ,BCAS RANG NYES LTUNG DRI MA SNYING NAS BSHAGS, ,BSKAL BRGYAR BZHUGS TE CHOS 'KHOR BSKOR DU GSOL, ,'DIS MTSON DGE BA RDZOGS BYANG RGYU RU BSNGO, ,GZHAN YANG LHUN PO GLING BZHI NYI ZLA BCAS, ,RANG LUS LONGS

, ,SPYOD DGE TSOGS KUN 'BUL NA, ,ZAB GSAL MYUR PA'I SHES RAB SNANG BA YIS, ,BDAG BLO RMONGS PA'I DRA BA BSAL DU GSOL, ,AOm WA KYE DAm NA MA: (ZHES CI 'GRUB BZLA, DE'ANG 'DI'I KLAD KOR NGES CAN DU NAR BKLAG DGOS TE, WA KYE NGAG LA 'JUG PAS NGAG GI DBANG PHYUG GAM DNGOS GRUB DANG, DAm ZHES PA'I YI GES SO SOR PHRAL NA DA NA ZHES PA SPYIN PA LA 'JUG PAS DE LTAR SPREL DGOS LA, RANG GI SDE PA'I LNGA PAR BKLAG, ,CES KYANG 'BYUNG BAS SO, ,DE NAS YIG BRGYAS LHAG CHAD BSKANG LA,) NOR BU'I 'KHRI SHING BZHAD PA'I RTZE MO NA, ,ZLA BA'I DKYIL 'KHOR 'DZUM PA'I ZHAL MNGA' BA, ,BCOM LDAN NGAG GI DBANG PHYUG MKHYEN PA'I GTER, ,BRTZE PAS DGONGS TE BDAG RGYUD BYIN GYIS RLOBS, ,ZAB CING RGYA CHE PHA ROL PHYIN PA'I LAM; ;MTHA' DRUG TSUL BZHI'I RGYAS BTAB RDO RJE'I THEG ,YAN LAG THUN MONG RIG GNAS BZHI LA SOGS, ,JI BZHIN 'BYED PA'I SHES RAB STZAL DU GSOL, ,'CHAD LA MI 'JIGS SPOBS PA'I LUS STOBS RDZOGS, ,RTZOD NGAG NGA ROS PAS RGOL KLAD PA 'GEMS, ,SDE BA LEGS RTZOM PA RAL BA'I KHUR 'CHANG BA'I, ,SMRA BA'I SENG+GE MCHOG TU BDAG GRUB MDZOD, ,MDOR NA DENG NAS SKYE ZHING SKYE BA RU, ,'JAM DBYANGS BLA MA KHYOD KYIS RJES BZUNG STE, ,LEGS BSHAD BDUD RTZI'I DGA' STON MYANG BA LAS, ,SA DANG LAM GYI BGROD PA MTHAR PHYIN SHOG (,CES 'JAM DBYANGS DKAR PO LA BRTEN PA'I BLA MA'I RNAL 'BYOR 'DI NI DAD BRTZON LDAN PA DGE SLONG BLO BZANG DKON MCHOG GIS BSKUL DOR BTZUN PA DKON MCHOG BSTAN PA'I SGRON MES BRIS

PA'O,,) ` ,,'GOG MED MCHOG TU DVANGS PA'I YID MKHA' LA, ,RAL PA'I KHUR 'CHANG GDONG LNGA 'BAR BA'I KHRI, ,MA SNYIGS 'DAB BRGYA'I PHRENG LDAN RNAM GSUM GYI, ,DBUS SU RGYAL KUN YAB GCIG 'JAM PA'I DBYANGS, ,NGUR SMRIG GAR BSGYUR BLO BZANG GRAGS PA'I DPAL, ,GA-YAS SU KUN MKHYEN 'JIGS MED DBANG PO'I SDE, ,GA-YON NA RJE BTZUN BSTAN PA'I SGRON ME RNAMS, ,THUGS RJE'I 'DZUM DKAR SPRO BZHIN BZHUGS PA YI, ,KHOR YUG DNGOS BRGYUD BLA MA YI DAM SOGS,, SKYABS YUL MTHA' KLAS SPRIN LTAR GTIBS PA RNAMS, ,BGRANG DU MED PA RAB 'BYAMS BSKAL PA'I BAR, ,BDAG CAG BSOD NAMS ZHING DU BZHUGS SU GSOL, ,MKHA' DBYINGS GCIG LA NYID ZLA RGYU SKAR SOGS, ,SNA TSOGS ROL PA KUN TU STON PA LTAR, ,RNAM PA THA DAD SKYABS GNAS KUN GYI DNGOS, ,RJE BTZUN BLA MA RNAMS LA PHYAG 'TSAL LO, ,MING GI LHAG MAR GYUR PA RGYAL PA'I BSTAN, ,RGYAL BA'I DGONGS PA JI BZHIN 'DZIN PA LA, ,MA SMAD SNYING STOBS MCHOG GI DPAL MNGA' BA; ;THUB BSTAN RTZA LAG GSUM LA GSOL BA 'DEBS, ,NAM MKHA'I MTHA' KLAS KUN BZANG MCHOD PA'I SPRIN, ,RANG GZHAN DUS GSUM DGE BA'I DNGOS POR BCAS, ,BSOD NAMS ZHING MCHOG KHYED LA GUS 'BUL NA, ,THUGS RJES BZHES NAS BYIN GYIS BRLAB TU GSOL, ,MU MED 'KHOR BAR 'KHYAMS PA'I 'GRO BA RNAMS, ,BLANG DOR GNAS LA KUN NAS RMONGS PA'I MTHUS, ,BRNAG DKA'I SDUG BSNGAL SKYED PA'I LAS BSAGS PA, ,KUN KYANG KHYOD KYI THUGS RJES

, ,BYANG BAR MDZOD, ,PHUL BYUNG GRAGS PA'I GZHIR GYUR MDZAD PA'I MCHOG ,LEGS GSUNG BDUD RTZI'I DRA BA 'GYED PA YIS, ,LUS CAN YID KYI GDUNG BA RAB BCIL NAS, ,RNAM GROL KUNDA'I SKYED TSAL BZHAD PAR MDZOD, , LEGS BYAS KHA BA'I RDUL BRTZEGS TE SE'I RI, ,LEGS SMON DROD KYIS ZHU BA'I GANG+G'AMS, ,NYES LTUNG DUG CAN DRI MA RAB SBYANGS NAS, ,DAL 'BYOR TSANG PA'I RTEN BZANG RNYED BAR SHOG ,DE TSE 'JAM MGON BLA MA YAB SRAS KYI, ,ZHABS RDUL RNYOG PA MED PA GUS BSTEN NAS, ,TSANG LA MA NOR BSTAN PA'I GNAD KUN LA, ,THOS BSAM SGOM PAS TSUL BZHIN SLOB PAR SHOG ,DE LTAR RGYAL PA'I BSTAN LA SLOB PA NA, ,PHYI ROL NYER 'TSE'I BAR CHAD MI 'BYUNG ZHING, ,CHOS BRGYAD 'CHING BA'I SLAD PA MI 'JUG PAR; ;RNAM DAG CHOS SU 'GRO BAR BYIN GYIS RLOBS, ,SRID GSUM MTHA' DAG DMYAL BA'I BRTZON RA DANG, ,SGYU MA'I GRONG KHYER LTA BUR MTHONG BA YI, ,NGES 'BYUNG BYANG SEMS YANG DAG LTA BA LA, ,RTZOL MED MYONG BA BRTAN PO RNYED PAR SHOG ,DE LTAR THUN MONG LAM GYIS RGYUD SMIN TSE, ,DPAL LDAN BLA MA THUGS RJE'I GTER CHEN RNAMS, ,DKYIL 'KHOR 'KHOR LO'I MGON POR LEGS BZHENGS TE, ,GSANG BA MCHOG GI LAM DU 'KHRID PAR SHOG ,DE NAS RIM GNYIS RNAL 'BYOR LA BRTEN NAS, , LAS RLUNG RGYU BA KUN RTOG PHRA MOR BCAS, ,YONGS SU DAG PA'I RTEN DANG BRTEN PA KUN, ,BDE PA'I ROL PA GCIG TU 'CHAR BAR SHOG ,MDOR NA DENG NAS TSE RABS THAMS CAD DU, ,KHYOD KYIS DGYES BZHIN 'BRAL MED RJES BZUNG

MTHUS; ;GCIG TU DGE BA'I LAM LA RAB ZHUGS NAS, ,KUN MKHYEN RGYAL BA'I GO 'PHAR MYUR THOB SHOG (,CES BA 'DI NI DAD BRTZON RNAM DPYOD LDAN PA DKA' BCU 'JAM DBYANGS BKRA SHIS KYIS MAndAL DANG THUB PA'I SKU BRNYAN BCAS BSKUL NGOR 7 BTZUN PA DKON MCHOG BSTAN PA'I SGRON MES SBYAR BA'O,, ` ,,SKYABS SEMS SNGON DU BTANG LA,) SPYI BOR PADMA ZLA BA'I STENG, ,DRIN CAN RTZA BA'I BLA MA DANG, ,DBYER MED BCOM LDAN KLU YI DBANG, ,NAM MKHA'I MDANGS LDAN ZLA BA'I ZHAL, ,KLU RNAMS DBUGS 'BYIN PHYAG RGYA CAN, ,CHOS GOS DMAR PO GSUM GSOL ZHING, ,BRGYA RTZA BCU GNYIS MTSAN DPES SPRA SO, ,RDO RJE SKYIL KRUNG GIS BZHUGS SHING, ,GNAS RNAMS 'BRU GSUM GYIS MTSAN PA'I, ,H'Um YIG 'OD KYIS YE SHES PA, ,SRAS DANG BCAS PA SPYAN DRANGS TE, ,DBYER MED BRTAN PAR BZHUGS SU GSOL, ,BYIN RLABS BDUD RTZI'I CHAR RGYUN GYIS, ,PHYI NANG NYER 'TSE KUN SEL ZHING, ,PHAN BDE'I DGA' STON STZOL MDZAD PA, ,KLU DBANG RGYAL POR GUS PHYAG 'TSAL, , DNGOS BSHAMS YID SPRUL MCHOD TSOGS KUN, ,DMIGS MED THUGS RJES BZHES SU GSOL, ,LAS NGAN LAN CHAGS KYIS BSKYED PA'I, ,KLU GNYAN SA BDAG GNOD PA SOGS, ,PHYI NANG NYER 'TSE MA LUS PA, ,RGYU BCAS BYANG BAR BYIN GYIS RLOBS, ,ZHES GSOL BA BTAB PAS SKU LAS BDUD RTZI'I RGYUN BABS TE, NAD GDON SDIG SGRIB THAMS CAD BYANG BAR BSAM LA, TADYA THA, AOm TA TH'A GA TA BHA GA W'A NA N'A GA R'A DZE SHVA RA AA DHIshth'A NA AA DHIshthI TE SV'A H'A, (ZHES CI 'GRUB BZLA,

, ,DGE 'DIS TSE RABS THAMS CAD DU, ,DAL 'BYOR TSANG BA'I RTEN THOB CING, ,BCOM LDAN KLU DBANG RGYAL PO YIS, ,'BRAL MED RJES SU 'DZIN GYUR CIG ,YUL PHYOGS 'DIR YANG NAD MUG SOGS, ,PHYI NANG NYER 'TSE KUN ZHI STE, ,SBRANG RTZI CAN GYI ZHING KHAMS LTAR, ,BDE SKYID DPAL 'BYOR RGYAS GYUR CIG ,CES PA 'DI NI MIR NAG SHOG NAS DAD LDAN DGE SLONG ZLO BZANG BSOD NAMS KYIS BSKUL NGOR `BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA' 'O,, ` ,, RANG GI SPYI BOR SENG KHRI BAD ZLA DANG, ,KHRI SNYAN SA LA'I PAGS PA'I GDAN STENG DU, ,SKYABS GSUM MA LUS 'DUS PA'I NGO BO NYID, ,BKA' DRIN MNYAM MED RTZA BA'I BLA MA DANG, ,DBYER MED GRUB MCHOG BZHAD PA'I RDO RJE NI, ,SKU MDOG SNGO BSANGS SKEM ZHING GZI BYIN 'BAR, ,DKA' THUB SPYOD PA'I DRANG SRONG RNAM PA CAN, ,GA-YAS PA'I PHYAG GI THAL MO 'GRAM PAR BRTEN, ,GA-YON NA BDE SKYONG BDUD RTZI'I BCUD LDAN BSNAMS, ,KA SHI'I RAS DKAR 'DAB MA'I NA BZA' GSOL, ,LCANG LO SIL BUR GROL PAS SKU STOD KHEBS, ,ZAB RGYAS GDAMS BA'I GLU DBYANGS LHANG LHANG SGROGS, ,SKYIL KRUNG PHYED PA'I STABS KYIS BZHUGS PA YI, ,GNAS GSUM YI GE GSUM MTSAN H'Um YIG GIS, ,MI BSKYOD RGYAL BA'I ZHING NAS YE SHES PA; ;'KHOR BCAS SPYAN DRANGS DBYER MED BSTIM PAR GYUR, ,DKON MCHOG KUN 'DUS MI BSKYOD RGYAL BA'I DBANG, ,GSANG CHEN BSTAN PA'I SGRON ME SBAR BA'I PHYIR, ,GRUB PA'I DBANG PHYUG GAR GYIS RNAM ROL BA, ,BZHAD PA'I

RDO RJE'I ZHABS LA PHYAG 'TSAL LO, ,RAB 'BYAMS PHYI NANG GSANG BA DE NYID KYI, ,MCHOD TSOGS KUN 'BUL SDIG LTUNG MA LUS BSHAGS, ,TSE GCIG SANGS RGYAS SGRUB PA'I DKA' THUB KYI, ,SPYOD PA BSAM MI KHYAB LA RJES YI RANG, ,ZAB RGYAS GDAMS PA'I DGA' STON MCHOG STZOL CING, ,BSKAL PA RGYA MTSOR BRTAN PAR BZHUGS SU GSOL, ,'DIS MTSON DGE BAS BDAG SOGS 'GRO KUN KYANG, ,TSE RABS 'PHRENG BAR KHYOD KYIS RJES 'DZIN SHOG ,GRUB PA'I DPA' BO KHYOD KYI RNAM THAR BZHIN, , MDO SNGAGS LAM BZANG GEGS MED MYUR BGROD DE, ,MI BSKYOD RGYAL BA'I GO 'PHANG MNGON GYUR NAS, ,MA LUS 'GRO BA SRID LAS SGREL GYUR CIG ,DE LTAR GSOL BA BTAB PAS TSANGS BUG NAS, ,SNYING GA CHOS KYI 'KHOR LO'I ZE'U 'BRU'I DBUS, , BYON NAS DBYER MED BRTAN PAR BZHUGS PA YIS, ,YANG DAG LA MA BZANG MNGON DU 'GYUR BAR SHOG ,CES PA 'DI NI DAD BRTZON LDAN PA RI KHROD PA DGE SLONG BLO BZANG DKON MCHOG GIS BSKUL NGOR 7BRTZUN PA DKON MCHOG BSTAN PA'I SGREN MES BRIS PA'O,, ` ,,NA MO GU RU MU NI AINTR'A YE, DE'ANG 'DI PHYI'I LEGS TSOGS MA LUS PA'I 'BYUNG GNAS, THEG BA MCHOG GI LAM GYI LUS, DNGOS GRUB THAMS CAD KYI RTZA BA, LAM ZAB MA BLA MA LHA'I RNAL 'BYOR NYAMS SU LEN PAR 'DOD PAS, SNGON 'GRO SPYOR BA'I CHOS RNAMS TSAGS SU TSUD PAR BYAS LA, SRID ZHI'I RGUD PA MA LUS PA SEL ZHING, 'PHRAL DANG PHUN GYI PHAN BDE MA LUS PA 'BYUNG BA'I SGO GCIG PU, LAM GYA RTZA BA BSHES GNYEN BSTEN TSUL PHYIN CI MA LOG PA 'DI LA RAG LAS PAR RGYAL BAS MDO RGYUD THAMS CAD NAS MTHUN PAR GSUNGS SHING, GRUB PA'I GO 'PHANG MTHON POR GSHEGS PA'I DAM PA GONG MA THAMS CAD KYIS KYANG

, ,SKU NYAMS SU BSTAR BA'I TSUL BSAM STE NGES SHES THUN MONG MA YIN PA BSKYED, DE NAS RANG RGYUD LA BSKOR TE BRTAG PA NA, NYON MONGS PA'I GDON CHEN PHUGS SU ZHUGS PA'I DBANG GIS, RANG GI SNANG TSUL THAMS CAD BDEN BDEN LTA BU DANG, BLA MA'I MDZAD BSKYON DANG BCAS PAR MTHONG BA'I TSE BLO NGAN 'DIS NI RANG NYID PHUNG KHROL CHEN PO LA SBYOR BA'I BDUD KYI BYED PA LTAS NGAN GYI GTZO BO YIN SNYAM DU, DAM PA GONG MA MANG PO'I LO RGYUS SOGS DANG SBYAR LA RIGS PA'I RNAM GRANGS SU MA'I SGO NAS BKAG STE, SANGS RGYAS DNGOS SU MTHONG BA'I MOS PA DANG, SANGS RGYAS THAMS CAD KYI 'DUL BA'I ZHING DU MA GYUR PA NA, BLA MA 'DIS NI RANG DANG SKAL PA 'TSAM PA'I SKUR BSTAN TE RGYAL BA'I MDZAD PA THAMS CAD BSGRUB BAS, BKA' DRIN GYI NGOS NAS SANGS RGYAS THAMS CAD LAS KYANG LHAG BA YIN NO SNYAM DU GUS PA BSKYED LA, DNGOS GZHI NI SKYABS SEMS SNGON DU 'GRO BAS TSIG DON DRAN BZHIN PAR, MDUN GYI MKHA' LA SENG KHRI PAD ZLA'I STENG, ,SKYABS GSUM KUN 'DUS NGO BO BLA MA LHA, ,GA-YAS GA-YON CHOS 'CHAD SKYABS SBYIN PHYAG RGYA MDZAD, ,CHOS GOS GSUM GSOL GSER MDOG PAn ZHVAS MDZES, ,DGYES PA'I TSUL GYIS BZHUGS BDI MTHA' SKOR DU, ,DNGOS BRGYUD BLA MA YI DAM LHA TSOGS DANG, ,SANGS RGYAS BYANG SEMS NYAN RANG CHOS SRUNG SOGS, ,MKHA' DBYINGS KHYAB PAS BSKOR TE BRTAN PAR BZHUGS, ,BSLU MED 'DREN PA DKON MCHOG GSUM GYI DNGOS, ,BSHAD SGRUB BSTAN PA'I SROG SHING ZLA MED PA, ,THAR 'DOD SNYING GI MUN SEL SGRON ME MCHOG ,RJE BTZUN BLA MA'I ZHABS LA PHYAG 'TSAL LO, ,GZHAN YANG ZHI KHRO RAB 'BYAMS LHA TSOGS LA, ,SGO GSUM MI PHYED DAD BAS PHYAG 'TSAL ZHING, ,DNGOS

BSHAMS YID SPRUL MCHOD PA MA LUS 'BUL, ,THOG MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA KUN LA RJES YI RANG, ,'KHOR BAM STONGS BAR DU RTAG BZHUGS NAS, ,'GROL CHOS KYI 'KHOR LO BSKOR DU GSOL, ,'DIS MTSON DGE BA BYANG CHUB CHEN POR BSNGO, ,SA GZHI SPOS KYIS BYUGS SHING ME TOG BKRAM, ,ZHES PA NAS, SPYOD PAR SHOG ,KHYOD NI BLA MA KHYOD NI YI DAM KHYOD NI MKHA' 'GRO CHOS SKYONG STE, ,ZHES PA NAS, BAR GCOD SRUNGS, LAN GSUM, , BYIN RLABS DNGOS GRUB GTER CHEN BLA MA LA, ,GSOL BA 'DEBS SO BDAG RGYUD BYIN GYIS RLOBS, ,NGAN SONG 'KHOR BA'I GNAS LAS YID 'BYUNG BAS, ,BLO KHA CHOS LA PHYOGS PAR BYIN GYIS RLOBS, ,RIN CHEN BYANG CHUB SEMS KYI RGYAS BTAB STE, , DAM CHOS LAM DU 'GRO BAR BYIN GYIS RLOBS, ,DNGOS 'DZIN GDON CHEN BDUD KYI DPUNG BCOM STE, ,LAM LA BAR CHAD MED PAR BYIN GYIS RLOBS, ,RAB DKAR BDUD RTZIS BUM PA'I DBANG BSKUR TE, ,RGYAL BA'I GZUGS SKU 'GRUB PAR BYIN GYIS RLOBS, ,BDUD RTZI DMAR POS GSANG BA'I DBANG BSKUR TO, ,RGYAL GSUNG LONGS SKU 'GRUB PAR BYIN GYIS RLOBS,, SNGON POS SHES RAB YE SHES DBANG BSKUR TE, ,THUGS MCHOG CHOS SKU 'GRUB PAR BYIN GYIS RLOBS, ,RNAM GSUM BDUD RTZIS BZHI BA'I DBANG BSKUR BAS, ,SKU THUGS ZUNG 'JUG 'GRUB PAR BYIN GYIS RLOBS, ,MDOR NA SRID DANG ZHI BA'I RGUD PA KUN, ,MA LUS LHAG MED ZHI BAR BYIN GYIS RLOBS, ,MCHOG DANG THUN MONG DNGOS GRUB MA LUS PHA, ,BDE

, ,BLA NYID DU 'GRUB PAR BYIN GYIS RLOBS, ,DUS DANG GNAS SKABS KUN TU KHYOD MIN PA, ,RE SA GZHAN NA MED DO THUGS RJES GZIGS, ,DE LTAR GSOL BA BTAB PAS BLA MA MCHOG ,DGYES BZHIN DH'U T'I'I LAM NAS SNYING GAR BYON, ,DPAL LDAN RTZA BA'I BLA MA RIN PO CHE, ,BDAG GI SNYING GAR PADMA'I GDAN BZHUGS LA, ,BKA' DRIN CHEN PO'I SGO NAS RJES BZUNG STE, ,SKU GSUNG THUGS KYI DNGOS GRUB STZOL DU GSOL, ,GONG GI PHYAG 'CHAL GSOL 'DEBS SU BSGYUR BA GRANGS GSOG DANG, MTHAR, TSE RABS KUN TU RJE BTZUN BLA MA YIS, ,THEG MCHOG BSHES GNYEN ZHES SOGS DANG, DPAL LDAN BLA MA'I RNAM PAR THAR PA LA, ,ZHES SOGS DANG, SKYE BA KUN TU ZHES SOGS BSNGE SMON GYIS MTSAMS SBYOR ZHING, RGYUN DU'ANG SNYING DBUS KYI BLA MA'I 'DU SHES MA BRJED PAS, DE NYID DBANG POR BYAS TE DGE SDIG GI BLANG DOR LA BAG ZON BYED CING, SPYOD LAM KUN TU DE LA BRTEN PA'I TSOGS GSOG SGRIB SBYONG GI NYAMS LEN CHU BO'I RGYUN GYI RNAL 'BYOR LTAR BYA'O, ,ZHES BLA MA'I RNAL 'BYOR SHIN TU BSDUS BA MDO SNGAGS SPYI'I LAM GYI 'GROS DANG SBYAR BA 'DI NI RNAM DPYOD MCHOG TU YANGS PA RDO RAM BA DAG DBANG RAB BRTAN GYIS BSKUL NGOR 7 BTZUN PA DKON MCHOG BSTAN PA'I SGRON MES BRIS BA'O,, ` ,,LAM THUN MONG DANG THUN MONG MA YIN PA'I GNAD TSANG BA'I BLA MA'I RNAL 'BYOR BZHUGS, NA MO GU RU MU N'I NDRA BADZRA DH'A R'A YA, MDUN GYI NAM MKHAR SENG KHRI BAD ZLA'I STENG, ,BKA' DRIN MNYAM MED RTZA BA'I BLA MA DANG, ,NGO BO DBYER MED STON PA BCOM LDAN 'DAS, ,GSER GYI MDOG CAN SA GNON MNYAM GZHAG MDZAD, ,THUGS KAR KHYAB

BDAG DPAL LDAN HE RU KA:, ,SKU MDOG SNGON PO ZHAL BZHI PHYAG BCU GNYIS, ,GAR DGU'I NYAMS LDAN BDE STONG ROL PAS DGYES, ,GNAS GSUM YI GE GSUM MTSAN H'Um YIG GIS, ,RAB 'BYAMS RGYAL BA'I 'KHOR LO MA LUS PA, ,SPYAN DRANGS DBYER MED GCIG TU 'DUS PA YI, ,SKYABS GNAS KUN GYI BDAG NYID THUGS RJE'I GTER, ,BDAG GI BSOD NAMS ZHING DU BRTAN PAR BZHUGS, ,CHER SNYIGS LNGA BDO'I 'GRO BA MGON MED LA, ,THAR PA'I LAM BZANG JI BZHIN STON PA YIS, , MA LUS RGYAL BA'I MDZAD PA SGRUB MDZAD PA, ,BKA' DRIN MTSUNGS MED DAM PAR GSOL BA 'DEBS, ,KHYAD PAR SANGS RGYAS LAS KYANG DKON PA YI, ,THEG MCHOG BSTAN PA'I SNYING PO GSANG SNGAGS KYI, ,LAM BZANG GSAL BAR BYED PA'I SGRON ME MCHOG ,'GRO BA'I DED DPON DAM PAR GSOL BA 'DEBS, ,LUS DANG LONGS SPYOD DUS GSUM DGE TSOGS BCAS, ,KUN BZANG MCHOD PA'I SPRIN DU LEGS BSTAR NAS, ,RTZE GCIG DANG BA'I YID KYIS 'BUL LAGS NA, ,DGYES BZHIN BZHES TE BYIN GYIS BRLAB TU GSOL, ,LEGS TSOGS RTZA BA DAM PA'I MGON GYIS BZUNG, ,MI RTAG LAS 'PRAS BSAM NAS 'DI PHYI YI, ,SNANG SHAS BZLOG STE 'KHOR BA ME'O BAS LTAR, ,MTHONG BA'I NGES 'BYUNG SKYE DANG BYIN GYIS RLOBS, ,RANG GZHAN DON GNYIS PHUN SUM TSOGS BA'I RGYU, ,RIN CHEN BYANG CHUB MCHOG TU SEMS BSKYED CING, ,SRID BA'I RTZA BA DRUNGS NAS 'BYIN BYED PA'I, ,YANG DAG LTA BRTOGS BAR BYIN GYIS RLOBS, ,THA MAL SNANG ZHEN SBYONG BA'I BSKYED

, ,RIM DANG, ,RLUNG SEMS DBU MAR GZHUG BYED DBEN PA GSUM, ,ZHUGS LAS SGYU 'OD ZUNG 'JUG SKUR LDANG BA'I, ,RIM GNYIS RNAL 'BYOR 'GRUB PAR BYIN GYIS RLOBS, ,MDOR NA BLO BZANG RGYAL BSTAN SNYING PO'I BCUD, ,MTSANG MED PAR THOS BSAM BSGOM PA YIS, ,NYAMS SU BLANGS TE BSHAD SGRUB MTHAR PHYIN NAS, ,DON GNYIS LHUN GYIS GRUB PAR BYIN GYIS RLOBS, ,ZHES PA'I MTHAR, DPAL LDAN RTZA BA'I BLA MA ZHES SOGS KYIS SNYING GAR BSTIM ZHING TSE RABS RJES 'DZEN GYI SMON PAS MCHAMS SBYAR BAR BYA'O, ,ZHES LAM THUN MONG DANG THUN MONG MA YIN PA'I GNAD CHA TSANG BA DANG 'BREL BA'I BLA MA'I RNAL 'BYOR 'DI NI, ^'JAM MGON RGYAL BA GNYIS PA'I BSTAN PA'I RTZA LAG DAM PA SUM PA MKHAN CHEN SPRUL PA'I SKU RIN PO CHE NAS GSER GYI ME TOG DANG BCAS BSKUL MA GNANG BA'I BZHED PA BZHIN, ^ BTZUN BA DKON MCHOG BSTAN PA'I SGRON MES BRIS PA'O,, ` ,,CHOS DBYINGS SPROS DANG BRAL BA LHA YI LAM, ,BDE CHEN SNYING RJE'I CHU 'DZIN 'KHRIGS PA'I KLONG, ,MI 'JIGS BZHI LDAN GDONG LNGA 'BAR BA'I KHRI, ,SRID PA'I SKYON BRAL YID 'ONG 'DAB BRGYAB, ,THABS SHES ZUNG 'JUG NYI ZLA'I GDAN STENG DU, ,ZHI KHRO RAB 'BYAMS SKYABS GNAS MA LUS PA, ,DBYER MED GCIG TU 'DUS PA'I NGO BO NYID, ,BKA' DRIN GSUM LDAN BLA MA RDO RJE 'CHANG, ,ZHI ZHING DUL LA DGYES PA'I NYAMS DANG LDAN, ,THUGS RJE'I SPYAN GYIS MKHA' MNYAM 'GRO LA GZIGS, ,NGES DON RDO RJE THAL MO'I SBYOR BA YIS, ,BDEN ZUNG GNYIS SU MI PHYED RDO RJE 'DZIN, ,PAn ZHVAS GTZUG MDZES CHOS GOS GSUM GSOL ZHING, ,MI PHYED RDO RJE SKYIL

MO KRUNG GIS BZHUGS, ,GNAS LNGAR YE SHES LNGA YI NGO BO NYID, ,RIGS LNGA'I RANG BZHIN SA BON LNGAS MTSAN PA'I, ,H'Um YIG 'OD KYIS LHUN GRUB CHOS DBYINGS NAS, ,SRAS BCAS RGYAL BA'I DKYIL 'KHOR YE SHES PA, ,MTHA' DAG SPYAN DRANGS DBYER MED BRTAN PAR GYUR, ,BLO BZANG THUB BSTAN 'DAB BRGYA'I GNYEN GCIG PU, ,DBANG PHYUG BRGYAD LDAN 'JIGS MED STOBS BCU'I BDAG ,DKYIL 'KHOR RGYA MTSE SPRO ZHING SDUD MDZAD PA, ,KHYAB BDAG 'KHOR LO'I MGON POR GSOL BA 'DABS, ,SNYIGS MA'I 'GRO BA SPYI DANG KHYAD PAR DU, ,'DZAM GLING BYANG PHYOGS 'DZIN MA'I KHYON KUN LA, ,THUB BSTAN SNYING PO NYI LTAR GSAL MDZAD PA, ,BKA' DRIN MTSUNGS MED DAM PAR GSOL BA 'DEBS, ,RAB 'BYAMS PHYI NANG GSANG BA DE NYID KYI, ,MCHOD TSOGS MA LUS BLO YIS BLANGS TE 'BUL, ,RGYA CHEN NAM MKHA' MDZOD KYI TING 'DZIN MTHUS, ,BYIN GYIS BRLABS TE DGYES BZHIN BZHES SU GSOL, ,THOG MED NAS BSAGS SDIG LTUNG THAMS CAD DANG, ,KHYAD PAR SDOM GSUM BCAS 'GAL NYES PA KUN, , SHUGS DRAG GDUNG BA'I YID KYIS MTHOL LO BSHAGS, ,LHAG MED BYANG ZHING DAG PAR BYIN GYIS RLOBS, ,BDAG GIS DUS GSUM DGE TSOGS CI BGYIS PA, ,DE DAG THAMS CAD SKYE ZHING SKYE BA RU, ,MGON PO KHYOD KYIS 'BRAL MED RJES 'DZIN ZHING, , BKA' BZHIN SGRUB PA LHUR LEN RGYUR GYUR CIG ,NGES 'BYUNG BYANG SEMS ZAB MO'I LTA BA SOGS, ,THUN MONG LAM SBYANG RIM PA SNGON 'GRO BA'I, ,GSANG CHEN THEG PA MCHOG GI SGOR ZHUGS TE, ,DAM TSIG MTHA' DAG TSUL BZHIN BSRUNG GYUR

, ,CIG ,THABS SHES ZUNG 'BREL ZAB MO'I MYUR LAM GYIS, ,RING MIN SRID PA'I RGYA MTSO MTHAR BYAS TE, ,BLA MA LHA YI GO 'PHANG MNGON GYUR NAS, ,'GRO KUN THAR PA'I GLING DU 'KHRID GYUR CIG ,CES BLA MA RANG GI SNYING GAR SPYAN DRANGS PAR BSAMS LA, DPAL LDAN BLA MA'I RNAM PAR THAR PA LA, ZHES SOGS DANG, SKYE BA KUN TU ZHES SOGS SMON LAM GYIS MTSAMS SBYAR PAR BYA'O, ,ZHES BSTAN 'GRO'I DBUNG GNYEN MTSUNGS ZLA MA MCHIS BA RJE BTZUN DAM PA BLO BZANG THUB BSTAN DBANG PHYUG 'JIGS MED RGYA MTSOD PAL BZANG PO'I ZHAL SNGA NAS LA BRTEN BA'I BLA MA'I RNAL 'BYOR 'DI NI HAL HA KHU RE CHEN MO'I GRVA RIGS DAD LDAN DGE SLONG DKON MCHOG DGE LEGS KYIS BSKUL NGOR 7 BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU BADZRA DH'A RA SUM TI WA GINDRA YA, DAG PA RAB 'BYAMS BYED PO BDE BA CHE, ,SPROS BRAL DBYINGS SU RTZEN PA'I SGYU 'PHRUL LAS, ,'BYAMS KLAS KUN BZANG MCHOD SPRIN RGYA MTSO'I DBUS, ,SENG KHRI PAD ZLA NYI MA'I GDAN GYI STENG, ,RIGS KUN KHYAB BDAG RDO RJE SEMS DPA'I DNGOS, ,RTZA BA'I BLA MA NGAG DBANG BLO BZANG ZHABS, ,THAL MO BSNOL TE ZAB RGYAS GLEGS BAM BSNAMS, ,CHOS GOS GSUM 'CHANG PAn ZHVA LEB MOR GSOL, ,RAB DGYES 'DZUM PA'I NYAMS DANG LDAN PA YI, ,DPRAL MGRIN THUGS KAR RDO RJE GSUM GYI DNGOS, ,YI GE GSUM MTSAN H'Um GI 'OD ZER GYIS, ,SKYABS GNAS MA LUS BSDUS TE THIM PAR GYUR, ,DZA: H'Um BAm HO:MDO RGYUD MAN NGAG KUN LA DBANG 'BYOR ZHING, ,BLO GROS BUM BZANG BSLAB GSUM

BDUD RTZIS GTAMS, ,ZAB CING RGYA CHE'I RTOGS PA'I KLONG RDOL BA, ,DPAL LDAN BLA MA'I ZHABS LA GSOL BA 'DEBS, ,CHER SNYIGS DMU RGOD GDUL DKA'I 'GRO BA LA, ,RGYAL KUN THUGS BCUD GDAMS PA'I MCHOG STZAL TE, ,SKAL BA JI BZHIN SRID BZHI'I RGUD PA LAS, ,SGROL MDZAD SKYABS KYI DAM PAR PHYAG 'TSAL LO, ,BSLU MED THUGS RJE'I GTER CHEN MGON KHYOD KYIS, ,'BRAL MED BYANG CHUB BAR DU RJES 'DZIN CING, ,'KHRUL MED 'JAM MGON ZHAL LUNG BDUD RTZI'I CHUS, , THOG MED LAS NYON DRI MA BYANG BAR MDZOD, ,LUS DANG LONGS SPYOD DUS GSUM DGE BA'I DNGOS, ,MTHA' DAG ZHUM MED BLO YIS LEGS 'DUL NA, ,ZAG MED BDE CHEN DANG DU RNAM ROL CING, ,MTHAR THUG BYANG CHEN RGYU RU SMIN PAR MDZED, ,SA GZHI SPOS KYIS BYUGS SHING ZHES SOGS KYIS MAndAL DBUL, GSOL 'DEBS KYI BZLAS BRJOD BYA BAR 'DOD NA, MDO RGYUD MAN NGAG CES SOGS KYI SHLOO KA DE GRANGS GSOG NAS BZLA, PHRA RAGS SRID PA'I RGYA MTSO DRGAL GYI BAR, ,BLA MA YI DAM TSAS SRUNG KUN GYI DNGOS, ,'DREN PA KHYOD MIN SKYABS GZHAN MA MCHIS PAS, ,BRTZE CHEN THUGS RJE'I PHYAG GIS DRANG DU GSOL, ,DNGOS GRUB RTZA BA BLA MA'I MOS GUS DANG, ,NGES 'BYUNG BYANG SEMS YANG DAG LTA BA'I GNAD, ,ZAB LAM RIM GNYIS RNAL 'BYOR LA SOGS PA, ,LAM BZANG GEGS MED SKYE BAR BYIN GYIS RLOBS, ,MDOR NA MGON KHYOD THUGS RJE'I SPRIN PHUNG LAS, ,MCHOG THUN DNGOS GRUB GRUB CHANG 'JOB YIS, ,PHAN DANG BDE BA'I DGA' TSAL RGYAS GYUR TE, ,BLA MED THAR PA'I 'BRAS BZAD SMIN

, ,GYUR CIG ,DE NAS BLA MA RANG GI SPYI BO NAS MAR PHEBS TE SNYING GAR RANG SEMS DANG DBYER MED DU BZHUGS PA'I MOS PA BYAS LA, DPAL LDAN RTZA BA'I BLA MA RIN PO CHE, ,BDAG GI SNYING GAR ZHES SOGS DANG, TSE RABS RJES 'DZIN GYI SMON PAS MTSAMS SBYAR BAR BYA'O, ,RGYUN DU ZAS GOS GNAS MAL SOGS GANG LA LONGS SPYOD PA NA SNYING GA'I BLA MA LA DBUL BA'I DMIGS PA CHU BO'I RGYUN GYI RNAL 'BYOR BZHIN DU BYAS NA DKOR SGRIB SBYONG ZHING RANG GZHAN GNYIS KA'I TSOGS RDZOGS PA DANG, BLA MA RJES SU DRAN PA DANG MI 'BRAL ZHING DGYES BZHIN RJES SU 'DZIN PA'I RTEN 'BREL GYI SGO KHYAD PAR CAN YOD PAS THABS SNA TSOGS KYI SGO NAS DAL 'BYOR LA SNYING PO BLANG BAR BYA'O, ,ZHES RJE BTZUN BLA MA DAM PA GRUB PA'I DBANG PHYUG CHEN PO CHOS BRGYAD KYI SNANG BA BTZAN CHOD DU BYED PA'I RJE BTZUN MI LA GNYIS PA KLONG RDOL GRUB PA'I DBANG PHYUG NGAG DBANG BLO BZANG PA'I ZHAL SNGA NAS KYI BLA MA'I RNAL 'BYOR 'DI NI, RJE BTZUN DE NYID LA RTZE GCIG TU MES GUS CAN KHA KYA'I RAB 'BYAMS BA BLO BZANG BRTZON 'GRUS KYIS BSKUL DOR 7BTZUN PA DKON MCHOG BSTAN PA'I SGRON MES DBEN GNAS YID DGA' CHOS 'DZIN NAS BRIS PA'O,, ` ,, RANG GI SPYI BOR PADMA ZLA BA'I STENG, ,RTZA BA'I BLA MA MCHOG DANG DBYER MED PA'I, ,RDOR SEMS DKAR BO PHYAG GNYIS RDOR DRIL 'DZIN, ,GRI THOD 'DZIN MDZAD DBYINGS KYI DBANG MOS 'KHYUD, ,DE YI THUGS KA'I H'Um GI 'OD ZER GYIS, ,YE SHES PA RNAMS SPYAN DRANGS DBYER MED GYUR, ,SLAR YANG 'OD 'PHROS RDO RJE GSUM GYI LHA'I, ,THUGS KA'I YIG BRGYAD KAR DMAR MTHING GA'I TSOGS, ,SPYAN DRANGS SPYI BO'I RDOR SEMS GNAS GSUM DU, ,'KHOD PA'I BDUD RTZIS LUS KUN GANG BAR GYUR, ,MI BZANG

NYES LTUNG DRI MA KUN SEL ZHING, ,MCHOG THUN DNGOS GRUB MA LUS STZOL MDZAD PA, ,BLA MA RDO RJE SEMS DPAR GUS PHYAG 'TSAL, ,RANG GZHAN SDIG LTUNG BYANG BAR BYIN GYIS RLOBS, ,DE LTAR GSOL BTAB SPYI BO;I 'RDIR SEMS LAS, ,'GRO DRUG GRANGS SNYED RDER SEMS YAB YUM SPROS, ,KUN GYI SPYI BOR BZHUGS PA'I SBYER MTSAMS NAS, ,BDUD RTZI'I RGYUN BABS NYES KUN BYANG BAR GYUR, ,DE NAS YIG BRGYA BZLA, RDOR SEMS 'OD DU ZHU BAS 'GRE BA KUN, ,DE YI SKUR BSHENGS DE DAG THAMS CAD KYANG, ,GCIG BSDUS RANG LA THIM PAS RANG NYID DANG, ,RDOR SEMS DBYER MED GCIG TU 'DRES PAR GYUR, ,'DIS MTSON DGE BAS TSE RABS KUN TU YANG, ,BLA MA RDO RJE SEMS DPAS RJES BZUNG STE, ,RNAM DAG DAM TSIG SDOM PA'I GU GZINGS LA, ,BRTEN NAS ZUNG 'JUG NOR BU'I GLING BGROD SHOG ,CES PA 'DI NI AER DUS DAR HAN SHOG GI DGE SLONG RIN CHEN BZANG PO DANG, DGE SLONG DKON MCHOG CHOS 'BREL GNYIS KYIS BSKUL NGOR 7 BTZUN PA DKON MCHOG BSTAN PA'I LJON MES BRIS PA'O,, ` ,,TSE DPAG MED DANG 'BREL BA'I BLA MA'I RNAL 'BYOR BZHUGS, BLA MTSE DPAG TU MED PAL PHYAG 'TSAL LO, ,MDUN GYI NAM MKHAR MCHOD SPRIN RGYA MTSE'I DBUS, ,RMA BYAS BTEG PA'I KHRIL PAD ZLA'I STENG, ,BKA' 'DRIN MNYAM MED RTZA BA'I BLA MA DANG, ,GNYIS SU MED PA BCOM LDAN CHO MTHA' YAS, ,NYI 'OD STONG 'BAR BYU RU'I LHUN PO BZHIN, ,SKU MDOG DMAR GSAL MTSAN DPE'I DPAL GYIS BRJID, ,MNYAM GZHAG PHYAG RGYAS BDUD RTZI'I BUM BZANG BSNAMS, ,LHA YI GES DANG RIN CHEN RGYAN

, ,GYIS MDZES, ,SKYIL MO KRUNG GIS BZHUGS PA'I GNAS GSUM DU, ,YI GE GSUM MTSAN H'Um GI 'OD ZER GYIS, ,BDE LDAN ZHING NAS MGON PO TSE DPAG MED, ,SPYAN DRANGS DAM TSIG PA DANG DBYER MED GYUR, ,BSLU MED DKON MCHOG GSUM GYI NGO BO NYID, ,NGAN SONG 'JIGS SGROL LEGS PA'I LAM BSTAN NAS, ,THAR PAR 'KHRID MDZAD 'GRO BA'I SGRON ME MCHOG ,MGON PO TSE DPAG MED LA PHYAG 'TSAL LO, ,DNGOS BSHAMS YID SPRUL NGO MTSAR MCHOD PA'I SPRIN, ,NAM MKHA' RAB 'BYAMS KHAMS KYI MTHAS GTUGS PA, ,BLO YIS BLANGS TE GUS PAS 'BUL LAGS NA, ,BRTZE BAS BZHES NAS BYIN GYIS BRLAB TU GSOL, ,SRID ZHI'I 'JIGS PA KUN LAS SKYOB BA DANG, ,MCHOG THUN DNGOS GRUB MA LUS 'GRUB PA'I PHYIR, ,RTZE GCIG GDUNG PA'I YID KYIS GSOL 'DEBS NA, ,THUGS RJES MYUR BA MYUR BAR BYIN GYIS RLOBS, ,DE LTAR GSOL BA BTAB PAS BUM NANG DANG, ,THUGS KA'I SNGAGS 'PHRENG 'OD KYIS RANG GI TSE, ,NYAMS BA GSOS SHING BRTAN GA-YO'I BYIN RLABS BCUD, ,TSE DPAL KUN BSDUS RANG LA THIM PAR GYUR, (,CES RGYAL BA SRAS BCAS KYI BYIN RLABS, LHA DANG DRANG SRONG 'KHOR LOS BSGYUR BA SOGS KYI TSE DANG BSOD NAMS 'BYUNG BA LNGA'I BCUD, RANG GI TSE SNGAR GOD PA RNAMS DANG BCAS BA BSDUS TE SNGAGS 'PHRENG LA THIM PA LAS BDUD RTZI'I RGYUN 'BEBS BA'AM, DANG PO NAS RANG LA BSTIM PAS LEGS TSOGS KYI YON TAN THAMS CAD RGYAS SHING, SLAN CHAD 'TSO BA GANG GIS KYANG MI TSUGS BA'I SRUNG BA CHEN BOR)

GYUR PAR BSAMS LA GDUNGS RING ZUNG RNAMS BZLA, MJUG TU YIG BRGYAS LHAG CHAD BSKAD,) TSE DPAG MED MGON BDUD RTZIR ZHU BA'I RGYUN, ,TSANGS BU GNAS ZHUGS LUS KUN GANG BA YIS, ,MI SHIGS GA-YUNG DRUNG TSE YI RTEN GYUR CING, ,GSANG GSUM BYIN RLABS MA LUS THOB PAR GYUR, (,CES BRJOD CING DE LTAR BSAMS LA,) DUS MIN 'CHI BA'I MTSAN MA MTHONG BA NA, ,DE YI MOD LA TSE DPAG MED MGON SKU, (,ZHES SOGS DANG,) TSE RABS KUN TU TSE DPAG MED PA YIS, ,THEG MCHOG BSHES GNYEN DNGOS SU MDZAD PA'I MTHUS, (,ZHES SOGS SMON PAS MTSAMS SBYAR BAR BYA'O, ,ZHES PA 'DI NI BSTAN PA'I GSAL BYED DAM PA AA MO SPRUL BA'I SKU BLO BZANG DKON MCHOG BSTAN PA'I RGYAL MTSAN GYIS BSKUL BA BZHIN 7BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA' 'O,,) ` ,,GNAS SPYI GTZUG BDE CHEN 'KHOR LO'I STENG, ,SKYABS DKON MCHOG GSUM 'DUS NGO BO NYID, ,RJE BLO BZANG RGYAL BA GNYIS PA YI, ,CHOS LUNG RTOGS BSTAN PA'I SGRON ME MCHOG ,SKU ZHI DUL DUR SMRIG 'CHANG BA'I TSUL, ,PHYAG CHOS 'CHAD MNYAM GZHAG PHYAG RGYA CAN, ,YONGS SRAS BCAS RGYAL BA'I 'KHOR LOR BCAS, ,MI BDAG GI MGON DU RTAG PAR BZHUGS, ,CHOS SNYIGS MA BDO BA'I DUS MTHA' 'DIR, ,YONGS THUB BSTAN SNYING PO DRI MA MED, ,BSHAD SGRUB PAS NYI LTAR GSAL MDZAD PA, ,RJE THUGS RJE'I GTER LA PHYAG 'TSAL LO, ,LUS LONGS SPYOD DUS GSUM DGE TSOGS BCAS, ,BLOS BLANGS TE GUS PAS 'BUL LAGS NA, ,THUGS BRTZE BA CHEN POS

, ,LEGS BZHES NAS, ,MCHOG THAR PA'I RGYU RU BYIN GYIS RLOBS, ,DUS YA MTHA' GTUGS PA MED PA NAS, ,SEMS NYON MONGS BRAN DU GYUR PA YIS, ,LAS SDIG PA'I DNGOS PO GANG BGYIS BA, ,YID 'GYOD PAS MTHOL LO BYANG BAR MDZOD, ,RGYU MED PAR 'GRO LA MNYES GSHIN PA, ,MGON RGYAL BA SRAS BCAS THAMS CAD DANG, ,RJE BLA MA'I RNAM PAR THAR PA LA, ,SEMS RTZE GCIG DAD PAS RJES YI RANG, ,DUS RING NAS 'GRO BA'I DUG GSUM GYI, ,NAD GDUNG BA SEL BA'I THUGS BSKYED BZHIN, ,CHOS ZAB RGYAS BDUD RTZI'I GTER PHYE STE, ,LAS NYON MONGS NYES KUN SBYANG DU GSOL, ,DGE 'DIS MTSON DUS GSUM BSAGS PA YI, ,LAS RNAM DKAR PHUNG PO BA SNGOMS BA'I MTHUS, ,YONGS LEGS TSOGS RTZA BA DRIN CAN RJE, ,BSAM SBYOR BAS TSUL BZHIN BSTEN PAR SHOG ,DUS RTAG TU DAL 'BYOR RTEN THOB CING, ,TSE 'DI SNANG GDON GYIS MI BSLU BAR, ,LAS RGYU 'BRAS NGANG TSUL LEGS BSAM NAS, ,SKYABS MCHOG GSUM GTZUG GIS STEN GYUR CIG ,GNAS 'KHOR BA GSHIN RJE'I BTZON RAL, ,YID GTING NAS LOG PA'I NGES 'BYUNG GIS, ,LAM BSLAB GSUM GRU GZINGS LA ZHUGS NAS, ,MCHOG THAR PA'I GLING DU BGROD GYUR CIG ,MA MKHA' MNYAM 'GRO BA MTHA' DAG LA, ,SNYING BRTZE BA'I GZHAN DBANG GYUR PA YIS, ,LAM BYANG CHUB MCHOG TU SEMS BSKYED DE, ,YONGS RGYAL SRAS SPYOD LA SLOB GYUR CIG ,RGYU'I THEG PA'I LAM GYIS RGYUD

SBYANGS TE, ,CHOS ZAB GSANG MYUR BA GSANG SNGAGS KYI, ,SGOR ZHUG SA NAS DAM TSIG LEGS BSRUNG ZHING, ,LAM RIM GNYIS SPYOD LA SLOB GYUR CIG ,DA MDOR NA BLO DMAN BYIS PA BDAG ,SNGAR DAL 'BYOR TSANG BA'I RTEN THOB KYANG, ,DUS DE RING YAN CHAD STONG PAR ZAD, ,DENG TSE LHAG CHOS KYIS 'DA' BAR SHOG ,MGON RGYAL KUN THUGS KYI BCUD BSDUS PA, ,RJE BLO BZANG BSTAN PA'I SGOR ZHUGS KYANG, ,SNGON JI BZHIN BSGRUB PAR MA NUS PAS, ,DA TSUL BZHIN NYAMS SU LEN PAR SHOG ,LAM 'KHRUL BRAL TSANG LAM NOR BA, ,RJE BLO BZANG RGYAL BA'I BKA' RGYUD KYI, ,LAM BZANG PO PHYOGS BRGYAR SPEL BA YIS, ,MA 'GRO KUN SRID LAS SGROL GYUR CIG (,CES PA 'DI NI GZHUNG BRGYA SMRA BA'I DBANG PHYUG GRA TSANG 'OG GI SLOB ZUR LTAR MA PA 'PHRIN LAS DPAL BZANG, MKHAS BTZUN BZANG PO'I BDAG NYID GRVA CHED BLA MA ZHABS DRUNG 'JAM DBYANGS RGYA MTSO, LHAG BSAM RNAM DPYOD YANGS PA GZHUNG LAS PA 'JAM DBYANGS BZANG PO RNAMS KYIS BSKUL NGOR ` BTZUN PA DKON MCHOG BSTAN PA'I SGRON MES GSER DGON DGA' LDAN DAM CHOS GLING DU SBYAR BA'I YI GE PA NI SNGAGS

*, ,GSANG BDE 'JIGS GSUM SOGS LHAG LHA DU MA DANG 'BREL BA'I BLA MA'I RNAL 'BYOR DNGOS GRUB KUN 'BYUNG ZHES BYA BA BZHUGS SO, , @001 #, ,NA MO GU RU BADZRA DH'A R'A YA, SPYI BOR SNA TSOGS PADMA NYI MA'I STENG, ,SKYABS GSUM KUN 'DUS RTZA BA'I BLA MA DANG, ,DBYER MED MI BSKYOD MGON PO SKU MDOG MTHING, ,NAG DKAR DMAR BA'I ZHAL GSUM PHYAG DRUG PA, ,RTZA PHYAG RDOR DRIL 'DZIN PAS YUM LA 'KHYUD, ,LHAG MA GA-YAS SU 'KHOR LO PADMA DANG, ,GA-YON PA'I PHYAG GIS RIN CHEN RAL GRI 'DZIN, ,RANG 'OD DANG MTSUNGS REG BYA RDO RJE MAR, ,MNYAM SBYOR RDO RJE SKYIL MO KRUNG GIS BZHUGS, ,LHA YI GOS DANG RIN CHEN RGYAN GYIS MDZES, (,ZHES PA'I 'PHROR,) PHUNG PO KHAMS DANG SKYE MCHED YAN LAG RNAMS, ,SUM CU RTZA GNYIS LHA YI NGO BO NYID, (,CES PA'AM,) BDE GSHEGS YAB YUM SEMS DPA' KHRO BO SOGS, ,SUM CU RTZA GNYIS LHA YI 'KHOR LOR BCAS,,

, (,ZHES PA GANG RIGS SBYOR, DE NAS,) GNAS GSUM YI GE GSUM MTSAN H'Um YIG GIS, ,BLA MA YI DAM MCHOG GSUM MA LUS PA, ,KHYAB BDAG DPAL LDAN 'DUS PA'I LHA TSOGS KYI, ,RNAM PAR SPYAN DRANGS DBYER MED BRTAN PAR BZHUGS, ,DAM CHOS DKON MCHOG SNYING PO BSTAN PA'I BCUD, ,'JIG RTEN GSUM GYI SGRON ME 'DUS PA YI, ,LAM BZANG MCHOG GIS 'GRO KUN 'DREN MDZAD PA, ,BLA MA MI BSKYOD RDO RJE LA PHYAG 'TSAL, ,NYER SBYOD 'DOD YON BKRA SHIS RTAGS RDZAS SOGS, ,NGO MTSAR KUN BZANG MCHOD SPRIN RAB 'BYAMS DANG, ,BDE STONG PADMA'I SNOD DU DAM RDZAS RNAMS, ,SBYANGS RTOGS SBAR BYAS BDUD RTZI'I RGYUN GYIS MCHOD, ,MTSAR SDUG YID 'ONG PHYAG RGYA'I TSOGS SPROS TE, ,YUM LA THIM PAS DGA' BA'I MCHOG SKYED CING, ,STONG

DANG BDE CHEN SGYU 'PHRUL DBYER MED PA, ,DON DAM DE NYID MCHOD PAS DGYES GYUR CIG ,SDIG LTUNG SPYI DANG RTZA BA YAN LAG GI, ,DAM TSIG NYAMS CHAG MA LUS SNYING NAS BSHAGS, ,ZAB CING RGYA CHE RIM GNYIS RNAL 'BYOR SOGS, ,SKYE 'PHAGS DGE BA'I TSOGS LA RJES YI RANG, ,'GOG MED RDO RJE'I SKU LAS MI GA-YO ZHING, ,GSANG CHEN GDAMS PA'I DGA' STON STZAL DU GSOL, ,'DIS MTSON DGE BAS BDAG GZHAN 'GRO BA KUN, ,RING MIN BYANG CHUB RDO RJE NYID GYUR CIG (,DE NAS SPRO NA RIGS LNGA'I SDOM GZUNG SOGS KYANG BYA, DE NAS GONG GI PHYAG 'TSAL GYI TSIG DE GSOL 'DEBS SU BSGYUR BA CI 'GRUB DANG,) DE'I THUGS KAR H'Um YIG LA SNGAGS 'PHRENG GIS BSKOR BA LAS 'OD ZER 'PHROS PAS, RGYAL BA SRAS BCAS KYI BYIN RLABS THAMS CAD BSDUS TE DE LA THIM ZHING, SLAR YANG 'OD DANG BDUD RTZI'I RGYUN BYUNG BA RANG DANG SEMS CAN THAMS CAD KYI SPYI BO NAS ZHUGS BAS ZHE SDANG LA SOGS PA'I NYON MONGS PA DANG, DES BSKYED PA'I LAS NGAN SDIG SGRIB BAG CHAGS DANG BCAS PA THAMS CAD BYANG ZHING DAG, MI BSKYOD PA LA SOGS PA'I GO 'PHANG LA BKOD BYUNG SNYAM PA'I SGO NAS, (GTZO BO YAB YUM GYI SNGAGS SAM, YANG NA GTZO 'KHOR KUN GYI SNGAGS BZLA, MJUG? TU YI GE BRGYA PAS LHAG CHAD BSKANG,) GANG LA BRTEN NA SRID ZHI'I 'JIGS 'PHROG

, ,CING, ,LHAN SKYES BDE BA MCHOG GI DPAL STER BA, ,THUGS RJE'I BDAG NYID DANG PO'I MGON PO YIS, ,MCHOD CHEN DGA' STON MCHOG GIS RJES BZUNG STE, ,SGO GSUM NYES PA'I DRI MA SBYANG DU GSOL, ,RIM GNYIS LAM GYI RTOGS PA SKYED DU GSOL, ,RDO RJE GSUM DBYER MI PHYED BDAG NYID KYI, ,SKU BZHI'I GO 'PHANG THOB PAR BYIN GYIS RLOBS, ,DE LTAR GSOL BTAB SPYI BO'I AOm YIG LAS, , RAB DKAR BDUD RTZI'I RGYUN GYIS DBANG BSKUR PAS, ,LUS KYI SKYON SPYANGS RIM PA DANG PO YI, ,SPRUL PA'I SKU MCHOG 'GRUB PAR BYIN GYIS RLOBS, ,LONGS SPYOD 'KHOR LO'I A'A:LAS AA MRi TA, ,DMAR PO'I RGYUN GYIS NGAG GI SKYON DAG CING, ,SNANG PHYOGS SGYU MA'I LAM GYI RLUNG SNGAGS KUN, ,SBYANGS TE LONGS SKU 'GRUB PAR BYIN GYIS RLOBS, ,CHOS KYI 'KHOR LO'I H'Um SNGON BDUD RTZI YIS, ,YID KYI NYES KUN BSAL NAS 'KHOR 'DAS CHOS, ,STONG PAR RTOGS PA'I 'OD GSAL YE SHES KYI, ,SGRIB BRAL CHOS SKU THOB PAR BYIN GYIS RLOBS, ,'BRU GSUM THUN MONG 'OD DANG BDUD RTZI'I MTHUS, ,SGO GSUM DRI MA PHRA RAGS KUN ZHI ZHING, ,SKU THUGS DBYER MED LAN? LAG BDUN LDAN GYI ,ZUNG 'JUG GO 'PHANG 'GRUB BAR BYIN GYIS RLOBS, ,MDOR NA RIGS KUN BDAG PO RDO RJE 'DZIN, ,KHYOD LAS LHAG PA'I SKYABS

GZHAN MA MCHIS PAS, ,TSE RABS 'PHRENG BAR DGYES BZHIN RJES BZUNG STE, ,YANG DAG LAM BZANG BGROD PAR BYIN GYIS RLOBS, ,RGYU YI THEG PA'I LAM GYIS RGYUD SBYANGS TE, ,'BRAS BU GSANG CHEN ZAB MO'I MYUR LAM GYIS, ,PHRA RAGS SRID PA'I RGYA MTSO NYER BRGAL NAS, ,MA LUS 'GRO BA'I MGON DU BDAG GYUR CIG ,DE NAS SPYI BO'I BLA MA RDO RJE 'CHANG RANG GI SPYI BO NAS MAR ZHUGS TE, RANG SEMS DANG DBYER MED DU 'DRES PAR BSAM LA, 'KHOR LO'I MGON PO BLA MA RDO RJE 'CHANG, ,BDAG GI SNYING GAR PADMA'I STENG BZHUGS LA, ,BKA' DRIN CHEN PO'I SGO NAS RJES BZUNG STE, ,SKU GSUNG THUGS KYI DNGOS GRUB STZAL DU GSOL, (,ZHES SOGS DANG, GZHAN YANG TSE RABS RJES 'DZIN GYI SMON LAM CI RIGS BAS MTSAMS SBYOR BYA'O; ;ZHES PA 'DI YANG DAD BRTZON BLO DANG LDAN PA SNGAGS? RAM PO CHOS RGYA MTSOS BSKUL NGOR 7 BTZUN PA DKON MCHOG BSTAN PA'I SGRON MES BRAG DKAR LHA ZHOL DU BRIS PA'O,,) ` ,,NA MO GU RU SHR'I HE RU K'A YA, (DPAL 'KHOR LO SDOM PA DANG DBYER MED DU BYAS TE ZAB LAM BLA MA'I RNAL 'BYOR NYAMS SU LEN BAR 'DOD BAS KUN SLONG LEGS PAR BCOS TE,) BLA MA YI DAM MKHA' 'GRO'I TSOGS, ,SANGS RGYAS CHOS DANG DGE 'DUN LA, ,RTAG TU BDAG NI SKYABS SU MCHI, ,BDAG NYID HE RU KAR GYUR NAS, ,SEMS CAN THAMS CAD HE RU KA'I, ,GO 'PHANG MCHOG LA 'GOD PAR SHOG (,CES PA LAN GSUM GYIS SKYABS SEMS SNGON DU BTANG LA,) RANG GI SPYI BOR SNA TSOGS PAD NYI'I STER, ,BKA' DRIN MNYAM MED RTZA BA'I BLA MA DANG, ,DBYER MED DPA' BO'I DBANG PHYUG TE RU

, ,KA:, ,NAM MKHA'I MDANGS LDAN SNGO LJANG DMAR SER ZHAL, ,NYI MA'I SPYAN BGRAD RAL PA'I THOR COG BCINGS, ,RTZA PHYAG RDOR DRIL 'DZIN PAS YUM LA 'KHYUD, ,GNYIS KYIS GTI MUG DAG PA'I GLANG LPAGS BRGYANGS, ,GA-YAS KYI LHAG MAS RIM BZHIN d'A MA RU, ,DGRA STA GRI GUG MDUNG THOGS GA-YON PA BZHIS, ,KHAtV'Am THOD KHRAG ZHAGS BTSANGS MGO BSNAMS, ,GA-YAS BRKYANGS 'JIGS BYED NAG PO'I MGO BO DANG, ,GA-YON BSKUMS DUS MTSAN DMAR MO'I NU MA MNAN, ,GAR DGU'I NYAMS LDAN PHYAG RGYA DRUG GIS SPRAS, ,SDER 'PHRENG GROL BA'I STAG LPAGS SHAM THABS GSOL, ,THOD SKAM DBU RGYAN MGO RLON DO SHAL 'PHYANG, ,PANG NA LHAN SKYES DGA' BA'I MCHOG SBYIN YUM, ,PHAG MO DMAR MO RDO RJE THOD KHRAG 'DZIN, ,GCENG MO SKRA GROL PHYAG RGYA LNGA YIS BRGYAN, ,LANG TSO RGYAS SHING LHAN CIG MNYAM PAR SBYOR, ,YE SHES ME DPUNG 'BAR BA'I DBUS NA BZHUGS, ,PHUNG KHAMS KUN KYANG RNAM SNANG RDO RJE SOGS, ,LHA YI RANG BZHIN GNAS GSUM 'BRU GSUM GYIS, ,MTSAN PA'I H'Um YIG 'OD KYIS YE SHES PA'I, ,'KHOR LO SBYAN DRANGS DBYER MED RO GCIG GYUR, ,'OD GSAL YE SHES 'BAR BA'I GDENGS KA YIS, , KUN RMONGS MTHAR MDZAD BRTAN GA-YO'I DNGOS PO KUN, ,LHAN SKYES BDE BA'I 'KHOR LOR SDOM BYED PA, ,BLA MA HE RU KA DPAL LA PHYAG 'TSAL, ,PHYI NANG GSANG BDE NYID MCHOD PA'I TSOGS, ,DMIGS MED SGYU MA'I ROL PA'I

BZHIN DU, ,'BUL ZHING SGO GSUM DAM TSIG NYAMS CHAG KUN, ,SNYING NAS MTHOL LO BYANG ZHING DAG BAR MDZOD, ,RAB 'BYAMS 'KHOR LO LNGA YI LHA TSOGS RNAMS, ,SPROS TE MKHA' KHYAB ZHING KHAMS THAMS CAD DU, ,GANG LA GANG 'TSAM SPRUL PA'I BKOD PA YIS, ,'GRO KUN SMIN CING GROL BAR BYIN GYIS RLOBS, (,ZHES BRJOD CING 'OD ZER SPRO BSDU DANG SNOD BCUD SBYANG SGYUR SOGS KYI DMIGS PA GSAL BA'I? PA'I NGANG NAS,) AOm A'A:GU RU RATNA SH'A SA NA D'I PAm SIDDHI H'Um H'Um, (ZHES PA LTA BU RANG GI BLA MA'I MTSAN SNGAGS DANG,) AOm SHR'I BADZRA HE HE RU RU KAm H'Um H'Um PHAt d'A KI N'A DZ'A LA SHAm WA RAm SV'AH'A, AOm HR'I:HA HA H'Um H'Um PHAt, (CES YAB KYI SNYING PO DANG NYE SNYING,) AOm BADZRA BEE RO TZA N'I YE H'Um H'Um PHAt, AOm SARBBA BUDDHA d'AKI N'I YE BADZRA WARnnA N'I YE H'Um H'Um PHAt SV'AH'A, (ZHES YUM GYI SNYING PO DANG NYE SNYING GI 'GRUB BZLA, HE RU KA'I YIG BRGYA BRJOD DE LHAG TSAD BSKANG, SGRO NA BOD SKAD DANG RGYA SKAD CI RIG PA'I RKANG BRGYAD KYIS BSTOD,) DNGOS GRUB 'BYUNG GNAS BLA MA LHAG PA'I LHAS, ,TSE RABS KUN TU 'BRAL MED RJES 'DZIN ZHING, ,THUN MONG LAM GYI RMANG GZHI BRTAN PA'I SGOS, ,GSANG CHEN THEG PA'I SNOD DU 'GYUR BAR SHOG ,DBANG THOB DAM TSIG SDOM PA TSUL BZHIN BSRUNG, ,RANG LUS LHA SKUR SGYUR BA'I RNAL 'BYOR DANG, ,ZHUGS GNAS THIM PA'I BDE CHEN 'OD GSAL THUGS, ,DBYER MED ZUNG 'JUG GO 'PHANG THOB PAR SHOG ,MDOR NA BLA MA BCOM LDAN HE RU KA, ,GNAS GSUM MKHA' 'GRO'I TSOGS DANG BCAS PA YIS, ,BRTZE BAS BU BZHIN 'BRAL MED RJES BZUNG STE, ,MCHOG THUN DNGOS GRUB MA LUS STZAL DU GSOL, ,

, (,ZHES BRJOD CING SNOD THAMS CAD GZHAL YAS KHANG DANG, BCUD THAMS CAD 'KHOR LO SDOM PA'I LHA TSOGS KYI RNAM PAR GNAS PA RNAMS RIM GYIS BSDUS TE BLA MA HE RU KA LA THIM, DE 'OD DU ZHU BA RANG LA THIM PAS RANG NYID HE RU KA'I SKUR GYUR, RANG YANG STONG SMAD NAS RIM GYIS 'OD DU ZHU BA SNYING GA'I SA BON LA THIM PA'I MTHAR NAM MKHA' LA 'JA' YAL BA BZHIN GYUR PAR BSAMS TE LTA THOG TU BZHAG LA,) SNOD BCUD MTHA' DAG BLA MA'I SKUR BSDUS TE, ,RANG LA THIM ZHING RANG NYID LHA YI SKUR, ,BZHENGS PA NAM MKHA'I 'JA' TSON BZHIN GYUR PAS, ,DMIGS MED 'OD GSAL NGANG DU GNAS PAR GYUR, (,CES BRJOD CING,) SRID PA GSUM 'BAR SOGS KYI BSDOMS MTSAMS SBYAR BAR BYA'O, ,ZHES PA 'DI'ANG DAD BRTZON LDAN PA SNGAGS RAM PA DKON MCHOG SENG GES BSKUL DOR 7 BTZUN PA DKON MCHOG BSTAN PA'I SGRON MES BRIS PA'O,,) ` ,,CHOS BDEN BDAG NYID BLA MA HE RU KA:, ,KHYOD MIN SKYABS GZHAN GANG DU'ANG MI 'TSOL BAS, ,SGO GSUM DRI MA MTHA' DAG DRUNGS PHYUNG STE, ,BDE CHEN SKU BZHI THOB PAR BYIN GYIS RLOBS, ,DE LTAR RTZE GCIG GSOL BA BTAB PA NA, ,SPRUL PA'I PHAG MO MKHA' 'GRO BZHIR BCAS PAS, ,BUM PA'I DBANG BSKUR LUS KYI SGRIB PA SBYANGS, ,BSKYED RIM PHRA RAGS SPRUL SKU 'GRUB PAR BYAS, ,HE RU KA:DANG PHAG MO SBYAR BA YI, ,GSANG RDZAS MYANG BAS NGAG GI SGRIB PA DAG ,KUN RDZOB SGYU MA'I RDZOGS RIM BSGOM PA DANG, ,RGYAL GSUNG LONGS SKU 'GRUB PA'I NUS PA BZHAG ,PHAG MO RANG LA PHYAG RGYAR GNANG BA DANG, ,SNYOMS PAR ZHUGS PAS DGA' BZHI'I YE

SHES SKYES; ,YID KYI SGRIB BYANG DON DAM 'OD GSAL GYI, ,RDZOGS RIM CHOS SKU DANG BCAS 'GRUB PAR BYAS, ,BDE CHEN THUGS DANG SGYU 'PHRUL DRA BA'I SKU, ,ZUNG DU 'JUG PA'I DON LA NGO SPRAD PAS, ,SGO GSUM SGRIB BRAL ZUNG 'JUG RDO RJE 'CHANG, ,'GRUB PA'I NUS PA YONGS SU SMIN PAR GYUR, (,'DI RKANG BRGYAD KYI BSTOD PA'I 'PHROR BYA ZHING, DBANG BZHI LEN TSE GONG GI SKYABS SEMS KYI 'PHROR SKAD CIG DKRONG BSKYED KYANG CHO GA'I GZHUNG BZHIN BYA DGOS SO, ,ZHES SNGAR BRIS PA'I BDE MCHOG GI BLA MA'I RNAL 'BYOR LA DBANG BZHI'I KHA SKONG ZHIG DGOS ZHES DAD BRTZON BLO DANG LDAN BA 'JIGS MED SHES RAB DANG SNGAGS RAM PA DKON MCHOG BSHES GNYEN GNYIS KYIS BSKUL NGOR 7 BTZUN PA DKON MCHOG BSTAN PA'I SGRON MES BRIS PA'O, , ` NA MO GU RU BADZRA BHEERA W'A YA, ('DIR LAM ZAB MO BLA MA LHA'I RNAL 'BYOR NYAMS SU LEN PAR BYED PA LA, SPYIR MDO RGYUD THAMS CAD LAS BLA MA NI YON TAN KUN GYI GZHI RTEN DANG SKYABS GNAS MTHA' DAG 'DUS PA'I BDAG NYID DU LAN GRANGS DU MAR GSUNGS PAS, YI DAM CHOS SKYONG GANG DANG SBREL NAS KYANG BLA MA'I RNAL 'BYOR NYAMS SU BLANG DU YOD LA, KHYAD PAR DBYANGS CAN BZHAD PA DGE 'DUN RGYA MTSOS, RGYAL BA KUN GYI YAB GCIG 'JAM PA'I DBYANGS, ,MA RUNGS GDUG PA 'DUL MDZAD GSHIN RJE'I GSHED, ,MI YI GZUGS KYI RNAM ROL TZONG KHA PA, ,DBYER MED BLA MA YI DAM ZHES GSUNGS PA LTAR, RANG CAG RI BO DGE LDAN PA RNAMS, BLA MA YI DAM CHOS SKYONG THAMS CAD NGO BO GCIG TU SGRUB PA LA RTEN 'BREL GYI GNAD SHIN TU CHE BAS, 'DIR YI DAM RDO RJE 'JIGS BYED DANG SBYAR TE BLA MA'I RNAL 'BYOR NYAMS SU BLANG BA'I TSUL NI, SKYABS SEMS SNGON DU BTANG STE, DGE SEMS KHYAD PAR CAN GYI NGANG NAS,) RANG GI SPYI BOR PADMA NYI ZLA'I STENG, ,SKYABS GNAS MA LUS

, ,'DUS PA'I BDAG NYID MCHOG ,BKA' DRIN GSUM LDAN RTZA BA'I BLA MA NI, ,RNAM PA KHAMS GSUM ZA BYED GSHIN RJE'I GSHED, ,DBU DGU 'BAR BAS NAM MKHA'I KHYON GANG ZHING, ,SO BZHI'I PHYAG GIS MTSON CHA SNA TSOGS 'DZIN, ,BCU DRUG ZHABS KYIS SA GSUM RNAM PAR GNON, ,GTUM DRAG KHRO BO'I NYAMS LDAN HA HAR BZHAD, ,DUS PA'I RGYAN LDAN 'BAR BA'I CHAS KYIS BRJID, ,PHYOGS KYI GOS CAN BSKAL PA'I ME YIS 'KHYUD, , DE YI THUGS KAR 'JAM DPAL GZHON NU DANG, ,'OD ZER LNGA LDAN H'Um GIS MTSAN PAR GYUR, ,THUGS KA'I H'Um YIG 'OD KYIS GSHIN RJE'I GSHED, ,SRAS BCAS RGYAL BAS BSKOR BA SPYAN DRANGS TE, ,DZA:H'Um BAm HO:DBYER MED BSTIM BYAS NAS; ;DBANG BSKUR MI BSKYOD RGYAL POS RGYAS BTAB GYUR, ,MKHYEN BRTZE'I DKYIL 'KHOR YONGS SU RDZOGS PA'I THUGS, ,LUS CAN NYON MONGS 'CHING BA GCOD PA'I GSUNG, ,RLABS CHEN TSOGS GNYIS DPAL GYIS BRJID PA'I SKU, , BLA MA GSHIN RJE'I GSHED LA PHYAG 'TSAL LO, ,'KHOR 'DAS SPROS BRAL YE SHES RANG BZHIN LAS, ,KUN KHYAB MCHOD SPRIN MTHA' YAS LEGS 'BUL ZHING, ,NYES LTUNG SDIG PA'I TSOGS RNAMS KUN BSHAGS TE, ,RLABS CHEN DGE BA RNAMS LA RJES YI RANG, ,BLA MA YI DAM DBYER MED 'DREN PA KHYOD, ,BLO BZANG RGYAL BSTAN PHYOGS MTHAR SBEL BA'I PHYIR, ,MTHA' YAS 'GRO BA'I MGON DU RTAG BZHUGS NAS, ,LEGS GSUNG BDUD RTZI'I DGA' STON STZAL DU GSOL, ,

'DI LTAR BSKRUN PA'I RNAM DKAR DGE BA'I MTHUS, ,BDAG KYANG DENG NAS TSE RABS THAMS CAD DU, ,LAM MCHOG SGRUB PA'I RTEN BZANG RIM BRGYUD DE, ,RNAM DAG CHOS LA GCIG TU GZHOL BAR SHOG ,DE TSE BLA MA GSHIN RJE'I GSHED PO YIS, , 'BRAL BA MED PAR DGYES BZHIN RJES BZUNG STE, ,BYIN RLABS SRUNG BA'I 'KHOR LO LA BRTEN NAS, ,DAM CHOS SGRUB LA BAR CHAD MED PAR SHOG ,DE YI GSUNG GI BDUD RTZI'I BCUD MYANG STE, ,THUN MONG LAM GYI RIM PAS RGYUD SBYANGS SHING, ,DPAL LDAN RDO RJE THEG PA'I SGOR ZHUGS NAS, ,DAM TSIG SDOM PA TSUL BZHIN SRUNG BAR SHOG ,DE NAS RIM GNYIS LAM BZANG BGROD PA YIS, ,PHYI NANG GSANG BA'I GSHIN RJE'I GA-YUL BCOM STE, ,BLA MA YI DAM GO 'PHANG MNGON GYUR NAS, ,LUS CAN MTHA' DAG SRID LAS SGROL BAR SHOG (,CES DPAL RDO RJE 'JIGS BYED LA BRTEN PA'I BLA MA'I RNAL 'BYOR 'DI NI THUGS DAM DGE SBYOR LA GCIG TU BRTZON PA RAB 'BYAMS PA BLO BZANG DKON MCHOG GIS BSKUL BA'I DOR 7BTZUN PA DKON MCHOG BSTAN PA'I SGRON MES BRIS PA'O, , ` ,,NA MO BADZRA BHEE RA W'A YA, (SKYABS SEMS SNGON DU BTANG LA,) RANG GI SPYI BOR PADMA NYI MA'I STENG, ,H'Um YIG MTHING NAG 'OD KYI 'PHRO 'DU LAS, ,'JAM DPAL RDO RJE KHRO BO'I ZLOS GAR MKHAN, ,KHAMS GSUM ZA BYED PHYI NANG GSHIN RJE'I GSHED, ,DUS MTHA'I ME DPUNG DRA BAS 'KHYUD PA YI, ,MIG SMAN LHUN PO LING LING GA-YO BA BZHIN, ,GZI BYIN BZOD DKA' HA HA'I GAD RGYANGS CAN, ,'BAR BA'I ZHAL DGU 'DREN BYED GLOG DMAR GA-YO, ,BDEN GNYIS RVA GDENGS DRI 'DZIN 'THOR RLUNG GIS, ,SRID PA

, ,MTHAR BYED ME YI RAL BA GZINGS, ,GDAB PA'I MTSON GDENGS GA-YAS PHYAG BCU DRUG GIS, ,'DAS BA'I LHA LA BSDIGS SHING DNGOS GRUB 'BEBS, ,ROL BA'I MTSON THOGS GA-YON RNAMS SDIGS MDZUB RTZE, ,THUR PHYOGS 'JIG RTEN PA RNAMS SKRAG BAR BYED, ,BRGYAD GNYIS ZHABS KYIS TSANGS DANG LOG 'DREN SOGS, ,DBANG BYED GDENGS CAN BDAG POS GSHAL BYAS, ,THOD SKAM DBU RGYAN MI MGO'I PHRENG BA DANG, ,RUS BA'I RGYAN SPRAS YAN LAG SBOM ZHING RAGS, ,RDO RJE RO LANGS MA DANG MNYAM SBYOR ZHING, ,PHUNG KHAMS RNAM DAG RIGS LNGA YUM BZHI DANG, ,BDUD BZHI'I DPUNG 'JOMS SGO BA BZHI DANG BCAS, ,BCU GSUM LHA YI 'KHOR LO'I NGO BO NYID, , DE YI GNAS RNAMS RDO RJE GSUM GYI BDAG ,YI GE GSUM MTSAN H'Um GI 'OD ZER GYIS, ,RAB 'BYAMS RGYAL BA'I 'KHOR BCAS YE SHES PA, ,SPYAN DRANGS DZA:H'Um BAm HO:DBYER MED GYUR, ,DMIGS MED RGYAL BA KUN GYI YE SHES NI, , BDE CHEN SNYING RJE SGYU MA'I ROL GAR GYIS, ,GTUM DRAG KHRO BO'I RGYAL PO'I SKUR BZHENGS PA, ,BLA MA GSHIN RJE'I GSHED LA PHYAG 'TSAL LO, ,PHYI NANG NYER SPYOD 'DOD YON RNAM LNGA DANG, ,SBYANGS RTOGS SBAR BYAS RNAM LNGA BDUD RTZI'I BCUD, ,DGA' BA'I MCHOG SBYIN MDZOS SDUG PHYAG RGYA DANG, ,BDE STONG DBYER MED ZUNG 'JUG MCHOD PA'I TSOGS, ,BLA MA GSHIN RJE'I GSHED BO'I LHA TSOGS LA, ,GUS BAS 'BUL LO DGYES PA CHEN POS ROL, ,SKU BZHI'I

BDAG NYID 'KHOR LO'I MGON PO YI, ,GNAS GSUM SNGAGS KYI 'OD DANG BDUD RTZI'I CHUS, ,LUS NGAG YID KYI SGRIB PA MA LUS PA, ,LHAG MED BYANG ZHING DAG PAR BYIN GYIS RLOBS, ,NGES 'BYUNG YANG DAG LTA DANG BYANG SEMS KYIS, ,LEGS SBYANGS RDO RJE'I THEG PA'I SKOR ZHUGS TE, ,BSKYED RIM GNYIS DANG RDZOGS RIM RNAL 'BYOR BZHIS, ,SHES RGYUD SMIN CING GROL BAR BYIN GYIS RLOBS, ,GANG 'DUL GZUGS SKUR SNANG BA SPRUL PA'I SKU, ,RLUNG SNGAGS DBYER MED BDE CHEN LONGS SPYOD RDZOGS, ,'OD GSAL THUGS DANG GNYIS SU MI PHYED PA'I, ,ZUNG 'JUG GO 'PHANG THOB PAR BYIN GYIS RLOBS, (,ZHES BDUD RTZI 'BEBS SBYANG GI DMIGS PA DANG SGRAGS TE SNGAGS GSUM BZLA, YIG BRGYAS LHAG CHAD BSKANG, GONG GI PHYAG 'TSAL GYI TSOGS BCAD GSOL 'DEBS SU BSGYUR BA LAN 'GA' BRJOD,) DE LTAR GSOL BTAB SPYI BO'I BLA MA LHA, ,DH'U T'I'I LAM NAS RANG GI SNYING GAR BYON, ,PHRA BA GNYUG MA'I SEMS DANG DBYER MED PAR, ,BYANG CHUB BAR DU BRTAN PAR BZHUGS SU GSOL, ,SKYE ZHING SKYE BAR 'JAM DPAL ZHI KHRO YIS, ,RJES BZUNG RNAM 'BYED SHES RAB MCHOG THOB CING, ,MTHA' DAG BDUD SDE'I GA-YUL LAS RGYAL GYUR TE, ,MA LUS 'GRO BA'I MGON DU 'GYUR BAR SHOG (,CES PA 'DI NI DAD BRTZON BLO DANG LDAN BA RAB 'BYAMS PA BLO BZANG BSTAN 'DZIN GYIS BSKUL NGOR, 7BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA' 'O,, ` ,,NA MO GU RU SHR'I HE RU K'A YA, (BLA MA DANG RDO RJE SEMS DPA' DBYER MI PHYED PA'I

, ,RNAL 'BYOR LA BRTEN NAS HE RU KA'I YIG BRGYA BZLA BAR 'DOD PAS SKYABS SEMS SNGON DU GANG LA, SPROS BRAL DBYINGS LAS RANG NYID HE RU KA:, ,SKU MDOG SNGON PO ZHAL GCIG PHYAG GNYIS PA, ,RDOR DRIL BZUNG STE PHAG MO DMAR MOR 'KHYUD, ,GA-YAS BRKYANG STABS KYIS BZHUGS BA'I THUGS KA YI, ,H'Um LAS 'OD 'PHROS SNOD BCUD SKYON KUN SBYANGS, ,DAG PA'I BRTAN GA-YO ZAG MED MCHOD SPRIN DANG, ,AOm A'A:H'Um GIS SBYANGS RTOGS SNGAR BYAS PAS, ,NANG MCHOD ZAG MED BDUD RTZI'I RGYA MTSOR GYUR, ,RANG GI SPYI BOR PAm LAS PADMA DANG, ,AA LAS ZLA BAR H'Um DANG RDO RJE LAS, ,BKA' DRIN MNYAM MED RTZA BA'I BLA MA NI, ,RNAM PA RDO RJE SEMS DPA' ZLA BA'I MDOG ,RDOR DRIL BZUNG STE RDO RJE BSNYEMS MAR 'KHYUD,, SKYIL KRUNG GIS BZHUGS RIN CHEN RGYAN GYIS SPRAS, ,DAR GYI NA BZAS KLUBS PA'I GNAS GSUM DU, ,YI GE GSUM MTSAN H'Um GI 'OD ZER GYIS, ,YE SHES PA RNAMS SPYAN DRANGS DBYER MED BSTIM, ,SLAR YANG DBANG GI LHA TSOGS SPYAN DRANGS TE, ,ZAG MED BDUD RTZI'I CHU YIS DBANG BSKUR CING, ,SPYI BOR MI BSKYOD RGYAL POS RGYAS BTAB GYUR, ,GANG GI THUGS RJE BYIN RLABS 'OD STONG GIS, ,SRID PA'I SDUG BSNGAL GRANG REG GDUNG BA DANG, ,LAS NYON SDIG SGRIB MUN PA'I 'JIGS 'PHROG PA, ,BLA MA RDO RJE SEMS DPA' LA PHYAG 'TSAL, ,DNGOS BSHAMS YID SPRUL YID 'ONG MCHOD PA'I SPRIN, ,DUS GSUM DGE TSOGS DANG BCAS MCHOD PAR 'BUL, ,BRTZE BAS BZHES NAS SNGON BYAS DGE TSOGS

KUN; ;MI NYAMS GONG DU 'PHEL BAR BYIN GYIS RLOBS, ,THOG MA MED NAS MA RIG DBANG GYUR TE, ,SGO GSUM NYES PA JI SNYED BGYIS BA DANG, ,KHYAD PAR SDOM GSUM DANG 'GAL NYES LTUNG KUN, ,SNYING NAS 'GYOD PA DRAG POS MTHOL LO BSHAGS, ,RNAM SMIN 'BRAS BU'I SDUG BSNGAL MI BZOD BZHIN, ,DE RGYU SDIG LA RNGAMS PA'I SMYON PA BDAG ,THUGS RJE'I GTER CHEN KHYOD KYIS BRTZER DGONGS TE, ,SRID PA NGAN 'GRO'I GA-YANG LAS BSKYAB TU GSOL, ,SEMS NYID GDOD NAS DRI MA LAS 'DAS KYANG, ,DAM TSIG NYAMS CHAG NYES BAS SPAGS PA KUN, ,BLA MA LHA YI THUGS RJE BDUD RTZI'I CHUS, ,MYUR DU BYANG ZHING DAG PAR MDZAD DU GSOL, ,DE LTAR GSOL BTAB THUGS KAR ZLA BA LA, ,H'Um MTHAR YI GE BRGYA PAS BSKOR BA LAS, ,'OD 'PHROS SEMS CAN KUN GYI SDIG SGRIB SBYANGS, ,SRAS BCAS RGYAL BA'I BYIN RLABS BSDUS TE BSTIM, ,SLAR YANG DE LAS BDUD RTZI'I RGYUN BABS BA, ,SBYOR MTSAMS NAS THON RANG GI GTZUG NAS ZHUGS, LUS KUN GANG BAS SGO GSUM DRI MA SBYANGS, ,RDOR SEMS BYIN RLABS MA LUS THOB PAR GYUR, AOm BADZRA HE RU KA SA MA YA, MA NU P'A LA YA, HE RU KA TVE NO PA TIshthA, DRI dHO ME BHA WA, SU TO shYO ME BHA WA, SU PO shYO ME BHA WA, AA NU RAKTO ME BHA WA, SARBBA SIDDHIMME PRA YATZTSA, SARBBA KARMA SU TZA ME, TZITTAm SHR'I YAm KU RU H'Um, HA HA HA HA HO:, BHA GA WA NA BADZRA HE RU KA MA ME MUNYTZA, HE RU KO BHA WA MAH'A SA MA LA SATVA A'A:H'Um PHAt, (CES CI 'GRUB BZLA, BLA MA RDOR SEMS

, ,DGYES BA'I 'DZUM ZHAL GYIS, ,KHYOD KYI SDIG LTUNG LHAG MED BYANG NGO ZHES, ,DBUGS DBYUNG MDZAD CING THIM PAS SGO GSUM DANG, ,DE YI SKU GSUNG THUGS GSUM DBYER MED GYUR, ,DENG NAS JI SRID BYANG CHUB SNYING PO'I BAR, ,BLA MA LHA YIS 'BRAL MED RJES BZUNG MTHUS, ,SGO GSUM NYES LTUNG DRI MAS MA SBAGS PAR, ,SA LAM BGROD BA MYUR DU MTHAR PHYIN SHOG, (,CES PA 'DI NI AU RAD SHOG NAS GU SHR'I DGE SLONG DKON MCHOG DGE LEGS DANG AOR DU SU DGE SLONG THOS BSAM GNYIS KYIS BSKUL NGOR 7BTZUN PA DKON MCHOG BSTAN PA'I SGRON MES BRIS PA'O,,) ` ,,NA MO GU RU AA MO GHA SIDDHA YE, (DNGOS GRUB GNYIS KYI RTZA BA DAM TSIG RNAM PAR DAG PA LA LTOS PAS DE'I NYAMS CHAG SKONG BA'I PHYIR DAM TSIG RDO RJE'I BSGOM BZLAS NYAMS SU LEN PA'I TSUL NI,) YID KYI ROL PA DRI MED ZLA 'DRAS BSGRUBS, ,SNYING RJE DAM PA MTHA' YAS PA YI THABS, ,RANG GI YID LA GNAS PAR GYUR PA YI, ,BDE GSHEGS RNAMS LA RTAG TU SKYABS SU MCHI; ;RTOG PA MA LUS PA LAS NGES GROL CING, ,SEMS DPA' DAM PA RNAMS KYI PHUN TSOGS GZHI, ,DNGOS BO THAMS CAD RO GCIG NGO BO NYID, ,DAM PA'I CHOS LA RTAG TU SKYABS SU MCHI, ,'CHING BA RNAMS LAS YANG DAG GROL GYUR CING; ;SNYING RJE MCHOG GIS BSKRUN PA'I DPAL DANG LDAN, ,RAB TU DGA' SOGS SA LA RAB ZHUGS PA, ,BRTUL ZHUGS DBANG PO'I TSOGS LA SKYABS SU MCHI, ,BSAM DANG RNAM PAR SMIN PA DAG GYUR PAS, ,SGRIB PA KUN GYI DAG

CHAGS YANG DAG 'BYIN, ,LHAG PAR MOS PAS RNAM PAR BRGYAN PA YI, ,SEMS NI BYANG CHUB DAM PAR BSKYED PAR BGYI, (,ZHES THUN MONG MA YIN PA'I SKYABS 'GRO SEMS BSKYED SHUGS DRAG LAN GSUM SNGON DU BTANG LA,) RANG NYID YI DAM LHA YI SKUR GSAL BA'I, ,THUGS KAR PA DANG AA LAS PADMA DANG, ,ZLA BA'I GDAN LA SNA TSOGS RDO RJE'I STENG, ,H'A LAS RAL GRI 'CHANG BZUNG H'AS MTSAN PA, ,DE LAS 'OD 'PHROS SRAS BCAS RGYAL KUN MCHOD, ,MA LUS 'GRO BA'I DAM TSIG NYAMS CHAG SBYANGS, ,TSUR 'DUS THIM PA YONGS SU GYUR BA LAS, ,BCOM LDAN DAM TSIG RDO RJE SKU MDOG LJANG, ,LJANG NAG DKAR BA'I ZHAL GSUM PHYAG DRUG GIS, ,LA GRI SNA TSOGS RDO RJE 'KHOR LO GA-YAS, ,GA-YON NA DRIL BU PAD LJANG NOR BU 'DZIN, ,RANG 'OD DANG MTSUNGS DAM TSIG SGROL MA NI, ,PHYAG GA-YAS SNA TSOGS RDO RJE 'KHOR LO DANG, ,RDO RJES MTSAN PA'I AUTPA LA 'DZIN CING, ,GA-YON GSUM DRIL BU RIN CHEN RAL GRI BSNAMS, ,THABS SHES DBYER MED PHAN TSUN 'KHYUD PA YI, ,GNAS GSUM AOm A'A:H'Um GIS MTSAN PAR GYUR, ,THUGS KA'I H'Um LAS 'OD 'PHROS RGYAL BA KUN, ,DAM TSIG RDO RJE'I RNAM PAR SPYAN DRANGS TE, ,DZA:H'Um BAm HO:GNYIS SU MED PAR BSTIM, ,SLAR YANG RIGS LNGA 'KHOR BCAS SPYAN DRANGS TE, ,DBANG SA SKUR SKU LUS GANG ZHING DRI MA DAG ,YAB KYI DBU LA MI BSKYOD MGON PO DANG, ,YUM LA DON YOD GRUB PAS RGYAS BTAB GYUR, ,AOm SARBBA TA TH'A GA TA AARGHAm (NAS,) SHAPTA PRA T'ITZTSA H'Um SV'AH'A,

, ,DON YOD RDO RJE RDZOGS SANGS RGYAS, ,BSAM PA THAMS CAD RDZOGS MDZAD PA, ,DAG PA NGO BO NYID LAS BYUNG, ,DAM TSIG RDO RJE LA PHYAG 'TSAL, ,BCOM LDAN DAM TSIG RDO RJE YIS, ,BDAG DANG SEMS CAN THAMS CAD KYI, ,DAM TSIG NYAMS CHAG SDIG SGRIB KUN, ,BYANG ZHING DAG PAR MDZAD DU GSOL, ,THUGS KAR ZLA DANG SNA TSOGS RDO RJE'I STENG, ,H'A YIG SNGAGS 'PHRENG BCAS LAS 'OD 'PHROS TE, ,SRAS BCAS RGYAL BA'I BYIN RLABS NUS MTHU KUN; ;BSDUS NAS BSTIM ZHING DE LAS BDUD RTZI'I RGYUN, ,BABS PAS RDO RJE'I KHONG GTAMS RVA RTZE NAS, ,THON TE SKU GANG ZAG MED BDE CHEN MYONG, ,DE YI BA SPU'I SGO NAS PHYIR THON BAS, ,RANG LUS GANG STE NYES KUN SBYANGS PAR GYUR, , AOm A'A:PRADZNY'A DHRiKA H'A H'Um, (ZHES BRGYA STONG SOGS CI NUS SU BZLA, BLA MA'I ZHABS BRTAN DU BYED NA SNGAGS CI NUS BZLAS PA'I MJUG TU,) DPAL LDAN BLA MA MTSAN 'DI ZHES BGYI PA'I DAM TSIG NYAMS CHAG DANG, DE'I DBANG GIS BYUNG BA'I NAD SOGS PHYI NANG GI NYER 'TSO THAMS CAD SH'INTAm KU RU SV'AH'A, (ZHES SNGAGS BRGYA RTZA RE'I MTSAMS SU SPEL TSIG BTAGS LA CI 'GRUB BZLA, 'DI 'DRA'I TSE H'A YIG GI MDUN DU BLA MA'I MTSAN GYI YI GE DANG PO 'GOD LA, DE RANG NGAM BSGRUB BYA GZHAN LA'ANG 'BRA'O, ,MJUG TU, BDAG NI MI SHES RMONGS BA YIS, ,DAM TSIG LAS NI 'GAL ZHING NYAMS, ,BLA MA MGON POS SKYABS MDZOD CIG ,GTZO BO RDO RJE 'DZIN PA STE, ,THUGS RJE CHEN PO'I BDAG NYID CAN, ,'GRO BA'I GTZO LA BDAG SKYABS MCHI, ,DE LTAR

GSOL BA BTAB BA NA, ,BCOM LDAN DAM TSIG RDO RJE YIS, ,KHYOD KYI DAM TSIG NYAMS CHAG KUN, ,BYANG ZHING DAG GO ZHES GSUNGS NAS, ,RANG LA THIM PAR GYUR PA YIS, ,RANG GI LUS NGAG YID GSUM DANG, ,DAM TSIG RDO RJE'I SKU GSUNG THUGS DBYER MED LHA SKU'I NGO BOR GYUR, (,CES BRJOD CING BSAMS LA, 'DIR YANG BLA MA'I ZHABS BRTAN YIN NA,) BLA MAR THIM PAR GYUR PA YIS, ,BLA MA'I SKU GSUNG THUGS GSUM DANG, (,ZHES BSGYUR LA, PHA MA'AM GSHIN PO SOGS KYI DON DU BYAS PA YIN NA'ANG, DE LA THIM ZHES DANG, DE YI LUS NGAG YID GSUM ZHES BSGYUR, BZLA BA'I SPEL TSIG KYANG SNGA MAS MTSON TE SHES PAR BYA'O, ,ZHES PA 'DI NI DANG LDAN NGAG DBANG SHES RAB DANG GONG 'PHEL KYIS 'DI'I CHO GA TSIGS BCAD DU BYAS PA'I 'DON BDE BA ZHIG DGOS ZHES BSKUL BA LTAR, 7BTZUN PA DKON MCHOG BSTAN PA'I SGRON MES BRIS PA'O,,) ` ,,NA MO GU RU BADZRA DH'A R'A YA, ('DIR ZAB LAM BLA MA'I RNAL 'BYOR NYAMS SU LEN BAR 'DOD PAS, SNGON 'GRO SBYOR BA'I CHOS RNAMS TSAGS SU TSUD PAR BYAS TE, RANG DANG SNOD BCUD KUN LA THA MAL GYIS NANG ZHEN DANG BRAL BA'I SGO NAS,) MDUN GYI MKHA' LA DPAG BSAM LJON PA'I RTZER, ,SENG KHRI PADMA NYI ZLA'I GDAN STENG DU, ,SKYABS GSUM NGO BO BLA MA THUGS RJE'I GTER, ,CHOS 'CHAD MNYAM GZHAG PHYAG RGYAS GLEGS BAM BSNAMS, ,DE YI THUGS KAR THUB DBANG RDO RJE 'CHANG, ,BLA MA'I MTHA' SKOR SKYABS YUL RAB 'BYAMS KYIS, ,YONGS BSKOR THUGS KA'I H'Um LAS 'OD 'PHROS TE, ,YE SHES PA RNAMS SPYAN DRANGS DBYER MED GYUR, ,MCHOG THUN DNGOS GRUB KUN STZOL DBANG GI RGYU LA,,

, ,SKYABS MCHOG RNAM GSUM 'DUS PA'I NGO BO NYID, ,RGYAL BA KUN LAS LHAG PA'I BKA' DRIN CAN, ,RJE BTZUN BLA MA'I ZHABS LA PHYAG 'TSAL LO, ,LUS DANG LONGS SPYOD DGE TSOGS MA LUS 'BUL, ,RNAM SMIN MI BZAD SDIG LTUNG THAMS CAD BSHAGS, ,DAG LA YI RANG BSKUL ZHING GSOL BA YI, ,DGE TSOGS DANG BCAS BYANG CHUB MCHOG TU BSNGO, (,MAndAL DBUL,) KHYOD NI BLA MA KHYOD NI YI DAM (ZHES PA NAS,) BAR GCOD SRUNGS, (,LAN GSUM,) DUS GSUM SKYABS GNAS KUN 'DUS KYI NGO BO BLA MA RIN PO CHE LA GSOL BA 'DEBS SO, ,BSHES GNYEN LA MA GUS PA DANG TSE 'DI'I SNANG SHAS KYI GDON GYI DBANG DU GYUR TE 'KHOR BA SPYI DANG BYE BRAG GI SDUG BSNGAL MI SEMS SHING, SKYABS 'GRO LAS 'BRAS SDOM PA GSUM GYI BCAS MTSAM SOGS LA MI BRTZON PA DANG, THOG MED NAS DRIN GYIS BSKYANGS PA'I MA RNAMS YAL BAR BOR ZHING, 'KHOR 'DAS KYI DNGOS PO KUN LA BDEN PAR ZHEN PA LA SOGS PA PHYIN CI LOG GI BLO SNA MTHA' DAG DE L? NYID DU ZHI BAR BYIN GYIS BRLAB TU GSOL, LEGS TSOGS KUN GYI RTZA BA DGE BA'I BSHES GNYEN SANGS RGYAS DNGOS SU MTHONG BA NAS BZUNG STE GNAS LUGS RTOGS BA'I SHES RAB KYI BAR SKYES BU GSUM GYI LAM GYI RIM PAS BSDUS PA'I BLO SNA PHYIN CI MA LOG PA THAMS CAD DA LTA NYID DU SKYE BAR BYIN GYIS BRLAB TU GSOL, DE LTAR SGRUB PA LA BAR DU GCOD PA'I PHYI NANG GI NYE BAR 'TSE BA THAMS CAD ZHI BAR BYIN GYIS BRLAB TU GSOL, (LAN GSUM,) DE LTAR GSOL BA BTAB PAS

SKYABS YUL KUN, ,RIM GYIS BSDUS TE RTZA BA'I BLA MAR THIM, ,BLA MA'I SKU LAS BDUD RTZI'I RGYUN BABS PAS, ,NYES KUN BYANG ZHING BYIN GYIS BRLAB PAR GYUR, ,DPAL LDAN RTZA BA'I BLA MA RIN PO CHE, ,BDAG GI SNYING GAR ZHES PA NAS, STZAL DU GSOL, ,TSE RABS KUN TU MGON PO KHYOD NYID KYIS, ,THEG MCHOG BSHES GNYEN DNGOS SU MDZAD PA'I MTHUS, (,ZHES SOGS DANG,) SHES KYI KHE 'DOD PA DANG, (ZHES PA NAS,) BLA MED BYANG CHUB KHO NA'I RGYUR GYUR CIG (,CES PA 'DI NI DAL 'BYOR DON LDAN DU SGRUB PA'I THABS LA GCIG TU GZHOL BA RAB 'BYAMS BA DGE 'DUN 'JIGS MED KYIS BSKUL NGOR 7BTZUN BA DKON MCHOG BSTAN PA'I SGRON MES BLA MA'I RNAL 'BYOR GYI DKYUS SU LAM RIM GYI DMIGS SKOR BSDUS TE SHIN TU 'JUG PA BDE BA'I TSUL DU BSDEBS BA'O,,) ` ,,NA MO GU RU BADZRA WA RA HA YE, BLA MA DANG RDO RJE RNAL 'BYOR MA DBYER MED DU BYAS TE GSOL BA 'DEBS PAR 'DOD BA'I GANG ZAG GIS SKYABS SEMS SNGON DU BTANG LA, MDUN GYI NAM MKHA' CHOS 'BYUNG BA SNOL MA'I DBUS, ,SNA TSOGS PADMA NYI MA'I GDAN STENG DU, ,RTZA BA'I BLA MA RDO RJE RNAL 'BYOR MA, ,SKU MDOG BANDHU DZI BA KA:LAR DMAR, ,GCER MO SKRA GROL LANG TSO DAR LA BAB, ,GA-YAS PA RDO RJE GRI GUG THUR DU 'PHYANG, ,GA-YON PAS THOD KHRAG STENG DU BZUNG NAS GSOL, ,ZHABS GA-YAS BRKYANGS PAS RUS MTSAN DMAR MO DANG, ,GA-YON PA BSKUMS TE 'JIGS BYED NAG PO MNAN, ,SPYAN GSUM DAG PA MKHA' SPYOD GNAS SU GZIGS, ,NU 'PHUR RAB RGYAS BDE DGA'I NYAMS DANG LDAN, ,MI MGO SKAM PO'I DBU RGYAN DO SHAL DANG,

, ,PHYAG RGYA LNGAS BRGYAN GZI BYIN RAB TU 'BAR, ,DE YI THUGS KA'I BAm YIG 'OD ZER GYIS, ,PHYOGS BCU'I RGYAL KUN RJE BTZUN RNAL 'BYOR MA'I, ,RNAM PAR SPYAN DRANGS DBYER MED THIM PAR GYUR, ,SANGS RGYAS LAS DKON GSANG CHEN GDAMS BA'I MCHOG ,BSTAN PA'I SNYING PO BDE STONG ZUNG 'JUG LAM, ,SKAL BZANG 'GRO LA SNANG BYED SGRON ME MCHOG ,MKHA' SPYOD DBANG MO'I ZHABS LA PHYAG 'TSAL LO, ,BKOD LEGS PHYI YI MCHOD PA TSAR DU DNGAR, ,SBYANGS RTOGS SBAR BYAS NANG MCHOD BDUD RTZI'I MTSO, ,LHAN SKYES BDE STER GSANG BA'I MCHOD PA DANG, ,BDEN GNYIS ZUNG 'JUG DE NYID MCHOD PA 'BUL, ,SNGON BSAGS MI DGE'I PHUNG PO MTHA' DAG DANG, ,KHYAD PAR RTZA BA YAN LAG DAM TSIG LAS, ,'DAS BA'I NYES TSOGS SNYING NAS MTHOL BSHAGS NA, ,BCOM LDAN THUGS RJES LHAG MED BYANG GYUR CIG ,RGYAL YUM SHES RAB PHA ROL PHYIN PA'I DNGOS, ,BCOM LDAN 'DAS MAS THUGS RJES NYER DGONGS TE, ,NAM YANG 'BRAL MED BU BZHIN RJES 'DZIN ZHING, ,LAM BZANG RTOGS PA SKYE BAR BYIN GYIS RLOBS, ,SNGON 'GRO THUN MONG LAM GYIS RGYUD SBYANGS TE, ,'JUG SGO RNAM DAG DBANG GIS SMIN BYAS NAS, ,DAM TSIG SDOM PA TSUL BZHIN BSRUNG BA YIS, ,DNGOS GRUB GNYIS KYI SGO BRGYA 'BYED PAR SHOG ,KHYAD PAR RNAM 'BYOR MA YI THUGS RJE MTHUS, ,RTZA RLUNG KHAMS KYI NUS PA YONGS SMIN PAS, ,LHAN SKYES DGA' BA MCHOG DANG STONG PA NYID, ,

DBYER MED LAM GYIS SRING RTZA 'BYIN PAR SHOG ,CES BRJOD CING, RDO RJE RNAL 'BYOR MA'I THUGS KA'I SNGAGS 'PHRENG DANG SKU'I CHA LAS BDUD RTZI'I RGYUN BABS, RANG GI SPYI BO NAS ZHUGS, LUS KYI NANG THAMS CAD GANG BAS RTZA KHAMS BYIN GYIS BRLABS SHING BDE STONG GI TING 'DZIN KHYAD PAR CAN SKYE BAR BYIN GYIS BRLAB BYUNG SNYAM PA BYAS LA, AOm A'A:RATNA SH'A SANAD'I PAm SIDDHI H'Um H'Um, ZHES DANG, AOm AOm AOm SARBBA BUDDHA KI N'I YE, BADZRA WARnnA N'IYE, BADZRA BEE RO TZA N'I YE, H'Um H'Um H'Um PHAt PHAt PHAt SV'AH'A, ZHES CI 'GRUB BZLA, YIG BRGYAS LHAG CHAD BSKANG, BLA MA BCOM LDAN 'DAS MA THUGS RJE'I GTER, ,YI DAM MKHA' 'GRO CHOS SKYONG KUN GYI DNGOS, KHYOD MIN SKYABS GZHAN NAM YANG MI 'TSOL BSVA, ,BYANG CHUB PAR DU RJES SU GZUNG DU GSOL, ,'DI SNANG 'GAGS TSE BCOM LDAN 'DAS MAS ZHAL, ,MNGON SUM BSTAN NAS DAG PA MKHA' SPYOD DU, ,KHRID DE GSANG CHEN MYUR LAM LA BRTEN NAS, ,DPA' BO'I DBANG PHYUG GO 'PHANG MYUR THOB SHOG ,CES BRJOD CING, RANG GI SPYI BO NAS MAR BYON TE SNYING GA'I MI SHIGS PA'I THIG LE DANG DBYER MED DU 'DRES PAR BSAMS LA, LHA MO TSAD MA DAM TSIG TSAD MA DANG, ,DES BRJOD GSUNG YANG MCHOG TU TSAD MA STE, ,BDEN PA 'DI DAG GIS NI LHA MO RNAMS, ,BDAG CAG RJES SU 'DZIN PA'I RGYUR GYUR CIG ,CES BSNGO SMON DANG BDEN STOBS BRJOD PAS RGYAS GDAB PAR BYA'O, ,ZHES PA 'DI NI MER GAN SHOG NAS DAD BRTZON BLO DANG LDAN PA DGE SLONG SKAL BZANG YAR 'PHEL GYIS BSKUL NGOR 7 BTZUN PA DKON MCHOG BSTAN

, ,BA'I SGRON MES BRIS PA'O,, ` ,,BLOo BZANGo RGYAL BA KUN GYI YE SHES DANG, ,DBYER MED SGRIB BRAL CHOSo SKU'I LHA LAM LAS, ,MKHA' KHYAB ZHING DU GANG 'DUL GZUGS KYI SKU'I, ,NYIo MAo STONG 'BAR KHYAB BDAG RIGS KYI MGON, ,RAB 'BYAMS DKYIL 'KHOR SPRO ZHING SDUD PA PO, ,DPAL LDAN BLA MA HE RU KA DPAL DANG, ,GNYIS MED YE SHES RANG 'OD BCOM LDAN MA, ,GNAS GSUM DPA' BO MKHA' 'GRO YONGS KYI GTZO, ,SKU MDOG DMAR PO BYU RU'I 'KHRI SHING LA, ,MTHAR BYED ME YI GDENGS KAS 'KHYUD PA BZHIN, ,LANG TSO'I DPAL 'BAR SGRA GROL GCER MO'I GZUGS, ,'KHRIL LDEM RKED SKABS PHRA ZHING NU 'BUR RGYAS, ,KHRO CHAGS SGEG PA'I NYAMS KYI SPYAN GSUM GDANGS, ,TSEMS PHRENG MCHE BA ZLA BA'I MYU GU GCIG SA, ,PHYAG GA-YAS RDO RJE GRI GUG THUR DU BRGYANGS, ,GA-YON PA THOD KHRAG STENG DU BZED CING GSOL, ,MTSAN KHUNG GA-YON PAR KHA tV'Am GA YIS MTSAN, ,RUS PA'I RGYAN SPRAS MGO RLON DO SHAL 'PHYAD, ,BRKYANG BSKUM ZHABS KYIS 'JIGS BYED DUS MTSAN BCAS, ,MNAN TE MDUN GYI NAM MKHAR BZHUGS PA YI, ,GNAS GSUM YI GE GSUM MTSAN H'Um YIG LAS, ,SPROS PA'I 'OD GYI RANG 'DRA'I YE SHES PA, ,BLA MA YI DAM MKHA' 'GRO'I TSOGS DANG BCAS, ,SPYAN DRANGS DBYER MED BRTAN PAR BZHUGS SU GSOL, ,BLOo CHEN KUN BZANGo BDE CHEN THABS KYI BDAG ,MTSAN 'DZIN DMIGS MED SHES RAB CHOSo KYIo DBYINGS, ,DBYER MED LHAN CIG SKYES

DGA'Io NYI 'OD KYIS, ,SKYONG MDZAD BCOM LDAN MAo LA PHYAG 'TSAL LO, ,DNGOS BSHAMS YID SPRUL PHYI NANG GSANG BA YI, ,MCHOD TSOGS BDE STONG DBYER MED DANG DU 'BUL, ,SPYI DANG BYE BRAG DAM TSIG NYAMS CHAG KUN, ,'GYOD PAS BSHAGS SO YONGS SU DAG PAR MDZOD, ,GSANG CHEN SPYOD LA DGA' BRAS YI RANG NGO, ,ZAS LAM THEG MCHOG CHOS KYI DGA' STON STZOL, ,DGE BAS THUN MONG LAM GYIS RGYUD SBYANGS TE, ,RNAL 'BYOR MA RGYUD LAM GYI SNOD GYUR CIG ,DNGOS GRUB RTZA BA DAM TSIG LA GNAS SHING, ,SMIN BYED BSKYED RIM LHA YI RNAL 'BYOR LA, ,BRTEN NAS GROL BYED ZAB MO'I RDZOGS RIM GYIS, ,TSE GCIG SANGS RGYAS THOB PAR BYIN GYIS RLOBS, ,MDOR NA BLA MA YI DAM MKHA' 'GRO'I TSOGS, ,KUN GYI NGO BOR KHYOD LA GSOL 'DEBS NA, ,NAM YANG 'BRAL MED BRTZE BAS RJES BZUNG STE, MCHOG THUN DNGOS GRUB MA LUS STZAL DU GSOL, ,DE NAS, BLO CHEN KUN BZANG (ZHES PA'I SHLOO KA GSOL 'DEBS SU BSGYUR BA GANG MANG DANG, GZHAN YANG GSOL 'DEBS CI RIGS DANG, AOm GSUM MA'I SNGAGS RNAMS KYI BZLAS BCI 'GRUB BYA, MJUG TU,) DPAL LDAN BLA MA BCOM LDAN MKHA' 'GRO'I GTZO, ,BDAG GI SNYING GAR ZHES PA NAS, STZAL DU GSOL, (,ZHES RANG GI SNYING GAR SPYAN DRANGS PAS PHRA BA'I RLUNG SEMS DANG NGO BO DBYER MED DU BZHUGS BAR BSAMS LA, TSER PAS PHRENG BAR BLA MA RJE BTZUN MAS, ,'BRAL MED LHAN SKYES DGA' BAS RJES BZUNG STE, ,ZUNG 'JUG SKU BZHI'I GO 'PHANG MNGON GYUR NAS, ,MKHA' MNYAM 'GRO BA SRID LAS SGROL GYUR CIG ,LHA MO TSAD MA ZHES SOGS SMON LAM GZHAN GYIS KYANG MTSAMS SBYAR BAR BYA'O,,

, ,ZHES PA 'DI NI MKHYEN DPYOD YANGS PA CHOS RJE NGAG DBANG RIN CHEN GYIS BSKUL NGOR 7BTZUN PA DKON MCHOG BSTAN PA'I SGRON MES 'PHRAL DU SUG BRIS SU BGYIS SO,, ` ,,NA MO GU RU BHYA: 'DIR BLA MA'I RNAL 'BYOR NYAMS SU LEN BAR 'DOD PAS, SKYABS SEMS SNGON DU BTANG STE, DGE SEMS KHYAD PAR CAN GYI NGANG NAS, MI 'GYUR MCHOG YANGS RANG BZHIN KUN GSAL MAR, ,GSER 'OD 'KHYUG PA'I 'JA' SPRIN DRA BA'I DBUS, ,SENG KHRI BAD ZLA NYI MA'I DKYIL 'KHOR STENG, ,RTZA BA'I BLA MA GSUM LDAN RDO RJE 'DZIN, ,CHOS 'CHAD MNYAM GZHAG PHYAG RGYAS GLEGS PAM BSNAMS, ,RAB DGYES 'DZUM PA'I NYAMS LDAN THUGS RJE'I GTER, ,NAM MKHA'I MTHA' KLAS TSOGS ZHING RGYA MTSOR BCAS, ,MOS BLO'I ZHING DU BRTAN PAR BZHUGS SU GSOL, ,LEGS BYAS SPRIN DKAR PHUNG PO 'KHRIGS PA'I SKU, ,LEGS BSHAD DBYAR RNGA DAL GYIS RGOD PA'I GSUNG, ,MKHYEN BRTZE'I SBRANG CHAR KHUR GYIS GTAMS PA'I THUGS, ,SKYABS MCHOG MTSUNGS MED KHYOD LA PHYAG 'TSAL LO; ;YE SHES SGYU 'PHRUL ME NA KA TSOGS KYIS, ,KUN TU BZANG PO'I MCHOD SPRIN LEGS BSTAR TE, ,BSOD NAMS ZHING MCHOG RNAMS LA GUS 'BUL NA, ,ZAG MED BDE CHEN DNGOS POR BZHES SU GSOL, ,THOG MED DUS NAS SEMS KYI DBANG GYUR CING, ,SEMS NI RMONGS BAS BRAN DU BZUNG BA'I MTHUS, ,HA LA 'BAR 'DRA'I SDIG LTUNG CI BGYIS PA, ,DE KUN BSAM PA THAG PAS SO SOR BSHAGS, ,AE MA YID 'ONG 'BRAS BU KUN GYI GZHI, ,MA SMAD 'KHOR GSUM YONGS DAG DGE

BA'I TSOGS, ,SKYE 'PHAGS GANG GIS BGYIS PA DE KUN LA, ,PHRAG DOG MED PAR SNYING NAS RJES YI RANG, ,DUG GSUM NAD KYIS GZIR BA'I 'GRO RNAMS KYI, ,SKYOB PA ZLA MED SMAN PA KHYOD LEGS NA, ,BRTZE BAS DGONGS TE ZAB RGYAS DAM CHOS KYI; ;BDUD RTZI'I SGO MO DENG 'DIR DBYE BAR MDZOD, ,RDZU 'PHRUL RKANG PAS BRTEN SLAD BSKAL PA'I MTHAR, ,GZHOM GZHIG BRAL BA CHOS KYI SKU BRNYES RNAMS, ,RING NAS GOMS PA'I SNYING RJE'I MA MA YIS, ,'GRO KUN MI GTONG BRTAN PAR BZHUGS SU GSOL, ,SNANG MTHA' YID BZHIN 'KHOR LO BI DZA Y'A, ,LA SOGS 'CHI MED DPAL STER LHA RNAMS KYI, ,THUGS RJE MTHU NUS BDEN PA'I BYIN GYIS KYANG, ,RJE BTZUN BLA MA BSKAL BRGYAR ZHABS BRTAN SHOG ,DENG NAS BZUNG STE TSE RABS PHRENG BA'I BAR, ,MGON PO KHYOD KYIS 'BRAL MED RJES 'DZIN ZHING, ,KHYOD GSUNG YAN LAG BRGYAD LDAN KLUNG RGYUN GYIS, ,LAS NYON DRI MA DRUNGS NAS 'BYIN BAR SHOG ,KHYAD PAR BDE LDAN ZHING DU SKYES GYUR TE, ,'OD DPAG MED BAS RJES SU 'DZIN PA DANG, ,ZHING KHAMS RGYA MTSOR SPRUL PA'I BKOD PA YIS, ,TSOGS GNYIS RAB RDZOGS BYANG CHEN MYUR THOB SHOG ,CES PA 'DI NI DAD BRTZON BLO GROS DANG LDAN PA SNGAGS RAM PA BKRA SHIS RGYA MTSOS BSKUL NGOR 7 BTZUN PA DKON MCHOG BSTAN PA'I SGRON MES CHOS GRVA CHEN PO BKRA SHIS 'KHYIL DU BRIS BA'O,, ` ,,NA MO GU RU BHYA: 'DIR LAM ZAB BLA MA'I RNAL 'BYOR NYAMS SU LEN PAR 'DOD BAS, SKYABS SEMS SNGON DU BTANG STE DGE SEMS KHYAD PAR CAN GYI NGAD NAS, SGRIB BRAL MKHA' LA YE SHES DBANG PO'I GZHU, ,SNYING RJE'I RGYUD DU

, ,BKUG PA'I LDING KHENG DBUS, ,SRID BA'I 'DAM GYIS MA GOS 'DAB BRGYA'I RTZER, ,RTZA BA'I BLA MA DUR SMRIG 'CHANG BA'I TSUL, ,CHOS 'CHAD MNYAM GZHAG PHYAG RGYAS GLEGS BAM BSNAMS, ,DE YI GNAS GSUM SNGAGS KYIS MTSAN PA YI, ,H'Um YIG 'OD KYIS SPYAN DRANGS BSOD NAMS ZHING, ,DPAG YAS NAM MKHA' KHYAB PAR BZHUGS SU GSOL, ,GANG LA BRTEN NA SRID ZHI'I RGUD PA KUN, ,DRUNGS NAS 'BYIN MDZAD THEG MCHOG DGE BA'I BSHES, ,BKA' DRIN MNYAM MED RTZA BA'I BLA MA LA, ,SGO GSUM GUS PAS LAN BRGYAR PHYAG BGYID DO, ,DNGOS BSHAMS GZUNGS RIGS KYIS SPRUL MCHOD SPRIN GYIS, ,RAB 'BYAMS RGYA MTSO'I ZHING KUN BKANG STE 'BUL, ,BCAS DANG RANG BZHIN KHA NA MA THO BA'I, ,NYES LTUNG DRI MA'I TSOGS RNAMS SO SOR BSHAGS, ,RANG GZHAN SKYE 'PHAGS DUS GSUM DGE TSOGS LA, ,PHRAG DOG MED BAR SNYING NAS RJES YI RANG, ,BGRANG YAS BSKAL BA'I BAR DU ZHABS BRTAN CING, , ZAB RGYAS CHOS KYI 'KHOR LO BSKOR BAR BSKUL, ,GANG GI THUGS RJES BDAG KYANG THUN MONG DANG, ,THUN MONG MIN BA'I LAM GYI RIM PA LA, ,NGES BRNYED DE TSUL BZHIN BSGRUB PA YIS, ,SHES RGYUD SMIN CING GROL BAR BYIN GYIS RLOBS, , 'DIR 'BAD LEGS BYAS BDE 'BYUNG RAL BA'I KLUNG, ,BSOD NAMS GUNG PHRAN STONG GI RTEN GYUR TE, ,SGRIB GNYIS SGRIB GSUM SGRIB BZHI'I DRI MA KUN, ,SBYANGS NAS BYANG CHEN RGYA MTSOR 'JUG GYUR CIG ,CES PA 'DI NI AA RO HOR CHEN SHOG

BLO BZANG BLO GROS KYIS BSKUL DOR BTZUN PA DKON MCHOG BSTAN PA'I SGRON MES BRIS,, ` ,,NA MO GU RU BHYA: CHOS DBYINGS BDE CHEN 'CHI MED ROL PA'I LAM, ,BRTZE CHEN SGYU 'PHRUL 'JA' TSON GUR KHANG NA, ,GDONG LNGA'I KHRIL PADMA NYI ZLA'I STENG; ;SKYABS GSUM KUN 'O DUS NGO BO THUGS RJE'I GTER, ,DBUS SU 'JAM MGON BLA MA BTZONG KHA PA, ,GA-YAS SU RIGS KUN KHYAB BDAG 'JIGS MED DBANG, ,GA-YON NA RJE BTZUN BSTAN PA'I SGRON ME RNAMS, ,SKU MDOG DKAR GSAL CHOS GOS GSUM GSOL ZHING, ,GNAS GSUM YI GE GSUM MTSAN H'Um YIG GIS, ,YE SHES PA RNAMS SPYAN DRANGS DBYER MED GYUR, ,THER LAM JI BZHIN STON MDZAD RDZOGS SANGS RGYAS, ,SRID ZHI'I 'JIGS PA KUN SEL DAM PA'I CHOS, ,BYANG CHUB LAM GYI 'DREN PA DGE 'DUN TE, ,SKYABS GSUM KUN DNGOS KHYOD LA PHYAG 'TSAL LO, ,MKHA' KHYAB KUN BZANG MCHOD SPRIN RGYA MTSOS MCHOD, ,MI BZAD NYES LTUNG MA LUS SNYING NAS BSHAGS, , RLABS CHEN RGYAL SRAS SPYOD LA RJES YI RANG, ,BSKAL BRGYAR BZHUGS SHING CHOS 'KHOR BSKOR BAR BSKUL, ,'DIS MTSON DGE BAS TSE RABS THAMS CAD DU, ,BSHES GNYEN RNAMS KYIS 'BRAL MED RJES 'DZIN ZHING, ,DAL 'BYOR RNYED DKA' TSE LA LONG MED DANG, ,SKYABS 'GRO LAS 'BRAS TSUL BZHIN SEMS BAR SHOG ,'KHOR BA ME MDAG 'KHRIGS PA'I 'OBS 'DI LA, ,SRED PA'I 'DUN PA NAM YANG MI SKYE BAR, ,BDEN BZHI'I 'JUG LDOG BSLAB GSUM NYAMS LEN GYIS, ,

, ,SRID PA'I RGYA MTSO MYUR DU SKEM PAR SHOG ,RING NAS PHA MAR GYUR PA'I 'GRO KUN LA, ,RJES CHAGS SNYING RJES DRANGS PA'I BYANG CHUB SEMS, ,RGYAL SRAS SPYOD PA PHYIN DRUG BSDU BZHI SOGS, ,THEG MCHOG LAM BZANG MYUR DU BGROD PAR SHOG ,KHYAD PAR SRID PA'I NAD BRGYA SEL PA'I SMAN, ,DNGOS 'DZIN GDON CHEN 'JOMS PA'I RIG SNGAGS GTZO, ,DUS GSUM RGYAL BA'I DGONGS PA MTHAR THUG PA, ,KLU SGRUB LUGS BZANG KHONG DU CHUD BAR SHOG ,SANGS RGYAS LAS KYANG DKON PA GSANG SNGAGS KYI, ,'JUG SGO SMIN BYED DBANG GIS RGYUD SBYANGS TE, ,MTSAN BCAS MTSAN MED RIM GNYIS RNAL 'BYOR SOGS, ,RDO RJE THEG PA'I LAM BZANG MTHAR PHYIN SHOG ,MDOR NA DUS GSUM DGE BCI MCHIS RNAMS, ,SRID PA'I PHUN TSOGS RGYU RU MI SMIN PAR, ,THUN MONG THUN MONG MIN PA'I LAM BGROD NAS, ,MTHAR THUG SKU BZHI'I GO 'PHANG 'THOB PHYIR BSNGO, ,ZHES PA 'DI NI MKHYEN RAB KYI DBANG PHYUG SLOB ZUR BLO BZANG RIN CHEN PA'I GSUNG GIS 'DI LTA BU ZHIG DGOS TSUL BYUNG BAR BRTEN 7BTZUN PA DKON MCHOG BSTAN PA'I SGRON MES BRIS BA'O,, ` ,,NA MO GU RU BHYA: 'DIR BLA MA DANG MGON PO 'OD DPAG TU MED PA NGO BO DBYER MI PHYED BA'I ZAB LAM BLA MA LHA'I RNAL 'BYOR GYI SGO NAS NGAN 'GRO'I SKYE SGO BCAD DE ZHING MCHOG BDE BA CAN DU SGROD BAR BYED PA'I THABS MKHAS KYI LAM BZANG NYAMS SU LEN PA NA, THOG MAR RANG DANG RIGS DRUG MTHA' DAG THOG MED NAS 'KHOR BAR 'KHYAMS TSUL BSAM PA'I SKYO SHAS DANG, DE LAS SKYOB BA'I NUS PA BLA MA DKON MCHOG LA YOD PAR YID CHES BA'I SGO NAS SKYABS SEMS SNGON DU BTANG STE, RANG GI

SPYI GTZUG BDE CHEN 'KHOR LO'I STENG, ,RAB MDZES RMA BYAS BTEG PA'I NOR BU'I KHRIR, ,SKYON BRAL PADMA NYI ZLA'I GANG NA STENG DU, ,RTZA BA'I BLA MA MGON PO 'OD DPAG MED, ,'JA' TSON RNAM BKRA BYU RU'I LHUN PO BZHIN, ,SKU MDOG DMAR GSAL 'OD BRGYA'I DRA BA 'GYED, ,MNYAM GZHAG BDUD RTZIS GANG BA'I LHUNG BZED BSNAMS, ,DGYES BA'I NYAMS LDAN RDO RJE SKYIL KRUNG GIS, ,BZHUGS PA'I THUGS KA'I H'Um YIG 'OD ZER GYIS, ,BDE LDAN ZHING NAS RGYAL BA 'OD DPAG MED, ,RGYAL SRAS RGYA MCHOS BSKOR BA SPYAN DRANGS TE, ,DAM TSIG PA DANG DBYER MED THIM PAR GYUR, ,DNGOS BSHAMS YID SPRUL KUN BZANG MCHOD PA'I SPRIN, ,KHYAD PAR DUS GSUM DGE BA'I TSOGS DANG BCAS, ,BLO YIS BLANGS TE BLA MA LHAR 'BUL NA, ,MKHA' MNYAM 'GRO BA'I DON DU BZHES SU GSOL, ,KUN RMONGS MUN PAR ZHUGS PAS MI DGE'I LAS, ,JI SNYED BGYIS RNAMS 'GYOD PA DRAG PO YIS, ,THUGS RJE CHE LDAN SPYAN SNGAR BA SHAGS BGYID NA, ,NYES TSOGS BYANG ZHING DAG PAR BYIN GYIS RLOBS, ,BSLU MED DKON MCHOG GSUM GYI NGO BO NYID, ,NGAN SONG 'JIGS LAS SGROL BYED BSTAN PA'I BDAG ;DAG PA'I ZHING GIS MKHAN SGRON ME MCHOG ,BLA MA 'OD DPAG MED LA GSOL BA 'DEBS, ,'DI SNANG ZHEN PA CHOD PAR BYIN GYIS RLOGS, ,BAR DO'I 'KHRUL SNANG SEL BAR BYIN GYIS RLOBS, ,NGAN SONG SKYE SGO CHOD PAR BYIN GYIS RLOBS, ,ZAB LAM 'PHO BA 'BYONGS BAR BYIN GYIS RLOBS, ,DE LTAR GSOL BA BTAB PAS BLA MA LHA'I, ,SKU LAS BABS PA'I BDUD RTZI'I CHU RGYUN GYIS, ,SGO GSUM SDIG

, ,LTUNG DRI MA KUN BYANG NAS, ,RANG LUS SHEL GYI GONG BU BZHIN DU GYUR, ,DE YI DBUS SU DBU MA MDA' SNYUG TZAM, ,LTE 'OG NAS BZUNG SPYI BOR ZUG PA YI, ,SNYING GA'I THAD DU RANG SEMS THIG LE'I GZUGS DKAR GSAL 'OD KYI RANG BZHIN CAN DU GYUR, ,RIGS KYI BDAG PO BLA MA 'OD DPAG MED, ,GSOL BA 'DEBS SO BDAG RGYUD BYIN GYIS RLOBS, ,GNAS NGAN 'KHOR BA 'DI LAS DRANG DU GSOL, ,ZHING MCHOG BDE BA CAN DER KHRID DU GSOL, , DE LTAR GSOL BA BTAB PAS THUGS KA NAS, ,'OD KYI LCAGS KYUS RNAM SHAS GYEN DRANGS TE, ,'OD DPAG MED MGON THUGS KA'I HR'I:YIG DANG, ,DBYER MED RO GCIG DANG DU GNAS PAR GYUR, ,SLAR YANG BLA MA 'OD DPAG MED DANG BCAS, , THUR DU BAB STE SNYING GAR BZHUGS PA YIS, ,DENG NAS JI SRID BYANG CHUB SNYING PO'I BAR, ,NAM YANG 'BRAL BA MED PAR RJES 'DZIN SHOG ,MDOR NA DUS DANG GNAS SKABS THAMS CAD DU, ,ZLA MA MCHOG GIS DGYES BZHIN RJES 'DZIN ZHING, , MDO SNGAGS ZUNG 'GREL LAM BZANG RIM BGROD NAS, ,ZUNG 'JUG SKU BZHI'I GO 'PHANG MYUR THOB SHOG (,DE YANG GSOL 'DEBS GRANGS GSOG BYED NA BSLU MED MA BZLA ZHING LAS LA SBYOR, DNGOS GZHI'I TSE SLAR YANG ZHES PA'I TSIG RKANG GNYIS KYI DOD DU,) DE NAS BLA MA 'OD DPAG MED DANG BCAS, ,BDE LDAN ZHING DER YUD KYIS GSHEGS GYUR TE, ,ZHES SBYOR RO, TSUL 'DI NI MI PHYED PA'I DAD PA DANG LHAG BSAM MCHOG TU DGE BA RAB 'BYAMS PA NGAG DBANG MCHOG LDAN GYIS BSKUL NGER 7BTZUN PA DKON MCHOG BSTAN PA'I SGRON MES

BRES PA'O,, ` ,,BLA MA 'OD DPAG MED LA PHYAG 'TSAL LO, ,'DIR RGYAL BA 'OD DPAG MED LA BRTEN PA'I BLA MA'I RNAL 'BYOR NYAMS SU LEN PAR 'DOD PAS SKYABS SEMS SNGON DU BTANG LA, BLA MA DANG MGON PO 'OD DPAG MED NGO BO DBYER MI PHYED PA'I MOS GUS DANG, BDE BA CAN GYI ZHING GI RNAM PA YID NGOR GSAL BTAB STE, ZAB LAM BLA MA'I RNAL 'BYOR 'DI'I SGO NAS ZHING DER SKYE BA'I RGYU TSOGS BSGRUB PAR BYA'O, ,SNYAM PA'I 'PHEN PA SOGS DGE SEMS KHYAD PAR CAN GYI NGANG NAS, MDUN GYI MKHA' LA KUN BZANG MCHED SPRIN DBUS, ,YID 'OD RMA BYAS BTEG PA'I NOR BU'I KHRIR, ,'DAB STONG PADMA'I LTE BAR ZLA BA'I STENG, ,SKYABS GSUM KUN 'DUS BLA MA 'OD DPAG MED, ,NYI 'OD STONG 'BAR BYU RU'I LHUN PO BZHIN, ,SKU MDOG DMAR BO ZHAL GCIG PHYAG GNYIS PA, ,MNYAM GZHAG PHYAG RGYAS DRANG SRONG SNOD MCHOG BSNAMS, ,RDO RJE SKYIL KRUNG TSUL GYIS BZHUGS PA YI, ,GNAS GSUM YI GE GSUM MTSAN H'Um YIG GIS, ,BDE LDAN ZHING NAS RANG 'DRA'I YE SHES PA, ,MTHA' YAS RAB 'BYAMS RGYAL BA SRAS DANG BCAS, ,SPYAN DRANGS DBYER ME; GCIG TU 'DRES PAR GYUR, ,BSLU MED DKON MCHOG GSUM GYI NGO BO NYID, ,BSTAN PA'I BDUD RTZIS LUS CAN GDUNG BA SEL, ,YANG DAG THAR LAM GSAL BA'I SGRON ME MCHOG ,BLA MA 'OD DPAG MED LA PHYAG 'TSAL LO, ,RAB 'BYAMS MCHOD SPRIN DGE BA'I DNGOS POR BCAS, ,GUS PAS 'BUL YO BRTZE BA'I THUGS KYIS BZHES, ,SDIG LTUNG MA LUS BSHAGS SHING SDOM BGYID NA, ,KHYOD KYI THUGS RJES BYANG ZHING DAG PAR MDZOD, ,

, ,ZAB RGYAS CHOS KYI 'KHOR LO BSKOR BA'I PHYIR, ,BGRANG YAS BSKAL BA RGYA MTSOR BRTAN PAR BZHUGS, ,'DIS MTSON DGE BA'I DNGOS PO THAMS CAD KYANG, ,KHYOD KYIS RJES SU 'DZIN BA'I RGYU RU BSNGO, ,SA GZHI SPOS KYIS BYUGS SHING ZHES SOGS MAndAL GRANGS GSOG DANG LTUNG BSHAGS, GONG GI PHYAG 'TSAL BA'I TSIGS BCAD DANG, BLA MA STON PA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD DPAG TU MED PA LA PHYAG 'TSAL LO, ,MCHOD DO SKYABS SU MCHI'O, ,ZHES PA RNAMS KYI SGO NAS BRGYA PHYAG LA SOGS PA GNAD DU 'GRO NGES BYA, DE NAS, SPYI GTZUGS DH'U T'Am YAR SNE PHYE BA'I STENG, ,DGYES BZHIN BYON TE 'BRAL MED BZHUGS PA YI, ,DBU MA'I LAM NAS 'OD DANG BDUD RTZI'I RGYUN, ,BABS PAS RANG RGYUD BYIN GYIS BRLAB PAR GYUR, ,ZHAS 'OD RANG BDUD RTZI'I RGYUN BABS PAS MUN KHUNG DU SGRON ME SBAR BA BZHIN SDIG LTUNG THAMS CAD SANGS KYIS DAG NAS BLA MA'I THUGS DANG RANG SEMS DBYER MED DU 'BRES PA'I MOS PA BYAS LA, GONG GI PHYAG 'TSAL BA'I TSIG DE GSOL BA 'DEBS ZHES PAR BSGYUR NAS BRGYA STONG SOGS 'DON, MTHAR BSLU MED SKYABS MCHOG BLA MA 'DOD DPAG MED, ,MGON MED BDAG LA THUGS RJE'I SBYAN GYIS GZIGS, ,DENG NAS BYANG CHUB BAR DU KHYOD MIN PA'I, , RE SA GZHAN MED BDAG GI BSHES MDZOD CIG ,MI KHO MNGAN SONG GSUM GYI GA-YENG LAS SKYOBS, ,BZOD DKA' 'JAGS RUNG SRID PA'I MTSO LAS SGROL, ,RANG NYID GCES 'DZIN 'CHING BA KUN BCAD DE, ,BYANG CHUB SEMS GNYIS 'BYONGS

PAR BYIN GYIS RLOBS, ,DE LTAR GDUNG SHUGS DRAG POS RTZE GCIG TU, ,GSOL BA BTAB PAS DH'U T'I'I LAM BRGYUD DE, ,SNYING GAR BYON NAS PHRA BA'I RLUNG SEMS DANG, ,DBYER MED DANG DU BRTAN PAR BZHUGS PAR GYUR, ,DPAL LDAN BLA MA'I RNAM PAR THAR PA LA, ,ZHES SOGS DANG, 'DI LTAR BSKUN PA'I RNAM DKAR DGE BA'I TSOGS, ,ZHES SOGS TSER BAS RJES 'DZIN GYI SMON TSIG BA DANG, BDE SMON YONGS RDZOGS SAM, RGYAL BA'I DKYIL 'KHOR BZANG ZHING DGA' BA DER, ,ZHES SOGS SMON LAM GYIS MTSAMS SBYAR BAR BYA'O, ZHES PA 'DI NI DAD BRTZON LDAN PA DGE SLONG DKON MCHOG MKHAS GRUB KYIS BSKUL BOR ~BTZUN PA DKON MCHOG BSTAN BA'I SGRON MES DBEN GNAS YID DGA' CHOS 'DZIN DU SBYAR BA'I YI GE BA NI BHIKshU RA TANA A'A NANT'O,, ` ,,'DIR MGON PO 'OD DPAG MED LA BRTEN PA'I BLA MA'I RNAL 'BYOR NYAMS SU LEN PAR 'DOD PA'I GANG ZAG GIS SKYABS SEMS SNGON DU BTANG LA, MDUN GYI NAM MKHAR KUN BZANG MCHOD SPRIN DBUS, ,YID 'ONG RMA BYAS BTEG PA'I NOR BU'I KHRIR, ,RTZA BA'I BLA MA MGON PO 'OD DPAG MED, ,SKU MDOG DMAR PO MNYAM PA ZHAG PHYAG RGYA CAN, , MTHA' SKOR DNGOS BRGYUD BLA MA YI DAM LHA, ,SANGS RGYAS SO LNGA BDE GSHEGS BDUN LA SOGS, ,RGYAL DANG RGYAL SRAS NYAN RANG CHOS SKYONG BCAS, ,SKYABS GNAS MA LUS DGYES BZHIN BZHUGS PAR GYUR, ,RANG BZHIN RNAM DAG CHOS KYI DBYINGS NAS KYANG; ,THUGS BSKYED BDEN MTHUS BSKUL TE RANG RANG GI ,YE SHES PA RNAMS SPYAN DRANGS DBYER MED DU, ,BSTIMS PAS SKYABS GNAS KUN 'DUS NGO BOR GYUR, ,BSLU MED DKON MCHOG GSUM GYI NGO BO NYID, ,NGAN SONG 'JIGS LAS SGROL BA'I THABS

, ,BSTAN NAS, ,THAR LAM GSAL BAR BYED PA'I SGRON ME MCHOG ,MGON PO 'OD DPAG MED LA GUS PHYAG 'TSAL, ,NAM MKHA'I MTHAS GTUGS ZHING KHAMS RAB 'BYAMS NA, ,YID 'PHROG MCHOD PA'I DNGOS PO CI MCHIS PA; ;MTHA' DAG BLO YIS BLANGS TE GUS 'BUL GYI, ,BDAG CAG BSOD NAMS RDZOGS PHYIR BZHES SU GSOL, ,THOG MA MED NAS BLANG DOR GNAS RNAMS LA, ,RMONGS PA'I MUN PA STUGS PO'I DBANG GYUR TE, ,SGO GSUM NYES TSOGS MTHA' YAS BSAGS PA RNAMS, ,THUGS RJE CHE LDAN SPYAN SNGAR MTHOL LO BSHAGS, ,DAL 'BYOR LAN GCIG RNYED NAS BSTAN PA'I SGOR, ,ZHUGS KYANG BDAG MED SMYON PA'I SPYOD PA BZHIN, ,SDOM GSUM BCAS MTSAMS LAS 'DAS SDIG LTUNG KUN, ,'GYOD PAS BSHAGS SHING PHYIN CHAD SDOM PAR BGYI, ,BSLU MED BLA MA LHA YI THUGS RJE'I MTHUS, ,NYES LTUNG DRI MA MA LUS BYANG BA DANG, ,RANG GZHAN KUN GYI RNAM DKAR DGE BA'I DNGOS, ,MTHA' DAG GONG NAS GONG DU 'PHEL GYUR CIG ,KHYAD PAR 'DI SNANG 'GAG PAR NYE BA'I TSE, ,GNAD GCOD GSHIN RJE'I 'JIGS PA MI 'BYUNG ZHING, ,NGAN SONG NGAN 'GRO'I GA-YANG DU MI LTUNG BAR, ,BDE BA CAN GYI ZHING DER KHRID DU GSOL, ,'OD GSAL MKHA' DBYINGS DVANGS DPAR SNANG MTHA' YAS, ,NYE SRAS DANG BCAS DGYES PA'I 'DZUM BSTAN CING, ,SNYAN PA'I GSUNG GIS DBUGS DBYUNG MDZAD PA'I MTHUS, ,DGA' DAG DAD PA'I SHUGS KYIS 'PHO BAR SHOG ,MDOR NA DUS 'DI NAS BZUNG BYANG CHUB BAR, ,'OD DPAG MED KYIS DGE BA'I BSHES

MDZAD DE, ,'BRAL MED GSUNG GI BDUD RTZIS BSKYANGS PA YIS, ,SA LAM RTOGS PA MYUR DU MTHAR PHYIN SHOG ,'DI PHYI BAR DO'I GNAS SKABS GANG DU YANG, ,MGON PO KHYOD MIN SKYABS GZHAN MA MCHIS PAS, ,THUGS RJE LCAGS KYUS NAM YANG MI GTONG BAR, ,RJES BZUNG BYIN RLABS DGA' STON STZAL DU GSOL, ,ZHES GSOL BA BTAB PAS SKYABS YUL RNAMS GTZO BO LA THIM ZHING, DE NYID RANG LA THIM PAS BYIN GYIS BRLAB PAR MOS TE, SHA'KY'I DBANG PO 'DREN PA 'OD DPAG MED, ,CES SOGS KYI BSNGO BAS MTHA' BRGYAN PAR BYA'O, ,ZHES PA 'DI NI DAD BRTZON LDAN PA RAB 'BYAMS PA DKON MCHOG YAR 'PHEL DANG, DGE SLONG DKON MCHOG RAB 'BYOR GNYIS KYIS 'DI LTA BU'I BLA MA'I RNAL 'BYOR STOBS BZHI'I GNAD CHANG BA ZHIG DGOS ZHES BSKUL BA LTAR BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU LO KE SHVA R'A YA, 'DIR BLA MED KYI LUGS DPA' 'BREL BAR THUGS RJE CHEN PO PHYAG BZHI PA LA BRTEN PA'I BLA MA'I RNAL 'BYOR ZAB MO NYAMS SU LEN BAR 'DOD PA'I GANG ZAG GIS SKYABS SEMS SNGON DU BTANG LA DGE BA'I BSAM PA KHYAD PAR CAN GYI DANG NAS, MDUN GYI NAM MKHAR RTZA BA'I BLA MA DANG, ,DBYER MED SPYAN RAS GZIGS MGON PHYAG BZHI PA, ,RAB 'BYAMS ZHING NAS BLA MA YI DAM KUN, ,BYON TE THIM PAS KUN 'DUS NGO BOR GYUR, CES; MDUN GYI NAM MKHAR PAD ZLA'I GDAN LA DRIN CAN RTZA BA'I BLA MA DANG NGO BO DBYER MED PA'I 'PHAGS PA SPYAN RAS GZIGS SKU MDOG DKAR PO RTZA PHYAG GNYIS THAL MO SBYAR ZHING, 'OG MA GNYIS KYIS SHEL 'PHRENG DANG PAD DKAR 'DZIN PA, RIN PO CHE'I RGYAN DANG DAR GYI NA

, ,BZA' CAN, RDO RJE SKYIL KRUNG GIS BZHUGS PA'I GNAS GSUM DU YI GE GSUM GYIS MTSAN PA, DE'I THUGS KA'I HR'I: YIG LAS 'OD ZER DPAG TU MED PA PHYOGS BCU'I ZHING RAB 'BYAMS KHYAB PAR SPROS TE DNGOS BRGYUD KYI BLA MA THAMS CAD SPYAN DRANGS NAS THIM BAS BLA MA KUN 'DUS, YI DAM RGYUD SDE BZHI'I DKYIL 'KHOR GYI LHA TSOGS THAMS CAD SPYAN DRANGS TE THIM PAS YI DAM KUN 'DUS KYI NGO BOR GYUR PAR BSAMS LA, YAN LAG BDUN PA SOGS KYI SGO NAS TSOGS GSOG BA NI, SGO GSUM MI PHYED DAD PAS PHYAG 'TSAL ZHING, ,PHYI NANG GSANG PA DE NYID MCHOD TSOGS 'BUL, ,SDIG LTUNG MA LUS SNYING NAS MTHOL ZHING BSHAGS, ,DGE LA YI RANG BSGUL ZHING GSOL BA 'DEBS, ,RAB 'BYAMS ZHING KHAMS DUS GSUM DGE TSOGS BCAS, ,DBUL ZHING BLA MED DBYANG CHUB RGYU RU BSNGO, ,SO THAR BYANG SEMS GSANG SNGAGS SDOM PA YI, ,BCAS MTSAMS MTHA' DAG TSUL BZHIN BSRUNG BAR BGYI, ,ZHES YAN LAG BDUN PA MAndAL DANG BCAS PA DBUL ZHING, ,SGRUB PA'I MCHOD PA MCHOG TU GYUR PA SDOM PA GZUNG PA RNAMS BLO 'KHUL NGES SU BYA, ,DE NAS, ,SANGS RGYAS KUN 'DUS BLA MA THUGS RJE'I GTER, ,DAM CHOS KUN 'DUS BLA MA THUGS RJE'I GTER, ,DGE 'DUN KU 'DUS BLA MA THUGS RJE'I GTER SKYABS GNAS MA LUS 'DUS PA'I NGO BO NYID, ,KHYOD MIN SKYABS GZHAN NAM YANG MA MCHIS PAS, ,BYANG CHUB BAR DU 'BRAL MED RJES BZUNG STE, ,SPID DANG ZHI BA'I 'JIGS LAS BSKYAB TU GSOL, ,'DI SANG ZHEN PA'I DRI MA BSAL DU

GSOL, ,LOS DANG NYON MONGS 'CHING BA GCAD DU GSOL, ,GCES 'DZIN RGUD PA'I 'PHRANG LAS BSGRAL DU GSOL, ,SKYES BU GSUM GYI LAM BZANG RIM BGROD DE, ,BDE CHEN THAR PA'I SA LA DRANG DU GSOL, ,ZHES RANG DANG MTHA' SKOR NA YOD PA'I RIGS DRUG SEMS CAN THAMS CAD KYIS RANG RANG 'KHOR BA PHRA RAGS KYI SDUG BSNGAL MTHA' YAS PAS MNAR TSUL LA BSAMS NAS 'JIGS SHING SKRAG PA DANG, MDUN GYI NAM MKHAR BZHUGS PA'I BLA MA THUGS RJE CHEN PO NI SKYABS GNAS MA LUS PA 'DUS PA'I NGO BO RANG GIS BLO BKAL NA SRID ZHI'I 'JIGS PA GANG LAS KYANG SKYOB PA LA THUGS RJE DANG NUS MTHU THOGS PA MED PA'I TSUL PAS MAS TE GDUNG SHUGS DRAG POS MGRIN GCIG TU GSOL BA BTAB PA'I MOS DANG, LAM THUN MONG DANG THUN MONG MA YIN PA'I LUS YONGS SU RDZOGS PA LA GSHAR SGOM DANG 'BREL BAR BYIN RLABS ZHU BA'I DMIGS RNAM BSKYANGS LA, DE NAS THUGS RJE CHEN PO DE NYID KYI SKU LAS RANG 'DRA GNYIS PA SEMS CAN GYI GRANGS DANG MNYAM PA SPROS TE RANG DANG SEMS CAN THAMS CAD KYI SBYI BOR BZHUGS PA'I MOS PA BYAS LA, DE LTAR GSOL BA BTABS GNAS GSUM LAS, ,'DOD DANG BDUD RTZI DKAR DMAR MTHING GA'I TSOGS, ,RIM DANG CIG CAR BYUNG NAS DBANG BSKUR BAS, ,SGRIB BZHI DAG CING DBANG BZHI THOB PAR GYUR, ,CES SPYI BO'I AOm YIG LAS BYUNG DU dI DKAR PO'I RGYUN BAB PAS MGRIN PA'I RTZA 'KHOR GYI STE YAN TSAD GANG, LUS KYI SGRIB PA SBYANGS BUM PA'I DBANG THOB CID SPRUL SKU 'GRUB PA'I NUS PA BZHAG ,DE BZHIN DU MGRIN PA'I A'A: YIG GI BDUD RTZI DMAR POS NGAG GI SGRIB PA SBYANGS, GSANG DBANG DANG LONGS SKU 'GRUB PA'I NUS PA BZHAG ,THUGS GA'I H'Um YIG GI BDUD RTZI SNGON POS YID KYI SGRIB PA

, ,SBYANGS, SHER DBANG RANG CHOS SKU 'GRUB PA'I NUS PA BZHAG, DE GSUM LAS BDUD RTZI MNYAM DU BABS PAS SGO GSUM GA'I DRI MA SBYANGS, DBANG BZHI PA DANG ZUNG 'JUG 'BRUB PA'I NUS PA BZHAG PAR BSAMS, DE NAS SEMS CAN SO SO'I SPYI BOR BZHUGS PA'I BLA MA SPYAN RAS GZIGS RNAMS 'OD DU ZHU STE RANG RANG LA THIM PAS DE THAMS CAD SPYAN RAS GZIGS KYI SKUR'GYUR, DE DAG KYANG GCIG LA GCIG THIM GYI TSUL DU RIM GYIS BSDAS TE RANG GI SPYI BO'I BLA MA SPYAN RAS GZIGS LA THIM, ,DE 'OD DU NU BAR RANG LA THIM, ,RANG GI SGO GSUM DANG BLA MA'I SKU GSUNG THUGS DBYAR MI PHYED PAR GYUR, RANG NYID KYANG SKU'I STOD SMAD NAS RIM GYIS 'OD DU ZHUBS NAM MKHA' LA 'JA' YAL BA BZHIN GYUR TE, SNOD BCUD 'KHOR 'DAS KYI CHOS KUN RANG BZHIN MI DMIGS PA 'OD GSAL STONG PA'I DBYINGS LA MNYAM PAR BZHAG BAS YE SHES KYI TSOGS BAS SHAS SHING CHOS KYI SKU LA RGYAL BZHAG, 'OD GSAL DE'I DANG LAS MDON BYANG LNGA'I RIM PAS SPYAN RAS GZIGS KYI SKUR BZHENGS PA LONGS SKU DANG SBRUL SKU'I NGA RGYAL 'DZIN CING SKYE SHI BAR DO GSUM SBYANG STE RGYAL BA'I SKU GSUM DU BSGYUR BA'I DMIGS PA DANG BCAS, ,'GRO KUN SPYAN RAS GZIGS KYI SKUR BSGYUR CING, ,RIM GYIS BSDUS TE 'OD GSAL STONG PAR GYUR, ,STONG PA'I NGANG LAS PADMA ZLA BA'I STENG, ,HRI': DANG PAD DKAR YONGS SU GYUR PA LAS, ,RANG NYID SPYAN RAS GZIGS KYI SKUR BZHENGS PA'I, ,THUGS KA'I HR'I: YIG SNGAGS 'PHRENG DANG BCAS PAR, ,GZUNGS SNGAGS KUN BSDUS 'OD KYI 'PHRO 'DU YIS, ,SNOD BCUD SBYANGS BSGYUR BYIN GYIS BRLABS PAR GYUR, ,CES THUGS KA'I SNGAGS 'PHRENG LAS 'OD ZER 'PHROS TA RGYUD SDE SHI'I GSANG SNGAGS

DANG RIG SNGAGS THAMS CAD BSDUS NAS DE LA BSTIM PAS GZUNGS SNGAGS KUN 'DUS KYI NGO BOR GYUR PAR BSAMS LA, SNAD BCUD KUN GYI MA DAG PA'I NYES PA SBYANGS TE, GZUGS SU SNANG BA THAMS CAD SPYAN RAS GZIGS KYI SKU DANG DAG PA'I ZHING KHAMS, SGRA GRAGS TSAD 'PHAGS PA'I GZUNGS SNGAGS YID KYI DRAN RTOG THAMS CAD DE'I THUGS RNAM PAR MI RTOG PA'I YE SHES SU MOS PA 'KHYER SO GSUM DANG MA BRAL BA'I SGO NAS GZUNGS RING DANG YIG DRUG SOGS CI 'GRUB BZLAS LA YIG BRGYAS LHAG CHED BSKANG, DGE BA 'DI YIS MYUR DU BDAG ,SPYAN RAS GZIGS DBANG 'GRUB GYUR NAS, ,ZHES SOGS BSNGO BAS MTSAMS SBYAR BAR BYA'O, ,ZHES PA 'DI NI DGE SBYOR LAM MCHOG TU GZHOL BA'I RI KHROD PA DKON MCHOG RAB RGYAS KYIS BLA MED DANG 'BREL BA'I THUGS RJE CHEN PO'I BLA MA'I RNAL 'BYOR GYIS GZHUNG BSRANGS TE BZLAS BRJOD BYED TSUL ZAB GNANG TSANG ZHING SHIN TU MDOR BSDUS PA ZHIG DGOS ZHES BSKUL BA LTAR, GRUB CHEN TSEM BU PA DANG RGYAL BA DBEN SA PA SOGS KYI MAN NGAG GUNG BSGRIGS TE, BCUN PA DKON MCHOG BSTAN PA'I SGRON MES BRIS PA 'DIS KYANG SKYE BO KUN LA PHAN THOGS PAR GYUR CIG, ` ,,NA MO GU RU LO KE SHVA R'A YA, RANG GI SPYI BOR PADMA ZLA BA'I STENG, ,BKA' DRIN MNYAM MED RTZA BA'I BLA MA DANG, ,DBYER MED SNYING RJE'I LHA MCHOG SPYAN RAS GZIGS, ,SKU MDOG DKAR GSAL SHEL GYI RI BO BZHIN, ,'DZUM BA'I ZHAL MNGA' RTZA PHYAG THAL MO SBYAR, ,LHAG MA'I PHYAG GIS SHEL 'PHRED PAD DKAR BSNAMS, ,RIN CHEN RGYAN LDAN DAR GYI NA BZAS KLUBS, ,RDO RJE SKYIL MO KRUNG GIS BZHUGS PA'I MTHAR,

, ,DNGOS DANG BRGYUD PA'I BLA MA YI DAM LHA, ,RGYAL DANG RGYAL SRAS NYAN RANG SRUNG TSOGS BCAS, ,SKYABS YUL NAM MKHA' GANG BA BZHUGS PA RNAMS, ,BSOD NAMS ZHING DU BRTEN PAR BZHUGS SU GSOL, ,BSAL MED DKON MCHOG GSUM GYI NGO BO NYID, ,LUNG RTOGS BSHAD SGRUB BSTAN PA'I DPAL GYUR CING, ,LAS NYON SGRIB PA'I MUN SEL SGRON ME MCHOG ,BLA MA SPYAN RAS GZIGS LA PHYAG 'TSAL LO, ,PHUN TSOGS BDE DGE MA LUS MCHOD PAR 'BUL, ,MI BZAD SDIG LTUNG MTHA' DAG SNYING NAS BSHAGS, ,RLABS CHEN THUGS RJE'I SPYOD LA RJES YI RANG, ,SLAD KYANG ZAB RGYAS CHOS CHAR DBAB TU GSOL, ,TSE 'DI'I SNANG SHES SRID LA ZHEN PA DANG, ,RANG NYID GCES 'DZIN MTSAN MAR LTA BA SOGS, ,PHYIN CI LOG GI BLO SNA KUN 'GAGS SHING, ,LAM BZANG GEGS MED SKYE BAR BYIN GYIS RLOBS, ,ZHES BRJOD LA GONG GI PHYAG 'TSAL GYI TSIGS BCAD GSOL 'DEBS SU BSGYUR BA GRANGS GSOG DANG, THUGS RJE CHEN PO'I GZUNGS RING THUNG GI BZLAS PA CI 'GRUB BYA, DE NAS, 'DIS MTSON BGYIS DANG BGYID 'GYUR DUS GSUM GYI, ,RNAM DKAR DGE TSOGS JI SNYED MCHIS PA KUN, ,SRAS BCAS RGYAL BA'I THUGS BSKYED RGYA MTSO DANG, ,'DRES TE KUN BZANG SPYOD BA RDZOGS GYUR CIG ,RTAG TU BSHES GNYEN DAM PAS RJES BZUNG NAS, ,DE YI BKA' BZHIN SGRUB PA LHUR BYED CING, ,KHYAD PAR 'JAM MGON BSTAN PA'I SNYING PO LA, ,THOS BSAM SGOM PAS DUS KUN

'DA' BAR SHOG ,'DI PHYI'I PHAN BDE'I LEGS TSOGS KUN GYI GZHI, ,DPAL LDAN BLA MA'I SKU TSE BRTAN PA DANG, ,SDE 'DIR BSLAB GSUM 'DZIN PA'I DGE 'DUN RNAMS, ,BSHAD SGRUB BYA BA GEGS MED MTHAR PHYIN SHOG ,SGO GSUM 'GYI BAM LUS BSTAN 'GRO LA, ,'PHRAL DANG YUN DU PHAN PA'I RGYUR GYUR TE, ,MNGON MTHO NGES LEGS DGA' STON LA SBYOR BAS, ,DON GNYIS GEGS MED LHUN GYIS GRUB GYUR CIG, BLA MA LHAG PA'I LHA MCHOG SPYAN RAS GZIGS,,BDAG GI SNYING GAR PADMA'I ZHES SOGS DANG, SKYE BA KUN TU , ZHES SOGS BSNGO SMON GYIS MTSAMS SBYOR ZHING, SGO GSUM GYI BYA BA KUN LA DE NYID DBANG PO'I TSUL DU DRAN PA DANG, ZAS GOS GNAS MAL GANG LA ZHONGS SPYOD PA'I TSE DE LA DBUL BAR SEMS PA SOGS TSOGS GSOG SGRIB SBYONG LA 'BAD PAR BYA'O, ,ZHES PA 'DI NI BSTAN PA'I GSAL BYED DAM PA LUNG BZANG NANG SPRUL PA'I SKU DKON MCHOG BSTAN 'DZIN RGYA MTSO'I THUGS BZHED BZHIN ~BTZUN PA DKON MCHOG BSTAN PA'I SGRON MES DGON DE NYID DU BRIS PA'O,, ` ,,NA MO GU RU A'ARYA LO KA SHVR'A YA, GNAS SPYI GTZUG BDE CHEN 'KHOR LO'I STENG, ,GDAN SENG KHRI PADMA NYI ZLA'I DBUS, ,SKYABS KUN 'DUS RTZA BA'I BLA MA DANG, ,DBYER MED PA 'PHAGS MCHOG SPYAN RAS GZIGS, ,SKU RAB DKAR SHEL GYI MCHOD SDONG LA, ,DAR SNA TSOGS DBANG PO'I GZHU YIS SPRAS, ,THABS SHES RAB PHYAG GNYIS THAL SBYAR GYIS, ,MGON RGYAL RNAMS 'GRO BA'I DON DU BSKUL, ,GA-YAS 'OG MAS SHEL DKAR 'GRANG 'PHRENG DANG, ,GA-YON SKYON BRAL GSER GYI PADMA BSNAMS, ,YONGS DUS

, ,GSUM RGYAL BA'I THUGS RJE'I BDAG ,MA 'GRO BA KUN GYI MGON DANG SKYABS, ,YUL GANG CAN 'GRO BA'I LHA SKAL TE, ,MI BDAG GI 'DI PHYI'I SKYABS GCIG PU, ,MGON KHYOD MIN RE SA GZHAN MED NA, THUGS BRTZE BAS BDAG GI MGON MDZAD CIG ,LHA DKON MCHOG GSUM GYI THUGS RJE'I MKHAR, ,CHOS LUNG RTOGS BSTAN PA'I 'OD SNANG GIS, ,RGYUD RMONGS MUN SEL BA'I SGRON ME MCHOG ,MGON SPYAN RAS GZIGS LA GSOL BA 'DEBS, ,LUS LONGS SPYOD DUS GSUM DGE TSOGS KUN, ,PHA THUGS RJE'I GTER CHEN KHYOD LA 'BUL, ,MA 'GRO KUN DON DU B ZHES NAS KYANG, ,SDIG GNYES LTUNG BYANG BAR BYIN GYIS RLOBS, ,GNAS MTHA' MED 'KHOR BA'I RGYA MTSO 'DIR, ,LAS NYON MONGS GDON GYI DBANG GYUR TE, ,DUS THOG MA MED NAS 'KHYAMS BA BDAG, ,MCHOG THAR BA'I GNAS DER DRANG DU GSOL, ,CHOS ZAB ZHI SBROS BRAL DBU MA'I LAM, BYAMS SNYING RJE CHEN POS RGYAS BTAB STE, ,SRAD ZHI BA'I MTHA' LA MI GNAS PA'I, ,'BRAL BYANG CHUB CHEN PO MYUR THOB SHOG, ,DPAL 'CHI BA MED PA'I GNAS THOB STE, ,CHOS ZAB GSANG BDUD RTZI'I DGA' STON GYIS, ,MA MKHA' MNYAM 'GRO BA THAMS CAD KYANG, ,GTAN BDE BA'I DPAL LA SBYOR BAR SHOG ,CES BA 'DI NI DAD BRTZON LDAN PAR BA 'BYAMS PA 'JAM DBYANG RAB RGYAS KYIS BSKUL NGOR ~BRTZUN PA DKON MCHOG BSTAN PA'I SGRON MES SBYAR BA'O,, ` ,,MDUN DU PAD ZLAR SENG GE DKAR MO'I STENG, ,BLA MA'I NGO BO 'PHAGS

MCHOG SENG GI SGRA, ,GA-YAS GA-YON RTZE GSUM PADMA'I SNOD KYIS MTSAN, ,DKA' THUB RNAM PA RGYAL PO ROL STABS CAN, ,SKYABS GNAS MA LUS 'DUS PA'I NGO BO LA, ,GSOL BA 'DEBS SOG THUGS RJES BYIN GYIS RLOBS, ,AOm A'A HR'I SI BHA N'A DA H'Um PHAt, CES MANG DU BU ZLAS LA, ,BLA MA SENG GE'I SGYI SKU'I CHA LAS, ,BDUD RTZI'I RGYUN BABS RANG GI LUS KUN GANG, ,SDIG LTUNG NAD GDON MA LUS LHAG MED DU, ,BYANG ZHING RNAM SMIN PHUNG PO 'OD GSAL DU, ,SBYANGS TE STONG THUG PA'I NGANG LAS SKAD CIG GIS, ,RANG NYID SPYEN RAS GZIGS DBANG SENG GE SGRA, ,GDONG LNGA'I GDAN LA BLO BA'I STABS KYIS BZHUGS, ,SKU MDOG DKAR ZHING SHIN TU SKEM PA'I TSUL, ,GA-YAS PA SKYABS SBYIN GA-YON PA GDAN LA BRTEN, ,MDUN KYI BLA MA SPYAN GZHIG MGON YANG, 'OD DU ZHU NAS RANG DANG DBYER MED GYUR, ,THUGS KA'I SNGAGS 'PHRENG 'OD KYI SPRO BAS DI YIS, ,SKYON SBYANGS RGYAL KUN BYIN RLABS BSDUS PAR GYUR, ,CES BRJOD CING, ,THUGS GAR HRI: LA SNGAG 'PHRENG GIS BSKOR PA LAS 'OD ZER 'PHROS, KLU DANG SA BDAG GI GNOD PA SOGS NAD RIMS GDON BGEGS NYER 'TSE THAMS CAD SBYANGS, RGYAL BA SBRANGS BCAS KYI BYIN RLABS BSDUM TE THAM PA LAS BDUD TZI'I RGYUN BABS, LUS THAMS CAD GANG BAS LAGS TSOGS KYI YON TAN MA LUS PA RGYAS PAR BSAMS LA SNGAG BZLA, MJUG TU YIG BRGYAS LHAG CHAD BSKANG, DENG NAS BYANG CHUB SNYING POR MCHIS KYI BAR, ,'PHAGS MCHOG THUGS RJES 'BRAL MED RJES BZUNG MTHUS, ,DAM CHOS SGRUB PA'I NYER 'TSE KUN ZHI ZHING,,

, ,YANG DAG LAM GYI 'GROD PA MTHAR PHYIN SHOG ,CES SOGS BSNGO BAS MTSAMS SBYAR BAR BYA'O, ,ZHES PA 'DI NI AU CU MU CHIN SHOG NAS DAD BRTZON BLO DANG LDAN PA RAB 'BYAMS PA DPAL LDAN BKRA SHIS KYIS BLA MA'I RNAL 'BYOR DANG 'BREL BA'I SENG GE SGRA'I SGRUB THABS MDOR BSDUS SHIG DGOS ZHES BA SKUL BA LTAR BTZUN PA DKON MCHOG BSTAN PA'I SGRON MES BRIS PA'O,, ` ,,NGO MTSAR MCHOD SPRIN 'KHRIGS PA NAM MKHA'I DBYINGS, ,SENG KHRI PAD ZLA'I GDAN LA BLA MA DANG, ,DBYER MED BYAMS MGON BZANG PO'I BZHUGS STANGS CAN, ,MTSAN DPE'I DPAL 'BAR CHOS 'KHOR PHYAG RGYA MDZAD, ,SRAS BCAS RGYAL BAS BSKOR CING GNAS GSUM DU, ,'BRU GSUM GYIS MTSAN H'Um GI 'OD ZER GYIS, , DGA' LDAN GNAS NAS BYAMS MGON YE SHES PA, ,SPYAN DRANGS DBYER MED BRTAN PAR BZHUGS SU GSOL, ,RGYAL YUM SBAS DON LAM GYI RIM PA KUN, ,MA NOR MA 'DRES JI BZHIN 'DOMS PA YIS, ,SKAL LDAN SKYE BO BYANG CHUB MCHOG GI SAR, ,'KHRID MDZAD SKYABS KYI DAM PAR PHYAG 'TSAL LO, ,DNGOS BSHAMS YID SPRUL MCHOD SPRIN RAB 'BYAMS DANG, ,BDAG LUS LONGS SPYOD DUS GSUM DGE TSOGS BCAS, ,BLO YIS BLANGS TE GUS PAS 'BUL LAGS NA, ,BDAG GI DON SLAD NYID KYI MTHUS BZHES SHIG ,NGAN SONG MU MED MTSAN MO'I SMAG RUM NAS, ,DAL 'BYOR GLOG GI SNANG BA SKAD CIG CAM, ,THOB KYANG BAG MED SDIG LA SPYOD PA YI, ,RMONGS PA BDAG GI SDIG LTUNG SBYANG DU

GSOL, ,RGYU MED PAR YANG 'GROL MNYES GSHIN PA, ,BYAMS MGON NYE SRAS DANG BCAS KHYED RNAMS KYIS, ,RTAG TU BDAG CAG KHO NA'I DON MDZAD PA'I, ,BKA' DRIN SNYING NAS DRAN ZHING RJES YI RANG, ,ZAB RGYAS CHOS KYI BDUD RTZI'I CHAR PHAB STE, ,SGRIB GNYIS DRI MA DRUNGS NAS 'BYIN PA DANG, ,'GRO KUN SRID ZHI'I MTHA' LAS SGOL GYI BAR, ,NAM YAB MI 'DA' RTAG PAR BZHUGS SU GSOL, ,'DIS MTSON GTONG DANG TSUL KHRIMS THOS BSAM SGOM, ,DGE BA'I DNGOS PO JI SNYED MCHIS PA KUN, ,GCIG TU BSDOMS TE SRAS BCAS RGYAL KUN GYI, ,RLABS CHEN THUGS BSKYED RGYA MTSOR 'JUG GYUR CIG ,RTAG TU MTHE RIS YON TAN BDUN LDAN GYI, ,RTEN THOB BSHES GNYEN DAM PAS RJES 'DZIN CING, , 'DI SNANG 'KHRI PA CHOD PA'I BRTZON 'GRUS KYIS, ,BLANG DOR TSUL BZHIN SGRUB PAR BYIN GYIS RLOBS, ,MI BZAD 'KHOR BA'I SDUG BSNGAL GYIS 'JIGS SHING, ,DER GNAS NYAM THAG 'GRO LA RJES BRTZE BAS, ,RIN CHEN BYANG CHUB MCHOG TU SEMS BSKYED DE, ,THEG MCHOG LAM BZANG BGROD PAR BYIN GYIS RLABS, ,NAM ZHIG 'DI SNANG 'GAG PAR RTZOM PA NA, ,KHYOD ZHAL MIG GI BDUD RTZIR 'GYUR BA YIS, ,SHUGS DRAG DAD PA'I NGANG NAS SHI 'PHOS TE, ,YID DGA' CHOS 'DZIN GNAS SU SKYE BAR SHOG ,MDOR NA DANG NAS JI SRID BYANG CHUB BAR, ,'DREN MCHOG MA PHA MA MGON GYIS RJES BZUNG STE, ,SA LA MA RTOGS PA GEGS MED MYUR BGROD NAS, ,DPAL LDAN STOBS BCU'I SA LA REG GYUR CIG ,CES PA

, ,'DI NI BZANG PO'I BAG CHAGS KYI MTHU BRTAS PA ZHABS DRUNG DKON MCHOG CHOS 'BYOR GYIS BSKUL BOR BTZUN PA DKON MCHOG BSTAN PA'I SGRON MES BRIS PA'O,, ` ,,MDUN GYI NAM MKHAR KUN BZANG MCHOD SPRIN DBUS, ,NOR BU'I 'OD CHAGS SENG KHRI PAD ZLA'I STENG, ,BKA' DRIN MNYAM MED RTZA BA'I BLA MA DANG, ,NGO BO DBYER MED RGYAL TSAB BYAMS PA MGON, ,GSER GYI LHUN PO LTA BUR BRJID PA'I SKU, ,MTSAN DPE'I RGYAN LDAN CHOS 'KHOR PHYAG RGYA CAN, ,LHA RDZAS GOS DANG RIN CHEN RGYAN GYIS SPRAS, ,BZANG PO'I BZHUGS STANGS MDZAD PA'I THUGS KA NAS, ,'OD 'PHROS DGA' LDAN GNAS NAS BYAMS MGON LA, ,SRAS BCAS RGYAL BAS BSKOR BA SPYAN DRANGS TE, ,DBYER MED BSTIM PAS SKYABS GNAS KUN 'DUS KYI, ,NGO BOR BSOD NAMS ZHING DU BZHUGS GYUR CIG ,DKON MCHOG KUN 'DUS THUGS RJE'I ZLOS GAR GYIS, ,ZAB RGYAS BSTAN PA'I GNAD KUN GDAN GCIG LA, ,SGRUB PA'I LAM BZANG GSAL MDZAD SGRON ME MCHOG ,BYAMS MCHOG BLA MA MCHOG LA GUS PHYAG 'TSAL, ,LUS DANG LONGS SPYOD DUS GSUM DGE TSOGS BCAS, ,KUN BZANG MCHOD PA'I NGO BOR LEGS 'BUL NA, ,THUGS RJES BZHES NAS BDAG SOGS 'GRO KUN GYI, ,SHES RGYUD SMIN CING GROL BAR BYIN GYIS RLOBS, ,SDOM GSUM BCAS PA'I MTSAMS LAS 'DAS BA SOGS, ,NYES KUN GNOD ZHING 'GYOD PAS MTHOL BGYID NA, ,THUGS RJE CHE LDAN BYIN RLABS BDUD RTZI'I CHUS, ,

LHAG MED BYANG ZHING DAG PAR BYIN GYIS RLOBS, ,'DREN PA KHYOD MIN SKYABS GZHAN MA MCHIS PAS, ,RTAG TU 'BRAL MED BDAG GI MGON MDZAD DE, ,ZAB RGYAS GDAMS PA'I GRU CHAR 'JOB YIS, ,DGE BA'I LO TOG GONG DU SPEL BAR MDZOD, , MA 'ONGS SKYE BA'I 'PHRENG BA KUN TU YANG BDAG PA'I ZHING DAM DAL 'BYOR TSANG BA'I RTEN, ,RIM BRGYUD BSHES GNYEN DAM BA MNYES BYAS NAS, ,MDO SNGAGS LAM LA TSUL BZHIN SLOB GYUR CIG ,MDOR NA BLA MA YI DAM CHOS SKYONG SOGS, ,KUN GYI NGO BOR RTZE GCIG GSOL 'DEBS NA, ,SRID ZHI'I 'JIGS LAS BSGRAL TE BLA MA LHA'I, ,GO 'PHANG MYUR DU THOB PAR BYIN GYIS RLOBS, ,BKA' DRIN MNYAM MED BLA MA LHAG PA'I LTA, ,BDAG GI SNYING BAR PADMA'I GDAN BZHUGS LA, ,ZHES SOGS DANG, 'DIS MTSON DGE BA'I ZHES SOGS DANG, NAM ZHIG RDO RJE GDAN GYI ZHES SOGS BYAMS MGON DANG 'BREL PA'I SMON LAM CI RIGS PAS MTSAMS SBYAR BAR BYA'O, ,ZHES PA 'DI NI THOS BSAM SGOM PA THUNG DU 'JUG BA'I BSTAN PA'I GSAL BYED DAM PA RGYAL MKHAN PO GRAGS PA RGYAL MTSAN PA'I GSUNG GIS BSKUL NGOR, BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU BADZRA DH'A R'A YA, 'DAR 'JAM MGON BLA MA LA BRTEN PA'I ZAB LAM BLA MA'I RNAL 'BYOR DGA' LDAN LHA BRGYA MA'I SGO NAS RANG GZHAN GYI DON RLABS PO CHE SGRUB PAR 'DOD PA'I GANG ZAG GIS RJE'I SKU BRNYAN BRIS 'BUR CI RIGS KYIS GTZOS PA'I SKU GSUNG THUGS KYI RTEN LEGS PAR DGRAM, MDUN DU CHU GNYIS NYER SPYOD DANG BCAS PA TSAR GSUM YAN CHAD DANG, GZHAN YANG MAR ME BRGYA RTZA SOGS

, ,MCHOD PA GANG RGYAS, MAndAL DANG BCAS PA LEGS PAR BSTAR, SKYABS SEMS RGYAS BAR SNGON DU BTANG, DKON MCHOG GSUM GYI BDEN PA DANG, CHOS DBYINGS RTEN 'BREL BSLU BA MED PA'I MTHU STOBS KYIS MCHOD BA'I YO BYAD THAMS CAD KUN TU BZANG PO'I SMON PA'I MTHU LAS SKYABS YUL RNAMS LA ZAG PA MED PA'I DGYES PA SKYED PAR BYED PA'I MTHU DANG LDAN PAR GYUR, NA MO RATNA TRA Y'A YA, AOm NA MO BHA GA WA TE, BADZRA S'A RA PRA MARDA NI, TA TH'A GA T'A YA, AARHA TE SAMYAKSAm BUDDH'A YA, TADYATH'A, AOm BADZRE BADZRE, MAH'A BADZRE, MAH'A TE DZA BADZRE, MAH'A BIDY'A BADZRE, MAH'A BO DHI TZITTA BADZRE, MAH'A BO DHI MAndO PA SAm KRAMA nA BADZRE, SARBA KARMA A'A WA RAn BI SHO DHA NA BADZRE SV'AH'A, ZHES MCHOD PA'I SPRIN GYI GZUNGS LAN GSUM BRJOD DE BYIN GYIS BRLAB, DGA' LDAN GYI ZHING GI BKOD BA YID NGOR LEGS PAR GSAL BTAB STE, STENG PHYOGS DGA' LDAN GNAS KYI BYE BRAG MCHOG ,YID DGA' CHOS 'DZIN RGYAL BA'I MDUN SA NAS, ,RNAM 'DREN STOBS BCU MNGA' BA MA PHAM MGO NA, ,NYIN BYED 'BUM GYIS 'KHYUD PA'I GSER RI BZHIN, ,MTSAN DPE'I DPAL 'BAR GZI BRJID LHAM ME BA, ,RIN CHEN RGYAN SPRAS CHOS 'KHOR PHYAG RGYA CAN, ,GDONG LNGA'I KHRI LA BZANG PO'I BZHUGS STANGS MDZAD, ,DE YI THUGS MTSAN DPAL GYI BE'U'I NANG, ,'JAM MGON BLA MA YAB SRAS LEGS BZHUGS SHING, ,GZHAN YANG SAR GNAS DPA' BO GRANGS MED SOGS, ,'KHOR TSOGS RGYA MTSOS BSKOR BA THAMS CAD KYANG, ,BDAG SOGS LHO GLING GDUL BYA'I TSOGS

RNAMS LA, ,BRTZE BA'I THUGS KYIS MNGON PAR DGONGS PA YI, ,NYAMS 'GYUR DANG BCAS RNAM PA GSAL BAR GYUR, ,DGA' LDAN LHA BRGYA'I MGON GYI THUGS KA NAS, ,RAB DKAR ZHO GSAR SPUNGS 'DRA'I CHU 'DZIN RTZER, ,CHOS KYI RGYAL PO KUN MKHYEN BLO BZANG GRAGS, ,SRAS DANG BCAS PA GNAS 'DIR GSHEGS SU GSOL, ,MDUN GYI NAM MKHAR SENG KHRI PANG ZLA'I STENG, ,RJE BTZUN BLA MA DGYES PA'I 'DZUM DKAR CAN, ,BDAG BLO DAD PA'I BSOD NAMS ZHING MCHOG TU; ,BSTAN PA RGYAS PHYIR BSKAL BRGYAR BZHUGS SU GSOL, ,DE YANG SENG KHRI GSUM GYI DBUS MA LA, ,SKYABS GSUM KUN 'DUS 'JAM MGON TZONG KHA PA, ,SKU MDOG DKAR LA DMAR BA'I MDANGS CHAGS SHING, ,PHYAG GNYIS THUGS KAR CHOS 'KHOR PHYAG RGYA YIS, ,RAL GRI GLEGS BAM DANG BCAS AUTPAL BSNAMS, ,DRI MED GSER MDOG PAn ZHVAS GTZUG MDZES SHING, ,CHOS GOS GSUM GSOL SKYIL KRUNG TSUL GYIS BZHUGS, ,DE YI SPYI BOR SKU YI RDO RJE'I DNGOS, ,LHA MCHOG SNYING RJE'I BDAG NYID SPYAN RAS GZIGS, ,MGRIN PAR GSUNG GI RDO RJE'I NGO BO NYID, ,SHES RAB STONG PA'I RANG BZHIN 'JAM PA'I DBYANGS, ,THUGS KAR THUGS KYI RDO RJE'I BDAG NYID MCHOG ,MTHU STOBS NUS PA'I GTER GYUR GSANG BA'I BDAG ,RIGS BRGYA RIGS LNGA RIGS GSUM KUN GYI DNGOS, ,LHA MCHOG GSUM DANG DBYER MED NGO BO NYID, ,GA-YAS SU CHOS KYI RGYAL PO DAR MA'I MTSAN, ,ZHI DUL NYAMS LNGA MCHOS 'CHAD MNYAM

, ,GZHAG MDZAD, ,GA-YON DU SMRA BA'I NYI MA DGE LEGS DPAL, ,CHOS 'CHAD MNYAM GZHAG DANG BCAS 'GYING BA'I NYAMS, ,YAB SRAS GSUM GYI 'OD ZER 'PHRO 'DU YIS, ,DNGOS DANG BRGYUD BA'I BLA MA THAMS CAD DANG, ,ZHI KHRO RAB 'BYAMS YI DAM 'KHOR LO'I TSOGS, ,RAB 'BYAMS RGYAL DANG RGYAL SRAS MA LUS PA, ,DPA' BO MKHA' 'GRO NYAN RANG CHOS SRUNG KUN, ,SPYAN DRANGS BSOD NAMS ZHING DU BZHUGS SU GSOL, ,JI SNYED SU DAG PHYOGS BCU'I 'JIG RTEN NA, ,DUS GSUM GSHEGS PA MI YI SENG GE KUN, ,BDAG GIS MA LUS DE DAG THAMS CAD LA, ,LUS DANG NGAG YID DANG BAS PHYAG BGYI'O, ,BZANG PO SPYOD PA'I SMON LAM STOBS DAG GIS, ,RGYAL BA THAMS CAD YID KYI MNGON SUM DU, ,ZHING GI RDUL SNYED LUS RAB BTUD PA YIS, ,RGYAL BA KUN LA RAB TU PHYAG 'TSAL LO, ,RDUL GCIG STENG NA RDUL SNYED SANGS RGYAS RNAMS, ,SANGS RGYAS SRAS KYI DBUS NA BZHUGS PA DAG ,DE LTAR CHOS KYI DBYINGS RNAMS MA LUS PA, ,THAMS CAD RGYAL BDAG GIS GANG BAR MOS, ,DE DAG BSNGAGS MI ZAD RGYA MTSO RNAMS, ,DBYANGS KYI YAN LAG RGYA MTSO'I SGRA KUN GYIS, ,RGYAL BA KUN GYI YON TAN RAB BRJOD CING, ,BDE BAR GSHEGS PA THAMS CAD BDAG GIS BSTOD, ,SHES BYA'I KHYON KUN 'JAL BA'I BLO GROS THUGS, ,SKAL BZANG RNA BA'I RGYAN GYUR LEGS BSHAD GSUNG, ,GRAGS PA'I DPAL GYIS LHAM MER MDZES PA'I SKU, ,MTHONG THOS DRAN PA DON LDAN LA PHYAG 'TSAL, ,ZHES DANG,

DPAL LDAN SA GSUM MA SOGS RJE'I GSOL 'DEBS DANG BSTOD BA CI RIGS 'DON ZHING, SPRON PHYAG 'TSAL BA DANG SBRAGS KYANG RUNG, YID 'ONG MCHOD YON ZHES PA'I SHLOOKA GCIG PU'AM, RGYAL BA RGYA MTSO, MA SOGS KYI MCHOD 'PHRENG RGYAS PA DANG, 'DOD YON RNAM LNGA RIN CHEN SNA BDUN SOGS KYANG 'BUL, LTUNG BSHAGS DANG SGYI BSHAGS SOGS KYANG BTON TE, GANG ZHIG THOG MED DUS NAS ZHES PA MAN CHAD MTHAR CHAGS SU BYA, DE NAS MAndAL SO BDUN MA RGYAS PAR PHUL LA, SA GZHI SPOS BYUGS MGRANGS BSAGS TE BDUN NA MNYER GCIG SOGS DBUL, DE NAS BDUD RTZI 'BEB SBYANG GI DMIGS PA KHRID YIG SOGS NAS 'BYUNG BA LTAR BYAS LA DMIGS BRTZE MA BRGYA STONG SOGS 'DON, DE RJES, RJE BLA MA'I GNAS GSUM GYI RIGS GSUM MGON PO SO SO'I THUGS KAR RIM PA BZHIN ZLA GDAN LA HR'I:YIG DANG DH'I:YIG, NYI GDAN LA H'Um YIG GI MTHAR RANG RANG GI SNGAGS KYIS BSKOR BAR MOS TE, RIGS GSUM MGON PO'I SNYING PO BGRANG, KHRUS LA SOGS PA'I SGO NAS GZHAN GYI DON SGRUB PA'I TSE THUGS KA'I GSANG BDAG KHRO BO'I RNAM PA DE NYID RDO RJE RNAM PAR 'JOMS PA'I SKUR GYUR PAR MOS LA, DE'I THUGS KA'I SNGAGS 'PHRENG LAS BDUD RTZI'I RGYUN BABS PAS BUM PA GANG BAR BSAMS TE, DE'I SNGAGS BZLA ZHING BUM CHU DE NYID KYIS BSKRU BYA BA SOGS DKYUS BZHIN BYA, DES MTSON TE MGRIN PA'I 'JAM DPAL DE NYID RDO RJE 'JIGS BYED KYI SKUR GYUR PAR MOS LA DE'I SNGAGS BGRANG BA SOGS SKABS DANG SBYAR NA RUNG BAR GSUNGS SO, ,MJUG TU RJE BLA MA RANG GI SNYING GAR BYON PAR MOS TE, DPAL LDAN RTZA BA'I BLA MA ZHES SOGS DANG, TSER BAS RJES 'DZIN GYI SMON PA SOGS BYA'O, ,

, ,ZHES PA 'DI YANG DED BRTZON LDAN PA DGE SLONG 'JIGS MED BDE CHEN GYIS BSKUL NGOR BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU MANYDZU GHOsh'A YA, YE SHES SNANG BA MCHOG TU 'BAR BA'I GZIS, ,NANG GI MUN PA SEL PA'I NYIN MOR BYED, ,'JAM DBYANGS ZHABS KYI PADMO LA BTUD NAS, ,DE LA BRTEN PA'I BLA MA'I RNAL 'BYOR BRI, ,DE'ANG YON TAN RIN PO CHE SDUD BA LAS, SLOB MA BZANG BO BLA MAR GUS LDAN DE DAG GIS, ,BLA MA MKHAS PA RNAMS LA RTAG TU BRTEN PAR BYA, ,CI'I PHYIR ZHE NA MKHAS PA'I YON TAN DE LAS 'BYUNG, ,DE DAG SHES RAB PHA ROL PHYIN PA RJES SU STON, ,ZHES GSUNGS PA LTAR, SPYIR SRID ZHI'I LEGS TSOGS GZHAN THAMS CAD NI BDAG RKYEN SANGS RGYAS KYI 'PHRIN LAS LA BRTEN CING SANGS RGYAS DE NI YUM SHES RAB KYI PHA ROL TU PHYIN PA LAS 'KHRUNGS, SHES RAB KYI PHA ROL TU PHYIN BA'I RTOGS PA NI DGE BA'I BSHES GNYEN GYIS RJES SU GDAMS BA LA RAG LAS PAS MDOR BSDU NA LEGS TSOGS YON TAN THAMS CAD KYI RTZA BA DGE BA'I BSHES GNYEN KHO NA LA THUG GO, DES NA GNAS SKABS MTHAR THUG GI PHYAN TSOGS GANG ZHIG BSGRUB KYANG DE'I RTEN 'BREL THAMS CAD BLA MA LA BRTEN NAS BSGRIG DGOS TE, STON PA YANG DAG PAR RDZOGS PA'I SANGS RGYAS NAS BZUNG 'PHAGS YUL PAn GRUB RNAMS DANG JO BO YAB SRAS, 'JAM MGON BLA MA YAB SRAS THAMS CAD KYANG RTZA BA BSHES GNYEN BSTEN TSUL GYI RMANG GZHI BRTAN PA'I STENG NAS SA LAM GYI RTOGS PA BGROD TSUL DANG BSTAN 'GRO'I DON LHUN GYIS GRUB TSUL RNAM THAR RNAMS SU GSAL BA BZHIN NO, ,DES NA BSHES GNYEN BSTEN TSUL NI DMIGS SKOR

THUN RE TZAM GYIS MI RDZOGS PA LAM RIM CHEN MOR GSUNGS PA BZHIN YIN PAS SANGS RGYAS DNGOS SU MTHONG BA'I DAD PA DANG RGYAL BA KUN LAS BKA' DRIN CHE TSUL RJES SU DRAN BA'I GUS PA CHEN POS YID GTING NAS GA-YOS TE SGO GSUM MTHA' DAG BLA MA'I DBANG DU BTANG ZHING BYA BA THAMS CAD BLA MA MNYES PA'I MCHOD PAR 'GYUR PA ZHIG BYUNG NA MGO BSHES GNYEN BSTEN TSUL GYI SARGA MA LOG PA DANG LAM GYI RTZA BA TSUGS PA YIN PAS GNAS 'DI LA SHIN TU GZAB PAR BYA'O, ,'DIR BLA MA'I RNAL 'BYOR SGOM TSUL GYI RIM BTZAM ZHIG ZUR DU 'GOD PA LA LHAG PA'I LHA SO SO DANG SBYAR BA'I BLA MA'I RNAL 'BYOR RIGS SNA TSOGS SHIG YOD KYANG RJE BLA MA'I GDAMS PA THUN MONG MA YIN PA RNAMS NYAMS SU LEN SKABS BLA MA DANG 'JAM PA'I DBYANGS NGO BO DBYER MED DU BYAS NA RTEN 'BREL GYI SGO KHYAD PAR CAN YOD TSUL YAB SRAS RNAMS KYI GSUNG RGYUN DU MA LAS 'BYUNG BA LTAR YIN PAS 'DIR YANG DE'I DBANG DU BYAS TE NYAMS SU LEN PA LA, GNAS KHANG BYI DOR BYAS, LAM GTZO'I TSOGS ZHING DAM 'JAM PA'I DBYANGS DANG RJE BLA MA, RANG GI RTZA BA'I BLA MA RNAMS KYI SKU BRNYAN BRIS 'BUR CI RIGS KYIS GTZO BYAS PA'I SKU GSUNG THUGS KYI RTEN DGYAM, YON CHAB DANG MAR ME SOGS DVANGS SHING GSAL BA'I MCHOD PA LEGS PAR BSHAM, SPYOD LAM TSUL MTHUN GYIS 'KHOD DE DGE SEMS KHYAD PAR CAN GYI NGANG NAS SKYABS 'GRO SEMS BSKYED TSAD MED BZHI RNAMS YONGS GRAGS LTAR DANG, KHYAD PAR MA SEMS CAN THAMS CAD KYI MI SHES PA'I MUN PA DRUNGS NAS PHYUNG STE YE SHES KYI SNANG BA PHUN SUM TSOGS PA LA 'GOD PAR BYA, DE'I PHYIR DU LE MA ZAB MO BLA MA LHA'I RNAL 'BYOR NYAMS SU BLANG BAR BYA'O, ,ZHES KHYAD BAR GYI

, ,SEMS BSKYED BYA, DNGOS GZHI TSIGS SU BCAD PAS BRJOD NA 'JUG PA BDEBS 'DI LTAR, RNAM DAG 'OD GSAL CHOS DBYINGS LHA YI LAM, ,BDE CHEN YE SHES 'JA' TSON RNAM LNGA'I KLONG, ,MI 'JIGS BZHI LDAN GDONG LNGA 'BAR BA'I KHRIR, ,SRID PA'I SKYON BRAL 'DAB STONG RGYAS PA'I RTZER, ,THABS SHES DBYER MED NYI ZLA'I GDAN STENG DU, ,RTZA BA'I BLA MA MGON PO 'JAM PA'I DBYANGS, ,NYI GZHON BYE BA PHRAG BRGYAS 'KHYUD PA YI, ,GUR GUM RDUL MANG BRTZEGS PA'I LHUN PO BZHIN, ,SKU MDOG DMAR SER LANG TSO'I DPAL GYIS SGEG ,ZHAL KHYIM RAB RGYAS AUTPAL SPYAN ZUNG GA-YO, ,SMIN 'KHYOG BIMA'I MCHU SGROS 'DZUM ZHING MDZES, ,MTHON MTHING RAL PA'I THOR COG SPYI BOR BCINGS, ,DNGOS 'DZIN 'CHING BA DRUNGS NAS GCOD PA YI, ,SHES RAB RAL GRI GA-YAS PA'I PHYAG GIS 'PHYAR, ,GA-YON NA CHOS KUN SNYING PO SHER PHYIN GYIS, ,NYE BAR MTSAN PA'I AUTPAL SDONG BU BSNAMS, ,ME TOG THOD BCING NOR BU'I DBU RGYAN DANG, ,RNA CHAG DU BKOR DO SHAL CHOGS KYIS MDZES, ,LHA RDZAS DAR GYI STOD GA-YOGS SHAM THABS PA GOS, ,RDO RJE SKYIL MO KRUNG GIS BZHUGS PA YI, ,GNAS LNGAR BDE GSHEGS LNGA DANG YE SHES LNGA'I, ,RANG BZHIN YI GE LNGA YIS MTSAN PA YI, ,H'Um YIG 'OD KYIS RANG 'DRA'I YE SHES BA, ,SRAS BCAS RGYAL BA'I TSOGS BCAS SPYAN DRANGS TE, ,BSTIM PAS SKYABS GNAS KUN 'DUS NGO BOR GYUR, ,SPROS BRAL DBYINGS DANG DBYER

MED 'OD GSAL THUGS, ,ZAB RGYAS CHOS KYI DGA' STON 'GYED PA'I GSUNG, ,GANG 'DUL CIR YANG 'CHAR BA GZUGS KYI SKU, ,MI ZAD RGYAN GYI 'KHOR LO DER PHYAG 'TSAL, ,GANG GI ZHABS SEN 'OD KYIS REG PA YIS, ,MI SHES RGUD PA'I MUN PA KUN SEL ZHING, ,PHAN DANG BDE BA'I PAD TSAL RGYAS MDZAD PA, ,BLA MA 'JAM PA'I DBYANGS LA PHYAG 'TSAL LO, ,RAB 'BYAMS RGYAL BA KUN GYI YAB GYUR KYANG, ,RGYAL SRAS TSUL GYIS 'GRO KUN SRID LAS 'DREN, , YE SHES LUS CAN THUGS RJE'I GTER KHYOD LA, ,SGO GSUM MI PHYED DANG BAS PHYAG 'TSAL LO, ,KUN BZANG SMON PA'I PIR GYIS BRIS PA YI, ,MCHOD PA'I RI MO ZHING KHAMS KUN KHYAB PA, ,'KHOR GSUM DMIGS MED BLO YIS 'BUL LAGS NA, ,ZAG MED BDE STONG DGA' BAS DGYES GYUR CING, ,MA RIG DBANG GYUR NYES TSOGS MTHA' DAG DANG, ,CHOS DANG BLA MAR GUS PA DMAN PA SOGS, ,SHES RAB 'CHAL BYED DAM TSIG NYAMS CHAG KUN, ,SHUGS DRAG GDUNG BA'I YID KYIS MTHOL LO BSHAGS, ,DUS GSUM DGE TSOGS KUN DANG KHYAD PAR DU, ,MGON KHYOD DMIGS MED SNYING RJE'I DBANG GYUR TE, ,RGYAL BA'I MDZAD PA MA LUS BSGRUB PA LA, ,SNYING NAS BSAM PA THAG PAS RJES YI RANG; ;'GRO BA'I LAS NYON DRI MA KUN SEL BA, ,RJES SU BSTAN PA'I CHO 'PHRUL BDUD RTZI'I CHUS, ,LUS CAN SNYING GI GDUNG BA KUN BCIL TE, ,YANG DAG LAM GYI RTOGS PA SKYED PAR MDZOD, ,RING NAS 'GRO LA RJES SU CHAGS BA'I

, ,GNYEN, ,SRID ZHI'I 'JIGS LAS SGROL BA'I DED DPON MCHOG ,MGON KHYOD LAS LHAG SKYABS GZHAN MA MCHIS PAS, ,BSKAL PA RGYA MTSOR BRTAN PAR BZHUGS SU GSOL, ,'DIS MTSON BDAG GZHAN DGE TSOGS CI MCHIS PA, ,NYES KUN RTZA BA RMONGS PA'I GDON BCOM STE, ,YE SHES LNGA LDAN 'JAM DPAL DPA' BO YI, ,GO 'PHANG BDE BLAG 'THOB PA'I RGYU RU BSNGO, ,DE NAS GONG GI PHYAG 'TSAL GYI TSIGS BCAD GANG YANG RUNG BA GSOL 'DEBS SU BSGYUR BA CI MANG BZLAS LA, MTHAR 'DOD DON LA GSOL BA GDAB PA NI, RNAM 'DREN KUN GYI YE SHES 'JAM PA'I DBYANGS, ,KHYOD ZHABS GUS MCHOD GSOL BA BTAB PA'I MTHUS, ,YANG DAG LAM GYI RTOGS PA MNGON GYUR TE, , SKU GSUM GO 'PHANG THOB PAR BYIN GYIS RLOBS, ,KUN BYANG BLANG DOR GNAS RNAMS MA LUS PA, ,JI BZHIN 'BYED PA'I SHES RAB RLABS CHE ZHING, ,SHIN TU DPAG DKA'I GNAS KUN 'BYED PA YI, ,ZAB MO'I SHES RAB THOB PAR BYIN GYIS RLOBS, ,KU SHA'I RTZE LTAR PHRA ZHING MDZANGS PA YI, ,SHES RAB RNON GSAL MYUR BA'I MTSON RNON GYIS, ,THE TSOM DRA BA 'PHRAL DU GCOD PA LA, ,THOGS MED SPOBS BA 'GRUB PAR BYIN GYIS RLOBS, ,MA RTOGS LOG RTOG DRI MA KUN SEL ZHING, ,RGYA CHEN GZHUNG LA NGES PA BDE BLAG STER, ,YANG DAG LAM DU NYE BAR 'KHRID NUS PA'I, ,'CHAD PA'I SHES RAB THOB PAR BYIN GYIS RLOBS, ,DNGOS STOBS RIGS PA'I RNO RGYUN 'BAR BA YI, ,DGAG SGRUB GNAM

LCAGS PHRENG BAS RGOL NGAN GYI, ,DAM BCA'I BRAG RI PHYE MAR 'THAG BYED PA, ,RTZOD PA'I SHES RAB THOB PAR BYIN GYIS RLOBS, ,RJOD BYED SNYAN 'JEBS RNA BA'I BDUD RTZI 'GYED, ,BRJOD DON ZAB LAM BYANG GROL 'JUG DOGS STON, , THUB BSTAN MDZES PA'I RGYAN DU GYUR PA YI, ,RTZOM PA'I SHES RAB THOB PAR BYIN GYIS RLOBS, ,TSIG GI 'KHRUL PA SEL BSGRA RIG DANG, ,DON LA SGRO 'DOGS GCOD PA TSAD MA'I GZHUNG, ,SGO GSUM RNAM DKAR 'DU BYED BZO YI GNAS, NYAM THAG GDUNG SEL GSO RIG BDUD RTZI'I RGYUN, ,THAR PA'I 'JUG NGOGS NANG DON RIG PA STE, ,RIG GNAS CHEN PO RNAM LNGA SKAR RTZIS DANG, ,MNGON BRJOD LA SOGS RIG GNAS CHUNG BAR BCAS, ,KUN GYI MTHAR SON GDUL BYA'I MOS PA BZHIN, ,RJES 'DZIN MTHU DANG LDAN PAR BYIN GYIS RLOBS, ,BSTAN PA'I RTZA BA 'DUL BA 'BUM SDE'I GZHUNG, ,LUNG DANG RIGS PA'I MNGON PA DBU TSAD MDZOD, ,MDO SDE'I MCHOG GYUR PHA ROL PHYIN RNAMS KYI, ,DGONGS DON BDE BLAG RTOGS PAR BYIN GYIS RLOBS, ,LHA DRUG GIS BSDUS BYA BA SPYOD PAR BCAS, ,PHYAG RGYA BZHI YIS RGYAS BTAB RNAL 'BYOR RGYUD, ,BDEN GNYIS GTZOR GYUR BLA MED RNAM GNYIS SOGS, ,RGYUD DON MTHA' DAG RTOGS PAR BYIN GYIS RLOBS, , MDOR NA GZHUNG LUGS KUN LA THOS PAS ZHUGS, ,DE DON TSUL BZHIN BSAM BAS SGRO 'DOGS BCAS, ,RTZE GCIG BSGOMS PAS JI BZHIN MNGON GYUR TE, ,MDO SNGAGS LAM BZANG BGROD PAR BYIN GYIS RLOBS, ,THUGS RJE'I

, ,GTER CHEN LHAG PA'I LHA KHYOD KYI, ,BYIN RLABS BDUD RTZIS SNYING LA BRAN PA YIS, ,LAM BZANG SNYE MA GA-YUR DU ZA BA'I RTZER, ,SKU GSUM 'BRAS BU SMIN PAR BYIN GYIS RLOBS, ,DE LTAR GSOL BA BTAB BAS BLA MA LHA, ,SNYING GAR BYON NAS RANG GI SEMS NYID DANG, ,DBYER MED BRTAN PAR BZHUGS NAS MCHOG THUN GYI, ,DNGOS GRUB KUN STZOL RJES SU 'DZIN GYUR CIG ,TSE RABS KUN TU 'JAM MGON BLA MA YIS, ,THEG MCHOG BSHES GNYEN DNGOS SU MDZAD PA'I MTHUS, ,RGYAL BAS BSNGAGS PA'I LAM BZANG DE NYID LAS, ,SKAD CIG TZAM YANG LDOG PAR MA GYUR CIG (,CES PA 'DI NI RNAM DPYOD MCHOG TU YANGS PA'I DGE BA'I BSHAS GNYEN RDO RAM PA DKON MCHOG NAM MKHAS BSKUL NGOR BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA'O,), ` ,,KUN RTOG SPROS DANG BRAL PA'I DBYINGS KYI MKHAR, ,DMAR SER DH'I:YIG 'OD KYI 'PHRO 'DU LAS, ,DPAL LDAN BLA MA RJE BTZUN MKHYEN PA'I GTER, ,YID 'ONG MTSAMS SPRIN GZHON NU'I MDANGS LDAN ZHING, ,BRGYAD GNYIS LANG TSOGS PA'I DPAL GYIS SGEG ,PHYAG GA-YAS RMONGS PA'I 'CHING GCOD RAL GRI DANG, ,GA-YON NA GZHUNG MCHOG SHER PHYIN GLEGS BAM BAS BSNAMS, ,GANG SNUM RAL PA'I ZUR PHUD LNGA LDAN ZHING, ,MU TIG 'BRENG MDZES NOR BU'I RGYAN GYIS SPUD, ,SKYIL MO KRUNG GIS BZHUGS PA'I GNAS GSUM DU, ,RDO RJE GSUM MTSON YI GES RGYAS BTAB

CING; ;KHYAD PAR THUGS KA'I DH'I:YIG 'OD ZER GYIS, ,MI 'GYUR CHOS DBYINGS BDE BA'I PHO BRANG NAS, ,RGYAL DANG RGYAL SRAS 'JAM DPAL ZHI KHRO'I TSOGS, ,YE SHES LHA YI 'KHOR LO SPYAN DRANGS TE, ,DBYER MED BSOD NAMS ZHING DU BZHUGS PAR GYUR, ,MA LUS RGYAL BA'I YE SHES GCIG BSDUS DNGOS, ,MA NOR LAM BZANG STON MDZAD DGE BA'I BSHES, ,MA RIG MUN PA SEL BA'I SGRON ME MCHOG ,BLA MA 'JAM PA'I DBYANGS LA PHYAG 'TSAL LO, ,KUN RTOG ZHEN PA'I 'KHOR GSUM YONGS DAG PA, ,KUN BZANG MCHOD PA'I SPRIN GYIS RAB 'BYAMS ZHING, ,KUN TU BKANG STE DANG BAS 'BUL LAGS NA, ,KUN NAS BRTZE BA'I THUGS KYIS BZHES SU GSOL, ,MU MED 'KHOR BAR 'KHYAMS PA'I GNAS SKABS SU, ,MA RIG 'KHRUL PA'I DBANG DU GYUR PA YIS, ,MI DGE SDIG PA'I LAS RNAMS CI BGYIS PA, ,MA LUS 'GYUD PA DRAG POS MTHOL LO BSHAGS, ,MKHYEN BRTZE'I 'OD KYIS THAR LAM GSAL MDZAD PA'I, ,RMAD BYUNG RNAM PAR THAR LA RJES YI RANG, , SLAD KYANG 'KHOR BA SRID DU RTAG BZHUGS NAS, ,LEGS GSUNG CHOS KYI 'KHOR LO BSKOR DU GSOL, ,'DIS MTSON DUS GSUM DGE TSOGS BSDOMS PA'I MTHUS, ,RAB 'BYAMS RGYAL PA'I CHOS KYI MDZOD BZUNG STE, ,NAM MKHA'I MTHAS GTUGS MKHA' MNYAM 'GRO KUN GYI, ,SRID DANG BZHI BA'I RGUD PA SEL GYUR CIG ,DKON MCHOG RGYAL BA'I MKHYEN RAB ME SHEL KHAMS, ,MDO SNGAGS BSTAN PA'I PAD TSAL BZHAD PA'I GNYEN, ,SKYE RGU'I SNYING GI MUN SEL

, ,SGRON ME MCHOG ,BLA MA 'JAM PA'I DBYANGS GSOL BA 'DEBS, ,KUN TU RMONGS PA'I DRA BA BCAD DU GSOL, ,RNAM 'BYED SHES RAB SNANG BA STZAL DU GSOL, ,'CHAD RTZOD RTZOM PA'I GZI BYIN SKYED DU GSOL, ,MYUR DU MGON KHYOD LTA BUR BYIN GYIS RLOBS, ,SNYING RJE CHE DANG MTHA' BRAL LTA BA YIS, ,SRID DANG ZHI BA'I GA-YANGS KUN BKAG STE, ,MI GNAS MYA NYAN 'DAS PA'I SAR BGROD NAS, ,MA LUS 'GRO BA SRID LAS SGROL GYUR CIG (,CES RJE BTZUN 'JAM DBYANGS LA BRTEN PA'I ZLA MA'I RNAL 'BYOR 'DI NI BSTAN PA'I GSAL BYED STAG LUNG SPRUL PA'I SKU NAS BSKUL NGOR ` BTZUN PA DKON MCHOG BSTAN PA'I SGRON MES BRIS PA'O, ,) ` ,,RNAM DAG 'OD GSAL DBYINGS KYI ROL PA LAS, , RGYA CHEN TSOGS GNYIS 'O MA'I CHU GTER DBUS, ,SRID PA'I SKYON BRAL 'DAB STONG PAD DKAR RTZER, ,DMIGS MED SNYING RJE ZLA BA'I DKYIL 'KHOR STENG, ,RTZA BA'I BLA MA RJE BTZUN MKHYEN PA'I GTER, ,SKU MDOG DKAR GSAL BRGYAD GNYIS LANG TSOGS SGEG ,AUTPAL SPYAN YANGS SMIN MA'I 'KHRI SHING MDZES, ,MCHU SGROS 'DZUM LDAN NOR BU'I RNA CHA GA-YO, ,PHYAG GNYIS MCHOG SPYIN CHOS STON PHYAG RGYA YI, ,AUTPAL SDONG BU LA GNAS GLEGS RAL 'DZIN, ,RDO RJE SKYIL MO KRUNG GIS LEGS BZHUGS SHING, ,RIN CHEN RGYAN DANG DAR GYIN BZAS KLUBS, ,THUGS KA'I H'Um YIG 'OD KYIS ZHING KUN NAS, ,RAB 'BYAMS RGYAL BA'I 'KHOR LO SPYAN DRANGS TE, ,BSOD NAMS ZHING DU DBYER MED BZHUGS PAR GYUR, ,

SANGS RGYAS LAS KYANG DKON PA'I THEG MCHOG CHOS, ,MDO SNGAGS ZUNG 'BREL BSTAN PA'I SGRON ME YI, ,LUS CAN RMONGS PA'I MUN SEL BLA MA LHA, ,DBYER MED ZHABS KYI PADMOR GSUM PHYAG 'TSAL, ,DAG CING DVI MED BDUD RTZI'I CHU BZHI DANG; ;NYER SPYOD ROL MO 'DOD PA'I YON TAN LNGA, ,BKRA SHIS RTAGS RDZAS RIN CHEN MAndAL, ,DUS GSUM DGE TSOGS DANG BCAS MCHOD PAR 'BUL, ,MI BZANG NYES LTUNG MA LUS SNYING NAS BSHAGS, ,RNAM DKAR DGE PA'I TSOGS LA RJES YI RANG, ,BSKAL BRGYAR BZHUGS TE CHOS 'KHOR BSKOR BAR BSKUL, ,DGE TSOGS KUN MKHYEN YE SHES RGYU RU BSNGO, ,SA GZHI SPOS KYIS BYUNGS SHING MA TOG BKRA MA, (,ZHES PA NAS,) 'GRO KUN RNAM DAG ZHING LA SPYOD PAR SHOG (,CES PA'I BAR GYIS MAndAL GRANGS GSOG, GONG GI PHYAG 'TSAL GYI TSIGS BCAD DE GSOL 'DEBS SU BSGYUR BA DANG,) AOm WA KYEE DAm NA MA: (ZHES PA GNYIS CI MANG BZLAS LA BDUD RTZI 'BEBS SBYANG GI DMIGS RNAM SKYONG,) PHUL BYUNG BYAMS DANG SNYING RJE'I PHYAG BRKYANGS TE; ;NGAN SONG GA-YANG LAS SGOL BA'I 'DREN PA MCHOG ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,DAL 'BYOR RNYED DPA' 'JIG PAR SLA BA DANG, ,DAN SONG SDUG BSNGAL BSAM PA'I 'JIGS SKRAG GIS, ,SKYABS 'GRO LAS 'BRAS BLANG DOR LA 'BAD NAS, ,NGAN SONG SKYE SGO CHOD PAR BYIN GYIS RLOBS, ,BSTAN BA'I GZHI MA SO THAR KHRIMS NOD CING, ,THAR PA'I GRONG DU 'JUG PA'I LAM STON PA, ,

, ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,RNAM DAG NGES 'BYUNG BSAM PAS RGYUD 'KHUL ZHING, ,MI BZAD NYES PA'I SGO BZHI YONGS BKAG STE, ,DA SLAB GSUM RNAM PAR DAG PA'I NYAMS LEN GYIS, ,THAR PA'I RGYAL MTSAN TSUGS PAR BYIN GYIS RLOBS, ,THEG PA MCHOG GI TSUL KHRIMS LA BKOD DE, ,SRID DANG ZHI BA'I MTHA' LAS YONGS SU 'DZIN, ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,BYAMS DANG SNYING RJE BDAG GZHAN BRJE PA'I BLOS, ,RIN CHEN BYANG CHUB SEMS KYI RTZA BRTAN ZHING, ,TSOGS GNYIS SPYOD PA'I YAL DANG RGYAS BA YI,, THEG MCHOG LAM BZANG SKYE BAR BYIN GYIS RLOBS, ,'JUG SGO RNAM DAG DBANG GIS SMIN BYAS TE, ,GSANG CHEN GDAMS PA'I DGA' STON LHUG PAR STZOL, ,YAB GCIG BSTAN PA'I SGRON ME THUGS RJE'I GTER, ,BKA' DRIN DRAN PA'I YID KYIS GSOL 'DEBS NA, ,DNGOS GRUB RTZA BA DAM TSIG RNAM PAR DAG ,MTSAN BCAS MTSAN MED RIM GNYIS RNAL 'BYOR SOGS, ,GSANG CHEN LAM GYI BGROD PA MTHAR PHYIN TE, ,ZUNG 'JUG GO 'PHAR THOB PAR BYIN GYIS RLOBS, ,MDOR NA JI SRID BYANG CHUB SNYING PO'I BAR, ,'DREN PA KHYOD KYIS 'BRAL MED RJES 'DZIN CING, ,ZAB RGYAS GDAMS PA'I BDUD RTZI MYANG BA YIS, ,STOBS BCU MNGA' BA'I GO 'PHANG MYUR THOB SHOG ,(,CES PA 'DI NI DAD

(BRTZON LDAN NGA DGE SLONG DKON MCHOG CHOS LDAN GYIS BSKUL NGOR 7 BTZUN PA DKON MCHOG BSTAN PA'I SGRON MES BRIS PA'O,,) ` ,,MU TIG PHRENG LDAN 'O MA'I CHU GTER DBUS, ,'DAB MA STONG LDAN PAD DKAR LTE BA LA, ,NYA GANG BSIL ZER BYED PA'I DKYIL 'KHOR STENG, ,RAB DKAR DH'I:YIG 'OD KYI 'PHRO 'DU LAS, ,SMRA BA'I DBANG PHYUG MTSUNGS MED MKHYEN PA'I GTER, ,BKA' DRIN MNYAM MED RTZA BA'I BLA MA DANG, ,DBYER MED RGYAL KUN YAB GCIG 'JAM PA'I DBYANGS, ,BCU DRUG LANG TSOGSAR BA'I 'JO SGEG CAN, ,SKU MDOG RAB DKAR PHYAG GA-YAS MCHOG SBYIN GYIS, ,SHES RAB RAL GRIS MTSAN PA'I AUTPAL DANG, ,GA-YON PA CHOS 'CHAD PHYAG RGYAS GLEGS BAM BSNAMS, ,DRI MED NOR BU'I DO SHAL GA-YO LDAN ZHING, ,'OD BRGYA'I SNANG BA SPRO BZHIN BZHUGS PA YI, ,GNAS GSUM YI GE GSUM MTSAN H'Um YIG GIS, ,YE SHES SEMS DPA' SPYAN DRANGS DBYER MED DU, ,GYUR TE BSOD NAMS ZHING DU BRTAN PAR BZHUGS, ,YID 'OD MTSAN DANG DPE BYAD 'BAR BA'I SKU, ,YAN LAG DRUG CU'I SGRA DBYANG RDZOGS PA'I GSUNG, ,DRI MED MKHYEN RAB BRTZE BA'I THUGS MNGA' BA, ,MGON BO 'JAM PA'I DBYANGS LA PHYAG 'TSAL LO, ,NAM MKHA'I MTHA' KLAS MCHOD SPRIN RGYA MTSOS MCHOD, ,BCAS RANG NYES LTUNG DRI MA SNYING NAS BSHAGS, ,BSKAL BRGYAR BZHUGS TE CHOS 'KHOR BSKOR DU GSOL, ,'DIS MTSON DGE BA RDZOGS BYANG RGYU RU BSNGO, ,GZHAN YANG LHUN PO GLING BZHI NYI ZLA BCAS, ,RANG LUS LONGS

, ,SPYOD DGE TSOGS KUN 'BUL NA, ,ZAB GSAL MYUR PA'I SHES RAB SNANG BA YIS, ,BDAG BLO RMONGS PA'I DRA BA BSAL DU GSOL, ,AOm WA KYE DAm NA MA: (ZHES CI 'GRUB BZLA, DE'ANG 'DI'I KLAD KOR NGES CAN DU NAR BKLAG DGOS TE, WA KYE NGAG LA 'JUG PAS NGAG GI DBANG PHYUG GAM DNGOS GRUB DANG, DAm ZHES PA'I YI GES SO SOR PHRAL NA DA NA ZHES PA SPYIN PA LA 'JUG PAS DE LTAR SPREL DGOS LA, RANG GI SDE PA'I LNGA PAR BKLAG, ,CES KYANG 'BYUNG BAS SO, ,DE NAS YIG BRGYAS LHAG CHAD BSKANG LA,) NOR BU'I 'KHRI SHING BZHAD PA'I RTZE MO NA, ,ZLA BA'I DKYIL 'KHOR 'DZUM PA'I ZHAL MNGA' BA, ,BCOM LDAN NGAG GI DBANG PHYUG MKHYEN PA'I GTER, ,BRTZE PAS DGONGS TE BDAG RGYUD BYIN GYIS RLOBS, ,ZAB CING RGYA CHE PHA ROL PHYIN PA'I LAM; ;MTHA' DRUG TSUL BZHI'I RGYAS BTAB RDO RJE'I THEG ,YAN LAG THUN MONG RIG GNAS BZHI LA SOGS, ,JI BZHIN 'BYED PA'I SHES RAB STZAL DU GSOL, ,'CHAD LA MI 'JIGS SPOBS PA'I LUS STOBS RDZOGS, ,RTZOD NGAG NGA ROS PAS RGOL KLAD PA 'GEMS, ,SDE BA LEGS RTZOM PA RAL BA'I KHUR 'CHANG BA'I, ,SMRA BA'I SENG+GE MCHOG TU BDAG GRUB MDZOD, ,MDOR NA DENG NAS SKYE ZHING SKYE BA RU, ,'JAM DBYANGS BLA MA KHYOD KYIS RJES BZUNG STE, ,LEGS BSHAD BDUD RTZI'I DGA' STON MYANG BA LAS, ,SA DANG LAM GYI BGROD PA MTHAR PHYIN SHOG (,CES 'JAM DBYANGS DKAR PO LA BRTEN PA'I BLA MA'I RNAL 'BYOR 'DI NI DAD BRTZON LDAN PA DGE SLONG BLO BZANG DKON MCHOG GIS BSKUL DOR BTZUN PA DKON MCHOG BSTAN PA'I SGRON MES BRIS

PA'O,,) ` ,,'GOG MED MCHOG TU DVANGS PA'I YID MKHA' LA, ,RAL PA'I KHUR 'CHANG GDONG LNGA 'BAR BA'I KHRI, ,MA SNYIGS 'DAB BRGYA'I PHRENG LDAN RNAM GSUM GYI, ,DBUS SU RGYAL KUN YAB GCIG 'JAM PA'I DBYANGS, ,NGUR SMRIG GAR BSGYUR BLO BZANG GRAGS PA'I DPAL, ,GA-YAS SU KUN MKHYEN 'JIGS MED DBANG PO'I SDE, ,GA-YON NA RJE BTZUN BSTAN PA'I SGRON ME RNAMS, ,THUGS RJE'I 'DZUM DKAR SPRO BZHIN BZHUGS PA YI, ,KHOR YUG DNGOS BRGYUD BLA MA YI DAM SOGS,, SKYABS YUL MTHA' KLAS SPRIN LTAR GTIBS PA RNAMS, ,BGRANG DU MED PA RAB 'BYAMS BSKAL PA'I BAR, ,BDAG CAG BSOD NAMS ZHING DU BZHUGS SU GSOL, ,MKHA' DBYINGS GCIG LA NYID ZLA RGYU SKAR SOGS, ,SNA TSOGS ROL PA KUN TU STON PA LTAR, ,RNAM PA THA DAD SKYABS GNAS KUN GYI DNGOS, ,RJE BTZUN BLA MA RNAMS LA PHYAG 'TSAL LO, ,MING GI LHAG MAR GYUR PA RGYAL PA'I BSTAN, ,RGYAL BA'I DGONGS PA JI BZHIN 'DZIN PA LA, ,MA SMAD SNYING STOBS MCHOG GI DPAL MNGA' BA; ;THUB BSTAN RTZA LAG GSUM LA GSOL BA 'DEBS, ,NAM MKHA'I MTHA' KLAS KUN BZANG MCHOD PA'I SPRIN, ,RANG GZHAN DUS GSUM DGE BA'I DNGOS POR BCAS, ,BSOD NAMS ZHING MCHOG KHYED LA GUS 'BUL NA, ,THUGS RJES BZHES NAS BYIN GYIS BRLAB TU GSOL, ,MU MED 'KHOR BAR 'KHYAMS PA'I 'GRO BA RNAMS, ,BLANG DOR GNAS LA KUN NAS RMONGS PA'I MTHUS, ,BRNAG DKA'I SDUG BSNGAL SKYED PA'I LAS BSAGS PA, ,KUN KYANG KHYOD KYI THUGS RJES

, ,BYANG BAR MDZOD, ,PHUL BYUNG GRAGS PA'I GZHIR GYUR MDZAD PA'I MCHOG ,LEGS GSUNG BDUD RTZI'I DRA BA 'GYED PA YIS, ,LUS CAN YID KYI GDUNG BA RAB BCIL NAS, ,RNAM GROL KUNDA'I SKYED TSAL BZHAD PAR MDZOD, , LEGS BYAS KHA BA'I RDUL BRTZEGS TE SE'I RI, ,LEGS SMON DROD KYIS ZHU BA'I GANG+G'AMS, ,NYES LTUNG DUG CAN DRI MA RAB SBYANGS NAS, ,DAL 'BYOR TSANG PA'I RTEN BZANG RNYED BAR SHOG ,DE TSE 'JAM MGON BLA MA YAB SRAS KYI, ,ZHABS RDUL RNYOG PA MED PA GUS BSTEN NAS, ,TSANG LA MA NOR BSTAN PA'I GNAD KUN LA, ,THOS BSAM SGOM PAS TSUL BZHIN SLOB PAR SHOG ,DE LTAR RGYAL PA'I BSTAN LA SLOB PA NA, ,PHYI ROL NYER 'TSE'I BAR CHAD MI 'BYUNG ZHING, ,CHOS BRGYAD 'CHING BA'I SLAD PA MI 'JUG PAR; ;RNAM DAG CHOS SU 'GRO BAR BYIN GYIS RLOBS, ,SRID GSUM MTHA' DAG DMYAL BA'I BRTZON RA DANG, ,SGYU MA'I GRONG KHYER LTA BUR MTHONG BA YI, ,NGES 'BYUNG BYANG SEMS YANG DAG LTA BA LA, ,RTZOL MED MYONG BA BRTAN PO RNYED PAR SHOG ,DE LTAR THUN MONG LAM GYIS RGYUD SMIN TSE, ,DPAL LDAN BLA MA THUGS RJE'I GTER CHEN RNAMS, ,DKYIL 'KHOR 'KHOR LO'I MGON POR LEGS BZHENGS TE, ,GSANG BA MCHOG GI LAM DU 'KHRID PAR SHOG ,DE NAS RIM GNYIS RNAL 'BYOR LA BRTEN NAS, , LAS RLUNG RGYU BA KUN RTOG PHRA MOR BCAS, ,YONGS SU DAG PA'I RTEN DANG BRTEN PA KUN, ,BDE PA'I ROL PA GCIG TU 'CHAR BAR SHOG ,MDOR NA DENG NAS TSE RABS THAMS CAD DU, ,KHYOD KYIS DGYES BZHIN 'BRAL MED RJES BZUNG

MTHUS; ;GCIG TU DGE BA'I LAM LA RAB ZHUGS NAS, ,KUN MKHYEN RGYAL BA'I GO 'PHAR MYUR THOB SHOG (,CES BA 'DI NI DAD BRTZON RNAM DPYOD LDAN PA DKA' BCU 'JAM DBYANGS BKRA SHIS KYIS MAndAL DANG THUB PA'I SKU BRNYAN BCAS BSKUL NGOR 7 BTZUN PA DKON MCHOG BSTAN PA'I SGRON MES SBYAR BA'O,, ` ,,SKYABS SEMS SNGON DU BTANG LA,) SPYI BOR PADMA ZLA BA'I STENG, ,DRIN CAN RTZA BA'I BLA MA DANG, ,DBYER MED BCOM LDAN KLU YI DBANG, ,NAM MKHA'I MDANGS LDAN ZLA BA'I ZHAL, ,KLU RNAMS DBUGS 'BYIN PHYAG RGYA CAN, ,CHOS GOS DMAR PO GSUM GSOL ZHING, ,BRGYA RTZA BCU GNYIS MTSAN DPES SPRA SO, ,RDO RJE SKYIL KRUNG GIS BZHUGS SHING, ,GNAS RNAMS 'BRU GSUM GYIS MTSAN PA'I, ,H'Um YIG 'OD KYIS YE SHES PA, ,SRAS DANG BCAS PA SPYAN DRANGS TE, ,DBYER MED BRTAN PAR BZHUGS SU GSOL, ,BYIN RLABS BDUD RTZI'I CHAR RGYUN GYIS, ,PHYI NANG NYER 'TSE KUN SEL ZHING, ,PHAN BDE'I DGA' STON STZOL MDZAD PA, ,KLU DBANG RGYAL POR GUS PHYAG 'TSAL, , DNGOS BSHAMS YID SPRUL MCHOD TSOGS KUN, ,DMIGS MED THUGS RJES BZHES SU GSOL, ,LAS NGAN LAN CHAGS KYIS BSKYED PA'I, ,KLU GNYAN SA BDAG GNOD PA SOGS, ,PHYI NANG NYER 'TSE MA LUS PA, ,RGYU BCAS BYANG BAR BYIN GYIS RLOBS, ,ZHES GSOL BA BTAB PAS SKU LAS BDUD RTZI'I RGYUN BABS TE, NAD GDON SDIG SGRIB THAMS CAD BYANG BAR BSAM LA, TADYA THA, AOm TA TH'A GA TA BHA GA W'A NA N'A GA R'A DZE SHVA RA AA DHIshth'A NA AA DHIshthI TE SV'A H'A, (ZHES CI 'GRUB BZLA,

, ,DGE 'DIS TSE RABS THAMS CAD DU, ,DAL 'BYOR TSANG BA'I RTEN THOB CING, ,BCOM LDAN KLU DBANG RGYAL PO YIS, ,'BRAL MED RJES SU 'DZIN GYUR CIG ,YUL PHYOGS 'DIR YANG NAD MUG SOGS, ,PHYI NANG NYER 'TSE KUN ZHI STE, ,SBRANG RTZI CAN GYI ZHING KHAMS LTAR, ,BDE SKYID DPAL 'BYOR RGYAS GYUR CIG ,CES PA 'DI NI MIR NAG SHOG NAS DAD LDAN DGE SLONG ZLO BZANG BSOD NAMS KYIS BSKUL NGOR `BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA' 'O,, ` ,, RANG GI SPYI BOR SENG KHRI BAD ZLA DANG, ,KHRI SNYAN SA LA'I PAGS PA'I GDAN STENG DU, ,SKYABS GSUM MA LUS 'DUS PA'I NGO BO NYID, ,BKA' DRIN MNYAM MED RTZA BA'I BLA MA DANG, ,DBYER MED GRUB MCHOG BZHAD PA'I RDO RJE NI, ,SKU MDOG SNGO BSANGS SKEM ZHING GZI BYIN 'BAR, ,DKA' THUB SPYOD PA'I DRANG SRONG RNAM PA CAN, ,GA-YAS PA'I PHYAG GI THAL MO 'GRAM PAR BRTEN, ,GA-YON NA BDE SKYONG BDUD RTZI'I BCUD LDAN BSNAMS, ,KA SHI'I RAS DKAR 'DAB MA'I NA BZA' GSOL, ,LCANG LO SIL BUR GROL PAS SKU STOD KHEBS, ,ZAB RGYAS GDAMS BA'I GLU DBYANGS LHANG LHANG SGROGS, ,SKYIL KRUNG PHYED PA'I STABS KYIS BZHUGS PA YI, ,GNAS GSUM YI GE GSUM MTSAN H'Um YIG GIS, ,MI BSKYOD RGYAL BA'I ZHING NAS YE SHES PA; ;'KHOR BCAS SPYAN DRANGS DBYER MED BSTIM PAR GYUR, ,DKON MCHOG KUN 'DUS MI BSKYOD RGYAL BA'I DBANG, ,GSANG CHEN BSTAN PA'I SGRON ME SBAR BA'I PHYIR, ,GRUB PA'I DBANG PHYUG GAR GYIS RNAM ROL BA, ,BZHAD PA'I

RDO RJE'I ZHABS LA PHYAG 'TSAL LO, ,RAB 'BYAMS PHYI NANG GSANG BA DE NYID KYI, ,MCHOD TSOGS KUN 'BUL SDIG LTUNG MA LUS BSHAGS, ,TSE GCIG SANGS RGYAS SGRUB PA'I DKA' THUB KYI, ,SPYOD PA BSAM MI KHYAB LA RJES YI RANG, ,ZAB RGYAS GDAMS PA'I DGA' STON MCHOG STZOL CING, ,BSKAL PA RGYA MTSOR BRTAN PAR BZHUGS SU GSOL, ,'DIS MTSON DGE BAS BDAG SOGS 'GRO KUN KYANG, ,TSE RABS 'PHRENG BAR KHYOD KYIS RJES 'DZIN SHOG ,GRUB PA'I DPA' BO KHYOD KYI RNAM THAR BZHIN, , MDO SNGAGS LAM BZANG GEGS MED MYUR BGROD DE, ,MI BSKYOD RGYAL BA'I GO 'PHANG MNGON GYUR NAS, ,MA LUS 'GRO BA SRID LAS SGREL GYUR CIG ,DE LTAR GSOL BA BTAB PAS TSANGS BUG NAS, ,SNYING GA CHOS KYI 'KHOR LO'I ZE'U 'BRU'I DBUS, , BYON NAS DBYER MED BRTAN PAR BZHUGS PA YIS, ,YANG DAG LA MA BZANG MNGON DU 'GYUR BAR SHOG ,CES PA 'DI NI DAD BRTZON LDAN PA RI KHROD PA DGE SLONG BLO BZANG DKON MCHOG GIS BSKUL NGOR 7BRTZUN PA DKON MCHOG BSTAN PA'I SGREN MES BRIS PA'O,, ` ,,NA MO GU RU MU NI AINTR'A YE, DE'ANG 'DI PHYI'I LEGS TSOGS MA LUS PA'I 'BYUNG GNAS, THEG BA MCHOG GI LAM GYI LUS, DNGOS GRUB THAMS CAD KYI RTZA BA, LAM ZAB MA BLA MA LHA'I RNAL 'BYOR NYAMS SU LEN PAR 'DOD PAS, SNGON 'GRO SPYOR BA'I CHOS RNAMS TSAGS SU TSUD PAR BYAS LA, SRID ZHI'I RGUD PA MA LUS PA SEL ZHING, 'PHRAL DANG PHUN GYI PHAN BDE MA LUS PA 'BYUNG BA'I SGO GCIG PU, LAM GYA RTZA BA BSHES GNYEN BSTEN TSUL PHYIN CI MA LOG PA 'DI LA RAG LAS PAR RGYAL BAS MDO RGYUD THAMS CAD NAS MTHUN PAR GSUNGS SHING, GRUB PA'I GO 'PHANG MTHON POR GSHEGS PA'I DAM PA GONG MA THAMS CAD KYIS KYANG

, ,SKU NYAMS SU BSTAR BA'I TSUL BSAM STE NGES SHES THUN MONG MA YIN PA BSKYED, DE NAS RANG RGYUD LA BSKOR TE BRTAG PA NA, NYON MONGS PA'I GDON CHEN PHUGS SU ZHUGS PA'I DBANG GIS, RANG GI SNANG TSUL THAMS CAD BDEN BDEN LTA BU DANG, BLA MA'I MDZAD BSKYON DANG BCAS PAR MTHONG BA'I TSE BLO NGAN 'DIS NI RANG NYID PHUNG KHROL CHEN PO LA SBYOR BA'I BDUD KYI BYED PA LTAS NGAN GYI GTZO BO YIN SNYAM DU, DAM PA GONG MA MANG PO'I LO RGYUS SOGS DANG SBYAR LA RIGS PA'I RNAM GRANGS SU MA'I SGO NAS BKAG STE, SANGS RGYAS DNGOS SU MTHONG BA'I MOS PA DANG, SANGS RGYAS THAMS CAD KYI 'DUL BA'I ZHING DU MA GYUR PA NA, BLA MA 'DIS NI RANG DANG SKAL PA 'TSAM PA'I SKUR BSTAN TE RGYAL BA'I MDZAD PA THAMS CAD BSGRUB BAS, BKA' DRIN GYI NGOS NAS SANGS RGYAS THAMS CAD LAS KYANG LHAG BA YIN NO SNYAM DU GUS PA BSKYED LA, DNGOS GZHI NI SKYABS SEMS SNGON DU 'GRO BAS TSIG DON DRAN BZHIN PAR, MDUN GYI MKHA' LA SENG KHRI PAD ZLA'I STENG, ,SKYABS GSUM KUN 'DUS NGO BO BLA MA LHA, ,GA-YAS GA-YON CHOS 'CHAD SKYABS SBYIN PHYAG RGYA MDZAD, ,CHOS GOS GSUM GSOL GSER MDOG PAn ZHVAS MDZES, ,DGYES PA'I TSUL GYIS BZHUGS BDI MTHA' SKOR DU, ,DNGOS BRGYUD BLA MA YI DAM LHA TSOGS DANG, ,SANGS RGYAS BYANG SEMS NYAN RANG CHOS SRUNG SOGS, ,MKHA' DBYINGS KHYAB PAS BSKOR TE BRTAN PAR BZHUGS, ,BSLU MED 'DREN PA DKON MCHOG GSUM GYI DNGOS, ,BSHAD SGRUB BSTAN PA'I SROG SHING ZLA MED PA, ,THAR 'DOD SNYING GI MUN SEL SGRON ME MCHOG ,RJE BTZUN BLA MA'I ZHABS LA PHYAG 'TSAL LO, ,GZHAN YANG ZHI KHRO RAB 'BYAMS LHA TSOGS LA, ,SGO GSUM MI PHYED DAD BAS PHYAG 'TSAL ZHING, ,DNGOS

BSHAMS YID SPRUL MCHOD PA MA LUS 'BUL, ,THOG MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA KUN LA RJES YI RANG, ,'KHOR BAM STONGS BAR DU RTAG BZHUGS NAS, ,'GROL CHOS KYI 'KHOR LO BSKOR DU GSOL, ,'DIS MTSON DGE BA BYANG CHUB CHEN POR BSNGO, ,SA GZHI SPOS KYIS BYUGS SHING ME TOG BKRAM, ,ZHES PA NAS, SPYOD PAR SHOG ,KHYOD NI BLA MA KHYOD NI YI DAM KHYOD NI MKHA' 'GRO CHOS SKYONG STE, ,ZHES PA NAS, BAR GCOD SRUNGS, LAN GSUM, , BYIN RLABS DNGOS GRUB GTER CHEN BLA MA LA, ,GSOL BA 'DEBS SO BDAG RGYUD BYIN GYIS RLOBS, ,NGAN SONG 'KHOR BA'I GNAS LAS YID 'BYUNG BAS, ,BLO KHA CHOS LA PHYOGS PAR BYIN GYIS RLOBS, ,RIN CHEN BYANG CHUB SEMS KYI RGYAS BTAB STE, , DAM CHOS LAM DU 'GRO BAR BYIN GYIS RLOBS, ,DNGOS 'DZIN GDON CHEN BDUD KYI DPUNG BCOM STE, ,LAM LA BAR CHAD MED PAR BYIN GYIS RLOBS, ,RAB DKAR BDUD RTZIS BUM PA'I DBANG BSKUR TE, ,RGYAL BA'I GZUGS SKU 'GRUB PAR BYIN GYIS RLOBS, ,BDUD RTZI DMAR POS GSANG BA'I DBANG BSKUR TO, ,RGYAL GSUNG LONGS SKU 'GRUB PAR BYIN GYIS RLOBS,, SNGON POS SHES RAB YE SHES DBANG BSKUR TE, ,THUGS MCHOG CHOS SKU 'GRUB PAR BYIN GYIS RLOBS, ,RNAM GSUM BDUD RTZIS BZHI BA'I DBANG BSKUR BAS, ,SKU THUGS ZUNG 'JUG 'GRUB PAR BYIN GYIS RLOBS, ,MDOR NA SRID DANG ZHI BA'I RGUD PA KUN, ,MA LUS LHAG MED ZHI BAR BYIN GYIS RLOBS, ,MCHOG DANG THUN MONG DNGOS GRUB MA LUS PHA, ,BDE

, ,BLA NYID DU 'GRUB PAR BYIN GYIS RLOBS, ,DUS DANG GNAS SKABS KUN TU KHYOD MIN PA, ,RE SA GZHAN NA MED DO THUGS RJES GZIGS, ,DE LTAR GSOL BA BTAB PAS BLA MA MCHOG ,DGYES BZHIN DH'U T'I'I LAM NAS SNYING GAR BYON, ,DPAL LDAN RTZA BA'I BLA MA RIN PO CHE, ,BDAG GI SNYING GAR PADMA'I GDAN BZHUGS LA, ,BKA' DRIN CHEN PO'I SGO NAS RJES BZUNG STE, ,SKU GSUNG THUGS KYI DNGOS GRUB STZOL DU GSOL, ,GONG GI PHYAG 'CHAL GSOL 'DEBS SU BSGYUR BA GRANGS GSOG DANG, MTHAR, TSE RABS KUN TU RJE BTZUN BLA MA YIS, ,THEG MCHOG BSHES GNYEN ZHES SOGS DANG, DPAL LDAN BLA MA'I RNAM PAR THAR PA LA, ,ZHES SOGS DANG, SKYE BA KUN TU ZHES SOGS BSNGE SMON GYIS MTSAMS SBYOR ZHING, RGYUN DU'ANG SNYING DBUS KYI BLA MA'I 'DU SHES MA BRJED PAS, DE NYID DBANG POR BYAS TE DGE SDIG GI BLANG DOR LA BAG ZON BYED CING, SPYOD LAM KUN TU DE LA BRTEN PA'I TSOGS GSOG SGRIB SBYONG GI NYAMS LEN CHU BO'I RGYUN GYI RNAL 'BYOR LTAR BYA'O, ,ZHES BLA MA'I RNAL 'BYOR SHIN TU BSDUS BA MDO SNGAGS SPYI'I LAM GYI 'GROS DANG SBYAR BA 'DI NI RNAM DPYOD MCHOG TU YANGS PA RDO RAM BA DAG DBANG RAB BRTAN GYIS BSKUL NGOR 7 BTZUN PA DKON MCHOG BSTAN PA'I SGRON MES BRIS BA'O,, ` ,,LAM THUN MONG DANG THUN MONG MA YIN PA'I GNAD TSANG BA'I BLA MA'I RNAL 'BYOR BZHUGS, NA MO GU RU MU N'I NDRA BADZRA DH'A R'A YA, MDUN GYI NAM MKHAR SENG KHRI BAD ZLA'I STENG, ,BKA' DRIN MNYAM MED RTZA BA'I BLA MA DANG, ,NGO BO DBYER MED STON PA BCOM LDAN 'DAS, ,GSER GYI MDOG CAN SA GNON MNYAM GZHAG MDZAD, ,THUGS KAR KHYAB

BDAG DPAL LDAN HE RU KA:, ,SKU MDOG SNGON PO ZHAL BZHI PHYAG BCU GNYIS, ,GAR DGU'I NYAMS LDAN BDE STONG ROL PAS DGYES, ,GNAS GSUM YI GE GSUM MTSAN H'Um YIG GIS, ,RAB 'BYAMS RGYAL BA'I 'KHOR LO MA LUS PA, ,SPYAN DRANGS DBYER MED GCIG TU 'DUS PA YI, ,SKYABS GNAS KUN GYI BDAG NYID THUGS RJE'I GTER, ,BDAG GI BSOD NAMS ZHING DU BRTAN PAR BZHUGS, ,CHER SNYIGS LNGA BDO'I 'GRO BA MGON MED LA, ,THAR PA'I LAM BZANG JI BZHIN STON PA YIS, , MA LUS RGYAL BA'I MDZAD PA SGRUB MDZAD PA, ,BKA' DRIN MTSUNGS MED DAM PAR GSOL BA 'DEBS, ,KHYAD PAR SANGS RGYAS LAS KYANG DKON PA YI, ,THEG MCHOG BSTAN PA'I SNYING PO GSANG SNGAGS KYI, ,LAM BZANG GSAL BAR BYED PA'I SGRON ME MCHOG ,'GRO BA'I DED DPON DAM PAR GSOL BA 'DEBS, ,LUS DANG LONGS SPYOD DUS GSUM DGE TSOGS BCAS, ,KUN BZANG MCHOD PA'I SPRIN DU LEGS BSTAR NAS, ,RTZE GCIG DANG BA'I YID KYIS 'BUL LAGS NA, ,DGYES BZHIN BZHES TE BYIN GYIS BRLAB TU GSOL, ,LEGS TSOGS RTZA BA DAM PA'I MGON GYIS BZUNG, ,MI RTAG LAS 'PRAS BSAM NAS 'DI PHYI YI, ,SNANG SHAS BZLOG STE 'KHOR BA ME'O BAS LTAR, ,MTHONG BA'I NGES 'BYUNG SKYE DANG BYIN GYIS RLOBS, ,RANG GZHAN DON GNYIS PHUN SUM TSOGS BA'I RGYU, ,RIN CHEN BYANG CHUB MCHOG TU SEMS BSKYED CING, ,SRID BA'I RTZA BA DRUNGS NAS 'BYIN BYED PA'I, ,YANG DAG LTA BRTOGS BAR BYIN GYIS RLOBS, ,THA MAL SNANG ZHEN SBYONG BA'I BSKYED

, ,RIM DANG, ,RLUNG SEMS DBU MAR GZHUG BYED DBEN PA GSUM, ,ZHUGS LAS SGYU 'OD ZUNG 'JUG SKUR LDANG BA'I, ,RIM GNYIS RNAL 'BYOR 'GRUB PAR BYIN GYIS RLOBS, ,MDOR NA BLO BZANG RGYAL BSTAN SNYING PO'I BCUD, ,MTSANG MED PAR THOS BSAM BSGOM PA YIS, ,NYAMS SU BLANGS TE BSHAD SGRUB MTHAR PHYIN NAS, ,DON GNYIS LHUN GYIS GRUB PAR BYIN GYIS RLOBS, ,ZHES PA'I MTHAR, DPAL LDAN RTZA BA'I BLA MA ZHES SOGS KYIS SNYING GAR BSTIM ZHING TSE RABS RJES 'DZEN GYI SMON PAS MCHAMS SBYAR BAR BYA'O, ,ZHES LAM THUN MONG DANG THUN MONG MA YIN PA'I GNAD CHA TSANG BA DANG 'BREL BA'I BLA MA'I RNAL 'BYOR 'DI NI, ^'JAM MGON RGYAL BA GNYIS PA'I BSTAN PA'I RTZA LAG DAM PA SUM PA MKHAN CHEN SPRUL PA'I SKU RIN PO CHE NAS GSER GYI ME TOG DANG BCAS BSKUL MA GNANG BA'I BZHED PA BZHIN, ^ BTZUN BA DKON MCHOG BSTAN PA'I SGRON MES BRIS PA'O,, ` ,,CHOS DBYINGS SPROS DANG BRAL BA LHA YI LAM, ,BDE CHEN SNYING RJE'I CHU 'DZIN 'KHRIGS PA'I KLONG, ,MI 'JIGS BZHI LDAN GDONG LNGA 'BAR BA'I KHRI, ,SRID PA'I SKYON BRAL YID 'ONG 'DAB BRGYAB, ,THABS SHES ZUNG 'JUG NYI ZLA'I GDAN STENG DU, ,ZHI KHRO RAB 'BYAMS SKYABS GNAS MA LUS PA, ,DBYER MED GCIG TU 'DUS PA'I NGO BO NYID, ,BKA' DRIN GSUM LDAN BLA MA RDO RJE 'CHANG, ,ZHI ZHING DUL LA DGYES PA'I NYAMS DANG LDAN, ,THUGS RJE'I SPYAN GYIS MKHA' MNYAM 'GRO LA GZIGS, ,NGES DON RDO RJE THAL MO'I SBYOR BA YIS, ,BDEN ZUNG GNYIS SU MI PHYED RDO RJE 'DZIN, ,PAn ZHVAS GTZUG MDZES CHOS GOS GSUM GSOL ZHING, ,MI PHYED RDO RJE SKYIL

MO KRUNG GIS BZHUGS, ,GNAS LNGAR YE SHES LNGA YI NGO BO NYID, ,RIGS LNGA'I RANG BZHIN SA BON LNGAS MTSAN PA'I, ,H'Um YIG 'OD KYIS LHUN GRUB CHOS DBYINGS NAS, ,SRAS BCAS RGYAL BA'I DKYIL 'KHOR YE SHES PA, ,MTHA' DAG SPYAN DRANGS DBYER MED BRTAN PAR GYUR, ,BLO BZANG THUB BSTAN 'DAB BRGYA'I GNYEN GCIG PU, ,DBANG PHYUG BRGYAD LDAN 'JIGS MED STOBS BCU'I BDAG ,DKYIL 'KHOR RGYA MTSE SPRO ZHING SDUD MDZAD PA, ,KHYAB BDAG 'KHOR LO'I MGON POR GSOL BA 'DABS, ,SNYIGS MA'I 'GRO BA SPYI DANG KHYAD PAR DU, ,'DZAM GLING BYANG PHYOGS 'DZIN MA'I KHYON KUN LA, ,THUB BSTAN SNYING PO NYI LTAR GSAL MDZAD PA, ,BKA' DRIN MTSUNGS MED DAM PAR GSOL BA 'DEBS, ,RAB 'BYAMS PHYI NANG GSANG BA DE NYID KYI, ,MCHOD TSOGS MA LUS BLO YIS BLANGS TE 'BUL, ,RGYA CHEN NAM MKHA' MDZOD KYI TING 'DZIN MTHUS, ,BYIN GYIS BRLABS TE DGYES BZHIN BZHES SU GSOL, ,THOG MED NAS BSAGS SDIG LTUNG THAMS CAD DANG, ,KHYAD PAR SDOM GSUM BCAS 'GAL NYES PA KUN, , SHUGS DRAG GDUNG BA'I YID KYIS MTHOL LO BSHAGS, ,LHAG MED BYANG ZHING DAG PAR BYIN GYIS RLOBS, ,BDAG GIS DUS GSUM DGE TSOGS CI BGYIS PA, ,DE DAG THAMS CAD SKYE ZHING SKYE BA RU, ,MGON PO KHYOD KYIS 'BRAL MED RJES 'DZIN ZHING, , BKA' BZHIN SGRUB PA LHUR LEN RGYUR GYUR CIG ,NGES 'BYUNG BYANG SEMS ZAB MO'I LTA BA SOGS, ,THUN MONG LAM SBYANG RIM PA SNGON 'GRO BA'I, ,GSANG CHEN THEG PA MCHOG GI SGOR ZHUGS TE, ,DAM TSIG MTHA' DAG TSUL BZHIN BSRUNG GYUR

, ,CIG ,THABS SHES ZUNG 'BREL ZAB MO'I MYUR LAM GYIS, ,RING MIN SRID PA'I RGYA MTSO MTHAR BYAS TE, ,BLA MA LHA YI GO 'PHANG MNGON GYUR NAS, ,'GRO KUN THAR PA'I GLING DU 'KHRID GYUR CIG ,CES BLA MA RANG GI SNYING GAR SPYAN DRANGS PAR BSAMS LA, DPAL LDAN BLA MA'I RNAM PAR THAR PA LA, ZHES SOGS DANG, SKYE BA KUN TU ZHES SOGS SMON LAM GYIS MTSAMS SBYAR PAR BYA'O, ,ZHES BSTAN 'GRO'I DBUNG GNYEN MTSUNGS ZLA MA MCHIS BA RJE BTZUN DAM PA BLO BZANG THUB BSTAN DBANG PHYUG 'JIGS MED RGYA MTSOD PAL BZANG PO'I ZHAL SNGA NAS LA BRTEN BA'I BLA MA'I RNAL 'BYOR 'DI NI HAL HA KHU RE CHEN MO'I GRVA RIGS DAD LDAN DGE SLONG DKON MCHOG DGE LEGS KYIS BSKUL NGOR 7 BTZUN PA DKON MCHOG BSTAN PA'I SGRON MES BRIS PA'O,, ` ,,NA MO GU RU BADZRA DH'A RA SUM TI WA GINDRA YA, DAG PA RAB 'BYAMS BYED PO BDE BA CHE, ,SPROS BRAL DBYINGS SU RTZEN PA'I SGYU 'PHRUL LAS, ,'BYAMS KLAS KUN BZANG MCHOD SPRIN RGYA MTSO'I DBUS, ,SENG KHRI PAD ZLA NYI MA'I GDAN GYI STENG, ,RIGS KUN KHYAB BDAG RDO RJE SEMS DPA'I DNGOS, ,RTZA BA'I BLA MA NGAG DBANG BLO BZANG ZHABS, ,THAL MO BSNOL TE ZAB RGYAS GLEGS BAM BSNAMS, ,CHOS GOS GSUM 'CHANG PAn ZHVA LEB MOR GSOL, ,RAB DGYES 'DZUM PA'I NYAMS DANG LDAN PA YI, ,DPRAL MGRIN THUGS KAR RDO RJE GSUM GYI DNGOS, ,YI GE GSUM MTSAN H'Um GI 'OD ZER GYIS, ,SKYABS GNAS MA LUS BSDUS TE THIM PAR GYUR, ,DZA: H'Um BAm HO:MDO RGYUD MAN NGAG KUN LA DBANG 'BYOR ZHING, ,BLO GROS BUM BZANG BSLAB GSUM

BDUD RTZIS GTAMS, ,ZAB CING RGYA CHE'I RTOGS PA'I KLONG RDOL BA, ,DPAL LDAN BLA MA'I ZHABS LA GSOL BA 'DEBS, ,CHER SNYIGS DMU RGOD GDUL DKA'I 'GRO BA LA, ,RGYAL KUN THUGS BCUD GDAMS PA'I MCHOG STZAL TE, ,SKAL BA JI BZHIN SRID BZHI'I RGUD PA LAS, ,SGROL MDZAD SKYABS KYI DAM PAR PHYAG 'TSAL LO, ,BSLU MED THUGS RJE'I GTER CHEN MGON KHYOD KYIS, ,'BRAL MED BYANG CHUB BAR DU RJES 'DZIN CING, ,'KHRUL MED 'JAM MGON ZHAL LUNG BDUD RTZI'I CHUS, , THOG MED LAS NYON DRI MA BYANG BAR MDZOD, ,LUS DANG LONGS SPYOD DUS GSUM DGE BA'I DNGOS, ,MTHA' DAG ZHUM MED BLO YIS LEGS 'DUL NA, ,ZAG MED BDE CHEN DANG DU RNAM ROL CING, ,MTHAR THUG BYANG CHEN RGYU RU SMIN PAR MDZED, ,SA GZHI SPOS KYIS BYUGS SHING ZHES SOGS KYIS MAndAL DBUL, GSOL 'DEBS KYI BZLAS BRJOD BYA BAR 'DOD NA, MDO RGYUD MAN NGAG CES SOGS KYI SHLOO KA DE GRANGS GSOG NAS BZLA, PHRA RAGS SRID PA'I RGYA MTSO DRGAL GYI BAR, ,BLA MA YI DAM TSAS SRUNG KUN GYI DNGOS, ,'DREN PA KHYOD MIN SKYABS GZHAN MA MCHIS PAS, ,BRTZE CHEN THUGS RJE'I PHYAG GIS DRANG DU GSOL, ,DNGOS GRUB RTZA BA BLA MA'I MOS GUS DANG, ,NGES 'BYUNG BYANG SEMS YANG DAG LTA BA'I GNAD, ,ZAB LAM RIM GNYIS RNAL 'BYOR LA SOGS PA, ,LAM BZANG GEGS MED SKYE BAR BYIN GYIS RLOBS, ,MDOR NA MGON KHYOD THUGS RJE'I SPRIN PHUNG LAS, ,MCHOG THUN DNGOS GRUB GRUB CHANG 'JOB YIS, ,PHAN DANG BDE BA'I DGA' TSAL RGYAS GYUR TE, ,BLA MED THAR PA'I 'BRAS BZAD SMIN

, ,GYUR CIG ,DE NAS BLA MA RANG GI SPYI BO NAS MAR PHEBS TE SNYING GAR RANG SEMS DANG DBYER MED DU BZHUGS PA'I MOS PA BYAS LA, DPAL LDAN RTZA BA'I BLA MA RIN PO CHE, ,BDAG GI SNYING GAR ZHES SOGS DANG, TSE RABS RJES 'DZIN GYI SMON PAS MTSAMS SBYAR BAR BYA'O, ,RGYUN DU ZAS GOS GNAS MAL SOGS GANG LA LONGS SPYOD PA NA SNYING GA'I BLA MA LA DBUL BA'I DMIGS PA CHU BO'I RGYUN GYI RNAL 'BYOR BZHIN DU BYAS NA DKOR SGRIB SBYONG ZHING RANG GZHAN GNYIS KA'I TSOGS RDZOGS PA DANG, BLA MA RJES SU DRAN PA DANG MI 'BRAL ZHING DGYES BZHIN RJES SU 'DZIN PA'I RTEN 'BREL GYI SGO KHYAD PAR CAN YOD PAS THABS SNA TSOGS KYI SGO NAS DAL 'BYOR LA SNYING PO BLANG BAR BYA'O, ,ZHES RJE BTZUN BLA MA DAM PA GRUB PA'I DBANG PHYUG CHEN PO CHOS BRGYAD KYI SNANG BA BTZAN CHOD DU BYED PA'I RJE BTZUN MI LA GNYIS PA KLONG RDOL GRUB PA'I DBANG PHYUG NGAG DBANG BLO BZANG PA'I ZHAL SNGA NAS KYI BLA MA'I RNAL 'BYOR 'DI NI, RJE BTZUN DE NYID LA RTZE GCIG TU MES GUS CAN KHA KYA'I RAB 'BYAMS BA BLO BZANG BRTZON 'GRUS KYIS BSKUL DOR 7BTZUN PA DKON MCHOG BSTAN PA'I SGRON MES DBEN GNAS YID DGA' CHOS 'DZIN NAS BRIS PA'O,, ` ,, RANG GI SPYI BOR PADMA ZLA BA'I STENG, ,RTZA BA'I BLA MA MCHOG DANG DBYER MED PA'I, ,RDOR SEMS DKAR BO PHYAG GNYIS RDOR DRIL 'DZIN, ,GRI THOD 'DZIN MDZAD DBYINGS KYI DBANG MOS 'KHYUD, ,DE YI THUGS KA'I H'Um GI 'OD ZER GYIS, ,YE SHES PA RNAMS SPYAN DRANGS DBYER MED GYUR, ,SLAR YANG 'OD 'PHROS RDO RJE GSUM GYI LHA'I, ,THUGS KA'I YIG BRGYAD KAR DMAR MTHING GA'I TSOGS, ,SPYAN DRANGS SPYI BO'I RDOR SEMS GNAS GSUM DU, ,'KHOD PA'I BDUD RTZIS LUS KUN GANG BAR GYUR, ,MI BZANG

NYES LTUNG DRI MA KUN SEL ZHING, ,MCHOG THUN DNGOS GRUB MA LUS STZOL MDZAD PA, ,BLA MA RDO RJE SEMS DPAR GUS PHYAG 'TSAL, ,RANG GZHAN SDIG LTUNG BYANG BAR BYIN GYIS RLOBS, ,DE LTAR GSOL BTAB SPYI BO;I 'RDIR SEMS LAS, ,'GRO DRUG GRANGS SNYED RDER SEMS YAB YUM SPROS, ,KUN GYI SPYI BOR BZHUGS PA'I SBYER MTSAMS NAS, ,BDUD RTZI'I RGYUN BABS NYES KUN BYANG BAR GYUR, ,DE NAS YIG BRGYA BZLA, RDOR SEMS 'OD DU ZHU BAS 'GRE BA KUN, ,DE YI SKUR BSHENGS DE DAG THAMS CAD KYANG, ,GCIG BSDUS RANG LA THIM PAS RANG NYID DANG, ,RDOR SEMS DBYER MED GCIG TU 'DRES PAR GYUR, ,'DIS MTSON DGE BAS TSE RABS KUN TU YANG, ,BLA MA RDO RJE SEMS DPAS RJES BZUNG STE, ,RNAM DAG DAM TSIG SDOM PA'I GU GZINGS LA, ,BRTEN NAS ZUNG 'JUG NOR BU'I GLING BGROD SHOG ,CES PA 'DI NI AER DUS DAR HAN SHOG GI DGE SLONG RIN CHEN BZANG PO DANG, DGE SLONG DKON MCHOG CHOS 'BREL GNYIS KYIS BSKUL NGOR 7 BTZUN PA DKON MCHOG BSTAN PA'I LJON MES BRIS PA'O,, ` ,,TSE DPAG MED DANG 'BREL BA'I BLA MA'I RNAL 'BYOR BZHUGS, BLA MTSE DPAG TU MED PAL PHYAG 'TSAL LO, ,MDUN GYI NAM MKHAR MCHOD SPRIN RGYA MTSE'I DBUS, ,RMA BYAS BTEG PA'I KHRIL PAD ZLA'I STENG, ,BKA' 'DRIN MNYAM MED RTZA BA'I BLA MA DANG, ,GNYIS SU MED PA BCOM LDAN CHO MTHA' YAS, ,NYI 'OD STONG 'BAR BYU RU'I LHUN PO BZHIN, ,SKU MDOG DMAR GSAL MTSAN DPE'I DPAL GYIS BRJID, ,MNYAM GZHAG PHYAG RGYAS BDUD RTZI'I BUM BZANG BSNAMS, ,LHA YI GES DANG RIN CHEN RGYAN

, ,GYIS MDZES, ,SKYIL MO KRUNG GIS BZHUGS PA'I GNAS GSUM DU, ,YI GE GSUM MTSAN H'Um GI 'OD ZER GYIS, ,BDE LDAN ZHING NAS MGON PO TSE DPAG MED, ,SPYAN DRANGS DAM TSIG PA DANG DBYER MED GYUR, ,BSLU MED DKON MCHOG GSUM GYI NGO BO NYID, ,NGAN SONG 'JIGS SGROL LEGS PA'I LAM BSTAN NAS, ,THAR PAR 'KHRID MDZAD 'GRO BA'I SGRON ME MCHOG ,MGON PO TSE DPAG MED LA PHYAG 'TSAL LO, ,DNGOS BSHAMS YID SPRUL NGO MTSAR MCHOD PA'I SPRIN, ,NAM MKHA' RAB 'BYAMS KHAMS KYI MTHAS GTUGS PA, ,BLO YIS BLANGS TE GUS PAS 'BUL LAGS NA, ,BRTZE BAS BZHES NAS BYIN GYIS BRLAB TU GSOL, ,SRID ZHI'I 'JIGS PA KUN LAS SKYOB BA DANG, ,MCHOG THUN DNGOS GRUB MA LUS 'GRUB PA'I PHYIR, ,RTZE GCIG GDUNG PA'I YID KYIS GSOL 'DEBS NA, ,THUGS RJES MYUR BA MYUR BAR BYIN GYIS RLOBS, ,DE LTAR GSOL BA BTAB PAS BUM NANG DANG, ,THUGS KA'I SNGAGS 'PHRENG 'OD KYIS RANG GI TSE, ,NYAMS BA GSOS SHING BRTAN GA-YO'I BYIN RLABS BCUD, ,TSE DPAL KUN BSDUS RANG LA THIM PAR GYUR, (,CES RGYAL BA SRAS BCAS KYI BYIN RLABS, LHA DANG DRANG SRONG 'KHOR LOS BSGYUR BA SOGS KYI TSE DANG BSOD NAMS 'BYUNG BA LNGA'I BCUD, RANG GI TSE SNGAR GOD PA RNAMS DANG BCAS BA BSDUS TE SNGAGS 'PHRENG LA THIM PA LAS BDUD RTZI'I RGYUN 'BEBS BA'AM, DANG PO NAS RANG LA BSTIM PAS LEGS TSOGS KYI YON TAN THAMS CAD RGYAS SHING, SLAN CHAD 'TSO BA GANG GIS KYANG MI TSUGS BA'I SRUNG BA CHEN BOR)

GYUR PAR BSAMS LA GDUNGS RING ZUNG RNAMS BZLA, MJUG TU YIG BRGYAS LHAG CHAD BSKAD,) TSE DPAG MED MGON BDUD RTZIR ZHU BA'I RGYUN, ,TSANGS BU GNAS ZHUGS LUS KUN GANG BA YIS, ,MI SHIGS GA-YUNG DRUNG TSE YI RTEN GYUR CING, ,GSANG GSUM BYIN RLABS MA LUS THOB PAR GYUR, (,CES BRJOD CING DE LTAR BSAMS LA,) DUS MIN 'CHI BA'I MTSAN MA MTHONG BA NA, ,DE YI MOD LA TSE DPAG MED MGON SKU, (,ZHES SOGS DANG,) TSE RABS KUN TU TSE DPAG MED PA YIS, ,THEG MCHOG BSHES GNYEN DNGOS SU MDZAD PA'I MTHUS, (,ZHES SOGS SMON PAS MTSAMS SBYAR BAR BYA'O, ,ZHES PA 'DI NI BSTAN PA'I GSAL BYED DAM PA AA MO SPRUL BA'I SKU BLO BZANG DKON MCHOG BSTAN PA'I RGYAL MTSAN GYIS BSKUL BA BZHIN 7BTZUN PA DKON MCHOG BSTAN PA'I SGRON MES SBYAR BA'I YI GE PA NI SNGAGS RAM PA DKON MCHOG KUN DGA' 'O,,) ` ,,GNAS SPYI GTZUG BDE CHEN 'KHOR LO'I STENG, ,SKYABS DKON MCHOG GSUM 'DUS NGO BO NYID, ,RJE BLO BZANG RGYAL BA GNYIS PA YI, ,CHOS LUNG RTOGS BSTAN PA'I SGRON ME MCHOG ,SKU ZHI DUL DUR SMRIG 'CHANG BA'I TSUL, ,PHYAG CHOS 'CHAD MNYAM GZHAG PHYAG RGYA CAN, ,YONGS SRAS BCAS RGYAL BA'I 'KHOR LOR BCAS, ,MI BDAG GI MGON DU RTAG PAR BZHUGS, ,CHOS SNYIGS MA BDO BA'I DUS MTHA' 'DIR, ,YONGS THUB BSTAN SNYING PO DRI MA MED, ,BSHAD SGRUB PAS NYI LTAR GSAL MDZAD PA, ,RJE THUGS RJE'I GTER LA PHYAG 'TSAL LO, ,LUS LONGS SPYOD DUS GSUM DGE TSOGS BCAS, ,BLOS BLANGS TE GUS PAS 'BUL LAGS NA, ,THUGS BRTZE BA CHEN POS

, ,LEGS BZHES NAS, ,MCHOG THAR PA'I RGYU RU BYIN GYIS RLOBS, ,DUS YA MTHA' GTUGS PA MED PA NAS, ,SEMS NYON MONGS BRAN DU GYUR PA YIS, ,LAS SDIG PA'I DNGOS PO GANG BGYIS BA, ,YID 'GYOD PAS MTHOL LO BYANG BAR MDZOD, ,RGYU MED PAR 'GRO LA MNYES GSHIN PA, ,MGON RGYAL BA SRAS BCAS THAMS CAD DANG, ,RJE BLA MA'I RNAM PAR THAR PA LA, ,SEMS RTZE GCIG DAD PAS RJES YI RANG, ,DUS RING NAS 'GRO BA'I DUG GSUM GYI, ,NAD GDUNG BA SEL BA'I THUGS BSKYED BZHIN, ,CHOS ZAB RGYAS BDUD RTZI'I GTER PHYE STE, ,LAS NYON MONGS NYES KUN SBYANG DU GSOL, ,DGE 'DIS MTSON DUS GSUM BSAGS PA YI, ,LAS RNAM DKAR PHUNG PO BA SNGOMS BA'I MTHUS, ,YONGS LEGS TSOGS RTZA BA DRIN CAN RJE, ,BSAM SBYOR BAS TSUL BZHIN BSTEN PAR SHOG ,DUS RTAG TU DAL 'BYOR RTEN THOB CING, ,TSE 'DI SNANG GDON GYIS MI BSLU BAR, ,LAS RGYU 'BRAS NGANG TSUL LEGS BSAM NAS, ,SKYABS MCHOG GSUM GTZUG GIS STEN GYUR CIG ,GNAS 'KHOR BA GSHIN RJE'I BTZON RAL, ,YID GTING NAS LOG PA'I NGES 'BYUNG GIS, ,LAM BSLAB GSUM GRU GZINGS LA ZHUGS NAS, ,MCHOG THAR PA'I GLING DU BGROD GYUR CIG ,MA MKHA' MNYAM 'GRO BA MTHA' DAG LA, ,SNYING BRTZE BA'I GZHAN DBANG GYUR PA YIS, ,LAM BYANG CHUB MCHOG TU SEMS BSKYED DE, ,YONGS RGYAL SRAS SPYOD LA SLOB GYUR CIG ,RGYU'I THEG PA'I LAM GYIS RGYUD

SBYANGS TE, ,CHOS ZAB GSANG MYUR BA GSANG SNGAGS KYI, ,SGOR ZHUG SA NAS DAM TSIG LEGS BSRUNG ZHING, ,LAM RIM GNYIS SPYOD LA SLOB GYUR CIG ,DA MDOR NA BLO DMAN BYIS PA BDAG ,SNGAR DAL 'BYOR TSANG BA'I RTEN THOB KYANG, ,DUS DE RING YAN CHAD STONG PAR ZAD, ,DENG TSE LHAG CHOS KYIS 'DA' BAR SHOG ,MGON RGYAL KUN THUGS KYI BCUD BSDUS PA, ,RJE BLO BZANG BSTAN PA'I SGOR ZHUGS KYANG, ,SNGON JI BZHIN BSGRUB PAR MA NUS PAS, ,DA TSUL BZHIN NYAMS SU LEN PAR SHOG ,LAM 'KHRUL BRAL TSANG LAM NOR BA, ,RJE BLO BZANG RGYAL BA'I BKA' RGYUD KYI, ,LAM BZANG PO PHYOGS BRGYAR SPEL BA YIS, ,MA 'GRO KUN SRID LAS SGROL GYUR CIG (,CES PA 'DI NI GZHUNG BRGYA SMRA BA'I DBANG PHYUG GRA TSANG 'OG GI SLOB ZUR LTAR MA PA 'PHRIN LAS DPAL BZANG, MKHAS BTZUN BZANG PO'I BDAG NYID GRVA CHED BLA MA ZHABS DRUNG 'JAM DBYANGS RGYA MTSO, LHAG BSAM RNAM DPYOD YANGS PA GZHUNG LAS PA 'JAM DBYANGS BZANG PO RNAMS KYIS BSKUL NGOR ` BTZUN PA DKON MCHOG BSTAN PA'I SGRON MES GSER DGON DGA' LDAN DAM CHOS GLING DU SBYAR BA'I YI GE PA NI SNGAGS