*, ,SRAD RGYUD LUGS KYI 'PHO BA'I GDAMS PA'I NGAG 'DON KHRIGS CHAGS SU BSDEBS BA BZHUGS SO, , @001 #, ,NA MO GU RU MEE TRI YE, 'DIR SRAD RGYUD LUGS KYI 'PHO KHRID ZAB MO NYAMS SU LEN PAR 'DOD PAS, STAN BDE BA LA LUS GNAD BCAS TE RLUNG GI SKYON BSAL ZHING DGE SEMS KHYAD PAR CAN GYI NGANG NAS 'DI LTAR, RANG GI THUGS KA NAS 'OD ZER 'BROS, TSOGS ZHING NAM MKHA'I KHAMS GANG BA SBYAN DRANGS, MDUN GYI NAM MKHAR BZHUGS PAR GYUR, BDAG DANG 'GRO BA NAM MKHA'I MTHA' DANG MNYAM PA'I SEMS CAN THAMS CAD DUS RTAG PAR BLA MA LA SKYABS SU MCHI'O, ,SANGS RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,LAN GSUM, BDAG GIS SEMS CAN THAMS CAD MU MTHA' MED PA'I 'KHOR BA SDUG BSNGAL GYI RGYA MTSO CHEN PO 'DI LAS BSGRAL TE BLA NA MED PA'I BYANG CHUB KYI SNYING PO LA 'GOD PAR BGYI, DE'I PHYIR DU ZAB LAM 'PHO BA'I GDAMS PA NYAMS SU BLANGS PAR BGYI'O, ,MDUN GYI NAM MKHAR SENG KHRI PAD ZLA'I STENG, ,BZANG PO'I BZHUGS STANGS MDZAD PA'I MA PHAM MGON, ,GSER RI LTAR BRJID CHOS 'KHOR PHYAG RGYA CAN, ,DE YI THUGS KA DPAL GYI BE'U'I NANG, ,RGYAL BA'I DBANG PO RJE BTZUN TZONG KHA PA, ,CHOS 'CHAD PHYAG RGYAS GLEGS BAM RAL GRI BSNAMS, ,SRAS KYI THU BO GNYIS DANG BCAS PA YI, ,GNAS GSUM YI GE GSUM GYIS MTSAN PA LAS, ,'OD 'PHROS
, ,DGA' LDAN GNAS NAS BYAMS MGON DANG, ,RJE BTZUN BLA MA YAB SRAS RNAM PA GSUM, ,SPYAN DRANGS DAM TSIG PA DANG DBYER MED DU, ,'DRES SHING SRID MTHA'I BAR DU BZHUGS SU GSOL, ,SHES BYA'I KHYON KUN 'JAL BA'I BLO GROS THUGS, ,SKAL BZANG RNA BA'I RGYAN GYUR LEGS BSHAD GSUNG, ,GRAGS PA'I DPAL GYIS LHA MA MER MDZES PA'I SKU, , MTHONG THOS DRAN PAS DON LDAN LA PHYAG 'TSAL, ,YID 'ONG MCHOD YON SNA TSOGS ME TOG DANG, ,DRI ZHIM BDUG SBOS SNANG GSAL DRI CHAB SOGS, ,DNGOS BSHAMS YID SBRUL MCHOD SBRIN RGYA MTSO 'DI, ,BSAD NAMS ZHING MCHOG KHYED LA MCHOD PAR 'BUL, ,GANG ZHIG THOG MED DUS NAS BSAGS PA YI, ,LUS NGAG YID KYI MI DGE CI BGYIS DANG, ,KHYAD PAR SDOM PA GSUM GYI MI MTHUN PHYOGS, ,SNYING NAS 'GYOD PA DRAG POS SO SOR BSHAGS, ,SNYINGS MA'I DUS 'DIR MANG THOS SGRUB LA BRTZON, ,CHOS BRGYAD SPANGS PAS DAL 'BYOR DON YOD BYED, ,MGON PO KHYOD KYI RLABS CHEN MDZAD PA LA, ,BDAG CAG BSAM PA THAG PAS YI RANG NGO, ,RJE BTZUN BLA MA DAM PA KHYED RNAMS KYIS, ,CHOS SKU'I MKHA'I LA MKHYEN BRTZE'I CHU 'DZIN 'KHRIGS, ,JI LTAR 'TSAM PA'I GDUL BYA'I 'DZIN MA LA, ,LHUN 'GRUB CHOS KYI CHAR BA
DBAB TU GSOL, ,BDAG GIS JI SNYED BSAGS BA'I DGE BA 'DIS, ,BSTAN DANG 'GRO BA KUN LA GANG PHAN DANG, ,KHYAD PAR RJE BTZUN BLO BZANG GRAGS PA YI, ,BSTAN PA'I SNYING PO RING DU GSAL BYED SHOG ,RANG LUS SHEL GYI BUM PA LTAR GSAL BA'I, ,TSANGS BUG NAS BZUNG STE 'OG SOR BZHI'I BAR, ,DBUM SMAD PHRA STOD YANGS ZANGS THAL DBUS, ,RANG SEMS NGO BO RJE BTZUN RNAM PAR BSAM, ,KYE MA GNAD DKA' SRID PA'I RGYA MTSO LAS, ,BRGAL TE DGA' LDAN CHOS KYI ZHING KHAMS DER, ,MA PHAM 'JAM DPAL SNYING PO SRAS BCAS KYI, ,'DZUM ZHAL MNGON DU GYUR NA CI ME RUNG, ,STENG DGA' LDAN LHA BRGYA'I MGON PO MCHOG ,RJE MA PHAM CHOS KYI BLA MA DANG, ,DBYER MED PA 'DREN MCHOG THAMS CAD MKHYEN, ,PHA BLO BZANG GRAGS PA YAB SRAS LA, ,YID RTZE GCIG GUS PAS GSOL BA 'DEBS, ,LAM ZAB MO 'PHO BA'I RNAL 'BYOR GYIS, ,ZHING DGA' LDAN MKHA' SPYOD GNAS MCHOG DER, ,DUS DA LTA NYID DU BGROD PA DANG, ,RJE BLA MA YAB SRAS ZHAL MTHONG ZHING, ,GSUNG BDUD RTZI'I DGA' STON MYONG BA LAS, ,LAM ZAB MA'I RTOGS PA MTHAR PHYIN NAS, ,MCHOG MYUR DU THOB PAR BYIN GYIS RLOBS, ,PA? KHYED KYI THUGS RJE LCAGS KYU YIS, ,'OD SBU GU'I LAM NAS SKAD CIG LA, ,RJE MA PHAM CHOS KYI MDUN SA DER, ,DUS DA LTA NYID DU DRANG DU GSEL, ,LAM 'PHE BA 'BYONGS PAR BYIN GYIS RLOBS, ,DE LTAR GDUNG SHUGS DRAG POS GSOL BTAB MTHUS, ,BYAMS MGON THUGS KA'I RJE
, ,BTZUN YAB SRAS KYI, ,THUGS KA NAS BYUNG 'OD ZER DKAR PO YI, ,SBU GU SBRA LCAGS TZAM ZHIG NAR GYIS BYUNG, ,RANG GI SBYI BO TSANGS PA'I BU GAR ZUG ,DE NAS SLAR YANG THUGS KA'I SA BON LAS, , LCAGS KYU LTA BU'I 'OD ZER DKAR PO ZHIG ,RGYANGS TE BYUNG NAS 'OD KYI SBU GU YI, ,LAM DU ZHUGS NAS DH'U T'I'I NANG BRGYUD DE, ,SNYING DBUS RANG SEMS DBYER MED RJE BLA MA'I, ,THUGS KAR BTAB STE 'DREN PAR MNGON PHYOGS TSE, , 'OG RLUNG DRAG DU 'THEN PA'I GZHU MO LA, ,HIG GI MDA' SBYAR MGRIN PA'I BAR DU SLEB, ,HIG ,SLAR YANG STENG RLUNG MNAN TE RANG GI GNAS, ,SNYING GA'I THAD KYI DHU T'I'I DBUS SU PHAB, ,KA, (DE BZHIN DU SBYI BO'I BAR DU SPAR NAS SLAR RANG GNAS SU 'BEBS PA SOGS RES MOS KYI TSUL DU HIG DANG KA SGREL BA NYER GCIG SOGS JI LTAR 'DOD PA SBYANGS LA, MTHAR PHAt CES BRJOD PAS BYAMS MGON GYI THUGS KA'I RJE BLA MA'I THUGS KAR BSTIM NAS, DE'I THUGS DANG DBYER MED DU 'DRES PAR MOS PA'I RANG LA DAR CIG MNYAM PAR BZHAG ,SLAR YANG DMIGS RTEN RANG GNAS SU PHAB BA'I MOS PA DANG BCAS, GZHES BRJOD, DE NAS,) MDUN GYI NAM MKHA'I DBYINGS BZHUGS 'PHO YUL RNAMS, ,GSER ZHUN LTA BU'I 'ONG DU LTEM ZHU NAS, ,TSANGS PA'I BU GA 'KHYIL GYIS RAB BKAG STE, ,RANG GI SGO GSUM BYIN GYIS BRLABS PAR GYUR, ,'DIR 'BAD LAS BYUNG DGE TSOGS RGYA MTSO'I MTHUS, ,BDAG DANG MKHA' MNYAM 'GRO BA MA LUS PA, ,NAM ZHIG TSE 'DI'I SNANG BA 'GAG MA THAG ,YID DGA' CHOS 'DZIN GNAS DER
SKYE BAR SHOG ,DE TSE 'JAM MGON BLA MA YAB SRAS KYIS, ,DBUGS DBYUNG GSUNG GI BDUD RTZI'I BCUD MYANG STE, ,RGYAL SRAS SPYOD PA RGYA MTSO'I ZLOS GAR GYIS, ,MTHA' YAS 'GRO BA SRID LAS SGROL BAR SHOG, KHYAD PAR 'JAM MGON BLA MA YAB SRAS KYIS, ,TSE RABS KUN TU DGE BA'I BSHES MDZAD NAS, ,RGYAL BAS BSNGAGS PA'I LAM BZANG DE NYID LAS, ,SKAD CIG TZAM YANG LDOG PAR MA GYUR CIG, CES SRAD RGYUD LUGS KYI 'PHO BA'I GDAMS BA NYAMS SU LEN TSUL NAG 'GROS SU BKOD PA 'DI NI, ,DAD BRTZON BLO DANG LDAN PA DGE 'DUN RAB RGYAS DANG 'JIGS MED DGE 'DUN GNYIS KYIS BSKUL NGOR ` BTZUN PA DKON MCHOG BSTAN PA'I SGRON MES CHOS GRVA CHEN PO BKRA SHIS 'KHYIL DU BRIS PA'O,, ,,