, ,RJE BTZUN BYAMS PA MGO BO LA BRTEN PA'I 'PHO BA'I RNAM PAR BZHAG PA DGA' LDAN ZHING DU BGROD BA'I BDE LAM ZHES BYA BA BZHUGS SO, ,
, ,NA MO A'AR+YA MEE TRI YI, RING NAS GOMS PA'I THUGS RJE'I PHYAG BRKYANG STE, ,SRID MCHO NYAM NGA'I GA-YANG DU LHUNG BA RNAMS, ,PHAN BDE PADMA'I DGA' TSAL LA 'GOD PA, ,MI PHAM MGON GYIS BDAG SOGS 'GRO 'DI SKYONGS, ,DE'ANG RJE BTZUN BYAMS MGON LA BRTEN PA'I 'PHO BA'I GDAMS PA 'CHAD PA LA, SPYIR 'PHO BA'I MAN NGAG NYAMS SU LEN TSUL TSIG ZIN LA GSAL BAR BSHAD PA NI KHA SBYOR SOGS MA RGYUD KYI SKOR SHAS CHE LA, 'ON KYANG PHA RGYUD GSANG BA 'DUS PA'I BSRE 'PHO'I GNAD RNAMS KYANG 'DI DAG DANG DON MTHUN ZHING, KHYAD PAR 'PHO BA'I GDAMS PA MTHAR THUG PA SEMS DBEN SGRUB TSUL GYI GZHUNG RNAMS YIN PAR MKHAS GRUB THAMS CAD MKHYEN PAS BSKYED RIM DNGOS GRUB RGYA MTSOR GSUNGS PA LTAR YIN NO, ,RGYUD SDE 'OG MA RNAMS SU DE'I RNAM GZHAG DNGOS SU GSUNGS PA MED KYANG, BLA MA DAM PA GONG MA RNAMS KYIS DES RGYAS BKAB NAS 'OD DPAG MED DANG BYAMS MGON SOGS LA BRTEN PA'I 'PHO BA'I RNAM GZHAG MDZAD PA NI RGYUD DON MAN NGAG GIS PHYE BA'I SROL PHUL DU PHYIN PAR SNANG STE, DGAG BYA DANG DGOS PA PHYOGS MTHUN PA RNAMS LA DBANG GI RNAM GZHAG DANG LAS TSOGS CI RIGS PA RNAMS RGYUD SDE DANG LHAG PA'I LHA THA DAD PA SO SO LA PHAN TSUN DU RGYAS BKAB PA NI 'PHAGS BOD KYI GZHUNG TSAD LDAN RNAMS LAS
, ,MANG DU 'BYUNG NGO, ,DES NA 'DIR DAM PA'I PHYAG BZHES BZHIN RGYAL TSAB BYAMS PA MGON PO LA BRTEN PA'I 'PHO BA'I GDAMS PA NYAMS SU LEN PA LA, RANG GIS SKYONG TSUL, GZHAN LA KHRID 'DEBS TSUL, GSHIN PO'I DON DU BYA TSUL DANG GSUM, DANG PO LA SBYOR DNGOS GNYIS PA LAS, SBYOR BA 'GAL RKYEN DANG BRAL ZHING MTHUN RKYEN TSANG BA ZHIG DGOS LA, DAG PA'I ZHING DU BGROD PA'I 'GAL RKYEN GYI GTZO BO NI MA DAG 'KHOR BAS BSDUS PA'I LUS LONGS SPYOD GNYEN BSHES SOGS LA CHAGS PA 'DI NYID YIN TE, KHAMS SO SO LA RANG RANG GI SRED BAS BDAG GIR BYAS MA BYAS KHO NA KHAMS DE DANG DE LAS 'DAS MA 'DAS KYI DON DU GSUNGS SO, ,RANG GI NGOS NAS TSE 'DI'I PHUN TSOGS LA ZHEN PA MA BTANG NA, SANGS RGYAS BYANG CHUB SEMS RNAMS CI TZAM THUGS RJE CHE'ANG 'DREN PAR MI NUS TE, SRIN MO'I GLING DU CHAD PA'I CHONG PA RNAMS SPYAN RAS GZIGS KYI SPRUL PA RTA MCHOG BA LHAS 'DZAM BU'I GLING DU SGROL BAR BZHED KYANG, TSONG DPON MA GTOGS PA RNAMS DE DAG GI BSLU BRID LA CHAGS PA'I DBANG GIS PHYIR LTUNG STE SRIN MO'I KHA ZAS SU GYUR PA BZHIN NO, ,DES NA DAL 'BYOR RNYED DKA' ZHING TSE LA LONG MED PA'I TSUL BSAM STE, DGRA 'DUL GNYEN SKYONG SOGS SMYON PA'I ZLOS KAR LTA BU'I TSE 'DI'I SNANG SHAS BZLOG PA DANG, LAS NGES
PA DANG 'PHEL CHE BA'I DBANG GIS PHYI MAR 'GROS NGAN SONG LAS 'OS MED CING, DER SKYES NA YUN TSAD LAS 'DAS PAR SDUG BSNGAL BZOD GLAGS MED PA MYONG DGOS LA, GAL TE PHYI MAR NGAN SONG DUM LHUNG YANG 'KHOR BA 'DI LAS GTAN DU THAR PA ZHIG MA BYUNG NA, LAS BYAS PA CHUD MI ZA BA'I DBANG GIS SRID PA'I RTZE MO'I BAR DU SONG YANG PHYIR NGAN SONG NGAN 'GRO'I GA-YANG SA BRGYUD MAR LTUNG BA LAS MA 'DAS PA'I TSUL BSAMS TE PHYI MA'I SNANG SHAS BZLOG PA DANG GNYIS KYI SGO NAS KHAMS GSUM 'KHOR BA MTHA' DAG LA BTZON RA LTA BU'I 'DU SHES KYIS ZHEN PA GTING NAS LOG BA ZHIG MED MI RUNG DU DGOS SO, ,MTHUN RKYEN SGRUB TSUL YANG, THEG CHEN 'PHO BA'I MAN NGAG NI, STOBS LNGA NYID YIN ZHES TSE 'DI LA ZHEN PA BCAD DE DAG PA'I ZHING DU SKYE 'DOD KYI 'PHEN PA YANG YANG GTONG ZHING, 'PHO BA'I DMIGS RNAM YUN DU GOMS PAR BYED PA DANG, KHYAD PAR YO BYAD GANG YOD DGE 'DUN LA BSNYEN BSKUR SOGS RNAM DKAR GYI PHYOGS SU BTANG STE, DE'ANG 'PHO BA 'BYONGS PA'I RGYUR SMON LAM RNAM PAR DAG PAS MTSAMS SBYOR BA NI DAG PA'I ZHING DU SKYE BA 'DZIN PA'I THABS KYI GTZO BOR GSUNGS SO, ,DER SKYE 'DOD KYI 'DUN PA RNAL MA SKYE BA LA ZHING GI BKOD PA YID YUL DU 'CHAR DGOS LA, DE'ANG MDZOD LAS, GNAS NAS GNAS 'OG JI SRID PA, DE NAS DE YI GONG DE SRID, ,CES PA LTAR GYI RIGS PAS GZHAL NA 'DI NA STENG DU DPAG TSAD SUM 'BUM NYI KHRI'I MTSAMS SU LHA'I BU RAB DGA' LDAN GYIS BSKYANGS PA'I DGA' LDAN SPYI'I GNAS YOD CING, DE'I NGOS GCIG NA GRONG
, ,LAS DGON PA'I TSUL DU DAG PA'I ZHING MCHOG DGA' LDAN YID DGA' CHOS 'DZIN GYI GNAS, SPYIR BSKAL PA BZANG PO'I SANGS RGYAS THAMS CAD KYIS SKYE BA MNGON PAR SKYE BA'I MDZAD PA STON PA'I GNAS SU TSOGS GNYIS KYI SPYOD PAS BSGRUBS PA YIN LA, BYE BRAG DA LTA'I DUS KYI KHYAD PAR DU BYAS PA 'DI NI RJE BTZUN BYAMS PA MGON PO'I THUGS BSKYED KYI MTHU LAS GRUB PA YIN NO, ,DE'I SNOD BCUD KYI 'BYOR BA BSAM GYIS MI KHYAB PA'I TSUL SOGS SU STON PA'I MDO BOD DU 'GYUR BA MI SNANG YANG, DKON MCHOG BRTZEGS PA'I CHOS KYI RNAM GRANGS DU MAR SANGS RGYAS KYI ZHING MANG PO'I BKOD PA GSUNGS PA DANG CHA MTSUNGS PAS, DE DAG GI RIGS PA'I 'GROS SBYAR TE BSAM PA DANG, LHAG PAR ZHING DE'I DBUS NA RJE BTZUN BYAMS MGON GYI BZHUGS NAS CHOS KYI PHO BRANG RGYAL MTSAN MTHON PO GSER GYI RGYA PHIB NYI MA STONG GI 'OD LAS LHAG CING, NOR BU'I DRA 'DRA BYED DANG DRIL BU GA-YER KHA'I TSOGS KYIS SPRAS PA, LHA'I DBANG PO'I RNAM PAR RGYAL BA'I KHANG BZANG LAS KYANG 'BUM 'GYUR GYIS LHAG PA DANG, DE'I MDUN DU CHOS STON PA'I KUN DGA' RAB THA GRU YANGS SHING RGYA CHE LA KHOR YUG TU RIN PO CHE'I LJON SHING GI PHRENG BAS BSKOR BA, GSER GYIS GZHI LA BEEd'UR+YA'I MIG MANG RIS SU DRIS SHING MNAN NA NE MA BYED CING, BTEG NA SPAR BYED PA, DE'I GONG DU SENG GES BTEG PA'I RIN PO CHE'I KHRI'I STENG DU RJE BTZUN BYAMS PA MGON PO MTSAN DPE'I GZI 'OD 'BAR ZHING, SHER PHYIN ZAB MO'I GDAMS PA RGYUN MI 'CHAD PAR 'DOMS PA
DANG, GA-YAS SU NAM MKHA' DRI MA MED PA DANG, GA-YON DU RGYAL SRAS 'JAM DPAL SNYING PO SOGS RGYAL SRAS RGYA MTSOS BSKOR NAS BZHUGS PA'I BKOD PA LA YANG YID LA BYED PA NI, DER SKYE 'DOD KYI 'DUN PA SKYE BA'I THABS MCHOG TU 'GYUR BAR MA ZAD ZHING SBYONG GI MAN NGAG KYANG BLA NA MED PAR GSUNGS SO, ,DE LTAR BLO SBYONG BA'I DMIGS RTEN DU ZHING BKOD KYI BRIS THANG SOGS BYUNG NA SHIN TU LEGS LA, DE MA 'BYOR YANG BYAMS MGON GYI SKU BRIS 'BUR CI RIGS SOGS SKU GSUNG THUGS KYI RTEN LEGS PAR BKRAM STE, GTZANG ZHING GYA NOM PA'I MCHOD PA PHUL DU PHYIN PA BSHAM, STAN BDE BA LA SPYOD LAM TSUL MTHUN GYIS 'KHOD DE SKYABS SEMS SNGON DU BTANG NAS KUN SLONG RNAM PAR DAG PA ZHIG GSAL BTAB STE DNGOS GZHI LA 'JUG PAR BYED DGOS SO, ,RANG NYID LUS SEMS BDE BA TZAM ZHIG GI PHYIR ZHING DER SKYE BA DON DU GNYER BA NI KUN SLONG MA DAG PA YIN PAS, KUN SLONG 'CHOS TSUL YANG BRTAN PA MA THOB PAR DU SNYIGS MA BOD BA'I GNAS 'DI LTA BUR SKYE BA BLANGS NA, SLAR YANG RKYEN DANG GROGS NGAN PA JI LTA BU ZHIG GI DBANG DU 'GYUR NGES PA MED PAS, DES NA SLAR MI LDOG PA'I DAG ZHING KHYAD PAR CAN ZHIG TU SKYE BA LEN DGOS PAS DE'I NANG NAS KYANG RANG CAG GANG LA LAS 'BREL CAN SHIN TU CHE BA RJE BTZUN BYAMS MGON YIN PAS, ZHING KHYAD PAR CAN 'DI NYID DU SKYE BA BLANGS TE RGYAL BA MA PHAM MGON PO'I GSUNG GI BDUD RTZI LA LONGS SPYOD CING, DES BSTAN PA'I DON ZAB RGYAS AAM
, ,BRAL BA'I NYAMS LEN MTHA' DAG DANG, KHYAD PAR DU RGYA CHE BA'I LAM RIM BYAMS SNYING RJE BYANG CHUB KYI SEMS RNAMS LAM GYI SROG TU BYAS, DMIGS MED KYI LTA BAS RGYAS BTAB NAS LAM GONG MA THAMS CAD RIM GYIS BGROD DE, MTHAR THUG SKU BZHI'I GO 'PHANG MNGON DU BYAS LA, 'PHRIN LAS NYI SHU RTZA BDUN GYI SGO NAS MKHA' MNYAM SEMS CAN THAMS CAD KYANG BLA MED BYANG CHUB KYI GO 'PHANG LA 'GOD PAR BYA'O SNYAM DU SEMS BSKYED BCOS MTSUN CHAD KYI SGO NAS GSAL 'DEBS DGOS SO, ,ZAB RGYAS KYI LAM GANG LA THOG MAR GTZO BOR SLOB PA'ANG, DBU MA SNYING PO LAS, YANG DAG SHES TSOL SNGON BTANG STE, DON DAM RNAM PAR NGES GYUR NAS, ,LTA NGAN 'THIB GNAS 'JIG RTEN LA, ,SNYING RJE KUN TU SKYED NAS SU, ,ZHES SOGS LTAR DBANG PO SHIN TU RNON POS THOG MAR YANG DAG PA'I LTA BA BTZAL TE, DE'I SGO NAS SNYING RJE CHEN PO SOGS LA 'JUG PAR GSUNGS, GDUL BYA THUN MONG BA SHAS CHER GYI DON DU 'GYUR BA NI, DBU MA 'JUG PA LAS, SNYING RJE'I SEMS DANG GNYIS SU MED BLO DANG, ,ZHES GSUNGS PA LTAR, DANG POR THABS KYI CHA LA MYONG BA BRTAN POR BYAS TE, GZOD DBU MA'I LTA BA TSOL BA YIN NO, ,DER SKYE BA'I RGYU TSOGS KUN GYI GTZO BOR GYUR BA NI, DER SKYE 'DOD KYI KUN SLONG RNAM PAR DAG PA 'DI KHO NA YIN PAS, KUN SLONG GI KHYAD PAR LA DE'I SNOD BCUD KYI YON TAN LUNG RTOGS KYI BSTAN PA GANG LA GTZO BOR BYED PA DE DANG SGO MTHUN PA'I RIGS 'DRA'I GNAD TSANG BA ZHIG MI RUNG DU DGOS SO, ,
DNGOS GZHI NI, DGA' LDAN ZHING MCHOG YID DGA' CHOS 'DZIN NAS, RGYAL TSAB BYAMS PA MGON PO THUGS RJE'I GTER, ,RGYAL SRAS RGYA MTSO'I 'KHOR DANG BCAS PA KUN, ,BRTZE BAS 'DIR GSHEGS MDUN GYI NAM MKHAR BZHUGS, , ZHES BRJOD PA NA SKAD CIG GIS DGA' LDAN NAS RJE BTZUN BYAMS MGON 'KHOR DANG BCAS PA BYA NAM MKHA' LA 'PHUR BA BZHIN THOGS PA MED PAR BYON TE, SMIN MTSAMS MDA' GANG GI THAD KYI MDUN GYI NAM MKHAR SENG KHRI PAD ZLA SOGS KYI GDAN LA DGYES BZHIN BRTAN PAR BZHUGS PHAR BSAMS, DE NAS, JI SNYED SU DAG CES PA NAS, CHEN POR BSNGO, ,ZHES PA'I BAR GYIS YAN LAG BDUN PA RGYAS PA'AM, BSDU NA, GUS PAS PHYAG 'TSAL MCHOD TSOGS MA LUS 'BUL, , SDIG LTUNG KUN BSHAGS DGE LA RJES YI RANG, ,RTAG TU BZHUGS SHING CHOS 'KHOR BSKOR BAR BSKUL, ,DGE TSOGS KUN KYANG BYANG CHUB CHEN POR BSNGO, ,ZHES BSAG SBYANG MDOR BSDUS PA BYA, ,STON PA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RGYAL BA BYAMS PA MGON PO RGYAL SRAS RGYA MTSO'I TSOGS DANG BCAS PA THAMS CAD LA PHYAG 'TSAL LO, ,MCHOD DO, ,SKYABS SU MCHI'O, ,ZHES LAN BDUN NAM NYER GCIG BRGYA RTZA SOGS BRJOD CING, SKABS 'DIR BYAMS MGON GYI SKU LAS BDUD RTZI'I RGYUN BABS PA RANG GI SPYI BO NAS ZHUGS, LUS THAMS CAD GANG LAS THOG MED NAS BSAGS PA'I SDIG SGRIB NYES LTUNG THAMS CAD DANG, 'DI SNANG GI ZHEN PA
, ,SOGS DAG PA'I ZHING DU SKYE BA DANG 'PHO BA 'BYONGS PA LA GEGS BYED KYI DRI MA THAMS CAD BYANG ZHING DANG, ,DE'I SKU GSUNG THUGS KYI BYIN RLABS RNAMS RANG RGYUD LA ZHUGS PA'I MOS PA BYED, DE NAS, RANG LUS SHEL GYI BUM PA LTAR GSAL BA'I, ,DBUS SU DBU MA SMAD PHRA STONG YANGS PA, ,YAR SNE SPYI BO'I GTZUG TU KHA PHYE ZHING, ,MAR SNE LTE BA'I 'OG TU SLEB PA YI, ,SNYING GA'I THAD KYI DH'U TI'I DBUS NYID DU, ,SHIN TU PHRA BA GNYUG MA'I RLUNG SEMS DANG, ,DBYER MED DKAR GSAL 'OD KYI THIG LE'I GZUGS, ,YANG ZHING 'PHAR LA KHAD PA'I RNAM PAR 'GYUR, ,CES BRJOD CING, RANG GI LUS SHEL GYI BUM PA BZHIN PHYI BLTAS NANG GSAL BA'I DBUS CUNG ZAD RGYAB GZHUNG LA NYE BA'I CHAR DBU MA RAG DUNG KHA GYEN BSLANG LTA BU, MAR SNE PHUGS RDUG LTE 'OG SOR GSUM GYI THAD DU SLEB BA, YAR SNE GRO SOG BCAD PA BZHIN SPYI BO'I GTZUG DANG KHA DA CHAD KYI TSUL DU BU GA YANGS HA RE YOD PA, SNYING GA'I THAD KYI DBU MA'I NANG DER SHIN TU PHRA BA'I RLUNG SEMS DANG DBYER MI PHYED PA'I THIG LE DKAR PO KHA DOG DKAR LA CUNG ZAD DMAR BA'I MDANGS CHAGS PA 'OD KYI RANG BZHIN CAN SHIN TU GSAL ZHING 'TSER BA, RLUNG CUNG ZAD PHOG PA TZAM GYIS KYANG BSKYOD NUS PA'I SHING PA LA LTA BU, SHIN TU YANG ZHING 'PHAR LA KHAD 'PHUR LA KHAD PA ZHIG TU BSAMS, SKABS 'DIR SNGAGS BLA MED LTA BU'I RTZE GSUM DANG 'KHOR LO BZHI'I SGOM TSUL LA SOGS PA MED PAR, LUS KYI DKYIL DU RTZA DBU MA SROG SHING GI TSUL DU BSGOM PA TZAM YIN PAS
SKABS DON DE TZAM GYIS 'GRUB CING, RGYUD SDE 'OG MA LA'ANG SBYAR CHOG PAR MNGON, DE'ANG ZHAL LUNG LAS, LAM BZANG PO YIS YID 'ONG GNAS, ,LAS NGAN GYIS NI SRID PAR SKYON, ,ZHES PA LTAR RNAM SHES 'PHO BA'I SGO NGAN PA RNAMS 'GOG BA GAL CHE ZHING, BLA MED NAS GSUNGS PA'I LAM 'GOG BYED KYI YI GE RNAMS SKABS 'DIR MI 'ONG BAS, SGO DE RNAMS GONG DU BDUD RTZI 'BEB SBYANG BYAS PA'I MTHAR, 'OD DANG BDUD RTZI GSER ZHUN MA LTA BUS DAM GYI BKAG CING, RNAM SHES SGO DE RNAMS NAS 'PHO MI NUS PAR BYIN GYIS BRLABS PA'I MOS PA BYAS PAS 'GRUB BO, ,DE NAS BYAMS MGON RANG GI SPYI BOR SPYAN 'DREN PA'I PHYIR GSOL BA 'DEBS PA'I 'DUN PA DRAG PO DANG BCAS TE, RTZA BA'I BLA MA SKYABS GSUM KUN 'DUS KYI; ;NGO BO BLO BZANG RGYAL BA'I DBANG PO DANG, ,DBYER MED BYAMS MGON THUGS RJE'I GTER KHYOD LA, ,SNYING NAS GSOL BA 'DEBS SO BYIN GYIS RLOBS, ,ZHES DAL BU'I SGO NAS LAN GSUM MAM GCIG BRJOD PAS, SKYABS YUL MTHA' DAG BSDUS TE BYAMS MGON LA THIM ZHING, DE NYID RANG GI SPYI BOR BYON NAS RIGS BDAG GI TSUL DU BZHUGS PA'I DMIGS PA BYAS LA, DE LTAR GSOL BA BTAB PAS SKYABS YUL RNAMS, ,RIM GYIS BSDUS TE MA PHAM MGON LA THIM, ,DE NYID RANG GI SPYI BOR RIGS BDAG GI ,TSUL BZHUGS DBU MA SMAD YANGS STOD PHRA BA'I, ,THUGS KA'I THAD DU MEEm YIG GSER GYI MDOG ,YE SHES LNGA LDAN BDE BA'I RANG BZHIN CAN, ,'OD ZER 'BAR MA MTHONG STE DE'I NGO BOR, ,'PHO 'DUN DRAG POS SLAR
, ,YANG GSOL 'DEBS BYA, ,ZHES PA'I TSIG RIS LTAR LA, DE'I RTZA DBU MA'I MAR SNE DANG RANG GI RTZA DBU MA'I YAR SNE GNYIS SRUB CUNG ZAD KYANG MED PAR 'BYAR ZHING DBYER MED LTA BUR GYUR PA'I MOS PA BYED PA GAL CHE'O, ,DE NAS RANG SEMS 'OD KYI THIG LE DE NYID KYIS DBU MA'I LAM NAS YAR BLTAS PAS BYAMS MGON GYI THUGS KA NA GNYIS SU MED PA'I YE SHES BDE BA CHEN PO'I RANG BZHIN MEEm YIG GSAL ZHING DVANGS PA 'OD LAM ME YOD PA MTHONG NAS DES YID PHROGS TE, RANG NYID KYANG DER SLEB NAS DE DANG GCIG TU 'DRE BA ZHIG BYUNG NA SNYAM PA'I 'DUN PA DRAG PO DANG BCAS, 'GRO SGROL THABS KYI RNAM PA MA LUS GZIGS, ,KUN LA THUGS RJE NYE RING MED PAR 'JUG ,GZHAN PHAN 'PHRIN LAS DUS LAS MI YOL BA, ,SKYABS MCHOG MTSUNGS MED KHYOD LA GSOL BA 'DEBS, ,'DI SNANG ZHEN PA'I 'CHANG MA BCAD DU GSOL, ,LAS NGAN SDIG SGRIB MA LUS SBYANG DU GSOL, ,GNAD GCOD GSHIN RJE'I 'JIGS LAS BSKYAB TU GSOL, ,'KHRUL SNANG BAR DO'I 'PHRANG LAS BSGRAL DU GSOL, ,MI KHOM NGAN SONG SKYE SGO BCAD DU GSOL, ,ZAB LAM 'PHO BA 'BYONGS PAR BYIN GYIS RLOBS, ,LAM BZANG BAG CHAGS MNGON DU GYUR BAR MDZOD, ,YID DGA' CHOS 'DZIN GNAS DER DRANG DU GSOL, ZHES PHUR TSUGS SU GSOL BA 'DEBS PA GSUM MAM BDUN SOGS BYAS PAS SPYI BO'I BYAMS MGON GYI THUGS KA NAS 'OD ZER SDOM GYI BA THAG LTA BU ZHIG DBU MA'I LAM NAS MAR 'ONGS RANG SEMS 'OD KYI THIG LE LA REG PAS, KHAB
LEN GYIS RTZAGS PHYE LA REG PA'AM, NYA LA LCAGS KYUS BTAB PA BZHIN DU YAR DRANGS, THUR SEL DRAG TU BSDAM PAS 'OG NAS BTAG PAR BSAM LA HI KA CES BRJOD PA NA SNYING GA'I THAD TZAM DU SLEB PA'I DMIGS PA DANG, KA ZHES BRJOD DE SNGAR GYI RANG GNAS SU PHAB, YANG HI KA CES BRJOD PAS MGRIN PA DANG MGO BO'I NANG TZAM TSANGS BUG GI BAR DU SLEB PA'I DMIGS PA SOGS BYAS TE, HI KA GSUM BDUN NYER GCIG SOGS 'DEBS SHING, DE RE RE'I MTHAR YANG KA ZHES SNGAR GYI RANG GNAS SU PHAB, TSANGS BUG NAS PHYIR THON PA'I DMIGS PA YANG YANG BYAS NA TSE LA GNOD PAR GSUNGS PAS, NYIN RE RER YANG RANG GI DBU MA NAS BYAMS MGON GYI DBU MAR ZHUGS TE, DE'I THUGS KA'I MEEm YIG LA REG TZAM PA LA NA RE TZAM BYA, DAM PA 'GA' ZHIG HI KA DANG PHAd GDAM PA CAN DU GSUNGS KYANG, PHYIS KYI BLA MA RNAMS RLUNG GYEN DU BZLOG PA LA HIKA BZANG BAR GSUNGS LA, DE'ANG KHA NAS HIKA CES BRJOD PA TZAM MA YIN PAR, DE DANG MNYAM DU RLUNG GYEN DU 'DREN PA SKYIG BU'I RNAM PA LTA BU ZHIG DGOS PA YIN NO; ,'DIR RANG SEMS 'OD KYI THIG LE GYEN DU 'PHANG BA'I DMIGS PA SKYONG TSUL YANG, 'PHAN BYA ZUR DU BZHAG NAS RANG NYID 'PHEN PA PO LOGS SU YOD PA LTA BUR BSAM STE CI TZAM BSGOM YANG SPYI GTZUG ZA BA DANG CHU SER 'DZAG PA SOGS KYI RTAGS BYUNG NA'ANG, 'PHO BA GNAD DU SONG BA MIN PAR KUN MKHYEN 'JAM DBYANGS BZHAD PA'I RDO RJES GSUNGS PAS 'DI GO BA SHIN TU GNAD CHE LA, DE'ANG DANG NGA'I LUS NGA'I SEMS ZHES PA'I 'CHAR TSUL ZHIB TU BYAS NA DBU MA 'JUG PAR, ` GANG PHYIR 'JIG RTEN SA BON TZA
, ,BTAB NAS, ,ZHES PA'I RIGS PA SBYAR TE RNAM BSHAD DGONGS PA RAB GSAL LAS BLO LHAN SKYES LA BDAG PHUNG THA MI DAD DU SNANG BAR GSUNGS PA BZHIN 'CHAR BA'I SKABS KYANG YOD LA, RNAM 'GREL LAS, MCHOG GZHAN DON DU GNYER PHYIR DANG, ,ZHES SOGS LTAR NOR GYI BDAG PO BZHIN BRJE TSONG BYED BA'I BDAG PO LTA BU THA DAD PA'I TSUL DU 'CHAR BA'I SKABS KYANG SRID PAS, DBU MA LUNG RIGS GTER MDZOD DU, RES LUS KYI STENG NA YOD BA LTA BU, RES SEMS KYI STENG NA YOD BA LTA BU ZHES GSUNGS SO, ,DES NA SKABS 'DIR PHYI'I LUS RTEN NI RANG DANG NGO BO THA DAD BA'I GNAS KHANG LTA BUR BSAMS LA, RANG NYID RNAM PAR SHES PA'I NGO BO 'OD KYI THIG LE DE NYID DANG NGO BO GCIG TU YOD PA, DE GYEN DU 'PHANG BA'I SHUL NA 'PHEN PA BO'I NGA ZHIG LUS RGYU MED PA LTA BU'I 'CHAR TSUL BYUNG NA SKYONG TSUL GNAD DU SONG BA YIN NO, ,MJUG TU SPYI BO'I BYAMS MGON 'OD DU ZHU BA TSANGS BUG NAS MAR BSTIM PAS, DBU MA'I YAR SNE'I KHA GSER ZHUN GYI KHU BA LTA BUS YONGS SU BCAD PAR MOS NA BYIN RLABS KHYAD PAR CAN 'JUG PA DANG TSE BSRING BA'I THABS SU'ANG 'GYUR BAR GSUNGS SO, ,NAM ZHIG 'CHI KHA'I TSE LAG LEN DU BYA TSUL NI, PHYI NANG GI 'CHI LTAS BRTAG PA DANG, ZLOG PA'I THABS SOGS GZHAN NAS 'BYUNG BA BZHIN BYAS PAS, ZLOG MI NUS PAR NGES PA NA, HA CANG LUS ZUNGS MA ZAD PA'I MTSAMS SU BYA DGOS SHING, DE'I DMIGS PA SKYONG LUGS GSHIN PO LA BYA TSUL 'OG TU 'BYUNG BA DANG 'DRA'O, , ` GNYIS PA GZHAN LA 'DEBS TSUL NI, CHOS NYAN BA'I KUN SPYOD TSUL DANG MTHUN PAS
MDUN DU 'KHOD BCUG LA, SANGS RGYAS CHOS DANG ZHES SOGS SKYABS SEMS LAN GSUM BYA ZHING, DE'I TSE SLOB MAS KYANG BLA MA'I GSUNG GI TSIG RIS DANG BSTUN NAS SKYABS SEMS KYI DMIGS PA SKYONG DGOS SO, ,DE NAS, NAM MKHA'I MTHA' DANG MNYAM PA'I SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU 'PHO BA'I GDAMS PA ZAB MO 'DI NYID GSAN PAR BYA'O SNYAM PA DANG, KHYAD PAR DUS THOG MA MED PA ZHIG NAS NGAN SONG GSUM DU SDUG BSNGAL MTHA' YAS PA BAR MTSAMS MED PAR MYONG BA LAS, DA RES STABS LEGS KYIS LAN GCIG THAR TE DAL 'BYOR GYI RTEN KHYAD PAR CAN THOB, SANGS RGYAS KYI BSTAN PA RIN PO CHE DANG MJUL, PHYI NANG GI RTEN 'BREL PHUN SUM TSOGS PA 'DI LTA BU 'GRIG PA'I SKABS 'DIR MA MTHA' 'ANG NGAN SONG GI SKYE SGO BCAD DE, PHYIN CHAD DER MI LTUNG BA ZHIG BYED DGOS LA, DE'ANG MDZOD LAS, BZOD THOB NGAN SONG YONGS MI LTUNG, ,ZHES DANG, 'PHAGS PA'I NYI KHRI SNANG BAR, BZOD PA THOB PA NI NGAN 'GRO YONGS SU MYA NGAN LAS 'DAS PA YIN NO, ,ZHES MYANG 'DAS BRGYAD KYI GRANGS SU GSUNGS PA LTA BU RTOGS PA GONG MAR SON PA'I STOBS KYIS NGAN 'GRO'I SGO KHEGS PA NI RANG CAG LTA BUR RE ZHIG 'BYUNG DKA' BAS, DES NA BTZAN THABS 'TSANG RGYA 'PHO BA'I GDAMS PA 'DI LTA BU ZHIG GI SGO NAS NGAN SONG NGAN 'GRO'I SKYE SGO MTHA' DAG 'GOG PAR BYED DGOS, DE'ANG SANGS RGYAS THAMS CAD THUGS RJE BYIN RLABS KHYAD PAR MED KYANG, MTHUN PA'I SMON LAM MCHOG TU RMAD BYUNG ZHING, ,SPYAD PA
, ,SPYOD TSE NA YANG MCHED GYUR LA, ,SKAL BZANG GCIG LA MDZAD PA MTHAR PHYIN PA'I, ,RDZOGS PA'I SANGS RGYAS STONG ZHES GSUNGS PA LTAR, BSKAL PA BZANG PO'I RNAM 'DREN 'DI DAG THUGS BSKYED SMON LAM LHAN CIG PA'I STOBS KYIS GCIG GI BSTAN PA LA ZHUGS PHYIN BSKAL BZANG RNAM 'DREN GANG YANG RUNG BA ZHIG GI BSTAN PA LA NGES CAN DU SMIN CING GROL BAR GSUNGS, KHYAD PAR BDAG CAG GI STON PA THUB PA'I DBANG PO DANG RJE BTZUN BYAMS MGON RNAM GNYIS SLOB PA LAM GYI GNAS SKABS SU BLA SLOB, SKU MCHED, MDZA' BSHES SOGS KYI RNAM PAS 'BRAL MED LTA BUR 'KHRUNGS TSUL SKYES RABS SOGS SU GSAL BA LTAR YIN LA, DER MA ZAD DA LTA'ANG BYAMS MGON GYIS THUB PA'I DBANG PO MCHOD RTEN GYI RNAM PAR RTAG TU SPYI BOR BKUR BA LTA BU THUGS BSKYED 'BREL BA LHAG PAR CHE BAS, RANG CAG THUB PA'I DBANG PO'I RJES 'JUG RNAMS RJE BTZUN BYAMS MGON GYIS RJES SU 'DZIN PA'I RTEN 'BREL GYI SGO KHYAD DU 'PHAGS PA ZHIG YOD, DE'I RGYU MTSAN GYIS BYAMS PAS ZHUS PA'I MDO, BYAMS PA LUNG BSTAN PA'I MDO, BYAMS PA 'BYUNG BA'I MDO, BYAMS PA SENG GE'I SGRA'I MDO RNAMS SU SANGS RGYAS SH'AKYA THUB PA'I BSTAN PA 'DI LA THOS BSAM CUNG ZAD RE BGYIS PA DANG, SKU GSUNG THUGS KYI RTEN SKYU RU RA'I 'BRU TSAD TZAM BZHENGS PA, NYIN ZHAG GCIG LA BSLAB PA SNAR TZAM BSRUNG BTSUN CHAD KYANG BYAMS MGON GYIS RJES SU 'DZIN CING DE'I BSTAN PA DANG MJAL BAR GSUNGS, JO BO YAB
SRAS BKA' GDAMS GONG MA RNAMS KYANG BYAMS MGON GYI ZHING DU BYON CING, RJES 'JUG RNAMS LA'ANG DER SMON LAM 'DEBS DGOS ZHES NAN TAN DU GSUNGS, RJE BLA MA'ANG SKU TSE RJES MAR DGA' LDAN DU 'BYON PAR LHAG PA'I LHA DU MAS LUNG BSTAN CING, DE'I RTEN 'BREL GYIS DGON PA'I MING LA'ANG DGA' LDAN RNAM PAR RGYAL BA'I GLING ZHES BTAGS PA LA BRTEN NAS GRUB MTHA' SPYI LA'ANG RI BO DGA' LDAN PA ZHES MTSAN DU CHAGS PA BYUNG, RJE BLA MA LA BRTEN PA'I BLA MA'I RNAL 'BYOR KUN GYI NANG NA BYIN RLABS MI ZAD PA'I GTER DU GYUR PA DGA' LDAN LHA BRGYA MAR GRAGS PA 'DI NYID YIN ZHING, DE'I SKABS SU'ANG DGA' LDAN GYI BYAMS MGON GYI THUGS KA NAS SPYAN 'DREN PA DANG, DE LA BRTEN PA'I 'PHO BA'I SKABS SU'ANG SKU'I RNAM PA GSAL 'DEBS TSUL TZAM MA GTOGS DGA' LDAN GYI GNAS SU 'PHO BAR BYED PA 'DI DANG GNYIS KA KHYAD PAR MED, DES NA RANG CAG RJE BLA MA'I BSTAN PA RIN PO CHE 'DIR BSAM SBYOR CI RIGS PAS 'BREL THOGS PA RNAMS KYIS DGA' LDAN GYI GNAS DER SKYE BA'I RGYU BSGRUBS NA SANGS RGYAS BYANG SEMS RNAMS THUGS BSKYED 'BREL BA'I STOBS KYIS SHIN TU SA CHOD CHEN PO 'BYUNG BAS, DE YID LA BZHAG NAS RANG GI SGO GSUM NUS PA GANG YOD KYIS DER SKYE BA'I RGYU BSGRUB BA DANG, SNGON CHAD BGYIS PA'I DGE TSOGS JI SNYED CIG YOD PA THAMS CAD KYANG BLOS GCIG TU BSDOMS TE ZHING MCHOG DAM PA DE NYID DU SKYE ZHING, RGYAL BA BYAMS PA MGON PO'I GSUNG GI BDUD RTZI NGOMS MED DU MYANG NAS, SA LAM GYI
, ,RTOGS PA KHYAD PAR CAN MYUR DU BGROD PA'I RGYUR BSNGO BA DANG, 'OG NAS 'BYUNG BA'I CHO GA'I TSIG RIS RNAMS LA'ANG DED KYIS JI LTAR BRJOD PA DANG MTHUN PA'I DMIGS PA MA YENGS PAR BYAS TE GSAN PAR ZHU, DGA' LDAN ZHING MCHOG YID DGA' CHOS 'DZIN NAS, ,ZHES BA NAS, MCHOD DO, ,SKYABS SU MCHI'O, ,ZHES SPYAN DRANGS TE YAN LAG BDUN PA, BDUD RTZI 'BEB SBYANG SOGS GONG BZHIN BYA, DE NAS, KHYOD LUS SHEL GYI BUM PA ZHES DANG, DE NYID SLOB MA'I SPYI BOR RIGS BDAG GI ,ZHES TSIG BSGYUR TE TSIGS BCAD GZHAN RNAMS SNGAR BZHIN BYA BA'AM, YANG NA, KHYED RANG LUS DRANG BOR BSRANG STE GNAS PA SHEL GYI PHYA MA BUS PA BZHIN PHYI BLTAS NANG GSAL BA'I DBUS SU RTZA DBU MA SMAD PHRA LA STOD YANGS PA, MAR SNE LTE 'OG TU SLEBS SHING, YAR SNE SPYI BO'I GTZUG TU RGYA MTHONGS KHA PHYE BA LTAR YANGS THA LE YOD PA'I MAR SNE'I NANG DU RANG SEMS KYI NGO BO THIG LE DKAR LA DMAR BA'I MDANGS CHAGS PA, SHIN TU GSAL ZHING 'TSER BA 'PHAR LA KHAD PA ZHIG TU GSAL BTAB STE, MDUN NA BZHUGS PA'I RGYAL BA BYAMS PA MGON PO 'KHOR DANG BCAS PA LA GDUNG SHUGS DRAG POS GSOL BA 'DI BZHIN 'DEBS PAR MDZOD, RTZA BA'I BLA MA SKYABS GSUM KUN 'DUS KYI, ,X X SNYING NAS GSOL BA 'DEBS SO BYIN GYIS RLOBS, ,DE LTAR DU GSOL BA BTAB PAS 'KHOR GYI TSOGS RNAMS ME LONG LA HA BTAB PA BZHIN MTHA' NAS RIM PA BZHIN GCIG LA GCIG THIM PA'I TSUL GYIS
GTZO BO LA THIM, DE NYID KHYED RANG GI SPYI BOR BYON NAS RIGS BDAG GI TSUL DU BZHUGS PA'I SKU'I DKYIL DRANG THAD DU RTZA DBU MA SMAD YANGS SHING STOD PHRA BA, THUGS KA'I THAD DU RGYAL BA MA PHAM MGON PO'I THUGS GNYIS SU MED PA'I YE SHES KYI NGO BO MA YIG GSER GYI KHA DOG LTA BU GSAL ZHING 'OD ZER LNGA 'PHRO BAS MTSAN PA, DE'I DBU MA'I MAR SNE DANG KHYED RANG GI DBU MA'I YAR SNE GNYIS SHIN TU KHA MNYAM PAR SBYAR TE DBYER MED LTA BUR GYUR PA'I MOS PA DANG, RANG SEMS 'OD KYI THIG LE'I RNAM PA DE NYID KYIS BYAMS PA MGON PO'I THUGS KA'I SA BON NOR BU'I SGRON ME LTA BUR SHIN TU 'OD GSAL BA DE NYID MTHONG BA LA BRTEN NAS DGA' BA DANG DAD PA TSAD MED PA SKYE ZHING, RANG NYID KYANG DE'I DRUNG DU SLEB NA SNYAM PA'I 'DUN PA SHUGS DRAG TU BYED PA DANG, DE NAS NGED KYI TSIG RIS BZHIN PHUR TSUGS SU GSOL BA BTAB PA'I MTHAR, NGED KYIS HIKA CES BRJOD PA NA RANG SEMS THIG LER GSAL BA DE NYID RLUNG GIS GYEN DU BTEGS, BYAMS MGON GYI THUGS KA'I SA BON LAS 'OD ZER LCAGS KYU LTA BU ZHIG BYUNG NAS GYEN DU DRANGS, KA ZHES BRJOD PA NA SLAR YANG SNGAR GYI RANG GNAS SU BABS PA'I DMIGS PA SOGS SPEL MAR BYED DGOS PA THUGS LA 'DZIN PAR ZHU, ZHES TSIG LHUG BA'I SGO NAS BRDA SPROD CING, MANG PO LA LHAN DU BYED PA'I TSE KHYED RANG RNAMS ZHES MING TSIG SBYAR NA BDE'O, ,DE NAS 'GRO SGROL THABS KYI ZHES SOGS GONG DANG 'DRA LA, 'DI'I SKABS SU BLA MAS KYANG TSIG RIS BZHIN SLOB MA'I LUS KYI RTZA GSAL 'DEBS BA DANG, RNAM SHES PAR BA'I DMIGS PA SOGS BYED DGOS SO, ,
, ,MJUG TU, 'DIS MTSON DGE BAS BDAG GZHAN 'GRO BA KUN, ,ZHES SOGS DANG, SA BCU'I DBANG PHYUG RGYAL TSAB CES SOGS DANG, 'DI NAS SHI 'PHOS GYUR MTHAG ,CES SOGS BSNGO SMON GYIS MTSAMS SBYOR BAR BYA'O;; ` GSUM PA GSHIN PO LA BYA TSUL NI CHO GA GANG YANG RUNG BA DANG 'BREL BA'I LHO SGO LTA BU'I MJUG YIN NA RNAM SHES DGUG PA ZUR DU MI DGOS LA, DE LTAR MIN TSE TSIG TU DNGOS SU BRJOD MI BRJOD JI LTAR YIN KYANG DKON MCHOG GSUM GYI BDEN STOBS BSKUL NAS GSHIN PO'I RNAM SHES BKUG BA'I DMIGS PA NAN TAN BYA BA NI SNGON 'GROR MED MI RUNG DU DGOS SO, ,DE NAS, SKYABS SEMS DANG SPYAN 'DREN DKYUS LTAR BYA, BAR DO NGO SPROD SNGA PHYIR BYED LUGS KYI LAG LEN MI 'DRA BA CI RIGS SNANG YANG, TSOGS BSAG SGRIB SBYANG BDUD RTZI 'BEB SBYANG SOGS KYI DMIGS PA SKYONG RGYU'I DON DU MTSAMS 'DIR BYAS NA PHAN CHE BAR SNANG BAS, DE'I TSUL NI, 'O LAGS SO, ,'JIG RTEN 'DI NAS PHA ROL TU SONG ZHING TSE LAS 'DAS PA CHE GE MO ZHES BGYI BA KHYOD NYON CIG ,'DUL BA LUNG LAS, SKYES PA'I THA MA 'CHI BA STE, ,'DUS PA'I THA MA 'BRAL BA YIN, ,ZHES DANG, RJE BDAG NYID CHEN POS, MI RTAG SRIN POS MA ZOS PA'I, ,SEMS CAN DE NI 'GA' MA MCHIS, ,GSUNGS PA LTAR KHAMS GSUM 'KHOR BA'I GNAS 'DIR LAS NYON GYI DBANG GIS SKYE BZHIG BLANG PHYIN SKYE MTHA' 'CHI BA'I CHOS LAS MA 'DAS SHING, GNYEN MDZA' BSHES SOGS DANG LHAN CIG CI TZAM 'GROGS KYANG BRTZE BA MED PA'I 'CHI BDAG GI PHO NYAS SLEBS
PAN PHAN TSUN GTAN BRAL DU GYUR NAS MYA NGAN CHEN PO LDANG BA'ANG MCHOG DMAN BAR MA KUN GYI THOG TU YOD PA'I 'JIG RTEN SPYI'I NGANG TSUL YIN TE, CHED DU BRJOD PA'I TSOM LAS, MDZA' BA YUN RING 'KHOD 'KHOD NAS, ,'CHI BAS SO SOR 'BRAL 'GYUR TE; ;MYA NGAN CHEN PO LDANG BAR 'GYUR, ,DE YANG 'JIG RTEN 'DI NA NGES, ,ZHES SANGS RGYAS THUGS RJE CAN GYIS GSUNGS PA LTAR YIN, DE LTA BU'I 'CHI BA DE DA LAN KHYOD KYI THOG TU BABS TE, TSE SNGA MA'I SNANG BA NI NUB, PHYI MA MA RNYED PAS DA LTA SRID BA BAR DO NA GNAS BA'I SKABS YIN, DE'ANG GANG GIS SHES NA MDZOD LAS, SNGON DUS SRID 'BYUNG SHA TSUGS CAN, ,DBANG PO KUN TSANG THOGS MED RGYU, ,LAS KYI RDZU 'PHRUL SHUGS DANG LDAN, ,MI LDOG DE NI DRI ZA'O, ,ZHES GSUNGS PA LTAR GANG DU SKYE 'GYUR GYI PHYI'I LUS DANG DBYIBS MTSUNGS PA, DBANG PO KUN TSANG ZHING LAS KYI RLUNG GIS PA DAS TE SNGON BGROD DKA' BA'I GNAS RNAMS LTA CI SMOS, 'JIG RTEN GYI KHAMS MTHA' YAS PA'I PHA ROL TU'ANG SKAD CIG TZAM GYIS SLEB NUS PA'I RDZU 'PHRUL LTA BU YOD PA, DE'I STOBS KYIS SNGAR 'DRIS PA'I GNYEN DANG MDZA' BSHES LA SOGS PA THAMS CAD KYI RTZAR SONG STE GTAM LA SOGS PA SMRAS KYANG LAN MI STER ZHING SHI BA'I GTAM BYED PA SOGS KYIS SEMS LHAG PAR SKYO ZHING SDUG BSNGAL BA DANG, LAS LAS GRUB PA'I DGRA GNYEN GYI SNANG BA SNA TSOGS PAS BLO SNA BRING DE, RES 'GA' DGA' ZHING SPRO BA DANG, RES 'GA' 'JIGS SHING SKYI GA-YA' BA'I DGA' SDUG GI SNANG BA 'GYUR LDOG SNA TSOGS PA GLO BUR GLO
, ,BUR DU 'BYUNG BA'ANG PHYED RANG BAR DOR GNAS PA'I RTAGS YIN, SNGAR 'BYUNG BA BZHI'I RLUNG THIM BA'I STOBS KYIS RI BO NYIL BA, RGYA MTSO 'KHRUGS PA, NAGS LA ME SHOR BA, BSKAL PA'I RLUNG GA-YO BA LTA BU'I SGRA SHIN TU YANG BA SNYING 'GAS BLTA BU DANG, DUG GSUM GYI RANG GZUGS DKAR DMAR NAG PA'I GA-YANG SA CHEN PO GSUM DU LHUNG BA'I NYAMS SHAR BA DE DAG GI TSE SNGA MA'I LUS RTEN DOR BA YIN TE, DA LTA SNGAR DANG MI 'DRA BAR NANG DU RAGS PA'I KHAMS DKAR DMAR MI GNAS PA'I STOBS KYIS PHYI'I YI ZLA SOGS KYI SNANG BA MI 'CHAR ZHING, LUS LA GRIB MA'ANG MED PA 'DI RTEN DE NYID DOR ZIN PA'I RTAGS YIN, SPYIR CHOS THAMS CAD SGYU MA LTA BU YIN MOD KYANG, KHYAD PAR BAR DO'I SKABS KYI BDE SDUG DGA' 'JIGS SOGS KYI SNANG BA 'DI NI, RMI LAM DU MES TSIGS PA DANG, LHA'I DPAL 'BYOR LA SPYAD PA BZHIN DNGOS GNAS LA PHAN GNOD CI YANG 'BYUNG RGYU MED PAR MA ZAD, DE LA 'KHRUL SNANG DU NGO MA SHES PAR RJES SU 'BRANGS NA SKYE GNAS NGAN PA SNA TSOGS SU 'KHRID PAS SHIN TU BSGRIM DGOS, RIGS DRUG SO SOR SKYE BA'I RTAGS KYI SNANG BA 'CHAR TSUL YANG, DMYAL BAR SKYE NA LCAGS KHANG DANG GANGS RI'I 'KHYAG SPUBS, YI DVAGS SU SKYE NA MYA NGAM GYI THANG DMAR PO SOGS RANG RANG GI GNAS KYI BKOD PA SHAS CHER 'CHAR LA, KHA DOG NI DMYAL BA'I BAR DO SOL BA LTA BU, YI DVAGS KYI BAR DO DU BA LTA BU, DUD 'GRO'I BAR DO CHU LTA BU, 'DOD PA'I LHA MI'I BA DO GSER LTA BU, GZUGS KHAMS PA'I BAR
DO NI DKAR POR MNGAL 'JUG GI MDO LAS GSUNGS, 'GRO TSUL LHA'I BAR DO GYEN DANG, MI'I BAR DO THAD KA ,NGAN SONG GI BAR DO SPYI'U TSUGS SU 'GRO BAR GSUNGS LA, MDZOD 'GREL LAS PHYI MA'I 'GRO BA DE DANG DE'I 'GRO TSUL DANG CHA MTSUNGS PAR YANG BSHAD, KHYAD PAR 'KHOR BA'I BTZON RA'I NANG DU 'KHRID BYED KYI GTZO BO SRED PA YIN PAS, BRDZUS TE SKYEN GNAS LA SRED PA SKYE, DROD GSHER LAS SKYE NA DRI RO LA SRED PA SKYE, SGO NGA DANG MNGAL LAS SKYE NA RIGS MTHUN GYI GANG ZAG MTHONG STE TSUL MIN GYI SPYOD PA LA LOG PAR ZHEN PA'I DBANG GIS MTSAMS SBYOR BA YIN ZHING, DE LTAR SKYE BA BLANG PHYIN 'PHRAL DANG YUN DU SDUG BSNGAL LAS MA 'DAS, DE BAS KHYED RANG GI MGON SKYABS SU BDAG GIS BCOM LDAN 'DAS RGYAL BA BYAMS PA MGON PO 'KHOR DANG BCAS PA MDUN GYI NAM MKHAR SPYAN DRANGS NAS BZHUGS YOD CING, ZHING DANG DNGOS PO BSAM PA PHUN SUM TSOGS PAS DGE RTZA RNAM PAR DAG BA BYED BZHIN PA 'DI YIN PAS, KHYOD RANG GIS KYANG 'KHRUL SNANG GZHAN GYI RJES SU MA 'BRANGS PAR DGE RTZA 'DI DAG BLOS BLANGS TE DGA' BA BSGOM PA DANG, KHYAD PAR RGYAL BA BYAMS PA MGON PO LA DAD GUS SHUGS DRAG POS GSOL BA RTZE GCIG TU BTAB NA BAR DO'I SEMS CAN CHU NANG GI GZINGS LTAR DU KHA BSGYUR SLA BAS, NGAN 'GRO'I SKYE SRID BZLOG NAS ZHING KHYAD PAR CAN DU SKYE BA LA THE TSOM MED, DES NA NGED KYI TSIG RIS BZHIN DU YAN LAG BDUN BA'I DMIGS RNAM DANG, RES GZHAN NA MED PA'I BLO LTOS BCAS TE PHUR TSUGS SU GSOL BA BTAB PA'I MTHAR BYAMS MGON KHYED RANG GI SPYI BOR SPYAN
, ,DRANGS TE, NGED KYIS HIKA LAN GSUM BTAB PA'I TSE BYAMS MGON GYI THUGS KA'I SA BON DANG DBYER MED DU BSTIM ZHING, PHAt CES BRJOD PA'I SKABS SU BYAMS PA MGON PO SKAD CIG NYID LA DGA' LDAN GYI GNAS GSHEGS, DE'I THUGS KA NAS PHYIR PHYUNG STE PADMA'I SBUBS SU YID LUS BLANGS NAS BYAMS MGON GYI SRAS KYI THU BOR 'GYUR NGES PA YIN POS, DE LTAR GYI 'DUN PA DANG MOS GUS RTZE GCIG TU SKYONG BAR ZHU, ZHES BRJOD, DE'I TSE RANG NYID KYIS KYANG MI RTAG PA'I NGANG TSUL DANG, KHYAD PAR DU GSHIN PO DE NYID BAR DO'I LAM 'BRANG DAM POR 'JIGS PA'I DMAG GIS BSKOR BA, RGYUS MED KYI GNAS SU GROGS MED GCIG PUR 'KHYAMS SHING, MGON SKYABS DANG DPUNG GNYEN MA MCHIS PA'I TSUL BSAMS TE SNYING RJE SHUGS DRAG PO BSKYED NA, CI TZAM SNYING RJE SKYES PA BZHIN GYI DE'I DON DU DKON MCHOG LA GSOL BA 'DEBS PA'I BLO'ANG SHUGS DRAG PO 'BYUNG BAS DE LTA BU ZHIG DGOS KYI, RJE BTZUN MI LA RAS PAS, MI SHI BA RO YI SNGAS MGO LA, ,NOR LEN 'DOD KYI BAN BON CA CO 'DON, ,ZHES PA LTAR GSHIN PO DE'I RNAM PAR SHES PA DA LTA GNAS SKABS CI 'DRA ZHIG TU YID SNYAM PA YID KYI DGU NA'ANG MED PAR, GNYEN BSHES SOGS MGU BA 'BA' ZHIG LHUR BYAS TE RANG GZHAN GNYIS KA BSLU BAR MI BYA'O, ,DE LTAR DANG PA DANG SNYING RJE ZUNG DU 'JUG PA'I BSAM PA KHYAD PAR CAN GYI NGANG NAS YAN LAG BDUN PA DANG, MTSAN LAN BDUN NA MNYER GCIG SOGS BRJOD DE BDUD RTZI 'BEB SBYANG SOGS BYA BA GONG DANG 'DRA LA, KHYOD
LUS ZHES SOGS DANG, DE LTAR ZHES SOGS KYI TSIGS BCAD TSAN PA GNYIS NGAG TU MA BRJOD PAR RANG GIS TSIG RIS BZHIN DMIGS PA BSKYANGS PAS 'THUS SO, ,GSOL 'DEBS KYI TSIG RNAMS GO RIM BZHIN DU BRJOD CING, MTHAR HIKA GSUM DANG PHAt LAN GCIG BRJOD PA'I TSE DMIGS PA SKYONG TSUL GONG DU BRDA SPROD PA'I SKABS BSHAD PA BZHIN BYA'O, ,DE NAS, RGYAL BA'I DKYIL 'KHOR BZANG ZHING DGA' BA DER, ,PADMO DAM PA SHIN TU MDZES LAS SKYES, ,BCOM LDAN MA PHAM MGON POS MNGON SUM DU, ,LUNG BSTAN PA YANG TSE 'DAS DER THOB SHIG ,CES DANG, 'DIS MTSON DGE BAS BDAG GZHAN 'GRO BA KUN, ,ZHES SOGS DANG, 'DI NAS SHI 'PHOS GYUR MA THAG ,CES SOGS SMON LAM RNAM PAR DAG PAS MTSAMS SBYANG BAR BYA'O, ,STOBS BCU MNGA' BA MA PHAM MGON PO YI, ,THUGS RJE BYIN RLABS GRU GZINGS LA BRTEN NAS, ,MI BZAD 'KHOR BA'I MTSO LAS RAB BRGAL TE, ,ZHING MCHOG NOR BU'I GLING DU PHYIN GYUR CIG ,DE NAS BYAMS MGON SRAS DANG BCAS PA YI, ,ZHAL BZANG MIG GI BDUD RTZIR 'GYUR BA DANG, ,ZAB RGYAS GDAMS PA'I DGA' STON MYANG BA YIS, ,YANG DAG LAM BZANG LUS STOBS RGYAS GYUR CIG ,CES RJE BTZUN BYAMS PA MGON PO LA BRTEN PA'I 'PHO BA'I RNAM PAR BZHAG PA DGA' LDAN ZHING DU BGROD PA'I BDE LAM ZHES BYA BA 'DI NI KHYA DGE'I DGON NAS YANG DAG BA'I SGRUB PA LA GCIG TU GZHOL BA DGE SLONG BLO BZANG DKON MCHOG GIS BSKUL NGOM? ` BTZUN PA DKON MCHOG BSTAN PA'I SGRON MES
, ,DGON GSAR DGA' LDAN RAB RGYAS GLING DU SBYAR BA'I YI GE PA NI DGE SLONG DKON MCHOG KUN DGA' 'O,,
BLANK PAGE