*, ,ZHI KHRO SBRAGS SGRUB KYI ZIN BRIS BZHUGS SO, ,
, ,NA MO GU RU BHYA: 'JAM DBYANGS ZHI KHRO SBRAGS SGRUB KYI KHRID LUNG THOB SKABS KYI ZIN THO RAGS BSDUS BKOD PA LA, THOG MAR, DKON MCHOG GSUM LA SKYABS SU 'GRO,, xx YANG DAG BSKYED, ,LAN GSUM, RANG GI SPYI BOR ZHES RDOR SEMS BSGOM BZLAS, YIG BRGYA NYER GCIG ,BDAG NI MI SHES ZHES PA NAS RDO RJE SEMS DPA'I SKU GSUNG THUGS DBYER MI PHYAD PAR GYUR, NANG MCHOD BYIN RLABS, DPA' GCIG GTOR 'BUL PHYOGS SKYONG DANG BCAS PA, LAS GSHIN SPYAN DRANGS, DZA: 'JAM DPAL GSHIN RJE GSHED KYI BKA' SDOD MCHOG ,ZHES SOGS KYI SPYAN 'DREN, DAM BZHAG SKABS SU SRIN LAG RTZE SPRAD KYI PHYAG RGYA, GTOR BSNGOS SKABS SU, K'A LA RU BA YA MA R'A DZA ZHES SBYOR BA GNANG, TZA MUntI YA BA TI LA SOGS PA SRID PA GSUM GYI 'BYUNG PO'I TSOGS DANG BCAS PA RNAMS KYI ZHAL DUx DE LTAR BTAGS PA'I PHYI NANG GI
, ,MCHOD PA, BRKYANG BSKUMS MA, 'CHI BDAG MA, BLA MA MCHOG DANG, STOBS CHEN MA LAN GSUM, SANGS RGYAS CHOS TSOGS MA LAN GSUM, RAB 'BYAMS GSUNG RABx RGYAL BA KUN GYI YAB GCIG 'JAM DPAL DBYANGS, x DNGOS BSHAMS YID SPRULx BSNGO,, SA GZHI SPOS BYUGS MA, MAR GYUR NAM MKHA'I MTHA' DANG MNYAM PA'I SEMS CAN THAMS CAD KYI DON DUx THOB PAR BYA, DE THOB PAR BYA BA'I PHYIR DU DAM PA'I CHOS GSAN SNYAM PA'I KUN SLONG SPYI BYE BRAG GSAL BTAB TE GSAN PAR 'TSAL, ZHES GSUNG NAS, RJE'I GSUNG GI RDO RJE TSIG SPRA MA RED MDA' BA LA GNANG BA DE NYID NYID KYIS GSAN SKABS TSIG SBRAM MA RNYED PAR 'JAM BZHAD GSUNG GI RNAM BSHAD RGYAS PA TZINTA MA nI LAS TSUR BSDUS TE PHYAG BRIS MDZAD PA DE'I LUNG DANG, 'JAM BZHAD GSUNG RNAM BSHAD 'BRING PO'I STENG NAS BSHAD LUNG GNANG BA'I PHYAG RGYUN YOD PA LTAR
'DIR YANG BSHAD LUNG BSHAD GSUNG NAS, THOG MAR LUNG RKYANG GNANG, 'TSAMS SU CHOS 'DI'I CHE BA BRJOD SKABS, NYID NAS THOG MAR, MTSO KHA RDO RJE 'CHANG GI MDUN NAS GSAN GSUNG, MTSO KHA PA'I ZHAL NAS, KHYED SA THAG RING PO NAS PHEBS PA RED MA GTOGS, 'DI'I LUNG ZHUS NA ZLA BA GSUM GYI SNGON DU SNYAN GSAN 'BUL DGOS, KHRID ZHUS NA, LO GSUM GYI SNGON DU SNYAN GSAN 'BUL DGOS, DA LAM KHYED KYI YIG BSKUR TZAM YANG MA BYUNG MOD, 'ON KYANG DAM CAN CHOS RGYAL LA GNANG BA ZHUS NAS 'BUL KIN YOD CES GSUNG, 'JAM DPAL ZHI KHRO SBRAGS SGRUB ZER BA 'DI NI RJE BLA MA LA RJE 'JAM DBYANGS KYIS DNGOS SU GNANG BA'I GDAMS PA KHYAD PAR CAN YIN, RJE BDAG NYID CHEN PO DON DNGOS PO'I GNAS TSUL LA RJE BTZUN 'JAM DBYANGS ZHI KHRO MI'I LTAR ? GYIS ROL BA NI DRI MA MED PA'I LUNG RIGS PAS 'GRUB PA DE 'DRA RED MOD, THUN MONG SNANG TSOD LA, DANG PO KHONG LA RJE BTZUN GYI ZHAL MA GZIGS PA'I TSUL BSTAN NAS, BLA MA DBU MA PA DPA' BO RDO RJE LA BRGYUD NAS RJE BTZUN LA DOGS PA SOGS ZHUS, RJES SOR KHONG LA YANG RJE BTZUN GYIS ZHAL DNGOS SU BSTAN NAS MI DANG MI LAB PA LTAR GSUNG 'BYON PA DE 'DRA'I SKABS RJE BTZUN LTA BA GSUNG BA RNAMS MI GO BAR ZHUS PAS, RE ZHIG 'DI RNAMS SA BON GYIS LA GZHUNG CHEN MO LA BLTA BA DANG, BLA MA DANG LHAG PA'I LHA DBYER MED DU BYAS NAS GSOL BA 'DEBS PA DANG BSAGS SBYANGS LA 'BAD PA SUM DRIL BYAS NA LTA BA RTOGS YOD GSUNGS, RJE BTZUN 'JAM DBYANGS KYIS DNGOS SU GSUNGS KYANG MI GO BAR GSUNGS PA DE KHONG GI MA DGONGS MIN KYANG, PHYI RABS LA DGONGS PA RED, MI GO NA 'DI LTAR BYED DGOS GSUNGS PA RED, DE'I BLA MA RED MDA' BA CHEN POS, KHYED LHAG PA'I
, ,LHA DANG MI DANG MI LAB PA LTAR GSUNG GLENG BYED PA'I GDAMS PA ZAB MO ZHUS LA BSKUR GSUNGS PA LTAR, ZHUS PAS RJE BTZUN GYIS 'JAM DBYANGS ZHI KHRO SBRAGS SGRUB 'DI GNANG BA RJE RED MDA' PA LA PHUL NAS, NYID KYI THUGS SU CHUD NAS ME LHAR PHUL GSUNGS PAS, 'DI STON YUL GYI GDUL BYA SU RUNG RUNG GI MI CHOG KUN MKHYEN RED MDA' BA LTA BU'I LAM THUN MONG BAS RGYUD LEGS PAR SBYANGS PA ZHIG DGOS PA RED, 'DI RTZA BA RJE'I GSUNG GI RDO RJE'I TSIG SBRAM DANG, DE'I 'GREL BA RJE 'JAM DBYANGS BZHAD PA'I RDO RJES MDZAD PA'I RGYAS PA TZINTA MA nI'I PHRENG MDZES, 'BRING PO SKAL BZANG 'JUG NGOGS, DA DUNG BSDUS PA ZHIG DANG GSUM YOD PAS, 'BRING PO'I STENG NAS KHRID BYED PA'I PHYAG LEN YOD, 'DI NI 'JAM DBYANGS PHYI NANG GSANG GSUM DANG SKU GSUNG THUGS GSUM KA DKYUS GCIG LA SBRAGS NAS NYAMS SU LEN TSUL YIN PAS YE SHES SEMS DPA'I SKABS DANG, YANG NA PHRENG BA PHYIN RLABS KYI MJUG GANG RUNG DU NYAMS SU LEN DGOS PAS, RANG NYID SPRUL SKU DAM TSIG SEMS DPA' RDO RJE 'JIGS BYED DU GSAL BA'I NU MA GNYIS KYI THAD KYI SNYING KAR NAG GI 'TSAMS SU, AA KHU RIN PO CHE NAS 'DI 'DRA GNANG GSUNG NAS, PHYAG GI MDZUB MO GNYIS RTZE SBYAR NAS SNYING KAR BTZUGS, GONG MO GNYIS NU MA GNYIS LA 'DZUGS PA GNANG NAS, THAD 'DI'I NANG DU RGYUN DU SNYING THUR DU BSTAN PA BLOS GYEN DU BSLANG NAS SNYING GA'I RTZA BRGYAD MTSON PA'I 'DAB MA BRGYAD DU GYES PA GSER DANG BCAS PA'I LTE BAR, KUN RDZOB BYANG CHUB KYI SEMS KYI RANG BZHIN ZLA BA'I DKYIL 'KHOR BSIL ZER RAB TU 'PHRO BA LA, YE SHES SEMS DPA' LONGS SKU AA RA PA TZA NA SKU MDOG
DMAR SER PHYAG GA-YAS RAL GRI 'PHYAR ZHING, GA-YON AUTPA LA'I YU BA THUGS KAR 'DZIN PA'I 'DAB MA SNYAN GYI THA DKAR KHA PHYE BA'I STENG DU SHER PHYIN GYI GLEGS BAM BSNAMS PA, DE'I THUGS KAR DON DAM BYANG CHUB KYI SEMS KYI RANG BZHIN NYI MA'I DKYIL 'KHOR TSA ZER 'BAR BA'I RNAM PAR BSGOM PA'I STENG DU, CHOS DANG GANG ZAG GI BDAG MED PA'I RANG BZHIN GYI GSER GYI RDO RJE RTZE LNGA PHYED PA'I YU BA CAN GYI RAL GRI SNGON PO SHIN DU RNO BA SO GNYIS MDUN RGYAB LA BSTAN PA ME 'BAR BA, DE'I RDO RJE'I SGO NGA'I NANG DU DH'I: DMAR SER RING CHA TSEG DRAG DANG BCAS PA YONGS SU GYUR PA LAS, SNA TSOGS PAD NYI'I GDAN LA 'JAM DBYANGS GSANG SGRUB SKU MDOG DMAR SER RDO RJE DANG RAL GRI BSNAMS NAS YUM LA 'KHYUD CING RDO RJE SKYIL KRUNG GIS BZHUGS PA, LHA RDZAS KYI GOS DANG RIN PO CHE'I RGYAN CAN, GSANG YUM DMAR MO RUS PA'I RGYAN LNGAS BRGYAN PA, PADMA'I DKYIL DKRUNG GIS RDOR DRIL BSNAMS NAS YAB LA 'KHYUD PA, MIG GI THUR LA BLTAS NA MTHONG BA'I TSOD KYI SNYING GAR ZLA DKYIL GYI STENG DU YAB KYI THUGS KAR DH'I: DANG YUM GYI THUGS KAR HR'Im GNYIS RING CHA TSEG DRAG CAN, DE GNYIS GDONG MDUN DU BSTAN PA GA-YAS NAS BLTAS NAD PAR GYI YI GE LTA BU DANG GA-YON NAS BLTAS NA DPE CHA'I YI GE LTA BU, GI GU'I GUG PHYOGS GNYIS MDUN DANG, THIG LE GNYIS RGYAB LA BSTAN PA, THIG LE ZUNG DANG KLAD GOR BRIS BA'I TSE KOR KOR BRIS KYANG ZLUM PO SHEL STONG LTA BU, YI GE GNYIS DANG YAB YUM THAMS CAD PHAN TSUN RJES SU CHAGS PAS 'OD ZER LNGA PHAN TSUN DU 'KHYUD PAS DBYER MED, RAL GRI'I GZHUNG THUR GYI DKYIL SNYING KA'I TSOD TZAM DU H'Um YIG MTHING KA RING CHA DANG BCAS PA GDONG MDUN BSTAN ZHABS
, ,KYU'I RTZE MDUN DU BSTAN PA, DE'I THIG LE SHIN TU PHRA BA YUNGS KAR GYI 'BRU TSAD TZAM GYI NANG DU RAL GRI DKAR PO YUNGS 'BRU TZAM DE'I RDO RJE'I SGO NGA'I NANG DU 'JAM DBYANGS NANG SGRUB YAB YUM GNYIS KA SKU MDOG DMAR SER, GNYIS KAS GRI THOD BSNAMS PA, YAB RDO RJE SKYIL KRUNG DANG YUM PADMA'I SKYIL KRUNG GIS BZHUGS PA, PHAN TSUN 'KHYUD PA 'OD ZER GYIS SPREL BA SOGS GSANG SGRUB SKABS BZHIN DU BSAM, BZLAS PA BYED 'DOD NA YAB YUM GYI THUGS KA'I DH'I:'I MTHAR 'OD SNGON PO ZLUM PO'I STENG DU AOm AA RA PA TZA NA DH'I: HR'I: ZHES PA'I SNGAGS PHRENG GA-YON DU 'KHOR BA 'OD ZER GA-YAS DANG YIG 'BRU DMAR PO GA-YON DU 'KHOR BAS 'OD ZER SNGO DMAR 'THAB PA PHYOGS BCUR 'PHRO BA SOGS GZHAN DANG 'DRA, BZLAS PA MI BYED NA, DE'I MDUN DU RANG THA MAL BA'I RNAM PA TZOG BU THAL SBYAR DU 'KHOD NAS, RJE BTZUN 'JAM PA'I DBYANGS KYIS BDAG LA 'CHAD RTZOD RTZOM GSUM DANG, THOS BSAM BSGOM PA'I SHES RAB 'PHEL DU GSOL, ZHES PA LTA BU'I GSOL BA BTAB PAS RJE BTZUN GYI ZHAL NAS RIGS KYI BU KHYOD LA SHES RAB KYI SNANG BA KHYAD PAR CAN BDAG GIS STZOL LO, ,ZHES GSUNG 'BYON BZHIN PAR THUGS KA NAS 'OD ZER CHAD NAS RANG LA THIM PAS RMONGS PA'I MUN PA SANGS TE RJE BTZUN 'JAM PA'I DBYANGS KYI SHES RAB LTA BU THOB PAR BSAM LA YANG YANG BSAM, 'DI LTAR BYAS NAS NANG SGRUB SNGAGS ZUR DU MA BGRANG KYANG CHOG ,GSANG SGRUB LA BZLAS PA BYED NA, GSANG SGRUB 'KHOR LO MNGAL NA 'KHOR, ,DH'I: HR'Im: MIN PA'I SNGAGS MED DO, ,ZHES GSUNGS PA LTAR, YAB KYI THUGS KA'I HR'Im: LAS HR'Im:
GNYIS PA CHAD, ZHAL NAS THON, CHU LA GDU ? CHUNG 'JUG PA PA LTAR MGO MJUG BSGYUR NAS, MJUG MA NAS YUM GYI ZHAL DU ZHUGS THUGS KA'I HR'Im: LA THIM, HR'Im: LAS HR'Im: GNYIS PA CHAD, YUM GYI GSANG GNAS NAS THON, MGO MJUG BSGYUR TE, MGO NAS YAB KYI GSANG GNAS NAS ZHUGS TE THUGS KA'I HR'Im: LA THIM PAS, STOD CHA DH'I: SMAD CHA HR'Im: GI PHRENG BA MGAL ME'I 'KHOR LO LTAR 'KHOR BA, DE LAS SGRA SNYAN PA PI WANG GI GDANGS LTA BU GSUNG RAB YAN LAG BCU GNYIS KYI GDANGS SU 'CHAR BAR DMIGS NAS DH'I: HR'Im: KHO NA BZLA, DE GNYIS ZHI BA GTZO BOR BYAS NAS DRAG PO ZHAR LA SGRUB PA YIN, DE RJES DRAG PO GTZO BOR BYAS NAS ZHI BA ZHAR LA SGRUB PA DANG, 'JAM DBYANGS PHYI SGRUB LA BRTEN NAS SHES RAB SGRUB PA LA, RAL GRI'I LTE BA'I GSANG SGRUB DANG, LCAGS KYI H'Um YIG NANG SGRUB BCAS GO SA BRJES KYANG CHOG LA, YANG NA GSANG SGRUB KYI THUGS ZLA GDAN NYI GDAN DANG, THUGS KA'I DH'I: YIG H'Um YIG TU GYUR, H'Um YIG GI THIG LE'I NANG RAL GRI, DE'I YU BA'I RDO RJE'I SGO NGA'I NANG DU 'JAM DBYANGS NANG SGRUB YAB YUM BSAM, GONG GI H'Um YIG NANG SGRUB DANG BCAS PA THAMS CAD DH'I: YIG DMAR SER RING CHA TSEG DRAG DANG BCAS PA GCIG TU GYUR BAR BSAM, GSANG SGRUB KYI THUGS KA'I H'Um LAS 'OD ZER SNA LNGA 'PHROS PAS GSANG SGRUB KYI SKU GANG PHYIR 'PHROS RDO RJE'I LTE BA'I NANG GANG NAS MA SHONG BAR GA-YER KHA 'DRA BA'I MTSAMS NAS DGYED, DE'I MTHAR 'JA' ZER GYI GZHI LA 'OD SNA LNGA'I MU KHYUD ZLUM PO, LTE BA'I H'Um LAM REG PA 'KHOR LO 'KHOR CHOG PA, DE'I STENG DU 'OD 'PHROS PAS GRI GUG SO DGU SO PHYIR BSTAN NAS, LEB MOR GNAS PA'I LTE BA'I STENG DU NYI GDAN LA RTZA SNGAGS YI GE SO DGU, DE'I PHYI ROL TU
, ,RAL GRI RTZE PHYIR BSTAN PA DRUG GI LTE BA'I STENG DU AOm AA RA PA TZAN ZHES PA'I YI GE DRUG GAM, YANG NA DH'I: DRUG BKOD NA, AOm AA RA PA TZA NA DH'I: AOm YA MA NAS H'Um H'Um PHAt PHAt SV'AHV'A, ZHES PA'AM, DH'I: BKOD YOD NA, DH'I: AOm YA MA NAS SV'AH'A ZHES BZLA, DE NAS RAL GRI SNGAGS BCAS BZHAG ,GRI GUG SO DGU GDAN DANG BCAS PA GSANG SGRUB KYI THUGS KA'I H'Um LA BSDUS NAS GRI GUG BCU SPROS PA'I STENG DU NYI GDAN YI GE BCU PA BKOD NAS SNGAR LTAR BZLA, DE RJES GRI GUG BCU BSDUS NAS BDUN SPROS PA LA NYI STENG NYE SNYING BKOD NAS BZLA, SNGAGS THAMS CAD RANG SGRA 'PHRUG LTAR SGROGS PAR BSAM, YE SHES SEMS DPA' 'JAM DPAL GZHON NUR GYUR BA BSKYED KYANG CHOG ,DE GNYIS, AA RA PA TZA NA PHYAG GA-YON AUTPAL SNGON PO'I SDONG BU THUGS KAR BSNAMS PA'I 'DAB MA SNYAN THAD KHA PHYE BA'I STENG DU GLEGS BAM BSNAMS PA, 'JAM DPAL GZHON NUR GYUR PA, PHYAG GA-YON GLEGS BAM THUGS KAR 'DZIN PA, PHYAG GA-YAS RAL GRI 'PHYAR BA GNYIS KA 'DRA, YANG NA YE SHES SEMS DPA' 'JAM DBYANGS DKAR PO BYED NA YONGS 'DZIN THAMS CAD MKHYEN PA'I GSUNG LTAR LA, SNGAGS WA KYEE DAm DANG, AOm AA RA PA TZA NA BZLAS KYANG CHOG 'JAM DBYANGS DKAR PO 'DI LA SGEG RDOR LUGS LTAR GA-YAS MCHOG SBYIN MDZAD PA, AUTPAL DANG RAL GRI MED, YANG LUGS GCIG LA GA-YAS AUTPALA'I STENG NA RAL GRI YOD PA YANG YOD, SKABS 'DIR PHYI MA LTAR BYED GSUNGS, BYA RGYUD LTAR DU SGRUB NA GTZANG SBRA GAL CHE, 'JIGS BYED DANG SBREL NAS ZHI KHRO SBRAGS SGRUB BYAS NA SHA SOGS LA
'DZEM MI DGOS SLA GSUNGS, BZLAS PA ZIN PA DANG RANG GI GRE PHUG TU ZLA GDAN LA DH'I: YIG DMAR SER MGO GRE PHUG TU BSTAN NAS NYAL STABS SU GNAS PA 'OD ZER 'PHROS PAS, RGYAL BA SRAS BCAS KYI MKHYEN PA'I YON TAN SPYI DANG, MI BRJED PA'I GZUNGS PHUN SUM TSOGS PA THAMS CAD 'OD ZER DANG DH'I: YIG GI RNAM PAR SPYAN DRANGS NAS DH'I: LA THIM PAS MI BRJED PA'I GZUNGS KHYAD PAR CAN THOB PA'I DMIGS PA DANG BCAS DBUGS THENGS GCIG LA DH'I: BRGYA RTZA BRGYAD BGRANG, DH'I: RE BRJOD PA DANG GRE PHUG GI DH'I: LAS GNYIS PA CHAD NAS SNYING KA'I SA BON LA THIM PAS ME LA MAR KHU'I THIG PA BABS PA LTAR SNGAGS 'KHOR 'OD ZER JE CHE JE CHER SONG, MTHAR MCHIL MA SGRA MED GCIG MID PA DANG MNYAM DU GRE PHUG GI DH'I: YIG GDAN DANG BCAS PA SNYING KA'I SA BON LA THIM PAS ME CHEN POR MAR KHU CHEN PO BLUG PA LTAR 'OD ZER CHER 'BAR BAS 'JIG RTEN THAMS CAD 'OD ZER GYIS KHYAB, 'GRO BA THAMS CAD KYI RMONGS PA'I MUN PA THAMS CAD SANGS, GSUNG RAB KYI TSIG DON MTHA' DAG BSKAL PA'I BAR DU MI BRJED PA'I GZUNGS DANG, SHES RAB KHYAD PAR CAN THOB PAR BSAM, MTHAR YIG BRGYA BZLAS PAS RIGS BDAG GI SKU LAS BDUD RTZI BABS PAS LUS THAMS CAD GANG BAS SNGAGS MA DAG PA DANG, CHAD LHAG SOGS SBYANGS NAS SNGAGS KYI DNGOS GRUB BRTAN PAR BYAS PAR BSAM, DE NAS YE SHES SEMS DPA' JE CHUNG DU SONG, SNYING KA'I PAD 'DAB JE CHER RGYAS TE SPUNGS SKU KHA BSDUS PA'I DBUS SU 'JAM DBYANGS KYI GSANG GSUM DANG, RANG SEMS DBYER MED DU BZHUGS PAR BSAM, THUGS KA'I H'Um LAS 'OD ZER GYEN DU 'PHROS PAS SNYING GI RTZE MOR RDO RJE SER PO RTZE LNGA
, ,PHYED PA SHIN TU LCI BAS GNAN PAR BSAM, SLAR YANG 'OD ZER 'PHROS DBUS RVA'I NANG DU BLA MA'I NGO BO H'Um YIG SER PO BSAM, DE LAS 'OD ZER PHRENG THAG DANG, SNGAGS PHRENG RDOG GI RNAM PAR AA RA PA TZA NA DKAR DMAR MTHING GSUM GYIS GA-YAS BSKOR DU DKRIS, SLAR YANG AA LI DKAR POS GA-YAS BSKOR DANG, KA LI DMAR POS GA-YON BSKOR DKRIS NAS BYANG CHUB MA THOB BAR DU 'PHRAL MED BRTAN PAR BZHUGS PAR BSAM LA, NGAG TU YANG, SHIN TU LCI BA RDO RJE'I RGYA, ,BYIN RLABS BRTAN BYED BLA MA'I RGYA, ,DUG LNGA NI BYED YE SHES LNGA YI RGYA, ,SGO GSUM MI PHYED SNGAGS TSAN GSUM GYI RGYA, ,THABS SHES ZUNG 'BREL AA LI KA LI'I RGYA, ,SHIN TU GCES PA SNYING GI RGYA, ,ZHES BRJOD, DE GSANG RGYA DRUG GIS BSDAMS, DE NAS, DPAL LDAN RTZA BA'I BLA MA RIN PO CHE, ,BDAG GI SNYING KAR PAD ZLA'I GDAN BZHUGS LA, ,BKA' DRIN CHEN PO'I SGO NAS RJES BZUNG STE, ,SKU GSUNG THUGS KYI DNGOS GRUB STZAL DU GSOL, ,YANG RKANG PA GSUM 'DRA BA LA, MCHOG DANG THUN MONG DNGOS GRUB STZAL DU GSOL, ,THUN MONG MCHOG GI DNGOS GRUB ZER BA YANG YOD GSUNG, ,YANG, BYANG CHUB SNYING PO'I BAR DU BRTAN PAR BZHUGS, ,ZHES BSGYUR, DE NAS MCHOD BSTOD SOGS CHO GA'I DKYUS LTAR RO, ,ZHES PA NI ^ RJE BKA' 'DRI NA MTSUNGS MED GRUB PA'I DBANG PHYUG 'JIGS MED BSAM GTAN DPAL BZANG PO'I ZHAL SNGA NAS, ZHI KHRO SBRAGS SGRUB KYI KHRID LAN KHA YAR THOB PA'I SKABS RMONGS BLO NYAN TSAD THO CHUNG DU BKOD PA'O,, ,,