*, ,MKHA' 'GRO SNYAN BRGYUD KYI ZIN BRIS BZHUGS SO, ,
, ,NA MO GU RU DEB d'A KI NI, 'DIR GNYAN KHROD CHU MIG BRGYA RTZAR GRAGS PA 'DI NYID LA, THOG MAR ZHI BA NAM MKHA'I SGO 'BYED LA; GTOR MA'I BCA' RIM NI LCOG LNGA DKAR RTZI BYUG ,MAndAL STENG DU TSOM BU LNGA, DE'I 'OG TU PADMA 'DAB BZHI BRIS PA'AM TSOM BU 'GOD KYANG RUNG; AA KHU RIN PO CHE'I PHYAG LEN LA MAndAL GYI TSOM BU BKOD PA DANG, SGO DMAR RIN PO CHE'I PHYAG LEN LA 'BRU'I TSOM BU BKOD PAR GSUNGS, BGEGS GTOR YONGS GRAGS LTAR, DNGOS GZHI DBANG CHOG GZHAN PHAN 'OD ZER STENG NAS GSUNGS, MDUN BSKYED BDAG BSKYED GAB PAS
, ,'THUS, DBANG RDZAS LA RGYAN DRUG ,RIGS LNGA, d'A RKANG SOGS DGOS KYANG NYIN DER TSOGS MI DGOS, LUS SBYIN KYANG BYA MI DGOS, KHO BOS THOB SKABS NYIN GCIG RDZOGS PAR GNANG, SGO DMAR RIN PO CHES GNANG SKABS NYIN GNYIS LA RDZOGS PAR GNANG ZHES GSUNGS, MA CIG KHROS NAG GI GTOR MA NI, ZUR GSUM LNGA LA MDUN PHYOGS BSTAN DGOS, DE NYID LA DMAR RTZI BYUG , MKHA' 'GRO SPYI GTOR, GZHI BDAG GTOR MA, MAndAL 'DAB BZHI BRI TSOM GANG RUNG, DE'I STENG DU MANYDZI, STENG DU THOD PA MTSAN LDAN BDUD
RTZIS GANG BA, DE'I STENG DU SINDHU RA'I MAndAL LA PADMA 'DAB BZHI'I LTE BAR BAm, PHYOGS BZHIR HA RI NI SA BRIS PA BSHAMS, DE'I STENG DU MDUNG KHYIM BSGRENG STE DAR SNGON PO'I GUR PHUB, BGEGS GTOR DKYUS LTAR LA, DBANG CHOG 'JAM DBYANGS MGON PO'I YIG CHA'I STENG NAS GSUNGS, DBANG TSAR BA DANG CHABS GCIG PAR BLA SLOB LHAN CIG NAS THUN DRUG RNAL 'BYOR, MNGON DKYIL KYI SKU GSUM, d'A RU KHROL TE GSUNG YONGS RDZOGS GSUNG DGOS, DE NUB NAS BZUNG GSANG MTSAMS LA 'GRO TSUL NI, BLA MA'I SGRUB KHANG GI SGO DRUNG NAS BSDAD LA, MDO TSAR GCIG GSUNGS NAS RKANG GLING LAN GSUM 'BUD LA, RANG NYID SKAD CIG GIS ZHES SOGS ZIL GNON BTANG, DE NAS NGAG BSDAMS, GA TE 'DON BZHIN GNYAN SAR 'GRO, SLEB 'PHRAL DU YANG MDO TSAR GCIG ,MI RKANG GSUM, ZIL GNON SKOR GSUM BTANG NAS LUS MCHOD LA 'JUG ,SROD GUNG THO RANGS RNAMS LA LUS SBYIN ZHAG BDUN BTANG BA'I MJUG TU MNGON DKYIL SOGS 'DON, TSOGS 'KHOR RGYAS PA BYA, GAR 'GRO PHYOGS KYI GNYAN SA GZHAN LA MI SMRA BA GNAD CHE'O,, ,,