*, ,DPAL RDO RJE 'JIGS BYED LHA BCU GSUM MA'I BSKYED RIM ZIN BRIS BZHUGS SO, ,
, ,NA MO GU RU BADZRA BHEE RA W'A YA, 'DIR RIGS BRGYA'I KHYAB BDAG THEG MCHOG DGE BA'I BSHES GNYEN RDO RJE 'CHANG RJE BTZUN ^ DGE 'DUN BSTAN 'DZIN RGYA MTSO DPAL BZANG PO'I ZHAL SNGA LAS 'JAM DPAL DUS DGRA'I DBANG PO MA HE'I GDONG CAN BCU GSUM LHA'I RIM PA DANG PO'I ZAB KHRID MNOS SKABS RANG GI RMONGS BLOS JI LTAR ZIN PA RNAMS BSNYEL BYAD BKOD PAR, DANG POR, SHER SNYING BZLOG BCAS DANG, BGEGS RIGS MA'I MJUG TU, RDOR SEMS BSGOM BZLAS GSUNG, DE NAS BLA BRGYUD GSOL 'DEBS, KHYAB BDAG 'JAM PA'I MA KHA SKONG DANG BCAS PA GRUB PHRAL, SLOB MAS MAndAL
, ,PHUL RJES, RDO RJE 'CHANG NAS GSUNG TSANGS PA'I DBYANGS KYIS 'O LAGS SO, ZHES SOGS SPYI'I CHOS BSHAD RJES, PHYAG BZHES LA THOG MAR 'DI'I KHRID GTONG TSUL GYI PHYAG LEN BSHAD DGOS KYANG, DA RES MI DGOS PA BYAS GSUNG, DA 'DI'I LO RGYUS CUNG ZAD ZHUS NA, GRUB PA'I DBANG PHYUG CHEN PO L'A LI TA BADZRAS, 'JAM DPAL MTSAN BRJOD KYI NANG GI ,RDO RJE 'JIGS BYED 'JIGS PAR BYED, ,CES GSUNGS PA'I DON, PAndITA MANG PO BRIS PAS, GCIG NA RE, NUB PHYOGS AO RGYAN GYI YUL NA 'DI'I TSIG RE RE DANG SBYAR BA'I RGYUD RGYAS PA YOD GSUNG BA THOS NAS, AO RGYAN DU PHEBS PA'I LAM BAR ZHIG
TU MKHA' 'GRO MA CHU LEN DU 'ONG BA ZHIG LA THUG NAS, DE LA RJES SU 'DZIN DGOS KYI GSOL BA BTAB PAS, DES KYANG GNANG BA'I TSUL GYIS RDO RJE 'JIGS BYED KYI DBANG LUNG MAN NGAG BCAS RDZOGS PAR GNANG ZHING; 'DI'I RGYUD 'DREN PAR ZHUS PAS, KHYOD KYIS 'KHYER THUB TSOD ZHIG KHYER CHOG GSUNG YANG, MKHA' 'GRO MA'I BKA' MA GROL STABS RGYUD RTOG GSUM RTOG BDUN SOGS LAS DRANGS MA THUB PA DANG, MKHA' 'GRO MA DE YUM RDO RJE RO LANGS MA YIN PA RED GSUNG, DE NAS TSUR BRGYUD LUGS LA, RVA LUGS, SKYO LUGS, ZHANG LUGS TE GSUM PO 'DI NYID POD DU GRAGS CHE ZHING, RVA LO NI BHA RO PHYAG RDUM LAS 'DI'I DBANG GDAMS NGAG RNAMS LEGS PAR NYAN TE, BSGRUB PA ZLA BA DRUG GI BAR DU BYAS NAS LAS BZHI LHUN GYIS GRUB STE MNGON SPYOD MDZAD TSUL GYI RNAM THAR SHIN TU MANG, DE NAS RIM BZHIN BRGYUD DE CHOS KYI RJE DON GRUB RIN CHEN GYIS GSAN, RJE 'DI YANG CHU DKAR RI KHROD DU BZHUGS DUS DPAL RDO RJE 'JIGS BYED LA ZHAL DNGOS SU GZIGS PAR GSOL BA BTAB PAS, NUB GCIG MTSAN LAM DU ZHAL GZIGS TE, SANG PHOD DA TZAM NA NGA LUNG BA 'DI'I MDAR 'ONG, DE BAR DU BDE BAR BGYIS GSUNGS, LO RJES MAR RJE RIN PO CHE 'KHRUNGS PA NA SNGAR GYI MTSAN RMIS DE 'DI LA DGONGS PAR GZIGS TE,
, ,'JAM DBYANGS RIL BU GNANG BA SOGS YONGS GRAGS RNAM THAR LTAR LA, RJE BLA MA NYID 'JAM DBYANGS ZHI KHRO MI'I RNAM PAR PHEBS PA, SANGS RGYAS RANG NYID KYIS, NGA NI MYA NGAN 'DAS 'OG TU, NAS KHYOD NYID BYIS PA'I GZUGS KYIS SU, ,ZHES SOGS 'JAM DBYANGS DNGOS YIN PA LA, BYIS PA THA MAL BA'I RNAM PAR BYON PAR GSUNG GSUNGS PAS LJONGS 'DIR MKHAS GRUB SKAR TSOGS LTA BU BYON PA LAS, MDO SNGAGS YONGS RDZOGS KYI LAM GYI LUS GCIG TU DRIL NAS GANG ZAG GCIG GIS STAN THOG GCIG LA NYAMS SU LEN PA'I GDAMS PA TSANG LA MA NOR BAR GSAL BAR 'DOMS PA RJE THAMS CAD MKHYEN PA 'DRA BA MA BYUNG BA RED GSUNG, RJE RIN PO CHES 'DI'I MAN NGAG YONGS RDZOGS, MKHAS GRUB RJE, RTOGS LDAN PA, RJE SHES RAB SENGGE GSUM LA GNANG, MKHAS GRUB RJE LAS SRAD DBEN, RJE RTOGS LDAN PA LAS DBEN SA PAR BRGYUD, DE YANG RJE RIN PO CHES 'GREL BA BZHI SBRAGS KYI GLEGS BAM PHYAG TU BTEGS TE, 'DI'I BDAG THUB PA SU YOD CES GSUNGS PAR, RJE SHES RAB SENGGE NAS, NYID KYI DGONGS PA DANG MTHUN PAR BDAG GIS BYA'O ZHES ZHU TSE, GLEGS BAM DE DANG, SHO KA LI, NANG MCHOD KYI KA P'A LA, CHOS RGYAL GYI ZHAL 'BAG RDOR DRIL SOGS GNANG STE GSANG
SNGAGS KYI BSTAN PA'I BDAG POR DBANG BSKUR PAS GSANG SNGAGS KYI BKA' 'BABS DANG, KHONG GI LUNG BSTAN LTAR GTZANG GI LHUN PO RTZER RGYUD KYI 'CHAD NYAN DANG, DBUS KYI SMAD RGYUD TSUGS, KHONG LA SLOB MA'I GTZO BO 'DUL NAG DANG, 'DUL DKAR GNYIS, SNGA MA LA KHYOD KYI LO RTAGS CI YIN GSUNG BAR, RTA YIN ZHUS BAR, 'O NA GA-YAG SHI ZHES PA'I SA CHAR SONG NA BZANG RGYU RED, GA-YAG SHI SAR RTA 'KHRAB ZER BA RED GSUNGS PA LA BRTEN NAS DE 'DRA'I SA CHA RTZAD BCAD PAS GA-YAG SHI NANG ZER BRNYED, DER GAD PA BRUS NAS BZHUGS TE SLOB MA RE GNYIS 'DU BA LA RGYUD KYI 'CHAD NYAN MDZAD, NAM ZHIG DE'I GRONG NANG 'KHRUGS ZHIG GI RKYEN GYIS MI MANG PO BSAD PA'I SDIG SBYONG LA DRANGS NAS KHANG SHING PHUL PAS 'DU KHANG DANG, DER SRAD RGYUD DAM GTZANG STOD RGYUD PA TSUGS, DE NAS GTZANG STOD RGYUD DANG, DBUS KYI SMAD RGYUD GNYIS CHU MIG LUNG DU DBYAR PHYI MA LHAN CIG MDZAD PA RED, DE NAS BZUNG SRAD RGYUD DKON MCHOG YAR 'PHEL BAR DU BDE GSANG 'JIGS GSUM GYI RIM GNYIS KYI MAN NGAG RNAMS SRAD LA GCIG RGYUD LTA BU YIN, DE SKABS SRAD KYI BRGYUD 'DZIN GYI SLOB MA BZANG PO MED CING, SRAD RGYUD PA SDE BA GZHUNG LA ZHABS BRTAN ZHIG TU PHEBS TSE, KUN GZIGS LNGA PA CHEN PO MJAL NAS 'PHROS PA
, ,MDZAD PAS THUGS YID 'PHROG STE BSNGAGS PA GNANG BA'I RKYEN GYIS, LCANG SKYA NGAG DBANG CHOS LDAN, 'JAM DBYANGS BZHAD PA RNAM GNYIS KYIS GROS GNANG STE, LCANG SKYAS, SRAD RGYUD BDE MCHOG GTZO BOR GYUR BA'I GDAMS PA MANG DU GSAN PAS BDE MCHOG GI BKA' BABS, 'JAM DBYANGS BZHAD PAS SRAD RGYUD GSANG BA 'DUS PA'I BKA' BABS, THANG SAG PA DNGOS GRUB RGYA MTSO NI SRAD RGYUD 'JIGS BYED KYI BKA' BABS DANG, MER GIN GIN BLA MA NGAG DBANG BLO GROS NI MAN NGAG THOR BU MANG DU GSAN PAS MAN NGAG THOR BU'I BKA' BABS, SLOB MA GCIG GI MTSAN TZAM YANG MI SHES PA SNYAN BRGYUD KYI GDAMS PA NYAMS SU BLANGS PAS SGRUB PA SNYING POR BYED PA'I BKA' BABS TE, KHONG LA BKA' BABS KYI SLOB MA LNGA YOD PA LA 'KHOR GYI THA MA RDO RJE MCHED LNGA ZHES THANG SAG PA'I ZIN BRIS LAS GSUNG GSUNGS, 'DI NYID SHIN TU BKA' RGYA MA YIN PAS AA KHU RIN PO CHE NAS KYANG BLA SPRUL RNAMS DANG, DGE BA'I BSHES GNYEN BZANG PO RNAMS NANG RIM DU DANG, GZHAN RNAMS PHYI ROL TU BZHUGS SU BCUG STE, SHIN TU BKA' DOGS PA'I RGYU MTSAN GSUNG GSUNGS NAS YAR PHEBS MAR PHEBS MDZAD DE RJES SOR NANG MA RNAMS MA GTOGS GZHAN RNAMS MA TSUD, NANG MAR MI BZHI BCU ZHE DGU
YOD SNYAM GSUNG, 'DI'I BSKYED RIM GYI KHRID RGYAS PA NYIN LNGA DANG, RIM PA GNYIS PA'I KHRID NYIN GNYIS LA GNANG BA ZHIG THOB KYANG, DA RES KHRID BSDUS PA ZHIG 'BUL KHUL BYAS NA, DE LA, GANG GIS NYAMS SU LEN PA'I RTEN GYI GANG ZAG ,GANG DU NYAMS SU LEN PA'I GNAS, JI LTAR NYAMS SU LEN PA'I TSUL DANG GSUM LAS, DANG PO NI, LAM THUN MONG PAS RGYUD LEGS PAR SBYANGS SHING, LUGS 'DI'I DBANG TSAD LDAN THOB CING, DBANG DUS SU KHAS BLANGS PA'I DAM SDOM TSUL BZHIN BSRUNG LA, BLA MA'I RNAL 'BYOR RTZAL DU BTON NAS NYAMS SU LEN DGOS, DE YANG LAM THUN MONG BA LAM RIM LTA BU LA MA MTHA' LO BCU LHAG MA 'BAD NA CHOS 'DI'I NYAMS LEN MI 'GRUB STE, GRUB DBANG SKAL LDAN RGYA MTSO'I ZHAL NAS, LO BCU LAS LHAG PAR NYIN BZHIN DU, ,CHOS SGOM KHRID THUN BZHIR MA CHAG CING, ,DUS RTAG TU BSAGS SBYANGS MA DOR NA, ,NYAMS RTOGS PA'I RTAGS RE 'BYUNG BAR GSUNG, ,ZHES PA DON 'DI LA DGONGS PA RED, SPYIR 'JIGS BYED KYI CHO GA LTA BU GSUNG BA'I TSE'ANG, RDOR SEMS BSGOM BZLAS NYER GCIG RE MA CHAG PA BYAS NA BZANG, KHYAD PAR RIM PA DANG PO NYAMS LEN LTA BU BYED TSE SNGON DU YIG BRGYA'I MTSAMS DAM PAR BYA ZHING, DE NAS NYIN RE BZHIN BDAG 'JUG BYED THUB NA RAB, DE MIN YANG SNGON DU NYIN
, ,BCU TZAM GYI RING LA 'DI'I BDAG 'JUG RNAM DAG SOGS KYIS LTUNG BAS MA GOS PAR BYED PA GAL CHE BA PHYAG LEN YIN GSUNG, ,GNYIS PA GANG DU NYAMS SU LEN PA'I GNAS NI; DUR KHROD, CHU 'GRAM, SHING GCIG ,MTSAN MA GCIG PA, MA MO'I GNAS SOGS LA BSDAD NA, MI MA YIN 'BYUNG PO'I 'TSUB SLONG LA BRTEN NAS LHA'I RNAL 'BYOR LA 'BOGS THON PA LA KHYAD CHE YANG, SKABS 'DIR, LAS DANG PO PAS YID MTHUN GYI DBEN PA GAL CHE BA YIN PAR SLOB DPON SANGS RGYAS YE SHES KYIS GSUNG GSUNGS, ,GSUM PA JI LTAR NYAMS SU LEN PA'I TSUL NI, BSNYEN PA GTONG LUGS KYI BSHAD PA MDZAD DGOS KYANG, DA RES DE MA GRUB, RANG GI MAL 'OG TU SA DKAR GYIS GA-YUNG DRUNG BRIS PA SNANG YANG, GA-YUNG DRUNG LAS KYANG SNA TSOGS RDO RJE DBYIBS SHIN TU LEGS PA ZHIG BRIS NA RTEN 'BREL GYI KHYAD CHEN PO YOD GSUNG, DE STENG RO GDAN DNGOS YOD NA DE DANG, DE NAS DMIGS RTEN BRIS SKU'AM 'BUR MA GANG RIGS DANG MDUN GYI THAD DRANG DU BSHAMS, YI DAM GYI SKU NI, RANG JI SRID 'TSO'I BAR DU SU LA'ANG MI STON PA GAL CHE, DE NAS GANG 'OS SU YI DAM GYI GTOR MA, PHYOGS SKYONG, LAS GSHIN, GZHI BDAG ,DKAR GTOR RNAMS GTOR SGAM NANG DU BZHAG ,DE'I MDUN DU MCHOD PA MANG NA BZANG YANG, GCIG
NGES CAN DU DGOS GSUNG, DE NAS GDAN BDE BA LA KHA LHOR PHYOGS TE KUN SLONG BZANG PO'I NGANG NAS, KHYAB BDAG 'JAM PA'I ZHES PA'I RKANG PA GCIG GI SKABS SU DPAL CHEN RDO RJE 'JIGS BYED DANG, MGON DE ZHES PA RKANG PA GNYIS PA'I SKABS SU YUM RDO RJE RO LANGS MA DANG, ZUNG 'JUG CES RKANG PA GSUM PA'I SKABS, RGYUD SPYAN 'DREN PA PO GRUB CHEN L'A LI TA BADZRA GSAL BTAB DGOS SHING, DE YANG MTHO BRTZEGS SU BZHUGS PAR MOS NAS, GSOL BA 'DEBS SO ZHES PA'I RKANG PA BZHI PA'I SKABS SU DE GSUM LAS BDUD RTZI 'BEB SBYANG BYED DGOS PA YIN, DES GZHAN RNAMS LA'ANG 'DRA, DE'I MJUG TU, GONG MA RNAMS GCIG LA GCIG THIM GYI TSUL GYIS RANG GI RTZA BA'I BLA MA LA THIM, DE YANG DGYES BZHIN RANG LA THIM PAS RGYUD BYIN GYIS BRLABS PAR BSAM, DE NAS KHRID KYI SKABS YIG CHUNG MI GSUNGS BAS, DA SKAD CIG DKRONG BSKYED BYED DGOS PAS, DE YANG, RANG NYID SKAD CIG GIS DPAL RDO RJE 'JIGS BYED CES PA'I SKABS SU, NGA ZHES PA DANG CHOS THAMS CAD GDAGS GZHI'I MING GIS PHAR BTAGS PA TZAM MA GTOGS RANG NGOS NAS GRUB PA RDUL TZAM YANG MED PA'I STONG NYID DANG, RANG SEMS DBYER MED DU ZHUGS PA'I NGES NGOR KUN RDZOB KYI SNANG BA MI 'CHAR YANG, SNANG NGOR 'OD SNGON PO KHRU GANG BA ZHIG LAS CI YANG MED PA LA NGA RGYAL BZHAG ,
, ,DE NAS 'OD DE LA ZHAL PHYAG GI RNAM PA BTOD DE, ZHAL GCIG PA, PHYAG GNYIS PA, MA HE'I GDONG PA CAN, SHANGS NAS BSKAL BA'I RLUNG NAG 'TSUBS SHING, SHANGS ZANGS DUNG MES SREG PA LTA BU, SPYAN GNYIS ZHES YOD KYANG, GSUNG BSHAD LA SPYAN GSUM GLOG LTAR 'KHYUG CING, SPYAN 'BRAS ME LTAR 'BAR BA ZHES GSUNG GSUNGS, SPYAN RTZA KHRAG RLON GYIS BYUG PA LTAR SHIN TU DMAR BA, DPRAL BA DANG SHANGS GNYIS SU KHRO GNYIR SHIN TU BSDUS PA, ZHAL GNAM SA LTAR GDANGS SHING, MCHE BA GANGS RI LTAR GTZIGS PA, LJAGS GLOG LTAR GA-YO ZHING, LJAGS RTZE RKAN LA 'DRIL BA, DBU SKRA SMA RA SMIN MA RNAMS DMAR SER GSEB NAS ME STAG 'PHRO BA, SKU MDOG CHAR SPRIN LTAR NAG PA, PHYAG MTHIL KHRAG RLON BYUG PA LTAR DMAR BA, GA-YAS GRI GUG DANG, GA-YON THOD KHRAG 'DZIN PA, ZHABS GA-YAS BSKUMS GA-YON BRKYANGS PA'I BAR DU LHA RANG GI MTHO LNGA YOD PA, RUS PA'I RGYAN THAMS CAD KYIS BRGYAN CING SKU LA THAL CHEN GYIS BYUG PA, YUM RDO RJE RO LANGS MA YANG, GTZO BO LAS SKU CUNG ZAD CHUNG BA MA GTOGS GZHAN RNAMS PHAL CHER YAB DANG MTSUNGS, THAL CHEN MA GTOGS PHYAG RGYA BZHIS BRGYAN PA, RAB TU KHROS PA YE SHES KYI ME DPUNG 'BAR BA'I DBUS NA SNA TSOGS PADMA
DANG NYI MA'I GDAN LA BZHUGS PA DE LA, MA 'ONGS 'BRAS DUS KYI MNGON DU BYA RGYU'I SKU DE 'DI'O SNYAM DU NGA RGYAL BRTAN PO BYA, 'DI'I SKABS SU STONG NYID SGOM PA 'CHI BA CHOS SKU, 'OD SNGON PO BAR DO LONGS SKU, 'JIGS BYED YAB YUM GSAL BTAB PA SKYE BA SPRUL SKU'I LAM 'KHYER YID NGOR LEGS PAR SHAR DGOS GSUNG, RDOR DRIL BYIN RLABS CHO GA'I SKABS SU 'DON MIN GANG LTAR YANG KHRID KYI DUS SU BSHAD PA GNANG BA'I PHYAG SROL 'DUG PAS, DE YANG RDO RJE DANG DRIL BU NI THABS DANG SHES RAB STE ZHES GSUNGS PAR, BSHES GNYEN BSAM SBYOR GNYIS KYI BSTEN TSUL NAS BZUNG KUN RDZOB SGYU MA'I SKU 'GRUB PA'I BAR GYI THABS KYI CHA THAMS CAD RDO RJE DANG, DON DAM CHOS SKU'I BAR GYI SHES RAB KYI CHA THAMS CAD DRIL BUS MTSON NAS DON DE DAG YID LA DRAN NAS, DON DAM BYANG CHUB KYI SEMS THABS SHES ZUNG 'JUG GI BDE STONG GNYIS SU MED PA'I RANG BZHIN GYI RNAL 'BYOR NYAMS SU LEN PAR BYA'O SNYAM DU BSAM DGOS PA RED GSUNG, DE NAS AOm SARBA TA TH'A GA TA SOGS KYI DE BZHIN GSHEGS PA THAMS CAD KYI RDO RJE GRUB PA'I DAM TSIG GI NGO BO GANG YIN ZHE NA, HI LNGAS RIGS LNGA'I RANG BZHIN YIN PA DANG, H'Um GSUM GYIS RDO RJE GSUM GYI RANG BZHIN DU STON PA'O, ,AOm BADZRA GH'AndA H'Um GIS RDO RJE DRIL BUS RDO RJE SEMS DPA' LA SOGS
, ,PA RNAMS MNYES PAR BYA'O, ,JI LTAR MNYES PAR BYED SNYAM NA, H'Um ZHES BRJOD DE, SANGS RGYAS THAMS CAD KYI RDO RJE GSUM GYI RANG BZHIN CAN GYI RDO RJE DE NYID PHYOGS BRGYAD DU GSOR BA'I TSUL MDZES PA DE YIS, 'GRO BA SEMS CAN THAMS CAD KYI RGYUD SGRIB GNYIS KYI RMONGS PA DE DAG 'BRAL BA'I RNAM THAR GYI BYA BA YIN PA'I PHYIR RO, ,DE PHYIR YE SHES SPRO BA DANG BCAS TE RDO RJE BZUNG ZHES PA'O, ,GSOR TSUL STENG 'OG TU GSOR BA MI 'THAD GSUNG, AOm BADZRA DHARMA RA nI ZHES SOGS KYIS RDO RJE CHOS KYI DRIL BU SGRA SGRAGS, RAB TU SGRAGS, SHIN TU RAB TU SGRAGS, SANGS RGYAS THAMS CAD KYI THUGS GNYIS SU MED PA'I YE SHES SHES RAB KYI PHA ROL TU PHYIN PA'I RANG BZHIN GYI DRIL BU'I SGRA SGROGS ZHES PA STE, DRIL BU'I SGRAS SANGS RGYAS THAMS CAD BSKUL BAR GSUNG BA RED GSUNG, DE'I SKABS SU PHYOGS BRGYAD DU DRIL LCE BSKYOD PAR BYA'O, ,DE NAS NANG MCHOD BSANGS SBYANGS BSKYED, BYIN GYIS RLABS PA BZHI LAS, DANG PO, RANG YI DAM DU GSAL BA'I SNYING KHAR NYI MA'I DKYIL 'KHOR GYI DBUS SU RDO RJE SNGON PO RTZE LNGA PA, DE'I LTE BA'I DBUS SU H'Um YIG ,DE'I MTHAR YI GE BCU PA'I SNGAGS KYIS BSKOR BA GYEN 'GRENG YIN, DE LAS RANG 'DRA'I KHRO BO'I TSOGS BUNG BA TSANG
BRDOL BA LTA BU SPROS TE, GDON GYI GTZO BO BDE 'DZIN DANG, GZHAN PHYI'I GDON BGEGS RNAMS SENGGE'I TSOGS KYIS GLANG PO DED PA BZHIN PHYI MIG TZAM YANG BLTA BA'I SKABS MED RGYA MTSO'I PHAR 'GRAM DU BSKRAD PAR MOS, DE NAS KHRO BO RNAMS PHYIR BSDU NA RTEN 'BREL GYI GNAD CHE GSUNG, SBYANGS PA'I SKABS, CHOS THAMS CAD RNAM RTOG GIS BTAGS PA TZAM LAS, NGES NGOR GRUB PA SKAD CIG KYANG MED PA'I LTA PA LA SEMS RTZE GCIG TU BZHAG DGOS PA RED, NGA 'DRA BAS LTA BA'I CHA TZAM YANG MI GO BA LA DKA' RGYU RED GSUNG STONG PA DE'I NGANG LAS, YAm SNGON PO LAS RLUNG DKYIL SNGON PO GZHU'I DBYIBS CAN BCAD KHA RANG LA BSTAN PA'I GRVA GNYIS SU DAR LCE GSUM PA'I BA DAN GNYIS KYIS MTSAN PA, DE STENG RAm DMAR PO LAS ME DKYIL DMAR PO ZUR GSUM RTZE MO GCIG RANG LA BSTAN PA ZUR GSUM ME LCE 'THUG PA 'BAR BZHIN PA, DE'I ZUR GSUM DU RNAM BCAD DANG BCAS PA'I A'A: LAS MI MGO'I SGYED BU BCAD MA THAG PA'I MGO LTAR MIG SKYA ZHIG GE PA, SKRA DANG BCAS PA GSUM GA PHYIR BSTAN PA, DE'I DKYIL DU A'A: YIG RNAM BCAD CAN DKAR LA DMAR BA LAS THOD PA PHYI DKAR LA NANG DMAR BA DPRAL PA RANG LA BSTAN PA, DE'I NANG GI SHAR TE MDUN NGOS SU RNAM SNANG GI SA BON BHRUm LAS BA LANG GI SHA ZHES 'DI SHA BUB MGO DANG BCAS PA
, ,DGOS PA RED, MGO DBUS SU BLTA BA, KHA SBUB LA GO YIG RGYAB, GAN RKYAL LA GO YIG SNYING KHA, RTZIBS LA STENG, SHA SPUNGS PA'I RTZE MO LA 'GOD GSUNG, GZHAN LA'ANG 'DRA; LHOR RIN BYUNG GI SA BON AAm LAS KHYI'I SHA KU KU RA ZHES PA'I DANG PO KUS MTSAN PA, NUB TU 'OD DPAG MED KYI SA BON DZRIm LAS GLANG CHEN GYI SHA DANTI'I DANG PO DAS MTSAN PA, BYANG DU DON GRUB KYI SA BON KHAm LAS RTA'I SHA HA YI'I DANG PO HAS MTSAN PA, DBUS SU MI BSKYOD PA'I SA BON H'Um LAS MI'I SHA NA RA'I DANG PO NAS MTSAN PA, SHAR LHOR SPYAN MA'I SA BON LAm LAS DRI CHEN LA BI tA'I DANG PO BI, LHO NUB TU MA MA KI'I SA BON MAm LAS RAKTA STE KHRAG GI MING YIG DANG PO RAS MTSAN PA, 'DI KHAMS DMAR PO YIN, NUB BYANG DU GOS DKAR MO'I SA BON BAm LAS BYANG SEMS DKAR PO SHU DRA'I DANG PO SHUS MTSAN PA, BYANG SHAR DU SGROL MA'I SA BON TAm LAS RKANG MAR MADZDZA'I DANG PO MAS MTSAN PA, DBUS SU RO LANGS MA'I SA BON BAm LAS DRI CHU M'U DRA'I DANG PO M'US MTSAN PA, DBUS KYI MI SHA DANG DRI CHU GNYIS PHAN TSUN MI 'GOG PAR GNAS PA, BYIN GYIS RLABS PA NI DE'I STENG DU AOm DKAR PO, DE 'OG A'A: DMAR PO, DE 'OG H'Um SNGON PO GSUM BRTZEGS TE GNAS, BLA MA BYAMS PA RIN PO CHES, PHYAG GIS BRDA
GNANG STE JE MTHO JE MTHOR 'GRO BAS AOm 'OG ,DE STENG A'A: DE STENG H'Um BYED PAR GNANG BA 'DI GTZO CHE ZHES BRAG DKAR DKA' BCU RIN PO CHES GSUNG ZHES GSUNG GSUNG, RANG YI DAM DU GSAL BA'I THUGS KA'I H'Um LAS 'OD ZER 'PHROS, RLUNG RAB TU GA-YOS TE, ME CHE CHER SBAR PAS THOD PA'I RDZAS THAMS CAD ZHU ZHING 'KHOL BAR GYUR, DE NAS STENG GI AOm LAS 'OD ZER DKAR PO 'PHROS PAS SANGS RGYAS THAMS CAD KYI SKU RDO RJE RNAM SNANG SPYAN DRANGS NAS AOm LA THIM, A'A: LAS 'OD ZER DMAR PO 'PHROS SANGS RGYAS THAMS CAD KYI GSUNG RDO RJE 'OD DPAG MED KYI LHA TSOGS SPYAN DRANGS NAS A'A: LA THIM, H'Um LAS SANGS RGYAS THAMS CAD KYI THUGS RDO RJE LHA TSOGS SPYAN DRANGS NAS H'Um LA THIM, H'Um YIG THOD PA'I NANG DU LHUNG, RDZAS RNAMS LAN GSUM DKRUGS PAS KHA DOG RO NUS KYI SKYON SBYANGS, DE NAS A'A: LHUNG NAS LAN GSUM DKRUGS PAS KHA DOG RO NUS KYI SKYON MED PAR MA ZAD BDE STONG GNYIS SU MED PA'I YE SHES KYI BDUD RTZIR BSGYUR, AOm THOD PAR LHUNG NAS LAN GSUM DKRUGS PAS RDZAS RNAMS MANG POR SBAR ZHING SBEL PAR GYUR BAR BSAM, DE NAS 'BRU GSUM TSAR GSUM BRJOD PAS, RIM PA BZHIN SEMS CAN THAMS CAD KYI LUS NGAG YID GSUM GYI SGO NAS BSAGS PA'I SDIG SGRIB THAMS CAD 'OD NAG PO'I RNAM PAR NANG MCHOD LA 'DRES
, ,PAR BSAM DGOS PA YIN PAS, NYAMS SU LEN SHES NA NANG MCHOD BYIN RLABS GCIG PUS LAM YONGS RDZOGS KYI GNAD TSANG BA RED GSUNG, DE YANG RLUNG DKYIL GYIS RDZOGS RIM SKABS KYI RLUNG DANG, ME DKYIL GYIS GTUM MO'I RNAL 'BYOR, SGYED BU GSUM GYIS SNANG MCHED THOB GSUM, THOD PA PHYI DKAR PAS STONG NYID, NANG DMAR PAS BDE CHEN GYI YE SHES, NANG GI SHA LNGAS DAG MA DAG GI SGYU LUS, BDUD RTZI LNGAS DPE DON GYI 'OD GSAL, SBYANG RTOGS SBAR BAS GCIG TU 'DRES PAS ZUNG 'JUG ,DE'I STENG GI 'BRU GSUM GYIS MA 'ONGS 'BRS DUS KYI SKU GSUM BDE BLAG TU 'GRUB PA'I RTEN 'BREL 'GRIGS PA YIN, H'Um GYIS KHA DOG DRI NUS KYI SKYON SBYANG BA SPANGS PA PHUN TSOGS, A'A: SA BDUD RTZIR BSGYUR PA RTOGS PA PHUN TSOGS, AOm GYIS MANG POR SBEL BA DON GNYIS LHUN GYIS GRUB PA'I RTEN 'BREL GYI GNAD CHEN PO YOD PA RED GSUNG NAS BSNGAGS BRJOD YANG YANG GNANG, DE NAS SGRUB THABS NYAMS SU LEN PA LA, PHYI NANG GI BAR CHAD MI 'BYUNG ZHING, MTHUN RKYEN 'GRUB PA'I GROGS LDAN MDZAD PHYIR SNGON 'GRO'I GTOR MA 'BUL BAR, MCHOD YON NAS BZUNG BRGYAD PO THAMS CAD LA THOD SNOD BCU DRUG RE BSHAMS, SNGAR LTAR BSANGS SBYANGS, STONG PA'I
NGANG LAS RNAM BCAD DANG LDAN PA'I A'A: RING PO RE RE BSAM, DE LAS THOD PA BRGYAD TSAN BCU DRUG ,DE'I NANG DU BDE STONG GI YE SHES KYI SA BON H'Um RE BSAM, H'Um DE YONGS SU GYUR PA LAS NGO BO BDE STONG GI YE SHES, RNAM PA MCHOD RDZAS RANG RANG DANG, BYED LAS ZHAL ZAS LA ZAG MED KYI BDE BA STER BA'I KHYAD PAR GSUM LDAN DU BSKYED, AARGHAm SOGS 'BRU GSUM GYI BAR DU SPEL BAS RDO RJE GSUM GYI NGO BOR BYIN GYIS RLABS TE PHUL, 'DI'I MCHOD YON SOGS KYANG DGRA BGEGS KYI SNYING KHRAG GI MCHOD YON, DBANG PO LNGA'I ME TOG SOGS DRAG PO'I MCHOD PA GSUNGS KYANG, GTZO BO SANGS RGYAS KYI THUGS MNYES BYED YIN DGOS GSUNG NGO, , DE NAS PHYOGS SKYONG GI GTOR MA BYIN GYIS RLABS PA NI NANG MCHOD BYIN RLABS DANG 'DRA, RANG GI THUGS KA NAS KHRO BO GSHIN RJE GSHED LCAGS KYU ZHAGS PA THOGS PA BSAM GYIS MI KHYAB PA SPROS PAS PHYOGS SKYONG RNAMS KYI GTZO BO RGYAL PO LTA BU BCO LNGA LA SRID GSUM 'BYUNG PO'I TSOGS BCAS GSAL BTAB NA DGOS PA CHE, DE NAS PHYOGS SKYONG DMIGS YUL DU BYAS TE, RANG NYID STONG NYID LA ZHUGS PA'I STABS KYIS PHYOGS SKYONG RNAMS KYANG STONG NYID LA ZHUGS TE, SEMS RANG BZHIN 'OD GSAL GLO BUR DRI MA CHOS DBYINGS SU ZAD DE LHA'I SKUR BZHENGS PA'I LJAGS H'Um LAS RDO RJE'I RNAM PAR GYUR PA'I RTZE MO 'OD KYI SPU GU CAN DU
, ,DMIGS LA, DE NAS GTOR MA 'BUL DGOS PA RED GSUNGS, DE NAS SRAD RGYUD LTAR NA, YA MA R'A DZA TSAR GCIG GIS GTOR PHUD 'BUL BA ZHAL GSOL BA'I LHAG ROL ZHAL GYI GRAS NAS LUD PA GTOR MAR 'DRES PAS PHYOGS SKYONG RNAMS KYI RGYUD BYIN GYIS BRLABS, PHYOGS SKYONG RNAMS SHA KHRAG LA LONGS SPYOD PA'I GNANG BA ZHUS PAS ZHAL BZHES STZAL BA NI, LA L'I TAS, SHA RNAMS KUN GYI GTOR MA NI, ,'BYUNG PO LA SOGS 'JIGS LA SBYIN, ,DANG POR LHA LA BZOD PAR GSOL, ,ZHES DANG, ZHVA LU PAS, GSANG SNGAGS RGYAL POS BCOM LDAN MCHOD; ;CES PA'I DON DU BZHED, DBEN SA'I LUGS LA GTOR SNOD KYI KHAR RTZA SNGAGS GSER GYI YI GE RNAM PA GYEN 'GRENG, DE LA DMIGS TE RTZA SNGAGS BRJOD PA DANG, SNGAGS THOD PAR LHUNG NAS GTOR MA DANG 'DRES PA, LA L'I TAS, RTZA BA'I SNGAGS KYIS BYIN GYIS RLABS, ,ZHES PA'I DON DU GSUNGS, AA RIG DGE BSHES NAS, PHUD PHUL NAS GNANG BA ZHUS PA MI 'THAD, 'JIGS MDZAD RANG GI BKA'I YOD CHED x CES SKOS YOD PAS GNANG BA ZHUS CI LA DGOS GSUNG ZER BA LTAR SNANG TSOD RED GSUNG, PAn CHEN RIN PO CHES YONGS 'DZIN BLO BZANG TSUL KHRIMS KYI SDON YIN NA, BKRA SHIS LHUN PO
'DI DBEN SA SNYAN BRGYUD NANG BZHIN RED, DUS PHYIS PAn CHEN NAS BYAMS PA RIN PO CHE LA 'JIGS BYED BSKYED RDZOGS GSAN NAS DA LTA RJE NYID KYI THUGS NA'ANG DE 'DRA 'DUG 'DUG CES CUNG MI BDE BA LTA BU MDZAD; MKHAS GRUB KYI BSKYED RIM CHEN MOR YANG DGAG SGRUB MANG DU MDZAD YOD GSUNG, DE'I SNGAGS AOm BHU TZA RA nAm NAS PHAt AUD TA RA TI G'A YA'I BAR, YA M'ANTA KA DANG CHOS RGYAL 'KHOR BCAS KYI MTSAN SNGAGS SPEL BA DANG, AOm AI NAS SARBA BHU DE BHYA:'I BAR, HR'I: shtR'I: DANG PHYOGS SKYONG GI SA BON SPEL BA YIN GSUNG, DE YANG BHU TZA RA nAm, SA STENG NA SPYOD PA DAM CAN CHOS RGYAL, B'A TA LA TZA RA YA; SA 'OG NA SPYOD PA TZA MU ndI, KHE TZA RA YA, LHA MO, PURBA nI G'A nAm, SHAR NA SPYOD PA NANG SGRUB KYI 'KHOR LAS BZHI'I GSHIN RJE LA, PHYOGS SKYONG LA, AINDRAo, YAo MA GSHIN RJE, WAo RU NA CHU LHA, YAKshEo GNOD SBYIN, KOOo SHI KA BRGYA BYIN, AEo DHA NA ME LHA, AAo BI KshA SRIN PO, DEo BA RLUNG LHA, BHYO NI SA'I LHA MO THAG BZANG RIS, 'DI LA BHA YO ZHES BKLAG PA'ANG YOD GSUNG, DE NAS, AOm DA SHAm DI KA ZHES SOGS NI PHYOGS BCU'I 'JIG RTEN SKYONG BA 'KHOR DANG BCAS PAS MCHOD YON SOGS SO SOR BZHES ZHES PA YIN GSUNG, SNGAGS LA 'BRU GSUM BTAGS PA'I NANG MCHOD 'BUL BAS THUGS RGYUD BDE BAS
, ,TSIM PAR MOS, SNGON BCOM LDAN 'DAS DANG DE NYID 'JAM DBYANGS ZHI KHRO'I RNAM PAR BSTAN PA'I SPYAN SNGAR, BDAG GIS BDUD 'DUL, BSTAN PA SRUNG ZHES ZHAL BZHES MDZAD PAS; LAS GSHIN CHOS KYI RGYAL PO, TZA MUndI, MKHA' 'GRO MA STE LHA MO, 'BYUNG PO RO LANGS TE PHYOGS SKYONG 'KHOR BCAS KYIS, 'JAM DBYANGS ZHI DRAG GIS JI LTAR GSUNG BA DE BZHIN BGYID PA'I BKA' NYAN DANG, DE NAS PHYI NANG GSANG BA'I ZHES SOGS RKANG PA GNYIS PO LA BSHAD PA GSAL PO MA GNANG, DE NAS GZHUNG LTAR 'DOD DON LA GSOL BA BTAB, BZOD GSOL BYA, PHYOGS SKYONG GSHEGS GSOL GYI TSIG BRJOD MIN GANG LTAR YANG, PHYIR BKYED NAS SGRUB PA PO LA BAR CHAD SRUNG BAR BSAM NA GNAD CHE GSUNG, DE NAS BDAG BSKYED KYI MCHOD PA BYIN RLABS SNGAR LTAR GNAD SHES PA GAL CHE BA YIN, RDOR SEMS BSGOM BZLAS KYI BSHAD PA NGES CAN DU DGOS YANG RJES SOR RDZOGS RIM SKABS SU ZHUS NA CHOG GSUNG, GNYIS PA DNGOS GZHIR, DANG PO SBYOR BA, DKYIL 'KHOR RGYAL MCHOG ,LAS RGYAL MCHOG GI TING NGE 'DZIN GSUM, DANG PO LA LAM KHYER GSUM, DANG PO 'CHI BA CHOS SKUR 'KHYER BA'I LAM 'KHYER LA, BSOD NAMS KYI LAS 'DU BYA BA DANG RJES SU MTHUN PAR
TSOGS BSAGS PA NI, RANG NYID 'JIGS BYED ZHAL GCIG PHYAG GNYIS YUM BCAS SU GSAL BA'I THUGS KAR SNYING KHA'I RTZA 'DAB MTSON PA'I SNA TSOGS PADMA, MI BSHIG PA'I THIG LE DKAR DMAR MTSON PA'I NYI MA; DE'I STENG SHIN TU PHRA BA'I RLUNG SEMS MTSON PAR H'Um MTHING GA YE SHES LNGA'I RANG BZHIN CAN, DE LAS 'OD ZER LNGA 'PHROS PAS PHYOGS BCU'I 'JIG RTEN KHAMS LONGS SPRUL GYI ZHING THAMS CAD SKAD CIG GIS GSAL BAR BYAS, DE NA BZHUGS PA'I RIGS LNGA SOGS SANGS RGYAS, RDO RJE RNON PO SOGS BYANG SEMS, RDO RJE LCAGS KYU SOGS KHRO BO, SEMS MA RDO RJE MA SOGS RIG PA'I TSOGS KYIS YONGS SU BSKOR BA'I DPAL RDO RJE 'JIGS BYED LHA BCU GSUM DANG, RTZA ZHAL GYI STENG GI BLA MA RIGS BDAG MI BSKYOD YAB YUM SOGS DPAG TU MED PA DRANGS TE MDUN GYI NAM MKHAR BZHUGS PAR MOS, PHAR SPROS PA'I 'OD ZER RANG GI SNYING KHAR THIM, DE NAS SDOM 'BYUNG LAS, GANG GI DRIN GYIS ZHES PAS BLA MA DANG, GZUGS MCHOG MAS 'JIGS BYED GTZO 'KHOR LA PHYAG BYA, DE NAS RANG GI SNYING GA'I SA BON GYI 'OD ZER LAS SPROS PA'I LHA MO RTZA RTZI KA SOGS KYIS MCHOD RDZAS SNA TSOGS PA THOGS NAS MCHOD PAR MOS TE, MCHOD SNGAGS BRJOD, DE'I DON, 'PHROG BYED MCHE BA RNAM PAR GTZIGS PA'I ZHAL CAN
, ,LA, ZHES YUL GYI KHYAD PAR, ZHABS BSIL LA H'Um GNYIS BDE STONG GI YE SHES KYI SA BON DANG, PHAt KYIS YE SHES DE'I SNANG ZHEN GCOD PA STON PAS NGO BO'I KHYAD PAR, DRI CHAB LA, GDUG CAN BSGRAL BA'I SNYING KHRAG GI DRI, ZHES RGYU'I KHYAD PAR, ME TOG LA, YID DU 'ONG BA'I GZUGS CAN ZHES RNAM PA'I KHYAD PAR, SPOS LA, 'PHROG BYED DGYES PA'I CHED DU ZHES DGOS PA'I KHYAD PAR, MAR ME LA, SPYAN GYI DBANG PO RGYAS PA'I CHED DU ZHES GNAS KYI KHYAD PAR, ZHAL ZAS DANG, ROL MO RANG MING NAS SMOS PA YIN NO, ,DE NAS, SDIG PA RNAMS NI ZHES SPYIR BSHAGS PA DANG; SKYES SHING SOGS 'DAS ZIN DANG DA LTA'I SDIG PA 'GYOD SEMS KYIS BSHAGS PA, MI BYED SOGS SLAN CHAD SROG LA THUG KYANG MI BGYID PAR DAM BCA' BA'O, ,DE BZHIN SOGS RANG GZHAN KYI DUS GSUM GYI DGE RTZA LA YI RANGS PA, BDAG GI SOGS DGE RTZA BLA MED BYANG CHUB TU BSNGO BA, DKON MCHOG SOGS BZHIS SKYABS 'GRO SEMS BSKYED, YON TAN RGYA MTSO SOGS GNYIS KYIS LUS 'BUL BA, YANG DAG RDZOGS PA'I SOGS KYIS SBYIN SOGS KYI LAM LA SLOB TSUL RNAMS BSTAN ZIN TO, ,DE NAS BSHAD PA GNYIS PA RGYAS BSDUS 'TSAM PA ZHIG GNANG STE MJUG TU,
SNGON DUS YIN NA KHRID GNANG BA'I DO NUB NAS DMIGS KHRID BSKYANGS TE KHRID RDZOGS DUS MOS PA LAM BYED YID NGOR 'GRO BA'I TSOD BYAS PA RED GSUNG NAS GROL,, ` ,,NYIN GNYIS PAR SPYI'I CHOS BSHAD YAN SNGAR LTAR, DE NAS KHA SANG GI DE YANG BSKYAR DU GCIG GNANG, DE'I 'TSAMS NAS SNGAGS SDOM LA SANGS RGYAS BYANG CHUB SOGS RKANG PA GNYIS NI DGONGS GSOL DANG, BDAG MI BSKYOD SOGS RKANG PA GCIG GIS RANG MING BRJOD, DUS 'DI NAS ZHES SOGS RKANG PA GNYIS DUS BRJOD, JI LTAR DUS GSUM ZHES SOGS SHO LO GCIG GIS SNGON BYON RGYAL BA RNAMS KYIS THUGS BSKYED PAR MDZAD PA DE BZHIN DU BDAG GIS KYANG BSKYED PAR BGYI BA'I DON, 'DI LA KUN MKHYEN BU STON SOGS KYIS BYANG SDOM YIN PAR GSUNGS KYANG RJE RIN PO CHE'I RANG LUGS LA BYANG SDOM LOGS SU YOD PAS 'DI BYANG SDOM DU MI BZHED DO GSUNG, DE NAS RIGS LNGA'I DAM TSIG DNGOS NI, TSUL KHRIMS KYI NI ZHES PA NAS, SDOM PA DAG NI BDAG GIS BZUNG GI BAR RNAM SNANG RIGS KYI DAM TSIG DRUG DANG, RDO RJE RIGS MCHOG NAS SHO LO KA GCIG GIS MI BSKYOD PA'I RIGS KYI DAM TSIG BZHI DANG, RIN CHEN RIGS MCHOG NAS SHO LO KA GCIG GIS RIN 'BYUNG RIGS KYI DAM TSIG BZHI DANG, BYANG CHUB CHEN PO SOGS
, ,SHO LO KA GCIG GIS 'OD DPAG MED KYI RIGS KYI DAM TSIG GSUM DANG, LAS KYI RIGS MCHOG SOGS RKANG PA DRUG GIS DON GRUB KYI RIGS KYI DAM TSIG GNYIS RNAMS SO; ;SEMS CAN KUN GYI ZHES SOGS LHAG MA RNAMS SHES SLA GSUNG, DE NAS TSAD MED BZHI SGOM PA NI, LAM RIM BZHIN, SEMS CAN THAMS CAD BDE BA DANG LDAN NA CI MA RUNG, LDAN PAR GYUR CIG ,LDAN PAR BDAG GIS BYA'O, ,DE BZHIN DU GZHAN LA'ANG RIGS 'DRA BAS DE LTAR BSAM DGOS, RNYED PA BDE BA SNYAN PA BSTOD PA BZHI, MA RNYED PA MI BDE BA MI SNYAN PA SMAD PA BZHI STE, DANG PO BZHI LA DGA' ZHING, PHYI MA BZHI LA MI DGA' BA'I CHAGS SDANG DANG, BZUNG 'DZIN GYI RNAM PAR RTOG PAS GTAN NAS MI BSKYOD PAR BTANG SNYOMS LA GNAS PAR BYA'O ZHES GSUNGS, 'CHI BA 'OD GSAL MNGON DU BYAS PA DANG CHOS MTHUN PAR YE SHES KYI SA'I STONG PA NYID BSGOM PA NI 'DZAM BU GLING PA'I MI MNGAL SKYES KHAMS DRUG LDAN 'CHI BA'I TSE, DANG POR SA CHU LA THIM PA NA PHYI RTAGS SU RANG GI SNANG BA LA SA'I 'OG TU CHUD PA LTA BU'I NYAMS DANG NANG RTAGS SHES PA NYAMS PA'I SMIG RGYU LTA BU'I NYAMS 'CHAR BA DANG, DE RJES CHU ME LA THIM PA'I PHYI RTAGS SU KHA SNA SKAM ZHING BRDZES PA DANG
SMRA BA MI NUS SHING, NANG RTAGS DU BA LTA BU'I NYAMS 'CHAR BA DANG, DE'I RJES ME RLUNG LA THIM PA'I PHYI RTAGS LUS KYI DROD BSDUS SHING MDANGS NYAMS PA DANG, NANG RTAGS MKHA' SNANG MI KHYIR LTA BU'I NYAMS 'CHAR BA DANG, DE NAS RLUNG RNAM SHES LA THIM PA'I PHYI RTAGS DBUGS KYI RGYU BA CHAD CING, NANG RTAGS MAR ME LTA BU'I NYAMS 'CHAR BA DANG, DE NAS KUN RTOG GI GZHON PA'I RLUNG RNAMS 'GAG CING THIM PAS SNANG BA RANG DUS SU NAM MKHA' GA-YA' DAG LA ZLA 'OD KYIS KHYAB PA LTA BU'I SNANG BA DANG, MCHED PA RANG DUS SU NAM MKHA' GA-YA' DAG LA NYI 'OD KYIS KHYAB PA LTA BU'I SNANG BA DANG, NYER THOB RANG DUS SU NAM MKHA' GA-YA' DAG LA SROD KYI SMAG 'THUG POS KHYAB PA LTA BU'I SNANG BA DANG, 'OD GSAL RANG DUS SU SLOD BYED KYI SKYON GSUM DANG BRAL BA'I THO RANGS KYI NAM MKHA' GA-YA' DAG PA LTA BU'I SNANG BA 'CHAR BA DE'I TSE 'CHI BA 'OD GSAL MNGON DU BYAS PA YIN LA, 'DI DAG SKABS 'DI'I SBYONG GZHI YIN ZHING, DE SBYONG BYED STONG NYID BSGOM PA NA'ANG, SNOD THAMS CAD BCUD KYI SEMS CAN LHAR GSAL BA LA THIM PA DANG, DE NAS BCUD KYI SEMS CAN LHAR GSAL BA RNAMS DANG, MDUN GYI TSOGS ZHING RNAMS RANG LA THIM PA'I TSE SMIG RGYU LTA BU DANG, RANG YANG STOD SMAD NAS 'OD DU ZHU NAS SNYING
, ,KHA'I H'Um LA THIM PA NA, DU BA LTA BU'I RTAGS DANG, DE YANG DE'I ZHABS KYU HA LA THIM PA NA MKHA' SNANG ME 'KHYER LTA BU'I RTAGS DANG, HA YANG HA'I MGO BO LA THIM PA NA MAR ME LTA BU'I RTAGS DANG, MGO BO 'ANG ZLA TSES LA THIM PA NA SNANG BA DKAR LAM PA'I RTAGS DANG, DE THIG LE LA THIM PA NA MCHED PA DMAR LAM PA'I RTAGS DANG, DE N'A DA LA THIM PA NA NYER THOB NAG LAM PA'I RTAGS DANG, N'A DA YANG RANG SEMS 'BRAS DUS KYI 'OD GSAL CHOS SKUR SONG SNYAM DU BSGOM PA NA THO RANGS NAM MKHA' GA-YA' DAG PA LTA BU LAS GZHAN GANG YANG MI SNANG BA YIN ZHING, DE LTAR BSGOM NAS RANG SEMS YUL CAN BDE BA CHEN PO YUL STONG PA NYID GNYIS DBYER MED DU BYAS TE, 'BRAS DUS KYI 'OD GSAL CHOS SKU LA NGA RGYAL 'JOG DGOS PA YIN GSUNGS, DE NAS 'CHI BA CHOS SKU'I LAM 'KHYER NI, CHOS THAMS CAD CES PA'I BSGRUB GZHI CHOS CAN DANG, BRTEN NAS BTAGS PA YIN PA'I PHYIR ZHES RTAGS DANG, RTAG CHAD LA SOGS PA'I MTHA' BZHI DANG BRAL BA NAS STONG PA NYID DU GYUR CES PAS BSGRUB CHOS BSTAN TE, DE LTA BU'I DON YID YUL DU LEGS PAR SHAR BAR BYAS NAS SNGAGS GNYIS RJES SU BRJOD PAS CHOG CES RVA BSOD NAMS DBANG RGYAL GYIS GSUNG ZHES GSUNGS,
DE NAS SNGAGS GNYIS KYI DON NI, YUL STONG PA NYID DANG, YUL CAN BDE BA CHEN PO'I YE SHES GNYIS DBYER MI PHYED PA'I RDO RJE'I BDAG NYID DE NGA'O ZHES NGA RGYAL BRTAN PO BZHAG CING, SBYANG GZHI SBYONG BYED SOGS LEGS PAR NGO 'PHROD PAR BYAS TE BSGOM PA NI, SMON LAM GYI, SNGAGS GNYIS DON LTAR GDOD NAS DAG PA'I DBYINGS, ,BDE CHEN RANG GI SEMS DANG RO GCIG PA, ,YE SHES TSOGS RDZOGS 'CHI BA'I SKYON SPANGS SHING, ,'OD GSAL LAM GYI CHOS SKU THOB PAR SHOG ,CES PA'I DON YIN NO GSUNGS, BE RI MTHU STOBS RGYAL MTSAN ZHES PA DBUS SU PHEBS NAS NYAMS LEN TSAD LDAN MDZAD CING, DE 'DA' KHAR SKU DRUNG NA 'KHOD PA RNAMS DANG LHAN DU 'JIGS BYED GSUNG NAS RTAG CHAD LA SOGS PA'I MTHA' BZHI DANG BRAL BA ZHES PA'I SKABS SDOD CES LAG BRDA GNANG NAS 'TSAMS DER SKU GSHEGS PA'I LO RGYUS GSUNG GSUNG RANG GANG DU SKYE 'GYUR GYI 'BYUNG BZHI SBYANG NAS, LAM 'BRAS KYI DAG PA'I SNOD GZHI SGRUB PA'I 'PHEN PA SHUGS DRAG BCAS, GZHAL YAS KHANG GI GO SAR YAm SNGO SKYA THOL GYIS BYUNG, DE YONGS SU GYUR PA LAS RLUNG DKYIL DU BA'I MDOG CAN GZHU'I DBYIBS LTA BU BCAD KHA PHAR BSTAN PA'I MCHOG MA GNYIS SU RGYAL MTSAN GYIS MTSAN PA, DE'I STENG DU RAm DMAR PO LAS MED KYIL DMAR PO GRU GSUM
, ,BA'I ZUR GCIG PHAR BSTAN PA, DE'I STENG BAm DKAR PO LAS CHU DKYIL DKAR PO ZLUM PO DBUS SU BUM PA CHUS BKANG BA'I PHYED CHU'I NANG DU NUB PAS MTSAN PA, DE'I STENG LAm SER PO LAS SA DKYIL SER PO GRU BZHI RDO RJE RTZE GSUM PA PHYED PAS MTSAN PA, DE'I STENG DU RANG SEMS H'Um SNGON PO LAS SNA TSOGS RDO RJE LTE BAR H'Um YIG GIS MTSAN PA, DE LAS 'OD ZER 'PHROS PAS DBANG CHEN GSER GYI SA GZHI LA THUG GI BAR DU RDO RJE DRUG CU RE BZHI BCAL DU BKRAM PA'I CHE BA'I KHONG GSENG RNAMS SU CHUNG DUS BAR 'TSAMS MED PAR DKRIGS PA'I RDO RJES GZHI, LHA SA'I ZHAL LA LTA BU YIN GSUNG, LOGS SU 'PHROS PAS DE LTA BU'I RDO RJE RVA BA, SOG GUR GYI SMAD LTA BU DANG, STENG DU 'PHROS PAS DE 'DRA'I GUR, SOG GUR GYI STONG LTA BU DANG, DE'I 'OG TU 'OD ZER 'PHROS PAS DE LTA BU'I BLA BRE GUR STOD KYI YOL BA LTA BU PHYOGS KUN NAS ME STAG RAB TU 'BAR BA RNAMS KYANG RDO RJE'I RANG BZHIN CAN, TSAL BU TSAL BU MIN PA'I DUM BU GCIG PA, PHYI ROL TU BSKAL BA 'JIGS DUS KYI ME LTA BU'I KHA DOG SNA LNGA'I ME DPUNG 'TSAMS MED PAR SGOR MOR 'PHRO BA DE'I NANG DU NGO BO ME LCE LA RNAM PA RDO RJE MDE'U CAN GYIS PHYOGS 'TSAMS MED PAR BSNOL MAR RGYU BAS GDON BGEGS RNAMS 'ONG BA LTA CI MIG
GIS KYANG BLTA BA'I GO SKABS MED PA LTA BU YIN, 'DI NI THUN MONG GI BSRUNG 'KHOR DANG, DE NAS THUN MONG MIN PA'I BSRUNG 'KHOR NI, DE'I DBUS SU BHRUm SER PO LAS YE SHES BCU'I BDAG NYID KYI 'KHOR LO SER PO RTZIBS BCU LTE BA DANG BCAS PA, DE YANG DPAL GSANG BA 'DUS PA'I RGYUD PHYI MA LAS, KUN NAS SER BA'I 'KHOR LO NI, ,RTZIBS BCU DE DBUS RNAM PAR BSGOM, ,RTZIBS BCU LA NI KHRO BO BCU, ,YE SHES BDAG NYID BCU LAS BYUNG, ,ZHES PA'I DON LTAR YIN GSUNG, GTZO BO RDO RJE 'JIGS BYED KYI BKA' BZHIN 'KHOR BAS BKA'I 'KHOR LO ZER, STENG 'OG GI RTZIBS GNYIS MDUNG LCAGS KYI SBUBS RTING GNYIS KHA SPRAD PA LTA BU DBUS SHIN TU YANGS PA, YAR MAR GYI RTZE BYIN GYIS PHRA BA, SBUBS GNYIS PHRAD 'TSAMS NAS THON PA'I PHYOGS 'TSAMS KYI RTZIBS RAL GRI SO GNYIS MA STE GA-YAS GA-YON GNYIS KHAR KHA YOD CING DKYIL 'BUR BA LTA BU BRGYAD KYI RTZE MO RDO RJE RVA BAR MA REG PA, SBUBS STONG GI DBUS DANG, STENG 'OG GI RGYAB MDUN LA SNA TSOGS PADMA ZLA NYI MA'I GDAN GSUM RE, RTZIBS BRGYAD KYI RTZE MO'I STENG DU CUNG ZAD MA REG TZAM DU DE 'DRA'I GDAN BRGYAD, DE'I DBUS KYI GDAN LA H'Um SNGON PO LAS GNOD MDZES SKU MDOG MTHING GA MI BSKYOD PA'I COD PAn NI DE'I DBU BRGYAN PA RIM BZHIN RTZA ZHAL
, ,MTHING GA GA-YAS DKAR GA-YON DMAR GZHAN CHO GA LTAR, DE NAS, RANG YAB YUM SNYOMS PAR ZHUGS PA'I SBYOR 'TSAMS DANG THUGS KA NAS H'Um GI 'OD ZER 'PHROS TE PHYOGS BCU'I RGYAL BA SRAS BCAS THAMS CAD KHRO BO BCU'I RNAM PAR BKUG PA YAB KYI ZHAL DU ZHUGS, THUGS KAR CHAGS PA CHEN PO'I MES BDE STONG GI RANG BZHIN DU ZHU BA RDO RJE'I LAM NAS YUM GYI PADMAR BRGYUD PA LAS THUGS, RANG MDOG GI THIG LE BCU DANG, DE LAS RANG MDOG GI H'Um BCU, DE YONGS SU GYUR PA LAS KHRO BO BCUR GYUR PA GSAL 'DEBS TSUL CHO GA LTAR LA, DE NAS H'Um ZHES BRJOD PAS YAB KYI THUGS KAR DRANGS, CHO GAR PADMA NAS SPRO BAR GSUNGS KYANG GSUNG BSHAD LA THUGS KA NAS SPRO BAR GSUNG GSUNGS, DE YANG GNOD MDZES KHA LHOR PHYOGS PA BYAS NA GTZUG TOR 'KHOR BSGYUR KHA BYANG DU PHYOGS PA DANG, RDO RJES 'OG YANG LHOR PHYOGS PA DANG, SNGA MA GTZO BO'I MDUN PHYOGS DANG, PHYI MA GTZO BO'I RGYAB PHYOGS SU GNAS PA'O, ,GZHAN RNAMS KYANG KHA NANG DU GTZO BO LA PHYOGS PAR BSAM DGOS, DE NAS KHRO BO BCU SKABS 'DIR MAN NGAG GI GNAD LNGA SNGAR ZHAL SHES YIN KYANG, PHYIS SU YI GER BKOD 'DUG PA DE YANG, GTZO BO 'PHO BA'I GNAD NI,
BSRUNG BA LA GNOD MDZES, BZLOG PA LA GTZUG TOR 'KHOR BSGYUR, DBANG SDUD LA 'DOD RGYAL SOGS LAS GANG BYED KYI LHA DE GTZO BOR 'PHO BA YIN ZHING, DE YANG GANG GTZO BOR 'PHOS KYANG DE'I SHUL DU RANG 'DRA GNYIS PA BKOD DGOS PA YIN GSUNGS, BSGRUB BYA SBA BA'I GNAD NI, BLA MA'I ZHABS BRTAN LTA BU YIN NA THIG LE LA SENGGES BTEGS PA'I RIN PO CHE'I KHRI'I STENG RTZA BA'I BLA MA DANG, SLOB MA RNAMS ZHABS KYU, GROGS SOGS H'Um GI GA-YAS GA-YON DU 'OD ZER GYI THEG LE'I NANG DU SBA BA DANG, DAM NYAMS LTA BU LA BYED NA MDUN DU ZLA GDAN BSGRUB BYA BKOD PA SOGS YIN, KHRO BO ZHAL BSGYUR BA'I GNAD NI, BSRUNG BA LA NANG DANG, BZLOG PA LA PHYIR BSTAN PA DANG, 'KHOR LO BSKOR BA'I GNAD NI, RGYUN DU 'KHOR LO MI 'KHOR ZHING, BSRUNG BA LA GA-YAS DANG, BZLOG PA LA RANG GI THUGS KA'I H'Um LAS 'OD ZER 'PHROS PHYOGS BCU'I DGRA BGEGS GDUG PA CAN THAMS CAD BKUG STE 'KHOR LO'I RTZIBS DANG NYE BA NA KHRO BO RNAMS ZHAL PHYIR GZIGS SHING, GNOD BYED RNAMS KYI RKANG MTHIL DU RANG RANG GI LAS LAS GRUB PA'I LCAGS KYI MCHOD RTEN SOR BZHI PA RE YOD PA NAS BZUNG, MGO MJUG BZLOG STE 'KHOR LO'I RTZIBS KYI BAR LA BSKYON NAS 'KHOR LO GA-YON BSKOR DU 'KHOR BA MI MNGON PA LTAR DRAG
, ,CING MYUR BAR 'KHOR BAS RDUL PHRA RAB TZAM DU GTUBS, SHA KHRAG RNAMS ZHAL DU GSOL, LHAG MA 'OD ZER GYI ME LCES SREG ,THAL BCUNG ZAD LUS PA RNAMS KYANG SKU LAS 'PHROS PA'I RLUNG GIS PHYOGS BCUR GTOR TE MING BRDA' THA SNYAD TZAM YANG MA LUS PAR BRLAG PAR BSAM DGOS PA YIN, SKABS ZHIG RJE DPAL MANG PAS DE LTAR GSUNG BA LA SLOB MA'I GRAS P'A RIN 'THON ZER BA DES RNAM PAR SHES PA YANG RGYUN CHAD PA RED DAM ZER BA NI TSAB CHEN PO RED GSUNG, 'PHRIN LAS MDZAD PA'I GNAD NI, RANG GI SNYING KHA NAS 'OD ZER 'PHROS PA'I SNE MOR MCHOD PA'I LHA MO MCHOD RDZAS SNA TSOGS THOGS PAS KHRO BO BCU MCHOD CING LAS BZHI'I DON BDE BLAG TU 'GRUB PA SOGS YIN, DE LTAR KHRO BO BCU'I SNGAGS BZLA BA DANG, DE'I SGO NAS GTOR BZLOG SOGS BYAS PA BYAD MA LA MCHOG TU GYUR PA YIN ZHES SNGON BLA MA RNAMS KYIS CHES CHER BSNGAGS PA'I GNAS YIN GSUNG, KHRO BO BCU'I RUS RGYAN SOGS CHO GA LTAR YIN PAS SHES SLA'O, ,DE LTAR YANG SMON LAM LAS, GTUM CHEN GNOD MDZES DPAL LDAN xxx 'BYIN PAR SHOG ,CES PA'I DGONGS PA YANG DE YIN GSUNG, DE NAS, GANG DU 'TSANG RGYA BA'I GNAS RTEN GZHAL YAS KHANG GDAN BCAS
BSKYED PA NI, RANG NYID GNOD MDZES SU GSAL BA LDEM GYIS 'OD DU ZHU NAS RDOR SEMS YAB YUM CHOG ? LTAR BSKYED, DE YANG 'OD DU ZHU BA LAS CHOS 'BYUNG GRU GSUM GYI DKAR LA NANG DMAR PA, RTZE MO PHRA BA THUR DU BSTAN CING, STOD YANGS PA GYEN DU PHYOGS PA, DE YANG, AA KHU RDO RJE 'CHANG NAS SHOG GU GRU BZHI GSUM ZUR SBYAR BA DANG, LUGS GZHAN YANG YOD KYANG DE RANG LUGS SU BZHED PA YIN, KHONG GIS DE LTAR DNGOS SBYAR YANG GNANG GSUNGS, GZHAN YANG DMAR GTOR ZUR GSUM NANG BRUS PA'I RTZE MO THUR DU BSTAN PA LTA BU DANG, BSOD GRAGS RDO RJE 'CHANG NAS SHOG GU GRU GSUM GNYIS SBYAR BA'I ZUR GCIG THUR DU BSTAN BHA GA LTA BU GSUNGS, GANG LTAR NANG MCHOD THOD PA'I STEGS GYEN DU BSLANG BA LTA BU ZUR GCIG 'OG DANG ZUR GNYIS GYEN DU BSTAN NAS BSGOM PA NI SKABS 'DIR 'THAD LDAN YIN GSUNGS, CHOS 'BYUNG GI 'OG ZUR DU PAm YIG LJANG KHU LAS SNA TSOGS PADMA 'DAB MA KHA DOG DKAR SER DMAR LJANG SPEL BA RE BZHI 'AM SO GNYIS SAM BCU DRUG YOD PA, LTE BA LJANG GE SAR SER, SNA TSOGS PADMA CHOS 'BYUNG GI KHA GCOD LTA BU'I STENG DU RTEN BRTEN PA'I DKYIL 'KHOR BSKYED PA DANG, RTEN DANG BRTEN PA YONGS RDZOGS DE'I NANG DU CHUD PA'I LUGS GNYIS YOD PA RDO RJE 'CHANG NAS PHYI MA 'THAD LDAN DU BZHED
, ,GSUNGS; DE LTA BU'I PADMA'I LTE BAR H'Um SNGON PO LAS SNA TSOGS RDO RJE PHYOGS RE RE RE RVA LNGA LNGA STE NYI SHU PA PHYOGS MDOG ,LTE BA SNGON PO LTE BA'I DBYIBS GRU BZHI'I LTE BAR BHRUm LAS 'KHOR LO DKAR PO'I LTE BAR BHRUm GYIS MTSAN PA, DE LAS RNAM SNANG YAB YUM CHO GA LTAR BSKYED, 'DIR GZHAL YAS KHANG RNAM SNANG LAS BSKYED PA NI, DE GZUGS PHUNG RNAM PAR DAG PA'I LHA YIN PA'I RGYU MTSAN GYIS YIN GSUNGS, SMON LAM LAS KYANG, RNAM MANG RIN CHEN TSOGS 'BAR xx KHANG 'GRUB SHOG ,CES PA'I DON YIN GSUNGS, RDO RJE LA GNAS PA'I 'KHOR LO NI, 'KHOR LO'I YU BA RDO RJE PHYED PA LTA BU MIN PAR RDO RJE TSANG MAS BRGYAN PA DE NAS BZUNG DU YOD PA LTA BU ZHIG YIN GSUNGS, RNAM SNANG 'OD DU ZHU BA LAS GZHAL YAS KHANG GRU BZHI SGO BZHI PA SOGS MTSAN NYID YONGS RDZOGS BSKYED DGOS, DE YANG, PHYI NAS NANG DU RIM BZHIN DKAR SER DMAR LJANG SNGO BA'I RTZIG PA LNGA DAR GYI YOL BA LNGA BRTZEGS LTA BU RTZIG PA'I STENG DU RIN PO CHE'I PHA GU DMAR PO LA RIN PO CHE GRU BZHI ZLUM PO GRU GSUM ZLA GAM SOGS KYI PHRA BTAB PAS SHIN TU MDZES SHING YID DU 'ONG BA, DE'I STENG RTZIG KHA PHAN TSUN DU 'DOGS RGYU RDO RJE SNYING PO'I KA BA, DE'I STENG MU TIG DMAR PO'I PHRE, DE'I STENG SBUG GI
GZHU; DE'I MCHOG MA GNYIS KYI STENG DU SHEL GYI KA CHUNG RE, DE'I STENG BEEt'U RYA'I BRE, DE STENG DNGUL GYI GZHU RNAMS BRTZEGS PA'I STENG DU GSER GYI SKA RAGS BZHI BRTZEGS DANG GNYIS BRTZEGS KYI PHYI NANG GI BZHI BRTZEGS PA'I LUGS GNYIS YOD PA GANG LTAR KHONG NAS BZHI BRTZEGS GSUNGS, GZHAL YAS KHANG GI RTZA THIG DANG TSANGS THIG 'PHRAD 'TSAMS NAS CHA PHRAN GCIG NANG DU 'ONG BAR, CHA PHRAN RE YOD PA'I GSER GYI RDO RJE PHRENG BAS ZLUM POR BSKOR BA, STENG GI LCAM PHYI MA GSER SNAM DANG, NANG MA GDUNG ZLUM LA BKAL PA'I LCAM SNER CHU SRIN MA KA RA'I KHA NAS RIN PO CHE'I DRA BA DRA PHYED 'PHYANG BAS GSER SNAM GYI BAR STONG THAMS CAD KHEBS PA, LCAM GYI STENG GRAB LCE GNYIS BRTZEGS LA SNAM BU BKAL BA BYA 'DAB DANG, SNAM BU DE LA BTZUG PA'I RIN PO CHE'I SHAR BU SPYI BLUG MCHU MED MGO THUR DU BSTAN PA 'DOD SNAM GYI STENG DU CHU MI 'BAB PA'I TSOD DU BTZUG PA, DE STENG MDA' YAB PADMA 'DAB MA PHYED PA'I DBYIBS CAN SGRIGS PAS BSKOR BA, DBUS KYI MTHONG LA KA PA 'KHOR YUG TU BTANG NAS THOG PHUB PA'I STENG DU RGYUD KYI GLEGS BAM BZHUGS PA'I KHANG CHUNG DANG BCAS PA'I RTZE MOR RDO RJE NOR BU RIN CHE'I TOG GIS SPRAS PA, MDA' YAB KYI ZUR BZHIR SPRE'U GDUGS 'DZIN KHA NANG BSTAN BZHI
, ,DANG; DE'I PHYOGS RER GSER BUM NAS THON PA'I BDAN DANG RGYAL MTSAN SPEL BA BRGYAD BRGYAD KYIS MDZES PAR BRGYAN PA, RTZIG PA'I 'GRAM DU 'DOD YON GYI SNAM BU DMAR POS BSKOR BAR, MCHOD RDZAS SNA TSOGS PA'I MCHOD PA BYAS BZHIN PA, SGO MDUN DU BUM PA LA GNAS PA'I KA PA BZHI BZHIS BTEGS PA'I RTA BABS, GSER, SHAR BU, RIN PO CHE, RTA RMIG ,MUN SNAM BA RAndA, SHAR BU, RIN PO CHE, RMIG PA, MDA' YAB STE SNAM BU BCU GCIG DANG LDAN PA'I RTZE MOR 'KHOR LO RTZIBS BCU PA, DE'I GA-YAS GA-YON DU RI DVAGS PHO MO GNYIS MIG MI 'DZUM PAR 'KHOR LO LA BLTA BA DGOS GSUNG, RTA BABS KYI GA-YAS GA-YON DU BUM PA LAS SKYES PA'I DPAG BSAM GYI SHING SOGS CHO GA LTAR, DE'I PHYI ROL TU GTUM DRAG SOGS KYI DUR KHROD BRGYAD SOGS CHO GA LTAR YIN; DE RNAMS KYI RKANG GRANGS, BDE MCHOG GI CHO GAR GSAL, BCOM LDAN 'DAS LA RTZE GCIG TU LTA BA NI STONG PA NYID LA RTZE GCIG TU MNYAM PAR BZHAG PA LA BYED GSUNG GSUNGS, GZHAL YAS KHANG GI NANG GSAL CHA YOD NA RTEN 'BREL GYI GNAD YOD, SPYIR NANG BLTAS PHYI GSAL BA, PHYI BLTAS NANG GSAL BA, DE'I RGYAN GYI NOR BU RE RES KYANG STONG GSUM GSAL BAR BYED PA'I 'OD DANG LDAN
PAR GSAL SNANG BZANG PO BSKYED, NANG GI RE'U MIG DGU PA'I DBUS SU YAm LAS RLUNG DKYIL DMAR NAG SKAD CIG KYANG MI SDOD PAR GA-YO BA DE'I STENG DANG, RE'U MIG DGU PA'I NANG GI SHAR MA GTOGS PA'I PHYOGS GSUM DANG, SGO BZHIR SNA TSOGS PADMA DANG NYI MA'I GDAN, RE'U MIG NANG GI SHAR DANG GRVA BZHI DANG PHYI'I GRVA BZHIR SNA TSOGS PADMA DANG ZLA GDAN RE RE BSAM, DE NAS BAR DO LONGS SKU'I RNAL 'BYOR RGYU RDO RJE 'DZIN PA BSKYED PA NI, GDAN DBUS MA'I STENG DU NGO BO BDE STONG DBYER MED KYI YE SHES YIN PA LA RNAM PA AA YIG DKAR PO ZHIG THOL GYIS BYUNG, DE 'OD DU ZHU BA LAS GZHI LAM 'BRAS GSUM GYI 'OD GSAL GYI SEMS MTSON PA'I ZLA BA'I DKYIL 'KHOR NI ME LONG YE SHES KYI NGO BO ZLA BA LAS BYANG CHUB PA'O, ,DE'I DBUS SU CHU LAS CHU BUR RDOL BA LTAR GYI DH'I: YIG RANG SGRA SGROGS BZHIN PA BSGOM PAS BAR DO'I NGAG DANG, LAM 'BRAS KYI SGYU MA'I SKU DANG LONGS SKU'I GSUNG MTSON, DE LAS RAL GRI SO GNYIS GYEN 'GRENG GI RTZE MOR ME 'BAR BA, YU BA'I LCAGS MTSAMS LA DH'I: SER POS MTSAN PAS DE'I YID MTSON, DE LAS 'OD ZER 'PHROS PAS PHYOGS BCU'I SANGS RGYAS THAMS CAD RGYU'I LHA ZHE DGU DANG, 'JAM DBYANGS RIGS LNGA'AM, 'JAM DBYANGS KYI RNAM PAR RAL GRI DH'I: DANG BCAS PA LA THIM PAS BAR DO'I BYA BA DANG,
, ,LAM 'BRAS KYI SGYU LUS PA DANG LONGS SKU'I MDZAD PA MTSON, DE 'OD DU ZHU BA YONGS SU GYUR PA LAS RGYU RDO RJE 'DZIN PA 'JAM DPAL GZHON NUR GYUR PA SHIN TU PHRA BA'I RLUNG SEMS KYI RANG BZHIN CAN LONGS SKU CHO GA LTAR BSKYED DO, DE LA NGA RGYAL BZHAG PAS BAR DO BA DANG, SGYU MA'I SKU DANG, LONGS SKU MTSON PA DE LA NGA RGYAL DANG GSAL SNANG BRTAN PO BZHAG ,DE YANG GONG DU BSHAD PA LTAR; 'DZAM GLING GI MI MANG LA SKYES KHAMS DRUG LDAN PA PHUNG SOGS RIM GYIS THIM NAS 'CHI BA 'OD GSAL MNGON DU BYAS PA'I MTHAR, MIR SKYE BA LEN PA'I DBANG DU BYAS NA 'CHI BA 'OD GSAL 'GAG NAS LUGS LDOG GI NYER THOB GRUB PA DANG MNYAM DU BAR DO BZHIN LAG GI RNAM CAN ZHIG RANG DBANG MED PAR SRANG MDA'I MTHO DMAN BZHIN DU 'GRUB 'ONG BA GZHI'I SRID PA BAR DO YIN, DE SBYONG BYED LAM DUS SU'ANG DE DANG CHA MTSUNGS PAR BZHIN LAG GI RNAM PA CAN GYI SGYU MA'I SKU 'GRUB 'ONG BA YIN LA, DAG PA'I SGYU MA'I SKU'I RGYUN LA LAM BSGOM PAR BYAS NAS 'BRAS BU 'OD GSAL MNGON DU BYAS PA DANG DUS MNYAM DU KHA SBYOR YAN LAG BDUN LDAN GYI LONGS SPYOD RDZOGS PA'I SKU 'GRUB PA YIN PAS, 'DIR YANG BAR DO LONGS SKUR 'KHYER BA'I LAM 'KHYER ZHES PA YIN NO GSUNGS, RANG 'JAM DPAL DU GSAL
BA'I THUGS KAR A'A: RNAM BCAD RING CHA DANG BCAS PA LAS NYI DKYIL 'OD ZER 'BAR BA BDE CHEN GYI RANG BZHIN CAN ZHIG BSGOM, DE LAS 'OD ZER 'PHROS PAS RNAM SNANG SOGS SANGS RGYAS, BYANG SEMS, KHRO BO; RIG PA RNAMS CHO GA LTAR RAM, ZHE DGU MA'I LHA DANG 'JAM DBYANGS RIGS LNGA'I RNAM PAR SPYAN DRANGS TE, RGYU RDOR 'DZIN STOD SMAD NAS 'OD DU ZHU BA NYI MA LA ZHUGS PA DANG MNYAM DU DE THAMS CAD NYI MAR ZHUGS PAS GDUG PA CAN SREG PAR BYED PA'I 'OD ZER DUS MTHA'I ME LTA BU BZOD PAR DKA' BAS DPAG TSAD STONG PHRAG BRGYAR KHYAB PA'I NYI MA'I DKYIL 'KHOR DU GYUR PA NI MNYAM NYID YE SHES KYI NGO BO NYI MA LAS BYANG CHUB PA'O SNYAM DU SGOM LA NGA RGYAL BZHAG ,DE'I DBUS SU H'Um YIG MTHING KHA GDUG PA CAN RNAMS SKRAG PAR BYED PA'I 'UR SGRA SGROGS SHING 'OD ZER LNGA 'PHRO BA, DE LAS 'OD ZER 'PHROS PAS RGYAL BA SRAS BCAS THAMS CAD 'BRAS BU LHA ZHE DGU'I RNAM PAR SPYAN DRANGS TE H'Um LA THIM PA NI SOR RTOGS YE SHES KYI NGO BO GSUNG SA BON LAS BYANG CHUB DANG, H'Um DE YONGS SU GYUR PA LAS RDO RJE RTZE DGU PA STE PHYOGS GNYIS RVA BZHI BZHI BRGYAD DANG, DBUS RVA GNYIS GCIG TU BRTZI BA'I DGU YIN, YONGS GRAGS KYI RTZE DGU DE MIN GSUNG, KHA DOG NAG PO, RVA SHIN TU GDENGS PA, DE'I LTE BAR H'Um GIS MTSAN
, ,PA, DE LAS 'OD ZER BSAM GYIS MI KHYAB PA 'PHROS PA'I SNE MOR RDO RJE CHE CHUNG DPAG MED SPROS PAS GDUG CAN RNAMS TSAR BCAD, RGYU 'BRAS KYI LHA ZHE DGU DANG, SANGS RGYAS BYANG SEMS KHRO BO SOGS GANG LA GANG 'DUL GYI SKU'I RNAM PA DANG, 'JIGS BYED RTEN BRTEN PA'I DKYIL 'KHOR YONGS RDZOGS DPAG TU MED PA 'PHROS, YAB YUM RNAMS KYI SBYOR 'TSAMS NAS DBANG BSKUR, YUM MED KYANG PHYAG MTSAN SOGS LAS BDUD RTZI DANG 'OD ZER SPROS PA SOGS MDZAD PA BCU GNYIS SOGS GANG 'DUL GYI MDZAD PAS SEMS CAN RNAMS SMIN PAR BYAS NAS RDO RJE 'JIGS BYED KYI GO 'PHANG LA 'GOD PAR MOS PA BYA, SPRO BA'I LHA DANG PHYAG MTSAN SA BON, SEMS CAN LHAR BKOD PA THAMS CAD 'DUS NAS RDO RJE H'Um DANG BCAS PA LA THIM PA NI BYA GRUB YE SHES KYI NGO BO THUGS PHYAG MTSAN LAS BYANG CHUB PA DANG, DE NAS, ZLA NYI RDO RJE H'Um DANG BCAS PA YONGS SU GYUR PA LAS RTEN BRTEN PA RDZOGS PAR GRUB PA CHOS DBYINGS YE SHES KYI NGO BO SKU RDZOGS PA LAS BYANG CHUB PA YIN GSUNGS SO, ,DE NAS KHA SANG GI 'TSAMS NAS 'DI'I BAR DU BSHAD PA GNYIS PA GNANG, DE NAS MJUG SNGAR LTAR BSNGO SMON GNANG STE GROL,, ` ,,NYIN GSUM PAR YANG, NYIN GNYIS PA'I
DE LA BSHAD PA MDOR BSDUS DANG, DE'I 'TSAMS NAS DE LAS DPAL RDO RJE 'JIGS BYED CHEN PO'I SKUR BSKYED PA NI, RANG NYID RDO RJE 'JIGS BYED SKU MDOG CHAR SPRIN LTAR SHIN TU NAG PO, ZHAL DGU PHYAG SO BZHI ZHABS BCU DRUG PA, GA-YAS BSKUMS GA-YON BRKYANGS PA, KHAMS GSUM PO THAMS CAD SKAD CIG GIS ZA BAR NUS PA'I ZHAL RAB TU GDANGS SHING, ZHAL NAS, SDIG PA'I GAD MO HA HA, DGYES PA'I GAD MO HE HE, SGEG PA'I GAD MO HI HI, ZIL GYIS GNON PA'I GAD MO HO HO STE DPA' BO'I GAD MO BRGYAD SGROGS PA, 'DIR HA H'A, HE HEE, HO HOO, HAm HA STE BZHAD PA BRGYAD BYAS KYANG RUNG GSUNG, LJAGS GLOG LTAR GA-YO ZHING RTZE RKAN LA 'DRIL BA, MCHE BA GANGS RI LTAR GTZIGS PA, DPRAL BAR SHIN TU BSDUS PA'I KHRO GNYER CAN, DE'I 'GRAM DU SMIN MA DANG RDZI MA DMAR SER RAB TU 'BAR ZHING, SPYAN DU SA MTHA'I ME LTAR DMAR LA 'OD 'TSER BA, 'JAM DPAL GYI ZHAL MA GTOGS PA THAMS CAD KYI DBU SKRA DMAR SER GYEN DU BRDZES PA, PHYAG GA-YAS PA RNAMS KYI SDIG MDZUB KHA SBUB NAS RTZE MO GYEN DU BSTAN PAS 'DAS PA'I LHA LA BSDIG NAS SGRUB PA PO LA DNGOS GRUB MYUR DU STZOL CIG CES BSKUL BA DANG, GA-YON RNAMS SDIG MDZUB KHA GYEN DU PHYOGS PA'I RTZE MO 'OG TU BSTAN PAS 'JIG RTEN PA'I LHA LA SGRUB PA PO LA
, ,BAR CHAD MA BYED CES BKA' BSGO ZHING SDIG PAR MDZAD PA DANG, KHAMS GSUM BDAG PO TSANGS PA BRGYA BYIN SOGS ZHABS 'OG TU MNAN PAS, 'JIGS PA RNAMS KYANG SKRAG PAR MDZAD PA, SRIN ZHAL LAS MKHA' 'GRO DBANG DU BSDU BA'I PHEEm GYI SGRA SGROGS PA, MI'I SHA KHRAG RKANG TSIL ZA BA, BDUD SDIG CAN RNAMS KYI MGO BO'I THOD PA MCHE BA RING PO GTZIGS PA 'JIGS RUNG LNGA'I RTZER RUS PA'I PA TRA'I DKYIL DU BDE GSHEGS LNGA'I SKU 'BUR GYIS DOD PA, THOD PA'I KHA 'GRAM NAS 'PHYANG PA'I RUS PA'I DRA BA DRA PHYED YE SHES KYI SPYAN GYI THAD DU SLEB PA, MGO RLON LNGA BCU'I PHRENG BA 'PHYANG BA, SBRUL NAG PO'I SE RAL KHA'AM MCHOD PHYIR THOGS BYAS PA, LHA BTZUN NGAG DBANG BLO BZANG GIS RJE RIN PO CHE LA DGAG PA BZHI BYAS PA'I NANG TSAN, KHA CIG GIS RUS RGYAN DANG SPRUL RGYAN GNYIS MI RUNG ZER DE GNYIS CHOG PAR RGYUD DU YANG YOD GSUNG, RNA RGYAN NI, MKHAS GRUB RJE'I BSKYED RIM CHEN MOR, ZHAL DGU YOD BZHIN MA HE'I ZHAL LA RNA RGYAN BYED PA BLO GROS MCHOG TU GSAL LO, ,ZHES GSUNGS PAS, ZHAL GA-YAS GA-YON GNYIS KYI SNYAN GA-YAS GA-YON GYI RGYAN YOD PAS 'THUS GSUNGS, DE LTAR RUS PA'I RGYAN DRUG GIS BRGYAN PA, GSUS KHYIM SHIN TU CHE BA, 'DOMS DKRIS TZAM YANG MED PA'I
GCER BU, KHRO ZHAL THAMS CAD KYI SMIN MA RDZI MA SMA RA AAG TSOM PA SPU THAMS CAD LAS ME STAG PHROm PHROm KHRO BAS 'BAR BA, RTZA ZHAL NAG PO DBU RIL PO MA HE GDONG CAN SHIN TU KHROS PA, RVA GNYIS SHIN TU RNO BA'I RTZE MOR ME 'BAR BA, DE'I DBUS SU SRIN ZHAL DMAR PO ZHAL NAS THAMS CAD MKHYEN PA MTSON PA'I KHRAG GDUL BYA LA CHOS STON PA MTSON PAS PHYIR 'DZAG PA, DE'I STENG DU 'JAM DPAL GYI ZHAL YID TZAM KHROS PA'I NYAMS CAN, SPYAN GSUM PA, ZUR PHUD LNGA LDAN RIN PO CHE'I DBU RGYAN DANG, ME TOG GI PHRENG BA SOGS RGYA GAR GYI GZHON NU'I RGYAN GYIS BRGYAN PA, GA-YAS GA-YON DU ZHAL GSUM GSUM STE 'OG MA BDUN GYI MGRIN PA DANG DBU THOD GCIG PA, DE YANG RVA LUGS KYI BRTZEGS ZHAL DANG, SKYO LUGS KYI 'KHOR ZHAL DANG RGYAB TU'ANG YOD PAR BZHED, RJE RIN PO CHE'I RANG LUGS LA YONGS GRAGS KYI 'DI YIN GSUNG, 'JAM DPAL GYI ZHAL MA GTOGS PA'I ZHAL BRGYAD PO SHIN TU KHROS PA, PHYAG DANG PO GNYIS KYIS GLANG CHEN GYI PAGS PA DKAR PO, PHYAG GA-YAS PAS LAG PA GA-YON PA DANG, PHYAG GA-YON PAS RKANG PA GA-YON PA'I PAGS PA NAS BZUNG STE GLANG KO GA-YAS SU BSTAN CING SBU PHYIR BSTAN TE GYON PA, BHI DHI P'A LA NI, LCAGS DBYUG RTZE MO RNO BA'I YU BA'I STOD DU RMA BYA'I SGRO PHOD BDUN TZAM GTZUG PA YIN NAM SNYAM
, ,GSUNG, 'JAM DBYANGS BZHAD PA SKU CHUNG NGU'I DUS DE PHYOGS SU GTAN NAS GRVA SA PHAR ZHOG GRVA PA YANG MTHONG RGYU MED PA PHYIS 'JIGS BYED KYI LJAGS BSNYEN GNANG STE, RVA LO YIN ZER BA ZHIG GIS LCAGS KYI BHI DHI P'A LA RMA BYA'I SGRO BCU GSUM YOD PA ZHIG BYIN NAS 'DI KHYOD KYIS BDAG BZANG PO BYAS DANG 'DI NI BDUD SDE KUN LAS RGYAL BA'I SRING MO BCU GSUM YIN, RTZA SNGAGS KYI BZLAS PA DES CHOG GSUNGS BYUNG BA RED GSUNGS, RJE'I GSANG RNAM LAS KYANG, 'BING BYED RGYONG GTAD 'DI NI M'A RA nA, ,KUN SRUNG SRING MO BCU GSUM YIN DA ZUNGS, ,M'U LA DES CHOG SLAR NA DZA BAGTO, ZHES GSUNGS, CHU GRI NI RNAM PA GRI LA DBYIBS CUNG ZAD MI 'DRA BA ZHIG YIN, KA nA YA NI, MDUNG THUNG LA ZHAGS PA BTAGS PAS MDUNG ZHAGS ZHES PA DE YIN, THOD TSAL NI THOD PA SKRA BCAS LA BYED GSUNGS, KHYIM BYA NI MI SKAD SMRA BA, SHA'I SKE 'KHOR CAN, 'JAM DBYANGS BZHAD PA RGYA NAG LA PHEBS NAS KHANG PA ZHIG GI RAB GSAL NA, BYA CIG GIS, 'JAM DBYANGS BZHAD PA GE GAN NAS AA MAR B'A NOS ZHES ZHU BA DE YIN GSUNG GSUNGS, BZHAD NI BYA DKAR PO CHE BA, KHRO NYAMS YONGS SU RDZOGS PA, SKU LAS SKYES PA'I ME DPUNG PHYOGS MTSAMS KUN TU KHYAB PA LTA BU'I DBUS NA BZHUGS PA, DE NAS SEMS DPA'
SUM BRTZEGS GSAL BTAB PA NI, DE 'DRA'I DAM TSIG SEMS DPA'I THUGS KAR ZLA DKYIL GYI STENG DU SHIN TU PHRA BA'I RLUNG SEMS KYI NGO BO YE SHES SEMS DPA' 'JAM DPAL GZHON NUR GYUR PA SNGAR LTAR BSKYED, DE'I THUGS KAR A'A: LAS NYI MA SHIN TU PHRA BA'I SEMS KYI NGO BO H'Um YIG MTHING KHA 'OD ZER LNGA 'PHRO BAS MAR ME 'BAR BA LTAR SKU'I SNANG BA THAMS CAD GSAL BAR BYED PA, DE NAS DE 'DRA'I SKU GSUM YANG 'DOD CHAGS KYI CHOS KYIS THOB PAR BSTAN PA'I PHYIR RIG MA 'DU BYA BA'I TSUL NI, 'DI LA RANG RIGS KYI MI MO BSANG SBYANGS BSKYED PA'I LUGS DANG, SNYING KHA NAS RANG RIGS KYI MI MO'I RNAM CAN SPROS TE BSANG SBYANG BA GANG LTAR YANG, DE NYID H'Um LAS RANG GI BANG NA 'KHYUD PA'I YUM RDO RJE RO LANGS MA YAB LAS SKU BONGS CUNG CHUNG BA LAS SHIN TU 'JIGS SU RUNG BA CHOG LTAR BSKYED, DE'I MKHA' GSANG BYIN RLABS NI, YAB KYI GSANG GNAS STONG PAR SBYANGS, DE'I NGANG LAS H'Um SNGON PO LAS PHYI RTAGS KYI RDO RJE DBYIBS CAN LA NANG RDO RJE RTZE LNGA PA AOm LAS BYUNG BA'I NOR BU'I DBUS RVA'I SBU GU HA RE YOD PA'I BU GA PHAt SER PO MGO NANG DU BSTAN PAS BKAG PA, DE LTAR RANG DANG RIG MA GNYIS LHA SKU YAB YUM DU BSGOM PA LUS LHA'I 'DU SHES, PHAt YIG BSGOM PA NGAG SNGAGS KYI 'DU SHES, THABS 'DI LA BRTEN
, ,NAS ZAG MED KYI BDE BA MNGON DU BYA'O SNYAM PA YID CHOS KYI 'DU SHES TE, 'DU SHES GSUM DANG LDAN PAS PHAN TSUN SNYOMS PAR ZHUGS PA'I RJES CHAGS KYI DGA' BA BRTZAMS NAS SNGAGS BRJOD DON YANG, DE BZHIN GSHEGS PA THAMS CAD KYI RJES SU CHAGS PA RDO RJE RANG BZHIN GYI BDAG NYID DE NGA'O SNYAM DU NGA RGYAL BZHAG ,DE LTAR BSGOM PA RIM PA DANG PO'I SKABS 'DIR CHAGS PA LAM DU BYAS PA LA BRTEN NAS BDE STONG GI YE SHES BSKYED PA DANG, RTEN BRTEN PA'I DKYIL 'KHOR DE'I RNAM ROL DU 'CHAR BA DANG, BDE STONG DBYER MED KYI RDZOGS RIM KHYAD PAR CAN SKYED PA'I SMIN BYED DU GYUR PA SOGS KYI GNAD CHEN PO YOD PA RED GSUNGS, GONG GI PHYAG MTSAN SO BZHI RANG RANG GI 'JOMS BYA ZHIG YOD GSUNGS, DE NAS DKYIL 'KHOR RGYAL MCHOG GI LHA RNAMS BSKYED CING SPROS TE MDZAD PA MDZAD DE DKYIL 'KHOR LA 'GOD PA'I TSUL NI, YAB YUM SNYOMS PAR ZHUGS PA'I SBYOR 'TSAMS DANG SNYING KHA'I H'Um LAS BDE BA CHEN PO'I RANG BZHIN GYI 'OD ZER SNGON PO LCAGS KYU LTA BU DPAG TU MED PA PHYOGS BCUR SPROS NAS; MKHA' KHYAB KYI RGYAL BA SRAS BCAS THAMS CAD 'JIGS BYED LHA DGU'AM NAM MKHA' GANG PA SPYAN DRANGS PA, RTZA ZHAL NAS ZHUGS THUGS KAR SLEB PA NA CHAGS PA CHEN PO'I MES ZHUS PA THIG LE RDO RJE'I
LAM BRGYUD PHAt YIG GI ZUR CUNG ZAD PHYE BA'I ZUR NAS THIG LE YUNGS 'BRU TZAM SID KYIS BYUNG BA, YUM GYI PADMAR SON PA BYANG SEMS DMAR PO YUNGS 'BRU TZAM DANG 'DRES YUM GYI THUGS KAR SLEB PA NA THIG LE CHA GNYIS SU GYUR PA'I CHA GCIG BHRUm YIG DKAR PO DE LAS GZHAL YAS KHANG GRU BZHI SGO BZHI RTA BABS SOGS MTSAN NYID YONGS SU RDZOGS PA GDAN BCAS BSKYED, CHE CHUNG RANG BLOS 'TSAMS PA BYED, THIG LE CHA GCIG GDAN DE RNAMS KYI STENG DU CHA BCU BDUN DU GYUR PA, SA BON BCU BDUN DU GYUR, DE'I NANG GI SA BON BCU GSUM, PHYAG MTSAN SA BON GYIS MTSAN PA BCU GSUM DU GYUR PA DE DANG, LHAG MA BZHI RNAMS YONGS SU GYUR BA LAS LHA BCU GSUM THOD PA BZHI BCAS SKAD CIG GIS LAM GYIS BSKYED NAS GSAL 'DEBS TSUL NI, DBUS KYI GDAN LA SOGS CHO GA LTAR RO, ,DE YANG SPYIR LHA BCU GSUM YUM BCU GSUM BCAS NYER DRUG TU 'GYUR RAM ZHE NA SKYON MED DE, YAB DGU'I YUM RNAMS RTZA RTZI KA SOGS YUM BZHI DANG DON GCIG PA DANG, YUM BZHI'I YAB RNAMS GTI MUG GSHIN RJE GSHED SOGS BZHI DANG DON GCIG PAS LHA BCU GSUM DU BYAS PA YIN, DE YANG DON GCIG BYAS PA MTSAN NYID PA'I YIN KHYAB MNYAM LTA BU MIN PAR, DE DAG GI THUGS RGYUD MDZAD PA 'PHRIN LAS YE SHES
, ,GCIG PA'I DON YIN GSUNG, RANG 'JIGS BYED DU GSAL BA'I NGAG NAS, HR'I: shtRI: 'I SNGAGS BRJOD PAS, GTZO BO YAB YUM GYI THUGS RGYUD BSKUL BAS DPAG TU MED PAR GYUR, CHO GAR YUM GYI BA SPU'I SGO NAS PHYIR 'PHROS ZHES BYUNG YANG, GSUNG BSHAD DU YUM GYI PADMA NAS RANG GI RDO RJE LAM BRGYUD SNYING KHAR BYON, DE NAS PHYIR 'PHROS, SPRUL PA DPAG MED PHYOGS BCUR SPROS PAS GTZO BOR SEMS CAN RNAMS KYI ZHE SDANG SBYANGS ZHES PA MA GTOGS ZHE SDANG GCIG LAS MA SBYANG BA MA RED, GANG 'DUL GYI MDZAD PAS NGAN 'GRO BA RNAMS BDE BAR BKOD CING ZHE SDANG GIS MTSON PA'I NYON MONGS PA BAG CHAGS DANG BCAS PA SKAD CIG GIS SBYANG NAS CHOS DBYINGS YE SHES LA BKOD PA SOGS RE RE'I SKABS SU'ANG LAM YONGS RDZOGS CHA TSANG BA RE BSAM NA 'DI LAS PHAN YON CHE TSAD YOD RGYU MA RED GSUNGS, SPRUL BA RNAMS TSUR GCIG TU 'DU NAS RTZA BA'I 'JIGS BYED YAB YUM DE NYID, RANG YAB YUM LA BSTIM, DE BZHIN DU DZI NA DZI KA, SHAR GYI GTI MUG GSHIN RJE GSHED BSKUL TE DES DON MDZAD PA SOGS CHO GA LTAR SNGAR GYI RIGS PA'I 'GROS KYIS SHES NUS SO, ,THOD PA BZHI DANG GZHAL YAS KHANG LA SNGAGS ZUR PA MDZAD PAS, 'BRU GSUM GYIS BSKUL, RJES GNANG SOGS SU SNGAGS
DAM BCA' CAN MANG PO YOD PA 'DON MA THUB TSE 'BRU GSUM BRJOD PAS CHOG GSUNGS PA DANG, 'BRU GSUM GYIS LAS RAB 'BYAMS KUN SGRUB CHOG PA'I DON GYIS RTEN 'BREL GYI GNAD CHEN PO YOD PA'I TSOD RED GSUNG, DE LTAR GZHAL YAS KHANG LHA BCU GSUM THOD PA BZHI BCAS RDZOGS PAR BSGOM PA'I DKYIL 'KHOR RGYAL MCHOG GI MDZAD PA 'DI NI LAM GZHAN DANG MI 'DRA BA'I GNAD CHEN PO YOD PA SOGS BSNGAGS BRJOD MANG PO GNANG, DE NAS, BDAG MDUN 'JUG PA GCIG PA BYED PA PHYOGS SKYONG BSKYED DGOS KYANG, BDAG BSKYED RKYANG BA LA MED KYANG CHOG GSUNG, DE NAS SKYE MCHED BYIN RLABS NI, GTZO 'KHOR THAMS CAD KYI MIG 'BRAS GNYIS SU MIG DBANG DANG DE'I RNAM SHES LAS KshIm LAS 'KHOR LO KshIm GIS MTSAN PA, DE LAS RDO RJE MIG SOGS GZHUNG LTAR BSKYED, 'DI NYID SHIN TU PHRA MO ZHIG BSGOM NA GNAD CHE ZHING, DES MIG SOGS LA THA MAL GYI SNANG ZHEN SBYONG BA DANG MNGON SHES 'GRUB PA DANG, YAN LAG GI RLUNG SOGS LAS RUNG DU 'GRO BA'I SMIN BYED MCHOG TU 'GYUR PAR GSUNG, SKU GSUNG THUGS BYIN GYIS RLABS PA NI, DE YANG LHA GZHAN THAMS CAD KYI THUGS KAR ZLA GDAN LA H'Um SNGON PO LAS RDO RJE SNGON PO RTZE LNGA BA DE'I LTE BAR H'Um DANG RDO RJE LAS THUGS RDO RJE CHO GA LTAR DANG, MGRIN PAR A'A: LAS PADMA DMAR PO 'DAB MA
, ,BRGYAD PA'I DBUS SU A'A: DANG PADMA LAS GSUNG RDO RJE DMAR PO DANG, SPYI BOR AOm LAS 'KHOR LO DKAR PO RTZIBS BRGYAD PA'I LTE BAR AOm DANG 'KHOR LO LAS SKU RDO RJE DKAR PO SOGS BSKYED, RANG GI THUGS KA'I H'Um LAS 'OD ZER 'PHROS PAS RDO RJE GSUM GYI LHA TSOGS SPYAN DRANGS PA LA, RANG GI SNYING KA NAS SPROS PA'I MCHOD LHA MCHOD RDZAS THOGS PA RNAMS KYIS MCHOD PAS MNYES PAR BYAS TE, H'Um GI 'OD ZER GYIS SKU GSUNG THUGS RDO RJE LHA TSOGS RNAMS RANG 'DRA GNYIS PA RE BKUG NAS RANG GI GNAS GSUM GYI RDO RJE GSUM GYI LHA LA RIM BZHIN THIM PAR MOS TE, SNGAGS DON NI RIM BZHIN, DE BZHIN GSHEGS PA THAMS CAD KYI THUGS RDO RJE'I BDAG NYID DE NGA'O ZHES DANG, DE BZHIN GSUNG DANG THUGS LA'ANG 'DRA, 'DIR THUGS BYIN RLABS SNGON DU BYED PA 'JAM DBYANGS THUGS KYI LHA YIN PAS THOG MAR YID DANG, DE NAS GSUNG DANG SKU'I BYIN RLABS RIM PAR 'JUG PA'I RTEN 'BREL GYI GNAD CHEN PO DANG, DRI CHAB THUGS KYI MCHOD PA YIN PAS SNGON DU 'BUL BA'ANG GNAD 'DI LA RAG LAS PAR GSUNG, DE NAS YE SHES PA GZHUG CING DBANG BSKUR RGYAS BTAB BYA BA NI, THUGS KA'I H'Um GI 'OD ZER GYIS LHA BCU GSUM GYI DKYIL 'KHOR SPYAN DRANGS PA, HR'I: sht'I: SA PHYI 'BRANG GI
BGEGS BSKRAD, 'DIR YE SHES PA SPYAN DRANGS TE, DE PHYI LA YANG BGEGS 'BRANG BA YOD PAS MTSON BYED RED GSUNG, SNYING KA NAS MCHOD LHA SPROS TE MCHOD, AOm MUD KA RA DZA ZHES SOGS KYIS SGO BA BZHI'I PHYAG MTSAN 'PHYAR TZAM GYI BRDA' BYAS PAS, DZAS YE SHES PA DAM TSIG PA'I SPYI BOR GZHUG ,H'Um GIS DAM TSIG PA'I LUS LA ZHUGS, BAm GYIS DBYER MED DU 'DRES, HOS DBANG DU BYA BAR BSAM, DE NAS YANG RANG YI DAM DU GSAL BA'I THUGS KA'I H'Um LAS 'OD ZER PHYOGS BCUR 'PHROS, DER BZHUGS KYI RGYAL BA SRAS BCAS THAMS CAD MDUN GYI NAM MKHAR SPYAN DRANGS PA LA SNGAR LTAR MCHOD DE DBANG BSKUR BAR GSOL BA BTAB PAS, RGYAL BU GZHON NU DON GRUB SKU BLTAMS PA'I TSUL BSTAN MA THAG TU LHA LA SOGS PAS KHRUS GSOL BA DE LTAR, SANGS RGYAS THAMS CAD KYIS SKYE TZAM NAS LHA RNAMS KYIS DBANG BSKUR THOB PA DE BZHIN DU, BDAG CAG DBANG LHA RNAMS KYIS KYANG DAG PA DON DAM PA'I LHA BDE STONG GI NGO BO'I CHUS DBANG BSKUR ZHES CHU DBANG GI SKABS LTAR DBANG BSKUR BAS SKU GANG DRI MA DAG CHU'I LHAG MA YAR LUD PA YONGS SU GYUR PA LAS GTZO BO RTZA ZHAL GYI DBU LA MI BSKYOD PA SOGS GZHUNG LTAR LA, RGYAS BTAB PA LA, 'BRAS BUS RGYU LA RGYAS 'DEBS PA, RGYUS 'BRAS LA RGYAS 'DEBS PA, RIGS
, ,KYIS RIGS CAN LA RGYAS 'DEBS PA, RIGS NGO MI SHES PA RNAMS LA MI BSKYOD PAS RGYAS BTAB PAR GSUNGS PA'I DANG PO NI, MI BSKYOD PAS RDOR SEMS RGYAS BTAB PA LTA BU, GNYIS PA NI RDOR SEMS KYIS MI BSKYOD PA LA RGYAS 'DEBS PA LTA BU, GSUM PA NI MI BSKYOD PAS GSHEGS PA GZHAN BZHI LA RGYAS 'DEBS LTA BU RED GSUNGS,, ` ,,NYIN BZHI PAR; NYIN GSUM PA LTAR SHER SNYING BZLOG BCAS DANG KHYAD PAR MDUN GYI STEGS BU'I KHAR DBUS SU ZOR GNYIS, DE NAS DKAR GTOR GCIG ,SNGON 'GRO DANG PHYOGS SKYONG GTOR MA GNYIS MDUN DU CHU GNYIS NYER SPYOD, BLA MA'I MDUN DU RDOR DRIL d'A MA RU NANG MCHOD KA P'A LA BCAS 'DU BYAS PA LA GTOR 'BUL SPYI LTAR BYA, DE NAS RDOR SEMS BSGOM BZLAS GNANG, DE NAS MAndAL PHUL; DE RJES RGYUD 'DEBS KHA SKONG BCAS GRUB PHRAL, NYIN SNGA MA'I DE YANG BSKYAR GYI GSUNG BSHAD GCIG GNANG RJES, DE'I 'TSAMS NAS DKYIL 'KHOR RGYAL MCHOG LA DANG PO MCHOD BSTOD NI; RANG GI SNYING KA NAS MCHOD RDZAS THOGS PA'I LHA MO DPAG MED SPROS TE, DRI CHAB SNGON DU 'GRO BA'I CHU GNYIS NYER SPYOD ROL MO 'DOD YON LNGA RGYAL SRID SNA BDUN SOGS 'BUL BA NI PHYI BUM DBANG
DANG 'BREL BA'I MCHOD PA DANG, NANG MCHOD NI SRIN LAG YAB KYI RDO RJE DANG MTHE BONG YUM GYI PADMA GNYIS BSRUB PA LAS BYUNG BA'I NGO BO BDE STONG GI RANG BZHIN YIN PA LA RNAM PA KHAMS DKAR DMAR GYI BDUD RTZI PHUL PAS MGRON RNAMS ZAG MED KYI BDE BA CHEN POS TSIM PAR MOS TE, MTHEB SRIN KHA SBYAR BA PHYE BA TZAM LAS 'THOR TSUL MI BYED PAR GSUNG, DE YANG DPRAL PA'I THAD NAS RTZA BA'I BLA MA DANG, SMIN MTSAMS NAS BRGYUD PA'I BLA MA, AOm HR'I: sht'I: SOGS KYIS BSGOM PA'I DKYIL 'KHOR PA LA SNYING KHA'I THAD NAS 'BUL, DE NAS RGYUD SDE BZHI'I LHA TSOGS LA SNYING KA NAS 'BUL BA'AM, SPYI BOR BLA MA'I YI DAM, MGRIN PAR BRGYUD PA'I BLA MA'I YI DAM, SNYING KHAR RANG GIS BSTEN PA'I YI DAM LA PHUL KYANG RUNG ZHES GSUNGS BSHAD GNANG, CHOS SKYONG RNAMS LA LTE BA'I THAD NAS 'BUL, GNYUG MAR GNAS PA SOGS LA PUS MO'I THAD NAS 'BUL, DE NAS PHYOGS BCU'I RGYAL BA THAMS CAD GSHIN RJE GSHED KYI RNAM PAR SPYAN DRANGS TE RANG LA THIM PAR MOS SHING BDUD RTZI LCE THOG TU MYANG BAS LUS KYI LHA THAMS CAD BDUD RTZIS TSIM PAR BSAM PA 'DIR BSOD NAMS KYI TSOGS MCHOG TU GYUR PA RED GSUNGS, DE NI NANG GSANG DBANG DANG 'BREL BA'I MCHOD PA DANG, DE NAS RANG GTZO BO YAB YUM DU GSAL BA'I MKHA' GSANG
, ,SNGAR BZHIN BYIN GYIS RLABS NAS SNYOMS PAR ZHUGS PAS BDE BA CHEN PO MYONG, 'KHOR RNAMS KYANG DE LTAR BDE BA CHEN POS TSIM PAR BSAM PA NI GSANG BA SHER DBANG DANG 'BREL BA'I MCHOD PA DANG, DE LTAR SNYOMS PAR ZHUGS PA'I BDE BAS STONG PA NYID YUL DU BYAS PA'I BDE STONG DBYER MED KYI YE SHES RGYUD LA SKYES PAR MOS SHING 'KHOR RNAMS LA'ANG DE LTAR MNGON DU BYAS PAR MOS PA NI DE KHO NA NYID TSIG DBANG DANG 'BREL BA'I MCHOD PA'O, ,DE NAS GNYIS MED THUN MONG SOGS BSTOD TSIG GI DON RGYAS BSDUS 'TSAM PA GSUNG BSHAD GNANG, DE YANG BRAG CHA BZHIN RANG SGROGS PA LAS NGOS NAS GRUB PA CI YANG MED PAR DRAN NGES BYAS NA BZANG, BSKYED RIM PHRA RAGS KYI DMIGS PA YID LA BYA TSUL NI 'TSAMS 'DI YIN ZHING, DE YANG SGRUB THABS KYI 'GO NAS 'DI'I BAR DU SKABS GANG YIN GYI DMIGS PA RNAMS BYING RGOD KYI DBANG DU MA SONG BAR DAL BUS GSOL BA SHUGS DRAG BCAS BSGOM RGYU'I GRANGS DANG GO RIM NGES CAN DU BYAS LA DE LAS GZHAN DU MI GTONG SNYAM PA'I 'PHEN PA DRAG PO BTANG NAS SNGA MA MA SHAR BAR PHYI MA MI BSGOM ZHING, PHYI MA BSGOM PA'I TSE SNGA MA MA BRJED PAR BSGOM GYIN BSGOM DGOS ZHING DE YANG DANG POR RTEN BRTEN PA RDZOGS PAR 'CHAR DKA' BAS,
GTZO BO'I RTZA ZHAL LTA BU LA NGA RGYAL DANG GSAL SNANG 'DON, DANG PO DE LAS MI 'CHAR, DE NAS THO YOR LTA BU NAG GE PA, RIM GYIS BRIS 'BUR GYI SKU DMIGS RTEN SOGS BZHAG NAS DE'I RNAM PA DRAN PAR BYAS TE BSGOM NA RIM GYIS GSAL SNANG 'CHAR ZHING SKAD CIG LA GSAL BAR 'CHAR MI NUS PA NI LAS DANG PO PA YIN, RAGS PA'I DKYIL 'KHOR YID TZAM GYIS GSAL BAR 'CHAR NUS KYANG SKYE MCHED KYI LHA DE LTAR 'CHAR MI NUS PA NI YE SHES CUNG ZAD BABS PA DANG, SKYE MCHED KYI LHA YANG YID TZAM GYIS GSAL BAR 'CHAR NUS PA NI YE SHES LA CUNG ZAD DBANG BA ZHES PA YIN PAR GSUNGS PAS, DE NAS BSKYED RIM RAGS PA MTHAR PHYIN PAR 'JOG PA YIN GSUNGS, GANG LTAR YANG BSGOM BYA'I RTEN NI 'BRAS DUS KYI GZHAL YAS KHANG DANG, BRTEN PA LHA SOGS LA RANG LUS SKYON KUN ZAD YON TAN KUN RDZOGS 'BRAS DUS KYI LHA'I SKU DANG RANG GI NGAG DE'I GSUNG DANG RANG GI YID DE'I THUGS DNGOS KYI NGA RGYAL SHUGS CAN BSGOM PA GTZO, DAG SNANG BSKYED PA DE'I YAN LAG YIN LA DE LTAR BSGOM PA'I THUN CI TZAM 'KHYONGS KYI BAR THA MAL GYI SNANG BA GANG YANG MI 'CHAR BAR DAG PA'I DKYIL 'KHOR GYI RNAM PA 'BA' ZHIG 'CHAR BA DANG, THA MAL GYI ZHEN PA MED PAR RANG LA DAG PA'I LHA DNGOS KYI NGA RGYAL
, ,BRTAN PO GNYIS RTAG TU BYUNG NA BSKYED RIM BRTAN PA'I TSAD YIN GSUNG, DE YANG DON GYI SNYING PO NI, RTEN BRTEN PA'I LHA'I 'KHOR LO DE THAMS CAD KYANG RANG BLO BDE BA CHEN PO'I YE SHES KYI NGO BOR SONG BA'I BDE STONG GNYIS SU MED PA'I YE SHES KYI GZUNG CHA RTEN BRTEN PA'I BKOD PA SNA TSOGS PAR 'CHAR YANG, RANG BZHIN GYIS GRUB BRDUL TZAM YANG MED PA SNANG STONG SGYU MA LTA BUR 'CHAR BA LA RTZE GCIG TU GOMS PA NI RDZOGS RIM SKABS KYI RTEN BRTEN PA 'GRUB PA'I SMIN BYED KHYAD PAR PAR 'GYUR ZHING, 'BRAS DUS SU SKYON KUN ZAD YON TAN KUN RDZOGS GYI RTEN BRTEN PA 'GRUB PA'I LAG RJES KHYAD PAR CAN 'JOG PA'I TSUL 'DI NI SKABS 'DIR MED DU MI RUNG BA'I GNAD DAM PA YIN ZHES YANG YANG GSUNGS, DE NAS PHRA THIG NI RANG BLO DANG BSTUN NAS BYING BA SHAS CHEN STENG GI SNA RTZE DANG, RGOD PA SHAS CHEN 'OG GI SNA RTZER BSGOM DGOS SHING, DE YANG RTZA ZHAL GYI STENG GI SNA RTZER SRAN MA PHYED GSHAGS TZAM GYI ZLA GDAN LA SNYING KA'I TING NGE 'DZIN SEMS DPA' LAS RDO RJE SNGON PO RTZE LNGA PA YUNGS 'BRU TZAM SPROS TE GNAS PA LA SEMS BZUNG, DE BRTAN PA NA DMIGS RTEN DE LAS GNYIS PA DANG GSUM PA BZHI PA SOGS
NAM MKHA' KHYAB PA SPROS NAS GO RIM MA 'KHRUGS PAR PHYIR RTZA BA'I DMIGS RTEN LA BSDU BA LA BSLAB, DE LA SLOB PA NA PHYAG MTSAN DE NYID RTEN BRTEN PA'I DKYIL 'KHOR DU BSGYUR NAS REG MTHONG GI MTSAN MA BRTAN PO MA RNYED BAR DU BSGOM PA NI YE SHES LA YANG DAG PAR DBANG THOB PA'I SKABS YIN, DE LTAR GOMS PA'I LAS DANG PO PA'I SKABS SU BYING RGOD KYI SKYON SEL BA DANG, RIM PA DANG PO LA BRTEN NAS ZHI GNAS KYI TING NGE 'DZIN KHYAD PAR CAN SGRUB PA DANG, RDZOGS RIM GYI PHRA MO'I RNAL 'BYOR GYI RTOGS PA RGYUD LA SKYE BA'I DGE RTZA SMIN BYED DU 'GYUR BA SOGS RTEN 'BREL GYI GNAD MANG PO YOD PA RED GSUNGS DE NAS DAG PA DRAN PA NI CHO GA'I TSIG RIS LTAR LA, PHYAG MTSAN SO SO'I DAG PA SOGS RGYAS PAR SGOM SDE NAM MKHA' RGYAL MTSAN GYIS MDZAD PA'I SMON 'GREL LTAR YIN GSUNG, DE NAS, SLOB DPON AA BHYAS, SKYO NA DE YI GSANG SNGAGS BZLA, ,ZHES PA LTAR BZLAS PA BYA TSUL NI, PHRENG BA BSANG SBYANG SNGON DU 'GRO BA'I 'DOD CHAGS GSHIN RJE GSHED DU BSKYED, YE SHES PA DGUG GZHUG DBANG BSKUR RGYAS BTAB MCHOD BSTOD BYAS NAS DE'I SNGAGS GSUM MAM BDUN TZAM BZLA, DE ZHU BA LAS BYUNG BA'I BGRANG PHRENG MI MGO RLON PA KHRAG 'DZAG PA'I RNAM PAR BSKYED, PHRENG RDOG RE RE'I NANG DU 'JIGS
, ,BYED RE BSKYED NAS, TSUR PHRENG RDOG RE DRANG BA DANG MTHE BONG LCAGS KYUS LHA RANG 'DRA RE BKUG STE RANG GI SNYING KA'I H'Um LA THIM PAR MOS NAS 'DREN, DE NAS ZHI KHRO SBRAGS SGRUB BYED NA YE SHES SEMS DPA'I THUGS KA'I NYI GDAN ZLA GDAN DANG, H'Um YIG DH'I: YIG TU GYUR PA'I MTHAR AOm AA RA PA TZA NA'I YI GE DRUG BKOD NAS BZLA BA DANG, YANG NYI GDAN RAL GRI'I 'KHOR LO RTZIBS DRUG PAR 'GYUR BA'I RTZIBS LA AOm AA RA PA TZA NA'I YIG DRUG DANG, LTE BAR RAL GRI GYEN 'GRENG GI YU BA'I RDO RJE'I LTE BA'I NANG DU DH'I: GSAL BTAB STE BZLA BA DANG, DE YANG 'KHOR LO GA-YAS DANG YIG 'BRU GA-YON DU BSKOR BA GSUNG YANG, 'KHOR LO GRAB GRAB 'KHOR RGYU YANG NA SROG RLUNG GI GNOD PAS 'KHOR BA MI MNGON PA LTA BU DGOS, DE LTAR 'KHOR BA NA RANG GZHAN GYI RMONGS MUN SKRA SHAD KYI RNAM PAR RAL GRIS GTUBS PAR BSAM NA BZANG GSUNGS, DE LTAR ZHI BSNYEN CI 'GRUB BZLA, MJUG TU LCE THOG TU 'JAM DBYANGS KYI MKHYEN PA'I NGO BO DH'I: DMAR SER MGO GRE PHUG TU NYAL STABS KYIS GNAS PA LAS 'OD ZER 'PHROS PHYOGS BCU'I RGYAL SRAS KUN GYI MKHYEN PA'I YE SHES THAMS CAD 'OD DMAR SER GYI RNAM PAR BSDUS NAS DH'I: LA THIM PAR
BSAM TE, DH'I: BRGYA RTZA BRGYAD DBUGS THENGS GCIG LA BGRANG STE MI BRJED PA'I GZUNGS SGRUB PA SOGS YOD GSUNGS, DE RJES 'KHOR LO YI GE DANG BCAS PA 'OD DU ZHU BAS RDO RJE SNGON PO'I LTE BAR NYI MAR H'Um, DE'I MTHAR NYE SNYING, DE'I PHYIR SNYING PO, DE'I PHYIR RTZA SNGAGS BKOD DE BZLAS PA BYAS PAS CHOG ,'KHOR LHA RNAMS KYI THUGS KAR NYI GDAN LA RANG RANG GI SA BON GYI MTHAR SNGAGS PHRENG BKOD DE BZLA, DE DAG GI TSE BZLAS PA'I SKYON BRGYAD DANG BRAL ZHING DMIGS PA MA GA-YENG PAR BZLA DGOS GSUNGS, RTZA SNGAGS KYI BZLAS PA ZIN PA DANG, DE SNYING POR THIM PAR BSAM NAS SNYING PO'I SNGAGS BZLA, DE ZIN PA NA'ANG DE NYID NYE SNYING LA THIM PAR BSAM NAS, NYE SNYING BZLA BA SOGS GZHAN LA'ANG 'DRA, MTHAR LHA RANG RANG GI SPYI BO'I RIGS BDAG GI THUGS KAR YIG BRGYA'I SNGAGS PHRENG BKOD PA LAS BDUD RTZI'I RGYUN BAB PAS SNGAGS CHAD LHAG GI NYES SKYON THAMS CAD DAG PAR BSAM MO, ,GSUM PA THUN GYI MJUG TU JI LTAR BYA BA'I TSUL NI, GTOR MGRON BSKYED CHOG RGYAS BSDUS GANG RUNG CHO GA LTAR BYAS, PHYOGS SKYONG 'OD GSAL DU BCUG ,LJAGS BYIN GYIS RLABS LA GTOR MA PHUL BAS ZHI RGYAS DBANG DRAG GI 'PHRIN LAS BCOL, RANG LA CHOS SKYONG GZHAN YOD
, ,NA'ANG 'TSAMS 'DIR GTOR 'BUL BYA, YIG BRGYA BZOD GSOL GTOR MGRON GSHEGS GSOL BYAS, DE NAS NYER BSDU BYA BA LA, BGEGS KYI BAR CHAD CHE BA'I TSE BSRUNG 'KHOR MI BSDU BA BLA MA'I MAN NGAG LAS BYUNG BAS, DUR KHROD GZHAL YAS KHANG LA THIM, ZHES PA NAS NA D'A'I BAR DANG, NA D'A YANG MI DMIGS PAR BSAM NAS CHOS SKU LA MNYAM PAR BZHAG ,SLAR YANG 'OD GSAL GYI NGANG LAS GTZO BO ZHAL GCIG PHYAG GNYIS PA YUM BCAS LHA'I SKUR LAM GYIS BZHENGS PAR BSAM DGOS GSUNG, DE NAS THUN 'TSAMS SU JI LTAR BYA BA'I TSUL LA, DUS RTAG TU 'JIGS BYED KYI NGA RGYAL DANG MA BRAL BA'I NGANG NAS GANG SNANG RDO RJE 'JIGS BYED KYI RNAM ROL TU BLTAS NAS SGO GSUM BYA BA THAMS CAD SNGAGS PHYAG RGYA'I RANG BZHIN DU BSAM TE DRAN PA MA GA-YENG BA'I SPYOD LAM GYIS RNAL 'BYOR LA GNAS PA DANG, BZA' BTUNG BYIN RLABS BYAS TE KHA THAB KHUNG, LAG PA GNYIS DGANG GZAR BLUG ,BZA' BTUNG SRED RDZAS SU MOS TE NANG GI SBYIN SREG GI TSUL DU LONGS SPYOD PA'AM, YANG NA RANG GI SNYING DBUS KYI H'Um GI THIG LE'I NANG STENG GI CHAR RTZA BRGYUD KYI BLA MA, DE 'OG RGYUD SDE BZHI'I LHA TSOGS SOGS MCHOD YUL MA TSANG BA MED
PA GSAL BTAB STE DE LA PHUL PAR MOS TE LONGS SPYOD PA NI, JA MCHOD LAS KYANG, YAB GCIG YAB GCIG 'JAM PA'I DBYANGS, ,GTAN GYI SKYABS GNAS RIN PO CHE, ,'BREL MED SNYING KHA'I PADMOR ZHUGS, ,DPAG MED BDUD RTZI MCHOD PA BZHES, ,GSUNG BA DANG, RJE MI LAS KYANG, NGA ZA ZHING ZA ZHING BSGOM TZA NA, BZA' BTUNG TSOGS 'KHOR DU 'KHYER BA'I GDAMS NGAG YOD, ZHES DANG, RJE GUNG THANG BSTAN PA'I SGRON ME'I GSUNG LAS, DKOR ZAS SPYOD TSE LDAN GROL GDENG MED NA, ,LCAGS GONG 'BAR BA 'DRA BAR RGYAL BAS GSUNGS, ,DGE SBYONG BYIN PA'I TSUL DANG 'DU SHES BCU, ,SEMS DPA'I GZHAN DON SNGAGS KYI SBYIN SREG TSUL, ,'DI NI BZA' BA ZAS KYI RNAL 'BYOR YIN, ,DE YANG BRJED MED SNYING LA BCINGS PAR 'OS, ,ZHES GSUNGS PA RED GSUNG, GOS GSAR BA LTA BU GON DGOS BYUNG TSE NANG GI BLA MA LHA TSOGS RNAMS LA 'BUL SNYAM PA'I SGO NAS PHUL DGOS PAR YANG, GOS NI BZANG NGAN MTHA' RU MA LHUNG ZHING, ,RGYU SOGS RUNG BA GO LUGS TSUL DANG MTHUN,, NANG GI BLA MA LHA LA MCHOD RDZAS SU, ,BSNGOS NA RANG GZHAN TSOGS RDZOGS SGRIB PA SBYANG, ,'DI NI GOS DANG GNAS SOGS SPYOD TSUL YIN, ,DE YANG BRJED MED SNYING LA BCINGS PAR 'OS, ,ZHES
, ,GSUNGS, NYAL KHAR RANG YI DAM DU GSAL BA'I THUGS KA'I H'Um GI 'OD ZER GYIS RIL 'DZIN RJES GZHIG GI SDUD RIM GANG RUNG BYAS TE DGE SBYOR GYI NGANG LA NYAL DGOS PA YANG RJE MI LAS, NGA NYAL ZHING NYAL ZHING BSGOM TZA NA, GTI MUG 'OD GSAL DU 'KHYER BA'I GDAMS DAG YOD, ZHES PA RED, LDANG BA'I TSE RTZA RTZI KA LA SOGS LHA MO'I GLU DBYANGS KYIS, SNYING RJES KHROS PA'I DAD GROL BZHENGS, ,ZHES SOGS KYIS, BSKUL TE LDANG BAR MOS, DE YANG LANG MA THAG BSAM BLO GTONG RGYU NI, THO RANGS SNGA BAR LANG TSE MA DANG GI DUS, ,MA SHI LANG RGYU BYUNG BA MCHOG GSUM DRIN, ,DA TZAM DMYAL BAR GNAS NA CI TSUGS BYED, ,DE RING CHOS KYI DON LDAN BYA'O SNYAM, ,'DI NI DANG POR 'PHEN PA GTONG TSUL YIN, ,DE YANG BRJED MED SNYING LA BCINGS PAR 'OS, , ZHES GSUNGS PA YANG DON 'DI LA DGONGS PA RED, KHRUS KYI TSE YANG, CHU DBANG GI SKABS LTAR PHYI NANG GI KHRUS BYED PA SOGS DE DAG GI THUN 'TSAMS KYI RNAL 'BYOR YIN GSUNGS NAS, SLAR YANG BSHAD PA GNYIS PA GNANG, GSUM PA GNANG, DE NAS LAM RIM DANG BSKYED RDZOGS SOGS KYI SKABS MJUG TU YANG BSKYAR GYIS BCAD YONGS RDZOGS ZHIG PHUL BA'I PHYAG SROL YOD PA
BZHIN 'DIR YANG SA BCAD RNAMS ZHUS NA ZHES, NYAMS SU LEN PA LA GANG GIS NYAMS SU LEN PA'I RTEN ZHES PA NAS KHRUS KYI RNAL 'BYOR BAR GYIS BCAD YONGS RDZOGS GSUNG RJES, DE LTAR THUN THUN 'TSAMS KYI RNAL 'BYOR RNAMS BLA MA'I MAN NGAG BZHIN TSUL BZHIN NYAMS SU BLANGS BAS SKYE SHI BAR DO GSUM SBYANG STE RDZOGS RIM SMIN BYED DU 'GYUR BA DANG, GZHAN YANG TSE RABS THAMS CAD DU LHAG PA'I LHAS RJES SU 'DZIN PA DANG, BDUD KYIS GLAGS MI RNYED PA, TSOGS GNYIS BDE BLAG TU TSOGS SHING, LAS SGRIB YONGS SU DAG BYED DU GSUNG BA DANG, 'BRAS BU DNGOS GRUB CHUNG 'BRING CHEN PO SOGS BSKYED RIM PHRA RAGS MTHAR PHYIN NAS RDZOGS RIM RNAL 'BYOR BZHI RIM NYAMS SU BLANG BA LA BRTEN NAS KHYAB BDAG 'JAM DPAL RDO RJE'I GO 'PHANG BDE BLAG TU THOB PAR 'GYUR BA YIN NO ZHES GSUNGS NAS, DE LTAR NA DPAL RDO RJE 'JIGS BYED KYI RIM PA DANG PO'I KHRID SA BCAD MA STONG TZAM PHUL GRUB PA YIN, NGA DANG NGA LTA BU NI RIM GNYIS KYI NYAMS LEN PHAR ZHOG CHO GA'I TSIG RIS KYI CHA LAG TSANG BZHIG KYANG 'DON RGYU MED PAR DA DUNG KHRID SOGS GTONG BA NI BSTAN PA ZHIG PA LAS GZHAN DU MI 'DUG KYANG BKA' STZAL KHUR BLANG BGYIS TE PHUL KHUL BYAS PA YIN,
, ,DENG SANG BSTAN PA HA CANG NYAG PHRA BA'I RKYEN GYIS CHUNG DU NAS 'JIGS BYED SOGS BLO 'DZIN BYED DU 'JUG STE RJES SU ZA CHOG BYED PA LAS CHO GA'I GRVA MA NYAMS PA ZHIG 'DON MKHAN YANG DKON TSOD DU 'DUG CES YANG YANG GSUNG, DE NAS DA GANG LTAR KHONG RNAMS TSOS, BDAG SNGAGS PHYOGS LA 'DRES CHA MED STABS ZHU BA 'GRIG MIN YOD KYANG, ^ RGYAL DBANG BSKAL BZANG RGYA MTSO'I BSKYED RIM DANG, AA KHU RIN PO CHE'I ZIN BRIS DANG, SGOM SDE NAM MKHA' RGYAL MTSAN GYI BSKYED RDZOGS, THANG SAG PA'I BSKYED RDZOGS SOGS LA GZIGS RTOGS BZANG PO GNANG NAS, RJE RGYAL BA GNYIS PA'I THUGS BCUD RMAD DU BYUNG BA 'DI LTA BU NYAMS SU BLANG RGYU BYUNG BA SKAL BA BZANG SNYAM DU THUGS NYAMS SU BSTAR GANG THUB DANG, BAG CHAGS CI THEB BYAS NAS TSE RABS THAMS CAD DU LHAG PA'I LHAS RJES SU BZUNG STE, 'KHRUL BRAL GYI LAM BZANG PO 'DI DANG MJAL BA'I SMON 'DUN NYIN MTSAN 'KHOR YUG TU 'BAD PA'I SGO NAS BSTAN PA DANG 'GRO BA'I DON RGYA CHEN PO GNANG BA RE CI NAS KYANG MDZAD PAR ZHU GSUNG NAS, H'Um BLA MA MCHOG DANG DKYIL 'KHOR LHA TSOGS DANG, ,ZHES SOGS BSHAGS PA TSAR GSUM
RJES; STOBS CHEN GSHIN RJEx GSUNGS, BLA MAS PHYAG THAL MO SBYAR TE, BDAG GI JI SNYEDx STON PA BLA NA MED PA'Ix BDAG SOGS RNAMS KYIS DENG NAS BYANG CHUB BARx CHOS KYI RGYAL POx BDAG DANG GZHAN GYIx 'BAR GYUR CIG ,CES GSUNGS RJES GROL, MJUG GI BSNGO SMON GYI TSIG 'DI NYIN SNGON MA RNAMS SU YANG 'DRA, ,