*, ,PHYI 'TSAMS CHEN MO'I YIG CHUNG GSAL BYED YANG CHUNG SGRON ME ZHES BYA BA BZHUGS SO,,
, ,BLA MA YUM CHEN CHOS KYI SKU, ,YE SHES MKHA' 'GRO LA 'DUD NAS, ,PHYI MTSAMS CHEN MO'I YIG CHUNG GI ,GSAL BYED YANG CHUNG SGRON ME STER; (;DE LA 'DIR GNYAN KHROD CHU MIG BRGYA RTZA 'GRIMS SKABS KYI PHYAG LEN DANG, ZHAL 'DON GYI GO RIM, 'GRO TSUL GYI SPANG BLANG GI RIM PA'O, ,DANG PO, THOG MAR NANG MTSAMS ZHAG BDUN MI TSANG ZHIG LA GA-YAR NAS TSES BCU ZHIG DANG BSTUN THOG GANG BRTAR LEGS PAR BYAS, MA CIG ZHI DRAG GI SKU BKRAMS, GTOR MA'I RGYU RTZAM ZHIB MO LA CHANG GAR MA DANG BDUD RTZI RIL BU SOGS BSRES NAS MKHA' 'GRO LNGA LA ZLUM PO CHE BA GCIG LA RANG 'DRA BZHIS BSKOR BA, KHROS NAG LA ZUR GSUM CHE BA GCIG LA RANG 'DRA BZHIS BSKOR BA, MKHA' 'GRO SPYI GTOR LA 'DAB MA BZHI BA, GZHI BDAG
, ,LA RKED DKRIS MA BCAS, GTZO BO RNAMS LA BCAD KHAM, GZHI BDAG LA RIL BU RNAMS KYIS BSKOR BA, ZLUM GTOR LA RTZE RGYAN BRANG RGYAN, ZUR GSUM RNAMS LA ME RI 'BAR BAS BRGYAN CING ZUR RANG LA BSTAN PA, DE DAG LAS RDUL MI 'GRO BA'I CHED DU SHOG BUS SGROM LTA BU BYA, LOGS SHIG TU BGEGS GTOR, DKAR GTOR RKED DKRIS MA ZUR BA ZHIG KYANG BSHAMS, THAMS CAD LA BSANG BDUG BTANG, PHYI SGO'I NANG KHYIM BDAG RNAMS RANG GI MTSAMS KHANG DU MI 'ONG ZHING, RANG THO'I PHA ROL TU MI 'GRO DGOS PA'I SAR RDO GSUM BRTZEGS KYI THO ZHIG BSLANG, DGUNG TSIG GRUB NAS BGEGS GTOR BTANG, DE DANG MNYAM DU GAD SNYIGS RNAMS KYANG PHYIR DOR, GTOR MA'I MDUN DU NYER SPYOD TSAR BZHI LAS MI NYUNG BA BSHAMS, NANG MCHOD KA P'A LA
YOD NA RAB MED NA SNOD GANG BDER BSHAMS, RANG GI MDUN DU RDOR DRI LAGS MA RU SOGS 'DU BYAS, RANG GI GDAN GYI 'OG TU 'BRU DKAR GYIS GA-YUNG DRUNG NGAM RDO RJE RGYA GRAM DU 'GOD, GZHI BDAG LA GTOR MA BSNGOS, GDAN LA 'KHOD LA THOB SKYED GZHUNG LTAR BTANG, DE NAS THUN DRUG RNAL 'BYOR, MNGON DKYIL, DE'I SKYABS 'GRO NAS d'A DRIL DANG BCAS SHIS BRJOD PAR BYED DGOS, THUN DER BZLAS PA BABS LTOS BYED, PHYI NANG GSANG BA DE KHO NA NYID KYI MCHOD PA, BSTOD PA BSDUS PA'I MTHAR RIGS BZHI'I 'KHOR SOGS BLANG NAS 'DON, GTOR 'BUL, MKHA' 'GRO SPYI GTOR, GZHI BDAG GTOR MA, MKHA' 'GRO BSKANG BSHAGS RGYAS BSDUS GANG RIGS, 'DOD GSOL, MYUR MDZAD MA LAN GSUM, (TSOGS RGYAS BZHENGS BSKUL, 'BUM BSKUL,) BSKANG NGO BSKAL BA'I STER TSOGS PHUD BTEGS, GTZANG LHAG SME LHAG SOGS LHAG MA BTZON BZUNG BYED LHAG MA'I BSNGO CHO GA DANG DGONGS BSKYOD MA NYIN BDUN LA MI 'DON, DNGOS GRUB LEN CHO GA KYANG MI DGOS, GTANG RAG SHIS BRJOD KYI BAR BTANG NAS GROL LO, ,TSOGS SPYAN 'DREN, BZHENGS BSKU LA, 'BUM BSKUL, 'BUL CHOG DRIN CAN RTZA BA'I BLA MA RNAMS LA RKANG GLING GSUM GSUM 'BUD, NYIN BDUN GYI SROD THUN MA GTOGS THUN GZHAN LA LUS SBYIN GTONG MI DGOS, SKU TSAB AA YIG LA NYIN BDUN POR RAB GNAS BYED, NYIN BZHI BA'I SROD THUN GYI LUS SBYIN GYI ZIL GNON GONG DU RANG NYID SKAD CIG GIS RJE BTZUN KHROS MA ZHES SOGS KYIS ZIL GNON 'GRO PHYOGS CHU MIG BRGYA RTZA DMIGS CHUD NGES KYI NANG MTSAMS MA GROL BAR
, ,GTOR, MTSAMS NANG 'DIR SNGAGS 'BUM GTER NGES CAN DU LONGS DGOS, BSTOD PA RGYAL BA MA NYES BYED DANG BSKANG BSHAGS BSDUS PA RE 'DON, THUN BZHI NGES CAN YIN PAS PHYI 'TSAMS CHEN MO MA GROL BAR 'DRA, SNGA DRO TSOGS BSDUS PA DANG, DGONGS THUN LA TSOGS RGYAS PA BYED PA PHYI MTSAMS NANG MTSAMS KUN LA'ANG 'DRA, NANG 'TSAMS NAS BZUNG PHYI 'TSAMS KYI SNGA THUN GROL NAS GTOR MA BRGYA RTZA KLU GTOR GTONG MKHAN YIN NA SKABS 'DIR RTAG TU BYED, GROL NYIN NYI SHAR GYI THUN GROL NAS TSOGS RGYAS PA'I MTHAR LHAG MA DGONGS BSKYOD MA RNAMS LA RKANG GLING GSUM GSUM 'BUD CING BTZON BZUNG GI LHAG RDZAS BCAS PHYI ROL TU DOR, DNGOS GRUB LEN CHO GA RNAMS GTONG, DE NAS 'TSAMS THO BSDU, GTOR MA BSDUS NAS CUNG ZAD DNGOS GRUB KYI TSUL DU LONGS SPYOD LHAG MA ME LA BZHU ZHING BSANG RDZAS BTAB NAS GSER ZHU NA MA GTONG, SLAR YANG MCHOD GTOR GSAR PA BZHENGS NAS CHO GA TSAR GCIG GTONG ZHING LUS SBYIN BCAS RDZOGS PAR BYED, DE NAS GTOR MA RNAMS MER BZHU STENG DU BSANG RDZAS SNGAR LTAR SBYAR LA GSER ZHUN MA GTONG, DE NAS PHYI 'TSAMS CHEN MOR GTOR MA SOGS BZO BKOD MI DGOS PAS PHYE MAR NANG DKAR GSUM MNGAR GSUM BZANG DRUG BDUD RTZI RIL BU SOGS BSRES PA SNOD DU GTAMS, NANG MCHOD SNOD GCIG TU BLUGS NAS KHA DAM PAR BYAS, DE DAG GTOR SNOD LTA BU ZHIG TU BCUG NAS KHROS BOR BCUG ,DE NAS KHRES
BO PHYI'I RGYA SGO'I 'TSAMS NAS GOMS PA BDUN GYI SAR SKYAL, RANG RGYA SGO'I 'GRAM DU TZAG BUR BSDANG NAS SMRA BSAM BRJOD MED SOGS BRJOD NAS MDO TSAR GCIG ,DE NAS RKANG GLING KHA BRDAB LAN GSUM, RKANG GLING TSAR GSUM 'BUD, YAR LANGS NAS RGYA SGO'I THEM PA LA RKANG PA BZHAG NAS 'DI PHAN CHU MIG BRGYA RTZAM 'GRUB BAR DU KHYIM GYI THEM PA MI 'GOM PA'I DAM BCA' BYED, PHAR KHRES BO'I SAR PHYIN NAS KHRES PO KHUR NAS YANG RKANG GLING LAN GSUM BTANG, RANG NYID SKAD CIG GIS ZHES SOGS 'GRO PHYOGS KYI GNYAN SA'I LHA 'DRE LA GZIL GNON BTANG, DE NAS GA TE 'AM DGU BRDUNG SOGS GANG RIGS BYAS NAS d'A MA RU PHRAG GONG DU 'PHYAR, RKANG GLING MCHAN KHUNG DU BTAD NAS, NA MO GU RU DE BA SOGS BRJOD NAS, YUM CHEN GDANGS RING BTANG, MI MIN YE SHES NAS BZUNG 'DUR RTAS BSKUL TE d'A RU 'KHROL BZHIN LAM GYI GA-YAS GA-YON GYI ZUR MNAN BZHIN CHU MIG DANG PO'I SAR MA SLEBS KYI BAR GSOL 'DEBS MA CHAD PAR GCIG RJES GCIG 'THUD KYIS 'DON BZHIN 'GRO, RGYA SGO'I PHYIR MDO 'DON PA NAS BRTZAMS TE THO BSKYED CHOG MTSAR BAR THUN 'DZIN DGOS, LAM BAR BLA MA SLOB DPON SOGS SU LA THUG KYANG PHYAG MA BYED, CHU SOGS BRGAL DUS LHAM MI PHUD, CHU 'GOR SLEBS NAS GSOL 'DEBS MA 'GRUB NA YAR 'GRENG BZHIN MJUG RDZOGS PAR BYED, DE NAS GNYAN KHROD YIG CHUNG LTAR SKAD RING BTANG, GAL TE 'PHRIN LAS MI BSGRUB NA ZHES SOGS MI 'DON, DE NAS YUM
, ,CHEN THUGS SRAS MA LUS SBYIN SKABS KYI GDANGS LTAR 'DON BZHIN CHU MIG LA BSKOR BA CHE 'BRING CHUNG GSUM RGYAG ,GNAM SA PAR GSUM GYI PHAt DGU PHRUGS, DE NAS CHU MIG NAS CHU 'THUNG BA DANG, BTZON DMIGS KYIS TSAR RDEL BLANG BA KHUG MAR BCUG NAS RKED LA GZER, YAR LANGS CHU 'GO'I GNYA' GNON SAR CUNG RING BAR KHRES BO PHAB STE GUR PHUBS, GUR GYI PHYOGS BZHIR MI RING BAR PHUR RTZAR RDO GSUM BRTZEGS KYI THO BSLANG, GUR NANG RANG SDOD SAR MAL 'OG TU CHOS 'BYUNG BRUS LA TSAR RDEL BCUG ,KHA GA-YAM PA'I STENG DU RGYA GRAM BRIS PAS BKAB LA RANG 'KHOD DE YIG CHUNG LTAR SA 'DZIN THOB SKYED BCAS BTANG NAS THUN GROL, SKU TSAB AA'I RAB GNAS BYAS LA RANG GI ZHVA 'AM GOS GANG RUNG GI STENG DU BZHAG STE, RANG PHYI ROL SOGS SU NAM 'GRO'I SKABS SU BYED, THUN 'TSAMS SU, RANG GI KHA 'DON CHAG MED RNAMS DANG, KLU GZHI BDAG GI LUS SBYIN GTONG SKABS DE LA SPYAN 'DREN RKANG GLING GSUM GSUM 'BUD DGOS, DE NAS ZHAG BDUN 'GRUB NAS SANG 'GRON DO NUB 'GRO PHYOGS SU ZIL GNON SNGAR LTAR BTANG, SANG BSDOD SA'I CHU MIG SOGS SU TSAR RDEL YOD MED SNGA NYIN NAS BRTAG LA MED NA RDE'U SHING 'GEL CI RIGS MI MNGON PAR SNGA NYIN GYI GUNG THUN GYI SNGON DU TSAGS SU TSUD PAR BYED, PHYI NYIN NYI SHAR GYI THUN GROL BSTUN THO GSHEGS GSOL BYA, MAL 'OG GI TSAR RDEL BTON NAS RKED LA GZER SHUL SAS BKANG, DE'I STENG DU THO BRTZEGS GA-YAM PA
LA AA BRIS PA STENG DU BRTAN POR BTZUGS NAS YIG CHUNG LTAR BSKYED CHOG BYA, KHRES PO GOMS PA BDUN GYI SAR SKYAL NAS PHYIR 'ONG NAS GA TE 'DON BZHIN THO LA BSKOR BA LAN GSUM PHYED, PHYIR 'ONG NAS KHROS BO KHUR NAS KHA PHYIR 'KHOR NAS SDOD PHYOGS SU BLTAS TE RKANG GLING LAN GSUM BTANG LA, RNAL 'BYOR PA NGA YI RJES LA ZHES SOGS BRJOD, DNGOS PO CHA CHUNG GANG LUS 'JOG DGOS SO, ,'GRO PHYOGS SU BLTAS RKANG GLING LAN GSUM GTANG NAS, d'A MA RU BDUN LNGA GSUM SOGS BRDUNG GDANGS RING 'THEN, MI MIN YE SHES SOGS 'DON BZHIN 'GRO TSUL SOGS CHU MIG BRGYA RTZA'I BAR RIGS 'GRO'O, ,THOG MTHA' BAR GSUM LA BDUN 'TSAMS RE BYED PA DA DGE KUN GYI SKABS SU KHRO CHEN GYI ZHAL MI MJAL ZHES MTSAN MO ME DANG MAR ME MI SBAR, SLOB DPON PADMA BYON YANG SNGAGS MI ZHU, GSO BYED GZHON NU BYON YANG SMAN MI BSTEN, MDUNG MO'I BA DAN MI 'DOGS, SENGGE GA-YU RAL MI BCAD, DRED MO'I PAGS PA MI BTING, RGYAL PO LA YANG BTZAN PO MI BYA, ZHES SOGS GSUNGS PA LTAR, SHING MI BCAG ,RDO MI BSKUL, KHYI KHRID PA, BU SMAD BSTEN PA, CHU LA LHAM PHUD PA SOGS BYA MI RUNG BAR GSUNG, GROL NYIN BTZON GROL BYED TSUL YIG CHUNG, MA CIG DGONGS RGYAN LTAR BYAS PAS 'THUS, LOG YONG KHAR GOMS BZHI DGU'I SAR THO ZHIG BSLANG LA KHYUNG THO BSKYED RJES SNYEGS RNAMS BKAG ,DE NAS d'A DRIL SOGS BZHON PA YOD NA BZHON ZHING SBYIN SREG KHYIM DU BLUGS KYANG 'GAL BA MED,
, ,PHYI ROL TU BLUGS KYANG CHOG GO ,BTZAN GTOR NI GUNG THUN GYI MJUG TU NAM MKHA' DMAR PO GTOR MA GRU GSUM GA-YAS GCUS PHYI ROL TU BZHAG NANG NAS GTONG, MJUG TU SGROL BSTOD RE 'DON PA PHYAG LEN YIN NO, ,'DI DAG GI SKABS SU KHYIM GCOD DU 'GRO MI RUNG, CHU MIG LAN GSUM SONG NAS KHYIM GCOD DU PHYIN CHOG ,NAD PA SOGS GZHAN DON BYED TSUL LA MKHAS PAR BSANGS DGOS, RANG 'TSAMS KYI SKABS SU LUS SEMS MI BDE BA SOGS BYUNG NA LUS SBYIN KHO NA LA 'BAD PA MA GTOGS SMAN SOGS MI 'THUNG, PHAG SHA SOGS GTAN NAS MI ZA, RNAM RTOG MANG PO MI BYA, MTSAN MOR 'BOD MI BYUNG NA AA LAN MI STER, MTSAN THUN GROL NAS NAM MA LANGS PAR GROGS SOGS YOD KYANG GTAM MI SMRA, PHYI 'TSAMS SKABS SU GROGS SOGS YOD CHE 'KHON 'DZINGS MI BYED, SBYIN BDAG SOGS KYI ZAS SNA STER MI BYUNG NA PHAG SHA MA GTOGS PA TSOGS SU 'BUL DGOS SHING SBYIN BDAG SOGS SKABS SU 'PHROD NA TSOGS STER CHO GA KYANG LHAG MA KHYER MI CHO GA ,DBYAR SOGS SBRUL DANG GNAM SGRA RGOD SKABS RTZI MA GHA ZHES TH'EN TSE YONGS SU GRAGS PA DANG CHANG RGOD SNOD KHA DAM POR DRI MA SHOR BA RNAMS TSAGS BYA MA NAS SKABS SU KHA PHYE NA PHAN GSUNGS, DBYAR DGUN GANG LA SDOD SAR CHU'I SKYON MI 'ONG BA DANG, STENG NAS GAD PA RDO LHUNG BA SOGS KYI SKYON MI 'ONG SAR SDOD DGOS, THUN 'TSAMS
SU MA CIG GI RNAM BSHAD CHEN MO, GCOD GZHUNG BLO GROS MIG 'BYED, BKA' TSOM, YANG TSOM SOGS MA GTOGS GRUB MTHA' SNA TSOGS KYI GTO CHOG MDOS CHOG LHA 'DRE SRI BRDUNG SNA TSOGS DANG MO BON SMAN DPYAD SOGS BLTA MI NYAN, LAM RIM DANG 'DI'I BLA MA BRGYUD PA'I RNAM THAR SOGS LA BLTAS NAS RANG RGYUD GCONG PO 'DI 'DUL BA'I THABS KHO NA LA 'BAD PA GAL CHE BAS DON GYI SNYING PO MA BOR BAR DAL RTEN LA SNYING PO RE CI NAS KYANG 'BAD 'TSAL, SMRAS PA, TSE 'DI'I TSE THABS KUN DOR NAS, ,MI MED LUNG STONG KUN RGYU STE, ,ZAB MO BDUD KYI GCOD YUL MCHOG ,AA MA'I MAN NGAG NYAMS BZHES SU, ,MDZAD RNAMS SKAL BA AE MA RMAD, ,LUNG STONG PHEt KYIS SGRA CHEN SGROGS, ,MGO LA GCAN GZAN PAGS PAS GA-YOGS, ,LHA 'DRE AAR LA GTAD PA RNAMS, ,MTHONG BAS YID NI KUN TU MUG ,RANG GZHAN 'TSONGS PA'I GDAMS PA 'DIR, ,NYAMS LEN GNAD DU SMIN BYAS TE, ,DON GNYIS BSGRUB LA 'BAD PAR ZHU, ,ZHES PA 'DI YANG 'JIGS MED DAR RGYAS KYI 'DOD MOS LTAR, ^ GNYAN KHROD PA BHU SU GU BA ZHIG GIS BLA MA'I PHYAG LEN BZHIN TU BKOD PA'O,, ,,