*, DGE LDAN BSTAN SRUNG DGRA LHA'I RGYAL PO SRID GSUM SKYED ZU'I SROG BDAG DAM LDAN BU BZHIN SKYONG BA'I LHA MCHOG SPRUL BA'I RGYAL CHEN RDO RJE SHUGS LDAN RTZAL GYI SGOR SKANG RGYAS PA PHYOGS LAS RNAM PAR RGYAL PA'I RNGA DBYANGS ZHES BYA BA BZHUGS SO, ,, @001 #, ,NA MO GU RU BADZRA DHA R'A YA, RGYAL KUN YAB GCIG 'JAM DPAL DBYANGS GANG 'DI NA THA MAL DGE SBYONG ZOL, ,BLO BZANG RGYAL BA'I DBANG PO ZHES GRAGS RGYAL PA NYID LAS CHES LHAG PA'I, ,TSANG LA MA NOR DRI MED THUB BSTAN SNGON MED SHING RTA'I SROL 'BYED MKHAS, ,KHYOD KYI ZHABS SEN BDAG SNYING PADMOR BYANG CHEN BAR DU RTZEm GAR ROL, ,RGYAL KUN SKU GSUNG THUGS KYI GSANGo BAo KUNo 'DUSo DRAGo PAo RDO RJE 'CHANG, ,SHES BYA'I 'KHORo LOo LHAN SKYES MCHOG TU SDOMS MDZAD DPAL LDAN HE RU KA, PHYI NANG BDUD SDE'I DPUNG TSOGS MTHAR BYED 'JIGSo MDZADo KHRO BO'I DBANG PO'I ZHABS, ,DBYER MED DKYIL 'KHOR 'KHOR LO'I TSOGS KYIS DNGOS GRUB BYE BA'I CHAR CHEN PHOB, ,'JAM DPAL GZHON NU NYID KYANG MA RUNGS GSHED POR 'JIGS MDZAD KHRO BO'I GAR, ,DPAL LDAN DUS DGRA'I DBANG PO NYID KYANG RANG BSTAN BSRUNG PHYIR DREGS PA'I TSUL, ,MTHU STOBS RNO MYUR RDO RJE'I SHUGS KYIS
, ,BSTAN SRUNG KUN LAS CHES 'PHAGS PA, ,RDO RJE'I MTSAN CAN RNAL 'BYOR RE SKONG YID BZHIN NOR BUS RTAG TU SKYONGS, (,'DIR TSANG LAM NOR BA'I BSTAN PA'I SNYING PO DGE LDAN RING LUGS 'CHANG PA'I BSTAN SRUNG KUN GYI NANG NAS CHES SHIN TU GNYAN CING, ,MYUR LA THOGS PA MED PA RDO RJE'I STOBS SHUGS DRAG PO GZHAN LAS CHES KHYAD PAR DU 'PHAGS PA SPRUL PA'I RGYAL CHEN RDO RJE SHUGS LDAN ZHES YONGS SU GRAGS PA 'DI NYID MCHOD CING BSKANG BA'I RIM PA KHRIGS CHAGS SU DGOD PA LA, NGES PA BSKYED PA'I PHYIR LO RGYUS CUNG ZAD DGOD PA DANG, ,MCHOD CING BSKANG BA'I RIM PA NYID BSHAD PA'O, ,DE LA DANG PO NI, 'GA' ZHIG GIS, LHA MCHOG SPRUL BA'I RGYAL PO CHEN PO 'DI NYID LA PHAN BON SHI STE LAS NGAN GYIS YID LUS BZUNG BA'I RGYAL BA TZAN PHAL BDAG DANG KHYAD PAR MA MCHIS BAR LTA ZHING, ,GZHAN LA'ANG SKAD GSANGS MTHON POS SGROG BAR BYED LA, RANG NYID LTA CIG GZHAN BSTEN PAR BYED PA DAG LA NGANG 'PHYA BAR BYED PA MANG DU SNANG ZHING, ,GZHAN DAG KYANG DE'I RJES SU 'BRANGS TE LOG RTOG DAM DU BZUNG PA CHES MANG BA DE DAG NI KHUNGS MCHOD PA'I 'OL TSOD SMRA BA KHO NA STE, BSTAN SRUNG RGYAL PO CHEN PO 'DI NYID NI SPRUL SKU GRAGS PA RGYAL MTSAN KYI RNAM ROL 'PHRUL
MED DU GRAGS LA, SPRUL SKU GRAGS BA RGYAL MTSAN NI PAn CHEN BSOD GRAGS DANG, ,RJE 'DUL PA 'DZIN PA GRAGS PA RGYAL MTSAN GYI SKYE MTHAR 'KHRUL BA MED DO, ,DE'I PHYIR BDAG NYID CHEN PO DE DAG NI THUB PA'I BCAS MTSAMS PHRA MO LAS MI 'DA' BA'I GNAS BRTAN 'DUL BA 'DZIN PA, BDAG PAS GZHAN GCES KYI SEMS DPA' CHEN PO, MGO SNGAGS RIG GZHUNG DANG BCAS PA'I GSUNG RAB RGYA MTSO LTA BU LA DBANG 'BYOR BA'I MKHAS PA'I DBANG PO, RIM GNYIS KYI RTOGS PA MCHOG LA MNGA' BRNYES PA'I GRUB PA'I DBANG PHYUG CHEN PO YIN PAR KUN LA GRAGS SHING GRUB PA LTAR LA, DE NYID DREGS PA'I SKUR BZHENGS PA'ANG SNYING RJE DANG SMON LAM GYI DBANG GIS DGOS PA KHYAD PAR CAN GYI SLAD DU SKU'I RNAM PAR BSTAN PA TZAM LAS, PHAL BA GZHAN LTAR LAS NGAN PA'I SHUGS KYIS MNGAL RGYU BA'I YI DVAGS SU SKYE BA GA LA SRID, GAL TE DE LTAR DU SKYE BAR SMRA NA NI LAS MA BYAS PA DANG PHRAD PA DANG, BYAS PA CHUNG ZAB SOGS SU 'GYUR PAS, LAS 'BRAS KYANG MI BDEN BAR SMRA BA SOGS SKUR 'DEBS THA CHAD DU 'GYUR RO, ,DER MA ZAD RJE 'DUL BA 'DZIN PA NI BU STON THAMS CAD MKHYEN PA'I RNAM ROL DU GRUB LA, BU STON RJE NI 'JAM DBYANGS, BIR WA PA, SA PAn SOGS KYI SKYE MTHAR RNAM THAR DPE THER THUGS KHUNGS LDAN DU MAR RTZOD MED DU YONGS SU GRAGS PAS, 'PHAGS BOD NA NYI BLA LTAR GRAGS PA'I PAn CHEN PO DE DAG GI SKYE MTHA' LA DMAN PA'I LUS NGAN BLANGS PA'I YI DVAGS RANG MTSAN PAR LTA ZHING SMRA BA NI, BDAG NYID CHEN PO DE DAG LA SKUR PA 'DEBS PA'I LOG RTOG NGAN SONG MI BZAD PA'I RGYU YIN PAS, 'DI LTA BU DAG LA KUN
, ,GYIS BAG YOD PAR BYOS SHIG, GAL TE DE LTAR YIN NA BDEN MOD, 'ON KYANG BDAG NYID CHEN PO DE LTA BU DAG NI 'JIG RTEN DREGS PA'I RNAM PAR 'GYUR BA MI SRID PAS, DE LA BREN GSOL GUS MCHOD BYED PA'ANG MI RIGS SO ZHE NA, BDAG NYID CHEN PO DAG LAS NYON GYI DBANG GIS DE LTA BU'I LUS GZUNG BA MI SRID PA NI BDEN YANG, SNYING RJE DANG SMON LAM GYI DBANG GIS DGOS BA KHYAD PAR CAN GYI CHED DU DE LTA BU'I RNAM PAR ROL BA NI NGES PAR YOD DE, DE BZHIN GSHEGS PAS SEMS CAN GYI DON DU 'GYUR NA, DE LAS KYANG DMAN PA BYA DANG RI DVAGS, BDUD DANG SRIN PO, CHAGS CAN DANG RMONGS PA, ZHA BA DANG LONGS SOGS KYI RNAM PAR STON BA MDO BSTAN DU MA LUS GSUNGS PA SGRA JI BZHIN PAR KHAS LEN PA DANG LEN BZHIN DU RGYAL BSTAN SRUNG BA'I DREGS PA'I RNAM PAR BZHENGS PA MED DO ZHES SMRA BA NI, PHYOGS LHUNG GI RDOL GTAM KHO NAR ZAD DO, ,GZHAN YANG, GNAS CHUNG SPRUL PA'I CHOS RGYAL RDO RJE GRAGS LDAN CHEN POS KYANG PAn CHEN BSOD GRAGS SKU PHRENG SNGA PHYIR SNGON GYI THUGS BSKYED DANG DAM BCA'AM BOR BAR DGE LDAN THUN MONG MIN PA'I SRUNG MA'I SKUR BZHENGS SHIG CES YANG NAS YANG DU SKUL MA MDZAD PA'I LO RGYUS RNAM THAR NA YOD DO, ,MCHOD PAR YANG RIGS TE, DE BZHIN GSHEGS PA'I SPRUL BAR GYUR BA'I RI DVAGS RU RU SOGS KYANG MCHOD PA'I ZHING DAM PA YIN BAR BKA' BSTAN TSAD MAR GYUR PA DU MA LAS GSUNGS PA BZHIN NO, ,DES NA BSTAN SRUNG CHEN PO 'DI NYID NI RJE BTZUN 'JAM DBYANGS ZHI KHRO NYID RANG BSTAN SRUNG PHYIR 'JIGS BYED DREGS PA'I SKUR BZHENGS PA YIN PAR GDON
MI ZA BAR GRUB CING, DE'I PHYIR DGE LDAN PA'I BSHAD SGRUB DRI MA MED PA GANG NA YOD PA DER BSTEN CING MCHOD PA LA MA LTOS PAR SRUNG ZHING SKYOB BAR MDZAD LA, ZHVA SER GYI BSTAN PA LA LOG PAR SPYOD PA'I 'GROL MCHOG DMAN THUN LA DRAG PO'I CHAD PA THOG LTAR 'PHEBS SHING, BSTEN CING MCHOD PA'I DGE LDAN GYI BSTAN PA 'DZIN PA'I DPON SLOB DGE 'DUN GYI SDE DANG BCAS PAR SNYING NYE ZHING LAS BZHI'I 'PHRIN LAS SGRUB PA LA DGOS 'DOD STZOL PA'I YID BZHIN GYI NOR BU DANG MTSUNGS PA SOGS RANG GI MYONG SGRUB KYIS BSNYAD PAR BYA BA MANG NA YANG, RE ZHIG DE TZAM MO, ,GNYIS PA MCHOD CING BSKANG BA'I RIM PA NYID BSHAD PA LA, MCHOG GTOR JI LTAR BYA BA SOGS SBYOR BA YO BYAD KYI BSHOM SGRIG DANG, BSKANG CHOG DNGOS LA 'JUG PA'O, ,DANG PO LA, SGRUB GTOR RAM 'DZIN GTOR JI LTAR BYA BA DANG, 'PHRAL GYI BSKANG GTOR JI LTAR BYA BA GNYIS LAS, DANG PO NI, YID MTHUN RUNG BA'I GNAS SU BYI DOR LEGS PAR BYAS, GA-YANG GZHI'I BLA BRE, RGYU RLONG GYI LDA LDI, RUS PA'I PHRENG BA, STAG GZIG DOM DRED LA SOGS PA'I GCAN GZAN GDUG PA CAN GYI PAGS PA, KHRAB RMOG GRIM DUNG PHUB LA SOGS PA'I GOM TSON, DES TSON GA-YU BYUR LA SOGS PA'I DO SHAL SOGS MDZES SHING YID DU 'ONG BAR BKRAM, THA? RDOR DRIL, CHOS GOS RNAM GSUM, CHU GRI, GRI SNYING SOGS MDOR NA 'OG NAS 'BYUNG BA'I ZHI DRAG GI BSKANG RDZAS RNAMS DNGOS SAM BCOS MA RI MOR BRIS PA TSUN LEGS PAR BSHAM, BSTAN SRUNG 'DI NYID KYI BRIS 'BUR GYI SNANG BRNYAN SOGS BKRAM, DE'I MDUN DU GTOR MA'I RGYU NAS NAG RJEN BTAGS LA BDUD RTZI RIL BU SHA SNA KHRAG CHANG MAR KHU SOGS KYIS SBRUS PA'I RIGS LNGA'I GTZO GTOR DMAR PO SNYING GZUGS, ZHI GTOR DKAR PO ZLUM PO, RGYAS GTOR SER PO NOR GZUGS, DBANG
, ,GTOR DMAR PO ZLUM PO, DRAG GTOR NAG PO GRU GSUM RNO DPAL CAN, DE THAMS CAD LTOR MA'I SKED TZAM NON PA'I MA THEB KYU BRGYA RTZA RES BSKOR BA, LAS MTHUN GYI DAR SNA'I COD PAN YANG DPYANGS, GTOR SNOD KYANG GRUB NA GTZO DRAG GNYIS LA THOD PA DANG, 'JAM PO GSUM LA RIN PO CHE'I SNOD DU BZHENGS, DE DAG GI PHYI ROL TU 'KHOR GTOR YUM DGU LA SO SOR DMAR GTOR ZLUM PO RE, SNA 'DREN DGE SLONG BRGYUD RE RE LA DMAR GTOR RE, LAS MKHAN STAG SHAR BCU LA SO SOR DMAR GTOR GRU GSUM RE, LAS BYED KHA CHE DMAR POR DMAR GTOR GRU GSUM, DREGS PA SDE BRGYAD LA RANG RANG GI GTOR MA SPYI LTAR BYA BA'AM THUN MONG DU BCAD LAM CAN GANG MANG BCAS ZHI DRAG GI RGYAN GYIS MDZOD PAR SPRAS, MTHUN RDZAS KYANG ZHI GTOR GYI MDUN DU PHYE MAR ZHO 'O MA PHYUR BA JA SOGS, RGYAS GTOR GYI MDUN DU SHING TOG MNGAR MO'I RIGS DANG, SMAN DRI BZANG PO CAN GYI RIGS, DBANG GTOR GYI MDUN DU SHING TOG DANG, SMAN SKYUR MO'I RIGS CHANG GAR MA SOGS, DRAG GTOR GYI MDUN DU SHA KHRAG RUS BA DUG SNA TSOGS BCAS BSAM, NYER SPYOD KYANG MCHOD YON SOGS 'JAM PO GSUM LA RANG RANG LAS MTHUN GYIS KHA BSGYUR BA, ZHAL ZAS ZHI BAR DKAR ZLUM, RGYAS PAR SER PO NOR GZUGS, DBANG LA DMAR ZLUM, DRAG MCHOD KHRAG GI AARGHAm, DBANG LNGA'I ME TOG, TSUL CHEN GYI BDUG SPOS, ,ZHUN CHEN DANG SNUM NAG BSRES PA'I MAR ME, MKHRIS PA DANG BSIL SMAN SNA TSOGS KYI DRI CHA BA, SHA RUS SNA TSOGS ZAN DANG SBYAR BA'I BSHOS BU ZUR
GSUM, SMAN RAG GSER SKYEMS BCAS DANG, GZHAN YANG YI DAM GANG BYED GYI MCHOD GTOR MKHA' 'GRO SPYI GTOR, GZHI BDAG GTOR MA, d'A DRIL RNGA ROL DUNG RGYA GLING SOGS SPROS PA JI LTAR LCOG BA BZHIN 'DU BYA BA STE, DE DAG NI 'DZIN GTOR SGRUB GTOR LO GTOR SOGS CUNG ZAD RGYAS PAR BYA BA'I RIM PA'O, ,GNYIS PAR 'PHRAL GYI BSKANG GTOR MDOR BSDUS BYA BA NI, GTZO BO RIGS LNGAR SHA GZUGS MA LNGA, 'KHOR GTOR RNAMS SNGAR BZHIN DANG, SHIN TU BSDU NA GTZO BO RIGS LNGAR SNGAR LTAR DANG DE'I MTHAR 'KHOR GTOR MTHEB KYU TZAM GYIS BSKOR, MCHOD PA'ANG ZHI DRAG GI NYER SPYOD GNYIS TZAM GYIS RUNG NGO, ,GNYIS PA BSKANG CHOG DNGOS LA 'JUG PA NI, SGRUB PA PO DPAL RDO RJE 'JIGS BYED CHEN PO'I DKYIL 'KHOR DU ZHUGS SHING DBANG THOB PA SPYI BYE BRAG GI DAM TSIG LA GNAS PAS SKYABS SEMS, DGA' LHA'I RNAL 'BYOR DANG 'BREL BA'I DMIGS BRTZEM, 'JIGS MDZAD RDO RJE'I BDAG BSKYED RGYAS PA'AM SHIN TU BREL SKABS SKAD CIG KRONG SKYED TZAM GYIS KYANG RUNG STE, GANG LTAR YANG BLA MA BLO BZANG 'JIGS MDZAD RDO RJE'I NGA RGYAL DANG GSAL SNANG BRTAN POS GNAS YO BYIN GYIS RLOB CING GZI BYIN SKYED PA NI, SPOS SBYOR BSREGS TE ROL MO'I SGRA RGYUN RING 'BEBS PA DANG SBRAGS), AOm SARBA BID P'U RA P'U RA, SU RA SU RA, A'A WA RTA YA A'A WARTA YA HO: BADZRA SPHA RA nA KHAm, (LAN GSUM BRJOD,) AOm BADZRA DHARM'A RA nI TA, PRA RA nI TA, SAm PRA RA nI TA, SARBA BUDDHA KshE TRA PRA TZA LI NE, PRA DZNY'A P'A RA MI T'A, N'A DA SVA BH'A WE, BADZRA SATVA HRi DA YA, SANTO
, ,shA nI H'Um H'Um H'Um HO HO HO SV'AH'A, H'Um; RIGS GSUM GCIG 'DUS BLO BZANG RDO RJE 'CHANG, ,YAB SRAS BRGYUD PAR BCAS PA'I THUGS RJE YIS, ,BDAG DANG GNAS YO MCHOD RDZAS SNOD BCUD KUN, ,YE SHES CHEN PO'I ROL PAR BYIN GYIS RLOBS, ,MCHOD MGRON LHA SRUNG DAM CAN RGYA MTSO'I TSOGS, ,KUN MKHYEN BLO BZANG GRAGS PA'I MTHU BYIN GYIS, ,LAS BZHI'I 'PHRIN LAS GANG DANG GANG BSKUL BA'I, ,'DOD DON RTAGS MTSAN MYUR BA'I DPA' NGAR SKYED, ,GANG SKU'I LUS DKYIL LHA TSOGS ZHU BA LAS, ,'OD DANG BDUD RTZI SNA NGA'I RGYUN BABS TE, ,BSTAN SRUNG 'KHOR BCAS SPYI BO NAS ZHUGS PAS, ,GZI BRJID MTHU STOBS LHAG PAR 'BAR GYUR CIG ,RNAL 'BYOR BDAG DANG RGYU SBYOR 'KHOR BCAS KYI, ,CHOS DANG MTHUN PA'I 'DI PHYI'I BYA BA GANG, ,SGRUB LA 'GAL RKYEN SEL DANG MTHUN PA'I RKYEN, ,MA BUS MYUR DU 'GRUB PA'I GZIGS PAS SKYONGS, (,DE NAS MCHOD RDZAS RNAMS BLA MED LTAR BYIN GYIS BRLAB, ,BSKYED CHOG DNGOS LA 'JUG PA NI, LAS SNGAGS KYIS BSANGS TE,) AOm SVA BH'A WA SA STONG PAR SBYANG, 'KHOR 'DAS SNANG SRID KYI CHOS THAMS CAD SNANG BA LTAR MA GRUB PA'I 'OD GSAL STONG PA NYID KYI NGANG NAS RANG SEMS YUL CAN 'BRAS DUS KYI BDE BA CHEN
PO DANG YUL CHOS NYID GNYIS GNYIS SU MED PA'I YE SHES KYI RANG SNANG LAS GRUB PA'I BSTAN PA THAMS CAD 'GAL MED DU RTOGS PA'I BEEd'URA YA'I SA GZHIR, GSUNG RAB MA LUS GDAMS NGAG TU 'CHAR BA'I SKYED MOS TSAL, RGYAL BA'I DGONGS PA MTHAR THUGS GI 'BRAS BU'I GA-YUR DU ZA BA'I DPAG BSAM GYI SHING YAL GA BDUN LDAN LA BYANG CHUB YAN LAG BDUN GYI RGYAL SRID SNA BDUN GYIS MTSAN PA, 'JIG RTEN CHOS BRGYAD DBYINGS SU DAG PA'I YAN LAG BRGYAD LDAN GYI MTSO DANG, SA DRUG PA'I RMI LTAS MNGON DU GYUR PA DANG MTSUNGS PA'I RDZING BU DAL GYIS 'BAB PA LA 'PHAGS RIGS BZHI'I BYA DANG RI DVAGS RGYU BA, THEG MCHOG 'KHOR LO BZHI DANG MTHO RIS KYI YON TAN BDUN GYI KHANG BZANG SPANG LJON NE'U GSING ME TOG KHA DOG SNA TSOGS PAR BKRA BA LA 'PHAGS NOR BDUN GYI LHA MI'I DPAL 'BYOR GYI BKOD PA KHYOD PAR DU 'PHAGS PA MTHA' YAS PAS GTAMS PA, NYES SPYOD CHEN POS MTSON LAS RLUNG 'GAGS PA'I SA LTA BU NAS SPRIN LTA BU'I BAR GYI BYANG CHUB KYI SEMS RIN PO CHE'I RI BOS MTHA' BSKOR BA'I DBUS SU SKYES BU GSUM GYI LAM GYI RIM PA'I RIN PO CHE'I PHO BRANG SUM BRTZEGS, RGYA BOD KYI GRUB MTHA' RIS MED THAMS CAD LAS LTA SGOM SPYOD GSUM GANG GI SGO NAS LUNG RIGS
, ,DRI MA MED PA'I LUGS BZANG KUN LA MED PA'I KHYAD PAR 'PHAGS CHOS BYE BAS MTSAN ZHING RI BO DGA' LDAN PA'I BSTAN PA'I DBU 'PHANG BSTOD PA'I GSER GYI RGYA PHIBS SUM BRTZEGS, DBEN SA SNYAN BRGYUD KYI GDAMS PA'I MTHU LAS TSE THUNG NYID LA GRUB PA'I SKU GSUM GYI NOR BU'I TOG LONGS SKU'I ZHING 'OG MIN DU SNYEG PA, NANG BA'I GRAS SU RLOM YANG LTA NGAN GYI GCOD RONG DU LHUNG BA BZHI LAS MNGON PAR RGYAL BA'I DBU TSAD KYI RIGS PA'I LAM NAS DRANGS PA'I LTA BA RNAM PAR DAG PA'I RGYAL MTSAN DANG BDEN BRGYAD RE KUN LA DOM PHYIR 'PHYAR BA, RGYA HOR BOD GSUM SOGS STONG GSUM KUN TU RJE'I BSTAN PA DANG BKA' DRIN GYIS KHYAB PA'I GDUGS DKAR PO BZHI, DE DAG RNAMS KYI DAR LCE'I SNE MOR DBU PHAR 'DUL MDZOD TSAD MA RGYUD SNGA GONG 'OG GI BRJOD DON MTHA' CHOS PA RGYU MTSAN NYID THEG PA'I DPYAD GSUM DAG PA'I RIGS PA'I LAM NAS SGROG PA'I SIL SNYAN DRIL CHUNG GA-YER KHA'I SGRA RGYUN CHAD MED PAR 'KHROL BA; LTUNG BA'I SGO BZHI KHEGS PA'I THEM SKAS BZHI, STOBS BZHI TSANG BA'I 'DOD SNAM GYIS BSKOR BA LA PHYIN DRUG DANG BSDU BZHI'I NYAMS LEN LA MKHAS PA'I MCHOD PA'I LHA MO'I TSOGS
KYIS BSKOR BA, 'PHAGS LAM BRGYAD KYIS GA BA BRGYAN DE, RNAM BYANG PHYOGS KYI CHOS SO BDUN GYI DRA BA DRA PHYED SOGS MCHOD RDZAS YID DU 'ONG BA BRJOD KYIS MI LANG BAS MDZES PAR BYAS PA'I GZHAL YAS KHANG GI DBUS SU RIN PO CHE'I GDAN KHRI YANGS PA'I NGOS LA BRTEN PA'I RAB BRJID GDONG LNGA'I DBANG PO MI 'JIGS PA BZHIS 'JIGS SU RUNG BAR, RIN PO CHE'I RGYAN DANG DAR ZAB KYIS GA-YOGS PA'I STENG DU YA H'Um GIS MTSAN PA LAS 'OD ZER STENG 'OG PHYOGS PA MTSAMS SU 'PHROS PAS SRID GZHI'I MGRON RNAMS YAN LAG BDUN GYIS MCHOD, RIGS DRUG GI SEMS CAN THAMS CAD KYI SDUG KUN GYI NYES SKYON THAMS CAD DANG MA DAG PA'I SNOD BCUD KYI NYES SKYON SBYANGS, SMIN GROL GYI LAM LA BKOD, ZHING BCU'I DGRA BGEGS THAMS CAD YE SHES KYI MES BSREGS, 'OD ZER TSUR 'DUS, YONGS SU GYUR PA LAS NGO BO 'JAM DPAL GSHIN RJE'I GSHED DANG DBYER MA MCHIS PA RNAM PA 'JAM MGON BSTAN SRUNG RGYAL CHEN RDO RJE SHUGS LDAN RTZAL SKU MDOG DMAR SMUG ZHAL GCIG PHYAG GNYIS PA DGYES 'DZUM BZHAD PA'I ZHAL CUNG ZAD GDANGS SHING LJAGS 'DRIL BA, SNYING RJE'I SHUGS KYIS RNGAM PA'I SPYAN GSUM GA-YO BA, SMA RA DANG SMIN MA ME LTAR 'PHRO BA, PHYAG GA-YAS GSER GYI SPU GRI NAM MKHA' LA 'PHYAR ZHING, GA-YON PAS DGRA BGEG
, ,KYE DON SNYING RTZA BA DANG BCAS PA THUGS KAR BSNAMS PA MCHAN KHUNG GA-YON NA DGOS 'DOD LHUG PAR STZOL BA'I GTER GYI NE'U LE DANG, KHAMS GSUM DBANG DU 'GUGS PA'I GSER GYI LCAGS KYU BSNAMS PA, DBU LA 'DZAM BU CHU BO'I GSAR GYI MDANGS CAN GYI THANG ZHU DAR GYI RGYAN CAN GSOL BA, RAB BYUNG GI CHA BYAD CAN CHOS GOS RNAM GSUM LHAB LHUB TU 'CHANG BA, ZHABS LA GSANG PHU STAG LHAM BZHES PA, SKU'I SPRUL PAS 'JIG RTEN KHYAB PA, GSUNG GI 'PHRIN LAS KYIS BSTAN PA SRUNG BA, THUGS KYI DGONGS BA STOBS BCU DANG LDAN PA, RNAM 'GYUR MA NGES PA CI YANG STON PA'I SKU LAS SKYES PA'I YE SHES KYI ME RLUNG 'KHRUGS PA'I DBUS NA BZHUGS PA, GTZO BO'I PHUNG KHAMS SKYE MCHED YAN LAG RNAMS LAS 'OD ZER DU MA RE SPROS PA LAS, GTZO BO'I MDUN DU RNAM SNANG SHUGS LDAN RTZAL SKU MDOG DKAR PO KHRO ZHING 'DZUM PA PHYAG GA-YAS MDA' DAR ME LONG GIS BRGYAN PA 'PHYAR ZHING, GA-YON ZHAGS PA 'DZIN PA SKU LA DAR DKAR GYI 'JOL BER DANG, DBU LA LA THOD GSER MA GSOL BA, GLANG CHEN SNA RING LA CHIBS PA, GA-YAS SU RIN CHEN SHUGS LDAN RTZAL SKU MDOG SER PO GA-YAS GSER BYI CHO BUM 'CHI MED TSE'I BDUD RTZIS GANG BA DPAG BSAM
GYI SHING GI KHA RGYAN CAN NAM MKHA' 'PHYAR ZHING, GA-YON NOR GZHONG 'DZIN PA, RIN PO CHE'I RGYAN DANG RTZE BOR SER PO GSOL BA, SGA SRAB CHAS MDZES KYI LHA RTA NGANG DKAR LA CHIBS PA, RGYAB TU PADMA SHUGS LDAN RTZAL KHRAG MDOG RNGAM BRJID 'DZUN ZHING CHAGS PA'I NYAMS CAN GA-YAS KHAMS GSUM DBANG DU 'GUGS PA'I LCAGS KYU DAR DMAR GYIS BRGYAN PA NAM MKHA' 'PHYAR ZHING, GA-YON RIN PO CHE'I ZHAGS PA 'DZIN PA, DAR DMAR GYI GOS GYON CING ME TOG DMAR PO'I RGYAN CAN ZHANG BLON GYI CHA LUGS CAN GA-YU 'BRUG LA CHIBS PA, GA-YON DU KARMA SHUGS LDAN RTZAL SHIN TU DMAR SMUG KHROS PA'I TSUL CAN GA-YAS RAL GRI DGRA LA 'PHYAR ZHING, GA-YON TZITTA ZHAL DU STOB PA, DAR NAG GIN BZA' CAN, DRAG PO'I BYA KHYUNG LA CHIBS PA, DE DAG GI MTHA' SKOR DU DAM CAN PHYI NANG GSANG BA'I 'KHOR TSOGS RIM PA BZHIN DU BSKOR BA LAS DANG PO DUS 'KHOR GYI NUS MA BRGYAD LTAR GTZO BO'I SBYOR YUM DGU NI 'BYUNG BA BZHI LA DBANG ZHING, 'DOD YON SNA LNGA'I MCHOD RDZAS THOGS PA, RIN PO CHE'I RGYAN BRGYAD KYIS SPRAS SHING DAR SNA TSOGS KYI NA BZA' GSOL BA, RDO RJE THEG PA'I LAM LA BOGS 'BYIN STER BA'I MDZES SDUG GI LHA MO DGU, RGYAL BSTAN RTZA BSO THAR GYI BSLAB KHRIMS DAG
, ,PA SOGS 'DUL BA'I PHYAG LEN PHRA ZHIB SPEL BA'I 'PHRIN LAS KYI SNA 'DREN PA'I DGE SLONG BRGYAD, DE DAG KYANG CHOS GOS DUR SMRIG GYON ZHING, DBU LA LA LAS THANG ZHVA DANG, LA LAS PAn ZHVA, 'GA' ZHIG ZHVA SER, RE 'GAS SGOM ZHVA GSOL BA, PHYAG NA 'ANG 'KHAR GSIL LHUNG BZED GLEGS BAM RDOR DRIL THOS PA, ZHAL NAS LEGS BSHAD KYI SGRA DIR DIR SGROG PA, GRUB MTHA'I PHYOGS SU LHUNG BAS MDO SNGAGS KYI BSTAN PA YONGS RDZOGS KYI GNAD BSDUS PA'I BSHAD SGRUB KYI BYA BAR GSHE SKUR KHYAD GSOD BYED PA'I SNGAGS PA BAN BON GTAD SO MDO MED GNOD SBYIN RTAG MYOS DANG MTSUNGS PAS 'JIG RTEN PHAL BA SLU BAR BYED PA RNAMS DANG, LHAG PAR 'JAM MGON BLA MA'I LUGS 'DZIN LA DAD CING GUS PAS MCHOD PA'I MCHOG DMAN THAMS CAD LA GNOD CING ZHE NAS SDANG BA'I MI DANG MI MIN 'BYUNG PO'I TSOGS LA DRAG PO'I CHAD PA THOG LTAR 'BEBS PA'I LAS MKHAN MI SDUG PA'I GZUGS CAN RGYA HOR BAL BOD KHA CHE AA TZA RA SOGS KYI CHA BYAD RNAM 'GYUR MA NGES PA, LA LA DGA' BA'I NYAMS DANG, 'GA' ZHIG GTUM PA'I TSUL GYIS LAG NA MTSON CHA SNA TSOGS PA THOGS PA'I STAG SHAR BCU BCAS, GZHAN YANG BE HAR, GZA' BDUD, CO'U DMAR SOGS,
RGYAL BTZAN, MA MO, GSHIN RJE, LHA KLU, GNOD SBYIN, NOR BDAG, SHA ZA SRIN PO, DRI ZA, GRUL BUM, BDUD, THE'U RANG, 'BYUNG PO, DREGS PA STE BRGYAD, RU 'DREN SDE BZHI SOGS 'JIGS SHING RNGAM PA NYI ZER GYI RDUL LTAR 'PHYO BA, 'KHOR TSOGS DE DAG GI STENG GI CHAR 'JA' SPRIN 'KHRIGS PA'I KLONG NA DGA' LDAN GYI ZHING DU 'JAM MGON GTZO 'KHOR SOGS KYI BKOD PA GSAL BA LHA'I BU DANG BU MO MANG POS ME TOG GI CHAR DANG ROL MO'I SGRA SGROG PA, PHO BRANG GI RTZE THOG TU SANGS RGYAS SNANG BA MTHA' YAS, BAR THOG TU LHA CHEN TSANGS PA DRAG PO 'KHOR DANG BCAS PA BZHUGS SHING, BAR SNANG SA GZHI THAMS CAD GANG 'DOD KYI RDZAS DANG YO BYAD, TING 'DZIN GYI MTHU LAS BSKYED PA'I ZHI DRAG GI SPYAN GZIGS CIR YANG 'CHAR BAR GYUR, GTZO BO'I THUGS KA DANG RANG YI DAM DU GSAL BA'I THUGS KA'I SA BON LAS 'OD ZER 'PHROS, DGA' LDAN MKHA' SPYOD, RI BO RTZE LNGA, SHAMBHA LA SOGS GAR BZHUGS RDO RJE'I PHO BRANG NAS RING NGE 'DZIN GYI SPRUL PA'I GNAS YUL CHEN PO 'DIR SPRUL PA'I RGYAL CHEN RDO RJE SHUGS LDAN RIGS LNGA 'KHOR DANG BCAS PA SKAD CIG GIS BADZRA SA M'A YA DZA: DZA: (SPOS SBYOR SREG CING ROL MO DBYANGS DANG BCAS SPYAN 'DREN PA NI,) H'Um; RAB ZHI CHOS SKU'I DBYINGS LAS MA GA-YOS KYANG, ,SNA TSOGS SPRUL PA'I ROL GAR MTHA' YAS PAS, ,MNYAM MED THUB BSTAN
, ,RIN CHEN SRUNG MDZAD PA'I, ,SPRUL BSGYUR CIR YANG STON PA'I SKUR BZHENGS SHIG ,'JAM DPAL RDO RJE'I THUGS KYI RANG GZUGS DNGOS, ,'DUL 'DZIN CHOS KYI RGYAL PO'I SKUR BZHENGS NAS; ;'JAM MGON RING LUGS SNYING PO BSRUNG BA'I PHYIR, ,GRANGS MED SPRUL 'KHOR DANG BCAS GSHEGS SU GSOL, ,'JAM DPAL RDO RJE'I SKU YI RANG GZUGS DNGOS, ,ZHI MDZAD SGRIB PA KUN SEL SKUR BZHENGS NAS, ,NAD GDON RKYEN NGAN BAR GCOD SEL BA'I PHYIR, ,ZHI MDZAD PHYE BA'I 'KHOR BCAS GSHEGS SU GSOL, ,'JAM DPAL RDO RJE'I YON TAN RANG GZUGS DNGOS, ,RGYAS BYED KHAMS GSUM DPAL 'BAR SKUR BZHENGS NAS, ,TSA BSOD DPAL 'BYOR YAR ZLAR SPEL BA'I SLAD, ,RGYAS MDZAD BYE BA'I 'KHOR BCAS GSHEGS SU GSOL, ,'JAM DPAL RDO RJE'I GSUNG GI RANG GZUGS DNGOS, ,DBANG SDUD SNOD BCUD ZIL GNON SKUR BZHENGS NAS, ,SRID GSUM BRTAN GA-YO DBANG DU 'GUGS PA'I PHYIR, ,DBANG MDZAD BYE BA'I 'KHOR BCAS GSHEGS SU GSOL, ,'JAM DPAL RDO RJE'I 'PHRIN LAS RANG GZUGS DNGOS, , GTUM DRAG RDO RJE SHUGS LDAN SKUR BZHENGS NAS, ,BLO BZANG BSTAN DGRA PHYE MAR 'THAG PA'I PHYIR, ,DRAG MDZAD BYE BA'I 'KHOR BCAS GSHEGS SU GSOL, ,MDZES SDUG YUM DGU SNA 'DREN DGE SLONG
BRGYAD, ,LAS MKHAN GTUM PA'I STAG SHAR BCU LA SOGS, ,GZHAN YANG 'JIG RTEN 'DAS DANG DREGS PA'I 'KHOR, ,MTHA' KLAS BKOD PA'I TSOGS BCAS GSHEGS SU GSOL, ,BLO BZANG BSTAN LA ZHUGS PA'I BU BRGYUD LA, ,BRTZE ZHING DUNG BA'I GA-YAR DAM MI GA-YEL BAR, ,DGA' LDAN ZHING NAS YAB RJE TZONG KHA PA'I, ,SENG KHRI'I GSEB NAS DA LTA GNAS 'DIR GSHEGS, ,NYER BZHI'I YUL DANG SUM CU RTZA GNYIS GNAS, , AO dI Y'A NA BYANG PHYOGS SHAMBHA LA, ,RI PO RTZE LNGA DPAL LDAN 'BRAS SPUNGS DANG, ,SA SKYA'I RMUG CHUNG GNAS NAS GSHEGS SU GSOL, ,DOL GYI CHU MIG RDO PHUD CHOS 'KHOR DANG, ,RNAM RAB TSONG 'DUS RI CHOS RMOR NGOR DGON; ;DGA' RNAM 'ON RONG LHA LDAN SPRO KHANG SOGS, ,GAR BZHUGS GNAS NAS THOGS MED GSHEGS SU GSOL, ,DOL GYI CHU MIG RDO PHUD CHOS 'KHOR DANG, ,RNAM RAB TSONG 'DUS RI CHOS RMOR NGOR DZA: H'Um BAm HO: DAM TSIG PA DANG GNYIS SU MED PAR GYUR, (ZHES SPYAN DRANGS TE DAM TSIG PA DANG DBYER MED DU GYUR PAR BSAM, DE NAS MCHOD CING YAN LAG BDUN PA BYA BA NI,) AOm DHARMA P'A LA MAH'A R'A DZA BADZRA PE GA WAN RU DRA: PANYTZA K'U LA SA PA RI W'A RA AARGHAm PRA T'I TZTSA H'Um SV'AH'A, (ZHES PA NAS,) SHAPTA'I (BAR GYIS MCHOD,) AOm DHARMA P'A LA MAH'A R'A DZA BADZRA PE GA WAN RU DRA: PANYTZA K'U LA SA PA RI (P'A RA) AOm A'A: H'Um, (ZHES NANG MCHOD 'BUL,) GANG ZHIG DRAN PA TZAM GYIS PHYI NANG GI ,BAR CHAD
, ,KUN SEL LAS BZHI'I 'PHRIN LAS RNAMS, ,STZOL MDZAD RGYAL CHEN SHUGS LDAN RIGS LNGA RTZAL, ,BSTAN SRUNG 'KHOR DANG BCAS LA PHYAG 'TSAL BSTOD, ,SKU DANG MCHOD RTEN MNGON SUM MNGON SUM SUM MIN, ,BYAS DANG BYED 'JUG RNYED BKUR RGYA CHEN DANG, ,NYON MONGS CAN MIN SGRUB PA'I MCHOD PA BCUS, ,SHUGS LDAN RIGS LNGA 'KHOR BCAS MCHOD PAR BGYI, ,MDO SNGAGS LAM STON BSHES GNYEN MANG BSTEN KYANG, ,'DUL MNGON LAM RIM BLA MA LNGA BCU BAR, ,JI BZHIN BSHAD PA'I BSAM SBYOR MA DAG PAS, ,NYES LTUNG CHAR GYIS BRLAN PA MTHOL LO BSHAGS, , TSANGS DBANG GNOD SBYIN BDUD DANG CHAGS RMONGS CAN, ,BUD MED ZHAR 'ON SMYON BA'I ZLOS GAR SOGS, ,PHAL BAS MI RTOGS GANG 'DUL MDZAD 'PHRIN GYIS, ,BSTAN 'GROR BKA' DRIN KHYAB LA RJES YI RANG; ;DBANG POR 'TSAM PA'I CHOS 'KHOR BSKOR BAR BSKUL, ,BSKAL BRGYAR 'PHRIN LAS RGYUN CHAD MED PAR BZHUGS, ,RANG GZHAN SKYE 'PHAGS TSOGS GNYIS RAB BSAGS DGE ,'JAM MGON BSTAN DGRA BDUD BZHI 'JOMS PAR BSNGO, (,YAN LAG BDUN PA 'DI DVAGS PO SKAL BZANG MKHAS GRUB GYI GSUNG BCOS STENG MED PA'O, ,DE NAS BSHAGS BA BYA BA NI,) RANG GI THUGS KA'I H'Um LAS 'OD ZER 'PHROS PAS RDO RJE GSUM
GYI LHA TSOGS MDUN GYI NAM MKHAR SPYAN DRANGS, DE RNAMS KYI GNAS GSUM LAS YI GE BRGYA PA DKAR DMAR MTHING GSUM GYI TSOGS DBANG TU MED BA BYUNG, RANG DANG RGYAL CHEN RIGS LNGA DRAG PO RTZAL 'KHOR DANG BCAS PA RNAMS KYI GNAS GSUM DU THIM PAS, RANG GZHAN YON MCHOD 'KHOR DANG BCAS PA RNAMS KYI DAM TSIG NYAMS CHAGS THAMS CAD DANG, DE'I DBANG GIS BSTAN SRUNG RGYAL CHEN RIGS LNGA 'KHOR DANG BCAS PA RNAMS KYI SKU GSUNG THUGS LA NYAMS GRIB PHOG PA THAMS CAD BYANG ZHING DAG PAR GYUR (BAR BSAM LA, YI GE BRGYA PA NYER GCIG BZLA, DE NAS,) H'Um; 'JAM DPAL ZHI KHO RJE BTZUN BLO BZANG GRAGS, ,RTZA BRGYUD BLA MA YI DAM LHA TSOGS DANG, ,KHYAD PAR BSTAN SRUNG RDO RJE DRAG PO RTZAL, ,BRTZE BA CHEN POS BDAG LA DGONGS SU GSOL, ,BDAG NI MA RIG THIBS POS YONGS NON CING, ,DBANG MED TSOGS SDANG DRAG POS RGYUD DKRUGS PAS, ,BAG MED SDIG LTUNG NYES TSOGS CI BGYIS PA, ,SNYING NAS BSHAGS SO MYUR DU BYANG BAR MDZOD, ,MKHAN SLOB DGE 'DUN SPYAN SNGAR KHAS BLANGS PA'I, ,SO SOR THAR PA'I BCAS MTSAMS DRAL BA DANG, ,BLA MA RGYAL BA SRAS BCAS SPYAN SNGA RU, ,DAM BCAS BYANG SEMS BSLAB BYA LAS 'DAS SHING, ,BLA MA DKYIL
, ,'KHOR LHA TSOGS DBANG BZHAG NAS, ,NYER MNOS DAM TSIG GNYAN PO 'DOR BA SOGS, ,BCAS DANG RANG BZHIN SDIG LTUNG NYES TSOGS KUN, ,SNYING NAS BSHAGS SO MYUR DU BYANG BAR MDZOD, ,KHYAD PAR BLO BZANG RGYAL BA'I BSTAN PA LA, ,SDANG DANG LOG PA'I BSAM SBYOR 'CHANG BA DANG, ,DAM NYAMS DAM SEL MDZA' BOR BRTEN PA DANG, ,ZAB MO BSHAD SOGS SNYING NAS MTHOL ZHING BSHAGS, ,TSANG LA MA NOR BSTAN PA'I SNYING PO DANG, ,MJAL KYANG LTAR SNANG PHYOGS RE'I LUGS GZHAN GYI, ,BSRE BA SLAD BGYIS DANG YAL BAR BOR BA SOGS, ,KHYOD KYI THUGS DANG LHAG PAR 'GAL BA BSHAGS, ,LHA CHEN KHYOD KYIS BU LTAR BSKYANGS PA LA, ,RGYUN DANG DUS KYI MCHOD GTOR MA BGYIS SOGS, ,MDOR NA NONGS SHING NYES PA'I TSOGS RNAMS KUN, ,SNYING NAS BSHAGS SO BRTZE BAS RJES GZUNG MDZOD, (,DE NAS BSKANG BA BYA BA LA, BSKANG RDZAS BYIN RLABS NI,) AOm HR'I: shtI: WI KRI T'ANA NA H'Um PHAt, AOm SVABH'A WA SHUDDH'A SARBA DHARMA: SVA BH'A WA SHUDDHONYHAm, STONG PA NYID DU GYUR; STONG PA'I NGANG LAS BSKANG RDZAS RNAMS RANG RANG GI MING YIG DANG PO THIG LES BRGYAN PA ZHU BA LAS BYUNG BA'I BLA MA YI DAM SPRUL PA'I RGYAL CHEN RDO RJE SHUGS LDAN RIGS LNGA DRAG PO RTZAL
'KHOR DANG BCAS PA MNYES PAR BYED PA'I DAM RDZAS SPYAN GZIGS MCHOD PA'I BYE BRAG BSAM GYIS MI KHYAB BA ZHIG BLA MA YI DAM SPRUL PA'I RGYAL CHEN RDO RJE SHUS LDAN RIGS LNGA DRAG PO RTZAL 'KHOR DANG BCAS PA RNAMS KYI SPYAN LAM DU 'BYUNG ZHING RGYAS PAR GYUR CIG ,AOm SARBA BID, P'U RA P'U RA, SU RA SU RA, A'A BARTA YA A'A BARTA YA HO: BADZRA SPHA RA nA KHAm, (LAN GSUM,) AOm BADZRA AARGHAm A'A: H'Um, AOm BADZRA P'A DYAm A'A: H'Um, AOm BADZRA PUshPE A'A: H'Um, AOm BADZRA DH'U PE A'A: H'Um, AOm BADZRA AAo LO KE A'A : H'Um, AOm BADZRA GANDHE A'A: H'Um, AOm BADZRA NEE WA DY'I A'A: H'Um, AOm BADZRA SHAPTA A'A: H'Um, AOm BADZRA R'U PA A'A: H'Um, AOm BADZRA SHAPTA A'U: H'Um, AOm BADZRA GANDHE A'A: H'Um, AOm BADZRA WA RA SA A'A: H'Um, AOm BADZRA SPA RshA A'A: H'Um, AOm SVA BH'A WA BI SHUDDHE (SOGS SNGAGS DRUG PHYAG GYI DRUG GIS BYIN GYIS BRLAB,) BDAG GI BSAM PA'I STOBS DANG NI, (,SOGS BDEN STOBS BRJOD PAS BSKAB RDZAS BYIN GYIS BRLAB, BSKANG GTOR NANG MCHOD LTAR BYIN GYIS BRLABS LA, BSKANG BA BYA BA DANG PO NI, ROL MO DBANG DANG BCAS, DE YANG LONG YOD CING BSKANG PA SHIN TU RGYAS PA BYED NAS CHEN KUN BLO'I GSUNG DRI MA MED PA 'DI LTAR BYA'O,) KYEE CHOS 'KHOR SKYONG BA'I SRUNG MA MTHU RTZAL CAN, ,RGYAL CHEN RIGS LNGA 'KHOR DANG BCAS PA LA, ,THUN MONG PHYI YI MCHOD RDZAS JI SNYED PA, ,GUS PAS 'BUL LO BRTZE BAS BZHES SU GSOL, ,RANG BZHIN RNAM
, ,DAG STONG BA'I NGANG NYID LAS, ,'JIG MED RLUNG DKYIL RDO RJE RGYA GRAM STENG, ,DVANGS GSAL CHU DKYIL RLABS DANG W'A 'PHRENG NGOM, ,SRA BRTAN GSER GYIS GZHI YANGS PA'I GZHIR, ,MA RGAD MDANGS LDAN RGYA MTSO CHEN PO'I DBUS, ,RNAM MANG RIN CHEN MCHOG GI LHUN PO'I RTZER, ,BDE SKYID DPAL 'BYOR LHA GNAS DU MA DANG, ,KHONG GSENG 'OD MI SNANG BA LHA MIN YUL,, 'OG GZHIR KLU RGYAL DU MA'I BSTAN GNAS BCAS, ,BANG RIM RGYA CHEN GNOD SBYIN DU MAS GANG, ,LHUN PO DE MTHAR NAM YANG MU MED PAR, ,RIN CHEN 'BRING LAS GSER RI ROL MTSOS BSKOR, ,PHYI ROL GLING CHEN BZHI DANG GLING PHRAN BRGYAD, ,RIN CHEN THA MA'I LCAGS RI MU KHYUD BCAS, ,BAR SNANG NYI ZLA GZA' SKAR LDING ZHING 'KHOR, ,RAB YANGS SRID PA GSUM GYI ZHING KHAMS DER, ,SNUM 'JAM NYON MONGS MED PA'I SA GZHI LA, ,RTZA LJANG 'BRU RIGS ME TOG DU MAS GANG, ,MTSO DANG RDZING SOGS YAN LAG BRGYAD LDAN 'KHYIL, ,S'A LA'I RKANG 'THUNG RGYAS PA'I PHANG PHUNG GA-YO, ,RIN CHEN SPUNGS PA'I DBYIBS 'DRA LA SOGS PA'I, ,KHA BA'I LHUN PO GA-YA' BRAG RDZA RI DANG, ,SPANG GSHONGS NAGS RI RIN CHEN LHUN PO'I NGOS, ,LHUNG LHUNG DAL GYIS 'BABS PA BDUD RTZI'I RGYUN, ,YID 'ONG BYA DANG
RI DVAGS BAG PHEBS RGYU, ,GTUM DRAG GCAN GZAN DU MA DPA' RTZAL NGOM, ,LHA MA'I SPONG BA PA RNAMS BSAMS GTAN BSGOM, ,PHYOGS RNAMS KUN NAS MDZES PA'I YUL GRU DER, ,BDE SKYID NYAMS DGA' GRONG DANG GRONG KHYER DBUS, ,DGA' BDES MOS PA'I SKYE 'GRO DPAL 'BYOR RGYAS, ,DE LTAR SRID PA'I LONGS SPYOD PHUN TSOGS 'DIS, ,'DUL 'DZIN CHOS KYI RGYAL PO'I THUGS DAM BSKANG, ,ZHI MDZAD SGRIB PA KUN SIL THUGS DAM BSKANG, ,RGYAS MDZOD SRID GSUM DPAL 'BAR THUGS DAM BSKANG, ,DBANG SDUD SNOD BCUD ZIL GNONx 'JOMS MDZAD RDO RJE SHUGS LDANx SKU GSUNG THUGS DANG YON TAN 'PHRIN LAS KYI, ,SPRUL BA YANG SPRUL 'KHOR BCASx BDAG CAG DPON SLOB YON MCHOD 'KHOR BCAS KYI, ,MI 'DOD NYER 'TSE MTHA' DAG ZHI BA DANG, ,SRID ZHI'I DPAL 'BYOR RGYAS PA'I 'PHRIN LAS MDZOD, , KYEE; YAN LAG BRGYAD LDAN MCHOD YON ZHABS BSIL 'KHYIL, ,CHU SKYES THANG SKYES ME TOG SNA TSOGS SPUNGS, ,YID 'ONG SPOS KYI NAGS KLUNG DRI BSUNG 'PHRO, ,PHYI NANG MUN SEL SNANG GSAL GZI 'OD 'BAR, ,REG NA TSIM BYED BYUG PA BZANG PO'I TSOGS, ,RO BRGYA LDAN PA'I BZA' BTUNG RGYA MTSO TZAM, ,SNYAN PA'I NGA ROS 'KHOR 'DAS DBANG DU SDUD, ,CHOS KYI 'KHOR LO RTZIBS STONG RNAM PAR BKRA, ,BKRA
, ,SHIS DPAL BE'U KUN MKHYEN YE SHES STER, ,'DOD DGU YONGS 'KHYIL BUM PA BZANG PO BSHAMS, ,NYES PA'I SKYON BRAL PADMA LO 'DAB RGYAS, ,SRID MTSO LAS BRGAL RIN CHEN GSER GYI NYA; ;NYON MONGS TSA GDUNG SKYOB PA'I GDUGS BZANG MCHOG ,SRID ZHI'I PHAN BDE MI NUB RGYAL MTSAN BSGRED, ,SGRIB PA KUN SEL DVANGS GSAL ME LONG DANG, ,GHI HAm DGU GSUM 'JOMS PA NAD KYI SMAN; ;RTZI BCUD KUN GYI YANG SNYING MNGAR BA'I ZHO, ,TSE 'PHEL DUR BA LO 'DAB LANG TSO NGOM, ,'BRAS BZANG BIL BA 'DOD PA'I DON KUN SGRUB, ,RIN CHEN DUNG DKAR SNYAN PA'I GRAGS PA SGROG , SNOD BCUD DBANG SDUD YID 'ONG SANDHU RA, ,YUNGS KAR RGYAL PO BGEGS DANG LOG 'DREN 'JOMS, ,KUN LA DBANG BSGYUR 'KHOR LO RIN PO CHE, ,'DOD DGU'I RE SKONG NOR BU RIN PO CHE, ,BDE BA'I DPAL SKYED BTZUN MO RIN PO CHE, ,MKHAS GSAL YID GZHUNGS BLON PO RIN PO CHE, ,YAN LAG BDUN LDAN GLANG PO RIN PO CHE, ,CANG SHES SPRIN SHUGS RTA MCHOG RIN PO CHE, ,PHAS RGOL TSAR GCOD DMAG DPON RIN PO CHE, ,MIG DANG YID DBANG 'PHROG PA MDZES PA'I GZUGS, ,PHYOGS RNAMS KUN TU SNYAN PA YID 'ONG SGRA, ,NAM YANG NGOMS MED BSNOM BYA BZANG PO'I DRI, ,LUS SROG
'TSO BA'I DPAL STER RO BRGYA'I ZAS, ,SDUG BSNGAL ZIL GNON 'JAM MNYEN REG BYA'I TSOGS, ,LHUN SDUG RIN CHEN RI BO 'OD CHAGS 'BAR, ,PHUN TSOGS LO 'DAB RGYAS PA'I DPAG BSAM SHING, ,BSAM KUN 'BAD MED STZOL BA'I 'DOD 'JO'I BA, ,DUS GSUM ZAD MI SHES BA MA RMOS LO, ,'DOD DGU STER PA'I RIN CHEN BUM PA BZANG, ,GZHAN YANG SRID GSUM LONGS SPYOD BZANG PO'I TSOGS, ,GCIG TU SPUNGS PA'I DGA' STON GRANGS MED 'DIS, ,'DUL 'DZINx ZHI MDZADx RGYAS MDZADx DBANG SDUDx 'JOMS MDZADx SKU GSUNG THUGSx SPRUL PA YANGx BDAG CAG DPON SLOBx MI 'DOD NYERx SRID ZHI'Ix KYEE; DAM CAN RGYAL CHEN RIGS LNGA 'KHOR BCAS LA, ,THUN MONG MA YIN NANG GI MCHOD RDZAS TSOGS, ,DNGOS 'BYOR YID SPRUL NAM MKHA'I MTHA' KLAS PAR, ,GUS PAS 'BUL LO BRTZE BAS BZHES SU GSOL, ,DAM NYAMS SNYING KHRAG RGYA MTSO 'KHYIL BA'I DBUS, ,MI SDUG MTSON CHA GZINGS 'DRA'I BRAG RI LA, ,RNO MYUR DUG SHING LO 'BRAS PHYOGS BCUR RGYAS; ;GTUM PA'I GCAN GZAN DU MA NGAR SKAD SGROG ,PHUNG BYED THAN BYA MANG PO LDING ZHING 'THAB, ,DUS MTHA'I RLUNG DMAR 'UR SGRAS STONG GSUM GA-YO, ,MKHA' LA 'JIGS PA'I SPRIN NAG
, ,'BRUG SGRA SGROG ,MI SDUG RI BO DE YI NGOS YANGS LA, ,DRAG PO'I DUR KHROD ROL PA'I GZHAL YAS KHANG, ,'JIGS PA'I MTSAN NYID YONGS RDZOGS PHO BRANG CHER, ,DKAR GSAL MA DNGOS LDAN THOD PA'I SNOD YANGS SU, ,DGRA BGEGS BSGRAL BA'I SHA KHRAG RUS PA DANG, ,SHA DANG BDUD RTZI YE SHES RNAM LNGA'I TSOGS, ,KUN GYI BCUD BSDUS 'DOD DGU'I GTOR MA CHE, , TING 'DZIN SNGAGS DANG PHYAG RGYAS BYIN RLABS PA, ,SMAN RAG BZA' BTUNG SNA TSOGS 'KHOR BCAS 'DIS, ,'DUL 'DZINx ZHI MDZADx RGYAS MDZADx DBANG SDUDx 'JOMS MDZADx SKU GSUNGx SPRUL PAx BDAG CAGx MI 'DODx SRID ZHI'Ix KYEE; GDUG CAN BSGRAL BA'I KHRAG GI RGYA MTSO 'KHYIL, ,DAM NYAMS DBANG LNGA'I ME TOG RI LTAR BRTZEGS, ,TSIL CHEN RUS RKANG KLAD PA'I GSUR CHEN 'THUL, ,ZHUN CHEN SNA TSOGS ZHU BA'I SGRON ME SBAR, ,KHRAG ZHAG SNA TSOGS BSDUS PA'I DRI CHA BA DANG, ,SRIN PO LA 'OS KHA ZAS RI LTAR SPUNGS, ,DAM CAN RGYA MTSO DGYES PA'I SGRA DBYANGS SGROG ,GA-YANG GZHI'I BLA BRE NANG KHROL PHUN TSAR CAN, ,GCAN GZAN SHUN PAS PHYOGS KUN YOL BAR BRES, ,SHA KHRAG RKANG RUS 'THOR BAS SA GZHI GANG, ,BDUD DPUNG ZIL
GNON RU MTSON GZI 'OD 'BAR, ,RIN CHEN DAR GOS MANG PO'I PHANG PHUNG GA-YO, ,DPA' BO GA-YUL LAS RGYAL BA'I YA LAD TSOGS, ,'PHRIN LAS SGRUB PA'I PHYAG MTSAN SPRIN LTAR 'THIBS, ,PHO NYA LAS BYED MANG POS SA GZHI GANG, ,RDO RJE 'DZIN PAS BSNGAGS PA'I MTHUN RDZAS 'DIS, ,'DUL 'DZINx ZHI MDZADx RGYAS MDZADx DBANG SDUDx 'JOMS MDZADx SKU GSUNGx SPRUL PAx BDAG CAGx MI 'DODx SRID ZHI'Ix KYEE; YE SHES LHA MCHOG RGYAL CHEN RIGS LNGA LA, ,KHYAD PAR RMAD DU BYUNG BA'I GSANG BA'I RDZAS, ,DNGOS 'BYOR YID SPRUL NAM MKHA'I MTHA' KLAS PAR,, GUS BAS 'BUL LO BRTZE BAS BZHES SU GSOL, ,GA-YUL BSAD RO RAS NA CHUNG 'DOMS DKRIS SOGS, ,MKHA' 'GRO NGANG GIS 'DU BA'I RAS GZHI LA, ,SKYABS GNAS DAM PA RNAMS KYI BYIN RLABS DANG, ,BYANG SEMS DKAR DMAR RATNA DRI BZANG SOGS, ,YID 'ONG MDOG BZANG TSON LA SBYAR BA YIS, ,KHYOD SKU MTSAN NYID YONGS RDZOGS BRIS PA 'DIS, ,RGYAL CHEN RIGS LNGA'I SKU YI NYAMS CHAGS BSKANG, ,RTZA BRGYUD BLA MAR GSOL 'DEBS RGYUN MI CHAD, ,YI DAM LHA YI BSNYEN SGRUB TSAD DU 'KHYOL, ,DAM CAN RGYA MTSO'I DRAG SNGAGS 'BRUG SGRA SGROG ,RGYAL CHEN RIGS
, ,LNGA 'KHOR DANG BCAS PA YI, ,MNGON RTOGS BSKANG BSHAGS BSTOD BSKUL GYER BA'I DBYANGS, ,CHAGS LDAN YID DBANG 'GUGS PA'I LTEGS KYU DANG, ,DAM CAN GZI BRJID BSKYED PA'I NGA RO SOGS, ,NGAG GI SDIG SGRIB SPYOD BYED LAS BZANG 'DI, ,RGYAL CHEN RIGS LNGA'I GSUNG GI NYAMS CHAGS BSKANG, ,DPA' BO GA-YUL BSAD TZITTA RTZA LAG BCAS, ,SPOS 'BRU SMAN DANG RATNAS GANG BA'I KHROD, ,SHING SHUN GOS DAR SHOG BU LA SOGS PAR, ,RIN CHEN GSER DNGUL MTSAL SNAG LAS GRUB PA'I, ,'KHRUL MED SROG 'KHOR GSANG SNGAGS 'DOD GSOL BCAS, ,TSON SKUD SNA LNGA DAR DMAR NA BZA' GSOL, ,LHA RDZAS DMAR PO'I 'OD CHAGS 'BAR BA LA, ,KHYIM BYA DKAR PO'I GTZUG KHRAG LAS GRUB PA'I, ,RGYAL CHEN SPRIN BZHIN 'DU BA'I SROG SNGAGS BKOD, ,DVANGS GSAL GZI 'OD 'BAR BA SHEL GYI RIGS, ,DAR DMAR THUM DANG BYI LA'I SNYING SHUBS CAN, ,SNGO DMAR SKUD BCINGS GSANG RTEN MCHOG 'DI DANG, ,SMYUG RGOD TSIG GSUM 'DAB BZANG SGRO YIS BRGYAN, , DAR DMAR 'PHYANG ZHING LCAGS MDE'U GRU GSUM BCAS, ,GSER GA-YU ME LONG SNA TSOGS RGYAN GYIS SPRAS, ,'DOD DGU'I DPAL 'BYOR STZOL BA'I LHUNG BZED DANG, ,NYES KUN SEL BA'I GSEG
SHANG SIL SGRA SGROG ,BAR CHAD BDUD DPUNG 'JOMS PA'I TZAN DAN BENG, ,BSTAN DGRA'I SROG RTZA 'GUGS PA'I BTZAN ZHAGS DMAR, ,GSANG MDOS RDZAS DANG YO BYAD PHUN SUM TSOGS, ,MDOR NA PADMA'I MTSO LA DANG PO LTAR, ,DAM CAN 'BRAL MED 'KHOR BA'I GSANG RDZAS 'DIS, ,RGYAL CHEN RIGS LNGA'I THUGS KYI NYAMS CHAGS BSKANG, ,DE LTAR PHYI NANG GSANG GSUM MCHOD SPRIN TSOGS, ,RIN CHEN DKON MCHOG GSUM GYI BDEN BA DANG, ,RGYAL CHEN DAM TSIG CAN GYI MTHU STOBS DANG, ,BDAG GI SNGAGS DANG PHYAG RGYA TING 'DZIN MTHUS, ,TSAD MED KUN TU BZANG PO'I THUGS BSKYED LTAR, , NAM YANG ZAD MI SHES PA'I DGE MTSAN 'DIS, ,RGYAL CHEN 'KHOR BCAS SPYAN LAM 'BYUNG GYUR CIG ,BSTAN DANG BSTAN 'DZIN 'JIG RTEN PHAN BDE RGYAS, ,BDAG CAG DPON SLOB YON MCHOD 'KHOR BCAS KYI, ,'GAL RKYEN SEL ZHING MTHUN RKYEN PHUN SUM TSOGS, ,BSAM DON CHOS BZHIN 'GRUB PA'I 'PHRIN LAS MDZOD, (YAB BSKANG BA RGYAS BSDUS 'BRING DU BYED NA KHO BOS GSAR DU BSGRIGS PA'I 'DI LTAR BYA,) H'Um; CHOS DBYINGS BDE BA CHEN PO'I RNAM ROL LAS, ,BYUNG BA'I MCHOD SPRIN NAM MKHA'I MTHA' KLAS PA, ,SHUGS LDAN RIGS LNGA 'KHOR BCAS SPYAN LAM DU, ,'BYUNG ZHING RGYAS LA DGYES PA
, ,BSKYED GYUR CIG ,MNGAR GSUM BDUD RTZI'I MCHOD YON RGYA MTSOR 'KHYIL, ,MDZES PA'I ME TOG DRI ZHIM BDUG SPOS SPRIN, ,'OD 'BAR SNANG GSAL GA PUR NGAD LDANG DRI, ,SNA TSOGS BZA' BCA' SNYAN PA'I ROL MOR BCAS, ,RDO RJE SHUGS LDAN RIGS LNGA'I THUGS DAM BSKANG, ,BKA' NYAN 'KHOR TSOGS THUGS DAM BSKANGS GYUR NAS, ,RNAL 'BYOR 'DOD DON YID BZHIN 'GRUB PA DANG, ,BLO BZANG BSTAN DGRA THAL BAR BRLAG PAR MDZOD, ,DGRA BGEGS SNYING KHRAG DBANG LNGA'I ME TOG DANG, ,SHA SNA'I DUD SPRIN ZHUN CHEN SGRON ME SBAR, ,MKHRIS PA'I DRI CHAB SHA RUS ZHAL ZAS TSOGS, ,DUNG CHEN RKANG GLING GSANG BA'I RNGA CHUNG GOS, ,RDO RJE SHUGS LDANx BKA' NYANx RNAL 'BYORx BLO BZANGx SHA KHRAG GTOR TSOGS LHUN PO'I SPO LTAR SPUNGS, ,SKYEMS CHANG RGYA JA 'O ZHO MTSO LTAR 'KHYIL,, BKRA SHIS RTAGS RDZAS 'DOD YON RIN CHEN BDUN, ,PHYI NANG MCHOD SPRIN KUN GSAL KHYON DU BKRAM, ,RDO RJEx BKA' NYANx RNAL 'BYORx BLO BZANGx SPRIN DKAR LTAR 'PHYO GDONG LNGA'I DBANG PO DANG, ,RTZAL CHEN KHYUNG 'BRUG GLANG CHEN NGANG SER RTA, ,GTUM PA'I GCAN GZAN PHUNG BYED THAN BYA'I TSOGS, ,SPYAN GZIGS NYER MKHO'I SROG CHAGS SNA TSOGS KYIS, ,RDO RJEx BKA' NYAN
RNAL 'BYORx BLO BZANGx RNGAM BRJID RIN CHEN RUS PA'I PHO BRANG DANG, ,THANG ZHVA DUR SMRIG CHAS GOS 'JOL BER DANG, ,GA-YANG GZHI'I BGO BA RIN CHEN RUS RGYAN SOGS, ,ZHI DRAG RGYAN GOS MA TSANG MED PA YIS, ,RDO RJEx BKA' NYANx RNAL 'BYORx BLO BZANGx SPU GRI DGRA SNYING LCAGS KYU MDA' DAR DANG, ,BUM THOD NOR GZHONG ZHAGS PA NE'U LE SOGS, ,ZHI DRAG RGYAN CHA GO MTSON SNA TSOGS DANG, ,SROG 'KHOR BLA RDO PHYI NANG GSANG RTEN GYIS, ,RDO RJEx BKA' NYANx RNAL 'BYORx BLO BZANGx 'DOD CHUNG CHOG SHIS SBYANGS BA'I YON TAN LA, ,GNAS NAS SHING RTA CHEN PO'I GZHUNG LUGS CHER, ,MANG THOS DPYAD PA PHRA MO'I BRGAL BRTAG GI ,LUNG RIGS RNAM 'GYUR 'BUM DU SPRO BA YIS, ,RDO RJEx BKA' NYANx RNAL 'BYORx BLO BZANGx BSTAN PA'I SNYING PO BYANG CHUB LAM RIM LA, ,THOS BSAM BSHAD SGRUB GCIG TU BRTZON PA DANG, ,DGE LDAN LTA GRUB GTZANG MAR SKYONG BA YI, ,LHA KHYOD LHAG BAR DGYES PA'I MCHOD SPRIN 'DIS, ,RDO RJEx BKA' NYANx RNAL 'BYORx BLO BZANGx PHYIR RU SO THAR 'DUL BA'I KUN SPYOD GTZANG, ,NANG DU NGES 'BYUNG BYANG CHUB SEMS GNYIS 'BYONGS, ,GSANG BA RIM GNYIS BDE STONG RNAL 'BYOR SKYONG, ,YONGS RDZOGS LAM BZANG 'GAL MED SGRUB PA 'DIS,
, ,RDO RJE x BKA' NYANx RNAL 'BYOR x BLO BZANGx THUN MONG THUN MONG MIN PA'I LAM RIM DANG, ,GSANG BDE 'JIGS GSUM RIM GNYIS ZAB MO'I GNAD, ,BLO BZANG RGYAL BA'I DGONGS BCUD MTHAR THUG LA, ,NGES RNYED RTZE GCIG BRTZON PA'I RNAL 'BYOR 'DIS, ,RDO RJE x BKA' NYAN x RNAL 'BYOR x BLO BZANG x GANG SKU'I PHUNG KHAMS SKYE MCHED YAN LAG RNAMS, ,SHUGS LDAN RIGS LNGA GTZO 'KHOR DU SHAR KYANG, ,NGES DON LUS DKYIL LHA TSOGS SO GNYIS SU, ,NGES RNYED YA MTSAN PHUL GYI RNAL 'BYOR 'DIS, ,RDO RJE x BKA' NYAN x RNAL 'BYOR x BLO BZANGx BLO BZANG RGYAL BA'I BSTAN DGRA 'JOMS PA'I PHYIR, ,PHYI LTAR 'JIGS BYED DREGS PA'I TSUL BSTAN KYANG, ,NGO BO 'JAM DPAL GSHIN RJE GSHED NYID DU, ,YID CHES GSOL 'DEBS BLA MED RTEN MCHOG GIS, ,RDO RJEx BKA' NYAN x RNAL 'BYOR x BLO BZANG BSTAN DGRA THAL BAR BRLAG PAR MDZOD,(,YANG BSKANG BA SHIN TU BSDUS PA GRANGS GSOG LTA BU'I TSE BON RGYAL SRAS RDO RJE 'CHANG BSKAL BZANG BSTAN 'DZIN GYIS BRJOD PA'I BSKANG BSHAL SBABS MA 'DI BYA STE,) H'Um; GANG+GA'I RGYUN MTSUNGS SNYING KHRIGS MCHOD YON SPRENG, ,RNAM BKRAD DBANG PO'I ME TOG DUD SPRIN 'KHRIGS, ,MKHRIS CHEN DRI CHAB SHA RUS RKANG GLING SGRA, ,ZAG MED BDUD RTZI'I RGYA MTSO DGYES BZHIN
BZHES, ,GZHAN YANG 'DOD YON RGYAL SRID RIN CHEN BDUN, ,CANG SHES RTA GLANG 'JIGS RUNG GA-YAG LUG KHYI, ,DUR SMRIG BLA GOS SRA BRTAN GO KHRAB PHUB, ,MDA' MDUNG RAL GRI PHYI NANG GSANG BA'I RTEN,, 'JIG RTEN 'DAS DANG MA 'DAS MCHOD SPRIN GYIS, ,RDO RJE SHUGS LDAN SNANG SRID DREGS PA'I TSOGS, ,THUGS DAM BSKANG ZHING NYAMS CHAGS GSOS GYUR CIG ,KHYAD PAR BDAG CAG MA RIG GZHAN DBANG GYUR, ,SGO GSUM BYA BA'I NYES TSOGS CI MCHIS PA, ,SRUNG MA KHYED KYI THUGS DANG 'GAL GYUR PA, ,THAMS CAD GNOD ZHING 'GYOD PA'I SEMS KYIS BSHAGS, ,GZHAN YANG BSTAN SRUNG CHEN PO 'KHOR BCAS LA, ,DAM TSIG LAS 'DAS BSNYEN SGRUB MCHOD GTOR SOGS, ,RNAL 'BYOR BDAG CAG NYAMS CHAGS CI MCHIS RNAMS, ,'KHOR GSUM DMIGS MED DBYINGS SU BSHAGS PAR BGYI, (,DE NAS CHOS SKU MA'I BZLOG PA DANG MTHUN GRUB MA RNAMS SPYI 'GRE LTAR BYA, DE NAS BZLAS PA BYA BA NI,) RANG YI DAM DU GSAL BA'I THUGS KA'I SA BON LAS 'OD ZER 'PHROS, CHOS SKYONG RGYAL CHEN SHUGS LDAN RIGS LNGA DRAG PO RTZAL RNAMS KYI THUGS KAR NYI GDAN GYI STENG DU H'Um YIG GI MTHAR SNGAGS PHRENG RANG RANG GI KHA DOG DANG MTSUNGS PAS BSKOR BA LA PHOG PAS THUGS RGYUD
, ,RANG DBANG MED PAR BSKUL TE, CI 'DOD PA'I ZHI RGYAS DBANG DRAG GI LAS THAMS CAD THOGS PA MED PAR SGRUB PAR GYUR, (PAR BSAMS LA,) AOm BADZRA BI KI BItnA SV'H'A, ZHES DANG, AOm DHARMA P'A LA MH'A R'A DZA BADZRA BEG WAN RUDRA: PANYTZA KshU LA SARBA SHATRUm MAR YAH'UmPHAt, (CES DMIGS RIM DANG BCAS CI MED BZLAS PA'I MTHAR YIG BRGYA BZLAS TE GTOR MA 'BUL BA NI, 'BUL GTOR NANG MCHOD LTAR BYIN GYIS BRLABS LA, BSTAN SRUNG RGYAL PO CHEN PO RDO RJE SHUGS LDAN RIGS LNGA DRAG PO RTZAL 'KHOR DANG BCAS PA RNAMS KYI LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN DU GYUR PAS GTER MA'I BCUD THAMS CAD DRANGS TI GSOL BAR GYUR (PAR BSAM,) AOm DHARMA P'A LI MH' R'A DZA BADZRA BO GA WAN RU DRA:PANYTZA K'U LA SA PA RI WA RA SARBA BIHAN SHATRUm YID PA LIm TA KHA KH'A HI KH'U HI, (ZHES PA LAN GSUM GYIS GTZO BO LA PHUL, 'KHOR RNAMS LA,) AOm AA K'A RO MU KHA SARBA DHARMA nA A'A DYA NUTPA NNA TVAT, NA MA:SARBA TAo TH'A GA TA AA WA LO KI TE AOm SA BHA RA SAo BHA RA H'Um, (LAN GSUM) AOm DHARMA P'A LA MH'A R'A DZA BADZRA BE GA WAN RU DRA:PANYTZA K'U LA SA PA RI W'A RA AARGHAm, P'ADYAm, PUshPE, DH'U PA, A'A LO KE, GANDHE, NA SIDY'A, SHAPTA PRA T'ITZTSI H'Um SV'AH'A, AOm DHARMA P'A
LA MH'A R'A DZA BADZRA BE GA WAN RU DRA: PNYTZA K'U LA AOm A'A: H'Um, (GTOR RDZONGS NI,) H'Um; 'JAM MGON RGYAL BA'I BSTAN SRUNG RDO RJE SHUGS LDAN RIGS LNGA DRAG PO RTZAL 'KHOR DANG BCAS PA KHYED RNAMS KYIS SHA KHRAG DMAR GYI GTOR MA 'DI BZHES LA, SANGS RGYAS KYI BSTAN PA SPYI DANG, KHYAD PAR 'JAM MGON CHOS KYI RGYAL PO TZONG KHA PA CHEN PO'I MDOS NGAGS KYI BSTAN PA SRUNGS, DKON MCHOG GI DBU 'PHANG STOD, DGE 'DUN GYI SDE SKYONGS, BLA MA'I SKU TSE SRINGS, RNAL 'BYOR PA BDAG CAG DPON SLOB YON MCHOD 'KHOR DANG BCAS PA RNAMS KYI CHOS SGRUB PA'I 'GAL RKYEN THAMS CAD TSOL, MTHUN RKYEN THAMS CAD SGRUBS, GNOD CING 'TSE BAR BYED PA'I DAM NYAMS DGRA BGEGS THAMS CAD DRAG PO'I CHAD PAS SKAD CIG NYID LA THAL BA'I RDUL PHRAN BZHIN DU BRLAG PA'I 'PHRIN LAS MDZOD CIG ,AOm DHARMA P'A LA MH'A R'A DZA BADZRA BE GA WAN RU DRA: PANYTZA K'U LA SA PA RI WA RA DGRA BGEGS AA MU KA MA RA YA PHAt, (DE NAS BSTOD PA BYA BA NI,) BDE GSHEGS BSTAN PA'I SNYING PO DRI MED PHUL, ,SKYE DGU'I BSOD NAMS DBYIG TU NGAS BSRUNG ZHES, ,'JAM DPAL DPA' BO 'JIGS BYED DREGS PA'I ZOL, ,BSTAN SRUNG BYE BA'I SHUGS LDAN KHYOD LA BSTOD, ,RJES
, ,CHAGS SNYING RJE PAD RAG LANG TSOR 'DZUM, ,CIR YANG SGEG PA'I KHRO CHAGS ZHI 'DZUM GAR, ,TSAD GZUNG PHA MTHA' MA DMIGS SKU'I GSANG BA, ,DRAN PA'I MOD LA DGOS 'DOD STZOL LA BSTOD, ,MKHYEN RAB SPU GRIS SRID PA'I DGRA SROG DRAL, ,BDE CHEN TZITTA ZHI MTHA'I GSHED DU BZUNG, ,SRID ZHI'I MTHA' LAS BZHENGS PA'I THABS MKHAS BRDA, ,MTHA' YAS 'GRO BA'I DPAL DU STON LA BSTOD, ,MTHA' BRAL LTA BA'I YANG RTZE KLU SGRUB LUGS, ,THUB PA'I BRTUL ZHUGS 'DUL BA'I SPYOD PA MCHOG ,'DI LTAR SKYONG ZHES 'GRO LA 'DOMS PA'I SLAD, ,THANG ZHVA DUR SMRIG CHAS KYIS KLUBS LA BSTOD, ,GDONG LNGA'I DBANG PO RTZAL CHEN KHYUNG 'BRUG SOGS, ,SNA TSOGS ZHON PA NGES MOD LA BRTEN NAS, , MTHA' YAS ZHING DU GANG 'DUL SPRUL BSGYUR GAR, ,'GRO BA'I DON DU NGAL BA MED LA BSTOD, ,RAB 'BAR ME DPUNG 'KHRUGS PA'I KLONG NYID DU, ,KHROG TU MA DRAG SHUL BSHAN PA'I TSUL 'CHANG YANG, ,BYAMS BRTZE ZHI BA'I NGANG LAS CUNG ZAD KYANG, ,GA-YO MED NGO MTSAR KHYAD PAR 'PHAGS LA BSTOD, ,GANG GI GZUGS PHUNG RNAM DAG ZHI MDZAD GAR, ,'BUM
PHRAG STON ZLA'I LANG TSO GSAR PA'I SKU, ,MDA' DAR ZHAGS 'DZIN GNYIS 'THUNG DBANG POR CHIBS, ,RKYEN NGAN PAR GCOD SEL MDZAD KHYOD LA BSTOD, ,GANG GI TSOR PHUNG RNAM DAG RGYAS MDZAD GAR, ,NYIN BYID BYE BA'I BYIN GZIS BRJID PA'I SKU, ,NOR GZHOD BUM THOGS LHA RTA NGANG SER CHIBS, ,DPAL 'BYOR 'DOD DGU SPEL MDZAD KHYOD LA BSTOD, ,GANG GI 'DU SHES RNAM DAG DBANG MDZAD GAR, ,PAD RAG LHUN PO'I DPAL BZHIN 'BAR BA'I SKU, ,LCAGS KYU ZHAGS 'DZIN GA-YU 'BRUG SNGON PO CHIBS, ,KHAMS GSUM DBANG DU 'GUGS MDZAD KHYOD LA BSTOD, ,GANG GI 'DU BYED RNAM DAG DRAG MDZAD GAR, ,DMAR NAG MI BZAD MI RLUNG 'KHRUGS LTA'I SKU, ,RTZAL CHEN KHYUNG CHIBS SPU GRI DGRA SNYING THOGS, ,DGRA BGEGS THAL BAR RLOG MDZAD KHYOD LA BSTOD, ,KHAMS BZHI GZUGS SOGS RNAM LNGA RNAM DAG PA'I, ,RANG BZHIN RANG RIGS MRDZES SDUG YUM CHEN DGU, ,LANG TSOS RAB SGEG 'DOD PA'I SGYU RTZAL GYIS, ,SRID PA'I 'CHING BA GROL MDZAD RNAMS LA BSTOD, ,SKYE MCHED RTZA RGYUS TSIGS RNAMS RNAM DAG PA'I, ,RANG BZHIN 'PHRIN LAS SNA 'DREN DGE SLONG BRGYAD, ,GANG LA GANG 'DUL SPRUL PA'I ZLOS GAR GYIS, ,DAM LDAN PU BZHIN SKYONG MDZAD RNAMS LA BSTOD, ,YAN LAG
, ,RNAM DAG STOBS CHEN KHRO BO'I GAR, ,DAM NYAMS SROG LA DBANG BYED LAS MKHAN TSUL, ,RGYA HOR BAL BOD KHA CHE'I RNAM 'GYUR GYIS, ,PHYOGS KUN RGYU BA'I STAG SHAR BCU LA BSTOD, ,BKA' 'KHOR GNYAN PO KHA CHE DMAR PO SOGS, ,RGYAL BTZAN GZA' BDUD GNOD SBYIN NOR BDAG KLU, ,LHA SRIN GSHIN RJE MA MO THE'U RANG SOGS, ,SDE BRGYAD DMAG TSOGS STONG GSUM GA-YO LA BSTOD, ,YID 'ONG RIN CHEN MDZES PA'I GZHAL MED DANG, ,RNGAM BRJID DUR KHROD RUS PA'I PHO BRANG SOGS, ,SNA TSOGS RTEN DANG BRTEN PA'I RNAM 'GYUR GYI, ,MTHA' KLAS SPRUL PA'I BKOD PAR PHYAG 'TSAL BSTOD, (,SPRO ZHING LONG YOD NA RNAM THAR LO RGYUS KYI SGO NAS BSTOD PA DVAGS PO SKAL BZANG MKHAS GRUB RIN PO CHES MDZAD PAR SNON 'PHRI PHRAN BU BGYIS PA 'DI LTAR,) ` DPAG MED BSKAL SNGON BDE GSHEGS SAR GSHAGS KYANG, ,BSTAN 'GROR PHAN PHYIR GANG 'DUL RNAM ROL BRGYAS, ,BDUN LHAG BCU PHRAG ZUNG GI 'PHRIN LAS CAN, ,KHYAB BDAG RDO RJE SHUGS LDAN RTZAL LA BSTOD, ,'JAM DBYANGS BIR WA SA PAn BU STON RJE, ,'DUL 'DZIN GRAGS RGYAN PAn CHEN BSOD GRAGS SOGS, ,RGYA BOD SKU PHRENG MKHAS GRUB MTHA' YAS PA'I, ,RNAM ROL
MDZAD BZANG CIR YANG STON LA BSTOD, ,LHA KHYOD PAn CHEN BLO BZANG CHOS RGYAN MDUN, ,MNGA' SPRUL GRAGS PA'I MTSAN CAN GYUR PAN, ,DGUNG LO BCU GSUM BZHES TSE BDE LAM SOGS, ,GSAN TE GDAMS PA'I GTER CHEN GYUR LA BSTOD, ,RGYAN DRUG GZHUNG LA RNAM DPYOD THOGS PA MED, ,DPON GNAS BRGYA PHRAG BRGAL BAR SGOM SGRUB MDZAD, ,YI DAM KUN GZIGS MKHA' 'GRO'I DRA BAS MCHOD, ,MKHAS GRUB KUN GYI GTZUG RGYAN DAM PAR BSTOD, ,SKAL LDAN KUN LA 'CHAD TSE 'PHAGS SENG DNGOS, ,PHAS RGOL 'JOMS LA RTZONG MKHAS PHYOGS GLANG RANG, ,SDEB LEGS SNYAN NGAG RTZOM LA ZLA BRAL BA, ,DPA' BO GNYIS PAR GRAGS PA KHYOD LA BSTOD, ,DREGS PA'I YANG RJE RDO RJE GRAGS LDAN GYIS, ,DGE LDAN THUN MONG MIN PA'I BSTAN SRUNG SKUR, ,BZHENGS ZHES THUGS DAM YANG YANG BSKUL BA NA, ,SNYING STOBS DRAG PO'I THUGS BSKYED MDZAD LA BSTOD, ,LOG SMON KUN TSOGS DAR GYIS MGUL BA CING TSE, ,THUGS BSKYED STOBS KYIS DREGS PA'I YANG RJER BZHENGS, ,NYIN MTSAN 'JIGS RNGAM CHO 'PHRUL SNA TSOGS KYIS, ,BLO CHEN RNAMS KYANG SKRAG PAR MDZAD LA BSTOD, ,YAB NI BGEGS RGYAL YUM MCHOG SRID RGYAL MO'I, ,DVANGS,
, ,MA LAS 'KHRUNGS DRAG PO'I PHO BRANG TSAR, ,GANG SKU'I LUS DKYIL SHUGS LDAN RIGS LNGA YI, ,GTZO 'KHOR DKYIL 'KHOR SKAD CIG RDZOGS LA BSTOD, ,DE NAS RTZOD BRAL RIG 'DZIN NUS LDAN BZHIS, ,TING 'DZIN GYIS GZIR MNGON SPYOD LAS BRTZAMS KYANG, ,'DUS PA'I RIM GNYIS PHA MTHAR SON PA'I MTHUS, ,ZHUGS KYIS MI TSUGS DPA' RTAGS NGO MA LA BSTOD, ,GANG THUGS YE SHES RLUNG LNGA'I ROL PA LAS, ,RGYAL DBANG PHYOGS PHEBS SGRA SGRIG TSUGS 'DRA BA'I, ,NGO MTSAR LTAD MO SDE BRGYAD CHO 'PHRUL KUN, ,'TSO BYED SMAN PAR DNGOS SU BSTAN LA BSTOD, ,DE NAS GTZANG PHYOGS LHUN PO'I GRAR BYON KYANG, ,CUNG ZAD RTEN 'BREL 'CHOL BAS DE MA THAG ,KHROS PA'I TSUL GYIS SA SKYAR GSHEGS PA NA, ,BSTAN SRUNG THU BOR MNGA' GSOL MDZAD LA BSTOD, ,THUN MONG LAM SBYANGS MED PA'I SNOD MIN RNAMS, ,DBANG DANG GDAMS PAS RTZING CHOS LA SBYOR ZHING, ,ZHVA SE RA BSTAN LA BSRE LHANG 'JUG BYED PA'I, , BLA SLOB GNYIS KAR CHAD PAS BCAD LA BSTOD, ,DUS DBANG LAM RIM 'CHAD NYAN CHER NYAMS PAS, ,SER SKYA PHAL CHER RNAM DAG SKYABS 'GROS PHONGS, ,LOG PAR 'PHYAN PA'I
SKYE 'GRO MANG PO LA, ,LAM MCHOG STON PA'I BLA MA MDZAD LA BSTOD, ,NUS LDAN GRUB PA'I SKYES BUS DGONGS BZAB BSKYED, ,KARMA GU RU'I LAS MTHAS 'DUL BAR RTZOM, ,DE TSE NA CHUNG RGYUD BSKUL TING 'DZIN 'JIG, ,SNGAGS SPYOD 'CHAL BAR SKYONG BA'I GSHED MAR BSTOD, ,KHRIMS LDAN 'DUS SDER KHAS DRAG DPON DAG GIS, ,DON MED GNOD NGAN BYED TSA LHA KHYOD MTHUS, ,SROG LA RGAL BA'I DRAG PO'I NAD KYIS BTAB, ,BKA' BZHIN BSHAGS SGRUB NAD LAS GROL MDZAD BSTOD, ,DGRA' RAB MKHAN POR SDOD GNAS LCOG BZHENGS NA, ,MTHUN RKYEN DNGOS GRUB 'PHRAL DU STER ZHES GSUNG, ,STONG PA'I MKHA' LAS RIN CHEN 'DOD DGU'I CHAR, ,DNGOS SU NAM MKHA' MDZOD BZHIN SBYIN LA BSTOD, ,DRAG SHUL DBANG PO'I ZOL GYIS SKU RTEN DE'I, ,MGRIN PAR RDO RJE MED PAS MNAR BA DANG, ,DA YI RTEN MKHAR YANG YANG BKAS PA SOGS, ,LHA CHEN RNAMS KYANG SKRAG PAR MDZAD LA BSTOD, ,DE TSE LHA MI KUN GYIS KHYOD NYID LA, ,SKYABS BCOL GSOL BA BTAB PAS TZONG KHA PA'I, ,SNANG BRNYAN BZHENGS DANG 'PHRIN LAS MDZAD DO ZHES, ,DBUGS DBYUNG JI BZHIN YID CHES STON PA LA BSTOD, ,BOD RJE SER SKYA RGYA YI BLON CHEN GYIS, ,SROG GI CHAD PA'I
, ,CHED DU 'GUGS PA NA, ,ZHAG BDUN NAS SONG SDONG GROGS MDZAD DO ZHES, ,GSUNG BZHIN RGYA DPON TSAR GCOD MDZAD LA BSTOD, ,DGA' LDAN BSTAN LA BSRE LHAD 'JUG BYED PA'I; ;BDAG NYID CHE DANG PHAL DANG DPON CHEN SOGS, ,THOL BA'I RDUL BZHIN RLOG PAR MDZAD PA YI, ,ZHVA SER BSTAN PA'I DGRA LHA KHYOD LA BSTOD, ,GSHEN RABs LUGS NGAN 'DZIN PA'I MTHA' 'KHOB TU, ,LAS BZHI'I RTAGS MTSAN RNO MYUR DU MA YIS, ,TSANG LA MA NOR LAM BZANG RGYAS MDZAD PA'I, ,SKYE DGU'I 'DREN PAR GYUR PA KHYOD LA BSTOD, ,GNAM BSKOS LHA DANG GONG SA MCHOD YON GYIS, ,ZHVA SER BSTAN PA'I SRUNG MAR MNGA' GSOL ZHING, ,DENG NAS SANGS RGYAS MOS PA'I BSTAN PA'I BAR, ,BSTAN SRUNGs THUGS BSKYED MDZAD PA KHYOD LA BSTOD, ,MDOR NA KHYOD KYI SKU DANG 'PHRIN LAS KYI, ,PHA MTHA' MA DMIGS SGYU 'PHRUL RAB 'BYAMS GAR, ,YID BZHIN NOR DANG BUM BZANG DPAG BSAM SHING, ,RE SKONG MTHA' KLAS BKOD PAR PHYAG 'TSAL BSTOD, (,'DI DAG GI LO RGYUS NGO MTSAR CAN RNAMS ZHIB TU SHES DGOS PA YOD DO, ,DE LTAR BSTOD NAS 'DOD DON 'PHRIN LAS BCOL BA NI,) H'Um; DAM LDAN SGRUB POS KHYOD LA GANG BCOL BA'I, ,LAS BZHI'I 'PHRIN
LAS RNO MYUR THOGS MED DU, ,KUN GYI MTHONG CHOS MNGON SUM RTAGS STON NA, ,BDAG GI BCOL BA'I LAS 'DI SGRUB PAR MDZOD, ,BLO BZANG RING LUGS DRI MED NYIN BYED DBANG, ,SRID ZHI'I DGUNG MKHAR RTAG TU 'BAR BA LAS, ,DMAN DANG LOG PA'I LAM MUN THAG BSRINGS PA'I, ,SNANG BA SKYE DGU'I DPAL DU BRDAL BAR MDZOD, ,DE 'DZIN SKYES BU DPAL LDAN BLA MA YI, ,SKU TSE MI SHIGS MCHOG GI RGYAL MTSAN BRTAN, ,GANG 'DUL 'GRO LA 'PHRIN LAS DGOS 'DOD CHAR, ,BLO BZANG BSTAN PA'I DPAL DU 'BEBS PAR MDZOD, ,THUB PA'I BZHED GZHUNG DRI MED SHING RTA'I SROL, ,'DZIN PA'I BLO GSAL KHRIMS LDAN 'DUS PA'I SDE, ,THUGS MTHUN KHRIMS GTZANG BSHAD SGRUB 'PHEL BA SOGS, ,DGE LDAN RING LUGS YAR ZLA'I DPAL DU MDZOD, ,MANG THOS GDAMS PAR SHAR BA'I SNYING PO'I BCUD, ,MDO SNGAGS LAM GYI RIM PAR RTZE GCIG TU, ,SGRUB PA'I RGYAL MTSAN 'DZIN PA'I BYA BRAL KUN, ,BZHED DON SNYING POR TSON PA'I 'PHRIN LAS MDZOD, ,CHOS DANG CHOS MIN BDE SDUG RGYU 'BRAS LA, ,SPYOD PA'I SKYE DGU SA CHEN KHYON BRDAL BAR, ,TSAR GCOD RJES 'DZIN GANG 'DUL 'PHRIN LAS KYIS, ,MTHAR THUG GTAN BDE'I LAM BZANG YANGS POR MDZOD, ,KHYAD PAR RNAL
, ,'BYOR BDAG CAG 'KHOR BCAS KYI, ,BAR CHAD RKYEN NGAN MA LUS KHYOD KYIS GSOL, ,TSE BSOD DPAL 'BYOR MA LUS KHYOD KYIS SPEL, ,BRTAN GA-YO'I 'DOD DGU DBANG DU KHYOD KYIS SDUS, ,RTAG TU LUS DANG DRI BZHIN MI 'BRAL BAR, ,GANG DANG GANG BCOL YID LA GANG RE BA, ,DE DANG DE BZHIN MYUR DU 'GRUB PA YI, ,SDONG GROGS GNYER KHA NAM YANG MI GA-YEL MDZOD,, BLO BZANG BSTAN LA SDANG PA'I YID SRUBS DANG, ,RNAL 'BYOR SGOS LA 'TSE BA'I DAM NYAMS KYI, ,SNYING KHRAG CHUB KYIS 'DREN PA'I MNGON SPYOD LAS, ,LO DANG ZLA BAR MA 'GYANGS DAG LTA SGRUBS, , PHUN TSOGS 'DOD DGUR RAB 'KHYIL SGRUB GNAS 'DIR, ,RGYUN DU MCHOD GTOR MGRON DU RTAG BZHUGS NAS, ,MI NOR LONGS SPYOD SRUNG BAR GNYER GTAD NA, ,NYIN MTSAN DUS DRUG BYAR MA GA-YEL MDZOD, (,DRAG PO'I BSKUL BYED DGOS BYUNG NA, (YI DAM GYI LHA'I BRGYAL BRTON PO'I RANG NAS RIG PA RAR DAB LDAN PAS, 'DI LTAR,) H'Um; NGA NI KHRO RGYAL GSHIN RJE GSHED, ,'JAM MGON BLA MA TZONG KHA PA'I, ,BSTAN DANG BSTAN 'DZIN DGRA LHA'I GTZO, ,SHUGS LDAN DRAG PO RIGS LNGA RTZAL, ,'KHOR DANG BCAS PA KHYOD BSKUL BAS, ,DUS LA BAB BO DAM TSIG DGONGS, ,KHRO GTUM RNGAM PA'I THUGS BSKYED LA, ,GZA'
BDUD PE HAR RGYAL BTZAN DANG, ,ZHING SKYONG GSHIN RJE THE'U RANG 'BYUNG, ,MA MO SHA ZA SRIN PO'I RIGS, ,SDE BRGYAD RU 'DREN SDE BZHI SOGS, ,LAS MKHAN BSHAN PA'I DMAG DPUNG TSOGS, ,'KHOR BCAS RDZU 'PHRUL STOBS BSKYED NAS, ,'JAM MGON RGYAL BSTAN SRUNG BA DANG, ,RNAL 'BYOR SDANG DGRA GDON BGEGS RNAMS, ,SKOL BAR BYED PA'I DUS LA BAB, ,GDUG CING SDANG BA'I DGRA BO 'DIS, ,RGYAL BSTAN SPYI DANG TZONG KHA PA'I, ,BSTAN PA BSHIG CING DBU 'PHANG SMAD, ,DPAL LDAN BLA MA'I SKU LA BSDOS, ,DKON MCHOG GSUM GYI SDE RNAMS BCOM, ,DGE 'DUN SDE LA GNOD CING 'TSE, ,CHOS 'KHOR GNYAN PO BCOM PAR BYAS, ,NYES MED SEMS CAN YONGS LA 'TSE, ,RNAL 'BYOR BDAG CAG 'KHOR BCAS LA, ,MA NYES KHA NGAN GSHE SKUR 'DEBS, ,BSAM SBYOR NGAN PA SNA DGU BRTZAMS, ,MI KHYOD LHA MED ZER NAS BRNYAS, ,LHA KHYOD MTHU MED ZER NAS SMOD, ,DGRA LHA KHYOD LA BSAM BZHIN BRNYAS, ,'DI 'DRA'I NYAM THAG GNAS GYUR PA, ,YE SHE SPYAN GYIS GZIGS BZHIN DU, ,YAL PAR BOR NA SRUNG MA ZHAN, ,BSTEN CING MCHOD PA'I DGOS PA CI, ,BDAG LA DGRA LHA GZHAN MED PAS, ,SHUGS LDAN 'BOD KYI SNYAN MA SRA, ,LAS LA BSKUL LO SNYING MA RING, ,
, ,DGRA LA RBAD DO SNYING MA BUL, ,SROG RTZA GCOD LA MTHU MA CHUNG, ,SDANG DGRA SGROL LA RTZAL MA ZHAN, ,YID LA BRANG PA'I DGRA BO 'DI, ,GAR GNAS GANG DU BROS GYUR KYANG, ,DRAG TU DED LA MYUR DU ZUNGS, ,DAM DU CHINGS LA GNAD DU SNUN, ,GNAM GYI 'JU THAG STENG NAS CHOD, ,SA YI BRTEN PHUR 'OG NAS PHYUNG, ,SNYING LA LCAGS KYI SBAR MO THOB, ,LHAG PA'I PHYOGS NAS MDUD TSOD LA, ,DPRAL PA'I DKYIL NAS MIG THON CIG ,KHONG KHRAG DRON MO SKYUGs SU CHUG ,KLAD PA DKAR PO ZHO LTAR DKRUG ,GLO SNYING DAM DMAR CHEM YA RGYAB NAS PHYUNGS, ,RGYU MA NANG KHROL THANG LA KHROM, ,'OG BA'I LHA SRUNG DANG PHYA LA, ,GNOD PA'I 'DRE NGAN LAG TU GTONG, ,SRUNG BA'I GUR KHANG YOD SRID NA, ,LAS MKHAN PHO NYAS BSDUS LA SHIG ,BRTZIGS PA'I MKHAR RDZONG MCHIS GYUR NA; ;RDO RJE'I THOG GIS RMEG MED CHOMS, ,RDEG PA'I MTSON CHA YOD GYUR NA, ,RANG MTSON RANG LA 'KHOR PAR GYIS, ,BSAGS PA'I NOR RDZAS YOD GYUR NA, ,RANG NYID BRLAG CING PHUNG RGYUR THONGS, ,BZLAS PA'I GSANG SNGAGS YOD GYUR NA, ,SDIG CAN RANG LA DMOD PAR GYIS, ,PHAN PA'I SMAN DPYAD CI BGYIS PA, ,GNOD PA'I DUG DANG ZUG RDUR SGYUR, ,SKYOB PAR
BYED PA'I LHA SRUNG RNAMS, ,SROG DBUGS LEN PA'I BDUD DU PHOB, ,GSHIN RJE'I DBYUG PAS RGYAB NAS DED, ,MA MO'I DAL YAMS DRAG TU THONGS, ,BDUD KYI KHRAM SHING DGRA LA SGYUR, ,RLUNG LHAS 'BYUNG BZHI 'KHRUG TU CHUG, ,MON PAS CHO 'PHRUL 'DRE RU THONGS, ,KLU GNYAN KHROS PAS MDZES LHOG THONGS, ,GNYAN GYIS GOG LHOG SKRANGS 'BUR THONGS, ,DMU YIS DMU CHU DAL NAD THONGS, ,GZA' RGOD DRAG POS DRUG GZER THONGS, ,RGYAL PO'I GZER NAD STONG LA THONGS, ,BTZAN GYI GZER NAD SMAD DU PHOB, ,DUG GZER SBOS 'DRES 'CHI RU CHUG ,THE'U RANG 'GONG POS SMO RU CHUG ,BDUD KYIS DRAN MED PA RGYAL DU CHUG, YUL LHA SDE BRGYAD 'BYUNG PO YIS, ,KHYIM BYA'I SKAD DANG BONG BU'I BZHAD, ,THOG SER MA RUNGS LTAS NGAN THONGS, ,SNANG SRID LHA 'DRE THAMS CAD KYIS, ,MI 'DOD SNA DGU THONGS LA SHOG ,TSE BSOD DPAL 'BYOR NYAMS SU CHUG ,KLUNG RTA DBANG THANG CHAG TU CHUG ,MTHUN RKYAN LEGS TSOGS LHAG MED GTOR, ,MI 'DOD NYER 'TSE MA LUS PA, ,CHAR SPRIN 'THIBS PA'I MUN BZHIN THONGS, ,NAD GDON CHAGS CHE NYAM NGA KUN, ,KHA BA BU YUG 'CHU BA BZHIN THONGS, ,MDOR NA RNAL 'BYOR BDAG CAG LA, ,SNGA DGRA LAG TU BLANGS PA DANG, ,PHYI DGRA SEMS LA 'CHANG
, ,BA DANG, ,DA DGRA DNGOS SU GNOD PA RNAMS, ,MGO BO YAN LAG DUM BUR CHOD, ,PAGS PA BSHUS LA DON SNYING DANG, ,SHA KHRAG NANG KHROL RI LTAR SPUNGS, ,MTHU STOBS DBANG BSGYUR DGRA LHA'I RGYAL, ,'JAM MGON BSTAN SRUNG SHUGS LDAN RTZAL, ,RIGS LNGA 'KHOR DANG BCAS PA RNAMS, ,GNAM SA LTA BU'I ZHAL GDONGS LA, ,GANGS RI LTA BU'I MA CHE BA GTZIGS, ,GLOG DMAR LTA BU'I LJAGS BRKYANGS TE, ,SHA ZO KHRAG 'THUNG RUS BA MYUR, ,GNOD BYED DAM NYAMS DGRA BGEGS KYI, ,MING TZAM BRDA TZAM LA SOGS PA'I, ,THA SNYAD TZAM YANG MI GRAG PAR, ,DRAG PO'I CHAD PAS TSAR CHOD CIG ,LO DANG ZLA BAR MA BZHAG CIG ,ZHAG DANG ZA MAR MA 'GYANGS PAR, ,DA LTA NYID DU MYUR SGROL LA, ,RNAM SHES CHOS KYI DBYINGS SU DRONGS, ,BCOL BA'I LAS 'DI MA BGYIS NA, ,SNGON GYI THA TSIG NYAMS PAR 'GYUR, ,'DRIS SHING 'GROGS PA'I KHREL KYANG BOR, ,MCHOD GTOR PHUL BA CHUD RE ZOS, ,BSTAN SRUNG KHROD NA NGO RE GNONG, ,RNAL 'BYOR RE BA SUN YANG PHYUNG, ,DE BAS YAL YOL MA MDZAD PAR, ,BCOL BA'I 'PHRIN LAS SGRUB PAR MDZAD, (,DRAG BSKUL 'DI SHIN TU BKA' GNYAN PAS DO GAL CHE SKABS MA GTOGS MI GTONG, 'DI
RGYAL CHEN SKU DNGOS SU GRAGS PA SMYUNG GNAS BLA MA RIN PO CHE YE SHES BZANG POS MDZAD PA'O, ,DE NAS BZLOG PA NI,) H'Um; KHRO GTUM MI BZAD RDO RJE SHUGS LDAN RTZAL, ,RIGS LNGA 'KHOD TSOGS DAM RDZAS MCHOD GTOR BZHES, ,MTHU STOBS RDZU 'PHRUL DPUNG TSOGS RAB BSKYED NAS, ,RJE BTZUN BLA MA'I SKU TSE'I 'GAL RKYEN BZLOG ,THUB BSTAN SPYI DANG 'JAM MGON TZONG KHA PA'I, ,RGYAL BSTAN DAR ZHING 'PHEL BA'I RKYEN NGAN BZLOG ,BSTAN 'DZIN SPYI DANG DGON GNAS 'DI NYID KYI, ,PHYI NANG GSANG BA'I 'GAL RKYEN BAR CHAD BZLOG ,BDAG CAG YON MCHOD MI NOR 'KHOR BCAS KYI, ,SNGON LAS 'PHRAL RKYEN NAD RIMS GDON BGEGS BZLOG, NYON MONGS BZHI BRGYA RTZA BZHI LAS BYUNG BA'I, ,SROG 'PHROG RIGS KYI NAD RIMS THAMS CAD BZLOG ,LUS DANG SEMS LA GNOD 'TSE BYED PA'I RIGS, ,SNGAGS NAG BAN BON MTHU GTANG MAN NA GSUm, BZLOG ,RDZAS SNGAGS TING 'DZIN LDEB SHING GYIM SHANG DANG, ,RLUNG 'KHOR MNAN BSREG ZOR RNAMS 'PHEN PA BZLOG ,YAS KYI BDUD GA-YOS MAS KYI SRI LANGS PA, ,LO SKEG ZLA SKEG ZHAG SKEG SRI NGAN BZLOG ,RMI LTAS MTSAN NGAN BYUR DANG BKRA MI SHIS, ,GNOD BYED GDON BGEGS DGRA 'DRE'I GNOD PA BZLOG ,GLO BUR YE 'BROG CHAGS CHE NYAM NGA BA, ,RGYAL PO'I CHAD PA KHA MCHU
, ,RTZOD GLENG BZLOG ,GZA' DANG RGYU SKAR KLU YI GNONG PA DANG, ,BTZAN DANG RGYAL BA SEN SMYO 'BOGS (GTONG BA BZLOG, MA MO'I DAL LA MKHAs BRLANGs GTONG BA DANG, ,BDUD KYI KHRAM SHING ZHAGs PA 'DEBs PA x 'BYUNG PO GSHIN RJE'I 'KHOR LO BSKOR PA DANG, ,BDUD RIG PHUNG 'GONG DAM SRI'I GNOD PA BZLOG,) ,MDOR NA BDAG CAG YON MCHOD 'KHOR BCAS LA, ,SNGON TSE SMON LAM LOG PA'I DGRA 'DER BHYO: CHO 'PHRUL NGAN PA SNA TSOGS RNAMS LA BHYO: MI MTHUN PHYOGS KUN DGRA BGEGS STENG DU BHYO: RDO RJE SHUGS LDAN RIGS LNGA 'KHOR TSOGS KYIS, ,'DI DAG BZLOG CING BSKYUR BA'I 'PHRIN LAS MDZOD, ,H'Um; MTHUN PA'I DNGOS GRUB MA LUS PA, ,DENG 'DIR BDAG LA STZAL DU GSOL, ,'KHOR DANG BSTAN PA LONGS SPYOD RNAMS, ,RGYAS PAR MDZOD CIG SHUGS LDAN RTZAL, (,GSHEGS GTOR NI, MCHOD GTOR BSHAM TSUL SPYI LTAR BYAS LA BYIN GYIS BRLABS DE NAS,) H'Um; RGYAL BA KUN DNGOS 'JAM MGON TZONG KHA PA'I; ;BSTAN SRUNG MTHU LDAN DGRA LHA YONGS KYI GTZO, ,RAB 'JIGS RDO RJE SHUGS LDAN DRAG PO RTZAL, ,LAS BZHI'I DNGOS GRUB GTER MDZOD RIGS LNGA'I TSOGS, ,KHYOD KYI BKA' SDOD GZA' BDUD PA HAR DANG, ,DREGS PA SDE BRGYAD MA MO GSHIN RJE'I TSOGS, ,RU 'DREN LA SOGS YUL LHA GZHI BDAG BCAS, ,BKA' BSGOS DAM LA BZHAG PA'I THA TSIG BZHIN, ,'DIR GSHEGS RGYAN GYI GTOR MA 'DI
BZHES SHIG, SHA KHRAG DMAR GYI GTOR MA 'DI BZHES SHIG, ,DZAM BU TI BA'I ZHAL ZAS 'DI BZHES SHIG, SMAN RAG PHUD KYI MCHOD PA 'DI BZHES SHIG ,DZA GAD DPA' BO'I SMAN PHUD 'DI BZHES SHIG ,GTZANG MA PHUD KYI GSER SKYEMS 'DI BZHES SHIG ,SNGAR BCOL LEGS PA'I GTANG RAG GNYAN POR GTONG, ,DA BCOL LAS KYI GSOL 'DEBS GNYAN POR 'BUL, ,'KHOR RNAMS SKYONG ZHING RKYEN RNAMS BZLOG PA DANG, ,BDUD DANG BAR DU GCOD PA RNAM MANG PO, ,THAMS CAD RDUL PHRAN BZHIN DU BRLAG PA DANG, ,'DOD DGU'I YO BYAD MA LUS KHYOD KYIS SGRUBS, (,GSHEGS GTOR STENG THOG TU PHUL, BZLOG PA DANG, GSHEGS GTOR 'DI GNYIS RJE YE SHES BZANG PO'I GSUNG SOR BZHAG BRIS PA'O,, DE NAS MNGA' GSOL NI, SPRON, DPON SLOB RNAMS ZHVA GYON, PHYI ROL DU BSAD KYI DUD SPRIN DANG BCAS,) H'Um; SNANG GRAG RIGS GSUM LHA SNGAGS CHOS SKU RU, ,SHAR BA'I RNAL 'BYOR BDAG SOGS 'KHOR BCAS KYIS, ,DE NYID RIG PA'I SGO NAS LHA MCHOG KHYOD, ,DRANG NGES RDO RJE 'CHANG DU MNGA' GSOL LO, ,BLANG DOR LEGS LAM STON PA'I BLA MA DANG, ,MCHOG THUN DNGOS GRUB STZOL MDZAD YI DAM LHA, ,'PHRIN LAS BZHI YI GROGS MDZAD BSTAN SRUNG MCHOG ,BLA MA LHA SRUNG 'DUS SKUR x DBANG PHYUG BRGYAD LDAN DGA' LDAN PHO BRANG PA'I, ,MNGA' THANG CHAB SRID SPEL BA GANG SU DAG, BSAM DON ZHI DRAG BYA BA GANG BRTZAMS KYANG, ,BDE BLAG SGRUB MDZAD
, ,SRUNG MARx THUB BSTAN KHUR THIG BLA SPRUL BSHES GNYEN RNAMS, ,GANG LA BRTEN NA SKU TSE DPAL 'BYOR STOBS, ,BLO BZANG RGYAL BSTAN BYA BA RLABS PO CHE, ,'GRUB NGES DBANG SDUD LHAG LHARx DGA' LDAN LUGS 'DZIN 'DUS SNGO GANG NA YANG, ,KHYOD BRTEN KHYOD MCHOD 'DUL KHRIMS NGANG GIS GTZANG, ,MANG THOS GDAMS PAR SHAR BA'I BSHAD SGRUB 'PHEL, ,LTA SPYOD GTZANG MA'I SRUNG MAR x DAM TSIG GTZANG MA'I RDZAS DANG YO BYAD KYIS, ,RGYAL CHEN THUGS DAM DGYES PA SKOD BYED NA, ,RIGS RGYUD MNGA' THAD CHOD SPOG MI PHYUGS NAR, ,NOR LHA YID BZHIN NOR BURx SDE BRGYAD GZHI BDAG MTHU CAN THAMS CAD KYI, ,LAS BZHI'I 'PHRIN LAS MA LUS LHA KHYOD KYIS, ,'OD ZER 'PHRO TZAM MOD LA MYUR 'GRUB PHYIR, ,'OG BA'I LHA SRUNG 'DUS SKUR MNGA' GSOL ZHING, ,BDAG CAG DPON SLOB MI NOR PHYI NANG RDZAS, ,KUN GYI GNYER GTAD SRUNG MAR MNGA' GSOL NA, ,DENG NAS BYANG CHUB SNYING PO MA THOB BAR, ,LAS BZHI'I 'PHRIN LAS SGRUB LA MA GA-YEL ZHIG , (MNGA' GSOL BA 'DI SKAL BZANG MKHAS GRUB RIN PO CHE'I GSUNG LA CUNG ZAD BCOS PA'O, ,DE NAS GTANG RAG GI MCHOD BSTOD BYAS LA, LHAG CHAD KYI NYES PA BSKANG PHYIR YIG BRYGA DANG BZOD GSOL NAN TAN BYA, RTEN YOD NA LHAN BZHUGS DANG, MED NA GSHEGS SU GSOL, NYER BSDU SMON SHIS SOGS MJUG CHOG
RNAMS SPYI 'GRO LTAR BYA'O, ,MCHOD GTONG 'BUL BA BONG NGAG DBYUNG GIS MI CHOG PAR RJE BLA MA'I DGONGS PA JI LTA BA BZHIN GYI LTA SPYOD GTZANG ZHING MDO SNGAGS KYI LAM LA RNAM DPYOD YANGS PA'I BSNYEN SONG RI PO DGE LUGS PA'I MTSAN NYID TSANG BA, RJE'I BSTAN BSRUNG BA'I BSTAN SRUNG THUN MONG MA YIN RAB DE LA RGYU MTSAN, ZHES PA'I DAG SMAD CAN ZHIG NGES PAR DGOS LA, ZHES DANG, GSANG BA'I SGO NAS GZHAN LA MI MNGON PAR BLO NYE TZAM LA 'ANG 'DI'I SGROS TZAM YANG MI BYED PAR BYA BA GAL CHE ZHING LAS MYUR DU 'GRUB PA SOGS DGOS PA CHE'O, ,ZHES DVAGS 'O SKAL BZANG MKHAS GRUB RIN PO CHES GSUNGS PA GNAD CHE'O,,) SMRAS PA, SA 'DIR LAM DANG LAM MIN SNA TSOGS LUGS, ,RANG RANG LUGS 'JAM CHOG SNYAM RLOM ZHEN LANG, ,'GA' ZHIG MNGON MTHO TZAM GYI SKAL PA'ANG PHRA, ,LA LA DMAN PA'I ZHIB TZAM YANG BRAL, ,PHAL CHER PHYOGS ? ZHEN PA'I KHA PHO YIS, ,YANG DAG LAM PA THANG RNYED PA'I SKAL BAS PHONGS, ,GRUB PA'I SNYING PO CHU SHING SPUN ZLA BZHIN, ,'DI DAG RANG GI BSOD NAMS DMAN PA'I SKYON, ,THUB PA MCHOG GIS GRANGS MED BSKAL PA RU, ,BSGRUBS PA'I DAM CHOS MDO RGYUD DGONGS 'GREL BCAS, ,JI BZHIN GANG ZAG GCIG GI NYAMS LEN DU, , 'DOMS PA DGA' LDAN BKA' BRGYUD 'DI KHO NA, ,LTA SGOM SPYOD PA'I KHYAD PAR LHAG PA DANG, ,SHING RTA CHEN PO'I GZHUNG SROL 'DZIN PA DANG, ,GSUNG RAB GDAMS PAR SHAR BA'I KHYAD CHOS RNAMS, ,LUGS BZANG 'DI LAS GZHAN DU RNYAD PAR DKA', ,MDO SNGAGS ZAB BCUD
, ,TSANG LAM NOR BAR, ,'JAM DBYANGS ZHAL GYI BDUD RTZIS BRAN PA 'DIS, ,ZUNG 'JUG GO 'PHANG MYUR LAS CHES MYUR BAR, ,SBYIN PA LUGS 'DI'I KHYAD CHOS BLA MED NYID, , GROGS DAG LUGS BZANG KUN GYI YANG RTZE'I PHUL, RNYED NAS TSUL BZHIN SGRUB TU YOD PA 'DI, ,TSUNGS DPANG 'KHOR BSGYUR SAR GNAS SEMS DPAS KYANG, ,RNYED MIN BSOD NAMS PHUL GYI SKAL BZANG NYID, ,DE LTA'I LUGS MCHOG 'GRO BA'I DPAL YON DU, ,SRUNG DANG TSUL BZHIN DU SGRUB PA'I GNYER KHA BA, ,BSTAN SRUNG BYE BA'I KHROD NAS RNO MYUR GYI, ,'PHRIN LAS KHYAD PAR 'PHAGS PA 'DI KHON; ;DE PHYIR 'DI NYID BSKANG ZHING SKUL BYED PA, ,BLO BZANG BSTAN PA'I DPAL DU CHOS MKHO PHYIR, ,KHO BOS NGAL BAS SGRUB PA'I DGE LDAN GYI, ,RING LUGS PHYOGS KUN SRUNG BA'I DPAL GYUR CIG , BSTAN SRUNG CHEN PO NYID KYANG RAB DGYES PAS, ,TSE RABS LUS DANG GRIB MAR MI 'BRAL BAR, ,RDZOGS BYANG SGRUB PA'I 'GAL RKYEN SEL BA DANG, ,MTHUN RKYAN SGRUB LA NAM YANG MI GA-YEL SHOG , (CES DGE LDAN BSTAN SRUNG DGRA LHA'I RGYAL GO SRID GSUM SKYE DGU'I SROG BDAG , DAM LDAN BU BZHIN SKYONG BA'I LHA MCHOG SPRUL BA'I RGYAL CHEN RDO RJE SHUGS LDAN RIGS LNGA DRAG BO RTZA LA GYI SGER BSKANG RGYAS PA PHYOGS LAS RNAM PAR RGYAL BA' RDING DBYANGS ZHES BYA BA 'DI NI, GZHON NU'I DUS NAS
BSTAN SRUNG NYID KYIS LUS DANG GRIB MA BZHIN DU BRTZE BAS BSKYANGS PA'I BTZUN GZUGS PHA BONG KHA PA BYAMS PA TING 'DZIN 'PHRIN LA RGYA MTSOS BSTAN SRUNG CHEN PO RANG NYID KYIS BSKUL MA JI LTAR MDZAD PA SNYING DU BZUNG, DAM PA GONG MA DAG GIS MDZOD PA'I BSGANG CHOG BYIN RLABS CAN MANG DU BZHUGS KYANG, DGE LDAN THUN MONG MA YIN PA'I KHYAD CHOS RDZOGS PAR SBYAR BA ZHIG MI SNANG BAR BRTEN, RANG NYID KYANG RTZOM PA'I SPRO BA SHIN TU BRTEGS TE, RAB TSES SHING GLANG NAG ZLA'I YAR TSES BZANG POR DBU BTZUGS TE NAG SOG GI LAM SGAR DU 'PHRO 'THUD BZHIN SPYAN 'DREN MTSAMS SU SLEBS PA DANG, SO GSHOD DGA' LDAN 'PHEL RGYAS GLING DU BSTAN SRUNG 'DI'I MKHON KHANG GSAR MDZUG TU BSKYOD DGOS BYUNG BA RTEN 'BREL MA BSGRIGS LHUN GRUB TU 'DZOM ZHING, DE NYID MONG SKYONG CHEN PO NYID KYANG DGON 'GRAM DU BSU BAR PHEBS PA'I MTSAN MTSAN MA GSAL BAR BYUNG LA, SNANG BRNYAN GSAR 'DZUGS MA ZIN PA'I BAR LA DGUN DUS NYAL BA'I GCAN GZHAN YANG MI NYAL BAR DGON 'GRAM DU RGYU ZHING MI PHYUGS DU MANG GTZOS PA SOGS CHO 'PHRUL 'JIGS RNGAM CHE BA MANG DU BYUNG BA LAS, RTEN BZHINGS DANG BSKANG BA GSAR 'DZUGS KYI NYIN NYID NAS CHO 'PHRUL RNAM PA RANG ZHIR GYUR PA SOGS YA MTSAN CHE BA'I MTSAN MA DU MA BYUNG BA LA BRTEN NAS SPRO BA JE 'PHEL TU GYUR TE, SLAR NAGS SHOS SGRUB SDE DGE LDAN LUGS BZANG KUN 'PHEL GLING DU SNGAR GYI 'PHRO NAS BRTZAMS TE MJUG ME STAG NAG ZLA'I YAR GYI CHOS BCUR RDZOGS PAR BSGRIGS PA'I YI GE PA NI BYA BRAL SGRUB PA'I RGYAL MTSAN 'DZIN 'DZIN PA ZHVA SGAB CHOS MDZOD THUB BSTAN DBANG RGYAL GYIS BGYIS PA'I 'GRO DON RGYA CHER 'PHEL BAR GYUR CIG , ` (SRID ZHI'I DPAL YON MNGON 'DOD JI BZHIN DUG STZOL LA YID BZHIN NOR DANG DPAG BSAM SHING, DRAG MYUR MTHU STOBS RDO RJE'I THOG RGOD LTAR,, LHA MCHOG KHYOD KYIS LAS BZHIS RTAG TU SKYONGS, GANG GI THUGS DAM SKUL BYED SNGON MED KYI,, BSKANG CHOG PHYOGS LAS RNAM
, ,PARo RGYALo BA'Io RNGAo, ,PHYOGS BCUR SNYAN PA'I DBYANGS SU GYER BA'I SLAD, ,'DZAD MED PAR GYI 'PHRUL GZHIR GTAMS PA 'DI, ,BSTAN SRUNG CHEN PO GANG GI 'PHRIN LAS LAS, ,GCIG TU SGRUB PA'I RNAM DKAR 'DI YI MTHUS, ,BSTAN PA'I KHUR CHEN 'DEGS PA'I SKYES MCHOG KUN, ,ZHABS SEN BRTAN CING 'PHRIN LAS RGYAS GYUR CIG ,BLO BZANG RGYAL BA'I RING LUGS MA DROS KLUNG, ,DBYAR GYI DPAL MO DPAL DU 'DZIN PA BZHIN, ,BSHAD SGRUB RLABS 'PHRENG 'BUM DU RGOD PA LA, ,MKHAS GRUB GDENGS CAN BYE BAS ROL MDZES SHOG , PHYOGS BCU'I BLO GSAL KHRIMS LDAN NGANG MO'I KHYU, ,BLO BZANG BSTAN PA'I MTSO CHEN LA 'DUS NAS, ,MDO SNGAGS CHOS SPYOD BCU YI MGRIN RNGA'I DBYANGS, ,'GRO BA NGAL GSO'I DBYID DU RAB 'PHAL SHOG ,BDAG DANG RGYU SBYOR 'BREL THOGS TSE RABS KUN, ,TSANG LA MA NOR LAM BZANG MI 'BRAL ZHING, ,'GAL RKYEN SEL ZHING MTHUN RKYEN SGRUB PA LA, ,LHA MCHOG KHYOD KYIS SRUNG SKYOB MI GA-YEL SHOG ,BSRUNG CHEN PO GANG GI 'PHRIN LAS KYANG, ,PHYOGS BCU'I ZHING DU RID PA JI SRID PAR, ,DPAG BSAM SHING DANG GTER GYI BUM BZANG BZHIN, , BSTAN DANG 'GRO BA'I DPAL DU RGYAS GYUR CIG, CES PA'I BAR BYANG SMON TSIG 'DI YANG GCIG TU BSHES GNYEN TSUL BZHIN BSTEN PA LA 'PHAGS PA RTAG TU DU DANG MTSUNGS PA'I GROGS KYI DAM PA DGE SLONG BYAMS PA 'JIGS MED RNAM GROL MCHOG NAS SKUL MA JI LTAR MDZAD PA BZHIN, PHA BONG KHA SPRUL MID PAS RAB BYUNG DPO ZLA'I YAR GYI TSES BCU BZHIR SMON CING BRIS BA'O,, ,,SA BYI LOR 'DZUGS ZHUS LEd PAR SONG,,