, ,'JAM MGON BSTAN SRUNG YONGS KYI THU BO MCHOG ,RDO RJE SHUGS LDAN SROG DBANG ZAB MO'I TSUL, ,BYIN RLABS RIN CHEN PHUNG PO 'DREN PA YI; ,YID CHES NOR BU'I SHING RTA ZHES BYA BZHUGS, ,DAM NYAMS DAM SEL 'CHAL BA DE DAG LA, ,STON DANG BLTA MKHAN DE YI SNYING DRON RGYA, ,
, ,YE SHES THIG LE GUR KUM GZHON NU'I 'DZUM, ,MIG SMAN SRIN POR BSGYUR BA'I GAR STABS NYID, ,RNO MYUR DREGS PA'I BRTUL ZHUGS SNA TSOGS KYANG, ,RANG BZHIN BYANG CHUB RDO RJE'I NGO BOR BDUD, ,MTHA' DAG GZHAN SEMS ROL BA PHRA MO TSUN, ,JI BZHIN GZIGS NAS 'PHRIN LAS DE DE BZHIN, ,'BAD MED 'JUG PA 'DI NI KUN MKHYEN LAS, ,GZHAN DU SU ZHIG TSAD MAS RTOGS PAR BGYID, ,DE PHYIR KHYAB BDAG RDO RJE SEMS DPA'I NGOR, ,YID CHES LUNG DANG RIGS PAS NGES PA YIS, ,NYE BRGYUD SROG DBANG ZAB MO'I SMIN BYED BKA', ,'BAD PA CHEN POS RNYED PA 'DIR DGOD BYA, (,DE LA 'DIR TSANG LA MA NOR BA'I BSTAN PA'I SNYING PO BLO BZANG RGYAL BA GNYIS PA'I RENG LUGS DRI MA MED PA SRUNG ZHING SKYONG BA LA THUGS BSKYED 'PHRIN LAS 'GRAN PA'I ZLA THAMS CAD DANG BRAL BA, BYIN RLABS KYI
, ,ROL PA MNGON SUM SBAR BCANGS SU SBYIN PAR MDZAD PA'I BSTAN SRUNG CHEN PO RDO RJE SHUGS LDAN RTZAL GYI SROG GTAD KYI BKA' ZAB MO SNGA SOR BLA MA RIN CHEN DBANG RGYAL GYI YIG CHA'I STENG NAS GNANG SROL ZAB MO DE LTAR YANG, DUS PHYIS DBANG RGYUN LTA CI, RJES CHOG GI YIG CHA TZAM YANG NAM MKHA'I ME TOG GI SPUN ZLAR GYUR PA LTA BUR MA RNYED CING, CHOS SKYONG CHEN PO RANG NYID NAS NGOS LA DBANG BKA' GSAR DU BRTZOM DGOS KYI BKA' LAN GNYIS TZAM PHEBS SHING, RANG GI NYAMS DANG SBYAR BA'I SROG DBANG LAN RE GNYIS TZAM SLOB MA 'GA' RE LA CHIG BRGYUD DU SPEL BA DANG, YIG CHA'I SA BON TZAM BKOD PA YOD KYANG, DE TZAM LA 'PHYON MA'I BU LTAR YID RTON MA NUS PAS, SLAR YANG BDAG GI SKYABS GCIG NGES PA DON GYI RDO RJE 'CHANG KHYAB BDAG STAG PHU BA CHEN POR RGYU MTSAN ZHIB GSOL DANG BCAS RANG GIS BYAS PA'I YIG CHA'I SA BON RNAMS PHUL TE GSOL BA BTAB PAR, RDO RJE 'CHANG CHEN PO GANG NYID NI TSUR MTHONG GDUL BYA'I SNANG NGOR SHIN TU SBAS PA'I BRTUL ZHUGS KYI TSUL 'DZIN PA LAS,
DON DU DAG PA RAB 'BYAMS RGYAL BA'I 'KHOR LO DANG THABS CIG PAR RGYUN DU ROL PA'I GSANG BA BSAM GYIS MI KHYAB PA'I RNAM PAR THAR PA PHAL GYI BLO'I RVA BA LAS 'GONGS PA JI SNYED CIG BZHUGS PA CHA SHAS TZAM GSANG RNAM GYI GLEGS BAM DU BZHUGS PA LTAR LA, 'DIR RGYAL CHEN 'DI NYID KYI SROG DBANG ZAB MO 'DI NYID GSAN TSUL GYI LO RGYUS KYANG RJE BLA MA RDO RJE 'CHANG NYID KYI GSUNG LAS, RTAG TU 'KHRUL YANG NYID 'KHRUL BAG CHAGS SDEBS, ,BLA MA'I BKA' BZHIN GSOL BA BTAB PA'I MOD, ,YID DGA'I ZHING SLEB PADMA'I NGAD LDAN DRUNG, ,'DOD DON GSOL BAS DGYES ZHAL 'DZUM BAG BCAS, ,GSUNG SKYES SEMS DPA' CHEN POR DGONGS PA GTAD, ,R'A NG'A GDONG LNGA'I KHRI GSEB NAS DRANGS TE, ,MNGAG GZHUG GTAD BA BLA MA'I GSUNG DANG MTHUN, ,MI 'DRA'I KHYAD PAR CUNG ZAD KHA BSKANGS TE, ,PADMA'I MING GIS DGA' BA'I TSAL DU BKOD, ,DGE BAS BLA MA'I SKU TSE MDZAD 'PHRIN RGYAS, ,BU SLOB SEMS 'DUL 'DZIN PAR MTHUN CHOS 'BYOR BA DE DAGS 'TSO, ,KHYAD PAR 'JAM MGON RING LUGS RGYAS GYUR CIG ,CES GSUNGS PA LTAR, KHO BOS PHUL BA'I SA BON DANG, BLA MA RDO RJE 'CHANG NYID KYI GZIGS SNANG GI NYE BRGYUD ZAB MO GUNG BSGRIGS TE STZAL BLTAR GYI CHO GAR LHAN THABS KYANG BSRES TE NAG 'GROS SU DGOD PA LA, GTZANG ZHING DBEN PA'I GNAS SU STEGS KYI KHAR RGYAL CHEN RIGS LNGA'I RTEN GTOR SNYING GZUGS GTZO 'KHOR LNGA MTHEB SKYUS BSKOR BA KHA DOG RANG RANG GI SKU MDOG DANG MTHUN PA'AM, YANG NA THAMS CAD 'BRI SMUG GIS KHA BSGYUR BAR SO SOR RGYAL CHEN RIGS LNGA'I SKU TZAKA RANG RANG GI SKU MDOG DANG MTHUN PA'I DAR GYI COD PAN DBYANGS PA MANYDZI'I STENG DU BKOD, MDUN DU 'BUL GTOR GONG MTSUNGS DANG, ZHI DRAG GI NYER SPYOD, JA CHANG 'O PHUD SOGS CI 'BYOR, SPRO NI TOGS
, ,KYI 'KHOR LO DANG, GZHAN YANG YI DAM GYI MCHOD GTOR SPYI LTAR, RGYAL CHEN RIGS LNGA'I PHYAG MTSAN GYI TZAKLI, SROG 'KHOR, BLA RDO DANG LAM RIM CHEN MO'I PO TI BCAS BSHAM, SGRUB PA PO'I MDUN DU RDOR DRIL, d'A MA RU, NANG MCHOD, BSANG CHU RNAMS 'DU BYAS, YI DAM RDO RJE 'JIGS BYED DPA' BO GCIG BA'I BDAG BSKYED GTOR 'BUL DANG BCAS PA LEGS PAR BTANG, RGYAL CHEN GYI MCHOD PA BYIN BRLAB, MDUN GYI RTEN GTOR) HR'I:sht'I:(SA BSANGS,) SVABH'A WAS SBYANGS, STONG PA'I NGANG LAS RANG GI MDUN DU BEEd'UR+YA'I SA GZHIR (CES PA NAS,) NYIN MTSAN DUS DRUG BYAR MA GA-YEL MDZOD, (,BAR GYI MNGON RTOGS SPYAN 'DREN, MCHAD BSTOD, BSHAGS PA, BSKANG BA, BZLAS PA, GTOR 'BUL, BSTOD PA, 'PHRIN BCOL RNAMS BSKANG CHOG 'BRING PO LAS BYUNG BA LTAR LEGS PAR BTANG, DE NAS SLOB MA'I DON DU GSOL BA 'DEBS BA NI,) 'JAM MGON RGYAL BA'I BSTAN SRUNG SPRUL BA'I RGYAL CHEN RDO RJE SHUGS LDAN RIGS LNGA DRAG PO RTZAL 'KHOR DANG BCAS PA RNAMS KYIS, BDAG GIS SLOB MA LA DBANG BSKUR BA'I GNANG BA STZAL TE BDAG DANG SLOB MA RNAMS BYANG CHUB MA THOB BAR DU RJES SU 'DZIN PAR MDZAD DU GSOL, (ZHES GSOL BA BTAB BAS DGYES BZHIN DU GNANG BAR BSAM, DE NAS SROG DBANG DNGOS BSKUR PA LA, CHOS SKYONG NYID KYIS, 'JIGS BYED DBANG GIS SMIN PA'I SLOB MA LA, ,SKU GSUNG THUGS KYI RJES GNANG THOB BAR 'GYUR, ,CES GSUNGS PA LTAR SLOB MA RDO RJE 'JIGS BYED KYI DKYIL 'KHOR DU DBANG BZHI RNAM PAR DAG PA THOB CING DAM TSIG LA GNAS PA DANG, CHOS SKYONG CHEN PO 'DI NYID LA SNYING NAS MOS PA
DANG LDAN PA GRANGS GSUM LAS MI MANG BA KHRUS BYAS, GRAL DU 'KHOD PA LA ME TOG BKYE BSDU BYA, BGEGS GTOR SPYI 'GRE LTAR BTANG, DE NAS,) 'O; MAR GYUR NAM MKHA'I MTHA' DANG MNYAM PA'I SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG 'THOB BAR BYA, DE'I PHYIR DU DAM PA'I CHOS ZAB MO GSAN SNYAM PA'I SGO NAS KUN SLONG BYANG CHUB KYI SEMS RIN PO CHE LEGS PAR GSAL BTAB NAS GSAN PAR ZHU, GANG GSAN PAR BYA BA'I CHOS NI, KUN GZIGS RGYAL BA'I DBANG PO LNGA PA CHEN PO'I GSUNG LAS; RMAD BYUNG RNAM THAR GTZANG MA'I KHRIMS DANG LDAN, ,RLABS CHEN RGYAL SRAS SPYOD BA'I SNYING STOBS CHE, ,BDE STONG MCHOG GI RIM GNYIS RNAL 'BYOR SPYOD, ,BLO BZANG RGYAL BA'I BSTAN DANG MJAL BAR SHOG ,CES DANG, RGYAL MCHOG BDUN PA CHEN POS, SKU BZHI'I RO MNGAR GA-YUR ZA BLO BZANG GI ,RING LUGS SA H'A KA RA 'DI MTHONG TSE, ,THOS BSAM TZ'U TA'I 'KHRI SHING STOBS PHRA YANG, ,BRTZON PAS 'KHRIL TE GZHAN LA DGA' BLO BTANG, (,ZHES GSUNGS BA LTAR,) BSIL LDAN GYI LJONGS 'DIR RIS SU MA MCHIS PA'I GRUB BA'I MTHA' JI SNYED CIG BZHUGS PA'I NANG NAS TSANG LA MNOR BA'I BSTAN PA'I SNYING PO RAB DANG PHUL, RGYAL MTSAN GYI TOG LTAR KUN LAS KHYAD PAR DU 'PHAGS PA NI 'JAM MGON TZONG KHA PA CHEN PO'I BZHED SROL 'DI NYID KHO NA YIN LA, 'DI NYID 'DZIN SKYONG SPEL BA LA SNYIGS MA'I DUS 'DIR LAS BZHI'I 'PHRIN LAS KYI ROL PA RNO MYUR THOG RGOD DRAG PO LTAR GYI MTHU STOBS NUS PA GZHAN LAS CHES CHER 'PHAGS PA BSTAN SRUNG CHEN PO RDO RJE SHUGS LDAN RTZAL ZHES
, ,YONGS SU GRAGS PA 'DI NYID KYI SROG GTAD SNGA SOR BLA MA RIN CHEN DBANG RGYAL GYI YIG CHA'I STENG NAS GNANG SROL YOD 'DUG KYANG, DUS PHYIS RJES GNANG GI RGYUN LTA CI, YIG CHA TZAM YANG MTHONG THOS KYI YUL DU MA RNYED CING, BSTAN SRUNG CHEN PO GANG NAS KHO BOR RGYAL CHEN RIGS LNGA'I RJES CHOG GSAR BRTZOM GYIS SPEL DGOS LAN 'GAR RJES SU GDAMS PAR, RANG GI NYAMS DANG BSTUN PA'I YIG CHA'I SA BON 'GA' RE BKOD CING, DAM PA RE ZUNG LA CHIG BRGYUD DU PHUL YANG, DE TZAM LA 'PHYON MA'I BU LTAR YID RTON MA NUS PAS, BDAG CAG GI RNAM PAR 'DREN PA NGES PA DON GYI RDO RJE 'CHANG KHYAB BDAG STAG PHU BA CHEN POR RGYU MTSAN ZHIB GSOL DANG BCAS GSOL BA BTAB PAR, BLA MA RDO RJE 'CHANG NYID KYI GSUNG LAS, RTAG TU 'KHRUL YANG NYID 'KHRUL BAG CHAGS SDE BAS, ,BLA MA'I BKA' BZHIN GSOL BA BTAB PA'I MOD, ,YID DGA'I ZHING SLEB PADMA'I NGAD LDAN DRUNG, ,'DOD DON GSOL BAS DGYES ZHAL 'DZUM BAG BCAS, , GSUNG SKYES SEMS DPA' CHEN POR DGONGS PA GTAD, ,R'A DZ'A GDONG LNGA'I KHRI GSEB NAS DRANGS TE, ,MNGAG GZHUG GTAD PA BLA MA'I GSUNG DANG MTHUN, ,MI 'DRA'I KHYAD PAR CUNG ZAD KHA BSKANGS TE, ,PADMA'I MING GIS DGA' BA'I TSAL DU BKOD, , DGE BAS BLA MA'I SKU ('DUL 'DZIN PAR) TSE MDZAD 'PHRIN RGYAS, ,BU SLOB SEMS MTHUN CHOS 'BYOR BDE DAGS 'TSO, ,KHYAD PAR 'JAM MGON RING LUGS RGYAS GYUR CIG ,CES GSUNGS PA LTAR DAG PA YE SHES KYI GZIGS NGOR, 'JAM
MGON TZONG KHA PA CHEN POS RJE 'DUL 'DZIN PAR DGONGS PA GTAD DE DE NYID KYIS RGYAL CHEN KHRI GSEB NAS DRANGS TE SNGAGS GTAD ZAB MO STZAL BA'I NYE BRGYUD THUN MONG MA YIN PA LTAR KHO BOS LEGS PAR THOB PA RGYAL CHEN BRAN BZHIN 'KHOL BA'I BYIN RLABS KYI TSAN KHA GZHAN LAS KHYAD PAR DU 'PHAGS PA 'DI NYID 'BUL BA LA SLOB DPON GYI BYA BA'I RIM PA RNAMS GRUB NAS, SLOB MA'I BYA BA'I RIM PA LA KHRUS PHYAG GNYIS SNGON DU SONG NAS SKABS SU BAB PA MAndAL YIN PAS, BLA MA RDO RJE 'JIGS BYED DPA' BO GCIG PAR GSAL BA LA DBANG GI DON DU MAndAL ZHIG MDZAD PAR ZHU, (ZHES MAndAL 'BUL DU GZHUG) ,DE NAS GSOL BA 'DEBS PA 'DI'I RJES ZLOS MDZOD, (CES BRJOD NAS,) BLO BZANG RGYAL BSTAN BSRUNG BA DANG, ,'DZIN SKYONG SPEL BAR BYA BA'I PHYIR, ,BSTAN SRUNG RDO RJE SHUGS LDAN GYI, ,SROG DBANG ZAB MO STZAL DU GSOL, (,ZHES LAN GSUM GYIS GSOL BA GDAB,) DKON MCHOG GSUM LA (SOGS BYANG SDOM SPYI LTAR,) DE NAS SLOB MA YI DAM DU BSKYED PA LA CHOS SKYONG BKA' SDOD KYI TSUL DU SBYIN PA YIN PAS NGED KYI CHO GA'I TSIG RIS DANG MTHUN PAR DPAL RDO RJE 'JIGS BYED DPA' BO GCIG PA'I SKUR GYUR PA'I MOS PA MDZOD, (BYAS LA, SLOB MA BSANGS SBYANGS,) STONG PA'I NGANG LAS (RDO RJE 'JIGS BYED DPA' BO GCIG PA ZHAL PHYAG YONGS RDZOGS SEMS DPA' SUM BRTZEGS CAN DU BSKYED PA GZHUNG LTAR BYED,) DE NAS LHA NGO BSTAN BA NI, (SLOB MA LA,) MDUN GYI RTEN GTOR 'DI NYID KYANG RNGAMS BRJID ROL BA'I PHO BRANG GI DBUS SU 'JIGS RUNG SENG+GE'I GDAN GYI STENG DU SPRUL PA'I RGYAL CHEN RDO RJE SHUGS LDAN RTZAL SKU MDOG
, ,DMAR SMUG DGYES 'DZUM BZHAD PA'I ZHAL CAN SPYAN GSUM PA, PHYAG GA-YAS SPU GRI 'PHYAR ZHING, GA-YON DAM NYAMS KYI TZITTA ZHAL DU STOB PA, MCHAN KHUNG GA-YON NA KHAMS GSUM DBANG DU 'GUG PA'I LCAGS KYU DAR DMAR GYIS BRGYAN PA DANG GTER GYI NE'U LE 'CHANG BA, SKU LA RAB BYUNG GI CHAS KYIS MDZES SHING, DBU LA GSER GYI THANG ZHVA DAR GYI RGYAN CAN DANG, ZHABS LA GSANG PHU STAG LHVA MA BZHES PA ROL PA'I STABS KYIS BZHUGS PA, DE'I MDUN DU RNAM SNANG SHUGS LDAN RTZAL ZHI MDZAD SGRIB PA KUN SEL DKAR PO, GA-YAS SU RIN CHEN SHUGS LDAN RTZAL RGYAS MDZAD SRID GSUM DPAL 'BAR SER PO, RGYAB TU PADMA SHUGS LDAN RTZAL DBANG SDUD SNOD BCUD ZIL GNON DMAR PO, GA-YON DU KARMA SHUGS LDAN RTZAL 'JOMS MDZAD RDO RJE SHUGS LDAN SMUG NAG ,DE DAG GI MTHA' SKOR DU MDZES SDUG YUM CHEN DGU ,SNA 'DREN DGE SLONG BRGYAD, LAS MKHAN STAG SHAR BCU LA SOGS PA 'KHOR TSOGS RGYA MTSOS BSKOR BA, SKU GZI BRJID PHUN SUM TSOGS SHING, GSUNG RDO RJE'I DBYANGS KYI ROL MO 'KHROL BA, THUGS BDE STONG RNAM PAR MI RTOG PA'I NGANG NAS 'PHRIN LAS RNAM BZHI'I SGYU 'PHRUL BYE BA PHRAG BRGYAS BSTAN PA BSRUNG BA'I LAS LA GZHOL BA 'DI NA MNGON SUM DU BZHUGS YOD SNYAM PA'I MOS PA MDZOD, (CES BRDA SBRAD, DE NAS,) DES LHA NGO BSTAN PA DE SONG NAS, DA SKU GSUNG THUGS YON TAN 'PHRIN LAS KYI SROG GTAD LNGA LAS, DANG GO SKU'I SROG GTAD DU MDUN BSKYED KYI CHOS SKYONG SLOB MA'I SRUNG MAR GNYER DU
GTAD BA YIN PAS NGED KYI TSIG RIS DANG MTHUN PA'I MOS PA MDZOD, (BYAS LA, DMIGS RNAM DRAG PO DANG BCAS MCHOD 'BRU 'THOR ZHING,) RNAL 'BYOR RE SKONG YID BZHIN NOR BU MCHOG ,RDO RJE SHUGS LDAN RIGS LNGA DAM LDAN 'DI'I, ,SRUNG MAR GNYER DU GTAD NA 'BRAL MED DU, ,PHA YIS BUR BZHIN RJES SU SKYONG BAR MDZOD, (,CES LAN GSUM GYIS GNYER DU GTAD BA BZHIN ZHAL GYIS BZHES PAR BLA SLOB GNYIS KAS BSAM,) DE LTAR GNYER DU GTAD BAS SKU'I BYIN RLABS KYI SLAD DU MDUN GYI CHOS SKYONG LAS RANG 'DRA'I SKU DPAG TU MED PA 'PHROS NAS SNYING GA'I H'Um LA THIM PAS SKU'I SROG GTAD ZAB MO THOB PA'I MOS BA MDZOD, (BYAS LA, BADZRA BI KI'I MJUG TU AA BE SHA YA BTAGS PA BZLA,) GNYIS PA GSUNG GI SROG GTAD 'BUL BA LA, MDUN BSKYED KYI CHOS SKYONG GI THUGS KA'I H'Um LAS SNGAGS PHRENG BYUNG BA KHYED RANG RNAMS YI DAM DU GSAL BA'I THUGS KA'I H'Um GI ZHABS KYU NAS YAR THIM STE SROG GI SNYING PO DBANG DU 'DUS PA'I MOS PA DANG BCAS 'DI'I RJES ZLOS MDZOD, (BYAS LA,) AOm BADZRA BI KYI BI tnA SV'AH'A, LAN GSUM, AOm DHARM'A P'A LA MAH'A R'A DZ'A BADZRA BE GA WA NA RU DVA:PANYTZA KU LA SARBA SHA TRUm M'AR YA H'Um PHAd, (LAN GSUM RJES ZLOS BYED DU GZHUG ,DE NAS DE'I MTHA' RTEN DU, BLA GNAS KYI GTZO BO BYANG CHUB LAM RIM CHEN MO'I PO TI LAG TU BZHAG LA,) RGYAL CHEN LUS DANG GRIB MA JI BZHIN DU, ,MI 'BRAL 'GROGS PA'I BLA GNAS GTZO BO 'DI, ,KHYOD LA GTAD PAS DENG NAS BYANG CHUB BAR, ,BSRUNG SKYOB RNAM BZHI'I 'PHRIN LAS MA GA-YEL KYEE, (,ZHES GTAD, DE NAS,) DES GSUNG GI SROG GTAD SONG NAS, GSUM PA THUGS KYI SROG GTAD LA, MDUN BSKYED CHOS SKYONG GI
, ,THUGS KA NAS THUGS SROG H'Um YIG SNGON PO DPAG TU MED PA BYUNG, RANG GI SNYING GA'I H'Um LA THIM PA'I MOS PA MDZOD, (BYAS LA DMIGS RNAM BSTAN,) DE'I MTHA' RTEN DU BLA RDO DANG SROG 'KHOR LAG TU GTAD PA BZHIN TSIG RIS DANG MTHUN PA'I MOS PA MDZOD, (BYAS LA, BLA RDO DANG SROG 'KHOR SLOB MA'I LAG TU GTAD DE,) RGYAL CHEN LUS DANG GRIB MA JI BZHIN DU, ,MI 'BRAL 'GROGS PA'I BLA RDO SROG 'KHOR 'DI, ,KHYOD LA GTAD PAS DENG NAS BYANG CHUB BAR, ,BSRUNG SKYOB RNAM BZHI'I 'PHRIN LAS MA GA-YEL KYEE, (,ZHES BRJOD CING BSAM,) BZHI PA YON TAN GYI SROG GTAD LA, RGYAL CHEN RIGS LNGA'I RANG RTAGS PHYAG MTSAN LAG TU GTAD DE RANG RANG GI DNGOS GRUB SBYIN PAR GA-YAR DAM BCAS BAR BSAM DGOS PAS, DE YANG THOG MAR GTZO BO'I PHYAG MTSAN LAG TU SBYIN TE LAS RAB 'BYAMS KYI DNGOS GRUB STER BAR GA-YAR DAM BCAS PA'I MOS PA MDZOD, (BYAS LA,) DAM NYAMS SROG GI SPU GRI DANG, ,TZITTA PHYAG MTSAN 'DI SBYIN PAS, ,PHYI NANG DGRA DPUNG LAS RGYAL NAS, ,LHAN SKYES DGA' STON LA SPYOD SHOG (,CES GTAD,) DE NAS ZHI MDZAD SGRIB PA KUN SEL GYIS PHYAG MTSAN LAG TU GTAD DE ZHI BA'I DNGOS GRUB SBYIN PAR GA-YAR DAM BCAS PA'I MOS PA MDZOD, (BYAS LA, ZHI MDZAD KYI PHYAG MTSAN BYIN TE,) RAB MDZES MDA' DAR ZHAGS PA STE, ,ZHI BYED PHYAG MTSAN 'DI SBYIN PAS, ,NAD GDON BAR CHAD 'JIGS BRGYAD KUN, ,ZHI BA'I 'PHRIN LAS MYUR 'GRUB SHOG (,CES GTAD,) DE NAS RGYAS MDZAD SRID GSUM DPAL 'BAR GYIS KYANG RANG RTAGS PHYAG
MTSAN LAG TU GTAD DE RGYAS PA'I 'PHRIN LAS SGRUB PAR GA-YAR DAM BCAS PA'I MOS PA MDZOD, (BYAS LA, RGYAS MDZAD KYI PHYAG MTSAN BYIN TE,) DGOS 'DOD RIN CHEN NOR GZHONG DANG, ,GTOR GYI BUM PA 'DI SBYIN GYIS, ,TSE DPAL BSOD NAMS 'BYOR BA SOGS,, DGOS 'DOD YID BZHIN RGYAS GYUR CIG ,CES GTAD, DE NAS DBANG SDUD SNOD BCUD ZIL GNON GYIS KYANG RANG RTAGS PHYAG MTSAN LAG TU GTAD DE DBANG GI DNGOS GRUB STER PAR GA-YAR DAM BCAS PA'I MOS PA MDZOD, (,BYAS LA, DBANG MDZAD KYI PHYAG MTSAN BYIN TE,) KHAMS GSUM DBANG DU 'GUGS PA YI, ,LCAGS KYU ZHAGS PA 'DI SBYIN GYIS, ,SRID GSUM CHE RGU BRAN BZHIN DU, ,KHYOD KYI DBANG DU 'DUS GYUR CIG ,CES GTAD, DE NAS 'JOMS MDZAD RDO RJE SHUGS LDAN GYIS KYANG RANG RTAGS PHYAG MTSAN LAG TU GTAD DE DRAG PO'I 'PHRIN LAS SGRUB PAR GA-YAR DAM BCAS PA'I MOS PA MDZOD, (BYAS LA, 'DZOMS MDZAD DRAG PO'I PHYAG MTSAN BYIN TE,) DGRA SNYING GCOD PA'I SPU GRI DANG, ,DGRA BGEGS SNYING DRON 'DI SBYIN GYIS, ,MNGON SPYOD LAS KYI NUS PA LA, ,THOGS MED RDO RJE'I SHUGS LDAN SHOG (,CES BRJOD CING BSAM,) LNGA PA 'PHRIN LAS GTOR MA'I DBANG BSKUR BA LA, GTOR MA CHOS SKYONG GTZO 'KHOR DU GSAL BA SLOB MA YI DAM DU GSAL BA'I LAG TU GTAD PA'I SKABS, KHYED RANG RNAMS YI DAM DU GSAL BA DANG CHOS SKYONG PHAN TSUN PHYAG SBREL BA LA BLA MA RDO RJE 'JIGS BYED KYIS BKA' BSGO BA'I MOS PA MDZOD, (BYAS LA GTOR MA LAG TU BZHAG STE, GDUNG SHUGS DRAG POS,) RGYAL CHEN RDO RJE SHUGS LDAN RIGS LNGA DRAG PO RTZAL 'KHOR DANG BCAS
, ,PA RDO RJE SLOB MA 'DI'I SRUNG MAR GNYER DU GTAD DO, (,DMIGS BSAL KHYAD PAR CAN GYI RIGS LA, SLOB MA 'DI'I ZHES PA'I MJUG TU,) BRAN DANG MNGAG GZHUG TU GTAD DO, (,ZHES KHA BSGYUR, DE GNYIS GANG LTAR YANG,) RTZA BA DANG BRGYUD PAR BCAS PA'I GA-YAR DAM BTZAN PO BSGOS PA LAS MA 'DA' BAR LUS DANG GRIB MA BZHIN 'GROGS TE, JI LTAR BSGO BA'I 'PHRIN LAS RAB 'BYAMS DUS LAS MI GA-YEL PA MDZOD CIG (,CES JI LTAR MNGAG GZHUG TU GTAD PA LTAR ZHAL GYIS BZHES PAR BSAM, DE NAS PHAN TSUN DAM TSIG BSRE ZHING, RDO RJE'I DAM BSGAG PA NI, NANG MCHOD KYI BDUD RTZI NAS GTOR MAR BRAN CING, SLOB MAR YANG BYIN TE,) PANYTZA AA MRi TA AU DA KA thA thA: ZHES DAM BSGO, 'O; DE DAG GIS BSTAN SRUNG RGYAL PO CHEN PO 'DI NYID KYI SROG DBANG ZAB MO NYE BRGYUD THUN MONG MA YIN PA LEGS PAR PHUL ZIN PA YIN PAS, BSTAN SRUNG GNYAN PO 'DI NYID NI DAM TSIG TSUL BZHIN DU BSRUNG BA RNAMS LA DGOS 'DOD YID BZHIN DU STZOL BA'I NOR BU LTA BU DANG, GAL TE DAM TSIG LAS 'DAS NA RDO RJE'I CHAD PA DRAG PO GLO BUR DU 'BEBS PAR GDON MI ZA BAS, DE LTA BU'I KHE NYEN GYI KHYAD PAR THUGS LA BZHAG NAS, SPYI'I DAM TSIG DPAL RI BO DGE LDAN PA'I LTA GRUB GTZANG MA BSRE LHAD MED PAR 'DZIN PA DANG, KHYAD PAR GYI DAM TSIG 'DI NYID SRUNG MA'I THU BOR BZUNG STE ZLA RE BZHIN BSKANG CHOG RGYAS BA LAN RE MA CHAG PA SOGS DAM TSIG MTHA' DAG TSUL BZHIN DU BSRUNG BAR BYA'O SNYAM PAS 'DI'I RJES ZLOS MDZOD, (CES BYAS LA,) GTZO BOS JI LTAR BKA' STZAL BA, DE DAG THAMS CAD BDAG GIS BGYI, (,LAN GSUM,) DE LTAR DAM TSIG RNAMS TSUL BZHIN DU BSRUNG ZHING, BSTAN
SRUNG CHEN PO 'DI NYID SRUNG MA'I THU BOR BZUNG STE MCHOD CING BSKANG BA LA 'BAD NA MNGON PAR 'DOD PA'I DON MTHA' DAG YID BZHIN BDE BLAG TU 'GRUB PAR 'GYUR BA NI KHO BOS MYONG BAS GRUB PA YIN PAS DE LTA BU THUGS LA BZHAG NAS PHYAG LEN LA THEBS PA DANG, DBANG BSKUR BA LEGS PAR THOB PA'I GTANG RAG GI MAndAL YANG MDZAD PAR ZHU, (ZHES MAndAL 'BUL DU GZHUG ,DE NAS SLOB MA RNAMS RANG GNAS SU BTANG, TSOGS KYI 'KHOR LO BSHAMS YOD NA CHO GA ZUR DU 'BRIS PA LTAR LEGS PAR BTANG, MNGA' GSOL BSDUS BA BSKANG CHOG 'BRING PO LAS BYUNG BA LTAR BYA, DE NAS NYER SPYOD KHA GSO, BYIN GYIS BRLABS LA, YI DAM DANG CHOS SKYONG GI GTANG RAG ,MCHOD BSTOD, YIG BRGYA, BZOD GSOL, RTEN YOD NA BRTAN BZHUGS DANG, MED NA GSHEGS GSOL, NYER BSDU, SMON SHIS SOGS MJUG CHOG SPYI LTAR BYA'O,) ,SMRAS PA, DGOS 'DOD BYIN BRGYA RIN CHEN PHUNG PO'I GTER, 'DREN PA'I YID CHES NOR BU'I SHING RTA 'DIR, ,GANG GIS SPYOD PA DE DANG DE DAG NI, ,GRUB GNYIS 'DOD RGU'I MDZOD DU NGAL BSO THOB, ,MKHYEN GTER GZHON NU'I 'DZUM DKAR GYIS 'PHYIS PA'I, ,DBANG GI RGYAL PO SRID ZHI'I GTZUG TOR BLAR; ;'GYINGS PA'I RGYAL MTSAN GANG GI PHRAG PA NA, ,'PHYAR NUS SHUGS CHEN STOBS LDAN 'DI KHO NA, ,'DI NI SKYOB PA'I MGON DANG BRTZE BA'I PHA, ,DUNG DUNG SPUN DANG SNYING NYE MDZA' GCUGS GROGS, ,BSGO BA'I LAS LA BRAN DANG MI GNYIS PA, ,YID BZHIN NOR BU GCIG PU 'DI LAS GANG, ,DE PHYIR GROGS DAG BLO BZANG RING LUGS KYI, ,GTZANG MA'I YOL GO SUG PAR BZUNG NUS NA, ,BSTAN SRUNG CHEN PO 'DI YIS DUS DRUG TU, ,BU BZHIN SKYONG BAR THE TSOM MED DO KYEE, (,DE LTAR SPRUL PO'I BSTAN SRUNG RGYAL CHEN RDO RJE SHUGS LDAN RTZAL
, ,GYI SROG DBANG ZAB MO BSKUR TSUL BYIN RLABS RIN CHEN 'DREN PA'I YID CHES NOR BU'I SHING RTA ZHES BYA BA 'DI YANG, RGYU MTSAN GONG 'KHOD LTAR CHOS SKYONG CHEN PO NYID KYI GSUNG GI BSKUL MA LAN KHA YAR BYUNG BA SNYING GI THIG LER BZUNG MUS THOG ,NAD LDAN SLOB BU DAG NAS BSKUL MA, BYED MI YAN MANG TZAM BYUNG BA MA ZAD, 'JAM MGON RING LUGS DRI MA MED PA BSRUNG BA LA LAS BZHI'I 'PHRIN LAS RNO MYUR THOGS PA MED PAS DUS PHYIS 'PHRIN LAS KYI KHYAB GDAL LHAG PAR CHE BA LA BRTEN, CHUL BZHIN BSTEN PA RNAMS LA SROG DBANG YANG NGES PAR MKHO ZHING SKABS SU BAB PAR, RANG GI NYAMS DANG, BLA MA RDO RJE 'CHANG GI GZIGS SNANG NYE BRGYUD KHYAD PAR CAN ZUNG DU 'BREL BA'I PHYAG LEN MAN NGAG JI LTA BA BZHIN 7 PHA BONG KHA BA BYAMS PA BSTAN 'DZIN 'PHRIN LAS RGYA MTSOS SHO MDO GRVA SGOM CHOS GLING BLA BRANG DU SHING PHAG CHU STOD ZLA BA'I DMAR PHYOGS KYI BZANG PO GSUM PA'I NYIN MCHOD BRJOD NAS MJUG BYANG GI BAR RDZOGS PAR SBYAR BAR, RDO RJE'I DAM BSGAG CIG ,DAM TSIG BSRUNG BA'I MCHAMS DE MA THAG TU DKYIL BSAM DGON NAS GRI DPA' DAM RNO RING GIS SNA DRANGS TE NOR SNA TSOGS SHIG 'BUL MI 'BYOR BRTEN 'BYUNG GI LA NYE MCHOG TU BZANG ZHING, YI GE PA YANG 'DAN CHOS 'KHOR DGON GYI GRVA RIGS BLO BZANG RDO RJES BGYIS PA BCAS DE DE BZHIN DU RJES SU 'DZIN PAR GYUR CIG , ` ,,DGE LDAN BSTAN SRUNG RDO RJE'I MTSAN CAN GYI SROG 'KHOR BRI TSUL ZHAL CHAB ZUNG 'BREL DAM CAN THUGS KYI THIG LE ZHES BYA BA BZHUGS SO,,) ,, ` NA MO GU RU BADZRA BHEE RA W'A YA, (DGE LDAN BSTAN SRUNG SPRUL PA'I RGYAL CHEN RDO RJE SHUGS LDAN RTZAL CHEN PO'I SROG 'KHOR JI LTAR 'BRI BA'I TSUL NI, 'BRI GZHI DAR DMAR PO'AM, RGYA SHOG DMAR PO DRI MA MED PA LA, 'BRI RDZAS KHYIM BYA DE PHO DKAR RKYANG GI GTZUG 'PHRU KHAB KYIS BTZAGS PA LAS BTON PA'I GTZUG KHRAG GSER RAM SNAG TSAL BSRES PA
DANG; RGYA SHOG SOGS MA 'BYOR NA 'BRI GZHI BOD SHOG LEGS PA ZHIG LA DMAR POS KHA BSGYUR TE, KHYIM BYA DKAR PO'I GTZUG KHRAG NGES PAR BSRES PA'I GSER RAM SNAG TSAS BRIS PA'I MTSON 'KHOR RTZI BAS BZHI BA, LTE BA CHA PHRAN BZHIS BSKOR BA, RTZI BSAL CHA PHRAN BZHI, MU KHYUD PHYI, NANG, BAR GSUM LA CHA PHRAN RE, RDO RVA CHA PHRAN GCIG ,ME RVA CHA PHRAN PHYED GSUM TZAM BCAS KYIS PHYI RIM BZHIN ZLUM POR BSKOR BA LA RDO RVAR 'KHOR LO'I RTZIBS DANG RTZIBS MCHAN GYI THAD DU RDO RJE 'BRI BA SOGS 'KHAR LO SPYI 'GRE LTAR GYI RDO RJE'I PHRENG BA DANG, ME RIS GA-YAS SU BSKOR BAR 'BRI, YONGS GRAGS ME RI BRGYAD KYIS BSKOR YANG, SPYIR ME RI LA GRANGS NGES PA CAN MI DGOS GSUNGS, DE LTAR 'KHOR LO MU KHYUD DANG BCAS PA TSAD LDAN BRIS PA'I LTE BAR, H'Um; DE DANG MDUN SPROD DBU PHYIR BSTAN GA-YAS SKOR GYIS MJUG NANG DU 'KHOR BAR TSEG MED DBU CAN GYIS,) AOm BADZRA BI KI BItnA SV'AH'A, AOm DHARM'A B'A LA MAH'A R'A DZ'A BADZRA BEG WAn RU DRA:PANYTZA KUL SARBA SHTRUm M'A RA YA H'Um PHAd, (CES SROG SNGAGS RING THUNG GNYIS KA BRIS PA'I MJUG TU,) RGYAL CHEN RDO RJE'I SHUGS LDAN RIGS LNGA RTZAL SROG GI 'KHOR LO 'DI LA BRTAN PAR BZHUGS NAS SGRUB PA PO YI LUS DANG GRIB MA BZHIN DU 'GROGS LA NYIN MTSAN DUS DRUG TU STONG GROGS MDZOD CIG ,'PHRIN LAS RNAM BZHI DUS LAS MI GA-YEL BAR SGRUBS SHIG (,CES 'BRI, RTZIBS BZHI LA MDUN GYI RTZIBS SU,) ZHI MDZAD SGRIB PA KUN SEL SROG GI 'KHOR LO 'DI LA BRTAN PAR BZHUGS NAS ZHI BA'I 'PHRIN LAS MTHA' DAG THOGS PA MED PAR SGRUB PAR MDZOD CIG ,GA-YAS KYI RTZIBS LA, RGYAS MDZAD KHAMS GSUM DPAL 'BAR SROG GI 'KHOR LO 'DI LA BRTEN PAR BZHUGS NAS RGYAS PA'I 'PHRIN LAS MTHA' DAG THOGS PA MED PAR SGRUB PAR MDZOD CIG (,RGYAB KYI RTZIBS LA,) DBANG SDUD SNOD BCUD ZIL
, ,GNON SROG GI 'KHOR LO 'DI LA BRTAN PAR BZHUGS NAS DBANG GI 'PHRIN LAS MTHA' DAG THOGS PA MED PAR SGRUB PAR MDZOD CIG (,GA-YON GYI RTZIBS LA,) 'JOMS MDZAD RDO RJE SHUGS LDAN SROG GI 'KHOR LO 'DI LA BRTAN PAR BZHUGS NAS MNGON SPYOD KYI LAS MTHA' DAG THOGS PA MED PAR SGRUB PAR MDZOD CIG ,(SHAR MDUN DU BRTZIS PA'I SHAR LHO NAS BRTZAMS TE 'KHOR LO'I KHUG PA BZHIR,) DZA:H'Um BAm HO: (BZHI DANG, DZA: PA'I THAD KYI SHAR LHO'I RTZIBS MCHAN DANG POR,) ,RGYAL CHEN RDO RJE SHUGS LDAN RTZAL SROG GI 'KHOR LO 'DI LA BRTAN PAR BZHUGS NAS SGRUB PO YON MCHOD LA LUNG RTOGS CHOS KYI DNGOS GRUB STZOL CIG (,GNYIS PAR,) RGYAL CHEN RDO RJE SHUGS LDAN RTZAL SROG GI 'KHOR LO 'DI LA BRTAN PAR BZHUGS NAS SGRUB PO YON MCHOD LA 'PHAGS NOR BDUN GYI DNGOS GRUB STZOL CIG ,GSUM PAR, RGYAL CHEN RDO RJE SHUGS LDAN RTZAL SROG GI 'KHOR LO 'DI LA BRTAN PAR BZHUGS NAS SGRUB PO YON MCHOD LA 'DOD PA'I YON TAN GYI DNGOS GRUB STZOL CIG ,BZHI PAR, RGYAL CHEN RDO RJE SHUGS LDAN RTZAL SREG GI 'KHOR LO 'DI LA BRTAN BAR BZHUGS NAS SGRUB PO YON MCHOD LA RNAM GROL THAR PA'I DNGOS GRUB STZOL CIG ,(CES PA RNAMS DANG, MU KHYUD GSUM GYI NANG MAR,) AA A'A AI A'I AU A'U Ri R'i Li L'i AE AEE AO AOO AAm AA: RDO RJE SHUGS LDAN RTZAL 'KHOR DANG BCAS PA SROG GI 'KHOR LO 'DI LA BRTAN PAR BZHUGS NAS CI BCOL BA'I LAS THAMS CAD THOGS PA MED PAR SGRUB TU GSOL, (MU KHYUD PAR PA LA,) KA KHA GA GHA GA TZA TSA DZA DZHA NYA tA thA tA tHA nA TA THA DA DHA NA
PA PHA BA BHAM YAR LA WA SHA shA SA HA KshA:RDO RJE SHUGS LDAN RTZAL SROG GI 'KHOR LO 'DI LA BRTAN PAR BZHUGS NAS CI BCOL BA'I LAS THAMS CAD THOGS PA MED PAR SGRUB TU GSOL, MU KHYUD PHYI MA LA, AE DHARM'A HE TU PRA BHA W'A HE TUNTE sh'ANTA TH'A GA TO HYA BAD TA TEsh'ANYTZA YO NI RODHA AE WAm B'A D'I MAH'A SHRA MAn: GNOD SBYIN RGYAL PO RDO RJE SHUGS LDAN RTZAL SROG GI 'KHOR LO 'DI LA BRTAN PAR BZHUGS NAS ZHI RGYAS DBANG DRAG GI LAS THAMS CAD THOGS PA MED PAR SGRUB TU GSOL, (ZHES SPEL TSIG RNAMS DANG BCAS BA SO SOR MA NOR BAR GTZANG SBRA DANG LDAN PAS 'BRI, A'A LI K'A LI ME DHARM'A GSUM KA YIG PAR CHA SNYOMS PAS SO SO'I SPEL TSIG MJUG RDZOGS MTSAMS AA DANG, KA DANG, YE RNAMS KYI 'GRAM BAR DU 'KHOR BA BYA, YANG RGYAL CHEN SROG 'KHOR RGYAS BA THUN MONG MA YIN PA NI, CHOS SKYONG 'DI NYID KYI SKU TSAD LDAN BRIS BA'I LTO BA'I THAD TZAM LA, SKU'I STOD DANG, PHYAG ZHABS, ZHON PA RNAMS MTHONG TZAM DU 'KHOR LO SNGAR BZHIN 'BRI, BLA RDO'I TSAB LAM RIM CHEN MO GZIGS SNANG LAN MANG DU BYUNG BA CHOS SKYONG 'DI'I KHYAD CHOS THUN MONG MA YIN PA YIN GSUNGS, CHOS SKYONG DREGS PA'I SROG 'KHOR BZO LUGS, DBUS SU SROG YIG , MTHA' SKOR SROG SNYING, DE'I PHYIR 'KHOR BRGYAD YOD NA PADMA 'DAB BRGYAD, 'KHOR BZHI YIN NA 'KHOR LO RTZIBS BZHI PA 'BRI, DA LA RANG RANG SROG SNGAGS YOD NA DE DANG, MED NA MTSAN GYI MTHAR SROG GI 'KHOR LO 'DI LA BRTAN BAR BZHUGS NAS, ZHES SOGS SPEL TSIG CAN DANG, DE'I PHYIR MU KHYUD LNGAR RIM BZHIN DBYANGS GSAL, RTEN SNYING, RDO RVA, ME RI BCAS 'BRI, DBUS SU RDO PA WONG LONG BUR SROG YIG BRIS BA DANG, DPA' BO'I GRI SNYING GI TSAL BU, GSER SA BYUNG RNAMS BCUG STE BLTEB, YI GE RNAMS LA BZANG DRUG SOGS BYUGS PAR YANG GSUNGS, CHOS SKYONG RNAMS RANG RANG GANG LA DGYES PA'I RDZAS DER THUGS YID
, (,CHAGS PAS, RGYAL CHEN 'DI NYID LA BYANG CHUB LAM RIM CHEN MO'I GLEGS BAM LTA BU BCUG NA SHIN TU LEGS GSUNGS, DE LTAR DGE LDAN BSTAN SRUNG SPRUL PA'I CHOS SKYONG RDO RJE SHUGS LDAN RTZAL CHEN PO'I SROG 'KHOR 'BRI TSUL RGYAS PAR BKOD PA 'DI NI, KHYAB BDAG STAG PHU PA PADMA BADZRA DPAL BZANG PO DANG, DRIN CAN BLA MA RDO RJE 'CHANG 7PHA BONG KHA PA ZHAL SNGA NAS RNAM GNYIS SHING MO PHAG GI LOR NAGS SHOD STAG PHU SGRUB SDE DGE LDAN LUGS BZANG KUN 'PHEL GLING DU GDAN 'DZOMS TE CHOS SKYONG CHEN PO'I SROG GTAD KYI BKA' ZAB MO'I 'PHRIN LAS DUS SU SMIN PA NA, 'DI NYID KYI SOGS 'KHOR GONG GSAL 'DRI LUGS DANG PO LTAR GYI 'KHOR LO'I MA DPE GSAR DU DRIS SHIG PA'I BKA'I ME TOG GSAR BA SPYI BOR PHEBS PA DANG CHABS CIG ,JI LTAR 'BRI LUGS DGYES BZHIN BKA' BGROS PA'I MAN NGAG JI STZAL DE SKABS RANG GIS GANG THOS RNAMS BYIN RLABS KYI TSAN KHA'I KHYAD DE MDUN RANG DU BRJED THOR SPEL BA'I THOG NAS, SROG 'KHOR GYI MA DPE 'PHRAL BRIS KYIS SPYAN BSTAR PHUL BA LJAGS ZHUS KYANG BKA' DRIN DGYES STZAL THOB PA LA MA PHYIR BYAS TE 'PHRIN LAS DAR ZHING RGYAS PAR GYUR CING, DE BSTUN ZIN BRIS 'DI YANG SLAR NYE BAR MKHO BA'I BSAM PAS KUN NAS BSLANGS TE BAN GZUGS CHOS MED PA SU DH'I BADZRAS DGE 'PHEL BYANG CHUB GLING DU YI GER PHAB PA 'GRO DON 'PHEL,,) ` DAD DAM MTSUNGS MED LHA KLU DGA' TSAL BAS, ,YON SBYAR MTHUN RKYEN 'BREL TSAD BLA MA YIS, ,TSE RABS 'BRAL MED MNYES BZHIN RJES 'DZIN CING, ,ZUNG 'JUG RDO RJE 'CHANG DBANG MYUR THOB SHOG , DGE LEGS 'PHEL,, ,,