(*, ,DPAL MGON STOBS 'PHROG DBANG PO GDONG BZHI PA'I RNAM 'GYUR SER PO RGYAS BYED LHA DGU LA BRTEN PA'I 'DOD DGU DBANG DU BYA BA'I MAN NGAG DGOS 'DOD DBYIG GI CHAR 'BEBS KYI LHAN THABS DBYAR GYI RNGA GSANG ZHES BYA BA BZHUGS SO,,
, ,DPAL LDAN ZUNG 'JUG DANG PO'I MGON PO GANG, ,MI SDUG SRIN PO KHROS PA'I RNAM 'GYUR GYIS, ,BSTAN DANG 'GRO LA PHAN BDE'I DGE MTSAN 'BUM, ,STZOL LA YID BZHIN NOR BU GCIG PU BZHIN, ,GANG GI 'PHRIN LAS YID BZHIN NOR BU'I SPRIN, , PHAN BDE'I RIN CHEN KHUR GYIS LCI BA YI, ,LHAN THABS DBYAR GYI RNGA GSANG LDIR BAS KYANG, ,'DOD DGU'I GRU CHAR MYUR DU BSKUL BAR 'GYUR, , ('DIR DPAL MGON RGYAS BYED LHA DGU'I 'PHRIN LAS KYI BYE BRAG 'DOD DGU DBANG DU BYA BA'I GTER BUM SGRUB PA'I MAN NGAG DGOS 'DOD DBYIG GI CHAR 'BEBS KYI LHAN THABS 'GA' ZHIG PHYOGS GCIG TU
, ,'GOD PA LA, 'PHRIN BCOL DANG BSTOD PA ZIN NAS GA-YANG 'GUGS KYI GONG DER SPRO NA GSER SKYEMS DANG BSKUL SOGS BYA ZHES PA'I GSER SKYEMS BSANGS DANG BCAS PAS MCHOD CING 'PHRIN LAS GNAD NAS BSKUL BA NI, JA CHANG 'O MA GANG RUNG GI SKYEMS PHUD GSER GYIS BRAN PA, PHUD KONG 'BAB GZHONG DANG BCAS PA, LOGS SU PHYE MAR DKAR GSUM MNGAR GSUM GYIS SPRUL PAR SMAN SNA TSOGS BTAB PA, 'BUL SNOD DANG BCAS PA, PHYI ROL DU BSANGS KYI DUD PA DANG BCAS BSHAM, 'BUL TSIG DANG BSTUN RE RE BZHIN MCHOD GA-YOG PAS PHYI ROL TU BSANGS KYI NANG DU 'BUL BA'AM, MIN KYANG NANG DU SNOD DU PHUL NAS SDEBS GCIG LA BSHAMS KYANG RUNG STE, GANG LTAR YANG DMIGS GNAD BRTAN BOS,) H'Um; DPAL LDAN
RGYAS BYED NOR LHA'I GTZO, ,DGOS 'DOD 'PHRIN LAS KUN STZOL LA, ,PHYE MAR BDUD RTZI GSER SKYEMS DANG, ,DRI ZHIM BSANGS KYI MCHOD PA 'BUL, ,SNGON GYI GA-YAR DAM MA BSNYEL BAR, ,KHYED KYI THUGS DAM DUS LA BAB, ,NYIN GSUM BYA RA MA GA-YEL ZHING, ,MTSAN GSUM MEL TSE 'BRAL MED MDZOD, ,'GAL RKYEN BAR GCOD KUN SEL ZHING, ,TSE DPAL 'BYOR PA SNYAN GRAGS SOGS, ,MA BCOL LAS KUN THOGS MED DU, ,CI 'DOD DNGOS GRUB STZAL DU GSOL, , RDO RJE RIGS MCHOG GA-YUNG MO NAG ,NAD GDON PAR GCOD ZHI MDZAD MAR, ,PHYI MAR BDUD RTZI x DRI ZHIM BSANGS KYI x SNGON GYI GA-YAR DAM x KHYED KYI THUGS DAM x NYIN GSUM BYA RA x MTSAN GSUM MEL TSE x 'GAL RKYEN BAR GCOD x TSE DPAL 'BYOR PA x MA BCOL LAS KUN x CI 'DOD DNGOS GRUB x LAS KYI RIGS MCHOG GTUM MO LJANG, ,DGRA BGEGS DRAG POS SGROL MDZAD MAR, ,PHYE MAR x DRI ZHIM x SNGON GYI x KHYED KYI x NYIN GSUM x MTSAN GSUM x
, ,'GAL RKYEN x TSE DPAL x MA BCOL x CI 'DOD x PADMA RIGS MCHOG SRIN MO DMAR, ,KHAMS GSUM DBANG DU 'GUGS MDZAD MAR, ,PHYE MAR x DRI ZHIM x SNGON GYI x KHYED KYI x NYIN GSUM x MTSAN GSUM x 'GAL RKYEN x TSE DPAL x MA BCOL x CI 'DOD x RIN CHEN RIGS MCHOG SING+GA LI, ,TSE DPAL 'BYOR PA RGYAS BYED MAR, ,PHYE MAR x DRI ZHIM x SNGON GYI x KHYED KYI x NYIN GSUM x MTSAN GSUm x 'GAL RKYEN x TSE DPAL x MA BCOL x CI 'DOD x RGYAL CHEN RNAM MANG THOS PA'I SRAS, ,DGOS 'DOD DBYIG GI CHAR 'BEBS LA, ,PHYE MAR x DRI ZHIM x SNGON GYI x KHYED KYI x NYIN GSUM x MTSAN GSUM x 'GAL RKYEN x TSE DPAL x MA BCOL x CI 'DOD x LHA CHEN TSOGS KYI BDAG PO NI, ,DBANG RGYAS 'PHRIN LAS SGRUB MDZAD LA, ,PHYE MAR x DRI ZHIM x SNGON GYI x KHYED KYI x NYIN GSUM x MTSAN GSUM x 'GAL RKYEN x TSE DPAL x MA BCOL x CI 'DOD x BDUD 'DUL
GNOD SBYIN 'BROG GNAS NAG ,MTHU DANG RDZU 'PHRUL KUN STZOL LA, ,PHYE MAR x (DRI ZHIM x SNGON GYI x) KHYED KYI x NYIN GSUM x MTSAN GSUM x 'GAL RKYEN x TSE DPAL x MA BCOL x CI 'DOD x DBANG SDUD GNOD SBYIN SNYING BSKUL DMAR, ,BRTAN GA-YO DPAL KUN SDUD MDZAD LA, ,PHYE MAR x DRI ZHIM x SNGON GYI x KHYED KYI x NYIN GSUM x MTSAN GSUM x 'GAL RKYEN x TSE DPAL x MA BCOL x CI 'DOD x GZHAN YANG BGRANG YAS RGYA MTSO'I 'KHOR, ,GANG BCOL BRAN LTAR SGRUB MDZAD LA, ,PHYE MAR x DRI ZHIM x SNGON GYI x KHYED KYI x NYIN GSUM x MTSAN GSUM x 'GAL RKYEN x TSE DPAL x MA BCOL x CI 'DOD DNGOS GRUB STZAL DU GSOL, (,ZHES MCHOD CING BSKUL NAS RIGS BRGYA'I KHYAB BDAG SOGS PHYVA GA-YANG 'GUG PA'I CHO GA LA 'JUG PAR BYA'O, ,NYIN RJES MA'I THUN THA MA'I MJUG YON BDAG GA-YANG STON SOGS BYA BAR SPRO NA GSER SKYEMS BSKUL BCAS ZIN NAS YON BDAG RNAMS STAN BZANG PO LA 'BRU DKAR GYI GA-YUNG DRUNG BRIS PAR RGYAN GOS GZAB MCHOR DANG BCAS TE 'DUG ,LAG STONG BAR MA LUS PAR RIN CHEN SNA TSOGS DANG BKRA SHIS PA'I RDZAS SOGS 'GREM, SGRUB PA PO RNAMS
, ,KYIS ROL MO DBYANGS DANG BCAS, RIGS BRGYA'I KHYAB BDAG SOGS GA-YANG 'GUGS LEGS PAR BYAS RJES RGYAS BYED KYI GTANG RAG GI MCHOD BSTOD MDOR BSDUS BYA, DE NAS BUM PA BSDUS DANG MCHOD GTOR BSKANG RDZAS BYIN RLABS RGYA 'DEBS PA RNAMS GZHUNG NAS 'BYUNG BA LTAR) AOm BADZRA RAKshA:RAKshA: (ZHES PA'I BAR LEGS PAR BTANG, DE NAS SGO SRUNG 'PHRIN BCOL DANG RDZAS BRGYAD KYI SHIS BRJOD BYA BAR SPRO NA MTSAMS 'DIR BYA ZHES PA'I SGO SRUNG 'PHRIN BCOL BYA BA NI, BUM KHANG GI MDUN DU RGYAL CHEN SDE BZHI DANG GZHI BDAG BCAS KYI DKAR GTOR LNGA BSHAMS LA, LAS SNGAGS KYIS BSANGS,) SVA BH'A WA (SA SBYANGS,) STONG PA'I NGANG LAS BHR'Um LAS RIN PO CHE LAS GRUB PA'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I GTOR MA ZAG PA MED PA'I YE SHES KYI BDUD (RTZI'I) RGYA MTSO CHEN POR GYUR, AOm A'A:H'Um, (LAN GSUM,) AOm SVA BH'A WA BI SHUDDHE (SOGS SNGAGS DRUG PHYAG DRUG GIS KYANG BYIN GYIS BRLAB,) NA MA:SARBA TA TH'A GA TA (ZHES SOGS KYIS GZHI BDAG GTOR MA SPYI LTAR 'BUL,) AOm AA K'A RO MU KHAm LAN BDUN GYIS PHYOGS BZHIR RGYAL CHEN BZHI BSKYED PA LA BSDOS NAS, 'PHRIN LAS BCOL BA NI,) H'Um; SHAR PHYOGS DUNG GI SGO MON, ,RGYAL PO CHEN PO YUL 'KHOR SRUNG, ,DRI ZA'I TSOGS KYI 'KHOR GYIS BSKOR, ,MCHOD SBYIN GTOR MA 'DI BZHES LA, ,BDAG CAG YON MCHOD
MGON MDZOD CIG ,GA-YANG KHA PHYI RU MA SHOR CIG ,SRI NGAN NANG DU MA GTONG ZHIG ,PHYI DANG NANG GI MTSAMS SRUNGS SHIG ,LHO PHYOGS GSER GYI SGO MO NA, ,RGYAL PO CHEN PO 'PHAGS SKYES PO, , GSHIN RJE'I TSOGS KYI 'KHOR GYIS BSKOR, ,MCHOD SBYIN GTOR MA 'DI BZHES LA, ,BDAG CAG YON MCHOD MGON MDZOD CIG ,GA-YANG KHA PHYI RU MA SHOR CIG ,SRI NGAN NANG DU MA GTONG ZHIG ;PHYI DANG NANG GI MTSAMS SRUNGS SHIG ,NUB PHYOGS BYI RU'I SGO MO NA, ,RGYAL PO CHEN PO MIG MI BZANG, ,KLU CHEN TSOGS KYI 'KHOR GYIS BSKOR, ,MCHOD SBYIN GTOR MA 'DI BZHES LA; ;BDAG CAG YON MCHOD MGON MDZOD CIG ,GA-YANG KHA PHYI RU MA SHOR CIG ,SRI NGAN NANG DU MA GTONG ZHIG ,PHYI DANG NANG GI MTSAMS SRUNG SHIG ,BYANG PHYOGS GA-YU YI SGO MO NA, ,RGYAL PO CHEN PO RNAM THOS SRAS, ,GNOD SBYIN TSOGS KYI 'KHOR GYIS BSKOR, ,MCHOD SBYIN GTOR MA 'DI BZHES LA, ,BDAG CAG YON MCHOD MGON MDZOD CIG ,GA-YANG KHA PHYI RU MA SHOR CIG ,SRI NGAN NANG DU MA GTONG ZHIG ,PHYI DANG NANG GI MTSAMS SRUNGS SHIG ,DE LTAR DPAL MGON NOR LHAR BCAS, ,MCHOD CING 'PHRIN LAS BCOL
, ,BA'I MTHUS, ,BSAM PA SGRUB LA RE BA SKONGS, ,MI MTHUN BAR CHAD ZHI BAR MDZOD,, (CES SGO SRUNG BSGO, ,DE NAS YON BDAG GRAL LA 'KHOD PA RNAMS LHAR BSKYED PA NI; YON BDAG RGYAS BYED KYI RJES GNANG THOB CING SHIN TU DAM TSIG DANG LDAN PA YIN NA DPAL MGON DU BSKYED BA SHIN TU LEGS KYANG, SNOD DANG MI LDAN BAR DE LTAR BSKYED NA LHA MCHOG 'DI SHIN TU GNYAN PA SA RDO RJE'I CHAD PA DRAG PO 'ONG BAS, THUN MONG BA SPYIR BTANG TZAM DU 'DI KHA'I LHA DGU'I GRAS 'KHOR GYIS RNAM SRAS SU BSKYED NA LEGS PAS DE'I TSUL NI, LAS SNGAGS KYIS BSANG, SVA BH'A WA SA SBYANGS, STONG PA'I NGANG LAS YON BDAG RNAMS PAD ZLA'I GDAN LA BEE LAS RGYAL MTSAN BEES MTSAN PA YONGS SU GYUR PA LAS RNAM THOS SRAS SER PO PHYAG GNYIS RGYAL MTSAN DANG NE'U LE 'DZIN PA, ZHABS GNYIS ROL PA'I STABS KYIS BZHUGS SHING GZI BRJID PHUN SUM TSOGS PAR GYUR PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON POS MTSAN PAR GYUR, (PAR BSAM, SLOB DPON GYI MDUN DU BKRA SHIS RDZAS BRGYAD KYI TZAKLI SOGS BSHAMS LA BSANGS SBYANGS, STONG PA'I NGANG LAS RANG RANG GI MING YIG DANG PO THIG LES BRGYAN PA YONGS SU GYUR PA LAS, RGUD PA THAMS CAD SEL ZHING 'DOD DGU'I PHUN TSOGS YID
BZHIN DU STZOL BA'I BKRA SHIS KYI RDZAS SU GYUR (PAR BSAM, DE NAS SLOB DPON GYIS ZHVA GYON ,TSIG LHUG RNAMS MTHUN 'GYUR DANG BCAS ME LONG SOGS RIM GYI LAG TU THOGS LA,) SNGON BCOM LDAN 'DAS SH'AKYA THUB PA LA GZUd KYI LHA MO 'OD 'CHANG MAS ME LONG PHYAG TU PHUL TE BKRA SHIS PA'I RDZAS SU BYIN GYIS BRLABS PA DE BZHIN DU DENG 'DIR YANG SBYIN PA'I BDAG PO 'KHOR DANG BCAS PA RNAMS KYANG ME LONG GI RDZAS LA BRTEN NAS BKRIS PAR GYUR CIG ,ME LONG YE SHES RGYA MTSO CHEN PO YI, ,YE SHES RGYA MTSO MCHOG TU DAG GYUR NAS, ,RNAM DAG CHOS LA THOGS MED LONGS SPYOD PA'I, ,BKRIS DES KYANG SGRIB PA DAG GYUR CIG ,SNGON BCOM LDAN 'DAS SH'AKYA THUB PA LA GLANG PO CHE NOR SKYONG GIS GHI HANG PHYAG TU PHUL TE BKRA SHIS PA'I RDZAS SU BYIN GYIS BRLABS PA DE BZHIN DU DENG 'DIR YANG SBYIN PA'I BDAG PO 'KHOR DANG BCAS PA RNAMS KYANG GHI HANG GI RDZAS LA BRTEN NAS BKRA SHIS PAR GYUR CIG ,GHI HANG DUG GSUM 'JOMS PA NAD KYI SMAN, ,SMAN MCHOG CHOS NYID RAB TU RTOGS GYUR TE, ,NYON MONGS ZUG RDU MED PAR GYUR PA YI, ,BKRIS DES KYANG SDUG BSNGAL DAG GYUR CIG ,SNGON BCOM LDAN 'DAS SH'AKYA THUB PA LA ZHING PA'I BU MO LEGS SKYES
, ,MAS ZHO PHYAG TU PHUL TE, BKRIS PA'I RDZAS SU BYIN GYIS BRLABS PA DE BZHIN DU DENG 'DIR YANG SBYIN PA'I BDAG PO 'KHOR DANG BCAS PA RNAMS KYANG ZHO'I RDZAS LA BRTEN NAS BKRIS PAR GYUR CIG ,ZHO NI KUN GYI SNYING POR GYUR PA STE, ,SNYING PO RNAM DAG YE SHES MCHOG RTOGS NAS, ,YON TAN KUN GYI DBYINGS SU GYUR PA YI, , BKRIS NGES KYANG DUG GSUM ZHI GYUR CIG ,SNGON BCOM LDAN 'DAS SH'AKYA THUB PA LA RTZVA TSONG GI KHYE'U BKRIS KYIS RTZVA D'UR BA PHYAG TU PHUL TE BKRIS PA'I RDZAS SU BYIN GYIS BRLABS PA DE BZHIN DU DENG 'DIR YANG SBYIN PA'I BDAG PO 'KHOR DANG BCAS PA RNAMS KYANG D'UR BA'I RDZAS LA BRTEN NAS BKRA SHIS PAR GYUR CIG ,DUR BAS TSE NI SPEL BAR BYED PA STE, ,RDO RJE SEMS DPA'I TSE NI RAB BSGRUBS NAS, ,NYON MONGS SKYE SHI RGYUN CHAD GYUR PA YI, ,BKRIS DES NI TSE YANG 'PHEL GYUR CIG ,SNGON BCOM LDAN 'DAS SH'AKYA THUB PA LA LHA TSANGS PAS SHING TOG BIWA PHYAG TU PHUL TE BKRIS PA'I RDZAS SU BYIN GYIS BRLABS PA DE BZHIN DU DENG 'DIR YANG SBYIN PA'I BDAG PO 'KHOR DANG BCAS PA RNAMS KYANG BIL BA'I RDZAS LA BRTEN NAS BKRIS PAR GYUR
CIG ,BIL BA RGYU RKYEN 'BRAS BUR BCAS PA'I CHOS, ,'JIG RTEN 'JIG RTEN 'DAS PA'I SPYOD PA KUN, ,BYANG CHUB SNYING PO MCHOG TU DAG GYUR PA'I, ,BKRIS DES KYANG DON KUN 'GRUB GYUR CIG, ,SNGON BCOM LDAN 'DAS SH'KYA THUB PA LA LHA'I DBANG PO BRGYA BYIN GYIS DUNG DKAR GA-YAS SU 'KHYIL BA PHYAG TU PHUL TE BKRIS PA'I RDZAS SU BYIN GYIS BRLABS PA DE BZHIN DU DENG 'DIR YANG SBYIN PA'I BDAG PO 'KHOR DANG BCAS PA RNAMS KYANG DUNG DKAR GYI RDZAS LA BRTEN NAS BKRIS PAR GYUR CIG ,DUNG NI CHOS KYI SGRA RNAMS SGROGS PA'I TSUL, ,YE SHES RGYA MTSO NYID DU DAG GYUR TE, ,CHOS RNAMS MA NOR YONGS SU STON PA YI, ,BKRIS NGES KYANG TSIG LA DBANG THOB SHOG ,SNGON BCOM LDAN 'DAS SH'AKYA THUB PA LA BRAM ZE SKAR RGYAL GYIS LI KHRI PHYAG TU PHUL TE BKRIS PA'I RDZAS SU BYIN GYIS BRLABS PA DE BZHIN DU DENG 'DIR YANG SBYIN PA'I BDAG PO 'KHOR DANG BCAS PA RNAMS KYANG LI KHRI'I RDZAS LA BRTEN NAS BKRIS PAR GYUR CIG ,LI KHRI DMAR PO DBANG GI RANG BZHIN TE, ,CHOS RNAMS MA NOR DBANG DU BSDUS NAS KYANG, ,CHOS KYI RGYAL SRID RTAG TU BRTAN GYUR PA'I, ,BKRIS DES KYANG KHYED SRID BRTAN GYUR CIG ,SNGON BCOM LDAN 'DAS SH'AKYA THUB PA LA GSANG SNGAGS DANG RIGS SNGAGS KYI
, ,BDAG PO DPAL PHYAG NA RDO RJES GRUB PA'I RDZAS YUNGS KAR PHYAG TU PHUL TE BKRA SHIS PA'I RDZAS SU BYIN GYIS BRLABS PA DE BZHIN DU DENG 'DIR YANG SBYIN PA'I BDAG PO 'KHOR DANG BCAS PA RNAMS KYANG YUNGS KAR GYI RDZAS LA BRTEN NAS BKRA SHIS PAR GYUR CIG ,YUNGS KAR RDO RJE'I RIGS TE THAMS CAD DU, ,BGEGS RNAMS MA LUS 'JOMS PAR BYED PA YI, ,MTHU STOBS YON TAN PHUN SUM TSOGS GYUR PA'I, ,BKRIS DES KYANG BGEGS RNAMS ZHI BAR SHOG (,CES TSIGS BCAD SO SO'I SKABS YON MCHOD SOGS GRAL NA GNAS PA RNAMS LA 'GRI MA ZHING LAG TU REG NAS, JI SKAD BSHAD PA LTAR GYI BKRIS DGE MTSAN RGYAS PAR BSAM, DE NAS,) PHUN SUM TSOGS PA (SOGS GZHUNG NAS BSHAD PA LTAR GYI BKRIS KYI ME TOG GI CHAR DBAB PAR BYA ZHING ,YON MCHOD RNAMS BKRIS BDE LEGS KYI DGA' STON RGYA CHEN PO LA ROL BAR BYA'O, , DGOS 'DOD DBYIG GI CHAR RGYUN YID BZHIN DU, ,BSKUL PHYIR LHAN THABS DBYAR GYI RNGA GSANGS NI, ,SLAR YANG BSGRAGS PAS BDAG DANG MTHA' YAS 'GROR, ,SRID ZHI'I DPAL YON RGYA CHER 'PHEL GYUR CIG , (CES PA'I LHAN THABS 'DI YANG SPRUL MING BYAMS PA BSTAN 'DZIN 'PHRIN LAS RGYA MTSOS SPEL BA'O, ,DGE LEGS 'PHEL, ,) BKRIS, SARBA MANG+GA LAm, (7SA BYI LOR 'DZUGS ZHUS LEGS PAR SONG,, ,,