*, ,LCAGS MKHAR ZUR DGU PA'I GTOR CHOG SRID GSUM RNAM RGYAL GYI CHOG SGRIGS SRID GSUM RNAMS RGYAL DGA' STON GYI ZUR RGYAN GNAM LCAGS 'PHRUL 'KHOR ZHES BYA BA BZHUGS SO,, @001 #, ,NA MO GU RU BADZRA BHEE RA W'A YA, DRAG SHUL NYAMS BRGYASo 'JIGS PA KUN LAS SKYOG ,PHYAG CHA'I MTSON BRGYASo BDE BA'I MCHOG SBYIN MDZAD, ,HA HA'I BZHAD BRGYASo MCHOG GI DBUGS DBYUNG SBYIN, ,MI SDUG NYAMS BA RGYASo BRJID PA'I DPAL DER BDUD, ,'DIR RVA DGE GDAMS PA GCIG GYUR GYI LCAGS MKHAR ZUR DGU PA'I GTOR CHOG 7GONG SA RGYAL MCHOG LNGA PA CHEN POS DAM PA'I SRID GSUM RNAM RGYAL GYI SBYOR DNGOS GYI LAG LEN ZUR 'DEBS KYI TSUL DU DGOD PA LA, SBYOR BA'I LAG LEN DANG DUS DANG PHYOGS KYI KHYAD PAR RNAMS GZHUNG LAS GSAL BAR GSUNGS PA LTAR LA, LCAGS MKHAR GYI 'OG GZHI PHUNG GSUM GYIS LAS BYAS PA'I STEGS BU'I KHAR DUG KHRAG DANG RO SOL GYIS BYUGS PA'I STENG DU RO SKRA'I THIG SKUD DANG, MI RUS KYI RDUL TSON RNAMS TSOGS PAR BYAS NAS 'KHOR LO 'BRI BAR GSUNGS TE, CI 'TSAMS
, ,'OS PA'I SA STEGS NI, ,GRU GSUM PA LA DUG KHRAG DANG, ,RO SOL GYIS NI BYUGS BA'I STENG, ,CHOS 'BYUNG RTZE MO DGRA'AM LHO, ,YANG NA LHA MIN GDONG PHYOGS BSTAN, ,ZHES GSUNGS PA LTAR DANG, GAL TE DE LTAR MA 'BYOR NA THIG SKUD DKYIL 'KHOR GZHAN DU LONGS MA SPYAD PA, DRI ZHIM PA'I CHU DANG BDUD RTZI LNGA DANG BA BYUNG LNGAS SBAGS PA, SA TSON SOGS SPYI 'GRO LTAR GYIS KYANG RUNG ZHING, GNAS BRTAN 'JAM DBYANGS GRAGS PA'I ZUR RGYAN DU RAS BRIS KYIS KYANG RUNG BAR GSUNGS, GANG LTAR SGRUB PA PO RNAMS KYIS BDAG BSKYED RDZOGS PAR BSGOM, GZHIR DER SNGAR DKYIL 'KHOR GYI BYA BA MA MYONG BA'I SA YIN NA, SA BSLANG GI SKOR ZHING SKYONG LAS BSLANG BA DANG, SA'I LHA MO LAS BSLANG BA DANG, SA SBYANG BA'I SKOR RNAMS DKYIL CHOG SOGS GZHAN NAS BYUNG BA LTAR BYA, (RANG LHA'I NGA RGYAL LA GNAS GNAS PAS, KHA LHO PHYOGS, SU BLTAR NAS DAM TSIG RJES SU DRAN LA, SA MA
YA STVAm; ZHES BRJOD, DE NAS 'KHOR 'BRI PA NI SRID GSUM RNAM RGYAL DU, CHOS 'BYUNG DBYINGS BZHIN DE NANG DU, ,GDUNG ZLUM PA DANG GDUNG BZHI YIS, ,MIG MNGAS RIS SU MING TSE DGU ,GDUNG RNAMS NAG PO LING TSE RNAMS, ,PHYOGS MDOG CHOS 'BYUNG NAG PO RNO, ,RDO RU ME RI SNA TSOGS SO, ,LING TSE DGUR NI TSOM BU DGU ,DBUS KYI MDUN RGYAB GNYIS SU RE, ,PHYOGS SKYONG MDOR DANG MTHUN PAR DGOD, ,CES GSUNGS PA LAS, ,THIG RTZA GSAL BAR MI SNANG ZHING; MDZES PA GRUB DBANG YE SHES CHOS 'PHEL GYIS MDZAD PA'I THIG RTZAR, DPAL GSHIN RJE'I GSHED LA PHYAG 'TSAL LO, ,'DIR LCAGS MKHAR ZUR DGU PA SOGS KYI THIG GDAB LUGS LA, LCAGS MKHAR DNGOS GZHI LA RGYAB NGOS SU BYA RJES SHIG BYAS, DE STONG NAS RTZE KHRU GANG GI TSAD KYI MDUN NGOS SU CHOS 'BYUNG GI ZUR GANG 'TSAMS PHYOGS GNYIS SU THIG RTAGS MTHUN TZAM RE BYAS TE GA-YAS RTAGS DE'I KHAR JI LTAR 'TSAMS PAR GONG TSAD KYI THIG BZUNGS TE GA-YON RTAGS KHAR 'PHRED RTAGS BYAS PA'I STENG NAS SLAR YANG GA-YAS RTAGS KHAR 'PHRED RTAGS BYAS TE BYA RJES SNGA PHYI GSUM GYI BAR LA ZIG RE BYA PA'I CHOS 'BYUNG RE'I NGOS RE LA CHA BZHIR RE YOD PA'I RTAGS GSUM RIM 'PHYUR BAR BYAS, DE NAS CHOS 'BYUNG GI RTZE MO GSUM GYI NGOS PHAN TSUN GYI RTAGS GNYIS KAR THIG RE GDAB, YANG RTAGS DBUS MA RNAMS KYI BAR THIG RE RE, YANG RTAGS 'OG MA RNAMS SU THAD KAR THIG RE BYA, THIG GONG MA DRUG SKABS GZHI'I CHOS 'BYUNG GI PHYI NGOS PHAN TSUN DU SOR DRUG TZAM RE LHAG POR
, ,BYAS NAS GDAB PAS ZUR DGU YONG NGO, ,ZHES DANG, LCAGS MKHAR GYI 'OG GZHI CHOS 'BYUNG NI SLOB DPON LA RTZE BSTAN PA DER, THOG MAR TSANGS THIG GCIG GDAB, NGOS RE LA KHRU DO RE YOD PA'I CHOS 'BYUNG BYAS, DE'I NGOS GSUM DBUS NAS MA YO BAR RTZE MO SO SOR THIG RE BYAS NAS CHOS 'BYUNG GI PHYI ROL NGOS RNAMS SU SOR BZHI RE YOD PA GNYIS BYAS PA'I NANG MA RDO RVA, PHYI MA ME RIS, DE'I PHYIR SA STEGS LA SOR DO BYA, NANG DU DBUS NAS NGOS SU PHRAD MTSAMS NAS ZLUM SGOR BYAS PA RE'U MIG DGUR CHA MNYAM BGOS PA'I GDUNG ZHENG SOR DO, ZHES PA TZAM LAS MI GSAL YANG, DGA' LDAN SNYAN BRGYUD PA DAG GI PHYAG LEN LAS BYUNG BA LTAR GYI THIG RTZA DGONG NA, LCAGS MKHAR ZUR DGU'I THIG GDAB TSUL, ,TSANGS ZUNG THIG BZHI SPYI LTAR GDAB, ,TSANGS PA'I DBUS NAS PHYI ROL TU, ,JI LTAR 'TSAMS PA'I ZLUM THIG BYA, ,RANG PHYOGS SHAR BRTZIS NUB PHYOGS KYI, ,TSANGS DANG ZLUM PO PHRAD PA NAS, ,ZLUM NANG TSANGS PA'I PHYED TSAD KYIS, ,GA-YAS GA-YON ZLUM STENG BYA RJES BYA, ,BYA RJES STENG DANG SHAR PHYOGS KYI, ,TSANGS DANG ZLUM THIG PHRAD PA'I SAR, ,REG PA'I THIG GSUM NGOS GSUM DU, ,BTAB PA CHOS 'BYUNG GRU GSUM STE, ,ZLUM PO'I PHYED KYI BRGYAD CHA NI, ,CHA CHEN DE YI BZHI CHA GCIG , SOR RAM CHA CHUNG BYAS PA LAS, ,ZLUM PO'I PHYI RU SOR BZHI DANG, ,SOR BRGYAD BSKOR BA SNGAR BZHIN DU, ,BYA RJES BYAS LA THIG GSUM GDAB, ,NGOS SU SOR GNYIS SOR BZHI 'BYUNG, ,RDO RVA ME RI'I GO SA'O, ,CHOS 'BYUNG NANG GI THIG GDAB TSUL,,
DBUS NAS CHA CHUNG BCU DRUG DANG, ,BCO LNGA'I MTSAMS NAS ZLUM PO GNYIS, ,BSKOR BA GDUNG ZLUM DE NANG DU, ,LING TSE CHA CHUNG BZHI RE DANG, ,CHA CHUNG GCIG GI SUM CHA GCIG ,GDUNG BZHI CHA CHUNG RE RE STENG, ,MIG MANG RIS BTAB LING TSE DGU, ,BYUNG BA'I THIG RTZA 'DI NYID NI, ,MA HI BHA DRAS BKOD PA'O, ,YANG DBUS SU ZLUM THIG GCIG DANG, LING TSE RNAMS LA THIG RE RES KYANG CHOG PA'I PHYAG LEN KYANG YOD DO, ,ZHES GSUNGS BA LTAR, PHYI ROL TU CHOS 'BYUNG, CHA PHRAN GNYIS PAS RDO RVA, CHA PHRAN BZHI PAS ME RI, NANG DU CHA PHRAN BCU DRUG DANG BCO LNGA'I SA NAS ZLUM PO'I BSKOR BA GDUNG ZLUM, DE'I NANG DBUS DANG PHYOGS KYI LING TSE BZHI RER CHA CHUNG BZHI DANG GCIG GI SUM CHA RE, BAR GYI GDUNG RING BZH'I ZHENG LA CHA PHRAN RE RE BCAS BTAB PAS LING TSE DGU 'GRUB BO, ,GDONG GI CHOS 'BYUNG GI THIG GDAB TSUL NI, GNAS BRTAN 'JAM DBYANGS GRAGS PA'I ZUR RGYAN DU, RNAL 'BYOR BA KHA LHOR PHYOGS PA DANG CHOS 'BYUNG GI RTZE ZHAL SPRAD PA'I ZHES GSUNGS PAS 'KHRUL GZHI BYAS PA'AM, GANG LTAR GRUB DBANG MDZES PA'I THIG RTZAR YANG, DBUS YA H'Um GIS MTSAN PA BYAS TE CHOS 'BYUNG GONG MA DANG KHA SPROD DU LCAGS SGROG LTA BUR BSNOL BA BYED, CES GSUNGS SHING, DE LTAR PHYAG LEN YANG MDZAD PAR SNANG MOD, GDONG GI CHOS 'BYUNG GI RTZE MO NANG DU BSTAN PA LCAGS MKHAR GYI YIG CHA GZHAN GANG NA'ANG MI GSAL ZHING; RANG LUGS GSANG SNGAGS KYI PHYAG LEN GYI KHUNGS GTUGS SA DPAL LDAN RGYUD GRVA STOD SMAD GNYIS GA'I PHYAG BZHES SU'ANG MI SNANG LA, CHOS 'BYUNG GI RTZE MO DGRA PHYOGS SU BLTA BA LAS, SGRUB PA PO LA TSUR BLTA BA GTAN NAS MI RIGS PAR LCAGS MKHAR GYI
, ,GZHUNG TSANG MAR GSUNGS SHING, SRID GSUM RNAM RGYAL GYI GZHUNG DRANGS MA THAG PAR YANG, CHOS 'BYUNG RTZE MO DGRA'AM LHO, ,YANG NA LHA MIN GDONG PHYOGS BSTAN, ,ZHES DANG, CHOS 'BYUNG RTZE MOR LAS GSHIN GYI, ,GTOR MA ZUR GSUM SHA KHRAG DANG, ,DAR NAG GIS NI BRGYAN PA BZHAG ,CES GSUNGS PAS GTOR MA GNYIS ZHAL SPROD YIN KYANG, CHOS 'BYUNG GNYIS ZHAL SPROD MI DGOS LA, RUNG BAR YANG MA MTHONG NGO, ,DES NA GDONG GI CHOS 'BYUNG GI THIG GDAB TSUL NI, LTE BA NAS NI SOR SO GNYIS, ,SONG BAR SOR MO BCU DRUG GI, ,ZLUM BSKOR DE NANG CHOS 'BYUNG NI, ,SNGAR BZHIN RTZE SHAR BSTAN NAS BYA, ,DE'I PHYIR SOR MO BZHI DANG BRGYAD, ,BSNAN TE SNGA MA BZHIN DU GDAB, ,CES GSUNGS PA LTAR, LTE BA NAS SHAR PHYOGS SU SOR MO SO GNYIS SONG BA'I MTSAMS NAS SOR BCU DRUG GIS ZLUM POR BSKOR BA LA SNGAR BZHIN BYA RJES BYAS NAS CHOS 'BYUNG GRU GSUM GYI THIG GDAB, DE'I PHYI ROL TU SLAR YANG SOR MO BZHI DANG BRGYAD KYIS ZLUM POR BSKOR BA LA BYA RJES BYAS TE CHOS 'BYUNG GI THIG SNGAR BZHIN GDAB, CHOS 'BYUNG CHEN MO DANG GDONG GI CHOS 'BYUNG GNYIS KYI RDO RVA DANG ME RI RNAMS KHOG GCIG TU 'BREL BAR PHYAG LEN DU MDZAD DO, ,RDO RVA DANG ME RI GNYIS ZHENG CHE CHUNG GCIG PAR BYED PA DANG, ME RI'I THIG GI PHYIR SOR DO'I SAR STEGS BU'I THIG BYA BA SOGS LCAGS MKHAR GYI GZHUNG KUN DANG 'GAL BAS MI 'THAD DO, (,DE NAS TSON BKYE BA NI, TSON LEN PA LA 'JUG PA'I SNGON DU LAG PA THAL MO SBYAR LA GUNG MO GNYIS RTZE SPRAD, MTHE'U CHUNG GNYIS KYANG DE BZHIN DU SBYAR, MDZUB MO DANG MING MED GNYIS BKUG,) MTHE BONG GNYIS
MNYAM PAR BYAS PA GSHIN RJE'I GSHED KYI DAM RGYA BCINGS LA, AOm HR'I: shAt'I: WI KRI T'A NA NA MA MA SHA TR'Um M'A RA YA NA SHA YA STAMBHA YA BHANdhA YA H'Um H'Um PHAt PHAt, CES BZLA ZHING, RNGUL TSEN LA MI RUS BSRE, TSO NAS 'DI LA MI MTHUN PA CHER MI SNANG ZHING, MDZES PA'I GSUNG GI THIG RTZER, RE'U MIG RNAMS 'OG GZHI'I TSON MDOG DBUS SU SNGON PO, SHAR DANG SHAR KHOR DKAR PO, LHO DANG LHO NUB TU SER PO, NUB DANG NUB BYANG DU DMAR PO, BYANG DANG BYANG SHAR DU LJANG GU, ZHES GSUNGS, DGA' LDAN SNYAN BRGYUD KYI ZUR DGU'I LAG LEN RNO DPAL TSVA TSVA 'BUM 'PHRO LAS, DE NAS TSON 'GYED PA NI, PHYI'I ME RI DANG RDO RVA KHA DOG SNA TSOGS PA MTHING NAG GAM NAG PO, GDUNG RNAMS KYI GZHI NAG PO LA KHRO BO'I RDO RJES MTSAN PA, LING TSE RNAMS PHYOGS MDOG CES DANG, RTZA GZHUNG DU'ANG, MIG MANG RIS SU LING TSE DGU, GDUNG RNAMS NAG PO LING TSE RNAMS, PHYOGS MDOG CHOS 'BYUNG NAG PO RNO, ,RDO RVA ME RI SNA TSOGS SO, ,ZHES GSUNG PA LTAR CHOS 'BYUNG GNYI GA'I GZHI NAG PO, RDO RVA GZHI NAG PO'I STENG KHRO BO'I RDOR PHRENG SER PO, ME RI GZHI DMAR PO MTHA' SKYAB RI MO NAG PO, DBUS KYI LING TSE DGU PHYOGS MDOG NYID, BAR GYI GDUNG RNAMS GZHI NAG PO LA KHRO BO'I RDOR PHRENG SER PO BYA, TSOM BU 'GOD TSUL NI SRID GSUM RNAM RGYAL LAS, LING TSE DGUR NI TSOM BU DGU, ,DBUS KYI MDUN RGYAB GNYIS SU RE, ,PHYOGS SKYONG MDOG DANG MTHUN PAR DGOD, ,CES DANG, MDZES PA'I THIG RTZAR, RE'U MIG RNAMS SU TSON SPUNGS 'GOD LUGS DBUS SU SNGON PO, SHAR DU DMAR SER, LHOR NAG
, ,PO; NUB TU DKAR PO, BYANG DU SER PO, SHAR LHOR DMAR PO, LHO NUB TU SNGON PO, NUB BYANG DU DUD KHA, BYANG SHAR DU DKAR PO, DBUS KYI TSON SPUNGS KYI RGYAB MDUN DU TSANGS PA DANG SA LHA'I TSON SPUNGS SER PO RE 'GOD DO, ,ZHES DANG, RNOD BAL TSVA TSVA 'BUM 'PHROR YANG, LING TSE DGUR TSOM BU DGU DANG, DBUS KYI MDUN RGYAB GNYIS SU TSOM BU RE RE STE, TSOM BU BCU GCIG PO RNAMS GTZO BO DANG, STENG 'OG PHYOGS MTSAMS KYI PHYOGS SKYONG BCU'I KHA DOG DANG MTHUN PAR BKOD, DE YANG PHYOGS SKYONG BCO LNGA BYED NA TSANGS PA'I G-YAS G-YON DU NYI ZLA DANG, SA LHA'I GA-YON DU THAGS BZANG RIS, ,DBANG PO'I GA-YON DU NYE DBANG, LUS NGAN GYI GA-YON DU TSOGS BDAG RNAMS RANG RANG GI MDOG MTSUNGS KYI TSOM BU 'GOD, CES GSUNGS PA LTAR PHYOGS SKYONG TSOM BU BCU NYID 'GOD LUGS MDZES PA'I THIG RTZAR GSUNGS BA LTAR BYA ZHING, BCO LNGA 'GOD PAR SPRON RNO DPAL TSVA TSVA 'BUM 'PHRO LTAR BYA, GDONG GI CHOS 'BYUNG GI DBUS SU DRAG PO'I SNA TSOGS PADMA, MTHAR RE KH'A MI DGOS, DE'I LTE BAR H'Um YIG SNGON PO MGO LHOR TE CHOS 'BYUNG GI RTZE MO NGOS SU BSTAN PA 'BRI'O, ,ZOR BSKYED SKABS YA H'Um GIS MTSAN PA LAS ZOR BSKYED KYANG, LHA'I SA BON LA DE LTAR MI DGOS PAS CHOS 'BYUNG GI DBUS SU YA H'Um GIS MTSAN PA DANG, H'Um YIG MGO NANG BSTAN SOGS MI 'THAD DO, ,DE BZHIN DU CHOS 'BYUNG GI ME RI'I MTHAR STEGS BU'I RE KH'A BYA BA'ANG MI DGOS SO, ,DE NAS GNAM 'KHOR GYI THIG GDAB TSUL NI, GRUB DBANG MDZES PA'I THIG RTZAR GSUNGS PA GONG DU DRANGS PA
LTAR DANG, RNO DPAL TSVA TSVA 'BUM 'PHRO LAS GSUNGS PA NI, LCAGS MKHAR ZUR DGU'I GNAM THIG NI, ,TSANGS PA'I THIG GNYIS BTAB PA'I DBUS, ,JI LTAR 'TSAMS PA'I ZLUM PO BSKOR, ,TSAD DES TSANGS ZLUM PHRAD MTSAMS NAS, ,GA-YAS GA-YON ZLUM STENG BYA RJES BYA, ,PHYOGS GZHAN TSANGS ZLUM PHRAD MTSAMS DANG, ,BYA RJES STENG DU THIG GSUM GDAB, ,DE YIS CHOS 'BYUNG GRU GSUM 'BYUNG, ,CHOS 'BYUNG NGOS RE BZHI CHAR BGOS, ,DE LA THIG GSUM GDAB PA NI, ,RTZE NGOS BZHI CHA DANG PO DANG; ;GNYIS PA BCANG PA'I THIG GNYIS NI, ,CHOS 'BYUNG PHYI RU BZHI CHA GCIG , THON PAR BYAS LA THIG GSUM PA, ,CHOS 'BYUNG THIG LA REG PA LAS, ,PHYI RU 'DA' BAR MI BYA'O, ,DE LTAR CHOS 'BYUNG GRU GSUM NIS, ,RIM BZHIN LAN GSUM THIG BTAB PAS, ,PHYI RU ZUR DGU THUN PAR 'GYUR, ,CES GSUNGS PA GNYIS TSIG GI GSUNGS TSUL MI 'DRA YANG, DON GYI BABS LUGS GCIG TU SNANG BA DE BZHIN DU BYA'O, ,'ON KYANG 'OG GI LING TSE DGU DANG, STENG GI ZUR DGU GNYIS THAD KAR 'PHROD PA NGES PAR DU DGOS SO, ,DE NAS ZAN RTZIG TSUL NI, SRID GSUM RNAM RGYAL LAS, LCAGS SLANG SOGS KYI NANG DU NI, ,ZAN LA THIG GIS BGOS PA YI, ,DRUG BCU RTZA BZHI 'GOD PAR BYA, ,PHYI NI LCAGS MKHAR ZUR DGU PA, ,NANG DU GSHIN RJE'I DONG GSUM MO; ;GZHI'AM CHOS 'BYUNG RTZE MO LHO, ,DONG GSUM RTZE MO RANG LA BSTAN, ,DRUG CU RTZA BZHI RTZIG TSUL NI, ,PHYI YI ZUR DGU NYIS BRTZEGS DANG, ,BANG RIM DGU LA BZHI BRTZEGS DANG, ,KUN GYI DBUS MAR BDUN BRTZEGS SO, ,GSUM NI DONG GI KHA GCOD
, ,DO; ;DONG GSUM NANG DU DGRA BGEGS KYI, ,LING+GA MING DUS MGO MJUG LOG ,GTOR MA'I PHYOGS MTSAMS BRGYAD DANG NI, ,DBUS KYI RGYAB DANG MDUN RNAMS SU, ,'JIGS BYED DPA' BO GCIG PA NI, , PHYOGS SKYONG KHA DOG DANG MTHUN PA, ,DBUS SU 'JIGS BYED ZHAL DGU'AM, ,YANG NA DPA' GCIG SNGON PO RNAMS, ,DAR GYI SHAM BUS BRGYAN PA 'DZUGS, ,CHOS 'BYUNG RTZE MOR LAS GSHIN GYI, ,GTOR MA ZUR GSUM SHA KHRAG DANG, ,DAR NAG GIS NI BRGYAN PA BZHAG ,CES DANG, MDZES PA'I THIG RTZA LAS, DBYU GU'I ZAN LA NGOS DPANGS SOR BZHI RER KHRU DO RE DPANGS SOR BZHI YOD PA'I GRU GSUM BYAS PA'I NGOS RER LA CHA MNYAM RTAGS BDUN RE BYAS PA THIG GIS BCAD PA DRUG CU RTZA BZHI 'BYUNG BAR BRTZE GSUM LUGS NI RTZE MO'I ZAN LEB GSUM DONG KHEBS SU BZHAG ,BYINGS DRAS TE DBUS SU BDUN BRTZEGS, BAR BSKOR DU BZHI BRTZEGS BYAS PA'I NANG DU DONG GSUM YOD PA, PHYI BSKOR LA GNYIS BRTZEGS BYAS PAR SMYUG GZER BYA ZHING DBUS SU THOD DBYUG RDO RJE RTZE LNGA PHYED PAS MTSAN PA KHAR BSKOR MI RO'I RGYAL MTSAN SKAM RLON SPEL MA, PHYI BSKOR THOD SKAM GYI RGYAL MTSAN DONG GSUM DU ZAN LING SOR BZHI PA RE MGO MJUG LDOG PA DANG MI'I RGYU MA'I LNGA LDI DANG BCAS PA'O, ,ZOR GTOR LA KHRU GANG NGO, ,ZHES DANG; RNO DPAL TSVA TSVA 'BUM 'PHRO LAS, PHYI YI ZUR DGU GNYIS BRTZEGS DANG, ,BANG RIM DGU LA BZHI BRTZEGS DANG, ,KUN GYI DBUS MA BDUN BRTZEGS SO, ,DGRA BGEGS DONG GSUM KHA GCOD RE, ,STENG DU PHUR GDAB GTOR MAS BRGYAN, ,
DONG GSUM NANG DU DGRA BGEGS KYI, ,LING+GA MING RUS MGO MJUG LOG ,GTOR MA'I PHYOGS MTSAMS BRGYAD DANG NI, ,DBUS KYI RGYAB DANG MDUN RNAMS SU, ,'JIGS BYED DPA' BO GCIG PA NI, ,PHYOGS SKYONG KHA DOG DANG MTHUN PAR, ,DBUS KYI 'JIGS BYED ZHAL DGU'AM, ,YANG NA DPA' GCIG SNGON PO RNAMS, ,DAR GYI SHAM BUS BRGYAN PA 'DZUG ,GSUNGS PA MTHONG BRGYUD PA LAS SHES, ,ZHES GSUNGS PA RNAMS DGONGS PA GCIG PAS, RGYAS PA RGYAL PO'I MKHAR BZHIN BRTZEGS, ,ZHES PA LO'I ZHAG GRANGS LTAR DBYU GU GSUM BRGYA DRUG CU BRTZEGS PA NI LCAGS MKHAR ZUR BCU DRUG PA'I SKABS KYI PHYAG LEN DU MDZAD PA LTAR DANG, 'BRING PO BTZUN MO'I MKHAR BZHIN BRTZEGS, ,ZHES PA NI, 'DIR ZUR DGU PA'I SKABS NYIN ZHAG GCIG GI DBYU GU'I GRANGS DANG MTHUN BAR DBYU GU DRUG CU RTZA BZHI BRTZEGS SHING, DE YANG CHANG DANG BDUD RTZI RIL BU GRI KHRAG GI KHU BAS NAS NAG GI RJEN PHYE SPRUL PA'I ZAN LEB GRU GSUM DU BYAS PA'I RE RE LA'ANG, ZUR GSUM DRUG CU RTZA BZHI'I RI MO DOD PA, DBUS SU BDUN BRTZEGS, BAR SKOR GYI CHOS 'BYUNG DGU LA BZHI BRTZEGS RE BYAS PAS DBUS DANG BAR SKOR GYI BAR NA DONG GRU GSUM GSUM 'BYUNG BA'I DGRA BGEGS SGROL BA'I DONG GSUM GYI NANG DU LING CHUNG MING RUS DANG BCAS PA MGO MJUG LDOG NAS NANG DU GZER, PHYI SKOR GYI CHOS 'BYUNG DGU LA NYIS BRTZEGS RE STE DRUG CU RTZA GCIG, DGRA BGEGS SGROL BA'I DONG GSUM GYI KHA GCOD DBYU GU RE BCAS DBYU GU DRUG CU RTZA BZHI'O, ,DBYU GU'I ZAN LEB DPANGS SOR BZHI LAS MI DMA' BA BYA ZHING, ZAN LEB MTHO DMAN
, ,BYED PA'I LUGS SHIG KYANG YOD PAR SNANG NGO, ,LCAGS MKHAR DBUS MA'I STENG DU PHUR GDAB GTOR MA DMAR PO LA THOD DBYUG RDO RJE RTZE MO CAN DANG, MDA' DAR TZON SNA LNGA'I 'GYING THOD TZAKLI DANG BCAS PA GZUGS, DE LTAR LCAGS MKHAR RNAMS TSEL CHEN DAR RA TSIL BZHUS PA'I NANG RO SOL DANG SRE NAG SOGS BTAB PAS LEGS PAR BYUGS TE NAG POR KHA BSGYUR, LCAGS MKHAR CHE CHUNG THAMS CAD KYI STENG DU THOD PA'I BA GAM, MI RO DANG KENG DUS KYI RGYAL MTSAN, RGYU MA'I BA DAN, RGYU RLON GYI LNGA LDI, NYUNGS KAR GYI THUN ZOR RNAMS BTZUGS, GDONG GI CHOS 'BYUNG GI KHAR MANYDZI'I STENG DU CHOS RGYAL GYI GTOR CHEN, THOD SKAM RDO RJE'I RTZE MO CAN, DAR NAG GI 'GYING THOD TZAKLI DANG BCAS PA BTZUGS, LING+GA BYA TSUL SOGS KYI MAN NGAG BKA' GNYAN PAS 'DIR ZHIB TU 'BRI BAR MA NUS SO, ,PHYOGS SKYONG DANG SBRAGS PA'I SKABS 'DIR 'OG GI TSOM BU DANG SKU MDOG MTHUN PA'I TZAKLI NGO BO PHYOGS SKYONG LA, RNAM PA RDO RJE 'JIGS BYED ZHAL GCIG PHYAG GNYIS PA'I RNAM PA CAN DAR GYI SHAM BU RANG RANG SKU MDOG DANG MTSUNGS PAS BRGYAN PA DBUS KYI PHUR GTOR GYI PHYOGS MTSAMS BRGYAD DANG RGYAB MDUN RNAMS SU 'OG GI TSOM BU LTAR GTOR MA'I STENG DU BTZUGS, GZHAN YANG THOD SKAM DANG, MI RE'I RGYU MTSAN, KENG RUS, RTZAD RNAMS SO SOR GRANGS BCAD DE 'DZUGS TSUL SOGS 'DIR ZHIB TU 'BRI BAR MA LANG BAS PHYAG LEN MTHONG BRGYUD DANG, BLA MA'I ZHAL LAS SHES DGOS, LCAGS MKHAR GYI MDUN DU YI DAM, PHYOGS SKYONG, CHOS RGYAL BCAS KYI GTOR MA BYON GTOR, BSKAD GTOR, 'BUL GTOR
, ,TSER MA, MI RUS, RO SOL GYI PHUG MA, BSGRUB BYA'I DRI MA GANG RNYED, DUG SNA, GRI KHRAG SOGS KHRAG SNA SNA TSOGS RNAMS 'BRU NAG GI ZAN LA BSRES BA'I DGRA BGEGS GANG YIN GYI GZUGS NYAM THAG PA'I LING+GA DBYU GU'I GRANGS DANG MTHUN PA DRUG CU RTZA BZHI'AM, YANG NA LING+GA CHE BA GCIG BCA', DE GNYIS GANG BYAS KYANG SNYING GAR DUG DANG D'A DHU RA'I KHU BAS BRIS PA'I SHOG LING NGAM, MING BCUG PAR PHYI NAS DUG KHRAG GIS KHA BSGYUR, SHOG LING 'DRI TSUL DANG ZAN LING 'CHA' TSUL SOGS LA DA DUNG BLA MA'I ZHAL LAS SHES DGOS PA'I MAN NGAG MANG DU YOD, DE LTAR SA 'KHOR 'DRI TSUL DANG, BRTZEGS TSUL, LING+GA BCA' TSUL SOGS PHYAG LEN ZHIB MOR MA BYUNG NA JI TZAM 'BAD KYANG LAS MI 'GRUB PA DANG, TSUR LDOG PA; BKA' CHAD DRAG PO 'BYUNG BA SOGS KYI NYEN YOD PAS RTOG PA RTZING POS SLA CHOS MI BYA BAR MAN NGAG LDAN PA'I DGE BA'I BSHES GNYEN GYI ZHABS KYI PADMO BSNYEN PAR BYAS, ZHAL GYI BDUD RTZI BLANGS TE LAG LEN GYI GNAD MA 'CHOL BAR ZHIB CHA NAN TAN DU 'DOD DGOS SO, ,BCA' GZHI RNAMS GZHAN GYIS MI MTHONG BA'I PHYIR YOL BAS BCAD, GZHAN YANG SGRUB PA PO'I MDUN DU NANG MCHOD, RDOR DRIL SOGS PHYI NANG GI RDZAS RNAMS TSOGS PA DANG, THUN MTHAR 'BUL RGYU'I DBYU GU, SGROL CHAS LCAGS KYU, ZHAGS PA, LCAGS SGROG, DRIL BU, GRI GUG, 'PHANG MDUNG, GTUN SHING, CHU GRI, RDO RJE GCIG PA, DGRA STVA, MDUNG RING,DRAM MAM, GROG MKHAR, RGYAL PO'I SGO KHANG, DUR KHROD, BZHI MDO, SHING GCIG SOGS KYIS, TSA BA GSUM, YUNGS DKAR NAG, LAN TSVA, NIM BA'I LO MA, THAL CHEN, BONG BU'I SBANG, RO SKRA, KHYIM BYA'I TSIL
, ,TSER MA, MI RUS, RO SOL GYI PHUG MA, BSGRUB BYA'I DRI MA GANG RNYED, DUG SNA, GRI KHRAG SOGS KHRAG SNA SNA TSOGS RNAMS 'BRU NAG GI ZAN LA BSRES BA'I DGRA BGEGS GANG YIN GYI GZUGS NYAM THAG PA'I LING+GA DBYU GU'I GRANGS DANG MTHUN PA DRUG CU RTZA BZHI'AM, YANG NA LING+GA CHE BA GCIG BCA', DE GNYIS GANG BYAS KYANG SNYING GAR DUG DANG D'A DHU RA'I KHU BAS BRIS PA'I SHOG LING NGAM, MING BCUG PAR PHYI NAS DUG KHRAG GIS KHA BSGYUR, SHOG LING 'DRI TSUL DANG ZAN LING 'CHA' TSUL SOGS LA DA DUNG BLA MA'I ZHAL LAS SHES DGOS PA'I MAN NGAG MANG DU YOD, DE LTAR SA 'KHOR 'DRI TSUL DANG, BRTZEGS TSUL, LING+GA BCA' TSUL SOGS PHYAG LEN ZHIB MOR MA BYUNG NA JI TZAM 'BAD KYANG LAS MI 'GRUB PA DANG, TSUR LDOG PA; BKA' CHAD DRAG PO 'BYUNG BA SOGS KYI NYEN YOD PAS RTOG PA RTZING POS SLA CHOS MI BYA BAR MAN NGAG LDAN PA'I DGE BA'I BSHES GNYEN GYI ZHABS KYI PADMO BSNYEN PAR BYAS, ZHAL GYI BDUD RTZI BLANGS TE LAG LEN GYI GNAD MA 'CHOL BAR ZHIB CHA NAN TAN DU 'DOD DGOS SO, ,BCA' GZHI RNAMS GZHAN GYIS MI MTHONG BA'I PHYIR YOL BAS BCAD, GZHAN YANG SGRUB PA PO'I MDUN DU NANG MCHOD, RDOR DRIL SOGS PHYI NANG GI RDZAS RNAMS TSOGS PA DANG, THUN MTHAR 'BUL RGYU'I DBYU GU, SGROL CHAS LCAGS KYU, ZHAGS PA, LCAGS SGROG, DRIL BU, GRI GUG, 'PHANG MDUNG, GTUN SHING, CHU GRI, RDO RJE GCIG PA, DGRA STVA, MDUNG RING, RDO RJE'I MDA', DBYUG TO, RTZE GSUM, GCOD 'KHOR, RDO RJE RTZE LNGA PA, THO BA, THOD PA, YUNGS DKAR NAG,
SKYER SHING GI TSER MA, DUG SNA, LCAGS ZANGS, SHVA 'OD DRAG PO'I RDO RNAMS KYI PHYED DANG, THOG PA RGYAB KYI SA RNAMS BSRES PA'I THUN, PHUR BA, RAL GRI, ME PHUNG RNAMS BSHAM, GZHAN YANG SKABS SU DGOS PA'I YO BYAD MTHA' DAG TSAGS SU TSUD PAR BYA, DNGOS GZHI SGRUB PA'I SKABS RGYU'I KUN SLONG SNYING RJE DANG, DUS KYI KUN SLONG KHROS PA'I TSUL GYIS BYA DGOS, DPA' BO 'BRU DRUG GI BZLAS PA'I SKABS, RANG GI THUGS KA NAS 'OD ZER PHYOGS BCUR 'PHROS PAS, PHYOGS BCU'I BDE GSHEGS ZHI KHRO THAMS CAD KYI GSANG GSUM BYIN RLABS NUS MTHU RNAMS RTEN DANG BRTEN PA'I DKYIL 'KHOR GYI 'KHOR LO'I RNAM PA NYI ZER GYI RDUL BZHIN GRANGS MED PAR BYON NAS MTSO CHEN PO LA KHA BA BABS PA BZHIN SGRUB GZHI'I DKYIL 'KHOR LA THIM PA'I DMIGS PA SOGS NAN TAN DU BYA, 'OG GI BRIS DKYIL DANG, STENG GI MKHAR GNYIS NGO BO DBYER MED DU BYAS TE LCAGS MKHAR DBUS MAR DPAL RDO RJE 'JIGS BYED DPA' BO GCIG PA, GDONG GI CHOS 'BYUNG DU GTOR MA DANG GNYIS SU MED PA'I LA GSHIN YAB YUM 'KHOR BCAS, BAR GYI LCAGS MKHAR RNAMS SU 'OG GI TSON PHUNG DANG MTHUN PA'I CHOS SKYONG RNAMS BSAM, DE DAG GI BAR GYI DONG GSUM 'BRUB KHUNG GTING ZAB PA'I NANG DU LING CHU RNAMS DGRA BGEGS MNGON SUM LTA BUR DMIGS PA LA BZLAS PA'I SKABS MAN NGAG LTAR GYI BSAD LAS SOGS KYI DMIGS PA BYA, GZHAN YANG DGUG GZHUG ,BSGRAL CHOG SOGS KYI DMIGS PA 'DIR MI GSAL BA RNAMS LCAGS MKHAR GYI MAN NGAG GZHAN LAS BLANG BAR BYA, ZAN LING DUM BU DGUR BYED TSUL YANG, THOG MAR MGO BO
, ,BCAD, DE NAS LAG PA GA-YAS, GA-YON, RKANG PA GA-YAS, GA-YON, MGRIN PA NAS SUM MDO'I BAR GZHAN DANG, RKENG PA NAS 'PHRED DU BCAD DE CHA DGUR BSIL, DE NAS MCHOD GA-YOG BAS CHA MANG DU BSIL TE YI DAM DANG CHOS SKYONG GI GTOR MA, BH'U TZAR NA'I SKABS KYI DBYU GU BZHI 'BUL TSANG MAR YING DUM RE BSRE, GTOR BRGYAG NYIN, DA NI ZOR BSGYUR ZHE PA'I SKABS SGO DBYE, ZOR RNAMS SGO NANG DU BSGRIB, RNAL 'BYOR DBANG PHYUG CES PA'I DBUR TSANG MA YAR BZHENGS GTOR RVA NANG MA GZHAL YAS KHANG GI SGO KHANG GI NANG DANG, GTOR RVA PHYI MA RDO RJE'I RVA BA'I PHYI, SRUNG 'KHOR GYI ME PHUNG GI NANG DU BYA BAR GSUNGS, ZOR 'PHEN SKABS LHA'I NGO BOR 'PHEN PA DANG, ME LTAR 'PHEN PA DANG, DUG LTAR 'PHEN PA DANG, THOG LTAR 'PHEN PA DANG, YAN LAG BZHI PA'I DPUNG TSOGS KYI NGO BOR 'PHEN PA DANG, MGU ZHING TSIM PA'I GLUD KYI NGO BOR 'PHEN PA DANG, BSKRAD GTOR DU 'PHEN PA DANG, MNAN GTOR DU 'PHEN PA DANG, BSREG GTOR DU 'PHEN BA SOGS KYI MAN NGAG MTHA' YAS PA YOD KYANG; 'DIR RVA DGE GCIG GYUR GYI GDAMS PA YIN PAS DGA' LDAN SNYAN BRGYUD KYI MAN NGAG THUN MONG MA YIN PA RNAMS RVA DGE THUN MONG BAR BSRE MI RUNG BAR GSUNG PAS 'DIR 'GOD PAR MA NUS SHING, NAN TAN GYIS DON DU GNYER NA DGA' LDAN SNYAN BRGYUD LAS BYUNG PA'I LCAGS MKHAR GYI GZHUNG CHE NA MO RNAMS DANG, BLA MA'I MAN NGAG LAS SHES PAR BYA'O, ,DE NAS NANG DU LOG STE MNGA' GSOL, GTANG RAG, SHIS BRJOD RNAMS GZHUNG LTAR BYA'O, ,SMRAS PA, GTUM CHEN GZHAD PA'I GAD RGYANGS KYIS, ,SRID
GSUM MA RUNGS THAL BAR BRLOG ,PHYOGS LAS RNAM RGYAL DGA' STON GYI, ,ZAB BRGYA'I MAN NGAG LHUG PAR BRIS, ,DGE BA 'DI DANG DGE BA GZHAN, ,JI SNYED GNAM LCAGS 'KHRUL 'KHOR GYIS, ,BLO BZANG BSTAN PA'I GSHED MA KUN, ,MING GI LHAG MAR BYED GYUR CIG ,CES LCAGS MKHAR ZUR DGU PA'I GTOR CHOG, ,7GONG SA RGYAL DBANG LNGA PA CHEN PO'I GSUNG SRID GSUM RNAM RGYAL GYI 'DON CHOG SRID GSUM RNAM PAR RGYAL BA'I DGA' STON GYIS SBYOR DNGOS KYI LAG LEN GSAL BAR STON PA'I ZUR RGYAN GNAM LCAGS 'KHRUL 'KHOR ZHES BYA BA 'DI YANG, BKRAS LHUN RTZE MGON KHRANG DGA' LDAN SRID GSUM RNAM RGYAL GLING PA DKA' CHEN YE SHES RGYAL MTSAN DANG, DGE SLONG BSTAN 'DZIN DBANG RGYA, DGE SLONG BLO BZANG CHOS DPAL BCAS NAS LHA RE BRTEN GSUM BCAS YANG YANG NAN TAN CHEN POS JI LTAR BSKUL MA MDZAD PA BZHIN, PHA BONG KHA SPRUL MING PAS RANG LO RE GSUM DU SON PA RAB RGYAL LCAGS 'BRUG CHU STOD ZLA BA'I TSES BZANG POR GTZANG BKRAS LHUN BDE CHEN SKAL BZANG PHO BRANG DU RDZOGS PAR SBYAR BA, PHYIS SHAR PHYOGS DVAGS PO DGA' LDAN BSHAD SGRUB RNAM PAR RGYAL BA'I GLING DU 'BYIN 'JUG DAG THEG LEGS PAR BGYIS PA'I YE SHES PA NI 'DAN CHOS 'KHOR DGON GYI GRVA RIGS BLO BZANG RDO RJES BGYIS PA BGROD DON 'PHEL,, ,,` RGYU SBYOR KHA KLU'I SKU NGO LTOS BCAS DANG, ,MTHUN RKYEN 'BREL TSAD RJE BTZUN BLA MA YIS, ,TSE RABS 'BRAL MED MNYES BZHIN RJES 'DZIN CING, ,ZUNG 'JUG RDO RJE 'CHANG DBANG MYUR THOB SHOG, ,DGE LEGS 'PHEL,, ,,