, ,SGRA MI SNYAN GYI TSE KHRID KYI 'DON CHOG KHYER BDE SOGS LHAG LHA'I SGRUB THABS SKOR PHYOGS BSGRId BZHUGS SO,,
, ,MTSAN TZAM GYIS KYANG TSE YI DPAL STER BA, ,BLA MA TSE DPAG MED MGON LA BTUD NAS, ,MTHA' YAS 'GRO LA 'CHI MED RDO RJE'I SROG ,SBYIN PA'I CHO GA KHYER BDER SPRO PAR BYA, (,'DIR SGRA MI SNYAN GYI TSE KHRID DAM, 'CHI MED TSE'I RANG GZUNGS SU GRAGS PA'I GDAMS PA ZAB MO NYAMS SU LEN PA'I CHO GA NAG 'GROS SU DGOD PA LA,) SANGS RGYAS CHOS DANG TSOGS KYI MCHOG RNAMS LA, (,ZHES PA NAS,) 'GRUB PAR SHOG (,CES LAN GSUM,) 'GRO KUN DON DU RDZOGS BYANG THOB PA'I PHYIR, ,'CHI MED TSE YI RIG 'DZIN BSGRUB PAR BYA, (,LAN GSUM, TSOGS ZHING MCHOD PA NI,) SKAD CIG RANG NYID TSE DPAG MED MGON DU, ,GSAL BA'I SNYING GA'I HR'I: YIG 'OD ZER GYIS, ,BLA MA TSE DPAG MED MGON 'KHOR BCAS RNAMS, ,SPYAN DRANGS MDUN GYI NAM MKHAR BZHUGS
, ,PAR GYUR, ,AOm AA PA RI MI T'A A'A YUR DZNY'A NA SA PA RI W'A RA AARGHAm, B'ADYAm, (ZHES PA NAS,) SHAPTA PRA T'I TZTSA SV'AH'A, (DE NAS,) DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, (,ZHES PA NAS,) 'GRUB PAR SHOG (,CES PA'I BAR BYA,) 'GRO KUN BDE DANG LDAN CING SDUG BSNGAL BRAL, ,KHYAD PAR 'PHAGS PA'I BDE DANG MI 'BRAL ZHING, ,BTANG SNYOMS CHEN PO'I GO 'PHANG LA GNAS SHOG ,TSOGS ZHING MNYES BZHIN RANG LA THIM PAR GYUR, (,BDAG LTAR BSKYED PA NI,) AOm SH'U N+YA T'A DZNY'A NA BADZRA SVA BH'A WA A'A TMA KONYA HAm, (ZHES BDE STONG CHOS SKU'I NGA RGYAL GZUNG,) STONG PA'I NGANG LAS PAm LAS LCAGS DKAR GYI, ,PADMA 'DAB BRGYAD STENG DU AA YIG LAS, ,ZLA DKYIL NYA GANG DE STENG RANG SEMS HR'I:, RAB DMAR
RING CHA TSEG DRAG DANG BCAS LAS, ,'OD 'PHROS 'GRO KUN SDIG SGRIB TSE'I BAR CHAD, ,KUN SBYANGS TSE DPAG MED MGON GO 'PHANG BKOD, ,SLAR YANG 'OD 'PHROS RGYAL BA SRAS BCAS RNAMS, ,MCHOD TSOGS RGYA MTSOS MNYES SHING THUGS RGYUD BSKUL, ,DE DAG RNAMS KYI BYIN RLABS NUS MTHU DANG, ,'JIG RTEN 'DAS DANG MA 'DAS RDZAS SMAN GYI, ,NUS BCUD KUN BSDUS HR'I: YIG YONGS GYUR LAS, ,RANG NYID TSE DPAG MED MGON SKU MDOG DMAR, ,ZHAL GCIG PHYAG GNYIS MNYAM GZHAG PHYAG RGYA'I STENG, ,'CHI MED TSE YI BDUD RTZIS GANG BA YI, ,GSER GYI BUM PA KHA RGYAN 'GUL CHINGS BCAS, ,SKU LA MTSAN DPES BRGYAN CING DAR DMAR PO'I, ,CHOS GOS GSUM GSOL PHRAG GONG NYI ZLA 'CHAR, ,ZLA BA'I RGYAB YOL 'OD DMAR 'BAR BA'I DBUS, ,RDO RJE SKYIL KRUNG TSUL GYIS BZHUGS PA YI, ,KHONG NANG LCAGS KYI SROG RTZA SBA DBYUG TZAM, ,YAR SNA SPYI GTZUG MAR SNA GSANG GNAS BAR, ,DE YI NANG DU DBU MA MDA' SMYUG TZAM, ,KHA DOG SNGO SKYA DMAR MDANGS CHAGS PA'I NANG, ,GNYUG MA'I RLUNG MCHOG DMAR LJANG KHYUG GES GANG, ,DBU MA'I PHYOGS BZHIR SNGAGS PHRENG MGO GYEN BSTAN, ,MTSAMS BZHIR MGO BO THUR BSTAN PHRENG TSAR BRGYAD, ,ME LONG NANG DU GZUGS BRNYAN SHAR BZHIN GSAL, ,DBU MA'I MAR SNER
, ,TSE DPAG MED DMAR PO, ,YAR SNER DKAR PO RANG 'DRA 'OD PHUNG CAN, ,SNYING GA'I NANG DU'ANG RANG 'DRA DMAR SNGO'I MDOG ,DE YI THUGS KAR ZLA STENG TSE'I BUM PA, ,DE NANG ZLA BAR GSER GYI RDO RJE YI, ,LTE BAR MI SHIGS 'OD KYI GA'U'I NANG, ,RANG SEMS NGO BO HR'I:YIG DMAR PO DANG, ,H'Um YIG SNGON PO 'OD ZER LNGA 'PHRO BA, ,GNAS GSUM YI GE GSUM DANG BCAS PAR GYUR, ,THUGS KA'I H'Um GI 'OD ZER LCAGS KYU YIS, , STENG PHYOGS YON TAN BKOD PA'I ZHING KHAMS NAS, ,RANG DANG JI BZHIN 'DRA BA'I TSE DPAG MED, ,SPYAN DRANGS SPYI GTZUG RGYAB NGOS BZHUGS PAR GYUR, ,AOm AA PA RI MI T'A A'A YUR DZNY'A NA SA PA RI W'A RA BADZRAS M'A DZA: (ZHES BRJOD, RDO RJE BSDU BA'I PHYAG RGYA BYA,) 'JIG RTEN 'DREN PA'I GTZO BO TSE DPAG MED, (,CHES SOGS SHLOOKA GCIG GIS BSTOD,) AOm AA PA RI MI T'A A'A YUR DZNY'A NA SA PA RI W'A RA AARGHAm, (ZHES PA NAS,) SHAPTA PRA T'I TZTSA SV'AH'A, (ZHES PA'I BAR GYIS MCHOD,) H'Um; SKYE 'CHI RAB SPANGS RDO RJE'I TSE, ,BDAG LA TSE YI DNGOS GRUB STZAL DU GSOL, ,AOm BADZRA A'A YU shE SA RA HA KA RA RE SHVAR RI H'Um PHAt, (CES LAN GSUM GYIS GSOL BA GDAB,) DE LTAR GSOL BA BTAB PAS SPYI GTZUG GI, ,BLA MA TSE DPAG MED KYI THUGS KA NAS, ,'OD ZER DMAR PO LCAGS KYU LTA BU 'PHROS, ,RANG GI TSE BSOD GZHAN GYIS BRKUS 'PHROGS DANG, ,YAR 'THOR BLA BKUG GTAD DU BCUG PA KUN, ,BCINGS LAS DKROL TE BDUD RTZI'I
RNAM PA RU, ,SPYI BO'I TSE DPAG MED KYI BUM PAR THIM, ,DE LAS BDUD RTZI'I RGYUN BABS SPYI GTZUG NAS, ,ZHUGS TE LUS GANG 'CHI MED DNGOS GRUB THOB, (,YANG,) H'Um SKYE 'CHI RAB SPANGS RDO RJE'I TSE, ,BDAG LA TSE YI DNGOS GRUB STZAL TU GSOL, ,AOm BADZRA A'A YU shES RA HA KA RA RE SHVA RA RI H'Um PHAt, (CES GSOL BA GDAB,) SLAR YANG THUGS KA NAS SPROS 'OD ZER GYIS, ,BLA MA RGYAL BA SRAS BCAS BYIN RLABS DANG, ,RIG 'DZIN DANG SRONG GRUB PA'I NUS MTHU DANG, ,'JIG RTEN SNOD BCUD TSE DPAL NUS PA KUN, ,'CHI MED BDUD RTZI'I RNAM PAR BUM PAR THIM, ,KHOL ZHING LUD PA RANG GI SPYI BO NAS, ,RIM GYIS ZHUGS PAS NAD GDON TSE'I BAR CHAD; ;SDIG SGRIB MA LUS SOL KHU'I RNAM PA RU, ,'OG SGO GNYIS DANG BA SPU'I BU GA NAS, ,THON TE SA 'OG RIM PA BDUN DU SONG, ,BDUD RTZI'I LHAG MA GYEN DU 'KHYIL BA YIS, ,SEN MO NYI SHU NAS BZUNG SPYI BO'I BAR; ;KHENGS PAS 'CHI MED DNGOS GRUB THOB PAR GYUR, (,CES BDUD RTZI SEN MO NYI SHU NAS GYEN DU LUD PAS MKHRI KA MA TSUN BRLA RTZA MAN BDUD RTZIS GANG BAR BSGOMS LA RLUNG BUM PA CAN GCIG BZUNG, DE NAS GRU MO DANG LTE BA'I BAR GANG BA DANG, PHRAG PA DANG SNYING GA'I BAR GANG BA DANG, MGRIN PA MAN CHAD GANG BA DANG, SNA BUG MAN CHAD GANG BA DANG, SPYI GTZUG MAN CHAD GANG BAR BSGOMS LA BUM PA CAN RE RE BZUNG, LUS THAMS CAD 'CHI MED TSE'I BDUD RTZIS GANG BAR BSGOMS LA BUM PA CAN GCIG STE BDUN BZUNG BAR BYA'O, ,DE NAS LHA DANG SNGAGS
, ,PHRENG GSAL BA'I NGANG NAS, RANG GI SEMS HR'I: YIG DANG DBYER MED PAS SNGAGS PHRENG KLOG PA'I TSUL GYIS,) NA MO BUD DHA YA, NA MO DHARM'A YA, NA MO SANG+GH'A YA, TADYA TH'A, AOm AAD TE, BHAD TE, BHID TE, BHI NAN TE, KU NAN TE, TA KE, THA KE, THA RA KE, TA RA KE, H'U RU MA TI, HI LI HI LI, MI LI MI LI, SAm BHAKshA, BHI BHAKshA, BHA MU NA, DZI DZ'A BA N'Am, SI SAN SA DH'U, BHANDHA SV'AH'A, ZHES CI NUS SU BZLA BAR BYA'O, ,SKABS SU DBU MA'I NANG GI TSE DPAG MED GSUM PO LA BRTEN PA'I SPRO BSDU BYA STE ZHAL LAS SHES, THUN 'JOG KHAR SLAR YANG,) AOm AA PA RI MI T'A A'A YUR DZNY'A NA SA PA RI W'A RA AARGHAm (NAS) SHAPTA PRA T'ITZTSA SV'AH'A, 'JIG RTEN 'DREN PA'I (ZHES SOGS KYIS BSTOD,) SPYI BO'I TSE DPAG MED MGON GDAN DANG BCAS, ,RANG LA THIM PAS BYIN RLABS BRTAN PAR BYAS, (,'DIR YANG BUM CAN CI NUS DANG, GZUNGS RING TSAR BDUN SOGS GANG NUS 'DON, RANG GI DBU MA'I YAR SNE'I TSE DPAG MED, ,DKAR PO 'OD ZHU ZLA BA'I DKYIL 'KHOR DANG, ,MAR SNE'I TSE DPAG DMAR PO NYI DKYIL DU, ,GYUR PA'I NYI ZLA GA'U KHA SBYOR NANG, ,RANG SEMS TSE DPAG MED MGON H'Um SNGON PO'I, ,RNAM PAR GYUR PA'I PHYI NAS DBYANGS GSAL GYI, ,SNGAGS KYI PHRENG BAS DKRIS PAS TSE BCINGS GYUR, ,AOm AA A'A (ZHES PA NAS) HA KshA H'Um PHAt RAKshA RAKshA, ZHES TSAR GSUM BZLAS TE TSE BCINGS,) SKAD CIG RANG GI GNAS LNGAR TSE DPAG MED, ,RIGS LNGA 'OD ZHU RANG GI RLUNG SEMS LA, ,
THIM PAS MI 'GYUR TSE YI PHUR PA THEBS, ,'CHI MED RDO RJE'I SKU MCHOG GRUB PAR GYUR, (,ZHES TSE PHUR GDAB,) SNOD BCUD 'OD ZHU RANG DANG RANG YANG NI, ,SNYING GA'I NYI ZLA KHA SBYOR GA'UR THIM, ,DE YANG H'Um LA THIM ZHING H'Um YIG KYANG,, MI DMIGS CHOS KYI DBYINGS SU TSE SPA'O, (,ZHES TSE SPA,) STONG PA'I NGANG LAS RANG NYID TSE DPAG MED, ,SNYING GA'I HR'I:LAS 'PHROS PA'I H'Um SNGON PO, ,MGO BO PHYIR BSTAN PAR MA CHAD PA YIS, ,SRIN LAG BZHI YI RTZE BAR GTAMS PAR GYUR, ,SMIN MTSAMS RTZA SGOR RTA MGRIN KHRO BO'I NYAMS, ,PHYAG GNYIS GRI GUG SDIGS MDZUB MDZAD PA YIS, ,TSE YI BAR CHAD THAMS CAD BSRUNG BAR GYUR, (,ZHES TSE BSRUNG, MJUG BSNGO SMON BYA BA NI,) 'DI LTAR NYAMS SU BLANGS PA'I BYIN NUS KYIS, ,PHYI NANG TSE YI BAR GCOD KUN ZHI NAS, ,LCAGS SROG RDO RJE LTA BUR RTAG BRTAN PA'I, ,RIG 'DZIN TSE YI DNGOS GRUB MYUR THOB SHOG ,RNYED DKA'I RTEN BZANG LO BRGYAR 'TSO BA DANG; ;NYES SPYOD SDIG PA'I SNOD DU MI 'GYUR BAR, ,RNAM DKAR LEGS BYAS KHO NAR BKOL BA YIS, ,RANG GZHAN DON GNYIS MTHAR PHYIN BKRA SHIS SHOG ,(,DE LTAR SGRA MI SNYAN GYI TSE KHRID DAM 'CHI MED TSE'I RANG GZUNGS SU GRAGS PA'I GDAMS PA ZAB MO 'DI LA BRTEN NAS SNGON DGRA BCOM PA BLO GROS DPAL BZANG DU GRAGS PA DGUNG LO STONG THUB PA DANG, DE'I SLOB MA BAL PO HANG DU TZANDRA DGUNG LO LNGA BRGYA, DE'I SLOB MA LO TZ'A BA KLU MES DGUNG LO SUM BRGYA, DE'I SLOB MA SLOB DPON DAR MA GRAGS DGUNG LO NYIS BRGYA THUB PA
, (,SOGS LO RGYUS MANG ZHING, MA MTHA' NYIN RE BZHIN THO RENGS SNGAGS NYER GCIG RE MA CHAG PAR BZLAS NA DES KYANG LO DGU BCU MI THUB PA MI SRID CES GSUNGS PA'I ZAB MO'I MAN NGAG 'DI LTA BU LA BRTEN NAS 'CHI MED TSE'I DGA' STON LA SPYAD DE DAL BA'I RTEN LA SNYING PO LON PAR BYA'O; ;ZHES PA 'DI YANG PHA BONG KHA'I SPRUL MING PAS RANG GZHAN LA PHAN PA'I SEMS KYIS SBYAR BA 'GRO BA KUN GYI SROG GI NYER 'TSOR GYUR CIG, ` ,,YID BZHIN 'KHOR LO'I RGYUN KHYER 'CHI MED BCUD SPUNGS ZHES BYA BA BZHUGS SO,,) ` SANGS RGYAS CHOS TSOGS LAN GSUM, AOm SVA BH'A WA SHUDDH'A:SARBA DHARM'A: SVA BH'A WA SHUDDHO NYAHRAm, STONG PA'I NGANG LAS PAD DKAR ZLA DKYIL STENG, ,RANG SEMS T'Am YIG AUTPAL T'Am GYIS MTSAN, ,YONGS GYUR RANG NYID TSE SBYIN 'PHAGS MA'I SKU, ,ZHAL GCIG PHYAG GNYIS GA-YAS PAS MCHOG SBYIN DANG, ,GA-YON PAS AUTPAL BSNAMS SHING SPYAN BDUN MNGA', ,MTSAN DPE'I LANG TSO ZLA BA'I RGYAB YOL LDAN, ,GNAS GSUM YI GE GSUM MTSAN SA BON LAS, ,'OD 'PHROS YE SHES PA DANG DBANG GI LHA, ,SPYAN DRANGS GNYIS MED BSTIM ZHING DBANG GI LHAS, ,DBANG BSKUR TSE DPAG MED KYIS DBU LA BRGYAN, ,THUGS KA'I T'Am LAS 'OD 'PHROS 'KHOR 'DAS KYI, ,TSE BCUD MTHA' DAG SNYING GAR BSTIM PAR GYUR, ,AOm T'A RE TUTT'A RE TU RE MA MA A'A YU:PUnnE DZNY'A NA PUshtI KU RU SV'AH'A, (LAN NYER GCIG,) AOm T'A RE TU TT'A RE TU RE SV'AH'A, (CI NUS BZLA, ,MJUG TU DBYANGS GSAL, YIG BRGYA BRJOD,) DUS MIN 'CHI BA'I MTSAN MA MTHONG BA NA, ,DE YI MDO LA YID BZHIN 'KHOR LO'I SKU, ,GSAL BAR MTHONG NAS 'CHI BDAG DPA' BCOM STE, ,'CHI MED RIG 'DZIN MYUR DU THOB PAR SHOG ,
RNYED DKA'I RTEN BZANG LO BRGYAR 'TSO BA DANG, ,NYES SPYOD SDIG PA'I SNOD DU MI 'GYUR BAR, ,RNAM DKAR LEGS BYAS KHO NAR BKOL PA YIS, ,RANG GZHAN DON GNYIS MTHAR PHYIN BKRA SHIS SHOG (,'DI YANG MDZOD PA'I NGAG 'DON RGYUN KHYER DU PHA BONG KHA'I SPRUL MING PAS SBYAR PA'O,, ` NA MO MANYDZU GshO sh'A YA, 'DIR 'JAM DBYANGS DKAR PO'I RGYUN KHYER SHIN TU MDOR BSDUS NYAMS SU LEN PAR 'DOD PAS, SKYABS SEMS NI,) RNAM GSUM GTZUG NOR BYIN BRGYA YIS, ,SRID ZHI'I GDUNGS MUN KUN LAS SKYOBS, ,SNYING DU SDUG DGU'I MKHA' KHYAB MA, ,SGROL PHYIR BLA MED 'THOB BAR BYA, (,LHAR BSKYED PA NI,) CHOS KUN BRTEN NAS BTAGS PA'I PHYIR, ,RANG GI NGO BOS GDOD NAS STONG, ,RANG BZHIN MI DMIGS NGANG NYID LAS, ,KUN RTOG RDZUN RIS CIR YANG BKRA, ,DVANGS BSIL ZLA ZHUN ZLA BAS 'PHEL, ,NGANG MO'I TSOM BU LANG TSOR BKOD, ,MTSAR SDUG CHU SKYES DO SHAL NGOM, ,MTHA' SKOR THAL DKAR GNYIS 'THUNG RTZE, ,STENG 'THUNG SDONG BU'I GE SAR NA, ,GA PUR THIG LE NYA BA'I KHAR, ,RGYAL KUN MKHYEN RAB AA YIG ZOL, ,YE SHES 'OD DKAR PHUNG POR SGEG ,BRGYAD ZUNG LANG TSO'I ZUR PHUD NA, ,NOR BU'I RTZE PHRAN 'DOD PAR BSKYOD, ,MAN SHEL LCUG PHRAN ZUNG GA-YO BA'I, ,PHRAG GA-YON AUTPAL PO TIS MDZES, ,RIN CEN RGYAN PHRUL RIN BRAL DAR, ,MTSAN DPE'I PHRA TSOM PHAN TSUN 'GRAN, ,YAB GCIG RGYAL KUN BDAG PO YANG, ,'DI NA GZHON NU'I GZHON NUR 'PHRUL,, GSANG GSUM YI GE'I 'JO SGEG RIS, ,GNAS GSUM SPRO BSDU'I SBRIN DU BCINGS, ,RANG BZHIN DBYINGS LAS YE SHES GAR, ,PHUNG POR GTIBS BA GNYIS MED BSTIM, ,RGYAL KUN BDAG PO GNYIS MIN PAR, ,DKYIL 'KHOR RGYA MTSOS DBANG BSKUR ZHING, ,
, ,BEEd'U'I COD PAN RIGS KYI BDAG ,BCINGS TE MNGA' GSOL ME TOG 'THOR, ,SNANG STONG STONG GZUGS SGYU 'PHRUL SKU, ,GSUNG DBYANGS DBYANGS KYI YAN LAG RDZOGS, ,GTING MTHA' MTHA' BRAL ZAB ZHI'I THUGS, ,MA LUS LUS CAN MGON NYID GYUR, (,CES YAN LAG BZHI RDZOGS SU BSKYED NAS, MCHOD PA'I SBYIN SPROS LA,) AO A'AR+YA MANYDZU SHR'I SA PA RI W'A RA AARGHAm, P'ADYAm, PUshPE, DH'U PE, A'A LO KE ,GANDHE, NEE WIDY'A, SHAPTA PRA T'I TZTSA YE SV'AH'A, (ZHES 'BUL, BSTOD PA NI SGEG PA'I RDO RJE'I GSUNG LAS BYUNG BA,) SHIN TU DKAR BA'I MDABS LDAN RGYA MTSO'I DBUS NA PADMA GE SAR GYI, ,SDONG PO 'KHRUNGS SHING RI BONG 'DZIN PAS BRGYAN PA'I STENG NA 'JAM DBYANGS NI, ,GZHON NU'I TSUL 'DZIN RDO RJE SKYIL KRUNG GIS BZHUGS GANGS RI DANG MTSUNGS PA, ,ZHAL GCIG PHYAG GNYIS MCHOG SBYIN AUTPAL LEGS BSNAMS 'JAM DBYANGS KHYOD LA 'DUD, (,CES BSTOD, DE NAS NGA RGYAL DANG GSAL SNANG LA CI NUS BSLAB, BSGOMS PAS SKYON MAN NGAG LTAR GYI BZLAS DMIGS GSAL GDAB STE,) AOm W'A KYEE DAm NA MA: (ZHES CI NUS BZLA, SBRON THUN 'JOG KHAR LAS TSOGS LAS GSUNGS PA LTAR MI BRJED PA'I GZUNGS BSGRUL PA'I DMIGS PA DANG BCAS DBUGS THENGS RE LA AA CI 'GRUB BGRANG, MJUG TU YIG PA RGYAS BRTAN PAR BYAS, BDAG BSKYED KYI YE SHES PA MDUN GYI NAM MKHAR ZHAL TSUR GZIGS TE BZHUGS PAR MOS LA,) MKHA' KHYAB RNAM KUN MKHYEN NYID KYI, , SGYU 'PHRUL 'JAM MGON YE SHES PA, ,DGYES BZHIN MDUN GYI MKHA' DBYINGS BZHUGS, ,DGYES DGU'I MCHOD SPRIN MNGON PAR ROL, ,STONG GSUM BYE BA PHRAG BRGYAR BCAS, ,ZHING KHAMS RGYA MTSO'I BKOD PA 'BUL, ,'KHOR SGYUR PHA 'OS RIN
CHEN GYIS, ,DE KUN BKANG BA'ANG BA ZHES SU GSOL, (,ZHES MCHOD PA, MAndAL, RIN CHEN SNA BDUN RNAMS 'BUL BAR GSUNGS PA LTAR PHUL LA,) SHIN TU DKAR BA'I MDANGS LDAN (ZHES SOGS KYIS BSTOD,) SNYING DU GTIBS PA'I RMONGS CHEN MUN, ,THUGS RJE'I BYIN GZIS DRUNGS PHYUNG ZHING, ,LHAN CIG CHE GSAL MYUR ZAB KYI, ,SNANG BA BDAG BLO'I DPAL DU STZOL, ,'CHAD RTZOD RTZOM LA MKHAS PA YI, ,'JIGS BRAL SPOBS PA'I MCHOG RNYED CING, ,THOS BSAM SGOM BYUNG SHES RAB SGO, ,ZAB YANGS KUN GSAL DPAL BZHIN STZOL, ,MKHYEN BRTZE'I BZHIN RAS MTSAR SDUG 'DZUM, ,BDAG BLO'I KUN MTHONG LA 'JUG CING, ,RDO RJE'I LANG TSOG PUR THIG ,MIG GI RDZING BUR MNGON SUM STZOL, ,GSUNG SNYAN BDUD RTZI STONG GI BCUD, ,RTAG TU 'THUNG BA'I SKAL BZANG GIS, ,LUNG DANG RTOGS PA'I LUS ZUNGS STOBS, ,DAR DRAG SKU BZHI'I DPAL DU STZOL, ,YAB GCIG RJES BRTZE'I DPYANG THAG GIS, ,SKYE BA'I PHRENG BAR MI GTONG BAR, ,'JAM DPAL RDO RJE'I GO 'PHANG NI, ,GRUB PA'I DGA' STON MYUR POR STZOL; ;ZHES MNGON PAR 'DOD PA'I DON RNAMS GDUNG SHUGS DRAG POS GSOL BA LTAR ZHAL GYIS BZHES PAR BSAM,) MGON PO DGYES BZHIN GSANG GSUM DPAL, ,GNYIS MED SGO GSUM DPYID DU SBYIN, ,RDO RJE GSUM GYI RANG BZHIN DU, ,GNAS GSUM BSRUNG ZHING BYIN BRLAB GYUR, (,CES MDUN GYI YE SHES BA DGYES BZHIN RANG LA THIM, GSANG GSUM DBYER MED DU 'DRES, GNAS GSUM 'BRU GSUM GYIS MTSAN CING BSRUNG BAR BSAM, SMON SHIS NI,) 'DI BSGRUBS RNAM DKAR GANG+G'A'I KLUNG, ,BYANG CHEN RGYA MTSOR GZHOL GYUR CIG ,SRID ZHI'I DGE
, ,LEGS JI SNYED KYI, ,SHIS PA'I DKA' STON RTAG RGYAS SHOG (,CES YAB GCIG GSUNG GI DBANG PHYUG NYE BAR BSNYEN BA 'JIGS BRAL RNAM 'BYED MCHOG SBYIN CES BYA BA 'DI YANG SU DH'I BADZRAS BSKUL NGOR, 7PHA BONG KHA PA MAH'A SU KHA HRID YAS DBYANGS KYI RIS SU BYAS PA'O,, ,,` NA MO GU RU, (RIG BYED LHA MO'I RGYUN 'KHYER SHIN TU BSDUS PA BYA BAR 'DOD NA, SKYABS 'GRO SEMS BSKYED SNGON DU BTANG,) AOm SVA BH'A WA SHUDDH'A:SARBA DHARM'A: SVABH'A WA SHUDDHO NYA HAm, STONG PA'I NGANG LAS PAD NYI MI RO'I STENG, ,RANG SEMS HR'I:YIG DMAR PO'I 'PHRO 'DU LAS, ,RIG BYED LHA MO 'DZUM SGEG GAR DGU'I NYAMS, ,SKU MDOG DMAR MO ZHAL GCIG PHYAG BZHI MA, ,AUTPAL MDA' GZHU LCAGS KYU ZHAGS PA 'DZIN, ,ROL SGEG ZHABS GNYIS GAR STABS KYIS BZHUGS PA'I, ,GNAS GSUM 'BRU GSUM H'Um LAS 'OD ZER 'PHROS, ,LHO PHYOGS RIG BYED PHUG NAS RJE BTZUN MA, ,YE SHES LHA MO DNGOS SU SPYAN DRANGS NAS, ,RANG LA THIM PAS DBYER MED RO GCIG GYUR, ,AOm KU RU KULLES PA RI W'A RA AARGHAm, P'ADYAm, PUshPE, DH'U PE, A'A LO KE, ,GANDHE, NEE WIDY'A, SHAPTA PRA T'I TZTSA H'Um SV'AH'A, AOm KU RU, W'A RA AOm A'A:H'Um, H'Um, BRTZE BAS RJES CHAGS PADMA RVA GA'I MDOG ,ZHAL GCIG PHYAG BZHI ZHABS GNYIS MDZOS PA'I SKU, ,YE SHES MDA' GZHU AUTPAL LCAGS KYU 'DZIN, , RJE BTZUN RIG BYED MA LA PHYAG 'TSAL BSTOD, (,BZLAS DMIGS GSAL BTAB LA,) AOm KU RU KULLE HR'I:SV'AH'A, (ZHES BZLA, THUN MONG MA YIN PA'I DBANG SDUD KYI DMIGS PA BSGYUD, AOm PADMA SATVA SOGS YIG BRGYA BRJOD, DGE BA 'DI YIS MYUR DU BDAG ,RIG BYED LHA
MO 'GRUB GYUR NAS, ,'GRO BA GCIG KYANG MA LUS PA, ,DE YIS LA 'GOD PAR SHOG ,CES PA 'DI YANG PHA BONG KHA BAS THOL BYUNG DU SMRAS PA'O,, ` NA MO LE KE SHVA RVA YA, 'DIR SPYAN RAS GZIGS RGYAL BRGYA MTSO'I SGRUB THABS SHIN TU MDOR BSDUS SU DGOD PA LA, MCHOD GTOR SOGS SPYI LTAR BSHAMS NAS, SKYABS SEMS NI, BLA MA DKON MCHOG RNAM GSUM LA, ,BYANG CHUB BAR DU SKYABS SU MCHI, ,BDAG GIS SEMS CAN KUN DON PHYIR, ,BLA MED RDZOGS BYANG 'THOB PAR BYA, ,SNOD BCUD DANG MCHOD PA BYIN RLABS NI, RANG NYID SKAD CIG 'PHAGS PA'I SKUR, ,GSAL LAS 'OD 'PHROS SNOD BCUD SBYANGS, ,DAG PA RAB 'BYAMS 'BA' ZHIG DANG, MCHOD TSOGS BDE CHEN RGYA MTSOR GYUR, ,TSOGS ZHING MCHOD PA NI, RANG GI THUGS KA'I HR'I:'OD KYIS, ,BLA MA MI TRA DZO KI DANG, ,'PHAGS MCHOG RGYAL BA RGYA MTSO'I TSOGS, ,SPYAN DRANGS MDUN DU BZHUGS PAR GYUR, ,SGO GSUM GUS PAS PHYAG 'TSAL ZHING, ,KUN BZANG MCHOD SPRIN RGYA MTSO DBUL, ,MI DGE CI BGYIS SNYING NAS 'CHAGS, ,RNAM DKAR KUN LA RJES YI RANG, ,DGE TSOGS BYANG CHUB CHEN POR BSNGO, , TSOGS ZHING DGYES BZHIN 'OD DU ZHU, ,RANG LA THIM PAS SGO GSUM DANG, ,GSANG GSUM DBYER MED RO GCIG GYUR, ,SKU GSUM LAM 'KHYER GYI GNAD TSANG BA'I SGO NAS BDAG LHAR BSKYED 'DONGS NI, CHOS KUN BRTEN NAS BTAGS PA TZAM, ,RANG BZHIN MI DMIGS STONG PA'I DBYINGS, ,CHOS KYI SKU LAS RLUNG SEMS HR'I:, ,DKAR DMAR LONGS SPYOD RDZOGS SKUR BZHENGS, ,DE NYID YONGS GYUR SKAD CIG GIS, ,SPRUL SKU RGYAL BA RGYA MTSO'I SKU, ,ZHAL GCIG PHYAG GNYIS SKU MDOG DKAR, ,PHYAG GA-YAS MU TIG PHRENG BA
, ,DANG; ;GA-YON PA PAD DKAR 'DZIN PA YIS, ,YUM LA 'KHYUD CING KHRO CHAGS NYAMS, ,SNA TSOGS DAR GYIN BZA' DANG, ,RIN CHEN RUS BA'I RGYAN GYIS MDZES, ,ZHABS GNYIS GA-YAS BRKYANGS GA-YON BSKUMS KYI, ,ROL STABS PADMA'I GDAN STENG 'GYING, PANG NA GSANG YUM d'A KI'I GTZO, ,GSANG BA YE SHES SKU MDOG DMAR, ,CANG TE'U THOD KHRAG 'DZIN PA YIS, ,'KHYUD CING LHAN CIG SKYES DGAR ROL, ,GNAS GSUM 'BRU GSUM H'Um 'OD KYIS, ,YE SHES DBANG LHAR BCAS SPYAN DRANGS, ,DAM YE GNYIS SU MED PA LA, ,DBANG BSKUR RIGS KYI BDAG POS BRGYAN, ,MCHOD BSTOD NI, THUGS KA NAS SPROS MCHOD LHA YIS, ,PHYI DANG NANG DANG GSANG BA DANG, ,DE BZHIN NYID KYI MCHOD TSOGS KYIS, ,BSNYEN BKUR BDE CHEN RGYAS PAR GYUR; ;HR'I: THUGS RJE CHEN PO KUN LA KHYAB PA'I THUGS, ,THUGS RJE'I GTER CHEN RGYAL BA RGYA MTSO YI, ,THUGS RJE GCIG BSDUS 'JIG RTEN DBANG PHYUG LA, ,LUS NGAG YID GSUM GUS PAS PHYAG 'TSAL BSTOD, (,DE NAS BZLAS PA BYA BA NI,) THUGS KAR PAD DKAR 'DAB DRUG ZE'U 'BRU'I STENG, ,ZLA GDAN DBUS SU HR'I: YIG 'OD DKAR 'PHRO, ,'DAB DRUG YI GE 'BRU DRUG SNGAGS KYIS BSKOR, ,'OD KYI 'PHRO 'DUS DON GNYIS LHUN GRUB GYUR, ,AOm MA nI PADME H'Um, (ZHES CI NUS BZLA ZHING, THUN MTHAR, RANG GI LTE BA DANG YUM GYI GSANG GNAS SU DGA' BA 'KHYIL BA DKAR DMAR GA-YON SKOR DU 'KHOR BA'I LTE BAR GTZO BO YAB YUM, YAN LAG BZHIR MKHA' 'GROM BZHI RNAMS GAR MDZAD PAR BSAM ZHING, DGA' 'KHYIL DRAG TU 'KHOR BA LA SEMS GNYAD DE,) AOm MA nI PADME H'Um, d'A KI N'I HA RI NI SA H'Um, (ZHES PA'I YID BZLAS
(SAM; NGAG BZLAS KYANG RUNG STE GANG MANG BZLA'O, ,DE NAS YIG BRGYA BRJOD LA,) DGE BA 'DI YIS MYUR DU BDAG ,SPYAN RAS GZIGS DBANG 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,TSE RABS KUN TU BLA MA LHA MCHOG GIS, ,'BRAL BA MED PAR RJES SU 'DZIN PA'I MTHUS, ,SA LAM BGROD PA MA LUS MTHAR PHYIN NAS, ,'GRO KUN THABS MKHAS 'DI YIS SGROL BAR SHOG ,NYER BSDU BYA BA NI, SNOD BCUD 'OD ZHU RANG LA THIM, ,RANG YANG SNYING GA'I HR'I: LA THIM, ,DE YANG MI DMIGS STONG PA'I NGANG, ,SLAR YANG 'PHAGS MCHOG SKUR GSAL BA'I, ,GNAS GSUM YIG 'BRU GSUM GYIS MTSAN, ,PHYI ROL SRUNG BA'I 'KHOR LO DANG, ,GANG SHAR SNANG GRAG RIG GSUM KUN, ,'PHAGS PA'I GSANG GSUM NYID DU GYUR, (,SHIS BRJOD NI,) MI TRA 'JIG RTEN DBANG PHYUG SOGS, ,BLA MA LHA TSOGS BKRA SHIS DES, ,DENG 'DIR BDE LEGS PHUN TSOGS KYI, ,DPAL LA ROL PA'I BKRA SHIS SHOG (,CES SHIS BRJOD KYIS MTHA' BRGYAN PAR BYA'O, ,DE LTAR NYE BRGYUD THUN MONG MA YIN PA'I LHA MCHOG RGYAL BA RGYA MTSO'I SGRUB THABS SHIN TU BSDUS PA 'KHYER BDER BKOD PA 'DI YANG SKYABS MGON 'PHAGS CHEN RIN PO CHE BLO BZANG THUB BSTAN MI PHAM TSUL KHRIMS RGYAL MTSAN DPAL BZANG PO'I RGYUN GYI NYAMS BZHES SU MGON PO GANG GI BZHED DGONGS LTAR PHA BONG KHA'I SPRUL MING BAS SHIN TU MYUR BAR THOL BYUNG GI TSUL GYIS THANG DKAR BDE SKYID DGA' BA'I TSAL NYID PA SMRAS PA'O,,) ,, ` NA MO GU RU BADZRA P'A nI YE, ('DIR DRAG PO SUM SGRIL GYI BSGOM BZLAS MDOR BSDUS NYAMS SU LEN PAR 'DOD PAS, SKYABS SEMS MDOR BSDUS SNGON DU BTANG,) AOm SVA BH'A WA X STONG PA'I NGANG LAS PAD NYIR RANG SEMS H'Um, ,YONGS GYUR GSANG BDAG DRAG PO SUM SGRIL NI, ,SKU MDOG SNGON
, ,PO PHYAG GA-YAS RDO RJE GDENGS, ,GA-YON PA SDIGS MDZUB KHRO BO'I NYIMS KUN RDZOGS, ,STENG GDON GZA' DANG RGYU SKAR GNYEN POR GYUR, ,SPYI GTZUG RTA MGO LJANG GUS PAR GDON SKROD, ,DE YI SPYI GTZUG BYA KHYUNG RGYAL PO YIS, ,KLU DANG SA BDAG GDON KUN 'JOMS PAR GYUR, ,RGYAL KUN MKHYEN BRTZE NUS GZUGS RIGS GSUM MGON, ,GNYEN PO'I LHA GSUM RNAM PAR SPYAN DRANGS NAS, ,RANG LA THIM PAS GSANG GSUM DBYER MED KYIS, ,GDON KUN 'JOMS LA THOGS PA MED PAR GYUR, (,CES PA LTAR GYI NGA RGYAL DANG GSAL SNANG BRTAN POS,) AOm BADZRA P'A nI HA YA GR'I WA GA RU dA H'Um PHAt, (CI NUS BZLA, YIG BRGYA BRJOD,) DGE BA 'DI YIS BAR GCOD BGEGS KYI DPUNG, ,DMIGS MED ZHI ZHING BSAM DON CHOS BZHIN 'GRUB, ,RGYAL KUN MKHYEN BRTZE NUS GSUM DBYER MED KYI, ,GO 'PHANG MKHA' KHYAB DON DU MYUR THOB SHOG (,CES PA 'DI YANG GZIMS RAM SKU NGO MKHAN DRUNG CHEN PO'I RGYUN KHYER NYAMS BZHES SU PHA BONG KHA'I SPRUL MING PAS SBYAR BA'O,, ` DAM TSIG RDO RJE'I BSGOM BZLAS RGYUN 'KHYER MDOR BSDUS BZHUGS SO,,) BLO BZANG RGYAL DANG BLA MA RDO RJE 'CHANG, ,DBYER MED ZHABS KYI PADMOR PHYAG BYAS NAS, ,DAM TSIG SDOM PA DAG BYED THABS MKHAS 'PHRUL, ,DGA' LDAN SNYAN BRGYUD LAS 'ONGS 'DIR DGOD BYA, (,DE YANG DAM TSIG DANG SDOM PA DAG BYED SNYAN BRGYUD YIG CHUNG LAS BYUNG BA LA GNYIS LAS, DAM TSIG RDO RJE'I BZLAS BA RGYUN KHYER SHIN TU 'KHYER BDE MDOR BSDUS SU 'GOD PA LA, SKYABS SEMS 'DIR GSANG 'DUS DANG 'BREL CHE BAS YID KYI ROL PA SOGS SAM, SPYI LTAR SANGS RGYAS CHOS TSOGS MA SOGS SNGON DU BTANG NAS,) RANG NYID LHAR GSAL THUGS KAR PAD ZLA'I STONG, ,HA LAS RAL GRI 'CHANG
BZUNG HAS MTSAN PA, ,DE LAS DAM TSIG RDO RJE SKU MDOG LJANG, ,LJANG NAG DKAR BA'I ZHAL GSUM PHYAG DRUG PA, ,DANG PO GNYIS KYIS RANG 'DRA'I YUM LA 'KHYUD, ,LHAG MA GA-YAS GNYIS RDO RJE RAL GRI DANG, ,GA-YON GNYIS DRIL BU DANG NI PADMA 'DZIN, ,YAB YUM GNYIS KA RIN CHEN RGYAN GOS LDAN, ,GNAS GSUM YI GE GSUM MTSAN H'Um 'OD KYIS, ,YE SHES PA DANG DBANG LHA SPYAN DRANGS NAS, ,DZA:H'Um BAm HO: DAM YE DBYER MED GYUR, ,DBANG LHAS DBANG BSKUR YAB LA MI BSKYOD PA, ,YUM LA DON YOD GRUB PAS DBU BRGYAN CING, ,THUGS KAR ZLA STENG SNA TSOGS RDO RJE'I LTER, ,HA YIG LJANG GU SNGAGS KYIS BSKOR BA LAS, ,BDUD RTZI'I RGYUN BYUNG RDO RJE'I RVA RGYUD NAS, ,LUS KUN GANG BAS DAM SDOM NYAMS CHAG KUN, ,NAG NYIL PHYIR THON SANGS KYIS DAG PAR GYUR; (;BAR MOS LA,) AOm A'A:PRADZNY'A DHRi KA HA H'Um, (ZHES CI NUS BZLA, MJUG TU,) BDAG NI MI SHES RMONGS PA YIS, ,DAM TSIG LAS NI 'GAL ZHING NYAMS, ,BLA MA MGON POS SKYABS MDZOD CIG ,GTZO BO RDO RJE 'DZIN PA STE, ,THUGS RJE CHEN PO'I BDAG NYID CAN; ;'GRO BA'I GTZO LA BDAG SKYABS MCHI, ,DAM TSIG RDO RJE'I ZHAL NAS RIGS KYI BU KHYOD KYI SDIG SGRIB DANG DAM TSIG NYAMS CHAG THAMS CAD BYANG ZHING DAG GO ,ZHES GSUNGS NAS RANG LA THIM PAS RANG GI SGO GSUM DANG DAM TSIG RDO RJE'I SKU GSUNG THUGS DBYER MI PHYED PAR GYUR PAR BSAM MO, (,'DI NI NAGS SHOD 'BRI RU DGE BSHES DNGOS GRUB RGYAL MTSAN NAS, KHUL DER NYAMS CHAG SKONG BA'I BZLAS PA 'DZUG PHYIR MDOR BSDUS 'KHYER BA DE ZHIG DGOS ZHES BSKUL NGOR, PHA BONG KHA PAS SBYAR BA'O,, ` ,,RMI LAM GSAL BA'I
, (,SGROL MA'AM LHA MO SHRAM nA'I SGRUB THABS MDOR BSDUS BZHUGS SO,,) NA MO GU RU, (LUNG MED,) 'JIGS CHEN BRGYAD SOGS SRID ZHI'I GDUNG MUN KUN, ,MTSAN TZAM BZUNG BAS SGROL MDZAD 'PHRIN LAS MA, ,RMONGS LA BLANG DOR BLTA BA'I DPAL STER SLAD, ,SNGO SANGS SGEG MO'I RNAM PAR ROL DER 'DUD, ,GANG GI SGRUB POR TSE DANG 'BYUNG 'GYUR GNAD, ,DNGOS NYAMS RMI LAM TSUN DU LUNG STON PA'I, ,YID GCUG LHAG PA'I LHA MO GANG DE NYID, ,MCHOD CING BSNYEN PA'I MAN NGAG MDOR BSDUS BRI, (,DE YANG RMI LAM GSAL BA'I SGROL MA'AM SHR'A MnAR GRAGS PA 'DI NYID BSGRUB PAR 'DOD PAS, THOG MAR MTSAN NYID DANG LDAN PA'I DBANG DANG RJES SU GNANG BAS RGYUD SMIN CING, MAN NGAG GI RGYUN THEGS PAR THOB PAR BYAS, THAS KYI SGRIB BA SRA BA CING BSOD NAMS KYI DBUNG DANG LDAN PHYIR BSAGS SGYANG LA BRTZON PA SNGON DU BTANG, SGROL DKAR GYI BSNYEN PA SNGON DU SONG NA LEGS PAS DE'I TSUL GZHAN NAS 'BYUNG BA LTAR BYA, 'DI NYID NYAMS SU LEN PA DNGOS LA SNGON 'GRO DANG DNGOS GZHI GNYIS LAS, DANG PO NI, SHING DRUNG NGAM BRAG PHUG LTA BU, BSAM GTAN GYI KHANG BUR YANG RUNG STE SHIN TU DPEN ZHING GTZANG 'KHYI SGRA MED PA'I GNAS SU BYI DOR PHEGS PAR BYAS,) SNGAGS (KYIS BSGRUBS PA'I GU GUL GYIS BDUG ,GZHI BDAG GTOR MA MANG DU BTANG STE GROGS DAN BCOL,) RANG SGROL MA DKAR MOR GSAL BA'I THUGS KA'I T'Am LAS 'OD ZER 'OG TU 'PHROS PAS RDO RJE'I SA GZHI, LOGS SU 'PHROS PAS RDO RJE'I RVA BA, STENG DU 'PHROS PAS RDO RJE'I GUR, GUR GYI 'OG RVA BA'I STENG DU RDO RJE'I BLA BRE STE THAMS CAD KYANG RDO RJE 'BAR BA'I RANG BZHIN BAR MTSAMS MED PA DUM BU GCIG TU GYUR PA'I PHYI ROL TU BSKAL PA 'JIG PA'I ME LTA BU'I KHA DOG SNA LNGA'I MED DPUNG PHYOGS BCUR 'PHRO BAR GYUR, (CES SRUNG 'KHOR THUN MONG BA BSGOM
STE;) AOm T'A RE TU TT'A RE TU RE RAKshA RAKshA SV'AH'A, (ZHES PA 'BUM TZAM BZLA'O, ,DE RJES ZHAG 'DUN TZAM DU RDO RJE SEMS DPA'I YIG BRGYA BSGOM BZLAS LA 'BAD PAR BYA'O, ,DE DAG GI GNAS SKABS SU'ANG PHRUS DANG GTZANG SBRA GAL CHE'O, ,GNYIS PA DNGOS GZHI LA'ANG BCA' GZHI DANG SGRUB PA DNGOS GNYIS LAS, DANG PO NI, STEGS BU GRU BA TI PA'I STENG DU PAD DKAR 'DAB BRGYAD 'BRI, DE'I STENG DU RIN PO CHE'I BUM PA DKAR GSUM DANG BUM SMAN SBYAR BA'I CHU GTZANG GIS BKANG BA, RAS DKAR GTZANG MA KHA TSAR MA NYAMS PA'I MGUL CHINGS CAN, SHUG PA'I YAL GAS KHA BRGYAN, DE LA TZA KLI 'DOGS, STENG DU DAR SNGON PO'I GUR PHUL, MTHAR MCHOD PA SNA LNGA SHIN TU GTZANG BA BKOD BA MDZES PAR BSHAM, DKAR GTOR GSUM YANG BSHAM, RJE BTZUN SGROL MA'I BRIS SKU SOGS DKON MCHOG GI RTAN DGRAM, RANG NYID MTSAMS DAM DU BCAD, LUS GZHAN GYIS MI MTHONG BA DANG, NGAG THA MAL GYI GLENG MO DANG, SEMS RNAM RTOG GI SPRO BSDU RNAMS SPOD, BRTAG BYA'I DON DE KHO NA NYIN MTSAN KUN TU YID LA BYAS TE, RAB CHO GA 'DI NYID SMYUNG GNAS, THA MA YANG PHYI DRO'I KHA ZAS, SGOG BTZONG, KHYAD PAR ZA TSOD DANG, ZAS GRIB CAN GYI RIGS THAMS CAD SPANGS NAS, DKON MCHOG GI SPYAN SNGAR NYIN LAG GSUM MTSAN LAN GSUM DU YAN LAG BDUN PA BYA, STOBS BZHI'I SGO NAS BSHAGS SDOM BCOS MA MA YIN PAR BYAS NAS BSNYEN PA TSAD DU PHYIN PAR BYA'O, ,GNYIS PA SGRUB PA DNGOS NI, SKYABS 'GRO SEMS BSKYED TSAD MED BZHI BSGOM PA RNAMS SNGON DU BTANG,) SVA BH'A WAS STONG PAR SBYANGS, STONG PA'I NGANG LAS BUM PA RIN PO CHE SNA BZHI LAS GRUB PA'I RI RAB STENG THAMS CAD BEEd'UR+YA'I RANG BZHIN GYIS GZHI SNGON POS KHYAB PA, KHA RGYAN DGOS 'DOD 'BYUNG BA'I DPAG BSAM SHING GI SDONG PO LO 'DAB 'BRAS BU ME TOG PHUN SUM TSOGS PAS BRGYAN PA, GUR GYI STENG GI NAM MKHA' SNGON PO DVANGS PA'I RANG BZHIN
, (,CAN DU GYUR PAR BSAM,) RI RAB KYI STENG DU LHA MO SHRA MAn SKU MDOG SNGON MO, ZHAL GCIG PHYAG GNYIS MA GA-YAS RNGA YAB DANG, GA-YON DPAG BSAM SHING GI YAL GA 'DZIN PA ZHABS GNYIS BRKYANGS NAS RI RAB LA STEGS 'DUG GI TSUL DU BZHUGS BA, DPAG BSAM GYI SHING GI SDONG PO LA SKU RGYAB BRTEN PA, RKED PA PHRA BA NU MA 'BUR PA, ZHAL 'DZUM BAG DANG BCAS PAS RANG LA GZIGS PA, DAR SNA TSOGS KYI STOD GA-YOd DANG SMAD GA-YOd BYAS PA, RIN PO CHE DANG ME TOG SNA TSOGS KYI RGYAN GYIS MDZES PAR BRGYAN PA, DUS GSUM GYI SHES BYA THAMS CAD MKHYEN PAS BDAG LA LUNG RNAMS MNGON SUM DU STON PA'I BDAG NYID DU GYUR PAR BSAM, (DE NAS DAR SKUD LA BRGYUS PA'I ME TOG NAS GTZANG MA 'BRU BDUN THAL MO SBYAR BA'I BAR DU BZUNG NAS 'DUN PA RTZE GCIG TU GUS 'DUD KYIS,) MKHYEN RAB KYI DBANG PHYUG LHA MO SHRA MAn, BDAG MING 'DI ZHES BGYI BA SKYE BA PHYI MA GANG DU SKYE BA'I GNAS MI SLU PAR GSAL POR BSTAN DU GSOL, (ZHES LAN GSUM NAS NYER GCIG BAR YID CHES PAR GSOL BA GDAB, ME TOG LHA MO'I PHYAG TU PHUL BAR BSAMS LA MGUL CHINGS KYI BAR DU BSDAMS PA'I KHA RGYAN LA BTAGS NAS, 'DOD DON GANG YIN GSAL BOR STON PA'I GSOL 'DEBS YID RTZE GCIG PA'I NGANG NAS,) AOm SHRA MAn BI SHA TZI NI MUN DHE PRADZNY'A, (ZHES BZLA, KHRI TSO BCU GNYIS BSNYEN PA BYAS NA SA 'OG GI GTER YANG MNGON SUM DU MA THONG BAR 'GYUR RO ZHES GSUNGS, THUN MTSAMS SU ME TOG GTOR, GSOL 'DEBS RTZE GCIG TU BYA'O, ,DE NAS SROD KYI DUS NAM PHYED LHAG PAR 'BAD CING, GUNG LA MGO BO BYANG, RKANG PA LHO, KHA NUB, RGYAB SHAR DU BSTAN, MGO LHA MO'I DANG DU BZHAG PAR BSAMS TE, SEMS GZHAN DU MA GA-YENG BAR DMIGS BYA GANG YIN 'BA'
(ZHIG YID LA BYA ZHING, SNYING PO SHUB BUR BZLA BZHIN DU NYAL BA MAN NGAG YIN, NUB GCIG LA DON SNA GCIG LAS MI STON PAR GSUNGS PAS BRTAG BYA MANG PO YOD NA, DANG PO GAL CHE BA GCIG LA BRTAG PA BYA ZHING, DE GRUB PA DANG GZHAN LA'ANG 'DON PA BSGYUR RO, ,'DIS RANG GZHAN THAMS CAD KYI SKYE BA SNGA PHYI SOGS BYANG CHUB MA THOB KYI BAR MNGON MTHO DANG NGES LEGS SOGS SHES BYA THAMS CAD LUNG STON PAR GSUNGS PAS LUNG BSTAN PA'I DON LA DPYOD SHES PAR BYA, RAB DNGOS SU LUNG STON PA'I GZUGS NYAMS SNANG LA 'CHAR, 'BRING GZUGS MED PA'I SGRA NAM MKHA' LAS THOS, THA MA'ANG RMI LAM DU LUNG STON, DE YANG DRI BA DRIS LAN BYED PA SOGS DANG, GO RGYU MED PA'I BRDA BYED PA SOGS GSAL MI GSAL CI RIGS PA 'BYUNG NGO, ,DPYAD DKA' BA RNAMS MTHONG THOS MYONG BA DANG RIGS PAS DPYAD NAS SHES PAR BYA GSUNG, YANG MI GSAL BA RNAMS DOR ZHING BSKYAR NAS SGRUB NA GSAL PO 'ONG, DE YANG BYUNG TSAD BDEN PA'I NGES PA MED PAR SPYIR RMI LAM BAG CHAGS KYI DBANG GIS 'BYUNG BA DANG, NGANG GIS 'BYUNG BA GNYIS LAS, SNGA MA MI BDEN ZHING PHYI MA JI LTAR 'BYUNG BA LTAR SOR BZHAG NA DE LTAR NGES KYANG, DGE SDIG STOBS CHEN BYAS NAS 'BYUNG BA'ANG YOD PAS BZANG PO BYUNG NA DE LAS KYANG BZANG BA DANG, NGAN PA BYUNG NA DE LAS KYANG BZLOG PA'I THABS BSTAN DU GSOL, ZHES GSOL BA GDAB BO; ;DE BYUNG BA DANG THABS DE LA 'BAD BZHIN DE LTAR BSGRUBS PAS RAB ZHAG GSUM, 'BRING ZHAG LNGA, THA MA ZHAG BDUN LA 'GRUB BO, ,GAL TE ZHAG 'DUN LA MA 'GRUB NA GRIB DANG SDIG PA CHEN PO YOD PA'I RTAGS YIN PAS GRIB LA SHIN TU 'DZEM ZHING, MTSAMS DAM PAR BCAD DE SDIG BSHAGS LA CHER 'BAD PAR BYA'O; ;DE LTAR LAN GSUM BSKYAR NA MI 'GRUB PA MI SRID DO, ,BYUNG TSOD GZHAN LA BSHAD NA MI GSAL DU 'GRO BAR GSUNGS PAS GSANG BA GAL CHE'O, ,'DI NI, RDO RJE 'CHANG PHA BONG KHA PA BDE CHEN SNYING PO DPAL BZANG PO'I BKA' RTZOM ZIN RNYING PHYAG BSTAR MA'I SHOG DRIL NGO MA LAS ZHAL BSHUS BGASS
,PA'O,, ` ,,BDE MCHOG LHA LNGA'I SGRUB THABS MDOR BSDUS BZHUGS SO,,) ` NA MO GU RU TZA KRA SAMBA R'A YA, (BDE MCHOG LHA LNGA'I SGRUB THABS MDOR BSDUS NI,) SANGS RGYAS CHOS DANG DGE 'DUN LA, ,RTAG TU BDAG NI SKYABS SU MCHI, ,SEMS CAN KUN GYI DON GYI PHYIR, ,BDAG NI HE RU KAR GYUR CIG (,CES SKYABS SEMS BYAS LA,) AOm SH'U N+YA T'A DZNY'A NA BADZRA SVA BH'A WA A'ATMA KONYAHAm, RANG GI THUGS KA'I H'Um GI 'OD ZER GYIS BRTAN GA-YO THAMS CAD SBYANGS TE 'OD DU ZHU BA RANG LA THIM ZHING RANG YANG STOD SMAD NAS RIM GYIS THUGS KA'I H'Um LA THIM, H'Um YANG RIM GYIS 'OD DU ZHU NAS 'OD GSAL STONG PA NYID DU GYUR, (CES 'CHI BA CHOS SKU DANG,) STONG PA'I NGANG LAS RANG GI SEMS N'A DA'I GZUGS GYEN DU 'GRENG BA DKAR LA DMAR BA'I MDANGS CAN DU GYUR, (CES BAR DO LONGS SKU DANG,) STONG PA'I NGANG LAS SKAD CIG GIS RDO RJE'I SA GZHI RVA BA GUR BLA RE ME RI DANG BCAS PA'I NANG DU RLUNG ME CHU SA RI RAB KYI STENG DU SNA TSOGS PADMA LA GNAS PA'I SNA TSOGS RDO RJE'I LTE BAR SNA TSOGS PADMA 'DAB MA BRGYAD PA'I DBUS SU DBYANGS DKAR PO PHRAG GNYIS DANG GSAL BYED DMAR PO PHRAG GNYIS ZHU BA LAS BYUNG BA'I ZLA BA'I DKYIL 'KHOR DKAR LA DMAR BA'I MDANGS CAN GYI DBUS SU N'A DA ZHUGS PA RIM GYIS H'Um YIG TU GRUB PA LAS 'OD ZER 'PHROS, DON GNYIS BYAS, 'DUS YONGS SU GYUR PA LAS RTEN DANG BRTEN PA'I DKYIL 'KHOR DUS GCIG TU GRUB PAR GYUR, (CES SKYE BA SPRUL SKU'I LAM 'KHYER BSGOM,) DE YANG DUR KHROD SRUNG 'KHOR DANG BCAS PA'I NANG DU GZHAL YAS KHANG GRU BZHI SGO BZHI RTA BABS DANG BCAS PA MTSAN NYID THAMS CAD YONGS
SU RDZOGS PA'I DBUS SU SNA TSOGS PADMA 'DAB MA BRGYAD PA'I LTE BAR NYI MA'I DKYIL 'KHOR, PHYOGS BZHI'I 'DAB MAR NYI MA DANG RO'I GDAN RE RE, DBUS KYI NYI MA'I GDAN LA RANG NYID BCOM LDAN 'DAS DPAL HE RU KA SKU MDOG SNGON PO ZHAL GCIG PHYAG GNYIS KYIS RDO RJE DANG DRIL BU 'DZIN PAS YUM RDO RJE PHAG MO DMAR MA GCER MO RUS PA'I RGYAN GYIS SBRAS SHING GRI THOD 'DZIN PA LA 'KHYUD PA, RAL BA'I THOR COG LA SNA TSOGS RDO RJE DANG ZLA PHYED KYIS MTSAN PA, THOD SKAM LNGA'I DBU RGYAN DANG RLON PA LNGA BCU'I DO SHAL CAN; STAG LPAGS KYI SHAM THABS DANG RUS PA'I RGYAN DRUG GSOL ZHING GAR DGU'I NYAMS DANG LDAN PA, ZHABS GA-YAS BRKYANGS PAS 'JIGS BYED NAG PO'I MGO BO DANG, GA-YON BSKUMS PAS DUS MTSAN MA DMAR MO'I NU MA MNAN PA, YE SHES KYI ME 'BAR BA'I DBUS NA BZHUGS PA, PHYOGS BZHI'I GDAN LA SHAR DU MKHA' 'GRO MA NAG MO, BYANG DU L'A MA LJANG KHU, NUB TU KHAndA RO HE DMAR MO, LHOR GZUGS CAN MA SER MO, THAMS CAD KYANG ZHAL GCIG MA, SPYAN GSUM MA, MCHE BA RNAM PAR GTZIGS PA'I ZHAL CAN, GCIR MO SKRA GROL ZHING LANG TSO GZHON NU RGYAS PA, PHYAG BZHI'I GA-YAS GNYIS GRI GUG DANG d'A MA RU, GA-YON GNYIS THOD PA DANG KHA t'ANG+GA 'DZIN PA, GA-YAS BRKYANGS KYIS BZHUGS PA, PHYAG RGYA LNGAS BRGYAN PA, MI MGO SKAM PO LNGA'I THOD DANG MI MGO SKAM PO LNGA BCU'I DO SHAL CAN, MTSAMS KYI 'DAB )MA BZHIR ZLA GDAN LA BUM PA BDUD RTZIS GANG BA'I STENG DU K'A BA LA BYANG CHUB KYI SEMS KYIS GANG BA RE RE, LHA RNAMS KYI SPYI BOR Z LA BA LA AOm DKAR PO, MGRIN PAR PADMA LA A'A:DMAR PO, THUGS
, ,KAD NYI MA LA H'Um SNGON PO, PHEEm; THUGS KA'I H'Um GI 'OD ZER GYIS BSGOMS PA DANG 'BRA BA'I YE SHES PA DBANG LHA DANG BCAS PA SPYAN DRANGS, DZA:H'Um BAm HO: GNYIS SU MED PAR GYUR, DBANG GI LHAS DBANG BSKUR, YAB LA RDOR SEMS DANG YUM LA RNAM SNANG GI DBU BRGYAN PAR GYUR, CES BSKYED LA, AOm TZO KRA SAMBHA RA SA PA RI W'A RA AARGHAm, P'ADYAm, PUshPE, DH'U PE, D'I PE, D'I PE, GANDHE, NEE WI DYE, SHAPTA PRA T'ITZTSA SR'A RAS PHYI MCHOD, AOm TZAKRA SAMBA RA SA PA RI W'A RA AOm A'A:H'Um, (GIS NANG MCHOD,) YAB YUM SNYOMS PAR ZHUGS PAS LHAN SKYES KYI BDE STONG SKYES PAR GYUR, (BYIS GSANG MCHOD PHUL,) SHES BYA'I 'KHOR LO LHAN SKYES MCHOG GI DBYINGS, ,SDOM MDZAD HE RU KA DPAL YAB YUM DANG, MDZES SDUG PHYOGS KYI LHA MO RNAM BZHI SOGS, , RTEN DANG BRTEN PA'I BKOD PAR GUS PHYAG 'TSAL, (,ZHES BSTOD, LHA'I RNAL 'BYOR BSGOM ZHING SKYON,) 'PHRENG BA GSUNG RDO RJE PADMA GAR DBANG GI NGO BOR GYUR, PHAB YUM GYI THUGS KAR NYI GDAN LA H'Um YIG GI MTHAR SNGAGS 'PHRENG GIS BSKOR BA LAS SPRO BA DANG BSDU BA'I MDZAD BA CAN DU GYUR, AOm SHR'I BADZRA HE HE RU RU KAm H'Um H'Um PHAt, d'A KI N'I DZ'A LA SHAm BA RAm SV'AH'A, (ZHES YAB DANG,) AOm BADZRA BEE RO TZAN'I YE H'Um H'Um PHAt SV'AH'A, (ZHES YUM GYI SNYING PO BZLA, MJUG TU,) GZHAL YAS KHANG DANG YUM RANG LA THIM PAR (BSAMS LA,) SEMS CAN KUN GYI DON GYI PHYIR, ,BDAG NI HE RU KAR GYUR NAS, ,SEMS CAN THAMS CAD HE RU KA'I, ,GO 'PHANG MCHOG LA 'GOD PAR SHOG (,CES SMON LAM BYA'O, ,ZHES PA'I NI DGE LDAN BSTAN PA MI 'PHROG PA'I DAD PA DANG LDAN ZHING, MDO SNGAGS LAM GYI RIM PAR GCIG TU MOS BA LHUR BYED PA)
GLIS HAN CHU'I NYAMS LEN DU, PHA BONG KHA'I SPRUL MING PAS RJE DHARMA BHA DRA'I GSUNG LA KHA BSKANG STE SBYAR BA'O,, ` ,,RJE BTZUN RDO RJE RNAL 'BYOR MA N'A RO MKHA' SPYOD KYI NYAMS LEN RGYUN 'KHYER MDOR BSDUS BZHUGS SO,,) ` NA MO GU RU BADZRA WA R'A HI, (RJE BTZUN RDO RJE RNAL 'GYOR MA RO MKHA' SPYOD MA'I SGRUB THABS RGYUN DU NYAMS SU BLANG BA'I NGAG 'DON GYI TSUL NI,) BDAG DANG 'GRO BA NAM MKHA' DANG MNYAM PA'I SEMS CAN THAMS CAD DUS 'DI NAS BZUNG STE, JI SRID BYANG CHUB SNYING PO LA MCHIS KYI BAR DU DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN 'DAS RNAMS LA SKYABS X DAM PA'I CHOS RNAMS LA X 'PHAGS PA'I DGE 'DUN RNAMS LA X (ZHES BDUN SOGS,) BLA MA DANG DKON MCHOG RIN PO CHE RNAM PA GSUM LA PHYAG 'TSAL ZHING SKYABS SU MCHI'O, KHYED RNAMS KYIS BDAG GI RGYUD BYIN GYIS BRLAB TU GSOL, (ZHES TSAR GCIG) ,BDAG GIS RDZOGS PA'I SANGS RGYAS KYI GO 'PHANG THOB PAR BYAS LA, SEMS CAN THAMS CAD SRING BA'I SDUG BSNGAL GYI RGYA MTSO LAS BSGRAL BAR BYA, DE'I CHED DU RDO RJE RNAL 'BYOR MA'I LAM GYI RIM PA NYAMS SU BLANG BAR BYA'O, (,ZHES LAN GSUM BRJOD,) MDUN GYI NAM MKHAR SENG+GES BTEG PA'I RIN PO CHE'I KHRI SNA TSOGS PADMA DANG ZLA BA'I STENG DU RTZA BA'I BLA MA RJE BTZUN RDO RJE CHOS KYI RNAM BA CAN, SKU MDOG DMAR PO ZHAL GCIG PHYAG GNYIS KYI GA-YAS PAS BDE STONG GI SGRA SGROG PA'I d'A MA RU BSNAMS PA, GA-YON PAS THOD PA BDUD RTZIS GANG BA THUGS KAR 'DZIN PA, GRU MO GA-YON NA KHA tV'Am GA BSNAMS PA, ZHABS RDO RJE'I SKYIL KRUNG GIS BZHUGS PA, RUS PA'I RGYAN DRUG GIS BRGYAN CING, GZHON
, ,NU LANG TSO DAR LA BAB PA, SKYABS GNAS KUN 'DUS KYI NGO BOR GYUR, DUS GSUM SANGS RGYAS THAMS CAD KYI NGO BO BLA MA RIN PO CHE LA PHYAG 'TSAL ZHING SKYABS SU MCHI'O, ,BDAG GI RGYUD BYIN GYIS BRLAB TU GSOL, (ZHES LAN GSUM GYIS GSOL BA BTAB PAS,) BLA MA 'OD DU ZHU BA SPYI BO NAS RANG LA THIM PAS RANG GI SNYING GAR AE LAS CHOS 'BYUNG GRU GSUM NYIS BRTZEGS KYI NANG DU, AA LAS ZLA BA'I DKYIL 'KHOR GYI DBUS SU BI YIG DMAR PO'I MTHAR GA-YON SKOR DU, AOm AOm AOm SARBA BUDDHA d'A KI N'I YE, BADZRA WARnnA N'I YE, BADZRA BEE RO TZA N'I YE, H'Um H'Um H'Um PHAt PHAt PHAt SV'AH'A, ZHES PA'I SNGAGS 'PHRENG GIS BSKOR BA LAS 'OD ZER 'PHROS, LUS THAMS CAD GANG, LUS NGAG YID GSUM GYI NAD GDON SDIG SGRIB DAG ,LUS 'OD KYI GONG BUR GYUR, DE YONGS SU GYUR PA LAS, RANG NYID RJE BTZUN RDO RJE RNAL 'BYOR MA'I SKUR GYUR PA NI, PADMA NYI MA'I GDAN LA ZHABS GA-YAS BRKYANGS PAS DUS MTSAN MA DMAR MO'I NU MA'I STENG NAS MNAN PA, GA-YON BSKUMS PAS 'JIGS BYED NAG PO MGO BO RGYAB TU BLTAB NAS MNAN PA, SKU MDOG DMAR MO BSKAL BA'I ME LTA BU'I GZI BRJID CAN, ZHAL GCIG PHYAG GNYIS SPYAN GSUM DAG PA MKHA' SPYOD DU GZIGS PA, PHYAG GA-YAS PAS RDO RJES MTSAN PA'I GRI GUG THUR DU BRKYANGS NAS 'DZIN PA, GA-YON BAS THOD PA KHRAG GIS GANG BA STENG PHYOGS SU BZUNG NAS ZHAL GYEN DU PHYOGS PAR GSOL BA, PHRAG PA GA-YON PAR RDO RJES MTSAN PA'I KHA d'Am GA LA d'A MA RU DANG, DRIL BU DANG, 'PHAN RTZE BA SUM PA 'PHYANG BZHIN PA BSNAMS PA, DBU SKRA NAG PO SIL BUR
GYUR PAS SKU RKED YAN CHAD KHEBS PA, LANG TSO DAR LA BAB CING 'DOD PA'I NU 'BUR RGYUS PA BDE BA BSKYED PA'I NYAMS CAN, MI MGO SKAM PO LNGA'I DBU RGYAN DANG, SKAM PO LNGA BCU'I DO SHAL CAN, GCER MO PHYAG RGYA LNGAS BRGYAN PA YE SHES KYI ME 'BAR BA'I DBUS NA BZHUGS PA'O, ,DE'I GNAS RNAMS SU ZLA BA'I DKYIL 'KHOR GYI STENG DU LTE BAR AOm BAm DMAR MO RDO RJE PHAG MO, SNYING GAR HAm YOm SNGON MO GSHIN RDZE MA, KHAR HRIm MOm DKAR MO RMONGS BYED MA, DBRAL BAR HREm HRIm SER MO SKYOD BYED MA, SPYI GTZUG TU H'Um H'Um LJANG GU SKRAG BYED MA, YAN LAG THAMS CAD LA PHAt PHAt DUD KHA TZAndI KA'I NGO BO, SNYING GA'I SNGAGS PHRENG LAS 'OD ZER 'PHROS TE, BA SPU'I BU GNAS PHAR SONG, RIGS DRUG GI SEMS CAN THAMS CAD LA PHOG PAS SDIG SGRIB BAG CHAGS DANG BCAS PA SBYANGS, DE THAMS CAD RDO RJE RNAL 'BYOR MA'I SKUR GYUR, ('BAR BA'I PHYAG RGYA DPRAL BA'I DBYINGS SU GA-YON SKOR DU LAN GSUM BSKOR ZHING, NGAG TU,) PHEEm; RANG GI SNYING GA'I BAm YIG LAS 'OD ZER 'PHROS PAS, 'OG MIN NAS RDO RJE RNAL 'BYOR MA LA PHYOGS BCU'I DPA' BO DANG RNAL 'BYOR MA THAMS CAD KYIS BSKOR BA DANG 'GRO BA RNAL 'BYOR MAR GYUR PA THAMS CAD KYANG BDAG NYID LA THIM PAR GYUR, DZA:H'Um BAm HO: (ZHES DANG, PAD KOR GYI MTHAR 'KHYUD PA'I PHYAG RGYA BYAS LA,) AOm YO GA SHUDDH'A:SARBA DHARM'A:YO GA SHUDDHO NYAHAm, (ZHES BRJOD,) RANG GI SNYING GAR CHOS 'BYUNG GRU GSUM NYIS BRTZEGS KYI NANG DU ZLA BA'I DKYIL 'KHOR GYI DBUS SU BAm YIG LA SNGAGS 'PHRENG KHA DOG DMAR PO GA-YON SKOR DU 'KHOR BA LAS 'OD ZER DMAR PO DPAG MED 'PHROS, SEMS CAN THAMS CAD KYI SDIG
, ,SGRIB SPYANGS, SANGS RGYAS THAMS CAD MCHOD, DE RNAMS KYI BYIN RLABS NUS MTHU 'OD ZER DMAR PO'I RNAM PAR SPYAN DRANGS, SNGAGS PHRENG LA THIM BAS RGYUD BYIN GYIS BRLAB BAR GYUR, AOm AOm AOm SARBA BUDDHA d'A KI N'I YE, BADZRA WARnnA N'I YE, BADZRA BEE RO TZA N'I YE, H'Um H'Um H'Um PHAt PHAt SV'AH'A, (ZHES BRGYA RTZA LA SOGS PA BZLA, SNYING GA'I CHOS 'BYUNG ZLA BA YIG 'BRU DANG BCAS PA BDE BA BSKYED PAR 'DOD NA GSANG GNAS, MI RTOG BA SKYE BAR 'DOD NA LTE BAR BAB STE MDUN RGYAB SPANGS PA'I GRVA BZHIR DGA' BA 'KHYIL BA GA-YON SKOR DU 'KHOR BA DANG, SNGAGS 'PHRENG LAN GSUM MAM BDUN LA SOGS PA KLOG PA'I TSUL DU SEMS GTAD NAS, RLUNG SA SBYAR CI THUB 'DZIN, RANG GI SMIN MTSAMS DANG GSANG GNAS SU DGA' 'KHYIL GA-YON SKOR DU SHUGS DRAG TU 'KHOR BA MAS GTAD NAS RLUNG BA SBYAR BZUNG, MTHAR DGA' 'KHYIL GNYIS SNYING PHA'I BAm LA THIM PAR BSAM MO,) ,RANG GI SNYING GA'I BAm YIG SNGAGS 'PHRENG DANG BCAS PA LAS 'OD ZER 'PHROS, KHAMS GSUM THAMS CAD LA KHYAB, GZUGS MED KHAMS 'OD ZER SNGON PO'I RNAM PAS LUS KYI STOD KYI CHA LA THIM, GZUGS KHAMS 'OD ZER DMAR PO'I RNAM PAS BAR GYI CHA LA THIM, 'DOD KHAMS 'OD ZER DKAR PO'I RNAM PAS SMAD KYI CHA LA THIM, RANG YANG STOD SMAD NAS RIM BZHIN DU ZHU BAS CHOS 'BYUNG LA THIM, DE ZLA BA LA, DE SNGAGS PHRENG LA, DE BAm YIG LA, DE BAm GYI MGO BO LA, DE ZLA TSES LA, DE THIG LE LA, DE N'ADA LA, DE YANG JE PHRA JE PHRAR MI DMIGS PAR GYUR, (CES PAS BRJOD BRAL DU CI NUS BZHAG) ,DE YI DANG LAS RANG NYID RJE BTZUN MA'I SKUR GYUR PA'I GNAS RNAMS ?SU BA'I DKYIL 'KHOR GYI STENG DU LTE BAR AOm BAm DMAR MO RDO RJE PHAG
MO;) SNYING GAR HAm YOm SNGON MO GSHIN RJE MA, ,KHAR HRIm MOm DKAR MO RMONGS BYED MA, DBRAL BAR HREm HRIm SER MO SKYOD BYED MA, SPYI GTZUG TU H'Um H'Um LJANG GU SKRAG BYED MA, YAN LAG THAMS CAD LA PHAt PHAt DUD KHA TZAndI KA'I NGO BO RNAMS SU GYUR, AOm SUMBHA NI (ZHES SOGS LEN GNYIS BRJOD LA TSAM RDAM GYI BSRUNG BA BYA'O,,) DGE BA 'DI YIS MYUR DU BDAG ,MKHA' SPYOD MA DNGOS 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,'CHI TSE MGON DANG DPA' BO MA SOGS KYIS, ,ME TOG GDUGS DANG RGYAL MTSAN THOGS NAS SU, ,ROL MO SIL SNYAN SGRA SNYAN SOGS MCHOD CING, ,MKHA' LA SPYOD PA'I GNAS SU 'KHRID PAR SHOG (,CES BRJOD, THUN MTSAMS SU GTOR MA 'BUL BAR 'DOD NA,) AOm A'A:H'Um HA HO HR'I: (LAN GSUM BRJOD,) STONG PA'I NGANG LAS THOD PA CHEN POR SHA LNGA BDUD RTZI LNGA LAS BYUNG BA'I YE SHES KYI BDUD RTZI'I RGYA MTSO CHEN POR GYUR, PHEEm; 'OG MIN NAS RDO RJE RNAL 'BYOR MA LA DPA' BO DANG RNAL 'BYOR MCHOS SKYONG 'JIG RTEN SKYONG BA THAMS CAD KYIS BSKOR BA SPYAN DRANGS, (PAD KOR SNGON DU 'GRO BA'I RDO RJE THAL MO KHA GYEN DU PHYE BA'I PHYAG RGYA BCAS MTHAR SE GOL GTOG CING, AOm GSUM MA'I RJES SU,) AOm AA K'A RO MU KHAm SARBA DHARM'A nAm A'ADYA NU TPA TNA TV'A TA, AOm A'A:H'Um PHAt SV'AH'A, (ZHES PA GSUM MAM LNGA'AM BDUN BRJOD,) AOm BADZRA YO GI N'I SA BA RI W'A RA AARGHAm, P'ADYAm, PUshPE, DH'U PE, A'A LI KE, GANDHE, NEE WIDY'A, SHAPTA A'A:H'Um (GIS MCHOD,) AOm A'A:H'Um (GIS NANG MCHOD PHUL,) DPAL LDAN RDO RJE MKHA' 'GRO MA, ,MKHA' 'GRO MA YI 'KHOR LOS BSGYUR, ,YE SHES LNGA DANG SKU GSUM NYID, ,'GRO BA SKYOB LA PHYAG 'TSAL LO, ,JI SNYED RDO RJE MKHA' 'GRO MA, ,KUN TU RTOG PA'I 'CHING GCOD CING, ,'JIG RTEN BYA BAR RAB 'JUG MA, ,DE SNYED
, ,RNAMS LA PHYAG 'TSAL BSTOD, ,BADZRA MU: YE SHES PA GSHEGS, DAM TSIG PA BDAG NYID LA THIM PAR GYUR, DGE BA 'DI YIS (ZHES PA NAS, GANG ZHIG DRAN PAS SNYING GI GDUNG BA SEL, ,BRTZON PAS BSGOM NA TSE 'DIR PHYAG RGYA CHE, ,BDE BLAG STZOL MDZAD MKHA' SPYOD DBANG MO YI, ,MCHOG THUN DNGOS GRUB 'GRUB PA'I BKRA SHIS SHOG (,CHES SOGS BSNGO BA DANG SMON LAM GYIS MTHA' BRGYAN PAR BYA'O, ,RJE BTZUN RDO RJE RNAL 'BYOR MA'I RGYUN 'KHYER MDOR BSDUS 'DI NI PHA BONG KHA SPRUL MING PAS RANG GI 'DON CHOS SU; TSAR CHEN B LO GSAL RYGA MTSO GSUNGS GZHI BYAS, GCOR 'DUL DANG GO CHA'I SNGAGS SOGS CUNG ZAD 'PHRI BSNAN BGYIS TE BKOD PA'O,,) ,,` DAD DAM MTSUNGS MED LHA KLU DGA' 'TSAL BAS, ,YON SBYAR MTHUN RKYEN 'BREL TSAD BLA MA YIS, ,TSE RABS 'BRAL MED MNYES BZHIN RJES 'DZIN CING, ,ZUNG 'JUG RDO RJE 'CHANG DBANG MYUR THOB SHOG , 'GRO DON 'PHEL,,