*, ,BLA MA MGON PO 'JAM PA'I DBYANGS LA YON CHAB 'BUL BA'I CHO GA KUN BZANG MCHOD PA'I SPRIN PHUNG ZHES BYA BA BZHUGS SO, ,
, ,NA MO GU RU MANYDZU SHR'I YE, GANG LA BRTEN NA THAR PA'I KHANG BZANG DU, ,BDE BLAG BGROD MDZAD DRIN CAN BLA MA DANG, ,DBYER MED 'JAM DPAL DPA' PO'I ZHABS PADMOR, ,BYANG CHUB BAR DU 'DUD DO BRTZE BAS SKYONGS, ,MI ZAD SDIG LTUNG DRI MA DAG PHYIR DANG, ,BSOD NAMS TSOGS CHEN YONGS SU BSDUD PA'I PHYIR, ,DAM PA'I RJES SU BZLOS PA'I CHU GTZANG GI ,MCHOD SPRIN RGYA MTSO 'BUL BA'I CHO GA SPEL, (,DE LA 'DIR MGON PO 'JAM DBYANGS LA YON CHAB 'BUL BAR 'DOD PA DAG GIS, GANG DU 'BUL BA'I GNAS KHANG BYI DOR LEGS PAR BYAS, 'JAM DPAL GTZO BOR GYUR BA'I SKU GSUNG THUGS KYI RTEN BKOD PA MDZES PAR BSHAMS,
, ,SA RGYAN GNAM RGYAN MCHOD RDZAS RANG LA GANG 'BYOR GA-YO MED PAR BSHAMS, TING SOGS BYI DOR 'OD 'BAR BAR BYED, MCHOD KHRI GA-YO 'GUL GCAS GCUS MED PAR BKOD LEGS SU BSHAMS, DE NAS TING PHOR NANG MDZUB RJES KHA RLANGS SOGS KYI DRI MAS MA BGOS PAR THUG CHOM GYI SGRA SOGS MED PAR SRI ZHU DANG BCAS BSGRIGS BZHIN NGAG NAS 'DI LTAR,) RANG GI MDUN GYI GSER GYI SA GZHI'I STENG, ,GA BUR TZAN DAN SPRUL SNYING DRI LDAN PA'I, ,PADMA AUTPAL KU MU DA LA SOGS, ,YID 'ONG CHU SKYES THANG SKYES 'DZIN MA KHYAB, ,LO MA ME TOG 'BRAS BU'I KHUR BTUD PA'I, ,RKANG 'THUNG PHRENG BA YID BZHIN CHU MTSOS BRGYAN, ,
SPRUL PA'I BYA TSOGS CHOS KYI KLU DBYANGS LEN, ,KUN BZANG MCHOD SPRIN RGYA MTSO 'KHRIGS PA'I DBUS, ,SRID NOR RIN CHEN KHYAD 'PHAGS LAS GRUB CING, ,GDONG LNGA'I DBANG PO BRGYAD KYIS LEGS BTEG PA'I, ,NGO MTSAR RGYAN MDZES MTHO ZHING YANGS PA'I KHRIR, ,SNA TSOGS PADMA NYI ZLA'I GDAN STENG DU, ,NGO BO DRIN CAN RTZA BA'I BLA MA MCHOG ,RNAM PA RJE BTZUN BRTAN PA'I 'KHOR LO LA, ,'JAM DPAL RIGS LNGA RGYAL SRAS ZHI KHRO DANG, ,GZHAN YANG DNGOS BRGYUD BLA MA YI DAM DANG, ,SANGS RGYAS BYANG SEMS DPA' BO DPA' MO'I TSOGS, ,BSTAN SRUNG DAM CAN RGYA MTSOS BSKOR NAS BZHUGS, ,RANG GI MTHA' SKOR DRIN CAN PHA MA YIS, ,THOG DRANGS MKHA' MNYAM MA RGAN SEMS CAN KUN, ,SA CHEN RDUL GYI DREG BZHIN 'KHOD PAR GYUR, ,NA MO GU RU BHYA: (SOGS BRGYA RTZA,) BDAG DANG 'GRO BA NAM MKHA'I MTHA' DANG MNYAM PA'I SEMS CAN THAMS CAD DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU PHYOGS BCU DUS GSUM KYI, (ZHES PA NAS,) DGE 'DUN LA SKYABS SU MCHI'O, ,BCOM LDAN 'DAS RJE BTZUN 'PHAGS PA 'JAM DPAL GYI LHA TSOGS 'KHOR DANG BCAS PA RNAMS LA SKYABS SU MCHI'O, (,ZHES BDUN NAM NYER GCIG BRJOD,) SANGS RGYAS CHOS TSOGS MA, (LAN GSUM,) DKON MCHOG GSUM LA, (LAN GSUM,) SEMS CAN THAMS CAD
, ,(SOGS LAN GSUM,) MA LUS SEMS CANx RNAM DAG CHOS KYI DBYINGS LAS MA GA-YOS KYANG, ,TSAD MED THUGS RJES 'GRO LA PHYOGS BCUR GZIGS, ,RGYAL BA KUN GYI 'PHRIN LAS RGYAS MDZAD PA, ,DUS GSUM BLA MA 'KHOR BCAS GNAS 'DIR GSHEGS, ,'TSAMS SPRIN GZHON NUS 'KHYUD PA'I GSER GYI RIS, ,AINDRA N'I LA'I THOR COG BCINGS PA BZHIN, , DMAR SER SKU YIS YID 'PHROG GANG GI GTZUG ,MTHON MTHING RAL BA'I ZUR PHUD LNGAS MDZES PA'I, ,'JAM DBYANGS BLA MA 'KHOR BCAS GNAS 'DIR GSHEGS, ,BCOM LDAN 'JAM PA'I 2DBYANGS LA PHYAG 'TSAL LO, ,GANG GI BLO GROS SGRIB GNYIS SPRIN BRAL NYI LTAR RNAM DAG RAB GSAL BAS, ,JI SNYED DON KUN JI BZHIN GZIGS PHYIR NYID KYI THUGS KAR GLEGS BAM 'DZIN, ,GANG DAG SRID PA'I BTZON RAR MA RIG MUN 'THOMS SDUG BSNGAL GYIS GZIR BA'I, ,'GRO TSOGS KUN LA BU GCIG LTAR BRTZE YAN LAG DRUG CU'I DBYANGS LDAN GSUNG, ,'BRUG LTAR CHER SGROGS NYON MONGS GNYID SLONG LAS KYI LCAGS SGROG DGROL MDZAD CING, ,MA RIG MUN SEL SDUG BSNGAL MYU GU JI SNYED GCOD MDZAD RAL GRI BSNAMS, ,GDOD NAS DAG CING SA BCU'I MTHAR SON YON TAN LUS RDZOGS
RGYAL SRAS THU BO'I SKU, ,BCU PHRAG BCU DANG BCU GNYIS RGYAN SPRAS BDAG BLO'I MUN SEL 'JAM PA'I DBYANGS LA 'DUD, ,DNGOS BSHAMS YID SPRUL PHYI NANG GSANG BA'I MCHOD PA RAB DVANGS YID KYIS 'BUL, THOG MED NAS BSAGS SDIG LTUNG NYES SOGS STOBS BZHI'I SGO NAS RNAM PAR BSHAGS, ,SKYES 'PHAGS KUN GYI DUS GSUM BSAGS PA'I DGE BA'I TSOGS LA RJES YI RANG, ,BLA MA 'JAM DPAL DBYANGS KYIS 'GRO KUN SRID LAS SGROL PHYIR CHOS 'KHOR BSKOR, ,SKYE 'GAG BRAL BA'I CHOS SKU'I NGO BOR SRID MTHA'I BAR DU BRTAN PAR BZHUGS, ,DUS GSUM BSAGS PA'I DGE BA MTHA' DAG 'GRO DON BYANG CHUB RGYU RU BSNGO, ,SKYE ZHING SKYE BAR DAM TSIG SDOM PA TSUL BZHIN BSRUNG BA'I RTEN THOB NAS, ,MA GYUR 'GRO RNAMS SRID LAS SGROL LA 'JAM DBYANGS LTA BUR BDAG GYUR CIG ,(CES BSTOD PA YAN LAG BDUN PA DANG BCAS PA NYER GCIG ,RGYAS PAR NA MTSAN BRJOD GSUM MAM BDUN GYI MJUG TU BSTOD PA YAN LAG BDUN PA'AM GANG LTAR YANG MJUG TU,) BRTZE LDAN KHYED KYI MKHYEN RAB 'OD ZER GYIS, , BDAG BLO'I GTI MUG MUN PA RAB BSAL NAS, ,BKA' DANG BSTAN BCOS GZHUNG LUGS RTOGS PA YI, BLO GROS SPOBS PA'I SNANG BA STZAL TU GSOL, ,AOm NA MO BHA GA WA TE BADZRA SA RA, (ZHES SOGS
, ,MCHOD PA'I SPRIN GYI GZUNGS LAN LNGA'AM BDUN ROL CHEN DANG BCAS, DE NAS, DKON MCHOG GSUM GYI ZHES SOGS BDEN BRJOD, ` RJE GSER KHANG BA'I GSUNG LTAR 'DON, PHYAG MCHOD KYANG GZHUNG LTAR LA DMIGS BSAL RE GNYIS 'JUG 'DOD NA,) SKAL BZANG RGYA MTSO'I MGON LA GSOL BA 'DEBS, (,ZHES PA'I 'PHROR 'JUG ,DE NAS,) GANG GIS BDAG LAx THUGS RJE'I BDAG NYIDx SHES BYA MKHA' DBYINGS ZAB CING YANGS PA LA, ,BLO GROS DKYIL 'KHOR RGYAS PA'I 'OD ZER GYIS, ,SKYE DGU'I MI SHES MUN PA'I TSOGS RNAMS KUN, ,SEL BYED DBANG PO 'JAM PA'I DBYANGS LA 'DUD, ,GSANG BA 'DUS PA (MAN GZHUNG LTAR BTANG NAS,) TSOGS MCHOG DGE 'DUN LA PHYAG 'TSAL, (,RGYAS PAR NA,) JI SNYED SU DAGx (BREL DUS,) LUS NGAG YID GSUM GUS PAS PHYAG 'TSAL LO, (,NAS) BYANG CHUB CHEN POR BSNGO, ,ZHING KHAMS 'BUL BAR ZHUx ZHING KHAMS RNAM PAR DAG PA 'DI NYID BLA MA DANG MGON PO 'JAM PA'I DBYANGS KYI LHA TSOGS RNAMS LA DBUL BAR BGYI'O, ,THUGS RJES 'GRO BA'I DON DU BZHES SU GSOL, BZHES NAS BDAG SOGS SEMS CAN THAMS CAD KYI RGYUD SBYANGS SHING RMONGS PA'I MUN CHEN MA LUS PA SEL NAS ZAB PA DANG RGYA CHE BA'I LAM BZANG ZAB MO'I RTOGS PA
MTHA' DAG MYUR DU RGYUD LA SKYE BAR BYIN GYIS BRLAB TU GSOL, SA GZHI SPOS BYUGS MA, (NYER LNGA'AM BCU GSUM,) BDAG GZHAN MA (TSANG GSUM DAL BUS 'DON,) SKYABS GSUM KUN 'DUS KYI BDAG NYID RJE BTZUN 'JAM DPAL DBYANGS LA GSOL BA 'DEBS SO, ,BLA MA KUN 'DUS KYI BDAG NYID RJE BTZUNx YI DAM KUN 'DUS KYI BDAG NYIDx SANGS RGYAS KUN 'DUS KYIx DAM CHOS KUN 'DUSx DGE 'DUN KUN 'DUSx MKHA' 'GRO KUN 'DUSx CHOS SKYONG KUN 'DUSx BCOM LDAN 'DAS RJE BTZUN 'PHAGS PA 'JAM PA'I DBYANGS KYI LHA TSOGS KHYED RNAMS LA MKHYEN PA'I YE SHES, BRTZE BA'I THUGS RJE, MDZAD PA'I 'PHRIN LAS, SKYOBS PA'I NUS MTHU BSAM GYIS MI KHYAB PA MNGA' BA LAGS PAS, ^RGYAL BA'I LUNG DANG RTOGS PA'I BSTAN PA RIN PO CHE PHYOGS DUS GNAS SKABS THAMS CAD DU DAR ZHING RGYAS LA YUN RIN DU GNAS PA DANG, BSTAN PA 'DZIN PA'I SKYES BU DAM PA RNAMS KYI SKU TSE BRTAN CING RNAM PAR DKAR BA'I MDZAD PA 'PHRIN LAS RNAMS 'PHEL ZHING RGYAS PAR BYIN GYIS BRLAB TU GSOL, 'JIG RTEN GYI KHAMS THAMS CAD DU BKRA SHIS DANG DGE MTSAN RGYA CHEN PO 'BYUNG BAR BYIN GYIS BRLAB TU GSOL, NAM MKHA'I MTHA'I KHYAB PA'I 'GRO BA SEMS CAN THAMS
, ,CAD KYI SGRIB GNYIS BAG CHAGS DANG BCAS PA BYANG ZHING DAG PAR BYIN GYIS BRLAB TU GSOL, SEMS CAN 'GA' YANG SDUG BSNGAL GYI TSOR BA PHRA MO CAN YANG MI MYONG BAR BYIN GYIS BRLAB TU GSOL, BDAG KYANG SKYE BA DANG TSE RABS THAMS CAD DU MGON PO 'JAM PA'I DBYANGS KYIS 'BRAL BA MED PAR RJES SU BZUNG NAS CHOS SGRUB PA'I PHYI NANG GI MTHUN RKYEN THAMS CAD TSANG ZHING 'GAL RKYEN THAMS CAD DANG BRAL BAR BYIN GYIS BRLAB TU GSOL, KHYAD PAR DU MA RIG RMONGS PA'I MUN CHEN MTHA' DAG SEL NAS RAB 'BYAMS SHES BYA'I GNAS MTHA' DAG 'JAL BAR BYED PA'I ZAB GSAL MYUR GSUM SOGS KYI SHES RAB RLABS PO CHE MYUR DU RGYUD LA SKYE BAR BYIN GYIS BRLAB TU GSOL, THUN MONG DANG THUN MONG MA YIN PA'I LAM THAMS CAD MTHAR PHYIN TE ZUNG 'JUG RDO RJE 'CHANG GI GO 'PHANG BDE BLAG TU THOB PAR BYIN GYIS BRLAB TU GSOL, ,GSUNG RAB KUN LA GTUGS PA MED 'JUG CING, ,DKA' BA'I GNAD KUN 'BYED LA ZLA DANG BRAL, ,MA RTOGS LOG RTOG THE TSOM KUN GCOD PA'I, ,ZAB GSAL MYUR BA'I SHES RAB BDAG LA STZOL, ,GANG ZHIG BRTAGS SHING DPYAD PA'I CHOS RNAMS
KUN; ;MI BRJED BSKAL BA'I BAR DU 'DZIN NUS PA'I, ,TSIG DANG DON GYI GZUNGS MCHOG BLA MED PA, ,BDAG GI YID LA DE RING 'GRUB PAR MDZOD, ,LEGS BYAS 'DI BSAGS 'BRAS BUS TSE RABS SU, ,'JAM PA'I DBYANGS KYIS DGE BA'I BSHES MDZAD NAS, ,BDEN PA GNYIS KYI GNAS LUGS MA LUS PA, ,JI BZHIN RTOGS PA'I SHES RAB STZAL TU GSOL, ,DE YI MTHU LAS MDO SNGAGS GSUNG RAB KUN, ,TSIG DON JI BZHIN RTOGS PA'I RNAM DPYOD KYIS, ,SRAS BCAS RGYAL BA'I MDZAD PA 'PHRIN LAS RNAMS, ,JI BZHIN BSGRUB LA 'JAM DBYANGS LTAR GYUR CIG ,GANG TSE LTA BAR x MTHONG BAR SHOG ,BLA MA SANGS RGYAS BYANG CHUB SEMS DPA' (SOGS, SEMS BSKYED TSAR GSUM,) BDAG GI DE RINGx DGA' BAR BGYI, ,BYANG CHUB SEMS MCHOGx STONG NYID LTA BAx TSUL KHRIMS BSLAB PAx 'JAM DPAL DPA' BOx YON TAN KUN GYI GZHI GYURx RDO RJE 'CHANG GI GO 'PHANG MYUR THOB SHOG ,DPAL LDAN BLA MA'I SKU TSE BRTAN PA DANG, ,x SKYE ZHING SKYE BA DANG NIx DAM TSIG LA GNAS SHOG ,BRKYANG BSKUM MA, STOBS CHENx BU BZHIN SKYONG BAR MDZOD, (,CES BLA MA MGON PO 'JAM PA'I DBYANGS LA YON CHAB 'BUL BA'I CHO GA KUN BZANG MCHOD PA'I SPRIN PHUNG
, ,(ZHES BYA BA 'DI YANG ^ZHVA SER BSTAN PA'I MNGA' BDAG RJE LCANG SKYA THAMS CAD MKHYEN PA'I BKA' GYEN DU LDOG MA NUS PAR, CHOS MED BAN RGAN 'DU GSUM SNYOM LAS PA CHOS KYI RDO RJES 'PHRAL MAR SUG LAS SU BGYIS TE SGRUB PA'I MCHOD PAR PHUL BA'O,, ,, ` RJE BTZUN 'JAM PA'I DBYANGS LA CHU MCHOD 'BUL CHOG BSDUS PA BZHUGS SO,,) *, ,NA MO GU RU, MDUN GYI NAM MKHAR SENG KHRI PAD ZLA'I STENG, , RTZA BA'I BLA MA 'JAM DPAL DBYER MED LA, ,RTZA BRGYUD BLA MA YI DAM ZHI KHRO DANG, ,NYAN RANG MKHA' 'GRO CHOS SKYONG BSRUNG TSOGS BCAS, ,RKUN KYANG RANG LA DGYES BZHIN BZHUGS PAR GYUR, ,MTHA' SKOR PA MA RIGS DRUG SEMS CAN KUN, ,SA YI DREG PA LTAR DU GNAS PAR GYUR, ,NA MO GU RU BH+YA: (ZHES SOGS LAN GSUM,) PHYOGS BCU DUS GSUM x DGE 'DUN LA SKYABS SU MCHI'O, ,BCOM LDAN 'DAS MGON PO 'JAM DPAL DBYANGS KYI LHA TSOGS 'KHOR DANG BCAS PA RNAMS LA SKYABS SU MCHI'O, ,(BDUN NAM NYER GCIG) ,SANGS RGYAS CHOS TSOGS MA, GSUM, DKON MCHOG GSUM LA x (GSUM,) SEMS CAN THAMS CAD (CES SOGS TSAD MED BZHI LAN GSUM, DE NAS,) MA LUS SEMS CAN x RNAM DAG CHOS KYI x 'TSAMS SPRIN GZHON NU x GANG GI BLO GROS x (BDUN NAM NYER GCIG) ,BRTZE LDAN KHYED KYI x BDAG GI
LEGS SPYAD DUS GSUM DANG, ,'BREL PA JI SNYED MCHIS PA YIS, ,MA GYUR 'GRO BA'I DON GYI PHYIR, ,RGYAL BA'I MKHYEN RAB THOB PAR SHOG ,DER MA SON PA KUN TU YANG, ,RAB 'BYAMS GSUNG RAB DON RNAMS NI; ;JI BZHIN 'BYED LA MNGA' 'BYOR BA'I, ,RLABS CHEN SHES RAB THOB PAR SHOG ,JI LTA JI SNYED DON RNAMS KYI, ,PHRA BA'I GNAS RNAMS 'BYED PA LA, ,KU SHA'I RTZE MO DANG 'DRA'I BLO, ,GSAL BA'I SHES RAB THOB PAR SHOG ,MA RTOGS PA DANG LOG RTOG DANG, ,THE TSOM DRI MAS YID BSKYOD TSE, ,DE MA THAG TU 'GOG NUS PA'I, ,MYUR BA'I SHES RAB THOB PAR SHOG ,ZAB DANG RGYA CHE'I GNAS RNAMS KYI, ,DON BZANG RE RE'I CHA LA YANG, ,GTUGS PA MED PAR 'JUG PA YI, ,ZAB PA'I SHES RAB THOB PAR SHOG ,MDOR NA 'CHAL BA'I SHES RAB KYI, ,SKYON DANG BRAL BA'I RNAM DPYOD KYIS, ,RANG GZHAN DON GNYIS SGRUB PA LA, ,BDAG NI 'JAM PA'I DBYANGS BZHIN SHOG ,PHYOGS BCU'I NAM MKHA'I x SPYOD PA'ANG DE 'DRAR SHOG ,AOm NA MO BHA GA WA TE x DKON MCHOG GSUM GYI x SANGS RGYAS THAMS CAD x THUGS RJE'I BDAG NYID x GSANG BA 'DUS PA x GZHON NU CHA LUGS x MTSAN LEGS x (MAN 'DRA,) TSOGS MCHOG DGE 'DUN LA PHYAG 'TSAL, ,GUS PAS PHYAG 'TSAL SNYING NAS SKYABS SU MCHI'O, ,x x BSNGO, ,ZHING
, ,KHAMS 'BUL BAR ZHU x BLA MA MGON PO 'JAM PA'I DBYANGS KYI LHA TSOGS 'KHOR DANG BCAS PA RNAMS LA DBUL x SA GZHI MA, (BCU GSUM,) BDAG GZHAN MA, x SHES BYA MKHA' DBYINGS x BLA MA SANGS RGYAS BYANG CHUB x (LAN GSUM,) DENG DUS BDAG TSE x BYANG CHUB SEMS MCHOG x STONG NYID LTA BA x TSUL KHRIMS BSLAB PA x 'JAM DPAL DPA' BO x YON TAN KUN GYI x MYUR THOB SHOG ,DPAL LDAN BLA MA'I SKU TSE x SKYE ZHING SKYE BA x 'JAM DBYANGS BLA MA x KHYOD LA BSTOD CING x MDZAD DU GSOL, ,BRKYANG BSKUM MA, STOBS CHEN MA LAN GSUM, BRJOD PAR BYA'O, ,('DIR SMRAS PA,) RGYAL KUN YAB GCIG 'PHAGS MCHOG 'JAM DPAL LA, ,KUN BZANG MCHOD PA'I SPRIN PHUNG RAB GA-YO BAS, ,MA RGAN 'GRO BA'I MI SHES RMONGS PA KUN, , 'JIG MKHAS KUN MKHYEN YE SHES THOB GYUR CIG ,TSUL 'DI CHOS MDZAD SKAL MNYAM LA, ,PHUL BAS SHES 'CHAL DRI MA KUN, ,BYANG ZHING DAG STE SHES BYA'I CHOS, ,MA NOR GNAS LUGS MYUR RTOGS SHOG , ,, *, ,(SGROL MA'I SGO NAS CHU MCHOD 'BUL TSUL SHIN TU MDOR BSDUS SKAL LDAN RE SKONG ZHES BYA BA BZHUGS SO, ,) *, ,NA MO A'A R+YA T'A RE YA, ('DIR SGROL
MA'I SGO NAS CHU MCHOD SHIN TU BREL DUS MDOR BSDUS PAR 'BUL TSUL GYI 'DON BSGRIGS NAG 'GROS SU BKOD PA LA,) MDUN GYI NAM MKHAR RTZA BA'I BLA MA DANG, ,DBYER MED SGROL MA NYER GCIG LHA TSOGS LA, ,RGYAL DANG RGYAL SRAS NYAN RANG BKA' SDOD BCAS, ,MA LUS DGYES BZHIN RANG LA PHYOGS PAR BZHUGS, ,RANG GI MTHA' SKOR PHA MA SEMS CAN KUN, ,BLA MA DKON MCHOG GSUM LA SKYABS SU 'GRO, ,NA MO GU RU BH+YA: (ZHES SOGS LAN GSUM,) BLA MA LA SKYABS SU MCHI'O, ,x x x BCOM LDAN 'DAS RJE BTZUN 'PHAGS MA SGROL MA'I LHA TSOGS 'KHOR DANG BCAS PA RNAMS LA SKYABS SU MCHI'O, ,(ZHES PA GCIG) ,RNAM DAG CHOS KYI DBYINGS LAS MA GA-YOS KYANG, ,TSAD MED THUGS RJES 'GRO LA PHYOGS BCUR GZIGS, ,RGYAL BA KUN GYI 'PHRIN LAS RGYAS MDZAD PA, ,DUS GSUM BLA MA 'KHOR BCAS GSHEGS SU GSOL, , PO T'A LA YI x LHA DANG LHA MIN x AOm RJE BTZUN MA 'PHAGS MA SGROL MA LA PHYAG 'TSAL LO, ,(ZHES SOGS SGROL BSTOD TSAR GSUM,) LHA MO LA GUS x 'JOMS GYUR, AOm NA MO BHA GA WA TE, (ZHES MCHOD PA'I SPRIN GYI GZUNGS LAN GSUM,) DKON MCHOG GSUM GYI BDEN PA DANG x 'BYUNG BAR GYUR CIG ,THUGS RJE'I BDAG NYID x LHA DANG LHA MIN x SANGS RGYAS GTZO LA x SKYOBS PA CHOS LA x DGE 'DUN
, ,SDE LA x GSUM LA RTAG TU x RJE BTZUN 'PHAGS MA SGROL MA DANG, ,x GYUR CIG ,BDAG GZHAN LUS NGAG x T'A YA MI, RJE BTZUN BCOM LDAN 'DAS MA x 'PHEL BAR MDZAD DU GSOL, ,SANGS RGYAS CHOS TSOGS MA (TSAR GSUM,) BYANG CHUB SEMS MCHOG x STONG NYID LTA BA x 'JAM DPAL DPA' BO x RAB TU BSNGO BAR BGYI, ,(ZHES BSNGO SMON GYIS MTHA' BRGYAN PAR BYA'O, ,'DIR SMRAS PA,) SER SNA'I RDUL GYIS MA BGOS CHU GTZANG GIS, ,RGYA CHEN BSOD NAMS LHUN PO RAB TU BSKRUN, ,'DI LAS 'ONG BA'I RAB DKAR DGE BA'I CHA, ,BYANG CHEN ZLA BA'I MA RMAR 'JUG GYUR CIG ,(CES PA 'DI YANG KHYUNG KYA'I SNGAGS 'CHANG TSE RING DON GRUB KYI 'DOD MOS LTAR ` BAN RGAN 'DU GSUM SNYOM LAS PA CHOS KYI RDO RJES SUG BRIS SU BGYIS PA'O,, ,,DZA YANTU, ,