*, ,BDE MCHOG DKAR PO'I TSE SGRUB 'CHI MED MCHOG SBYIN ZHES BYA BA BZHUGS SO, ,
, ,NA MA SHR'I TZAKRA SA MBHA RA YA, BLA MA DANG DPAL 'KHOR LO SDOM PA'I ZHABS LA DUS THAMS CAD DU PHYAG 'TSAL LO, ,BRTZE BA CHEN POS RJES SU BZUNG DU GSOL, GANGS KYI RI BOR 'TSAMS SPRIN GSAR BAS 'KHYUD 'DRA'I SKU, ,'GAG MED TSANGS DBYANGS BZHI LHAG DRUG CU'I DBYANGS LDAN GSUNG, ,SGRIB MED LAG MTHIL RDZAS BZHIN SHES BYA KUN GSAL THUGS, ,TSE DPAL STER MDZAD BDE CHEN HE RU KA: LA 'DUD, ? ,DRIN CAN BLA MA HE RU KA: DPAL DANG, ,DBYER MED TSE YI GDAMS PA NYAMS BZHES TSUL, ,MDOR BSDUS BKOD LA CHOS BDAG MKHA' 'GRO'I TSOGS, ,BZOD
, ,PAR BZHES SHING MCHOG THUN DNGOS GRUB STZOL, ,'DIR BDE MCHOG DKAR PO'I BLA MA'I RNAL 'BYOR DANG 'BREL BA'I TSE'I GDAMS PA NYAMS SU BSTAR BAR 'DOD PAS, SKYABS SEMS TSAD MED BZHI BSGOM PA SOGS SNGON DU BTANG NAS, DNGOS GZHI 'JUG PA BDE CHED TSIGS BCAD DU SPEL BA NI, LHUN GRUB BDE STONG DAG PA'I MKHA' DBYINGS SU, ,SENG KHRI PAD ZLA NYI MA'I DKYIL 'KHOR STENG, ,RTZA BA'I BLA MA DPAL LDAN HE RU KA: SKU MDOG DKAR PO ZHAL GCIG SPYAN GSUM PA, ,PHYAG GNYIS BUM PA BZUNG NAS PHAG MOR 'KHYUD, ,LHA RDZAS DAR DANG RIN CHEN RGYAN GYIS SPRAS, ,
ZHABS GNYIS RDO RJE DKYIL KRUNG TSUL DU BZHUGS, ,DE YI PAD NA RDO RJE PHAG MO NI, ,SKU MDOG DMAR MO ZHAL GCIG PHYAG GNYIS KYIS, ,THOD PA BZUNG STE YAB KYI MGUL NAS 'KHYUD, ,ZHABS GNYIS PADMA'I DKYIL KRUNG GIS BZHUGS PA'I, ,SPYI BOR AOm DKAR MGRIN PAR A'A: DMAR PO, ,THUGS KAR H'Um SNGON GYIS MTSAN 'OD ZER GYIS, ,RANG BZHIN GNAS NAS BSGOM PA DANG 'DRA BA'I; ;YE SHES SPYAN DRANGS YI DAM DBYER MED GYUR, ,SGO GSUM DVANGS PA'I SGO NAS PHYAG 'TSAL LO, ,PHYI NANG MCHOD TSOGS NAM MKHA' BKANG STE 'BUL, ,THOG MED NAS BSAGS SDIG LTUNG SO SOR BSHAGS, ,RANG GZHAN SKYE 'PHAGS DGE LA RJES YI RANG, ,'KHOR BA MA STONG BAR DU LEGS BZHUGS NAS, ,'GRO LA ZAB RGYAS CHOS 'KHOR BSKOR DU GSOL, ,BDAG GZHAN DGE TSOGS BYANG CHUB THOB PHYIR BSNGO, ,(MAndAL RGYAS PAS THOG DRANGS BSDUS PA SA GZHI SPOS BYUGS MA MA MTHA' NYER GCIG TZAM LONG BYUNG NA YAN LAG BDUN PA DANG 'BREL BAR BRGYA STONG CI NUS SU PHUL LA BZLAS DMIGS GSAL 'DEBS PA NI,) THUGS KAR NYI DKYIL STENG DU K'A LA SHA ,DBUS SU RDO RJE DKAR PO RTZE LNGA'I NANG, ,ZLA BA'I STENG DU RANG SEMS H'Um DKAR PO, ,DE STENG BLA MA BDE MCHOG YAB YUM SKU, ,'OG GI H'Um MTHAR SNGAGS 'PHRENG GA-YON BSKOR
, ,DU, ,BSKOR BA'I YAB YUM GNYIS KA'I THUGS KA NAS, ,'OD ZER SNA LNGA LCAGS KYU LTA BU'I TSOGS, ,PHYOGS BCUR SPROS TE 'BYUNG BZHI'I RTZI BCUD DANG, ,LHA MI'I TSE BSOD DPAL 'BYOR LEGS TSOGS SOGS, ,MDOR NA 'KHOR 'DAS KUN GYI TSE YI BCUD, ,MA LUS BSDUS TE PHYAG GI BUM THOD GANG, ,DE LAS BDUD RTZI'I RGYUN BABS H'Um YIG LA, ,THIM PAS TSE YAR 'GUG CING NYAMS PA GSOS, ,CHAD PA 'THUD CING YO BA BSROD ZHING SPEL, ,BKRAG MDANGS GZI BRJID PHUN TSOGS DPAL 'BYOR RGYAS, ,'CHI MED TSE YI DNGOS GRUB THOB PAR GYUR, ,AOm HR'I: HA HA HUm H'Um PHAt, TSE LA BSRUNGS SHIG SV'A H'A, (ZHES DMIGS PA DANG BCAS CI NUS SU BZLAS LA;) DGE BA 'DI YIS x BLA MA SANGS RGYAS 'GRUB GYUR x PHUR TSUGS KYI GSOL BA BTAB PA NI, KHYOD NI BLA MA YI DAM MCHOG GSUM GYI, ,NGO BOR YID CHES MOS PAS GSOL 'DEBS NA, ,SRID ZHI'I 'JIGS SGROL DNGOS GRUB MA LUS STZOL, ,BDAG RGYUD SMIN CING GROL BAR BYIN GYIS RLOBS, ,(ZHES LAN GSUM BRJOD LA GSOL BA SHUGS DRAG TU BTAB PAS,) GNAS GSUM YI GE DKAR DMAR MTHING GSUM LAS, ,RIM DANG CIG CHAR BYUNG BA'I BDUD RTZI'I CHUS, ,SGRIB BZHI SBYONG ZHING DBANG BZHI 'GRUB NUS KYI, ,DBANG BSKUR RGYUD SMIN SKU BZHI 'GRUB GYUR CIG ,(CES TING NGE 'DZIN GYI DBANG BZHI LEN PA'I DMIGS PA SPRO NA BYA ZHING MA BYAS KYANG CHAD SKYON DU MI 'GYUR RO, RGYUN KHYER LA 'DI TZAM GYIS KYANG 'GRUB BAM SNYAM, RGYAS PAR
NA;) KUN MKHYEN YE SHES ROL BA LAS BYUNG BA'I, (,ZHES PA'I TSIGS BCAD GCIG GI GSOL 'DEBS LAN GSUM,) DE LTAR GDUNG SHUGS DRAG POS GSOL BTAB MTHUS, ,MDUN GYI BLA MA DGYES BZHIN SPYI BOR BYON, ,RANG LA THIM PAS RANG NYID SKAD CIG GIS, ,SNA TSOGS PADMA NYI MA'I DKYIL 'KHOR STENG, ,RANG SEMS H'Um DANG HR'I: MIG DKAR DMAR LAS, ,'OD 'PHROS DON GNYIS TSUR 'DUS YONGS GYUR PA, ,BDAG NYID 'KHOR LO SDOM PA SKU MDOG DKAR, ,ZHAL GCIG PHYAG GNYIS SPYAN GSUM KHRO 'DZUM SGEG ,PHYAG GNYIS TSE BUM BSNAMS NAS YUM LA 'KHYUD, ,ZHABS GNYIS RDO RJE DKYIL DKRUNG TSUL GYIS BZHUGS, ,PAD DU RJE BTZUN RDO RJE RNAL 'BYOR MA, ,SKU MDOG DMAR PO ZHAL GCIG PHYAG GNYIS KYIS, ,TSE YI BDUD RTZIS GANG BA'I BDE SKYONG SNOD, ,RE RE BZUNG STE YAB KYI MGUL NAS 'KHYUD, ,ZHABS GNYIS PADMA'I SKYIL KRUNG TSUL DU GNAS, ,GNYIS KA'ANG MI RUS RIN CHEN RGYAN GYIS SPRAS; ;GNAS GSUM RDO RJE GSUM GYIS MTSAN PA LAS, ,'OD 'PHROS RANG 'DRA'I YE SHES SPYAN DRANGS NAS, ,DAM TSIG PA DANG DBYER MED RO GCIG GYUR, ,SLAR YANG 'OD 'PHROS DBANG LHA SPYAN DRANGS SHING, ,DE DAG RNAMS LA GSOL BA BTAB PA YIS, ,BDUD RTZIS DBANG BSKUR SNANG MTHAS DBU BRGYAN GYUR, ,AA MRi TAS BSANGS, AOm SVA BH'A WA SHUD DHA SARBA DHARMA SVA BH'A WA SHUDDHONYHAm, MCHOD
, ,TSOGS RANG BZHIN STONG PAR GYUR, ,STONG LAS RANG BZHIN BDE STONG NGOS, ,RNAM PA MCHOD RDZAS SO SO DANG, ,BYED LAS DBANG PO'I SPYOD YUL DU, ,ZAG MED BDE BA KHYAD PAR CAN, ,SKYED BA'I RO NUS MCHOG TU GYUR, ,AOm AA RGHAm SOGS (NAS) SHAPTA A'A: H'Um, (GI BAR GYIS BYIN GYIS BRLABS LA, NANG MCHOD 'OG NAS 'BYUNG BA LTAR BYIN GYIS BRLABS,) AOm BADZRA AA RGHAm PRA T'I TZTSA H'Um SV'A H'A, DE BZHIN DU P'A DYAm DANG, AOm BADZRA PUshPE A'A: H'Um SV'AH'A, (NAS) SHAPTA A'A: H'Um SV'A H'A, (ZHES PA'I BAR GYIS MCHOD, SNGAGS LA 'BRU GSUM BTAGS PAS NANG MCHOD 'BUL,) HE RU KA DPAL DPA' PO CHE, ,ZHES SOGS KYIS BSTOD,) RANG GI THUGS KAR NYI MA'I DKYIL 'KHOR STENG, ,BUM PA 'CHI MED BDUD RTZIS GANG BA'I NANG, ,RDO RJE DKAR PO RTZE LNGA'I LTE BA RU, ,ZLA BA'I GDAN LA RANG SEMS H'Um DKAR PO, , DE MTHAR BZLAS BYA'I SNGAGS 'PHRENG GA-YON SKOR DU, ,MU TIG 'PHRENG PA LTA BUS BSKOR BAR BSAM, AOm HR'I: HA HA (ZHES PA'I SNGAGS CI NUS SU BZLA, MJUG TU YIG BRGYA MCHOD BSTOD, 'TSAMS 'DIR GTOR MA 'BUL BAR 'DOD NA MDUN BSKYED KYI SKABS LTAR BYA,) DGE BA 'DI YIS SOGS BRJOD, (DE NAS RANG GZHAN GYI DON DU RIL SGRUB BYED NA DAM RDZAS RIL BU BYIN RTEN KHYAD 'PHAGS RNAMS DANG RDZAS KHYAD PAR CAN RNAMS
BSAGS TE BZO TSUL SOGS RIL SGRUB KYI CHO GA DAM PA GONG MA RNAMS KYI CHO GA LAS 'BYUNG BA LTAR LEGS PAR 'DU BYAS TE BUM PA GAS CHAG BUG RDOL SOGS KYI SKYON DANG BRAL BAR GSUM NYIS TZAM BKANG BAR BLUG ,MGUL CHINGS KHA RGYAN SOGS PHYAG LEN LTAR STEGS MTHO PAR BZHUGS SU GSOL, MCHOD PA NYER SBYONG SOGS CI 'BYOR BSHAMS, DE NAS MDUN BSKYED BUM PA) AA MRi TAS (BSANGS,) SVA BHA WAS SBYANGS, BUM PA RANG BZHIN MI DMIGS STOD PAR GYUR; ;STONG BA'I NGANG LAS BAm YIG YONGS GYUR LAS, ,RIN CHEN LAS GRUB BUM PA KHA DOG DMAR, ,LTO BA YANGS SHING MGRIN PA PHRA LA RING, ,KHA KHYER 'PHYANG BA LA SOGS MTSAN NYID KUN, ,YONGS SU RDZOGS SHING LHA RDZAS MGU LA RGYAN DANG, ,DPAG BSAM SHING GI KHA RGYAN RAB TU MDZES, ,DVANGS SHID THOGS PA MED PA'I RNAM PA CAN, ,NANG DU BDE CHEN LHA YI GZHAL MED KHANG, ,DE DBUS SNA TSOGS PADMA NYI GDAN STENG, ,'KHOR LO BDE MCHOG SKU MDOG ZLA LTAR DKAR, ,ZHAL GCIG PHYAG GNYIS KHRO 'DZUM SGEG PA'I NYAMS, ,ZHES PA NAS, RDO RJE PHAG MO DE LA 'DUD, (,CES BA'I BAR BDAG BSKYED LTAR BYA, BZLAS PA NI,) SKYABS KUN 'DUS PA'I BDAG NYID HE RU KA: GDUNG SHUGS DRAG POS THUGS RJE'I RGYUD BSKUL NAS, ,DAM RDZAS RIL BU 'DI LA BYIN CHEN PHOG ,'GRO
, ,RNAMS SMIN CING GROL BAR BYIN GYIS RLOBS, ,RTZE GCIG GUS PAS GSOL BA BTAB PA'I MTHUS, ,YI DAM LHA YI THUGS KA'I H'Um YIG LAS, ,'OD 'PHROS RGYAL DANG RGYAL SRAS NYAN RANG SOGS, ,SKYABS YUL KUN GYI BYIN RLABS NUS MTHU'I TSOGS, ,'OD DANG 'OD ZER BDUD RTZI'I CHU RGYUN DANG, ,'KHOR LO SDOM PA'I SKU YI RNAM PA CAN, ,THOGS MED BSTUS TE RIL BU HE RU KAR, ,CHU LA CHU BZHAG BZHIN DU RO GCIG GYUR, (,ZHES BRJOD DE SNGAGS CHU BO RGYUN GYI RNAL 'BYOR RAM RTAGS MA THON GYI BAR BZLA, YANG SPROS PA LA DGA' NA BSKYED RDZOGS KYI BZLAS DMIGS ZUR BA GZHAN NAS 'BYUNG BA LTAR NYAMS SU BLANGS PAS PHUN SUM TSOGS PAR 'GYUR RO, ,MJUG TU YIG BRGYA MCHOD BSTOD BYA, DE NAS GTOR MA CHANG CHU NANG MCHOD GSUM GYIS BRAN LA,) HA HO HR'I: KHA DOG DRI RO NUS PA'I SKYON SBYANGS Y SHES KYI BDUD RTZI'I RANG BZHIN DU GYUR, AOm A'A: H'Um, (LAN GSUM BRJOD DE BYIN GYIS RLABS,) MDUN DU SKAD CIG GIS DPAL 'KHOR LO BDE MCHOG YAB YUM MDUN GYI NAM MKHAR SPYAN DRANGS, AA RGHAm (SOGS KYIS MCHOD,) LHA'I LJAGS LA H'Um DKAR PO LAS BYUNG BA'I RDO RJE RTZE GSUM PA DKAR PO NAS 'BRU TZAM 'KHOD PA'I RDO RJE 'OD ZER GYI SPU GUS DRANGS TE GSOL BAR GYUR, AOm HR'I: HA HA HUm H'Um PHAt AI DAm BA LI TA KHA KHA
KH'A HI KH'A HI, (ZHES PA GSUM MAM BDUN GYIS 'BUL, SNGAGS LA 'BRU GSUM BTAGS PAS NANG MCHOD PHUL, SNGAR BZHIN MCHOD BSTOD BYA, SGRUB PA ZHAG 'GA' BYED NA NYIN RE'I THUN THAMS CAD KYI MTHAR RAM THUN THA MAR GTOR 'BUL NGES CAN DU DGOS, MKHA' 'GRO SPYI GTOR DANG, GZHI BDAG LA YANG GTOR MA BSNGOS LA GTANG RAG GI MCHOD BSTOD YIG BRGYAS LHAG CHAD BSKANG, NONGS PA BZOD PAR GSOL,) BCOM LDAN 'DAS DPAL 'KHOR LO BDE MCHOG YAB YUM GYIS BDAG CAG DPON SLOB 'KHOR DANG BCAS PA'AM, SBYIN PA'I BDAG PO 'KHOR DANG BCAS, (GANG SKABS SU BABS PA DE BRJOD,) PA'I TSE DANG BSOD NAMS LUNG DANG RTOGS PA'I YON TAN LA SOGS PA'I LEGS TSOGS THAMS CAD 'BAD MED YID BZHIN DU 'GRUB PAR BYIN GYIS BRLAB TU GSOL, (ZHES 'DOD DON LA GSOL BA LAN GSUM DU BTAB,) 'DIR NI GZUGS DANG (ZHES SOGS KYI BRTAN BZHUGS DANG, SGRUB ZHAG RDZOGS NYIN BZOD GSOL RJES LA,) RIL BU'I LHA RTEN DANG BRTEN PAR BCAS PA 'ONG DU ZHU NAS DAM RDZAS RIL BU SO SO'I RNAM PAR GYUR, (CES BRJOD LA SNGAR LTAR BRTAN BZHUGS DANG SHIS BRJOD RGYAS PAR BYA'O,, SMRAS PA, DPAL LDAN 'KHOR LO SDOM PA YAB YUM LA, ,BRTEN PA'I TSE SROG PHA LAM DNGOS PO LTAR, ,GZHOM MED GRUB PA'I RIG 'DZIN DGA' STON DU, ,'GYED PA'I SKAL BZANG 'DI KO AE MA RMAD, ,TSUL 'DI
, ,SNGON BYON MKHAS GRUB PHAL MO CHE, ,THUGS NYAMS BZHES SHING YIG RIGS CHER MANG BAS, ,RGYA MTSO'I 'GRAM DU BA TSVA'I KHRON PA BZHIN, ,DON MED NGAG 'CHAL BSRES BSLAD DGOS PA CHUNG, ,DAM PA'I GSUNG GI BSKUL BA NAN CHE BAS, ,GSUNG LAN MA BZLOG TZAM DU SPRAD PHYE BZHIN, ,MKHAS GRUB DAM PA'I GSUNG LAS PHYOGS GCIG TU, ,BTUS TE BKOD 'DIR 'GAL 'KHRUL NONGS MCHIS NA, , ZUR GNAS MKHAS PA RNAMS LA SNYING NAS 'CHAGS, ,'DI LAS 'ONG BA'I RNAM DKAR DGE TSOGS KYIS, ,RGYAL BSTAN DAR ZHING DE 'DZIN ZHABS PAD BRTAN, ,KHRIMS LDAN 'DUS TSOGS 'CHAD NYAN BSHAD SGRUB 'PHEL, , SKYE DGU'I BDE SKYID DGA' STON 'PHEL GYUR CIG ,KHYAD PAR TSUL 'DIR SPYOD PA'I SKYES BU KUN, ,TSE DPAL BDUD RTZI'I RO LA RTAG ROL ZHING, ,RIM GNYIS ZAB MO'I RTOGS PA MTHAR PHYIN NAS, ,ZUNG 'JUG RDO RJE 'CHANG GI SKU THOB SHOG ,(CES BDE MCHOG DKAR PO'I BLA MA'I RNAL 'BYOR DANG 'BREL BA'I TSE SGRUB MDOR BSDUS DON TSANG BA ZHIG DGOS ZHES BSTAN PA'I SNANG BYED CHEN PO DMAR SMYUNG HO THOG THU'I SPRUL PA'I SKU RIN PO CHE NAS GSUNG NAN CHEN POS DBANG LDAN KHA BTAGS BCAS BSKUL DOR, CHOS MED SBRANG BA NA SNYOMS LAS PA BLO BZANG BYANG CHUB BSTAN SGRON GYIS DAM PA'I GSUNG LAS BTUS TE SUG BRIS SU 'GYIS PA 'DIS KYANG 'GRO KUN NYI BU'I DGRA LAS RGYAL BA'I RGYUR GYUR CIG , ,,)