*, ,LHA CHEN TSOGS KYI BDAG PO'I PHYAG BRNYAN HA NU MAN GYI MCHOD CHOG BSAM 'PHEL DBANG RGYAL ZHES BYA BA BZHUGS SO, ,
, ,PHUN TSOGS DGOS 'DOD KUN STZOL BLA MA DANG, ,PHUN TSOGS DNGOS GRUB CHAR 'BEBS YI DAM LHA, ,PHUN TSOGS PHYVA GA-YANG STZOL MDZAD NOR BDAG LA, ,PHUN TSOGS MI ZAD 'DOD RGU THOB PHYIR 'DUD, ,('DIR LHA CHEN GA nA PA TI SGRUB PAR 'DOD PA'I RNAL 'BYOR BAS LHA CHEN 'DI NYID KYI RJES SU GNANG BA LEGS PAR THOB CID DAD DANG DAM TSIG TSUL BZHIN BSRUNG BA'I GANG ZAG GIS, SKAR MA RGYAL DANG PHUR BU 'DZOM PA'I NYIN RAB GSER 'BRING DBUL SOGS KYI LHA CHEN GYI SKU SPRE'U'I RNAM PA CAN MTSAN MA GYEN DU 'GRENG BA MKHYID GANG BA'AM TSON GANG BA BZO LEGS PAR 'DU BYAS LA, NANG DU RIN CHEN LNGA, DAR SNA LNGA, 'BRU SNA LNGA, SNYING PO LNGA, MTHING SHOG BZANG PO LA
, ,GSER BTUL MAS GZUNGS RING NGAM GZUNGS THUNG GANG RIGS LA SPEL TSIG CAN BRIS PA MJUG NAS YAR DRIL TE MGO MJUG MA LOG PAR DAR RAM GOS DMAR POS NA BZA' GSOL TE NANG DU GZHUG KHA GCOD LA SENGGE'I RI MO CAN DU tAm KHA'AM BRIS PA ZHIG GIS BCAD, RAB GNAS TSUL DANG MTHUN PAR BYAS LA, RGYUN DU MCHOD GRAL DU BZHUGS SU GSOL, NAM 'DON RE GYIS PHYAG TU SPOS KYI RED BU BTZUGS, MDUN DU AAR NAG GTZO BOR GYUR PA'I BDUG PA BDUG ,RANG SPYOD LAM ZHI 'DUL GYIS BDE BA'I STAN LA 'KHOD DE DGE SEMS KHYAD PAR CAN GYI NGANG NAS,) SKYABS SEMS SPYI LTAR BTANG LA, RANG NYID SKAD CIG DPAL CHEN 'BYUNG 'DUL DU, ,GSAL BA'I THUGS KA'I H'Um LAS 'OD 'PHROS PAS, ,RDO RJE
GDAN GYI BYANG SGO BSIL PA TSAL, ,SUM CU RTZA GSUM BAL PO'I YUL SOGS NAS, ,LHA CHEN TSOGS BDAG PHYAG BRNYAN HA NU MAN, ,SPRUL PA'I SPREL TSOGS GNAM SA'I KHYON BKANG BA, ,'DIR BYON RTEN LA DBYER MED TI shthANTU, ,GA nA PA TI SA PA RI W'A RA SA MA YA DZA: DZA: H'Um BAm HO: DAM TSIG PA DANG GNYIS SU MED PAR GYUR, PADMA KAM LA YE STVAm, H'Um RMAD BYUNG KUN BZANG DRI ZHIM MCHOD PA'I RDZAS, ,LHA LAM YONGS BKANG DUD PA'I SPRIN CHEN 'DI, ,LHA CHEN PHYAG BRNYAN HE NU MAN SPREL LA, ,'BUL LO BZHES NAS SIDDHI MYUR DU STZOL, ,AOm NA MO GA nA PA TI, DZA YA BA RA NI DZI BAN TI YE SV'A H'A, MI TSIG GIS PAR MA CHOD BAR CI TZAM PHUL BA'I SPOS MA ZAD KYI BAR BZLAS BRJOD BYA, MTHAR, AOm GA nA LA SKAM NA DZA YE SV'A H'A, (ZHES PA BDUN NAM NYER GCIG BZLAS LA, 'PHONGS PA'I SDUG BSNGAL MA LUS PA, ,SKAD CIG NYID LA SEL MDZAD PA'I, ,BSAM PHEL DBANG GI RGYAL PO CHE; ;LHA CHEN TSOGS KYI BDAG POR BSTOD, ,ZAS NOR LONGS SPYOD BANG MDZOD DANG, ,RIN CHEN DAR ZAB RKANG BZHI'I PHYUGS, ,NYIN BZHIN CHU BO'I RGYUN BZHIN DU, ,RGYUN CHAD MED PAR STZOL BAR MDZOD, ,YID LA GANG BSAM DON KUN DANG, ,GANG BRTZAMS LAS KYI BYA BA RNAMS, ,'BAD MED LHUN GYIS 'GRUB PA DANG, ,THOGS MED MTHU DPAL LDAN PAR MDZOD, ,'BAD DANG RTZOL BA (ZHES SOGS SBYAR BA'I 'DOD GSOL DANG
, ,SHIS PA BRJOD PAR BYA'O, ,TSUL 'DI DUS RTAG TU BZLAS BRJOD BYAS NA, DUS DE NYID LA NOR GYI GTER CHEN PO RNYED PAR 'GYUR RO, ,STONG 'KHOR LOS BSGYUR BA'I RGYAL PO DANG, SKAL PA MNYAM PAR 'GYUR RO, ,SNGAR GYI SNYING PO 'DI MANG DU BZLAS NAS RANG GI MIG LA BYUGS NA, MIG GANG MTHONG BA DE DBANG DU 'DUS PAR 'GYUR RO, ,NUB MO NYAL KHAR SNGAGS CHU MIG LA BYUGS NAS NYAL NA, CI BSAM PA RMI LAM DU MTHONG BAR 'GYUR RO, ,SNGAGS PHYI MA DE BZLAS PAS BGEGS THAMS CAD KYI NOR STER BAR 'GYUR RO, ,MI THAMS CAD KYI RGYAL PO BZHIN DU MCHOD PAR 'GYUR RO, ,GNOD SBYIN RNAMS KYIS GTER KHA 'BYED CING, SKYE BA PHYI MA LA YANG NOR GYI GTER CHEN PO RNYED PAR 'GYUR RO, ,ZHES GSUNGS PA'I MAN NGAG ZAB MO SHIN TU GSANG BAS NYAMS SU BLANG NA GNAS SKABS DANG MTHAR THUG GI 'DOD DON BDE BLAG TU 'GRUB PAR 'GYUR RO, ,SMRAS PA,) SNGON BSAGS LOG 'TSOR SPYOD PA'I 'BRAS, ,TSE 'DIR DBUL 'PHONGS DU: KHAS MNAR, ,CUNG ZAD 'BYOR YANG RKU 'PHROG SOGS, ,SHIN TU NYON MONGS NYID DU ZAD, ,DE PHYIR SKYE KUN BDE 'DOD RNAMS, ,NGAN GA-YO'I RGYU TSOGS MA SPAGS PAR, ,MCHOD SBYIN TSOGS BSAGS RNAM DAG LA, ,LHAG BSAM DAG PAS 'BAD PAR RIGS, ,'DI NA BYA SLA TSEGS CHUNG DUS, ,SGRUB BYED HA NU MAN CHOG 'DI, ,SNYING NAS CHOS BYED SKYES BU LA, ,MTHUN RKYEN SGRUB SLANG 'DI 'BUL LO,, ,,