*, ,CHOS SKYONG DREGS PA LCAM SRING NANG SGRUB LA MCHOD GTOR 'BUL BA'I CHOG BSGRIGS TZINTA MA nI ZHES BYA BA BZHUGS SO, ,
, ,NA MO GU RU BADZRA DHA RA YA, KUN BZANG GDOD MA'I MGON PO HE RU KA: GNYIS MED BLA MA GDAN GSUM TSANG BA'I ZHA, ,BYANG CHUB BAR DU MI 'BRAL SPYI BO'I GTZUG ,BSTEN NO DUS KUN 'BRAL MED RJES SU SKYONGS, ,SNANG MTHA'I MGON PO SNYIGS DUS BRLING SPYOD LA, ,MA BZOD KHRO BA'I GAR MDZAD NANG SGRUB CES, ,LCAM SRING DBANG DRAG SKUR BZHENGS DE NYID LA, ,MCHOD PA'I 'KHRIGS CHOG GZHUNG BZHIN 'DIR SPEL BYA, (,DE LA 'DIR RGYAL BA'I BSTAN SRUNG KUN GYI GTZO BO CHOS SKYONG DREGS PA LCAM SRING NANG SGRUB TU GRAGS PAR MCHOD GTOR 'BUL BAR 'DOD PA DAG GIS, 'BUL GTOR ZLUM PO GSUM BSGRIGS DMAR PO LA
, ,BCAD KHAM DANG ZAS SNAS BSKOR BA, PHYI NANG GI MCHOD PA GYA NOM PA BSHAMS, RANG YI DAM RTA MGRIN YANG GSANG NGAM GSANG SGRUB SOGS BYED TSE RTZA GSUM GYI GTOR MA, PHYI NANG GI MCHOD PA CHOS SKYONG GI GONG GNON TZAM DU STEGS MTHO BAR BSGRIGS, SGRUB PA PO RNAMS SKYABS SEMS TSAD MED BZHI RGYUD DANG 'DRES NGES SU BSGOM, RANG YI DAM GYI BDAG BSKYED LAS BYANG RNAMS GANG BYED SNGON DU BTANG NAS, RNAL 'BYOR LA GNAS BZHIN PA'I NGANG NAS PHYI NANG GI MCHOD RDZAS RNAMS BYIN GYIS BRLABS LA, RTEN BSKYED PA NI, YI DAM GANG BYAS KYI LAS SNGAGS KYIS BSANGS,) SVA BH'A WAS STONG BAR SBYANGS, STONG PA'I NGANG LAS RANG GI MDUN DU DUR KHROD 'JIGS SU RUNG BA'I GZHAL YAS KHANG GI
MTSAN NYID THAMS CAD YONGS SU RDZOGS PA'I DBUS SU MCHOD GRU BZHI BA LEB RGAN MDOG CAN GYI STENG DU ZLA GAM DMAR PO'I GDAN LA, PAm LAS SNA TSOGS PADMA DANG RAm LAS NYI MA'I DKYIL 'KHOR, AA LAS ZLA BA'I GDAN RNAMS KYI STENG DU, H'Um LAS TSE BUM MANDHA RA BA DANG BCAS PA H'Um GIS MTSAN PA LAS, 'OD ZER PHYOGS BCUR 'PHROS, 'PHAGS PA MCHOD, SEMS CAN RNAMS KYI TSE YI BAR CHAD DANG DBUL 'PHONGS GI SDUG BSNGAL SEL, SRID ZHI'I LEGS TSOGS THAMS CAD BSDUS TE PHYAG MTSAN SA BON DANG BCAS PA LA THIM, DE YONGS SU GYUR BA LAS, BCOM LDAN 'DAS BSAM 'PHEL DBANG RGYAL SKU MDOG DMAR PO ME LTAR 'BAR BA, ZHAL GCIG PHYAG GNYIS PA, GA-YAS PAS 'CHI MED TSE'I BDUD RTZIS GANG BA'I BUM PA LHA'I ME TOG MANDHA RA BA'I KHA BRGYAN CAN THUGS KAR 'DZIN PA, GA-YON PAS BDE SKYONG GI SNOD DU RIN PO CHE SNA TSOGS KYIS BKANG BA DGU GA-YON DU 'CHANG BA DBU SKRA KHAM SER GYEN DU BRDZES SHING, SPYAN GSUM DMAR LA ZLUM PA MCHE BA RNON PO BZHI GTZIGS PA, SKU LA RUS PA DANG RIN PO CHE'I RGYAN GYIS BRGYAN PA, ZANGS KHRAB DANG DAR DMAR PO'I RAL KHA GSOL BA, GSER GYI SKA RAGS BCING ZHING, ZHABS LA BSE'I LO KHRAM GSOL BA, SKYE 'GRO YONGS KYI SROG BDAG NYI MA 'BUM GYI GZI MDANGS CAN, ZHAL NAS
, ,SGRUB PA PO LA DNGOS GRUB KYI CHAR 'BEBS SHING, MI BZAD NAM MKHA'I MDZOD LA MNGA' BRNYES PA, ZHABS GA-YAS BSKUM SHING GA-YON BRKYANG BA'I GAR STABS KYIS ME DPUNG DRAG TU 'BAR BA'I KLONG DKYIL NA BZHUGS PA, DE'I GA-YON DU H'Um LAS YUM CHEN LHA MO TSE DPAG MED MA SKU MDOG DMAR SER, ZHAL GCIG PHYAG GNYIS MA PHYAG GA-YAS DNGOS GRUB 'GUGS PA'I LCAGS KYU DANG DUNG CHEN GYI PHRENG BA BSNAMS PA, PHYAG GA-YON GYIS TSE BUM THUGS KAR 'DZIN PA'I KHRO CHAGS 'DRES PA'I NYAMS DANG LDAN PA, PHO NYA MO'I CHA LUGS CAN SPYAN GSUM PA, GCER BU RUS PA DANG RIN PO CHE'I RGYAN GYIS BRGYAN PA RAB TU SGRIM PA'I SKU CAN, PAD ZLA NYI MA NOR BDAG BYI BA SNGON PO'I GDAN LA ZHABS GA-YAS BSKUM SHING GA-YON BRKYANG BA'I ROL BA'I STABS KYIS BZHUGS PA; GTZO BO'I GA-YAS SU PRAm LAS LAS MKHAN 'CHI BDAG 'JOMS PA, SKU MDOG PADMA R'A GA'I MDOG CAN ZHAL GCIG PHYAG GNYIS KYIS RAL GRI DANG GTER BUM 'DZIN PA, BSE KHRAB DANG BSE RMOG GYON ZHING ZHABS LA BSE'I LO KHRAM GSOL BA, DAR DANG RUS PA DANG RIN PO CHE'I RGYAN GYIS BRGYAN PA GNOD BYED DGRA BGEGS RNAMS KYI SROG DBUGS LEN PA LA RINGS PA, KHAMS GSUM
THAMS CAD SKAD CIG GIS DBANG DU BSDUD CING STONG GSUM ZIL GYIS GNON PA'I SKU CAN, ZHABS GA-YAS BSKUM SHING GA-YON BRKYANG BAS YE SHES KYI ME DPUNG 'BAR BA'I DBUS NA PAD NYI DGRA BGEGS BSNOL BA'I GDAN LA BZHUGS PA'O, ,DE RNAMS KYI PHYI ROL TU BDUD GCOD KYI BSHAN ? BA SROG DBUGS 'PHROG PA, 'PHRIN LAS BSGRUB PA'I DMAG TSOGS, LHA KLU GNOD SBYIN NOR LHA DPAL MGON DANG BCAS PHA NYI ZER GYI RDUL BZHIN 'KHOR TSOGS RGYA MTSOS BSKOR BAR GYUR, GTZO 'KHOR THAMS CAD KYI SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER PHYOGS BCUR 'PHROS PAS RANG BZHIN GYI GNAS NAS BSGOM PA DANG 'DRA BA'I YE SHES PA RNAMS SKAD CIG GIS SPYAN DRANGS (PAR BSAM LA, SPOS SBYOR BA BSREGS LA, ROL MO DBYANGS DANG BCAS PAS, 'DI LTAR,) H'Um LHUN GRUB BDE STONG ZUNG 'JUG ROL PA LAS, ,GTUM DRAG GAR DGU'I NYAMS LDAN GNOD SBYIN GTZO, ,BSGRUB LA TSE DPAL LONGS SPYOD 'DOD RGU'I CHAR, ,'BEBS MDZAD BSAM 'PHEL DBANG RGYAL SKUR BZHENGS SHIG ,KHYOD KYI GA-YON NA DPA' MO'I DBANG PHYUG GTZO, ,BDE CHEN DGA' BZHI 'DREN MDZAD LHA MO MCHOG ,TSE DPAG MED MA THUGS RJE GZHAN DBANG GIS, ,RNAL 'BYOR 'PHRIN LAS SGRUB PHYIR
, ,SKUR BZHENGS SHIG ,GZHAN YANG KHYOD 'KHOR BKA' NYAN PHO NYA'I TSOGS, ,RNAL 'BYOR 'PHRIN LAS GA-YEL MED SGRUB PA'I PHYIR, ,SNGON GYI DAM TSIG GNYAN PHO MA BSNYEL BAR, , 'CHI BDAG 'JOMS PA 'KHOR BCAS SKUR BZHENGS SHIG ,AE HYA HE, SA MA YA DZA: DZA: DZA: H'Um BAm HO: YE SHES PA DAM TSIG PA SO SO DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS DBANG GI LHA RNAMS SPYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS BKANG BA'I BUM PA THOGS NAS; AOm SARBA TA TH'A GA T'A AABHI shE KA TA SA MA YA SHR'I YE H'Um, ZHES GSUNGS SHING DBANG BSKUR BAS LUS THAMS CAD GANG, DRI MA THAMS CAD DAG ,CHU'I LHAG MA YAR LUD PA LAS GTZO 'KHOR THAMS CAD LA SPRUL SKU TSE DPAG MED KYIS DBU BRGYAN PAR (GYUR BAR BSAM, MCHOD PA BYIN GYIS BRLABS LA,) H'Um TING 'DZIN SNGAGS DANG PHYAG RGYAS BYIN RLABS PA'I, ,STONG GSUM KHYON GANG LHA RDZAS MCHOD YON 'DI; ;BLA MA DBANG CHEN BKA' SDOD 'KHOR BCAS LA, ,'BUL LO BZHES NAS DNGOS GRUB MCHOG STZOL MDZOD, ,AOm GU RU HA YA GHRI WARA KMO PRA NA AATMA SA PA RI W'A RA AARGHAm PRA TI TZTSA P'U DZA MEGHA SA MU DRA
SPHA RA nA SA MA YA SHR'I YE H'Um, (ZHES SOGS SBYAR NAS CHU BZHI NYER SPYOD ROL MO 'DOD YON LNGA RGYAL SRID SNA BDUN BKRA SHIS RTAGS BRGYAD DANG BCAS PA 'BUL, GONG SNGAGS LA 'BRU GSUM BTAGS PA'I NANG MCHOD DANG MAndAL CI NUS SU PHUL NAS, YIG BRGYA MA MTHA' NYER GCIG TZAM BZLAS NAS BSHAGS PA BYA BA NI,) H'Um BLA MA YI DAM MKHA' 'GRO CHOS SKYONG RNAMS, ,RAB RMONGS BDAG LA BRTZE BAS DGONGS SU GSOL, ,MA RIG 'KHRUL BAS BSKYED PA'I 'KHOR BA 'DIR, ,RMONGS PA'I DBANG GYUR SGO GSUM NYES TSOGS DANG, ,LEGS TSOGS RTZA BA BLA MAR SMOD PA DANG, ,DNGOS GRUB RTZA BA YI DAM SPONG LEN BYED, ,'PHRIN LAS RTZA BA GTANG RAG DUS GTOR SOGS, DNGOS GRUB BGEGS GYUR NYAMS CHAGS CI MCHIS BSHAGS, ,MDOR NA SKU GSUNG THUGS DANG 'GAL BA YI, ,NYES TSOGS CI MCHIS KHYED LA BZOD PAR GSOL, ,MCHOD RDZAS MI GTZANG NGAN ZHING BSHAMS NYES SOGS, ,MTHOL ZHING BSHAGS SO TSANGS PA'I DNGOS GRUB STZOL, (ZHES BSHAGS PA BYA, DE NAS BSKANG RDZAS MCHOD RDZAS RNAMS SPYI LTAR BYIN GYIS BRLABS LA ROL MO DBYANGS DANG BCAS THUGS DAM BSKANG BA NI;) H'Um RMAD BYUNG KUN BZANG BDE STONG ROL BA LAS, ,SHAR BA'I PHYI NANG GSANG BA'I MCHOD PA'I SPRIN, ,SA DANG BAR SNANG NAM MKHA'I KHYON GANG BA, ,SNGAGS DANG TING 'DZIN PHYAG RGYAS BYIN RLABS PAS, ,
, ,ZAG MED BDE STER RE BA SMIN BYED 'DI, ,CHOS RGYAL BSAM 'PHEL DBANG RGYAL 'KHOR BCAS KYI, ,SPYAN LAM SMIN ZHING THUGS DAM BSKONG GYUR BA'I, ,DGYES BYED MTHUN PA'I DAM RDZAS BSKYED GYUR CIG ,DAG BYED CHU KLUNG GTZANG MA'I MCHOD YON DANG, ,KHRAG GI AARGHAm DMAR PO SPU 'PHRENG 'KHRIGS, ,PADMA AUTPAL CHU SKYES MDANGS BKRAG MTSAR, ,DBANG PO SNA LNGA'I ME TOG 'KHRIGS PA 'DI, ,CHOS RGYAL BSAM 'PHEL DBANG RGYAL THUGS DAM BSKANG, ,YUM CHEN TSE DPAG MA YIx LAS MKHAN 'CHI BDAG 'JOMS PA'Ix 'KHOR GYI NOR BDAG BYE BA'Ix 'KHOR TSOGS DAM CAN RGYA MTSO'Ix THUGS DAM BSKANG ZHING NYAMS CHAGS GSOS GYUR CIG ,MI MTHUN RKYEN NGAN BAR CHAD BZLOG PA DANG, ,'DOD PA'I DNGOS GRUB CHAR LTAR 'BABS PAR MDZOD, ,DRI LDAN SHING SNA'I DUD SPRIN LANG LONG GA-YO, ,BAM CHEN RO SOL MER BSREGS DUD SPRIN 'THUL, ,NYI ZLA NOR BU ZHUN MA'I SNANG GSAL DANG, ,TSIL CHEN RO SKRAR ZHUGS PHUNG 'BAR BA 'DI, ,CHOS SKYONGx GA BUR GUR GUM TZANDAN DRI NGAD LDANG, ,KHRAG DANG MKHRIS PA THUGS KAR BYUGS PA'I RDZAS, ,LHA MI'I RDZAS MCHOG RO BRGYA'I BCUD LDAN BSHOS, ,SHA RUS NANG KHROL ZHAG TSIL PHUNG PO 'DI, ,CHOS SKYONGx PI WAm GLING BU RDZA RNGA
BSIL SNYAN DANG, ,THOD RNGA RKANG GLING SNYAN BRJID ROL MO'I TSOGS, ,DAM RDZAS GTOR MA'I RI BO MKHA' LA SNYEGS, ,KHRAG CHANG JA RGYA'I BTUNG BA RGYA MTSO 'DI, ,CHOS SKYONGx 'DOD YON LNGA DANG RGYAL SRID RIN CHEN BDUN, ,BKRA SHIS RTAGS RDZAS NYE BA'I RIN CHEN BDUN, ,RIN CHEN BDUN DANG GTER BUM DPAG BSAM SHING, ,'DOD 'JO'I BA DANG MA RMOS LO TOG BCAS, ,CHOS SKYONGx RAB MDZES KHANG BZANG GDAN GSUM BLA BRE GDUGS, ,RGYAL MTSAN BA DAN TSE BUM RIN CHEN THOD, ,LCAGS KYU RUS 'PHRENG TSE BUM RGYAN LDAN DANG, ,RAL GRI GTER BUM SNA TSOGS PHYAG MTSAN 'DI, ,CHOS SKYONGx BSE KHRAB BSE RMOG DAR GYI RAL KHA DANG, ,RIN CHEN GSER GYI SKA RAG BSE YI LHAM, ,LHA RDZAS DAR DANG RIN CHEN RUS PA'I RGYAN, ,ZHI DRAG RGYAN GYIS KHYAD PAR 'PHAGS PA 'DI, ,CHOS SKYONGx RTA MCHOG GNYIS 'THUNG BSE YI RA SKYES DANG, ,STAG GZIG DOM DRED GA-YI 'PHAR GCAN GZAN TSOGS, ,KHYUNG CHEN BYA RGOD 'UG KHRA 'DAB CHAGS RIGS, ,SENGGE RKANG BRGYAD CHU SRIN KHRI SNYAM RNAMS, ,CHOS SKYONGx RI KLUNG KHANG KHYIM NOR 'DZIN DPAL MO DANG, ,BLA RDO SPYAN GZIGS GO MTSON RNO NGAR LDAN, ,TSOGS 'KHOR GSER SKYIMS JA CHANG BZA' BCA'I PHUD, ,BDUD RTZI LNGA DANG SHA KHRAG GTOR MA'I TSOGS, ,CHOS SKYONGx 'BRU SMAN DRI SNYING RIN
, ,CHEN LNGA PHRAG LNGA, ,SRID 'DIR YOD DGU'I DKOR CHA SNA TSOGS DANG, ,PHYI NANG GSANG BA'I MAntAL RNAM PA BZHI, ,BLA MED GSANG BA'I RTEN MCHOG DAM PA 'DI, ,CHOS SKYONGx GZHAN YANG DNGOS GSHAMS YID KYIS SPRUL PA YI, ,MTHA' YAS ZHING KUN KHYAB PAR BLOS BSLANG NAS, ,KUN BZANG MCHOD SPRIN NAM MKHA' BKANG BA 'DI, ,CHOS SKYONGx KHRO GTUM GNOD SBYIN 'JIGS PA'I SKUR BSTAN YANG, ,SNANG MTHA'I ZLOS GAR NYID DU NGES RNYED NAS, ,YID CHES GSOL 'DEBS BLA MED RTEN MCHOG 'DI, ,CHOS SKYONGx (DE NAS SPYI BZLOG CHOS SKU MA DANG MTHUN GRUB MA 'DON THUN MONG MA YIN PA'I BZLAS DMIGS GSAL BTAB LA BZLAS PA BYA BA NI,) AOm PRA nA AATMA KshI RU PHU RU shA LO HI TA H'Um PHAt, AOm RAKMO YA MA TZI TTA DZVA LA RAm PRA TI DE WI H'Um MA MA A'A YUR BU Rn+YE DZNY'A NA DHARMA BU shtIm KU RU AOm, (ZHES PA CI NUS SU BZLA, GZHAN DON DU BYED NA MA MA'I TSAB TU AA MU KAR BSGYUR ZHES BSHAD SNANG NGO, ,DE NAS GTOR MA NANG MCHOD LTAR BYIN GYIS BRLABS NAS,) CHOS SKYONG DREGS PA LCAM SRING NANG SGRUB 'KHOR DANG BCAS PA'I LJAGS 'OD ZER GYI SBU GUS GTOR MA'I BCUD THAMS CAD DRANGS TE GSOL BAR GYUR BAR (BSAM LA, CHOS SKYONG YAB YUM GYI SNGAGS LA AA K'A RO BTAGS PA LAN GSUM GSUM, LAS MKHAN SOGS 'KHOR SPYI LA THUN MONG DU AA K'A RO GSUM GYIS 'BUL, PHYI NANG GI MCHOD PA
PHUL LA,) HO BLA MA YI DAM MKHA' 'GRO CHOS SKYONG DREGS PA LCAM SRING NANG SGRUB 'KHOR DANG BCAS PA KHYED RNAMS KYIS DAM RDZAS RGYAN DANG LDAN PA'I GTOR MA 'DI BZHES LA, SANGS RGYAS KYI BSTAN PA SRUNGS DKON MCHOG GI DBU 'PHANG BSTONG, DGE 'DUN GYI CHOS 'KHOR SKYONGS, CHOS MI NUB PA'I RGYAL MTSAN TSUGS, BDAG CAG DPON SLOB 'KHOR DANG BCAS PA RNAMS KYI TSE BSOD DPAL 'BYOR MNGA' THANG SNYAN GRAGS RLUNG RTA BSTAN 'GROR SMAN PA'I BSAM DON SPYI DANG KHYAD PAR 'KHOR LO GSUM GYI BYA BA THAMS CAD YID SMON LTAR SGRUBS SHIG ,RANG SNANG DBANG DU 'DU ZHING GZHAN SNANG ZIL GYIS GNON PA'I RE 'DOD MTHA' DAG YID BZHIN TU SGRUBS SHIG ,BSTAN PA DANG 'GRO BA BDAG CAG RNAMS LA DNGOS DANG BRGYUD NAS GNOD CING 'TSE BAR BYED PA'I GNOD BYED GDON BGEGS DGRA 'DRE BYUR GSUM GANG MCHIS DRAG PO'I LAS KYIS DA LTA NYID DU TSAR BCAD NAS THAL BA'I RDUL DU BRLOG PA'I 'PHRIN LAS MDZOD CIG ,CHOS SKYONG NANG SGRUB 'KHOR BCAS LA,, x MA RA YA PHAt, (MKHAN 'GRO SPYI GTOR DANG GZHI BDAG LA GTOR MA 'BUL, DE NAS BSTOD PA BYA BA NI,) H'Um KHYOD MTSAN RNA BAR LHUNG ZHING DRAN PA'I MOD, ,MTHAR BYED SDE BCAS MING GI LHAG MAR GYUR, ,SNANG MTHA'I MGON PO BSTAN DGRA 'JOMS PA'I SLAD, ,KHRO BO'I GAR MDZAD LCAM SRING KHYOD LA
, ,BSTOD, ,PAD NYI ZLA BA'I GDAN STENG TSA ZER 'BUM, ,PAD R'A GA LHUN POR 'KHYUD PA JI BZHIN SKU, ,KHRO CHAGS 'DZUM PA'I NYAMS LDAN GNOD SBYIN DBANG, ,TSE YI BAR CHAD SEL MDZAD KHYOD LA BSTOD, ,ZHAL GCIG PHYAG GNYIS GA-YAS PA'I KA LA SHAS, ,'CHI MED TSE YI BDUD RTZI CHAR LTAR 'BEBS, ,G-YON PAS RIN CHEN THOD PAS CI 'DOD KUN, ,'BAD MED LAG RTZER STZOL MDZAD KHYOD LA BSTOD, ,SKU LA BSE KHRAB DAR GYI RAL KHA DANG, ,RIN CHEN RUS PA'I BRGYAN CHA SKAR LTAR BKRA, ,BRKYANG BSKUM ZHABS LA BSE YI LO KHRAM GSOL, ,DRAN BAS BGEGS DPUNG KUN 'JOMS KHYOD LA BSTOD, ,KHYOD KYI G-YON NA TSE DPAG MED MA NI, ,SKU MDOG GUR GUM GZHON NU'I MDANGS 'DZIN CING, ,PHYAG GNYIS RUS 'PHRENG KYO BA TSE BUM GYIS, ,TSE DPAL STER MDZAD KHYOD LA GUS PAS BSTOD, ,G-YAS SU LAS MKHAN 'CHI BDAG 'JOMS PA DMAR, ,G-YAS PAS RAL GRI DGRA BGEGS RTZANG NAS GCOD, ,G-YON PA'I BUM PAS 'DOD RGU'I DNGOS GRUB STER, ,GNOD SBYIN SROG BDAG CHEN PO KHYOD LA STOD, ,BKA' YI LAS BYED BDUD 'DUL BSHAN PA'I TSOGS, ,LHA KLU GNOD SBYIN NOR LHA DPAL MGON RNAMS, ,TSE YI BAR CHAD LA SOGS RKYEN NGAN KUN, ,SKAD
CIG NYID LA BZLOG MDZAD DPA' BOR BSTONG, ,DE LTAR 'DOD PA'I DGE BAS MDO SNGAGS BSTAN, ,BSHAD SGRUB 'KHOR LO GSUM GYI BYA BA LA, ,BAR DU GCOD PA'I MING YANG MI 'BYUNG BAR, ,CHOS SRID LEGS TSOGS MTSO LTAR 'PHEL BAR MDZOD, ,MCHOG THUN DNGOS GRUB KUN STZOL BLA MA DANG, ,BAR CHAD KUN SEL YI DAM CHOS SKYONG DANG, ,MTHUN RKYEN KUN SGRUB DAM CAN NOR LHA'I TSOGS, ,MKHO RGU'I LONGS SPYOD CHAR LTAR 'BEBS PAR MDZOD, ,LCAM DRAL KHYOD KYI 'PHRIN LAS ME LCE YIS, ,MI MTHUN BDUD SDE TSANG TSING KUN BSREGS NAS, ,GNAS SKABS LAS BZHI'I 'PHRIN LAS KUN 'GRUB CING, ,MTHAR THUG KUN MKHYEN RGYAL SAR BKOD PAR MDZOD, (,DE NAS GTANG RAG GI MCHOD BSTOD RNAMS KYUS LTAR BTANG, 'DOD GSOL NONGS BSHAGS YIG BRGYAS KHA BSKANG, YE SHES PA RNAMS RTEN YOD NA BRTAN BZHUGS DANG MED NA GSHEGS GSOL BYA, MTHAR BSNGO SMON BKRA SHIS KYIS MTHA' BRGYAN PAR BYA'O,, ZHES CHOS SKYONG DREGS PA LCAM SRING NANG SGRUB LA MCHOD GTOR 'BUL BA'I TSEG BSGRIGS TZINTA MA nI ZHES BYA BA 'DI YANG ^ SKU 'BUM 'CHAM PA GRVA TSANG GI 'CHAM DPON CHU DU KHA DGE 'DUN DAR RGYAS DANG, 'CHAM DPON BSTAN PA NYI KY'A PHUN TSOGS BCAS NAS 'DI LTA BU ZHIG DGOS ZHES RIN GNYIS DBANG PO'I GRANGS LDAN DANG LHA RDZAS BCAS LO SNGA PHYIR YANG YANG BSKUL BA'I NGO MA BZLOG PAR, RIG PA 'DZIN
, ,PA CHOS KYI RDO RJES SGROL GING GSANG RGYUD LAS 'ONGS PA'I MAN NGAG LA DAM PA RNAMS KYIS CHOG BSGRIGS MDZAD PA'I DON BSDUS TE BSKANG BSHAGS MDOR BSDUS BRIS PA 'DI LA DAM MED LOG LTA CAN RNAMS KYIS BYUNG RGYAL DU SPYOD NA LAS MKHAN SROG BDAG DMAR POS TZITTA LA ROL ZHIG GU HYA SA MA YA: