*, ,LCAM SRING PHYI SGRUB KYI GTOR CHOG DA MA NYAMS SROG GI SPU GRI ZHES BYA BA BZHUGS SO, ,
, ,NA MA SHR'I YA M'A NTA K'A YA, RDO RJE 'CHANG CHEN PADMA KA RA DANG, ,GNYIS MED BLA MA GSHIN RJE GSHED PO LA, ,SGO GSUM MI PHYED DAD PAS RAB BTUD NAS, ,BYANG CHUB BAR DU MI 'BRAL RJES SU SKYONGS, ,NGES DON RDO RJE 'JIGS MDZAD SPRUL PA DANG, ,DRANG DON GRAGS LDAN GRAGS SKYE'I SKYES BRGYUD LTAR, , SH'AKA THUB BSTAN PA BSRUNG BAR DAM BCAS PA'I, ,GNOD SBYIN SROG BDAG YAM SHUD DMAR PO YI, ,MCHOD GTOR BSKANGS BSHAGS JI LTAR BYA BA'I TSUL, ,GO SLA'I NGAG GIS DAM PA'I GSUNG BZHIN SPEL, ,(DE LA 'DIR CHOS SKYONG DREGS PA LCAM SRING LA MCHOD GTOR BYA BAR 'DOD PA'I GANG ZAG GIS CHOS SKYONG 'DI NYID KYI RJES GNANG SOGS MNOS TE DAM TSIG
, ,DANG SDOM PA TSUL BZHIN DU BSRUNG SDOM LA GCES SPRAS BYED PA DAG GIS GNAS DPEN PAR, STEGS MTHO BAR RTEN KHEBS SOGS GA-YOGS PA'I KHAR MA NY+DZI'I STENG DU BSE SDER RAM ZANGS GZHONG LTA BU'I NANG DMAR GTOR ZUR GSUM GNYIS CHE CHUNG GI MTHAR BCAD KHA MANG POS BSKOR BRGYAN BCAS BZHAG ,BSKANGS GTOR 'BUL NA YANG DE MTSUNGS ZHIG 'DU BYAS, MTHA' MCHOD PAS BSKOR BA'AM 'PHRENG BSGRIGS GANG BDE, BSKANGS GTOR RAM 'PHRAL GTOR LA SPYI SKABS LTAR SHA KHRAG DMAR GTOR, GTZANG MA PHUD KYI GSER SKYEMS, RA DMAR KHRAG CHANG GI MCHOD YON SOGS KYANG 'DU BYAS, GZHI BDAG GI DKAR GTOR, RANG GSHIN RJE GSHED KYI NGA RGYAL LA GNAS NAS, YI DAM GYI GTOR MA SPYI 'GRO LTAR DANG, RTA MGRIN BYED NA DE LUGS KYI MCHOD GTOR MTHONG BRGYUD LTAR BSHAMS, BSANG
BDUG SOGS BYAS LA, RANG YI DAM GANG BYED KYI RNAL 'BYOR RDZOGS PAR BSGOM NAS NGA RGYAL LA GNAS BZHIN PA'I NGANG NAS YI DAM GANG BYAS KYI LAS SNGAGS KYIS BSANGS TE MCHOD GTOR BYIN GYIS BRLABS, DE NAS LAS SNGAGS KYIS BSANGS TE RTEN BSKYED PA NI,) SVA BH'A WAS (SBYANGS,) STONG PA NYID DU GYUR, STONG PA'I NGANG LAS RANG GI MDUN DU RTA KHRAG DANG MI KHRAG GI RGYA MTSO DMAR LA DVANGS PA, RBA KLONG GRU GSUM BSNOL MAR 'KHRUGS PA'I DBUS SU ZANGS KYI RI RAB GRU BZHI BA'I STENG DU RTA RO MI RO BRTZEGS PA'I GDAN LA, BRAm DANG ZANGS KYI RAL GRI LAS SKYES PA'I GNOD SBYIN CHEN PO SKU MDOG DMAR PO ZHAL GCIG PHYAG GNYIS PA, PHYAG GA-YAS 'BAR BA DANG BCAS PA'I ZANGS KYI RAL GRI NAM MKHA' LA 'PHYAR BAS DAM NYAMS KYI SROG RTZA GCOD CING, GA-YON MDA' GZHU DANG DGRA BGEGS KYI GLO SNYING THUGS KAR 'DZIN PA'I MCHAN KHUNG GA-YON DU BSE'I RU MTSON DMAR PO BSNAMS PA, ZHAL RAB TU GDANGS SHING MCHE BA RNON PO BZHI GTZIGS NAS LJAGS RNAM PAR BSKYOD PA, SPYAN GSUM DANG LDAN ZHING KHRO GNYER SHIN TU BSDUS PA, SMIN MA DANG SMA RA DUS MTHA'I ME LTAR RAB TU 'BAR ZHING DBU SKRA KHAM SER LTAG PAR BCINGS PA, MI MGO SKAM PO LNGA'I DBU RGYAN DANG, KHRAG 'DZAG PA'I MGO PO RLON PA LNGA BCU'I DO SHAL CAN, SKU LA ZANGS KYI BE GA TZE DANG DAR GYI RAL GU DMAR POS BRGYAN CING, ZHABS LA
, ,SAG LHAM DMAR PO GSOL PA, SGEG PA DPA' BA MI SDUG PA'I GZUGS CAN, GA-YAS BSKUMS SHING GA-YON BRKYANGS PA'I GAR STABS KYIS YE SHES KYI ME 'BAR BA'I KLONG DKYIL NA BZHUGS PA, DE'I GA-YON DU MA LAS RIG PA'I LHA MO GDONG DMAR MA, SKU MDOG SNGO NAG GDONG BA BSE, SO DUNG, SMIN MA GA-YU, ME'I RAL BA LA MA CHONG DANG MU MEN GYIS BRGYAN CING GSER GYI RNA RGYAN 'PHYANG BA, GCER MO SPYAN DANG ZHAL BGRAD PA, GA-YAS ZANGS KYI RAL GRI DGRA LA 'PHYAR BA, GA-YON LCAGS KYI PHUR BU BGEGS LA 'DEBS PA, DRED MO MI ZAN LA BZHON PA, GTZO BO'I GA-YAS SU PRAm LAS LAS MKHAN SROG BDAG DMAR PO ZHAL GCIG PHYAG GNYIS PA, PHYAG GA-YAS MDUNG DMAR 'PHYAR ZHING GA-YON BTZAN GYI ZHAGS PA DGRA LA 'DEBS PA, BSE KHRAB DANG BSE RMOG GYON ZHING LCE SBYANG LA BZHON PA, MTSAN MO RGYU ZHING DGRA BGEGS LA 'O DOD 'BOD PA, GTZO 'KHOR GSUM GYI SHAR DU MI DMAR KHRA MA, LHOR RI TZI MI DMAR, NUB TU KRO TI MI DMAR, BYANG DU SROG BDAG KO SHANG, SHAR LHOR AAm KRI MI DMAR, LHO NUB TU RO KRI MI DMAR, NUB BYANG DU HAm SHANG MI DMAR, BYANG SHAR DU SROG BDAG THAL BA STE GRI THOGS BRGYAD DANG BSHAN PA NYI SHU RTZA GCIG PO THAMS CAD KYANG SKU MDOG DMAR PO,
GA-YAS ZANGS KYI RAL GRI 'PHYAR ZHING, GA-YON LA LA RGYU MA'I LAG DOGS BYED PA, LA LA GLO SNYING MCHIN PA 'GRAD PA, LA LA SNYING KHRAG KLAD PA BLDAG PA, LA LA SHA KHRAG SPAR GYIS 'DEBS PA, LA LA RUS PA RKANG DMAR 'CHA' BA, LA LA PAGS PA DMAR BSHUS BYED PA, LA LA SHA GDAN DMAR PO 'DINGS PA, THAMS CAD KYANG DGRA BO'I SROG LEN PA, MI PAGS KYI GA-YANG GZHI DANG BA LANG GI KO BA RLON PA GYON PA, GZHAN YANG BTZAN DMAR STONG, BDUD DANG GNOD SBYIN SRIN PO SUM STONG, MA MO 'BUM SDE, THE'U RANG STONG LA SOGS PA DAM CAN RGYA MTSO'I DMAG TSOGS DPAG TU MED PAS BSKOR BA'I GTZO 'KHOR THAMS CAD KYI SPYI POR AOm, MGRIN PAR A'A: THUGS KAR H'Um, RANG GI THUGS KA'I H'Um LAS 'OD ZER 'PHROS PAS, BYANG SHAR MA RU CE'I DUR KHROD BRAG DMAR PO MCHONG LDING GI PHO BRANG NAS GNOD SBYIN DREGS PA LCAM SRING 'KHOR DANG BCAS PA SKAD CIG GIS GNAS 'DIR BADZRA SA M'A DZA: (SPYAN 'DREN NI, YUL GCIG MA'AM, YANG NA,) KYEE DBANG LDAN MA RU TZE YI DUR KHROD NAS, ,MCHONG DMAR BRAG LA BRTEN PA'I GNAS BCAS PA, ,SROG BDAG YAM SHUD DMAR PO GSHEGS SU GSOL, ,LAS MKHAN SROG BDAG DMAR PO GSHEGS SU GSOL, ,'KHOR TSOGS BSHAN PA'I TSOGS RNAMS GSHEGS SU GSOL, ,BDUD DANG GNOD SBYIN SRIN PO SUM STONG DANG, ,BTZAN
, ,DMAR STONG GI DMAG TSOGS GSHEGS SU GSOL, ,STON PA'I BKA' BZHIN SGRUB PA'I SRUNG MA'I TSOGS, ,RNAL 'BYOR BDAG GI LAS KUN BSGRUB PA'I PHYIR, ,DA LTA NYID DU DA NAS 'DIR GSHEGS SU GSOL, ,GNAS 'DIR BYON NAS MCHOD GTOR 'DI BZHES LA, ,GANG LA DMIGS PA'I GNOD BYED DGRA BGEGS RNAMS, ,SKAD CIG NYID LA THAL PA'I RDUL DU RLOG ,RAKMO PRA nA AA TMA SA PA RI W'A RA AA KA RshA YA DZA: DZA: H'Um BAm HO: DAM TSIG PA DANG GNYIS SU MED PAR GYUR, PADMA KA MA LA YE STVAm, CHOS NYID ZHI BA'I NGANG LAS MA GA-YOS KYANG, ,MA RUNGS 'DUL PHYIR DRAG PO'I SKUR BSTAN NAS, ,MTHU STOBS PHUN TSOGS BSTAN PA BSRUNG MDZAD PA'I, ,SGROL GING SROG BDAG DMAR PO LA PHYAG 'TSAL, ,BKA' YI 'KHOR GNAS YE SHES SRUNG MA'I TSOGS, ,RNAL 'BYOR 'DOD PA'I BDE STER GSANG BA'I YUM, ,LAS BYED BSHAM PA GTUM PO SDE LNGA DANG, ,MA MO THE'U RANG TSOGS LA GUS PAS 'DUD, ,(CES PHYAG BYA,) H'Um RA DMAR KHRAG CHANG MCHOD YON RGYA MTSOR 'KHYIL, ,DBANG PO'I ME TOG SHA SNA'I DUD SPRIN 'KHRIGS, ,TSIL CHEN MAR ME MKHRIS PA'I DRI CHAB GA-YO, ,SHA RUS ZHAL ZAS RKANG GLING THOD RNGA SOGS, ,BRJID LDAN SNA TSOGS ROL MO MTHA' YAS PA, ,GNOD SBYIN DREGS PA LCAM SRANG 'KHOR BCAS LA, ,'BUL LO BZHES NAS BSTAN
DGRA MYUR DU SGROL, ,AOm RAKMO PRA nA AATMA SA BA RI W'A RA AA RGHAm PRA T'I TZTSA YE SV'AH'A, (DE BZHIN DU) SHAPTA'I (BAR SBYAR LA MCHOD PA 'BUL, GONG SNGAGS LA) AOm A'A: H'Um (BTAGS PAS NANG MCHOD 'BUL,) H'Um RDO RJE 'CHANG DANG PADMA KARA SOGS, , DNGOS BA RGYUD BLA MA'I TSOGS RNAMS DGONGS SU GSOL, ,BDAG CAG GSANG CHEN SNGAGS KYI SGOR ZHUGS NAS, ,DNGOS GRUB RTZA BA BLA MAR SMOD PA DANG, ,YI DAM LHA LA SPONG LEN BGYIS PA DANG, ,CHOS SRUNG RNAMS LA DUS GTOR CHAG PA SOGS, ,GSANG BA SNGAGS KYI DAM TSIG NYAMS PA BSHAGS, ,KHYAD PAR DAM NYAMS GTAM 'DRES ZAS ZOS DANG, ,RGYU NGAN PHUD NYAMS MI GTZANG SPAGS PA DANG, ,GTANG RAG DUS SU MA GTANG LO ZLA 'DAS, ,DAM NYAMS DBANG BSKUR BYAS PA MTHOL LO BSHAGS, ,BSTAN DANG BSTAN 'DZIN RNAMS LA LDANG BA'I DGRA ,SNA TSOGS THABS DANG CHO 'PHRUL SNA DGU YIS, ,RANG GZHAN PHUNG LA SBYOR BA'I SDIG CAN RNAMS, ,BSGRAL 'OS MDZA' BSHES BSTEN PA MTHOL LO BSHAGS, ,MDOR NA CHOS SKYONG KHYOD KYI DAM TSIG LAS, ,'GAL ZHING NYAMS PAR GYUR BA CI MCHIS PA, ,GNOD SBYIN KHYOD LA BZOD PAR GSOL LAGS KYIS, ,TSANG PAR BSTZAL NAS DNGOS GRUB BDAG LA STZOL, ,(ZHES GDUNG SHUGS DRAG POS BSHAGS PA BYA'O, ,DE NAS, BSKANG RDZAS SPYI LTAR BYIN GYIS BRLABS LA, BSKANG BA BYA BA NI,) KYEE DUS GSUM RGYAL BA'I
, ,BSTAN BSUNG MTHU RTZAL CAN, ,SROG BDAG DMAR PO 'KHOR BCAS SPYAN LAM DU, ,NAM MKHA' GANG BA'I DAM RDZAS SPYAN GZIGS TSOGS, ,'BYUNG ZHING RGYAS LA THUGS DAM BSKONG GYUR CIG , RA DMAR KHRAG CHANG MCHOD YON MTSO LTAR 'KHYIL, ,DBANG PO LNGA YI ME TOG RI LTAR SPUNGS, ,SHA CHEN TSIL CHEN DUD PA SPRIN LTAR 'KHRIGS, ,ZHUN CHEN SGRON ME NYI LTAR 'BAR BA 'DIS, ,GNOD SBYIN DREGS PA LCAM SRING THUGS DAM BSKANGS, ,LAS MKHAN SROG BDAG DMAR PO'I THUGS DAM BSKANGS, ,GRI THOGS BSHAD PA'I TSOGS KYI THUGS DAM BSKANGS, ,'KHOR TSOGS DAM CAN RGYA MTSO'I THUGS DAM BSKANGS, , 'KHOR DANG BCAS PA'I THUGS DAM BSKANGS GYUR NAS, ,RNAL 'BYOR DPON SLOB NYAMS CHAGS SOS GYUR CIG ,MI MTHUN RKYEN DANG BAR CHAD BZLOG PA DANG, ,MTHUN PA'I DNGOS GRUB MA LUS STZAL DU GSOL, , GSER ZHUN 'KHYIL 'DRI MKHRIS PA'I DRI CHAB DANG, ,DGRA BGEGS SHA KHRAG SPUNGS PA'I ZHAL ZAS DANG, ,SNYAN BRJID ROL MO'I SGRA YIS STONG GSUM KHYAB, ,RO BRGYA LDAN PA'I GSER SKYEMS DAM PA 'DIS, , GNOD SBYIN DREGS PA LCAM SRINGx LAS MKHAN SROG BDAG DMAR PO'Ix GRI THOGS BSHAN PA'I TSOGS KYIx 'KHOR TSOGS DAM CAN RGYA MTSO'Ix 'KHOR DANG BCAS PA'Ix RNAL 'BYOR DPON SLOBx
MI MTHUN RKYEN DANGx MTHUN PA'I DNGOSx GSOL, ,RNO SDUG RVA GA-YO SHA RGYAS DAL GYIS 'GRO ,MDZES PA'I SPU LDAN MTSAMS SPRIN PHUNG PO BZHIN, ,'JA' TSON LTAR BKRA DAR GYI RGYAN CHA CAN, ,SPYAN GZIGS BSE YI RA SKYES KHAM PA 'DIS, ,GNOD SBYINx LAS MKHANx GRI THOGSx 'KHOR TSOGSx 'KHOR DANGx RNAL 'BYORx MI MTHUNx MTHUN PA'Ix GSOL, ,ZHOL GA-YAG KHAM PA RNAMS NI NGAR 'JO BYED, , MDZES LDAN RTA MCHOG RNAMS NI GLOG BZHIN 'GYU, ,DUR BYA SRIN BYA GAR GYIS MKHA' LAM KHYAB, ,BSE KHRA DAM NYAMS KLAD LA LDING BA 'DIS, ,GNOD SBYINx LAS MKHANx GRI THOGSx 'KHOR TSOGSx 'KHOR DANGx RNAL 'BYORx MI MTHUNx MTHUN PA'Ix GSOL, ,SRA ZHING BRTAN PA RDO RJE'I GO KHRAB DANG, ,RNO NGAR MI ZAD SNA TSOGS MTSON CHA DANG, ,DUR BYA'I SGROS BRGYAN DAR DMAR GA-YO BAS MDZES, ,DGRA BGEGS SNYING LA THOG LTAR RGYUG PA 'DIS, ,GNOD SBYINx LAS MKHANx GRI THOGSx 'KHOR TSOGSx 'KHOR DANGx RNAL 'BYORx MI MTHUNx MTHUN PA'Ix GSOL, ,SHA KHRAG GTOR MA'I TSOGS KYIS SA GZHI GANG; ;PHYI NANG 'DOD YON TSOGS KYIS BAR SNANG GANG, ,RGYAL SRID RIN CHEN BDUN GYIS NAM MKHA' GANG, ,DNGOS BSHAMS YID KYIS SPRUL PA'I MCHOD SPRIN 'DIS, ,GNOD SBYINx LAS MKHANx
, ,GRI THOGS x 'KHOR TSOGS x 'KHOR DANG x RNAL 'BYOR x MI MTHUN x MTHUN PA'I DNGOS GRUB MA LUS STZAL DU GSOL, ,SEMS NYID RANG BZHIN MKHA' LTAR RNAM DAG KYANG, ,GLO BUR NYON MONGS SPRIN GYIS GA-YOG PA'I MTHUS, ,NONGS PA GANG GYUR BSHAGS DANG BSHAGS YUL DANG, ,BSHAGS BYA DMIGS MED NGANG DU DAG PAR BGYI, ,SGROL GING SROG BDAG DMAR PO 'KHOR BCAS KYIS, ,GNOD BYED DGRA BGEGS THAMS CAD TSAR GCOD LA, ,YID BZHIN NOR DANG DPAG BSAM SHING BZHIN DU, ,MCHOG DANG MTHUN MONG DNGOS GRUB CHAR DU PHOB, ,(SPYI BZLOG BYA, BZLAS DMIGS NI,) RANG GI THUGS KA'I H'Um LAS 'OD ZER 'PHROS, CHOS SKYONG 'KHOR BCAS KYI THUGS KAR NYI MA'I DKYIL 'KHOR GYI STENG DU H'Um YIG GI MTHAR SNGAGS PHRENG GIS BSKOR BA LA (DMIGS NAS,) AOm RA KMO PHRA nAx (YAB YUM GYI SNGAGS CI NUS BZLAS MTHAR YIG BRGYA BZLA, GTOR MA NANG MCHOD LTAR BYIN GYIS BRLABS LA,) CHOS SKYONG DREGS PA LCAM SRID 'KHOR DANG BCAS PA'I LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN DU GYUR NAS GTOR MA'I BCUD THAMS CAD DRANGS TE GSOL PAR (BSAM LA,) AOm RAKMO PRA nA AA TMA SA PA RI W'A RA SARBA BIGHNA NA SHA TRUm AI DAm BA LI DTA KHA KHA KH'A HI KH'A HI, (ZHES PA LAN BDUN GYIS GTOR MA PHUL, SLAR YANG MCHOD PA DANG NANG MCHOD
PHUL NAS,) KYEE RGYA GAR YUL GYI DGRA LHA, MA RU TZE'I GNAS SRUNG, LI YUL CHOS KYI SRUNG MA, MAH'A DE BA'I BKA' NYAN, GSHIN RJE GSHED KYI BKA' SDOD, YAB GNOD SBYIN ZANGS KYI RAL BA CAN DANG YUM SRIN MO KHRAG GI RAL BA CAN GYI SRAS GNOD SBYIN ZANGS KYI BEG TZE CAN, SRING MO SRID PA'I LHA MO GDONG DMAR MA, 'KHOR SROG GCOD BSHAN PA'I TSOGS DANG BCAS PA KHYED RNAMS KYIS MCHOD SBYIN GYI GTOR MA RGYA CHEN PO 'DI BZHES LA, SANGS RGYAS KYI BSTAN PA SRUNGS, DKON MCHOG GI DBU 'PHANG STOD, DGE 'DUN GYI SDE SKYONGS, RNAL 'BYOR BA BDAG CAG DPON SLOB YON MCHOD 'KHOR DANG BCAS PA'I BAR CHAD MI MTHUN PA'I PHYOGS THAMS CAD ZHI BA DANG, BSAM DON CHOS MTHUN YID BZHIN DU 'GRUB CING BYANG CHUB MTHOB KYI BAR DU SRUNG SKYOB SBA BA'I 'PHRIN LAS SDONG GROGS RGYA CHEN PO MDZAD DU GSOL, ,(ZHES BRJOD LA, DE NAS BSKANGS GTOR THOG KHAR KHA BYANG DU PHYOGS PAR STEGS KYI KHAR MCHOD GTOR RNAMS BSHAMS LA,) KYEE DBANG LDAN MA RU TZE YI DUR KHROD NAS, ,MCHOD DMAR BRAG LA BRTEN PA'I GNAS BCAS BA, ,SGROL GING CHEN PO SROG BDAG DMAR PO DANG, ,SROG BDUD CHEN PO BSE YI LAN PHRAN CAN, ,LCAM SRENG KHYED KYI BKA' LAS MI 'DA' BA'I, ,LAS MKHAN SROG BDAG DMAR PO 'KHOR DANG BCAS, ,SGROL BYED BSHAN PA GRI THOGS BRGYAD PO DANG, ,RO BSHAN NYI SHU
, ,RTZA GCIG 'KHOR DANG BCAS, ,BDUD DANG GNOD SBYIN SRIN PO SUM STONG DANG, ,BTZAN DMAR STONG GI DMAG TSOGS 'KHOR DANG BCAS, ,MA MO 'BUM DANG THE'U RANG STONG LA SOGS, ,STON PA'I BKA' BZHIN SGRUB PA'I SRUNG MA'I TSOGS, ,'DIR GSHEGS RGYAN GYI GTOR MA 'DI BZHES SHIG ,DGRA SHA KHRAG GI MCHOD GTOR 'DI BZHES SHIG ,GTZANG MA PHUD KYI GSER SKYEMS 'DI BZHES SHIG , RA DMAR KHRAG CHANG MCHOD YON 'DI BZHES SHIG ,SNGAR BCOL LEGS PA'I GTANG RAGS GNYAN PO 'BUL, ,DA BCOL LEGS PA'I GSOL 'DEBS RTEN DU 'BUL, ,RGYAL BA'I BSTAN DANG BSTAN 'DZIN GCES PAR SKYONGS, ,RNAL 'BYOR BDAG GI GNAS LUS LONGS SPYOD DANG, ,'KHOR DANG YO BYAD BZHON PA LA SOGS PA, ,BCOL LO GTAD DO SRUNG MA MTHU RTZAL CAN, ,NYIN GSUM BYAR RGYANG NAS MA GA-YEL ZHIG ;MTSAN GSUM MEL TSE DRUNG NAS MA GA-YEL ZHIG ,RTAG TU SGRUB BO'I SDONG GROGS MA GA-YEL ZHIG ,BLA MAS BCOL BA'I 'PHRIN LAS SGRUB PAR MDZOD, ,SDANG BA'I DGRA LA MNGON PA'I RTAGS THOS LA, ,RNAL 'BYOR BDAG GI MGON SKYABS DPUNG GNYEN MDZOD, ,BLA MA'I SKU DGRA BSTAN PA'I SPYI DGRA DANG, ,RNAL 'BYOR SGOS DAG SEMS CAN YONGS LA 'TSE, ,MA NYES LOG PAR LTA BA'I DGRA DANG
BGEGS, ,DPAL MGON KHYOD KYIS SGROL LA BSTAN PA SRUNGS, ,(ZHES BRJOD DE, GZHI BDAG LA GTOR MA PHUL, KHRAG CHANG SBYAR BA'I GSER SKYEMS 'DU BYAS LA BYIN GYIS BRLABS TE,) H'Um RDO RJE 'CHANG SOGS RTZA RGYUD BLA MA DANG, ,KHAMS GSUM ZA BYED KHRO BO GSHIN RJE GSHED, ,RDO RJE RO LANGS BCU GSUM 'KHOR LO'I TSOGS, ,BDUD RTZI GSER SKYEMS RGYA MTSO 'DI BZHES LA, ,'JAM DPAL KHRO BO'I GSUNG GI SBRUL PA CHE, ,GNOD SBYIN DREGS PA CHEN PO SROG GI BDAG ,LAS MKHAN SROG LA RDAMS PA'I ME LCE YIS, ,GSER SKYEMS 'DI BZHES BSTAN DAG RTZAD NAS CHOD, ,SROG BDUD CHEN MO BSE YI LAN PHRAN CAN, ,SRID PA'I LHA MO 'BAR BA'I GDONG DMAR MA, ,KHRAG CHANG SBYAR BA'I GSER SKYEMS 'DI BZHES LA, ,NAD YAMS DAL YAMS DGRA DANG BGEGS LA THONGS, ,SROG BDAG DMAR PO MTSAN MO RGYU BA'I LHA, ,SGROL BA'I GING CHEN MDUNG ZHAGS CE SBYANG CAN; ;GSER SKYEMS RAB TU KHOL BA'I BTUNG BA 'DI, ,BZHES LA RINGS PAR DGRA BO'I STENG DU CHOS, ,SGROL BYED 'BAR BA'I GRI THOGS BSHAN PA BRGYAD, ,BDUD RTZIR BYIN RLABS RA DMAR GSER SKYEMS BZHES, , RDAMS PA'I DGRA DANG BGEGS KYI SHA KHRAG LA, ,RGYUGS SHIG RGYUGS SHIG BSTAN PA'I BYA RA MKHAN, ,SROG LA RDAMS PA'I RO BSHAN NYI SHU GCIG ,SNYING KHRAG BTUNG BA GSER DANG SBYAR BA 'DI, ,GSOL PAR MDZOD
, ,LA DGRA DANG BGEGS KYI YUL, ,CHOMS SHIG CHOMS SHIG THAL BA'I RDUL DU RLOG ,BDUD DANG GNOD SBYIN SRIN PO SUM STONG DANG, ,BTZAN DMAR MA MO THE'U RANG DPUNG GI TSOGS, ,NAM MKHA' GANG BA'I GSER SKYEMS 'DI BZHES LA, ,ZO ZHIG DGRA BGEGS 'BYUNG BO GDUG PA CAN, ,GZHAN YANG GDUG PA'I 'KHOR TSOGS MANG PO DANG, ,SRIN BYA'U GA BA KHVA DANG DUR BYA'I TSOGS, ,LAS MKHAN PHO NYA GCAN ZAN THAMS CAD KYANG, ,GSER SKYEMS BTUNG BA 'DI YIS TSIM PAR MDZOD, ,RIN CHEN BTUNG BA RGYA MTSO 'DI BZHES LA, ,KHAMS GSUM MA LUS DBANG DU BSDU BA DANG, ,RNAL 'BYOR TSE DPAL 'KHOR DANG LONGS SPYOD RNAMS, ,BSAM PA YID BZHIN 'GRUB PA'I BKRA SHIS STZOL, ,(ZHES GSER SKYEMS BSGRENG LA, BSTOD PA NI,) KYEE SNA TSOGS PADMA NYI MA'I DKYIL 'KHOR STENG, ,RTA RO MI RO BSNOL BA'I KHRI STENG NA, ,GTUM CHEN DGRA BGEGS SROG 'PHROG BSHAN PA NI, ,PADMA R'A GA'I MDOG CAN KHYOD LA BSTOD, ,BDUD DPUNG TSAR GCOD 'BAR BA'I ZANGS GRI GA-YAS, ,GA-YON PAS MDA' GZHU DGRA BGEGS GLO SNYING DANG, ,LHAB LHUB BDAN GA-YO BA'I MDUNG DMAR 'DZIN, ,DAM NYAMS KUN GYI SROG 'PHROG KHYOD LA BSTOD, ,ZHAL DANG MCHE BA GTZIGS SHING RDAMS PA'I ZHAL, ,DUS MTHA'I ME LTAR SPYAN GSUM
SDANG MIG GA-YO, ,DMAR SER RAL BA LTAG PA'I PHYOGS SU BCINGS, ,SGROL GING SROG BDAG DMAR PO KHYOD LA BSTOD, ,KHYOD KYI GA-YON NA LHA MO GDONG DMAR CAN, ,PHYAG GA-YAS ZANGS GRI LCAGS KYI PHUR BU GA-YON, ,SRIN MO'I GZUGS CAN DRED MO MI ZAN CHI BAS, ,CHAR SPRIN LTAR SNGO GCER MO KHYOD LA BSTOD, ,GA-YAS NA LAS MKHAN CHEN PO DBANG GI MDOG ,BSE YI KHRAB RMOG GYON ZHING MDUNG DMAR GA-YAS, , GA-YON PAS ZHAGS PA 'DEBS CING LCE SBYANG CHIB, ,SKYE 'GRO KUN GYI SROG LEN KHYOD LA BSTOD, ,GZHAN YANG DPAL MGON KHYOD KYI BKA' 'KHOR NA, ,SROG GCOD LAS BYED BSHAN PA BUN NU NU, ,BTZAN DMAR BDUD DANG SRIN PO NYE RE RE, ,THE'U RANG STONG GIS MTSON CHA SNA TSOGS 'GYED, ,MA MO 'BUM NI NAD YAMS BU YUG 'TSUB, ,MI BSRUN 'KHOR TSOGS DANG BCAS KHYED RNAMS KYIS, ,DAM RDZAS MCHOD GTOR RGYA MTSO 'DI BZHES LA, ,DAM NYAMS DGRA BGEGS THAL BA'I RDUL DU RLOG ,TSE DANG BSOD NAMS DPAL 'BYOR RGYAS PA DANG, ,KHAMS GSUM 'GRO BA THAMS CAD DBANG DU BSDUS, ,ZHI RGYAS DBANG DRAG 'PHRIN LAS THAMS CAD SGRUBS, ,(ZHES BSTOD, DGOS PA KHYAD PAR CAN GYI TSE BSKUL BA BYA BA NI,) KYEE MA RU TZE YI DUR KHROD NAS, ,SROG BDAG ZANGS KYI BEG TZE CAN, ,SRID PA'I LHA MO GDONG DMAR MA, ,SGROL GING LAS MKHAN SROG BDAG
, ,DMAR, ,SGROL BYED BSHAN PA GRI THOGS BRGYAD, ,RO BSHAN NYER GCIG 'KHOR DANG BCAS, ,BDUD DANG GNOD SBYIN SRIN PO STONG, ,BTZAN DMAG STONG DANG MA MO 'BUM, ,THE'U RANG STONG GI DMAG TSOGS DANG, ,DAM CAN RGYA MTSOS GNAMS GANG, ,KUN KYANG DA LTA DGRA LA 'CHOS, ,KHYOD KYI THUGS DAM DUS LA BABS, ,BOS BA'I TSEN SNYAN MA SRA, ,GA-YAB PA'I TSE NA SPYAN MA BRTUL, ,RBAD PA'I TSE NA MTHU MCHUNG, ,BSKUL BA'I TSE NA BANG MA BUL, ,GSOL 'DEBS TSE NA SNYING MA RINGS, ,RNAL 'BYOR BDAG CAG 'KHOR BCAS LA, ,SDANG ZHING GDUG PA'I SEMS 'CHANG BA'I, ,GNOD BYED DAM NYAMS DGRA BO 'DIS, ,BLA MA DAM PA'I SKU DGRA BYAS, ,RDO RJE THEG PA SUN 'BYIN CING, ,DGE 'DUN SDE RNAMS DKRUGS CING BCOMS, ,SDOM BRTZON KUN LA BRNYAS SHING SMOD, ,RNAL 'BYOR LHA MED ZER NAS BRNYAS, ,LHA KHYOD MTHU MED ZER NAS SMOD, ,NGAN DGU SDIG DGU SNA TSOGS BYAS, ,BSTAN PA'I DGRA BOR GYUR BA 'DI, ,LO ZLA ZHAG TU MA BZHAG PAR, ,YAD YUD BTANG SNYOMS GNAS MIN PA'I, , BSGRAL BA'I ZHING BCU TSANG BA 'DI, ,MTHU STOBS RDZU 'PHRUL RAB BSKYED DE, ,DGRA BO'I YUL KHAMS THAL BAR RLOG ,RIGS BRGYUD RTZAD NAS CHOD LA SHOG ,MING BRDA' THA SNYAD TZAM MA LUS, ,RJES
MED RLUNG LA BSKUR LA SHOG ,'CHOS 'CHOS DGRA DANG BGEGS LA 'CHOS, ,DUS LA BAB PO SA MA YA: (ZHES BSKUL NAS, MNGA' GSOL BYA BA NI,) KYEE DNGOS GRUB MCHOG STZOL RTZA BRGYUD BLA MA DANG, ,BSLU MED DKON MCHOG GSUM DANG YI DAM LHA, ,RAB 'BYAMS DPA' BO MKHA' 'GRO MA LUS PA'I, ,BDAG NYID SKYABS KYI DAM BAR MNGA' GSOL LO, ,RTA RO MI RO BRTZEGS PA'I GDAN STENG NA, ,DPAL LDAN PAS YI SKYES BU DBANG GI MDOG ,ZHING BCU BSGRAL ZHING BSTAN PA'I BYAR MDZAD, ,DREGS PA LCAM SRING YAB YUM MNGA'x, ,DRAN PA YIS KYANG BAR GCOD KUN SEL ZHING, ,ZHI RGYAS DBANG DANG DRAG PO'I 'PHRIN LAS RNAMS, , MA LUS THOGS PA MED PAR BSGRUB MDZAD PA'I, ,BKA' SRUNG KUN GYI GTZO BORx, ,RNAL 'BYOR BYANG CHUB BSGRUB PA'I MTHUN PA'I RKYEN, ,NOR DANG LONGS SPYOD 'KHOR DANG BZHON PA SOGS, ,BSRUNG DANG SKYOB DANG SPEL BAR BYED PA YI, ,GNYER MDZAD NOR GYI BDAG PORx, ,MDOR NA RNAL 'BYOR DPON SLOB 'KHOR BCAS KYI, ,PHYI NANG DNGOS PO MI NOR DGON GNAS BCAS, ,BCOL LO BLTOS SO DENG NAS BYANG CHUB BAR, ,MGON SKYABS DPUNG GNYEN GA-YEL BA MED PAR MDZOD, ,(CES MNGA' GSOL BYA, MJUG TU GTANG RAG GI MCHOD BSTOD BZOD GSOL BSNGO SMON BKRA SHIS KYIS MTHA' BRGYAN PAR BYA'O,,) SMRAS PA, 'JAM DPAL GSHIN RJE'I GSUNG GI SBRUL
, ,BA CHE, ,GNOD SBYIN DREGS PA LCAM SRING MCHOD PA'I THABS, ,DGYES BYED GTOR CHOG SROG GI SPU GRI 'DIS, ,DAM NYAMS BDUD SDE MING GI LHAG MAR BYAS, ,'DIR 'BAD DGE BAS RANG GZHAN THAMS CAD KYIS, ,PHYI NANG NYER 'TSO'I GA-YUL LAS RAB RGYAL ZHING, ,MTHUN RKYEN DGOS 'DOD YID BZHIN LEGS 'GRUB STE, ,BDUD BZHI'I DGRA LAS RGYAL BA'I DPAL THOB SHOG , ,,(CES LCAM SRING PHYI SGRUB KYI GTOR CHOG DAM NYAMS SROG GI SPU GRI ZHES BYA BA 'DI YANG, SKU 'BUM MKHAN CHEN GDAN SA PA MI NYAG RIN PO CHES RIN GNYIS LHA RDZAS SRID DU RING BA'I SKYES DANG BCAS BKAS YANG YANG BSKUL BA'I BKA' LAN LDOG MA NUS PAR, CHOS MED PAN RGAN ^CHOS KYI RDO RJES, MKHAS GRUB TSAD MA'I SKYES BU RNAMS KYI GSUNG BYIN RLABS CAN RNAMS PHYOGS GCIG TU BSDUS TE BSGRIGS SHING GSAR SPEL MCHOD 'PHRENG SPYAN 'DREN BSKUL BCAS ZHAL 'DEBS SU PHUL TE GA-YAR KHRAL TZAM DU SUG LAS SU BGYIS PA'O,, ,,)