*, ,BCOM LDAN 'DAS PADMA DBANG CHEN KHRAG 'THUNG YANG GSANG KHROS PA LHA DGU'I TSOGS MCHOD KYI CHO GA DPA' BO ROL BA'I DGA' STON CES BYA BA BZHUGS SO, ,
, ,NA MO GU RU HA YA GRI W'A YA, GTUM DRAG NYAMS BRGYAS BDUD DPUNG PHYER BRLAG CING, ,DNGOS GRUB MCHOG STZOL YI DAM DBANG CHEN LHAR, ,BTUD NAS DE NYID MNYES BYED TSOGS MCHOD KYI, ,CHO GA SNGA 'GYUR LUGS BZHIN 'KHYER BDER DGOD, ,(DE LA 'DIR BCOM LDAN 'DAS PADMA DBANG CHEN YANG GSANG KHROS PA KHRAG 'THUNG LHA DGU'I TSOGS MCHOD 'BUL BAR 'DOD PAS, TSOGS KYI YO BYAD RNAMS PHYAG LEN BZHIN DU LEGS PAR BSHAMS, SKYABS 'GRO SEMS BSKYED TSAD MED BZHI BSGOM PA DANG SGRUB THABS SOGS LAS BYANG GI DKYUS LTAR SNGON DU BTANG NAS, TSOGS DNGOS BYIN GYIS BRLAB PA NI,) AOm RAm KRO DHA RAKshA BADZRA DZVA LA RAm TIKshA NA BI SHVA DZVA LA RAm PHAt RAm RAm, RAm YAm KHAm, A'Om
, ,A'A: H'Um, (LAN GSUM BRJOD, MCHOD YUL SPYAN DRANGS PA NI,) H'Um RANG BZHIN RNAM DAG DBYINGS NYID LAS, ,SPRUL BA'I KHRO BO MI BZAD PA, ,PADMA DBANG CHEN DKYIL 'KHOR LHA, ,LONGS SPYOD TSOGS LA GSHEGS SU GSOL, ,A'Om AE H+YE HI BHAGA WANA MAH'A KA RU nI KA MAH'A PADMA SHVAR SA PA RI W'A RA BADZRA SA MA YA DZA: PADMA KA MA LA YE STVAm, (TSOGS KYI 'KHOR LO SPYIR 'BUL BA NI, TSOGS PHUNG SNOD GSUM DU BZHAG STE,) H'Um BLA MED MCHOG GI MCHOD PA DAM PA 'DI, ,YE SHES LNGA YI 'OD ZER RNAM PAR 'PHRO, ,'DOD PA'I YON TAN LNGA YIS RAB BRGYAN TE, ,DAM TSIG BZHIN DU CI BDER BZHES SU GSOL, ,MAH'A PADMA SHVAR SA PA RI
W'ARA AARGHAm, RHU PAm, PUshPAm, D'I PAm, GANDHE, NEE WI D+YA, SHAPTA, R'U PA, SHAPTA, GANDHE, RASA, SPARSHA PRA TI TZTSA H'Um, (THOG MAR BSTOD DE 'BUL BA NI, YANG SNOD GSUM DU BZHAG LA,) RGYAL BA KUN BDAG CHOS SKU PADMA'I GDUNG, , CHOS RJE 'OD DPAG MED PA RDO RJE CHOS, ,SPYAN RAS GZIGS DBANG HR'I: LAS RNGAMS CHEN SPRUL, ,RTA MGRIN RTA SKAD BZHAD LA PHYAG 'TSAL BSTOD, ,MAH'A PADMA SHVAR SA PA RI W'ARA GAn TZAKRA P'UDZA KHA RAm KH'A HI, (BAR BA BSHAGS TE 'BUL BA NI, YANG SNOD GSUM DU BZHAG LA,) H'Um BDAG CAG MA RIG 'KHRUL BA'I DBANG GYUR TE, ,DNGOS GRUB RTZA BA BLA MAR SMOD PA DANG, ,YI DAM LHA LA YID CHES MA BGYIS DANG, ,GSANG BA SNGAGS KYI DAM TSIG NYAMS PA BSHAGS, (,YIG BRGYA NYER GCIG BRJOD, MTHA' MAR BSAD PA SBYOR SGROL GYI MCHOD PA LA,) THOG MAR SBYOR BA'I MCHOD PA NI, GSANG BA THABS DANG SHES RAB LAS, ,PADMA NOR BU MNYAM SBYOR BAS, ,DGYES PA CHEN PO'I BDE CHEN DANG, ,BYANG CHUB SEMS KYI MCHOD PA 'DI, ,PADMA DBANG CHEN DKYIL 'KHOR LA, ,MCHOD PAR 'BUL LO BZHES SU GSOL, ,(ZHES BRJOD, SGROL BA'I MCHOD PA NI,) RANG GI THUGS KA'I SA BON GYI 'OD ZER GYIS DGRA BGEGS THAMS CAD MDUN DU BKUG PAR GYUR, ,H'Um SPRUL BA'I KHRO BO
, ,'BAR BA YIS, ,'KHOR BA'I NYON MONGS RGYA DRAL NAS, ,DUG LNGA DBYINGS SU BSGRAL BAR BYA, ,RANG GI THUGS KA'I SA BON GYI 'OD ZER LAS BYUNG BA'I LAS BYED KYI KHRO BO RNAMS KYIS DGRA BGEGS RNAMS SKAD CIG GIS BSGRAL BAR GYUR, ,AA MUKA M'ARA YA PHAt, (CES BRJOD LA,) H'Um ZHING GYUR THAMS CAD RANG BZHIN BSGRAL, ,SHA KHRAG SROG DBUGS MCHOD PA 'DI, ,PADMA DBANG CHEN DKYIL 'KHOR LA, ,MCHOD PAR 'BUL LO BZHES SU GSOL, ,HR'I: PADMA TA KRI TA HA YA GRI WA SARBA BIGHN'AN SHATRUm KHA RAm KH'A HI, (ZHES 'BUL, DAM RDZAS GTOR MA'I MCHOD PA NI, SNGAR LTAR BYIN GYIS LA RLABS NAS,) KHYAD PAR 'DOD YON MCHOD PA'I MCHOG ,SHA KHRAG RKANG RUS GTOR MA YIS, ,KHRO RGYAL DBANG CHEN THUGS DAM BSKANG, ,YUM CHEN KHRO MO'I THUGS DAM BSKANG, ,SPRUL PA'I KHRO BO'I THUGS DAM BSKANG, , SGO MA BZHI YI THUGS DAM BSKANG, ,(ZHES BRJOD LA,) HR'I: BADZRA KRODHA SOGS SNGAGS RNAMS KYI MTHAR MAH'A BA LI TAm KHA RAm KH'A HI, (ZHES BTAGS LA 'BUL, DUG LNGA DAM RDZAS KYI MCHOD PA NI,) H'Um SHA KHRAG RUS PA NANG KHROL MKHRIS, ,'DOD CHAGS ZHE SDANG GTI MUG DANG, ,NGA RGYAL PHRAG DOG MCHOD PAR 'BUL, ,SKU GSUNG THUGS DANG YON TAN DANG, ,'PHRIN LAS NGO BOR BZHES SU GSOL, (,ZHES 'BUL,
LAS KYI RDO RJES,) GZIGS SHIG MDZES LDAN DAM PA'I CHOS, ,'DI LA THE TSOM BYAR MI RUNG, ,BRAM ZE KHYI DANG GDOL BA PHAG ,RANG BZHIN GCIG TU DGONGS TE ROL, (,ZHES BRJOD LA DRANGS SHING, ,RNAL 'BYOR PA RNAMS KYIS) BDE BAR GSHEGS PA'I CHOS KYI MCHOG ,'DOD CHAGS DRI MA MED PA 'DI, ,GZUNG 'DZIN RNAM PAR SPANGS PA YI, ,DE BZHIN NYID LA BDAG PHYAG 'TSAL, ,AA LA LA HO: (ZHES BLANGS TE, LHA'I RNAL 'BYOR GYI NGANG NAS NANG GI SBYIN SREG GI TSUL DU TSOGS LA ROL TE, SMON LAM NI,) HO BDAG CAG RDO RJE SLOB DPON MCHED DANG LCAM DRAL RNAMS KYIS MAH'A MAmSA GSOL BA LA BRTEN NAS RDO RJE SEMS DPA'I SKU TSE DANG LANG TSO LA MNGA' BRNYES PAR GYUR CIG ,DZA GAD DPA' BO GSOL BA LA BRTEN NAS 'GRO BA MANG PO {DBANG DU?} 'DUS PAR GYUR CIG ,ZHAL ZAS KYI BYE BRAG MANG PO GSOL BA LA BRTEN NAS DPAL CHEN PO PADMA DBANG CHEN KYI RDZU 'PHRUL BSAM GYIS MI KHYAB PA LA MNGA' BRNYES PAR GYUR CIG ,(CES BRJOD, MAR GNAS LHAG MA BTANG PA NI, TSOGS LHAG RNAMS SNOD GCIG TU BSDUS LA, SMAN RAKA CHAB KYIS BRAN,) DPAL CHEN PO'I PHAM BABS LA DBANG BA'I LHA TSOGS RNAMS AE HYE HI DZA: DZA: H'Um BDE GSHEGS KHYUNG GI LHA TSOGS DANG, ,GZA' MCHOG CHEN PO R'A HU LA, ,SRID PA'I MA MO CHEN MO DANG, ,GING CHEN DREGS PA
, ,SDE BRGYAD SOGS, ,RGYAN GYI GTOR MA 'DI BZHES LA, ,BCOL BA'I 'PHRIN LAS SGRUB PAR MDZOD, ,LHAG MA'I TSOGS LA KHA RAm KH'A HI, (ZHES BRJOD LA ROL MO'I TSA MA RNGAMS DANG BCAS PHYI ROL TU BSKYAL NAS ME LA BSREG ,TSOGS RDZAS RNAMS DAM TSIG MI GTZANG BA DANG, DBANG MA THOB PA DANG BYA KHYI SOGS LA SBYIN PAR MI BYA'O, ,DE NAS GTANG RAG BSNGO BA SMON LAM DKYUS LTAR BYA ZHING BKRA SHIS KYIS MTHA' BRGYAN PAR BYA'O,) ,SMRAS PA, SNGA 'GYUR THEG PA MCHOG GI LUGS SROL BZHIN, ,BRGYUD LDAN DAM PA'I MAN NGAG LA BRTEN NAS, ,DBANG CHEN LHA MCHOG MNYES BYED TSOGS KYI TSUL; ;DAM PA'I GSUNG LAS NYUNG DUR BSDUS TE BKOD, ,SMIN BYED DBANG THOB DAM SDOM GCES PAR BSRUNG, ,GA-YENG MED TING 'DZIN BZLAS BRJOD MTHAR PHYIN TE, ,RMAD BYUNG TSOGS KYIS LHA TSOGS DGYES BYED CING, ,DNGOS GRUB SGRUB LA BRTZON RNAMS SKAL BA BZANG, ,'DI YI DGE BAS MKHA' MNYAM LUS CAN KUN, ,YI DAM RTA MCHOG LHA YIS RJES BZUNG NAS, ,SMIN GROL LAM ZAB BGROD PA MTHAR PHYIN TE, ,ROL PA'I RTA SKAD PHYOGS BCUR BZHAD GYUR CIG ,(CES BCOM LDAN 'DAS PADMA DBANG CHEN KHRAG 'THUNG YANG GSANG KHROS PA LHA DGU'I TSOGS MCHOD KYI CHO GA DPA' PO ROL BA'I DGA' STON
CES BYA BA 'DI NI BSTAN PA'I SBYIN BDAG CHEN PO KHAL HA DAR HAN PE LI KUN BZANG GIS 'DI LTA BU ZHIG DGOS ZHES NAN TAN CHEN POS BSKUL NGOR ^RGYAL DBANG MCHOG GI BKAS MER KE NA AER TE MTHU PAntI TA NO MA CHI MKHAN POR 'BOD CING CHE SHOS SPRUL MING 'DZIN PA ^BLO BZANG BYANG CHUB BSTAN PA'I SGRON MES AA PA KA WANG GI HO SHO'I P'A YAN HU RA RE ZHES PA'I SA CHA'I LEGS STZOL GLING GI BLA BRANG 'CHI MED 'DOD 'JOR LHA BABS DUS CHEN GYI NYIN SBYAR BA'I YI GE PA NI CHOS LA BLO MIG YANGS PA RAB 'BYAMS PA BDE LEGS 'BYUNG GNAS KYIS BGYIS PA 'DIS KYANG MDO SNGAGS ZUNG 'BREL GYI BSTAN PA RIN PO CHE DAR ZHING RGYAS LA YUN RING DU GNAS PA'I RGYUR GYUR CIG , ,,)