*, ,THUGS RJE CHEN PO NGAN SONG KUN SGROL GYI SGRUB THABS DNGOS GRUB KUN 'BYUNG ZHES BYA BA BZHUGS SO, ,
, ,NA MO A'A R+YA LO KE SHVARA YA, RNAM 'DREN KUN GYI THUGS RJE GCIG BSDUS PA, ,'PHAGS MCHOG PHYAG NA PADMA'I SKUR BSTAN NAS, ,'GRO KUN NGAN 'GRO'I 'JIGS LAS SKYOBS MDZAD PA'I, ,BLA MA THUGS RJE CHEN PO'I ZHABS LA 'DUD, ,MGON PO KHYED KYI THUGS RJE BSKUL BA'I SLANG; ;GZUNGS MCHOG NOR BU 'DZIN PA'I BZLAS BRJOD DANG, ,RIGS DRUG GNAS SBYONG JI LTAR BYA BA'I TSUL, ,LHAN GCIG DAM PA'I GSUNG BZHIN 'DIR 'GOD BYA, (,DE LA 'DIR GANG DU BSGOM PA'I GNAS SU BYI DOR LEGS PAR BYAS, SKU GSUNG THUGS KYI RTEN BKRAM, MCHOD TSOGS 'BYOR KHOS DANG BSTUN NAS RGYA CHER BSHAMS, SKYABS SEMS
, ,TSAD MED BZHI NGANG RGYUD DANG 'DRES NGES SU BYAS NAS, 'DI LTAR, SVA BHA WAS STONG BAR SBYANGS,) CHOS KUN MI DMIGS STONG PA'I NGANG NYID LAS; ;PAD DKAR ZLA DANG RANG SEMS HR'I: DKAR PO, ,YONGS GYUR NGES DON BLA MA SPYAN RAS GZIGS, ,SEMS NYID NGAL GSO DKAR PO GA-YAS MCHOG SBYIN, , MTHEB MDZUB SHEL 'PHRENG DKAR PO SGIL ZHING 'DZIN, ,GA-YON PA GDAN LA BRTEN NAS PAD DKAR GYI, ,YU BA NAS BZUNG 'DAB 'PHRENG SNYAN THANG RGYAS, ,DBU SKRA THOR TSUGS GYON CING PHYED THUR GROL, ,RIN CHEN RGYAN DANG DAR GYI SMAD DKRIS DANG, ,RI DVAGS PAGS PA'I GA SHA LA SOGS MDZES, ,RGYAL PO ROL BA'I STABS KYIS
ZLA BA YI, ,RGYAB YOL LA BRTEN ZHI ZHING 'DZUM PAR BZHUGS, ,GA-YAS SU SGROL MA LJANG SNGON ZHI NYAMS CAN, ,MCHOG SBYIN 'JIGS SEL PHYAG RGYAS AUTPAL MTSAN, ,DAR GYI NA BZA' RIN CHEN RGYAN GYIS SPRAS; ;GA-YON DUR LA GCIG NAG MO GRI THOD 'DZIN, ,DAR DANG RUS PA'I RGYAN CAN KHRO MO'I TSUL, ,GNYIS KA'ANG 'OD KYI GUR KHYIM 'BAR BA'I DBUS, ,ZHABS GNYIS ROL BA'I STABS KYIS BZHUGS PAR GYUR; ;GTZO 'KHOR GSUM GA'I GNAS GSUM YIG 'BRU LAS, ,'OD 'PHROS RANG BZHIN GNAS NAS YE SHES PA, ,RGYAL BA SRAS BCAS BSKOR BA SA MA DZA: AARGHAm (SOGS KYIS MCHOD,) DZA: H'Um BAm HO: DAM YE DBYER MED GYUR, ,SLAR YANG THUGS KA'I H'Um LAS 'OD 'PHROS BAS, ,DBANG LHA SPYAN DRANGS MCHOD CING GSOL BTAB PAS, ,DBANG LHAS DBANG BSKUR SGO GSUM DRI MA DAG ,CHU LHAG YAR LUD GTZO 'KHOR 'OD DPAG MED, ,'KHOR GNYIS DON YOD GRUB PAS DBU BRGYAN GYUR, ,(MCHOD PA BYA RGYUD LTAR BYIN GYIS RLABS LA,) AOm A'AR+YA LO KE SHVA RA SA BA RI W'A RA AARGHAm (SOGS CHU GNYIS NYER SPYOD ROL MO DANG BCAS PAS MCHOD,) 'KHOR BA'I 'DAM GYIS MA GOS PA, ,PADMA'I SNYING PO SPYAN RAS GZIGS, ,LUS BTUD GUS PAS PHYAG 'TSAL LO, ,BRTZE BA'I RJES SU BZUNG DU GSOL, (,CES PAS BSTOD,) BDAG NYID PAD DKAR 'DAB DRUG LTO BA RU, ,ZLA DKYIL
, ,SA BON YIG DRUG BSKOR BA LAS, ,'OD 'PHROS MCHOD TSOGS SPROS PAS RGYAL KUN MNYES, ,DE KUN BYIN RLABS BKUG STER NGA LA THIM, ,SLAR YANG 'OD 'PHROS RIGS DRUG SEMS CAN LA, ,PHOG PAS SGRIB SBYANGS SPYAN RAS GZIGS SU GYUR, ,RANG NYID SNGAGS BZLAS SEMS CAN LHAR GSAL BA, ,DE KUN YIG DRUG 'UR 'UR SGROGS PAR MOS, ,AOm MA nI (ZHES CE NUS SU BZLA, YUM GYI BSNYEN PA NI,) RANG RANG THUGS KAR ZLA GDAN SA BON MTHAR, ,SNGAGS PHRENG BSKOR BA DE LAS 'OD 'PHROS PAS, ,SGROL MAS 'JIGS PA BRGYAD LAS SKYOB PA DANG, ,RAL GCIG MA YI ZAG MED BDE STER MOS, ,AOm A'AR+YA T'A RE TAm SV'AH'A, AOm AE KA TZA TI H'Um SV'A H'A, (ZHES BZLA, GRANGS BSNYEN GTZO BO LA BYE BA GSUM, 'KHOR GNYIS LA KHRI PHRAG RE BZLA BAR GSUNG NGO, ,RIGS DRUG GNAS SBYONG SPREL BAR 'DOD NA, RVA SGRENG RDO RJE 'CHANG GI GSUNG LTAR 'DON, THUN MTHAR MCHOD BSTOD MDOR BSDUS BYA, DE NAS,) SNOD BCUD 'OD ZHU GTZO 'KHOR GSUM LA THIM, ,'KHOR GNYIS RANG LA RANG YANG STOD SMAD NAS, ,'OD ZHU SA BON HR'I: DANG RA RTA LA, ,DE YANG KHOG PA GI GUR RIM GYIS THIM, ,DE NAS JE PHRAR SONG NAS MI DMIGS GYUR, ,STONG PA'I NGANG LAS RANG NYID SKAD CIG GIS, ,THUGS RJE CHEN PO'I SKUR BZHENGS KHYER SO GSUM, ,NAM YANG MI 'BRAL DGE TSOGS
BYANG CHUB TU, ,BSNGO BA SMON LAM RNAM DAG 'TSAMS SPYAR BYA, ,(CES PA 'DI NI MDO SNGAGS GZHUNG LUGS LA, ,SBYANG BA MI DMAN DANG BRTZON SHES RAB CAN, ,BSTAN PA'I GSAL BYED 'KHOR LO CHOS RJE YIS, ,'DOD MOS JI BZHIN CHOS MED SNYOMS LAS PA, ,BYANG CHUB BSTAN PA'I SGRON MES SUG LAS SU, ,BGYIS PA'I DGE BA'I NGES DON SPYAN RAS GZIGS, ,MYUR DU ZHAL MJAL GSUNG GI BDUD RTZI LA, ,SPYOD PA'I SKAL BZANG MCHOG TU BDAG GYUR CIG ,RGYAL BAR GYUR CIG , ,,DGE'O, ,)