*, ,DPAL YE SHES KYI MGON PO'I BSNYEN YIG DON GNYIS MCHOG SBYIN ZHES BYA BA BZHUGS SO, ,
, ,NA MO GU RU SHR'I MAH'A K'A LA YE, LHUN GRUB BDE STONG CHOS DBYINGS KUN GSAL NGOS, ,SNA TSOGS GZUGS SKU SGYU 'PHRUL CI YANG BKRA, 'GRO RNAMS 'DUL PHYIR BLA MA YI DAM LHA'I, ,SKUR BSTAN KHYAB BDAG BHE RA LVA LA 'DUD, ,THUGS RJE'I GTER CHEN 'GRO KUN THAR BA'I GRONG KHYER DU, ,'KHRID SLAD DKA' BA BRGYA PHRAG TING 'DZIN RTZE GCIG TU, ,ZHUGS KYANG 'GRO RNAMS 'DUL DKA' DMU RGOD THA BAR GYUR, ,DE PHYIR RAB GTUM MI ZAD SRIN PO'I GZUGS 'CHAD BA, ,TZANDAN MGON PO ZHES BYA BA'I, ,BLA MA YI DAM CHOS SKYONG GSUM, ,DBYER MED GCIG TU BSNYEN PA'I TSUL, ,SNGON BYON DAM PA'I GSUNG
, ,BZHIN 'GOD, ,DE LA 'DIR SKAL PA DANG LDAN PA'I GANG ZAG GIS SNYIGS DUS KYI TSE THUNG 'DIR DAL 'BYOR DON LDAN DU BYA BA'I THABS ZAB MO NYAMS SU LEN PAR 'DOD PA DAG GIS KHYAD CHOS LDAS KHYAD PAR DU 'PHAGS PA'I YI DAM 'JIGS MDZAD RDO RJE LHA BCU GSUM MA'AM DPA' BO GCIG PA'I DKYIL 'KHOR MTSAN NYID TSANG BAR, BLA MA MTSAN NYID DANG LDAN PA'I DRUNG NAS DBANG BZHI SKU BZHI SA BON THEBS NGES SU MNOS SHING LHA MCHOG MYUR MDZAD MGON PO BKA' BCU GSUM GYI RJES GNANG GIS RANG RGYUD LEGS PAR SMIN PAR BYAS NAS, DAM TSIG DANG SDOM PA LA GNAS PA'I RNAL 'BYOR BAS RAB DUR KHROD, SHING GCIG ,MA MO'I KHYIM, NAGS KLUNG STUG PO'I 'DAB, CHU BO'I
'DUS SA'AM, PHRAG DANG CHU 'THAB PA'I SA SOGS SKYI ZHING YANG BA'I GNAS SAM, YANG NA LAS DANG PO BAS BLA MA GONG MA GRUB THOB RNAL 'BYOR BA RNAMS KYIS BYIN GYIS RLABS PA'I GNAS KHYAD PAR CAN GYIS GANG ZAG GI RGYUD BYIN GYIS RLABS PAR GSUNGS PAS DE LTA BU'I DBEN CING NYAMS DGA' BA, DAM NYAMS SOGS KYI 'DU LONG MED PA, GDUG PA CAN GYI 'TSES DANG BRAL BA, PHYI NANG GI CHA RKYEN BTZAL SLA BA, SA CHU'I NYES SKYON DANG BRAL BA'I GNAS SU BYI DOR LEGS PAR BYAS PA'I GAD SNYIGS SGO RGYAB TU BZHAG ,BSANGS BDUG LEGS PAR BYAS, STEGS MTHO DMAN RAN PAR RANG LA GANG YOD KYI SKU GSUNG THUGS RTEN GO RIM MA 'PHYUGS PAR BZHUGS SU GSOL, DE YANG LTA GRUB MI GCIG PA'I SKU GSUNG THUGS RTEN 'DRA YOD NA GNAS KHANG GZHAN DU SRI ZHU DANG BCAS BZHUGS PA LAS 'TSAM KHANG DU MI BZHAB, KHYAD PAR BLA MA RDO RJE 'JIGS BYED KYI BSNYEN THANG DANG, MGON PO'I GSANG THANG YOD NA RAB MIN KYANG MGON PO'I BRIS 'BUR GYI DMIGS RTEN GANG 'BYOR MTHO DMAN RAN PAR BKRAM PA'I MDUN DU, GTOR SGAM SOGS SA RDUL MI BGOS PA'I NANG DU, GTOR GDAN ZLUM PO GNYIS RIM NANG MA LJANG KHU, MU KHYUD SNGON PO ZLUM PO NANG MAR CHOS 'BYUNG GRU GSUM GNYIS RIM PHYI MTHING KHA NANG NAG PO ME RI 'BAR BA PHAR 'PHRO BA'I DBUS SU NYI DKYIL STENG GI GUG SNGON PO YU BA RDO RJE SER PO PHYED PA BYAS PA'I SGO NGA'I NANG DU H'Um SNGON POS MTSAN PA, ZLUM PO PHYI MA LAS CUNG BRGAL BA'I PHYI ROL NAS THIG GRU BZHI
, ,'KHOR MAR GDAB PA'I MDUN NAM SHAR DKAR, LHO SER, NUB DMAR, BYANG LJANG KHU STE PHYOGS MDOG ,DE'I PHYI ROL DU CHA PHRAN GNYIS DOR NAS THIG GRU BZHI BTAB STE BSIL BA TSAL GYI DUR KHROD MTSON PA'I GZHI NAG PO LA, SHING KARNDZA, ME LHA RA SKYES LA ZHON PA, ZHING SKYONG RA'I GDONG CAN DMAR PO, THUGS RJE CHU, KLU MTHA' YAS SNA TSOGS, SPRIN GANG BA, RI SPOS NGAD LDAN SER PO, MCHOD RTEN DKAR PO, GRUB CHEN, YE SHES KYI ME, KENG RUS GSAL SHING GIS PHUG PA'I BO, SHING LA DPYANGS PA SOGS NAS RGOD CING DUR KHROD DU 'JUG PA ZHES PA'I BAR TE SHAR LHO'I DUR KHROD MTSAN NYID TSANG BAR 'BRI DGOS GSUNGS PA LTAR BYA, RIN PO CHE'AM ZANGS GZHONG NGAM SHING LDER SOGS BUG PA GAS CHAG SOGS KYI SKYON DANG BRAL BA SHIN TU GTZANG BAR GAD BRDAR BYAS LA, GTOR MA'I RGYU NAS NAG RJEN BTAGS LA MAR KHU CHUR ZHIB CHANG GAR MA BDUD RTZI RIL BU SMAN LNGA, 'BRU LNGA, RIN CHEN LNGA, DRI BZANG LNGA RNAMS BSRES LA ZAN SKA SLA RAN PA LA GTZO GTOR DPAL BSHOS ZUR GSUM KHRU GANG LAS MI CHUNG BA MTHAR MTHEB KYU 'AM BCAD KHAM BRGYA RTZA BRGYAD PHYIR BSTAN PA TSAG DAM PAR BSKOR, GTZO BO'I GA-YON DU LHA MO'I GTOR MA BCAD KHAM SHIN TU CHE BA DRUG RTZEGS MDUN BSTAN, DE'I STENG DU BCAD KHAM STENG DU BSTAN MTHEB RJES MDUN BSTAN NAS BTZUGS, LHA MO PHYAG BZHI MA BSKYED NA DPAL BSHOS ZUR GSUM, MDUN DU KshE TRA P'A LA'I GTOR MA ZAN GRU GSUM GSUM RTZEGS BANG RIM LTA BU'I STENG DU BSHOS BU
ZUR GSUM CHUNG BA, GA-YAS GA-YON RGYAB GSUM DU GNOD SBYIN GZHAN GSUM GYI GTOR MA BSHOS BU ZUR GSUM CHUNG BA RE DANG, GTOR MA ZUR GSUM GA-YAS BCUS RE, NUB BYANG DU GTZANG RIS MGON PO DANG, BYANG SHAR DU DAM CAN RGYA MTSO'I GTOR MA THOG MDE'U'I DBYIBS CAN, BSKANG GTOR ZUR GSUM, GA-YAS GA-YON DU MKHA' 'GRO SPYI'I GTOR MA DANG, GZHI BDAG GTOR MA GNYIS ZLUM PO PAD 'DAB GSUM PA DANG BZHI BA CAN, YI DAM GYI MDUN DU GTOR MA RTZE ZUR RNO BA LTO BA LDIR BA SNYING GZUGS MA STOD CHE LA SMAD CUNG PHRA BA MAR RGYAN CI MDZES, GTZO GTOR LA RTZE MOR NYI ZLA NA D'AS MTSAN PA, RTZE RGYAN NANG PHYAG MTSAN THOD PA GRI GUG GIS BRGYAN PA, GA-YAS GA-YON GSHOG PA RO RKYANG MTSON BYED MAR SNE DBU MAR TSUD PA'I RNAM PA CAN BYED GSUNG, GA-YAS GA-YON DU PHYOGS SKYONG DANG SNGON 'GRO'I GTOR MA ZLUM PO PAD 'DAB CAN LAS GSHIN LA SHA GZUGS MA MTHA' THEBS KYUS BSKOR BA, GTOR MA THAMS CAD SNOD KHENGS PAR BYAS PA LAS PHYIR MA THAL BA GAL CHE ZHING SMUG RTZI SOGS KYIS BYUGS SHING MAR RGYAN ME RI SOGS RNGAMS BRJID DANG LDAN PAR BYA, STENG DU DAR NAG GI GUR PHUB, GTZO GTOR LA TZAKLI GZUG MDUN DU 'BUL YUL GYI GA-YAS NGOS NAS BRTZAMS TE DRAG MCHOD, MTSAN LDAN GYI KA P'A LA CHANG GIS BKANG BA RGYAL BA YAB SRAS KYI PHYAG NAS BYUNG BA'I BDUD RTZI RIL BU BTAB PA DPRAL BA PHAR BSTAN PA 'DI
, ,SGRUB PA MA THON GYI BAR BSGUL BSKYOD YE MI SHOR BAR BYED, YI DAM LA MCHOD PA TSAR GCIG ,PHYOGS SKYONG LA TSAR GCIG ,SNGON 'GRO'I MCHOD PA, LAS GSHIN LA MCHOD PA TSAR GCIG 'DI RNAMS LAS YI DAM PHYOGS SKYONG RNAMS LA CHU GSUM SNGON 'GRO, CHOS RGYAL LA CHU GCIG SNGON 'GRO'I NYER SPYOD, MGON PO 'KHOR BCAS LA RAB MCHOD PA TSAR BRGYAD, 'BRING DRUG ,THA MTSAR GCIG BCAS, 'DOD YON SNA LNGA, PHYI NANG GSANG BA'I RTEN RNAMS LAS, NANG RTEN, GSANG RTEN DNGOS MA 'BYOR KYANG BCOS MA RI MOR BRIS PA TSUN CHAD TSANG DGOS PAR GSUNG, RANG GI 'BYOR KHOS DANG BSTUN PA'I CI 'BYOR TSAD BSHAMS, RANG GI MDUN DU STEGS KYI KHAR NANG MCHOD BDUD RTZI RIL BU BTAB, RDO RJE DRIL BU, tA MA RU, LAS MTHUN GYI DUNG CHEN 'PHRENG BA SOGS 'DU BYAS, GZHI BDAG GTOR MA ZUR BA, BGEGS GTOR, GUL YUNGS RNAMS STA GON BYA, MTSAMS KYI GONG LA SNGON 'GRO BZHI DANG, MCHOD PA, PHYAG, SKU PAR BTAB PA, MKHA' 'GRO SBYIN SREG ,DAM TSIG RDO RJE'I BZLAS PA, YIG BRGYA, 'BYUNG GTOR, GSUNG RAB KLOG PA, DGE 'DUN LA BSNYEN BKUR ZHUS PA, NGAN SLONG LA SBYIN PA GTONG BA SOGS RANG GI CI NUS KYI DGE RTZA BLA NA MED PA BSGRUB NA DNGOS GZHI LA BAR GCOD 'TSUB LHONG CHUNG BAR GSUNG, DNGOS GZHI MTSAMS KYI GNAS SKABS SU MKHO BA'I YO BYAD GANG YANG MI GRI BA CAN
GDON CAN, DAM NYAMS, RANG DANG RANG GI BLA MA SOGS LA 'KHON YOD PA'I LAG NAS BYUNG BA'I MCHOD GTOR GYI RDZAS DANG BZA' BTUNG, YO BYAD GTAN NAS MI LEN, GTOR RDZAS SGRUB PA NAS BSNYEN PA MA THON PAR MCHOD GTOR GANG LA'ANG KHA RLANGS DANG, LUS KYI DRI MA, MCHIL SNABS, 'GOM YUG ,SA RDUL SOGS KYIS YE MA BGOS PA, BZA' BTUNG LONGS SPYOD KYI PHUD SHA STAG GIS MCHOD DGOS SO, ,MTSAMS KYI RING MED DU MI RUNG BA'I YO BYAD CI DGOS RNAMS SNGON NAS TSAGS SU TSUD PAR BYA LA, RANG PHAR 'GRO MI DGOS PA'I SAR SGO MDUN LTA BU'AM GA-YAS GA-YON GANG RIGS SU 'TSAMS THO DKAR ZLUM 'BRU GSUM GYIS MTSAN PA BRTAN POR BTZUGS RTZE MOR KU SHA DANG PHAN DAR SER POS BRGYAN PA BYED DE RANG DANG RANG GI YO BYAD DE LAS PHYIR MA THAL BA, GZHAN DANG GZHAN GYI YO BYAD GSAR BA THO DE LAS NANG DU MA THAL BA DANG, RANG GIS GZHAN MI MTHONG BA DANG, GZHAN GYIS RANG TSUR MA MTHONG BAR BYED, MTSAMS 'OG TU RANG GI BLA MA PHA MA SMAN PA MTSAMS GA-YOG BYED RTZIS KYI CHOS GROGS GNYIS GSUM TZAM RDE'U'I GRANGS RTZIS TE MTSAMS THO'I RTZAR RAM GANG BDER 'JOG ,DE NAS RANG GI MAL DU SA DKAR RAM 'BRU DKAR GYI SNA TSOGS RDO RJE BRIS, DE'I STENG DU KU SHA DUR BA RTZA BA PHYIR BSTAN RTZE MO NANG DU BSTAN PA BKRAM, DE STENG SHING KHRI DRA MIG MA'AM 'BOL STAN BTING LA LAG PA GA-YAS GDAN LA REG STE
, ,AOm BADZRA AA SA NA H'Um PHAt, CES BRJOD DE SA GZHI BYIN RLABS, PHYI NANG KUN TU BSANG BDUG LEGS PAR BYA ZHING BDE BA'I STAN LA TSUL MTHUN GYIS 'KHOD LA, BDUD RTZI RIL BU 'AM MED NA BYIN GYIS RLABS PA'I NANG MCHOD KYIS KHA DAG PAR BYA, DE YANG GZA' SKAR 'PHROD SBYOR BZANG PO'I YAR NGO'I CHOS BRGYAD DAM, MAR NGO'I BCU BZHI'AM NYER DGU'I SROD LA MGO RTZAMS PAR GSUNGS, RANG YANG YI DAM GSANG BDE 'JIGS GSUM SOGS YI DAM GANG BYED KYANG RUD MOD MKHAS GRUB THAMS CAD MKHYEN PAS 'JIGS BYED LA BRTEN NA 'BREL CHAGS SHING GSHIN RJE GSHED KYIS SKU'I GZI BRJID BSKYED PAR BE'U BUM SOGS LAS 'BYUNG BA LTAR GAL CHE BAR GSUNGS PAS, RDO RJE 'JIGS BYED BCU GSUM MA'AM BDUD LAS RNAM RGYAL GANG RUNG LAS RUNG SBYIN SREG KHA SKONG BCAS BSGRUB PA SNGON SONG ZHIG GIS BYED DGOS PAR MNGON NO, ,DE NAS 'JIGS BYED DPA' BO GCIG PA'I BDAG BSKYED RGYAS BSDUS GANG RUNG SNGON DU BTANG NAS NGA RGYAL LA GNAS BZHIN PA'I NGANG NAS MUN MA RUB GONG LA GZHI BDAG LA GTOR MA BTANG STE BSNYEN SGRUB MTHAR PHYIN PA'I GROGS DON BCOL, PHYI NANG GI BAR CHAD SEL BA'I CHED DU BGEGS GTOR BSNGO BGEGS GTOR PHYIR DOR BA'I TSE GNAS KHANG GI GAD SNYIGS SGO RGYAB TU BZHAG PA DANG MNYAM DU PHYIR DOR, DE NAS MTSAMS THO'I RTZAR PHYIN TE THO RGYAL CHEN 'PHAGS SKYES
POR BSKYED MCHOD GTOR PHUL TE 'PHRIN LAS BCOL, SPOS RKANG GCIG SBAR MCHOD GTOR BSDUS NAS NANG DU 'ONG NAS GDAN LA 'KHOD DE, H'Um ZHES BRJOD DE THUN MONG GI BSRUNG 'KHOR BSGOM LA, PHYI NANG GI MTSAMS LEGS PAR BCAD LA BSRUNG 'KHOR GYI NANG DU MTSAMS 'OG TU GANG YOD TSUD PA'I DMIGS PA BYA, DE NAS SA SROD LA BABS DUS MGON PO LA BSKANG GSO GTOR 'BUL 'PHRIN BCOL BZLAS PA BSTOD PA MDOR BSDUS BYAS TE 'DOD GSAL LA 'JUG GO ;DE'I SANG NYIN THO RANG DES NAM GYI SUM CHA LUS PA NA LDANG BA'I RNAL 'BYOR GYIS LANGS, KHRUS KYI RNAL 'BYOR GYIS PHYI NANG GI KHRUS BYAS, GOS KYI RNAL 'BYOR GYIS GOS TSAGS LEGS PAR BYAS, RTEN LA PHYAG GSUM BGYIS TE DUS DRAN BSTEN STAN LA 'KHOD DE 'GYUR SNGAGS DANG, NGAG BYIN RLABS, PHRENG BA BYIN RLABS RNAMS BYAS KUN SLONG GSAL LEGS PAR BTAB STE SKYABS 'GRO BRGYA SKOR, SEMS BSKYED TSAD MED BZHI RGYUD DANG 'DRES DES, BLA MA'I RNAL 'BYOR DGA' LDAN LHA BRGYA MA'I SGO NAS GSOL 'DEBS KYI RGYAL BO DMIGS BRTZE MA BRGYA RTZA, DPAL LDAN SA GSUM MA, YON TAN GZHI GYUR MA'I SGO NAS LAM YONGS RDZOGS LA BSHAR SGOM SOGS NAN TAN TU BYA'O, ,DES NAS LHA BZHI DRIL SGRUB TSIG LHUG MA'AM THU'U BKVAN GSUNG GI TSIGS BCAD MA LTA BU GANG RUNG GI SGO NAS DBANG BZHI BYIN RLABS DANG BCAS SNGON DU 'GRO BAS, RTZA BA'I BLA MA RNAMS GSAL BAR DMIGS TE BLA BRGYUD, SKAD CIG KROD BSKYE
, ,(NANG MCHOD, MCHOD PA BYIN RLABS, YIG BRGYA NYER GCIG TSANG BA'I RDOR SEMS BSGOM BZLAS, TSOGS ZHING NAS GTOR MGRON GSHEGS GSOL BAR GZHUNG BZHIN DANG NYER BSDU'ANG BYA BAR YANG GSUNGS PAS NA BSRUNG 'KHOR BA'I GTOGS PA'I NYER BSDU BYAS THUN MTSAMS KYI LHA ZHAL GCIG PHYAG GNYIS PAR SKUR BZHENGS NAS, (DE NAS MGON PO'I NANG MCHOD DANG,) NYER SPYOD 'DOD YON BCAS PA'I BYIN RLABS, MCHOD RDZAS BYIN RLABS SNGAGS DRUG PHYAG RGYA DRUG BDEN STOBS BCAS SONG NAS, DE NAS MDUN GYI MAndAL BSANGS SBYANGS, STONG PA'I NGANG LAS RANG GI MDUN DU DUR KHROD CHEN PO BSIL BA'I TSAL GYI DUR KHROD KYI MTSAN NYID THAMS CAD YONGS SU RDZOGS PA'I DBUS SU SHING TZANDAN GYI SDONG PO RKANG GCIG PA, DE'I MDUN DU CHOS 'BYUNG GRU GSUM PA DE'I NANG GI DBUS SU PAm LAS PADMA RAm LAS NYI MA'I DKYIL 'KHOR GYI STENG DU GAm LAS TSOGS BDAG DKAR PO (ZHES SOGS MKHAS GRUB THAMS CAD MKHYEN PA'I GTOR CHOG GZHUNG LTAR MNGON RTOGS, SPYAN 'DREN SKABS SPOS SBYOR BSREGS, DAM YE DBYER MED DU BSTIM PA, GDAN 'BUL, PHYAG 'TSAL, PHYI MCHOD, NANG MCHOD BCAS GTONG, DE NAS BLA MGON DBYER MED KYI MAN NGAG BZHIN GSOL 'DEBS RTZE GCIG TU BYA, DE NAS GRIB SEL GYI MAN NGAG BZHIN GSOL 'DEBS DANG BCAS 'BRU GSUM BRGYA RTZA YIG BRGYA NYER GCIG RNAMS THUN MONG
MA YIN PA'I DMIGS RNAM MAM THUN MONG BA DKYUS LTAR GANG RIGS, GDUNG SHUGS DRAG PO'I SGO NAS BSHAGS PA DANG BSKANG RDZAS BYIN RLABS BYAS TE,) RTZA BRGYUD BLA MA, SA BCU MA'I, DA BCOL LEGS PA'I RTEN DU 'BUL, BCOL BA'I 'PHRIN LAS 'GRUB PAR MDZOD, ,KYI BAR BYA ZHING, BGEGS KYI MTSAN MA SHAR TSE BSKUL BZLOG PHYANG? BYA PAR GSUNG, DE NAS GNAD 'BEBS KYI DMIGS PA DANG BCAS MGON PO'I SPYI GTZUG TU NAS CHAR BZHIN DU 'BENGS PAR GYUR ZHES DMIGS PA DANG BCAS, NA RA KRIm KRIm THUN RE LA BRGYA RTZA RE MA CHAGS PAR BZLAS NA DGOS PA CHE, 'DIR THUN MONG MA YIN PA'I MAN NGAG SOGS MANG BAR YOD CES GSUNGS PAS 'DOD NA MKHAS PA'I ZHAL KHYIM LAS MNYES PA GSUM GYIS MNYES PAR BYAS TE RTOGS DGOS PAR MNGON, ,SKABS 'GAR MTSAMS 'DIR GSHEN RJE GSHED KYI SGO NAS SKU'I GZI BRJID BSKYED PA DGOS PAR GSUNGS PAS DE'I TSUL NI BSNYEN YIG SOGS NAS RTOGS PAR BYA'O, ,'DI NI RGYUN DU MI BYA, DE NAS BZLAS PA DNGOS GZHI LA SNYING PO 'AM SROG SNGAGS, RTZA SNGAGS, 'KHOR SNGAGS BZLA BA'O, ,DANG PO SNYING PO 'AM SROG SNGAGS KYI BZLAS PA'I DMIGS PA BYED TSUL NI, RANG YI DAM GYI NGA RGYAL BRTAN PO'I NGANG NAS SNYING PO BZLAS PA LA, RANG YI DAM DU GSAL BA DANG, MDUN GYI MGON PO GNYIS KYI CHOS NYID LA DBYE BA MED KYANG, RNAM PA GANG LA GANG 'DUL GYI DRAG PO'I GZUGS SU SHAR BA YIN SNYAM PA DANG, MGON PO YANG NGO BO STONG PA NYID CHOS KYI SKU
, ,RNAM PA SHIN TU DRAG CING KHROS PA GSUNG BRAG CHA LTA BU GRAGS STONG 'BRUG SGRA SGROGS PA'I SNANG BA DE LA RTZE GCIG TU DMIGS PA BRTAN PO BYA ZHING, SNGAGS BZLA BA'I TSE YANG DMIGS PA 'DI NYID YID YUL DU DRAN PA MA BRJED PA GAL CHE, DE'I NGANG LAS RANG YI DAM DU GSAL BA DANG MGON PO GNYIS KA'I THUGS KAR NYI GDAN GYI STENG DU H'Um YIG RE BSAM, CHU LAS CHU BUR RDOL BA'I TSUL DU, RANG GI THUGS KA'I H'Um LAS AOm NAS BZUNG STE HA'I BAR GYI SNGAGS PHRENG KHA DOG NAG PO 'OD ZER ME STAG LTA BU 'PHROS PA MYUR ZHING DRAG LA RTZUB PA'I RNAM PA CAN RANG GI ZHAL NAS THON, MGON PO'I ZHAL DU ZHUGS, THUGS KA'I H'Um LA THIM, MGON PO'I THUGS KA'I H'Um LAS THON, LTE BA NUS LTE BAR ZHUGS, SNYING KA'I H'Um LA THIM, YANG DE NAS THON, ZHAL NAS ZHAL DU ZHUGS, LTE BA NAS LTE BAR ZHUGS TE 'GAL ME'I 'KHOR LO LTA BUR 'KHOR BAR BSAM LA DMIGS BRTZE GCIG TU GTAD DE, AOm BADZRA MAH'A LA (ZHES SOGS CI NUS SU BZLA, YANG,) MGON PO'I THUGS KAR NYI GDAN GYI STENG DU MGON PO'I THUGS DANG DBYER MED PA'I H'Um YIG SNGON PO DE'I MDUN NAS BRTZAMS TE GA-YAS SKOR DU SNGAGS PHRENG YI GE DBU CAN GYI RNAM PAR LANGS PA ZHIG GIS BSKOR (BAR BSAM LA, DE LA DMIGS PA RTZE GCIG TU GTAD NAS BZLA, RTZA SNGAGS BZLA SKABS RANG YI DAM GYI NGA RGYAL BRTAN PO'I NGANG NAS
MDUN GYI MGON PO LA BKA' BSKO BA'I TSUL DU,) RANG GI THUGS KA'I H'Um LAS 'OD ZER 'PHROS MGON PO'I THUGS KA'I H'Um LA PHOG PAS THUGS RGYUD BSKUL TE CI BCOL BA'I LAS SGRUB PAR (BSAM,) MGON PO YANG 'KHOR RNAMS LA SPYAN HRIG HRIG GZIGS PAS, 'KHOR RNAMS RANG DBANG MED PAR BDAG GI ZHI RGYAS DBANG DRAG GI LAS THAMS CAD THOGS PA MED PAR SGRUB PAR (BSAM LA,) AOm SHR'I MAH'A KA LA SHA SA NA (ZHES PA NAS) SMA RA SI TA T'A H'Um H'Um PHAt PHAt SV'AH'A, (ZHES CI NUS BZLA,) AI DAm DUshtAm (MAN CHAD DRAG PO'I SPEL TSIG YIN PAS BSNYEN PA'I SKABS SU MI DGOS GSUNG, DE NAS 'KHOR GYI BSNYEN PA'I SKABS SU BZLAS DMIGS BYA TSUL NI, LHA MO SOGS 'KHOR GNOD SBYIN BZHI'I THUGS KAR NYI GDAN RE RE, DE RNAMS KYI STENG DU RANG RANG GI SA BON BHYO KshAm DZRIm t'Am TRAm (RNAMS BSAM,) DE RNAMS SO SO'I MTHA' SKOR DU RANG RANG GI SNGAGS KYIS GA-YAS SKOR DU BSKOR BA LA DMIGS NAS CUNG ZAD RE BZLA, DE NAS THUN MJUG TU LHAG CHAD KHA BSKANG BA'I YIG BRGYA CUNG ZAD RE BZLAS, GTOR MA BYIN GYIS RLABS NAS,) DNGOS GRUB STZOL BA'I DUS LA BABS KYI MA GA-YEL CIG ,(CES PA'I BAR DANG, LJAGS BYIN RLABS LA, THOD PA'I PHYAG RGYA BYAS NAS,) H'Um (DANG POS GTOR MA BDUD RTZIR GSAL BA'I STENG DU H'Um YIG DVANGS GSAL 'OD KYI RANG BZHIN THOL BYUNG DU BSAM,) H'Um (GNYIS PAS BDUD RTZI STENG GI H'Um YIG LAS 'OD ZER 'PHROS PAS RANG GZHAN GYI CHOS SGRUB PA SOGS LA BAR DU GCOD PA'I NAD GDON SDIG SGRIB DGRA BGEGS MI
, ,MTHUN PHYOGS THAMS CAD BKUG PA DANG, PHYOGS BCU'I RGYAL BA SRAS BCAS RNAMS DANG DPA' BO RNAL 'BYOR MA RNAMS KYI THUGS KA NAS KYANG YE SHES KYI BDUD RTZI BKUG NAS BSTIM PA'I MOS PA H'Um GSUM PA'I TSE MGON PO 'KHOR BCAS KYI LJAGS RDO RJE RTZE GCIG PA 'OD KYI SPU GUS GTOR MA LA ZUG PAR BSAM, H'Um PHYI (MA GSUM BRJOD PA'I TSE GTOR MA RDUBS TE SIB SIB GSOL BAR BSAM,) AOm BADZRA MAH'A K'A LA (SOGS LAN BDUN, GZHAN RNAMS LAN GSUM GSUM GYIS 'BUL, BAR CHAD SOGS KYI RNAM PA CHE SKABS BSGRAL BA'I LAS DRUG SOGS KYI DMIGS PA BYAS NA LEGS, PHYI NANG GI MCHOD PA, GTZANG SBYAR MA SOGS GTOR RDZONG THAL BRDAB, MKHA' 'GRO SPYI GTOR GZHI BDAG GTOR MA,) MYUR MDZAD MA, RNGAMS PA'I SGRA SGROGS, BSKAL ME MA DANG, DKA' BA DANG BLANG RE MOS, BKA' NYAN MA, DUR KHROD 'JIGS RUNG MA DANG, DPAL LDAN MGON PO GNYIS RE MOS, DPAL LDAN MGON PO'I BKA' NYAN PHO NYA'I TSOGS DANG, STENG TSANGS MA RE MOS, (MNGA' GSOL RDO RJE 'CHAD DNGOS BLA MA DANG, ,(NAS,) MGON DANG SKYABS SU MNGA' GSOL LO, THUN DANG PO LA GTANG RAG GI MCHOD PA DANG YE SHES PA GSHEGS GSOL BSDUD RIM GANG YANG MI BYED PAR MGON PO 'KHOR BCAS DE NYID DU KHRA PHUNG DE BZHUGS PAR BSAM LA,) BLA MA MGON PO DBYER MED LA, ,(ZHES SOGS NYER GCIG ,
DGE BA 'DI YIS NAS 'GRUB GYUR CIG ,CES GSOL BA BTAB,) MGON PO'I THUGS KA'I H'Um LAS H'Um MTHING KHA CHAD DE GTOR MA'I DBUS SU BZHUGS PA 'OD 'BAR BA DANG BCAS PAR GYUR, (ZHES GTOR MA LA BSRUNG BA'I MAN NGAG GI DMIGS PA BYAS NAS THUN MTSAMS KYI BYA BA LA 'JUG GO ,THUN PHYI MA RNAMS LA MCHOD GTOR KHA GSOS, THUN DRUG RNAL 'BYOR, MCHOD PA BYIN RLABS, DPA' BO GCIG PA'I MNGON RTOGS TSOGS ZHING NAS MTHAR CHAGS SU GTONG, GTOR MGRON GSHEGS GSOL BAR SONG NAS, MCHOD GTOR BYIN RLABS NAS 'BYUNG GYUR CIG GI BAR,) RANG GI MDUN DU (ZHES PA NAS) PADMA NYI MA'I DKYIL 'KHOR GYI STENG DU TSOGS BDAG ZHES GAN RKYAL DU BSKYEL BA, DE'I STENG DU MYUR MDZAD YE SHES KYI MGON PO ZHES DANG, DE'I GA-YON DU MA CIG 'DOD PA KHAMS KYI DBANG PHYUG MA ZHES DANG, MGON PO'I MDUN DU GNOD SBYIN DPAG TU MED PA'I DBUS SU KshE TRA P'A LA (ZHES SOGS BRJOD NAS GSAL GDAB PA LAS SA BON LAS MI BSKYED, DE MIN GZHUNG BZHIN BZLAS PA'I MJUG GI YIG BRGYA BAR SNGAR DANG 'DRA BA LA MTSAMS DER GTOR MA'I DBUS KYI H'Um YIG MDUN GYI MGON PO'I THUGS KA'I H'Um LA THIM PAR GYUR BAR BSAM LA, GTOR MA BYIN RLABS NAS, GTOR MA'I DBUS SU BZHUGS PA 'OD 'BAR BA DANG BCAS PAR GYUR GYI BAR SNGAR DANG 'DRA, THUN THA MA LA MJUG TU GTANG RAG GI MCHOD PA DANG 'DOD DON LA GSOL 'DEBS SMON LAM BTAB LA, YE SHES PA GSHEGS
, ,GSOL DANG BSDUD RIM SOGS MI BYED PAR BKRA SHIS BKA' RGYA MA BYAS LA 'OD GSAL LA 'JUG GO ,DE LTAR MTSAMS ZHAG BDUN NAM, NYER GCIG GAM, ZLA BA DRUG GAM, LO GCIG GAM, ZLA BA BCVO BRGYAD LA SOGS PAR MTHAR PHYIN PA'I TSAD LA RAB MTSAN MA, GRANGS, DUS KYI BSNYEN PA GSUM, DANG PO LA, MGON PO DANG, LHA MO'I SKUR BA DNGOS SAM, 'BRING NYAMS SNANG, THA MA RMI LAM DU MTHONG BA'O, ,YANG NA, MI NAG , MON NAG ,AA TZA RA NAG PO DANG, DOM DANG GA-YAG RGOD LA SOGS PA SGRUB KHANG GI NANG DU DNGOS SAM NYAMS SNANG LA MTHONG BA'AM, GTOR MA LAS 'OD DANG SHA CHEN GYI DRI BSNAM PA, 'UR SGRA DANG, CHOM SGRA 'BYIN PA, GTOR MA DANG SGRUB RDZAS LAS SGRA BYUNG BA SOGS DANG, GZHAN YANG, RMI LAM DU, BYA NAG ,MI NAG ,MON PA RAL BA CAN DANG, SNGAGS PA RAL BA CAN, GA-YAG NAG ,LUG NAG ,KHYI NAG SOGS LUS RGYAS SHING SHA DANG SPU SOGS RGYAS SHING MDZES PA DANG, MI DPON, BU SMAD RGYAN BZANG, BLA MAS CHOS DANG ZANG ZING GI DNGOS PO GNANG BA, SKYE BO GZHAN GYIS RANG LA BZA' BTUNG STER BA, THOD PA CHANG GIS BKANG NAS BTUNG BA, RANG GIS MI SHA ZA BA DANG, DAR PHYAR GA DUNG 'BUD PA, NYI ZLA SHAR BA SOGS LAN GCIG MA YIN PAR YANG YANG RMIS NA MGON PO'I THUGS RANG LA NYE BA'I RTAGS SU GSUNGS SO, ,GZHAN YANG, RANG NYID MKHAR BTZAN PO'I NANG DU 'DUG PA DANG, RDZONG NANG 'DUG PA DANG PO
CHA GYON PA SOGS RMIS NA RANG BSRUNG BA'I RTAGS SU SHES PAR BYA'O, ,GZHAN YANG, BYA NAG MI NAG GA-YAG NAG LUG NAG LA SOGS PA MDOG DANG SPU NYAMS SHING THANG LA 'KHYAMS PA DANG, RANG LA TSUR RGOL ZHING MI DGA' BA DANG, BU SMAD NAG PO RGYAN MED CING DU ZHING 'THAB PA DANG, KHYI NAG GIS RMUGS PA SOGS RMIS BYUNG NA MGON PO KHROS PA'I RTAGS YIN PAS BLA MA MGON PO LA GSOL 'DEBS DANG, BSRUNG 'KHOR, BSKANG BSHAGS SOGS LA 'BAD, YANG MGON PO'I PHYAG MTSAN MTSON CHA CHAGS PA DANG, DAM RDZAS ROL CHA SKAD MED PA DANG, MDZE PO DANG, MI GTZANG BA SOGS RMIS NA NYAMS GRIB PHOG PA'I RTAGS YIN PAS BSHAGS PA DANG GRIB SEL YIG BRGYA SOGS LA 'BAD PAR BYA'O, ,GNYIS PA GRANGS BSNYEN NI SROG SNGAGS 'BUM PHRAG BCU GSUM, NA RA KRIm KRIm 'BUM PHRAG BCU GSUM, RTZA SNGAGS 'BUM PHRAG GCIG GAM RTZOD LDAN BZLAS PA BZHI 'GYUR GYI DGONGS DON LTAR NA, RTZA SNGAGS DANG SNYING PO BYE BA BZLAS NA LEGS GSUNGS, 'KHOR BZHI LHA MO RNAMS LA 'BUM GTER RE BZLAS PAR BYA'O, ,DUS KYI BSNYEN PA NI RAB ZLA BA BCO BRGYAD, 'BRING ZLA BA DRUG ,THA MA ZHAG BDUN NAM NYER GCIG SOGS BYA'O, ,DE LTAR BSNYEN PA THEM NAS SANG NAD PAR GROL RGYU'I DO NUB THUN THA MAR MTSAMS NANG GI GTOR MA DE MGON PO 'KHOR BCAS LA 'BUL, BSTOD PA RGYAS PAR BYA ZHING, DE NAS SPOD LA BABS PA'I DUS SKYE BO GZHAN GYIS DBEN PA'I DUS SU, GTOR MA DE SLAR GSOS, DE LA
, ,DPAL 'BAR BTZUG ,SGRUB KHANG GI STENG DU KHYER LA SHAR LHO'I MTSAMS SU STEGS MTHON POR CHANG CHU NANG MCHOD KYIS BRAN, MCHOD PA GTOR MA RNAMS BYIN RLABS BYAS LA, SNGAGS DRUG PHYAG RGYA DRUG GIS KYANG BYIN GYIS RLABS, RANG GI THUGS KA'I H'Um SNGON PO (ZHES SOGS KYI SPYAN DRANGS,) DUR KHROD MA'I (TSIGS BCAD SOGS DANG, KHRIm RING PO, GDAN 'BUL, CHOS DBYINGS MAS BSTOD, MGON PO 'KHOR DANG BCAS ZHES SOGS H'Um DRUG DANG BCAS GTOR CHOG LTAR GTOR 'BUL, NYER SPYOD, GTOR RDZONG, MKHA' 'GRO SPYI GTOR, GZHI BDAG ,BSTOD PA MYUR MDZAD MA, DKA' BA DANG BLANG, DPAL LDAN MGON PO, DAM CAN RGYA MTSO RNAMS KYIS BSTOD, DE NAS, SA BCU'I DBANG PHYUG NAS 'PHRIN LAS RNAM BZHI 'GRUB PAR MDZOD, ,SKABS 'DIR GTOR MA CHE BA RNAMS KYI RTZE BCAD DE SHAR LHO'I MTSAMS SU GTOR, DE YANG MTSON GYIS GCOD MI RUNG, SHING GRI LTA BUS BCAD PAR BYA'O, ,NANG MCHOD, GSER SKYEMS, YUL LNGA GZHI BDAG GNYAN PO 'KHOR DANG BCAS, ,'DIR GSHEGS RGYAN GYI GTOR MA NAS KHYOD KYIS SGRUBS, ,H'Um RDO RJE 'CHANG DNGOS (NAS) MNGA' GSOL LO, ,SRID ZHI MA, DGE 'DUN SDE RNAMS, YIG BRGYA, BZOD GSOL,) BADZRA MU SPYAN DRANGS PA'I MDUN GYI MGON PO 'KHOR BCAS RANG GNAS SU GSHEGS PAR GYUR (CES GSHEGS GSOL BYAS,) GTOR LHAG
BSDUS NAS NANG DU 'ONG GTANG PAR GI MCHOD BSTOD, YIG BRGYA GANG MANG, RTEN LA BRTAN BZHUGS, SMON LAM, DGE BA BSNGO YON TAN RAB RDZOGS MA'I BKRA SHIS BKA' RGYA MA DANG, SHIS BRJOD GZHAN YANG GANG RGYAS SU BYA'O, ,SANG ZHOG MTSAMS THO'I LHAR MTSONG GTOR BSHAMS TE, THO GSHEGS GSOL DANG, DKYIL 'KHOR DANG MCHOD PA SPYAN GZIGS SOGS BSDU, BRTAN BZHUGS BYAS PA'I BRIS SKU DANG, NANG RTEN SOGS GZHAN GYIS MI MTHONG BAR BZHUGS SU GSOL, DE NAS PHYI NANG GI MTSAMS RIM PAR GROL, RGYUN PAR YANG BLA MA MGON PO DBYER MED DU MOS NAS GSOL BA 'DEBS PA SOGS DANG GTOR 'BUL MA CHAG PA GAL CHE'O, ,GZHAN YANG, RTEN LA BRTEN PA'I BSNYEN PA BYA TSUL NI, DAM TSIG PA MI BSKYED PAR;) RANG GI THUGS KA'I H'Um GI 'OD ZER GYIS SHAR LHOR BSIL BA'I TSAL NAS MGON PO 'KHOR DANG BCAS PA SPYAN DRANGS NAS MDUN DU BZHUGS PAR (BSAM LA MCHOD BSTOD SOGS BYAS LA, DE'I THUGS KA'I SNGAGS 'PHRENG LA DMIGS NAS BZLAS PA BYA BA SOGS SNGAR BZHIN NA, ,DE LTAR GONG DU BRJOD PA DE DAG LAS PHUN SUM TSOGS PA'I YAN LAG TU 'GRO BA NGES BZUNG DU DGOS RIGS RNAMS KYANG 'DIR BKOD YOD PAS RGYAS BSDUS BYED TSUL SOGS SLA CHOS SU MA SONG BAR ZHIB DPYAD KYIS THOG NAS BLA MA MGON PO MNYES PA'I THABS MCHOG SNGAGS GRANGS BSOG PA TZAM GYIS CHOG PAR MI 'DZIN PAR GNAD CHE BA 'GANGS MTHA' DAG MA BOR BAR DAL BA'I RTEN LA SNYING BO LEN PA'I THABS LA
, ,SGO KUN NAS 'BAD TSOL LO, ,'DIR SMRAS PA, RGYAL KUN SNYING RJE RANG GZUGS LHAG PA'I LHA, ,LNGA BDO'I MI BSRUN 'DUL SLAD KHRO BO'I GAR, ,LHA CHEN MA H'A K'A LA'I SKUR STON GANG, ,GANG DE'I THUGS RGYUD NYE BAR BSNYEN PA'I THABS, ,MKHAS GRUB DAM PA'I GSUNG GSANG RGYA MTSO LAS, ,BDAG BLO RMONGS PA'I RI BOS BSRUB PA'I BCUD, ,AINDRA N'I LA'I DO SHAL SPEL BA LA, ,RMONGS PA'I DRI MAS BGOS PA BYI DOR 'TSAL, ,TSUL 'DIR 'BAD PAS DGE BA'I CHA MCHIS NA, ,BLA MA MGON POS DGYES BZHIN RJES BZUNG STE, ,THUN MONG MCHOG GI DNGOS GRUB MYUR BSTZAL TE, ,YE SHES MGON PO'I ZHAL BZANG MTHONG BAR SHOG , ,,(CES MYUR MDZAD MGON PO'I BSNYEN YIG DON GNYIS MCHOG SBYIN ZHES BYA BA 'DI YANG AOR TU SU T'A LAD B'E ZI'I SHOG GI DGE SLONG BLO BZANG BSTAN 'DZIN NAS YANG YANG BSKUL BA DANG, GZHAN YANG DON GNYER CAN 'GAS RNA BA 'DZER BA'I NGO MA BZLOG PAR, DAM PA'I GSUNG LAS SNE ZIN SPU ZIN DU BTUS TE BSGRIGS PA BO, DUS MTHA'I BTZUN GZUGS 'CHANG BA BIKshU MA TI PO DHI SHA SA NA S+YA D'I BAm LI KHI TAm, 'DI SBYAR DGE BAS 'GRO KUN BDUD BZHI'I GA-YUL LAS RGYAL BAR GYUR CIG , ,,SA MA YA GU HYA: