*, ,CHO GA BRGYA DBANG BRGYA'I 'DON 'GRIGS MUN BSANGS BYED ZLA BA'I THEG LE ZHES BYA BA BZHUGS SO, ,
, ,NA MO GU RU BADZRA BHEE RA WA YA, RDO RJE 'CHANG DBANG STEN PA'I DBANG PHYUG DANG, ,DBYER MED KHYAB BDAG 'JAM PA'I RDO RJE LA, ,SGO GSUM DVANGS BAS ZHABS LA GUS BTUD NAS, ,'GRO BA'I RKYEN SEL DBANG BRGYA THIG BRGYA'I TSUL, ,DAM PA'I GSUNG LA GZHI BYAS 'JIGS MDZAD LA, ,BRTEN NAS CHO GA'I 'KHRIGS CHAGS DGOD PAR BYA, (,DE LA 'DIR YO GA'I RGYUD NAS GSUNGS PA'I GSON DBANG BSKUR TSUL LA RJE CHU BZANG RIN PO CHE NAS NAD PA SHIN TU THU MOR DBANG BRGYA THIG BRGYA'I RNAM BZHAG KUN RIG LA BRTEN NAS MDZAD PA GSO RIG DAR RGYAS GLING DU PHYAG BZHES MDZAD RGYUN MA NYAMS PA JI BZHIN DUS GRVAR 'JIGS MDZAD DPA' PO GCIG PA LA BRTEN PA'I DBANG BRGYA THIG BRGYA'I 'DON TSUL PHYAG
, ,LEN GSAL BAR 'KHOD PA ZHIG DGOS ZHES YANG YANG RNA BA 'DZER BAR BRTEN RMA KHAR PHAN NA KHYI TSEL GYI DPE LTAR SNGON CHAD BDE GSANG 'JIGS GSUM LA GSON GSHIN GYI DBANG BSKUR TSUL MKHAS GRUB GONG MA RNAMS KYI MDZAD PA CHES MANG MOD, BRGYA RTZA STONG RTZA'I RNAM BZHAG RJE CHU BZANG RIN PO CHES YO GA'I RNAL 'BYOR LA BRTEN PA MA GTOGS MA BYUNG BA'I RKYEN GYIS KHYOD KYI 'DI RTOGS BZO 'BA' ZHIG GO ZHES ZER NA, GTAN NAS RGYUD SDE RNAMS LAS MA GSUNGS PA ZHIG BKOD NA DGONGS DAG MOD, RGYUD SDE GONG MA NAS YANG YANG GSUNG ZHING MKHAS GRUB DU MAS GSON GSHIN GYI DBANG BSKUR TSUL BLA MED KYI LHA MANG PO LA BRTEN PA GSUNG 'DUG BAS NA GCIG CHOG NA MANG PO KHEG MI THUB PAS GTOR MA BRGYA RTZA STONG MCHOD SOGS MTSAN GZHI GRANGS GYIS MI LANGS PA ZHIG YOD PAS SO, ,YANG RTZOD
BZLAS PA BZHI 'GYUR DU DGOS PAR GSUNGS PAS NA DA LTA'I GRONG CHO GA MKHAN PO RNAMS SBYIN BDAG GI SAR PHYIN TSE SNGA DRO NAS TSA RTING MA YOL BAR SKYABS 'GRO TZAM YANG MI 'DON PAR BZA' BTUNG DANG LONG GTAM SNA TSOGS KYIS NYIN PHYED BAR 'DAS SHING NYIN PHYED NAS KHA MED MIG MED KYI CHO GA RI GZAR GYI 'BAB CHU LTA BU GRANGS TSANG MIN LA MI BLTA BAR NYI MA PHYI DROR SLEBS PA'I TSE LHAG PA DANG NI CHAD PA DANG GIS KHA BSKANG BAR BYED KHUL GYIS SBYIN BDAG GI MGO BO BSKOR BAR SNANG MOD RANG LA BU LON GYI PHUNG POR GYUR BAR MTSOR BAR SBYIN BDAG GI 'BUL BA LEGS PAR MA BYAS PA'I RKYEN GYIS NAD PA DVANGS BSKYED MA BYUNG BA'I KHAG NGAN 'GEL BAR MANG PO MTHONG BAS NA, DAM PA RNAMS KYIS BRGYA STONG KHRI 'BUM GYI RIM GRO BSTZAL BA'ANG DGOS PA SHIN TU CHE BAR MTHONG NAS, 'DIR DBANG BRGYA THIG BRGYA'I 'DON 'GRIGS KHYER BDE BAR 'GOD PA LA, YI DAM GYI MCHOD GTOR MTHONG BRGYUD LTAR BSHAMS, NAD PA'I DRI GOS GZAN SHAM LTA BUR THAR CHOD PAR BKRAM LA, DE'I STENG DU GRO ZHIB TSAGS LA RGYAB BAR DKYIL 'KHOR GYI THIG BAR BTAB NAS BRGYA RTZA LA SOGS PA GRANGS TSANG BAR BYAS, RANG SKYABS SEMS TSAD MED BZHI RGYUD 'KHUL NGES SU BTANG, YI DAM RDO RJE 'JIGS BYED DPA' BO GCIG PA'I BRGYUD 'DEBS NAS BZUNG BDAG MDUN 'JUG PA GCIG PA'I RNAL 'BYOR RGYAS PA GTOR MGRON GSHEGS GSOL GYI BAR BTANG, BSANG CHU YONGS GRAGS LTAR BSGRUB, BSGRUB BYA SBYOR BZOD PA YIN NA MDUN DU PHYAG 'TSAL LA ME TOG GTAD DE 'KHOD LA, MAndAL PHUL, KHRUS DBANG DNGOS TSE LDAN LA BYA TSUL YONGS GRAGS LTAR DGUG GZHUG LAN GSUM, GNAS GSUM DU YI GE GSUM 'GOD, KHRO BO SPYAN DRANGS TE MCHOD BSTOD, GTOR MA
, ,SBYIN PA, BKA' BSGO BA, BGEGS BSKRAD PA, SDIG SGRIB SBYANG PHYIR MKHA' 'GRO SBYIN SREG ,PHYIR BZLOG GIS SBYANG BA LA GZUNGS BYIN RLABS CAN SOGS BZLAS NAS YUNGS KAR LA BSNGAGS NAS, BRAB SNGAGS BCO LNGA BRJOD DE BSGRUB BYA LA BRDEG ,KHRUS KYIS SBYANGS PA LA, DKYIL 'KHOR LHA TSOGS LA KHRUS GSOL BYAS NAS SLAR BUM PAR BLUG NAS BSGRUB BYA LA PHYIN DRUG GI SGO NAS KHRUS BYA, MI SHIS PA SBYANGS BA LA, BKRA SHIS GANG SER MA'I SHIS PAS SBYANGS PA, BLA MA LHA TSOGS LA PHYAG MCHOD SDIG BSHAGS BCAS PA BYAS NAS BAR CHAD MYUR DU SEL BAR MDZOD, CES BRJOD NAS MAndAL MDOR BSDUS PHUL TE GROL LO, ,DENG SANG MDZAD RGYUN LA PHYIN DRUG GI GRANGS BSOG LAS CHO GA SOGS PHAL CHER GCIG LAS LHAG GNANG SKAD MA THOS BAS, DES NA DBANG BRGYA THIG BRGYA'I MING TZAM DU GYUR SNYAM PAS YID DAG BA ZHIG MA BYUNG ZHING, RJE CHU BZANG BA'I YO GA'I RNAL 'BYOR LA BRTEN PA'I YIG CHA BRIS 'BYAMS SU SONG BA'I DPYAD BZOD PA ZHIG MA MTHONG BA'I RKYEN GYIS JI BZHIN BRJOD DKA' NA'ANG MING DON MTSUNGS NGES ZHIG BYAS NA RANG GZHAN KUN LA PHAN PAR 'GYUR RAM SNYAM PAS MDOR DRIL NAS NYAMS SU BLANGS NA, DANG POR CHO GA RGYAS PA TSAR GCIG BTANG, BRJOD MA THAG PA LTAR KHRUS DBANG YONGS GRAGS LTAR BSKUR, SLAR YANG CHO GA BSDUS PA'I SGO NAS GRANGS BSOG BYAS NA LEGS SHING KHRUS DBANG YANG TSIG SNA CUNG BSDUS TE GRANGS TSANG BAR CHO GA GRVA BA BCU 'AM, BRGYAD DAM, LNGA 'AM, BZHI TSOD KYI STONG MCHOD KYI GRANGS LTAR BYAS NA 'O MI BRGYAL ZHING THUGS MI BSUN PAR LEGS TSOGS CHE BAR MTHONG BAS,
CHO GA BSDUS PA'I 'DON TSUL NI, RANG SKYA THUB PA ZHIG BRJOD NA, BRGYUD 'DEBS NI,) KHYAB BDAG 'JAM PA'I RDO RJE GSHIN RJE GSHED, ,RGYAL BA KUN DNGOS RJE BTZUN TZONG KHA PA, ,YAB SRAS BRGYUD PAR BCAS PA MA LUS LA,, GSOL BA 'DEBS SO BDAG RGYUD BYIN GYIS RLOBS, ,(ZHES BRGYUD 'DEBS BYA, DE NAS,) RANG NYID SKAD CIG GIS x GRI GUG DANG THOD PA 'DZIN PA'I SKUR GYUR (BAR BSAM LA, NANG MCHOD DANG MCHOD PA DKYUS GCIG TU BYIN GYIS BRLABS PA NI,) HR'I: sht'I: SA BSANGS,) SVA BH'A WAS SBYANGS,) STONG PA NYID DU GYUR, STONG PA'I NGANG LAS THOD PA SO SO'I NANG DU MCHOD PA RNAMS KHYAD PAR GSUM LDAN DANG GTOR MA DANG NANG MCHOD ZAG PA MED PA'I YE SHES KYI BDUD RTZI'I RGYA MTSO CHEN POR GYUR, AOm AARGHAm (NAS) SHAPTA'I (BAR GYIS MCHOD,) AOm A'A: H'Um (LAN GSUM GYIS BYIN GYIS BRLABS, LAS SNGAGS KYIS BSANGS,) AOm SVA BH'A WA (SOGS SNGAGS GNYIS KYI DON BSGOMS BZHIN BRJOD LA,) STONG PA NYID DU GYUR, STONG PA'I NGANG LAS YAm BAm RAm LAm LAS 'BYUNG BZHI'I DKYIL 'KHOR GYI DBUS SU H'Um LAS SNA TSOGS RDO RJE H'Um GIS MTSAN PA LAS 'OD ZER PHYOGS BCUR 'PHROS PAS RDO RJES GZHI RVA GUR BLA RE ME RI DANG DUR KHROD BRGYAD KYIS BSKOR BA'I DBUS SU BHR'Um LAS 'KHOR LO SER PO RTZIBS BCU'I STENG DU PAD ZLA NYI MA'I GDAN GSUM GSUM GDAN DBUS MA'I STENG DU H'Um LAS RANG NYID
, ,GNOD MDZES RGYAL PO YAB YUM SNYOMS PAR ZHUGS PA'I THUGS KA'I H'Um GI 'OD ZER GYIS BKUG PA'I KHRO BO BCU ZHAL DU BCUG ,THUGS KAR 'OD DU ZHU BA YUM GYI MNGAL DU ZHUGS PA'I THIG LE BCU LAS H'Um RING PO BCU DANG DE LAS KHRO BO BCU GYUR BA THAMS CAD KYANG ZHAL GSUM PHYAG DRUG PA RANG 'DRA'I YUM LA 'KHYUD PA, H'Um (BCU BRJOD LA,) YUM GYI PADMA NAS SPROS TE PHYOGS MTSAMS BRGYAD DANG STENG 'OG GI GDAN LA GA-YON BRKYANGS KYIS 'KHOD PAR GYUR, RANG NYID GNOD MDZES SU GNAS PA YONGS SU GYUR BA LAS RDO RJE SEMS DPA' DKAR PO ZHAL GSUM PHYAG DRUG PA ZHU BA LAS CHOS 'BYUNG DKAR PO'I NANG DU PAm LAS SNA TSOGS PADMA'I DBUS SU SNA TSOGS RDO RJE'I LTE BAR BHRUm LAS 'KHOR LO BHRUm GYIS MTSAN PA LAS RNAM SNANG DKAR PO ZHAL GSUM PHYAG DRUG PA DE YONGS SU GYUR PA LAS GZHAL YAS KHANG GRU BZHI SGO BZHI LA SOGS PA'I MTSAN NYID THAMS CAD YONGS SU RDZOGS PAR GYUR, GZHAL YAS KHANG GI DBUS SU YAm LAS RLUNG GI DKYIL 'KHOR (ZHES PA NAS,) RDO RJE LA THIM PAR GYUR, ZLA BA NYI MA (NAS;) DPAL RDO RJE 'JIGS BYED CHEN PO SKU MDOG MTHING NAG ZHAL DGU PHYAG SO BZHI ZHABS BCU DRUG PA, (ZHAL PHYAG RGYAS PAR SPROS NA GZHUNG LTAR BYAS KYANG 'THUS, BSDU NA,) PHYAG MTSAN RGYAN CHA LUGS THAMS CAD YONGS
SU RDZOGS PA, SEMS DPA' GSUM GYI BDAG NYID CAN, YE SHES KYI ME DBUNG RAB TU 'BAR BA'I KLONG DKYIL NA BZHUGS PA'I SPYI BOR AOm x THUGS KA'I H'Um LAS 'OD ZER 'PHROS BSGOM PA DANG 'DRA BA'I YE SHES PA DANG DBANG GI LHA RNAMS SPYAN DRANGS, DBANG GI LHAS DBANG BSKUR, MI BSKYOD PA'I RGYAS BTAB PAR GYUR (BAR BSAM,) AOm YA MANTA KA AARGHAm (SOGS KYIS MCHOD,) AOm MCHOD DO, SKU BZHI'I BDAG NYID DRIN CAN RTZA BA'I BLA MA RIN PO CHE'I ZHAL DU AOm A'A: H'Um, BRGYUD PA'I BLA MA RNAMS KYI ZHAL DU x YI DAM LHA TSOGS RNAMS KYI x CHOS KYI RGYAL PO 'KHOR DANG BCAS PA RNAMS KYI x CHOS SKYONG SRUNG MA DAM TSIG CAN RNAMS KYI x PHYOGS SKYONG ZHING SKYONG KLU LA SOGS PA RNAMS KYI x YUL LHA GZHI BDAG RNAMS KYI x AOm AA MRi TA x TSIM PAR GYUR, (GNYIS MED MAS BSTOD, DAG DRAN DANG PHRENG CHOG MI DGOS,) RANG GI THUGS KAR TING NGE 'DZIN SEMS DPA'I MTHAR SNGAGS 'PHRENG GIS BSKOR BAR (DMIGS LA, SNGAGS GSUM CI 'GRUB RE BZLAS LA YIG BRGYA, MCHOD BSTOD GONG LTAR MCHOD GTOR BYIN BRLABS BYAS LA,) SKAD CIG GIS YI DAM LHA TSOGS RNAMS MDUN GYI NAM MKHAR SPYAN DRANGS, STONG GSUM KHYON LTAR YANGS PA'I K'A B'A LAR, ,LHA MI'I BZA' BCA' MA LUS SPUNGS PA LA, ,SBYANGS RTOGS SBAR BYAS BDUD RTZI'I RGYA MTSO 'DI, ,YI DAM DKYIL 'KHOR LHA TSOGS MNYES PHYIR
, ,'BUL, (,ZHES PA LAN GSUM GYI GTOR MA PHUL LA,) RNAM DAG BSAM PAS x 'DZIN GYUR CIG (,BSANG CHU YONGS GRAGS LTAR SGRUB, BSGRUB BYA MDUN DU 'KHOD BCUG LA SA GZHI MAS MAndAL PHUL,) NA MO RTZA RGYUD KYI BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG SRUNG MA RNAMS DANG KHYAD PAR 'JAM DPAL GSHIN RJE GSHED KYI BKA'I BDEN PA'I MTHU STOBS KYIS DMIGS YUL ('DI NYID DAM MANG NA 'DI RNAMS ZHES SBYAR,) KYI BLA TSE SROG GSUM YAR BA DANG, 'KHYAMS PA DANG, DBANG PO NYAMS PA SOGS SKYABS YUL RNAMS KYI NUS MTHU'I 'OD ZER GYIS SKAD CIG NYID LA BKUG STE PHUNG KHAMS RNAMS DBYER MI PHYED PAR GYUR, (ZHES LAN GSUM MAM BDUN GANG RIGS BRJOD,) DZA: H'Um BAm HO: DMIGS YUL GYI SPYI BOR AOm,x H'Um SNGON POS MTSAN PAR GYUR, RANG GI THUGS KA'I H'Um LAS 'OD ZER 'PHROS PAS KHRO BO'I TSOGS THAMS CAD BDUN GYI NAM MKHAR SPYAN DRANGS, AOm BDZAR MAH'A x SA MA DZA: PADMA KA MA LA YE STVAm, AOm A'A: H'Um, (LAN GSUM GYIS GTOR MA BYIN GYIS BRLABS,) AOm SARBA BI GHNA NAx SU MBHA (SOGS LAN GSUM GSUM,) SANGS RGYAS KYI BKA' BDEN PA DANG, SOGS, KHYAD PAR 'JAM DPAL GSHIN RJE x BDEN PA'I MTHU LA BRTEN NAS, DMIGS YUL RNAMS KYI'AM 'DI'I) LUS SROG LA GNOD CING 'TSE BA'I GDON
BGEGS BAR CHAD JI SNYED MCHIS PA THAMS CAD MCHOD SBYIN GYI x (ZHAL BZHI'I SNGAGS LAN GSUM GYIS BGEGS SBYANGS, SDIG PA SBYANGS PA NI, MAR ME PAD 'DAB CAN SBAR LA,) RAm LAS YE SHES KYI ME 'BAR BA'I DBUS SU SKAD CIG GIS KHRO BO RDO RJE MKHA' 'GRO SKU MDOG MTHING NAG ZHAL GCIG PHYAG GNYIS RDO RJE DANG DRIL BU 'DZIN CING ZHAL GDANGS PAR GYUR, DMIGS YUL GYI RKANG MTHIL GNYIS SU RLUNG GI DKYIL 'KHOR, LTE BAR YE SHES KYI ME 'BAR BA; SNYING GAR SDIG PA'I SA BON BAm NAG PO LA LUS NGAG YID GSUM GYI SDIG SGRIB THAMS CAD 'DUS, LTE BA'I YE SHES KYI ME 'BAR BA'I 'OD ZER GYIS SNYING GA'I BAm DED NAS SNA SGO NAS THON SDIG PA RVA CAN GYI RNAM PAR GYUR NAS RANG GI LAG PAS BZUNG BA'I SDIG PA'I GZUGS BYAS PA LA THIM PAR GYUR, (BAR BSAM,) AOm BADZRA d'A KA x (ZHES MANG NYUNG SKABS DANG SBYAR BA BZLAS SHING MTHEB MDZUB KYIS TIL ME LA BSREGS, PHYIR BZLOG GIS SBYANGS PA LA, RNAM RGYAL, DON ZHAGS, MI 'KHRUGS PA, YI DAM GYI SNGAGS GSUM, YIG BRGYA BCAS BRJOD DE YUNGS 'BRUL SNGAGS, BRAB SNGAGS BCO LNGA BRJOD BZHIN BSGRUB BYA LA RDEG KHRUS KYIS SBYANGS PA LA,) JI LTAR BLTAMS PA x THUGS RJE'I BDAG NYID x GZUGS MCHOG x RGYAL BA'I SKU GSUNG THUGS LA x KHYED SKU RANG BZHIN (RNAMS SNGAGS BCAS ME LONG LA KHRUS GSOL,) DE DAG SKU LA x SRAB 'JAM YANGS PA x MI PHYED RDO RJE x DMIGS YUL
, ,RDO RJE'I SKU THOB SHOG ,AOm BADZRA WA SA SYE SV'A H'A, (ZHES BRJOD DO, ,KHRUS DBANG DNGOS LA, KHRUS GSOL BYAS PA'I CHU SLAR YANG BUM PAR BLUGS NAS BSGRUB BYA LA KHRUS BYED BZHIN,) 'DI NI PHYIN DRUG RANG BZHIN CHU, ,NYON MONGS RNAM DRUG 'JOMS MDZAD PA, ,DRUG LDAN CHU YI LEGS BGOS CHUS, ,KHRUS LEGS x CHU BO DRUG GIS x DRI CHU DRUG GI x DRI MA RNAM DRUG x YIG BRGYA, DMIGS YUL 'DI NYID KYI x MI MTHUN PHYOGS SPYI DANG, KHYAD PAR 'GAL RKYEN NAD GDON PAR CHAD THAMS CAD NYE BAR ZHI BAR MDZOD CIG ,'DOD CHAGS ZHE SDANG GTI MUG GSUM, ,DE DAG 'JIG RTEN DUG GSUM STE, ,SKYABS GSUM RIN CHEN DUG MI MNGA', ,SKYABS GSUM GZI YIS DUG 'JOM MO, ,(YIG BRGYA,) DMIGS YUL 'DI NYID KYI x NYON MONGS BA'I DUG THAMS CAD DANG KHYAD PAR 'GAL RKYEN NAD GDON BAR CHAD THAMS CAD NYE BAR ZHI BAR MDZOD CIG ,(MI SHIS PA SBYANGS PA NI,) GANG LA SER SNA MA'AM, (BREL DUS,) SANGS RGYAS BSOD NAMS MTHU DAG DANG, ,(MAN SBYAR, YIG BRGYA,) DMIGS YUL 'DI NYID KYI x RGYAL NAS SHIN TU BKRA SHIS PAR GYUR CIG , (BSGRUB BYA'I LUS LCOGS NA PHYAG 'TSAL DU BCUG LA,) SANGS RGYAS THAMS CAD x BLA MA SANGS RGYAS x SANGS RGYAS KUN GYI RANG BZHIN SKU, ,SLOB SPON LA NI BDAG SKYABS BCHI, ,DANG POR ME TOG PHOG PA
YI, ,DKYIL 'KHOR LHA TSOGS RNAMS LA 'DUD, ,GZUGS MCHOG x PHYAG BYAR 'OS BA x GTZO BO RGYAL BA x BAR CHAD MYUR DU BSAL DU GSOL, ,(ZHES BRJOD DE MAndAL SA GZHI MA 'BUL, TSUL 'DI LTAR DU GRVA BA'I GRANGS MANG NYUNG LA DPAGS NAS TSOGS PA LNGA BCU TZAM YOD NA RGYAS BSDUS GNYIS BTANG BAS 'GRUB, BRGYA PHRAG GCIG YOD TSE TSAR GCIG GIS 'GRUB BAS RIGS 'GRE SBYOR, CHO GA BRGYA DBANG BRGYA BYAS NA RKYEN SEL GYI MCHOG TU 'GYUR SNYAM DU SEMS SO,,) ,,SMRAS PA, KUN RTOG GDON GYIS GTZES PA'I NYAM THAG 'GAR, ,PHAN 'DOD LHAG BSAM DAG PAS KHA GA-YAR TE, ,ZHVA DPE LHAM BKAB TSUL DU SONG GYUR NA, ,MKHYEN LDAN RNAMS LA NONGS PA BZOD PAR GSOL, ,'DI LA DKAR BA'I CHA ZHIG MCHIS GYUR NA, ,'DI YI DGE PAS MRGAN 'GRO BA KUN, ,NAD GDON GNYER 'TSE'I YUL LAS RAB RGYAL TE, ,GTAN BDE'I DGA' STON MCHOG LA SPYOD PAR SHOG , ,,(CES CHO GA BRGYA DBANG BRGYA'I 'DON 'GRIGS MUN PA SANGS BYED ZLA BA'I THIG LA ZHES BYA BA 'DI YANG DUS GRVA'I DGE BSKOS LEGS PA'I NAS RNA BA YANG YANG GCOS PA'I NGO MA BZLOG TZAM DUS MTHAR MYUL BA'I BTZUN GZUGS GYI NA BAS BYUNG RGYAL DU SMRAS BA'O, ,,