*, ,RDO RJE 'JIGS BYED CHEN PO'I LAS RUNG GI BSNYEN PA BYED TSUL GYI NYER MKHO'I ZHAL GDAMS DAM PA RNAMS KYI GSUNG GI NYING KHU MTHANG DAG SOGS PHYOGS GCIG TU BSGRIGS PA DNGOS GRUB 'BYUNG GNAS ZHES BYA BA BZHUGS SO, ,
, ,'JIGS RUNG BDUD DPUNG 'JOMS MDZAD GSHIN RJE GSHED, ,'JAM MGON RGYAL BA'I DBANG PO BLO BZANG GRAGS, ,KHYAB BDAG RTZA BA'I BLA MA MEE TRI'I MTSAN, ,RNAM GSUM ZHABS RDUL SNYING GI PADMOR BSTEN, ,GANG LA BRTEN NA BDE CHEN THAR BA'I GRONG, ,BDE BLAG 'JUG MDZAD BHEER BSNYEN PA'I THABS, ,GO SLA'I NGAG GI SRAD BUR LEGS BSTAR PA'I, ,BEE d'UR DO SHAL SGEG MOS RGYAN DU LONGS, ,TSUL 'DI BKOD LA MTHU LDAN SRUNG MA'I TSOGS, ,KHYAD PAR CHOS RGYAL PHYI NANG GSANG GSUM GYIS, ,BKA'I YA BYA RA MA
, ,GA-YEL NYER DGONGS LA, ,BSNYEN THABS 'GOD PA'I GNANG BA YONGS STZOL ZHIG ,DE LA 'DIR GSHIN RJE GSHED KYI BSNYEN PA NYE BAR SGRUB PAR 'DOD PA'I GANG ZAG GIS MTSAN NYID DANG LDAN PA'I BLA MA LAS DBANG BZHI RNAM PAR DAG PA SKU BZHI SA BON THEBS NGES SU MNOS TE DAM TSIG DANG SDOM PA MIG 'BRAS LTAR GCES PAR BSKYANGS TE BSRUNG BA'I STENG NAS LAS RUNG GI BSNYEN PA BYA BA LA SNGON 'GRO'I CHOS BZHI SOGS GANG LCOGS RE DANG, GSUNG RAB BKLOG PA, SA TZTSA 'DEBS PA, SBYIN GTONG SROG BSLU, DGE 'DUN LA BSNYEN BKUR SOGS CI NUS RE BA SGRUB NA DNGOS
GZHI BSNYEN PA LA BAR CHAD MI 'BYUNG BAR GSUNGS PAS GANG THUB RE DANG MA NUS NA CHAD SKYON RANG DU MI 'GYUR RAM SNYAM, DE NAS RANG GI YID DANG MTHUN PA'I DBEN PA'I GNAS RANG DBANG DU 'DU NGES SU PHYAG BRDAR LEGS PAR BYAS, BA BYUNG GI CHAG CHAG BTAB, BSANGS BDUG LEGS PAR BYAS, RANG KHA LHOR PHYOGS PAR 'DUG DGOS PAS DER STABS 'GRIGS NA DE DANG MIN KYANG KHANG BA'I GO YUL DANG BSTUN PAR RANG GI MDUN DRANG THAD 'OS 'GABS SU DMIGS RTEN BRIS 'BUR GANG 'DZOMS KYI SKU DANG, RGYUD KYI GLEGS BAM, THUGS RTEN DNGOS SAM SA TZTSA GANG RIGS, RTZA BA'I BLA MA'I SNANG BRNYAN SOGS SKU GSUNG THUGS RTEN GO RIM MA NOR BAR BSGRIGS, MDUN DU GTOR SGAM LTA BU'I NANG YI DAM, LAS GSHIN, PHYOGS GTOR, GZHI BDAG GI GTOR MA SOGS MTHONG BRGYUD LTAR RGYU NAS DKAR PHYUR ZHIB, BDUD RTZI RIL BU KHUNGS THUB, MAR DKAR CHANG GAR MA SOGS KYIS SPRUS TE, NGOS GTZANG BSHAMS, GTOR GSO'I BCAD KHAM KYANG RGYU GONG MTSUNGS KYI MANG POR BSAGS, DE'I MDUN DU CHU GSUM NYER SPYOD SOGS TSAR LNGA TZAM LAS MI NYUNG BA BSHAMS, RANG GI MA LA GANG DU BCA' SAR DU RBA DANG KU SHA RTZA BA PHYI DANG RTZE MO NANG DU BSTAN PA BKRAM, 'BRU DKAR RAM SA DKAR GYIS SNA TSOGS RDO RJE [*MISSING PAGE-03 A,B*]
, ,BEE SHRAM nA YE SA PA RI W'A RA BHYA: NA MA: SARBA SOGS LAN GSUM GYIS GTOR MA 'BUL, SNGAR LTAR MCHOD, RGYAL PO CHEN PO 'KHOR BCAS KYIS, ,MCHOD SBYIN GTOR MA 'DI BZHES LA, ,BDAG GI DGRA BGEGS BAR GCOD KUN, ,ZHI ZHING BKRA SHIS MDZAD DU GSOL, ,ZHES 'PHRIN LAS BCOL, YANG THO GCIG LAS MED NA, 'PHAGS SKYES POR BSKYED PAR BYA STE, DE'I TSUL NI, GZHAN THAMS CAD GONG DANG 'DRA LA, STONG PA'I NGANG LAS THO SKAD CIG GIS RGYAL PO CHEN PO 'PHAGS SKYES POR GYUR, RANG GI THUGS KA'I ZHES PA NAS 'PHAGS SKYES PO SPYAN DRANGS, DZA: H'Um BAm HO: GNYIS SU MED PAR GYUR, AOm BE RU tA KA YE SA PA RI WV'A RA AARGHAm SOGS KYIS MCHOD, SNGON TSE BCOM LDAN 'DAS KYI SPYAN SNGA RU, ,ZHES PA NAS, RGYAL CHEN 'PHAGS SKYES PO LA PHYAG 'TSAL BSTOD, ,(CES BSTOD, GZHAN RNAMS 'DRA'O,) ,DE NAS 'TSAMS KYI RING NYIN RE BZHIN MCHOD GTOR MA CHAG PAR BYA BA'AM SPOS RKANG RE MA CHAD PAR 'BUL BAR BYA'O, ,DE NAS RANG NYID NANG DU 'ONGS NAS STAN BDE BA LA 'KHOD DE 'DI LTAR, RANG GI SPYI BOR AOm LAS 'KHOR LO DKAR PO RTZIBS BRGYAD PA'I LTE BAR AOm DKAR PO, MGRIN PAR A'A: LAS PADMA DMAR PO 'DAB MA BRGYAD PA'I DBUS
SU A'A: DMAR PO, SNYING GAR H'Um LAS RDO RJE SNGON PO RTZE LNGA BA'I LTE BAR H'Um SNGON POS MTSAN PAR GYUR BAR BSAM ZHING LAG PA GA-YON PAS GNAS GSUM DU REG LA 'BRU GSUM BRJOD, GZHAN YANG BDUD RTZI RIL BU YOD NA GNAS GSUM DU THIG LE BYAS NA LUS NGAG YID GSUM BSRUNG BA'I MCHOG TU GYUR ZHING SNGAGS MYUR DU 'GRUB PA SOGS KYI DGOS PA CHEN PO YOD PAR GSUNG NGO, ,DE NAS GDAN LA NA REG LA, AOm A'A: BADZRA AA SA NA H'Um, ZHES BRJOD LA GDAN BYIN GYIS BRLABS, DE NAS NGAG BYIN GYIS BRLABS PA NI, KHYUNG BO'I MAN NGAG LTAR RGYAS PAR BYED SPRON RAB, RTA TSAG PA'I GSUNG LTAR BYED DAM, YANG DE DAG MI SPRON RVA BA'I CHOS BRGYAD LAS 'BYUNG BA LTAR MDOR BSDUS NI, THO RANGS SOGS SU, AOm AA A'A, ZHES PA NAS, SHA shA SA HA KshA H'Um, ZHES PA LAN BDUN, GNYID DU 'GRO KHAR, AOm DOR LA AA A'A, NAS, KshA'I BAR DANG SV'A H'A BTAGS LA LAN BDUN SOGS BZLAS TE NGAG BYIN GYIS BRLAB PO, GZHAN YANG 'GYUR SNGAGS 'PHRENG SNGAGS SOGS KYANG JI LTAR 'OS PA BZLAS LA, SKYABS 'GRO SEMS BSKYED TSAD MED BZHI BSGOM PA RGYUD DANG 'DRES NGES BYA, GZHAN YANG BLA MA'I RNAL 'BYOR RGYAS BSDUS CI RIGS PA'I SGO NAS GSOL 'DEBS DMIGS BRTZE MA BRGYA SKOR 'DREN PA SOGS BLA MA'I RNAL 'BYOR LAM GYI SROG TU BYAS [*DUBBLE PAGE-04*] [*MISSING PAGE-05A,B*]
, ,BSKOR BA'I GZHAL YAS KHANG GI NANG GI RE MIG DGU BA'I DBUS SU ZHES SOGS SAM, YANG NA THUN MONG MA YIN PA'I BSRUNG 'KHOR BSGOM PA GAL CHE BAS MDOR BSDUS BSGOM 'DOD NA, STONG PA'I NGANG LAS YAm RAm BAm LAm LAS 'BYUNG BZHI'I DKYIL 'KHOR GYI DBUS SU H'Um LAS SNA TSOGS RDO RJE H'Um GIS MTSAN PA LAS 'OD ZER PHYOGS BCUR 'PHROS PAS RDO RJE'I SA GZHI RVA BA GUR BLA RE ME RI DANG DUR KHROD CHEN BE BRGYAD KYIS BSKOR BA'I DBUS SU BHRUm LAS 'KHOR LO SER PO LTE BA DANG RTZIBS BCU'I STENG DU PAD ZLA NYI MA'I GDAN GSUM GSUM DBUS MA'I STENG DU H'Um LAS RANG NYID GNOD MDZES SAM 'KHOR BSGYUR SKABS SBYAR YONGS GRAGS LA, RGYAL BA YAB YUM SNYOMS PAR ZHUGS PA'I THUGS KA'I H'Um GIS 'OD ZER GYIS BKUG PA'I KHRO BO BCU ZHAL DU BCUG ,THUGS KAR 'OD DU ZHU BA YUM GYI MNGAL DU ZHUGS PA'I THIG LE BCU LAS H'Um RING PO BCU DANG DE LAS KHRO BO BCUR GYUR BA THAMS CAD KYANG ZHAL GSUM PHYAG DRUG PA RANG 'DRA'I YUM LA 'KHYUD PA, H'Um BCU BRJOD LA YUM GYI PADMA NAS SPROS TE PHYOGS MTSAMS BRGYAD DANG STENG 'OG GI GDAN LA GA-YON BRKYANGS KYIS 'KHOD PAR GYUR, RANG NYID GNOD MDZES SU GNAS PA YONGS SU GYUR BA LAS RDO RJE SEMS DPA' DKAR PO ZHAL GSUM PHYAG DRUG PA DE ZHU BA LAS CHOS 'BYUNG DKAR PO'I
NANG DU BAm LAS SNA TSOGS PADMA'I DBUS SU H'Um LAS SNA TSOGS RDO RJE'I LTE BAR BHRUm LAS 'KHOR LO BHRUm GYIS MTSAN PA LAS RNAM SNANG DKAR PO ZHAL GSUM PHYAG DRUG PA DE YONGS SU GYUR PA LAS GZHAL YAS KHANG GRU BZHI SGO BZHI BA LA SOGS PA'I MTSAN NYID THAMS CAD YONGS SU RDZOGS PAR GYUR, DE'I NANG GI RE MIG ,CES SOGS GZHUNG LTAR BYA ZHING, DKYIL 'KHOR RGYAL MCHOG GI LHA BSKYED TSUL BSDUS PAR 'DOD NA, SA BON GYIS MTSAN PA RNAMS YONGS SU GYUR PA LAS DPAL RDO RJE 'JIGS BYED LHA BCU GSUM GYI SKU YONGS SU RDZOGS PAR GYUR PA NI, DBUS KYI GDAN LA DPAL RDO RJE 'JIGS BYED YAB YUM, NANG GI SHAR DU GTI MUG GSHIN RJE GSHED DKAR PO, LHOR SER SNA GSHIN RJE GSHED SER PO, NUB TU 'DOD CHAGS GSHIN RJE GSHED DMAR PO, BYANG DU PHRAG DOG GSHIN RJE GSHED LJANG KHU, SHAR SGOR THO BA GSHIN RJE GSHED SNGON PO, LHO SGOR DBYUG PA GSHIN RJE GSHED DKAR PO, NUB SGOR PADMA GSHIN RJE GSHED DMAR PO, BYANG SGOR RAL GRI GSHIN RJE GSHED LJANG KHU STE, YAB BRGYAD PO THAMS CAD KYANG ZHAL GSUM PHYAG DRUG PA RANG 'DRA'I YUM LA 'KHYUD PA, NANG GI SHAR LHOR TZA RTZI KA DKAR MO, LHO NUB TU PHAG MO SNGON MO, NUB BYANG DU DBYANGS CAN MA DMAR MO, BYANG SHAR DU GOO RI LJANG KHU STE YUM BZHI KA'ANG
, ,ZHAL GSUM PHYAG DRUG PA RANG DANG 'DRA BA'I YAB LA 'KHYUD PA, PHYI'I GRVA BZHIR MI'I THOD PA BDUD RTZIS GANG BA BZHIR GYUR, ZHES PA'AM, YANG NA, DPAL RDO RJE 'JIGS BYED LHA BCU GSUM THOD PA BZHI DANG BCAS PA YONGS SU RDZOGS PAR GYUR ZHES PA GANG RIG BYA, DE NAS SPRO BSDU'I TSIG KYANG RGYAS BSDUS GANG RUNG BYAS LA, LHA THAMS CAD KYI MIG GNYIS SU KshIm, RNA BAR DZRIm, SNAR KHAm, LCER RAm, DPRAL BAR KAm, LTE BAR SAm, SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, ZHES SKYE MCHED BYIN RLABS BSDUS PA BYA, TSUL 'DI DPA' PO GCIG PA'I TSE 'ANG BSDUS TSUL SHES PAR BYAS LA, YE SHES PA SPYAN DRANGS DBANG BSKUR RGYAS GDAB RNAMS DANG BDAG BSKYED KYI MCHOD PA, NANG MCHOD, BSDUS NA, AOm MCHOD DO DRIN CAN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI ZHAL DU AOm A'A: H'Um, AOm HR'I: sht'I: WI KRI TA NA NA H'Um PHAt AOm A'A: H'Um, MAN 'DRA'O, ,DE LTAR CHO GA RGYAS BSDUS CI RIGS PA'I SGO NAS BSNYEN PA LAS RUNG TZAM BYED NA, GTZO BO'I SNGAGS GSUM PO GANG YANG RUNG BA 'BUM DANG, YE SHES 'BEBS SNGAGS RGYAS BSDUS GANG RUNG KHRI, 'BEBS SNGAGS
BSDUS PA, YI GE BCU BA'I MJUG TU H'Um HA AA DZNYEE H'Um PHAt, ZHES PA DANG SV'AH'A SBYAR BA GANG RUNG BYA, 'DI TZAM GYIS BSNYEN PA KHA SKONG DANG BCAS PA SNGON DU BTANG NAS, LHAG CHAD KYI NYES PA BDAG BYED KYI ZHI BA'I SBYIN SREG TIL NAG GTZO BOR BYAS NAS GRANGS MANG TZAM PHUL BAR BYA'O, ,DE YANG GSANG SNGAGS MA BZLAS MI 'GRUB CING, ,SBYIN SREG MA BYAS 'BRAS MI 'BYIN, ,ZHES DANG, GZHAN YANG, BSNYEN SOGS DAG PAR MA BYAS PAR, ,DKYIL 'KHOR LAS LA 'JUG MI BYED, ,ZHES BSNYEN PA MA BYAS PAR DBANG BSKUR SBYIN SREG RAB GNAS SOGS BYAS NA GSANG SNGAGS KYI SBOM PO'I LTUNG BA 'BYUNG BAR GSUNGS PAS NA SNGAGS LUGS KYI LTUNG BA RE RE YANG MDO LUGS KYI LTUNG BA BZHI KA DANG MNYAM PAR GSUNGS PAS BDAG LEGS SU 'DOD PA'I THAR PA DON GNYER CAN RNAMS KYIS GONG DU SMOS PA'I BSNYEN PA TSAD LDAN DE LTA BUR BYAS NAS DBANG BSKUR RAB GNAS BDAG 'JUG SBYIN SREG GTOR RGYAG SOGS BYAS RUNG TZAM YIN PA DANG, 'KHRUL 'KHOR SOGS ZHI RGYAS DBANG DRAG GI LAS SNA TSOGS BSGRUB PAR 'DOD PA DAG GIS LAS RAB 'BYAMS SGRUB PA'I BSNYEN PA DENG SANG BSNYEN CHEN ZHES GRAGS PA GTZO BO'I SNGAGS GSUM GANG RUNG 'BUM THER BRGYA THAM PA NGES CAN DU SONG THOG ,BCU CHA'I BYIN SREG 'BUM BCU SOGS DANG, ME LHA'I BSNYEN PA BCU CHA, BSNYEN SGRUB SBRAG MA SOGS CHA LAG TSANG BAR LAN GCIG GNYIS SOGS RTAGS MTSAN MTHONG BA DAG GIS LAG TU LEN PA LAS BYUNG RGYAL DU LAG LEN BYED MI RUNG BAR GSUNGS SO, ,
, ,DE LTA BU'I BSNYEN PA LEGS PAR GRUB NAS 'TSAMS NANG DER TSOGS GSOG PA'I PHYIR DU DPA' BO'I STON MO BYA STE, DE'I TSUL NI, TSOGS GTOR SOGS BZA' BCA' BTUNG BA'I RIGS GYA NOM PA DANG, PHYI NANG GI MCHOD PA RNAMS LEGS PAR BSHAMS, THUN GSUM PA'I GSHAM DU RANG RDO RJE'I 'JIGS BYED KYI NGA RGYAL DANG LDAN PAS, LAS SNGAGS KYIS BSANGS, RANG LHAR GSAL BA'I SKU LAS 'OD ZER 'PHROS, (ZHES SOGS BLA MCHOD LTAR SNOD BCUD BYIN GYIS RLABS, NANG MCHOD DANG MCHOD PA BYIN GYIS RLABS, DE NAS,) H'Um DRIN CAN RTZA BRGYUD BLA MA RGYUD SDE BZHI'I, ,YI DAM SANGS RGYAS BYANG SEMS MKHA' 'GRO DANG, ,PHYOGS SKYONG ZHING SKYONG SDE BRGYAD RIGS DRUG MGRON, ,SRID ZHI'I MGRON RNAMS GNAS 'DIR GSHEGS SU GSOL, ,KA MA LA YE STVAm, ZHES GSHEGS SU GSOL ZHING GDAN PHUL, H'Um STONG GSUM KHYON LTAR YANGS PA'I THOD PA'I NANG, ,ZAG MED BDUD RTZIR BYIN RLABS TSOGS MCHOD 'DI, ,RTZA BRGYUD BLA MA'I TSOGS RNAMS MNYES PHYIR 'BUL, ,BZHES NAS BYIN RLABS MCHOG THUN DNGOS GRUB STZOL, ,H'Um STONG GSUMxx RGYUD SDE BZHI YI LHA TSOGS RNAMS LA 'BUL, ,BZHES NAS MCHOG THUN DNGOS GRUB STZAL DU GSOL, ,H'Um STONG GSUMxx BCU
GSUM RDO RJE'I LHA TSOGS MNYES PHYIR 'PHUL, ,BZHES NAS DNGOS GRUB RNAM GNYIS DGA' STON STZOL, ,H'Um STONG GSUMxx (DPA' GCIG LA,?) DPAL LDAN 'JIGS MDZAD RDO RJE MNYES PHYIR 'BUL, ,BZHES NASx H'Um STONG GSUMxx DKON MCHOG RIN CHEN TSOGS RNAMS MNYES PHYIR 'BUL, ,BZHES NAS BSTAN DANG LEGS TSOGS MA LUS STZOL, ,H'Um STONG GSUMxx MKHA' 'GRO CHOS SKYONG DGYES PA BSKYED PHYIR 'BUL, ,BZHES NAS 'PHRIN LAS RNAM BZHI SGRUB PAR MDZOD, ,H'Um STONG GSUMxx PHYOGS BDAG DBANG PO ZHING SKYONG YONGS LA 'BUL, ,BZHES NAS 'GAL RKYEN KUN SOL MTHUN RKYEN SGRUBS, ,H'Um STONG GSUMxx GDON BGEGS 'BYUNG PO RIGS DRUG MGRON RNAMS LA, ,BZHES NAS SDUG BSNGAL LAN CHAGS DAG GYUR CIG ,CES TSOGS MCHOD 'BUL, ,TSOGS PHUNG DANG B'A LA, MA D'A NA BCAS LAG GNYIS BSNOL TE THOGS LA ZHVA GYON NAS, LAS KYI RDO RJES, HO DPA' BO CHEN PO DGONGS SU GSOL, ,'DI LA THE TSOM MI BYA STE, ,BRAM ZE KHYI DANG GDOL BA GSUM, ,DBYER MED GCIG TU DGONGS TE ROL, ,ZHES PHYAG TU 'BUL, ,GTZO BOS, BDAG NYID DPAL LDAN GSHIN RJE GSHED, ,BDE STONG YE SHES RANG BZHIN GYIS, ,ZAG MED BDUD RTZI'I RGYA MTSO 'DI, ,LUS GNAS LHA RNAMS TSIM PHYIR
, ,ROL, ,AA HO MA H'A SU KHA HO, ,ZHES BRJOD LA TSOGS RDZAS RNAMS NANG GI SBYIN SREG GI TSUL DU LONGS SPYOD SKABS SU KHA GSHAGS 'THAB RTZOD SA RJEN POR BZHAG PA SOGS TSUL DANG MI MTHUN PA'I RIGS RNAMS SPANG LA RDO RJE'I GLU LEN PA SOGS TSOGS 'KHOR GYI DAM TSIG LA GNAS PA GAL CHE'O, ,DE NAS LHAG MA BSDUS TE RGYAS PAR RAM, 'BRU GSUM GYIS BYIN GYIS RLABS LA, H'Um STONG GSUMxx TSOGS LHAG 'DI, ,LHAG LA RE BA'I ZHING SKYONG TSOGS LA 'BUL, ,BZHES NAS RNAL 'BYOR 'DOD DON 'GRUB PAR MDZOD, (,CES LHAG MCHOD 'BUL,) DER SPOS RE BTZUGS PA PHYAG LEN LA YOD, MJUG TU MGRON RNAMS MI DMIGS PAR GYUR BAR BSAM, DE LTAR TSOGS 'KHOR LA SOGS PA'I LHA MNYES PAR BYAS TE 'TSAMS GROL NYIN, MNGON RTOGS TSANG BAR BSGOM LA GTOR 'BUL SOGS SGRUB ZIN PAR BYAS NAS DGE BA SPYI DANG MTSAMS NANG DER BZLAS BRJOD GANG BGYIS THAMS CAD DGE RTZA BYANG CHUB TU BSNGOS SHING, DMIGS MED KYI RGYAS BTAB LA DGA' BA BSGOM PAR BYA'O, ,DE NAS MTSAMS THO'I LHA LA MCHOD GTOR GSAR DU BSHAMS LA SNGAR BZHIN PHUL LA MTHAR, RGYAL CHEN 'KHOR BCAS RANG GNAS SU GSHEGS PAR GYUR PAR BSAM, DE
LTAR KHYAD CHOS LNGAS KHYAD PAR DU 'PHAGS PA'I RANG GI YI DAM GYI LHA BSNYEN PAS MNYES PAR BYAS PAS, GNAS SKABS SU ZHI SOGS KYI LAS RAB 'BYAMS SGRUB NUS PA DANG, SKYE BA NAS TSE RABS KYI PHRENG BAR RJES SU BZUNG BA LA BRTEN NAS MTHAR THUG RDO RJE 'CHANG CHEN PO'I SKU MNGON DU GYUR BA LAGS SO, ,SMRAS PA, 'JAM DPAL KHROS PA GSHIN RJE GSHED PO GANG, ,BSNYEN PA'I SGO NAS DGYES BYED MU TIG 'PHRENG, ,DAM PA'I GSUNG LAS BTUS TE DO SHAL DU, ,BSTAR 'DI BLO LDAN SGEG MO'I RGYAN DU PHUL, ,'DI LAS 'ONGS PA'I DGE TSOGS CHA GANG MCHIS, ,'GRO KUN LAM BZANG MCHOG LA LEGS BKOD NAS, ,GTAN BDE'I BDE CHEN THAR BA'I KHANG BZANG DU, ,BDE STONG ZUNG 'JUG PHYAG RGYAR RTAG ROL SHOG ,BDAG KYANG DENG NAS TSE RABS THAMS CAD DU, ,DAL 'BYOR RTEN THOB DAM PA'I MGON GYIS ZIN, ,ZAB GSANG LAM GYI RTOGS PA MTHAR PHYIN TE, ,'GRO BA'I DED DPON CHEN POR BDAG GYUR CIG ,CES RDO RJE 'JIGS BYED CHEN PO'I LAS RUNG GI BSNYEN PA BYED TSUL GYI NYER MKHO'I ZHAL GDAMS DAM PA RNAMS KYI GSUNG GI NYING KHU MTHA' DAG SOGS PHYOGS GCIG TU BSGRIGS PA DNGOS GRUB 'BYUNG GNAS ZHES BYA BA 'DI YANG SGO ME MCHOD RTEN RKE DBU MDZAD BANDHE SHONG DU GRAGS PA BYANG CHUB PHUN TSOGS NAS LHA
, ,DAR BCAS BSKUL BA'I NGOR, RANG GI BSNYEN PA BYED PA'I TSE GLEGS BAM MANG POR 'TSOL BA'I NGAL BA BRTEN MI DGOS PAR NYER MKHO RNAMS PHYOGS BSDUS 'DI LTA BU RANG MNYAM 'DRA LA PHAN PA SRID SNYAM GYI RGYUD BSKUL TE, CHOS MED BAN RGAN CHOS KYI RDO RJES BRIS PA'I DGE BAS 'GRO KUN BLA MA RDO RJE 'JIGS BYED CHEN POS RTAG TU RJES SU 'DZIN PA'I RGYUR GYUR CIG , ,,