*, ,BRIS SKU BZHENGS TSUL NGO MTSAR MTHONG BA DON LDAN ZHES BYA BA BZHUGS SO, ,
, ,NA MO BADZRA BHEE RA W'A YA, RGYAL KUN MKHYEN PA'I YE SHES GCIG BSDUS PA, ,'JAM DPAL KHRO BA'I GAR MDZAD GSHIN RJE GSHED, , MA RUNGS BDUD SDE RMEG MED 'JOMS MDZAD PA'I, ,BLA MA 'JAM DPAL ZHI KHRO GTAN GYI SKYABS, ,RIM GNYIS RNAL 'BYOR GZHOL BA'I SKAL LDAN DAG ,DMIGS PA'I RTEN DANG TSOGS CHEN BSOG PA'I ZHING, ,YI DAM LHA DANG BRGYUD PA'I BLA RABS RNAMS, ,BZHENGS TSUL MAN NGAG GSAL BAR DGOD PAR BYA, ,DE YANG SPYIR BDAG CAG GI STON PA THUGS RJE CAN GYIS MDO RGYUD DU MAR SKU GSUNG THUGS RTEN BZHENGS PA DANG DE LA MCHOD PA'I PHAN YON BSAM GYIS MI KHYAB PA GSUNG LA BYE BRAG TU RGYUD
, ,RTOG BDUN LAS, GAL TE DNGOS GRUB 'DOD PA'I DPA' BO'I YON SBYIN NO, ,ZHES BSNGAGS PA LAS DANG PO PAS RANG GI YI DAM GYI LHA'I BRIS SKU SOGS TSAD DANG LDAN PAR SGRUB NAS DAM TSIG GI RTEN DU BZUNG NA DNGOS GRUB RGYA CHEN PO MYUR DU 'GRUB PAR GSUNGS SHING DE BZHIN DU RGYUD SDE BZHI KA NAS LHAG PA'I LHA GANG DANG GANG SGRUB KYANG DE DANG DE'I THANG SKU TSAD LDAN RE RANG GI DAD RTEN DU 'CHANG DGOS PAR NAN TAN TU GSUNGS SO, ,DES NA 'DIR BCOM LDAN 'DAS DPAL RDO RJE 'JIGS BYED YI DAM DU BYED PA'I RNAL 'BYOR BA DAG GIS LHAG PA'I LHA'I DAM TSIG GI BRIS SKU JI LTAR SGRUB PA'I TSUL BSHAD PAR BYA STE, 'DI LA BZHI, BZO BO DANG YON
BDAG GI MTSAN NYID, CHA TSAD KYI RAB DBYE, BZHENGS TSUL DNGOS, LAG LEN, BZHENGS PA'I PHAN YON BCAS BSHAD PA'O, ,DANG PO NI, RGYUD RTOGS BDUN LAS, 'DIR DNGOS PO KUN GYI MOS PA RNAM PAR RTOG PA MED PA MI KHRO BA, GTZANG BA, MKHAS PA, GZHUNGS PA, DAD PA DANG LDAN PA, BRTZE BA CAN, SRED PA DANG BRAL BA, 'DI LTAR YON TAN DANG LDAN PA, SHIN TU RI MO MKHAS PA'I LAG PAS BRI BAR BYA'O, ,ZHES GSUNGS PA'I MTSAN NYID DANG LDAN PA DANG, RTEN JI LTA BU DGOS PA YANG, MI GA-YO BA'I RGYUD LAS, RI MO MKHAN KHRUS DAG PAR BYAS TE, BRAM ZE'I RIGS SAM, GTZANG SPRA DANG LDAN PA, RAB DGE SLONG, 'BRING DGE BSNYEN, THA MA MI SKYA YIN NA'ANG BSNYEN GNAS 'BOG LA BYA'O, ,ZHES GSUNGS, BZO BO MI 'OS PA'I MTSAN NYID NI, YON TAN MI MKHAS NGA RGYAL CHE, ,'GROGS PA MI BDE BKUR STI 'DOD, ,'PHRAL DU TSIG RTZUB PHUGS 'DOD CHE, ,YON BDAG GLA THANG TSAD MED 'BEBS, ,DES KYANG MA TSIM RGYU CHA RKU, ,CUNG ZAD TZAM LA BZO 'PHRO 'JOG ,'GRO SDIG BYED CING CHANG NAG 'TSOL, ,RNYED PAS RANG BZHIN SDIG PA SPEL, ,YON BDAG DAD PA DBANG MED LDOG ,DGE LAS SDIG PAR BSGYUR MKHAN YIN, ,ZHES PA LTA BU'I SKYON DANG MI LDAN ZHING, LHA DANG GDAMS NGAG LA LOG LTA MED PA'I DAD PA DANG LDAN PA, BSNYEN GNAS SAM, THEG CHEN GSO SBYONG
, ,GI SDOM PA TZAM YAN CHAD LA GNAS PA ZHIG NGES PAR DGOS PAR GSUNGS SO, ,YON BDAG GI MTSAN NYID KYANG, SDIG LA MI 'DZEM DAD LDAN CHUNG, ,TSE 'DI'I KHE 'DOD GRAGS 'DOD LO, , NGANG THUNG THEG CHUNG 'GYOD SEMS CAN, ,MI 'GRUB 'DOD 'PHROR 'JOG PA DANG, ,PHAN YON DAG LA THE TSOM DANG, ,LHA DANG BZO BOR SMOD PA'O, ,ZHES PA LTAR MA YIN PA ZHIG DGOS TE, DAD 'DUN BRTZON 'GRUS SNYING RJER LDAN, ,DGE LA MNGON SPRO GTONG PHOD CAN, ,BRTAN CING NGANG RING GA-YO RGYU MED, ,LHA DANG LHA BZO LA GUS PA'I, ,ZHES PA LA GNAS PA ZHIG DGOS SO, ,KHYAD PAR SGRUB PA PO'I RANG GI DAM TSIG GI RTEN DU SNANG BRNYAN BZHENGS PA LA, SNGON DU BSNYEN PA BYAS TE, DAD 'DUN RTZE GCIG PA DANG, BYANG CHUB KYI SEMS KYIS KUN NAS BSLANG STE BZHENGS PA GAL CHE STE, 'JAM DPAL RTZA RGYUD LAS, CI RNYED PA'I RAS KYI DUM BU, ZHES PA NAS, SGRUB PA POS NGES PAR SNGON DU BSNYEN PA BYAS PA DANG, DAD PA DANG BYANG CHUB TU SEMS BSKYED PA NI NGES PAR BYA'O, ,DE LTAR BYAS NA SNGAGS 'GRUB PAR 'GYUR GYI, GZHAN DU SDIG PA'I LAS CAN GYIS NI MI 'GYUR TE, ZHES SOGS MANG DU GSUNGS SO, ,GNYIS PA CHA TSAD KYI RAB DBYE LA GNYIS, CHA TSAD DANG LDAN MIN GYI PHAN YON DANG NYES DMIGS BSHAD PA'O, ,DANG PO NI,
'DIR KHRO BO'I RNAM PA CAN GYI CHA TSAD NI, DPAL 'KHOR LO SDOM PA LAS, KHRO BO KHRO MO DBANG PHYUG MA, ,BRAN PHO BRAN MO CI BGYI MA, ,DRAG CING 'JIGS PA'I GZUGS RNAMS NI, ,THAL MO BCU PA RNAM PAR 'BRI, ,ZHES ZHABS KYI GDAN DANG DBU SKRA ZHAL RE DANG BCAS PA'I ZHAL BCU DANG, SKU'I NGO BO NI ZHAL BRGYAD DE 'GREL BAR, SBOM THUNG GSUS PA 'PHYANG BA'I GSHIN RJE GSHED LA SOGS PA'I KHRO BO RNAMS NI MTHO BRGYAD PO'O, ,ZHES SO; ;THAL MO BRGYAD PA'I TSAD NI, ZHAL MTHO THAL MO DON GCIG CING, ,ZHAL GANG SOR MO BCU GNYIS LA, ,ZHAL GDANGS PHYIR NA SOR BCU GNYIS, ,MGRIN PA SOR BZHI'I PHYED NI GAB, ,THUGS KA LTE BA GSANG GNAS LA, ,ZHAL NI RE RE'I TSAD DU BYA, ,BRLA DANG BYIN PA SO SOR NI, ,SOR NI BCO BRGYAD LTO BA YIS, ,BRLA YI SUM CHA GNYIS NI 'GEBS, ,ZHABS BOL BUS MO SOR BZHI RE, ,DE LTAR LTO BAS BRLA LA NI, ,GAB PA'I CHA BCAS ZHAL BRGYAD DO, ,THOD KHYIM DBU SKRAR BCAS PA'I DBANGS, ,ZHAL GANG DAG TU BYA'O ZER, ,KHROS SHING KHROS GNYER DANG LDAN PA, ,ZHAL GDANGS SHANGS BRDZES SPYAN DAG NI, ,DMAR ZHING ZLUM PAR BYA BA'O, , BRANG ZHENG SOR MO NYI SHU STE, ,DPUNG BA SOR MO BCU BZHI DANG, ,PHYAG NGAR PHYAG MGO ZHAL TSAD RE, ,ZHENG DU'ANG DE LTAR CHA CHEN BRGYAD, ,ZHABS MGO SOR MO BCU BZHI LA, ,BGRAD PA'I RTING BAR ZHAL TSAD GSUM, ,RIN
, ,CHEN COD PAn SOR DRUG PA, ,RIGS KYI BDAG PO SOR MO BZHI, ,MIG NI MTHE BONG GANG TZAM DANG, ,RNA BA LA NI SOR MO GNYIS, ,ZHAL GDANGS MCHU NI SOR MO RE, ,'BRAS BU 'PHYANG BA SOR MO BZHI; ;LTE BA SOR GCIG ZAB PA'O, ,GA-YAS GA-YON ZHAL GYI ZHENG LA NI, ,SOR MO BCU RE 'BUR BA STE, ,BRIS BYA SOR MO BZHI RE'O, ,RAG DANG ROL DANG GRIM PA SOGS, ,NYAMS NI MKHAS PA'I LUGS BZHIN 'DON, ,TSANGS DANG GA-YAS GA-YON THIG BRGYAD DANG, ,'PHRED THIG BCU YI SKU BYING DANG, ,CHA SHAS RNAMS KYI TSAD RTOGS SHING, ,GSEG THIG LA BRTEN 'GYID TSAD DANG, ,PHYAG ZHABS BRKYANG BSKUMS ZHAL KHYIM GYI; ;THIG KHANG GRU BZHI 'BYUNG TSUL SOGS, ,MAN NGAG MTHONG BRGYUD BZHIN DU BYA, ,ZHES PA LTAR RO, ,BRIS SKU LA THANG KA'I NGOS BZHI DRANG BO YONG BA'I THIG NI, THANG KA'I TSAD LA SRID DU NI, ,CI TZAM YOD PA DE NYID KYI, ,CHA GSUM BGOS PA'I CHA GCIG NI, ,ZHENG GI TSAD DU BYA BA YIN, ,DE YANG NGOS BZHI MNYAM PA'I CHED, ,DANG POR TSANGS THIG DRANG BAR GDAB, ,DE YI DBUS BTZAL MTSAN MA BYA, ,DE STENG SKOR RU'I LTE BA BTZUGS, ,STENG 'OG TSANGS MA'I THIG NYID LA, ,SKOR SNYUG GIS NI MTSAN MA BRI, ,DE NAS STENG 'OG GNYIS KA YI, ,MTSAN MA'I STENG DU SKOR RU YI, ,LTE BA BTZUGS NAS SKOR SNYUG RTZES, ,SNGAR LAS CUNG ZAD
CHE BAR SKOR, ,'PHRED LA NYA YI MTSAN MA 'BYUNG, ,DE YI MGO MJUG STENG NYID DU, ,TSANGS THIG GNYIS PA GDAB PAR BYA, ,THANG KA'I ZHENG TSAD MA NOR BAR, ,THIG SHING DRANG BO GCIG LA BKOD, ,TSANGS THIG GNYIS PA'I PHYOGS GNYIS SU'ANG, ,MTSAN MA MNYAM PAR BKOD BYAS LA, ,SKOR RU'I LTE BTZUGS SNYUG RTZE NI, ,SNGAR LAS SHIN TU CHE BAR BSKOR, ,DE YI ZUR THIG BYA RJES BTZAL, ,BYA RJES STENG 'OG BZHI PO DE'ANG, ,THIG SHING LA BKOD BZHENGS TSAD DER, ,'JOL MED SHIN TU 'GRIG PAR BYA, ,DE LTAR BYAS PAS THANG KA'I, ,NGOS BZHI SHIN TU MNYAM PA 'BYUNG, ,'DI YIS GRU BZHI NAR STABS CAN, ,KUN LA RIG 'GRES SBYAR BAR BYA, , ZHES GSUNGS SO, ,GNYIS PA NI, SDOM 'BYUNG LAS, RING BA GSUM NI SKYON CHEN TE, ,KOS KO MGRIN PA BYIN PA'O, ,NGES PAR SNGAGS PA RANG NYID NI, ,GNAS LAS NYAMS SHING SKROD PAR BYED, ,SHANGS DANG SNYAN DANG PHYAG SOR RNAMS, ,GSUM PO THUNG NA SKYON CHEN PO, ,DNGOS GRUB NGES PAR 'JOMS PA DANG, ,DE NI DPAL YANG NYAMS PAR 'GYUR, ,BYIN PA ZHAL DANG KHUR TSOS TE, ,GSUM PO SBOM PA SKYON CHEN PO, ,SGRUB PO BDAG NYID NGES PAR YANG, ,DPAL LAS RING ZHING BDUD BGEGS 'BYUNG, ,'GRAM PA BRANG DANG RTZIBS LOGS TE, ,GSUM PO ZHOM NA SKYON CHEN PO, ,DON RNAMS NYAMS PAR 'GYUR BA DANG, ,'DIR NI
, ,BGEGS 'BYUNG THE TSOM MED, ,NU MA SHANGS DANG DBRAL BA STE, ,GSUM PO YON SKYON CHEN PO, ,SGRUB PO DE DAG MYUR BAR NI, ,DGRA YI RTZOD PAS GDUNG BAR GYUR, ,BRLA DANG DKU DANG NAM TSOM STE, ,GSUM PO NYAMS NA SKYON CHEN YIN, ,CHOM RKUN SOGS KYIS 'JOMS PA'AM, ,'CHI BAR 'GYUR BAR THE TSOM MED, ,SNYAN DANG MCHU DANG DPRAL BA DANG, ,SHANGS BHA MAS SPYAN NI YO BA SKYON, ,NGES PAR SNGAGS PA BDAG NYID LA, ,SNA TSOGS BGEGS 'BYUNG 'CHI BAR 'GYUR, ,GYEN DU GZIGS SHING DBUGS BSKYOD TSUL, ,GDAN LAS YO ZHING BSKYOD LTA BUS, ,RANG GI GNAS LAS NGES 'PHO ZHING, ,DON RNAMS 'JOMS PA NYID DU 'GYUR, ,MGRIN PA NA MA TSOM LA SOGS SKU'I, ,SKYON NI GRANGS MED GCIG TU GRAGS, ,'DIR NI SPYAN SOGS YO BA DANG, ,PHYAG RGYA PHYAG MTSAN NOR GYUR NA, ,MYA NGAN SDUG BSNGAL GYIS RAB GDUNG, ,RGYAB YOL GDUGS DANG GDAN RNAMS TE, ,GSUM PO CHUNG ZHING DOG PA SKYON, ,MDZA' BOS MI SNYAN BRJOD PA DANG, ,DPAL NYAMS 'CHI BAR 'GYUR BA YIN, ,SKYON 'DI DAG NI SKYON CHEN PO, , MKHAS PAS LEGS PAR BRTAG PAR BYA, ,ZHES SKU GZUGS KYI PHYAG TSAD 'PHYUGS PA'I SKYON MANG DU GSUNGS, CHA TSAD DANG LDAN PAR BZHENGS PA LA YE SHES PA 'JUG PA DANG LHA NYE BA DANG DNGOS GRUB MYUR DU 'THOB
PAR GSUNGS TE, ,MTSAN NYID RNAM LDAN SKU GZUGS NI, ,ZHES PA NAS, DE LTA BU LA RAB GNAS 'GYUR, ,ZHES DANG, DE LA LHA NI NYE BAR 'GYUR, ,ZHES DANG, MTSAN NYID THAMS CAD YANG DAG RDZOGS, ,ZHES PA NAS, DNGOS GRUB MYUR DU THOB PAR 'GYUR, ,ZHES SOGS RGYA CHER GSUNGS PAS BLO GROS DANG LDAN PAS GZAB PAR BYA'O, ,GSUM PA SNANG BRNYAN DNGOS BZHENGS TSUL LA GSUM, BRIS SKU DANG, 'BUR SKU DANG, ZHAR LA DAM TSIG GI GLEGS BAM BZHENGS TSUL LO, ,DANG PO NI, RGYUD RTOG BDUN LAS, DE NAS DPAL RDO RJE 'JIGS BYED CHEN POS GSUNGS PA'I BRIS SKU CHO GA RAB TU BSHAD PA, DPA' BO'I RAS SAM, ZHING LA BKAB PA'I RAS SAM, ME TOG CAN GYI RAS SAM, RAB TU 'DZAG PA'I RAS SAM, BU BTZAS PA'I RAS SAM, DE MA RNYED NA RAS GZHAN GANG YANG RUNG BA BLANG LA, ZHES BRIS GZHI RGYUD NAS BSHAD PA LTA BU'AM, BLA MA DGE BA'I BSHES GNYEN KHYAD PAR CAN KYI PUR RAS BYUNG NA LEGS LA, GAL TE MA RNYED NA, SBYIN BDAG GAM TSONG BA DAD PA CAN GYI LAG NAS BYUNG BA'I RAS BZANG PO LA, GNAS CHEN BYIN RLABS CAN DANG, BLA MA DGE BA'I BSHES GNYEN GYI SGRUB GNAS DANG, RNAL 'BYOR BA TSAD LDAN GYI DKYIL 'KHOR SGRUB PA'I SA DANG, SKYES BU DAM PA KHYAD PAR CAN GYI ZHABS RJES KYI SA DANG, GZHAN YANG BKRA SHIS SHING BYIN CHAGS PA'I SA SNA GANG RNYED SA DKAR DANG
, ,BSRES PA LA MI RUS KYI PHYI MA ZHIB MO CUNG ZAD KYANG BSRES TE, ZLA BA GANG YANG RUNG BA'I MAR NGO'I CU BZHI SOGS GZA' SKAR BZANG PO'I NYIN RAS LA 'DUL SBYONG LEGS PAR BYA'O, ,DE NAS GA BUR TZANDAN GUR GUM SOGS DRI BZANG DANG, BDUD RTZI RIL BU, DAM PA TSAD LDAN GYI SHANGS KHRAG ,GZHAN YANG DAM RDZAS BYIN CAN GANG 'OS RNAMS SNAG TSA DANG TSON LA BSRES SHING SGRUB NA SKYES BU'I THOD PA'I TSON RKONG DU BLUGS, SHI SKRA'I PIR RAM, DE'I SKRA NYAG BSRES PA'I PIR GYIS KYANG RUNG GSUNGS, BRIS 'BUR GYI SKU GANG BZHENGS KYANG SKU RGYU DANG TSON DANG THIG SKUD LAG CHA SOGS BYIN GYIS BRLABS NA LEGS, RJE THAMS CAD MKHYEN PAS BDE MCHOG BSKYED RIM 'DOD 'JOR BRIS SKU BZHENGS NA'ANG THIG TSON BYIN GYIS BRLABS PA DANG THIG BSHAD TSOD BZHIN BTAB NA KHYAD CHE LA ZHES GSUNGS MOD DENG SANG DE 'DRA'I PHYAG LEN DE RNA BAR SON PA'ANG SHIN TU DKA' BAS RE ZHIG BTANG SNYOMS SU BZHAG ,DE LTAR BYED PAR 'DOD NA DAM PA GZHAN GYI GSUNG LAS SHES PAR BYA'O, ,SKYA RIS BTAB ZIN PA NA, SPYI BOR AOm, MGRIN PAR A'A: THUGS KAR H'Um; LTE BAR SV'A, GSANG BAR H'A RNAMS BRIS, THUGS KA'I H'Um YIG GI MTHAR, NYE SNYING, SNYING PO, RTZA SNGAGS KYI MJUG TU BCOM LDAN 'DAS 'JAM DPAL GSHIN RJE GSHED KYIS BDAG CHE GE MO LA BYIN GYIS
BRLAB TU GSOL, MCHOG DANG THUN MONG GI DNGOS GRUB STZAL DU GSOL, ZHES PA YIG MGO PHYIR BSTAN PHRENG GCIG GAM SPRUL 'KHYIL DU RDZOGS PAR BRI, SNGAGS RNAMS NOR 'KHRUL LHAG CHAD BRIS BSUB YIG SPUNGS MED PAR DAG PAR BRIS LA DRI BZANG DANG BDUD RTZI KHUNGS THUB SBYAR BAS LEGS PAR BYUGS, SBYANG KHRUS RAB GNAS MDOR BSDUS ZHIG BGYIS LA, ME TOG 'THOR, DNGOS GZHI, RTOG BDUN LAS, DE LA CHO GA NI, GSANG BA GNAS SU GNAS LA SHING TU MNYAM PAR BZHAG PAS BRI BAR BYA STE, RI MO MKHAN DANG, SGRUB PA POS MTHONG BA LAS 'JIG RTEN PA GZHAN GYIS MI MTHONG BAR BRI BAR BYA STE, ZHABS BCU DRUG PA, PHYAG SUM CU RTZA BZHI PA, ZHAL DGU PA, GCER BU KHA DOG NAG PO, GA-YON BRKYANG BA, 'JIGS PA CHEN PO YANG 'JIGS PAR BYED PA'I RNAM PA CAN, MTSAN MA GYEN DU 'GRENG BA'I RNAM PA CAN GYI THANG KA BRI BAR BYA'O, ,ZHAL DANG PO MA HE, RVA'I GA-YAS SU ZHAL GSUM STE, SNGON PO DANG, DMAR PO DANG, SER PO SHIN TU KHROS PA BRI BAR BYA'O, ,GA-YON DU DKAR PO DANG, DUD KHA DANG, NAG PO'O, ,DE GNYIS KYI DBUS SU RAB TU DMAR BA BRI BAR BYA, DE'I STENG DU 'JAM DPAL GYI ZHAL SER PO CUNG ZAD KHROS PA BRI BAR BYA'O, ,PHYAG GA-YAS PA RDO RJE GRI GUG DANG, MTSON RTZE GCIG PA DANG, GTUN SHING DANG, CHU GRI DANG, RDO RJE RTZE GCIG PA DANG, STA
, ,RE DANG, MDUNG DANG, MDA' DANG, LCAGS KYU DANG, DBYUG THO DANG, KHA tV'Am KA DANG, 'KHOR LO DANG, RDO RJE DANG, RDO RJE THO BA DANG, RAL GRI DANG, CANG TE'U'O, ,PHYAG GA-YON PA NA THOD PA DANG, MGO BO DANG, PHUB DANG, RKANG PA DANG, ZHAGS PA DANG, GZHU DANG, RGYU MA DANG, DRIL BU DANG, LAG PA DANG, DUR KHROD KYI RAS DANG, SKYES BU GSAL SHING LA BTZUGS PA DANG, ME THAB DANG, THOD TSAL DANG, SDIG MDZUB DANG, 'PHAN RTZE GSUM PA DANG, RLUNG GIS BSKYOD PA'I RAS SO, ,PHYAG GNYIS KYIS GLANG PO CHE'I PAGS PA RLON PA 'DZIN PA BRI'O, ,ZHABS GA-YAS PAS MI DANG, MA HE DANG, GLANG DANG, BONG BU DANG, RNGA MONG DANG, KHYI DANG, LUG DANG, LCE SPYANG RNAMS SO, ,ZHABS GA-YON PAS BYA RGOD DANG, 'UG PA DANG, BYA ROG DANG, NE TZO DANG, KHRA DANG, KHYUNG CHEN DANG, RI SKEGS DANG, BZHAD RNAMS SO, ,'DI LTA BUR 'DUG PA'I RDO RJE 'JIGS BYED CHEN PO BRI PAR BYA'O, ,ZHES GSUNGS PA LTAR BRI, DE YANG ZHAL 'KHOR TSUL NI, RTZA ZHAL NAG PO MA HE'I GDONG CAN RIL BO, DE'I STENG SRIN ZHAL DMAR PO KHRAG 'DZAG PA, DE STENG 'JAM DPAL GYI ZHAL SER PO YID TZAM KHROS PA, RVA'I RTZA BA'I GA-YAS ZHAL GSUM GYI DBUS MTHING, GA-YAS DMAR GA-YON SER, GA-YON ZHAL GSUM GYI DBUS
DKAR, GA-YAS DUD KHA GA-YON NAG PO, DBU DGU GA'I LTO MGRIN GCIG KYANG GDONG RNAMS 'BUR DU DOD PA, DBU 'OG MA BRGYAD KYI SPYI BOR RUS PA'I 'KHOR LO RTZIBS BRGYAD PA, RTZIBS GSUM MDUN, GSUM RGYAB; SNYAN GNYIS KYI THAD DU RE RE STE BRGYAD YOD PA'I MTHAR MU KHYUD KYIS BSKOR BA, MDUN GYI RTZIBS LNGA'I MU KHYUD KYI STENG DU DE BZHIN GSHEGS PA LNGA'I NGO BOR GYUR BA'I DRAG PO'I THOD SKAM SOR LNGA PA, LNGA'I RTZE MOR RGYAL BA RIGS LNGA'I SKU 'BUR DU DOD PA'I MTHA' BA TRAS BSKOR BA'I RTZE PHRAN, THOD SKAM GCIG GI KHA NAS GCIG GI KHAR RUS PA'I DRA BA GNYIS GSHIBS SU 'PHYANG PA, THOD SKAM RNAMS KYI KHA'I DBUS NAS RUS PA'I DRA PHYED GSUM GSHIBS SU 'PHYANG BA'I SNE MOR NOR BU SBOM PO GSER GYIS BSDAM PA, RNGA YAB NOR BU'I YU BA CAN DANG, DRIL CHUNG SPEL MAR 'PHYANG BA'I SNE MO SPYAN DBUS MA'I THAD TZAM DU SLEB PA, 'KHOR LO'I LTE BAR RDO RJE SNGON PO RTZE LNGA PA PHYED PA'I TOG DANG, 'KHOR LO'I RTZIBS LA MA THOGS PA'I GSEB NAS DBU SKRA KHAM SER GYEN DU GZINGS PA'I DBU SKRAS 'KHOR LO SOGS MI SGRIB PA, 'KHOR LO SOGS KYIS DBU SKRA MI SGRIB PA GYEN BRDZES, 'JAM DPAL GYI ZHAL GYI DBU SKRA RAL BA'I THOR COG ZUR PHUD LNGA LDAN DU BCINGS PA'I SPYI BOR GSER GYI 'KHOR LO RTZIBS BRGYAD PA MDUN GYI RTZIBS LNGA'I MU
, ,KHYUD KYI STENG DU DE BZHIN GSHEGS PA LNGA'I NGO BO RIN PO CHE'I RTZE PHRAN LNGA RIN PO CHE'I SNYAN RGYAN ME TOG GI GDENGS KA NI GZHON NU RGYAN GYIS BRGYAN PA'O, ,RNA BA GA-YAS GA-YON GNYIS SU RUS PA'I 'KHOR LO'I SNYE MO RA RUS PA'I DRA PHYED GSUM GSHIBS SU 'PHYANG BA'I SNYAN RGYAN RTZA ZHAL GYI RNA BAR BKON PA'AM SRIN ZHAL GYI RNA RGYAN MAR 'ONG BA GANG BDE BYED GSUNGS, MGUL GYI MDUN DU RUS PA'I 'KHOR LO RTZIBS BCU DRUG PA, DPUNG MGO GA-YAS GA-YON RGYAB BCAS LA RTZIBS BCU DRUG PA'AM BRGYAD PA RE RE, 'KHOR LO'I MTSAMS RNAMS LA RUS PA'I DRA BA LNGA GSHIBS SAM BDUN GSHIBS KU RU KHAR BTANG BA, 'KHOR LO'I THAD DU PHYED GSUM GSHIBS 'PHYANG BA, SNYING GA'I THAD KYI RGYAB MDUN GNYIS SU 'KHOR LO RTZIBS BRGYAD PA RE RE YOD PA NAS RUS PA'I DRA BA GNYIS GSHIBS SU DPUNG MGO GA-YAS GA-YON MCHAN 'OG GA-YAS GA-YON DU BTANG BA SNE MO RGYAB MDUN GYI 'KHOR LO LA BTAGS PA'I SE RAL KHA DANG, LTE BA'I THAD DU 'KHOR LO RTZIBS DRUG CU RE BZHI BA'AM RDO RJE GA-YAS GA-YON RGYAB BCAS SU NGES MED RE YOD PA NAS RUS PA'I DRA PA GNYIS GSHIBS SAM, GSUM, YANG NA BRGYAD GSHIBS SAM BCU DRUG KU RU KHAR BTANG BA'I RDO RJE SKA RAGS LAS DRA BA LNGA, DRA PHYED BCU GSUM MAM BCO BRGYAD NYI LE YOD PA'I SNE MO NYI GDAN
NAM BYIN PA LA THUG PA'I SKA RAGS SAM 'OG PAGS, PHYAG ZHABS KYI 'KHRIG MA'I RGYAB MDUN GNYIS SU 'KHOR LO RE RE, RUS PA'I DRA BA GNYIS GSHIBS KU RU KHAR BTANG BA'I 'KHOR LO'I THAD NAS RUS PA'I DRA PHYED GSUM GSHIBS KHA YAR BLTAS NAS 'PHYANG BA'I PHYAG GDUB ZHABS GDUB, DPUNG RGYAN NI DPUNG BA'I THAD DANG, TSIG RGYAN NI GRU MO DANG, PUS MO'I THAD NAS SNGAR BZHIN BRGYAN PA YIN NO, ,DO SHAL NI, MGUL NAS ZHABS KYI LONG BU'I THAD DU SLEB PA'I MI'I RGYU MA LA BRGYUS PA'I MI MGO RLON PA LNGA BCU'I DO SHAL 'PHYANG BA'O, ,SPRUL NAG GI RGYAN YANG SE RAL KHA GA-YAS GA-YON DANG MTSUNGS SHING, ZHAL GZHAN RNAMS KYI DBU SKRA GYEN BRDZES SO, ,PHYAG GYES TSUL NI, DPUNG MGO GA-YAS GA-YON GYI RUS PA DKAR YOL KHA RE RE NANG DU GA-YAS GA-YON PHYAG BCU BDUN GYI TSIGS MGO RNAMS TSUD PA, DE'I PHYAG STENG MA GNYIS KYIS GLANG PAGS 'DZIN PA, DE'I MTSAN 'OG NAS MDUN PHYAG BRGYAD DANG, RGYAB PHYAG BRGYAD MTHAR CHAGS SU BSGRIGS PA MDUN PHYAG STENG MA GNYIS KYIS GRI THOD 'DZIN PAS 'KHYUD TSUL MDZAD PA'O, ,PHYAG MTSAN GZHAN RNAMS GO SLA ZHING, BHI DHI P'A LA NI RTZA BA LCAGS MDUNG NANG DU RMA BYA'I SGRO 'KHOR BTZUGS PA, KA NA YA NI, MDUNG PHYED PA ZHAGS PA BTAGS PA'I ZHAGS MDUNG, GTUN SHING NI, 'BRAS BRDUNG BYED KYI GTUN SHING RKED PA
, ,PHRA LA MGO MJUG SBOM PA, CHU GRI NI, NYA'I LTO BA DRAL BYED KYI GRI 'KHYOG ,KHA tV'Am KA NI, SMAD RDO RJE RTZE GCIG PA YU BA BRGYAD PHYOGS STOD DU BUM PA SNA TSOGS RDO RJE, MI MGO RLON PA SNYID PA SKAM PO RTZE MOR RDO RJE RTZE LNGA RIL POS MTSAN PA, PHYAG MTSAN 'KHOR LO NI, MTSON CHA'I 'KHOR LO 'PHANG BYED, RDO RJE THO BA NI, YU BA'I RTZE MO DANG THO BA'I MGO LA RDO RJE CAN, TSANGS MGO NI, SER PO GDONG BZHI PA; DUR KHROD KYI RAS NI RO RAS, ME THAB NI, THAB GRU GSUM NANG NAS ME 'BAR BA, THOD TSAL NI, MI MGO RLON PA'I YA THOD SKRA DANG BCAS PA, SDIGS MDZUB NI, MI'I LAG PA SDIGS MDZUB CAN, 'PHAN RTZE GSUM PA NI, RIN PO CHE YU BA LA BTAGS PA'I NGAR LCE GSUM YOD PA'I 'PHAN, RLUNG RAS NI, RLUNG LA 'PHYAR BA'I RAS RLUNG LHA'I RGYAL MTSAN LTA BU'O, ,ZHABS KYI 'KHOR TSUL NI, GA-YAS GA-YON GYI DPYI'I RUS PA DKAR YOL KHA RE RE NANG DU GA-YAS GA-YON GYI ZHABS BRGYAD KYI TSIGS MGO TSUD PA, DE YANG MDUN NAS BRTZAMS TE DANG PO BRGYAD MTHAR CHAGS SU BSGRIGS PA ZHABS 'OG GI SROG CHAGS GZHAN RNAMS GO SLA ZHING, BYA CHEN PO 'O LA BA NI, 'OS SE LE, KHRA NI, BONG KHRA ZHES YONGS GRAGS DANG MI 'DRA BA ZHIG YIN, KHYIM BYA ZHES PA BYA PHOR GRAGS PA 'DI MA YIN PAS BOD PAS ME NA: ZER BA MCHU SER BA, SH'A'I RKE SKOR
DANG SER CAN MI SKAD SMRA BA SKYUNG KA'I TSOD TZAM DENG SANG BDAN MANG, BZHAD NI, SPU MDOG DKAR ZHING MCHU LEB LA SER BA LUG GI BONG TSOD TZAM MGUL BA KHRA BOR SNANG BA ZHIG GO ,TSANGS GDONG BZHI PA DANG, GHDONG DRUG GNYIS NI, 'KHOR ZHAL CAN YIN NO, ,PHYAG ZHABS THAMS CAD LA RDO RJE SEN MO BYA'I MCHU LTAR GUG PA, GA-YAS PHYAG MTSAN DANG BCAS PA'I SDIG MDZUB THUR DU GDENGS PA, GA-YON PHYAG MTSAN DANG BCAS PA'I SDIG MDZUB GYEN DU CUNG ZAD GDENGS PA'O, ,ZLA BA NYI MA SNA TSOGS PADMA'I GDAN DANG YE SHES KYI ME DPUNG SKU MDOG DANG MI BZLOS PA'I CHED KHA DOG SNA TSOGS KYI MDANGS DANG LDAN PA BRI, DENG SANG GI BRIS THANG LA YID BRTAN CHER MI SNANG NGO, ,STENG GI CHAR 'OS PHYOGS SU YE SHES KYI MKHA' 'GRO MA SKU MDOG MTHING NAG KHRO 'DZUM SGEG PA'I NYAMS CAN SPYAN GSUM PA, PHYAG GNYIS KYIS THUGS KAR GRI THOD BSNAMS PA, DAR GYI GA SHA DANG, STAG PAGS KYI SHAM THABS GSOL BA, RAL BA'I THOR COG CAN, SKU LA RUS PA'I RGYAN DANG, ZHABS GNYIS RDO RJE SKYIL KRUNG GIS BZHUGS PA, GRUB CHEN L'A LI TA BADZRA NI, ZHAL 'DZUM SGEG PA'I NYAMS CAN, RGYA DANG SMAR CUNG ZAD YOD PA, RAL BA'I THOR COG GI RTZER RIN PO CHE'I RTZE RGYAN DANG DPRAL BAR THOD SKAM GYIS BRGYAN PA, SNYAN RGYAN SOGS RUS PA'I RGYAN DRUG DANG, SKU STOD LA DAR DPYANGS DANG, SKU SMAD LA DAR GYI AANG RAG CAN, PHYAG GA-YAS THOD PA'I dA MA RU GYEN DU BTEGS NAS 'KHROL BA, GA-YON BDUD RTZIS BKANG BA'I K'A PA LA BRLA GA-YON LA BRTEN NAS 'DZIN PA, ZHABS GA-YAS NANG DU
, ,BSKUMS SHING GA-YON PHYIR CUNG ZAD BRKYANG BA PHYED SKYIL GYI TSUL DU BZHUGS PA GRUB CHEN GYI RNAM PA CAN NO, ,AA MO GHA BADZRA'AM DON YOD RDO RJE CHE BA NI, RNAL 'BYOR PA'I CHA BYAD CAN, PHYAG GA-YAS CUNG ZAD BRKYANG TSUL KYIS BUM PA DANG, GA-YON MNYAM BZHAG GI STENG NA THOD PA BSNAMS PA, DAR DMAR PO'I SHAM THABS DANG SGOM THAG 'CHING BA, ZHABS RDO RJE SKYIL KRUNG GIS BZHUGS PA, YE SHES 'BYUNG NAS SBAS PA NI, RNAL 'BYOR PA'I CHA BYAD CAN, PHYAG GA-YAS RDO RJE THUGS KAR 'DZIN CING, GA-YON DRIL BU DKUR BRTEN PA, SKU STOD LA GOS KYI GA SHA DANG, SKU SMAD LA DAR GYI SHAM THABS GSOL BA, ZHABS GNYIS PHYED SKYIL GYI TSUL DU BZHUGS PA'O, PADMA BADZRA NI, CHOS GOS GSUM DANG, SHAM THABS GSOL BA, GA-YAS CHOS 'CHAD, GA-YON MNYAM BZHAG GI STENG NA GLEGS BAM BSNAMS PA, PAn ZHVA DMAR PO CAN, ZHABS RDO RJE SKYIL KRUNG GIS BZHUGS PA, BAL PO YE RANG BA THUGS RJE CHEN PO LA MTSAN, D'I BAm KAR RAKshI TA DANG, BHA RO PHYAG RTUM PAR GRAGS PA NI, DGE SBYONG GI CHA BYAD CAN, CHOS GOS GSUM DANG PAn ZHVA DMAR PO LEB 'JOG ,PHYAG GA-YAS CHOS 'CHAD GA-YON PUS MO'I STENG SA GNON GYI PHYAG RGYA MDZAD PA, ZHABS RDO RJE SKYIL KRUNG CAN, RVA CHEN RDO RJE GRAGS PA NI, CHOS GOS GSUM DANG SHA 'GAG GSOL BA, PHYAG GA-YAS RDO RJE DAR NAG CAN, GA-YON DRIL BU DKUR BRTEN PA, PAn ZHVA DMAR PO GSOL
BA; ZHABS GA-YAS BRKYANG GA-YON BSKUM PA'I TSUL DU BZHUGS PA MDUN DU DGANG BLUGS BZHAG PA'O, ,RVA CHOS RAB NI, DBU SKRA LCANG LO CAN SMRAR CUNG ZAD YOD PA, LVA BA DMAR PO DANG BER SNGON GSOL BA, ZHABS SEMS DPA'I SKYIL DKRUNG, PHYAG GNYIS KYIS SA THUR DANG SA GZHUNG BSNAMS PA'O, ,RVA YE SHES SENGGE NI, DBU SKRA LCANG LO CAN, LVA BA DKAR PO LA DAR LJANG GU'I SKA RAGS BCINGS PA, GA-YAS CHOS 'CHAD GA-YON MNYAM BZHAG GI STENG NA GLEGS BAM BSNAMS PA'O, ,RVA 'BUM SENGGE NI, DAR BABS KYI NYAMS LDAN, DBU SKRA LCANG LO CAN, LVA BA DMAR PO'I NA BZA', BER THUL GSOL BA, PHYAG GA-YAS RDO RJE THUGS KAR BSNAMS SHING, GA-YON DRIL BU DKUR BSTEN PA'O; ;DPAL CHEN RGVA LO NI, BGRES NYAMS CAN, DBU SKRA SMIN MA SMA RA DKAR PO, LVA BA DKAR PO'I STENG SKU GZAN DKAR PO GYON PA, PHYAG GA-YAS MNYAM BZHAG GI STENG NA GLEGS PA MA, GA-YON BUS MO'I STENG BGRANG 'PHRENG BSNAMS PA, ZHABS LA SAG LHAM GYON PA, PHYED SKYIL GYI TSUL DU BZHUGS PA'O, ,RONG BA SHER SENG NI, CHOS GOS RNAM GSUM GSOL ZHING, PHYAG GA-YAS CHOS 'CHAD, GA-YON MNYAM BZHAG ,DBU ZHVA DMAR ZLUM, ZHABS PHYED SKYIL GYI TSUL DU BZHUGS PA'O, ,BLA MA YE SHES DPAL PA NI, GA-YON MNYAM BZHAG GI STENG NA GLEGS BAM, GZHAN GONG DANG 'DRA, CHOS RJE DON RIN PA'AM, SHAR PHYOGS RIGS PA'I DPA' BO NI, CHOS GOS GSUM DANG
, ,SNE RING SER PO, PHYAG GA-YAS CHOS 'CHAD, GA-YON MNYAM BZHAG GI STENG NA LHUNG BZED BSNAMS PA, GOS BER CAN, DPUNG BA GA-YON DU PAD SDONG GI RTZED RDO RJE DRIL BUS MTSAN PA'O, ,RJE TZONG KHA PA YONGS GRAGS LTAR RO, ,BA SO CHOS RGYAN NI, SKU LA CHOS GOS GSUM DANG GOS BER CAN, PHYAG GA-YAS CUNG ZAD BRKYANGS NAS SKYABS SBYIN GYI PHYAG RGYA DANG, GA-YON THUGS KAR CHOS 'CHAD KYI PHYAG RGYA MDZAD PA; DBU ZHVA MED, GRUB CHEN CHOS KYI RDO RJE NI, DBU SKRA DKAR PO, BGRES NYAMS CAN, SNE THUNG LEB 'JOG ,PHYAG GNYIS SKU PANG DU THAL MO BSNOL BA'I TSUL DU BZHUGS PA'O, ,DPEN SA PA RGYAL BA BLO BZANG DON GRUB NI, ZHI 'DUL GYI NYAMS CAN, PHYAG GA-YAS SKYABS SBYIN DANG, GA-YON MNYAM BZHAG GI STENG NA GLEGS BAM BSNAMS PA, DBU LA SNE RING LEB 'JOG ,MKHAS GRUB SANGS RGYAS YE SHES NI, SKU LA CHOS GOS GSUM DANG, GOS BER GSOL BA, DBU LA PAn ZHVA SNE RING, PHYAG GNYIS THAL MO BSNOL BA'I TSUL DU BZHUGS PA, PAn CHEN BLO BZANG CHOS RGYAN NI, SKU 'GRES NYAMS DANG PHYAG GA-YAS CHOS 'CHAD, GA-YON MNYAM BZHAG GI STENG NA GLEGS BAM MAM, YANG NA PHYAG GNYIS MNYAM BZHAG GI STENG NA LHUNG BZED BSNAMS PA, PAn CHEN SGOM ZHVA ZHES RTZEGS MA CAN DANG, CHOS GOS RNAM GSUM BER ZLAM SER PO
GSOL BA'O, ,RJE SANGS RGYAS BKRA SHIS NI, SKU LA CHOS GOS GSUM LDAN, PHYAG GNYIS KYIS RDOR DRIL BA BSNAMS PA, DBU ZHVA MED, RJE NGAG DBANG BLO BZANG MTSAN CAN NI, SKU LA CHOS GOS GSUM DANG GOS BER SNE RING, PHYAG GA-YAS CHOS 'CHAD, GA-YON MNYAM BZHAG GI STENG NA GLEGS BAM CAN, KHRI CHEN NGAG DBANG BLO GROS NI, CHOS GOS GSUM DANG SKU BER SNE RING, PHYAG GA-YAS dA MA RU DANG, GA-YON DRIL BU BSNAMS PA'O, ,'JAM BZHAD NGAG DBANG BRTZON 'GRUS NI, CHOS GOS GSUM DANG, GOS BER, DBU LA PAn ZHVA SNE RING, PHYAG GA-YAS GLEGS RAL GYIS MTSAN PA'I PADMA'I SDONG PO THUGS KAR 'DZIN PA, GA-YON MNYAM BZHAG GI STENG NA TSE BUM BSNAMS PA'O; ;MKHAN CHEN SANGS RGYAS RDO RJE NI, CHOS GOS GSUM SKU LA GSOL BA, PHYAG GA-YAS SKYABS SBYIN GYI PHYAG RGYAS RDO RJE THUGS KAR 'DZIN CING, GA-YON DRIL BU DKUR BRTEN PA'O, ,KUN MKHYEN 'JIGS MED DBANG PO NI, SKU LA CHOS GOS RNAM GSUM GSOL BA, GOS BER, SNE RING CAN, PHYAG GA-YAS RAL GRIS MTSAN PA'I PADMA'I SDONG BU THUGS KAR 'DZIN CING, GA-YON MNYAM BZHAG GI STENG NA GLEGS BAM BSNAMS PA, GUNG THANG BA KHRI CHEN BSTAN PA'I SGRON ME NI, SKU GZHON NYAMS CAN, SPYAN 'BUR TSUGS SU GZIGS PA, CHOS GOS GSUM DANG GOS BER SNE RING GSOL BA, PHYAG GA-YAS CHOS 'CHAD, GA-YON PUS MO'I STENG NA SKYABS SBYIN GYI PHYAG RGYA MDZAD PA, SKU PANG
, ,DU GLEGS BAM BZHAG PA'O, ,GSANG BDAG SDE KHRI 'JAM DBYANGS THUB BSTAN NYI MA NI, SKU BGRES TSUL CAN, GOS BER, SNE RING GSOL ZHING, PHYAG GNYIS KYIS RDOR DRIL BSNAMS PA'O, ,AA MCHOG SPRUL SKU BSTAN PA'I RGYAL MTSAN NI, SKU LA CHOS GOS GSUM DANG BER ZLA MA SNE RING GSOL BA, GA-YAS CHOS 'CHAD, GA-YON MNYAM BZHAG GI STENG NA GLEGS BAM BSNAMS PA'O, ,GRUB CHEN RTZI BZHAG BSTAN PA'I RGYAL MTSAN NI, SKU LA CHOS GOS GSUM DANG, DBU LA RTZE ZHVA LEB 'JOG TU GSOL BA, PHYAG GNYIS KYIS BGRO GLENG GTONG BA'I NYAMS CAN, ZHABS GA-YAS BSKUM GA-YON BRKYANG GI TSUL DU BZHUGS PA'O, ,KHYAB BDAG SHING BZA' RDO RJE 'CHANG NI, CHOS GOS GSUM DANG, SKU BER GSOL BA, PHYAG GA-YAS CHOS 'CHAD KYI PHYAG RGYA DANG BCAS PADMA'I YU BA BSNAMS PA, PADMA'I STENG NA SNYAN THAD DU GLEGS RAL GYIS MTSAN PA, GA-YON MNYAM BZHAG GI STENG NA TSE BUM KHA RGYAN GYIS MDZES PA BSNAMS PA, ZHABS RDO RJE SKYIL KRUNG GIS BZHUGS PA'O, ,DE'I BKA' 'BANGS CHOS KYI RDO RJE NI, DAR YOL SMA RA CUNG ZAD CAN, CHOS GOS GSUM DANG GOS BER LHUG PAR GSOL BA, DBU LA PAn CHEN SGOM ZHVAS MDZES PA, GA-YAS RDO RJE DANG GA-YON DRIL BU DA KUR BRTEN PA, ZHABS RDO RJE SKYIL KRUNG GIS BZHUGS PA'O, ,BLA MA BRGYUD PA'I MNGON RTOGS 'DI RNAMS RVA RGYA'I
BAR MA'I NANG GSAL 'GA' DANG NGOS KYI THOB PA'I BRGYUD LUGS GCIG LTAR DANG, BRIS THANG KHUNGS MA RNAMS DANG SGO BSTUN BLA MA KHA SHAS MNGON RTOGS CHER MI GSAL BA RNAMS SO SO'I RNAM THAR GYI BABS DANG BSTUN NAS BRI DGOS PAR RJE DHARMA BADZRA GYI GSUNG BZHIN BKOD PA'O, ,'OG TU BKA' SDOD CHOS RGYAL PHYI NANG GSUM MAM PHYI SGRUB RDO RJE 'JIGS BYED KYIS DAM LA BTAGS PAR GRAGS PA'I BKA' SDOD YIN PAS SKABS DANG 'BREL LA, GZHAN CHOS BRGYUD MI GCIG PA'I BSRUNG MA JIG RTEN PA'I RNAM PA CAN SNA TSOGS NI BRIS PAR MI BYA'O, ,GRUB NA RTOG BDUN LAS GSUNGS PA LTAR, DE'I PHYI ROL TU DUR KHROD CHEN PO YANG BRI STE, 'JIGS PA CHEN POR BYED PA'I GNOD SBYIN DANG, SRIN PO DANG, ZHING SKYONG DANG, RO LANGS DANG LDAN PA, SKYES BU MDUNG RTZER BTZUGS PA'I GZUGS DER BSTAN PAR BYA, N+YA GRO TA'I SHING STENG NAS SKYES BU 'PHYANG BA BSTAN PAR BYA, SKYES BU BSREGS PA YANG BRI; MDUNG GIS PHUG PA YANG BRI, BYA SNA TSOGS PA DANG, BYA RGOD DANG, BYA ROG DANG, KHYI DANG, LCE SPYANG HA HA 'BYIN PA BRI, SGRUB PA PO RNAMS KYANG BRI STE, BCOM LDAN 'DAS LA RTZE GCIG TU BLTA BA, GCER BU SKRA BSHIG PA, PHYAG RGYA LDAS BRGYAN PA, CANG TE'U DANG, THOD PA DANG, KHA tV'Am GA 'DZIN PA, THOD PAS SPYI BOR BRGYAN PA, RGOD CING DUR KHROD DER 'JUG PA BRI'O, ,ZHES GSUNGS PA LTAR BRIS NA SHIN TU LEGS, DE
, ,LTAR LEGS PAR GRUB NAS, GZA' SKAR TSES GRANGS BZANG PO LA SPYAN DBYE BYA'O, ,DE NAS BZO BO YON GYIS MNYES PAR BYED PA GAL CHE STE, RAB GNAS KYI RGYUD LAS, BZO BO MA MNYES PA'I LHA LA YE SHES PA MI 'JUG STE, RAB GNAS KYI THOG MAR BZO BO MNYES PAR BYA'O, ,ZHES GSUNGS, DE NAS RGYUD LAS, GANG DU SKU GZUGS RDZOGS PA LA, ,BYIN MA BRLABS PAR RING GNAS NA, ,DE LA BKRA MI SHIS 'BYUNG ZHING, , DE SRID MCHOD PAR DE MI 'OS, ,ZHES GSUNGS PAS BZHENGS GRUB MA THAG RAB TU GNAS PA RGYAS PAR BYAS TE, YE SHES PA BSTIM PA BRGYA RTZA LA SOGS PA BYAS, TSOGS KYI 'KHOR LO DANG, MCHOD PA SNA TSOGS PAS MCHOD PAR BYA STE, MNGON BRJOD BLA MA LAS, RAB TU GNAS PA'I DUS DAG TU, ,GNYIS 'GYUR TSOGS KYIS SPEL BA STE, ,GDU BU DANG NI RKANG PA DANG, ,DPUNG RGYAN GOS KYIS BYE BRAG DANG, ,SOR GDUB DANG NI MCHOD PHYIR THOG , RKANG RGYAN DANG NI THOD PA DANG, ,GDUGS DANG RNGA YAB DE BZHIN TE, ,SNA TSOGS SKYE RGU SBYIN ZHES 'BUL, ,SNA TSOGS DPA' BO MCHOG DAM PA, ,MYOS BYED BTUNG BA'I BYE BRAG DANG, ,ZHES PA NAS, BZA' BA'I MCHOD PA DAG GIS MCHOD, ,CES GSUNGS SO, ,GNYIS PA 'BUR SKU BZHENGS TSUL NI, MNGON BRJOD BLA MA LAS, DUNG CHEN DAG NI KHO NA LAS, ,MKHAS PA'I GZUGS NI SGRUB BYA STE, ,ZHES PA NAS, DPA' BO'I LAS
KYIS BSGRUB PA STE, ,BLA MA YI NI GO 'PHANG 'GRUB, ,CES MCHOG SGRUB PA'I CHED DU BZHENGS NA MI'I THOD PA LA BZHENGS DGOS PAR GSUNGS PA DANG, ,GSER DANG DNGUL LA SOGS PA DANG, ,ZHES PA NAS, DNGOS GRUB MCHOG GI KHYAD PAR YIN, ,ZHES DNGOS GRUB MCHOG 'DOD NA GSER DNGUL ZANGS SHEL THANG SHING RDO RJE PHA LAM RNAMS KYIS BZHENGS, ,TZANDAN DANG NI THANG SHING DANG, ,ZHES PA NAS, GRUB PA YI NI DNGOS GRUB 'GYUR, ,ZHES GRUB PA CHEN PO BRGYAD RNYED PAR 'DOD NA, TZANDAN DKAR DMAR THANG SHING TZAM PA KA AA SHVA KA STE MYANG NA MED PA'I SHING, SHRI BRIKshA STE DPAL GYI SHING, AA KA RU STAR KA 'O MA SHING STAG PA'I SHING RNAMS LAS SKU BRNYAN BYA BAR GSUNGS SHING; GZHAN YANG LAS GANG DANG GANG SGRUB PA LA DE DANG DE'I DMIGS BSAL GYI SKU RGYU'I RNAM GRANGS MANG PO ZHIG GSUNGS PAS NA, DMIGS BSAL YOD NA DE LA BSNGAGS PA'I SKU RGYU LAS BYA ZHING, MED NA ZANGS DPA' KHAR BA SHING SA RDO SOGS RGYU PHAL BAS KYANG BZHENGS RUNG BAS, DE YANG 'JIM SKU LTA BU LA MTSON NA, BRIS SKU'I SKABS SU BSHAD PA'I RAS 'DUL LA BSHAD PA'I RDZAS RNAMS DANG, RIN CHEN PHYE MA, DAM PA KHYAD PAR CAN RNAMS KYI DBU LO GDUNG RUS NA BZA' SOGS KYIS MTSON BYIN RTEN BSRE BSLAD MED PA GANG 'DZOM DRI BZANG SNA TSOGS DANG SA BZANG PO TSAGS LA BTZAG PA LA BSRES TE LEGS PAR BTAGS PA RTZA SNGAGS LAS SNGAGS
, ,NYE SNYING MANG DU BZLAS PA'I DRI BZANG GI CHUS SPRUS DBANG LAG SOGS DAM RTZI LEGS PAR BTANG, DE NAS 'JIM PA DANG BZO BO'I LAG CHA SOGS BYIN GYIS RLABS DANG CHA TSAD DANG LDAN PAR BYA BA RNAMS GONG SMOS DANG GZHAN LAS BYUNG BA LTAR BYA ZHING, GZUNGS GZHUG GI SKOR YANG, DBU GZUNGS LA 'JIGS BYED BLA MA BRGYUD PA RNAMS KYI MTSAN SNGAGS DANG, THUGS KAR RTZA SNGAGS, SNYING PO, NYE SNYING RNAMS GSER GYIS BRIS LA DAR GYI NA BZA' BKON PA DAR SKUD KYIS BSDAMS TE BTZUGS, GZHAN GZUNGS GZHUG GI LAG LEN SPYI DANG 'DRA ZHES GSUNGS SO, ,GSUM PA DAM TSIG GI GLEGS BAM BZHENGS TSUL NI, KYE RDO RJE'I RGYUD LAS, GLEGS BAM NGA YIS BSHAD BYA YI, ,LHA MO SKAL BA CHEN PO NYON, ,SBRANG CHEN SNAG TSA BYAS NAS NI, ,MI YI RUS PA'I SMYU GU YIS, ,GLEGS BAM SOR NI BCU GNYIS PA, ,GRO GAR DAM TSIG CAN GYIS 'BRI, ,ZHES GSUNGS, DE YANG 'BRI MKHAN DANG 'BRI BA'I DUS NI BRIS SKU DANG 'DRA LA, SNAG TSA NI MI YI TSIL GYI MAR ME SBAR BA'I STENG DU THOD PA KHA SBUB TU BZHAG PA'I NGOS CHAGS PA'I DUD PA BLANGS TE LEGS PAR BTUL BA LA, RGYA SKEGS DANG AA RU RA'I KHU BA SBYAR BA LA SBRANG CHEN DU GSUNGS SHING, BRIS SKU'I SKABS LTAR 'DIR YANG SKYES PA GRIR SHI'I THOD PA RAB, MA RNYED NA RANG SHI'I THOD PAR SNA TSA BLUGS LA SBYIN
DANG SBYAR NAS LAS SU RUNG BAR BYED, THOD PA'I SNOD DU BYED PA'ANG K'A PA LA ZHES PA BDE BA SKYONG BA'I DON YIN PHYIR BDE STONG GNYIS MED KYI YE SHES RANG RGYUD LA SKYE BA'I RTEN 'BREL YOD PAR GSUNGS, BRI BZHI'I SHOG GU SO RAB CU GNYIS PA STE, RTEN 'BREL BCU GNYIS GNAS SU DAG NAS BDEN STONG RNAM PA BCU GNYIS KYI NGO BOR MNGON PAR BYANG CHUB PA'I RGYUD SMIN BYED KYI CHED DU DANG, BZHENGS TSAD RGYUD LAS MA GSAL KYANG PHYAG LEN LA SOR BZHI PA MDZAD, DGA' BZHI'I YE SHES STONG BZHI'I NGO BOR SHAR NAS MA DAG PA'I THIG LE BZHI SGRIB BRAL DU BYAS PA LAS 'BRAS BU SKU BZHI 'GRUB PA'I MTSON BYED DO CES GSUNGS, YIG MKHAN SOGS RAB TU GNAS PAR SPRON RJE 'DUL 'DZIN PA'I GSUNG DU BLTA'O, ,DE NAS BRIS MKHAN GYIS BDUD RTZI RIL BUS KHA DAG PAR BYAS NAS MI RUS KYI SMYU GU THOGS TE LHA'I NGA RGYAL DANG LDAN PAS BRIS BSUB LHAG CHAD SDEBS SKYON YIG SPUNGS SOGS MED PAR DBU CHEN GZAB CHUNG GI RNAM PAR SHIN TU RUNG BAR BRI, GRUB ZIN PA DANG DPE RAS BZANG POS DRIL, TZANDAN GYI GLEGS SHING, SKU RAGS GDONG 'DZER SOGS PHUN SUM TSOGS PAR BGYIS LA PHYI NAS DAR SNGON POS DRIL, RAB GNAS LEGS PAR BYA'O, ,RGYUD LAS, GLEGS BAM LAM GYI SPYOD YUL DU, ,SKRA DANG MCHEN KHUNG NYID DU SBA, ,ZHES RNAL 'BYOR PA RAL BA CAN YIN NA THOR COG GI GSEB DANG, MIN NA MCHAN KHUNG DU GDAGS LA DE YANG SKYES PA YIN
, ,PA YIN NA MCHAN KHUNG GA-YON, BUD MED YIN NA GA-YAS SU GDAGS PAR BYA'O, ,'JIGS BYED KYI RGYUD RTOG BDUN, RTOG GSUM, DNGOS GRUB 'BYUNG BA'I RGYUD SOGS RANG GANG MOS BSAM KA GLEGS BAM DU BZHENGS NA LEGS SHING, DER MA ZAD RANG GI RTZA BA'I BLA MA DANG DAM PA GONG MA RNAMS KYIS MDZAD PA'I YIG SNA RNAMS KYANG BSHAD MA THAG PA'I CHOG LTAR BZHENGS NAS DAM TSIG GI RTEN DU BZUNG NA SHIN TU PHUN SUM TSOGS PAR 'GYUR RO, ,DE LTA BU'I DAM TSIG GI RTEN DU BZHENGS PA'I BRIS 'BUR GYI SKU DANG RGYUD KYI GLEGS BAM DANG DER MA ZAD RDOR DRIL BGRANG PHRENG SOGS DAM TSIG GI RDZAS THUN MONG MA YIN PA RNAMS SNOD MIN LA GSANG ZHING SBA BAR BYA DGOS TE, BDE MCHOG RTZA RGYUD LAS, DPA' BO'I DBANG PHYUG MI BRI ZHING, ,RNAM PA KUN TU SBA BAR BYA, ,ZHES SO, ,BRIS SKU SOGS SNOD MIN LA BSTAN NA DNGOS GRUB RING BAR GSUNG STE; GLEGS BAM DANG NI BRIS SKU NYID, ,GAL TE SKAL MED MTHONG GYUR NA, ,SKYE BA 'DIR NI 'GRUB MI 'GYUR, ,'JIG RTEN PHA ROL SPYOD YUL MIN, ,ZHES DANG, SBAS DON KUN GSAL LAS, BRIS SKU SNOD MIN LA STON PA SOGS KYIS KYANG DNGOS GRUB CHES RING DU BYED DO, ,CES GSUNGS SO, SKU BRNYAN BZHENGS PA'I PHAN YON NI, DAM CHOS PAD DKAR LAS, SKYES BU DAG GAM 'ON TE GZHON NU'ANG RUNG, ,GANG DAG LA LAS DE NI
SLOB PA'I TSE, ,RTZIGS NGOS SEN MO'I SHING BUS GZUGS BRIS NA, ,DE DAG THAMS CAD BYANG CHUB THOB GYUR TE, ,CES SO, RAS BRIS BZHENGS PAR BSKUL BA DANG RJES SU YI RANGS BYED PA RNAMS KYANG DON CHEN POR GSUNGS TE, 'JAM DPAL RTZA RGYUD LAS, RAS RIS 'DI NI MTHU CHE LA, ,DON DU GNYER DANG BSKUL BAS NI, ,MYUR DU SKYE BA DON YOD THOB, ,RJES SU YI RANGS DE BZHIN NO, ,ZHES GSUNGS, RAS BRIS KYI RTEN BZHENGS NAS, DE'I MDUN DU SNGAGS GANG GRUB PA RNAMS 'GRUB PAR GSUNGS TE, RI MO 'DI NI MDUN BZHAG NA, ,SNGAGS RNAMS MA LUS 'GRUB PAR 'GYUR, ,ZHES DANG, RTOG BDUN LAS, 'DI NI GSANG BA'I BRIS SKU STE, GNAS GCIG TU LEGS PAR BZHAG LA, SHA CHEN GYI SPOS DBUL, DE'I MDUN DU DUNG CHEN GYI 'PHRENG BAS BZLAS PA BYA, SNGAGS PA MNYAM PAR BZHAG PAS DUS GSUM DU 'BAD PAS BRI SKU BSRUNG NGO, ,GZHAN GANG DU'ANG MI GZHAG GO ,GZHAN GANG GI MDUN DU YANG MI DGRAM MO, ,LDAG PA DANG, BTUNG BA DANG, BZA' BA DANG, STON MO NI SHA CHEN RTAG TU MTSAN MO BZA' 'O, ,GAL TE MCHOG GI DNGOS GRUB 'DOD NA, DUS GSUM DU RNAM PAR SNANG MDZAD DANG, KHRAG GI SPOS BRIS SKU'I MDUN DU DBUL LO, ,ZHES GSUNGS SO, ,GLEGS BAM BZHENGS PA'I PHAN YON KYANG, SDOM 'BYUNG LAS, HE RU KA DPAL MNGON BRJOD RGYUD, ,KLOG GAM 'CHANG NGAM BRIS PAS NI, ,DNGOS GRUB RDZU 'PHRUL SKAL BZANG DANG, ,
, ,BYANG CHUB SEMS DPA' THOB PAR 'GYUR, ,ZHES SOGS MDO RGYUD MANG PO LAS RGYA CHER GSUNGS SO, ,'DIR SMRAS PA, AA HO: SNGON BYON MKHAS GRUB KUN GYI DGONGS PA'I MTSO, ,BLO RTZE'I SA 'DZIN DBANG POS BSRUBS LAS THON, ,BRIS SKU BZHENGS TSUL LEGS BSHAD 'OD PO CHE, ,SKAL BZANG CHU SKYES GNYEN DU DENG 'DIR SHAR, ,DENG DUS SBYIN BDAG GLA THANG CHUNG BA DANG, ,BZO BO KHA MED MIG MED NOR LA RNGAMS, ,CHA TSAD GZHUNG LAM SBYANGS LAG SHES KYIS, ,MGO BO BSKOR LA 'BAD MTHONG YI RE MUG ,'DI LAS 'ONGS PA'I DGE TSOGS NYAL 'GRO'I RGYUN, ,ZLA LTAR DKAR BA GANG ZHIG BSAGS PA DES, ,RIM GNYIS LAM GYIS BGROD PA MTHAR PHYIN NAS, ,KUN MKHYEN YE SHES RGYA MTSOR 'JUG GYUR CIG , (,,CES BRIS SKU BZHENGS TSUL NGO MTSAR MTHONG BA DON LDAN ZHES BYA BA 'DI YANG LUGS ZUNG SHES BA'I GNAS LA MKHYEN DPYOD MKHA' LTAR YANGS PA GSER TOG PHYAG MDZOD CHEN MO CHOS RJE NGAG DBANG RGYA MTSO LAGS NAS LO 'GAR RDO RJE 'JIGS BYED KYI BLA BRGYUD KYI MNGON RTOGS BRIS TSUL ZHIG BGYID DGOS ZHES GSUNGS NAN MDZAD MOD, PHRAN LE LO'I NGANG DU DPAR LUS SHING, DE BSAM TSE RDO RJE 'JIGS BYED BRI SKU BZHENGS TSUL DANG BLA RABS RNAMS DANG RGYUD KYI GLEGS BAM BZHENGS TSUL BCAS PHYOGS GCIG TU BKOD ZHIG MA MTHONG PAS DAM PA GONG MA RNAMS KYI GSUNG LAS BTUS TE PHYOGS BSGRIGS BYAS PA LA 'GAL BA MED DAM SNYAM NAS PHYOGS GCIG TU BKOD PA PO, RGYAL KHAMS MYUL BA'I SBRANG BA NA CHOS KYI RDO RJES SUG LAS SU BGYIS PA'O, ,'DI LA
'GAL 'KHRUL NOR GSUM YOD NA DAM CAN CHOS KYI RGYAL PO DANG YE SHES KYI SPYAN DANG LDAN PA RNAMS LA BZOD PAR GSOL LO,, ,,SARBA MANGGA LAm,,