*, ,RGYAL BA KUN GYI 'PHRIN LAS KYI LHA GCIG RJE BTZUN YID BZHIN 'KHOR LO'I BLA MA'I RNAL 'BYOR THUN MONG MA YIN PA DNGOS GRUB BYE BA'I GTER MDZOD CES BYA BA BZHUGS SO, ,
, ,NA MO A'ARYA T'A RE YE, RAB 'BYAMS RGYAL BA'I TSE DANG YE SHES SOGS, ,RAB TU STZOL MDZAD TSE SBYIN T'A RE MAS, ,RAB MANG 'GRO LA MCHOG THUN DNGOS GRUB STER, ,RAB TU 'GYED PA'I DGA' STON MYUR STZOL ZHIG ,DE LA 'DIR RGYAL BA KUN GYI 'PHRIN LAS KYI LHA GCIG RJE BTZUN YID BZHIN 'KHOR LO'I BLA MA'I RNAL 'BYOR ZAB MO NYAMS SU LEN PAR 'DOD PA'I GANG ZAG GIS, LHA 'DI'I THUN MONG DANG THUN MONG MA YIN PA'I RJES SU GNANG BA THOB CING DAM SDOM LA GNAS PA'I RNAL 'BYOR BAS, YID MTHUN GYI GNAS SU BRIS 'BUR GANG RUNG GI RTEN BKRAM PA'I MDUN DU MCHOD GTOR GTZANG ZHING GYA NOM PA GA-YO DANG BRAL BAR 'DU BYAS, BDE BA'I STAN LA LUS GNAD BCOS TE 'KHOD LA DGE
, ,SEMS KHYAD PAR CAN GYI NGANG NAS SKYABS SEMS TSAD MED BZHI RGYUD DANG 'DRES NGES SU BTANG LA, 'DI LTAR, RANG MDUN KUN GSAL DBYINGS SU SENG KHRI'I STENG; ;PAD ZLA'I STENG DU RTZA BA'I BLA MA MCHOG ,DBYER MED YID BZHIN 'KHOR LO SKU MDOG DKAR, ,PHYAG GA-YAS MCHOG SBYIN GA-YON PA AUTPALA BSNAMS, , RIN CHEN RGYAN DANG DAR GYI NA BZA' GSOL, ,'OD PHUNG DBUS SU RDO RJE SKYIL KRUNG BZHUGS, ,GNAS GSUM YI GE GSUM MTSAN H'Um 'OD KYIS, ,YE SHES PA DANG DBANG LHA SPYAN DRANGS TE, ,DZA: H'Um BAm HO: GNYIS SU MED PAR GYUR, ,DBANG LHAS BUM CHUS DBANG BSKUR DRI MA DAG ,'OD DPAG MED KYIS DBU LA BRGYAN PAR GYUR, ,LUS
NGAG YID GSUM GUS PAS PHYAG 'TSAL LO, ,DNGOS BSHAMS YID SPRUL MCHOD PA MA LUS 'BUL, ,THOG MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA RNAMS LA RJES YI RANG, ,'KHOR BA MA STONG BAR DU LEGS BZHUGS NAS, ,'GRO LA CHOS KYI 'KHOR LO BSKOR BA DANG, ,BDAG GZHAN DGE RNAMS BYANG CHUB CHEN POR BSNGO, ,GLING BZHI RI RAB NYI ZLA RIN CHEN BDUN, ,RIN CHEN MAndAL KUN BZANG MCHOD PA'I TSOGS, ,BLO YIS BLANGS NAS A'ARYA T'A RER 'BUL, ,THUGS RJES BZHES NAS BYIN GYIS BRLAB TU GSOL, ,AI DAm GU RU RATNA MAndA LA KHAm NI RYA TARYA MI, ZHES YAN LAG BDUN PA MAndAL BCAS PHUL NAS GSOL BA 'DEBS PA NI, BLA MA YID BZHIN 'KHOR LO LA; ;GUS PAS PHYAG 'TSAL SKYABS SU MCHI, ,'DI PHYI BAR DO'I 'JIGS LAS SKYOBS, ,DNGOS GRUB RNAM GNYIS STZAL DU GSOL, ,ZHES GANG MANG BRJOD, MDUN GYI BLA MA 'PHAGS MA'I SKU LAS 'OD ZER DKAR PO'I RGYUN DANG DE'I THUGS KA NAS LHA MO DKAR MO BDUD RTZI DKAR POS GANG BA'I BUM PA THOGS PA DPAG TU MED PA SPROS TE RANG GI SPYI BO NAS DBANG BSKUR BAS LUS THAMS CAD GANG STE NAD GDON SDIG SGRIB PAR CHAD MI MTHUN PA'I PHYOGS THAMS CAD 'OG SGO GNYIS NAS NAG NUR GYIS THON TE DAG PAR BSAM PA DANG, YANG 'OD ZER 'PHROS TE LUS KYI NANG THAMS CAD 'OD ZER DKAR PO'I RGYUN GYIS GANG LUS NGAG YID GSUM BDE CHIL GYIS SONG BAR BSAM LA, SNYING PO SPEL TSIG
, ,CAN THOG MTHAR BRGYA RTZA RE DANG BAR DU SNYING PO CI NUS SU BZLA, TSE NOR LONGS SPYOD RGYAS PAR 'DOD NA, BLA MA 'PHAGS MA'I SKU'I CHA LAS 'OD ZER SER PO 'PHROS PA DANG, THUGS KA NAS LHA MO SER MO BDUD RTZI SER BOS GANG BA'I BUM PA THOGS PA DPAG TU MED PA SPROS TE, RANG LA DBANG BSKUR BA'I BDUD RTZI'I RGYUN GYIS LUS KYI NANG THAMS CAD 'KHRIGS MER GYIS GANG BAS TSE DANG BSOD NAMS YON TAN NOR LONGS SPYOD RIGS BRGYUD 'DOD YON PHUN SUM TSOGS PA DPAL GA-YANG 'PHEL ZHING RGYAS PA DANG RANG NYID BKRAG MDANGS GZI BRJID CHE CHER RGYAS PAR BSAM PA DANG, NOR LONGS SPYOD MKHO RGU YO BYAD RIN PO CHE'I CHAR BABS PAS GNAS KHANG BANG MDZOD SA PHYOGS THAMS CAD GANG BAR BSAM LA, SNGAGS SBEL TSIG CAN BZLA, SPEL TSIG 'DOGS TSUL NI, TSE LA, MA MA AA YU PU shtIm KU RU SV'A H'A, DE BZHIN BSOD NAMS LA, PUnYE, LONGS SPYOD LA, BHO GA, NOR LA, BHA SU, YON TAN LA, GU NA, RIGS BRGYUD LA, KU LA, 'DOD YON LA, GA MA GU NA, PHUN TSOGS LA, LAKsh'Im; DPAL LA, SHR'I: GA-YANG LA, LAKshMI: ZHES PA LTA BU DANG, GZHAN DON DU BYED NA, MA MA'I TSAB TU CHE GE MO 'AM SBYIN PA'I BDAG PO SOGS SBYAR, MJUG TU PUshtIm KU RU 'DOGS DGOS SO, ,ZHI RGYAS KYI BZLAS PA'I MJUG TU, BLA MA LHA'I THUGS KA NAS 'OD ZER GYI GUR KHYIM DRUG GI BSRUNG BA BYA, GZHAN DON DU BYED NA, BSGRUB BYA RIN PO CHE'I KHRI LA RGYAN GOS SER PO CAN BSAM PA MA GTOGS DMIGS PA GONG DANG 'DRA, MJUG TU, LHA MO KHYOD LA GSOL BA NI,,
MTHUN RKYEN PHUN SUM TSOGS PAR SHOG ,DGE BA 'DI YIS x BLA MA SANGS RGYAS x 'GOD PAR SHOG ,MDO DANG RGYUD SDE x BRTZON PAR SHOG (,CES SGROL DKAR BLA MA'I RNAL 'BYOR THUN MONG MA YIN PA DNGOS GRUB BYE BA'I GTER MDZOD CES BYA BA 'DI NI AA BHAG GA-YAS RU SHOG AU LA SI THE'I HU RAL GYI GRVA RIGS BLO BZANG SBYIN PA ZHES BYA BAS NAN TAN CHEN POS BSKUL BA'I NGOR CHOS MED RGYAL KHAMS PA CHOS KYI RDO RJES DAM PA'I GSUNG GI NYID KHU BTUS TE SUG BRIS SU BGYIS BA DGE LEGS 'PHEL,, ,,