@176 GEGS SEL BLO SBYONG BZHUGS SO,, ` BLA MA THUGS RJE CAN LA PHYAG 'TSAL LO, ,THEG PA CHEN PO BLO SBYONG GI GEGS SEL NI, LTAS NGAN G-YANG DU LEN, BDUD SRID DU GCOD, BAR CHAD LAM DU 'JUG MI MKHO SHOS LA 'DOD THOG TU BYED PA YIN GSUNG, DANG PO NI, 'JIG RTEN PA SRIN BYA'AM, WA RGYAL BA LA SOGS PA LTAS NGAN PA BYUNG BA'I DUS SU RTZIS BYED, MO 'DEBS, CHO GA BYED PA YIN, 'O CAG DA LTAS DANG MTSAN MA NGAN PA BYUNG BA'I DUS SU SDUG TU 'JUG MKHAN BDAG TU 'DZIN PA 'DI YIN PAS, 'JIG RTEN GYI KHAMS KYI LTAS NGAN PA BYUNG GIS DOGS PA'I SDUG BSNGAL BDAG LA SMIN, BDAG TU 'DZIN PA 'DI BRLAG TU CHUG CIG SNYAM DU LEN PA YIN, GNYIS PA NI, SDUG TU 'JUG MKHAN BDAG TU 'DZIN PA YIN GSUNGS, LUS LA MI DANG MI MA YIN PA'I GNOD PA BYUNG BA'I DUS SU NGA NI 'DIS SDUG TU BCUG NAS 'DUG ,KHYED 'DI LA DGA' NA DA LTA KHYER, MGO SOGS YA BDUD RGYAL PO KHYER CIG ,'DI LA GNOD PA SKYEL BA RNAMS BKA' DRIN CHE, DGRA 'DUL ROGS PA YIN, 'DRE 'DUL ROGS PA YIN PAS 'JIG RTEN GYI LHA 'DRE MI GSUM SRID DU BCAD NAS 'GONG PO CI BRLAG LA THONG, SNYING TSIM 'GAL MED DO SNYAM DU SRID DU GCOD, GSUM PA NI, LUS KYI NA TSA DANG SEMS KYI SDUG BSNGAL LA SOGS PA MI MKHO BA DANG , BAR CHAD CE BYUNG YANG KHYED RANG GI BDAG TU 'DZIN PAS LAN PA YIN PAS DA DUNG YANG BDAG 'DZIN MI SPANG NA BAR CHAD DA DUNG BYUNG BAS 'JIG RTEN KHAMS KYI @177 BAR CHAD BYUNG BA, BYUNG GIS DOd PA THAMS CAD BDAG GI STENG DU DA LTA NYID DU HRIL GYIS SMIN LA, BDAG NI THUL GYIS BRLAG TU BCUG CIG SNYAM DU LAM DU 'JUG PA YIN, BZHI PA NI, 'DI NA PHAN BTAGS PAS PHAN NA CI TZAM PA'I PHAN GCIG BTAGS, DES 'KHOR BA LAS RING DU MA SONG BAS 'DI BRLAG TU 'JUG DGOS PA YIN PA LA MI MKHO BA BYUNG BDE GO BCAD, BLA MA'I BYIN RLABS YIN, BKA' DRIN CHE, DA DUNG YANG MI MKHO BA THAMS CAD 'DI'I THOG TU THONG LA THUL GYIS BRLAG TU CHUG CIG SNYAM DU 'DOD THOG TU BYED PA YIN,, AI THI,, ,,