BLA MA GSER GLING PAS JO BO LA MTHA' 'KHOB 'DUL BA'I CHOS SU GNANG BA BZHUGS SO,, ` MGON PO BLA MA GSER GLING PA'I ZHAL NAS, JO BO LA BU KHYOD MTHA' 'KHOB 'DUL BA LA CHOS 'DI RNAMS DGOS GSUNGS, RTOG PA THAMS CAD 'BUR 'JOMS TE, ,GNYEN PO THAMS CAD BCOM THEG YIN, ,'DUN MA THAMS CAD GCIG 'GRIL TE, ,LAS RNAMS THAMS CAD GCIG CHOS YIN, ,GNYEN PO @137 RNAM BYANG CHOS BZHI STE, ,MTHA' 'KHOB 'DUL NA DGOS PA YIN, ,'KHOR NGAN LOG SGRUB BZOD PA LA, ,SNYIGS MA'I DUS SU MKHO BA YIN, ,RKYEN NGAN DGE BA'I BSHES GNYEN TE, ,'DRE GDON RGYAL BA'I SPRUL PA YIN, ,NA TSA SDIG SGRIB KYI PHYAGS MA STE, ,SDUG BSNGAL CHOS NYID KYI YO LANGS YIN, ,KUN NAS NYON MONGS KYI CHOS BZHI STE, ,MTHA' 'KHOB 'DUL NA DGOS PA YIN, ,SKYID KYI KHA NON CHEN PO STE, ,SDUG GI MJUG SDUD CHEN PO YIN, ,NA NA NAD G-YOG CHEN PO YIN,, GCIG PUR SDOD NA SKYO GROGS YIN, ,GNYEN PO LOG GNON GYI CHOS BZHI STE, , MTHA' 'KHOB 'DUL NA DGOS PA YIN, ,BDAG NI LAS NGAN RTZA BA STE, ,RGYANGS KYIS BSKYUR BA'I CHOS GCIG YIN, ,GZHAN NI BYANG CHUB 'BYUNG KHUNGS TE, BCANGS TE LEN PA'I CHOS GCIG YIN, ,SPANG GNYEN MJUG SDUD CHOS BZHI STE, ,MTHA' 'KHOB 'DUL NA DGOS PA YIN, ,LOG RTZER LOG NA RTZA RTZER LTOS, ,SHIG GI SHIG LA 'BOL LER ZHOG ,DE NAS MI 'CHING GROL BAR 'GYUR, ,CES GSUNGS SO,, ,,