*, ,RJE BTZUN RDO RJE RNAL 'BYOR MA N'A RO MKHA' SPYOD DBANG MO'I TSOGS MCHOD MDOR BSDUS ZAG MED DGYES RGU'I DGA' STON ZHES BYA BA BZHUGS SO, , @001 #, ,RGYAL KUN BDE CHEN SNYING PO'I GAR, ,YE SHES SGYU MA CHEN PO'I SKU, ,BCOM LDAN RIG MA'I DBANG PHYUG MAS, ,DENG 'DIR GRUB GNYIS 'DOD RGUR MDZES, ,'DIR RGYAL YUM RDO RJE BTZUN MO TSOGS KYI MCHOD PAS MNYES PAR 'DOD PAS, TSOGS KYI YO BYAD PHYAG LEN LTAR BA SHAMS LA, BYIN GYIS BLRAB PA NI, AOm KHAndA RO HES BSANG, SRA BH'A WAS SBYANGS, STONG PA'I NGANG LAS AA LAS THOD PA YANGS SHING RGYA CHE BA'I NANG DU SHA LNGA BDUD RTZI LNGA YE SHES LNGA RNAMS ZHU BA LAS BYUNG BA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um HA HO HR'I: (LAN MANG DU BRJOD PAS,) YE SHES KYI BDUD RTZI'I RGYA MTSO ZAD MI SHES PAR GYUR PAR BSAM, (SNOD BCUD BYIN GYIS BRLAB PA NI,) SNOD RNAMS DAG PA RAB 'BYAMS GZHAL MED KHANG, ,BCUD KUN DAG PA RAB 'BYAMS LHA'I 'KHOR LO, ,TSOGS MCHOD DAG PA RAB 'BYAMS ZAG MED SPRIN, ,MA LUS DAG PA BDE CHEN ROL PAR GYUR, (,MGRON SPYAN 'DREN PA NI, SPOS BSREG ,ROL MO DANG BCAS,) HO: DRIN CAN BLA MA YI DAM DBYER MED PAR, ,RDO RJE BTZUN MO DPA' BO MKHA' 'GRO'I TSOGS, ,GZHAN YANG MCHOG GSUM JI SNYED SRID ZHI'I MGRON, ,MA LUS TSOGS KYI 'KHOR LOR GSHEGS SU GSOL; (,SMAN PHUD 'BUL BA NI,) DMAN PA'I YUL LAS RAB 'DAS SHING, ,RGYAL BA KUN GYI DAM TSIG MCHOG ,DNGOS GRUB KUN GYI GZHIR GYUR PA, ,BDUD RTZI MCHOG GIS MCHOD PAR BGYI, ,SGRIB PA'I DRI MA KUN BSAL NAS, ,RTOG PA KUN
, ,LAS RNAM GROL BA, ,BLA NA MED PA'I BYANG CHUB SEMS, ,BDE BA CHE POS MNYES GYUR CIG ,CES SMAN PHUD DBUL, DE NAS TSOG PHUD 'BUL BA NI, HO: BDE CHEN ZAG MED DGYES RGU'I TSOGS MCHOD 'DI, DRIN CAN BLA MA BLO BZANG RDO RJE 'CHANG, ,MDO SNGAGS BRGYUD GSUM BLA MAR BCAS LA 'BUL, ,SGO GSUM DA LTA NYID DU BIN GYIS RLOBS, ,HO: BDE CHEN ZAG MED DGYES RGU'I TSOGS MCHOD 'DI, ,BCO LDAN 'PHAGS MA RIG MA'I DBANG PHYUG MA, ,GNAS GSUM DPA' BO MKHA' 'GROR BCAS LA 'BUL, ,DGYES BZHIN RJES BZUNGS NYAMS RTOGS SBAR DU GSOL, ,HO: BDE CHEN ZAG MED x GRANGS MED RGYUD SDE BZHI YI DKYIL 'KHOR LHA, ,RIN CHEN MCHOG GSUM BKA' SDOD BCAS LA 'BUL, ,MCHOG THUN GRUB GNYIS 'DOD RGUR STZAL DU GSOL, ,HO: BDE CHEN ZAG MED x THOG MED NAS BZUNG DRIN CHE'I MA RGAN 'GRO, ,NYAM THAG LAN CHAGS SNYING RJE'I MGRON LA BSNGO, , MTHA' DAG BLA MED RDZOGS BYANG MYUR THOB SHOG (,CES 'BUL, DE NAS RDO RJE SLOB DPON LA DGYES RGU'I MCHOD SPRIN DU 'BUL NA SGRUB THABS RGYAS PA'I TSOGS MCHOD LTAR SPRO ZHING, 'DIR RNAL 'BYOR PHO MO TSOGS KYI 'KHOR LOR 'DUS PA LA 'GYED PA'I TSUL NI, GRAL RIM LA LAS RDOR GYIS,) THA MAL RTOG PA BRAL BA YI, ,YO GA-YO GI MA LUS KUN, ,GTZANG DANG SME BA KUN POR NAS, ,TSOGS KYI 'KHOR LOR ROL BAR MDZOD, (,CES BRJOD DE DBUL, LEN PA PO RNAMS KYIS KYANG,) HO: LEGS SO BDE CHEN YE SHES CHE, ,
SKYED PAR BYED PA ZAS KYI MCHOG, ,BDUD RTZI LNGA YI BZA' BA NI,, AA LA LA DGA' BS ROL BARBYA, ,ZHES BRJOD DE LHA'I NGA RGYAL BRTEN POS LONGS SPYAD, LAS RDOR GYIS BRJOD PAMA BDEN MOS PA BGYIS TE TSAN MA DKYUS GCIG TU BRJOD KYANG RUNG, SPRO NA DPYID KYI RGYAL MO'I GLU DBYANGS SOGS RDO RJE'I GLU LEN, DE NAS LHAG MA RNAMS PA BSDUS PA GTANG LHAG DANG BSRE, NANG CHOD SOGS CHANG GI 'KHRUS GDAB, MKTSAN MO YIN NA GRIB GNON GYI NDON BSRUNG PHYIR SPOS ME BTZUG) ,PHEEo; AUTZTSIshtA BA LI TAm BHYKshA S'I SV'AH'A, 'BYUNG PO LHAG MA LA DBANG BA RNAMS LA SBYIN NO, ,NGOMS SHING TSIM PA'I SKAL BA DANG LDAN PAR GYUR CIG ,HO: PHRA MEN MA LA SOGS PA'I 'JIG RTEN PA, ,RDO RJE'I GSANG TSIG THOS PA'I DAM TSIG CAN, ,LHAG LA DBANG BA'I LHA SRUNG THAMS CAD KUN, ,LHAG GTOR LONGS LA RGYAL BA'I BKA' BZHIN SRUNGS, (,ZHES BRJOD LA GTZANG SAR GSHEGS, MJUG TU TSOGS SMON 'DOD GSOL BYA BA NI,) DE LTAR TSOGS KYI 'KHOR LO PHUL BA'I MTHUS, ,RTZA BRGYUD BLA MAS BYIN GYIS BRLAB TU GSOL, ,YI DAM LHA YIS DNGOS GRUB CHAR LTAR PHOBS, ,DPA' BO MKHA' 'GROS BAR CHAD MA LUS SOL, ,CHOS SKYONG SRUNG MAS NYAMS PA'I DGRA BO SGROL, ,MCHED LCAM KUN GYI NYAMS RTOGS GONG 'PHEL SHOG ,RDO RJE GSUM GYI LAM GYI GNAD RNAMS KUN, ,MA LUS JI BZHIN RTOGS PAR NUS PA DANG, ,'JIG RTEN KHAMS RNAMS MA LUS KUN TU YANG, ,THAMS CAD NAD MED BDE SKYID LDAN PAR SHOG ,DAM TSIG NYAMS CHAGS THAMS CAD SOR CHUD NAS, ,STON MCHOG RDO JE 'CHANG 'CHANG MTSUNGS PA'I SKU, ,DA LTAR NYID MNGON DU BYAS NAS SU, ,'GRO BA MA LUS BDAG GIS 'DREN
, ,PAR SHOG ,CES SOGS 'DOD DON LA GSOL BA GDAB, DE NAS GSHEGS GSOL NI, DE LTAR DAG PA RAB 'BYAMS 'KHOR LO'I SBRIN, ,'JIG RTEN 'DAS RNAMS BDAG RGYUD GNYIS MED THIM, ,MGRON GZHAN RANG RANG SO SO'I GNAS SU GSHEGS, ,MTHA' DAG DMIGS MED KLONG DU BADZRA MU: ZHES GSHEGS SU GSOL, MJUG TU SMON SHIS SOGS SPYI LTAR BYA'O, ,'DIR MA BRIS PA'I DMIGS RNAM, PHYAG LEN, SPYOD LAM SOGS JI LTAR BYA BA MTHA' DAG TSOGS KYI GZHUNG CHE BA TSAD THUB DAG LAS RTOGS PAR BYA'O, ,ZHES RJE BTZUN RDO RJE RNAL 'BYOR MA N'A RO MKHA' SPYOD DBANG MO'I TSOGS KYI MCHOD PA SHIN TU BSDUS PA'I TSUL DU, DENG DUS KYI SKYE BO RNAM GA-YENG LE LO GNYIS LDAN DAG LA TSES BCU'I MCHOD PA MA CHAG TZAM 'BYUNG SLAD DU NYE BAR MKHO PHYIR, TSE GANG MDUN GA-YOG LHAG BSAM NGAL BA RAB DANG PHUL DU LHUR LEN GYIS SNYING LTAR GCES PA GSOL DPON 'JAM DBYANGS PAS LHA REG MAndAL RTEN GSUM BCAS BSKUL NGOR, PHA BONG KHA SPRUL MING PAS RAB RGYAL LCAGS 'BRUG SA ZLAR BKRAS LHUN BDE CHEN SKAL BZANG PHO BRANG DU SBYAR BA'I YI GE BA NI 'DAN GRVA BLO BZANG RDO RJE'O,, ,,7SA BYI LOR 'DZUGS ZHUS SONG,, [BP]