*, ,MKHA' SPYOD BGROD PA'I MAN NGAG GSER CHOS THUN MONG MA YIN PA'I ZHAL SHES CHIG BRGYUD MA BZHUGS SO, ,
, ,NA MO GU RU BA DZRA YO GI N'I YE, RJE BTZUN RDO RJE RNAL 'BYOR MA'I LAM GYI GSANG BA MTHAR THUG MAN NGAG GI SNYING PO, SNGON GYI DAM PA MANG PO SKU LUS MA SPANGS PAR MKHA' SPYOD DU GSHEGS PA'I THUGS DAM GYI GTZO BO, SKAL LDAN GYI SKYES BU LUS MA SPANGS PAR MKHA' SPYOD DU BGROD PA'I GDAMS PA ZAB MO BSAM MI KHYAB THUN MONG MA YIN PA'I ZHAL SHES KHYER BDER 'GOD PA LA, 'DI NYAMS SU LEN PA'I DUS NI, THUN GYI MJUG GAM, PHAL CHER THUN MTSAMS SU NYAMS SU BLANG NA 'JUG PA BDE ZHING, NYAMS SU LEN TSUL NI, THUN MTSAMS YIN NA SKYABS SEMS SNGON DU BTANG, SKAD CIG KRONG BSKYED KYI RANG NYID RJE BTZUN MA'I SKUR GSAL BTAB PA'I SKU LUS KYI NANG PHRU MA PHUS BTAB PA LTA BU'I STONG RA YUD TZAM BSGOM
, ,LUS NANG GI DBUS DRANG POR RTZA DBU MA SHIN TU PHRA BA STONG SKUD LTA BU, CHU SHING LTAR DRANGS SHING 'DRONGS PA, RGYA SKYEGS LTAR DMAR ZHING SNUM PA, TIL MAR LTAR GSAL ZHING DVANGS PA STE KHYAD CHOS GSUM LDAM MAR SNE LTE BA'I BUG PA'I THAD NAS, YAR SNE SPYI BOR ZUG PA, DE'I GA-YAS SU ROM DMAR PO DANG GA-YON DU RKYANG MA DKAR PO GNYIS MAR SNE DBU MA LAS SOR GANG TZAM GYIS RING BA, YAR SNE SPYI BO NAS GUG STE SNA BUG SO SOR ZUG PA, GNYIS KA GRO SEG TZAM, RANG GI RLUNG SEMS RNAL 'BYOR MA RGYA SRAN TZAM RGYAN CHA LUGS SPYI LTAR LA GDAN MED PA, LTE BA'I RTZA GSUM 'DUS PA'I DBUS SU DBUM LA DBU GTZUG BRTEN CING, DBU MA DBU GTZUG NAS ZUG PA LTA BU, RO RKYANG GI SNE GNYIS YAR GUG PA LA ZHABS GNYIS GTAD PA,
DE GNYIS ZHABS GNYIS LA ZUG PA'I TSUL DU BZHUGS PA LA PHA RI NAS TSU RIR BLTA BA LTA BU MA YIN PAR RANG SEMS ZHUGS PA BZHIN DU NGA RGYAL DANG, GSAL SNANG 'DON, DE NAS RTZA LAM SBYANG BA NI, LTE BA'I RNAL 'BYOR MA'I THUGS KA NAS RANG 'DRA NAS 'BRU TZAM ZHIG BYUNG NAS DBUGS PHYIR GTONG BA DANG BSTUN, ZHABS MTHIL NAS RO MA'I NANG BRGYUD SNA BUG GA-YAS NAS THON TE SNA RTZER 'JA' 'OD KYI GUR PHUB STE BZHUGS, DE LAS RANG 'DRA DAR GA MED NYI ZER GYI RDUL LTAR SPROS, SNOD BCUD THAMS CAD LA KHYAB PAS, SNOD THAMS CAD DAG ZHING CHOS 'BYUNG DANG, BCUD THAMS CAD RDO RJE RNAL 'BYOR MA'I SKUR GYUR, 'DAS PA'I SANGS RGYAS RNAMS LA MCHOD PA PHUL PAS DGYES TE RNAL 'BYOR MA'I RTEN DANG BRTEN PAR GYUR, DE NAS SNOD THAMS CAD BCUD KYI RNAL 'BYOR MA LA THIM, DE RNAMS KYANG SPROS PA'I LHA DANG LHAN CIG SNA RTZE'I RNAL 'BYOR MA LA THIM, DE NYID RLUNG NANG DU RDUB PA DANG SBRAGS SNA 'UG GA-YON NAS RTZA RKYANG MA BRGYUD LCE BA'I RANG SEMS RNAL 'BYOR MA LA THIM PAR BSAM LA STENG RLUNG MNAN, 'OG RLUNG CUNG ZAD RDUB STE LTE BAR KHA SBYOR DU BZUNG, YANG SNGAR LTAR SPRO BSDU LAN GSUM TZAM BYA BA NI RTZA LAM SBYANG BA'O, , DE NAS DNGAS GZHI'I NYAMS LAN NI, LTE BA'I RNAL 'BYOR MA LAS 'OD ZER 'PHROS, PHYI'I RANG LUS RNAL 'BYOR MAR GSAL BA LA PHOG PAS DE NYID 'OD DMAR PO SHIN TU DVANGS PAS LUS KYI DBUS KYI RTZA GSUM NANG GI RNAL 'BYOR
, ,MA DANG BCAS PA GSAL ZHING DVANGS PAR GYUR, DE NAS RANG DAG PA MKHA' SPYOD DU 'GRO BA'I 'DUN PA DRAG TU BYAS PAS, MKHA' SPYOD NAS SNYAN PA'I GLU DBYANGS DANG, d'A DRIL SOGS KYI SGRA 'UR CHOM CHOM GRAGS PAS RKYEN BYAS, PHYI'I CHOS 'BYUNG GDAN DANG BCAS PA PHYI'I RNAL 'BYOR MA'I SKU LUS LA THIM, PHYI'I SKU LUS KYI ZHABS GNYIS PHYI'I SKU LUS KYI RDZA MA LA THIM, PHYAG GNYIS KYANG DE BZHIN DU THIM, NANG GI RANG SEMS RNAL 'BYOR MA LA RANG SEMS ZHUGS PA BZHIN DU BYAS LA NGA RGYAL BRTAN PO BZUNG NAS MKHA' SPYOD DU 'BYON PAR CHAS TE YAR TZAM YAR TZAM BYON PAS DBU MA DBU GTZUG NAS THIM ZHING, DO RKYANG GNYIS YAR GUG STE DRU GU DRIL BA LTAR ZHABS MTHIL NAS THIM, DE DANG MNYAM DU PHYI'I SKU LUS KANG SMAD NAS RIM BZHIN YAR THIM STE SNYING GAR BYON PA NA, DE MAN CHAD KYI RTZA GSUM PHYI'I SKU LUS DANG BCAS PA RANG SEMS RNAL 'BYOR MA LA THIM, DE BZHIN DU MGRIN PA DANG, SPYI BOR SLEB PA NA RTZA GSUM, SKU LUS KYI STOD, MGRIN PA, MGO BO RNAMS RIM BZHIN SNGAR LTAR THIM PA'I MTHAR SPYI GTZUG TU THON PAN PHYI'I RNAL 'BYOR MA SKU LUS RTZA GSUM DANG BCAS PA RANG SEMS RNAL 'BYOR MA LA THIM PA'I MTHAR, RANG SEMS RNAL 'BYOR MA MKHA' SPYOD DU 'GRO BA'I 'DUN PA DRAG POS NAM MKHA' DBYINGS SU SKAR MDA' 'PHANGS PA LTAR SHIN TU MTHON POR SONG NAS DAG PA MKHA' SPYOD DU SLEBS BYUNG SNYAM PA BYED, DER YANG SKU DE JE CHUNG JE CHUNG DU GYUR
PA'I MTHAR MI DMIGS PAR BSAM LA BDE STONG GI NGANG DU BZHAG ,DE YAN GYIS DMIGS SKOR LAN GCIG SONG, SLER BSKYAR LDAB BYED SKABS KHRID YIG 'GA' ZHIG TU BYA THUR DU BA PAS PA LTAR RANG GNAS SU BDAS PA'I MOS PA BYA BAR GSUNGS KYANG; DES CUNG ZAD RTEN 'BREL GYI GNAD LA GNOD PAS, THUR DU BABS PA'I MOS PA MI BYED PAR, MKHA' SPYOD DU SLEBS PA'I MES PA TZAM LAS DNGOS SU RANG NYID SNGAR GYI GNAS MAL RANG DU YOD PAS NA STONG PA'I RANG LAS RANG GI GNAS NYID DU PHYI'I RNAL 'BYOR MA CHOS 'BYUNG DANG BCAS PA DANG, NANG GI RTZA GSUM RNAL 'BYOR MA DANG BCAS PA LAM GYIS GSAL GDAB STE, MKHA' SPYOD DU GSHEGS PA'I 'DUN PA DRAG POS CHOS 'BYUNG DANG BCAS PA PHYI'I RNAL 'BYOR MA LA THIM PA NAS MKHA' SPYOD DU BDE STONG LA MNYAM PAR 'JOG PA'I BAR SNGAR BZHIN BYAS, DE LTAR THUN RER LAN BDUN LA SOGS PA JI LTAR NUS PA DMIGS GNAD BRTAN POS NAN TAN DU BSGOMs NAS THUN 'JOG PA NA STONG PA'I NGANG LAS RANG NYID SKAD CIG GIS RJE BTZUN RDO RJE RNAL 'BYOR MA'I SKUR BZHENGS PA'I GNAS RNAMS SU ZLA BA'I DKYIL 'KHOR GYI STENG DU SOGS NAS TZAM RNGAM GYI BSRUNG BA'I BAR BYAS LA SPYOD LAM GYI LHAR LDANG, NANG GI PHAG MOS GZUNG 'DZIN 'KHRI SHING BCOM, ,SOGS MKHA' SPYOD DU BGROD PA'I SMON LAM SHUGS DRAG GDAB BO, ,'DIS NI MKHA' SPYOD DU LUS MA SPANGS PA TSE 'DI NYID LA BGROD PA'AM, GAL TE MA NUS KYANG 'CHI KA DANG, BAR DO SOGS NAS BGROD PAR THE TSOM MED DO, ,
, ,MKHA' SPYOD DU SLEBS NA NI LO BRGYAD CU LON PA'I RGAN PO YANG GZHON NU LO BCU DRUG LON PA'I NA TSOD LTAR 'GYUR ZHING, TSE NYI ZLA DAG MNYAM PA, LONGS SPYOD NAM MKHA' MDZOD LA MNGA' BRNYES PA, DPAL HE RU KA: DANG RJE BTZUN RDO RJE RNAL 'BYOR MAS DNGOS KYI BLA MA MDZAD DE CHOS STON, SANGS RGYAS KYI ZHING GZHAN DU'NG RDZU 'PHRUL GYIS BGROD NAS CHOS NYAN, RTEN DE NYID RANG LA ZUNG 'JUG GI GO 'PHANG 'THOB PAR NGES PA SHA STAG YIN NO, ,'DI LUS SEMS YA MA BRAL BAR MKHA' SPYOD DU BGROD PA'I GDAMS PA YIN PAS 'PHO BA LAS KYANG CHOS MCHOG TU GYUR LA, 'PHO BA SBYONG THAL CHE NA TSE LA GNOD CING, 'DI NI NYAMS SU BLANGS KYANG TSE LA MI GNOD PAR MA ZAD, DGOS PA DANG ZAB MYUR 'PHO BA LAS KYANG MCHOG TU GYUR PA'O, ,'DI LTA BU'I GDAMS ZAB STONG GSUM GSER GYIS BKANG STE RNYED PA LAS KYANG LHAG PA'I LAM 'DI LTA BU LA SGRUB PA SNYING POR MDZAD NAS GTAN GYI 'DUN MA MCHOG TU LON PAR MDZOD, 'DI YANG YAB GZHIS LHA KLU'I SKU NGO DAD DAM MTSUNGS BRAL LHA LCAM GA-YANG 'DZOMS TSE RING MCHOG GI NYAMS BZHES SU PHA BONG KHA PA BDE CHEN SNYING POS SHIN TU GO BDE BAR BKOD PA'O,, ,,