*, ,RJE BTZUN RDO RJE RNAL 'BYOR MA N'A RO MKHA' SPYOD DBANG MO'I BSNYEN PA'I BCU CHA CHEN MO'I SBYIN SREG BYA TSUL GYI 'DON CHOG LHUG PAR SPEL BA DON YOD 'PHRUL GYI ZHAGS PA ZHES BYA BA BZHUGS SO,, @001 #, ,BDE CHEN BYIN BA 'BAR BA'I ME THAB TU, ,GNYIS SNANG BDU SHING BSREGS DANG LHAN CIG TU, ,YE SHES SNANG BA 'BAR BA'I BZHIN LAG GAR, ,YID 'PHROG SGEG MO'I SKUR SHAR KHYOD KYIS SKYONGS, ,SNGAGS DANG TING 'DZIN RDZAS KYI MA nI KA ,SPEL LEGS DON YOD 'PHRUL GYI ZHAGS PA YIS, ,RGYAL YUM SMIN LEGS SGEG MO'I GSANG GSUM GAR, ,SKAL BZANG SNYING DU 'GUGS PA'I CHOG SPRO, ,'DIR RJE BTZUN RDO RJE RNAL 'BYOR MA'I GZHI BSNYEN ME LHA THAB TU 'GUGS PA'I BSNYEN PA BCU CHA DANG BCAS PA SONG BA'I SGRUB PA POS LHA DBANG DU BYED PA'I BCU CHA'I SBYIN SREG JI LTAR BYA BA TSUL NI, THOG MTHA' DANG RDZAS KYI RNAM GZHAG SOGS SBYIN SREG CHEN MO DANG SBYIN SREG GI RNAM BSHAD RNAMS LAS SHES PAR BYA ZHING, 'DIR DE DAG TU MI GSAL BA'I THUN MONG MA YIN PA'I CHOG RNAMS 'GOD PA LA SBYOR DNGOS RJES GSUM LAS, DANG PO LA, DBANG LAS THAMS CAD PA'I THAB SNGAR ME LHA'I SKABS LTAR BYED, SREG RDZAS DBANG GI SBYIN SREG SPYI 'GRO LTAR LA, YA MA SHING MDZO MO SHING DANG, SE BA SOGS TSER MA LCAGS KYU LTA BU'I SHING, THANG SHING YANG RUNG
, ,BAR GSUNGS, TSAD SOR LNGA BYA, RDZAS CHEN BCU GNYIS 'DZOMS NA MAR KHU 'BRI MOG GIS KHA BSGYUR, 'BRU RNAMS KYANG SE'U MO DBANG LI KHRI SOGS KYIS DMAR PO BYA, CHANG DANG BA LANG GI SHA DU MA YANG 'BUL BAR GSUNGS PA YANG SNOD SO SOR BSGRIG, DBANG GI RDZAS KHYAD PAR BA NI ME TOG LUG RU DMAR PO, GA-YAR MO THANG, AUG CHOS, 'JIB RTZI DMAR PO SOGS GSUNGS, SKYER DKAR GYI SIS DMAR PO, GRO SOGS KHA BSGYUR LA BYA, YANG NA, KHYAD RDZAS RNAMS PHYOGS GCIG TU BSRES TE RIL BU DRIL KYANG MCHOG TU 'GYUR, RDZAS RNAMS MNGAR GSUM DANG CHANG BZANG SOGS KYIS SBAGS DGOS, RDZAS CHEN RNAMS MA 'DZOMS KYANG CHAD SKYON MED, YA MA SHING, MAR KHU, ME TOG DMAR PO RNAMS NGES CAN DU DGOS SHING, GRANGS KYANG DE GSUM KA'AM KHYAD RDZAS LA GSOG DGOS, DE YANG BSNYEN PA GANG SONG GI BCU CHA 'GRO DGOS PAS, BSNYEN PA BYE CHEN SONG NA SBYIN SREG 'BUM THER BCU 'GRO DGOS, 'BRU 'BUM SONG BA YIN NA SBYIN SREG 'BUM THER GSUM DANG KHRI TSO GNYIS 'GRO DGOS LA, DE 'DRA SHIN TU DKA' NA BSNYEN SGRUB SBRAGS MA'I SNGAGS KYI BCU CHA BYED PA'ANG GSUNGS MOD KYANG SNGA MA
THUB NA LEGS, DE LTAR THAB DANG RDZAS SOGS GRUB NAS SPYIN SREG LA 'JUG PA'I TSE, PHYI DRO GLING LA GRIB SO BAB DUS KHA NUB TU PHYOGS TE, STAN SENG LDENG DANG SINDH'U RA SBYAR BA'I CHUS GSHER BAR BYAS, GDANG STENG DU DAR DMAR PO LA PADMA LCAGS KYU LTA BU 'DAB MA BRGYAD PA'I DBUS SU RDO RJE LCAGS KYU RTZE MO MDUN DU BSTAN PA BRIS LA BTING, DPRAL BAR SINDH'U RA'I THIG LE BKOD, DAR DAM BSKYOS THOD BCINGS, CHAS GOS DMAR PO GYON TE, THAR RTZAR BDAG BSKYED BZLAS PA GTOR 'BUL DANG BCAS PA CHO GA LTAR GRUB RJES, RANG NYID LHA'I NGA RGYAL DANG SNANG BA THAMS CAD BDE STONG GI NGO BOR BLTAS TE, STAN LA RDO RJE SKYIL KRUNG GIS 'KHOD, LAS BUM LA KHANdA RO HI'I SNGAGS BRGYA RTZA BRGYAD BZLAS TE SANG CHU BSGRUB, 'OG TU LAS SNGAGS ZHES PA THAMS CAD 'DI LA GO BAR BYA, DE NAS, AOm KHAndA TO HI H'Um H'Um PHAt DZA: ZHES BTAGS PA BDUN NAS GSUM SOGS BZLAS LA MCHOD YON BSGRUB, DE NAS SMRA BA BCAD DE RDOR DRIL BYIN RLABS GZHAN NAS 'BYUNG BA LTAR BYA, DE NAS LAS SNGAGS BZLA ZHING BSANG CHU DANG NANG MCHOD KYIS GA-YAS SKOR DU THAB DANG RDZAS THAMS CAD DANG, DGANG BLUGS DANG RANG LA'ANG BSANG GTOR LAN GSUM GSUM BYA, ME LHA'I MCHOD RDZAS, KHAndA RO HIS BSANG SVA BH'A WAS SBYANGS, STONG PA'I NGANG LAS KAm LAS THOD PA'I SNOD RNAMS KYI NANG DU H'Um LAS BYUNG BA'I MCHOD YON, ZHABS BSIL, ZHAL BSIL, BSANG GTOR, ME TOG, BDUG SPOS, MAR ME, DRI; ZHAL ZAS, ROL MO LA SOGS PA RNAMS RANG BZHIN STONG NYID, RNAM PA MCHOD RDZAS SO SO'I RNAM PA, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN STER BAR GYUR, AOm AARGHAm A'A:H'Um, AOm P'ADYAm A'A: H'Um, AOm A'ANYTZA M'A n'Am A'A:H'Um, AOm PRO Ksh'A n'Am A'A:H'Um, AOm BADZRA
, ,PUshPE A'A:H'Um SV'AH'A, PUshPE GNAS SU, DH'U PE; A'A LO KE, GANDHE, NEE WIDY'A, SHAPTA RNAMS BCUG, RDZAS SBYOR BA'I PHYAG RGYA DANG BCAS, AOm SV'AH'A, AOm A'A:SV'AH'A, AOm SHR'Im SV'AH'A, AOm DZRI SV'AH'A, AOm KU RU KU RU SV'AH'A, RDZAS RNAMS KYI MTSAN NYID DANG MI LDAN PA'I NYES SKYON THAMS CAD SBYANGS SHING DAG NAS NANG GI BDUD RTZI LNGA'I NGO BOR GYUR PAR BSAM, AOm A'A:H'Um, LAN GSUM DANG, KHAndA RO HI BRJOD PA'I LCE LDES ME SBAR, KHAndA RO HI'I BSANG NU DANG, NANG MCHOD KYIS LAN GSUM GSUM BSANGS LA THAB KYI NANG DU BCUG STE, AOm BADZRA DZRA LA H'Um DANG, H'Um, ZHES BRJOD LA, RLUNG GA-YAB KYIS ME SBAR, AOm AOm AOm SARBA BUDHHA d'A KI N'I YE BADZRA WARnnA N'I YE BADZRA BEE RO TZA N'I YE H'Um H'Um H'Um PHAt PHAt PHAt SV'AH'A, ZHES MAR KHU BLUGS GZAR BDUN GYIS ME GSO, KU SHA RNAMS LA; AOm BADZRA SATV'A A'A: (LAN BDUN DANG, AOm KU SHA 'DI NI GTZANG ZHING DGE, TSANGS PA'I RNAMS DAG BYED YIN, ,DKON MCHOG GSUM PO MNYES BYED PA, ,SA LAS SKYES PA'I 'DAB MA'I SNYING, ,BDAG GI BGEGS RNAMS THAMS CAD NI, , ZHING DANG BKRA SHIS MDZAD DU GSOL, ,ZHES BRJOD, SLAR YANG, AOm BADZRA SATV'A A'A:(LAN LNGA BRJOD DE KU SHA'I CHUN PO CHUNG BA BZHI RANG GI GA-YON NGOS NAS THAB KYI KHA KHYER LA PHYAG LEN LTAR DGRAM, THAB KHUNG DU RTZE MO NUB TU BSTAN PA'I KU SHA BA LANG GI RNA BA LTA BUS GA-YOG ,THAL MO SBYAR TE,) BCOM LDAN 'DAS RDO RJE SEMS DPA', BGEGS THAMS CAD ZHI BA DANG BKRA SHIS PAR MDZAD DU GSOL, (ZHES GSOL BA GDAB, GNYIS PA DNGOS GZHI LA GSUM, THOG MAR 'JIG RTEN PA'I ME LHA MCHOD PA, PAR DU 'DAS PA'I ME LHA MCHOD PA, MTHAR YANG 'JIG RTEN PA'I
ME LHA MCHED PA LOR DAD PA NI, KHAndA RO HI'I BSANG CHUS THAB BSANG, SVABH'A WAS SBYANGS, STONG PA'I NGANG LAS BAm YIG DMAR PO ZHU BA LAS BYUNG BA'I YE SHES KYI THAB KHA DOG DMAR ZHING DBYIBS ZLUM PA MU RAN KHA KHYER DANG BCAS PA, MU RAN LA GSAR DANG BCAS PA'I ZE'U 'BRU DANG, KHA LER LA PADMA'I 'DAB MA'I RNAM PA CAN LA PHYOGS MA TSAMS SU RDO RJES BSKOR ZHING, GRA BZHIR ZLA PHYED RDO RJES MTSAN PA DVANGS SHING THOGS PA MED PAR GYUR, THAB KYI NANG DU RDO RJE'I PHRANG BABS BSKOR BA'I PAD 'DAB LA GNAS PA'I 'DAB MA'I TSAD KYI DE BZHIN GSHEGS PA BZHI'I MTSAN MA'I NANG DU PADMA DMAR PO 'DAB MA BRGYAD PAS MTSAN PA DVANGS SHING THOGS PA MED PA'I NANG DU, RAm LAS SKYES PA'I ME GRU GSUM 'BAR BA'I DBUS SU SNA TSOGS PADMA'I LTE BAR RAm LAS BGRANG PHRENG RAm GYIS MTSAN PA, DE YONGS SU GYUR PA LAS ME LHA SKU MDOG DMAR POR SKYES LA ZHON PA, ZHAL GCIG PHYAG BZHI PA, GA-YAS GYI DANG POS MCHOG SBYIN, GNYIS PAS BGRANG PHRENG, GA-YON GYI DANG POS DBYUG GU RTZE GSUM PA, GNYIS PAS BDUD RTZIS GANG BA'I RIL BU SPYI BLUGS 'DZIN PA, RAL PA'I THOR TSUGS DANG; TSANGS PA'I SKUD PAS MDZES PAR BYAS PA, KHRI SNYAN SA LA'I PAGS PA'I STOD GA-YOGS DANG, DAR DMAR PO'I SHAM THABS CAN, SKU LAS MDANGS DANG 'OD ZER DMAR PO 'PHRO PA'I THUGS KAR ME GRU GSUM PA RAm GYIS MTSAN PAR GYUR, DAM TSIG PA'I THUGS KA'I SA BON GYI 'OD ZER LAS SPROS PA'I KHRO GO 'DOD RGYAL GYIS SHAR LHO NAS BSGOMS PA DANG 'DRA BA'I ME LHA DRANG SRONG GI 'KHOR GYIS BSKOR BA SPYAN DRANGS, LAG PA GA-YAS MI 'JIGS PA'I PHYAG RGYAS MTHE BONG GA-YOB CING, AOm, TSUR SBYON TSUR
, ,SBYOR 'BYUNG PO CHE, ,LHA YI DRANG SRONG BRAM ZE MCHOG, SREG BLUGS ZHAL ZAS BZHES SLAD DU, ,'DIR NI YANG DAG BSNYEN PAR MDZOD, ,AOm AE HYE HI, MH'A BH'A TA DE WA RIshI DI DZA: SATVA MA GHI HI TA MAH'A SA SMIN PA NI HI TO DHA WA AAGNE YE AE HYE HI, DZA: H'Um BAm HO: ZHES BRJOD PA'AM, BSDU NA, AOm AAGNE YE AE HYE HI, (ZHES PAS SPYAN DRANGS,) THAB KYI KHA KHYER GYI KU SHA'I GDAN LA BZHUGS PAR GYUR, KHAndA RO HI (DANG BSANG CHUS BGEGS BSKRAD, SPRON CHUB ZHI 'BUL,) DZA:H'Um BAm HO: DAM TSIG PA DANG, GNYIS SU MED PAR GYUR, AOm A'A:HR'I:PRA W'A RA SAD K'A RAm PROKsh'A n'Am PRA T'I TZTSA H'Um SV'AH'A, (ZHES BAS BSANG GTOR DANG, DE BZHIN DU PROKsh'A n'Am GYI GNAS SU,) A'ANYTZA M'An'Am DANG, AARGHAm DANG, P'A DYAm (ZHES PA BCUG STE, ZHAL BSIL, MCHOD YON, ZHABS BSIL RNAMS SO SO'I PHYAG RGYA DANG BCAS TE DBUL,) AOm AAGNA YE, A'A D'I BYA, A'A D'I BYA, A'A BI SHA, A'A BI SHA, MH'A SHR'I YE, HA BYA KA BYA B'A H'A N'A YE AOm BADZRA PUshPE PRA T'I TZTSA H'Um SV'AH'A, (ZHES PAS ME TOG DANG, PUshPE GNAS SU, DH'U PE, A'A LO KE, GANDHE, NEE WIDYA, SHAPTA BCUG PAS NYER SPYOD ROL MI DANG BCAS PA 'BUL, SNGAGS DE NYID LA AOm A'A: H'Um BTAGS LA NANG MCHOD DBUL, 'JIG RTEN DBANG PHYUG TSANGS DBANG MGON GYI SRAS, ,ME LHA'I RGYAL PO tAKKIS DBANG BSKUR BA, SHES RAB MCHOG GIS NYON MONGS THAMS CAD BSREG, ,'DZIN BYED ME LHA NYID LA RNAM PAR 'DUD, CES BSTOD, RGYAS PAR SPRON, TSANGS PA 'JIG RTEN MGON GYI SRAS, ,ZHES PA NAS,) DE BAS BSTOD DE PHYAG KYANG 'TSAL, ZHES PAS BSTOD, ,ME LHA'I DAM TSIG GI PHYAG RGYA DANG BCAS, AOm BADZRA AA NA LA MAH'A BH'U TA DZRA LA DZVA L'A YA, SARBA BHASMIm KU RU, SARBA DUshtAm H'Um PHAt, TRI SHYA DZA:H'Um BAm HO:
SA MA YA STV'Am, SA MA YA HAm, (ZHES LAN GSUM GYIS DAM TSIGS BSGRAG ,DE NAS,) ME LHA'I LJAGS RDO RJE'I RNAM PA CAN DMAR PO LA RAm YIG DANG, DGANG BLUGS KYI KHA LA H'Um YIG 'OD ZER 'BAR BA DANG BCAS PAS MTSAN PAR GYUR BAR BSAMS LA LAG PA GNYIS PADMA LA TSUR GYIS DGANG BLUGS MAR GYIS GANG BA BZUNG LA PUS MO'I NANG NAS PHYIR MI 'DA' BAR GA-YAS SU BSKOR TE, ME LHA'I ZHAL CUNG ZAD GDANGS PAR BSAMS LA,) NA MO BADZRA A'A nI SYE, AOm AAGNE DE BA T'A YA, DH'Um PA T'A YE, DZVA LI NI, MANTRA SIDDHI, ZHES LAN BDUN GYIS BYON SKYEMS 'BUL SPEL CHOG NI, BDAG CAG DPON SLOB 'KHOR DANG BCAS PA RNAMS KYI JI LTAR 'DOD PA'I DON THAMS CAD WA SHAm KU RU HO: (ZHES PA'AM, YANG NA,) BDAG CAG DPON SLOB 'KHOR DANG CAS PA RNAMS LA PHYAG RGYA CHEN PO MCHOG GI DNGOS GRUB THAMS CAD WA SHAm KU RU HO: RGYAL BA SRAS BCAS NYAN THOS RANG RGYAL, ,LHA DANG MI LDANG LHA MIN KUN GYI, ,MTHU DANG NUS PA YON TAN GZI BRJID, ,MA LUS DBANG DU BYED PAR GYUR CIG ,TSE RABS KUN TU LHAG PA'I LHA MCHOG ,KHYOD KYIS 'BRAL MED RES SU BZUNG STE, ,GNAS SKABS MTHAR THUG 'DOD PA'I DON KUN, ,MA LUS YID BZHIN 'GRUB PAR MDZOD CIG ,WA SHAm KU RU HO: ZHES BRJOD DE 'PHRIN LAS BCOL, SKABS 'DIR ME LA BGEGS YOD MED BRTAGS NAS, YOD NA, BSANG GTOR DANG KHAndA RO HIS BSANGS TE, KHAndA RO HI LA BGEGS THAMS CAD SH'ANTIm KU RU SV'AH'A, (BTAGS PAS DGANG BLUGS BDUN PHUL LA, SLAR YANG BSANG GTOR BYAS NAS, SNGAR GYI ME LHA'I SNGAGS KYIS DGANG BLUGS BDUN NAM, GSUM MAM, GCIG DBUL LO, ,BGEGS MED NA MI DGOS SO, ,DE NAS,) YA MA SHING RNAMS BYANG CHUB KYI SHING GI RANG BZHIN GYI BDUD RTZI
, ,GYUR PAR MOS LA, RMAM SHING GNYIS SAM RE RE NAM LAG GA-YAS MCHOG SBYIN BYAS PA'I MTHEB SRIN GYIS RTZE MO STA LA BSTAN TE GZUNG LA, CUNG ZAD BSKOR ZHING, NA MO BADZRA P'AnI SYE, NAS; DE HI H'A, H'A, ZHES MI LHA'I BSNYAN SNGAGS KYIS 'BUL, SNGAN GYI SPEL TSIG KYANG THOD MTHAR SGYAR DGOS SHING, DE BZHIN DU RDZAS GZHAN RNAMS KYANG SNGAGS 'DI GCIG PUS 'BUL ZHING, SPEL TSIG KYANG GONG LTAR SBYAR NAS GRANGS JI LTAR 'TSAM PA RE 'BUL BAR BYA'O, ,DE NAS SNGAR BZHIN ZHABS BSIL DANG, BSANG GTER 'BUL, DE NYES PA YE SHES PA'I MA LHA MCHOD PA NI, GDOD BSHAD PA BZHI MCHOD PA BYIN RLABS DANG, RDZAS SPYOD PA RNAMS BYAS TE, ME LHA'I THUGS KAR ME GRU GSUM 'BAR BA'I DBUS SU AE AE LAS CHOS 'BYUNG DMAR PO GRU GSUM NYIS BRTZEGS KYI NANG DU AA LAS ZLA BA'I DKYIL 'KHOR DKAR LA DMAR PA'I MDANGS CAN GYI DBUS SU BAm YIG DMAR PO'I MTHAR AOm AOm AOm SARBA BUDDHAd'A KI N'I YE BADZRA WA RnA N'I YE, BADZRA BEE RO TZA N'I YE H'Um H'Um H'Um PHAt PHAt PHAt SV'AH'A, ZHES PA'I SNGAGS PHRENG KHA DOG DMAR POS GA-YON SKOR DU BSKOR PA LAS 'OD ZER 'PHRES, 'PHAGS PA MCHOD, SEMS CAN GYI DON BYAS, TSUR 'DUS YONGS SU GYUR PA LAS SNA TSOGS PADMA 'DAB MA BRGYAD PA'I LTE BAR NYI MA'I DKYIL 'KHOR GYI STENG DU RJE BTZUN RDO RJE RNAL 'BYOR MA'I SKUR GYUR PA NI, ZHABS GA-YAS BRKYANGS PAS ZHES PA NAS, YE SHES KYI ME 'BAR BA'I DBUS NA BZHUGS PA'I SKU LAS 'OD ZER DMAR PO'I TSOGS 'PHRO BAR GYUR, CES PA'I BAR BSKYED, PHEEm; RANG GI THUGS KA'I BAm YIG LAS 'OD ZER 'PHROS PA SMIN MTSAMS NAS THON TE PHYOGS BCUR SONG BAS, PHYOGS BCU'I DE BZHIN GSHEGS PA
DANG; DPA' BO DANG RNAL 'BYOR MA THAMS CAD RDO RJE RNAL 'BYOR MA'I RNAM PAR SPYAN DRANGS, DZA:H'Um BO HO: GNYIS SU MED PAR GYUR, BAD KOR GYI MTHAR 'KHYUD PA'I PHYAG RGYA BYAS LA, AOm YOG SHUDDHA:SARBA DHARM'A:YOG SHUDDHONY\HAm, DE'I GNAS RNAMS SU ZLA BA'I DKYIL 'KHOR GYI GNAS; RNAMS SU GYUR, PHEEm; RANG GI THUGS KA'I BAm YIG LAS 'OD ZER 'PHROS, RANG BZHIN GYI GNAS NAS DBANG GI LHA DPAL 'KHOR LO SDOM PA'I RTEN DANG BRTEN PA'I DKYIL 'KHOR SPYAN DRANGS, DE BZHIN GSHEGS PA ZHES PA NAS; RNAM SNANG HE RU KA YUM DANG BCAS PAS DBU BRGYAN PAR GYUR, PHEEm; RANG GI THUGS KA'I BAm YIG LAS 'OD ZER 'PHROS PA'I 'OG MIN NAS RJE BTZUN RDO RJE RNAL 'BYOR MA LA BLA MA YI DAM SANGS RGYAS BYANG SEMS DPA' BO MKHA' 'GRO CHOS DANG 'JIG RTEN SKYONG BA'I TSOGS KYIS BSKOR BA MDUN GYI NAM MKHAR SPYAN DRANGS, RANG GI THUGS KA NAS SPROS PA'I MCHOD PA'I LHA MO RNAMS KYIS MCHOD PAR GYUR, AOm A'A:HR'I:PRA W'A RA SAD K'A RAm PRO Ksh'A N'Am PRA T'ITZTSA H'Um SV'AH'A, ZHES PAS BSANG GTOR DANG, DE BZHIN DU PROKsh'A n'Am GYI GNAS SU, A'ANYTZA M'A n'Am DANG, AARGHAm, P'A DYAm, ZHES PA BCUG STE, ZHAL BSIL, MCHOD YIN, ZHABS BSIL RNAMS SO SO'I PHYAG RGYA DANG BCAS TE DBUL, DE NAS, AOm SARBA TA TH'A GA TA SARBA P'I RA YO GI NI SA PA RI W'A RA PUshPE P'U DZA ME GHA SA MU TRA SPHA RA nA SA MA YE A'A:H'Um, ZHES SOGS NYER SPYOD ROL ME DANG, AOm BADZRA W'AI nI H'Um H'Um PHAt, CES SOGS RIG MA BCU DRUG GIS MCHOD, SPRO NA; DAG CING DRI MED CES SOGS DANG, TING 'DZIN PIR LEGS MA SOGS TSIGS BCAD DANG BCAS PA BYA, AOm AOm AOm SARBA NAS; AOm A'A:H'Um, NANG MCHOD 'BUL, RGYA SKAD DAM BOD SKAD KYI YUM GYI RKANG BRGYAD
, ,DANG; DPAL LDAN RDO RJE MKHA' 'GRO MA, ,ZHES SOGS KYIS BSTOD, LHA'I LJAGS RDO RJE'I RNAM PA CAN DMAR PO LA H'Um YIG GIS MTSAN PAR GYUR PAR BSAM, AOm GSUM MA'I RJES SU SNGAR GYI SPEL TSIG BTAd PA LAN BDUN GYIS MAR KHU DANG BLUGS GSUM MAM BDUN PHUL, YAM SHING RNAMS BYANG CHUB KYI SHING GI RANG BZHIN GYI BDUD RTZIR GYUR PAR BSAMS LA, AOm AOm AOm SARBA NAS; TZA N'I YE MANTA SIDDHI MA ME DE HI H'Um H'Um H'Um PHAt PHAt PHAt SV'AH'A, ZHES PA'I SNGAGS 'DI GCIG PUS YA MA SHING NAS KHYAD PAR BA'I RDZAS KYI BAR 'BUL ZHING, GONG GI SPEL TSIG SBYOR BA THOG MTHA' KUN LA RIGS 'GRE, GZHAN MANG MNGAR GSUM GYIS SPAGS PA'I CHANG MANG PO DANG, BA LANG GI SHA DUM PHUL LA SNGAR LTAR SPEL TSIG SBYOR RO, KHYAD PAR BA'I RDZAS ME TOG DMAR PO LA GRANGS BSAGS TE SNGAGS CI TZAM BZLAS PA'I BCU CHA'I GRANGS TSANG BA 'GRONGS BYA, 'DI DAG GI DMIGS PA BYA TSUL NI, RANG GI THUGS KA'I SA BON LAS 'OD ZER DMAR PO'I TSOGS DPAG TU MED PA 'PHROS, PHYOGS BCU'I SANGS RGYAS DANG BYANG CHUB SEMS DPA'I THAMS CAD DANG RJE BTZUN RDO RJE RNAL 'BYOR MA'I LHA TSOGS RNAMS KYI THUGS KAR PHOG PAS THUGS RGYUD RANG DBANG MED PAR BSKUL TE RANG LA MI MNYES PA'I CHA MTHA' DAG BYANG NAS BYIN RLABS NUS MTHU THAMS CAD BDUD RTZI ZIL PA PHROM MER CHAGS PA'I 'OD DMAR PO'I RNAMS PAR BYUNG NAS RANG LA THIM PAR BSAMS LA SNGAGS BRJOD CING RDZAS DBUL, YANG RES 'GAR, RANG GI THUGS KA'I SA BON GYI 'OD DMAR POS PHYOGS BCU'I SANGS RGYAS BYANG CHUB SEMS DPA' THAMS CAD RJE BTZUN RDO RJE RNAL 'BYOR MA'I RNAM PAR NAM MKHA'I KHAMS GANG BA SPYAN DRANGS NAS, THAB KYI LHA'I THUGS
KAR THIM ZHING, DE'I THUGS KA NAS BDUD RTZI ZIL PA PHROM MER CHAGS PA'I 'OD DMAR PO'I TSOGS DPAG TU MED PA 'PHROS, RANG YI DAM DU GSAL BA'I SNYING GAR THIM PAS MCHOG THUN GYI DNGOS GRUB MA LUS PA THOB PAR BSAMS LA, SKABS SKABS SU, RGYAL BA SRAS BCAS ZHES SOGS KYI SPIL TSIG KYANG SBYOR, DE NAS, LHA'I THUGS KA NAS SBROS PA'I SANGS RGYAS RNAMS KYIS BUM PA DMAR PO BDUD RTZI DMAR POS GANG PA THOGS NAS BSGRUB BYA RANG NYID ZLA BA'I DKYIL 'KHOR DMAR PO LA GNAS PA LA DBANG BSKUR BAS LUS THAMS CAD GANG, ZHI RGYAS DBANG DRAG SOGS LAS RAB 'BYAMS KYI SGO NAS RANG GZHAN GYI GNAS SKABS DANG MTHAR THUG GI DON THAMS CAD THOGS MED DU BSGRUB NUS PA'I SNGAGS KYI DNGOS GRUB MA LUS PA THOB PAR GYUR PAR BSAM, YANG NA, RANG DANG THAB KYI LHA'I THUGS KA NAS 'OD ZER DMAR PO LCAGS KYU LTA BU PHYOGS BCUR KHYAB PAR 'PHROS PAS, PHYOGS BCU'I DPA' BO DANG DPA' MO'I DBANG PHYUG MA YE SHES PA'I 'KHOR LO DANG BCAS PA NAM MKHA'I KHAMS GANG BA SPYAN DRANGS TE RANG LA THIM PA DANG, THAB KYI LHA'I THUGS KA NAS KYANG 'OD ZER DANG BDUD RTZI DMAR PO'I TSOGS DPAG TU MED PA BYUNG STE RANG LA THIM PAS BYIN RLABS DANG DNGOS GRUB THAMS CAD THOB PAR GYUR PAR BSAM, AOm AOm AOm SARBA NAS;TZA N'I YE H'Um H'Um H'Um PHAt PHAt PHAt SV'AH'AS MAR KHU DGAR BLUGS GSUM MAM BDUN DANG, SNGAGS DES MCHOD YIN KYANG DBUL, AOm A'A:H'I:PROKsh'AAn'Am GYIS BSANG GTER DANG, A'ANYTZA M'A n'Am GYIS ZHAL BSIL 'BUL, AOm BADZRA WAS SYA SV'AH'A SA GOS ZUNG, AOm BADZRA TAm PU LA YE
, ,SV'AH'A SA SO RTZI 'BUL, AOm BADZRA YO GI N'I SA PA RI W'A RA PUshPE NAS; SHAPTA'I BAR DANG, AOm BADZRA W'I nI HUm H'Um PHAt, CES SOGS RIG MA BCU DRUG GIS MCHOD, AOm BADZRA YO GI N'I SA PA RI W'A RA AOm A'A:H'Um, GIS NANG MCHOD DANG, AOm BCOM LDAN 'DAS MA ZHES SOGS YUM GYI RKANG BRGYAD KYI BSTOD PA DANG BCAS PA BYA, GTOR MA 'BUL BAR 'DOD NA, 'DAS LHA'I GTOR MA PHYAG LEN LTAR BZHENGS PA DGANG GZAR GYI KHAR BZHAG LA BYIN GYIS BRLABS TE 'BUL PA DANG, MCHOD BSTOD SOGS SGRUB THABS LTAR BYA, AOm PRA NA MA MI SARBA TA TH'A GA TA NA, GYIS PHYAG BYA, AOm A'A:HR'I:SOGS KYIS MCHOD YON, GANG YANG BDAG BLO RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGRON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS; ;'DIR NI BYA BA GANG BGYIS PA, ,DE KUN KHYOD KYIS BZOD MDZAD RIGS, ,ZHES SOGS KYIS BZOD GSOL DANG, MKHA' SPYOD ZHAL BZANG BLTA BA'I SMON LA, DAL 'BYOR GRUB CHEN MA SOGS 'DON, DE NAS, BLA MA DANG BCOM LDAN 'DAS MA RJE BTZUN RDO RJE RNAL 'BYOR MA'I LHA TSOGS RNAMS BDAG LA THUGS CHAGS PAR MDZAD DU GSOL, BDAG LA THUGS DGYES PAR MDZAD DU GSOL, BDAG LA THUGS MYUR BAR MDZAD DU GSOL, BDAG GIS KHYOD LA DBANG GI SBYIN SREG PHUL BA LA BRTEN NAS LHAG PA'I LHA KHYOD RANG DBANG MED PAR BDAG GI DBANG DU 'DU NUS PAR BYIN GYIS BRLAB TU GSOL, BDAG GIS LHA KHYOD LA DBANG GI SBYIN SREG PHUL BA LA BRTEN NAS ZHI SOGS KYI LAS RAB 'BYAMS THOGS MED PAR BSGRUB NUS PAR BYIN GYIS BRLAB TU GSOL,
MDOR NA THUN MONG DANG THUN MONG MA YIN PA'I LAM GYI RIM PA MTHA' DAG RGYANG LA SKYES NAS MYUR BA MYUR BAR RJE BTZUN RDO RJE RNAL 'BYOR MA'I GO 'PHANG BDE BLAG TU THOB PAR BYIN GYIS BRLAB TU GSOL, ZHES 'DOD DON LA GSOL BA GANG BA, AOm BADZRA STV'A A'A: PHAN MANG DU BRJOD DE, AOm BADZRA HE RU KA SA MA YA, NAS; A'A:H'Um PHAt, AOm BADZRA MU:YE SHES PA DAM TSIG PA DANG BCAS PA RANG NYID LA THIM PAR GYUR BAR BSAM, GSUM PA 'JIG RTEN PA'I ME LHA LA, AOm AAGNA YE, SOGS ME LHA'I SNGAGS LA, PUshPE NAS; SHAPTA A'A:H'Um, BAR SBYAR BAS MCHOD, AOm AAGNA YE NAS; B'A H'A N'A YE AOm A'A:H'Um, GIS NANG MCHOD 'BUL, AOm A'A:H'R'I:SOGS NAS, PROKsh'A n'Am PRA T'ITZTSA H'Um SV'A H'A, AOm A'A:HR'I:NAS; A'ANYTZA M'A n'Am PRA T'ITZTSA H'Um SV'AH'A, AOm BADZRA TAm BU LA YE SV'A H'A SA SO RTZI DANG, AOm BADZRA WA SA SYA SV'AH'A SA GOS ZUNG 'BUL, NA MO BADZRA P'A nI SYE, NAS; DZ'A LI NI MA NTA SIDDHI MA ME DE HI SV'AH'A, BDAG CAG DPON SLOB NAS; 'GRUB PAR MDZOD CING ,WA SHAm KU RU HO: ME LHA'I SNGAGS LA SPEL TSIG BTAGS PAS YAM SHING SOGS SREG RDZAS LHAG MA RNAMS 'BUL, DRIL BU DKROL ZHING, 'JIG RTEN DBANG PHYUG TSANGS DBANG MGON GYI SRAS, ,ZHES SOGS KYIS BSTOD, DE NAS, AOm A'A:HR'I:SOGS KYIS, A'ANYTZA M'A n'Am DANG, PROKsh'A n'I PRA T'ITZTSA H'Um SV'AH'A, AOm AAGNA YE PUshPE NAS;SHAPT'I BAR GYIS MCHOD, GTOR MA SGRUB THABS LTAR BYIN GYIS BRLABS LA, AOm AAGNA YE NAS; B'A H'A N'A YE, AA K'A RO MU KHAm SARBA DHARM'A n'Am A'A DYA NUTPAN NA tV'AD AOm A'A:H'Um PHAt SV'AH'A, LAN BDUN NAM GSUM GYIS 'BUL, AOm AAGNA YE PUshPE NAS; SHAPTA'I BAR GYIS MCHOD, ME STE BSREG BYA ZA BA'I LHA, ,DRANG SRONG RGYAL PO GDON GYI BDAG ,SHAR LHO ME LHA'I TSOGS BCAS LA, ,MCHOD CING BSTOD DE PHYAG
, ,KYANG 'TSAL, ,MCHOD SPYIN GTOR MA 'DI SNOMS LA, ,RNAL 'BYOR BDAG CAG 'KHOR BCAS LA, ,ZHES SOGS, YID LA 'DOD PA KUN 'GRUB SHOG ,AOm A'A:HR'I:PRA W'A RA SAD K'A RAm AARGHAm PRA T'I TZTSA H'Um SV'AH'AS MCHOD YON PHUL RJES; GSHEGS SKYEMS SU MAR KHU DGANG BLUGS BDUN NAM GSUM ME LHA'I SNGAGS KYIS PHUL LA, NA MO BADZRA P'A nI SYA, AOm AAGNI, DE BA T'A YA, DH'U PA T'A YE, DZVA LI NI SV'AH'A, GANG YANG BDAG BLO RMONGS PA YIS, ,ZHES PA NAS, BZOD MDZAD RIGS, ,ZHES SOGS KYIS BZOD PAR GSOL, ME LHA DRANG SRONG GI TSOGS KYIS BSKOR BA BDAG LA DGONGS SU GSOL, KHYED RNAMS LA DBANG GI SBYIN SREG PHUL BA LA BRTEN NAS ZHI RGYAS DBANG DRAG SOGS LAS RAB 'BYAMS KYI DNGOS GRUB THOGS MED MYUR DU 'GRUB PA'I DNGOS GRUB STZAL TU GSOL, ZHES DANG, RGYAL BA SRAS BCAS NYAN THOS RANG RGYAL, ,ZHES SOGS KYIS 'DOD GSOL ZHU, AOm BADZRA SATV'A A'A: RANG GI DON DANG GZHAN GYI DON, ,SGRUB BYED BSREG BYA ZA BA GSHEGS, ,JI BZHIN DUS SU TSUR SPYON ZHING, ,BDAG GI DNGOS GRUB THAMS CAD SGRUBS, ,ZHES PAS BSKUL LA, NA MO BADZRA P'A nI SYA, NA MO AAGNI YE, KU TI KU TI GA TI YE, GATZTSA GATZTSA, SHO shANTI LA LI PU TRA SV'AH'A, AOm MU:ME LHA YE SHES PA RANG BZHIN GYI GNAS SU GSHEGS, DAM TSIG PA ME 'BAR BA'I RNAM PAR GYUR, RANG GI GNAS RNAMS SU ZLA BA'I DKYIL 'KHOR GYI STENG DU ZHES PA NAS, MTSAN PAR GYUR, AOm SU MA BHA NI SOGS BRJOD CING BSRUNG BA BYA, PHUN TSOGS DGE LEGS KUN GYI DPAL MNGA' BA, ,ZHES SOGS KYIS SHIS BRJOD BYA'O, ,GSUM PA
'O THUG BSGRUB PA SOGS MJUG CHAG RNAMS SBYIN SREG GI GZHUNG CHEN MO RNAMS DANG DAM PA'I MAN NGAG LAS SHES PAR BYA'O, ,DE LTAR RJE BTZUN RDO RJE RNAL 'BYOR MAN RO MKHA' SPYOD DBANG MO'I GZHI BSNYEN CHEN MO'I NYER MKHO BCU CHA'I SBYIN SREG DON YOD 'PHRUL GYI ZHAGS PA ZHES BYA BA 'DI YANG AA ROL BLO BZANG LUNG RIGS RGYA MTSO'I GSUNG NYID GZHIR BZUNG, DAM PA GZHAN DU MA'I MAN NGAG LAS KHA BSKANGS TE, DGE BSNYEN RDO RJE RAB BRTAN DANG, SER BYES TSA BA DGE SLONG THUB BSTAN DNGOS GRUB BCAS NAS JI LTAR BSKUL BA BZHIN, 7BA BONG KHA'I SPRUL MING PA BDE CHEN SNYING POS BSGRIGS PA'I YI GE PA NI CHAB MDO GRVA NGAG LDAN DPON LHAS BGYIS PA 'GRO DON 'PHEL,, ,,`SA BYI LOR ZHU DAG 'DZUGS BCOS ZHUS SKABS KYI MA DPE PHYI MOR BGYIS TE GSAR BSKRUN MDZAD PA'O,, ,,