, ,RJE BTZUN RDO RJE RNAL 'BYOR MA N'A RO MKHA' SPYOD DBANG MO'I BSNYEN SGRUB LAS GSUM GYI LAG LEN NAG 'GROS SU BKOD PA SKAL BZANG MKHA' SPYOD BGROD PA'I SKAS ZHES BYA BA BZHUGS SO, ,
, ,NA MO GU RU BADZRA DHAR'A YA, BDE CHEN CHOS DBYINGS MCHOG GI SNYING PO'I GAR, ,YID 'PHROG SGYU MA LTA BU'I 'JO SGEG GIS, ,SKAL LDAN PHYI NANG MKHA' SPYOD GO 'YANG DU, ,'DREN MDZAD BLA MA RDO RJE BTZUN MOS SKYONGS, ,DE LA 'DIR JI SKAD DU, KUN GZIGS LNGA PA CHEN POS, DPANG PO RAB 'BRING LUS 'DIS MKHA' SPYOD BGROD, , THAM BAR DOR DPA' BO MKHA' 'GROS PA SU, ,YANG THA SKYE BA BRGYUD NAS DNGOS GRUB THOB, ,CHES MYUR 'DA' KHA'I LAM GYIS SKAD CIG 'PHO, ,ZHES JI SKAD DU GSUNGS PA LTAR SKAL LDAN GYI SKYE BO LUS MA SPANGS PAR MKHA' SPYOD DU BGROD PA'I GDAMS PA ZAB MO DPAL 'KHOR LO SDOM PA'I RTZA RGYUD LE'U ZHE BRGYAD PA LAS RDO RJE BTZUN MO'I NYE BA'I SNYING PO BKLAGS PAS 'GRUB
, ,PAR GSUNGS PA'I MAN NGAG, 'PHAGS YUL PAn GRUB KUN GYI GTZUG NOR N'A RO TA PA'I ZHABS KYIS RDO RJE BTZUN MO NYID LAS DNGOS SU GSAN TE LAGS PAR SROL PHYE BA'I GDAMS PA ZAB MO RJE BTZUN RDO RJE RNAL 'BYOR MA N'A RO MKHA' SPYOD DBANG MO'I SGO NAS MKHA' SPYOD SGRUB PA'I BSNYEN SGRUB LAS GSUM NYAMS SU LEN TSUL GYI MAN NGAG NAG 'GROS SU 'GOD PA LA, BSNYEN PA, SGRUB PA, LAS SBYOR DANG GSUM LAS, DANG PO BSNYEN PA LA THUN MONG PA'I BSNYEN PA DANG MCHOG GI BSNYEN PA SOGS MANG DU YOD PA LAS, 'DID BZLAS BRJOD KYI SGO NAS LHA'I THUGS RGYUD BSKUL TE PHYI'I MKHA' SPYOD GTZO BOR SGRUB PA'I GZHI BSNYEN CHEN MO 'DUG TSUL 'CHAD PAR BYA STE, DE YANG GANG GIS NYAMS SU LEN PA PO'I RTEN KYI
GANG ZAG NI, LAM GYI RTZA BA DGE BA'I BSHES GNYEN MTSAN NYID DANG LDAN PA LA BSTEN TSUL TSUL BZHIN DU BYAS NAS DE LAS THEG CHEN THUN MONG BA BYANG CHUB LAM GYI RIM PA'I MAN NGAG LEGS PAR MNOS, DE TSUL BZHIN NYAMS SU BLANGS PAS NGES 'BYUNG BYANG SEMS YANG DAG PA'I LTA BA LA MA MTHA' MYONG BA'I SNE ZIN PA SOGS LAM THUN MONG PA LA RGYUD SBYANG BA SNGON DU BTANG BAS SMIN LAM 'JUG RUNG DU BYAS NAS, BDE DGYES SOGS MA RGYUD KYI DKYIL 'KHOR DU SMIN BYED KYI DBANG BZHI SKU BZHI'I SA BON THEBS NGES SU MNOS, LUGS 'DI'I SINDH'U RA'I DKYIL 'KHOR DU BYIN RLABS ZAB MO PHYI NANG GSANG PA'I RNAL 'BYOR MA NGO 'PHROD NGES KYI GROL LAM SGOM RUNG THOG ,BSKYED RIM RNAL 'BYOR BCU GCIG DANG, RDZOGS RIM RTZA DBU MA'I ZAB KHRID LEGS PAR THOB PA'I RNAL 'BYOR BA SKAL BA RAB TU GYUR PA RNAMS CHAG MED BZLAS SGOM DANG, YAR MAR GYI TSES BCU'I MCHOD PA LA BRTZON PAS RE ZHIG NA RJE BTZUN RDO RJE RNAL 'BYOR MA THA MAL GYI BUD MED KYI
, ,RNAM PAS SGRUB PA PO DE'I LAG PA'I MKHRIG MA NAS BZUNG STE LUS MA SPANGS PAR MKHA' SPYOD KYI GNAS SU 'KHRID PHAR BYED LA, GAL TE DE LTAR 'GRUB PA'I SKAL PA MED PA RNAL 'BYOR PA BSOD NAMS 'BRING PO ZHIG YIN KYANG SINDH'U LANG+GA LI YA'I SGRUB PA LA BRTEN NAS LUS MA SPANGS PAR MKHA' SPYOD KYI GNAS SU BGROD PAR GSUNGS PAS, DE LA THOG MAR GZHI BSNYEN CHEN MO SNGON DU 'GRO DGOS, DE LA YANG SNGON 'GRO DANG DNGOS GZHI GNYIS LAS, SNGON 'GRO'I RIM PA LA, DNGOS GZHI GNAD DU 'GRO BA SNGON 'GRO'I PA SAGS SBYANG LA RAG LAS PAS, SKYA PAS 'GRO, YIG BRGYA, LTUNG PA SHAGS DANG 'BREL PA'I PHYAG, MAndALA, BLA MA'I RNAL 'BYOR DANG 'BREL BA'I GSOL 'DEBS, CHU MCHOD, DAM TSIG RDO RJE'I BZLAS PA, ZA BYED MKHA' 'GRO'I SPYIN SREG, SKU'AM S'ATZTSA RNAMS 'BUM BRAG RE DGA' LDAN SNYAN BRGYUD KYI
MAN NGAG LAS BYUNG PA LTAR NYAMS SU BLANG ,GZHAN YANG BSNYEN PA'I SNGON DU GSUNG RAB SGROG PA, DGE 'DUN LA BSNYEN BKUR, GTOR MA BRGYA RTZA DANG CHA GSUM, DBUL PHONGS LA SBYIN GTONG SOGS RANG GI 'BYOR 'KHOS DANG BSTUN PA'I TSOGS GSOG RGYA GANG CHE BSGRUB, GNYIS PA DNGOS GZHI LA GANG DU NYAMS SU LEN PA'I GNAS NI BDE MCHOG RTZA RGYUD LAS, RI BO TSANG TSING SMAN LJONGS SAM, ,CHU BO CHEN PO'I DOGS DAG DANG, ,GDOD NAS GRUB PA'I DUR KHROD DU, ,DER NI DKYIL 'KHOR BRI BAR BYA, ,ZHES GA-YA' RI DANG, GANGS RI LA SOGS PA BKRA SHIS SHING BYIN CHAGS PA'I RI BO DANG, NAGS TSANG TSING DANG, PHUG PA, RI SUL SMAN LJONGS, DUR KHROD LA SOGS PAR BSGOM PAR GSUNGS PA LTAR RAM, YANG NA LAS DANG PO BAS, DPUNG BZANG LAS, SANGS RGYAS BYANG CHUB SEMS DPAS BRTEN PA YI, ,GNAS SU BZLAS NA YID 'ONG DNGOS GRUB THOB, ,CES GSUNGS PA LTAR, SKYES CHEN DAM PA GONG MA RNAMS DANG, RANG GI RTZA BA'I BLA MA'I SGRUB GNAS LTA BUR BSGOM NA GNAS KYIS GANG ZAG BYIN GYIS RLOB PA'I DGOS PA KHYAD PAR CAN YOD PAS DE LTA BU RNYED NA LEGS LA, GAL TE MA BYUNG YANG RANG GI KHYIM MA MA RNAL 'BYOR DANG RJES SU MTHUN PA'I SGRUB KHANG MTSAMS KYI DBU TSUGS NAS MA GROL GYI BAR DU BAR CHAD MI 'BYUNG BA'I GNAS SU SGRUB PA LA 'JUG PAR
, ,BYA'O; ;GANG GI TSE NYAMS SU LEN PA'I DUS NI ,KUN SPYOD LAS, DGUN ZLA 'BRING PO LA SOGS PA'I, ,TSES BCU LA NI GUS PAS MCHOD, ,CES GSUNGS PA LTAR RGYAL GYI ZLA BA'I YAR MAR GYI TSES BCU SOGS MKHA' 'GRO 'DU BA'I DUS KHYAD PAR CAN LA BSNYEN PA LA 'JUG PAR BYA STE, SGRUB KHANG GI PHYI NANG NYE 'KHOR THAMS CAD PHYAG PA DAR LEGS PAR BYAS LA BSANG BDUG LEGS PAR GTONG, DRI ZHIM PO'I ME TOG BDUD RTZI LNGA DANG BA BYUNG GIS BYUGS LA CHAG CHAG GDAB, ME TOG GCAL DU BKRAM, BDUD RTZI RIL BU SOGS MED NA NANG MCHOD BYIN RLABS BYAS PA GTOR BAS 'GRUB, SGRUB KHANG GI NANG DU JI LTAR 'OS PA'I PHYOGS SU RJE BTZUN MA'I BRIS 'BUR GYI SKU DANG RGYUD KYI PO TI SOGS MCHOG GSUM GYI RTEN LEGS PAR DGRAM, DE'I MDUN DU STEGS BANG RIM CAN RAS SOGS KYIS BKAB PA'I STANG MA LA DBUS SU RJE BTZUN MA'I GTOR MA SLUM PO PAD 'DAB BZHIS BSKOR PA, SMUG RTZIS BYUGS PA LA MAR RGYAN SOGS CI MDZES KYIS SPRAS PA DANG, STEGS DE LAS CUNG ZAD DMA' PAR DE DANG BZO DBYIBS 'DRA BA'I MKHA' 'GRO SPYI GTOR DANG, SKOS KYI BKA' SRUNG DUR KHROD BDAG PO'I GTOR MA STOD ZUR GSUM SMAD ZLUM PO LA CHANG BU BDUN GYE NAL BSLANGS PAS BSKOR BA BSHAM, 'OG MIN MA'I DUS 'BUL RGYU'I GTOR MA NYIN STAR GSAR PA 'BUL BA MI SPRON GTOR KHANG DU
DMAR GTOR BCAD KHA CAN ZHIG BZHENG ,GTOR MA DE DAG GI RGYU NI KUN SPYOD LAS, MYUR DU 'BAD PAS SHA DANG CHANG GIS KYANG, +,RDO RJE LHA MO RAB TU MCHOD PAR BYA, ,ZHES SHA CHANG GNYIS GTZO BOR GSUNGS PAS BDUD RTZI RIL BU CHANG BZANG PO DANG SBYAR BA DANG, MAR KHU BTZAG THAG CHOD PAS KHU BA BYAS PA'I ZAN SOGS LA BYA STE, YUN RING DU SONG YANG MI RUL BA DANG, SEMS CAN SOGS MI 'JUG PA DGOS LO, ,CHAG MED YI DAM CHOS SKYONG GI GTOR MA GZHAN YOD NA DE DAG DANG, RGYU DKAR GSUM SOGS LAS BZOS PA'I GZHI BDAG GTOR MA YANG LEGS PAR BSHAM ,DE DAG THAMS CAD LA RDUL DANG BYI BA SOGS KYI GNOD PAS MI GES PA'I GTOR KHANG LTA BU BYA, DE'I MDUN DU 'DAS LHA DANG; 'JIG RTEN PA DANG, CHOS SKYONG LA 'BUL RGYU'I CHU GNYIS SNGON DU 'GRO BA'I NYER SPYOD TSAR GSUM MDUN BSKYED KYI GA-YON NAS 'GO BRTZAMS TE 'PHRENG BSGRIG BYA, BDAG BSKYED KYI MCHOD PA YANG RANG GI GA-YON PHYOGS NAS 'GO BRTZAMS TE LEGS PAR BSHAM ,GZHAN YANG GTOR MA RNAMS KHA GSO BA'I MTHE PA KYU YANG CI RIGS STA GON BYA, MCHOD GTOR DE DAG KYANG RGYU DANG BZO DBYIBS MA NOR ZHING GTZANG SPRA THON PA DANG RANG DANG BLA MA DANG CHOS LA DAM SEL YOD PA DANG MA 'DRES PA GAL CHE, RANG 'DUG PA'I GNAS MAL LEGS PAR BZO, DE YANG YUN RING POR BSDAD NA RLAN DANG GDAN RUL BA'I SKYON MI 'ONG BAR BYAS NAS GDAN 'JAM PO 'BOL BA GDING, GDAN GYI 'OG
, ,TU SA DKAR RAM 'BRU DKAR GYIS GA-YU DRUNG RIS CHOS 'KHOR DU BRI, MDUN DU COG TZE SOGS KYI KHAR DAM TSIG GI RDZAS RDO RJE DRIL BU d'A MA RU, THOD PA BDUD RTZI RIL BU BTAB PA'I CHANG GIS BKANG BA, GZHAN YANG KHA d'Am GSOGS DAM TSIG GI RDZAS DANG YO BYAD RNAMS TSOGS PAR BYA STE, RDO RJE MKHA' 'GRO LAS, PADMA'I TSAL NI NYAMS DGA' BAR, ,BUNG BA'I TSOGS 'DU JI BZHIN DU, ,DAM TSIG RDZAS SOGS LEGS GNAS NA RING DU GNAS KYANG BYIN GYIS RLOB, ,CES RE DAG YOD NA DPA' BO MKHA' 'GRO SPRIN BZHIN DU 'DU BAR GSUNGS PAS SO,, MTSAMS GA-YOG RANG BZHIN GYIS RGYUD 'JAM ZHING DKON MCHOG LAD DGUS DANG GTZANG SGRA YOD PA RANG DANG DAM TSIG GTZANG ZHING, PHAR LAB PA DANG BRDA'U BSTAN PAS KYANG GO NUS SHING GO BA LTAR BYED PA'I YID DANG MTHUN PA DGOS, DE YANG MTSAMS YUN RING POR SDID PA LA GAL SRID MTSAMS GA-YAG GCIG PU DE NA PA'AM GZHAN DU 'GRO DGOS SOGS BYUNG TSE MTSAMS GA-YOG BYED RTZIS KYI GZHAN GCIG GNYIS KYANG MTSAMS 'OG TU GZHUG, DE BZHIN DU MTSAMS GA-YOG MIN KYANG RANG GI BLA MA DANG, MCHED GROGS, SMAN PA LTA BU NAM DGOS BYUNG NA 'PHRANG RTZIS KYI MTSAMS 'OG TU 'JOG 'OS RNAMS 'JOG CIG 'JOG LUGS KYANG MTSAMS THE 'JOG SKABS DE RNAMS BSRUNG 'KHOR GYI NANG DU YOD PA'I MOS PA BYED, MTSAMS 'OG TU BZHAG NA'ANG 'BRAD DGOS
GAL CHEN MA BYUNG NA MI 'PHRAD, MTSAMS KYI SKABS SU RANG GZHAN GYI DON CHE CHUNG GANG YIN KYANG RANG GIS MI BYED PA'I RTZIS DANG PO NAS BYAS NAS MA BRTAGS NA BAR CHAD 'BYUNG NYEN CHE BAS DE LTAR BYED DGOS MOD KYANG, MI PHYED KA MED KYI GAL CHEN BYUNG NA YIG 'PHRIN GYIS PHAR TSUR LA BRDA' SPROD PA LAS MI GSAR PA DANG 'PHRAD PA SOGS GTAN NAS MI RUNG, NOR RDZAS DANG BCA' BO'I RIGS KYANG MTSAMS KHANG NANG DU MTSAMS KYI RING MKHO NGES DANG MTSAMS MA GROL GYI RING LA GZHAN DU SPO MI DGOS PA DANG RNAM RTOG BYA MI DGOS PA'I YID CHES NGES KYI RIGS MA GTOGS MI 'JOG, MTSAMS KYI RING GZHAN NAS DNGOS PO DANG YO BYAD CI BYUNG YANG MTSAMS THO'I NANG DU KHYER MI 'ONG ZHING NANG NAS KYANG PHYI LA MI 'BYIN, BSNYEN PA LEGS PAR TSUGS NAS MTSAMS GROL GROL GYI BAR DON GCOD DANG BKOD PA BYED DGOS PA RNAMS BYA, GZHAN BYED DGOS THAMS CAD MTSAMS LA 'JUG NYIN YAN LA GRUB PAR BYAS TE, PHYI NANG GI GA-YENG BA CI YANG MED PAR BYA'O,, DE NAS SNGON 'GRO'I THO YIG ZUR DU BKOD DA LTAR LAS BUM ZHIG TU DUM SKYES MA BSKYED DE, KHAndA RO HI BRGYA RTZA SOGS BZLAS LA MTHAR 'OD ZHU BYAS TE BSANG CHU SGRUB, MKHA' 'GRO SPYI GTOR GZHI BDAG GTOR MA, BGEGS GTOR RNAMS BSHAM, RANG NYID RJE BTZUN RDO RJE RNAL 'BYOR MA'I NGA RGYAL DANG LDAN PAS MKHA' 'GRO SPYI GTOR DANG GZHI BDAG GTOR MA BTANG LA BSNYEN SGRUB MTHAR PHYIN PA LA BAR CHAD BZLOG CING
, ,MTHUN RKYEN SGRUB PA'I 'PHRIN LAS BCOL, BGEGS GTOR BTANG LA BSNYEN SGRUB BYED PA LA MI DGA' BA'I BGEGS KYI TSOGS THAMS CAD GNAS GZHAN DU BSKRAD PA'I DMIGS PA SHUGS DRAG BYA ZHING, DUM SKYES MA'I SNGAGS SOGS DRAG TU BZLA PA DANG, GU GUL GYIS BDUG PA DANG, YUNGS KAR GYIS BRAB PA DANG, ROL MO'I SGRA DRAG TU BYAS TE GTOR MA PHYIR BSKYEL ZHING BGEGS THAMS CAD BSKRAD PAS GZHAN DU SONG BA'I MOS PA BRTAN PO BYA, DE NAS MTSAMS KYI RING 'GRO DGOS MI DGOS KYI MTSAMS SU 'GOM YUG MI 'GRO BA'I SAR SA YUL 'OS 'BAB YOD NA PHYOGS BZHI DANG, MED NA SGO MDUN LTA BUR MTSAMS THO SLONG, MTSAMS THO DUM SKYES MAR BSKYED DE MCHOD GTOR PHUL LA BGEGS KYI BAR CHAD SRUNG BA'I 'PHRIN LAS BCOL, DE NAS STAN BDE BA LA LUS RNAM SNANG GI CHOS BDUN LDAN GYIS KHA NUB TU PHYOGS PA'AM PHYOGS PAR MOS DGOS TE, 'DI'I RGYA GZHUNG RNAMS SU AOO d'I YA NA'I GNAS SU KHA BLTAS NAS BSGOM NA MKHA' SPYOD 'GRUB PA'I DGOS PA KHYAD PAR CAN YOD PAR GSUNGS PAS SO,, BDUD RTZI RIL BU BTAB PA'I NANG MCHOD DAM, MED NA BYIN GYIS BRLAB PA'I NANG MCHOD LCE THOB, TU BZHAG LA MYANGS PAS KHA DAG PAR BYAS, DE NAS NANG MCHOD KYIS BDAG DANG GNAS DANG, YO BYAD LA GTOR, KHAndA RO HI BRJOD LA SLAR YANG BGEGS BSKRAD CING BSRUNG, DE NAS RANG GI SPYI BOR AA
LAS 'KHOR LO DKAR PO'I LTE BAR AOm GYIS MTSAN PA, MGRIN PAR A'A:LAS PADMA DMAR PO'I LTE BAR A'A:SA MCHEN PA, SNYING GAR H'Um LAS RDO RJE SNGON PO RTZE LNGA PA'I LTE BAR H'Um GIS MTSAN PAR GYUR, ZHES BRJOD LA NANG MCHOD KYIS GNAS GSUM LA THIG LE BYAS TE, AO A'A:H'Um LAN GSUM BRJOD DE GNAS GSUM BYIN GYIS BRLAB PA DANG, GDAN YANG RDO RJE'I RANG BZHIN DU BSGOMS TE LAG PA GA-YON PAS REG LA, AOm A'A:H'Um AOm BADZRA AA SA NA H'Um, ZHES PAS GDAN BSRUNG BAR BYA'O,, BGEGS BSKRAD CING BSRUNG BA DANG, GNAS GSUM BYIN GYIS BRLAB PA DANG, GDAN BSRUNG BA 'DI RNAMS GRUB CHEN RNAMS KYI GZHUNG DU MAR 'BYUNG BAS GAL CHE'O,, DE NAS JI SKAD DU ,SGRUB THABS KUN BZANG LAS, DAL 'BYOR 'DI NI SHIN TU GA-YO BA DANG, ,'JIG RTEN SKYE BO DAM PA PHRAD RNYED DKA', ,DE BAS SHES RAB THABS LA GZHOL BA YI, ,YID LA BYED PA'I MCHOG DE BSGRUB PAR BYA, ,ZHES GSUNGS PA LTAR, DAL 'BYOR SHIN TU RNYED DKA' ZHING 'JIG SLA PA DANG, SKYES PU DAM PA DGE BA'I BSHES GNYEN DANG 'PHRAD PA DANG, DE'I GDAMS NGAG THOB NAS RNAM PAR DAG PA'I LAM SGRUB PA SHIN TU RNYED DKA' TSUL LA NGES PA DRANGS SHING ,KHYAD PAR DU BDE MCHOG RTZA RGYUD LAS, RNAL 'BYOR CHE MCHOG DPA' BO NI, ,YUL PHYOGS GDAN GNAS GYUR PA, ,RIGS NGAN KLA KLO YIN NA YANG, ,YUL DE YONGS SU BRTAGS PA STE, ,SEMS CAN YONGS SU BZUNG BA'I RGYUR,
, ,DA RUNG NI RTAG PAR GNAS, ,ZHES DPAL 'KHOR LO BDE MCHEG YAB YUM GYI LAM LA SPYOD PA'I RNAL 'BYOR PA DE GDOL PA DANG KLA KLO LA SOGS PA 'JIG RTEN NA RIGS NGAN PAR BYED PA ZHIG YIN KYANG, DE GANG DU BZHUGS PA'I SA PHYOGS DER DPAL 'KHOR LO SDAM PA DPA' BO DANG MKHA' 'GRO'I TSEGS DANG BCAS PA MNGON SUM DU BZHUGS NAS LU BDE'I SNED BCUD THAMS CAD PHYIN GYIS RLOBS PAR GSUNGS PA DANG, LAM 'DI NYAMS SU LEN PA'I RNAL 'BYOR PA DANG RNAL 'BYOR MA RNAMS CHO 'DI NYID LA NANG GI MKHA' SPYOD DON GYI 'DI GSAL GYI MTHAR SLOB MI SLOB KYI ZUNG 'JUG MNGON DU GYED BA'AM, YANG NA LUS MA SPANGS PAR PHYI'I MKHA' SPYOD RIG 'DZIN GYI GNAS SU BGROD NAS RTEN DE NYID LA ZUNG 'BRUG MNGON DU BYED PA DANG, GAL TE GA-YENG BAS TSE 'DIR DE LTA BUM 'GRUB KYANG 'CHI BA'I TSE DBA' PO RNAL 'BYOR MA'I TSOGS KYIS ROL MO'I SGRA DANG BCAS MKHA' SPYOD PU 'KHRID PAR BYED PA DANG GZHAN YANG LAM 'DIR ZHUGS PA'I RNAL 'BYOR PA RNAMS LA SNGAR BSAGS PA'I SDIG PA MANG DU YOD KYANG SKAD CIG NYID LA 'BYANG BAR 'GYUR BA DANG, BSAM GTAN BSGOM PA TZAM DANG RTZA RGYUD KYI GLEG BAM KLOG BA DANG BRIS PA TZAM GYIS KYANG MTHO RIS KYI DPAL SPYI DANG, KHYAD PAR 'KHOR BSGYUR THEB PAR GSUNGS PHA SOGS RGYUD DANG 'GREL PA DU MA NAS LAN CIG MA YIN PAR BSNGAGS PA'I LAM BZANG BO 'DI LTA BU LA ZHUGS NAS BSNYEN
SGRUB BYED RGYU BYUNG BA SHIN TU SKAL BA BZANG NGO SNYAM PA'I PAR DU RANG GZHAN GYI BYA BA DANG SKYID SDUG CHE CHUNG CI BYUNG YANG, DE'I DBANG DU MA SONG BAR BYA SNYAM PA'I SNYING RUS DANG SPYIR BLA MA DKON MCHOG KHYAD PAR YI DAM GYI LHA 'DI LTA BU LA BRTEN NA SNGON GYI LAS DPANG MA GTOGS GLO PUR BAR CHAD SOGS KYIS GLAGS CI KHEL SNYAM PA'I SNYING KHAM BSKYED, 'DI RNAMS THUN DANG THUN MTSAMS THAMS CAD DU GAL CHE, DE NAS BYANG CHUB KYI SEMS KYI DMIGS RNAM GSAL BTAB STE, SEMS CAN THAMS CAD KYI DON DU ZUNG 'JUG RDO RJE 'CHANG GI GO 'PHANG TSE 'DI NYID LA MNGON DU BYA'O SNYAM PA'I SGO NAS CHO GA LA 'JUG PAR BYA STE, DE YANG SGRUB THABS THUN MONG MA YIN PA BDE CHEN NYE LAM LAS BYUNG BA LTAR BDUD RTZI MYANG BA'I RNAL 'BYOR NAS BKRA SHIS KYI BAR DANG, TSOGS KYI 'KHOR LO DANG BCAS PA BYA, GZHAN YANG BSNGO SMON SOGS NYAL KHA'I NYAMS LEN GYI RIM PA RNAMS LEGS BAR BYAS TE NYAL BA'I RNAL 'BYOR LA 'JUG, SANG THO RANGS NAM GYI SUM CHA LUS PA NA 'OD GSAL GYI NGANG LAS LDANG BA'I RNAL 'BYOR GYIS LANGS LA, GOS TSAGS LEGS PAR BYAS TE KHRUS KYI RNAL 'BYOR TSUL BZHIN DU BYA, BLA MA SNGA MA 'GA' ZHIG GIS MTSAMS KYI RING LA KHRUS MI BYED PA DANG, SKRA SEN MI 'BREG PA ZAB GDAN YIN KHUL BYED MOD KYANG MNGON BRJOD BLA MA LAS, DAM TSIG CAN NI LANGS DUS
, ,SU, ,BLA MA MCHOD PA RJES DRAN NAS, ,BYANG CHUB SEMS KYI CHU KHRUS BYA, ,ZHES DANG, ,RDO RJE RTZE MO LAS, DANG PO KHO NAR KHRUS BYA ZHING, ,ZHES DANG, DE BZHIN DU RGYUD DANG RGYA GZHUNG MANG PO BYUNG BAS KHRUS BYA BAR 'GAL BA MED CING, RGYUD RDO RJE 'PHRENG BA LAS, PHYIRU NYAN THOS SPYONG GNAS SHING, ,NANG DU 'DUS PA LA DGA' BA, ,ZHES NANG DU GSANG SNGAGS KYI RNAL 'BYOR SPYOD KYANG PHYI'I CHA LUGS 'DUL KHRIMS DANG BSTUN DGOS PAR GSUNGS SHING, DE BZHIN DU RTZE MO DANG GUR SOGS LAS KYANG GSUNGS PAS MTSAMS SKRA ZER BA'I RING PO MI 'JOG, DAG BYIN RLABS DANG BLA MCHOD SOGS BLA MA'I RNAL 'BYOR, TSE SGRUB SOGS NYAMS SU LEN DGOS RNAMS SNGON DU BTANG, BDUD RTZI RIL BU'AM DE BTAB PA'I NANG MCHOD LCE THOG TU BZHAG LA BDUD RTZI MYANG BA'I RNAL 'BYOR, SKYABS SEMS NAS SPYOD LAM GYI RNAL 'BYOR GYI BAR DANG TSAM RNGAM GYI SRUNG BA SMON LAM MDOR BSDUS DANG BCAS THUN MTSAMS LA 'JUG, THUN BAR PA GNYIS LA BDUD RTZI MYANG BA NAS BDAG BSKYED KYI MCHOD PA BYIN RLABS PAR SGRUB THABS BZHIN DANG, DE NAS BLA MA'I RNAL 'BYOR MDUN GYI NAM MKHAR ZHES PA NAS SKYABS GNAS KUN 'DUS KYI NGO BOR GYUR, CES BLA MA BSKYED PA'I RNAL 'BYOR GYI RJES, GANG GI DRIN GYIS ZHES SOGS PHYAG 'TSAL BA NAS DBANG BZHI LEN TSUL GYI BAR
BZHAG, DUS GSUM SANGS RGYAS THAMS CAD KYI NGO BO ZHES SOGS BLA MA BSTIM PA NAS, DE THAMS CAD RDO RJE RNAL 'BYOR MA'I SKUR GYUR, CES PA'I BAR GZHUNG BZHIN LA MI 'DRA BA'I KHYAD PAR RIGS BDAG RANG CHAS SU BSGOM DGOS PAS, YE SHES KYI ME 'BAR PA'I DBUS NA BZHUGS PA RNAM SNANG HE RU KA YUM DANG BCAS PAS DBU BRGYAN PAR GYUR CES SNON, LUS DKYIL SGO MA MIN GANG BDE BYA, DE NAS, PHEEm; RANG GI THUGS KA'I ZHES PA NAS TZAndI KA'I NGO BO RNAMS SU GYUR CES PA'I BAR GYI YE SHES PA BSTIM PA DANG, GO CHA BGO BA GNYIS BYA, DBANG BSKUR RGYAS GDAB MI DGOS, DE MAN BDAG BSKYED KYI MCHOD PA 'BUL BA NAS TSAM RNGAM GYI SRUNG BA SMON LAM MDOR BSDUS PAR GONG GI THUN DANG PO LTAR BYA'O, ,THUN THA MA LA TSAM RNGAM GYI SRUNG BA YAN GONG GI THUN BAR PA GNYIS LTAR LA GTOR 'BUL SMON LAM SHIS BRJOD RGYAS PA BCAS SGRUB THABS BDE CHEN NYE LAM LTAR BYA'O, ,DE LTAR THOR THUN, SNGA THUN, DGONG THUN, SROD THUN TE THUN BZHIR NYAMS SU LEN CING, THUN GYI RING THUNG RANG GI KHAMS DANG MOS PA DANG BSTUN, MTSAMS KYI MGO MJUG GNYIS LHOD PAm DANG DKYIL DU GRIM PA'I BSNYEN SGRUB NAS 'DRA MA BYA DGOS, NYI MA 'CHAR NUB KYI ZER KHA GNYIS DANG, NYIN GUNG MTSAN GUNG GNYIS TE TING NGE 'DZIN 'JIG PA'I DUS BZHI LA THUN MTSAMS KHEL BAR BYA, CHO GA RNAMS DAL BUS 'DON CING SKABS SKABS KYI DMIGS RNAM
, ,GSAL BTAB LA RIG PA RGYA YAN DU MA SONG BAR BYA ZHING, KHYAD PAR SKU GSUM LAM 'KHYER GYI SMABS SBYANG GZHI 'DI DANG 'DI SBYONG BA'I PHYIR DU DMIGS PA 'DI DANG 'DI BSGOM SNYAM DU 'PHEN PA BTANG NAS BSGOM PA DANG, LUS DKYIL GYI TSE LUS KYI RTZA KHAMS DE DAG DE LHA DE DANG DAR BSAM ZHING, DH'U T'I'I DBUS DANG DE'I NANG NAS KYANG SNYING GI DBUS NYID DU GSAL 'DEBS PA GAL CHE ZHING, GZHAN YANG CHO GA'I MGO MJUG THAMS CAD DU THAD KA THAD KA'I GSAL SNANG DANG NGA RGAL BSKYED PA DANG, SEMS 'DZIN TSUL SOGS BSKYED RIM LAS 'BYUNG BA LTAR BYA BA GAL CHE, BZLAS PA BYA TSUL LA KHA GRANG PHRENG NI, LAS SO SO'I PHRENG BA RGYUD LAS BSHAD PA LTAR RAM, MA RNYED NA THUN MONG DU SHIS PA NI MNGON BRJOD LAS, DUNG CHEN PHRENG BA BLANGS NAS SU, ,ZHES GSUNGS PA LTAR THOD PHRENG NGAM, GDAN BZHI LAS, ZHI RGYAS DBANG DANG MNGON SPYOD LA, , BO DE TZE NI LAS KUN BYED, ,CES GSUNGS PA LTAR PO DE TZE RGYA NAG NAS THON PA DE'AM, BOD DU 'BYUNG BA DE GNYIS KAS RUNG BAR GSUNGS LA, GRANGS NI RGYUD LAS LAS KYI DBYE BAS SO SOR GSUNGS KYANG, PHYAG LEN LA BRGYA RTZA BRGYAD TSANG BAR MDZAD DO,, PHRENG THAG NI BU MO GRONG PA'I CHOS KYIS MGOS PAS BKAL BA'I RAS BAL GYI SKUD PA DGU SGRIL BYA'O,, BGRANG PHRENG BYIN GYIS BRLAB PA NI, LHA RANG RANG GI GSUNG RDO RJER BSKYED
PAR GSUNGS PA LTAR NA, PADMA GAR DBANG DU BSKYED PA SOGS BDE MCHOG GI SKABS BZHIN BYA, 'DI PA'I BLA MA GONG MA RNAMS KYIS SAm BHUtA LAS, PHRENG BA KUN GYI DGRA BCOM PA, ,ZHES SOGS GSUNGS PA LTAR MDZAD DE; DE'I TSUL NI ,RANG GI LAG PA GA-YON PADMA 'DAB MA LDA PA'I LTE BAR ZLA BA'I STENG DU AA DKAR PO'I MTHA' A'A LI DKAR PO GA-YAS SKOR, LAG PA GA-YAS RDO RJE SNGON PO'I LTE BAR NYI MA'I STENG DU H'Um GI MTHAR KLA LI DMAR PA GA-YON SKOR DU 'KHOD PAR GYUR, PHRENG BA'I STENG DU SUm DKAR PO, H'Um SNGON PO, A'A:DMAR PO, AOm DKAR PO RNAMS BRTZEGS MAR GNAS PAR BSAMS LA PHRENG BSNYIM PAR BZHAG, AA MRi TAS BSANGS TE STONG PA SBYANGS, STONG BA'I NGANG LAS PHRENG THAG H'Um LAS GTZO BO RDO RJE SEMS DPAR NYE BA'I SRAS BRGYAD KYIS BSKOR BA DANG, PHRENG BA RNAMS A'A:LAS DGRA BCOM PA, MNGO 'DZIN AOm LAS 'OG MA GZUGS KYI SKU DANG, STANG MA CHOS KYI SKU STE, DE RNAMS KYANG LHA'I SKU'I RNAM PA MA YIN PAR DE DANG DE'I NGO BOR MOS PA TZAM BYAS LA, AOm PA DE PA DE MAH'A DZNY'A NAm SARBA BUDDHA MAH'A BHA BE H'Um H'Um H'Um HO HO HO A'A:KHAm SV'AH'A, ZHES PHRENG BA GSAR PA LA BRGYA RTZANG PA RGYUN DU SKABS DANG SBYAR TE BZLAS, RANG GI THUGS KA'I BAm YIG LAS 'OD ZER 'PHROS PAS SANGS RGYAS BYANG SEMS THAMS CAD KYI GSUNG GI BYIN RLABS THAMS CAD A'A LI K'A LI'I RNAM PAR SPYAN DRANGS TE PHRENG BAR THIM
, ,PAR BSAM, LAG PA GNYIS THABS SHES KYI SBYOR BAS BSRUBS PAS YI GE RNAMS LAS BDUD RTZI'I RGYUN BABS PA PHRENG BA LA THIM PAR MOS LA PHRENG BAR SNGAGS KYI HAS GDEB, 'DI NYID RGYUN DU MA GRUB NA AOm GSUM MA NYID LAN GSUM BZLAS PAS KYANG RUNG GSUNG NGO,, PHRENG BA JI LTAR BGRANG BA NI, MNGON BRJOD LAS, LAG GA-YON MTHE BONG SRIN LAG GIS, ,GSANG SNGAGS DAG NI BZLA BAR BYA, ,ZHES GSUNGS PAS, DANG POR LAG PA GA-YON PA'I SRIN LAG GI STENG DU BKAL NAS MTHE BOS DBAB CING CI NUS BGRANG LA, DE NAS MI BDEN GA-YON PA'I SOR MO BZHI SBYAR BA'I STENG DU BKAL NAS BGRANG CHOG STE, SLOB DPON LONGS SPYOD RDO RJES, DUNG CHEN GYI PHRENG BA BLANGS PA NI LAG PA GA-YON PA'I MTHE BONG SRIN LAG GIS BLANGS TE PHYIS CI BDER BZLA BAR BYA'O,, ZHES GSUNGS PAS SO,, MTHE BONG LCAGS KYU'I TSUL GYIS DNGOS GRUB 'GUGS PA'I BSAM PAS BGRANG BAR BYA'O,, BZLAS PA DNGOS LA ,BKOD PA'I BZLAS PA DANG, SPRO BSDU'I BZLAS PA, 'GOG PA'I BZLAS PA DANG GSUM LAS, DANG PO NI LUS DKYIL GYI GTZO MO'I THUGS KAR CHOS 'BYUNG ZLA BA BAm YIG SNGAGS 'KHOR DANG BCAS PA GSAL BTAG YIG 'BRU RNAMS LA SEMS GTAD NAS KLOG PA'I TSUL DU SNGAGS BZLA, GNYIS PA LA DON BYED KYI DMIGS PA GNYIS LAS, GZHAN DON DON BYED KYI DMIGS PA NI, SNYING GA'I SNGAGS
PHRENG LAS 'OD ZER DPAG TU MED PA 'PHROS, LUS DKYIL GYI GTZO MO'I SKU'I NANG THAMS CAD 'OD GSAL BAR BYAS, RIM BZHIN RNAL 'BYOR MA BZHI DANG DPA' MO SO GNYIS, RANG RNAL 'BYOR MAR GSAL BA BCAS KYI SGU THAMS CAD 'OD KYI SNANG BSRA GSAL BAR BYAS, RANG GI LUS LAS KYANG PHYIR THON, PHYOGS BCUR 'PHROS, RIGS DRUG GI SEMS CAN THAMS CAD LA PHOG PAS DE RNAMS KYI SGRIB GNYIS BAG CHAGS DANG BCAS PA SBYANGS TE THAMS CAD RDO RJE RNAL 'BYOR MA'I SKUR GYUR PA'I ZHAL NAS SNGAGS KYI SGRA 'UR DIR DIR BRJOD PAR BSAM, GNYIS PA BDAG DON DON BYED KYI DMIGS PA NI, ('OD ZER GYI SNE MOR PHYI NANG GSANG BA'I MCHOD SPRIN BSAM GYIS MI KHYAB PA SPROS TE, RGYAL BA SRAS DANG BCAS PA THAMS CAD LA KUN TU BZANG PO'I MCHOD SPRIN LA 'GRAN BZOD PA'I MCHOD PAS MCHOD CING MNYES PAR BYAS, DE RNAMS KYI SKU GSUNG THUGS KYI BYIN RLABS THAMS CAD 'OD ZER DMAR PO'I RNAM PAR SPYAN DRANGS TE RANG LA THIM PAS RGYUD BYIN GYIS BRLABS PAR) BSAMS LA BZLA, BZLA BYA'I SNGAGS KYANG JO BO N'A RO TA PA'I RGYA GZHUNG LAS AOm GSUM SOGS MI 'BYUNG BA NI ZAB GNAD 'BYIN 'JU GI SPAS PA YIN LA, DNGOS GZHI RGYAL CHEN AINDRA BH'U TIS BKRAL BA'I PHAG MO ZHAL GNYIS MA'I GZHUNG NYID PHAG MO'I CHOS SKOR THAMS CAD KYI RTZA BAR GYUR PA YIN PAS DE NYID KYI SNGAGS BTU BA'I CHO GA LAS JI LTAR 'BYUNG BA LTAR, AOm GSUM MA NYID BZLA DGOS PA YIN TE, PHAG MO GZHAN GYI GZHUNG LA MTSANG BA RNAMS KYANG GZHUNG 'DIS KHA 'GENGS PAR MDZAD BA NI BRGYUD LDAN DAM PA'I MAN NGAG YIN NO,, GSUM PA 'GOG PA'I BZLAS
, ,PAS YID BZLAS JI LTAR BYA BA NI, BSAM GTAN GYI LUS GNAD DANG LDAN PAS THOG MAR SNA BUG GA-YON PA NAS RLUNG THOG MTHA' GNYIS 'JAM LA BAR DU SHUGS CHE BA SANGS KYIS BUS PA DANG MNYAM DU RANG RGYUD KYI NYON MONGS PA 'DOD CHAGS KYIS GTZOS PA'I SGRIB GNYIS BAG CHAGS DANG BCAS BRKYANG MA'I LAM NAS RLUNG DANG 'GROGS PHYIR THON TE, DANG POR 'DOM GANG TZAM, DE NAS KHANG PA SOGS KYI PHYI ROL TZAM, DE NAS KYANG JE RING JE RING DU STONG GSUM 'JIG RTEN GYI KHAMS KYANG BRGAL BAR SONG NAS, MTHAR DU SPRIN LTAR RANG YUL DU SONG BAR BSAMS LA YUN RING TZAM BZHAG, RLUNG RO RDZOGS PAR THON PA'I RTAGS SNYING NA KA MA PA BYUNG BA DANG, YANG DAL BUS RDUBS TE GA-YAS NAS PHYIR BSAL LA RO MA'I LAM NAS ZHE SDANG SBYANGS PA'I DMIGS PA DANG, DE NAS GNYIS KA NAS PHYIR BTANG LA DBU MA'I LAM BRGYUD SMIN MTSAMS NAS GTI MUG SBYANGS PA'I DMIGS PA DANG BCAS TSAD SOGS SNGAR BZHIN BYA, BUM CAN LAN MANG DU 'DZIN NA SLAR YANG DE 'DRA YONGS RDZOGS LAN GNYIS BYAS LA RLUNG RO DGU PHRUGS SU BSAL, THENGS GNYIS GSUM TZAM LAS MI 'DZIN NA RLUNG RO LAN GSUM BSAL BAS CHOG , DE NAS 'OG SGO CUNG ZAD 'BYED 'DZUM DANG BCAS 'OG RLUNG SNYAN GSAN 'BEBS PA'I TSUL GYIS PHYED 'THEN TZAM BYA, STENG RLUNG SA LEN MA'I TSUL GYIS RDZOGS PAR RDUBS NAS MCHIL MA SGRA MED DU MID PA DANG MNYAM DU
LTE BAR MNAN, DE'I TSE SNYID GA'I LUS DKYIL GDAN CHOS 'BYUNG DANG BCAS PA STENG RLUNG DANG SBRAGS TE LTE BAR PHAB PA'I CHOS 'BYUNG GI RTZE MO GSANG BAR THUG TZAM YOD PAR BSAM, DE DANG DUS MNYAM DU LUS DKYIL GYI LHA THAMS CAD YIG 'BRU'I RNAM PAR 'SGYUR NAS, LA RAL WA BZHI BAm YIG LA THIM PAR BSAM, SLAR 'OG RLUNG RDZOGS PAR 'THEN TE SROG THUR BSRES NAS LUS TSUGS HA CANG GRIMS DRAG PA MA YIN PAR RANG BABS SU GLOD, RANG SEMS LTE BA'I BAm YIG LA ZHUGS PA LTA BUS SNGAGS 'KHOR GA-YON SKOR DU KLOG PA'I TSUL GYIS RLUNG THUB TSAD BZUNG, MI THUB PA 'DRAN BTZAN THABS SU MI BZUNG BAR 'OG RLUNG 'THAN NA PA'I NGANG NAS SNA SGO'I SPU MAm 'GUL BA'I TSED KYIS DAL BUS BTANG LA, CUNG ZAD NGAL GSOS LA YANG 'DZIN PA SOGS GANG THUB KYI SGO NAS YID BZLAS BYA, THUN ZHABS SU ZHAR PYUD RDZOGS RIM GNYIS DANG, KHYAD PAR DU 'DI PA'I ZAB GNAD THUN MONG MA YIN PA'I BSAM MI KHYAB KYI RNAL 'BYOR NYID NYAMS LEN GYI SNYING POR BYA DGOS PAS, KHRID YIG LAS 'BYUNG BA LTAR NAN TAN DU BSGOM PA GAL CHE'O,, BZLAS PA'I SKABS SU ,SPYOD 'JUG LAS, BZLAS BRJOD DANG NI DKA' THUB SOGS, ,YUN RING DUS SU SPYAD BYAS KYANG, ,SIMS GZHAN GA-YANG BAS BYAS PA NI, ,DE NYID RIGS PAS DON MED GSUNGS, ,ZHES GSUNGS PAS DMIGS PA RTZE GCIG TU MA BRAL BA'I NGANG NAS BZLAS BRJOD BYAS NA YUN RING PO MA YIN PAR BYIN RLABS KYI
, ,MTSAN MA GDON MI ZA BAR 'BYUNG LA, THA MAL PA'I RNAM RTOG LA SHES BA RGYA YAN DU BTANG NAS BGRANGS PAS GRANGS CI TZAM MANG YANG BYIN RLABS TSUL MTHUN MI 'BYUNG BAR GSUNGS PAS 'DI LA NAN TAN BYA'O, , BSNYEN YIG SNGA MA 'GA' ZHIG MTHUN GYI SGANG LA JA BTUNG BA DANG, CHAB TOG LTA BUR CHAB BSANG BYA RUNG PAR BSHAD PA NI PHYAG LEN HA CANG RTZING BAR MNGON NO,, BZLAS PA'I GRANGS NI; LAS RUNG TZAM LA 'BUM PHRAG GCIG GAM RTZOD DUS BZLAS PA BZHI 'BYUR DU BYAS TE 'BUM PHRAG BZHI BZLA, BSNYEN CHEN LA BSDUS PA 'BRU 'BUM STE 'BUM PHRAG SO GNYIS, RGYAS PAR DE SUM 'GYUR GYI 'BUM PHRAG GO DRUG PA ZLA BAR GSUNGS KYANG, RANG LUGS DE STENG BZHI 'BUM BSNAN PA'I 'BUM PHRAG BRGYA 'GRO NGES BZLA BAR BYA'O,, DE LTAR SNGAGS GRANGS LONGS NAS YE SHES 'BEBS SNGAGS BZLA BA BLA MA SNGA MA DAG MA GSUNGS KYANG BYAS NA PHUN SUM TSOGS PA'I YAN LAG TU 'GYUR BAS, BZLA BAR 'DOD NA ;AOm GSUM MA LA H'Um HA:A'A:DZHEE:BTAGS PA BZLA BAR THU'U BKVAN RIN PO CHES GSUNGS PAS, AOm AOm AOm SARBA BUDDHA d'A KI N'I YE BADZRA (WARnnA N'I YE BADZRA NEE LO TZA NI YE H'Um H'Um H'Um PHAt PHAt PHAt H'Um HA:A'A:DZHEE:SV'AH'A,) ZHES 'BUM PHRAG BZHI'AM GCIG BZLA BAR BYA'O,, DE'I TSE DMIGS PA NI, RANG GI THUGS KA NAS 'OD ZER DMAR PO DPAG MED 'PHROS, PHYOGS BCU'I SANGS RGYAS BYANG SEMS THAMS CAD RDO RJE RNAL 'BYOR MA'I RNAM PAR BYON TE RANG GI LUS LA CHAR CHEN PO BABS
PA BZHIN DU THIM PAR BSAM, RJES SU BZUNG BA'I MTSAN MA BRTAN PO RNYED NA BZLAS GRANGS MA RDZOGS KYANG SGRUB PA DPAL SA SBYOR LA 'JUG TU RUNG BA 'DRA STE, BEEd'UR ZHUN MA'I THEM SKAS LAS, AOm GSUM 'DU MA PHRAG BRGYA TZAM GYI GRANGS KYI BSNYEN PA MTHAR PHYIN PA'AM, MTSAN MA BRTAN PO MA RNYED KYI BAR DU 'BAD NAS DE NAS SGRUB BSNYEN BYA DGOS PAS ZHES GSUNGS, DE LTAR BSNYEN PA TSAD LDAN BYA PA LA DAM TSIG DANG SPANG BLANG GI RIM PA NI, PHA DAM PA SANGS RGYAS KYI ZHAL NAS, BSNYEN PA YAL BA'I GNAD LNGA NGO MA SHES NA BSNYEN SGRUB BYAS PA DON MED DU 'GRO, GNAD LNGA NI, LHA BSGOM 'PHROR BZHAG PAS LUS KYI LHA YAL, SNGAGS BZLAS PA PHRENG BA'I MDO 'DZIN RTZA BAR MA SLEB PAR GTAM SMRAS BAS SNGAGS KYI NUS PA YAL, BZLAS PA BYED DUS SPRO BSDU'I DMIGS PA MA BYAS PAS TING NGE 'DZIN YAL, MTSAMS KYI SKABS SU MI DANG 'PRAD PAS LHA'I MTSAN LTAS YAL, RTEN DANG MCHOD GTOR DAM RDZAS SOGS MIS MTHONG BAS RDZAS KYI NUS PA YAL GSUNGS, BRTUL ZHUGS GRUB PA'I BDAG NYID CHEN PO PADMA K'A RAS, DENG SANG SNGAGS PA RNAMS LA RGYUD NAS BSHAD PA'I RTAGS DANG NUS PA TSUL BZHIN MI 'BYUNG BA NI, MTSAMS GSUM RAL BA'I SKYON YIN, MTSAMS GSUM NI SKU MCHOMS MA GROL BAR GZHAN DANG 'PHRAD PA, GSUNG MTSAMS MA GROL BAR NGAG SHOR BA, THUGS MTSAMS MA GROL BAR NYON MONGS DRAG
, ,POS BAR GCAD PA'O,, DAM TSIG GSUM NYAMS NA MI 'BYUNG STE, BSKYED PA'I SKU MI GSAL, BZLAS PA'I SNGAGS MA DAG, BSGOM PA'I TING NGE 'DZIN GA-YEL BA'O,, BSRUNG BYA GSUM NYAMS NA MI 'BYUNG STE; LUS KYI BDUD THIG LE NYAMS PA, NGAG GI BCUD MCHIL MA DOR BA, YID KYI BCUD RNAM RTOG RGYUN MA CHAD PA'O,, SGRUB PA MA THON BAR GNAS MI SPO, GDAN MI SPRUGS, MI DANG KHA 'PHRO MI BSRE, GTOR MA DUS LAS MA YOL BAR 'BUL, 'THAB 'KHON MI BYA, GTOR PHUD NYAMS SU MI 'JUG, SGRUB KHANG DU KHYI, YUGS SA, MDZE PHO DME CAN 'ONG MI 'JUG, DE DAG GI ZAS MI ZA, RANG GI NYAL MAL DU GZHAN MI GTONG, PHRENG BA MI LAG MI 'GRIM, GZHU MI 'THEN, MDA' MI BCAG ,MTSON RTZE KHAR MI 'JUG, SPYIR SNGAGS BZLA BA'I TSE SKYON BCU SPONG DGOS, BCU NI SGRA SKYON LNGA LA CHE BA, CHUNG BA, MGYOGS PA, BUL BA, ME LA PHU 'DEBS PA DANG LNGA'O;; BAR CHAD LNGA NI GLO LU BA, GTAM SMRA BA, SBRID PA, GNYID LA SHOR PA, YENGS PA DANG LNGA'O, ,'DI LNGA NI TING NGE 'DZIN GYI SROG NYAMS PA'I SKYON YIN GSUNGS, DES NA BSNYEN SGRUB KYI SNGAGS BZLA BA'I TSE BZLAS PA'I 'PHRO LA GNYID BRO BA, GLAL BA, SBRID PA, LUD PA ,'OG RLUNG, BSHANG BA, GCI BA SOGS BYUNG NA DE MA THAG 'PHRENG BA BZHAG STE NYE REG BYA ZHING KHA BSHAL NAS DE 'DRI BYUNG SKABS KYI SNGAGS DE BZLAS PA'I GRANGS SU
MI BRTZIBS, DE YANG GTAM SHOR NA PHRANG RDOG BZHI BSKYUNGS TE GRANGS SU MI BRTZI, DE BZHIN DU GLO LUN LNGA, GLAL NA GSUM, SPRID NA BCU, MCHIL SNA BPAS LUD PA SOGS DOR NA GCIG 'OG RLUNG LA BDUN, GNYID LAR RTZE LNGA RNAMS GRANGS SU MI BRTZI, THUN MTSAMS SU LANG RIG PA RGYA YAN DU MI BTANG BAR RANG NYID LHA'I NGA RGYAL DANG MA BRAL BA'I SGO NAS GANG SNANG BDE STONG GI RGYAS BTAB NAS LHA SKUR BSGOM PA DANG, KHRUS DANG KHA ZAS DANG NYAL BA DANG LDANG BA'I RNAL 'BYOR DANG, DAL NA LUS BRTAS PAR BYED PA'I RNAL 'BYOR SOGS BSKYED RIM LAS 'BYUNG BA LTAR BYA, KHYAD PAR DU LHA DANG BLA MA LA DAD PA BSGOM PA DANG GSOL PA 'DEBS PA RNAM PA THAMS CAD DU GAL CHE, MTSAMS KYI RING TZAL COL MANG PO SMRA MI RUNG ZHING, DGOS PA KHYAD PAR CAN PHRAN BU RANG GI MTSAMS GA-YOG PA LA THUN MTSAMS SU SMRA, SGRA RTZIS SMAN GSUM SOGS KYI DPE CHA MANG PO MI BLTA, LAM RIM SKOR DANG, LUGS 'DI'I BSKYED RDZOGS KYI BSHAD PA DANG MAN NGAG SOGS BLTA BA LA SKYON MED, DNGOS NYAMS RMI LAM CI RIGS LA LHA'I ZHAL GZIGS DANG LUD BSTAN SOGS YONG NGAM SNYAM PA'I RE BA DANG, BGEGS KYI BAR CHAD SOGS 'BYUNG NGAM SNYAM PA'I DOGS PA SOGS GANG YANG MI BYA BAR BLA MA DANG LHA LA YID CHES KYI MOS GUS DANG, THUN DANG THUN MTSAMS SU BSHAD TSOD JI LTA BA BZHIN BYA BA LA SGRIM ZHING 'PHRAL DGA' SPRO DANG BCAS PA'I SEMS BDE 'BOL BA BYA, BZLAS PA BYED
, ,GNAS DER BZLAS SHING PHYED GNAS GZHAN DU SPOS NAS BZLA PA SOGS KYIS MI RUNG BAS, GNAS GCIG TU MTSAMS KHONGS GCIG LA GRANGS RDZOGS PAR BYA DGOS SO, ,GRANGS LEGS PAR THEM PA NA BZLAS BRJOD KYI LHAG CHAD KHA BSKANG BA'I PHYIR KHA SKONG GI SBYIN SREG BYA STE, RDO RJE SNYING PO RGYAN GYI RGYUD LAS, GSANG SNGAGS LHAG CHAD GANG YIN PA, ,THAMS CAD SBYIN SREG DAG GIS SKONGS, ,ZHES GSUNGS PAS YAR MIR GYI CHOS BCU DANG BSTUN KHA SKONG GI ZHI BA'I SBYIN SREG BYAS PAR PHUL, DE NAS LHA DBANG DU BYED PA LA BSNYEN PA'I BCU CHA'I DBANG GI SBYIN SREG GAL CHE ZHING, DE LA YANG ME LHA THAB TU 'GUG NUS PA GAL CHE BAS, DE'I BSNYEN PA DANG DE'I BCU CHA'I SBYIN SREG RNAMS SNGON DU 'GRO DGOS, 'DI RNAMS SA LUGS KYI YIG CHA RNAMS SU MI GSAL YANG, GRUB MCHOG BSTAN PA'I RGYAL MTSAN, THU'U BKVAN DHARMA BADZRA, AA MCHOG BLO BZANG LUNG RIGS RGYA MTSO RNAMS KYI GSUNG LAS 'BYUNG BA LTAR DGA' LDAN SNYAN RGYUD KYI MAN NGAG DANG GUNG BSGRIG STE 'CHAD NA, GZA' SKAR 'PHROD SBYOR DGE BA'I NYIN ME LHA'I BRIS 'BUR GYI SKU BKRAM PA'I MDUN DU DKAR GTOR ZLUM PO PAD 'DAB BZHI PA, NYER SPYOD SOGS BKOD PAS MDZES PAR BSHAM ,RJE BTZUN MA'I BDAG BSKYED BZLAS PA GTOR 'BUL BCAS LEGS PAR GRUB RJES MDUN BYIN PRIS SKU DANG ME LHA DBYER MED KYI TSUL DU BSKYED, MCHOD BSTOD BZLAS PA
GTOR 'BUL RNAMS YIG CHA ZUR DU 'BYUNG BA LTAR BYA, MDUN BSKYED GSHEGS GSOL NYER BSDU SOGS GANG YANG MI BYED PAR THUN RJES MA RNAMS LA'ANG BDAG BSKYED BZLAS PA GRUB RJES ME LHA SNGAD YOD GSAL 'DEBS KYI TSUL DANG MDZEN RTOGS NAS BZOD GSOL KYI BAR SNGAR BZHIN BYA, DE LTA BU'I SGE NAS ME LHA'I BSNYEN PA 'BUM PHRAG GCIG 'GRO NGES BYAS THOG THUN THA MA'I NYER BSDU'I SKABS ME LHA BRIS SKUR BRTAN BZHUGS BYA, DE NAS ME LHA'I BCU CHA'I SPYIN SREG BYA PA LA 'DI DANG BCU CHA CHEN MO GNYIS KA DBANG LAS THAMS CAD PA'I THAB TU BYA BAR GSUNGS PAS, SA GZHI 'KHOD SNYOMS TSUL MTHUN BYAS, RDO BTZAG SOGS KYIS DMAR POR BYAS PA'I STEGS BUR TSANGS ZUR GYI BRAG SPYI LTAR GDAB, THIG SKUD KHRU PHYED PA ZHIG GIS ZLUM POR BSKOR BA'I DBUS SU SOR BZHI SA BSKOR BA'I LTE BA, GE SAR SOR PHYED, DE NAS SOR DRUG GIS BSKOR PA PAD 'DAB, DE NAS SOR GCIG DANG PHYED KYIS BSKER BA MU KHYUD, LTE BAR PADMA LCAGS KYA'I MTSAN MA, 'DAB MA BRGYAD LA SHAR DU 'KHOR LO, LHOR RIN PO CHE, NUB TU RDO RJE SNGON PO, BYANG DU RAL GRI'AM SNA TSOGS RDO RJE, MU KHYUD LA RDO RJE'I PHRENG BA, DE'I PHYI ROL TU SOR BZHI BSNAN PAS BSKOR BA MYA RAN; DE'I PHYIR SOR BZHI BSNAN PAS BSKOR PA KHA KHYER, DE'I PHYIR SOR DOS STEGS BU GRU BZHI PA BYA, MU RAN LA GSER DANG BCAS PA'I ZE'U 'BRU DANG KHA KHYER LA PADMA 'DAB MA BCU DRUG BYED, PADMA YANG 'DAB MA LCAGS KYU
, ,LTA BU NYIS RIM BYED DE'I PHYOGS MTSAMS KYI THIG PAD 'DAB BRGYAD LA RDO RJE RTZE MO THAB KYI DBUS SU BSTAN PA BRI, STEGS BU'I GRVA BZHIR ZLA PHYED RDO RJE BRI DGOS SO,, BUD SHING YAM SHING DBANG GI SPYIN SREG SPYI DANG MTHUN, 'BYOR NA RDZAS CHEN BCU GNYIS DANG, GAL TE MA 'BYOR NA YAM SHING MA' KHU KHYAD RDZAS GSUM MO,, KHYAD RDZAS NI MNGAR GSUM GYIS SBAGS PA'I 'BRAS YOS DMAR PO RNAMS MED MI RUNG BA'I RDZAS SO, , SO RTZI GOS ZUNG DMAR PO, RLUNG GAL BA, DGANG GZAR BLUGS, CHU BZHI NYER SPYOD NANG MCHAD RDOR DRIL RNAMS TSOGS PAR BYAS TE, PHYI DRO GLING LA GRIB MA BABS PA'I DUS SU SGRUB PA PO STAN DMAR PO DRI BZANG GI CHUS GSHER BAR BYAS PA'I STENG DU RDO RJE SKYIL KRUNG GI KHA NUB TU PHYOGS PAR 'DUG STE, DAR DMAR POS THOD BCING, SMRA BA BCAD, RJE BTZUN MA'I BDAG BSKYED BZLAS PA GTOR 'BUL DANG BCAS PA SONG RJES, BSANG CHU CHU BZHI GZHUNG LTAR BSGRUB, RDOR DRIL BYIN RLABS NAS BRTZAMS TE ME LHA'I SBYIN SREG ZUR DU 'BYUNG BA LTAR MTSAN THOG THAG 'BUL, DE YANG KHYAD PAR BA'I RDZAS 'BRAS YOS DMAR BOR, BA BSGYUR BAR ZHO SBRANG RTZI MAR SOGS KYAS BYUGS PA 'BUL SNGAGS, NA MO BADZRA P'A nI SYE, AOm AGEN DE BA T'A YE, DVA LI NI MANDRA SIDDHI MA ME DE HI SV'AH'A, ZHES RIG BA MCHOG LAS GSUNGS PA 'GYUR BCOS MI BYED PAR RDZAS SNGAGS SPRAGS TE KHRI PHRAG LHAG 'GRO NGES PHUL,
'DI'I SKABS KYI DMIGS PA NI, RANG GI THUGS KA'I 'OD ZER GYIS ME LHA'I THUGS RGYUD BSKUL, DE LAS KYANG 'OD ZER 'PHROS PAS LAS LA BSNGAGS PA'I ME LHA SPYAN DRANGS LA BSTIM ,DE LAS RANG 'DRA GNYIS PA 'OD DMAR BA'I NANG DU GTUMS PA RANG LA CHAGS PA DANG 'DUN PA'I RNAM PAR THIM PAS ME LHA DBANG DU GYUR PAR BSAM, PHYI NYIN NAM LANGS PA NA SBYIN SREG GI MJUG CHOG RNAMS BGYIS TE SMON LAM SHIS BRJOD SOGS RGYAS PAR BYA'O, , DE LTAR BYAS NA ME LHA THAB TU 'GUGS NUS SHING DES DNGOS GRUB KYI SGO MANG DU 'BYED TSUL RIG PA MCHOG DANG DNGOS GRUB RGYA MTSON SA GSUNGS SO,, ME LHA THAB TU 'GUGS PA'I BSNYEN PA DANG BCU CHA 'DI GNYIS SNGON YI DAM GZHAN GYI SKABS GTONG MYONG BA YIN NA 'DIR MA BYAS KYANG CHO GA GO ,DE NAS RE ZHIG PHYI MTSAMS NANG MTSAMS SOGS RIM GYIS GROL BAR BYA'O,, DE YIN GYIS BSNYEN PA JI LTAR BYA BA'O,, ` GNYIS PA SINDHU RA'I SGRUB PA'AM, BSNYEN SGRUB SPRAGS MA JI LTAR BYA TSUL NI, YUL NYI SHU RTZA BZHI'I YA GYAL LA SOGS PA MKHA' 'GRO 'DU BA'I GNAS MTSAN NYID DANG LDAN PA DUR KHROD DANG KHAD NYE BA'I SGRUB KHANG DU BYI DOR LEGS PAR BYIS, BDUD RTZI RIL BUS CHAG CHAG GDAB, PHYI MTSAMS NANG MTSAMS SOGS SNGAR BZHIN GCAD, RJE BTZUN MA'I SNANG BRNYAN BKRAM PA'I MDUN STEGS KYI KHAR SINDDHU RA'I DKYIL 'KHOR PHYAG LEN LTAR BSHAM ,'DI SKABS SIN DKYIL PAR MA
, ,MI BYA BAR ME LONG SOGS LA SINDH'U RA BKRAM NAS GSER GYI SMYU GUS BRI DGOS PAR GSUNGS, MDUN BU GTOR MA, TSAR GRANGS CI 'BYOR GYI MCHOD PA, TSOGS KYI 'KHOR LO BCAS RGYAS PAR BSHAM, DE YANG RANG NYID TSE 'DI BLOS BTANG BA YIN PAS 'PHRAL GYI NYER MKHO TZAM MA GTOGS SA DNGOS PO MTHA' DAG MCHOD PA'I RGYUR BSGYUR, LHA DBANG DU BYED PA DANG AOm dI Y'A NAR KHA BLTA PA SOGS KYI MTSON BYED DU RANG NYID KHA SHAR NAS NUB TU PHYOGS PAR 'DUG ,RANG GI MDUN DU d'A MA RU NANG MCHOD RDOR DRIL SOGS DAM TSIG GI RDZAS MA TSANG BA MED PA 'DU BYA, SGRUB PA LA 'JUG PA'I DANG PO NI ME RLUNG RGYU BA'I DUS SU BRTZAM PAR BYA STE, SGRUB PA SNYEN GYI SKABS 'DIR GNAS DUS KHA BA LTO PHYOGS SOGS BSHAD TSOD LTAR BYA DGOS SHING, DE YANG SA GSUM GYI PHO NYA MO RNAMS DBANG DU BYA BA'I DBANG GI LAS DANG MTHUN PAR BYA GSUNGS, DE NAS SKYABS SEMS NAS BSAM MI KHYAB KYI BAR GYI BDAG BSKYED BZLAS PA DANG BCAS PA RDZOGS PA'I MJUG TU MDUN BSKYED KYI DKYIL 'KHOR YAN LAG BZHI RDZOGS SU BSGRUB STE PHYI NANG GI MCHOD PA BSTOD PA DANG BCAS PA YIG CHA LOGS SU 'BYUNG BA LTAR RGYAS PAR BYAS, BSTOD PA'I MJUG TU BZLAS PA BYA DGOS PAS, MDUN BSKYED KYI MDUN DU RANG NYID RNAL 'BYOR MA'I NGA RGYAL GYIS 'KHOD PAR MOS, RANG DANG MDUN BSKYED GNYIS KA'I THUGS KAR CHOS 'BYUNG SA BON
SNGAGS 'PHRENG DANG BCAS PA GSAL BTAB PAS SA BON SNGAGS 'PHRENG LAS 'OD ZER DMAR PO LCAGS KYU LTA BU BSAM GYIS MI KHYAB PA 'PHROS, PHYOGS BCU NA BZHUGS PA'I PHO NYA GSUM SPYI DANG KHYAD PAR LHAN SKYES KYI PHO NYA RNAMS KYI THUGS RGYUD RANG DBANG MED PAR BSKUL TE RDO RJE RNAL 'BYOR MA'I RNAM PA GRANGS MED BSAM GYIS MI KHYAB PA NAM MKHA' GANG BA SPYAN DRANGS, MDUN BSKYED LA SIB SIB THIM PAS PHO NYA MO DE DAG THAMS CAD RANG LA DGYES BZHIN DU CHAGS PAS DBANG DU GYUR PAR BSAMS LA, SEMS SKAD CIG KYANG MA YENGS PAR RIG PA HUR PHYUNG STE GNYID DANG BYING RGOD LA SOGS PA'I SKYON THAMS CAD DANG BRAL BAS THUN RE LA JI LTAR NUS PA BZLA ZHING, THUN MTHAR YIG BRGYAS LHAG CHAD BSKANG, BDAG 'JUG LEN PA, GTOR MA 'BUL BA DKYIL CHOG NAS 'BYUNG BA LTAR BYAS, SINDH'U RA'I YE SHES PA GSHEGS, DAM TSIG PA BSDU; SMON LAM MDOR BSDUS BYAS TE THUN MTSAMS LA 'JUG DE NAS THUN PHYI MA GSUM LA BDAG 'JUG MA BLANGS KYANG CHOG CING GZHAN RNAMS THUN DANG PO LTAR DANG, THUN THA MA'I MJUG NYIN STAR TSOGS KYI 'KHOR LO DANG SMON LAM SHIS BRJOD RNAMS RGYAS PAR BYA, SINDH'U RA THUN RE BZHIN DU GSAR PA BRJE ZHING MA 'BYOR NA NYIN ZHAG RE'I KHONGS SU GSAR PA BRJE, RNYING PA RNAMS MDOR BAR SPAR BU GTZANG MA LTA BUR BLUGS TE DKYIL 'KHOR GYI 'OG TU BZHAG STE TSAGS LEGS PAR BYA, DE LTA BU'I TSUL GYIS THUN BZHI
, ,SOGS KYIS SNGAGS 'BUM PHRAG BZHI RDZOGS PA NA, CHOS BCU RNAM GNYIS GANG RUNG ZHIG TU MTSAN THOG THAG BZLAS NAS NAM LANGS PA NA TSOGS GTOR SOGS PHUL TE THUN GROL BAR BYA'O,, 'DI DAG GI SKABS BDAG 'JUG BRGYA RTZA DANG, TSOGS KYI 'KHOR LO BRGYA RTZA SOGS BGYIS NA PHUN SUM TSOGS PA'I YAN LAG TU 'GYUR RO,, DE NAS BCU CHA'I SBYIN SREG BYA DGOS PAS SNGAR BZHIN LAS THAMS CAD PA'I THAB LEGS PAR 'DU BYAS TE, BUD SHING YAM SHING SREG RDZAS, MCHOD RDZAS SOGS DBANG SPYI LTAR DANG KHYAD PAR BA'I RDZAS NI BA LANG GI SHA DUM CHANG DANG BCAS PA, LUG RU DMAR PO, AUG CHOS, 'JIB RTZI DMAR PO RNAMS HA CANG MANG PO MA RNYED NA, GRANGS GSOG RGYU GROL TSOS DMAR POS KHA BSGYUR BA GONG GI ME TOG CI 'BYOR DANG BSRE, YANG NA KHYAD RDZAS RNAMS PHYOGS GCIG TU BSRES TE RIL BU SGRIL KYANG MCHOG TU GYUR, DE LTAR THAB DANG RDZAS SOGS LEGS PAR BSGRIGS ZIN NAS, PHYI DRO GLING LA GRIB SO BAB PA'I DUS KHA NUB TU PHYOGS TE, STAN SENG LDENG DANG SINDH'U RA SBYAR BA'I CHU SA GSHER BAR BYAS, GDAN STENG DMAR PO LA PADMA LCAGS KYU LTA BU 'DAB MA BRGYAD PA'I DBUS SU RDO RJE LCAGS KYU RTZE MO MDUN DU BSTAN PA BRIS LA BTING, DPRAL BAR SINDHU RA'I THIG LE BKOD, DAR DMAR POS THOD BCINGS, CHAS GOS DMAR PO GYON TE, THAB RTZAR BDAG BSKYED BZLAS PA GTOR 'BUL DANG BCAS PA
CHO GA LTAR SGRUB RDZAS, RANG NYID LHA'I NGA RGYAL DANG SNANG BA THAMS CAD BDE STONG GI NGO BOR BLTAS TE, STAN LA RDO RJE SKYIL KRUNG GIS 'KHOD DE, DKAR GTOR BTANG BSANG CHU DANG CHU BZHI SGRUB PA, RDOR DRIL PHYIN RLABS NAS BZUNG CHO GA'I NGAG 'DON RNAMS BCU CHA'I SBYIN SREG GI CHO GZUR DU BKOD PA LTAR BYA, DE YANG GTZO BO KHYAD RDZAS LA GRANGS GSOG ,DE LTAR MTSAN THOG THAG TU GNYID DANG BZA' BTUNG SOGS KYIS BAR MA CHOD PAR PHYI NYI MA SHAR GYI BAR DU SBYIN SREG BYAS NAS, MJUG CHOG DKYUS BZHIN BYAS, THUN MTSAMS LA 'JUG GO, 'DI DAG GI SKABS SU BSREG RDZAS RNAMS DAL BUS 'TSIG TU 'JUG CING, ME RGYUN MA CHAD PA DANG, ME GSO BA'I BUD SHING DANG MAR KHU YANG SKABS SKABS SU 'JUG PAR BYA'O,, DE NAS NYIN RE BZHIN BAR MA CHAD PAR THUN GNYIS RE'AM RE RE TZAM RANG GI KHAMS KYI LCOGS TSOD DANG BSTUN NAS RIM GYIS BCU CHA'I GRANGS 'GRO NGES BYA, MJUG TU 'O THUG GI STON MO DANG TSOGS KYI 'KHOR LO BCAS RGYAS PAR BYA'O,, DE DAG NI SGRUB PA JI LTAR BYA BA'I TSUL GSAL BAR BKOD PA'O,, GSUM PA LAS LA SBYOR BA NI, DE LTAR SGRUB PA LEGS PAR THON NAS SHING LANG+GA LI YA ZHES PA BDE MCHOG RTZA RGYUD NAS ZUR TZAM GSUNGS PA BAL YUL RGYA GAR SOGS NAS THON PA KHRA RIS LTA BU YOD PA DE MA RNYED NA BOD DU DO RGOD PAS BYA BAR GSUNGS LA, 'DI YI NGOS 'DZIN LA MI 'DRA BA MANG YANG, RJE DNGUL CHU YAB SRAS KYIS BZHED PA LTAR SMAN GZHUNG DU DO BA ZHES PA ME TOG SER PO
, ,PAn ZHVA LEB 'JOG LTAR YOD PA BOD 'DIR THOR BU 'BYUNG BDE'I SDONG PO CHE BA NANG MDZUB GANG TZAM YOD PA LA DO RGOD PA ZHES GSUNGS PAS, DE LTA BU'I SHING SBUBS CAN BTZAL LA TSES BCU'AM BRGYAD GANG RIGS LA RANG RNAL 'BYOR MA'I BRGYAL GYIS GCOD CING, DE'I TSE MA GCAD GONG DU KHA SHAR LA BSTAN PA DE MI NOR BA'I MTSAN MA BYAS LA SRID DU SOR BRGYAD DAM, SOR DRUG YOD PA BCAD NAS BYI DOR BYAS, SHING SRAB MO LA DGA' 'KHYIL GYI PAR BRKOS PA ZHIG GIS ZHABS LEGS PAR BKAG, KHA GCOD LA YANG DGA' 'KHYIL GYI PAR LEGS PAR BRKOS, DE DAG LA BSANGS DANG GU GUL GYIS BDUG ,'DUD RTZI RIL BU BTAB PA'I NANG MCHOD KYIS BYUGS LA, SHING DE NYID RANG GI LAG PA GA-YON PAR BZUNG, SNGAR BSAGS PA'I SINDH'U RA RNAMS CHA BRGYAD DU BGOS PA'I CHA RER AOm GSUM MA STONG RTZA RE'AM BRGYA RTZA RE BZLA BZHIN YE MA GYAR BAR BLUGS, KHA DAM PAR GCAD, SA RLANGS SOGS KYIS SKYON MI 'BYUNG BAR BYAS, DAR DMAR POS DRIL, SLAR YANG DKYIL 'KHOR SNGAR LTAR BZHENGS TE SINDH'U RA'I DKYIL 'KHOR GYI DBUS SU SNGAR GYI SHING DE RTZA RTZE MA NOR ZHING, MA BCAD GONG SHAR LA BSTAN PA DE MDUN LA PHYOGS PAR BZHAG LA SGRUB MCHOD BDAG 'JUG TSOGS GTOR GSOL 'DEBS SOGS NAN TAN BYA, DE NAS ZLA BA GANG YANG RUNG BA'I YAR NGO'I TSES BCU ZHIG LA 'GRIG PAR MCHOD BSTOD BDAG 'JUG TSOGS 'KHOR
SOGS RGYAS PAR BYAS LA GROGS 'KHOR LO SDOM PA'I BSNYEN PA SONG BA RANG LA BLO NYE ZHING GSANG THUB PA DAM TSIG DANG LDAN PA ZHIG BTZAL LA SENG LDENG LA SOGS PA'I SHING GANG YANG RUNG BA LAS BYAS PA'I DBYUG PA LAG PA GNYIS SNYING GAR RTZA SPRAD PA'I GRU MO PHAN TSUN GYI SNE DANG MNYAM PA ZHIG HE RU KA'AM, DUM SKYES MAR BSKYED DGOS PAS, DE'I TSUL NI SENG LDENG DBYUG PA DE STEGS KYI KHAR SLOG DE'I MDUN DU CHU GNYIS NYER SPYOD BSHAM ,DBYUG PA KHAndA RO HI SA BAS NGA, SA BH'A WA SA SPYANGS, STONG PA'I NGANG LAS PAm LAS PADMA DANG NYI MA RO'I GDAN LA PAm LAS GRI GUG PAm GYIS MTSAN PA LAS DU MA SKYES MA DMAR MO ZHAL GCIG PHYAG GNYIS MA, GA-YAS GRI GUG ,GA-YON THOD PA DANG BCAS PA'I MCHAN KHUNG NA KHA tAm GA 'DZIN PA, RUS PA'I RGYAN CAN, GCER MO SKRA GREL BA, MI MGO SKAM PO LNGA'I DBU RGYAN DANG SGAM PO LNGA BCU'I DO SHAL CAN, SPYAN GSUM PA GA-YAS BRKYANG GIS BZHUGS PA, DE'I SPYI BOR AOm, MGRIN PAR A'A:THUGS KAR H'Um, THUGS KA'I H'Um LAS 'OD ZER 'PHROS RANG BZHIN GYI GNAS NAS BSGOMS PA DANG 'DRA BA'I YE SHES PA DANG DBANG GI LHA RNAMS SBYAN DRANGS, PHEEm, DZA:H'Um BAm HO: GNYIS SU MED PAR GYUR, DBANG GI LHAS DBANG BSKUR RIN 'BYUNG GIS DBU BRGYA NA PAR GYUR, AOm ARGHAm SOGS KYIS MCHOD, GOS DKAR MO STE ME YI KHAMS, ,CHOS RJES DRAN PA'I NGO BO NYID, ,PADMA'I RIGS KYI MKHA' 'GRO'I GTZO, ,DUM SKYES MA LA PHYAG 'TSAL BSTOD, ,AOm KHAndA RO HI H'Um H'Um PHAt,
, ,CES BRGYA RTZA BZLA, 'PHRIN LAS BCOL BA NI, DUM SKYES MA RTEN 'DI LA BRTAN PAR BZHUGS NAS RNAL 'BYOR PA BDAG GI BAR CHAD DANG BGEGS RNAMS BZLOG PA'I 'PHRIN LAS MDZOD CIG ,YIG BRGYA BZLA; DUM SKYES MA ZHU BA LAS BYUNG BA'I RNAL 'BYOR DBYUG PAR GYUR PAR BSAMS LA SGRUB GROGS LA GTAD, DES KYANG ZHAL BZHI PA'I SNGAGS BZLA ZHING DBYUG PA LAG TU BZUNG, SA SROD KYI DUS SU RANG NYID SINDH'U RAS BKANG BA'I SHING DE THOGS, DBYUG PA 'DZIN PA'I GROGS DANG LHAN CIG TU DUR KHROD DU PHYIN NAS, DER YID DU 'BAB PA'I SAR DONG GRU GSUM ZUR GCIG MDUN DU BSTAN PA KHRU GANG TZAM BRUS PA'I NANG DU GA-YAM SGROM SOGS BTZUGS PAR SINDH'U RA DE BCUG STE KHA LEGS PAR BCAD CING GZHAN GYIS MI SHES SHING RANG GIS MI NOR BA'I MTSAN MA BYAS LA RANG NYID DE'I STENG DU BSNGAD NAS BDE MCHOG NAS 'BYUNG BA LTAR GYI SRUNG BA'I 'KHOR LO BSGOM DGOS PAS, DE'I TSUL NI, (RANG LHA'I NGA RGYAL GYIS SE GOL GTOG CING,) AOm SUMBHA NI SUMBHA HUm H'Um PHAt, SHAR DU SNGAGS DE NYID KHA DOG NAG PO, AOm GRI HnA GRIHnA HUm H'Um PHAt, BYANG DU SNGAGS DE NYID KHA DOG LJANG KHU, AOm GRI Hn'A PA YA GRIHn'A PA YA HUm H'Um PHAt, NUB TU SNGAGS DE NYID KHA DOG DMAR PO, AOm A'A NA YA HO BIDY'A R'A DZA HUm H'Um PHAt, LHOR SNGAGS DE NYID KHA DOG SER PO RNAMS 'KHOD PAR GYUR, SNGAGS DE RNAMS LAS RANG RANG GI KHA DOG CAN GYI 'OD ZER 'PHROS PAS STENG TSANGS PA'I 'JIG RTEN NAS 'OG GSER GYI SA GZHI LA
THUG PAR KHYAB PA'I 'OD ZER 'BAR BA'I GZUGS CHEN PO RNAMS SU GYUR, SNGAGS 'OD ZER DANG BCAS PA YONGS SU GYUR PA LAS SHAR NAG, BYANG LJANG, NUB DMAR, LHO SER BA'I SNA TSOGS RDO RJE'I RVAB GRU BZHI PA TSANGS PA'I 'JIG RTEN NAS GSER GYI SA GZHI LA THUG GI BAR DU KHYAB PAR GYUR, RVA BA GRUB PA DANG DUS MNYAM DU H'Um LAS SNA TSOGS RDO RJE'I LTE BAL H'Um GIS MTSAN PA'I H'Um GI 'OD ZER LAS GSER GYI SA GZHI LA THUG PA'I 'OG GI SA GZHI SNA TSOGS RDO RJE'I RANG BZHIN DU GYUR, SNA TSOGS RDO RJE'I H'Um GI 'OD ZER LAS PHYI ROL TU STENG DANG LOGS KUN TU KHYAB PAR RDO RJE RTZE LNGA PA'I RNAM PA CAN GYI MDA'I DRA BA DANG, DE'I 'OG TU RDO RJE'I GUR DANG, GUR GYI 'OG RVA BA'I STENG DU RDO RJE'I BLA RE RNAMS PAR MTSAMS MED PAR DUM BU GCIG TU GYUR PA'I PHYI ROL TU RDO RJE'I ME 'JIG DUS KYI ME LTA BUS BSKOR PAR GYUR, AOm ME RI N'I BADZR'I BHA WA BADZRA PHANDHA H'Um, AOm BADZRA SR'A KVA RA H'Um BAm H'Um, AOm BADZRA PANYTZA RA H'Um PAm H'Um, AOm BADZRA BI T'A NA H'Um KHAm H'Um, AOm BADZRA DZA LA TRAm SAm TRAm, AOm BADZRA DZV'A L'A AA NA L'A RKA H'Um H'Um H'Um, ZHES 'OG GZHI NAS ME DPUNG GI BAR RIM PA BZHIN DU BYIN GYIS BRLAB ,SNGAR BZHIN SE GOL BRDABS LA, AOm SRUMBHA NI x AOm GRIHnA x AOm GRiHnA PA YA x AOm A'A NA YA x CES BRJOD DE, RNAM PA THAMS CAD DU 'GRO BA RNAMS BGEGS DANG BRAL BAR GYUR, CES SRUNG 'KHOR BSGOM, DE NAS SKYABS SEMS NAS BRTZAMS TE SMON SHIS BAR BDAG BSKYED NAS 'BYUNG BA LTAR 'OG GI SINDH'U RA DANG RANG NYID NGO BO
, ,DBYER MED KYI TSUL DU RNAL 'BYOR MAR BSKYED CING NGA RGYAL BRTAN POS AOm GSUM MA BZLA ZHING SROD 'KHOR GYI BAR TZAM SDOD, GROGS DES DBYUG PA BZUNG STE BDE MCHOG GI BDAG BSKYED SNGON DU 'GRO BAS BAR CHAD SRUNG BA'I PHYIR DU BYANG SHAR GYI MTSAMS SU SUMBHA NI'I BZLAS PA BYA, THUN GROL NAS SINDH'U RA BZHAG ,RANG GROGS DANG BCAS NANG DU LOG, TSES BCU GCIG NYIN SNGA DRO NAS SINDH'U RA'I DKYIL 'KHOR GSAR PA BSHAMS TE, SGRUB MCHOD DANG BDAG 'JUG TSOGS KYI 'KHOR LO SOGS RGYAS PAR BYA, NUB MO YANG GROGS DANG BCAS TE DUR KHROD DU PHYIN TE SINDH'U RA BCUG PA'I DONG GI STENG DU 'DUG PA DANG, BSRUNG BA BZLAS PA DANG BCAS SNGAR JI LTA BA BZHIN BYA, DE LTAR NUB RE BZHIN BZLAS PA JE RING LA BTANG LA TSES BCU NAS BCO LNGA'I BAR SROD 'KHOR TZAM DANG, BCU DRUG NAS NYI SHU'I BAR NAM PHYED TZAM DANG, DE NAS NYER BZHI'I BAR NAM GYI SUM GNYIS TZAM SDOD, NYIN MO SNGAR BZHIN SGRUB MCHOD DANG BDAG 'JUG LA BRTZON, NYER LNGA'I NUB MO MTSAN THOG THAG BZLAS PA BYAS LA NAM LANGS MA THAG SINDH'U RA PHYUNG NAS KHYIM DU KHYER LA, DE NYID DKYIL 'KHOR GYI DBUS SU BZHAG NAS PHYI ROL MCHOD PA BDAG 'JUG TSOGS KYI 'KHOR LO DANG BCAS RGYAS PAR BYAS NAS MKHA' SPYOD KYI DNGOS GRUB 'GRUB PA'I GSOL BA SHUGS DRAG 'DEBS, 'DI DAG GI SKABS THAMS CAD
DU BSAM MI KHYAB THUN MONG MA YIN PA'I DMIGS PA GTZO BOR SKYONG, DE NAS GNYEN GZHIS LONGS SPYOD SOGS LA CHAGS ZHEN SPANGS TE TSE 'DI'I 'KHRI BRBAD KYIS BCAD NAS RANG NYID GCIG PUR KU SU LU'I CHAS SU ZHUGS PAR GSUNGS KYANG RGYUN PAR GYI CHAS KYI RUNG, SINDH'U RA'I ZHABS KYI DGA' 'KHYIL GYI PAR RANG GI DPRAL BAR BTAB LA ME LONG KHYER TE PAR HA CANG GSAL NA CUNG ZAD MI MNGON PAR BYAS, SINDH'U RA GZHAN GYIS MI MTHONG BAR MCHAN KHUD GA-YON DU 'CHAD, GROGS MED PAR SBA'I DBYUG PA THOGS TE TZ'A RI GANGS RI LA SOGS PA'I GNAS DANG, TSONG 'DUS CHE SA DANG, SKUD TSONG MA'I KHROM LA SOGS PA'I BUNG MED MANG SAR PHYIN TE RANG RNAL 'BYOR MA'I NGA RGYAL GYIS SPYAN GYIS GZIR NAS BLTAS PAS BUD MED RGYAL PO'I BTZUN MO LTA BU'AM, SPRANG MO DANG, MDZE MO SOGS JI LTAR SNANG YANG RANG GI DPRAL BA'I DGA' 'KHYIL GYI RI MO BUD MED KYI DPRAL BAR 'POS PAR 'GYUR BAS; DE LTA BU 'DUG NA ME LONG LA BLTAS TE RANG GI DGA' 'KHYIL SNGAR LAS MI GSAL DU SONG 'DUG NA THE TSOM MED PAR GA-YON SKOR LAN GSUM BYAS NAS, KHYOD MA BDAG NI BU YIN TE, ,JI SRID BYANG CHUB 'BYUNG PAR DU; ;BYANG CHUB YAN LAG NU MA LAS, ,BYUNG BA'I RANG GI 'O MAS SKYONGS, ,ZHES DANG, YANG NA RJE BTZUN RDO RJE RNAL 'BYOR MAS ZHES SOGS KYI GSOL 'DEBS BYA, DES RNAL 'BYOR MA YIN PAR KHAS MI LEN PA LA SOGS
, ,PA 'BYUNG YANG SNYING NAS GSOL BA BTAB PAS SNGAR LTAR MKHA' SPYOD DU 'KHRID PAR 'GYUR BAS DE LTA BU DANG MA PHRAD KYI BAR DU 'KHYAMS PAR BYA STE NANGS RE BZHIN BZLAS BSGOM LA BRTZON ZHING, TSES BCU'I MCHOD PA LA SOGS PA'I YO BYAD MED KYANG SNGAR GYI SINDH'U RA MDUN DU BZHAG NAS BSAM GTAN GYI SGRUB MCHOD BYA LA, DE LTA BU'I TSUL GYIS MKHA' SPYOD 'GRUB PA NI DBANG PO 'BRING ZHES BYA STE, SINDH'U RA LANG+GA LI YI SDONG BUR BCAS, ,ZHES PA NAS, MKHA' SPYOD 'KHRID PAR SHOG ,CES GSUNGS SO,, DE LTAR 'BAD KYANG MA 'GRUB NA TSE 'DIR LUS MA SPANGS PAR MKHA' SPYOD DU BGROD PA'I NUS PA MED PAS DBANG PO THA MA ZHES BYA STE; DA DUNG LE LO MI BYA BAR NYAMS LEN CHAG MED BYAS NAS BLO SNYING BRANG GSUM GTAD NYEN CHE DUS SU SKYOB PA DKON MCHOG GSUM YIN PAS MA 'ONGS PA NA BAR DOR DPA' BO MKHA' 'GRO RNAMS BYON TE RANG NYID SENG GE'I KHRI LA BZHAG, GDUGS DANG RGYAL MTSAN LA SOGS PA DANG ROL MO'I BYE BRAG SNA TSOGS DANG BCAS TE BSU BA MDZAD PAR BDE MCHOG RTZA RGYUD LAS GSUNGS LA, 'ON KYANG BAR DO'I 'JIGS SKRAG SOGS MYONG MI DGOS PA'I PHYIR MYUR LAM 'PHO BA'I RNAL 'BYOR NYAMS SU BLANG STE MKHA' SPYOD RIG 'DZIN GYI GNAS SU BGROD PAR BYA'O, ,DE LTAR MKHA' SPYOD KYI ZHING DER SLEBS TZAM NYID NAS GRUB PAS BCUD LEN GRUB PA BZHIN DU RANG LO BRGYAD
RTZE LAN PA'I RGAN (PO YIN YANG LO BCU DRUG) LON PA'I NA TSOD DU 'GYUR, TSE NYI ZLA DANG MNYAM, NAM MKHA' MDZOD LA MNGA' BRNYES TE YO BYAD THAMS CAD NAM MKHA' LAS 'BAB, RDO RJE RNAL 'BYOR MAS DNGOS SU 'DI'I LI STON CING, GZHAN YANG SPRUL SKU'I SANGS RGYAS KYI ZHING DU PHYIN TE SANGS RGYAS LAS CHOS ZHUB DANG, LAM LHAG MA RNAMS NYAMS SU BLANGS TE RTEN DE LA ZUNG 'JUG RDO RJE 'CHANG GI GO 'PHRANG MNGON DU BYED NGES SHA STAG YIN NO,, ,,'DI LTA BU'I N+YUR LAM BLA NA MED PA LA NYAMS LEN BYAR YOD PA'I SKAL BA BZANG PO 'DI LTA BU RNYED PA'I DUS 'DIR MNOG CHUNG SNYID PO MED PA'I TSE 'DI'I BYA BA LA MI GA-YENG PAR GTAN 'DUN DNGOS GRUB MCHOG GI DGA' STON BSGRUB PA LA CAG CIG TU 'BAD PAR 'TSAL LO,, ZHES KHO BOS SNYING THAG PA NAS GDAMS SO, ,'DIR SMRAS PA, GANG ZHIG BRDOS BCAS LUS 'DI MA DOR BZHIN, ,DNGOS SU RIG 'DZIN GRONG DU BGROD BYED CING, ,NYE BA'I SNYING PO BKLAGS TZAM GYIS 'GRUB PA'I, ,KHYAD CHOS 'DI 'DRA GANG MAS ZAB 'DI KHO NA, ,NANG GI PHO NYA GSUM LA GNAD BSNUN PAS, ,PHYI YI PHO NYA GSUM GYIS GROGS MDZAD NAS, ,GSANG BA'I PHO NYA GSUM GYIR BZHAL NI, ,MNGON DU BYED 'DI LAM 'DI'I KHYAD CHOS NYID, ,NYER BZHI'I NANG GI RTZA SNE'I PHO BRANG DU, ,RDO RJE LUS KYI DKYIL 'KHOR BRTEN BYAS PAS, ,LAS RLUNG MI SHIGS DBYINGS SU MYUR 'GUGS PA'I, ,GNAD ZAB 'DI YANG LAM 'DI'I
, ,MYUR KHYAD NYID, ,BDAG 'DRA GTAN 'DUN BSGRUB PA'I LONG TZAM MED, ,BSGRUB KYANG TSIG TZAM GSOG LAS BSGOM MI SHES, ,YANG DAG LAM BZANG THOB PA'I SKAL DMAN LA, ,GDAMS ZAB 'DI LAS BYA SLA KHE CHE GANG, ,DE PHYIR GROGS DAG 'DI SNANG BA SLU BRID KUN, ,DA NI LA 'UR BTZAN CHOD DU DOR NAS, ,GTAN 'DUN MYUR LA MA YANG RTZE 'DIR SPYOD DANG, ,PHYI NANG MKHA' SPYOD GO 'PHANG MYUR 'THOB NGES, , BDAG KYANG LAM 'DIR SGO GSUM NGAL BA'I 'BRAS, ,JI SNYED MCHIS DANG LEGS TSOGS KUN GYI MTHUS, ,TSE RABS RDO RJE BTZUN MOS RJES BZUNGS NAS, ,PHYI NANG MKHA' SBYOD DGA' STON MYUR 'THOB SHOG (,CES RJE BTZUN RDO RJE RNAL 'BYOR MA N'A RO MKHA' SPYOD DBANG MO'I BSNYEN SGRUB LAS GSUM GYI LAG LEN NAG 'GROS SU BKOD PA SKAL BZANG MKHA' SPYOD BGROD PA'I THEM SKAS ZHES BYA BA 'DI YANG, LAM 'DI LA GCIG TU MOS PA LHUR LEN PA, TSA BA RONG NAS DGE BSNYEN RDO RJE RAB BRTAN GYIS RAB DKAR LHA REG ,RTEN GSUM, MDUN LCOG RGYA RTZI MA BKOD LEGS SOGS BDOG PA'I SKYES BZANG DANG BCAS LO NAS LOR BSTUD NAN DU BSKUL BA LA BRTEN NAS, LAM 'DIR MOS PA YID BYED KYI RNAL 'BYOR LHUR LEN PA'I BTZUN GZUGS BDE CHEN SNYING POS PHYOGS GCIG TU BSGRIGS PA'I YI GE PA NI, GCIG TU SGRUB PA'I RGYAL MTSAN 'DZIN PA ZHVA SGAB CHOS MDZAD THUB BSTAN
DBANG RGYAL GYIS BGYIS PA 'GRO DON 'PHEL,,) ` ,,ZAG BRAL DGA' BA BRGYAD GNYIS RTZID 'JO'I NYAMS, ,STONG BZHI'I DBYINGS SU SGEG PA'I THIG LE'I 'DZUM, ,LHAN SKYES RGYAL YUM MDZES SDUG W'A R'A H'ISA, ,PHYI NANG MKHA' SPYOD GNAS SU NGAL BSO STZOL, ,GANG GI BSNYEN SGRUB LAS SBYOR ZAB DGU'I GNAD, ,MKHA' 'GRO'I SNYING BCUD SNYAN BRGYUD NOR BU'I PHRENG, ,KHRIGS CHAGS GSER GYI SRAD BU LA BRGYAS NAS, ,SKAL BZANG DGA' STON SNYING PO MCHOG SPYIN BYAS, ,GANG 'DI GCIG LAS DU MAR 'CHAR BA'I 'PHRUL, ,MI 'DZAD DNGOS POR SPEL BA'I RGYU SBYOR BA, ,DGE SLONG THUB BSTAN DNGOS GRUB PHA BLO LDAN; ;AA MTSE BRTAN SGROL MA DANG BCAS GSUM, ,BLA MA RDO RJE BTZUN MOS DGYES BZHIN DU, ,RJES SU GZUNG ZHING 'DI NAS 'PHOS MA THAG ,PHYI YI MKHA' SPYOD ZHING BZANG LA SKYES NAS, ,NANG GI MKHA' SPYOD GO 'PHANG MNGON BYED SHOG ,MCHOG GSUM BDEN BYIN BDAG GI LHAG BSAM DANG, ,STONG PA'I GSHIS LUGS
, ,CHOS CAN SNA TSOGS SU, ,'CHAR BA'I RTEN 'BYUNG 'GOG PA MED PA'I MTHUS, ,SMON PA'I DON KUN BDE BLAG 'GRUB GYUR CIG (,CES PA'I SPAR BYANG SMON TSIG 'DI YANG, RGYU SBYOR BA NAS BSKUL DOR 7PHAo BONGo KHAo SPRUL MING PAS GNAS CHEN YER PAR MKHA' 'GRO 'DU BA'I DUS BZANG POR SPEL BA'O,, ,, 7 SA BYI LOR 'DZUGS ZHUS LEGS PAR SONG,, ,,DGE LEGS 'PHEL,, ,, BCU CHA'I DBANG GI SPYIN SREG THAB THIG DPE'U RIS 'DI BZHIN DGA' LDAN GSER KONG RDO RJE 'CHANG GI GSUNG L'U AI PA'I LUGS KYI BDE MCHOG BSNYEN CHEN YIG CHA LAS 'DIR ZHAL BSHUS SU BKOD PA LAGS PADMA LCAGS KYU ZHES PA'I PADMA 'DI 'DRA BCU DRUG BRI'O,, SHING; CHA TSAD SOGS MKHA' SPYOD BSNYEN YIG GZHUNG DU GSUNGS PA LTAR PHYAG BZHES MTHONG BRGYUD DU SLOB PA DGOS SO,, ,,