, ,RJE BTZUN RDO RJE RNAL 'BYOR MA N'A RO MKHA' SPYOD DBANG MO'I SGRUB THABS BDE CHEN NYE LAM LAS BSDUS TE BSGOM TSUL NAG 'GROS SU BKOD PA BZHUGS SO, ,
, ,NA MO GU RU BADZRA DHARM'A YA, BLA MA DANG RJE BTZUN RDO RJE RNAL 'BYOR MA DBYER MA MCHIS PA'I ZHABS LA GUS PA CHEN POS PHYAG 'TSAL ZHING SKYABS SU MCHI'O, ,BRTZE BA CHEN POS RJES SU GZUNG DU GSOL, (,'DIR RJE BTZUN RDO RJE RNAL 'BYOR MA N'A RO MKHA' SPYOD DBANG MO'I SGRUB THABS BDE CHEN NYE LAM LAS BSDUS TE BSGOM TSUL NAG 'GROS SU 'GOD PA LA, NYAL BA DANG, LDANG BA DANG, BDUD RTZI MYANG BA'I RNAL 'BYOR RNAMS SNGON DU BTANG STE, TSAD MED KYI RNAL 'BYOR NI, LUS GNAD DANG LDAN PAR 'KHOD NAS, SKYABS YUL GSOL 'DEBS PA NI,) MDUN GYI NAM MKHAR BLA MA 'KHOR LO SDOM PA YAB YUM LA RTZA BRGYUD KYI BLA MA YI DAM MCHOG GSUM BKA' SDOD SRUNG MA'I TSOGS KYIS BSKOR NAS BZHUGS PAR GYUR, (RANG DANG SEMS CAN THAMS CAD KYIS SKYABS SU 'GRO BAR MOS NAS,) BDAG DANG 'GRO BA NAM MKHA' MTHA' DANG MNYAM PA'I SEMS CAN THAMS CAD DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, (,ZHES LAN GSUM GYIS SKYABS 'GRO DANG,) BDAG GIS RDZOGS PA'I SANGS RGYAS KYI GO 'PHANG THOB PAR BYAS LA, SEMS CAN THAMS CAD 'KHOR BA'I SDUG BSNGAL GYI RGYA MTSO LAS
, ,BSGRAL NAS RDZOGS PA'I BYANG CHUB KYI BDE BA LA DGOD PAR BYA, DE'I PHYIR DU RDO RJE RNAL 'BYOR MA'I LAM GYI RIM PA NYAMS SU BLANG BAR BGYI'O, (,ZHES LAN GSUM GYIS SEMS BSKYED, DE NAS THAL MO SBYAR TE,) BLA MA DANG DKON MCHOG RIN PO CHE RNAM PA GSUM LA PHYAG 'TSAL ZHING SKYABS SU MCHI'O, ,KHYED RNAMS KYIS BDAG GI RGYUD BYIN GYIS BRLAB TU GSOL, (ZHES BRJOD PAS,) MDUN GYI SKYABS YUL RNAMS 'OD ZER DKAR DMAR MTHING GSUM GYI RNAM PAR ZHU NAS RANG LA THIM PAS SKU GSUNG THUGS KYI BYIN RLABS THOB PAR GYUR, (DE NAS, RDOR SEMS BSGOMS BZLAS NI,) RANG GI SPYI BOR PAD ZLA'I GDAN LA RDO RJE SEMS DPA' YAB YUM SKU MDOG DKAR PO ZHAL GCIG PHYAG GNYIS KYIS RDOR DRIL DANG GRI THOD 'DZIN PAS PHAN TSUN 'KHYUD PA YAB PHYAG RGYA DRUG DANG YUM PHYAG RGYA LNGAS BRGYAN CING, RDO RJE DANG PADMA'I SKYIL GRUB GIS BZHUGS PA'I THUGS KAR ZLA BA'I STENG DU H'Um GI MTHAR SNGAGS PHRENG GIS BSKOR BA LAS BDUD RTZI DKAR PO'I RGYUN BABS PAS NAD GDON SDIG SGRIB THAMS CAD SBYANGS PAR GYUR, (PAR BSAMS LA,) AOm BADZRA HE RU KA SA MA YA, MA NU P'A LA YA, HE RU KA TVE NO PA TIshthA, DRi dHO ME BH'A WA, SU TO shYO ME BH'A WA, SU PO shYO ME BH'A WA, AA NU ROKTO ME BHY'A WA, SARBA SIDDHIMME PRA YA TZTSA, SARBA KARMA SU TZA ME, TZITTAm SHRI YAm: KU RU H'Um, HA HA HA HA HO: BHA GA W'AN, BADZRA HE RU KA M'A ME
MUNYTZA, HE RU KABH'A WA, MAH'AS MA YA SA TVA A'A: H'Um PHAt, (CES NYER GCIG TZAM BZLAS MTHAR,) RDO RJE SEMS DPA' YAB YUM RANG LA THIM PAS, RANG GI SGO GSUM DANG RDO RJE SEMS DPA'I SKU GSUNG THUGS DBYER MI PHYED PAR GYUR PAR BSAM MO, ,BLA MA'I RNAL 'BYOR NI, MDUN GYI NAM MKHAR DAG GSAL GNYIS SU MED PA'I YE SHES KYI RANG SNANG LAS GRUB PA'I GZHAL YAS KHANG GRU BZHI SGO BZHI RGYAN RTA BABS DANG BCAS PA MTSAN NYID THAMS CAD YONGS SU RDZOGS PA'I DBUS SU SENG+GE CHEN PO BRGYAD KYIS BTEG PA'I RIN PO CHE'I KHRI SNA TSOGS PADMA ZLA BA NYI MA'I GDAN GYI STENG DU DRIN CAN RTZA BA'I BLA MA DE NYID SANGS RGYAS RDO RJE CHOS KYI RNAM PA CAN SKU MDOG DMAR PO ZHAL GCIG PHYAG GNYIS KYIS RDO RJE DANG DRIL BU THUGS KAR BSNOL NAS 'DZIN PA, DBU SKRA RAL BA'I COD PAN CAN, ZHABS RDO RJE'I SKYIL MO KRUNG GIS BZHUGS PA, GZHON NU LANG TSO BCU DRUG LON PA'I NA TSOD CAN, DAR DANG RUS PA DANG RIN PO CHE'I RGYAN THAMS CAD KYIS BRGYAN CING SKYABS GNAS SKU 'DUN GYI NGO BOR GYUR PAR BSAMS LA, DUS GSUM SANGS RGYAS THAMS CAD KYI NGO BO BLA MA RIN PO CHE LA GSOL BA 'DEBS SO, ,BDAG GI RGYUD BYIN GYIS BRLAB TU GSOL, ZHES GSOL BA BTAB PAS RTZA BA'I BLA MA RANG LA RJES SU CHAGS PAS 'OD DMAR PO'I RNAM PAR ZHU BA, RANG GI SPYI GTZUG NAS ZHUGS, SNYING GAR BAm YIG DMAR PO'I RNAM PAR GYUR PA DANG RANG SEMS DBYER MED DU 'DRES PAR GYUR, BDAG LTAR BSKYED PA'I RNAL 'BYOR NI, BAm YIG DE NYID JE CHER SONG STE NAM MKHA'I MTHA' DANG MNYAM PAR GYUR PAS SNOD BCUD THAMS CAD BDE STONG GI RANG BZHIN
, ,DU GYUR, SLAR YANG MTHA' NAS RIM GYIS BSDUS TE SHIN TU PHRA BA'I BAm YIG TU GYUR PA 'OG NAS RIM GYIS N'A DA'I BAR DU THIM, N'A DA YANG MI DMIGS PAR BDE STONG DBYER MED KYI CHOS SKUR GYUR, AOm SH'U MYA T'A DZNY'A NA BADZRA SVA BH'A WA AATMA KONYAHAm, (ZHES PA NI 'CHI BA CHOS SKU'I LAM 'KHYER RO,) ,DE LTAR SNANG BA THAMS CAD BSDUS PA'I STENG BA'I NGANG LAS NGO BO RANG SEMS BDE STONG GNYIS SU MED PA'I YE SHES KYI GZUNG RNAM YIN PA LA RNAM PA BAm YIG DMAR PO GYEN DU 'GRENG BA'I RNAM PAR NAM MKHAR GNAS PAR GYUR, (CES PA NI BAR DO LONGS SKU'I LAM 'KHYER RO,) ,STONG PA'I NGANG LAS AE AE LAS CHOS 'BYUNG DMAR PO GRU GSUM NYIS BRTZEGS KYI NANG DU AA LAS ZLA BA'I DKYIL 'KHOR DKAR LA DMAR BA'I MDANGS CAN GYI STENG DU, AOm AOm AOm SARBA BUDDHA t'A KI N'I YE BADZRA WARnnA N'I YE BADZRA BEERO TZA N'I YE H'Um H'Um H'Um PHAt PHAt PHAt SV'AH'A, ZHES PA'I SNGAGS GA-YON SKOR DU 'KHOD PAR GYUR, RANG NAM MKHA'I BAm YIG GIS ZLA BA MTHONG BA NA DE'I DBUS SU SKYE BA LEN PA'I 'PHEN PA DANG LDAN PAS ZLA BA'I DBUS SU ZHUGS, ZLA BA BAm YIG SNGAGS PHRENG DANG BCAS PA LAS 'OD ZER 'PHROS, 'KHOR 'DAS KYI SNOD BCUD THAMS CAD RJE BTZUN RDO RJE RNAL 'BYOR MA'I RANG BZHIN DU BYAS, DE RNAMS TSUR 'DUS TE BAm YIG SNGAGS PHRENG DANG BCAS PA LA THIM PA YONGS SU GYUR PA LAS, RTEN DANG BRTEN PA'I DKYIL 'KHOR DUS GCIG TU RDZOGS PAR GYUR, (CES PA NI SKYE BA SPRUL SKU'I LAM 'KHYER RO,) ,DE YANG RDO RJE'I SA GZHI RVA BA GUR BLA RE DANG BCAS PA'I PHYI ROL TU KHA DOG SNA LNGA PA'I ME DPUNG GA-YON SKOR DU 'KHYIL
ZHING 'BAR BA, DE'I NANG DU GTUM DRAG LA SOGS PA'I DUR KHROD CHEN PO BRGYAD KYIS BSKOR BA'I DBUS SU CHOS 'BYUNG DMAR PO GRU GSUM NYIS BRTZEGS KYI GDENGS KA CHE BA GYEN DU PHYOGS SHING, RTZE MO PHRA BA THUR DU ZUG PA, MDUN RGYAB GNYIS SPANGS PA'I GRVA BZHIR DGA' 'KHYIL DMAR SKYA GA-YON SKOR DU 'KHOR BA RE RES MTSAN PA, CHOS 'BYUNG GI NANG DU SNA TSOGS PADMA 'DAB MA BRGYAD PA'I LTE BAR NYI MA'I DKYIL 'KHOR GYI STENG DU RANG NYID RJE BTZUN RDO RJE RNAL 'BYOR MA'I SKUR GYUR PA NI, ZHABS GA-YAS BRKYANGS PAS DUS MTSAN MA DMAR MO'I NU MA'I STENG NAS MNAN PA, GA-YON BSKUMS PAS 'JIGS BYED NAG PO'I MGO BO RGYAB TU BLTA BA NAS MNAN PA, SKU MDOG DMAR MO BSKAL PA'I ME LTA BU'I GZI BRJID CAN, ZHAL GCIG PHYAG GNYIS SPYAN GSUM DAG PA MKHA' SPYOD DU GZIGS PA, PHYAG GA-YAS PAS RDO RJES MTSAN PA'I GRI GUG THUR DU BRKYANGS NAS 'DZIN PA, GA-YON PAS THOD PA KHRAG GIS GANG BA STENG PHYOGS SU BZUNG NAS ZHAL GYEN DU PHYOGS PAR GSOL BA, PHRAG PA GA-YON PAR RDO RJES MTSAN PA'I KHA tV'Am GA LA d'A MA RU DANG DRIL BU DANG 'PHAN RTZE GSUM PA 'PHYANG BZHIN PA BSNAMS PA, DBU SKRA NAG PO SIL BUR GYUR PAS SKU SKED YAN CHAD KHEBS PA, LANG TSO DAR LA BAB CING 'DOD PA'I NU 'BUR RGYAS PA, BDE BA BSKYED PA'I NYAMS CAN, MI MGO SKAM PO LNGA'I DBU RGYAN DANG, SKAM PO LNGA BCU'I DO SHAL CAN, GCER MO PHYAG RGYA LNGAS BRGYAN PA, YE SHES KYI ME 'BAR BA'I DBUS NA BZHUGS PA RNAM SNANG HE RU KA YUM DANG BCAS PAS DBU BRGYAN PAR GYUR, ('GRO BA DAG PA'I RNAL 'BYOR NI,) RANG GI SNYING GAR CHOS
, ,'BYUNG DMAR PO GRU GSUM NYIS BRTZEGS KYI NANG DU ZLA BA'I DKYIL 'KHOR GYI DBUS SU BAm YIG LA SNGAGS PHRENG GIS BSKOR BA LAS 'OD ZER 'PHROS TE, BA SBU'I BU GNAS PHAR SONG, RIGS DRUG GI SEMS CAN THAMS CAD LA PHOG PAS, SDIG SGRIB BAG CHAGS DANG BCAS PA SBYANGS, DE THAMS CAD RDO RJE RNAL 'BYOR MA'I SKUR GYUR, (DPA' BO DPA' MOS BYIN GYIS BRLAB PA'I RNAL 'BYOR NI, 'BAR BA'I PHYAG RGYA DANG BCAS,) PHEEm; RANG GI THUGS KA'I BAm YIG LAS 'OD ZER 'PHROS PA SMIN MTSAMS NAS THON TE PHYOGS BCUR SONG BAS PHYOGS BCU'I DE BZHIN GSHEGS PA DANG, DPA' BO DANG RNAL 'BYOR MA THAMS CAD RDO RJE RNAL 'BYOR MA'I RNAM PAR SPYAN DRANGS, DZA:H'Um BAM HO: SA DGUG GZHUG BCINGS MNYES BYA, DKOR GYI MTHAR 'KHYUD RGYA BYAS LA,) AOm YO G SHUDDH'A:SARBA DHARM'A:YO GA SHUDDHO NYAHAm, CHOS THAMS CAD RNAM PAR DAG PA'I RNAL 'BYOR GYI BDAG NYID DE NGA'O (SNYAM DU NGA RGYAL BYA,) RANG GI GNAS RNAMS SU ZLA BA'I DKYIL 'KHOR GYI STENG DU, LTE BAR AOm BAm DMAR MO RDO RJE PHAG MO, SNYING GAR HAm YOm SNGON MO GSHIN RJE MA, KHAR HRIm MOm DKAR MO RMONGS BYED MA, DPRAL BAR HRIm HRIm SER MO SKYOD BYED MA, SPYI GTZUG TU H'Um H'Um LJANG GU SKRAG BYED MA, YAN LAG THAMS CAD LA PHAt PHAt DUD KHA TZAndI KA'I NGO BO RNAMS SU GYUR, (NGAG BZLAS DANG YID BZLAS KYI RNAL 'BYOR LA GNYIS LAS, NGAG BZLAS NI,) RANG GI SNYING GAR CHOS 'BYUNG DMAR PO GRU GSUM NYIS BRTZEGS KYI NANG DU ZLA BA'I DKYIL 'KHOR GYI DBUS SU BAm YIG LA SNGAGS PHRENG KHA DOG DMAR POS
GA-YON SKOR DU BSKOR BA LAS 'OD ZER DMAR PO DPAG MED 'PHROS, SEMS CAN THAMS CAD KYI SDIG SGRIB SBYANGS, SANGS RGYAS THAMS CAD MCHOD, DE RNAMS KYI BYIN RLABS NUS MTHU THAMS CAD 'OD ZER DMAR PO'I RNAM PAR SPYAN DRANGS BAm YIG SNGAGS PHRENG DANG BCAS PA LA THIM PAS RGYUD BYIN GYIS BRLAB PAR GYUR, (PAR BSAMS LA,) AOm AOm AOm SARBA BUDDHA d'A KI N'I YE BADZRA WARnnA N'I YE BADZRA BEE RO TZA N'I YE H'Um H'Um H'Um PHAt PHAt SV'A H'A, RGYUN PAR DAM BCA' JI LTAR YOD PA LA NYUNG MTHAR BYAS NAS BZLO'I, ,YID BZLAS NI; SNYING GA'I CHOS 'BYUNG ZLA BA YIG 'BYUNG DANG BCAS PA BDE BA BSKYED PAR 'DOD NA GSANG GNAS, MI RTOGS PA BSKYED PAR 'DOD NA LTE BAR BA BA STE MDUN RGYAB SPANGS PA'I GRVA BZHIR DGA' BA 'KHYIL BA GA-YON SKOR DU 'KHOR BA DANG, SNGAGS PHRENG LAN GSUM MAM BDUN LA SOGS PA KLOG PA'I TSUL DU SEMS GTAD NAS, RLUNG KHA SBYAR TZI THUB 'DZIN, RANG GI SMIN MTSAMS DANG GSANG GNAS SU DGA' 'KHYIL GA-YON SKOR DU SHUGS DRAG TU 'KHOR BA LA SEMS GTAD NAS RLUNG KHA SBYAR BZUNG, MTHAR DGA' 'KHYIL GNYIS SNYING GA'I BAm LA THIM PAR BSAM MO, ,BSAM GYIS MI KHYAB PA'I RNAL 'BYOR LA GNYIS LAS, THUN MONG MA YIN BA NI KHRID LAS 'BYUNG BA LTAR NYAMS SU BLANG, THUN MONG BA NI,) RANG GI SNYING GA'I BAm YIG SNGAGS PHRENG DANG BCAS PA LAS 'OD ZER 'PHROS, KHAMS GSUM THAMS CAD LA KHYAB, GZUGS MED KHAMS 'OD ZER SNGON PO'I RNAM PAS LUS KYI STOD KYI CHA LA THIM, GZUGS KHAMS 'OD ZER DMAR PO'I RNAM PAS BAR GYI CHA LA THIM, 'DOD KHAMS 'OD ZER DKAR PO'I RNAM PAS SMAD KYI CHA LA THIM, RANG YANG STOD SMAD NAS RIM BZHIN 'OD DU ZHU NAS CHOS 'BYUNG LA THIM, DE ZLA BA LA THIM, DE SNGAGS PHRENG LA THIM, DE BAm
, ,YIG LA THIM, DE BAm GYI MGO BO LA THIM, DE ZLA TSES LA THIM, DE THIG LE LA THIM, DE N'A DA LA THIM, DE YANG JE PHRA JE PHRAR 'OD GSAL STONG PA NYID DU THIM PAR GYUR PAR BSAM MO, ,SPYOD LAM GYI RNAL 'GYOR NI, STONG PA'I NGAG LAS RANG NYID SKAD CIG GIS RJE BTZUN RDO RJE RNAL 'BYOR MAR GYUR PA'I GNAS RNAMS SU ZLA BA'I DKYIL 'KHOR GYI STENG DU LTE BAR AOm BAm DMAR MO RDO RJE PHAG MO, SNYING GAR HAM YOm SNGON MO GSHIN RJE MA, KHAR HRIm MOm DKAR MO RMONGS BYED MA, DPRAL BAR HREm HRIm SER MO SKYOD BYED MA, SPYI GTZUG TU H'Um H'Um LJANG GU SKRAG BYED MA, YAN LAG THAMS CAD LA PHAt PHAt DUNG KHA TZAndI KA'I NGO BO RNAMS SU GYUR, (CES GO CHA DANG,) AOm SUMBHA NI SUMBHA H'Um H'Um PHAt, AOm GRiHnA GRiHnA H'Um H'Um PHAt, AOm GRiHn'A PA YA GRiHn'A PA YA H'Um H'Um PHAt, AOm A'A NA YA HO BHA GA W'AN BADZRA H'Um H'Um PHAt, (CES LAN GNYIS BRJOD LA TSAM RNGAMS KYI BSRUNG BA BYA'O, ,DE NAS THUN MTSAMS SU GTOR MA 'BUL BAR 'DOD NA, MCHOD PA DANG GTOR MA PHYAG LAN LTAR BSHAMS LA, NANG MCHOD BYIN GYIS BRLAB BA NI,) AOm KHAndA RO HEE H'Um H'Um PHAt, AOm SVA BH'A WA SHUDDH'A:SARBA DHARM'A:SVA BH'A WA SHUDDHO NYAHAm, STONG PA NYID DU GYUR, STONG PA'I NGANG LAS YAm LAS RLUNG, RAm LAS ME, A'A:LAS MI MGO'I SGYED PU GSUM GYI STENG DU, A'A:LAS THOD PA YANGS SHING RGYA CHE BA'I NANG DU AOm KHAm AAm TRAm H'Um RNAMS LAS BDUD RTZI LNGA, LAm M'Am PAm TAm PAm RNAMS LAS SHA LNGA YI GE DE DAG GIS MTSAN PA, RLUNG GA-YOS ME SPAR BAS THOD PA'I NANG GI RDZAS RNAMS ZHU BAR GYUR, DE DAG GI STENG DU H'Um LAS SKYES PA'I KHA t'Am GA DKAR PO MGO THUR DU BLTAS
NAS ZHU BA THOD PAR LHUNG NAS RDZAS DE DAG DNGUL CHU'I MDOG CAN DU GUR, DE'I STENG DU DBYANGS GSAL GYI PHRENG BA SUM BRTZEGS SU GNAS PA AOm A'A: H'Um DU GYUR PA'I 'OD ZER GYIS PHYOGS BCU'I DE BZHIN GSHEGS PA DANG, DPA' BO DANG RNAL 'BYOR MA THAMS CAD KYI THUGS KA NAS YE SHES KYI BDUD RTZI BKUG NAS BSNAN PAS NANG POR SBAR ZHING SPEL BAR GYUR, AOm A'A:H'Um, (LAN GSUM BRJOD PAS BYIN GYIS BRLAB, DE NAS MCHOD PA BYIN GYIS BRLAB PA NI,) AOm KHAndA RO HE H'Um H'Um PHAt, AOm SVA BH'A WA SHUDDH'A:SARBA DHARM'A: SVABH'A WA SHUDDHO NYAHAm, STONG PA NYID DU GYUR, STONG PA'I NGANG LAS KAm LAS THOD PA'I SNOD RNAMS KYI NANG DU H'Um LAS MCHOD RDZAS RNAMS RANG BZHIN STONG NYID, RNAM PA MCHOD RDZAS SO SO'I RNAM PA CAN, BYED LAS DBANG PO DRUG GI SPYOD YUL DU ZAG PA MED BA'I BDE BA KHYAD PAR CAN STER BAR GYUR, AOm AARGHAm A'A:H'Um, AOm P'ADYAm A'A:H'Um, AOm BADZRA PUshPE A'A:H'Um, AOm BADZRA DH'U PE A'A:H'Um, AOm BADZRA D'I PE A'A:H'Um, AOm BADZRA GANDHE A'A:H'Um, AOm BADZRA NEE WIDY'A A'A:H'Um, AOm BADZRA SHAPTA A'A:H'Um, (GIS MCHOD PA BYIN GYIS BRLAB, GTOR MA NI,) AOm KHAndA RO HE H'Um H'Um PHAt (KYIS BSANGS,) AOm SV'A H'A WA SHUDDHA: SARBA DHARM'A: SVA BH'A WA SHUDDHONYHAm, STONG PA NYID DU GYUR, STONG PA'I NGAG LAS YAm LAS RLUNG, RAm LAS ME, A'A: LAS MI MGO'I SKYED PU GSUM GYI STENG DU A'A: N;AS THOD PA YANGS SHING RGYA CHE BA'I NANG DU AOm KHAm AA TRAm H'Um RNAMS LAS BDUD RTZI LNGA, LAm MAm PAm TAm BAm RNAMS LAS SHA LNGA YI GE DAG GIS MTSAN PA, RLUNG GA-YOS ME SPAR BAS THOD PA'I NANG GI RDZAS RNAMS ZHU BAR GYUR, DE DAG GI STENG DU H'Um LAS SKYES PA'I KHA THAm GA DKAR PO
, ,MGO THUR DU BLTAS NAS ZHU BA THOD PAR LHUNG NAS RDZAS DE DAG DNGUL CHU'I MDOG CAN DU GYUR, DE'I STENG DU DBYANGS GSAL GYI PHRENG BA SUM BRTZEGS SU GNAS PA AOm A'A:H'Um DU GYUR PA'I 'OD ZER GYIS PHYOGS BCU'I DE BZHIN GSHEGS PA DANG DPA' BO DANG RNAL 'BYOR MA THAMS CAD KYI THUGS KA NAS YE SHES KYI BDUD RTZI BKUG NAS BSNAN PAS MANG POR SBAR ZHING SPEL BAR GYUR, AOm A'A:H'Um, (LAN GSUM BRJOD,) PHEEm; RANG GI THUGS KA'I BAm YIG LAS 'OD ZER 'PHROS PAS, 'OG MIN NAS RJE BTZUN RDO RJE RNAL 'BYOR MA LA BLA MA YI DAM SANGS RGYAS BYANG SEMS DPA' PO MKHA' 'GRO CHOS DANG 'JIG RTEN SKYONG BA'I TSOGS KYIS BSKOR BA MDUN GYI NAM MKHAR SPYAN DRANGS, MGRON RNAMS KYI LJAGS LA H'Um LAS SKYES PA'I RDO RJE RTZE GSUM PA NAS 'BRU TZAM 'KHOD PA'I 'OD ZER GYI SBU GUS GTOR MA'I BCUD DRANGS TE GSOL BAR GYUR (PAR BSAM,) AOm BADZRA AA RA LI HO:DZA:H'Um BAm HO:BADZRA d'A KI NI SA MA YA STVAm TRI SHYA HO: (LAN GSUM MAM BDUN GYIS PHUL,) AOm BADZRA YO GI NI SA PA RI W'A RA AARGHAm, P'A GYA, PUshPE, DH'U PE, A'A LO KE, GANDHE, NEE WI DY'A, SHAPTA A'A:H'Um (GIS MCHOD,) AOm BADZRA YO GI NI SA PA RI W'A RA AOm A'A: H'Um, DPAL LDAN RDO RJE MKHA' 'GRO MA, ,MKHA' 'GRO MA YI 'KHOR LOS BSGYUR, ,YE SHES LNGA DANG SKU GSUM NYID, ,'GRO BA SKYOB LA PHYAG 'TSAL LO, ,JI SNYED RDO RJE MKHA' 'GRO MA, ,KUN TU RTOG PA'I 'CHING GCOD CING, ,'JIG RTEN BYA BAR RAB 'JUG MA, ,DE SNYED RNAMS LA PHYAG
'TSAL LO, (,ZHES BSTOD,) MTHA' YAS RGYAL BA'I BDE STONG ZLOS GAR NI, ,SRID ZHI'I MIG 'PHRUL CIR YANG 'CHAR BA LAS, ,DENG 'DIR MKHA' SPYOD DPAL MO YID 'ONG MA, ,SNYING NAS DRAN NO 'KHYUD PA'I RTZE DGAS SKYONGS, ,'OG MIN ZHING NA LHAN SKYES RGYAL YUM MA, ,NYER BZHI'I YUL NA ZHING SKYES d'A KI MA, ,NOR 'DZIN KHYAB PA'I KARMA MU DRA MA, ,RNAL 'BYOR BDAG GI SKYABS MCHOG RJE BTZUN MA, ,KHYOD NI SEMS NYID STONG PA'I RANG RTZAL TE, ,RDO RJE'I GRONG NA AE DBYINGS BAm GYI DNGOS, , SGYU MA'I GLING NA 'JIGS RUNG SRIN MO DANG, ,'DZUM DKAR GA-YO BA'I LANG TSO GSAR PA STON, ,BDAG GIS JI LTAR BTZAL YANG 'PHAGS MA KHYOD, ,BDEN PAR GRUB PA'I BAS PA MA RNYED NAS, ,SPROS PAS DUB PA'I SEMS KYI GZHON NU DE, ,BRJOD BRAL NAGS KYI KHANG BUR NGAL BSO BRTEN, ,AE MA DA NI d'A KI DBYINGS NAS BZHENGS, ,HE RU KA DPAL RGYUD KYI RGYAL PO LAS, ,RDO RJE BTZUN MO'I NYE BA'I SNYING PO MCHOG ,BKLAGS PAS 'GRUB CES GSUNGS PA'I BDEN PAS SKYONGS, ,AO dI BI SHA'I BAS MTHA'I NAGS KHROD DU, ,GRUB PA'I DBANG PHYUG RDO RJE DRIL BU PA, ,'KHYUD DANG TZUM BHA'I BDE BAS RJES BSKYANGS TE, ,KHA SBYOR MCHOG GIS ROL BZHIN BDAG KYANG SKYONGS, ,GANG+G'A'I GLING NAS RJE BTZUN KU S'A LI, ,MNGON SUM NAM MKHA'I DBYIBS SU KHRID PA DANG, ,DPAL LDAN N'A RO TA PA RJES BZUNGS LTAR, ,BDAG KYANG MKHA' SPYOD DGA' MA'I GRONG DU 'KHRID, ,RTZA BRGYUD BLA MA MCHOG GI THUGS RJE DANG, ,RGYUD CHEN GSANG MTHA'I MYUR LAM ZAB KHYAD DANG, ,RNAL 'BYOR BDAG GI LHAG
, ,BSAM DAG PA'I MTHUS, ,MKHA' SPYOD DGA' MA'I 'DZUM ZHAL MYUR MTHONG SHOG ,AOm BADZRA HE RU KA SA MA YA, MA NU P'A LA YA, HE RU KA TVE NO PA TIshthA, DRI dHO ME BH'A WA, SU TO SHYO ME BH'A WA, SU PO KHYONG ME BH'A WA, AA NU DAKTO ME BH'A WA, SARBA SIDDHI MME PRA YATZTSA, SARBA KARM'A SU TZA ME TZITTAm SHRI YAm:KU RU H'Um, HA HA HA HA HO: BHA GA W'A NA, BADZRA HE RU KA M'A ME MUNYTZA, HE RU KA BH'A WA, MAH'A SA MA YA SATVA A'A:H'Um PHAt, MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN KHYOD KYIS BZOD MDZAD RIGS, ,BADZRA MU: GTOR MGRON PAR GYUR, DGE BA 'DI YIS MYUR DU BDAG ,MKHA' SPYOD MA DNGOS 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,'CHI TSE MGON DANG DPA' BO MA SOGS KYIS, ,ME TOG GDUGS DANG RGYAL MTSAN THOGS NAS SU, ,ROL MO SIL SNYAN SGRA SNYAN SOGS MCHOD CING, ,MKHA' LA SPYOD PA'I GNAS SU 'KHRID PAR SHOG ,LHA MO TSAD MA DAM TSIG TSAD MA DANG, ,DES BRJOD GSUNG YANG MCHOG TU TSAD MA STE, ,BDEN PA 'DI DAG GIS NI LHA MO RNAMS, ,BDAG CAG RJES SU 'DZIN PA'I RGYUR GYUR CIG ,GANG GI RNAM SPRUL GRANGS MED BYE BA PHRAG ,STONG PHRAG BDUN CU RTZA GNYIS TSOGS RNAMS KYIS, ,SGRUB PA PO YI BAR CHAD KUN SEL CING, ,'DOD DON DNGOS GRUB
STZOL BA'I BKRA SHIS SHOG, (CES BSNGO SMON SHIS BRJOD SOGS KYIS MTHA' BRGYAN PAR BYA'O,) ,SMRAS PA, DBYINGS KYI SGYU MA MCHOG GI 'DZUM SGEG GI ,SNYING PO PAD R'AG LANG TSOR 'BAR BA'I 'DZUM, ,RTZE DGA' GCIG TU ROL PA'I DGA' STON NYID, ,'GUGS BYED PHUL GYUR 'DI LAS GZHAN NA GANG, ,DE PHYIR SHIN TU MOS PA RTAG BSTEN KYANG, ,LHAG PAR RTUL DANG RNAM GA-YENG DBANG GYUR PAS, ,RAB RGYAS SKAL BA PHRA RNAMS SKAL BZANG CHED, ,BSDUS DANG RGYAS MIN 'KHYER BA DER SLAR YANG BTUS, ,GANG GIS BSKUL ZHING SPEL BA'I RGYU SBYOR BA, ,LHA RIS ZHES BYAS DAD PAS BSKRUN PA'I DGES, ,MTHA' DAG RGYAL YUM 'PHAGS MAS RJES BZUNG NAS, ,PHYI NANG MKHA' SPYOD GO 'PHANG MYUR THOB SHOG (,CES PA 'DI YANG MDO SMAD CHAB MDO RDZA CHU DBYANGS CAN TSANG GI DAD LDAN LHA RIS ZHES BYA BAS BSKUL NGOR SGRUB THABS RGYAS PA 'DON MI THUB BA RNAMS LA RGYAS PA LAS CUNG ZAD BSDUS TE DGE BSNGO'I TSIGS SU BCAD PA DANG CHABS CIG PHA BONG KHA'I SPRUL MING PAS CHAB MDO DGE LDAN BYAMS PA GLING DKON RDOR BLA BRANG GI GZIM CHUNG MKHA' SPYOD DGA' TSAL DU SBYAR BA'I YI GE PA NI 'DAN GRVA BLO BZANG RDO RJE'O,,) ,, ` DAD DAM MTSUNGS MED LHA KLU DGA' TSAL BAS, ,YON SBYAR MTHUN RKYEN 'BREL TSAD BLA MA YIS, ,TSE RABS 'BRAL MED MNYES BZHIN RJES 'DZIN CING, ,ZUNG 'JUG RDO RJE 'CHANG DBANG MYUR THOB SHOG, ,, 'GRO NGON 'PHEL,,