, ,BCOM LDAN 'DAS BDE MCHOG TSE LHA DKAR PO'I TSOGS MCHOD BYA TSUL DNGOS GRUB 'GUG PA'I LCAGS KYU ZHES BYA BA BZHUGS SO, ,
, ,NA MO GU RU SHR'I BADZRA HE RU K'A YA, THABS KYI RNAM PA KUN LDAN ZLA SHEL KHAMS, ,SHES RAB STONG GSAL NAM MKHA' DANG 'GROGS PAS, ,DPAG YAS DNGOS GRUB 'OD SNANG 'PHRO BA YIS; ;PHAN BDE'I MCHOG STZOL HE RU KA LA 'DUD, ,'DIR BCOM LDAN 'DAS 'KHOR LO BDE MCHOG DKAR PO'I LHA TSOGS TSOGS KYI MCHOD PAS MNYES PAR BYA BA'I TSUL BKLAG CHOG TU 'GOD PA NI, YI DAM GYI BDAG MDUN DANG 'BREL BA'AM, MA 'BREL KYANG RUNG, DUS TSES BZANG POR BRGYUD LDAN BLA MA'I PHYAG BZHES LTAR TSOGS KYI GTOR MA DANG BZA' BCA' BTUNG BA'I RIGS, MA D'A NA BZANG PO DANG BCAS PA GTZANG SBRA THON PA CI MDZES SU BSHAM, SNGAR GYI BDAG BSKYED KYI RGYUN YOD NA DES CHOG , MED NA SKAD CIG KRONG BSKYED BYAS LA, MCHOD GTOR RNAMS BYIN GYIS BRLABS TE, TING 'DZIN SGYU 'PHRUL DRA BA'I ROL PA LAS, ,SNA TSOGS BRTAN GA-YO'I BKOD PA RAB 'BYAMS TSOGS, ,RANG SNANG YONGS SU DAG PA'I GZHAL MED KHANG,, DPA' BO DPA' MO'I TSOGS KYIS GTAMS PAR GYUR, ,SNA TSOGS TSON GYI RTZE DGA' DANG 'GROGS PA'I, ,DVANGS SHEL RNAM PAR BKRA BA JI BZHIN DU, ,MOS PA THA DAD 'GRO BA'I DBANG PO DANG, ,RIM PAR 'TSAM PA'I BKOD PA RAB 'BYAMS LAS, ,DNGOS GRUB GTER CHEN BLA MA HE RU KA ,DPA' BO DPA' MO CHOS SRUNG RGYA MTSO'I TSOGS, ,'CHI MED LAM DU CHU 'DZIN PHRENG BA BZHIN, ,DGYES BZHIN 'DIR GSHEGS BRTAN PAR
, ,BZHUGS SU GSOL, ,AOm A'A:H'Um, TING 'DZIN SNGAGS RGYA'I NUS PA LAS BYUNG BA'I, ,BDE CHEN DPAL STER TSOGS MCHOD RGYA MTSO 'DI, ,BLA MA HE RU KA DPAL MNYES PHYIR 'BUL, ,RMAD BYUNG BDE CHEN DGA' BAS TSIM PAR ROL, ,AE MA HO THUN MONG MCHOG GI DNGOS GRUB KUN, ,BDE BLAG 'BAD MED LHUN GYIS GRUB PAR MDZOD, ,AOm A'A:H'Um, TING 'DZIN SNGAGS RGYA'I X BDE CHEN DPAL STER X BCOM LDAN TSE LHA YAB YUM MNYES PHYIR 'BUL, ,RMAD BYUNG BDE CHEN X AE MA HO DUS MIN 'CHI BA KUN BSAL TE, ,'CHI MED RIG 'DZIN BDE BLAG STZAL DU GSOL, ,AOm A'A:H'Um TING 'DZIN SNGAGS RGYA'I X BDE CHEN DPAL STER X DPA' BO DPA' MO'I TSOGS RNAMS MNYES PHYIR 'BUL, ,RMAD BYUNG BDE CHEN X AE MA HO THUGS RJE'I RLUNG SHUGS CHER GA-YOS TE, ,BDE CHEN YE SHES ME CHEN SBAR DU GSOL, ,AOm A'A: H'Um, TING 'DZIN X BDE CHEN X CHOS SKYONG SRUNG MA'I TSOGS RNAMS MNYES X RMAD BYUNG BDE CHEN X AE MA HO MTHU STOBS RDO RJE'I GZEGS MA YIS, ,PHYI NANG BAR CHAD MA LUS BZLOG TU GSOL, ,AOm A'A:H'Um, TING 'DZIN X BDE CHEN X LHA KLU GZHI BDAG TSOGS RNAMS X RMAD BYUNG KUN DGA'I DPAL GYIS TSIM PAR ROL, ,AE MA HO RUNG PHRAG DOG MA MDZAD PAR, ,CHOS LDAN 'PHRIN LAS THOGS MED BSGRUB TU GSOL, ,AOm A'A:H'Um, TING 'DZIN X BDE
CHEN X RIGS DRUG 'GRO BA'I TSOGS RNAMS MNYES PHYIR 'BUL, ,MKHO DGU'I 'DOD YON DPAL GYIS TSIM PAR ROL, ,AE MA HO 'KHRUL SNANG KUN RTOG DBYINGS SU DAG ,KUN BZANG HE RU KA DPAL MNGON GYUR SHOG ,DE NAS LAS KYI RDO RJES TSOGS NAS LAG TU THOGS TE, GDOD NAS DAG PA NAM MKHA'I DBYINGS, ,KUN RDZOB SPROS PAS RNAM PAR DBEN, ,GSHIS LUGS DE NYID RIG PA'I BLOS, ,MNYAM PA NYID DU TSOGS LA ROL, ,AA LA LA HO, (ZHES 'BUL, RDO RJE SLOB DPON SOGS LEN PA PO RNAMS KYIS,) BDAG NYID DPA' BO KUN 'DUS SKU, ,DPA' MO KUN KYANG NGA NYID DE, ,LUS GNAS TSOGS KYI 'KHOR LO KUN, ,TSIM PAR BYA PHYIR TSOGS LA NGO LA, ,AA HO MAH'A SU KHA, ZHES BRJOD DE TSIMS DRUG LDAN DANG 'BREL PAR TSOGS LA YONGS SPYOD DE TSOGS LHAG BSDUS, NANG MCHOD LCE THOG TU BZHAG PAS KHA SPU GDAB, STEGS DMA' BA'I KHAR BZHAG ,AOm A'A:H'Um, TING 'DZIN SNGAGS RGYA'I NUS PA LAS BYUNG BA'I, ,BDE CHEN DPAL STER TSOGS LHAG RGYA MTSO 'DI, ,LHAG LA DBANG BA'I 'BYUNG PO'I TSOGS LA 'BUL, ,KUN KYANG SEMS RGYUD DGA' BAS TSIM PAR ROL, ,AE MA HO 'JIGS SKRAG SDUG BSNGAL KUN ZHI STE, ,CHOS 'BYOR ZAS KYIS RTAG TU 'TSO BAR SHOG ,HO LHAG MA'I MGRON RNAMS 'KHOR BCAS KYIS, ,TSOGS LHAG RGYA MTSO 'DI BZHES LA, ,BSTAN PA RIN CHEN RGYAS PA DANG, ,BSTAN 'DZIN YON MCHOD 'KHOR BCAS DANG, ,KHYAD PAR RNAL 'BYOR BDAG CAG LA, ,NAD MED TSE DANG DBANG PHYUG DANG, ,ZHES PA NAS, YID LA 'DOD PA KUN 'GRUB SHOG ,CES BRJOD CING TSOGS LHAG GTZANG SAR DOR, ,BSNGO SMON
, ,BKRA SHIS GANG RGYAS KYIS MTHA' BRGYAN PAR BYA'O, ,DE LTAR DPA' BO RNAL 'BYOR MA, ,MNYES BYED RMAD BYUNG CHO GA 'DI, ,THUN MONG MCHOG GI DNGOS GRUB KUN, ,BDE BLAG 'GUG PA'I LCAGS KYU YIN, ,'DIR 'BAD LAS BYUNG DGE BA 'DIS, ,SKYE BO NAM MKHA'I MTHAR GTUGS PAR, ,KUN KYANG MKHA' SPYOD LO BRANG DU, ,RIG 'DZIN CHOS KYIS 'DA' BAR SHOG (,CES BDE MCHOG TSE LHA DKAR PO'I LHA TSOGS TSOGS KYI 'KHOR LOS MNYES PAR BYA BA'I TSUL DNGOS GRUB MYUR DU 'GUG PA'I LCAGS KYU ZHES BYA BA 'DI NI BSLAB GSUM SGRUB LA GZHOL BA RI KHROD DGE SLONG BLA MA BLO BZANG CHOS 'PHEL LAGS NAS MAndAL RTEN GSUM BCAS JI LTAR BSKUL BA BZHIN, PHA BONG KHA'I SPRUL MING PAS, SDE KHRI 'JAM DBYANGS THUB BSTAN NYI MA'I GSUNG SOR BZHAG THOG ,KHA SKONG SBYAR 'OS 'GA' ZHIG SBYAR TE PHYOGS GCIG TU BSGRIGS PA 'GRO DON 'PHEL,, ,,RI KHROD DGE SLONG THUB BSTAN NYI MAS PAR DU BSKRUN PA'O,, ,,LAS BYI LOR 'DZUGS ZHUS LEd PAR SONG,, DGE LEGS 'PHEL,,