, ,'JIGS MDZAD DPA' BO GCIG PA'I BDAG BSKYED CUNG BSDUS TE NYAMS SU LEN TSUL BZHUGS SO,,
, ,NA MO GU RU BADZRA BHEE RA W'A YA, ('DIR BCOM LDAN 'DAS DPAL 'JIGS MDZAD RDO RJE DPA' BO GCIG PA'I BDAG BSKYED CUNG BSDUS TE NYAMS SU LEN PAR 'DOD PAS, BLA BRGYUD NI,) KHYAB BDAG 'JAM PA'I RDO RJE GSHIN RJE'I GSHED, ,RGYAL BA KUN DNGOS RJE BTZUN TZONG KHA PA, ,YAB SRAS BRGYUD PAR BCAS PA THAMS CAD LA, ,GSOL BA 'DEBS SO DNGOS GRUB RNAM GNYIS STZOL, ,SKAD CIG KRONG BSKYED NI, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA'I SKUR BZHENGS PAR GYUR, NANG MCHOD BYIN RLABS NI, AOm HR'I: sht'I: WI KRI T'A NA NA H'Um PHAt, AOm SVA BH'A WA: SHUDDH'A: SARBA DHARM'A: SVA BH'A WA SHUDDHO NYA HAm, STONG PA NYID DU GYUR, STONG PA'I NGANG LAS YAm LAS RLUNG GI DKYIL 'KHOR SNGON PO GZHU'I DBYIBS LTA BU BA DAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO
, ,GRU GSUM BA, DE'I STENG DU A'A:LAS MI MGO'I SGYED PU GSUM GYI STENG DU, A'A:LAS BYUNG BA'I THOD PA DKAR PO, DE'I NANG GI SHAR DU THUm LAS BYUNG BA'I BA LANG GI SHA GOS MTSAN PA, LHOR A'Am:LAS BYUNG BA'I KHYI'I SHA KUS MTSAN PA, NUB TU DZRIm LAS BYUNG BA'I GLANG PO CHE'I SHA DAS MTSAN PA, BYANG DU KHAm LAS BYUNG BA'I RTA'I SHA HAS MTSAN PA, DBUS SU H'Um LAS BYUNG BA'I MI'I SHA NAS MTSAN PA, SHAR LHOR LAm LAS BYUNG BA'I DRI CHEN BIS MTSAN PA, LHO NUB TU M'Am LAS BYUNG BA'I RAKTA RAS MTSAN PA, NUB BYANG DU PAm LAS BYUNG BA'I BYANG SEMS DKAR PO SHUS MTSAN PA, BYANG SHAR DU T'A LAS BYUNG BA'I RKANG MAR MAS MTSAN PA, DBUS SU PAm LAS BYUNG PA'I DRI CHU M'US MTSAN PA, DE DAG GI STENG DU AOm DKAR PO, A'A:DMAR PO, H'Um SNGON PO GSUM STENG NAS STENG DU BRTZEGS PAR GYUR, RANG GI THUGS KA'I H'Um LAS 'OD 'PHROS RLUNG LA PHOG PAS
RLUNG GA-YOS ME SBAR TE THOD PA'I RDZAS RNAMS ZHU ZHING KHOL PAR GYUR, YI GE GSUM LAS 'OD ZER RIM PA BZHIN DU 'PHROS PAS, SKU RDO RJE GSUNG RDO RJE THUGS RDO RJE RNAMS BKUG NAS YI GE GSUM LA RIM GYIS THIM PA RNAMS THOD PAR LHUNG NAS ZHU BAS, H'U'I GIS KHA DOG DRI NUS KYI SKYON SBYANGS, A'A: SA BDUD RTZIR RTOGS PAR BYAS, AOm GYIS MANG POR SPAR ZHING SPEL BAR GYUR, AOm A'A:H'Um, LAN GSUM, BDAG BSKYED KYI MCHOD BA BYIN RLABS NI, AOm HR'I: shR'I: SA BSANGS, SVA BH'A WAS NYUNGS, STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NAD DU H'Um H'Um ZHU BA LAS BYUNG BA'I MCHOD YON, ZHABS BSIL, DRI, ME TOG ,BDUG SPOS, MAR ME, ZHAL ZAS, ROL MO RNAMS RANG BZHIN BDE STONG RNAM BA MCHOD RDZAS, ,BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, AOm P'ADYAm A'A: H'Um, AO GANDHE A'A: H'Um, AOm PUshPE A'A: H'Um, AOm DH'U PO A'A: H'Um, AOm A'A LO KE A'A: H'Um, AOm NI WIDY'A A'A: H'Um, AOm SHAPTA A'A:H'Um, TSOGS ZHING MCHOD PA NI, RANG NYID 'JIGS BYED ZHAL GCIG PHYAG GNYIS PAR GSAL BA'I THUGS KAR PADMA DANG NYI MA LA GNAS PA'I H'Um GI 'OD ZER GYIS 'JIG RTEN GYI KHAMS MU MED PA GSAL BAR BYAS, DE NA BZHUGS BA'I SANGS RGYAS DANG BYANG CHUB SEMS DPA' DANG, KHRO BO DANG, RIG PA'I TSOGS KYIS BSKOR BA'I RDO RJE 'JIGS BYED BLA MA DANG BCAS PA MDUN GYI NAM MKHAR SBYAN DRANGS, 'OD ZER 'ANG
, ,GI SNYING GAR THIM PAR GYUR, GANG GI DRIN GYIS BDE CHEN GNAS, ,SKAD CIG GIS NI THOB 'GYUR BA, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,GZUGS MCHOG MCHOG TU DRAG PO CHE; ;DPA' BO MCHOG GI SPYOD YUL CAN, ,GDUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, ,RANG GI THUGS KA NAS SPROS PA'I RTZA RTZI KA LA SOGS PAS MCHOD PAR GYUR, AOm HR'I:shtR'I:HA:AOm H'Um H'Um PHAd; AOm WI KRI T'A NA NA DU shtAm SATVA DA MA KA GA:GA:GA: AOm KU MA R'A R'U PI nE DZA:DZA:H'Um PHAd, AOm HR'I: HA: HEE PHAd, AOm D'I PTA LO TZA NA WI KRI T'A NA NA MAH'A AATTATTA H'A SA NA DI NI D'IPTI YA SV'AH'A, AOm BADZRA NEE WIDY'A A'A: H'Um SV'AH'A, AOm BADZRA SHAPTA A'A: H'Um, (LHA MO RNAMS SLAR BSDU'O, ,DE NAS,) SDIG PA RNAMS NI BSHAGS PAR BYA, ,SKYES SHING BYUNG BA RNAMS NI BSAL, ,MI BYED PAR YANG SPYAN SNGAR BRJOD, ,DE BZHIN BSOD NAMS RJES YI RANGS, ,BDAG GIS BDE 'GRO YONGS SU BSNGO; ;DKON MCHOG GSUM LA SKYABS SU 'GRO, ,SEMS CAN THAMS CAD BDAG GIS SGROL, ,BYANG CHUB GNAS LA 'GOD PAR BGYI, ,BYANG CHUB SEMS NI YANG DAG BSKYED, ,YON TAN RGYA MTSO KHYED RNAMS LA, ,BDAG GI LUS NI DBUL BAR BGYI, ,YANG DAG RDZOGS PA'I SANGS RGYAS DANG, ,DE SRAS LAM GYUR SBYIN SOGS TSUL, ,SKU GSUM YE SHES THOB BYA'I PHYIR, ,RAB TU DVANG PAS BSTEN PAR BGYI, (,ZHES YAN LAG BDUN PA BYA,) SANGS RGYAS BYANG CHUB
SEMS DPA' RNAMS, ,BDAG LA DGONGS PAR MDZAD DU GSOL, ,BDAG MING 'DI ZHES BGYI BA YIS, ,DUS 'DI NAS NI BZUNG NAS NI, ,BYANG CHUB SNYING POR MCHIS KYI BAR, ,JI LTAR DUS GSUM MGON PO RNAMS, ,BYANG CHUB TU NI NGES MDZAD PA'I, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,RIGS LNGA SPYI DANG BYE BRAG GI, ,DAM TSIG SDOM PA MA LUS GZUNG, ,MA BSGRAL BA RNAMS BDAG GIS BSGRAL, ,MA GROL BA RNAMS BDAG GIS DGROL, ,DPUGS MA PHYIN PA DBUGS DBYUNG ZHING, ,SEMS CAN MYA NGAN 'DAS LA 'GOD, ,SEMS CAN THAMS CAD BDE BA DANG LDAN PAR GYUR CIG ,SEMS CAN THAMS CAD SDUG BSNGAL DANG BRAL BAR GYUR CIG ,SEMS CAN THAMS CAD BDE BA DANG MI 'BRAL BAR GYUR CIG ,SEMS CAN THAMS CAD 'JIG RTEN GYI CHOS BRGYAD DANG GZUNG 'DZIN GYI RNAM RTOG GIS MI BSKYOD PA'I BTANG SNYOMS LA GNAS PAR BYA'O, (,SKU GSUM LAM 'KHYER SOGS NI,) AOm SVA BH'A WA SHUDDH'A:SARBA DHARM'A:SVA BH'A WA SHUDDHO NYA HAm, AOm SHLUN+YA T'A DZNY'A NA BDZRA SVA BH'A WA AATMA KONYAHAm, RANG DANG TSOGS ZHING GI LHA DANG DE DAG LAS GZHAN PA'I CHOS THAMS CAD BRTEN NAS BTAGS PA YIN PA'I PHYIR, RTAG CHAD LA SOGS PA'I MTHA' BZHI DANG BRAL BA, BDAG MED PA'I RANG BZHIN STONG PA NYID DU GYUR, (CES 'CHI BA CHOS SKU'I LAM 'KHYER BSGOM,) STONG PA'I NGANG LAS YAm LAS RLUNG GI DKYIL 'KHOR, DE'I STENG DU RAm LAS ME'I DKYIL 'KHOR, DE'I STENG DU BAm LAS CHU'I DKYIL 'KHOR, DE'I STENG DU LAm LAS SA'I DKYIL 'KHOR
, ,DE'I STENG DU H'Um LAS SNA TSOGS RDO RJE WE BA LA H'Um GIS MTSAN PA, DE LAS 'OD ZER 'OG TU 'PHROS PAS RDO RJE'I SA GZHI, LOGS SU 'PHROS PAS RDO RJE'I RVA BA, STENG DU 'PHROS PAS RDO RJE'I GUR, GUR GYI 'OG DVA BA'I STENG DU RDO RJE'I BLA RE STE, THAMS CAD KYANG RDO RJE 'BAR BA'I RANG BZHIN BAR MTSAMS MED PA DUM BU GCIG TU GYUR PA'I PHYI ROL TU, BSKAL BA 'JIG PA'I ME LTA BU'I KHA DOG SNA LNGA'I ME DBUNG PHYOGS BCUR 'PHRO BAR GYUR, CES THUN MONG PA'I SRUNG 'KHOR BSGOM, RVA PA'I DBUS SU BH'Um LAS BKA'I 'KHOR LO SER PO RAB TU 'BAR BA GA-YAS SKOR DU 'KHOR BA, RTZIBS BCU LTE BA DANG BCAS PA, LTE BA'I NANG DANG RTZIBS LA CUNG ZAD MA REG PA'I GNAS RNAMS SU SNA TSOGS PADMA DANG ZLA BA DANG NYI MA'I GDAN GSUM GSUM GDAN DBUS MA'I STENG DU H'Um YIG YONGS SU GYUR PA LAS, RANG NYID GNOD MDZES RGYAL PO SKU MDOG MTHING GA MI BSKYOD PA'I COD PAN CAN MTHING DKAR DMAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD CING, LHAG MA GA-YAS GNYIS RIN PO CHE DANG LCAGS KYU, GA-YON GNYIS PADMA DANG ZHAGS PA 'DZIN PA, ZHABS GA-YAS BSKUMS SHING GA-YON BRKYANGS PA'I STABS KYIS BZHUGS PA, YAB YUM SNYOMS PAR ZHUGS PA'I THUGS KA'I H'Um GI 'OD ZER GYIS BKUG PA'I KHRO BO BCU ZHAL DU BCUG NAS ZHU BA RDO RJE'I LAM NAS YUM GYI PADMAR ZHUGS PA'I THIG LE BCU LAS H'Um RING PO BCU DANG DE LAS KHRO BO BCUR GYUR, H'Um YUM GYI PADMA LAS SPRES TE RTZIBS BCU RANG RANG GI GDAN LA GDUG PA CAN THAMS
CAD TSANG GCOD PA'I TSUL GYIS 'KHOR PAR GYUR, RANG NYID GNOD MDZES SU GNAS PA YONGS SU GYUR PA LAS RDO RJE SEMS DPA' SKU MDOG DKAR PO DKAR MTHING DMAR BA'I ZHAL GSUM PHYAG DRUG PA YONGS SU GYUR PA LAS, CHOS 'BYUNG DKAR PO GRU GSUNG PA GYEN DU 'GRENG BA, 'OG TU PHRA ZHING STOD YANGS PA, 'OG ZUR NAS BAm LAS BYUNG BA'I SNA TSOGS PADMA'I LTE BAR H'Um LAS SNA TSOGS RDO RJE SHAR GYI RVA DKAR, LHO'I RVA SER, NUB KYI RVA DMAR, BYANG GI RVA LJANG, DBUS KYI LTE BA SNGON POS BRGYAN PA, LTE BA'I DBUS SU BH'Um LAS 'KHOR LO BH'Um GYIS MTSAN PA LAS BYUNG BA'I RNAM SNANG DKAR PO DKAR MTHING DMAR PA'I ZHAL GSUM PHYAG DRUG PA YONGS SU GYUR PA LAS GZHAL YAS KHANG GRU BZHI PA, SGO BZHI PA, RTA BABS BZHI DANG BCAS PA MTSAN NYID THAMS CAD MONGS SU RDZOGS PA RDO RJE'I RVA BA ME RI DANG BCAS PA'I PHYI ROL TU GTUM DRAG LA SOGS PA'I DUR KHROD BRGYAD KYIS YONGS SU BSKOR BA, GZHAL YAS KHANG GI NANG GI DBUS SU YAm LAS RLUNG GI DKYIL 'KHOR NAG LA CUNG ZAD DMAR PA'I MDOG CAN GYI STENG DU AA YIG DANG PO LAS BYUNG BA'I ZLA BA'I DKYIL 'KHOR, DE'I DBUS SU CHU LAS CHU BUR GYI TSUL DU DH'I: SER PO LAS BYUNG BA'I RAL GRI DBUS SU DH'I:SA MTSAN PA, DE LAS 'OD 'PHROS PAS BDE BAR GSHEGS PA THAMS CAD SPYAN DRANGS TE THIM PA YONGS SU GYUR PA LAS, RANG NYID RGYU RDO RJE 'DZIN PA 'JAM DANG LA GZHON NUR GYUR PA SKU MDOG SER PO YID TZAM KHROS PA PHYAG GA-YAS RAL GRI 'PHYAR ZHING, GA-YON GYIS GLEGS BAM THUGS KAR BSNAMS PA, ZHABS RDO RJE'I SKYIL KRUNG GIS BZHUGS PA, MTSAN SO
, ,GNYIS DANG, DPE BYAD BRGYAD CUS BRGYAN PA, RAL PA'I ZUR PHUD LNGA DANG LDAN ZHING RGYAN THAMS CAD KYIS BRGYAN PA, (ZHES PAR DO LONGS SKU'I LAM 'KHYER BSGOM,) DE'I THUGS KAR A'A:LAS BYUNG BA'I NYI MA'I DKYIL 'KHOR, DE'I 'OD KYIS PHYOGS BCU NA BZHUGS PA'I RNAM SNANG LA SOGS PA'I SANGS RGYAS DANG, RDO RJE RNON PO LA SOGS PA'I BYANG CHUB SEMS DPA' DANG, RDO RJE LCAGS KYU LA SOGS PA'I KHRO BO DANG, SEMS MA RDO RJE MA LA SOGS PA'I RIG PA RNAMS SPYAN DRANGS TE, 'JAB DPAL DANG BCAS PA NYI MA LA ZHUGS PA LAS 'OD ZER GYIS DPAG TSAD STONG PHRAG BRGYAR KHYAB PA'I NYI MA'I DKYIL 'KHOR DU GYUR, DE'I STENG DU H'Um YIG MTHING GA 'OD ZER LNGA DANG LDAN PA LAS 'OD ZER 'PHROS PAS SANGS RGYAS DANG BYANG CHUB SEMS DPA' DANG KHRO BOD RIG PA'I TSOGS RNAMS SPYAN DRANGS, H'Um LA ZHUGS PA LAS KHRO BO'I RDO RJE KHA DOG NAG PO, RTZE DGU PA RVA SHIN TU GDENGS PA 'OD ZER LNGA DANG LDAN PA, LTE BA LA H'Um YIG GIS MTSAN PA, DE LAS RDO RJE PHRA MO'I GZUGS SPROS PAS SANGS RGYAS DANG BYANG CHUB SEMS DPA' DANG KHRO BO DANG RIG PA'I TSOGS RNAMS SPROS TE NAM MKHA'I KHAMS THAMS CAD TIL GYI GANG BU BZHIN DU GANG BA, NYI MA LA GNAS PAS SEMS CAN RNAMS SMIN PAR BYAS NAS RDO RJE 'JIGS BYED THOB PAR BYAS PA DANG LHAN CIG TU 'DUS TE RDO RJE LA THIM PAR GYUR, ZLA BA NYI MA RDO RJE H'Um DANG BCAS PA YONGS SU GYUR PA LAS SNA TSOGS PADMA DANG ZLA BA DANG, NYI MA'I GDAN GYI STENG DU RANG NYID 'BRAS BU RDO RJE 'DZIN PA DPAL RDO RJE 'JIGS BYED CHEN PO SKU MDOG MTHING NA GZHAL DGU PHYAG SO BZHI ZHABS BCU DRUG
PA GA-YAS BSKUMS SHING GA-YON BRKYANGS PA'I STABS KYIS BZHUGS PA, (ZHES SKYE BA SPRUL SKU'I LAM 'KHYER BSGOM,) KHAMS GSUM PO ZA BAR NUS PA HA HA ZHES SGROG CING LJAGS 'DRIL BA, MCHE BA RNAM PAR GTZIGS PA KHRO GNYER CAN, KHRO GNYER GYI 'GRAM DU, SMIN MA DANG SPYAN 'JIG PA'I DUS LTAR 'BAR BA, SKRA KHAM SER GYEN DU BRDZES PA, 'JIG RTEN DANG 'JIG RTEN LAS 'DAS PA'I LHA LA SDIGS MDZUB BYED PA, 'JIGS PA RNAMS KYANG 'JIGS PAR MDZAD PA, PHEE KA RA'I SGRA CHEN PO 'BRUG LTAR SGROGS PA, MI'I KHRAG DANG ZHAG DANG SKAD DANG TSIL BU ZA PA, 'JIGS SU RUNG BA'I THOD PA SKAM PO LNGAS THOD BYAS SHING, MGO BO RLON PA LNGA BCU'I THOD PA'I PHRENG BAS BRGYAN PA, SPRUL NAG PO'I MCHOD PHYIR THOGS DANG, MI RUS KYI 'KHOR LO DANG, RNAM CHA LA SOGS PA'I RUS PA'I RGYAN RNAMS KYIS BRGYAN PA, GSUS PA CHE BA, GCER BU'I GZUGS CAN, MTSAN MGYEN DU 'GRENG BA, SMIN MA DANG, RDZI MA DANG, SMAR DANG, BA SPU RNAMS DUS MTHA'I ME LTAR 'BAR ZHING, RTZA ZHAL NAG PO MA HE'I GDONG CAN SHIN TU KHROS PA RVA RNON PO CAN, DE'I STENG MA RVA GNYIS KYI DBUS KYI ZHAL DMAR PO, RAB TU 'JIGS PA ZHAL NAS KHRAG 'DZAG PA, DE'I STENG DU 'JAM DPAL GYI ZHAL SER PO YID TZAM KHROS PA, GZHON NU'I RGYAN GYIS BRGYAN PA, SPYI BOR RAL PA LNGA DANG LDAN PA, RVA'I RTZA BA'I GA-YAS KYI ZHAL DANG PO SNGON PO, DE'I GA-YAS ZHAL DMAR PO, GA-YON ZHAL SER PO, RVA'I RTZA BA'I GA-YON GYI ZHAL DANG PO DKAR PO, DE'I GA-YAS ZHAL DUD KA ,GA-YON ZHAL NAG PO, ZHAL RNAMS SHIN TU KHROS PA, ZHAL DGU PO THAMS CAD KYANG SPYAN GSUM GSUM DANG
, ,LDAN PA, PHYAG GA-YAS GA-YON GYI DANG PO GNYIS KYIS GLANG PO CHE'I PAGS PA RLON PA MGO GA-YAS DANG, SPU PHYIR BSTAN TE LAG PA DANG RKANG PA'I PAGS PA GA-YON PA NAS BRGYANGS TE 'DZIN PA, LHAG MA GA-YAS KYI DANG BO NA GRI GUG ;GNYIS PA NA DHI DHAm P'A LA, GSUM PA NA GTUN SHING, BZHI PAN CHU GRI, LNGA PAN KA nA YA, DRUG PA NA DAG STA, BDUN PA NA MDUNG, BRGYAD PA NA MDA', DGU PA NA LCAGS KYU, BCU PA NA DBYUG TO, BCU GCIG PA NA KHA T'Am GA ,BCU GNYIS PA NA 'KHOR LO, BCU GSUM PA NA RDO RJE RTZE LNGA PA, BCU BZHI PA NA RDO RJE THO BA, BCO LNGA PA NA RAL GRI, BCU DRUG PA NA CANG TE'U BSNAMS SHING, LHAG MA GA-YON GYI DANG PO NA KHRAG GIS BKANG PA'I THOD PA, GNYIS PA NA TSANGS PA'I MGO BO, GSUM NA PHUB, BZHI PA NA RKANG PA, LNGA PAN ZHAGS PA, DRUG PA NA GZHU, BDUN PA NA RGYU MA, BRGYAD PA NA DRIL BU, DGU PA NA LAG PA, BCU PA NA DUR KHROD KYI RAS, BCU GCIG PA NA SKYES BU GSAL SHING LA BTZUGS PA, BCU GNYIS PA NA ME THAB, BCU GSUM PA NA THOD TSAL, BCU BZHI PA NA SDIGS MDZUB, BCO LNGA PA NA 'PHAN RTZE GSUM PA, BCU DRUG PA NA RLUNG RAS BSNAMS PA, ZHABS GA-YAS KYI DANG POS MI, GNYIS PAS MA HE, GSUM PAS GLANG, BZHI PAS BONG BU, LNGA PAS RNGA MONG, DRUG PAS KHYI, BDUN PAS LUG ,BRGYAD PAS WA DANG, GA-YON GYI DANG POS BYA RGOD, GNYIS PAS 'UG PA, GSUM PAS BYA ROG ,BZHI PAS NE TZO, LNGA PAS KHRA, DRUG PAS BYA CHEN PO, BDUN PAS KHYIM BYA, BRGYAD PAS BZHAD MNAN PA, TSANGS
PA DANG, DBANG PO DANG, KHYAB 'JUG DANG, DRAG PO DANG, GZHON NU GDONG DRUG DANG, LOG 'DREN DANG, ZLA BA DANG, NYI MA RNAMS KHA SBUB TU BYAS TE ZHABS 'OG TU MNAN NAS ME DPUNG RAB TU 'BAR BA'I KLONG DKYIL NA BZHUGS PA, DE'I MIG TU SA SNYING GI RANG BZHIN KshIm DKAR PO, RNA BAR PHYAG RDOR GYI RANG BZHIN DZRIm NAG PO, SNAR NAM SNYING GI RANG BZHIN KHAm SER PO, LCER SPYAN RAS GZIGS KYI RANG BZHIN RAm DMAR PO, DPRAL PAR SGRIB SEL GYI RANG BZHIN KAm LJANG GU, LTE BAR KUN BZANG GI RANG BZHIN SAm DKAR PO, SPYI POR SKU RDO RJE'I RANG BZHIN AOm DKAR PO, MGRIN PAR GSUNG RDO RJE'I RANG BZHIN A'A: DMAR PO, THUGS KAR THUGS RDO RJE'I RANG BZHIN H'Um SNGON PO, (ZHES SKYE MCHED SKU GSUNG THUGS BYIN GYIS BRLAB,) RANG NYID DAM TSIG SEMS DPA'I THUGS KAR ZLA GDAN LA YE SHES SEMS DPA' 'JAM DPAL GZHON NUR GYUR PA SKU MDOG SER PO YID TZAM KHROS PA, PHYAG GA-YAS RAL GRI 'PHYAR ZHING GA-YON GYIS GLEGS BAM THUGS KAR BSNAMS PA, ZHABS RDO RJE'I SKYIL KRUNG GIS BZHUGS BA, MTSAN SO GNYIS DANG, DPE BYAD BRGYAD CUS BRGYAN PA, RAL BA'I ZUR PHUD LNGA DANG LDAN ZHING, RGYAN THAMS CAD KYIS BRGYAN PA, DE'I THUGS KAR A'A:LAS BYUNG BA'I NYI MA'I DKYIL 'KHOR GYI DBUS SU TING NGE 'DZIN SEMS DPA' H'Um YIG MTHING GA 'OD ZER LNGA 'PHRO BA, (ZHES SEMS DPA' SUM BRTZEGS BSGOM, YE SHES PA SPYAN 'DREN PA NI,) AOm HR'I: HA BHO MAH'A KRO DHA A'A GTZTSA AASM'A DA P'U DZA PRA TI GRIHnANTU PRA S'A DA ME DH'I M'AN KU RU SV'AH'A, RANG GI THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I DPAL RDO RJE 'JIGS BYED
, ,DPA' BO GCIG PA'I RTEN DANG BRTEN BA'I DKYIL 'KHOR MDUG GYI NAM MKHAR SPYAN DRANGS, AOm HR'I:shtR'I:WI KRI T'A NA NA H'Um PHAd, (CES PHYI 'BRANG GI BGEGS BSKRAD,) AOm HR'I:shtRI:HA: AOm H'Um H'Um PHAd, AOm WI KRI T'A NA NA DUshdAm SATVA DA MA KA GA:GA:GA:, AOm KU MA R'A R'U PI nE DZA:DZA:H'Um PHAd, AOm HR'I:TA:HEE PHAd, AOm D'I BHA LO TZAN WI KRI T'A NAN MAH'A AAttAttA H'A SA NA DI NI D'APTI YA SV'AH'A, AOm BADZRA NEE WI DY'A A'A:H'Um SV'AH'A, AOm BADZRA SHAPTA A'A:H'Um GIS MCHOD, AOm MUNG+GA R'A DZA:, AOm DAndA H'Um, AOm PADMA BAm, AOm KHANG+GA HO: (DE NAS,) AOm HR'I:HA BHO MAH'A KRO DHA A'A GATZTSA A'A GATZTSA AASM'A DAP'U DZA BRA TI GRInA NTU PRA S'A DA ME DHI MAN KU RU SV'AH'A, SLAR YANG RANG GI THUGS KA'I H'Um LAS 'OD ZER 'PHROS, PHYOGS BCUN BZHUGS PA'I SANGS RGYAS PA'I SRAS DANG BCAS PA MDUN GYI NAM MKHAR SPYAN DRANGS, AOm HR'I:shtI:HA:SOGS NAS, AOm BADZRA SHAPTA A'A:H'Um, (ZHES MCHOD,) DE BZHIN GSHEGS BA RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS SPROS PA'I LHA MO TZA RTZI KA LA SOGS BA RNAMS KYIS SHIS PA BRJOD PA SMON DU 'GRO BAS, ZLA BA LTA BU'I BUM PA DKAR PO BDUD RTZI LNGAS BKANG BA BZUNG NAS, SANGS RGYAS RNAMS NI THAMS CAD KYIS, ,SKYE BAS THOB BA'I DBANG BSKUR BA, ,JI LTAR DE BZHIN BDAG GIS NI, ,DAG PA LHA YI CHUS DBANG BSKUR, ,ZHES GSUNGS SHING SPYI BO NAS DBANG BSKUR, DBANG GI CHUS LUS THAMS CAD GANG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS, GTZO BO'I RTZA ZHAL GYI DBU LA MI BSKYOD
PAS DBU BRGYAN CING, DBANG GI LHA RNAMS RANG NYID LA THIM PAR GYUR, (MCHOD STOD BYA BA NI,) AOm YAM'ANTA KA AARGHAm, P'A DYAm, GANDE, BUshPE, DH'U PE, A'A LO KE, NEE WIDY'A, SHAPTA PRA T'I TZTSA H'Um SV'AH'A, AOm MCHOD DO, ,PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD GCIG TU BSDUS PA'I NGO BO CHOS KYI PHUNG PO STONG PHRAG BRGYAD CU RTZA BZHI'I 'BYUNG GNAS 'PHAGS PA'I DGE 'DUN THAMS CAD KYI MNGA' BA DANG, ,DRIN CAN RTZA BA'I BLA MA RIN PO CHE'I ZHAL DU AOm A'A:H'Um, BRGYUD PA'I BLA MA RNAMS KYI ZHAL DU X GZHAN YANG DBANG BSKUR RGYUD BSHAD MAN NGAG GNANG BA'I BLA MA BRGYUD PA DANG BCAS PA RNAMS KYI ZHAL DU AOm X AOm YA M'ANTA KA H'Um PHAd AOm A'A:H'Um, GZHAN YANG RGYUD SDE CHEN PO BZHI DANG 'BREL BA'I YI DAM DKYIL 'KHOR GYI LHA TSOGS RNAMS KYI ZHAL DU X CHOS KYI RGYAL PO 'KHOR DANG BCAS PA RNAMS KYI ZHAL DU X GZHAN YANG SNGON SANGS RGYAS MTHONG BA, DAM PA'I CHOS THOS PA, 'PHAGS PA'I DGE 'DUN LA BRTEN PA, BSTAN PA DANG 'KHOR RNAM BZHI SKYONG BAR ZHAL GYIS BZHES PA BLA MA GONG MA RNAMS KYIS BSTEN CING BSGRUBS PA'I SRUNG MA DAM TSIG CAN RNAMS KYI ZHAL DU X YUL NYI SHU RTZA BZHI, GNAS SUM CU RTZA GNYIS DUR KHROD CHEN PO BRGYAD NA GNAS PA'I DPA' BO DANG, RNAL 'BYOR MA DANG, PHYOGS SKYONG DANG, ZHING SKYONG DANG, KLU LA SOGS PA RNAMS KYI ZHAL DU X GZHI BDAG GNYUG MAR GNAS PA DANG, SEMS CAN THAMS CAD LHAR GYUR BA RNAMS KYI ZHAL DU X PHYOGS BCU'I SANGS RGYAS THAMS CAD SPYAN DRANGS TE RANG GI LUS LA ZHUGS PAR
, ,GYUR; AOm HR'I:sht'I:WI KRI T'A NA NA H'Um PHAd AOm A'A:H'Um, AOm AAMRI TA SVA DA N'A BADZRA SVA BH'A WA A'ATMA KONYAHAm, MGRON THAMS CAD YE SHES KYI BDUD RTZIS MNYES SHING TSIM PAR GYUR, (BSTOD PA NI,) GNYIS MED THUN MONG MA YIN KHYAB PA'I SKU; ;KUN LA SNYOMS MDZAD RGYAL BA KUN GYI YAB, ,CHOS KYI DBYINGS GYUR RGYAL BA KUN GYI YUM, YE SHES SEMS DPA' RGYAL BA KUN GYI SRAS, ,PHYAG 'TSAL 'JAM DPAL DPAL GYUR RDZOGS PA KHYOD, ,CHOS KYI SKUL BYAMS SDANG MI MNGA' YANG, ,SRID GSUM GDUG PA MA LUS 'DUL BA'I PHYIR, ,THUGS RJE THABS KYIS KHRO RGYAL SKUR BSTAN PA, ,'JIGS BYED GSHIN RJE GSHED LA PHYAG 'TSAL LO, (,BZLAS PA BYA BA NI,) AOm AA RA PA TZA NA DH'I:(NYER GCIG ,) AOm YA MA R'A DZ'A SA DO ME YA, YA ME DO RU nA YO DA YA, YA NGA TZTSO NI RA YA KshE YA, YA KshE YATZTSA NI R'A MA YA H'Um H'Um PHAd PHAd SV'AH'A, AOm HR'I:shtRI:WI KRI T'A NA NA H'Um PHAd, AOm YA M'ANTA KA H'Um PHAd, (CES PA RNAMS CI 'GRUB RE BZLAS MTHAR,) AOm YA M'ANTA KA SA MA YA, MA NU P'A LA YA, YA M'ANTA KA TVE NO BA TIshthA, DRI dHO ME BH'A WA; SU PO shthO ME BH'A WA, SU TO shYO ME BH'A WA, AA NU RAKTO MI BH'A WA, SARBA SEDDHI ME PRA YATZTSA, SARBA KARMA SU TZA MA, TZI TTAm SHRI YAm:KU RU H'Um, HA HA HA HA HO:BHA GA WAN, YA M'ANTA KA M'A ME MUNYTZA, YA M'ANTA KA BH'A WA MAH'A SA MA YA SA TVA A'A:H'Um PHAd, (GTOR 'BUL NI,) AOm HR'I:shtRI:WI KRI T'A NA NA H'Um PHAd, AOm SVA BH'A WA SHUDDH'A:SARBA DHARM'A:SVA BH'A WA SHUDDHO NYAHAm, STONG PA NYID DU GYUR, STONG PA'I NGANG LAS YAm LAS RLUNG GI DKYIL 'KHOR SNGON PO ZHES PA NAS, AOm GYIS MANG POR SBAR ZHING SPEL BAR GYUR, AOm A'A:H'Um,
GS+YAM, MDUN DU SKAD CIG GIS DPAL RDO RJE 'JIGS BYED DPA' BO GCIG PA'I RTEN DANG BRTEN PA'I DKYIL 'KHOR YONGS SU RDZOGS PAR GYUR, RANG GI THUGS KA'I H'Am LAS 'OD ZER 'PHROS, DPAL RDO RJE 'JIGS BYED DPA' BO GCIG PA'I YE SHES PA'I DKYIL 'KHOR PHYOGS SKYONG DANG BCAS PA SPYAN DRANGS, DZA:H'Um PAm HO:, YE SHES PA DAM TSIG PA DANG GNYIS SU MED PAR GYUR, MGRON RNAMS KYI LJAGS H'Um LAS SKYES PA'I RDO RJE RTZE GCIG PA DKAR PO 'OD KYI SBU GU CAN DU GYUR PAS GTOR MA'I BCUD DRANGS TE GSOL BAR GYUR, AOm HR'I:shn'I: WI KRI T'A NA NA H'Um PHAd, BADZRA BHEE RA WA YA AA DHI PA TI AI MAm BA LIm TA KHA KHA KH'A HI KH'A HI H'Um PHAd SV'AH'A, (ZHES BDUN NAM GSUM GYIS DBUL,) AOm HR'I:sht'I:HA: (ZHES PA NAS,) AOm BADZRA SHAPTA A'A:H'Um, (GI BAR DANG,) AOm YA M'ANTA KA H'Um PHAd AOm A'A:H'Um, (ZHES PHYI NANG GI MCHOD PAS MCHOD,) GNYIS MED THUN MONG MA YIN KHYAB PA'I SKU, (ZHES PA NAS,) 'JIGS BYED GSHIN RJE GSHED LA PHYAG 'TSAL LO, (,ZHES BSTOD, PHYOGS SKYONG GI GTOR MA,) AOm YA MA R'A DZ'A SA DO ME LA, YA ME DO RU nA YOD MA, YA DA YO NI RA YA KshE YA, YA KshE YA TZTSA NI R'A MA YA H'Um H'Um PHAd PHAd SV'AH'A, (ZHES RTZA SNGAGS BRJOD PAS BYIN GYIS BRLABS PA,) AOm BHU TZA RA NAm, YA P'A T'A LA TZA R'A YA, M'AN KHE TZA R'A YA, TA P'UR BA NI GNAm, KA DAKshI nA D'I G'A YA, H'Um PA SHTZI MA NAm, PHAd AUTTA RA TI G'A YA; AOm AI, H'I:YA, sht'I WA, WI KshI, KRI KO, T'A AE, NA AA NA DE, H'Um BHYO, PHAd SARBA BHU TE BHYA: (ZHES PA GSUM GYIS BSNGO,) AOm DA SHA DIKA LO KA P'A LA SA PA RI W'A RA AARGHAm PRA T'I TZTSA H'Um SV'AH'A, (DE BZHIN DU SBYAR TE,) P'ADHYAm, GANDHA, PUshPE, DH'U PE, A'A LO KE, NEE
, ,WIDY'A, SHAPTA PRA T'I TZTSA H'Um SV'AH'A, (ZHES PAS PHYI MCHOD DANG,) AOm DA SHA DIK LO KA P'A LAS PA RI W'A RA AOm A'A:H'Um, (ZHES NANG MCHOD DBUL,) BCOM LDAN CHOS RJE 'JAM DBYANGS SPYAN LAM DU, ,BDUD 'DUL BSTAN PA BSRUNG BAR ZHAL BZHES PA, ,LAS KYI GSHIN RJE MA MO MKHA' 'GRO MA, ,'BYUNG PO RO LANGS CI BGYI BKA' NYAN TSOGS, ,PHYI NANG SKYONG BA'I DAM CAN MA LUS LA, ,BDAG NI RE BA'I SEMS KYIS 'DUD CING MCHIS, ,PHYOGS SKYONG 'KHOR DANG BCAS PA RNAMS KYIS BDAG GIS DAM PA'I CHOS SGRUB PA'I BAR CHAD THAMS CAD ZHI BA'I 'PHRIN LAS MDZOD CIG (,CHOS RGYAL SOGS KYI GTONG 'BUL BYED NA MTSAMS 'DIR BYA, DE NAS GTANG RAG NI,) AOm YA M'ANTA KA AARGHAm NAS, SHAPTA PRA T'I TZTSA H'Um SV'AH'A, AOm YA M'ANTA KA H'Um PHAd AOm A'A:H'Um, GZUGS MCHOG MCHOG TU DRAG PO CHE, ,DPA' BO MCHOG GI SBYOD YUL CAN, ,GDUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, (,NYER BSDU NI,) AOm YA M'ANTA KA SA MA YA, (ZHES PA NAS,) SATVA A'A:H'Um PHAd, MA RNYED YONGS SU MA SHES DANG, GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN KHYED KYIS BZOD MDZAD RIGS, ,BDAG LA DNGOS GRUB MCHOG STZOL LA, ,TING 'DZIN KUN GYI 'BRAS BU STZOL, ,SEMS CAN KUN LA CI 'DOD PA'I, ,DNGOS GRUB BLA NA MED PA STZOL, ,MGRON 'JIG RTEN LAS 'DAS PA RNAMS RANG LA THIM ZHING, 'JIG RTEN PA RNAMS RANG GNAS SU GSHEGS PAR GYUR, DUR KHROD SRUNG 'KHOR DANG BCAS PA GZHAL YAS KHANG LA THIM, GZHAL YAS KHANG RANG LA
THIM; RANG DAM TSIG SEMS DPA' YE SHES SEMS DPA' LA THIM, YE SHES SEMS DPA' TING NGE 'DZIN SEMS DPA' LA THIM, TING NGE 'DZIN SEMS DPA'I ZHABS KYU A'U NI HA LA, HA HA'I MGO PO LA; DE ZLA CHOS LA, DE THIG LE LA, DE N'A DA LA THAM,, DE YANG MI DMIGS PA STONG BAR GYUR, STONG BA'I NGANG LAS DPAL RDO RJE 'JIGS BYED ZHAL GCIG PHYAG GNYIS PA'I RNAM PAR GYUR PA'I SPYI POR AOm, MGRIN PAR A'A: THUGS KAR H'Um GIS MTSAN PAR GYUR, (SMON SHIS NI,) RNAM DAG BSAM PAS TSUL 'DIR 'BAD PA LAS, ,BYUNG BA'I DGE BAS MTHA' YAS 'GRO BA KUN, ,SKYE ZHING SKYE BAR 'JAM DBYANGS ZHI KHRO YIS, ,'BRAL BA MED PAR RJES SU 'DZIN GYUR CIG ,NAM MKHA' JI SRID SKU LNGA'I BDAG NYID CAN, ,KHA SBYOR BDUN LDAN GO 'PHANG MNGON GYUR NAS, , MTHA' DAG 'GRO 'DI GO 'PHANG DE NYID LA, ,SKAD CIG NYID LA BDE BLAG 'GOD PAR SHOG ,RTZA BRGYUD BLA MA RNAMS KYI BKRA SHIS SHOG ,YI DAM LHA TSOGS RNAMS KYI BKRA SHIS SHOG ,MA DANG MKHA' 'GRO RNAMS KYI BKRA SHIS SHOG ,CHOS SKYONG SRUNG MA RNAMS KYI BKRA SHIS SHOG ,NAM MKHA'I KHYON LTAR MANGS PA'I PHO BRANG MCHOG ,NYI ZLA'I 'OD DANG MNYAM PA'I 'OD 'PHRO ZHING, ,GRANGS MED RIN CHEN RGYAN GYIS MDZES PA LA, ,DGE MTSAN JI SNYED MCHIS PA'I BKRA SHIS DES, ,KHYED CAG GANG DANG GANG DU GNAS PA DER, YI SHES MTSAN MA 'GA' YANG MI 'BYUNG ZHIG ,ZHING GI 'BYOR PA PHUL DU BYUNG BA YIS, ,BDE LEGS RGYUN MI 'CHAD PA'I BKRA SHIS SHOG (,CES BRJOD PAR BYA'O, ,ZHES PA 'DI YANG DKON RDOR ZHABS GRAS DGE SLONG LHUN GRUB BKRA SHIS NAS
, ,NAN GYIS BSKUL NGOR PHA BONG KHA'I SPRUL MING PAS DKON RDOR BLA BRANG NYID DU SUG BRIS SU BGYIS PA 'GRO DON 'PHEL,,) ` DAD DAM MTSUNGS MED LHA KLU DGA' TSAL BAS, YON SBYAR MTHUN RKYEN 'BREL TSAD BLA MA YIS, ,TSE RABS 'BRAL MED MNYES BZHIN RJES 'DZIN CING, ,ZUNG 'JUG RDO RJE 'CHANG DBANG MYUR THOB SHOG, DGE LEGS 'PHEL,,