, ,SNYAN BRGYUD DBANG BZHI RGYAS PA LEN TSUL GYI,, CHOG SGRIGS THABS MKHAS 'PHRUL GYI DGA' STON BZHUGS, ,LTA SGOM 'CHAL BAR SPYOD DANG MA DAD LA,, SHIN TU GSANG BA SNYING KHRAG THIG LE'I RGYA, ,
, ,NA MO GU RU SHR'I BADZRA HE RU K'A:YA, RGYAL KUN BDAG PO NYID GANG THA MAL GAR, ,BLO BZANG RGYAL NYID BDAG GI BSHES GNYEN ZOL, ,GCIG NYID DU MAR ZLOS KYANG DBYER MED PA'I, ,RANG BZHIN RGYAL KUN 'DUS SKUS RTAG TU SKYONGS, ,SNYAN BRGYUD AA BHI shINYTZA'I DAG BYED KYIS, ,NYAMS CHAG DRI MA NYIN BZHIN SBYONG BYED CING, ,SKU BZHI'I SA BON GRUNG POR BYED PA YI,, THABS MKHAS 'PHRUL GYI DGA' STON 'DIR SPYOD CIG (,DE LA 'DIR DBANG GI CHU BO MA NUB PA ZHES PA BLA MA LAS DBANG BZHI NOD NYIN NAS BRTZAMS TE NYIN RE BZHIN DU TING NGE 'DZIN GYI DBANG BZHI BYIN RLABS RE MA CHAG PAR BGYIS NA DBANG GI BYIN RLABS MI YAL BAR GNAS PA'I DON TE, DE YANG DPER NA TSES GCIG NYIN DBANG BZHI NOD NA TSES GNYIS KYI SKYA RENGS SHAR BA NAS TSES GSUM GYI SKYA RENGS SHAR KHA TSUN LA DBANG BZHI RE MA BYUNG NA BYIN RLABS YAL BAR 'GYUR
, ,BAS NYIN RE BZHIN TING NGE 'DZIN GYI DBANG BZHI RE BLANG BAR BYAS NA DBANG GI CHU BO MI NUB PAR 'GYUR LA, DE YANG DBANG BZHI RGYAS PA MI DGOS PAR SPYI 'GRE BSDUS PA DE GAS RUNG ZHING, 'ON KYANG 'DIR NI DPAL DBEN SA SNYAN BRGYUD KYI MAN NGAG LAS BYUNG BA'I DBANG BZHI BYIN RLABS RGYAS PA LEN TSUL 'DIS NI DBANG GI CHU BO MA NUB PA TZAM DU MA ZAD, SNGAGS SDOM GSO BA LA BDAG 'JUG GI GO CHOD PAR GSUNGS PA DAM TSIG NYAMS CHAG SBYONG BA LA SHIN TU GNAD CHE ZHING, 'DI LA'ANG GSANG BDE 'JIGS GSUM SO SO DANG SBYAR TSUL DANG, DE RE RE LA'ANG RGYAS BSDUS DANG MAN NGAG 'DRA MIN MTHA' YAS BA ZHIG BZHUGS PA LAS, 'DIR BLA MCHOD BDE STONG DBYER MED MA DANG SBYAR TE BLA MA 'KHRO LO SDOM PA'I SGO NAS DBANG BZHI LEN TSUL RGYAS PA SNYAN BRGYUD KYI MAN NGAG GUNG BSGRIG STE PHYOGS GCIG TU NAG 'GROS SU DGOD PA LA, PHUR TSUGS GSOL 'DEBS YAN GZHUNG LTAR LEGS PAR BTANG, LHAG PAR GTZO BO'I THUGS KAR HE RU KA:LUS DKYIL
DANG BCAS PA BSKYED PA'AM; YANG NA GTZO BO NYID GNAS 'GYUR TE HE RU KA:LUS DKYIL DANG BCAS PAR BSKYED, TSOGS ZHING YONGS RDZOGS KYI PHYI ROL TU RTEN GYI DKYIL 'KHOR GZHAL YAS KHANG RTA BABS DANG BCAS PA MTSAN NYID TSANG BA GSAL 'DEBS, NANG DU'ANG PAD RIM DANG PO'I YI DAM BZHI LA RTEN DANG BRTEN PA YONGS RDZOGS GSAL 'DEBS NUS NA BTAB KYANG RUNG BA BDE MCHOG 'KHOR LO SGYUR DRUG DANG 'DRA PAR GSUNGS, MA NUS KYANG NGES PAR MI DGOS, GANG LTAR YANG DMIGS RNAM GSAL POS GDUNG SHUGS DRAG POS DBANG GI DON DU MAndAL MDOR BSDUS SHIG PHUL, DE NAS,) BLA MA HE RU KA:DPAL GYIS, ,DBANG BZHI RDZOGS PAR BSKUR DU GSOL, ,SGRIB BZHI DAG PAR MDZAD DU GSOL, ,SKU BZHI THOB PAR BYIN GYIS RLOBS, (,ZHES LAN GSUM GYIS GSOL BA BTAB,) DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, (,ZHES LAN GSUM GYIS BYANG SDOM GZUNG,) SANGS RGYAS BYANG CHUB SEMS DPA' KUN, ,BDAG LA DGONGS PAR MDZAD DU GSOL, ,BDAG MING MI BSKYOD RDO RJE ZHES, ,DUS 'DI NAS NI GZUNG NAS NI, ,BYANG CHUB SNYING POR MCHIS KYI BAR, ,JI LTAR DUS GSUM MGON PO RNAMS, ,BYANG CHUB TU NI NGES MDZAD PA'I, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,RIGS LNGA SPYI DANG SO SO YI, ,DAM TSIG SDOM PA MA
, ,LUS GZUNG, ,MA BSGRAL BA RNAMS BDAG GIS BSGRAL, ,MA GROL BA RNAMS BDAG GIS DGROL, ,DBUGS MA PHYIN PA DBUGS DBYUNG ZHING, ,SEMS CAN MYA NGAN 'DAS LA DGOD, (,CES LAN GSUM GYIS SNGAGS SDOM GZUNG, DBANG RDZAS BUM CHU, COD PAN, RDOR DRIL RNAMS MA MTHAR RI MOR BRIS PE TSUN CHAD BSHAMS KYANG RUNG ZHING, MED KYANG BSAM GTAN RKYANG PAS KYANG RUNG,) KHAndA RO HIS BSANGS, SVA BH'A WA SA (SBYANGS,) STONG PA'I NGANG LAS MI BSKYOD PA, RIN 'BYUNG, 'OD DPAG MED, DON GRUB RNAMS ZHU BA LAS BYUNG BA'I DBANG RDZAS, BUM CHU, COD PAN, RDO RJE, DRIL BU RNAMS SU GYUR (PAR BSAM, DBANG LHA SPYAN 'DREN PA NI,) BLA MA BLO BZANG HE RU KA:'I THUGS KA'I H'Um GI 'OD ZER GYIS DBANG GI LHA DPAL 'KHOR LO SDOM PA'I DKYIL 'KHOR 'KHOR DANG BCAS PA SPYAN DRANGS, AOm AARGHAm PRA T'ITZTSA H'Um SV'AH'A, (NAS,) SHAPTA PRA T'ITZTSA H'Um SV'AH'A (,ZHES PA'I BAR GYIS MCHOD,) RDO RJE CAN GYIS SANGS RGYAS LA, ,'GRO BA BSKYAB PA'I CHED DU DBANG, ,YON TAN 'BYUNG GNAS JI LTAR BSTZAL, ,DE LTAR 'DI LA STZAL DU GSOL, ,ZHES GSOL BA BTAB PAS, SGO MTSAMS MA BRGYAD KYIS BGEGS BSKRAD, DPA' BO RNAMS KYIS SHIS PA BRJOD, DPA' MO RNAMS KYIS RDO RJE'I GLU LEN, GZUGS RDO RJE MA LA SOGS PAS MCHOD, GTZO BO DANG BLA MA BLO BZANG HE RU KA:'I LHA TSOGS 'KHOR DANG
BCAS PA RNAMS KYIS DBANG BSKUR BA'I DGONGS PA MDZAD, YUM BZHI PHAG MO DANG BCAS PAS RIN PO CHE'I BUM PA BDUD RTZIS GANG BA BZUNG NAS SPYI BO NAS DBANG BSKUR BAR GYUR, BKRA SHIS GANG ZHIG CHOS KYI DBYINGS LAS NGES 'BYUNG BA, HE RU KA:DPAL 'JIGS BYED RGYAL PO 'BAR BA'I SKU, ,SHES RAB PHAG MO'I PADMAR RDO RJES ROL MDZAD PA'I, ,BDEN PA DES KYANG BDE MCHOG LA GNAS BKRA SHIS SHOG ,DBANG BSKUR RDO RJE CHEN PO NI, ,KHAMS GSUM KUN GYIS PHYAG BYAS PA, ,SANGS RGYAS KUN GYI GSANG GSUM GYI, ,GNAS LAS BYUNG BA SBYIN PAR BYA, ,AOm TZAKRA B'I RA STVAm AA BHI shINYTZA MI, ZHES BUM PA'I CHUS DBANG BSKUR, DBANG GI NGO BO BDE BA CHEN PO'I YE SHES SKYES, SGRIB GNYIS BAG CHAGS DANG BCAS PA SBYONG BA'I NUS PA BZHAG (,COD PAN GYI DBANG BSKUR BAR MOS LA,) AOm SARBA BUDDHA d'A KI N'I YE BADZRA WARnnA N'I YE H'Um H'Um PHAt SV'AH'A, AOm Rim R'im Lim L'im NAS, SAm HAm HUm H'Um PHAt, CES COD PAN GYI DBANG BSKUR BAS DBANG GI NGO BO BDE BA CHEN PO'I YE SHES SKYES, GTZUG TOR 'GRUB PA'I NUS PA BZHAG (,RDO RJE'I DBANG BSKUR BAR MOS LA,) HE RU KA:DPAL DPA' SOGS KYIS, ,DENG KHYOD BDAG POR DBANG BSKUR 'GYUR, ,'DI DE SANGS RGYAS THAMS CAD NYID, ,RAB TU GRUB PHYIR RDO RJE ZUNGS,, ZHES RDO RJE'I DBANG BSKUR BAS DBANG GI BO PO BDE BA CHEN PO'I YE SHES SKYES, THUGS 'GRUB PA'I NUS PA BZHAG (,DRIL BU'I DBANG BSKUR BAR MOS LA,) 'DI NI RNAL 'BYOR MA KUN GYI, ,DRIL BU SGRA KUN RJES 'GROR BSHAD, ,KHYOD KYIS KYANG NI RTAG
, ,TU BCANG, ,BYANG CHUB MCHOG TU RGYAL BA BZHED, ,DPA' BO'I LAG TU RDO RJE DRIL, ,BZUNG NGO 'KHOR LO GSUM GYI BDAG ,RANG BZHIN MDZES PAS DGA' BA NI, ,PHYAG RGYA CHEN POR BYIN GYIS BRLAB, , CES DRIL BU'I DBANG BSKUR BAS DBANG GI NGO BO BDE BA CHEN PO'I YE SHES SKYES, CHOS PHUNG BRGYAD KHRI BZHI STONG SGROG PA'I GSUNG DBYANGS 'GRUB PA'I NUS PA BZHAG (,MING DBANG BSKUR BAR MOS LA,) AOm BADZRA SATVA STVAm AA BHI shINYTZ'A MI, BADZRA NA MA AA BHI shE KA TA, KYEE DPAL MI BSKYOD RDO RJE ZHES BYA BA'I DE BZHIN GSHEGS PA'O, ,ZHES MING GI DBANG BSKUR BAS DBANG GI NGO BO BDE BA CHEN PO'I YE SHES SKYES, MTSAN 'GRUB BA'I NUS PA BZHAG GO, (,DE NAS,) DE LTAR RIGS LNGA'I DBANG THOB; NYON MONGS PA LNGA'I DRI MA SBYANGS, PHUNG PO LNGA GNAS BSGYUR, YE SHES LNGA MNGON DU BYAS, DE BZHIN GSHEGS PA RIGS LNGA DANG, DE'I RIGS KYI DNGOS GRUB BSGRUB PA LA DBANG BAR BYAS SO, (,ZHES DAG PA DRAN, DE NAS RDO RJE SLOB DPON GYI DBANG MED NA SNGAGS SDOM GSO MI NUS PAS NGES PAR DGOS LA, SNGA MA RNAMS SU CHER MI GSAL BA MAN NGAG CUNG ZAD SBAS PAR GSUNGS PAS, DES NA RDO RJE SLOB DPON GYI DBANG NGES PAR BLANG BAR BYA LA, DE'I TSUL NI,) RANG NYID SENG KHRI PAD NYI'I STENG DU RDO RJE 'CHANG SNGON PO ZHAL GCIG PHYAG GNYIS KYIS RDO RJE DANG DRIL BU 'DZIN PAS RDO RJE SNYEMS MA SNGON MO GRI GUG DANG THOD PA 'DZIN PA LA 'KHYUD PA'I SPYI BOR AOm, MGRIN PAR A'A:THUGS KAR H'Um, BLA MA BLO BZANG HE RU KA:A'I THUGS KA'I H'Um GI 'OD ZER GYIS BSGOMS PA
DANG 'DRA BA'I YE SHES PA SPYAN DRANGS, PHEEm; DZA:H'Um BAm HO: YE SHES PA DANG GNYIS SU MED PAR GYUR PA'I STENG DU GDUGS, GA-YAS SU RGYAL MTSAN, GA-YON DU BA DAN, MTHA' SKOR DU MCHOD PA'I SPRIN DANG BCAS PAR GYUR, (BLA MA HE DU KAS RDOR DRIL GTAD PA MTSON DON DRAN PA'I DON DU BZUNG BAR MOS TE,) AOm MAH'A BADZRA H'Um, STONG PA NYID DANG DBYER MED PA'I BDE PA CHEN PO'I YE SHES NI GSANG BA'I RDO RJE YIN LA, DE DRAN PA'I DON DU RDO RJE BZUNG BAR BYA'O, ,AOm BADZRA GHAndE A'A: CHOS THAMS CAD RANG BZHIN MED PA'I SGRA DRIL BUS SGROG PAR SEMS PA'I SGO NAS DRIL BU BZUNG BAR BYA'O, ,RANG RDO RJE 'CHANG DU GSAL BA'I YE SHES KYI PHYAG RGYA LA BRTEN NAS DNGOS GRUB THAMS CAD BSGRUB PAR BYA'O, (,ZHES DAM TSIG GSUM GZUNG,) RANG RDO RJE 'CHANG YAB YUM 'KHYUD PA LA BRTEN NAS BYUNG BA'I BDE BA DANG STONG PA NYID DBYER MED DU SBYAR BA DE RDO RJE SLOB DPON GYI DBANG GI NGO BO YIN NO, (,ZHES BRJOD,) JI LTAR BLTAMS PA TZAM GYIS NI, ,DE BZHIN GSHEGS KUN KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS DBANG BSKUR RO, ,AOm SARBA TA TH'A GA TA AA BHI shE KA TA SA M'A YA SHR'I YE H'Um, AOm TZA KRA B'I RA STVAm AA BHI shI NYTZ'A MI, DE LTAR DBANG GI LHA RNAMS KYIS BDUD RTZI'I CHU RGYUN GYIS DBANG BSKUR BAS LUS THAMS CAD GANG, BDE BA CHEN PO'I BDAG NYID DU GYUR, DRI MA THAMS CAD DAG ,CHU'I LHAG MA SBYI GTZUG TU GNAS PA YONGS SU GYUR PA LAS DE BZHIN GSHEGS PA RIGS LNGAS DBU BRGYAN PAR GYUR, DBANG GI LHA RNAMS RANG GI SPYI BO NAS
, ,THIM PAR GYUR, AOm SU PRA TIshthA BADZRA YE SV'AH'A, DAG PA NI, DE LTAR BUM PA'I DBANG THOB, GTZO BOR LUS KYI DRI MA 'KHRUD, LAM BSKYED RIM BSGOM PA LA DBANG BAR BYAS, 'BRAS BU SPRUL SKU 'GRUB PA'I NUS PA KHYAD PAR CAN BZHAG PA YIN NO, (,GSANG DBANG NI,) BLA MA HE RU KA:YAB YUM SNYOMS PAR ZHUGS PA'I DGYES PA'I SGRAS DPA' BO DANG DPA' MO THAMS CAD SPYAN DRANGS, DPA' BO THAMS CAD YAB KYI ZHAL DANG, DPA' MO THAMS CAD YUM GYI ZHAL DU ZHUGS, THUGS KAR 'OD DU ZHU, SKU'I DBYIBS BRGYUD DPA' BO THAMS CAD ZHU BA 'DUS PA'I BYANG SEMS DKAR PO DANG, LHA MO THAMS CAD SNYOMS PAR ZHU BA'I BYANG SEMS DMAR PO GNYIS 'DRES PA KUN RDZOB BYANG CHUB SEMS SU GYUR PA RANG GI LCE THOG TU BZHAG PA MYANGS PAS BDE STONG GI YE SHES SKYES, SKU'I CHA THAMS CAD LAS KYANG BYANG SEMS DKAR DMAR GYI RGYUN DPAG TU MED MED PA BYUNG, RANG GI LUS SPYI DANG MGRIN PA'I GNAS SU THIM GSANG DBANG GI NGO BO BDE STONG GI YE SHES RGYUD LA SKYES PAR GYUR (PAR BSAM, DAG PA NI,) DES GSANG BA'I DBANG THOB, DAG GI DRI MA DAG ,LAM SGYU LUS BSGOM PA LA DBANG ZHING, 'BRAS BU LONGS SKU 'GRUB PA'I SKAL BA CAN DU BYAS SO, (,SHER DBANG NI,) BLA MA HE RU KA:'I YUM PHAG MO DANG, SNYING PO'I RNAL 'BYOR MA BZHI SOGS MKHA' 'GRO MA SO BDUN LAS RANG 'DRA GNYIS PA RE MAR ME GCIG LAS GNYIS CHAD KYI TSUL DU BDE NGE? RANG HE RU KA:RA
GSAL BA'I YUM PHAG MO LA THIM, RANG YAB YUM SNYOMS PAR ZHUGS, PHYOGS BCU'I SANGS RGYAS BYANG SEMS BLA MA LHA TSOGS DANG BCAS PA THAMS CAD LAS RANG 'DRA DPAG TU MED PA BYUNG STE RANG LA THIM PA BYANG CHUB KYI SEMS SU ZHU BA SPYI BO NAS MGRIN PAR SLEB PAN DGA' BA, MGRIN PA NAS SNYING GAR SLEB PA NA MCHOG DGA', SNYING GNAS LTE BAR SLEB PA NA KHYAD DGA', LTE BA NAS NOR BU'I RTZER SLEB PAN LHAN SKYES KYI DGA' BA THOB, KUN RTOG ,GA-YO BYED KYI RLUNG, SNANG MCHED THOB GSUM DANG BCAS PA RIM GYIS THIM PAS 'OD GSAL THAMS CAD STONG PA BDE CHEN CHOS KYI SKU MNGON DU BYAS PAR GYUR PA'I MOS PA BRTAN PO BYA BA NI DBANG GSUM PA'I NGO BO YIN NO, ,DAG PA NI, DE LTAR SHES RAB YE SHES KYI DBANG THOB, YID KYI DRI MA DAG ,LAM 'OD GSAL BSGOM PA LA DBANG ZHING, 'BRAS BU CHOS SKU 'GRUB PA'I SKAL BA CAN DU BYAS SO, (,DBANG BZHI PA NI BLA MA HE RU KA:SA GSUNG BAR MOS TE,) RIGS KYI BU KHYOD KYIS PHYAG RGYA DANG SBYOR BA LA BRTEN NAS THOB PA'I SNANG BA THOB PA'I YE SHES DE, 'OD GSAL BAR SGOMS SHIG ,'OD GSAL DE NI SNANG MCHED THOB GSUM GYI RNAM SHES RNAM PAR DAG PA SHER PHYIN GYI NGO BO YIN LA, DON DAM PA'I BDEN PA DE NI MTHONG BA GZHAN GYI YUL LAS 'DAS PA STE, SHES RAB DANG YE SHES KYI MIG GIS LTOS SHIG ,DE LTAR GZHAN GANG GI'ANG RANG BZHIN DU MA MTHONG BA DE 'OD GSAL MTHONG BA YIN NO, ,DE YI NGO NA RGYU 'BRAS GANG YANG MED MOD KYI, 'ON KYANG KUN RDZOB TU RLUNG SEMS TZAM LAS GRUB PA'I LHA SO BDUN
, ,GZUGS BRNYAN LTAR GSAL LA RDZOGS PA ,'JA' TSON LTAR KHA DOG MA 'DRES PAR SO SOR SNANG BA, CHU ZLA LTAR SGRO SKUR DANG BRAL BAR LTES SHIG ,DE LTA BU'I KUN RDZOB DANG DON DAM 'OD GSAL GNYIS DBYAR MI PHYED PAR ZUNG DU 'JUG PA NI BYANG CHUB KYI SEMS CHEN PO STE DBANG BZHI PA YIN NO, ,ZHES GSUNGS SHING, BLA MA BLO BZANG HE RU KA:THUGS SHIN TU DGYES PA'I SGO NAS SKU LAS RANG 'DRA GNYIS PA CHAD DE RANG LA SHIN TU DGYE SGO GSUM GYI SDIG SGRIB GNYIS SNANG 'KHRUL PA'I BAG CHAGS DANG BCAS PA DAG STE RANG YAB YUM STOD SMAD NAS 'OD DU ZHU STE THUGS KA'I H'Um LA THIM, DE YANG 'OD DU ZHU NAS 'OD GSAL THAMS CAD STONG PA NYID NGANG DU GYUR, 'OD GSAL DE YI NGANG LAS SKAD CIG GIS RANG NYID ZUNG 'JUG DANG PO'I MGON PO HE RU KA:YAM YUM GYI SKUR BZHENGS PAS BLA MA BLO BZANG HE RU KA:'I SKU GSUNG THUGS GSUM DANG RANG GI LUS NGAG YID GSUM DBYER MED RO GCIG TU (GYUR PAR BSAMS PA NI DBANG BZHI PA YIN NO, ,DAG PA NI,) DE LTAR TSIG DBANG RIN PO CHE THOB, SGO GSUM GYI DRI MA'I BAG CHAGS DAG ,LAM BSAM MI KHYAB DBYER MED ZUNG 'JUG GI RDZOGS RIM BSGOM PA LA DBANG ZHING, 'BRAS BU ZUNG 'JUG RDO RJE 'CHANG 'GRUB PA'I SKAL BA CAN DU BYAS SO, (,DE NAS GTANG RAG GI MAndAL MDOR BSDUS PHUL TE DKYUS LA 'JUG PAR BYA'O, ,DE LTA BU'I DBANG BZHI BYIN RLABS KYI TSUL DU LEN TSUL RGYAS PA 'DI NI DPAL DBEN SA SNYAN BRGYUD KYI MAN NGAG THOR BUR BZHUGS
PA RNAMS GUNG BSGRIGS TE PHYOGS GCIG TU BKOD PA YIN LA, SHIN TU GSANG BA'I MAN NGAG BLA NA MED PA 'DI NI DMIGS GNAD BRTAN POS NYAMS SU BLANG NA RTZA LTUNG SOGS DAM TSIG NYAMS CHAG GSO BA LA BDAG 'JUG BLANGS PA DANG KHYAD PAR MED PAR GO CHOD PAR MKHAS GRUB GONG MA DU MA'I GSUNG RGYUN LAS BYUNG ZHING, BDAG GI RTZA BA'I BLA MA MKHAS GRUB CHEN PO DAG GI ZHAL LAS KYANG DNGOS SU THOS PAS YID CHES PA'I GNAS SU BZUNG BAR BYA'O, ,SPYIR TING NGE 'DZIN GYI DBANG BZHI TZAM LEN PA LA LAS RUNG GI BSNYEN PA MI DGOS PAR GONG LTAR DBANG NOD PA'I PHYI NYIN NAS BRTZAMS TE LEN DGOS SHING, BLANGS KYANG RUNG PA, DES DBANG GI CHU BO MI NUS PAR 'GYUR NGES PA GSUNG RGYUN LAS BYUNG BA LTAR YANG, DBANG BZHI RGYAS PAS BDAG 'JUG GI GO CHOD PA LA LAS RUNG DANG, KHA SKONG GI SBYIN SREG DANG BCAS PA ZHIG SNGON DU 'GRO DGOS PAR SEMS SHING, DE LTAR SONG NAS DMIGS GNAD BRTAN POS NYAMS SU BLANG NA SNGAGS SDOM GSO BA LA BDAG 'JUG GI GO CHOD PAR RIGS PAS KYANG BSGRUB BAR NUS SO, ,DE LTAR SNYAN BRGYUD DBANG BZHI BYIN RLABS RGYAS PA LEN TSUL GYI MAN NGAG NAG 'GROS SU BKOD PA 'DI NI, 7MI RJE SKU NGO LAS TSAN PA THUB BSTAN KUN 'PHEL MCHOG NAS JI LTAR BSKUL MA MDZAD PA BZHIN, RANG GZHAN BDAG 'JUG RGYUN 'KHYER MI NUS PA RNAMS LA DAM TSIG NYAMS CHAG SBYONG BA LA SHIN TU GNAD CHE BAR BSAMS NAS PHA BONG KHA'I SPRUL MING PAS, SNYAN BRGYUD ZHAL SHES KYI YIG CHA DU MA DANG, RANG GI RGYUN KHYER NYAMS LEN GNYIS GUNG BSGRIGS TE SHIN TU RGYAS SHING GSAL BAR RAB RGYAL ME GLANG LO KHRUMS STOD ZLA BA'I DMAR PHYOGS KYI RDZOGS PA DANG PO'I CHOS LA RONG PO RE STOD KYI CHOS SGAR 'GRO 'DREN LDING KHANG DU SBYAR PA'I YI GE PA NI 'DAN CHOS 'KHOR DGON GYI GRA RIGS DGE SLONG BLO BZANG RDO RJES BGYIS PA 'GRO DON 'PHEL,, ` ,,
, ,GANG ZHIG MYUR LAS MYUR BAR ZUNG 'JUG GI, ,GO 'PHANG MNGON DU BYED LA CHES RINGS KYANG, ,MYUR BA MYUR BAR DAM TSIG NYAMS CHAG GIS, ,RDO RJE'I DMYAL BAR GZHOL BA CHES CHER MANG, ,DE DAG DE LAS MYUR BAR SKYOB PA'I THABS, ,BYANG CHUB RDO RJE NYID KYIS GANG GSUNGS PA, ,BLO BZANG RGYAL BA'I ZHAL LUNG LAS 'ONGS PA, ,BYA SLA DON CHE'I MAN NGAG 'DIR 'JUG RIGS, ,DE PHYIR SNGAGS SDOM DAG PAR BYA BA YI, ,DON GNYER SNYING POR SPYOD LA CHES MKHO PHYIR, ,MI RJE LAS TSAN THUB BSTAN KUN 'PHEL NAS, ,RGYU SBYAR 'DZAD MED PAR GYI 'PHRUL GZHIR SPEL, ,'DI LAS 'ONGS PA'I RNAM DKAR STON ZLA'I SPUN, ,JI SNYED THOB PA DE YIS BDAG GZHAN KUN, ,NYAMS CHAG NYES PA'I TSA GDUNG KUN BCIL NAS, ,MYUR BA MYUR BAR RDO RJE 'CHANG THOB SHOG ,RGYU SBYOR NYID KYANG SMIN BYED RGYU YI DBANG, ,GROL BYED LAM GYI DBANG BZHIS NYER BSKYANGS PAS, ,GROL BA 'BRAS BU'I DBANG BZHI'I GO 'PHANG LA, ,MYUR BA MYUR BAR BDE BLAG SPYOD GYUR CIG (,CES PA 'DI YANG ZAB NGON RTZOM PAR BSKUL PA PO MI RJE MDO LAS LAS TSAN PA THUB BSTAN KUN 'PHEL MCHOG NAS RGYU SBYAR PAR BSKRUN MDZAD PA'I DGE BSNGO'I TSIGS SU BCAD PAR PHA BONG KHA PAS SBYAR BA'O,, 7SA BYI LOR 'DZUGS ZHUS SONGm,