*, (,DAM CAN CHOS KYI RGYAL PO PHYI SGRUB LA BRTEN NAS GTOR CHEN DRUG CU PA'I SNGON 'GRO'I SA CHOG LAG LEN GYI RIM PA GSAL BYED NYI MA GSAR PA ZHES BYA BA BZHUGS SO, ,)
, ,NA MO GU RU SHR'I BADZRA BHEE RA W'A YA, RGYAL KUN YE SHES THIG LE GCIG 'KHYIL GANG, ,MI SDUG MIG SMAN LHUN PO BSKYOD PA'I NYAMS, ,SRID GSUM KHAM DU ZA BA'I MA HE'I GDONG, ,SROG PA BUD GSHIN RJE'I RGYAL BOD BZHENGS SHIG (,'DIR SKABS KYI DON GLENG BAR BYA BA NI GSHIN RJE RNAM RGYAL GYI RGYUD LAS, DE NI 'JAM DPAL DBYANGS KYIS NI, ,KHRO BO'I MING NI GSHIN RJE'I GSHED, , MTSON CHA ME LCE 'BAR BA 'KHRIGS, ,'DI MTHONG NAS NI KHRO BO GZHAN, ,THAMS CAD KYIS NI LAG CHA SHOR, ,ZHES GSUNGS PA LTAR MGON PO 'JAM DPAL DBYANGS SNYIGS MA'I DUS KYI GDUL BYA 'DUL DKA' BA BDUD DANG GSHIN RJE SOGS MA RUNGS PA RNAMS 'DUL BA'I SLAD DU KHRO TSUL BZHI'I NANG NAS, CHES SHIN TU KHROS PA DPAL RDO RJE 'JIGS BYED CHEN PA'I SKUR BZHENGS NAS BDUD DANG SHIN RJE RNAMS PHAM PAR MDZAD PA YIN PAS, RJE BCUN 'JAM
, ,DPAL DBYANGS KYIS RJE BLA MA TZONG KHA PA CHEN PO LA SNYIGS MA'I DUS 'DIR YI DAM 'DI LTA BU LA MA BRTEN NA BAR GCOD KYI DBANG GIS CHOS SGRUB PA MGO MI THON PAR GSUNGS PA LTAR YI DAM 'DIR NGES PAR) BRTEN DGOS SHING, RTZA BA'I RGYUD (RTOG PA BDUN PA LAS KYANG, DE NI LHA RNAMS THAMS CAD LA, ,DRAG SHUL CHE ZHING 'JIGS PAR BYED, ,CES DANG, DMAR PO'I RGYUD LAS, 'KHRUL 'KHOR MTHAR THUG GSHIN RJE'I GSHED,, MA BYUNG 'BYUNG BAR MI 'GYUR RO, ,ZHES GSUNGS PA LTAR RGYA BOD KYI MNGON SPYOD DRAG LAS TSAD THUB PHAL CHER YI DAM 'DIR BRTEN PAR MNGON NO, ,DES NA 'DI'I 'PHRIN LAS KYI RIM PA 'KHOR LO LA BRTEN PA DANG, GTOR MA LA BRTEN PA GNYIS LAS, PHYI MA LA'ANG, THUN MONG MIN PA 'KHRUL 'KHOR LUGS DANG, ZHA LU'I RTZA TSIG LTAR BYA BA DANG, BCU GSUM MA'I SGRUB THABS JI LTA BA'I LUGS SU BYA BA DANG, CHOS RGYAL KHO NA LA BRTEN PA'I LUGS BZHI LAS, DA
LAM PHYI MA 'CHAD BA LA GSUM, RTZA TSIG LAS 'BYUNG BA LTAR GYI YO BYAD GSOG PA, SA CHOG BYAS SHING THIG GDAB PA, GTOR MA DRAS SHING BRTZIG PA'I TSUL LO, ,DANG PO NI, RDUL TSON RDO RGYUS RO SOL DANG, ,'BRU BCUD BDUD RTZI MNGAR GSUM DANG, ,SMAN DANG RIN CHEN 'BRU SNA DANG, ,SHA KHRAG PHYE SOGS STA GON BYA, ,ZHES SKABS 'DIR DRAG LAS GTZO BOR GSUNGS PAS DKYIL 'KHOR 'BRI RDZAS NI, MI RUS KYI PHYE MA'I RDUL TSON LA RDO RGYUS KYI PHYE MA DANG, RO SOL BSRES PA, GTOR MA'I RGYU NAS NAG RJEN BTAGS LA 'BRU BCUD DE CHANG GAR MA, SHA LNGA, BDUD RTZI LNGA, DKAR GSUM MNGAR GSUM, BZANG DRUG SOGS SMAN SNA, RIN PO CHE DANG 'BRU SNA, SHA CHEN KHRAG CHEN TSIL CHEN SOGS DRAG PO'I SGER CHAS RNAMS DANG RO SKRA'I THIG SKUD SOGS 'DU BYA ZHING, GZHAN YANGS CHOG GI MCHOD GTOR NI, YI DAM GYI GTOR MA SNYING GZUGS CAN DANG, GA-YAS SU LAS GSHIN LA DMAR GTOR, GA-YON DU PHYOGS SKYONG GI GTOR MA BAD 'DAB CAN, GZHI BDAG DANG SA YI LHA MOR DKAR GTOR RE RE, BDAG MDUN GYI CHU GSUM SNGON 'GRO'I NYER SPYOD GNYIS, LAS GSHIN, GZHI BDAG DANG SA LHA'I MCHOD BA SNGA PHYI GNYIS BCAS STA GON BYA'O, ,GNYIS PA NI, 'JIGS BYED DPA' BO GCIG PA'I BDAG BSKYED SNGON DU 'GRO DGOS PAS, KLA BRGYUD DANG, SKAD CIG DKRONG BSKYED, RDOR DRIL PHYIN RLABS NAS BZLAS PA'I BAR DANG, 'PHRENG BA BYIN RLABS BYAS LA SNGAGS GSUM CI MANG BZLAS, BZLAS PA'I MTHAR AOm HR'I: shnrI: HA SOGS KYIS MCHOD, NANG MCHOD 'BUL, GZUGS MCHOG MAS BSTOD, DE NAS GTOR MGRON RGYAS BA BYA TSUL NI, BDAG BSKYED LTAR MCHOD BA BYIN GYIS BRLABS NAS,) AOm SVA BH'A WA NAS SHUDDHONYTAm, CHOS THAMS CAD STONG BA NYID DU GYUR, STONG PA'I NGANG LAS YAm LAS RLUNG GI DKYIL 'KHOR
, (,ZHES PA NAS,) PHYOGS BCUR 'PHRO BAR GYUR, RVA BA'I DBUS SU RDO RJE SEMS DPA' (ZHES PA NAS,) YAm LAS RLUNG GI DKYIL 'KHOR NAG LA CUNG ZAD DMAR BA'I MDOG CAN GYI STENG DU SNA TSOGS PADMA DANG ZLA BA DANG NYI MA'I GDAN GYI STENG DU H'Um LAS RDO RJE H'Um GIS MTSAN PA, DE YONGS SU GYUR PA LAS DPAL RDO RJE 'JIGS BYED CHEN PO (ZHES SOGS BDAG BSKYED LTAR DANG,) DE'I MIG GNYIS SU SA SNYING GI RANG BZHIN (ZHES PA NAS,) H'Um YIG MTHING GA 'OD ZER LNGA 'PHRO BA, (SPYAN 'DREN BA NI,) DZA: 'JAM DPAL RANG BZHIN (NAS) KU RU SV'AH'A, RANG GI THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA PA'I YE SHES PA DPAL RDO RJE 'JIGS BYED DPA' BO GCIG PA'I RTEN DANG BRTEN PA'I DKYIL 'KHOR PHYOGS SKYONG DANG BCAS PA SPYAN DRANGS, AOm HR'I:shtR'I: X AOm HR'I:shtR'I:HA NAS, AOm KHANG+GA HO: PHYOGS SKYONG RNAMS DKYIL 'KHOR GYI PHYI'I PHYOGS MTSAMS RNAMS SU 'KHOD PAR GYUR, AOm HR'I:HA BHO NAS, RTZA ZHAL GYI DBU LA MI BSKYOD PAS DBU BRGYAN CING, DBANG GI LHA RNAMS DE NYID LA THIM PAR GYUR, RGYAL BA RNAMS NI (SOGS ROL MO'I BAR DANG, NANG MCHOD 'BUL, BSNYOD PA NI,) H'Um; 'JAM DPAL MKHA' LAS (NAS,) MNYAM NYID KHYOD LA PHYAG 'TSAL BSTOD, ,AOm YA MA R'A DZA (SOGS SNGAGS GSUM GYI BZLAS PA BYA, YIG BRGYA BZLA, GTOR MA BYIN GYIS BRLABS NAS,) MGRON RNAMS KYI LJAGS H'Um LAS X X X GSOL BAR GYUR, (CES GTOR MA PHUL LA SNGAGS KYIS MCHOD, NANG MCHOD 'BUL,) GNYIS MED
THUN MONG SOGS KYIS BSTOD, PHYOGS SKYONG 'KHOR DANG BCAS PA RNAMS KYI X X X 'PHRIN LAS MDZOD CIG (,DE NAS LAS GSHIN GYI MCHOD GTOR BYIN GYIS BRLABS LA,) MDUN DU PADMA NYI MA MA HE'I (ZHES PA NAS 'CHI BDAG MA MJUG RDZOGS PAR RGYUN 'DON LTAR DANG, YIG BRGYA, BZOD GSOL MJUG) ,BADZRA MU: 'JIG RTEN LAS 'DAS PA'I MGRON GYI YE SHES PA GSHEGS, DAM TSIG PA BDAG NYID LA THIM, MGRON GZHAN RNAMS RANG GNAS SU GSHEGS PAR GYUR, (GZHI BDAG SA SLONG NI, MCHOD GTOR GNYIS BYIN GYIS BRLAB,) RANG GI THUGS KA'I H'Um GI 'OD ZER GYIS GZHI BDAG 'KHOR BCAS SPYAN DRANGS, AOm KshE TRA P'A LA SA BA RI W'A RA AARGHAm (NAS) SHAPTA'I (BAR DANG, NANG MCHOD 'BUL,) AA K'A RO MU KHAm (SOGS LAN GSUM GYIS GTOR MA 'BUL, DRIL BSIL DANG BCAS,) GANG YANG 'DIR GNAS LHA DANG KLU, ,GNOD SBYIN SRIN PO'AM NI GZHAN, ,DE DAG RNAMS LA SA 'DI NI, ,BDAG ZHU KHYED KYIS STZAL DU GSOL, (,LAN GSUM GYIS GSOL BA BTAB,) DGYES BZHIN DU GNANG BA BYIN NAS RANG GNAS SU GSHEGS PAR GYUR, (DE NAS DKYIL 'KHOR GANG DU BYA BA'I GZHI DE'I DBUS SU DRI'I THIG LE BYA, ME TOG GI TSOM BU GCIG 'GOD,) TSOM BU'I STENG DU BAm LAS BYUNG BA'I LHA MO SER MO RGYAN SNA TSOGS KYIS BRGYAN PA, LUS PHYED THON PA, GA-YAS DAM BCA' BAR KHAS LEN PA'I PHYAG RGYA, GA-YON RIN PO CHE'I BUM PA 'DZIN PA, LAG PA GA-YAS PA'I MTHIL DU ZLA BA'I DKYIL 'KHOR GYI STENG DU H'Um, RDO RJE RTZE GSUM PA'I PHYAG RGYAS LA LAN GSUM BRDABS BA DE'I SGRA DANG H'Um GI 'OD ZER GYIS YE SHES KYI LHA MOS
, ,'OG NAS SPYAN DRANGS, DAM TSIG BA LA THIMS PAS GNYIS SU MED BAR GYUR, DBANG GI LHAS DBANG BSKUR, RNAM SNANG GIS DBU BRGYAN PAR GYUR, (MCHOD GTOR BYIN GYIS BRLAB,) AOm PRI THI DE W'I BHYA: SA PA RI W'A RA AARGHAm (NAS) SHAPTA'I (BAR DANG, SNGAGS DER,) AA K'A RO (BTAGS PA LAN GSUM GYIS GTOR MA 'BUL, DRIL BSIL DANG BCAS,) SKYOBS PA SANGS RGYAS THAMS CAD KYI, ,SPYOD PA'I TSUL DANG KHYAD PAR DANG, ,SA DANG PHA ROL PHYIN RNAMS LA; ;LHA MO KHYOD NI DBANG DU GYUR, ,SKYOBS PA SH'AKYA SENG+GE YIS, ,JI LTAR BDUD KYI DPUNG BCOM PA, ,DE LTAR BDAG GIS BDUD KYI DPUNG, ,BCOM NAS DKYIL 'KHOR BRI BAR BGYI, (,ZHES LAN GSUM BRJOD,) DKYIL 'KHOR GYI LAS CI BDE BAR GYIS SHIG CES GNANG BA BYIN NAS DE NYID LA THIM PAR GYUR, (DE NAS SA SPYANG BA NI, DKYIL 'KHOR GYIS LA YUNGS KAR CHU THAL BA RNAMS KYIS LAN GSUM GSUM BRABS NAS LAS SNGAGS KYANG TSAR DGU BRJOD, BA BYUNG DANG DRI BZANG GIS SHAR NAS BRTZAMS PHYOGS THAMS CAD LA BYUG GO, ,DE NAS RDO RJE DANG BCAS PA'I SA GNON GYI PHYAG RGYA PHYAGS LA,) AOm BH'Um KHAm, SA GZHI STONG PA NYID DU GYUR, H'Um LAm SA GZHI RDO RJE'I RDUL PHRA RAB KYI RANG BZHIN DU GYUR, AOm ME DE NI BADZRI BHA WA BADZRA BANDHA H'Um, SA GZHI RDO RJE'I RANG BZHIN DU BCINGS TE BRTAN PAR GYUR, AOm HA NA HA NA BADZRA KRO DHA H'Um PHAt, RDO RJE KHRO BOS BGEGS RNAMS BCOM PAR GYUR, SA LA SOGS PA'I CHOS THAMS CAD STONG PA NYID DANG RO GCIG PAR GYUR, (CES SA BYIN GYIS
BRLAB, DE NAS THIG GDAB PA NI, RTOG PO GSUM PA LAS,) DON DAM CHOS SKU ZHI BA NYID, ,GANG 'DIR KHAMS GSUM RNAM RGYAL TE, ,GSHIN RJE'I DGRA ZHES GRAGS PA YI, ,'KHOR LO BSKOR BA'I CHO GA BSHAD, ,YON TAN LDAN PA'I... SNGAGS PAS NI, ,CHO GA BZHIN DU BSNYEN PA YIS, ,DUR KHROD DBEN PA LA SOGS PA, ,MAndAL KHU DO'I TSAD DU BYA, ,DRI DANG BA YI RNAM LNGA DANG, ,NYI ZLA SOGS PA'I BYI DOR BYA, ,SHA LA SOGS PA DAM RDZAS LNGA, ,GZHAN YANG TSOGS KYI 'KHOR LO DANG, ,PHYI NANG MCHOD PA'I BYE BRAG GIS, ,LEGS PAR MCHOD PA BYAS NAS NI, ,'KHOR LO BRI DANG BTUB DANG, ,DRANG DANG BSRE DANG SPO BA BRTZOM, ,SNGAGS PA RNAL 'BYOR LDAN PA YIS, ,LHO YI PHYOGS SU KHA BLTAS TE, ,DAM TSIG RJES SU DRAN PA YIS, ,AOm BADZRA SA MA YA STVAm, GSANG SNGAGS 'DI NI DRAN BYED CING, ,'KHOR LO BRI BA BRTZAM PAR BYA, (,ZHES GSUNGS PA LTAR, GANG DU THIG GDAB PA'I SA GZHI DE NYID LA, KHRAG DANG DRI CHEN DANG, BHIshA DANG, LAN TSA DANG, (SKE TSE DANG, NI MA PA DANG, DA DU RA'I KHU BAS CHAG CHAG LEGS PAR GDAB, RANG LHA'I NGA RGYAL LA GNAS PAS KHA LHOR PHYOGS PA'AM MOS NAS DAM TSIG RJES SU DRAN PAS, SA MA YA STV'Am, ZHES BRJOD DE, DE NAS DRUG CU PA'I THIG GDAB TSUL DNGOS NI,) TSANGS ZUR THIG BZHI SPYI LTAR GDAB, ,LTA BA'I GNAS NI SOR BZHI DANG, ,BRGYAD DANG BCU GNYIS BCU DRUG MTHAR, ,THIG ZLUM BZHI PO DE'I NANG DU, ,ZLUM PO DANG PO'I NANG DU NI, ,RANG PHYOGS SHAR RTZIS NUB PHYOGS KYI, ,ZLUM NANG TSAD PA'I PHYED
, ,TSANG KYIS, ,GA-YAS GA-YON STENG DU BYA RJES BYA, ,BYA RJES STENG DU SHAR PHYOGS KYI, ,TSANGS DANG ZLUM THIG 'PHRAD PA'I BAR, ,REG PA'I THIG GSUM NGOS GSUM DU, ,GDAB PA'I CHOS 'BYUNG GRU GSUM DANG,, DE'I PHYIR SOR MO BRGYAD PO LA, ,KLU 'KHOR NANG THIG TSANGS ZUR NAS, ,TSANGS THIG STENG NAS TSANGS THIG DANG, ,ZUR THIG GI NI ZU RA THIG GNYIS, ,GDAB PAS GRU BZHI BSNOL MA 'BYUNG, ,BTU GNYIS RTZIBS KYI NANG THIG NI, ,TSANGS THIG GNYIS PO GNAS PA LA, ,GZHAN DBYE DE YI PHYI ZLUM GYI, ,RANG NGOS SHAR RTZIS NUB PHYOGS KYI, ,TSANGS DANG ZLUM THIG 'PHRAD PA NAS, ,ZLUM NANG TSAD PA'I PHYED TSAD KYI, ,GA-YAS GA-YON STENG DU BYA RJES BYA, ,BYA RJES STENG NAS SHAR PHYOGS KYI,, TSANGS DANG ZLUM THIG 'PHRAD PA'I BAG ,REG PA'I THIG GSUM NGOS GSUM DU, ,GDAB PA'I CHOS 'BYUNG GRU GSUM STE, ,PHYOGS BZHIR TSANG THIG REG BYAS PA'I, ,CHOS 'BYUNG BSNOL MA BZHI 'BYUNG STE, ,BCU GNYIS RTZIBS KYI THE TSOM MED; ;BCU DRUG RTIBS KYI NANG THIG NI, ,TSANG ZUR THIG BZHI RE RE RE YANG, ,BAR DU'ANG RE GDAB PHYOGS PHYOGS BZHI, ,BCU DRUG DBUS SU RE'U MIG BYA, (,ZHES GSUNGS PA LTAR, THOG MAR LHO BYANG GI TSANGS THIG ,DE NAS SHAR NUB KYI TSANGS THIG ,DE NAS ZUR THIG GNYIS GDAB PAR BYA'O, ,DE NAS LTE BA NAS RGYA KHYON SOR BZHIS ZLUM BOR BSKOR BAR BYA STE, ZLUM PO DE'I NANG RTZE MO LHO PHYOGS SU BSTAN PA'I CHOS 'BYUNG GI THIG GDAB, ZLUM PO DE'I PHYI ROL TU SOR BZHI BZHIS LHAG PA'I ZLUM
PO GSUM BSKOR BA'I NANG MAR THIG CHEN BRGYAD DBUS SU 'GRO BA'I RTZIBS RE BCAS, DE'I PHYI MA LA PHYOGS BZHI'I TSANGS THIG DBUS SU 'GRO BA'I RTZIBS RE DANG, MTSAMS BZHIR ZUR THIG GA-YAS SU RTZIBS RE, GA-YON DU RTZIBS RE RE STE RTZIBS BCU GNYIS BYA'O, ,DE'I PHYI ROL THIG CHEN BRGYAD DBUS SU 'GRO BA'I RTZIBS RE DANG, ZUR THIG DBUS SU 'GRO BA'I RTZIBS KYI GA-YAS GA-YON DU RTZIBS RE RE STE RTZIBS BCU DRUG BRI BA'O, (,PHYI'I CHOS 'BYUNG NI,) TSANGS PA'I DBUS NAS PHYI ROL TU, ,SOR MO 'JAL BA'I SOR TSAD NI, , SO GNYIS BAR DU ZLUM THIG BYA, ,RANG PHYOGS SHAR RTZIS NUB PHYOGS KYI, ,ZLUM NANG TSANGS THIG PHYED TSAD KYI, ,GA-YAS GA-YON ZLUM STENG BYA RJES BYA, ,BYA RJES STENG DU SHAR PHYOGS KYI, ,TSANG THIG ZLUM THIG 'PHRAD PA'I BAR , ,RIG PA'I THIG GSUM NGOS GSUM DU, ,GDAB PAS CHOS 'BYUNG GRUB GSUM STE, ,DE'I PHYIR SOR MO BZHI DANG BRGYAD, ,BSKOR MTSAMS CHA PHRAN GNYIS DANG BZHI, ,DOR BA CHOS 'BYUNG SNGA MA BZHIN, ,GNYIS GDAB RDO RJE'I SA DANG ME, (,ZHES GSUNGS SHING, DE'I DON NI, DE'I PHYI ROL LTE BA NAS SOR SO GNYIS SONG PA'I ZLUM BSKOR LA BYA RJES BLANGS TE, RTZE MO SNGAR BSHAD PA LTAR LHO RU BSTAN PA'I CHOS 'BYUNG GI THIG GDAB PA NANG THIG DANG, DE'I PHYI NAS RIM PAS SOR BZHI DANG BRGYAD KYIS CHE BA'I ZLUM POR BYA RJES BLANGS TE THIG GNYIS GDAB PA'I DAD PO SOR GNYIS RDO RVA, GNYIS PA SOR BZHI ME RI BRI BA'I GNAS SO, ,RTZA BAR, RANG PHYOGS SHAR RTZIS NUB PHYOGS KYI, ,ZHES SOGS SKABS RANG GANG DU BSDAD PA'I PHYOGS DE SHAR DU BRTZIS PA'I CHOS 'BYUNG PHYI NANG GI RTZE SHAR RAM RANG THAD BSTAN PAR BSHAD PA DANG, YIG CHUNG DU CHOS 'BYUNG GI RTZE MO LHOR
, ,BSTAN BAR BSHAD PA GNYIS ME 'GAL TE, SNGA MA NI THIG SKYI 'GRO'I LUGS LTAR RANG PHYOGS SU SHAR BRTZIBS 'KHRUL GZHI CHUNG ZHING 'JUG PA BDE BA'I DBANG DU BYAS PA YIN LA, PHYI MA NI DRAG PO GTZO CHE BA'I DBANG DU BYAS NAS LHA'I GTZO BO'I ZHAL GANG DU STON PA'I PHYOGS DER LHO'I THA SNYAD BYAS PA YIN PAS DON LA MI 'GAL ZHING, DON DU SHAR DANG LHO'I THA SNYAD JI LTAR BTAGS KYANG PHYOGS SPYI'I DBANG DU BYAS PA MIN PAR GTZO BO'I ZHAL STON SA NGOS, RANG NYID SDOD PA'I PHYOGS DER BRTZI BAR BYA DGOS LA, DES NA 'OG TU YI GE 'GOD TSUL YANG 'DIS RIGS 'GRE BAR SHES BAR BYA'O, ,DE NAS LAG PA THAL MO SBYAR LA GUNG MO GNYIS RTZE SPRAD, MTHE'U CHU NGA GNYIS KYANG DE BZHIN DU SBYAR, MDZU' MO DANG MING MED GNYIS BGUG ,MTHE BONG GNYIS MNYAM PAR BYAS PA GSHIN RJE GSHED KYI DAM RGYA BCINGS LA,) AOm HR'I:shTR'I: WI KRI T'A NA NA MA MA SHA TRUm M'A RA YA NA SHA YA STA MBHA YA BHA NDHA YA H'Um H'Um PHAt PHAt, (CES BZLAS SHING DBUS SU YI GE YA KHA LHOR BSTAN PA BRI, LHO'I RE MIG TU MA, SHAR DU KshE, BYANG DU DA, NUB TU ME, MTSAMS BZHIR H'Um RE MGO PHYIR BSTAN PA BRI, LHA'I YI GE MI'I THAD PHYI ROL GYI RTZIBS KYI NANG DU R'A; DE NAS RIM BZHIN RTZIBS RE RER DZ'A DANG, SA DANG, DO DANG, RU DANG, nA DANG, YO DANG, NI DANG, RA DANG, YA DANG, TZTSA DANG, NI RNAMS RIM PA BZHIN DU BRI BAR BYA'O, ,SNGAGS KYI RGYAL PO PATZTSA PA YANG, ,BCU DRUG KHYIM DU SPEL TE BRI, ,ZHES GSUNGS PA'I DON 'KHRUL 'KHOR DANG 'DIR DRUG CU PA'I SKABS GNYIS MI 'DRA STE, 'KHRUL 'KHOR GYI SKABS NI, LAS SNGAGS YI GE BCU PA DANG, LAS MTHUN SPEL TSIG GNYIS SPEL BA YIN LA, 'DIR NI YI GE BCU PA DANG, NYE SNYING YI GE BDUN PA SPEL BA YIN PA'I PHYIR RO, ,'O NA LAS MTHUN SPEL TSIG GI
DOD DU NYE SNYING BCUG PA MA GTOGS LAS SNGAGS RTZIBS LA 'GOD TSUL 'KHRUL 'KHOR DANG MTHUN NAM SNYAM NA DE YANG MA YIN TE, 'KHRUL 'KHOR NI SLOB DPON MI BGYOD PAS MDZAD PA'I RTOG BDUN GYI 'GREL PA LAS MA YIG THAD KYI LHA'I RE MIG DBUS MA RI MIG DANG POR BYAS PA LA AOm; DE NAS GA-YAS SKOR DU RE MIG RE RE BAR DU DOR NAS, RE MIG GSUM PA LA HR'I: LNGA PA LA shtR'I:BDUN PA LA WI, DGU BA LA KRI, BCU GCIG PA LA T'A NA NA, BCU GSUM PA LA H'Um, BCO LNGA PA LA PHAt 'GOD PA GSUNGS PA LTAR YIN LA, 'DIR NI BCU GCIG PA LA T'A, BCU GSUM PA LA NA NA, BCO LNGA PA LA H'Um, BCU DRUG PA LA PHAt 'GOD PAS SO, ,DENG DUS MTHONG BA BRGYUD PA'I PHYAG LEN YOD KHUL 'GA' ZHIG GI YI GA BRI TSUL LA YID GTAN THUB PA MI SNANG NGO, ,DES NA 'DIR RTZIBS BCU DRUG PAR, LHO NAS RIM PA BZHIN DANG POR AOm, GNYIS PAR AOm, GSUM PAR HR'I: BZHI PA LA YA, LNGA PA LA shtR'I; DRUG PA LA M'AN, BDUN PA LA WI, BRGYAD PA LA TA, DGU PA LA KRI, BCU PA LA KA ,BCU GCIG PA LA T'A, BCU GNYIS PA LA H'Um, BCU GSUM PA LA NA NA, BCU BZHI PA LA PHAt, BCO LNGA PA LA H'Um, BCU DRUG PA LA PHAt RNAMS 'BRI BAR BYA'O, ,BRI BA'I SKABS GONG GI SNGAGS BZLA DGOS KYANG, PHYAG RGYA NI TSON LEN PA LA 'JUG PA'I SNGON DU YIN GYI, PHYAG RGYA BCINGS BZHIN PAS BRI BA MA YIN NO, ,TSON BA KYI LUGS NI, LCAGS MKHAR RTZIBS THAMS CAD SNGON PO, RE KHA DKAR PO, PHYI NANG 'KHOR LO'I RTZIBS KYI BAR STONG NYER GSUM RNAMS NAG PO, DBUS KYI YI GE YA'I KHA DOG MTHING NAG ,YA'I LTE BA'I NANG GI nI TRI NAG PO, NANG GI 'KHRO LO RTSIBS BRGYAD KYI SHAR RAM MDUN NAS BRTZAMS TE YI GE BRGYAD RIM PA BZHIN GA-YAS SKOR DU DKAR, SER, DMAR, SNGO, DMAR, DKAR, SNGO NAG ,NAG PO DANG
, (,BAR GYI RTZIBS BCU GNYIS KYI YI GE RNAMS DANG, PHYI'I RTZIBS BCU DRUG GI YI GE THAMS CAD KHA DOG MTHING NAG BYA, BCU DRUG RTZIBS KYI PHYI ROL GRU GSUM GYI NANG DU TSON NAG POS KHA BSGYUR ZHING, DE'I PHYI ROL DU RDO RA MI RI RNAMS BRI BAR BYA'O, , 'DI'I 'DON CHOG TU LHA BSKYED SKABS NANG 'KHOR LA GSHIN RJE BDUN DANG, BAR 'KHOR LA MA MO BCU GCIG LAS MI GSAL BA NI LHAG MA GNYIS MING ZHAL LAS SHES DGOS PA'I DBANG DU MDZAD NAS MAN NGAG SBAS PA YIN NO, ,SA THIG JI LTA BA BZHIN DU LCAGS SANGo SOGS BRTZIGS PA'I DRUG CU PA'I SNOD KYI NANG DU'ANG GDAB PAR BYA STE, KHYAD PAR NI RDOR ME RI MED PA'O, ,GSUM PA NI, ,RTZA TSIG LAS,) KLU PHYOGS NYI MA TSES RNAMS BRTZIGS, ,KHA SKONG DANG BCAS RE RE YANG, ,DRUG CU BZHI RU DBYE BAR BYA, ,DE YIS LO YI DBYUG GUR 'GYUR, (,ZHES DANG,) STENG DU PHUR GDAB GTOR MA NI, ,THOD DBYUG RDO RJE'I RTZE MO CAN, ,SO BDUN NYER GSUM BCU GCIG GCIG ,STENG DU THOD PA'I BA GAM CAN, ,KENG RUS RGYU MA MI RO YI, ,RGYAL MTSAN BA DANG BSGRENG BAR BYA, ,HO MA KHUNG NYER GSUM BCU GCIG TU, ,LING GA RNAM SHES SGRON ME GZHUG (,CES PA LTAR LCAGS MKHAR RGYAS PA RGYAL PO'I MKHAR BZHIN DU BRTZIGS PA LA, 'OG GZHI RDUL TSON GYIS 'KHOR LO BRIS PA'I RTZIBS ZUR DANG, STENG MA SNOD KYI NANG DU BTAB PA'I THIG GNYIS STENG 'OG THAD KAR BSGRIGS PA'I SNOD KYI NANG THIG GDAB PA'I RE KHA SO SO LAS PHYIR MI 'DA' BA'I NANG 'KHOR LA RTZIBS BRGYAD DANG, PAR 'KHOR LA RTZIBS BCU GNYIS, PHYI 'KHOR LA RTZIBS BCU DRUG STE 'KHOR LO GSUM DANG, DBUS SU ZUR GSUM PA'I LCAGS MKHAR CHE BA GCIG BCAS KYI STENG DU,
KHRAG CHANG DU BDUD RTZI RIL BU'I PHYE MA BTAB PA DANG, KHRI KHRAG SOGS KYI KHU BAS NAS NAG RJE NA PHYE SBRUS PA'I ZAN LEB GRU GSUM DU BYAS PA RE RE'ANG, ZUR GSUM DRUG CU RTZA BZHI'I RI MO DOD BA RNAMS BRTZIGS LA, BRTZIGS TSUL PHYI RIM GYIS RTZIBS BCU DRUG PAR GRANGS KLU STE BRGYAD BRTZEGS, RTZIBS BCU GNYIS PAR PHYOGS TE BCU, RTZIBS BRGYAD PAR NYI MA STE BCU GNYIS BRTZEGS NAS BSKOR ZHING, DBUS KYI LCAGS MKHAR CHE BAR GRANGS TSES TE BCO LNGA RNAMS BRTZIGS PAS KHYON ZAN LEB SUM BRGYA DANG NGA DGUR 'GYUR ZHING, DBUS MA'I STENG MAN NGAG LTAR KHA SKONG GI ZAN LEB CHE BA GCIG BCAS BSNAN PAS SUM BRGYA DRUG CU DANG, RGYUD GRVA'I PHYAG LEN LA 'KHOR LO PHYI NANG THAMS CAD KYI STENG DU KHA SKONG GI ZAN LEB RE SNON PAR MDZAD DO, ,DE DAG RE RE'ANG ZHAG RE'I THOB SKAL TSANG BAS LO'I DBYU GU TSANG ZHING, DE THAMS CAD KYANG TSIL ZHUN DANG RO SOL BSRES PAS NAG POR BYA, LCAGS MKHAR DBUS MA'I STENG DU MA RUNGS PA RNAMS LA PHUR BUS GDAB BAR SKUL BYED KYI PHUR GDAB GTOR MA DBYIBS ZUR GSUM PA ZHING CHEN SGAL TSIGS KYIS YU BA BYAS BA'I THOD DBYUG RDO RJE PHYED PA'I RTZE MO CAN GYIS MTSAN LA GCIG ,DE'I PHYI LA THOD DBYUG MED PA BRGYAD, DE'I PHYI LA BCU GNYIS, DE'I PHYI LA BCU DRUG BCAS BSDOMS PAS SO BDUN TE, CHOS RGYAL YAB YUM GNYIS, GSHIN RJE PHO BRGYAD, MA MO CHEN MO BCU GNYIS, 'OG GI PHYOGS SKYONG GNYIS GCIG TU BSGRIL BAS PHYOGS SKYONG BCU BZHI, BKA' SDOD DMAN PA RNAM GSUM GCIG TU BSGRIL BAS GCIG BCAS LHA GRANGS SO BDUN LA 'BUL RGYU DANG, LCAGS MKHAR STENG KHA GDANGS KYI PHYI LA THOD PA'I BA GAM BYA ZHING, SHA MED RUS SGROM MA ZHIG PA'I KENG RUS DANG, MI RO'I RGYAL MTSAN DANG BA DAN RNAMS BSGRENG, RGYU MA'I LNGA LDI, YUNGS KAR GYI THUN ZOR GANG MANG 'DZUG PAR BYA'O,,
, ,HOM KHUNG NYER GSUM ZHES PA LCAGS MKHAR RGYAS PA LA NANG DU HOM KHUNG GSUM, DE'I PHYI LA BRGYAD, DE'I PHYI LA BCU GNYIS TE NYER GSUM PO DE'I NANG DU DGRA BGEGS GANG YIN GYI LING+GA GRO GA'AM DUG SHOG GANG RUNG LA MAN NGAG LTAR BRIS PA'I DPRAL BAR RUS, SNYING GAR MING, LTE BAR TSVA, BRLA LA BLA DVAGS BRIS PA LA, BSGRUB BYA DGUG PA, LHA DANG 'BRAL BA, LING+GA BSTIM PA RNAMS RTAGS BYUNG GI BAR BYAS BSGRUB BYA MNGON SUM DU MOS TE RO LTE BA BRGYAB PA HOM KHUNG RNAMS SU MGO MJUG LDOG NAS GZHUG CING; YANG NA GRO ZAN GYI LING+GA BZOS PA'I DPRAL BA SOGS SU SHOG BUR MING RUS BRIS NAS BCUG PA'AM YANG NA AOm HR'I: sht'I: WI KRI T'A NA NA H'Um PHAt DGRA BO M'A RA YA PHAt, CES BRIS BA SNYING GAR GZHUG ,NYIN RJES MAR KHOM BSREG BYED NA DER BSREG RGYU'I SHOG LING DPE RIS LTAR RGYAS PAR BRIS NAS LING KHRUS SOGS DAM PA'I PHYAG BZHES MA NYAMS PAR BYAS LA LAG LEN LTAR LTE BA NAS GTOR CHEN GYI 'OG TU SA 'KHOR GYI CHOS 'BYUNG GI ZUR MDUN MA'I NANG DER BZHAG ,DE LTAR BRTZEGS PA'I DRUG CU PA'I STENG DU DAR NAG GI GDUGS TZAKLI DANG BCAS PA BTZUGS TE BRIS PA'I DKYIL 'KHOR GYI KHAR MNYDZI CHEN PO'I STENG DU SA 'KHOR GNAM 'KHOR GNYIS RTZIBS RNAMS THAD KAR KHEL BAR BZHAG ,CHOS SKYONG GI BRIS SKU YANG DGRAM, DE DAG GI MDUN DU NAS NAG RJEN BTAGS LA RIN PO CHE DANG SMAN SNA'I PHYE MA, MYOS BYED DANG, BDUD RTZI RIL BU RNAMS BTAB PA'I BAG ZAN LAS GRUB PA'I CHOS SKYONG GI 'BUL GTOR DBYIBS ZUR GSUM MA MA SHA GZUGS MA KHRU GANG LAS MI CHUNG BA DANG, GA-YON PHYOGS SU YUM MCHOG GI GTOR MA GTZO BO'I SKED PAR SLEB PA DANG, DE GNYIS KYI MTHAR GSHIN RJE PHO
BRGYAD MO BCU GNYIS RNAMS KYI 'BUL GTOR DANG, BKA' SDOD DAM CAN RNAM GSUM DANG PHYOGS SKYONG GI 'BUL GTOR SOGS 'KHOR GYI GTOR MA DBYIBS GONG MTSUNGS CI MANG, SNOD GZHAN ZHIG TU BSKANG GTOR ZOR LE BRTZE PHRA ME RIS CAN DAR NAG DANG BCAS PA'I MNGA' YIS BRGYAN PA CHE LEGS GCIG ,YANG SNOD GZHAN ZHIG TU BYON GTOR ZOR LEB GCIG DANG GSHIN RJE PHO MO SOGS 'KHOR GYI GTOR MA LHA GRANGS SAM MA BYUNG NA ZOR LEB GNYIS BCAS BSHAMS, DE THAMS CAD SMUGS RTZIS BSGYUR, DE'I MTHAR DMAR GYI AARGHAm, DBANG PO'I ME TOG ,SHA CHEN GYI BDUG SPOS, ZHUN CHEN GYI MAR ME, KHRAG ZHAG GI DRI CHAB, BSHOS BU DMAR NAG ZUR GSUM PA LA SHA KHRAG GIS BRGYAN PA'I ZHAL ZAS RNAMS DANG, CHU GNYIS NYER SPYOD LNGA DANG BCAS PA TSAR GANG MANG BSHAM, GZHAN YANG RGYU RLON GYI LNGA LDI, GA-YANG GZHI'I BLA BRE, DAR NAG GI YOL BA, GOS DAR GYI LHAB LHUB, GO MTSON SPYAN GZIGS SOGS RNGAMS SHING BRJID PAR DAG MA, LOGS SHIG TU YI DAM GYI BRIS SKU BKRAM PA'I MDUN DU STEGS MTHO BA ZHIG GI KHAR RGYU GONG BZHIN GYI YI DAM GYI GTOR MA DANG, SNGON 'GRO PHYI 'GRO'I PHYOGS GTOR, DE'I MDUN DU CHU GSUM SNGON 'GRO'I BDAG MDUN GYI MCHOD PA TSAR GNYIS, SPYI SOGS KYI CHOS SKYONG GI GTOR 'BUL JI TZAM DU BYED PA'I GTOR MA DANG, NAS DKAR DANG DKAR GSUM MNGAR GSUM LAS BYAS PA'I GZHI BDAG DKAR GTOR, DE DAG LA NYER SPYOD KYANG JI LTAR RIGS PAR BSHAM, BSGRAL CHOG GI TSE DGOS PA'I ZAN LING 'BRUB KHUNG NGANG BCAS PA DAR NAG GIS BKAB BA DANG, LCAGS KYU, ZHAGS PA, LCAGS SGROG ,DRIL BU, THO BA, RTZE GSUM, DGRA STA, PHUR BU, RAL GRI, GRI GUG ,THOD NGAN GYI NANG DU YUNGS DKAR NAG ,SKE TSE, SHANGS TSE, LCAGS PHYE, RDO
, ,PHYE SOGS BSRES PA'I SKAM THUN DANG, MDZE KHRAG MNGAL KHRAG SOGS KHRAG SNA, DUG SNA, THANG KHROM GYI KHU BA RNAMS BSRES PA'I RLON THUN RNAMS LA YI DAM DANG CHOS RGYAL GYI SNGAGS SPEL TSIG BTAGS PA MANG DU BZLAS PAS NGAR BTAB PA DANG; LING GDAN MI LPAGS DNGOS SAM YANG NA RO RAS LA MI LPAGS BRIS PA, PHYAG MTSAN DANG THUN SNOD RNAMS KYI GDAN DANG KHEBS GOS DAR NAG PO, GZHAN YANG THOD RNGA, MI RKANG GLING BU, DUNG CHEN, RNGA ROL, GA-YAB DAR NAG PO, CHOS RGYAL GYI SPOS SBYOR SOGS GANG DGOS KYI YO BYAD RNAMS TSOGS PAR BYAS LA, MAR NGO'I BCU BZHI LTA BU'I NAM PHYED DANG NYIN PHYED DAM, NYI NAG SOGS GZA' SKAR BYED SBYOR RTZUB CING SGRUB PA PO'I RLUNG SNA BUG GA-YAS NAS RGYU BA'I DUS SU PHYAG LEN LTAR BYIN 'BEBS RGYAS PA SNGON DU 'GRO BAS SGRUB BA LA 'JUG PAR BYA'O,, ,,DE LTAR SROG BDUD HA LA NAG PO'I DUG ,LAS KYI GSHIN RJE'I GTOR MA'I 'PHRUL 'KHOR GYI, ,SNGON 'GRO'I LAG LEN NYI MA GSAR PA'I 'DZUM, ,KHO BO'I BLO GROS SHAR RI'I SPO LAS 'PHAGS, ,DGE 'DIS BLO BZANG BSTAN PA'I GDUGS DKAR PO, ,NAG PHYOGS BDUD KYI 'TSUB MAS MI GA-YO BAR, ,BSHAD SGRUB NOR BU'I GA-YER KHA 'KHROL BZHIN DU, ,KHAMS GSUM YONGS KYI BLA NA 'KHOR GYUR CIG (,CES NGAM CAN CHOS KYI RGYAL PO SGRUB LA BRTEN NAS GTOR CHEN DRUG CU PA'I SNGON 'GRO'I SA CHOG LAG LEN GYI RIM PA GSAL BYED NYI MA GSAR BA ZHES BYA BA 'DI YANG GRO MO DUNG DKAR DGON DU DGU GTOR CHEN PO'I SKABS CHOS RGYAL KHO NA LA BRTEN PA'I LCAGS MKHAR GYI GTOR CHEN GNANG SROL YOD 'DUG KYANG, 'DON CHOG DANG LAG LEN
NAG 'GROS 'KHYER BDE KHUNGS LDAN ZHIG DE SNGON MI 'DUG PAS GSAR BRTZAMS BYA DGOS ZHES, DAD BRTZON MCHOG TU DGE BA DUNG DGON SLOB DPON LAS THOG PA SHES RAB BSTAN 'DZIN, DGE SLONG BLO BZANG RDO RJE, CHOS ZUR BLO BZANG MGON PO LAGS BCAS NAS SNGA PHYIR RTEN BCAS YANG YANG BSKUL BA BZHIN, 'DON CHOG DE SNGON CHU LUG LOR GSAR BRTZAMS ZIN YANG, SA CHOG BZO RGYU RIM 'GYANGS SU GYUR PAR SLAR YANG GONG GSAL RNAMS NAS YANG YANG BSKUL NGOR, 7 SKU BCAR MTSAN ZHABS NGAR HAN DGA' LDAN KHRI BYANG SBRUL MING BA BLO BZANG YE SHES BSTAN 'DZIN RGYA MTSOR 'BOD PAS 'DI SKOR GYI YIG CHA KHUNGS THUB TSAD LDAN RNAMS LA LEGS PAR BRTAGS SHING, RGYUD GRVA'I PHYAG LEN DANG MTHUN PAR RAB BYUNG BCU DRUG PA'I SA GLANG CHU STOD ZLA BA'I GRAL TSES BZANG POR NOR GLING SKAL BZANG PO BRANG GI 'DAB ROL RANG GI BSTI GNAS ME TOG MNGON BAR BKRA BA'I LDING KHANG DU MJUG RDZOGS PAR SBYAR BA'I YI GE BA YANG RANG GI NYE 'KHOR BA DPAL LDAN NAS BGYIS PA DGE LEGS SU GYUR CIG, ,,