, ,RJE BTZUN MA 'PHAGS MA SGROL MA'I SGRUB THABS NYE BRGYUD TZITTA MA nI'I RNAL 'BYOR DANG 'BREL BA'I 'CHI BLU'I CHO GA BYA TSUL 'KHYER BDE NAG 'GROS SU GSAL BAR BKOD PA 'CHI MED SNANG BA GSAR PA'I 'OD STONG DKYIL 'KHOR ZHES BYA BA BZHUGS SO,,
, ,NA MO A'ARYA T'A RE YA, DBYINGS KYI RANG BZHIN SGYU MA'I 'JO SGEG CAN, ,THUB KUN BRTAN PA 'PHROG PA'I ZHI BA MO, ,MTSAN TZAM GYIS KYANG 'JIGS BRGYAD SDUG... BSNGAL KUN, ,SEL MDZAD 'PHAGS MA SGROL MAR GUS BTUD NAS, ,GANG ZHIG MTHAR BYED MCHE BA RNON PO'I GRVAR, ,CHUD PA'I NYAM THAG 'CHI BA BLU BA'I THABS, ,RDZAS SNGAGS RTEN 'BREL CHO GA ZAB... MO'I TSUL, ,GZHUNG DANG DAM PA'I GSUNG BZHIN 'DIR 'GOD BYA, (,JI SKAD DU, SLOB DPON NGAG GI DBANG PHYUG GRAGS PAS, ,'KHOR BAR SROG LAS GCES PA NI, ,CI YANG YOD PA MA YIN TE, ,DE BAS MYUR DU THABS MANG POS, , 'CHI BA BLU BA KUN TU SPYAD, ,CES GSUNGS PA LTAR MTHO RIS YON TAN BDUN GYI NANG NAS GTZO BO TSE RING BA NYID YIN LA, DE LA BRTEN NAS GNAS SKABS DANG MTHAR THUG GI DON THAMS CAD BDE BLAG TU 'GRUB PAS NA, RING 'TSO'I THABS LA 'BAD...
, ,PA GAL CHE STE, DE LA THOG MAR, PHYI ROL MTSAN MA LA BRTEN NAS 'TSO 'CHI BRTAG PA DANG, NANG RLUNG GI 'GRO 'ONG LA BRTEN NAS 'TSO 'CHI BRTAG PA GNYIS KYIS NGES PA DANG MA NGES PA'I... 'CHI BLTAS BRTAG PA LAS PHYI MA BYUNG BA ZLOG PAR NUS TE, SLOB DPON GYIS, SNUM DANG SNYING PO ZAD SOGS LAS, ,MAR ME LA SOGS 'JIG PHYOGS PA'ANG, ,SLAR YANG SNUM SOGS RAB THOB PAS, ,BSKAL PA'I BAR DU GNAS PA YIN, , JI LTAR DE BZHIN LUS 'DI YANG, ,RGAS SOGS KYIS NI 'CHI BZHIN PAR, ,GRUB PA'I MAN NGAG LEGS RNYED NA, ,BSKAL PA'I MTHAR YANG CIS MI GNAS, ,DPER NA KHANG PA RNYING PA DAG ,BCOS PA YIS NI YUN RING GNAS, ,DE BZHIN... RNYING PA'I LUS DAG KYANG, ,BCOS PAS GNAS PAR CIS MI 'GYUR, ,ZHES GSUNGS PA LTAR, TSE SRING BA'I THABS LA MKHAS SHING RTZOL BA DANG LDAN NA RING DU 'TSO BA LA DKA' BA YOD PA MA YIN NO, ,THABS DE JI SKAD DU, NOR BU SNGAGS...
SMAN PHYI YIN TE, ,RNAL 'BYOR NUS PA NANG YIN NO, ,'BAD PAS 'CHI BA BLU BA NI, ,DAD PA NYID KYIS BYA BAR NUS, ,ZHES PA LTAR LAS, 'DIR SMAN GYI NUS PA SOGS LAS KHYAD PAR DU MAS 'PHAGS PA'I THABS TSE ZAD PA LA TSE CHOG ,'CHI BLU, RLUNG GI SBYOR BA... SOGS DANG, LAS ZAD PA LA SROG BLU NYE'U 'DON, DKA' THUB LA SOGS PA DANG, BSOD NAMS ZAD PA LA MCHOD PA DANG SBYIN PA GTONG BA LA SOGS PAS GSO ZHING, DAD PA, BRTZON 'GRUS, BSKYED RDZOGS KYI NYAMS LEN NI THAMS CAD GAL CHE BA... LAS 'DIR RJE BTZUN MA SENG LDENG NAGS KYI SGROL MA'I SGRUB THABS TZITTA MA nI'I CHOG DANG 'BREL BA'I 'CHI BLU JI LTAR BYA BA'I RIN PA LA, SBYOR DNGOS MGU GSUM LAS, DANG PO SBYOR BA YO BYAD KYI GSHOM NI, GNAS KHANG BYI DOR DANG SKYANG NUL LEGS PAR BYAS... TE; STEGS MTHO BAR RJE BTZUN MA'I SKU RAB GNAS CAN YOD NA DGRAM, MED NA DMIGS RTEN LTA BUR MANYDZA'I KHAR MAndAL PADMA 'DAB BRGYAD KYI LTE BA LA 'BRU'AM ME TOG GI TSOM BU BKOD, DE'I MDUN DU RJE BTZUN MA LA 'BUL RGYU'I BDUD RTZI RIL BU DANG DKAR GSUM MNGAR GSUM GYIS SBRUS PA'I DKAR GTOR ZLUM PO GTZANG ZHING YID DU 'ONG BA MAR RGYAN CAN DANG, CHOS SKYONG DANG, GZHI BDAG GI GTOR MA, RGYAL CHEN BZHI BCAS LA 'BUL RGYU'I DKAR GTOR ZLUM PO PAD 'DAB CAN RNAMS BSHAM, DE DAG... GI MDUN DU BDAG MDUN GYI NYER SPYOD, RANG GI MDUN DU RDOR DRIL, NANG MCHOD, ME TOG GIS BKANG BA'I SNOD, DRI BZANG GI CHUS BKANG PA'I BUM PA KU SHA'I 'THOR YAB DANG BCAS PA DANG, LOGS SHIG TU BUM CHUR BLA MED BUM RDZAS BTAB PA'I...
, ,LAS BUM DUNG CHOS GZUNGS RDOR DANG BCAS PA DANG BUM PA'I MCHOD PA'ANG BSHAM, RANG RJE BTZUN MA'I RNAL 'BYOR MDOR BSDUS BSGOMS NAS BZLAS PA CUNG ZAD BYAS TE,) RANG GI THUGS KA'I SA BON LAS 'OD ZER 'PHROS, PHYOGS BCU'I RGYAL BA SRAS DANG BCAS PA THAMS CAD KYI BYIN RLABS DANG NUS MTHU THAMS CAD SNGAGS 'OD ZER DANG BCAS PA'I RNAM PAR SPYAN DRANGS TE BSANG CHU LA THIM PAR GYUR (PAR BSAMS LA,) AA MRi TA (BRGYA RTZA BZLAS PA'I CHUS SGRUB BYA'I LUS BKRUS PA'I KHRUS... CHU'I PHYED NI KHAM PHOR GSAR PA'I NANG DU 'O MA DANG DUG CUNG ZAD BSRES TE BLUGS LA MAndAL GYI SHAR DU BZHAG ,DE NAS GLUD KYI KHOG PAR GZHUG RGYU'I 'BYUNG BA LNGA'I 'KHOR LO NI, SHOG BU LAG MTHIL TZAM PA LNGA LA 'KHOR LO RIM PA GSUM BSKOR BA'I LTE BAR NAM MKHA' LA AE, RLUNG LA YAm, ME LA RAm, CHU LA KHAm, SA LA LAm, MU KHYUD DANG POR RTZIBS BZHI LA 'BYUNG BA SO SO'I SA BON RE, MU KHYUD MTHA' MAR AA LI GA-YON SKOR DANG, K'A LI GA-YAS SKOR BRI, NAM MKHA' SNGON PO, RLUNG LJANG GU, ME DMAR PO, CHU DKAR PO, SA SER POR BSGYUR, MA GRUB NA BSAM YANG CHOG GSUNG, MDUN DU STEGS KYI KHAR DBUGS SU AE, MDUN DU KHAm, GA-YAS SU RAm, RGYAB TU LAm, GA-YON DU YAm GYI 'KHOR LO BZHAG PA'I MDUN DU GTOR MA DKAR ZLUM LNGA TSOM DANG NYER SPYOD BSGRIGS, RANG NYID RJE BTZUN MAR GSAL BAS SBYANGS KHRUS RGYAS PA'AM, MA GRUB NA AA MRi TA BRJOD PA DANG BCAS YUNGS KAR... GYIS BRAB CING BSANG CHU 'THOR, MCHOD GTOR BSANG SBYANGS,) STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD GTOR RNAMS KHYAD PAR GSUM LDAN GYI LHA RDZAS SU GYUR, ('BRU GSUM LAN GSUM
DANG, AOm AARGHAm A'A:H'Um, NAS, SHAPTA A'A:H'Um, GI BAR BRJOD, 'KHOR LO BSANG SBYANGS, STONG PA'I NGANG LAS AE LAS NAM MKHA'I DKYIL 'KHOR SNGON PO YANGS SHING RGYA CHE BA'I LTE BAR NAM MKHA'I) LHA MO SNGON MO CHOS 'BYUNG AES MTSAN PA 'DZIN PA, YAm LAS RLUNG... DKYIL LJANG GU'I LTE BAR RLUNG LHA LJANG GU BA DAN YAm GYIS MTSAN PA 'DZIN PA, RAm LAS ME DKYIL DMAR PO'I LTE BAR ME LHA DMAR PO ME THAB ME 'BAR BA RAm GYIS MTSAN PA THUGS KAR 'DZIN PA, KHAm LAS CHU DKYIL DKAR PO'I LTE BAR CHU LHA DKAR PO CHU SRIN LA... GNAS PA CHUS BKANG BA'I BUM PA KHAm GIS MTSAN PA 'DZIN PA, LAm LAS SA DKYIL SER PO'I LTE BAR SA LHA SER MO SA DKYIL GRU BZHI SER PO LAm GYIS MTSAN PA THUGS KAR 'DZIN PA THAMS CAD KYANG RIN PO CHE'I RGYAN CAN RANG MDOG DANG MTHUN PA'I DAR GYI NA BZA'... GSOL TE, SEMS SKYIL GYIS BZHUGS PA'I ME LHA'I THUGS KAR NYI MA DANG, GZHAN BZHI LA ZLA DKYIL GYI DBUS SU SO SO'I SA BON GYIS MTSAN PA, BDAG MDUN GYI THUGS KA'I SA BON LAS 'OD ZER 'PHROS, 'BYUNG BA LNGA'I LHA TSOGS RNAMS SPYAN DRANGS, DZA: H'Um BAm HO: (SA BSTIM,) AARGHAm (SOGS KYIS MCHOD,) AA K'A RO(S GTOR MA BSNGO,) H'Um; 'BYUNG BA BSKYED PA'I LHA TSOGS RNAMS, ,BDAG LA GSAN CING DGONGS SU GSOL, ,'BYUNG BA PHYI NANG 'KHRUGS PA RNAMS, ,CHO GA 'DI YIS MTHUN PAR SHOG DMId PA'I MI 'DI DA BLU YIS, ,NAD GDON RNAM RTOG SDIG SGRIB RNAMS, ,DA LTA NYID DU BYANG NAS KYANG, ,'CHI BA'I RKYEN RNAMS BZLOG TU GSOL, ,'DOD YON MCHOD PA RNAM PA LNGA, ,'BYUNG BA BSKYED PA'I LHA LA 'BUL, ,MCHOD GTOR 'DI BZHES DGYES PAR...
, ,ROL; ;BCOL PA'I 'PHRIN LAS 'GRUB PAR MDZOD, ,LHA TSOGS RNAMS 'OD DU ZHU NAS 'KHOR LOR THIM PAR GYUR (PAR BSAMS LA, 'BYUNG BA SO SO'I SA BON RKYANG PA'AM, YANG NA,) AOm A'A:AE H'Um, (ZHES PA LTA BU 'BRU GSUM GYI BAR DU BLTEMS TE BSGRUB BYA'I LO GRANGS BRJOD, A'A LI KA LI DANG YE DHAR NYER GCIG GIS RAB GNAS BGYIS TE ME TOG 'THOR, RANG MDOG GI TSON SKUD KYIS BCINGS, NAM MKHA' RLUNG ME CHU SA'I RIM PAS BRTZEGS LA KHAM SA'I GA'UR BCUG LA BZHAG GO ,GSHIN RJE'I LTO BAR BZHUG RGYU'I... 'KHOR LO NI, SHOG BUR 'KHOR LO MU KHYUD GSUM BSKOR BA'I LTE BAR DUG GSUM MTSON BYED PHAG SBRUL BYA RNAMS BRTZEGS PA RANG MDOG GAM DMAR SNGO NAG POR BSGYUR, YANG NA DZA:MA, THA RNAMS BRIS KYANG CHOG (DE'I PHYI RIM LING TSE DRUG TU BCAD PAR, MA RIG PA, 'DU BYED, RNAM SHES, MING GZUGS, SKYE MCHED, REG PA, TSOR BA, SRED PA, LEN PA, SRID PA, SKYE BA, RGA SHI RNAMS GZUGS SAM MING BRIS PA, BSANGS SBYANGS,) STONG PA'I NGANG LAS SRID PA'I 'KHOR LO DUG GSUM GYI MDANGS LAS SHAR BA'I RIGS DRUG GI BKOD PA... MING GZUGS SKYE MCHED RNAMS YONGS SU TSANG BA, LAS NYON BAG CHAGS KYI RANG BZHIN GCIG TU 'DUS PA'I NGO BOR GYUR (PAR BSAMS LA DBYANGS GSAL DANG RTEN SNYING GIS RAB GNAS BGYIS TE BLTAB LA BZHAG GO ,'BYUNG BA LNGA'I 'KHOR LO DANG, 'CHI BDAG LTO 'KHOR 'BRI BA RNAMS GRUB NA PHUN SUM TSOGS SHING, MA GRUB NA MED KYANG CHOG GO ,GSHIN RJE'I GZUGS DANG MCHOD GTOR BCA' BA NI, S'ATZTSA'AM MCHOD RTEN ZHIG PA'I SA, RDZA MA BSREGS THAL, DUR KHROD KYI SA, RO THAL, YOS TSIG NAG GI PHYE MA RNAMS SA NAG DANG BSRES PA...
DUG KHRAG GI CHUS SBRUS PA'I 'JIM PA LA, 'CHI BDAG NAG PO DBYUG PA DANG ZHAGS PA 'DZIN PA, KHRO ZHAL KHA GDANGS MCHE GTZIGS MI SDUG PA'I RNAM 'GYUR CAN, MI LPAGS KYI GA-YANG GZHI DANG, STAG SHAM GYON PA GDON SMAD PA BZOS PA'I KHOG PAR 'KHOR LO BCUG LA, DKYIL 'KHOR... GYI LHOR RE NAG GI STAN GYI STENG DU DUR GA-YAM MAM, LCAGS SLANG LA RO SOL GYIS CHOS 'BYUNG KHRU GANG PA BRIS PA'I KHAR DAR RAS NAG POS BKAB STE KHA LHOR BLTAS SU BZHAG ,DE'I MDUN DU DUG GI ME TOG ,NYA'I BSUR, TSIL CHEN GYI MAR ME, MKHRIS PA'I DRI CHAB, 'BRU NAG DANG SHA CHEN GYI... ZHAL ZAS TE NYER SPYOD LNGA GZUGS KYI GA-YAS NAS PHRENG DU BSGRIGS, DE'I MDUN DU CHANG BU, SHA RJEN, NYA SHA, SRAN CHEN, KHRAG, KHUR BA, THUG PA, SGOG BTZONG, ZHO; MAR, BU RAM RNAMS SNOD LCAGS SLANG ZHIG DANG, BCAS PA BZHAG ,BSGRUB BYA'I GLUD DANG DKOR CHA BSAGS PA NI, GONG DU BSANG CHUS BSGRUB BYA'I YAN LAG LNGA BKRUS PA'I KHRUS PA'I KHRUS CHU'I PHYED LA LUS KYI DRI MA DANG ZAG RDZAS RNAMS BSREGS SHING, SMAN DANG RIN PO CHE'I PHYE MA BTAB PA'I 'BRU SNA LNGA'I NGAR PHYE SBRUS PA'I ZAN LA MI PHYUGS RIGS MI GCIG PA DU MA'I KHA SNA'I RLANGS DBUGS KYIS BDUG STE, GLUD GZUd BSGRUB BYA'I RANG KHRU GANG LONG PA PHO MO GANG YIN GYI NYAMS DANG DBANG PO DOD PA, BSE'I SHA ,DUNG GI RUS PA, MTSAL GYI KHRAG ,LUNG THANG GI MIG ,MU TIG GI KLAD PA, MGRON BU'I SO, LE BRGYAN GYI LCE, MO KHAB KYI SNA, BYA ZER MO'I SPU'I SKRA, DBANG PO LAG PA'I SOR MO, LAG... GA-YAS GSER, GA-YON GA-YU, RKANG GA-YAS LCAGS, GA-YON ZANGS TE RDZAS DE DAG GNAS SO SOR MTSON PA RE BCUG PA'I KHOG PAR SNGAR GYI 'BYUNG BA LNGA'I 'KHOR LO DANG, MIG GNYIS SU RAm, RNA BA GNYIS SU YAm, SNA BUG GNYIS SU KHAm, KHA LA LAm, SNYING GAR AE RNAMS BRIS...
, ,PA GZHUG ,MGO BO'I SPYI GTZUG DANG PHYOGS BZHIR MAR ME LNGA BKOD, PHRAG PA GA-YAS LA STAG PA DANG, GA-YON LA GLANG MA'I BYANG BUR 'CHI BDAG PHO MO'I KHRAM RIS BCU RE BRIS PA BTZUG ,BSGRUB BYA'I GYON 'PHRO'I GOS TSANG MA'AM DUM BU BSKON CING DAR SNA DANG RGYAN GYIS SPRAS, GDAN GZHI GTZANG MA'I STENG DU KU SHA BTING BA'I KHAR 'CHI BDAG LA KHA PHYOGS TE BZHAG ,GRUB NA RGYU DBYIBS DE DANG 'DRA BA'I NGAR GLUD CHUNG NGU BSGRUB BYA'I LO GRANGS LA SOGS PAS MTHA' BSKOR, GZHAN YANG 'BRU SNA SNA TSOGS, DAR TSON SNA LNGA, RMA BYA'I MDONGS, SROG CHAGS SNA TSOGS, RTZA D'UR BA, GSER DNGUL GA-YU SOGS RIN CHEN SNA LNGA, 'BRAS BU SNA TSOGS, GLING BZHI GLING PHRAN, GOS DAR, ME TOG NAG PO, SHA MAR, JA THUD, TSA BU RAM SOGS GSHIN RJE'I RDZONGS RNAMS DANG, DE RNAMS 'JAL BA'I BRE LA,) AOm AAshMI SARBA SA TZI MUR TI THIBS SV'AH'A, (NYER GCIG 'DEBS,) AOm THIB TA MTHONG BA'I RGYAL PO SV'AH'A, (ZHES PA JA SOGS 'DEGS PA'I SRANG LA 'DEBS,) AOm MA TI PRA MO DHA NA THIBS SV'AH'A, (ZHES GSER DNGUL 'JAL BA'I ZHO CHA DANG SRANG GNYIS KA LA NYER GCIG RE BTAB LA BZHAG ,'DI DAG LHA 'DRE MIG BSGYUR BA'I SNGAGS YIN PAS SGRA GZHAN GYIS MI TSOR BAR SHUB BUS BZLA DGOS SO, ,DKYIL 'KHOR GYI SHAR DU SNOD GAS CHAG MED PAR 'BRANG RGYAS STOD DKAR PO BIL PA'I DBYIBS CAN GYI RTZE LA MAR GYI LHA BSHOS LNGA DANG, RTZA BA NAG PO LA SNUM GYI... DPAL 'BAR LNGA BTZUGS PA DANG, BYANG DU KU SHA'I GDAN LA BSGRUB BYA'I GLUD GOS BLTABS PA TSON SKUD SNA LNGAS RGYAS GRAM DU BCINGS PA BZHAG ,DUG SNA BTAB PA'I 'O CHU 'DRES PAS BKANG BA'I KHAM PHOR YANG GLUD GOS KYI MDUN DU BZHAG ,LOGS SHIG TU NYA SHA SKAM PO'I BDUG...
SPOS DANG, RAL GRI, DUG SNA'I PHYE MA, STAN DKAR PO, GOS DKAR, ME TOG DKAR PO BCAS STA GON BYA STE, DE DAG NI SBYOR BA'I RIM PA'O,, ' GNYIS PA DNGOS GZHI LA GSUM, DKYIL 'KHOR GYI BYA BA, GSHIN RJE LA JI LTAR BYA BA, BSGRUB BYA LA JI LTAR BYA BA'O, ,DANG PO NI, RANG NYID SGRUB GROGS DANG BCAS PA GDAN LA 'KHOD DE, DMIGS YUL BSGRUB BYAS MTSON PA'I SEMS CAN THAMS CAD 'CHI BDAG GI CHAD PA LAS THAR BAR BYAS TE SANGS RGYAS KYI SA LA 'GOD PAR BYA, DE'I CHED DU RGYAL BA KUN GYI 'PHRIN LAS KYI RANG GZUGS YI DAM KHYAD PAR CAN 'DI LTA BU'I RNAL... 'BYOR LA BRTEN NAS 'CHI BLU'I CHO GA ZAB MO LA 'JUG PAR BYA'I SNYAM PA'I SEMS BSKYED KYIS ZIN PA'I SGO NAS, SKYABS SEMS DANG, BLA BRGYUD GSOL 'DEBS NAS BZUNG RANG NYID LHA'I RNAL 'BYOR RGYAS PA BZLAS PA DANG BCAS PA GRUB KYI BAR BTANG, DE NAS LAS BUM, AA MRi TAS BSANG, SVA BH'A WAS SBYANGS,) STONG PA'I DANG LAS BAm LAS BYUNG BA'I RIN PO CHE'I BUM PA DKAR PO LTO BA CHE BA MGRIN PA RING BA, MCHU 'PHYANG BA LA SOGS PA'I MTSAN NYID THAMS CAD DANG LDAN PAR GYUR, AOm T'APTE T'APTE MAH'A T'APTE SV'AH'A, LHA'I CHU BO GANG+G'A DANG BUM PA'I... CHU DBYER MED PA'I STENG DU PAm LAS PADMA DANG, RAm LAS NYI MA'I GDAN GYI STENG DU H'Um LAS SNA TSOGS RDO RJE'I LTE BA LA H'Um LAS SNA TSOGS RDO RJE'I LTE BA LA H'Um GIS MTSAN PA, DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS KHRO BO BDUD RTZI 'KHYIL PA SKU MDOG LJANG SNGON, ZHAL GCIG PHYAG GNYIS, GA-YAS SNA TSOGS RDO RJE 'PHYAR ZHING, GA-YON SNA TSOGS RDO RJE'I YU BA BYAS PA'I DRIL BU DKUR BRTEN PA, DBU SKRA DMAR SER GYEN DU BRDZES SHING, STAG GI PAGS PA'I SHAM THABS SOGS KHRO BO'I RGYAN DANG, NYAMS THAMS CAD
, ,YONGS SU RDZOGS PA, GA-YON BRKYANG GI STABS KYIS BZHUGS PA'I SPYI BOR AOm, MGRIN PAR A'A: THUGS KAR H'Um GIS MTSAN PA DE LAS 'OD ZER 'PHROS BSGOMS PA DANG 'DRA BA'I YE SHES PA DANG DBANG GI LHA TSOGS SPYAN DRANGS, AOm SARBA TA TH'A GA TA AARGHAm NAS, SHAPTA PRA T'I TZTSA SV'AH'A, DZA: H'Um BAm HO: YE SHES PA DAM TSIG PA DANG GNYIS SU MED PAR GYUR, DBANG GI LHAS DBANG BSKUR DON GRUB KYIS DBU BRGYAN PAR GYUR, (CES DAM YE BCINGS LA DBANG BSKUR... RGYAS BTAB BYA, DE NAS MCHOD PA BDAG BSKYED KYI SKABS LTAR BYIN GYIS BRLABS LA, AOm SARBA TA TH'A GA TA AARGHAm PRA T'I TZTSA SV'AH'A, DE BZHIN DU, SHAPTA'I BAR BTAGS PAS MCHOD,) RGYAL KUN MKHYEN BRTZE'I LHA LAM LAS, ,MTHU STOBS CHU 'DZIN LEGS 'KHRIGS TE,, 'PHRIN LAS RNAM BZHI'I CHAR 'BEBS PA, ,BDUD RTZI 'KHYIL PA LA PHYAG 'TSAL, ,(ZHES BSTOD,) RANG GI THUGS KA NAS SNGAGS KYI PHRENG BA GZUNGS THAG LA 'KHRIL NAS SONG BA BUM PA'I LHA'I THUGS KAR PHOG ,THUGS RGYUD BSKUL TE DE'I THUGS KA NAS 'OD ZER 'PHROS PAS RGYAL BA SRAS BCAS KYI BYIN RLABS NUS MTHU THAMS CAD BDUD RTZI 'OD ZER DANG BCAS PA'I RNAM PAR BKUG NAS BUM PA'I CHU LA THIM PAR GYUR PAR BSAMS LA, AOm BDZRA AA MRi TA...(BRGYA RTZA BZLAS MTHAR YIG BRGYA BRJOD, SNGAR BZHIN MCHOD... BSTOD BYAS LA,) MA 'BYOR PA DANG NYAMS PA DANG, ,(ZHES SOGS BZOD PAR GSOL ZHING, DUNG CHOS KYI MCHOD YON BUM PAR BLUG STE), AOm A'A: H'Um, BUM NANG GI LHA 'OD DU ZHU NAS BUM PA'I CHU DANG RO GCIG TU GYUR CES BRJOD CING BSAM MO,, ,,DE NAS...
MDUN BSKYED BSGRUB PA LA, MCHOD PA RNAMS GZHUNG LTAR BRLABS LA, MDUN GYI SKU'AM MAndAL STENG GI TSOM BU BSANGS SBYANGS, STONG PA'I NGANG LAS SA GZHI RNAMS BEE d'U RYA LTAR SNGO BA, LAG MTHIL LTAR 'JAM PA, MTHA' SKOR DU NE'U GSING DANG, PADMA DANG AUTPA LA'I TSAL GYIS KHYAB PA LA DRI BSUNG LDANG BA, 'O MA'I RGYA MTSO'I NANG DU CHU BYA SNA TSOGS RTZE ZHING LDING BA, CHU PHRAN DU MAS BRGYAN PA, DVANGS SHING GSAL BA'I DBUS SU PAm LAS PADMA 'DAB MA BRGYAD PA'I LTE BAR T'Am YIG LJANG GU ZHIG THOL GYIS BYUNG, DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS AUTPAL SNGON PO T'Am GYIS MTSAN PA ZHIG TU GYUR, DE 'OD DU ZHU BA LAS RJE BTZUN MA SKU MDOG MAR GAD KYI MDANGS CAN SHIN TU LJANG BA ZHAL GCIG PHYAG GNYIS PA, ZHI ZHING 'DZUM PA GNAG SNUM RAL PA PHYED BCINGS BYAS PA LA AUTPA LA DANG RIN PO CHE'I RGYAN DU MAS BRGYAN PA, SPYAN DKYUS RING ZHING ZLUM PA, PHYAG GA-YAS MCHOG SBYIN DANG, GA-YON THUGS KAR DKON MCHOG GSUM MTSON GYI PHYAG RGYA CAN, GNYIS KAS AUTPA LA SNGON PO RE RE 'DZIN PA, NU MA 'BUR ZHING RGYAS PA, RIN PO CHE'I RGYAN THAMS CAD KYIS BRGYAN PA, NGAR SNA TSOGS KYI NA BZA' CAN, ZHABS GA-YAS BRKYANG ZHING GA-YON BSKUM PA ZLA BA'I RGYAB YOL CAN, DE'I SPYI BOR SPYAN MA DKAR MO, MGRIN PAR GOS DKAR MO DMAR MO, ,SNYING GAR SGROL MA DRAG MO SNGON MO, LTE BAR RIN CHEN SGROL MA SER MO, GSANG GNAS SU SNA TSOGS SGROL MA LJANG GU ,THAMS CAD KYANG MTSAN DANG DPE BYAD THAMS CAD GSAL LA YONGS SU RDZOGS PAR GYUR, DE'I SPYI BOR SKU
, ,RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A: DMAR PO, THUGS KAR THUGS RDO RJE'I NGO BO H'Um SNGON PO, THUGS KA'I T'Am YIG LAS 'OD ZER 'PHROS PAS RANG BZHIN GYI GNAS NAS BSGOMS PA DANG 'DRA BA'I RJE BTZUN MA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS (PAR BSAMS LA), AARGHAm (SOGS KYIS MCHOD,) DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I SA BON LAS 'OD ZER 'PHROS 'OD DPAG MED GTZO BOR GYUR PA'I DBANG GI LHA RIGS LNGA 'KHOR DANG BCAS PA SPYAN DRANGS, AOm PANYTZA KU LA SA PA RI W'A RA AARGHAm (SOGS KYIS MCHOD,) KHYED RNAMS KYIS MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GAB PA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I YE A'A: H'Um, ZHES BDUD RTZI'I CHUS DBANG BSKUR, SKU GANG, DRI MA DAG CHU'I LHAG MA SPYI GTZUG TU 'KHYIL PA LAS BLA MA 'OD DPAG... MED KYIS DBU BRGYAN CING, DBANG GI LHA RNAMS KYANG DE NYID LA THIM PAR GYUR (PAR BSAM, MCHOD PA BYIN GYIS BRLABS LA,) AOm A'A RYA T'A RE SA P'A RI W'A RA AARGHAm PRA T'I TZTSA YE SV'A H'A, (DE BZHIN DU,) P'A DYAm, SOGS SBYAR TE, SHAPTA'I BAR GYIS MCHOD, AOM A'A: H'Um BTAGS PAS NANG MCHOD 'BUL, BDAG GI TSE RABS SNGON NAS BSGRUBS PA'I LHA, ,ZHES SOGS KYIS BSTOD, RJE BTZUN MA'I THUGS KAR ZLA GDAN LA T'Am YIG GI MTHAR YI GE BCU PA'I SNGAGS PHRENG GIS BSKOR BA LAS 'OD ZER 'PHROS, RGYAL BA SRAS
BCAS RNAMS MCHOD PAS MNYES PAR BYAS, RIGS DRUG GI SEMS CAN THAMS CAD KYI SDIG SGRIB SBYANGS, BCOM LDAN 'DAS MA'I GO 'PHANG LA BKOD, SLAR 'DUS TE THUGS KAR THIM PAR GYUR (PAR BSAMS LA YI GE BCU PA GANG 'GRUB BZLA, YIG BRGYAS... BRTAN PAR BYA, GONG LTAR MCHOD CING BSTOD DE, GTOR MA NANG MCHOD LTAR BYIN GYIS BRLABS LA,) LJAGS RDO RJE'I 'OD ZER GYI SBU GUS DRANGS TE GSOL BAR (BSAM NAS,) AOm A'A RYA T'A RE SA PA RI W'A RA AI DAm BA LINGA KHA KHA KH'A HI KH'A HI, (ZHES BDUN NAM GSUM GYIS 'BUL, PHYI NANG GIS MCHOD CING BSTOD,) RJE BTZUN BCOM LDAN 'DAS MA THUGS RJE CAN, (,ZHES SOGS KYIS 'DOD DON LA GSOL BA BTAB, CHOS SKYONG GI GTOR MA NANG MCHOD LTAR BYIN GYIS BRLABS LA), MKHA' 'GRO CHOS SKYONG RNAMS KYI LJANGS RDO RJE'I 'OD ZER GYI SBU GUS DRANGS TE GSOL BAR GYUR (PAR BSAMS LA,) AA K'A RO'I SNGAGS SAM, t'AKKI N'I SHR'I DHA RM'A P'A LA SA P'A RI W'A RA AI DAm BA LI TAm KHA KHA KH'A HI KH'A HI, (LAN GSUM GYIS PHUL), AARGHAm SOGS BTAGS PAS PHYI NANG GIS MCHOD, 'DOD YON LNGA LDAN BDUD RTZI'I GTOR MA... 'DI, ,MKHA' 'GRO CHOS SKYONG SRUNG MA'I TSOGS LA 'BUL, ,BZHES NAS BDAG DANG RGYU SBYOR YON BDAG LA, ,'PHRIN LAS RNAM BZHI'I DNGOS GRUB MA LUS STZOL, (,ZHES 'DOD DON GSOL, GZHI BDAG GTOR MA BSANGS SBYANGS), STONG PA'I NGAG LAS... BHR'Um LAS RIN PO CHE'I SNOD KYI NANG DU AOm LAS GTOR MA YE SHES KYI BDUD RTZI'I RGYA MTSO CHEN POR GYUR, AOm A'A: H'Um, (LAN GSUM BRJOD CING BYIN GYIS BRLABS LA), GNAS BDAG GZHI BDAG RNAMS KYIS 'DOD YON LA LONGS SPYAD PAS TSIM PAR GYUR PAR
, ,BSAMS LA, SAMBHA RA (LAN GSUM GYIS BSNGO, DE BZHIN GSHEGS PA BZHI'I MTSAN BRJOD,) 'DOD YON LNGA LDAN BDUD RTZI'I GTOR MA 'DI, ,YUL LHA GZHI BDAG GNAS PO'I TSOGS LA 'BUL, ,BZHES NAS BDAG DANG RGYU SBYOR YON BDAG LA, ,MTHUN RKYEN BSGRUB CING SDONG GROGS GNAS PO MDZOD, ,(CES DANG), BDAG GI BSAM PA'I STOBS (ZHES SOGS BDEN STOBS BRJOD, PHYOGS BZHI'I RGYAL CHEN BZHI LA GTOR MA 'BUL BA NI, GONG GI GZHI BDAG GTOR MA LTAR BYIN GYIS BRLABS LA, AOm AE HYE HI), TZA TUR MH'A R'A DZA SA PA RI W'A RA BDZRA SA MA DZA: (ZHES SPYAN DRANGS,) K'A MA LA YE STVAm, (ZHES GDAN 'BUL,) AOm DHRI TA R'A shtA YA, AOm BI R'U dHA KA YA, AOm BHI RU BAKshA YA, AOm BEE SHRA MA nA YA, SA PA RI W'A RA BHYA: NA MA: SARBA TA TH'A GA TA BHYO BI SHVA MU KHE BHYA: SARBA TATKHAm TE SPHA RA nA AI MAm GA GA NA KHAm GRiHnA DAm BA LIm TA SV'AH'A, (LAN GSUM GYIS 'BUL,) AOm TZA TUR MAH'A R'A DZA SA PA RI W'A RA AARGHAm (SOGS KYIS MCHOD,) RGYAL PO CHEN PO DPAL LDAN PA,) ,MRGAD MDOG MTSUNGS PI WANG 'DZIN, ,DRI ZA'I TSOGS... LA DBANG BSGYUR PA'I, ,YUL 'KHOR BSRUNG LA PHYAG 'TSAL LO, ,DPA' BO CHEN PO STOBS PO CHE, ,KHA MDOG SNGON PO RAL GRI 'DZIN, ,GRUL BUM TSOGS LA DBANG BSGYUR BA'I, ,'PHAGS SKYES PO LA X MNGA' BDAG CHEN PO MTHU BO CHE, ,KHA MDOG DMAR SER SBRUL ZHAGS 'DZIN, ,KLU YI TSOGS LA MNGA' MDZAD PA'I, ,MIG MI BZANG LA X DED DPON CHEN PO GSER MDOG CAN, ,BE CON DANG NI NE'U LE 'DZIN, ,GNOD SBYIN TSOGS LA DBANG BSGYUR BA'I, ,RNAM THOS SRAS LA X RGYAL...
(CHEN BZHI PO 'KHOR BCAS KYIS, ,MCHOD SBYIN GTOR MA 'DI SNYOMS LA, ,RNAL 'BYOR DPON SLOB 'KHOR BCAS LA, ,NAD MED TSE DANG...(ZHES PA NAS,) YID LA 'DOD PA KUN 'GRUB SHOG (,CES 'PHRIN LAS BCOL,, ' GNYIS PA GSHIN RJE LA JI LTAR BYA BA NI, GSHIN RJE'I GZUGS LA DMIGS TE,) AOm BADZRA AA MRi TAS BSANGS, SVA BH'A WAS SBYANGS, STONG PA'I NGANG LAS PAD NYI'I STENG DU YA LAS 'CHI BDAG GSHIN RJE SKU MDOG NAG PO KHRO BO'I ZHAL CAN 'JIGS SU RUNG BA SKYE 'GRO'I SROG LA RNGAM PA GA-YAS DBYUG PA DANG GA-YON ZHAGS PA BSNAMS PA 'KHOR BDUD RIGS BZHI DANG GDON BGEGS LAN CHAGS 'BYUNG PO'I TSOGS BSAM GYIS MI KHYAB PAS BSKOR BA DANG BCAS PAR GYUR, RANG RJE BTZUN MAR GSAL BA'I THUGS KA'I T'Am YIG LAS 'OD ZER LCAGS KYU'I RNAM PA CAN DPAG TU MED PA 'PHROS PAS LHO PHYOGS NAS 'CHI BDAG GSHIN RJE 'KHOR DANG BCAS PA (CHE GE MO'I) TSE GLUD SROG GLUD LEN PA'I SLAD DU SKAD CIG YUD TZAM LA 'DIR MCHIS PAR GYUR CIG (,H'Um MDZAD KYI PHYAG RGYA DANG BCAS TE), NA MO, RTZA BRGYUD BLA MA YI DAM DKON MCHOG GSUM, ,KHYAD PAR 'PHAGS MA SGROL MA'I LHA TSOGS DANG, ,DPA' BO MKHA' 'GRO CHOS SKYONG SRUNG MA'I TSOGS, ,SNGAGS DANG TING 'DZIN BSLU MED RTEN 'BYUNG GI ,BDEN PA'I MTHU YIS DMIGS YUL 'DI NYID KYI, ,TSE... SROG 'PHROG CING GNOD PAR RTZOM PA YI, ,'CHI BDAG GSHIN RJE 'KHOR DANG BCAS PA DANG, ,GDON BGEGS LAN CHAGS SHA 'KHON GNYER BA KUN, ,SKAD CIG NYID LA BKUG STE GZUGS BRNYAN LA, ,BSTIMS PAS DBYER MED DNGOS SU GSAL BAR...
, ,GYUR; ;tAKKI H'Um DZA: (ZHES 'GUGS BSTIM LAN GSUM MAM BDUN SOGS BYAS LA GZUGS BRNYAN 'CHI BDAG NAG PO 'KHOR BCAS DNGOS SU BSAM, GTOR GLUD DKOR CHA RNAMS BYIN GYIS BRLAB PA NI, YO BYAD THAMS CAD LA BSANG CHU 'THOR ZHING LAS SNGAGS KYIS BSANGS,) SVABH'A WAS SBYANGS, STONG PA'I NGANG LAS RANG RANG GI MING YIG DANG PO THIG LES BRGYAN PA YONGS SU GYUR PA LAS MKHO RGU'I LONGS SPYOD 'DOD PA'I YON TAN LNGA DANG LDAN PA NAM MKHA' MDZOD KYI RANG BZHIN CAN DU GYUR, AOm SARBA BID P'U RA (ZHES SOGS LAN GSUM DANG, AOm SVA BH'A WA BI SHUDDHE (ZHES SOGS SNGAGS DRUG DANG PHYAG RGYA DRUG GI BYIN GYIS BRLAB), BDAG GI BSAM PA'I STOBS (ZHES SOGS BDEN STOBS BRJOD, MCHOD PA NI, NYA'I BSUR DUD SBYAR TE), AOm YA MA R'A DZA BDZRA PUshPE (NAS SHAPTA'I BAR GYIS MCHOD, DKOR CHA BSNGO ZHING RDZONGS 'DEBS PA NI, RANG NYID RJE BTZUN MAR GSAL BA'I THUGS KA NAS LHA MO DKAR MO MDZES SGEG PHUN SUM TSOGS PA ZHIG SPROS TE, GLUD GTOR RNAMS 'CHI BDAG 'KHOR BCAS LA SBYIN PAS RAB TU MGU ZHING TSIM PAR BSAMS LA, GSER DNGUL SOGS ZHO GRANGS, SHA MAR THUD SOGS SRANG GRANGS, NAS 'BRAS GRO SOGS KHAL GRANGS, DAR GOS SNAM RAS SOGS 'DOM GRANGS RNAMS GONG DU SNGAGS BTAB PA'I BRE SRANG LA MCHAD GA-YOG PAS GZHAL TE RE RE NAS BGRANGS PA'I BRGYA STONG SOGS BGRANG DGOS KYANG, DE TZAM MI 'GRUB PAS SNGA MA BRGYA RTZA'AM STONG RTZA DANG, LO GRANGS SOGS SGRA JI BZHIN PAR GZHAL, DE NAS GZHAN RNAMS GCIG ,BCU; BRGYA, STONG, KHRI; 'BUM, SA YA, BYE BA, DUNG PHYUR MANG PO ZHES BYAS TE JI TZAM NUS PAR GZHAL BA DANG SBRAGS 'DI SKAD CES), HO: CHOS KYI RGYAL PO 'CHI...
BDAG SHIN RJE'I TSOGS 'KHOR DANG BCAS PA LA RDZONGS KYI DNGOS PO NAS KHAL GCIG ,BCU, BRGYA, STONG, KHRI; 'BUM NAS GRANGS MED PA'I BAR 'BUL BAS, BDAG CAG DPON SLOB YON MCHOD 'KHOR DANG BCAS PA DANG KHYAD PAR DU (DPAL LDAN BLA MA DAM PA'AM), BSGRUB BYA'I TSE DANG SROG GI GLUD DU BZHES LA, GNOD PA'I SEMS SBONGS, PHAN BDE BYANG CHUB KYI SEMS DANG LDAN PAR MDZAD DU GSOL, (ZHES 'BRU RNA RNAMS RE RE BZHIN DE LTAR BYA, SHA MAR JA SOGS SRANG NYAG LA 'DEGS 'OS PA RNAMS,) HO: CHOS KYI RGYAL PO 'CHI BDAG GSHIN RJE'I TSOGS 'KHOR DANG BCAS PA LA RDZONGS KYI DNGOS PO SHA SRANG GCIG ,BCU, (SOGS SNGAR LTAR 'BUL, GSER DNGUL LA SOGS PA YANG DE BZHIN DU ZHO CHAS GZHAL LA 'BUL, BSDU NA), HO: (ZHES PA NAS), RDZONGS KYI DNGOS PO, NAS, 'BRAS, GRO SRAN, SHA MAR JA THUD, GSER DNGUL ZANGS LCAGS, DAR GOS SNAM RAS SOGS BRE KHAL, ZHO SRANG, 'DOM GRANGS GCIG ,BCU, BRGYA, STONG (ZHES SOGS MDOR BSDUS NAS BRJOD KYANG RUNG, 'DI DAG GI SKABS SU SGRUB GA-YOG RNAMS KYIS KYANG SGROL MA'I GZUNGS DANG NYER BSTOD 'DON PA DANG, BRE SRANG GIS 'JAL BA DANG, GRANGS BRJOD PA MA GTOGS THA MAL GYI GTAM GZHAN SMRA MI RUNG, BYA BA THAMS CAD DON MED DU 'GYUR BA'I RGYUR GSUNGS PAS RTZED MO DANG GAD MO SOGS MI BYA, SEMS KYIS CHOS THAMS CAD SGYU MA DANG... RMI LAM LTA BUR RTEN 'BREL GYI GZUGS BRNYAN YIN, JI LTAR RDZONGS BYED PA'I GLUD DANG DKOR CHA SOGS RDZAS DE RNAMS DNGOS PO BZANG ZHING RGYA CHE BA'I 'CHI BDAG 'KHOR DANG BCAS PAR BYIN PAS TSIM ZHING, BSGRUB BYA'I TSE SROG BLUS PAR BSAMS LA, RDZAS RNAMS BRE SRANG DANG ZHO DANG 'DOM LA
, ,('JAL ZHING 'CHI BDAG GI RDZONGS KYI PHYIR DE'I GZUGS KYI MDUN DU DOR, MTHAR BRE SRANG SOGS KYANG BCAG LA DOR, BSDU NA GLUD RDZONGS SPYI 'GRO BZHIN BRE SRANG LA 'JAL 'DEGS RNAMS MA 'BGYIS KYANG CHOG GO, ,DE NAS), HO: DAR TSON SNA LNGA RNAM SHES GLUD, ,'CHI BDAG CHEN PO GLUD BZHES LA, ,SBYIN BDAG 'KHOR DANG BCAS PA YI, ,BSAM PA YID BZHIN 'GRUB PAR MDZOD, ,RMA BYA'I MDONGS BRKA DBANG PO'I GLUD, ,'CHI BDAG CHEN PO GLUD BZHES LA, ,SBYIN BDAG 'KHOR DANG BCAS PA YI, ,BSAM PA YID BZHIN 'GRUB PAR MDZOD, ,NGAR GLUD 'BYUNG BZHI LAS KYI GLUD, ,'CHI BDAG CHEN PO GLUD BZHES LA, ,SBYIN BDAG 'KHOR DANG BCAS PA YI, ,BSAM PA YID BZHIN 'GRUB PAR MDZOD, ,SROG CHAGS SNA TSOGS PHYUGS KYI GLUD, ,'CHI BDAG CHEN PO GLUD BZHES LA, ,SBYIN BDAG 'KHOR DANG BCAS PA YI, ,BSAM PA YID BZHIN 'GRUB PAR MDZOD, ,D'UR PA RIN CHEN TSE YI GLUD, ,'CHI BDAG CHEN PO GLUD X SBYIN BDAG 'KHOR DANG X BSAM PA YID BZHIN X RIN CHEN SNA LNGA BSOD NAMS GLUD, ,'CHI BDAG CHEN PO GLUD X SBYIN BDAG 'KHOR DANG X BSAM PA YID BZHIN X 'BRAS BU SNA TSOGS DPAL 'BYOR GLUD, ,'CHI BDAG CHEN PO X SBYIN BDAG 'KHOR DANG X BSAM PA YID BZHIN X GLING... BZHI GLING PHRAN DBANG THANG GLUD, ,'CHI BDAG CHEN PO GLUD X SBYIN BDAG 'KHOR DANG X BSAM PA YID BZHIN 'GRUB PAR MDZOD, ,CHOS KYI RGYAL PO GSHIN RJE'I TSOGS, ,'CHI BDAG 'KHOR DANG BCAS PA LA, ,DE RING SBYIN PA'I BDAG PO YI,,
(TSE DANG SROG GI GLUD 'BUL GYI, ,MCHOD YON 'BRU SNA SNA TSOGS DANG, ,'DOD YON RIN CHEN SNA LNGA DANG, ,ZHAL ZAS ME TOG NAG POS MCHOD, ,'DI DAG LONGS LA TSE SROG BYIN, ,BZUNG BA THONGS LA BCINGS PA KHROL, ,BKA' DANG DAM LAS MA 'DA' (ZHIG ,CES RDZONGS 'DEBS BYA, 'BRANG RGYAS DKAR NAG MTSAMS NAS BCAD DE, NAG PO'I DPAL 'BAR LNGA YANG SBAR BA DANG, SNGAR MAntAL GYI SHAR DU BKOD PA'I BSGRUB BYA'I KHRUS KHU 'O MAR BSRES PA KHAM PHOR DANG BCAS PA LHAN CIG GSHIN RJE'I GZUGS KYI DRUNG DU BZHAG STE, 'BRANG RGYAS SNGAR BYIN GYIS BRLABS ZIN PA CHU GCIG GIS SBYANG, SAMBHA RA'I SNGAGS LAN BDUN GYIS GSHIN RJE 'KHOR BCAS LA LAM RGYAGS TSUL DU BSNGOS LA), AOm YA MA R'A DZA SA PA RI W'A RA AARGHAm (NAS, SHAPTA'I BAR GYIS MCHOD, RANG RJE BTZUN MA'I NGA RGYAL BRTAN POS, SROG GI BLU YON DU GLUD SBYIN PA NI, GLUD CHE CHUNG THAMS CAD BSANGS SBYANGS, STONG PA'I NGANG LAS AOm A'A H'Um SV'A H'A ZHU BA LAS BYUNG BA'I NGAR MI PHUNG KHAMS SKYE MCHED THAMS CAD TSANG BA 'DOD PA'I YON TAN LNGA DANG LDAN CING DKOR NOR LONGS SPYOD ZAD MI SHES PA'I GTER DANG BCAS PAR GYUR, (NAM MKHA' MDZOD KYI SNGAGS RGYAS BYIN GYIS BRLABS, GLUD CHUNG LO GRANGS SOGS BSHAMS YOD NA RE RE BZHIN,) NA MA: SARBA TA TH'A GA TA (SOGS LAN GSUM RES BSNGOS LA LAG PA GA-YAS PA KHA SBUB PA'I MTHEB MDZUB KYIS BZUNG BA BSGRUB BYA MDUN DU YOD NA DE LA LAN GSUM BSKOR ZHING BYABS TSUL DANG BCAS, CHAGS CHE NYAMS NGA THAMS CAD GLUD LA THIM PAR BSAM STE GSOG SNOD LCAGS SLANG DU DOR, DE NAS GLUD CHEN BSNGO BO NI, H'Um; 'BRU MCHOG NGAR GYI MI BO CHE, ,ZHO SHA'I SNYING LA DUNG GI RUS, ,BSE YI SHA
, ,LA MTSAL GYI KHRAG ,KU BA'I MGO LA ZER MO'I SKRA, ,DBANG PO'I LAG PA CHU SRIN SDER, ,LUNG THANG MIG LA MO KHAB SNA, ,MGRON BU'I SO LA LEB BRGAN LCE, ,LAG GA-YAS GSER LA GA-YON PA... GA-YU, ,RKANG GA-YAS LCAGS LA GA-YON PA ZANGS, ,ZA 'OG GOS LA RIN CHEN BRGYAN, ,YID NI DRAN PA WA LA LA, ,RUS NI DKAR MDANGS YE RE RE, ,SHA NI SMUG DANG KHAMS SE KHAM, ,KHRAG NI DMAR MDANGS BRENGS SE BRENG, ,DROD NI TSA MDANGS... LAMS SE LAM, ,DBUGS NI 'GYU MDANGS BRENGS SE BRENG, ,GDONG NI BKRAG MDANGS YA LA LA, ,SKRA NI MDZES RGYAN PU RU RU, ,LAG PA GA-YAB STANGS SI LI LI, ,MIG NI MTHONG STANGS RGYANGS SE RGYANG, ,SNA NI DRI ZHIM CHINGS SE CHING, ,KHA NI... BZHAD GAD YA LA LA, ,LCE NI SMRA SKAD SHA RA RA, ,RKANG NI 'GROS STABS LAMS SE LAM, ,GOS NI BZANG GOS LHAB MA LHUG ,BZA' BAS KHA DRO THIBS SE THIB, ,NGAG NI TSANGS PA LHA YI GSUNG, ,RANG MING CHO 'BRANG SHA RA RA, ,YAR GYI SGANG BU MTHO MTHO NAS, ,GSUNG SNYAN DE NI KYU RU RU, ,MAR GYI GSHONG BU DMA' DMA' NAS, ,'GROS BZANG DE NI LDEMS SE LDEM, ,CA CO DE NI LDIR LDIR NAS, ,SKYES PA DMAG LA CHAS PA 'DRA, ,RGYAN RGYAN DE NI PUR PUR NAS, ,NA CHUNG BAG MAR CHAS PA 'DRA; ;BRI BRI DE NI BKOD BKOD NAS, ,STAG GZIG TSANG NAS THON PA 'DRA, ,SGO GSUM PHUNG KHAMS SKYE MCHED TSANG, ,MKHO RGYU'I LONGS SPYOD BSAM MI KHYAB, ,'DOD YON SNA LNGA LHUN GYIS GRUB, ,'DI 'DRA'I GLUD BZANG YA MTSAN CAN, ,
'CHI BDAG 'KHOR DANG BCAS PA LA, ,DENG GI DMIGS YUL 'DI NYID KYI, ,LUS DANG SROG GI GLUD DU 'BUL, ,MI BAS LHAG PA'I GLUD BZHES LA, ,BZUNG BA THONGS LA BCINGS PA KHROL, ,MNAN PA THEG LA BSDAM PA GLOD, ,ZOS PA SKYUGS LA... 'CHI BA GSOS, ,KHRAM KHA BSGYUR LA SHO RDE SPOS, ,TSON DRU SGRIL LA BYAD THAG CHOD, ,MING YIG BYANG DMAR DKYUS NAS THON, ,NAD DANG GDON LAS GROL BAR MDZOD, ,SNGON GYI LAN CHAGS YOD GYUR NA, ,MCHOD SBYIN 'DI YIS TSIM BYOS LA, ,BU LON LAN CHAGS THAMS CAD KHYER, ,'CHI BA'I 'JIGS PA ZHI BAR MDZOD, (,CES BRJOD CING GLUD MCHOD GA-YOG GIS BTEG STE BSGRUB BYA'I LUS LA LAN GSUM BSKOR BA'AM MI BDE NA MOS PA BYAS TE 'CHI BDAG GI GZUGS KYI MDUN DU BKOD, BKA' BSGO BA NI, DE NAS... GNOD BYED RNAMS LA BYAMS SNYING RJE SHUGS DRAG PO BSGOM ZHING 'DI SKAD CES BKA' BSGO'O,,) AOm; GANG DAG CHOS RNAMS THAMS CAD KYI, ,RGYU DANG 'BRAS BU'I MTSAN NYID NI, ,MNGAR DANG KHA BA'I SA BON LAS, ,'BRAS BU SO SOR SMIN PA BZHIN, ,DGE DANG MI DGE'I LAS RNAMS KYI, ,'BRAS BU YANG NI DE BZHIN TE, ,DE BAS ZHE SDANG GDUG RTZUB SOGS, ,MI DGE'I LAS RNAMS KUN SPONGS LA, ,ZHI ZHING BYAMS PA'I SEMS KYIS NI, ,'GRO BA 'DI LA PHAN MDZAD GSOL, (,CES BRJOD, DE NAS RANG RJE... BTZUN MA'I NGA RGYAL BRTAN POS,) H'Um; 'DI NAS LHO YI PHYOGS ROL NA, ,DPAG TSAD BRGYAD KHRI'I PHA ROL NA, ,THOD PA LCAGS KYI GRONG KHYER NA, ,YI DVAGS KUN GYI SDE DPON PO, ,MA MO KUN GYI TSOGS RJE BO, ,GSON GSHIN KUN GYI ZAM KHA PA, ,GSON
, ,PO SKOS LA 'DEBS PA PO, ,SHI BA RNAMS KYI GSHIN BU RJE, ,DGE BA CAN GYI STANGS 'DZIN PA, ,SDIG PA CAN GYI CHAD PA MKHAN, ,LEGS NYES CHOS BZHIN SPYOD PA PO, ,CHOS RGYAL GSHIN RJE ZHES BYA... BA; ;MNGON SHES RDZU 'PHRUL MTHU STOBS CAN, ,'KHOR BCAS 'DIR NI BDAG LA DGONGS, ,DE RING RGYU SBYOR YON BDAG GI ,TSE SROG GLUD BZANG SKYE MCHED TSANG, ,MKHO RGYU'I 'BYOR PA BCAS PA 'DI, ,SBYIN BDAG 'DI YI GLUD DU 'BUL, , GLUD DANG GTOR MAS TSIM BGYIS LA, ,'KHOR 'DIR 'TSE BAR MA BYED CIG (,CES BRJOD LA GLUD BSNGO, GSHIN RJE'I GZUGS BSKYAL PHYOGS SU KHA BSGYUR BA'I RJES SU GLUD CHAS RNAMS KYANG BSGRIGS, ROL MO'I SGRA DANG BCAS,) NA MO; RTZA BRGYUD BLA MA YI DAM DKON... MCHOG GSUM, ,KHYAD PAR 'PHAGS MA SGROL MA'I LHA TSOGS DANG, ,DPA' BO MKHA' 'GRO CHOS SKYONG SRUNG MA'I TSOGS, ,SNGAGS DANG TING 'DZIN BSLU MED RTEN 'BYUNG GI, ,BDEN PA'I MTHU YIS DMIGS YUL 'DI NYID KYI, ,TSE DANG SROG LA BAR GCOD RTZOM PA YI, ,'CHI BDAG GSHIN RJE 'KHOR DANG BCAS PA DANG, ,GDON BGEGS LAN CHAGS SHA KHON GNYER BA KUN, ,'PHAGS MA'I BKA' DANG DAM TSIG DRAN MDZOD LA, ,DPAG TSAD BYE BA'I PHA ROL DA SONG ZHIG ,YA MA R'A DZA SA PA RI W'A RA GATZTSA, (ZHES BRJOD LA THAL MO BRDABS, YI GE BCU PA DANG,) SUMBHA NI (DRAG TU BRJOD CING YUNGS KAR GYIS BRAB, GU GUL GYIS BDUG ,ROL MO'I TSAM RNGAMS DANG BCAS GSHIN RJE'I GZUGS, GLUD CHUNG RNAMS DANG CHANG BU, (SHA RJEN, NYA SHA SOGS DANG, 'BRU SNA,
DAR SNA SOGS RDZONGS CHAS, 'BRANG RGYAS NAG PO, GSHIN RJE'I NYER SPYOD, KHRUS CHU'I KHAM PHOR, GDAN,) ZHAL KHEBS SOGS YO BYAD MA LUS PA LHO PHYOGS KYI GRONG ZAD MTHAR BSKYAL LA GZUGS BRDEB PA SOGS MA YIN PAR MGO BO LHOR BSTAN NAS 'JOG CING, RDZONGS CHAS RNAMS KYANG DE'I MDUN DU BZHAG LA, SKYEL MKHAN RNAMS NANG DU LOG DUS PHYI MIG MI BLTA BAR BYA'O,, ` GSUM PA BSGRUB BYA LA JI LTAR BYA BA NI, BSGRUB BYA MDUN DU TZOG PUR 'KHOD DU BCUG LA, GLUD GOS KYI TSON SKUD BKROL NAS SLOB DPON GYIS RDO DRIL THOGS BZHIN PAS... LAG LEN LTAR MDUD KHUG BTAB STE BSGRUB BYA'I SKE LA BSKON, SNE GNYIS KYIS LAG PA'I SRIN MDZUB DANG, RKANG PA'I MTHE BONG LA DKRI, NAD PA LTA BU TZOG PUR 'DUG MI THUB PA RNAMS LA GA-YON PA KHO NA LA BCINGS PAS 'THUS, DE NAS SLOB DPON GYIS 'DI SKAD CES,) KHYED RANG... DMIGS PA 'DI BZHIN MDZOD, SLOB DPON BCOM LDAN 'DAS RJE BTZUN SGROL MAR GSAL BA LA MOS GUS BYAS PAS, DE'I THUGS KA NAS 'OD ZER RNO ZHING THOGS PA MED PA LCAGS KYU'I RNAM PA CAN GRANGS MED PA 'PHROS, KHYED RANG GI LUS KYI PHYI NANG DANG SNOD BCUD THAMS CAD LA KHYAB PAS, KHYED RANG GI LUS NGAG YID GSUM LA BAR DU GCOD PAR BYED PA'I NAD GDON SDIG SGRIB DUS MA YIN PAR 'CHI BAR BYED PA'I MI MTHUN PA'I PHYOGS THAMS CAD 'OD ZER SNGO DMAR DANG DUD KHU SOL KHU... RNAG KHRAG GI RNAM PA CAN DANG, GDON BGEGS LA SOGS PA SDIG SBAL DANG SROG CHAGS MI SDUG PA'I RNAM PA CAN DU TSUR BKUG STE LUS LA BCINGS PA'I TSON SKUD 'DI LA SIB KYIS THIM PA'I MOS PA MDZOD, (BYAS LA, KHRO BO 'DOD RGYAL GYI PHYAG RGYA
, ,BYAS TE, NGAG TU,) NA MO; RJE BTZUN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI BKA' BDEN PA DANG, SANGS RGYAS KYI X CHOS KYI X DGE 'DUN GYI X DE BZHIN GSHEGS PA DANG, RDO RJE DANG, RIN PO CHE DANG, PADMA DANG, LAS KYI RIGS SU GYUR PA THAMS CAD DANG, SNYING PO DANG, PHYAG RGYA DANG, GSANG SNGAGS DANG, RIG SNGAGS KYI LHA'I KHYAD PAR THAMS CAD DANG, KHYAD PAR DU YANG RJE BTZUN MA 'PHAGS MA SGROL MA'I LHA... TSOGS RNAMS KYI BDEN PA DANG, BDEN PA'I BYIN GYIS BRLABS KYIS, ,BSGRUB BYA'I SDIG SGRIB, NAD GDON, LO SKEG ,ZLA SKEG ,ZHAG SKEG ,DUS SKEG ,CHAG CHE, NYAM NGA, BTZOG GRIB, MI GTZANG BA, MTHU GTAD, BDUD KYI ZHAGS BA, GSHIN RJE'I PHO NYA LA SOGS PA'I 'GAL RKYEN NGAN PA THAMS CAD TSON SKUD 'DI NYID LA MCHIS PAR GYUR CIG ,tAKKI H'Um DZA: DZA: H'Um BAm HO: (LAN GSUM, DE NAS,) KHYED RANG GI LUS LA BCINGS PA'I TSON SKUD 'DI NYID NAD GDON SDIG SGRIB BAR CHAD MI MTHUN PA'I PHYOGS THAMS CAD 'DUS PA'I RANG BZHIN CAN DU GYUR PA'I MOS PA DANG, SLOB DPON RJE BTZUN SGROL MAR GSAL BAS YE SHES KYI RAL GRIS TSON SKUD DUM BUR BCAD PAS BAR DU GCOD PA THAMS CAD DANG BRAL BAR BYAS PA'I MOS PA... MDZOD, (CES BRJOD,) GANG DAG SANGS RGYAS RANG SANGS RGYAS, ,SANGS RGYAS RNAMS KYI NYAN THOS DANG, ,TSANGS PA DANG NI 'JIG RTEN SKYONG, ,GNOD SBYIN SDE DPON DBANG PHYUG CHE, ,DE BZHIN GNOD SBYIN STOBS CHEN DANG, ,'PHROG MA BU DANG BCAS
PA STE, ,DE DAG MTHU DANG GZI BYIN GYIS, ,BYAD STEMS LAS RNAMS CHAD GYUR CIG ,AOm T'A RE TUTT'A RE TU RE SV'AH'A, (ZHES DANG,) AOm SARBA BANDHA N'Am, KA KHO RDA TZTSE DA N'A YA SV'AH'A, (ZHES BRJOD CING GA-YON DRIL BU DANG BCAS TSON SKUD RGYAB NGOS NAS BZUNG, GA-YAS PAS RAL GRI'I SO PHYIR BSTAN TE MGRIN PA'I DANG, DE BZHIN DU LAG PA GNYIS DANG, RKANG PA GNYIS KYI TSON SDUD RNAMS BCAD PA'I DUM BU LAG GA-YON PAS BSGRUB BYA BA GA-YON DU BSKOR ZHING BSAGS, SLAR YANG LAS KYI RDO RJES DUM BU MANG DU BZAD DO, ,DE NAS SLOB DPON GYIS GA-YON PA TSON SKUD DUM BU BZUNG, GA-YAS PAS TSON SKUD KYI DUM BU RE RE NAS SNYING PO DANG,) AA MRi TA (BRJOD CING LAS BUM GYI CHU THIGS RE DANG SBRAGS TE SNGAR BYANG DU BKOD PA'I KHAM PHOR NANG GI DUG DANG 'O CHU LA DOR, BSGRUB BYA'I NAD DANG SDUG BSNGAL THAMS CAD ZHI BAR BSAM ZHING LAN MANG DU BYA'O, ,SLAR YANG SLOB DPON GYI PHYAG... GA-YAS PAS DUG SNA'I PHYE MA NAS CUNG ZAD RE BZUNG NAS BSGRUB BYA'I MGO LA BSKOR ZHING 'O CHU'I NANG DU DOR TE,) 'DOD CHAGS ZHE SDANG GTI MUG GSUM, ,'DI DAG 'JIG RTEN DUG GSUM STE, ,DKON MCHOG GSUM LA DUG MI MNGA', ,DKON MCHOG GZI YIS... DUG BCOM MO, (,SNYING PO YI GE BCU PA 'DON,) SA NI DUG GI MA YIN TE, ,SA NI DUG GI PHA YANG YIN, ,BDEN PA'I BDEN TSIG 'DI DAG GIS, ,CHE GE'I DUG NI DUG MED SHOG ,DUG GSUM SA YI NANG DU SONG, (,DE BZHIN DU CHU DANG ME DANG RLUNG LA SBYAR, SNYING PO 'DON,) BSGRUB BYA 'DI LA 'BYUNG BA DANG 'BYUNG GYUR GYI DUG THAMS CAD SH'NTIm KU RU YE SV'AH'A, (ZHES BRJOD, GLUD CHE BA DANG, GLUD GOS, TSON SKUD DUG PHOR DANG BCAS BYANG PHYOGS KYI GRONG ZAD SAR BSKYAL PHYI MIG MI BLTA BAR BYA'O ,DE NAS, SLOB DPON GYIS LAS BUM...
, (,THOGS TE,) NGED KYI LAG GA-YAS NA THOGS PA'I BUM PA LAS NGE BO LHA'I YE SHES YIN PA LA RNAM PA BDUD RTZI KHO DOG SNA LNGA'I RGYUN BSAM GYIS MI KHYAB PA KHYED RANG GI SPYI GTZUG TU BABS PAS LUS KYI PHYI NANG BAR GSUm THAMS CAD DAG PAR BKRUS PAS NAD GDON SDIG SGRIB BAR CHAD MI MTHUN PHYOGS THAMS CAD SANGS KYIS DAG PA'I MOS PA MDZOD, (BYAS LA,) JI LTAR BLTAMS PA NAS BDAG GIS KHRUS BGYI'O, (,'KHYIL SNGAGS KYI MTHAR, CHE GE MO'I) SDIG PA DANG SGRIB PA... THAMS CAD SH'ANTIm KU RU YE SV'AH'A, (DE BZHIN DU SBYAR TE,) NAD THAMS CAD X KHON X GRIB X RIMS X BYAD X BYUR X SKAL BA NGAN PA X RMI LAM NGAN PA X LTAS NGAN PA X MI KHA NGAN PA X DUS MA YIN PA'I 'CHI BA X LO SKEG X ZLA SKEG X ZHAG DANG DUS SKEG X RGYAL PO'I 'JIGS PA X CHOM RKUN GYI 'JIGS PA X GZA' DANG RGYU SKAR GYI GNOD PA X BTZAN DANG RGYAL PO'I GNOD PA X KLU GNYAN SA BDAG GI GNOD PA X GDON DANG BGEGS X BAR GCOD MI MTHUN PA'I PHYOGS THAMS CAD SH'ANTAm... KU RU YE SV'AH'A, (ZHES SBYAR BA BRJOD CING BUM PA'I CHUS BSGRUB BYA'I LUS RIL PO'AM YAN LAG RNAMS BKRUS PAS SDIG SGRIB 'GAL RKYEN THAMS CAD DAG PAR BSAM, GAL TE DNGOS SU BKRUR MI RUNG NA GZUGS BRNYAN BRIS PA DANG ME LONG DU SHAR BA LA YANG BKRUR RUNG NGO, ,DE NAS BSGRUB BYA'I... KHAR CHU CUNG ZAD 'DZIN DU BCUG LA,) RDO RJE DANG BCAS PA'I RMA BYA'I SGRO'I CHUN PO STENG DU ZLA BA LA GNAS PA'I T'Am YIG SNGAGS PHRENG DANG BCAS PA LAS 'OD ZER 'PHOS PAS BSGRUB BYA LA BKRUS SHING MA DAG PA'I SKYON LHAG MA RNAMS SNGAGS KYI 'OD ZER GYIS BYA BAS
PAS KHA NANG GI CHU LA THIM PAR (BSAMS LA SNGAGS KYI MTHAR, CHE GE MO'I) SDIG PA DANG SGRIB PA THAMS CAD AA PA NA YE SV'AH'A, (SOGS GONG BZHIN SBYAR LA, KHA CHU DE KHRUS CHUR BOR LA,) NA MO RJE BTZUN RTZA BA DANG (SOGS DANG,) BDEN PA'I BYIN GYIS BRLABS KYIS, (CHE GE MO LA, (GNOD CING 'TSE BAR BYED PA'I GDON BGEGS 'BYUNG PO'I RIGS GANG YIN PA DE DAG THAMS CAD KHRUS CHU 'DIS TSIM PAR GYIS LA RANG RANG GI GNAS SU SONG ZHIG ,SUMBHA (SOGS BRJOD LA, GU GUL GYIS BDUG ,YUNGS KAR GYIS BRAB, KHRUS CHU CHU BO LA SOGS PAR... DOR RO, ,BSDUS PA'I TSE BKRUS BYABS GNYIS MI DGOS, DE NAS BSGRUB BYA GOS DKAR PO BSKON, ,GDAN DKAR PO LA BZHAG STE,) SANGS RGYAS RNAMS NI BDUD LAS RGYAL, ,CHOS NI CHOS MA YIN LAS RGYAL, ,DGE 'DUN MU STEGS RNAMS LAS RGYAL, ,DBANG PO LHA MIN... RNAMS LAS RGYAL, ,LHA MIN ZLA BA RNAMS LAS RGYAL, ,NAM MKHA' LDING NI RGYA MTSO LAS, ,ME NI SHING LAS RGYAL BAR GYUR, ,CHU NI ME LAS RGYAL BA STE, ,RLUNG NI SPRIN LAS RGYAL BAR GYUR, ,RDO RJE YIS NI RIN CHEN PHUG ,LHA RNAMS BDEN PAR RAB TU... GNAS, ,SA YANG BDEN PAR GNAS PA LA, ,SANGS RGYAS DANG NI CHOS KYANG BDEN, ,BDEN PA RGYAL GYUR RDZUN MA LAGS, ,BDEN PA DANG BDEN PA'I TSIG 'DI DAG GIS (CHE GE MO) ZHES BYA BA BDUD DANG MI MTHUN PA'I PHYOGS THAMS CAD LAS RGYAL NAS BKRA SHIS PAR GYUR CIG ,DZA YA DZA YA, SIDDHI SIDDHI, PHA LA PHA LA HO: (ZHES BRJOD LA ME TOG DKAR PO 'THOR, DE NAS,) RANG GI THUGS KA'I T'Am YIG LAS 'OD ZER 'PHROS, BSGRUB BYA'I LUS KYI PHYI NANG BAR GSUM THAMS CAD KHYAB, ,SHA SKYI LPAGS...
, ,MTSAMS THAMS CAD 'OD ZER LAS GRUB PA'I RDO RJE'I RDUL PHRA RAB KYI RANG BZHIN DU GYUR TE, NAD GDON BGEGS SOGS MI MTHUN PA'I RKYEN NGAN THAMS CAD KYIS MI TSUGS PA'I BSRUNG BA CHEN POR... GYUR PAR BSAM, SNGAGS KYI MTHAR, CHE GE MO'I SDIG PA DANG SGRIB PA THAMS CAD LAS RAKshA RAKshA (ZHES SOGS SBYAR TE,) MI MTHUN PA'I PHYOGS THAMS CAD LAS RAKshA RAKshA, RGYAL BA SRAS BCAS BDEN PA'I BYIN RLABS DANG, ,RJE BTZUN 'PHAGS... MA SGROL MA'I THUGS RJE YIS, ,'GRO BA 'DI NYID BDAG GIS BSRUNGS ZIN GYIS, ,'DI LA SUS KYANG GNOD PA MA BYED CIG ,BADZRA RAKshA RAKshA YE SV'AH'A, (ZHES BRJOD CING, BSGRUB BYA'I SPYI BO LUS KYI MDUN RGYAB, DPUNG BA GA-YAS GA-YON, ,DPYI GA-YAS GA-YON... RNAMS SU RDO RJE RGYA GRAM DU BZHAG PAR BYA'O, ,DE NAS 'BRANG RGYAS DKAR PO DE BSGRUB BYA'I LAG TU GTAD DE,) BKRA SHIS TSE BRTAN DPAL GYI ZAS, ,SNYING PO BSDUS PA'I BCUD 'DI NI, ,DE RING BU YIS ZA BAR BGYIS, ,'DI ZOS SANGS RGYAS TSE DPAG MED, ,ZHAL... ZAS BSTEN PAS NAD KUN LAS, ,GROL 'GYUR THE TSOM BYA MI DGOS, ,SNYING PO BRJOD CING ZA RU BCUG GO ,DE NAS,) PHUN SUM TSOGS PA MNGA' BA (ZHES SOGS DKON MCHOG GSUM GYI SHIS PA BRJOD CING ME TOG GI CHAR DBAB, ` (,GSUM PA MJUG TU JI LTAR BYA BA NI; SLAR YANG MCHOD TSOGS BZANG PO BSHAMS,) PO tA LA YI GNAS MCHOG NAS, (,ZHES SOGS KYI SPYAN 'DREN DANG,) RJE BTZUN BCOM LDAN 'DAS MA LA, ,GRANGS MED RGYAL BA ZHI KHRO YIS, ,BSKOR BA MDUN GYI LHA LAM NGOS, ,BDAG LA BRTZER DGONGS...
BZHUGS PAR GYUR, (,CES BZHUGS GSOL BYA, MCHOD PA RNAMS BYIN GYIS BRLABS LA,) SANGS RGYAS THAMS CAD 'DUS PA'I SKU, ,RDO RJE XXX MGON PO THUGS RJE XXX DAG PA'I 'DOD CHAGS XXX GROL NAS GROL BA'I XXX (SPRO NA, MA TI S'A RAS MDZAD PA'I SGROL MA NYER GCIG GI BSTOD PA 'DON ZHING PHYAG 'TSAL,) SANGS RGYAS CHOS DANG TSOGS KYI SOGS KYI (SOGS LAN GSUM GYIS SKYABS SEMS SNGON DU 'GRO BAS,) AOm A'A RYA T'A RE SA PA RI W'A RA AARGHAm (NAS) SHAPTA'I BAR GYIS MCHOD, RJE BTZUN 'PHAGS MA SGROL MA DANG, (,ZHAS... SOGS KYI YAN LAG BDUN PA DANG, MAndAL TSOM BU NYER LNGA MA'AM, SO BDUN MA PHUL TE, PHYAG 'TSAL NYER GCIG BRGYA RTZA BRGYAD DAM, NYUNG MTHA' NYER GCIG BRJOD, NYER BSTOD RE RE'I MJUG TU,) SKYABS GSUM THAMS CAD 'DUS PA'I BDAG NYID RJE BTZUN 'PHAGS MA SGROL MA'I LHA TSOGS 'KHOR DANG BCAS PAS SBYIN BDAG (CHE GE MO) 'DI DUS MA YIN PAR 'CHI BA'I 'JIGS PA LAS GROL, 'CHI BA MED PA'I TSE'I RIG 'DZIN THOB PAR BYIN GYIS BRLAB TU GSOL, (ZHES GSOL BA BTAB PAS DGYES BZHIN LAS KYIS BZHES... PAR BSAM, MJUG TU,) RJE BTZUN BCOM LDAN 'DAS MA THUGS RJE CAN, (,ZHES SOGS BRJOD, DE NAS GTANG RAG GI MCHOD PA BYIN GYIS BRLAB, MCHOD BSTOD, ,'DOD GSOL, YIG BRGYA, ,BZOD GSOL, ,RTEN YOD NA BRTAN BZHUGS DANG, MED NA GSHEGS... GSOL, NYER BSDU, BSNGO SMON SHIS BRJOD RNAMS SGRUB THABS LTAR BYA'O,, ,,'CHI MED SNANG BA GSAR PA'I DPAL 'JO BA'I, ,GDAMS NGAG 'OD STONG DKYIL 'KHOR 'DI SHAR GYI, ,MTHAR BYED MUN PA 'THIB POS NYEN PA RNAMS, ,DGA' BA'I
, ,AUTPAL MIG YANGS DA GDONGS SHIG ,DE SKAD SMRA BA KHYAB BDAG BLA MA'I 'BANGS, ,GNYIS MED SENG+GE GAR GYI DBANG PHYUG STE, ,DAM GTZANG RDO RJE'I MCHED POS BSKUL BA DANG, ,SKAL MNYAM... GZHAN LA PHAN PHYIR 'BAD PAS BRTZAMS, ,DGE 'DIS 'GRO KUN NYI BU'I BTZON RA LAS, ,YONGS GROL 'CHI MED GRUB PA'I SKYED TSAL DU, ,RANG GZHAN DON GNYIS 'DOD RGU'I RTZE DGA' STONG, ,RNAM PAR BSGYUR BA'I DGE MTSAN 'DZIN... GYUR CIG (,CES RJE BTZUN MA 'PHAGS MA SGROL MA'I SGRUB THABS NYE BRGYUD TZITTA MA nI'I RNAL 'BYOR DANG 'BREL BA'I 'CHI BLU'I CHO GA BYA TSUL 'KHYER BDE NAG 'GROS SU GSAL BAR BKOD PA 'CHI MED SNANG BA GSAR PA'I 'OD STONG DKYIL 'KHOR ZHES BYA BA 'DI NI, DBEN GNAS... BKRA SHIS CHOS GLING GI DGE SLONG RNAL 'BYOR SPYOD PA BLA MA BLO BZANG CHOS 'PHEL LAGS NAS, LUGS 'DI'I 'CHI BLU SGRUB THABS RTZA GZHUNG DU GSUNGS PA DE CHO GA HA CANG MDOR BSDUS RTZA THO LTA BU ZHIG LAS MED STABS BLO DMAN RNAMS KYI 'KHYER BDE GSAL LA RGYAS PA ZHIG... SGRIGS DGOS ZHES NAN CHER YANG YANG BSKUL BAS RKYEN BYAS RANG MNYAM GZHAN LA'ANG PHAN PHYIR, 7RGYAL KUN 'DUS ZHAL KHYAB BDAG RDO RJE 'CHANG PHA BONG KHA PA DPAL BZANG PO'I DRUNG NAS LUGS 'DI'I DBANG LUNG KHRID GSUM DANG, 7KHYAB BDAG STAG PHU PA CHEN PO... PADMA BADZRA DPAL BZANG PO'I DRUNG NAS THUN MONG MA YIN PA SHIN TU GSANG BA'I SNYING ZHUGS KYI BYIN RLABS BCAS LEGS PAR NOD PA'I SKAL BA BZANG PO PA, MTSAN ZHABS DAR HAN DGA' LDAN KHRI BYANG SPRUL MING PA BLO BZANG YE SHES BSTAN 'DZIN RGYA MTSO'AM MING GZHAN PADMA GAR...
GYI DBANG PHYUG TU 'BOD PAS, SGRUB THABS RTZA GZHUNG GI TSIG RIS DANG DGONGS DON RNAMS GZHIR BZHAG PA'I THOG RIGS MTHUN TSAD LDAN GYI GZHUNG GZHAN NAS LEGS CHA BSNAN TE, SA BYI HOR ZLA BCU PA'I TSES BCU BDUN GYI NYIN LHA KLU DGA' TSAL GYI PHO BRANG DU DAM GTZANG YON GYI BDAG PO GZIM LHA KLU'I SKU NGO RNAMS NAS PHRAN LA RING 'TSO'I RTEN 'BYUNG GI TSOGS 'KHOR MDZAD SKABS SU MJUG RDZOGS PAR SBYAR BA 'GRO KUN 'CHI BDAG GI GA-YUL LAS RGYAL BA'I RGYUR GYUR CIG, ,, ` DAD GTONG RAB YANGS SBYIN PA'I BDAG PO MCHOG , SA 'DU TSANG NAS YON SBYAR RNAM DKAR MTHUS, ,RGYU SBYOR BLTOS BCAS TSE RABS 'PHAGS MA YIS, ,RJES BZUNG 'CHI MED TSE YI DPAL THOB SHOG, ,,DGE LEGS 'PHEL,, ,,
, 'BYUNG LNGA'I 'KHOR LO'I DPE RIS,, *, ,GSHIN RJE'I LTO 'KHOR DPE RIS,,