*, ,RJE BTZUN MA 'PHAGS MA SGROL MA'I SGRUB THABS TZITTA MA nI DANG 'BREL BA'I BDAG 'JUG LEN TSUL NYES LTUNG MUN PA 'JOMS PA'I ZLA BA GSAR PA ZHES BYA BA BZHUGS SO, ,
RGYAL KUN 'PHRIN LAS GA-YU YI LANG TSO'I DPYID, ,MNYEN LCUG 'KHRIL LDEM GA-YO BA'I YID 'PHROG GAR, ,MTSAR SDUG 'OD KYIS PHYOGS CHA RNAM 'GENGS MA, ,T'A RE RE SKONG... NOR BUR GUS BTUD NAS, ,GANG ZHIG LAM 'DIR SPYOD PA'I SKAL BZANG DAG ,DAM TSIG SDOM PA GSO BA'I RMAD BYUNG THABS, ,MA BCOS RDO RJE'I LUS KYI DKYIL 'KHOR DU, ,'JUG CING BYIN RLABS DBANG GI CHO GA... 'GOD, (,DE LA 'DIR, RJE BTZUN MA 'PHAGS MA SGROL MA TZITTA MA nI'I RNAL 'BYOR DANG 'BREL BA'I THUN MONG MA YIN PA BLA MA'I LUS KYI DKYIL 'KHOR DU BDAG NYID 'JUG CING DBANG BLANG BA'I TSUL NI, GNAS BZANG POR STEGS BU GTZANG MAR DRI BZANG DANG BA BYUNG GI CHUS CHAG CHAG LEGS PAR BTAB PA'I KHAR RDUL TSON NAM RAS BRIS KYI PADMA 'DAB MA BCU PA LTE BAR ZLA GDAN LA T'Am YIG LJANG GU, 'DAB MA BCU LA YI GE BCU PA KHA NANG DU BSTAN PA BRIS PA BSHAMS, BDAG MDUN GYI MCHOD PA, GTOR MA DMAR PO 'DAB LDAN CHA BZHI
, (,TSOGS KYI 'KHOR LO, LAS BUM, MIG DAR, ME TOG SOGS NYE BAR MKHO BA'I YO BYAD THAMS CAD 'DU BYAS LA, RANG NYID LHA'I RNAL 'BYOR RGYAS PA GONG DU BKOD PA BZHIN GRUB RJES, LAS BUM,) AA MRi TAS BSANG, SVA BH'A WAS SBYANGS, STONG PA'I NGANG LAS BAm LAS BYUNG BA'I RIN PO CHE'I BUM PA DKAR PO LTO BA CHE BA MGRIN PA RING BA, MCHU 'PHYANG BA LA SOGS PA'I MTSAN NYID THAMS CAD DANG LDAN PAR GYUR, AOm T'A PTE T'A PTE MAH'A T'A PTE SV'AH'A, LHA'I CHU BO GANGH'A DANG BUM PA'I CHU DBYER MED PA'I STENG DU PAm LAS PADMA DANG, RAm LAS NYI MA'I GDAN GYI STENG DU H'Um LAS SNA TSOGS RDO RJE'I LTE BA LA H'Um GIS MTSAN PA, DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS KHRO BO BDUD RTZI 'KHYIL PA SKU MDOG LJANG SNGON, ZHAL GCIG PHYAG GNYIS, GA-YAS SNA TSOGS RDO RJE 'PHYAR ZHING, GA-YON SNA TSOGS RDO RJE'I YU BA...
BYAS PA'I DRIL BU DKUR BRTEN PA, DBU SKRA DMAR SER GYEN DU BRDZES SHING, STAG GI PAGS PA'I SHAM THABS SOGS KHRO BO'I RGYAN DANG, NYAMS THAMS CAD YONGS SU RDZOGS PA, GA-YON BRKYANG GI STABS KYIS BZHUGS... PA'I SPYI BOR AOm, MGRIN PAR A'A: THUGS KAR H'Um GIS MTSAN PA, DE LAS 'OD ZER 'PHROS, BSGOMS PA DANG 'DRA BA'I YE SHES PA DANG DBANG GI LHA TSOGS SPYAN DRANGS, AOm SARBA TA TH'A GA TA AARGHAm NAS, SHAPTA PRA T'I TZTSA... SV'AH'A, DZA:H'Um BAm HO: YE SHES PA DAM TSIG PA DANG GNYIS SU MED PAR GYUR, DBANG GI LHAS DBANG BSKUR DON GRUB KYIS DBU BRGYAN PAR GYUR, (CES DAM YE BCINGS LA DBANG BSKUR RGYAS GDAB BYA, DE NAS MCHOD PA BDAG BSKYED KYI SKABS... LTAR BYIN GYIS BRLABS LA,) AOm SARBA TA TH'A GA TA AARGHAm PRA T'AITZTSA SV'AH'A, (DE BZHIN DU,) SHAPTA'I (BAR BTAGS PAS MCHOD,) RGYAL KUN MKHYEN BRTZE'I LHA LAM LAS, ,MTHU STOBS CHU 'DZIN LEGS 'KHRIGS TE, ,'PHRIN LAS RNAM BZHI'I CHAR... 'BEBS PA, ,BDUD RTZI 'KHYIL PA LA PHYAG 'TSAL, (,ZHES BSTOD,) RANG GI THUGS KA NAS SNGAGS KYI PHRENG BA GZUNGS THAG LA 'KHRIL NAS SONG BA BUM PA'I LHA'I THUGS KAR PHOG ,THUGS RGYUD BSKUL TE DE'I THUGS KA NAS 'OD... ZER 'PHROS PAS RGYAL BA SRAS BCAS KYI BYIN RLABS NUS MTHU THAMS CAD BDUD RTZI 'OD ZER DANG BCAS PA'I RNAM PAR BKUG NAS BUM PA'I CHU LA THIM PAR GYUR (PAR BSAMS LA, AOm BADZRA AAMRi TA (BRGYA RTZA BZLAS MTHAR YIG BRGYA BRJOD,
, ,SNGAR BZHIN MCHOD BSTOD BYAS LA,) MA 'BYOR PA DANG NYAMS PA DANG, (,ZHES BZOD PAR GSOL ZHING, DUNG CHOS KYIS MCHOD YON BUM PAR BLUGS TE,) AOm A'A:H'Um, BUM NANG GI LHA 'OD DU ZHU NAS BUM PA'I CHU DANG RO GCIG TU GYUR, (CES BRJOD CING BSAM MO, ,DE NAS PHYI NANG GI MCHOD PA, 'DOD YON LNGA DANG BCAS PA RNAMS BDAG BSKYED KYI SKABS LTAR BYIN GYIS BRLAB, MDUN GYI MAndAL BSANG SBYANGS,) STONG PA'I NGANG LAS RANG GI MDUN DU YE SHES RANG SNANG LAS GRUB PA'I 'JA' TSON GYI RANG BZHIN GCIG TU MA NGES PA DVANGS SHING GSAL BA'I DBUS SU PAm LAS PADMA 'DAB MA BRGYAD PA'I LTE BAR T'Am LJANG GU ZHIG THOL GYIS BYUNG, DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS AUTPA LA LJANG GU T'Am GYIS MTSAN PA ZHIG TU GYUR, DE 'OD DU ZHU BA LAS RJE BTZUN MA SKU MDOG MRGAD KYI MDANGS CAN SHIN TU LJANG BA ZHAL GCIG PHYAG GNYIS PA, ZHI ZHING 'DZUM PA GNAG SNUM RAL PA PHYED BCINGS SU BYAS PA LA AUTPA LA DANG, RIN PO CHE'I RGYAN DU MAS BRGYAN PA, SPYAN DKYUS RING ZHING... ZLUM PA PHYAG GA-YAS MCHOG SBYIN DANG, GA-YON THUGS KAR DKON MCHOG GSUM MTSON GYI PHYAG RGYA CAN, GNYIS KAS AUTPA LA SNGON PO RE RE 'DZIN PA, NU MA 'BUR ZHING RGYAS PA, RIN PO CHE'I RGYAN THAMS CAD KYIS BRGYAN PA, DAR SNA TSOGS... KYI NA BZA' CAN, ZHABS GA-YAS BRKYANG ZHING GA-YON BSKUM PA ZLA BA'I RGYAB YOL CAN MTSAN DANG DPE BYAD THAMS CAD GSAL LA YONGS SU RDZOGS PAR GYUR PA'I SPYI BO BDE CHEN 'KHOR LO RTZA 'DAB SUM CU SO GNYIS PA'I DBUS SU T'Am YIG DKAR PO LAS...
RJE BTZUN MA DKAR MO RANG 'DRA SUM CU RTZA GNYIS KYIS BSKOR BA, MGRIN PA LONGS SPYOD KYI 'KHOR LO RTZA 'DAB BCU DRUG PA'I DBUS SU T'Am DMAR PO LAS RJE BTZUN MA DMAR MO RANG 'DRA BCU DRUG GIS BSKOR BA, SNYING GA CHOS KYI 'KHOR LO RTZA 'DAB BRGYAD PA'I LTE BAR T'Am SNGON PO LAS RJE BTZUN MA SNGON MO RANG 'DRA BRGYAD KYIS BSKOR BA, LTE BA SPRUL PA'I 'KHOR LO RTZA 'DAB DRUG CU RTZA BZHI'I DBUS SU T'Am SER PO LAS RJE BTZUN MA SER MO RANG 'DRA DRUG CU RTZA BZHIS BSKOR BA, GSANG GNAS BDE SKYONG GI 'KHOR LO RTZA 'DAB... SO GNYIS KYI DBUS SU T'Am LJANG GU LAS RANG 'DRA'I RJE BTZUN MA LJANG GU SO GNYIS KYIS BSKOR BA RNAMS GSAL ZHING DVANGS PAR GYUR, DE'I SPYI BOR SKU RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A:DMAR PO, THUGS KAR THUGS RDO RJE'I NGO BO H'Um SNGON PO, THUGS KA'I T'Am YIG LAS 'OD ZER 'PHROS PAS RANG BZHIN GYI GNAS NAS BSGOMS PA DANG 'DRA BA'I RJE BTZUN MA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS PAR BSAMS LA, AOm A'A RYA T'A RE SA PA RI W'A RA... AARGHAm NAS, SHAPTA PRA T'I TZTSA SV'AH'AS MCHOD, DZA:H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I SA BON LAS 'OD ZER 'PHROS, 'OD DPAG MED GTZO BOR GYUR PA'I DBANG GI LHA RIGS LNGA 'KHOR DANG BCAS PA SPYAN DRANGS, AOm PANYTZA KU LA SA PA RI W'A RA AARGHAm (SOGS KYIS MCHOD,) KHYED RNAMS KYIS MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I
, ,YE A'A: H'Um, ZHES BDUD RTZI'I CHUS DBANG BSKUR SKU GANG DRI MA DAG ,CHU'I LHAG MA SPYI GTZUG TU 'KHYIL BA LAS, BLA MA 'OD DPAG MED KYIS DBU BRGYAN CING DBANG GI LHA RNAMS DE NYID LA THIM PAR GYUR, RANG GI THUGS KA NAS SPROS PA'I MCHOD PA'I LHA MO RNAMS KYIS MCHOD PAR GYUR (PAR BSAMS LA,) DAG CING DRI MED YID 'ONG BA'I, ,LHA YI MCHOD YON MCHOG 'DI DAG ,BDAG GI DAD PAS 'BUL LAGS NA, ,BZHES NAS BDAG LA BKA' DRIN STZOL,, AOm A'ARYA T'A RE SA P'A RI W'A RA AARGHAm PRA T'ITZTSA YE SV'AH'A, (DE BZHIN DU, MCHOD YON GYI GNAS SU,) ZHABS BSIL DANG, (AARGHAm GYI GNAS SU, P'ADYAm BCUG PAS CHU GNYIS DANG,) LHA YI ME TOG DAM PA 'DIS, ,DKYIL 'KHOR MCHOD PA BGYID PAR 'TSAL, ,THUGS NI BRTZE BAS NYER DGONGS TE, ,'PHAGS MAS MCHOD PA 'DI BZHES SHIG ,AOm A'ARYA T'A RE SA P'A RI W'A RA PU shPE PRA T'I TZTSA YE SV'H'A, (DE BZHIN DU ME TOG GI GNAS SU,) BDUG SPOS, SNANG GSAL, DRI CHAB, ZHAL ZAS, ROL MO, (RNAMS DANG, PUshPE'I GNAS SU,) DHU PE, AA LO KE ,GANDHE, NEE W'ADYA, SHAPTA, (BCUG PA'I NYER SPYOD LHAG MA RNAMS DANG,) RIN CHEN DBANG GI RGYAL PO BEEd'URYA, ,SNGON PO LA SOGS KHA DOG DBYIBS KYI GZUGS, ,RNAM GSUM GZUGS KYI RDO RJE MAR BYAS NAS, ,DKYIL 'KHOR LHA YI SPYAN LA DBUL... BAR BYA, ,AOm A'ARYA T'A RE SA P'A RI W'A RA R'U PA PRA T'I TZTSA YE SV'AH'A, MA ZIN 'BYUNG BA'I TSOGS PA LAS BYUNG BA'I, ,BRJOD BRAL DBYANGS LA SOGS PA SGRA YI TSOGS, ,RNAM GSUM SGRA YI X DKYIL 'KHOR LHA YI SNYAN LA X (GONG GI R'U PA'I GNAS SU,) SHAPTA (SBYOR BA...
SOGS 'OG MA GSUM LA 'GRE,) GA PUR AA KAR DZA TI LA SOGS PA, ,LEGS PAR SBYAR LAS BYUNG BA DRI YI TSOGS, ,RNAM GSUM DRI YI X DKYIL 'KHOR LHA YI SHANGS LA X GANDHE, LUS MCHOG BRTAS BYED BDUD RTZI'I ZAS SOGS KYI, ,MNGAR SKYUR KHA DANG BSKA LA... SOGS PA'I RO, ,RNAM GSUM RO YI X DKYIL 'KHOR LHA YI LJAGS LA X RA SA, LUS LA REG PA TZAM GYIS BDE STER BA, ,DPAG BSAM GOS LA SOGS PA REG BYA'I TSOGS, ,RNAM GSUM REG BYA'I X DKYIL 'KHOR LHA YI SKU LA X SPARSHA'I (BAR GYIS 'DOD... YON DANG,) ZHING 'DIR 'KHOR LO RIN PO CHES, ,MKHAS PA DAG GIS YONGS BKANG STE, ,DNGOS GRUB 'DOD PA SBYIN PA'I PHYIR, ,NYIN RE SHES RAB CAN GYIS 'BUL, ,AOm A'ARYA T'A RE SA PA RI W'A RA TZAKRA RATNA P'U DZI TE A'A: H'Um, (DE BZHIN DU 'KHOR LO'I GNAS SU,) NOR BU, BTZUN MO, BLON PO, GLANG PO, RTA MCHOG ,DMAG DPON, (RNAMS DANG,) TZAKRA'I (GNAS SU,) MA nI, STRI, PU RU shA, HASTI, AA SHVA, KHANG+GA, (RNAMS BCUG PA RGYAL SRID BDUN TE SO SO'I PHYAG RGYAR BCAS TE 'BUL PA PHYI MCHOD DANG, DE NAS,) BDE SKYONG SNOD DU SHA LNGA BDUD RTZI LNGA, ,SBYANGS RTOGS SBAR BA LAS BYUNG AA MRi TA, ,BLA MA RJE BTZUN SGROL MA'I TSOGS LA 'BUL, ,SGRIB BRAL BDE CHEN BDAG LA STZAL DU GSOL, ,AOm GU RU A'ARYA T'A RE SA PA RI W'A RA AOm A'A:H'Um, (GIS NANG MCHOD 'BUL, DE NAS DRIL STABS DANG BCAS TE... LEGS BRIS MAS BSTOD, SKABS 'DIR BZLAS PA BYA BAR 'DOD NA,) MDUN BSKYED KYI RJE BTZUN MA'I THUGS KAR ZLA GDAN LA T'Am YIG GI MTHAR YI GE BCU PA'I SNGAGS PHRENG GIS BSKOR BA LAS 'OD ZER 'PHROS PA'I SNE LA RJE BTZUN MA'I LHA TSOGS DPAG TU MED PA SPROS,
, ,RIGS DRUG SO SO'I SDIG SGRIB BAG CHAGS DANG BCAS PA SBYANGS RJE BTZUN MA'I GO 'PHANG LA BKOD, SLAR 'DUS T'Am YIG SNGAGS PHRENG DANG BCAS PA LA THIM PAS SPRO BA DANG BSDU BA'I MDZAD PA CAN DU GYUR (PAR BSAMS NAS YI GE BCU PA STONG RTZA SOGS BZLAS LA, YIG BRGYAS BRTAN PAR BYAS, SNGAR BZHIN PHYI NANG GI MCHOD PAS MCHOD,) THUGS RJE CHEN PO'I THUGS RJE'I RNAM SPRUL LAS, ,DUS GSUM RGYAL BA'I MKHYEN BRTZE NUS PA RNAMS, ,RAB MDZES 'PHRIN LAS LHA MO'I... SKUR BSTAN NAS, ,PHONGS PA KUN SKYOBS SGROL MA'I ZHABS LA 'DUD, ,BDAG SOGS RNAMS KYI CHOS DANG MTHUN PA'I DON, (,ZHES PA NAS,) BYIN GYIS BRLAB TU GSOL, (,ZHES 'DOD DON GSOL, DE NAS GTOR MA DANG PO NANG MCHOD LTAR BSANG SBYANGS BSKYED,) BLA MA RJE BTZUN MA'I LHA TSOGS RNAMS KYI LJAGS RDO RJE'I 'OD ZER GYI SBU GUS DRANGS TE GSOL PAR GYUR (PAR BSAMS LA,) AOm A'ARYA T'A RE SA PA RI W'A RA AI DAM BA LINGTA KHA KHA KH'A HI KH'A HI, (ZHES PA LAN GSUM GYIS PHUL,) AARGHAm (SOGS PHYI NANG GIS MCHOD, PHYAG... 'TSAL NYER GCIG GIS BSTOD,) RJE BTZUN BCOM LDAN 'DAS MA THUGS RJE CAN, ,(ZHES PA NAS,) LUNG BSTAN PA YANG BDAG GIS DER THOB SHOG ,KHYED RNAMS MCHOD CING (ZHES PA NAS,) 'PHEL BAR MDZAD DU GSOL, (,ZHES 'DOD DON LA GSOL BA BTAB, GTOR MA GNYIS PA NANG MCHOD LTAR BYIN GYIS BRLABS LA,) MKHA' 'GRO CHOS SKYONG RNAMS KYI LJAGS RDO RJE'I 'OD ZER GYI SBU GUS DRANGS TE GSOL BAR GYUR (PAR BSAMS LA,) d'AKKI NI SHR'I DHA RM'A P'A LA SA PA RI W'A RA AI DAm BA LINGTA KHA KHA KH'A HI KH'A HI, (LAN GSUM GYIS PHUL,)
AARGHAm (SOGS BTAGS PAS PHYI NANG GIS MCHOD,) 'DOD YON LNGA LDAN BDUD RTZI'I GTOR MA 'DI, ,MKHA' 'GRO CHOS SKYONG SRUNG MA'I TSOGS LA 'BUL, ,BZHES NAS BDAG DANG RGYU SBYOR YON BDAG LA, ,'PHRIN LAS RNAM BZHI'I DNGOS GRUB MA LUS STZOL, (,ZHES 'DOD DON... GSOL, GTOR MA GSUM PA BSANG SBYANGS,) STONG PA'I NGANG LAS BHR'Um LAS RIN PO CHE'I SNOD KYI NANG DU AOm LAS GTOR MA YE SHES KYI BDUD RTZI'I RGYA MTSO CHEN POR GYUR, AOm A'A:H'Um, (LAN GSUM BRJOD CING BYIN GYIS BRLABS LA,) 'BYUNG PO RNAMS KYIS 'DOD YON LA... LONGS SPYAD PAS TSIM PAR GYUR (PAR BSAMS LA,) SAm BHA RA (LAN GSUM GYIS BSNGOS, DE BZHIN GSHEGS PA BZHI'I MTSAN BRJOD,) 'DOD YON LNGA LDAN BDUD RTZI'I GTOR MA 'DI, ,GNOD BYED GDON BGEGS 'BYUNG PO'I TSOGS LA BSNGO, ,BZHES NAS BDAG SOGS... SEMS CAN THAMS CAD LA, ,GNOD 'TSE'I SEMS SPANGS BYANG SEMS LDAN PAR MDZOD, (,CES DANG GTOR MA BZHI PA BSHAD MA THAG PA LTAR BYIN GYIS BRLABS LA,) GNAS BDAG GZHI BDAG RNAMS KYIS 'DOD YON LA LONGS SPYAD PAS TSIM PAR GYUR (PAR BSAMS LA,) SAMGHA RA LAN GSUM GYIS BSNGO, DE BZHIN GSHEGS PA BZHI'I MTSAN BRJOD,) 'DOD YON LNGA LDAN BDUD RTZI'I GTOR MA 'DI, ,YUL LHA GZHI BDAG GNAS PO'I TSOGS LA 'BUL, ,BZHES NAS BDAG DANG RGYU SBYOR YON BDAG LA, ,MTHUN RKYEN BSGRUB CING SDONG GROGS GNAS PO MDZOD, (,CES DANG,) BDAG GI BSAM PA'I STOBS (ZHES SOGS BDEN STOBS BRJOD, DBANG GI DON DU MAndAL PHUL, DE NAS GSOL BA BTAB PA NI,) DGA' CHEN KHYOD BDAG STON PA BAS, ,SLOB DPON KHYOD NI DGONGS SU GSOL, ,BYANG CHUB CHEN PO'I TSUL...
, ,BSTAN PA, ,MGON PO CHEN PO BDAG 'TSAL LO, ,DAM TSIG DE NYID BDAG LA STZOL, ,BYANG CHUB SEMS KYANG BDAG LA STZOL, ,SANGS RGYAS CHOS DANG DGE 'DUN TE, ,SKYABS GSUM DAG KYANG BDAG LA... STZOL, ,THAR PA CHEN PO'I GRONG MCHOG TU, ,MGON POS BDAG NI 'JUG PAR 'TSAL, (,ZHES LAN GSUM DU GSOL BA BTAB, GSUM PA RDZOGS PA DANG MNYAM DU ZHAL GYIS BZHES PAR BSAM, DE NAS, LAS BUM GYI CHU 'THOR BA DANG CHABS CIG) AOm BADZRA AA MRi TA KUndA LI... HA NA HA NA H'Um PHAt, (CES BRJOD PAS PHYI YI KHRUS DANG, DE NAS,) RANG GI SPYI BOR ZLA BA LA AOm DKAR PO, MGRIN PAR PADMA LA A'A: DMAR PO, THUGS KAR NYI MA LA H'Um SNGON PO, YI GE GSUM LAS 'OD ZER NYI MA SHAR BA LTA BU 'PHROS PAS, SDIG SGRIB NYES LTUNG SGO GSUM THA MAL GYI RNAM RTOG RNAMS SANGS KYIS DAG ,RGYAL BA THAMS CAD KYI SKU GSUNG THUGS DANG NGO BO DBYER MED DU BYIN GYIS BRLABS PAR GYUR, (CES BYIN GYIS BRLABS PA NANG GI KHRUS KYI THA SNYAD MDZAD PA'ANG SNANG, RIGS DANG MOS PA 'DRI BA LA,) BU KHYOD SU YIN CI LA DGA', SKAL BZANG BDAG NI BDE CHEN LA'O, (,DGOS CHED DRI BA NI,) DE YIS BU LA CI ZHIG BYA, SANGS RGYAS MCHOG GI DAM TSIG GO (,ZHES BRJOD, BYANG SDOM BZUNG BA LA,) DKON MCHOG GSUM LA BDAG SKYABS MCHI, ,SDIG PA THAMS CAD... SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS BZUNG, ,SANGS RGYAS CHOS DANG TSOGS MCHOG LA, ,BYANG CHUB BAR DU BDAG SKYABS MCHI, ,RANG GZHAN DON NI RAB BSGRUB PHYIR, ,BYANG CHUB SEMS NI...
BSKYED PAR BGYI, ,BYANG CHUB MCHOG GI SEMS NI BSKYED BGYIS NAS, ,SEMS CAN THAMS CAD BDAG GIS MGRON DU GNYER, ,BYANG CHUB SPYOD MCHOG YID 'ONG SPYAD PAR BGYI, ,'GRO LA PHAN PHYIR SANGS RGYAS 'GRUB PAR SHOG (,LAN GSUM GYIS BYANG SDOM... BZUNG, DE NAS SNGAGS SDOM BZUNG BA LA,) SANGS RGYAS BYANG CHUB SEMS DPA' RNAMS, ,BDAG LA DGONGS PAR MDZAD DU GSOL, ,BDAG MING 'DI ZHES BGYI BA YI, ,DUS 'DI NAS NI BZUNG NAS NI, ,BYANG CHUB SNYING PO MCHIS KYI BAR, ,JI LTAR DUS GSUM MGON PO RNAMS, ,BYANG CHUB TU NI NGES MDZAD PA'I, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,TSUL KHRIMS KYI NI BSLAB PA DANG, ,DGE BA'I CHOS NI SDUD PA DANG, ,SEMS CAN DON BYED TSUL KHRIMS GSUM, ,SO SOR... BRTAN POR BDAG GIS BZUNG, ,SANGS RGYAS CHOS DANG DGE 'DUN TE, ,BLA NA MED PA'I DKON MCHOG GSUM, ,SANGS RGYAS RNAL 'BYOR LAS SKYES PA'I, ,SDOM PA DENG NAS BDAG GIS BZUNG, ,RDO RJE RIGS MCHOG CHEN PO YI, ,RDO RJE DRIL BU PHYAG RGYA... YANG, ,YANG DAG NYID DU BZUNG BAR BGYI, ,SLOB DPON DAG KYANG BZUNG BAR BGYI, ,RIN CHEN RIGS MCHOG CHEN PO YI, ,DAM TSIG YID DU 'ONG BA LA, ,NYIN RE BZHIN NI DUS DRUG TU, ,SBYIN PA RNAM BZHI RTAG TU SBYIN, ,BYANG CHUB CHEN PO LAS BYUNG BA'I, , PADMA'I RIGS CHEN DAG PA LA, ,PHYI DANG GSANG BA THEG PA GSUM, ,DAM CHOS SO SOR BZUNG BAR BGYI, ,LAS KYI RIGS MCHOG CHEN PO LA, ,SDOM PA THAMS CAD LDAN PAR NI, ,YANG DAG NYID DU SO SOR BZUNG, ,MCHOD PA'I LAS NI CI NUS BGYI, ,
, ,BYANG CHUB SEMS NI BLAN MED, ,DAM PA BDAG GIS BSKYED PAR BGYI, ,SEMS CAN KUN GYI DON GYI PHYIR, ,BDAG GIS SDOM PA MA LUS BZUNG, ,MA BSGRAL BA RNAMS BDAG GIS BSGRAL, ,MA GROL BA RNAMS... BDAG GIS SGROL, ,DBUGS MA PHYIN MA DBUGS DBYUNG ZHING, ,SEMS CAN MYA NGAN 'DAS LA 'GOD, (,CES LAN GSUM GYIS SNGAGS SDOM BZUNG,) A'A KHAm WI RA H'Um, (BRJOD LA GDONG GA-YOGS BCINGS, DE NAS RANG GI SNYING GAR RDO RJE BZUNG LA,) DENG KHYOD RJE BTZUN MA... THAMS CAD KYI RIGS SU ZHUGS KYIS RJE BTZUN THAMS CAD KYI MCHOG TU GSANG BA DAM PA 'DI DKYIL 'KHOR DU MA ZHUGS PA RNAMS KYI MDUN DU SMRA BAR MI BYA ZHING, MA DAD PA RNAMS LA'ANG MA YIN NO, (,ZHES GSANG BAR GDAMS,) RDO RJE SPYI BOR REG CING, LUS LAS BYUNG BA'I NYES DMIGS KYI SGO NAS DAM LA BZHAG PA NI,) KHYOD KYI DAM TSIG RDO RJE 'DI, ,'GA' LA SMRAS NA MGO BO 'GEMS, ,ZHES RDO RJE SNYING GAR REG LA, (SEMS LAS BYUNG BA'I NYES DMIGS KYI SGO NAS DAM LA BZHAG PA NI,) RDO RJE SEMS DPA' DENG KHYOD KYI, ,SNYING LA YANG DAG BZHUGS PAR GYUR, ,GAL TE TSUL 'DI SMRAS NA NI, ,DE MA THAG TU DRAL TE GSHEGS, (,ZHES RTZA LTUNG BDUN PA DANG, PHAN YON NYES DMIGS GNYIS KA'I SGO NAS DAM LA BZHAG PA 'BRU GSUM BRJOD DE MNA' CHU 'THUNG LA,) 'DI NI BU KHYOD BDUD RTZI STE, ,MA... BSRUNG SREG PAR BYED PA'I DUG ,BSRUNG NA DNGOS GRUB MYUR BA STE, ,BDUD RTZI LNGA YI CHUS 'GRUB PA'O, ,AOm PANYTZA AA MRi TA AU DA KA thA thA thA, (ZHES DAM TSIG SPYI DANG, BLA MA'I BKA' NYAN PA'I SGO NAS DAM BZHAG NI,) RDO RJE 'DZIN PA NGA YIN GYIS, ,KHYOD KYIS...
SMAD PAR MI BYA ZHING, ,DAM TSIG 'GAL BAR MI BYA STE, ,DMYAL LA SOGS PAR 'GRO 'GYUR RO, (,ZHES RTZA LTUNG DANG PO LA DAM BZHAG BYA, BSDU NA DAM BZHAG SKOR BZHAG KYANG CHOG PAR GSUNGS,) RANG GI SNYING GAR KUN RDZOB BYANG CHUB KYI SEMS KYI NGO BO ZLA BA'I DKYIL 'KHOR DKAR... BSIL NYA GANG BA, DE'I STENG DU DON DAM BYANG CHUB KYI SEMS KYI NGO BO RDO RJE DKAR PO RTZE LNGA PA'I LTE BA LA H'Um GIS MTSAN PAR GYUR, AOm SARBA YO GA TZITTA AU BA TA YA MI, (ZHES THAMS CAD RNAL 'BYOR DU SEMS BSKYED,) BLA MA RJE BTZUN MA'I THUGS KA'I ZLA BA RDO RJE LAS RANG... ('DRA CHAD PA RANG GI SNYING GA'I ZLA BA RDO RJER THIM PAS BRTAN PAR GYUR PAR BSAMS LA, RDO RJE ME TOG DANG BCAS SNYING GAR REG STE,) AOm SU RA TE SA MA YA STVAm HO SIDDHYA BDZRA YA TH'A SU KHAm, (ZHES BRTAN PAR BYA, DPRAL MGRIN SNYING GA RNAMS SU THAL MO SBYAR LA,) AOm NA MO TE H'Um, NA M'A MI H'Um, (NA MO NA MA H'Um SV'AH'A, ZHES PHYAG BYA, 'DI YAN GYI GDONG GA-YOGS DANG BCAS TE 'JUG PA'I SKOR RNAMS SONG NAS, DKYIL 'KHOR MTHONG BA'I BDAG NYID CAN DU 'JUG PA LA,) RJE BTZUN MA DPAL DENG KHYOD KYI, ,MIG 'BYED PAR NI BRTZON PAR MDZAD, ,PHYE BAS THAMS CAD MTHONG... 'GYUR BA'I, ,RDO RJE'I MIG NI BLA NA MED, ,CES RDO RJES MIG DAR PHYE, DA NI DAD PA'I SHUGS KYIS SU, ,DKYIL 'KHOR 'DI DE NYID LA LTOS, ,AOm BDZRA PA'I SHYA HO: (ZHES BLTA BAR BSKUL,) BLA MA RJE BTZUN MA'I SPYI BO BDE CHEN GYI 'KHOR LO'I DBUS SU RJE BTZUN MA... DKAR MO, RTZA 'DAB SO GNYIS LA RANG 'DRA'I RJE BTZUN MA SO GNYIS KYIS BSKOR BA, MGRIN PA LONGS SPYOD KYI 'KHOR LO'I DBUS SU RJE BTZUN MA DMAR MO, RTZA 'DAB BCU DRUG LA RANG 'DRA'I RJE BTZUN MA BCU DRUG GIS BSKOR BA, SNYING GA CHOS KYI 'KHOR LO'I...
, ,DBUS SU RJE BTZUN MA SNGON MO, RTZA 'DAB BRGYAD LA RANG 'DRA'I RJE BTZUN MA BRGYAD KYIS BSKOR BA, LTE BA SPRUL PA'I 'KHOR LO'I DBUS SU RJE BTZUN MA SER MO, RTZA 'DAB RE BZHI LA RANG 'DRA'I RJE BTZUN MA DRUG CU RTZA BZHIS BSKOR BA, GSANG GNAS BDE SKYONG GI 'KHOR LO'I DBUS SU RJE BTZUN MA LJANG GU, RTZA 'DAB SO GNYIS LA RANG 'DRA'I RJE BTZUN MA SO GNYIS KYIS BSKOR BA, THAMS CAD KYANG ZHAL GCIG PHYAG GNYIS PA ZHI ZHING 'DZUM PA GNAG SNUM RAL PA PHYED BCINGS SU BYAS PA LA, AUTPA LA DANG RIN PO CHE'I RGYAN DU MAS BRGYAN PA, SPYAN DKYUS RING ZHING ZLUM PA, PHYAG GA-YAS MCHOG SBYIN DANG, GA-YON THUGS KAR DKON MCHOG GSUM TSON GYI PHYAG RGYA CAN GNYIS KAS AUTPA LA SNON PO RE RE 'DZIN PA, NU MA 'DUR ZHING RGYAS PA, RIN... PO CHE'I RGYAN THAMS CAD KYIS BRGYAN PA, DAR SNA TSOGS KYI NA BA'I CAN, ZHABS GA-YAS BRKYANG ZHING GA-YON BSKUM PA ZLA BA'I RGYAB YOL CAN MTSAN DANG DPE BYAD THAMS CAD GSAL ZHING YONGS SU DVANGS PA STE, RDO RJE'I LUS KYI DKYIL 'KHOR RTEN DANG BRTEN PAR BCAS PA MNGON SUM DU MTHONG BAR GYUR PAR BSAM, (ZHUGS NAS DBANG BSKUR BA'I RIM PA BZHI LAS, DANG PO BUM DBANG GI DON DU MAndAL PHUL,) BYANG CHUB RDO RJES SANGS RGYAS LA, ,MCHOD CHEN JI LTAR STZAL BA LTAR, ,BDAG KYANG RAB TU BSKYAB BYA'I PHYIR, ,NAM MKHA'I RDO RJES DENG BDAG STZOL, (,ZHES LAN GSUM GYIS GSOL BA BTAB,) AA MRi TA'I SNGAGS BRJOD PA DANG, BUM CHU 'THOR BAS PHYI NANG GI BGEGS DANG BAR CHAD BSANG, SVA BH'A WA'I SNGAGS KYIS RANG GI RNAM SMIN SHA RUS KYIS MTSON PA'I GZUNG 'DZIN GYI CHOS RNAMS RANG BZHIN GYIS GRUB PA MED...
PAR LTA BAS THER ZUG TU 'DZIN PA SBYANGS,) STONG PA'I NGANG LAS RANG NYID RJE BTZUN MA SKU MDOG MRGAD KYI MDANGS CAN SHIN TU LJANG BA ZHAL GCIG PHYAG GNYIS PA ZHI ZHING 'DZUM PA GNAG SNUM RAL PA PHYED BCINGS SU BYAS PA LA AUTPA LA DANG, RIN PO CHE'I RGYAN DU MAS BRGYAN PA; SPYAN DKYUS RING ZHING ZLUM PA, PHYAG GA-YAS MCHOG SBYIN DANG, GA-YON THUGS KAR DKON MCHOG GSUM MTSON GYI PHYAG RGYA CAN GNYIS KAS AUTPA LA SNGON PO RE RE 'DZIN PA, NU MA 'BUR ZHING RGYAS PA, RIN PO CHE'I RGYAN THAMS CAD KYIS BRGYAN PA, DAR SNA TSOGS KYI NA BZA' CAN, ZHABS GA-YAS BRKYANG ZHING GA-YON BSKUM PA, ZLA BA'I RGYAB YOL CAN MTSAN DANG DPE BYAD THAMS CAD GSAL LA YONGS SU RDZOGS PAR GYUR PA'I LUS KYI DBUS DRANG POR RTZA DBUM PHYI SNGO LA NANG DMAR BA SBOM PHRA MDA' SMYUG TZAM DE'I GA-YAS SU RO MA DMAR PO DANG GA-YON DU RKYANG MA DKAR MO GRO SOG TZAM PA, DE GSUM GA LUS KYI GZHUNG SHING GI TSUL DU YOD PA'I DBU MA LA RO RKYANG GIS LU GU RGYUD DU 'KHYUD PA'I SNYING GAR CHOS KYI 'KHOR LO RTZA 'DAB BRGYAD PA, LTE BAR SPRUL PA'I 'KHOR LO RTZA... 'BAD DRUG CU RE BZHI PA, SPYI BOR BDE CHEN GYI 'KHOR LO RTZA 'DAB SO GNYIS PA, MGRIN PA LONGS SPYOD KYI 'KHOR LO RTZA 'DAB BCU DRUG PA, GSANG GNAS SU BDE SKYONG GI 'KHOR LO RTZA 'DAB SO GNYIS PA RNAMS DRANGS SHING GSAL BAR GYUR PAR MOS LA, DON DAM SMRA BA'I SENG GE'I RNAL 'BYOR ZHES BYA BA, ,NYON MONGS GCOD PA'I DON LA SHIN TU MKHAS GYUR PA, ,SRID PA'I NYES BRGYA BSKYED RTZA NYON MONGS CHOD MDZOD LA, ,RNAL 'BYOR DON DAM RGYAL PO DE NYID BDAG 'GRUB MDZOD, ,CES GSOL BA BTAB BAS, BLA MA RJE...
, ,BTZUN MA'I SNYING GA CHOS KYI 'KHOR LOR BZHUGS PA'I RJE BTZUN MA SNGON MO GTZO 'KHOR DGU LAS, RANG 'DRA GNYIS PA MAR ME GCIG LAS GNYIS CHAD KYI TSUL DU BYUNG BA RANG GI SNYING GA'I RTZA 'KHOR DU BYON, SKU... LAS 'OD ZER 'PHROS SNYING GA'I RTZA NANG THAMS CAD GANG BAS ZHE SDANG GI DRI MA SBYANGS, RNAM SHES KYI PHUNG PO GNAS GYUR, CHOS KYI DBYINGS KYI YE SHES MNGON DU BYAS, (DE BZHIN DU,) BLA MA RJE BTZUN MA'I LTE BA SPRUL PA'I 'KHOR LOR BZHUGS PA'I RJE BTZUN MA... SER MO GTZO 'KHOR DRUG CU RE LNGA LAS RANG 'DRA GNYIS PA MAR ME GCIG LAS GNYIS CHAD KYI TSUL DU BYUNG BA RANG GI LTE BA'I RTZA 'KHOR DU BYON, SKU LAS 'OD ZER 'PHROS, LTE BA'I RTZA NANG THAMS CAD GANG BAS NGA RGYAL DANG SER SNA'I DRI MA SBYANGS, TSOR BA'I... PHUNG PO GNAS 'GYUR, ,MNYAM PA NYID KYI YE SHES MNGON DU BYAS, BLA MA RJE BTZUN MA'I MGRIN PA LONGS SPYOD KYI 'KHOR LOR BZHUGS PA'I RJE BTZUN MA DMAR MO GTZO 'KHOR BCU BDUN LAS RANG 'DRA GNYIS PA MAR ME GCIG LAS GNYIS CHAD KYI TSUL DU BYUNG BA... RANG GI MGRIN PA'I RTZA 'KHOR DU BYON, SKU LAS 'OD ZER 'PHROS, MGRIN PA'I RTZA NANG THAMS CAD GANG BAS 'DOD CHAGS KYI DRI MA SBYANGS, 'DU SHES KYI PHUNG PO GNAS 'GYUR, SO SOR RTOGS PA'I YE SHES MNGON DU BYAS, BLA MA RJE BTZUN MA'I GSANG GNAS... BDE SKYONG GI 'KHOR LOR BZHUGS PA'I RJE BTZUN MA LJANG GU GTZO 'KHOR SO GSUM LAS RANG 'DRA GNYIS PA MAR ME GCIG LAS GNYIS CHAD KYI TSUL DU BYUNG BA, RANG GI GSANG GNAS KYI RTZA 'KHOR DU BYON, SKU LAS 'OD ZER 'PHROS, GSANG GNAS KYI RTZA NANG THAMS
CAD GANG BAS, PHRAG DOG GI DRI MA SBYANGS, 'DU BYED KYI PHUNG PO GNAS 'GYUR, BYA BA GRUB PA'I YE SHES MNGON DU BYAS, BAL MA RJE BTZUN MA'I SPYI BO BDE CHEN GYI 'KHOR LOR BZHUGS PA'I RJE BTZUN MA DKAR MO GTZO 'KHOR SO GSUM LAS RANG 'DRA GNYIS PA... MAR ME GCIG LAS GNYIS CHAD KYI TSUL DU BYUNG BA, RANG GI SPYI BO'I RTZA 'KHOR DU BYON, SKU LAS 'OD ZER 'PHROS, SPYI BO'I RTZA NANG THAMS CAD GANG BAS, GTI MUG GI DRI MA SBYANGS, GZUGS KYI PHUNG PO GNAS 'GYUR, ME LONG LTA BU'I YE SHES MNGON DU BYAS SO; (;'DI DAG GI SKABS SU DMIGS RNAM BRDA 'PHROD NGES PA'I SBYANG BYA'I DRI MA GNAS 'GYUR BYA'I PHUNG LNGA MNGON DU BYA BA'I YE SHES LNGA SOGS SO SO'I SKABS THOB KYI 'CHUG MED THOG 'DI LTAR GSUNGS KYANG DON DU MI 'GYUR SNYAM PA'I THE TSOM GYI GEGS MA ZHUGS PA NI GNAD KYI DON NO, ,DE LTAR BLA MA'I LUS KYI DKYIL 'KHOR DU BUM PA'I DBANG THOB, LUS KYIS GRIB PA DAG ,LAM BSKYED RIM BSGOM PA DBANG ZHING, 'BRAS BU SPRUL SKU 'GRUB PA'I NUS PA BZHAG GO (,ZHES DAG PA BRJOD CING, GNYIS PA GSANG DBANG GI DON DU GZUGS DANG LANG TSO'I DPAL PHUN SUM TSOGS PA'I... RIG MA DANG, MAndAL PHUL, GSOL BA BTAB PA LA,) BYANG CHUB RDO RJE SANGS RGYAS LA, ,MCHOD CHEN X BDAG KYANG X NAM MKHA'I X (ZHES LAN GSUM,) AOm A'A:H'Um, (BRJOD LA GDONG GA-YOGS BCINGS,) BLA MA SKAD CIG GIS DON YOD GRUB PA LJANG GU, YUM DAM TSIG... SGROL MA LJANG GU LA 'KHYUD PA, YAB YUM SNYOMS PAR ZHUGS PA'I BYANG CHUB KYI SEMS DKAR DMAR DE NYID RANG GI MIG DANG LAG PA'I YUL MA YIN PAR LCE THOG TU BZHAG PA MYANG BAS LUS SEMS THAMS CAD BRJOD DU MED PA'I BDE BAS KHYAB PAR BSAM,
, (,DNGOS SU NANG MCHOD MYANGS,) DE LTAR MYANGS PA LA BRTEN NAS 'BRAS DUS KYI LHAN SKYES BDE BA CHEN PO'I NYAMS KHYAD PAR CAN RGYUD LA 'KHRUNGS PAR GYUR PAR MOS LA, AA HO MAH'A SU KHA, ZHES BRJOD, DE NAS, BLA MA'I THUGS KA NAS SNGAGS KYI PHRENG BA KHA DOG LNGA LDAN 'OD ZER 'PHRO BA BYUNG STE, RANG GI MGRIN PAR THIM PAS RJE BTZUN MA'I RIG PA CHEN MO'I BYIN RLABS NGAG LA ZHUGS, NGAG GIS BRJOD PA KUN RLUNG SNGAS DBYER MED NUS LDAN DU BYIN GYIS BRLABS PAR BSAM LA, AOm T'A RE TUTT'A RE TU RE SV'AH'A, (ZHES LAN GSUM GYIS SNA DRANGS BRGYA RTZA BRGYAD 'DON MTHAR, BYE BRAG RGYAS PAS NA,) AOm T'A RE TUTT'A RE TU RE BDAG GI NAD GDON BAR CHAD THAMS CAD SH'ANTIm KU RU YE SV'AH'A, ZHES ZHI BA DANG, AOm T'A RE TUTT'A RE TU RE BDAG GI TSE DANG BSOD NAMS THAMS CAD... PUshtIm KU RU YE SV'AH'A, ZHES RGYAS PA DANG, AOm T'A RE TUTT'A RE TU RE BDAG GI DBANG DU KHAMS GSUM GYI 'GRO BA PHO MO ZAS NOR LONGS SPYOD THAMS CAD WA SHAm KU RU HR'I:DZA:SV'AH'A, ZHES DBANG DANG, AOm T'A RE TUTT'A RE TU RE BDAG LA GNOD CING 'TSE BA'I DGRA BGEGS THAMS CAD M'A RA YA PHAt, (CES DRAG PO STE LAS BZHI'I SPEL TSIG SBYAR BA LAN GSUM RE BZLA, SPYAN DAR BSAL LA,) DE LTAR BLA MA'I KUN RDZOB BYANG CHUB SEMS KYI DKYIL 'KHOR DU GSANG BA'I DBANG THOB NGAG GI SGRIB PA DAG ,LAM RANG BYIN RLABS SGOM PA DBANG ZHING, 'BRAS BU LONGS SPYOD RDZOGS PA'I SKU 'GRUB PA'I NUS PA BZHAG GO (,ZHES DAG PA BRJOD, GSUM PA SHES RAB YE SHES KYI DBANG GI DON DU PADMA CAN SOGS MTSAN LDAN GYI PHYAG RGYA DANG, MAndAL PHUL,) BYANG CHUB X MCHOD CHEN X BDAG KYANG X NAM MKHA'I X ZHES LAN GSUM
(DU GSOL BA BTAB 'BRU GSUM BRJOD DE THA MAL GYI SRED ZHEN DANG KUN DKRIS SGRIB PHYIR GDONG GA-YOGS BCINGS, DNGOS GZHI LA SGOM PA'I YE SHES KYI PHYAG RGYA SHIN TU BRTAN POS RTZA THIG GA-YO BA TSAD TZAM NGES PAR GAL CHE BAS TSIG DON BZHIN MA YENGS PAR,) RANG NYID SKAD CIG GIS DON YOD GRUB PA LJANG GU... RAL GRIS MTSAN PA'I AUTPA LA DANG DRIL BU 'DZIN PA DAR DANG RIN PO CHE'I RGYAN CAN DU GYUR PA LA, BLA MAS RJE BTZUN MA DAM TSIG SGROL MA LHANG GU GRI GUG DANG THOD PAS MTSAN PA'I AUTPA LA SNGON PO 'DZIN PA ZHIG GTAD PAR GYUR PAR BSAMS LA, RGYAL BA KUN YUM BDE BA... THAMS CAD 'BYUNG BA'I GNAS, ,LHA MO MCHOG 'DI BU YI MCHOD RTEN MNGON DU GYIS, ,ZHES BRJOD CING BYIN PA DANG, RANG 'DOD LHA YAB YUM DU GSAL BA LHA'I 'DU SHES, YUM GYI GSANG GNAS A'A:LAS BYUNG BA'I PADMA DMAR PO 'DAB MA BRGYAD PA'I ZE'U 'BRU LA A'A:SA MTSAN PA, YAB KYI GSANG GNAS H'Um LAS RDO RJE SNGON PO RTZE LNGA PA'I LTE BAR H'Um GIS MTSAN PA SNGAGS KYI 'DU SHES, THABS 'DI LA BRTEN NAS ZAG MED KYI BDE BA MNGON DU BYA'O SNYAM PA CHOS KYI 'DU SHES DANG MA BRAL BAS, YAB YUM GYI RTAGS DANG RTAGS KYI RTZE SPRAD PA RTZA RDO RJE SKYIL KRUNG, RTAGS KYI RTZER THUR SEL RLUNG GI NGO BO YIG 'BRUS BKAG PA RLUNG RDO RJE SKYIL KRUNG, BYANG SEMS 'PHO MED DU BSKYIL BA THIG LE RDO RJE SKYIL KRUNG STE GSUM DANG LDAN PAS SNYOMS PAR ZHUGS PA'I BYANG SEMS SPYI BO NAS MGRIN PAR SLEBS PA NA DGA' BA, MGRIN PA NAS SNYING GAR SLEBS PA MCHOG DGA', SNYING GA NAS LTE BAR SLEBS PA NA KHYAD DGA', LTE BA NAS GSANG GNAS SU SLEBS PA NA LHAN SKYES KYI BDE BA SKYES, DE LTA BU'I DGA' BA BZHI RE RE YANG, DGA' BA'I DGA' BA SOGS BCU DRUG...
, ,PHRA MO'I BLO YIS SPU RIS PHYED DE, BDE BA DE DANG STONG PAR SBYAR BA'I BDE STONG ZUNG 'JUG 'BRAS DUS KYI YE SHES KHYAD PAR CAN SKYES PAR (MOS LA MNYAM PAR BZHAG ,SPYAN DAR BSAL LA,) DE LTAR BHA GA'I DKYIL 'KHOR DU SHES... RAB YE SHES KYI DBANG THOB, YID KYI SGRIB PA DAG ,LAM DKYIL 'KHOR GYI 'KHOR LO BSGOM PA LA DBANG ZHING, 'BRAS BU CHOS SKU 'GRUB PA'I NUS PA BZHAG GO (,ZHES DAG PA BRJOD, BZHI PA TSIG DBANG GI DON DU MAndAL PHUL, GSOL BA BTAB PA LA,) KHYOD ZHABS PADMO'I... BKA' DRIN GYI, ,GTZO BO DBANG BSKUR RNAM GSUM THOB, ,DE LTAR DE BZHIN BZHI PA YANG, ,BKA' DRIN GYIS NI BSKYAB TU GSOL, (,ZHES LAN GSUM DU GSOL BA BTAB,) BLA MA'I LUS DKYIL GYI LHA RNAMS LAS RANG 'DRA RE CHAD PA RANG GI LUS KYI RTZA 'KHOR RNAMS SU... BYON, DE DAG KYANG RIM BZHIN 'OD DU ZHU NAS SNYING GA'I LHA TSOGS LA THIM, 'KHOR RNAMS KYANG GTZO MO LA THIM, GTZO MO YANG THUGS KA'I T'Am YIG LA THIM, DE YANG RIM GYIS ZLA TSE LA, ZLA TSES THIG LE LA, THIG LE N'A DA LA, N'A DA YANG MI DMIGS PA'I STONG PA NYID DU GYUR PAR BSAMS LA, DNGOS PO MED PA'I CHOS NYID CHOS, ,NAM MKHA' LTA BU DRI MED PA, ,STONG NYID YE SHES RDO RJE YIS, ,STONG PA NYID DU RNAM PAR BSGOM, ,ZHES BRJOD CING, BDEN PA'I DNGOS PO CUNG ZAD TZAM YANG YE NAS MED PA LA, CHOS RNAMS KYI CHOS NYID CES BYA BA YOD MED RTAG CHAD SRID ZHI'I MTHA' DANG BRAL BAS, NAM MKHA'I DKYIL LTA BU GZUNG 'DZIN GYI SPROS PA'I DRI MAS MA GOS PA, DE LTA BU'I STONG PA NYID DE, YUL YUL CAN YE SHES GNYIS GNYIS SNANG NUB PA'I TSUL GYIS RTOGS PA STONG NYID YE SHES
KYI RDO RJE DES STONG PA NYID DU BSGOM, ZHES PAS ZUNG 'JUG BDE BA CHEN PO RGYUD LA SKYES PAR GYUR, (BLA MAS GSUNGS PAR BSAMS LA MNYAM PAR 'JOG LA,) DE LTAR BLA MA YAB YUM GYI DON DAM BYANG CHUB SEMS KYI DKYIL 'KHOR DU DBANG BZHI PA THOB, LUS NGAG YID... GSUM GYI SGRIB PA BAG CHAGS DANG BCAS PA DAG ,LAM RDZOGS PA'I RIM PA BSGOM PA LA DBANG, 'BRAS BU NGO BO NYID SKU 'GRUB PA'I NUS PA BZHAG GO (,ZHES DAG PA BRJOD,) GTZO BOS JI LTAR BKA' STZAL PA, ,DE DAG THAMS CAD BDAG GIS BGYID, ,CES LAN... (GSUM GYIS DAM TSIG KHAS BLANG, GTANG RAG GI MAndAL PHUL, DENG NAS BRTZAMS TE BDAG BRAN DU, ,KHYED LA X KHYED KYI X CHA YIS X (ZHES LUS BRAN DU DBUL BA RNAMS BYA, TSOGS MCHOD 'BUL NA MTSAMS 'DIR 'BU, CHOS BKA'I SRUNG MA GNYIS KYI GTOR 'BUL GRUB NA LEGS PAS BYA, GTANG RAG GI MCHOD PA BYIN GYIS BRLABS LA,) AOm GU RU A'A RYA T'A RE SA PA RI W'A RA AARGHAm NAS, (SHAPTA'I BAR GYI MCHOD PA DANG 'BRU GSUM BTAGS PAS NANG MCHOD 'BUL,) DBYINGS RIG RNAM DAG PAD ZLA'I GDAN STENG NA, ,RGAD MDOG CAN ZHAL GCIG PHYAG GNYIS MA, ,LANG... TSO RAB RGYAS GA-YAS BRKYANG GA-YON BSKUM ZHABS, ,THABS SHES ZUNG 'BREL MA LA PHYAG 'TSAL BSTOD, (,SPRO ZHING LONG YOD NA RJE GONG MAS MDZAD PA'I GDUNG 'BOD GNYIS KYANG 'DON,) NA MO GU RU, RGYAL BA KUN GYI 'PHRIN LAS GCIG BSDUS PA, ,RGYAL YUM LHAG PA'I LHA MO 'KHOR BCAS RNAMS, ,BRTZE BA CHEN POS BDAG LA DGONGS SU GSOL, ,BDAG NI MA RIG 'KHRUL BA'I DBANG GYUR PAS, ,RGYAL YUM KHYED LA PHOG THUG CI MCHIS DANG, ,KHYAD PAR DAM TSIG LAS 'GAL NONGS PA'I RIGS, ,BSGOM BZLAS CHAG CING LE LOS
, ,GA-YENG BA SOGS, ,THUGS DANG 'GAL BA'I BYA BA CI BGYIS DANG, ,MDOR NA SGO GSUM NYES PA'I DRI MA'I TSOGS, ,SNYING NAS 'GYOD PA DRAG POS BSHAGS PAR BYA, ,DE LTAR RAB TU BSHAGS PA'I NUS PA YIS, ,'PHRIN LAS RNAM BZHI'I DNGOS GRUB STZAL DU GSOL, (,ZHES BRJOD LA, SNANG BA MTHA' YAS KYI YIG BRGYA LAN GSUM GYIS KHA BSKANG,) MA 'BYOR PA DANG ZHES SOGS DANG, LHAG PA DANG NI CHAD PA DANG, (,ZHES SOGS DANG,) BDAG LA DNGOS GRUB MCHOG STZOL LA, (,ZHES SOGS KYIS BZOD PAR... GSOL ZHING, DNGOS GRUB ZHU STE,) AOm BADZRA MU: YE SHES PA RANG BZHIN GYI GNAS SU GSHEGS, DAM TSIG PA BDAG LA THIM PAR GYUR (PAR BSAMS LA, DGE BA 'DI YIS ZHES SOGS SHO LO KA GCIG BRJOD NAS, RNAM DAG YID KYI RDZING BUR (ZHES SOGS SMON LAM DANG, SHIS BRJOD NI;) RAB YANGS 'CHI MED LAM DANG (ZHES SOGS KYI SHES PA BRJOD CING ME TOG SIL MAS PHYOGS THAMS CAD KHYAB PAR BYA'O,, 'DIR SMRAS PA,) BYIN RLABS DBANG GI CHU BO MA NUB CING, ,RNAM DAG DAM TSIG SDOM PA SROG LTAR SRUNG, ,RIM GNYIS RNAL 'BYOR SPYOD PA'I SKAL BZANG GI ;LAG NA GRUB GNYIS 'DOD RGU'I GTER BRGYA MCHIS, ,DE PHYIR PHYI NANG RNYOGS PA KUN BSRING BA'I, ,DPAL STUG MNGON DGA'I GRONG KHYER LTA NA SDUG ,ZUNG 'JUG NOR BU'I BA GAM 'PHANG MTHO BAR, ,BGROD PA'I THEM SKAS CHO GA 'DI BRTZAMS SO, ,DGE 'DIS... RANG SEMS LHAN CIG SKYES PA'I GAR, ,SPROS MED BDE BA CHEN PO'I MKHAR 'PHAGS NAS, ,MKHA' KHYAB DAG PA RAB 'BYAMS 'KHOR LO'I SPRIN, ,GROL BA'I DGE LEGS SNANG BA MYUR 'CHAR SHOG (,CES RJE BTZUN MA 'PHAGS MA SGROL MA'I SGRUB THABS TZITTA MA nI DANG 'BREL BA'I...
BDAG 'JUG LEN TSUL NYES LTUNG MUN PA 'JOMS PA'I ZLA BA GSAR PA ZHES BYA BA 'DI YANG LAM 'DI'I RNAL 'BYOR LA BRTZON PA'I DGE SLONG BLO BZANG CHOS 'PHEL LAGS NAS BSKUL BA'I NGOR, MTSAN ZHABS DAR HAN KHRI BYANG SBRUL MING BLO BZANG YE SHES BSTAN 'DZIN RGYA MTSOR 'BOD PAS 7SKYABS GCIG STAG PHU RDO RJE 'CHANG GI GSUNG 'DI GA'I DBANG CHOG NAS SLOB MA LA DBANG BSKUR BA'I SKABS KYI SOGS CHOS RNAMS DOR NAS BDAG 'JUG RKYANG PA NGAG 'DON 'KHYER BDER PHYOGS GCIG TU BKOD PA'I YI GE PA'ANG BSKUL PA PO NYID NAS BGYIS PA DGE LEGS SU GYUR CIG,) ,, ' RGYAL KUN 'PHRIN LAS GA-YU... YI LANG TSO RU, ,SGEG PA'I LHA MCHOG A'ARYA T'A RE MA'I, ,SGO NAS SDIG LTUNG MUN PA 'JOMS BYED PA'I, ,BDAG 'JUG ZLA BA GSAR PA'I DGA' STON 'DI, ,DAD LDAN TSONG DPON TSE RING CHOS 'PHEL DANG, ,NOR 'DZIN DPAL SGRON LHAG BSAM 'O MA'I MTSOR, , DPAR GYI ZLA GZUGS NGO MTSAR BKOD PA 'BUM, ,CIR YANG 'CHAR 'DIS RGYU SBYOR 'BREL THOGS RNAMS, ,TSEo YI NYI MA MI NUB RINGo DU GSAL, ,CHOSo 'BYOR DGE MTSAN DBYAR GYI MTSO LTAR 'PHELo, ,MA NORo DAM CHOS 'DZINo PA'I DPALo CHEN POS, ,SA... GSUM MUN SEL SGRONo ME 'GRUB GYUR CIG (,CES PA 'DI YANG RGYU SBYOR GONG GSAL ZUNG NAS DPAR DU BSKRUN PA'I SMON TSIG TU KHRI BYANG PAS SBYAR BA'O,, DGE LEGS 'PHEL,, ,,