*, ,SGROL MA TZITTA MA nI DANG 'BREL BA'I MAndAL BZHI CHOG MDOR BSDUS BYA TSUL BZHUGS SO,,
, ,RGYAL KUN 'PHRIN LAS T'Am YIG ZHUN MA'I RGYUN, ,GA-YU YI LANG TSOR 'KHYIL BA'I 'JO SGEG GIS, ,LUS CAN SRID ZHI'I 'JIGS SGROL ZHI BA MOR, ,GUS PAS... 'DUD DO BRTZE BAS RJES SU ZUNGS, (,'DIR SGROL MA BLA MED LUGS TZITTA MA nI'I DBANG LEGS PAR THOB CING YI DAM DU BYED PA DAG GIS, MAndAL BZHI CHOG MDOR BSDUS RGYUN 'KHYER LTA BUR BYA BAR 'DOD NA, MCHOD PA GZHUNG LTAR BSHAMS, STAN LA 'KHOD, DGE SEMS KHYAD PAR CAN GYI NGANG NAS,) BDAG DANG 'GRO BA NAM MKHA'I MTHA' DANG MNYAM PA'I SEMS CAN THAMS CAD DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS...
, ,LA SKYABS SU MCHI'O, (,LAN GSUM MAM BDUN,) SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, (,SOGS KYIS SKYABS 'GRO;) BDAG GIS SBYIN SOGS BGYIS PA 'DI DAG GIS, ,'GRO LA PHAN PHYIR SANGS RGYAS 'GRUB PAR SHOG (,LAN GSUM GYIS SEMS BSKYED DANG,) KHYAD PAR MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG 'THOB PAR BYA, DE'I PHYIR DU RJE BTZUN MA 'PHAGS MA SGROL MA'I RNAL 'BYOR NYAMS SU BLANG BAR BGYI'O, (,ZHES KHYAD PAR GYI SEMS BSKYED RNAMS BYA,) SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,SEMS CAN THAMS CAD SDUG BSNGAL DANG SDUG BSNGAL GYI RGYU DANG BRAL BAR GYUR CIG ,SEMS CAN THAMS CAD SDUG BSNGAL MED PA'I...
BDE BA DANG MI 'BRAL BAR GYUR CIG ,SEMS CAN THAMS CAD NYE RING CHAGS SDANG GNYIS DANG BRAL PA'I BTANG SNYOMS LA GNAS PAR GYUR CIG (,CES TSAD MED BZHI BSGOM PA RGYUD DANG 'DRES NGES BYA,) RANG NYID SKAD CIG GIS RJE BTZUN MA 'PHAGS MA SGROL MA'I SKUR BZHENGS PAR GYUR, (NANG MCHOD,) AOm BADZRA AA MRi TA KUndA LI HA NA HA NA H'Um PHAt, AOm SVA BH'A WA SHUDDHA: SARBA DHARMA: SVA BH'A WA SHUDDHONYAHAm, STONG PA NYID DU GYUR, STONG PA'I NGANG LAS YAm LAS... RLUNG, RAm LAS ME, A'A: LAS YE SHES KYI KA P'A LA YANGS SHING RGYA CHE BA'I NANG DU SHA LNGA BDUD RTZI LNGA ZHU BA LAS BYUNG BA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um, (LAN GSUM GYIS BYIN GYIS BRLAB, MCHOD PA RNAMS,) AA MRi TAS BSANG, SVABH'A WAS SBYANGS, STONG PA'I NGANG LAS KAm LAS THOD PA'I SNOD RNAMS KYI NANG DU H'Um LAS MCHOD RDZAS RNAMS RANG BZHIN STONG NYID RNAM PA MCHOD RDZAS SO SO'I RNAM PA CAN BYED LAS... DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN STER BAR GYUR, AOm AARGHAm A'A: H'Um, AOm P'A DYAm A'A: H'Um, AOm BADZRA PUshPE A'A: H'Um, AOm BADZRA DHU PE A'A: H'Um, AOm BADZRA A'A LO KE A'A: H'Um, AOm BADZRA GANDHE A'A: H'Um; AOm BADZRA NEE WIDY'A A'A: H'Um, AOm BADZRA SHAPTA A'A: H'Um, MDUN GYI NAM MKHAR SENG KHRI PAD ZLA'I GDAN LA RTZA BA'I BLA MA DANG DBYER MED PA'I SENG LDENG NAGS SGROL GYI STENG DU JO BO RJE SOGS BLA MA RNAMS DANG MTHA' SKOR DU...
, ,SGROL MA NYER GCIG SOGS YI DAM SANGS RGYAS BYANG SEMS NYAN RANG BKA' SDOD DANG BCAS PA BZHUGS PAR GYUR, (CES TSOGS ZHING GSAL GDAB,) SANGS RGYAS THAMS CAD X MGON PO THUGS RJE X DAG PA'I 'DOD CHAGS X GROL NAS GROL BA'I X LA PHYAG 'TSAL, (,ZHES PA RNAMS GSUM GSUM BRJOD, SHLOO KA RE DANG PHYAG RE SBRAGS NAS PHYAG BCU GNYIS 'TSAL, RTEN RNAMS LA ME TOG 'THOR, SA LA 'KHOD NAS,) AOm SARBA TA TH'A GA TA SA PA RI W'A RA AARGHAm (NAS) SHAPTA'I (BAR DANG 'BRU... GSUM BTAGS PAS NANG MCHOD 'BUL,) RGYAL BA SRAS BCAS RNAMS LA PHYAG 'TSAL LO, ,DNGOS BSHAMS YID SPRUL MCHOD PA MA LUS 'BUL, ,X BSNGO, (,ZHES YAN LAG BDUN PA DANG,) SA GZHI SPOS BYUG (MAS MAndAL PHUL,) SANGS RGYAS CHOS (TSOGS MA TSAR... GSUM GYIS SKYABS SEMS BZUNG,) LEGS TSOGS KUN GYI 'BYUNG GNAS DGE BA'I BSHES, ,BSAM DANG SBYOR BAS TSUL BZHIN GUS BSTEN ZHING, ,RGYAL BA DGYES PA'I LAM GYIS RGYUD SBYANGS NAS, ,BLA MED BYANG CHUB THOB PAR MDZAD DU GSOL, (,ZHES PA... LAN GSUM BRJOD DE 'DOD DON LA GSOL BA GDAB, '(SDE TSAN DANG PO LA,) LHA DANG LHA MIN COD PAN GYIS, ,ZHABS GNYIS PADMO LA BTUD DE, ,PHONGS PA KUN LAS SGROL MDZAD PA'I, ,SGROL MA YUM LA PHYAG 'TSAL LO, (,ZHES PA PHYAG DANG SBRAGS NAS TSAR BDUN BYAS TE, SGROL MA LA ME TOG 'THOR, SAR 'KHOD NAS,) AOm A'ARYA T'A RE AARGHAm (NAS) SHAPTA'I (BAR DANG 'BRU GSUM BTAGS PAS NANG MCHOD 'BUL,) RJE BTZUN SGROL MA'I ZHABS LA GUS PHYAG 'TSAL, ,DNGOS BSHAMS X BSNGO, (,MAndAL PHUL,) SANGS RGYAS...
CHOS (TSOGS MA TSAR GSUM,) PHYAG GA-YAS MCHOG SBYIN PHYAG RGYA NYID, ,SKYABS SBYIN PHYAG RGYAR GYUR PA'I 'OG ,BDAG DANG BSRUNG BYA KUN TSUD NAS, ,'JIGS PA KUN LAS DBUGS DBYUNG GYUR, ,AOm RJE BTZUN MA NAS NYI SHU RTZA GCIG (,GI BAR TSAR GNYIS,) THUGS RJE'I GTER CHEN 'PHAGS MA RJE BTZUN MAS, ,MKHA' MNYAM 'GRO RNAMS GTAN BDE'I GRONG KHYER DU, ,BDE BLAG BGROD PA'I BAR CHAD KUN ZHI ZHING, ,MTHUN RKYEN MA LUS 'PHEL BAR BYIN GYIS RLOBS, (,ZHES PA LAN GSUM GYIS GSOL 'DEBS BYA, 'SDE TSAN GNYIS PA LA,) LHA DANG LHA MIN (ZHES SOGS PHYAG BDUN 'TSAL BA NAS 'DOD DON GSOL 'DEBS BAR GONG DANG 'DRA LA, PHYAG 'TSAL NYER GCIG TSAR GSUM 'DON, 'SDE TSAN GSUM PA'ANG GONG DANG 'DRA BA LA,) SKU LAS BDUD RTZI'I CHU RGYUN BABS, ,RANG DANG BSRUNG BYA'I SPYI BO NAS, , ZHUGS TE LUS KUN GANG BA YIS, ,BYIN RLABS MA LUS ZHUGS PAR GYUR, (,NYER GCIG TSAR BDUN DANG LHA MO LA GUS KYIS BSTOD PA BYA, DE NAS GTOR MA NANG MCHOD LTAR BYIN GYIS BRLAB LA,) BLA MA RJE BTZUN MA'I LHA TSOGS RNAMS KYI LJAGS RDO RJE'I 'OD ZER GYI SBU GUS DRANGS TE GSOL BAR GYUR PAR BSAMS LA, AOm A'ARYA T'A RE SA P'A RI W'A RA AI DAM BA LINGTA KHA KHA KH'A HI KH'A HI, (LAN GSUM GYIS DBUL,) AOm A'ARYA T'A RE SA P'A RI W'A RA AARGHAm (NAS) SHAPTA'I (BAR GYIS MCHOD, SNGAGS DE LA 'BRU GSUM BTAGS PAS NANG MCHOD 'BUL,) LHA DANG LHA MIN... COD PA NA GYIS, ,ZHABS KYI PAD MA LA BTUD DE, ,PHONGS PA KUN LAS SGROL MDZAD MA, ,SGROL MA YUM LA PHYAG 'TSAL BSTOD, (,CES BSTOD, DE NAS THAL MO SBYAR TE,) RJE BTZUN 'PHAGS MA 'KHOR DANG BCAS, ,DMIGS MED THUGS RJES BRTZER DGONGS...
, ,LA; ;BDAG GIS JI LTAR GSOL BA'I DON, ,GEGS MED 'GRUB PAR BYIN GYIS RLOBS, ,RGYAL BSTAN SPYI DANG BLO BZANG BSTAN, ,BSHAD DANG SGRUB PAS PHYOGS BCUR RGYAS, ,BSTAN 'DZIN DGE 'DUN SDE DANG BCAS, , THUGS MTHUN 'PHRIN LAS 'PHEL BAR MDZOD, ,LJONGS 'DIR NAD MUG 'KHRUGS RTZOD ZHI, ,CHOS DANG BKRA SHIS GONG DU 'PHEL, ,CHOS LDAN RGYAL PO'I MNGA' THANG RGYAS, ,RGYAL KHAMS MTHA' DBUS BDE PAR MDZOD, ,BRGYAD DANG BCU DRUG 'JIGS CHEN DANG, , GDON RIMS RMI LAM MTSAN LTAS NGAN, ,'KHOR BA NGAN SONG SDUG BSNGAL SOGS, ,GNAS SKABS MTHAR THUG 'JIGS LAS SKYOBS, ,TSE DPAL LONGS SPYOD BSOD NAMS 'PHEL, ,MI DGE'I RTOG PA KUN ZHI ZHING, ,LAM GTZO GSUM DANG RIM GNYIS KYI; ;NYAMS RTOGS MYUR DU MTHAR PHYIN MDZOD, ,'DI NAS BYANG CHUB SNYING PO'I BAR, ,KHYOD MIN SKYABS GNAS GZHAN MED PAS, ,BU GCIG PO LA MA YIS BZHIN, ,RJES BZUNG BYIN GYIS BRLAB TU GSOL, (,YIG BRGYA DANG,) MA RNYED YONGS SU MA SHES... (SOGS BRJOD LA NONGS PA BSHAGS, RTEN YOD NA BRTAN BZHUGS DANG MED NA GSHEGS GSOL BYA,) DGE BA 'DI YIS MYUR DU BDAG ,'PHAGS MA SGROL MA 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG (,SOGS KYIS BSNGO SMON BYA,) DPAG BSAM SHING DANG NOR BU BUM BZANG BZHIN, ,RE SKONG 'DOD RGU 'JO BA'I YID BZHIN GTER, ,RGYAL YUM SGROL MA RGYAL BA SRAS BCAS KYIS, ,RJES BZUNG DGE MTSAN 'PHEL BA'I BKRA SHIS SHOG (,CES SOGS DGE BSNGO SHIS BRJOD BYA'O,) ,'DIR 'BAD...
DGE BAS BDAG SOGS 'GRO BA KUN, ,RGYAL YUM LHAG PA'I LHA MOS RJES BZUNG STE, ,NAM MKHA' JI SRID 'GRO BA SGROL BA LA, ,MI ZHUM DBYINGS KYI DPAL MO 'GRUB GYUR CIG (,CES PA 'DI YANG DAD BRTZON LHAG BSAM GCIG TU DGE BA SNYE MO DRUNG YIG BU TSE RING NAS BSKUL... BA'I NGOR DGA' LDAN KHRI BYANG SPRUL MING PAS SUG BRIS SU BGYIS PA DGE LEGS 'PHEL,, ,,YANG NAD PA LTA BU LA GONG GI 'DOD GSOL SKABS, SKYABS GSUM THAMS CAD 'DUS PA'I BDAG NYID RJE BTZUN 'PHAGS MA SGROL MA'I LHA TSOGS 'KHOR DANG BCAS PAS SBYIN BDAG (CHE GE... MO...) 'DI DUS MA YIN PAR 'CHI BA'I 'JIGS PA LAS GROL, 'CHI BA MED PA TSE'I RIG 'DZIN THOB PAR BYIN GYIS BRLAB TU GSOL, (,ZHES GSOL BA BTAB PAS DGYES BZHIN ZHAL GYIS BZHES PAR BSAM,,) ,,'CHI MED TSE RING SGROL DKAR NAS, ,DPAR GYI 'DU BYED 'DI BSKRUN PAS, ,SKYE KUN 'JAM MGON BSTAN PA DANG, ,MI 'BRAL 'PHAGS MAS RJES 'DZIN SHOG, ,,DGE LEGS 'PHEL,, ,,