, ,RJE BTZUN MA SGROL MA'I SGRUB THABS TZITTA MA nI DANG 'BREL BA'I BSNYEN YIG 'PHAGS MA SNYING GA'I KHAB TU BSU BA'I YID 'PHROS DRI ZA'I GLING BU ZHES BYA BA BZHUGS SO,,
, ,NA MO GU RU A'ARYA T'A RE YA, RAB 'BYAMS RGYAL BA'I 'PHRIN LAS MA RGAD RDUL, ,GCIG TU SPUNGS PA'I YID 'PHROG PADMA'I MIG ,LUS CAN MTHA' DAG BDE BA MCHOG GI SAR,, SGROL MDZAD BLA MA SGROL MAR GUS BTUD NAS, ,SNYING DBUS MI SHIGS 'OD LNGA'I GUR KHYIM NA, ,GNYUG MA LHAN SKYES A'ARYA T'A RE'I ZHAL, ,MNGON PAR BSU BA'I BSNYEN YIG GLING BU'I SGRA, ,SKAL BZANG RNA BA'I DPYID DU... 'DI NA SNYAN, ,DE LA 'DIR RGYAL BA KUN GYI 'PHRIN LAS LHA MO'I GZUGS SU SHAR BA RJE BTZUN MA 'PHAGS MA SGROL MA SGRUB PA'I THABS KYI RIM PA LA, RGYUD DANG GRUB CHEN SO SO'I BZHED SROL GYI RNAM GRANGS MTHA' YAS PA... ZHIG BZHUGS PA LAS, 'DIR SKU TSE DU MAR RJE BTZUN MA DANG LHAG PAR DU 'BREL BA'I MKHAS GRUB CHEN PO KHYAB BDAG STAG PHU BA CHEN PO GONG MA MCHOG GRUB RDO RJE DANG, GAR GYI DBANG PO PADMA SHVA RAR RJE BTZUN MA NYID KYIS DAG...
, ,PA'I SNANG BAR ZHAL MNGON SUM DU BSTAN NAS RJES SU GDAMS PA'I MAN NGAG 'PHRIN LAS RAB 'BYAMS KYI GNAD LDAN TZITTA MA nI ZHES ZAB CING MYUR BA'I BYIN RLABS KYI TSAN KHA CHES... SHIN TU CHE BA 'DI NYID DANG 'BREL BAR BSNYEN PA JI LTAR BYA BA'I TSUL LA GSUM, GANG ZAG GANG GIS, GNAS GANG DU, TSUL JI LTAR BYA BA'O, ,DANG PO?, SGRUB THABS RTZA GZHUNG LAS, KHO MO'I SGRUB THABS SHIN TU MYUR BA RNAL 'BYOR BLA MED LTAR NYAMS SU LEN PAR 'DOD PA'I GANG ZAG ,THUN MONG BA'I LAM GYI RIM PAS RGYUD SBYANGS SHING, BLA MA LA DAD CING, GSANG SNGAGS LA MOS PA, DAM TSIG BSRUNG NUS PA, 'DI NYID KYI DBANG BZHI LEGS PAR THOB PA DAG GIS ZHES GSUNGS LA, RGYAL MCHOG LNGA PAS, THUN MONG LAM SBYANGS SNGON DU MA SONG NA, ,MA DUL GLANG PO ZHON PAS RANG NYID PHUNG, ,ZHES GSUNGS PA LAGS PAS, RNAL 'BYOR BA LAM...
THUN MONG BAS RGYUD LEGS PAR SBYANGS PA, 'DI GA'I THUN MONG DANG THUN MONG MIN PA'I DBANG RNAMS LEGS PAR THOB PA DGOS TE, DBANG MA THOB NA SNGAGS BZLAS PA DANG, LHA SGOM PA SOGS BGYIS KYANG DNGOS GRUB KHYAD PAR CAN 'THOB PAR MI 'GYUR BA'I PHYIR TE, DPAL SANGS RGYAS THOD PA'I RGYUD LAS, DPER NAt TSA MED BA'I KHYIM, ,SHI BA TZAM GYIS STONG PA NYID, ,DE BZHIN DBANG DANG BRAL NA NI, ,YE SHES KUN GYIS STONG PA NYID, ,DPER NA PI WAm SBYOR KUN TSOGS, ,RGYUD DANG BRAL NA BRDUNG MI RUNG, ,DE BZHIN DBANG DANG BRAL NA NI, ,SNGAGS DANG BSAM GTAN 'GRUB MI 'GYUR, ,ZHES DANG, RGYUD PHYAG CHEN THIG LE LAS, DBANG MED NA NI DNGOS GRUB MED, ,BYE MA BTZIR LA MAR MED BZHIN; ;GANG ZHIG RGYUD LUNG NGA RGYAL GYIS, ,DBANG BSKUR MED PAR 'CHAD BYED PA, ,SLOB DPON SLOB MA SHI MTHAG ,DNGOS GRUB THOB KYANG DMYAL BAR 'GRO, ,ZHES DANG, RGYUD RDO RJE'I 'PHRENG BA LAS, YANG DAG DBANG BSKUR GYIS... DBEN NA, ,SGRUB POS RGYUD KYI DON SHES KYANG, ,SLOB DPON SLOB MA MTSUNGS PAR NI, ,MI BZAD DMYAL BA CHEN POR 'GRO, ,ZHES GSUNGS PA'I RGYU MTSAN DE'I PHYIR NA SLOB DPON MTSAN NYID DANG LDAN PA'I DRUNG NAS DBANG BSKUR LEGS... PAR THOB PA, DBANG THOB NA'ANG THOB LO TZAM DU MA SONG BAR DBANG DUS SU KHAS BLANGS PA'I DAM SDOM RNAMS MIG 'BRAS LTAR GCES PAR SRUNG BA ZHIG DGOS TE, MNYAM SBYOR GYI RGYUD LAS, DKYIL 'KHOR DU NI MA ZHUGS SHING, ,DAM...
, ,TSIG RNAMS NI SPANGS PA DANG, ,GSANG BA DE NYID MI SHES PAS, ,BSGRUBS KYANG CI YANG MI 'GRUB BO, ,ZHES GSUNGS PAS BLA MA'I DRUNG DU KHAS BLANGS PA'I DAM SDOM RNAMS SROG LAS GCES PAR SRUNG BA, BSKYED RDZOGS KYI MAN NGAG CHA LAG DANG BCAS PA MAN NGAG BZHIN SHES PA ZHIG GIS 'JUG PAR BYA'O, ,GNYIS PA NI, BDE MCHOG RTZA RGYUD LAS, RI BO TSANG TSING PHUG RI SUL, ,CHU BO CHEN PO'I NGOGS DAG DANG, ,ZHES SOGS GSUNGS PA LTAR RAM, GZHUNG LAS, YID DU 'ONG ZHING BAR CHAD DANG MI LDAN PA'I GNAS BZANG POR ZHES DANG, DPUNG BZANG GIS ZHUS PA LAS, SANGS RGYAS BYANG CHUB SEMS DPAS BSTEN PA YI, ,GNAS SU BZLAS NA YID 'ONG DNGOS GRUB THOB, ,CES DANG, DUS 'KHOR LAS, GANG NAS SKYONG CHOS LDAN ZHING, ,GANG ZHIG KHO NAR SKYE RGU RNAMS, ,BDER GNAS SA 'DZIN SKYON MED PA, ,GNAS DER RNAL 'BYOR BRTZAMS PAR BYA, ,ZHES DANG, SGRUB THABS KUN BZANG LAS, LA LAR DRI MED CHU NI PHUN TSOGS SHING, ,SHING MCHOG MDZES... PAS RNAM PAR BRGYAN PA YI, ,RI BO'I PHYOGS GCIG TU NI BCOM LDAN 'DAS, ,'JAM PA'I DBYANGS ZHES BYA BA BSGOM PAR BYA, ,ZHES PA LTAR, RANG GI YID DANG RNAL 'BYOR DANG RJES SU MTHUN PA'I SGRUB KHANG MTSAMS 'GO BTZUGS NAS MA GROL GYI BAR DU BAR CHAD MI 'BYUNG BA'I GNAS SU 'JUG GO, ,GSUM PA LA SBYOR DNGOS RJES GSUM LAS, DANG PO NI, BSNYEN MTSAMS LA 'DUG NYIN GYI ZHAG KHA SHAS KYI GONG NAS BSNYEN PA LA BAR CHAD MI YONG BAR LAM DU 'GRO BA'I PHYIR, DKON MCHOG LA PHYAG MCHOD GSOL
'DEBS, DGE 'DUN LA BSNYEN BKUR TSOGS GSOG ,GSUNG RAB SGROG PA, SATZTSA 'DEBS PA, MCHOD ME 'BUL BA, GTOR MA GTONG BA, CHA GSUM GTONG BA, DBUL PHONGS LA SBYIN STER SOGS RGYAS BSDUS RANG GI 'BYOR 'KHOS DANG BSTUN NAS BYA, DUS NI, 'PHAGS MA SGROL MA KU RU KULLE'I RTOG PA LAS, TSES GRANGS GANG DANG DUS GANG LA, ,SGROL MA 'BYUNG LAS BSHAD PA BZHIN, ,ZHES DANG, DPYID KYI ZLA BA DANG PO YI, ??ME YI TSES BRGYAD YIN, ,ZHES DANG, YAR GYI NGO'I TSES BRGYAD ZLA BA NYA'I BAR DU BZLAS PA BYA'O, ,ZHES DANG, YANG STON ZLA THA CHUNG NGAM, DPYID ZLA 'BRING PO'AM, DBYAR ZLA 'BRING PO'I SANGS RGYAS LA MCHOD PA'I DUS TSIGS KYI NYIN PAR THO RANGS KYI DUS SU KHRUS BYAS LA GSO SBYONG BZUNG NAS MCHOD PA THAMS CAD KYIS MCHOD LA, ZHES PA LTAR DUS TSES DGE BA'I NYIN SGRUB KHANG GI PHYI NANG NYE 'KHOR THAMS CAD PHYAG DAR LEGS PAR BTANG, DRI ZHIM PO'I CHU DANG BA BYUNG GIS BYUGS LA CHAG CHAG GDAB, ME TOG GCAL DU BKRAM, SGRUB KHANG GI NANG DU JI LTAR 'OS PA'I PHYOGS SU RJE BTZUN... SGROL MA'I SKU BRIS 'BUR GANG RUNG RAB GNAS CAN BKRAM, DE YANG DMIGS RTEN THANG KA LTA BU MTHO DRAGS NA RGOD PA DANG, DMA' NA BYING BA SKYE SLABS MTHO DMAN 'TSAMS PA DGOS, DE'I MDUN DU STEGS BU BANG RIM CAN RAS SOGS KYIS BKAB PA'I... STENG MA LA, RTZA GZHUNG LAS, CI 'BYOR PA'I MCHOD TSOGS BZANG PO GTZANG ZHING DAG THON PA BKOD PAS MDZES PAR BSHAM ZHES PA LTAR, GTOR MA'I RGYU NI, MAR KHU BTZAG THAG CHOD PAS KHU BA BYAS PA LA DKAR GSUM, MNGAR GSUM, BDUD RTZI RIL BU...
, ,SOGS BSRES PA'I ZAN GTZANG MA'I ZLUM GTOR DKAR PO PAD 'DAB CAN DANG, BKA' SRUNG DUR KHROD BDAG BO LA GTOR MA ZLUM PO ZAN CHANG GA-YAS GA-YON DU RE RE DANG RGYAB MDUN DU GNYIS GNYIS TE DRUG GIS BRGYAN PA GCIG, BKA' SRUNG MA MO TZAntI KA LA 'BRU NAG GI GTOR MA GRU GSUM PA, 'KHOR GA-YAS SU ZLUM PO SBRUL DKRIS CAN, GA-YON DU DZAm BSHOS, RGYAB MDUN GNYIS SU DMAR GTOR ZUR GSUM PA RE RE BCAS BSHAMS PA RNAMS YUN RING DU SONG YANG RUL BA SOGS SKYON MI 'JUG PA DGOS, CHAG MED KYI YI DAM CHOS SKYONG GI GTOR MA GZHAN YOD NA DE DAG DANG, GZHI BDAG GTOR MA RNAMS BSHAM, DE DAG THAMS CAD LA RDUL DANG BYI BA SOGS KYI GNOD PAS MI GOS PA'I PHYIR GTOR KHANG LTA BU BYA, DE'I MDUN DU CHU GNYIS SNGON DU... 'GRO BA'I NYER SPYOD GNYIS LAS MI NYUNG BA MA RGYUD KYI LUGS LTAR MCHOD 'GO GA-YON NAS BRTZAMS TE BSHAMS, MTSAMS KYI RING RGYAL CHEN LA MCHOD PA 'BUL DGOS PAS ZUR DU BSHAM PA'AM, GZHI BDAG GTOR MA BSNGO BA'I TSE, RGYAL CHEN BZHI LA'ANG PHUL BAR BSAMS NAS, GTOR MA GCIG GIS CHOG PAR MDZAD PA YANG YOD, THOG MA'I NYIN DGOS PA BGEGS GTOR DANG, GZHI BDAG GTOR MA, RGYAL CHEN PA 'BUL RGYU'I...DKAR GTOR ZLUM PO PAD 'DAB BZHI PA RNAMS BSHAMS, GROGS... MTSAMS GA-YOG PA NI, DPUNG BZANG GI RGYUD LAS, JI LTAR 'KHOR LO GCIG PA'I SHING RTA NI, ,RTA DANG LDAN YANG LAM DU MI 'GRO LTAR, ,DE BZHIN SGRUB PO YI NI GROGS MED PAR, ,LUS CAN DNGOS GRUB THOB PAR MI 'GYUR RO, ,DE NI BLO LDAN GZUGS BZANG...
GTZANG SBRA CHE, ,RIGS NI BTZUN ZHING CHOS LA GZHOL BA DANG, ,SBOBS PA CHE ZHING DPA' LA DBANG PO DUL, ,SNYAN PAR SMRA ZHING SBYIN PHOD SNYING RJE CAN, ,BKRES DANG SKOM DANG NYON MONGS BZOD PA DANG, ,BRAM ZE DANG NI LHA GZHAN MCHOD MI BYED, ,SGRIN CING GZO LA BYAS PA GZO BA DANG, , DKON MCHOG GSUM LA DAD PA GROGS PO YIN, ,DE LTA'I YON TAN MA LUS LDAN PA DAG ,RTZOD PA'I DUS NA SHIN TU DKON PAS NA, ,YON TAN PHYED DAM BZHI CHA BRGYAD CHA CAN, ,DE LTA BU NI SNGAGS PA'I GROGS POR BSTEN, ,ZHES GROGS KYI MTSAN NYID YONGS RDZOGS GSUNGS PA'I BRGYAD CHA LA MA MTHA' BYAS PA DE LTA BU BYUNG NA NGES PAR DGOS MOD KYANG SHIN TU DKA' BAS MA RNYED NA'ANG DKON MCHOG LA MI DAD CING LAS 'BRAS LA RTZI 'JOG CHUNG BA, SPRO THUNG BA, BRDA' BYAS PA MI GO BA, GO YANG MI BYED PA, GTZANG SBRA CHUNG BA SOGS MA YIN PAR, DKON MCHOG LA DAD CING LAS 'BRAS LA RTZI 'JOG CHE BA, RANG BZHIN BZANG BA ZHIG DGOS, DE YANG MTSAMS YUN RING BYED NA, MTSAMS GA-YOG GCIG PO DE NA BA SOGS BYUNG TSE GA-YOG BYED RTZIS KYIS GZHAN GCIG GNYIS SHIG DANG, RANG GI BLA MA SMAN PA SOGS DANG, YI GE GAL CAN DANG BCA' LAG SOGS 'JUG 'OS RNAMS RGYA MA CHUNG TZAM BZHAG NA SLAD DE RIGS MTSAMS 'OG TU MI BTANG MTHU MED BYUNG YANG MTSAMS BUG RAL GYI SKYON DU MI 'GRO, 'ON KYANG DGOS PA CHER MED NA MTSAMS 'OG TU BTANG NA BAR CHAD 'BYUNG NYEN CHE BAR... GSUNGS PA BZHIN, SHES PA 'TSUBS PA SOGS NI NGES PAR 'ONG, YI GE GAL CAN LTA BU MI LEN KA MED BYUNG YANG MTSAMS STAN DE NYID KYI STENG DU KHA MI 'BYED PA GNAD YIN ZHES GSUNGS SO, ,STAN GYI 'OG TU SA DKAR RAM 'BRU DKAR GYIS RDO RJE RGYA GRAM 'BRI BAR GSUNGS KYANG
, ,DE'I DOD THUB TU GA-YUNG DRUNG CHOS SKOR DU BRI, DE'I STENG DU KU SHAM DUR BA RTZE NANG DU BSTAN NAS BKRAM PA'I KHAR YUN RING POR BSDAD NA BRLAN DANG GDAN RUL PA'I SKYON MI 'ONG BAR BYAS NAS GDAN 'JAM PO 'BOL BA 'DIB, RANG GI MDUN DU THOD PA BDUD RTZI RIL BU BTAB PA'I CHANG GIS BKANG BA, RDO RJE DRIL BU d'A MA RU, GU GUL, YUNGS KAR, BUM PA MGUL 'CHING CAN RNAMS GZHUNG NAS BSHAD PA LTAR BSHAM DGOS TE, RGYUD RDO RJE MKHA' 'GRO LAS, PADMA'I TSAL NI NYAMS DGA' BAR, ,BUNG BA'I TSOGS 'DU JI BZHIN DU, ,DAM TSIGS RDZAS SOGS LEGS GNAS NA, ,RING DU GNAS KYANG BYIN GYIS RLOB, ,CES GSUNGS PAS SO, ,DE NAS STAN LA 'KHOD DE, RVA LO CHEN POS, NGAG LA BYIN GYIS MA BRLABS PAR, ,SNGAGS BZLAS RNAMS LA MTHU MI 'BYUNG, ,A'A LI K'A LI'I... GDAMS NGAG BDOG ,SNGAGS MI 'GRUB SNYAM PA'I DOGS PA MED, ,CES GSUNGS PA LTAR NGAG BYIN RLABS GZHUNG GZHAN NAS 'BYUNG BA LTAR BYA LA, SKYABS SEMS TSAD MED BZHI BSGOM PA RGYUD DANG 'DRES NGES BYA, SKAD CIG DKRONG BSKYED BYAS, NANG MCHOD DANG MCHOD PA... BYIN GYIS BRLAB, (DE NAS BSANG CHU SGRUB PA NI,) AOm BADZRA Ai MRA TAS BSANGS, SVA BH'A WAS SBYANGS, STONG PA'I NGANG LAS BAm LAS BYUNG BA'I RIN PO CHE'I BUM PA DKAR PO LTO BA CHE BA, MGRIN PA RING BA, MCHU 'PHYANG BA LA SOGS PA MTSAN NYID THAMS CAD YONGS SU RDZOGS PA, LHA RDZAS KYI... GOS KYIS MGUL PA DKRIS SHING, DPAG BSAM SHING GIS KHA BRGYAN PA CHU DANG BCUD KYIS GANG BA'I NANG DU BUM CHU'I STENG DU NYI MA'I DKYIL 'KHOR LA GNAS PA'I H'Um YIG GI MTHAR SNGAGS KYIS BSKOR BA LAS 'OD ZER 'PHROS PAS PHYOGS BCU'I RGYAL BA SRAS BCAS KYI...
BYIN RLABS NUS MTHU THAMS CAD SNGAGS 'OD ZER SNGAGS 'OD ZER DANG BCAS PA'I RNAM PAR SBYAN DRANGS TE THIM PAR GYUR, AOm BDZRA AA MRi TA KUntA LI HA NA HA NA H'Um PHAt, (LAN BRGYA RTZA TZAM GYIS BSGRUB, BUM PA'I NANG GI SNGAS 'PHRENG GDAN DANG BCAS PA 'OD DU ZHU NAS BUM PA'I CHU DANG RO... GCIG TU GYUR, (GZHI BDAG GTOR MA, Ai MRA TAS BSANG, SVA BH'A WAS SBYANGS), STONG PA'I NGAG LAS BH'Um LAS RIN PO CHE'I SNOD YANGS SHING RGYA CHE BA'I NANG DU AOm LAS GTOR MA DVANGS SHING THOGS PA MED PA'I YE SHES KYI BDUD RTZI'I RGYA MTSO CHEN POR GYUR, AOm A'A:H'Um, LAN... GSUM GYIS BYIN GYIS BRLAB, SAMBHA RA LAN GSUM GYIS BSNGO, BDE GSHEGS BZHI'I MTSAN BRJOD), PHUN TSOGS 'DOD YON LNGA LDAN PA'I, ,BDUD RTZI'I RGYA MTSO'I GTOR MA 'DI, ,DKAR PO'I PHYOGS LA DGA' BA YI, ,YUL LHA GZHI BDAG RNAMS LA 'BUL, ,BZHES NAS RUNG MA... MDZAD PAR, ,SDONGS GROGS GNAS PO BZANG POR MDZOD, ,BDAG GI BSAM PA'I STOBS DANG NI, ,(ZHES SOGS BDEN STOBS BRJOD, DE NAS, KHRO BO'I MCHOD PA BRLAB), RANG GI THUGS KA'I T'Am LAS 'OD ZER 'PHROS KHRO BO'I TSOGS DPAG TU MED PA MDUN GYI NAM MKHA' SPYAN DRANGS; AOm BDZRA MH'A KRO DHA R'A DZA SA P'A RI BDZRA SA MDZA: H'Um; YE SHES BSKAL PA ME LTAR 'BAR BA'I 'OD, ,MA RIG 'DOD PA'I MUN KHAMS THAMS SREG ,ZHE SANG GSHIN RJE'I 'JIGS PA THAMS CAD 'JOMS, ,DPA' PO CHEN PO DPA' MTSAN STAG PAGS CAN; ;LOG 'DREN SRIN PO'I MTHA' GNON DGRA 'DUL BA, ,RIGS PA'I RGYAL PO KHRO BO BZHUGS SO 'TSAL, ,LOG 'DREN 'DUL BA'I SLAD DU SPYAN 'DREN NA, ,'GRO BA'I DON PHYIR MCHOD KYIS GSHEGS SU GSOL, ,AOm BDZRA MH'A KRO DHA R'A DZA SA P'A RI W'A RA AE HYE HI, PRA WA
, ,RA SAD KA RAm AARGHAm PRA T'ITZTSA SV'A H'A, PADMA KA MA LA YE STVAm, AOm BADZRA MAH'A KRO DHA R'A DZA SA P'A RI W'A RA PRA WA RA SAD KA RAm AARGHAm NAS, SHAPTA'I BAR MCHOD, 'BRU GSUM SBYAR NAS NANG MCHOD 'BUL, H'Um: CHOS NYID STONG PA GNYIS MED NGAG NYID LAS, ,'JIG RTEN SPYOD PA'I TSUL YANG MI SPONG ZHING, ,THABS LA MKHAS PAS 'JIGS BYED SKUR STON PA, ,KHRO CHEN 'BAR BA'I TSOGS LA PHYAG 'TSAL LO, ,YE SHES ZHI BA'I NGAG LAS MA GA-YOGS KYANG, ,SKU YI LUGS ZA BYED RNGAM BSTABS CAN, , GSUNG GI NGA RO 'BRUG STONG LDIR BA'I SGRAS, ,MA LUS DBANG DU SDUD LA PHYAG 'TSAL LO, ,LHAG PA'I YE SHES ROL PA STON MDZAD CING, ,BSDIGS PA'I MTSON CHA SNA TSOGS PHYAG NA BSNAMS, ,NYON MONGS DUG CHEN RTZAD NAS 'JOMS MDZAD PA, ,SBRUL GDUG RGYAN... GYIS BRGYAN LA PHYAG 'TSAL LO, ,BSKAL PA'I ME LTAR 'BAR BA'I KLONG DKYIL NA, ,DPA' BO'I LTANG STABS BRKYANG BSKUM TSUL DU BZHUGS, ,NYI ZLA 'BAR BA'I SBYAN GYI SDANG MIG GIS, ,BGEGS DPUNG BSREGS PAR MDZAD LA PHYAG 'TSAL LO, ,GTUM CHEN DUS... MTHA'I ME LTAR GZI BRJID 'BAR, ,GLOG STONG 'GYU 'DRA'I KHRO GNYER MCHE BA GTZIGS, ,RNGAM PA'I NGA RO 'BRUG SGRA STONG BZHIN SGROG, ,KHRO RGYAL BGEGS TSOGS 'DUL LA PHYAG 'TSAL LO, ,H'Um: 'JIGS PA'I H'Um SGRA NGES SGROGS SHING, ,BGEGS RNAMS MA LUS 'JOMS MDZAD PA, ,DNGOS GRUB MA LUS STZOL BA'I LHA, ,BGEGS KYI DGRA LA PHYAG 'TSAL LO, ,(ZHES BRGYAB DPUNG DU KHRO BO SBYAN DRANGS TE MCHOD CING BSTOD, GTOR MA, AA MRi TAS BSANG, SVA BH'A WAS SBYANGS,) STONG PA'I NGANG LAS AOm LAS RIN PO CHE'I SNOD YANGS SHING RGYA
CHE BA'I NANG DU BGEGS KYI GTOR MA ZAG PA MED PA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um, (LA GSUM BRJOD), AOm AA K'A RO NAS, AOm A'A:H'Um PHAt SV'A H'A, BAR LAN GSUM BRJOD, RANG GI THUGS K'I G'Am LAS 'OD ZER 'BROS, BSNYEN SGRUB BYA BA LA BAR DU GCOD PA'I BGEGS KYI TSOGS RNAMS MDUN DU BKUG PAR GYUR, AOm SARBA BIGHANNA NA MA: SARBA TA TH'A GA TA BHYO BI SHVA MU KHE BHA SARBA TADHAm AUTGA TE SPHA nAR HI MAm GA GA NA KHAm GRIHAN DAm BA LIm TA YE SVA H'A, (LAN GSUM GYIS GTOR MA BSNGO), AOm SUMDHA NI SUMDHA H'Um, GRIHAN GRI HAN H'Um, GRIHAN PA YA GRIHAN PA YA H'Um, AOm YA NA YA HO BHA GA WAN BIDYA R'A DZA H'Um PHAt, (LAN GSUM GYIS TING LO CHANG BU DANG BCAS PA BSNOG, H'Um; DKYIL 'KHOR CHEN PO'I SA GZHI LA GNAS PA'I, ,LHA LA SOGS PA'I BGEGS TSOGS KUN TSOGS KUN NYON CIG ,NGA NI GNAS 'DIR BSNYEN SGRUB ZAB MO BYED, ,KHYED RNAMS 'DI NAS GZHAN DU 'GRO BAR GYIS, ,GAL TE NGA YI BKA' LAS 'DA' BYED NA, ,YE SHES CAN GYI RDO RJE 'BAR BA YIS, ,MGO BO TSAL BA BRGYAR NI 'GAS 'GYUR ZHING, ,BGEGS RNAMS BRLAG PAR 'GYUR BAR GDON MI ZA, ,NA MO RJE BTZUN TZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI BDEN PA DANG, YI DAM DKYIL 'KHOR GYI LHA TSOGS RNAMS KYI BDEN X SANGS RGYAS DANG BYANG CHUB SEMS DPA' RNAMS KYI X NYAN RANG CHOS SKYONG SRUNG MA RNAMS KYI X KHYAD PAR DU YANG RJE BTZUN MA 'PHAGS MA SGROL MA'I LHA TSOGS 'KHOR DANG BCAS PA RNAMS KYI BDEN PA'I MTHU LA BRTEN NAS BSNYEN SGRUB ZAB MO BYED PA LA BAR DU GCOD PAR RTZOM PA'I BGEGS KYI TSOGS GANG YIN PA THAMS CAD GTOR MA 'DIS TSIM PAR GYIS LA RANG RANG SO SO'I GNAS SU SONG ZHIG ,GAL
, ,TE MI 'GRO NA KHRO BO'I YE SHES KYI RDO RJE ME RAB TU 'BAR BAS MGO BO TSAL PA BRGYAR 'GAS PAR 'GYUR BA GDON MI ZA'O, ,SU MBHA NI DRAG TU BRJOD, (GU GUL GYIS BDUG ,YUNGS KAR GYIS BRAB, DE NAS,) RANG GI THUGS KA'I T'Am LAS 'OD... ZER 'PHROS, STENG 'OG PHYOGS MTSAMS THAMS CAD RDO RJE'I SA GZHI RA GUR BLA RE ME RI DANG BCAS PAS BAR MTSAMS MED PAR YONGS SU BSKOR BAS RNAM PA THAMS CAD DU BGEGS DANG BRAL BAR GYUR, (CES SRUNG 'KHOR BSGOM, 'DE NAS, SGRUB KHANG GI PHYI ROL TU PHYOGS BZHIR THO BZHI'AM, STABS MA BDEN SGO DRUNG DU THO LCOG DKAR PO PADMA'I GDAN CAN PHYOGS BZHIR SHAR NAS RIM PA BZHIN DHRi BI BI BEE RNAMS BRIS PA ZHIG BRTAN PAR BZHAG PA'I MDUN DU, SNGAR BSHAD PA LTAR GYI GTOR MA BSHAMS, DE'I MDUN DU MDUN BSKYED KYI MCHOD PA BZHI'AM GCIG BSHAMS RANG YI DAM GYI NGA RGYAL DANG LDAN PAS, MCHOD PA,) AOm BDZRA AA MRi TA KUndA LI HA NA HA NA H'Um PHAt, (KYIS MA DAG PA BSANGS,) SVA BH'A WAS SBYANGS, STONG PA'I NGANG LAS AOm LAS ZHES PA NAS SHAPTA A'A:H'Um GI BAR BYA RGYUD LTAR BYIN GYIS BRLAB, GTOR MA, AA MRi TAS BSANG, SVA BH'A WAS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA'I NANG DU AOm 'OD DU ZHU BA LAS BYUNG BA'I GTOR MA DVANGS SHING THOGS PA MED PA BDUD RTZI'I RGYA MTSO CHEN POR BSAM,) AOm A'A:H'Um, (LAN GSUM GYIS BYIN GYIS BRLAB,) BDAG... NYID LHA YI THUGS KA NAS, ,DKAR SNGO DMAR SER H'Um CHEN BZHI, ,'PHROS 'DUS 'OD DU ZHU BA LAS, ,YE SHES RGYAL PO BZHI RU GYUR, ,RGYAL CHEN SDE BZHI 'KHOR BCAS RNAMS, ,THOGS PA MED PAR 'DIR BYON LA, ,DAM TSIG PA DANG RO GCIG BZHUGS, ,
(GNYIS MED NGANG DU GUS PHYAG 'TSAL, ,AOm DZNY'A NA R'A DZA SA MA YA H'Um DZA: ,RGYAL CHEN SDE BZHI 'KHOR BCAS LA, ,YID 'ONG MCHOD PA'I TSOGS RNAMS DANG, ,MCHOD SBYIN GTOR MA 'DI 'BUL GYIS, ,BZHES LA MTSAMS GCOD 'PHRIN LAS MDZOD, ,RGYAL PO CHEN PO SDE BZHI'I LJAGS 'OD ZER GYI SBU GUS GTOR MA'I BCUD DRANGS TE GSOL BAR GYUR, DHRi TA RA shtA YA, BI RU DHRA KA YA, BI RU BKshA YA, BEE SHRA MA nA YA, MAH'A R'A DZA SA P'A RI WA RA AI DAm BA LI TA KHA KHA KH'A HI KH'A HI, (GSUM DANG,) AA K'A RO GSUM GYIS GTOR MA 'BUL,) AOm MAH'A R'A DZA SA P'A RI WA RA ARGHAm SOGS KYIS MCHOD, SH'AKYA SENG+GE'I SPYAN SNGA RU, ,BSTAN DANG BSTAN 'DZIN SKYES BU RNAMS, ,SRUNG ZHING SKYOB PAR ZHAL BZHES PA'I, ,RGYAL CHEN BZHI LA PHYAG 'TSAL BSTOD, ,CES BSTOD, H'Um; RI RGYAL LHUN PO'I SHAR PHYOGS NA, ,PHO BRANG CHEN PO SPOS NGAD LDAN, ,ZAB CING RGYA CHE GZIGS 'PHAGS PO, ,RGYAL PO CHEN PO YUL 'KHOR SRUNG, ,SKU MDOG DKAR PO PI WANG 'DZIN, ,BTZUN MO SRAS DANG BLON POR BCAS, ,'KHOR NI DRI ZA 'BUM GYIS BSKOR, ,SDE BO CHE LA STOBS PO CHE, ,MCHOD GTOR 'DI BZHES... SHAR PHYOGS KYI, ,GDON RNAMS BZLOG CING PHYI MTSAMS SRUNGS, ,H'Um; RI RGYAL LHUN PO'I LHO PHYOGS NA, ,PHO BRANG CHEN PO BEE d'URYA, ,ZAB CING RGYA CHE GZIGS 'PHAGS PO, ,RGYAL PO CHEN PO 'PHAGS SKYES PO, ,SKU MDOG SNGON PO RAL GRI 'DZIN, ,BTZUN MO SRAS DANG BLON POR BCAS, ,'KHOR NI GRUL BUM 'BUM GYIS BSKOR, ,SDE BO CHE LA STOBS PO CHE, ,MCHOD GTOR 'DI BZHES LHO PHYOGS KYI, ,GDON RNAMS BZLOG CING PHYI MTSAMS SRUNGS, ,H'Um; RI RGYAL LHUN PO'I NUB PHYOGS NA, ,PHO BRANG CHEN PO RGYA MTSO'I RAB, ,
, ,ZAB CING RGYA CHE GZIGS 'PHAGS PO, ,RGYAL PO CHEN SPYAN MIG BZANG, ,MDOG DMAR MCHOD RTEN SBRUL ZHAGS 'DZIN, ,BTZUN MO SRAS DANG BLON POR BCAS, ,'KHOR NI KLU DBANG 'BUM GYIS BSKOR, ,SDE BO CHE LA... STOBS PO CHE, ,MCHOD GTOR 'DI BZHES NUB PHYOGS KYI, ,GDON RNAMS BZLOG CING PHYI MTSAMS SRUNGS, ,H'Um; RI RGYAL LHUN PO'I BYANG PHYOGS NA, ,PHO BRANG CHEN PO LCANG LO CAN, ,ZAB CING RGYA CHE GZIGS 'PHAGS PO, ,RGYAL PO CHEN PO RNAM THOS SRAS, , MDOG SER RGYAL MTSAN NE'U LE 'DZIN, ,BTZUN MO SRAS DANG X 'KHOR NI GNOD SBYIN 'BUM GYIS BSKOR, ,SDE BO X MCHOD GTOR 'DI BZHES BYANG PHYOGS KYI, ,GDON RNAMS BZLOG CING PHYI MTSAMS SRUNGS, ,H'Um; RGYAL PO CHEN PO SDE BZHI PO, , DON GYIS SANGS RGYAS YIN MOD KYANG, ,GSANG SNGAGS BSTAN PA BSRUNG BA'I PHYIR, ,BAR CHAD 'DUL BAR MDZAD DU GSOL, ,BDAG GI DGE BA'I BYA BA 'DI, ,JI SRID LEGS PAR 'GRUB KYI BAR, ,PHYI NANG 'GAL RKYEN KUN ZHI ZHING, ,MTHUN RKYEN 'GRUB PA'I 'PHRIN LAS MDZOD, ,HO: RGYAL PO CHEN PO SDE BZHI 'KHOR DANG BCAS PA KHYED RNAMS KYIS SNGON THUB PA'I DBANG PO'I SPYAN SNGAR SANGS RGYAS KYI BSTAN PA BSRUNG, (DGE 'DUN GYI SDE SKYONG SGRUB PA'I SDONG GROGS MDZAD PAR ZHAL GYIS BZHES PA DE BZHIN DU RNAL... 'BYOR PA BDAG GIS BSNYEN SGRUB ZAB MO'I BYA BA DBU BTZUGS NAS MJUG MA THON GYI BAR JI LTAR 'DOD PA'I DON THAMS CAD YID BZHIN DU SGRUB PA DANG, KHYAD PAR DU NANG GI DNGOS GRUB PHYIR MI 'CHOR BA DANG, PHYI'I BAR GCOD NAD GDON MI MTHUN PHYOGS NANG
(DU MI 'JUG PA'I DPUNG GNYEN MDZOD CIG (,CES ME TOG 'THOR RO, ,MCHOD 'PHRENG DE GAR 'JOG THUB NA LEGS KYANG DE MI NA MCHOD GRAL DU BSGRIGS, DE NAS,) MTSAMS STAN 'OG DBANG CHEN GSER GYI SA GZHI LA THUG GI BAR SRA ZHING 'THAS PA RDO RJE'I RANG BZHIN DU GYUR,) AOm A'A: BADZRA A'A SA NA H'Um... SV'A H'A, ZHES SA NON GYI PHYAG RGYAS GDAN LA REG TZAM BYA'O, ,AOm BADZRA AA MRi TA MANG DU BRJOD DE BDAG NGANG GNAS DANG YO BYAD LA NANG MCHOD GTOR LA SLAR YANG BGEGS BSKRAD CING BSRUNG, DE NAS BDAG NYID BSRUNG BA NI,) RANG GI SPYI BOR AOm LAS 'KHOR LO DKAR PO'I LTE BAR AOm GYIS MTSAN PA, MGRIN... PAR A'A: LAS PADMA DMAR PO'I LTE BAR A'A: SA MTSAN PA, THUGS KAR H'Um LAS RDO RJE SNGON PO'I LTE BAR H'Um GIS MTSAN PAR GYUR, (CES BRJOD LA SPYI MGRIN SNYING GA GSUM DU GA-YON PA'I MTHEB SRIN GYIS NANG MCHOD BLANGS PAS THIG LE BYAS LA,) AOm A'A:H'Um, (LAN GSUM BRJOD LA,) DE LTAR YIG... 'BRU RNAMS LAS 'OD ZER 'PHROS PAS PHYOGS BCU'I SANGS RGYAS BYANG SEMS RNAMS KYI SKU GSUNG THUGS KYI BYIN RLABS THAMS CAD RDO RJE GSUM GYI LHA DANG 'OD ZER GYI RNAM PAR BKUG NAS RANG GI GNAS GSUM DU THIMS PAS SGO GSUM RDO RJE GSUM GYI BDAG NYID DU BYIN GYIS BRLABS PAR GYUR, (CES DON DE LTAR BSAM LA BDAG NYID BSRUNGS, SKABS 'DIR YANG BSRUNG 'KHOR BSGOM DGOS SHING DE LTAR BSRUNG 'KHOR BSGOM PA LNGA PHYI GSUM DU YOD PA'I PHYI MA GNYIS LA BSANGS SBYANGS SOGS MI DGOS PAR SNGAR YOD GSAL 'DEBS KYI TSUL DU NAN TAN BSGOM PA YIN NO,) ,GNYIS PA DNGOS GZHI NI; MKHA' 'GRO 'DU BA'I DUS YIN PA LA DGONGS NAS SROD THUN LA 'GO 'DZUGS PA DAM PA SNGA MA RNAMS KYI PHYAG BZHES SU SNANG BAS DE LTAR NA SROD KYI DUS SU, RANG NYID SGRUB KHANG DU ZHUGS TE SNGAR BSHAD PA'I STAN GYI STENG DU RDO RJE SKYIL KRUNG SOGS LUS GNAD BCOS TE 'DUG,
, ,BDUD RTZI RIL BU'AM BYIN GYIS BRLABS PA'I NANG MCHOD KYIS KHA DAG PAR BYAS LA, BLA MA DKON MCHOG LA MOS GUS SHUGS DRAG PO'I SGO NAS BDAG 'KHOR BA THOG MA MED PA NAS DA LTA'I BAR DU SDUG BSNGAL BAR MA CHAD DU MYONG 'DUG... KYANG SKYO BA DANG SUN PA SKAD CIG KYANG MED PAR 'KHOR BA'I GNAS 'BA' ZHIG LA MNGON PAR DGA' BA'I BLO NGAN 'DIS DA DUNG SNGAR LTAR MTHA' MED MU MED DU SDUG BSNGAL 'BA' ZHIG MYONG DGOS PA 'DUG ,DES NA DA RES BLA MA DKON MCHOG GI THUGS RJES DAL 'BYOR GYI RTEN... BZANG PO THOB, LAM MA NOR BAR STON PA'I BSHES GNYEN DAM PAS RJES SU BZUNG, MJAL BAR DKA' BA SANGS RGYAS KYI BSTAN PA RIN PO CHE YONGS SU RDZOGS PA DANG MJAL, BLANG DOR 'BYED PA'I SHES RAB KYI MTHU CUNG ZAD RNYED, RANG GI NGOS NAS NYAMS SU LEN... NUS NA SNYIGS DUS KYI TSE THUNG GCIG LA SANGS RGYAS KYI GO 'PHANG BDE BLAG TU STER BA'I GDAMS PA ZAB MO 'DI 'DRA THOB, DE LTA BU'I CHOS ZAB MO NYAMS SU LEN PAR BYED PA LA RANG DBANG YOD PA'I SKABS 'DIR SKYES BU'I NUS PA CI YOD KYIS 'BAD NAS BTZAN SA ZIN PA ZHIG MA BYAS NA, MI LUS MA THOB PA LAS KYANG THABS SDUG PAR 'DUG ,DE YANG DA RES KYI LUS RTEN 'DI'I STENG NAS MA 'BAD NA, SLAR RTEN BZANG 'DI 'DRA RNYED RGYU LTA BZHAG RNA BAS KYANG MI THOS PA'I SA PHYOGS SHIG TU 'GRO BA LAS 'OS MI 'DUG ,LAN CIG RNYED... PA 'DI YANG YUN RING DU MI GNAS PAR MYUR DU 'JIG STE, NGES PAR 'CHI, NAM 'CHI LA NGES PA MED, 'CHI BA'I TSE CHOS MA GTOGS GANG GIS KYANG MI PHAN, SHI NAS NGAN SONG DU LHUNG NA NI TSA GRANG DANG, BKRES SKOM DANG, BKOL SPYOD DANG, GLEN ZHING GTI MUG PA
SOGS SDUG BSNGAL BZOD GLAGS MED PA MYONG DGOS SHING, CHOS KYI SGRA TZAM YANG THOS PAR DKA', SKYABS BTZAL YANG MI RNYED, BRGYA LA BDE 'GRO'I RTEN ZHIG THOB KYANG SDUG BSNGAL LAS MA 'DAS TE, MI LA SKYE RGA NA 'CHI'I SDUG BSNGAL, LHA MA YIN LA 'THAB RTZOD, LHA LA 'CHI 'PHO LTUNG BA'I SDUG BSNGAL, MDOR NA RIGS DRUG GI GNAS GANG DU SKYES KYANG LAS DANG NYON MONGS PA'I GZHAN DBANG CAN DU SONG STE SDUG BSNGAL LAS MA 'DAS PAS 'KHOR BA LAS THAR BA ZHIG BYA'O, ,DE YANG RANG GCIG PU BDE BAS MI CHOG ,MKHA' KHYAB KYI... SEMS CAN THAMS CAD DRIN CAN GYI MA YIN, MA RGAN 'DI RNAMS 'KHOR BA'I GNAS SU BSKYUR NA BDAG KHREL MED YIN, MA 'DI TSO BU LA MI RE NA SU LA RE, MA 'DI TSOS SNGON YANG SDUG BSNGAL DRAG PO BZOD DKA' BA YANG DANG YANG DU MYONG, DA LTA YANG DMYAL BA NA... 'TSOD KYIN SNANG, DA LTA CUNG ZAD BDE BA 'DI TSO YANG SDIG PA'I LAS LA MI 'DZEMS PAS SLAR DMYAL BAR LTUNG BA THAG CHOD, DES NA BDAG GI DRIN CAN GYI MA RNAMS SDUG BSNGAL LAS BSGRAL TE BDE BA PHUN SUM MTSOGS PA LA 'GOD PA ZHIG NGAS MI BYED NA SUS BYED, 'ON... KYANG DA LTA SEMS CAN THAMS CAD LTA ZHOG SEMS CAN GCIG TZAM GYI DON MTHAR PHYIN PAR BYED PA'I NUS PA NYAN RANG DGRA BCOM PA LA YANG MED NA BDAG LA JI LTAR YOD, DES NA RANG GZHAN GYI DON GNYIS MTHAR PHYIN PAR BYED NUS PA SANGS RGYAS NYAG GCIG TU NGES PAS, BDAG GIS MA SEMS CAN THAMS CAD KYI DON DU MYUR BA MYUR BAR SANGS RGYAS KYI GO 'PHANG THOB PAR BYA, DE'I CHED DU BLA MA RJE BTZUN MA 'PHAGS MA SGROL MA'I SGRUB PA LA 'JUG PAR BYA'O SNYAM DU BYAMS SNYING RJE BYANG CHUB KYI SEMS YID KHUL NGES SU BSGOMS NAS BDAG...
, ,BSKYED BZLAS PA, GTOR 'BUL DANG BCAS PA BTANG STE THUN GROL, SANG NYIN THUN DANG POR SKYABS 'GRO ,SEMS BSKYED, TSAD MED BZHI BSGOM PA RNAMS RGYUD DANG 'DRES NGES, NYE BRGYUD GSOL 'DEBS, THUN MONG MA YIN... PA'I BLA MA'I RNAL 'BYOR, RANG LHAR BSKYED NAS NANG MCHOD DANG PHYI MCHOD BYIN GYIS BRLABS LA, TSOGS ZHING SPYAN DRANGS NAS PHYAG MCHOD RGYUN BSHAGS, TSAD MED BZHI RNAMS BYA, TSOGS ZHING BSDUS NAS SKU GSUM LAM KHYER, (YE SHES PA SPYAN DRANGS SHING YAN LAG BDUN PA 'BUL, DE NAS NYER BSTOD DANG MA TI S'A RAS MDZAD PA'I SGROL MA NYER GCIG GI BSTOD PA RNAMS BYA, MAndAL TSOM BU NYER LNGA MA 'BUL, GSOL BA GDAB CING YE SHES PA BSTIM NAS DBANG BSKUR RGYAS GDAB, PHYI NANG GI MCHOD PA DANG BSTOD PA BYA, LUS DKYIL BSGOM NAS BZLAS DMIGS GSAL BTAB CING BZLAS PA LA 'JUG, DE NAS YIG BRGYA LAN GSUM MCHOD BSTOD, NYER BSDU, SMON SHIS MDOR BSDUS BYAS NAS THUN MTSAMS LA 'JUG ,THUN GNYIS PA SKYABS SEMS TSAD MED BZHI, THUN MONG MA YIN... PA'I BLA MA'I RNAL 'BYOR, TSOGS ZHING MCHOD PA, RANG NYID SKAD CIG GIS RJE BTZUN MAR GSAL BA'I THUGS KAR ZLA GDAN LA GNAS PA'I T'Am YIG LAS 'OD ZER 'PHROS, RANG BZHIN GYI GNAS ZHES PA NAS BZLAS PA'I BAR THUN SNGA MA LTAR LA, GDUNG 'BOD RNAMS RES MOS SU 'DON, MAndAL TSOM BU BDUN MA 'BUL, GZHAN RNAMS GONG LTAR BYA, DE LTA BU'I RIM PAS THOR THUN, SNGA THUN, GUNG THUN, SROD THUN TE BZHIR BCAD DE NYAMS SU BLANG ZHING, THOR THUN NI, SKYA RENGS SHAR NAS NYI MA 'CHAR KHA'I BAR DANG, SNGA...THUN...
NI NYI MA RDZOGS PAR SHAR NAS GUNG MA ZIN BAR DANG, GUNG THUN NI, GUNG YOL NAS NYI MA NUB KHA MA'I BAR DANG, SROD THUN NI, NYI MA NUB NAS NAM GYI CHA DANG PO RDZOGS KYI BAR LA BYA STE, GRUB CHEN DZA LAN DHA RI PAS, THUN BZHIR BYIN GYIS BRLABS PA'I RIM PA, ZHES BYA BA NI, THO RANGS DANG, NYI MA GUNG DANG, PHYI DRO DANG, MTSAN MO STE SGOM PA'I RIM PA'O ZHES GSUNGS PAS SO, ,THUN THAMS CAD KYI MJUG TU GTOR MA 'BUL THUB NA LEGS KYANG, MA GRUB NA THUN THA MA'I MJUG TU PHUL NA 'GRIG GO ,THUN GYI RING THUNG THOG MAR YUN THUNG BA RIM GYIS JE RING DU BTANG STE BSNYEN PA'I SGANG TZAM LA SLEB TSE YUN RING TZAM BYED PA DANG, DE NAS RIM GYIS JI THUNG DU BTANG BA'I DGOS PA NI, BSNYEN SGRUB SOGS DANG PO NAS YUN RING BYAS NA DE'I RKYEN GYIS MJUG TU YID CHAD DE BSNYEN SGRUB LA 'JUG MI 'DOD PA 'ONG BAS DE GCOD PHYIR YIN... PAS NAS 'BRU LTAR BYA DGOS SO, ,THUN GYI NGO BO LA BZA' BTUNG 'GRO NYAL GTAM SOGS KYIS BAR MA CHOD PAR BYA ZHING, SLOB DPON MI BSKYOD RDO RJE'I DGRA NAG GI SGRUB THABS LAS, LNGAS NAS KYANG GSANG SNGAGS KYI SKU LA DMIGS SHING GRANGS PHAN MI 'DOGS BAR BZLA BAR BYA'O, ,ZHES DANG, BDE MCHOG RTZA RGYUD LAS, NYAL DANG MA NYAL 'DUG PA DANG, ,ZAS DANG SBYOR SOGS THAMS CAD LA, ,SNGAGS PAS RTAG TU ZLO BYED NA, ,DE LA BGEGS NI MED PA YIN, ,ZHES GSUNGS PA LTAR BAR CHAD SRUNG BA SOGS KYI PHYIR THUN MTSAMS SU YANG LHA'I NGA RGYAL DANG LDAN PA'I NGANG NAS SNGAGS 'DREN PA GAL CHE MOD, 'ON KYANG BSNYEN PA'I GRANGS SU MI BRTZI, BLA MA DANG GDAMS NGAG LA YID GNYIS DANG THE TSOM MED PAR DAD PA DANG YID CHES SHUGS DRAG BYA ZHING, PHAN YON 'BYUNG BA YANG DAD PA DANG YID CHES LA RAG LAS TE,
, ,RGYUD RDO RJE RTZE MO LAS, BSKAL PA BRGYA PHRAG DAG TU NI, ,CI STE MNGON PAR BRTZON BYAS KYANG, ,GANG ZAG BZHI NI 'JIG RTEN DU, ,BSGRUBS KYANG 'GRUB PAR YONGS MI 'GYUR, ,BYUNG CHUB SEMS NI MA SKYES DANG, ,THE TSOM LDAN PA... NYID DANG NI, ,BKA' BZHIN DU NI MI BYED PA, ,DAD PA MED NYID 'GRUB MI 'GYUR, ,ZHES DANG, 'JAM DPAL RTZA RGYUD LAS, DAD PA LDAN PA'I MI DAG LA, ,SANGS RGYAS LAS RNAMS 'GRUB 'GYUR TE, ,SNGAGS RNAMS THAMS CAD KHYAD PAR DU, ,DAD PA MED LA MI... 'GRUB BO, ,ZHES DANG, DKON MCHOG BRTZEGS PA LAS, DON DAM THOB PHYIR DAD PA RTZA BA STE, ,DE LTA BAS NA THOS NAS YID GNYIS SOL , ,ZHES GSUNGS, SANGS RGYAS KYI BKA' RNAM PA THAMS CAD DU BSLU BA MED PAS PHAN YON SOGS 'DI LTA BU 'BYUNG... BAR GSUNGS PA RNAMS NGES PAR GDON MI Z'O SNYAM DU YID CHES KYI DAD PA BRTAN POS NYAMS SU BLANGS NA PHAN YON 'BYUNG BA YIN GYI, 'DI 'DRA 'BYUNG NGAM MI 'BYUNG BDEN NAM MI BDEN SNYAM DU THE TSOM DANG LOG LTA KSYES PA LA RANG SHES RAB CHE BAS RTOG DPYOD BYAS... PAR RLOM NA PHAN YON DANG DNGOS GRUB 'BYUNG BA'I GNAS MED PAS, DON DE LA DGONGS NAS GSHIN RJE GSHED KYI RGYUD RTOG PA GSUM PA LAS, CHOS NYID BSAM GYIS MI KHYAB PA'I, ,DON LA THE TSOM MED...PA YI, ,MKHAS PA LA NI DNGOS GRUB NYE, ,YANG NA BLUN PO DAD PA BRTAN, ,DE LA SBYOR BA'I DNGOS GRUB NYE, ,RTOG CING DPYOD PA'I RTOG GE BA, ,DE LA SBYOR BA'I DNGOS GRUB RING, ,ZHES GSUNGS SO, ,CHO GA RNAMS DAL BUS 'DON CING SKABS SKABS KYI DMIGS RNAM GSAL BTAB LA RIG PA RGYA YAN DU MA SONG BAR BYA ZHING,
KHYAD PAR DU SKU GSUM LAM 'KHYER GYI SKABS SBYANG GZHI 'DI DANG 'DI SBYONG BA'I PHYIR DU DMIGS PA 'DI DANG 'DI BSGOM SNYAM DU 'PHEN PA BTANG NAS BSGOM PA DANG, LUS DKYIL GYI LHA RNAMS KYANG RTZA 'KHOR RNAMS SU RTZA KHAMS DE DANG DE'I NGO BOR PHRA LAM MER ME LONG GI GZUGS... BRNYAN LTAR PHYI NANG MI SGRIB PAR GSAL BAR MOS PA DANG, GZHAN YANG CHO GA'I 'GO MJUG THAMS CAD DU THAD KA THAD KA'I GSAL SNANG DANG NGA RGYAL BSKYED TSUL SOGS BSKYED RIM LAS 'BYUNG BA LTAR BYA BA GAL CHE, BZLAS PA BYA TSUL LA BGRANG PHRENG NI, GDAN BZHI LAS, ZHI RGYAS DBANG DANG MNGON SPYOD LA, ,BO TI TZE NI LAS KUN BYED, ,CES GSUNGS PA LTAR BO TI TZES RUNG BAR GSUNGS LA, GRANGS NI PHYAG LEN LA BRGYA RTZA BRGYAD TSANG BAR MDZAD DO, ,PHRENG THAG NI BU MO GRONG PA'I CHOS KYIS MA GOS PAS BKAL BA'I RAS BAL GYI SKUD PA DGU BSGRIL BYA'O, ,BGRANG PHENG BYIN GYIS BRLAB PA NI, SAm BHU tA LAS, PHRENG BA KUN GYI DGRA BCOM PA, ,ZHES SOGS GSUNGS PA LTAR MDZAD DE, DE'I TSUL NI RANG GI LAG PA GA-YON PADMA 'DAB MA LNGA PA'I LTENG DU AA DKAR PO'I MTHAR AA LI DKAR PO GA-YAS SKOR, LAG PA GA-YAS RDO RJE SNGON PO'I LTE BAR NYI MA'I STENG DU H'Um GI MTHAR K'A LI DMAR PO GA-YON SKOR DU 'KHOD PAR GYUR, PHRENG BA'I STENG DU SUm DKAR PO, H'Um SNGON PO, A'A:DMAR PO, AOm DKAR PO RNAMS BRTEGS MAR GNAS PAR BSAMS LA PHRENG BA SNYIM PAR BZHAG ,AA MRi TAS BSANGS TE STONG PAR SBYANGS, STONG PA'I NGANG LAS PHRENG THAG H'Um LAS GTZO BO RDO RJE SEMS DPA' NYE BA'I SRAS BRGYAD KYIS BSKOR BA DANG, PHRENG BA RNAMS A'A:LAS DGRA BCOM PA, MDO 'DZIN AOm LAS 'OG MA GZUGS KYI SKU DANG, STENG MA CHOS KYI SKU STE, DE RNAMS KYANG LHA'I SKU'I RNAM PA MA YIN
, ,PAR DE DANG DE'I NGO BOR MOS PA TZAM BYAS LA, AOm PA DE PA DE MAH'A DZNY'A NAm SARBA BUDDHA MA YA BHA WE TA H'Um H'Um H'Um HO HO HO AA KHAm SV'AH'A, ZHES PHRENG BA GSAR PA LA BRGYA RTZA DANG RGYUN DU SKABS DANG SBYAR TE BZLAS, RANG GI THUGS KA'I T'Am YIG LAS 'OD ZER 'PHROS PAS SANGS RGYAS BYANG SEMS THAMS CAD KYI GSUNG GI BYIN RLABS THAMS CAD A'A LI K'A LI'I RNAM PAR SPYAN DRANGS TE PHRENG BAR THIM PAR BSAM, LAG PA GNYIS THABS SHES KYI SBYOR BAS BSRUBS PAS YI GE RNAMS LAS BDUD RTZI'I RGYUN BABS PA PHRENG BA LA THIM PAR... MOS LA PHRENG BAR SNGAGS KYI CHAS GDAB, DE LTAR MA GRUB NA YI DAM GYI SNGAGS BRGYA RTZA BRGYAD BZLAS NAS BRLAB, DE YANG PHRENG BA GSAR PA LA BYIN RLABS NGES PAR DGOS SHING RNYING PAR RTAG TU MI DGOS LA PHRENG BA LA MI GZHAN GYIS REG PA DANG, 'GOMS YUG SONG BA SOGS... BYUNG NA BSKYAR MA BRLAB PAR BYA'O, ,GDONG DRUG GI RGYUD LAS, GZHAN DU MI 'GRO'I SEMS KYIS NI, ,DE LTA'I TSUL DU BZLAS PAR BYA, ,YUL GZHAN BLO NI 'GRO BA YIS, ,BSKAL BRGYAR BZLAS KYANG 'BRAS MI 'BYIN, ,ZHES DANG, DPUNG BZANG GI RGYUD LAS, LE LO 'DOD CHAGS... MI DGE LDAN PA'I SEMS, ,GANG DANG GANG DU GA-YENG ZHING RGYU BA DAG ,DE DANG DE NAS MYUR DU BZLOG NAS NI, ,GSANG SNGAGS YI GE MCHOG LA LEGS PAR SBYAR, ,ZHES GSUNGS PA LTAR BZLAS PA'I DMIGS PA YANG YANG GSAL 'DEB CANG SEMS 'PHRO RGOD LAS NANG DU BRLAN TE BYING RMUGS SOGS KYI SKYON SPANGS PA, DPUNG BZANG GI RGYUD LAS, BZLAS BRJOD BYED TSE MI MYUR MI DAL ZHING, ,SGRA CHER MA YIN HA CANG CHUNG BAS MIN, ,SMRA BZHIN MA YIN GZHAN DU GA-YENGS BZHIN MIN, ,GUG SKYED KLAD KOR TSEG RNAMS NYAMS PAS MIN, ,ZHES DANG, DPAL...
'BRAS RDO RJES, GSAL BAR ZHES PA NI GUG SKYED DANG TSEG DANG YONGS SU MA BRAL BA STE, MYUR BA MA YIN, DAL BA MA YIN, DBUGS RNGUB PA DANG 'BYIN PAS KYANG GNOD PAR MA GYUR PA DANG, DBANG PO DANG RTZOL BAS BSKYOD PA'I SGRA CHE BA MA YIN PA STE, ZHES PA LTAR BZLAS BA HA... CANG MYUR BU LA SOGS SKYON BRGYAD DANG BRAL BAR BZLA BA, BSNYEN SGRUB 'DI MTHAR MA THON GYI BAR DU RANG GZHAN GYI BYA BA SKYID SDUG LEGS NYES CI BYUNG YANG DE'I DBANG DU MA SONG BA BYA SNYAM PA DANG, SPYIR BLA MA DKON MCHOG KHYAD PAR YID MA 'DI LTA BU BSTEN NA GLO BUR GYI BAR CHAD... SOGS KYIS GLAGS CI RNYED SNYAM PA'I SNYING KHAMS BSKYED PA RNAMS GAL CHE, BZLAS PA'I DMIGS PA NI, RANG GI SNYING GA'I RJE BTZUN MA SNGON MO'I THUGS KAR ZLA BA'I DKYIL 'KHOR MAN SHEL GYI MAndAL KHA SBUB PA LTA BU'I DBUS SU, GZHUNG LAS T'Am YIG H'Um GIS MTSAN PA... ZHES GSUNGS KYANG, BLA MA RDO RJE 'CHANG GI PHYAG BZHES H'Um T'Am GYIS MTSAN PAR MDZAD PAR GSUNGS PAS DE GNYIS GANG BDE BYA RUNG NGAM SNYAM, DE'I MDUN NAS BRTZAMS TE GA-YON SKOR DU YI GE BCU PA'I SNGAGS PHRENG MA RGAD ZHUN MA'I PHRENG BA BSGRIGS PA LTA BUS BSKOR BA, YI GE RNAMS LANGS STABS RANG SGRA SGROG BZHIN PAR BSAMS LA, RANG DON DANG GZHAN DON GYI DMIGS SKOR GNYIS LAS, DANG PO NI, LUS DKYIL GYI LHA BRGYA NGA BDUN GYI SKU'I CHA THAMS CAD DANG YI GE BCU DANG T'Am DANG H'Um GI N'A DA LAS 'OD ZER NYI MA 'BUM PHRAG CIG CAR SHAR BA LTA... BU SANGS RGYAS KYI ZHING RAB 'BYAMS KHYAB PAR 'PHROS PA'I 'OD LA LA'I SNE LAS MCHOD PA'I LHA MO DPAG TU MED PA BYUNG STE RGYAL BA SRAS BCAS THAMS CAD LA PHYI NANG GSANG BA DE KHO NA NYID KYI MCHOD PAS MNYES PAR BYAS, 'OD ZER LA LA'I SNE MO SKU LA PHOG BAS THUGS RGYUD...
, ,BSKUL TE DE DAG GI SKU GSUNG THUGS YON TAN 'PHRIN LAS KYI BYIN RLABS RNAMS RIM PA BZHIN DU SGROL MA RIGS LNGA'I LUS DKYIL DANG BCAS PA'I SKU DANG, T'A RE'I SNGAGS DANG, SA BON T'Am YIG DANG, RIN PO CHE'I RGYAN... BRGYAD DANG, PHYAG MTSAN AUTPA LA'I RNAM PAR CHAR CHEN PO BABS PA BZHIN DU RANG LA BAR MTSAMS MED PAR THIM PAS RANG NYID LA RGYAL BA SRAS BCAS THAMS CAD KYI BYIN RLABS ZHUGS PAR BSAM, GNYIS PA GZHAN DON GYI DMIGS SKOR NI, LHA SNGAGS SA... BON LAS 'OD ZER SNGAR LTAR 'PHROS TE RIGS DRUG GI SEMS CAN THAMS CAD LA PHOG PAS GSER 'GYUR GYI RTZIS REG PA TZAM GYIS LCAGS GSER DU BSGYUR BA LTAR SEMS CAN DE RNAMS KYI SGRIB PA MTHA' DAG 'OD GSAL DU DAG STE, SEMS RTOG MED CHOS SKU DANG, LUS ZAG MED LONGS SKU SGROL MA'I RNAM PAR SANGS RGYAS PAR BSAM, YANG BDUD RTZI 'OD ZER DANG BCAS PA'AM, BDUD RTZI RKYANG PA CHU'I ZEGS MA 'THOR BA BZHIN DU 'PHROS TE DE DAG GI LUS LA THIM PA DANG KHAR SONG BA SOGS KYI RKYEN GYIS SANGS RGYAS PAR BSAM PA... DANG, YANG 'PHAGS MA'I SKU SEMS CAN GYI GRANGS DANG MNYAM PA 'PHROS, SEMS CAN SO SO'I MDUN DU BYON TE PHYAG GA-YAS PA'I SOR RTZE LAS BDUD RTZI'I RGYUN DBAB PA DANG, MCHOG SBYIN GYI PHYAG RGYA MIG LA STON PA DANG, PHYAG RGYA DE NYID SKYABS SBYIN DU... BSGYUR TE SPYI BO LA BYIL BYIL MDZAD PA DANG, ZHABS GA-YAS PA'I MTHIL NAS BDUD RTZI 'BEBS PA DANG, ZHABS SPYI BO LA REG PA DANG, ZHAL GYIS CHOS STON PA DANG, 'OD ZER GYIS BYIN GYIS RLOB PA DANG, SPYI BOR BYON TE DBANG BSKUR BA DANG, RANG 'DRA'AM 'PHAt...
MA DE DAG SEMS CAN RANG RANG GI LUS LA THIM PA SOGS DMIGS PA'I 'PHRUL 'DEGS DU MA RGYA BSKYED PAR BYA, YANG SKABS 'GAR MKHA' KHYAB KYI MAR GYUR SEMS CAN THAMS CAD SRID ZHI'I 'JIGS PA CI RIGS KYIS NYEN PA LA 'DI DAG DANG DA LTA NYID DU SRID ZHI'I 'JIGS PA... LAS BSGRAL TE 'PHAGS MA'I GO 'PHANG LA 'GOD PAR BYA'O SNYAM PA'I SNYING RJE SHUGS DRAG POS KUN NAS BSLANG STE SNYING GA'I RJE BTZUN MA GTZO 'KHOR DGU LAS RANG 'DRA SEMS CAN GYI GRANGS DANG MNYAM PAR SPROS, SEMS CAN ZHE SDANG SHAS CHE BA RNAMS LA ZHE SDANG MNGON... 'GYUR BA'I RTZE GZHIL BA NAS SA BON BAG CHAGS DANG BCAS PA SBYANGS PA'I BAR GYI GDAMS PA YONGS SU RDZOGS PAR BSTAN TE BSHES GNYEN BSTEN TSUL NAS BZUNG, BYANG CHUB KYI SEMS KYI BAR GYI LAM THUN MONG BA LA BKOD, RDO RJE'I RIGS KYI DKYIL 'KHOR DU... DBANG BZHI RDZOGS PAR BSKUR BAS CHOS SKU CHOS DBYINGS YE SHES DANG, LONGS SKU MI BSKYOD PA DANG, SPRUL SKU SGROL MA SNGON MO'I GO 'PHANG LA BKOD, THAMS CAD KYANG YI GE BCU PA'I SNGAGS KYI SGRA SGROG BZHIN PAR NAM MKHA' JI SRID GNAS KYI BAR DU YAN LAG BDUN LDAN DU BZHUGS PAR MOS, RANG LAS SPROS PA'I LHA RNAMS SNA BUG GA-YON NAS ZHUGS TE SNYING GA'I LHA LA THIM PAR BSAM, DE BZHIN DU SPYI BO'I RJE BTZUN MA LAS RANG 'DRA SPRO BA SOGS SNGAR BZHIN LA, GTI MUG SHAS CHE BA RNAMS KYI GTI MUG SBYONG BA DANG, RNAM RANG GI RIGS KYI DKYIL 'KHOR DU SMIN PAR BYED PA DANG, CHOS SKU ME LONG YE SHES, LONGS SKU RNAM PAR SNANG MDZAD, SPRUL SKU SGROL MA DKAR MO'I SKUR GYUR PA SOGS SBYAR, DE BZHIN DU LTE BA'I RJE BTZUN MA LAS RANG 'DRA SER MO DANG, SER SNA SBYANG BA,
, ,RIN 'BYUNG GI RIGS KYI DKYIL 'KHOR DU SMIN PAR BYED PA SOGS DANG, MGRIN PA'I RJE BTZUN MA LAS RANG 'DRA DMAR MO SPROS, 'DOD CHAGS SBYONG BA, PADMA'I RIGS KYI DKYIL 'KHOR DU SMIN PAR BYED PA SOGS DANG, GSANG GNAS KYI RJE BTZUN MA LAS RANG 'DRA LJANG GU SPRO BA DANG, PHRAG DOG SBYONG BA, DON YOD GRUB PA'I DKYIL 'KHOR DU SMIN PAR BYED PA SOGS GONG BZHIN SBYAR BA SOGS DMIGS PA'I 'PHRUL 'DEGS DU MA GZHUNG DANG BLA MA'I MAN NGAG LAS 'BYUNG BA LTAR BYA'O, ,BZLAS... PA'I DBYE BA LA SPYIR MANG YANG, L'A LI TAS YI GE 'BAR BA LA SEMS BZUNG NA DNGOS GRUB MYUR BAR GSUNGS PA LTAR, SNGAGS PHRENG 'OD 'BAR BA 'OD KYI GONG BU LTA BUR BSAM PA NI GONG BU'I BZLAS PA DANG, GONG GI DON GNYIS KYI DMIGS SKOR DANG 'BREL BAR BZLA... BA NI DAM TSIG GI BZLAS PA STE 'DI GNYIS GTZO BOR GSUNGS SO, ,BZLAS PA DNGOS NI, AOm T'A RE TU TT'A RE TU RE SV'AH'A, ZHES CI NUS BZLA, YE SHES 'BEBS SNGAGS NI RGYUN 'KHYER DU MA 'GRUB KYANG RUNG MOD, BSNYEN PA'I SKABS NGES PAR BZLA DGOS LA, DE YANG... YIG BRGYA MA BZLAS GONG, AOm T'A RE TU TT'A RE TU RE SV'AH'A H'Um HA:A'A:DZH'E, ZHES SAM, YANG NA, AOm T'A RE TUTT'A RE TU RE H'Um HA:A'A:DZH'E SV'AH'A, ZHES BZLA ZHING, 'DI'I SKABS RANG LUS KYI LHA SNGAGS SA BON DANG BCAS PA LAS 'OD ZER DMAR PO LCAGS KYU LTA BU SPROS PAS RGYAL BA SRAS BCAS KYI GSANG BA GSUM GYI BYIN RLABS THAMS CAD RJE BTZUN MA'I LHA SNGAGS SA BON GYI RNAM PAR SPYAN DRANGS TE RANG GI LUS LA SIB SIB THIM PAR YANG YANG MOS PA'O, ,MTSAN MA'I BSNYEN PA NI MTSAN MA MA BYUNG GI BAR DANG, GRANGS KYI BSNYEN PA NI,
LAS RUNG TZAM LA 'BUM PHRAG GCIG GAM BZHI, DE'I BCU CHA'I YI SHES 'BEBS SNGAGS, KHA SKONG GI ZHI BA'I SBYIN SREG RNAMS BSGRUB PAS CHOG CING, GZHI BSNYEN CHEN MO LA RAB 'BUM PHRAG BRGYA DANG, MA MTHA' 'BUM PHRAG BCU STE 'BRU 'BUM GCIG BZLA... ZHING, YE SHES 'BEBS SNGAGS KYANG SNGAGS KYI BCU CHA'AM 'BUM PHRAG SOGS BZLA, DE LTAR BCU CHA'I DBANG GI SBYIN SREG KYANG 'GRUB NA LEGS SHING, DE'I SNGON DU ME LHA THAB TU 'GUGS PA'I BSNYEN PA DANG, ME LHA'I BCU CHA'I SBYIN SREG SOGS 'GRUB NA... MCHOG THUN GYI DNGOS GRUB MYUR ZHING, LAS TSOGS BSGRUB PA LA'ANG NUS PA STOBS DANG LDAN PAR 'GYUR RO, ,DE LTAR BYA TSUL GYI YIG CHA GRUB DBANG 'JIGS MED BSAM GTAN GYIS MDZAD PA'AM, KHO BOS ZUR DU BRIS PA...LTAR NYAMS SU BLANG BAR BYA'O, ,DUS... KYI BSNYEN PA NI SPYI LTAR SHES PAR BYA'O, ,BSNYEN PA ZLA BA DANG LO 'KHOR DU BYED KYANG, THOG MAR BDUN GCIG GI RING TZAM BYED RGYU'I 'PHEN PA TZAM GYIS ZHUGS NA GAL TE BDUN GCIG TZAM NAS GROL DGOS BYUNG YANG MTSAMS RAL PA'I NYES PA MED GSUNGS, DE YANG BSNYEN PA ZHES PA NI, RANG GI THOB BYA'AM BSGRUB BYA'I LHA DE DANG NYE BAR BYED PA STE, MYUR DU THOB BYED KYI THABS SHIG LA ZER BA YIN PAS, GSANG 'DUS RGYUD PHYI MA LAS, THUN MONG MCHOG GI DBYE BA YIS, ,BSNYEN PA RNAM PA GNYIS SU 'DOD, ,THA MAL BA NI RDO RJE BZHI, ,MCHOG... NI YAN LAG DRUG GIS SO, ,ZHES PA LTAR, BLA MED LTAR NA RIM GNYIS KYI RNAL 'BYOR DANG, RNAL 'BYOR RGYUD MAN CHAD LTAR NA MTSAN BCAS MTSAN MED KYI RNAL 'BYOR THAMS CAD LA BSNYEN PA ZHES BYA BAS, BSKYED RDZOGS DANG RNAL 'BYOR GNYIS KYI KHRID DANG BSHAD...
, ,PA SOGS LA SBYANGS TE TSUL BZHIN DU BSGOM PA NI, BSNYEN PA BYED PA YIN, DE LTA NA'ANG SNYING PO MDOR BSAGS LAS, DKYIL 'KHOR MCHOG GI SLOB DPON GYIS, ,SNGON DU BSNYEN PA LA 'BAD NAS, ,DE NAS DKYIL 'KHOR DE NYID... NI; ;SHIN TU DUL BAS BRTAG PAR BYA, ,LHA NI MNYES PAR MA BYAS NA, ,BDAG NYID RNAM PAR SUN 'BYIN YIN, ,ZHES GRANGS DUS SOGS KYI BSNYEN PA SNGON DU MA SONG BAR DBANG BSKUR RAB GNAS SOGS BYAS NA RANG GIS RANG LA GNOD PA BYED PA YIN PAS, LHA MNYES... PAR BYA BA LA SOGS PA'I DON DU BSNYEN PA LA 'BAD DGOS PAR GSUNGS PA DANG, RNAM SNANG MNGON BYANG GI RGYUD LAS, YE SHES RLABS PO CHE'AM NI, ,YANG NA MNGON SHES LNGA PO DANG, ,RIG SNGAGS 'CHANG 'GYUR DNGOS GRUB DANG, ,TSE RING GZHON NUR GYUR PA GANG, , GAL TE THOB PAR 'DOD NA NI, ,JI SRID 'DI NI MA BSNYEN PAR, ,DE SRID THOB PAR MI 'GYUR RO, ,ZHES DANG, DKYIL CHOG RDO RJE'I 'PHRENG BA LAS, THAMS CAD MKHYEN PA'I LAM SHES PAS, ,SNGON DU BSNYEN PAS TSOGS GSOG CING, ,BGEGS NI RNAM PAR NYAMS BYED BYA, , BSNYEN PA MED PAS DNGOS GRUB MED, ,CES RGYUD SDE GONG 'OG THAMS CAD LAS SNGON DU BYA BA GAL CHE BAR GSUNGS PA'I BSNYEN PA NI, SNGAGS RIM CHEN MO LAS KYANG, THUN BZHI'I RNAL 'BYOR LA 'BAD PA'I SGO NAS LHA'I NGA RGYAL DANG GSAL SNANG SGRUB PA NI BSNYEN PA'I... GTZO BO YIN TE, 'DI JI LTAR BYA BA RGYAS PAR BSKYED RIM GYI SKABS SU BSHAD PAR BYA'O, ,ZHES BSNYEN PA LA'ANG LHA'I NGA RGYAL DANG GSAL SNANG BSGRUB PA GTZO BOR GSUNGS PA DANG, LEGS GRUB KYI RGYUD LAS KYANG, RIGS DANG RANG BZHIN MTHU RNAMS DANG, ,LAS...
KYANG RNAM PAR DPYAD NAS NI, ,RANG GI YID DANG MTHUN PA YI, ,GSANG SNGAGS LA NI BSNYEN PA BRTZAM, ,ZHES GSUNGS PAS, LHA BSGOM PA DANG SNGAGS BZLA BA SPEL MAR BYED PA'I BSNYEN PA BYED DGOS, BSNYEN PA'I SKABS SU RTAGS BZANG BA DANG, BAR CHAD 'DRA MI YONG NGAM SNYAM PA'I RE DOGS BYED PA YANG BAR CHAD KYI RGYU YIN PAS MI BYA, RNAM PA KUN TU BLA MA DANG LHA DANG RANG SEMS GSUM NGO BO DBYER MED DU BSGOM PA NI GEGS SEL BOGS 'DON GYI RGYAL PO YIN NO, ,ME LA PHU 'DEBS PA DANG, MTSON RTZE KHA NANG DU 'JUG PA DANG, SGOG BTZONG LA PHUG DANG, KHYAD PAR DU LCE SHA ZOS NA NGAG GI NUS PA NYAMS PAS SPANG DGOS ZHES BSHAD, MTSAMS KYI RING GZHAN LA SNGAGS CHU DANG SRUNG BA STER BA SOGS KYANG MI BYA BAR GSUNGS, THUN MTSAMS SU 'BREL MED KYI CAL COL GTAN NAS MI SMRA BAR BYA STE, DPUNG BZANG GI RGYUD LAS, SNGAGS 'CHANG NAM YANG SMRA BAR MI BYA STE, ,CI STE DGOS PA YOD NA SNGAGS GA-YOG DANG, ,BZLAS BRJOD ZIN NAS CUNG ZAD SMRA BAR BYA, ,ZHES GSUNGS SO, ,SNGAGS MTSAMS KHONGS GCIG TU GRANGS RDZOGS PAR BYED DGOS, RDO RJE SNYING PO... RGYAN GYI RGYUD LAS, GSANG SNGAGS LHAG CHAD GANG YIN PA, ,THAMS CAD SBYIN SREG DAG GIS SKONG, ,ZHES PA LTAR, KHA SKONG SBYIN SREG KYANG YIG CHA ZUR DU GSAL BA LTAR MTSAMS NANG DER THUB NA LEGS LA, MA GRUB KYANG CHER MA 'GYANGS PAR SKABS GZHAN DU BGYIS PAS CHOG GO ,DE YANG BSNYEN SGRUB MTHAR SON KYANG KHA SKONG SBYIN SREG 'BUL MA THUB PA DE SRID DU LAS SBYOR SOGS BYA MI RUNG ZHES MTSAN LDAN GYI BLA MA DAG GI GSUNG LAS THOS, ,GSUM PA NI, SANG NYIN MTSAMS GROL RGYU'I DE RING GI DGUNG THUN NAM, SROD THUN GYI
, ,MJUG TU TSOGS KYI 'KHOR LO'AM, DPA' BO'I STON MO LA SOGS PAS LHA MNYES PAR BGYIS NA PHUN SUM TSOGS PAR 'GYUR ZHING, MA GRUB KYANG CHAD SKYON MED, ,GROL NYIN THOR THUN GYI MJUG TU GTOR 'BUL SOd GANG ZAB BGYIS TE, DGE BA'I RTZA BA BYANG CHUB TU BSNGO BZHING DMIGS MED KYI RGYAS BTAB STE BKRA SHIS KYI ME TOG CHAR DU BSNYIL BAR BYA'O, ,MTSAMS THO'I MDUN DU MCHOD GTOR GSAR PA SNGAR BZHIN BSHAMS TE BYIN GYIS BRLAB PA SOGS SNGAR BZHIN LA, MCHOD SBYIN GTOR MA 'DI 'BUL GYIS, ,BZHES LA 'PHRIN LAS SGRUB PAR MDZOD, ,CES KHA BSGYUR, GDON RNAMS BZLOG CING PHYI MTSAMS SRUNGS ZHES PA'I TSAB TU, GDON RNAMS BZLOG PA'I GTANG RAG TU, ,MCHOD GTOR 'BUL GYIS BZHES SU GSOL, ,ZHES KHA... BSGYUR, YIG BRGYA LAN BDUN NAM NYER GCIG ,MA RNYED YONGS SU MA SHES DANG, ,ZHES SOGS DANG, MTSAMS THO'I RTZER TZA KA LI YOD NA BRTAN BZHUGS DANG, MED NA GTOR MGRON GSHEGS GSOL, SMON LAM, BSNGO BA, BKRA SHIS KYI ME TOG PHYOGS KUN KHYAB PAR BKRAM PAR BYA ZHING, MTSAMS GROL DUS THOG MAR RANG DANG DAM TSIG GTZANG BA RNAMS DANG 'PHRAD, RANG YANG MTSAMS KYI PHYI ROL TU MI MANG GIS ME MTHONG SAR CUNG ZAD RE 'CHAG ,DE NAS RIM GYIS MI GZHAN DANG 'PHRAD PAR BYA DGOS PA... SOGS GZHUNG DANG DAM PA'I MAN NGAG LAS 'BYUNG BA LTAR PHYAG LEN DU THEBS PA ZHIG MDZAD NAS DE LTAR BGYIS PA'I DGE BA'I RTZA BA BLA MED BYANG CHUB TU BSNGOS NA RANG GZHAN GYI DON GNYIS LHUN GYIS 'GRUB PAR GDON MI ZA BA YIN NO, ,'DIR SMRAS PA, SRID ZHI'I
DGE LEGS SNANG BA'I DPAL YON KUN, ,RGYAL BA'I 'PHRIN LAS NYI MA BYE BA'I RLABS, ,DE SNYED LHA MOR SGEG PAS 'JIGS KUN LAS, ,SGROL MDZAD BLA MA LHA YIS 'GRO 'DI SKYOBS, ,BRTZE BA'I SPYAN ZUR AUTPAL SNGON PO'I 'DAB, ,YUD TZAM GROL DER MCHOG THUN DNGOS... GRUB KYI, ,GTER BRGYA 'DOD RGUR 'JO LA MCHOG NYID CES, ,MKHA' KHYAB RGYAL KUN BSNGAGS PA'I DRIL CHEN 'KHROL, ,'PHAGS BOD PAn GRUB GRANGS MED LHA MCHOG 'DIS, ,RJES BZUNG SKU TSE 'PHRIN LAS SA LAM GYI, ,LUNG RTOGS RGYAL BA'I MDZOD LA MNGA' MDZAD PA'I, , RNAM THAR 'CHI MED LAM GYI PHA MTHAR BRGAL, ,TSUL DER DAD DANG NGO MTSAR RGYA CHEN GYIS, ,RJES SU ZHUGS PA'I SKAL BZANG SKYE BO MANG, ,BYIN RLABS BDUD RTZI'I DGA' BA GYA NOM DPAL, ,SPYOD PA'I DUS STON DA DUNG NYAMS PA MED, ,LHAG PAR RGYAL DANG DGONGS 'GREL MKHAN PO YI, ,KHUNGS DANG BCAS PA'I NYE BRGYUD THUN MONG MIN, ,GRUB MCHOG STAG PHU PADMA SHVA RA YI, ,THUGS GSANG MDZOD DU 'PHAGS MAS DGYES RGYUR STZAL, ,'PHRIN LAS LHA DANG GDAMS PA'I CHE BA YIS, ,GZHAN LAS CHES MYUR ZAB GSANG NYE BA'I LAM, ,'DI LA BRTEN... NA MCHOG THUN DNGOS GRUB NOR, ,RE BA YID BZHIN 'GUGS LA NGAL BA CI, ,DE SLAD TSE THUNG 'DI LA DON GNYIS DBYIG ,'DREN PAR 'DOD RNAMS BLO BZANG RGYAL BA'I SROL, ,THUN MONG LAM DANG SMIN BYED DAM SDOM RNAMS, ,SROG BZHIN BSRUNG STE TSUL 'DIS GROL BAR MDZOD, ,LAM... MCHOG 'DIS KYANG 'JAM DPAL SNYING PO YI, ,LUGS BZANG BSRE LHAD MED PAR RTAG SKYONG BA'I, ,BSTAN 'DZIN DAM PAS SA STENG YONGS GANG ZHING, ,PHAN BDE'I SNANG BA CHEN POS KHYAB PAR SMON, ,SRID PA'I MYA NGAN ME LCE 'BAR BA'I 'OBS, ,LHUNGS PA'I NYAM THAG 'GRO BA MA LUS PA,,
, ,SGROL MDZAD LHAG PA'I LHA MO'I BYIN RLABS KYIS, ,ZHI BSIL RTAG PA'I BDE BAR DBUGS 'BYIN SHOG ,CES RJE BTZUN MA 'PHAGS MA SGROL MA'I SGRUB THABS RTZITTA MA nI DANG 'BREL BA'I BSNYEN PA BYA TSUL 'PHAGS MA SNYING GI KHAB TU BSU BA'I YID 'PHROG DRI ZA'I GLING BU ZHES BYA BA 'DI NI, DAD BRTZON LHAG BSAM RGYAN 'CHANG KONG PO 'BRU LA CHOS MDZAD DGE SLONG BLO BZANG BSTAN 'DZIN NAS 'DI LTA BU ZHIG DGOS RTEN BCAS YANG YANG BSKUL BA'I NGOR, 7 SKU BCAR MTSAN ZHABS DAR HAN DGA' LDAN KHRI BYANG SPRUL MING PA BLO BZANG YE SHES BSTAN 'DZIN RGYA MTSOR 'BOD PAS 'DI GA'I SGRUB THABS RTZA GZHUNG DANG, RIGS... BRGYA'I KHYAB BDAG RDO RJE 'CHANG RJE PHA BONG KHA PA DPAL BZANG PO'I GSUNG BSKYED RIM KHRID YIG GNYIS GZHIR BZUNG, DAM PA GZHAN GYIS MDZAD PA'I BSNYEN YIG RE ZUNG NAS KHA BSKANGS, BSNYEN PA SPYI'I LAG LEN MAN NGAG RNAMS KYIS BRGYAN TE SHING SPRE DBO ZLA'I DKAR PHYOGS KYI TSES LA RDZOGS PAR SBYAR BA'I YI GE PA I DBEN GNAS BKRA SHIS CHOS GLING GI DGE... SLONG GCIG TU NYAMS LEN LA BRTZON PA BLO BZANG CHOS 'PHEL NAS BGYIS PA 'GRO KUN BLA MA RJE BTZUN MAS RJES SU 'DZIN PA'I RGYUR GYUR CIG,) ,,THUB RNAMS STOBS BCU'I RTZAL GYIS MTHA' YAS 'GRO ,DGYES RGUR TSEGS MED SGROL BAS MA TSIM PAR, ,'PHRIN LAS CHES MYUR 'PHAGS MA'Io SKUR BSTAN... MA; ;NYE BAR BSNYENo BA'I THABSo MCHOG DPAR GYI 'PHRUL, ,LEGS BSHADo DBYAR SKYES SPRIN SGRA'Io DPAL YON LA, ,SRED LDAN LHAG BSAM NAGS NA BDE BA'I LCAMo, ,YON TAN DBYANGSo, ,YON TAN DBYANGSo BDUN RDZOGS PA'I MDONGS MTHA' CANo, ,MTSOo 'BYUNG LANG TSOS SNYEMS PA'I SGEG MOSo BSKRUN, ,DGE 'DIS BLA MAS GDAMS PA'I DRAN SHES LCAG ,RANG SEMS GLANG SMYON YAN PO'I 'DUL THABS SU, ,'KHYER BAS THEG MCHOG RGYAL BA'I SHUL LA MCHER, ,RLABS CHEN BGROD PA'I GOM PA 'GOD GYUR CIG ,DBYINGS KYI YUM CHEN SGYU MA'I SMIN LEGS KYI, ,'DZUM DKAR SNYING GI SNYING POR RTAG GA-YO...
BAS; ;BYE BA BSAM YAS SGYU 'PHRUL BKOD PA YIS, ,'GRO KUN SGROL BA'I 'DREN PA NYID GYUR CIG (,CES PA 'DI YANG DAD GTONG LHAG BSAM GYI RGYAN LDAN GZIM BSHAD SGRA BA'I SKU NGO LCAM DBYANGS CAN MTSO MO NAS SGROL MA'I BSNYEN YIG DPAR DU BSKRUN PA'I SMON TSIG TU KHRI BYANG SPRUL MING PAS SBYAR BA'O,, ,,DGE LEGS 'PHEL,, ,,