'An Excellent Vase Filled with the Nectar of Immortality, a Wishing-Giving Cow that Grants all Attainments,’ being a Clear Presentation of the Method for Performing a Retreat according to the Teachings of the Wish-Giving Wheel (Chintamani Chakra), the White Lady of Liberation (Tara)--A Holy, Realized Being

*, ,RJE BTZUN MA 'PHAGS MA SGROL DKAR YID BZHIN 'KHOR LO'I BSNYEN PA BYA TSUL GYI RIM PA GSAL BAR BKOD PA DNGOS GRUB 'DOD PA 'JO BA'I 'CHI MED BDUD RTZI'I BUM BZANG ZHES BYA BA BZHUGS SO,,

, ,BCU DRUG MNGON DGA' RGYAS PA'I 'JO SGEG GAR, ,RJES CHAGS AUTPAL SPYAN DKYUS GA-YO BA'I MOD, ,SRID ZHI'I TSE DPAL 'DOD DGUR 'JO BA'I GTER, ,RGYAL YUM LHAG PA'I LHA MOR GUS BTUD NAS, ,YE SHES RANG MDANGS 'OD KYI GUR KHANG NA, ,GZHOM BRAL 'CHI BA MED PA'I LANG TSO'I DPYID, ,SRID ZHI'I DGE MTSAN SNYING POR SGRUB PA'I THABS, ,GZHUNG DANG DAM PA'I GSUNG BZHIN 'DI NA 'GOD, ,JI SKAD DU, SLOB DPON NGAG GI DBANG PHYUG GRAGS PAS, ,CHOS SPYOD DBANG PO DUL BA NI, ,'KHOR BA RU NI JI SRID 'TSO, ,DE SRID BSOD NAMS LA SOGS TSOGS, ,BYANG CHUB SGRUB BYED RAB TU SKYE, ,'KHOR BAR SROG LAS GCES PA 'DI, ,CI YANG YOD PA MA MTHONG STE, ,DE BAS MYUR DU THABS MANG POS, ,'CHI BA SLU BA KUN TU SPYAD, ,GANG PHYIR RIG PAS THABS SBYAR BAS, ,DKA' BA CUNG ZAD YOD MA YIN, ,ZHES GSUNGS PA LTAR, ,RANG CAG RNAMS YID BZHIN GYI NOR BU...

, ,RIN PO CHE 'BUM PHRAG DU MAS KYANG CHA TZAM YANG BSGRUN DU MED PA'I DAL 'BYOR GYI RTEN BZANG PO 'DI NYID RNAM GROL SGRUB PA'I YAN LAG TU RING POR 'TSO BA'I THABS LA SGO THAMS CAD NAS 'BAD PA GAL CHE ZHING, DE LTA BU'I THABS DE YANG BDAG CAG GI STON PA THABS MKHAS LA THUGS RJE CHE BA DE NYID KYIS MDO DANG RGYUD SDE DU MA NAS GDUL BYA RANG RANG GI KHAMS DANG SKAL BA DANG 'TSAMS PAR RDZAS SNGAGS RTEN 'BREL, SMAN DANG TSOGS BSAGS SOGS PHYI NANG GI THABS TSUL BSAM GYIS MI KHYAB PA ZHIG GSUNGS PA LAS, DA LAM NANG ZAB MO LHAG PA'I LHA'I RNAL 'BYOR LA BRTEN PA RNAMS KYI NANG NAS RAB DANG PHUL DU GYUR PA, GNAS SKABS 'JIGS PA CHEN PO... BRGYAD DANG BCU DRUG SOGS BYANG CHUB SGRUB PA'I PHYI NANG GI BGEGS DANG BAR CHAD THAMS CAD LAS SKYOB CING, 'CHI MED TSE DANG BSOD NAMS SHES RAB RNAMS DANG, MTHAR THUG MCHOG GI DNGOS GRUB SGRUB KYANG BDE BLAG TU THOB PAR BYED

PA RJE BTZUN MA SGROL DKAR YID BZHIN 'KHOR LO'I MAN NGAG ZAB MO, 'PHAGS YUL GYI SLOB DPON CHEN PO NGAG GI DBANG PHYUG GRAGS PA LA RJE BTZUN MA NYID KYIS DNGOS SU BYIN GYIS BRLABS SHING RJES SU BZUNG BA'I MTHU LAS MDO RGYUD SNA TSOGS NAS BTUS PA'I 'CHI... BA BLU BA'I RTOG PA ZHES BYA BA MDZAD CING, DER YI DAM 'DI'I SGRUB THABS MAN NGAG DANG BCAS PA GSAL BAR BZHUGS PA DE NYID LOGS SU BKOL BA LA BRTEN NAS GANGS CAN GYI LJONGS 'DIR YANG SLOB DPON NGAG DBANG GRAGS PA NAS MGON PO GSER GLING PA DANG, DE NAS DPAL MAR ME MDZAD LA RIM PAR BRGYUD PA DANG, YANG JO BO NYID KYIS RJE BTZUN MA LAS DNGOS SU GSAN PA'I NYE BRGYUD GNYIS ZUNG DU 'JUG PA JO BO RJE NAS 'BROM RIN PO CHE DANG, SPYAN SNGA BA, BLA MA SLE NAG PA RNAMS LA RIM PAR BRGYUD PA'I JO BO LUGS DANG, YANG SLOB DPON NGAG DBANG GRAGS PA NAS BLA MA RDO RJE GDAN PA DANG, DE NAS BA RI LO TZ'A BA, BLA MA SLE NAG PA RNAMS LA RIM PAR BRGYUD PA'I BA RI LUGS SAM SA SKYA LUGS, GZHAN YANG KHA CHE PAn CHEN LUGS, AA BHYA'I LUGS, GNYAN LUGS, RDOG LUGS, DPYAL LUGS, SGAR LUGS, PAndI TA NAGS KYI RIN CHEN LUGS BCAS BKA' BAB DGU TZAM BYON PA LAS, MAN NGAG CHA TSANG ZHING RTZA BA LTA BUR GYUR PA NI JO BO LUGS DANG BA RI LUGS GNYIS TE, PHYOGS 'DIR DE LAS BRGYUD PA LA DA LTA'I BAR DU SPYIR DNGOS GRUB RNAM PA GNYIS DANG, KHYAD PAR SKU TSE'I DNGOS GRUB BRNYES PA ZAM MA CHAD PAR BYON PA'I SNGON BYUNG GI LO RGYUS SHIN TU MANG ZHING, LHAG PAR RANG RE'I BLA MA KHAMS GSUM CHOS KYI RGYAL PO TZONG KHA PA CHEN POS KYANG RJE BTZUN MA 'DI NYID KYI ZHAL GZIGS TE SKU TSE'I

, ,BAR CHAD ZLOG PA'I TSUL MDZAD PA DANG, THAMS CAD MKHYEN PA DGE 'DUN GRUB PA DANG MKHAS GRUB NOR BZANG RGYA MTSOS KYANG 'DI NYID BSGRUB PAR MDZAD PAS DNGOS SU ZHAL GZIGS SKU TSE MTHAR PHYIN, BSTAN PA LA BYA BA RGYA CHER MDZAD PA SOGS MDOR NA 'DI NYID BYIN RLABS MYUR BAS 'PHAGS BOD KYI PAn GRUB PHAL MO CHE'I THUGS DAM DU MDZAD DE BSTAN 'GRO'I DON RLABS CHEN BSKYANGS PA'I GDAMS PA ZAB MO 'DI NYID LA BRTEN NAS TSE'I DNGOS GRUB SGRUB PAR BYED PA'I TSUL LA GSUm, LEGS GRUB KYI RGYUD LAS, RIGS DANG RANG BZHIN MTHU RNAMS DANG, ,LAS KYANG RNAM PAR DPYAD NAS NI, ,RANG GI YID DANG MTHUN PA YI, ,GSANG SNGAGS LA NI BSNYEN PA BRTZAM, ,ZHES GSUNGS PA LTAR THOG MAR BDAG BSKYED BSNYEN PA LA BRTEN NAS BSGRUB PA, MDUN BSKYED BUM CHOG LA BRTEN NAS BSGRUB PA, SBYIN SREG LA BRTEN NAS BSGRUB PA RNAMS SU YOD PA LAS, DANG PO LA SBYOR DNGOS RJES GSUM LAS DANG PO NI, BYA RGYUD RIGS GSUM GANG RUNG YAN CHOD KYI RGYUD SDE CHEN PO CI RIGS PA'I DKYIL 'KHOR DU DBANG THOB CING, BYANG SEMS KYI SDOM PA DANG, SNGAGS KYI DAM TSIG DANG LDAN PA, 'PHAGS MA YID BZHIN 'KHOR LO 'DI NYID KYI RJES SU GNANG BA THUN MONG DANG THUN MONG MA YIN PA RNAMS LEGS PAR THOB PA'I GANG ZAG GIS RGYUD RDOR 'PHRENG LAS, ZHI BA DANG NI RGYAS PA DAG ,ZLA BA YAR GYI NGO LA BYA, ,ZHES DANG, ZLA BA YAR GYI TSES GCIG NAS, ,LAS RNAMS RAB TU BRTZAM PAR BYA, ,ZHES GSUNGS PA LTAR, RAB BZHI'I BRGYAD LA SOGS PA'I YAR TSES GZA' SKAR BZANG PO LA BAB PA'I NYIN SGRUB PA'I KHANG PA BYI DOR LEGS PAR...

BYAS, DRI BZANG DANG BA BYUNG GI CHUS CHAG CHAG GDAB, ME TOG GCAL DU BRKAM, MCHOD PA'I YO BYAD KYIS BRGYAN PA'I GUNG DU DKON MCHOG GI RTEN SPYI DANG, LHAG PAR 'DI GA'I RGYA GZHUNG NAS BSHAD PA LTAR TSES BRGYAD KYI NYIN LHA BZO GTZANG SGRA DANG GSO SBYONG LA GNAS SHING, ZAS DKAR GSUM LA BRTEN PAS SKYA THIG NAS SPYAN DBYE'I BAR NYIN GCIG LA RDZOGS PA'I NYIN THANG BZHENGS PAR RAB GNAS KYANG DE NYIN RANG LA BGYIS PA'I DAM TSIG GI BRIS SKU TSAD LDAN NAM, DE MIN YANG RJE BTZUN MA'I BRIS 'BUR GYI... SKU RAB GNAS CAN STABS BDE NA ZHAL LHO PHYOGS SU BSTAN TE BSHAM, DE'I MDUN DU STEGS BU GTZANG MA'I KHAR GAS CHAG SOGS MED PA'I RIN PO CHE'I SNOD GTZANG MAR SHA CHANG SGOG BTZONG SOGS MI GTZANG BA'I RIGS DANG, DRI MI ZHIM PA DANG, DRI MI ZHIM PA DANG, RO KHA BA DANG, TSA BA'I SMAN GYI RIGS DANG, TSOD MA DANG, BZA' BCA' RNYING PA DANG, BKRA MI SHIS PA'I RIGS RNAMS MA 'DRES PAR DKAR GSUM MNGAR GSUM DANG, DUG RIGS MED PA'I SMAN SNA TSOGS BTAB PA'I ZAN GTZANG MA LAS BZOS PA'I YI DAM SGROL MA... LA 'BUL RGYU'I ZLUM GTOR DKAR PO PAD 'DAB BZHI PA RGYAN SPROS CAN DKAR MNGAR SHING THOG SOGS BZA' BCA' BTUNG BA BLUGS PA SNOD MA KHENGS PA DANG, PHYIR THAL BA MA YIN PA DANG, SA LUGS LA SGROL MA'I BKA' SDOD KshE TRA P'A LA DANG, 'JIGS BYED CHEN MO GNYIS LA GTOR MA 'BUL BAR GSUNGS PAS DE LTAR SPRO NA LOGS SHIG LA THUN MONG DU ZLUM GTOR DKAR PO GCIG ,GZHAN YANG BSTEN PA'I CHOS SKYONG DANG GZHI BDAG GTOR MA RNAMS BSHAMS, DE DAG GI MDUN DU CHU GNYIS SNGON DU 'GRO BA'I BDAG MDUN...

, ,GYI NYER SPYOD 'BUL YUL GYI GA-YAS NAS 'GO BRTZAMS PA DANG MTHA' SKOR DU MCHOD PA'I YO BYAD CI 'BYOR, KHYAD PAR TSE SGRUB LA LUS KYI ZUNGS GSO BA'I RDZAS KYI MCHOD PA ZHAL ZAS GANG MANG RTEN 'BREL GYI CHED DU BSHAMS PA SOGS MCHOD PA RNAMS MI GTZANG BA DANG, GRIB CAN MA YIN PA GTZANG ZHING YID DU 'ONG BA BKOD, BYA RGYUD KYI GZHUNG SPYI DANG MTHUN PAR CHA GSUM GTOR MA BTANG BAR GRUB NA'ANG DE'I GTOR MA DANG, THOG MA'I NYIN DGOS PA BGEGS GTOR DANG, SNGON 'GRO'I GTOR MA, MTSAMS THO'I LHA LA 'BUL RGYU'I ZLUM GTOR DKAR PO NYER SPYOD DANG BCAS PA 'DU BYA, STAN GYI 'OG TU SA DKAR RAM 'BRU DKAR GYI GA-YUNG DRUNG CHOS SKOR RIS DANG, DE'I STENG DU GDAN RGYAB CUNG ZAD MTHO ZHING 'BOL BAR KU SHA DANG DUR BA RTZE MO... NANG DU BSTAN NAS MA 'KHRUGS PAR BKRAM PA'I KHAR GDING BA LA SOGS PA BTING, RANG GI MDUN DU RDOR DRIL DANG, BSANG CHU, GUL YUNGS SOGS BSHAMS LA, RGYUD RDOR PHRENG LAS, ZHI BA PHAL CHER SROD LA BYA, ,DE BZHIN RGYAS PA SNGA DRO LA, ,DBANG DANG... MNGON SPYOD DAG GI LAS, ,NYI MA GUNG DANG MTSAN PHYED LA, ,ZHES GSUNGS PA LTAR, SKABS 'DIR RGYAS PA'I LAS GTZO CHE BAS, TSE BSOD NYAMS RTOGS 'PHEL BA'I RTEN 'BREL DU THO RANGS MA NYI SHAR GYI DUS SU SKYABS SEMS TSAD MED BZHI BSGOM PA... SNGON DU BTANG LA, RANG NYID SKAD CIG GIS RJE BTZUN MA SGROL MA DKAR MO'I SKU GYUR (PAR BSAMS LA, BSANG CHU SGRUB PA NI,) AOm BADZRA AA MRi TA(S BSANG, SVA BH'A WAS SPYANGS, STONG PA'I NGANG LAS BAm LAS BYUNG BA'I RIN PO CHE'I BUM PA DKAR PO MTSAN NYID THAMS CAD...

DANG LDAN PA'I NANG DU BUM CHU'I STENG DU NYI MA'I DKYIL 'KHOR LA GNAS PA'I H'Um YIG GI MTHAR SNGAGS KYIS BSKOR BA LAS 'OD ZER 'PHROS PAS PHYOGS BCU'I RGYAL BA SRAS BCAS KYI BYIN RLABS NUS MTHU THAMS CAD SNGAGS 'OD ZER DANG BCAS PA'I RNAM PAR SPYAN DRANGS TE BUM PA'I CHU LA THIM PAR GYUR, AOm BADZRA MRi TA KUndA LI HA NA HA NA H'Um PHAd, (BRGYA RTZA BA ZLA,) SNGAGS PHRENG GDAN DANG BCAS PA 'OD DU ZHU NAS BUM PA'I CHU DANG RO GCIG TU GYUR, (DE NAS SNGON 'GRO'I GTOR MA CHAB BRAN, AA MRi RAS BSANGS,) SBA BH'A WAS SBYANGS,) STONG PA NYID DU GYUR, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I LHA RDZAS KYI GTOR MA 'DOD PA'I YON TAN LNGA DANG LDAN PA'I BDUD RTZI'I RGYA MTSOR GYUR, AOm A'A: H'Um, (LAN GSUM GYIS BYIN BRLAB,) SARBA BH'U TA A'A KARshA YA DZA: (SA MGRON BKUG ,RDO RJE THAL MO KHA PHYE BA'I PHYAG RGYA DANG,) SARBA BH'U TAS PA PA RI W'A RA NA MA: SARBA TA TH'A GA TE BHYO BI SHVA MU KHE BHYA: SARBA TANGKHAm AUNGA+GA TE SPHA RA nA AI MAm GA GA NA KHAm GRiHNA DAm BA LIm TE SV'A H'A, (LAN GSUM DANG,) AA K'A RO (LAN GSUM GYIS BSNGO, GA-YAS RDO RJE... DANG BCAS PA'I MCHOG SBYIN DANG, GA-YON DRIL BU BSIL LA,) GANG YANG 'DIR GNAS LHA DANG KLU, ,GNOD SBYIN SRIN PO'AM GZHAN DAG LA, ,SNGAGS SPYOD DON DU GTOR MA 'DI, ,'BUL GYIS YANG DAG BZHES SU GSOL, ,MCHOD SBYIN GTOR MA 'DI BZHES LA, ,RNAL 'BYOR... BDAG CAG 'KHOR BCAS LA, ,NAD MED TSE DANG DBANG PHYUG DANG, ,DPAL DANG GRAGS DANG SKAL BA BZANG, ,LONGS SPYOD RGYA CHEN KUN THOB CING, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,SRUNG MAS RTAG TU GROGS MDZOD CIG ,DUS...

, ,MIN 'CHI DANG NAD RNAMS DANG, ,GDON DANG BGEGS RNAMS ZHI BA DANG, ,RMI LAM NGAN DANG MTSAN MA NGAN, ,BYA BYED NGAN RNAMS MED PAR MDZOD, ,'JIG RTEN BDE ZHING LO LEGS DANG, ,'BRU RNAMS 'PHEL ZHING CHOS 'PHEL DANG, ,BDE LEGS THAMS CAD 'BYUNG BA DANG, ,YID LA 'DOD PA KUN 'GRUB SHOG (,CES 'PHRIN LAS BCOL LA GTOR MA DOR, DE NAS KHRO BO'I MCHOD PA BYA RGYUD SPYI LTAR BRLAB,) RANG GI THUGS KA'I T'Am LAS 'OD ZER 'PHROS KHRO BO'I TSOGS DPAG TU MED PA MDUN GYI NAM MKHAR SPYAN DRANGS, AOm BADZRA MAH'A KRO DHA R'A DZA SA PA RI W'A RA BADZRA SA MA DZA: H'Um YE SHES BSKAL PA'I ME LTAR 'BAR BA'I 'OD, ,MA RIG 'DOD PA'I MUN KHAMS THAMS CAD SREG ,ZHE SDANG GSHIN RJE'I 'JIGS PA THAMS CAD 'JOMS, ,DPA' BO CHEN PO DPA' MTSAN STAG LPAGS CAN, ,LOG 'DREN SRIN PO'I MTHA' GNON DGRA 'DUL BA, ,RIGS PA'I RGYAL PO KHRO BO BZHUGS SO 'TSAL, ,LOG 'DREN 'DUL BA'I SLAD DU SPYAN 'DREN NA, ,'GRO BA'I DON PHYIR MCHOD KYIS GSHEGS SU GSOL, ,AOm BADZRA MAH'A KRO DHA R'A DZA SA PA RI W'A RA AE HYE HI, PRA WA RA SAD KA RAm AARGHAm PRA... T'I TZTSA SV'A, PADMA KA MA LA YE STAm, AOm BADZRA MAH'A KRO DHA R'A DZA SA PA RI W'A RA PRA WA RA SAD KA RAm AARGHAm (NAS) SHAPTA'I (BAR MCHOD H'Um;) CHOS NYID STONG PA GNYIS MED NGANG NYID LAS, ,'JIG RTEN SPYOD PA'I TSUL YANG MI SPONG ZHING, ,THAMS LA MKHAS PAS 'JIGS BYED SKUR STON PA; ;KHRO CHEN 'BAR BA'I TSOGS LA PHYAG 'TSAL LO, ,YE SHES ZHI BA'I NGANG LAS MA GA-YOS KYANG, ,SKU YI CHA LUGS ZA BYED RNGAM STABS CAN, ,GSUNG GI NGA RO 'BRUG STONG LDIR BA'I SGRAS, ,MA LUS DBANG DU SDUS LA PHYAG 'TSAL LO, ,LHAG PA'I YE SHES ROL...

PA STON MDZAD CING, ,SDIGS PA'I MTSON CHA SNA TSOGS PHYAG NA BSNAMS, ,NYON MONGS DUG CHEN RTZAD NAS 'JOMS MDZAD PA, ,SBRUL GDUG RGYAN GYIS BRGYAN LA PHYAG 'TSAL LO, ,BSKAL PA'I ME LTAR 'BAR BA'I KLONG DKYIL NA, ,DPA' BO'I STANG STABS BRKYANG BSKUm TSUL DU BZHUGS, ,NYI ZLA 'BAR BA'I SPYAN GYI SDANG MIG GIS, ,BGEGS DPUNG BSREGS PAR MDZAD LA PHYAG 'TSAL LO, ,GTUM CHEN DUS MTHA'I ME LTAR GZI BRJID 'BAR, ,GLOG STONG 'GYUR 'DRA'I KHRO GNYER MCHE BA GTZIGS, ,RNGAM PA'I NGA RO 'BRUG SGRA... STONG BZHIN SGROG ,KHRO RGYAL BGEGS TSOGS 'DUL LA PHYAG 'TSAL LO, ,H'Um; 'JIGS PA'I H'Um SGRA NGES SGROGS SHING, ,BGEGS RNAMS MA LUS 'JOMS MDZAD PA, ,DNGOS GRUB MA LUS STZOL BA'I LHA, ,BGEGS KYI DGRA LA PHYAG 'TSAL LO, (,ZHES RGYAB DPUNG KHRO BO SPYAN DRANGS TE MCHOD CING BSTOD, GTOR MA,) AA MRI TAS (BSANG,) SVA BH'A WAS (SBYANGS,) STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA'I NANG DU BGEGS KYI GTOR MA ZAG PA MED PA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um, (LAN... GSUM BRJOD,) RANG GI THUGS KA'I T'Am LAS 'OD ZER 'PHROS, BSNYEN SGRUB BYA BA LA BAR DU GCOD PA'I BGEGS KYI TSOGS RNAMS MDUN DU BKUG PAR GYUR, AOm SARBA BIGHNAN NA MA: SARBA TA THA' GA TE BHYO BI SHVA MU KHE BHYA SARBA TANG+GA TE SPHA RA nA HI MAm GA GA NA KHAm GRiHNA DAm... BA LIm TA YE SV'AH'A, (LAN GSUM GYIS GTOR MA BSNGO,) AOm SUMBHA NI SU MBHA H'Um, GRIHNA GRIHNA H'Um, GRIHNA PA YA GRIHNA PA YA H'Um, AOm AA NA YA HO BHA GA WAN BIDY'A R'A DZ'A H'Um PHAd, (LAN GSUM GYIS GTOR MA CHANG BU DANG BCAS PA BSNGO,) H'Um; DKYIL 'KHOR CHEN PO'I SA GZHI LA GNAS PA'I, ,LHA LA...

, ,SOGS PA'I BGEGS TSOGS KUN NYON CIG ,NGA NI GNAS 'DIR BSNYEN SGRUB ZAB MO BYED, ,KHYED RNAMS 'DI NAS GZHAN DU 'GRO BAR GYIS, ,GAL TE NGA YI BKA' LAS 'DA' BYED NA, ,YE SHES CAN GYI RDO RJE 'BAR BA YIS, ,MGO BO TSAL PA BRGYAR NI 'GAS 'GYUR ZHING, ,BGEGS RNAMS BRLAG PAR 'GYUR BAR GDON MI ZA, ,NA MO RJE BTZUN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI BDEN PA DANG, YI DAM DKYIL 'KHOR GYI LHA TSOGS RNAMS KYI BDEN X SANGS RGYAS DANG BYANG CHUB SEMS DPA' RNAMS KYI X NYAN RANG CHOS SKYONG SRUNG MA RNAMS KYI X KHYAD PAR DU YANG RJE BTZUN MA 'PHAGS MA SGROL MA'I LHA TSOGS 'KHOR DANG BCAS PA RNAMS KYI BDEN PA'I MTHU LA BRTEN NAS BSNYEN SGRUB ZAB MO BYED PA LA BAR DU GCOD PAR RTZOM PA'I BGEGS KYI TSOGS GANG YIN PA THAMS CAD GTOR MA 'DIS TSIM PAR GYIS LA RANG RANG SO SO'I GNAS SU SONG ZHIG ,GAL TE MI 'GRO NA KHOR BO'I YE SHES KYI RDO RJE ME RAB TU 'BAR BAS MGO BO TSAL PA BRGYAR 'GAS PAR 'GYUR BA GDON MI ZA'O,, SUMBHA NI (DRAG TU BRJOD, GU GUL GYIS BDUG ,YUNGS KAR GYIS BRAB, DE NAS,) RANG GI THUGS KA'I T'Am LAS 'OD ZER 'PHROS, STENG 'OG PHYOGS MTSAMS THAMS CAD RDO RJE'I SA GZHI RA BA GUR BLA RE ME RI DANG BCAS PAS BAR MTSAMS MED PAR YONGS SU BSKOR BAS RNAM PA... THAMS CAD DU BGEGS DANG BRAL BAR GYUR, (CES SRUNG 'KHOR BSGOM, DE NAS SGRUB KHANG GI PHYI ROL DU 'OS 'GAB KYI PHYOGS SU MTSAMS THO DKAR PO BTZUGS PA'I MDUN DU MCHOD GTOR BSHAMS PA BYIN GYIS BRLAB PA NI, MCHOD PA,) AOm BRDZRA AA MRi TA KUndA LI HA NA HA NA H'Um PHAt, AOm SVA BH'A WA SHUDDHA:SARBA...

DHARMA:SVA BH'A WA SHUDDHONYHAm, STONG PA NYID DU GYUR, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOG YON, ZHABS BSIL, ME TOG ,BDUG SPOS, MAR ME, DRI CHAB, ZHAL ZAS, ROL MO RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A:H'Um, AOm PA DY'Am A'A:H'Um, AOm PUshP A'A:H'U, AOm DHU PE A'A:H'Um, AOm AA LO KE A'A:H'Um, AOm GHANDHE A'A:H'Um, AOm NEE WI DYE A'A:H'Um, AOm SHPTA A'A: H'Um, (GI BAR GYI BYIN GYIS BRLAB, GTOR MA BSANG SBYANG NI,) AOm BRDZRA AA MRi TA KUndA LI HA NA HA NA H'Um PHAt, AOm SVA BH'A WA SHUDDHA:SARBA DHARMA:SVA BH'A WA SHUDDHO NYAHO, STONG PA NYID DU GYUR, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA'I NANG DU AOm A'A:H'Um LAS BYUNG BA'I GTOR MA PHUL DU GYUR BA'I LHA? RDZAS SU GYUR, AOm A'A:H'Um (GSUM GYI BYIN GYIS BRLAB, SVA BH'A WAS SBYANGS,) STONG PA'I NGANG LAS THO RNAMS SKAD CIG GIS RGYAL PO CHEN PO BZHI'I SKUR BZHENGS PAR GYUR, RANG GI THUGS KA'I H'Um LAS 'OD ZER 'PHROS RANG BZHIN GYI GNAS NAS RGYAL PO CHEN PO SDE BZHIN 'KHOR... DANG BCAS PA SPYAN DRANGS, RDZA:H'Um BAm HO:GNYIS SU MED PAR GYUR, AOm MH'A R'A RDZA SA PA RI W'A RA ARGHAm, P'A DYAm, PUshPE, DHU PE, AA LO KE, GHANEDHA, NEE WI DYE, SHAPTA A'A:H'Um (GI BAR GYIS MCHOD,) SH'AKYA SENG+GE'I SPYAN SNGA RU, ,BSTAN DANG BSTAN 'DZIN SKYES BU RNAMS, ,BSRUNG ZHING SBYONG... BAR ZHAL BZHES PA, ,RGYAL CHEN BZHI LA PHYAG 'TSAL LO, (,CES BSTOD,) RGYAL PO CHEN PO BZHI'I LJAGS 'OD ZER GYI SBU GUS GTOR MA'I BCUD DRANGS TE GSOL BAR GYUR, DHRi TA RAshAt YA, BI RU dHA KA YA, BI RU BKshA YE, BEE SHRA MA nA YE SA PA RI W'A RA AI DAm BA LIm TA, GOB KH'A?

, ,HI KH'A HI, (GSUM DANG,) AOm AA K'A RO MU KHAm SARBA DHARM'A nAm A'A DYA NU TAPNAN TVATTA AOm A'A:H'Um PHAt SV'A H'A, (GSUM GYIS GTOR MA PHUL,) AOm MH'A R'A DZA SA PA RI W'A RA AARGHAm (SOGS KYIS MCHOD,) SH'AKYA SENG+GE'I SPYAN SNGA RU, (,ZHES SOGS KYIS BSTOD,) BDAG GI DGE BA'I BYA BA 'DI, ,JI SRID LEGS PAR GRUB KYI BAR, ,PHYI NANG 'GAL RKYEN KUN ZHI ZHING, ,MTHUN RKYEN 'GRUB PA'I 'PHRIN LAS MDZOD, (,CES LAS BCOL, MCHOD GTOR RNAMS BSDU, MTSAMS KYI RING CHOS SKYONG GI GTOR MA 'BUL TSE RGYAL CHEN BZHI LA YANG 'BUL BA'I DMIGS PA BYA, SLAR YANG BSRUNG 'KHOR SNGAR YOD GSAL 'DEBS KYI TSUL DU BSGOMS TE MTSAMS THO'I NANG TSUN CHAD BSRUNG 'KHOR GYI NANG DU TSUD PAR MOS LA, BSNYEN PA MA GROL BAR DU MI BSDU BAR YANG YANG GSAL 'DEBS, 'DI SKABS RANG GI BLA MA RNAMS PHYOGS DER BZHUGS MED KYANG RTEN 'BREL GYI CHED DU NGES PAR MTSAMS 'OG TU 'JOG DGOS SHING, GZHAN YANG SMAN PA, MTSAMS GA-YOG ,SBYIN BDAG SOGS MTSAMS 'OG TU 'JOG DGOS RNAMS RDE'U DANG PHRENG BA LTA BUR BGRANGS TE YID BSHAR BYED CING, DE MIN GLO BUR GYI GAL CAN BYUNG NA GTONG RTZIS KYIS DMIGS BSAL NGES BZUNG MED PA'I GRANGS LHAG MA 'GA' SHAS KYANG MTSAMS 'OG TU YOD PA'I DMIGS PA BYAS NA RJES SOR RE GNYIS MI BTANG MTHU MED BYUNG YANG MTSAMS BUG RAL GYI SKYON MI 'BYUNG BA'I GNAD... YOD, DE NAS NANG DU 'ONGS TE SGROL MA LAS SNA TSOGS RGYUD LAS GSUNGS PA AOm BADZRA TE DZO A'A SA NA H'Um PHAt, CES PAS SRUNG ZHING BRTAN PAR BYA, (BSANG CHUS GNAS KHANG DANG, MCHOD RDZAS RNAMS LA 'THOR ZHING,) AA MRi TAS BSANG, SVA BH'A WAS SBYANGS, STONG PA'I NGANG LAS...

GNAS KHANG BHR'Um LAS RIN PO CHE SNA TSOGS LAS GRUB PA'I THAR PA CHEN PO'I GZHAL MED KHANG MTSAN NYID THAMS CAD YONGS SU RDZOGS PA'I DBUS SU, AOm LAS RIN PO CHE'I SNOD YANGS SHING RGYA CHE BA CHOS KYI DBYINGS DANG MNYAM PA RNAMS KYI NANG BHR'Um LAS KHAMS GSUM GYI RDZAS LAS KHYAD PAR DU 'PHAGS SHING MCHOG TU MI 'GYUR BA'I MCHOD YON, ZHABS BSIL, ME TOG ,BDUG SPOS, MAR ME, DRI CHAB, ZHAL ZAS, ROL MO, 'DOD PA'I YON TAN LNGA DANG, RIN PO CHE SNA BDUN DANG, MCHOD PA'I LHA MO LA SOGS PA MCHOD RDZAS... DVANGS SHING THOGS PA MED PA 'PHAGS PA KUN TU BZANG PO'I RNAM PAR THAR PA LAS BYUNG BA'I MCHOD PA'I SPRIN LAS KYANG CHES CHER LHAG PA RAB 'BYAMS NAM MKHA'I MTHAR KHYAB PAR RGYAS PAR 'GENGS SHING, DUS 'KHOR BA JI SRID MA STONGS KYI BAR DU RGYUN MI... 'CHAD PAR 'BYUNG BA'I RANG BZHIN DU GYUR (PAR BSAM LA, NAM MKHA' MDZOD KYI PHYAG RGYA SMIN MTSAMS SU BSKOR ZHING,) AOm SARBA BID P'U RA P'U RA SU RA SU RA A'A BRTA YA HO: AOm BDZRA SPHA RA nA KHAm, (ZHES DANG, MCHOD PA SO SO'I PHYAG RGYA DANG BCAS,) AOm BDZRA ARGH'Am SV'A H'A, AOm BDZRA P'A DYAm SV'A H'A, AOm BDZRA... PUshPE A'A:H'Um, (DE BZHIN DU, DHU PE, A'A LO KE, GHANDHE, NEE WIDYA, SHAPTA'I BAR DANG, DE NAS,) AOm NA MO BHA GA WA TE, BDZRA S'A RA PRA MA RDA NE, TA TH'A GA TA YA, ARHA TE SMYA KSAm BUDDH'A YA, TADYA TH'A, AOm BDZRE BDZRE, MAH'A TE DZA BDZRE, MH'A TE DZA BDZRE, MHA BDYE BDZRE, MH'A BO DHI TZI TAT BDZRE, MH'A BO DHI MntO PA SAm KRA MA nA BDZRE, SARBA KARMA A'A WA RA nA BI SHO DHA NA BDZRE SV'AH'A, (ZHES MCHOD PA'I SPRIN GZUNGS LAN GSUM BRJOD,) DKON MCHOG GSUM GYI BDEN PA DANG, SANGS RGYAS DANG BYANG CHUB SEMS DPA' THAMS CAD KYI BYIN GYIS BRLABS DANG TSOGS GNYIS YONGS SU RDZOGS PA'I MNGA' THANG CHEN

, ,PO DANG, CHOS KYI DBYINGS RNAM PAR DAG CING BSAM GYIS MI KHYAB PA'I STOBS KYIS DE BZHIN NYID DU GYUR CIG (,CES BDEN STOBS BRJOD DE MCHOD RDZAS BRLAB,) AOm BDZRA DHARM'A RA nI TA PRA RA nI TA SAm PRA RA nI TA SARBA BUDDHA KshE TRA PRA TZA LI NI PRA DZNY'A PA RA MI TA NA DA SVA BH'A WA BDZRA SATVA HRI DA YA SANTO shA NI H'Um H'Um H'Um HO HO HO SV'AH'A, (LAN GSUM BRJOD LA ROL CHEN DANG BCAS BYIN DBAB,) DE DAG NI SBYOR BA'I RIM PA'O, ,GNYIS PA DNGOS GZHI NI, YAN LAG LNGA KHRUS BYA BA'AM NYE REG BYAS LA, BSNYEN PA'I RING RDOR DKAR GDAN GCIG 'GRUB NA RAB, YUN RING BA LTA BUS DE LTAR MA NUS KYANG SHA CHANG SGOG BTZONG SOGS NGAG GI NUS PA NYAMS PA DANG, GOS NGAN, GRIB CAN GYI ZAS, SME YUG ,DAM NYAMS, SDIG CAN GYI 'GRIM 'GRUL SOGS GNYID RMUGS NYAMS GRIB GA-YENG BA 'BYUNG BA'I RGYU RNAMS RING DU SPANGS... LA; RNAM 'JOMS SME BRTZEGS GANG RUNG GI GZUNGS CHUS RANG DANG GNAS KHANG YO BYAD BCAS LA KHRUS DANG BSANG GTOR YANG YANG BYA, GSO SBYONG BLANG THUB NA PHUN SUM TSOGS PA'I YAN LAG TU 'GYUR BAS, 'DOD NA GZHAN LAS 'BYUNG BA LTAR BLANG, GANG... LTAR YANG TSE BSRING BA RGYAS PA'I LAS YIN PAS RANG NYID KHA BYANG DU PHYOGS TE STAN BDE BA LA SPYOD LAM TSUL DANG MTHUN PAR 'KHOD NAS, THOG MAR SKYABS 'GRO BYA BA NI, RANG NYID GNAS PA'I ZHING 'DI NYID SA GZHI BEE d'URY'I RANG BZHIN CAN CHU MTSO LJON SHING ME TOG SOGS DAG PA'I ZHING GI BKOD PA YONGS SU RDZOGS PA'I DBUS SU YE SHES KYI SNANG BA LAS GRUB PA'I DPAG BSAM GYI SHING GI SDONG PO YAL GA LO 'BRAS PHUN SUM TSOGS PA'I RTZE MOR PADMA 'DAB MA BZHI PA YANGS SHING RGYA CHE BA'I LTE BAR ZLA BA'I GDAN LA RTZA BA BLA

MA 'OD DPAG MED KYI RNAM PA CAN NAM, YANG NA BLA MA DANG GNYIS SU MED PA'I RJE BTZUN SGROL MA SPYI BOR RIGS BDAG TSE DPAG MED MGON BZHUGS PA LA BRGYUD PA'I BLA MA RNAMS KYIS BSKOR BA THAMS CAD KYANG SGROL DKAR GYI RNAM PA CAN DANG, MDUN GYI 'DAB MAR SGROL MA DKAR MO SOGS YI DAM GYI LHA TSOGS, GA-YAS KYI 'DAB MAR THUB PA'I DBANG PO SOGS LONGS SPRUL GYI SANGS RGYAS DKON MCHOG ,RGYAB KYI 'DAB MAR LUNG RTOGS KYI CHOS DKON MCHOG GSUNG RAB PU TI BRTZEGS PA'I RNAM PA, GA-YON GYI 'DAB MAR NYE BA'I SRAS BRGYAD SOGS THEG GSUM DGE 'DUN DKON MCHOG ,DPA' BO MKHA' 'GRO CHOS SRUNG SOGS SKYABS YUL GZHAN RNAMS KYIS DPAG BSAM SHING GI YAL GA LO 'DAB ME TOG GI KHROD THAMS CAD DU TIL GYI GANG PU LTAR GANG BAR DMIGS LA, RANG GIS GTZO BYAS SEMS CAN THAMS CAD KHROM TSOGS SU 'BOD PAR BSAMS TE, THUN MONG DANG THUN MONG MA YIN PA'I SKYABS 'GRO'I RGYU LEGS PAR GSAL BTAB NAS, BDAG GZHAN THAMS CAD SGO GSUM 'JUG PA GCIG TU DRIL TE SKYABS SU 'GRO'I MOS PA DANG BCAS, BDAG DANG 'GRO BA ZHES SOGS SKYABS 'GRO LAN MANG BRJOD, DE NAS SEMS BSKYED PA NI, NAM MKHA'I MTHA' KHYAB KYI SEMS CAN THAMS CAD DMIGS YUL DU BYAS TE, 'DI RNAMS KYIS THOG MA MED PA NAS BDAG GI PHA MA MA BYAS PA GCIG KYANG... MED, 'DI DAG THAMS CAD SDUG BSNGAL PHRA MO TZAM MI 'DOD KYANG 'KHOR BA SDUG BSNGAL GYI RGYA MTSO BZOD DKA' BA LA GTAN DU THAR DUS MED PAR 'KHYAMS, RTAG TU BDE BA ZHIG DON DU GNYER YANG, ZAG MED KYI BDE BA LTA ZHOG ,ZAG BCAS 'KHOR BA'I BDE BA...

, ,PHRA MO TZAM THOB PA'ANG NYIN MO'I SKAR MA LTAR DKON PA 'DI RNAMS SNYING RE RJE, DES NA 'DI RNAMS GCIG KYANG MA LUS PA 'CHI MED RTAG PA'I BDE BA BLA NA MED PA YANG DAG PAR RDZOGS PA'I SANGS RGYAS KYI GO 'PHANG LA BDAG GCIG PUS 'GOD THUB PA ZHIG BYA, DE'I PHYIR DU THEG PA CHEN PO'I MDO SNGAGS KYI LAM BZANG PO LA BSLAB DGOS PAR 'DUG ,DE LTA BU'I LAM BZANG TSUL BZHIN SGRUB PA LA RTEN DE YANG GANG BYUNG ZHIG GIS MI CHOG PAR THEG MCHOG 'KHOR LO BZHI LDAN GYI RTEN BZANG PO... 'DI 'DRA ZHIG MED DU MI RUNG BAS, 'DI NYID YUN DU GNAS NAS LAM NYAMS SU BLANGS LA TSE 'DI NYID LA RANG GZHAN GYI DON GNYIS MTHAR PHYIN PA ZHIG BYA'O, ,DE'I PHYIR GNAS SKABS TSE RING NAD MED BAR CHAD ZHI BA, KHYAD PAR BLA MA'I SKU TSE BRTAN CING, SEMS CAN RNAMS DUS MIN 'CHI BA LAS SKYOB PA, MTHAR THUG DUS GSUM RGYAL BA SRAS DANG BCAS PA SKYED PA'I YUM MCHOG RJE BTZUN 'PHAGS MA YID BZHIN 'KHOR LO'I GO 'PHANG BDE BLAG TU THOB PAR BYA BA'I PHYIR LAM 'DI'I RNAL 'BYOR BRTZON PAR BYA SNYAM PA'I BSAM PA SHUGS DRAG DANG BCAS, SEMS CAN THAMS CAD KYI DON DU ZHES SOGS SEMS BSKYED KYI TSIG LAN KHA YAR BRJOD, TSAD MED BZHI BSGOM PA SPYI LTAR BYA, SKYABS YUL RNAMS MTHA' NAS 'OD DU ZHU STE, MTHAR BLA MA RANG GI SMIN... MTSAMS SU THIM PAS RGYUD BYIN GYIS BRLABS PAR BSAM, SPRO NA MTSAMS 'DIR BLA BRGYUD GSOL 'DEBS KYANG 'DON, DE NAS BYIN RLABS THAMS CAD KYI GZHI RTEN SNGON 'GRO BLA MA'I RNAL 'BYOR RAM TSOGS ZHING SPYAN DRANGS TE MCHOD DGOS PAS,

RANG NYID SKAD CIG GIS RJE BTZUN MAR GSAL BA'I SNYING GAR ZLA BA'I DKYIL 'KHOR GYI STENG DU T'Am YIG DKAR PO LAS 'OD ZER SPROS TE BLA MA RJE BTZUN MA GTZO BOR GYUR PA'I TSOGS ZHING SPYAN DRANGS TE MCHOD CING, RGYUN BSHAGS, TSAD MED BSGOM PA RNAMS GZHUNG LTAR BYAS LA, 'DIR GZHUNG GZHAN DAG NAS 'BYUNG BA LTAR TSOGS ZHING RANG LA BSTIM NA, SPYI BTANG 'JUG PA BDE BA LTA BUR YOD KYANG, 'OG NAS 'BYUNG BA LTAR BZLAS BRJOD DNGOS KYI SKABS BDAG BSKYED TZAM LA BZLAS BRJOD YAN LAG BZHI'I NANG... NAS GZHAN GYI GZHI'I YAN LAG MA TSANG BAS DES NA SKABS 'DIR TSOGS ZHING GI LHA MA BSTIM PAR BZHAG NAS, BZLAS BRJOD KYI SKABS GZHAN GYI GZHI'I YAN LAG DE NYID LA BYED PA SNGAGS RIM CHEN MO DANG, MKHAS GRUB RJE'I RGYUD SDE SPYI RNAM GYI DGONGS PA YIN PAS DE LTAR BYA LA, SPYIR BTANG TSE SGRUB DKYUS MA LTA BUR BZLAS BRJOD YAN LAG BZHI TSANG BA'I ZHIB CHA MI SPRO NA SKABS 'DIR TSOGS ZHING RNAMS MTHA' NAS BSDUS TE GTZO BO RANG LA BSTIM, DE NAS RANG GI PHUNG KHAMS SKYE MCHED LA SOGS PA'I CHOS RNAMS? CAD KYI RANG BZHIN STONG PA NYID DU GTAN LA PHAB NAS, DE'ANG SNANG NGO NGES NGO GNYIS KAR KUN RDZOB KYI SNANG BA LOG NAS NAM MKHA' LA SPRIN YAL BA LTAR MI DMIGS PAR BSAMS LA, AOm SVA BH'A WA SHUDDHA: ZHES SOGS KYIS STONG PAR SBYANGS NAS, STONG PA'I NGANG LAS RANG GI GO SAR PAD ZLA'I STENG DU RANG NYID RJE BTZUN MA SGROL MA YID BZHIN 'KHOR LO'I SKUR BSKYED CING, GNAS GSUM BYIN RLABS, YE SHES PA BSTI MA PA, DBANG BSKUR RGYAS 'DEBS BCAS YAN LAG BZHI RDZOGS SU BSGRUBS, DE NAS DNGOS SU...

, ,BSHAMS PA'I BDAG BSKYED KYI MCHOD PA BYA RGYUD SPYI LTAR BYIN GYIS BRLABS LA, RANG GI THUGS KA NAS SPROS PA'I LHA MO MCHOD RDZAS THOGS PA RNAMS KYIS TSUR RANG LA MCHOD CING BSTOD PAR BSAMS LA GZHUNG NAS 'BYUNG BA... LTAR MCHOD BSTOD BYA, MTSAMS 'DIR TING NGE 'DZIN GYI SGOM PA DANG, DE'I SKABS SU SROG RTZOL SDOM PAR GSUNGS TE, DE'I DGOS PA NI THA MAL GYI SNANG ZHEN 'GOG PA LA, LUS LHAR GSAL BA LA DMIGS PA BRTAN PO DGOS, DE BRTAN PA LA RTOG PA PHYIR... 'PHRO BA 'GOG DGOS, DE 'GOG PA'I THABS GANG ZAB NA, SEMS KYI RTA RLUNG YIN PAS RLUNG NANG DU ZIN NA SEMS RANG DBANG MED PAR ZIN PAR 'GYUR BAS DE'I PHYIR DU BSGOM DGOS, DE'I TSUL NI, LUS GNAD BCAS TE RTOG PA GZHAN DU MA YENGS PAR... RANG LHAR GSAL BA'I GSAL SNANG DANG NGA RGYAL ZUNG 'BREL DU LDAN PAS STENG RLUNG NANG DU LTE BA'I BAR DU DRANGS NAS MNAN, 'OG RLUNG YAR LA LTE BA'I BAR DU DRANGS NAS BZUNG STE YID LHA LA RTZE GCIG TU GTAD DE GNAS SHING, DE NAS RLUNG 'DZIN MA THUB NA PHYIR BTANG STE NGAL BSO ZHING YID LHA LA RTZE GCIG TU GTAD, DE NAS YANG RLUNG NANG DU 'DZIN PA DE LTA BU'I TSUL GYIS BSGOM MO, ,'DI JI TZAM GYI BAR DU BYA BA NI, SPYOD LAM THAMS CAD DU LHA'I GSAL SNANG DANG NGA RGYAL GYIS THA MAL SNANG ZHEN 'GOG PA'I NUS PA THOB THOB BAR DU BYA BA YIN, DE YANG LHA SKU'I RNAM PAR SHAR BA LA SEMS BZUNG BA TZAM GYIS MI CHOG PAR NGA RGYAL BRTAN PAR BYAS NAS DE LA SEMS BZUNG BA DANG GNYIS KA TSANG DGOS, DE YANG SROG RTZOL BSDOM PA'AM 'GOG PA'I DON NI DBANG PO'I SGO NAS RGYU BA'I RLUNG NI SROG

DANG, RTOG PA YUL GZHAN LA GA-YENGS SHING 'PHRO BA NI RTZOL BA, RLUNG DANG RTOG PA GNYIS KA PHYIR 'PHROR MI 'JUG PAR NANG DU 'DZIN PA NI BSDOM PA'AM 'GOG PA YIN, DE YANG GSAL SNANG DANG NGA RGYAL BSKYED NAS RTZE GCIG TU BSGOM PA NI LHA'I BSNYEN PA'I... GTZO BO YIN PAS GAL SHIN TU CHE ZHING, DE LA'ANG RGYA CHE BA DANG ZAB PA LA BSLAB TSUL GNYIS LAS, RGYA CHE BA RNAM PA LA BSLAB TSUL NI, RANG LHA GANG DU BSGOMS PA DE'I SKU'I RNAM PA RAGS PA TSANG BA ZHIG GSAL BTAB LA, DE LA BYING RGOD DANG BRAL BAR BYAS TE SEMS BZUNG, GSAL BTAB PA'I NANG NAS BYE BRAG PA ZHIG LHAG PAR GSAL NA GANG GSAL BA DE LA SEMS BZUNG, DE MI GSAL NA SNGAR BZHIN SPYI LA SEMS BZUNG ZHING, GANG GSAL BTAB PA LAS GZHAN PA'I DMIGS PA GANG SHAR YANG DE'I RJES SU MI 'BRANG BAR SNGAR GYI DMIGS PA NYID BSKYANG NGO, ,GO RIM LA BSLAB TSUL NI, LHA'I SKU'I CHA PHRA RAGS NA BZA' RGYAN DANG BCAS PA DANG, SRUNG 'KHOR, GUR KHYIM DRUG DANG BCAS PA RNAMS RIM PA BZHIN SNGA MA SNGA MA MA GSAL BAR PHYI MA PHYI MA MI BSNON CING, SNGA MA SNGA MA LA SEMS GNAS PA RNYED PA NA PHYI MA PHYI MA BSNON GYIN GSAL SNANG THON THON DU BSGOM PAR BYA'O, ,NGA RGYAL LA BSLAB TSUL NI, RANG LHA GANG DU BSGOMS PA DE DNGOS YIN NO SNYAM PA'I NGES PA SHUGS CAN ZHIG BSKYED PA DANG, NGES PA DE NYID LA RTZE GCIG TU GNAS TE JI SRID NGA RGYAL 'GYUR BA'I TING 'DZIN RNYED RNYED DU SBYANG BA GNYIS NI RGYA CHE BA LA BSLAB TSUL TE, DE LTAR RNAM PA GSAL BA DANG NGA RGYAL BRTAN PA GNYIS KA DGOS PA LA, RE RE LAS MED NA NGA RGYAL BRTAN PA NYID RGYUD LHAS BYIN GYIS BRLAB PA'I GTZO BO YIN NO,

, ,ZAB PA LA BSLAB TSUL NI, DMIGS PA LHA'I 'KHOR LO LA DMIGS NAS RNAM PA RANG BZHIN MED PA'I STONG PA NYID BSGOM PA'O, ,DE YANG STONG PA NYID KYI LTA BA RNYED NAS LTA THOG TU BZHAG PA RANG BZHIN MED PAR NGES PA'I BLO'I... 'DZIN STANGS KYI RNAM PA DANG MA BRAL BA'I SGO NAS, GZUNG RNAM RTEN DANG BRTEN PA'I LHA'I 'KHOR LOR SHAR BA ZAB GSAL GNYIS MED KYI RNAL 'BYOR 'DI RGYUD SDE 'OG MA GSUM GYI BYANG CHUB TU BGROD PA'I LAM GYI GTZO BO YIN PAS CI NUS SU BSLAB, BSGOMS PAS SKYO NVA BZLAS PA BYA BA LA, 'GOG BZLAS DANG, RDOR BZLAS, SPRO BSDU DANG BCAS PA'I NGAG BZLAS GSUM YOD PA LAS, DANG PO NI, RLUNG RGYU BA RANG BABS SU BZHAG ,'KHOR LO DANG, YIG 'BRU RANG SGRA SGROG BZHIN PA LA SEMS RTZE GCIG TU DMId PA NI SEMS 'GOG PA'I SBYOR BA'AM 'GOG BZLAS DANG, GNYIS PA NI, RLUNG RO LAN GSUM BSAL BAS SDIG SGRIB BAG CHAGS THAMS CAD BSAL BAR BSGOM, RLUNG DAL LA 'JAM PAR SNA NAS PHYIR 'GRO...PA'I TSE SNYING GA'I T'Am LAS 'OD ZER 'PHROS, RLUNG NANG DU 'ONGS PA'I TSE 'OD ZER T'Am LA BSDU, RLUNG GNAS PA'I TSE T'Am LA SEMS GTAD DE LAN MANG DU RLUNG 'BYUNG 'JUG DANG SBRAGS NAS BSGOM MO, ,'DI BLA MED KYI RDZOGS RIM NAS BSHAD PA'I RDOR BZLAS DANG MING 'DRA YANG BSGOM LUGS MI 'DRA... BA'I KHYAD PAR SHES DGOS, GSUM PA SPRO BSDU DANG BCAS PA'I NGAG BZLAS BYA BA LA, PHRENG BA'I RGYU NI, JI SKAD DU, S'Am BHU d'I RGYUD LAS, SHEL DANG NYA PHYIS MU TIG DANG, KHAMS NI DKAR PO LA SOGS GZHAN, ,ZHI BA'I LAS LA KHYAD PAR DU, ,'PHRENG BA...

YI NI MTSAN NYID DO, ,GSER DANG DNGUL DANG ZANGS DAG DANG, ,PADMA'I SA BON KHYAD PAR DU, ,RGYAS PA LA NI 'PHRENG BA NYID, ,RNAM PAR MKHAS PAS BGRANG BAR BYA, ,ZHES DANG, ZHI RGYAS DBANG DANG MNGON SPYOD LA, ,BO DE TZIS NI LAS KUN BYED, ,CES GSUNGS PA LTAR GYI DUNG, SHEL, MU TIG ,GSER LA SOGS PA'I ZHI RGYAS KYI LAS DANG MTHUN PA'I 'PHRENG BA, GRANGS KYI KHYAD PAR YANG, RGYUD DE NYID LAS, BRGYA PHRAG GCIG NI ZHI BA LA, ,DE BZHIN RGYAS LA LHAG PA BRGYAD, ,CES GSUNGS PA LTAR LAS MTHUN GYI GRANGS CAN BA BYUNG LNGAS BKRUS LA, PHRENG THAG GRONG PA'I CHOS KYI MA GOS PA'I BU MO GZHON NU MAS BKAL BA'I SKUD PA SUM SGRIL LA BRGYUS TE SNYIM PAR BZUNG, AOm BA SU MA TI SHR'I YE SV'AH'A, ZHES DANG, AOm BADZRA AA TZTSINDHA YE SV'AH'A, ZHES PA LAN BDUN NAM, RANG SNGAGS LAN BRGYA RTZA BRGYAD KYIS BYIN GYIS BRLABS LA PHRENG BA GTZANG SGRA LA GNAS PAS BZLAS PA BYED DUS MA GTOGS LHA'I DRUNG DU BZHAG NAS LUS LA MI BCANG NGO, ,BZLAS PA'I DMIGS PA NI, RANG NYID 'PHAGS MA SGROL DKAR DU GSAL BA'I SNYING GA'I ZLA BA'I DKYIL 'KHOR DE NYID 'KHOR LO RTZIBS BRGYAD PA MU KHYUD RIM PA GSUM DANG BCAS PA'I RTZIBS KYI RTZE MO MU KHYUD LAS PHYIR THON PA, 'KHOR LO'I LTE BA BU GA MED PA'I LEB MO, DE'I DBUS SU ZLA BA'I STENG DU RANG SEMS T'Am YIG DKAR PO ZLA TSES THIG LE N'A DA DANG BCAS... PA GYEN 'GRENG, DE'I MDUN DU AOm DANG, RGYAB TU H'A KHA NANG BSTAN, DE NYID KYI BAR DU TSUD PA'I MA MA A'A YUR PUnA+YE DZNY'A NA PUshdIm KU RU SOGS RGYA SKAD DAM, YANG NA BDAG GI TSE DANG BSOD NAMS YE SHES 'PHEL BAR GYUR CIG ,CES PA'AM, RJE BTZUN BLA MA DAM PA'I...

, ,SKU TSE MDZAD PA 'PHRIN LAS 'PHEL BAR GYUR CIG ,CES PA LTA BU MDUN NAS GA-YAS SKOR DU BKOD PA'I MGO MJUG AOm H'A DANG 'GRIG PAR BYED, RTZIBS BRGYAD LA T'A, RE; TU; TT'A; RE TU; RE; SV'A; ZHES PA'I YI GE BRGYAD KHA NANG BSTAN, MU KHYUD NANG MAR A'A LI DKAR PO GA-YON SKOR, BAR MA LA K'A LI DMAR PO GA-YAS SKOR, PHYI MA LA RTEN 'BREL SNYING PO SNGON PO GA-YAS SKOR DU BKOD, MU KHYUD LNGA BYED NA DE'I PHYI MA LA RDO RJE SNGON PO'I PHRENG BA, DE'I PHYI MA LA 'OD ZER SNA LNGA'I PHRENG BA GA-YAS... SKOR DU 'BAR BA BSAM DGOS, YI GE RNAMS DBU CAN GYEN 'GRENG DNGUL LA SOGS PA'I THUR MA YI GE'I GZUGS SU 'PHOS PA LTA BU'AM MU TIG GI RDOG PO LTAR DKAR PO SHA STAG MOS KYANG CHOG ,LHA'I SKU DANG 'KHOR LO YI GE THAMS CAD THOG BCAS SRA 'THAS MA YIN PA'I... 'OD DANG 'OD ZER GYI RANG BZHIN CAN, 'KHOR LO DANG YI GE BDUD RTZI'I ZIL PA PHROM ME BA, RANG GI SPYI BO'I RIGS BDAG BLA MA 'OD DPAG MED DE NYID MGON PO TSE DANG YE SHES DPAG TU MED PA SKU MDOG DKAR LA DMAR BA'I MDANGS CHAGS PA, ZHAL GCIG PHYAG GNYIS KYIS GSER GYI BUM PA 'CHI MED KYI BDUD RTZIS GANG BA MNYAM GZHAG GI STENG NA 'DZIN PA, DAR DANG RIN PO CHE'I RGYAN CAN, ZHABS RDO RJE'I SKYIL KRUNG GIS BZHUGS PAR GYUR PA'I MOS PA BYA, DE NAS RANG NYID KYI PHYI ROL DU GNAM LCAGS LAS GRUB PA'I 'KHOR LO DKAR PO SBUBS CAN ZHVA THEB KHA SBYAR BA LTA BU'I PHYOGS MTSAMS BRGYAD DU RTZIBS BRGYAD, STENG 'OG TU GNYIS BCAS RTZIBS BCU RTZE MO RIM GYIS RDOR? DANG GA-YAS SKOR DU SHIN TU MGYOGS PA MI MNGON PA TZAM DU 'KHOR BA'I LTE BA ZLUM PO'I DBUS SU RANG NYID RJE BTZUN MA RGYAN CHA LUGS, RIGS BDAG...

THUGS KA'I 'KHOR LO YIG 'BRU DANG BCAS PA TSUD PA'I STENG GI RTZIBS KYI NANG NGOS KYI SBUBS STONG RTZER YI GE AOm DANG, 'OG GI RTZIBS KYI SBUBS STONG MTHIL DU YI GE H'Um, PHYOGS MTSAMS KYI RTZIBS KYI RTZA BA SBUBS STONG GI THAD KYI NANG DU MDUN NAS GA-YAS SKOR DU, T'A; RE; TU; TT'A; RE; TU; RE; SV'A; ZHES PA'I YIG 'BRU BRGYAD KHA NANG BSTAN, YI GE THAMS CAD KHA DOG DKAR PO 'OD ZER RAB TU 'BAR BA GYEN 'GRENG, STENG GI AOm GYI MTHAR A'A LI DKAR PO GA-YON SKOR, 'OG GI H'AI MTHAR K'A LI DMAR PO GA-YAS SKOR DU 'KHOD PA, YIG 'BRU 'KHOR LO DANG BCAS PA SRA BA BRTAN PA SRUB MED PA, BSKAL PA'I ME RLUNG GIS KYANG GZHIG PAR MI NUS PA GSAL GDAB, BSRUNG BYA GZHAN DMIGS BSAL CAN YOD NA BLA MA RNAMS RANG GI THUGS KA'I T'Am YIG GI KLAD KOR NANG RANG THA MAL DU GSAL BA'I SPYI BOR BKOD PA'AM, 'KHOR LO'I STENG GI RTZIBS KYI AOm GYI 'OG TZAM DU BSGOM ZHING, DE MIN BSRUNG BYA GZHAN RNAMS MCHOG DMAN GYI RIM PAS RANG GI GA-YAS GA-YON SOGS TE THAMS CAD KYANG 'KHOR LO'I GUR KHANG GI NANG DU BSGOM ZHING, 'OG GI 'OD ZER SPRO BSDU'I SKABS BSRUNG BYA RNAMS LA'ANG SPRO BSTIM BYA DGOS SO, ,DE LTAR 'KHOR LO GA-YAS SKOR DU MGYOGS PAR 'KHOR BAS GNOD BYED THAMS CAD NYIL NYIL DUM BUR GTUB CID, 'OD ZER GYI ME LCES STENG 'OG PHYOGS MTSAMS THAMS CAD DU 'BAR ZHING 'KHRUGS PAS GDON BGEGS BAR CHAD THAMS CAD BYA SGRO MER BSREGS PA BZHIN GZHOB THUL THUL TSIG PAR MOS, DE NAS 'OD ZER DRUG SBRAGS KYI DMIGS PA BYA BA NI, RANG GI SNYING GA'I SA BON SNGAGS 'KHOR DANG BCAS PA LAS 'OD ZER DKAR PO'I TSOGS RI RTZE LAS NA BUN DANG, RGYA MTSO LAS RLANGS PA THON PA LTAR...

, ,DKAR PHROM GYIS 'PHROS, SPYI GTZUG NAS RKANG MTHIL BAR LUS KYI PHYI NANG THAMS CAD BAR MTSAMS MED PAR KHYAB, TSE RABS 'KHOR BA THOG MED NAS BSAGS PA'I SDIG PA MI DGE BA'I LAS DANG SGRIB PA, DE'I RGYU NYON MONGS SA... BON BAG CHAGS DANG BCAS PA, 'BRAS BU LUS KYI NAD GDON BAR CHAD DA LTA MYONG BZHIN PA DANG MA 'ONGS PA NA MYONG 'GYUR THAMS CAD MUN KHUNG DU SGRON ME SBAR BAS MUN PA GAR SONG CHA MED DU YAL 'GRO BA LTAR STONG NYID KYI DBYINGS SU LHAG MED DU DAG SONG SNYAM PA RANG DON GYI DMIGS PA DANG, 'OD ZER BA SPU'I SGO NAS PHYIR 'PHROS, LUS KYI PHYI NAS RI MO BRIS PA DANG AA LONG LTA BU MA YIN PAR SHEL GONG GI DBUS SU TSUD PA LTAR STENG 'OG PHYOGS MTSAMS BAR MED DU KHYAB PA'I 'OD ZER DKAR PO'I GUR KHYIM 'DOM GANG KHOR YUG TZAM... ZHIG GIS BSKOR BAS SEMS CAN GZHAN GYI SDIG SGRIB BGEGS DANG BAR CHAD ZHI BA'I LAS GANG SGRUB KYANG THOGS MED DU SGRUB NUS PA'I RANG BZHIN CAN DU GYUR SONG SNYAM PA GZHAN DON GYI DMIGS PA DANG, DE BZHIN DU LHAG MA RNAMS LA'ANG RIGS 'DRA STE, SNGAGS 'KHOR SA BON DANG BCAS PA LAS 'OD DANG BDUD RTZI SER POS LUS GANG BAS TSE BSOD DPAL 'BYOR LUNG RTOGS KYI YON TAN RGYAS, 'OD ZER BA SPU'I SGO NAS PHYIR 'PHROS PAS DKAR PO'I MTHA' NAS SER PO'I GUR KHYIM GYIS BSKOR BAS RGYAS PA'I LAS THAMS CAD GRUB PAR BSAM, YANG SNGAGS PHRENG SA BON DANG BCAS PA LAS 'OD ZER DMAR PO'I TSOGS 'PHROS, KHAMS GSUM DBANG DU SDUD PA'I MTHU DANG LDAN PAR BYAS, PHYIR 'PHROS SER PO'I MTHA' NAS DMAR PO'I GUR KHYIM GYIS BSKOR BAS DBANG GI LAS THAMS CAD GRUB PAR...

BSAM, YANG 'OD ZER MTHING GA'I TSOGS 'PHROS PAS LUS GANG, MNGON SPYOD KYI LAS THAMS CAD 'GRUB PA'I MTHU DANG LDAN PAR BYAS, 'OD ZER PHYIR 'PHROS, DMAR PO'I MTHA' NAS MTHING GA'I GUR KHYIM GYIS BSKOR BAS DRAG PO'I LAS THAMS CAD GRUB... PAR BSAM, YANG 'OD ZER LJANG GU'I TSOGS 'PHROS PAS LUS GANG, LAS RAB 'BYAMS 'GRUB PA'I MTHU DANG LDAN PAR BYAS, PHYIR 'PHROS, MTHING GA'I MTHA' NAS LJANG GU'I GUR KHYIM GYIS BSKOR BAS LAS RAB BYAMS THAMS CAD GRUB PAR MOS, YANG 'OD ZER MCHIN KHA'I TSOGS 'PHROS, LAS BZHI'I BYIN BRLABS BRTEN PAR BYAS, 'OD ZER BA SPU'I SGO NAS PHYIR 'PHROS, LJANG GU'I MTHA' NAS MCHIN KHA'I GUR KHYIM GYIS BSKOR BAS BYIN RLABS DANG DNGOS GRUB THAMS CAD BRTEN PAR BYAS, 'OD KYI GUR KHANG DRUG PO THAMS CAD KYANG DBYIBS SGO NGA LTA BU DUM BU GCIG TU GYUR PA, SRA ZHING MKHREG PAS BSKAL PA'I ME CHU RLUNG GSUM GYIS KYANG GZHIG PAR MI NUS PA, GUR KHYIM DRUG GI BAR MTSAMS RNAMS SU AUTPA LA KHA PHYE LA MA RNYING PA'I PHYAG MTSAN GYI GUR KHYIM GYIS BSKOR BAR BSAM, RANG NYID RJE BTZUN MAR GSAL BA NAS BZUNG, 'OD ZER MCHIN KHA'I GUR KHANG GI BAR DU SEMS 'DZIN CING SNANG STONG GI NGANG DU MNYAM PAR 'JOG ,DE BZHIN DU PHYI NAS RIM BZHIN THUGS KA'I T'Am YIG GI BAR DU SEMS... 'DZIN CING MNYAM PAR 'JOG, ,DE NAS SPYI BO'I TSE DPAG MED KYI THUGS KA'I HR'I; YIG LAS 'OD ZER DMAR PO LCAGS KYU LTA BU PHYOGS BCUR 'PHROS PA, SNOD BCUD 'KHOR 'DAS KYIS BSDUS PA'I TSE DANG BSOD NAMS THAMS CAD 'OD ZER GYI RNAM BAR...

, ,BSDUS TE BUM PA'I NANG DU SONG BAS 'CHI MED KYI BDUD RTZI'I CHU RGYUN DU GYUR, DE NYID GYEN DU 'PHYUR ZHING KHA NAS LUD PAS RANG GI SPYI BO TSANGS PA'I BU GA NAS ZHUGS, LUS KYI NANG THAMS CAD GANG BAS NAD GDON SDIG SGRIB DUS MA YIN PA'I 'CHI BA'I 'JIGS PA THAMS CAD SBYANGS, 'CHI MED TSE'I DNGOS GRUB THOB PAR BSAMS LA, RLUNG BUM PA CAN NYER GCIG GAM, BDUN NAM, GSUM GYI BAR DU 'DZIN, SNGAGS BZLA BA'I TSE RGYAS PAR NA GRUB RGYAL TSE KHRID LAS 'BYUNG BA LTAR... YAR BA 'GUGS PA, NYAMS PA GSO BA, TSE BSTIM PA RNAMS BYA STE, DANG PO NI, SPYI BO'I RIGS BDAG TSE DPAG MED KYI THUGS KA'I HR'I: YIG LAS 'OD ZER 'PHROS PAS TSE 'CHI BDAG GSHIN RJE SOGS 'BYUNG PO MI DANG MI MA YIN PA RNAMS KYIS 'PHROG PA DANG, BRKUS PA DANG, YAR BA DANG, 'THOR BA DANG, NYAMS CHAGS SU GYUR PA THAMS CAD LA PHOG PAS KHAB LEN GYI RDOS LCAGS PHYE SDUD PA LTAR BUM PA DANG, THOD PA DANG, LHUNG BZED BDUD RTZIS GANG BA LA SOGS PA'I RNAM PAR RANG DBANG MED PAR BSDUS NAS PHYAG GI BUM PA'I NANG DU THIM, DE LAS BDUD RTZI DMAR CHIR GYIS LUD, RANG GI LUS KYI TSANGS BU GNAS ZHUGS, SNYING GA'I SA BON SNGAGS 'KHOR DANG BCAS PA LA THIM, DE LAS BDUD RTZI'I RGYUN BABS LUS KYI NANG THAMS CAD GANG BAS NAD GDON SDIG SGRIB BAR CHAD THAMS CAD DAG, ,TSE YAR BA BKUG, ,'THOR BA BSDUS, NYAMS PA GSOS, CHAD PA 'THUD, GNAS PA GONG 'PHEL DU BYAS TE 'CHI BA MED PA'I TSE RIG 'DZIN THOB PAR BSAMS LA SNGAGS BZLA, NYAMS PA GSO BA LA TSE NYAMS

PA GSO BA, STOBS DANG BSOD NAMS NYAMS PA GSO BA, DAM TSIG DANG SDOM PA NYAMS PA GSO BA GSUM YOD, DE'I RGYU MTSAN YANG 'CHI BA LA TSE ZAD NAS 'CHI BA, BSOD NAMS ZAD NAS 'CHI BA, LAS ZAD NAS 'CHI BA GSUM YOD PAS DANG PO NANG GI 'BYUNG BA... NYAMS PA'I STOBS KYIS TSE NYAMS PA LA PHYI'I 'BYUNG BA LNGA DANG, 'BYUNG 'GYUR GYI BCUD BSDUS NAS GSOS PAS PHYI NANG GI RTEN 'BREL GYIS TSE NYAMS PA SOR CHUD NAS 'PHEL BA YIN ZHING, 'BYUNG LNGA'I BCUD SDUD PA'I GO RIM YANG SA CHU ME RLUNG GI RIM PAS MDZAD PA YOD KYANG, 'DIR 'JIG RTEN THOG MAR CHAGS PA'I TSE BZHI NAM MKHAS GO 'BYED PA DANG, DER RLUNG DKYIL SOGS SNOD BCUD KYI 'JIG RTEN RIM PAS CHAGS PA'I RTEN 'BREL DANG BSTUN NAS THOG MAR NAM MKHA' DANG, DE RJES RLUNG GI BCUD SDUD PA SOGS... MDZAD PA TSE 'PHEL BA'I RTEN 'BREL CHE BAS SPYI BO'I RIGS BDAG TSE DPAG MED KYI THUGS KA'I HR'I: YIG LAS 'OD ZER PHYOGS BCUR 'PHROS, 'BYUNG BA NAM MKHA'I BCUD THAMS CAD 'OD DANG BDUD RTZI SNGON PO MTHING ZHUN MA'I MDOG CAN GYI RNAM PA DANG, RLUNG GI BCUD THAMS CAD 'OD DANG BDUD RTZI LJANG GU MAR GAD KYI MDOG CAN GYI RNAM PA, ME'I BCUD THAMS CAD 'OD DANG BDUD RTZI DMAR PO MTSAL ZHUN MA'I MDOG CAN GYI RNAM PA DANG, CHU'I BCUD THAMS CAD 'OD DANG BDUD RTZI DKAR PO'I MA'I MDOG CAN GYI RNAM PA DANG, SA'I BCUD THAMS CAD 'OD DANG BDUD RTZI SER PO GSER ZHUN MA'I MDOG CAN GYI RNAM PA CAN LA DPAG TU MED PA BKUG STE PHYAG GI BUM PA'I NANG DU THIM, DE LAS BDUD RTZI KHA DOG SNA LNGA 'PHYUR ZHING LUD, RANG GI SPYI BO'I TSANGS BU GNAS ZHUGS TE SNYING GA'I 'KHOR LO SNGAGS PHRENG SA...

, ,BON DANG BCAS PA LA THIM, DE LAS BDUD RTZI'I RGYUN BABS PAS LUS KYI NANG THAMS CAD GANG; SDIG SGRIB NAD GDON, TSE'I BAR CHAD SBYANGS, NANG GI 'BYUNG BA LNGA'I BCUD DANG TSE NYAMS PA RNAMS SOR CHUD, 'CHI MED TSE'I... RIG 'DZIN THOB PAR BSAMS LA SNGAGS BZLA, GNYIS PA BSOD NAMS PA GSO BA'I DMIGS PA NI, RIGS BDAG TSE DPAG MED KYI THUGS KA'I HR'I: YIG LAS 'OD ZER DMAR PO DPAG MED 'PHROS, TSANGS DANG BRGYA BYIN, NYI ZLA GZA' SKAR, PAndI TA DANG GRUB THOB, 'KHOR SGYUR SOGS RGYAL BLON, MI NOR BTZAN PHYUG 'DZOMS PA, KLU CHEN BRGYAD SOGS LHA KLU MI GSUM GYI BSOD NAMS MNGA' THANG, MTHU STOBS, BKRAG MDANGS GZI BRJID, MKHAS DANG GRUB PA'I YON TAN, DPAL 'BYOR LONGS SPYOD SOGS SRID ZHI'I LEGS TSOGS THAMS CAD BKRA SHIS RTAGS RDZAS, RGYAL SRID SNA BDUN, 'OD DANG BDUD RTZI'I RNAM PAR BKUG STE RIGS BDAG GI PHYAG MTSAN BUM PA'I NANG DU THIM, DE LAS BDUD RTZI'I RGYUN 'PHYUR ZHING LUD PA SOGS GONG LTAR LA, BDUD RTZIS LUS GANG TSE'I BAR CHAD SBYANG, STOBS DANG BSOD NAMS NYAMS PA SOR CHUD, 'CHI MED TSE'I DNGOS GRUB THOB PAR BSAMS PA SNGAGS BZLA, GSUM PA DAM SDOM NYAMS PA GSO BA NI, SPYI BO'I RIGS BDAG TSE DPAG MED KYI THUGS KA'I HR'I: YIG LAS 'OD ZER... PHYOGS BCUR 'PHROS, RGYAL BA SRAS BCAS THAMS CAD DANG, TSE KHRID BRGYUD PA'I BLA MA RNAMS KYI SKU GSUNG THUGS KYI BYIN RLABS RNAMS SGROL DKAR YID BZHIN 'KHOR LO'I SKU DANG, GZUNGS SNGAGS, DBYANGS GSAL, RTEN SNYING SA BON T'Am YIG DANG PHYAG MTSAN

AUTPA LA LA SOGS PA'I RNAM PA DANG, 'OD DANG BDUD RTZI DKAR DMAR MTHING GSUM GYI RNAM PAR SPYAN DRANGS, PHYAG MTSAN BUM PA'I NANG DU THIM, DE LAS BDUD RTZI DKAR DMAR MTHING GSUM GYI RGYUN LUD PA SOGS GONG DANG 'DRA BA LA, BDUD RTZIS LUS GANG, LUS NGAG YID GSUM LA BRTEN PA'I SDIG SGRIB DANG DAM TSIG NYAMS CHAG SBYANG, SKU GSUNG THUGS KYI BYIN RLABS DANG, 'CHI MED TSE YI DNGOS GRUB THOB PAR BSAMS LA SNGAGS BZLA, TSE BSTIM PA NI, RANG GI THUGS KA'I SA BON GYIS RJE BTZUN MA'I LHA... TSOGS DPAG TU MED PA SPYAN DRANGS TE SPYI BO NAS ZHUGS, SNYING GAR THIM PAS DE RNAMS KYI SKU GSUNG THUGS DANG RANG GI SGO GSUM DBYER MED DU GYUR PAS 'CHI MED TSE'I RIG 'DZIN THOB PAR BSAM, YANG NA SKABS 'GAR SPYI BO'I RIGS BDAG TSE DPAG MED KYI THUGS KA'I HR'I:YIG LAS SPRO BSDU MA BYAS PAR, RANG GI SNYING GA'I SNGAGS 'KHOR DANG SA BON T'Am YIG LAS 'OD ZER SPRO BSDU BYAS TE YAR BA 'GUGS PA DANG, NYAMS PA GSO BA, NYAM PA GSO BA, TSE BSTIM PA SOGS GONG LTAR BGYIS KYANG RUNG, YANG 'DI'I LUGS KYI... DMIGS PA THUN MONG MA YIN PA NI, SNGAGS PHRENG SA BON DANG BCAS PA LAS 'OD ZER BSAM GYIS MI KHYAB PA 'PHROS PA'I SNE LAS MCHOD PA'I LHA MO MCHOD RDZAS SNA TSOGS THOGS PA DPAG MED SPROS TE RGYAL BA SRAS BCAS THAMS CAD MCHOD PAS MNYES PAR BYAS, DE RNAMS KYI SKU GSUNG THUGS KYI BYIN RLABS DANG, KHYAD PAR 'PHAGS MA YID BZHIN 'KHOR LO'I SKU GSUNG THUGS KYI BYIN RLABS DANG MTHU STOBS NUS PA MA LUS PA TSE'I BDUD RTZI DANG, SNYING GAR BSGOM PA LTA BU'I TSE 'KHOR SNGAGS KYI RANG SGRA SGROGS SHING

, ,'OD DANG BDUD RTZI'I RANG BZHIN CAN BDUD RTZI DKAR PO'I CHAR 'BEBS BZHIN PA DPAG TU MED PA SPYAN DRANGS TE SPYI GTZUG NAS ZHUGS, RANG DANG SNGAGS 'KHOR LA THIM PAS RANG GI SGO GSUM DANG RJE BTZUN MA'I SKU GSUNG... THUGS DBYER MED DU GYUR PA'I SKU LUS KYI NANG THAMS CAD YE SHES KYI BDUD RTZIS LTEMS KYIS GANG BAS 'CHI BA MED PA'I TSE'I RIG 'DZIN THOB PAR BSAM LA SNGAGS BZLA, YANG DMIGS PA MANG PO MA NUS PA'I TSE SNGAGS RE BRJOD PA DANG, MDUN GYI RJE BTZUN MA LAS RANG 'DRA GNYIS PA RE CHAD NAS THIM PA DANG, TSE 'KHOR RE BSTIM PA GANG MOS BYA, DE NAS, THUGS KA'I 'KHOR LO SNGAGS PHRENG DANG BCAS PA LAS KYANG 'CHI MED BDUD RTZI'I ZIL MNGAR GYI RGYUN DANG, 'OD ZER DKAR PO SNGAGS KYI SGRA SGROGS PA'I... TSOGS DPAG TU MED PA 'PHROS, RANG GI LUS KYI SPYI GTZUG NAS RKANG MTHIL GYI BAR THAMS CAD MER GYIS GANG, NANG GDON SDIG SGRIB DUS MA YIN PA'I 'CHI BA'I 'JIGS PA THAMS CAD BYANG ZHING DAG ,'CHI MED TSE'I DNGOS GRUB THOB, LUS KYI BA SPU'I BU GA... THAMS CAD BDUD RTZI'I ZIL PA KHROM ME YOD PAR BSAMS LA, AOm T'A RE TU TT'A RE TU RE BDAG GI TSE DANG BSOD NAMS 'PHEL BAR GYUR CIG SV'AH'A, ZHES PA'AM, AOm T'A RE TU TT'A RE TU RE MA MA A'A YUR PUn+YE DZNY'A NA PU shtIm KU RU SV'A H'A, ZHES PA GANG RIGS BRGYA RTZA RE TZAM DANG, GTZO BOR YI GE BCU PA BZLA, DMIGS PA NAM MI GSAL BA'I DUS SU SNYING GA'I SNGAGS PHRENG LAS BDUD RTZI DBAB CING 'OD ZER SPRO BSDU GONG BZHIN BYAS LA SNGAGS DANG DMIGS PA SPRAD DE SEMS YE MA GA-YENGS PAR BZLA BAR BYA'O, ,GZHAN DON DU BYED NA GONG DU SMOS...

PA LTAR THUGS KA'I T'Am YIG GI KLAD KOR RAM KHOG PA'I NANG DU RIM GRO BYED YUL GYI MI DE'I BYAD DBYIBS GSAL GDAB, DE'I RNAM SHES nI'I RNAM PAR BKUGS NAS BSTIMS, DE NAS NGO BO GANG ZAG DE KA LA RNAM PA RDO RJE RTZE LNGA PA'AM, H'Um YIG LTA BUR BSGOM, RANG GI SPYI BO'I TSE DPAG MED KYI THUGS KA NAS 'OD ZER 'PHROS, BSGRUB BYA'I TSE YAR BA DANG, 'THOR BA DANG, MI MA YIN GYIS BRKUS PA, 'PHROG PA, GTAD DU BCUG PA LA SOGS PA DANG, 'KHOR 'DAS KYI TSE BCUD THAMS CAD BSDUS NAS PHYAG GI BUM PA'I NANG DU ZHUGS, DE NYID GYEN DU 'PHYUR ZHING BUM PA'I KHA NAS LUD PA, RANG GI SPYI BO'I TSANGS BUG BRGYUD SNYING GA'I BSGRUB BYA'I SPYI BO NAS ZHUGS, SNGAGS PHRENG LAS KYANG BDUD RTZI DANG 'OD ZER GYI TSOGS 'PHROS, BSGRUB BYA'I LUS KYI NANG THAMS CAD GANG, TSE'I BAR CHAD THAMS CAD... ZHI BAR BYAS, 'CHI MED TSE'I DNGOS GRUB THOB PAR BSAM, T'Am YIG GI NANG DU BSGOM PA MA BDE NA, DE'I MDUN DU BSAM MA YANG CHOG LA, BSGRUB BYA THA MAL PA'I RNAM PA DE KA RDO RJE SOGS SU MA BSGYUR KYANG CHOG CING, MING YIG DANG PO THIG LES BRGYAN PA TZAM GSAL BTAB STE BSGRUB BYA DE'I NGO BOR BSAM YANG CHOG GO ,DE LTAR DMIGS PA GSAL BA'I NGANG NAS, AOm T'A RE TUTT'A RE SBYIN PA'I BDAG PO (CHE GE MO'I) TSE DANG BSOD NAMS 'PHEL BAR GYUR CIG SV'AH'A, (ZHES PA'AM, BLA MA'I SKU'I RIM GRO LTA BU LA,) DPAL LDAN BLA MA DAM PA CHE GE MO'I SKU TSE MDZAD 'PHRIN RGYAS PAR GYUR CIG ,CES PA LTA BU'I SPEL TSIG BOD SKAD DU SBYAR BA'AM, YANG NA, AOm T'A RE TUTT'A RE D'A NA PA TI R'A YU (SBYIN PA'I BDAG PO'I TSE,) ZHES SAM, GU RU nA M'A YU: (BLA MA RNAMS KYI TSE,) ZHES PA LTA BU SKABS THOB KYI SPEL TSIG BSGYUR BA'I MTHAR PUn+YE DZNY'A NA PUshtIm KU RU...

, ,SV'AH'A, ZHES PA LTA BU RGYA SKAD DU BSGYUR BA CI RIGS DANG YI GE BCU PA GANG 'GRUB BZLA, DE LTAR GZHAN DON DU SPEL TSIG KHA SGYUR BYED TSE GONG DU SNYING GA'I SNGAGS 'KHOR GYI LTE BA'I T'Am YIG GI MTHAR, MA MA A'A YU: ZHES SOGS 'GOD PA'I... TSAB TU SKABS SO SO'I SPEL TSIG GANG SBYAR BA DE NYID 'GOD DGOS PA SHES PAR BYA'O, ,YANG BLA MA DANG SBYIN BDAG SOGS GZHAN DON DU YIN YANG BZLAS PA'I DUS SKABS THOB KYI SPEL TSIG BSGYUR BA SOGS MA SHES PA'AM MI SPRO NA 'DI LTAR BYA STE, DANG PO LHA BSKYED GZHI'I... SA BON T'Am YIG BSGOM PA DE YANG RANG DANG SBYIN BDAG GNYIS KA'I SEMS NYID KYI NGO BO GCIG TU MOS PA DANG, DE LAS SKYES PA'I SGROL MA DKAR MO'I SKU BSGOM PA DE'ANG NGO BO RANG DANG SBYIN BDAG DBYER MED KYI NGO BO YIN PA LA RNAM PA SGROL DKAR YID BZHIN 'KHOR LO'I RNAM PA CAN DU BSGOM PA STE, DE YANG YE SHES KYI SNANG BA LAS GRUB PA SNANG TZAM RANG BZHIN STONG PA NYID DU BSGOM PA YIN LA, SNGAGS BZLA BA'I TSE THUGS KAR 'KHOR LO DKAR PO RTZIBS BRGYAD PA'I LTE BAR T'Am YIG DKAR PO BSGOM PA DE YANG RANG DANG SBYIN BDAG DBYER MED PA'I THUGS... SROG GI RANG BZHIN DU MOS NAS DE'I KLAD KOR RAM KHOG PA SBUBS STONG GI NANG DU RANG DANG SBYIN BDAG GNYIS KA'I GZUGS BRNYAN JI LTA BA RE YOD PAR GSAL BTAB NAS YI GE BCU PA BZLA BA DANG, TSE SGRUB SNGAGS KYI SPEL TSIG KYANG KHA BSGYUR SOGS MI DGOS PAR MA MA A'A YU: PUn+YE DZNY'A NA PUshtIm KU RU SV'AH'A, ZHES PA STE DE BOD SKAD DU BSGYUR NA, BDAG GI TSE DANG BSOD NAMS YE SHES RGYAS PAR MDZOD CIG CES PA 'DI NYID GCIG PU BZLAS NA YANG GONG GI DMIGS PA'I GNAD KYIS RANG DANG SBYIN BDAG GNYIS KA'I TSE BSOD RGYAS PA'I RGYUR 'GRO

BA YIN PAS SPEL TSIG KHA BSGYUR DANG, DE DANG MTHUN PAR SNGAGS PHRENG SNYING GAR 'GOD LUGS SOGS SKABS THOB KYI KHYAD PAR SBYOR MI SHES PAR GZHAN DON DU TSE SGRUB BYED PA RNAMS KYIS DMIGS PA'I GNAD 'DI LTAR DU BYAS NA 'JUG PA BDE BAR GSUNGS, DE LTAR RANG GZHAN GANG GI DON DU BYED KYANG THUN 'JOG KHAR SPEL TSIG CAN BRGYA RTZA RE DANG, BRTAN BYED DU, DBYANGS GSAL, RTEN 'BREL SNYING PO RNAMS LAN GSUM RE BZLA, 'DI DAG GI TSE DMIGS PA GANG LA DMIGS NAS BZLAS BRJOD BYA BA'I TSUL BYA RGYUD SPYI'I LUGS... LTAR ZHIB CHA RGYAS BAR BYED 'DOD NA, BYA RGYUD BSAM GTAN PHYI MA LAS, SGRA DANG SEMS DANG GZHI LA GZHOL, ,GSANG SNGAGS MI 'GYUR GZHI LA GNAS, ,YAN LAG MA NYAMS GSANG SNGAGS BZLAS, ,NGAL NA BDAG LA NGAL BSOS SHIG ,CES GSUNGS PA LTAR BZLAS... BRJOD YAN LAG BZHI TSANG BAR BYAS TE BZLA DGOS LA, DE LA GZHI'I YAN LAG NI, SNGAGS 'KHOR GANG GI THUGS KAR 'GOD PA'I GZHI LHA'I SKU'O, ,DE LA GNYIS LAS BDAG NYID LHAR GSAL BAR BSGOM PA BDAG GI GZHI DANG, MDUN BSKYED KYI LHA BSGOM PA GZHAN GYI GZHI STE, DE GNYIS NI BZLAS BRJOD YAN LAG BZHI'I NANG NAS YAN LAG RE RE'O, ,SEMS LA GZHOL BA'I YAN LAG NI, MDUN BSKYED KYI THUGS KAR RANG GI SEMS ZLA BA'I DKYIL 'KHOR GYI RNAM PAR GSAL BAR DMIGS PA'O, ,SGRA LA GZHOL BA'I YAN... LAG NI, DE'I STENG DU GANG BZLA BAR BYA BA'I SNGAGS KYI YIG 'BRU GSAL BAR DMIGS PA'O, ,DE LTAR NGES PAR BYAS NAS BZLAS BRJOD BYA BA'I TSUL DNGOS LA GNYIS, YI GE'I GZUGS LA DMIGS PA DANG, RANG GI THUGS KA'I YI GE'I GZUGS LA DMIGS

, ,PA'I BZLAS PA'O, ,DANG PO NI, SKABS 'DIR MDUN BSKYED GSAR DU BSKYED PA MED PAS SNGAR TSOGS ZHING SPYAN DRANGS PA MA BSDUS PA DE NYID GZHAN GYI GZHI'I YAN LAG TU BYAS NAS, MDUN GYI LHA'I THUGS KAR ZLA BA'I DKYIL 'KHOR GYI STENG DU BZLAS BYA'I SNGAGS KYIS MTSAN PAR GYUR PAR BSAM STE, SNGAR BSHAD PA'I BZLAS BRJOD KYI YAN LAG BZHI TSANG BA'I SGO NAS MDUN BSKYED KYI LHA'I SKU DANG THUGS KA'I ZLA GDAN DE'I STENG GI SNGAGS KYI YI GE GSUM GA LA GZHAN DU MA YENGS PAR DUS... GCIG TU GSAL BAR DMIGS TE SROG RTZOL LAM DBUGS 'BYUNG RNGUB BSDAMS TE YID KYIS SNGAGS BZLAS BRJOD BYA ZHING, DBUGS GTONG BA NA SNGAGS MA BZLA BAR RANG LHAR BSGOMS PA'I SKU LA SEMS GTAD NAS 'DUG CING, YANG SNGAR BZHIN RLUNG... BZUNG NAS BZLAS PA BYA'O, ,GNYIS PA RANG GI SNYING GA'I YI GE'I GZUGS LA DMIGS PA'I BZLAS BRJOD NI, RANG GI MDUN GYI LHA RANG LAS HA CANG MI RING BAR RANG GI TSAD LAS CUNG ZAD MTHO BAR BSGOMS LA DE'I THUGS KAR ZLA BA'I STENG DU SNGAGS PHRENG BKOD PA DE RLUNG NANG DU 'JUG PA DANG LHAN CIG TSUR RANG LHAR GSAL BA'I SNYING GAR SPOS LA, YI GE'I GZUGS LA DMIGS NAS DBUGS 'BYUNG RDUB BSNGAMS TE PHYIR MA BTANG GI BAR DU BZLAS BRJOD BYA ZHING, RLUNG GTONG BA NA DE DANG MNYAM DU ZLA BSNGAGS PHRENG DANG BCAS PA PHYIR BTANG NAS MDUN GYI LHA'I THUGS KAR GNAS PAR BSAM ZHING, YANG SNGAR BZHIN RANG GI SNYING GAR SPOS LA BZLA BAR BYA'O, ,GNYIS PA YI GE'I SGRA LA DMIGS PA'I BZLAS BRJOD NI, BZLAS BRJOD KYI YAN LAG BZHI THOG MAR GSAL BTAB LA, DE

NAS SNGAR GYI YI GE'I GZUGS DANG ZLA BA DANG LHA'I SKU LA MI DMIGS PAR SNGAGS KYI SGRA'I GDANGS LA DMIGS NAS ZLO BA STE, DE YANG SNGAGS GZHAN GYIS BTON PA RANG GIS NYAN PA LTA BU MIN GYI, RANG GIS ZLO BA'I TSE NA SNGAGS DE'I SGRA GRAGS PAR DMIGS NAS BYED PA'O,, DE LTAR DMIGS PA GSUM PO RE RE LA'ANG SHUB BU'I BZLAS PA BYA BA DANG, SROG RTZOL SDOM PA'I YID BZLAS BYA BA STE BZLAS PA GNYIS GNYIS YOD PAS DE'I GO RIM NI THOG MAR RLUNG NANG DU MA BZUNG BAR, DMIGS PA DE DAG LA GNAS PA'I SHUB BU'I BZLAS PA CI 'GRUB RE BYA ZHING, DE LA SEMS GZHAN DU MI GA-YENG BAR BRTAN PA NA, DE NAS SROG RTZOL BSDAMS TE YID BZLAS RE BYED DGOS, GONG DU BDAG MDUN GYI LHA'I THUGS KAR ZLA BA'I DKYIL 'KHOR GYI STENG DU SNGAGS PHRENG BKOD PAR BSHAD PA 'DI DAG LA CHO GA'I NANG GSAL THUGS KAR ZLA BA'I RANG BZHIN GYI TSE YI 'KHOR LO RTZIBS BRGYAD SNGAGS PHRENG DANG BCAS PA GSAL BA DES CHOG CING, DE LAS LOGS SU MI DGOS, 'DI DAG GI SKABS SU SNGAGS RIM LAS, BYA RGYUD LA BRTEN PA'I SGRUB THABS MDZAD PA'I RGYA GAR BA GZHAN GYIS NI, SNGAGS PHRENG LAS 'OD ZER 'PHROS PAS SANGS RGYAS MCHOD PA DANG, SEMS CAN GYI DON BYED PA'I DMIGS PA'ANG BSHAD DO, ,ZHES GSUNGS PA LTAR, SKABS 'GAR DE LTA BU'I DMIGS PA BYA BA'ANG MI 'GAL LA, SNGAR SMOS PA'I TSE SGRUB KYI DMIGS PA RNAMS KYANG SBYAR... BAS CHOG GO, ,GONG GI BSAM GTAN PHYI MA'I LUNG, NGAL NA BDAG LA NGAL SOS SHIG ,CES PA'I DON NGAL GSO BA NI GA-YENG BA SPANG BA'I PHYIR DU BYED PAR GSUNGS PAS, SPROS PAS GA-YENGS NA DMIGS PA RNAMS RIM GYIS BSDUS NAS MTHAR STONG PA NYID LA MNYAM PAR

, ,'JOG CING, DE NAS SGYU MA LTA BUR LDANG BA SOGS DMIGS PA'I KHYAD PAR RNAMS ZHIB PAR SHES 'DOD NA BYA RGYUD KYI GZHUNG CHEN MO SPYI DANG, LHAG PAR 'JAM MGON BLA MA'I LEGS BSHAD SNGAGS RIM CHEN MO, MKHAS GRUB RJE'I RGYUD SDE SPYI RNAM, GZHAN YANG 'DUL 'DZIN GRAGS PA RGYAL MTSAN, TSE GLING YONGS 'DZIN PAndI TA SOGS KYI GSUNG LAS RGYA CHER BSTAN PA RNAMS KHONG DU CHUD PAR BYA'O, ,NGAG BZLAS KYI TSE DPUNG BZANG GI RGYUD LAS, BZLAS BRJOD BYED TSE MI MYUR MI DAL ZHING,, SGRA CHER MA YIN HA CANG CHUNG BAS MIN, ,SMRA BZHIN MA YIN GZHAN DU GA-YENGS BZHIN MIN, ,GUG SKYED KLAD KOR TSEG RNAMS NYAMS PAS MIN, ,ZHES GSUNGS PA LTAR BZLAS PA'I SKYON BRGYAD DANG BRAL BAR BZLA ZHING, BZLAS PA'I 'PHRO LA GNYID BRO BA'AM, GLAL BA; SGRID PA, LU BA, 'OG RLUNG DANG, THA MAL GYI GTAM DANG, NOR NAS LHA GZHAN GYI SNGAGS BZLAS PA DANG, BSHANG GCIS SPAGS PA SOGS BYUNG NA NYE REG BYAS KHA BSHAL TE, GRANGS KYI THOG MA NAS BRTZAM DGOS SHING, DE YAN CHAD BZLAS PA'I GRANGS SU... MI GZHUG STE, LEGS GRUB KYI RGYUD LAS, SNGAGS KYI NOR BU MA RDZOGS BAR, ,BZLAS BRJOD GRANGS SU MI GZHUG GO ,ZHES SO, NYE REG BYA TSUL NI, LAG PA GNYIS BKRUS, TZOG PUR 'DUG CING NGAG MI SMRA BAR LAG PA GNYIS PUS MO'I NANG DU 'ONG BA BYAS PA'I... GA-YON PA'I MTHIL DU CHU GTZANG BLUGS GA-YAS KYI GUNG MO DANG SRIN LAG GIS BLANGS TE, KHA LA LAN MANG DU BYA BAS SHING, LAN GNYIS GSUM DU RNA BUG GNYIS, MIG GNYIS, SNA; KHA; LAG PA, LTE BA, MGO RNAMS SU REG CIG BYA BAS, CHU HUB GSUM

TZAM 'THUNG BA'I RJES SU MCHU LA LAN GSUM PHYI BAR BYA'O, ,GZHAN YANG BGEGS KYIS BRLAMS PA DANG, NAD KYIS GZIR BA DANG, LHOD PA DANG, BAG MED PA DANG, LUS DANG SEMS SKYO BA DANG, CHO GA JI SKAD BSHAD PA'I DUS LAS 'DAS PAR BYAS PA DANG, MA BSDAMS PA DANG MI GTZANG BAS BZLAS BRJOD BYAS PA DANG, MTSAN MO RMI LAM NGAN PA BYUNG BAS NYIN MO RIGS KYI BDAG PO'I SNGAGS BRGYA RTZA MA BZLAS PAR BZLAS BRJOD BYAS PA RNAMS BZLAS PA'I GRANGS SU MI GZHUG PAR LEGS GRUB KYI RGYUD LAS GSUNGS SO, ,DE LTAR BZLAS PA TSAR NAS TSE PHUR GDAB PA NI, RANG SGROL MAR GSAL BA'I THUGS KA'I SNGAGS 'KHOR RE ZHIG BTANG SNYOMS SU BZHAG NAS NGAR DKAR GYI GUR PHUB PA LTA BU'I STONG SANG NGE BA'I DBUS DRANG POR SROG RTZA SHEL GYI KA BA BTZUGS PA LTA BU, YAR SNE SPYI BOR CUNG ZAD MA REG CI DI, MAS SNA... GSANG GNAS LA CUNG ZAD MA REG PA'I YAS SNER THIG LE DKAR PO BDE BA'I RANG BZHIN CAN DANG, MAR SNER THIG LE DMAR PO DROD KYI RANG BZHIN CAN GYIS BKAG PA, SNYING GA'I THAD KYI NANG DBUS SU RLUNG SEMS KYI NGO BO T'Am YIG DKAR PO 'OD ZER 'PHRO BA ZHIG BSGOM, RLUNG RO BSAL, DE NAS T'Am LAS BYUNG BA'I SROG GI RLUNG SNGO DMAR GYIS SROG RTZA'I NANG 'GRO 'ONG MED PAR GANG BA LA SEMS GTAD DE RLUNG BUM CAN CI RIGS SU 'DZIN, MTHAR YIG BRGYA LAN GSUM BZLAS LA, RIGS BDAG GI SKU LAS BDUD RTZA'I RGYUN BABS PAS SNGAGS MA DAG PA DANG, CHAD LHAG SOGS KYI NYES PA DAG NAS SNGAGS KYI DNGOS GRUB DANG, BYIN RLABS BRTAN PAR BYAS PAR BSAM, MCHOD BSTOD MDOR BSDUS BYA, DE NAS GTOR MA 'BUL BA NI, 'DIR 'JIG RTEN LAS 'DAS PA'I LHA LA GTOR MA 'BUL BA SNGAGS RIM DU DNGOS SU MA GSUNGS KYANG, BYA...

, ,RGYUD LEGS GRUB KYI GTOR MA'I CHO GA RIM PAR PHYE BA LAS, SGRUB PA POS BSHOS KYI MCHOD PA MA PHUL NA RTZUB CING MDOG NGAN PA DANG, BKRES PAS GDUNG BA DANG, RNAM RTOG MANG PO 'BYUNG BA DANG, LHA MI 'GRUB CING GEGS KYIS... ZIL GYIS GNON PA 'BYUNG BAS, DUS TSIGS RNAMS LA CI 'BYOR PA'I BSHOS PHUL BA LA NAN TAN BYA BAR GSUNGS SHING, GZHAN YANG GSANG BA SPYI RGYUD DANG, 'JAM DPAL RTZA RGYUD SOGS RGYUD SDE BA ZHIG NAS DNGOS GRUB MYUR DU 'GRUB PA'I RGYUR GTOR MA SHIN TU BSNGAd SHING, BYA RGYUD KYIS GRUB THABS TSAD LDAN GZHAN MANG POR YANG BYUNG BAS, 'DIR GONG DU BSHAD PA LTAR GTZANG ZHING RUNG LA GYA NOM PA'I GTOR MA DANG, MCHOD PA BSHAMS PA RNAMS BYIN GYIS BRLABS DGOS PAS, (MCHOD PA AA MRi TAS BSANG SBYANGS,) STONGS PA'I... NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD YON NAS ROL MO RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A: H'Um NAS SHAPTA A'A: H'Um GI (BAR GYIS BYIN GYIS BRLAB, GTOR MA BSANG SBYANGS,) STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA'I NANG DU AOm A'A: H'Um LAS BYUNG BA'I GTOR MA PHUL DU BYUNG BA'I LHA RDZAS SU GYUR, AOm A'A: H'Um (GSUM GYIS BYIN GYIS BRLAB, GTOR MA 'BUL YUL SNGAR TSOGS ZHING MA BSDUS PAR YOD NA DE DANG MED NA GSAR DU SPYAN 'DREN DGOS PAS,) RANG GI THUGS KA'I T'Am YIG LAS 'OD ZER 'PHROS, RANG BZHIN GYI GNAS NAS RJE BTZUN MA YID BZHIN 'KHOR LO LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, LJAGS RDO RJE'I 'OD ZER GYI SPU GUS GTOR MA'I BCUD THAMS CAD DRANGS TE GSOL BAR...

GYUR, (YI GE BCU PA LA AA) K'A RO (BTAGS PA GSUM MAM BDUN GYIS PHUL,) AOm A'ARYA T'A RE AARGHAm (SOGS CHU GNYIS NYER SPYOD KYIS MCHOD CING BSTOD,) BCOM LDAN 'DAS RJE BTZUN MA SGROL MAS BDAG (GAM CHE GE MO'I) TSE'I BAR CHAD THAMS CAD ZHI BAR BYIN GYIS BRLAB TU GSOL, 'CHI MED TSE'I DNGOS GRUB STZAL DU GSOL, (ZHES PA LTA BUS 'DOD DON LA GSOL BA BTAB, MTSAMS 'DIR SGROL MA'I BKA' SDOD KshETRA P'A LA DANG, 'JIGS BYED CHEN MO GNYIS LA GTO RAS 'BUL NA LEGS PAS, SNGAR BSHAMS PA'I GTOR MA 'BRU GSUM GYIS BYIN GYIS BRLABS NAS,) RANG NYID YID BZHIN 'KHOR LOR GSAL BA YI, ,THUGS KA'I... 'OD KYIS 'PHAGS MA'I BKA' SDOD MCHOG ,KshE TRA P'A LA MI DKAR DAR THOD CAN, ,PHYAG GNYIS BSAM 'PHEL DBANG GI RGYAL PO 'DZIN, ,RAB DKAR GOS BZANG MDZES PAR GYON PA DANG, ,CHOS SKYONG 'JIGS BYED CHEN MO BUD MED GZUGS, ,PHYAG GNYIS MDA' DAR TSE... YI BUM PA 'DZIN, ,SKU MDOG SNGO BSANGS DAR DANG RIN PO CHE'I, ,RGYAN GYIS MDZES PAR BRGYAN PA'I RNAM PA GNYIS, ,SKAD CIG GNAS 'DIR BADZRA S'A MA DZA: (ZHES PAS SPYAN DRANGS NAS, GTOR MA PHUL BA DGYES PAS BZHES PAR BSAM LA, NAM MKHA' MDZOD KYI SNGAGS PHYAG RGYA DANG BCAS TE,) AOm MAH'A... KshE TRA P'A LA YA AI DAm BA LINGTA KHA KHA KH'A HI KH'A HI, (ZHES PA LAN GSUM GYIS ZHING SKYONG CHEN PO LA DBUL, DE BZHIN DU,) AOm d'A KI NI MAH'A BHEE RA WE AI DAm BA LINGTA KHA KHA KH'A HI KH'A HI, (ZHES PA LAN GSUM GYIS MKHA' 'GRO 'JIGS BYED CHEN MO LA DBUL, DE NAS,) AOm BADZRA PUshPE (SOGS NAS,) NEE WIDYA A'A: H'Um, (ZHES PA'I BAR GYIS MCHOD,) SNGON TSE RJE BTZUN SGROL MA'I SPYAN SNGA RU, ,BSTAN PA BSRUNG DANG 'GRO LA PHAN GDAGS SHING, ,GANG BCOL 'PHRIN LAS SGRUB PAR DAM BCAS PA, ,ZHING SKYONG 'JIGS BYED CHEN MO BCAS LA BSTOD, ,MCHOD SBYIN GTOR MA 'DI BZHES LA, ,RNAL 'BYOR BDAG CAG

, ,'KHOR BCAS (SOGS NAS,) YID LA 'DOD PA KUN 'GRUB MDZOD, (,CES PA'I BAR GYIS 'PHRIN LAS BCOL,) BKA' SDOD 'DI GNYIS NI BLA MA GNYAN LO TZ'A BAS SGROL MA'I BSNYEN PA MDZAD PA'I DUS SU KshE TRA P'A LAS 'ONGS TE, NGA SGROL MA'I BKA' SRUNG YIN NGA LA GTOR MA BYIN CIG DANG, NGAS KHYOD SANGS RGYAS PA'I BAR GYI YON BDAG BYA YIS, NGA'I SROG GI SNYING PO 'BUL GYI ZHES SMRA ZHING, AOm KshE TRA P'A LA TZI TA KA YU BHE RA TA PA H'Um HA HO PHAd SV'AH'A, ZHES PHUL NAS MI SNANG BAR GYUR TO; ;DE RJES TZAM NAS 'JIGS BYED CHEN MO 'ONGS NAS, NGA SGROL MA'I BKA' SDOD YIN, NGAS KHYOD LA SROG GI SNYING PO SBYIN GYI, BSNYEN PA KHRI GYIS LA GTOR MA BYIN CIG ,NGAS 'PHRIN LAS BZHI SGRUB CES SMRA ZHING, AOm d'A KI NI DZVA LA TZI TA KE RA TE RU... BH'A YA SV'AH'A, ZHES DBUL LO, ,SROG SNYING 'DI GNYIS SNGAR GYI YI GE RNYING PA'I RGYUN 'BYAMS SONG BAS SNGAGS DAG PO MA BYUNG BAS GTOR MA 'BUL BA LA'ANG MTSAN SNGAGS KYIS CHOG PAR BYAS PA YIN, DE MIN SROG SNGAGS DAG PA ZHIG BYUNG NA, DE LA GTOR SNGAGS BTAGS NAS 'BUL NA'ANG CHOG GO ,SNGAGS RIM LAS BSNYEN PA'I SKABS SU 'BYUNG PO LA GTOR MA BYA BAR GSUNGS PA LTAR GTOR MA'ANG BYA'O, ,ZHES GSUNGS PA DANG, BYA RGYUD KYI CHO GA PHAL MO CHER CHA GSUM GTONG BA'I SROL... LTAR, 'DIR YANG GRUB NA 'JIG RTEN PA RNAMS LA GTOR MA CHA GSUM SPYI 'GRO LTAR GTONG THUB NA LEGS SHING, MA GRUB KYANG 'GAL BA MED, GZHI BDAG GTOR MA YOD NA BSNGO, GTOR MGRON GYI LHA LA GTANG RAG GI MCHOD PA GSAR DU BSHAM PA'Am...

KHA GSOS LA BYIN GYIS BRLABS, AOm A'ARYA T'A RE AARGHAm SOGS KYIS CHU GNYIS NYER SPYOD ROL MO DANG BCAS PAS SNGAR BZHIN MCHOD, BSTOD PA RGYAS BSDUS GANG RUNG GIS BSTOD, YI GE BRGYA PA LAN GSUM BZLAS LA, ME TOG DANG BCAS PA'I THAL MO SNYING GAR SBYAR... LA; GANG YANG BDAG BLO RMONGS PA YIS, ,NYES BYAS CUNG ZAD GANG BGYIS BA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE... KUN GTZO BOS BZOD MDZAD RIGS, ,ZHES NONGS PA BZOD PAR GSOL TE BSTAN PA RGYAS PA LA SOGS PA'I 'DOD PA'I DON LA GSOL BA GDAB, RTEN YOD NA 'DIR NI GZUGS DANG LHAN CIG TU, ,ZHES SOGS KYI BRTAN BZHUGS DANG, RTEN MED NA, AOm; KHYED KYIS... SEMS CAN DON KUN MDZAD, ,CES PA NAS, SLAR YANG 'BYON PAR MDZAD DU GSOL, ,BADZRA MU: ZHES GTOR MGRON RANG GNAS SU GSHEGS PA'AM, YANG NA, RANG LA BSTIM PA GANG RUNG BYA, DE NAS NYER BSDU BYA BA NI, RANG GI THUGS KA'I T'Am YIG LAS 'OD ZER 'PHROS, SNOD BCUD THAMS CAD LA PHOGS PAS DE RNAMS 'OD DU ZHU NAS 'OD MCHIN KHA'I GUR KHANG LA THIM, DE 'OD LJANG KHU'I GUR KHANG LA THIM, DE 'OD MTHING KA'I GUR KHANG LA THIM, DE 'OD DMAR PO'I GUR KHANG LA THIM, DE 'OD SER PO'I GUR KHANG LA THIM, DE 'OD DKAR PO'I GUR KHANG LA THIM, DE 'KHOR LO'I GUR KHANG LA THIM, DE RANG RJE BTZUN MAR GSAL BA LA THIM, DE THUGS KA'I 'KHOR LO SNGAGS PHRENG DANG BCAS PA LA THIM, DE T'Am YIG LA THIM, DE'I KHOG PA MGO BO LA THIM, MGO BO ZLA TSES LA THIM, ZLA

, ,TSES THIG LE LA THIM, THIG LE N'A DA LA THIM, N'A DA YANG MI DMIGS PA 'OD GSAL STONG PA NYID KYI NGANG DU GYUR PAR BSAM LA, JI TZAM GNAS KYI BAR DU MNYAM PAR GZHAG ,RTOG PA 'PHRO NA, RANG GI DPRAL BAR AOm, MGRIN PAR A'A: THUGS KAR H'Um GIS MTSAN PAR BSAM LA, SGO GSUM LA BAR CHAD 'JUG PA'I SKABS KYIS MI PHYED PA'I BSRUNG BA BYA, YANG NA GUR KHYIM DRUG LA SOGS PA'I BSRUNG 'KHOR MA BSDUS PAR SPYOD LAM THAMS CAD DU RANG NYID DE LTA BU'I GUR KHYIM GYI NANG DU GNAS PA'I MOS PA BYAS KYANG CHOG PAS, DE LTAR BYED NA GUR KHYIM BSDU BA'I TSIG DOR NAS, RANG RJE BTZUN MAR GSAL BA 'OD DU ZHU NAS THUGS KA'I 'KHOR LO SNGAGS PHRENG DANG BCAS PA LA THIM ZHES PA MAN CHAD GONG LTAR BYA, DGE BA 'DI YIS MYUR DU BDAG ,RJE BTZUN SGROL MA 'GRUB GYUR NAS, ,ZHES SOGS DANG, DUS MIN 'CHI BA'I MTSAN MA MTHONG BA NA, ,DE YI MOD LA YID BZHIN 'KHOR LO'I SKU, ,GSAL BAR MTHONG NAS 'CHI BDAG DPA' BCOM STE, ,'CHI MED RIG 'DZIN MYUR DU 'THOB PAR SHOG ,LO BRGYA THUB CING STON BRGYA MTHONG BA DANG, ,ZHES SOGS BSNGO SMON SHIS BRJOD BYA, ,DE LTAR NYIN RE BZHIN THUN DRUG GAM GSUM DU BYED PA'AM, THUN BZHI BYAS KYANG CHOG LA, SLAR THUN LA 'JUG PA NA, THUN RE BZHIN THOG MAR YAN LAG LNGA'I KHRUS SAM NYE REG GANG RUNG GI GTZANG SBRA LA GNAS PAR BYA BA GAL CHE ZHING, GTZANG SBRA MA BYAS PA'I BZLAS BRJOD RNAMS BZLAS PA'I GRANGS KYI KHA SKONG MI RUNG BAR LEGS GRUB KYI RGYUD LAS GSUNGS PAS KHRUS DANG GTZANG SBRA SOGS BYA RGYUD NAS GSUNGS PA'I DAM TSIG RNAMS TSUL...

BZHIN BYA ZHING, DE NAS SKYABS SEMS NAS BRTZAMS BZLAS PA'I MJUG BAR GONG BZHIN BTANG LA BZLAS PA'I SKABS SNYING GA'I CHO 'KHOR DANG 'KHOR LO'I GUR KHANG 'OD ZER DRUG SGRAGS DANG RIGS BDAG GI SPRO BSDU'I DMIGS PA, THUN MONG MA YIN PA'I... DMIGS PA TSE 'KHOR BSTIM PA RNAMS GTZO BOR BYA ZHING, MTHAR TSE PHUR GDAB PA TSAR RE BSGOM, GRUB RGYAL LUGS LTAR TSE YAR 'GUGS BSTIM PA'I DMIGS PA RNAMS DANG, 'GOG BZLAS, RDOR BZLAS SOGS DMIGS PA GZHAN RNAMS THAMS CAD MA THUB NA RE MOS LTA BUR BSGOM CHOG ,THUN MTHAR GTOR MA 'BUL BA THUN RE BZHIN MA THUB NA BZLAS PA'I MJUG MCHOD BSTOD TSAR NAS NYER BSDU DANG BSNGO SMON SHIS BRJOD BYAS NAS THUN GROL LA, THUN MTHA' MA'I MJUG GTOR MA NGES PAR 'BUL, THUN... MTSAMS SU YANG RIG PA RGYA YAN DU MI GTONG BAR DBANG PO'I SGO BSDAMS NAS SPYOD LAM THAMS CAD DU RANG RJE BTZUN MAR MOS, SNANG BA SKU, SGRA GRAGS SNGAGS, DRAN RTOG THUGS SU MOS TE THAMS CAD KYANG BDEN MED SGYU MA CHOS NYID KYI ROL PAR LAM DU... 'KHYER BA'I 'KHYER SO GSUM GYI RNAL 'BYOR DANG, ZAS SKOM 'BRU GSUM GYI BDUD RTZIR BYIN GYIS BRLABS LA, RANG NYID LHAR GSAL BA LA MCHOD PA'I TSUL DANG, GOS STAN RNAMS KYANG 'BRU GSUM GYIS YE SHES RANG SNANG GI RGYAN DU BYIN GYIS BRLABS LA LONGS SPYOD, NYAL BA'I TSE GONG GI SDUD RIM LTAR STONG BA'I NGANG LA BLO BZHAG PA STE SPROS MED KYI NANG DU NYAL BA'AM, YANG NA RANG SGROL MAR GSAL BA'I THUGS KA'I T'Am YIG 'OD 'BAR BA LA SEMS GTAD NAS GNYID DU 'GRO BA GANG BDER BSLAB, LDANG BA'I TSE

, ,YI DAM NAM MKHAR BYON NAS YI GE BCU PA'I SGRAS BSKUL BAR BSAM LA, STONG PA'I NGANG LAS LHA SKUR LDANG BA'AM TING 'DZIN LAS BZHENGS PA'I MOS PA BYA, GZHAN YANG S'A TZTSA 'DEBS PA DANG, MAndAL, BSTOD PA, SKOR BA, CHOS SKYONG LA GTOR 'BUL 'PHRIN BCOL, SHER PHYIN SOGS KYI GSUNG RAB KLOG PA, CHAB GTOR GTONG BA, SROG BSLU, MCHOD PA DANG SBYIN GTONG, DUS MA YIN PA'I 'CHI BA LA SOGS PA LAS NGAN PA'I 'BRAS BU SMIN PA KHO NA YIN PAS TSE DANG... SHES RAB SGRUB PA SOGS GANG LA YANG THOG MAR SGRIB SBYANG GI RIGS 'DI SHIN TU GAL CHE BAS NYES LTUNG RNAMS PHYIR BCOS DANG, BSHAGS BSDAMS, RDOR SEMS SGOM BZLAS, LTUNG BSHAGS SOGS KYIS DAG PAR BYAS TE BSOD NAMS KYI LAS BZANG PO... GSAR DU 'DU BYED PA DANG, SPYI DANG BYE BRAG GI DGE BA'I BYA BA GANG 'GRUB LA 'BAD CING, NYIN RE BZHIN DU'ANG MCHOD PA'I SNOD RNAMS DKRU BA DANG, ME TOG PHUL BA RNAMS DUS GSUM DU 'PHYAG PA DANG, BLA GOS LA SOGS PA'I GOS RNAMS DUS GSUM DU GOS... BGO BA'I SNGAGS SAM, 'BRU GSUM GYIS SNGAGS SHING, BKRU BA'AM BDUG PA'AM, BSANG GTOR BYAS TE BGO BA SOGS TSUL BZHIN BYA'O, ,THUN GYI 'GOR KHRUS SAM NYE REG BYA BA SOGS KYI TSE CHU GANG BYUNG GIS MI RUNG BAR CHU GTZANG MA ZHIG GIS BYA DGOS SHING, RJE SHES RAB RGYA MTSO'I GSUNG BDE LAM ZIN BRIS LAS, ZHOGS PAR TSOGS PHOR NANG GI CHU KHAS BTUNG NAS KHRUS BYED PA NI GTZANG BA LAS BTZOG TU GTONG BAS DE RIGS MI RUNG BAR GSUNG ZHES GSUNGS, DE LTAR TSUL BZHIN SGRUB PAS BSNYEN

PA'I TSAD LA DUS DANG, MTSAN MA DANG, GRANGS KYI TSAD GSUM DU YOD PA LAS, DANG PO NI JO BO RJES 'BROM GYI DON DU MDZAD PA'I SGRUB THABS SRAS DON MAR GRAGS PA LAS, ZLA BA DRUG GIS 'GRUB PA YIN, ZHES DANG, DAG GI DBANG PHYUG GIS, RTZE GCIG PA YI SEMS KYIS NI, ,NGES PA BRTAN POR ZLA DRUG BSGOM, ,YI GE BCU PA'I SNGAGS 'DI NI, ,SKYO BA MED PA'I SEMS KYIS BZLA, ,ZHES DANG, DE NYID KYI SLOB MA THU BOS, CHED DU ZLA BA DRUG GI BAR, ,SGROL MA'I 'KHOR LO BSGOMS BYAS PAS, ,DNGOS GRUB THAMS CAD THOB 'GYUR ZHING, ,'CHI BA'I SKYON GYIS MI GOS SO, ,ZHES GSUNGS PA LTAR, YI GE BCU PA ZLA BA DRUG TU BZLA BA DUS KYI BSNYEN PA'I TSAD YIN LA, ZLA BA GSUM DANG ZLA BA GCIG LA SOGS PAR BZLAS PA CI 'GRUB BYAS PAS PHAN YON DPAG MED... 'BYUNG ZHING, THA MAR ZHAG BDUN TZAM LA MTSAMS BCAD DE RTZE GCIG TU BZLAS NA'ANG DUS MIN GYI 'CHI BA ZLOG NUS TE, 'ON KYANG DUS KYI BSNYEN PAR MI BZUNG NGO, GNYIS PA NI, RTAGS DNGOS SU LHA YI ZHAL MTHONG ZHING GSUNG THOS PA DANG, LAS DANG DNGOS... GRUB RNAMS THOGS MED DU 'GRUB PA SOGS MTSAN MA RAB BRTAN PO MA BYUNG GI BAR DU BZLA BA YIN LA, GZHAN YANG NYAMS DANG RMI LAM DU BLA MA THUGS DGYES PA, BUD MED CHAS BZANG GYON PAS PHRENG BA DANG, ZAS DKAR GSUM SBYIN CING LUNG STON PA, GOS DKAR PO GYON PA, RGYAN BZANG THOGS PA, CHU MIG RDOL BA, ME TOG 'THU BA, KHRI MTHON POR 'DUG PA, NYI ZLA SHAR BA, ROL MO BSGRAGS PA, GO KHRAB GYON PA, MKHAR RDZONG BTZAN POR 'DUG PA, PHYAG MTSAN DANG MCHOD RTEN SKU GZUGS MJAL BA,

, ,DAR 'PHYAR BA, DUNG 'BUD PA, 'JIGS PA LAS THAR BA SOGS DANG, KHYAD PAR GYI RTAGS DGE BSHES SPRE PA'I ZHAL NAS ME TOG DANG, S'ATZTSA RMIS NA 'CHI BA DANG...BAR CHAD BZLOG PA YIN NO, ,ZHES GSUNGS PA LTAR TE, 'DI DAG GANG RUNG YANG YANG BYUNG NA MTSAN MA'I BSNYEN TSAD DU MI 'JOG KYANG, RJE BTZUN MAS BYIN GYIS RLOB CING DNGOS GRUB 'GRUB PA'I RTAGS SU GSUNGS, GSUM PA NI, LEGS GRUB KYI RGYUD LAS, BCO LNGA MAN CHAD GRANGS RNAMS LA, ,SPYIR NA YI GE DU YOD... PA; ;DE SNYED 'BUM PHRAG BZLAS BRJOD BYA, ,YI GE SUM CU RTZA GNYIS LA, ,BZLAS BRJOD SUM 'BUM BYA BAR BSHAD, ,DE BAS YI GE MANG PO LA, ,SNGON DU BSNYEN PA KHRI BYA'O, ,ZHES GSUNGS PA LTAR, SPYIR BYA RGYUD KYI LHA'I BSNYEN PA'I TSAD SNGAGS... YIG 'BRU BCO LNGA MAN CHAD YOD PA RNAMS 'BRU 'BUM DU BZLA ZHING, YIG 'BRU BCO LNGA NAS SUM CU RTZA GNYIS BAR YOD PA RNAMS LA BSNYEN TSAD SUM 'BUM BZLA BA DANG, DE LAS YIG 'BRU MANG BA RNAMS LA BSNYEN TSAD KHRI PHRAG RE BZLA DGOS PAR BSHAD LA; BZLA BYA'I SNGAGS KYANG GZUNGS RING NGAM, SNYING PO NYE SNYING GANG RUNG GIS CHOG PAR DAM PA SNGA MA RNAMS KYIS BZHED CING, DES NA SKABS 'DIR YANG SLOB DPON CHEN PO TZANDRA GO M'IS, 'BUM PHRAG GSUM MAM 'BUM PHRAG DRUG ,'BUM PHRAG BCU... BZLAS LAS KUN 'GRUB, ,CES DANG, NGAG DBANG GRAGS PAS, SNGAGS NI YI GE'I GRANGS KYI 'BUM, ,ZHES GSUNGS PAS 'BRU 'BUM GCIG STE 'BUM PHRAG BCU NGES PAR BZLA BA BSNYEN TSAD YIN, 'O NA DGE BSHES SPYAN SNGA BA'I ZHAL NAS, 'DI'I BSNYEN PA 'BUm

TSO GCIG BSKYAL NA BAR CHAD GANG GIS KYANG MI TSUGS, 'DI 'PHRIN LAS KYI LHA YIN PAS 'GRUB SLA ZHING BGEGS MED CES GSUNGS PA DANG, GONG DU SMOS PA LTAR 'BUM PHRAG GSUM DANG, DRUG LA SOGS PA BZLA BAR GSUNGS PA GANG YIN SNYAM NA, DE NI BSNYEN PA SONG BA'I GANG ZAG GIS LAS SBYOR GYI TSE SGRUB KYI TSAD TZAM DU BSHAD KYI BSNYEN TSAD DU MI BZUNG NGO, ,TSE SGRUB RGYAS PAR BYED NA DANG POR BDAG BSKYED KYI SGO NAS BSNYEN PA 'BUM PHRAG BCU BTANG STE KHA SKONG GI ZHI BA'I SBYIN SREG BYAS NAS SLAR YANG TSE SGRUB KYI BSNYEN PA 'BUM PHRAG... GSUM MAM BZHI LA SOGS PA BYAS MTHAR RGYAS PA'I SBYIN SREG DANG, DUR BA'I SBYIN SREG BYAS NA PHUN SUM TSOGS PAR 'GYUR BA YIN, DE LTAR BSNYEN PA LEGS PAR SONG NAS, JI SKAD DU, RGYUD LAS, SNA TSOGS LAS NI RAB SGRUB PHYIR, ,SBYIN SREG LAS NI BSHAD PAR BYA, ,DE NI LHA YI KHA RU GSUNGS, ,SBYIN SREG DE NI RNAM PAR GNAS, ,SBYIN SREG LHA RNAMS TSIM PAR BYED, ,TSIM PA LAS NI DNGOS GRUB THOB, ,SNGAGS NI LHAG GAM MA TSANG NA, ,THAMS CAD SBYIN SREG DAG GIS SKONG, ,DE BAS SKU GSUM MCHOG BSKYED PAS,, SBYIN SREG GI NI BSNGAGS PA MDZAD, ,CES GSUNGS PA LTAR, BYANG SEMS SNGAGS LA SPYOD PA RNAMS KYIS NI, ZHI BA LA SOGS PA'I LAS RAB 'BYAMS KYI SGO NAS RANG GZHAN GYI DON BSGRUB DGOS LA, LAS DE DAG 'GRUB PA YANG BSGOM PA DANG BZLAS PAS RANG... GI LHA NYE BAR BYED PA'I BSNYEN PA GNAD DU SONG MIN LA RAG LAS SHING, DE 'DRA'I LHA'I THUGS RGYUD BSKUL BA'I BZLAS PA'I CHAD LHAG GI SKYON THAMS CAD SBYIN SREG GIS DAG PAR BYED PA DANG, BSGOMS PAS RANG LA LHA NYE BAR 'GYUR BA YANG SBYIN SREG GIS LHA TSIMS

, ,PAR BYAS PA LA BLTOS PA'I PHYIR RGYAL BA RDO RJE 'CHANG GIS SBYIN SREG GI BSNGAGS PA RGYA CHAR MDZAD PAS NA KHA SKONG GI ZHI BA'I SBYIN SREG NGES PAR BYA DGOS LA, DE'I TSUL NI LUGS 'DI'I SBYIN SREG GI CHO GA KHO BOS... LOGS SU BKOD PA LAS SHES PAR BYA'O, ,DE YANG RJES GNANG GI BYIN RLABS TZAM MA GTOGS DKYIL 'KHOR DU BCUG NAS DBANG BSKUR BZUR DU MED PA'I YI DAM SGROL DKAR LTA BU RNAMS KYI BSNYEN PA DANG SBYIN SREG BYED TSO RGYUD SDE BZHI GANG GI KHONGS YIN YANG DE YAN CHAD KYI RGYUD SDE GANG RUNG NGAM, RANG DANG RGYUD SDE RIGS GCIG PA'I YI DAM GYI DKYIL 'KHOR GANG YANG RUNG BA ZHIG TU DBANG BSKUR BA THOB CING DE'I LAS RUNG GI BSNYEN PA DANG KHA SKONG GI SBYIN SREG DANG BCAS PA SNGON DU BTANG MYONG BA ZHIG GIS... SGROL DKAR LTA BU'I BSNYEN PA DANG SBYIN SREG BYAS NA BYAS GO CHOD CING, DE MIN GO MI CHOD CES BLA MA RNAMS GSUNGS PAS BSNYEN PA RNAM DAG BLO BDE SENG NGE BA ZHIG BYED NA DE LTAR BYA, YANG GONG DU SMOS PA LTAR TSOGS ZHING MCHOD PA'I SKABS TSOGS ZHING MA BSDUS PAR BZHAG NAS DE NYID BDAG BSKYED KYI BZLAS PA'I SKABS GZHAN GYI GZHI'I YAN LAG TU BYAS TE BDAG MDUN GYI YI GE'I GZUGS DANG SGRA LA DMIGS PA'I BZLAS BRJOD YAN LAG BZHI'I BSAM GTAN BYED PA RJE BLA MA'I DGONGS PA YIN MOD, 'ON KYANG GAL TE 'DI'I SGRUB THABS PHAL CHER DU BDAG BSKYED KYI SNGON DU TSOGS ZHING GSHEGS GSOL BYED PA 'BYUNG BA LTAR BYAS NAS BZLAS PA'I SKABS YAN LAG BZHI TSANG BAR BYED 'DOD TSE, BU STON RIN PO CHE'I DON ZHAGS KYI CHO GAR, MDUN...

DU SANGS RGYAS KYI SKU RAS RIS YE SHES PA DANG DBYER MED DU BSAM, DE'I THUGS KAR ZLA BA'I DKYIL 'KHOR LA GZUNGS KYI YI GE'I GZUGS RNAMS CHOS BSKOR DU GSAL BAR BSAM, ZHES GSUNGS PA LTAR, BZLAS BRJOD KYI SKABS DE GAR MDUN... DU LHA GLO BUR DU GSAL GDAB PA'AM, YANG NA RANG LA BCUG PA'I YE SHES PA MDUN DU BZHUGS PAR MOS NAS DE NYID GZHAN GYI GZHI'I YAN LAG TU BYAS LA, DE'I THUGS KAR SNGAGS 'KHOR BKOD DE BZLAS BRJOD YAN LAG BZHI TSANG BAR BYED KYANG... CHOG PAR SEMS SO, ,LAS RUNG GI BSNYEN PA LA LHA'I NGA RGYAL GSAL SNANG DANG, TSE SGRUB SKABS TSE 'GUGS PA'I DMIGS PA GTZO CHE ZHING, LHAG PAR BYA RGYUD KYI LAM LA BRTEN NAS MCHOG THUN GYI DNGOS GRUB CHEN PO RNAMS 'GRUB PAR BYED PA LA NI BSNYEN PA'I SKABS BDAG NYID LHAR BSKYED PA'ANG CHO GA GSUM BSKYED MDOR BSDUS TZAM MA YIN PAR, RNAM 'JOMS KYI RGYUD RGYAS PA LAS, DANG POR KHRUS BYAS RNAL 'BYOR PAS, ,RDO RJE'I GDAN LA GNAS NAS NI, ,MCHOD DANG GSOL BAS LHA DRUG SGOM, ,STONG PA... YI GE SGRA GZUGS DANG, ,PHYAG RGYA MTSAN MA DRUG YIN TE, ,ZHES GSUNGS PA LTAR, DON DAM PA'I LHA, SGRA'I LHA, YI GE'I LHA, GZUGS KYI LHA, PHYAG RGYA'I LHA, MTSAN MA'I LHA STE LHA DRUG GI RNAL 'BYOR RDZOGS PAR BSGOM DGOS SHING, DE'I TSUL NI, SVA BH'A WA'I... SNGAGS DON DRAN CING BDAG DANG LHA'I DE KHO NA NYID DBYER MED DU BSAM PA DON DAM PA'I LHA DANG, STONG PA'I NGANG LAS YI GE BCU PA'I SNGAGS KYI GDANGS NAM MKHA'I KHAMS KHYAB PAR GRAGS PAR BSAM `PA SGRA'I LHA DANG, BDAG DANG LHA'I DE KHO NA NYID DBYER MED

, ,PA'I RNAM PA CAN GYI RANG SEMS ZLA DKYIL DU GYUR PA'I STENG SNGAGS KYI GDANGS NAM MKHAR GRAGS PA DE NYID YIG 'BRU BRIS PA'I RNAM CAN DU 'KHOD PAR BSAM PA YI GE'I LHA DANG, DE YONGS SU GYUR PA LAS AUTPA LA'I... LTE BAR SNGAGS KYIS MTSAN PA LAS SPRO BSDU BYAS TE RANG SEMS ZLA BA PHYAG MTSAN SNGAGS DANG BCAS PHA YONGS SU GYUR PA LAS RJE BTZUN MA'I SKUR GYUR PAR BSAM PA GZUGS KYI LHA DANG, PADMA'I RIGS KYI DAM RGYA DANG SNGAGS KYIS BYIN GYIS BRLAB PA NI PHYAG... RGYA'I LHA DANG, YE SHES PA BCUG DBANG BSKUR RGYAS BTAB SEMS PA GSUM BRTZEGS SU GSAL BA MTSAN MA'I LHA STE LHA DRUG GI RNAL 'BYOR BSGOM PA'I THOG ,SNGAR BSHAD PA'I BZLAS BRJOD YAN LAG BZHI'I BSAM GTAN BSGOM PA SNGON DU BTANG NAS, BSAM GTAN PHYI MA LAS, GSANG SNGAGS MER GNAS DNGOS GRUB STER, ,SGRA GNAS RNAL 'BYOR STER BAR DRAN, ,SGRA MTHAR THAR PA STER BA NYID, ,'DI DAG DE NYID GSUM PO YIN, ,ZHES GSUNGS PA LTAR MER GNAS KYI BSAM GTAN DANG, SGRA GNAS KYI BSAM GTAN, SGRA MTHAR THAR PA STER BA'I BSAM GTAN GSUM BSGOM PAR BYA DGOS SHING, TSUL JI LTAR BSGOM NA, DANG PO MER GNAS KYI BSAM GTAN NI, GONG DU BSHAD PA'I BZLAS BRJOD YAN LAG BZHI'I RNAL 'BYOR GYI RJES SU RANG LHAR BSGOM PA'I THUGS KAR... GSAL ZHING 'BAR BA, MAR ME LTA BU'I ME LCE BSGOMS PA'I NANG DU BDAG GI DE KHO NA NYID RTOGS PA'I RANG GI SEMS KYI DE NYID RNAM PA GANG BZLA BAR BYA BA'I SNGAGS KYI GDANGS SAM SGRA'I RNAM PAR DRIL BU'I SGRA BZHIN DU RGYUN MI 'CHAD PAR GRAG PA LA NYAN PA'I RNAM

PAS DBUGS 'BYUNG 'JUG BSDAMS TE BYING RGOD DANG BRAL BAR SEMS RTZE GCIG TU BZHAG NAS BSGOM MO, ,DE MTHAR PHYIN PA'I TSAD NI PHYI ROL DU BZA' BTUNG LA LONGS MA SPYAD KYANG BKRES SKOM GYI GNONG PA MI 'BYUNG BA DANG, NANG DU BDE DROD LA BRTEN PA'I TING NGE 'DZIN SKYE BA'O, ,GNYIS PA SGRA GNAS KYI BSAM GTAN NI, GONG BZHIN RANG LHAR BSGOMS PA'I THUGS KAR DRI MA MED PA'I ZLA BA'I DKYIL 'KHOR PHA BA'I NANG DU RANG 'DRA'I LHA'I SKU PHRA MO ZHIG BSGOMS PA'I THUGS KAR GSAL ZHING 'BAR BA MAR ME... LTA BU BSAM ZHING, DE'I NANG DU NGO BO RANG GI SEMS KYI NGO BO YIN PA LA RNAM PA SNGAGS KYI SGRA'I RNAM PAR GRAG PAR BSAMS LA SGRA 'BA' ZHIG LA SNGAR LTAR DBUGS 'BYUNG 'JUG BSDAMS TE RTZE GCIG TU BSGOM MO, ,'DI NI BZLAS BRJOD DANG BCAS PA'I SKABS KYI YI GE'I SGRA LA DMIGS PA DANG MI 'DRA STE, DE NI SHUB BU DANG YID BZLAS GANG YIN RUNG RANG GIS BZLAS PA'I SGRA LA DMIGS PA YIN LA, 'DI NI RANG GIS BZLAS PA MA YIN PAR ME'I NANG DU SNGAGS KYI SGRA GRAG PA LA LOGS NAS NYAN PA LTA BUR DMIGS PA STE, ME GNAS KYI SKABS SU'ANG 'DI DANG 'DRA'O, ,'DI LA DANG PO LHA'I SKU LA SOGS PA RIM GYIS GSAL BTAB STE, DE NAS LHA'I SKU LA SOGS PA GZHAN RNAMS YID LA MI BYED PAR SGRA 'BA' ZHIG LA SEMS 'DZIN PA YIN LA, ME GNAS KYI TSE ME DANG SGRA GNYIS KA LA SEMS 'DZIN PA YIN NO, ,DE MTHAR PHYIN PA'I TSAD NI, DPER NA LHA BSGOMS PA MTHAR PHYIN PA NA LHA GTZO 'KHOR THAMS CAD SKU MDOG PHYAG MTSAN SOGS MA 'DRES PAR MIG GIS MNGON SUM DU MTHONG BA LAS KYANG GSAL BA CIG

, ,CAR DU 'CHAR BA LTAR, 'DI YANG MTHAR PHYIN PA NA SNGAGS KYI YI GE'I SGRA SNGA PHYI RIM CAN DU 'CHAR BA MA YIN PAR RNA BAS MNGON SUM DU THOS PA BAS KYANG GSAL BA'I RNAM PA CIG CAR DU YID NGOR 'CHAR BA'O, ,DE THAMS CAD NI... MTSAN MA DANG BCAS PA'I RNAL 'BYOR RO, ,DE YANG SPYIR ZHI LHAG ZUNG 'BREL GYI TING NGE 'DZIN PHAR PHYIN THEG PA DANG SNGAGS KYI THEG PA GNYIS KA'I SKABS SU LAM GYI GZHUNG SHING LTA BUR MED DU MI RUNG BA YIN LA, DE LA PHAR PHYIN THEG PAR ZHI GNAS MTSAN NYID TSANG BA... BSGRUBS NAS DE LA BRTEN NAS LHAG MTHONG BSGRUBS TE DE MTSAN NYID TSANG BA GRUB PA NA ZHI LHAG ZUNG 'BREL DU 'GRO BA YIN ZHING, SNGAGS KYI SKABS SU LHA'I RNAL 'BYOR BSGOM PA NYID KYIS ZHI GNAS MTSAN NYID TSANG BA 'GRUB PA'I GNAD KYIS RGYUD SDE BZHI PO... GANG LAS KYANG ZHI GNAS LOGS SU SGRUB TSUL MA BSHAD LA, DES NA RGYUD SDE GONG MA GNYIS SU RAGS PA DANG PHRA BA'I LHA'I RNAL 'BYOR GNYIS MTHAR PHYIN PA NA ZHI GNAS MTSAN NYID TSANG BA 'GRUB CING, BYA SPYOD GNYIS SU LHA DRUG BSGOM PA DANG, ME GNAS DANG, SGRA GNAS KYI BSAM GTAN MTHAR PHYIN NAS SGRA GNAS KYI BSAM GTAN BSGOMS PA'I RANG STOBS KYIS LUS SEMS SHIN TU SBYANGS PA DNGOS SU 'DREN THUB PA NA ZHI GNAS MTSAN NYID TSANG BA 'GRUB PA YIN, GSUM PA SGRA MTHAR THAR PA STER BA'I BSAM GTAN NI, DE LTAR MTSAN MA DANG BCAS PA'I BSAM GTAN MTHAR PHYIN KYANG DE DAG LA 'KHOR BA'I RTZA BA GCOD PA'I DNGOS GNYEN MED PAS, 'KHOR BA'I RTZA BA GCOD PA LA SGRA GNAS KYI BSAM GTAN GYI MTHA' STE RJES SU CHOS SKU'I RIGS 'DRA'I RGYU STONG NYID BSGOMS PAS CHOS...

SKU'I THAR PA STER BAS NA SGRA MTHAR THAR PA STER BA'I BSAM GTAN ZHES BRJOD PA MTSAN MA MED PA'I RNAL 'BYOR BSGOM PAR BYA STE, DE BSGOM PA NA LHA'I SKU DANG SNGAGS KYI GZUGS DANG SGRA GDANGS LA DMIGS PA SOGS KUN RDZOB PA'I RNAM PA GANG YANG MI BSGOM PAR STONG NYID KYI DPYAD SGOM DANG 'JOG SGOM LA MKHAS PAR BYAS NAS BDAG MED PA'I DON NGES PA'I LTA THOG TU BZHAG STE MAN NGAG BZHIN DU BSGOM MO, ,DE LTAR BSGOMS PA'I RANG STOBS KYIS LUS SEMS SHIN SBYANGS DNGOS SU 'DREN THUB PA NA LHAG MTHONG MTSAN NYID TSANG BA... GRUB PA YIN NO, ,DE LTA BU'I MTSAN BCAS DANG, MTSAN MED KYI RNAL 'BYOR LA BRTEN NAS DNGOS GRUB RAB 'BRING THA GSUM NGANG BSKAL CHEN MANG PO THUB PA'I TSE YI RIG 'DZIN GYI MCHOG LA SOGS PA THUN MONG DANG THUN MONG MA YIN PA'I DNGOS GRUB RNAMS BSGRUB PAR BYA DGOS SO, ,MDOR NA RJE BTZUN MA 'DI NYID YI DAM DU BYED PA DAG GIS GNAS SKABS KYI TSE SPEL BA TZAM MA YIN PAR, 'DI LA BRTEN NAS MCHOG GI DNGOS GRUB THOB PA DON DU GNYER NA MTSAN BCAS MTSAN MED KYI LAM BSGOM PA'I RIM PA RNAMS... NGES PAR BYA DGOS, DER MA ZAD RGYUD SDE GONG MA RNAL 'BYOR BLA MED KYI RGYUD LA SLOB PAR 'DOD PA RNAMS KYIS KYANG RGYUD SDE 'OG MA GSUM GYI LAM GYI BGROD TSUL MA SHES NA RNAL 'BYOR BLA MED KYI RGYUD SDE DE NYID RGYUD SDE KUN GYI RTZE MOR GYUR PA'I KHYAD CHOS JI BZHIN RTOG PA'I NGES SHES 'DREN MI NUS PAS RGYUD SDE 'OG MA'I DON LA THOS BSAM BYA DGOS TE, 'JAM MGON TZONG KHA PA CHEN PO'I GSUNG RTOG BRJOD 'DUN LEGS MA LAS, RGYUD SDE 'OG MA GSUM GYI LAM GYI TSUL, ,MI SHES DE YIS RNAL 'BYOR...

, ,BLA MED RGYUD, ,RGYUD SDE KUN GYI MCHOG TU THAG BCAD KYANG, ,DAM BCA' TZAM DU ZAD PAR LEGS MTHONG NAS, ,GSANG BA SPYI RGYUD LEGS PAR GRUB PA DANG, ,DPUNG BZANG GIS ZHUS BSAM GTAN PHYI MA SOGS, ,BYA RGYUD RIGS GSUM SPYI DANG BYE BRAG GI ,RGYUD SDE RNAMS LA RING DU 'DRIS PAR BYAS, ,ZHES GSUNGS, DES NA RIGS MCHOG RNAM SNANG NGAM DE BZHIN GSHEGS PA'I RIGS, 'BRING PO PADMA'I RIGS, MTHA' MA RDO RJE'I RIGS TE BYA RGYUD RIGS GSUM SPYI'I RGYUD LA RIGS GSUM DBANG GI RNAM BZHAG DANG, RGYUD SDE BZHI GAR 'BREL BA'I THIG TSON GYI CHO GA ZHIB MOR STON PA GSANG BA SPYI RGYUD, KHRO BO LEGS GRUB KYI BSNYEN SGRUB LAS TSOGS DAM TSIG SKOR GTZO BOR STON PA LEGS GRUB KYI RGYUD, DE GNYIS SU MA GSAL BA'I DBANG DANG, RIG SNGAGS, KHYAD PAR BSNYEN SGRUB KYI RNAM GZHAG RGYAS PAR STON PA DPUNG BZANG GIS ZHUS PA'I RGYUD, RDO RJE GTZUG TOR RGYUD KYI DUM BU PHYI MA BYA SPYOD THUN MONG BA'I LAM BSAM GTAN BZHI DANG SBYIN SREG... SOGS BRJOD BYA BCUR BSDUS PA BSAM GTAN PHYI MA'I RGYUD DE RTZA BA BZHI DANG, 'GREL BYED BYA SPYOD LA MKHAS PA RNAM GNYIS ZHES 'PHAGS YUL NA NYI ZLA LTAR GRAGS PA SLOB DPON SANGS RGYAS GSANG BA DANG, BYANG CHUB MCHOG GNYIS KYI BSAM GTAN PHYI MA'I 'GREL PA, DPUNG BZANG GI RGYUD KYI DON BSDU LA SOGS PA RGYUD DANG RGYA GZHUNG RNAMS DANG, 'JAM MGON BLA MA YAB SRAS KYI LEGS BSHAD NYI ZLA LTA BU RNAMS GUNG BSGRIGS TE BRGYUD LDAN BLA MA'I MAN NGAG DANG SBYAR NAS ZHIB TU SHES PAR BYA'O, ,

'DI LA 'GA' ZHIG SGROL DKAR GYI SGRUB THABS PHAL MO CHER CHA 'KHOR BSGOM PA DANG, 'OD ZER DRUG SBRAGS, TSE BCUNG YAR 'GUGS SOGS MA GTOGS MI GSAL BAS BZLAS BRJOD YAN LAG BZHI DANG BSAM GTAN GSUM SOGS BYA BA 'DI KHO... BOS 'OL TSED RANG BZO'I RGYAS 'GEBS SBYAR BA MIN NAM SNYAM NA DE NI MA YIN TE, RJE SHES RAB RGYA MTSO'I GSUNG TSE KHRID DPAG BSAM LJON PA'I PHRENG BA LAS, BZLAS PA'I SKABS SNGAR TSOGS ZHING MA BSDUS PAR YOD NA DE'I THUGS KAR SNGAGS PHRENG BDAG BSKYED LTAR BKOD NAS BDAG DANG MDUN GYI TSOGS ZHING GI RJE BTZUN MA GNYIS KA'I THUGS KA'I SNGAGS 'KHOR RANG SGRA SGROGS BZHIN PA LA DMIGS TE BZLAS PA BYAS CHOG KYANG BDAG BSKYED LAS MDUN BSKYED KYI BZLAS PA MIN LA, BYA RGYUD LUGS KYI... SBRAGS MA YIN, ZHES YAN LAG BZHI'I BZLAS BRJOD BYA TSUL ZUR TZAM GSUNGS PA DANG, THU KVAN CHOS KYI NYI MA'I GSUNG SGROL DKAR BRGYUD 'DEBS SMON LAM LAS, RIG SNGAGS RGYAL PO YI GE BCU PA NYID, ,YENGS MED SKYON BRAL YAN LAG BZHI LDAN DU; ;BZLAS SHING MER GNAS LA SOGS BSAM GTAN GSUM, ,BSGOMS PAS MTSAN MED RNAL 'BYOR MTHAR PHYIN SHOG ,CES GSUNGS PAS KHO BO'I RTOG BZOR DOGS PA MI 'TSAL LO, ,MTSAMS KYI RING THUN DANG THUN MTSAMS KYI SPANG BLANG BYA... TSUL GZHAN RNAMS NI BYA RGYUD KYI GZHUNG SPYI DANG BSNYEN SGRUB SPYI 'GRO'I LUGS LTAR SHES PAR BYA ZHING, GTZO BO NI DAD PA DANG DAM TSIG GNYIS LA RAG LAS TE, SGROL MA RAL PA GYEN BRDZES KYI RTOG PA LAS, DAD DANG LDAN PA'I MI RNAMS NI, ,SANGS...

, ,RGYAS LAS KUN 'GRUB PAR 'GYUR, ,LHA RNAMS KUN DANG KHYAD PAR DU, ,GSANG SNGAGS RNAMS NI THAMS CAD NI, ,DAD PA MED NA MI 'GRUB BO, ,ZHES GSUNGS SHING, DE DAG YOD KYANG CHO GA LOG PAR BSGRUBS NA DON MI 'GRUB PAS CHO GA TSAD LDAN BSGRUB PA GAL CHE STE, ,RAL PA GYEN BRDZES LAS, DNGOS GRUB DPAL DON GNYER BA'I MI, ,BRGYA BYIN BDE SOGS BDAG PO YANG, ,CHO GA NYAMS NA MI 'GRUB STE, ,CHO GA YANG DAG LDAN GYUR NA, ,MI YI SKYE BO PHAL PA... LA'ANG, ,'BAD PA YIS NI LAS RNAMS KUN, ,MYUR BA NYID DU 'GRUB PAR 'GYUR, ,ZHES GSUNGS PA LTAR, CHO GA MA NYAMS PAR 'BAD PAR BYA'O, ,GSUM PA MJUG TU JI LTAR BYA BA NI, MTSAMS GROL BA'I NYIN MTSAMS THO'I MDUN DU MCHOD GTOR... GSAR DU BSHAMS TE SNGAR LTAR DBUL, (LAS BCOL GYI TSE,) RGYAL CHEN BZHI PO 'KHOR BCAS KYIS, ,BDAG GI DGE BA'I BYA BA LA, ,STONG GROGS 'PHRIN LAS BSGRUBS PA LEGS, ,JI BZHIN DUS SU 'DIR SPYON CIG (,CES BRJOD CING YIG BRGYA, BZOD GSOL,) KHYED KYIS BDAG GI BYA BA MDZAD, ,RJES SU MTHUN PA'I DNGOS GRUB STZOL, ,RANG GI GNAS SU GSHEGS NAS KYANG, ,SLAR YANG 'BYON PAR MDZAD DU GSOL, (,ZHES GSHEGS GSOL BYA ZHING MCHOD GTOR GSHEGS, THO DBEN PAR BSDU'O,) ,DE LTAR BSNYEN PA LEGS PAR... SONG BA'I GANG ZAG GIS RANG GZHAN GYI DON DU MDUN BSKYED LA BRTEN NAS DNGOS GRUB SGRUB PA'I TSUL LA BUM CHOG LA BRTEN PA DANG, RIL BU LA BRTEN PA DANG, SBYIN SREG LA BRTEN PA RNAMS JI LTAR BYA TSUL NI ZHIB PAR GZHAN LAS 'BYUNG BA LTAR...

BYA'O, ,TSUL BZHIN SGRUB PA'I PHAN YON LA GNYIS, GSANG SNGAGS KYI PHAN YON, BSGOM BZLAS SPYI'I PHAN YON NO, ,DANG PO NI, SGROL MA RNAL 'BYOR MA'I RGYUD LAS, YI GE BCU PA GSUNGS PA'I 'PHROS SU, 'DI NI DNGOS GRUB THAMS CAD BYED PA'O, ,ZHES DANG, LAS SNA TSOGS PA'I RGYUD LAS, 'JAM DPAL, DE'I PHAN YON NI, MTSAMS MED PA LNGA DANG, DE DANG NYE BA LNGA DANG, SDANG BA DANG, RMI LAM NGAN PA THAMS CAD ZHI BAR 'GYUR RO, ,NGAN SONG GSUM GYI SDUG BSNGAL ZHI BAR 'GYUR, MI KHOM PA BRGYAD DU NAM YANG SKYE BAR MI 'GYUR RO, ,TSE RABS DRAN PA DANG, DBANG PO GSAL BA DANG, YID GZHUNGS PAR 'GYUR RO, ,BZO'I GNAS THAMS CAD LA MKHAS PAR 'GYUR, STOBS DANG, MDANGS DANG, GZI MDANGS PHUN SUM TSOGS PAR... 'GYUR RO, ,'JIG RTEN SKYONG BA THAMS CAD KYIS SRUNG BA DANG SKYOB PA, SBED PA DANG, PHAN PAR BYED DO, ,GANG DU PHYIN PA THAMS CAD DU BKRA SHIS PAR 'GYUR RO, ,ZHES SOGS MCHOG THUN GYI LAS TSOGS THAMS CAD YI GE BCU PA'I SNGAGS 'DI KHO NAS... 'GRUB PA'I PHAN YON RGYA CHER GSUNGS SO, ,GNYIS PA YID BZHIN 'KHOR LO 'DI NYID BSGOM PA DANG, MCHOD PA'I PHAN YON NI, SGROL MA MNGON 'BYUNG GI RGYUD LAS, NAD DANG BTZON LAS THAR BA DANG, ,TSE DANG LONGS SPYOD BRTZON 'GRUS DANG, ,DBANG... PHYUG DANG NI BLO GROS 'PHEL, ,ZHES DANG, SLOB DPON NGAG DBANG GRAGS PAS, TSANGS DBANG KHYAB 'JUG NYI ZLA DANG, ,DRAG PO PHYOGS SKYONG 'DOD LHAS KYANG, ,BA SPU'I RTZE MO'ANG BSKYOD MI NUS, ,'CHI BDAG LAS RGYAL SGROL MA BZHIN, ,SKRA DKAR

, ,GNYER MA SKAL NGAN DANG, ,NAD DANG DBUL BA KUN ZAD BYED, ,SENG GE LA SOGS 'JIGS CHEN BRGYAD, ,SDUG BSNGAL TSOGS NI 'JIG PAR BYED, ,MA BSLANGS PAR NI ZAS SKOM SOGS, KHANG BZANG... GOS LA SOGS PA RNYED, ,RAL GRI DANG NI MIG SMAN DANG, ,RKANG PA BUM PA BZANG PO 'GRUB, ,NAD DANG 'CHI BA RNAMS NYAMS PA'O, ,SGROL MA DKAR MO SGRUB PAS NI, ,TSIGS BCAD MKHAS DANG SNYAN NGAG DANG, ,BLO RNO SHES RAB DRI MED 'GYUR, , GZHAN YANG DNGOS GRUB CI 'DOD PA, ,'KHOR LO DE LAS 'BYUNG BAR 'GYUR, ,ZHES TSE DANG BLO GROS DANG, NOR LA SOGS PA GNAS SKABS DANG, MTHAR THUG GI DNGOS GRUB YID LA 'DOD PA'I DON RNAMS LO ZLA TZAM GYIS 'GRUB CING, TSE... RABS KUN TU BCOM LDAN 'DAS MAS RJES SU BZUNG NAS RNAM KUN MCHOG LDAN SHES RAB KYI PHA ROL TU PHYIN MA MNGON DU BYED PA SOGS PHAN YON MTHA' YAS PA ZHIG GSUNGS PA LA YID CHES KYI NGES PA DRANGS TE LAM 'DI LA NUS PA CI YOD PAS TSUL BZHIN BSGRUBS NAS RANG GZHAN GYI DON GNYIS MTHAR PHYIN PA'I THABS LA 'BAD PAR BYA'O, ,'DIR SMRAS PA, RGYAL KUN 'PHRIN LAS BDUD RTZI'O MA'I KLUNG, ,MTSAR SDUG MTSAN DPER 'KHYIL BA'I YID BZHIN MTSO, ,PHYOGS KYI 'KHOR LO 'CHING BA'I PHAN BDE'I RLABS, ,SRID ZHI'I KHAMS NA KUN DGA'I BSIL BA 'JO, ,GANG ZHIG MTSAN SNYAN GA BUR GZEGS MA TZAM, ,DAD GUS GE SAR BCUD DU THOB PA'I MOD, ,TSE DPAL BSOD NAMS STENG 'THUNG DKAR

PO'I 'DZUM, ,MTHAR BYED MUN PA'I DPUNG LA 'PHYA BZHIN DGOD, ,SU DAG MCHOG THUN DNGOS GRUB 'DOD DGU'I CHAR, ,RANG BZHIN DON GNYIS DPYID DU 'BEBS 'DOD NA, ,SGROL MDZAD LHA MO BSAM 'PHEL NOR BU'I SPRIN, ,BSNYEN SGRUB DAG PA'I... MKHA' LA BSTEN PAR RIGS, ,DE PHYIR 'DI YI BSNYEN YIG GANG+G'A'I RGYUN, ,MA DAG RANG BZO'I RNYOG PAS MA BSLAD PAR, ,MAN NGAG RIN CHEN BYE MA 'DREN BZHIN DU, ,BLO GROS BDE 'BYUNG RAL PA'I KLONG NAS BABS, ,DGE 'DIS 'GRO KUN 'CHI... BDAG GA-YUL NGO LAS, ,RNAM PAR RGYAL BA'I SKABS GSUM LHA YI LNGA, ,MI SHIGS RTAG PA'I ROL MOR LDIR BA'I DBYANGS, ,LNGA LDAN 'OG MIN ZHING NA SNYAN GYUR CIG (,CES RJE BTZUN MA 'PHAGS MA SGROL DKAR YID BZHIN 'KHOR LO'I BSNYEN PA BYA TSUL GYI RIM PA GSAL... BAR BKOD PA DNGOS GRUB 'DOD PA 'JO BA'I 'CHI MED BDUD RTZI'I BUM BZANG ZHES BYA BA 'DI NI, DENG DUS LHAG PA'I LHA 'DI NYID LA YI DAM DU BYED PA MANG YANG BSNYEN SGRUB KYI LAG LEN DANG DMIGS PA'I KHYAD PAR RNAMS JI BZHIN MI SHES PAR BSNYEN TSAD KYANG 'BUM GCIG TZAM GYIS CHOG PAR 'DZIN PA DANG, CHO GA'I TSIG ZIN DU GSAL BA'I DMIGS SKOR RAGS RIM TZAM LAS DMIGS PA'I RNAM GRANGS GZHAN RNAMS MI SHES PA MANG PO SNANG BAS 'DI YI BSNYEN YIG NAG 'GROS GSAL LA RGYAS PA ZHIG 'DRI DGOS ZHES LHA DANG BLA MAR MOS GUS KYI RDZING BU MA RNYOG CING BLO GROS KYI 'DAB BRGYAB YANGS POR GROL BA SNYE MO DRUNG YIG BU TSE RING NAS RTEN BCAS YANG YANG BSKUL BA'I NGO MA LDOG PAR, LHA MCHOG 'DI NYID KYI THUN MONG DANG THUN MONG MA YIN PA'I RJES GNANG GI RGYUN MI 'DRA BA MANG PO DANG, THUN MONG MA YIN PA'I MAN NGAG GI KHRID RGYUN RNAMS YONGS SU RDZOGS PAR THOB PA SKU BCAR MTSAN ZHABS DAR HAN DGA' LDAN KHRI BYANG SPRUL MING PA BLO B ZANG YE SHES BSTAN 'DZIN RGYA MTSOR 'BOD PAS RAB BYUNG BCU DRUG PA'I ME PHAG...

, (,CHU SHEL DBANG PO SA GAS NYA BA'I GRAL TSES BZANG POR KUN MKHYEN PHYAG NA PADMO DGYES RGUR RTZEN PA'I ZHING MCHOG NOR GLING SKAL BZANG PHO BRANG GI 'DABS ROL, RANG GI BSTI GNAS ME TOG SNA TSOGS KYI 'DZUM DKAR CI YANG DGOD CING, RKANG DRUG SBRANG RTZIS MYOS PA'I 'DAB GLU MNGON PAR SGROGS PA'I DGA' TSAL DU RDZOGS PAR SBYAR BA 'DIS KYANG BSTAN 'DZIN DAM PA RNAMS ZHABS ZUNG RDO RJE'I CHOS SU NAM YANG MI NUB PA'I DGE MTSAN NYI ZLA LTAR GSAL BAR GYUR CIG,) ,,YID BZHIN 'KHOR LO'I GSANG GSUM BDUD RTZI'I KLUNG, ,SKAL BZANG SNYING GI SNYING POR BSNYEN PA'I TSUL, ,SHOD DRUNG LCANG GRONG BKRA SHIS RDO RJE NAS, ,LHAG BSAM DAG PAS PAR DU BSKRUN PA'I DGES, ,'PHAGS MA'I BYIN RLABS BKRAo SHISo SNANG BA GSAR, ,'GRO KHAMS RGYA MTSO'I RGYUD DU 'GRIM PA'I GZIS, ,PHRA RAGS 'CHI BDUD MUN... PA KUN BCOM NAS, ,GZHOM MED RTAG PA'I RDOo RJEo 'GRUB GYUR CIG (,CES PA 'DI YANG LHAG BSAM YAR ZLA'I DPAL LA CO 'DRI BA SGER LCANG GRONG PA'I ZHABS SDOD BKRA SHIS RDO RJE GANG NAS SGROL DKAR YID BZHIN 'KHOR LO'I BSNYEN YIG PAR DU BSKRUN PA'I SMON TSIG TU KHRI BYANG PAS SBYAR BA'O,,) ,,