S00266E · GMLW-004214

'The Sun which Illuminates Every Profound Point,' being a Collection of All the Essential and Crucial Sections of ‘The Lamp that Illuminates, Totally, the Teaching on the Five Steps; a Book of Advices on the King of All Secret Teachings, the Glorious Secret Collection (Guhyasamaja)’

RGYUD THAMS CAD KYI RGYAL PO DPAL GSANG BA 'DUS PA'I GDAM NGAG RIM LNGA GSAL SGRON GYI SNYING PO'I GNAD KUN BSDUS PA ZAB DON GSAL BA'I NYI MA

נושאיםTopics:the Stage of Completionthe Stage of Creationthe Secret WorldSecret WordsEmpowerment

מחברauthor

PANCHEN LOBSANG CHUKYI GYELTSENPAn CHEN BLO BZANG CHOS KYI RGYAL MTSAN1565-1662

נמצא בfound inSECRET TEACHINGS (TANTRA)

מהדורהrecensionnot applicable - a collected works, not a canon edition

פוליוfolios1a–75a

צורהformmixed

מצב תרגוםtranslationno English of the text

גשה מייקל לימד אותו בGeshe Michael taught it intantra courses

כיסוי המילון לכותרתdictionary coverage of the title100%

ז'אנרgenreCommentarya SNYING PO'I GNAD KUN BSDUS PA — all the essential points of another book gathered

פירוש עלa commentary onRIM LNGA GSAL SGRON — the Lamp Illuminating the Five Stagesthe title says so; that work is Tsongkapa's S05302E

אסכולהlineageGelugthe First Panchen Lama, on a work of Tsongkapa

ישותdeitythe Secret Collection (Guhyasamaja)the title names it

רמת קושיlevelneeds a teacher

תלות קדםread firstinitiation, and the Lamp Illuminating the Five Stagesthe work condenses a commentary and assumes both it and the practice

הכותרת אומתה מול הטקסטtitle verified against the textyesthe first two lines both carry the long title

הקבציםThe files

S00266E_RGYUD THAMS CAD KYI RGYAL PO DPAL GSANG BA 'DUS PA'I GDAM NGAG RIM LNGA GSAL SGRON GYI SNYING PO'I GNAD KUN BSDUS PA ZAB DON GSAL BA'I NYI MA_'The Sun which Illuminates Every Profound Point,' being a Collection of All the Essential and Cruci +.TXT/RGYUD_SECRET TEACHINGS (TANTRA)/GSANG 'DUS_SECRET COLLECTION (GUHYA SAMAJA)/'GREL PA_COMMENTARIES

הטקסטThe text

טיבטיתTibetanS00266E_RGYUD THAMS CAD KYI RGYAL PO DPAL GSANG BA 'DUS PA'I GDAM NGAG RIM LNGA GSAL SGRON GYI SNYING PO'I GNAD KUN BSDUS PA ZAB DON GSAL BA'I NYI MA_'The Sun which Illuminates Every Profound Point,' being a Collection of All the Essential and Cruci +.TXT192,734 תוויםcharacters

*, ,RGYUD THAMS CAD KYI RGYAL PO DPAL GSANG BA 'DUS PA'I GDAM NGAG RIM LNGA GSAL SGRON GYI SNYING PO'I GNAD KUN BSDUS PA ZAB DON GSAL BA'I NYI MA ZHES BYA BA BZHUGS SO, ,

001a

, ,NA MO GU RU MANYDZU GHO sh'A YA, RGYUD THAMS CAD KYI RGYAL PO DPAL GSANG BA 'DUS PA'I MAN NGAG RIM LNGA GSAL SGRON GYI SNYING PO'I GNAD KUN BSDUS PA ZAB DON GSAL BA'I NYI MA ZHES BYA BA, BLO BZANG SANGS RGYAS YE SHES KUN, ,NGUR SMRIG 'DZIN PAR GRAGS PA'I DPAL, ,KHYAB BDAG DANG PO'I MGON PO DANG, ,DBYER MED BLA MA RNAMS LA 'DUD, ,LHAN SKYES BDE STONG NAM MKHA'I DBYINGS SU RGYUN MI 'CHAD PAR RTAG 'CHAR BA, ,MTSAN DANG DPE BYAD TSON GYIS 'KHYUD PA'I 'JA' TSON GAR GYIS ROL PA CAN, ,DPAL LDAN ZHE SDANG MA LUS RNAM DAG RDO RJE 'DZIN PA'I GTZO BO DE'I; ;ZHABS SKYES 'KHOR LOS MNGON PAR MDZES PA'I 'DAB BRGYA BDAG GI SPYI BOR ZHOG ,THUB PA'I LEGS BSHAD KUN GYI GTZO, ,RGYUD RNAMS KUN GYI RGYAL PO MCHOG ,SA GSUM RIN CHEN GSANG BA'I

002a

, ,GNAD, ,MA LUS 'DUS PA'I GDAMS PA BSHAD, ,'DIR RGYUD THAMS CAD KYI RGYAL PO DPAL GSANG BA 'DUS PA'I RDZOGS RIM 'CHAD PA LA DRUG ,RGYUD GNYIS KYI RNAM GZHAG ,'DUS PA'I CHE BRJOD, DGONGS 'GREL GYI RIM PA, 'PHAGS SKOR GYI GZHUNG GRANGS, DE'I MAN NGAG BOD DU 'GYUR TSUL, GDAMS PA RIN PO CHE DNGOS KYI DON NO, ,DANG PO LA GSUM, BLA MED KYI RGYUD LA MTSAN GYI DBYE BA BYUNG TSUL, MTSAN DON DANG MTHUN PA'I RGYUD GNYIS KYI DBYE BA, THABS RGYUD BYE BRAG TU BSHAD PA'O, ,DANG PO NI, BLA MED KYI RGYUD CHOS CAN, KHYOD LA SDE TSAN GYI SGO NAS DBYE NA GNYIS SU YOD DE, PHA RGYUD THABS RGYUD RNAL 'BYOR GYI RGYUD DANG BCAS PA'I SDE TSAN GCIG DANG, MA RGYUD SHES RAB KYI RGYUD, RNAL 'BYOR MA'I RGYUD DANG BCAS PA'I SDE TSAN GCIG STE GNYIS SU YOD PA'I PHYIR TE, SDOM 'BYUNG LAS, RNAL 'BYOR RGYUD RNAMS KYI NI TSAD, ,BYE BA PHRAG NI DRUG TU NGES, ,DE BZHIN RNAL 'BYOR MA RGYUD GRANGS, ,BYE BA PHRAG NI BCU DRUG GRAGS, CES GSUNGS PA'I PHYIR, GNYIS PA LA, DOGS PA DANG, LAN GNYIS, DANG PO NI, KHO NA RE, BLA MED KYI RGYUD LA

002b

THABS SHES RE RE BA'I RGYUD GNYIS SU YOD NA, BLA MED KYI RGYUD GNYIS MED KYI RGYUD YIN NAM MA YIN, DANG PO LTAR NA, THABS SHES RE RE BA'I RGYUD DU BSHAD PA DANG 'GAL, MA YIN NA, BDE STONG DBYER MED KYI RNAL 'BYOR BRJOD BYA'I GTZO BOR BYAD PAR 'DUS PA PHYI MAR, THABS DANG SHES RAB SNYOMS 'JUG PA, ,RNAL 'BYOR ZHES NI BSHAD PA YIN, CES BSHAD PA DANG 'GAL LO ZER NA, GNYIS PA LA GNYIS, GZHAN LUGS DGAG PA DANG, RANG LUGS BZHAG PA'O, ,DANG PO NI, SNGA MA KHA CIG ,RGYUD GSUM NGO BO THA DAD DU KHAS BLANGS NAS, KYE RDOR GYI RGYUD GNYIS MED KYI RGYUD YIN ZHING DE MA RGYUD DU BSHAD PA DANG MI 'GAL TE, GNYIS MED KYI RGYUD LA MA RGYUD YAN LAG TU DGOS PA'I PHYIR ZHES ZER, 'O NA BRTAG GNYIS CHOS CAN, PHA RGYUD DU THAL, GNYIS MED KYI RGYUD GANG ZHIG ,GNYIS MED KYI RGYUD LA THABS RGYUD YAN LAG TU DGOS PA'I PHYIR, 'KHOR GSUM, YANG PHYIS KYI MKHAS PA KHA GCIG ,RGYUD GSUM NGO PO THA DAD DU KHAS BLANGS NAS, RGYUD GSUM GYI RNAM GZHAG BYED PA THAMS CAD DRANG DON SGRA JI BZHIN PA DANG, BLA MED KYI RGYUD YIN NA GNYIS MED KYI RGYUD YIN PAS KHYAB PA NGES DON YIN ZHES ZER RO, ,'O NA THABS SHES RE RE PA'I RGYUD DE GNYIS MED KYI RGYUD YIN NAM MA YIN, YIN NA DE GSUM NGO BO THA DAD DU KHAS BLANGS PA DANG 'GAL, MA YIN NA THABS SHES RE RE BA'I RGYUD CHOS CAN, GNYIS MED KYI RGYUD YIN PAR THAL, BLA MED KYI RGYUD YIN PA'I

003a

, ,PHYIR, 'KHOR GSUM, GNYIS PA RANG LUGS LA GNYIS, GNYIS MED KYI RGYUD KYI DON DANG, THABS SHES RE RE BA'I RGYUD KYI DON BSHAD PA'O, ,DANG PO NI BLA MED KYI RGYUD YIN NA GNYIS MED KYI RGYUD YIN PAS KHYAB STE, DE YIN NA THABS LHAN SKYES KYI BDE CHEN DANG STONG NYID RTOGS PA'I SHES RAB GNYIS DBYER MED PA'I YE SHES BRJOD BYA'I GTZO BOR BYAS NAS STON PA'I RGYUD DNGOS SAM DE'I SDER GTOGS GANG RUNG YIN PAS KHYAB PA'I PHYIR, BYAS PA LA KHO NA RE, DE MI 'THAD PAR THAL, MA RGYUD KYIS BDE BA CHEN PO SGRA ZIN LA STON PA LTAR PHA RGYUD KYIS MI STON PA'I PHYIR TE, MA RGYUD KYI GLENG GZHIS DGA' BA BZHI BRJOD BYA'I GTZO BOR BYAS NAS STON PA DANG; PHA RGYUD KYI GLENG GZHIS STONG PA BZHI BRJOD BYA'I GTZO BOR BYAS NAS STON PAR NAG PO SPYOD PAS BSHAD PA'I PHYIR ZHES ZER, DE MI 'THAD DE RGYUD GNYIS KYI GLENG GZHIS GTZO BOR BSTAN PA'I BDE STONG DBYER MED KYI YE SHES DE, SGRIB GNYIS KYI BUD SHING SREG PA LA ME DANG MTSUNGS CES PA'I DON YIN PA'I PHYIR TE, NAG PO SPYOD PAS, RNAL 'BYOR GYI NI RGYUD NGAG TU, ,'DI SKAD CES SOGS PAS GSUNGS GANG, ,DE NI RNAL 'BYOR MA RGYUD DU; ;ME STE GZHAN DAG SOG MA 'DRA, ,RANG BZHIN DBYE BA YOD MIN ZHES, ,THUGS RDO RJE YIS DE SKAD GSUNGS, CES GSUNGS PA'I PHYIR, GNYIS PA LA, DRI MED 'OD LAS GSUNGS TSUL DANG, GUR LAS GSUNGS TSUL GNYIS, DANG PO NI, DUS

003b

'KHOR LAS, GDUL BYA PHAL PA RJES SU 'DZIN PA'I PHYIR LHA PHO SGOM PA PHA RGYUD DANG, LHA MO BSGOM PA MA RGYUD DU BSHAD PA LA BRTEN NAS, BU LUGS PA DAG ,LHA PHOS YE SHES PA DGUG GZHUG BYED PA PHA RGYUD DANG, LHA MOS DGUG GZHUG BYED PA MA RGYUD DU 'DOD ZER BA MI 'THAD DE, DE LTAR NA 'DUS PA MA RGYUD DANG, DUS 'KHOR PHA RGYUD DU THAL BA'I SKYON YOD PA'I PHYIR, DE BZHIN DU NYIN MTSAN CHA MNYAM PA DAG PA'I LHA PHO MO ZHAL PHYAG MNYAM PA PHA RGYUD, SNGA PHYI'I THUN MTSAMS DAG PA LHA PHO MO ZHAL PHYAG MI MNYAM PAR STON PA MA RGYUD KYI 'JOG BYED DU 'DOD ZER BA YANG MI 'THAD DE, DE NI RGYUD GNYIS LAS LHA'I ZHAL PHYAG MNYAM MI MNYAM GSUNGS PA'I RGYU MTSAN BSTAN PA TZAM YIN GYI RGYUD GNYIS KYI 'JOG BYED STON PA MA YIN PA'I PHYIR, GNYIS PA LA GZHAN LUGS DAG GA PA DANG, RANG LUGS GNYIS, DANG PO NI, SA SKYA PA DAG ,GUR LAS LHA MOS GTZO BYAS PA'I 'KHOR MO TSOGS SHAS CHE BA MA RGYUD DANG, DE LAS LDOG PA PHA RGYUD DANG, DE BZHIN DU SROG GCOD LA DGA' ZHING LOG LTA CAN GYI PHYI ROL PA RJES SU 'DZIN PA'I PHYIR GSUNGS PA MA RGYUD DANG, RANG SDE RJES SU 'DZIN PA'I PHYIR GSUNGS PA PHA RGYUD, YANG BUD MED RJES SU 'DZIN PA'I PHYIR GSUNGS PA MA RGYUD, SKYES PA RJES SU 'DZIN PA'I PHYIR GSUNGS PA PHA RGYUD DU BSTAN, NAG PO SPYOD PAS, BSKYED RIM DANG RDZOGS RIM STON PA PHA RGYUD DANG MA RGYUD DU BSTAN ZER PA'I DANG PO GSUM MI 'THAD DE, RDO RJE GUR RANG NYID DE LTAR STON PA'I MA RGYUD DU GSUNGS KYI

004a

, ,DE MA RGYUD SPYI'I 'JOG BYED DU BSTAN PA MA YIN PA'I PHYIR, BZHI PA YANG MI 'THAD DE, NAG PO SPYOD PAS, BSKYED PA 'BYUNG BA'I RIM PA DANG, RDZOGS PA 'BYUNG BA'I RIM PA LA BRTEN NAS CHOS GZUGS KYI SKU GNYIS KYI SGRUB GZHI STON PA RGYUD GNYIS KYI 'JOG BYED DU GSUNGS PA'I PHYIR, RANG LUGS LA PHAL PA BSKYED RIM GYI SGO NAS RGYUD GNYIS KYI 'JOG TSUL YANG YOD DE, RDZOGS RIM GYI LUGS 'BYUNG LUGS LDOG GI DGA' BZHI 'DREN PA'I RGYUD SMIN BYED KYI RIM PA DANG PO'I RNAL 'BYOR TZAM GTZO BOR STON PA MA RGYUD DANG, SGYU MA'I SKU 'GRUB PA'I RGYUD SMIN BYED KYI RIM PA DANG PO'I RNAL 'BYOR GTZO BOR STON PA PHA RGYUD, YANG NA CHOS SKU'I RIGS 'DRA DGA' BA BCU DRUG MTSON PA'I THIG SKUD CHA CHEN BCU DRUG PAS THIG 'DEBS TSUL STON PA MA RGYUD DANG, GZUGS SKU'I RIGS 'DRA'I RGYU RLUNG 'PHO BA NYER BZHI THIM PA MTSON PA'I THIG SKUD CHA CHEN NYER BZHI PAS THIG 'DEBS TSUL GTZO CHER STON PA PHA RGYUD DU 'JOG PA'I PHYIR, GTZO BO NI RDZOGS RIM GYI SGO NAS 'JOG PA YIN NO, ,THABS SHES GNYIS MED KYI RGYUD KYI SHES RAB DANG, THABS SHES RE RE BA'I RGYUD KYI SHES RAB GNYIS MING GCIG KYANG DON MI GCIG STE, DANG PO NI STONG NYID RTOGS PA'I SHES RAB DANG, PHYI MA NI BDE STONG DBYER MED KYI YE SHES YIN PA'I PHYIR, DE BZHIN DU DE GNYIS KYI THABS KYANG MING GCIG KYANG DON MI GCIG STE, DANG PO NI BDE STONG DBYER MED KYI YE SHES YIN LA, PHYI MA

004b

NI SGYU MA'I SKU GNYIS YIN PA'I PHYIR, DES NA RLUNG DBU MAR ZHUGS GNAS THIM GSUM BYAS PA LAS BYUNG BA, DON DAM BDEN PA DANG RO GCIG TU ZHUGS PA'I BDE BA CHEN PO'I YE SHES RTZAL DU STON NAS 'CHAD CING SGYU MA'I SKU SGRUB TSUL RTZAL DU STON NAS MI 'CHAD PA'I RGYUD DNGOS SAM DE'I SDER GTOGS GANG RUNG GI RGYUD DE MA RGYUD KYI MTSAN NYID YIN TE, GUR LAS, SHES RAB PHA ROL PHYIN PA'I THABS, ,DE NI RNAL 'BYOR MAR BRJOD DO, ZHES GSUNGS PA'I PHYIR, SHES RAB KYI RGYUD CHOS CAN, KHYOD LA MA RGYUD CES BRJOD PA'I RGYU MTSAN YOD DE, KHYOD KYI BRJOD BYA'I GTZO BO DON DAM BDEN PA DANG RO GCIG TU ZHUGS PA'I BDE BA CHEN PO'I YE SHES DE THABS SHES GNYIS SU PHYE BA'I SHES RAB DANG 'BRAS BU SANGS RGYAS KYI CHOS SKU'I NYER LEN GYI GTZO BO YIN PAS DE LTAR BRJOD PA'I PHYIR, STONG BZHI'I RLUNG SEMS LAS DAG MA DAG GI SGYU MA'I SKU SGRUB TSUL RTZAL DU STON NAS 'CHAD PA'I RGYUD DNGOS SAM DE'I SDER GTOGS GANG RUNG GI RGYUD DE PHA RGYUD KYI MTSAN NYID YIN TE, MKHA' 'GRO RGYA MTSO LAS, RNAL 'BYOR RNAMS LA RGYUD RGYAL DU, ,DE DANG DE'I CHOG DBYE SHES, ,'OD GSAL SGYU MA BDAG GIS NI, ,SGYU MA 'JIG RTEN LA BSHAD DO, ZHES GSUNGS PA'I PHYIR, THABS RGYUD CHOS CAN, KHYOD LA PHA RGYUD CES BRJOD PA'I RGYU MTSAN YOD DE, KHYOD KYI BRJOD BYA'I GTZO BO SGYU MA'I SKU DE THABS SHES GNYIS SU PHYE BA'I THABS DANG, 'BRAS BU SANGS RGYAS KYI GZUGS SKU'I NYER LEN GYI GTZO BO YIN PAS DE LTAR

005a

, ,BRJOD PA'I PHYIR, GSUM PA LA GNYIS, THABS RGYUD KYI DBYE BA BSHAD PA DANG, 'DUS PA BYE BRAG TU BSHAD PA'O, ,DANG PO NI, THABS RGYUD CHOS CAN, KHYOD LA DBYE NA GSUM DU YOD DE, 'DUS PA'I RGYU DE SOGS 'DOD CHAGS THABS RGYUD DANG, GSHIN RJE GSHED KYI RGYUD SOGS ZHE SDANG THABS RGYUD DANG, RDO RJE AAR LI'I RGYUD SOGS GTI MUG THABS RGYUD RNAMS SU YOD PA'I PHYIR, GNYIS PA LA GNYIS, RTZA RGYUD DANG RGYUD PHYI MA'I DON BSHAD PA, BSHAD RGYUD KYIS JI LTAR BSHAD TSUL BSTAN BA'O, ,DANG PO NI, 'DUS PA'I RGYUD CHOS CAN, KHYOD LA DBYE NA GNYIS SU YOD DE, KHYOD LA RGYAS PA SHLOO KA NYI KHRI LNGA STONG PA DANG, BSDUS PA SHLOO KA STONG BRGYAD BRGYA PA GNYIS SU YOD PA'I PHYIR, BSDUS RGYUD LE'U BCU BDUN PO 'DI CHOS CAN, KHYOD LA RTZA BAR 'JOG PA'I 'JOG BYED DU MA YOD DE, RGYUD PHYI MA LE'U BCO BRGYAD PA LA LTOS TE RTZA BAR 'JOG PA DANG, YAN LAG LA LTOS TE RTZA BAR 'JOG PA DANG, BSHAD RGYUD LA LTOS TE RTZA BAR 'JOG PA'I 'JOG BYED GSUM YOD PA'I PHYIR, DE CHOS CAN, DANG PO GRUB STE, KHYOD LE'U BCO BRGYAD PA'I SNGA LOGS SU GSUNGS PA GANG ZHIG ,RGYUD PHYI MAS KHYOD KYI THUN MONG BA'I DON RTOGS DKA' BA RNAMS DANG, KHYOD KYI SO SO'I DON RTOGS DKA' BA RNAMS DRI LAN LNGA BCU RTZA GSUM GYI SGO NAS 'CHAD PAS DE LTAR BZHAG PA'I PHYIR, 'DUS PA'I BSDUS RGYUD LE'U BCO BRGYAD PA CHOS CAN, KHYOD LA 'DUS PA'I RGYUD PHYI MA ZHES BRJOD PA'I RGYU MTSAN YOD DE, KHYOD 'DUS PA'I RGYUD KYANG YIN LA,

005b

'DUS PA RTZA RGYUD GSUNGS PA'I RTEN GZHAL YAS KHANG DANG 'KHOR DANG STON PA DE NYID KYIS 'DUS PA RTZA RGYUD GSUNGS PA'I DKYUS THOG GCIG LA GSUNGS PA'I RGYUD YIN PAS DE LTAR BRJOD PA'I PHYIR, RGYUD DE'I RGYUD PHYI MA YIN NA RGYUD DE'I BSHAD RGYUD YIN PAS MA KHYAB STE, 'DUS PA'I RTZA RGYUD DE, DE NYID BSDUS PA'I RGYUD PHYI MA YIN KYANG DE'I BSHAD RGYUD MA YIN PA'I PHYIR, 'DUS PA LA LTOS TE RTZA RGYUD YIN NA, 'DUS PA'I RTZA RGYUD YIN PAS MA KHYAB STE, DE NYID BSDUS PA GSANG 'DUS LA LTOS NAS RTZA RGYUD DU SPYOD BSDUS LAS BSHAD PA'I PHYIR, DE 'DUS PA'I RTZA RGYUD MA YIN TE, DE BLA MED KYI RGYUD MA YIN PA'I PHYIR, DE CHOS CAN, RTZA RTAGS GNYIS PA GRUB STE, KHYOD RGYUD SDE THAMS CAD KYI RTZA BA YIN PAS DE LTAR BZHAG PA'I PHYIR TE, RGYUD SDE THAMS CAD KYI MCHOG THUN MONG GI DNGOS GRUB SGRUB PA'I LAM RNAMS KHYOD KYI LAM DU BYED LAS KYI SGO NAS BSDUS TE GTAN LA 'BEBS PA YIN PA'I PHYIR, DE LTAR YIN YANG 'DUS PA'I RTZA RGYUD DE RGYUD SDE THAMS CAD KYI RTZA RGYUD MA YIN TE, RGYUD SDE THAMS CAD 'DUS PA'I BSHAD RGYUD MA YIN PA'I PHYIR, 'DUS PA'I BSHAD RGYUD YIN NA 'DUS PA'I RGYUD YIN PAS MA KHYAB STE, RGYUD PHYI MA MA GTOGS PA'I 'DUS PA'I BSHAD RGYUD GZHAN RNAMS 'DUS PA'I RGYUD MA YIN PA'I PHYIR, DE CHOS CAN, RTZA RTAGS GSUM PA GRUB STE, BSHAD RGYUD 'GA' ZHIG GIS NI KHYOD KYI DON SBAS PA GSAL BAR STON, 'GA' ZHIG GIS NI MA TSANG BA KHA SKONG, 'GA' ZHIG GIS NI MDOR BSTAN PA RNAMS RGYAS

006a

, ,PAR 'CHAD PA'I PHYIR, GNYIS PA NI, 'DUS PA'I RTZA RGYUD CHOS CAN, RGYUD PHYI MAS KHYOD KYI DGONGS PA 'GREL TSUL YOD DE, DES KHYOD KYI MTSAN DON BSTAN PA'I SGO NAS BRJOD BYA RNAMS BSNYEN SGRUB YAN LAG BZHIR BSDUS NAS GSAL BAR GTAN LA 'BEBS PA'I PHYIR, DE CHOS CAN, DGONGS PA LUNG STON GYIS KHYOD KYI DGONGS PA 'GREL TSUL YOD DE, DES KHYOD KYI NGES DON RDZOGS RIM ZAB MO RNAMS GTAN LA 'BEBS PA'I PHYIR, DE CHOS CAN, RDO RJE PHRENG BAS KHYOD KYI DGONGS PA 'GREL TSUL YOD DE, GZHI LA SKYE SHI BAR DO GSUM RTZA RLUNG THIG LE GSUM, DBANG LA DKYIL 'KHOR GYI CHO GA NYI SHU BA, BSKYED RIM LA TING NGE 'DZIN GSUM, RNAL 'BYOR BZHI, DE NYID ZHE DGU, LHA SO GNYIS KYI GRANGS NGES DANG, RDZOGS RIM LA RIM PA LNGAR BSDUS NAS GTAN LA 'BEBS PA'I PHYIR, DE CHOS CAN, LHA MO BZHI ZHUS KYIS KHYOD KYI DGONGS PA 'GREL TSUL YOD DE, DES SROG RTZOL GYI GNAD RNAMS RGYAS PAR BSTAN PA'I SGO NAS DGONGS PA 'GREL BA'I PHYIR, DE CHOS CAN, YE SHES RDO RJE KUN LAS BTUS KYIS KHYOD KYI DGONGS PA 'GREL TSUL YOD DE, BRJOD BYA RGYAN BDUN DANG SGYU MA'I SKU SGRUB TSUL BSTAN PA'I SGO NAS DGONGS PA 'GREL BA'I PHYIR, GNYIS PA 'DUS PA'I CHE BA BRJOD PA NI, RTZA RGYUD LAS MTSAN BRJOD PA'I SKABS SU, DE BZHIN GSHEGS PA THAMS CAD KYI RDO RJE GSUM GYI GSANG BA'I GNAD THAMS CAD 'DUS PAR GSUNGS SHING, RGYUD PHYI MA LAS KYANG, AE MA HO SHIN TU RNYED DKA' BA, ,

006b

BYANG CHUB SGRUB PA'I THABS 'DI YIN, ,RGYUD KYI PHYI MA'I PHYIR MAR GYUR, ,GSANG BA 'DUS PA ZHES BYA'I RGYUD, CES GSUNGS PA'I PHYIR RO, ,DES NA 'DI LA 'CHAD NYAN 'DRI 'DON BYED PA DANG, DE LTAR BYED PA'I SGRUB PA PO MTHONG THOS DRAN REG DANG, DAD CING RGYUD KYI PHYOGS GCIG TZAM 'DZIN PA YAN 'CHAD KYANG, RDO RJE 'CHANG DANG 'DRA BA'I PHYAG YUL DU GSUNGS TE, DE NYID LAS, GANG ZHIG THUN BZHI'I RDO RJE DAG NA SGRUB BYED CING, ,MI SNANG LA SOGS SNA TSOGS MCHOG DANG DMAN GRUB CING; ;BLA MA'I DRIN GYIS 'DI NA MA NOR LAM RTOGS PA, ,BYANG CHUB RDO RJE 'DRAR BLTA DE LA RTAG PHYAG 'TSAL, ,GANG ZHIG RAB GSANG 'DUS PA'I RGYUD 'DI NYAN PA DANG, ,'DON PAR BYED DANG KLOG PA DANG NI SEMS PA DANG, ,MCHOD PAR BYED PA DANG NI 'DRI'AM 'DRIR 'JUG PA, ,BYANG CHUB RDO RJE 'DRAR BLTA DE LA RTAG PHYAG 'TSAL, ZHES DANG, GANG GI GTZO BO SGRUB PA PO MTHONG REG PA DANG, ,LEGS PAR DRAN DANG MING TZAM NGES PAR THOS PA DANG, ,DAD PAR BYED CING PHYOGS GCIG TZAM ZHIG 'DZIN PA DAG ,BYANG CHUB RDO RJE 'DRAR BLTA DE LA RTAG PHYAG 'TSAL, ZHES GSUNGS SHING, 'JAM DPAL ZHAL LUNG LAS KYANG, SANGS RGYAS KUN GYI 'DUS PA'I RGYUD, ,GSANG CHEN GSANG BA CHES GSANG BA, ,GONG NA MED PA'I LUNG CHEN PO, ZHES DANG, 'DI DON RNA BAR 'PHO BYED PA, ,GANG GI DUS SU GNAS PA DER, ,SANGS RGYAS BSTAN PA RIN CHEN KYANG, ,GNAS PAR RAB TU BSHAD PA YIN, ,RGYUD PA'I RIM PA 'DI CHAD NAS, ,SANGS RGYAS BSTAN PA NUB PA RU, ,

007a

, ,KUN GYIS RAB TU SHES PAR BYA, ZHES SO, ,DMAR NAG GI RGYUD LAS KYANG, RGYUD KYI MTHAR THUG 'DUS PA STE, ,MA BYUNG 'BYUNG BAR MI 'GYUR RO, ,ZHES GSUNGS SHING, GSANG BA GRUB PA LAS KYANG, DPAL LDAN 'DUS LAS MCHOG GZHAN MED, ,'JIG RTEN GSUM GYI RIN CHEN GYUR, ,SNYING PO LAS NI SNYING PO MCHOG ,RGYUD KUN GYI NI BLA MA'I BLA, ,BSTAN DANG BSHAD PA RNAMS GNAS NA, ,RDZOGS PA'I RNAL 'BYOR RIM PA NYID, ,'DUS PA GANG GIS MI SHES PA, ,DE YIS DNGOS GRUB JI LTAR 'GRUB, ,THE TSOM THAMS CAD GCOD BYED CING, ,MI SHES RAB RIB SEL BYED PA, ,SANGS RGYAS RIN CHEN ZA MA TOG ,DPAL LDAN 'DUS PA YONGS SPANGS NAS, ,RNAM RTOG DU MAS BRTAGS PA YIS, ,RMONGS PA DNGOS GRUB 'DOD GYUR PA, ,MKHA' LA KHU TSUR RDEG PA DANG, ,SMIG RGYU'I CHU LA 'THUNG BA BZHIN, ZHES GSUNGS LA, GRUB CHEN NAG PO SPYOD PAS KYANG, DPAL LDAN 'DUS RJES LAM GYIS NI, ,RIM PA GNYIS KA'I NGO BO LA, ,DPAL LDAN 'DUS PA LHAG YID 'ONG, ,RGYUD RNAMS KUN SON GTZO BO YIN, ZHES GSUNGS PA'I PHYIR, GSUM PA NI, AINDRA BH'U TI, KLU'I RNAL 'BYOR MA, BI SU KALPA GSUM GYIS GZHUNG MDZAD PA MI SNANG LA, MGON PO BDE BA CHEN POS 'DUS PA'I DGONGS 'GREL GSANG BA GRUB PA MDZAD KYANG BSHAD SROL ZUR BA MED DO, ,DES NA 'DUS PA'I BSHAD SROL MI 'DRA BA 'PHAGS LUGS DANG, YE SHES ZHABS LUGS, KUN SNYING GI LUGS, SHINTA PA'I LUGS DANG BZHI LAS, MCHOG TU GYUR PA

007b

NI DANG PO GNYIS YIN NO, ,BZHI PA NI, MGON PO KLU SGRUB KYIS BSKYED RIM GTZO BOR STON PA MDOR BYAS DANG MDO SRE, RDZOGS RIM GTZO BOR STON PA RIM PA GNYIS PA'I MJUG CUNG ZAD MA TSANG BA'I RIM LNGA DANG, BYANG CHUB SEMS 'GREL BZHI MDZAD, 'PHAGS PA LHAS BDAG BYIN RLABS DANG, RIM LNGA'I DON 'GREL SPYOD BSDUS GNYIS MDZAD, KLU BYANG GIS BSKYED RIM RNAM GZHAG RIM PA DANG, DKYIL MCHOG NYI SHU PA, LAS MTHA' RNAM 'BYED GSUM MDZAD, SH'AKYA BSHES GNYEN GYIS RIM PA GNYIS PA'I MJUG MDZAD, DPAL LDAN ZLA BAS BSKYED RIM LA RDOR SEMS KYI BSGRUB THABS, RDZOGS RIM SBYOR DRUG ,'GREL PA SGRON GSAL DANG GSUM MDZAD, DE DAG GI RJES 'BRANG, SGRA GCAN 'DZIN DPAL BSHES GNYEN GYIS DKYIL CHOG ZUNG 'JUG GSAL BA DANG, N'A RO PAS RGYUD PHYI MA'I 'GREL PA DANG, RIM LNGA BSDUS PA GSAL BA RNAMS MDZAD DO, ,LNGA PA NI, 'DUS PA'I GDAMS PA BOD DU 'GYUR TSUL MANG DU YOD KYANG, RGYUD KYI BSHAD SROL 'GOS LUGS DANG, MAN NGAG GI BSHAD SROL MAR LUGS MCHOG TU GYUR PAS RANG LUGS DE GNYIS KYI RJES SU 'BRANG BA YIN NO,, ,,SMRAS PA, KHYAB BDAG RDO RJE 'CHANG DBANG THUGS KYI BCUD, , SA GSUM RIN CHEN GCIG PU 'DUS PA'I LAM, ,MKHAS DANG GRUB PA'I ZHAL GYI BUM BZANG LAS, ,MTHAR GYIS 'ONGS PA BDUD RTZI'I RGYUN 'DI MTSAN,, ,,DRUG PA GDAMS PA RIN PO CHE DNGOS KYI DON LA GNYIS,

008a

, ,LAM SPYI LA BSLAB TSUL DANG, BYE BRAG TU 'DUS PA'I LAM LA BSLAB TSUL LO, ,DANG PO NI, BYANG CHUB LAM GYI RIM PA LAS BSHAD PA LTAR SHES PAR BYA'O, ,GNYIS PA LA BZHI, RIM GNYIS KYI SNOD RUNG DU BYA BA DANG; SNOD DU RUNG NAS DAM TSIG DANG SDOM PA DAG PAR BYA BA DANG, DAM TSIG DANG SDOM PA DAG PAR BYAS NAS LAM JI LTAR SGOM PA DANG, BSGOMS PA'I 'BRAS BU JI LTAR 'THOB TSUL LO, ,DANG PO NI, SNOD RUNG DANG PO LAM THUN MONG BAS RGYUD SBYANGS NAS, SNOD RUNG GNYIS PA 'DI'I DKYIL 'KHOR DU ZHUGS NAS DBANG BZHI RNAM DAG THOB PA ZHIG DGOS TE, DE MA THOB PAR RIM GNYIS LA THOS BSAM JI LTAR BYAS KYANG DNGOS GRUB MI THOB PAR MA ZAD, SLOB DPON SLOB MA GNYIS KA DMYAL BAR SKYE BA'I PHYIR TE, RGYUD RDOR PHRENG LAS, YANG DAG DBANG BSKUR GYIS DBEN NA, ,SGRUB POS RGYUD KYI DON SHES KYANG, ,SLOB DPON SLOB MA MTSUNGS PAR NI, ,MI ZAD DMYAL BA CHEN POR 'GRO, ZHES GSUNGS PA'I PHYIR, GNYIS PA NI DBANG RNAM DAG THOB NAS KYANG DAM TSIG DANG SDOM PA TSUL BZHIN BSRUNG DGOS TE, DE MA BSRUNGS NA RIM GNYIS NYAMS SU BLANGS KYANG DNGOS GRUB THOB MI SRID PA'I PHYIR TE, MNYAM SBYOR LAS, DKYIL 'KHOR DU NI MA ZHUGS SHING, ,DAM TSIG RNAMS NI SPANGS PA DANG, ,GSANG BA'I DE NYID MI SHES PAS, ,BSGRUBS KYANG CI YANG MI 'GRUB BO, CES GSUNGS PA'I PHYIR, DBANG RNAM DAG THOB NAS DAM TSIG DANG SDOM PA TSUL BZHIN

008b

BSRUNGS NA RIM GNYIS GTZO BOR MA BSGOMS KYANG SKYE BA BCU DRUG TSUN LA SANGS RGYAS STE, GRUB CHEN SA RA HAS, MA BSGOMS GYUR KYANG LTUNG MED NA, ,SKYE BA BCU DRUG DAG NAS 'GRUB, CES GSUNGS PA'I PHYIR, GSUM PA LA GSUM, RIM GNYIS KYI NGO BO DANG GO RIMS, RIM GNYIS SGOM TSUL, RIM GNYIS LA BOGS 'BYIN PA'I SPYOD PA'O, ,DANG PO NI BSGOMS STOBS KYIS RLUNG DBU MAR ZHUGS GNAS THIM GSUM BYAS PA LAS MA BYUNG ZHING, RANG 'BRAS RDZOGS RIM GYI RGYUD SMIN BYED GANG ZHIG ,SKYE SHI BAR DO GSUM PO CI RIGS DANG RNAMS MTHUN PAR BLOS GSAR DU BRTAGS NAS BSGOM PA'I RNAL 'BYOR DE BSKYED RIM GYI MTSAN NYID YIN, BSGOMS STOBS KYIS RLUNG DBU MAR ZHUGS GNAS THIM GSUM BYAS PA LAS BYUNG BA'I SLOB PA'I RGYUD KYI RNAL 'BYOR DE RDZOGS RIM GYI MTSAN NYID YIN, BRTAGS PA'I RNAL 'BYOR, BCOS MA'I RNAL 'BYOR, RIM PA DANG PO'I RNAL 'BYOR RNAMS DON GCIG ,MA BRTAGS PA'I RNAL 'BYOR, MA BCOS PA'I RNAL 'BYOR, RIM PA GNYIS PA'I RNAL 'BYOR RNAMS DON GCIG ,DES NA RDZOGS RIM GYI RTOGS PA SKYE BA LA BSKYED RIM LA SLOB PA SNGON DU 'GRO DGOS TE, RIM LNGA LAS, BSKYED RIM LA LEGS GNAS SHING; ;RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ZHES GO RIMS NGES CAN DU GSUNGS PA'I PHYIR, ,GNYIS PA LA GNYIS, BSKYED RIM SGOM TSUL DANG,

009a

, ,RDZOGS RIM SGOM TSUL LO, ,DANG PO NI RDZOGS RIM GYI SNGON DU BSKYED RIM RGYAS PA'AM, MA MTHA' NA'ANG RDO RJE BZHI BSKYED BSDUS PA GANG RUNG BSGOM DGOS TE, DE GNYIS LA, RDZOGS RIM SKYE BA'I SMIN BYED SKU GSUM GYI LAM KHYER TSANG BA'I PHYIR, DE LTA BU'I RGYAS BSDUS GANG RUNG GI RTEN DANG BRTEN PA'I DKYIL 'KHOR LA NGA RGYAL DANG GSAL SNANG 'DON PA'I RAGS PA DRAN PA GCIG PA'I RNAL 'BYOR DANG, DE RJES YUM GYI PADMAR YID KYIS THIG LE YUNG 'BRU TZAM PHYUNG, DE'I NANG DU RTEN DANG BRTEN PA LA NGA RGYAL DANG GSAL SNANG 'DON PA'I PHRA MO RTOG PA'I RNAL 'BYOR LA SLOB PA YIN NO,, ` ,,GNYIS PA RDZOGS RIM NYAMS SU LEN TSUL LA, RIM LNGA BSDUS PA GSAL BA LAS, DNGOS PO'I GNAS LUGS LAM DANG NI, ,'BRAS BU SKYE BA'I RIM PA'O, ZHES GSUNGS PA LTAR, GZHI DNGOS PO'I GNAS TSUL DANG, LAM BGROD PA'I RIM PA GNYIS, DANG PO NI; DE NYID LAS, DNGOS PO'I GNAS LUGS GNYIS YIN TE, ,LUS DANG SEMS KYI GNAS THABS LAS, ,RAGS DANG PHRA DANG SHIN TU PHRA, ,THUN MONG DBYER MED RIM SHES BYA, ZHES GSUNGS PA LTAR, LUS KYI GNAS TSUL, SEMS KYI GNAS TSUL, LUS SEMS THUN MONG BA'I GNAS TSUL, LUS KYI GNAS TSUL BYE BRAG TU BSHAD PA'O, ,DANG PO NI LUS LA RAGS PA, PHRA BA SHIN TU PHRA BA GSUM LAS, 'BYUNG BA DANG 'BYUNG 'GYUR GYI LUS NI DANG

009b

PO DANG, RTZA RLUNG THIG LE GSUM NI GNYIS PA DANG, STONG PA BZHI GA'I BZHON PAR GYUR PA'I RLUNG NI GSUM PA'I MTSAN GZHI YIN, GNYIS PA NI, SEMS LA YANG GSUM LAS, SGO LNGA'I RNAM SHES NI DANG PO DANG, RTZA NYON DRUG ,NYE NYON NYI SHU; RANG BZHIN BRGYAD CU'I RTOG PA DANG MTSUNGS LDAN GYI SEMS NI GNYIS PA DANG, STONG PA BZHI'I NGO BOR GYUR PA'I SEMS NI GSUM PA'I MTSAN GZHI YIN, GSUM PA NI, LUS SEMS THUN MONG BA LA YANG GNYIS LAS, RAGS PA'I LUS SEMS GNYIS TSOGS TZAM PA NI RAGS PA DANG, 'KHOR 'DAS KUN GYI GZHIR GYUR PA SHIN TU PHRA BA'I RLUNG SEMS DNGOS PO GCIG PA NI PHRA BA'I MTSAN GZHI YIN, SHIN TU PHRA BA'I RLUNG SEMS NGO BO DBYER MED DU GNAS BA DES 'KHOR 'DAS KUN GYI GZHI BYED DE, THABS MKHAS DANG BRAL BA LA BAR DO BZHIN LAG GI RNAM PA CAN DU LANGS NAS 'KHOR BAR SKYE BA LEN CING, THABS MKHAS KYI MAN NGAG DANG LDAN PAS SGYU MA'I SKUR LANGS NAS 'TSANG RGYA BAR BYED PA'I PHYIR, BZHI PA LA RTZA RLUNG THIG LE GSUM LAS, DANG PO NI, THOG MAR SNYING GA'I RO RKYANG DBU MA GSUM, SHAR GYI RTZA 'DAB SUM BSKOR MA, LHO'I 'DOD MA STE RTZA LNGA 'CHAGS, DE RJES NUB KYI KHYIM MA, BYANG GI GTUM MO DBU MA DANG LHAN CIG BSDUD BRAL MA STE BRGYAD 'CHAGS, DE LA NI SNYING GAR THOG MAR CHAGS PA'I RTZA BRGYAD CES BYA LA, DE RJES SUM SKOR MA LAS GYES PA'I SHAR LHO, 'DOD MA LAS LHO NUB, KHYIM MA LAS NUB BYANG, GTUM MO LAS GYES PA'I BYANG SHAR

010a

, ,GYI RTZA 'DAB STE SNYING KHA'I RTZA 'DAB BRGYAD 'CHAGS, SNYING GA'I RTZA 'DAB BRGYAD DANG, SNYING GAR THOG MAR CHAGS PA'I RTZA BRGYAD MI GCIG STE, RO RKYANG DBU MA GSUM NI SNYING GAR THOG MAR CHAGS PA'I RTZA BRGYAD KYI NANG TSAN YIN PA'I PHYIR, SNYING KHA'I RTZA BRGYAD KYI RGYUN GSUM GSUM DU GYES PAS GNAS NYER BZHI'I RTZA 'CHAGS, DE'I STENG DU SNYING KHAR THOG MAR CHAGS PA'I RTZA BRGYAD BSNAN PA LA BYANG SEMS 'BAB PA'I RTZA'I GTZO BO SO GNYIS CES BYA STE, MNYAM SBYOR LAS, BYANG CHUB SEMS KYI RANG BZHIN RTZA, ,SUM CU RTZA GNYIS DAM PA YIN, ZHES GSUNGS PA'I PHYIR, GNAS NYER BZHI'I RTZA RE RE LAS GSUM GSUM DU GYES PAS RTZA BDUN CU RTZA GNYIS, DE RE RE LAS STONG STONG DU GYES PAS RTZA BDUN KHRI NYIS STONG 'CHAGS, DE THAMS CAD BSDU NA SKU GSUNG THUGS KYI RTZA GSUM DU 'DU STE, DE RNAMS KYI NANG NAS RLUNG DANG BYANG SEMS DKAR DMAR 'BAB PA GANG ZHIG ,BYANG SEMS DKAR PO 'BAB PA SKU, DMAR PO 'BAB PA GSUNG, RLUNG 'BAB PA'I RTZA THUGS KYI RTZAR 'DU BA'I PHYIR, RO RKYANG DBU MA GSUM GYI MING GI RNAM GRANGS BZHAG TU YOD DE, DBU MA LA DH'U TI, THUGS KYI RTZA, MUN PA'I RTZA, SGRA GCAN GYI RTZA, THIM PA'I RTZA, GNYIS SPANGS KYI RTZA ZHES BYA LA, RO MA LA GSUNG GI RTZA, 'DZIN PA'I RTZA, NYI MA'I RTZA, SHES RAB KYI RTZA, LONGS SPYOD KYI RTZA, RAS NA, RDUL GYI RTZA ZHES PA DANG, RKYANG MA LA, SKU'I RTZA, GZUNG BA'I RTZA, ZLA BA'I RTZA, LA LA NA, THABS KYI RTZA, BDAG PO'I RTZA,

010b

SNYING STOBS KYI RTZA ZHES BYA BA YIN PA'I PHYIR, DE YANG RO RKYANG GNYIS KYIS DBU MA LA 'KHYUD PA'I MDUD PA GANG NA YOD PA NA RTZA 'KHOR RE YOD CING, SNYING KHAR MDUD PA GSUM BRTZEGS DANG, GZHAN RNAMS NA MDUD PA RE RE YOD LA, MDUD MTSAMS NAS GYES PA'I RTZA 'KHOR CHE BA LA LNGA YOD DE, SPYI BO BDE CHEN GYI 'KHOR LO RTZA 'DAB SO GNYIS, MGRIN PA LONGS SPYOD KYI 'KHOR LO RTZA 'DAB BCU DRUG ,SNYING KHA CHOS KYI 'KHOR LO RTZA 'DAB BRGYAD, LTE BA SPRUL PA'I 'KHOR LO RTZA 'DAB RE BZHI, GSANG GNAS BDE SKYONG GI 'KHOR LO RTZA 'DAB SO GNYIS RNAMS SU YOD PA'I PHYIR, RTZA 'KHOR CHUNG BA GSUM YOD DE, SMIN DBUS NA RLUNG 'KHOR RTZA 'DAB DRUG PA, MGRIN PA DANG SNYING KHA'I BAR NA ME 'KHOR RTZA 'DAB GSUM PA, NOR BU'I DBUS NA RTZA 'DAB BRGYAD PA RNAMS SU YOD PA'I PHYIR, DES NA SPYI BO'I RTZA 'KHOR LA BDE CHEN 'KHOR LO ZHES BRJOD PA'I RGYU MTSAN YOD DE, BDE BA'I RTEN KUN TA LTA BU'I BYANG SEMS SPYI BOR GNAS PA'I RGYU MTSAN GYIS DE LTAR BRJOD PA'I PHYIR, MGRIN PA'I RTZA 'KHOR LA LONGS SPYOD KYI 'KHOR LO ZHES BRJOD PA'I RGYU MTSAN YOD DE, RO DRUG LA LONGS SPYOD PA'I GNAS MGRIN PA YIN PAS DE LTAR BRJOD PA'I PHYIR, SNYING KHA'I RTZA 'KHOR LA CHOS KYI 'KHOR LO ZHES BRJOD PA'I RGYU MTSAN YOD DE, CHOS KYI RTZA BA SHIN TU PHRA BA'I RLUNG SEMS KYI RTEN MI SHIGS PA'I THIG LE SNYING KHAR GNAS PA'I RGYU MTSAN GYIS DE LTAR BRJOD PA'I PHYIR, LTE BA'I RTZA 'KHOR

011a

, ,LA SPRUL PA'I 'KHOR LO ZHES BRJOD PA'I RGYU MTSAN YOD DE, BDE BA CHEN PO SPRUL PA'AM SKYE BA'I GZHI GTUM MO'I ME GTZO BOR LTE BAR GNAS PA'I RGYU MTSAN GYIS DE LTAR BRJOD PA'I PHYIR, GSANG BA'I RTZA 'KHOR LA BDE SKYONG GI 'KHOR LO ZHES BRJOD PA'I RGYU MTSAN YOD DE, LUGS 'BYUNG LUGS BZLOG GI LHAN SKYES KYI BDE BA GTZO BOR GSANG GNAS NAS SKYONG BA'I RGYU MTSAN GYIS DE LTAR BRJOD PA'I PHYIR, 'O NA RTZA STONG PHRAG DON GNYIS KYI NANG NAS GTZO BO GANG ZHE NA, BRGYA NYI SHU GTZO BO YIN TE, SPYI PO'I RTZA 'DAB SO GNYIS, MGRIN PA'I BCU DRUG ,SNYING KHA'I BRGYAD, LTE BA'I RE BZHI RNAMS GTZO CHE BA'I PHYIR TE, DE RNAMS KYI NANG NAS RLUNG DANG BYANG SEMS GTZO BOR 'BAB PA'I PHYIR TE, SDOM 'BYUNG LAS, NYI SHUS LHAG PA'I BRGYA YIS NI, ,RTZA YI GTZO BO BRJOD PAR BYA, ZHES GSUNGS PA'I PHYIR, DE'I NANG NAS YUL SO GNYIS KYI RTZA DANG, DE'I NANG NAS GNAS NYER BZHI'I RTZA GTZO BO YIN TE, SO DANG SEN MO BSKYED PA SOGS KYI KHAMS NYER BZHI GNAS PA DANG RGYAS PA'I RTEN BYED BA'I PHYIR TE, RTZA YI GNAS DANG YUL RNAMS KYI, ,NYI SHU RTZA BZHI GRANGS YIN TE, ,RTEN DANG KUN TU 'GRO BA'O, ZHES GSUNGS PA'I PHYIR, DE'I NANG NAS RO RKYANG DBU MA GSUM GTZO BO DANG, DE'I NANG NAS DBU MA GTZO BO YIN TE, RO RKYANG GNYIS KYI RLUNG DBU MAR ZHUGS GNAS THIM GSUM BYAS PA LA BRTEN NAS, 'OD GSAL LHAN SKYES

011b

KYI BDE CHEN RDZOGS PAR 'CHAR BA'I PHYIR, DBU MA'I NANG NAS KYANG SNYING KHA'I DBU MA GTZO BO YIN TE, GZHI LA RNAM SHES 'JUG GNAS 'PHO GSUM YANG DE NAS BYED CING, LAM LA YANG DPE DON GYI 'OD GSAL SNYING KHA'I DBU MA'I NANG DU 'CHAR BA'I PHYIR, 'O NA RTZA'I GTZO BO DE LTAR YIN NA, RTZA NANG NAS RLUNG DANG BYANG SEMS 'BAB TSUL JI LTAR ZHE NA, GZHI LA 'CHI DUS MA GTOGS DBU MA'I NANG NAS RLUNG RGYU BA MED DE, RO RKYANG GI MDUD PA DAM POS BSDAMS PA'I PHYIR, GZHI LA 'CHI DUS SU DBU MA'I NANG NAS RLUNG RGYU BA YOD DE, LAS NYON GYI DBANG GIS SNYING KHA'I RTZA MDUD RDZOGS PAR GROL 'GRO BA'I PHYIR, GZHI LA DER MA ZAD SDUD BRAL MA'I NANG NAS KYANG RLUNG DANG BYANG SEMS MI 'BAB STE, BSDUD BRAL MA DE KHO RANG GI NANG NAS DE GNYIS MI 'BAB PAR MA ZAD RTZA GZHAN NAS DE GNYIS 'BAB PA LA'ANG GEGS BYED PAS BSDUD BRAL MA DANG, RNAL 'BYOR MA RNAMS KYI 'GOG PA'I RTZA ZHES BRJOD PA'I PHYIR, 'CHI DUS SU DE'I NANG NAS DE GNYIS RGYU STE, DE'I RGYU MTSAN GYIS DE LA DUS KYI RTZA ZHES BRJOD PA'I PHYIR, 'O NA GZHI LA 'CHI DUS MA GTOGS RTZA DE NYID KYI NANG DU RLUNG DANG BYANG SEMS MI 'BAB NA RTZA DE NYID BYANG SEMS 'BAB PA'I RTZA SO GNYIS KYI NANG TSAN DU BZHAG PA DANG 'GAL LO ZHE NA, SKYON MED DE, DE NI LAM DUS LA DGONGS PA'I PHYIR, DE'ANG RO MA'I NANG NAS KHRAG 'BAB CING ME RLUNG RGYU, RKYANG MA'I NANG NAS KHU BA 'BAB CING RLUNG GI RLUNG RGYU, SROG THUR GNYIS RO RKYANG

012a

, ,GNYIS KA NAS RGYU'O, ,SNYING KHA'I PHYOGS KYI RTZA BZHI'I NANG NAS 'BYUNG BA BZHI'I RLUNG RGYU ZHING, GZUGS SGRA DRI RO REG BYA RNAMS 'BAB PAS MCHOD PA BZHI'I RTZA ZHES KYANG BYA'O, ,DE LAS GYES PA'I MTSAMS KYI RTZA GZHI'I NANG NAS BSHAD GCI KHU KHRAG BAD KAN TE BDUD RTZI LNGA 'BAB PO, ,RTZA'I DBYE BSDU DE DAG THAMS CAD KYANG RDUL MUN SNYING STOBS KYI RTZA GSUM DU 'DU STE, TSAN PA GSUM DU BYAS PA'I GCIG NAS KHRAG ,GCIG NAS KHU BA; GCIG NAS RLUNG 'BAB PA'I SDE TSAN GSUM DU 'DU BA'I PHYIR, GNYIS PA RLUNG BSHAD PA NI, ZLA DGU NGO BCU MNGAL DU GNAS PA'I ZLA BA DANG PO LA SROG 'DZIN PHRA BA LAS SROG 'DZIN RAGS PA SKYE, DE'I RTZA BA'I GNAS NI SNYING KHA YIN, DE'I TSE SEMS CAN DE'I LUS NYA'I RNAM PA LTA BUR YOD, ZLA BA GNYIS PA LA SROG 'DZIN RAGS PA LAS THUR SEL SKYE, DE'I RTZA BA'I GNAS GSANG GNAS YIN, DE'I TSE DE'I LUS 'BUR PO LNGA DOD PA RUS SBAL LTA BU ZLA BA GSUM PA LA THUR SEL LAS MNYAM GNAS SKYE, DE'I RTZA BA'I GNAS LTE BA YIN, DE'I TSE DE'I LUS CUNG ZAD SGUR BA PHAG RGOD LTA BU, ZLA BA BZHI PA LA MNYAM GNAS LAS GYEN RGYU SKYE, DE'I RTZA BA'I GNAS MGRIN PA YIN, DE'I TSE DE'I LUS STOD CUNG ZAD RGYAS PA SENG GE'I RNAM PA LTA BU, ZLA BA LNGA PA LA KHYAB BYED SKYE, DE NI LUS THAMS CAD LA KHYAB PAR GNAS, ZLA BA DRUG PA NAS BCU PA'I BAR LA RGYU BA, RNAM PAR RGYU BA, YANG DAG PAR RGYU BA, RAB TU RGYU BA,

012b

NGES PAR RGYU BA STE YAN LAG GI RLUNG RNAMS RIM BZHIN SKYE'O, ,GSUM PA THIG LE BSHAD PA NI, ,DANG POR THIG LE DKAR DMAR SNYING KHAR CHAGS, DE NAS DKAR PO CUNG ZAD CHAD DE SPYI BOR GNAS PA LA HAm YIG CES BYA, DMAR PO CUNG ZAD CHAD DE LTE BAR GNAS PA LA AAm YIG CES BYA, DE GNYIS THIG LE DKAR DMAR GYI GNAS KYI GTZO BO YIN CING, RTZA 'KHOR GZHAN RNAMS NA'ANG MI GNAS PA NI MA YIN NO, ,DES NA THIG LE LA DBYE NA THIG LE DKAR DMAR GNYIS SAM BZHIR YOD DO, GNYID 'THUG RMI LAM SAD PA BZHI PA'I GNAS SKABS BSKYED PA'I THIG LE BZHIR YOD PA'I PHYIR, SNYING KHA DANG NOR BU'I DBUS NA GNYID 'THUG GI GNAS SKABS BSKYED PA'I THIG LE, MGRIN PA DANG GSANG GNAS NA RMI LAM GYI GNAS SKABS BSKYED PA'I THIG LE, SPYI PO DANG LTE BA NA SAD PA'I GNAS SKABS BSKYED PA'I THIG LE, SPYI BO DANG GSANG GNAS NA BZHI BA STE SNYOMS 'JUG GI GNAS SKABS BSKYED PA'I THIG LE RNAMS GNAS BA'I PHYIR, DE LTAR GZHI DNGOS PO'I GNAS TSUL GTAN LA PHAB PA LA CHOS CAN, DGOS PA YOD DE, SHIN TU PHRA BA'I RLUNG SEMS RE RE BA GZUGS SKU DANG, YE SHES CHOS SKU'I SGRUB GZHI DANG, SHIN TU PHRA BA'I RLUNG SEMS DNGOS PO GCIG PA DE ZUNG 'JUG GI SGRUB GZHI YIN PA, SHES PAR BYA BA'I CHED YIN PA'I PHYIR, BYE BRAG TU LUS KYI GNAS TSUL GTAN LA PHAB PA LA CHOS CAN, DGOS PA YOD DE, RDZOGS RIM GYI RTOGS PA SKYE BA LA RDO RJE'I

013a

, ,LUS LA GNAD DU BSNUN DGOS PA GANG ZHIG ,DE LTAR GNAD DU BSNUN TSUL SHES PAR BYA BA'I CHED YIN PA'I PHYIR, GNYIS PA LAM BGROD PA'I RIM BA RDZOGS RIM SGOM TSUL LA GSUM, RDZOGS RIM GYI GTZO BO AE WAm GNYIS KYI DON MDOR BSTAN PA, DE GNYIS KYI DON RGYAS PAR BSHAD PA, BYE BRAG TU RGYUD 'DI'I RDZOGS RIM BSHAD PA'O, ,DANG PO NI, BLA MED KYI RGYUD DON THAMS CAD AE WAm GYI DON DU 'DUS SHING, DE LA PHYE NA THOB BYA 'BRAS BU'I AE WAm, THOB BYED LAM GYI AE WAm, 'DREN BYED RTAGS KYI AE WAm DANG GSUM YOD, DANG PO NI, SANGS RGYAS 'PHAGS PA'I THUGS RGYUD KYI STONG NYID RTOGS PA'I SHES RAB AE YIG GI MTSON DON DANG, DE'I THUGS RGYUD KYI BDE BA CHEN PO'I YE SHES WA YIG GI MTSON DON DANG, DE GNYIS NGO BO DBYER MED PA THIG LE'I MTSON DON TE, DE LA NI BDE STONG DBYER MED KYI AE WAm ZHES ZER, SANGS RGYAS 'PHAGS PA'I THUGS RGYUD KYI SHES RAB BDE STONG DBYER MED KYI YE SHES NI AE YIG GI MTSON DON DANG, DE'I THUGS RGYUD KYI GZUGS KYI SKU NI WA YIG GI MTSON DON DANG, DE GNYIS SKU THUGS SU DNGOS PO GCIG PA NI THIG LE'I MTSON DON YIN TE, DE LA NI BDEN GNYIS DBYER MED KYI AE WAm ZHES ZER RO, ,GNYIS PA NI, LAM DUS KYI STONG NYID RTOGS PA'I SHES RAB AE YIG GI MTSON DON DANG, LAM DUS KYI BDE BA CHEN PO'I YE SHES WA YIG GI MTSON DON DANG, DE GNYIS NGO BO DBYER MI PHYED PA

013b

THIG LE'I MTSON DON YIN ZHING DES BDEN GNYIS DBYER MED KYI AE WAm YANG SHES PAR BYA'O, ,GSUM PA LA PHYI NANG GNYIS LAS PHYAG RGYA'I PADMA NI AE YIG GI MTSON DON DANG, YAB KYI RDO RJE NOR BU NI WA YIG GI MTSON DON DANG; DE GNYIS MNYAM PAR SBYAR BA LA BRTEN NAS, GZHI DUS SU BU BSKYED PA DANG, LAM DUS SU LHA SPRO BA THIG LE'I MTSON DON YIN NO, ,GNYIS PA NI, SPYI BO DANG LTE BA'I RTZA 'KHOR GRU GSUM PA AE YIG GI MTSON DON DANG, SNYING KHA DANG MGRIN PA'I RTZA 'KHOR ZLUM PA WA YIG GI MTSON DON DANG, RTZA 'KHOR DE DAG THABS SHES SU PHYOGS PA'AM, DE RNAMS LA GNAD DU BSNUN PA LA BRTEN NAS, THIG LE DANG BDE CHEN 'DREN PA NI THIG LE'I MTSON DON YIN TE, SAMBHU tA LAS, SPYI PO LTE BAR ZHES SOGS GSUNGS PA'I PHYIR, ,GNYIS PA RGYAS PAR BSHAD PA LA GSUM, BDE STONG DBYER MED KYI AE WAm BSHAD PA, BDEN GNYIS DBYER MED KYI AE WAm BSHAD PA, DE BSKYED PA LA RTAGS KYI AE WAm LUS LA GNAD DU BSNUN DGOS BAR BSTAN PA'O, ,DANG PO LA GSUM, STONG BA BSHAD PA, BDE BA BSHAD PA, BDE STONG DBYER MED BSHAD PA'O, ,DANG PO NI, MDO SNGAGS GNYIS KAR BDEN 'DZIN 'KHOR BA'I RTZA BA DANG, DE'I GNYEN PO BLA NA MED PA STONG NYID BSGOM PAR GSUNGS PA LA YANG KHYAD PAR MED DE, RDO RJE SNYING PO RGYAN GYI RGYUD LAS, RNAL 'BYOR GCIG GCIG SHES BYAS NAS, ,DBEN PAR SONG STE RAB 'BAD NA, ,SDIG DAG TSE 'DIR SANGS RGYAS 'GRUB, ,CHOS BDAG MED PA RAB BSGOMS PAS,,

014a

, ,THAMS CAD MKHYEN PA KHONG DU CHUD, CES GSUNGS PA'I PHYIR, DE YANG STONG PA DE LA SGRAS BRJOD RIGS KYI GO NAS DBYE NA BZHI YOD DE, RANG RGYUD PA MAN CHAD GANG ZAG GI BDAG MED DU 'DOD PA'I GANG ZAG RANG SKYA THUB PA'I RDZAS YOD KYIS STONG PA DANG, SEMS TZAM PA BDOD PA'I GZUNG 'DZIN RDZAS GZHAN GYIS STONG PA DANG, BLO GNOD MED LA SNANG BA'I DBANG GIS BZHAG PA MA YIN PAR, YUL RANG GI THUN MONG MA YIN PA'I SDOD LUGS KYI NGOS NAS GRUB PAS STONG PA DANG, CHOS THAMS CAD RTOG PAS BRTAGS TZAM MA YIN PAR RANG BZHIN GYIS GRUB PAS STONG PA'I STONG NYID BZHI YOD PA'I PHYIR, DE YANG SKABS 'DIR STONG PA DANG PO DANG BDE STONG SBYOR BA SUS KYANG MA BSHAD LA, GANG ZAG DMAN PA BZHI'I DBANG PO'I RIM PAS STONG PA PHYI MA GSUM DANG BDE STONG SBYOR BA YOD KYANG, RIN PO CHE LTA BU'I GANG ZAG GIS BDE STONG SBYOR RGYU'I STONG NYID YIN NA, BZHI PA DE YIN PAS KHYAB STE, PHAR PHYIN THEG PA'I GDUL BYA DBANG RNON GYIS GTZO BOR BSGOMS PA'I STONG NYID YIN NA STONG NYID BZHI PA DE YIN PAS KHYAB PA GANG ZHIG ,PHAR PHYIN THEG PA'I GDUL BYA DBANG RNON LAS RIN PO CHE LTA BU'I GANG ZAG DBANG PO BRGYA 'GYUR GYI RNO BA'I PHYIR, GNYIS PA BDE BA BSHAD PA NI, ZHI GNAS MTSAN NYID PA THOB PA'I LUS SEMS SHIN SBYANGS KYI BDE PA YANG 'DIR BSTAN BDE STONG SBYOR RGYU'I BDE BA MA YIN TE, PHYI ROL PA 'GA' ZHIG GI RGYUD LA

014b

YANG YOD PA'I PHYIR, STONG NYID MNGON SUM DU RTOGS PA'I ZAG MED KYI BDE BA YANG DE MA YIN TE, DE 'PHAGS PA THAMS CAD KYI RGYUD LA YOD PA'I PHYIR, DBUGS 'BYUNG RNGUB BKAG NAS LHA'I RNAL 'BYOR BSGOMS PA LAS BYUNG BA'I BDE BA YANG DE MA YIN TE, DE NI RGYUD SDE 'OG MA GSUM LA'ANG YOD PA'I PHYIR, RLUNG DBU MAR THIM PA MA YIN PAR BYANG SEMS 'PHO BA BKAG PA'I BDE BA DANG LAS BRGYA DANG YE RGYA LA BRTEN PA'I BDE BA YANG DE MA YIN TE DE BSKYED RIM GYI SKABS SU YANG YOD PA'I PHYIR, GTUM MO PHAL PA 'BAR BA'I BDE BA YANG DE MA YIN TE, DE NI THA MAL PA'I RGYUD LA YANG YOD PA'I PHYIR, 'O NA JI LTAR YIN ZHE NA, BSKYED RIM GYI RJES SU RLUNG DBU MAR ZHUGS GNAS THIM GSUM BYAS PA LAS BYUNG BA'I LHAN SKYES KYI BDE CHEN NYID YIN NO, ,GSUM PA NI RLUNG DBU MAR ZHUGS GNAS THIM GSUM BYAS PA LA BRTEN NAS BYUNG BA'I YUL CAN LHAN SKYES KYI BDE BA CHEN PO'I YE SHES KYIS YUL STONG NYID 'DZIN STANGS KYI YUL DU BYAS NAS CHU LA CHU BZHAG PA BZHIN RO GCIG TU MNYAM PAR BZHAG NAS BSGOM PA BDE STONG DBYER MED DU SBYOR TSUL YIN TE, THABS SHES GTAN LA DBAB PA GRUB PA LAS, CHU DANG 'O MA 'DRES PA BZHIN, ,GNYIS MED RNAM PA'I SBYOR BA YIS, ,GNYIS PO 'DUS PA GANG YIN PA, ,SHES RAB THABS ZHES BYA BAR GRAGS, ZHES GSUNGS PA'I PHYIR, DE LTA MA YIN PAR KHA CIG BDE BA DANG DE'I CHOS NYID NGO BO DBYER MED DU BYED PA BDE STONG DBYER MED DU SBYOR BA'I DON

015a

, ,DU 'DOD PA NI MI 'THAD DE, BDE BA NAM GRUB TZAM NAS DE GNYIS NGO BO DBYER MED DU GRUB PA'I PHYIR, YANG LHAN SKYES KYI BDE BA DANG STONG NYID RTOGS PA'I SHES RAB GNYIS GCIG GIS GCIG LA RGYAS BTAB STE BSGOM PA YANG BDE STONG SBYOR TSUL MA YIN TE, DE LTAR BSGOM PA LA LHAN SKYES KYI BDE BA STONG NYID RTOGS PA'I SHES RAB KYIS ZIN PA YOD KYANG, LHAN SKYES KYI BDE BA STONG NYID RTOGS PA'I SHES RAB KYI NGO BOR SONG BA DE MED PA'I PHYIR, DPER NA STONG NYID RTOGS PA'I SHES RAB KYIS ZIN PA'I SBYIN SOGS KYI NYAMS LEN BZHIN YIN PA'I PHYIR, YANG LHAN SKYES KYI BDE BA LA SRED ZHEN SKYES DOGS NAS STONG NYID BSGOM PA YANG BDE STONG SBYOR TSUL MA YIN TE, DE YIN NA 'PHAGS PA RNAMS KYIS BDE STONG SBYOR MI DGOS PA'I PHYIR, DES NA SNGAR BSHAD PA LTAR BDE STONG DBYER MED DU SBYOR DGOS TE, STONG NYID TZAM BSGOMS KYANG BLA MED KYI LAM MCHOG GI GNAD MI TSANG, SNYING RJE LHAN SKYES KYI BDE BA TZAM BSGOMS KYANG 'KHOR BA LAS MI GROL BA'I PHYIR TE, SA RA HAS, SNYING RJE DANG BRAL STONG PA NYID ZHUGS PAS, ,DES NI LAM MCHOG RNYED PA MA YIN NO, ,'ON TE SNYING RJE 'BA' ZHIG BSGOMS NA YANG, ,'KHOR BA 'DIR GNAS THAR PA THOB MI 'GYUR, ,GANG YANG GNYIS PO SBYOR BAR NUS PA DE, ,'KHOR BAR MI GNAS MYA NGAN 'DAS MI GNAS, CES GSUNGS PA'I PHYIR, BYAS PA LA KHO NA RE, BDE BA CHEN PO'I YE SHES KYIS

015b

STONG NYID DES YUL DU BYAS NAS BSGOM PA MI 'THAD PAR THAL, SAMBHU tA LAS, STONG BA BSGOM PAR MI BYA STE, ,STONG MIN BSGOM PAR MI BYA'O, ZHES GSUNGS PA'I PHYIR, ZHE NA, SKYON MED DE, DE NI CHOS THAMS CAD THA SNYAD DU YOD PAS STONG PA DANG, DON DAM PAR MI STONG PAR BZUNG NA MTHAR 'DZIN GYI RNAM RTOG BSKYED PAR BSTAN PA YIN PA'I PHYIR, GNYIS PA BDEN GNYIS DBYER MED KYI AE WAm BSHAD PA NI, SKABS 'DIR BSTAN GYI BDEN GNYIS DANG, GSUNG RAB SPYI LA BRAGS PA'I BDEN GNYIS MING 'DRA YANG DON MI GCIG STE, 'DIR BSTAN GYI BDEN GNYIS NI RNAL 'BYOR PA KHO NA'I LAM DANG 'BRAS BU'I DBANG DU BYAS NAS BLA MED KHO NA LAS BSHAD PA'I PHYIR, DES NA RLUNG THAMS CAD BSGOMS STOBS KYIS SNYING KHA'I MI SHIGS PA LA THIM PA LAS BYUNG BA'I STONG NYID RTOGS PA'I 'OD GSAL 'DIR BSTAN GYI DON DAM BDEN PA NI AE YIG GI MTSON DON YIN, DE LA YANG DPE'I 'OD GSAL DANG, DON GYI 'OD GSAL GNYIS YOD, PHYI MA LA YANG RIM PA BZHI PA'I DON GYI 'OD GSAL DANG, ZUNG 'JUG GI DON GYI 'OD GSAL GNYIS YOD, 'OD GSAL GYI BZHON PA'I RLUNG SEMS LAS BSGRUBS PA'I MTSAN DPE DNGOS SAM RJES MTHUN PA CI RIGS PAS SPRAS PA'I LHA SKU DNGOS GNAS PA 'DIR BSTAN GYI KUN RDZOB BDEN PA NI WA YIG GI MTSON DON YIN, DE LA YANG STONG PA GSUM PA DBE'I 'OD GSAL GYI MTHAR BYUNG BA'I MA DAG PA'I SGYU MA'I SKU DANG, DON GYI 'OD GSAL STONG BA BZHI BA'I MTHAR BYUNG

016a

, ,BA'I DAG PA'I SGYU MA'I SKU GNYIS SU YOD, DE LTA BU'I BDEN GNYIS SKU THUGS SU DNGOS PO GCIG PA ZUNG DU 'JUG PA NI, 'DIR BSTAN BDEN GNYIS DBYER MED ZUNG 'JUG STE THIG LE'I MTSON DON YIN NO; ;'O NA 'DIR BSTAN KUN RDZOB BDEN PA SGYU MA'I SKU DE SGRUB BYED KYI RIGS PA GANG ZHE NA, 'DI LA BZHI, GZUGS SKU'I RGYU THUN MONG MA YIN PA'I SGO LA BRTEN NAS BSGRUB PA, SBYANG GZHI'I GNAD THUN MONG MA YIN PA'I SGO NAS BSGRUB PA, LHA BSKYED TSUL GYI GNAD LA BRTEN TE BSGRUB PA, THABS SHES NGO BO DBYER MED KYI GNAD LA BRTEN NAS BSGRUB PA'O, ,DANG PO NI, GZUGS SKU'I RIGS 'DRA'I RGYU'I GTZO BO SGYU LUS SU NGES TE, GDUL BYA THEG CHEN GYI RIGS CAN RNAMS KYI THOB BYA'I GTZO BO NI GZUGS SKU LA BRTEN NAS GZHAN DON BYED PA YIN ZHING, GZUGS SKU DE RIGS 'DRA'I RGYU LA BRTEN NAS BSGRUB DGOS PA GANG ZHIG ,GZUGS SKU'I RIGS 'DRA'I RGYU'I GTZO BO SGYU MA'I SKU LAS GZHAN MED PA'I PHYIR, DER THAL, GZUGS SKU DE RGYU MED DANG MI MTHUN PA'I RGYU LAS MI 'BYUNG ZHING, DE RANG GI RIGS 'DRA SNGA MA LA BRTEN NAS BSGRUB DGOS PA THEG CHEN PA GNYIS KA 'DOD PAR MTSUNGS PA GANG ZHIG ;PHAR PHYIN THEG PA BA 'DOD PA LTAR GYI SLOB PA'I MTSAN DPE MTHAR THUG DE YANG GZUGS SKU'I RIGS 'DRA'I RGYU'I GTZO BO MA YIN, RGYUD SDE 'OG MA BA GSUM 'DOD PA LTAR GYI MTSAN DPE'I RNAM PA CAN GYI LHA'I RNAL

016b

'BYOR DE YANG DE MA YIN, RIN PO CHE LTA BU'I GANG ZAG LA DANG PO NAS MTSAN DPE RANG BCAS SU YOD PA YANG MA YIN, SANGS RGYAS PA DANG MNYAM DU GLO BUR DU 'BYUNG BA YANG MA YIN PA'I PHYIR RO, ,RTAGS GNYIS PA GRUB STE, PHAR PHYIN THEG PA PA 'DOD PA LTAR GYI DE NI MA RIG BAG CHAGS KYIS DANG ZAG MED KYI LAS LA BRTEN NAS BLANGS PA'I MTSAN DPE YIN PA GANG ZHIG ,MA RIG BAG CHAGS KYIS SHES SGRIB YIN LA, DES BSKYED PA'I LUS DANG SHES SGRIB KYI DNGOS GNYEN BAR CHAD MED LAM GNYIS NGO BO GCIG DU 'ONG DON MED PAS DE'I SLOB PA'I MTSAN DPE MTHAR THUG DANG, RGYUN MTHA'I 'OD GSAL GZHI GCIG TU TSOGS PA DE 'BRAS DUS KYI SKU GNYIS NGO BO DBYER MED DU TSOGS PA'I RIGS 'DRA'I RGYU'I GTZO BOR MI RUNG BA'I PHYIR, BYAS PA LA KHO NA RE, SLOB PA'I MTSAN DPE MTHAR THUG DANG, RGYUN MTHA'I 'OD GSAL GNYIS NGO BO GCIG YIN PAR THAL, SLOB PA'I MTSAN DPE MTHAR THUG DE; YID KYI RANG BZHIN GYI LUS KYI MTSAN DPE YIN PA'I PHYIR, ZER NA SKYON MED DE, DE 'DRA'I MTSAN DPE DANG LDAN PA'I LUS DE YID LTAR THOGS PA MED PAS YID KYI RANG BZHIN GYI LUS CES BYA'I, YID SHES DANG NGO BO GCIG YIN PA'I SGO NAS DE LTAR BRJOD PA MA YIN PA'I PHYIR, RTZA RTAGS GSUM PA GRUB STE, RGYUD SDE 'OG MA PA 'DOD PA LTAR GYI LHA'I RNAL 'BYOR DE NI LHA BSGOM PA'I KUN SLONG YOD MED KYI RJES SU 'GRO LDOG BYED PA GANG ZHIG ,

017a

, ,GZUGS SKU'I RIGS 'DRA'I RGYU'I GTZO BO LA RIGS 'DRA RGYUN MI 'CHAD PA'I MTSAN DPE DNGOS GNAS LA GRUB PA ZHIG DGOS PA'I PHYIR, DES NA BSGOMS STOBS KYIS BYUNG BA'I RLUNG SEMS TZAM LAS GRUB PA'I MTSAN DPES SPRAS PA'I SGYU MA'I SKU DE SANGS RGYAS KYI GZUGS SKU'I NYER LEN GYI GTZO BO YIN TE, SEMS CAN RNAMS LA RAGS PA GNAS SKABS PA'I LUS DANG, PHRA BA GNYUG MA'I LUS GNYIS YOD PA LAS, GNYUG MA'I LUS DES GZHI DUS SU 'KHOR BA'I RGYU BYED, LAM DUS SU GZUGS SKU'I RGYU BYED PAR RDO RJE PHRENG BA DANG, DGONGS PA LUNG STON LAS BSHAD PA'I PHYIR TE, LUNG STON LAS, SNYING POR GYUR PA RANG SROG LAS, ,KHAMS GSUM NA NI GZHAN MED DE; ;SGYU MA RLUNG GI KHAMS GSUM PA, ZHES GSUNGS PA'I PHYIR, GNYIS PA NI, THUN MONG MA YIN PA'I SBYANG GZHI'I GNAD LA BRTEN NAS LAM DUS SU SGYU LUS NGES PAR GRUB STE, SKYE SHI BAR DO GSUM DANG RNAM MTHUN GYI RIM GNYIS BSGOMS PA LA BRTEN NAS THA MAL PA LA 'KHOR BA'I RGYUR 'GYUR BA'I SKYE SHI BAR DO GSUM PO RNAL 'BYOR PA LA LAM DUS SU DE'I SKU GSUM DU 'GYUR BA GANG ZHIG ,THA MAL PA LA BAR DOR 'GYUR RUNG GI LUS DE RNAL 'BYOR PA LA SGYU MA'I SKUR 'GYUR BA'I PHYIR TE, RIM LNGA LAS, KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN 'GYUR, ,RDO RJE'I SKU YANG DE NYID DO, CES GSUNGS PA'I PHYIR, GSUM

017b

PA NI; LHA'I BSKYED CHOG GI GNAD LAS KYANG LAM DUS SU SGYU LUS YOD PAR NGES PAR GRUB STE, RGYUD SDE BZHI KA'I SKABS SU STONG NYID BSGOMS PA'I MTHAR LHA'I SKUR LDANG PAR BSHAD PAS DE LA BRTAGS NA LAM MTHON POR SONG BA NA LHA'I SKUR DNGOS GNAS LA LDANG BA ZHIG DGOS PA GANG ZHIG ,DE NI DPE DON GYI 'OD GSAL GYI MTHAR SGYU MA'I SKUR LDANG TSUL SHES PA LA RAG LAS PA'I PHYIR, BZHI PA NI THABS SHES DBYER MED KYI GNAD LA BRTEN NAS LAM DUS SU SGYU MA'I SKU YOD PAR GRUB STE, PHAR PHYIN THEG PAR DAG SA'I SKABS SU'ANG RJES THOB TU BSOD NAMS KYI TSOGS GSOG PA LA BSKUL DGOS, BLA MED KYI LAM MTHON POR RJES THOB TU BSOD NAMS KYI TSOGS GSOG PA LA MI LTOS PAR; MNYAM GZHAG CIG DRIL DU BSKYANGS PAS CHOG PAR GSUNGS PA GANG ZHIG ,DE'I RGYU MTSAN PHAR PHYIN THEG PA'I SA MTHON POR YANG MNYAM GZHAG TU 'BRAS BU'I SKU GNYIS KYI RIGS 'DRA'I RGYU'I GTZO BO GNYIS NGO BO DBYER MED DU NYAMS SU LEN PA MED CING, SNGAGS BLA MED KYI LAM MTHON POR DE GNYIS NGO BO DBYER MED DU NYAMS SU LEN PA YOD PA'I RGYU MTSAN GYIS YIN PA'I PHYIR, GSUM PA NI, MDO SNGAGS GNYIS KA'I LUGS LA BSGOM BYA'I STONG NYID LA KHYAD PAR MED KYANG, SGOM BYED KYI BLO LA KHYAD PAR YOD DE, PHAR PHYIN THEG PA'I SKABS SU YID SHES RAGS PAS STONG NYID BSGOM, RGYUD SDE 'OG MA GNYIS KYI SKABS SU YE SHES KYI PHYAG RGYA DANG, BLTAS PA DANG, RGOD PA

018a

, ,DANG; LAG PA BCANGS PA LAS BYUNG BA'I BDE BAS STONG NYID BSGOM, BLA MED KYI SKABS SU BDEN 'DZIN DANG GNYIS SNANG 'KHRUL BA'I BAG CHAGS GA-YO BYED KYI RLUNG SNYING KHAR THIM PA LAS BYUNG BA'I LHAN SKYES KYI BDE BAS STONG NYID BSGOM PA YIN PA'I PHYIR, DE LTA BU'I LHAN SKYES KYI BDE STONG DBYER MED KYI YE SHES DE YANG PHYI NANG GI RKYEN KHYAD PAR CAN GNYIS PO GANG RUNG GI SGO NAS SGRUB DGOS TE, RANG DANG YUL RTEN MTSAN NYID TSANG BA'I LAS RGYA DANG, YE RGYA GANG RUNG GI DH'U T'I'I MAR SNA GNYIS SPRAD DE SNYOMS PAR 'JUG PA DANG, YANG NA NANG RDO RJE'I LUS LA GNANG DU BSNUN NAS SGRUB DGOS PA'I PHYIR, RLUNG DBU MAR 'JUG PA'I SGO LA YANG DU MA YOD DE, SPYI BO MGRIN PA, SNYING GA ,LTE BA, GSANG GNAS NOR BU'I 'BUS KYI RTZA 'KHOR RNAMS DANG, DH'U T'I'I YAR SNA DANG MAR SNA STE BRGYAD DU YONG BA'I PHYIR, RGYUD SDE SO SO'I SROL GYIS GNANG DU BSNUN PA'I SGO MI 'DRA BA DU MA YOD KYANG, MTHAR DGA' BA BZHI DANG STONG PA BZHI DRANGS NAS LHAN SKYES KYI BDE CHEN SKYE BA LA KHYAD PAR MED DE, DO HA LAS, ZA ZHING 'THUNG LA GNYIS SPROD KYIS DGA' ZHING, ,RTAG TU YANG DANG YANG DU 'KHOR LO 'GENGS, ,CHOS 'DI LTA BUS 'JIG RTEN PHA ROL 'GRUB 'GYUR TE, ,RMONGS PA'I 'JIG RTEN MGO BOR RDOG PAS MNAN NAS SONG, ,GANG DU RLUNG DANG SEMS NI MI RGYU ZHING, ,NYI MA ZLA BA 'JUG PA MED GYUR PA, ,MI SHES PA DAG GNAS DER SEMS NI DBUGS PHYUNG ZHIG ,MDA' BSNUN

018b

GYIS NI MAN NGAG THAMS CAD BSTAN NAS SONG, ZHES GSUNGS PA'I PHYIR, DE LTAR THUN MONG MA YIN PA'I BDE STONG DBYER MED KYI YE SHES BSKYED PA LA, RDO RJE'I LUS LA GNAD DU BSNUN DGOS PAR MA ZAD 'DIR BSTAN BDEN GNYIS DBYER MED KYI RDZOGS RIM BSKYED PA LA YANG RDO RJE'I LUS LA GNAD DU BSNUN DGOS TE, BSKYED RDZOGS GNYIS KA DANG, KHYAD PAR RDZOGS RIM GYI LAM RNAMS SKYE SHI BAR DO GSUM DANG RNAM PA JI BZHIN DU MTHUN PAR BSGOM DGOS PAR GSUNGS PA GANG ZHIG ,'CHI BA DANG RNAM PA MTHUN PA'I DPE DON GYI 'OD GSAL BSKYED NAS BAR DO DANG RNAM PA MTHUN PA'I DAG MA DAG GI SGYU LUS GNYIS BSKYED PA LA RDO RJE'I LUS LA GNAD DU BSNUN DGOS PA'I PHYIR TE, RDOR PHRENG LAS, PHYAG RDOR GYIS SRID PA SKYE 'CHI'I RIM PA JI LTAR YIN DRIS PA'I LAN RDO RJE 'CHANG GIS GSUNGS NAS, RDOR BZLAS LA SOGS PA'I RDZOGS RIM RNAMS KYANG DE DANG 'DRA BAR GSUNGS PA'I PHYIR TE, DE NYID LAS, DE LAS SLAR YANG 'CHI DANG SKYE, ,DE LTAR 'KHOR LO BSKOR BA 'DRA, ,SNGON BZHIN RDO RJE BZLAS PA SOGS, ,RIM GYIS DE YI DBYE BAR 'GYUR, CES GSUNGS PA'I PHYIR DANG, DE'I DGONGS PA 'GREL PA LA N'A RO PAS, GZHI LAM GNYIS KYI RIM LNGA DANG GZHI LAM 'BRAS GSUM GYI SKU GSUM GYI RNAM GZHAG KYANG GSUNGS PA'I PHYIR TE, RIM LNGA BSDUS GSAL LAS, SRID PA SKYE DANG NYIN ZHAG GCIG ,STAN GCIG STENG DU SBYAR TE BSHAD, ZHES GSUNGS PA'I PHYIR, 'O NA GZHI'I

019a

, ,RIM LNGA DANG SKU GSUM GYI RNAM GZHAG JI LTAR YIN ZHE NA, SKYES NAS MA SHI BAR DU RLUNG 'BYUNG 'JUG BYED PA NI GZHI'I RDOR BZLAS KYI RIM PA DANG, 'CHI BA 'OD GSAL GYI SNGA LOGS KYI SNANG MCHED THOB GSUM NI GZHI'I SEMS DMIGS KYI RIM PA DANG, 'CHI BA 'OD GSAL NI GZHI'I 'OD GSAL GYI RIM PA DANG, BAR DO'I RLUNG LUS NI GZHI'I SGYU LUS KYI RIM PA YIN LA, DES NI DAG MA DAG GI SGYU LUS GNYIS MTSON NO, ,DE BZHIN DU 'CHI BA 'OD GSAL NI GZHI'I CHOS SKU DANG, DE LAS LANGS PA'I BAR DO'I LUS NI LONGS SKU DANG, BAR DO MNGAL DU NYID MTSAMS SBYAR BA NI GZHI'I SKYE BA SPRUL SKU YIN NO, ,YANG ZHAG GCIG GI SAD DUS KYI RLUNG 'BYUNG 'JUG BYED PA NI ZHAG GCIG GI RDOR BZLAS KYI RIM PA DANG, GNYID LA MNGON DU PHYOGS PA'I SNANG MCHED THOB GSUM NI ZHAG GCIG GI SEMS DMIGS KYI RIM PA DANG, GNYID KYI 'OD GSAL NI ZHAG GCIG GI 'OD GSAL GYI RIM PA DANG, RMI LAM GYI LUS KHYAD PAR BA NI ZHAG GCIG GI LONGS SKU DANG, RMI LAM GYI LUS PHUNG PO RNYING PA LA ZHUGS TE SAD BA NI ZHAG GCIG GI SPRUL SKU YIN NO, ,GZHI LA RIM LNGA'I THA SNYAD MDZAD PA LA CHOS CAN, DGOS PA YOD DE, RNAL 'BYOR BAS GZHI'I RIM LNGA DANG RNAM PA MTHUN PAR LAM GYI RIM LNGA BSGOMS PA LA BRTEN NAS, RNAL 'BYOR PA LA GZHI'I RIM LNGA'I DOD LA LAM GYI RIM LNGA 'BYUNG NGO ZHES SHES PAR BYA BA'I CHED YIN PA'I PHYIR, GZHI'I SKU GSUM GYI

019b

THA SNYAD MDZAD PA LA CHOS CAN, DGOS PA YOD DE, RNAL 'BYOR PAS GZHI'I SKU GSUM DANG RNAM PA MTHUN PA'I LAM GYI SKU GSUM BSGOMS PA LA BRTEN NAS 'BRAS BU'I SKU GSUM 'GRUB PA'I CHED YIN PA'I PHYIR, NYIN ZHAG GCIG GI SKU GSUM GYI THA SNYAD MDZAD PA LA CHOS CAN, DGOS PA YOD DE, ZHAG GCIG GI GNYID CHOS SKU, RMI LAM LONGS SKU, SAD PA SPRUL SKU DANG SRE BA'I RNAL 'BYOR SGOM PA SHES PAR BYA BA'I CHED YIN PA'I PHYIR RO,, ,, SMRAS PA, GZHI'I GNAS TSUL JI BZHIN MNGON GYUR NAS, ,ZAB LAM RIM PA LNGA YI RNAL 'BYOR GYIS, ,SKYE SHI BAR DO RGYAL BA'I SKU GSUM DU, ,SGYUR BYED THABS MKHAS MCHOG 'DI AE MA HO,, ` ,,GSUM PA BYE BRAG TU RGYUD 'DI'I RDZOGS RIM BSHAD PA LA GSUM, MAN NGAG LA BRDAR SHA GCOD TSUL MTHAR THUG PA BSHAD PA DANG, BLA MA SNGA MA RNAMS KYI MAN NGAG GZHAN YANG DE DANG BSTUN DGOS PA DANG, RDZOGS RIM DNGOS BSHAD PA'O; ;DANG PO NI, RIM LNGA'I MAN NGAG YONGS SU MTHAR THUG PA NI RTZA RGYUD YIN TE, DE LAS RIM LNGA'I MAN NGAG 'GA' ZHIG GSAL BAR BSTAN CING PHAL CHER SNYING POR TSUD PA'I TSUL GYIS SBAS NAS BSTAN PA'I PHYIR, 'ON KYANG SBAS DON BSHAD RGYUD RNAMS KYIS GSAL BAR STON PAS NA, RTZA BSHAD SBYOR SHES PA'I BLA MA'I MAN NGAG LA BRTEN NAS RTOGS DGOS TE, RIM LNGA LAS, DPAL LDAN 'DUS PA'I RGYUD DU NI, ,DE NYID 'DI RAB RGYAS BTAB GNAS,,

020a

, ,BSHAD PA'I RGYUD KYI RJES 'BRANGS NAS, ,BLA MA'I KHA LAS RTOGS PAR BYA, ZHES GSUNGS PA'I PHYIR, GNYIS PA NI, RTZA BSHAD YAB SRAS LNGA'I GZHUNG GI RJES SU 'BRANGS NAS RIM LNGA'I GDAMS PA TSAD BAR STON PA RJE 'GOS KYIS MDZAD PA'I STONG THUN DANG, MAR LUGS KYI RIM LNGA BSDUS PA GSAL BA'I RJES SU 'BRANG BA, GSER SDINGS PA'I RIM LNGA DON LNGA MA, DON BZHI MA, 'KHOR LO CAN, GDAN RDZOGS RNAMS KYANG ZHUS DAG BYAS TE RGYUD DANG YAB SRAS KYI GZHUNG DANG MTHUN PA RNAMS BSGRIGS NAS NYAMS SU LEN PAR BYED PA YIN NO, ,GSUM PA LA GSUM, RDZOGS RIM GYI DBYE BA, GO RIMS DANG GRANGS NGES, PHYE BA SO SO'I DON NO, ,DANG PO LA GNYIS, DBYE BA DNGOS DANG, RIM LNGAR SBYOR DRUG 'DU TSUL LO, ,DANG PO NI, RTZA RGYUD LE'U DRUG PA DANG, DE'I SGRON GSAL DANG SPYOD BSDUS RNAMS LAS RDZOGS RIM LA LUS DBEN DANG POR BYAS PA'I RIM PA DRUG TU GSUNGS SHING, RDO RJE PHRENG BA'I RJES SU 'BRANGS NAS MGON PO'I RIM LNGA DANG, RNAM GZHAG RIM PAR RDZOGS RIM LUS DBEN NGAG DBEN GYI RIM PAR BSDUS NAS, NGAG DBEN RIM PA DANG POR BYAS TE RIM PA LNGAR GSUNGS, SGRON GSAL GYI THOG MAR BSKYED RIM RIM PA DANG PO DANG, RDZOGS RIM LA LUS DBEN DANG NGAG DBEN GNYIS SEMS DBEN GYI RIM PAR BSDUS NAS, SEMS DBEN, SGYU LUS, 'OD GSAL, ZUNG 'JUG STE RIM PA BZHIR BYAS NAS RGYUD

020b

DON THAMS CAD RIM LNGAR BSTAN, RGYUD LE'U BCU GNYIS PA'I RJES SU 'BRANGS NAS, RGYUD PHYI MAR RDZOGS RIM SBYOR DRUG TU GSUNGS TE, DE NYID LAS, SO SOR SDUD DANG BSAM GTAN DANG, ,SROG RTZOL DE BZHIN 'DZIN PA DANG, RJES SU DRAN DANG TING 'DZIN RNAMS, ,SBYOR BA YAN LAG DRUG CES GRAGS, CES GSUNGS PA'I PHYIR, 'O NA BSHAD TSUL THA DAD PA DE DAG 'GAL LO ZHE NA, SKYON MED DE, DBYE BSDU TZAM YIN PA'I PHYIR, GNYIS PA NI, RDZOGS RIM GYI LAM RIM PA LNGAS SBYOR BA YAN LAG DRUG BSDUS TSUL YOD DE, LUS DBEN GYIS SOR BSAM GNYIS, NGAG DBEN GYIS SROG RTZOL, 'OD GSAL GYIS 'DZIN PA, ZUNG 'JUG GIS RJES DRAN DANG TING NGE 'DZIN GNYIS BSDUS PA YIN PA'I PHYIR, GNYIS PA NI 'DI'I CHED DU BYA BA'I GDUL BYA RIN PO CHE LTA BU'I GANG ZAG SNYIGS DUS KYI TSE THUNG GCIG LA 'TSANG RGYA BAR BYED PA'I THABS LA, LAM THUN MONG BAS RGYUD SBYANGS NAS RGYUD SNOD RUNG DU BYED PA DBANG DANG DAM TSIG ,SNOD DU RUNG NAS RGYUD SMIN PAR BYED PA BSKYED PA'I RIM PA, SMIN PA GROL BAR BYED PA RDZOGS PA'I RIM PA RNAMS SU GO RIMS NGES SHING, RDZOGS RIM LA'ANG LAM RIM PA LNGAR GO RIMS NGES TE, SNGA MA SNGA MA SNGON DU MA SONG BAR PHYI MA PHYI MA RNAMS MI 'BYUNG BA'I PHYIR, DE YANG MI SLOB PA'I ZUNG 'JUG THOB PA LA SLOB PA'I ZUNG 'JUG THOB PA SNGON DU 'GRO DGOS TE, DE LA DE'I RIGS 'DRA'I RGYU THABS SHES NGO BO DBYER MED KYI ZUNG 'JUG PHAL PA THOB PA SNGON

021a

, ,DU 'GRO DGOS PA'I PHYIR, SLOB PA'I ZUNG 'JUG THOB PA LA DON GYI 'OD GSAL DANG DAG PA'I SGYU LUS THOB PA SNGON DU 'GRO DGOS TE, ZUNG DU 'JUG RGYU'I YA GNYIS MA BSGRUBS PAR ZUNG DU 'JUG RGYU MED PA'I PHYIR, RIM PA BZHI PA'I DON GYI 'OD GSAL THOB PA LA RIM PA GSUM PA'I SGYU LUS THOB PA SNGON DU 'GRO DGOS TE, RIM PA BZHI BA'I DON GYI 'OD GSAL DE GROGS BSOD NAMS MTHA' YAS PAS ZIN PA'I SLO NAS STONG NYID MNGON SUM DU GSAR DU RTOGS TZAM NAS, NYON SGRIB KUN BRTAGS DANG LHAN SKYES GNYIS GCIG CAR DU 'JOMS NUS PA GANG ZHIG ,RIM PA GSUM PA'I SGYU LUS DE BSKAL PA GRANGS MED GSUM GYI BSOD NAMS KYI DOD THUB YIN PA'I PHYIR, DE LTA BU'I SGYU LUS THOB PA LA SEMS DBEN MTHAR THUG GI DPE'I 'OD GSAL THOB PA SNGON DU 'GRO DGOS TE, BAR DO JI BZHIN PA'I MA DAG PA'I SGYU LUS THOB PA LA, 'CHI DUS CI 'DRA BAR RLUNG THAMS CAD SNYING KHA'I MI SHIGS PAR THIM PA SNGON DU 'GRO DGOS PA'I PHYIR, SEMS DBEN MTHAR THUG THOB PA LA, NGAG DBEN SROG RTZOL GSUM GYI RNAL 'BYOR GYIS SNYING KHA'I RTZA MDUD RDZOGS PAR GROL BA SNGON DU 'GRO DGOS TE, SNYING KHA'I RTZA MDUD RDZOGS PAR MA GROL BAR RLUNG THAMS CAD 'CHI RIM JI BZHIN DU SNYING KHAR SDUD MI NUS PA'I PHYIR, NGAG DBEN SROG RTZOL GSUM GYIS SNYING KHA'I RTZA MDUD 'GROL BA LA LUS DBEN

021b

PHRA MO'I RNAL 'BYOR SNGON DU 'GRO DGOS TE, DE LA DH'U T'I'I MAR SNA SOGS RTZA 'KHOR GZHAN DU RLUNG SDUD BA SNGON DU 'GRO DGOS PA'I PHYIR, RDZOGS RIM LUS DBEN THOB PA LA BSKYED RIM NAS LAM THUN MONG BAS RGYUD SBYONG BA'I BAR SNGON DU 'GRO DGOS TE, DE RNAMS SNGA MA SNGA MA SNGON DU MA SONG BAR PHYI MA PHYI MA MTSAN NYID TSANG BA MI SKYE BA'I PHYIR, DES NA BSGRUB BYA MTHAR THUG LA BLTOS NAS RDZOGS RIM GYI LAM LA LNGAR GRANGS NGES PA YANG YIN TE, DE LA DE LTAR DBYER YOD, DE LAS GRANGS MANG MI DGOS SHING NYUNG NA MI 'DU BA YIN PA'I PHYIR, GSUM PA LA GNYIS, DBEN PA GSUM GYI TING NGE 'DZIN LA BSLAB TSUL DANG, BDEN PA GNYIS KYI TING NGE 'DZIN LA BSLAB TSUL LO, ,DANG PO LA GSUM, LUS DBEN SKU RDO RJE'I TING NGE 'DZIN LA BSLAB TSUL, NGAG DBEN GSUNG RDO RJE'I TING NGE 'DZIN LA BSLAB TSUL, SEMS DBEN THUGS RDO RJE'I TING NGE 'DZIN LA BSLAB TSUL LO, ,DANG PO LA DRUG ,LUS DBEN RIM GNYIS GANG YIN DPYAD PA, BSKYED RIM DANG LUS DBEN KHYAD PAR CAN GYI GO RIMS, LUS DBEN GYI NGOS 'DZIN, LUS DBEN GYI RAB DBYE, DE SOR BSAM GYI YAN LAG TU 'GYUR TSUL, LUS DBEN JI LTAR NYAMS SU LEN TSUL LO, ,DANG PO NI; LUS DBEN RIL PO BSKYED RIM DU 'DOD PA DANG, RDZOGS RIM DU 'DOD PA SOGS 'DOD TSUL MANG DU YOD KYANG, RANG LUGS LUS DBEN LA BSKYED RDZOGS GNYIS KA'I CHA YOD DE, STONG NYID RTOGS PA MA YIN PA'I

022a

, ,BLO'I GZUNG RNAM LHAR SHAR BA'I LUS DBEN DANG, ZHU BDES STONG NYID RTOGS PA MA YIN PA'I STONG NYID RTOGS PA'I BLO'I GZUNG RNAM LHAR SHAR BA'I LUS DBEN DANG, RLUNG DBU MAR ZHUGS GNAS THIM GSUM BYAS PA LAS BYUNG BA MA YIN PA ZHU BDE TZAM GYIS STONG NYID RTOGS PA'I GZUNG RNAM LHAR SHAR BA'I LUS DBEN DANG, RLUNG DBU MAR ZHUGS GNAS THIM GSUM BYAS PA LAS BYUNG BA'I ZHU BA DES STONG NYID RTOGS PA'I BLO'I GZUNG RNAM LHAR SHAR BA'I LUS DBEN DANG BZHI LAS, DANG PO GSUM BSKYED RIM GYI SKABS SU YANG YOD PA GANG ZHIG ,PHYI MA RDZOGS RIM GYI LUS DBEN YIN PA'I PHYIR, DES NA SNGON PO LA SOGS PA'I TSON RTZI GCIG NYID 'DRI BYED KYI DBANG GIS RI MO SNA TSOGS SU SNANG BA DANG, GAR MKHAN GCIG NYID KYI 'BAG CHAS KYI DBANG GIS RNAM 'GYUR SNA TSOGS SU SNANG BA LTAR DU RLUNG DBU MAR ZHUGS GNAS THIM GSUM BYAS PA LAS BYUNG BA'I BDE BA CHEN PO'I YE SHES KYI GZUNG RNAM GCIG NYID, DAM PA RIGS PA RGYA LA SOGS PA'I LHA SKUR SHAR BAR BSGOM PA NI RDZOGS RIM PA'I LUS DBEN YIN TE, SPYOD BSDUS SU NAM MKHA' DANG MNYAM PA'I RGYUD DRANGS PA LAS, 'GRO BA 'DI KUN SANGS RGYAS MNGA' BDAG NYID, ,GAR MKHAN DAG DANG RI MO BZANG LTAR SNANG, ,GANG DU BDE CHEN ZHES BYA GCIG PU NYID, ,GCIG PU NYAMS NI DU MAS GAR MDZAD DO, CES GSUNGS PA'I

022b

PHYIR RO, ,GNYIS PA NI, BSKYED RIM DANG LUS DBEN KHYAD PAR CAN GNYIS LA GO RIMS NGES TE, BSKYED RIM BSGOMS PAR RDZOGS RIM GYI RGYUD SMIN BYED YIN PA GANG ZHIG ,BYE BRAG TU BSKYED RIM GYI 'GO SGO'I PHRA MO BSGOMS PA RDZOGS RIM GYI 'OD SGOR PHRA MO SGOM PA DANG RNAM PA SHIN TU MTHUN ZHING DE'I RGYUD SMIN BYED KYANG YIN PA'I PHYIR, GSUM PA NI SHA RUS RDOS BCAS KYI PHUNG PO 'DI LA LUS CES PA'I SGRA BSHAD DU YOD DE, LUS KYI SKAD DOD K'A YA ZHES PA BSAGS PA DANG TSOGS PA DANG SPUNGS PA RNAMS LA 'JUG PAS SHA RUS RDOS BCAS KYI LUS 'DI YANG SHA'I KHAM TSAD BSAGS PA DANG LDAN PA'I PHYIR, RAGS PA NYER LNGA'I NANG NAS GZUGS CAN RNAMS LA YANG LUS CES SGRA BSHAD DU YOD DE, 'BRU'I PHUNG PO BZHIN DU TSOGS PA'AM SPUNGS PAS LUS CES BRJOD PA'I PHYIR, RAGS PA NYER LNGA'I NANG GI SEMS SEMS BYUNG RNAMS LA'ANG LUS KYI SGRA BSHAD DU YOD DE, DE RNAMS SKAD CIG SNGA PHYI TSOGS PA'I RGYUN DU MA DANG LDAN PAS DE LTAR BRJOD PA'I PHYIR, DES NA DBEN GZHI RAGS PA NYER LNGA PO DE THA MAL GYI SNANG ZHEN GYIS DBEN RGYU DANG, DE RNAMS LA BDE STONG GI RGYAS BTAB NAS LHAR BSGOMS PA NI DBEN PA'I DON YIN TE, SPYOD BSDUS LAS PHUNG PO DANG KHAMS DANG SKYE MCHED RNAMS KYI THOG MA MED PA NAS THA MAL PA'I NGA RGYAL GYIS GNAS PA RNAMS NI, 'DI LTAR DE BZHIN GSHEGS PA THAMS CAD KYI RDUL PHRA RAB LAS BSGRUBS PA'I NGO BO NYID DU BSTAN TE, ZHES

023a

, ,GSUNGS PA'I PHYIR, BZHI PA LA BZHI, DAM PA RIGS BRGYA'I LUS DBEN, DE NYID RIGS LNGA'I LUS DBEN, GSANG BA RIGS GSUM GYI LUS DBEN, GSANG CHEN RIGS GCIG GIS LUS DBEN NO, , DANG PO LA, BDE STONG GI RGYAS BTAB PA'I SGO NAS PHUNG PO RE RE LA CHA SHAS LNGA LNGAR PHYE STE DE BZHIN GSHEGS PA LNGA LA RIGS LNGA LNGAR PHYE NAS SGOM PA NI PHUNG PO LNGA RIGS LNGAR SGOM PA'I LUS DBEN YIN TE, RTZA RGYUD LAS, MDOR NA PHUNG PO LNGA RNAMS NI, ,SANGS RGYAS LNGAR NI RAB TU BSGRAGS, CES GSUNGS PA'I PHYIR, DE BZHIN DU BDE STONG GI RGYAS BTAB PA'I KHAMS BZHI RE RE LA LNGA LNGAR PHYE STE, YUM BZHI LA RIGS LNGA LNGAR PHYE NAS SGOM PA NI KHAMS BZHI YUM BZHIR SGOM PA'I LUS DBEN YIN TE, DE NYID LAS, SA NI SPYAN ZHES BYA BA YIN, ,CHU YI KHAMS NI M'A MA K'I, ME NI GOS DKAR MO YIN NO, ,RLUNG NI SGROL MAR RAB TU BSGRAGS, CES GSUNGS PA'I PHYIR, DE BZHIN DU BDE STONG GI RGYAS BTAB PA'I SKYE MCHED DRUG RE RE LA LNGA LNGAR PHYE STE SA SNYING SOGS DRUG PO LA RIGS LNGA LNGAR PHYE NAS SGOM PA NI MIG SOGS SEMS DPAR SGOM PA'I LUS DBEN YIN TE, DE NYID LAS, RDO RJE'I SKYE MCHED NYID DAG KYANG, ,BYANG CHUB SEMS DPA'I DKYIL 'KHOR MCHOG ,CES GSUNGS PA'I PHYIR, DE BZHIN DU BDE STONG GI RGYAS BTAB PA'I GZUGS SOGS YUL LNGA RE RE LA LNGA LNGAR PHYE STE RDO RJE MA LNGA LA RIGS LNGA LNGAR PHYE NAS SGOM PA NI

023b

YUL LNGA RDO RJE MA LNGAR SGOM PA'I LUS DBEN YIN TE, DE NYID LAS, GZUGS SGRA LA SOGS SNGAGS PA YIS, ,LHA NYID DU NI RTAG TU BSGOM, ZHES GSUNG PA'I PHYIR, DES NA DAM PA RIGS BRGYA'I LHA RNAMS SKU MDOG RIGS LNGA SO SO'I SKU MDOG TU 'GYUR YANG, PHYAG MTSAN RANG GI RTZA BA'I PHYAG MTSAN 'DZIN PA YIN NO, ,KHRO BO BCU DANG BYAMS PA KUN BZANG GNYIS LA RDO RJE 'PHRENG PAR LUS DBEN GSUNGS KYANG SKABS 'DIR MI STON PA'I RGYU MTSAN YOD DE, RAGS PA NYER LNGA'I SKYE RIM DANG THIM RIM GYI DBANG DU MDZAD NAS MA GSUNGS PA'I PHYIR, DES NA LUS DBEN GYI LHA LA RGYAS PAR PHYE NA BRGYA DRUG CU, DE'I STENG DU DBYE GZHI LHA SO GNYIS BSNAN PAS BRGYA GO GNYIS YOD DO, ,GNYIS PA NI, BDE STONG GI RGYAS BTAB PA'I SA CHU ME RLUNG RNAM SHES LNGA RNAM SNANG RIN 'BYUNG, 'OD DPAG MED, DON GRUB, MI BSKYOD PA STE RIGS LNGAR SGOM PA NI DE NYID RIGS LNGAR SGOM PA'I LUS DBEN YIN TE, RGYUD PHYI MA LAS, DE NYID RNAM PA LNGA RU BSHAD, ZHES GSUNGS PA'I PHYIR, DAM PA RIGS BRGYA PO DE YANG RIGS LNGAR 'DU ZHING, DBEN GZHI BRGYA PO DE YANG DBEN GZHI LNGAR 'DU STE, RNAM SNANG NYI SHU'I DBEN GZHI RIM BZHIN RTZA BA'I RNAM SNANG GI DBEN GZHI SOGS SU 'DU BA'I PHYIR; GSUM PA NI, BDE STONG GI RGYAS BTAB PA'I SGO GSUM PO RIN 'BYUNG DANG RNAM SNANG GNYIS SKU RDO RJE, DON GRUB DANG 'OG DPAG MED GSUNG RDO RJE, RDO RJE 'CHANG DANG MI BSKYOD PA THUGS RDO RJER BSDUS NAS SGOM PA NI GSANG BA RIGS

024a

, ,GSUM DU BSGOM PA'I LUS DBEN YIN TE, RGYUD PHYI MA LAS, GSANG BA RNAM PA GSUM DU BSHAD, CES GSUNGS PA'I PHYIR, DBEN GZHI LNGA PO DE YANG GSUM DU 'DU STE, LUS NGAG YID GSUM RNAM PAR DAG PA RDO RJE GSUM GYI DBEN GZHIR 'DU BA'I PHYIR, BZHI PA NI, SGO GSUM DANG LDAN PA'I SGRUB PA PO DE RDO RJE GSUM DANG LDAN PA'I RDO RJE 'CHANG GCIG TU SGOM PA NI GSANG CHEN RIGS GCIG GI LUS DBEN MTHAR THUG YIN TE, RGYUD PHYI MA LAS, LHAG PA'I LHA NI GSANG CHEN TE, ZHES GSUNGS PA'I PHYIR, DE'I TSE DBEN GZHI DANG DBEN BYED GNYIS LDAN PA'I SGO NAS BSDUS PA YIN TE, SGO GSUM SGRUB PA PO LA LDAN PA DANG, RDO RJE GSUM RDO RJE 'CHANG LA LDAN PA'I TSUL GYIS BSDU BA YIN PA'I PHYIR, LNGA PA NI, LUS DBEN RJES THOB TU BDE STONG GI RGYAS BTAB PA'I YUL LNGA LA DBANG SHES LNGAS KYANG LONGS SPYOD DU SDUD CING, DE'I RKYEN GYIS GANG SHAR THAMS CAD YID KYI SHES PAS BDE STONG GI NGO BOR BLTA BA NI SOR SDUD YIN TE, RGYUD PHYI MA LAS, DBANG PO BCU PO RNAMS KYI YANG, ,RANG GI 'JUG GNAS THAMS CAD DU, ,'DOD PA SO SOR SDUD PAS NA, ,SO SOR SDUD PA ZHES BSHAD DO, CES GSUNGS PA'I PHYIR, RANG RGYU SOR SDUD KYI BDE STONG GI RGYAS BTAB PA LA BRTEN NAS BYUNG BA 'DOD PA'I YUL LNGA LA SOGS PA LHAR BLTA BA'I RNAL 'BYOR NI BSAM GTAN YIN TE, RGYUD PHYI MA LAS, 'DOD PA LNGA NI MDOR BSDUS NAS, ,SANGS RGYAS LNGA RU SBYOR BA YIS,

024b

BRTAG PA BSAM GTAN ZHES BSHAD DE, CES GSUNGS PA'I PHYIR, DE'I TSE LHA'I NGO BO LA RTOG PA NI RTOG PA DANG, ZHAL PHYAG SOGS ZHIB TU DPYOD PA NI DPYOD PA'I YAN LAG YIN, DE GNYIS DANG LUS DBEN SOR SDUD KYI RNAL 'BYOR GANG RUNG YIN NA LUS DBEN RJES THOB KYI NYAMS LEN YIN PAS KHYAB, RANG RGYU RTOG DPYOD GNYIS KYIS DRANGS PA'I BDE BA CHEN PO'I YE SHES KYIS STONG NYID RTOGS PA'I YID BDE NI DGA' BA'I YAN LAG ,DE DANG MTSUNGS LDAN GYI LUS SEMS SHIN SBYANGS KYI BDE BA NI BDE BA'I YAN LAG ,DGA' BDE DE GNYIS DANG 'BREL BA'I SPYIR STONG BA BZHI DANG, KHYAD PAR THAMS CAD STONG PA 'OD GSAL NI SEMS RTZE GCIG PA'I YAN LAG YIN CING, DE GSUM NI LUS DBEN MNYAM GZHAG DON DAM PA'I LHA SGOM TSUL LO, ,DRUG PA LA GSUM, PHRA MO BSGOMS PAS RLUNG 'DU LUGS, DE LAS ZHU BDE SKYE TSUL, SKYES PA'I TSE MNYAM RJES SU SKYONG TSUL LO, ,DANG PO NI, BSKYED RIM PHRA RAGS MTHAR PHYIN PA'I RNAL 'BYOR PA DES RANG GSANG CHEN RDO RJE 'CHANG GI NGA RGYAL LA GNAS NAS LUS DBEN SGOM PA LA LUS GNAD RNAM SNANG GI CHOS BDUN LDAN DANG, DUS GNAD SPYIR RGYUN PA DANG, KHYAD PAR THO RANGS SOGS RIG PA DVANGS PA'I DUS DANG, PHYI DRO ME'I DUS DANG, RLUNG GNAD RANG SO MA BCOS PA DANG, YUL GYI GNAD DH'U T'I'I NANG DU SGOM DGOS TE, RIM LNGA BSDUS PA LAS, LUS DANG DUS DANG YUL RLUNG GI ,GNAD NI RNAM PA BZHIR SHES BYA, ZHES GSUNGS PA'I PHYIR, KHYAD

025a

, ,PAR SKABS 'DIR DH'U T'I'I MAR SNA 'AM NOR BU'I RTZA 'KHOR GYI DH'U T'I'I DBUS SU DMIGS RTEN RANG RIGS KYI PHYAG MTSAN NAM THIG LE PHRA MO GANG RUNG LA SEMS ZHUGS PA BZHIN DU RTZE GCIG TU SGOM DGOS TE, RTZA RGYUD LAS, RIN CHEN CHEN PO KHA DOG LNGA, ZHES DANG, AUTPAL MTHING KA'I MDOG 'DRA BA, ZHES SOGS GSUNGS PA'I PHYIR, DE LTAR BSGOMS PAS RLUNG SEMS 'JUG PA GCIG PA'I GNAD KYIS SEMS GANG DU BZUNGS DER RLUNG 'DU ZHING, DE LA BRTEN NAS RLUNG DBU MAR ZHUGS GNAS THIM GSUM BYED LA, ZHUGS PA'I RTAGS RLUNG SNA BUG NAS MNYAM RGYU SHED MTSUNGS CAN THENGS PA 'BYUNG, GNAS PA'I RTAGS SU SNA BUG GI RGYU BA 'CHAD, THIM PA'I RTAGS SU SA KHAMS CHU LA THIM PAS SMIG RGYU LTA BU DANG, CHU KHAMS ME LA THIM PAS DU BA LTA BU DANG, ME KHAMS RLUNG LA THIM PAS MKHA' SNANG ME KHYER LTA BU DANG, RLUNG KHAMS SNANG BA LA THIM PAR RTZOM PA NA MAR ME 'BAR BA LTA BU'I SNANG BA 'CHAR ZHING NGO SHES PAR BYED DGOS TE, ZHAL LUNG LAS, DE NAS GSANG BA'I THIG LE CHE, ,RAB TU PHRA BAR GONG MA BZHIN, ,RANG SEMS DAL BU DAL BUS GZUNG, ,DNGOS PO MED PA'I GNAS SU 'GYUR, ,DE YANG GZUNG BA GOMS PA YIS, ,PHYIN LOG SA NI RNAM PAR LDOG ,SMIG RGYU LTA BU SNANG BA NI, ,RTAGS NI DANG POR SHES PAR BYA, ,DE BZHIN DU NI CHU LOG PAS, ,DU BA LTA BU 'BYUNG BA NI, ,GNYIS PA YIN PAR SHES PAR BYA, ,

025b

MO NI RNAM PAR LOG GYUR PAS, ,MKHA' SNANG 'DRA BA GSUM PA'O, ,RLUNG NI DE BZHIN LOG PAS NA, ,MAR ME LTA BUR RAB SNANG BA, ,RTAGS NI BZHI PAR SHES PAR BYA, ,DE BZHIN PHYIN LOG RNAM PAR SHES, ,LOG PAS ZAB GSAL GNYIS MED KYI, ,DON 'DRA SPRIN MED NAM MKHA' LTAR, ,GSAL BA RTAGS NI LNGA PA'O, ZHES GSUNGS PA'I PHYIR, GNYIS PA NI, LAM BSGOMS PA DANG MA BSGOMS PA'I GANG ZAG GNYIS KA LA BYANG SEMS SPYI BO NAS RTAGS KYI BAR 'BAB PA YOD LA, BYANG SEMS ZHU SLA BA'I RIGS 'GA' ZHIG LA NI DH'U T'IR DMIGS PA GNAD DU BSNUN MA THAG TU BYANG SEMS 'BAB PA YOD PAS, DE DAG LA NI MAN NGAG GI STOBS KYIS BZLOG PA DANG 'GREMS PA SOGS SHES DGOS KYANG RLUNG DBU MAR THIM PA'I BYANG SEMS 'BAB PA LA NI DE LTAR BYED MI DGOS TE, DE LA NI BYANG SEMS GA-YO BYED KYI RLUNG RNAMS THIM ZIN PA'I PHYIR, DE LTAR BYANG SEMS SPYI BO NAS MGRIN PA, SNYING GA ,LTE BA, GSANG GNAS SU SLEB PA NA DGA' BA BZHIR 'JOG PA, RDO RJE PHRENG BA LAS BSHAD CING, DE LTA BU'I DGA' BA BZHI LA BYANG SEMS DKAR PO 'BAB PA'I CHA NAS DGA' PA RE RE LA BZHI BZHIR PHYE NAS BCU DRUG DANG, BYANG SEMS DMAR PO 'BAB PA'I CHA NAS DGA' BA BZHI PO RE RE LA GSUM GSUM DU PHYE NAS BCU GNYIS BSHAD DE, PHYAG CHEN THIG LE LAS, RI BONG MTSAN MA'I CHA 'DI RNAMS, ,DGA' BA'I THIG LE BCU DRUG STE, ,A'A LI'I NGO BOR SHES PAR BYA, ,'KHOR LO BZHI RU

026a

, ,RIM PA LAS, ,JI SKAD BSHAD RNAMS DE LTAR NA'ANG, ,NYI MA'I BCU GNYIS RNAMS SU BSHAD, CES GSUNGS PA'I PHYIR, SPYIR YANG DGA' BA BZHI PO RLUNG THIM RIM GYI STONG PA BZHI DANG BRANG SPROD DU 'BYUNG BAR YANG GSUNGS LA, BYE BRAG TU GSAL SGRON LAS, SLOB DPON THUB PA DPAL GYI BZHED PA LTAR, BYANG SEMS RDO RJE'I RTZA BA DANG, RKED PA DANG, NOR BU'I DBUS DANG, NOR BU'I RTZE MO'I BAR DU PHYIN PAS DGA' BA BZHI DANG, STONG PA BZHI BRANG SPROD DU 'DREN PAR GSUNGS SHING, PHYAG CHEN THIG LE LAS KYANG, GANG PHYIR DGA' BA DE SNANG BA, ,SNANG BA MCHED PA MCHOG DGA' STE, ,KHYAD DGA' NYE BAR THOB PA STE, ,LHAN CIG SKYES PA 'OD GSAL LO, ZHES GSUNGS PA'I PHYIR, DE YANG YAS BABS KYI DGA' BZHI DRANGS PA'I MTHAR MAS BRTAN GYI DGA' BA BZHI NI GOMS NAS RANG GI NGANG GIS 'DREN KYANG, LUS DBEN GYI SKABS 'DIR DANG POR RNAL 'BYOR PAS MAN NGAG GI CHED DU 'DREN DGOS TE, RDOR PHRENG LAS, DE NYID STENG DU RGYU BAR NI, ,RNAL 'BYOR PAS NI SGRUB PAR BYED, CES GSUNGS PA'I PHYIR, YAS BABS KYI DGA' BA LAS MAS BRTAN GYI DGA' BA CHES MCHOG TU GYUR BA YIN TE, MAS BRTAN GYI DGA' BZHI GANG RUNG LA LHAN SKYES KYIS KHYAB PA'I PHYIR, MAS BRTAN GYI DUS SU BYANG SEMS GYEN DU DRANGS NAS SPYI BO'I DBU MA'I NANG DU BRTAN PA ZHIG DGOS TE, DE BYUNG NA LHAN SKYES KYI BDE BA SHIN TU BRTAN PA 'BYUNG BA YIN PA'I PHYIR TE, PHYAG CHEN THIG LE LAS, DE

026b

NAS SROG GI STENG DU YID, ,DE MI MTHUN PAS 'BAB PAR 'GYUR, ,PADMA'I LTE BA'I DBUS GNAS PA, ,GANG DE PHYI NAS BRTAN GYUR PA, ,DE TSE MGON PO 'GRO MI 'GYUR, ,JI LTAR BU GA ME SNOD DU, ,CHU RNAMS ZAD PA MED GNAS LTAR, ,DE TSE BDE BA BRTAN PAR 'GYUR, ZHES GSUNGS PA'I PHYIR, SNYING GA'I RTZA MDUD LHOD POR MA SONG BAR DU MAS BRTAN RDZOGS PAR 'DREN MA THUB KYANG CHA MTHUN TZAM NI DE'I SNGA ROL NAS 'DREN PAR NUS SO, ,GSUM PA NI, SNGAR BSHAD PA'I PHRA MO'I RNAL 'BYOR BSGOMS PAS RLUNG DBU MAR ZHUGS GNAS THIM GSUM BYAS PA LAS KUNTA LTA BU'I BYANG SEMS DBU MA'I NANG DU BABS PAS REG BYA KHYAD PAR CAN SKYE, DES DMIGS RKYEN BYAS PAS LUS TSOR BDE BA SKYE DES DE MA THAG RKYEN BYAS PAS YID BDE SKYE, DE DANG STONG NYID PHRA MO GNYIS YUL YUL CAN DBYER MED DU SBYAR NAS RTZE GCIG TU MNYAM PAR 'JOG CING, RJES THOB TU CHOS THAMS CAD RANG BZHIN GYIS GRUB PAS STONG YANG, RTOG PAS BRTAGS TZAM GYI CHOS CAN SNA TSOGS SU 'CHAR BA NI RO GCIG DU MAR 'CHAR TSUL DANG, YANG CHOS CAN SNA TSOGS PA RNAMS KYANG RANG BZHIN STONG PA'I NGANG DU RO GCIG PA NI DU MA RO GCIG TU 'CHAR TSUL YIN LA, DE LTA BU'I STONG NYID NGES PA'I SKABS SU SNGAR GYI MNYAM GZHAG GI BDE BA DRAN PAR BYAS TE GANG SHAR THAMS CAD BDE STONG GI RNAM ROL DU 'CHAR BA DANG, DE LTA BU'I BDE STONG DBYER MED KYI YE SHES KYI GZUNG RNAM KYANG RIGS

027a

, ,BRGYA RIGS LNGA RIGS GSUM DANG, KHYAD PAR LUS DBEN MTHAR THUG GSANG CHEN RDO RJE 'CHANG DU SGOM PA'I BSAM GTAN DANG, DE YANG LHA'I RNAM PAR SGOM PA'I RTOG DPYOD GNYIS DANG, LHA'I DE KHO NA NYID SGOM PA'I DGA' BDE SEMS RTZE CIG PA RNAMS NYAMS SU LEN PA YIN TE, SA RA HAS, GNYIS SU MI BYA GCIG TU BYAS STE, ,RIGS LA BYE BRAG DAG TU MA 'BYED PAR, ,KHAMS GSUM MA LUS 'DI DAG THAMS CAD NI, ,'DOD CHAGS CHEN PO GCIG TU KHA DOG BSGYUR CIG DANG, ,DE NI THOG MA BAR MTHA' MED, ,SRID MIN MYA NGAN 'DAS PA MIN, ,BDE BA CHEN PO MCHOG 'DI LA, ,BDAG DANG GZHAN DU YOD PA MIN, ,MDUN DANG RGYAB DANG PHYOGS BCU RU, ,GANG GANG MTHONG BA DE DE NYID; ;DE RING NYID DU MGON PO DA LTA 'KHRUL PA CHAD, ,DA NI SU LA'ANG DRI BAR MI BYA'O, ZHES GSUNGS PA'I PHYIR, SMRAS PA, NOR BU'I DBUS KYI CHU SKYES LTE BAR NI, ,RAB GNAS RANG RIGS THIG LE'I MDZES SDUG LA, ,CHAGS LDAN YID DBANG LHAN SKYES BDE BA CHES, ,CI YANG MYOS PA'I 'JO SGEG ROL PA 'DZIN, ,GNYIS PA NGAG DBEN LA DRUG ,LUS DBEN DANG NGAG DBEN GYI GO RIMS, NGAG DBEN BSKYED RIM GYI LAM DU 'DOD PA DGAG PA, NGAG DBEN GYI SHES BYA RLUNG GI DE NYID BSTAN PA, SNGAGS KYI DE KHO NA NYID BSTAN PA, NGAG DBEN SROG RTZOL GYI YAN LAG TU 'GYUR TSUL, NGAG DBEN JI LTAR NYAMS SU LEN TSUL LO, ,DANG PO NI, LUS DBEN DANG NGAG DBEN GYI GO RIMS NGES TE, BDE BA CHEN PO'I YE SHES LHA

027b

SKUR SGOM PA RDZOGS RIM PA'I LHA'I RNAL 'BYOR DANG, NGAG DBEN RDO RJE BZLAS PA RDZOGS RIM PA'I BZLAS PA YIN PA GANG ZHIG ,RDZOGS RIM PA'I ZLAS PA BYED PA LA RDZOGS RIM PA'I LHA SKU'I RNAL 'BYOR SNGON DU 'GRO DGOS PA'I PHYIR, DPER NA BSKYED RIM PA'I ZLAS PA LA DE'I RNAL 'BYOR SNGON DU 'GRO DGOS PA BZHIN YIN PA'I PHYIR, GZHAN YANG DE GNYIS GO RIMS NGES TE, RDOR BZLAS KYIS SNYING KHA'I RTZA MDUD RDZOGS PAR 'GROL BA NI GANG ZHIG ,SNYING KHA'I RTZA MDUD NI RTZA MDUD GZHAN RNAMS LAS 'GROL DKA' BAS DE'I SNGON DU RTZA 'KHOR GZHAN RNAMS DANG DH'U T'I'I MAR SNAR GNAD DU BSNUN PAS SNYING KHA'I RTZA MDUD 'GROL SLA BA YIN PA'I PHYIR, GNYIS PA NI, NGAG DBEN BSKYED RIM DU 'DOD PA MI 'THAD DE, SPYOD BSDUS SU DE BSKYED RIM PA'I YUL MA YIN PAR BSHAD PA'I PHYIR, GZHAN YANG NGAG DBEN BSKYED RIM YIN PAR THAL, SPYOD BSDUS LAS BSKYED RIM DANG NGAG DBEN GNYIS KA SA BRGYAD PAR BSHAD PA'I PHYIR, ZHE NA, SKYON MED DE, SA BRGYAD PA'I THOG MTHAR DOD THUB TU SBYOR BA YIN PA'I PHYIR, GSUM PA LA BDUN, RLUNG SNGAGS RDO RJE BZLAS PA GSUM LA RIM GYIS BSLAB PA'I DON, RLUNG GI DE NYID SHES MA SHES KYI SKYON YON, RLUNG GI RNAM PAR DBYE BA, PHYE BA SO SO'I DON, RLUNG RNAMS JI LTAR 'PHO BA'I TSUL, RLUNG RNAMS KYIS BYA BA CI ZHIG BYED PA, DE LA BRTEN NAS NYAMS LEN GYI GNAD SHES TSUL LO, ,DANG PO NI, RDO RJE BZLAS PA BYA BA'I GZHI RLUNG GI DE NYID DANG, SNGAGS KYI DE NYID GNYIS THOS BSAM GYIS RIM BZHIN GTAN LA

028a

, ,PHAB; DE RJES RLUNG SNGAGS DBYER MED KYIS RDOR BZLAS SGOM PA LA BSLAB DGOS TE, RIM LNGAR, RLUNG GI DE NYID RIM GYIS NI, ,SNGAGS KYI DE NYID YANG DAG 'JUG ,SNGAGS KYI BSKYED PA RTOGS NAS NI, ,RDO RJE BZLAS PA LA NI SLOB, CES GSUNGS PA'I PHYIR, GNYIS PA NI, RLUNG GI DE NYID SHES NAS BSGOMS NA THUN MONG DANG MCHOG GI DNGOS GRUB MYUR DU 'THOB STE, RDO RJE 'PHRENG BA LAS, RNAL 'BYOR PAS NA RLUNG BSGOMS NA, ,MYUR DU DNGOS GRUB 'THOB PAR 'GYUR, ZHES GSUNGS PA'I PHYIR, RLUNG GI DE NYID MI SHES PA DANG, SHES KYANG MA BSGOMS NA NYES BA SHIN TU CHE STE, SDOM 'BYUNG LAS, RLUNG GI RNAL 'BYOR MI SHES DANG, ,GANG ZHIG SHES KYANG MI SGOMS PA, ,DE NI SDUG BSNGAL SNA TSOGS KYIS, ,NYER 'TSE 'KHOR BA'I SRIN BUR 'GYUR, ZHES GSUNGS PA'I PHYIR, GSUM PA NI, MNYAM SPYOD DANG YE SHES RDO RJE KUN BTUS LAS, RLUNG BCU LA KO tA K'A LA SOGS PA SGRA JI BZHIN BA MA YIN PA'I MING GIS GSUNGS RDO RJE SGO'I RGYUD LAS, SROG 'DZIN, THUR SEL, MNYAM GNAS, GYEN RGYU, KHYAB BYED STE RTZA BA'I RLUNG LNGA DANG, RGYU BA, RNAM PAR RGYU BA, YANG DAG PAR RGYU BA, RAB TU RGYU BA, NGES PAR RGYU BA STE YAN LAG GI RLUNG LNGA STE SGRA JI BZHIN PA'I MING GIS GSUNGS, RDOR PHRENG DANG LUNG STON GNYIS KA LAS, DANG PO LNGA LA SGRA JI BZHIN PA DANG, PHYI MA LNGA LA, KLU DANG RUS SBAL RTZANGS PA DANG, ,LHA SBYIN DANG NI GZHU LAS RGYAL, ZHES SGRA JI BZHIN PA MA YIN PA'I MING GIS GSUNGS, PAndI TA SGRA

028b

DBYANGS BCU GCIG PAS, DANG PO LNGA LA RTZA BA'I RLUNG DANG, PHYI MA LNGA SROG 'DZIN GYI YAN LAG YIN PA'I PHYIR YAN LAG GI RLUNG LNGA ZHES BSHAD DO, ,'O NA RDO RJE PHRENG BAR BTANG BZUNG LA SOGS PA'I RLUNG BRGYA RTZA BRGYAD DU BSHAD PA DE RNAMS RLUNG BCU BO DER 'DUS SAM ZHE NA, 'DI LA BSHAD TSUL DU MA YOD KYANG, RANG LUGS RLUNG BCU'I NANG DU 'DU STE, GZUNG 'DZIN GYI RNAM RTOG BSKYED PA'I LDOG CHA NAS PHYE BA'I NYIN PHYED NAS MTSAN PHYED DANG, MTSAN PHYED NAS NYIN PHYED KYI BAR DU LNGA BCU NGA BZHI BA BZHIR BGOS PA'I BRGYA DANG BRGYAD PO LA BTANG BZUNG LA SOGS PA'I MING GIS GSUNGS PA'I PHYIR, BZHI PA LA GSUM, RTZA BA'I RLUNG LNGA'I DON BSHAD PA, YAN LAG GI RLUNG LNGA'I DON BSHAD PA, RLUNG GNYIS KYI THUN MONG GI DON BSHAD PA'O, ,DANG PO NI, RTZA BA'I RLUNG LNGA PO CHOS CAN, KHYOD LA MGON PO LNGA'I RLUNG DU 'JOG TSUL YOD DE, RIM BZHIN MI BSKYOD PA, RIN 'BYUNG, 'OD DPAG MED, DON GRUB, RNAM SNANG MGON PO RNAMS KYI RLUNG DU 'JOG PA'I PHYIR DE CHOS CAN, KHYOD LA GNAS KYI KHYAD PAR YOD DE, RIM BZHIN, SNYING GA ,LTE BA, MGRIN PA, GSANG GNAS, LUS KYI TSIGS RNAMS LA GNAS PA'I PHYIR, SROG 'DZIN LA PHRA RAGS GNYIS LAS, MI SHIGS PAR GRAGS PA'I SROG 'DZIN SHIN TU PHRA BA NI SNYING GA'I DH'U T'I'I NANG NA GNAS TE, RDO RJE SNYING PO RGYAN GYI RGYUD LAS, SNYING GA'I DBUS NA MI SHIGS PA, ,GSAL ZHING MAR ME DAG DANG MTSUNGS, ,MI 'GYUR MCHOG TU PHRA BA STE, ,AA NI GTZO BO DAM PA'O, ZHES GSUNGS

029a

, ,PA'I PHYIR, SPYIR MI SHIGS PA'I THIG LE LA DU MA YOD DE, BYANG SEMS DKAR DMAR DANG, GZHI'I 'OD GSAL DANG, SROG 'DZIN SHIN TU PHRA BA RNAMS SU YOD PA'I PHYIR, SHIN TU PHRA BA'I SROG 'DZIN DE CHOS CAN; KHYOD LA MI SHIGS PA'I RLUNG DANG, 'OD GSAL GYI RLUNG DANG, LHAN SKYES KYI RLUNG ZHES BRJOD PA'I RGYU MTSAN YOD DE, RKYEN GANG GIS KYANG GZHOM DU MED PA DANG, RLUNG SEMS RAGS PA RNAMS KHYOD LA THIM PA NA GZHI LAM 'BRAS GSUM GYI 'OD GSAL 'CHAR BA DANG, SHIN TU PHRA BA'I SEMS DANG 'BRAL MI RUNG DU GNAS PAS DE LTAR BRJOD PA'I PHYIR, KHA CIG SHIN TU PHRA BA'I RLUNG SEMS GNYUG MA'I RLUNG SEMS DANG DON GCIG TU 'DOD PA MI 'THAD DE, SNANG MCHED THOB GSUM GANG RUNG GI NGO BOR GYUR PA'I RLUNG SEMS DE SHIN TU PHRA BA'I RLUNG SEMS YIN PA'I PHYIR, KHO NA RE, 'O NA THUR SEL GSANG BAR GNAS NA RDO RJE PHRENG BA LAS SROG THUR GNYIS SNYING GA'I RTZA 'KHOR GYI STENG 'OG TU GNAS PAR BSHAD PA DANG 'GAL LO ZHE NA, SKYON MED DE, DANG PO NI RANG GI RTZA BA'I GNAS SU BYAS PA DANG, PHYI MA NI RGYU TSUL GYI DBANG DU BYAS PA YIN PA'I PHYIR, DE YANG SROG 'DZIN 'OG DANG THUR SEL STENG DU RGYU BA'I TSE SNYING GA'I RTZA MDUD KYIS BKAG PA'I MTSAMS SU RO RKYANG LA BRGYUS NAS YAR STENG 'OG TU RGYU BA YIN NO, ,RTZA BA'I RLUNG LNGA PO DE'I KHAMS DANG, KHA DOG DANG, RGYU BA'I TSUL GYIS KHYAD PAR DANG LDAN TE, SROG 'DZIN CHU KHAMS PA, RANG DBANG BA'I KHA DOG DKAR PO, ,RGYU BA'I TSE

029b

DGU BRGYA PA PHRAG GCIG SNA BUG GNYIS KA NAS DAL BAR RGYU, GYEN RGYU ME KHAMS PA, KHA DOG DMAR PO, RGYU BA'I TSE DGU BRGYA BA PHRAG GCIG SNA BUG GA-YAS RKYANG NAS DRAG TU RGYU BA DANG, MNYAM GNAS RLUNG KHAMS PA, KHA DOG LJANG NAG ,RGYU BA'I TSE DGU BRGYA PA PHRAG GCIG SNA BUG GA-YON RKYANG NAS DAL GYIS RGYU, THUR SEL SA KHAMS PA, KHA DOG SER PO, RGYU BA'I TSE DGU BRGYA PA PHRAG GCIG SNA BUG GNYIS KA NAS DRAG TU RGYU, KHYAB BYED NAM MKHA'I KHAMS PA, KHA DOG SNGON PO, GZHI LA 'CHI DUS MA GTOGS MI RGYU BA'I KHYAD PAR DANG LDAN PA YIN PA'I PHYIR, KHO NA RE, MGON PO LNGA'I RLUNG RGYU TSUL DE LTAR BSHAD PA MI 'THAD PAR THAL, ZHAL LUNG LAS SNA BUG GA-YAS NAS RLUNG, GA-YON NAS CHU, GNYIS KA NAS SA ME'I RLUNG GNYIS RGYU BAR BSHAD PA'I PHYIR, ZER NA SKYON MED DE, DANG PO NI GTZO BO'I DBANG DU BYAS PA DANG, PHYI MA NI 'KHOR DU RGYU BA'I DBANG DU BYAS PA YIN PA'I PHYIR, DE YANG RTZA BA'I RLUNG BZHI PO RE RES GTZO BYAS NAS RGYU BA'I TSE, GZHAN GSUM 'KHOR DU CHUD PA'I TSUL GYIS RGYU BA YIN TE, DPER NA GYEN RGYUS GTZO BYAS NAS RGYU BA'I TSE, GYEN RGYU'I KHA DOG GI SHAN GYIS DE'I 'KHOR GYI SROG 'DZIN DKAR LA DMAR BA, MNYAM GNAS LJANG DMAR, THUR SEL DMAR SER TE 'JA' TSON GCIG BZHIN DU RGYU BA YIN PA'I PHYIR TE, RTZA RGYUD LE'U DRUG PA LAS, 'KHOR YANG KHYAD PAR DAG TU SPRO, ZHES GSUNGS PA'I PHYIR, KHYAB BYED MA GTOGS PA'I MGON PO BZHI PO RE RES GTZO BYAS NAS RGYU BA'I TSE GZHAN GSUM GYI BZHI CHA RE 'KHOR DU RGYU ZHING

030a

, ,RANG RANG GI RTZA BA'I GNAS NAS LDANG 'JUG BYED DE, RDO RJE PHRENG BA LAS, LKOG MA SNYING GA LTE BA DANG, ,GSANG BA'I PADMAR 'GRO 'ONG STON, ZHES GSUNGS PA'I PHYIR, DES GZHAN RNAMS KYANG MTSON NO, ,MGON PO BZHI'I RLUNG RE RES GTZO BYAS NAS RGYU BA'I TSE, RANG RANG GI YUM GYIS DANG PO BYAS NAS LHA MO BZHI'I RLUNG GA-YAS SKOR GYIS RIMS CAN DU RGYU BA YIN TE, GYEN RGYUS GTZO BYAS NAS DGU BRGYA BA PHRAG GCIG RGYU BA'I TSE, DGU BRGYA PA PHRAG GCIG LA NYIS BRGYA NYER LNGA PA PHRAG BZHIR BGOS PA'I THOG MAR GOS DKAR MO'I RLUNG NYIS BRGYA NYER LNGA SNA BUG GI STENG NAS RGYU, DE RJES SGROL MA'I RLUNG SNA BUG GI LOGS DANG, DE NAS SPYAN MA DE'I DBUS DANG, M'A MA K'I'I RLUNG NYIS BRGYA NYER LNGA MCHU LA BRDAR NAS RIM BZHIN RGYU BA'I PHYIR DANG, DE BZHI YANG 'BYUNG CHUNG GI DBANG DU BYAS PA'I ME NAS CHU'I BAR GYI DKYIL 'KHOR BZHIR YANG BSHAD DE, LUNG STON LAS, GOS DKAR LA SOGS RIM BZHIN DU, , STENG DANG BSEGS DANG THAD KA 'OG ,ME DANG RLUNG DANG DBANG CHEN DANG, ,CHU STE SO SO'I DKYIL 'KHOR RO, ZHES GSUNGS PA'I PHYIR, DE LTAR BYAS NA THABS MGON PO BZHI BO RE RES GTZO BYAS NAS RGYU BA'I TSE MGON PO BZHI KA DUS MNYAM DU RGYU YANG, SHES RAB LHA MO BZHI'I RLUNG DU PHYE BA'I LHA MO BZHI PO RIMS CAN KHO NAR RGYU STE, 'BYUNG CHEN GYI DKYIL 'KHOR BZHI DUS GCIG KHO NA DANG, 'BYUNG CHUNG GI DKYIL 'KHOR BZHI RIMS CAN KHO NAR RGYU BA'I

030b

PHYIR RO, ,GNYIS PA NI YAN LAG GI RLUNG LNGA 'CHAR NUB BYED PA'I GNAS KYI RTZA BA SNYING GA'I SUM SKOR MA SOGS YUL LNGA 'BAB PA'I RTZA DANG SDUD BRAL MA RNAMS YIN TE, RDOR PHRENG LAS, ZLA BA'I CHA DANG SNANG BA DANG, ,BSNYEN BKUR LKOG SHAL MCHIN PA STE, ,RTZA NI LNGA YI MING YIN NO, ,RTZA NI LNGA LAS RGYU BA'I RLUNG, ,KLU DANG RUS SBAL RTZANGS PA DANG, ,LHA SBYIN NGANG NI GZHU LAS RGYAL, ZHES GSUNGS PA'I PHYIR, LNGA PO'I KHA DOG KYANG GZHAG TU YOD DE, RIM BZHIN DMAR SNGO SER, DKAR LJANG BAR RJE 'GOS GSUNG BA LTAR YIN PA'I PHYIR, DE RNAMS MGON PO GANG GI RIGS SU 'JOG PA YANG KHA DOG GI SGO NAS 'JOG LA SNYING GA'I RTZA 'DAB NAS BRGYUD DE, MIG DANG, RNA BA DANG, SNA DANG, LCE DANG, LUS DBANG GIS GAR KHYAB TU RGYU ZHING GNAS SO, ,YAN LAG GI RLUNG LNGA DANG, SROG 'DZIN RAGS PA STE DRUG PO RNAMS KYI STENG NAS GZUNG 'DZIN GYI RNAM RTOG SKYED PA'I LDOG CHA RLUNG BCU GNYIS SU 'JOG PA YIN TE, DE RNAMS KYI STENG NAS RNAM SHES TSOGS DRUG GIS YUL 'DZIN PA'I CHA NAS 'DZIN PA'I RLUNG DRUG DANG, YUL DRUG GSAL BAR SNANG BA'I CHA NAS GZUNG BA'I RLUNG DRUG TU 'JOG PA'I PHYIR, GSUM PA NI RLUNG RNAMS KYIS BYA BA BYED TSUL YOD DE, RTZA BA'I RLUNG RNAMS KYIS LUS LA GNAS NAS SGUL SKYOD SOGS LUS KYI BYA BA BYED, YAN LAG GI RLUNG RNAMS KYIS DBANG PO'I SGOR ZHUGS NAS DBANG SHES YUL LA SPYOD PA'I BYA BA BYED PA'I PHYIR, DE YANG MNGAL DU RLUNG BCU CHAGS KYANG MA BTZAS BAR DU 'BYUNG 'JUG MI BYED LA,

031a

, ,BTZAS PA NAS 'BYUNG 'JUG BYED CING NGAG SMRA RJOD BYED PA'I TSE AA THUNG DU GYUR NAS DBYANGS GSAL GYI SROG TU ZHUGS TE RANG GI BRJOD BYA STON PAR BYED, RDOR BZLAS BYED PA'I TSE YI GE GSUM GYI GDANGS SU 'GYUR, 'CHI BA'I TSE MI SHIGS PA LA THIM NAS GZHI DANG LAM GYI 'OD GSAL 'CHAR BAR BYED PA YIN NO, ,MDOR NA RIM LNGAR, 'DI NI RNAM SHES BZHON BA STE, ZHES RLUNG RNAM SHES KYI BZHON PAR GSUNGS TE, RNAM SHES YUL LA GA-YO BA RLUNG GIS BYED PA'I PHYIR, RGYU MTSAN DE'I PHYIR SEMS CAN YIN NO COG LA GA-YO BA'I 'JIG RTEN ZHES GSUNGS PA YIN TE, LUNG STON LAS, 'GRO BA YUL SOGS LAS BYED PA, ,'DIR NI DE LA BRTEN PA YIN, ZHES GSUNGS SHING; SPYOD BSDUS LAS KYANG RLUNG DBANG PO LA GNAS NAS DBANG SHES KYIS YUL 'DZIN PA RLUNG LA RAG LAS PAR BSHAD PA'I PHYIR, 'ON KYANG RGYU MTSAN DES RLUNG RNAM SHES KYI BZHON PAR MI 'GRUB STE, GAL TE 'GRUB NA DBANG PO YANG DBANG SHES KYI BZHON PAR THAL BA'I PHYIR RO, ,DES NA RLUNG RNAM SHES KYI BZHON PA YIN TE, DPER NA ZHA BO MIG CAN LONG BA RKANG CAN DANG BCAS TE YUL BGROD PA LTAR, RNAM SHES KYANG RLUNG LA BRTEN NAS YUL BGROD PA YIN PA'I PHYIR, DE LA NI YUL 'CHAR MI 'CHAR GNYIS YOD DO, ,LNGA PA NI, DUS 'KHOR GYI LUGS LA ZHAG GCIG GI RLUNG NYI KHRI CHIG STONG DRUG BRGYA LA SNA BUG DANG DKYIL 'KHOR DANG RTZA 'DAB KYI 'PHO BA GSUM KA DON GCIG TU BYAS PA'I 'PHO PA BCU GNYIS

031b

BYED PA YIN TE, LTE BA'I RTZA 'DAB BCU DRUG GI MTSAMS KYI RTZA BZHI STONG PAR BYAS PA'I LHAG MA GA-YAS NAS SA CHU ME RLUNG NAM MKHA' YE SHES KYI RLUNG DRUG DANG, GA-YON NAS GO RIM LDOG PA'I RLUNG DRUG RGYU ZHING, GA-YAS KYIS NAS GA-YON GYI NAM MKHAR 'PHO BA LA SOGS PA'I RIM PAS RE RE LA STONG BRGYAD BRGYA RE RGYU BA YIN PA'I PHYIR RO, ,'ON KYANG 'PHO MTSAMS RE RER DBU MA NAS DBUGS NGA DRUG BZHI CHA RE RGYU BAS ZHAG GCIG LA RLUNG DRUG BRGYA DON LNGA DBU MA NAS RGYU YANG DE LA 'PHO BA ZUR BA MI 'JOG GO ,'DUS PA'I LUGS LA ZHAG GCIG LA RLUNG 'BYUNG 'JUG GNYIS LA GCIG TU BYAS PA'I NYI KHRI CHIG STONG DRUG BRGYA LA THUN PHYED PA NYER BZHI DANG, DE BZHIN DU DKYIL 'KHOR GYI 'PHO BA DANG RTZA 'DAB KYI 'PHO BA NYER BZHIR BYED CING SNA BUG GI 'PHO BA BCU GNYIS SU BYED DGOS TE, ME MNYAM GNYIS LA SNA BUG GI 'PHO BA BCU GNYIS SU BYED KYI, SROG THUR GNYIS LA MNYAM RGYUR SONG BAS SNA BUG GI 'PHO BA MI 'JOG BA'I PHYIR, THUN BYED PA RE LA DGU BRGYA RE DANG, DE LA YANG LHA MO BZHI'I RIM PAS NYIS BRGYA NYER LNGA PA PHRAG BZHIR BYED DGOS TE, GROL THIG LAS, PHYAG RGYA BZHI 'BREL RE RE ZHING, ,NYIS BRGYA NYI SHU RTZA LNGA STE, ,DE BZHI BSGRES PAS DGU BRGYA'O, ,DE NI 'PHO BA NYI SHU BZHIS, ,BRTZIS PAS KHRI PHRAG GNYIS DANG NI, ,CHIG STONG DANG NI DRUG BRGYA'O, ZHES GSUNGS PA'I PHYIR, DES NA ZHAG GCIG LA 'BYUNG CHEN BZHI PO RE RE LAN DRUG DRUG TU 'PHO BAS 'PHO CHEN NYER BZHI DANG, DE RE RE CHA BZHI BZHIR BGOS PAS 'BYUNG

032a

, ,CHUNG GI 'PHO CHUNG GO DRUG TU 'GYUR RO, ,BDE DGYES KYI LUGS LA THUN PHYED PA DANG, ,DKYIL 'KHOR GYI 'PHO BA DANG, 'PHO CHEN BCU DRUG ,SNA BUG GI 'PHO BA BRGYAD, 'PHO CHUNG DRUG CU RTZA BZHIR BYED LA, DE YANG ZHAG GCIG GI RLUNG RNAMS, SNYING GA ,MGRIN PA, SPYI BO, LTE BA'I RTZA 'DAB RNAMS LA RGYU BA'I TSE RIM BZHIN THUN TSOD BRGYAD DANG, 'PHO BA BCU DRUG DANG, CHU TSOD SO GNYIS DANG, DBYUG GU DRUG CU RTZA BZHI'I RLUNG ZHES KYANG BSHAD DO, ,'O NA BSHAD TSUL MI 'DRA BA DE RNAMS, DRANG NGES KYI KHYAD PAR JI LTAR 'DOD CE NA, GSUM KA SGRA JI BZHIN DU KHAS LEN PA YIN TE, CHED DU BYA BA'I GDUL BYA'I RLUNG RGYU TSUL MI 'DRA BA GSUM LA DGONGS NAS GSUNGS BA GANG ZHIG ,'GREL BYED RNAMS KYIS KYANG SGRA JI BZHIN PAR DKRAL PA'I PHYIR, ZLA BA'I RLUNG JI LTAR RGYU BA'I TSUL YANG, SDOM 'BYUNG LAS, DKAR PO RNAMS KYI TSES GCIG NAS, ,YANG DAG BRTZAMS TE NYIN GSUM RLUNG, , ZLA BA LA RGYU THUN PHYED LA, ,DE NAS NYIN GSUM NYI MA LA, ZHES SOGS GSUNGS SHING, DE LTA BU'I RLUNG LTAS LOG NA NYES PA CI 'BYUNG BA YANG, DE NYID LAS, NYI MA DRUG TU BZLOG PA LAS, ,GAL TE RLUNG NI RGYU BA NA, ,DE TSE RTZOD PA CHEN PO 'BYUNG, PHYOGS GCIG PHYIN CI LOG BA LAS, ,NAD NI CHEN PO KUN DU 'BYUNG, ,PHYOGS GNYIS PHYIN CI LOG PA LAS, ,SNYING SDUG GNYEN RNAMS RGUD PAR 'GYUR, ,PHYOGS GSUM PHYIN CI LOG PA LAS, ,ZLA DRUG RNAMS KYIS 'CHI BAR 'GYUR, ,

032b

ZHES GSUNGS BA LTAR RO, ,DE BZHIN DU GZHAN GYIS RANG LA 'DRI PA'I DON 'GRUB MI 'GRUB KYANG, DE NYID LAS, MGON PO CI STE A'A LIR RGYU, ,'GA' ZHIG K'A LIR GNAS 'DRI 'AM, ,K'A LIR RGYU LA A'A LIR GNAS, ,DE YI 'DOD DON NYAMS PAR 'GYUR, ,GANG NAS MGON PO DE RGYU BA, ,DER GNAS 'GA' ZHIG 'DRI BYED NA, ,DE YI DON KUN YANG DAG 'GRUB, ,GNYIS KAR GNAS LAS THE TSOM 'GYUR, ZHES GSUNGS SO, ,DRUG PA NI, RLUNG GIS THA MAL PA LA BYA BA BYED TSUL YOD DE, SKYE SHI BAR DO GSUM RLUNG GIS BYED PA GANG ZHIG ,GTZO BOR 'KHOR BA'I RTZA BA BYED PA'I PHYIR, PHYI MA DER THAL, DES 'KHOR BA'I LHAN CIG BYED RKYEN BYED PA'I PHYIR TE, BDEN 'DZIN 'KHOR PA'I RTZA BA GANG ZHIG ,DE'I BZHON PA RLUNG GIS BYED PA'I PHYIR, BYE BRAG TU RTZA BA DANG YAN LAG GI RLUNG RNAMS KYIS THUN MONG DU BYA BA BYED TSUL YOD DE, SROG 'DZIN GYIS RLUNG GZHAN RNAMS DBANG PO'I SGOR 'DREN BA DANG, TSE SRING BA DANG 'TSO BA'I BYA BA BYED, GYEN RGYUS RLUNG STOD DU 'DREN ZHING ZAS ZA BA SOGS KYI BYA BA BYED, MNYAM GNAS KYIS ZAS DANGS RNYIGS 'BYED CING DANGS MA RNAMS LUS LA 'DREN PA'I BYA BA BYED, THUR SEL GYIS KHU KHRAG BSHANG GCI SOGS 'PHEN 'DZIN GYI BYA BA BYED, KHYAB BYED KYIS LUS GA-YO 'GUL SOGS KYI BYA BA BYED, YAN LAG GI RLUNG RNAMS KYIS DBANG SHES LNGAS YUL 'DZIN PA'I BYA BA BYED PA'I PHYIR, KHYAD PAR DU RLUNG RNAMS KYIS RNAL 'BYOR PA LA BYA BA BYED TSUL YOD DE, RTZA BA'I RLUNG RNAMS

033a

, ,LA RDOR BZLAS BYAS BAS 'PHRIN LAS BZHI SOGS THUN MONG BA DANG, SGYU MA'I SKU 'GRUB CING, DE LA BRTEN NAS TSE GCIG GIS SANGS RGYAS 'GRUB, YAN LAG GI RLUNG RNAMS LA RDOR BZLAS BYAS PAS MNGON PAR SHES PA LNGA 'THOB CING YUL SNANG THAMS CAD BDE CHEN 'BAR BA'I GROGS SU 'GYUR BA YIN PA'I PHYIR, BDUN PA NYAMS LEN GYI GNAD BSTAN PA NI, RLUNG GIS THA MAL PA DANG RNAL 'BYOR PA LA BYA BA BYED TSUL SHES PA LA DGOS PA YOD DE, KUN RTOG GA-YO BYED KYI RLUNG 'GOG PA'I PHYIR RLUNG SNGAGS DBYER MED KYI RDOR BZLAS LA BRTZON PAR BYED PA GANG ZHIG ,DE LA BRTEN NAS RLUNG THAMS CAD SNYING GA'I MI SHIGS PA LA BSDUS NAS CHOS GZUGS KYI SKU SGRUB PA LAM GYI SNYING POR BYED PA YIN PA'I PHYIR, BZHI PA LA YANG SNGAGS BTU BA, SNGAGS KYI BRDA, SNGAGS KYI DON, SNGAGS KYI DON DAM BA, SNGAGS KYI RTZA BA AA THUNG BSHAD PA'O, ,DANG PO NI, DRANG DON GYI DBANG DU BYAS NA DBYANGS GSAL GYI YI GE RNAMS SNGAGS BTU BA'I GZHI YIN TE, RTOG GSUM LAS, A'A LI K'A LI'I GRONG 'KHYER NI, ,GSANG SNGAGS 'BYUNG BA'I RTZA BA STE, ZHES GSUNGS PA'I PHYIR, BTUS PA'I SNGAGS DANG, BTU BA'I TSUL YANG YOD DE, 'DIR BSTAN AOm A'A: H'Um GSUM DANG, RGYUD SDE BZHI'I SNGAGS RIGS JI SNYED BA RANG RANG GI RGYUD SDE NAS BSHAD BA BZHIN BTU BA YIN PA'I PHYIR, BTU GZHI DANG BTUS PA'I SNGAGS RNAMS KYANG RIGS GSUM DU 'JOG PA YIN TE, GSAL BYED KYI YI GE

033b

RNAMS DANG, LHA PHO'I SNGAGS RNAMS DANG, AOm SKYES BA DANG, DBYANGS YIG RNAMS DANG, LHA MO'I SNGAGS RNAMS DANG, A'A: BUD MED DANG, Ri Li BZHI DANG, LHA PHO MO GNYIS KA'I SNGAGS RNAMS DANG, H'Um MA NING GI YI GER 'JOG PA YIN PA'I PHYIR, BTUS BA'I SNGAGS RNAMS KYI NANG NAS YI GE GSUM GTZO BO YIN TE, SNGAGS KYI LHA THAMS CAD RDO RJE GSUM DU 'DU BA GANG ZHIG ,YI GE GSUM PO DE RDO RJE GSUM GYI LHA'I SA BON YIN PA'I PHYIR, YI GE GSUM PO SNGAGS THAMS CAD KYI SNYING POR BSTAN PA LA CHOS CAN, DGOS PA YOD DE, SNGAGS THAMS CAD KYI DNGOS GRUB 'GRUB PA'I NUS BA YI GE GSUM LA YOD BA DE SHES PAR BYA BA'I CHED YIN PA'I PHYIR, YI GE GSUM POS BYA BA BYED TSUL YANG YOD DE, THUN MONG BA DANG, KHYAD PAR RNAL 'BYOR BA LA BYA BA BYED TSUL GNYIS YOD PA'I PHYIR, DANG PO YOD DE, YI GE'I GDANGS CAN GYI RLUNG GIS LUS GNAS BA DANG, GZHI'I SEMS CAN GYI LUS SKYED PA SOGS BYED PA'I PHYIR, GNYIS PA GRUB STE, RIM PA DANG PO'I SKABS SU DE GSUM LAS LHA SKYED CING 'BRU GSUM GZUGS KYI RNAM PA CAN GYIS SGO GSUM BYIN GYIS RLOB, ZHI SOGS KYI LAS 'GRUB, RDZOGS RIM PAS YI GE GSUM GYI RDOR BZLAS BYAS PAS, THUN MONG DANG MCHOG GI DNGOS GRUB THOB PAR BYED, GNYIS GAS SBYANGS RTOGS SBAR GSUM DANG, RNAL 'BYOR BA GNYIS KAS MKHA' GSANG BYIN RLABS SOGS BYED PA YIN PA'I PHYIR RO, ,NGES DON GYI SNGAGS BTU TSUL YANG YOD DE, RTZA NANG SO SO NAS DBYANGS GSAL

034a

, ,GYI GDANGS MI GSAL BAR SGROGS PA'I RLUNG RNAMS NI BTU GZHI'I SNGAGS KYI NGES DON DANG, MI SHIGS PA LAS BYUNG BA'I TSUL GYIS 'JUG GNAS LDANG GSUM GYI RANG GDANGS YI GE GSUM GYI RANG GDANGS SU BSDUS NAS SGROGS PA'I RDOR BZLAS NI SNGAGS BTUS PA'I NGES DON NAM, NGES DON GYI SNGAGS BTU TSUL YIN PA'I PHYIR RO, ,GNYIS PA NI, SNGAGS KYI BRDA NI SNGAGS KYI MING YIN LA, DE LA YANG SPRUL LA SOGS PA'I SNGAGS RIGS BZHI DANG, SNYING PO, NYE SNYING PHRENG SNGAGS SOGS MANG DU YOD KYANG, 'DIR NI RLUNG LDANG 'JUG GNAS GSUM GYI GDANGS YI GE GSUM GYI GDANGS SU BRDA SBYAR BA SNGAGS KYI BRDA YIN CING, DE LA YANG MYUR BA, DAL BA, RNAM SDUD GSUM DANG, SPYAN 'DREN BA DANG, BZHUGS PA DANG, GSHEGS SU GSOL PA'I BRDA BSHAD DU YOD DE, LUNG STON LAS, BRDA YIS DE NYID GSUM GNAS PA, ,RANG BZHIN BZLAS PA'I MTSAN NYID DO, CES GSUNGS PA'I PHYIR, GSUM PA NI, SPYIR SNGAGS KYI DON LA DU MA ZHIG YOD KYANG, 'DIR BSTAN YI GE GSUM GYI SNGAGS DON YIN LA, DE LA YANG MTSON DON DANG, DGOS DON GNYIS LAS DGOS DON YIN TE, RLUNG SNGAGS DBYER MED KYI RDOR BZLAS BYAS BAS, MI SHIGS PA'I THIG LE LA ZHUGS GNAS THIM GSUM BYAS PA LAS BYUNG BA'I 'OD GSAL GYI RLUNG SEMS DE NYID YONGS SU GYUR PA LAS SGYU MA'I SKUR BZHENGS PA DE SNGAGS KYI DON YIN PA'I PHYIR TE,

034b

DE NYID LAS, DE NI YONGS SU GYUR PA'I GZUGS, ,LHA RU NYE BAR DMIGS PA'O, ,ZHES GSUNGS PA'I PHYIR, BZHI PA NI, RTAG CHAD DANG BRAL BA'I DE BZHIN NYID LHAN SKYES KYI BDE BA CHEN POS MNGON SUM DU RTOGS PA'I DON DAM PA NI SNGAGS KYI DON DAM PA YIN TE, DE NYID LAS, 'GAG MED RAB TU ZHI BA STE, ,RTAG DANG CHAD PA RNAMS SPANGS PA, ,DUS GSUM MKHYEN PAS MA BYAS PA, ,RTOG PA NAM MKHA' DBYER MED MTSAN, ,'DI NYID KHO NA DON DAM STE, ,SO SO RANG RIG MTSAN NYID DO, ,CES GSUNGS PA'I PHYIR, MDOR BSDU NA SNGAGS BTU BA DANG, SNGAGS KYI BRDAS RDOR BZLAS BYED TSUL DE BSTAN, SNGAGS KYI DON DANG SNGAGS KYI DON DAM PA GNYIS KYIS RDOR BZLAS BYAS BA LA BRTEN NAS BYUNG PA'I SGYU LUS DANG 'OD GSAL BSTAN PA YIN NO, ,LNGA PA SNGAGS THAMS CAD KYI RTZA BA AA THUNG BSHAD PA NI, SNGAGS THAMS CAD KYI RTZA BA AA THUNG GI DRANG NGES LEGS PAR SHES DGOS TE, DE SHES NA SNGAGS THAMS CAD KYI NGES DON SHES PAR 'GYUR GYI, DE LAS GZHAN DU SHES PAR MI 'GYUR BA'I PHYIR, DRANG DON GYI SNGAGS THAMS CAD KYI RTZA BA DRANG DON GYI AA THUNG DANG, NGES DON GYI SNGAGS THAMS CAD KYI RTZA BA NGES DON GYI AA THUNG YIN TE, ,DE NYID LAS, THUNG DU MA LUS DAG TU 'GYUR, ,GCIG MIN DU MA MA YIN NO, ZHES GSUNGS SHING, DE'I DON SPYOD BSDUS LAS KYANG, 'DI NA GSUNG RAB 'CHAD PA DAG NI BY'A KA RA nA'I TSIG SNGON DU BYAS NAS, SGRA'I DON 'BA' ZHIG GI RJES SU 'BRANG GI ,YANG YI GES BRJOD PA GANG DU, GANG GI PHYIR

035a

, ,JI LTAR RAB TU 'JUG BA SHES PA NI MA YIN NO, ,YI GE'I DE KHO NA NYID JI LTA BA NYID NI MI SHES TE, SANGS RGYAS RNAMS KYI SPYOD YUL YIN PA'I PHYIR, ZHES GSUNGS PA'I PHYIR, 'DI'I DON NI, SHES BYA CHOS CAN BY'A KA RA nA'I SGRA'I RJES SU 'BRANGS NAS GSUNG RAB 'CHAD PA MDO DANG RGYU SDE 'OG MA GSUM MAN CHAD LA ZHUGS PA DAG GIS NGES DON GYI AA THUNG DAG MA LUS PA'I RTZA BA YIN TSUL JI BZHIN DU SHES MI NUS TE, DE NI SANGS RGYAS RIN PO CHE LTA BU'I GANG ZAG 'GA' ZHIG GIS BLA MA'I MAN NGAG LA BRTEN NAS NYAMS SU MYONG PA'I TSUL GYIS MNGON SUM GYI SPYOD YUL YIN PA'I PHYIR, ZHES BA'O, ,DES NA NGES DON GYI AA THUNG NGAG MA LUS PA'I RTZA BA YIN TSUL BLA MA'I MAN NGAG GIS SHES PAR BYA DGOS PA'I DON YANG, 'JUG BAR BYED CES DRANGS, GANG NA DBYANGS GSAL GYI NGES DON RLUNG RNAMS SO, ,GANG DU NA NGES DON GYI AA THUNG MI SHIGS PA'I THIG LE LA'O, ,DGOS PA CI'I PHYIR NA DNGOS MED 'OD GSAL THOB PA'I PHYIR DU'O, ,TSUL JI LTAR NA SA CHU LA THIM PA LA SOGS PA'I RIM PAS 'JUG CES BYA LA, DE LTA MA YIN PAR DBYANGS GSAL RNAMS KYIS BRJOD BYA STON BA AA THUNG SROG TU ZHUGS PA LA LTOS BA TZAM LA MI BYED DE, DE NYID LAS, SGRA JI BZHIN PA DOR NAS DON BTZAL BAR BYA, ZHES GSUNGS PA'I PHYIR, 'ON KYANG DRANG DON GYI AA THUNG NGAG MA LUS PA'I RTZA BA YIN TE, AA THUNG DBYANGS GSAL GYI SROG TU ZHUGS PA LAS, DANG POR MING, DE LAS

035b

TSIG SOGS 'GRUB PA'I PHYIR, GTZO BO NI NGES DON GYI AA THUNG NGAG MA LUS PA'I RTZA BA YIN TE, SNYING GA'I SROG 'DZIN SHIN TU PHRA BA DE LA MI SHIGS PA'I THIG LE DANG, NGES DON GYI AA THUNG ZHES BYA LA, DE NGAG MA LUS PA'I RTZA BA YIN PA'I PHYIR TE, NGAG MA LUS PA'I RTZA BA SKYES BU'I RGYUD KYIS BSDUS PA'I RLUNG GANG ZHIG ,DE'I RGYUD KYIS BSDUS PA'I RLUNG RNAMS KYI RTZA BA SROG 'DZIN SHIN TU PHRA BA YIN PA'I PHYIR, MDOR NA SANGS 'PHAGS THAMS CAD KYANG RANG GI RGYUR GYUR PA'I NGES DON GYI AA THUNG LAS 'KHRUNGS PA YIN TE, SPYOD BSDUS LAS, DE BZHIN GSHEGS PA THAMS CAD AA'I RIGS SU GYUR PA DANG, AA RGYUR GYUR PA DANG, AA LAS NGES PAR 'BYUNG BA'O, ZHES GSUNGS SHING, MTSAN BRJOD LAS KYANG, RDZOGS PA'I SANGS RGYAS AA LAS BYUNG, ,AA NI YIG 'BRU KUN GYI MCHOG ,DON CHEN YI GE DAM PA STE, ZHES GSUNGS PA'I PHYIR, SROG CHEN PO MI SHIGS PA'I THIG LE DE YI GE'I GZUGS SU MED CING TSIG GI NGO BOR YANG MA GRUB STE, SROG CHEN PO STE YI GE MED, ,TSIG TU BRJOD PA SPANGS PA STE, ZHES GSUNGS PA'I PHYIR, 'ON KYANG MI SHIGS PA'I THIG LE LAS BYUNG BA'I RLUNG 'GA' ZHIG DBYANGS GSAL GYI NGO BOR GYUR NAS MGRIN PAR SLEB PA NA RANG GI BRJOD BYA GSAL BAR STON PA YIN TE, BRJOD PA KUN GYI RGYU'I MCHOG ,TSIG KUN RAB TU GSAL BAR BYED, CES GSUNGS PA'I PHYIR, MI SHIGS PA'I THIG LE LA RLUNG THIM PA LAS BYUNG BA'I DON GYI 'OD GSAL DE ZUNG 'JUG PA'I

036a

, ,TING NGE 'DZIN THAMS CAD KYI SGO YIN PAR MA ZAD MI SHIGS PA'I THIG LE DE YANG DE YIN TE, RDO RJE SGO'I RGYUD LAS, AA NI SKYE BA MED PA'I PHYIR CHOS THAMS CAD KYI SGO'O, ZHES PA DANG, RDO RJE DKYIL 'KHOR RGYAN GYI RGYUD LAS KYANG SNYING GA'I DBUS NA MI SHIGS PA, ZHES SOGS GSUNGS PA'I PHYIR, 'O NA LUNG STON LAS, THUNG DU MA LUS NGAG TU 'GYUR, ,GCIG MIN DU MA MA YIN NO, ,ZHES PA'I DON GANG YIN ZHE NA, NGES DON GYI AA THUNG LAS RLUNG SKYE RIM GYI TSE GCIG MA YIN LA, DE LA THIM RIM GYI TSE DU MA MA YIN ZHES PA'AM, YANG NA MI SHIGS PA'I THIG LE AA THUNG DE DAG MA LUS PA'I 'BYUNG GNAS SU 'GYUR RO, ,DE LTAR NA MI SHIGS PA'I STENG GI SHIN TU PHRA BA'I RLUNG SEMS GNYIS PO DE LDOG PA GCIG YIN NAM ZHE NA, DE NI LDOG PA GCIG MA YIN LA, NGO BO THA DAD KYANG MA YIN NO ZHES PA'O, ,LNGA PA NGAG DBEN SROG RTZOL GYI YAN LAG TU 'GYUR TSUL NI, GZHI DUS KYI YE SHES LNGA DANG, 'BYUNG BA LNGA'I NGO BOR GYUR PA'I RLUNG THIG LE'I GZUGS SU GYUR PA DE NYID RANG DANG PHYAG RGYA'I DH'U T'I'I MAR SNA 'PHRAD MTSAMS SU SGOM PA LA, GSANG BA'I SNA RTZER RDZAS THIG SGOM PA'I SROG RTZOL ZHES BYA STE, RGYUD PHYI MA LAS, YE SHES LNGA YI RANG BZHIN DBUGS, ,'BYUNG BA LNGA YI NGO BO NYID, ,GONG BU'I GZUGS KYIS PHYUNG NAS NI, ,SNA YI RTZE MOR RAB TU BRTAG ,ZHES GSUNGS PA'I PHYIR, THIG LE DE NYID YI GE GSUM GYI RANG GDANGS DANG SBYAR TE, STENG SGOR RDOR BZLAS BYED PA LA GDONG GI SNA RTZER 'OD THIG SGOM PA'I SROG

036b

RTZOL ZHES BYA STE, DE NYID LAS, RIN CHEN KHA DOG SNA LNGA PA, ,SROG DANG RTZOL BA ZHES BYAR BSHAD, ,RANG SNGAGS, ZHES GSUNGS PA'I PHYIR, SNYING GA'I RTZA 'KHOR GYI DBUS KYI DH'U T'I'I NANG DU MI SHIGS PA'I THIG LE AA THUNG DANG BCAS PA SGOM PA LA SNYING GA'I SNA RTZER SNGAGS THIG SGOM PA'I SROG RTZOL ZHES BYA STE, DE NYID LAS, SNYING KHAR BSAMS NAS NI, ,SROG NI THIG LER GYUR PAR GZHAG ,CES GSUNGS PA'I PHYIR, SKABS 'DIR SROG RTZOL GSUM BSGOMS PA LA DGOS PA YOD DE, RLUNG RNAMS SNYING GA'I MI SHIGS PA LA SDUD PA'I CHED YIN PA'I PHYIR, SROG RTZOL DE GSUM SGOM PA'I GNAS GSUM LA SNA RTZE GSUM DANG GNAS DER BSGOMS PA'I DMIGS RTEN GSUM LA THIG LE GSUM GYI THA SNYAD KYANG BYED DE, RDOR PHRENG LAS, SNA RTZE GSUM GYI MTSAN NYID NI, ,GSANG BA SNYING GA GDONG SNA'I MING, ,RLUNG DANG SNGAGS DANG RDZAS RNAMS KYI, ,THIG LE GSUM STE BLA NA MED, CES GSUNGS PA'I PHYIR, RNAL 'BYOR DE GSUM LA SROG RTZOL ZHES BYA STE; RNAL 'BYOR DE GSUM BSGOMS PA LA BRTEN NAS SROG STE TSE RTZOL BA STE BSRING BAS DE LTAR BRJOD PA'I PHYIR, YANG NA, DUS 'KHOR LTAR NA, RNAL 'BYOR DE GSUM LA DE LTAR BRJOD PA'I RGYU MTSAN YOD DE, RNAL 'BYOR DE GSUM BSGOMS PA LA BRTEN NAS SROG STE RO RKYANG LA RGYU BA'I RLUNG RTZOL BA STE DBU MA'I NANG DU 'JUG PAR BYED PAS DE LTAR BRJOD PA'I PHYIR, DRUG PA LA GSUM, SROG RTZOL GSUM SGOM PA'I RIM PA BSHAD PA, RDOR BZLAS KYI BYED LAS THUN MONG MA YIN

037a

, ,PA BSHAD PA, SROG RTZOL BSGOMS PAS NYAMS MYONG SKYE BA'I RIM PA BSHAD PA'O, ,DANG PO LA GSUM, SNYING GA'I SNA RTZER SNGAGS KYI THIG LE'I SROG RTZOL, GDONG GI SNA RTZER 'OD KYI THIG LE'I SROG RTZOL, GSANG BA'I SNA RTZER RDZAS KYI THIG LE'I SROG RTZOL SGOM TSUL LO, ,DANG PO LA GNYIS, SNGAGS THIG NYI TSE BSGOM PA, SNGAGS KYI 'KHOR LO SGOM PA'O, ,DANG PO NI, RDOR PHRENG LAS BSHAD PA'I GNAS SU, GNAD BZHI DANG LDAN PA'I NGANG NAS RANG LUS DBEN GYI RDO RJE 'CHANG GI NGA RGYAL DANG LDAN PA'I SNYING KHA'I RTZA 'KHOR GYI DBUS KYI DH'U T'I'I NANG DU THIG LE DKAR DMAR GA'U KHA SBYAR RAM, THIG LE DKAR LA DMAR BA'I MDANGS CAN YUNGS KAR GYI 'BRU TSAD TZAM GYI NANG DU H'Um YIG GAM, AA THUNG CI RIGS BSGOM PAR BYA BA YIN TE, RTZA RGYUD LAS, RIN CHEN CHEN PO KHA DOG LNGA, ,YUNGS KAR GYI NI 'BRU TSAD TZAM, ,SNA YI RTZE MOR NAN TAN DU, ZHES PA DANG, DE'I 'GREL BAR, RIN PO CHE NI MI SHIGS PAR GRAGS PA STE, SANGS RGYAS KYI RIN PO CHE SKYED PAS SO, ,YUNGS KAR GYI 'BRU TSAD TZAM NI THIG LE'I GZUGS CAN YIN PAS SO, ,SNA'I RTZE MOR ZHES BYA BA NI SNYING GA'I PADMA'I LTE BAR RO, ,NAN TAN DU ZHES PA NI DE LA ZHEN PAS, ZHES GSUNGS PA'I PHYIR, THIG LE DKAR DMAR GA'U KHA SBYOR SGOM PA KU KU RI PAS BSHAD DE, DE YI LTE BAR BSAM PA NI, ,NYI DKYIL THIG LE ZLA BA STENG, ,DBYIBS NI GA'U KHA SBYOR 'DRA, ,NYI MA THABS LA SHES RAB ZLA, ZHES GSUNGS PA'I PHYIR, DKAR

037b

LA DMAR BA'I MDANGS CHAGS PA ZHAL LUNG LAS BSHAD CING, DE'I DBUS SU AA THUNG BSDOM PA RDO RJE SNYING PO RGYAN GYI RGYUD DANG RGYUD PHYI MA GNYIS KA LAS BSHAD DE, SNYING PO RGYAN LAS, AA NI GTZO BO DAM PA'O, ZHES PA DANG, RGYUD PHYI MA'I 'GREL PAR, SNYING GA'I PADMA LA AA THUNG BSAMS TE, ZHES GSUNGS PA'I PHYIR, RDOR PHRENG LAS, DE'I DBUS SU H'Um YIG BSGOM PAR GSUNGS TE, SNYING GA'I PADMA'I LTE BA LA, ,DBUS SU H'Um NI BSAM PAR BYA, ZHES GSUNGS PA'I PHYIR; DE LTAR BSGOMS PAS BYED LAS KHYAD PAR CAN 'BYUNG STE, BDE STONG DBYER MED KYI YE SHES SKYES NAS SGRIB PA SPONG PA LA NUS PA MTHU CAN DU 'GYUR BA'I PHYIR TE, MNGON BRJOD LAS, RTAG TU SNYING LA GNAS PA YI, ,THIG LE GCIG LA 'GYUR MED PA, ,DE SGOM BYED PA'I SKYE BO LA, ,NGES PAR YE SHES SKYE PAR 'GYUR, ZHES DANG, DRIL BU ZHABS KYIS, SGRA DANG THIG LER LDAN PA'I SEMS, ,SNYING GAR GZHAG BYA DE NAS 'DI'I, ,RMONGS PA'I RAB RIB 'JOMS MDZAD PA'I, MNGA' BDAG BCOM LDAN 'BYUNG 'GYUR TE, ZHES GSUNGS PA'I PHYIR, GNYIS PA NI, SNGAGS 'KHOR SGOM PA RGYUD DANG, YAB SRAS RNAMS KYIS GSAL BAR MA BSHAD KYANG, N'A RO PAS GSUNGS PA NI SHIN TU LEGS TE, GZUNG 'DZIN GYI BZHAN PA'I RLUNG RNAMS SNYING GAR SDUD SLA PA'I THABS MCHOG YIN PA'I PHYIR TE, RIM LNGA BSDUS PA LAS, DRAN PA SNA TSOGS RNAM RTOG RNAMS, ,SEMS LAS YANG DAG 'BYUNG BAS NA, ,RNAM SHES SROG NI 'DU BA'I RTEN, ,SNYING GAR

038a

, ,SNGAGS KYI 'KHOR LO BSGOM, ZHES GSUNGS PA'I PHYIR, SGOM TSUL NI, SNYING GAR RTZA 'DAB MA BRGYAD BA SUM RIM MAM, SNYING GA'I RTZA 'DAB BRGYAD KYI NGO BOR MOS PA'I PADMA DMAR PO 'DAB MA BRGYAD PA SUM RIM GANG RUNG GI PHYI'I 'DAB MA LA DBYANGS YIG BCU GNYIS SNANG BA MTSON PA'I KHA DOG DKAR PO, BAR MA LA MA YIG DOR BA'I GSAL BYED MCHED PA MTSON PA'I KHA DOG DMAR PO, NANG GI PHYOGS BZHI'I 'DAB MA LA Ri Li BZHI NYER THOB MTSON PA'I KHA DOG NAG PO, YI GE THAMS CAD KYI MGO BOR THIG LES MTSAN PA, RTZA NANG LA PHYI NANG DANG, PAD 'DAB LA 'PHRENG LA BSGRIGS PA'I RNAM PAR GSAL BTAB, DE RJES DBUS KYI MI SHIGS PA LA SEMS 'DZIN PA YIN TE, DE NYID LAS, PHYI RIM SHES RAB DBYANGS YIG MTSAN, ,BAR MA GSAL BYED THABS BCAS PA, ,GNYIS SU MED PA NANG MAR GNAS, ZHES GSUNGS PA'I PHYIR, GNYIS PA NI RDZOGS RIM GYI SKABS SU RDOR BZLAS BYED TSUL GSUM YOD DE, 'PHRIN LAS BZHI BSGRUB PA'I PHYIR DU RTZA 'KHOR BZHI NAS RTZA BA'I RLUNG BZHI LA RDOR BZLAS BYED PA DANG, MNGON SHES LNGA THOB PA'I PHYIR DU YAN LAG GI RLUNG LA RDOR BZLAS BYED PA DANG, SEMS DBEN 'DREN PHYIR DU RTZA BA'I RLUNG LA RDOR BZLAS BYAS, DE RJES YAN LAG GI RLUNG LA RDOR BZLAS BYED TSUL GSUM LAS, 'DIR NI PHYI MA'I DBANG DU BYAS PA YIN LA, DUS NI SNYING GA'I SNA RTZER SNGAGS THIG MI SHIGS PA BSGOMS PA LA BRTAN PA THOB

038b

NAS RDOR BZLAS BYED PA YIN TE, LE'U GSUM PAR, RIN CHEN BRTAN PAR GYUR NAS SPRO, ,BRTAN PAR MA GYUR YONGS MI SPRO, ZHES GSUNGS PA'I PHYIR, GNAS GANG NAS TSUL JI LTAR BYED PA NI SNYING GA'I MI SHIGS PA LA DMIGS NAS DE LAS BYUNG BA'I TSUL GYIS RLUNG LDANG 'JUG GNAS GSUM GYI GDANGS YI GE GSUM GYI RANG GDANGS SU SHAR BA DE NYID YID KYIS NYAN PA'I TSUL DU RDOR BZLAS BYED PA YIN TE, RLUNG SNGAGS THA DAD DU ZHEN PA SKABS 'DI'I DGAG BYA YIN PA'I PHYIR TE, LUNG STON LAS, THA DAD YI GE SLONGS MO YIN, ,DE 'DON PA NI ZA BA STE, ,DE DAG SLONGS MO ZA BAR 'DOD, CES GSUNGS PA'I PHYIR, KHA CIG RDOR BZLAS LA DBYE NA BCU GCIG TU YOD DE, RIGS DRUG GI RDOR BZLAS DANG; KHRO BO'I BZLAS PA, DUG GSUM GYI BZLAS PA, MA NING GI BZLAS PA RNAMS SU YOD PA'I PHYIR, ZHES ZER BA MI 'THAD DE, DANG PO DRUG NI RDOR BZLAS KYI RTEN RIGS DRUG GI LHA'I RNAL 'BYOR TZAM DANG, BDUN PA NI NGAG BZLAS DANG, PHYI MA GSUM NI DUG GSUM CAN GYI SEMS CAN 'OD GSAL DU SDUD PA DANG, THA MAS NI 'OD GSAL TZAM SGOM PA BSTAN PA YIN PA'I PHYIR, RANG LUGS RDOR BZLAS LA DMIGS YUL GYI SGO NAS DBYE NA, RTZA BA DANG YAN LAG GI RLUNG LA DMIGS PA'I RDOR BZLAS GNYIS SU YOD, DANG PO NI, LE'U BCU GSUM PA'I, DON GYI RJES 'GRO BZLAS PA NI, ZHES PAS BSTAN, DE LA RIN PO CHE'I BZLAS PAR GSUNGS PA'I RGYU MTSAN YOD DE, RIN PO CHE DON GYI 'OD GSAL SKYED PAR BYED

039a

, ,PA'I BZLAS PA YIN PAS DE LTAR BRJOD PA'I PHYIR, GNYIS PA NI, SANGS RGYAS ZHING RNAMS THAMS CAD DU, ZHES BAS BSTAN, 'DI LA THOGS MED KYI BZLAS PA ZHES BYA STE, DBANG SHES LNGA LKOG GYUR GYI YUL LA THOGS MED DU 'JUG NUS SU BSGRUB PA'I BZLAS PA YIN PAS DE LTAR BRJOD PA'I PHYIR, SNGA MA RIN 'BYUNG DANG PHYI MA DON GRUB KYI BZLAS PAR STON PA NI MA YIN NO, ,YANG RDOR BZLAS LA NGO BO'I SGO NAS DBYE NA, YI GE GSUM GYI BZLAS PA DANG, YI GE GNYIS KYI BZLAS BA GNYIS SU YOD, RTEN GYI SGO NAS DBYE NA, BSKYED RIM PA, NGAG DBEN PA, SEMS DBEN PA, SGYU LUS PA, ZUNG 'JUG PA'I RDOR BZLAS TE LNGAR YOD, DES NA RDOR BZLAS CHOS CAN, KHYOD LA RJES 'GRO'I BZLAS PA ZHES BRJOD PA'I RGYU MTSAN YOD DE, YID RLUNG SNGAGS DBYER MED KYI RJES SU 'GRO BA'I BZLAS PA YIN PAS DE LTAR BRJOD PA'I PHYIR, GZHAN YANG RDO RJE BZLAS PA CHOS CAN, KHYOD LA RDOR BZLAS ZHES BRJOD PA'I RGYU MTSAN YOD DE, RDO RJE'I SKAD DOD BADZRA ZHES PA MI PHYED PA LA 'JUG PAS, KHYOD KYANG RLUNG SNGAGS DBYER MI PHYED PAR SBYOR PA'I BZLAS PA YIN PAS DE LTAR BRJOD PA'I PHYIR RO, ,GSUM PA NI RANG DANG LAS RGYA GNYIS SNYOMS PAR ZHUGS PA LAS BYANG SEMS DH'U T'I'I MAR SNA GNYIS 'PHRAD MTSAMS SU 'PHO MED DU 'DZIN PA LA GSANG BA'I SNA RTZER RDZAS THIG SGOM PAR GSUNGS BA DANG, RANG DANG YE RGYA'I DH'U T'I'I MAR SNA GNYIS 'PHRAD MTSAMS SU THIG LE LA DMIGS

039b

NAS SGOM PA GNYIS YOD DE, DE LTAR SGOM BA RLUNG DH'U T'I'I MAR SNAR SDUD BA TZAM GYI PHYIR MA YIN TE, SNGAR LUS DBEN GYI SKABS SU BSDUS ZIN PA'I PHYIR, DES NA GSANG BA'I SNA RTZER RDZAS THIG BSGOMS PA LA DGOS PA YOD DE, SROG RTZOL SNGA MA GNYIS KYIS SNGAR SNYING GAR RLUNG SDUD MA NUS PA BSDUS PA DE'I BOGS 'DON DU SONG NAS SNYING GA'I RTZA MDUD 'GROL PA'I THABS MCHOG TU GYUR PA YIN PA'I PHYIR, GNYIS PA RDOR BZLAS KYI THUN MONG MA YIN PA'I BYED LAS BSHAD PA LA GNYIS, RDOR BZLAS KYIS SNYING GA'I RTZA MDUD 'GROL BAR BSTAN PA, SNYING GA'I RTZA MDUD 'GROL BA RTZA MDUD 'GROL PA'I GTZO BOR BSTAN PA'O, ,DANG PO NI, RDOR BZLAS KYIS SNYING GA'I RTZA MDUD 'GROL BAR BYED DGOS TE, DES SNYING GA'I RTZA MDUD 'GROL NUS PA GANG ZHIG ,ZUNG 'JUG DON GNYER GYI SKYES BUS SNYING GA'I RTZA MDUD 'GROL YANG DGOS PA'I PHYIR, DANG PO GRUB STE, RDOR PHRENG LAS, SNGAGS KYI DE NYID KYIS DE 'BYED, ,RNAL 'BYOR MDUD PA BKROL NAS NI, ,RLUNG GI DE NYID RIG PA DE, ZHES GSUNGS PA'I PHYIR, 'GROL TSUL YANG YOD DE, DPER NA SMYUG SBUBS 'GAGS PA THUR MA RING PO'I 'BYUNG 'JUG GIS SEL BA LTAR, RDOR BZLAS KYIS KHAD KYIS KHAD KYIS SNYING GA'I RTZA MDUD LHOD POR BYAS NAS MA RIG PA'I SBUBS 'BYED PA'I PHYIR, GZHAN YANG RDOR BZLAS KYIS SNYING GA'I RTZA MDUD 'GROL DGOS TE, SNYING GA'I RTZA MDUD DE RTZA MDUD GZHAN RNAMS KYI RTZA BA YIN PAS RTZA MDUD GZHAN RNAMS LAS 'GROL

040a

, ,DKA' BA GANG ZHIG ,SNYING GA'I RTZA MDUD MA GROL BAR SEMS DBEN MTHAR THUG GI 'OD GSAL 'CHAR BA MI SRID PA'I PHYIR, DANG PO GRUB STE, SNYING GA'I RTZA MDUD DE RTZA MDUD CHAGS PA'I THOG MA YIN ZHING, RTZA MDUD GZHAN RNAMS LA RO RKYANG GIS DBU MA LA MDUD PA RE RE LAS MED, SNYING GA'I RTZA MDUD LA RO RKYANG GIS DBU MA LA MDUD PA GSUM GSUM LU GU RGYUD DU YOD PA'I PHYIR TE, RDOR PHRENG LAS, DE LA'ANG DBYE BAR DKA' BA YI; ;DBUS SU MDUD PA GSUM GYIS DKRIS, ZHES GSUNGS PA'I PHYIR, RTAGS GNYIS PA GRUB STE, MCHOG GI DNGOS GRUB THOB PA LA SNYING GAR 'OD GSAL RDZOGS PAR 'CHAR DGOS DE LA SNYING GAR SROG THUR BSRE DGOS, DE LA SNYING GA'I RTZA MDUD RDZOGS PAR 'GROL DGOS, DE LA SNYING GA'I RDOR BZLAS BYED DGOS PA'I PHYIR, GNYIS PA NI DRANG NGES KYI YI GE GSUM GYI BTU TSUL SHES DGOS LA, DE YANG SPYOD BSDUS LAS 'BRU GSUM RE RE YANG YI GE GSUM GSUM LAS 'BYUNG BAR GSUNGS PA LTAR, DRANG DON GYI AOm YIG YI GE AA AU MA GSUM LAS BYUNG BA BZHIN DU, SNYING GA'I SROG 'DZIN MGRIN PA'I GYEN RGYU, SPYI BO'I BYANG SEMS RNAMS NI RIM BZHIN AA AU MA GSUM GYI NGES DON DANG, RLUNG GNYIS DANG THIG LE DE GSUM SPYI BO'I RTZA 'KHOR GYI DBU MA'I NANG DU SDUD PA NI AOm YIG SPYI BOR 'GOD PA'I NGES DON YIN TE, RDOR PHRENG LAS, AA NI CHOS 'KHOR PADMAR GNAS, ,RLUNG GI 'KHOR LO LA

040b

NI KHYAB, ,'DI NYID KHO NA RLUNG CHEN PO, ,SROG CES BYA BA THAMS CAD GSUNGS, ZHES DANG, AU NI LONGS SPYOD 'KHOR LOR GNAS, ,ME DANG NYI MA 'DRA BA YI, ,MGRIN PA'I MTHAR GNAS SPYI GTZUG MTHAR, ,KHYAB PA GZI BRJID KYI NI LUS ZHES DANG, YI GE MA NI THIG LE TZAM, ,MTHO PA'I TSAD NI SOR BCU GNYIS, ,RGYAL PO'I GTZUG TOR GNAS NA GNAS, ZHES GSUNGS PA'I PHYIR, DE BZHIN DU A'A: YIG YI GE AA AA HA GSUM LAS BYUNG BA BZHIN DU SNYING GA'I SROG 'DZIN, MGRIN PA'I GYEN RGYU, GSANG BA'I THUR SEL GSUM RIM PA BZHIN DU AA AA HA GSUM GYI NGES DON DANG, RLUNG GSUM PO MGRIN PA'I RTZA 'KHOR GYI DBU MA'I NANG DU SDUD PA NI A'A: YIG MGRIN PAR 'GOD PA'I NGES DON YIN TE, DE NYID LAS, YI GE AA NI SNGAR BSHAD ZIN, ,SROG GI RLUNG NI MCHOG YIN NO, ZHES DANG, AA NI CHOS 'KHOR PADMA LAS, ,MGRIN PAR YI GE AA GNYIS 'GYUR, ,SROG NYID DANG NI THUR SEL BA, ,YI GE HA YIS KUN NAS NI, ,MGRIN PA'I DBUS NA GNAS BA BCINGS, ZHES GSUNGS PA'I PHYIR, NGES DON GYI H'Um YIG BTU TSUL YANG, H'Um YIG YI GE TA A'U MA GSUM LAS BYUNG BA BZHIN DU THUR SEL, GYEN RGYU, SROG 'DZIN GSUM PO RIM PA BZHIN DU HA A'A MA GSUM GYI NGES DON DANG, RLUNG GSUM PO SNYING GA'I RTZA 'KHOR GYI DBU MA'I NANG DU SDUD PA NI, H'Um YIG SNYING GAR 'GOD PA'I NGES DON YIN TE, DE NYID LAS, HA NI THUR SEL MING CAN RLUNG, ,BSHAD SGO GSANG BA'I DBUS NA GNAS, ,YI GE A'U NI STENG 'GRO'I RLUNG, ,MGRIN PA'I PADMA'I DBUS NA GNAS, ,YI

041a

, ,GE MA NI SROG RLUNG YIN, ,DPRAL BAR RLUNG GI 'KHOR LO LA, ,DE DAG GCIG 'GYUR SNYING GA LA, ,THUGS KYI SA BON DU NI BRJOD, CES GSUNGS PA'I PHYIR, DE LTAR GSUNGS PA LA PHYAG RDOR GYIS, ,RDO RJE GSUM GYI YIG DON DANG, ,GNAS KYI DBYE BA RTOGS LAGS NA, ,'DI RNAMS DBUS NA BDAG PO GANG, ,JI LTA BU ZHIG GTZO BOS GSUNGS, ZHES RTZA MDUD BKROL NAS RLUNG RNAMS SDUD PA'I TSUL GSUM PO DE'I NANG NAS GTZO BO GANG LAGS, ZHES ZHUS PA'I LAN DU, SNYING GA'I RTZA MDUD GROL NAS SROG THUR BSRE NUS PA GTZO BO YIN TE, SNYING GAR SROG THUR BSRE NUS NA RTZA 'KHOR GZHAN RNAMS SU YANG BSRE NUS PAS KHYAB, SNYING GA'I RTZA MDUD RDZOGS PAR GROL NA RTZA MDUD GZHAN RNAMS KYANG GROL BAS KHYAB PA'I PHYIR, SNYING GA'I RTZA MDUD RDZOGS PAR GROL NA RJES THOB TU YANG DBU MA 'BA' ZHIG NAS RLUNG RGYU BAS RTOG MED KYI RLUNG ZHES BSHAD CING KUN RTOG GA-YO PA'I RLUNG RNAMS 'GRIB PAR BYED PA DANG, GZUNG 'DZIN GYI RNAM RTOG 'PHROG PAR BYED PA'I PHYIR TE, DE NYID LAS, GSANG BA MCHOG TU GSANG BA YI, ,SBAS PA'I DON NI KHYOD 'DRI NA, ,RGYUD RNAMS KUN TU MA GSUNGS PA, ,RAB TU BSHAD KYIS MNYAN PAR GYIS, , THUGS KYI SA BON BDAG PO STE, ,KUN GYI NANG NAS RNAM RTOG MED, ,GANG PHYIR GTZO BO GZHAN RNAMS NI, ,'GRIB DANG DE BZHIN 'PHROG PAR BYED, ZHES GSUNGS PA'I PHYIR, GSUM PA LA GNYIS, SNYING GAR MI SHIGS PA

041b

BSGOMS PAS NYAMS MYONG JI LTAR SKYE BA DANG, SROG RTZOL LHAG MA BSGOMS BAS NYAMS MYONG JI LTAR SKYE BA'O, ,DANG PO NI, DE LTAR SNYING GAR MI SHIGS PA BSGOMS PA LA BRTEN NAS MTSAN MA LNGA'AM BRGYAD 'BYUNG BA YIN TE, ZHAL LUNG LAS, SEMS NI THIG LER GZHAG PAR BYA, ,RANG GI DBANG PO DER BZUNG NA, ,SA YI DKYIL 'KHOR CHU LA ZHUGS, ,CHU DE ME LA DE RJES ZHUGS, ,ME YANG RLUNG LA RAB TU ZHUGS, ,RLUNG YANG SEMS LA ZHUGS PAR 'GYUR, ZHES GSUNGS SHING; GRUB CHEN KU KU RI BAS KYANG, SHIN TU 'BAD PA'I BSAM PA YIS, ,DBYIBS KYI THIG LE NYID LA BLTA, ,DE LA YANG NI ZHUGS NAS NI, ,MTSAN MA LNGA'AM BRGYAD 'BYUNG NGO, ZHES GSUNGS PA'I PHYIR, GNYIS PA LA GSUM, RDOR BZLAS BYAS PAS ZLA BA SO SO LA MYONG BA SKYE LUGS DANG, RDOR BZLAS KYI RLUNG DH'U T'IR THIM PAR BYED PA DANG, GTUM MO 'BAR BAR BYED TSUL LO, ,DANG PO NI, BSKYED RIM PHRA RAGS MTHAR PHYIN ZHING LUS DBEN LA BSLABS PA DES RDOR BZLAS BYAS PAS ZLA BA SO SO LA MYONG BA SKYE TSUL YOD DE, ZLA BA DANG PO LA NYIN ZHAG GCIG GI NYI KHRI CHIG STONG DRUG BRGYA'I RLUNG RNAMS LHAG CHAD MED PAR CHA SNYOMS NAS 'BYUNG BA CHA SNYOMS TE LUS LA BRTEN PA'I YON TAN RNAMS SKYE SLA, ZLA BA GNYIS PA LA NYIN ZHAG GCIG GI RLUNG LA THUN TSOD BRGYAD DU BYAS PA'I SNYING GA'I RTZA 'DAB BRGYAD NAS NYIS STONG BDUN BRGYA RE CHA MNYAM DU RGYU BA BSGRUBS PAS LUS LA BRTEN PA'I YON TAN 'PHEL, ZLA BA GSUM PA LA RTZA

042a

, ,'KHOR GYI RTZA RNAMS GSAL POR MTHONG, BZHI BA LA RTZA NANG NAS RLUNG RGYU TSUL DANG RLUNG GI KHA DOG GSAL BAR MTHONG, LNGA BA LA RLUNG DBU MAR ZHUGS NAS MI SHIGS PA LA THIM PAR RTZOM, DRUG PA LA SNYING GA'I RTZA MDUD RDZOGS PAR GROL NAS SEMS DBEN GYI RTOGS PA DANG POR 'THOB PA YIN NO, ,DE LTAR RLUNG LA BSLABS PA MTHAR PHYIN PA'I TSAD KYANG BZHAG TU YOD DE, LDANG 'JUG GNAS GSUM GYI RANG GDANGS RDO RJE GSUM GYI RANG GDANGS SU RANG GI NGANG GIS 'CHAR BA'I GSUNG GI NGA RGYAL DU 'PHO NUS BA DANG, PHYI'I STONG GSUM GYI RLUNG THAMS CAD RANG GI LUS KYI NANG DU 'JUG NUS SHING SHONG BA DANG, RANG GI RLUNG GIS STONG GSUM 'GENGS NUS SHING PHYI NANG GI RLUNG GNYIS BSRE NUS PA DANG, RLUNG ME SA CHU'I RLUNG BZUNG PA'I TSE, RIM BZHIN NAM KHAR 'PHUR BA DANG, GRANG BA DANG MES MI GNOD PA DANG, GYAD STOBS CHEN POS KYANG SGUL MI NUS PA DANG, YAN LAG GI RLUNG LA RDOR BZLAS MTHAR PHYIN NAS DBANG PO SO SO'I SGOR DBANG SHES GZHAN SPO NUS PA RNAMS 'BYUNG BA YIN PA'I PHYIR, GNYIS PA NI, KHO NA RE, RDOR BZLAS KYIS RLUNG DH'U T'IR 'DZUD PA DANG, RTZA MDUD 'GROL NUS SU CHUG KYANG RLUNG DH'U T'IR GNAS PA DANG THIM PAR BYED MI NUS TE, DES RLUNG 'GRO 'OD MI 'GOG PAR RANG SOR 'JOG PA'I PHYIR ZHE NA, SKYON MED DE, LDANG 'JUG GNAS GSUM TSAD MNYAM PA'I RDOS BZLAS CHED DU BYAS TE GOMS PA

042b

NA; MTSAMS ZHIG NAS GNAS PA JE RING DANG 'BYUNG 'JUG JE THUNG DU 'GRO ZHING, MTHAR GNAS PA 'BA' ZHIG TU 'GYUR BA'I PHYIR TE, DE LTAR YANG LUNG STON LAS, BRDA YI DE NYID GSUM GNAS PA, ,RANG BZHIN BZLAS PA'I MTSAN NYID DO, ,MING MED BRJOD DU MED PA STE, ,BYANG CHUB SEMS MCHOG 'DI YIN NO, ,GSUM PO DE NYID GCIG GYUR PA, ,'GRO BA MED CING 'ONG BA MED, CES GSUNGS PA'I PHYIR, DE LTAR YIN KYANG, H'Um HO'I YI GE GNYIS KYI RDOR BZLAS KYIS RLUNG DBU MAR GNAS PA DANG, THIM PAR BYED MI NUS TE, DE LA GNAS PA MED PA'I PHYIR ZHE NA, SKYON MED DE, DES KYANG RTZA MDUD 'GROL BA YI GE GSUM GYI RDOR BZLAS DANG 'DRA LA, DE'I TSE RLUNG GIS RANG GI RTZA BA'I GNAS SU 'GRO PA'I LAM RNYED NAS MI SHIGS PA LA 'JUG BAR 'GYUR PA'I PHYIR TE, DPER NA 'CHI RIM BZHIN YIN PA'I PHYIR RO, ,GSUM PA NI, 'O NA RDOR BZLAS KYIS RLUNG DBU MAR ZHUGS GNAS THIM GSUM BYED NUS NA, DES GTUM MO SPAR TE BYANG SEMS BZHU NUS SAM ZHE NA, SHIN TU NUS TE, THUR SEL GYI RDOR BZLAS KYIS GTUM MO SBOR ZHING, GTUM MO'I MES KYANG MKHA' 'GRO MA'I BYED LAS BDE BSKYED CING KUN RTOG SREG BAR BYED PA'I PHYIR TE, RDOR 'PHRENG LAS GANG PHYIR MKHA' 'GRO RNAMS SDUD PA, ,DE PHYIR BSDUS PA'I MKHA' 'GROR BRJOD, ,LTE PA'I DBUS NA RTAG BZHUGS PA, ,NYI MA STONG DANG MTSUNGS PA'I 'OD, ,YE SHES CHEN PO'I ME BYUNG BAS, ,KUN RTOG THAMS CAD 'JOMS PAR BYED,

043a

, ,CES GSUNGS PA'I PHYIR, GTUM MO'I ME DE YANG THUR SEL GYIS SBOR PA YIN TE, ZHAL LUNG LAS, SDOM BRTZON GZHU DBYIBS GA-YO BA YIS, ,SUM MDOR YE SHES ME 'BAR BAS, ,KHAMS ZHU NAS NI, ZHES GSUNGS PA'I PHYIR, THUR SEL GYIS GTUM MO SBOR BA LA NI, 'OG SGO 'BYED 'DZUM GYI RDOR BZLAS BYED DGOS TE, RDOR PHRENG LAS, RLUNG GI DE NYID YANG DAG BRTEN, ,YI GE H'Um GIS BSKUL NAS NI, ,ME YI 'KHOR LO RAB SAD BYED, CES GSUNGS PA'I PHYIR,, ,,SMRAS PA, SNA RTZE GSUM GYI SDONG BU'I RTZER CHAGS PA'I, ,RIN CHEN THIG LE GSUM GYI SGRON ME GANG, ,DRAN SHES 'BRU MAR THIGS PAS YONGS BZUNG BAS, ,RMONGS PA'I MUN TSOGS MING GI LHAG MAR BYED,, ` ,,GSUM PA SEMS DBEN THUGS RDO RJE'I TING NGE 'DZIN LA BSLAB PA LA LNGA, SEMS KYI DE KHO NA NYID RTOGS DGOS PA'I RGYU MTSAN, SEMS DE'I NGANG TSUL GSUNG RAB LAS GSUNGS PA'I TSUL SEMS KYI RANG BZHIN RTOGS PA'I THABS KHYAD PAR CAN BLA MED KYI RGYUD YIN PAR BSTAN PA, RGYUD KYI DON SNANG BA GSUM DANG RANG BZHIN RNAMS BSTAN BA, DE JI BZHIN DU MA SHES PA'I NYES DMIGS DANG SHES PA'I PHAN YON BSTAN PA'O, ,DANG PO NI, RDOR BZLAS LA BSLABS SHING LOBS PAS, TSE 'DIR SANGS RGYAS 'THOB PAR 'DOD PAS SEMS KYI DE KHO NA NYID RTOGS DGOS PAR MDO SNGAGS GNYIS KA LAS BSHAD DE, DE NYID BSDUS PA LAS, RIGS KYI

043b

BU; MNYAM PAR BZHAG PAS RANG GI SEMS LA SO SOR RTOGS SHIG ,CES DANG, RNAM SNANG MNGON BYANG LAS KYANG, BYANG CHUB NI RANG GI SEMS YANG DAG PA JI LTA BA BZHIN YONGS SU SHES PA'O, ,ZHES DANG, SDE SNOD GSUM GYI TSUL LAS KYANG, ,BCIG BU 'GRO ZHING RING DU RGYU, ,LUS MED DBANG PO'I PHUG NA GNAS, ,GDUL BAR DKA' BA'I SEMS 'DUL BYED, ,BDUD KYI 'CHING BA LAS GROL 'GYUR, ZHES GSUNGS PA'I PHYIR DANG, BLA MED KYI RGYUD RNAMS LAS KYANG, SGYU LUS MNGON DU BYED PA LA SEMS KYI DE KHO NA NYID RTOGS DGOS PAR GSUNGS PA'I PHYIR, KHO NA RE, SEMS DBEN GYIS SEMS KYI CHOS NYID RTOGS BA MI 'THAD PAR THAL, GAL TE RTOGS NA DON GYI 'OD GSAL DANG KHYAD PAR MED PA'I PHYIR ZHE NA, KHYAD PAR YOD DE, SEMS KYI CHOS NYID MNGON GSUM GYIS RTOGS MA RTOGS KYI KHYAD PAR YOD PA'I PHYIR, GNYIS BA NI, RTOGS BYA SEMS DANG SEMS KYI DE KHO NA NYID KYI GNAS TSUL GZHAG TU YOD DE, SEMS DE THA SNYAD DU KHA DOG DANG DBYIBS MED PA, RANG GI YUL RIG CING RNAM SHES GANG DU SONG BA DER TSOR BA BDE SDUG KYANG 'PHO BA 'KHOR 'DAS THAMS CAD KYI RTZA BA BYED PA DE, SEMS KYI KUN RDZOB PA'I GNAS TSUL DANG, SKYE GNAS SNA TSOGS SU ZHUGS KYANG DE'I CHOS NYID LA 'GYUR BA MED CING, DON DAM PAR MTSAN MA THAMS CAD DANG BRAL BA, DON DE NYID 'PHAGS PA MIN PAS MNGON SUM DU RTOGS MI NUS PA'I SEMS KYI CHOS NYID DE SEMS KYI DON DAM PA'I GNAS TSUL DU

044a

, ,SPYOD BSDUS SU LUNG DU MAS BSGRUBS PA'I PHYIR, GSUM PA NI, SPYOD BSDUS LAS, 'DUS PA LA SOGS PA'I RNAL 'BYOR CHEN PO'I RGYUD LA MA ZHUGS PAR, BSKAL BA GANGGA'I KLUNG GI BYE MA SNYED DANG MNYAM PA SNYED KYI BSKAL PA THAMS CAD KYIS KYANG, RANG GI SEMS KYI YANG DAG PA JI LTA PA NYID SHES BAR MI NUS SHING, KUN RDZOB KYI BDEN PA MTHONG PAR MI 'GYUR RO, ,ZHES GSUNGS, 'DI'I DON NI, STONG NYID MNGON SUM DU RTOGS PA LA BLA MED KYI RGYUD LA 'JUG DGOS PAR BSTAN PA MA YIN TE, RGYUD SDE 'OG MA MAN CHAD KYI LAM LA BRTEN NAS STONG NYID MNGON SUM DU RTOGS PA YOD PA'I PHYIR, DES NA LHAN SKYES KYI BDE STONG DBYER MED KYI YE SHES LA BRTEN NAS SNYIGS DUS KYI TSE THUNG GCIG LA SHES SGRIB SPONG BA LA BLA MED KYI LAM LA 'JUG DGOS PAR BSTAN PA YIN TE, SAm BHU tA LAS, DE PHYIR DE RGYAS CI ZHIG BYA, ,MDOR BSDUS PAS NI SANGS RGYAS NYID, ,BSKAL PA BYE BA GRANGS MED PAS, ,JI SRID SANGS RGYAS GANG 'THOB PA, ,GANG GI DAM PA'I BDE BAS KHYOD, ,SKYE BA 'DIR NI THOB PAR 'GYUR, ZHES GSUNGS PA'I PHYIR, DES NA LHAN SKYES KYI BDE STONG DBYER MED KYI YE SHES DE SHES SGRIB SPONG BA LA SHIN TU MYUR PA'I RGYU MTSAN YOD DE, SPYIR STONG NYID RTOGS PA'I SHES RAB KYIS SHES SGRIB SPONG BA NUS BA CHE CHUNG, GROGS BSOD NAMS KYI STOBS NUS PA CHE CHUNG GIS ZIN MA ZIN GYI SGO NAS 'JOG PA GANG ZHIG ,LHAN

044b

SKYES KYI BDE STONG DBYER MED KYI YE SHES GZUGS SKU'I RIGS 'DRA'I RGYUR GYUR PA'I GROGS BSOD NAMS KYI STOBS KYIS ZIN PA'I PHYIR, BZHI PA LA GSUM, SNANG BA BSHAD PA DANG, RANG BZHIN BSHAD PA DANG, SNANG BA'I YE SHES SKYE TSUL BSHAD PA'O, ,DANG PO LA GNYIS, SNANG BA GSUM GYI MING GI RNAM GRANGS, SNANG BA GSUM SO SO'I MTSAN NYID BSHAD PA'O, ,DANG PO LA PHAR PHYIN THEG PA DANG THUN MONG BA'I MING GI RNAM GRANGS DANG, BLA MED THUN MONG MA YIN PA'I MING GI RNAM GRANGS GNYIS LAS, DANG PO NI SNANG BA GSUM LA, SHES RAB, THABS, THABS SHES 'DRES PA GSUM DANG, SEMS, YID; RNAM SHES GSUM DANG, GZHAN DBANG, KUN BTAGS, YONGS GRUB GSUM DANG ZHE SDANG, 'DOD CHAGS, GTI MUG GSUM ZHES PA'I MING GIS GSUNGS SO, ,DES NA SNANG BA GSUM PO CHOS CAN, KHYOD LA SHES RAB, THABS, THABS SHES 'DRES PA GSUM GYI MING GIS 'DOGS PA'I RGYU MTSAN YOD DE, LAM DUS SU KHYOD NYAMS SU MYONG BA'I TSE, RIM BZHIN BDE STONG GNYIS KYI NANG NAS STONG SHAS CHE BA DANG, BDE SHAS CHE BA DANG, BDE STONG CHA SNYOMS PA'I RGYU MTSAN GYIS DE LTAR BTAGS PA'I PHYIR, DE GSUM CHOS CAN, KHYOD LA SEMS, YID RNAM SHES GSUM GYI MING GIS 'DOGS PA'I RGYU MTSAN YOD DE, GZHUNG GZHAN DU SEMS YID RNAM SHES GSUM KUN BYANG GI CHOS KUN GYI RTZA BAR BSTAN PA DE BZHIN DU KHYOD KYANG KUN BYANG GI CHOS THAMS CAD KYI RTZA

045a

, ,BAR STON PA'I CHED YIN PA'I PHYIR, DE GSUM CHOS CAN, KHYOD LA GZHAN DBANG, KUN BTAGS, YONGS GRUB GSUM GYI MING GIS 'DOGS PA'I RGYU MTSAN YOD DE, GZUNG 'DZIN RGYANG CHANG DU SNANG BA'I SNANG GZHI GZHAN DBANG DANG, DE LA BRTEN NAS GZUNG 'DZIN RDZAS THA DANG DU SGRO BTAGS PA KUN BTAGS DANG, 'GYUR MED YONGS GRUB MNGON DU BYAS PA'I TSE, DE GNYIS MI SNANG BA BZHIN DU, KHYOD LA YANG STONG PA GSUM GYI THOG MA'I GZHI; SNANG BA YIN ZHING, DE LAS MCHED BA 'BYUNG BA DANG, NYER THOB KYI TSE DE GNYIS MI SNANG BA'I 'DRA CHOS GRUB BAS DE LTAR BRJOD PA'I PHYIR, DE GSUM CHOS CAN, KHYOD LA ZHE SDANG 'DOD CHAGS, GTI MUG GSUM GYI MING GIS 'DOGS PA'I RGYU MTSAN YOD DE, LAM DUS SU BDE BA CHUNG BA DANG, CHE BA DANG, BAR MAR GNAS PA'I RGYU MTSAN GYIS DE LTAR BRJOD PA'I PHYIR, DE BZHIN DU STONG PHYOGS KYI NGO BO NYID, SNANG PHYOGS KYI NGO BO NYID, GNYIS KA CHA MNYAM PA'I NGO BO NYID CES GSUNGS PA'I RGYU MTSAN YANG SHES PAR BYA'O, ,DE YANG GDAGS BYA'I MING DE RNAMS THUN MONG BA YIN GYI MING DE RNAMS KYIS SNANG BA GSUM LA BTAGS PA THUN MONG BA MA YIN TE, PHAR PHYIN THEG PAR SNANG MCHED THOB GSUM LA MING DE LTAR BTAGS PA MED PA'I PHYIR, GNYIS BA NI, SNANG BA GSUM RE RE NAS CHOS CAN, KHYOD LA RIM PA BZHIN DU SNANG MCHED THOB GSUM GYI MING GIS 'DOGS PA'I RGYU MTSAN YOD DE, RIM BZHIN STON

045b

GNAM GA-YA' DAG PA LA MTSAN MO ZLA 'OD KYIS KHYAB PA LTAR SNANG BA DANG, NYI 'OD KYIS KHYAB PA LTAR SNGAR LAS SNANG BA CHES GSAL BAR MCHED PA DANG, 'OD GSAL DANG NYE ZHING YUL MI GSAL BAR THOB PAS DE LTAR BRJOD PA'I PHYIR, GSUM PO RE RE NAS CHOS CAN, KHYOD LA RIM BZHIN STONG PA GSUM DANG, SEMS SEMS BYUNG MA RIG PA GSUM DANG, CHAGS BRAL CHAGS PA CHAGS PA BAR MA GSUM GYI MING GIS 'DOGS PA'I RGYU MTSAN YOD DE, RIM PA BZHIN DU KUN RTOG BZHON PA'I RLUNG DANG BCAS PAS STONG PA DANG, SNANG BA BZHON PA'I RLUNG DANG BCAS PAS STONG BA DANG, MCHED PA BZHON PA'I RLUNG DANG BCAS PAS STONG PA DANG, DE BZHIN DU SNANG BA GSUM GYI NANG NAS YUL DANG POR SNANG BAS SEMS, DE'I KHYAD PAR SNANG BAS SEMS BYUNG, MTHAR YUL MI GSAL BAR SNANG BAS MA RIG PA DANG, DE BZHIN DU BDE SHAS CHUNG BA DANG, CHE BA DANG, BAR MAR 'JUG PAS DE LTAR BRJOD PA'I PHYIR, DE BZHIN DU SNANG BA GSUM PO CHOS CAN, KHYOD LA RIM BZHIN AOm DANG, A'A DANG, AA ZHES PA DANG, ZLA BA; NYI MA; DE GNYIS 'DRES PA ZHES PA DANG, PADMA RDO RJE, DE GNYIS 'DUS PA GSUM GYI MING GIS 'DOGS PA'I RGYU MTSAN YOD DE, KHYOD KYIS BSKYED PA'I SGYU LUS KYI SMIN BYED, RIM PA DANG PO'I DANG PO'I MGON PO'I RGYUR DE RNAMS SGOM DGOS PAS 'BRAS BU LA RGYU'I MING GIS BTAGS PA YIN PA'I PHYIR, DE CHOS CAN, KHYOD LA RIM BZHIN GA-YON GA-YAS BAR MA GSUM DANG, BUD MED SKYES PA MA NING GSUM DANG, 'JAM RTZUB

046a

, ,BAR MA GSUM DANG, MTSAN MO NYIN MO THUN MTSAMS GSUM GYI MING GIS 'DOGS PA'I RGYU MTSAN YOD DE, YUL SNANG RGYAS MI RGYAS DANG, BDE SHAS CHE CHUNG DANG, THABS SHES CI RIGS PA'I SGO NAS BTAGS PA YIN PA'I PHYIR, KHO NA RE, MING 'DI DAG THUN MONG MA YIN PAR BSHAD PA MI 'THAD BAR THAL, SEMS SEMS BYUNG, MA RIG PA ZHES PA'O MING THUN MONG BAR 'GYUR BA'I PHYIR TE, DE GSUM PHAR PHYIN THEG PAR BSHAD PA'I PHYIR ZHE NA, SKYON MED DE, PHAR PHYIN THEG PAR DON KHYAD PAR BA ZHIG STON BZHED NAS, SEMS SEMS BYUNG MA RIG PA ZHES GSUM TSAN DU BSDEBS NAS GSUNGS BA MED PA'I PHYIR, GNYIS PA NI, LUGS 'BYUNG GI STONG PA GSUM PO GANG RUNG GANG ZHIG ,RANG RGYU KUN RTOG BZHON PA'I RLUNG DANG BCAS PA THIM PA LAS BYUNG ZHING, STON GNAM GA-YA' DAG LA MTSAN MO ZLA 'OD KYIS KHYAB PA LTA BU'I STONG SANG DKAR LAM PA'I SNANG BA 'CHAR GYI, DE LAS GZHAN PA'I GNYIS SNANG RAGS PA 'GAGS PA'I YID KYI SHES PA DE LUGS 'BYUNG GI SNANG BA DANG PO'I MTSAN NYID DANG, DE GSUM PO GANG RUNG GANG ZHIG ,RANG RGYU SNANG BA BZHON PA'I RLUNG DANG BCAS PA THIM PA LAS BYUNG ZHING, STON GNAM GA-YA' DAG LA NYI 'OD KYIS KHYAB PA LTA BU'I STONG SANG DMAR LAM PA'I SNANG BA 'CHAR GYI, DE LAS GZHAN PA'I GNYIS SNANG RAGS PA 'GAGS PA'I YID KYI SHES PA DE LUGS 'BYUNG GI SNANG BA MCHED PA'I MTSAN NYID, LUGS 'BYUNG GI STONG PA GSUM PO GANG

046b

RUNG GANG ZHIG ,RANG RGYU MCHED PA BZHON PA'I RLUNG DANG BCAS PA THIM BA LAS BYUNG ZHING, STON GNAM GA-YA' DAG LA SROD KYI SMAG 'THUG POS KHYAB PA LTA BU'I STONG SANG NAG LAM PA 'CHAR GYI, DE LAS GZHAN PA'I GNYIS SNANG RAGS PA 'GAGS PA'I YID KYI SHES PA DE LUGS 'BYUNG GI SNANG BA NYER THOB KYI MTSAN NYID YIN NO, ,DE LTA BU'I STONG BA GSUM NI GZHI LA 'CHI DUS SU MTSAN NYID PA 'CHAR ZHING GNYID DUS SU CHA 'DRA DANG, LAM DUS SU SEMS DBEN MTHAR THUG THOB NAS MTSAN NYID PA 'CHAR ZHING, DE'I SNGON DU RJES MTHUN PA 'CHAR RO, ,GNYIS PA NI, SNANG PA'I RANG BZHIN GYI RTOG PA SO GSUM YOD DE, RIM LNGA LAS, DE YI RANG BZHIN 'PHRO GSAL BA, ,DE NI RAB TU BSHAD PAR BYA, ,CHAGS BRAL DANG NI BAR MA NYID, ,DE BZHIN DU NI CHEN PO DANG, ,YID LA 'GRO ZHING 'ONG BA DANG, ,MYA NGAN LA SOGS GSUM DE BZHIN, ,ZHI DANG RNAM RTOG 'JIGS PA DANG, ,'JIGS PA BAR MA SHIN TU 'JIGS, ,SRED DANG SRED PA BAR MA DAG ,SHIN TU SRED DANG NYER LEN PA, ,MI DGE BKRES DANG SKOM NYID DANG, ,TSOR DANG TSOR BA BAR MA DANG, ,SHIN TU TSOR PA'I SKAD CIG DANG, ,RIG PA PO DANG RIG 'DZIN BZHI, ,SO SOR RTOG DANG NGO TSA SHES, ,SNYING RJE DANG NI BRTZE BA GSUM, ,DOGS DANG BSAGS PA NYID DANG NI, ,PHRAG DOG CES NI BYA BAR GRAGS, ,RANG BZHIN SUM CU RTZA GSUM GANG, ,LUS CAN RNAMS KYI RANG RIG STE, ZHES GSUNGS PA'I PHYIR, DE YANG CHAGS BRAL TE RANG YUL MI 'DOD PA'I RNAM PA CAN GYI RTOG PA CHE 'BRING CHUNG

047a

, ,GSUM DANG, YID 'ONG DANG BRAL BAS GDUNGS PA'I SEMS BYUNG CHE 'BRING CHUNG GSUM DANG, SEMS ZHI BA DANG RGOD PA'I SKABS KYI SEMS BYUNG GNYIS DANG, YID DU MI 'ONG BA LA SKRAG PA'I SEMS DANG, SRED PA'I YUL LA ZHEN PA'I SEMS GNYIS KA LA CHE 'BRING CHUNG GSUM DU BYAS PA DANG, 'DOD YON LEN CING 'DZIN 'DOD KYI SEMS BYUNG DANG, MI DGE BA STE DGE BA LA YID GNYIS ZA BA'I SEMS BYUNG DANG, ZAS SGOM 'DOD PA'I SEMS BYUNG GNYIS DANG, TSOR BA BDE SDUG BTANG SNYOMS GSUM YIN LA, DE LA YANG CHE 'BRING CHUNG GSUM DANG, RIG PO RIG BYED RIG BYA GSUM LA RTOG PA'I SEMS BYUNG DANG, RIGS MI RIGS SO SOR RTOG PA'I SEMS BYUNG DANG; ;KHA NA MA THO BA LA 'DZEM PA NGO TSA SHES PA DANG, SDUG BSNGAL DANG BRAL 'DOD KYI SNYING RJE DANG, DMIGS BYA SRUNG BA'I BRTZE BA DANG, SDUG PA DANG PHRAD 'DOD DANG, DOGS PA YID 'PHRIG PA DANG, BSAGS PA YO BYAD SDUD 'DOD PA DANG, PHRAG DOG GZHAN GYI PHUN TSOGS LA 'KHRUG PA'I SEMS BYUNG RNAMS SU YOD PA'I PHYIR, MCHED PA'I RANG BZHIN BZHI BCU YOD DE, DE NYID LAS, CHAGS DANG ZHEN DANG DE BZHIN DGA', ,DGA' BA BAR MA SHIN TU DGA', ,RANGS DANG SHIN TU MGU BA DANG, ,NGO MTSAR DE BZHIN RGOD BA DANG, ,TSIM DANG DE BZHIN 'KHYUD PA DANG, ,'O BYED DE BZHIN 'JIBS PA DANG, ,BRTEN DANG BRTZON DANG NGA RGYAL DANG, ,BYA DANG DBROG DANG STOBS DANG NI, ,SPRO DANG LHAN CIG SKYES NYID DANG, ,DE

047b

BZHIN LHAN CIG SKYES PAR MA, ,SHIN TU LHAN CIG SKYES DANG DREGS, RNAM PAR SGEG DANG ZHE 'GRAS NYID, ,DGE DANG TSIG GSAL BDEN PA DANG, ,MI BDEN PA DANG DE BZHIN NGES, ,NYE BAR MI LEN SBYIN PA PO, ,SKUL DANG DE BZHIN DPA' BO DANG; ;NGO TSA MED DANG SGYU DANG GDUG ,MI SRUN PA DANG GYA GYU NYID, ,MTSAN NYID BZHI BCU GANG YIN PA, ,SHIN TU STONG PA'I SKAD CIG STE, ZHES GSUNGS PA'I PHYIR, DE DAG GI DON YANG GZHAG TU YOD DE, ,CHAGS PA NI MA THOB PA'I YUL DANG, ZHEN PA NI THOB PA'I YUL LA YID CHAGS PA DANG, DGA' BA NI YUL YID 'ONG MTHONG NA SEMS DGA' BA CHE 'BRING CHUNG GSUM DANG, RANGS PA NI DON GRUB PAS BDE BA'I SEMS BYUNG DANG, MGU BA NI RNAM PA YANG YANG MYONG PA'I SEMS BYUNG DANG, NGO MTSAR NI SNGAR MED KYI DON MTHONG PA'I SEMS BYUNG DANG, RGOD PA NI YUL LA GA-YENGS SEMS DANG, TSIM PA NI YUL DES NGOMS PA'I RTOG PA DANG, 'KHYUD DANG 'O DANG 'JIBS BA NI DE RNAMS BYED 'DOD KYI SEMS DANG, BRTAN PA NI MI 'GYUR PA'I RNAM PA CAN GYI RTOG PA DANG, BRTZON PA NI DGE BA LA GZHOL PA'I RTOG PA DANG, NGA RGYAL DANG, BYA BA NI BYA BA RDZOGS PAR BYED 'DOD KYI RNAM RTOG DANG, DBROG BA NI GZHAN NOR 'PHROG 'DOD DANG, STOBS NI GZHAN GYI DPUNG 'JOMS 'DOD KYI SEMS BYUNG DANG, BRTZON PA DANG, LHAN CIG NI TSAM TSOM MED PAR DREGS PAS MI DGE BA SPYOD 'DOD DE, 'DI LA YANG CHUNG 'BRING CHE GSUM YOD, DREGS PA NI RGYU MED PAR DAM PA RNAMS LA RTZOD 'DOD DANG, SGEG PA NI YID DU 'ONG

048a

, ,BA MTHONG BAS RTZE 'DOD DANG, ZHE 'GRAS NI 'KHON 'DZIN GYI SEMS DANG, DGE BA NI DE'I LAS LA RTZOL 'DOD KYI SHES PA DANG, TSIG GSAL DANG, BDEN PA DANG, MI BDEN PA NI GZHAN GYIS GO 'DOD DANG DRANG POR SMRA 'DOD, MI BDEN PA SMRA 'DOD PA'I SHES PA DANG, NGES PA NI YI DAM BRTAN PA'I SHES PA DANG, NYE BAR MI LEN PA NI YUL 'DZIN PAR MI 'DOD PA'I SHES PA DANG, SBYIN PA NI BDOG PA GTONG 'DOD PA'I SHES BA DANG, SKUL BA NI LE LO CAN SKUL 'DOD KYI SHES BA DANG, DPA' BO NI DGRA LAS RGYAL 'DOD KYI SHES PA DANG, NGO TSA MED PA NI MI 'DZEM PAR MI DGE BA LA 'JUG 'DOD KYI SHES PA DANG, SGYU NI BCOS PAS SLU 'DOD KYI SHES PA DANG, GDUG PA NI LTA NGAN LA BYANG PA'I SEMS DANG, MI SRUN PA NI MTHO 'TSAM PA'I SHES PA DANG, GYA GYU NI MI DRANG PA'I SHES BA LA BYED BA YIN PA'I PHYIR RO, ,NYER THOB KYI RANG BZHIN BDUN YANG GZHAG TU YOD DE, DE NYID LAS, CHAGS PA BAR MA'I SKAD CIG DANG, ,BRJED NGAS PA DANG 'KHRUL BA DANG, ,MI SMRA GYUR DANG SKYO BA DANG, ,LE LO DE BZHIN THE TSOM STE, ZHES GSUNGS PA'I PHYIR, 'DI DAG GI DON YANG YOD DE, YUL 'DOD MI 'DOD PAR MA'I RNAM PA CAN GYI BLO DANG, BRJED NGAS DRAN PA NYAMS PA'I SEMS BYUNG, SMIN RGYU LA CHUR 'DZIN SOGS KYI SEMS BYUNG, SMRA MI 'DOD PA'I SEMS BYUNG, SKYO BA YID SUN PA'I BLO DANG, LE LO DANG, THE TSOM BDUN LA BYED PA'I PHYIR, KHA CIG SNANG BA DANG RANG

048b

BZHIN RNAMS SPEL NAS SKYE BA DANG, THIM PAR 'DOD PA NI MI 'THAD DO, SHES PA PHRA RAGS SPEL NAS SKYE BA DANG THIM PA MI SRID PA'I PHYIR, DES NA SKYE PA'I TSE SNANG BA RNAMS SKYES PA'I RJES SU RANG BZHIN RNAMS SKYE LA, THIM PA'I TSE RANG BZHIN RNAMS THIM PA'I RJES SU SNANG BA RNAMS THIM PA YIN TE, SKYE BO'I TSE SHES PA PHRA RIM NAS RAGS SU 'GRO LA, THIM PA'I TSE RAGS RIM NAS PHRAR 'GRO BA'I PHYIR, DES NA RTOG PA TSAN PA GSUM PO SNANG BA GSUM GYI RANG BZHIN DU GSUNGS PA NI MTSAN NYID YIN LA, DE YANG RTOG PA TSAN PA GSUM PO DES SNANG BA GSUM MTSON PAS SNANG BA'I MTSAN NYID CES BYA'O, ,MTSON TSUL YANG NGO BO GCIG PA'I SGO NAS MTSON PA MA YIN TE, DPER NA BYA ROG GIS KHANG BZANG MTSON PA LTAR NGO BO THA DAD PA'I SGO NAS MTSON PA YIN PA'I PHYIR TE, SPYOD BSDUS LAS, RNAM PAR SHES PA SNANG BA YANG GZUGS MED PA LA, 'DOD CHAGS DANG 'DOD CHAGS DANG BRAL BA DANG 'DOD CHAGS BAR MA LA SOGS PA'I RANG BZHIN RNAMS LAS RJES SU DPAG PAR BYA'O, ZHES DANG, GSAL SGRON LAS KYANG, RANG BZHIN GYIS SNA BA BRJES SU DPOG PAR GSUNGS PAS SNANG BA'I MTSON BYED DO, ,DPOG LUGS NI, RANG BZHIN GYI RTOG PA LA SHAS CHE CHUNG BAR MA GSUM SNANG BAS, DE RNAMS SKYED PA'I SNANG BA RLUNG GI BZHON PA CAN LA YANG, GA-YO BA SHAS CHE CHUNG BAR MA GSUM YOD PAR DPOG GO ,ZHES GSUNGS PA'I PHYIR, 'DI NI LAM MTHON POR SONG BAS SNANG BA GSUM MNGON SUM DU

049a

, ,NGES NUS KYANG, DE 'DRA MA YIN PA'I GANG ZAG LA MTSON DGOS PA YIN LA, MTSON TSUL NI, SNANG BA GSUM PO CHOS CAN, KHYOD KYI BZHON PA'I RLUNG GI GA-YO BA SHAS CHUNG NGU BAR MA CHEN PO GSUM YOD DE, KHYOD KYIS LAG RJES BZHAG PA LA BRTEN NAS BYUNG BA'I RTOG PA TSAN PA GSUM PO DE LA RLUNG GI GA-YO BA CHUNG NGU DANG BAR MA CHEN PO GSUM YOD PA'I PHYIR, ZHES RTAGS SBYOR RNAM DAG LAS DPOG PA YIN NO, ,'O NA LUGS LDOG GI RANG BZHIN TSAN PA GSUM GA SNANG BA GSUM GYI 'BRAS BUR MTSUNGS PA LA, RANG BZHIN BDUN LUGS LDOG GI NYER THOB KYI 'BRAS BU DANG, BZHI BCU MCHED PA DANG SO GSUM SNANG PA'I 'BRAS BUR 'JOG PA'I RGYU MTSAN GANG YIN ZHE NA, LUGS LDOG GI RANG BZHIN BDUN PO CHOS CAN, KHYOD LUGS LDOG GI SNANG BA GSUM GA'I 'BRAS BU YIN YANG, BYE BRAG TU NYER THOB KYI 'BRAS BUR 'JOG PA'I RGYU MTSAN YOD DE, KHYOD DE'I 'BRAS BU GANG ZHIG KHYOD KYI BZHON PA'I RLUNG GI GA-YO BA SHIN TU ZHAN PA DE LUGS LDOG GI NYER THOB KYI BZHON PA'I RLUNG GA-YO BA SHIN TU ZHAN PA DE'I LAG RJES YIN PAS DE LTAR BZHAG PA YIN PA'I PHYIR, DES GZHAN GNYIS KYANG SHES PAR BYA'O; ;DES NA SNANG BA DANG, RANG BZHIN GYI SKYE TSUL DANG THIM TSUL GTAN LA PHAB PA LA CHOS CAN, DGOS PA YOD DE, GZHI LAM GNYIS KA'I SKABS SU RANG BZHIN RNAMS THIM PA DANG MA THIM PA'I SKABS GNYIS LAS, MA THIM

049b

PA'I DUS SU RANG BZHIN GYI RTOG PA RNAMS SKYE LA, THIM PA'I DUS SU SNANG BA GSUM DANG 'OD GSAL 'CHAR ZHING, LAM GYI 'OD GSAL LAS SGYU MA'I SKU 'GRUB PAS DE LTAR GTAN LA PHAB PA YIN PA'I PHYIR, GSUM PA NI, NGAG DBEN RDOR BZLAS BYAS PAS SNYING KHA'I RTZA MDUD RDZOGS PAR GROL NAS, RTZA BA'I RLUNG BZHI MI SHIGS PA LA SDUD NUS PA'I MTSAMS NAS SEMS DBEN GYI RTOGS PA 'DREN PA YIN TE, RIM LNGA LAS, RDO RJE BZLAS GNAS RNAL 'BYOR PAS, ,SEMS LA DMIGS PA THOB PAR 'GYUR, CES GSUNGS PA'I PHYIR, 'DI LA PHYI NANG GI RKYEN GNYIS LAS, NANG GI RKYEN KHYAB BYED LA DMIGS PA'I RDOR BZLAS DANG, RIL 'DZIN DANG RJES GZHIG GI SDUD RIM GYI RNAL 'BYOR SGOM DGOS TE, LE'U GSUM PA'I SGRON GSAL LAS, 'JUG PA DANG, GNAS PA DANG, LDANG BA DANG SDUD PA'I RNAL 'BYOR GYIS RTAG PAR NYIN MTSAN DU SGOM PAR BYA'O, ZHES GSUNGS PA'I PHYIR, PHYI'I RKYEN NI TSE 'DIR SEMS DBEN MTHAR THUG 'DREN PA LA NGES PAR LAS RGYA DANG MNYAM PAR SBYOR DGOS TE, YE SHES RDO RJE KUN LAS BTUS LAS, RDO RJE DANG PADMA YANG DAG PAR SBYOR BA NI, SEMS DANG SEMS LAS BYUNG BA DAG GI THABS SU GYUR BA'O, ,SEMS DANG SEMS LAS BYUNG BA DAG MNYAM PAR SBYOR BA NI, BDE BA CHEN PO'I TING NGE 'DZIN GYI THABS SU GYUR PA'O, ZHES DANG, SNGAGS DANG PHYAG RGYAS MNGON DU MNGON PAR 'DU BYAS PA'I RDO RJE DANG, PADMA MNYAM PAR SBYOR BA MED PAR RNAM PAR SHES PA GSUM NYE BAR

050a

, ,MTSON PAR MI NUS SO, ,BHA GA DANG LINGGA YANG DAG PAR SBYOR MI NUS PA DES NI, BDE BA CHEN PO'I TING NGE 'DZIN MI RNYED DO, ZHES TSE 'DIR SEMS DBEN MTHAR THUG GI RTOGS PA SKYE BA PHYAG RGYA LA NGES PAR LTOS PA RJES 'GRO DANG LDOG PA'I SGO NAS GSUNGS PA'I PHYIR DANG, RIM LNGA LAS KYANG, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON PAR 'GYUR CES GSUNGS PA'I PHYIR, KHO NA RE, SNGAR DBANG DUS DANG BSKYED RIM DANG, LUS DBEN SOGS KYI SKABS SU LAS RGYA SNGON DU SONG NA DES CHOG GAM ZHE NA, MI CHOG STE, DE DAG TU NI SPYI BO NAS RTAGS KYI BAR DGA' BZHI LUGS 'BYUNG LUGS LDOG TU 'DREN PA'I PHYIR YIN LA, 'DIR NI 'CHI RIM JI LTA BA BZHIN DU SNYING KHAR SEMS DBEN GYI STONG PA GSUM DGA' BA BZHI'I NGO BOR 'DREN PA'I CHED DU YIN PA'I PHYIR TE, SPYOD BSDUS LAS, RDO RJE DANG PADMA SNYOMS PAR ZHUGS PA LAS SPYI BO NAS BRTZAMS TE, RTZA BDUN KHRI NYIS STONG LAS BYANG SEMS 'JU BAS CHAGS PA DANG, CHAGS BRAL DANG, CHAGS BA BAR MA'I RIM GYIS 'BAB BO, ZHES GSUNGS PA'I PHYIR, GZHAN YANG SEMS DBEN GYI SKABS 'DI BRLUNG DANG BYANG SEMS LUS KYI STOD SMAD NAS BSDUS PA'I LUGS 'BYUNG GI DGA' BA BZHI LAS 'OD GSAL GYI NGO BOR GYUR PA'I LUGS LDOG GI DGA' BZHI MI 'JOG STE, GAL TE 'JOG NA BYANG SEMS SNYING KHA NAS GYES PA'I

050b

RIM PAS 'JOG DGOS PA GANG ZHIG ,DE LTAR NA RLUNG GA-YO BAR 'GYUR BA'I PHYIR RO, ,DES NA SEMS DBEN MTHAR THUG GI RTOGS PA SNYING KHAR 'DREN PA PHYI NANG GI RKYEN GNYIS LA LTOS TE, DE NYID LAS, RANG GI PHYAG RGYA DANG LHAN CIG RIL BOR 'DZIN PA'AM, GZHIG PA'I RIM GYIS DON DAM PA'I BDEN PA LA 'JUG GO ,ZHES GSUNGS PA'I PHYIR, 'O NA SEMS DBEN MTHAR THUG 'DREN PA LAS RGYA LA LTOS NA, DUS RGYUN TU LAS RGYA DANG MNYAM PAR SBYOR BA LA LTOS SAM ZHE NA, MI LTOS TE, LAN CIG DNGOS LA MTSON NAS PHYIS YE RGYA DANG 'BREL PA'I SROG RTZOL BSGOMS PA'I SPROS MED KYI SPYOD PA LA BRTEN NAS SEMS DBEN MTHAR THUG 'DREN NUS PA'I PHYIR TE, RIM LNGA LAS, GANG ZHIG CHU SKYES RDO RJE SBYOR, ,KUN RDZOB TU YANG MED GYUR NA, ,LAN CIG TZAM ZHIG MYONG NAS KYANG, ,RNAL 'BYOR STOBS KYIS 'GRUB PAR 'GYUR, ZHES GSUNGS PA'I PHYIR, KHO NA RE, SKABS 'DIR SEMS DBEN 'DREN PA'I PHYIR LAS RGYA BSTEN PAR GSUNGS PA DANG, GSANG BA GRUB PAR, DANG PO'I LAS RGYAS RIG PAR BYA, ZHES LAS DANG PO'I RDZOGS RIM PA DANG BSKYED RIM PAS LAS RGYA BSTEN PAR GSUNGS PA GNYIS 'GAL LO ZHE NA, MI 'GAL TE, 'DIR NI SEMS DBEN MTHAR THUG 'DREN PA'I PHYIR DU YIN LA, PHYI MA NI LHAN SKYES TZAM SKYED PA LA DGONGS PA'I PHYIR, BSKYED RIM PA DBANG RNON GYIS LAS RGYA LA BRTEN PAS BSKYED RIM GYI SKABS SU RLUNG DBU MAR ZHUGS GNAS THIM GSUM GYI RTOGS PA 'DREN PA YOD KYANG, NGO BO

051a

, ,RDZOGS RIM GYI RTOGS RIGS SU 'JOG PA YIN NO, ,DES NA PHYAG RGYA LA DBYE NA LHAN SKYES, ZHING SKYES, SNGAGS SKYES KYI RNAL 'BYOR MA GSUM YOD, ZUNG 'JUG LA GNAS PA'I PHYAG RGYA DANG, DBEN GSUM SGYU LUS CI RIGS LA GNAS PA'I PHYAG RGYA DANG, BSKYED RIM LA GNAS PA'I PHYAG RGYA RNAMS RIM PA BZHIN DU DE RNAMS KYI MTSAN NYID YIN, GTZO CHER PHYI MA LA PADMA CAN, DUNG CAN MA, GLANG PO CAN MA, RI DVAGS CAN MA BZHIR YOD, YANG PHYI'I PHYAG RGYA LA DBYE NA LAS RGYA DANG YE RGYA GNYIS YOD DO, ,DE LTAR PHYI NANG GI RKYEN GNYIS LA BRTEN NAS STONG PA GSUM DRANGS TE, YE SHES DE GSUM LHAN SKYES KYI BDE BA CHEN PO'I NGO BOR SKYED, SNANG BA GSUM GYI DUS SU SNANG NGOR DKAR, DMAR, GNAG PA'I SNANG BA 'BYUNG YANG, NGES DOR SNANG BA DE YANG BKAG NAS STONG NYID 'DZIN STANGS KYI YUL DU BYAS TE, RTZE GCIG TU SGOM PAR BYED PA YIN NO, ,SNANG BA GSUM GTAN LA PHAB PA'I DGOS PA YOD DE, DE GSUM GYI NGO BOR GYUR PA'I YE SHES KYIS SEMS KYI DE KHO NA NYID RTOGS NAS BSGOM PAR BYA BA'I CHED YIN PA'I PHYIR, RIM PA GSUM PA MAN CHAD DU STONG PA GSUM DU BSDUS NAS 'CHAD PA'I RGYU MTSAN YOD DE, DPE'I 'OD GSAL NYER THOB TU BSDUS NAS BSTAN PA'I PHYIR, LNGA PA NI, SHES BYA CHOS CAN, SNANG BA GSUM LAM GYI NGO BOR SKYED TSUL MA SHES PA LA SKYON DANG, SHES PA LA YON TAN BSAM GYIS MI KHYAB PA YOD DE, SKYED TSUL MA SHES NA SNANG BA GSUM

051b

LAS RANG BZHIN BRGYAD CU'I RTOG PA SKYE, DE LAS 'JIG LTA DANG, DE LAS NYON MONGS GZHAN RNAMS SKYE, DES LAS BSAGS NAS SDUG BSNGAL SNA TSOGS MYONG DGOS PA GANG ZHIG SNANG BA GSUM LAM GYI NGO BOR SKYED TSUL SHES NAS BSKYED NA, DPE DON GYI 'OD GSAL 'CHAR ZHING, 'OD GSAL DES CHOS SKU'I RIGS 'DRA'I RGYU BYED, 'OD GSAL DE'I BZHON PA'I RLUNG 'OD ZER LNGA PA LAS SGYU MA'I SKU GRUB STE, GZUGS SKU'I RIGS 'DRA'I RGYU BYAS NAS TSE GCIG GIS SANGS RGYAS 'GRUB PA'I PHYIR, SMRAS PA, ZLA NYI'I GZI BYIN SGRA GCAN GYIS ZOS PAS, MA RIG 'KHRUL PA'I MGYOGS 'GRO DBYINGS SU THIMS, ,STONG GSUM NGO BO GSER LTAR DAG PA'I SEMS, ,AE MA HO LHAN SKYES DGA' PA'I ROL PA CHE; ;YONGS DAG BRTAN DANG GA-YO BA'I DNGOS, ,KUN BYED TSANGS BA CHEN PO STE, ,RAB 'BYAMS DKYIL 'KHOR BYE BA BRGYA, ,'BRI BYED RI MO MKHAN 'DI'O,, ` ,,GNYIS PA BDEN PA GNYIS KYI RDZOGS RIM LA GNYIS, BDEN PA GNYIS SO SO'I RDZOGS RIM DANG, BDEN GNYIS DBYER MED KYI RDZOGS RIM MO, ,DANG PO LA GNYIS, KUN RDZOB SGYU MA'I RDZOGS RIM DANG, ,DON DAM 'OD GSAL GYI RDZOGS RIM MO, ,DANG PO LA GNYIS, SGYU LUS KYI GDAMS PA DNGOS DANG, DE DANG 'BREL BA'I GDAMS PA'O, ,DANG PO LA GNYIS, NYAN PA PO JI 'DRA BA ZHIG GIS JI LTAR BYA BA DANG, ,'CHAD PA POS BSHAD PA'I RIM PA'O, ,DANG PO NI, 'DIR BSTAN SGYU LUS KYI GDAMS PA NYAN PA'I SLOB MA KHYAD CHOS BZHI LDAN CIG DGOS TE,

052a

, ,DBANG NA SA BRTZAMS TE BSKYED RIM PHRA RAGS MTHAR PHYIN PA, RGYUD SDE BZHI'I DON LA MKHAS PA, DBEN GSUM GYI RDZOGS RIM LA LOBS PA, BDEN GNYIS ZUNG 'JUG GI RDZOGS RIM LA MOS PA ZHIG DGOS PA'I PHYIR, DE LTA BU'I SLOB MA DES SGYU LUS KYI GDAMS PA NYAN PA'I PHYIR JI LTAR BYA BA'I TSUL YOD DE, BLA MA LA PHYI NANG GSANG BA'I MCHOD PA PHUL NAS, KHONG STONG KHYOD KYI SKU LA MED, CES SOGS KYIS BSTOD, KUN MKHYEN YE SHES PHUNG PO CAN, ZHES SOGS KYIS GSOL BA BTAB NAS SGYU LUS KYI GDAM NGAG 'DRI BA YIN PA'I PHYIR TE, SPYOD BSDUS LAS, BSKYED PA'I RIM PA NAS BRTZAMS TE, LUS RNAM PAR DBEN PA'I MTHAR THUG PA'I BAR DU, RDO RJE GSUM LA SOGS PAS KYANG MTSAN NYID LA LHAG PAR MOS PA TZAM LAGS TE, DE BAS NA LUS RNAM PAR DBEN PA LA LHA'I GZUGS MED DE, LUS NI RDUL PHRA RAB BSAGS PA TZAM YIN PA'I PHYIR RO, ,NGAG RNAM PAR DBEN PA'I MTHAR THUG PA YANG 'JUG PA LA SOGS PA'I RIM GYIS RDO RJE BZLAS PA TZAM YONGS SU SHES PA STE, DE LA YANG LHA'I RNAM PA MED DE, SGRA RNAMS NI BRAG CHA LTA BU YIN PA'I PHYIR RO, ,SEMS RNAM PAR DBEN PA'I MTHAR THUG PA YANG RANG BZHIN GYI SNANG BA TZAM YONGS SU SHES PA TZAM DU ZAD PAS, DER YANG RNAM PA THAMS CAD KYI MCHOG DANG LDAN PA'I LHA'I SKU'I NGO BO RNYED PAR MI 'GYUR TE, SEMS NI SNANG BA TZAM YIN PA'I PHYIR RO, ,RIGS PA 'DIS NI KUN RDZOB LA

052b

BRTEN NAS GNAS PA RNYED PAR MI 'GYUR RO, ,DE BAS NA YE SHES TZAM GYIS LHA NYID DU SKYED PA SLOB DPON GYI ZHAL SNGA NAS LAS RTOGS PAR BGYID PAR 'TSAL LO, ZHES GSUNGS PA'I PHYIR, LUNG DON NI, SHES BYA CHOS CAN, YE SHES TZAM GYI SGYU MA'I SKUR SKYED TSUL BLA MA'I ZHAL LAS RTOGS DGOS TE, BSKYED RIM NAS DBEN GSUM GYI BAR DU THA MAL GYI SNANG ZHEN 'OD GSAL DU BSDUS PA'I NGANG NAS, RANG GI SEMS LHA'I SKUR SKYED BA ZHIG BSHAD 'DUG PA 'DI LA RNAM DPYOD CAN GYIS DPYAD NA, LAM GYI MTSAMS ZHIG NAS MOS PA TZAM MA YIN PA'I YE SHES TZAM GYI LHA SKUR DNGOS SU SKYED PA ZHIG DGOS 'DUG PA GANG ZHIG ,BSKYED RIM NAS SEMS DBEN GYI BAR DU YE SHES TZAM GYI SKUR BSKYED BA MED PA'I RIGS PA'I TSUL 'DIS NI, DE DAG GI SKABS SU KUN RDZOB SGYU MA'I SKU LA BRTEN PA'I TING NGE 'DZIN LA GNAS PA RNYED PAR MI 'GYUR PA'I PHYIR, BSKYED RIM NAS LUS DBEN GYI BAR NA LHA SKU MTSAN NYID PA MED DE, DE DAG GI SKABS SU LHA'I SKUR MOS NAS NGA RGYAL BZHAG TZAM DANG, DE DAG GI SGRUB GZHI'I LUS KYANG 'BYUNG LUS RDUL PHRA RAB BSAGS PA TZAM MA GTOGS LHA'I SKUR DNGOS SU SONG BA MED PA'I PHYIR, NGAG DBEN GYI SKABS SU YANG LHA SKU MTSAN NYID PA MED DE, RDOR BZLAS KYIS RLUNG RNAMS LAS RUNG DU BYAS NAS, SGRA BRAG CHA LTA BUR SGROG PA TZAM YIN PA'I PHYIR, SEMS DBEN GYI SKABS SU YANG LHA SKU MTSAN NYID PA MED DE, SHIN TU PHRA BA'I SEMS RANG BZHIN GYIS

053a

, ,RTOG PAS STONG PA'I SNANG BA TZAM YIN PA'I PHYIR, ZHES PA'O, ,GNYIS PA LA GNYIS, SGYU LUS KYI SNGON DU JI LTAR BYA BA DANG, SGYU LUS KYI RIM PA NYID BSHAD PA'O, ,DANG PO NI, DE LTAR GSOL BA BTAB PAS RDO RJE SLOB DPON GYIS, DBEN GSUM MAN CHAD LA GNAS PA'I RNAL 'BYOR PA RNAMS KYI MNGON SUM GYI YUL MA YIN PA, SANGS RGYAS RNAMS KYIS SNOD RUNG GI GDUL BYA LA BSHAD PA, BLA MA BRGYUD PA'I RIM PA LAS 'ONGS PA, ,PHAR PHYIN THEG PA'I SA BCU'I SEMS DPA' RNAMS KYIS KYANG RANG LAM GYIS MNGON SUM DU BYED MI NUS PA STE, KHYAD CHOS BZHI LDAN GYI SGYU LUS STON PAR DAM 'CHA' BA YIN TE, SPYOD BSDUS LAS, LHA'I DE KHO NA NYID BSAM GYIS MI KHYAB PA; SANGS RGYAS THAMS CAD KYIS BSHAD PA, BLA MA BRGYUD PA'I RIM PA LAS 'ONGS PA, SA BCU'I DBANG PHYUG RNAMS KYI'ANG YUL MA YIN PA DE NGAS KHONG DU CHUD PAR BYA'O, ZHES GSUNGS PA'I PHYIR, DE YANG BLA MA'I MAN NGAG KHO NA LAS SHES DGOS TE, BDAG BYIN RLABS LAS, RMI LAM SGYU MA LTA BU'I CHOS, ,SANGS RGYAS PA KUN SMRA BA NI, ,BDEN YANG DES NI SHES PA MIN, ,BDAG BYIN BRLAB LAS KHA PHYIR BLTAS, ,RNAM SHES RLUNG DANG LDAN PA YI, ,YID KYI RANG BZHIN GZHU 'DRA BA, ,RANG GI YE SHES DES MA MTHONG, ,SGYU MA'I DPE LA RMONGS GYUR PAS, ,BSKAL BA DPAG TU MED PAR NI, ,THOS PA'I PHA ROL PHYIN PAS KYANG, ,BLA MA'I BKA' MED SGYU MA NI, ,MNGON SUM BYA BAR MI NUS SO, ZHES GSUNGS

053b

PA'I PHYIR, DE 'DRA BA'I SGYU MA'I SKU DE RNYED MA RNYED LA SKYON YON SHIN TU CHE STE, MA RNYED NA RGYUD SDE 'OG MA GSUM MAN CHAD DU, SANGS RGYAS THOB PA'I PHYIR DU THOS BSAM SGOM GSUM GYI NGAL BA BYAS PA DON MED DU 'GYUR LA, RNYED NA SNYIGS DUS KYI TSE THUNG GCIG LA SANGS RGYAS MYUR DU 'THOB PA'I PHYIR TE, RIM LNGA LAS, BDAG LA BYIN GYIS BRLABS PA'I RIM, ,GANG GIS RNYED PAR MA GYUR BA, ,MDO SDE RGYUD DANG RTOG PA LA, ,DE YI NGAL BA DON MED 'GYUR, ,BDAG LA BYIN BRLABS RIM THOB PA, ,GTZO BO SANGS RGYAS KUN BDAG NYID, ,TSE 'DI NYID DU SANGS RGYAS NI, ,THE TSOM MED PAR THOB PAR 'GYUR, ZHES GSUNGS PA'I PHYIR, GNYIS PA LA GNYIS, SGYU LUS KYI MAN NGAG GI GZHI JI LTAR BTING BA, DE LA BRTEN NAS SGYU LUS SGRUB TSUL BSHAD PA'O, ,DANG PO NI, SEMS CAN RNAMS LA RANG BCAS SU YOD PA'I SHIN TU PHRA BA'I RLUNG SEMS GNYIS SGYU LUS KYI SGRUB GZHI YIN TE, SPYIR SEMS CAN RNAMS 'CHI BA 'OD GSAL SNGON DU SONG BA LA MA LTOS BAR RANG DBANG DU MI 'BYUNG BAR, RANG RGYU THAMS CAD STONG PA 'OD GSAL GYI RLUNG SEMS LAS BAR DOR SKYES TE 'KHOR BAR 'KHOR LA, DE NYID THABS MKHAS PA'I RNAL 'BYOR PA LA SGYU MA'I SKUR SHAR NAS 'TSANG RGYA BA YIN TE, RIM LNGA LAS, 'GRO KUN RANG DBANG MED PA STE, ,RANG DBANG DU NI 'BYUNG MA YIN, ,DE YI RGYU NI 'OD GSAL PA, ,'OD GSAL THAMS CAD STONG PA'O, ,SEMS GANG GIS NI BYIS PA RNAMS, ,'KHOR BA'I 'CHING BAS BCINGS

054a

, ,GYUR PA, ,SEMS DE NYID KYIS RNAL 'BYOR BA, ,BDER GSHEGS GNAS SU 'GRO BAR 'GYUR, ZHES GSUNGS PA'I PHYIR, MDOR NA SEMS CAN GYI SKYE 'CHI GNAS GSUM BAR DO DANG BCAS PA THAMS CAD RANG RGYU SHIN TU PHRA BA'I RLUNG SEMS KYI RNAM 'PHRUL DANG, SHIN TU PHRA BA'I RLUNG SEMS GNYIS PO DE, 'GRO BA BZANG NGAN SNA TSOGS SU 'GRO BAR GSUNGS TE, RDO RJE PHRENG BA LAS, SKYE DANG GNAS DANG 'JIG PA DANG; ;SRID PA BAR MAR GNAS PA STE, ,JI SRID 'JIG RTEN GYIS BTAGS PA, ,SEMS KYI RLUNG GI RNAM 'PHRUL LO, ZHES DANG LUNG STON LAS KYANG, 'DU SHES CAN DANG 'DU SHES MED, ,SEMS CAN DU BTAGS 'DI GNAS PA, ,DE RNAMS RLUNG LAS BYUNG BA STE, ,RLUNG LAS SLAR YANG 'GAG PA YIN, ,MA RTOGS PA YI SEMS DE NI, ,'KHOR BA'I RGYA MTSOR GNAS GYUR KYANG, ,DE NI PHYIN CI LOG SONG BAS, ,KHYI DANG CE SPYANG GLANG PO DANG, ,SEMS DE LTAR YANG 'GRO BAR 'GYUR, ZHES GSUNGS PA'I PHYIR, DES NA SEMS CAN THAMS CAD KYI RGYUD LA SGYU LUS KYI SGRUB GZHI RANG BCAS SU YOD DE, SEMS CAN RNAMS LA RAGS BA GNAS SKABS PA'I LUS DANG, PHRA BA GNYUG MA'I LUS GNYIS YOD PA GANG ZHIG ,PHRA BA GNYUG MA'I LUS DE DE'I SGRUB GZHI YIN PA'I PHYIR, SEMS CAN GYI GNAS SKABS PA'I LUS NI SEMS CAN SKYE 'CHI BYED PA'I TSE 'DOR LEN BYED DE, DPER NA CHU LA

054b

TSA BA BZHIN YIN PA'I PHYIR, GNYUG MA'I LUS NI DE'I TSE 'DOR LEN MI BYED DE, SEMS CAN DANG DE'I GNYUG LUS GNYIS DPER NA CHU LA GSHER BA BZHIN DU GNAS PA YIN PA'I PHYIR, PHRA BA GNYUG MA'I LUS DE NI RTZA BA'I RLUNG LNGA'I NANG NAS SROG 'DZIN DANG, DE LA YANG PHRA RAGS GNYIS YOD PA'I NANG NAS SHIN TU PHRA BA YIN LA, GNYUG MA'I SHES PA DE YANG SPYIR YID SHES DANG, DE LA YANG PHRA RAGS GNYIS YOD PA LAS SHIN TU PHRA BA YIN NO, ,DES NA GANG ZAG GCIG LA RAGS PA GNAS SKABS PA'I LUS SEMS DANG, PHRA BA GNYUG MA'I LUS SEMS GNYIS YOD KYANG RGYUD THA DAD PAR MI 'GYUR TE, RAGS PA'I LUS DE PHRA BA'I LUS SEMS GNYIS PO DE'I RTEN YIN PA GANG ZHIG ,GZHI LA RAGS PA'I LUS SEMS KYI BYA BA BYED PA'I TSE, PHRA BA GNYUG MA'I LUS SEMS GNYIS BAG LA ZHA PA'I TSUL DU GNAS, GNYUG MA'I LUS SEMS KYIS BYA BA BYED PA'I TSE, DANG PO GNYIS BAG LA ZHA BA'I TSUL DU YOD PA'I PHYIR TE, 'CHI SEMS DANG BAR DO DANG RMI LAM GYI LUS KHYAD PAR CAN GYI SKABS BZHIN YIN PA'I PHYIR, DES NA GNYUG MA'I GANG ZAG CIG KYANG BZHAG DGOS TE, DE'I LUS DANG DE'I SEMS GNYIS 'JOG PA GANG ZHIG ,STOBS MTSUNGS PA'I PHYIR DANG, GANG ZAG GI GDAGS GZHI YANG PHRA RAGS GNYIS 'JOG DGOS PA'I PHYIR, DER THAL, SHIN TU PHRA BA'I RLUNG SEMS TSOGS TZAM PA DE GANG ZAG GI GDAGS GZHI PHRA MO YIN PA'I PHYIR TE, GSAL SGRON LAS, GANG ZAG TU THA

055a

, ,SNYAD 'DOGS PA'I GZHI'I GTZO BO RLUNG SEMS GNYIS YIN MOD KYANG, RAGS PA'I LUS KYANG DE'I RTEN DU MI 'GAL BA SOGS SHES PAR BYA'O, ZHES GSUNGS PA'I PHYIR, GNYIS PA LA GNYIS, YAB SRAS GNYIS KYI GZHUNG LAS JI LTAR 'BYUNG BA BSHAD PA DANG, SGRUB TSUL SHIN TU GSAL BA YON TAN DANG BCAS PA BSHAD PA'O, ,DANG PO NI, GZHI LA 'CHI BA 'OD GSAL GYI RLUNG SEMS TZAM LAS BAR DOR LDANG BAR MA ZAD, SEMS DBEN MTHAR THUG GI RLUNG SEMS TZAM LAS MA DAG PA'I SGYU MA'I SKUR LDANG BA YIN TE, RIM LNGA LAS, DE NYID RLUNG DANG YANG DAG LDAN, ,RNAM SHES GSUM PO SLAR YANG NI, ,RNAL 'BYOR PA YI LUS SU BYUNG, ,SGYU MA'I LUS ZHES DE LA BSHAD, CES GSUNGS PA'I PHYIR, DE 'DRA BA'I SGYU LUS PA DES, SEMS CAN THAMS CAD KYI GNYUG MA'I LUS KYANG RANG GI SGYU LUS DANG 'DRA BAR MNGON SUM DU MTHONG ZHING, SNOD BCUD THAMS CAD KYANG RANG RGYU RLUNG SEMS TZAM GYI RNAM 'PHRUL DU MTHONG BA YIN TE, DE NYID LAS, DE BAS 'DI LTAR 'GRO BA KUN, ,SGYU MA LTA BUR 'DIR BSHAD DE, ,SGYU MA LTA BU'I TING 'DZIN GNAS, ,THAMS CAD DE DANG 'DRA BAR MTHONG, ZHES GSUNGS PA'I PHYIR, SPYOD BSDUS LAS GSUNGS TSUL NI DE NYID LAS, RANG GI SEMS YANG DAG PA JI LTA BA BZHIN YONGS SU SHES PA ZHES BYA BA PHUNG PO DANG KHAMS DANG SKYE MCHED RNAMS LA YANG MED PA, YE SHES TZAM DU YONGS SU SNANG BA TZAM GYIS MTSAN THAMS CAD DANG

055b

LDAN PA'I LHA'I SKUR BZUNG BA DE YANG, SGYU MA DANG RMI LAM LA SOGS PA'I DPE RNAM PA BCU GNYIS KYIS NYE BAR MTSON PA 'DI NI, SANGS RGYAS RNAMS KYI YID KYI RANG BZHIN GYI SKU YIN NO ZHES GSUNGS, 'DI'I DON NI, SHES BYA CHOS CAN; SGYU MA'I SKU GANG LAS SGRUB PA'I GZHI GZHAG TU YOD DE, RANG GI SEMS YANG DAG PA JI LTA BA BZHIN YONGS SU SHES PA'I SEMS DBEN GYI SNANG BA GSUM GYI YE SHES LAS, LAM DUS KYI MTSAN DPE DANG LDAN PA'I RLUNG SEMS TZAM LAS GRUB PA LHA'I SKU SGYU MA LA SOGS PA'I DPE BCU GNYIS KYIS MTSON PA DE BSGRUB PA YIN PA'I PHYIR, KHAMS DANG SKYE MCHED RNAMS LA YANG MED PA ZHES PA DANG, TZAM PHYI MAS PHUNG PO RAGS PA DANG, TZAM SNGA MAS KUN RTOG LAS SGYU LUS SGRUB PA GCOD DO, ,DE LTAR BSTAN PA LA YE SHES TZAM ZHES PA'I TZAM SGRAS SEMS KHO NA MA GTOGS SGYU LUS KYI SGRUB GZHI BCAD PAR GO NAS DRI BA 'GOD PA LA, DE NYID LAS, RTEN PA'I LUS MED PAR SEMS KYI RANG BZHIN YANG MED LA, SEMS MED PAR YANG LUS DMIGS SU MED DO, ZHES LUNG GI TSIG LAS GSUNGS NA, JI LTAR NA SEMS 'BA' ZHIG TZAM GYIS PHYAG DANG ZHABS LA SOGS PA MTSAN THAMS CAD DANG LDAN PA'I LHA'I SKUR RDZOGS PAR 'GYUR, DMIGS PA'I LTA BA CAN RNAMS NI LUNG DANG RTOGS PA MED PAR YID CHES PAR MI 'GYUR RO, ,DE PAS NA DE RNAMS DMIGS SU MED PA'I LHA'I DE KHO NA NYID BDE BLAG TU MNGON SUM DU BYA BA'I THABS BCOM LDAN 'DAS

056a

, ,RDO RJE SLOB DPON STON PAS BSHAD DU GSOL, ZHES GSUNGS, SLOB MA NA RE, SEMS TZAM KHO NAS MTSAN DPE DANG LDAN PA'I LHA SKU DNGOS GNAS PA SGRUB MI NUS PAR THAL, SEMS GCIG NYID RTEN LUS DANG, BRTEN PA SEMS GNYIS SU MI 'THAD PA'I PHYIR TE, MDO SDE'I LUNG LAS KYANG, LUS SEMS GNYIS RTEN BRTEN PA YIN BAS GCIG LOG NA CIG SHOS KYANG LDOG PAR GSUNGS PA'I PHYIR, DES NA DMIGS PA'I LTA BA THE TSOM CAN GYI RTOG LDAN RNAMS NI SHES BYED KYI LUNG RIGS MED PAR YID MI CHES PAS, MTSAN MA MED PA'I LHA'I SKU MNGON SUM DU BYA BA'I THABS BSHAD DU GSOL, ZHES PA'O, ,DE'I LAN STON PA LA DE NYID LAS, GANG MDO SDE LA SOGS PA'I TSUL LA ZHUGS PA DANG, BSKYED PA'I RIM PA LA GNAS PA'I SGOM PA PO RNAMS KYANG CHOS THAMS CAD SGYU MA LTA BU DANG, RMI LAM LTA BU DANG, GZUGS BRNYAN LTA BU ZHES DPER BRJOD CING LHAG PAR MOS KYANG, DE RNAMS DPES BDAG LA BYIN GYIS BRLAB PA'I MAN NGAG YE SHES TZAM GYIS YID KYI RANG BZHIN GYI LHA'I SKU RDZOGS PAR 'GYUR BA SHES PAR MI 'GYUR RO, ,DE BAS NA NGAS RNAL 'BYOR GYI RGYUD KYI RJES SU 'BRANGS NAS, RDO RJE SEMS DPA' RDZOGS BAR 'GYUR PA'I RGYU DANG RKYEN KHYOD LA KHONG DU CHUD PAR BYA'O ZHES SO, ,DON NI CHOS THAMS CAD BDEN STONG SGYU MA LTA BUR BSGOMS PA DANG, LHA'I SKU SGYU MA LTA BUR BSGOMS PA LA SGYU LUS KYI DON MA TSANG BAS, DES NA NGAS RNAL 'BYOR CHEN PO'I

056b

RGYUD 'DUS PA'I RJES SU 'BRANGS NAS SGYU LUS KYI NYER LEN DANG, LHAN CIG BYED RKYEN KHYOD LA BSHAD PAR BYA'O ZHES PA'O, ,'O NA RGYU RKYEN GNYIS PO GANG ZHE NA, DE STON PA LA DE NYID LAS, BDEN PAR NA SEMS NI DBYIBS DANG KHA DOG DANG BRAL BA SNANG BA TZAM, NAM MKHA' DANG MNYAM PA'I NGO BO NYID DON DAM PA'I BDEN PA DANG 'DRA BAR REG PAR DKA' BA'O, ,DE LTA MOD KYI SNANG BA TZAM GYI SNANG BA GSUM PO RLUNG LA BRTEN BAR GYUR BA DANG, THUN MONG DU GYUR PAS YANG BA STE, DES NA RLUNG GIS RNAM PAR SHES PA BCINGS PA YIN NO, ,DE NAS SHES RAB DANG, THABS KYI SNANG BA GNYIS 'OD ZER DANG BCAS SHING, SNA TSOGS PA'I YON TAN THAMS CAD DANG LDAN BA SGYU MA LTA BU'I LHA'I SKU 'BYUNG BAR 'GYUR RO, ,'DI'I BZHON PA GANG YIN ZHE NA; RLUNG ZHES BYA BA STE SEMS RDO RJE GANG YIN PA RTA LTA BU LA ZHON NAS GANG DU 'DOD PA DER 'PHO BAR 'GYUR RO ZHES GSUNGS, 'DI'I DON NI, BDEN PAR NA ZHES PA NAS DKA' BA'O ZHES PA'I BAR GYIS SEMS KHA DOG DANG DBYIBS SU MED PA, GZUGS CAN MA YIN PAS NAM MKHA' DANG DON DAM BDEN PA LTAR REG PA DANG RTOGS DKA' BA BDEN NO, ,DE LTA MOD KYI SEMS DBEN MTHAR THUG GI SNANG BA GSUM GYI RNAM SHES SHIN TU PHRA BA'I RLUNG GIS BCINGS PA YIN TE, SNANG BA GSUM PO RLUNG GIS ZHON PA CAN DU GYUR BA DANG, BZHON PA'I RLUNG DE YANG THUN MONG BA STE, SNANG BA GSUM GYI RNAM SHES DANG 'DRES BAS YANG BA STE, SHIN TU PHRA BAR GYUR BA YIN PA'I PHYIR, SEMS DBEN MTHAR THUG GI RLUNG SEMS TZAM

057a

, ,LAS MTSAN DPE SNA TSOGS PA'I YON TAN THAMS CAD DANG LDAN PA'I SGYU LUS 'BYUNG BA YIN TE, SNANG BA GSUM PO'I RLUNG SEMS NGO BO DBYER MED DU GNAS PA DE NAS TE DE'I RGYU MTSAN GYIS SEMS DBEN GYI SHES RAB DANG, THABS DANG THABS SHES 'DRES MA GNYIS KYI NGO BOR GYUR PA'I SHES PA DANG, DE'I BZHON BA RLUNG 'OD ZER LNGA BA DANG BCAS PA SGYU LUS KYI SGRUB GZHI YIN PA'I PHYIR, ZHES PA'O, ,GNYIS PA NI, SGYU LUS 'GRUB PA LA BSGOMS STOBS KYIS LUS PHRA RAGS 'BYED NUS BA ZHIG DGOS TE, GZHI LA YANG BAR DO 'GRUB PA LAS NYON GYIS LUS PHRA RAGS PHYE BA LA LTOS PA'I PHYIR, LUS PHRA RAGS 'BYED THABS LA YANG 'PHO BA DANG, GRONG 'JUG DANG, RDOR BZLAS GSUM LAS, PHYI MA KHYAD PAR 'PHAGS TE, DANG PO GNYIS KYIS LUS PHRA RAGS 'BYED NUS KYANG LHA SKU MTSAN NYID PA MI 'GRUB, PHYI MAS LHA'I SKU MTSAN NYID PA 'GRUB PA'I PHYIR, DES NA RIM PA GSUM PA'I SGYU LUS CHOS CAN, KHYAD PAR BCO LNGA DANG LDAN PA YIN TE, RGYU'I KHYAD PAR, DUS KYI KHYAD PAR, GNAS KYI KHYAD PAR, NGO BO'I KHYAD PAR, KHA DOG GI KHYAD PAR, DBYIBS KYI KHYAD PAR, MTHONG TSUL GYI KHYAD PAR, 'OD ZER 'PHRO BA'I KHYAD BAR, YUL LA LONGS SPYOD PA'I KHYAD PAR, 'PHEN PA'I KHYAD PAR, YON TAN GYI KHYAD PAR, DPES MTSON PA'I KHYAD PAR, MTSAN GYI RNAM GRANGS KYI KHYAD PAR, NGES TSIG GI KHYAD PAR, YUN TSAD KYI KHYAD PAR RNAMS DANG LDAN PA YIN PA'I PHYIR,

057b

DANG PO GRUB STE, SEMS DBEN MTHAR THUG GI DPE'I 'OD GSAL GYI RLUNG SEMS TZAM LAS BYUNG BA YIN PA'I PHYIR, GNYIS BA GRUB STE, SEMS DBEN MTHAR THUG GI LUGS LDOG GI NYER THOB DANG DUS MNYAM DU GRUB PA YIN PA'I PHYIR, GSUM PA GRUB STE, RNAL 'BYOR PA'I BZHED PAS DH'U T'I'I DBUS KYI THIG LE'I NANG DANG PHYI ROL CI RIGS PAR LDANG BA YIN PA'I PHYIR, DER THAL, SPYOD BSDUS KYI 'DI'I BZHON PA GANG YIN ZHE NA, ZHE SOGS KYI PHYI 'GREL GYI GSAL SGRON LAS; SEMS DBEN GYI RLUNG SEMS GNYIS KYI GNYUG MA'I LUS LAS SGYU MA'I SKU 'GRUB PA'I DUS SU, LUS RAGS PA LAS LOGS SU BYE NAS LUS KYI PHYI ROL LAM, NANG GANG DU 'DOD PA DER 'GRO BA'I DON NO, ZHES SEMS DBEN MTHAR THUG GI RLUNG SEMS DE SGYU LUS SU LDANG KHA MA'I DUS SU, LUS RAGS PA'I PHYI NANG GANG DU SGYU MA'I SKUR LDANG 'DOD PA DER 'GRO BAR GSUNGS PA LA SMYON DU MED PA'I PHYIR DANG, SGYU LUS 'GRUB PA'I DUS YIN NA SGYU LUS GRUB PA'I DUS MA YIN DGOS PA'I PHYIR, DES NA 'CHAD BA PO DAG GIS KYANG PHO SGROB DANG RGAN TSOD SKYO MA SNGA BTZAN DOR NAS YI GE'I DON LA ZHIB TU DPYAD NAS CHOS KYI RJES SU 'BRANG BAR BYA'O, ,GZHAN YANG GZHI GCIG LA LTOS TE PHYI LDANG DANG NANG LDANG GNYIS 'GAL YANG, SPYIR DE GNYIS MI 'GAL TE, GZHI GCIG LA LTOS TE BAR DO PHYI LDANG NANG LDANG GNYIS 'GAL YANG, SPYIR GYI BAR DO PHYI LDANG NANG LDANG GNYIS KA 'THAD PA'I PHYIR, SPROS PAS CHOG GO ,BZHI

058a

, ,PA GRUB STE, RLUNG SEMS TZAM LAS GRUB PA DANGS SHING THOGS PA MED PA'I 'JA' LUS YIN PA'I PHYIR, LNGA PA GRUB STE, SGRUB GZHI SROG 'DZIN SHIN TU PHRA BA KHA DOG DKAR PO YIN PA'I GNAD KYIS SGYU LUS KYI GTZO BO SKU MDOG DKAR POR GSUNGS PA'I PHYIR, DRUG PA GRUB STE, SKABS 'DIR ZHAL GSUM PHYAG DRUG PA YUM BCAS SU YOD PA'I PHYIR, BDUN PA GRUB STE, DE NYID SGYU LUS MA THOB PA'I SO SKYES MNGON SUM DU MI MTHONG PA'I PHYIR, BRGYAD BA GRUB STE, SKU'I 'OD ZER GYIS 'JIG RTEN GYI KHAMS GRANGS MED PA SNANG BAR BYED PA'I PHYIR, DGU PA GRUB STE, DBANG SHES KUN TSANG ZHING YAN LAG GI RLUNG LNGA DANG LDAN PA YIN PA'I PHYIR, BCU PA GRUB STE, SGYU MA'I SKU DE 'OD GSAL GYI NGANG NAS DBEN PA'I STOBS KYIS 'GRUB PA YIN PA'I PHYIR TE, SGRON GSAL LAS, BDAG MED PA YI CHOS LAS 'BYUNG BA STE, ,SNGON GYI 'PHEN PA'I SHUGS KYIS 'BYUNG PA'O ZHES GSUNGS PA'I PHYIR, BCU GCIG PA GRUB STE; LAM GYI MTSAN DPES BRGYAN, NAM MKHA' MDZOD BRNYES, SANGS RGYAS LAS DBANG BSKUR THOB, TSE DE LA 'TSANG RGYA BA'I YON TAN DANG LDAN PA'I PHYIR TE, RI MA LNGA LAS, GTZO BO BDE BA KUN RANG BZHIN, ,SEMS DPA' CHEN PO 'GRO DANG BZHUGS, ,GNAS DANG GOS DANG ZAS LA SOGS, ,MKHA' LA SKAD CIG DAG GIS BRNYES, ,SRID PA GCOD PAR 'GYUR BA DANG, ,'GRO NA RAB MCHOG STON PAR 'GYUR, ZHES GSUNGS PA'I PHYIR, GZHAN YANG DE MNGON DU

058b

MA BYAS KYANG, SGYU LUS KYI MTSAN NYID LEGS PAR SHES SHING MOS PA TZAM LA YANG BSKYED RIM PHRA RAGS MTHAR PHYIN PA'I PHAN YON YOD DE, JI SKAD DU BDE BA CHEN PO'I TING NGE 'DZIN LA LHAG PAR MOS PA TZAM GYIS KYANG, LAS DANG PO PA'I SA LA GNAS PAR 'GYUR TE PHYIR MI LDOG PA LA YANG SLOB PAR 'GYUR RO, ,ZHES GSUNGS PA'I PHYIR, BCU GNYIS PA GRUB STE, SGYU MA CHU ZLA MIG YOR RGYU, ,RMI LAM SGRA DRI MIG 'PHRUL 'JA', ,GLOG DANG CHU BUR GZUGS BRNYAN NO, ZHES SGYU MA SOGS DPE BCU GNYIS KYIS MTSON PAR GSUNGS PA'I PHYIR, BCU GSUM PA GRUB STE, RIM LNGA LAS, BDAG BYIN BRLAB CES DE BSHAD DO, ,SGYU MAR BSTAN PA'I MTSAN NYID KYIS, ,'DI NYID NGES PAR MTSON BA STE, ,KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN GYUR, ,RDO RJE'I SKU YANG DE NYID YIN, ,RDO RJE SEMS DPA' BDAG NYID CHE, ZHES GSUNGS PA'I PHYIR, BCU BZHI PA GRUB STE, BDAG NI NGA'O SNYAM DU THA SNYAD 'DOGS PA'I GZHIR GYUR BA SHIN TU PHRA BA'I RLUNG SEMS YIN LA, DE NYID BYIN GYIS BRLABS PA STE LHA'I SKUR BSKYED PAS DE LTAR BRJOD PA YIN PA'I PHYIR, BCO LNGA PA GRUB STE, THOG MA GRUB PA NAS BZUNG STE, RIM PA BZHI PA'I DON GYI 'OD GSAL MA SKYES BAR DU GNAS LA, DON GYI 'OD GSAL MNGON DU BYAS PA NA NAM MKHA' LA 'JA' YAL BA LTAR DAG 'GRO BA'I PHYIR TE, RDOR PHRENG LAS, SKYE PA'I RIM LTAR THIM PAR 'GYUR, ZHES GSUNGS PA'I PHYIR, GNYIS PA DE DANG 'BREL BA'I

059a

, ,GDAMS BA BSHAD BA LA GNYIS, GDAMS PA'I KHUNGS BSHAD PA DANG, GDAMS PA DNGOS BSHAD BA'O, ,DANG PO NI, KLU BYANG GIS GZHI'I SKU GSUM DANG BSKYED RIM PA'I SKU GSUM BSRE BAR BSHAD, ZLA BAS 'CHI BA DANG BAR DO'I BSRE BA GNYIS BSHAD BA TZAM MA GTOGS YAB SRAS GZHAN RNAMS KYIS GSAL BAR MA BSHAD KYANG, GNYID DUS KYI BSRE BA KHYAD PAR CAN NI SPYOD BSDUS LAS GSUNGS TE, DE NYID LAS, DE NAS SKYE BA GCIG NAS GCIG TU GOMS BAS, BDAG MED BA'I CHOS LA BSLABS PAS RNAM PAR BSRES PA'I SBYOR BA KHONG DU CHUD NAS, RANG BZHIN GYI SNANG BA DANG GCIG TU 'DRE BAR BYA STE, RIM PA 'DIS DON DAM PA'I BDEN PA LA DMIGS PAR BYA'O; ;DE'I RIM PA NI 'DI YIN TE, PHUNG PO LA SOGS PA NI KHAMS PHRA BA LA GZHUG GO ,KHAMS PHRA BA NI YANG SEMS LA GZHUG GO ,SEMS NI YANG SEMS PA LA GZHUG GO ,SEMS PA NI YANG MA RIG PA LA GZHUG STE, DE LTAR SBYAR NAS GNYID LOG PAR BYED DO, ,DE LA DUS 'DIR NI SEMS DANG SEMS PA MA RIG PA LA ZHUGS PA'I SKAD CIG LA DRAN PA BRJED BA'O, ,PHYIS NI BRJED PA YANG MED PA'I YE SHES KYI NGO BO NYID NI 'OD GSAL BA'O, ,YANG GROL BA NA RLUNG GIS RANG BZHIN RNYED DE, GANG GI RMI LAM GZHAN DAG 'BYUNG BA NI, JI SRID DU RNAM PAR SHES BA MI GA-YO BA DE SRID DU GNYID LOG NAS 'OD GSAL BA LA BLTA STE, DE NI SO SO RANG GIS RIG PA'I LUS DANG NGAG DANG SEMS DANG BRAL BA'I

059b

DON DAM PA'I BDEN PA NANG GI MNGON PAR BYANG CHUB PA ZHES BYA'O, ,RIM PA 'DIS LUS KYI DKYIL 'KHOR LA GNAS PA'I DE BZHIN GSHEGS PA'I TSOGS RNAMS GSAD PAR BYA ZHING, DE BZHIN NYID LA GZHUG PAR BYAS NA, SKAL BA BZANG PO'I DNGOS GRUB THOB BAR 'GYUR TE, SPROS PA DANG BCAS PA DANG, SPROS BA MED PA'I SPYOD PA LA LTOS PA MED PAR SHIN TU MYUR BAR 'DIR RANG GI GZUGS YONGS SU BRJE BAR 'GYUR RO ZHES GSUNGS PA'I PHYIR, 'DI DNGOS SU SHIN TU SPROS MED KYI SPYOD PA SPYOD PA'I BSRE BAR GSUNGS KYANG GZHAN LA YANG SBYAR RGYU YIN NO, ,'O NA RMI LAM GYI GDAMS NGAG LA KHUNGS GANG YOD CE NA, DE NYID LAS, CI'I PHYIR YUN RING POR GNYID LOG NAS, CI'I PHYIR LUS KYI KHOG PA BOR TE RMI LAM DU SUM CU RTZA GSUM BA'I GNAS SAM, YUL PHYOGS GZHAN DAG TU SONG NAS 'DOD PA'I YON TAN LNGA NYAMS SU MYONG STE, YANG LUS 'DIR 'ONGS NAS, CI'I PHYIR RMI LAM DGE BA DANG MI DGE BA MTHONG BA'I 'BRAS BU THOB PAR 'GYUR, DE BZHIN DU GNYID LOG PA'AM GNYID MA LOG PA'I GNAS SKABS DAG CI THA DAD PAR MCHIS SAM 'ON TE MA MCHIS, ZHES GSUNGS, 'DIR DRI BA BZHI MDZAD PA YIN TE GNYID 'THUG YUN RING BA'I RGYU DANG, RMI LAM GYI LUS LOGS SU BYE NAS YUL GZHAN DU PYIN TE 'DOD YIN SPYAD NAS SLAR YANG LUS SNGA MA LA 'JUG PA'I RGYU DANG, MRI LAM BZANG NGAN GYI 'BRAS BU SAD DUS SU 'BYUNG BA'I RGYU DANG, RMI LAM DANG SAD PA'I YUL SNANG RNAMS BDEN PA RDZUN GYI KHYAD

060a

, ,PAR YOD MED RNAMS DRIS BA YIN PA'I PHYIR, DE'I LAN STON PA LA, SPYOD BSDUS SU DRANGS PA LAS, PHUNG PO KHAMS DANG SKYE MCHED DBANG SOGS PA, ,SHES PA GNYIS PO DE 'DIR RAB 'DUS NAS, ,STONG CHEN GYUR PAS GANG ZHIG GNYID LOG PA, ,RLUNG GI SHUGS KYIS RMI LAM MTHONG BAR 'GYUR, ,RMI LAM SAD LA BYE BRAG GZHAN MED PAR, ,KUN TU RTOG PAS RMI LAM 'BRAS 'DOD PA, ,'GRO BA NYIN MTSAN NYE BAR GNYID LOG CING, ,SA 'THUG GYUR PAS RAB TU RING GNYID LOG ,'BRAS BU MA SMIN BYAS PA'I LAS RNAMS KYIS, ,SKYE 'DIR RLUNG NI SLAR YANG 'JUG PAR 'GYUR, ,'BRAS BU SMIN PAR GYUR NA RLUNG 'DI NYID, ,'JIG RTEN 'CHI BA GZHAN DU MYUR 'GROR 'GYUR, ,JI LTAR PHYOGS BCUR BZHUGS PA'I RGYAL DBANG PO, ,DE YI SKU LA RKANG RUS SHA MED KYANG, ,SEMS CAN PHAN PHYIR KHAMS LA 'JUG MDZAD CING, ,SPRUL PA'I SKU YIS BYA BA MDZAD PA YIN, ,RIM PA DE NYID GNYID LOG SAD PA'I SEMS, ,'BRAS BU 'DOD PA'I RNAM RTOG DRA BA CAN, ,DE BAS CHOS KUN RMI LAM LTA BU STE, ,BDEN DANG BRDZUN PA DAG KYANG YOD MA YIN, ZHES GSUNGS, DON NI SPYIR GNYID DU 'GRO BA DANG, KHYAD PAR GNYID 'THUG YUN RING PA'I RGYU YOD DE, PHUNG SOGS RAGS BA NYER LNGA RIM GYIS THIM NAS SNANG MCHED KYI SHES PA GNYIS PO STONG CHEN NYER THOB TU 'DUS PA DANG, DE YANG LHA MO BZHIS ZHUS LAS, DKYIL 'KHOR BZHI LUS LA 'GOD PA NAS SNYING KHAR 'GOD PAR BSHAD BA LTAR, SNYING KHAR RLUNG 'DUS PA DE'I RGYU MTSAN

060b

GYIS YIN PA'I PHYIR, RMI LAM 'CHAR ZHING RMI LAM GYI LUS SUM CU RTZA GSUM SOGS SU PHYIN NAS YUL LA LONGS SPYOD PA'I RGYU MTSAN YOD DE, GNYID KYI 'OD GSAL GYI BZHON PA'I RLUNG GA-YOS SHING, 'OD GSAL DE'I RLUNG SEMS LAS PHRA BA'I LUS SU LANGS NAS PHYIN PA YIN PA'I PHYIR, DE SLAR LUS RAGS PA LA 'JUG PA'I RGYU MTSAN YOD DE, LUS RAGS PA DANG RTEN BRTEN PA'I LAS KYI 'BREL BA MA SMIN PA STE MA ZAD PA YIN PA'I PHYIR, RMI LAM BZANG NGAN GYI 'BRAS BU SAD DUS SU MYONG BA'I RGYU MTSAN YOD DE, SAD RMI GNYIS PO RGYUD GCIG PA'I RGYU MTSAN GYIS YIN PA'I PHYIR, SAD RMI GNYIS LA BDEN RDZUN GYI KHYAD PAR MED DE, GNYIS KA SGYU MA LTA BUR MTSUNGS PA'I PHYIR, ZHES PA'O, , GNYIS PA LA GNYIS, GNYID DANG RMI LAM DANG BSRE BA DANG, 'CHI BA DANG BAR DO DANG BSRE BA'O, ,DANG PO LA GNYIS, GNYID DANG BSRE BA DANG, RMI LAM DANG BSRE BA'O, ,DANG PO NI RMI LAM GYI LUS KHYAD PAR CAN LA GNYID KYI 'OD GSAL SNGON DU 'GRO DGOS TE, GZHI'I LONGS SKU LA BZHI'I CHOS SKU DANG, BSKYED RIM PA'I LONGS SKU LA DE'I CHOS SKU SNGON DU 'GRO DGOS PA'I PHYIR, DES NA GNYID KYI TING NGE 'DZIN LA RLUNG DBU MAR MA THIM PA DANG THIM PA'I TING NGE 'DZIN GNYIS LAS; ;DANG PO LA 'OD GSAL GYI DON MED CING PHYI MA GNYID KYI 'OD GSAL YIN TE, DE'I TSE SNA BUG GI RGYU BA 'CHAD CING STONG PA BZHI MYONG STOBS KYIS NGES NUS PA'I PHYIR, DE LTA BU'I RNAL 'BYOR PA DES GNYID KYI 'OD GSAL SKYED

061a

, ,TSUL YOD DE, GNYID LOG PA DANG SROG RTZOL DANG PO GNYIS SGOM PA SBRAGS TE STONG PA BZHI DRANGS NAS BDE STONG SBYOR BA YIN PA'I PHYIR, DE 'DRA BA'I 'OD GSAL SKYED PA LA GEGS GSUM YOD PA DE SEL DGOS TE; GNYIS 'THUG DRAGS NA 'OD GSAL MI ZIN PAS 'THUG 'BYAMS GCOD PA DANG, GNYID GTAN MA BYUNG NA GNYID KYI DGE SBYOR GYI GZHI STOR PAS STONG 'BYAMS GCOD PA DANG, GNYID YANG YANG SAD NA GNYID KYI DGE SBYOR YUN RING MI NUS PAS SAD 'BYAMS GCOD PA'I THABS GSUM SHES DGOS PA YIN PA'I PHYIR, GNYIS PA LA RMI LAM RLUNG STOBS KYIS 'DZIN PA DANG, 'DUN STOBS KYIS 'DZIN PA GNYIS LAS, DANG PO LA, GNYID KYI 'OD GSAL RLUNG STOBS KYIS 'DZIN PA LAS THABS GZHAN MI DGOS LA, GNYIS PA NI NYIN PAR GYI SNANG BA THAMS CAD RMI LAM DU BLTA BA SOGS DRAN PA RGYUN CHAGS KYIS 'DZIN PA YIN NO, ,GNYIS PA LA GSUM, BAR DOR 'TSANG RGYA BA'I BSRE BA, SKYE BA BRGYUD NAS 'TSANG RGYA BA'I BSRE BA, BSRE BA RNAMS KYI DBYE BSDU BSTAN PA'O, ,DANG PO NI, TSE 'DIR SEMS DBEN GYI RTOGS PA THOB NAS SPYOD PA BYED RGYU MA BYUNG BA'I GANG ZAG DE BAR DOR 'TSANG RGYA BA YIN TE, DE LTA BU'I RNAL 'BYOR PA DES 'CHI BA'I TSE RDOR BZLAS DANG BSAM GTAN GNYIS KYI SDUD RIM GANG RUNG BYAS PAS 'CHI BA 'OD GSAL LAM GYI 'OD GSAL DU BSGYUR TE, DE'I RLUNG SEMS TZAM LAS SGYU MA'I SKUR LDANG ZHING DES RAGS PA'I SPRUL SKU BZUNGS NAS

061b

BRTEN DE LA 'TSANG RGYA BA YIN PA'I PHYIR TE, ZHAL LUNG LAS, BSAM PA DE YI RKYEN GYIS NI, ,BDAG SEMS DBYINGS SU ZHUGS PA'I TSE, ,GSAL ZHING RAB DGA' MKHA' 'DRA RTOGS, ,DE NAS RDZU 'PHRUL SHUGS LDAN PA, ,LO LNGA LON PA'I BYIS PA'I GZUGS, ,'GRUB TSE DPE MED BDE RDZOGS RTOGS, ,DE NAS SKYE GNAS GZHAN DU NI, ,'PHEN PAR BYED TSE SPRUL PA'I GZUGS, ,YANG DAG TU NI RTOGS PAR 'GYUR, ZHES GSUNGS PA'I PHYIR, GNYIS PA NI, DBANG BZHI RNAM DAG THOB CING DAM TSIG DANG, SDOM PA TSUL BZHIN BSRUNG PA GZHIR BYAS LA LAM MA BSGOMS PA DANG, BSGOMS PA LA YANG, BSKYED RIM PA, LUS DBEN PA, NGAG DBEN PA RNAMS SU YOD, KHA CIG SEMS DBEN PA SKYE BA BRGYUD NAS 'TSANG RGYA BA YOD PAR 'DOD PA NI MI 'THAD DE, SNGAGS RIM LAS, DE LTAR NA TSE 'DIR 'TSANG RGYA BA DANG BAR DOR 'TSANG RGYA BA GNYIS SPYOD PA BYED 'BYUNG MA BYUNG GIS 'BRAS BU LA NYE RING BYUNG BA MA GTOGS LAM RNAMS 'DRA LA, SKYE BA BRGYUD NAS 'TSANG RGYA BA NI, DBANG THOB NAS DAM TSIG DANG SDOM PA BSRUNG BA TZAM ZHIG BYAS KYI, LAM CHER MA BSGOMS PA DANG, BSGOMS PA LA YANG, BSKYED RIM MAN CHAD DANG, SEMS DBEN GYI RTOGS PA MA THOB PA TSUN CHAD KYI RDZOGS RIM THOB PA YOD DE, 'DI DAG GIS MTSON GZHAN GYI LAM RNAMS LA'ANG SHES PAR BYA'O, ZHES GSUNGS PA'I PHYIR, GSUM PA NI BSDU NA SKU GSUM GYI BSRE BA GSUM DANG, RGYAS PAR DBYE NA BSRE BA DGU YOD DE, RJE N'A RO PAS, BAR DO

062a

, ,RNAM GSUM SHES BYA STE, ZHES GSUNGS PA LTAR, GZHI LAM GYI 'CHI BA'I MING GIS BTAGS PA CHOS SKU'I BSRE BA GSUM DANG, GZHI LAM GYI BAR DO'I MING GIS BTAGS PA'I LONGS SKU'I BSRE BA GSUM DANG, GZHI LAM GYI SKYE BA'I MING GIS BTAGS PA SPRUL SKU'I BSRE BA RNAMS SU YOD PA'I PHYIR, 'O NA MA RGYUD NAS BSHAD PA'I GTUM MO SGOM PA LA PHA RGYUD KYI RIM LNGA'I DOD THUB GANG YIN ZHE NA, DE YANG YOD DE, SEMS DBEN 'DREN PA'I NGAG DBEN GYI DOD GTUM MO DANG, SEMS DBEN GYI DOD GTUM MO'I RNAL 'BYOR LA BRTEN NAS RLUNG DBU MAR ZHUGS GNAS THIM GSUM BYAS PA LAS BYUNG BA'I DGA' BA BZHI DANG, DE'I STENG DU RIM PA PHYI MA GSUM BSNAN PAS RIM LNGAR BYED PA NI TSE 'DIR 'TSANG RGYA BA'I LAM YIN LA, DE LTAR MA NUS NA MKHA' SPYOD SOGS SU 'PHO BA'I, 'PHO BA'I RNAL 'BYOR, RNAM SHES GZHAN GYI DBANG PO'I GRONG DU 'JUG PA GRONG 'JUG GI RNAL 'BYOR GNYIS GCIG TU BYAS NAS CHOS DRUG TU BYED PA YIN TE, RIM LNGA BSDUS PA LAS, GTUM MO'I RNAL 'BYOR RLUNG GIS TE, ,SEMS DMIGS BDE BA CHEN PO'O, ,RMI LAM SGYU MA GCIG TU SBYANG, ,BAR DO RNAM GSUM BSRE BAR BYA, ,NYON MONGS YE SHES LAM DU 'GYUR, ,LAM MYUR GCOD PA 'PHO BA STE, ,GRONG DU 'JUG PA YAN LAG GO ,ZHES GSUNGS PA'I PHYIR, SMRAS PA, YE SHES GSUM GYI RANG BZHIN DBYINGS

062b

SU THIM, ,ZHE SDANG 'DOD CHAGS GTI MUG LAS 'ONGS PA'I, ,SGYU MA'I RANG BZHIN DRI ZA'I SEMS CAN 'DIS, ,RTAG TU DE BZHIN GSHEGS TSOGS GSOD LA BRTZON,, ` ,,GNYIS PA DON DAM 'OD GSAL GYI RDZOGS RIM LA GNYIS, RIM LNGA DANG SPYOD BSDUS SU GSUNGS PA'I DON BSHAD PA DANG, RGYUD PHYI MAR 'DZIN PA'I YAN LAG GSUNGS PA'I DON BSHAD PA'O, ,DANG PO LA GSUM, GO RIMS NGES TSUL SNOD RUNG DU BYA BA DANG BCAS PA DANG, DE LA 'OD GSAL GYI GDAMS NGAG BSHAD PA DANG, RIM PA DE LAM GZHAN GYI MTHAR 'ONG TSUL LO, ,DANG PO NI, SPYOD BSDUS LAS RIM PA BZHI PA'I DON GYI 'OD GSAL THOB PA LA SGYU LUS SNGON DU 'GRO DGOS PAR GSUNGS PA'I DON NI; STONG NYID MNGON SUM DU RTOGS PA DANG, NYON SGRIB SPONG PA LA SGYU LUS SNGON DU 'GRO DGOS PA MA YIN TE, NYAN RANG DGRA BCOM PAS STONG NYID MNGON SUM DU RTOGS SHING NYON SGRIB SPANGS PA YIN PA'I PHYIR, SHES SGRIB RAGS PA SPONG BA LA DE SNGON DU 'GRO DGOS PA MA YIN TE, PHAR PHYIN THEG PA'I BYANG 'PHAGS RNAMS KYIS BSKAL BA GRANGS MED GSUM DU TSOGS GNYIS ZUNG 'BREL DU NYAMS SU BLANGS PA LA BRTEN NAS SHES SGRIB RAGS PA SPONG NUS PA'I PHYIR, DES NA RIM PA BZHI PA'I DON GYI 'OD GSAL GYIS SHES SGRIB SPONG BA LA NUS PA MTHU CAN DU 'GYUR BA LA SGYU LUS SNGON DU 'GRO DGOS TE, RIM PA GSUM PA'I SGYU LUS DE THEG PA GZHAN GYI GRANGS MED GSUM GYI BSOD NAMS KYI DOD

063a

, ,THUB GANG ZHIG ,DE 'DRA'I SGYU LUS PA DES SKU GNYIS KYI RIGS 'DRA'I RGYU DUS MNYAM NGO BO DBYER MED DU BYED NUS PA'I PHYIR, DANG PO DER THAL, PHAR PHYIN THEG PAR, SA BRGYAD PA THOB NAS KYANG RGYAL BA RNAMS KYIS MNYAM GZHAG LAS BSLANGS TE BSOD NAMS KYI TSOGS GSOG PA LA BSKUL DGOS, SGYU LUS THOB NAS MNYAM GZHAG CHIG SGRIL DU BSKYANGS PAS CHOG GI RJES THOB TU BSOD NAMS KYI TSOGS GZHAN GSOG PA LA MA LTOS PA'I PHYIR RO, ,RTZA RTAGS GNYIS PA GRUB STE, RIM PA GSUM PA'I SGYU LUS 'OD GSAL DU BCUG PA'I TSE SHIN TU PHRA BA'I RLUNG DE ZAG MED KYI RLUNG DU GYUR NAS GZUGS SKU'I NYER LEN BYED, DE DANG NGO BO GCIG PA'I SEMS DE ZAG MED KYI SEMS SU GYUR NAS CHOS SKU'I NYER LEN BYED PA GANG ZHIG SKU GNYIS KYI RIGS 'DRA'I RGYU MNYAM GZHAG CHIG SGRIL DU BYAS PAS SHES SGRIB PHRA MO YANG SPONG BA LA SHIN TU MYUR BA YIN PA'I PHYIR, SKABS 'DIR 'OD GSAL GYI GDAMS PA NYAN PA'I SLOB MAS JI LTAR BYA BA'I TSUL YOD DE, RDO RJE SLOB DPON SANGS RGYAS LAS KYANG LHAG PAR BLTAS NAS PHYI NANG GSANG BA'I MCHOD PAS MCHOD DE MTSAN PHYED DUS SHER DBANG DNGOS DBANG DANG, THO RANGS 'OD GSAL GYI GDAMS PA ZHU BA'I PHYIR DU, LAS DANG SKYE LAS RNAM GROL ZHING, ZHES SOGS KYIS GSOL BA 'DEBS PA YIN PA'I PHYIR, GNYIS PA LA GSUM, PHYI NANG GI MNGON PAR BYANG CHUB GNYIS BSHAD PA, DE MNGON DU

063b

BYED PA'I THABS BSAM GTAN GNYIS BSHAD PA, MING GI RNAM GRANGS CHED RJOD DANG BCAS PA BSHAD PA'O, ,DANG PO NI, RIM PA BZHI BA'I DON GYI 'OD GSAL DE, PHYI'I ZLA NYI SROD KYI SMAG GSUM 'DAS PA'I THO RANGS KYI DUS SU MNGON DU BYAS PA'I LDOG CHA NAS PHYI'I MNGON BYANG DANG, NANG GI SNANG MCHED THOB GSUM 'DAS PA'I DUS SU MNGON DU BYAS PA'I LDOG CHA NAS NANG GI MNGON BYANG DU 'JOG PA YIN TE, RIM LNGA LAS, MTSAN MO SNANG BA'I CHA STE GSAL BA NYI MA'I ZER 'GYED SNANG BA MCHED PA YIN, ,MTSAMS NI SNANG BA THOB PA RANG GI RANG BZHIN RNAMS KYIS LAN GCIG MIN PAR 'GRO, ,MTSAN MIN NYIN PAR MA YIN MTSAMS MIN GANG ZHIG RANG BZHIN RNAMS DANG RNAM BRAL BA, ,DE NI BYANG CHUB SKAD CIG YIN PAR BLA MA MCHOG BSHAD RNAL 'BYOR BA NYID YUL, ,MTSAMS KYI MTHA' NI 'JIG MIN MUN NAG TSOGS NI MA LUS GANG DU 'DAS PA DANG, ,JI SRID NYI MA MA SHAR SKAD CIG 'DIR NI DRI MED YANG DAG MTHA' RU BSHAD SLOB DPON MCHOG NI RAB RIB BRAL BAS SLOB MA LA NI PHYI ROL BYANG CHUB BSTAN, ,NANG GI BDE BA RNYOG BRAL SANGS RGYAS BYANG CHUB SKAD CIG DAG GIS THOB PAR 'GYUR, ZHES GSUNGS PA'I PHYIR, GNYIS PA NI, SGYU LUS PAS RIM PA BZHI BA'I DON GYI 'OD GSAL RGYUD LA BSKYED PA'I PHYIR DU, RANG GI LUS KYI STOD SMAD NAS SNYING KHA'I BAR 'OD GSAL DU RIL GYIS 'DZIN CING SDUD PA'I RNAL 'BYOR DANG, YANG SNOD BCUD GZHAN RNAMS 'OD GSAL DU BSDUS PA'I RJES SU RANG

064a

, ,GI LUS KYANG SNGAR LTAR 'OD GSAL DU GZHIG PA'I BSAM GTAN GNYIS SGOM DGOS TE, RIM PA GZHI PA LAS, MAN NGAG THOB PA'I SLOB MA YIS, ,DE NAS RNAL 'BYOR RNAM GNYIS BSLAB, ,RIL BOR 'DZIN PA'I RIM PA DANG, ,DE BZHIN RJES SU GZHIG PA'O, ZHES GSUNGS PA'I PHYIR, BSAM GTAN GNYIS SGOM PA LA MAR LUGS PA RNAMS SEMS DPA' SUM BRTZEGS MI BYED KYANG, 'GOS LUGS PA RNAMS SEMS DPA' SUM BRTZEGS BZHED PA NI RGYUD DON MAN NGAG TU THON PAS SHIN TU LEGS LA, SGOM TSUL NI SGYU LUS PA RANG GI LUS NGAG YID GSUM, SEMS CAN THAMS CAD KYI LUS NGAG YID GSUM DANG NGO BO DBYER MED DU BYAS TE, SKU RDO RJE RNAM SNANG; GSUNG RDO RJE 'OD DPAG MED, THUGS RDO RJE MI BSKYOD PA GSUM DU SGOM PA NI, SKU GSUNG THUGS KYI DAM TSIG SEMS DPA' GSUM DANG, DE RNAMS KYI THUGS KAR RIM PA BZHIN DU AOm A'A: H'Um GSUM SGOM PA NI, SKU GSUNG THUGS KYI YE SHES SEMS DPA' GSUM DANG, YI GE DE GSUM GYI THIG LE'I NANG DU AA THUNG SGOM PA NI, SKU GSUNG THUGS KYI TING NGE 'DZIN SEMS DPA' SGOM TSUL YIN PA'I PHYIR TE, RTZA RGYUD LAS, SANGS RGYAS DKYIL 'KHOR DBUS GNAS BAR; ;BDAG GI LUS LA SNANG MDZAD GZHAG ,SNYING KHAR YI GE AOm BSAMS LA, ,SNGAGS LA RNAM PAR SHES PA BSGOM, ZHES DANG, SANGS RGYAS DKYIL 'KHOR DBUS GNAS PAR, ,RDO RJE MI BSKYOD RAB TU BSGOM, ,SNYING KHAR YI GE H'Um

064b

BSGOMS NAS, ,SEMS NI THIG LER GYUR BAR GZHAG ,SANGS RGYAS DKYIL 'KHOR DBUS GNAS PAR, ,TSE DPAG MED PA RAB TU BSGOM, ,SNYING KHAR YI GE A'A: BSAMS TE, ZHES GSUNGS PA'I PHYIR, DON BSDU NA RIM PA GSUM PA'I SGYU LUS PAS, MNYAM RJES KYI DGE SBYOR RNAMS BSKYANGS PAS, DON GYI 'OD GSAL THOB TU NYE BA NA, BLA MA LAS MTSAN PHYED DUS DBANG GSUM PA DNGOS DBANG DANG, DE RJES GDAMS NGAG NOD, THO RANGS PHYI NANG GI THABS GNYIS LA BRTEN NAS RIM PA BZHI PA'I DON GYI 'OD GSAL MNGON DU BYED PA YIN NO, ,DE'I TSE MA DAG PA'I SGYU LUS 'GAGS PA, LHAN SKYES KYI BDE BA CHEN POS STONG NYID MNGON SUM DU RTOGS PA'I SNGAGS BLA MED KYI MTHONG LAM DANG, BLA MED KYI SA DANG PO THOB PA, BDEN 'DZIN LHAN SKYES DANG KUN BTAGS SA BON DANG BCAS PA'I DNGOS GNYEN BAR CHAD MED LAM RGYUD LA SKYES PA RNAMS DUS MNYAM MO, ,DES NA RIM PA BZHI BA'I DON GYI 'OD GSAL DANG, SLOB MI SLOB KYI ZUNG 'JUG THOG MAR THOB PA'I DUS YIN NA THO RANGS YIN PAS KHYAB, 'OD GSAL LA SGRAS BRJOD RIGS KYI SGO NAS DBYE NA, YUL GYI 'OD GSAL DANG, YUL CAN GYI 'OD GSAL GNYIS YOD DE, DANG PO DANG CHOS NYID DON GCIG ,GNYIS PA LA SGRAS BRJOD RIGS KYI SGO NAS DBYEN SPYI DON DANG, SBAS DON DANG, MTHAR THUG GI 'OD GSAL GSUM YOD DO, ,GSUM PA NI, DON GYI 'OD GSAL CHOS CAN, ,KHYOD LA MTSAN GYI RNAM GRANGS DU MA YOD DE, THAMS CAD STONG PA 'OD GSAL ZHES PA

065a

, ,DANG; LE'U GNYIS BAR THUB PA CHEN PO DRUG GIS GSUNGS PA'I MNGON PAR BYANG CHUB PA'I TSUL RDO RJE LA SOGS PA'I BYANG CHUB KYI SEMS KYI SEMS KYI MING RNAMS SU YOD PA'I PHYIR, DE LTA BU'I 'OD GSAL GYI GDAMS PA STON PA'I BLA MA LA CHED RJOD BYED TSUL YANG YOD DE, LE'U GNYIS PAR GSUNGS PA'I, AE MA HO SANGS RGYAS AE MA HO CHOS, ZHES SOGS KYIS CHED DU BRJOD PA YIN PA'I PHYIR, GSUM PA NI, KHA CIG PHAR PHYIN THEG PA'I SA BCU'I SRID PA THA MA PA DE RIM PA GSUM PA'I SGYU LUS NAS SNGAGS LAM LA 'JUG PAR 'DOD PA MI 'THAD DE, RIM PA GSUM PA'I SGYU LUS DE GRANGS MED GSUM GYI BSOD NAMS KYI TSOGS KYI DOD THUB YIN PA GANG ZHIG ,DE 'DRA'I RGYAL SRAS DES GRANGS MED GSUM GYI BSOD NAMS KYI TSOGS BSAGS ZIN PA YIN PA'I PHYIR, DES NA DON GYI 'OD GSAL GYI RIM PA NAS 'JUG DGOS TE, DE LA MA ZHUGS PAR 'TSANG RGYA BAR MI NUS PA'I PHYIR, DER THAL, RANG MED PHAR PHYIN THEG PA'I RANG LAM GYI STONG NYID MNGON SUM DU RTOGS PA'I SHES RAB TZAM GYIS SNANG BA GSUM GYI GNYIS SNANG PHRA MO DAG BAR BYED MI NUS LA, DON GYI 'OD GSAL GYIS DE DAG PAR BYED NUS PA'I PHYIR TE, LAS MTHA' RNAM 'BYED LAS, BSKAL PA MTHA' YAS RNAMS SU YANG, ,MGO DANG RIN CHEN SOGS SBYIN PAS, ,SNANG BA RNAM PAR MA DAG PHYIR, ,BYANG CHUB 'BRAS BU THOB MI 'GYUR, ,MTHA' YAS BSKAL PA RNAMS SU YANG, ,DE BZHIN TSUL KHRIMS

065b

BZOD SOGS KYIS, ,SNANG BA RNAM PAR MA DAG PHYIR, ,BYANG CHUB 'BRAS BU THOB MI 'GYUR, ,MTHA' YAS BSKAL PA RNAMS SU YANG, ,SNGAGS KYI SKU YI TING 'DZIN GYIS, ,SNANG BA RNAM PAR MA DAG PHYIR, ,BYANG CHUB 'BRAS BU THOB MI 'GYUR, , SNANG BA GSUM PO DAG PA NI, ,THAMS CAD MKHYEN NYID THE TSOM MED, CES GSUNGS PA'I PHYIR, GZHAN YANG DE 'DRA'I RGYAL SRAS NGES DON GYI 'OD GSAL GYI RIM PA LA MA ZHUGS PAR 'TSANG RGYA MI NUS PAR THAL, PHAR PHYIN THEG PA RANG LAM GYI SLOB PA'I MTSAN DPE MTHAR THUG DE NI MA RIG BAG CHAGS KYI SA LA BRTEN NAS GRUB PAS DE LTA BU'I LUS DE NI RGYUN MTHA'I DON GYI 'OD GSAL GYI DUS SU DAG 'GRO BAS, GZUGS SU'I RIGS 'DRA'I DNGOS RGYU DON GYI 'OD GSAL GYI BZHON PA'I ZAG MED KYI RANG 'OD ZER LNGA BA'I NYER LEN LAS BSGRUBS PA'I DAG PA'I SGYU LUS LAS GZHAN MED PA GANG ZHIG ,DAG PA'I SGYU LUS DON GYI 'OD GSAL LAS NGES PAR BSGRUB DGOS PA'I PHYIR TE, GSAL SGRON LAS, LHAN SKYES KYI BDE BA CHEN POS DE KHO NA NYID KYI DON MNGON SUM DU RTOGS PA MA BSGOMS BAR DU, SHES SGRIB RDZOGS PAR SPANGS PA'I CHOS SKU MI THOB PA DANG, DON GYI 'OD GSAL GYIS SBYANGS PA'I RLUNG SEMS TZAM LAS SGYU MA'I SKU MA BSGRUBS BAR DU, MI SLOB PA'I ZUNG 'JUG GI SKU MI THOB PAR BSTAN PAS, BDE STONG SBYOR BA DANG SGYU MA'I SKU SGRUB PA NI BLA NA MED PA'I THEG PA'I SNYING PO MTHAR THUG PA DANG, SKU GNYIS KYI THUN MONG MA YIN PA'I RGYU GNYIS DE GNYIS

066a

, ,YIN PAR BSTAN TO ZHES GSUNGS PA'I PHYIR, DES NA PHAR PHYIR THEG PA'I SRID PA THA MA PA 'OG MIN GYI RTEN CAN SNGAGS LAM LA 'JUG TSUL YANG, RGYAL BU DON GRUB LA TSUL BSTAN PA'I SGO NAS BSHAD PA DANG 'DRA BAS, LHA'I BU MO THIG LE MCHOG MA BKUG NAS DBANG GSUM PA BSKUR BAR GSUNGS PA LTAR, DBANG BZHI PA YANG BSKUR TE 'OD ZUNG GNYIS BRGYUD NAS MTSAN GCIG LA 'TSANG RGYA BA YIN NO, ,DE'I TSUL YANG RGYAL SRAS DE NI GA-YO BA'I TENG NGE 'DZIN LAS SANGS RGYAS THAMS CAD KYIS SE GOL GYI SGRAS BSLANGS TE, DBANG GSUM PA'I DON GYI 'OD GSAL GYI GDAMS PA DANG MNYAM DU BSTAN, MTSAN PHYED DU DPANG GSUM PA DNGOS DBANG DU SMIN BYED DANG GROL BYED KYI GZHI MTHUN DU BYAS TE BSKUR BA'I SGO NAS DON GYI 'OD GSAL BSKYED, DBANG DES SPYOD PA'I DOD THUB CING, 'OD GSAL DE LAS DAG PA'I SGYU MA'I SKUR BZHENGS PA LA DBANG BZHI PA ZUNG 'JUG GI GDAMS PA BSTAN PA'I SGO NAS BSKUR TE, RTEN DE LA THO RANGS MI SLOB PA'I ZUNG 'JUG MNGON DU BYED PA YIN TE, SPYOD BSDUS LAS, RIM PA 'DI NYID KYIS BCOM LDAN 'DAS DPAL SH'AKYA THUB PA LA DE BZHIN GSHEGS PA THAMS CAD KYIS SE GOL GYI SGRAS BSKUL BAR GYUR BAS, MI GA-YO BA'I TING NGE 'DZIN LAS BZHENGS TE, BYANG CHUB KYI SHING DRUNG LA BZHUGS NAS, NAM PHYED KYI DUS SU 'OD GSAL BA MNGON DU MDZAD

066b

DE, SGYU MA LTA BU'I TING NGE 'DZIN LAS BZHENGS NAS, 'GRO BA RNAMS LA STON PAR MDZAD PA YIN NO, ,DE NAS BRTZAMS TE DAM PA'I CHOS JI SRID DU GNAS PA DE SRID DU BLA MA'I KHA NAS BLA MA'I KHAR BRGYUD PA YIN NO, ,ZHES DANG, RIM PA GNYIS PA LAS KYANG, JI SKAD DU RGYA CHE ROL PA LAS KYANG, SH'AKYA THUB PA DE BZHIN GSHEGS, ,MNGON PAR BYANG CHUB 'DI BZHENG NAS, ,STONG PA CHEN POS SANGS RGYAS NYID, ,THOB PAR BYA ZHES MNGON PAR DGONGS, ,NE RANYDZA NA'I CHU 'GRAM DU, ,MI GA-YO TING 'DZIN LA ZHUGS LA, ,DE TSE RGYAL BA MKHA' RDO RJE, ,TIL GYI GANG BU GANG BZHIN BZHUGS, ,RGYAL BA'I SRAS LA SE GO LA DANG, ,DE LA DBYANGS GCIG GIS GSUNGS PA, ,BSAM GTAN 'DI NI RNAM DAG MIN, ,'DIS NI MTHAR THUG MI THOB STE, ,NAM MKHA'I NGOS LTAR MCHOG GYUR PA, ,'OD GSAL BA NI DE DMIGS SHIG ,'OD GSAL BA YI GNAS THOB NAS, ,RAB DGA'I GZUGS SU SKYE BAR 'GYUR, ,DE TSE RAB DGA' RDO RJE'I SKU, ,KUN GYI DBANG PHYUG THOB PAR 'GYUR, ,'DI LTAR SGRA DE GSAN PA DANG, ,DE NAS TING 'DZIN MI GA-YO BTANG, ,'DI LTAR NAM PHYED DUS SU NI, ,RGYAL BA'I SRAS KYIS DE NYID DMIGS, ZHES SOGS GSUNGS PA'I PHYIR, DE LTA BU'I SANGS 'PHAGS DE NI BSKAL PA GRANGS MED GSUM DU TSOGS BSAGS NAS, SANGS RGYAS PA DANG, PHAR PHYIN THEG PA'I RANG LAM GYIS SANGS RGYAS PA'I SANGS 'PHAGS YIN TE, DE 'DRA'I RGYAL SRAS DE RANG LAM DOR NAS SNGAGS LA ZHUGS PA MA YIN GYI RANG

067a

, ,LAM LA SNGAGS LAM GYIS SNON PA BTAB PA TZAM YIN PA'I PHYIR, DE YANG DBANG GSUM PA LA DANG PO GNYIS SNGON DU 'GRO MI DGOS PA DANG, RDZOGS RIM LA BSKYED RIM SNGON DU 'GRO MI DGOS PA DANG, RIM PA PHYI MA GNYIS LA DANG PO GSUM MNGON DU 'GRO MI DGOS PA 'DI RNAMS NI SKABS 'DI'I DMIGS BSAL YIN NO, ,GNYIS PA NI, RIM PA BZHI PA'I DON GYI 'OD GSAL CHOS CAN, YAN LAG DRUG GI NANG NAS 'DZIN PA'I YAN LAG YIN TE, RGYUD PHYI MA LAS, RANG DBANG RIN CHEN DGAG PA YI, ,GZUNG BA 'DZIN PA YIN PAR BSHAD, ,SEMS NI 'GOG PA'I RDO RJER 'GYUR, ,MTSAN MA NYER 'DZIN 'BYUNG BAR 'GYUR, ZHES GSUNGS PA'I PHYIR, SMRAS BA, GDOD NAS RNAM DAG KUN TU BZANG PO'I DBYINGS, ,DBYER MED BRJOD BRAL LHAN SKYES BDE BA CHE, ,ZLA LTAR BSIL YANG NYON MONGS TSANG TSING NAGS, ,SKAD CIG NYID LA SREG PA DUS MTHA'I ME, ,'DI NI CHOS RNAMS THAMS CAD KYI, ,RANG BZHIN SO PHRENG DGOD PA YI, ,BZHIN PAD SNANG BA MNGON SUM DU, ,'DZIN BYED NOR BU'I ME LONG NGO,, ` ,,GNYIS PA BDEN GNYIS DBYER MED KYI RDZOGS RIM LA GNYIS, RIM LNGA DANG SPYOD BSDUS LAS 'BYUNG BA'I DON BSHAD PA DANG, RGYUD PHYI MA LAS 'BYUNG BA'I YAN LAG GNYIS BSHAD PA'O, ,DANG PO LA GNYIS, DRI BA DANG, LAN NO, ,DANG PO NI, DRI BA DRUG MDZAD PA YIN TE, RIM PA BZHI PA'I DON GYI 'OD GSAL LAS ZUNG 'JUG

067b

MNGON DU BYED TSUL JI LTAR LAGS, LAM BGROD PA'I RIM PA JI LTAR LAGS, 'KHOR BAR MI LDOG PA DANG LDOG PA'I MTSAMS JI LTAR LAGS, THAR PA'I DON GANG LAGS, THAR PAR 'GYUR PA'I RGYU MTSAN GANG LAGS, GROL BA PO GANG LAGS, ZHES DRIS PA YIN PA'I PHYIR TE, SPYOD BSDUS LAS, BCOM LDAN 'DAS JI LTAR NA DON DAM PA'I BDEN PA LA ZHUGS TE, DNGOS PO MED PAR GYUR NAS LDANG PAR BGYID, 'DIR MNGON DU PHYOGS PA NYAMS SU MYONG BA NI GANG ZHIG LAGS, MI LDOG PAR GYUR PA NI GANG ZHIG LAGS, THAR BA'I DON NI GANG ZHIG LAGS, CI'I PHYIR NA GROL BAR 'GYUR, GROL BA NI SU ZHIG LAGS, ZHES GSUNGS PA'I PHYIR, GNYIS PA NI, RDO RJE SLOB DPON GYIS SMRAS PA; SEMS CAN CHEN PO LEGS SO LEGS SO, ,'OD GSAL LAS LDANG BA'I RIM PA DE BZHIN GSHEGS PA'I MAN NGAG LAS KHA PHYIR BLTAS PA RNAMS KYI YUL MA YIN PA, DPAL GSANG BA 'DUS PA'I RJES SU 'BRANGS NAS KHONG DU CHUD PAR BYA YIS, RTZE GCIG PA'I YID KYIS NYON CIG ,CES NYAN PAR GDAMS NAS, DRIS LAN BSHAD PA LA BZHI, DRI BA GNYIS PA'I LAN, GSUM PA DANG LNGA PA'I LAN, DANG PO'I LAN, BZHI BA DANG DRUG PA'I LAN NO, DANG PO NI 'BRAS BU NYAMS SU MYONG BA LA MNGON SUM DU PHYOGS PAS LAM BGROD PA'I RIM PA YANG YOD DE, BLA MED KYI RGYUD RNAMS LAS SA BCU DANG, BCU GCIG DANG, BCU GNYIS DANG, BCU GSUM DANG, BCU BZHIR BSHAD PA SOGS

068a

, ,DU MA YOD KYANG, DBYE BSDU'I SGO NAS 'GAL BA MED PA'I TSUL GYIS LAM BGROD PA YIN PA'I PHYIR TE, BRTAG GNYIS DANG, SAMBU tA LAS, PHAR PHYIN THEG PA LTAR BCU GCIG KUN TU 'OD KYI SA'I STENG DU MOS SPYOD BSNAN PAS BCU GNYIS SU BSHAD, LUNG STON LAS, SANGS RGYAS RNAMS KYIS GANG BSTEN BA, ,SA GYUR DE NI BCU GSUM PA, ZHES DON GYI 'OD GSAL SA BCU GSUM PAR BSHAD PA TZAM MA GTOGS SO SO'I NGOS 'DZIN MA MDZAD LA, DE'I RGYU MTSAN GYIS MI MTHUN PA MANG ZHING, SPYOD BSDUS 'GREL BA LAS, GANG TSE THA MA'I DROD GYUR NAS, ,BZOD BA CHOS MCHOG DBANG DU NI, ,RAB 'BRING SBYOR BA BCU GNYIS TE, ,RAB TU DGA' BA BCU GSUM PA'O, ,ZHES SNGAGS KYI SBYOR LAM BZHI PO RE RE LA GSUM GSUM STE BCU GNYIS, SA BCU GNYIS, DE'I STENG DU DON GYI 'OD GSAL SA BCU GSUM BAR BYED PAR BSHAD DO, ,RANG LUGS NI SPYIR SA BCU GSUM DU BYED PA'I TSE SLOB DPON AA BHYA K'AR BZHED PA LTAR 'PHAGS PA SLOB PA'I SA DGU, BCU BA LA BCU BA TZAM DANG, DE'I KHYAD PAR GYI LAM DANG, DE'I BAR CHAD MED PA'I LAM GSUM LAS, PHYI MA GNYIS LA MNGON BRJOD BLA MA LAS, DPE MED PA DANG YE SHES LDAN, ,RDO RJE'I SA DE BCU GSUM PA, ZHES GSUNGS BA LTAR, DPE MED DANG YE SHES LDAN GYI MING GIS BTAGS, DE'I STENG DU KUN TU 'OD DAM RDO RJE'I SA BCU GSUM DU BYED CING, RDO RJE PHRENG BA LAS KYANG, DBANG

068b

BSKUR RE RE SA RE'O, ,ZHES BUM DBANG BCU GCIG DANG, DBANG GONG MA GSUM STE BCU BZHI SA BCU BZHI DANG SBYOR BAR GSUNGS BA YANG SNGAR GYI SA DE RNAMS KYI STENG DU MOS SPYOD BSNAN PA BCU BZHIR BZHED PAS DBYE BSDU TZAM YIN PA'I PHYIR, DES NA 'PHAGS PA YAB SRAS KYIS SA DE DAG GI NGOS 'DZIN GSAL BAR MA MDZAD KYANG, BSKYED RIM MTHAR PHYIN PA SA BRGYAD PA DANG DOD THUB DANG, SEMS DBEN SA BCU PA DANG DOD THUB TU GSUNGS TE, SPYOD BSDUS LAS, RDO RJE THEG PA 'DI LA BSKYED RIM LA BSLABS NAS SA BRGYAD PA THOB STE JI SRID RDZOGS RIM MA THOB PA DE SRID DU DA DUNG DGE BA'I BSHES GNYEN MNYES PAR BYA'O, ,SKU DANG GSUNG DANG THUGS MNGON PAR RTOGS NAS SA BCU THOB, CES GSUNGS PA'I PHYIR, DES NA BSKYED RIM MTHAR PHYIN PA SA BRGYAD PA DANG DOD THUB DANG, NGAG DBEN SA DGU PA DANG, SEMS DBEN DANG SGYU LUS GNYIS SA BCU BA'I DKYIL STOD DANG DOD THUB SBYOR BA'I RGYU MTSAN YOD DE, SA BRGYAD BAR ZHING DAG SBYOR BA THOB PA LTAR BSKYED RIM MTHAR PHYIN PAS SNOD BCUD DAG PA'I 'KHOR LO'I RNAM ROL DU BLTA NUS PA DANG, SA DGU PAR CHOS STON PA'I NGAG DAG PA'I YE SHES THOB PA LTAR NGAG DBEN GYI SKABS SU NGAG GI RTZE BA RLUNG LA DBANG THOB PA DANG; BCU BAR LUS NGAN PAR 'GYUR PA'I BAG CHAGS LUS BZANG POR BSGYUR NUS SHING, 'OD ZER CHEN PO'I DBANG BSKUR THOB PA BZHIN DU SEMS DBEN MTHAR THUG GI RLUNG SEMS LTAR BSGYUR NUS PA DANG, SGYU LUS PAS

069a

, ,SANGS RGYAS RNAMS LAS DBANG BSKUR BA THOB PAS DE LTAR SBYAR BA YIN PA'I PHYIR, RIM PA THA MA GNYIS SA BCU PA'I DKYIL SMAD DANG DOD THUB SBYOR BA'I RGYU MTSAN YANG YOD DE, BSOD NAMS KYI TSOGS RDZOGS PAS SGRIB PA SPONG BA LA NUS PA MTHU CAN DU GYUR PA DANG, LAM GZHAN LA GSAR DU SLOB MI DGOS PA'I 'DOD PA MTSUNGS PAS DE LTAR SBYAR PA YIN PA'I PHYIR, DE YANG LAM THUN MONG BAS RGYUD SBYANGS NAS BSGOMS STOBS KYIS THOG MAR RLUNG DBU MAR ZHUGS GNAS THIM GSUM BYED PA'I SNANG PA'I YE SHES SKYE KHA MA TSUN TSAD KYI LAM TSOGS LAM DANG, BSGOMS STOBS KYIS THOG MAR RLUNG DBU MAR ZHUGS GNAS THIM GSUM BYED PA'I SNANG BA'I YE SHES SKYES BA NAS MA DAG PA'I SGYU LUS DON GYI 'OD GSAL DU 'JUG KHA MA'I BAR GYI LAM RNAMS SNGAGS BLA MED KYI SBYOR LAM DANG, RIM PA BZHI PA'I DON GYI 'OD GSAL MTHONG LAM SA DANG PO RAB DGA' DANG, SLOB PA'I ZUNG 'JUG SGOM LAM DE LA SA DGU'I RNAM GZHAG BYED BA YIN NO, ,GNYIS PA NI, RIM PA GSUM PA'I SGYU LUS PAS DON GYI 'OD GSAL MNGON DU MI BYED NA, 'KHOR BAR LDOG PAR BSHAD PA YIN TE, DE'I SKABS SU STONG NYID MNGON SUM DU RTOGS PA'I SHES RAB DANG BRAL BA YIN PA'I PHYIR TE, SPYOD BSDUS LAS, JI SRID DU SNANG BA GSUM MA DAG PA DI SRID DU RNAM SHES KYIS KUN TU RTOG GO ,DE JI SRID PA DE SRID DU NYON MONGS PA'I BAG

069b

CHAGS KYI RGYUN DANG, DES NI YANG SRID PAR 'GYUR BA YIN, ZHES GSUNGS PA'I PHYIR, RIM PA BZHI PA'I DON GYI 'OD GSAL NAS MI LDOG STE, DE'I SKABS SU 'KHOR BA'I DNGOS GNYEN LHAN SKYES KYI BDE BAS STONG NYID MNGON SUM DU RTOGS PA'I SHES RAB YOD PA'I PHYIR TE, DE NYID LAS, RNAM PAR SHES PA GSUM RNAM PAR DAG PA'I SHES RAB KYI PHA ROL TU PHYIN PA'I NGO BO NYID LA NI SEMS PA MED CING SMRA BA MED PA GANG YIN PA 'DI NI MYA NGAN LAS 'DAS PA'I KHAMS YIN TE, GZUGS MED PA REG PAR DKA' BA, LAS DANG SKYE BA LAS RNAM PAR GROL PA, ZHES GSUNGS PA'I PHYIR, DES NA MDO SNGAGS KYI THEG CHEN GYI MTHONG LAM BA GNYIS PO 'DI 'KHOR BAR LDOG MI LDOG GI KHYAD PAR MED KYANG; THABS MKHAS PAS ZIN MA ZIN GYIS 'KHOR PA'I SA PON RTZA BA NAS SPONG NUS MI NUS KYI KHYAD PAR YOD DE, THEG PA CHE CHUNG GI MTHONG LAM DU STONG NYID MNGON SUM DU RTOGS PAR MTSUNGS KYANG 'KHOR BAR LDOG MI LDOG GI KHYAD PAR YOD PA BZHIN YIN PA'I PHYIR, GSUM PA NI, RIM PA BZHI PA'I DON GYI 'OD GSAL LAS LANGS MA THAG TU SLOB PA'I ZUNG 'JUG GI SKUR LDANG BA YIN TE, SPYOD BSDUS LAS STONG BA BZHI GCIG TU GYUR PA LAS LDANG BAR BSHAD CING; RIM LNGA LAS KYANG, JI LTAR DANG PA'I CHU KLUNG LAS, ,NYA DAG MYUR DU LDANG BA LTAR, ,DE BZHIN THAMS CAD STONG GSAL LAS, ,SGYU 'PHRUL DRA BA 'BYUNG BAR BSHAD, CES GSUNGS PA'I PHYIR, DE LTAR BYAS PA LA KHO NA RE, DE MI 'THAD PAR

070a

, ,THAL, 'OD GSAL DE LAS LANGS MA THAG TU DAG PA'I SGYU LUS YOD KYANG RIM PA BZHI PA'I 'OD GSAL 'GAGS ZIN PA'I PHYIR ZHE NAM KHYAB STE, RIM LNGA LAS ZUNG 'JUG NYER GCIG GAM NYER GSUM BSHAD PA SPANGS PA ZUNG 'JUG DANG RTOGS PA ZUNG 'JUG GNYIS SU 'JUG PA GANG ZHIG ,DE'I TSE SPANGS PA ZUNG 'JUG THOB PA YIN PA'I PHYIR, DE 'DRA'I ZUNG 'JUG PA DES KYANG SLAR YANG STONG NYID LA RTZE GCIG TU MNYAM PAR BZHAG PAS RLUNG DBU MAR ZHUGS GNAS THIM GSUM BYAS PA LAS BYUNG BA'I LHAN SKYES KYI BDE BA CHEN PO'I YE SHES KYIS STONG NYID MNGON SUM DU RTOGS PA DANG, RTOGS PA ZUNG 'JUG GAM ZUNG 'JUG GI GTZO BO THOB PA YIN TE, RIM LNGA LAS, KUN RDZOB DANG NI DON DAM GYI, ,RNAM DBYE SO SOR SHES NAS NI, ,GANG DU YANG DAG 'DRES GYUR BA, ,ZUNG DU 'JUG PAR DE BSHAD DO, ZHES GSUNGS PA'I PHYIR, BZHI PA NI, SPANGS PA ZUNG 'JUG PA'I RGYUD KYI NYON SGRIB SPANGS PA'I BRAL BA DE THAR BA YIN TE, DE'I SNGA LOGS KYI RIM PA BZHI BA'I DON GYI 'OD GSAL LAM, DE SKAD CIG DANG PO DE NYON SGRIB KYI DNGOS GNYEN BAR CHAD MED LAM YIN PA'I PHYIR, SPANGS PA ZUNG 'JUG BA DE THAR PA PO YIN TE, SPYOD BSDUS LAS, GANG MING DANG GZUGS KYI BDAG NYID NI RDO RJE 'CHANG CHEN PO'O, ,ZHES GSUNGS PA'I PHYIR, DE LTA BU'I SPANGS PA ZUNG 'JUG PA DE YANG LAM GZHAN LA GSAR SLOB MI DGOS

070b

TE; RIM LNGA LAS, ZUNG 'JUG TING 'DZIN LA GNAS NAS, ,SLAR BZHIN GANG LA 'ANG MI BSLAB PO, ZHES GSUNGS PA'I PHYIR, DE LTA BU'I SLOB MI SLOB KYI ZUNG 'JUG PA'I MTSAN GYI RNAM GRANGS KYANG DU MA YOD DE, SGYU 'PHRUL DRA BAS MNGON SANGS RGYAS PA DANG, 'KHOR BA'I RGYA MTSO'I PHA ROL TU SON PA DANG, BYA BA BYAS PA'I RNAL 'BYOR PA CHEN PO DANG, BDEN PA GNYIS KYI TSUL LA GNAS PA ZHES SOGS GSUNGS PA'I PHYIR, GNYIS PA NI RIM PA BZHI PA LAS LANGS MA THAG PA'I SPANGS PA ZUNG 'JUG PA DE RJES DRAN PA YIN TE, DE'I RGYUD KYI LUGS BZLOG GI THOB MCHED SNANG GSUM PO DE RJES DRAN YIN PA'I PHYIR TE, RGYUD PHYI MA LAS, RJES DRAN GANG ZHIG RNAM BSGOMS PA, ,DE DANG 'DRA BAR SPRO BAR BYA, ,RJES SU DRAN PA ZHES BSHAD DE, ,SO SOR SNANG BA DE LAS SKYE, ZHES GSUNGS PA'I PHYIR, RTOGS PA ZUNG 'JUG CHOS CAN, KHYOD TING NGE 'DZIN GYI YAN LAG TU 'JOG PA'I RGYU MTSAN YOD DE, KHYOD 'DIR BSTAN BDEN GNYIS DBYER MED KYI RNAL 'BYOR YIN PAS DE LTAR BTAGS NAS BRJOD PA'I PHYIR TE, DE NYID LAS, THABS DANG SHES RAB SNYOMS 'JUG PAS, ,DNGOS PO THAMS CAD MDOR BSDUS BA, ,GONG BU'I TSUL GYIS BSDUS NAS NI, ,DBUS SU GZUGS NI RNAM PAR BSGOM, ,YUD KYIS YE SHES RDZOGS BYED PA, ,TING NGE 'DZIN ZHES BTAGS PA YIN, ZHES GSUNGS PA'I PHYIR, SMRAS PA, BDE CHEN 'OD GSAL LHA YI LAM LAS 'ONGS, ,ZUNG 'JUG DBANG BO'I GZHU YI RNAM

071a

, ,ROL GYIS, ,MTHONG BA'I CHOS LA DPA' BO MKHA' 'GRO'I DBUS, ,NYAMS BRGYA'I GAR GYIS DGYES BA 'DI RMAD DO,, ` ,,GSUM PA RIM PA GNYIS LA BOGS 'BYIN GYI THABS SPYOD PA LA GNYIS, SPYOD PA SPYI'I RNAM GZHAG DANG, ,BLA MED KYI SPYOD PA BYE BRAG TU BSHAD PA'O, ,DANG PO NI, BDAG CAG GI STON PAS SPYOD PA RNAM PA GSUM BSTAN TE, DMAN PA LA MOS PA LA CHAGS BRAL GYI SPYOD PA, RGYA CHEN PO LA MOS PA LA SA DANG PHA ROL TU PHYIN PA'I SPYOD PA, ZAB MO LA LHAG PAR MOS PA LA 'DOD CHAGS KYI SPYOD PA RNAMS BSTAN PA'I PHYIR, PHYI MA LA CHAGS BRAL GYI SPYOD PA MI STON PA'I RGYU MTSAN YOD DE, GANG ZAG DE BDE BA CHEN PO'I YE SHES SKYED PA LA MOS SHING SKYED DGOS PA GANG ZHIG ,CHAGS BRAL GYI DKA' THUB SOGS BSTEN PAS BDE CHEN GYI YE SHES KYI RGYU NYAMS PAR BYED PA'I PHYIR, DER THAL, DE 'DRA'I YE SHES SKYE BA LA ZHU BDE 'DREN DGOS, DE LA BYANG SEMS RGYAS BAR BYED DGOS, DE LA PHYI NANG GI 'DOD YON LA LONGS SPYOD DGOS PA'I PHYIR, DE LTAR BYAS PA LA KHO NA RE, DE MI 'THAD PAR THAL, PHYI NANG GI 'DOD YON LA SPYAD PAS 'DOD CHAGS SOGS SKYED PAS DUG TU 'GYUR BAR GSUNGS PA'I PHYIR ZHE NA SKYON MED DE, DPAL MCHOG LAS, DUG BDUD RTZIR SGYUR BA BZHIN DU 'DOD CHAGS KYANG GANG ZAG 'GA' ZHIG LA SANGS RGYAS KYI RGYUR 'GYUR BA DANG, GRONG KHYER GYI LUD ZHING LA PHAN PA LTAR 'DOD CHAGS KYIS

071b

SANGS RGYAS KYI CHOS SKYED PAR GSUNGS PA'I PHYIR TE, 'DUL BA DON YOD PAR GRUB PA'I RGYUD LAS KYANG, GANG GIS BLUN PO 'CHING 'GYUR BA, ,DE YI MKHAS PA YONGS GROL ZHES, ZHES GSUNGS PA'I PHYIR, 'O NA DUG GSUM GA LAM DU 'GYUR BA YOD DAM ZHE NA, GZHAN GNYIS YOD KYANG GTI MUG LA DMIGS SU BKAR NAS MA GSUNGS LA, 'ON KYANG NYON MONGS GZHAN DANG MTSUNGS LDAN DU 'JUG PA'I PHYIR, DE DAG LAM BYED LA GTI MUG LAM BYED CES BTAGS SU RUNG NGO, ,KHO NA RE 'DOD CHAGS LA BRTEN NAS SKYES PA'I BDE STONG DBYER MED KYI YE SHES, DER NYON MONGS ZAD PAR BYED NUS SAM MI NUS, MI NUS NA DE GOMS PAR BYAS PAS STONG NYID RTOGS PA MTHAR THUG PAR MI 'GRO BAR THAL, DAM BCA' DE'I PHYIR, 'DOD NA, DES THAR PA THOB MI NUS PAR THAL LO, ,DANG PO LTAR NA SNANG BA YANG MUN PA'I RGYUR DGOS PAR THAL, 'DOD CHAGS ZAD BYED KYI RGYUR 'DOD CHAGS DGOS PA'I PHYIR, GZHAN YANG LAM DES BDEN 'DZIN ZAD PAR BYED MI NUS PAR THAL, DE'I RGYUR 'DOD CHAGS DGOS PA'I PHYIR, KHYAB STE, RGYU BDEN 'DZIN ZAD NA 'BRAS BU 'DOD CHAGS ZAD PAS KHYAB PA'I PHYIR, GZHAN YANG 'DOD CHAGS LAM BYED CES PA'I 'DOD CHAGS DE 'DOD CHAGS MTSAN NYID PA YIN NAM MA YIN, MA YIN NA NI 'DOD CHAGS GZHIR BYAS LA, BYANG CHUB KYI RGYUR 'GYUR MI 'GYUR DPYAD PA DANG 'GAL, YIN NA DE NYON MONGS GZHAN DANG 'DZIN STANGS MI

072a

, ,'GAL BAR THAL, DE 'DOD CHAGS YIN PA'I PHYIR ZHEN SKYON MED DE, DE LTA BU'I YE SHES DES 'DOD CHAGS DANG 'DZIN STANGS 'GAL BA'I MI SDUG PA BSGOMS NAS DE ZAD PAR MI BYED KYANG, RGYU BDEN 'DZIN ZAD PAR BYAS PA'I SGO NAS 'BRAS BU 'DOD CHAGS ZAD PAR BYED PA YIN PA'I PHYIR TE, DPER NA SHING LAS SKYES PA'I SRIN BUS SHING ZAD PAR BYED PA BZHIN YIN PA'I PHYIR, DES NA CHAGS PA LAM BYED KYI 'DOD CHAGS DE 'DOD CHAGS MTSAN NYID PA YIN KYANG THABS MKHAS PAS ZIN MA ZIN GYIS THAR PA DANG 'KHOR PA'I RGYUR 'GYUR BA YIN TE, DPER NA KE TA KA'I ME TOG SPOS GLANG GIS ZOS PA'I BRUN GLA RTZI DANG GLANG PO PHAL PAS ZOS PA'I BRUN LCI BAR 'GYUR BA BZHIN YIN PA'I PHYIR, GNYIS PA LA GNYIS, SPYOD PA'I RNAM DBYE DANG MTSAN NYID, SPYOD PA LA SLOB PA'I CHO GA'O, ,DANG PO NI KUN TU SPYOD PA MCHOG DANG, SNGAGS KYI SPYOD PA MCHOG DANG, BYANG SEMS DANG DE BZHIN GSHEGS PA'I SPYOD PA DANG, RIG PA BRTUL ZHUGS YANG DAG PAR LEN PA'I SPYOD PA ZHES PA RNAMS SPYOD PA GSUM GYI MING GI RNAM GRANGS YIN LA, LE'U BCU DRUG PA LAS SHIN TU SPROS MED KYI SPYOD PA YANG GSUNGS SO, ,SPYOD PA GSUM PO CHOS CAN, SPYOD PA ZHES BYA BA'I RGYU MTSAN YOD DE, 'DOD YON SPYI DANG, RIG MA'I 'DOD YON LA RANG BZHIN SHES PA'I SGO NAS SPYOD PAS DE LTAR BRJOD PA'I PHYIR, SPYOD

072b

PA LA NGO BO'I SGO NAS DBYE NA, SPROS BCAS, SPROS MED, SHIN TU SPROS MED KYI SPYOD PA DANG GSUM YOD, SNGA PHYI GNYIS LA GSUM DU MI 'BYED KYANG SPROS MED LA RGYAS 'BRING BSDUS GSUM DU YOD, RTEN GYI SGO NAS DBYE NA, BSKYED RIM PA'I SPYOD PA DANG, RDZOGS RIM PA'I SPYOD PA GNYIS YOD, DE GNYIS RE RE LA YANG SPROS BCAS SPROS MED SHIN TU SPROS MED GSUM GSUM DU YOD, DUS KYI SGO NAS DBYE NA, SNOD RUNG DU BYED PA DBANG DUS DANG, LAM SGOM DUS KYI SPYOD BA GNYIS, PHYI MA LA BSKYED RIM NAS ZUNG 'JUG GI BAR GYI LAM SNGAR MED GSAR DU THOB PHYIR DANG THOB ZIN BOGS 'BYIN GYI SPYOD PA GNYIS SU YOD, DE YANG PHYI MA LA BSKYED RIM PAS THUN MONG GI DNGOS GRUB BSGRUB PHYIR DANG, SEMS DBEN PAS SGYU LUS DANG, SGYU LUS PAS RIM PA BZHI BA DANG, SLOB PA'I ZUNG 'JUG PAS MI SLOB PA'I ZUNG 'JUG THOB PHYIR BYED PA'I SPYOD PA RNAMS SU YOD DO, ,MTSAN NYID NI LAS RGYA DANG 'DRA 'BAG CHAS GOS SOGS YOD PA GANG ZHIG ,BRDA' DANG BRDA'I LAN SOGS BYA BA'I SPROS PA DANG BCAS PA'I SPYOD PA DE SPROS BCAS KYI SPYOD PA'I MTSAN NYID DANG, LAS RGYA DANG 'DRA 'BAG CHAS GOS SOGS YOD PA GANG ZHIG ,BRDA' DANG BRDA'I LAN SOGS BYA BA'I SPROS PA DANG BRAL BA'I SPYOD PA SPROS MED KYI SPYOD PA'I MTSAN NYID, PHYI'I SPROS PA THAMS CAD SPANGS TE YE RGYA DANG SNYOMS PAR 'JUG PA DANG, GNYID KYI 'OD GSAL SKYONG BA ZUNG DU SPEL NAS BDE STONG DBYER MED KYI YE SHES TSIG

073a

, ,SGRIL DU BSGOM PA'I SPYOD PA DE GSUM PA'I MTSAN NYID YIN NO, ,GNYIS PA LA GNYIS, SPYOD PA DANG PO GNYIS SGRUB TSUL DANG, SHIN TU SPROS MED KYI SPYOD PA SGRUB TSUL LO, ,DANG PO NI YID DU 'ONG BA'I GNAS SU SO PHAG GI KHANG PA SUM BRTZEGS KYI 'OG TU TSANG MANG DANG, BAR DU ROL MO SOGS CHAS 'JOG PA DANG, STENG DU RGYAN DANG MCHOD RDZAS SNA TSOGS PA'I DBUS SU, DPAL 'DUS PA'I CHU TSON GYI DKYIL 'KHOR LEGS PAR BRIS, SPROS BCAS DANG SPROS MED RGYAS PA LA LHA RANG RANG GI GNAS SU SNA TSOGS PADMA'I GDAN SUM CU RTZA GNYIS RAS KYIS GA-YOGS PA DANG, SPROS MED 'BRING LA DBUS DANG PHYOGS BZHING SNGAR DANG 'DRA BA'I GDAN, BSDUS PA LA DBUS SU GDAN GCIG ,SPROS BCAS DANG SPROS MED RGYAS PA LA, RANG DANG BCAS PA'I SGRUB PA PO SKYES PA NYER GSUM, MTSAN NYID DANG LDAN PA'I PHYAG RGYA DGU DANG, SPROS MED 'BRING LA RANG DANG PHYAG RGYA LNGA DANG, SPROS MED BSDUS PA LA RANG DANG PHYAG RGYA GCIG ,RANG GI LHA DE DANG DE'I 'BAG DANG CHAS GOS SOGS DGOS, RANG YAB YUM GTZO BO'I GDAN DANG, GZHAN RNAMS RIGS SO SO'I LHA'I GDAN LA 'KHOD DE, BSRUNG 'KHOR NAS BRTZAMS TE, DKYIL 'KHOR RGYAL MCHOG GI BAR SNGON DU BTANG, LAS RGYAL MCHOG GI DUS SU SPROS BCAS DANG SPROS MED RGYAS PA LA LHA MO DGU DANG, SPROS MED 'BRING BSDUS LA LHA MO LNGA DANG GCIG GI 'DOD YON LNGA DANG KHYAD PAR REG BYA'I

073b

'DOD YON LA LONGS SPYAD DE BDE STONG LA RTZE GCIG TU ROL ZHING, SPROS BCAS KYI TSE BRDA' DANG BRDA'I LAN SOGS BYED PA YIN NO, ,KHO NA RE ZUNG 'JUG PA LA SOGS PA'I SPYOD PA LA GSUM GSUM DU PHYE BA DE MI 'THAD PAR THAL; RTZA RGYUD LAS BSKYED RIM PA'I SPYOD PA SPROS BCAS KYI SPYOD PA DANG, SGYU LUS PA'I SPYOD PA SPROS MED DANG, ZUNG 'JUG PA'I SPYOD PA SHIN TU SPROS MED KYI SPYOD PAR BSHAD PA'I PHYIR ZHEN, SKYON MED DE, DE NI BDEN 'DZIN GYI SPROS PA CHE BA DANG, CHUNG BA DANG, GTAN MED PA'I SGOM BSAM GYI DBANG GIS GSUNGS PA YIN PA'I PHYIR, GNYIS PA NI, SHIN TU SPROS MED KYI SPYOD PA BYED PA'I RDZOGS RIM PA DE KHYAD CHOS DU MA DANG LDAN PA DGOS TE, 'KHOR LO SGYUR BA'I PHUN TSOGS DANG THUN MONG GI DNGOS GRUB KYANG DON DU MI GNYER PA, RANG DON DU DNGOS PO TIL 'BRU TZAM YANG MI 'CHANG ZHING, ZA NYAL BSHANG GCI'I PHYIR 'GRO BA MA GTOGS BYA BA THAMS CAD SPANGS PA, CHO GA'I KHYAD PAR YE SHES KYI SA SGOM BA NAS SEMS DPA' SUM BRTZEGS KYI BAR SNGON DU BTANG STE, SNYING KHA NAS PHYUNG BA'I YE RGYA DANG SNYOMS PAR 'JUG CING GNYID LOG BA SPRAGS NAS GNYID KYI 'OD GSAL KHOR YUG TU SKYONG BAR BYED PA YIN PA'I PHYIR, SMRAS BA, MTSAR ZHING MTSAR RO 'GAL BA'I RGYU DANG 'BRAS, ,DUG GI RKANG 'THUNG BDUD RTZI'I 'BRAS LDAN ZHING, ,BSREG ZA'I SPRIN LAS GA BUR CHAR RGYUN BZHIN, ,MI BZAD NGAN 'GRO'I RGYU LAS SKU GSUM BSKUN,, ` ,,BZHI

074a

, ,PA LAM BSGOMS PAS 'BRAS BU MNGON DU BYED TSUL NI, SPYIR DPAL GSANG BA 'DUS PA'I LAM NYAMS SU BLANG BA'I DGOS PA NI MCHOG THUN MONG GI DNGOS GRUB GNYIS YIN LA, KHYAD PAR DU SNGAR BSHAD PA'I SLOB PA'I ZUNG 'JUG PAS SPYOD PA RNAM PA GSUM PO CI RIGS SPYAD CING MNYAM RJES KYI DGE SBYONG RNAMS BSKYANGS PA LA BRTEN NAS, 'BRAS BU 'THOB PA'I MTSAN MA, GZUGS PHRA BA DANG REG PA YANG, ,KHYAB PA YANG DAG THOB PA NYID, ,RAB TU GSAL BA NYID BRTAN PA, ,DBANG PHYUG NYID DANG 'DOD DGUR BSGYUR, CES BSHAD PA LTAR, DBANG PHYUG GI YON TAN BRGYAD THOB PA NA, THO RANGS PHYI NANG GI THABS KYIS DRANGS PA'I MNGON PAR BYANG CHUB PA GNYIS KYI SGO NAS DON GYI 'OD GSAL MNGON DU BYAS PA'I SKAD CIG DANG POS SHES SGRIB KYI DNGOS GNYEN BYED CING, SKAD CIG GNYIS PA LA MTHAR THUG GI YE SHES CHOS SKU DANG, SLOB PA'I ZUNG 'JUG GI RIGS 'DRA PHYI MA MI SLOB PA'I ZUNG 'JUG GI SKUR GYUR TE, NAM MKHA' JI SRID BAR SKU DE GNYIS LAS MI GA-YO BAR BZHUGS SO, ,SANGS RGYAS LAS KYANG CHES DKON ZHING, ,KUN MKHYEN YE SHES LTA BUR ZAB, ,YID BZHIN NOR LAS DON CHE BA, ,'DUS PA'I RIN CHEN BEEd'URYA, ,KLU DBANG 'PHAGS PA YAB SRAS KYIS, ,GDENGS KAR BZUNG BA'I 'OD STONG GI ,SNANG BAS NOR GYI BLO GROS MA, ,RDZOGS LDAN LTA BU'I GOS DKAR 'DZIN, ,DUS KYI RIM PA'I GDONG MUN GYIS, ,

074b

BSGRIBS CHE KHYAB BDAG 'KHOR LO'I MGON, ,NGUR SMRIG 'DZIN PA'I 'JOG SGEG DANG, ,RANG GZHUNG GSAL PA'I THABS MKHAS KYIS, ,SA 'DI AOO dI YA NAR BSGRUBS, ,DE PHYIR BLA MA MCHOG DE'I THUGS KYI BCUD, ,RIM LNGA GSAL SGRON LEGS BSHAD RGYA MTSO LAS, ,RNAM DPYOD BRTZON PA'I GRU RDZINGS LA BRTEN NAS, ,SNYING PO'I DBANG GI RGYAL PO DENG 'DIR BLANGS, ,RNAM DAG LUNG GI CHU SHEL LAS GRUB CING, ,DRI MED RIGS PA'I RI SKYES MTSAN MAS MDZES, ,'CHAR NUB BRAL BA'I LEGS BSHAD 'OD DKAR CAN, ,THUB BSTAN PAD TSAL 'BYED PA'I NYI MA'ANG YIN, ,'DI YI DGE BAS 'GRO BA MA LUS PA, ,YE SHES RDO RJE RGYA LAS RNAM GROL TE, ,SKU GSUM YON TAN MI ZAD NAM MKHA' MDZOD, , ZUNG 'JUG RDO RJE'I SKU DE MYUR THOB SHOG ,BDAG KYANG DENG NAS SKYE BA THAMS CAD DU, ,RNAM DAG SDOM PA GSUM GYIS RGYUD BSNGAMS SHING, ,MDO RGYUD GSUNG RAB KUN LA MKHAS PAR SBYANGS, ,BSLAB GSUM RIM GNYIS LAM GYI MTHAR PHYIN SHOG ,'DI YI BYED PO BLA MA LHA'I, ,DRIN LAS MDO SNGAGS GSUNG RAB LA, ,CUNG ZAD BLTA BA'I MIG LDAN PA, ,BLO BZANG CHOS KYI RGYAL MTSAN NO, ZHES RGYUD THAMS CAD KYI RGYAL PO DPAL GSANG BA 'DUS PA'I GDAMS NGAG RIM PA LNGA GSAL BA'I SGRON ME'I SNYING PO'I GNAD KUN BSDUS PA ZAB DON GSAL PA'I NYI MA ZHES BYA BA 'DI YANG, RANG GZHAN LA PHAN PA'I BSAM PAS, SH'AKYA'I DGE SLONG 'DUS PA'I RNAL 'BYOR SPYOD PA, BLO BZANG CHOS KYI RGYAL

075a

, ,MTSAN GYIS SBYAR BA'O,, ,,MANGGA LAm,, ,,AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,,