'The Essence of the Ocean of Attainments,' being an Explanation of the Creation Stage of the Glorious Secret Collection (Guhyasamaja), King of All the Secret Teachings

*, ,RGYUD THAMS CAD KYI RGYAL PO DPAL GSANG BA 'DUS PA'I BSKYED RIM GYI RNAM BSHAD DNGOS GRUB KYI RGYA MTSO'I SNYING PO ZHES BYA BA BZHUGS SO, ,

, ,NA MO GU RU MANYDZU GHO sh'A YA, RGYUD THAMS CAD KYI RGYAL PO DPAL GSANG BA 'DUS PA'I BSKYED RIM GYI RNAM BSHAD DNGOS GRUB KYI RGYA MTSO'I SNYING PO ZHES BYA BA RTZA BRGYUD KYI BLA MA DAM PA RNAMS KYI ZHABS LA PHYAG 'TSAL LO, ,SGRIB BRAL LHAN SKYES DGA' BA'I DNGOS, ,RGYAL BA'I 'KHOR LO KUN GYI GTZO, ,KHYAB BDAG RGYUD KYI STON PA DANG, ,DBYER MED BLA MA'I ZHABS BTUD NAS, ,THUB PA'I LEGS BSHAD KUN GYI MCHOG ,'JIG RTEN GSUM GYI RIN CHEN GCIG ,DPAL LDAN GSANG BA 'DUS PA YI, ,RIM PA DANG PO'I RNAM GZHAG BSHAD, ,DE LA 'DIR DPAL GSANG BA 'DUS PA'I BSKYED RIM BSHAD PA LA DRUG ,SGRUB PA PO RTEN GYI MTSAN NYID, DES RDZOGS RIM GYI GONG DU BSKYED RIM SGOM DGOS PA'I RGYU MTSAN, GANG DU BSGRUB PA'I

, ,GNAS KYI MTSAN NYID, JI LTAR SGRUB PA'I MNGON RTOGS KYI RNAM GZHAG ,DE LA BSLABS PAS BSKYED RIM MTHAR PHYIN PA'I TSAD, MTHAR PHYIN NAS DNGOS GRUB SGRUB PA'I RNAM GZHAG BSHAD PA'O, ,DANG PO NI, RDO RJE 'PHRENG BA LAS, SLOB MA YON TAN GANG LDAN NA, ,RNAL 'BYOR RGYUD KYI SNOD DU 'GYUR, ,ZHES SNGAGS BLA MED KYI LAM NYAMS SU LEN PA'I GANG ZAG DE LA YON TAN JI LTA BU DANG LDAN PA DGOS ZHES DRIS PA'I LAN DU, DAD CING BLA MA LA YANG GUS, ,RTAG TU DGE BA'I LAM LA GNAS, ,RTOG PA NGAN PA RNAM PAR SPANGS, ,LUNG NI MANG DU THOS PA DANG,, GSOD PA DANG NI 'TSE BA SPANGS, ,SEMS CAN RNAMS NI GDON PA'I BLOS, ,KUN DU BRTZON DANG YANG DAG LDAN, ,DE LA SOGS PA'I YON TAN LDAN, ,DAD PA CHEN PO'I SLOB MA BZANG, ZHES GSUNGS PA LTAR, SNOD RUNG DANG PO LAM THUN MONG BAS RGYUD LEGS PAR SBYANGS PA DANG, SNOD RUNG GNYIS PA DBANG BZHI RNAM PAR DAG PA THOB PA CIG DGOS TE, RDO RJE PHRENG BA LAS THOG MAR SLOB MA GANG GI

TSE; ;BLO LDAN YANG DAG DBANG BSKUR NA, ,RDZOGS PA'I RIM PA'I RNAL 'BYOR LA, ,DE YI TSE NA SNOD DU 'GYUR, ,YANG DAG DBANG BSKUR GYIS DBEN NA, ,SGRUB POS RGYUD KYI DON SHES KYANG, ,SLOB DPON SLOB MA MTSUNGS PAR NI,, MI BZAD DMYAL BA CHEN POR 'GRO, ,ZHES GSUNGS PA'I PHYIR, GNYIS PA NI, DE LTAR DBANG THOB NAS KYANG, DBANG DUS SU KHAS BLANGS PA'I DAM TSIG DANG SDOM PA TSUL BZHIN DU BSRUNG BA CIG DGOS TE, DAM TSIG DANG SDOM PA YAL BAR DOR NAS RIM PA GNYIS SGOM PA LA JI TZAM 'BAD KYANG MCHOG GI DNGOS GRUB THOB PA MI SRID PA'I PHYIR TE, SDOM 'BYUNG LAS, JI LTAR NYE BAR BSTAN PA BZHIN, ,PHYI NAS DAM TSIG SPYOD PAR BRTZON, ,SNOD BU BYAS PA'I RGYUN LAS NI, ,'KHOR LO LA SOGS SGOM RIM GYI, ,YANG DAG MAN NGAG PHUN TSOGS KYIS, ,'GRUB PAR 'GYUR RO GZHAN DU MIN, ,ZHES GSUNGS PA'I PHYIR, DE LTAR DAM TSIG RNAM PAR DAG PA LA GNAS PA DES RIM GNYIS SGOM PA'I SNGON DU RIM GNYIS SGOM TSUL YAN LAG DANG BCAS PA THOS BSAM GYIS MTHA' CHOD BAR GTAN LA 'BEBS DGOS TE, KYEE RDOR GYI DKA' 'GREL MU TIG PHRENG BA LAS,, BLO GROS MED LA THOS MED MA THOS PA LA'ANG BSAM PA MED, ,GNYIS BRAL RNAL 'BYOR MED CING RNAL 'BYOR BRAL LA'ANG DNGOS GRUB MED, CES GSUNGS PA'I PHYIR, DE LTAR THOS BSAM GYIS NYAMS SU LEN TSUL LA MKHAS PAR BYAS NAS

, ,RIM GNYIS NYAMS SU LEN PA NA GO RIM NGES CAN DU BSLAB PAR BYA BA YIN TE, RIM LNGA LAS, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ZHES DANG, SPYOD BSDUS LAS KYANG, GANG GI TSE SANGS RGYAS KYI THEG PA'I BSAM PA LA LOBS PAR GYUR PA DE'I TSE THEG PA GSAR BA DRAN PA GCIG PA'I TING NGE 'DZIN LA BSLAB BO; ;ZHES SOGS GSUNGS PA'I PHYIR, GSUM PA NI, DGON PA CHEN PO LA SOGS PA ME TOG DANG 'BRAS BU SOGS KYIS BRGYAN CING SKYE BO'I 'DU 'DZIS DBEN PA YID DU 'ONG BA'I GNAS SU BSGOM PAR BYA BA YIN TE, RTZA RGYUD LE'U BCU GNYIS PAR, DGON PA CHEN PO'I SA PHYOGS SU, ,ME TOG 'BRAS BU SOGS KYIS BRGYAN, ,RI BO DBEN PA'I SA PHYOGS SU, ,DNGOS GRUB THAMS CAD BSDUS PA BSGRUB, CES GSUNGS SHING, MDOR BYAS SU YANG DE LTAR BSHAD PA'I PHYIR, BZHI PA LA BZHI, DANG PO'I SBYOR BA, DKYIL 'KHOR RGYAL MCHOG ,LAS RGYAL MCHOG ,BSKYED RIM GYI DMIGS PA YID LA BYA BA JI LTAR SGOM PAR BYED TSUL LO, ,DANG PO LA GNYIS, MNGON RTOGS KYI SBYOR BA'I YAN LAG DANG, MNGON RTOGS DNGOS SO, ,DANG PO LA GSUM, THOG MAR JI LTAR BYA BA'I RIM PA, MTHUN RKYEN BSGRUB PA'I PHYIR TSOGS ZHING MCHOD CING SDOM PA SOGS BZUNG BA, 'GAL

RKYEN BZLOG PA'I PHYIR BSRUNG BA'I 'KHOR LO BSGOM PA'O, ,DANG PO LA LNGA, RDOR DRIL BYIN GYIS BRLAB PA, NANG MCHOD BYIN GYIS BRLAB PA, SNGON 'GRO GTOR MA BYED TSUL, BDAG BSKYED KYI MCHOD PA BYIN GYIS BRLAB PA, RDO RJE SEMS DPA'I SGOM BZLAS BYED TSUL LO, ,DANG PO NI, RANG NYID ZHE SDANG RDO RJER BSKYED NAS RDOR DRIL BYIN GYIS BRLAB PA LA DGOS PA YOD DE, SGRUB THABS SGOM PA'I THOG MA NAS BZUNG STE DAM TSIG GSUM PO DE DANG MA BRAL BA CIG DGOS PA SHES PAR BYA BA'I CHED YIN PA'I PHYIR, RANG ZHE SDANG RDO RJE YUM BCAS SU SKYED PA NI PHYAG RGYA'I DAM TSIG GSAL 'DEBS PA DANG, RDOR DRIL BYIN GYIS BRLOB PA NI RDO RJE DANG DRIL BU'I DAM TSIG GSAL 'DEBS PA YIN NO, ,RDOR DRIL BYIN GYIS BRLAB TSUL LA; BSANGS SBYANGS BSKYED NAS BYIN GYIS BRLAB PA DANG, MTSON DON DRAN PA'I SGO NAS BYIN GYIS BRLAB PA GNYIS LAS, DANG PO NI, DUS 'KHOR SOGS KYI LUGS YIN ZHING, 'DIR NI PHYI MA LTAR YIN NO, ,DES NA 'DIR BSTAN BYIN GYIS BRLAB BYA'I RDOR DRIL, PHYI'I RDOR DRIL, MTSON BYED RTAGS KYI RDOR DRIL RNAMS DON GCIG ,KHA CIG RDOR DRIL RTZE LNGA PA NANG GI RDOR DRIL DANG, RTZE DGU PA PHYI'I RDOR DRIL YIN ZER PA MI 'THAD DE, DE GNYIS KA PHYI'I RDOR DRIL YIN PA'I PHYIR TE, DE GNYIS KA MTSON BYED DPE'I RDOR DRIL YIN PA'I PHYIR, RANG LUGS RDOR DRIL LA SGRAS BRJOD RIGS KYI SGO NAS DBYE NA, MTSON BYED RTAGS KYI RDOR DRIL DANG, MTSON BYA DON GYI RDOR DRIL GNYIS YOD, RDO RJE LA DBYE NA, RTZE GCIG PA, RTZE GSUM PA, RTZE LNGA PA, RTZE

, ,DGU PA, SNA TSOGS RDO RJE, RGYAN GYI RDO RJE RNAMS SU YOD, RTZE MO GCIG PA NAS DGU PA'I BAR LA RNO ZHING GDENGS PA'I RTZE MO CAN GYI KHRO BO'I RDO RJE DANG, DE LAS LDOG PA'I ZHI BA'I RDO RJE GNYIS GNYIS SU YOD, SNA TSOGS RDO RJE LA'ANG RTZE MO GSUM PA DANG, LNGA BA GNYIS SU YOD CING, RGYAN GYI RDO RJE NI RGYAN GYI CI MDZES SU BYAS PA'I RDO RJE RTZE GSUM PA SOGS YIN NO, ,DRIL BU LA DBYE NA, YE SHES SAM RDO RJE SEMS DPA'I DRIL BU DANG, DPA' BO'I DRIL BU DANG DE BZHIN GSHEGS PA'I DRIL BU RNAMS SU YOD, DANG PO LA RTZE DGU PA GTZO BOR GSUNGS KYANG RTZE LNGA PA'ANG YOD CING, RTAGS NI BA LANG KHA'I MU TIG PHRENG BA GNYIS KYI BAR DU RDO RJE'I PHRENG BAS BSKOR BA'O, ,DPA' DRIL NI DRA BA DRA PHYED KYI RGYAN MED PA YIN LA, DE BZHIN GSHEGS PA'I DRIL BU LA RNAM SNANG NAS DON GRUB KYI DRIL BU'I BAR BZHI YOD CING, THAMS CAD RTZE LNGA PA NGES GZUNG CAN RIM PA BZHIN 'KHOR LO, RIN PO CHE, PADMA, RAL GRI'I PHRENG BAS BSKOR BA YIN NO, ,YANG NA RDOR DRIL LA DBYE NA, DAM TSIG GI RDOR DRIL DANG, YE SHES KYI RDOR DRIL GNYIS LAS, DANG PO RTZE LNGA BA DANG, GNYIS PA RTZE DGU PA LA BYED DO, ,YANG NA RDOR DRIL LA DBYE NA, RTZE MO GCIG PA NAS STONG GI BAR YOD DE, MKHA' 'GRO RGYA MTSO LAS, RTZE DGU RTZE MO GCIG PA DANG, ,RTZE LNGA RTZE MO GSUM PA CAN, ,DE LTAR LA SOGS DRIL BU CHE, ,RTZE MO STONG GI BAR DU'O, ,ZHES GSUNGS PA'I PHYIR, 'O NA RDO RJE DANG DRIL BUS MTSON PAR BYA BA'I DON JI LTA BU ZHE NA,

DE YANG KUN RDZOB LHA DANG SBYAR NA, SKABS GSUM SGO NGAR GRAGS PA RDO RJE'I LTE BAS RDO RJE SEMS DPA' DANG, STENG RVA LNGAS RNAM SNANG SOGS RIGS LNGA DANG, STENG GI PAD 'DAB BRGYAD KYIS 'PHAGS LAM BRGYAD KYI RANG BZHIN BYAMS PA SOGS SEMS DPA' BRGYAD MTSON TE, SAMBU tAR, DBUS SU RNAM PAR SNANG MDZAD DGONG, ,SHAR DU MI BSKYOD DE BZHIN YANG, ,RIN CHEN LHO YI RVA LA'O, ,'OD DPAG MED NI NUB TU DGOD, ,BYANG DU DON YOD GRUB PA STE, ,RVA LNGA RNAMS NI LHA NYID DO, ,PADMA BYANG CHUB YAN LAG BRGYAD, CES SOGS DANG, DBUS SU SKABS GSUM SGO NGA LA, ,YE SHES LNGA NI BSTIM PAR BYA, ZHES GSUNGS PA'I PHYIR, 'OG RVA LNGAS MKHA' 'GRO SDE LNGA DANG, 'OG GI PAD 'DAB BRGYAD KYIS SGOM BZHI DANG, SKUL BYED MA SOGS BZHI STE BRGYAD MTSON TE, RVA LA MKHA' 'GRO MA LNGA STE, ZHES GSUNGS PA'I PHYIR, DRIL BU CHA GSUM DU GNAS PAS KHAMS GSUM DANG, NANG KHONG STONG DU YOD PAS KHAMS GSUM RANG BZHIN GYIS STONGS BA MTSON TE, RDO RJE MKHA' 'GRO LAS, DBUS KYI KHOG PA ZAB PA DANG, ,THAMS CAD DAG BYED BCUD KYI GNAS, ZHES GSUNGS PA'I PHYIR, DBYUG GUS RANG BZHIN STONG NYID RTOGS PA'I THABS 'BRAS DUS KYI LHAN SKYES BDE BA CHEN PO'I YE SHES MTSON, YE SHES DA DANG STOD PA DBYER MI PHYED PA NI BDUD RTZI BUM PAS MTSON, BDE STONG DBYER MED KYI YE SHES DE SHER PHYIN MA'I RNAM PAR SHAR BA NI SHES RAB KYI ZHAL GYIS MTSON, PADMA LA GNAS PA'I YI GE BRGYAD KYIS YUM BZHI DANG NOR RGYUN MA

, ,SOGS BZHI MTSON PA YIN NO, ,DE LTAR NA RDO RJES THABS RDO RJE SEMS DPA' DANG, DRIL BUS SHES RAB RDO RJE DBYINGS KYI DBANG PHYUG MA MTSON, RDOR DRIL PHAN TSUN 'KHYUD PAS KHA SBYOR YAN LAG BDUN LDAN GYI LONGS SKU MTSON, DRIL BU'I SGRAS LONGS SKUS RDO RJE THEG PA'I CHOS KYI 'KHOR LO RGYUN MI 'CHAD PAR SKOR BDE MTSON NO, ,RDOR DRIL GYIS NI BDE STONG DBYER MED KYI YE SHES DANG, DE 'DREN BYED KYI THABS SHES KHYAD PAR CAN MTSON TSUL YANG YOD DE, RDO RJES THABS SGRUB PA PO DANG DE'I GSANG BA'I RDO RJE GNYIS KA MTSON, ,DRIL BUS SHES RAB PHYAG RGYA DANG DE'I BHA GA GNYIS KA MTSON, RDO RJE'I LTE BAS YAB KYI RDO RJE'I DH'U T'I'I MAR SNA DANG, LTE BA ZUR BRGYAD DU YOD PAS NOR BU'I DBUS KYI RTZA 'DAB BRGYAD PA'I RTZA 'KHOR MTSON, DRIL BU'I LCES YUM GYI DH'U T'I'I MAR SNA MKHA' 'GRO GDONG DANG, DRIL LCE ZUR BRGYAD DU YOD PAS SBAS PA NANG GI RTZA 'DAB BRGYAD MTSON, RDO RJE PHYOGS BRGYAD DU GSOR BA DANG, DRIL BU LCE PHYOGS BRGYAD DU BSKYOD NAS DKROL BAS SGRUB PA PO'I RDO RJE NOR BUS PHYAG RGYA'I DH'U T'I'I MAR SNA KHA 'BYED PA'I PHYIR SBAS PA NANG GI RTZA BRGYAD BSKYOD PA DE MTSON PA YIN PA'I PHYIR TE, SAMBU tAR, GNAS NI BRGYAD DU BSKYOD PAR BYA, ,ZHES PA'I THAD KYI MAN SNYER, DRIL BU'I NANG GI PHYOGS BRGYAD RNAMS SU LCE BSKYOD CING DKROL BAR BYA'O, ,DE NYID KYI PHYIR NA RTZE BRGYAD BSKYOD PA MTSON PA'I DON DU LCE ZUR BRGYAD PA STE, DE LTAR RDO RJE'I LTE BA YANG

CHA BRGYAD PA'O, ,LCAGS KYI LCE GANG DU 'PHYANG BA DE NI MKHA' 'GRO GDOD MTSON PA'O, ,ZHES GSUNGS PA'I PHYIR, DRIL BU'I STENG DU RDO RJE PHYED PAS MTSAN PAS NI YAB YUM SNYOMS PAR 'JUG PA DE MTSON, RDOR DRIL PHAN TSUN DU 'KHYUD PA'I TSUL BYAS PAS NI YAB YUM GYI DH'U T'I'I MAR SNA GNYIS PHRAD NAS RLUNG GNYIS 'DRES TE 'KHOR LO BZHIR 'BAR 'DZAG BYED PA MTSON, DE'I TSE GTUM MO'I ME 'BAR BA NI RDO RJE DANG DRIL BU'I NYI GDAN GYIS MTSON, GTUM MO 'BAR BA'I KUN DA LTA BU'I BYANG SEMS ZHU BA NI ZLA GDAN GYIS MTSON, 'KHOR LO DRUG GI RTZA 'DAB NI RDO RJE DANG DRIL BU'I PADMAS MTSON, 'KHOR LO BZHI LA BRTEN PA'I LUGS 'BYUNG LUGS LDOG GI DGA' BA BZHI BZHI STE BRGYAD NI RDO RJE'I LTE BA DANG DRIL BU'I LCE'I ZUR BRGYAD KYIS MTSON TE, SAMBU tAR, NANG GI YE SHES DBYUG GU NI, ,THAMS CAD SPRO ZHING SDUD PA'O, ,ZHES GSUNGS PA'I PHYIR, DE LTA BU'I LHAN SKYES KYI BDE CHEN DE LA LDOG PAS PHYE NA YE SHES LNGAR YOD PA NI RVA LNGAS MTSON, RVA DE RNAMS CHU SRIN KHA NAS THON PAS SNYING RJES SEMS CAN MI GTONG BA DANG, PADMA'I STENG 'OG GI RIN CHEN PHRENG BA DANG 'OD ZER GYI RI MOS GDUL BYA'I RE BA SKONG BA'I 'PHRIN LAS RGYAS PA MTSON TE, RDO RJE MKHA' 'GRO LAS, DBUS KYI KHOG PA ZAB PA DANG, ,THAMS CAD DAG BYED BCUD KYI GNAS, ZHES GSUNGS PA'I PHYIR, GZHAN YANG, RDO RJES GNYIS SU MED PA'I YE SHES THUGS DANG, ZHAL DANG SA BON SOGS

, ,KYIS MTSAN PA'I DRIL BUS LUS DANG, STONG NYID SGROG PA'I DRIL BU'I SGRAS GSUNG MTSON NO, ,MDOR NA DE GSUM KA DON DAM PA'I BYANG CHUB KYI SEMS KYI NGO BOR MOS PAS RDO RJE GSUM DBYER MI PHYED PA'I BDAG NYID DU LTAR GOS TE, MAN SNYER, RDO RJE THUGS DANG DRIL BU SKU DANG DE'I SGRA GSUNG NGO, ,ZHES GSUNGS PA'I PHYIR, DE LTAR NA BDE BA CHEN PO'I YE SHES NGES DON GYI RDO RJE DANG, STONG NYID RTOGS PA'I SHES RAB NGES DON GYI DRIL BU YIN ZHING, NGES DON GYI RDOR DRIL, NANG GI RDOR DRIL, MTSON BYA DON GYI RDOR DRIL RNAMS DON GCIG ,NGES DON GYI RDOR DRIL BDE STONG DBYER MED KYI YE SHES LA DBYE NA LAM LNGA YOD DE, KHA SBYOR LAS, RDO RJE SPRO BA'I SBYOR BA YIS, ,RDO RJE SEMS CAN 'KHOR BA SGROL, ,RDO RJE DGUG PA'I RNAL 'BYOR DANG, ,RDO RJE RENGS PA'I RNAL 'BYOR RIG ,MUN PA LTA BU'I NYON MONGS PA, ,RNAM SHES MAR ME DANG LHAN CIG ,YE SHES RDO RJES GZHOM PAR BYA, ,SNANG BA'I PHYOGS NI THOB PA YI, ,RDO RJE SGRUB PA THAMS CAD LA,, RDO RJE BDAG CES BSTAN PA YIN, ZHES GSUNGS PA'I PHYIR, BYIN GYIS BRLAB TSUL DNGOS KYI SNGAGS DANG TSIGS BCAD RNAMS NI SAMBU tA DANG GUR LAS GSUNGS SO, ,RDO RJE 'DZIN PA'I SNGAGS DON YANG GZHAG TU YOD DE, AOm LA YI GE AA AU MA GSUM YOD PAS, SKU GSUNG THUGS RDO RJE GSUM SO SOR MTSON, AA LA AU BCUG PAS AOR SOR, DE LA MA YIG THIG LER BYIN PAS AOm YIG GCIG TU GYUR PAS NA SKU GSUNG THUGS KYI RDO RJE GSUM DBYER MI PHYED PA MTSON PA YIN

BA'I PHYIR, MTSON DON DE DRAN PA'I SGO NAS AOm ZHES LAN GCIG BRJOD PAS KYANG BSOD NAMS DPAG TU MED PA LEN PAS NOR BU 'DZIN PA'I SNGAGS ZHES BRJOD PA YIN TE, RGYUD RDO RJE RTZE MO LAS, AOm NI CI ZHIG YIN PAR BRJOD, ,MCHOG DANG NOR STER DPAL DANG GA-YAL, ,SKAL BZANG RNAM PA DANG LDAN DANG, ,DAM BCA' BA DANG BKRA SHIS DON, ,NOR BU 'DZIN PA'I SNGAGS SU BRJOD, CES GSUNGS PA'I PHYIR, SARBA TA TH'A GA TA NI DE BZHIN GSHEGS PA THAMS CAD, SIDDHI NI GRUB PA, BADZRA NI RDO RJE, SA MA YA NI DAM TSIG ,TIshthA NI MNOS PA'I BRTEN PA, AE shA STVAm DHAR Y'A MI NI 'DI BDAG GIS GZUNG BAR BGYI, HI LNGAS YE SHES LNGA DANG, H'Um GSUM GYIS SKU GSUNG THUGS KYI RDO RJE GSUM DBYER MI PHYED PA MTSON, PHAt NI DON DE GSAL BAR BYED PA DANG, SV'A H'A NI SDIG PA 'JOMS PA DANG, DGE BA 'PHEL BA SOGS KYI BYED LAS DANG LDAN PAS DBUGS 'BYIN PA STE, RTZE MO LAS, SV'A H'A ZHES NI CI YIN BRJOD, ,SDIG PA THAMS CAD ZHI BYED CING, ,DGE BA'I TSOGS NI 'PHEL BAR BYED, ,NYES PA THAMS CAD 'PHROG BYED CING, ,SDUG BSNGAL THAMS CAD 'JOMS PA'I MCHOG ,CES GSUNGS, MDOR NA DE BZHIN GSHEGS PA THAMS CAD KYI GRUB PA RDO RJE'I DAM TSIG 'DI BRTAN PAR GZUNG BAR BGYI, DE GANG ZHE NA, RDO RJE SEMS DPA'I RANG BZHIN YE SHES LNGA'I BDAG NYID SKU GSUNG THUGS DBYER MI PHYED PA BDE BA CHEN PO'I YE SHES DE'O, ZHES PA'O, ,DRIL BU 'DZIN PA'I SNGAGS DON YANG BZHAG TU YOD DE, BADZRA GHAntA H'Um, ZHES PA'I BADZRA GHAntA

, ,NI RDO RJE DRIL BU STE CHOS THAMS CAD BDEN STONG MNYAM PA NYID DU RTOGS PA'I SHES RAB NI DRIL BU'I NGES DON YIN LA, MTSON DON DE DRAN PA'I SGO NAS DRIL BU DKROL ZHING, DE'I SGRAS KYANG STONG PA NYID KYI SGRA BSGRAGS PAR BSAM PA YIN PA'I PHYIR, H'Um GIS YE SHES LNGA YUL DANG BCAS PA MTSON ZHING, MTSON DON DE DRAN PA'I SGO NAS LAN CIG BRJOD PAS KYANG SDUG BSNGAL RGYU BCAS GCOD PA YIN TE, RDO RJE RTZE MO LAS, YI GE H'Um NI CI YIN BRJOD, ,SDUG BSNGAL 'CHOS SHING 'JOMS PAR BYED, ,GDUG PA SNGAGS KYIS GSOD BYED CING, ,SRING PA'I ZHAGS PA GCOD PAR BYED, ,H'Um NI MCHOG TU DRAN PAR BYA, ZHES GSUNGS, DE'I RJES SU RDOR DRIL GYI MTSON DON BDE STONG DBYER MED KYI YE SHES RANG RGYUD LA BSKYED DE, RDO RJE SEMS DPA' LA SOGS PA'I SANGS RGYAS THAMS CAD MNYES PAR BYA'O SNYAM DU SEMS SHING BRJOD NAS H'Um GLUR BLANG BAR BYA'O, ,RDO RJE GSOR BA'I DGOS PA DE STON PA LA, SEMS CAN RMONGS PA 'BRAL BA YI, ZHES SOGS SHLO KA GCIG BYUNG, 'DI'I DON NI, NGES DON GYI RDO RJE BDE STONG DBYER MED KYI YE SHES DE CHOS CAN, GSOR BA STE RANG RGYUD LA SKYED PA NI MDZES PA STE BZANG PO YIN TE, SEMS CAN RNAMS KYI RMONGS PA MA RIG PA 'BRAL BAR BYAS PA'I SGO NAS 'KHOR BA'I SDUG BSNGAL LAS RNAM PAR THAR BAR 'GYUR BA'I BYA BA BYED PA'I PHYIR, DE LTAR BYED NUS PA'ANG YIN TE, YE SHES DES CHOS THAMS CAD KYI DE KHO NA NYID RTOGS PA'I PHYIR, DES NA GNYIS

SU MED PA'I YE SHES NANG GI RDO RJE DANG, DE MTSON PA'I RDO RJE SPRO BA DANG BCAS PAS GZUNG RIGS TE, RGYU MTSAN BSHAD MA THAG PA DE'I PHYIR, DE NAS RDO RJE BYANG PHYOGS SOGS PHYOGS BRGYAD DU GSOR ZHING, H'Um GSUM DANG HO GSUM BRJOD PA YIN TE, SAMBU tAR, BYANG DU RDO RJE GSOR NAS NI, ,PHYI NAS BLO LDAN YANG DAG GANG BA, CES GSUNGS PA'I PHYIR, H'Um GSUM GYIS RDO RJE GSUM PHAN TSUN DBYER MED PA MTSON, HO GSUM GYIS CHUNG 'BRING CHE GSUM GYI SEMS CAN 'KHOR BA LAS GROL BAR BYED PA MTSON, DRIL BU DKROL BA'I DGOS PA DANG DKROL TSUL, AOm BADZRA DHARMMA: RA nI TA ZHES SOGS KYIS BSTAN, 'DI'I DON YANG GZHAG TU YOD DE, AOm NI SNGAR BZHIN, BADZRA NI RDO RJE STE, DES STONG PA NYID MTSON PA YIN TE, RTZE MO LAS, SRA ZHING SNYING PO KHONG STONG MED, ,BSREG TU MED CING GCAD DU MED, ,GZHIG TU MED CING GNYIS MED PHYIR, ,STONG NYID RDO RJER BRJOD PAR BYA, ZHES GSUNGS PA'I PHYIR, DHARMMA: NI CHOS, RA nI TA NI SGROG PA, PRA RA nI TA NI RAB TU SGROG PA, SAm PRA RA nI TA NI KUN TU RAB TU SGROG PA, SARBBA BUDDHA NI SANGS RGYAS THAMS CAD, KshI TRA NI ZHING, PRA TZA LI NI GA-YO BA, PRADZNY'A PA RA MI T'A NI SHES RAB KYI PHA ROL TU PHYIN PA, N'A DA NI SGRA, SVA BH'A BA NI RANG BZHIN, BADZRA SATVA NI RDO RJE SEMS DPA', HRi DA YA NI THUGS, SANTO shA NI KUN TU DGYES BA, H'Um GSUM DANG HO GSUM DANG SV'AH'A NI SNGAR BZHIN, MDOR BSDU NA, STONG PA NYID KYI SGRA SGROG ,RAB TU SGROG ,KUN TU RAB TU SGROG PAS SANGS RGYAS KYI ZHING THAMS CAD GA-YO BAR BYED PA'O, ,GANG GIS

, ,NA; SHES RAB KYI PHA ROL TU PHYIN PA'I SGRA'I RANG BZHIN GYIS SO, ,DGOS PA CI'I PHYIR NA, RDO RJE SEMS DPA'I THUGS DGYES PAR BYA BA'I PHYIR DU'O, ,DE YANG SHES RAB KYI PHA ROL TU PHYIN PA'I RANG BZHIN STONG PA NYID KYI SGRA RAB 'BRING THA MA GSUM GYIS RDO RJE GSUM DBYER MED PA'I RDO RJE SEMS DPA'I THUGS MNYES PAR BYAS PAS SEMS CAN RAB 'BRING THA MA GSUM 'KHOR BA'I SDUG BSNGAL LAS GROL BAR BYA'O ZHES PAR 'GYUR RO, ,DE LTAR SGRUB THABS KYI THOG MAR RDOR DRIL BYIN GYIS BRLABS PA LA CHOS CAN, DGOS PA YOD DE, MTSON BYED DPE'I RDOR DRIL GYIS TSON DON BDE STONG DBYER MED KYI YE SHES DE LAM GYI SROG DAM PAR SHES PA'I CHED YIN PA'I PHYIR, GNYIS PA NANG MCHOD BYIN GYIS BRLAB PA LA LNGA, BSANG BA, SBYANG BA, BSKYED PA, BYIN GYIS BRLAB PA DNGOS, BYIN GYIS BRLABS PA'I DGOS PA BSHAD PA'O, ,DANG PO NI, THOG MAR NANG MCHOD BSANGS BA LA DGOS PA YOD DE, NANG MCHOD KYI BSGRUB GZHI CHANG SOGS LA BGEGS GNAS NAS SGRUB PA PO LA BAR GCOD RTZOM SRID PAS DE SEL BA'I CHED DU YIN PA'I PHYIR, DE YANG BGEGS MTHAR BYED KYI SNGAGS KYIS BSANG DGOS TE, BGEGS MTHAR BYED DE SKABS 'DIR LAS KYI LHA YIN PA'I PHYIR, SNGAGS BRJOD PA'I TSE DMIGS PA YID LA BYED PA'I TSUL YANG YOD DE, RANG ZHE SDANG RDO RJER GSAL BA'I THUGS KA NAS KHRO BO BGEGS MTHAR BYED KYI TSOGS DPAG TU MED PA SPROS TE,

NANG MCHOD KYI BSGRUB GZHI SOGS LA GNAS PA'I BGEGS THAMS CAD BSKRAD PAR BSAM PA YIN PA'I PHYIR, GNYIS PA NI, SH'U N+YA T'A'I SNGAGS KYIS SBYANG BA YIN LA, JI LTAR SBYANG BA'I TSUL YANG YOD DE, BDE STONG DBYER MED KYI YE SHES DE SH'U N+YA T'A'I SNGAGS DON YIN PAS NANG MCHOD KYI BSGRUB GZHI SOGS BDE STONG DBYER MED KYI 'OD GSAL DU BCUG NAS THA MAL GYI SNANG ZHEN SBYANG BA YIN PA'I PHYIR, GSUM PA NI, BDE STONG DBYER MED KYI NGANG LAS YAm RAm GNYIS LAS RLUNG ME'I DKYIL 'KHOR GNYIS BSKYED PA LA DGOS PA YOD DE, BDUD RTZI SBYANG RTOGS SBAR GSUM BYED PA LA NYE BAR MKHO BA'I PHYIR TE, RGYUD PHYI MA LAS, SBAR DANG DE BZHIN SOG PA DANG, ZHES GSUNGS PA'I PHYIR, YAm RAm GNYIS H'Um GNYIS KYI BAR DU CHUD PA DANG, DKYIL 'KHOR GNYIS KYI PHYOGS GNYIS RDO RJES BRGYAN PA LA DGOS PA YOD DE, H'Um GNYIS DANG RDO RJE GNYIS KYIS YE SHES LNGA MTSON PAS SA BON GNYIS DANG DKYIL 'KHOR GNYIS YE SHES LNGA'I BDAG NYID DU MOS BAR BYA BA'I CHED YIN PA'I PHYIR, DE'I STENG DU AOm AA: H'Um LAS MI MGO'I SKYED BU GSUM SKYED PA'I RGYU MTSAN YOD DE, DE GSUM LA THA MAL GYI SNANG ZHEN SBYANGS NAS RDO RJE GSUM DBYER MI PHYED PA'I YE SHES KYI BDAG NYID DU MOS BAR BYA BA'I CHED YIN PA'I PHYIR, DE'I STENG DU A'A: LAS BYUNG BA'I THOD PA BSKYED PA LA DGOS PA YOD DE, A'A: SA ZAB MO STONG PA NYID MTSON PAS, STONG NYID RTOGS PA'I YE SHES KYI GZUNG RNAM THOD PA'I RNAM PAR SHAR

, ,BAR MOS PA'I CHED YIN PA'I PHYIR, DE'I NANG DU A'A: LAS PADMA DMAR PO ZE 'BRU LA A'A: SA MTSAN PA BSKYED PAR BYA BA YIN TE, RGYUD PHYI MA LAS, A'A: LAS BYUNG BA'I PADMA NI, ,DE YI 'OG TU BSGOM PAR BYA, ,ZHES GSUNGS PA'I PHYIR, RDZAS RNAMS THOD PA'I NANG DU 'JOG PA'I RGYU MTSAN YOD DE, THOD PA'I SKAD DOD KA B'A LA ZHES PA BDE BA SKYONG BA LA 'JUG PA DANG, THOD PA'I PHYI DKAR BAS RANG BZHIN RNAM DAG DANG NANG DMAR BAS BDE BA CHEN PO MTSON, DE GNYIS THOD PA GCIG LA TSANG BAS BDE STONG DBYER MED KYI YE SHES MTSON BAS RDZAS RNAMS BDE STONG DBYER MED KYI YE SHES KYI NGO BOR CHUD PAR SHES PA'I CHED YIN PA'I PHYIR, DE'I NANG DU A'A: LAS PADMA BSKYED PA LA DGOS PA YOD DE, A'A: SA SKYE BA MED PA MTSON, PADMAS BDE BA CHEN PO'I YE SHES MTSON PAS PADMA A'A: DANG BCAS PA BDE STONG DBYER MED KYI YE SHES KYI NGO BOR MOS PAR BYA BA'I CHED YIN PA'I PHYIR, PADMA DMAR PO 'DAB MA BRGYAD PA ZE'U 'BRU LA A'A: SA MTSAN PA BSKYED PA LA DGOS BA YOD DE, 'OG NAS 'BYUNG BA'I RDZAS RNAMS YE SHES KYI BDUD RTZIR BSGYUR BA'I CHED YIN PA'I PHYIR, DE NAS SHA LNGA DANG BDUD RTZI LNGA SGRUB THABS LAS 'BYUNG BA LTAR BSKYED PA YIN CHEN DAG NI BZA' BYA ZHING, ,LHA RNAMS LA NI DBUL BAR BYA, CHEN DAG NI BZA' BYA ZHING, ,LHA RNAMS LA NI DBUL BAR BYA, ,DE LTAR BYAS NA MGON PO MNYES, ,ZHES SHA LNGA DANG BDUD RTZI LNGA SGRUB PA PO RANG NYID KYIS LONGS SPYOD CING LHA RNAMS LA DBUL BAR GSUNGS NAS, SLAR YANG SBYANG RTOGS SBAR GSUM BYED TSUL

DANG; BZA' TSUL RNAMS DRIS LAN GYI SGO NAS GTAN LA 'BEBS PA LA, RGYUD PHYI MA LAS, BDUD RTZI LNGA RNAMS JI LTAR BZA', ,DE BZHIN DPA' BO LNGA GANG LAGS, ,ZHES DRIS PA'I LAN DU, THA MAL LUS KYI CHOS LA NI, ,DRI MA LNGA RNAMS SBYANG BA NI; ;YE SHES LNGA YIS BYIN RLABS PAS, ,BDUD RTZI LNGA ZHES BYA BAR BSHAD, ,SBAR DANG DE BZHIN BSREG PA DANG, ,SNANG BAR BYA DANG GZUGS SNANG LA, ,SNGAGS KYI LUS SU RAB SBYOR BAS, ,BDUD RTZI LNGA NI BZA' BAR BYA, ZHES GSUNGS SHING, RDO RJE 'PHRENG BA LAS KYANG SHA LNGA DANG BDUD RTZI LNGA'I NGOS 'DZIN SGRUB THABS BZHIN DU GSAL BAR GSUNGS PA'I PHYIR, SHA LNGA DANG BDUD RTZI LNGA'I DANG PO BZHI LA MI MTHUN PA MED CING, BDUD RTZI LNGA BA'I NGOS 'DZIN LA MI MTHUN PA MANG YANG RANG LUGS SHA CHEN LA NGOS 'DZIN PA YIN TE, RDO RJE PHRENG BA LAS, DE BZHIN DON YOD GRUB PA SHA, ZHES GSUNGS PA'I PHYIR, BDUD RTZI LNGA LA THUN MONG DU AOm YIG GIS MTSAN PAR BYED DGOS TE, AOm GYIS MTSAN PA'I BDUD RTZI NI, ,DE YI 'OG TU BZHAG PAR BYA, ZHES GSUNGS PA'I PHYIR, DE LTAR BYAS PA LA DGOS PA YOD DE, 'OG NAS 'BYUNG BA'I BDUD RTZI MANG POR SBAR ZHING SPEL BA'I CHED YIN PA'I PHYIR, SHA LNGA DANG BDUD RTZI LNGA 'GOD TSUL LA, SPYIR RDZAS BCU BO DE DBUS DANG PHYOGS BZHIR 'GOD PA DANG, SHA LNGA DBUS DANG PHYOGS BZHIR BKOD NAS BDUD RTZI LNGA DBUS DANG MTSAMS BZHIR BKOD PA DANG, BDUD RTZI LNGA DBUS DANG PHYOGS BZHIR BKOD NAS SHA LNGA DBUS NANG MTSAMS BZHIR 'GOD TSUL GSUM LAS, SKABS 'DIR NI DANG PO LTAR BYED PA YIN TE, SKABS 'DIR RDZAS BCU BO RE RE NAS

, ,GSHEGS PA LNGA RE RE'I NGO BOR SKYED PA GANG ZHIG ,GSHEGS PA LNGA DKYIL 'KHOR LA 'GOD PA'I TSE DBUS DANG PHYOGS BZHIR 'GOD PA YIN GYI, MTSAMS BZHIR 'GOD PA MI RIGS PA'I PHYIR, GNYIS PA NI, 'JIGS BYED SOGS KYI LUGS DANG, GSUM PA NI BDE MCHOG SOGS KYI LUGS YIN NO, ,SHA LNGA DANG BDUD RTZI LNGA GSHEGS PA LNGA'I SA BON LAS BSKYED CING SLAR YANG YI GE DE DAG GIS MTSAN PAR BYAS PA LA CHOS CAN, DGOS PA YOD DE, RDZAS BCU PO DE YE SHES LNGA'I BDAG NYID LAS BYUNG ZHING SLAR YANG YE SHES LNGA'I BDAG NYID LAS MA 'DAS SO, ,ZHES SHES PAR BYA BA'I CHED YIN PA'I PHYIR, SHA LNGA BDUD RTZI'I RDZAS SU 'JOG PA'I RGYU MTSAN YOD DE, DE LNGA SBYANG RTOGS SBAR GSUM BYAS NAS SGRUB PA PO BDAG NYID KYIS LONGS SPYAD CING LHAG PA'I LHA LA PHUL BAS, DNGOS GRUB MYUR DU 'GUGS PA'I LCAGS KYU LNGA DANG, DNGOS GRUB GSAL BAR BYED PAS SGRON MA LNGA ZHES RJOD PA'I PHYIR, DRI CHU SOGS LNGA PO YANG BDUD RTZI'I RDZAS SU 'JOG PA'I RGYU MTSAN YOD DE, DE LNGA SBYANG RTOGS SBAR GSUM BYAS NAS SGRUB PA PO BDAG NYID KYIS LONGS SPYAD CING LHAG PA'I LHA LA PHUL BAS, 'CHI MED RIG 'DZIN GYI DNGOS GRUB MYUR DU 'GRUB PAS DE LTAR BZHAG PA YIN PA'I PHYIR, BZHI PA LA YANG SBYANG RTOGS SBAR GSUM LAS, DANG PO NI, DE DAG GI STENG GI BAR SNANG LA NYI MA'I DKYIL 'KHOR GYI STENG DU H'Um YIG LAS SKYES PA'I RDO RJE DKAR PO RTZE LNGA BA LTE BA LA H'Um GIS MTSAN PA SGOM

DGOS TE, RGYUD PHYI MA LAS, RDO RJE H'Um LAS BYUNG BA NI, ,BAR SNANG LA GNAS BSAM PAR BYA, ZHES GSUNGS PA'I PHYIR, DE LTAR BSGOM PA LA CHOS CAN, DGOS PA YOD DE, RDZAS RNAMS KYI KHA DOG DRI RO NUS PA'I SKYON SBYANG BA'I CHED YIN PA'I PHYIR; H'Um GIS DE LTA BU'I NUS PA'I SKYON SBYONG NUS PA YANG YIN TE, H'Um DE THUGS RDO RJE'I SA BON GANG ZHIG ,THUGS RDO RJE BDE STONG DBYER MED KYI YE SHES DE, MA DAG PA'I SNANG ZHEN SBYONG BA'I THABS MCHOG TU GYUR BA YIN PA'I PHYIR, DE YANG H'Um LAS BYUNG BA'I RDO RJE DKAR BO RTZE LNGA PA LTE BA LA H'Um GIS MTSAN PA, DE LAS 'OD 'PHROS, RLUNG GA-YO BA ME SBAR, THOD PA'I NANG GI RDZAS RNAMS ZHU ZHING KHOL BA'I NANG DU RDO RJE NYI GDAN DANG BCAS PA LHUNG NAS DKRUGS PAS RDO RJE DANG RDZAS RNAMS RO MNYAM DU GYUR, DRI MA THAMS CAD SBYANGS, SHEL LTAR DAG PAR BSAM PAR BYA BA YIN TE, DE NYID LAS, SBAR DANG DE BZHIN SREG PA DANG, ,SNANG BAR BYA DANG, ZHES PA DANG, DE'I RGYAS BSHAD DU, RDO RJE PADMA MNYAM SBYAR BAS, ,'BAR BAS RNAL 'BYOR TSIM PAR BYA, ,SHEL DANG MTSUNGS PAR SNANG GYUR CING, ZHES GSUNGS PA'I PHYIR, GNYIS PA NI, DE'I 'OG TU RTOGS PAR BYED TSUL YOD DE, PADMA A'A: DANG BCAS PA ZHU BAS NYI MA LTAR 'BAR BA'I 'OD KYIS YE SHES KYI BDUD RTZI'I NGO BOR RTOGS PA STE SGYUR BAR BYED PA YIN PA'I PHYIR TE, GZUGS SNANG ZHES PA'I RGYAS BSHAD DU, YE SHES NYI MA GNYIS PAR 'BYUNG, ZHES GSUNGS PA'I PHYIR, A'A: SA BDUD RTZIR RTOGS PA STE,

, ,SGYUR BA'I RGYU MTSAN YOD DE, A'A: DE GSUNG RDO RJE 'OD DPAG MED KYI SA BON GANG ZHIG ,GSUNG RDO RJE 'OD DPAG MED DE 'CHI MED TSE'I BDUD RTZI LA MNGA' BRNYES BA'I LHA YIN PAS DE LTAR BZHAG PA'I PHYIR, GSUM PA NI DE NAS SBAR BAR BYED TSUL YOD DE, AOm YIG GI 'OD ZER LCAGS KYU LTA BUS PHYOGS BCU'I DE BZHIN GSHEGS PA THAMS CAD KYI YE SHES KYI 'DUD RTZI BKUG NAS BSNAN PAS MANG POR SBAR ZHING SPEL BAR BSAM PAR BYA BA YIN PA'I PHYIR TE, SNGAGS RNAMS KUN GYI YE GE AOm, ,BSGOMS NA RE MA THAG TU 'BAR, ZHES DANG, DE'I RGYAS BSHAD DU, PHYOGS BCU'I 'JIG RTEN KHAMS RNAMS KYI, ,MTSON CHA MCHOG GIS DRANGS NAS NI, ,BDUD RTZI DE RU PHAB NAS KYANG, ,BZA' BA'I SBYOR BAS BZA' BAR BYA, ZHES GSUNGS PA'I PHYIR, AOm YIG GIS BDUD RTZI MANG POR SBAR ZHING SPEL BA'I RGYU MTSAN YOD DE, AOm SKU RDO RJE RNAM SNANG GI SA BON GANG ZHIG ,SKU RDO RJE RNAM SNANG DANG YE SHES KYI BDUD RTZI GNYIS DGE BA'I GZUGS PHUNG GI NGO BOR MTSUNGS PAS DE LTAR BZHAG PA'I PHYIR, MDOR NA YI GE GSUM LAS BSKYED CING, DE NYID LAN GSUM MAM BDUN CI RIGS BRJOD PA'I SGO NAS SBYANG RTOGS SBAR GSUM BYED DGOS TE, RGYUD PHYI MA LAS, YIG GSUM SA BON LAS BSKYED BYA; ;GZHAN DU DE NI 'GRUB MI 'GYUR, ZHES GSUNGS PA'I PHYIR, GZHAN YANG, NANG MCHOD BYIN BRLAB NGES DON RDZOGS RIM ZAB MO DANG SBYOR TSUL YANG YOD DE, SH'U N+YA T'I'I SNGAGS TSAN DRUG DANG, SLAR YANG GSUM DU BCUD PAS NANG GI RKYEN RDOR BZLAS DANG

RDO RJE NYI GDAN DANG BCAS PA THOD PAR LHUNG NAS DKRUGS PAS, PHYI'I RKYEN RDO RJES PADMA SRUNG BA DANG, RLUNG DANG ME DKYIL GNYIS KYIS, PHYI NANG GI RKYEN GNYIS KYIS DH'U T'I'I NANG DU THUR SEL GYI RLUNG ZHUGS TE GTUM MO 'BAR BA DANG, ME DKYIL GYI STENG GI YI GE GSUM GYIS SEMS DBEN MTHAR THUG GI SNANG MCHED THOB GSUM DANG, SKYED BU GSUM GYI LUS NGAG YID GSUM DANG LDAN PA'I RIM PA GSUM PA'I PHRA BA'I SGYU MA'I SKU DANG, THOD PAS RIM PA BZHI BA'I 'OD GSAL DANG, SHA LNGA DANG BDUD RTZI LNGAS ZUNG 'JUG GI SKABS KYI DAG PA'I SGYU LUS DANG DON GYI 'OD GSAL CI RIGS PA MTSON ZHING, PHYIS KYI YI GE GSUM GYIS 'BRAS BU'I SKABS KYI SKU GSUM YANG MTSON PA YIN PA'I PHYIR, LNGA PA NI, NANG MCHOD BYIN GYIS BRLABS PA LA CHOS CAN, DGOS PA YOD DE, BLA MA DANG LHAG PA'I LHA MNYES PAR BYA BA DANG SGRUB PA PO RANG NYID BZA' BA'I DAM TSIG STEN PA DANG, BDUD RTZI RIL BU SGRUB PA LA NYE BAR MKHO BA DANG, 'OG NAS 'GYUR BA'I MCHOD GTOR SOGS BYIN GYIS BRLAB PA LA, NANG MCHOD KYIS BSANG GTONG BYED BA NUS LDAN DU BYA BA'I CHED YIN PA'I PHYIR TE, BHU BA BLO LDAN GYIS, BI MU MA RA 'DI LEGS BKANG, ,BGEGS KUN RNAM PAR SEL BAR BYED, CES DANG, PIR KHRA BAS, DE RJES YI GE GSUM SNGAGS KYIS, MDON LNGA BSNGAGS PA'I DAM TSIG CHUS, ,MCHOD RDZAS RNAMS LA BSANG GTOR BYA, ZHES GSUNGS PA'I PHYIR, GSUM PA NI, SNGON 'GRO GTOR MA BYA BA 'PHAGS

, ,BA YAB SRAS KYIS DNGOS SU MA GSUNGS KYANG, BOD KYI BLA MA SNGA MA RNAMS KYI PHYAG LEN DU YOD PA LTAR BYA RIGS TE, BI BH'U TAS BDE MCHOG DANG, GRUB CHEN MTSO SKYES KYIS KYEE RDOR DANG, L'A LI TAS 'JIGS BYED LA SNGON 'GRO GTOR MA BYED PAR BSHAD CING, MKHA' 'GRO RGYA MTSO LAS ZHING SKYONG LA SNGON 'GRO GTOR MA BYED PAR GSUNGS PA GANG ZHIG ,DE DAG GI RIGS PA SBYAR DU RUNG BA'I PHYIR, GANG LA DBUL BA'I YUL NI SKABS 'DIR PHYOGS SKYONG YIN LA, DE LA YANG NAG PHYOGS LA DGA' BA DANG, DKAR PHYOGS LA DGA' BA'I PHYOGS SKYONG GNYIS LAS, 'DIR NI PHYI MA YIN NO, ,DBANG PO LA SOGS PA'I PHYOGS SKYONG RNAMS LA RDO RJE MTSON CHA SOGS KYI MING GIS BRJOD PA'I RGYU MTSAN YOD DE, DE RNAMS LA SNGON STON PA RDO RJE 'CHANG GIS DBANG BSKUR DUS KYI GSANG MTSAN GYI SGO NAS BRJOD PA YIN PA'I PHYIR, PHYOGS SKYONG RNAMS SPYAN 'DREN TSUL DANG, PHYOGS MTSAMS SU 'GOD TSUL DANG, SKU MDOG PHYAG MTSAN SOGS RJE BLA MAS SGRUB THABS SU GSUNGS PA LTAR BYA BA YIN TE, DE LTAR DU MAN SNYE LAS BSHAD PA'I PHYIR, PHYOGS SKYONG RNAMS RANG RIGS KYI LHAR SKYED PA DANG, LHAG PA'I LHA 'BA' ZHIG TU SKYED TSUL GNYIS LAS, 'DIR NI PHYI MA LTAR BYA BA YIN TE, 'DUS PA'I LHA SHES RAB MA DANG BCAS PA'I SKUR SKYED BA YIN PA'I PHYIR, PHYOGS SKYONG RNAMS BDE STONG DBYER MED KYI 'OD GSAL DU BCUG NAS RDO RJE 'CHANG DU

BSKYED PA LA DGOS PA YOD DE, PHYOGS SKYONG RNAMS LA THA MAL GYI SNANG ZHEN SBYANG BA DANG, DE RNAMS LA PHAN GDAGS PAR BYA BA'I CHED YIN PA'I PHYIR, DE YANG CHU BZHI NYER SPYOD ROL MO DANG BCAS PA 'OG NAS 'BYUNG BA LTAR BYIN GYIS BRLAB CING, GTOR MA NANG MCHOD LTAR BYIN GYIS BRLAB PA YIN LA, SNGON DU CHU BZHI 'BUL BA NI, RGYA GAR DU ZAS LA LONGS SPYOD PA'I SNGON DU KHRUS BYAS TE GTZANG SPRA LA GNAS PA DANG SGO BSTUN NAS MDZAD PA YIN NO, ,CHU BZHI 'BUL BA'I SNGAGS DON BZHAG TU YOD DE, THOG MTHA'I AOm A'A: H'Um GSUM NI RDO RJE GSUM GYI SA BON DANG, HR'I: SA NI SHES RAB KYI PHA ROL DU PHYIN PA MTSON, PRA NI RAB, W'AR NI MCHOG TU, SAD K'A RIN BSNYEN BKUR BA, AARGHAm NI MCHOD YON, PRA T'ITZTSA SO SOR BZHES, SV'AH'A DBUGS 'BYIN PA'I DON YIN PA'I PHYIR, GTOR MA 'BUL TSUL DNGOS LA RANG RANG GI DAM TSIG GI PHYAG RGYA BSTAN NAS 'BUL BA DANG, RDO RJE THAL MO KHA PHYE NAS 'BUL BA DANG, RDO RJE GSOR DRIL BU DKROL ZHING, CHOS NYID SKYE BA MED PA'I DON DRAN PAR BYAS TE 'BUL BA'I TSUL GSUM LAS, 'DIR NI PHYI MA LTAR BYAS LA, AOm A'A: DUS GSUM SKYES PA KUN DANG PHYOGS BCU YI, ZHES SOGS KYIS 'BUL BA YIN NO, ,DE YANG, DUS GSUM SKYES PA KUN DANG PHYOGS BCU YI, ZHES PA NAS, NAM MKHA'I KHAMS KYI YONGS SU MTHAR THUG PA'I, ZHES PA'I BAR GYIS PHYOGS BCU DUS GSUM GYIS BSDUS PA'I SNOD BCUD KYI 'JIG RTEN GYI KHAMS THAMS CAD DON DAM PAR RANG BZHIN GYIS GRUB

, ,PAS STONGS PA'I CHOS KYI DBYINGS KYI RANG BZHIN DU 'DU ZHING, THA SNYAD DU PHAN TSUN LTOS NAS GRUB PA'I RTEN CING 'BREL PAR 'BYUNG BA TZAM DU BSTAN, DUS GSUM SKYES PA ZHES PA NAS, SA YI LHA MO 'KHOR DANG BCAS PA LA, ZHES PA'I BAR GYIS GTOR MGRON NGOS BZUNG, ME TOG DAG DANG, ZHES PA NAS, NYE BAR LONGS SPYAD NAS, ZHES PA'I BAR GYIS GTOR MA 'BUL BA DNGOS BSTAN, BDAG GI DBYIG GSER NOR 'BRU LANG TSO CHE, ZHES PA NAS, RNAM PAR 'JIG PAR MDZOD, CES PA'I BAR GYIS SGRUB THABS DNGOS GZHI SGOM PA SOGS LA BGEGS KYI BAR CHAD MI 'BYUNG BA'I 'PHRIN LAS 'CHOL TSUL DE BSTAN, BDAG LA DBYIG GSER NOR 'BRU LANG TSO CHE, ZHES PA NAS, BSRUNG BAR MDZAD DU GSOL, H'Um SV'AH'A, ZHES PA'I BAR GYIS SGRUB THABS DNGOS GZHI SGOM PA'I MTHUN RKYEN DANG, GZHAN YANG BYANG CHUB SGRUB PA'I MTHUN RKYEN BYANG CHUB SNYING PO'I BAR DU SGRUB PA'I 'PHRIN LAS 'CHOL TSUL BSTAN PA YIN NO, ,'O NA RDO RJE PHRENG BAR GTOR SNGAGS KYIS 'BUL BAR BSHAD PA DANG 'GAL LO ZHEN, SKYON MED DE, 'JUG PA BDE BA'I PHYIR GTOR SNGAGS BOD SKAD DU BSGYUR BA YIN PA'I PHYIR, DES NA DUS GSUM SKYES PA ZHES SOGS KYI TSIGS BCAD RNAMS YI GE GSUM GYI BAR DU SPEL BA LA DGOS PA YOD DE, MCHOD PA'I 'KHOR GSUM PO RDO RJE GSUM GYI BDAG NYID CAN GYI BDE STONG DBYER MED KYI NGO BOR MOS DGOS SO ZHES SHES PAR BYA BA'I TSAD YIN

PA'I PHYIR, SV'AH'A NI SNGAR BZHIN NO, ,DE'I RJES SU YANG CHU GNYIS DANG SO RTZI 'BUL BA'I RGYU MTSAN YOD DE, RGYA GAR DU ZAS LA LONGS SPYOD PA'I RJES SU YANG KHRUS BYED CING SO RTZI SKUD PA DANG SGO BSTUN NAS MDZAD PA YIN PA'I PHYIR, DE NAS PHYI NANG GI MCHOD PAS MCHOD, YI GE BRGYA BA BZLAS, NONGS PA BZOD PAR GSOL NAS GSHEGS SU GSOL BA YIN LA, GZHAN RNAMS NI GO SLA ZHING, MCHOD PA'I SNGAGS DON AOm NI BSHAD ZIN, DA SHA DI GA NI PHYOGS BCU, LO KA P'A LA NI 'JIG RTEN SKYONG BA, SA PA RI W'A RA NI 'KHOR DANG BCAS PA, PUshPAm NI ME TOG ,LHAG MA NI SNGAR BSHAD ZIN PAS, ,DON BSDU NA, PHYOGS BCU'I 'JIG RTEN SKYOD PA 'KHOR DANG BCAS PAS ME TOG SO SOR BZHES ZHES PA STE BDUG SPOS SOGS LA'ANG DE BZHIN DU SBYAR RO, ,DE LTAR NA THOG MAR SNGON 'GRO GTOR MA PHUL BA LA CHOS CAN, DGOS PA YOD DE, SGRUB THABS DNGOS GZHI SGOM PA LA BGEGS KYI BAR CHAD BZLOG PA DANG, MTHUN RKYEN PHUN SUM TSOGS PA SGRUB PA'I 'PHRIN LAS 'CHOL BA'I CHED YIN PA'I PHYIR, BZHI PA NI, BSANG BA'I BGEGS LA, MCHOD YON LA CHU LTAR GA-YO BA'I BGEGS, ME TOG LA 'JIG RTEN MA TOG ,BDUG SPOS LA NAG PO, MAR ME LA RTZE MO CAN, DRI CHAB DANG LHA BSHOS LA ZAS SU DRI ZAB DANG, GTOR MA ZAB, ROL MO LA ZLOS GAR MKHAN ZHES BYA PA'I BGEGS GNAS PAS BSANG DGOS TE, DPUNG BZANG LAS, GA-YO ZHING 'GUL BZHES NI BYA BA'I BGEGS, ,CHU NANG SKYES BU 'KHRUNG PA'I

, ,TSE NA 'DZIN, ,DE NI LUS KYANG SNYOM ZHING GNYID KYANG CHE, ,DE BZHIN LUS LCI MTSOG TU KHRO BAR 'GYUR, ,ME TOG 'BUL TSE ME TOG CHER BKOD PA, ,RANG GI GNAS SKABS RNYED NAS LUS LA 'JUG ,RIMS DANG CHAM PA LUS TSIGS NA BA DANG, ,GROGS PO DAG DANG RNAM PAR 'BRAL BAR BYED, ,NAG PO'I LUS CAN SA NI BRTOL NAS SU, ,BDUG PA RAB TU 'BUL PA'I TSE NA 'JUG ,'JUNGS DANG GA-YO SGYU CHE ZHING ME BSRUN LA, ,'DOD CHAGS CHE ZHING RAB GTUM KHU BA 'DZAG ,MAR ME GTZUG PHUD GCIG PA BGEGS BYED DE, ,SNYING GAR CHE ZHING GZER THABS SEMS NYAMS BYED, ,'GRENG BA'I TSE NA GTZUG 'CHANG 'JUG 'GYUR TE, ,RIMS DANG 'KHRU SKYUG DRAG POS 'DEBS PAR BYED, ,DE BZHIN DRI ZA ZHES NI BYA BA'I BGEGS, ,DA NI DRI 'PHUL CHE NA LUS LA 'JUG ,YUL DANG RGYAL PO GNYEN DANG NOR LA SEMS, ,SNYOM ZHING BUD MED DAG LA CHAGS PAR 'GYUR, ,ZHES GSUNGS PA'I PHYIR, DES NA BSANG SBYANG SNGAR LTAR BYAS NAS, A'A: LAS BYUNG BA'I THOD PA YANGS SHING RGYA CHE BA RNAMS SKYED PA YIN ZHING, MCHOD RDZAS KYI SNOD A'A: LAS BSKYED PA LA DGOS PA YOD DE, A'A: 'I NGES DON SROG 'DZIN SHIN TU PHRA BA LAS RANG 'BRAS DAG PA'I SNOD RNAMS SKYED PA DE MTSON BA SHES PA'I CHED YIN PA'I PHYIR, DE'I NANG DU MCHOD RDZAS RNAMS SKYED PA YIN LA, SKYED TSUL LA YANG, SGYU 'PHRUL DRA BAR A'A: LAS SKYED PA DANG, RTAG GNYIS LAS, SNA TSOGS H'Um LAS

RDZOGS PA DANG, ZHES H'Um LAS SKYED PA DANG, RGYUD 'GA' ZHIG TU RANG RANG GI MING YIG DANG PO THIG LES BRGYAN PA LAS SKYED PA'I TSUL GSUM GSUNGS PA LAS, 'DIR PHYI MA LTAR BYA BA YIN ZHING, DE LTAR BSKYED PA LA CHOS CAN, DGOS PA YOD DE, MCHOD RDZAS RNAMS MING RKYANG BTAGS YOD TZAM DU SHES PAR BYA BA'I CHED YIN PA'I PHYIR, MING RKYANG BTAGS YOD TZAM GYI MCHOD RDZAS DE DAG CHOS CAN, KHYAD PAR GSUM LDAN DU BSGOM PAR BYA BA YIN TE, NGO BO'I KHYAD PAR BDE STONG DBYER MED KYI YE SHES YIN PA, RNAM PA'I KHYAD PAR ME TOG LA SOGS PA'I MCHOD RDZAS SO SO'I RNAM PAR SHAR BA, BYED LAS KYI KHYAD PAR MGRON RNAMS KYI DBANG PO DRUG SO SO'I SPYOD YUL DU ZAG PA MED PA'I BDE BA KHYAD PAR CAN SKYED PA'I KHYAD PAR DANG LDAN PAR BSGOM PA YIN PA'I PHYIR, BYIN GYIS BRLAB TSUL DNGOS NI, YIG 'BRU GSUM GYI BAR DU MCHOD YON SOGS KYI MING SNGAGS SPEL BA AOm AARGHAm A'A: H'Um, ZHES SOGS KYIS BYIN GYIS BRLAB PA YIN LA, DE LTAR YIG 'BRU GSUM DANG MCHOD RDZAS SO SO'I MING SNGAGS SPEL BA LA CHOS CAN, DGOS PA YOD DE, MCHOD RDZAS RNAMS RDO RJE GSUM GYI BDAG NYID DU BYIN GYIS BRLAB PA'I CHED YIN PA'I PHYIR TE, 'BRAS DUS KYI NGES DON GYI RDO RJE GSUM DBYER MI PHYED PA'I BDAG NYID BDE STONG DBYER MED KYI YE SHES DE ME TOG LA SOGS PA'I RNAM PAR SHAR BAR MOS PAR BYA BA YIN PA'I PHYIR, MNGON DU MCHOD RDZAS BYIN GYIS BRLABS PA LA CHOS CAN, DGOS

, ,PA YOD DE, BLA MA DANG DKYIL 'KHOR PA'I LHA MCHOD PAS MNYES PAR BYA BA DANG, SGRUB PA PO RANG NYID KYIS 'DOD YON GYI RANG BZHIN SHES PA'I SGO NAS LONGS SPYAD PAS 'BRAS BU SANGS RGYAS KYI SA'I LONGS SPYOD YONGS SU DAG PA 'GRUB PA'I 'BRAS BU LAM BYED KHYAD PAR CAN DU 'GYUR PA'I CHED YIN PA'I PHYIR TE, MGON PO'I MDOR BYAS LAS, 'DOD PA LNGA NI YONGS SPANGS NAS, ,DKA' THUB KYIS NI GDUNG MED PAR, ,RNAL 'BYOR RGYUD KYI RJES 'BRANGS LA, ,BDE BAS BYANG CHUB BSGRUB PAR BYA, ZHES GSUNGS PA'I PHYIR, LNGA PA NI, RDO RJE SEMS DPA'I SGOM BZLAS BYAS PA LA CHOS CAN, DGOS PA YOD DE, SGRUB THABS DNGOS GZHI SGOM PA'I NANG GI 'GAL RKYEN SEL BA DANG; SDIG LTUNG GI 'PHEL KHA GCOD CING DAM TSIG NYAMS CHAG SPYOD PA'I THABS MCHOG TU GYUR BA YIN PA'I PHYIR, SNYING PO RGYAN LAS, SANGS RGYAS KUN GYI SKU GCIG PU, ,PAD DKAR ZLA BA'I DBUS GNAS SHING, ,RDO RJE DRIL BU RGYAN SBRAS PA'I, ,RDO RJE SEMS DPA' LEGS DMIGS SHING, ,YI GE BRGYA BA CHOG BZHIN, ,NYI SHU RTZA NI RE RE BZLAS, ,LTUNG SOGS BYIN GYIS BRLABS 'GYUR BAS, ,'PHEL BA RU NI MI 'GYUR ZHES, ,GRUB PA MCHOG RNAMS KYIS BSHAD PAS, ,THUN MTSAMS SU NI SPYAD PAR BYA, ,'BUM PHRAG TU NI BZLAS GYUR NA, ,RNAM PAR DAG PA'I BDAG NYID 'GYUR, ZHES GSUNGS PA'I PHYIR, SGOM TSUL NI SGRUB THABS NAS 'BYUNG BA LTAR YIN LA, YI

GE BRGYA PA'I SNGAGS DON LA, AOm NI SKU RDO RJE'I SA BON YIN ZHING, MTSON DON NI SNGAR BZHIN, BADZRAS TVA NI RDO RJE SEMS DPA', SA MA YA NI DAM TSIG ,MA NU P'A LA YA NI RJES SU SKYONGS, BADZRA SATVA TVE NO PA NI RDO RJE SEMS DPA' NYID KYIS NYE BAR, TIshthA NI GNAS PAR MDZOD, DRAdHO NI BRTAN PA, ME NI BDAG ,BHA WA NI DNGOS PO'I RANG BZHIN DU MDZOD, SU TO shYO ME BHA WA NI BDAG LA SHIN TU DGYES PA'I RANG BZHIN DU MDZOD, AA NU RAKTO ME BHA WA NI BDAG LA RJES SU CHAGS BA'I RANG BZHIN DU MDZOD, SU PO shYO ME BHA WA NI BDAG LA SHIN TU RGYAS PA'I RANG BZHIN DU MDZOD, SARBA SIDDHI ME PRA YATZTSA NI DNGOS GRUB THAMS CAD BDAG LA STZAL TU GSOL, SARBA KARMA SU TZA ME NI BDAG LA LAS THAMS CAD STZAL DU GSOL, TZITTAm SHR'I YAm: KU RU NI SEMS KYI DPAL DU MDZOD, DPAL DE JI LTA BU ZHE NA, H'Um NI THUGS RDO RJE'I SA BON DANG, HA BZHI HO DANG LNGAS NI YE SHES LNGA MTSON, BHA GA WA NA NI BCOM LDAN 'DAS, SARBA TA TH'A GA TA NI, DE BZHIN GSHEGS PA THAMS CAD KYI, BADZRA NI RDO RJE, MA ME NI BDAG ,MUNYTZA NI MA 'DOR CIG ,BADZRI DHA WA NI RDO RJE CAN GYI RANG BZHIN, MAH'A SA MA YA SA TVA NI DAM TSIG SEMS DPA' CHEN PO, A'A: NI GSUNG RDO RJE'I SA BON YIN ZHING CHOS THAMS CAD SKYE BA MED PA MTSON, H'Um GIS BDE BA CHEN PO'I YE SHES MTSON, PHAGS KYIS BDE STONG DBYER MED PA'I YE SHES GSAL BAR BYED CING, DE'I MI MTHUN PHYOGS 'JOMS PAR BYED DE, PHAt NI 'JOMS BYED SGRA YIN TE, ,GROGS DANG BCAS PA 'JOMS PAR BYED

, ,CES GSUNGS PA'I PHYIR, DE LTAR NA RDO RJE SEMS DPA'I SGOM BZLAS LA SDIG PA'I GNYEN PO STOBS BZHI YONGS RDZOGS TSANG BA YIN TE, SKYABS SU 'GRO ZHING SEMS BSKYED PAS RTEN GYI STOBS, SGOM BZLAS DNGOS KYIS GNYEN PO KUN TU SPYOD PA'I STOBS, MNGON BRJOD NAS GSUNGS PA'I, BDAG NI MI SHES RMONGS PA YIS, ZHES SOGS KYIS RNAM PAR SUN 'BYIN PA'I STOBS DNGOS SU BSTAN NAS NYES PA LAS SLAR LDOG PA'I STOBS SHUGS LA BSTAN PA YIN PA'I PHYIR, GNYIS PA MTHUN RKYAN BSTEN PA'I PHYIR, TSOGS ZHING MCHOD CING SDOM PA SOGS BZUNG BA NI, SBYOR BA TSOGS GSOG GI RNAM GZHAG MGON POS DNGOS SU MA GSUNGS KYANG, DPAL LDAN ZLA BAS RDOR SEMS KYI SGRUB THABS SU BSHAD PA LTAR BYA BA YIN LA, MCHOD PA'I SNGA ROL DU SGRUB PA PO RANG NYID MI BSKYOD RDO RJER BA BSKYED PA LA CHOS CAN, DGOS PA YOD DE, SGRUB PA PO RANG NYID LAM DAG PA'I SNANG ZHEN SBYANG BA'I CHED YIN PA'I PHYIR, DE LTAR SBYANGS PA LA CHOS CAN, DGOS PA YOD DE, PHAR PHYIN THEG PA'I SKABS SU, RGYAL BA MCHOD PA'I 'KHOR GSUM BDEN MED KYI RTZIS ZIN DGOS PA BZHIN DU, 'DIR YANG MCHOD PA'I 'KHOR GSUM PO BDE STONG DBYER MED KYI YE SHES KYI RTZIS ZIN PA ZHIG DGOS SO ZHES SHES PAR BYA BA'I CHED YIN PA'I PHYIR, AA BHYA KAR DANG, BHA BYA KI RTIS, SNA TSOGS PADMA DANG NYI MA'I STENG DU H'Um YIG DKAR PO BSGOM PAR BSHAD KYANG, 'DIR H'Um YIG SNGON

PO SGOM PA'I RGYU MTSAN YOD DE, H'Um NI MI BSKYOD PA'I SA BON GANG ZHIG ,SGRUB PA PO RANG NYID MI BSKYOD PA SNGON POR SGOM PA DANG SGO BSTUN NAS MDZAD PA YIN PA'I PHYIR, GANG GIS SPYAN 'DREN PA BZHAG TU YOD DE, RANG GI SNYING GA'I RTZA 'DAB BRGYAD DANG THIG LE DKAR DMAR MTSON PA'I PADMA DANG NYI MA LA GNAS PA'I SHIN TU PHRA BA'I RLUNG SEMS NGO BO DBYER MED DU GNAS PA MTSON PA'I H'Um SNGON PO'I 'OD ZER LCAGS KYU'I RNAM PA CAN GYIS SPYAN 'DREN PA YIN PA'I PHYIR, 'DI DANG 'OG TU MCHOD PA LA SOGS PA'I SKABS SU THUGS KA'I H'Um YIG LAS 'OD ZER DANG MCHOD LHA SOGS SPRO ZHING DE DAG SLAR YANG SNYING GA'I H'Um YIG LA BSDU DGOS TE, RTZA RGYUD LAS, BRJOD NAS RDO RJE SPRE PA NI, ,RDZOGS NAS RAB TU BSDU BAR BYA, ZHES GSUNGS PA'I PHYIR, DE LTAR BSDUS PA LA DGOS PA YOD DE, RIM PA GNYIS PA'I SKABS SU RLUNG THAMS CAD SNYING GA'I MI SHIGS PA LA ZHUGS GNAS THIM GSUM BYED PA'I DGE RTZA SMIN BYED KHYAD PAR CAN DU 'GYUR BA'I CHED YIN PA'I PHYIR, DE NAS MNGON BRJOD DANG SDOM 'BYUNG LAS GSUNGS BA LTAR BLA MA YANG TSOGS ZHING DU SPYAN 'DREN DGOS TE, THEG PA 'DIR BLA MA BSOD NAMS KYI ZHING BLA NA MED PAR GSUNGS PA'I PHYIR, BLA MA SPYAN 'DREN TSUL YANG YOD DE, LVA BA PA'I BDE MCHOG GI SGRUB THABS GTZUG NOR LAS BLA MA SHAR PHYOGS KYI DUR KHROD DU SENG GE'I KHRI'I STENG NA BZHUGS PA DE SPYAN 'DREN PA'I TSUL ZHIG DANG, 'JIGS BYED KYEE RDOR SOGS KYI SGRUB THABS SU GTZO BO'I RIGS

, ,BDAG GI TSUL DU SPYAN 'DREN PA DANG, GTZO BO DANG THA MI DAD PAR SPYAN 'DREN PA'I TSUL GSUM LAS, 'DIR PHYI MA LTAR BYA BA YIN PA'I PHYIR, GANG NAS SPYAN 'DREN NA, RANG BZHIN GYI GNAS NAS SPYAN 'DREN ZHING; 'DI LA YANG CHOS SKU BDE BA CHEN PO LAS GZUGS SKU'I RNAM PAR SPYAN 'DREN PA DANG, LONGS SKU LAS SPRUL SKU'I RNAM PAR SPYAN 'DREN PA GNYIS YOD DE, MNGON BRJOD LAS, SNGON GRUB PA NI BSKUL NAS SU, ZHES GSUNGS PA'I PHYIR, 'OG MIN SOGS NAS SPYAN 'DREN PA NI GNAS BYE BRAG PA NAS SPYAN 'DREN PA YIN NO, ,DE LTAR SPYAN DRANGS NAS PHYAG MCHOD SOGS BYED PA'I RIM PA MI 'DRA BA DU MA YOD KYANG, 'DIR SGRUB THABS KYI 'GREL BA DAG LAS 'BYUNG BA LTAR MCHOD PA DANG POR BYED PA YIN LA, DE YANG MCHOD PA SOGS YAN LAG BDUN LAS, DANG PO NI, ME TOG LA SOGS PA RE RE YANG RDZAS SNGAGS PHYAG RGYA TING NGE 'DZIN SGRUB PA'I MCHOD PA STE KHYAD PAR LNGA LDAN DU BYA DGOS SHING, 'BUL BA'I SNGAGS NI RDO RJE PHRENG BA LAS BSHAD PA LTAR RO, ,SNGAGS DON NI, AOm NI BSHAD ZIN, SARBA TA TH'A GA TA NI DE BZHIN GSHEGS PA THAMS CAD, PUshPE NI ME TOG ,P'U DZA NI MCHOD PA, ME GHA NI SPRIN, SA MU DRA NI RGYA MTSO, SPHA RA nA 'PHRO BA, SA MA YA DAM TSIG ,SHRI YE BZHIN DU BZHES, A'A: DANG H'Um NI GSUNG DANG THUGS KYI SA BON YIN, DON DRIL NA, DE BZHIN GSHEGS PA THAMS CAD KYI ME TOG GI MCHOD PA RGYA MTSO'I SPRIN 'PHRO BA

DAM TSIG BZHIN DU BZHES ZHES BA STE LHAG MA RNAMS LA 'ANG DE LTAR SHES PAR BYA'O, ,SNGAGS BRJOD PA'I TSE DMIGS PA YID LA BYED PA'I TSUL YOD DE, AOm ZHES BRJOD PA DANG DUS MNYAM DU RANG GI SNYING GA NAS MCHOD RDZAS DE DANG DE DAG 'DZIN PA'I LHA MO DPAG TU ME PA SPROS, MCHOD PA PHUL BAS TSOGS ZHING RNAMS KYI THUGS RGYUD LA ZAG PA MED PA'I BDE CHEN KHYAD PAR CAN SKYES PAR BSAM ZHING, H'Um ZHES BRJOD PA DANG, RDO RJE BSDU BA'I PHYAG RGYA 'CHING ZHING LHA MO RNAMS SNYING GA'I H'Um YIG LA BSDUS PAR SEMS PA YIN PA'I PHYIR, GNYIS PA PHYAG 'TSAL PA'I YAN LAG STON PA LA, RGYUD PHYI MA LAS BSHAD PA'I, GANG ZHIG GZUGS DANG TSOR BA 'DU SHES 'DU BYED DANG, ZHES SOGS BYUNG, 'DI'I DON NI, SGRUB PA POS GANG ZHIG LA PHYAG 'TSAL BA'I YUL BZHAG TU YOD DE, THAMS CAD KYANG BYANG CHUB KYI SEMS RDO RJE RDO RJE 'CHANG DANG SPANGS RTOGS YONGS SU RDZOGS PAR 'DRA ZHING, SGRIB GNYIS SPANGS PA'I ZAB GSAL GNYIS SU MED PA'I YE SHES DE NYID RGYA CHE BA LHA'I 'KHOR LOR SHAR BA DE DAG YIN PA'I PHYIR, DE DAG KYANG GANG ZHE NA, GZUGS DANG TSOR BA 'DU SHES 'DU BYED DANG RNAM PAR SHES PA STE PHUNG PO LNGA RNAM PAR DAG PA'I DE BZHIN GSHEGS PA RIGS LNGA, SKYE MCHED DRUG RNAM PAR DAG PA RDO RJE MA LNGA DANG KUN BZANG STE DRUG ,MIG SOGS DBANG PO DRUG RNAM PAR DAG PAS SNYING, PHYAG RDOR, NAM SNYING, 'JIG RTEN DBANG PHYUG ,SGRIB SEL, BYAMS PA STE DRUG DANG, SA CHU ME DANG

, ,RLUNG DANG NAM MKHA'I KHAMS LNGA PO THAMS CAD NI RNAM PAR DAG PA YUM BZHI DANG 'JAM DPAL TE LNGA DANG, GTI MUG RNAM PAR DAG PA, RNAM SNANG GI RIGS GSHIN RJE GSHED DANG, DE BZHIN DU NYES PA NGA RGYAL RNAM PAR DAG PA RIN PO CHE'I RIGS SHES RAB MTHAR BYED DANG, 'DOD CHAGS KYI CHOS DANG BCAS PA RNAM PAR DAG PA 'OD DPAG MED KYI RIGS RTA MGRIN DANG, RDO RJE DON GRUB KYI RIGS KYI BGEGS MTHAR BYED RNAMS SO, ,DE RNAMS RDO RJE 'CHANG DANG 'DRA BA'I RGYU MTSAN STON PA LA, RIG PA'I SBYOR BA LAS BYUNG RTAG TU RAB 'BREL BA, ZHES SOGS GSUNGS, 'DI'I DON NI, 'DUS PA'I DKYIL 'KHOR LA 'GOD BYA'I LHA SO GNYIS PO CHOS CAN, BYANG CHUB KYI SEMS RDO RJE RDO RJE 'CHANG DANG SPANGS RTOGS 'DRA BA YIN TE, RIG PA STE PHYAG RGYA DANG MNYAM PAR SBYOR BA'I LHAN SKYES KYI BDE BA DANG RTAG TU RAB TU 'BREL BA'I RGYU MTSAN GYIS CHOS CAN RNAM PA SNA TSOGS PA THAMS CAD KYANG LHAN SKYES KYI BDE STONG GI DGA' BA NYAMS SU MYONG BA'I DNGOS PO'I RNAM ROL DU SHAR BA'I SGO NAS BYANG CHUB KYI SEMS RDO RJE DANG 'DRA BA YIN PA'I PHYIR, DKYIL 'KHOR LA 'GOD BYA'I LHA LHAG MA LA PHYAG 'TSAL TSUL STON PA LA, SDUD DANG ZHES SOGS BYUNG LHA LHAG MA LA PHYAG 'TSAL TSUL YOD DE, SDUD DANG ZHES PAS 'DOD RGYAL DANG, DGA' DANG ZHES PAS DBYUG SNGON CAN DANG, RNAM PA ZHES PAS STOBS PO CHE, MI 'GYUR ZHES PAS MI GA-YO BA, RGYU ZHES PAS RGYU LAM GYI CHOS

'OG TU GNAS BA DANG CHOS MTSUNGS PA'I GNOD MDZES DANG, 'BRAS BU ZHES PAS 'BRAS BU MTHAR PHYIN PA RTZE MOR GNAS PA DANG RANG BZHIN MTSUNGS PA'I GTZUG TOR 'KHOR LOS SGYUR BA RNAMS LA PHYAG 'TSAL BA YIN PA'I PHYIR, SEMS SU RJES THOGS CHOS ZHES PAS STENG 'OG GI KHRO BO GNYIS RNAM SHES RNAM PAR DAG PA'I NGO BOR BSTAN TO, ,RMONGS DANG ZHE SDANG 'DOD CHAGS SGRIB PA RDO RJE STE, ZHES SOGS KYIS, KHRO BO LHAG MA DRUG GI RIGS NGOS 'DZIN PA YIN TE, RMONGS DANG ZHES PAS MI GA-YO BA RNAM SNANG DANG, ZHE SDANG ZHES PAS STENG 'OG GI KHRO BO GNYIS MI BSKYOD PA DANG, 'DOD CHAGS ZHES PAS DBYUG SNGON CAN 'OD DPAG MED DANG, SGRIB PA ZHES PAS 'DOD RGYAL RIN 'BYUNG DANG; RDO RJE ZHES PAS STOBS PO CHE DON GRUB KYI RIGS SU STON PA YIN PA'I PHYIR, 'DI DAG NI RGYUD PHYI MA'I 'GREL PAR N'A RO PAS BSHAD PA LTAR YIN NO, ,GSUM PA BSHAGS PA'I YAN LAG STON PA LA, GANG ZHIG THOG MED SRID PA'I CHU KLUNG DU, ZHES SOGS SHLO KA GCIG GSUNGS, DE YANG TSIGS BCAD 'DI DAG 'PHAGS PA YAB SRAS KYIS MA GSUNGS KYANG, 'JAM RDOR GYI SGRUB THABS LAS 'BYUNG BA LTAR YIN ZHING, JI LTAR BSHAGS PA'I TSUL YOD DE, GANG ZHIG DUS THOG MA MED PA NAS GNAS SRID PA'I CHU KLUNG DU KUN SLONG DUG GSUM MA LUS PA'I KUN RTOG GIS KUN NAS BSLANGS TE BSAGS PA'I NGO BO KHO NA MA THO BA RNYOG PA DANG BCAS PA RNAMS, YUL THUGS RJE

, ,CHEN PO DANG LDAN PA'I BLA MA DANG DKYIL 'KHOR PA'I LHA TSOGS RNAMS KYI SPYAN SNGAR, RNAM PA RE RE TZAM MA YIN PAR DE DAG NI THAMS CAD YID YUL DU BYAS NAS, TSUL RGYAL BAS GSUNGS PA'I CHO GA BZHIN DU, STOBS BZHI TSANG ZHING 'KHOR GSUM BDEN MED DU RTOGS PA'I SHES RAB KYIS ZIN PA'I SGO NAS BSHAGS PAR BYA BA YIN PA'I PHYIR, BZHI BA YI RANG DANG BSNGO BA'I YAN LAG STON PA LA, RDZOGS SANGS RGYAS DANG BYANG CHUB SEMS DPA' DANG, ZHES SOGS SHLO KA GCIG BYUNG, 'DI'I DON NI, RDZOGS SANGS RGYAS DANG BYANG CHUB SEMS DPA' 'PHAGS PA RNAMS DANG, NYAN RANG 'PHAGS PA DANG, 'PHAGS PA LAS GZHAN SO SO SKYE BO KUN GYIS DGE PA GANG MDZAD PA DE DAG KUN LA YANG DAG PAR DGA' PAS YI RANG ZHING, RANG GI DUS GSUM DU BSAGS PA'I DGE BA RNAMS KYANG BLA MED KYI BYANG CHUB TU NI YONGS SU BSNGO BAR BGYI RIGS TE, DE LTAR BYAS PAS DGE RTZA 'PHEL BA DANG, MI ZAD PA'I THABS MCHOG TU 'GYUR BA'I PHYIR, LNGA BA SKYABS 'GRO'I YAN LAG STON PA LA, YID KYI ROL PA DRI MED ZLA 'DRAS BSGRUBS, ZHES SOGS SHLO KA GSUM BYUNG, SNGON DU SANGS RGYAS LA SKYABS SU 'GRO BA'I TSUL YOD DE, BDE GSHEGS RNAMS LA DUS RTAG TU LAM STON PA POR KHAS BLANGS PA'I SGO NAS SKYABS SU 'GRO BA YIN PA'I PHYIR, 'ON BDE BAR GSHEGS PA RNAMS KHYAD PAR JI LTA BU DANG LDAN ZHE NA, BDE GSHEGS RNAMS CHOS CAN, KHYAD PAR PHUN SUM TSOGS

PA DANG LDAN PA YIN TE, LAM GYI GNAS SKABS SU STONG NYID RTOGS PA'I YID KYI ROL BA'AM BKOD PA, GNYIS SNANG GI DRI MA MED PA ZLA BA DANG 'DRA BAR GONG NAS GONG DU 'PHEL BAR BSGRUBS PA'I GNYIS MED KYI YE SHES DANG, SNYING RJE DAM PA DANG; SBYIN SOGS MTHA' YAS PA'I THABS RNAMS MTHAR PHYIN PAS 'BRAS BU'I THABS SHES KYI YON TAN MTHAR THUG PA THAMS CAD DUS GCIG TU RANG GI YID LA RGYUN MI 'CHAD PAR GNAS PAR GYUR PA YI KHYAD PAR DANG LDAN PA'I PHYIR, DAM PA'I CHOS LA SKYABS SU 'GRO BA'I TSUL YOD DE, GNYIS SNANG GI RTOG PA MA LUS PA LAS SA RANG DUS NA NGES PAR GROL ZHING, SEMS DPA' DAM PA BYANG SEMS 'PHAGS PA RNAMS KYI SPANGS RTOGS KYI YON TAN PHUN SUM TSOGS PA THAMS CAD 'BYUNG BA'I GZHI MNYAM GZHAG YE SHES LAM BDEN DANG, CHOS CAN SNA TSOGS PA'I DNGOS PO THAMS CAD GNAS LUGS KYI NGANG DU RO GCIG PA'I CHOS NYID DE BZHIN NYID KYI NGO BO NYID 'GOG PA'I BDEN PA STE, DE LTA BU'I DAM PA'I CHOS DE DUS RTAG TU THOB BYAR KHAS BLANGS PA'I SGO NAS SKYABS SU 'GRO BA YIN PA'I PHYIR, DGE 'DUN LA SKYABS SU 'GRO BA'I TSUL YOD DE, SA RANG RANG GI NGO SKAL GYI 'CHING BA KUN LAS YANG DAG PAR GROL BAR GYUR CING; SNYING RJE MCHOG GI MA MAS BSKRUN PA'I BYANG CHUB KYI SEMS KYI DPAL DANG LDAN PA, RAB TU DGA' BA LA SOGS PA'I SA LA RAB TU BZHUGS PA'I SGO NAS THEG PA CHEN PO'I BRTUL ZHUGS CAN GYI SO SKYA'I BYANG SEMS LAS DBANG

, ,PO MCHOG TU GYUR BA'I TSOGS RNAMS LAM SGRUB PA'I GROGS SU KHAS BLANGS PA'I SGO NAS SKYABS SU 'GRO BA YIN PA'I PHYIR, DRUG PA SEMS BSKYED PA DANG LAM GYI RTEN GYI YAN LAG STON PA LA, BSAM DANG RNAM PAR SMIN PA DAG GYUR PAS, ZHES SOGS SHLO KA GNYIS BYUNG, 'DI'I DON NI, SGRUB PA PO'I SEMS NI THOB BYA BYANG CHUB DAM PA LA DMIGS NAS BSKYED PAR BGYI BA'I TSUL YOD DE, GZHAN DON LA LHAG PAR MOS PAS RNAM PAR BRGYAN PA'I SGO NAS SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I BSAM PA SMON PA'I SEMS SKYED DANG, DE'I RNAM PAR SMIN PA'I 'BRAS BU SBYOR BA RNAM PAR DAG PAR GYUR PAS SGRIB PA KUN GYI BAG CHAGS YANG DAG PAR 'BYIN NUS PA 'JUG PA'I SEMS SKYED GNYIS BSKYED PAR BYA BA YIN PA'I PHYIR, LAM LA BRTEN TSUL YOD DE, BDE GSHEGS SRAS BCAS RNAMS KYIS BGROD PA'I LAM GCIG PU THEG CHEN GYI LAM GYI GZHUNG SHING, SBYIN SOGS PHA ROL TU PHYIN PA DRUG GI NYAMS LEN DANG, DKAR PO'I LAS LAM BCU'I YON TAN GYI TSUL KHRIMS LA YANG DAG PAR DA NI GNAS BAR BGYI'O SNYAM DU DAM 'CHA' BA YIN PA'I PHYIR, GNAS TSUL YANG PHAR PHYIN THEG PA LAS KHYAD PAR 'PHAGS TE, SKABS 'DIR LAM DUS SU YANG PHAR PHYIN DRUG GI NYAMS LEN MA LUS PA RDZOGS PA'I SANGS RGYAS DAG GI NGO BOR MOS PA, 'BRAS BU LAM BYED KYI BLOS BSGRUB PAR BGYI BA YIN PA'I PHYIR, 'DI DAG NI

SGRUB THABS KUN BZANG GI 'GREL PA RNAMS KYIS BSHAD PA LTAR RO, ,BDUN PA THUN MONG MA YIN PA'I SDOM PA BZUNG BA'I YAN LAG STON PA LA, SANGS RGYAS BYANG CHUB SEMS DPA' KUN, ZHES SOGS BYUNG, DE YANG SKABS 'DIR SNGAGS SDOM BZUNG BA LA DGOS PA YOD DE, SNGAGS SDOM SNGAR MED GSAR DU SKYE BA DANG, NYAMS PA SOR CHUD PA'I DGOS PA MI 'GRUB KYANG, SNGAR YOD BRTAN PA DANG GONG 'PHEL DU 'GYUR ZHING, DE LA BRTEN NAS BLA MA DAD DKYIL 'KHOR PA'I LHA TSOGS MNYES PAR BYED PA'I SGRUB PA'I MCHOD PAR 'GYUR BAS TSOGS GNYIS MYUR DU RDZOGS PAR 'GYUR BA YIN PA'I PHYIR, DANG POR SNGAGS SDOM LEN PA'I YUL, LEN PA PO'I RTEN GYI GANG ZAG ,LEN PA'I DUS 'TSAMS RNAMS STON PA LA; SANGS RGYAS BYANG CHUB SEMS DPA' KUN, ZHES SOGS RKANG PA LNGA BYUNG, SNGAGS SDOM 'DZIN PA'I RTEN DU GYUR PA'I SEMS SKYED TSUL STON PA LA, JI LTAR DUS GSUM MGON PO RNAMS, ,ZHES SOGS SHLO KA GCIG BYUNG, RIGS LNGA SO SO'I DAM TSIG DANG SDOM PA 'DZIN TSUL LA LNGA LAS, DANG PO RNAM SNANG GI RIGS KYI DAM TSIG DANG SDOM PA 'DZIN TSUL STON PA LA, TSUL KHRIMS KYI NI BSLAB PA DANG, ZHES SOGS SHLO KA GNYIS BYUNG, DON NI, SANGS RGYAS RNAL 'BYOR RNAM SNANG GI RIGS KYI DAM TSIG DANG SDOM PA 'DZIN PA'I TSUL YOD DE, THUN MONG DANG THUN MONG MA YIN PA'I NYES SPYOD SDOM PA'I TSUL KHRIMS, DE'I DGE BA CHOS SDUD KYI TSUL KHRIMS, DE'I SEMS CAN DON BYED KYI TSUL KHRIMS,

, ,GSUM LA SLOB PA LAS MI 'DA' BA DANG, THUN MONG DANG THUN MONG MA YIN PA'I DKON MCHOG GSUM LA SKYABS SU 'GRO BA LAS MI 'DA' BA STE DAM TSIG DRUG PO DE, NYIN LAN GSUM MTSAN LAN GSUM STE DUS DRUG TU SLOB PAR YI DAM 'CHA' ZHING KHAS LEN PA'I TSUL GYIS 'DZIN PA YIN PA'I PHYIR, RDO RJE MI BSKYOD PA'I RIGS KYI DAM TSIG DANG SDOM PA 'DZIN PA'I TSUL DE STON PA LA, RDO RJE'I RIGS MCHOG CHEN PO YI, ZHES SOGS SHLO KA GCIG BYUNG, DON NI, MI BSKYOD PA'I RIGS KYI DAM TSIG DANG SDOM PA 'DZIN PA'I TSUL YOD DE, RGYAL BA'I THUGS BDE BA CHEN PO'I YE SHES DE GSANG BA'I RDO RJE YIN LA, DE DRAN PA'I SGO NAS CHA TSAD DANG LDAN PA'I RDO RJE 'DZIN PA LAS MI 'DA' BA RDO RJE'I DAM TSIG DANG, STONG NYID RTOGS PA'I SHES RAB GSANG BA'I DRIL BU YIN LA, DE DRAN PA'I SGO NAS CHA TSAD DANG LDAN PA'I DRIL BU 'DZIN PA LAS MI 'DA' BA DRIL BU'I DAM TSIG DANG, SGRUB PA PO RANG NYID RDO RJE SEMS DPA' SOGS LHA'I SKU PHYAG RGYA CHEN POR BSGOMS TE YE SHES KYI PHYAG RGYA DANG 'KHYUD PA LAS BYUNG BA'I BDE STONG SBYAR NAS SGOM PA LAS MI 'DA' BA PHYAG RGYA'I DAM TSIG DANG, RANG LA DBANG BSKUR BAS MTSON PA'I RDO RJE SLOB DPON GYI LUS NGAG YID GSUM LHAG PA'I LHA'I SKU GSUNG THUGS KYI BDAG NYID DU BLTAS TE BSNYEN BKUR BA'I ZHING MCHOG TU 'DZIN PA LAS MI 'DA' BA SLOB DPON GYI DAM TSIG STE, DAM TSIG BZHI

PO DE LA NYIN LAN GSUM MTSAN LAN GSUM STE DUS DRUG TU SLOB PAR YID MA 'CHA' ZHING KHAS LEN PA'I TSUL GYIS 'DZIN PA YIN PA'I PHYIR, RIN 'BYUNG GI RIGS KYI DAM TSIG DANG SDOM PA 'DZIN TSUL STON PA LA, RIN CHEN RIGS MCHOG CES SOGS RKANG PA BZHI BYUNG, DON NI, RIN 'BYUNG GI RIGS KYI DAM TSIG DANG SDOM PA 'DZIN TSUL YOD DE, ZANG ZING GI SBYIN PA, CHOS KYI SBYIN PA, BYAMS PA TSAD MED SGOM PA LTA BU BYAMS PA'I SBYIN PA, BTANG SNYOMS TSAD MED SGOM PA LTA BU MI 'JIGS PA SKYABS KYI SBYIN PA STE DAM TSIG BZHI PO DE DUS DRUG TU SKYOD BA LAS MI 'DA' BA RIN 'BYUNG GI RIGS KYI DAM TSIG YIN LA, DE RNAMS NYIN LAN GSUM MTSAN LAN GSUM DU BSKYED PAR BYA'O SNYAM DU YI DAM 'CHA' ZHING KHAS LEN PA'I TSUL GYIS GZUNG BAR BYA BA YIN PA'I PHYIR, 'OD DPAG MED KYI RIGS KYI DAM TSIG DANG SDOM PA 'DZIN TSUL STON PA LA, BYANG CHUB CHEN PO LAS BYUNG BA, ZHES SOGS RKANG BA BZHI BYUNG, DON NI, 'OD DPAG MED KYI RIGS KYI DAM TSIG DANG SDOM PA 'DZIN TSUL YANG YOD DE, PHYI BYA SPYOD KYI RGYUD DANG, GSANG BA RNAL 'BYOR DANG, RNAL 'BYOR BLA MED KYI RGYUD DANG, NYAN THOS KYI THEG PA RANG RGYAL GYI THEG PA PHA ROL TU PHYIN PA'I THEG PA STE THEG PA GSUM STE, MDOR NA RGYUD SDE BZHI DANG THEG PA GSUM GYIS BSDUS PA'I CHOS THAMS CAD DUS DRUG TU 'DZIN PA LAS MI 'DA' PA 'OD DPAG MED KYI RIGS KYI DAM TSIG YIN LA, DE RNAMS DUS DRUG TU 'DZIN

, ,PAR YI DAM 'CHA' ZHING KHAS LAN PA'I TSUL GYIS GZUNG BAR BYA BA YIN PA'I PHYIR, DON GRUB KYI RIGS KYI DAM TSIG DANG SDOM PA 'DZIN TSUL STON PA LA, LAS KYI RIGS MCHOG CES SOGS RKANG PA BZHI KHYUD; DON NI, DON GRUB KYI RIGS KYI DAM TSIG DANG SDOM PA 'DZIN TSUL YOD DE, SNGAGS SDOM BZUNG NAS LAS SU BYA BA CI BYED CEN, SNGAR BZUNG PA'I RNAM SNANG NAS 'OD DPAG MED KYI BAR GYI DAM TSIG BCU DRUG PO THAMS CAD SO SOR DUS DRUG TU 'DZIN PA LAS MI 'DA' BA DANG, BLA MA DANG DKYIL 'KHOR BA'I LHA LA PHYI NANG GSANG BDE KHO NA NYID KYI MCHOD PA DUS DRUG TU 'BUL BA LAS MI 'DA' BA DON GRUB KYI RIGS KYI DAM TSIG DANG SDOM PA YIN LA; DAM TSIG DANG SDOM PA DE GNYIS NYIN LAN GSUM MTSAN LAN GSUM DU GZUNG BAR BYA'O SNYAM DU YI DAM 'CHA' ZHING KHAS LEN PA'I TSUL GYIS 'DZIN PA YIN PA'I PHYIR, DON BSDUS TE RIGS LNGA THUN MONG PA'I DAM TSIG DANG SDOM PA 'DZIN TSUL STON PA LA, BYANG CHUB SEMS NI BLA NA MED, CES SOGS RKANG PA BZHI BYUNG, DON NI, RIGS LNGA THUN MONG BA'I DAM TSIG DANG SDOM PA 'DZIN PA'I TSUL YOD DE, SEMS CAN THAMS CAD KYI DON DU SANGS RGYAS THOB PAR BYA'O SNYAM DU SEMS BSKYED DE, DE'I PHYIR DU BLA NA MED PA'I BYANG CHUB MA THOB KYI BAR DU RIGS LNGA SPYI DANG SO SO'I DAM TSIG DANG SDOM PA NYIN LAN GSUM MTSAN LAN GSUM DU GZUNG BAR BGYI'O SNYAM DU

YI DAM 'CHA' ZHING KHAS LEN PA'I TSUL GYIS 'DZIN PA YIN PA'I PHYIR, SNGAGS SDOM BZUNG NAS LAS SU BYA BA CI BYED CE NA, DE'I LAN STON PA LA, MA BSGRAL BA RNAMS ZHES SOGS RKANG PA BZHI BYUNG, DON NI, SNGAGS SDOM BZUNG NAS JI LTAR BYA BA'I TSUL YOD DE, TSANGS BA LA SOGS BA NYON MONGS PA'I SGRIB PA LAS MA BSGRAL BA RNAMS DE LAS BSGRAL BA DANG, NYAN RANG DGRA BCOM PA LA SOGS PA SHES SGRIB LAS MA GROL BA RNAMS DE LAS DGROL BA DANG, SDUG BSNGAL GYIS DBUGS MA PHYIN PA'I NGAN SONG GSUM GYI SEMS CAN RNAMS SDUG BSNGAL LAS DBUGS 'BYUNG BA DANG, MDOR NA SEMS CAN THAMS CAD MI GNAS PA'I MYANG 'DAS LA DGOD PAR BYA BA YIN PA'I PHYIR, MJUG TU TSOGS ZHING JI LTAR BYA BA'I TSUL YOD DE, RANG BZHIN STONG PA NYID DU SBYANGS NAS MI DMIGS PAR BSAM PA DANG, BYIN GYIS BRLAB PA'I PHYIR RANG LA BSTIM PA DANG, RANG GNAS SU GSHEGS PA'I TSUL GSUM LAS, 'DIR PHYI MA LTAR BYED PA YIN PA'I PHYIR TE, SPRUL SKU'I RNAM PAR SPYAN DRANGS PA DE DAG RTZA BA'I LONGS SKU'I GNAS SU GSHEGS PAR BSAM PA YIN PA'I PHYIR, TSOGS ZHING MCHOD PA LA CHOS CAN, DGOS PA YOD DE, SGRUB THABS DNGOS GZHI SGOM PA'I MTHUN RKYEN BSOD NAMS KYI TSOGS BDE BLAG TU RDZOGS PAR BYA BA'I CHED YIN PA'I PHYIR, GSUM PA 'GAL RKYEN 'GOG PA'I PHYIR BSRUNG 'KHOR SGOM PA NI, KHA CIG ,BSRUNG 'KHOR GYI SNGON DU STONG NYID SGOM PA MI 'THAD

, ,DE; DE LTAR NA YE SHES KYIS LAN GNYIS BSGOMS PAR 'GYUR BA'I PHYIR ZHE NA, SKYON MED DE, DE'I SNGON DU STONG NYID SGOM PA YE SHES KYIS SGOM PA MA YIN PA'I PHYIR TE, YE SHES KYIS SGOM BZHES PA'I DON NI; GZHAL SNOD SNGAM ZHIG STONGS PA'I BSKAL BA DANG CHOS MTHUN SBYAR BA'I PHYIR STONG NYID SGOM PA YIN LA, BSRUNG 'KHOR SGOM PA'I SNGA ROL DU STONG NYID SGOM PA NI BSRUNG 'KHOR LA THA MAL GYI SNANG ZHEN SBYANGS NAS DE BDE STONG DBYER MED KYI RNAM ROL DU 'CHAR BAR BYA BA'I CHED YIN PA'I PHYIR, YANG KHA CIG ,'KHOR LO SER PO RTZIBS BCU PA SGOM PA MI 'THAD DE, DE LTAR RTZA RGYUD DANG 'PHAGS PA YAB SRAS KYI GZHUNG LAS DNGOS SU MA BSTAN PA'I PHYIR ZHE NA, SKYON MED DE; DE LTAR RGYUD PHYI MA LAS BSHAD PA'I PHYIR, DE NYID LAS, KUN NAS SER BA'I 'KHOR LO NI, ,RTZIBS BCUD DBUS RNAM PAR BSGOM, ZHES GSUNGS PA'I PHYIR, YANG KHA CIG ,'KHOR LO MGYOGS PAR 'KHOR BA MI 'THAD DO, DE LTAR NA KHRO BO RNAMS KYIS PHYOGS MTSAMS BSRUNG BA'I MTSAMS MI ZIN PA'I PHYIR, ZHE NA SKYON MED DE KHRO BO MI GA-YO ZHING 'KHOR LO 'KHOR BAR RGYUD PHYI MA LAS BSHAD PA'I PHYIR TE, MI GA-YO BA DANG MTSUNGS PAR 'KHOR, ZHES GSUNGS PA'I PHYIR, DES NA BSRUNG 'KHOR SGOM PA'I SNGON DU AA BHA Y'A KA RAS GSUNGS PA LTAR STONG NYID SGOM PA YIN LA, STONG NYID SGOM PA'I TSUL YANG YOD DE, SVA BH'A WA'I SNGAGS BRJOD CING, SNGAGS DON DRAN PA'I SGO NAS CHOS RNAMS

KYI NGO BO RGYU 'BRAS GSUM RANG GI MTSAN NYID KYIS GRUB PAS STONGS PA'I STONG PA NYID DU SGOM PA YIN PA'I PHYIR, SVA BH'A WA'I SNGAGS DON YANG YOD DE, AOm NI BSHAD ZIN, SVA BH'A WA GNYIS NI RANG BZHIN GNYIS, SHUDDH'A: GNYIS NI DAG PA GNYIS, SARBA DHARMMA: NI GZUNG BA DANG 'DZIN PAS BSDUS PA'I CHOS THAMS CAD, A'ATMA KO NYA NI BDAG NYID, AA HAm NI NGA'O STE, MDOR NA GZUNG BA DANG 'DZIN PAS BSDUS PA'I CHOS THAMS CAD RANG BZHIN GYIS DGA' BA'I BDAG NYID DE NGA'O ZHES PA YIN PA'I PHYIR, STONG PA'I NGANG LAS PAm LAS SNA TSOGS PADMA DANG, A'A: LAS NYI MA'I STENG DU BHR'Um LAS 'KHOR LO SER PO GA-YAS SKOR DU MGYOGS PAR 'KHOR BA RTZIBS BCU LTE BA DANG BCAS PA'I RTZIBS KYI STENG DU KHRO BO BCU SGOM PA YIN TE, RGYUD PHYI MA LAS, KUN NAS SER BA'I 'KHOR LO NI, ,RTZIBS BCU DE DBUS RNAM PAR BSGOM, ,RTZIBS KUN LA NI KHRO BO BCU, ,YE SHES BDAG NYID BCU LAS BYUNG, ,'GOG PA'I RDO RJE BSGOM BYA ZHING, ,MCHOG TU MDZES PAS BSGRUB PAR BYA, ,RDO RJE 'BAR BA'I SPRIN SPROS BAS, ,MI GA-YO BA DANG MTSUNGS PAR 'KHOR, ZHES GSUNGS PA'I PHYIR, 'KHOR LO'I DBYIBS MDUNG SO GNYIS MJUG SPROD PA LTA BU'I SBYAR MTSAMS NAS PHYOGS MTSAMS KYI RTZIBS RNAMS RAL GRI SO GNYIS PA LTA BU'I DBYIBS CAN DU SGOM PA YIN LA, LTE BA'I SBUBS STONG GI NANG DU GTZO BO RDO RJE 'CHANG DKAR PO SKYED PA YIN TE, LE'U BCO LNGA PA LAS, RNAM PAR SNANG MDZAD 'OD 'DRA ZHING, ,

, ,RDO RJE SEMS DPA' RGYAL PO CHE, ,ZHES GSUNGS PA'I PHYIR, PHYIS KYI KHA CIG ,RDO RJE 'CHANG DKAR PO ZHAL GCIG PHYAG GNYIS BA BSHAD ZER YANG AA BHA Y'A KA RAS BSHAD PA LTAR ZHAL GSUM PHYAG DRUG PAR PHYED PA LEGS TE; MDO SRE LAS, GTZO BO RDO RJE 'CHANG LA YE SHES SGRON MA RDO RJE'I TING NGE 'DZIN GSUNGS PA'I TSUL GYIS MI BSKYOD PA BCU GNAS ZHE SDANG RDO RJER BSGYUR BAR BSHAD PA'I PHYIR, GTZO BO YUM BCAS SKYED PA YIN TE, SGRON GSAL LAS, PHYUNG NGO ZHES BYA BA NI SNYOMS PAR ZHUGS PAS YANG DAG PAR 'BYIN PAR MDZAD PA'O, ,ZHES KHRO BO RNAMS LA MNGAL 'BYIN BYED PAR BSHAD PA'I PHYIR, YUM RDO RJE DBYINGS KYI DBANG PHYUG MAR THUB PA DPAL GYIS BSHAD PA, DE YANG SKU MDOG DKAR POR BSGOM PAR BYA ZHING, RDO RJE 'CHANG SKU MDOG DKAR PO ZHE SDANG RDO RJER BSGYUR BA NA, YUM REG BYA RDO RJE MAR BSGYUR DGOS TE, SGRON GSAL LAS, SANGS RGYAS 'BAR BA'I 'OD DANG MNYAM, ZHES PA NI BDAG PO'I 'OD DANG 'DRA BA'O, ZHES GSUNGS PA'I PHYIR, BSRUNG 'KHOR GYI RDO RJE 'CHANG DE SEMS DPA' GSUM GYI BDAG NYID DANG, DE'I GNAS GSUM DU YI GE GSUM 'GOD PA NI, RGYUD PHYI MA LAS, LONGS SPYOD BZHI DANG YANG DAG LDAN, ,RIG PA'I SKYES BU RDO RJE CAN, ZHES GSUNGS PA 'DIS BSTAN PA YIN TE, RIG PA'I SKYES BU RDO RJE CAN NI RDO RJE 'CHANG YIN LA, DE YANG SKU GSUNG THUGS KYI RDO RJE GSUM DANG YE SHES SEMS DPA' BZHI DANG LDAN PA LA LONGS SPYOD BZHI DANG LDAN

PAR BSHAD PA'I PHYIR, BSRUNG 'KHOR GYI GTZO BO RDO RJE 'CHANG LONGS SKU SKU MDOG DKAR POR BSGOMS PA LA DGOS PA YOD DE, GONG DU SVA BH'A WA'I SNGAGS DON LTAR STONG NYID SGOM PA CHOS SKU'I LAM 'KHYER DANG, SKABS 'DIR LONGS SKU SKU MDOG DKAR PAR SGOM PA LONGS SKU'I LAM 'KHYER DANG, 'OG TU MI BSKYOD PA BCUG NAS ZHE SDANG RDO RJER SGYUR BA SPRUL SKU'I LAM 'KHYER DU BYAS TE, BSRUNG 'KHOR GYI RNAL 'BYOR THAMS CAD SKU GSUM GYI LAM 'KHYER BYED PAR CAN DU BSGYUR PA'I CHED YIN PA'I PHYIR, 'KHOR GYI KHRO BO SKYED TSUL LA KHA CIG ,KHRO BO RNAMS LA MNGAL 'BYIN BYED PA MI 'THAD DE, DE LTAR BYED PA 'PHAGS PA YAB SRAS KYI GZHUNG LAS MA BSHAD PA'I PHYIR, ZHES ZER BA MI 'THAD DE, MDOR BYAS LAS KHRO BO BCU NI SPRO BAR BYA, ZHES KHRO BO RNAMS MNGAL DU BSKYED NAS RANG GI THUGS KAR DRANGS, PHYIR PHYUNG STE SPRO BAR BSHAD CING, KHRO BO RANG GI GDAN LA SKYED PA TZAM LA SPRO BA'I DON MTSANG BA'I PHYIR, YANG KHA CIG ,KHRO BO RNAMS LA CHOG GSUM SKYED BYED PA MI 'THAD DE, RTZA RGYUD LAS, KHRO BO ZHE SDANG GNAS LAS SKYES, ZHES DANG, MDOR BYAS LAS, NYI MA LA GNAS H'Um LAS BYUNG, ,GA-YON BRKYANGS PA YI GNAS PAS GNAS, ZHES KHRO BO RNAMS H'Um TZAM LAS BSKYED NAS NYI MA'I STENG DU GA-YON BRKYANGS KYI STABS KYIS BZHUGS PAR BSHAD PA YIN PA'I PHYIR, MI BSKYOD PA YUM GYI MNGAL DU BSKYED, RANG GI THUGS KAR DRANGS, PHYIR SPROS SPYI SGOS KYI MDZAD PA MDZAD NAS RDO RJE 'CHANG LA BCUG STE ZHE SDANG RDO RJER

, ,BSGYUR BA LA DGOS PA YOD DE, 'KHOR GYI KHRO BO RNAMS LA BKA' BSGO BA DANG, DRAG PO'I LAS NYE BAR BSGRUB PAR BYA BA'I CHED YIN PA'I PHYIR, KHRO BO RNAMS KYIS DKYIL 'KHOR RGYAL MCHOG BZHIN DU PHYUNG MA THAG TU SPYI SGOS KYI MDZAD PA MI MDZAD PA'I RGYU MTSAN YANG YOD DE, KHRO BO RNAMS KYI MDZAD PA NI DBANG PO LA SOGS PA'I GDON 'DZEMS PA YIN PA GANG ZHIG ,KHRO BO RNAMS GDAN LA BKOD NAS DE'I 'OG TU MDZAD PA RNAMS MDZAD PA YIN PA'I PHYIR, RANG ZHE SDANG RDO RJE SEMS DPA' SUM BRTZEGS KYI NGA RGYAL LA GNAS NAS 'OG GA GNOD MDZES LA BLTAS PAS, DES SPRUL PA'I GNOD MDZES GNYIS PA DE 'ONGS NAS MDUN DU 'DUG STE BKA' NOD PA LA, AOm SUM BHA ZHES SOGS KYIS BKA' BSGO BA YIN TE, RDO RJE PHRENG BA LAS, BGEGS KUN RNAM PAR GZHIG PA'I PHYIR, ,GNOD MDZES BKA' STZAL PHUR BUS GDAB, ,AOm SUMBHA NI SUMBHA H'Um, GRi HA NA GRi HA NA H'Um, GRi HA NA P'A YA GRi HA NA P'A YA H'Um, A'A NA YA HO BHA GA WAN BI DY'A R'A DZA H'Um PHAt, CES GSUNGS SO, ,SNGAGS DON NI, AOm NI BSHAD ZIN, SUM BHA ZHES PA NGES PAR 'DUL PA, NI SUM BHA NI NGES PAR MA LUS PAR 'DUL BZHES PA STE GNOD MDZES LA BOD PA'O, ,H'Um NI DON DE GSAL BAR BYED PA DANG, GRi HA NA GRi HA NA ZHES PA NI ZUNGS ZUNGS ZHES BA STE GANG NA GNOD BYED PHROS PA ZUNGS ZUNGS ZHES PA'O, ,GRi HA NA P'A YA GRi HA NA P'A YA NI 'DZIN DU CHUG 'DZIN DU CHUG CES PA STE, GANG NA 'KHOR RNAMS KYANG 'DZIN DU CHUG

'DZIN DU CHU GCES PA DANG, H'Um NI DON DE DAG BSKUL BA'O, ,A'A NA YA HO BHA GA WAN NI, KYEE BCOM LDAN 'DAS KHUG CIG PA'O, ,BIDY'A R'A DZA NI RIG PA'I RGYAL PO ZHES GNOD MDZES LA DBUGS 'BYIN PA'O, ,H'Um PHAt NI GSOD PA'I PHYIR SLAR YANG BSKUL BA'O, ,MDOR NA NGES PAR 'DUL BA NGES PAR MA LUS PA 'DUL BA ZHES BOS TE, KYEE BCOM LDAN 'DAS RIG PA'I RGYAL PO ZHES GNOD MDZES LA DBUGS PHYUNG NAS, GNOD BYED 'BROS PA ZUNGS ZUNGS 'KHOR RNAMS KYANG 'DZIN DU CHUG 'DZIN DU CHUG CES PA'O, ,DE LTAR BKA' BSGOS PAS GNOD MDZES KYI PHYAG MTSAN RDO RJE DE RDO RJE LCAGS KYUR BSGYUR NAS BGEGS KYI GTZO BO PHYOGS SKYONG BCU'I SNYING GNAS LCAGS KYUS BZUNG, MGRIN PA NAS ZHAGS PAS BCINGS TE BKUG NAS KHRO BO BCU LA GTAD PAR BSAM PA YIN TE, MDOR BYAS LAS, KHRO BO'I GZUGS CAN 'DI YIS NI, ,BGEGS KYI BDAG PO NYID BKUG NAS, ,BLO DANG LDAN PA'I SBYOR BA YIS, ,CHO GA BZHIN DU PHUR BUS GDAB, CES GSUNGS PA'I PHYIR, BKUG PA'I BGEGS RNAMS KHRO BO BCU'I PHYI ROL DU KHRON PA 'GRUB KHUNG GI RNAM PA CAN RNAMS SU BCUG PAR BSAM PA YIN TE, DE LTAR NAG PO DAM TSIG RDO RJES BSHAD PA'I PHYIR, BKUG PA'I BGEGS RNAMS KYI SPYI BOR SGRUB THABS NAS BSHAD PA LTAR PHUR BU GDAB PAR BYA BA YIN TE, MDOR BYAS LAS, RDO RJE BDUD RTZI RGYAL PO CHE, ,AUTPAL SNGON PO'I 'DAB MA'I MDOG ,'BAR 'PHRENG 'KHRIGS PA'I 'OD LDAN PA, ,RDO �RJE PHUR BU RNAM PAR BSGOM, ZHES

, ,GSUNGS PA'I PHYIR, PHUR BU SKYED TSUL NI, BOD KYI BLA MA KHA CIG ,PHYOGS SKYONG RNAMS KYI SPYI BOR H'Um LAS PHUR BU SKYED PAR 'DOD KYANG, RANG LUGS BYANG GI BDUD RTZI 'KHYIL BAS SPRUL BA'I BDUD RTZI 'KHYIL PA GNYIS PA DE YONGS SU GYUR PA LAS STOD KHRO BO BDUD RTZI 'KHYIL PA LA LTE BA MAN CHAD MDUD RTZE GCIG PA'I DBYIBS CAN GYI PHUR BU BCUR GYUR NAS PHYOGS SKYONG 'KHOR DANG BCAS PA'I MGO BOR ZUG PAR BSAM PA YIN TE, DE LTAR RDO RJE SEMS DPA'I SGRUB THABS LAS GSUNGS SHING, RTZA RGYUD LAS KYANG, ME STAG 'BAR BA 'DRA BA YIS, ,PHYOGS BCU'I DKYIL 'KHOR GDAB PAR BYA, ZHES GSUNGS PA'I PHYIR, DE NAS GNOD MDZES KYI PHYAG MTSAN RDO RJE LCAGS KYU DE RDO RJE THO BA ME RAB TU 'BAR BAR GYUR NAS, BGEGS RNAMS KYI SPYI BA'I PHUR BU THEBS BRDUNG ZHING, RDO RJE PHUR BU LA GHA GHA ZHES SOGS KYIS BKA' BSGO BAR BYA BA YIN TE, RDO RJE SEMS DPA'I SGRUB THABS LAS, DE NAS GNOD MDZES RGYAL PO LANGS NAS SNGAGS BRJOD CING PHUR BU THE BAS BRDUNG BAR BSAM PAR BYA'O, ,ZHES GSUNGS PA'I PHYIR, SNGAGS DON NI AOm BSHAD ZIN, GHA GHA NI GHA TA KA STE GSOD BYED CES BOD PA'O, ,GH'A TA YA GH'A TA YA SARBA DUshtNA NI MA RUNGS BA THAMS CAD CHOMS SHIG ,CES PA'O, ,PHAt PHAt NI DON DE GSAL BAR BYED PA'O, ,K'I LA YA GNYIS NI PHUR BU THOB LA MI 'GUL BAR GYIS SHIG PA'O, ,SARBA B'A PA NI SDIG PA'I BSAM PA CAN THAMS CAD, PHAt NI DAGS PA'O

H'Um GSUM NI SKU GSUNG THUGS KYI DE NYID BSKUL BA'O, ,BADZRA K'I LA YA NI RDO RJE PHUR BU LA BOD PA'O, ,BADZRA DHA RA AA DZNY'A BA YA TI NI RDO RJE 'CHANG GI BKA' NYON GCIG PA'O, ,SARBA BIGHN'NA NI BGEGS THAMS CAD, K'A YA WA KA TZITTA NI LUS NGAG YID GSUM STE, BGEGS THAMS CAD KYI LUS NGAG YID GSUM GA-YO 'GUL MED PAR GYIS SHIG PA'O,, H'Um H'Um H'Um PHAt PHAt NI GSOD PA'I DON DU SLAR YANG BSKUL BA'O, ,MDOR NA GSOD BYED RDO RJE PHUR BU ZHES BOS NAS, RDO RJE 'CHANG GI BKA' NYON LA MA RUNGS PA SDIG PA'I BSAM PA CAN THAMS CAD KYI LUS NGAG YID GSUM PHUR BUS THOB LA GA-YO 'GUL MED BAR GYI SA LA CHOMS SHIG PA'O, ,DE LTAR BGEGS RNAMS KYI SPYI BO NAS RKANG MTHIL GYI BAR DU PHUR BUS BTAB BAS LUS NGAG YID GSUM GA-YO 'GUL MED PAR BDE STONG DBYER MED KYI 'OD GSAL DU BCUG PAR BSAM PAR BYA BA YIN LA, DE LTAR BSAMS PA LA DGOS PA YOD DE, BGEGS RNAMS LA THA MAL GYI SNANG ZHEN SBYANG BA DANG, DE RNAMS LA PHAN GDAGS PAR BYA BA'I CHED YIN PA'I PHYIR, SPYIR SNGAGS DE LA 'GO NA AOm DANG, MTHA' NA SV'AH'A YOD PA'I SPRUL DANG, DE GNYIS KA MED PA BTUS PA DANG, 'GO NA AOm YOD CING MTHA' NA SV'AH'A MED PA'I MTHA' MED DANG, DE LAS LDOG PA'I SNGAGS LA 'GO MED CES DBYE BA BZHIR BSHAD PA LAS 'DI'I SNGAGS TSAN GNYIS PO LA MING MTHA' MED CES BYA ZHING, TSUL 'DI SKABS GZHAN DU'ANG SHES PAR BYA'O, ,SLAR YANG KHRO BO DANG PHUR BU LAS RDO

, ,RJE'I ME 'OD RAB TU 'BAR BA PHYOGS BCUR 'PHROS PAS 'KHOR GYI BGEGS GDUG PA CAN RNAMS TSIG PAS PHAN TSUN DU PROS PAR BSAM PAR BYA BA YIN TE, MDOR BYAS LAS, GDUG PA TSIG NAS PHAN TSUN DU; ;BROS PAR GYUR BA RNAM PAR BSAM, ZHES GSUNGS PA'I PHYIR, DE NAS KHRO BO RNAMS KYI PHYI ROL DU RDO RJE'I RA GUR SA GZHI SOGS SGOM DGOS TE, MDOR BYAS LAS, PHYOGS BCUR PHUR BU BTAB NAS NI, ,STENG 'OG YANG DAG BYIN GYIS BRLAB, CES GSUNGS PA'I PHYIR, SGOM PA'I TSUL YANG YOD DE, tAKKI H'Um DZA: ZHES BRJOD NAS KHRO BO RNAMS KYI PHYI ROL DU LCAGS KYI RDO RJE SNGON PO CHE BA RNAMS KYI KHONG GSENG THAMS CAD RDO RJE CHUNG BA'I RDUL PHRA RAB KYIS BAR MTSAMS MED PAR GTAMS PA'I LCAGS KYI RDO RJE'I RA BA DANG, DE'I PHYI ROL DU ZEG MA RAB TU 'BAR BA PHYOGS BCUR 'PHRO BA'I CHU'I RAB, DE'I PHYI ROL DU BGEGS RNAMS KYIS LTA BA TZAM YANG MI NUS PA'I KHA DOG SNA LNGA'I YE SHES KYI ME RAB TU 'BAR BA GA-YAS SKOR DU 'KHYIL BA'I ME'I RAB, DE'I PHYI ROL DU 'TSUB CING 'THOR BA DRAG PO'I 'UR SGRA DANG BCAS PA ME'I RA BA DANG MTHUN PAR 'GRO BA'I RLUNG GI RA BA RNAMS BSGOM PAR RDO RJE SEMS DPA'I SGRUB THABS LAS BSHAD PA'I PHYIR, LCAGS KYI RA BA'I STENG DU RDO RJE'I GUR MCHOD RTEN LTA BU, GUR GYI 'OG RA BA'I STENG DU RDO RJE'I BLA RE, 'OG GZHI H'Um LAS RDO RJE'I SA GZHI, PHYI'I PHYOGS MTSAMS THAMS CAD DU RDO RJE RTZE LNGA PA'I RNAM PA CAN, STENG 'OG

PHYOGS MTSAMS THAMS CAD DU BSNOL MAR GLOG LTAR 'KHYUG PA'I MDA'I DRA BA YE SHES KYI ME RAB TU 'BAR BA 'PHRO BA DANG BCAS PA BSGOM PAR BYA BA YIN NO, ,RA GUR GYI DBYIBS NI BDE MCHOG GI SKABS SU GRU BZHIR BSHAD KYANG, 'DIR ZLUM POR BYED PA YIN LA, RGYA DPANGS KYI TSANG NI, AA BHA YAS STENG 'OG MIN NAS RLUNG DKYIL LA THUG PA'I BAR DANG, LVA BA PAS STENG TSANGS PA'I 'JIG RTEN NAS, 'OG GSER GYI SA GZHI LA THUG PA'I BAR DANG, RGYA RA NAG PO SPYOD PAS PHYI'I LCAGS RI MU KHYUD LA THUG PA'I BAR BZHED PAS, RANG LUGS SGRUB PA POS JI TZAM LCOGS PA DANG MTHUN PAR SGOM PA YIN NO, ,RDO RJE'I RA GUR SOGS SGOM PA NI GNAS BSRUNG BA DANG, LHA RNAMS KYI GNAS GSUM DU YI GE GSUM GYI GO CHA 'GOD PA NI SGRUB PA PO RANG NYID KYI LUS NGAG YID GSUM YE SHES PA'I SKU GSUNG THUGS DANG NGO BO DBYER MED DU MOS PAS BDAG BSRUNG BA YIN TE, RDO RJE SEMS DPA'I SGRUB THABS LAS, YI GE GSUM GYI GO CHA LA'O, ZHES GSUNGS PA'I PHYIR, BSRUNG 'KHOR GYI SNGON DU STONG NYID SGOM PA DON DAM PA'I BSRUNG BA DANG, BSRUNG 'KHOR DNGOS GZHI SGOM PA KUN RDZOB PA'I BSRUNG BA YIN LA, DE LTAR SGRUB THABS DNGOS GZHI SGOM PA'I SNGON DU BSRUNG 'KHOR BSGOMS PA LA CHOS CAN, DGOS PA YOD DE, LHA'I RNAL 'BYOR NYAMS SU LEN PA LA BGEGS MED PAR MTHAR PHYIN PAR 'GYUR BA'I CHED YIN PA'I PHYIR TE, RTZA RGYUD LE'U BCU GSUM PA LAS, BSAM GTAN LAS BYUNG DAM BCAS PAS, ,GNAS GANG DU NI YANG DAG SPYAD, ,

, ,BSAM GTAN SBYOR BA 'DI YIS NI, ,GNAS NAS SANGS RGYAS BYIN GYIS BRLAB, ,CES GSUNGS PA'I PHYIR, GNYIS PA MNGON RTOGS DNGOS BSHAD PA LA BZHI, 'CHI BA CHOS SKUR 'KHYER BA'I RNAL 'BYOR BSHAD PA, BAR DO LONGS SKUR 'KHYER BA'I RNAL 'BYOR BSHAD PA, SKYE BA SPRUL SKUR 'KHYER BA'I RNAL 'BYOR BSHAD PA, DE 'DRA BA'I SKU GSUM YANG 'DOD CHAGS KYI CHOS KYIS 'THOB PAR BSTAN PA'I PHYIR RIG MA 'DU BYA BA'O, ,DANG PO LA GSUM, GANG DU 'TSANG RGYA BA'I GNAS GZHAL YAS KHANG SKYED PA, DER 'TSANG RGYA BA'I BRTEN PA LHA SKYED PA, JI LTAR 'TSANG RGYA TSUL LHAG MOS 'OD GSAL DU SDUD PA'O, ,DANG PO LA GNYIS, SNOD SNGA MA ZHIG STONGS PA'I BSKAL PA DANG CHOS MTHUN PAR YE SHES KYIS SGOM PA, SNOD PHYI MA ZHIG 'CHAGS PA DANG CHOS MTHUN PAR RDO RJE'I SA BSKYED NAS GZHAL YAS KHANG SGOM PA'O, ,DANG PO LA GNYIS, CHOS MTHUN YUL BSHAD PA DANG, CHOS MTHUN TSUL BSHAD PA'O, ,DANG PO NI, SNOD KYI 'JIG RTEN STONGS PA LA BCUD KYI SEMS CAN STONGS PA SNGON DU 'GRO DGOS PAS, DE'I TSUL YANG, BCUD KYI SEMS CAN STONGS PA'I TSE MNAR MED DU SEMS CAN GSAR SKYE MED CING, SKYES ZIN PA'I TSE DANG LAS ZAD PA RNAMS BDE 'GROR SKYE, LAS MA ZAD PA RNAMS 'JIG RTEN GYI KHAMS GZHAN GYI MNAR MED DU SKYES NAS 'JIG RTEN 'DI'I MNAR MED PA RNAMS STONGS, DE'I RJES SU TSA DMYAL GZHAN BDUN DANG, GRANG DMYAL BRGYAD, NYI TSE NYE 'KHOR BA RNAMS MAS RIM BZHIN DU STONGS, DE'I RJES SU RTZA BA'I

GNAS DANG, BYINGS NA GNAS PA'I YI DVAGS DANG, DUD 'GRO RNAMS MAS RIM NAS STONGS, DE'I RJES SU DZAMBU GLING PA'I MI ZHIG GI RGYUD LA CHOS NYID KYI STOBS KYIS BSAM GTAN DANG PO'I DNGOS GZHI SKYES, DES KYANG DBEN PA LAS SKYES PA'I DGA' BA DANG BDE BA NI ZHI BA'O, ,ZHES BRJOD PA THOS PAS RKYEN BYAS NAS GZHAN RNAMS KYI RGYUD LA YANG BSAM GTAN DANG PO'I DNGOS GZHI SKYES TE, BSAM GTAN DANG POR SKYES NAS DZAMBU GLING PA'I MI RNAMS STONGS PAR 'GYUR, DE'I RJES SU SHAR DANG NUB DANG BYANG SGRA MI SNYAN PA RNAMS RNAM SMIN GYI SGRIB PA SHAS CHES PAS RTEN DE LA BSAM GTAN GYI DNGOS GZHI'I SNYOMS 'JUG GSAR DU MI SKYE BAS, 'DOD LHA RIGS DRUG PO GANG RUNG DU SKYES TE, SGRA MI SNYAN PA'I BAR DU STONGS, DER RJES RGYAL CHEN RIGS BZHI'I LHA ZHIG GI RGYUD LA CHOS NYID KYI STOBS KYIS BSAM GTAN DANG PO'I DNGOS GZHI'I SNYOMS 'JUG SKYES NAS DBEN PA LAS SKYES PA'I DGA' BA DANG BDE BA NI ZHI BA'O, ,ZHES BRJOD PAS, DE GZHAN RNAMS KYIS THOS PAS RKYEN BYAS TE, GZHAN RNAMS KYI RGYUD LA YANG BSAM GTAN DANG PO'I DNGOS GZHI SKYES PA'I TSUL GYIS RGYAL CHEN RIGS BZHI'I LHA RNAMS STONGS, DE'I RJES SU SUM CU RTZA GSUM PA, 'THAB BRAL BA, DGA' LDAN PA; 'PHRUL DGA' BA, GZHAN 'PHRUL DBANG BYED PA'I BAR GYI LHA RNAMS RIM PA BZHIN DU STONGS PAR 'GYUR, DE RJES BSAM GTAN DANG PO'I LHA ZHIG GI RGYUD LA CHOS NYID KYI STOBS KYIS THOB PA'I BSAM GTAN GNYIS PA'I DNGOS GZHI

, ,SKYES PAS, DES KYANG TING NGE 'DZIN LAS SKYES PA'I DGA' BA DANG BDE BA NI ZHI BA'O, ZHES BRJOD PAS, DE GZHAN GYIS THOS PA'I RKYEN GYIS BSAM GTAN GNYIS PA'I DNGOS GZHI'I SNYOMS 'JUG SKYES TE BSAM GTAN GNYIS PAR SKYE BA BLANGS PA'I TSUL GYIS BSAM GTAN DANG PO BA RNAMS STONGS, DE DAG GI YUN LA BAR BSKAL BCU DGU'O, ,DE NAS BCUD KYI SEMS CAN STONGS PAS LHA RNAMS KYIS CHAR 'BEBS PA MED PA'I RKYEN GYIS DA LTA'I NYI MA 'DI RAB TU TSA BAR GYUR NAS RTZI SHING NAGS TSAL RNAMS SKEMS, DE NAS RAB TU TSA BA'I NYI MA GNYIS PA SHAR NAS CHU PHRAN LTENG KA MTSO CHUNG RNAMS SKEMS, DE NAS RAB TU TSA BA'I NYI MA GSUM PA SHAR NAS CHU PO BZHI MA RTOGS PA'I CHU KLUNG RNAMS SKEMS, DE NAS RAB TU TSA BA'I NYI MA BZHI BA SHAR NAS CHU BO BZHI DANG MTSO MA DROS PA YANG SKOMS, DE NAS NYI MA LNGA PA SHAR NAS RGYA MTSO CHEN PO YANG SKEM PAR BYED, DE NAS NYI MA DRUG PA SHAR NAS RI RAB LAS KYANG DUB 'THUL, DE NAS NYI MA BDUN PA SHAR NAS GLING BZHI DANG RI RAB KYANG ME LCE ? GCIG TU GYUR NAS GYEN DU 'BAR BAS 'THAB BRAL NAS BSAM GTAN DANG PO'I GZHAL MED KHANG MAN CHAD BSREGS NAS THAMS CAD KYANG NAM MKHA'I RANG BZHIN STONG PA GCIG TU 'GYUR BA YIN NO, ,DE'I YUN TSAD LA BAR BSKAL GCIG STE NYI SHU'O, ,GNYIS PA LA GSUM, BSKYED RIM GYI SKABS SU STONG NYID SGOM MI DGOS PAR 'DOD PA DGAG PA DANG, STONG NYID JI LTAR SGOM PA'I TSUL

STONG NYID BSGOMS PA'I DGOS PA BSHAD PA'O, ,DANG PO NI KHA CIG ,RIM PA DANG PO'I SKABS SU SNANG PHYOGS LHA'I 'KHOR LO TZAM ZHIG SGOM PA YIN GYI, STONG PHYOGS DE KHO NA NYID SGOM PA MIN TE, STONG PHYOGS DE KHO NA NYID RDZOGS RIM GYI SKABS SU SGOM PA YIN PA'I PHYIR, 'DIR BSTAN YE SHES KYI SA'I STONG NYID SGOM PA 'DI NI DBU MA'I LTA BA SGOM PA'ANG MIN TE, DAG PA'I RTEN BRTEN PA'I SNANG BA 'CHAR BA LA MA DAG PA'I SNOD BCUD KYI SNANG BA DGAG DGOS, DE'I PHYIR DU SH'U N+YA T'A'AM, DNGOS PO MED PAS SGOM PA MED, CES SOGS BRJOD NAS SNOD BCUD CANG MED DU SGOM PA YIN PA'I PHYIR ZER BA MI 'THAD DE, DE LTAR 'DOD PA DE LA RIGS PA DANG 'GA', ,RANG GI KHAS BLANGS DANG 'GAL, LUNG DANG 'GAL BA'I SKYON GSUM YOD PA'I PHYIR, RIGS PA DANG 'GAL TE, TSAD MAS GRUB PA'I SNOD BCUD MED PAR LTA BA NI SKUR 'DEBS DANG CHAD LTA NGAN PA YIN PA'I PHYIR, KHAS BLANGS DANG YANG 'GAL TE, SNOD BCUD CANG MED DU SGOM PA THA MAL GYI SNANG ZHEN GYI GNYEN BOR 'DOD PA GANG ZHIG ,DE LTAR SGOM PA DE THA MAL GYI SNANG ZHEN CHE SHOS YIN PA'I PHYIR, LUNG DANG YANG 'GAL TE, SPYIR RIM PA DANG PO'I SKABS MTHA' DAG DANG, KHYAD PAR SKABS 'DIR DE KHO NA NYID GTAN LA BAB NAS BSGOM PAR RGYUD DANG GRUB CHEN GYI GZHUNG DU MA LAS GSUNGS PA'I PHYIR TE, SAMBUtA'I RAB BYED DANG PO LAS, DANG PO STONG NYID RNAM BSAMS NAS, ,LUS CAN RNAMS KYI DRI MA BGRU, ZHES DANG, BRTAG GNYIS LAS

, ,BSKYED PA'I RIM PA'I RNAL 'BYOR GYIS, ,BRTUL ZHUGS CAN GYIS SPROS BA BSGOM, ,SPROS PA RMI LAM LTAR BYAS NAS, ,SPROS PA NYID KYANG SPROS MED BYA, ZHES DANG, MDOR BYAS LAS KYANG, DAM PA'I DON DU DNGOS PO RNAMS, SRID GSUM DNGOS PO MED PAR BSGOM, ,DNGOS PO MED PAS SGOM PA MED, ,BSGOM PAR BYA BA SGOM PA MIN, ,DE LTAR DNGOS PO DNGOS MED PAS, ,SGOM PA DMIGS SU MED PA'O, ,TSIGS BCAD 'DI YIS RGYU MA'I RGYU'I, ,BDAG NYID CHE RNAMS STONG PAR BSGOM, ,CHO GA'I SBYOR BA 'DI YIS NI, ,YE SHES SA GZHIR BYIN GYIS BRLAB, CES TSIGS BCAD 'DI'I DON BSAMS NAS SNOD BCUD THAMS CAD DAM PA'I DON DU DNGOS PO MED PAR BSGOM PAR GSUNGS KYI, SNOD BCUD THAMS CAD CANG MED DU BSGOM PAR MA GSUNGS PA'I PHYIR, DES NA SKABS 'DIR SNOD BCUD THAMS CAD 'OD GSAL DU BCUG STE CHOS RNAMS KYI RANG BZHIN STONG PA NYID BSGOMS NAS STONG NYID RTOGS PA'I BLO'I GZUNG RNAM DKYIL 'KHOR GYI 'KHOR LO'I RNAM PAR SHAR BA'I SNANG STONG SGYU MA LTA BU'I RNAL 'BYOR LA BSLAB DGOS TE, SGRUB THABS KUN BZANG LAS, THA MAL RNAM RTOG RGYUN LAS GZHAN PA YI, ,SRID PA'I SDUG BSNGAL GZHAN CI'ANG YOD MA YIN, ,DE DANG RNAM PA 'GAL BAR GYUR BA'I SEMS, ,'DI NI MNGON SUM NYID DU RTOGS PAR 'GYUR, ,ZAB CING RGYA CHE BA YI BDAG NYID CAN, ,GAR YIN DER NI KUN RTOG SNANG MI 'GYUR, ZHES GSUNGS PA'I PHYIR, RGYU MTSAN DE DAG GIS STONG NYID GANG SGOM

RDZOGS RIM DU 'DOD PA DANG, YID NGOR SGOM PA'I SNANG LA RANG BZHIN MED PA'I 'JA' TSON LTA BU'I LHA'I SKU SGYU LUS SU 'DOD PA'ANG LEGS PAR KHEGS PA YIN NO, ,GNYIS PA NI, RTZA RGYUD KYI RDO RJE 'CHANG GIS GSUNGS PA'I BYANG CHUB KYI SEMS KYI TSIGS BCAD BRJOD NAS, DE'I YIG DON GYIS SNOD BCUD MTHA' BZHI DANG BRAL BAR BSTAN CING, SPYI DON GYIS, RNAM THAR SGO GSUM GYI STONG NYID BSTAN PA DE GNYIS KYI DON SGOM PA YIN PAS, THOG MAR YIG DON DU BSHAD NA; SHES BYA CHOS CAN, SNOD BCUD KYI DNGOS PO RNAMS RIGS PAS DPYAD PA NAM RNYED PA DE, SNOD BCUD MED PA'I DON DU BZUNG NAS DE LTAR SGOM PA DE LA DE KHO NA NYID KYI DON SGOM PA MED DE, DE LTAR NA SGOM PA PO DANG BSGOM BYA LA SOGS PA GTAN MED DU 'GYUR BAS DE KHO NA NYID SGOM PA'ANG MED DGOS PA'I PHYIR, GANG YANG RANG BZHIN MED PA LA BYA BYED MI RUNG BAR MTHONG STE RANG BZHIN GYIS GRUB PA CUNG ZAD YOD PAR BZUNG NAS DE KHO NA NYID BSGOM PAR BYA BAR 'DOD NA, TSUL DE NI DE KHO NA NYID SGOM PA MIN TE, RANG BZHIN GYIS GRUB PA LA BYA BYED GANG YANG MI 'THAD PA'I PHYIR TE, RTZA SHE LAS, LAM LA RANG BZHIN YOD NA NI, ,SGOM PA 'THAD BAR MI 'GYUR RO, ZHES GSUNGS PA'I PHYIR, SHES BYA CHOS CAN, DE LTAR NA BSGOM BYA SGOM BYED DANG SGOM PA PO GSUM, RANG BZHIN GYIS DMIGS SU MED PA YIN TE, SNOD BCUD KYI DNGOS PO THAMS CAD MTHA' BZHI DANG BRAL PA'I RANG BZHIN STONG PA NYID YIN PA'I PHYIR 'DI NI DNGOS PO MED PA ZHES

, ,SOGS KYIS TSIG ZIN LTAR BSTAN PA'I YIG DON NO, ,'DI'I SPYI DON GYI BSHAD DON GANG ZHE NA, SHES BYA CHOS CAN, DON DAM DPYOD BYED KYI RIGS PAS CHOS THAMS CAD BDEN MED DU NGES KYANG, BDEN PA'I DNGOS PO MED PA'I STONG NYID BDEN GRUB TU BLTAS NAS SGOM PA LA YANG DE KHO NA NYID KYI DON SGOM PA MED DE, DE LTAR SGOM PA DE GSOR MI RUNG GI LTA BA YIN PA'I PHYIR TE, RTZA SHE LAS, GANG DAG STONG PA NYID LTA BA, ,DE DAG BSGRUB TU MED PAR GSUNGS ZHES GSUNGS PA'I PHYIR, 'DIS NI RNAM PAR THAR PA'I SGO STONG PA NYID SGOM TSUL BSTAN TO, ,BSGOM PAR BYA BA DANG RGYU DANG 'BRAS BU RNAMS BDEN GRUB TU BZUNG NAS SGOM PA YANG DE KHO NA NYID SGOM PA MIN TE, MTHA' BZHI SKYE 'GOG GI RIGS PA YANG DAG GI BSKYED BYA SKYED BYED BDEN PAR GRUB PA LA GNOD PA'I PHYIR, 'DIS MTSAN MED SGOM TSUL BSTAN TO, ,SEMS KYIS BTAGS PA TZAM LAS GZHAN PA'I 'BRAS BU'I DNGOS PO SMON PAR BYA BA BDEN PA'I DNGOS BOR GRUB PA MED DE, SMON BYA SMON BYED SMON PA PO GSUM RIGS PA YANG DAG GIS BTAGS DON BTZAL BA'I TSE MI RNYED PA'I PHYIR, 'DIS SMON MED SGOM TSUL BSTAN TO, ,DE LTAR RANG BZHIN GYIS GRUB PA'I BSGOM BYA SGOM BYED SGOM PA PA GSUM DMIGS SU MED PA YIN TE, DE GSUM RTOG PAS BTAGS TZAM YIN PA'I PHYIR, 'DI DAG NI MDO SNGAGS GNYIS DANG, BLA MED KYI BSKYED RDZOGS GNYIS KYI SGRUB PA POS THUN MONG DU NYAMS SU BLANG BAR BYA BA YIN PAS

SPYI'I DON NO, ,DE YANG SNOD BCUD THAMS CAD RJES GZHIG GI RIM PAS 'OD GSAL DU BSDUS TE, YUL CAN LHAN SKYES KYI BDE BA CHEN PO'I YE SHES DANG, YUL STONG PA NYID DBYER MED DU MOS NAS SGOM PA YIN LA, DE LTAR SGOM PA LA YE SHES KYIS SGOM PA ZHES BRJOD PA'I RGYU MTSAN YOD DE, GZHI LA SNOD SNGA MA ZHIG STONGS PA'I NAM MKHA' STONG SANG DES, SNOD PHYI MA ZHIG 'CHAGS PA'I GZHI RTEN BYED PA DE BZHIN DU, DE LTAR SGOM PA'I YE SHES DES KYANG 'OG NAS 'GYUR BA'I RTEN BRTEN PA'I DKYIL 'KHOR GYI GZHI RTEN BYED PAS DE LTAR BRJOD PA'I PHYIR, ,GSUM PA NI, SKABS 'DIR STONG NYID BSGOMS PA LA CHOS CAN, DGOS PA YOD DE, STONG NYID SNGAR MA RTOGS PA GSAR DU RTOGS PA DANG, RTOGS ZIN BRTAN PA DANG, LUS NGAG YID GSUM LA THA MAL GYI SNANG ZHEN SBYONG BA DANG, SNGAR BSOD NAMS KYI TSOGS BSAGS ZIN, 'DIR YE SHES KYI TSOGS BSAGS PAS TSOGS GNYIS ZUNG 'BREL DU 'GYUR BA DANG, 'OG NAS 'BYUNG BA'I RTEN DANG BRTEN PA'I DKYIL 'KHOR RNAMS ZAB GSAL GNYIS MED KYI RNAM ROL DANG, BDE STONG DBYER MED KYI YE SHES KYI RNAM ROL DU 'CHAR BA'I DGOS PA DRUG YOD PAR JO BO RJES BSHAD PA'I PHYIR, GZHAN YANG, SKABS 'DIR STONG NYID BSGOMS PA LA CHOS CAN, DGOS PA YOD DE, 'KHOR BA'I RTZA BA BDAG 'DZIN GYI GNYEN POR 'GYUR BA DANG, DON DAM PA'I BSRUNG BA MCHOG TU 'GYUR BA DANG, GZHI LA 'JIG RTEN ZHIG PA'I RJES KYI STONGS PA'I BSKAL BA DANG CHOS MTHUN SBYAR BA DANG, LAM RDZOGS RIM GYI

, ,SKABS SU DPE DON GYI 'OD GSAL GYI RGYUD SMIN BYED DU 'GYUR BA DANG, 'BRAS BU SANGS RGYAS KYI SA'I CHOS SKU DANG RNAM PA MTHUN PA'I 'BRAS BU LAM BYED KHYAD PAR CAN DU 'GYUR BA'I DGOS PA YOD PA'I PHYIR, GNYIS PA LA GNYIS, CHOS MTHUN YUL DANG, CHOS MTHUN SBYAR BA DNGOS SO, ,DANG PO NI, SNOD SNGA MA ZHIG STONGS PA'I NAM MKHA' STONG SANG GI YUN TSAD LA BAR BSKAL NYI SHU YOD CING, DE LA NI STONGS BSKAL ZHES KYANG BRJOD DO, ,SNOD 'CHAGS PA'I MGO RTZOM PA NA BSAM GTAN GNYIS PA SOGS NAS RLUNG 'OG TU CUNG ZAD BABS PAS BSAM GTAN DANG PO SOGS KYI GZHAL MED KHANG RNAMS YAS RIM NAS CHAGS, DE NAS BSAM GTAN DANG PO SOGS NAS RLUNG CUNG ZAD 'OG TU BABS PAS 'DOD LHA GONG MA RNAMS KYI GZHAL YAS KHANG RNAMS YAS RIM GYIS CHAGS, DE NAS SNOD 'CHAGS PA'I SNGA LTAS NAM MKHA' LA RLUNG DAL BU DAL BUS GA-YOS PA 'PHEL NAS KHAMS SNA TSOGS PA'I RANG BZHIN GYI RLUNG GI DKYIL 'KHOR DPANGS SU DPAG TSAD SA YA DANG 'BUM PHRAG DRUG ,RGYAR DPAG TSAD 'BUM PHRAG GRANGS MED GCIG YOD PA TSAN PO CHE'I RDO RJES KYANG GZHIG PAR MI NUS PA ZHIG CHAGS, DE NAS SEMS CAN SPYI MTHUN GYI LAS LAS GRUB PA'I GSER GYI SNYING PO CAN GYI CHAR GYI RGYUN SHING RTA'I 'PHANG LO TZAM BABS PA YUN RING DU BSAGS PAS, RLUNG DKYIL GYI STENG DU, DPANGS SU DPAG TSAD 'BUM PHRAG BCU GCIG DANG STONG PHRAG NYI SHU YOD PA'I CHU'I DKYIL 'KHOR

CHAGS, DE'I RJES SU CHU'I DKYIL 'KHOR DE SEMS CAN SPYI MTHUN GYI LAS LAS GRUB PA'I RLUNG GIS BSRUBS PA LA BRTEN NAS, 'O MA SKOL BA LAS SPRIS MA CHAGS PA LTAR, GSER GYI DKYIL 'KHOR DPANGS SU DPAG TSAD 'BUM PHRAG GSUM DANG STONG PHRAG NYI SHU YOD PA ZHIG CHAGS TE, MDZAD LAS, DE LA SNOD KYI 'JIG RTEN GYI, ZHES PA NAS, LHAG MA DAG NI GSER DU 'GYUR, ZHES PA'I BAR GSUNGS PA'I PHYIR, CHU DANG GSER GYI DKYIL 'KHOR GYI THAD KAR DPAG TSAD 'BUM PHRAG BCU GNYIS DANG STONG PHRAG GSUM DANG BRGYA PHRAG PHYED DANG LNGA YOD CING, MTHA' SKOR DU DE GSUM 'GYUR YOD DE, MDZOD LAS, CHU DANG GSER GYI DKYIL 'KHOR GYI, ZHES PA NAS, ,KHOR YUG TU NI SUM 'GYUR RO, ,ZHES PA'I BAR GSUNGS PA'I PHYIR, GZHI LA DUS 'KHOR LUGS LA MA GTOGS MED KYIL DNGOS SU MED KYANG, 'BYUNG BA GZHAN RNAMS KYI GOS NA ME RDUL BAG LA ZHA BA'I TSUL GYIS YOD PAS CHOS MTHUN YUL MA TSANG BA'I SKYON MED DO, ,DE'I RJES SU SEMS CAN SPYI MTHUN GYI LAS LAS NAM MKHA' LA KHAMS SNA TSOGS PA'I SBRIN CHAGS TE, DE LAS KHAMS SNA TSOGS PA'I CHAR BAB PA YUN RING DU BSAGS PA LAS GSER GYI DKYIL 'KHOR GYI STENG DU MTSO CHEN PO ZHIG CHAGS SO, ,DE SEMS CAN SPYI MTHUN GYI LAS LAS GRUB PA'I RLUNG GIS BSRUBS PA LAS KHAMS RAB LAS RI RAB DANG, KHAMS 'BRING LAS GSER GYI RI BDUN DANG, KHAMS THAM LAS GLING BZHI GLING PHRAN BRGYAD LCAGS RI MU KHYUD DANG

, ,BCAS PA CHAGS SO, ,RI RAB KYI SHAR DNGUL, LHO BEE d'URYA, NUB PADMA R'A GA ,BYANG GSER LAS GRUB PA YIN LA, GSER GYI RI BDUN GYI NANG GI ROL MTSO'I CHU RNAMS NI YAN LAG BRGYAD LDAN GYI CHU YIN ZHING, DE NI NANG GI RGYA MTSO YIN LA, MU KHYUD 'DZIN PHAN CHAD KYI MTSO NI BA TSVA CAN GYI PHYI'I RGYA MTSO YIN PAS, DE LA GLING BZHI GLING PHRAN BRGYAD RNAMS BRTEN PA'I TSUL GYIS GNAS PAR RNAM GZHAG RIM PAR BSHAD PA LTAR RO, ,GNYIS PA NI, SKAD CIG GIS RDO RJE'I SA GZHI, ZHES SOGS GSUNGS, 'DI'I DON LA BOD KYI BLA MA KHA CIG ,'PHAGS PA YAB SRAS KYIS RDO RJE'I SA BZHI RVA GUR BLA BRE ME RI DANG BCAS PA SGOM PA DNGOS SU GSAL BAR MA BSHAD PAS DE RNAMS SGOM PA MI RIGS SO ZHES ZER BA MI 'THAD DE, DE RNAMS SGOM PA AA BHA YAS DKYIL CHOG RDO RJE 'PHRENG BAR BSHAD PA'I PHYIR, DE LTAR MIN NA, BRI BYA LA RDO RJE RVA BA ME RI DANG BCAS PA BRI BA MI 'THAD PAR 'GYUR ZHING, DE MI 'THAD NA KLU BYANG GIS 'DUS PA'I DKYIL 'KHOR GYI SHAR MTHA' NAS NUB MTHA'I BAR GYI THIG SKUD LA CHA CHUNG GO DRUG PAR BSHAD PA DANG 'GAL BA'I SKYON DU 'GYUR RO, ,BSRUNG 'KHOR GYI DBUS SU CHOS 'BYUNG SGOM DGOS TE, GLENG GZHI DANG, LE'U GSUM PA'I, NAM MKHA'I DBYINGS KYI DBUS GNAS PAR, ZHES PA DANG, BCU GCIG PA'I, NAM MKHA' RDO RJE'I DBUS SU BSAM, ZHES PAS CHOS 'BYUNG SGOM DGOS PAR BSTAN PAR SGRON GSAL LAS BSHAD CING, RGYUD PHYI MA LAS, CHOS 'BYUNG BA NI JI LTAR BSGOM, ,

ZHES DRIS PA'I LAN DU SKU GSUNG THUGS KYI DBYE BA YIS, ,GU GSUM DU NI RNAM PAR BSGOM, ,ZHES GSUNGS PA'I PHYIR, CHOS 'BYUNG GI NANG DU SNA TSOGS PADMA BSKYED PAR BYA BA YIN TE, DE LTAR DU KLU BYANG GIS BSHAD PA'I PHYIR, RDO RJE'I RA GUR CHOS 'BYUNG PADMA RNAMS SGOM PA LA GZHI LA CHOS MTHUN SBYOR RGYU MED KYANG, LAM RDZOGS RIM GYI SKABS SU DAG MA DAG GI SGYU LUS PA GNYIS KYIS RDO RJE'I RVA GUR, CHOS 'BYUNG PADMA RNAMS DNGOS GNAS LA SPRUL PA DANG CHOS MTHUN ZHING, DE'I DGE RTZA SMIN BYED KHYAD PAR CAN DU 'GYUR BA YIN NO, DES NA CHOS 'BYUNG BSGOMS PA LA DGOS PA YOD DE, SNGAGS BLA MED KYI LAM GYI SNYING PO BDE STONG DBYER MED KYI YE SHES DE MTSON PA'I CHED YIN PA'I PHYIR TE, CHOS 'BYUNG KHA DOG DKAR BAS RANG BZHIN RNAM DAG DANG, ZUR GSUM GYIS RNAM THAR SGO GSUM GYI STONG NYID DANG, BHA GA'I DBYIBS CAN GYIS BDE BA CHEN PO'I YE SHES RNAMS MTSON, DE THAMS CAD CHOS 'BYUNG GCIG LA TSANG BAS BDE STONG DBYER MED DU SBYOR BA MTSON PA YIN PA'I PHYIR, CHOS 'BYUNG GI NANG DU RTEN DANG BRTEN PA'I DKYIL 'KHOR THAMS CAD CHUNG PAR BSGOMS PA LA DGOS PA YOD DE, 'BRAS BU SANGS RGYAS KYI SA'I YON TAN THAMS CAD 'BRAS DUS KYI BDE BA CHEN PO'I BDAG NYID DU CHUNG PAR SHES PA'I CHED YIN PA'I PHYIR, DE YANG CHOS 'BYUNG DKAR PO ZUR GSUM PA GDENGS KA CHE BA GYEN DU PHYOGS SHING RTZE MO PHRA BA THUR DU ZUG PA BSGOMS PA LA DGOS PA YOD DE, LAS DANG PO'I GNAS SKABS SU YON TAN PHRA ZHING, MOS SPYOD

, ,NAS BZUNG STE SA GONG MA RNAMS SU YON TAN JE RGYAS SU 'GYUR BA DE MTSON PA YIN PA'I PHYIR, SNA TSOGS PADMA'I STENG DU 'BYUNG BZHI'I DKYIL 'KHOR BSKYED PAR DGONGS PA LUNG STON LAS BSHAD CING, DE LTAR BSKYED PA LA DGOS PA YOD DE, GZHI LA 'BYUNG BZHI'I DKYIL 'KHOR RIM GYIS CHAGS PA DANG CHOS MTHUN ZHING, RDZOGS RIM GYI SKABS SU SGRUB PA PO'I RGYUD LA LHAN SKYES KYI BDE CHEN 'DREN PA'I THABS PHYI'I RKYEN PADMA CAN SOGS PHYAG RGYA BZHI MTSON ZHING; NANG RLUNG LA SBYAR NA RLUNG DKYIL GYIS MNYAM GNAS DANG, MED DKYIL GYIS GYON RGYU DANG, CHU DKYIL GYIS SROG 'DZIN DANG, SA DKYIL GYIS THUR SEL RNAMS MTSON PA'I PHYIR, YAm RAm PAm LAm BZHI LAS 'BYUNG BZHI'I DKYIL 'KHOR BSKYED PA'I RGYU MTSAN YOD DE, YI GE BZHI DKYIL 'KHOR BZHI'I SA BON YIN PA'I RGYU MTSAN GYIS YIN PA'I PHYIR, H'Um GNYIS NI THUGS RDO RJE'I SA BON DANG, RDO RJE GNYIS NI THUGS RDO RJE MTSON BYED YIN PAS, H'Um GNYIS LAS BYUNG BA'I RDO RJE GNYIS KYI BAR DU 'BYUNG BZHI'I DKYIL 'KHOR RE RE NAS CHUD PAR BSGOMS PA LA DGOS PA YOD DE, DKYIL 'KHOR BZHI PO DE BDE STONG DBYER MED KYI YE SHES KYI BDAG NYID DU MOS DGOS SO ZHES SHES PAR BYA BA'I CHED YIN PA'I PHYIR, 'BYUNG BA BZHI PO GCIG TU 'DRES PA LAS SNA TSOGS RDO RJER BSKYED DGOS TE, LE'U BRGYAD PA LAS, ZHI BA RDO RJE 'DZIN 'DOD NA, ,BSDU BA DAG KYANG RAB TU BYA, ,ZHES PAS DE LTAR BSTAN PAR MDO SRE LAS BSHAD PA'I PHYIR, DKYIL 'KHOR BZHI PO GCIG

TU 'DRES PA LAS SNA TSOGS RDO RJE BSKYED PA LA DGOS PA YOD DE, RDZOGS RIM PA'I SGRUB PA POS PHYI'I RKYEN PADMA CAN SOGS PHYAG RGYA BZHI DANG SNYOMS PAR 'JUG PA DANG, NANG GI RKYEN RTZA BA'I RLUNG BZHI LA RDOR BZLAS BYAS PA LAS BYUNG BA'I DPE DON GYI 'OD GSAL DANG RNAM PA MTHUN ZHING, DE LTA BU'I RTOGS PA SKYE BA'I DGE RTZA SMIN BYED KHYAD PAR CAN DU 'GYUR BA YIN PA'I PHYIR, LTE BA'I STENG DU, LE'U BCU GCIG PA LAS, RDO RJE'I SPRIN NI 'PHRO BSKYED PA, ,DE RU YI GE BHR'Um BSAM MO; ZHES GSUNGS PA LTAR, BHRUm LAS GZHAL YAS KHANG BSKYED PA LA DGOS PA YOD DE, GZHI LA GZHAL YAS KHANG GI SBYANG GZHI MA DAG PA'I SNOD KYI 'JIG RTEN DE PHUNG PO LNGA'I NANG NAS GZUGS PHUNG GI NANG DU 'DUBS, DE SPYOD BYED GZHAL YAS KHANG YANG GZUGS PHUNG RNAM PAR DAG PA RNAM SNANG GI BDAG NYID DU MOS DGOS SO ZHES SHES PAR BYA BA'I CHED YIN PA'I PHYIR, SNA TSOGS RDO RJE'I LTE BAR GZHAL YAS KHANG BSGOMS PA LA DGOS PA YOD DE, RIM PA BZHI BA'I DON GYI 'OD GSAL LAS ZUNG 'JUG GI SKUR BZHENGS PA DE MTSON PA YIN PA'I PHYIR, 'O NA GZHAL YAS KHANG GI TSAD JI LTAR YIN ZHE NA, LHA'I SGO NAS BZHAG PA NI, LE'U BZHI BAR THUGS DKYIL KHRU BCU GNYIS PA DANG, BCU DRUG PAR SKU DKYIL KHRU BCU DRUG PA DANG GSUNG DKYIL KHRU NYI SHU BAR GSUNGS SHING, DE BZHIN DU GUR LAS KYANG, RDO RJE CAN GYI KHRU GSUM STE, ,SANGS RGYAS DKYIL 'KHOR KHRU BZHI BA, ,KHRU LNGA PA NI SNANG BYED PA'O, ,GAR DBANG PHYUG GI KHRU DRUG DANG, ,RTA

, ,YI RGYAL PO'I KHRU BDUN PA, ZHES RIGS SO SO'I DBANG DU BYAS NAS NGES CAN DU GSUNGS LA, GDUL BYA'I DBANG GIS NI NGAS PA MED DE, DKYIL CHOG RDOR PHRENG LAS, MKHAS PAS GDUL BYA'I SKYE BO YI, ,SEMS RNAMS YANG DAG BLTAS NAS NI, ,'DOD PAS TSAD NI BYAS NA YANG, ,NYES PA CUNG ZAD YOD MA YIN, ZHES DANG, KLU BYANG GIS KYANG, SNGAGS PAS SLOB MA'I NUS PA DANG, ,RJES SU BSTAN NAS DKYIL 'KHOR DE, ,KHRU GANG PA NAS BRTZAMS BYAS NAS, ,KHRU STONG PAR DU BRI BAR BYA, ZHES GSUNGS PA'I PHYIR, DE YANG GRANGS KYI NGES PA LA DGA' BA'I NGO DANG BSTUN NAS DE LTAR GSUNGS KYI, DNGOS PO'I GNAS TSOD DANG BSGOM PA'I DON LA TSAD SOGS MTHA' GCIG TU NGES PA MED DE, MAR ME MDZAD KYIS, SEMS CAN BSAM PA LA BRTEN NAS, ,TSAD LA SOGS PA DES BSHAD KYI, ,THABS SHES LAS 'BYUNG DNGOS GRUB LA, ,TSANG SOGS NGES PA CI ZHIG BYA, ZHES DANG, LE'U BRGYAD PA LAS, DPAG TSAD BRGYA YI KHYON TZAM DU, ,'KHOR LO'I DKYIL 'KHOR BSGOMS BYAS NAS, ZHES DANG, DPAG TSAD BYE BA'I KHYON TZAM DU, ,GRU BZHI SHIN TU MDZES PA YI, ,MCHOD RTEN RIN CHEN SNA BZHI PA, ,GSAL ZHING RANG BZHIN DRI MA MED, ZHES GSUNGS PA'I PHYIR, 'O NA GZHAL YAS KHANG GI MTSAN NYID DANG DBYIBS SOGS BRI BA DANG SGOM TSUL JI LTAR YIN ZHE NA, MDOR BYAS LAS, ZUR BZHI DANG NI SGO BZHI DANG, ,RTA BABS BZHI YIS MDZES BYAS PA, ,THIG BZHI DANG NI YANG DAG

LDAN, ,KA BA BRGYAD KYIS NYE BAR MDZES, ,ZHES SOGS GSUNGS PA LTAR YIN LA, DE YANG ZHIB TU BSHAD NA, 'OD 'PHRENG GI PHYI MTHA' NAS PHYI MTHA'I BAR LA SGO TSAD NYER BZHI, DE BZHIN DU RDO RA'I MTHA' NAS MTHA'I BAR LA SGO TSAD NYER GNYIS, PAD RA'I MTHA' NAS MTHA'I BAR LA SGO TSAD NYER GCIG ,BANG MA'I LTE BA'I MTHA' NAS MTHA' DANG, SNA TSOGS RDO RJE'I RA RTZE NAS RA RTZE'I BAR LA SGO TSAD NYI SHU, RTZIG PA'I NANG MTHA' NAS NANG MTHA'I BAR LA SGO TSAD BRGYAD DANG, PHRO BRANG NANG MA'I NANG MTHA' NAS NANG MTHA'I BAR LA SGO TSANG BZHI RNAMS YOD PA YIN NO, ,GZHAL YAS KHANG GI DPANGS LA CHA PHRAN BCU DRUG ,DE'I STENG GI MNGA' YAB KYI DPANGS LA CHA PHRAN GCIG STE CHA PHRAN BCU BDUN YOD DE, RTA BABS KYI DPANGS LA DE LTAR YOD PA'I PHYIR, KHYAB STE, RTA BABS KYI MDA' YAB DANG PHYI KHYAMS KYI MDA' YAB GNYIS THAD MNYAM PA'I PHYIR, PHYI KHYAMS KYI THOG LAS PHO BRANG NANG MA'I THOG SGO TSAD GCIG LHAG TZAM GYIS MTHO, ,DE LAS RGYA PHIBS KYI THOG SGO TSANG LHAG TZAM GYIS MTHO BA YIN TE, PHO BRANG NANG MA'I 'OG GZHI PHYI KHYAMS KYI 'OG GZHI LAS SGO TSAD GCIG LHAG TZAM GYIS MTHO BA'I PHYIR TE, GTZO BO'I 'OG TU GNOD MDZES 'GONG DGOS PA'I PHYIR, ME RI NI KHA DOG SNA TSOGS PA; BSKAL BA 'JIG PA'I DUS MTHA'I ME LTA BUR 'BAR BA BSGRUB PA PO RANG GI BLOS GANG LCOGS SU BSGOM PAR BYA ZHING, BRI BYA LA SGO TSAD GCIG ,DE'I NANG GI RDOR NI BSRUNG 'KHOR GYI SKABS LTAR GZLUM POR BSGOM LA BRI BYA LA CHA PHRAN

, ,GNYIS SO, ,CHOS 'BYUNG GI NANG DU SNA TSOGS PADMA SGOM PA NI SNA TSOGS RDO RJE BRTEN PA'I DON DU YIN LA, SNA TSOGS PADMA'I LTE BA'I RGYAR RTA BABS SGO TSAD GCIG MA'I LUGS LA SGO TSAD BCU DRUG ,SGO TSAD GSUM MA'I LUGS LA SGO TSAD NYI SHU, DE GNYIS KA'I LUGS LA 'DAB MA LA CHA PHRAN GNYIS, GE SAR SER PO LTE BA LJANG GU 'DAB MA KHA DOG SNA TSOGS PA YIN NO, ,DE'I STENG DU SNA TSOGS RDO RJE'I LTE BA'I RGYA TSAD LA, RTA BABS SGO TSAD GCIG MA DANG, GSUM MA GNYIS KA'I LUGS LA SGO TSAD BCU GNYIS, RVA RNAMS KYI SRID LA RTA BABS SGO TSAD GCIG MA'I LUGS LA SGO TSAD GNYIS, GSUM MA'I LUGS LA SGO TSAD BZHI, DE GNYIS KA'I DBUS RA'I DBUS KYI SBOMS LA SGO TSAD GCIG ,GA-YAS GA-YON GYI RVA'I DBUS KYI SBOMS LA, CHA PHRAN GSUM GSUM DU NGES SHING, GA-YAS GA-YON GYI RVAS DBUS RVA'I RTZER CHA PHRAN GNYIS GNYIS KYIS MA SLEB PA NI CHA PHRAN GNYIS GUG PA'I CHA LA SONG BA YIN NO, ,SNA TSOGS RDO RJE'I LTE BA KHA DOG SNGON PO, RVA RNAMS PHYOGS MDOG BYED NA SHAR DKAR, LHO SER, NUB DMAR, BYANG LJANG BA, RVA KHRA BYED NA DBUS KYI RVA RNAMS NI RANG RANG GI DE BZHIN GSHEGS PA'I MDOG ,GA-YAS GA-YON GYI RVA RNAMS RANG RANG GI GLO DAG GI DE BZHIN GSHEGS PA'I MDOG ,'OG GI RVA RNAMS RANG RANG GI RGYAB KYI DE BZHIN GSHEGS PA'I MDOG DANG, STENG RVA RNAMS GTZO BO'I MDOG CAN NO, ,RVA RNAMS KYI 'THON MTSAMS NI, PHYOGS BZHI'I RVA RNAMS

RTA BABS SGO TSAD GSUM MA'I LUGS LA, SNA TSOGS RDO RJE'I LTE BA'I PHYI MTHA' NAS NANG DU SGO TSAD BZHI 'ONGS PA'I MTSAMS NAS 'THON LA, SGO TSAD GCIG MA'I LUGS LA SNA TSOGS RDO RJE'I LTE BA'I PHYI MTHA' NAS NANG DU SGO TSAD PHYED DANG LNGA 'ONGS PA'I MTSAMS NAS 'THON PA YIN NO, ,DE LTA BU'I SNA TSOGS RDO RJE BSGOMS PA LA CHOS CAN, DGOS PA YOD DE, GZHAL YAS KHANG GI RTEN GZHI BYED PA'I CHED YIN PA'I PHYIR, SGO BZHI SO SO'I MDUN DU RTA BABS 'DEGS BYED KYI STEGS BU GRU BZHI PA'I STENG DU BUM PA LA GNAS PA'I KA BA ZHENG LA CHA PHRAN GCIG ,DPANGS SU CHA PHRAN LNGA BA PHYOGS RE RER GNYIS GNYIS TE BZHI BZHI BTZUGS PA'I STENG DU SNAM BU RNAMS GCIG STENG DU GCIG BRTZEGS PA'I TSUL DU YOD LA, SNAM BU'I GRANGS RTA BABS GNYIS KA LA BCU GCIG TU NGES SO, ,RTA BABS SGO TSAD GCIG MA LA 'DEGS BYED KYI KA BA CHA PHRAN LNGA DANG CHA CHEN LA SNAM BU BCU GCIG TU BGOS PA LNGA MNYAM GSUM GSUM MNYAM YIN ZHING, DPANGS KYANG GZHAL YAS KHANG LAS CHES DMA'O, ,DE LTA BU'I TA BABS DANG, SGO STENG GI BAR DU BRI BYA LA MUN SNAM BYED MI BYED GNYIS YOD KYANG, BSGOM BYA LA CHA PHRAN GCIG NGES PAR BYA DGOS TE, SANGS RGYAS GSANG BAS MDZAD ZER BA LAS, SGO YI BYAMS DANG TVA RA nA, ,SHIN TU GCIG NYID MI BYA'O, ZHES GSUNGS PA'I PHYIR, RTA BABS SGO TSAD GSUM MA'I LUGS LA, 'DEGS BYED KYI KA BA CHA PHRAN LNGA, SNAM BU BCU GCIG LA CHA PHRAN

, ,BCU GNYIS YOD PA GNYIS MNYAM DGU MNYAM GYI DBANG DU BYAS PA STE, DE LTA BU NI RTA BABS YONGS RDZOGS KYI DPANGS TSAD YIN ZHENG LA DE'I GZHAL YAS KHANG DANG DPANGS MNYAM PAR 'GYUR RO, ,SNA TSOGS RDO RJE'I STENG DU RTZIG PA'I ZHENG LA CHA PHRAN GCIG DBANGS SU CHA PHRAN BCU GSUM, DE'I STENG GI PHA GU LA CHA PHRAN GCIG ,DRA BA DRA PHYED LA CHA PHRAN GNYIS TE CHA PHRAN BCU DRUG GZHAL YAS KHANG GI NANG GI DPANGS YIN ZHING, DE'I STENG DU MDA' YAB PU SHU'I TSUL DU YOD PA LA CHA PHRAN GCIG STE, CHA PHRAN BCU BDUN GZHAL YAS KHANG GI PHYI'I DPANGS TSAD YIN NO, ,'O NA THOG 'BUBS TSUL JI LTAR YIN ZHE NA, SGO BZHI SO SO'I RTZA THIG DANG TSANGS THIG 'PHRAD MTSAMS NAS NANG DU SGO TSAD GCIG PHYIN PA'I GA-YAS GA-YON DU CHA CHUNG LNGA LNGA SONG BA'I SAR ZHENG LA CHA PHRAN GCIG DANG, DPANGS SU CHA PHRAN BCU DRUG YOD PA'I KA BA GNYIS GNYIS TE KA BA BRGYAD BTZUGS PA'I STENG DU PHYOGS BZHI'I GDUNG BZHI MIG MANG RIS SU BRES PA LA LCAM SNE NANG MA RNAMS BKAL, LCAM SNE PHYI MA RNAMS GSER GYI SKA RAGS LA BKAL NAS PHYI'I KHYAMS GRU BZHI PA 'BUBS PA YIN NO, ,DE'I DBUS SU GAR BU DPANGS SU SGO TSAD GCIG LHAG TZAM YOD PA, DBYIBS ZLUM PO MAndAL KHA SBUB PA LTA BU, THAD KAR SGO TSAD BZHI YOD PA'I MTHA' SKOR DU, RDO RJE RTZE GSUM PA DPANGS CHA PHRAN GCIG PAS ZLUM POR BSKOR BA'I RVA RNAMS KYI 'PHRAD MTSAMS NAS, KA BA PHYOGS RI NAS GNYIS

GNYIS KYIS BTEG PA'I STENG DU GDUNG BZHI MIG MANG RIS SU BRES BA, DE'I STENG DU KA CHUNG GSEGS KA YOD PA PHYOGS RER GNYIS GNYIS RTZE MO NANG DU DUD PA LA RDO RJE'I GDUNG BKAL BAR LCAM SNE NANG MA DANG, KA CHUNG BRE PHUL DANG BCAS PA LA GNAS PA'I GDUNG GI STENG DU LCAM SNE PHYI MA RNAMS BKAL BA'I TSUL GYIS RTZE MO RDO RJE NOR BU RIN PO CHE'I TOG GIS SPRAS PA'I RGYA PHIBS 'GEL BA YIN NO, ,DE LTAR GZHI LAM 'BRAS GSUM GYI MTSON DON DRAN PA'I SGO NAS LHAG MOS KYI RTEN GZHAL YAS KHANG SKAD CIG GIS BSKYED RIM GYIS GSAL BTAG BDE STONG DBYER MED KYI YE SHES KYI RNAM 'GYUR DU BLTAS NAS SGOM PAR BYED PA YIN LA, DE LTAR BSGOMS PA LA CHOS CAN, DGOS PA YOD DE, SGRUB PA PO RANG NYID MA 'ONGS PA NA MA DAG PA'I SNOD KYI 'JIG RTEN LA LONGS SPYOD 'GYUR GYI NUS PA SPYOD PAR BYED, LAM RDZOGS RIM GYI SKABS SU DAG MA DAG GI SGYU LUS PA GNYIS KYIS YE SHES RANG SNANG LAS GRUB PA'I GZHAL YAS KHANG DNGOS GNAS LA SPRUL PA'I DGE RTZA SMIN BYED DU 'GYUR, 'BRAS BU SANGS RGYAS KYI SAR RANG NYID GANG DU 'TSANG RGYA BA'I SANGS RGYAS KYI ZHING MYUR DU 'GRUB PA'I 'BRAS BU LAM BYED KHYAD PAR CAN DU 'GYUR BA'I CHED YIN PA'I PHYIR, GNYIS PA LA GSUM LHAG MES KYI LHA DGOD PA, LHAG MOS KYI MDZAD PA, LHAG MOS LUS LA BSDU PA'O, ,DANG PO LA GSUM, 'GRO BA GANG DANG MTHUN PAR LHA BSKYED PA'I TSUL, DE DANG MTHUN PAR LHA SKYED PA'I RGYU MTSAN, BSKYED RIM GYIS SBYANG GZHI SBYONG BA'I

, ,DON BSHAD PA'O, ,DANG PO NI, DE YANG CHOS MTHUN GYI DBANG DU BYAS NA, THOG MAR SNOD CHAGS NAS BCUD KYI SEMS CAN 'CHAGS PA'I TSUL NI, BSAM GTAN GNYIS PA NAS LHA'I BU ZHIG TSE 'PHOS TE BSAM GTAN DANG POR SKYES PA'I TSUL GYIS BSAM GTAN DANG PO BA RNAMS 'CHAGS, TSUL DE BZHIN DU 'DOD LHA RIGS DRUG DANG, GLING BZHI PA'I MI DANG, RTZA BA'I GNAS NA GNAS PA'I YI DVAGS, BYINGS NA GNAS PA'I DUD 'GRO, GRANG DMYAL BRGYAD TSA DMYAL BRGYAD, NYI TSE NYE 'KHOR BA DANG BCAS PA RNAMS YAS RIM NAS 'CHAGS SO, ,DE'I TSE MNAR MED DU SEMS CAN GCIG SKYES BA DANG BSKAL PA 'CHAGS PA'I MJUG RDZOGS PA, GNAS PA'I 'GO RTZAM PA GSUM DUS MNYAM PA'I TSUL DU 'BYUNG BA YIN LA, DE YANG 'CHAGS PA LA BAR BSKAL NYI SHU, 'JIG PA LA NYI SHU, GNAS PA LA NYI SHU, STONGS PA LA NYI SHU DANG BCAS PA'I BAR BSKAL BRGYAD CU PO DE BSKAL CHEN GCIG TU BYED PA YIN NO, ,DE RNAMS KYI NANG NAS DZAMBU GLING PA'I BSKAL PA DANG PO'I MI RNAMS RDZUS TE SKYE BA, TSE LO DPAG TU MED PA THUB PA, DBANG PO KUN TSANG BA, LUS RANG 'OD KYIS KHYAB PA, MTSAN DPE RJES MTHUN PAS BRGYAN PA, DGA' BA'I ZAS ZA BA, RDZU 'PHRUL GYIS NAM MKHA' LA 'GRO NUS PA STE CHOS BDUN DANG LDAN PA SHA STAG YIN NO, ,DE'I TSE SA'I STENG DU BCUD PHUN SUM TSOGS PA RO SBRANG RTZI MA SKOL BA LTA BU, KHA DOG MAR GSAR PA'I KHA DOG LTA BUS KHYAB PA ZHIG BYUNG STE, DE KHAMS ZAS LA SRED

BA'I BAG CHAGS SAD PA ZHIG GIS MDZUB MO'I RTZER BLANGS TE MYANG BAR BYAS SO, ,GZHAN RNAMS KYIS KYANG DE MTHONG NAS BLANGS TE ZOS PAS 'OD DANG RDZU 'PHRUL RNAMS NYAMS NAS MUN PA BYUNG NGO, ,DE LA THAMS CAD KYIS 'DUS NAS MYA NGAN BYAS PAS NYI MA DANG ZLA BA BYUNG STE, DE NAS BZUNG STE NYIN ZHAG DANG DUS TSIGS SOGS KYI RNAM GZHAG RNAMS GRUB PA YIN NO, ,DE'I TSE SA'I BCUD CHER ZOS PA RNAMS NI MDOG NGAN LA NYUNG DU ZOS PA RNAMS MDOG BZANG BAS NGA NI BZANG LA KHYOD NI NGAN NO ZHES KHYAD GSOD BYAS PA LA BRTEN NAS SA BCUD DE YANG NUB BO, ,YANG SA'I STENG DU ZHAG PHUN SUM TSOGS PA RO SBRANG RTZI MA SKOL BA LTA BU, MDOG DONG KHA'I ME TOG LTA BUS KHYAB PA ZHIG BYUNG LA, DE YANG ZOS PA NAS NUB PA'I BAR SNGAR BZHIN NO, ,YANG SA'I STENG DU MYU GU'I TSAL PHUN SUM TSOGS PA RO SNGA MA LTA BU LA MDOG KA DAM PU KA'I ME TOG LTA BUS KHYAB PA ZHIG BYUNG LA, DE YANG ZOS PA SOGS SNGAR BZHIN NO, ,YANG SA'I STENG DU MA RMOS MA BTAB PA'I 'BRAS SA LU SBUN PA DANG SHUN PA MED PA, RTZA BA SOR BZHI'I TSAD TZAM YOD PA, NANG BRNGAS NA NANG SKYE, NUB BRNGAS NA NUB SKYE BA, BRNGAS PA MI MNGON BA ZHIG BYUNG NGO, ,DE THAMS CAD KYIS LONGS SPYOD PAS DE NI KHA ZAS RAGS PA YIN PA'I DBANG GIS SNYIGS MA RNAMS BSHAD GCIR GYUR TE 'DON PA'I SGO PHO MO'I DBANG PO SOGS DOD DO, ,DE NAS SNGAR GYI 'KHRIG PA'I BAG CHAGS DANG LDAN PA GNYIS KYIS MTHONG BA LA BRTEN NAS LOG PAR ZHUGS PA LA, GZHAN

, ,RNAMS KYIS SA 'THOR BA SOGS BYED CING MI RIGS PA BYAS SO ZHES BRJOD PA LA, DE GNYIS KYIS DE MI MTHONG BAR BYA BA'I PHYIR KHYIM 'BUBS PA SOGS BYAS PAS KHYIM GYI THOG MA YANG DE NAS BYUNG NGO, ,DE'I TSE 'BRAS SA LU DE NANG RE BZHIN LEN PA LAS, SEMS CAN LE LO CAN ZHIG GIS NYIN ZHAG GNYIS KA'I ZAS PHYOGS GCIG TU BLANGS PA LA BRTEN NAS GZHAN RNAMS KYIS KYANG LO DANG ZLA BA'I BAR GYI ZAS DUS GCIG TU BLANGS TE GSOG 'JOG BYAS PAS 'BRAS MA RMOS PA SKYE 'PHRO CHAD DE, SA BON BTAB NAS SKYED DGOS PA BYUNG, DE LA MI 'GA' ZHIG GIS, RANG GI SA LUS CHOG MA SHES PAR, GZHAN GYIS LU NAS 'PHROG PA DANG, RKU BA SOGS BYAS PA LA BRTEN NAS, PHAN TSUN 'THAB PA DANG, RTZOD PA DANG, MTSANG 'BRU BA SOGS MI DGE BA BCU'I LAS RNAMS RIM CAN DU RDZOGS PAR GYUR TO, ,MI DE RNAMS KYI NANG NAS BLO GZU BO RANG BZHIN BZANG BA ZHIG DPON DU BSKOS TE, DES KYANG KHRIMS DANG CHAD PA TSUL BZHIN BCAD CING, DE LA STON THOG GI DRUG CHAS BSTABS PA LA BRTEN NAS DE RGYAL POR GYUR TE, MANG POS BKUR PA'I RGYAL PO ZHES BYA LA, SH'AKYA RNAMS KYI RGYUD KYANG DE NAS BYUNG NGO, ,DE 'DRA BA'I BSKAL PA DANG PO'I MI RDZUS TE SKYE BA DANG CHOS MTHUN PAR LHAG MOS KYI LHA SKYED TSUL STON PA LA, SKAD CIG GIS LHAG PAR MOS PA TZAM GYIS ZHES SOGS GSUNGS, DES NA LHAG MOS KYI LHA RNAMS SA BON PHYAG MTSAN SOGS LAS MI SKYED PAR SKAD CIG GIS SKYED PA YIN TE, MDOR BYAS LAS, CHO GA JI BZHIN DKYIL 'KHOR LA, ,DE LTAR LHAG PAR MOS

BSAMS NAS, ZHES GSUNGS SHING ZIL GNON RDO RJE SPYI DON DU BSHAD PAS KYANG DE LTAR BSTAN PA'I PHYIR, LHA RNAMS PHYOGS GANG DANG GANG DU BZHUGS PA YANG SGRUB THABS LTAR BYA BA YIN TE, MDOR BYAS LAS, BDAG NYID PHYAG RGYAR LDAN PA NI, ,ZHAL GSUM PHYAG DRUG LTA BU LA, ,AINDRA N'I LA'I 'OD MNYAM PA, ,DKYIL 'KHOR DBUS SU BSGOM PAR BYA, ,RNAM SNANG MDZAD PA RIN CHEN DANG, ,ZHES PA NAS, GTZUG TOR 'KHOR LOS BSGYUR BA YANG, ,DE BZHIN STENG DU RNAM PAR BSGOM, ZHES PA'I BAR GYIS GSAL BAR BSTAN PA'I PHYIR, DKYIL 'KHOR RGYAL MCHOG GI SKABS SU GTZO BO RIGS SO SO'I DBYE BSAM NGES LA, LHAG MOS KYI GTZO BO RIGS DRUG PA RDO RJE 'CHANG DU SGOM PA KHO NAR NGES TE, MDOR BYAS SU LHAG MOS KYI GTZO BO RDOR SEMS DANG, MDO SRE DANG RDOR SEMS KYI SGRUB THABS SU DE'I GTZO BO RDO RJE 'CHANG KHO NA BSGOM PAR GSUNGS PA'I PHYIR, LHAG MOS KYI LHA RNAMS PHO MO'I RNAM PAR SGOM PA LA YANG CHOS MTHUN SBYOR TSUL YOD DE, BSKAL BA DANG PO'I MI RNAMS KHA ZAS RAGS PA BSTEN PAS RIM GYIS SKYES PA DANG BUD MED KYI RNAM PAR GYUR PA DANG CHOS MTHUN PA'I PHYIR, DE YANG BSKAL BA DANG PO'I MI'I SKYE BA SOGS DANG LHAG MOS KYI LHA'I SKYED TSUL SOGS 'DRA BA'I CHOS MTHUN SBYOR BA TZAM YIN GYI, DE GNYIS SBYANG GZHI SBYONG BYED DU SBYOR BA MA YIN TE, DE LTAR SBYOR BA LA 'BREL PA GANG YANG MED PA'I PHYIR, GNYIS PA NI, LHAG MOS KYI LHA SKYED PA BSKAL PA DANG PO'I MI DANG CHOS MTHUN SBYAR BA LA DGOS PA YOD DE, 'OG TU LHAG MOS 'OD GSAL DU SDUD PA NI, DZAMBU GLING PA'I MI KHAMS DRUG LDAN PA ZHIG 'CHI BA DANG CHOS MTHUN SBYAR NAS SGOM PA YIN PA GANG ZHIG ,DE LTAR SGOM PA

, ,LA DE'I SNGON DU 'CHI BA PO DANG 'DRA BA'I RTEN DGOS PAS, DE'I PHYIR DU BSKAL PA DANG PO'I MI DANG 'DRA BAR LHAG MOS KYI RTEN SGOM PA YIN PA'I PHYIR, BYAS PA LA KHO NA RE, BSKAL PA DANG PO'I MI KHO NA DANG SBYAR CI DGOS TE, 'CHI BA PO GANG YANG RUNG BA DANG SBYAR BAS CHOG PA'I PHYIR ZHE NA, BSKAL BA DANG PO'I MI KHO NA DANG CHOS MTHUN SBYAR BA LA DGOS PA YOD DE, GZHAL YAS KHANG SKYED BA SNOD TSOGS PA DANG CHOS MTHUN PA LTAR, DE'I NANG DU LHA SKYED PA YANG BCUD KYI MI THOG MAR CHAGS PA LTAR SGOM RIGS PA GANG ZHIG ,DZAMBU GLING GI MI CHAGS PA'I THOG MA BSKAL PA DANG PO'I MI YIN PA BZHIN DU, GZHAL YAS KHANG DU LHA BSKYED PA'I THOG MA LHAG MOS KYI LHA YIN PAS DE GNYIS CHOS MTHUN SBYOR RIGS PA'I PHYIR, 'O NA 'CHI MIM YANG BSKAL PA DANG PO'I MI'I 'CHI RIM DANG BSTUN NAS BSGOM DGOS PA'I PHYIR PHYIS RANG LA 'ONG RGYU'I 'CHI BA SPYOD BYED DU MI 'THAD PAR 'GYUR RO ZHE NA, SKYON MED DE, BSKAL BA DANG PO'I MIS KHA ZAS RAGS PA BSTEN PAS RIM GYIS THA MAL PAR GYUR PAR LUNG RNAM 'BYED LAS GSUNGS PA GANG ZHIG ,DE 'DRA BA'I MI DE 'CHI BA DANG, DA LTA'I KHAMS DRUG LDAN GYI MI 'CHI BA GNYIS RAGS PA NYER LNGA THIM RIM MTSUNGS PAS GNYIS KA DANG CHOS MTHUN PA'I PHYIR, 'O NA RIM PA DANG PO'I SKYE SHI BAR DO'I CHOS MTHUN RNAMS DZAMBU GLING PA'I MI KHO NA DANG SBYOR BA CI YIN ZHE NA, 'DI LA DGAG GZHAG GNYIS LAS, DANG PO NI, BOD KYI BLA MA KHA CIG NA RE, BCOM LDAN 'DAS KYIS SKYE

GNAS BZHI SBYOD BYED DU LHA'I SKYED CHO GA BZHI GSUNGS TE, DE YANG SGONG SKYES KYI SBYONG BYED DU ZLA BAR KAR DMAR RAM, NYI ZLA KHA SBYOR GYI DBUS SU SA BON CHUNG BA LAS SKYED PA YIN TE, MNGON BRJOD BLA MAR, SGONG SKYES GLU NI MED PA STE, ,SGRA DANG SGRA MIN SPANGS PA'O, ,ZHES GSUNGS PA'I PHYIR, MNGAL SKYES SBYONG BYED DU LHA YAB YUM GYI MNGAL DU SA BON LAS SKYED PA YIN TE, MNGAL SKYES GLU YI SBYOR BA YIS, ,SGOM PA RNAMS NI YONGS SU BRTAG ,CES ZHU BA GLUS BSKUL TE SKYED PAR GSUNGS PA'I PHYIR, DRONG GSHER SKYES SBYONG BYED DU SA BON LAS SKYED PA YIN TE, SDOM 'BYUNG 'GROL BAR, ZLA BA DANG SA BON LAS SKYES PA'I SKYE GNAS DROD GSHED LAS SKYES PA'O, ,ZHES GSUNGS PA'I PHYIR, RDZUS SKYES SBYOD BYED DU SKAD CIG GIS DKROD SBYOD BYED PA YIN TE, RDO RJE DRIL BU BAS, RDZUS TE SKYES PA'I SEMS CAN BZHIN, ,SA BON MED PAR RNAM SNAD BSGOM, ZHES GSUNGS PA'I PHYIR RE, DES NA 'DIR BSKAL BA DANG PO'I MI RDZUS SKYES KYI SKYE GNAS SBYONG BA'I PHYIR LHAG MOS KYI LHA DKROD SKYED BYED PA YIN NO, ZHES ZER BA MI 'THAD DE, DE LTAR YIN NA, SDOM 'BYUNG LE'U GNYIS PAR BSKYED RIM GYI SBYANG GZHI'I CHAD PA NA, SGYU MA LTA BU'I TING 'DZIN NI, ,MI RNAMS KYIS RAB MI SHES TE, ZHES PA NAS, KHU BA KHRAG DE'I DBUS SU NI, ,THIG LE'I GZUGS KYIS YANG DGAG NAS, ZHES MI MNGAL SKYES KYI SKYE BA'I RIM PA GSUNGS NAS, ,DE'I SBYONG BYED BSKYED RIM STON PA NA, LE'U BCU GSUM PAR ZHU BA GLUS SKUL MED PA, KHYED KYIS SGONG SKYES SBYONG BYED DU

, ,'DOD PA'I SKYED CHOG GSUNGS PA 'BREL MED DU 'GYUR BA'I PHYIR, MNGAL SKYES SBYONG BYED LA ZHU BA GLUS SKUL DGOS PAR 'DOD PA'ANG LUNG DANG RANG GIS KHAS BLANGS PA GNYIS KA DANG 'GAL TE, 'OG TU SPRUL SKU RDOR SEMS SU SKYED PA MNGAL SKYES SBYONG BYED DU RNAM GZHAG LAS GSUNGS SHING, KHYED RANG GIS KYANG DE LTAR KHAS BLANGS PA'I PHYIR, LHAG MAS KYI LHA SKAD CIG GI BSKYED PA, BSKAL PA DANG PO'I RDZUS SKYES SBYANG BYED DU 'DOD PA'ANG MI 'THAD DE; BSKAL BA DANG PO'I MI'I SKYE BA 'GAGS NAS YUN RING SONG BA DE SPYOD YANG MI THUB CING SBYANGS PA LA DGOS PA'ANG MED PA'I PHYIR, 'O NA LUNG DE RNAMS KYI DON JI LTAR YIN ZHE NA, DE YANG GZHAG TU YOD DE, LUNG DANG PO GNYIS KYI DON NI, LHA'I SKYED CHOG GNYIS PO DE SKYE GNAS GNYIS PO DANG CHOS MTHUN PA'I 'DRA BA TZAM LA DGONGS SHING, DRIL BU ZHABS KYI LUNG DE NI RDZOGS RIM PA'I 'OD GSAL LAS SGYU MA'I SKUR LDANG TSUL STON PA YIN GYI BSKYED RIM PA'I DKRONG SKYED DANG SBYAR BA DON MA YIN PA'I PHYIR, GNYIS PA NI, SNGAGS BLA MED KYI SKYED CHOG RNAMS DZAMBU GLING BA'I MI MNGAL SKYES KHAMS DRUG LDAN PA KHO NA DANG SBYOR BA'I RGYU MTSAN YOD DE, RNAM GZHAG RIM PA LAS, 'DAS PA DANG, MA 'ONGS PA DANG, DA LTAR BYUNG BA'I SANGS RGYAS THAMS CAD MI'I BDAG NYID KYI SRID PAR ZHUGS TE THAMS CAD MKHYEN PA'I GO 'PHANG GI DNGOS GRUB BRNYES PA DANG LDAN PAR 'GYUR RO, ,RGYU DES NA MI'I SRID PA SKYE BA'I RIM PA BSTAN TO, ZHES SNGAGS BLA MED KYI CHED

DU BYA BA'I GDUL BYA SNYIGS DUS KYI TSE THUNG LA 'TSANG RGYA BA'I DUS GSUM GYI SANGS RGYAS THAMS CAD DZAMBU GLING PA'I MI'I RTEN LA 'TSANG RGYA BAR KHYAB PAR GSUNGS PA'I PHYIR, DES NA SNGAGS BLA MED KYI LAM GYI THOG MA NAS NYAMS SU BLANGS NAS SNYIGS DUS KYI TSE THUNG GCIG LA 'TSANG RGYA BAR NGES PA'I GANG ZAG YIN NA DZAMBU GLING PA'I MI YIN PAS KHYAB STE, GANG ZAG DE LTA BUS DBANG PO GNYIS SBYOR LA BRTEN PA'I BDE CHEN LAM DU BYED NUS SHING, TSE STOD LA BSAGS PA'I LAS TSE SMAD LA SMIN DGOS PA GANG ZHIG ,DE 'DRA BA'I RTEN DE DZAMBU GLING PA'I RTEN LAS GZHAN PA'I 'GRO BA GANG GI YANG RTEN LA MED PA'I PHYIR, RTAGS DANG PO GRUB STE, SNGAGS BLA MED KYI MYUR LAM MTHAR THUG PA NI BDE STONG DBYER MED KYI YE SHES YIN LA, BDE BA DE YANG RLUNG DBU MAR ZHUGS GNAS THIM GSUM BYAS PAS DRANGS PA'I LHAN SKYES KYI BDE CHEN YIN ZHING, DE MTSAN NYID TSANG BA'I SEMS DBEN MTHAR THUG GI 'OD GSAL 'DREN PA LA PHYI NANG GI RKYEN GNYIS LAS, PHYI'I RKYEN PHYAG RGYA LA BRTEN PA GCIG NGES BAR DGOS PA'I PHYIR TE, YE SHES RDO RJE KUN BTUS LAS, SNGAGS DANG PHYAG RGYAS MNGON PAR 'DU BYAS PA'I RDO RJE DANG PADMA MNYAM PAR SBYOR BA MED PAR RNAM PAR SHES PA GSUM NYE BAR MTSON PAR MI NUS SO, ,ZHES GSUNGS LA, DES NI, PHYAG RGYA DANG MNYAM PAR SBYOR PA MED NA SEMS DBEN GYI SNANG BA GSUM TSE DE LA MI SKYE BAR GSUNGS SHING, YANG BHA GA DANG LING GA YANG DAG PAR SBYOR MI NUS PA DES NI BDE BA CHEN PO'I TING NGE

, ,'DZIN MI RNYED DO, ZHES DBANG PO GNYIS SBYOR BA MED PAR 'DOD YON LAM BYED KYI BDE BA CHEN PO LA BRTEN NAS SGYU MA'I SKU TSE DE LA MI 'GRUB PAR GSUNGS PA'I PHYIR, RTAGS GNYIS PA DER THAL, 'DOD LHA'I RTEN LA YANG MED, KHAMS GONG MA'I RTEN LA YANG MED, GLING GZHAN GSUM GYI RTEN LA YANG MED, NGAN 'GRO'I RTEN LA YANG MED PA'I PHYIR, DANG PO GRUB STE, DBANG PO GNYIS SBYOR LA BRTEN PA'I KHAMS DKAR DMAR GYI 'DU 'PHROD MED PA'I PHYIR; GNYIS PA GRUB STE, DE NA PHO MO'I DBANG PO TZAM YANG MED PA'I PHYIR, GSUM PA GRUB STE, GLING DE GSUM NA KHAMS KYI 'DU 'PHROD YOD KYANG BDE CHEN LAM DU BYED NUS PA'I DBANG PO RNO PA MED CING, TSE STOD LA BSAGS PA'I LAS TSE SMAD LA SMIN NUS PA MED PA'I PHYIR TE, DE RNAMS LONGS SPYOD KYIS PA YIN GYI LAS KYIS PA MA YIN PA'I PHYIR TE, SDOM 'BYUNG LAS, SHAR GYI LUS 'PHAGS PA LANG SPYOD, ,DE BZHIN BYANG GI SGRA MI SNYAN, ,GLING GSUM PO YI MI RNAMS NI, , LONGS SPYOD CHEN POS YANG DAG 'TSO, ,RNAM RTOG MED CING RNAM DPYOD MED, ,BLUN RMONGS BYE BRAG MI BYED PA'O, ,ZHES DANG DZAMBU GLING RNAMS LEGS SKYES PA'I, ,LAS KYI SA PAR RAB TU GRAGS, ,LEGS BYAS DANG NI NYES BYAS LAS, , MCHOG DANG 'BRING DANG THA MA YI, ,SKYE BA SNGA MA'I RNAM SMIN 'DIR, ,SKYE BO KUN LA MTHONG BAR 'GYUR, ZHES GSUNGS PA'I PHYIR, BZHI BA GRUB STE, DE DAG LAM SGOM PA'I RTEN DU MI RUNG BA'I PHYIR, DES NA SNGAGS BLA MED KYI GDUL BYA'I

GTZO BO DE DZAMBU GLING PA'I MI'I RTEN CAN YIN PA LA DGONGS NAS, YUL NYI SHU RTZA BZHI'I DPA' BO DANG RNAL 'BYOR MA RNAMS DZAMBU GLING KHO NAR BZHUGS NAS SGRUB PA PO'I RGYUD BYIN GYIS RLOB PA DANG, LAM SGRUB PA'I GROGS MDZAD PAR RDO RJE MKHA' 'GRO'I 'GREL PAR GSUNGS SO, ,GSUM PA BSKYED RIM PA'I SBYANG GZHI SBYONG BA'I DON NI, KHA CIG ,RIM GNYIS KYI SBYANG GZHI SO SO BA YIN TE, SKYE BA BSKYED RIM GYI SBYANG GZHI DANG 'CHI BA RDZOGS RIM GYI SBYANG GZHI YIN PA'I PHYIR TE, SPYOD BSDUS LAS, SKYE BA ZHES BYA KUN RDZOB BDEN PA STE, ,'CHI BA'I MING YANG DON DAM BDEN PA YIN, ,RIM GNYIS 'DI DAG BLA MA'I DRIN GYIS NI, ,RNYED PA 'DI NI MA 'ONGS SANGS RGYAS YIN, ZHES GSUNGS PA'I PHYIR ZER RO, ,'O NA, BSKYED, RIM KHO NAS SKYE BA MA LUS PA DANG RDZOGS RIM KHO NAS 'CHI BA MA LUS PA SPYOD NUS PAR THAL, BSKYED RDZOGS GNYIS SBYANG GZHI SO SO BA GANG ZHIG ,SKYE BA BSKYED RIM GYI SBYANG GZHI DANG, 'CHI BA RDZOGS RIM GYI SBYANG GZHI YIN PA'I PHYIR, 'DOD NA, BSKYED RDZOGS GNYIS RE RE BA KHO NAS MCHOG GI DNGOS GRUB SGRUB NUS PAR THAL LO, ,RANG LUGS, BSKYED RDZOGS GNYIS KA SBYANG GZHI GCIG YIN TE, SGRUB PA PO RANG NYID LA 'BYUNG 'GYUR GYI SKYE SHI BAR DO GSUM RIM PA GNYIS KA'I SBYANG GZHI YIN PA'I PHYIR TE, GZHI'I SKU GSUM LAM GYI SKU GSUM GYIS SBYANGS PA LA BRTEN NAS 'BRAS BU'I SKU GSUM MYUR DU THOB PAR 'GYUR BA YIN PA'I PHYIR, SPYOD BSDUS KYI LUNG DE'I DON NI, TSE 'DIR SPYOD PA BYED

, ,PA MA BYUNG BA'I SEMS DBEN PA, TSE'I DUS BYED PA NA, THA MAL BA LA 'ONG RGYU'I 'CHI BA NI DON DAM BDEN PA DPE'I 'OD GSAL MTHAR THUG TU 'CHAR ZHING, DE LAS LANGS PA'I BAR DO'I DOD KYI SKYE BA NI KUN RDZOB BDEN BA SGYU MA'I SKUR LDANG ZHES PA YIN LA, DES NA RIM GNYIS 'DI DAG CES PA'I RIM GNYIS KYANG 'CHI BA DANG BAR DOR SKYE BA'I RIM PA 'OD GSAL DANG SGYU LUS SU BSGYUR BA'I RIM PA GNYIS YIN NO, ,DE YANG SRUNG 'KHOR TSOGS ZHING, RIG MA 'DU BYA BA, DKYIL 'KHOR RGYAL MCHOG SOGS MNGON RTOGS LHAG MA RNAMS SBYANG GZHI DANG CHOS MTHUN SBYOR BA MA YIN TE, SBYANG GZHI DANG CHOS MTHUN SBYOR BA NI 'DRA CHOS SGRIG PA TZAM GTZO BOR BYED PA MA YIN GYI SBYANG GZHI DANG RNAM PA MTHUN PA'I LAM ZHIG SGOM PA SKABS 'DIR BSTAN GYI KHYAD CHOS YIN PAS, YE SHES KYI SA SGOM PA NAS RIGS BDAG GIS RGYAS 'DEBS PA'I BAR GYI SBYANG GZHIR MA 'DUS PA'I SKABS 'DIR BSTAN GYI SBYANG GZHI GZHAN MED PA'I PHYIR; DER THAL, BLA MED KYI LAM GYI SBYANG GZHI'I GTZO BO NI MA DAG PA'I SNOD BCUD GNYIS SU NGES LA, SBYANG GZHI SNOD KYI 'JIG RTEN YE SHES KYI SA SGOM PA NAS LHAG MOS KYI RTEN SKYED PA'I BAR GYI SBYANG GZHIR 'DUS, BCUD KYI 'JIG RTEN LHAG MOS KYI LHA SGOM PA NAS RIGS BDAG GIS RGYAS 'DEBS PA'I BAR GYI SBYANG GZHIR 'DUS PA'I PHYIR, DER THAL, BCUD KYI SBYANG GZHI'I GTZO BO NI SKYE 'CHI BAR DO GSUM MIN PA GANG ZHIG ,'CHI BA NI LHAG MOS 'OD GSAL DU

SDUD PA DANG, BAR DO NI MNGON BYANG LNGA LAS DANG PO'I MGON PO BSKYED PA DANG, SKYE BA NI DANG PO'I MGON PO SPRUL SKUR BSGYUR BA NAS RIGS BDAG GIS RGYAS 'DEBS PA'I BAR GYI SBYANG GZHIR 'DUS PA'I PHYIR, RGYU MTSAN DES NA YAB SRAS KYIS MNGON RTOGS LHAG MA SBYANG GZHI DANG SBYOR TSUL MA GSUNGS SO, ,LHAG MOS KYI 'KHOR LA RIGS BDAG GIS RGYAS 'DEBS SHING GTZO BO LA RGYAS MI 'DEBS PA'I RGYU MTSAN YOD DE, GTZO BO RDO RJE 'CHANG GI SKYED CHOG RDZOGS PA SKU GSUM GYI SKYED CHOG RDZOGS PA LA BLTOS PAS, SKYED CHOG MA RDZOGS BAR DU RGYAS 'DEBS MI BYED PA YIN PA'I PHYIR DANG, 'KHOR RNAMS KYI SKYED CHOG RDZOGS PA DE LA MI BLTOS PA'I PHYIR, GNYIS PA NI, LHAG MOS KYI MDZAD PA STON PA LA, RANG GI THUGS KA'I H'Um LAS 'OD ZER 'PHROS, ZHES SOGS GSUNGS, DE YANG LHAG MOS KYI MDZAD PA SGRUB THABS GSUM DANG RNAM GZHAG LAS DNGOS SU MA GSUNGS PAS RGYA GAR BA DANG BOD 'GA' ZHIG MI MDZAD KYANG, NGES PAR BYED DGOS TE; RTZA RGYUD KYI ZIL GNON RDO RJE'I SPYI DON GYI SGRON GSAL LAS GSAL BAR BSHAD PA'I PHYIR, MDZAD PA JI LTAR MDZAD PA'I TSUL YOD DE, RANG GI THUGS KA'I H'Um LAS 'OD ZER 'PHROS, SEMS CAN THAMS CAD BKUG STE DKYIL 'KHOR GYI PHYOGS BZHI NAS THOGS PA MED PAR 'JUG PA, RDO RJE SEMS DPA'I 'JUG PAS ZHUGS PA LA, YAB YUM SNYOMS PAR ZHUGS PA'I BYANG CHUB KYI SEMS KYI 'OD ZER GYIS DBANG BSKUR BAS DE BZHIN GSHEGS PA THAMS CAD KYI LUS

, ,KYI BDE BA DANG YID BDE BA THOB STE, RDO RJE SEMS DPAR GYUR NAS RANG RANG GI SANGS RGYAS KYI ZHING DU GSHEGS PAR BSAM PA YIN PA'I PHYIR, SPYIR DKYIL 'KHOR DU 'JUG TSUL BZHI YOD DE, SGO NAS 'JUG PA SLOB MA'I 'JUG TSUL, STENG NAS 'JUG PA YE SHES SEMS DPA'I 'JUG TSUL, 'OG NAS 'JUG BA RDO RJE SHUGS KYI 'JUG TSUL, PHYOGS BZHI NAS THOGS MED DU 'JUG PA RDO RJE SEMS DPA'I 'JUG TSUL RNAMS SU YOD PA'I PHYIR SEMS CAN THAMS CAD LA DBANG BSKUR BA 'DI SBYANG GZHI DANG CHOS MTHUN MI SBYOR YANG SNGON BYUNG STON PA'I RNAM THAR BZHIN DU NYAMS SU BLANGS PA LA DGOS PA YOD DE, SANGS RGYAS KYI MDZAD PA'I 'BRAS BU LAM BYED KHYAD PAR CAN DU 'GYUR BA DANG, SNYING RJE CHEN POS KUN NAS BSLANGS TE SEMS CAN THAD LA PHAN GDAGS PA DANG, SEMS CAN THAMS CAD RANG GI MA 'ONGS PA'I GDUL BYAR BSGYUR BA DANG, THEG PA CHEN PO'I NYAMS LEN RNAM PAR DAG PAR BYA BA'I CHED YIN PA'I PHYIR, , GSUM PA NI, LHAG MOS LUS LA BSDU BA STON PA LA, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS, ZHES SOGS GSUNGS, DE YANG PHYI DKYIL GYI LHA RNAMS RANG GI LUS LA 'GOD PA YIN TE, RTZA RGYUD LAS, DE NAS DE BZHIN GSHEGS PA MI BSKYOD PA DANG, ZHES PA NAS, DE BZHIN GSHEGS PA RNAM PAR SNANG MDZAD RNAMS DE BZHIN GSHEGS PA BYANG CHUB KYI SEMS RDO RJE'I THUGS LA ZHUGS SO, ZHES PA'I BAR GSUNGS SHING, MDOR BYAS LAS

KYANG; SLAR YANG KHA SBYAR SBYOR BA YIS, ,RANG GI LUS LA DE RNAMS GZHUG ,LUS KYI 'KHOR LOR RDZOGS SANGS RGYAS, ,RIM PA JI BZHIN YANG DAG BSAM, ZHES GSUNGS PA'I PHYIR, LUS KYI 'KHOR LO ZHES SOGS KYIS LHAG MOS KYI LHA LUS LA BSDUS PA DE LUS DKYIL DU STON PA MA YIN GYI, RANG GI LUS LA LHA 'GOD PA TZAM STON PA YIN LA, LHA RNAMS SDUD PA'I TSUL YANG YOD DE, SGRON GSAL LAS GSUNGS PA LTAR, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS RNAM SNANG NAS GNOD MDZES KYI BAR GYI LHA RNAMS SPYAN DRANGS TE, RANG GI SPYI BO LA SOGS PA'I GNAS RNAMS SU BKOD NAS GZUGS KYI PHUNG PO LA SOGS PA DANG NGO BO DBYER MED DU MOS PAR BYED PA YIN PA'I PHYIR, 'DIR BSTAN KHA SBYOR GYI DON YANG GZHAG TU YOD DE, BSDUS PA'I LHA RNAMS DANG RANG GI PHUNG PO SOGS NGO BO DBYER MED DU SBYOR BA YIN PA'I PHYIR, ,GSUM PA NI, BDAG NYID KYI LUS KYI LHA RNAM SNANG, ZHES SOGS KYIS 'CHAD DE, MDOR BYAS LAS; DON DAM PA YI 'KHOR LO YIS, ,DE BZHIN NYID LA GZHUG BYAS PAS, ,DE BZHIN GSHEGS PA'I TSOGS BSAD NA, ,DNGOS GRUB RAB MCHOG 'GRUB PAR 'GYUR, ZHES GSUNGS PA'I PHYIR, DE NYID RTZA RGYUD KYI LUNG DANG SBYOR BA NA, MDO SRE LAS; DAM TSIG KHU PHYUD CHO GA BZHIN, ,'BRAS BU 'DOD PAS BTUD PAR BYA, ,DE BZHIN GSHEGS PA'I TSOGS BSAD NA, ,DNGOS GRUB RAB MCHOG 'GRUB PAR 'GYUR, ZHES PA DANG SBYAR RO, ,'O NA GZHUNG 'DI SGRON GSAL DU BAR DOR 'TSANG RGYA

, ,BA LA SBYAR BA DANG 'GAL LO ZHE NA, SKYON MED DE, LUNG STON LAS, TSIG GCIG LA YANG SNA TSOGS DON, ZHES GSUNGS PA LTAR YIN PA'I PHYIR, DE YANG 'OD GSAL DU SDUD PA'I TSUL NI, RANG GI LUS LA BKOD PA'I LHA RNAMS CIG CAR DU 'OD GSAL DU THIM PAR BSAM PA'ANG MA YIN, RIGS LNGA'I SDE TSAN SO SOR THIM PAR BSAM PA'ANG MA YIN GYI, SGRUB THABS LAS 'BYUNG BA LTAR MDZAD PA NI, GZHI LA MI MNGAL SKYES KHAMS DRUG LDAN PA 'CHI BA NA, PHUNG PO LNGA, KHAMS BZHI, SKYE MCHED DRUG ,YUL LNGA, GZHI DUS KYI YE SHES LNGA STE RAGS BA NYER LNGA'I THIM RIM DANG MTHUN PAR RDO RJE 'PHRENG BAR BSHAD PA LTAR SGOM PA YIN TE, MDOR BYAS LAS, 'DI NI RDO RJE 'PHRENG BA LAS; ;GSAL BAR JI BZHIN RNAM PHYE STE, ZHES GSUNGS PA'I PHYIR, DE YANG MI THA MAL BA 'BYUNG BA RIM PAS BSDUS TE 'CHI PA'I TSE, THOG MAR GZUGS PHUNG, GZHI DUS KYI ME LONG LTA BU'I YE SHES SA KHAMS MIG GI DBANG PO; RANG RGYUD KYI GZUGS THIM PA RNAMS 'BYUNG, DE'I PHYI RTAGS NI, GZUGS PHUNG THIM DUS LUS NYAMS CHUNG ZHING PHRA RU 'GRO BA DANG, GZHI DUS KYI ME LONG YE SHES THIM DUS MIG MI GSAL ZHING RAB RIB CAN DANG, SA KHAMS THIM DUS LUS SHAS CHER BSKAMS SHING SA 'OG TU BYING PA LTA BU DANG, MIG DBANG THIM DUS MIG 'BYED 'DZUM MI SHES PA DANG, RANG RGYUD KYI GZUGS THIM DUS LUS KYI MDANGS YAL CING NYAMS STOBS CHUNG PA DANG, NANG RTAGS SU

SMIG SGYU LTA BU'I SNANG BA 'BYUNG BA DE BZHIN DU, RANG GI LUS KYI LHA RNAM SNANG NAS KHRO BO GNYIS KYI BAR 'OD GSAL DU THIM PAR SGOM PA YIN TE, RDO RJE 'PHRENG BA LAS, GZUGS PHUNG RTOGS DANG ME LONG DANG, ,SA KHAMS MIG GI DBANG PO DANG; ;GZUGS DANG RNAM LNGAR GYUR BA STE, ,KHRO BO GNYIS DANG YANG DAG LDAN, ZHES GSUNGS PA'I PHYIR, DE'I RJES SU TSOR BA'I PHUNG PO, MNYAM NYID YE SHES, RNA BA'I DBANG PO, CHU'I KHAMS, RANG RGYUD KYI SGRA THIM PA RNAMS 'BYUNG LA, DE RNAMS KYI PHYI'I RTAGS LA, TSOR PHUD THIM PA'I RTAGS SU DBANG SHES 'KHOR GYI TSOR BA BDE SDUG MI DRAN, GZHI'I MNYAM NYID YE SHES THIM PA'I RTAGS SU YID SHES 'KHOR GYI TSOR BA BDE SDUG RNAMS MI DRAN, CHU'I KHAMS THIM PA'I RTAGS SU KHA CHU RNAG KHRAG RNAMS BSKAMS, RNA BA'I DBANG PO THIM PA'I RTAGS SU RNA BAS SGRA MI THOS, RANG RGYUD KYI SGRA THIM PA'I RTAGS SU RNA BA'I NANG GI'UR SGRA MI 'BYUNG LA, DE DAG GI NANG RTAGS SU DU BA LTA BU'I SNANG BA 'BYUNG BA DE BZHIN DU, RIN 'BYUNG NAS KHRO BO GNYIS KYI BAR DU 'OD GSAL DU THIM PAR SGOM PA YIN TE, DE NYID LAS, TSOR PHUNG MNYAM NYID YE SHES DANG, ,CHU KHAMS RNA BA'I DBANG PO DANG, ,SGRA DANG RNAM LNGAR GYUR BA STE, ,KHRO BO GNYIS DANG YANG DAG LDAN, ZHES GSUNGS BA'I PHYIR; DE'I RJES SU 'DU SHES KYI PHUNG PO, SOR RTOG YE SHES, ME'I KHAMS, SNA'I DBANG PO, RANG RGYUD KYI DRI THIM PA RNAMS 'BYUNG, DE DAG GI PHYI RTAGS 'DU SHES KYI PHUNG PO THIM PA'I RTAGS SU NYE DU SOGS KYI DON MI DRAN, SOR RTOG YE SHES

, ,THIM PA'I RTAGS SU NYE DU SOGS KYI MING MI DRAN, ME KHAMS THIM PA'I RTAGS LUS KYI ME DROD YAL NAS BZA' BTUNG SOGS MI 'JU, SNA'I DBANG PO THIM PA'I RTAGS SNA SGO NAS RLUNG PHYIR DRAG TU RGYU ZHING NANG DU SDUD DKA', RANG RGYUD KYI DRI THIM PA'I RTAGS SNAS DRI MI TSOR ZHING, DE DAG GI NANG RTAGS MKHA' SNANG LTA BU'I SNANG BA 'BYUNG BA DE BZHIN DU, 'OD DPAG MED NAS KHRO BO GNYIS KYI BAR 'OD GSAL DU THIM PAR SGOM PA YIN TE, DE NYID LAS, 'DU SHES SO SOR RTOG PA DANG, ,BYIN ZA SNA YI DBANG PO DANG, ,DRI DANG RNAM LNGAR GYUR BA STE, ,KHRO BO GNYIS DANG YANG DAG LDAN, ZHES GSUNGS PA'I PHYIR, DE'I RJES SU 'DU BYED KYI PHUNG PO, BYA GRUB YE SHES, RLUNG GI KHAMS, LCE'I DBANG PO, RANG RGYUD KYI RO RNAMS THIM LA, DE DAG GI PHYI RTAGS SU 'DU BYED KYI PHUNG PO THIM PA'I RTAGS LUS SGUL SKYOD MI NUS, GZHI DUS KYI BYA GRUB YE SHES THIM PA'I RTAGS PHYI NANG GI BYA BA DANG DGOS PA RNAMS MI DRAN, RLUNG KHAMS THIM PA'I RTAGS RLUNG BCU RANG GNAS NAS 'PHO, LCE DBANG THIM PA'I RTAGS LCE SBOM ZHING THUNG LCE RTZA SNGON POR 'GYUR, RANG RGYUD KYI RO THIM PA'I RTAGS LCES RO MI TSOR, NANG RTAGS MAR ME LTAR 'BAR GYI SNANG BA 'BYUNG BA BZHIN DU, DON GRUB NAS KHRO BO GNYIS KYI BAR 'OD GSAL DU THIM PAR SGOM PA YIN TE, DE NYID LAS, 'DU BYED BYA BA GRUB PA DANG, ,RLUNG KHAMS LCE YI DBANG PO DANG, ,RO DANG RNAM LNGAR GRUB BA STE, ,KHRO BO GNYIS DANG YANG DAG LDAN, ZHES GSUNGS PA'I

PHYIR; DE'I RJES SU RLUNG SNANG BA LA THIM PA'I SNANG BA RANG DUS SU STON GNAM GA-YA' DAG PA LA, ZLA 'OD KYIS KHYAB PA LTA BU'I DKAR LAM PA'I SNANG BA 'BYUNG LA, SNANG BA MCHED PA LA THIM PA'I MCHED PA RANG DUS SU STON GNAM GA-YA' DAG PA LA NYI 'OD KYIS KHYAB PA LTA BU'I STONG SANG DMAR LAM PA'I SNANG BA 'BYUNG, MCHED PA NYER THOB LA THIM PA'I NYER THOB RANG DUS SU STON GNAM GA-YA' DAG PA LA, MTSAMS KYI SMAG 'THUG POS KHYAB PA LTA BU'I STONG SANG NAG LAM PA'I SNANG BA 'BYUNG, NYER THOB 'OD GSAL LA THIM PA'I RANG DUS SU SLOD BYED KYI RKYEN GSUM DANG BRAL BA'I THO RANGS KYI NAM MKHA'I RANG MDOG JI LTA BA'I SNANG BA 'BYUNG STE 'CHI BA 'OD GSAL 'CHAR BA BZHIN DU, STENG 'OG GI KHRO BO GNYIS 'JAM DPAL DANG BCAS PA 'OD GSAL DU THIM PAR SGOM PA YIN TE, STENG 'OG KHRO BOR SHIN TU BCAS, ,RANG BZHIN GYIS NI SNANG BA NYID, ,RNAM SHES PHUNG POR ZHUGS PA STE, ,RNAM SHES KYANG NI 'OD GSAL BAR, ZHES GSUNGS PA'I PHYIR; 'CHI BA 'OD GSAL LA GZHI'I CHOS SKU DANG, MYA NGAN LAS 'DAS PA DANG, KUN STONG DANG THAMS CAD STONG BA ZHES KYANG BYA STE, MYA NGAN 'DAS BCAS KUN STONG DANG, ,CHOS KYI SKUR NI BSHAD PA YIN, ZHES GSUNGS PA'I PHYIR, DE BZHIN DU BSKYED RIM PA'I LHAG MOS 'OD GSAL DU BSDUS PA'I RNAL 'BYOR LA'ANG BSKYED RIM PA'I CHOS SKU ZHES SOGS SBYOR RIGS SHING, GZHAN YANG SGRUB PA PO'I LUS KYI CHA SHAS SO GNYIS DANG LHA SO GNYIS NGO BO DBYER MED

, ,DU MOS NAS GNYIS SNANG GI SPROS PA ZHI BAR GNAS PA'I RNAL 'BYOR YIN PAS BSKYED RIM PA'I ZHI GNAS ZHES KYANG BYA STE, LUNG STON LAS, MI BSKYOD LA SOGS GRANGS BZHIN DU, ,BTAGS PA DAG NI ZHI GNAS YIN; ZHES GSUNGS PA'I PHYIR, DE LTAR 'OD GSAL DU BSDUS PA'I 'OG TU SH'U N+YA T'A'I SNGAGS BRJOD CING, SNGAGS DON YUL STONG PA NYID DANG YUL CAN LHAN SKYES KYI BDE BA CHEN PO'I YE SHES DBYER MI PHYED PA'I RGYAL BA'I THUGS CHOS SKU'I BDAG NYID DE NGA'O SNYAM DU NGA RGYAL BRTAN PAR BYAS NAS SGOM DGOS TE, MDOR BYAS LAS, BRTAN PAR BYA BA'I DON DU NI, ,GSANG SNGAGS 'DI NI BRJOD PAR BYA, ,AOm SH'U N+YA T'U DZNY'ANA BADZRA SV'ABH'A WA A'ANYMA KONYA HAm, ZHES GSUNGS PA'I PHYIR, SNGAGS 'DI'I DON LA GRANGS NGES GNYIS LAS, SKABS 'DIR DNGOS SU SNGAR BSHAD PA LTAR GYI DRANG DON BZHIN DU SGOM PA YIN LA, DE LTAR BSGOMS PA'I NGES NGOR SPROS PA MED CING RANG BZHIN GYIS GRUB PAS STONG PA'I DON DAM BDEN PA DANG RO GCIG TU ZHUGS PAR MOS PAS DON DAM BDEN PA DANG, 'DIR BSTAN GYI 'OD GSAL LAS BSKYED RIM PA'I LONGS SKU DANG PO'I MGON PO DNGOS SU 'BYUNG ZHING, 'BRAS BU'I LONGS SKU BRGYUD NAS 'BYUNG BAS, DE BZHIN GSHEGS PA'I 'BYUNG GNAS ZHES KYANG BYA STE, MDOR BYAS LAS, 'DI NI DON DAM DKYIL 'KHOR TE, ,SNANG BA MED CING MTSAN NYID MED, ,DON DAM BDEN PA ZHES BYA BA, ,DE BZHIN GSHEGS PA KUN GYI GNAS, ZHES GSUNGS PA'I

PHYIR; 'OD GSAL DU SDUD TSUL BLA MA DAM PA'I MAN NGAG GIS BRGYAN PA'ANG 'DI YIN TE, RANG GI PHUNG SOGS DANG DBYER MED DU MOS PA'I LHA RNAMS RANG GI LUS KYI STOD SMAD NAS CIG CAR 'OD DU ZHU NAS SNYING GAR 'OD GSAL DU SDUD CING; MTHAR RANG GTZO BO'I NGA RGYAL LA GNAS PA YANG RIL 'DZIN GYI SDUD RIM GYIS SNYING GAR BSDUS NAS 'BRAS DUS KYI BDE STONG DBYER MED KYI NGO BOR THIM PAR BSAMS LA, SH'U N+YA T'A'I SNGAGS DON DRAN PAR BYAS TE SGOM PA YIN PA'I PHYIR, 'DI LTAR BSGOMS PA LA 'CHI BA CHOS SKUR 'KHYER BA'I RNAL 'BYOR ZHES BYA STE, GZHI'I 'CHI RIM DANG RNAM PA MTHUN ZHING SGRUB PA PO RANG NYID KYI MA 'ONGS PA'I 'CHI BA SPYOD PAR BYED, LAM RDZOGS RIM GYI SKABS SU DPE DON GYI 'OD GSAL DANG RNAM PA MTHUN ZHING, DE LTA BU'I 'OD GSAL RANG RGYUD LA SKYE BA'I DGE RTZA SMIN BYED KHYAD PAR CAN DU 'GYUR, 'BRAS BU SANGS RGYAS KYI SA'I RGYAL BA'I THUGS CHOS KYI SKU DANG RNAM PA MTHUN ZHING DA LTA NAS 'BRAS BU LAM BYED KYI TSUL DU BYAS NAS BSGOMS PAS, DE 'DRA BA'I 'BRAS BU MYUR DU 'GRUB PA'I THABS MKHAS KHYAD PAR CAN DU 'GYUR BA YIN PA'I PHYIR,, ,,SMRAS PA, RGYUD DANG GRUB CHEN BLA MA'I MAN NGAG BZHIN, ,RNAM MANG BSHAD PA'I RLABS KYI 'PHRENG 'KHRUG CING, ,ZAB DON YID BZHIN NOR BUS YONGS GANG BA'I, ,LEGS BSHAD 'DI NI RGYA MTSO CHEN PO 'DRA,, ` ,,GNYIS PA BAR DO LONGS SKUR 'KHYER BA'I RNAL 'BYOR BSHAD PA LA GNYIS, SBYANG GZHI BAR DO'I RNAM

, ,GZHAG DANG, DE DANG MTHUN PAR DANG PO'I MGON PO BSKYED TSUL LO, ,DANG PO NI, 'CHI BA 'OD GSAL GYI BZHON BAR GYUR BA'I RLUNG GIS NYER LEN DANG, SEMS KYIS LHAN CIG BYED RKYEN BYAS PA LA BRTEN NAS 'DZAM BU GLING BA'I MIR SKYE 'GYUR GYI BAR DO RLUNG GI LUS CAN BZHIN LAG GI RNAM PA CAN PHUNG PO RNYING PA LAS GOS LOGS SU BYE BA'I TSUL GYIS DNGOS GNAS LA GRUB PA DE 'BYUNG ZHING, DE DANG DUS MNYAM DU LUGS LDOG GI NYER THOB NAS SMIG SGYU'I BAR GYI RTAGS RNAMS 'BYUNG LA, 'CHI BA 'OD GSAL 'GAGS PA, BAR DO GRUB PA, LUGS LDOG GI NYER THOB SKYES PA GSUM DUS MNYAM DU 'BYUNG NGO, ,BAR DO DE YANG DBANG PO KUN TSANG PA, YAN LAG DANG NYID LAG CIG CAR RDZOGS PA, RI RAB SOGS LA THOGS MED DU 'GRO NUS PA, LAS KYI RDZU 'PHRUL SANGS RGYAS KYIS KYANG DGAG MI NUS TE, MDZOD LAS, DBANG PO KUN TSANG THOGS MED RGYU, ,LAS KYI RDZU 'PHRUL SHUGS DANG LDAN; ZHES GSUNGS PA'I PHYIR, MING GI RNAM GRANGS, DRI ZA, SRID PA BAR MA, YID LAS BYUNG, SRID TSOL DRI ZA'I SEMS CAN ZHES BYA BA RNAMS SO, ,DE'I NANG NAS DZAMBU GLING PA'I MIR SKYE BA'I BAR DO NI BYIS BA LO LNGA DRUG LON PA'I BONGS TSOD DU MDZOD 'GREL LAS GSUNGS, NGAN 'GRO'I BAR DO NI MTSAN MO MUN NAG GIS KHYAB PA LTA BU, BDE 'GRO'I BAR DO NI MTSAN MO ZLA 'OD KYIS KHYAB PA'I, SNAM BU DKAR PO BRKYANGS BA LTA BU'I RNAM PA CAN DU SA'I DNGOS GZHI

LAS GSUNGS, DE YANG DMYAL BAR SKYE 'GYUR GYI BAR DO NI SDONG DUM TSIG PA LTA BU, YI DVAGS KYI BAR DO NI CHU LTA BU, DUD 'GRO'I BAR DO NI DU BA LTA BU, 'DOD PA'I LHA MI'I BAR DO NI GSER LTA BU, GZUGS KHAMS SU SKYE BA'I BAR DO NI DKAR POR MNGAL 'JUG LAS GSUNGS, GZUGS MED DU SKYE BA LA BAR DO MI 'BYUNG ZHING, DE NAS GNAS GZHAN DU SKYE NA BAR DO 'BYUNG NGO, ,NGAN 'GRO'I BAR DO SPYI BO TSUGS SU 'THUR DU 'GRO BA DANG, MI'I BAR DO THAD KA, LHA'I BAR DO STENG DU 'GRO BAR SA'I DNGOS GZHI LAS GSUNGS SO, ,CHE TSAD ZHAG BDUN RE DANG, DE'I NANG DU SKYE GNAS RNYED NA SKYE BA LEN ZHING, MA RNYED NA BDUN PHRAG RE NAS 'CHI LA, YANG LUS RE GRUB STE BDUN PHRAG BDUN TSUN LA SKYE BA NGES BAR LEN LA, BDUN PHRAG RE'I NANG DU SKYE BA LEN PA YANG YOD PAS BAR 'DANG BA YANG KHAS LEN ZHING, BAR DO'I RTEN LA 'CHI CHUNG JI TZAM BYAS KYANG BAR SRID RANG DU BSDU LA, SRID PA BZHI NI 'CHI BA DANG, SKYE BA GNYIS KYI BAR DU 'BYUNG BA'I SRID PA NI BAR SRID, SKYES NAS 'CHI BA LA MNGON DU PHYOGS PA'I BAR NI SNGON DUS KYI SRID PA, 'CHI BA 'OD GSAL NYAMS SU MYONG BA'I DUS NI 'CHI SRID, NYID MTSAMS SBYAR NAS MA BTZAS PA'I BAR NI SKYE SRID DU BYED PA'O, ,RTEN NGAN PA'I BAR DO GRUB NAS RTEN BZANG POR MI LDOG PAR MDZOD LAS GSUNGS KYANG, KUN LAS BTUS SU, CI STEN ZLOG GO ZHES GSUNGS BA LTAR 'DIR KHAS BLANG NGO, ,BAR DO BA NGES RANG GI SNGA MA'I LUS RTEN RNYING BA MTHONG YANG DE LA MI 'JUG PA NI,

, ,'BREL BA LAS STOBS KYIS CHAD PAS 'JUG 'DOD KYI BLO MI SKYE BAR SA'I DNGOS GZHI LAS GSUNGS SHING, YANG BAR DO RIGS MTHUN DANG, LHA'I MIG GIS MTHONG BAR MDZOD LAS GSUNGS SO, ,GNYIS PA STON PA LA, GDAN DBUS MA'I STENG DU H'Um LAS BYUNG BA'I NYI MA'I DKYIL 'KHOR, ZHES SOGS GSUNGS, 'DI LTAR SGOM DGOS PA NI RTZA RGYUD LE'U DANG PO'I DAM TSIG 'BYUNG BA RDO RJE DRANG DON DU BSHAD PA DANG, LE'U BCU GCIG PA'I, RDO RJE GSUM YIG SNGAGS KYI MCHOG ,PHYAG RGYA CHEN PO RNAM SGOM PA, ,BYANG CHUB THAMS CAD THOB BYA'I PHYIR, ,YE SHES RDO RJE DAG GIS BYA, ZHES PAS BSTAN PA YIN TE, DE LTAR MDO SRE DANG RDO RJE SEMS DPA'I SGRUB THABS GNYIS KA LAS GSUNGS PA'I PHYIR, DE YANG BSKYED RIM PA'I LONGS SKU DANG PO'I MGON PO MNGON BYANG LNGA'I SGO NAS BSKYED PAR BYA BA YIN TE, MDOR BYAS LAS, 'OD GSAL BAR NI RAB ZHUGS NAS, ,LDANG BA YANG NI BRTAG PAR BYA, ,SNGAGS KYI SKU YI SBYOR BA YIS, ,LHA YI GZUGS LA DMIGS PAR BYA, ,NAM MKHA'I DBYINGS KYI DBUS GNAS PAR, ,NYI MA'I DKYIL 'KHOR BSGOM PAR BYA, ,SNGAGS PAS KYANG NI DE STENG DU, ,ZLA BA'I DKYIL 'KHOR RNAM PAR BSAM, , DE YANG PADMA 'DAB MA BRGYAD, ,KHA DOG DMAR PO BSGOM PAR BYA, ,PADMA'I STENG DU SNGAGS CHEN PO, ,YI GE GSUM YANG BSGOM PAR BYA, ,SNGAGS DANG PADMA NYI MA DANG, ,ZLA BA'I DKYIL 'KHOR LA ZHUGS PAS, ,ZLA BA'I DKYIL 'KHOR KUN RDZOGS

PA; ;BYANG CHUB SEMS SU RNAM PAR BRTAG ,RGYU DANG MI RGYU THAMS CAD KYANG, ,DE NYID DU NI RNAM BSAM ZHING, ,BRTAN PAR BYA BA'I DON DU NI, ,GSANG SNGAGS 'DI NI BRJOD PAR BYA, ,AOm DHARM'A: DH'A TU SVA BH'A WA A'A TMA KONYA HAm, ZHES GSUNGS PA'I PHYIR, DE YANG LHAG MOS 'OD GSAL DU BSDUS PA'I DE BZHIN NYID LAS BYANG CHUB BA DNGOS SU BSTAN NAS, MNGON BYANG LHAG MA LAS SKYED TSUL SPYIR STON PA LA, 'OD GSAL BAR NI RAB ZHUGS NAS, ZHES PA NAS, LHA YI GZUGS LA DMIGS PAR BYA, ZHES PA'I BAR GSUNGS, ZLA BA LAS BYANG CHUB PA STON PA LA, NAM MKHA'I DBYINGS KYI DBUS GNAS PAR, ZHES PA NAS, A'ATMA KO NYA HAm, ZHES PA'I BAR GSUNGS, SNGAGS DON GZHAN RNAMS NI GO SLA ZHING, DH'A TU NI DBYINGS SAM KHAMS TE MTHAR GTUGS PA'I RTZA BA'I DON NO,, DE YANG YE SHES TZAM LANG MIGS PA, ZLA BA LAS BYANG CHUB PA'I DE NYID BRTAN PAR BYA BA'I PHYIR SNGAGS DON SGOM TSUL YOD DE, SNOD BCUD KYI CHOS THAMS CAD KYI RTZA BA RLUNG SEMS TZAM ZLA BAR SNANG BA DE NGA'O SNYAM PA'I NGA RGYAL 'JOG PA YIN PA'I PHYIR, SHIN TU PHRA BA'I RLUNG SEMS NGO BO DBYER MED DU GNAS PA DE SNOD BCUD THAMS CAD KYI RTZA BA YANG YIN TE, RDO RJE PHRENG BA LAS, SKYE DANG GNAS DANG 'JIG PA DANG, ,SRID PA BAR MAR GNAS PA STE, ,JI SNYED 'JIG RTEN GYIS BTAGS PA, ,SEMS KYI RLUNG GI RNAM 'PHRUL LO, ,ZHES GSUNGS PA'I PHYIR, DE LTA BU'I MNGON BYANG DANG PO GNYIS RNAL 'BYOR DANG, LHAG MA RJES SU RNAL 'BYOR DU BSTAN NAS, ZLA BA'I DBUS SU CHU LAS CHU BUR BRDOL BA'I TSUL DU ZLA BA LAS BYUNG BA'I YI GE GSUM SGOM PA SA BON LAS BYANG CHUB PA YIN TE, MDOR BYAS LAS, DE LTAR SBYOR BA

, ,DMIGS NAS NI, ,RJES SU SBYOR BA BRTZAM PAR BYA, ,RNAL 'BYOR PA YIS YIG GSUM YANG, ,ZLA BA'I DBUS SU RNAM PAR BSAM, ZHES GSUNGS PA'I PHYIR, DE NAS YI GE DE LAS 'OD 'PHROS, PHYOGS BCU NAS RIGS LNGA 'KHOR DANG BCAS PA DPAG TU MED PA SPYAN DRANGS, DE LA THIM, DE YONGS SU GYUR PA LAS RDO RJE DKAR PO RTZE LNGA PA LTE BA LA AOm A'A: H'Um GIS MTSAN PA SGOM PA NI PHYAG MTSAN LAS BYANG CHUB PA YIN TE, DE NYID LAS, DE NAS YIG GSUM LAS BYUNG BA, ,KUN DA ZLA BA DKAR DANG MTSUNGS, ZHES GSUNGS PA'I PHYIR, DER MA ZAD 'GREL PA RIN CHEN PHRENG BA LAS BSHAD PA SGRUB THABS SU BKOD PA LTAR PHYAG MTSAN GYIS RDO RJE DE LA NGA RGYAL KYANG GZHAG DGOS TE, MDO SRE LAS, RDO RJE NGA RGYAL DE LAS BYUNG, ZHES GSUNGS PA'I PHYIR, RDO RJE YI GE DANG BCAS PA YONGS SU GYUR PA LAS RANG NYID DANG PO'I MGON POR SKYED PA NI SKU RDZOGS PA LAS BYANG CHUB PA YIN TE, MDOR BYAS LAS, DANG PO'I MGON PO BSAMS NAS KYANG, ZHES GSUNGS PA'I PHYIR, DE BAS NA DANG PO'I MGON PO SKYED PA'I TSE SHIN TU PHRA BA'I RLUNG SEMS TZAM YE SHES KYI SKUR SHAR BA'I LONGS SKU RDO RJE 'CHANG DNGOS DE NGA'O SNYAM DU NGA RGYAL DANG GSAL SNANG SHUGS CAN SGOM DGOS SHING; DE LTAR BSGOMS PA LA BAR DO LONGS SKUR 'KHYER BA'I RNAL 'BYOR ZHES BYA STE, GZHI LA DZAMBU GLING PA'I BAR DO DANG CHOS MTHUN ZHING SGRUB PA PO RANG NYID KYI MA 'ONGS PA'I BAR DO SPYOD PAR BYED, LAM RDZOGS RIM GYI SKABS SU DAG MA

DAG GI SGYU LUS GNYIS DANG RNAM PA MTHUN ZHING DE GNYIS MYUR DU 'GRUB PA'I DGE RTZA SMIN BYED KHYAD PAR CAN DU 'GYUR, 'BRAS BU LONGS SPYOD RDZOGS PA'I SKU DANG RNAM PA MTHUN ZHING DA LTA NAS 'BRAS BU LAM BYED KYI TSUL DU BYAS NAS BSGOMS PAS LONGS SKU MYUR DU 'GRUB PA'I THABS MKHAS KHYAD PAR CAN DU GYUR PA YIN PA'I PHYIR, RTAGS DANG PO GRUB STE, STONG PA'I NGANG LAS ZLA NYI PAD GSUM SGOM PA NI 'CHI BA 'OD GSAL LAS LUGS LDOG TU LDANG BA'I SNANG BA GSUM PO DANG CHOS MTHUN, ZLA NYI PAD GSUM SKYED PA'I YI GE GSUM DANG, BSKYED ZIN PA'I STENG DU BKOD PA'I YI GE GSUM STE SUM TSAN GNYIS NI, RNAM SHES GSUM PO DE'I SKYED BYED KYI RLUNG GSUM DANG, RANG DUS KYI BZHON PA'I RLUNG DANG CHOS MTHUN, DE THAMS CAD GCIG TU 'DRES PA NI GZHI DUS KYI SHIN TU PHRA BA'I RLUNG SEMS NGO BO DBYER MED DU GNAS PA DANG CHOS MTHUN, DE LAS ZLA BA'I DKYIL 'KHOR CHA THAMS CAD YONGS SU RDZOGS PA GCIG TU GYUR, DE LAS 'OD 'PHROS SNOD BCUD THAMS CAD BSDUS TE ZLA BA LA THIM PAS NI, SHIN TU PHRA BA'I RLUNG SEMS NGO BO DBYER MED DU GNAS PA DE SNOD BCUD THAMS CAD KYI RTZA BA YIN PA DE MTSON, ZLA BA'I STENG DU YI GE GSUM SGOM PA DANG, DE RNAMS LAS SPRO BSDU BYED PA DANG, DE LAS RDO RJE SGOM PA DANG, DE LAS DANG PO'I MGON PO SGOM PA NI RIM PA BZHIN, BAR DO'I NGAG DANG, BYA BA DANG, YID DANG LUS GRUB PA DANG CHOS MTHUN ZHING DE DAG GI SBYONG BYED MCHOG TU GYUR PA YIN PA'I PHYIR, RTAGS GNYIS PA GRUB STE, ZLA NYI PAD

, ,GSUM NI DPE DON GYI 'OD GSAL LAS LUGS LDOG TU LANGS PA'I SNANG BA GSUM DANG CHOS MTHUN, YI GE SUM TSAN GNYIS PO NI YE SHES DE GSUM SKYED BYED KYI RLUNG DANG, DE GSUM GYI BZHON PA'I RLUNG DANG CHOS MTHUN, ZLA BA'I DKYIL 'KHOR NI DAG MA DAG GI SGYU LUS PA GNYIS KYI RGYUD KYI SHIN TU PHRA PA'I RLUNG SEMS NGO BO DBYER MED DU GNAS PA DANG CHOS MTHUN, ZLA BA'I STENG DU ZLA BA LAS BYUNG BA'I YI GE GSUM LA SOGS PA SGOM PA NI RIM PA BZHIN DU, SGYU LUS PA GNYIS KYI GSUNG DANG, MDZAD PA DANG, THUGS DANG, SKU GRUB PA DANG RNAM PA MTHUN ZHING DE RNAMS MYUR DU 'GRUB PA'I DGE RTZA SMIN BYED KHYAD PAR CAN DU 'GYUR BA YIN PA'I PHYIR, RTAGS GSUM PA GRUB STE, ZLA NYI PAD GSUM YI GE DANG BCAS PA NI, SANGS RGYAS KYI SA NA 'OD GSAL THAMS CAD STONG PA 'BA' ZHIG MA GTOGS SNANG MCHED THOB GSUM MED KYANG, LHAN SKYES KYI 'OD GSAL DE'I RGYUR GYUR PA'I SNANG BA GSUM BZHON PA'I RLUNG DANG BCAS PA DANG CHOS MTHUN, DE GSUM 'DRES PA LAS ZLA BA'I RNAM PAR SHAR BA NI, 'BRAS DUS KYI 'OD GSAL RLUNG DANG NGO BO DBYER MED PA DANG CHOS MTHUN, ZLA BA'I STENG DU YI GE GSUM SOGS SGOM PA NI RGYAL BA'I SKU GSUNG THUGS MDZAD PA DANG BCAS PA DANG CHOS MTHUN, RDO RJE RTZE LNGA BAS 'BRAS DUS KYI YE SHES DE LA LDOG PAS PHYE NA YE SHES LNGAR GNAS PA DANG, RDO RJE DE NYID LA YI GE GSUM GYIS MTSAN PAS RDO RJE GSUM DBYER MI PHYED PA MTSON ZHING,

DE RNAMS DA LTA NAS 'BRAS BU LAM BYED KYI TSUL DU BYAS NAS BSGOMS PAS LONGS SPYOD RDZOGS PA'I SKU MYUR DU 'GRUB PA'I THABS MKHAS KHYAD PAR CAN DU 'GYUR BA YIN PA'I PHYIR, SMRAS PA, THA MAL SKYE 'CHI BAR DO'I SNANG ZHEN SOGS, ,MA DAG SRID PA'I 'KHOR LO RGYUN BCAD DE, ,SKU GSUM GZHAL MED PHO BRANG NYAMS DGA' BAR, ,'JUG PA'I THABS MKHAS MCHOG 'DI AE MA MTSAR, ,GSUM PA SKYE BA SPRUL SKUR 'KHYER BA'I RNAL 'BYOR BSHAD PA LA BZHI, SBYANG GZHI MNGAL DU SKYE BA LEN TSUL BSHAD PA, SBYONG BYED CHOS MTHUN SPYOD TSUL BSHAD PA, LUS DKYIL BYE BRAG TU BSHAD PA, SKU GSUNG THUGS BYIN GYIS RLOB CING SEMS DPA' SUM BRTZEGS BYA BA BSHAD PA'O, ,DANG PO NI, ZIL GNON RDO RJE SBAS DON DU BSHAD PA'I PHYOGS GCIG GIS 'DIR BSTAN GYI SBYANG GZHI STON PA LAS, DE YANG BAR DO MNGAL DU SKYE BA LEN PA'I TSE CHOS GSUM TSANG BA NYES PA GSUM DANG BRAL BA DGOS TE, MO NAD MED CING ZLA MTSAN DANG LDAN PA, DRI ZA NYE BAR 'KHOR BA, PHO MO GNYIS CHAGS SHING 'PHRAD PA NI DANG PO DANG, KHU KHRAG SNGA PHYIR BABS PA'AM RUL BA, MA'I MNGAL GROG MO'I RKID PA LTA BU, RNGA MONG GI KHA LTA BU, NAS KYI 'BRU LTA BU DANG, DRI ZA DES PHO MO GNYIS PHA MAR 'GYUR BA DANG DE GNYIS KYIS KYANG DRI ZA DE BUR 'GYUR BA'I LAS MA BSAGS PA LTA BU'I NYES PA GSUM DANG BRAL DGOS PAR MNGAL 'JUG GI MDO LAS GSUNGS PA'I PHYIR, DE YANG 'GAL RKYEN GNYIS DANG BRAL ZHING MTHUN RKYEN TSANG BA'I BAR DO

, ,SKYE BA LEN PA NA, PHO MO GNYIS SNYOMS 'JUG GI TSE BAR DO SHI BA'I RLUNG SEMS PA'I KHA'AM SPYI BO NAS 'JUG STE, RNAM GZHAG RIM PA LAS, YE SHES SEMS DPA' LTAR RNAM PAR SNANG MDZAD KYI SGOR ZHUGS TE, ZHES PA DANG, SDOM 'BYUNG LAS KYANG, DANG PO PA MA'I KUN SBYOR LAS, ,SRID PA'I SKYE BO CAN DU MTHONG, ,SHIN TU NGES BAR KUN DGA'I STOBS, ,KHA YI LAM LA RAB TU 'JUG CES DANG, RDOR PHRENG LAS KYANG, SNGON LAS RLUNG GI RNAM SHES NI, ,BRGYA LA GANG TSE 'GRO 'GYUR NA, ,PHA YI KHA LA MTSUNGS PAR LDAN, ZHES GSUNGS PA'I PHYIR, DE LTAR ZHUGS TE RTZA STONG PHRAG DON GNYIS KYI NANG NAS 'BAB PA'I BYANG CHUB KYI SEMS DANG 'GROGS NAS PHOR SKYEN MA LA CHAGS SHING PHA LA SDANG BA'I SEMS DANG, MOR SKYE NA DE LAS LDOG PA'I CHAGS SDANG GI BSAM PAS BAR DO SHI BA'I RLUNG SEMS MA'I MNGAL DU 'JUG CING, DE DANG DUS MNYAM DU SMIG SGYU NAS 'OD GSAL GYI BAR GYI RTAGS RNAMS 'BYUNG LA, 'OD GSAL 'GAGS PA DANG BAR DO'I RLUNG SEMS MNGAL DU SKYE BA BLANGS PA DANG, LUGS LDOG GI NYER THOB SKYES PA RNAMS DUS MNYAM ZHING, DE NAS MCHED PA NAS SMIG SGYU'I BAR GYI RTAGS RNAMS KYANG 'BYUNG LA, MNGAL DU KHAMS DKAR PO 'PHEL RIM LA, MER MER PO, LTAR LTAR PO, GOR GOR PO, MKHRANG GYUR, RKANG LAG 'GYUS BA RNAMS 'BYUNG BA'I, DANG PO NI SPRIS MA LTA BU DANG SHIN TU SLA BA, ,GNYIS BA PHYI NANG GNYIS ZHO LTAR BSKA BA, GSUM PA SHAR

GYUR KYANG MNAN MI BZOD PA, BZHI PA SHAR GYUR CING MNAN BZOD PA, LNGA BA 'BUR PO LNGA DOD PA'O, ,DE RNAMS RIGS LNGA DANG SBYOR BA NA RIM PA BZHIN MI BSKYOD PA, RIN 'BYUNG, 'OD DPAG MED, DON GRUB, RNAM SNANG RNAMS DANG SBYOR LA, KHAMS DMAR PO 'PHEL RIM KYANG, ZHU BA, DMAR PO, GONG BU, MKHRANG GYUR, YANG DAG PAR 'DRES BA DANG LNGA, DE RNAMS KYANG MI BSKYOD PA, 'OD DPAG MED, RIN 'BYUNG, DON GRUB, RNAM SNANG RNAMS DANG RIM PAR SBYOR BA YIN TE, RNAM GZHAG RIM PA LAS, DE LA MER MER PO, ZHES SOGS GSUNGS PA'I PHYIR, MNGAL GYI GNAS SKABS DE DAG RIGS LNGA DANG SBYOR BA NI SKABS DE RNAMS RIGS LNGA'I SPYAD GZHIR BYED PA MA YIN GYI, MNGAL DU KHAMS DKAR DMAR GYI 'PHEL RIM LNGA YOD PA BZHIN DU, DE SBYONG BYED KYI LUS DKYIL GYI LHA RNAMS RIGS LNGA'I RIGS CAN LAS MI 'DA' ZHING, MNGAL DU SKYE BA BZUNG NAS LUS GRUB BA'I THOG MA KHAMS DKAR DMAR GYI 'PHEL RIM GNYIS LAS MI 'DA' BA BZHIN DU LUS DKYIL GYI LHA RNAMS PHO MO'I RNAM PA CAN GNYIS LAS MI 'DA' BAR SHES PA'I CHED YIN NO, ,KHYAD PAR 'PHEL RIM DANG PO MER MER PO MI BSKYOD PA DANG SBYAR BA LA DGOS PA YOD DE, DANG PO'I MGON PO SPRUL SKU RDOR SEMS SU BSGYUR BA'I TSE, DANG PO'I MGON PO MI BSKYOD PA LA ZHUGS PA DANG CHOS MTHUN SBYOR BA YIN PA'I PHYIR, MNGAL GYI SEMS CAN PHOR SKYE NA MA'I RGYAB LA KHA PHYOGS, DKU GA-YAS LA BRTEN, MOR SKYE NA, DE LAS LDOG STE GNAS SO, ,ZHAG BDUN PHRAG SO

, ,LNGA'I NANG DU PHUNG KHAMS SKYE MCHED YAN LAG NYID LAG RNAMS RDZOGS, BA SPU SEN MO SOGS LUS DANG, NGAG SMRA BA'I GNAS LCE RKAN DANG, YID SHES YUL LA 'JUG PA'I DRAN PA RNAMS RDZOGS TE, BDUN PHRAG SO DRUG PA LA, PHYIR 'BYUNG 'DOD SKYE, SO BDUN BA LA MNGAL LA DRI MI ZHIM ZHING MI GTZANG BA'I BLO 'BYUNG, SO BRGYAD PA LA LAS RLUNG GIS MGO MJUG LDOG NAS PHYIR BCAS TE MIG SHES KYI YUL DU GYUR NAS, BYIS PA, GZHON NU, DAR BAB, RGAN PO'I SKABS RNAMS 'BYUNG NGO, ,GNYIS BA SBYANG BYED DANG CHOS MTHUN SBYOR TSUL STON PA LA, RANG BZHIN GYI GNAS NAS ZHES SOGS GSUNGS, DE YANG DANG PO'I MGON PO SPRUL SKUR SGYUR TSUL MDO SRA NA MI GSAL ZHING, MDOR BYAS SU MI BSKYOD PA RJES SU ZHUGS PAS BSGYUR ZHES BA TZAM ZHIG GSUNGS PA LA, RAB TU SGRON GSAL DANG, 'GREL BA RIN PHRENG DANG, DAM TSIG RDO RJE RNAMS KYIS, RANG GI SNYING GA NAS MI BSKYOD PA SPROS, SEMS CAN GYI DON BYAS TSUR 'DUS RANG LA THIM PAS RANG NYID MI BSKYOD PAR SGYUR BAR BZHED LA, BOD KYI SNGA PHYI MANG PO YANG DE LTAR BZHED KYANG, DE NI MI 'THAD DE, BAR DO KHU KHRAG GI DBUS SU 'JUG GI KHU KHRAG BAR DO LA PHAR 'JUG PA MIN PA'I PHYIR DANG, BAR DO PHA MA'I KHU KHRAG LA 'JUG GI ,RANG LAS 'BYUNG BA'I KHU KHRAG LA 'JUG PA'ANG MA YIN PA'I PHYIR, DES NA ZIL GNON RDO RJE YIG DON DU BSHAD PAS KHA BSKANG BA, DANG PO'I MGON PO SPRUL SKU RDOR SEMS SU SGYUR BA'I RIM PA 'DI LA SKYE BA SPRUL SKUR 'KHYER BA'I

RNAL 'BYOR ZHES BYA STE, GZHI LA BAR DO DZAMBU GLING BA'I MNGAL SKYES KHAMS DRUG LDAN PAR SKYE BA LEN PA DANG CHOS MTHUN ZHING, SGRUB PA PO RANG NYID KYI MA 'ONGS PA'I SKYE BA SBYONG BAR BYED, LAM RDZOGS RIM GYI SKABS SU DAG MA DAG GI SGYU LUS PA GNYIS KYIS LAM DUS KYI PHRA RAGS KYI SPRUL SKU 'DZIN PA DE DANG RNAM PA MTHUN ZHING DE LTA BU'I DGE RTZA SMIN BYED KHYAD PAR CAN DU 'GYUR, 'BRAS BU SANGS RGYAS KYI SA'I LONGS SPYOD RDZOGS PA'I SKU 'DOD PA KHAMS LA SOGS PAR PHRA RAGS KYI SPRUL SKU 'DZIN PA DANG RNAM PA MTHUN ZHING, DA LTA NAS 'BRAS BU LAM BYED KYI TSUL DU BYAS NAS BSGOMS PAS DE LTA BU MYUR DU 'GRUB PA'I THABS MKHAS KHYAD PAR CAN DU 'GYUR BA YIN PA'I PHYIR, RTAGS DANG PO GRUB STE, RANG BZHIN GYI GNAS NAS DE BZHIN GSHEGS PA YAB YUM SEMS CAN 'DUL BA'I PHYIR DU SNYOMS PAR ZHUGS PA NI PHA MA GNYIS SNYOMS PAR 'JUG PA DANG CHOS MTHUN, BYANG CHUB KYI SEMS LAS GRUB PA'I MI BSKYOD PAS NAM MKHA'I KHAMS THAMS CAD KHYAB PA NI GZHI LA BYANG SEMS DKAR DMAR ZHU BAS PHA MA GNYIS KYI RTZA STONG PHRAG DON GNYIS KYI NANG GANG BA DANG CHOS MTHUN, NGES SEMS CAN THAMS CAD LA BYIN GYIS BRLABS PAS ZAG PA MED PA'I BDE BA DANG YID BDE BA THOB BA NI SEMS CAN DU 'DOGS PA'I GZHI, PHA MA GNYIS KYI PHUNG SOGS BDE BAS BRGYAL BA DANG CHOS MTHUN, MI BSKYOD PA THAMS CAD GZHAL YAS KHANG GI NANG DU GCIG TU 'DRES PA NI KHU KHRAG MNGAL DU 'DRES PA

, ,DANG CHOS MTHUN, DE LA DANG PO'I MGON PO ZHUGS PA NI BAR DO SHI NAS SKYE GNAS SU ZHUGS PA DANG CHOS MTHUN, LUS RTEN GZHAL YAS KHANG DU SGOM PA LA LAM DANG 'BRAS BU GNYIS MA GTOGS GZHI LA CHOS MTHUN SBYOR RGYU MED KYANG, BRTEN PA LHA SGOM PA LA PHUNG PO LNGA RIGS LNGAR SGOM PA NI MNGAL GYI SEMS CAN DE'I PHUNG PO LNGA GRUB PA DANG, KHAMS BZHI YUM BZHIR SGOM PA NI DE'I KHAMS BZHI GRUB PA DANG, MIG SOGS SEMS DBAR SGOM PA NI DE'I MIG SOGS DBANG PO LNGA GRUB PA DANG, YUL LNGA RDO RJE MA LNGAR SGOM BA NI DE'I GZUGS SOGS SKYE MCHED GRUB PA DANG, YAN LAG KHRO BOR SGOM PA NI DE'I YAN LAG DANG NYING LAG RDZOGS PA DANG CHOS MTHUN, SKU BYIN RLABS NI DE'I SKRA SPU SEN MO SOGS LUS KYI GNAS SKABS RDZOGS PA DANG, GSUNG BYIN RLABS NI DE'I NGAG SMRA BA'I GNAS, BYED PA LCE RKAN GRUB PA DANG, THUGS BYIN RLABS NI DE'I YID SHES, YUL LA 'JUG PA'I DRAN BA RDZOGS PAR GRUB PA DANG SEMS DPA' SUM BRTZEGS SGOM PA NI DE'I RAGS PA GNAS SKABS PA DANG, PHRA BA GNYUG MA'I LUS GRUB PA DANG, RIGS BDAG GIS RGYAS 'DEBS PA NI MNGAL GYI SEMS CAN DE PHYIR BTZAS PA DANG CHOS MTHUN PA'I PHYIR, YANG SKABS 'DIR SNGON GYI 'GOS LUGS BA KHA CIG ,SEMS DPA' SUM BRTZEGS MDAL NAS PHYIR BTZAS PA DANG SBYOR, BU LUGS PA SKU GSUNG THUGS BYIN RLABS BTZAS BA DANG SBYOR YANG, DE GNYIS KA MI 'THAD DE, LE'U DANG PO'I DAM

TSIG 'BYUNG BA RDO RJE DRANG DON DU BSHAD PA'I SKABS KYI RTZA 'GREL GNYIS KAR SNGAGS KYI BYIN GYIS BRLABS KYIS BYIN GYIS BRLABS SO, ,ZHES GSUNGS PA'I 'OG TU DE BZHIN GSHEGS PA DE NYID ZHAL GSUM PA LTA BUR GZIGS PAR GYUR TO, ZHES GSUNGS PA GANG ZHIG ,ZHAL GSUM PA LTA BUR GZIGS BA MNGAL NAS PHYIR BTZAS PA DANG SBYOR BAR RNAM GZHAG RIM PAR GSUNGS PA'I PHYIR, RTZA RTAGS GNYIS PA DANG GSUM PA RIGS 'GRES SBYAR TE SHES BAR BYA'O, ,BSKYED RIM PA'I DANG PO'I MGON PO DANG SPRUL SKU RDOR SEMS GNYIS LA PHRA RAGS MED KYANG BLOS SNGA MA LAS PHYI MA RAGS PAR SGOM PA YIN NO, ,SMAS BA, RGA DANG 'CHI SOGS SDUG BSNGAL DU MA'I SGO, ,NYID MTSAMS SBYOR BA'I DRI MA KUN BSAL TE, ,GANG 'DUL JI BZHIN SPRUL BA SNA TSOGS KYIS, ,GAR MDZAD RNAL 'BYOR MCHOG DE SKAL BA BZANG,, ,,GSUM PA STON PA LA, RANG GI LUS KYI MDUN RGYAB DANG, ZHES SOGS GSUNGS, 'DI'I SKABS SU KHA CIG ,SLOB DPON RDO RJE DRIL BU PAS, 'GRO BA 'DI DAG RANG BZHIN GYIS, ,GRUB PA'I DKYIL 'KHOR GNYIS MED PA'O, ZHES GSUNGS PA LA BRTEN NAS 'GRO BA THAMS CAD KYI LUS GDOD MA NAS DKYIL 'KHOR DU YOD PA LA YOD PAR NGO MA SHES PA DE, NGO SHES BAR BYAS TE SNGAR YOD GSAL 'DEBS PA'I TSUL GYIS SGOM PA YIN NO, ZHES ZER RO, ,'O NA 'GRO BA RNAMS KYI LUS MOS CAN, LAS NYON GYIS BSKYED PA'I SDUG BSNGAL BDEN PA MA YIN PAR THAL, GDOD MA NAS RDO RJE 'CHANG GI DKYIL 'KHOR DU

, ,GRUB NAS YOD PA'I PHYIR, GZHAN YANG SEMS CAN YIN NA, RDO RJE 'CHANG DU GDOD MA NAS GRUB PAS KHYAB PAR THAL, DE'I LUS YIN NA GDOD MA NAS RDO RJE 'CHANG GI DKYIL 'KHOR DU GRUB PAS KHYAB PA'I PHYIR RO, ,DE LTAR BYAS PA LA KHO NA RE, 'GRO BA'I LUS KYI DE KHO NA NYID DANG DKYIL 'KHOR GYI DE KHO NA NYID DBYER MED PA'I RGYU MTSAN GYIS, 'GRO BA'I LUS DKYIL 'KHOR DU 'DOD KYI, SANGS RGYAS KYI DKYIL 'KHOR DNGOS SU MI 'DOD PAS SKYON MED DO ZHE NA, LUS DKYIL DANG BRIS PA'I DKYIL 'KHOR GNYIS LA BCOS MA BCOS DANG ZAB MI ZAB KYI KHYAD PAR CUNG ZAD KYANG MED PAR THAL, BRIS PA'I DKYIL 'KHOR GNYIS KYI DE KHO NA NYID DANG, LHA'I DE KHO NA NYID KYANG DBYER MED PA'I PHYIR RO, ,RANG LUGS LUNG DE'I DON NI PHYI DKYIL GYI LHA DANG GZHAL YAS KHANG GI BSGRUB GZHI NI PHYAG MTSAN SA BON SOGS RI MO MKHAN GYIS GSAR DU BCOS PAS, DE LAS BSGRUBS PA'I DKYIL 'KHOR LA'ANG BCOS MA ZHES BYA LA, LUS DKYIL GYI BSGRUB GZHI LUS KYI CHA DE DANG DE RNAMS NI, RANG SKYES TZAM NAS RDZOGS PAR YOD PAS GSAR DU MA BCOS PAS, DE LAS BSGRUBS PA'I DKYIL 'KHOR LA'ANG MA BCOS PA ZHES BYA STE, GRUB CHEN DRIL BU PAS, RI MOR GNAS PA'I LAS DANG NI, ,THIG LAS TSON DGYE'I RIM PA BSTAN, ,'GRO BA 'DI DAG RANG BZHIN GYIS, ,GRUB PA'I DKYIL 'KHOR GNYIS MED PA'O, ,BCOS MA GNYIS KYI NGO BO GANG, ,DE NI GDUL BYA'I DBANG LAS YIN, ,MKHAS PA'I BSGRUB BYA DE YIN TE, ,YANG DAG DON

MTHONG GROL PHYIR RO, ZHES MKHAS PAS, BSGRUB GZHI BCOS MA'I PHYI DKYIL GNYIS LAS, LUS DKYIL MCHOG TU GZUNG RIGS TE, LUS LA GNAD DU BSNUN NAS BSGOMS PAS YANG DAG PA'I DON MTHONG STE GROL BAR GSUNGS PA'I PHYIR RO, ,YANG KHA CIG ,BSKYED RIM PAS RANG LHAR SGOM PA'I TSE LHA DNGOS GNAS YIN TE, GAL TE MA YIN NA BLO DE LOG SHES SU 'GYUR BAS SANGS RGYAS KYI RGYUR MI RUNG BA'I PHYIR, ZHES ZER BA NI RIGS PA RTZING PO STE, 'O NA LHAG MOS KYI MDZAD PA LTA BU'I SEMS CAN THAMS CAD LA DBANG BSKUR BAS DE BZHIN GSHEGS PA THAMS CAD KYI BDE BA DANG YID BDE BA THOB STE RDO RJE SEMS DPAR GYUR PA SGOM PA'I TSE, SEMS CAN THAMS CAD DNGOS GNAS LA RDO RJE 'CHANG YIN NAM MIN, YIN NA SNANG RUNG MA DMIGS PAS LEGS SHING, RNAL 'BYOR PA GCIG GIS LAM BSGOMS PAS SEMS CAN THAMS CAD 'BAD MED DU GROL BAR THAL LO, ,MA YIN NA, DE LTAR BSGOMS PA'I BLO MOS CAN, SANGS RGYAS KYI RGYUR MI RUNG BAR THAL, LOG SHES YIN PA'I PHYIR, 'KHOR GSUM, KHA CIG ,LUS KYI CHA DE DANG DE GZHAL YAS KHANG GI CHA DE DANG NGER MOS PA'AM DOD THUB TZAM DU SGOM PA YIN ZER BA MI 'THAD DO, RGYUD RDO RJE PHRENG BA LAS, LUS NI GZHAL YAS KHANG DU GYUR, ,SANGS RGYAS KUN GYI YANG DAG BSTEN, ZHES LUS GZHAL YAS KHANG DNGOS SU BSGOM PAR GSUNGS PA'I PHYIR, KHA CIG ,LUS KYI GNAS DE DANG DER LHA SO GNYIS KYI SA BON BKOD NAS LHA'I NGO BOR MOS PA TZAM YIN GYI LHA'I RNAM PAR SGOM PA 'PHAGS PA YAB SRAS KYI

, ,DGONGS PA MA YIN NO ZER BA MI 'THAD DE, MDOR BYAS LAS, THL'mI MIG TU BKOD NAS NI, ,SA YI SNYING PO RNAM PAR BSGOM, ZHES GSUNGS SHING, RTZA RGYUD LE'U BRGYAD PA LAS KYANG, NU MA'I DBUS PHAR SPYI GTZUG MTHA' YI BAR, CHOG SHES PAS YANG NA RKANG PA'I BAR, ,LTE BA RKED PA GSANG BAR RGYAL BA'I SRAS, ,RIGS LNGA RNAMS NI DGOD PAR RAB TU BYA, ZHES PAS LUS DKYIL BSTAN PAR MDO SRE LAS GSUNGS PA'I PHYIR, SNGA MA KHA CIG ,PHYI DKYIL GYI SNANG BA BSDUS NAS LUS DKYIL GYI GZHAL YAS KHANG SGOM PA DANG, YANG SNGA MA'I MDUN DU SGOM PA DANG, BRE NANG DU BRE BCUG PA'I TSUL GYIS SGOM PA SOGS 'DOD KYANG LEGS PA MA YIN NO, ,RANG LUGS SNGAR GYI GZHAL YAS KHANG GI SNANG BA DE NYID MA BSDUS PA'I NGANG NAS RIM PA BZHIN DU GZHAL YAS KHANG GI RGYUN PHYI MA RNAMS DANG LUS KYI CHA DE DANG DE 'PHRAD PA YONGS SU GYUR PA LAS LUS KYI DKYIL 'KHOR GRUB PAR MOS PA YIN TE, DPER NA SNAM BU DANG RGYA SKYEGS KYI KHU BA 'PHRAD PA BZHIN DU RANG GI LUS KYI MDUN RGYAB DANG GA-YAS GA-YON BZHI NI DKYIL 'KHOR GYI ZUR BZHI ZHES PA'I TSE PHYI DKYIL RANG DGA' BA'I ZUR BZHI PO DE LUS KYI CHA BZHI PO DE DANG 'PHRAD NAS 'DRES PA LAS LUS DKYIL GYI GZHAL YAS KHANG GI ZUR BZHIR MOS DGOS PA LTA BU YIN PA'I PHYIR, LUS RTEN GZHAL YAS KHANG DU SGOM TSUL NI, RTZA RGYUD LE'U BRGYAD PA LAS, RIN CHEN SNA BZHI'I MCHOD RTEN LA, ZHES SOGS KYIS BSTAN CING, LUS KYI CHA SHAS GANG DANG GANG GZHAL YAS KHANG GI

CHA GANG DANG GANG DU BSGOM PA NI, RDO RJE PHRENG BA LAS, ZUR BZHI PA YI MDUN RGYAB DANG, ,GA-YAS DANG GA-YON GYI DBYE BAS SO, ZHES PA NAS, PHUNG PO LNGA NI YANG DAG PAR, ,RNAM GZHAG KHA DOG LNGA YIS BYED, ,DE DAG GZHAL YAS KHANG DU BSGOM, ZHES PA'I BAR SGRUB THABS LAS 'BYUNG BA LTAR GSAL BAR GSUNGS SO, ,'O NA LUS GZHAL YAS KHANG DU SGOM TSUL STON PA'I SKABS SU DBANG SHES DANG YID SHES RNAMS GZHAL YAS KHANG GI CHA RE RE RAB SGOM PAR BSHAD PA MI 'THAD DA ZHE NA, SKYON MED DE; LUS KYI SGRA DON BSAGS PA ZHES PA SHES PA LA YANG BSHAD DU YOD PA'I PHYIR TE, SHES PA RNAMS KYANG SKAD CIG DU MA BSAGS PA YIN PA'I PHYIR, LUS DKYIL GYI BRTEN PA LHA RNAMS LUS KYI CHA SHAS GANG LAS SGOM PA YANG BZHAG TU YOD DE; RTZA RGYUD LE'U BCU BDUN PA LAS, MDOR NA PHUNG PO LNGA RNAMS NI, ,SANGS RGYAS LNGAR NI RAB TU BSGRAGS, ZHES DANG, SA NI SPYAN ZHES BYA BA STE, ZHES SOGS GSUNGS SHING, LE'U BDUN PA LAS KYANG, GZUGS SGRA DRI SOGS SNGAGS PA YIS, ,LHA NYID DU NI RTAG TU BSGOM, ZHES GSUNGS PA'I PHYIR, LUS KYI GNAS GANG DU SGOM PA NI, RDO RJE PHRENG BA LAS, RDO RJE SLOB DPON LUS 'DI LA, ,RGYAL BA'I SKU NI RIM BZHIN GNAS, ZHES SOGS KYIS BSTAN CING, MDOR BYAS LAS KYANG; DE NAS PHUNG PO LA SOGS PA'I, ZHES PA NAS, GNOD MDZES RGYAL PO BSAM PA NI, ,RKANG PA GNYIS LA DGOD PAR BYA, ZHES PA'I BAR GYIS BSTAN, DE YANG RANG GI SPYI BO LA SOGS PA'I GNAS SO GNYIS SU AOm LA SOGS PA'I SA

, ,BON SO GNYIS 'GOD PA GZUGS KYI PHUNG PO LA SOGS PA LUS KYI CHA SHAS SO GNYIS DANG NGO BO DBYER MED DU BYAS, DE NAS LHA MO GNYIS SU BSKYED NAS NGA RGYAL DANG GSAL SNANG BSGOM PAR BYA BA YIN LA, DE LTAR BSGOM PA LA DGOS PA YOD DE, PHUNG KHAMS SKYE MCHED SOGS BYIN GYIS RLOB PA DANG, LUS KYI GNAS DE DAG GI RTZA KLUNG THIG LE RNAMS LAS RUNG DU BYAS PA'I SGO NAS RLUNG DANG BYANG SEMS RNAMS SNYING GAR BSDUS PA LAS BYUNG BA'I RDZOGS RIM GYI RTOGS PA KHYAD PAR CAN SKYE BA'I RGYUD SMIN BYED DU 'GYUR BA DANG, 'BRAS DUS KYI LHA SO GNYIS MYUR DU 'GRUB PA'I THABS MKHAS KHYAD PAR CAN DU 'GYUR BA YIN PA'I PHYIR, KHYAD PAR YUL LNGA RDO RJE MA LNGA DANG, YAN LAG KHRO BOR BSGOMS PA LA GNAS SKABS KYI DGOS PA YANG YOD DE, MIG SOGS KYI MNGON SHES LNGA 'GRUB CING YUL SNANG BDE CHEN GYI RNAM ROL DU 'BAR BA DANG, BGEGS KYI BAR GCOD MI 'BYUNG BA'I DGOS PA YOD PA'I PHYIR, SMRAS PA, MA DAG PHUNG PO KHAMS DANG SKYE MCHED KUN, ,SUM CU RTZA GNYIS LHA YI RNAM ROL DU, ,SGYUR BYED GSER 'GYUR RTZI YI MCHOG JI BZHIN, ,ZAB MO'I LAM 'DI 'JIG RTEN RIN CHEN GCIG ,BZHI PA LA SGO GSUM BYIN GYIS RLOB PA DANG, SEMS DPA' SUM BRTZEGS SGOM TSUL GNYIS LAS, DANG PO STON PA LA, RANG GI SPYI BOR AOm LAS BYUNG BA'I ZLA BA'I DKYIL 'KHOR, ZHES SOGS GSUNGS, DE YANG SGO GSUM BYIN BRLAB RJE BLA MAS SGRUB THABS SU BKOD PA LTAR BYA DGOS TE, SGO GSUM

BYIN GYIS BRLAB PA RE RE YANG, RTZA RGYUD LE'U BCU GCIG PA LAS, RDO RJE'I DKYIL 'KHOR DBUS GNAS PAR, ,H'Um ZHES BYA BA RAB TU BSGOM, ZHES SOGS KYIS SPYAN 'DREN TSUL BSTAN PAR MDO SRE LAS GSUNGS PA LTAR SPYAN DRANGS, LE'U BCU GNYIS PA LAS GSUNGS PA'I TSIGS BCAD GNYIS GNYIS KYIS GSOL BA BTAB, LE'U BDUN PA LAS GSUNGS PA'I TSIGS BCAD RE RES BRTAN PAR BYAS, LE'U DRUG PA LAS GSUNGS PA'I SNGAGS KYIS, NGA RGYAL GZUNG BAR 'PHAGS PA YAB SRAS KYIS GSUNGS PA'I PHYIR, DE LTAR NA SGO GSUM BYIN GYIS BRLAB PA LA BZHI LAS, DANG PO SKU BYIN BRLAB LA GSOL BA 'DEBS YUL SPYAN 'DREN PA NI, RANG GI SPYI BOR AOm LAS, ZHES PA NAS, SPYAN MA DANG SBYOR BA'I MDUN NA RANG NYID GNAS PAR GYUR, CES PA'I BAR GYIS BSTAN TE, MDOR BYAS LAS, ZLA BA'I DKYIL 'KHOR YANG DAG RDZOGS, ZHES PA NAS, BDAG KYANG DE YI MDUN GNAS LA, ZHES PA'I BAR GSUNGS PA'I PHYIR, LHA MO SPROS NAS SPYAN 'DREN PA RGYUD NAS MA BSHAD KYANG, MGON PO KLU SGRUB KYI MAN NGAG LAS 'BYUNG BA YIN NO, ,DE NAS GSOL BA 'DEBS PA NI, DPAL LDAN SANGS RGYAS SKU 'CHANG BA, ZHES SOGS TSIGS BCAD GNYIS TE, TSIGS BCAD DANG POS GTZO BO RNAM SNANG DANG, GNYIS PAS 'KHOR RNAMS LA GSOL BA 'DEBS PA YIN LA, DON NI, GANG GIS BDE CHEN STER BA'I SPYAN MA PHYAG RGYAR LDAN PAS DPAL LDAN, SANGS RGYAS THAMS CAD KYI SKUR NGAG BDAG NYID DU 'DZIN PAS NA SKU 'CHANG BA, ZHES RNAM SNANG LA BOS NAS

, ,RDO RJE GSUM DBYER MI PHYED PA RDO RJE 'CHANG DU BSGOMS PA'I SGRUB PA PO BDAG DENG STE, DA LTA NYID DU BYIN GYIS BRLAB TU GSOL, TSUL JI LTAR NA, BDAG GI LUS SKU RDO RJE RNAM SNANG GI NGO BOR MDZAD DU GSOL, YANG PHYOGS BCUR BZHUGS PA'I SANGS RGYAS RNAMS LA BOS NAS LHAG MA NI SNGAR BZHIN NO, ,DE LTAR GSOL BA BTAB NAS BYIN GYIS RLOB PAR SGOM TSUL NI RDO RJE SEMS DPA'I SGRUB THABS SU GSAL BAR GSUNGS PA LTAR, ZHES GSOL BA BTAB PAS, ZHES PA NAS, SKU'I DBANG PHYUG THOB PAR GYUR, CES GSUNGS PA LTAR TE, MDOR BYAS LAS, SPYAN DANG LHAN CIG LDAN PA YI, ,RNAM PAR SNANG MDZAD BSAMS NAS SU, ,DE BCUG NAS NI BYIN BRLABS TE, ZHES GSUNGS PA'I PHYIR, SKU'I DBANG PHYUG THOB PAR BSAM TSUL YOD DE, SKU'I SPRUL PA BYE BA THER 'BUM DUS CIG CAR DU STON NUS PAR GYUR PA SGOM PA YIN PA'I PHYIR, DE NAS BRTAN PAR BYA BA NI, LE'U BDUN PAR GSUNGS PA'I SANGS RGYAS KUN GYI SKU GANG YIN, ZHES SOGS SHLO KA GCIG STE 'DI'I DON NI, SANGS RGYAS KUN GYI STE, PHYOGS BCU NA BZHUGS PA'I RNAM SNANG DANG 'BREL BA'I PHUNG PO LNGA YIS RAB TU RGYAS PAR SPRUL PA'I SKU GANG YIN PA LTAR, SGRUB PA PO BDAG GI LUS KYANG SANGS RGYAS KYI SKU'I NGO BO RNAM SNANG DE DANG 'DRA BAR SHOG ,CES PA STE, 'GOS 'GYUR LAS, PHUNG PO LNGA YIS RAB TU RGYAS, ZHES 'BYUNG BA LTAR LEGS SO, ,NGA RGYAL 'DZIN PA'I SNGAGS DON LA AOm BSHAD ZIN, SARBA NI THAMS CAD, TA TH'A GA TA NI DE BZHIN GSHEGS PA, K'A YA

NI SKU'AM LUS, BADZRA NI RDO RJE, SVABH'A WA NI RANG BZHIN, A'ATMA KA NI BDAG NYID, AA HAm NI NGA'O ZHES PA STE, DE BZHIN GSHEGS PA THAMS CAD KYI SKU RDO RJE'I RANG BZHIN GYI BDAG NYID DE NGA'O, ,ZHES PA'O, ,GNYIS PA NGAG BYIN BRLAB LA GSOL BA 'DEBS YUL SPYAN 'DREN PA NI, RANG GI LCE'I DBUS SU ZHES PA NAS, MDUN NA RANG NYID GNAS PAR GYUR, CES PA'I BAR GYIS BSTAN, GSOL 'DEBS KYI DON NI, GOS DKAR MO PHYAG RGYAR LDAN PAS NA DPAL LDAN, CHOS NI 'OD DPAG MED DO, DE NYID SANGS RGYAS THAMS CAD KYI GSUNG GI NGO BO YIN PAS GSUNG LA MA MO, ,LHAG MA GZHAN RNAMS NI SKU RDO RJE DANG GSUNG RDO RJE BRJE BA MA GTOGS SNGAR BZHIN NO, ,BYIN GYIS BRLAB PA'I TSUL YANG RDO RJE SEMS DPA'I SGRUB THABS BZHIN RJE BLA MAS SGRUB THABS LAS BSHAD PA LTAR BYA DGOS TE, MDOR BYAS LAS, GOS DKAR MO DANG LHAN CIG TU, ,RANG GI GTZO BOR YANG DAG LDAN, ,LCE LA ZHUGS PAR RAB BSAMS NAS, ,GSUNG GI BYIN GYIS BRLAB PA TZAM, ZHES GSUNGS PA'I PHYIR, GSUNG GI DBANG PHYUG KYANG GZHAG TU YOD DE, GSUNG GCIG NYID DU GSUNGS KYANG SEMS CAN THAMS CAD KYI RANG RANG GI SKAD DANG MTHUN PAR, 'DRI BA KUN LAN CIG CAR DU 'DEBS PAR NUS PA YIN PA'I PHYIR, DE NAS BYIN GYIS BRLABS PA BRTAN PAR BYA BA NI, RDO RJE CHOS KYI GSUNG GANG YIN, ZHES SOGS SHLO KA GCIG STE, DON NI, RDO RJE CHOS 'OD DPAG MED KYI GSUNG GANG YIN PA DE NI NGES PA'I TSIG GIS MTSON PA SO SO YANG DAG PAR RIG PA BZHI THOB PA'I 'BRAS BUR GYUR PAS PHUN SUM

, ,TSOGS PA YIN LA, BDAG GI TSIG KYANG 'OD DPAG MED KYI GSUNG DE DANG 'DRA ZHING, BDAG CHOS 'DZIN PA 'OD DPAG MED DE DANG 'DRA BAR SHOG CES PA'O, ,DE NAS AOm SARBA TA TH'A GA TA SOGS KYIS NGA RGYAL GZUNG BA YIN LA, SNGAGS DON NI; W'A KA ZHES PA GSUNG NGAM NGAG YIN LA, LHAG MA RNAMS SNGAR BZHIN NO, ,GSUM PA THUGS BYIN BRLAB LA GSOL BA 'DEBS YUL SPYAN DRANG BA NI, RANG GI SNYING GAR H'Um LAS BYUNG BA'I, ZHES PA NAS, RANG NYID GNAS PAR GYUR, CES PA'I BAR GYIS BSTAN PAR MDOR BYAS LAS GSUNGS LA, GSOL BTAB KYI DON NI, M'A MA K'I PHYAG RGYAR LDAN PAS NA DPAL LDAN, MTSAN MA'I SPROS PAS MI PHYED PA, MI GNAS PA'I MYA NGAN LAS 'DAS PA'I RANG BZHIN GYI THUGS RANG GI BDAG NYID DU 'DZIN PAS NA RDO RJE'I THUGS 'CHANG BA'O, ,LHAG MA NI THUGS RDO RJE ZHES PA BRJE BA MA GTOGS SNGAR BZHIN NO, ,BYIN GYIS BRLAB TSUL NI RDOR SEMS KYI SGRUB THABS BZHIN RJE BLA MAS GSUNGS PA LTAR BYA DGOS TE, MDOR BYAS LAS, M'A MA KI TSOGS MA LUS PA, ,RDO RJE THUGS DANG YANG DAG LDAN, ,SNYING GAR YANG NI BCU GNAS SU, ,THUGS KYI BYIN GYIS BRLAB PA TZAM, ,ZHES GSUNGS PA'I PHYIR, THUGS KYI DBANG PHYUG BZHAG TU YOD DE, MI RTOG BZHIN DU SHES BYA THAMS CAD CIG CAR DU MNGON SUM DU MKHYEN PA YIN PA'I PHYIR, DE NAS BRTAN PAR BYA BA NI, KUN TU BZANG PO'I THUGS GANG YIN, ZHES SOGS SHLO KA GCIG STE, DON NI GSANG BA PA RNAMS KYI DBANG PO MDZAD CING, DE KHO NA NYID RTOGS PA RNAMS

KYI GTZO BOR GYUR BAS NA GSANG BA'I BDAG PO'O, ,BLO REG BYA RDO RJE MA PHYAG RGYAR LDAN PAS NA BLO LDAN PA'O, ,KUN TU STE RNAM PA THAMS CAD DU BZANG ZHING DRI MA DANG BRAL BAS NA KUN TU BZANG PO STE, DE 'DRA BA'I MI BSKYOD PA'I THUGS GANG YIN PA LTAR, BDAG GI SEMS KYANG DE DANG 'DRA BAR GYUR CIG CES PA'O, ,DE NAS AOm SARBA TA TH'A GA TA SOGS KYIS NGA RGYAL GZUNG BA YIN LA, SNGAGS DON NI, TZITTA ZHES PA SEMS KA MA THUGS YIN LA, LHAG MA THAMS CAD SNGAR BZHIN NO, ,DON BSDU NA RANG GI GNAS GSUM NAS RIGS GSUM GYI LHA MO DPAG TU MED PA PAR SPROS, DE RNAMS KYIS RDO RJE GSUM GYI LHA TSOGS NAM MKHA' GANG BA SPYAN DRANGS, NAM MKHAR BZHUGS PA'I GTZO 'KHOR RNAMS LA RANG GI SGO GSUM BYIN GYIS BRLAB PA'I DON DU GSOL BA BTAB PAS RANG GIS SPROS PA'I LHA MO RNAMS DANG, SPYAN DRANGS PA'I RDO RJE GSUM GYI LHA TSOGS RNAMS SNYOMS PAR ZHUGS PAS BDUD RTZI 'OD ZER DKAR DMAR MTHING GSUM GYI RNAM PAR ZHU BA, RANG GI GNAS GSUM DU ZHUGS PAS, RANG GI SGO GSUM RE RE BA DANG THUN MONG BA, SANGS RGYAS THAMS CAD KYI RDO RJE GSUM RE RE BA DANG RDO RJE GSUM THUN MONG BA DANG RO GCIG PA, BDE STONG DBYER MI PHYED PA'I BDAG NYID DU MOS NAS NGA RGYAL BRTAN PO GZUNG DGOS TE, PHYOGS GZHAN GYI YE SHES PA SPYAN DRANGS TE GZHUG PA'I DOD KYANG 'DI YIN PA'I PHYIR, BZHI BA NI, RANG NYID DE BZHIN GSHEGS PA THAMS CAD KYI SKU GSUNG THUGS KYI RDO RJE GSUM DBYER MI PHYED PA RDO RJE 'CHANG CHEN PO'I NGO BOR GYUR, CES BRJOD CING NGA RGYAL BRTAN PAR BYA DGOS

, ,TE, RTZA RGYUD LE'U GNYIS PA'I, KHYED KYIS SEMS LUS LTA BU DANG, ZHES SOGS KYIS DE LTAR BSTAN PAR RDOR SEMS KYI SGRUB THABS LAS GSUNGS SHING, MDOR BYAS LAS KYANG, DE LTAR RIGS GSUM DBYE BA YIS, , SO SOR BYIN GYIS BRLABS NAS NI, ,BLO DANG LDAN PAS GSANG SNGAGS 'DIS, ,SLAR YANG THAMS CAD BDAG NYID BYA, ,AOm SARBA TA TH'A GA TA K'A YA W'A KA TZITTA BADZRA SVA BH'A WA A'ATMA KONYHAm, ZHES GSUNGS TE, THAMS CAD BDAG NYID BYA ZHES PA NI RDI RJE GSUM PA THAMS CAD DBYER MI PHYED PA'I BDAG NYID RDO RJE 'CHANG DU NGA RGYAL BYA ZHES PA'I DON YIN PA'I PHYIR, DE LTAR NA SGO GSUM BYIN GYIS BRLABS PA LA CHOS CAN, DGOS PA YOD DE, RANG GI SGO GSUM THA MAL GYI SNANG ZHEN SBYAR BA DANG, RANG DAM TSIG PA LA YE SHES PA BCUG NAS NUS LDAN DU BYA BA DANG DE LA BRTEN NAS LAM RDZOGS RIM DANG MTHUN PA'I 'BRAS BU'I SKABS KYI RDO RJE GSUM MYUR DU 'GRUB PA'I CHED YIN PA'I PHYIR, GNYIS PA NI, RANG DAM TSIG SEMS DPA' RDO RJE 'CHANG SNGON POR GSAL BA'I, ZHES SOGS GSUNGS PA LTAR BSGOM PAR BYA BA YIN TE, DE LTAR RTZA RGYUD LE'U BCU GNYIS PA LAS, RNAM PA'I MCHOG RNAMS KUN LDAN PA, ,SKU GSUNG THUGS KYI RDO RJE CAN, ,SNYING GAR YE SHES DAM TSIG DANG, ZHES SOGS KYIS BSTAN PAR MDO SRE DANG RDOR SEMS KYI SGRUB THABS LAS GSUNGS SHING, MDOR BYAS LAS KYANG, DE LTAR BDAG NYID BYIN BRLABS NAS, ,ZLA BA'I DKYIL 'KHOR DBUS GNAS PA'I, ,MTSAN MA DRUG DANG YANG DAG LDAN

DAM TSIG SEMS DPA' BSGOM PAR BYA, ZHES GSUNGS PA'I PHYIR, MTSAN MA DRUG NI PHYAG MTSAN DRUG GO ,DE YANG DAM TSIG SEMS DPA' NI RAGS PA GNAS SKABS PA'I LUS DANG CHOS MTHUN, YE SHES SEMS DPA' NI PHRA BA GNYUG MA'I LUS, SHIN TU PHRA BA'I RLUNG SEMS NGO BO DBYER MED DU GNAS PA'I RLUNG 'OD ZER LNGA PA DANG CHOS MTHUN, TING NGE 'DZIN SEMS DPA' NI SHIN TU PHRA BA'I SEMS DANG CHOS MTHUN NO, ,SKABS 'DI'I SPRUL SKU RDO RJE SEMS DPA' LA DAM TSIG SEMS DPA' ZHES BRJOD PA'I RGYU MTSAN YOD DE, DAM TSIG GI SKAD DOD SA MA YA LA NGES TSIG GIS BSHAD PAS, SA MA TI YANG DAG PAR 'GRO BA DANG, M'A LI TI 'DU BA LA 'JUG PAS YE SHES PA RNAMS YANG DAG PAR 'GRO BA DANG 'DU BA'I GNAS YIN PAS DAM TSIG ;SEMS CAN GYI DON LA SEMS PAS SEMS DPA', YANG NA RNAM PAR DAG PA'I SEMS CAN GYI THA SNYAD GDAGS PAR BYA BA YIN PAS NA SEMS DPA' ZHES BRJOD PA YIN PA'I PHYIR TE, MAN SNYE LAS, YE SHES SEMS DPA' YANG DAG PAR 'GRO'O 'DU'O ZHES PA DAM TSIG GO ,ZHES DANG, SEMS CAN GYI DON BYED PA NYID KYI PHYIR DANG, RNAM PAR DAG PA'I SEMS CAN GYI THA SNYAD KYI YUL NYID KYI PHYIR RO, ,ZHES GSUNGS PA'I PHYIR, BYE BRAG TU SKABS 'DI'I SPRUL SKU RDOR SEMS LA DAM TSIG SEMS DPA' ZHES BYA STE, RDOR SEMS KYI SGRUB THABS LAS, DAM TSIG 'BYUNG BA RDO RJE'I TING NGE 'DZIN GYI TSUL LAS BSKYED PA'I PHYIR DAM TSIG SEMS DPA' ZHES BRJOD DO, ZHES GSUNGS PA LTAR YIN PA'I PHYIR, DE'I THUGS KAR YE SHES

, ,SHES SEMS DPA' BSGOM DGOS TE, MDOR BYAS LAS, SNYING GA'I DBUS NA GNAS PA YI, ,YE SHES SEMS DPA' RNAM PAR BSGOM, ,TING 'DZIN SEMS DPA' ZHES BYA BA'I, ,YI GE H'Um NI DE RU DGOD, CES GSUNGS PA'I PHYIR, KHO NA RE, YE SHES SEMS DPA' DMAR POR BYED PA MI 'THAD DE, RGYUD THAMS CAD LAS RANG 'DRA'I YE SHES SEMS DPA' BSGOM PAR GSUNGS PA'I PHYIR, ZHES ZER BA MI 'THAD DE, RGYUD THAMS CAD LAS DE LTAR GSUNGS PA MI 'GRUB PA'I PHYIR DANG, KHYAD PAR 'DUS PA'I RTZA BSHAD KYI RGYUD GANG NAS KYANG DE LTAR GSUNGS PA MI 'GRUB PA'I PHYIR, RGYUD GZHAN 'GA' ZHIG LAS RANG 'DRA'I YE SHES PA ZHES BSHAD PA RNAMS KYANG DAM TSIG SEMS DPA' DANG YE SHES SEMS DPA' GNYIS, MI BSKYOD PA SOGS RIGS KYI BDAG PO'I RIGS CAN DU 'DRA BA SOGS KYIS RANG 'DRAR GSUNGS PA YANG YIN TE, DE LTA MIN PAR RANG 'DRA'I DON SKU MDOG PHYAG MTSAN SOGS JI MA JI BZHIN 'DRA BA DGOS NA, SKABS 'DI'I YE SHES SEMS DPA'I LUS LA YANG LHA SO GNYIS 'GOD DGOS PAR THAL, DAM TSIG SEMS DPA' SPRUL SKU RDO RJE SEMS DPA' LA DE LTAR 'GOD DGOS PA GANG ZHIG ,DE GNYIS JI MA JI BZHIN 'DRA BA DGOS PA'I PHYIR, DON GYIS 'KHOR GSUM GZHAN YANG 'JIGS BYED LA YE SHES SEMS DPA' 'JAM DPAL SER PO DANG, GSHED DMAR LA YE SHES SEMS DPA' DBYUG PA DKAR PO MI MGO SER POS MTSAN PA DANG, BDE MCHOG KHA CIG LA DAM TSIG SEMS DPA' SNGON PO

LA YE SHES SEMS DPA' DKAR PO BYED PA TSAD LDAN DU MAS BSHAD PA YANG MI 'THAD PAR THAL LO, ,DES NA RANG LUGS, RANG DAM TSIG SEMS DPA' RDO RJE 'CHANG SNGON POR GSAL BA'I THUGS KAR SNA TSOGS PADMA DANG ZLA BA'I GDAN LA YE SHES SEMS DPA' SKU MDOG DMAR PO ZHAL GCIG PHYAG GNYIS KYIS RDO RJE DANG DRIL BU 'DZIN PAS RANG SNANG GI SHES RAB MA LA 'KHYUD PA, KHA SBYOR GYI SBYOR BAS LUS RGYAS PAR BYED PA SGOM DGOS TE, DE LTAR BHA BYA KI RTI DANG, AA BHA Y'A KA RAS MDZAD PA'I MDOR BYAS KYI 'GREL PAR GSUNGS SHING, DPAL LDAN ZLA BA'I RDOR SEMS KYI SGRUB THABS LAS KYANG, DE'I SNYING GAR YE SHES SEMS DPA' PHYAG GNYIS PA MDOG DMAR PO KHA SBYOR BAS LUS THAMS CAD TSIM PAR BYED PA BSAMS NAS, ZHES GSUNGS PA'I PHYIR, 'DI LA YE SHES SEMS DPA' ZHES BRJOD PA'I RGYU MTSAN YOD DE, YE SHES KYI RANG BZHIN GYI SEMS DPA' YIN PAS DE LTAR BRJOD PA'I PHYIR TE, SNYING GA'I DBUS SU PHRA MO YI, ZHES SOGS KYI SGRON GSAL LAS, YE SHES KYI RANG BZHIN YIN PAS NA PHRA BA STE, YE SHES SEMS DPA' BSGOM PAR BYA'O, ZHES GSUNGS PA'I PHYIR, DE'I THUGS KAR SGRUB THABS LAS 'BYUNG BA LTAR TING NGE 'DZIN SEMS DPA' H'Um YIG SGOM DGOS TE, RDOR SEMS KYI SGRUB THABS DANG, RTZA RGYUD LE'U BCU PA LAS, YI GE MCHOG TU GYUR PA'I TSIG ,CES PAS GSAL BAR BSTAN PA'I PHYIR, 'DI LA TING NGE 'DZIN SEMS DPA' ZHES BRJOD PA'I RGYU MTSAN YOD DE, GNAS 'DI LA RTZE

, ,GCIG TU DMIGS NAS BSGOMS PAS TING NGE 'DZIN MCHOG LHAN CIG SKYES PA'I YE SHES SKYES NAS SGRUB PA PO NGES PAR LEGS PA LA SBYOR BAS DE LTAR BRJOD PA'I PHYIR, DE LTA BU'I TSUL GYIS SEMS DPA' SUM BRTZEGS BSGOMS PA LA DGOS PA YOD DE, GZHI'I SEMS DPA' GSUM BRTZEGS KYI DRI MA SBYANGS TE, LAM GYI SEMS DPA' SUM BRTZEGS SU BSGYUR NAS, 'BRAS BU'I SEMS DPA' SUM BRTZEGS MYUR DU 'GRUB PA'I CHED YIN PA'I PHYIR, DE NAS RIGS BDAG SGOM PA MDOR BYAS LAS MA GSUNGS KYANG, RJE BLA MAS GSUNGS PA LTAR NGES PA BSGOM DGOS TE, LE'U BCU GNYIS PA'I, DBU RGYAN RDO RJE MCHOG 'DZIN PA, ZHES PA'I 'GREL PA SGRON GSAL LAS, DBU RGYAN TE SPYI GTZUG GI GNAS SU RDO RJE 'DZIN PA ZHES BYA BA RDO RJE 'CHANG CHEN PO, ZLA BA'I 'OD ZER GYI TSOGS DANG 'DRA BA'I BDUD RTZI 'DZAG PAS SANGS RGYAS THAMS CAD KYI DAM TSIG DANG YE SHES DANG TING NGE 'DZIN SEMS DPA' ZHES BYA BAR GRAGS PA TSIM ZHING MNYES PAR 'GYUR BAR BSAM MO, ZHES GSUNGS PA'I PHYIR, SKU MDOG DKAR PO ZHAL GCIG PHYAG GNYIS PAR THUGS RJE DPAL ZHABS KYIS BSHAD DO, ,SMRAS PA, GZHI YI SEMS DPA' GSUM GYI DRI MA'I CHOS, , LAM GYI SEMS DPA' GSUM GYI RNAL 'BYOR GYIS, ,SBYANGS PAS 'BRAS BU'I SEMS DPA' RNAM PA GSUM, ,MNGON DU 'GYUR ZHES ZAB MO'I GTAM 'DI BSGRAGS,, ` BZHI PA STON PA LA, RANG GI SNYING GNAS RANG RIGS KYI RIG MA

PHYUNG; ZHES SOGS GSUNGS, DE YANG BDAG CAG GI STON PAS KYANG SKU GSUM GYI GO 'PHANG BRNYES NAS GDUL BYA DMAN PA LA MOS PA LA CHAGS BRAL GYI SPYOD PA, RGYA CHEN PO LA MOS PA LAS DANG PHA ROL TU PHYIN PA'I SPYOD PA, ZAB MO LA LHAG PAR MOS PA LA 'DOD CHAGS KYI SPYOD PA STE, RNAM PA GSUM BSTAN PA'I 'PHRIN LAS MDZAD PA'I NANG NAS 'PHRIN LAS PHYI MA DANG MTHUN PA DANG, KHYAD PAR SNGON BYUNG LA RGYUD GSUNGS PA'I THOG MAR GZUNGS DKYIL SPRUL TE BDE CHEN 'DREN PA'I BKOD PA MDZAD NAS DKYIL 'KHOR RGYAL MCHOG GI LHA RNAMS SPROS, SPYI SGOS KYI MDZAD PA MDZAD PA KHO NA DANG RNAM PA MTHUN PAR SGOM PA DANG, DE LTA BU'I SKU GSUM GYI GO 'PHANG YANG 'DOD CHAGS KYI TSUL GYIS 'THOB PAR BSTAN PA'I PHYIR RIG MA 'DU BYA BA YIN TE, MDO SRE LAS, JI LTAR BCOM LDAN 'DAS KYIS BYANG CHUB KYI GO 'PHANG NI 'DOD CHAGS LAS SKYE BAR 'GYUR BAR RAB TU BSTAN PA'I PHYIR, LE'U DANG POR 'DOD CHAGS CHEN PO'I TSUL ZHES BYA BA'I TING NGE 'DZIN LA SNYOMS PAR ZHUGS PAR MDZAD PA BZHIN DU, SKYE BZHIN PA LA GNAS PAS DANG PO SBYOR BA BYA STE, 'DOD CHAGS LA SPYOD PA'I SEMS CAN RNAMS KYI 'DOD PAS THAR BA RAB TU BSTEN PAR BYA BA'I PHYIR, ZHES SOGS GSUNGS PA'I PHYIR; MDOR NA RIG MA 'DU BYA BA MAN CHAD 'BRAS BU SANGS RGYAS KYI MDZAD PA DANG RNAM PA MTHUN PA YIN TE, RIG MA 'DU BYAS NAS DKYIL 'KHOR RGYAL MCHOG GI LHA RNAMS BSKYED DE SPROS, SPYI SGOS KYI MDZAD PA MDZAD PAR SGOM PA NI SANGS RGYAS KYI

, ,SKU'I MDZAD PA DANG RNAM PA MTHUN, DE NAS PHRA MO SGOM PA NI THUGS KYI MDZAD PA NANG DU YANG DAG 'JOG LA BZHUGS PA DANG CHOS MTHUN, DE NAS SNGAGS BZLA BA NI CHOS STON PA'I GSUNG GI MDZAD PA DANG CHOS MTHUN, DE NAS GTZO BO 'OD GSAL DU ZHUGS PA NI ZHING DER SKU DNGOS KYI GDUL BYA RDZOGS NAS MYA NGAN LAS 'DA' TSUL STON PA DANG CHOS MTHUN, DE NAS TSAD MED BZHI'I NGO BOR GYUR PA'I LHA MO BZHIS ZHU BA GLUS BSKUL TE BZHENGS PA NI, SLAR YANG THUGS RGYUD CHAD MED BZHIS BSKUL TE ZHING GZHAN DU SPRUL PA'I SKU'I MDZAD PA STON PA DANG CHOS MTHUN, DE NAS BSTOD PA BYED PA NI SANGS RGYAS 'JIG RTEN DU BYON NO ZHES SNYAN PA BRJOD PA DANG CHOS MTHUN, DE NAS MCHOD PA NI ZHING DE'I GDUL BYA RNAMS KYIS MCHOD PA PHUL BA BDAG GIR MDZAD PA DANG CHOS MTHUN PA'I PHYIR, DES NA DGOS PA DE'I PHYIR RIG MA 'DU BYA BA YIN ZHING, 'DU BYA RGYU'I RIG MA LA PHYAG RGYA ZHES BRJOD PA'I RGYU MTSAN YOD DE, THABS KYI RDO RJES DE LTA BU'I SHES RAB LA RGYA GDAB PAR BYA BA YIN PAS DE LTAR BRJOD PA'I PHYIR TE, BRTAG GNYIS LAS, RDO RJE 'DIS NI GDAB PA YIS, ,DES NA PHYAG RGYAR BRJOD PAR BYA, ZHES GSUNGS PA'I PHYIR, PHYAG RGYA LA SGRAS BRJOD RIGS KYI SGO NAS DBYE NA, LAS RGYA DANG YE RGYA GNYIS LAS, DANG PO NI LAS KYIS 'PHANGS PA'I SGRA DANG NU MAR LDAN PA'I PHYAG RGYA YIN PAS NA LAS RGYA ZHES BYA'O, ,DE LA YANG LAS BYED TSUL GYI SGO NAS SAM, MI BSKYOD PA SOGS RIGS LNGA'I SGRUB PA PO SO SOS GTZO BOR BSTEN BYA'I SGO

NAS DBYE NA SME SHA CAN, BTZO BLAG MKHAN, PHRENG RGYUD MKHAN, GAR MKHAN, BZO BYED MKHAN GYI BU MO DANG LNGA YOD, DH'U T'I'I MAR SNA'I DBYIBS KYI SGO NAS DBYE NA PADMA CAN SOGS RIGS BZHI, LAM MTHO DMAN GYI SGO NAS DBYE NA SNGAGS SKYES, ZHING SKYES, LHAN SKYES KYI PHO NYA MO DANG GSUM YOD DO, ,DE LTA BU'I PHYAG RGYA DE NYID, THUN MONG DANG THUN MONG MA YIN PA'I SNOD RUNG DU BYAS PA, LHA'I RNAL 'BYOR SHIN TU BRTAN CING BYANG SEMS 'PHO MED DU PHAt YIG GI STOBS KYIS 'DZIN NUS PA, CHOS RNAMS KYI DE KHO NA NYID DAD 'DOD PA'I SGYU RTZAL DRUG CU RTZA BZHI SHES PAS BDE STONG SBYOR BA LA MKHAS PA DGOS TE, MDOR BYAS LA, SME SHA CAN GYI BDAG NYID CHE, ,BU MO AUTPAL MTHING KHA'I MDOG ,MIG YANGS DAM PA RNYED NAS NI, ,MNYAM PAR BZHAG CING LEGS PAR BSLABS, ,SGRUB PA PO LA SHIN TU MOS, ZHES GSUNG PA'I PHYIR, SGYU RTZAL DRUG CU RTZA BZHI NI, RDO RJE MKHA' 'GRO'I 'GREL PA LAS, DE YANG 'KHYUD PA DANG, 'O BYED PA DANG, SEN MO 'DEBS PA DANG, SO 'DEBS PA DANG, YANG DAG PAR SKYOD PA DANG, SED KYI SGRA SGROG PA DANG, SKYES PA'I BYA BA BYED PA DANG, STENG NA 'DUG PA DANG BRGYAD NI, RNAM PAR MI RTOG PA'I KHYAD PAR GYIS BRGYUD BRGYAD DRUG CU RTZA BZHIR 'GYUR TE, ZHES GSUNGS PA LTAR RO, ,PHYAG RGYAR MA ZAD SGRUB PA PO YANG JI SKAD BSHAD PA'I MTSAN NYID DANG LDAN PA DGOS KYI, DE LTA MIN NA NYES PA SHIN TU CHE STE, HE RU KA MNGON 'BYUNG LAS, ,RNAL 'BYOR MED PAR RNAL 'BYOR CHOS, ,PHYAG RGYA LA NI

, ,BGROD 'GYUR DANG, ,YE SHES MED PAR YE SHES TSUL, ,DMYAL BAR 'GRO BAR THE TSOM MED, CES GSUNGS PA'I PHYIR, DES NA YUL RTEN GNYIS KA MTSAN NYID DANG MI LDAN PA'I RNAL 'BYOR PAS NI YE RGYA LA BRTEN DGOS TE, RDOR SEMS KYI SGRUB THABS LAS, YANG NA SNYING GNAS YE SHES KYI PHYAG RGYA MNGON PAR SPRUL TE, ZHES SOGS GSUNGS SHING, THAMS CAD GSANG BA'I RGYUD LAS KYANG, SNYING GAR GNAS PA'I LHA MO CHE, ,RNAL 'BYOR RNAL 'BYOR 'BEBS BYED MA, ,SANGS RGYAS RNAMS KYI SBYOR SKYED MA, ,RDO RJE DBYINGS KYI DBANG MOR GRAGS, ZHES GSUNGS PA'I PHYIR, DE YANG MI BSKYOD PA'I SGRUB PA POS THOG MAR SME SHA CAN NAM GDOL PA'I BU MO'I RNAM PAR SNYING GNAS 'BYIN DGOS TE, RNAM GZHAG RIM PA LAS, BSAM PAS RANG GI RIGS KYI BU MO SPRO BA'AM YANG NA PHYI ROL GYI BU MO BLANGS LA, ZHES GSUNGS PA'I PHYIR, DE LTA BU'I PHYAG RGYA GNYIS CI YIN KYANG SGRUB THABS LAS GSUNGS PA LTAR LUS LA LHA NYER DGU 'GOD DGOS TE, MDOR BYAS LAS, AOm NI SPYI BOR BSAM PAR BYA, ZHES PA NAS, RKANG PA GNYIS LAS YI NI, ,SA 'DZIN LHA MO GZHAG PAR BYA, ZHES PA'I BAR GSUNGS PA'I PHYIR, 'JAM DPAL SOGS LHA GSUM YUM GYI LUS LA MI 'GOD PA'I RGYU MTSAN YOD DE, DE GSUM LA RTZA BSHAD KYI RGYUD GANG DU YANG YUM DNGOS SU MA GSUNGS PA'I RGYU MTSAN GYIS YIN PA'I PHYIR, DE'I RJES SU SGRUB THABS LAS 'BYUNG BA LTAR MKHA' GSANG BYIN GYIS RLOB DGOS TE, BYIN GYIS RLOB TSUL GSAL BAR MDOR

BYAS DANG RDOR SEMS KYI SGRUB THABS GNYIS KA LAS GSUNGS SHING, RTZA RGYUD LE'U BDUN PA LAS KYANG, DBANG PO GNYIS NI MNYAM SBYAR BAS, ,SANGS RGYAS DNGOS GRUB THOB PAR 'GYUR, ,YI GE H'Um DANG AOm DAG DANG, ,A'A: DANG PHAt KYANG RAB BRTAG BYA, ,'OD ZER SNA LNGAS KHYAB PA YI, ,PADMO RDO RJE BSGOM PAR BYA, ZHES PA RTZA 'GREL RNAMS GSUNGS PA'I PHYIR, DE'I 'OG TU SNGON BYUNG GI RNAM 'PHRUL LTAR RJES CHAGS KYI TSE RIN 'BYUNG GI NGA RGYAL 'DZIN PAR RDOR SEMS KYI SGRUB THABS LAS GSUNGS SHING, MDOR BYAS LAS KYANG, DE 'OG SGRUB PA BRTZAM PAR BYA, ,AOm SARBA TA TH'A GA TA AA NU R'A GAn BADZRA SVA BH'A WA A'ADMA KONYAHA, RDO RJE 'DZIN PA'I NGA RGYAL LEGS 'CHANG STE, ,H'Um GI GLU YIS KYANG NI BSKYOD PAR BYA, ,RANG GI BYANG CHUB SEMS NYID PHYUNG BA'I TSE, ,DES NI PHAt KYI GSANG SNGAGS BRJOD PAR BYA, ZHES RJES CHAGS KYI NGA RGYAL BZUNG BA'I 'OG TU RDO RJE 'CHANG GI NGA RGYAL GYIS H'Um GLUR BLANGS TE SNYOMS PAR 'JUG PAR GSUNGS PA'I PHYIR, SNGAGS DON AA NU R'A GAn NI RJES SU CHAGS PA YIN LA LHAG MA RNAMS NI SNGAR BZHIN NO, ,DE NAS DON GRUB KYI NGA RGYAL DU 'PHOS NAS MCHOD PA'I NGA RGYAL 'DZIN DGOS TE, MDOR BYAS LAS, PHYUNG NAS SLAR YANG SNGAGS PAS NI, ,PHYOGS BCUR BZHUGS PA'I SANGS RGYAS RNAMS, BYANG CHUB SEMS KYIS MCHOD NAS NI, ,GSANG SNGAGS 'DI NI BRJOD PAR BYA, ,AOm SARBA TA TH'A GA TA P'U DZA BADZRA SVA BHA WA A'A TMA KO NYAHAm, ZHES GSUNGS PA'I PHYIR, MCHOD PA'I NGA RGYAL DON GRUB KYIS 'DZIN DGOS TE, SNGON BYUNG LA SNGAGS

, ,'DI GSUNG PA PO DON GRUB YIN PA'I PHYIR, SNGAGS DON NI, P'U DZA NI MCHOD PA, LHAG MA RNAMS NI SNGAR BZHIN YIN LA, DE YANG SNGAGS DANG PO'I DON NI, DE BZHIN GSHEGS PA THAMS CAD KYI RJES SU CHAGS PA RDO RJE'I RANG BZHIN GYI BDAG NYID DE NGA'O ZHES PA DANG, SNGAGS GNYIS PA'I DON NI, DE BZHIN GSHEGS PA THAMS CAD KYI MCHOD PA RDO RJE'I RANG BZHIN GYI BDAG NYID DE NGA'O ZHES PA'O, ,MDOR NA MKHA' GSANG BYIN GYIS BRLABS TE RIN 'BYUNG GI NGA RGYAL GYIS, PHAN TSUN 'KHYUD PA SOGS, SGYU RTZAL RE BZHI CI RIGS PA'I ROL PA SNGON DU 'GRO BAS SNGAGS BRJOD CING RJES CHAGS KYI NGA RGYAL GZUNG, DE'I RJES SU RDO RJE 'CHANG GI NGA RGYAL GYIS H'Um GLUR BLANGS SHING SNYOMS PAR ZHUGS TE BYANG SEMS SPYI BO NAS NOR BU'I RTZE'I BAR DU PHAB PA PHAt YIG GIS BKAG NAS PHYIR MI 'PHO BAR BYAS LA BDE CHEN DRANGS, DES STONG NYID NGES PAR BYAS TE RTZE GCIG TU SGOM PAR BYED CING DE 'DRA BA'I BDE CHEN DES RANG DANG PHYAG RGYA'I LUS LA BKOD PA'I LHA RNAMS DANG PHYOGS BCU'I SANGS RGYAS THAMS CAD TSIM ZHING MNYES PAR BSAMS LA, PHAt BRJOD CING MCHOD PA'I NGA RGYAL 'DZIN PA YIN NO, ,TSUL 'DI LTAR BSGOMS PA LA DGOS PA YOD DE, RTEN BRTEN PA'I DKYIL 'KHOR THAMS CAN BDE STONG DBYER MED KYI YE SHES KYI RNAM ROL TU 'CHAR BA DANG, RGYUD SDE 'OG MA GSUM MAN CHAD LAS 'DAS PA'I, 'KHOR BA'I RTZA BA BDEN 'DZIN GYI GNYEN PO MCHOG TU 'GYUR BA DANG, BSKYED RIM PA'I NYON MONGS LAM BYED DANG

'DOD YON LAM BYED KYI GTZO BOR 'GYUR BA DANG, DE LA BRTEN NAS RDZOGS RIM PA'I BDE CHEN 'DREN PA'I SMIN BYED BLA NA MED PA, BSKYED RIM PA'I LAM GYI SNYING POR GYUR PA YIN PA'I PHYIR, TSUL 'DI LA DANG PO SBYOR BA ZHES BRJOD PA'I RGYU MTSAN YOD DE, SGRUB PA PO'I SKYE SHI BAR DO GSUM SBYANGS NAS SKU GSUM DANG DANG POR SBYOR BA'I RNAL 'BYOR YIN PAS DE LTAR BRJOD PA'I PHYIR, SMRAS PA, RNON PO'I DUG GIS 'TSO BA'I SROG STER ZHING, ,'BAR BA'I ME YIS ZLA LTAR BSIL BA LTAR, , MI BZAD NGAN 'GRO'I RGYU YIS SKU GSUM GYI, ,'DOD DGU'I MCHOG SBYIN LAM 'DI RMAD DU BYUNG,, ` ,,GNYIS PA DKYIL 'KHOR RGYAL MCHOG GI TING NGE 'DZIN BSHAD PA LA GNYIS, DNGOS DANG DOGS PA DPYAD PA'O, ,DANG PO STON PA LA, YUM GYI PADMAR BABS PA'I THIG LE DE NYID, CES SOGS GSUNGS, DE YANG MDO SRE LAS MCHOD PA'I DE NYID YAN CHAD DANG PO SBYOR BAR BSHAD NAS MI BSKYOD PA 'BYIN PA MAN CHAD DKYIL 'KHOR RGYAL MCHOG TU BSHAD PA DANG, LE'U DANG PO'I SGRON GSAL LAS MI BSKYOD PA BCUG NAS ZHE SDANG RDO RJER SGYUR BA DANG PO SBYOR BAR GSUNGS PA GNYIS 'GAL LO ZHEN, SKYON MED DE, DANG PO SBYOR BA DANG DKYIL 'KHOR RGYAL MCHOG GNYIS KYI 'KHOR SGOM PA 'GAL YANG DE GNYIS KYI GTZO BO SGOM PA GNYIS MI 'GAL BA'I PHYIR, DER THAL, MI BSKYOD PA BCUG NAS ZHE SDANG RDO RJER SGYUR BA DE DANG PO SBYOR BA'I GTZO BO GANG ZHIG ,DE DKYIL 'KHOR RGYAL MCHOG GI YANG GTZO BO YIN PA'I PHYIR, DANG PO GRUB STE, REG BYA RDO RJE MA

, ,SOGS LHA LHAG MA SO GCIG 'BYIN PA PO YIN PA'I PHYIR, DER THAL, ZHE SDANG RDO RJE YAB YUM SNYOMS PAR ZHUGS PA'I TING NGE 'DZIN LA GNAS NAS REG BYA RDO RJE MA SOGS 'BYIN DGOS PA'I PHYIR TE, MDOR BYAS LAS, ZHE SDANG RDO RJE'I TING 'DZIN GNAS, ,DKYIL 'KHOR THAMS CAD SPRO BAR BYA, ZHES GSUNGS PA'I PHYIR, RTAGS GNYIS PA GRUB STE, DE SGO BDUN GYI SGO NAS SKYED CHOG RDZOGS PAR BYAS PA'I GZHAL YAS KHANG GI DBUS NA BZHUGS PA'I MI BSKYOD PA YIN PA'I PHYIR, DE YANG DKYIL 'KHOR RGYAL MCHOG GI LHA RNAMS JI LTAR SKYED PA'I TSUL YOD DE, SGO BDUN LDAN GYI SGO NAS SKYED PA YIN PA'I PHYIR, SGO DANG PO JI LTAR BSKYED PA'I TSUL YANG GZHAG TU YOD DE, YUM GYI PADMAR THIG LE CHA GCIG BHRUm DANG DE YONGS SU GYUR PA LAS GZHAL YAS KHANG GDAN BCAS DANG, THIG LE CHA GCIG GDAN DE RNAMS KYI STENG DU CHA SO GNYIS, DE NAS LHA MO BZHIS ZHUS LAS, CHA GNYIS PA NI DGU PA NYID KYIS BSHAD, CES SOGS GSUNGS PA LTAR, LHA RANG RANG GI SKYED SNGAGS YI GE GSUM GYI BAR DU SPEL BA SO GNYIS, DE LAS PHYAG MTSAN SO GNYIS, DE LAS LHA SO GNYIS SU SKYED PA NI SKYED PA'I SGO YIN PA'I PHYIR, SKYED SNGAGS NI LHA RANG RANG GI SA BON 'BRU GSUM DANG SPEL PA'AM MTSAN SNGAGS 'BRU GSUM DANG SPEL BA GANG RUNG BYAS PAS CHOG STE, DANG PO NI MDOR BYAS LAS, MEEm THL'Im SA BON LAS BYUNG BA, ,BYAMS PAS YI SNYING PO NYID, ,BRTUL ZHUGS CAN GYIS SHAR DU BSGOM, ZHES

SOGS KYIS BSTAN LA, GNYIS PA NI SGRON GSAL LAS, RANG GI SNGAGS BADZRA DH'iKA CES BYA BA LA SOGS PA DE LAS BYUNG BA'I RDO RJE CAN TE ZHES DANG BSTAN PA GANG ZHIG ,DE GNYIS DGONGS PA MI 'GAL BA'I PHYIR, SGO GNYIS PA JI LTAR DBYUNG BA'I TSUL GZHAG TU YOD DE, YUM GYI PADMAR BSKYED PA'I LHA RNAMS RDO RJE'I LAM NAS SNYING GAR DRANGS PA LHA RANG RANG GI MTSAN SNGAGS KYIS 'BYIN PA YIN PA'I PHYIR TE, MDOR BYAS LAS, PRADZNY'ANTA KRiTA SNGAGS KYIS DBYUNG, ZHES SOGS GSUNGS PAS MTSON NUS PA'I PHYIR, MI BSKYOD PA PHYUNG SLAR BYON RANG GI MDUN NA 'DUG PA RANG GI SNYING GAR ZHUGS PAS RANG ZHE SDANG RDO RJER BSGYUR DGOS TE, MDOR BYAS LAS, SLAR YANG RDO RJE MGON PO YI, ,SPYAN SNGA RU NI 'DUG PAR GYUR, ,SNGAGS PAS DE YI SNYING GA RU, ,RJES KUGS BDAG NYID RNAM BSGOMS PAS, ,SNGA MA'I GZUGS NI YONGS GYUR NAS, ,ZHE SDANG RDO RJE'I GNAS LA BZHUGS, ZHES GSUNGS PA'I PHYIR, KUN SLONG JI LTA BUS 'BYIN PA YANG GZHAG TU YOD DE, SEMS CAN THAMS CAD LA KHYAB PA'I SNYING RJE CHEN POS KUN NAS BSLANGS TE SEMS CAN RNAMS KYI ZHE SDANG DANG GTI MUG SOGS SBYANG BYA DE DANG DE RNAMS SBYANG BA'I PHYIR, MI BSKYOD PA DANG RNAM SNANG SOGS DBYUNG BAR BYA'O SNYAM DU BSAM PA YIN PA'I PHYIR TE, RTZA RGYUD LE'U DANG POR, ZHE SDANG GI RIGS KYI SNGAGS MCHOG GI SNYING PO'I SNYING PO 'DI BYUNG NGO, ZHES SOGS RTZA 'GREL RNAMS GSUNGS PA'I PHYIR, GSUM PA MDZAD PA'I SGO YANG GZHAG TU YOD DE, SPROS PA'I DE BZHIN

, ,GSHEGS PA RNAMS KYIS CHOS 'KHOR BSKOR BA SOGS SPYI MDZAD DANG, SEMS CAN ZHE SDANG CAN RNAMS KYI ZHE SDANG SBYONG BA SOGS SGOS MDZAD RNAMS MDZAD PA YIN PA'I PHYIR, SGO LHAG MA BZHI PO YANG GZHAG TU YOD DE, NAM MKHA' GANG BA'I SPRUL PA RNAMS GCIG TU 'DUS PAR BSAM PA NI BSDU BA'I SGO, RANG RANG GI YE SHES PA DANG DBYER MED DU 'DRES PAR BSAM PA NI 'DRES PA'I SGO, LHA SO SO'I RIGS BDAG YAB YUM GYI BYANG CHUB KYI SEMS KYIS DBANG BSKUR BA NI DBANG BSKUR BA'I SGO, SLAR BYON NAS RANG RANG GI GDAN LA 'GOD PA NI GNAS SU 'GOD PA'I SGO YIN PA'I PHYIR, GNYIS PA DOGS PA DPYAD PA LA GSUM, LHA'I SKYED CHOG GTZO BO 'PHO TSUL DANG BCAS PA LA DOGS PA DPYAD PA, ZHAL PHYAG LA DOGS PA DPYAD PA, LHA'I GRANGS LA DOGS PA DPYAD PA'O, ,DANG PO NI, MDOR BYAS LAS, PHYAG RGYA BZHIS RGYAS GDAB PA 'DI NI DKYIL 'KHOR GYI MCHOG CES BYA BA'I TING NGE 'DZIN TE, ZHES GSUNGS PA LTAR, DKYIL 'KHOR RGYAL MCHOG GI LHA THAMS CAD LA PHYAG RGYA BZHI'I RGYAS GDAB TSANG PA YIN TE, SA BON LAS BYANG CHUB PA NI GSUNG CHOS KYI PHYAG RGYA, PHYAG MTSAN LAS BYANG CHUB PA NI THUGS DAM TSIG GI PHYAG RGYA, SKU YONGS SU RDZOGS PA LAS BYANG CHUB PA NI SKU PHYAG CHEN, 'OD ZER GYI SPRO BSDU BYED PA NI MDZAD PA 'PHRIN LAS KYI PHYAG RGYA STE, DE RNAMS KYIS RGYAS 'DEBS PA YIN PA'I PHYIR, DE LTAR BYAS PA LA KHO NA RE, 'DIR PHYAG RGYA BZHIS RGYAS 'DEBS PA MI 'THAD PAR THAL,

RGYUD 'DIR LAG PA'I PHYAG RGYA 'CHING BA MA BSHAR BA'I PHYIR, KHYAB STE, DE NYID BSDUS PA SOGS LAS DAM RGYA LAS RGYA PHYAG CHEN GSUM LA LAG PA'I PHYAG RGYA 'CHING DGOS PAR BSHAD PA'I PHYIR, ZHES DOGS PA 'GOD PA YIN TE, RNAM GZHAG RIM PA LAS, GSOL BA, GAL TE RGYUD 'DI LA LAG PA'I PHYAG RGYA MED NA JI LTAR NA PHYAG RGYA BZHIS RGYAS BTAB PA'I LHA'I SKU SKYED PAR 'GYUR, ZHES GSUNGS PA'I PHYIR, DE'I LAN STON PA LA, BKA' STZAL PA, SANGS RGYAS KYI YON TAN MA LUS PAS BRGYAN PA'I GZHIR GYUR PA'I LHA'I SKU NI PHYAG RGYA CHEN PO'O, ,BTZUN MO NI DAM TSIG GI PHYAG RGYA'O, ,SNGAGS KYI YI GE NI CHOS KYI PHYAG RGYA'O, ,GZUGS SNA TSOGS KYIS SEMS CAN THAMS CAD KYI DON BYED CING SGRUB PA NI LAS KYI PHYAG RGYA'O, ZHES GSUNGS, 'DOD DON NI SKYON MED DE, SKU PHYAG CHEN, BTZUN MO DAM RGYA, GSUNG SA BON CHOS RGYA, LHA'I GZUGS SNA TSOGS SPROS TE SPYI SGOS KYI MDZAD PA NI LAS RGYA YIN PA GANG ZHIG ,'DI LTA BU'I PHYAG RGYA BZHI'I RGYAS 'DEBS LA LAG PA'I PHYAG RGYA DES GZUNG CAN MI DGOS PA'I PHYIR, ZHES PA'O, ,'O NA BTZUN MO DAM BRGYAR 'JOG PA CI YIN ZHE NA, DE'I RGYU MTSAN YOD DE, BDE STONG DBYER MED KYI YE SHES LA BTZUN MO'I SGRAS STON RIGS PA GANG ZHIG ,DE 'DRA BA'I YE SHES KYI NGO BOR GYUR PA'I RGYAL BA'I THUGS MTSON PA'I PHYAG MTSAN LA'ANG BTZUN MO'I SGRAS BSTAN PA'I PHYIR, GTZO BO 'PHO TSUL GYI DOGS PA DPYAD PA NI, SPYIR DPAL 'DUS PA 'PHAGS LUGS KYI GTZO BO LA LNGA YOD DE,

, ,LHAG MOS KYI GTZO BO, MNGON BYANG LNGA BSKYED KYI GTZO BO, LUS DKYIL GYI GTZO BO, DKYIL 'KHOR RGYAL MCHOG GI GTZO BO, LAS RGYAL MCHOG GI GTZO BO RNAMS SU YOD PA'I PHYIR, DE'I NANG NAS LHAG MOS DANG LUS DKYIL GNYIS KYI GTZO BO 'PHO BA MED DE, DANG PO YIN NA RDO RJE 'CHANG YIN PAS KHYAB, GNYIS PA YIN NA MI BSKYOD PA YIN PAS KHYAB PA'I PHYIR, DE YANG TING NGE 'DZIN GSUM GA'I SKABS SU MI 'PHO BAR RDO RJE 'CHANG KHO NAS GTZO BO BYED PA DANG, MNGON BYANG LNGA'I SKABS SU 'PHO BA DANG, RIGS BDAG GIS RGYAS 'DEBS PA'I GONG TZAM NAS 'PHO BA DANG, DKYIL 'KHOR RGYAL MCHOG GI SKABS SU 'PHO BA DANG, LAS RGYAL MCHOG GI SKABS SU 'PHO BA RNAMS SU YOD LA, , BSNYEN DUS KYI GTZO BO 'PHO BA NI MNGON BYANG LNGA BSKYED DANG, DKYIL 'KHOR RGYAL MCHOG GI SKABS RNAMS SU NGES SHING, SGRUB DUS LA DE THAMS CAD KYI SKABS SU CI RIGS PAR 'PHO BA YOD DO, ,LUGS 'DI LA DKYIL 'KHOR RGYAL MCHOG GI SKABS SU GTZO BO 'PHO BA NA LHA GANG GTZO BOR SONG YANG, DKYIL 'KHOR RGYAL MCHOG GI DGOD BYA'I LHA GRANGS SO GNYIS SU NGES TE, DPER NA RNAM SNANG GTZO BOR SONG BA'I TSE RNAM SNANG YAB YUM DBUS SU 'GOD, RNAM SNANG DANG SPYAN MA'I SHUL DU MI BSKYOD PA DANG REG BYA RDO RJE MA 'GOD PA SOGS BYED PA YIN PA'I PHYIR TE, SNYEM TOG LAS, GAL TE RGYAL GZHAN DBUS MAR GYUR, ,DE YI GNAS LA MI BSKYOD 'GYUR, ,GANG TSE 'KHOR GTZO SANGS RGYAS GYUR, ,

BYUNG BA DER NI BSTIM PAR BYA, ZHES SOGS GSUNGS PA'I PHYIR, GNYIS PA NI, KHO NA RE, 'DUS PA 'DIR DKYIL 'KHOR LA DPYOD BYA'I LHA RNAMS ZHAL GSUM PHYAG DRUG PA 'BA' ZHIG TU BSTAN PA MI 'THAD PAR THAL, RTZA RGYUD DE NYID BSDUS PA, BSHAD RGYUD RDO RJE RTZE MO RNAM SNANG MNGON BYANG SOGS GNYIS KA'I RGYUD MANG POR LHA PHAL CHER ZHAL GCIG PHYAG GNYIS PA'I RNAM PAR BSTAN PA SHAS CHE BA'I PHYIR, MA KHYAB NA, 'DIR DE LTAR BSTAN PA LA DGOS PA YANG DAG CIG YOD PAR THAL, MA KHYAB PA DA'I PHYIR, ZHES DOGS PA 'GOD PA YIN TE, RNAM GZHAG LAS, GSOL BA, DE KHO NA NYID BSDUS PA LA SOGS PA DANG GNYIS KA'I RGYUD LAS NI ZHAL GCIG PAR RAB TU GRAGS NA, CI'I PHYIR 'DIR ZHAL GSUM PA LTA BUR SNANG BAR 'GYUR, ZHES GSUNGS PA'I PHYIR, DE'I LAN STON PA LA, RNAM GZHAG LAS, BKA' STZAL BA, BCOM LDAN 'DAS NYID KYIS 'DI BSHAD PA DGONGS PA LUNG STON PA'I RGYUD LAS, ZHES SOGS RDO RJE THAL MO'I NGES DON STON PA'I LUNG RNAMS DRANGS SO, ,DON NI, RDO RJE THAL MO'I NGES DON LA 'OD ZUNG GNYIS LAS GTZO BO NI ZUNG 'JUG YIN PAS DE'I DBANG DU BYAS NA, SHES BYA CHOS CAN, 'DUS PA'I LHA RNAMS ZHAL GSUM PA'I RNAM PAR BSTAN PA LA DGOS PA KHYAD PAR CAN YOD DE, RDO RJE THAL MO DANG, 'DUS PA'I LHA RNAMS ZHAL GSUM PAR YOD PA GNYIS NGES DON NAM MTSON DON 'DRA BA GANG ZHIG DE GNYIS LA MTSON DON KHYAD PAR CAN YOD PA'I PHYIR, RTAGS PHYI MA DER THAL, LAG PA GA-YAS PA DANG ZHAL GA-YAS

, ,KYIS THABS KUN RDZOB BDEN PA DAG PA'I SGYU LUS DANG, LAG PA GA-YON PA DANG GA-YON ZHAL GYIS SHES RAB DON DAM BDEN PA DON GYI 'OD GSAL DANG, LAG PA GNYIS SOR MO BSNOL BA'I THAL MO SBYAR BA DANG, ZHAL GA-YAS GA-YON GNYIS GONG LA SBYAR BA'I RTZA ZHAL GYIS BDEN GNYIS DBYER MED KYI ZUNG 'JUG MTSON PA YIN PA'I PHYIR TE, LUNG STON LAS, PHAN TSUN SBYOR BAS RDO RJE SEMS, ,SHES RAB THABS KYI GO 'PHANG MCHOG ,THAL MO SBYAR BA TZAM GYIS NI, ,SANGS RGYAS THAMS CAD YANG DAG 'GUGS, ,SKYABS GSUM DE NYID GSUM YIN TE, ,SKU GSUM RNAM PAR THAR GSUM KYI, ,ZHAL GSUM YIN TE MDOG GSUM YIN, ZHES GSUNGS PA'I PHYIR, PHYAG DRUG GI MTSON DON YAB SRAS KYIS GSAL BAR MA GSUNGS SHING, BOD KYI BLA MA KHA CIG LUGS 'BYUNG LUGS LDOG GI SNANG BA SUM TSAN GNYIS MTSON ZER, YANG KHA CIG ,MA LAS THOB PA'I SHA KHRAG LPAGS GSUM, PHA LAS THOB PA'I RKANG RUS KHU BA STE SBYANG GZHI'I CHOS DRUG MTSON ZER RO, ,GSUM PA NI, RNAM GZHAG LAS, GSOL BA, 'DIR GSANG BA 'DUS PA'I DKYIL 'KHOR LA LHA RNAMS 'GOD PA SLOB DPON SNA TSOGS PA'I GZHUNG 'JIG RTEN DU RAB TU 'JUG PAS 'GYUR TE, JI LTAR SGRUB PA PO RNAMS SOM NYI MA MCHIS PAR 'GYUR, ZHES GSUNGS, 'DI'I DON NI, SHES BYA CHOS CAN, 'PHAGS LUGS LA DKYIL 'KHOR LA 'GOD BYA'I LHA GRANGS SO GNYIS SU MDZAD PA LA RGYU MTSAN YANG DAG GCIG

'GOD RIGS PAR THAL, SPYIR 'DUS PA'I LHA GRANGS SLOB DPON SNA TSOGS KYI BZHED PAS SNA TSOGS SHIG 'DUG PA'I PHYIR, ZHES PA YIN LA, DE'I LAN STON PA LA, RNAM GZHAG LAS, SEMS DPA' CHEN PO LEGS SO LEGS SO, ,LUNG DANG RIG PA SO SOR BSHAD PAR BYA'O, ZHES SOGS GSUNGS PA'I LUNG DANG RIGS PA NI 'DI YIN TE, 'PHAGS LUGS MI BSKYOD PA GTZO BOR BYAS PA'I 'DUS PA'I DKYIL 'KHOR RGYAL MCHOG GI RTEN GZHAL YAS KHANG CHOS CAN, LHA SO GNYIS DGOD PAR BYA BA YIN TE, 'DUS PA MI BSKYOD PA'I LHA RDZOGS PAR DGOD PA'I GZHIR GYUR PA'I GZHAL YAS KHANG MIN PA'I PHYIR, DPER NA 'DUS PA 'PHAGS LUGS KYI LUS DKYIL GYI GZHAL YAS KHANG BZHIN, ZHES PA'I RIGS PA YANG DAG GIS SGRUB CING, MTHUN DPE LUNG GIS SGRUB PA NI, RDOR PHRENG LAS, RDO RJE SLOB DPON LUS 'DI LA, ,RGYAL BA'I SKU NI RIM BZHIN GNAS, ZHES SOGS SO, ,TSUL 'DI LA DKYIL 'KHOR RGYAL MCHOG CES BRJOD PA'I RGYU MTSAN YOD DE, RTEN BRTEN PA'I DKYIL 'KHOR SPRUL NAS GZHAN DON MDZAD PA'I THABS MCHOG YIN PAS DE LTAR BRJOD PA'I PHYIR, GSUM PA LAS RGYAL MCHOG LA GNYIS, THUN DNGOS DANG 'BREL BA'I RNAL 'BYOR DANG, THUN MTSAMS DANG 'BREL BA'I RNAL 'BYOR RO, ,DANG PO LA LNGA, PHRA THIG GI RNAL 'BYOR, BZLAS PA'I RNAL 'BYOR, ZHU BA GLUS BSKUL BA'I NGOR BZHENGS PA, DE LA MCHOD BSTOD BDUD RTZI MYANG BA, NYER BAR BSDU BA'I CHO GA'O, ,DANG PO NI, PHRA MO SGOM PA'I SKABS

, ,GNYIS YOD DE, DKYIL 'KHOR RGYAL MCHOG YAN GYI RAGS PA LA SLOB PA'I SKABS DANG, RAGS PA MTHAR PHYIN PA'I MTSAMS GNYIS SU YOD PA'I PHYIR, DANG PO'I SKABS SU BSGOMS PA LA DGOS PA YOD DE, STENG SGOR PHYAG MTSAN PHRA MO BSGOMS PAS BYING BA GCOD CING, 'OG SGOR THIG LE PHRA MO BSGOMS PAS RGOD PA GCOD PA'I DGOS PA YOD PA'I PHYIR, RAGS PA MTHAR PHYIN MTSAMS SU BSGOMS PA LA DGOS PA YOD DE, DMIGS RTEN SHIN TU PHRA BA LA SEMS GNAS BRTAN PO BSGRUB PAR BYA BA'I CHED YIN PA'I PHYIR, DE YANG THA MAL GYI SNANG ZHEN GNYIS RAGS PA'I LHA'I RNAL 'BYOR GYIS GCOD NUS PA'I MTSAMS NAS RTOG PA'I RNAL 'BYOR PHRA MO LA SLOB PAR GSUNGS PA NI, THIG LE'I NANG DU DKYIL 'KHOR YONGS RDZOGS GSAL BA'I PHRA MO LA DGONGS KYI, PHRA MO TZAM NI MTSAMS 'DIR DANG PO NAS SGOM DGOS LA, JI LTAR SGOM PA'I TSUL YANG YOD DE, RANG MI BSKYOD PA'I RNAL 'BYOR PAS RTZA ZHAL GYI SNA RTZER NYI GDAN SRAN MA PHYED GSHAGS TZAM GYI STENG DU RDO RJE SNGON PO RTZE LNGA PA YUNGS KAR GYI 'BRU TSAD TZAM ZHIG MI BSKYOD PA'I NGO BOR BLTAS NAS SGOM ZHING, DE BZHIN DU RDO RJE'I BU GAR NYI GDAN LA THIG LE SNGON PO YUNGS 'BRU TZAM MI BSKYOD PA'I NGO BOR BLTAS LA REG MTHONG GI MTSAN MA BRTAN PO MA RNYED PAR DU SGOM PA YIN PA'I PHYIR, DE LA BRTAN PA THOB PA NA JI LTAR BYA BA'I TSUL YANG YOD DE, STENG GI RDO RJE DE LAS RDO RJE GNYIS DANG GSUM LA SOGS PA

NAM MKHA' GANG BA SPROS, SLAR YANG GO RIMS MA 'CHOL BAR BSDU, DE LA BRTAN PA THOB PA NA PHYAG MTSAN LHA SKUR BSGYUR NAS SNGAR BZHIN SPRO BSDU BYED CING, MTHAR 'JOG PA NA RTZA BA'I DMIGS RTEN SNA BUG NAS DRANGS TE SNYING GAR TING NGE 'DZIN SEMS DPA' LA BSDU, DE BZHIN DU GSANG BA'I SNA RTZE'I THIG LE LA SEMS BRTAN PA NA RDO RJE DANG PADMA 'DU BYAS TE, THIG LE DE NYID YUM GYI PADMAR PHYUNG BA'I NANG DU RTEN DANG BRTEN PA'I DKYIL 'KHOR YONGS RDZOGS SGOM PA LA SEMS BRTAN PAR BYED PA BU'I TSUL DU SPRO BA DANG, DE'I NANG GI MI BSKYOD PA YAB YUM SNYOMS PAR ZHUGS PA'I THIG LE'I NANG DU SNGAR BZHIN TSA BO'I TSUL DU SPROS TE SGOM PA YIN PA'I PHYIR TE, RTZA RGYUD LE'U GSUM PA LAS, RIN CHEN CHEN PO KHA DOG LNGA, , YUNGS KAR GYI NI 'BRU TSAD TZAM, ,SNA YI RTZE MOR NAN TAN DU, ,RNAL 'BYOR GYIS NI RTAG TU BSGOM, ,RIN CHEN BRTAN PAR GYUR NAS SPRO, ,BRTAN PAR MA GYUR YONGS MI SPRO, ZHES GSUNGS PA'I PHYIR, MTHAR 'JOG PA'I TSE SNYING GAR BSDU'O, , GNYIS PA LA GNYIS, YID BZLAS RDO RJE BZLAS PA DANG, NGAG GI BZLAS PA'O, ,DANG PO NI, LCE DANG MCHU MI 'GUL ZHING SGRA SPANGS PA'I YID BZLAS NI BSKYED RIM PA'I RDOR BZLAS YIN TE, DPAL 'BRAS RDO RJES, RDO RJE'I TSIG GIS BZLAS BYAS TE, RDO RJE'I TSIG NI SGRA SPANGS PA, ZHES GSUNGS SHING, LE'U BDUN PAR, SLONG MO ZA ZHING MI BZLA STE, ZHES SOGS DRANG DON DU BSHAD PAS KYANG BSTAN PA'I PHYIR, GNYIS PA LA LNGA YOD DE, DAM TSIG GI BZLAS PA, DO LI'I BZLAS PA'AM KHYOGS

, ,KYI BZLAS PA, KHROS PA'I BZLAS PA, KHRO BO'I BZLAS PA, GONG BU'I BZLAS PA RNAMS SU YOD PA'I PHYIR, DANG PO NI BZLAS BYA'I SNGAGS KYIS BSKOR BA'I ZHES SOGS DKYUS NAS 'BYUNG BA LTAR SPRO BSDU LA DMIGS NAS ZLO BA STE, SNYING PA DANG NYE SNYING GI BZLAS PA YIN NA, ,GNYIS PA NI, CHOS THAMS CAD MNYAM PA NYID KYI NGA RGYAL GYIS RTZA SNGAGS RANG GI ZHAL DU ZHUGS, SKU'I DBYIBS BRGYUD RDO RJE'I LAM NAS YUM GYI PADMAR 'THON, YUM GYI DBU MA'I LAM NAS BRGYUD DE ZHAL NAS BYUNG, RANG GI ZHAL DU ZHUGS PAR BSGOMS NAS YI GE LHOD CING ZHI BA'I RNAM PAR BZLA BA NI PHRENG SNGAGS KYI BZLAS PA'O, ,KHROS PA'I BZLAS PA Ni, RANG GI ZHAL NAS YUM GYI ZHAL DU ZHUGS TE SNGAR LTAR 'KHOR BA YI GE RTZUB CING DRAG PA'I RNAM PA CAN DU SGOM PA YIN TE, 'DI YANG PHRENG SNGAGS KYI BZLAS PA'O, ,KHRO BO'I BZLAS PA NI SGRA THOS PAR BZLA BA STE, SNYING PO NYE SNYING RTZA SNGAGS GSUM GA'I BZLAS PA'O, ,GONG BU'I BZLAS PA NI, THUGS KA'I SA BON LA SNGAGS RNAMS MGO GYEN BSTAN ZLUM POR BSKOR BA 'OD ZER 'BAR BA'I RNAM PA CAN LA DMIGS NAS BZLA BA YIN NO, ,DE LTA BU'I BZLAS PA GANG BYED KYANG GTZO 'KHOR THAMS CAD KYI ZHAL DU YOD KYIS 'DON PAR DMIGS NAS BZLA DGOS TE, DE LTAR BYAS NA DE SNYED KYI 'GYUR 'BYUNG BA RDO RJE DRIL BU PA DANG LVA BA PA SOGS GRUB CHEN DU MAS BSHAD PA'I PHYIR, BZLAS BYA'I SNGAGS NI 'GREL PA RIN PHRENG DANG, BOD KYI BSHAD TSUL 'GA' ZHIG LA YID BRTAN MI RUNG BAR

GSUNGS SHING, 'PHAGS PA YAB SRAS KYIS GSAL BAR MA GSUNGS KYANG, MTSAN SNGAGS SA BON DANG BCAS PA YI GE GSUM GYI BAR DU SPEL BA NI SNYING PO YIN TE, DE LTAR SLOB DPON AA BHA Y'A KA RAS PA ZHED PA LTAR LEGS PA'I PHYIR, MTSAN SNGAGS RKYANG PA NYE SNYING YIN TE, LE'U DANG POR, MCHOG GI SNYING PO'I SNYING PO 'DI GSUNGS SO,, BADZRA DHRiK, CES GSUNGS PA'I PHYIR, AOm A'A: H'Um GSUM NI LHA THAMS CAD KYI DE KHO NA NYID KYI SNYING POR GSUNGS SO, ,RTZA SNGAGS NI RTZA RGYUD DU YUM BZHI DANG KHRO BO DGU'I PHRENG SNGAGS GSUNGS PA RNAMS DANG, LHA LHAG MA'I PHRENG SNGAGS RGYUD GZHAN NAS GSUNGS PA RNAMS YIN LA, BSNYEN PA'I GRANGS NI, GTZO BO LA 'BUM, 'KHOR RNAMS DANG BGEGS MTHAR BYED KYI 'PHRENG SNGAGS KHRI PHRAG RE, YE SHES 'BEBS PA'I SNGAGS 'BUM BZLA BAR GSUNGS LA, DE NI SNYING PO'I MJUG TU H'Um HA: AA: DZHEE: BTAGS PA YIN PAR, LE'U BCO LNGA PA'I SGRON GSAL LAS GSUNGS SO, ,DE LTAR BZLAS PA BYAS PA LA DGOS PA YOD DE, THOG MED NAS BSAGS PA'I NGAG GI LAS SGRIB ZAD PAR BYED CING NGAG NUS LDAN DU BYA BA DANG, THUN MONG DANG THUN MONG MA YIN PA'I LAS RAB 'BYAMS MYUR DU 'GRUB PA DANG, KHYAD PAR RDO RJE BZLAS PA'I RGYUD SMIN BYED DU 'GYUR BA DANG SPRUL BA'I SKUS CHOS STON PA'I GSUNG GI MDZAD PA DANG MTHUN PA'I 'BRAS BU LAM BYED KHYAD PAR CAN DU 'GYUR BA YIN PA'I PHYIR, GSUM PA NI, YAB YUM SNYOMS PAR ZHUGS PA'I RKYEN GYIS, ZHES SOGS GSUNGS PA LTAR, GTZO BO YAB

, ,YUM 'OD GSAL DU GZHUG DGOS TE, MDOR BYAS LAS, SLAR YANG SNGAGS PAS BDAG NYID NI, ,DE BZHIN NYID LA GZHUG PAR BYA, ZHES GSUNGS PA'I PHYIR, 'DI LTAR BSGOMS PA LA CHOS CAN, DGOS PA YOD DE, RDZOGS RIM GYI SKABS SU MA DAG PA'I SGYU LUS 'OD GSAL DU 'JUG PA'I DGE RTZA SMIN BYED DANG, 'BRAS BU'I SKABS SU GDUL BYA'I DBANG GIS SPRUL PA'I SKU'I SNANG BA SDUD PA DANG RNAM PA MTHUN PA'I 'BRAS BU LAM BYED DU 'GYUR BA YIN PA'I PHYIR, DE NAS TSAD MED PA BZHI'I NGO BOR GYUR BA'I LHA MO BZHIS GLUS BSKUL BAS BZHENGS PAR BSGOMS PA LA DGOS PA YOD DE, LAM RDZOGS RIM GYI SKABS SU DPE DON GYI 'OD GSAL LAS NGAG MA DAG GI SGYU MA'I SKUR LDANG BA'I DGE RTZA SMIN BYED DU 'GYUR BA DANG, 'BRAS BU'I SKABS SU SLAR YANG THUGS RJE CHEN POS ZHING GZHAN DU 'TSANG RGYA BA'I MDZAD PA STON PA'I 'BRAS BU LAM BYED KHYAD PAR CAN DU 'GYUR BA YIN PA'I PHYIR, SKUL BA'I TSIGS BCAD BZHI'I TSIG DON NI RGYUD 'GREL LAS SHES PAR BYA'O, ,BZHI PA NI, MCHOD BSTOD BDUD RTZI MYANG BA GSUM BYAS PA LA DGOS PA YOD DE, SPRUL PA'I SKUS ZHING GZHAN DU SANGS RGYAS KYI MDZAD PA BSTAN PA NA, SKYE BO THAMS CAD KYIS SNGAR MED PA'I SANGS RGYAS 'JIG RTEN DU BYON NO ZHES SNYAN PA BRJOD PA LHUR LEN, DE'I 'OG TU MCHOD PA'I BYE BRAG PHUL DU BYUNG BA RNAMS KYIS BSNYEN BKUR BYED LA, DE LTA BU'I BSNYEN BKUR BDAG GIR MDZAD PA'I SGO NAS 'JIG

RTEN GYI YON GNAS MDZAD PA DANG RNAM PA MTHUN PA'I 'BRAS BU LAM BYED DU 'GYUR BA YIN PA'I PHYIR, DE YANG BSTOD PA JI LTAR BYA BA'I TSUL YOD DE, DKYIL 'KHOR PA THAMS CAD KYIS, BDAG NYID LA RIGS LNGA'I YON TAN TSANG BAR BRJOD PA'I SGO NAS BRAG CA'I DBYANGS BZHIN DU RTZA RGYUD LE'U BCU BDUN PA LAS GSUNGS PA'I, MI BSKYOD RDO RJE YE SHES CHE, ZHES SOGS SHLO KA LNGAS BSTOD PAR MDOR BYAS LAS GSUNGS PA LTAR BSTOD PA YIN PA'I PHYIR, 'DI'I TSIG DON YANG 'GREL BA'I STENG NAS SHES PAR BYA'O, ,DE NAS SGRUB THABS LAS 'BYUNG BA LTAR RANG RDO RJE 'CHANG DU GSAL BA LA DBANG BZHI DANG 'BREL BA'I PHYI NANG GSANG BA DE KHO NA NYID KYI MCHOD PAS MCHOD PAR BYA BA YIN LA, GZHAN RNAMS NI RTOGS SLA ZHING NANG MCHOD 'BUL BA'I TSE, BDAG NYID KYI LAG PA GA-YON PA'I MTHE BONG SUm LAS RI RAB, MING MED KshUm LAS SA LA GNAS PA'I RGYA MTSOR GYUR BA'I DBUS NAS BDUD RTZI BLANGS PAR MOS TE DBUL BAR GDAN BZHIR GSUNGS PA LTAR BYED PA'I RGYU MTSAN YOD DE, SNGON LHA RNAMS KYIS RI RAB LA SRUB SHING BYAS NAS RGYA MTSO BSRUBS PAS BDUD RTZI BYUNG BA LTAR BSGOMS NAS 'BUL BA YIN PA'I PHYIR TE, BDE MCHOG RTZA RGYUD LAS KYANG, SBOM PO MTHA' LTAG RTZE SBYAR BAS, ,RNAL 'BYOR RIGS PAS RTAG TU SPYAD, CES GSUNGS PA'I PHYIR, 'BUL BA'I RIM PA YANG PHYAG LEN BZHIN BYED DGOS TE, LVA BA PAS, MKHAS PAS GRUB PA'I BDUD RTZI MYANG, ,DANG POR BLA MAR DBUL BYA STE, ,DE YI RJES SU HE RU KA, ZHES SOGS GSUNGS PA'I PHYIR, AOm AA MRiT ZHES

, ,SOGS KYI SNGAGS DON NI 'CHI BA MED PA'I BDUD RTZIS MNYES PAR BYED PA'I RANG BZHIN GYI BDAG NYID DE NGA'O ZHES PA'O, ,LNGA PA NI, SGRUB THABS SU GSUNGS PA LTAR NYER BSDU BYED DGOS TE, MDOR BYAS LAS, RANG GI 'KHOR LO LA NI 'KHOR LO GZHUG ,'KHOR LO BDE BA CHEN PO GCIG PU BZHUGS, ZHES PA'I RKANG PA DANG POS GZHAL YAS KHANG DANG 'KHOR RNAMS RANG LA BSDU BA BSTAN, GNYIS PAS GTZO BO YAB YUM GCIG PU MI BSDU BAR BSTAN PA'I PHYIR, DE NAS RANG YAB YUM SNYOMS PAR ZHUGS PA'I SBYOR MTSAMS NAS BYANG CHUB KYI SEMS KYI 'OD ZER 'PHROS, SEMS CAN THAMS CAD LA DBANG BSKUR, SGRIB PA SBYANGS, H'Um YIG TU GYUR, DES NAM MKHA'I KHAMS GANG BA YONGS SU GYUR PA LAS RDO RJE 'CHANG DU GYUR PA RNAMS RANG GI 'OD ZER GYIS BRANGS NAS, RANG LA THIM PAR SGOM DGOS TE, ,MDOR BYAS LAS, DE LTAR RNAL 'BYOR BZHI BYED RNAL 'BYOR PAS, ,H'Um GI SNYING PO 'JIG RTEN RAB TU BSGOM, ,DE BYUNG 'GRO KUN RDO RJE SEMS DPAR BSAM, , LANGS NAS 'GRO LA BLTAS TE DE BZHIN SBYAR, CES GSUNGS PA'I PHYIR, ,GSUM PA THUN MTSAMS SU JI LTAR BYA BA LA, LUS BRTAS PAR BYED PA'I RNAL 'BYOR NI, MDOR BYAS LAS, GANG TSE LUS NI SKAMS GYUR NA, ,LUS NGAG YID NI TSIM 'GYUR BA'I, ,SBYOR BA 'DI NI BSGOM PAR BYA, ,MTHO GANG TZAM GYIS DPAGS PA RU, ,ZLA BA'I DKYIL 'KHOR BRTAG PAR BYA, ,BDUD RTZI LNGA NI NGES 'BAB PA'I, ,AOm NI DE RU BSGOM PAR BYA, ,RDO RJE'I SBYOR BA 'DI YIS NI, ,SKAD CIG GIS NI GZI

CHEN 'GYUR, ,LUS NGAG YID NI BDE BA NI, ,THOB 'GYUR 'DI LA THE TSOM MED, CES GSUNGS PA LTAR TE GO SLA'O, ,ZAS KYI RNAL 'BYOR NI KHA ZAS GTOR MA LTAR BYIN GYIS BRLABS, RANG MI BSKYOD PAR GSAL BA'I MGRIN PA DUNG DMAR POR BSAMS PA'I NANG DU LCE RTZA DANG DBYER MED PA'I HR'I: LAS PADMA DMAR PO 'DAB MA BRGYAD PA'I LTE BAR LCE H'Um LAS RDO RJE SNGON PO RTZE LNGA PA, RVA DBUS MA SBU GU CAN GYI RTZE MOR AOm DKAR POS MTSAN PA, DE'I 'OD ZER GYIS BZA' BTUNG RNAMS DRANGS TE, LAG PA GNYIS DGANG GZAR BLUGS SU MOS NAS SNYING GAR PAD NYI'I STENG DU LHA DANG BLA MA THAMS CAD 'DUS PA'I NGO BO H'Um YIG SNGON PO ME LCE RTZE MO GSUM PA RAB TU 'BAR BA LA SBYIN SREG GI TSUL DU DBUL, DE NAS RANG RANG GI SA BON LAS GSANG GNAS SU RLUNG GI DKYIL 'KHOR, LTE BAR MO'I DKYIL 'KHOR, SNYING GAR SA'I DKYIL 'KHOR, MGRIN PAR CHU'I DKYIL 'KHOR GSAL BTAB, RLUNG GA-YOS ME SBAR SA BSREGS PAS MGRIN PA'I CHU KHOL, PADMA NAS ZHUGS, SNYING GAR SLEBS PA NA DVANGS MA RNAMS ZHU BAS LHA RNAMS TSIM, SNYIGS MA MES BSREGS NAS THAL BA 'OG SGO NAS THON PAR BSAMS LA ZAS CUD ZAD ZHU BA'I 'OG TU RLUNG KHA SBYAR BUM PA CAN 'DZIN, TSUL 'DI LTAR BYAS NA GNAS SKABS DANG MTHAR THUG GI YON TAN BSAM GYIS MI KHYAB STE, GDAN BZHI LAS, GANG GIS CUNG ZAD BZA' BTUNG RNAMS, ,BSNGO BA BYAS NAS BZA' BAR BYA, ,'DI LTAR SPYOD PA'I RNAL 'BYOR PA, ,BU LON DU YANG MI 'GYUR RO,

, ,ZHES GSUNGS PA'I PHYIR, NYAL BA'I RNAL 'BYOR NI LHAG MOS 'OD GSAL DU SDUD PA BZHIN BYED CING, LDANG BA NA YANG LHA MO BZHIS ZHU BA GLUS BSKUL NAS BZHENGS PA LTAR BYA'O, ,GRUB MTHUN BZHI GA'I MTHA' DANG MA GRUB NA THUN THA MA'I MTHAR 'JIG RTEN DANG 'JIG RTEN LAS 'DAS PA'I GTOR MA GNYIS NGES PAR BYA DGOS TE, BGEGS KYI BAR GCOD ZHI BA DANG, DNGOS GRUB KYI RGYUR THOG MTHA' BAR GSUM DU GAL CHE BAR RGYUD SDE RNAMS LAS MANG DU GSUNGS SHING, SDOM 'BYUNG LAS KYANG, GTOR MA MYOS BYED MED PA LAS, ,MYUR DU 'GRUB PAR MI 'GYUR RO, ,DES NA SNGON GYI SANGS RGYAS KYIS, ,GTOR MA RAB TU BSNGAGS PAR GSUNGS, ZHES GSUNGS PA'I PHYIR, GTOR SNGAGS KYI SHAM BU'I SNGAGS DON GZHAG TU YOD DE, SARBA DUshtAm NI GNOD BYED THAMS CAD, SA MA YA MU DRA NI DAM TSIG GI PHYAG RGYA, PRABHA NYDZA KA NI RAB TU 'JOMS PA, M'A MA NI BDAG ,SH'INTAm NI ZHI BA, RAKsh'A: TZA NI SRUNG BA, KU RU NI MDZOD CES PAR 'GYUR BA'I PHYIR, DA NI ZHAR LA SGRUB THABS KYI CHINGS CUNG ZAD BSHAD PA LA, BSNYEN SGRUB BZHI, RNAL 'BYOR BZHI, TING NGE 'DZIN GSUM, DE NYID ZHE DGU ,RDO RJE BZHI'I CHINGS RNAMS LAS, DANG PO NI, YE SHES KYIS SGOM PA NAS, LHAG MOS 'OD GSAL DU SDUD PA'I BAR NI BSNYEN PA, 'OD GSAL LAS NYI MA'I DKYIL 'KHOR DU LANGS TE LUS DKYIL SGOM PA'I BAR NI NYE SGRUB, SGO GSUM BYIN RLABS NAS RIGS BDAG GIS RGYAS 'DEBS PA'I BAR NI SGRUB PA, DKYIL 'KHOR

RGYAL MCHOG MAN NI SGRUB CHEN GYI YAN LAG YIN TE, RGYUD PHYI MA LAS, BSNYEN PA'I TSIG DANG PO STE, ,NYE BAR SGRUB PA GNYIS PA YIN, ,SGRUB PA YANG NI GSUM PA STE, ,SGRUB PA CHEN PO BZHI PA'O, ZHES GSUNGS PA'I PHYIR DANG, RTZA RGYUD LE'U BCU GNYIS PA RTZA 'GREL LAS RGYAS PAR GSUNGS PA'I PHYIR, GNYIS PA NI, YE SHES KYIS SGOM PA NAS ZLA BA LAS BYANG CHUB PA'I BAR NI RNAL 'BYOR, MNGON BYANG LHAG MA GSUM NI RJES SU RNAL 'BYOR, LUS DKYIL SGOM PA NI SHIN TU RNAL 'BYOR, SGO GSUM BYIN BRLAB NAS RIG MA 'DU BYA BA'I BAR NI RNAL 'BYOR CHEN PO STE, DE NI DANG PO SBYOR BA'I DBANG DU BYAS PA'I CHINGS YIN LA, DE'I STENG DU RGYAL MCHOG GNYIS KYI DBYE BAS RNAL 'BYOR DRUG TU YANG 'GYUR TE, RDOR PHRENG LAS, RNAL 'BYOR RJES SU RNAL 'BYOR DANG, ,SHIN TU RNAL 'BYOR RNAL 'BYOR CHE, ,DANG PO SBYOR BA MDOR BSDUS PA, ,DE NAS DKYIL 'KHOR RGYAL PO MCHOG ,LAS KYI RGYAL PO RNAL 'BYOR MCHOG ,CES GSUNGS PA'I PHYIR, ,GSUM PA TING NGE 'DZIN GSUM NI SNGAR BSHAD PAS SHES SO, ,BZHI PA DE NYID ZHE DGU'I CHINGS LA, GNAS KYI DE NYID, SNYING RJE CHEN PO LA DMIGS PA'I DE NYID, BSRUNG 'KHOR GYI GTZO BO SKYED PA'I DE NYID, 'KHOR KHRO BO SKYED PA'I DE NYID, PHUR GDAB KYI DE NYID, RVA GUR RNAMS SGOM PA'I DE NYID RNAMS SNGON 'GRO STE, RDOR PHRENG LAS, DE NYID DBYE BA RNAM PA DRUG ,CES GSUNGS SO, ,YE SHES KYI SA SKYED PA'I DE NYID, RDO RJE'I SA SKYED PA'I DE NYID, LHAG MOS KYI GZHAL YAS KHANG SKYED PA'I DE NYID, DE'I LHA'I 'KHOR LO SKYED

, ,PA'I DE NYID, LHAG MOS LUS LA SDUD PA'I DE NYID, DE BZHIN NYID LAS BYANG CHUB PA'I DE NYID, NYI MA SOGS LA DMIGS TE LDANG BA'I DE NYID, ZLA BA LAS BYANG CHUB PA'I DE NYID, YE SHES TZAM LA SNYOMS PAR 'JUG PA'I DE NYID DANG DGU ,SNGAR GYI DRUG DANG BCAS PA'I DE NYID BCO LNGA NI RNAL 'BYOR GYI YAN LAG YIN TE, DE NYID DBYE BA BCO LNGA STE, ZHES GSUNGS PA'I PHYIR, SA BON, PHYAG MTSAN, SKU RDZOGS PA LAS BYANG CHUB PA'I DE NYID GSUM BSDU NA RDO RJE 'CHANG CHEN PO SKYED PA'I DE NYID GCIG PU NI RJES SU RNAL 'BYOR RO, ,DANG PO'I MGON PO SPRUL SKU RDOR SEMS SU SGYUR BA'I DE NYID, LUS RTEN DU SGOM PA'I DE NYID, PHUNG PO LNGA GSHEGS PAR SGOM PA'I DE NYID, KHAMS BZHI YUM BZHIR SGOM PA'I DE NYID, YUL LNGA RDO RJE MA LNGAR SGOM PA'I DE NYID, MIG SOGS SA SNYING SOGS SU SGOM PA'I DE NYID, YAN LAG KHRO BOR SGOM PA'I DE NYID, SKU GSUNG THUGS BYIN RLABS KYI DE NYID GSUM, SEMS DPA' SUM BRTZEGS SGOM PA'I DE NYID GSUM, RIG MA 'DU BYA BA'I DE NYID, RJES CHAGS KYI DE NYID, MCHOD PA'I DE NYID DANG BCU BDUN TE, RJES SU RNAL 'BYOR SOGS BCU BDUN, ZHES GSUNGS PA'I PHYIR, DKYIL 'KHOR RGYAL MCHOG LA GSHEGS PA, GSHEGS MA, SEMS DPA', SEMS MA, KHRO BO DBYUNG BA'I DE NYID LNGA STE, DE NAS DKYIL 'KHOR RGYAL PO MCHOG ,DE NYID DBYE BA RNAM PA LNGA, ZHES GSUNGS PA'I PHYIR, LAS RGYAL MCHOG LA STENG SGOR PHYAG MTSAN PHRA MO SGOM PA, 'OG SGOR THIG

LE PHRA MO SGOM PA, YID BZLAS, NGAG BZLAS, GTZO BO 'OD GSAL DU GZHUG PA, ZHU BA GLUS BSKUL BA, MCHOD BSTOD BDUD RTZI MYANG BA, MTHAR NYE BAR BSDU BA, LUS BRTAS PAR BYED PA, ZAS KYI RNAL 'BYOR, DNGOS GRUB CHUNG DU SGRUB PA, DNGOS GRUB 'BRING SGRUB PA'I DE NYID BCU GNYIS TE, DE NAS LAS KYI RGYAL PO MCHOG ,DE NYID DBYE BA BCU GNYIS SO, ZHES GSUNGS PA'I PHYIR, LNGA PA RDO RJE BZHIS BSKYED LA SGRUB THABS RGYAS PA LTAR NA GNAS KYI DE NYID DANG, BSDUS PA LTAR NA YE SHES KYIS SGOM PA NAS DE BZHIN NYID LAS BYANG CHUB PA'I BAR NI DANG PO STONG PA NYID LAS BYANG CHUB PA'I RDO RJE DANG, NYI MA SOGS LA DMIGS TE LDANG BA DANG PHYAG MTSAN LAS BYANG CHUB PA'I BAR GNYIS PA SA BON BSDUS PA'I RDO RJE DANG, DANG PO'I MGON PO SKYED PA NAS LUS DKYIL RDZOGS PA'I BAR NI GSUM PA GZUGS NYID RDZOGS PA'I RDO RJE DANG, SKU BYIN RLOB NAS BSDUS PA LTAR NA MCHOD PA'I DE NYID DANG, RGYAS PA LTAR NA DNGOS GRUB 'BRING SGRUB PA'I DE NYID KYI BAR NI BZHI PA YI GE 'GOD PA'I RDO RJE STE, RGYUD PHYI MA LAS, DANG PO STONG NYID BYANG CHUB STE, ,GNYIS PA SA BON BSDUS PA'O, ,GSUM PA GZUGS NYID RDZOGS PA STE, ,BZHI PA YI GE 'GOD PA'O, ,ZHES GSUNGS PA'I PHYIR, RIM PA DANG PO'I RNAL 'BYOR LA NGO BO'I SGO NAS DBYE NA RAGS PA DRAN PA GCIG PA'I RNAL 'BYOR DANG, DRA BA RTOG PA'I RNAL 'BYOR GNYIS YOD, DANG PO DANG, BSKYED RIM RAGS PA'I RNAL 'BYOR DANG, SNGAGS LA GZHOL BA'I RNAL 'BYOR RNAMS

, ,DON GCIG ,BSKYED RIM RAGS PA'I RNAL 'BYOR CHOS CAN, RAGS PA DRAN PA GCIG PA'I RNAL 'BYOR ZHES BRJOD PA'I RGYU MTSAN YOD DE, PHRA MO LAS DMIGS RTEN RAGS SHING RANG DANG LHA GCIG TU DRAN PA'AM, GCIG TU LHA DRAN PA'I RNAL 'BYOR YIN PAS DE LTAR BRJOD PA'I PHYIR, GNYIS PA DANG BSKYED RIM PHRA MO'I RNAL 'BYOR, NANG LA GZHOL BA'I RNAL 'BYOR RNAMS DON GCIG ,BSKYED RIM PHRA MO'I RNAL 'BYOR CHOS CAN, PHRA BA RTOG PA'I RNAL 'BYOR ZHES BRJOD PA'I RGYU MTSAN YOD DE, BSKYED RIM RAGS PA LAS DMIGS RTEN PHRA ZHING RTOG PAS BTAGS NAS SGOM PA'I RNAL 'BYOR YIN PAS DE LTAR BRJOD PA YIN PA'I PHYIR, DE LTA BU'I RIM PA DANG PO'I RNAL 'BYOR LA BSKYED RIM ZHES BRJOD PA'I RGYU MTSAN YOD DE, SBYANG GZHI SKYE SHI BAR DO GSUM DANG RNAM PA MTHUN PAR SKU GSUM GYI LHA'I RNAL 'BYOR DU BSKYED NAS BSGOM PA'I RIM PA KHYAD PAR CAN YIN PAS DE LTAR BRJOD PA YIN PA'I PHYIR, BZHI PA NI, LUGS 'DI LA SGRUB THABS RGYAS BSDUS GNYIS SU NGES PA LTAR THUN BZHI'I THOG MTHA' RGYAS SHING, BAR PA GNYIS BSDUS PA SOGS CI RIGS PAR BYAS TE THUN BZHI'I RNAL 'BYOR SGOM PA YIN NO, ,DE YANG BSKYED RIM GYI SBYANG BYA'I THA MAL GYI SNANG ZHEN GNYIS YIN PAS THA MAL GYI ZHEN PA'I GNYEN POR LHA DE DANG DE DNGOS YIN SNYAM PA'I NGA RGYAL DANG, THA MAL GYI SNGANG BA'I GNYEN POR RTEN DANG BRTEN PA'I GSAL SNANG LA SLOB PA YIN ZHING, SLOB TSUL NI, NGES NGOR BDE BA CHEN PO'I YE SHES KYIS STONG NYID LA RTZE

GCIG TU DMIGS PA'I ZAB PA DANG, SNANG NGOR RTEN DANG BRTEN PA'I SNANG BA 'JA' TSON LTAR GSAL BA'I RGYA CHE BA GNYIS TSOGS TZAM DE NYID GDAGS GZHIR BYAS TE, 'BRAS DUS KYI DKYIL 'KHOR GYI 'KHOR LO'I BDAG NYID DE NGA'O SNYAM DU BSGOM PAR BYA BA YIN LA, DE LTAR BSGOMS PA'I RTZIS ZIN NA, GZHAN DU LUNG MA BSTAN GYI LUS KYI SGUL SKYOD DANG, NGAG GI SMRA BRJOD THAMS CAD PHYAG RGYA BCINGS PA DANG SNGAGS BZLAS PA LTA BU'I BSOD NAMS DPAG TU MED PA SDUD BYED DU 'GYUR TE, KUN SPYOD LAS, SHR'I HE RU KA'I GO 'PHANG GNAS, ,YAN LAG GI NI SPYOD PA DANG, ,TSIG GI RAB 'BYAMS JI SNYED PA, ,DE SNYED PHYAG RGYA GSANG SNGAGS YIN, ZHES GSUNGS PA'I PHYIR, LNGA PA NI, DE LTAR BSLABS PAS BSKYED RIM MTHAR PHYIN PA'I TSAD GZHAG TU YOD DE, RAGS BRTEN BRTEN PA'I DKYIL 'KHOR DANG, PHRAG THIG LE YUNGS 'BRU TZAM GYI NANG DU RTEN BRTEN PA'I DKYIL 'KHOR GSAL BTAB PA'I TSE, DE DANG DE'I CHA PHRA RAGS THAMS CAD MA 'DRES PAR SKAD CIG GIS GSAL SING NGE BA'I RNAM PAR SHAR BA LA BYING RGOD DANG PRAL BAR NYIN ZHAG GCIG GI DRUG CHA KHYONGS NA DE DANG DE LA BRTAN PA THOB PA DANG, LO ZLA SOGS JI TZAM 'DOD KYI BAR 'JOG NUS NA PHRA RAGS DE DANG DE MTHAR PHYIN PAR 'JOG PA YIN PA'I PHYIR, DRUG PA NI, BSKYED RIM PAS BSGRUB PAR BYA BA'I DNGOS GRUB LA SPYIR GSUM YOD DE, SGON GSAL LAS, ZHI SOGS BYA BA'I CHO GA DANG, ,DE BZHIN GRUB PA BRGYAD DANG NI, ,SANGS RGYAS KYANG NI MCHOG YIN NO, ,ZHES GSUNGS PA'I PHYIR,, ,,SMARS PA,

, ,LHA BCAS 'GRO BA'I STON PA BLA NA MED, ,THUB DBANG SMRA BA'I NYI MAS LEGS BSHAD GTAM, ,BRTZE BAS JI SNYED 'DOMS PA'I RAB DANG PHUL, ,RNAL 'BYOR BLA NA MED PA'I RGYUD CES GRAGS, ,DE DAG KUN GYI RTZER SON SNYING PO MCHOG ,SA GSUM SGRON ME DNGOS GRUB RNAM GNYIS KYI, ,'DOD DGU'I CHAR 'BEBS 'JIG RTEN RIN CHEN GCIG ,DPAL LDAN RGYUD RGYAL GSANG BA 'DUS PA YIN, ,RGYUD 'DI'I TSIGS BCAD GCIG TZAM 'DZIN PA DANG, ,DE NYID MTHONG THOS DRAN REG GYUR RNAMS KYANG, ,KHYAB BDAG DPAL LDAN RDO RJE 'CHANG DBANG DANG, ,MTSUNGS PA'I PHYAG YUL DAM PAR RGYAL BA YIS, ,GSUNGS PHYIR RGYUD 'DI'I MTSAN TZAM THOS PA YANG, ,RGYA CHEN BSOD NAMS ZONG GIS SGRUB DGOS NA, ,TSUL 'DIR SNYING NAS THOS BSAM SGOM PA LA, ,BRTZON PAS 'JUG RNAMS MCHOG TU SKAL BA BZANG, ,DE PHYIR RGYUD RGYAL DPAL LDAN 'DUS PA YI, ,RIM PA DANG PO'I LEGS BSHAD GTER CHEN PO, ,DNGOS GRUB GNYIS KYI RGYA MTSO CHEN PO YI, ,SNYING PO'I MCHOG 'DI BDAG GIS 'BAD PAS BSGRUBS, ,DGE BA 'DI YIS TSE RABS KUN DU BDAG ,THEG MCHOG 'KHOR LO BZHI DANG MI 'BRAL ZHING, ,ZUNG 'JUG NOR BU'I GZHAL MED NYAMS DGA' BAR, ,MTHONG PA'I CHOS LA BDE LAG 'JUG GYUR CIG ,CES RGYUD THAMS CAD KYI RGYAL PO DPAL GSANG BA 'DUS PA'I RIM PA DANG PO'I RNAM BSHAD DNGOS GRUB KYI RGYA MTSO'I SNYING PO ZHES BYA BA 'DI NI RANG GI SLOB MA MDO SNGAGS RAB 'BYAMS SMRA BA'I DGE BA'I BSHES GNYEN MANG

PO'I BLO GROS KYI PADMO KHA 'BYED PA'I PHYIR, RDO RJE 'CHANG DBANG BA MA DAM PA RNAMS KYI ZHABS RDUL SPYI BOS LEN PA CHOS SMRA BA BLO BZANG CHOS KYI RGYAL MTSAN GYIS, CHOS GRVA CHEN PO BKRA SHIS LHUN PO'I GZIMS KHANG RGYAL MTSAN MTHON POR SBYAR BA'O, ,'DIS KYANG RGYAL BA'I BSTAN PA YUN RING DU GNAS PAR BYED NUS PAR GYUR CIG, MANGGA LAm,, *, AOm SVASTI, PHAN 'DI'I I'BYUNG GNAS RGYAL BSTASN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,,