'The Treasure House of Jewels,' being an Explanation of the 'Five Stages' Written by the Protector, Nagarjuna

*, ,MGON PO KLU GRUB KYIS MDZAD PA'I RIM PA LNGA'I RNAM PAR BSHAD PA ZUNG 'JUG NOR BU'I BANG MDZOD CES BYA BA BZHUGS SO,, ,,

, ,NA MO GU RU MANYDZU GHO sh'A YA, MGON PO KLU SGRUB KYIS MDZAD PA'I RIM PA LNGA'I RNAM PAR BSHAD PA ZUNG 'JUG NOR BU'I BANG MDZOD CES BYA BA, RAB 'BYAMS DAG PA'I BRTAN GA-YO KUN, ,SPRO DANG BSDU BA'I GZHIR GYUR PA, ,KHYAB BDAG 'KHOR LO'I MGON PO DANG, ,DBYER MED BLA MA'I ZHABS BTUD NAS, ,THUB PA'I LEGS BSHAD MTHA' DAG GI ,RAB DANG PHUL DANG GTZO BO MCHOG ,DPAL LDAN 'DUS PA'I RIM PA LNGA'I, ,TSIG DON LEGS PAR CI NUS BSHAD, ,'DIR SANGS RGYAS GNYIS PA MGON PO KLU SGRUB ZHABS KYIS MDZAD PA'I BSTAN BCOS CHEN PO RIM PA LNGA PA 'CHAD PA LA GSUM, MTSAN DON 'GYUR PHYAG DANG BCAS PA BSHAD PA, GZHUNG DON DNGOS BSHAD PA, MJUG GI DON BSHAD PA'O, ,DANG PO STON PAR BYED PA LA,

, ,RGYA GAR SKAD DU, PANYTZA KRA MA, BOD SKAD DU, RIM PA LNGA PA, 'JAM DPAL GZHON NUR GYUR PA LA PHYAG 'TSAL LO, ,ZHES GSUNGS, DE YANG PANYTZA NI LNGA DANG, KRA MA NI RIM PA STE, 'CHANG 'GYUR RDZOGS RIM GYI LAM RNAMS RIM PA LNGAR BSDUS NAS STON PAS, RJOD BYED LA YANG DE LTAR BTAGS PA'O, ,'JAM DPAL LA 'GYUR PHYAG MDZAD PA NI, SKYES BU'I MCHOG RIN CHEN BZANG PO RANG NYID KYI LHAG PA'I LHA YIN PA'I RGYU MTSAN GYIS SO, ,GNYIS PA LA LNGA, RDOR BZLAS KYI RIM PA BSHAD PA, SEMS DMIGS KYI RIM PA BSHAD PA, BDAG BYIN RLABS KYI RIM PA BSHAD PA, MNGON PAR BYANG CHUB PA'I RIM PA BSHAD PA, ZUNG 'JUG GI RIM PA BSHAD PA'O, ,DANG PO LA GNYIS, BSHAD PA LA 'JUG PA'I YAN LAG DANG, BSHAD PA DNGOS SO, ,DANG PO LA GNYIS, MCHOD PAR BRJOD PA DANG, RTZOM PAR DAM BCA' BA'O, ,DANG PO STON PA LA, MGON PO SANGS RGYAS KUN BDAG NYID, ,DPAL LDAN BDE CHEN LA BTUD STE, ,ZHES GSUNGS, DON NI, MGON POS RIM LNGA RTZOM PA'I THOG MAR GANG LA

PHYAG MDZAD PA'I YUL YANG BZHAG TU YOD DE, RNAM SNANG LA SOGS PA'I BDAG NYID STE KHYAB BDAG TU GYUR PA'I MGON PO, DRUG PA RDO RJE 'CHANG YIN PA'I PHYIR, DE NYID YON TAN JI LTA BU DANG LDAN PAR GZIGS NAS PHYAG 'TSAL TSUL YANG YOD DE, TSOGS GNYIS YONGS SU RDZOGS PA'I DPAL DANG LDAN ZHING, BDAG MED PA'I DE KHO NA NYID MTHAR THUG PA LA CHU LA CHU BZHAG PA BZHIN DU RJES SU ZHUGS PA'I LHAN CIG SKYES PA'I BDE BA 'KHOR BA JI SRID BAR RIGS 'DRA CHAD PA MED PAR 'JUG PA, DUS NAM YANG CHOS KYI SKU LAS GA-YO BA MED PAS CHEN PO STE MCHOG TU GYUR PA'I YON TAN DANG LDAN PA DE LA SGO GSUM GUS PAS BTUD PA STE PHYAG 'TSAL BA YIN PA'I PHYIR, DE LTAR PHYAG MDZAD PA LA CHOS CAN, DGOS PA YOD DE, BDAG NYID DAM PAR BSTAN PA DANG, GZHAN DAD PA BSKYED NAS BSTAN BCOS LA 'JUG PA DANG, 'DI LA NYAN BSAM BYED PA RNAMS GEGS MED DU BSAMS PA 'GRUB PA'I CHED DU YIN PA'I PHYIR, GNYIS PA STON PA LA, RNAL 'BYOR RGYUD KYI RJES 'BRANGS NAS, ,RDO RJE'I BZLAS PA'I RIM PA BSHAD, CES GSUNGS, DE YANG STE ZHES PA DON GSUM LA 'JUG PA LAS, 'DIR LHAG MA 'DREN PA STE, SMRA SGO LAS, STE NI LHAG MA CAN YIN TE, ,MTSAMS SBYOR BA DANG DAM BCA' DANG, ,GZHAN 'DREN PA DANG GSUM DU 'DOD, ,CES BSHAD PA LTAR, BTUD STE BSHAD

, ,CES PA'O, ,SHES BYA CHOS CAN, BTUD STE BSHAD PAR BYA BA YOD DE, RDO RJE'I BZLAS PA'I RIM PA STE DON NI BSHAD PAR BYA BA YIN PA'I PHYIR, CI, RANG DBANG DU 'CHAD DAM ZHE NA MIN TE, RNAL 'BYOR CHEN PO'I RGYUD DPAL GSANG BA 'DUS PA DANG, DE'I BSHAD RGYUD RNAMS KYI RJES SU 'BRANGS NAS 'CHAD PA YIN PA'I PHYIR, GNYIS PA BSHAD PA DNGOS LA GNYIS, LAM GYI RIM PA SPYI'I RNAM GZHAG DANG, RDO RJE'I BZLAS PA BYE BRAG TU BSHAD PA'O, ,DANG PO LA BZHI, RIM GNYIS SPYI'I GO RIMS, RDZOGS RIM RIM PA LNGA'I GO RIMS, DE RNAMS RGYUD GANG LA GNAS PA, DE JI LTA BA BZHIN RTOGS PA'I THABS BSTAN PA'O, ,DANG PO STON PAR BYED PA LA, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,CES GSUNGS, DE YANG, GSUNGS CES DRANG, GANG GIS NA YANG DAG PAR RDZOGS PA'I SANGS RGYAS RNAMS KYIS SO, ,GANG NA RDO RJE 'CHANG GI GO 'PHANG BDE BLAG TU BSGRUB PA'I THABS BSKYED RDZOGS GNYIS KYI RIM PA 'DI'O, ,GDUL BYA GANG LA NA, RDZOGS RIM LA 'JUG PAR 'DOD PA RNAMS LA'O, ,JI LTAR DU NA, DPER NA SKAS KYI GDANG BU GONG MAR 'DZEG PA LA, GDANG BU 'OG MAR 'DZEGS PA SNGON DU 'GRO DGOS PA LTA BUR RO, ,DE YANG SKAS KYI RIM PA 'OG MA LTA BU'I BSKYED PA'I RIM PA LA LEGS PAR GNAS SHING STE GNAS NAS,

DE'I 'OG TU RDZOGS PA'I RIM PA DON DU GNYER BA LA SKAS KYI RIM PA GONG MA LTA BU'I RDZOGS RIM STON NO, ,'DI NI GTZO BOR RIN PO CHE LTA BU'I GANG ZAG TSE GCIG LA SANGS RGYAS BSGRUB PA'I DBANG DU MDZAD PA YIN TE, DE LTA BU'I GANG ZAG LA LAS DANG PO BA'I SKABS MED PA MI SRID CING, DE YONG NA DE'I 'JUG RIM LA BSKYED RIM MI 'DOD PA NI RGYUD DANG BSTAN BCOS MANG PO DANG 'GAL BA'I PHYIR RO, ,DES NA SKABS 'DIR RIM GNYIS GO RIMS NGES PAR DNGOS SU BSTAN PA'I SHUGS LA, RDZOGS RIM RIM PA LNGA PO'I GO RIMS NGES PA'ANG BSTAN PAR BYED DGOS TE, RDO RJE'I BZLAS LA LEGS GNAS SHING, ,SEMS DBEN RIM PA 'DOD RNAMS LA, ,ZHES SOGS DON GYIS THOB BO, ,DE LTA NA'ANG 'OG MA RNAMS DANG ZLOS PA'I SKYON MED DE, 'DIR RIM GNYIS SPYI'I DBANG DU BYAS SHING, 'OG MA RNAMS SU SO SO'I MING SMOS NAS SNGA PHYI'I RIM PA BSTAN PA'I PHYIR RO, ,DE LTAR YANG RDOR PHRENG LAS, RNAL 'BYOR RJES SU RNAL 'BYOR DANG, ,SHIN TU RNAL 'BYOR RNAL 'BYOR CHE, ,DE NYID DBYE BA BCO LNGA YIN, ,DANG PO SBYOR BA BSGOM PAR BYA, ,DE NAS DKYIL 'KHOR RGYAL MCHOG NI, ,RNAL 'BYOR MCHOG LA DBYE BA LNGA, ,DE LAS KYANG NI LAS RGYAL MCHOG ,RNAL 'BYOR DBYE BA BCU GNYIS SO, ,DE NYID DBYE BA SUM CU BRGYAD, ,BSKYED PA'I RIM PA BSDUS PA YIS, ,MNGON SUM BYED PA'I RNAL 'BYOR BA, ,DE NAS RDO RJE'I BZLAS RIM MCHOG ,CES GSUNGS PA'I PHYIR, GNYIS PA LA GNYIS, GANG LA

, ,GNAD DU BSNUN PA'I RDO RJE'I LUS KYI MTSAN NYID BSHAD PA DANG, DE LA GNAD DU BSNUN PA'I RDZOGS RIM GYI RIM PA BSHAD PA'O, ,DANG PO NI, 'DIR RLUNG GI RNAM GZHAG MDOR BSDUS LAS MA GSUNGS KYANG, BLA MED KYI RGYUD DANG DE'I DGONGS 'GREL TSAD LDAN THAMS CAD MTHUN PAR, THOG MAR LUS LA GNAD DU BSNUN PA'I SGO NAS RDZOGS RIM GYI RTOGS PA BSKYED DGOS PAR GSUNGS PAS, RDO RJE'I LUS KYI MTSAN NYID SHES DGOS SHING DE LA RTZA RLUNG THIG LE'I RNAM GZHAG LEGS PAR SHES DGOS TE, RDO RJE PHRENG BA LAS, RLUNG GI MTSAN NYID MI SHES PAS, ,'JIG RTEN GSUM NI RNAM PAR 'KHOR, ,ZHES DANG, RTZA YI RIM MED NGES PAR NI, ,PHUNG PO LA SOGS MI 'BYUNG ZHING, ,PHUNG PO MED NA YE SHES CHE, ,RNAM 'BYOR PA YIS 'THOB MI 'GYUR, ,ZHES DANG, DE PHYIR 'BAD PA THAMS CAD KYIS, ,RTZA YI 'KHOR LO SHES PAR BYA, ,ZHES GSUNGS PA'I PHYIR, DE BZHIN DU RTZA LA GNAS PA'I KHAMS KYI DBYE BA'ANG SHES DGOS SO, ,DE YANG SKYE GNAS BZHIR NYING 'TSAMS SBYOR BA'I TSUL YOD KYANG, THOG MAR LAM BSGOM PA'I RTEN GYI DBANG DU MDZAD NAS MI'I MNGAL DU NYING 'TSAMS SBYOR BA'I TSUL GSUNGS TE, RDO RJE PHRENG BAR, SNGON LAS RLUNG GIS RNAM SHES NI, ,BRGYA LAM GANG TSE 'KHOR GYUR NA, ,PHA YI KHA LA MTSUNGS PAR GNAS, ,DE TSE CHAGS PA'I DBANG DU 'GYUR, ,GSANG GNAS ZLA MTSAN LDAN PA'I RTZA, ,ME DANG NYI MA 'CHAR BA NI, ,DE TSE LHAG PAR

CHAGS PAS NON, ,CHAGS PA MCHOG TU 'DOD PAR GYUR, ,RDO RJE PADMA 'DRES PA'I GDONG, ,'JUG PA PHA YI KHA YI RLUNG, ,DE TSE SA BON DU NI 'GYUR, ,SA BON LA NI SEMS CAN 'BYUNG, ,ZHES RLUNG DANG BCAS PA'I BAR DO'I RNAM SHES MNGAL DU 'JUG TSUL DANG, YANG RDO RJE PHRENG BA LAS, MI DBANG DKYIL 'KHOR DBUS SU YANG, ,GANG GIS SRAD BU'I RNAM PAR GNAS, ,RGYU GCIG TU YANG SHES NAS NI, ,DE NYID 'BRAS BU RNAM PA GNYIS, ,CES BSHAD DE, 'GREL PA'I 'GYUR LAS, SKYE GNAS 'KHOR LO'I DBUS SU YANG, ,RTZA GNYIS SRAD BU'I RNAM PAR GNAS, ,CES 'BYUNG BA 'GYUR LEGS PAS, MA'I LTE 'OG TZAM NA SKYE GNAS KYI 'KHOR LO YOD PA DER BAR DO 'JUG CING GNAS PAR GSUNGS SO, ,DE LTAR YANG, RDO RJE PHRENG BA LAS, BSHANG SGO GSANG BA'I DBUS SU GNAS, ,MING NI MA SKYES CHA CHEN PO, ,DE YANG RNAM SHES DANG BRAL BA, ,YE SHES LUS NI BDAG MED PA, ,DER NI SKYE BA SROG GI MCHOG ,SROG CHAGS RNAMS KYI MCHOG TU BRJOD, ,RNAM PAR SHES PA'I NGO BO RTEN, ,THOG MAR 'BYUNG BA BZHI PO LA, ,DROD SKYE BA YI NGO BO BYED, ,DE TSE RANG GI GNAS SU THIM, ,ZHES BSHAD SGO NAS GSANG 'KHOR DBUS KYI BAR DU GNAS PA'I, MING MA SKYES PA'I CHA CHEN PO ZHES PA'I RTZA DER BAR SRID THIM STE BRGYAL BAR GSUNGS SHING, RNAM SHES BRAL ZHES PA RTZA DE BEM PO YIN PA DANG, DE SKYE ZHES PA GSANG BA'I 'KHOR LO'I DBUS SU NYID 'TSAMS SBYOR BA DANG, SU ZHIG CE NA

, ,YE SHES LUS CAN TE BAR DO BA'O, ,SROG GI MCHOG NI SEMS CAN RNAMS KYI RLUNG RNAMS KYI MCHOG SROG GI RLUNG STE DE'I BZHON PA CAN GYI RNAM SHES NI BAR DO'I RNAM SHES KYI NGO BO LA BRTEN NAS SKYE GNAS SU DANG POR MER MER POS BSDUS PA'I 'BYUNG BA BZHI LA THIM MO, ,'GREL PAR, DROD BSKYED PA NI NGO BOR BYED, ,CES 'BYUNG BAS, RANG GI NGO BO SNGON LAS KYIS BSKYED NAS BAR DOS 'CHI BA'I 'OD GSAL NYAMS SU MYONG BA NI BAR DO SHI BA YIN LA, DE'I RIGS 'DRA GNYIS PA'I RNAM SHES NI NYING 'TSAMS SBYAR BA YIN NO, ,DE LTAR NYING 'TSAMS SBYAR NAS LUS CHAGS TSUL YANG YOD DE, RDO RJE PHRENG BA'I, DE TSE RANG GI GNAS SU THIM, ,ZHES PA'I MJUG TU, RNAM SHES LAS NI SKYES PA'I RLUNG, ,DE LAS ME NI SKYE BAR 'GYUR, ,ME LAS CHU NI 'BYUNG BAR 'GYUR, ,DE LAS SA NI YANG DAG SKYE, ,DE DAG RNAMS LAS PHUNG PO 'BYUNG, ,DE PHYIR SKYE MCHED RNAMS DANG NI, ,DE LAS RNAM SHES RANG BZHIN BYED, ,BRGYA DANG BRGYAD KYIS LHAG PA'I RIM, ,ZHES GSUNGS PA LTAR YE SHES RDO RJE KUN LAS BTUS LAS KYANG, GANG 'OD GSAL BA LAS BYUNG BA'I RNAM PAR SHES PA DE NYID SEMS DANG YID CES BYA STE, DE NI KUN NAS NYON MONGS PA DANG, RNAM PAR BYANG PA'I BDAG NYID CAN GYI CHOS THAMS CAD KYI RTZA BA YIN NO, ,DE LAS BDAG DANG GZHAN DU RTOG PA RNAM PA GNYIS 'BYUNG BAR 'GYUR RO, ,RNAM PAR SHES PA DE RLUNG LA ZHON TE, RLUNG LAS ME'O, ,ME LAS CHU'O, ,CHU LAS SA'O, ,DE RNAMS LAS

PHUNG PO LNGA DANG, SKYE MCHED DRUG DANG, YUL LNGA RNAMS TE, DE DAG THAMS CAD NI RLUNG DANG RNAM PAR SHES PA YANG DAG PAR 'DRES PA'O, ,DE NAS RNAM PAR SHES PA GSUM GYI RANG BZHIN DANG SNANG BA RAB TU SBYONG PA GSAL BAR NYAMS SU MYONG PAR 'GYUR ZHING, SNANG BA'I RGYUS NI RANG BZHIN RNAMS 'BYUNG BAR 'GYUR RO, ,ZHES 'OD GSAL LAS RNAM SHES 'BYUNG BAR GSUNGS PA 'DI LA BAR DO'I SNGA ROL 'CHI BA'I 'OD GSAL LAS BAR DO'I RNAM SHES 'BYUNG BA DANG, BAR DO SHI BA'I 'OD GSAL LAS TSE 'DI'I RNAM SHES 'BYUNG TSUL GNYIS LAS, RGYA GAR BA KHA CIG SNGA MA BZHED KYANG, RJE THAMS CAD MKHYEN PA PHYI MA BZHED DO, ,RNAM SHES LAS RLUNG 'BYUNG BA'I DON NI, RNAM SHES RLUNG LA ZHON TE, ZHES GSUNGS PAS SNANG BA GSUM NAM YOD DUS DE DANG 'DRES PA'I RLUNG YANG YOD PAS, DE LAS GZHAN PA'I RANG BZHIN GA-YO NUS PA'I RNAM SHES KYI BZHON PA'I RLUNG NGO, ,KHA CIG ,RLUNG LAS ME ZHES SOGS 'BYUNG BA GSUM SKYE BAR BSHAD PA MI 'THAD PAR THAL, DANG POR BAR SRID ZHUGS PA'I MER MER PO'I DUS 'BYUNG BA BZHI GA'I CHA YOD PA'I PHYIR, ZHE NA SKYON MED DE, RNAM SHES KYI RTEN BYED PA'I NUS PA KHYAD PAR CAN GYI RLUNG LAS, SNGON MA LAS RAGS PA'I ME CHU SA'I SKYE RIM YIN PA'I PHYIR TE, RDO RJE PHRENG BA LAS, SRA BA'I KHAMS DANG CHU NYID RANG, ,DE BZHIN MED DANG RLUNG DAG NI, ,RNAM PAR SHES PAS BSLANGS NAS NI, ,SRID GSUM GNAS SU SKYE BAR 'GYUR, ,ZHES GSUNGS PA'I PHYIR, RNAM SHES KYIS BSLANGS PA'I

, ,DON NI, DE'I RTEN BSLANGS PA STE, 'BYUNG BA BZHI POS SEMS RTEN BYED PA'I NUS PA GONG 'PHEL DU BSLANGS NAS, PHAN TSUN RTEN DANG BRTEN PA'I PHUNG PO LNGA DANG, SKYE MCHED DRUG DANG, RANG RGYUD KYIS BSDUS PA'I YUL LNGA 'BYUNG BA'O, ,DE THAMS CAD RLUNG SEMS 'DRES PAR GSUNGS PA NI, RANG RGYUD KYIS BSDUS PA'I PHUNG SOGS KHA CIG DNGOS DANG, KHA CIG RLUNG SEMS 'DRES PA'I RNAM 'GYUR YIN PA LA DGONGS SO, ,RIM LNGA LAS KYANG, SEMS NI RNAM PA GSUM BSHAD NAS, ,DE YIS BSGRUB PA BRJOD PAR BYA, ,RLUNG RNAMS PHRA BA'I GZUGS KYIS NI, ,SHES DANG YANG DAG 'DRES GYUR NAS, ,DBANG PO'I LAM NAS BYUNG NAS NI, ,YUL RNAMS LA NI DMIGS PAR BYED, , GANG TSE SNANG BA LDAN GYUR CING, ,RLUNG NI BZHON PA NYID GYUR PA, ,DE TSE RANG BZHIN DE DAG KUN, ,MA LUS LUS PA MED PAR 'JUG ,RLUNG NI GANG DANG GANG GNAS PA, ,RANG BZHIN DE DANG DE 'BYUNG 'GYUR, ZHES SNANG BA GSUM GYI SGO NAS RANG BZHIN RNAMS 'BYUNG ZHING DE LAS SKYE RGA NA 'CHI SOGS SRID PA'I 'KHOR LO RGYUN MI 'CHAD PAR 'KHOR BAR BSHAD DO, ,DE LTAR MNGAL DU NYING 'TSAMS SBYAR NAS KHU KHRAG GI 'BYUNG BZHI RIM GYIS SMIN CING 'PHEL NAS 'PHO BA'I ZLA BA DANG PO LA CUNG ZAD RAGS PA'I SROG 'DZIN GYI RLUNG SNYING GAR CHAGS, GNYIS PA LA SROG 'DZIN DE LAS SROG 'DZIN GYI RLUNG SNYING GA'I STENG 'OG TU 'GRO ZHING 'OG MA LAS THUR SEL SKYE, GSUM PA LA THUR SEL LAS

MNYAM GNAS DANG, BZHI PA DE LAS GYEN RGYU, LNGA PA LA DE LAS KHYAB BYED DE PHUNG PO LNGA'I RLUNG CHAGS, DRUG PA NAS BCU PA'I BAR RE RE LA, SA LA SOGS PA'I KHAMS KYI RLUNG DANG MIG NAS LUS DBANG GI BAR RE RE DANG, KHYAB BYED LAS KLU SPRO BA NAS, RUS SPAL, RTZANGS PA, LHA SBYIN, GZHU LAS RGYAL GYI BAR SNGA MA SNGA MAS PHYI MA PHYI MA BSKYED CING CHAGS LA, RTZA RLUNG THIG LE GSUM GA THOG MAR CHAGS PA'I GNAS SNYING GA YIN NO, ,RLUNG DE DAG GANG LA BRTEN NAS RGYU BA'I LAM NI RTZA YIN LA, DE YANG RDO RJE PHRENG BA LAS, L'A LA NA DANG RA SA NA, ,AA WA DH'U T'I ZHES BYA'I MING, ,DE RNAMS SPRO BA'I SBYOR BA YIS, ,RIM GYIS THUN NI BRGYAD DU 'GYUR, ,GSUM PO NYI SHU RTZA BZHIR 'GRO ,THIM DANG LONGS SPYOD BDAG PO'I PHYIR, ,RIM GYIS GRANGS NI BDUN CU GNYIS, ,SLAR YANG DES SPRO SBYOR BA YIS, ,RE RER STONG STONG PHYE BA YIS, ,RTAG TU GRANGS NYID 'GYUR BA NI, ,STONG PHRAG BDUN CU RTZA GNYIS SO, ,ZHES THOG MAR SNYING GAR RTZA GSUM MAM LNGA, DE NAS THUN TSOD BRGYAD KYI RTZA, DE BRGYAD SKU GSUNG THUGS KYI DBYE BAS NYER BZHI, DE YANG DE LTAR BYE BAS BDUN CU RTZA GNYIS, DE RE RE STONG STONG DU GYES PAS, RTZA BDUN KHRI NYIS STONG, DE DAG KYANG KHU RDUL RLUNG GSUM CHA MNYAM GSUM DU 'BA PAS SKU GSUNG THUGS KYI RTZA ZHES THA SNYAD BTAGS PA'O, ,RTZA DE RNAMS KYI GTZO BO NI RO RKYANG DBU MA GSUM YIN CING, DE GSUM NI LUS KYI GZHUNG SHING TSUL DU YOD PA'I RTZA 'KHOR RNAMS GANG NA YOD SAR RO RKYANG GNYIS KYIS LU

, ,GU RGYUD DU BSNGAMS SHING, KHYAD PAR SNYING GA'I 'KHOR LO LA MDUD PA GSUM GYIS DKRIS PAS SHIN TU DBYE DKA' BA YIN TE, RDO RJE PHRENG BA LAS, SNYING GI PADMA'I SPUBS MKHA' LA, ,YE SHES RDO RJE RTAG TU BZHUGS STENG 'OG YANG DAG BRTEN NAS NI, ,SROG DANG THUR SEL RGYU BAR BYED, ,DE LA'ANG DBYE BAR DKA' BA YI, ,DBUS SU MDUD PA GSUM GYIS DKRIS, ,CES GSUNGS PAS, DE 'DRA BA'I MDUD PAS BCINGS PA'I SNYING GA'I DBU MA'I NANG GI MI BSHIG PA'I THIG LE LA AA THUNG DANG, DPYID DANG, DPA' BO DANG, N'A DA'I SGRAS BSTAN CING, LTE BA'I N'A DA LA, PHAG MO DANG, BDAG MED MA DANG, MKHA' 'GRO'I SGRAS STON PAR MDZAD LA, SPYI BO DANG MGRIN PA'I N'A DA YANG SHES DGOS SO, ,BYANG SEMS DKAR DMAR NI, RTZA'I SNGON NAS KYANG PHA MA'I THIG LE DKAR DMAR GYI DBUS SU ZHUGS NAS SNYING GAR GNAS SHING, DE NAS STENG 'OG TU CHAD NAS, DKAR PO SPYI BO DANG DMAR PO LTE GSANG DU GNAS LA, RTZA GZHAN CI RIGS PAR YANG CHAGS SO,, ` ,,DA NI DE DAG GI DON GZHUNG RTZA BA BSHAD PAR BYA STE, SEMS CAN RNAMS KYI SROG GYUR PA, ,RLUNG ZHES BYA BA LAS KUN BYED, ,'DI NI RNAM SHES BZHON PA STE, , LNGA YI BDAG NYID BCU YANG YIN, ,ZHES GSUNGS, GZHUNG 'DI NI DGONGS PA LUNG STON DANG, SDOM 'BYUNG LAS CI RIGS 'BYUNG NGO, ,DON NI, SEMS CAN KUN GYI SROG TU GYUR PA'I RLUNG 'DI NYID KYI RANG GI NGO BO JI LTAR YIN PA

BZHAG TU YOD DE, RNAM SHES KYI BZHON PA YIN PA'I PHYIR RO, ,SEMS CAN GYI SROG TU GYUR PA'I RLUNG GI NGO BO DE LTAR YIN NA, DE LA DBYE NA DU YOD CE NA, DE LA DBYE NA DU MA YOD DE, SROG 'DZIN LA SOGS PA LNGA YI BDAG NYID DE LNGAR YOD LA, DE TZAM DU MA ZAD RGYU BA LA SOGS PA YAN LAG GI RLUNG LNGAR YANG DBYER YOD PAS BCUR YANG YOD PA YIN PA'I PHYIR, RLUNG BCU'I BYED LAS KYANG YOD DE, SPYOD BSDUS SU RLUNG BCUS THA MAL PA DANG, RNAL 'BYOR PA'I RGYUD LA LUS GNAS PA'I TSE BYA BA BYED TSUL MANG DU GSUNGS NAS, MTHAR MI BSHIG PA THOB NAS DNGOS MED DU 'GYUR BA'I BYA BA BYED PAR GSUNGS PA LTAR YIN PA'I PHYIR, MI BSHIG PA THOB PA NI GZHI DANG LAM GYI SKABS SU SDUD RIM GYIS DER THIM PA'O, ,YI GE GSUM GYI BYA BA STON PA'I SKABS SU YANG 'DI BZHIN TE, RIM LNGAR YANG, SO SOR BRJOD PA'I SNGAGS 'DI DAG ,DNGOS MED NGO BO LAS SKYES PA'O, ,ZHES DANG, THUNG NGU MA LUS DAG TU 'GYUR, ,ZHES SOGS DRANG NGES KYI BYED LAS SNA TSOGS PA DANG LDAN PA YIN NO, ,GNYIS PA LA GNYIS, RIM PA DNGOS DANG, RIM PA LNGA PA'I MTSAN NYID BSTAN PA'O, ,DANG PO STON PAR BYED PA LA, RLUNG GI DE NYID RIM GYIS NI, ,SNGAGS KYI DE NYID YANG DAG 'JUG ,SNGAGS KYIS BSKYED DU RTOGS NAS NI, ,RDO RJE'I BZLAS PA RNAMS LA SLOB, ,RDO RJE'I BZLAS GNAS RNAL 'BYOR BA, ,SEMS LA DMIGS PA 'THOB PAR 'GYUR, ,SGYU MA LTA BU'I TING 'DZIN GNAS, ,YANG DAG MTHAS NI RNAM PAR SBYANGS, ,YANG DAG MTHA' LAS

, ,LANGS NAS NI, ,GNYIS MED YE SHES 'THOB PAR 'GYUR, ,ZHES GSUNGS, DE YANG RLUNG GI DE NYID NI, SPYOD BSDUS LAS, SROG DANG RTZOL BA'I BRTAG PA'O, ,ZHES GSUNGS TE, SROG RTZOL NI RLUNG TZAM DANG, BRTAG PA NI GTAN LA 'BEBS PA STE, NGO BO DANG, DBYE BA DANG, RGYU BA'I TSUL LA SOGS PA SHES PAR BYED PA YIN CING, GTZO BO NI SNYING GA'I MI BSHIG PA LA SPRO BSDU BYED TSUL LO, ,JI LTAR BYED TSUL YANG YOD DE, RIM GYIS TE SNGA MA SNGA MA SNGON DU BTANG NAS TE, 'GYUR RNYING DU, RLUNG GI DE NYID SNGON BTANG NAS, ,CES 'BYUNG BA LTAR RO, ,SNGAGS KYI DE NYID NI BRDA' LA SOGS PA 'OG NAS 'CHAD PA RNAMS TE, SPYOD BSDUS LAS, SNGAGS NI DBYANGS GSAL GYI RGYU LAS BYUNG BA SBRUL LA SOGS PA DANG, DE'I DE NYID MI BSHIG PA LAS BYUNG BA'I YI GE GSUM LA 'CHAD DE, MI BSHIG PA LAS BYUNG BA DANG, DER SDUD PA GTZO BO'I DON NO, ,YANG DAG 'JUG NI, SNGA MA SHES PA'I RJES SU PHYI MA SHES PAR BYED PA'O, ,SNGAGS KYIS BSKYED PA NI, SNGAGS THAMS CAD SKYES PA DANG, BUD MED DANG, MA NING GI NGO BO NYID YI GE GSUM LA 'JUG PA RTOGS NAS RLUNG SNGAGS DBYER MI PHYED PA, RDO RJE'I BZLAS PA RNAMS LA SLOB PA'O, ,RDO RJE'I BZLAS PA LA GNAS PA MTHAR PHYIN PA'I RNAL 'BYOR BAS NI, SEMS LA DMIGS PA'I STONG PA GSUM GYI YE SHES 'THOB PAR 'GYUR RO, ,'DIR YANG, SEMS LA DMIGS PA'I RNAL 'BYOR PAS, ,SGYU MA'I LUS NI 'THOB PAR 'GYUR, ,ZHES

DON GYIS 'THOB, THOB NAS SGYU MA LTA BU'I TING NGE 'DZIN LA GNAS PA'I TING NGE 'DZIN DE YANG DAG PA'I MTHA' 'OD GSAL GYIS NI RNAM PAR SBYANG BAR BYA STE, SGYU MA 'OD GSAL DU BCUG PA'I SGO NAS, SGYU LUS PAS DON GYI 'OD GSAL 'THOB PAR 'GYUR BA'I PHYIR TE, RANG BYIN BRLABS PA'I RIM PA YIS, ,GANG PHYIR 'OD GSAL 'THOB 'GYUR BA, ZHES BYA'O, ,'OD GSAL YANG DAG MTHA' LAS CHU LAS NYA LDANG BA'I TSUL DU LANGS NAS NI, GNYIS SU MED PA'I YE SHES ZUNG 'JUG GI GO 'PHANG 'THOB PAR 'GYUR RO, ,'DI LTAR MGON POS, 'DUS PA'I RDZOGS RIM RIM LNGAR BSDUS PA NI, RDO RJE PHRENG BA LAS, RDO RJE'I BZLAS PA RAB SBYOR BAS, ,RLUNG GI MTSAN NYID SHES NAS NI, ,RNAM RTOG RLUNG RNAMS RNAM PAR GCOD, ,SEMS LA DMIGS PA 'THOB PAR 'GYUR, ,BDAG LA BYIN RLABS RIM PAS KYANG, ,DNGOS GRUB BRGYAD NI 'THOB PAR 'GYUR, ,SNANG BA LA SOGS DBYE BA SHES, ,MNGON PAR BYANG CHUB PA NI 'THOB, ,ZUNG 'JUG RIM PA LA GNAS PA, ,DNGOS GRUB THAMS CAD BSDUS PA NI, ,TSE 'DI NYID LA 'GRUB 'GYUR BAR, ,RNAL 'BYOR BA YIS THE TSOM MED, ,CES RIM LNGA'I CHINGS MDZAD PA 'DI'I RJES SU 'BRANGS PA YIN NO, ,'O NA RDOR BZLAS RIM PA DANG PO YIN NA, RDZOGS RIM LUS DBEN MI BZHED PA YIN NAM, ZHE NA, MA YIN TE, 'DI NYID DU, LUS DANG NGAG DANG YID RNAM PAR DBEN PA'I THOS PA 'DZIN PA, ZHES GSUNGS SHING, SPYOD BSDUS LAS KYANG, LUS DBEN LA BSLABS NAS RDOR BZLAS LA BSLAB PAR GSUNGS PAS, RDZOGS RIM

, ,SBYOR BA YAN LAG DRUG TU BYAS PA'I SOR BSAM GYIS BSDUS PA'I LUS DBEN RDOR BZLAS KYI RIM PA'I KHONGS SU BSDU BA YIN PA'I PHYIR, GNYIS PA STON PA LA, ZUNG 'JUG TING 'DZIN LA GNAS NAS, ,SLAR ZHING GANG LA'ANG MI SLOB BO, ,'DI NI RDZOGS PA'I RNAL 'BYOR PA, ,RDO RJE 'DZIN PA CHEN PO'ANG DE, ,RNAM PA KUN GYI MCHOG LDAN PA'I, ,THAMS CAD MKHYEN PAR DE NAS 'GYUR, ,'DAS PA DANG NI MA 'ONGS DANG, ,DA LTAR BYUNG BA'I SRID GSUM NI; ;'OD GSAL BAS NI RNAM DAG PAS, ,SKAD CIG DE LA MA LUS MTHONG, ,ZHES GSUNGS, ZUNG 'JUG GI TING NGE 'DZIN LA GNAS PA'I RNAL 'BYOR PAS NI, SLAR ZHING STE SLAR YANG LAM GSAR PA GANG LA YANG MI SLOB BO, ,'O NA 'DI'I ZUNG 'JUG SANGS RGYAS KYI ZUNG 'JUG YIN NAM SNYAM NA, 'OD GSAL DANG POR THOB RJES KYI ZUNG 'JUG NI, SLOB PA'I ZUNG 'JUG YIN PAS SLOB PA'O, ,YANG DAG MTHA' LAS LANGS NAS ZUNG 'JUG 'THOB PAR GSUNGS PAS KYANG SLOB PA'I ZUNG 'JUG TU NGES TE, MI SLOB PA'I ZUNG 'JUG NI YANG DAG MTHA' LA MNYAM PAR BZHAG BZHIN DU 'THOB PA'I PHYIR RO, ,ZUNG 'JUG GI GO 'PHANG THOB PA 'DI NI, YON TAN PHAL CHER YONGS SU RDZOGS PA'I RNAL 'BYOR PA RDO RJE 'DZIN PA CHEN PO YIN TE, MTSAN DPE MTHAR THUG PA RNAM PA KUN GYI MCHOG DANG LDAN PA'I THAMS CAD MKHYEN PA MTHONG BA'I CHOS LA MYUR DU 'GRUB PAR 'GYUR BA'I PHYIR, 'DAS PA DANG, MA 'ONGS PA

DANG; DA LTAR BYUNG BA'I SRID PA GSUM NI SKAD CIG DE LA STE DUS SHIN TU MYUR BAR MNGON SUM DU MTHONG BA YIN TE, DON GYI 'OD GSAL PA BDE BA CHEN PO'I YE SHES KYIS MA RIG PA'I MUN PA SA BON DANG BCAS PA RNAM PAR DAG PAR BYAS PA'I PHYIR RO, ,GNYIS PA 'CHAD PA LA, DPAL LDAN 'DUS PA'I RGYUD DU NI, ,DE NYID 'DI DAG RGYAS BTAB GNAS, ,CES PA 'DI BYUNG, RLUNG GI DE NYID LA SOGS PA 'DI DAG RGYUD GANG GI BRJOD BYAR GNAS PA YIN ZHE NA, DE YANG BZHAG TU YOD DE; PHUN SUM TSOGS PA'I DPAL DANG LDAN ZHING, SANGS RGYAS THAMS CAD KYI SKU GSUNG THUGS KYI GSANG BA GSUM 'DUS PA'I RTZA BA'I RGYUD DU NI, RLUNG GI DE NYID LA SOGS PA 'DI DAG GNAS PAS 'DUS PA'I RGYUD LAS SHES PAR BYA BA YIN PA'I PHYIR, RGYUD NA GSAL POR YOD DAM ZHE NA, MA YIN TE, MTHA' DRUG DANG TSUL BZHIS RGYAS BTAB STE SBAS PA'I TSUL GYIS GNAS PA'I PHYIR RO, ,BZHI PA NI, RTZA RGYUD DU MI GSAL BA SBAS NAS BZHAG PA DE THABS GANG LA BRTEN NAS SHES PAR BYA ZHE NA, DE'I LAN STON PA LA, BSHAD PA'I RGYUD KYI RJES 'BRANGS NAS, ,BLA MA'I KHA LAS RTOGS PAR BYA, ,ZHES GSUNGS, 'DUS PA RTZA RGYUD KYI SBAS DON RTOGS PAR BYED PA'I THABS YOD DE, BLA MA MTSAN NYID DANG LDAN PA'I KHA LAS RTOGS PAR BYA BA STE ZHAL LAS SHES PAR BYA BA YIN PA'I PHYIR, JI LTAR ZHAL LAS SHES TSUL YANG YOD DE, RTZA RGYUD DU MI GSAL BAR SBAS NAS BZHUGS PA DE, RDO RJE 'CHANG RANG NYID KYIS

, ,RANG 'GREL RDO RJE PHRENG BA SOGS BSHAD RGYUD RNAMS KYIS SHIN TU GSAL BAR MDZAD PA'I RTZA BSHAD LEGS PAR SBYOR SHES PA'I MAN NGAG DANG LDAN PA'I BLA MA'I ZHAL LAS SHES DGOS PA'I PHYIR RO, GNYIS PA RDOR BZLAS KYI RIM PA BYE BRAG TU BSHAD PA LA GNYIS, RLUNG GI DE KHO NA NYID DANG, SNGAGS KYI DE KHO NA NYID DO, ,DANG PO LA GNYIS, RTZA RGYUD LAS GSUNGS TSUL DANG, DE'I DON BSHAD RGYUD KYIS BSTAN TSUL LO, , DANG PO NI, DE LA DANG PO KHO NAR RLUNG GI DE KHO NA NYID MDOR BSTAN PA'I TSIG ,RTZA BA'I RGYUD LA 'JUG PAR BYA STE, ZHES MTSAMS SBYAR, DE YANG RLUNG GI DE NYID STON PA'I KHUNGS GNYIS LAS, DANG PO NYID DU RTZA RGYUD LA 'JUG PAR BYA STE, DE NI MDOR BSTAN YIN LA, BSHAD RGYUD NI DE 'CHAD BYED KYI 'GREL PA YIN PA'I PHYIR, KHUNGS DNGOS STON PA LA, SNA YI RTZE MOR YUNGS KAR BSAM, ,'GRO DANG MI 'GRO YUNGS KAR LA, ,GSANG BA'I SNGAGS KYIS BTAGS PA YI, ,YE SHES MCHOG GI GNAS BSGOM MO, ,RIN CHEN KHA DOG SNA LNGA PA, ,YUNGS KAR GYI NI 'BRU TSAD TZAM, ,SNA YI RTZE MOR NAN TAN DU, ,RNAL 'BYOR RIG PAS RTAG TU BSGOM, ,ZHES BYA BA STE, 'DI NI DGONGS PAS BSHAD PA'O, ,ZHES GSUNGS PA'I RKANG PA DANG PO BZHI RTZA RGYUD LE'U DRUG PA DANG, PHYI MA BZHI LE'U GSUM PA LAS GSUNGS SO, ,'DIR TSIGS BCAD GNYIS KA MTHA' DRUG GI NANG TSAN DGONGS BSHAD DANG, SPYOD BSDUS SU PHYI MA LA DRANG NGES DANG, SGRON

GSAL LAS, DANG PO LA DRANG NGES, GNYIS PA LA TSUL BZHI'I BSHAD PA MDZAD PA RNAMS 'GAL BA MED DE, 'JIG RTEN GYI THA SNYAD LA RLUNG LA YUNGS KAR GYI SGRA 'GAL BA'I CHA NAS DGONGS BSHAD DANG, DNGOS SU BSKYED RIM PA'I PHRA MO'I RNAL 'BYOR DANG, RDZOGS RIM PA'I PHRA MO'I RNAL 'BYOR MI MNGON PAR SBAS PA'I CHA NAS DRANG NGES SU BZHAG PA'I PHYIR RO, ,RDZOGS RIM LUS DBEN MTHAR PHYIN PA'I SGRUB PA POS JI LTAR BYA BA'I TSUL YOD DE, SNA YI RTZE MO STE STENG GI SNA'I BU GA NAS YUNGS KAR GYI SGRAS BSTAN PA'I RLUNG 'JUG GNAS LDANG GSUM GYI TSUL DU BSAM PAR BYA BA YIN PA'I PHYIR, RLUNG LA YUNGS KAR GYI SGRAS BTAGS PA YANG YIN TE, RDO RJE PHRENG BA LAS, SNA RTZER YUNGS KAR ZHES BYA BA, ,SROG DANG RTZOL BA'I BRTAG PA STE, ,ZHES GSUNGS PA'I PHYIR, 'O NA 'GRO BA BCUD DANG, MI 'GRO BA SNOD KYI RTZA BAR GYUR PA YUNGS KAR GYI SGRAS BRJOD PA'I RLUNG DE 'JUG GNAS LDANG GSUM RANG BZHIN PAR BSGOM PA YIN NAM, ZHE NA MA YIN TE, GSANG BA YI GE GSUM GYI SNGAGS SU BTAGS PA STE 'JUG PA AOm, GNAS PA A'A: LDANG BA H'Um GI GDANGS DANG DBYER MED DU BSGOM PA YIN PA'I PHYIR, DGOS PA CI'I DON DU BSGOM PA'I TSUL YANG YOD DE, YE SHES MCHOG STONG BA GSUM GYI GNAS TE RTOGS PA SKYE BA'I PHYIR DU YIN NO, ,RIN CHEN KHA DOG SNA LNGA PA YANG, 'DIR BSTAN RLUNG YIN TE, RGYUD PHYI MA LAS, RIN CHEN KHA DOG RNAM PA LNGA, ,SROG DANG RTZOL BZHES BYAR

, ,BSHAD, ,CES GSUNGS PA'I PHYIR, DE LA RIN CHEN ZHES BRJOD PA'I RGYU MTSAN YOD DE, RANG 'BRAS RDZOGS PA'I SANGS RGYAS KYI RIN PO CHE BSKYED PA'I RGYU MTSAN GYIS YIN PA'I PHYIR, KHA DOG LNGA NI, 'BYUNG BA LNGA DANG, MGON PO LNGA'I MDANGS DANG LDAN PA'I SGO NAS YUNGS KAR GYI 'BRU TSAD TZAM STE, RLUNG GI DE NYID YI GE GSUM DANG DBYER MED DU, SNA YI RTZE MO'I LAM NAS NAN TAN DU BSGOM PAR BYA BA YIN PA'I PHYIR, CI 'DRA ZHIG GIS BSGOM PA YANG BZHAG TU YOD DE, RNAL 'BYOR BA RLUNG GI DE NYID DANG SNGAGS KYI DE NYID RIG PAS RTAG TU STE RGYUN DU BSGOM PAR BYA BA YIN PA'I PHYIR RO, ,GNYIS PA DE'I DON BSHAD RGYUD KYIS BSTAN TSUL LA GSUM, LHA MO BZHIS ZHUS KYIS NGES PAR BSTAN PA, RGYUD PHYI MAS GSAL BAR BSTAN PA, RDO RJE PHRENG BAS SO SOR NGES PAR BSTAN PA'O, ,DANG PO NI, SNGAR DRANGS PA'I RTZA RGYUD KYI LUNG, RDO RJE LTAR DBYE DKA' BA'I RDO RJE'I TSIG 'DI NGES PAR BSTAN PA NI LHA MO BZHIS ZHUS PA ZHES BYA BA'I 'DUS PA'I BSHAD RGYUD DU GSUNGS SO ZHES MTSAMS SBYAR RO, ,JI LTAR NA, SNYING PO LAS NI SNYING PO MCHOG ,SANGS RGYAS KUN GYI GSANG BA NI, ,GANG DE THAMS CAD BDAG NYID GNAS, ,DE NI LHA MO BSHAD PAR BYA, ,YE SHES LNGA YI DNGOS DE NYID, ,YUNGS KAR GYI NI 'BRU TSAD TZAM, ,DE YI DBUS NA GNAS PA'I LHA, ,MI GSAL GSAL BA'I BDAG NYID CAN, ,ZHES GSUNGS PA DANG, ZHES PA 'DI BYUNG, DON NI STON

PAS LHA MO ZHES BOS NAS, SANGS RGYAS KUN GYIS SNOD MIN LA GSANG BA'I LAM DE NI NGA YIS RAB TU BSHAD PAR BYA'O, ,DE JI 'DRA NA, SNYING PO NI LHAN CIG SKYES PA 'OD GSAL DU 'JUG PA'I THABS DANG, DE LAS KYANG SNYING POR GYUR PA MCHOG NI, RLUNG 'GRO 'ONG GI BZLAS PA'O, ,DE 'DRA BA'I ZLAS PA GANG YIN PA DE NI LUS CAN THAMS CAD LA BDAG NYID, RANG BZHIN GYIS GNAS PA YIN TE, RDO RJE PHRENG BA LAS, GANG YANG KHAMS GSUM SEMS CAN RNAMS, ,SROG DANG RTZOL BA LA BRTEN NAS, ,GSANG SNGAGS RGYAL PO ZLOS BZHIN DU, ,MI SHES BSAM GTAN KLOG PA SPANG, ,ZHES GSUNGS PA'I PHYIR, YUNGS KAR GYI NI 'BRU TSAD TZAM, ,ZHES PAS RTZA RGYUD DU YUNGS KAR GYI SGRAS BSTAN PA DE BSHAD BYAR BKOD PA YIN LA, YUNGS KAR GYI 'BRU TSAD TZAM DE NI YE SHES LNGA'I DNGOS PO STE NGO BO NYID DO, ,'O NA YUNGS KAR GYI DON YE SHES LNGAR GSUNGS PA RLUNG LA JI LTAR GO ZHE NA, RIN CHEN KHA DOG SNA LNGA PA BSGOM PAR GSUNGS PA DE SNYING PO LAS SNYING PO MCHOG TU GSUNGS PAS, RDZOGS RIM YIN LA, RIN CHEN KHA DOG SNA LNGA PA ZHES PA YE SHES LNGA'I NGO BOR GO ZHING, DE YANG RANG BZHIN GYIS SEMS CAN KUN LA GNAS PA DANG, SNA'I RTZE MOR BSGOM PAR GSUNGS PAS, RLUNG 'OD ZER LNGA'I 'BYUNG 'JUG BSGOM PA YUNGS KAR GYI DON DU SHES, DE LTAR SHES PAS, RLUNG 'OD ZER LNGA PO YE SHES LNGAR BSHAD PA NA RIGS LNGAR NGES LA, RIGS LNGA'I DBUS NA GNAS PA'I LHA MI BSKYOD PA YIN CING, MI BSKYOD

, ,PA'I NGO BO'I RLUNG SROG 'DZIN DANG, DE YANG GSAL BA'I BDAG NYID NI, DES RAGS PA'I SROG RLUNG KUN LA DBANG BYED PA YIN LA, MI GSAL BA NI, SROG 'DZIN SHIN TU PHRA BA, MI BSHIG PA'I THIG LE YIN PAS, RGYUD DE DAG GIS, RLUNG GI 'GRO 'ONG GI BZLAS PA DE, 'OD GSAL LHAN CIG SKYES PA 'CHAR BA'I THABS BLA NA MED PA DANG, RLUNG GI GTZO BO SROG RLUNG MI BSHIG PA'I THIG LE YIN PAR GSUNGS PAS, RTZA RLUNG THIG LE'I GDAMS PA RNAMS KYI SNYING PO LAS KYANG SNYING PO MCHOG RDOR BZLAS DANG, DE'I GNAD MTHAR THUG PA SNYING GAR YOD PA SHES PAR BYA'O, ,GNYIS PA NI, GSANG BA 'DUS PA'I RGYUD PHYI MA LAS KYANG, RTZA RGYUD DU RIN CHEN KHA DOG SNA LNGA PA YUNGS KAR GYI 'BRU TSAD TZAM BSGOM PAR GSUNGS PA'I DON, RLUNG 'GRO 'ONG GI RDOR BZLAS YIN PA'I DON 'DI NYID GSAL BAR GSUNGS TE ZHES SPREL LO, ,YE SHES LNGA YI RANG BZHIN DBUGS, ,'BYUNG BA LNGA YI NGO BO NYID, ,GONG BU'I GZUGS KYIS PHYUNG NAS NI, , SNA YI RTZE MOR RAB TU BRTAG ,RIN CHEN KHA DOG SNA LNGA PA, ,SROG DANG RTZOL BA ZHES BYAR BSHAD, ,RANG SNGAGS SNYING GAR BSAMS NAS NI, ,SROG NI THIG LER GNAS PAR BZHAG ,CES GSUNGS PA DANG, ZHES PA BYUNG, DE YANG DE BZHIN GSHEGS PA LNGA'I BDAG NYID DAM, ME LONG LTA BU LA SOGS PA YE SHES LNGA'I RANG BZHIN GYI DBUGS TE, SNA SGO GA-YAS NAS ME, GA-YON NAS RLUNG, ,GNYIS KA NAS SA DANG CHU DANG NAM MKHA' STE 'BYUNG BA LNGA'I NGO BO NYID DE DE

NYID GONG BU'I GZUGS KYIS RANG GI RDO RJE'I BU GA NAS PHYUNG NAS, RIG MA'I PADMA'I SNA RTZER THIG LE'I GZUGS KYIS BRTAG PA STE BSGOM PAR BYA'O, ,RIN CHEN KHA DOG SNA LNGA PA, ,ZHES PA NI, RTZA RGYUD BSHAD BYAR BKOD PA YIN LA, DE'I DON NI; SROG DANG RTZOL BA ZHES BYA BAR RGYUD PHYI MA 'DIR BSHAD CING, STENG GI SNA SGOR 'GRO BA'I RLUNG KHA DOG SNA LNGA YANG BSTAN TE, RANG SNGAGS NI 'JUG GNAS LDANG GSUM SNGAGS GSUM GYI NGO BOR SBYOR ZHING BZLA BA'O, ,DE LTAR BZLAS PA'I MTHAR RANG GI SNYING GA'I PADMA LA AA THUNG BSAMS NAS NI, MI BSHIG PA'I THIG LE DER SROG STE RLUNG RNAMS PHYIR MI RGYU BAR BZHAG GO ,'DIS RTZA RGYUD KYI SNA YI RTZE MO ZHES PA'I DON, SNA RTZE GSUM DANG THIG LE GSUM GYI SROG RTZOL BSTAN PA YIN NO, ,GSUM PA NI, BSHAD RGYUD SNGA MA GNYIS KYIS BSTAN PAR MA ZAD, SLAR YANG RLUNG 'GRO 'ONG GI BZLAS PA 'DI NYID, DKYIL 'KHOR RNAMS KYIS SO SOR NGES PAR BSTAN PA NI, RDO RJE PHRENG BA ZHES BYA BA'I BSHAD PA'I RGYUD LAS GSUNGS SO, ZHES MTSAMS SBYAR RO, ,JI LTAR NA, 'DI LA BZHI, MDOR BSTAN PA, RGYAS PAR BSHAD PA, DON BSDU BA, DE RTOGS DKA' BAR BSTAN PA'O, ,DANG PO STON PA LA, SNA RTZER YUNGS KAR ZHES BYA BA, ,SROG DANG RTZOL BA'I BRTAG PA STE, ,SROG DANG RTZOL BA LA GNAS PA, ,'OD LNGA SANGS RGYAS RNAMS SU BSGOM, ,STENG GI SNA LAS NGES 'BYUNG BA, ,GA-YON DANG GA-YAS DANG GNYIS KA DANG, ,DAL BAR RGYUD PA RNAM BZHIR 'GYUR, ,NANG GI DUS NI YIN PAR BSHAD, ,

, ,LKOG MA SNYING GA LTE BA DANG, ,GSANG BA'I PADMAR 'GRO 'ONG STON, ,THUN BYED KYI NI DUS DAG TU, ,GO RIM JI BZHIN GNAS PAR BSTAN, ,ZHES 'BYUNG, RTZA RGYUD LAS, SNA YI RTZE MOR YUNGS KAR BSAM, ,ZHES BYA BA DE NI, SROG STE DBUGS, RTZOL BA STE RING DU SPRO BA'I BRTAG PA ZHES PA STE MTSON BYED YIN NO, ,SROG GI RTZOL BA'AM, SROG DANG RTZOL BA DE NYID LA SANGS RGYAS LNGA'I 'OD ZER LNGA RNAM PAR GNAS SO, ,'OD LNGA SANGS RGYAS RNAMS SU BSGOM, ,ZHES PA LTAR NA RLUNG 'OD ZER LNGA SANGS RGYAS LNGAR SHES PAR BYA BA'I DON TE, RDO RJE PHRENG BA LAS, SNA YI RTZE MO DE NYID MCHOG ,RLUNG LNGA YI NI RANG NGO BO, ,RLUNG GI THIG LE ZHES NI BSHAD, ,CES GSUNGS PA'I PHYIR, SNA RTZER ZHES PA SNA RTZE GSUM LAS GANG ZHE NA, STENG GI SNA LAS NGES PAR 'BYUNG BA YIN LA, 'BYUNG TSUL RNAM PA BZHIR 'GYUR TE, JI LTAR NA, SNA BUG GA-YON PA DANG GA-YAS PA GNYIS RE RE DANG, GNYIS KA NAS DUS MNYAM DU DRAG PAR RGYU BA DANG, DAL BAR RGYU BA GNYIS DANG RNAM PA BZHIR RGYU BA YIN PA'I PHYIR, RGYU TSUL BZHI PO DE GANG GI DUS SU YIN PAR RGYUD 'DIR BSHAD PA'I RGYU MTSAN YOD DE, NYIN ZHAG GCIG GI DUS CHU TSOD LA SOGS PAS 'DZIN PA'I DOD, NANG DU DBUGS RGYU BA'I GRANGS KYIS 'DZIN NUS PA SHES PA'I CHED DU YIN PA'I PHYIR, 'O NA SNA BUG NAS RGYU BA'I RLUNG BZHI PO DE GNAS CI 'DRA ZHIG NAS 'GRO 'ONG BYED PA YIN ZHE NA, DE YANG BZHAG TU YOD DE, SNA BUG GA-YAS NAS RGYU BA NI, LKOG MA STE MGRIN PA'I

PADMA DANG, GNYIS KA NAS DAL BAR RGYU BA NI SNYING GA'I DANG, SNA BUG GA-YON NAS RGYU BA NI LTE BA'I DANG, GNYIS KA NAS DRAG PAR RGYU BA NI GSANG BA'I PADMAR 'GRO 'ONG STON PA STE BYED PA YIN PA'I PHYIR, 'DIS NI RLUNG DE DAG GI SDOD SA'I GNAS TZAM STON PA YIN NO, ,RLUNG BZHI PO DE RGYU BA'I RIM PA 'OG NAS 'CHAD PA'I GO RIM BZHIN DU RE RE NAS RGYU BA'I TSE, YUN JI TZAM DU GNAS PA'I TSUL YANG YOD DE, THUN PHYED PHYED KYI DUS DAG TU GNAS NAS RGYU BA YIN PA'I PHYIR, DE YANG RGYUD 'DI DANG; GDAN BZHI, RDO RJE MKHA' 'GRO RNAMS SU, NYIN ZHAG GCIG LA CHU TSOD DANG, DBYU GU DRUG CUR BSHAD CING, BDE DGYES GNYIS SU NYIN GCIG LA CHU TSOD SO GNYIS, DBYU GU RE BZHI DANG 'PHO BA BCU DRUG TU BSHAD PAS MI 'DRA'O, ,DGONGS PA LUNG STON GYIS DKYIL 'KHOR BZHI PO RE RE'I RLUNG RGYU BA'I YUN TSAD RLUNG DGU BRGYAR BYAS NAS ZHAG GCIG LA DGU BRGYA PA TSAN PA NYER BZHIR BSHAD LA, THUN PHYED NI RLUNG DGU BRGYA RGYU BA'I YUN YIN CING, GNYIS MED RNAM RGYAL DU'ANG DKYIL 'KHOR RE THUN PHYED DU GNAS PAR GSUNGS PA DANG 'DIR DRANGS PA RNAMS BSTUN DGOS PAS, ZHAG GCIG LA THUN PHYED PA NYER BZHI, THUN BCU GNYIS YOD PAR BYED DGOS SO, ,'O NA RDO RJE PHRENG BAR NYIN ZHAG GCIG LA THUN BRGYAD DU BSHAD PA DANG 'GAL LO ZHE NA, SKYON MED DE, DE NI THUN TSAD BRGYAD DANG, NANG GI SNYING GA'I RTZA BRGYAD SBYAR BA'I DBANG DU BYAS LA, THUN PHYED PA NYER BZHIR BYED PA NI, DKYIL 'KHOR RE RE'I RLUNG GI RGYU

, ,BA'I TSAD KYI DBANG DU BYAS PA YIN PA'I PHYIR, RLUNG GI 'PHO TSUL 'DI LA YANG, RTZA 'DAB GCIG NAS GCIG DANG RLUNG GCIG NAS GCIG DANG, SNA BUG GCIG NAS GCIG TU 'PHO BA GSUM YOD PA'I, DANG PO NI, ZHAG GCIG LA RLUNG NYI KHRI CHIG STONG DRUG BRGYA RGYU BA LA, LTE BA'I 'DAB MA RE LA RGYU BA'I DBANG DU BYAS NA, DBUGS SUM BRGYA DANG SO PHYED DANG BRGYAD, 'DAB MA GCIG LA RGYUS ZIN PA'I 'OG TU, GNYIS PA SOGS SU 'PHOS NAS DE BZHIN DU RIM PA BZHIN RGYU'O, ,DE'I TSE SPYI BO MGRIN PA SNYING GA'I RTZA 'DAB RE RE LA LTE BA SOGS SNGA MA SNGA MA'I RTZA 'DAB RE LA RGYU BA NYIS 'GYUR NYIS 'GYUR RGYU BAR BSHAD DO, ,DE LTAR RTZA 'DAB GCIG NAS GCIG TU 'PHOS KYANG, RLUNG GI DKYIL 'KHOR CHE CHUNG BZHI DANG, SNA BUG GA-YAS GA-YON GCIG NAS GCIG TU 'PHO BA'I NGES PA MED DO, ,GNYIS PA NI, DPER NA SNA BUG GA-YAS NAS 'BYUNG BA CHE BA'I ME RLUNG RGYU BA'I TSE, THOG MAR NYIS BRGYA NYER LNGA ME'I ME, DE RDZOGS NAS ME'I RLUNG DU 'PHO STE, GRANGS SNGAR BZHIN, DE BZHIN DU ME'I SA, DE NAS ME'I CHU YANG GRANGS DE BZHIN RGYU BA NI 'BYUNG BA CHUNG BA'I DKYIL 'KHOR GCIG NAS GCIG TU 'PHO BA YIN PAS ME RLUNG DGU BRGYA PA PHRAG GCIG GO ,DE RDZOGS NAS SNA BUG GA-YON PA'I RLUNG GI DKYIL 'KHOR RGYU BA NI, 'BYUNG BA CHE BA'I DKYIL 'KHOR GCIG NAS GCIG TU 'PHO BA STE, 'DI LA DKYIL 'KHOR DANG SNA BUG GI 'PHO BA DUS MNYAM DU 'BYUNG NGO, ,DE YANG 'BYUNG CHUNG GI 'PHO 'TSAMS NI

THOG MAR RLUNG GI RLUNG ZHES SOGS SNGAR LTAR SBYAR, DE NAS SNA BUG GNYIS KA NAS THAD SOR DRAG TU DGU BRGYA PA PHRAG GCIG RGYU BA'I DUS SU, THOG MAR SA'I SA SPYAN MA'I RLUNG NYIS BRGYA NYER LNGA SOGS RGYUS NAS 'BYUNG CHUNG GI 'PHO BA RIM BZHIN SHES PAR BYA'O, ,DKYIL 'KHOR TSE BA'I DRAG POR RGYU BA RDZOGS MA THAG TU SNA BUG GNYIS KA NAS, CHU RLUNG DAL BAR DGU BRGYA PA PHRAG GCIG RGYU STE DKYIL 'KHOR CHE BA GCIG NAS GCIG TU 'PHO BA YIN YANG, 'DI LA SNA BUG GI 'PHO BA MED DO, SNGA MA BZHIN DU SNA BUG GNYIS KA NAS RGYU BA'I PHYIR RO, ,DES NA 'DUS PA'I RGYUD RNAMS SU, DKYIL 'KHOR BZHI PO RE RE RGYU BA'I YUN TSAD THUN PHYED PAR 'DRA BA DANG, BZHI RGYA'O, ,'DI LA SNA BUG GA-YAS GA-YON RES 'JOG TU 'PHO BA BZHI RGYA'O, ,'DI LA SNA BUG GA-YAS GA-YON RES 'JOG TU 'PHO BA BCU GNYIS DANG, GNYIS KA MNYAM RGYU BCU GNYIS SU 'GYUR ZHING, DKYIL 'KHOR GYI 'PHO BA NYER BZHI'O, ,GNYIS PA STON PA LA, GA-YAS PA NAS NI 'BYUNG BA'I KHAMS, ,ME YI DKYIL 'KHOR NYID YIN TE, ,KHA DOG DMAR ZHING GSAL PA 'DI, ,PADMA'I MGON PO'I RGYU BA'O, ,GA-YON PA NAS NI 'BYUNG BA'I KHAMS, ,RLUNG GI DKYIL 'KHOR ZHES BYA BA, ,LJANG SER DAG TU SNANG BAS STE, ,LAS KYI MGON PO'I RGYU BA'O, ,GNYIS KA LAM NI 'BYUNG BA'I KHAMS, ,GSER GYI MDOG TU SNANG BA STE, ,DBANG CHEN GYI NI DKYIL 'KHOR NYID, ,RIN CHEN MGON PO'I RGYU BA'O, ,DAL ZHING RGYU BA MED PA'I KHAMS, ,DAG CING SHEL LTAR SNANG BA NI, ,

, ,CHU YI DKYIL 'KHOR NYID YIN TE, ,RDO RJE'I MGON PO'I RGYU BA'O, ,LUS KUN LA NI GNAS PA'I RLUNG, ,BYA BA KUN LA 'JUG PA PO, ,'DI NI RNAM SNANG NGO BO STE, ,'CHI BA'I LUS LAS 'BYUNG BAR 'GYUR, ZHES GSUNGS DON NI, SNA GA-YAS PA NAS 'BYUNG ZHING RGYU BA'I RLUNG GI KHAMS NI, PADMA'I RIGS KYI GTZO BOR GYUR PA'I MGON PO 'OD DPAG MED KYI RGYU BA YIN TE, ME YI DKYIL 'KHOR KHA DOG DMAR ZHING GSAL BA NYID YIN PA'I PHYIR, TA TH'A GA TA RAKshI TAS, DON GRUB KYI RLUNG DANG PHOR BSHAD DGOS KYANG, 'OD DPAG MED KYI RLUNG DANG POR BSHAD PA NI, 'OD DPAG MED GSUNG RDO RJE YIN LA, RLUNG YANG DE DANG MTHUN CING, DANG POR BSGOM PA'I DUS KYANG DE NAS BSGOMS PAS DANG POR 'CHAD CES 'BYUNG YANG, SNGON DU YANG GA-YON DANG PO DANG, SBYOD BSDUS LAS KYANG GA-YON DANG POR BSHAD PAS MA NGES SO, ,'ON KYANG LUNG STON DU ME RLUNG SNGON DU BSHAD NAS, DE 'DRA BA NYER BZHI RIM GYIS 'BYUNG BA'I NYI KHRI CHIG STONG DRUG BRGYA RGYU BAR BSHAD PAS, NYIN GCIG GI THOG MAR ME RLUNG, THA MAR CHU RLUNG GIS BSDUD PA YIN NO, ,SNA GA-YON PA NAS NI 'BYUNG ZHING RGYU BA'I KHAMS NI, LAS KYI RIGS KYI MGON PO STE GTZO BO DON YOD GRUB PA'I RGYU BA YIN TE, MING RLUNG GI DKYIL 'KHOR ZHES BYA BA, KHA DOG LJANG SER DAG TU SNANG BA'I NGO BO NYID, 'OD ZER NAG PO CAN YIN PA'I PHYIR, SNA'I BU GA GNYIS KA LAS NI 'BYUNG BA'I KHAMS NI, RIN PO CHE'I RIGS KYI MGON

PO RIN 'BYUNG GI RGYU BA YIN TE, DBANG CHEN SA'I DKYIL 'KHOR GSER GYI MDOG TU SNANG BA'I 'OD ZER SER PO'I NGO BO NYID YIN PA'I PHYIR, DAL ZHING RGYU BA MED PA STE RGYU BA BUL BA'I RLUNG GI KHAMS NI, RDO RJE'I RIGS KYI MGON PO MI BSKYOD PA'I RGYU BA YIN TE, GSAL BA'I RANG BZHIN CHU'I DKYIL 'KHOR DAG PA'I SHEL LTAR SNANG BA'I 'OD ZER DKAR PO'I NGO BO NYID YIN PA'I PHYIR, LUS KYI TSIGS KUN LA KHYAB CING, RDO RJE PHRENG BA LAS, KHYAB DANG 'DZIN PA NYID DANG NI, , 'GRO DANG DE BZHIN LDOG PA SOGS, ,TSIGS RNAMS KUN TU KHYAB PA'I PHYIR, ,KHYAB BYED CES NI BYA BAR BSHAD, ,CES GSUNGS PA'I BYA BA KUN LA 'JUG PA PO STE, 'JUG CING MI 'BYUNG LA KHYAB PA'I 'OD ZER CAN NI, RNAM SNANG STE NAM MKHA' DANG MA NYAM PA'I NGO BO NYID YIN TE, GZUGS PHUNG LA TSOR BA SOGS BRTEN PA LTAR, NANG GI KHAMS BZHI LA KHYAB CING, DE'I RTEN DU GYUR BA YIN PA'I PHYIR, DE LTA NA'ANG 'CHI BA'I DUS MA GTOGS LUS LAS PHYIR MI 'BYUNG NGO, ,DKYIL 'KHOR BZHI'I RLUNG RTZA GSUM GANG NAS RGYU BA'I TSUL YANG YOD DE, SROG THUR GNYIS RO RKYANG GNYIS KA DANG, GYEN RGYU DANG MNYAM GNAS RO RKYANG RE RE NAS RIM BZHIN RGYU'O, ,SROG 'DZIN SHIN TU PHRA BA NI, SNYING GA'I RTZA 'KHOR DBUS NA GNAS KYANG, DA LTA 'GRO 'ONG BYED PA'I SROG 'DZIN NI SNYING GA'I RTZA MDUD KYI GONG DANG, THUR SEL SNYING GA'I RTZA MDUD KYI 'OG MAN GYI RTZA LA GNAS PAS, STENG 'OG YANG DAG BRTEN NAS NI, ,SROG DANG THUR SEL RGYU BAR BYED, ,

, ,CES GSUNGS SO, ,GSUM PA NI, RLUNG GI DE NYID GSAL BA NI, ,YE SHES LNGA YI NGO BO NYID, ,CES GSUNGS SNGAR BSHAD PA LTAR RLUNG GI DE KHO NA NYID GSAL BAR BSHAD PA 'DI NI CHOS CAN, YE SHES LNGA'I DE KHO NA NYID DE DANG SBYAR NAS BSHAD PA YIN TE, RLUNG LA DE BZHIN GSHEGS PA LNGA DANG SBYAR BA LAS DPAGS TE SHES PAR BYA BA YIN PA'I PHYIR, BZHI PA NI, RNAL 'BYOR BYIS PA'I YUL MIN CING, ,RTOG GE PA YIS MI SHES SO, , CES GSUNGS, DE 'DRA BA'I RLUNG GI RNAL 'BYOR 'DI NI RTOGS PAR SHIN TU DKA' STE, RTZA RLUNG GI DE KHO NA NYID STON PA'I MAN NGAG DANG BRAL BA'I RTOG GE PA YIS MI SHES SHING ,DER MA ZAD BYIS PA STE LAS DANG PO PA BSKYED RIM PA RNAMS KYIS KYANG RGYUD LA MNGON DU BYAS PA'I TSUL GYIS SPYOD YUL MA YIN PA'I PHYIR RO, ,GNYIS PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO LA, THOG MAR MTSAMS SBYAR BA NI, DE LTAR RLUNG GI DE KHO NA NYID BSTAN NAS DA NI SNGAGS KYI DE KHO NA NYID BSTAN PA'I TSIG RTZA BA'I RGYUD LA 'JUG PAR BYA STE, ZHES SO, ,DON NI, DE LTAR RLUNG GI DE KHO NA NYID BSTAN ZIN NAS, DA NI SKABS SU BAB PA SNGAGS KYI DE KHO NA NYID MI GSAL BAR BSTAN PA'I TSIG 'DUS PA'I RTZA BA'I RGYUD LA 'JUG PAR BYA STE, DE LTAR MTSAMS SBYAR NAS, DNGOS GZHI STON PA LA, DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA SNGAGS THAMS CAD KYI SNYING PO KUN TU SKUL BAR BYED PA ZHES BYA BA,

MCHOG TU GSANG BA NYID KYI SKU DANG GSUNG DANG THUGS RDO RJE LAS TSIG GI LA MA NGES PAR BRJOD PAS SNGAGS BSDUS PA 'DI LTA BU GSUNGS SO, ,AOm A'A: H'Um, DON RTOGS PA'I BZLAS PA NI, ,NGO BO NYID MED BZANG PO YI, ,DUS GSUM SANGS RGYAS KYIS BRTAGS PA, ,RDO RJE'I BZLAS PAR DE BSHAD DO, ,SLONG MO ZA ZHING MI BZLA STE, ,MA BSLANGS PA LA'ANG CHAGS MI BYA, ,'DOD PA KUN LA LONGS SPYOD CING, ,SNGAGS KYI YAN LAG MA NYAMS BZLAS, ,CES GSUNGS SO, ,DE YANG LE'U BCU PA LAS GSUNGS SO, ,GANG NA SNGAGS KUN BSDUS PA 'DI LTA BU, AOm A'A: H'Um, ZHES BYA BA GSUNGS SO, ,'DI GSUM GYIS SNGAGS KUN BSDUS PAR 'GRO TSUL YANG YOD DE, SPYOD BSDUS LAS, DE LA SPRUL LA SOGS PA'I SNGAGS RNAMS NI A'A LI K'A LI LAS YANG DAG PAR 'BYUNG BA RNAMS SO, ,DE RNAMS KYI DE KHO NA NYID NI, MI BSHIG PA LAS 'BYUNG BA'I YI GE GSUM STE, GANG GI PHYIR SNGAGS THAMS CAD NI, BUD MED DANG SKYES PA DANG MA NING GI NGO BO NYID MAN NGAG JI LTAR THOB PAS YI GE GSUM LA RAB TU 'JUG GO ,DES NA YI GE GSUM NI SNGAGS THAMS CAD KYI BDAG PO'O, ,ZHES SPRUL LA SOGS PA'I SNGAGS THAMS CAD NI BUD MED DANG, SKYES PA DANG, MA NING GI NGO BO NYID KYI YI GE GSUM LA 'JUG PA NI SNGAGS THAMS CAD BSDUS PA'I DON YIN PA'I PHYIR, 'DI YANG SPYOD BSDUS LAS, A'A LI K'A LI RNAMS KYIS, BUD MED DANG SKYES PA DANG, MA NING GI TSUL GYIS YI

, ,GE GSUM BSKYED LA, ZHES PA TZAM MA GTOGS, 'PHAGS PA YAB SRAS LNGA PO GANG GI GZHUNG DU'ANG, DBYANGS GSAL GYI SNGAGS KYIS BUD MED DANG SKYES PA DANG, MA NING GI TSUL GYIS YI GE GSUM BSKYED TSUL MA BYUNG NGO, ,'DI LA KHA CHE LAKMIS, BUD MED LA SOGS PA'I RTAGS SGRA PA SOGS KYIS BYAS PA NI 'KHRUL PA CAN YIN PAS MI 'DOD PAS RANG LUGS KHYAB BYED BUD MED SHES RAB DANG, KHYAB BYA SKYES PA THABS SU 'JOG PA LAS, SKYES PA DANG BUD MED DU 'JOG PA'I RTAGS GZHAN MED DO, ,DE'I PHYIR CHOS NYID KHYAB BYED SHES RAB BUD MED DANG, CHOS CAN KHYAB BYA THABS SKYES PAR 'JOG PAS, A'A LI SHES RAB BUD MED DANG, K'A LI THABS SKYES PA'I NGO BO DANG, YA RA LA WA BZHI MA NING ZHES BYA'O, ,DES NA AA NAS BRTZAMS TE TSEG DRAG GO BAR DBYANGS KUN BSDUS PA YIN PAS, A'A: BUD MED DANG, KA NAS BRTZAMS TE HA'I BAR GO LDOG PA'I RIM PAS BSDUS PA H'Um NI SKYES PA DANG, YA RA LA WA'I MTHA' MA YIG AA DANG MTSAMS SBYAR ZHING, DE RNAMS KYANG SNA LAS BYUNG BA'I RJES SU 'BYUNG BA'I AOm ZHES PA MA NING NGO, ,ZHE DBYANGS GSAL GYI SNGAGS KYIS, SKYES PA BUD MED MA NING GI TSUL GYIS YI GE GSUM BSKYED TSUL BSHAD KYANG, RJE THAMS CAD MKHYEN PAS AOm SKYES PA, A'A: BUD MED, H'Um MA NING DU BSHAD DO, ,YI GE GSUM PO DES BYA BA CI ZHIG BYED PA YANG BZHAG TU YOD DE, YI GE GSUM PO DE NI DUS GSUM GYI SANGS RGYAS THAMS CAD KYI SKU

RNAM SNANG, GSUNG 'OD DPAG MED, THUGS MI BSKYOD PA GSUM GYI GSANG BA'I SNYING PO YIN PAS SNGAGS TE LHA THAMS CAD KYI SNYING PO BSKUL BA STE SAD PAR BYED CING, DGONGS PAR BYED PA YIN PA'I PHYIR, SNOD MIN LA MCHOG TU GSANG BA'I SNGAGS 'DI NYID GANG GIS GSUNGS PA YANG YOD DE, RDO RJE 'CHANG RANG NYID KYI SKU DANG GSUNG DANG THUGS RDO RJE LAS TSIG GI LAM STE ZHAL NAS NGES PAR BRJOD PA STE GSUNGS PA YIN PA'I PHYIR, RDO RJE'I TSIG 'DIS SNYING PO BSKUL TSUL GNYIS GSUNGS PA LAS 'DIR NI RDZOGS RIM PA'I DBANG DU BYA'O, ,LE'U BCU PA LAS GSUNGS PA'I SNGAGS KYI DE NYID NI, DON RTOGS PA YI BZLAS PA NI, ZHES SOGS RKANG PA BZHI'O, ,DE YANG DON RLUNG GSUM YI GE GSUM DU RTOGS PA'I BZLAS PA NI, DE GNYIS DBYER MED DU BGRANG BA DE RDO RJE'I BZLAS PAR BSHAD DO STE BSHAD PA YIN TE, DUS YI GE GSUM SANGS RGYAS KYIS BRTAGS PA STE, SANGS RGYAS LNGA'I NGO BOR BSHAD PA'I RLUNG LNGA DBYER MI PHYED PAR SBYAR NAS, NGO BO NYID MED PAR RTOGS PA BZANG PO YI, BZLAS PAR GSUNGS PA'I PHYIR, RTZA RGYUD LE'U BDUN PA LAS GSUNGS PA'I RLUNG DANG YI GE NGO BO THA DAD PA SLONG MO DANG, DE LTAR BZLA LA, SLONG MO ZA ZHING MI BZLA STE; ;THA DAD YI GE SLONG MO STE, ,DE 'DON PA NI ZA BA YIN, ,ZHES GSUNGS PA'I PHYIR, DER MA ZAD PA BSLANGS PA RLUNG DANG YI GE THA DAD DU MA BYAS PA LA'ANG CHAGS PA BDEN ZHEN MI BYA STE, THAMS CAD NGO BO NYID MED PA BZANG PO YIS,

, ,BZLA BA YIN PA'I PHYIR RO, ,RLUNG SNGAGS THA MI DAD DU BZLA BA'I TSE JI LTAR BYA BA YANG YOD DE, 'DOD YON KUN GYI RANG BZHIN SHES PAS LONGS SPYOD CING, SNGAGS RDO RJE'I BZLAS PA'I YAN LAG LHA'I RNAL 'BYOR MA NYAMS PAS BZLA BAR BYA BA YIN PA'I PHYIR, DE LTAR LHA THAMS CAD KYI THUGS BSKUL BA'I YI GE GSUM GYI BZLAS PA DANG, NGO BO NYID MED BZANG PO'I DUS GSUM SANGS RGYAS KYIS BRTAGS PA'I DON RTOGS PA'I BZLAS PA RDO RJE'I BZLAS PAR BSHAD PA DANG, SLONG BA LA CHAGS PA DANG, SLONG MO ZA ZHING MI BZLA BAR GSUNGS PA RNAMS KYIS NI NGES DON GYI SNGAGS KYI DE NYID RTOGS PAR BYA BA'I PHYIR BSHAD BYAR BKOD PA'O, ,GNYIS PA RGYAS PAR BSHAD PA LA BZHI, DGONGS PA LUNG STON GYIS NGES PAR BSTAN ZHING SO SOR NGES PAR BSTAN PA, RGYUD PHYI MAS NANG GI DUS GSAL BAR BSTAN PA, SLAR YANG DGONGS PA LUNG STON GYIS PHRA MO'I RNAL 'BYOR GSAL BAR BSTAN PA, GNYIS MED RNAM RGYAL GYIS KYANG SNGAGS KYI DE NYID BSTAN TSUL LO, ,DANG PO'I MTSAMS SBYAR DANG, BSHAD PA DNGOS GNYIS, DANG PO STON PA LA, BSHAD PA 'DI NYID YANG SLAR BSHAD PA, DGONGS PA LUNG STON PA'I RGYUD LAS GSUNGS PAS DE LA 'JUG PAR BYA STE, ZHES GSUNGS, DE YANG DE BZHIN GSHEGS PA ZHES PA NAS, SNGAGS KYI YAN LAG MA NYAMS BZLAS, ,CES MDOR BSTAN PA'I RTZA RGYUD KYI TSIG 'DI NYID KYI DON SLAR YANG BSHAD RGYUD

RNAMS KYIS RIM BZHIN 'CHAD PA LA, THOG MAR RTZA RGYUD KYI DON MDO TZAM STON PA'I NGES BSTAN DANG, DE RNAMS ZHIB TU PHYE NAS STON PA'I SO SOR NGES PAR BSTAN PA, DGONGS PA LUNG STON PA ZHES BYA BA'I RGYUD LAS GSUNGS PAS, DE LA 'JUG PAR BYA STE, ZHES SBYAR RO, ,GNYIS PA LA GNYIS, SDUD PA POS ZHUS PA DANG, STON PAS DE'I LAN BSTAN PA'O, ,DANG PO LA GNYIS, ZHU BA DNGOS DANG, DE LTAR ZHU DGOS PA'I RGYU MTSAN NO, ,DANG PO STON PA LA, DE NAS DPAL LDAN SNANG MDZAD CHE, ,KHYAB BDAG LA NI SLAR GSOL BA, ,SEMS CAN THAMS CAD BSKYED PA PO, ,SNA TSOGS GZUGS CAN SEMS 'DI NI, ,DE BAS DNGOS PO MED GYUR KYANG, ,SRID PA DAG TU RAB TU GRAGS, ,BYANG CHUB SEMS NI MKHA' MNYAM PA, ,LEGS PAR RJES SU MYONG MDZAD PA, ,'GRO BA'I DON NI MDZAD PA PO, ,SKYE BO MCHOG LA DE BSTAN GSOL, ,ZHES GSUNGS, DON NI, SLAR YANG GSOL BA STE GSOL LO ZHES DRANG, GANG LA NA, DPAL LDAN RNAM PAR SNANG MDZAD CHEN PO KHYAB BDAG RDO RJE 'CHANG LA NI'O, ,GANG GIS NA PHYAG NA RDO RJES SO, ,CI ZHIG GSOL BA'I TSUL YOD DE, SEMS CAN THAMS CAD BSKYED PA POR GYUR PA'I SNA TSOGS PA'I GZUGS CAN TE, RNAM PA CAN GYI SEMS 'DI NI BSTAN DU GSOL ZHES ZHUS PA YIN PA'I PHYIR, SEMS DE CI 'DRA ZHE NA, DE BZHIN GYIS GRUB PA'I DNGOS PO MED PAR GYUR KYANG, DE LA BRTEN NAS SRID PA ZHES BYA BA 'KHOR BA DAG TU SKYE BA'O, ,SEMS STON PAR

, ,ZHUS PA'I DON YANG YOD DE, NAM MKHA' DANG MNYAM PA STE, 'DRA BA'I 'OD GSAL BYANG CHUB KYI SEMS LEGS PAR TE, PHYIN CI MA LOG PAR RJES SU MYONG BAR MDZAD PA'I THABS GANG YIN PA DE STON CES ZHUS PA'I PHYIR, GANG GIS GANG LA STON PA'I TSUL YANG YOD DE, 'GRO BA'I DON NI MDZAD PA PO, ,STON PA RDO RJE 'CHANG GIS SKYE BO MCHOG RIN PO CHE LTA BU'I GANG ZAG DE LA YIN PA'I PHYIR, GNYIS PA ZHU DGOS PA'I RGYU MTSAN STON PA LA, BSGRUB PA YI NI THABS TZAM ZHIG ,SHES NAS RGYUD LA RGYAB KYIS PHYOGS, ,'DI LTAR BDAG NI SLOB DPON ZHES, ,MA 'ONGS PA NA SMRA BAR 'GYUR, ,BDAG GI TSIG NI 'DI NYID DAG ,YIN ZHES SMRA ZHING BYIS PA 'JIG ,DES NI DGONGS PAS BYANG CHUB SEMS, ,JI BZHIN DON DU MI SHES SO, ,ZHES GSUNGS, DE LTAR 'DRI DGOS PA'I RGYU MTSAN YOD DE, MA 'ONGS PA NA RIM PA DANG PO'I BSGRUB PA YI NI THABS KYI CHO GA TZAM ZHIG SHES NAS, RGYUD KYI NGES PA'I DON LA RGYAB KYIS PHYOGS PA RNAMS, 'DI LTAR BDAG NI RDO RJE SLOB DPON YIN PAS, BDAG GIS JI LTAR BSTAN PA'I CHOS 'DI KHO NA YIN GYI, 'DI LAS GZHAN NI MIN NO, ,ZHES SLOB MA LA SMRA BAR 'GYUR BA STE SMRAS NAS, DE KHO NA NYID RTOGS SU MI 'JUG PAR BYIS PA RNAMS 'JIG PA STE NYAMS PAR BYED PA'I PHYIR, KHYAB STE, DES NI DGONGS PAS BSHAD PA'I BYANG CHUB KYI SEMS 'OD GSAL

MNGON DU 'GYUR BA'I THABS NI JI LTA BA BZHIN GYI DON DU MI SHES PA'I PHYIR TE, BZLAS BYA'I SNGAGS THAMS CAD PHYI ROL GYI SNGAGS SU 'DZIN PA'I PHYIR RO, ,GNYIS PA LA GSUM, LAN MDOR BSTAN PA DANG, RGYAS PAR BSHAD PA DANG, DON BSDUS TE RDOR BZLAS SU 'GRO TSUL BSTAN PA'O, ,DANG PO STON PAR BYED PA LA, DE NAS BDAG PO BCOM LDAN 'DAS, ,RNAM PAR SNANG MDZAD THUB CHEN GYIS, ,LEGS CES LAN GSUM GSUNG MDZAD NAS, ,LAG NA RDO RJE LA 'DI GSUNG, MI RTOG DON GYI DE NYID NI, ,RAB TU PHYE NAS BSHAD PAR BYA, ,BRJOD DANG DMIGS PAR BCAS PA DANG, ,BRDAR GYUR DANG NI DON DAM MO, ,TSIG GIS BRJOD PA THUN MONG STE, ,DMIGS PAR BCAS PA SANGS RGYAS NYID, ,SNGAGS KYI DE NYID BRDA' RU BSHAD, ,DON DAM DE BZHIN NYID YIN NO, ,ZHES GSUNGS, DON NI, GSANG BDAG GIS ZHUS PA DE NAS, BDAG PO BCOM LDAN 'DAS RNAM PAR SNANG MDZAD THUB CHEN GYIS, LAN CI ZHIG MDZAD PA'I TSUL YOD DE, DE LTAR ZHUS PA LEGS SO ZHES LAN GSUM GSUNGS NAS, LAG NA RDO RJE LA 'CHAD 'GYUR MDOR BSTAN RGYAS BSHAD KYIS GSUNGS PA YIN PA'I PHYIR, JI LTAR 'CHAD PA'I TSUL YANG YOD DE, RNAM PAR MI RTOG PA'I DON GYI STE, DON NI RLUNG SEMS DBYER MED PA'I BYANG CHUB KYI SEMS YIN LA, DE NYID RAB TU DBYE NAS BSHAD PAR BYA BA YIN PA'I PHYIR, DBYE BA BYED TSUL YANG YOD DE, BRJOD PA DANG, DMIGS PAR BCAS PA DMIGS PA'AM DON

, ,DANG, BRDAR GYUR PA BRDA' DANG, DE KHO NA NYID DAM DON DAM PA'I SGO NAS 'CHAD PA'I PHYIR TE, BRJOD PA NI NGAG THAMS CAD LA THUN MONG DU YOD PA A'A LI K'A LI SOGS DRANG NGES KYI SNGAGS BTU BA'I GZHI DANG, DMIGS PAR BCAS PA'AM, SNGAGS KYI DON NI RNAM SNANG LA SOGS PA'I SANGS RGYAS TE YI GE GSUM GYIS BSKYED PAR BYED PA DANG, BRDA' NI SNGAGS KYI MING STE SPRUL LA SOGS PA DANG, SNGAGS KYI DON DAM PA NI, DE'I DE KHO NA NYID DE DE BZHIN NYID YIN NO, ,GNYIS PA LA GNYIS, SNGAGS KYI RTZA BA AA THUNG GI CHE BA DANG, SNGAGS BZHI BSHAD PA'O, ,DANG PO STON PA LA, DANG PO GCIG NI DGU DBUS NA, ,GANG ZHIG BCU YIS MA BCINGS PA, ,DE NI BCINGS MED CES BYA STE, ,DE SHES PA NI MCHOG GI GNAS, ,DBYANGS DANG GSAL BYED YI GE STE, ,GRANGS DGU YI NI RJES 'JUG PA, ,AAS BCINGS PHAN TSUN YANG DAG SBYOR, ,GANG GIS SHES DE 'GRO BA'I BLA, ,ZHES GSUNGS, DE YANG, DBYANGS BCU DRUG GI DANG PO YANG YIN LA, YI GE GCIG KYANG YIN PAS AA THUNG NGO, ,DE NI DBYANGS LA RING THUNG GI BRGYAD TSAN GNYIS SU PHYE BA DANG, GSAL BYED LA KA TZA tA TA PA'I SDE TSAN LNGA DANG, YA SDE DANG, DRO BA'I SDE TSAN TE, DGU PO DE'I DBUS NA GNAS TE, MED NA DE RNAMS LA SROG MED PAS BRJOD PAR MI NUS PA'I PHYIR, 'DI NI, DBYANGS DANG GSAL BYED YI GE STE, ,GRANGS DGU YI NI, ZHES PAS

GSAL BAR 'CHAD CING, RJES 'JUG PA ZHES AA THUNG, DE DAG GI SROG TU 'JUG PAR BSHAD PA YIN NO, ,AA THUNG DE NI GANG ZHIG SDE TSAN DGU AA YIG STE BCU YIS MA BCINGS KYANG, DES SDE TSAN GZHAN RNAMS BCINGS TE, AAS BCINGS PA'I DBYANGS GSAL PHAN TSUN YANG DAG PAR SBYOR BAR BYED PAS BSTAN BCOS CHEN PO'I BAR DU 'GRUB PA YIN PA'I PHYIR, DE 'DRA BA'I AA THUNG GANG GIS SHES PA DE NI, MCHOG GI GNAS SAM, 'GRO BA'I BLA MA STE GONG MA'I GNAS SU 'GYUR BA'I PHYIR, DE LTAR THUN MONG BA'I AA THUNG GI DON BSTAN NAS, THUN MONG MA YIN PA'I DON NI, MTSAN BRJOD LAS, AA NI YIG 'BRU KUN GYI MCHOG ,CES SOGS TSIG RKANG DRUG DANG, RDO RJE DKYIL 'KHOR RGYAN GYI RGYUD LAS KYANG, SNYING GI DBUS NA MI BSHIG PA, ,'BAR ZHING MAR ME DAG DANG MTSUNGS, ,MI 'GYUR MCHOG TU PHRA BA STE, ,AA NI GTZO BO DAM PA'O, ,ZHES GSAL BAR GSUNGS PA LTAR, SNGAGS KYI RTZA BAR BSTAN PA'I AA THUNG NI, SNYING GA'I 'KHOR LO'I DBUS KYI DH'U T'I'I NANG GI MI BSHIG PA'I THIG LE'O, ,DE NI GTZO BO DAM PA YIN TE, MI 'GYUR BA DANG, SHIN TU PHRA BA DANG, NANG GI DBYANGS GSAL GYI YIG 'BRU KUN GYI MCHOG DANG, DON CHEN PO CAN YIN PA'I PHYIR, KHONG NAS 'BYUNG BA SKYE BA MED, ,CES PA, CHAG GIS, SROG CHEN PO NI YI GE MED, ,CES BSGYUR BA LEGS PAS, MI BSHIG PA'I THIG LE'I RLUNG NI SROG GI RLUNG MCHOG YIN PA DANG,

, ,TSIG TU BRJOD PA SPANGS PA DAG MA YIN PA'O, ,BRJOD PA KUN GYI RGYU DANG TSIG KUN GSAL BAR BYED PA NI, DE NYID RLUNG RAGS PA RNAMS KYI RTZA BA'I RGYU YIN CING, DES RKYEN BYAS NAS NGAG TSIG RNAMS BSKYED PA'O, ,'O NA MTSON BYA DON GYI AA THUNG DANG SBYAR NAS 'CHAD TSUL CI ZHE NA, DE YANG YOD DE, LUS CHAGS PA'I DANG PO NAS BYUNG BA'I SROG 'DZIN PHRA BA LHAN SKYES KYI RLUNG SEMS GCIG NI, RTZA BA'I RLUNG LHAG MA BZHI DANG, YAN LAG GI RLUNG LNGA STE DGU'I DBUS NA DE RNAMS KYI RTZA BAR GNAS SO, ,DE LTAR GNAS KYANG SROG 'DZIN RAGS PA DANG BCAS PA'I RLUNG BCU YIS MA BCINGS TE, DES DE LA DBANG MA BYAS PA'I PHYIR, 'DI BZHIN 'CHAD PA'I RGYU MTSAN GYIS DBYANGS GSAL PHYI'I YI GE RNAMS KYANG RLUNG DANG RANG BZHIN GCIG YIN LA, AA DES GZHAN RNAMS BCINGS PA NI GZHAN RNAMS KYI RTZA BAR GNAS PA'I DON TE, DGONGS PA LUNG STON LAS, JI SRID 'JIG RTEN BTAGS PA DANG, ,DE BZHIN BTAGS PA SNA TSOGS RNAMS, ,RNAM RTOG BYANG CHUB SEMS ZHES PA'I, ,RLUNG LAS RTAG TU 'BYUNG BA YIN, ,ZHES GSUNGS PA'I PHYIR RO, ,GNYIS PA LA BZHI, SNGAGS BTU BA SNGAGS KYI DON, SNGAGS KYI BRDA', SNGAGS KYI DE KHO NA NYID DO, ,DANG PO STON PA LA, 'BYUNG BA'I MTHA' DANG YANG DAG LDAN, ,CHA LA SOGS PA BCU DRUG GNAS, ,LNGA PA LNGA DANG YANG DAG LDAN, ,BZHI

NI GSUM DU NGES PAR SBYAR, ,YI GE AAm BCAS RING POR BCAS, ,YON TAN SBYOR SOGS PHYIS DANG MTSUNGS, ,THUNG DU MA LUS DAG DU 'GYUR, ,GCIG MIN DU MA MA YIN NO, ,YI GE GANG ZHIG SNGAR BSHAD DANG, ,GANG YANG MNGON PAR PHYOGS PA RNAMS, ,BUD MED SKYES PA MA NING STE, ,KHAMS LA SOGS PAR RAB TU BRTAGS, ,'OG NAS STENG DU BCAS PAR NI, ,SHES NAS BLOS NI LEGS PAR SBYAR, ,BRJOD PA YI NI SNGAGS 'DI DAG ,DNGOS MED NGO BO LAS BYUNG BA'O, ,ZHES GSUNGS, DON NI, 'BYUNG BA'I MTHA' DANG YANG DAG LDAN NI 'BYUNG BA DANG, DRO BA'I SDE TSAN GNYIS KA'I MTHA' HA'O, ,CHA NI DBYANGS YIN LA, CHAG GIS CHA'I DANG PO ZHES BSGYUR BA SOGS KYI SKAD DOD DANG PO LA YANG 'JUG PAS LEGS LA, DE LTAR NA CHA DBYANGS KYI DANG PO AA'O, ,BCU DRUG GNAS NI, DBYANGS BCU DRUG GI GNAS THA MA AA: TSEG DRAG CAN TE, DE GNYIS MTSAMS SBYAR BAS, A'A: RING PO TSIG DRAG CAN, ,LNGA PA'I LNGA NI MA YIN LA, ,DE DANG YANG DAG LDAN PA NI, ,MA YIG THIG LER BYAS PA'I HA YIG GO ,BZHI NI GSUM STE BCU GNYIS NGES PAR SBYAR BA NI LHAN CIG PA YIN PAS, BCU GNYIS PO DANG LHAN CIG PO DBYANGS YIG BCU GSUM PA AO'O, ,DE NYID YI GE AAm BCAS TE AA THIG LE DANG LDAN PAR BYAS PAS AOm YIN NO, ,RING PO NI A'A YIG RING PO YIN LA, DE HA YIG BCAS PA H'Um NGO, ,DE LTAR BSDUS NAS, SLAR YANG NYE BAR BSDU BA NI, YON TAN NI SNYING STOBS RDUL MUN TE YI

, ,GE GSUM DANG, SBYOR BA DE GSUM DANG 'BREL BA PHYIS DANG MTSUNGS PA STE PHYIS PA BZHIN MI MNGON PA STE, SKU'I SA BON GSUNG DANG, DE THUGS KYI SA BON LA, DE'I SROG GI AA BYUNG, RIM GYIS AA LA THIM PAR BYAS BA'O, ,LAKMIS, AA THUNG DE THAMS CAD BSDUS PAS DU MA MIN LA, NGAG THAMS CAD 'BYUNG PAS GCIG KYANG MA YIN NO, ,ZHES 'CHAD DO, ,DE LTAR DBYANGS GSAL LAS YI GE GSUM BSDUS PA DE NYID BSHAD PA NI, YI GE GANG ZHIG SNGAR BSHAD DANG, ,GANG YANG MNGON PAR PHYOGS PA RNAMS, ,BUD MED SKYES PA MA NING STE, KHAMS LA SOGS PAR RAB TU BRTAGS, ,'OG NAS STENG DU BCAS PAR NI, ,SHES NAS BLOS NI LEGS PAR SBYAR, ,BRJOD PA YI NI SNGAGS 'DI DAG ,DNGOS MED NGO BO LAS BYUNG BA'O, ,ZHES BYA BA STE, DBYANGS GSAL GYI YI GE GANG ZHIG SNGAR BSHAD PA DANG, YI GE GANG YANG ZHI BA SOGS LA MNGON PAR PHYOGS PA STE, GTZO BOR GYUR BA DE RNAMS THAMS CAD NI, BUD MED DANG SKYES PA DANG, MA NING GI NGO BOR SHES PAR BYA ZHING, DE LTAR SHES PAR BYA BAR MDZAD, SKAD KYI KHAMS TE BYINGS DANG, PHYED TSIG DANG BYED PA PO LA SOGS PA NAS BRGYAD KHRI BZHI STONG GI BAR DU SNA TSOGS PA'I SKAD LA SOGS PA'I GZUGS SU RAB TU BRTAGS PA YIN NO, ,DE GSUM GYIS BYA BA JI LTAR BYED PA'I TSUL YANG YOD DE, AOm NI NANG DU 'JUG PAS 'OG NAS STENG DU 'GRO LA, H'Um NI PHYIR LDANG BAS STENG DANG BCAS

PAR NI AA: YIG MNYAM PAR GNAS PA YIN PA'I PHYIR, 'O NA RANG BZHIN GYIS RGYU ZHING GNAS PA LA, STENG 'OG LA SOGS PA'I DBYE BA CI DGOS CE NA, 'JUG LDANG SOGS RANG BZHIN GYIS RANG GI NGANG GIS GRUB KYANG, BYIS PA RNAMS KYIS MI SHES PAS, GNAS TSUL JI BZHIN DU SHES PAR BYAS TE, RLUNG SNGAGS DBYER MED DU BLO YIS NI LEGS PAR SBYAR NA, RNAL 'BYOR PA LA RANG BZHIN GSAL BAR BYED PA'I PHYIR RO, ,BRJOD PA YI, SNGAGS TE, SNGAR LTAR SNGAGS BTUS PA 'DI GANG LAS BYUNG BA'I TSUL YOD DE, DNGOS PO STE RANG BZHIN MED PA'I NGO BO 'OD GSAL LAS BYUNG BA'I PHYIR, 'DI LTA BU'I SNGAGS BTU NI, SNGAGS BTU GZHAN LAS MCHOG TU GYUR BA YIN TE, 'DI NI 'OD GSAL MI BSHIG PA'I THIG LE LAS BYUNG BA'I LDANG 'JUG GNAS GSUM RDO RJE GSUM GYI GDANGS SU SHAR BA SHES PA'I CHED YIN PA'I PHYIR, 'O NA DE TZAM ZHIG BSHAD PAS CHOG MOD, YI GE GSUM GYI SNGAGS BTU CI DGOS CE NA, DE LTAR BTUS PA LA DGOS PA YOD DE, BZLAS BYA'I SNGAGS THAMS CAD YI GE GSUM DU 'DUS PAR BSTAN PA'I SGO NAS BTU BA YIN LA, ,DES NI 'DI NYID BZLAS PAS SNGAGS JI SNYED GSUNGS PA THAMS CAD KYIS GANG BSGRUB PAR BYA BA'I DNGOS GRUB THAMS CAD 'GRUB PAR BYED PA'I CHED YIN PA'I PHYIR, GZHAN YANG DNGOS GRUB STER PA'I LHA THAMS CAD RIGS LNGAR 'DU ZHING, SNGAGS KYIS LHA RNAMS SPYAN 'DREN PA'AM 'BOD PA DANG, BZHUGS SU GSOL STE

, ,BOS NAS BYIN GYIS BRLAB PA DANG, GSHEGS SU GSOL BA STE, RANG RANG GI LAS LA BSKUL BA'I SNGAGS GSUM DU 'DU BAS, 'DIR YANG RLUNG 'OD ZER LNGA PA DBANG DU 'DUS NAS MCHOG STER ZHING, DE'I THABS LDANG 'JUG GNAS GSUM GYI SNGAGS BZLA BA NYID YIN PA'I PHYIR RO, ,GNYIS PA SNGAGS KYI DON NI, DE NI YONGS SU GYUR PA'I GZUGS, ,LHA RU NYE BAR MTSON PA GANG, ,ZHES GSUNGS, SNGAGS KYI DMIGS PA'AM SNGAGS KYI DON JI LTAR YIN PA'I TSUL YANG YOD DE, YI GE GSUM PO DE LAS SAM, DE NI YONGS SU GYUR PA'I LHA'I GZUGS SU NYE BAR DMIGS PA GANG YIN PA DE NI, SNGAGS KYI DON YIN PA'I PHYIR, YONGS SU GYUR LUGS NI, LAKMIS, AOm YIG YONGS SU GYUR PA LAS, RNAM SNANG DU BSKYED PA SOGS BSHAD PA NI BSKYED RIM DANG 'BREL YANG 'DIR NI RDZOGS RIM GTZO BO YIN PAS, YI GE GSUM GYI SNGAGS NI, LDANG 'JUG GNAS GSUM DANG BRAL NAS YE SHES GSUM DANG DBYER MI PHYED PA'I RLUNG LAS LHA RU STE LHA'I GZUGS SU DMIGS PA NI, RLUNG SEMS GNYIS PO DE LAS SGYU MA'I SKUR LANGS PA YIN TE, 'DI NYID DU, DE NYID RLUNG DANG YANG DAG LDAN, ,RNAM SHES GSUM PO SLAR YANG NI, ,RNAL 'BYOR PA YI LUS SU 'BYUNG, ,SGYU MA'I LUS CES DE LA BSHAD, ,CES GSUNGS PA LTAR RO, ,GSUM PA NI, BRDA' YIS DE NYID GSUM GNAS PA, ,RANG BZHIN

BZLAS PA'I MTSAN NYID DO, ,ZHES GSUNGS, DON NI, SNGAGS KYI BRDA' NI MING YIN TE, 'DI LTAR SBRUL LA SOGS PA'I SNGAGS KYI BRDA' NI BSKYED RIM PA'I BRDA' YIN LA, 'DIR NI SNGAGS KYI BRDA' YIS TE BRDA' NI RLUNG GI DE KHO NA NYID LDANG 'JUG GNAS GSUM DU GDOD MA NAS GNAS PA DE, RANG BZHIN GYI BZLAS PA'I MTSAN NYID DO STE MTSAN NYID CAN DU SHES PAR BYA BA YIN PA'I PHYIR RO, ,BZHI PA, SNGAGS KYI DE KHO NA NYID STON PA LA, AA YIS BSHAD PA'I YE SHES NI, ,SANGS RGYAS KYI NI SNYING POR 'GYUR, ZHES GSUNGS, SNGAGS KYI DE KHO NA NYID JI LTAR YIN PA'I TSUL YOD DE, SNGAR BSHAD PA LTAR AA THUNG GI YI GE BSHAD PA DES MTSON PA'I YE SHES NI, SANGS RGYAS KYI GTZO BO MI BSKYOD PA'I SNYING POR GYUR PA, SNGAGS KYI THIG LE YIN PA'I PHYIR, MI SHIGS PA'I THIG LE LA YE SHES ZHES PA NI RDO RJE PHRENG BA LAS, SNYING GI PADMA'I SBUBS MKHA' LA, ,YE SHES RDO RJE RTAG TU BZHUGS, ,CES PA DANG, SROG GI RLUNG NI MCHOG YIN NO, ,STONG NYID MING CAN YE SHES TE, ZHES DANG, SNYING GI DBUS NA BDE BA'I DNGOS, ,SANGS RGYAS NYI MA GSAL BA'I 'OD, ,CES GSUNGS SHING, SPYOD BSDUS LAS KYANG, MING MED BRJOD DU MED PA STE, ,BYANG CHUB SEMS MCHOG 'DI YIN NO, ,GSUM PO DE NYID GCIG GYUR PA, ,'GRO BA MED CING 'ONG BA MED, ,'GAG MED RAB TU ZHI BA STE, ,RTAG DANG CHAD PA RNAM SPANGS PA,

, ,DUS GSUM MKHYEN PAS MA BYAS PA'I, ,RTOGS PA NAM MKHA' DBYER MED MTSON, ,'DI NYID KHO NA DON DAM STE, ,ZHES SNGAR BSHAD PA'I LDANG 'JUG GNAS GSUM MI SHIGS PA'I THIG LE LA THIM NAS GCIG TU GYUR TE, 'GRO 'ONG SOGS SPROS PA MTHA' DAG SPANGS PA'I NAM MKHA' STE STONG BA NYID DUS GSUM MKHYEN PA'I RGYAL BA RNAMS KYIS KYANG MA BYAS PA DE DANG, RTOGS PA YUL CAN DBYER MED PAR RJES SU ZHUGS PA'I DON DAM SNGAGS KYI DE KHO NA NYID YIN PAR GSUNGS SO, ,GSUM PA DON BSDUS TE RDOR BZLAS SU 'GRO TSUL NI, H'Um GIS SEMS CAN YANG DAG SPRO, ,SANGS RGYAS THUGS SU RAB TU BRTAGS, ,AOm GYIS SEMS CAN YANG DAG BSDUD, ,SANGS RGYAS SKU RU RAB TU BRTAGS, ,A'A: SA NI GNAS PAR GYUR PA'O, ,'JUG PA NYID DANG GNAS PA DANG, ,LDANG BA YI NI RIM GYIS KYANG, ,SHES RAB THABS NI GZHIR GNAS TE, ,SNGAGS KYI YAN LAG MA NYAMS BZLAS, ,GOS DKAR LA SOGS BZLAS BSHAD PA, ,BRGYA PHRAG GNYIS DANG NYI SHU LNGA, ,BZHI PO LEGS PAR BSGROS NAS NI, ,SBYOR BZHI BSDUS PAS BRGYA PHRAG DGU ,DGU BRGYA DAG TU GANG BSTAN PA, ,NYI SHU RTZA BZHI'I RIM GYIS NI, ,DER NI SO SOR 'BYUNG BA LAS, ,NYI KHRI CHIG STONG DRUG BRGYA'O, ,ZHES GSUNGS, ,'DIR RDOR BZLAS LA RIM PA GNYIS LAS, DANG PO NI, H'Um YIG GIS SEMS CAN YANG DAG PAR SPRO BAR BYED CING,

DES SEMS CAN RNAMS SANGS RGYAS KYI THUGS SAM GZUGS SU BYAS PAR RAB TU BRTAGS TE BSGOM MO, ,AOm GYIS NI SEMS CAN SANGS RGYAS KYI SKU RU RAB TU BRTAGS TE BSGOM PAR BYAS PA RNAMS RANG LA NANG DU YANG DAG PAR BSDU BA DANG, YI GE A'A: YIS MI GNAS SU GNAS PAR BYED PA NI BSKYED RIM PAS BSGOM PA'O, ,'DIR NI AOm GYIS RLUNG NANG DU 'JUG PA NYID DANG, A'A: SA NANG DU GNAS PA DANG, H'Um YIG GIS PHYIR LDANG BA'I RIM GYIS KYANG, SHES RAB LHA MO BZHI'I RLUNG DANG THABS NI MGON PO BZHI'I RLUNG BZHIR GNAS PA STE BZHIR BYAS PA LA SNGAGS RDOR BZLAS KYI YAN LAG MA NYAMS PAR BZLAS PAR BYA'O, ,YANG NA SEMS CAN SPRO BSDU SOGS RLUNG LDANG 'JUG GNAS GSUM DANG SNGAR BZHIN SBYAR RO, ,GOS DKAR MO LA SOGS PA SHES RAB LHA MO BZHI'I RLUNG GI BZLAS PA STE, RGYU BA'I GRANGS KYANG BSHAD PAR BYA STE, LHA MO RE RE'I RLUNG BAR MA CHAD DU RGYU BA'I GRANGS BRGYA PHRAG GNYIS DANG NYI SHU RTZA LNGA YIN PA'I PHYIR, BZHI PO LEGS PAR BSGRES NAS NI STE, NYIS BRGYA NYER LNGA'I SBYOR BA BZHI PO BSDUS PAS BRGYA PHRAG DGU NI, THABS MGON PO BZHI LAS MGON PO GCIG GI RLUNG RGYU BA'I DUS THUN PHYED PA GCIG TU 'JOG PA YIN PA'I PHYIR, DES NA RGYUD 'DIR NYIN ZHAG GCIG LA THUN PHYED PA NYI SHU RTZA BZHIR BSHAD PA, MGON PO RE RE'I RLUNG GI RGYU BA DGU BRGYA DAG TU GANG BSTAN PA DE NYI SHU RTZA BZHI'I RIM GYIS RGYU BA'I PHYIR

, ,DANG, THUN PHYED PA NYER BZHIR RGYU BA'I RLUNG DER NI STE DE YANG SO SOR 'BYUNG BA LAS, ZHAG RE LA RLUNG NYI KHRI CHIG STONG DRUG BRGYA RGYU BA'I PHYIR RO, ,GNYIS PA NI, RGYUD PHYI MA LAS GSUNGS PA MTSAMS SBYAR TE STON PA LA, NANG GI DUS 'DI NYID GSAL BAR BYA BA'I PHYIR, GSANG BA 'DUS PA'I RGYUD PHYI MA LAS, RIG PA'I CHO GA 'DI YIS NI, ,THUN 'TSAMS BZHI RU RAB SBYOR LA, ,GRANGS 'BUM GYI NI MTSAN NYID CAN, , SNGAGS KYI YAN LAG MA NYAMS BZLAS, ,CES GSUNGS PA DANG, ZHES GSUNGS, MGON PO'I RLUNG DGU BRGYA RE LA, LHA MO BZHI'I RLUNG GI SBYOR BA BZHI BYED PA'I NANG GI BDAG NYID GSAL BAR BYED PA NI, 'DUS PA'I RGYUD PHYI MA LAS GSUNGS CES MTSAMS SBYAR RO, ,JI LTAR GSAL BAR BYAS CE NA, DE LTAR GSAL BAR GSUNGS TE, RIG PA DANG RIG MA GNYIS RNAM GRANGS PAR MANG DU BSHAD PAS, RIG PA STE SHES RAB LHA MO BZHI'I CHO GA STE, RLUNG GI SBYOR BA 'DI YIS TE 'DI NI THUN PHYED PA RE LA 'TSAMS BZHI RU BYAS NAS 'BYUNG CHUNG GI ME LA SOGS PA'I DKYIL 'KHOR BZHI RAB TU SBYOR BA YIN PA'I PHYIR, DE LTAR SBYAR BA LAS, 'BUM PHRAG SOGS GRANGS KYI MTSAN NYID CAN DU SNGAGS TE, RDOR BZLAS KYI YAN LAG MA NYAMS PAR BZLAS PA YIN NO, ,TSIGS BCAD 'DI DA LTA 'GYUR BA'I RGYUD PHYI MA NI MI SNANG ZHING, N'A RO PAS MDZAD PA'I RGYUD PHYI MA'I

'GREL PA NA YANG MI 'DUG PAS, RGYA GAR GYI DPE LA YANG CHAD PA 'DRA, ZHES RJE THAMS CAD MKHYEN PA GSUNG NGO, ,GSUM PA NI, BSGOM PA YI NI BAR CHAD CAN, ,RNAL 'BYOR PHYI ROL BZLAS PA SPANG, ,SNGAGS DON BCOM LDAN RDO RJE CAN, ,RDO RJE'I BDAG NYID JI LTAR ZLOS, ,GLANG PO MNGON DU RNYED GYUR NAS, ,GLANG PO'I RJES NI TSOL BYED LTAR, ,SNGAGS LUS RANG NYID MNGON GYUR NAS, ,GZHAN DAG JI GA TSOL BYED DAM, ,GZHAN YANG RDO RJE 'DZIN GANG ZHIG ,SBYOR BA GSUM DANG LDAN PA'I MIS, ,SPYAN DRANGS GSHEGS SU GSOL GYUR DANG, ,DE BZHIN BZHUGS SU GSOL BA YANG, ,GZHUG PA YIS NI SPYAN DRANGS TE, ,MYUR BA YIS NI GSHEGS SU GSOL, ,GNYIS KA MIN PAS BZHUGS SU GSOL, ,SNA TSOGS GNAS GRUB BLA MED PA'O, ,MYUR BA DANG NI RNAM SDUD DANG, ,DAL BA CAN DANG SNGAGS SBYOR BA, ,BLA MAS SLOB MA'I RNA DRUNG DU, ,RAB TU 'BAD DE BRJOD PAR BYA, ,DE NAS RNAL 'BYOR DBANG PHYUG GIS, ,THABS KYI DAM PA BSTAN PA'I PHYIR, ,RNAL 'BYOR 'BRAS BU RAB STER BA'I, ,GSANG BA'I YI GE BSHAD PAR BYA, ,GANG ZHIG BSAMS PA TZAM GYIS NI, ,RNAL 'BYOR CAN LA MCHOG STER 'GYUR, , DANG PO'I YI GE'I SBYOR BA YIS, ,RTAG TU DBUGS NI RNGUB PAR BYA, ,BRGYAD PA'I MTHA' DANG LDAN PA YI, ,YI GE A'U NI THIG LER BCAS, ,RNAL 'BYOR PA YI DBUGS GTONG BYED, ,'DI NI CI DGA'I BZLAS PAR BSHAD, ,KHRI PHRAG

, ,GNYIS DANG CHIG STONG DANG, ,DE BZHIN DU NI BRGYA PHRAG DRUG ,RNAL 'BYOR DBANG PO NYIN MTSAN GYI, ,BZLAS BRJOD KYI NI GRANGS BYED DO, ,DE 'DIR GSANG ZHING DGONGS PA YIS, ,PHRA MO'I SBYOR BA BSHAD PA YIN, ,KLOG GAM KHA TON MED MOD KYI, ,'ON KYANG BZLAS PAR BSHAD PA YIN, ,RDO RJE'I BZLAS PA 'DI YI NI, ,CHO GA JI BZHIN BSTAN BYA ZHING, ,SGYU MA LTA BU'I TING 'DZIN GYIS, ,LAS RNAMS THAMS CAD BSGRUB PAR BYA, , ZHES GSUNGS, RDOR BZLAS KYI RNAL 'BYOR PAS PHYI ROL DAG DANG YID KYI BZLAS PA SPANG BAR BYA STE, DE NI RDO RJE'I BZLAS PA BSGOM PA'I BAR CHAD CAN DU 'GYUR PA'I PHYIR, RDOR BZLAS KYI RNAL 'BYOR PAS PHYI ROL GYI SNGAGS JI LTAR ZLO BA RIGS TE MI RIGS PAR THAL, SNGAGS DON SNGAGS KYI DE KHO NA NYID, DE YANG BCOM LDAN 'DAS RDO RJE CAN TE, RDO RJE 'CHANG GI SKU GSUNG THUGS RDO RJE GSUM GYI BDAG NYID YI GE GSUM GYI NGO BOR ZLOS PA'I TSUL RNYED PA'I PHYIR, KHYAB STE, DPER NA GLANG PO MNGON SUM DU RNYED PAR GYUR NAS, GLANG PO'I RJES NI TSOL BAR BYED PA LTAR, SNGAR BSHAD PA'I SNGAGS KYI LUS RANG NYID LA MNGON SUM DU GYUR NAS YOD PA DE BZHAG NAS GZHAN DAG NGAG GI BZLAS PA SOGS JI GA STE CI ZHIG TSOL BAR BYED DE BYED MI RIGS PA'I PHYIR, GZHAN YANG, RDO RJE 'DZIN PA GANG ZHIG RLUNG GI SBYOR BA STE RNAL 'BYOR GSUM SHES PA DANG LDAN PA'I MIS NI, LHA SPYAN DRANGS TE

'BOD PA DANG, BSGRUB PA LA GSHEGS SU GSOL BAR GYUR BA STE BSKUL BA DANG, DE BZHIN DU RANG GI GNAS SU BZHUGS SU GSOL BA YANG BZLAS PA 'DIS 'GRUB STE, RLUNG NANG DU GZHUG PA YIS NI SPYAN DRANG BA DANG, MYUR BA STE, PHYIR LDANG BA YIS NI GSHEGS SU GSOL BA DANG, LDANG 'JUG GNYIS KA MIN PAS NANG DU GNAS PA YIS NI, BZHUGS SU GSOL BA BYED PA'I PHYIR RO, ,DE LTAR BYAS PA LA DGOS PA YOD DE, 'BYUNG 'JUG SNA TSOGS PA DE NYE BAR ZHI NAS NANG DU GNAS NAS DNGOS GRUB BLA NA MED PAR 'GYUR BA'I PHYIR, MYUR BA NI RLUNG PHYIR LDANG BA DANG, RNAM SDUD NI NANG DU RDUB PA DANG, DAL BA CAN NI GNAS PA DANG, SNGAGS SBYOR BA NI RLUNG YI GE GSUM GYI NGO BOR BZLA BA'O DE NI BLA MAS SLOB MA'I RNA BA'I DRUNG DU RAB TU 'BAD PAS BAG DANG LDAN PAS BRJOD PAR BYA STE, SHIN TU GSANG BAR BYA BA YIN PA'I PHYIR, DE NAS RDZOGS RIM PA'I RNAL 'BYOR GYI DBANG PHYUG GIS RDO RJE 'CHANG BSGRUB PA'I THABS KYI DAM PA BSTAN PA'I PHYIR, GSANG BA NANG GI YI GE GSUM RLUNG DANG SBYOR BA BSHAD PAR BYA'O, ,DE NYID SLAR BSHAD PA NI, SNGAGS GANG ZHIG YID LA BSAMS PA TZAM GYIS NI, SNGAGS ZLO BA'I RNAL 'BYOR DES RNAL 'BYOR CAN LA MCHOG GI DNGOS GRUB BDE BLAG TU STER BA YIN PA'I PHYIR, TZAM GYIS PHYI'I YI GE LA BLTOS PA GCOD DO, ,SNGAGS PA LA CHE BA'I DANG POR SBYOR BA AOm STE DE'I SBYOR BAS RTAG TU DBUGS NI RNGUB PAR BYA STE, AOm

, ,GYI GDANGS KYIS NANG DU 'JUG PA DANG, K'A LI'I SDE TSAN BRGYAD PA'I MTHA' NI HA'O, ,YI GE A'U NI THIG LER BCAS PA HA DANG LDAN PAR BYAS PAS H'Um DES NI RNAL 'BYOR BA YI DBUGS GTONG BAR BYED DO, ,'DI GNYIS KYIS NI A'A'I SGO NAS GNAS PAR BYED PA YANG MTSON NO, ,'DI NI CI DGA' BA'I BZLAS PAR BSHAD DE, LHUN GYIS GRUB PA'I BZLAS PA YIN PA'I PHYIR, 'DIR BSTAN RNAL 'BYOR DBANG POS NYIN MTSAN GYI STE NYIN ZHAG GCIG GI BZLAS PA'I GRANGS KYANG YOD DE, KHRI PHRAG GNYIS DANG CHIG STONG DANG, DE BZHIN DU BRGYA PHRAG DRUG YIN PA'I PHYIR, GSANG BA'I YI GE BZLAS PA 'DI NYID RGYUD GANG LAS GSAL BAR BSHAD PA YANG YOD DE, 'DUS PA 'DIR PHRA MO'I RNAL 'BYOR GYI DON MI GSAL BAR GSUNGS PA, GSANG BA'I YI GE'I DON DGONGS PA LUNG STON PA'I BSHAD RGYUD LAS GSAL BAR BSHAD PA'I PHYIR, GSANG BA'I YI GE'I BZLAS PA 'DI LA NI, KLOG PA DANG NGAG TU 'DON PA'I BZLAS PA MED MOD KYI, 'ON KYANG BZLAS PAR BSHAD PA YIN TE, RLUNG GSUM SNGAGS GSUM DANG DBYER MED DU BZLA BA YIN PA'I PHYIR, 'DIR BSTAN RDOR BZLAS BYED PA'I RTEN NI LUS DBEN GSANG CHEN RIGS GCIG PA YIN LA, DE LA BRTEN NAS RDOR BZLAS SNGAR BSHAD PA'I CHO GA BZHIN DU BSTEN PAR BYA ZHING, SGYU MA LTA BU'I TING 'DZIN GYIS, ZHI SOGS LAS THAMS CAD BSGRUB PAR BYA'O ZHES BSHAD DE, DGONGS PA LUNG STON LAS, MKHAS

PAS SGYU MA MIG 'PHRUL BZHIN, ,'GRO BA KHAMS GSUM PO LA BYA, ,ZHES RDOR BZLAS KYI SKABS SU GSUNGS PA'I PHYIR, BZHI PA GNYIS MED RNAM RGYAL LAS GSUNGS PA'I TSUL NI, MTSAMS SBYAR DANG BCAS STON PA LA, DE BAS NA, GNYIS SU MED PAR MNYAM PA RNAM PAR RGYAL BA ZHES BYA BA'I RNAL 'BYOR CHEN PO'I RGYUD LAS KYANG, MNYAM MED SNGAGS NI BZLAS NAS SU, ,BSGRUB PA'I BDAG NYID CAN GYIS BSGRUBS, ,DE YIS ZLA BA GCIG GIS NI, ,KHAMS GSUM 'GRUB PAR GDON MI ZA, ,RNAM SHES LAS NI 'BYUNG BA'I SNGAGS, ,MTSAN NYID DRUG LDAN BZLAS NAS KYANG, ,RDO RJE SEMS DPA' PHYAG BYAS NA, ,ZLA BA NYA LA DE 'GRUB 'GYUR, ,DE LA BRTUL ZHUGS BSHAD PA MED, ,PHRENG BA MI DGOS BGRANG MI DGOS, ,BZUNG DANG SBYIN SREG LAS RNAMS DAG ,GCIG NAS GCIG TU LDOG PAR 'GYUR, ,YA YI DON GYIS GANG CI'ANG RUNG, ,DNGOS GRUB 'DOD PAS BYA BA NI, ,RA LA SOGS PA GSUM NYID KYIS, ,'GRO BA'I DON LA 'JUG PAR BYA, ,ME DANG RLUNG DANG DBANG CHEN DANG, ,CHU STE SO SO'I DKYIL 'KHOR DU, ,THUN NI PHYED PHYED DUS DAG TU, ,LAS NI GNYIS GNYIS GNAS PAR 'GYUR, ,MCHOD LA BRTZON PAS MCHOD PAR 'GYUR, ,BZLAS LA BRTZON PAS RNAM PAR 'DAG ,ME LA SBYIN SREG BRTZON PAS 'BYOR, ,BSAM GTAN BRTZON PAS THAR PA 'THOB, ,SNGAGS PAS DE LTAR SHES NAS NI, ,'GRO NA BYIS PA BZHIN DU SPYOD, ,DE NAS MI RTOG CHOS CAN GYIS, ,GSANG SNGAGS

, ,RNAMS NI 'GRUB PAR 'GYUR, ,GSUNG GI RDO RJE BSGRUB PA STE, ,'DI NI SNGAGS KYI DE NYID GSAL, ,YE SHES GSUM GYI DBYE BA YIS, ,SEMS TZAM LA NI NGES PAR SBYAR, ,ZHES GSUNGS, DE BAS NA STE DES NA RTZA RGYUD LAS GSUNGS PA'I SNGAGS KYI DE NYID RDOR BZLAS KYIS BSGRUB PAR GSUNGS PA 'DI YANG, GNYIS MED RNAM RGYAL ZHES BYA BA'I RNAL 'BYOR CHEN PO'I RGYUD LAS GSUNGS SO, ,ZHES MTSAMS SBYAR RO, ,YE SHES GSUM BSGRUB PA'I THABS GANG DANG YANG MNYAM PA STE, MTSUNGS PA MED PA'I SNGAGS RDO RJE'I BZLAS PA NI BZLAS NAS SU, YE SHES GSUM GYI BSGRUB PA'I BDAG NYID CAN GYI RNAL 'BYOR PAS, DNGOS GRUB MCHOG BSGRUB PAR BYA STE, DE YIS ZLA BA GCIG GIS NI KHAMS GSUM GYI BDAG NYID CAN RDO RJE 'CHANG 'GRUB PAR GDON MI ZA BA'I PHYIR, SGRON GSAL LAS ZLA BA GCIG GIS 'GRUB PAR GSUNGS PA LA, PAKshA ZHES PA ZLA BA GCIG GAM, PHYOGS GNYIS DANG LDAN PA LA ZER BAS, KUN RDZOB DANG DON DAM PA'I PHYOGS GNYIS GCIG TU GYUR PA'I ZUNG 'JUG GI MCHOG 'GRUB PA LA BSHAD PA LTAR 'DIR YANG SBYAR RO, ,RLUNG GI BZHON PA CAN GYI RNAM SHES LAS NI BYUNG BA'I SNGAGS 'BUM PHRAG DRUG LDAN BZLAS NAS KYANG STE BZLAS NA ZLA BA NYA LA 'GRUB STE RDOR BZLAS MTHAR THUG PAR 'GYUR RO, ,TSUL JI LTAR NA, RDO RJE SEMS DPA' PHYAG BYAS NA STE DE YID LA DMIGS NAS BZLAS NA'O, ,'DI YANG RDO

RJE PHRENG BA DANG BSTUN NA, ZLA BA DRUG GI THA MA'I RDO RJE'I BZLAS PA BYAS, DER MA ZAD, BZLAS NAS KYANG STE BZLAS PA BYAS PA'I 'OG TU RDO RJE STONG PA GSUM SEMS DPA' DE GSUM MNYAM PAR SBYAR BA'I NYER THOB KYI SGO NAS YUL YUL CAN THA MI DAD KYI PHYAG BYAS NA, RDO RJE SEMS DPA' 'AM SGYU MA'I SKU 'GRUB PAR 'GYUR RO, ,YUN JI TZAM NA, ZLA BA PHYED KYIS ZHES PA'AM, YANG NA CHU NANG DU SHAR BA'I ZLA BA NYA GANG BA LTAR YAN LAG DANG NYING LAG YONGS SU RDZOGS PA'I SKU 'GRUB CES PA'O, ,DE LTA BU'I RDOR BZLAS PA SGOMS PA DE LA BRTUL ZHUGS SBYANGS PA'I YI DAM BSHAD PA MED DE, 'DOD YON LAM DU BYED PA DANG 'GAL BA'I PHYIR, BZLAS PA'I GRANGS 'DZIN PHRENG BA'I DBYE BA YANG MI DGOS TE, RTAG TU RGYU PA'I SROG RTZOL NYID DE'I DON GYI PHRENG BA YIN PA'I PHYIR, PHYI'I SNGAGS BZLA BA'I BGRANG BA DANG, SNA RTZER BLTA BA'I SGO NAS RNAM RTOG 'GAG PA DANG, BRIS SKU DANG ZLA BA PHYAG MTSAN SOGS LA SEMS BZUNG BA MI DGOS TE, DE KHO NA NYID LA SEMS RTAG TU GNAS PA'I PHYIR, SBYIN SREG GI LAS MI DGOS TE, RNAM RTOG GI BUD SHING RDOR BZLAS KYIS MES BSREG PA'I PHYIR, DE BZHIN DU PHYI'I MCHOD GTOR DANG, RAB GNAS SOGS GZHAN DANG GZHAN MA YIN LDOG STE MI DGOS TE, NANG GI SGO NAS DE THAMS CAD 'GRUB PA'I PHYIR, ZHES LAKMIS BSHAD DO, ,GCIG NAS GCIG TU LDOG PAR 'GYUR, ,CES PA LTAR NA, SNGA MA GCIG MI DGOS PAS, PHYI MA GCIG NAS GCIG

, ,TU BRGYUD PA'ANG LDOG PAR 'GYUR RO, ,ZHES SBYAR RO, ,RDOR BZLAS 'BYONGS PA'I RNAL 'BYOR PA ZHI SOGS KYI DNGOS GRUB 'DOD PAS NI, NANG GI SGO NAS, RANG NGAM GZHAN GYI DON GANG YANG RUNG BA BYED PA NI, YA YI DON GYIS TE RLUNG GI RLUNG DANG, RA'I DON ME RLUNG DANG LA SOGS PA LA'I DON SA'I RLUNG DANG, BA'I DON CHU RLUNG YI GE GSUM DANG SBYAR BA'I BZLAS PA YIS, 'GRO BA'I DON ZHI SOGS KYI DNGOS GRUB BSGRUB PA LA 'JUG PAR BYA BA YIN PA'I PHYIR, DE NYID 'CHAD PA NI, ME DANG RLUNG DANG DBANG CHEN TE, SA DANG CHU'I RLUNG STE, DE BZHI PO SO SO'I DKYIL 'KHOR DU, THUN PHYED PHYED DE RLUNG DGU BRGYA PA PHRAG RE RE RGYU BA'I DUS DAG TU NI RIM PA BZHIN GTZO BO'I LAS RE DANG, GTZO BO MA YIN PA'I LAS NI GNYIS GNYIS GNAS PA STE BSGRUB PAR 'GYUR RO, ,DES NA ME RLUNG GI DUS DBANG GTZO BO DANG, GZHAN GSUM LA PHAL PA 'GRUB BO, ,'DIR LAS BSGRUB TSUL GSAL BAR MA GSUNG KYANG, CUNG ZAD BSHAD NA LAS BZHI SO SOR SNGAGS MANG PO MI DGOS TE, YI GE GSUM KHO NA DANG, LHA'I KHA DOG KYANG BSGYUR MI DGOS TE GSANG CHEN RIGS GCIG PA'I RNAL 'BYOR 'BA' ZHIG DANG, PHYI'I DUS DANG KHA BLTA PHYOGS 'DUG STANGS SBYIN SREG 'PHRUL 'KHOR SOGS LA MI LTOS PAR, NANG KHO NAS 'GRUB PAR 'GYUR PA'I PHYIR, MCHOD BZLAS SBYIN SREG GSUM NI PHYI YIN LA, 'DIR STON PA NI, SNGAR DE GSUM MI

DGOS PAR BSHAD PA LA, 'O NA DE DAG LA DGOS PA GTAN MED DAM SNYAM PA BZLOG PA'I CHED DU'O, ,BSAM GTAN RDOR BZLAS KYI RNAL 'BYOR LA BRTZON PAS THAR PA 'THOB CING, DE 'DRA BA'I SNGAGS PAS SNGAR BSHAD PA LTAR SHES NAS RDOR BZLAS LA GNAS PAS NI, 'GRO BA'I NANG NA BYIS PA BZHIN DU BSTOD SMAD SOGS CHOS BRGYAD KYIS MI 'GYUR BAR SPYOD DO, ,DE LTAR SPYAD NA CI 'GRUB CE NA, RNAM PAR MI RTOG PA'I CHOS CAN GYI GSANG SNGAGS RNAMS TE SEMS DBEN GYI YE SHES RNAMS NI 'GRUB PAR 'GYUR BA YIN PA'I PHYIR, SEMS TZAM NI SEMS DBEN NO, ,DE LA NGES PAR SBYOR BA NI GSUNG GI RDO RJE'I BSGRUB PA STE, 'DI NI RLUNG SNGAGS KYI DE NYID RGYUD 'DIR GSAL PA'I RDOR BZLAS KYI RIM PA 'DIS SO, ,JI LTAR SBYOR BA NI YE SHES GSUM GYI DBYE BA STE, DE GSUM RIM CAN DU BSKYED PA'I SGO NAS SO, ,BSKYED TSUL NI SNGAR BSHAD ZIN TO, ,DE LTA BU'I GDAMS NGAG DE SNOD KYI KHYAD PAR GANG LA MI STON PA DANG STON PA'I RNAM GZHAG 'CHAD PA LA, BLA MA LA BRNYAS SGYU CAN DAD PA MED, ,SNGAGS KYIS RLOM ZHING GLEGS BAM MTHONG BAS KHENGS, ,DAD PA MED CING DBANG BSKUR DMAN PA LA, ,GTAM GYI RIM PA'ANG DE LA BRJOD MI BYA, , GANG ZHIG BLA MA LA GUS DAD DANG LDAN, ,MOS PAS BSNYEN BKUR LA NI RTAG TU BRTZON, ,THOS PA 'DZIN GANG BLA MA DAM PA YIS, ,DE LA BLA MA'I DRIN SBYIN BRTAG MI DGOS, ,CES GSUNGS, RDO RJE BZLAS PA'I GTAM GYI RIM PA STE GTAM

, ,TZAM YANG BRJOD PAR MI BYA'O, ,GANG LA NA BLA MA LA BRNYAS PA BYED PA DANG, BSAM PA DRANG PO MIN PA GA-YO SGYU CAN DANG, BLA MA LA SEMS DANG BA'I DAD PA MED PA DANG, PHYI'I SNGAGS DANG DE NYID KYI LAS BSGRUB TSUL CUNG ZAD SHES PAS RLOM PA CHE BA DANG, BLA MA'I MAN NGAG MED PAR GLEGS BAM MTHONG BAS GO BA CUNG ZAD BYUNG NAS MNGON PA'I NGA RGYAL GYIS KHENGS PA DANG, CHOS LA YID CHES PA'I DAD PA MED CING, DBANG BSKUR DMAN PA STE DBANG RNAM PAR DAG PAS RGYUD SMIN PAR MA BYAS PA RNAMS LA'O, ,GDAMS NGAG 'DI GANG LA STON PA'I SNOD KYANG YOD DE, SLOB MA GANG ZHIG BLA MA LA GUS SHING, SEMS DANG BA'I DAD PA DANG LDAN PA, MOS PA'I DBANG GIS BLA MA'I BSNYEN BKUR LA NI RTAG TU STE RGYUN DU BRTZON PA, MANG DU THOS SHING GDAMS NGAG THOS PA'I DON MI BRJED PAR 'DZIN PA LA BLA MA'I BKA' DRIN SBYIN PAR BYA BA LA BRTAG MI DGOS PA YIN PA'I PHYIR, GDAMS NGAG RNYED PA'I PHAN YON STON PA LA, RI DBANG RTZE NAS GANG ZHIG LHUNG GYUR NA, ,LTUNG BAR MI BYA SNYAM YANG LTUNG BAR 'GYUR, ,BLA MA'I DRIN GYIS PHAN PA'I LUNG THOB NA, ,GROL BAR MI 'GYUR SNYAM YANG GROL BAR 'GYUR, ,ZHES GSUNGS, 'DI 'DRA BA'I RDO RJE 'CHANG GI THUGS KYI BCUD PHYUNG BA'I GDAMS NGAG THOS BSAM BSGOM PA'I SGO NAS RNYED BA NI PHAN YON CHEN PO DANG LDAN TE, DPER NA RI DBANG MTHON PO'I RTZE NAS SKYE BO 'GA' ZHIG LHUNG BA STE LTUNG BAR GYUR NA

LTUNG BAR MI BYA SNYAM YANG LHUNG BAR 'GYUR BA LTAR, BLA MA'I DRIN GYIS PHAN PA'I GDAMS NGAG RDOR BZLAS KYI RIM PA'I LUNG TZAM THOB NA'ANG GROL BAR MI 'GYUR SNYAM YANG, SDUG BSNGAL LAS GROL BA'I MCHOG TU 'GYUR BA'I PHYIR RO, ,SMRAS PA, LO MA ME TOG 'BRAS BU YIS, ,SGEG LDAN YONGS 'DU'I MDZES MA LA, ,'KHYUD PA'I 'KHRI SHING GZHON NU DE, ,MTHON PO'I GO 'PHANG BSNYEG PA LTAR, KHA BA CAN LJONGS THAMS CAD MKHYEN, ,RJE BTZUN BLA MA'I LEGS BSHAD LA, ,BRTEN NAS BDAG LTA'I BYIS PAS KYANG, ,ZAB MO'I GTAM 'DI DBYANGS SU BSGRAGS, ,RDO RJE'I BZLAS PA'I RIM PA STE, SLOB DPON KLU SGRUB KYI ZHAL SNGA NAS KYIS MDZAD PA LAS, RIM PA DANG PO'I RNAM PAR BSHAD PA'O,, ` ,,GAR MKHAN GSER GYI RI MO BZHIN, ,'GYUR MED SGYU MA'I GAR MKHAN LA, ,THA DAD MIN PA'I PHYAG BYAS TE, ,SEMS DMIGS RIM PA BSHAD PAR BYA, ,GNYIS PA SEMS DMIGS KYI RIM PA BSHAD PA LA GSUM, RTZOM PA LA 'JUG PA, BRTZAMS PA'I GDAMS PA DNGOS, GDAMS PA BSHAD PA'I SNOD DANG 'CHAD PA PO'I KHYAD PAR BSTAN PA'O, ,DANG PO LA GSUM, PHYAG 'TSAL BA, DE NGES DON DU BSGRUB PA, BRTZAM PAR DAM BCA' BA'O, ,DANG PO STON PA LA, PHYAG 'TSAL 'DUD CING PHYAG 'TSAL 'DUD, ,PHYAG 'TSAL PHYAG 'TSAL PHYAG 'TSAL 'DUD, ,JI LTAR BSTOD CING PHYAG 'TSAL BA, ,ZHES GSUNGS, 'DIR PHYAG 'TSAL BA DANG

, ,BSTOD PA GNYIS DON GCIG TU BSTAN PA'I SGO NAS PHYAG 'TSAL BA DRUG DANG, 'DUD PA GSUM BYUNG BA'I DANG PO NI, RDO RJE 'CHANG CHEN PO KHYOD LA PHYAG 'TSAL ZHES PA DANG, DE NAS LNGAS NI, RNAM SNANG LA SOGS RIGS LNGA'I RANG BZHIN RDO RJE 'CHANG DE NYID LA PHYAG 'TSAL BA DANG, 'DUD PA GSUM NI, SKU RDO RJE LA SOGS PA GSUM GYI BDAG NYID RDO RJE 'CHANG CHEN PO LA 'DUD CES PA STE, DON DAM PAR ZHUGS PA'I BSTOD PHYAG GO ,JI LTAR BSTOD CES PA NI, PHYAG 'TSAL BA NYID BSTOD PA LAS MA 'DAS PAR STON PA'I DON DU LAKMIS BSHAD DO, ,GNYIS PA STON PA LA, GANG LA BSTOD CING GANG GIS BSTOD, ,JI LTAR CHU LA CHU BZHAG DANG, ,JI LTAR MER LA MAR BZHIN DU, ,RANG GIS RANG GI YE SHES NI, ,LEGS MTHONG GANG YIN 'DIR PHYAG YIN, ,ZHES GSUNGS, NGES PA'I DON GYI PHYAG NI PHYAG GI 'KHOR GSUM MI DMIGS PAR BLTA BA YIN TE, DON DAM PAR YUL GANG LA BSTOD CING PHYAG 'TSAL BA DANG, GANG GIS BSTOD PA DANG, PHYAG 'TSAL BA PO'I RTEN DANG, JI LTAR DU BSTOD CING PHYAG 'TSAL BA'I TSUL GSUM RANG BZHIN GYIS MA GRUB PA, DE NYID RNAL 'BYOR BA RANG GIS RANG GI STE YE SHES KYI DE KHO NA NYID LEGS PAR MTHONG BA'I DBYINGS RIG DBYER MED GANG YIN DE, SKABS 'DIR PHYAG GI MCHOG YIN PA'I PHYIR TE, DPER NA JI LTAR CHU LA CHU BZHAG PA DANG, JI LTAR MAR LA MAR BZHIN 'KHOR GSUM

GNYIS SNANG PHRA MO YANG DAG PA'I PHYIR, MGON POS KYANG DE LTA BU'I PHYAG MDZAD DE, DGOS PA SOGS NI SNGAR BZHIN NO, ,GSUM PA STON PA LA, 'ON KYANG KUN MKHYEN MA MTHONG BAR, ,DE NI NYE BAR DMIGS MI 'GYUR, ,MUN NAS RAB RIB KYIS KHEBS PA, ,DRIN GYIS SNANG BA 'THOB PAR 'GYUR, ,ZHES GSUNGS, DON NI, RANG GI SEMS KYI YANG DAG PA'I DON CHU LA CHU BZHAG BZHIN DU MTHONG BA'I DON GYI PHYAG BYA BAR BSHAD PA LA, DE JI LTAR ZHE NA, 'ON KYANG KUN MKHYEN TE BLA MA DAM PA'I MAN NGAG MA MTHONG ZHING MA THOB PA RNAMS KYIS DE NI NYE BAR DMIGS PA STE SHES PAR MI 'GYUR TE, RGYUD DON BLTA BA'I MIG MA RIG PA'I MUN NAG GI RAB RIB KYIS BSGRIBS PA'I PHYIR RO, ,'ON KYANG BLA MA DAM PA'I DRIN LAS SNANG BA THOB PAR BYA'O ZHES BSHAD PAR DAM BCA' BA'O, ,GNYIS PA GDAMS PA DNGOS BSHAD PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO STON PA LA, STONG NYID SHIN TU STONG PA DANG, ,GSUM PA STONG PA CHEN PO DANG, ,BZHI PA THAMS CAD STONG PA NI, ,RGYU DANG 'BRAS BU'I BYE BRAG GO ,SHES RAB THABS SU SBYOR BA LAS, ,RDZOGS PA NYE BAR 'THOB PAR 'GYUR, ,RDZOGS PA NYE BAR THOB GYUR NAS, , THAMS CAD STONG PA 'OD GSAL BA, ,RGYU YI RIM PA RNAM DAG DANG, ,RNAM SHES GSUM PO 'BYOR BA DANG, ,STONG PA GSUM NI MNYAM SBYOR BAS, ,BLA MED GO 'PHANG 'THOB PAR 'GYUR, ,ZHES GSUNGS, RIM PA DANG POR, RDO

, ,RJE'I BZLAS GNAS RNAL 'BYOR PA, ,SEMS LA DMIGS PA 'THOB PAR 'GYUR, ,ZHES RDO RJE'I BZLAS PA'I RNAL 'BYOR LA BRTEN NAS SEMS DBEN GYI YE SHES SKYE BAR BSHAD PA LA, YE SHES DE'I DBYE BA GANG ZHE NA, DE'I DBYE BA BSDU NA GSUM DANG, RGYAS PAR PHYE NA BZHIR YOD DE, STONG NYID DANG, SHIN TU STONG PA DANG, GSUM PA STONG PA CHEN PO STE GSUM MAM ZHIB TU NA BZHI PA THAMS CAD STONG PA RNAMS SU YOD PA'I PHYIR, BZHI PO DE LA NI BYE BRAG MI 'DRA BA'I KHYAD PAR YANG YOD DE, RANG RANG GI RGYU DANG 'BRAS BU'I SGO NAS DBYE BA SHES PAR BYA BA YIN PA'I PHYIR TE, DANG POR SKYES PA STONG PA NI SHES RAB DANG, DE LAS SKYES PA'I SHIN TU STONG PA THABS DANG, DE GNYIS MNYAM PAR SBYAR BA LAS STONG PA CHEN PO NYER THOB RDZOGS PAR SKYE BAR 'GYUR BA'I PHYIR DANG, NYE BAR THOB PA RDZOGS PAR SKYES PAR GYUR NAS NI, THAMS CAD STONG PA 'OD GSAL BA 'BYUNG BA'I PHYIR, DE LTAR STONG PA GSUM RGYU 'BRAS KYI RIM PAS SNGA MA SNGA MA RNAM PAR DAG PA DANG, SNANG MCHED THOB GSUM GYI RNAM SHES GSUM PO 'BYOR BA DANG, STONG PA GSUM PO MNYAM PAR SBYOR BA LA DGOS PA YOD DE, 'OD GSAL GYI GO 'PHANG BLA NA MED PA 'THOB PAR 'GYUR PA'I PHYIR RO, ,GNYIS PA NI, SPYOD BSDUS LAS, 'DUS PA LA SOGS PA'I RNAL 'BYOR CHEN PO'I RGYUD LA MA ZHUGS PAR, KALPA GANGG'A'I KLUNG GI BYE MA SNYED DANG

MNYAM PA SNYED KYI BSKAL BA THAMS CAD KYIS KYANG, RANG GI SEMS KYI YANG DAG PA JI LTA BA NYID SHES PAR MI NUS SHING, KUN RDZOB KYI BDEN PA MTHONG BAR MI 'GYUR RO, ,ZHES SGYU LUS MNGON DU BYED NUS PA'I SEMS DBEN GYIS RANG GI SEMS KYI DE NYID RTOGS DGOS PAR GSUNGS PA BZHIN NO, ,DE NYID RGYAS PAR BSHAD PA LA LNGA, SNANG BA DANG, RANG BZHIN GTAN LA DBAB PA DANG, STONG PA LAS LHA'I SKU BSKYED TSUL DANG, 'OD GSAL LHAN CIG SKYES PA'I CHE BA DANG, LAM 'DIS BGROD PA'I RNAM GZHAG DANG, BOGS 'BYIN PA'I SPYOD PA BYA BA'O, ,DANG PO LA BZHI, SNANG BA DANG RANG BZHIN GYI MTSAN NYID BSTAN PA DANG, STONG PA GSUM GYI YE SHES SKYE TSUL DANG, DE LA BRTEN NAS RANG BZHIN RNAMS SDUD TSUL DANG, DE LTAR MA SHES PA DANG SHES PA'I SKYON YON BSTAN PA'O, ,DANG PO LA GSUM, SNANG BA DANG DE'I RANG BZHIN BSTAN PA DANG, DE GNYIS 'BYUNG BA'I DUS TSAD DANG, SNANG BA LAS RANG BZHIN SKYE BA MI 'GAL BA'I TSUL LO, ,DANG PO LA GSUM, SNANG BA DANG DE'I RANG BZHIN, SNANG BA MCHOD PA DANG DE'I RANG BZHIN, SNANG BA NYER THOB DANG DE'I RANG BZHIN NO, ,DANG PO LA GSUM, SNANG BA'I NGO BO DANG, RANG BZHIN GYI DBYE BA DANG, KUN RDZOB PA'I SNANG BA LAS DE RNAMS 'BYUNG BA BSTAN PA'O, ,DANG PO STON PA LA, SNANG BA STONG PA SHES RAB DANG, ,SEMS DANG GZHAN GYI DBANG DAG STE, ,ZHES GSUNGS, DON NI, STONG PA'I YE SHES

, ,GSUM GYI DANG PO SNANG BA LA, SGRA BSHAD PA'I SGO NAS NGO BO JI LTAR YIN PA YANG YOD DE, RANG MNGON DU GYUR PA'I SNANG NGOR ZLA 'OD LTAR SNANG BAS SNANG BA DANG, RANG BZHIN BRGYAD CU BZHON PA DANG BCAS PAS STONGS PAS STONG PA DANG, THABS BDE BA SHES CHUNG ZHING, SHES RAB STONG NYAMS CHE BAS SHES RAB DANG, RANG GI YUL THAMS CAD RTOGS PAS SEMS DANG, LAKMIS BSHAD PA LTAR, SNGAGS DANG PHYAG RGYA'I RGYU RKYEN LAS BYUNG BAS GZHAN GYI DBANG DAG STE, GZHAN DBANG ZHES BYA BA YIN PA'I PHYIR, GNYIS PA RANG BZHIN GYI DBYE BA STON PA LA, DE YI RANG BZHIN 'PHRO GSAL BA, ,DE NI RAB TU BSHAD PAR BYA, ,CHAGS BRAL DANG NI BAR MA NYID, ,DE BZHIN DU NI CHEN PO DAG ,YID LA 'GRO ZHING 'ONG BA DANG, ,MYA NGAN LA SOGS GSUM DE BZHIN, ,ZHI DANG RNAM RTOG 'JIGS PA DANG, ,'JIGS PA BAR DANG SHIN TU 'JIGS, ,SRED DANG SRED PA BAR MA DANG, ,SHIN TU SRED DANG NYER LEN PA, ,MI DGE BKRAS DANG SKOM NYID DANG, ,TSOR DANG TSOR BA BAR MA DANG, ,SHIN TU TSOR BA'I SKAD CIG DANG, ,RTOG PA PO DANG RIG 'DZIN GSUM, ,SO SOR RTOG DANG NGO TSA SHES, ,SNYING RJE DANG NI BRTZE BA GSUM, ,DOGS DANG BSAM PA NYID DANG NI, ,PHRAG DOG CES NI BYA BAR GRAGS, ,RANG BZHIN SUM CU RTZA GSUM GANG, ,LUS CAN RNAMS KYIS RANG RIG STE, ,ZHES GSUNGS, SNANG BA LAS RANG BZHIN SKYE TSUL JI LTAR YIN ZHE NA, SNANG BA DANG PO DE YI RANG GI RANG

BZHIN RNAMS 'PHRO BA'AM SKYE TSUL DE NI RAB TU BSHAD PAR BYA'O, ,DE YANG SNANG BA DANG PO'I RANG BZHIN SO GSUM YOD DE, CHAGS BRAL YUL MI 'DOD PA'I RNAM PA CAN CHUNG NGU DANG NI BAR MA DANG, DE BZHIN DU CHEN PO DAG DANG, YID LA STE YID PHYIR 'GRO BA DANG, NANG DU 'ONG BA DANG, MYA NGAN YUL SDUG PA DANG BRAL BA'I SEMS GDUNG CHUNG NGU LA SOGS PA GSUM DANG, DE BZHIN DU SEMS RNAL DU 'DUG PA'I ZHI BA DANG, RNAM RTOG RGOD CING SEMS RTZING BAR RTOG PA DANG, MI SDUG PA DANG PHRAD NA SEMS 'JIGS PA DANG, 'JIGS PA BAR MA DANG, SHIN TU 'JIGS PA DANG, YUL LA ZHEN PA'I SRED PA DANG, SRED PA BAR MA DANG, SHIN TU SRED PA DANG, 'DOD PA'I YUL RNAMS 'DZIN PA'I LEN PA DANG, MI DGE BA LA YID GNYIS ZA BA'AM, RANG GI SEMS MI GSOD PA DANG, BKRES PA ZAS DANG, SKOM PA BTUNG BA 'DOD PA 'DI DANG, BDE SDUG BTANG SNYOMS GSUM GYI TSOR BA DANG, TSOR BA BAR MA DANG, SHIN TU TSOR BA'I SKAD CIG STE SO SOR PHYE BA DANG, RIG PA PO DANG, RIG BYA'I LAS DANG, 'DZIN TE, RIG PAR BYED PA GSUM LA RTOG PA GSUM DANG, 'DIR BZHI ZHES PA RGYA DPE MA DAG PA'O, ,RIGS PA DANG MI RIGS PA SO SOR DPYOD PA DANG, RANG NGAM CHOS RGYU MTSAN DU BYAS NAS KHA NA MA THO BA LA 'DZEM PA'I NGO TSA SHES PA DANG, SDUG BSNGAL BRAL 'DOD KYI SNYING RJE DANG, DMIGS BYA BSRUNG BA DANG, SDUG PA DANG PHRAD 'DOD

, ,KYI BRTZE BA GSUM DANG, DOGS PA STE, YID 'KHRIG PA'I SEMS MI GNAS PA DANG, BSAM PA YO BYAD SDUD 'DOD KYI SEMS DANG, GZHAN GYI PHUN TSOGS LA SEMS 'KHRUG PA PHRAG DOG CES NI BYA BAR GRAGS PA DANG BZHIN SUM CU RTZA GSUM RNAMS SU YOD PA'I PHYIR, RANG BZHIN SUM CU RTZA GSUM GANG YIN DE NI, LUS CAN RNAMS KYIS RTAGS LA BRTEN NAS RTOGS MI DGOS TE, RANG GIS RIG PA STE MYONG STOBS KYIS NGES PAR BYA BA YIN PA'I PHYIR, GSUM PA STON PA LA, KUN RDZOB GSAL BA'I GZUGS KYIS NI, ,MTSAN MO'I MING DU NGES PAR BSHAD, ,DE BZHIN BUD MED MING DU BRJOD, ,'JAM PO LTA BU'ANG DE BZHIN NO, ,GA-YON PA'I MING YANG DE NYID DE, ,ZLA BA'I DKYIL 'KHOR PADMA CAN, ,BRTAN PAR BYA BA'I RGYUR GYUR PA, ,DANG PO'I YI GE THIG LER BCAS, ,ZLA BA'I 'OD ZER LTAR SNANG ZHING, ,SNANG BA'I SHES PA YANG DAG 'BYUNG, ,ZHES GSUNGS, SNANG BA'I MTSON BYED KUN RDZOB PA'I SNANG BA GSAL BA'I GZUGS KYI RIM PA LAS 'BYUNG BA'AM BRJOD PA'I TSUL YOD DE, SROD SMAG 'THUG PO SANGS NAS SKYA RENGS KYI 'OD KYIS MA SLEB PA'I ZLA 'OD PHOG PA'I NAM MKHA' DANG 'DRA BAS, MTSAN MO'I MING DU NGES PAR BSHAD CING, DE BZHIN DU SHES RAB KYI NGO BO YIN PAS BUD MED CES MING DU BRJOD LA, ZHEN PA'I RNAM PA CAN YIN PAS 'JAM PO LTA BU DANG, DE BZHIN DU GA-YON PA SHES RAB YIN PAS

GA-YON PA'I MING YANG DE NYID DE DE LTAR BRJOD PA'I PHYIR, BSKYED RIM PAS ZLA BAR MOS SHING ZLA 'OD 'DRA BAS ZLA BA'I DKYIL 'KHOR DANG, PADMAR MOS PAS PADMA CAN DANG, RANG 'BRAS LHA BSGOM PA BRTAN PAR BYA BA'I RGYUR GYUR PA, SNGAGS PHAL CHER GYI DANG PO'I YI GE AA THIG LER BCAS PA'O, ,YANG NA BRTAN PAR BYED PA'I RGYU NI, SPYIR YI GE GSUM GYIS YE SHES GSUM NGES PAR BYED PA'I DON DU GSUNGS PAS, 'DIR DANG PO'I YI GE THIG LER BCAS PA'I AOm YIG GIS SNANG BA'I YE SHES NGES PAR BYED PA'O, ,DE LTAR KUN RDZOB GSAL BA'I MING BSTAN PA, ZLA BA'I 'OD ZER LTAR SNANG ZHING GSAL BA'I SNANG BA'I SHES PA YANG DAG PAR 'BYUNG TSUL YOD DE, LUGS 'BYUNG GI RANG BZHIN SO GSUM LAS 'BYUNG BA YIN PA'I PHYIR RO, ,GNYIS PA, SNANG BA MCHED PA DANG DE'I RANG BZHIN BSHAD PA LA GSUM, SNANG BA MCHED PA'I NGO BO DANG, DE'I RANG BZHIN GYI DBYE BA DANG, KUN RDZOB PA'I MCHED PA LAS DE RNAMS 'BYUNG BAR BSTAN PA'O, , DANG PO STON PA LA, SHIN TU STONG PA THABS LDAN PA, ,SNANG BA MCHED PA ZHES BRJOD DO, ,DE BZHIN DU NI KUN BRTAGS DANG, ,DE BZHIN SEMS LAS BYUNG BAR BSHAD, ,CES GSUNGS, SNANG BA MCHED PA'I SGRA BSHAD PA'I SGO NAS NGO BO JI LTAR YIN PA YANG YOD DE, KUN RTOG BRGYAD CU BZHON PA DANG BCAS PAR MA ZAD SNANG BA BZHON PA DANG BCAS PAS STONGS PAS NA SHIN TU STONG PA, SNANG BA LAS BDE SHAS CHE BAS THABS DANG LDAN PA, NYI 'OD

, ,LTA BU'I SNANG BA MCHED CING GSAL BAS MCHED PA ZHES BRJOD CING, DE BZHIN DU STONG PA RNAMS KYI THOG MA'I GZHI SNANG BA YIN CING, DE LA BRTEN NAS 'DI 'BYUNG BAS KUN BRTAGS DANG, SEMS KYI BYE BRAG TU BYUNG BA TZAM GYI SGRAS BTAGS NAS BSHAD PA YIN PA'I PHYIR, GNYIS PA STON PAR BYED PA LA, CHAGS DANG ZHEN DANG DE BZHIN DGA', ,DGA' BA BAR MA SHIN TU DGA', ,RANGS DANG RAB TU MGU BA DANG, ,NGO MTSAR DE BZHIN RGOD PA DANG, ,TSIM DANG DE BZHIN 'KHYUD PA DANG, ,'O BYED DE BZHIN 'JIB PA DANG, ,BRTAN DANG BRTZON DANG NGA RGYAL DANG, ,BYA DANG DPROG DANG STOBS DANG NI, ,SPRO DANG LHAN CIG SKYES NYID DANG, ,DE BZHIN LHAN CIG SKYES PAR MA; ;SHIN TU LHAN CIG SKYES DANG DREGS, ,RNAM PAR SGEG DANG ZHE 'GRAS NYID, ,DGE DANG TSIG GSAL BDEN PA DANG, ,MI BDEN PA DANG DE BZHIN NGES, ,NYE BAR MI LEN SBYIN PA PO, ,BSKUL DANG DE BZHIN DPA' BO DANG, , NGO TSA MED DANG SGYU DANG GDUG ,MI SRUN PA DANG GYA GYU NYID, ,MTSAN NYID BZHI BCU GANG YIN PA, ,SHIN TU STONG PA'I SKAD CIG STE, ,ZHES GSUNGS, MCHED PA'I RANG BZHIN BZHI BCU YANG YOD DE, MTHO BA PA'I YUL LA CHAGS PA DANG, ZHEN PA THOB PA'I YUL LA CHAGS PA DANG, DE BZHIN DU YUL YID 'ONG MTHONG NAS DGA' BA CHUNG NGU DANG, DGA' BA BAR MA DANG, SHIN TU DGA' GSUM DANG, RANGS PA 'DOD DON 'GRUB PA'I BDE BA'I SEMS DANG,

DE'I RNAM PA SEMS KYIS YANG YANG MYONG BA'I RAB TU MGU BA DANG, SNGAR MA BYUNG BA'I DON LA SEMS PA MTHONG BA'I NGO MTSAR DANG, DE BZHIN DU YID 'ONG MTHONG BAS SEMS GA-YENG BA'I RGOD PA DANG, TSIM PA YUL DE DANG DES NGOMS PA'I RTOG PA DANG, DE BZHIN DU 'KHYUD PA DANG, 'O BYED PA DANG, DE BZHIN DU 'JIB PA RNAMS BYED 'DOD KYI SEMS DANG, MI 'GYUR BA'I SEMS BRTAN PA DANG, DGE BA LA GZHOL BA'I BRTZON PA DANG, MTHO BAR SEMS PA'I NGA RGYAL DANG, BYA BA LAS DE DANG DE RDZOGS PAR BYED 'DOD PA'I SEMS DANG, NOR DPROG PA STE 'PHROG 'DOD DANG, STOBS NI GZHAN DPUNG 'JOMS 'DOD DANG, DGE BA LA GOMS PAR BYED PA SPRO BA'I SEMS DANG, LHAN CIG SKYES PA LA 'CHAD TSUL MI MTHUN PA MANG YANG, RJE 'GOS KYI BZHED PA LTAR, YUL LA SBYOR 'DOD KYI SEMS CHUNG BA DANG, BAR MA DANG, CHE BA SHIN TU LHAN CIG SKYES TE GSUM MO, ,DREGS PA RGYU MED DU DAM PA RNAMS LA RTZOD 'DOD DANG, RNAM PAR SGEG PA YUL YID 'ONG MTHONG BAS 'GYING BA'AM RTZE 'DOD DANG, ZHE 'GRAS PA KHON DU 'DZIN PA NYID KYI SEMS DANG, DGE BA DANG DE'I LAS LA RTZOL 'DOD DANG, TSIG GSAL DANG BDEN PA NI GO BAR DANG 'DU SHES MA BSGYUR BAR SMRA 'DOD DANG, MI BDEN PA NI BDEN PA LAS LDOG PA DANG, NGES PA NI YI DAM SHIN TU BSTAN PA DANG, NYE BAR MI LEN PA YUL YONGS SU 'DZIN MI 'DOD PA DANG, SBYIN PA PO BDOG PA GTONG 'DOD DANG, GZHAN

, ,LE LO CAN BSKUL 'DOD DANG, DE BZHIN DU DGRA LAS RGYAL 'DOD PA DPA' BO DANG, MI DGE BA LA MI 'DZEM PAR 'JUG 'DOD NGO TSA MED PA DANG, BCOS NAS GZHAN BSLU 'DOD SGYU DANG, GDUG PA LTA NGAN LA BYANG BA'I SEMS DANG, MI SRUN PA GZHAN LA MTHO 'TSAM PA'I SEMS DANG, GYA GYU MI DRANG BA'I SEMS RNAMS SU YOD PA'I PHYIR, MTSAN NYID CES PA CHAG 'GYUR DU RANG BZHIN DU BSGYUR BA LEGS PAS, MTSAN NYID DE RANG BZHIN BZHI BCU GANG YIN PA RNAMS, GANG LAS SKYE BA'I TSUL YOD DE, LUGS LDOG GI TSE, SHIN TU STONG PA'I RGYU LAS SKAD CIG RIM BZHIN 'BYUNG BA YIN PA'I PHYIR RO, ,GSUM PA STON PA LA, NYIN MO SKYES PA'I MING DANG NI, ,RTZUB MO GA-YAS PAR BSTAN PA YIN, ,NYI MA'I DKYIL 'KHOR MING DANG NI, ,DE BZHIN DU NI RDO RJE'I MING, ,THIG LE GNYIS KYIS BRGYAN PA YI, ,CHA RU DE NI SHES PAR BYA, ,NYI MA'I 'OD ZER 'DRA BA DANG, ,SNANG BA MCHED PA'I SBYOR LAS BYUNG, ,ZHES GSUNGS, SNANG BA MCHED PA'I MTSON BYED KUN RDZOB PA'I MCHED PA'I MING GIS BRJOD PA'I TSUL YOD DE, MCHED PA'I RANG DUS SU NYI 'OD KYIS KHYAB PA LTA BU'I SNANG BA DANG LDAN PAS NYIN MO DANG, THABS SKYES PA'I MING DANG NI, BDE BA SHAS CHE BA RTZUB MO LTA BU STE RTZUB PA DANG, SNANG BA DANG PO GA-YON PAR BZHAG PA'I CHA NAS GNYIS PA GA-YAS PAR BSTAN CING, NYI MA'I DKYIL 'KHOR GYI MING DANG NI, DE BZHIN DU RDO

RJE RTZE LNGA PA ZHES PA'I MING DANG, THIG LE GNYIS KYIS GA-YON DU BRGYAN PA YI, DBYANGS YIG DANG PO'I CHA RU STE A'A: RING PO A'A: ZHES PA'I MING CAN DE NYID DU YANG SHES PAR BYA BA YIN PA'I PHYIR, DE LTAR SNGAR BSTAN PA'I DOG PA BZHI BCU RNAMS GANG LAS BYUNG BA'I TSUL YOD DE, RANG MNGON SUM DU BYAS PA'I SNANG NGOR NYI MA'I 'OD ZER GYIS KHYAB PA DANG 'DRA BAR SNANG BA MCHED PA'I SBYOR BA LAS BYUNG BA'I PHYIR RO, ,GSUM PA LA GSUM, NYER THOB KYI NGO BO DANG, DE'I RANG BZHIN GYI DBYE BA DANG, KUN RDZOB NYER THOB MING CAN MTSAN NYID DAD BCAS PA BSHAD PA'O, ,DANG PO STON PA LA, SNANG BA THOB PA DAG DANG NI, ,NYE BAR THOB PA'ANG DE BZHIN TE, ,YONGS SU GRUB PA NYID DANG NI, ,MA RIG PA NI NYID CES BYA, ,STONG PA CHEN PO'I TSIG GIS NI, ,RNAM GRANGS 'DI DAG RGYAL BAS GSUNGS, ,CES GSUNG PA, STONG PA GSUM PA LA SGRA BSHAD PA'I SGO NAS NGO BO JI LTAR YIN PA YOD DE, RANG DUS SU 'TSAMS KYI SMAG 'THUG POS KHYAB PA LTA BU SNANG BA MI GSAL BA THOB PAS, SNANG BA THOB PA DAG DANG NI, DE LTA BU'I MI GSAL BA THOB CING 'OD GSAL DANG NYE BAS NYE BAR THOB PA DANG, DE BZHIN TE DE BZHIN DU RANG DUS SU SNANG MCHED GNYIS MI SNANG BAS YONGS SU GRUB PA NYID DANG NI, YUL MI GSAL BAS MA RIG PA NYID CES BYA BA DANG, MCHED PA BZHON PA'I RLUNG DANG BCAS PAS STONGS PAS STONG PA CHEN PO ZHES PA'I TSIG GIS NI STE MING GI RNAM GRANGS 'DI DAG RGYAL BA RGYUD KYI STON

, ,PAS GSUNGS PA'I PHYIR RO, ,GNYIS PA STON PA LA, CHAGS PA BAR MA'I SKAD CIG DANG, BRJED NGAS PA DANG 'KHRUL BA DANG, ,MI SMRAR GYUR DANG SKYO BA DANG, ,LE LO DE BZHIN THE TSOM STE, ,MA RIG SKAD CIG BDUN PO NI, ,PHRA MO'I RNAL 'BYOR PAS SHES BYA, ,ZHES GSUNGS, MA RIG SNANG BA THOB PA'I SKAD CIG STE RANG BZHIN BDUN PO NI JI LTAR YIN PA YANG YOD DE, CHAGS PA BAR MA'I SKAD CIG STE, CHAGS PA 'BRING DANG, BRJED NGAS PA DRAN PA NYAMS PA DANG, SMIG RGYU CHUR 'DZIN SOGS 'KHRUL PA'I BLO DANG, MI SMRAR GYUR PA STE SMRA MI 'DOD PA DANG, SKYO BA YID BSUN PA DANG, DGE BA LA MI SPRO BA'I LE LO DANG, DE BZHIN DU THE TSOM STE BDUN DU YOD PA'I PHYIR, DE YANG RANG BZHIN SNANG BA'I MTSAN NYID DU GSUNGS PA'I RGYU MTSAN GYIS, THA MAL PA LA RANG BZHIN GYIS SNANG BA DPOGS DGOS PAR GSUNGS KYANG, ,PHRA MO BSGOM STOBS KYI NYAMS MYONG CAN GYI RNAL 'BYOR BA LA DE LTAR MI DGOS TE, NYAMS SU MYONG BA'I SGO NAS MNGON SUM DU SHES PAR BYA BA YIN PA'I PHYIR RO, ,GSUM PA STON PAR BYED PA LA, ,SA BON THIG LER LDAN MIN PA, ,RLUNG GI SGO LAS 'BYUNG BA MIN, ,GANG ZHIG SNANG BA THOB PA NI, ,YONGS SU RDZOGS PA'I MTSAN NYID DO, ,ZHES GSUNGS, KUN RDZOB NYER THOB KYI MING DANG MTSAN NYID KYANG 'DI LTAR, SA BON NI A'A: DANG THIG LE RJES SU NGA RO DANG TSEG DRAG TU LDAN PA AOm DANG A'A SO, ,MIN PA NI AA YIG RKYANG PA MTSON PA DANG, RLUNG GI

SGO SNA BUG NAS 'BYUNG BA MIN PA NI, 'DI MNGON DU GYUR PA NA SROG RTZOL MI RGYU BAR BSHAD DO, ,SNANG BA NYER THOB GANG ZHIG CES BSTAN PA DE NI, SNANG BA THOB PA STE, RANG GI SNGA LOGS SU BYUNG BA'I SNANG BA NI THOG MA DANG, SNANG BA MCHED PA NI BAR DU THOB LA, DE LTAR THOB PA YONGS SU RDZOGS PA NI, SNANG BA NYE BAR THOB PA'I MTSAN NYID YIN PA'I PHYIR, 'DI'I RNAM GRANGS GZHAN YANG YOD DE, SKYES PA BUD MED GNYIS LA BLTOS PA'I MA NING DANG, NYIN MTSAN GNYIS LA BLTOS PA'I THUN 'TSAMS DANG, GA-YAS GA-YON GNYIS LA BLTOS PA'I DBUS DANG, 'JAM RTZUB GNYIS LA BLTOS PA'I BAR MA DANG, THABS SHES GNYIS LA BLTOS PA'I 'DRES MA DANG, GDAN ZLA NYI GNYIS DANG, PHYAG MTSAN RDO RJE PADMA GNYIS 'DRES PA ZHES GSUNGS PA'I PHYIR RO, ,GNYIS PA DE GNYIS 'BYUNG BA'I DUS TSAD STON PA LA, ,RANG BZHIN PHRA BA BRGYA DANG NI, ,DRUG CU THAM PA 'DI DAG NYID, ,RLUNG GI BZHON PA'I RGYU YIS NI, ,NYIN DANG MTSAN DU 'BYUNG BA YIN, ,SKAD CIG THENG CIG YUD TZAM DANG, ,MIG 'DZUM DE BZHIN THAL MO STE, ,SKAD CIG SE GOL GTOGS PAR BSHAD, ,THENG CIG YUNGS KAR BSKOR BA TZAM, ,YUD TZAM DBUGS RDUB 'BYUNG BA TZAM, ,MIG 'DZUM MIG NI 'DZUM PA'I BAR, ,THAL MO LAG GNYIS BRDEBS PA STE, ,SKAD CIG LA SOGS MTSAN NYID DO, ,ZHES GSUNGS, KHAMS PHRA BA SNANG BA RNAMS LA NYIN MTSAN GYIS PHYE BA'I RANG BZHIN

, ,BRGYA DANG NI DRUG CU THAM PA 'DI DAG NYID NI NYIN DANG MTSAN DU 'BYUNG BA YIN NO, ,GANG LA BRTEN NAS 'BYUNG BA'I TSUL YOD DE, RLUNG GI BZHON PA'I RGYU YIS NI 'BYUNG BA'I PHYIR, DUS JI LTAR 'BYUNG BA YANG YOD DE, SKAD CIG DANG, THENG CIG DANG, YUD TZAM DANG, MIG 'DZUM DANG, DE BZHIN DU THAL MO BRDABS PA TZAM DU 'BYUNG BA'I PHYIR RO, ,SKAD CIG MA LA SOGS PA'I YUN TSAD STON PA LA, SKAD CIG SE GOL GTOGS PAR BSHAD, ,THENG CIG YUNGS KAR BSKOR BA TZAM, ,YUD TZAM DBUGS RDUB 'BYUNG BA TZAM, ,MIG 'DZUM MIG NI 'DZUM PA'I BAR, ,THAL MO LAG GNYIS BRDEBS PA STE, ,SKAD CIG LA SOGS MTSAN NYID DO, ,ZHES GSUNGS TE, ,GO BDE BA DANG, YIG TSOGS CHUNG BA'I PHYIR DU MA BKROL LO, ,'DI DAG GI DON, SPYOD BSDUS LAS, DE BAS NA KHAMS PHRA BAR 'JUG PA LAS, SKAD CIG DANG, THENG CIG DANG, YUD TZAM DANG, MIG 'DZUM DANG; THAL MO BRDABS PAR SNANG BA GA-YO'O, ,DE NAS SKAD CIG DANG, THANG CIG DANG, YUD TZAM DANG, ,MIG 'DZUM DANG, THAL MO BRDABS PA LAS RANG BZHIN RNAMS RJES SU SPYOD PAR 'GYUR RO, ,ZHES GSUNGS PA LTAR, SKYE BA BLANGS DUS STONG PA GSUM LAS LUGS LDOG TU RIM GYIS BRGYUD NAS RANG BZHIN RNAMS SKYE BA YIN GYI, RANG BZHIN GYI RTOG PA RNAMS NAM SKYE RES KYIS STONG PA GSUM LAS SKYE BAR STON PA MIN NO, ,GSUM PA SNANG BA

LAS RANG BZHIN SKYE BA MI 'GAL BA'I TSUL STON PA LA, RANG RIG TZAM GYI YE SHES NI, ,NAM MKHA' LTA BUR MTSAN NYID MED, ,'ON KYANG DE YI DBYE YOD DE, ,MTSAN MO NYIN MO 'TSAMS BDAG NYID, ,SNANG DANG SNANG BA MCHED PA DANG, DE BZHIN SNANG BA NYER THOB PA'O, ,SEMS NI RNAM PA GSUM BSHAD NAS, ,DE YI BSGRUB PA BRJOD PAR BYA, ,RLUNG RNAMS PHRA BA'I GZUGS KYIS NI, ,SHES DANG YANG DAG 'DRES GYUR NAS, ,DBANG PO'I LAM NAS BYUNG NAS NI, ,YUL RNAMS LA NI DMIGS PAR BYED, ,GANG TSE SNANG BA LDAN GYUR CING, ,RLUNG NI BZHON PA NYID GYUR PA, ,DE TSE RANG BZHIN DE DAG KUN, ,MA LUS LUS PA MED PAR 'JUG ,RLUNG NI GANG DANG GAR GNAS PA, ,RANG BZHIN DE DANG DE 'BYUNG 'GYUR, ,JI SRID RLUNG NI MI RGYU DANG, ,SNANG BA MI GA-YO BAR GYUR PA, ,SNANG BA GNYIS KYI RGYUR GYUR PAS, ,BDAG GI DNGOS POR RNAM PAR BRTAGS, ,JI LTAR SNANG BA THOB PA LTAR, ,GNYIS KA'I YAN LAG NYID DU 'GYUR, ,ZHES GSUNGS, 'DI LA RTZOD PA NI, GZHI LA 'CHI BA'I 'OD GSAL LAS RANG BZHIN GYI RTOG PA SKYE BA LA RGOL BA YIN CING, DNGOS SU LAM DANG 'BREL BAS 'DI LTAR, RNAL 'BYOR PAS RANG GIS RIG PA TZAM GYI YE SHES GSUM LAS RANG BZHIN GYI KUN RTOG RNAMS SKYE BA MI 'THAD PAR THAL, YE SHES GSUM NI NAM MKHA' LTA BUR MTSAN NYID DE GZUNG 'DZIN GYI RNAM PA MED PA'I PHYIR, DE'I LAN NI 'ON KYANG ZHES SOGS TE, 'ON KYANG YE SHES GSUM PO GZUNG 'DZIN GYI RNAM

, ,PA MED PA NAM MKHA' LTA BU YIN KYANG, KUN RTOG SKYE BA MI 'GAL TE, YE SHES GSUM PO GNYIS SNANG GI DBYE BA DANG BCAS PA YIN PA'I PHYIR TE, MTSAN MO ZLA 'OD DANG, NYIN MO DANG, 'TSAMS KYI SMAG NAG PO'I BDAG NYID DU SNANG BA BZHIN DU SNANG BA DANG, SNANG BA MCHED PA DANG, DE BZHIN DU SNANG BA NYER THOB STE, SEMS NI RNAM PA GSUM DU BSHAD PA'I PHYIR RO, ,DE YI BSGRUB PA ZHES PA LA, SPYOD BSDUS LO CHEN 'GYUR DANG, CHAG 'GYUR LA DE YI GZHI NI ZHES 'BYUNG BAS SEMS GSUM BSHAD NAS, DE GSUM GYI GZHI RTEN RLUNG BRJOD PAR BYA STE, RLUNG RNAMS PHRA BA'I GZUGS KYIS NI, RNAM SHES GSUM DANG YANG DAG PAR 'DRES PAR GYUR NAS TE 'DRES TE RLUNG GA-YOS PA LAS, DBANG PO RNAMS KYI LAM NAS BYUNG NAS NI, RANG RANG GI YUL RNAMS LA DMIGS PA'I SHES PA DANG RANG BZHIN RNAMS DMIGS PAR BYED PA'I PHYIR, DBANG PO'I LAM ZHES PAS NI YID DBANG YANG BZUNG NGO, ,LUGS LAS LDOG PA GANG GI TSE SNANG BA GSUM DANG LDAN PAR GYUR CING, RLUNG NI SNANG BA'I BZHON PA NYID DU GYUR PA DE'I TSE RIM GYIS RANG BZHIN DE DANG DE DAG KUN MA LUS 'BYUNG ZHING, RANG RANG GI YUL LA LUS PA MED PAR 'JUG GO ,RANG BZHIN GA-YO BYED KYI RLUNG GANG DANG GAR GNAS PA DE DANG DER, RANG BZHIN DE DANG DE 'BYUNG BAR 'GYUR RO, ,JI SRID RLUNG NI MI RGYU BA DANG, GA-YO MED DU GNAS PA DE SRID DU

NAM MKHA' LTA BU'I SNANG BA YANG MI GA-YO BA BRTAN PAR GYUR PA STE 'GYUR RO, ,RLUNG SNANG BA DANG PO GNYIS KYI RGYUR GYUR BAS NI, DE JI LTA BAR BDAG GI DNGOS POR RNAM PAR BRTAGS PA SNANG BA NYER THOB PA STE, SNGAR LTAR THABS SHES KYI YE SHES GNYIS 'DRES PA'I GNYIS KA'I YAN LAG NYID DU 'GYUR BA'I PHYIR RO, ,GNYIS PA STONG PA GSUM GYI YE SHES SKYE TSUL STON PA LA, ,SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON PAR 'GYUR, ,'DOD CHAGS NYID DANG CHAGS BRAL DANG, ,DE YI BAR TE GSUM PO NI, ,DBANG PO GNYIS NI MNYAM SBYOR BA'I, ,RDO RJE PADMA 'DUS LAS SO, ,YE SHES GNYIS NI MNYAM SBYOR BAS, , MNYAM PAR SBYOR BAR BSHAD PA YIN, ,YE SHES GNYIS KYI MNYAM SBYOR DANG, ,JI SKAD BSHAD PA'I BYA BA YIS, ,'BAD PAS YE SHES GANG THOB PA, ,DE NI SNANG BA THOB PA'O, ,GANG ZHIG CHU SKYES RDO RJE SBYOR, ,KUN RDZOB TU YANG MED GYUR NA, ,LAN CIG TZAM ZHIG MYONG NAS KYANG, ,RNAL 'BYOR STOBS KYIS 'GRUB PAR 'GYUR, ,YE SHES 'JUG PA'I NGO BO YIS, ,DBYE BA JI BZHIN SHES BYAS LA, ,RANG BZHIN DE NYID SLAR YANG NI, ,RTAG TU RNAL 'BYOR PAS MTSON BYA, ,ZHES GSUNGS, LHAN SKYES KYI BDE BA CHEN PO 'DREN PA'I KUN RDZOB SGYU MA LTA BU'I THABS DAG THAMS CAD LAS, MTSAN NYID DANG LDAN ZHING LEGS PAR BSLABS PA, SNANG YANG SNANG BA LTAR MA GRUB PA'I BUD MED SGYU MA

, ,KHYAD PAR 'PHAGS TE, 'DI LAS YE SHES GSUM GYI DBYE BA NI RANG RGYUD LA GSAL BAR TE, MNGON SUM DU MTSON PAR 'GYUR BA'I PHYIR TE, 'DOD CHAGS NYID MCHED PA DANG CHAGS BRAL SNANG BA DANG, DE YI BAR RAM DE GNYIS 'DRES PA NYER THOB GSUM PO NI, RDO RJE DANG PADMA 'DUS PA'I DBANG PO GNYIS MNYAM PAR SPYOR BA'I BYED PA LAS GSAL BAR MTSON PA YIN PA'I PHYIR, DBANG PO GNYIS MNYAM PAR SBYOR BAR BSHAD PA LA DGOS PA YOD DE, YE SHES GNYIS NI MNYAM PAR SBYOR BAS 'JUG PA'I NANG GI MNYAM PAR SBYOR BA BSHAD PA SHES PA'I CHED YIN PA'I PHYIR TE, YE SHES GNYIS KYI MNYAM PAR SBYOR BA DANG, JI SKAD BSHAD PA'I BYA BA YIS MNYAM PAR SBYOR BA GNYIS LA 'BAD PAS YE SHES 'THOB PAR 'GYUR BA'I PHYIR, DE LTAR 'BAD PAS THOB PA'I YE SHES DE GANG ZHE NA, BZHAG TU YOD DE, DE NI SNANG BA THOB PA'O STE NYER THOB YIN PA'I PHYIR, 'O NA SEMS DBEN MTHAR THUG GI NYER THOB DNGOS SU 'DREN PA LA LAS RGYA RGYUN DU BSTEN DGOS SAM ZHE NA, MI DGOS TE, SEMS DBEN MTHAR THUG BSKYED PA'I SGRUB PA PO GANG ZHIG ,KUN RDZOB KYI CHU SKYES DANG RDO RJE SBYOR BA RGYUN DU MED PAR GYUR NA YANG, SNGAR DBANG DUS SOGS SU LAN CIG TZAM ZHIG LAS RGYA LAS MYONG ZHING MTSON PA'I DON DE NYID RGYUN LDAN DU BSGOM PA'I RNAL 'BYOR GYI STOBS KYIS TE YE SHES KYI PHYAG RGYA LA BRTEN NAS KYANG 'GRUB PAR 'GYUR BA'I PHYIR TE, SNANG

PA GSUM DANG RANG BZHIN BRGYAD CU'I DBYE BA PHYAG RGYA GNYIS GANG RUNG LA BRTEN NAS SHES PAR BYAS LA, RNAM PAR SHES PA GSUM RIM GYIS 'JUG PA'I NGO BO YIS, CHOS RNAMS KYI RANG BZHIN DE NYID DANG SBYAR NAS SLAR YANG NI RTAG TU RNAL 'BYOR PAS MTSON PAR BYA'O, ,GSUM PA, DE LA BRTEN NAS RANG BZHIN RNAMS 'OD GSAL DU 'JUG TSUL STON PA LA, JI LTAR SPRIN NI SNA TSOGS SHING, ,MDOG DANG DBYIBS NI THA DAD PA, ,NAM MKHA'I DBYINGS SU BYUNG NAS NI, ,DE NYID DU NI THIM PAR 'GYUR, ,DE BZHIN RANG BZHIN THAMS CAD NI, ,SNANG BA GSUM GYI RGYU CAN TE, ,MA LUS YUL LA ZHUGS NAS NI, ,'OD GSAL BAR NI ZHUGS PAR 'GYUR, ,ZHES GSUNGS, LUGS LDOG GI SNANG BA GSUM GYI RGYU CAN TE RGYUR BYAS PA LAS RIM GYIS BYUNG BA'I RANG BZHIN GYI RTOG PA THAMS CAD NI, RANG RANG GI YUL LA MA LUS PAR ZHUGS NAS NI, MTHAR LUGS 'BYUNG 'OD GSAL BAR MI ZHUGS SHING THIM PAR 'GYUR TE, JI LTAR DPER NA NAM MKHA'I DBYINGS SU SPRIN KHA DOG DANG DBYIBS RNAM PA SNA TSOGS SHING THA DAD PA DAG BYUNG NAS NI, SLAR YANG NAM MKHA'I DBYINGS DE NYID DU NI THIM PAR 'GYUR BA DE BZHIN YIN PA'I PHYIR RO, ,BZHI PA STON PA LA, DE 'DRA'I RANG BZHIN MA SHES PAS, ,MI SHES MUN PAS KHEBS PAS NI, ,DGE DANG MI DGE'I LAS BYAS NAS, ,'GRO BA LNGAR NI 'KHOR BAR 'GYUR, ,MTSAMS MED LA SOGS BYAS NAS NI, ,DMYAL LA SOGS

, ,PAR 'TSED PAR 'GYUR, ,SBYIN SOGS DGE BA BYAS NAS NI, ,MTHO RIS LA SOGS DAG TU MCHOD, ,SKYE BA DPAG MED STONG PHRAG NI, ,'DIR NI YANG DANG YANG THOB PA, ,'DI NI SNGON LAS RNAM SMIN ZHES, RMONGS PA RNAMS NI MYA NGAN BYED, ,RANG BZHIN SNANG BA'I TSUL GYIS NI, ,GANG GIS SKYE BA NYON MONGS PA, ,DE NYID SHES NA YE SHES CAN, ,SRID PA'I GZEB LAS GROL BAR 'GYUR, ,ZHES GSUNGS, DE 'DRA BA'I SNANG BA DANG RANG BZHIN GYI DBYE BA MA SHES PAS TE MA SHES SHING, MI SHES PA MA RIG PA'I MUN PAS BLO MIG KHENGS PA'I SKYE BOS NI, ZAG BCAS KYI DGE BA DANG MI DGE BA'I LAS BYAS NAS, 'GRO BA LNGAR NI ZO CHUN GYI 'KHOR LO LTAR 'KHOR BAR 'GYUR BA'I PHYIR TE, LAS 'BRAS LA RMONGS PAS MI DGE BA BCU DANG MTSAMS MED LNGA LA SOGS PA BYAS NAS NI, DMYAL BA MNAR MED PA LA SOGS PA RAB TU TSA BA RNAMS SU KHRO CHU KHOL MAR 'TSOD PAR 'GYUR ZHING, DE KHO NA NYID LA RMONGS PAS SBYIN PA DANG TSUL KHRIMS BSRUNG PA SOGS DGE BA BYAS NAS NI, MTHO RIS LA SOGS PA DAG TU BSOD NAMS KYI YON GYIS MCHOD PA SOGS 'THOB PAR 'GYUR BA'I PHYIR, DE LAN RE TZAM YIN NAM ZHE NA MA YIN TE, SKYE BA DPAG TU MED PA STONG PHRAG MANG POR NI, SRID PA 'DIR NI SNGAR YANG DANG YANG DU THOB PA DANG, DA DUNG GNYER PO DANG MA PHRAD NA, SDUG BSNGAL 'DI LTAR MYONG BA 'DI NI SNGON LAS NGAN PA'I RNAM SMIN

YIN ZHES MYA NGAN BYED CING, YANG YANG 'KHOR BAR 'GYUR PA'I PHYIR, RNAL 'BYOR PA GANG GIS RANG BZHIN DANG SNANG BA'I MTSAN NYID DANG DBYE BA NYAMS SU MYONG BA'I TSUL GYIS SHES SHING, SKYE BA DANG NYON MONGS PA'I DE KHO NA NYID SHES NA STE, SHES PA'I YE SHES CAN SRID PA'I GZEB LAS GROL BAR 'GYUR BA'I PHYIR RO, ,RIM PA GNYIS PA 'DI, KHA CIG SH'AKYA BSHES GNYEN ZHES PA YANG MGON PO'I MTSAN YIN PAS, YONGS RDZOGS MGON PO RANG NYID KYIS MDZAD PAR 'DOD PA DANG, 'GA' ZHIG YONGS RDZOGS SLOB MA SLOB DPON SH'AKYA BSHES GNYEN GYIS MDZAD PAR 'DOD PA SOGS, 'DOD PA MI MTHUN PA SNA TSOGS RNAMS LA, RJE THAMS CAD MKHYEN PAS GSAL SGRON DU DPYAD PA SHIN TU DAG PAS, RIM PA GNYIS PA YONGS RDZOGS MGON POS MDZAD PAR BYAS NA, 'DI'I MJUG TU, 'PHAGS PA RDO RJE'I DRIN GYIS RGYUD RNAMS MANG PO THOS, CES 'BYUNG BA'ANG 'BREL MED DU 'GYUR PA DANG, YANG RIL PO SH'AKYA BSHES GNYEN GYIS MDZAD PAR BYAS NA, MGON POS MDZAD PA'I RIM PA LNGA PA'I BSTAN BCOS KYANG MED PAR THAL BA BZLOG TU MED PAS, DES NA RIM PA GNYIS PA'I STOD MGON POS MDZAD CING, SMAD SLOB DPON SH'AKYA BSHES GNYEN GYIS MDZAD PAR GSUNGS PA NI RDO RJE'I BKA' YIN CING, GZHUNG GI MTSAMS 'DZIN PA SHIN TU DKA' BA YOD KYANG 'DI YAN MGON PO'I GSUNG DANG, SHES RAB NGO BO NYID 'DI NI, ZHES SOGS MAN

, ,SLOB DPON SH'AKYA BSHES GNYEN GYI GSUNG YIN PA, BDAG GI RJE THAMS CAD MKHYEN PA'I DGONGS PA'O, ,GNYIS PA STONG PA GSUM LAS, LHA'I SKU BSKYED TSUL LA GNYIS, BSKYED RIM PAS STONG PA GSUM LAS LHA'I SKU BSKYED TSUL DANG, RDZOGS RIM PAS STONG PA GSUM LAS LHA'I SKU BSKYED TSUL LO, ,DANG PO STON PAR BYED PA LA, SHES RAB NGO BO NYID 'DI NI, ,ZLA BA'I DKYIL 'KHOR DAG TU BRTAG ,SEMS NYID RANG GIS MTHONG 'GYUR TE, ,RANG NYID ZLA BA'I GZUGS BZHIN NO, ,DE NAS ZLA BA LA DMIGS PA, ,RDO RJE MTSAN MAR RAB TU BRTAG ,'DI NI RDO RJE LAS BYUNG BA'I, ,RNAL 'BYOR PA YI THABS SU BSHAD, ,ZLA BA RDO RJE SOGS MNYAM SBYOR, ,SEMS DANG SEMS BYUNG 'DUS PA STE, ,SHES RAB THABS SU 'DUS PA LAS, ,LHA YI GZUGS NI 'BYUNG BAR 'GYUR, ,PHYAG RGYA BZHIS NI RGYAS BTAB CING, ,LHA YI NGA RGYAL 'CHAD BYED DE, ,BSKYED PA'I RIM DANG LDAN PAR NI, ,SNGAGS PAS RTAG TU SPYOD PAR 'GYUR, ,JI SNYED DPAL LDAN 'DUS SOGS PAR, ,DE DANG DER NI RGYAS GSUNGS PA'I, ,JI SRID BSGOM LA SBYOR GYUR PA, ,DE SRID DANG PO'I LAS CAN YIN, ,ZHES GSUNGS, BSKYED RIM PAS STONG PA GSUM LAS LHA'I SKU BSKYED TSUL YOD DE, SHES RAB SNANG BA'I NGO BO NYID 'DI NI, SNANG BA MTSON BYED ZLA BA'I DKYIL 'KHOR DAG TU BRTAG PA STE BSGOM PA YIN PA'I PHYIR, JI LTAR NA, RNAL 'BYOR PAS

RANG GI SEMS NYID ZLA BA'I GZUGS JI BZHIN NO STE JI LTA BA BZHIN DU RANG NYID KYIS MTHONG BAR 'GYUR BA LTAR BSGOM PA YIN PA'I PHYIR, DE LTAR ZLA BA LA DMIGS PA DE NAS, SNANG BA NYER THOB MTSON PA'I RDO RJE'I MTSAN MAR RAB TU BRTAG PA STE BSGOM PAR BYA BA YIN TE, RNAL 'BYOR PA YIS 'DI LTAR BSGOM PA NI, RDO RJES MTSON PA LAS BYUNG BA'I THABS SU STE SNANG BA MCHED PAR BSHAD PA YIN PA'I PHYIR, ZLA BA NYI MA PADMA RDO RJE MNYAM PAR SBYOR BA DANG, SEMS SEMS BYUNG 'DUS PA SHES RAB THABS SU STE SHES RAB THABS GNYIS SU 'DUS PA SNANG BA THOB PA MTSON BYED DANG, DE RNAMS 'DUS PA'AM SBYAR BA LAS BYUNG BAR GYUR PA'I LHA YI GZUGS NI SGYU MA'I SKU MTSON PA YIN NO, DE LTAR SNGAGS PAS DUS RTAG TU LHA YI SKUR SKYED PAR BYED CING, SKU GSUNG THUGS 'PHRIN LAS PHYAG RGYA BZHIS RGYAS BTAB NAS, LHA YI NGA RGYAL 'CHAD PAS SPYOD PAR 'GYUR PAR BYA STE, DE LTAR BYED PA DE NI BSKYED PA'I RIM PA DANG LDAN PAR STONG PA GSUM LAS SGYU MA'I SKUR LDANG BA'I DON YIN PA'I PHYIR, JI SKAD DU, RGYAL BAS DPAL LDAN 'DUS PA LA SOGS PA'I BLA MED KYI RGYUD DE DANG DER NI RGYAS PAR GSUNGS PA'I JI SRID RIM PA DANG PO'I SGOM LA SBYOR BAR GYUR PA DE SRID DU RNAL 'BYOR PA DE DANG PO'I LAS CAN YIN NO, ,BSKYED RIM PAS 'DI LTAR BSGOM PAR GSUNGS PA LA DGOS PA YOD DE, RIM PA GNYIS PA'I SKABS SU SEMS DBEN GYI STONG PA GSUM LAS SGYU MA'I SKU BSKYED

, ,PA'I SMIN BYED DU 'GYUR PA'I CHED YIN PA'I PHYIR RO, ,GNYIS PA STON PAR BYED PA LA, DA NI YONGS RDZOGS RNAL 'BYOR GYIS, ,GSAL BA RU NI BSHAD BYA STE, ,STONG PA GSUM GYI RNAM DAG GANG, ,'OD GSAL BAR NI 'DIR BSHAD DO, ,THAMS CAD STONG PAR DE BRJOD DE, ,YE SHES GSUM NI RNAM DAG PA, ,YE SHES DAG GNAS DE NYID DANG, ,THAMS CAD MKHYEN PA BLA MED PA, ,'GYUR BA MED CING SNANG BA MED, ,GNYIS MED MCHOG TU ZHI BA DANG, ,YOD DANG DE BZHIN MED PA DANG, ,DE NI TSIG GI SPYOD YUL MIN, ,DE BAS 'OD GSAL DAG PA LAS, ,SHES PA GSUM NI 'BYUNG 'GYUR TE, ,SUM CU RTZA GNYIS MTSAN 'CHANG ZHING, ,DPE BYAD BZANG PO BRGYAD CUR LDAN, ,RNAM PA KUN GYI MCHOG LDAN PA'I, ,THAMS CAD MKHYEN PAR DE NAS 'GYUR, ,ZHES GSUNGS, DA NI BSKYED RIM LA GOMS PA YONGS SU RDZOGS PA'I RIM PA GNYIS PA'I RNAL 'BYOR PAS, STONG PA BZHI LAS LHA'I SKU BSKYED TSUL, GSAL BA RU NI BSHAD PAR BYA STE, SNANG BA GSUM RNAM PAR DAG PA'I 'OD GSAL DANG, DE LAS ZUNG 'JUG BSGRUB TSUL GSAL BAR STON PA'I PHYIR TE, DE YANG STONG PA GSUM GYI RNAM PAR DAG PA GANG YIN PA'I YE SHES DE NI, 'DUS PA'I RGYUD 'DIR 'OD GSAL BAR BSHAD PA'I PHYIR TE, YE SHES GSUM NI RNAM PAR DAG PA DE NI SNANG MCHED THOB GSUM BZHON PA DANG BCAS PA THAMS CAD THIM PA'I THAMS CAD STONG

PA 'OD GSAL DU BRJOD PA'I PHYIR, YE SHES GSUM RNAM PAR DAG PA LA BRTEN NAS BYUNG BA'I DON GYI 'OD GSAL DE NYID NI KHYAD PAR DU MA DANG LDAN TE, THAMS CAD MKHYEN PA BLA NA MED PA'I YE SHES DANG RJES SU MTSUNGS PA DANG, RANG GI RANG BZHIN 'GYUR BA MED PA DANG, STONG PA NYID LA GNYIS SNANG NUB PAS BDEN PAR SNANG BA MED PA DANG, YUL DANG YUL CAN RO GCIG TU ZHUGS PAS GNYIS SU MED PA DANG, NYON SGRIB SA BON DANG BCAS PA SPANGS PAS MCHOG TU ZHI BA DANG, BDEN PAR YOD PA DANG, THA SNYAD DU MED PA MA YIN PA DANG, RANG NYID MNGON DU BYAS PA'I RNAL 'BYOR PAS NYAMS SU MYONG BA LTAR TSIG GI SPYOD YUL MA YIN PA'I KHYAD PAR DANG LDAN PA YIN PA'I PHYIR, DE BAS TE DE LTAR RIM PA BZHI PA'I 'OD GSAL RNAM PAR DAG PA DE LAS LHA YI SKU DANG, LUGS LDOG GI SHES PA GSUM RNAMS DUS MNYAM DU 'BYUNG BAR 'GYUR BA STE 'BYUNG NGO, ,SKU DE RNAM PA JI LTAR 'BYUNG BA'I TSUL YOD DE, DE LTA BU'I SKU GRUB MA THAG DE NAS MTSAN BZANG PO SUM CU RTZA GNYIS 'CHANG ZHING, DPE BYAD BZANG PO BRGYAD CUR LDAN PA, RNAM PA KUN GYI MCHOG DANG LDAN PA'I THAMS CAD MKHYEN PA'I RNAM PAR 'BYUNG BAR 'GYUR BA'I PHYIR, 'DIS NI MI SLOB PA'I ZUNG 'JUG MNGON DU BYED TSUL YANG BSTAN PAS DE'I TSUL YANG SHES PAR BYA'O, ,GSUM PA LA BZHI, PHAR PHYIN THEG PA'I MTHAR YANG 'OD GSAL GYI LAM LA BLTOS DGOS PA DANG, 'OD GSAL GYI DE NYID

, ,RNYED NA DMAN PA'I GANG ZAG GIS KYANG SANGS RGYAS MYUR DU 'GRUB PA DANG, 'OD GSAL GYI DE NYID GSUNG RAB LAS GSUNGS TSUL DANG, DE NYID DANG MI LDAN NA GZHAN GYIS 'TSANG RGYA MI NUS PAR BSTAN PA'O; ;DANG PO STON PAR BYED PA LA, DE SKAD DU YANG RGYA CHER ROL PA'I MDO LAS, SH'AKYA THUB PA DE BZHIN GSHEGS, ,MNGON PAR BYANG CHUB 'DI BZHED NAS, ,STONG PA CHEN POS SANGS RGYAS NYID, ,THOB PAR BYA ZHES MNGON PAR DGONGS, ,NEE RANYDZA NA'I KLUNG 'GRAM DU, ,MI GA-YO'I TING 'DZIN LA BZHUGS LA, ,DE TSE RGYAL BA MKHA' RDO RJE, ,TIL GYI GANG BU GANG BZHIN BZHUGS, ,RGYAL BA'I SRAS LA SE GOL DANG, ,DE LA DBYANGS GCIG GIS GSUNGS PA, ,BSAM GTAN 'DI NI RNAM DAG MIN, ,'DIS NI MTHAR THUG MI 'THOB STE, ,NAM MKHA'I NGOS LTAR MCHOG GYUR PA, ,'OD GSAL BA NI DE DMIGS SHIG ,'OD GSAL BA YI GNAS THOB NAS,, RAB DGA'I GZUGS SU SKYE BAR 'GYUR, ,DE TSE RAB DGA' RDO RJE'I SKU, ,KUN GYI DBANG PHYUG 'THOB PAR 'GYUR, ,'DI LTAR SGRA DE GSAN PA DANG, ,DE NAS TING 'DZIN MI GA-YO BTANG, ,'DI LTAR NAM PHYED DUS SU NI, ,RGYAL BA'I SRAS KYIS DE NYID DMIGS, ,SKU NI DRANG PO MA YIN ZHING, ,MI DRANG BA YANG MA YIN LA, ,DBUGS GTONG BA DANG RDUB PA MIN, ,GSUNG BA MA YIN MI GSUNG MIN, ,SPYAN BZANG BTZUMS PA MA YIN ZHING, ,SPYAN PHYE BA YANG MA

YIN PAS, ,THAMS CAD STONG PA RMAD CHEN PO, ,DVANGS SHING GSAL BA'I YE SHES CHE, ,BLA MA NYID KYI DRIN GYIS NI, ,DE NAS DE NI GSAL MTHONG GYUR, ,'DAS PA DANG NI MA 'ONGS DANG, ,DA LTAR BYUNG BA'I SRID PA GSUM, ,SKAD CIG DE LA MA LUS MTHONG, ,'OD GSAL BAS NI RNAM DAG CING, ,RDO RJE LTA BU'I TING 'DZIN GYIS, ,SKYA RENGS 'CHAR BA'I DUS SU NI, ,CHU ZLA DANG NI SMIG RGYU SOGS, ,SGYU MA'I YON TAN RNAMS KYIS BRGYAN, ,BYANG CHUB SNYING POR BZHUGS NAS NI, ,DER NI BDUD RNAMS 'JOMS PAR MDZAD, ,SH'AKYA'I MGON POS YANG DAG PA'I, ,YE SHES BLA MED LEGS THOB NAS, ,'GRO BA SKYOB CING PHAN PA'I PHYIR, ,DE NYID 'DIR NI STON PAR MDZAD, ,MNGON PAR BYANG CHUB STON PA NI, ,DE NYID YE SHES CES BYAR BSHAD, ,CES GSUNGS, DON NI, BLA MED KYI LAM 'DIR 'OD GSAL MNGON DU BYAS NAS 'TSANG RGYA BAR BSTAN PA DE BZHIN DU PHA ROL TU PHYIN PA'I LAM GYI MTHAR YANG DON GYI 'OD GSAL LA BRTEN NAS 'TSANG RGYA BA'I TSUL STON PA NI, BDAG CAG GI STON PA ZHING 'DIR BLA MED KYI LAM LA BRTEN NAS GSAR DU SANGS RGYAS TSUL DPER BKOD PA STON PA'I PHYIR, MI GA-YO'I TING 'DZIN LA BZHUGS LA, ,ZHES PA YAN GYI MDO DRANGS PA YIN GYI, SANGS RGYAS RNAMS KYIS BSKUL BA DANG, 'OD GSAL LA BRTEN NAS SANGS RGYAS TSUL MDO DES BSTAN PA NI MA YIN NO, ,DE BZHIN DU STONG CHEN ZHES PA YANG MI GA-YO BA'I BSAM GTAN YIN GYI NYER THOB MIN NO,,

, ,'DI LTAR DE BZHIN GSHEGS PA SH'AKYA THUB PA 'TSANG RGYA TSUL STON PA'I SNGON DU, NEE RA NYDZA NA'I CHU 'GRAM DU 'BRAS BU'I MNGON PAR BYANG CHUB 'DI THOB PAR BZHED NAS, STONG PA CHEN POS SANGS RGYAS NYID THOB PAR BYA'O ZHES DGONGS NAS MI GA-YO BA'I TING NGE 'DZIN LA BZHUGS LA STE BZHUGS SO, ,DE TSE ZHES SOGS DE NYID BSDUS PA'I RGYUD LAS GSUNGS SO, ,DE'I TSE BDUD BZHI LAS RGYAL BA'I NAM MKHA' RDO RJE DE BZHIN GSHEGS PA'I MTSAN GYI RNAM GRANGS YIN PAS, SANGS RGYAS TIL GYI GANG BU GANG BA BZHIN MDUN GYI NAM MKHAR BYON ZHING BZHUGS NAS, RGYAL BA'I SRAS TING NGE 'DZIN LA MNYAM PAR BZHAG PA SE GOL GYI SGRAS SAD PA DANG, RGYAL SRAS DE LA MTHUN PAR DBYANGS GCIG GIS 'DI LTAR GSUNGS PA YIN NO, ,BSAM GTAN 'DIS NI MTHAR THUG GI 'BRAS BU DNGOS SU MI 'THOB STE, 'DI NI BAG CHAGS PHRA MO DNGOS SU DAG BYED MA YIN PA'I PHYIR, DES NA NAM MKHA'I NGOS LTAR MCHOG TU GYUR PA DON DAM BDEN PA DANG RO GCIG PA'I 'OD GSAL BA DE NI DMIGS SHING SGOMS SHIG ,DON GYI 'OD GSAL BA'I GNAS THOB NAS NI, DE'I RLUNG SEMS TZAM LAS RAB DGA'I GZUGS SU SKYE BA STE SLOB PA'I ZUNG 'JUG 'THOB PAR 'GYUR BA'I PHYIR, ZUNG 'JUG DE THOB PA'I TSE, RAB DGA' RDO RJE'I SKU MI SLOB PA'I ZUNG 'JUG DBANG PHYUG BRGYAD PO KUN GYI GO 'PHANG 'THOB PAR 'GYUR RO ZHES BSKUL BA YIN PA'I PHYIR

TE; SPYOD BSDUS LAS, RIM PA 'DI NYID KYIS DPAL BCOM LDAN 'DAS SH'AKYA SENG GE LA DE BZHIN GSHEGS PA THAMS CAD KYIS SE GOL GYI SGRAS BSKUL BAR GYUR PAS, MI GA-YO BA'I TING NGE 'DZIN LAS BZHENGS TE BYANG CHUB KYI SHING DRUNG DU BZHUGS TE, MTSAN PHYED KYI DUS SU 'OD GSAL MNGON DU MDZAD DE, SGYU MA LTA BU'I TING NGE 'DZIN GYIS BZHENGS NAS GDUL BYA RNAMS LA CHOS KYI 'KHOR LO RAB TU BSKOR BA YIN NO, ,ZHES GSUNGS PA'I PHYIR RO, , 'DI LTAR SANGS RGYAS RNAMS KYIS BSKUL BA'I SGRA DE GSAN PA DANG, DE NAS MI GA-YO BA'I TING NGE 'DZIN DE BTANG NAS TE DE LAS BZHENGS NAS 'DIR NAM PHYED KYI DUS SU NI, RGYAL BA'I SRAS PO DES PHYI NANG GI THABS GNYIS LA BRTEN NAS 'OD GSAL GYI DE NYID DMIGS SHING MNGON SUM DU MDZAD DO, ,DE YANG, BDE BA CHEN PO 'OD GSAL CHOS KYI SKU RJES MTHUN PA DE NI, BEM LUS RAGS PA MA YIN PAS DRANG PO MA YIN ZHING, MI DRANG BA 'KHYOG PO YANG MA YIN TE, GZUGS CAN MA YIN PA'I PHYIR LA, 'OD GSAL MNGON SUM DU MDZAD PA'I RGYAL SRAS DE NI DBUGS PHYIR GTONG BA DANG, NANG DU RDUB PA YANG MA YIN TE, RTZA BA DANG YAN LAG GI RLUNG THAMS CAD MI SHIGS PA LA THIM PA'I PHYIR, DE NI THA MAL PA'I GTAM SNA TSOGS GSUNG BA MA YIN LA, MI GSUNG BA YANG MA YIN TE, 'OD GSAL 'DREN BYED KYI THIG LE MCHOG MA DANG SNYOMS 'JUG DGA' BA'I ROL PA LAS BYUNG BA, CHOS PHUD

, ,BRGYAD KHRI BZHI STONG 'BYUNG BA'I RGYUR GYUR PA, MI SHIGS PA'I THIG LE'I RANG GDANGS A'A LI K'A LI'I SGRAR 'BYUNG BA'I PHYIR, DE NI SPYAN BZANG PO BTZUMS PA MA YIN ZHING STE MA BTZUMS PA YIN TE, THAMS CAD STONG PA 'OD GSAL GYI DE KHO NA NYID JI BZHIN DU GZIGS PA YIN PA'I PHYIR, SPYAN PHYE BA YANG MA YIN TE, MNYAM GZHAG DE'I GZIGS NGOR KUN RDZOB PA'I CHOS RDUL PHRAN TZAM YANG MA MTHONG BA'I PHYIR, DE LTAR RGYAL SRAS DE NI THAMS CAD STONG PA RMAD DU BYUNG BA'I CHEN PO MCHOG LA'ANG 'JUG PAS, MCHOG TU GYUR PA THO RANGS KYI NAM MKHA' GA-YA' DAG RKYEN GSUM DANG BRAL BA LTA BU'I DVANGS SHING GSAL BA BDE BA CHEN PO'I YI SHES MTHONG BAR GYUR TO, ,GANG LA BRTEN NAS NA BLA MA'I DRIN GYIS NI'O, ,MNYAM GZHAG DE LAS LANGS PA'I RJES THOB KYI SKAD CIG DE LA NI MA LUS PA GSAL BAR MTHONG NGO, ,GANG NA, 'DAS PA DANG, MA 'ONGS PA DANG, DA LTAR BYUNG BA'I SRID PA GSUM PO MA LUS PA'O, ,SLAR YANG 'OD GSAL BDE BA CHEN PO'I YE SHES KYIS NI SHES BYA'I SGRIB PA RNAM PAR DAG CING, RDO RJE LTA BU'I TING NGE 'DZIN GYIS NI, SKYA RENGS 'CHAR BA'I DUS SU NI CHU ZLA DANG NI SMIG RGYU SOGS TE 'JA' TSON SGYU MA DANG MTSUNGS PA YON TAN GYI RIGS RNAMS THAMS CAD KYIS BRGYAN PA'I MI SLOB PA'I ZUNG 'JUG BYANG CHUB SNYING PO GRUB STE, BYANG CHUB SNYING PO'I SHING DRUNG DU BZHUGS NAS NI, DER NI

PHYI ROL GYI BDUD RNAMS 'JOMS PAR MDZAD DO, ,SH'AKYA'I MGON POS YANG DAG PA'I YE SHES BLA NA MED PA LEGS PAR THOB NAS, GDUL BYA RNAMS LA DE NYID 'DIR DGONGS PAS STON PA DANG, DGONGS PA MIN PA SOGS KYI SGO NAS STON PAR MDZAD DO, ,DGOS PA CI'I PHYIR ZHE NA, 'GRO BA RNAMS SRID ZHI'I 'JIGS PA LAS SKYOB CING GNAS SKABS DANG MTHAR THUG TU PHAN PA BSGRUB PA'I PHYIR DU'O, ,DE LTAR STON PA'I DE NYID DE GANG ZHE NA, DE YANG YOD DE, MNGON PAR BYANG CHUB PA 'OD GSAL GYI YE SHES NI, STON PAR GSUNGS PA'I DE NYID CES BYA BAR BSHAD PA'I PHYIR RO, ,BDAG CAG GI STON PA NI SNGAR NAS SANGS RGYAS ZIN PAS 'DIR BLA MED KYI 'OD ZUNG LA BRTEN NAS SANGS RGYAS PA TSUL BSTAN YIN KYANG, 'DI LTAR BSTAN PA LA DGOS PA YOD DE, PHAR PHYIN THEG PA'I RANG LAM GYIS BCU'I SRID PA THA MA PA 'OD ZUNG LA BRTEN NAS 'TSANG RGYA BA'I RIM PA SHES PAR BYA BA'I CHED YIN PA'I PHYIR RO, ,GNYIS PA 'OD GSAL GYI DE NYID RNYED NA DMAN PA'I GANG ZAG GIS KYANG 'GRUB TSUL STON PA LA, MTSAMS MED LNGA YI LAS CAN DANG, ,MI GANG BSOD NAMS DMAN PA'AM, ,YID BZHIN NOR DANG 'DRA BAR GZHAN, ,BLA MA'I DRIN GYIS 'THOB PAR 'GYUR, ,SPYOD PA CI DGAR SPYOD BYED DE, ,'DI NI MA 'ONGS RDZOGS SANGS RGYAS, CES GSUNGS, MI GANG BSOD NAMS KYI BSAGS PA DMAN PA'AM, MTSAMS MED LNGA BYED PA'I LAS CAN DANG, MI DGE BCU BYED

, ,PA RNAMS KYIS KYANG, BLA MA'I DRIN GYIS DE NYID THOB NA SANGS RGYAS MYUR DU 'THOB PAR 'GYUR TE, 'DI NI SPYOD PA CI DGAR SPYOD BZHIN DU YID BZHIN NOR BU DANG 'DRA BA GDUL BYA GZHAN LA MCHOG STZOL BAR 'ONGS PA'I SANGS RGYAS SU 'GYUR BA'I PHYIR RO, ,GSUM PA 'OD GSAL GYI DE NYID GSUNG RAB LAS GSUNGS TSUL STON PA LA, CHAGS MIN CHAGS DANG BRAL BA'ANG MIN, ,DBU MAR YANG NI MI DMIGS SO, ,STONG PA MA YIN MI STONG MIN, ,DBU MAR YANG NI MI DMIGS SO, ,SANGS RGYAS KUN GYI MNYAM SBYOR BA, ,'DI NYID LTAR NI RAB STON TE, ,YE SHES GSUM BRAL DE NYID GANG, ,DGONGS PA YIS NI GSUNGS PA YIN, ,DE BZHIN DPAL LDAN GSANG 'DUS KYI, ,BYANG CHUB SEMS KYI LE'U LAS, ,DNGOS MED LA SOGS TSIGS BCAD KYIS, ,MNGON PAR BYANG CHUB MTSAN NYID GSUNGS, ,'DOD CHAGS LA SOGS RNAM DAG GANG, ,DPAL MCHOG LAS KYANG GSUNGS PA YIN, ,DE NYID DE BZHIN GSHEGS PAS KYANG, ,THAMS CAD STONG PAR GSUNGS PA YIN, ,SNA TSOGS MDO DANG RGYUD LAS NI, ,DE NYID GANG ZHIG NYER BSTAN PA, ,THAMS CAD STONG GNAS 'DI NYID LAS, ,DER NI GZHAN DAG MA GSUNGS SO, ,CHOS PHUNG BRGYAD KHRI BZHI STONG NI, ,THUB PA CHEN POS GSUNGS PA LAS, ,MNGON PAR BYANG CHUB MTSAN NYID NI, ,SNYING PO LAS NI SNYING POR GSUNGS, ,CES GSUNGS, DON NI, CHAGS PA MCHED

PA MIN CING CHAGS BRAL SNANG BA MIN LA, DBU MAR TE NYER THOB YANG MI DMIGS PA SPANGS PA DANG, DE BZHIN DU STONG PA'I RANG BZHIN SO GSUM, MI STONG PA'I RANG BZHIN BZHI BCU, DBU MAR TE NYER THOB KYI RANG BZHIN BDUN YANG NI MI DMIGS PA 'OD GSAL BA'O, ,SANGS RGYAS KUN GYI MNYAM SBYOR BA'I RGYUD LAS KYANG, YE SHES GSUM DANG BRAL BA'I DE NYID GANG YIN PA DE NI 'DI NYID LTAR DU RAB TU STON TE, DGONGS PA YIS NI GSUNGS PA YIN PA'I PHYIR, DE BZHIN DU DPAL GSANG BA 'DUS PA'I BYANG CHUB SEMS KYI LE'U LAS KYANG, THUB PA CHEN PO DRUG GIS DNGOS PO MED PA LA SOGS PA'I TSIGS BCAD KYIS MNGON PAR BYANG CHUB PA DE KHO NA NYID KYI MTSAN NYID GSUNGS SO, ,DE BZHIN GSHEGS PA RNAMS KYIS KYANG DPAL MCHOG DANG PO LAS KYANG, 'DOD CHAGS RNAM PAR DAG PA'I DE NYID GANG YIN PA THAMS CAD STONG PAR GSUNGS PA YIN PA'I PHYIR TE, DE NYID LAS; 'DOD CHAGS RNAM DANG DAG PA'I GNAS DE NI 'DI LTA STE, BYANG CHUB SEMS DPA'I GNAS SO, ,ZHES SOGS GSUNGS PA'I PHYIR RO, ,MDO RGYUD SNA TSOGS PA RNAMS LAS NI, DE KHO NA NYID NYE BAR BSTAN PA GANG ZHIG YIN PA THAMS CAD NI, THAMS CAD STONG GNAS TE THAMS CAD STONG PA 'OD GSAL 'DI NYID YIN GYI, DER NI 'DI NYID LAS GZHAN MA GSUNGS SO, ,THUB PA CHEN POS CHOS PHUNG BRGYAD KHRI BZHI STONG RNAMS NI GSUNGS PA

, ,LAS; MNGON PAR BYANG CHUB PA'I MTSAN NYID THAMS CAD STONG PA 'OD GSAL 'DI NI SNYING PO LAS KYANG SNYING POR GSUNGS SO, ,GAL TE MDO RGYUD THAMS CAD KYIS DE KHO NA NYID STON PAS 'DIR BSTAN 'OD GSAL STON PAR BSHAD PA NI MI RIGS TE, RGYUD SDE 'OG MA GSUM MAN CHAD DU 'OD ZUNG MI STON PAR BSHAD PA DANG 'GAL BA'I PHYIR ZHE NA, SKYON MED DE, GSUNG RAB KYI SNYING PO SHES BYA'I GNAS LUGS MTHAR THUG PA'I STONG PA DE DANG, YUL CAN LHAN SKYES KYI BDE BA CHEN PO DBYER MED DU ZHUGS PA'I YE SHES NI 'DIR BSTAN 'OD GSAL YIN LA, DE NI RGYUD SDE 'OG MA DANG PHAR PHYIN THEG PAR MI STON KYANG, YUL GYI 'OD GSAL STONG NYID RTOGS PA'I SHES RAB LAM GYI SNYING POR GSUNGS PAS, DE LA DGONGS NAS DE LTAR GSUNGS PA'I PHYIR, MDOR NA SHES BYA'I MTHAR THUG STONG PA NYID GSUNG RAB KUN TU BSTAN KYANG, DE RTOGS PA'I YUL CAN MTHAR THUG SNGAGS BLA MED LAS GZHAN DU MA GSUNGS SHING, DE GNYIS SBYAR BA'I LAM DE, THABS SHES KYI GNAS KUN TSANG BA'I LAM, GSUNG RAB THAMS CAD KYI SNYING PO BSDUS BSDUS PA'I 'GAG SNGOMS MTHAR THUG YIN PAS, DE'I PHYIR DE LA BSNGAGS PA MDZAD PA YIN NO, ,DE LTAR BSNGAGS PA MDZAD PA'I GTZO BO NI DON GYI 'OD GSAL YIN LA, DE'I RGYU DPE'I 'OD GSAL KYANG SNGAGS YUL YIN NO, ,BZHI PA, DE NYID DANG MI LDAN NA GZHAN GYIS

'TSANG RGYA MI NUS PAR STON PA LA, RAL PA GCER BU MGO REG GAM, ,COD PAN 'DUS PAS SPONG 'JUG STE, ,SNA TSOGS RTAGS CAN DE DANG DE, ,MNGON PAR BYANG CHUB 'DOD PA RNAMS, ,DE NYID DMAN PA DE RNAMS KYIS, ,BRTUL ZHUGS SPYOD PA LA SOGS RIM, ,DE NYID YE SHES DMAN PAS NA, ,DES NI GROL BA RNYED MI 'GYUR, ZHES GSUNGS, DON NI, RAL PA'I KHUR 'DZIN PA DANG, GCER BU'I BRTUL ZHUGS LEN PA DANG, MGO REG GAM COD PAN THOR TSUGS DANG LDAN PA TSOGS SU 'DUS PAS KHRIMS LA GNAS PA DANG, GCIG PUR SPONG BA LA 'JUG PA GNYIS KA SGO GSUM DGE BAS BSDAMS PA DANG, RIG PA'I BRTUL ZHUGS KYIS 'DOD YON LA SPYOD PA LA SOGS SNA TSOGS PA'I RTAGS DANG SPYOD PA'I RIM PA CAN MNGON PAR RDZOGS PAR BYANG CHUB PA 'DOD PA DE DANG DE RNAMS, 'DIR BSTAN DE NYID SGRUB PA'I THABS DMAN PA STE MI SHES NA, DE RNAMS KYIS NI GROL BA RNYED PAR MI 'GYUR TE, DE KHO NA NYID 'OD GSAL GYI YE SHES DMAN PAS NA STE YE SHES DE DANG BRAL BA'I PHYIR RO, ,BZHI PA, LAM 'DIS BGROD PA'I RIM PA STON PA LA, DANG PO'I LAS KYI SBYOR BA YIS, ,SA BRGYAD PA NI 'THOB PAR 'GYUR, ,SNANG BA GSUM PO MTHONG BA DAG ,SA BCU LA NI RAB TU GNAS, ,MNGON PAR BYANG CHUB LEGS THOB NAS, ,GTZANG MA'I GNAS SU NYE BAR 'GRO, ,SANGS RGYAS ZHING NAS MI LDOG PAS, ,TSE 'DI NYID KYIS THAMS CAD MKHYEN, ZHES GSUNGS, DANG PO'I LAS KYI SBYOR BA BSKYED RIM MTHAR

, ,PHYIN PA YIS SA BRGYAD PA NI 'THOB PAR 'GYUR, DE BZHIN DU SEMS DBEN MTHAR THUG PA'I SNANG BA GSUM MTHONG BA DAG ,SA BCU PA LA NI RAB TU GNAS PA YIN CING, DON GYI 'OD GSAL MNGON PAR BYANG CHUB PA LEGS PAR THOB NAS, NYON SGRIB SA BON DANG BCAS PA SPANGS PA'I GTZANG MA'I GNAS SU STE SA BCU PAR 'GRO'O, ,DE LAS ZUNG 'JUG GI SKUR BZHENGS PA NI, SANGS RGYAS KYI ZHING NAS PHYIR MI LDOG PA SRID PA THA MA PA YIN PAS, TSE 'DI NYID LA THAMS CAD MKHYEN PAR 'GYUR RO, ,'DI LTAR GSUNGS PA LA NI CHOS MTHUN SBYOR TSUL KHYAD PAR CAN YOD PA YIN LA, GZHAN DU NA THOG MA'I DON GYI 'OD GSAL BLA MED KYI SA DANG PO YIN PA SOGS ZHIB PAR RIM LNGA GSAL SGRON LAS SHES DGOS SO, ,LNGA PA, BOGS 'BYIN GYI SPYOD PA STON PA LA, CHOS 'BYUNG MNGON PAR BYANG CHUB PA'I, ,CHAGS SOGS ROL MO RGYA CHEN PO, ,CHOS DBYINGS MNGON PAR BYANG CHUB PA; ;JI LTAR RNYED PA'I SPYOD PAS SO, ,MNGON PAR RTOGS PAR GANG GYUR PA, ,BLA MED MNGON PAR BYANG CHUB PA, ,SPROS BCAS LA SOGS SPYOD PA YIS, ,RNAL 'BYOR PA NI 'DIR SLOB BO, ,GZOD NAS DAG PA'I RANG BZHIN CAN; ;NGO BO NYID KYIS DE GRUB NA, ,BSLAB PA'I SBYOR BAS CI ZHIG BYA, ,RTOG LAS DE BZHIN NYID MI SKYE, ,GANG ZHIG DE LTAR 'DIR RTOG NA, ,YE SHES RIM PA SPANGS PA NYID, ,DE YI DBYE BA MI SHES PAS, ,SLAR YANG SLOB PAR

'GYUR BA YIN, ,RANG BZHIN SNANG BA'I DBYE SHES SHING, ,DE NYID BZHI PA LA BRTEN LA, ,GANG ZHIG RNAM GSUM LA SLOB PA, ,DES NI 'BRAS BU MYUR 'THOB 'GYUR, ,JI LTAR SHING LA ME GNAS PA, ,MA GTZUBS PAR NI 'BYUNG MI 'GYUR, ,DE BZHIN BYANG CHUB BSLAB BRAL BAS, ,CHE 'DI NYID LA 'BYUNG MI 'GYUR, ,ZHES GSUNGS, RDZOGS PA'I RIM PA'I RNAL 'BYOR PAS NI 'DIR SLOB BO, ,GANG LA NA CHAGS SOGS KYI ROL MO DANG, ZLOS GAR DANG, TSOGS KYI DKYIL 'KHOR DANG, PHYAG RGYA DANG BRDA' DANG GLU LA SOGS PA RGYA CHEN PO'I SPROS BCAS DANG, LNGA'AM GNYIS SOGS JI LTAR RNYED PA'I PHYAG RGYA DANG BCAS PA'I SPROS MED DANG, SHIN TU SPROS MED KYI SPYOD PAS SO, ,DGOS PA CI'I PHYIR DU NA, SGRUB PA PO MNGON PAR RTOGS PA GANG DANG GANG 'DOD PA DE DANG DE 'THOB PA DE'I PHYIR TE, CHOS DBYINGS MNGON PAR BYANG CHUB PA'I 'OD GSAL THOB PA'I ZUNG 'JUG PAS NI BLA NA MED PA 'BRAS BU'I MNGON PAR BYANG CHUB PA DANG, MA DAG PA'I SGYU LUS PAS NI, STOBS SOGS YON TAN KUN GYI 'BYUNG GNAS MNGON PAR BYANG CHUB PA DON GYI 'OD GSAL DANG, 'OG TU, RANG BZHIN SNANG BA'I DBYE SHES SHING, ZHES 'BYUNG BAS, SEMS DBEN PAS SGYU LUS 'THOB PHYIR DU BYED PA'I PHYIR, DE LA RTZOD PA SPANG BA NI, 'O NA CHOS NYID GZOD MA NAS RANG BZHIN GYIS RNAM PAR DAG PA'I BDAG NYID CAN DU NGO BO NYID KYIS DE LTAR GRUB NA, SPYOD PA GSUM CI RIGS LA SLOB PA'I SBYOR BAS CI ZHIG BYA STE BYA MI DGOS PAR THAL, SPROS PA GANG YANG MI BYED PAR, RTOG MED DU

, ,BZHAG PAS CHOG PA'I PHYIR TE, SPROS PA DANG BCAS PA'I RTOG PA LAS, RTOG MED DE BZHIN NYID KYI YE SHES MI SKYE BA'I PHYIR ZHE NA, SKYE BO GANG ZHIG SPYOD PA LA SLOB PA'I SPROS PAS 'OD GSAL RTOG PA MED PA'I YE SHES MI SKYE BA DE LTAR RTOG PA 'DI NI MI RIGS TE, DE LTAR RTOG NA, LAM DANG 'BRAS BU'I YE SHES KYI RIM PA MYUR DU 'THOB PA'I RGYU SPANGS PA NYID YIN PA'I PHYIR TE, YE SHES GSUM PO DE NYAMS SU MYONG BA'I DBYE BA MI SHES PAS, 'BRAS BU 'DOD NA SLAR YANG SLOB DGOS PAR 'GYUR BA'I PHYIR RO, ,RNAL 'BYOR PA GANG ZHIG RANG BZHIN SNANG BA GSUM GYI DBYE BA SHES SHING GNAS PA DANG, DE NYID BZHI PA 'OD GSAL LA BRTEN LA, SPYOD PA RNAM PA GSUM LA SLOB BA LA DGOS PA YOD DE, DES NI THOB BYA'I 'BRAS BU MYUR DU 'THOB PAR 'GYUR BA'I PHYIR TE, JI LTAR TE DPER NA SHING LA ME 'BYUNG RUNG GI TSUL DU GNAS KYANG, GTZUB SHING DANG GTZUB STAN GYIS MA GTZUBS BAR DU 'BYUNG BAR MI 'GYUR BA DE BZHIN DU BLA NA MED PA'I BYANG CHUB KYANG SPYOD PA GSUM PO GANG RUNG LA BSLAB PA DANG BRAL BAS TSE 'DI NYID LA 'BYUNG BAR MI 'GYUR BA'I PHYIR RO, ,GSUM PA, GDAMS PA STON PA'I SNOD KYI KHYAD PAR STON PA LA, GANG ZHIG GA-YO SGYU'I BLO CAN LE LO CAN DAG DANG, ,NYON MONGS BLA MA'I SKYON RNAMS MTHONG GI YON TAN MIN, ,BLA MA LA SMOD DBANG BSKUR THOB CES RLOM SEMS 'GYUR, ,BLO DMAN SEMS LDAN YANG DAG KUN MKHYEN 'THOB MI

'GYUR, ,BSNYEN BKUR MED PAR MYUR DU DE NYID 'THOB PAR 'DOD, ,YANG DAG TSIG MA YIN ZHES KHRO BCAS GA-YO BAR 'GYUR, ,TSOGS NANG BLA MA MTHONG NA RGYAB KYIS PHYOGS PAR BYED, ,DE NAS DE NI DBEN PAR SONG NAS PHYAG BYED 'GYUR DE LTAR RANG BZHIN NGAN GYUR DMAN PA'I SLOB MA NI, ,RANG GI BUR GYUR YIN YANG GZHAN BZHIN YONGS SU SPANG, ,RGYAL RIGS RJE'U RIGS MCHOG LAS SKYES PAR GYUR PA YANG, ,BRTAN PAS DE YI DRUNG DU NAM YANG GZHAG MI BYA, ,ZHES GSUNGS, SNOD LDAN GYI GDUL BYA'I MTSAN NYID STON PA LA, YON TAN MCHOG LDAN YE SHES BRTZON PAR BCAS PA DANG, ,YANG NA BLA MA LA GUS SANGS RGYAS DANG MNYAM BLTA, ,RGYAL BA'I CHOS RNAMS RTOGS SHING BSTAN LA SHIN TU DAD, ,DE 'DIR SNOD LDAN YIN PHYIR DE LA DRIN SBYIN BYA, ZHES GSUNGS, RGYUD STON PAR MI 'OS PA'I SLOB DPON NGOS 'DZIN PA LA, RGYUD MANG RAB TU THOS SHING LUNG LA LEGS SBYANGS KYANG, BLA MA'I BSNYEN BKUR DMAN PHYIR LUNG THOB MA GYUR PA, ,DE NI BDAG PHAN TZAM YANG DBANG MED BSTAN PA 'CHU, ,DE NI BSTAN BCOS SKYO BA'I RGYU TZAM 'BA' ZHIG YIN, ,YANG NA SKAL LDAN GYUR CING DE NYID MAN NGAG THOB, ,GANG ZHIG BLO GROS BLUN MIN DON NI SPYOR NUS LA, ,GZHAN DON BYA BA'I BLO YIS STON LA RAB TU 'JUG ,TSIG GI YON TAN MED NA DE YANG BRNYAS BCAS 'GYUR, ZHES GSUNGS, STON PAR 'OS PA'I SLOB DPON STON PA LA, RGYUD MANG THOS SHING SHES LDAN GNAS DRUG SHES PA DANG, ,DRAN DANG BLO

, ,GROS BRTAN BLO BRTZON PA PHUN TSOGS LDAN, ,BLA MA'I ZHABS BKUR BYAS SHING DE NYID LUNG THOB DANG, ,RGYUD RGYAL MAN NGAG DE LA BSTAN PAR 'OS PA YIN, ZHES GSUNGS, GNAS DRUG SHES PA NI MTHA' DRUG SHES PA'O, ,GZHAN RNAMS NI GO SLA'O, ,BRTZAMS PA'I DGE BA BSNGO BA LA, 'PHAGS PA RDO RJE'I DRIN GYIS RGYUD RNAMS MANG PO THOS, ,GSAL BA RNAMS SPRAS TSIG GIS BYANG CHUB LAM NI RNAM PHYE BAS, ,SH'AKYA BSHES GNYEN GYIS NI DGE BA GANG BSAGS DES, ,MKHAS ZHING GSAL BA'I RNAM SMIN BYANG CHUB SNOD GYUR SHOG ,CES GSUNGS, MJUG BSDU BA LA, BLA NA MED PA'I DGONGS PA ZHES BYA BA, THAMS CAD DAG CING RNAM PAR DAG PA'I RIM PA SLOB DPON SH'AKYA BSHES GNYEN GYIS MDZAD PA STE, RIM PA GNYIS PA'O, ZHES SO, ,'DIR SMRAS PA, LUS CAN KUN GYI GCES PA'I SROG ,DZAMBU CHU BO'I GSER BZHIN DU, ,'GYUR BA MED CING GZUGS BRAL BA, ,MDZES PA'I LANG TSO NGOM PA BZHIN, ,RIM PA GNYIS PA'I RNAM PAR BSHAD PA'O, ,LHAN CIG SKYES DGA'I LHA LAM DANG, ,DBYER MED 'JA' TSON PHUNG PO YIS, ,GAR MDZAD LHA DANG BLA MA YI, ,ZHABS BSTEN RIM PA GSUM PA BSHAD, ,GSUM PA BDAG BYIN RLABS KYI RIM PA BSHAD PA LA BZHI, RTZOM PA LA 'JUG PA'I YAN LAG ,BRTZAMS PA'I GDAMS NGAG DNGOS, DE STON PA'I BLA MA MNYES PAR BYA BA, GDAMS NGAG GI SNOD DANG SNOD MA YIN PA'I KHYAD PAR

BSTAN PA'O, ,DANG PO STON PA LA, RDO RJE CAN RNAMS KUN GYI GTZO, ,RDO RJE CHE LA PHYAG 'TSAL TE, ,BDAG LA BYIN GYIS BRLAB PA NYID, ,BRTZE BAS BDAG GIS BSHAD PAR BYA, ZHES GSUNGS PHYAG 'TSAL ZHES DRANG, GANG LA NA, RDO RJE CAN RIGS LNGA PO KUN GYI GTZO BO DRUG PA RDO RJE 'CHANG CHEN PO LA'O, ,GANG GIS NA MGON PO KLU SGRUB KYIS SO, ,TE NI LHAG MA 'DREN PA STE PHYAG 'TSAL NAS CI BYA NA, KLU SGRUB BDAG GIS BSHAD PAR BYA'O, ,GANG NA BDAG GAM NGA'O SNYAM PA'I THA SNYAD 'DOGS PA'I GDAGS GZHIR GYUR PA'I LUS DE, YE SHES TZAM GYI SGYU MA'I SKUR BYIN GYIS BRLAB PA STE BSKYED PA'I RIM PA'O, ,RGYU GANG GIS NA SEMS CAN THAMS CAD LA DMIGS PA'I BRTZE BA CHEN POS SO, ,GNYIS PA LA GNYIS, MAN NGAG GI SNOD DU BYA BA DANG, DE LA MAN NGAG BSHAD PA'O, ,DANG PO LA GNYIS, MTSAN NYID DANG LDAN PA'I SLOB MAS BLA MA MNYES PAR BYA BA, MNYES PA LA YON PHUL TE DBANG BSKUR ZHU BA'O, ,DANG PO STON PA LA, DE LA DANG PO BSKYED PA'I RIM PA'I RJES SU 'BRANGS NAS DBANG BSKUR BA THOB CING, RGYUD RNAM PA BZHI'I DGONGS PA SHES PA, SHES RAB DANG LDAN ZHING LUS DANG NGAG DANG YID RNAM PAR DBEN PA'I THOS PA 'DZIN PA, BDEN PA RNAM PA GNYIS LA LHAG PAR MOS PA, RDO RJE SLOB DPON YANG DAG PAR MNYES PAR BYAS TE, ZHES GSUNGS, DON NI, MNYES PAR BYA'O, ,GANG NA RDO RJE BLA MA'O, ,GANG GIS NA KHYAD PAR BZHI DANG LDAN PA'I SLOB MAS SO, ,KHYAD PAR BZHI YANG YOD DE, DE LA

, ,DANG POR SMIN BYED KYI DBANG BSKUR BA THOB CING, BSKYED PA'I RIM PA'I RJES SU 'BRANGS PA STE RIM PA DANG PO LA BSLABS PA'I KHYAD PAR, SHES RAB DANG LDAN PAS BYA BA LA SOGS PA RGYUD SDE RNAM PA BZHI'I DGONGS PA SHES PA TE RGYUD MANG DU THOS PA'I KHYAD PAR, LUS DANG NGAG YID RNAM PAR DBEN PA'I THOS PA 'DZIN PA STE DBEN GSUM LA BSLABS PA'I KHYAD PAR, THUN MONG MA YIN PA'I BDEN PA GNYIS KYI GDAMS NGAG LA MI PHYED PA'I DAD PA DANG LDAN PA LHAG PAR MOS PA'I KHYAD PAR DANG LDAN PA YIN PA'I PHYIR RO, ,GNYIS PA STON PA LA, DE'I 'OG TU BLA MA MNYES PAR GYUR NAS, TSIGS KYI MCHOD PA CHEN PO BYAS LA, LO BCU DRUG MA RDO RJE SLOB DPON CHEN PO LA PHUL TE, DE'I 'OG TU BLA MA'I ZHAL NAS BDAG LA BYIN GYIS BRLAB PA'I RIM PA'I MAN NGAG THOB NAS, DE'I 'OG TU PHRENG BA DANG CHU DANG RDZOGS PA'I SANGS RGYAS DANG, RDO RJE DANG DRIL BU SBYIN PA DANG ME LONG DANG, MING DANG, SLOB DPON DANG, RJES SU GNANG BA STE, DE DAG DANG BCAS PAR GSANG BA'I DBANG BSKUR BA THOB NAS BSTOD PA 'DIS BLA MA LA BSTOD PAR BYA'O, ZHES GSUNGS, DE'I 'OG TU MYUR DU BDAG LA BYIN GYIS BRLAB PA'I RIM PA'I MAN NGAG THOB PAR BYA BA'I CHED DU RING NAS BLA MA MNYES PAR GYUR NAS TE MNYES PAR BYAS PA'I BLA MA LA TSOGS KYI 'KHOR LO'I MCHOD PA BYAS TE, LO BCU DRUG MA RDO RJE SLOB DPON CHEN PO LA PHUL

TE BSTOD PA 'DIS BSTOD PAR BYA'O, ,DE YANG PHRENG BA DANG CHU DANG RDZOGS PA'I SANGS RGYAS DANG, RDO RJE DANG DRIL BU SBYIN PA DANG, ME LONG DANG, MING DANG SLOB DPON DANG RJES SU GNANG BA STE DE DAG DANG BCAS PA'I GSANG BA'I DBANG BSKUR THOB NAS DE DAG BYA'O, ,GNYIS PA DE LA MAN NGAG BSHAD PA LA GSUM, SLOB MAS BSTOD CING GSOL BA GDAB PA, SLOB DPON GYIS MAN NGAG BSTAN PA, MAN NGAG THOB PA DANG MA THOB PA'I YON TAN DANG SKYON BSTAN PA'O, , DANG PO STON PA LA, KHONG STONG KHYOD KYI SKU LA MED, ,SHA DANG RUS PA KHRAG KYANG MED, ,NAM MKHA' LA NI 'JA' TSON LTAR, ,KHYOD KYI SKU NI STON PAR MDZAD, ,SKU LA BSNYUN MED MI GTZANG MED, ,BKRES DANG SKOM PA 'BYUNG MED KYANG KHYOD NI 'JIG RTEN RJES 'JUG PHYIR, ,'JIG RTEN BYA BA STON PAR MDZAD, ,CHU ZLA BZHIN DU BZUNG DU MED, ,CHOS RNAMS KUN LA GNAS PA MED, ,NGA RGYAL MED CING RMONGS MI MNGA', ,DMIGS MED KHYOD LA PHYAG 'TSAL LO, ,GSHEGS DANG BZHUGS DANG DE BZHIN GZIMS, ,SPYOD LAM DAG NI THAMS CAD DU, ,KHYOD NI RTAG TU MNYAM 'JOG PA, ,DMIGS MED KHYOD LA PHYAG 'TSAL LO, ,SGYU MA LTA BU'I TING 'DZIN GYIS, ,RDZU 'PHRUL CHE LA RNAM 'PHRUL ZHING, ,SNA TSOGS MIN LA SNYOMS 'JUG PA, ,DMIGS MED KHYOD LA PHYAG 'TSAL LO, ,DE LTAR RDO RJE SLOB DPON LA YANG DAG PA'I BSTOD PAS BSTOD NAS, TSIGS SU BCAD PA 'DIS MNYAN PAR BYA BA'I PHYIR GSOL BA GDAB PAR BYA'O, ,KUN

, ,MKHYEN YE SHES PHUNG PO CAN, ,SRID PA'I 'KHOR LO RNAM SBYONG BA, ,DE RING BSHAD PA'I RIN CHEN GYI, ,GTZO BO BDAG LA BKA' DRIN STZOL, ,KHYOD ZHABS PADMO SPANGS NAS NI, ,GTZO BO GZHAN NA SKYABS MA MCHIS, ,'GRO BA'I DPA' BO THUB CHEN GYIS, ,DE BAS BLO MCHOG GNANG BAR MDZOD, ,CES GSUNGS, RDO RJE SLOB DPON KHYOD KYI SKU LA GSOG GSOB 'DRA BA'I KHONG STONG MED CING RNAM PAR SMIN PA LAS BYUNG BA'I SHA DANG RUS PA KHRAG KYANG MED DO, ,KHYOD KYI YE SHES KYI SKU NI THOGS PA'I REG BYA DANG BRAL YANG, NAM MKHA' LA NI 'JA' TSON LTAR MTSAN DPES BRGYAN PA'I RNAM PAR STON PAR MDZAD DO, ,SKU LA NAD RIGS BZHI BRGYA RTZA BZHI GANG GI YANG BSNYUN MED CING, BU GA DGU NAS MI GTZANG BA 'DZAG PA MED LA, BKRES PA DANG SKOM PA'I TSOR BA SDUG BSNGAL 'BYUNG BA MED DO, ,DE MED KYANG KHYOD NI, 'JIG RTEN RNAMS RANG NYID GSHEGS PA'I LAM YANG DAG PA'I RJES SU 'JUG PAR BYA BA'I PHYIR, 'JIG RTEN GYI BYA BA DANG MTHUN PAR BSOD SNYOMS LA GSHEGS PA, NA BZA' GSOL BA, SMAN BSTEN PA'I TSUL SOGS STON PAR MDZAD DO, ,KHYOD KYI SKU NI CHU NANG GI GZUGS LTAR GZUNG DU MED CING, THA MAL PA'I PHUNG KHAMS SKYE MCHED KYI CHOS RNAMS KUN LA GNAS PA MED LA, KHAMS GSUM GYI CHOS KYI RGYAL SRID LA DBANG BSGYUR KYANG, NGA RGYAL MED CING JI LTA JI SNYED KYI CHOS THAMS CAD LA

RMONGS PA MI MNGA' BA GSAL BAR SNANG YANG, SPROS PA'I MTSAN MA DMIGS PA MED PA KHYOD LA SGO GSUM GUS PAS PHYAG 'TSAL LO, ,GSHEGS PA DANG BZHUGS PA DANG, DE BZHIN DU GZIMS PA DANG, 'CHAG PA'I SPYOD LAM DAG NI RNAM PA THAMS CAD DU, KHYOD NI RTAG TU MNYAM PAR 'JOG PAR MDZAD PAS, RNAM PAR GA-YENG BA'I DMIGS PA MED PA KHYOD LA PHYAG 'TSAL LO, ,SGYU MA LTA BU'I TING 'DZIN GYIS RDZU 'PHRUL CHE LA STE CHEN PO GANG LA GANG 'DUL GYI RNAM PAR 'PHRUL ZHING, MDZAD PA SNA TSOGS STON KYANG, SNA TSOGS MIN PA BDE BA CHEN PO'I TING NGE 'DZIN GCIG LA SNYOMS PAR 'JUG PAS DMIGS PA MED PA KHYOD LA PHYAG 'TSAL LO, ZHES PA'O, ,TSIGS BCAD LNGA PO 'DI RNAM SNANG, 'OD DPAG MED, RIN 'BYUNG, DON GRUB, MI BSKYOD PA'I YON TAN DANG SBYAR NAS 'CHAD PA YANG YOD DO, ,DE LTAR RDO RJE SLOB DPON LA YE SHES KYI SKU BRNYES PA'I YANG DAG PA'I YON TAN BRJOD PA'I BSTOD PAS BSTOD NAS, TSIGS SU BCAD PA 'DIS BDAG BYIN RLABS KYI GDAMS NGAG MNYAN PAR BYA BA'I PHYIR GSOL BA GDAB PAR BYA'O, ,DE GANG ZHE NA, KUN MKHYEN YE SHES PHUNG PO CAN, ZHES SOGS TSIGS BCAD 'DI GNYIS GRAGS CHE ZHING DON RTOGS SLA'O GNYIS PA SLOB DPON GYIS MAN NGAG BSTAN PA LA BZHI, RIM PA 'DI BLA MA KHO NA LAS RNYED DGOS PA, DE'I PHYIR DU BLA MA BTZAL DGOS PA, 'OD GSAL GYI SNGON DU BDAG BYIN RLABS KYI RIM PA 'DI STON DGOS PA, BDAG BYIN RLABS

, ,KYI RIM PA DNGOS BSHAD PA'O, ,DANG PO STON PA LA, DE LTAR 'JIGS MED GSOL 'DEBS PA'I, ,TSIG DAG THOS PAR GYUR NAS NI, ,SNYING RJE SLOB MA LA BSKYED DE, ,DE NAS BDAG LA BYIN RLABS BRTZAM, ,BDAG BYIN RLABS PA'I RIM SHES PA, ,KUN RDZOB BDEN PAR BSTAN PA STE, ,DE NI BLA MA'I DRIN DAG GIS, ,'THOB PAR 'GYUR GYIS GZHAN DU MIN, ZHES GSUNGS, DE LTAR BLA MAS BKA' BKYON PA DANG, DKA' BA'I LAS CI 'DRA BA ZHIG LA SBYAR BA DANG, BSDIGS PA SOGS LA 'JIGS PA DANG YID GNYIS DANG GA-YO ZOL MED PA'I SLOB MAS, SGYU LUS STON PAR GSOL BA 'DEBS PA'I TSIG DE DAG THOS PAR GYUR NAS NI, BLA MAS SLOB MA LA SNYING RJE BSKYED DE, DE NAS BDAG LA BYIN GYIS BRLAB PA'I RIM PA BRTZAM PA STE BSTAN PAR BYA'O, ,'O NA, BDAG BYIN GYIS BRLAB PA'I RIM PA SHES PA 'AM SHES PAR BYA BA DE CI ZHE NA, 'DI LTAR YIN TE, SEMS DBEN MTHAR THUG GI RLUNG SEMS TZAM LAS GRUB PA'I RDO RJE 'CHANG GI RNAM PA CAN GYI SGYU MA'I SKU, MING DANG RNAM PA KUN RDZOB BDEN PAR BSTAN PA STE DE NYID YIN PA'I PHYIR, DE NI BLA MA'I BKA' DRIN DAG GIS RNYED PAR 'GYUR GYI GZHAN GANG DU YANG RNYED PA MA YIN TE, BDAG BYIN RLABS LAS, KALPA DPAG TU MED PAR NI, ,THOS PA'I PHA ROL PHYIN PAS KYANG, ,BLA MA'I BKA' MED SGYU MA NI, ,MNGON SUM BYA BAR MI NUS SO, ZHES GSUNGS PA'I PHYIR RO, ,GNYIS PA STON PA LA, BDAG LA BYIN GYIS BRLAB PA'I RIM, ,GANG

GIS RNYED PAR MI 'GYUR BA, ,MDO SDE RGYUD DANG RTOG PA LA, ,DE YI NGAL BA DON MED 'GYUR, ,BDAG LA BYIN RLABS RIM THOB PA'I, ,GTZO BO SANGS RGYAS KUN BDAG NYID, ,TSE 'DI NYID DU SANGS RGYAS NI, ,THE TSOM MED PAR 'THOB PAR 'GYUR ZHES GSUNGS, SGRUB PO GANG GIS BDAG LA BYIN GYIS BRLAB PA'I SKU 'DI BSGRUB PA'I RIM PA BLA MA LAS RNYED PAR MA GYUR PA DE YI NGAL BA DON MED PAR 'GYUR TE, GANG GI PHYIR DU MDO SDE DANG DE NYID BSDUS PA SOGS RNAL 'BYOR RGYUD DANG RTOG PA BYA SPYOD KYI RGYUD RNAMS LA THOS BSAM GYIS BRTZON PAR BYAS PA'I DON SANGS RGYAS MI 'GRUB PA'I PHYIR, BLA MA'I ZHAL LAS BDAG LA BYIN GYIS BRLAB PA'I BSGRUB PA'I RIM PA SHES NAS, BSGRUBS PA LA YON TAN BSAM GYIS MI KHYAB PA YOD DE, DE LTAR BSGRUBS PAS SKU DE THOB PA LA BRTEN NAS, SANGS RGYAS KUN GYI BDAG NYID GTZO BO SANGS RGYAS RDO RJE 'CHANG GI GO 'PHANG DE NI, TSE 'DI NYID LA THE TSOM MED PAR 'THOB PAR 'GYUR PA'I PHYIR, RGYU MTSAN DES NA MAN NGAG DE STON PA'I BLA MA BTZAL NAS BSAM SBYOR GNYIS KYI SGO NAS MNYES PAR BYED DGOS TE, DE LAS ZAB MO'I GDAMS NGAG 'DI 'BYUNG BA'I PHYIR TE, SPYOD BSDUS LAS, LHA'I DE KHO NA NYID BSAM GYIS MI KHYAB PA, SANGS RGYAS THAMS CAD KYIS BSHAD PA, BLA MA BRGYUD PA'I RIM PA LAS 'DAS PA, SA BCU PA'I DBANG PHYUG RNAMS KYI YANG YUL MA YIN PA DE NGAS KHONG DU CHUD PAR BYA'O, ZHES GSUNGS PA'I PHYIR RO, ,GSUM PA DE

, ,STON PA LA, BDAG BYIN RLABS PA'I TING 'DZIN DANG, ,DE BZHIN 'OD GSAL BA YI GNAS, ,RGYU DANG 'BRAS BU'I KHYAD PAR GYIS, ,BDEN PA GNYIS SU BSTAN PA YIN, ,BDAG BYIN RLABS PA'I RIM GYIS NI; ;'OD GSAL BA NI 'THOB PAR 'GYUR, ,DE BAS RDO RJE SLOB DPON GYIS, ,DANG POR BDAG LA BYIN RLABS BSTAN, ZHES GSUNGS, LAM 'DIR RIGS NGES KYI GDUL BYAS MNGON DU BYED PA'I RIM PA GSUM PA DANG BZHI PA GNYIS LA RGYU 'BRAS KYI 'BREL PA GRUB STE, BDAG BYIN GYIS BRLAB PA'I TING NGE 'DZIN GYI YUL DU GYUR PA'I SGYU MA'I SKU RGYU DANG, DE GANG DU 'JUG PA'I GNAS DON GYI 'OD GSAL 'BRAS BU'I KHYAD PAR DANG LDAN PAS GNAS PA'I PHYIR TE, DE GNYIS 'DIR BDEN PA GNYIS SU BSTAN PA YIN NO, ,DE BAS NA STE RGYU MTSAN DE'I PHYIR RDO RJE SLOB DPON GYIS, SLOB MA LA DANG POR BDAG LA BYIN GYIS BRLAB PA SGYU LUS KYI GDAMS PA BSTAN PAR BYA BA YIN TE, BDAG BYIN RLABS SGYU LUS THOB PA'I RIM GYIS RIM PA BZHI PA 'OD GSAL BA NI 'THOB PAR 'GYUR PA'I PHYIR RO, ,BZHI PA BDAG BYIN RLABS KYI RIM PA DNGOS BSHAD PA STON PA LA, 'GRO KUN RANG DBANG MED PA STE, ,RANG DBANG DU NI 'BYUNG MA YIN, ,DE YI RGYU NI 'OD GSAL BA, ,'OD GSAL THAMS CAD STONG PA'O, ,SEMS GANG GIS NI BYIS PA RNAMS, ,'KHOR BAR 'CHING BAS BCINGS GYUR PA, ,SEMS DE NYID KYIS RNAL 'BYOR

PA; ;BDE GSHEGS GNAS SU 'GRO BAR 'GYUR, ,'DIR NI GANG YANG SKYE BA MED, ,GANG YANG 'CHI BA YOD MA YIN, ,SEMS KYI RANG BZHIN RNAM GNAS PAR, ,'KHOR BA NYID NI SHES PAR BYA, ,RLUNG GI SBYOR BA MED PAR NI, ,SEMS KYI RANG BZHIN GZUNG DU MED, ,SEMS KYI RANG BZHIN RGYUR GYUR PAS, ,LAS DANG SKYE BA KUN TU 'BYUNG, ,DE NYID RLUNG DANG YANG DAG LDAN, ,RNAM SHES GSUM PO SLAR YANG NI, ,RNAL 'BYOR PA YI LUS SU 'BYUNG, ,SGYU MA'I LUS CES DE LA BSHAD, ,DE BAS 'DI LTAR 'GRO BA KUN, ,SGYU MA LTA BUR 'DIR BSHAD DE, ,SGYU MA LTA BU'I TING 'DZIN GNAS, ,THAMS CAD DE DANG 'DRA BAR MTHONG, ,GZUGS DANG TSOR BA NYID DANG NI, ,'DU SHES DANG NI 'DU BYED RNAMS, ,LNGA PA RNAM PAR SHES PA DANG, ,DE BZHIN KHAMS NI BZHI PO DANG, ,MIG LA SOGS DANG YUL RNAMS NYID, ,SHES PA LNGA PO NYID DAG STE, ,PHYI DANG NANG DU RNAM PHYE BA, ,THAMS CAD SGYU MA LAS GZHAN MIN, ,ME LONG NANG GI GZUGS BRNYAN GYIS, ,SGYU MA'I LUS NI SHES PAR BYA, ,KHA DOG RNAMS NI 'JA' LTA BU, ,KHYAB PA CHU YI ZLA BAS SO, ,DNGOS DANG DNGOS MED LAS GROL BA, ,RDO RJE SEMS DPA' LEGS BRIS PA, ,ME LONG DRI MA MED PA LA, ,GZUGS BRNYAN GSAL BAR SNANG DANG MTSUNGS, ,RNAM PA KUN GYI MCHOG LDAN ZHING, ,SKU NI BLTA BAS MI NGOMS PA, ,SLOB MA BZANG PO DE LA BSTAN, ,BDAG BYIN RLABS CES DE BSHAD DO, ,SGYU MAR BSTAN PA'I MTSAN NYID KYIS, ,'DI NYID NGES PA

, ,MTSON PA STE, ,KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN GYUR, ,RDO RJE'I SKU YANG DE NYID YIN, ,RDO RJE SEMS DPA' BDAG NYID DE, ,DE BAS BDAG NYID MCHOD LA 'JUG ,BDAG NYID SANGS RGYAS THAMS CAD DANG, ,BYANG CHUB SEMS DPA' THAMS CAD NYID, ,DE BAS KUN NAS 'BAD PA YIS, ,BDAG NYID RTAG TU MCHOD PAR BYA, ,SNGAGS DANG PHYAG RGYA'I SBYOR BA DANG, ,DKYIL 'KHOR LA SOGS RNAM RTOG DANG, ,SBYIN SREG GTOR MA LA SOGS KUN, ,RTAG TU SGYU MA BZHIN DU BYA, ,ZHI BA DANG NI RGYAS PA DANG, ,DE BZHIN DBANG DANG MNGON SPYOD DANG, ,DGUG SOGS GANG CI'ANG RUNG BA KUN, ,DBANG PO'I GZHU DANG MTSUNGS PAR BYA; ;SGEG DANG NYE BAR LONGS SPYOD DANG, ,GLU DANG ROL MO SOGS BSTAN DANG, ,SGYU RTZAL RNAMS LA RAB 'JUG PA, ,CHU ZLA DAG DANG MTSUNGS PAR BYA, ,GZUGS DANG SGRA DANG DE BZHIN DRI, ,RO DANG ROG BYA NYID DAG LA, ,MIG LA SOGS PA 'JUG GYUR PA, ,SGYU MA LTA BUR NYE BAR BRTAG ,RDO RJE'I THEG PA DE NYID DU, ,'DIR NI MANG DU BSHAD MI DGOS, ,RNAL 'BYOR BAS NI GANG GANG DMIGS, ,DE DE SGYU MA BZHIN DU BRTAG ,ME LONG GI NI GZUGS BRNYAN DANG, RMI LAM SGYU MA CHU SBUR DANG, ,MIG 'PHRUL MTSUNGS PAR GANG GIS MTHONG, ,DE NI GTZO BO YIN PAR BSHAD, ,MTHONG BA DANG NI REG PA NYID, ,'GRO BA SGYU MA JI BZHIN TE, ,DMIGS MED KUN RDZOB DAG TU NI, ,SGYU MA LTA BUR

RAB TU BSHAD, ,DBANG PO GANG DANG GANG LAM GYUR, ,DE DANG DE YI NGO BOR BYA, ,MNYAM PAR MA GZHAG SBYOR BA YIS, ,SANGS RGYAS KUN DANG MNYAM PAR SBYOR, ,KUN TU KUN NAS THAMS CAD DANG, ,BDAG NYID RTAG TU RNAM PA KUN SANGS RGYAS KUN BDAG DNGOS GRUB NI, ,RANG NYID KYIS NI DE MTHONG 'GYUR, ZHES GSUNGS, 'GRO BA KUN RANG DBANG DU NI 'BYUNG BA MA YIN TE, RANG DBANG MED PA 'CHI BA'I 'OD GSAL THAMS CAD STONG PA LAS BYUNG BA YIN PA'I PHYIR TE, 'CHI BA'I 'OD GSAL GYI RLUNG SEMS TZAM LAS BAR DO GRUB CING, BAR DO SHI BA'I 'OD GSAL GYI RLUNG SEMS YANG SRID DU NYING 'TSAMS SBYAR BA LAS BYUNG BA'I PHYIR, 'DIS NI GZHI'I SGYU LUS KYI RIM PA STON, 'CHI BA'I 'OD GSAL GYI RLUNG SEMS GANG GIS BYIS PA RNAMS 'KHOR BAR 'CHING BAR STE, 'CHING BAS BCINGS NAS 'KHOR BA'I RLUNG SEMS DE NYID KYIS, THABS LA MKHAS PA'I RNAL 'BYOR PA SGYU MA'I SKUR BZHENGS NAS, TSE GCIG LA BDE BAR GSHEGS PA'I GNAS SU 'GRO BAR 'GYUR RO, ,'DIR NI SHIN TU PHRA BA'I RLUNG SEMS DE LAS GZHAN PA'I GANG DU YANG SKYE BA LEN PA PO MED CING 'CHI BA PO GANG YANG YOD PA MA YIN TE, PHRA BA'I RLUNG SEMS DE LAS RANG BZHIN RNAMS SKYES SHING RNAM PAR GNAS PA'I RNAM 'GYUR LAS SKYE RGA NA 'CHI LA SOGS PA MGAL ME'I 'KHOR LO BZHIN DU YANG YANG 'KHOR BA NYID NI SHES PAR BYA BA YIN PA'I PHYIR DANG, SEMS RLUNG GI SBYOR BA STE

, ,GA-YO BA MED NA NI, SEMS KYI RANG BZHIN RNAMS GZUNG DU MED PA STE MI SKYE LA, SNANG BA GSUM GYI SEMS RLUNG GIS GA-YOS PA, RANG BZHIN BRGYAD CU RGYUR GYUR PAS, MNGON PA LAS BSHAD PA LTAR SGOM SPANGS GYA GCIG ,MTHONG SPANGS BRGYAD SOGS NYON MONGS DANG, DES LAS BSAGS NAS YANG SKYE BA KUN TU 'BYUNG BA'I PHYIR TE, RDO RJE PHRENG BA LAS, SKYE DANG GNAS DANG 'JIG PA DANG, ,SRID PA BAR MAR GNAS PA STE, ,JI SRID 'JIG RTEN GYIS BTAGS PA, ,SEMS KYI RLUNG GI RNAM 'PHRUL LO, ZHES 'GRO BA RNAMS KYI SKYE 'CHI GNAS PA BAR DO RNAMS RLUNG SEMS TZAM GYI RNAM 'PHRUL DU GSUNGS SHING, DGONGS PA LUNG STON LAS KYANG, 'DU SHES CAN DANG 'DU SHES MED, ,SEMS CAN DU BTAGS 'DI GNAS PA, ,DE RNAMS RLUNG LAS BYUNG BA STE, ,RLUNG LAS SLAR YANG 'GAG PA YIN, ,MA RTOGS PA YI SEMS DE NI, ,'KHOR BA'I RGYA MTSOR GNAS GYUR KYANG, ,DE NI PHYIN CI LOG SONG BAS, ,KHYI DANG CE SPYANG GLANG PO DANG, ,SEMS DE LTAR YANG 'GRO BAR 'GYUR, ZHES RLUNG SEMS GNYIS 'GRO BA SNA TSOGS SU 'GRO BAR GSUNGS SO, ,'KHOR BA'I NGANG TSUL DE LTAR GNAS PA DE, THABS MKHAS KYIS SGYU MA'I SKUR 'GYUR TSUL YOD DE, PHYI NANG GI SROG RTZOL GYIS BSGRUBS PA'I THABS LAS YID KYI RNAM PAR SHES PA SEMS DBEN GYI SNANG MCHED THOB GSUM PAR BSKYED PA'I SEMS DANG, DE NYID BZHON PA'I RLUNG DANG YANG DAG PAR LDAN PA RNAL

'BYOR PA'I LUS SU 'BYUNG LA, DE LA SGYU MA'I LUS CES BSHAD PA YIN PA'I PHYIR, SLAR YANG ZHES PA RNAL 'BYOR PA DE TSE SNGA MA RNAMS SU SHI BA'I 'OD GSAL GYI SEMS LAS BAR DO'I LUS BLANGS PAR MA ZAD CES PA'O, ,DE YANG RNAL 'BYOR PAS BDAG TU GDAGS PA'I GZHIR GYUR PA'I RLUNG SEMS TZAM LAS SGYU MA'I SKU BSGRUB PA DE BAS NA, 'DI LTAR 'GRO BA KUN SGYU MA LTA BUR THEG PA BLA NA MED PA 'DIR BSHAD PA DE YANG THUN MONG MA YIN PA'I SGYU MA 'DI YIN TE, 'GRO BA THAMS CAD RLUNG SEMS KYI LUS CAN DU STON PA'O, ,'DI 'DRA BA'I SGYU MA LTA BU'I TING NGE 'DZIN LA GNAS PA'I RNAL 'BYOR BAS NI, 'GRO BA THAMS CAD RANG GIS THOB PA'I SGYU MA'I LUS SAM, DE'I SGRUB BZHI DANG 'DRA BAR MTHONG ZHING, DE LTA BU'I SGYU MA LTA BU'I TING NGE 'DZIN SGOM PAR BYED DO, ,DES NA SPYIR 'GRO BA THAMS CAD RLUNG SEMS TZAM LAS GRUB PA'I SGYU MA'I LUS CAN DANG, KHYAD PAR RNAL 'BYOR PAS TING NGE 'DZIN GYI STOBS KYIS RLUNG SEMS TZAM LAS RANG GI LUS SGYU MA'I SKUR SGRUB LUGS SHES PA NI GNAD KYI DON YIN NO, ,GZHAN YANG GZUGS SOGS PHUNG PO LNGA DANG, KHAMS BZHI DANG, DBANG PO LNGA DANG, YUL LNGA DANG; YE SHES LNGA'AM DBANG SHES LNGA SOGS PHYI DANG NANG DU PHYE BA, MDOR NA CHOS THAMS CAD SGYU MA LTA BU LAS GZHAN MIN PA RLUNG SEMS TZAM GYI RNAM 'PHRUL DU GYUR PA SGYU MA'I DON YIN NO, ,SPRO ZHING RGYAS PAR 'DOD

, ,NA; RTZA BA TSIG 'BRUR BKOD KYANG RUNG NGO, ,SGYU MA'I LUS DE NI DPE'I GTZO BO GSUM GYI SGO NAS SHES PAR BYA BA YIN TE, YAN LAG DANG NYING LAG CIG CAR DU RDZOGS PA NI, ME LONG NANG GI RDO RJE SEMS DPA'I GZUGS BRNYAN GYIS DANG, KHA DOG RNAMS MA 'DRES PAR SO SOR SNANG BA 'JA' TSON LTA BU DANG, RANG GI GDUL BYA GAR YOD KYI SAR SKU DE'I SNANG BA 'CHAR BA CHU YI NANG GI ZLA BA'I SNANG BAS MTSON NAS STON PA DANG SHES PAR BYA BA YIN PA'I PHYIR, DPE DANG PO RGYAS PAR 'CHAD PA NI, DNGOS PO RTAG PA, DNGOS MED CHAD PA LAS GROL BA'I SGYU MA'I SKU DE STON TSUL YOD DE, RDO RJE SEMS DPA'I SKU LEGS PAR BRIS PA ME LONG DRI MA MED PA LA GZUGS BRNYAN GSAL BAR SNANG BA DANG MTSUNGS PA KUN RDZOB PA'I RNAM PA CAN KUN GYI MCHOG ,'BRAS BU'I MTSAN DPE'I RNAM PA DANG LDAN PA, MDZES SHING YID DU 'ONG BA'I SKU BLTA BAS MI NGOMS PA DE NI SLOB MA BZANG PO DE LA BSTAN PAR BYA BA YIN CING, BDAG BYIN RLABS KYI SKU ZHES BSHAD PA YANG DE NYID YIN PA'I PHYIR RO, ,SGYU MA DANG 'JA' TSON SOGS DPE DU MAS NGES PAR MTSON PAR BYAS TE BSTAN PAR BYA BA'I MTSAN NYID CAN GYI SGYU MA'I SKU NI, SEMS DBEN MTHAR THUG GI RLUNG SEMS TZAM LAS GRUB PA'I RDO RJE 'CHANG GI SKUR BSKYED PA 'DI NYID YIN LA, 'DI LA SKABS 'DIR KUN RDZOB BDEN PA DANG, SGYU MA'I LUS NYID DANG LONGS SPYOD RDZOGS PA'I SKU YOD DE, LONGS SKU DANG

DE NYID LA DRI ZA BA'I SEMS CAN DU GYUR PA BAR DO'I SEMS CAN DANG, DE NYID LA RDO RJE'I SKU ZHES BYA BAR YANG BSHAD DO, ,RDO RJE SEMS DPA' ZHES SOGS RKANG PA DRUG GIS, SGYU LUS THOB PA'I SGRUB PA POS, BDAG NYID RDO RJE SEMS DPA' SANGS RGYAS BYANG SEMS THAMS CAD 'DUS PA'I BDAG NYID DU BLTAS NAS 'BAD PA KUN GYIS RNAL 'BYOR LA BRTZON ZHING BDAG NYID LA MCHOD PAR BSTAN TE, TSIG DON BYED NA'ANG RUNG NGO, ,DE BZHIN DU RNAL 'BYOR BAS SNGAGS DANG PHYAG RGYA'I SBYOR BA DANG, DKYIL 'KHOR BRI SGRUB LA SOGS PA RNAM PAR RTOG PAS BTAGS PA'I DON RNAMS DANG, PHYI NANG GI SBYIN SREG DANG, 'DAS PA DANG MA 'DAS PA'I GTOR MA LA SOGS PA DANG RAB TU GNAS PA KUN RTAG TU SGYU MA BZHIN DU BYA'O, ,DE BZHIN DU NAD SOGS ZHI BA DANG, TSE DANG CHOS SOGS RGYAS PA DANG, DE BZHIN DU SKAL LDAN DBANG DU BYA BA DANG, BLA MA DANG BSTAN PA'I DGRA BO LA MNGON SPYOD, RGYAL BLON SOGS DGUG PA DANG SOGS PA GRUB PA BRGYAD SOGS GANG CI YANG RUNG BA'I LAS RNAMS KUN SNANG LA RANG BZHIN MED PA DBANG PO'I GZHU DANG MTSUNGS PAR BLTAS LA BYA'O, ,DE BZHIN DU SPYOD PA LA SOGS PA'I SKABS SU, SGEG PA'I NYAMS DANG YUL LA NYE BAR LONGS SPYOD PA DANG, GLU DANG ROL MO LA SOGS PA BRDA' DANG BRDA'I LAN BSTAN PA DANG, 'DOD PA'I SGYU RTZAL RNAMS LA RAB TU 'JUG PA NA SNANG YANG BDEN PA MED PA CHU ZLA DAG DANG MTSUNGS PAR BLTA

, ,BAR BYA'O, ,DE BZHIN DU GZUGS DANG, SGRA DANG, DRI DANG, RO DANG, REG BYA NYID DAG LA, MIG SHES NAS, LA SOGS PA LUS SHES KYI BAR 'JUG PAR GYUR PA THAMS CAD, SGYU MA LTA BUR NYE BAR BRTAG PA STE BSGOM PAR BYA'O, ,MDOR NA 'DIR NI RGYAS PAR BSHAD MI DGOS TE, RDO RJE'I THEG PA DE NYID DU RGYAL BAS, RNAL 'BYOR BAS NI DBANG PO'I LAM DU YUL GANG DANG GANG DMIGS PA DE DANG DE, SGYU MA BZHIN DU BRTAG PA STE BLTA BAR RDO RJE MKHA' 'GRO SOGS LAS GSUNGS PA'I PHYIR, 'DIR DNGOS SU SGYU LUS PAS BLTA BA YIN KYANG, SPYI DON GYI SGYU MA'I BLTA TSUL RNAMS NI BSKYED RIM PAS BYA DGOS PA YIN NO, ,RNAL 'BYOR PA GANG ZHIG CHOS THAMS CAD ME LONG GI NANG GI BYAD BZHIN GYI GZUGS BRNYAN DANG, RMI LAM GYI LONGS SPYOD DANG, SGYU MA'I RTA GLANG DANG, CHU LBUR DANG, MIG 'PHRUL DANG MTSUNGS PAR SNYING PO MED PAR MTHONG BA STE BLTA BA DE NI NYAMS LEN GYI GTZO BO YIN PAR RDO RJE MKHA' 'GRO LAS BSHAD DO, ,'O NA DE LTAR SGYU MA LTA BUR BSHAD NA, CHOS THAMS CAD DMIGS PA MED PAR BSHAD PA JI LTAR ZHE NA, MTHONG BA DANG REG PA'I YUL DU GYUR PA DANG, 'GRO BA THAMS CAD DE KHO NA NYID DU DMIGS PA MED PA YIN KYANG, KUN RDZOB DAG TU NI SGYU MA JI BZHIN TE SGYU MA LTA BUR RAB TU BSHAD DO, ,DBU MA PA DANG THUN MONG BA'I SGYU MAR BLTA TSUL LO, ,RJES THOB TU SBAS DON GYI SGYU MAR BSLAB PA NI RNAL 'BYOR BAS MNYAM PAR

MA GZHAG PA'I SKABS SU, DBANG PO GANG DANG GANG GI LAM LAS BYUNG BA'I SHES PA DE DANG DE'I YUL DU GYUR PA'I SNOD BCUD THAMS CAD, RLUNG SEMS TZAM GYI NGO BO DANG, DE'I RNAM 'PHRUL DU SBYOR BA YIS, RNAL 'BYOR LA GNAS PAR BYA STE, DE LTAR BYAS PAS, SANGS RGYAS KUN GYI BDAG NYID RDO RJE 'CHANG DANG MNYAM PAR SBYOR BAR 'GYUR BA'I PHYIR TE, DUS KUN TU PHYOGS KUN NAS BDAG NYID SANGS RGYAS THAMS CAD DANG, RTAG TU RNAM PA KUN NAS DBYER MED PA BDAG NYID SANGS RGYAS KUN 'DUS PA'I BDAG NYID RDO RJE 'CHANG GI NGO BO'AM, DNGOS POR GRUB PA NI, RANG NYID KYIS NI MNGON SUM DU MTHONG BAR 'GYUR BA'I PHYIR RO, ,GSUM PA MAN NGAG THOB PA DANG MA THOB PA'I PHAN YON DANG NYES DMIGS STON PA LA, GTZO BO BDE BA KUN RANG BZHIN, ,SEMS DPA' CHEN PO 'GRO DANG BZHUGS, ,GNAS DANG ZAS DANG GOS LA SOGS, ,MKHA' LAS SKAD CIG DAG GIS RNYED, ,SRID PA GCOD PAR 'GYUR PA DANG, ,'GRO NA RAB MCHOG STON PAR 'GYUR, ,LHA DANG BCAS PA KUN GYIS MCHOD, ,YANG DANG YANG DU PHYAG BYED 'GYUR, ,JI LTAR STON PA RDZOGS SANGS RGYAS, ,'JIG RTEN PHAN PAR BZHED PAS GSHEGS, ,DE BZHIN RNAL 'BYOR CHEN PO NI, ,SNA TSOGS YE SHES RJES SU SDUD, ,RDO RJE SEMS DPAS MTSAN PAS NA, ,BSGRUB PAR MI BYA CI YANG MED, ,BDE CHEN PHYAG RGYA CHEN PO NI, ,RANG NYID RJES SU 'GRUB PAR 'GYUR, ,LAS DANG NYON MONGS LAM

, ,CAN LUS, ,BYED PA PO DANG 'BRAS BU NYID, ,SMIG RGYU RMI LAM LTA BU DANG, ,DRI ZA'I GRONG KHYER DAG DANG MTSUNGS, ,'DI 'DRA'I TING 'DZIN MI SHES PAS, ,DNGOS PO LA NI NYER DMIGS TE, ,'DOD CHAGS SNA TSOGS SKYES PA RNAMS, ,DE DAG SGYU MA'I RNAM 'PHRUL LO, ,BDAG BYIN RLABS PA'I MAN NGAG DAG ,GANG GIS BLA MA LAS MA BSGRUBS, ,RTAG DANG CHAD PA LA DMIGS PAS, ,MI DE PHYIR LDOG 'GYUR BA YIN, ZHES GSUNGS GTZO BO RDO RJE 'CHANG GI RNAM PA CAN BDE BA CHEN PO KUN GYI RANG BZHIN NAM BDAG NYID CAN GYI SGYU LUS THOB PA DE NI YON TAN BSAM GYIS MI KHYAB PA DANG LDAN TE, SEMS DPA' CHEN PO DE NI 'GRO BA DANG BZHUGS PA DANG GNAS DANG, ZAS DANG GOS DANG SOGS PA CI 'DOD PA'I YO BYAD THAMS CAD BSAMS PA TZAM GYIS NAM MKHA' LAS SKAD CIG DAG GIS RNYED PA NAM MKHA' MDZOD KYI TING NGE 'DZIN BRNYES PA'I PHYIR, DE BZHIN DU RANG BZHIN DANG SNANG BA'I MTSAN NYID CAN GYI SRID PA MYUR DU GCOD PAR 'GYUR BA DANG, 'GRO BA'I NANG NA RAB DANG MCHOG TU GYUR PAS, LHA DANG BCAS PA'I STON PA DANG, DE DAG GIS MCHOD PA DANG YANG DANG YANG DU PHYAG BYED PA'I GNAS SU 'GYUR BA STE GYUR PA YIN TE, JI LTAR STON PA YANG DAG PAR RDZOGS PA'I SANGS RGYAS 'JIG RTEN RNAMS LA PHAN PAR BZHED PAS GSHEGS PA DANG BZHUGS PA SOGS MDZAD PA SNA TSOGS STON PA DE BZHIN DU NI, RNAL

'BYOR CHEN PO 'DIS KYANG, THUGS RJE CHEN PO SNA TSOGS PA'I MDZAD PA THAMS CAD LHAN SKYES KYI BDE BA CHEN PO'I YE SHES KYIS RJES SU SDUD CING RDO RJE SEMS DPA'I BRTUL ZHUGS KYIS MTSAN PA STE ROL PA'I PHYIR, RDO RJE SEMS DPA'I BRTUL ZHUGS KYIS SPYOD PA DE BAS NA CHU LAS SKYES PA'I PAD MA CHUS MI GOS PA BZHIN DU BSGRUB PAR MI BYA BA CI YANG MED CING, 'BRAS BU'I BDE CHEN ZUNG 'JUG PHYAG RGYA CHEN PO DANG, DE'I DNGOS RGYU SLOB PA'I ZUNG 'JUG DANG DE'I YANG DNGOS RGYU DON GYI 'OD GSAL RNAMS NI, TSE 'DI NYID LA RANG NYID KYI RJES SU MYUR DU 'GRUB PAR 'GYUR BA YIN PA'I PHYIR RO, ,MDOR NA LAS DANG NYON MONGS PA DANG BDE 'GRO DANG NGAN 'GRO'I LAM LA GNAS PA CAN DANG, LUS DANG BYED PA PO DANG, LAS KYI 'BRAS BU NYID SOGS GANG SHAR THAMS CAD BDE STONG DBYER MI PHYED PA'I YE SHES KYIS, SMIG RGYU DANG, RMI LAM LTA BU DANG, DRI ZA'I GRONG KHYER DAG DANG MTSUNGS PAR SPYOD DO ZHES DON BSDU BA'O, ,SGYU MA LTA BU'I TING NGE 'DZIN MA THOB NA NYES PA SHIN TU CHE STE, SPYI SBAS KYI 'DI 'DRA BA'I SGYU MA LTA BU'I TING NGE 'DZIN MI SHES PAS, DNGOS PO LA BDEN GRUB TU NYE BAR DMIGS TE 'DOD CHAGS DANG NYON MONGS SNA TSOGS SKYES NAS LAS BSAGS, 'KHOR BAR 'KHOR BA'I PHYIR, DE LTAR YIN KYANG 'DOD CHAGS SNA TSOGS SKYES PA DE DAG SGYU MA LTA BU'I RNAM 'PHRUL LO, ,MI GANG ZHIG BDAG BYIN RLABS PA'I MAN NGAG BLA MA LAS MA BSGRUBS PA DES NA, DMAN PA'I GNAS SU

, ,PHYIR LDOG PAR 'GYUR TE, RTAG PA DANG CHAD PA LA DMIGS PA'I PHYIR TE, SPYIR GYI SGYU MA LTA BU'I DON MA SHES PAS RTAG PA 'KHOR BA LAS MI GROL ZHING, 'DIR BSTAN SGYU MA'I DON MA SHES PAS GZUGS KYI SKU MI 'GRUB PAS CHAD PA ZHI MTHAR LTUNG BA'I PHYIR RO, ,GSUM PA STON PAR BYED PA LA, MCHOD PA THAMS CAD YONGS SPANGS NAS, ,BLA MA MCHOD PA YANG DAG BRTZAM, ,DE MNYES PAS NI KUN MKHYEN PA'I, ,YE SHES MCHOG NI 'THOB PAR 'GYUR, ,BLA MED BYED PA'I SLOB DPON NI, ,RDO RJE SEMS DPA' MCHOD BYAS PAS, ,DE YIS BSOD NAMS MA BYAS CI, ,DKA' THUB MA BSTEN GANG ZHIG YOD, ,DE NYID MI ZAD 'DOD PA YIS, ,SHIN TU DGA' BA GANG DANG GANG, ,SHIN TU KHYAD PAR CAN NYID DE, ,DE DANG DE NI BLA MAR SBYIN, ,SLOB DPON GYIS NI SDIG PA 'PHROG ,SLOB DPON GYIS NI 'JIGS PA SEL, ,SLOB DPON GYIS NI SDUG BSNGAL GYI, ,RGYA MTSO'I 'JIGS LAS PHA ROL SGROL, ZHES GSUNGS, DKON MCHOG GSUM GZHAN MCHOD PA LAS BLA MA MCHOD PA LHAG PAS NANG 'DOM PA NA GZHAN RNAMS MCHOD PA THAMS CAD SPANGS NAS, BLA MA MCHOD PA YANG DAG PAR BRTZAM PAR BYA STE, BLA MA DE MNYES PAS NI SHES BYA'I RNAM PA KUN MKHYEN PA'I YE SHES MCHOG MYUR DU 'THOB PAR 'GYUR BA'I PHYIR, SLOB MAS BLA NA MED PA'I GO 'PHANG LA 'GOD PAR BYED PA'I SLOB DPON MCHOD PA NI, DON SHIN TU CHE STE, RDO RJE SEMS DPA'I NGO BO BLA MA MCHOD PA

BYAS PAS, SLOB MA DE YIS BSOD NAMS MA BYAS PA CI YANG MED CING, DKA' THUB MA BSTEN PA YANG GANG ZHIG YOD DE MED PA'I PHYIR TE, DE NYID BSOD NAMS KYI TSOGS DANG, DON GYI DKA' THUB MCHOG TU GYUR PA YIN PA'I PHYIR, MTHAR THUG GI PHUN SUM TSOGS PA MI ZAD PA DE NYID THOB PAR 'DOD PA'I SLOB MA YIS, BLA MA DE SHIN TU DGA' BA'I DNGOS PO CHUNG 'BRING GANG DANG GANG YIN PA NAS, SHIN TU KHYAD PAR CAN GYI BAR DE DANG DE NYID NI BLA MA LA SBYIN PAR BYA STE, DE LTAR BYAS PAS SLOB DPON GYIS NI SLOB MA'I RGYUD KYI SDIG PA 'PHROG CING, TSE 'DI PHYI'I 'JIGS PA SEL BA DANG, 'KHOR BA SDUG BSNGAL GYI RGYA MTSO CHEN PO'I 'JIGS PA LAS PHA ROL THAR PA DANG THAMS CAD MKHYEN PAR SGROL BA YIN PA'I PHYIR RO, ,BZHI PA STON PA LA, GANG ZHIG NGA RGYAL GYIS SBAGS SHING, ,YANG DAG RIM PA SUN 'BYIN DANG, ,DE NYID CHOS LA BRNYAS BCAS PA, ,DE LA DE NYID BSTAN MI BYA, ,BLA MA LA GUS BDEN PAR SMRA, ,RNAM PAR MKHAS SHING RGYUD GCIG PA, ,DAM TSIG SPYOD PA BSRUNG BA DAG ,RIM PA DE LA BSTAN PAR BYA, ZHES GSUNGS, SKYE BO GANG ZHIG NGA RGYAL GYIS SBRAGS SHING LAM GYI RIM PA YANG DAG RNAMS SUN 'BYIN PA DANG, SPYI SBAS MTHAR THUG GI DE NYID STON PA'I CHOS LA BRNYAS PA DANG BCAS PA DE LA, ZAB MO CHOS KYI DE NYID BSTAN PAR MI BYA STE, DON MA YIN PA CHEN PO BSKYED PA'I PHYIR, RIM PA 'DI NYID GANG LA BSTAN PA'I YUL YANG YOD DE, YON

, ,TAN GYI RTZA BA BLA MA LA GUS SHING, BRDZUN SPANGS PAS BDEN PAR SMRA BA, BLO GROS PHUN SUM TSOGS PAS RIG PA'I GNAS RNAMS LA RNAM PAR MKHAS SHING DAD PA MI 'GYUR BAS RGYUD GCIG PA, KHAS BLANGS PA'I DAM TSIG DANG SPYOD PA RNAMS BAG DANG LDAN PAS BSRUNG BA RNAMS LA BSTAN PAR BYA BA YIN PA'I PHYIR TE, DE LA BSTAN NA 'BRAS BU BZANG POR 'GRUB PA'I PHYIR, MA DAG BSDU BA LA, BDAG LA BYIN GYIS BRLAB PA'I RIM PA SLOB DPON KLU SGRUB KYI, ZHAL SNGA NAS MDZAD PA STE, RIM PA GSUM PA'O, ZHES PA'O, ,MTHA' DRUG TSUL BZHI'I RLABS 'KHRIGS PA'I, ,DPAL LDAN 'DUS PA'I RGYA MTSO LAS, ,BDAG LA BYIN GYIS BRLAB PA YI, ,BSAM 'PHEL DBANG GI RGYAL PO BLANGS, ,RIM PA GSUM PA'I RNAM PAR BSHAD PA'O,, ` ,,CHOS KUN GDOD MA'I RANG BZHIN DANG, ,DBYER MED BDE BA CHEN PO LA, ,PHYAG 'TSAL MNGON PAR BYANG CHUB PA'I, ,'BEL BA'I GTAM 'DI DAL BUS GLENG, ,BZHI PA MNGON PAR BYANG CHUB PA'I RIM PA BSHAD PA LA GNYIS, RTZOM PA LA 'JUG PA'I BYA BA DANG, BRTZAMS PA'I GDAMS NGAG DNGOS BSHAD PA'O, ,DANG PO STON PA LA, THAMS CAD STONG NYID STON PA PO, ,RDO RJE SEMS DPA' PHYAG 'TSAL TE, ,BZHI PA MNGON PAR BYANG CHUB PA'I, ,RIM 'DI BDAG GIS BSHAD PAR BYA, ZHES GSUNGS, MGON POS RIM PA BZHI PA RTZOM PA'I THOG MAR GANG LA

BSTOD PHYAG MDZAD TSUL YOD DE, RDO RJE YUL STONG PA NYID DANG, SEMS DPA' YUL CAN SGRIB BRAL GYI LHAN SKYES KYI BDE BA CHEN PO'I YE SHES DBYER MI PHYED BZUNG 'JUG BZHIN LAG GI RNAM PAR SHAR BA'I RDO RJE SEMS DPA' LA PHYAG 'TSAL BA YIN PA'I PHYIR, DGOS PA SOGS RTOGS SLA, TE LHAG MA 'DREN PAS PHYAG 'TSAL TE, RIM PA SNGA MA GSUM LA BLTOS PA'I RIM PA BZHI PA MNGON PAR BYANG CHUB PA'I RIM PA KLU SGRUB BDAG GIS BSHAD PAR BYA'O, , GNYIS PA GDAMS NGAG DNGOS BSHAD PA LA BZHI, MAN NGAG GI SNOD DU BYA BA DANG, MAN NGAG SBYIN PA DANG, MAN NGAG GI YON 'BUL BA DANG, MAN NGAG BSGOM PAR GDAMS PA'O, ,DANG PO MAN NGAG GI SNOD DU BYA BA LA GSUM BLA MA MNYES PAR BYA BA DANG, BLA MA LA DBANG YON 'BUL BA DANG, BLA MAS DBANG BSKUR BYA'O, ,DANG PO STON PA LA, 'DI NI RANG BYUNG BCOM LDAN 'DAS, ,GCIG PU BDAG NYID CHE BA'I LHA, ,MAN NGAG RNAMS NI RAB STER BAS, ,RDO RJE SLOB DPON DE BAS LHAG ,DE NI YANG DAG MNYES BYAS NAS, ,LO 'AM YANG NA ZLA BA LA, ,BLA MA DE NI MNYES BYAS LA, ,CI NUS PAS NI MCHOD PAR BYA, ZHES GSUNGS, KHA CIG 'DI NI ZHES PA SLOB DPON LA SBYOR BA MI RIGS TE, DE BAS ZHES PA DANG MI 'BRAL BA'I PHYIR RO, ,RDO RJE 'CHANG CHEN PO 'DI NI, LHAN SKYES KYI BDE STONG DBYER MED PA YE SHES CHOS SKU'I BDAG NYID YIN CING YE SHES DE'I YUL CHOS NYID DE NI, GDOD MA NAS RANG BZHIN GYIS RNAM

, ,PAR DAG PA, RGYU RKYEN GYIS 'DUS MA BYAS PAS RANG BYUNG DANG, DE LA GNYIS SNANG NUB PA'I TSUL GYIS DBYER MED DU ZHUGS PAS YE SHES DE LA'ANG RANG BYUNG ZHES BYA LA, DE DANG LDAN PAS RANG BYUNG, BDUD BZHI BCOM ZHING DBANG PHYUG BRGYAD DANG LDAN PAS BCOM LDAN 'DAS, 'GRAN ZLA GNYIS PA MED PAS GCIG PU, RIGS LNGA PO KUN GYIS DAG NYID CHE STE MCHOG TU GYUR PA'I LHAG PA'I LHA'O, ,RDO RJE 'CHANG DE BAS KYANG SLOB MA'I TSOGS GSOG PA'I YUL DU RDO RJE SLOB DPON LHAG STE, SLOB DPON GYIS 'KHRUL BA MED PA'I MAN NGAG GI RIM PA RNAMS DNGOS SU STER BAS TE STZOL BA'I BKA' DRIN MDZAD PA'I PHYIR, RGYU MTSAN DE'I PHYIR SLOB MAS BLA MA DE NI SNGAR GDAMS NGAG BSTZAL BA'I DRIN LAN DANG, PHYIS KYANG ZHU BA'I RTEN DU, LO'AM YANG NA ZLA BA LA SOGS PA'I BAR DU YANG MNYES PAR BYAS TE BLA MA'I GZHAN DBANG DU BYA'O, ,KHYAD PAR DU MNGON PAR BYANG CHUB PA'I RIM PA ZHU BA'I PHYIR, BLA MA DE NI MNYES PAR BYAS LA NUS PA CI YOD PA'I MCHOD PA RNAM PA SNA TSOGS PAS MCHOD PAR BYA'O, ,GNYIS PA BLA MA LA DBANG GI DON DU YON 'BUL BA STON PA LA, CI 'BYOR PA YI PHYAG RGYA NI, ,LEGS PAR BSLABS LA DBUL BYA ZHING, ,TSOGS KYI DKYIL 'KHOR DBUS SU NI, ,CHO GA JI BZHIN MCHOD PAR BYA, ZHES GSUNGS, MTSAN NYID DANG LDAN PA'I CI 'BYOR BA'I PHYAG RGYA NI RGYUD SPYANGS SHING SMIN PAR BYAS

NAS LEGS PAR BSLABS LA DBUL BAR BYA ZHING, TSOGS KYI DKYIL 'KHOR TE TSOGS KYI 'KHOR LO BSHAMS PA'I DBUS SU NI, CHO GA JI LTA BA BZHIN DU PHYI NANG GSANG BA'I MCHOD PA BYA'O, ,GSUM PA BLA MAS DBANG BSKUR BA STON PA LA, DE NAS 'DOD YON LNGA SBYOD PAS, ,RNAL 'BYOR CHEN PO MNYES GYUR TE, ,SNYOMS PAR 'JUG PA'I CHO GA YIS, ,SNANG BA DAG NI BSKYED PAR BYA, ,BYANG CHUB SEMS NI RAB 'BAD PAS, ,KA LA SHA SOGS DAG TU BZHAG ,SLOB MA BZANG LA BLA MA YIS, ,BRTZE BAS NAM PHYED DUS DBANG BSKUR, ZHES GSUNGS, SLOB MAS MCHOD PA DE NAS, 'DOD PA'I YON TAN LNGA LA SPYOD PAS RNAL 'BYOR CHEN PO RDO RJE SLOB DPON MNYES PAR GYUR TE, SLOB MA LA SLAR YANG 'PHRENG BA LA SOGS PA'I DBANG RNAMS BSKUR NAS GSANG BA'I DBANG BSKUR BA'I PHYIR, SLOB DPON GYIS SNYOMS PAR 'JUG PA'I CHO GA YIS, SNANG BA GSUM GYI 'OD GSAL BDE BA CHEN PO'I YE SHES BSKYED PAR BYAS TE 'BAD PAS BYANG CHUB KYI SEMS NI, KA LA SHA DANG SOGS PA GSER DNGUL CI RIGS PA'I SNOD DU BZHAG NAS DBANG BSKUR RO, ,GSANG DBANG THOB PA'I SLOB MA BZANG PO DE LA, SLAR YANG BLA MA YIS THUGS BRTZE BAS KUN NAS BSLANGS TE, NAM PHYED KYI DUS SU PHYAG RGYA DE NYID SLOB MA LA GTAD NAS SHES RAB YE SHES KYI DBANG BSKUR BA YIN NO, ,GNYIS PA MAN NGAG SBYIN PA LA GNYIS, SLOB MAS MCHOD

, ,BSTOD GSOL BA GDAB PA DANG, SLOB DPON GYIS MAN NGAG SBYIN PA'O, ,DANG PO STON PA LA, DBANG BSKUR YANG DAG THOB NAS NI, ,THO RANGS KYI NI DUS SU YANG, ,SLOB MAS THAL SBYAR BLA MA LA, , MCHOD CING BSTOD PAS MNYES PAR BYA, ,KHAMS GSUM LAS NI RNAM GROL ZHING, ,NAM MKHA' DANG NI MNYAM GYUR PA, ,'DOD PA RNAMS KYIS MA GOS PA'I, ,DMIGS MED KHYOD LA PHYAG 'TSAL LO, ,PHUNG PO RNAMS DANG KHAMS RNAMS DANG, ,SKYE MCHED RNAMS LA MI BRTEN CING, ,PHYIN CI LOG LAS RNAM GROL BA, ,DMIGS MED KHYOD LA PHYAG 'TSAL LO, ,RNAM RTOG MED CING KUN RTOG MED, ,THUGS NI RAB TU MI GNAS PA, ,BSAM GYIS MI KHYAB PA YI THUGS, ,DMIGS MED KHYOD LA PHYAG 'TSAL LO, ,JI LTAR NAM MKHA' GNAS MED CING, ,SPROS MED GOS PA MED PA LTAR, ,MKHA' DANG MNYAM PA'I THUGS MNGA' BA, ,DMIGS MED KHYOD LA PHYAG 'TSAL LO, ,THAMS CAD STONG PA'I RANG BZHIN CAN, ,MNGON PAR BYANG CHUB BLTA BAR 'TSAL, ,SLOB MAS THAL SBYAR BLA MA LA, ,BSTOD NAS SLAR YANG BSKUL BAR BYA, ,LAS DANG SKYE LAS RNAM GROL ZHING, ,SNANG BA GSUM PO SPANGS PA YI, ,MNGON PAR BYANG CHUB MTHONG BAR NI, ,MGON PO CHEN PO BDAG 'TSAL LO, ,SANGS RGYAS KUN GYI YE SHES CHE, ,DE BZHIN GSHEGS PA KUN GYI GNAS, ,RDO RJE YE SHES BLA NA MED, ,SLOB DPON

CHEN PO BDAG 'TSAL LO, ,THOG MTHA' MED CING ZHI BA DANG, ,NYON MONGS THAMS CAD RNAM SPYONG ZHING, ,LUS DANG NGAG DANG SEMS SPONG BA, ,RDO RJE CHEN PO BDAG 'TSAL LO, ,ZHES GSUNGS, DE LTAR SLOB MAS DBANG GSUM PA THOB NAS, THO RANGS KYI DUS SU, YANG SLOB MAS BLA MA LA DON GYIS 'OD GSAL GYI GDAMS NGAG ZHU BA'I CHED DU THAL MO SBYAR NAS MCHOD CING BSTOD PAS MNYES PAR BYAS TE GSOL BA GDAB BO, ,JI LTAR NA, 'DOD PA DANG, GZUGS DANG, GZUGS MED PA'I KHAMS GSUM GYI NYON MONGS PA'I 'CHING BA LAS RNAM PAR GROL ZHING, 'DOD PA RNAMS KYIS MA GOS PA'I 'OD GSAL BDE BA CHEN PO NAM MKHA' DANG MNYAM PAR GYUR PA LA LDANG BA MED PA'I TSUL GYIS MNYAM PAR BZHAG PAS SPROS PA'I DMIGS PA MED PA KHYOD LA PHYAG 'TSAL LO, ,PHUNG PO RNAMS DANG KHAMS RNAMS DANG, ,SKYE MCHED BCU GNYIS RNAMS LA BDEN PAR SNANG ZHING ZHEN PA LA MI BRTEN CING, DE RNAMS DE LTAR SNANG ZHING SNANG BA LTAR 'DZIN PA'I PHYIN CI LOG LAS RNAM PAR GROL BA'I DMIGS MED KHYOD LA PHYAG 'TSAL LO, ,RANG BZHIN GYI RTOG PA MED CING, KUN RTOG GIS BRTAGS PA SPROS PA'I MTSAN MA MED PA'I THUGS NI, GANG LA YANG RAB TU MI GNAS PA, 'ON KYANG DUS GSUM GYI SHES BYA THAMS CAD MKHYEN CING SANGS RGYAS 'PHAGS PA NANG PHUN TSUN KHO NA'I MNGON SUM GYI SPYOD YUL YIN GYI, SEMS CAN RNAMS KYIS BSAM GYIS MI KHYAB PA'I THUGS MNGA'

, ,BA, DMIGS MED KHYOD LA PHYAG 'TSAL LO, ,JI LTAR NAM MKHA' CI LA YANG GNAS PA MED CING, RNAM PAR RTOG PA'I SPROS PA MED PA DANG, 'BYUNG BA BZHI LA SOGS PAS GOS PA MED PA LTAR, NAM MKHA' DANG MNYAM PA'I THAMS CAD STONG PA 'OD GSAL GYI THUGS MNGA' BA'I DMIGS MED KHYOD LA PHYAG 'TSAL LO, ,DE LTAR BSTOD NAS, SLAR YANG THAMS CAD STONG PA'I RANG BZHIN CAN MNGON PAR BYANG CHUB PA DON GYI 'OD GSAL BLTA BAR 'TSAL BA STE 'DOD PA'I SLOB MAS THAL MO SBYAR NAS BLA MA LA BSKUL BAR BYA'O, ,SKU RDO RJE'I BDAG NYID MGON PO CHEN PO BDAG 'TSAL LO, ,GANG NA, LAS NYON DANG DE'I DBANG GIS SKYE BA LAS RNAM PAR GROL ZHING, SNANG BA GSUM PO SPANGS PA STE DE GSUM LAS 'DAS PA'I MNGON PAR BYANG CHUB PA 'OD GSAL THAMS CAD STONG PA RANG RGYUD LA BSKYED PA'I TSUL GYIS MNGON SUM DU MTHONG BAR 'TSAL LO, ,DE BZHIN DU GSUNG RDO RJE'I BDAG NYID SLOB DPON CHEN PO BDAG 'TSAL LO, ,GANG NA, SANGS RGYAS KUN GYI BDE BA CHEN PO'I YE SHES DANG DBYER MED PA RANG GIS SBRUL PA'I DE BZHIN GSHEGS PA RIGS LNGA LA SOGS PA KUN GYI 'BYUNG GNAS RDO RJE BDE STONG DBYER MED PA'I 'OD GSAL GYI YE SHES BLA NA MED PA'O, ,THUGS RDO RJE'I BDAG NYID CHEN PO BDAG 'TSAL LO, ,GANG NA, YE SHES DE'I YUL GYI 'OD GSAL THOG MTHA' MED CING GDOD NAS RNAM PAR DAG PAS ZHI BA,

DE LA GNYIS SNANG NUB PA'I 'OD GSAL GYIS GDUL BYA'I RGYUD KYI NYON MONGS PA RNAM PAR SPYONG PAR BYED CING, DER MA ZAD LUS DANG NGAG DANG SEMS SBYONG BA'I 'OD GSAL LO, ,TSIGS BCAD 'DI GSUM RDO RJE GSUM DANG SBYOR BAR BSHAD PA LTAR RO, ,GNYIS PA MAN NGAG SBYIN PA LA BZHI, 'OD GSAL GYI GDAMS NGAG BSTAN PA, 'OD GSAL DU ZHUGS KYANG SEMS CAN GYI DON SGRUB TSUL, BYA BA THAMS CAD DE'I NGANG NAS BYED TSUL, DON DAM BYANG CHUB KYI SEMS KYI DBANG BLANG BA'O, ,DANG PO LA GSUM, MNGON PAR BYANG CHUB PA'I 'OD GSAL GNYIS DANG, 'OD GSAL DE THOB PA'I PHAN YON, DE MNGON DU BYED PA'I BSAM GTAN GNYIS BSTAN PA'O, ,DANG PO STON PA LA, DE LTAR YON TAN YANG DAG PA, ,BRJOD PAS RNAL 'BYOR PAS MNYES BYA, ,SNYING RJE SLOB MA LA BSKYED DE, ,DE NAS RIM PA 'DI NYID BRTZAM, ,MTSAN MO SNANG BA'I CHA STE GSAL BA'I NYI MA'I ZER 'GYED SNANG BA MCHED PA YIN, ,MTSAMS NI SNANG BA THOB PA RANG GI RANG BZHIN RNAMS KYIS LAN CIG MIN PAR 'GRO, ,MTSAN MIN NYIN BAR MA YIN MTSAMS MIN GANG ZHIG RANG BZHIN RNAMS DANG BRAL BA YIN, ,DE NI BYANG CHUB SKAD CIG YIN PAR BLA MA MCHOG BSHAD RNAL 'BYOR PA NYID YUL, ,MTSAMS KYI MTHA' NI 'JIG MIN MUN NAG TSOGS NI MA LUS GANG DU 'DAS PA DANG, ,JI SRID NYI MA MA SHAR SKAD CIG 'DIR NI DRI MED YANG DAG MTHA' RU BSHAD, ,SLOB DPON MCHOG NI RAB RIB BRAL

, ,PAS SLOB MA LA NI PHYI ROL BYANG CHUB BSTAN, ,NANG GI BDE BA RNYOG BRAL SANGS RGYAS BYANG CHUB SKAD CIG DAG GIS 'THOB PAR 'GYUR, ,THA MAR 'BYUNG DANG THOG MAR 'BYUNG BA'AM, ,DBUS MIN 'BYUNG BA'AM DBUS SU 'BYUNG BA'AM, ,MTHA' MED 'BYUNG BA'AM MTHAR NI 'BYUNG BA RNAMS, ,DE DAG THAMS CAD STONG PAR DAM PAS RAB TU GSUNGS, ,GANG DU 'GRO BA DANG NI 'ONG MED CING, ,ZAD DANG 'PHEL MED DNGOS DANG DNGOS MED MIN, ,DO MTSAR GZUGS CAN YIN ZHING NGO MTSAR MIN, ,GNAS PAR 'GYUR MIN MYUR DU 'GRO BA MIN, ,GANG ZHIG YOD DANG MED PA'I THA SNYAD RNAMS DANG BRAL, ,BSOD NAMS GZUGS MIN SDIG PA'I GZUGS MA YIN, ,BSOD NAMS SDIG GI BDAG MIN MCHOG GYUR PA, ,DE NI THAMS CAD STOD PAR SANGS RGYAS RNAMS KYIS GSUNGS, ,CES GSUNGS, DE LTAR DBANG THOB CING 'OD GSAL GYI GDAMS NGAG 'DOD PA'I RNAL 'BYOR BAS, SLOB DPON GYI YON TAN YANG DAG PAR BRJOD PAS MNYES PAR BYA'O, ,DE NAS SLOB DPON GYIS SLOB MA LA SNYING RJE BSKYED DE, MNGON PAR BYANG CHUB PA'I MAN NGAG GI RIM PA 'DI NYID BRTZAMS TE BSTAN PAR BYA'O, ,'DI DAG GI SKABS SU RGYA BOD KYI BZHED TSUL MANG DU 'DUG KYANG, TSIG ZOR YANG BA'I PHYIR RANG LUGS SNYING PO DRIL NA, 'DIR BSTAN STONG PA BZHI, PHYI ROL GYI DPE'I SGO NAS NGES PAR BYED PA DANG, NANG RNAL 'BYOR PA'I TING NGE 'DZIN GYI 'CHAR TSUL GYI SGO NAS NGES PAR BYED PA

LA, PHYI NANG GI MNGON PAR BYANG CHUB PA ZHES GSUNGS PA YIN GYI, NGES BYA'I 'OD GSAL PHYI NANG GNYIS SU YOD PA MA YIN TE, PHYI NANG GI BYANG CHUB PA GNYIS NI DON GYI 'OD GSAL GCIG NYID YIN PA'I PHYIR, MTSAN MO NAM MKHA' DAG PA'I CHA LA ZLA 'OD KYIS KHYAB PA LTA BU'I SNANG BA DANG, NAM MKHA' LA NYI MA GSAL BA'I 'OD ZER 'GYED PAS KHYAB PA LTA BU SNANG BA MCHED PA YIN LA, MTSAMS SROD KYI SMAG GIS KHYAB PA LTA BU SNANG BA THOB PA STE, DE RNAMS NI RANG GI RANG BZHIN RNAMS KYIS LAN CIG MA YIN PAR YANG YANG 'GRO'O, ,MNGON PAR BYANG CHUB PA'I RIM PA DE NI, MTSAN MO'I DPES BSTAN PA'I SNANG BA MA YIN LA, NYIN PAR GYI DPES BSTAN PA'I MCHED PA MA YIN ZHING, MTSAMS KYI DPES BSTAN PA'I NYER THOB KYANG MA YIN NO, ,'O NA CI ZHIG YIN ZHE NA, RANG BZHIN GYI RTOG PA RNAMS DANG BRAL BA YIN CING, DE YANG SNANG BA GSUM THIM PA'I RIM PA DAG GIS SKAD CIG GIS MNGON PAR BYANG CHUB PA'I 'OD GSAL YIN PAR BLA MA MCHOG GIS BSHAD CING, RNAL 'BYOR PA RANG NYID KYIS MNGON SUM DU NYAMS SU MYONG BAR BYA BA YIN NO, ,PHYI'I DUS NI MTSAN MO ZLA 'OD KYIS KHYAB PA'I DUS DANG, SROD KYI MUN PA'I TSOGS NI MA LUS PA GANG DU 'DAS PA DANG, THO RANGS KYI MTSAMS KYI MTHA' NI 'JIG MIN TE MA ZHIG PA THO RANGS SKAD CIG DANG PO NAS, JI SRID NYI MA MA SHAR BA'I BAR 'DIR NI DRI MA MED PA YANG DAG PA'I MTHA' 'OD GSAL MNGON DU BYED PA'I DUS SU

, ,BSHAD PAS, SLOB DPON MCHOG NI MA RIG PA'I RAB RIB KYI DRI MA DANG BRAL BAS, SLOB MA LA PHYI ROL GYI BYANG CHUB PA BSTAN PAR BYA'O, ,DE LTAR BSTAN PA LA DGOS PA YOD DE, PHYI'I DUS DER SLOB MAS NANG GI LHAN CIG SKYES PA'I BDE BA CHEN PO NYON MONGS PA'I KUN RTOG GI RNYOG PA MA LUS PA DANG BRAL BA'I SANGS RGYAS KYI BYANG CHUB SKAD CIG NGAG GIS THOB PAR 'GYUR BA'I PHYIR, CUNG ZAD SPRO 'DOD NA, RTZA RGYUD LAS GSUNGS PA'I, BRAM ZE RGYAL RIGS RJE'U RIGS DANG, ZHES SOGS SHLO KA GNYIS KYI DON DANG SBREL NAS 'CHAD DO, ,SMRAS PA, MTHA' DRUG TSUL BZHI'I 'CHING BA YIS, ,BCINGS PA'I RGYUD KYI DON LAS KYANG, ,RTOGS PAR DKA' BA'I GZHUNG GI DON, ,BLA MA'I DRIN GYIS JI BZHIN BSHAD, ,BAR SKABS KYI TSIGS SU BCAD PA'O, ,THA MAR 'BYUNG DANG ZHES SOGS RKANG PA BZHI NI CHAG 'GYUR GO BDE ZHING LEGS PAS DE BZHIN BSHAD NA, PHYI NANG GI RTAGS KYI RIM PA'I SGO NAS NGES PAR BYAS PA'I 'OD GSAL DE NYID KYI KHYAD PAR STON PA LA, CHAG 'GYUR LAS, THOG MAR 'BYUNG MIN YANG NA THOG MAR 'BYUNG, ,DBUS 'BYUNG MIN YANG YANG NA DBUS SU 'BYUNG, , MTHAR 'BYUNG MIN YANG YANG NA MTHAR 'BYUNG STE, ,THAMS CAD STONG PAR DAM PAS RAB TU GSUNGS, CES 'BYUNG BAS, THOG MTHA' BAR GSUM NI SNANG BA GSUM YIN PAS, THOG MTHA' BAR GSUM DU 'BYUNG BA DANG MI 'BYUNG

BA GNYIS KA GSUNGS SO, ,DES NA PHYI NANG GI MNGON PAR BYANG CHUB PA 'OD GSAL DE CHOS CAN, THOG MTHA' BAR GSUM DU 'BYUNG STE, KHYOD KYI CHOS NYID DAM, YUL GYI 'OD GSAL DE, THOG MTHA' BAR GYI SNANG MCHED THOB GSUM LA KHYAB PA'I PHYIR, YANG DE CHOS CAN, THOG MTHA' BAR GSUM DU MI 'BYUNG STE, THOG MTHA' BAR GSUM STE SNANG BA GSUM GYIS DAG PA'I PHYIR TE, DE DAG THAMS CAD STONG PAR DAM PA RNAMS KYIS RAB TU GSUNGS PA'I PHYIR TE, KYE RDOR LAS, YANG NA KUN GYI RNAM PAR SPANGS, ,YANG NA THAMS CAD BDAG NYID GNAS, CES GSUNGS PA BZHIN YIN PA'I PHYIR, GZHAN YANG MNGON PAR BYANG CHUB PA'I 'OD GSAL DE NI RDOR BZLAS SEMS DBEN, MA DAG PA'I SGYU LUS RNAMS LAS KHYAD PAR DU GYUR PA YIN TE, GANG DU PHYIR 'GRO BA DANG NI GNAS PA DANG, NANG DU 'ONG BA MED CING, RANG BZHIN RNAMS ZAD PA DANG, SEMS DBEN GYI YE SHES BZHIN YON TAN 'PHEL BA MED PA DANG, DNGOS PO KUN RDZOB PA DANG DNGOS MED SGYU MA MIN PA'I KHYAD PAR DANG LDAN PA'I PHYIR, GZHAN YANG BAG CHAGS DANG BCAS PA'I RANG BZHIN THIM PA DANG, DAG PA'I BRTAN GA-YO'I GZUGS CAN SPRO BA'I NUS PA YOD PAS NGO MTSAR BA DANG, GDOD MA NAS ZHI BA'I BDAG NYID YIN PAS NGO MTSAR BA MA YIN PA DANG, GNAS PAR GYUR PA STE SKYE BA MA YIN ZHING, MYUR DU 'PHRO BA 'JIG PA MA YIN PA, MDOR NA SPROS PA THAMS CAD DANG BRAL BA'I KHYAD PAR RNAMS DANG LDAN PA'O, ,DE BZHIN DU 'OD

, ,GSAL BA GANG ZHIG LA RANG BZHIN RNAMS THIM ZHING MED PAS YOD PA'I SPROS PA DANG BRAL LA, 'OD GSAL GYI CHOS NYID LHUN GYIS GRUB PAS MED PA'I SPROS PA DANG BRAL BA DANG, 'OD GSAL GYI NGANG DU KUN BYANG GI CHOS GANG YANG MI DMIGS PA'AM, YANG DE NYID BSOD NAMS KYI GZUGS MIN CING, SDIG PA'I GZUGS MIN PA DANG, DE GNYIS KA'I NGO BOR MED PAS BSOD NAMS DANG SDIG PA'I BDAG NYID MIN PA STE, MDOR NA 'KHOR BA RGYU 'BRAS SOGS SPROS PAS MA GOS SHING, MCHOG TU GYUR PA DE NI THAMS CAD STONG PA MNGON PAR BYANG CHUB PAR SANGS RGYAS RNAMS KYIS GSUNGS SO, ,GNYIS PA STON PA LA, RNAL 'BYOR PAS NI DE LTA'I DE NYID THOB, ,RGYU DANG MI RGYU'I BDAG NYID 'GRO GNYEN GCIG ,YE SHES RANG BZHIN MI YI SENG GE GANG, ,MI ZAD LUS THOB MA LUS 'GRO BA'I RGYU, ,DE NI YON PO'I LUS KYANG DRANG PO YIN, ,BSTAN LA GNAS MED GYUR KYANG GNAS PA YIN, ,DE NI MIG BTZUMS GYUR KYANG RNAM RGYAS MIG ,DE NI MNYAM MA GZHAG KYANG MNYAM GZHAG YIN, ,DE NI TSIG DANG LDAN YANG RJOD BRAL YIN, ,DE NI LONGS SPYOD LDAN YANG GZUNG BRAL YIN, ,DE NI 'JIG RTEN MGON YANG GZHAN BRAN GYUR, CES GSUNGS, YON TAN BRJOD PA 'DI DAG DON GYI 'OD GSAL LAS BZHENGS MA THAG PA DANG 'BREL BAS 'DI LTA STE, DE LTAR RNAL 'BYOR PAS NI MNGON PAR BYANG CHUB PA'I 'OD GSAL BA DE NYID THOB PA LA

BRTEN NAS, BSTOD CING BSNGAGS PA'I YUL KHYAD PAR CAN DU GYUR PA YIN TE, RGYU BA 'GRO BA RIGS DRUG PO DANG, MI RGYU BA BAR DO PA'AM YANG NA RGYU BA 'DOD PA DANG, MI RGYU BA KHAMS GONG MA GNYIS KYI BDAG NYID CAN GYI 'GRO BA RNAMS KYI MGON SKYABS DPUNG GNYEN GCIG PUR GYUR BA DANG, YE SHES KYI RANG BZHIN GYI MI ZAD PA RDO RJE'I LUS THOB PA DANG, LHAN SKYES KYI BDE BAS DON DAM PA'I BDEN PA MNGON SUM DU GZIGS PAS, BDUD DANG PHAS KYI RGOL BA RNAMS SKRAG PAR BYED PA MI YI SENG GE GANG YIN PAR GYUR PA DANG, DAG PA'I 'GRO BA MA LUS PA SPRUL PA'I RGYUR GYUR PA DANG, DE BZHIN DU NI YON PO'I LUS SGUR PO DANG KYOG PO SOGS MI SDUG PAR SNANG YANG, YE SHES KYI LUS DRANG PO YIN PA DANG, RGYAL BA'I BSTAN PA LA MI GNAS PA LAS RGYA BSTEN CING RI DVAGS BSHOR BA SOGS BYED KYANG, BSTAN PA LA GNAS PA DANG, DE NI MIG BTZUMS PA DANG LONG BA DANG ZHAR BAR GYUR KYANG, YE SHES KYI MIG RNAM PAR RGYAS PA DANG, DE NI ZHING LAS DANG CHED DANG RNAM GA-YENG GIS MNYAM PAR MA BZHAG PA LTAR SNANG YANG, YE SHES SKU LA RTAG TU MNYAM PAR BZHAG PA DANG, DE NI THA SNYAD KYI TSIG LA RTZEG CING MANG DU SMRA BA DANG LDAN YANG BRAG CA LTA BUR GZIGS PAS BRJOD BRAL YIN PA DANG, DE NI LONGS SPYOD DANG LDAN YANG 'DOD YON GYI RANG BZHIN SHES PAS GZUNG BA DANG BRAL BA YIN PA DANG, DE NI 'JIG RTEN GSUM GYI MGON DU GYUR PA YIN YANG

, ,'GRO BA GZHAN RNAMS JI LTAR 'DOD PA'I DON RNAMS SGRUB PAR BYED PA'I BRAN DU GYUR PA'I KHYAD PAR DANG LDAN PA'I PHYIR RO, ,GSUM PA 'OD GSAL MNGON DU BYED PA'I BSAM GTAN GNYIS STON PA LA, GANG ZHIG DE NYID RTOGS SHING NYES KUN ZAD, ,MAN NGAG THOB PA'I SLOB MA YIS, ,DE NAS RNAL 'BYOR RNAM GNYIS BSLAB, ,RIL POR 'DZIN PA'I RIM PA DANG, ,DE BZHIN RJES SU GZHIG PA'O, ,MGO BO NAS NI RKANG PA'I BAR, ,JI SRID SNYING GAR PHYIN PA'I BAR, ,RNAL 'BYOR YANG DAG MTHA' LA 'JUG ,RIL POR 'DZIN PA ZHES BSHAD DO, ,RGYU BA DANG NI MI RGYU NYID, ,DANG PO 'OD GSAL BAR BYAS TE, ,PHYI NAS DE BZHIN BDAG NYID BYED, ,RJES SU GZHIG PA'I RIM PA YIN, ,DBUGS KYI RLUNG NI ME LONG LA, ,JI LTAR KUN TU THIM 'GYUR BA, ,DE BZHIN RNAL 'BYOR YANG DAG MTHAR, ,YANG DANG YANG DU 'JUG PAR BYED, ,'GRO DANG 'DUG DANG NYAL DANG ZA, ,MIG 'DZUM 'BYED DANG RGOD PA NA, ,BSAM GTAN SBYOR BA 'DI YIS NI, ,DE NYID RIG PAS RTAG TU GNAS, CES GSUNGS, GANG ZHIG DBEN PA GSUM GYI DE NYID RTOGS SHING, 'OD GSAL MNGON DU BYED PA'I NYES PA KUN ZAD PA, THAMS CAD STONG PA'I MAN NGAG THOB PA'I SLOB MA DE YIS NI, DE NAS RNAL 'BYOR RNAM PA GNYIS LA BSLAB BO, ,GNYIS GANG ZHE NA, RIL POR 'DZIN PA DANG, DE BZHIN DU RJES SU GZHIG PA'O, ,RNAL 'BYOR DANG PO JI LTAR BYA BA'I TSUL

YOD DE, RNAL 'BYOR PAS RANG GI SNYING GA'I 'OD ZER GYIS MGO BO NAS NI YAS RIM DANG, RKANG PA'I BAR NAS MAS RIM GYIS JI SRID DU SNYING GAR PHYIN GYI BAR DU 'OD DU BSDUS NAS, YANG DAG PA'I MTHA' 'OD GSAL DU 'JUG PA LA RIL POR 'DZIN PA ZHES BSHAD PA YIN PA'I PHYIR, RJES SU GZHIG PA'I RIM PA LA 'JUG TSUL YANG YOD DE, RGYU BA BCUD DANG NI MI RGYU BA SNOD NYID DANG POR 'OD GSAL BAR BYAS TE BSDUS NAS BDAG NYID LA GZHUG ,DE BZHIN DU PHYI NAS BDAG NYID KYANG RIL 'DZIN BZHIN DU 'OD GSAL DU RJES SU GZHIG PA'I RIM PAS 'JUG PA YIN PA'I PHYIR TE, JI LTAR DPER NA DBUGS KYI RLUNG NI ME LONG LA STE, ME LONG LA HA BTAB PA MTHA' NAS KUN TU BSDUS NAS, DBUS SU THIM PAR 'GYUR BA DE BZHIN DU, RNAL 'BYOR PA YANG DAG PA'I MTHA' 'OD GSAL DU YANG DANG YANG DU 'JUG PAR BYED PA YIN PA'I PHYIR, 'OD GSAL MNGON DU BYAS PA'I RNAL 'BYOR PA DES NI RJES THOB KYI SPYOD LAM THAMS CAD DU YANG, BDE BA CHEN POS DE KHO NA NYID RIG PA'I RNAM ROL DU RTAG TU SPYOD CING GNAS PAR BYA BA YIN TE, 'GRO BA DANG 'DUG PA DANG NYAL BA DANG ZA BA DANG, THA NA MIG 'BYED 'DZUM BYED PA DANG, DGONG PA SOGS SNGAR GOMS PA YIS NI BSAM GTAN GYI SBYOR BA DANG MTSUNGS PAR BLTA BA YIN PA'I PHYIR RO, ,GNYIS PA 'OD GSAL DU ZHUGS KYANG GZHAN DON BSGRUB TSUL STON PA LA, GZUGS BCAS 'OD ZER DE DANG DE, ,RNAM SHES RLUNG DANG

, ,LDAN PA YI, ,BDAG BYIN BRLAB PA'I RIM GYIS KYANG, ,SEMS CAN DON DU'ANG LAN 'GA' 'GYUR, ,JI LTAR DVANGS PA'I CHU KLUNG LAS, ,NYA DAG MYUR DU LDANG BA LTAR, ,DE BZHIN THAMS CAD 'OD GSAL LAS, SGYU 'PHRUL DRA BA 'BYUNG BAR BSHAD, ,RIGS LNGA'I SANGS RGYAS LA BLTOS PA'I, ,PHYAG RGYA CHEN POR BRTAG PA NI, ,'OD ZER LNGA NI 'BYUNG BA DAG ,NAM MKHA'I 'JA' TSON DAG DANG MTSUNGS, CES GSUNGS, RIM PA BZHI PA DON GYI 'OD GSAL GYI NGO BOR GYUR BA'I RNAM PAR SHES PA DANG, DE'I BZHON PA'I RLUNG SHIN TU PHRA BA'I GZUGS 'OD ZER LNGA DANG BCAS PA, CHU LA CHU DANG MAR LA MAR BZHIN DBYER MED DU 'DRES PA'I SEMS DES LHAN CIG BYED RKYEN DANG, DE DANG LDAN PA'I RLUNG GIS NYER LEN BYAS PA YIS, BDAG TU GDAGS PA'I GZHI SHIN TU PHRA BA'I RLUNG SEMS DE ZUNG 'JUG GI SKUR BYIN GYIS BRLAB PA'I RIM GYIS BZHENGS PA'O, ,DGOS PA CI'I DON DU ZHE NA, SEMS CAN THAMS CAD KYI DON DU'O, ,BDAG BYIN BRLAB PA'I RIM GYIS KYANG, ZHES; KYANG SGRA SMOS PA NI, SNGAR SGYU MA'I LUS SU BZHENGS PAR MA ZAD CES PA'I DON DANG, SEMS CAN DON DU LAN 'GA' 'BYUNG, ZHES MANG TSIG SMOS PA YANG DON GYI 'OD GSAL LAS ZUNG 'JUG GI SKUR DNGOS SU BZHENGS SHING, SLOB PA'I ZUNG 'JUG PA DES MI SLOB PA'I ZUNG 'JUG GI SKUR, YID NGOR YANG YANG BZHENGS PA'I LA'ANG DGONGS PA'O, ,'O NA 'OD

GSAL ZUNG 'JUG GI SKUR BZHENGS TSUL DE JI LTAR ZHE NA, DE YOD DE, DPER NA DRANGS PA'I CHU KLUNG MI GA-YO BAR GNAS PA LAS, NYA DAG MYUR DU LDANG BA LTAR TE, NYA SKAD CIG GIS 'PHAR BA DE BZHIN DU THAMS CAD STONG PA 'OD GSAL LAS CHOS GZHAN GYIS BAR MA CHOD PAR SGYU 'PHRUL DRA BA ZUNG 'JUG GI SKU 'BYUNG BAR BSHAD PA'I PHYIR, DE LTAR BZHENGS PA'I SKU DE GCIG PU YIN NAM ZHE NA, MA YIN TE, MI BSKYOD PA SOGS RIGS LNGA'I SANGS RGYAS DANG, RIGS LNGA SO SO LA BLTOS PA DE DANG DE'I RIGS CAN GYI LHA'I SKU PHYAG RGYA CHEN POR BRTAG PA 'OD ZER SNA LNGA'I GZI BYIN RAB TU 'BAR BA 'BYUNG BA DAG NI, NAM MKHA'I LAM NAS 'JA' TSON 'BYUNG BA DAG DANG MTSUNGS PA'I PHYIR; 'O NA ZUNG 'JUG TU LDANG TSUL RIM PA LNGA PAR 'CHAD DGOS PA 'DIR STON PA CI ZHE NA, BDEN MOD KYI 'ON KYANG RIM PA BZHI PA MTHA' CHOD PAR STON PA LA, DE'I MNYAM RJES GNYIS KA DANG KHYAD PAR 'OD GSAL LAS LDANG TSUL SHES DGOS PA'I RGYU MTSAN GYIS YIN NO, ,GSUM PA BYA BA THAMS CAD 'OD GSAL GYI GZHI LA GNAS NAS BYA BA'I TSUL STON PA LA, PHYAG RGYA 'CHING BAR BYED PA'AM, ,GAL TE GSANG SNGAGS ZLOS PA'AM, ,GANG GZHAN THAMS CAD BYED PA NI, ,THAMS CAD STONG PA'I GZHI LA GNAS, ,THAMS CAD ZA ZHING KUN LA 'THUNG, ,KUN LA PHYAG BYED KUN TU 'GRO, ,THAMS CAD BYED PA'AM MTSAN MA KUN, ,THAMS CAD STONG PAS 'GRUB PAR

, ,'GYUR, ZHES GSUNGS, GAL TE GSANG SNGAGS PHYI NANG GI PHYAG RGYA 'CHING ZHING GAR BYED PA DANG SNGAGS ZLOS PA'AM, LAS RAB 'BYAMS BSGRUB PA DANG, GZHAN GANG YANG RUNG BA'I BYA BA CI BYED PA DE DAG THAMS CAD, THAMS CAD STONG PA'I GZHI LA GNAS PA STE, DE'I RNAM ROL DU BLTA BA DANG, DE'I NGANG NAS GTZANG BTZOG MED PA'I ZAS ZA ZHING BTUNG BA KUN LA 'THUNG BA DANG, KUN LA PHYAG BYED CING, YANG NA BLA MA MA GTOGS GANG LA'ANG PHYAG MI BYA BA DANG, GDOL BA'I KHYIM DANG DUR KHROD SOGS BZANG NGAN KUN TU 'GRO BA DANG, CHOS GOS DANG GA-YANG GZHI GYON PA'AM GCER BU DANG, MGO REG DANG RAL PA DANG THAL BAS BYUG PA SOGS 'JIG RTEN DANG 'GAL BA'I MTSAN MA DANG, RTAGS SNA TSOGS PA'I BYA BA CI BYED PA THAMS CAD, 'OD GSAL THAMS CAD STONG PA'I MNYAM RJES CI RIGS PA'I RNAL 'BYOR GYI ROL BAS DNGOS GRUB MYUR DU 'GRUB PAR 'GYUR RO; ;BZHI PA DON DAM BYANG CHUB KYI SEMS KYI DBANG BLANG PA'I TSUL STON PA LA, BYANG CHUB SEMS NI DON DAM ZHES BYA BA, ,SKAL BZANG SLOB MA BZANG POS MAN NGAG THOB, ,THAL MO SBYAR NAS ME TOG 'DZIN PA YIS, ,BLA MA LAS NI SLAR YANG BLANG BAR BYA, ,DNGOS PO KUN DANG RNAM BRAL ZHING, ,PHUNG PO KHAMS DANG SKYE MCHED DANG, ,GZUNG DANG 'DZIN PA RNAM SPANGS PA, ,CHOS BDAG MED PA MNYAM MED PA, ,RANG SEMS GZOD NAS MA

SKYES PA, ,STONG PA NYID KYI RANG BZHIN NO, ZHES GSUNGS, MNGON PAR BYANG CHUB PA'I SMIN BYED DBANG GSUM PA 'OD GSAL MNGON DU BYED PA'I MAN NGAG THOB PAS SKAL BA BZANG POR GYUR PA'I SLOB MA BZANG POS, THAL MO SBYAR NAS ME TOG 'DZIN CING GUS PA YIS, BLA MA LAS NI SLAR YANG DBANG BLANG BAR BYA'O, ,DBANG GANG ZHE NA, DON DAM PA BYANG CHUB KYI SEMS CES NI BYA BA STE BZHI PA'O, ,DE NAS BLA MAS, RTZA RGYUD LE'U GNYIS PA'I THUB PA CHEN PO RNAM SNANG GIS GSUNGS PA'I, DNGOS PO THAMS CAD DANG BRAL BA, ZHES SOGS SHLO KA PHYED DANG GNYIS KYI TSIG DON BSHAD PA'I SGO NAS ZUNG 'JUG LA NGO SPRAD NAS BSKUR BA'O, ,RGYUD TSIG 'DI'I DON GRAGS CHE BAS 'DIR MA BSHAD PAS GZHAN DU BLTA'O, ,GSUM PA YON DBUL BA NI, DE NAS RJES SU MTHUN PA'I YON, ,BLA MA LA NI DBUL BYA STE, ,RIN CHEN KHYIM DANG GLANG PO RTA, ,YUL DANG MAL STAN RNAMS DANG NI, ,BRAN DANG BRAN MO CHUNG MA SDUG , BU MO SHIN TU YID 'OD DANG, ,GANG GIS BDAG KYANG DBUL BYA NA, ,LHAG MA RNAMS LTA SMOS CI DGOS, CES GSUNGS, DBANG YONGS RDZOGS THOB PA DE NAS, SHIN TU ZAB CING DKON LA DON CHE BAS RIN PO CHE DANG MTSUNGS PA'I DBANG DANG RJES SU MTHUN PA'I YON BLA MA LA NI DBUL BAR BYA STE BYA'O, ,JI LTAR 'BUL NA RIN PO CHE DANG, KHYIM DANG, GLANG PO CHE DANG, RTA DANG YUL DANG MAL STAN RNAMS DANG NI BRAN PO DANG BRAN MO DANG, SHIN TU SDUG CING

, ,GCES PA'I CHUNG MA DANG, BU MO SHIN TU YID DU 'ONG BA DANG, MDOR NA BKA' DRIN NOD PA'I SLOB MA GANG GIS, BDAG NYID KYANG RANG DBANG DOR TE BRAN DU DBUL BAR BYA BA YIN NA, DE LAS GZHAN PA'I LHAG MA RNAMS DBUL DGOS PA LTA CI SMOS, SBYIN PA DANG, SBYIN PA CHEN PO DANG, SHIN TU SBYIN PA CHEN PO GSUM MO, ,BZHI PA STON PA LA, SLOB DPON LAS NI DRIN THOB DRI MED BSTAN PA'I BLO LDAN DNGOS KUN BDAG , GSAL DAG SHIN TU PHRA BA MCHOG ZHI RANG BZHIN SANGS RGYAS MYA NGAN 'DAS PA'I KHAMS, ,GNYIS MED RTOG BRAL RTAG TU BDE BA'I RANG BZHIN DE NYID RNAL 'BYOR PAS BSGOM BYA, ,BSOD NAMS BSOD NAMS MIN GROL RANG NYID 'DIR NI BCOM LDAN RDO RJE SEMS DBAR 'GYUR, ZHES GSUNGS, RNAL 'BYOR BAS BSGOM PAR BYA'O, ,CI ZHIG SGOM ZHE NA, SLOB DPON GYI BKA' DRIN LAS NI THOB PA'I DON DE'O, ,DE YANG GANG NA, NYON MONGS PA'I DRI MA MED CING, DBYINGS RIG DBYER MI PHYED PAS BRTAN PA'I BLO DANG LDAN PA, DE'I RANG BZHIN DNGOS PO KUN LA KHYAB PA'I BDAG NYID CAN, RANG BZHIN GYIS 'OD GSAL ZHING DAG PAS SHIN TU PHRA ZHING RTOGS PAR DKA' BA, SDUG BSNGAL THAMS CAD DANG BRAL BAS MCHOG TU ZHI BA'I RANG BZHIN, DON DAM PA'I SANGS RGYAS MYA NGAN LAS 'DAS PA'I KHAMS SAM DBYINGS GZUNG 'DZIN GNYIS SU MED CING RTOG PA MTHA' DAG DANG BRAL BA RTAG TU

BDE BA CHEN PO'I RANG BZHIN DE NYID DO, ,DE LTAR BSGOMS PA LA DGOS PA YOD DE, BSOD NAMS BDE 'GRO RGYU 'BRAS, BSOD NAMS MA YIN PA NGAN 'GRO RGYU 'BRAS TE, 'KHOR BA MTHA' DAG LAS GROL BA BCOM LDAN 'DAS RDO RJE SEMS DPAR RANG NYID TSE 'DIR NI 'GYUR BA YIN PA'I PHYIR RO, ,MJUG BSDU BA NI, MCHOG TU GSANG BA'I BDE BA MNGON PAR BYANG CHUB PA'I RIM PA STE SLOB DPON KLU SGRUB KYIS MDZAD PA'I RIM PA BZHI PA'O, ZHES SO, ,RANG BZHIN SPROS DANG BRAL BA'I DBYINGS, ,DBYER MED RJOD BRAL BDE BA CHE, ,KUN KHYAB KUN DANG MA 'DRES PA, ,AE MA HO NGO MTSAR RMAD DU BYUNG, ,RIM PA BZHI PA'I RNAM PAR BSHAD PA'O, ,RDO RJE GSUM DANG BDEN PA GNYIS, ,MI PHYED 'KHOR LO'I MGON PO DANG, ,DBYER MED BLA MA'I ZHABS PAD LA, ,BTUD NAS ZUNG 'JUG RIM PA BSHAD, ,LNGA PA ZUNG 'JUG GI RIM PA BSHAD PA LA GSUM, RTZOM PA LA 'JUG PA'I BYA BA DANG, BRTZAM PA'I RIM PA DNGOS BSHAD PA DANG, BRTZAMS PA'I DGE BA BSNGO BA'O, ,DANG PO STON PA LA, MGON PO RGYU DANG 'BRAS BDAG NYID, ,GNYIS PA THAMS CAD RNAM SPANGS LA, ,PHYAG 'TSAL NAS NI ZUNG 'JUG PA'I, ,RIM PA THA MA BRI BAR BYA, ZHES GSUNGS, MGON PO STE KHAMS GSUM SEMS CAN THAMS CAD KYI MGON DANG SKYABS SU GYUR PA, RGYU KUN RDZOB BDEN PA SGYU MA'I SKU DANG, 'BRAS BU DON DAM BDEN PA DON GYI 'OD GSAL GNYIS GOMS PAS SKU THUGS SU DNGOS PO GCIG PA'I BDAG NYID

, ,GZUNG 'DZIN SOGS GNYIS PA STE THA DAD DU BDEN PAR SNANG ZHING ZHEN PA'I DRI MA BAG CHAGS DANG BCAS PA DANG BRAL BA DKYIL 'KHOR KUN GYI BDAG PO ZUNG 'JUG RDO RJE 'CHANG CHEN PO LA GUS PAS PHYAG 'TSAL NAS, LNGA PA ZUNG 'JUG GI RIM PA THA MA BSHAD PAR BYA'O, ,GNYIS PA LA BZHI, ZUNG 'JUG GI RIM PA PHYE NAS RGYAS PAR BSHAD PA DANG, ZUNG 'JUG GNYIS KYI DBYE BA CUNG ZAD BSHAD PA DANG, ,ZUNG 'JUG THOB PA'I RNAL 'BYOR PA'I MTSAN GYI RNAM GRANGS DANG, ZUNG 'JUG PA'I MDZAD PA'I RNAM GRANGS BSTAN PA'O, ,DANG PO STON PA LA, 'KHOR BA DANG NI MYA NGAN 'DAS, ,RTOG PA GNYIS PO SPANGS PAS NA, ,GANG DU DNGOS PO GCIG GYUR PA; ;ZUNG DU 'JUG CES DE LA BSHAD, ,KUN NYON MONGS DANG RNAM PAR BYANG, ,DON DAM NYID DU SHES NAS NI, ,GANG GIS GCIG TU GYUR SHES PA, ,DE YIS ZUNG DU 'JUG PA SHES, ,DNGOS PO RNAM BCAS KUN RTOG DANG, ,DNGOS PO MED PAR RTOG PA DAG ,RNAL 'BYOR PAS NI GCIG TU SPYOD, ,DE NI ZUNG 'JUG SHES PA'O, ,GZUNG BA DANG NI 'DZIN PA ZHES, ,RNAM GNYIS BLO NI YOD MIN GYI, ,GANG DU MI PHYED BLO YOD PA, ,DE NI ZUNG 'JUG CES BYAR BSHAD, , RTAG DANG CHAD PA'I BLO DAG NI, ,GANG GIS SPANGS NAS RAB GNAS PA'I, ,ZUNG DU 'JUG PA'I RIM 'DI YI, ,DE NYID SHES DE MKHAS PA YIN, ,SHES RAB SNYING RJE GCIG PAR NI, ,SHES NAS GANG DU 'JUG GYUR PA, ,ZUNG

'JUG CES BYAR BSHAD PA STE, ,RIM 'DI SANGS RGYAS SPYOD YUL LO, ,THABS DANG SHES RAB SNYOMS 'JUG PAR, ,THAMS CAD BSDUS PAS SHES GYUR PA, ,RNAL 'BYOR CHEN PO GANG DU GNAS, ,DE NYID ZUNG DU 'JUG PAR 'GYUR, ,GANG DU LHAG MAR BCAS PA DANG, ,DE BZHIN LHAG MA MED PA ZHES, ,'DI LTA'I RTOGS PA MED GYUR PA, ,DE NI ZUNG DU 'JUG PA'O, ,GANG DU GANG ZAG BDAG MED DANG, ,CHOS LA BDAG MED PA DAG NI, ,RTOG PA GNYIS LAS RNAM GROL BA; ;ZUNG DU 'JUG PA'I MTSAN NYID DO, ,DE NYID SHES PA'I RIM SHES NAS, ,BDAG BYIN RLABS DANG 'OD GSAL BA, ,DE NYID LA NI 'DUS PA GANG, ,ZUNG DU 'JUG PA'I RIM 'DI YIN, ,RIL POR 'DZIN DANG RJES GZHIG DANG, ,'JUG DANG DE BZHIN GNAS PA DANG, ,DE NAS GANG DU LDANG GYUR PA, ,MNYAM GYUR ZUNG DU 'JUG PA'O, ,KUN RDZOB DANG NI DON DAM DAG ,SO SO'I CHAR NI LDAN GYUR PA, ,GANG DU YANG DAG 'DRES GYUR PA, ,ZUNG DU 'JUG PAR DE BSHAD DO, , DE BZHIN NYID LA DMIGS NYID DANG, ,GANG DU LDANG BAR GYUR BA NI, ,ZUNG 'JUG GYUR BA DE YIN TE, ,MI ZAD RNAL 'BYOR BA YI GNAS, ,GNYID LOG PA DANG SAD PA STE, ,GNAS SKABS DE GNYIS SPANGS PA NI, ,GNYID LOG SAD DANG RNAM BRAL BA, ,ZUNG 'JUG YIN PAR STON PAS GSUNGS, ,MNYAM PAR BZHAG DANG MA BZHAG PA, ,GANG LA 'DI DAG THAMS CAD MED, ,DNGOS DANG DNGOS MED RNAMS SPANGS PA, ,RNAL 'BYOR PA NI ZUNG 'JUG

, ,GNAS, ,DRAN DANG DRAN MIN LAS GROL ZHING, ,RTAG TU 'BYUNG BA'I MTSAN NYID CAN, ,RNAL 'BYOR PA NI 'DOD BZHIN SPYOD, ,ZUNG 'JUG RIM PA LA GNAS PA'O, ,CHAGS DANG CHAGS MED LAS GROL ZHING, MCHOG TU DGA' BA'I LUS DANG LDAN, ,'KHOR BA SRID DU GNAS BYED PA, ,ZUNG 'JUG RNAM PAR BSGOM PA'O, ,BYA BA DANG NI BYED PA DAG ,MI PHYED PA YI NGO BO NYID, ,GNAS GANG RNAL 'BYOR PAS SHES PA, ,ZUNG DU 'JUG PAR DE BSHAD DO, ,BSKYED PA'I RIM PA 'DI GCIG YIN, ,GZHAN YANG RDZOGS PA'I RIM PA DAG ,GNYIS PO GANG DU GCIG GYUR PA, ,DE NI ZUNG DU 'JUG PAR BSHAD, ,YONGS SU DAG PA'I LHA DANG NI, ,'DI NI MA DAG PAR GYUR CES; ;GANG ZHIG MI PHYED PAR RTOGS PA, ,GANG YIN DE NI ZUNG 'JUG PA'O, ,GZUGS CAN DANG NI GZUGS MED CES, ,RTOG PA GNYIS PO SPANGS PAS NA, ,GANG ZHIG ZHI RTOGS RNAL 'BYOR PA, ,DE NI ZUNG 'JUG THOB PA'O, ,ZHES GSUNGS, DE YANG DON GYI 'OD GSAL DAG PA'I SGYU LUS SAM, ZUNG 'JUG GI SKUR DANG POR BZHENGS TSUL DANG, SLOB PA'I ZUNG 'JUG PA DE'I MNYAM RJES KYI MDZAD PA RNAMS NI, RIM PA BZHI PAR BSHAD ZIN PAS, 'DIR NI TSIGS SU BCAD PA NYER GCIG GIS, ZUNG 'JUG NYER GCIG GAM, RIL POR 'DZIN DANG ZHES SOGS SHLO KA GCIG GIS ZUNG 'JUG GNYIS DANG, MNYAM PAR BZHAG DANG ZHES SOGS SHLO KA GCIG GIS GNYIS TE ZUNG 'JUG

NYER GSUM BSTAN PA YIN NO, ,SNGA PHYI MANG POS, 'DIR BSTAN ZLA BCAS KYI CHOS NYER GCIG PO, RANG BZHIN GYIS BDEN PAS STONGS PA DANG, DE DAG THA DAD DU 'DZIN PA'I RTOG PA SPANGS PA STE, DE LTA BU'I RTOG PA BDEN STONG NGO BO DBYER MED DU RTOGS PA'I YE SHES DE DANG DE DAG 'DIR BSTAN GYI ZUNG 'JUG TU 'DOD PA NI TSES ? MI RIGS TE, DE LTAR NA 'DIR BSTAN ZUNG 'JUG THOB PA'I NYAN RANG SLOB PA 'PHAGS PA YOD PAR THAL BA DANG, STONG PA RTEN 'BYUNG DANG, RTEN 'BYUNG STONG PA'I RANG BZHIN NGES NAS, DE LA MNYAM PAR BZHAG PA'I SO SO'I SKYE BO'I RGYUD LA YANG 'DIR BSTAN ZUNG 'JUG YOD PAR 'GYUR BA'I PHYIR RO, ,DES NA ZHIB TU BYAS NA 'DI DAG LA RTEN DANG BRTEN PA'I KHYAD PAR PHYED PAR BYA DGOS TE, DANG PO LA DPER BRJOD NA 'DI LTAR, DANG PO 'KHOR 'DAS ZUNG 'JUG GI RNAM GZHAG BZHAG TU YOD DE, 'KHOR BA DANG NI MYA NGAN LAS 'DAS PA GNYIS BDEN PAR GRUB PAS STONGS SHING, DER MA ZAD, DE GNYIS BDEN PA'I THA DAD DU 'DZIN PA'I RTOG PA GNYIS PO YANG SPANGS PAS NA CHOS KYI DBYINGS GANG DU 'KHOR 'DAS GNYIS DANG, DE GNYIS THA DAD DU 'DZIN PA'I RTOG PA GNYIS PO'I BDEN STONG GI RANG BZHIN NAM DNGOS PO NGO BO GCIG TU GYUR PA MNGON SUM DU RTOGS PA'I LHAN SKYES KYI BDE BA CHEN PO'I NGO BOR GYUR PA'I YE SHES DANG, DAG PA'I SGYU MA'I SKU GNYIS, SKU THUGS SU ZUNG DU 'JUG PA YIN CES DE LA BSHAD PA'I

, ,PHYIR, GNYIS PA KUN BYANG ZUNG 'JUG GI RNAM GZHAG JI LTAR YIN PA'I TSUL YOD DE, KUN NAS NYON MONGS SDUG KUN GYI PHYOGS DANG, RNAM BYANG 'GOG LAM GYI PHYOGS SNANG TZAM LAS RANG BZHIN GYIS GRUB PA RDUL TZAM YANG MED PAR SHES NAS NI, ZUNG 'JUG PA GANG GIS KUN BYANG GNYIS KYI NGO BO DON DAM SPROS BRAL NYID KYI NGANG NYID DU GYUR PAR SHES PA DE YIS ZUNG 'JUG SHES PA YIN PA'I PHYIR, GSUM PA RNAM BCAS RNAM MED KYI ZUNG 'JUG GI TSUL YANG YOD DE, GZUGS SGRA DRI RO SOGS DNGOS PO'I RNAM PA DANG BCAS PAR KUN TU RTOG CING 'DZIN PA DANG, NAM MKHA' SOGS DNGOS PO MED PAR 'DUS MA BYAS SU RTOG PA MTHA' DAG ZUNG 'JUG PA'I RNAL 'BYOR PAS NI KUN RDZOB TU SGYU MA LTA BU DANG, MNYAM GZHAG TU BDEN STONG NGO BO GCIG TU BDE BA CHEN PO'I YE SHES KYIS SPYOD PA DE NI ZUNG 'JUG SHES PA'O, ,BZHI PA, GZUNG 'DZIN ZUNG DU 'JUG PA'I TSUL YANG YOD DE, GZUNG BA YUL RNAMS DANG NI, ,'DZIN PA ZHES PA YUL CAN RNAM PA GNYIS NI GDOD MA NAS YANG DAG PAR GRUB PA MED PAS, DE LTAR GRUB PAR 'DZIN PA'I BLO GNYIS KYI ZHEN YUL NI, YOD PA MIN GYI STE MED DO, , DE'I PHYIR GZUNG 'DZIN RANG BZHIN MED PA GANG YIN PA DE'I NGANG DU GNYIS SNANG GIS MI PHYED PA'I BDE BA CHEN PO'I YE SHES KYI BDAG NYID DU GYUR PA'I BLO YOD PA DE NI ZUNG 'JUG CES BYA BAR BSHAD PA'I PHYIR, LNGA PA RTAG CHAD

DANG BRAL BA'I ZUNG 'JUG KYANG YOD DE, DON DAM BDEN GRUB RTAG PA DANG, KUN RDZOB CAD MED CHAD PAR LTA BA'I BLO DAG NI, ZUNG 'JUG PA GANG GIS RGYANG RING DU SPANGS NAS RTAG CHAD LAS GROL BA'I DBYINGS SU BDE BA CHEN PO'I YE SHES LA RAB TU GNAS PA'I ZUNG DU 'JUG PA'I RIM PA 'DI YI DE NYID SHES PA STE NI MKHAS PA YIN PA'I PHYIR, DRUG PA STONG NYID SNYING RJE ZUNG 'JUG GI TSUL YOD DE, CHOS THAMS CAD KYI DE KHO NA NYID RTOGS PA'I SHES RAB DANG, DMIGS PA MED PA'I SNYING RJE GNYIS KYI NGO BO REG CIG PAR NI SHES NAS, DAG PA'I SKU GANG DU RTAG TU 'JUG PAR GYUR PA'I RIM PA 'DI NI ZUNG 'JUG CES BYA BAR BSHAD PA STE, SANGS RGYAS DANG DE'I SGRAS BTAGS PA'I ZUNG 'JUG PA YIN GYI MNGON SUM GYI SPYOD YUL LO, ,BDUN PA THABS SHES ZUNG 'JUG GI TSUL YANG YOD DE, THABS DANG SHES RAB SNYOMS PAR 'JUG PA STE SNYOMS PAR SBYOR BAS SPROS PA THAMS CAD LHAN SKYES KYI BDE BA CHEN PO'I RNAM ROL DU BSDUS PAS YE SHES MCHOG TU GYUR PA LA, ZUNG 'JUG PA'I RNAL 'BYOR CHEN PO GANG DU GNAS PA DE NYID ZUNG DU 'JUG PAR 'GYUR BA YIN PA'I PHYIR, BRGYAD PA LHAG BCAS LHAG MED ZUNG 'JUG GI TSUL YANG YOD DE GANG DU LAS NYON SDUG BSNGAL GYI LHAG MA DANG BCAS PA DANG, DE BZHIN DU SNYING RJE'I DBANG GIS 'KHOR BAR 'GRO BA'I DON DU 'JUG PAS LHAG MA MED PA YANG MIN PA GNYIS DON DAM DU MA GRUB CING, DE LTAR 'DZIN RTOG ZHEN YUL

, ,DANG BCAS PA MED PAR GYUR PA'I YE SHES DE NI SNGAR BZHIN ZUNG DU 'JUG PA'O, ,DGU PA BDAG MED GNYIS ZUNG 'JUG GI TSUL YANG YOD DE, GANG DU GANG ZAG GI BDAG MED DANG, CHOS LA BDAG MED PA RANG GI NGO BO RANG BZHIN GYIS GRUB PAR 'DZIN PA'I RTOG PA GNYIS GZUNG YUL DANG BCAS PA LAS RNAM PAR GROL BA'I ZUNG 'JUG PA'I RGYUD KYI YE SHES NI, ZUNG DU 'JUG PA'I MTSAN NYID DE RANG BZHIN YIN PA'I PHYIR, BCU PA SGYU MA 'OD GSAL ZUNG 'JUG GI RIM PA YANG YOD DE, ZUNG DU 'JUG PA'I DE NYID DE RIM PA SHES PA'I ZUNG 'JUG PAS, BDAG BYIN RLABS MA DAG PA'I SGYU LUS DANG, DON GYI 'OD GSAL 'DI LTAR RGYU 'BRAS KYI RIM PA YIN PAR SHES NAS, DE GNYIS KYI DE KHO NA NYID LA NI THA DAD MED PAS, SLAR BDAG BYIN RLABS SGYU MA'I LUS SKU DANG, DON DAM 'OD GSAL THUGS SU DBYER MED DU 'DUS PA GANG YIN PA DE ZUNG DU 'JUG PA YIN PA'I PHYIR, BCU GCIG PA RIL 'DZIN RJES GZHIG ZUNG 'JUG GI TSUL YANG YOD DE, RIL POR 'DZIN PA DANG, RJES SU GZHIG PA'I RIM PA DAG GI 'OD GSAL DU 'JUG PA DANG, ZHUGS NAS DE BZHIN DU GNAS PA DANG, DE NAS GANG DU LDANG BAR GYUR PA GSUM BDE STONG DBYER MI PHYED PA'I RANG BZHIN DU RTOGS PA ZUNG DU 'JUG PA'O, ,'DIR ZUNG 'JUG NYER GNYIS BYED NA, RIL 'DZIN RJES GZHIG GNYIS DANG, 'JUG GNAS LDANG GSUM GYI ZUNG 'JUG GNYIS SO SOR BYED DO, ,BCU GNYIS PA

BDEN GNYIS ZUNG 'JUG GI TSUL YANG YOD DE, KUN RDZOB BDEN PA DAG PA'I SGYU MA'I SKU DANG, DON DAM BDEN PA DON GYI 'OD GSAL DAG ,SO SO'I CHAR NI LDAN PA STE, RANG RANG GI CHA SHAS YONGS SU RDZOGS PA DANG LDAN PAR GYUR PA, DE GNYIS GANG DU SNGA MA SKU DANG PHYI MA THUGS SU YANG DAG PAR 'DRES TE DNGOS PO GCIG TU GYUR PA DE LA ZUNG DU 'JUG PAR BSHAD DO, ,BCU GSUM PA, MNYAM PAR 'JUG LDANG ZUNG 'JUG GI TSUL YANG YOD DE, DE BZHIN NYID LA BDE BA CHEN PO'I YE SHES KYIS DMIGS PA NYID DANG, GANG DU LHA'I SKU DKYIL 'KHOR GYI 'KHOR LO'I RNAM PA CAN DU LDANG BAR GYUR BA DE NI ZUNG 'JUG TU GYUR PA DE YIN TE, MI ZAD PA STE RDO RJE'I SKU RNAL 'BYOR PA'I BZHUGS GNAS YIN PA'I PHYIR, BCU BZHI PA SAD GNYID ZUNG 'JUG GI TSUL YANG YOD DE, THA MAL GYI GNYID LOG PA DANG NI SAD PA STE, GNAS SKABS DE GNYIS SPANGS PAS NA, RNAL 'BYOR BA NI 'OD GSAL BDE BA CHEN PO'I NGANG DU GNYID LA GNAS SHING, SHES BYA THAMS CAD LA MKHYEN PA RGYAS PA SAD PA NGO BO GCIG PA NI GNYID LOG PA DANG SAD PA DANG RNAM PAR BRAL BA'I ZUNG 'JUG YIN PAR STON PAS GSUNGS SO, ,BCO LNGA PA, MNYAM RJES ZUNG 'JUG GI TSUL YANG YOD DE, ZUNG 'JUG PA GANG LA MNYAM PAR BZHAG PA'I NGOR, KUN RDZOB PA'I SNANG BA THAMS CAD MED PA DANG, MNYAM PAR MA BZHAG PA'I DUS SU YANG THA MAL GYI DNGOS PO DANG DNGOS PO MED PA'I RNAM PA RNAMS SPANGS PA'I RNAL 'BYOR PA NI, ZUNG 'JUG

, ,LA GNAS PA'O, ,NYER GSUM DU BYED NA 'DIS KYANG GNYIS BSTAN PAR BYED DO, ,BCU DRUG PA DRAN DANG DRAN MIN ZUNG 'JUG GI TSUL YANG YOD DE, SO SKYE'I DUS SU MCHOG DMAN GYI BYA BA CI BYAS MA BRJED PA'I DRAN PA DANG, BRJED PAS DRAN PA MIN PA LAS RNAM PAR GROL ZHING, RTAG TU CI BYED KYANG YE SHES 'BYUNG BA'I MTSAN NYID CAN, GDUL BYA'I DON DU DUS LAS MI YOL BAR JI LTAR 'DOD PA BZHIN DU SPYOD PA'I RNAL 'BYOR PA NI, ZUNG 'JUG GI RIM PA LA GNAS PA'O, ,BCU BDUN PA BDE STONG ZUNG 'JUG GI TSUL YANG YOD DE, 'DOD CHAGS DANG CHAGS MED ZHI BA PHYOGS GCIG PA LAS GROL ZHING, 'OD GSAL LHAN CIG SKYES PA MCHOG TU DGA' BA'I LUS DANG LDAN PA'I RDO RJE'I SKU NI, 'KHOR BA JI SRID DU GNAS PAR BYED PA'I ZUNG 'JUG RNAM PAR BSGOM PA'O, ,BCO BRGYAD PA BYA BYED ZUNG 'JUG GI TSUL YANG YOD DE, RNAL 'BYOR PAS BDE BA CHEN PO'I YE SHES KYI BYA BA DANG NI BYED PA DE DAG GI NGO BO NYID SPROS PA THAMS CAD KYIS MI PHYED PAR SHES PA DE ZUNG DU 'JUG PAR BSHAD DO, ,BCU DGU PA BSKYED RDZOGS ZUNG 'JUG GI TSUL YANG YOD DE, BSKYED PA'I RIM PA 'DI LTAR CHIG DRIL DU BYAS NAS GOMS PA'I DGOS PA'I GTZO BO GANG YIN PA DANG, GZHAN YANG RDZOGS PA'I RIM PA DAG GI DGOS PA'I GTZO BO GNYIS PO GANG DU GCIG TU GYUR PA DE NI ZUNG DU 'JUG PAR BSHAD DO, ,NYI SHU PA DAG MA DAG ZUNG 'JUG GI

TSUL YANG YOD DE, 'DIR THA SNYAD DU YONGS SU DAG PA'I LHA DANG NI MA DAG PA'I LHA ZHES RNAM PAR BZHAG KYANG RNAL 'BYOR PA GANG ZHIG GIS, DAG MA DAG GI RANG BZHIN DBYER MI PHYED PAR 'OD GSAL BDE BA CHEN PO'I YE SHES KYIS NGO BO DBYER MED DU RTOGS PA DE NI ZUNG DU 'JUG PA'O, ,NYER GCIG PA GZUGS CAN DANG GZUGS MED ZUNG 'JUG GI TSUL YANG YOD DE, GZUGS CAN DANG NI GZUGS MED CES BDEN PAR ZHEN CING 'DZIN PA'I RTOG PA GNYIS PO SPANGS PAS NA, GANG ZHIG ZHI BA 'OD GSAL BDE BA CHEN PO'I YE SHES KYIS RTOGS PA'I RNAL 'BYOR PA DE NI ZUNG 'JUG THOB PA'O, ,MAR 'GOS KYI SROL 'DZIN KHA CIG ,'GOG PA ZUNG 'JUG ,SNANG BA ZUNG 'JUG ,'BREL BA ZUNG 'JUG GSUM BYAS NAS, DANG PO RNAM BCAS ZHES PA SNANG BZUNG 'JUG DANG, THABS DANG SHES RAB CES PA 'BREL BA ZUNG 'JUG DANG, GZHAN RNAMS KYIS 'GOG PA ZUNG 'JUG BSTAN PAR 'DOD DO, ,GNYIS PA STON PA LA, DE LTAR GANG GNAS RNAL 'BYOR PA, ,ZUNG 'JUG RIM LA GNAS PA STE, ,DE NI KUN MKHYEN DE NYID MTHONG, ,SNA TSOGS 'DZIN ZHES BRJOD PA YIN, ZHES GSUNGS, DE LTAR BSHAD MA THAG PA'I YON TAN GANG LA GNAS PA'I RNAL 'BYOR BA DE NI SLOB PA'I ZUNG 'JUG GI RIM PA LA GNAS PA YIN TE, DES NI ZUNG 'JUG GI TING NGE 'DZIN GOMS PAS, YON TAN GONG NAS GONG DU 'PHEL NAS MI SLOB PA'I ZUNG 'JUG MNGON DU GYUR PAS, SHES BYA JI SNYED PA DANG JI LTA BA KUN MKHYEN PA DANG, DE KHO NA

, ,NYID DBYINGS RIG DBYER MED PA'I TSUL GYIS MTHONG ZHING, 'OD GSAL YANG DAG PA'I MTHA' MNGON SUM DU BYAS PA DANG, SHES BYA SNA TSOGS 'DZIN PA STE, SHES BYA THAMS CAD MKHYEN PA ZHES KYANG BRJOD PA'I YUL DU GYUR PA YIN PA'I PHYIR, ,GSUM PA ZUNG 'JUG PA GNYIS KYI MTSAN GYI RNAM GRANGS 'PHROS DANG BCAS PA STON PA LA, SGYU 'PHRUL DRA BAS MNGON SANGS RGYAS, ,'KHOR BA'I RGYA MTSO'I PHA ROL SON, ,BYA BA BYAS PA'I RNAL 'BYOR CHE, ,BDEN PA GNYIS KYI TSUL LA GNAS, ,DE NI GNYIS MED YE SHES TE, ,MI GNAS MYA NGAN 'DAS PA YIN, ,SANGS RGYAS RDO RJE SEMS DPA' NYID, ,DE BZHIN KUN GYI DBANG PHYUG YIN, ,DPA' BAR 'GRO BA'I TING 'DZIN DANG, ,RIG PA CHEN PO SKYES BU'I GZUGS, ,RDO RJE LTA BU'I TING 'DZIN YANG, ,RDZOGS PA'I RIM GNAS DE NYID DE, ,SGYU MA LTA BU'I TING 'DZIN DANG, ,GNYIS SU MED PAR DE BSHAD DO, ,SGRA GANG SKYE MED LA SOGS PA, , GNYIS MED YE SHES STON PA RNAMS, ,THAMS CAD 'DI YI TSIG YIN TE, ,DER NI GZHAN DAG MED PAR BSHAD, ,GANGG'A'I KLUNG GI BYE SNYED KYI, ,SANGS RGYAS RNAMS KYIS 'DI NYID DAG ,THUGS CHUNG YOD MED PHYOGS SPANGS PA, ,PHYAG RGYA CHEN PO'I BDAG NYID GRUB, CES GSUNGS, ZUNG 'JUG PA'I MTSAN GYI RNAM GRANGS DU MA YOD DE, SGYU 'PHRUL DRA BAS MNGON PAR SANGS RGYAS PA DANG, 'KHOR BA'I RGYA MTSO'I PHA ROL TU SON PA DANG, BYA BA BYAS PA'I RNAL 'BYOR PA

CHEN PO DANG, BDEN PA GNYIS KYI TSUL LA GNAS PA DANG, DE BZHIN DU GNYIS SU MED PA'I YE SHES CAN DANG, MI GNAS PA'I MYA NGAN LAS 'DAS PA'I BDAG NYID CAN DANG, SANGS RGYAS 'PHAGS PA DANG, RDO RJE SEMS DPA' NYID DANG, DE BZHIN DU KUN GYI DBANG PHYUG YIN TE, DBANG PHYUG BRGYAD LDAN DANG, DPA' BAR 'GRO BA'I TING NGE 'DZIN BRNYES PA DANG, RIG PA CHEN PO'I SKYES BU DANG, RDO RJE LTA BU'I TING NGE 'DZIN BRNYES PA YANG YIN LA, RDZOGS PA'I RIM PA'I TING NGE 'DZIN LA GNAS PA DANG, SGYU MA LTA BU'I TING NGE 'DZIN LA GNAS PA DANG, BDEN GNYIS GNYIS SU MED PAR MKHYEN PA'I RNAL 'BYOR PA ZHES BYA BA YANG SLOB PA'I ZUNG 'JUG PA DE NYID YIN TE, DE DAG ZUNG 'JUG PA GNYIS KA'I MTSAN CI RIGS SU BSHAD PA LTAR SO SOR NGES PAR BYA'O, ,SPYOD BSDUS LAS KYANG, ZUNG 'JUG PA DANG, ZUNG 'JUG DANG, DON GYI 'OD GSAL GYI MTSAN SHIN TU MANG BA GSUNGS SO, ,GZHAN YANG RGYAL BA'I GSUNG RAB RNAMS SU SGRA GANG SKYE BA MED PA DANG, LA SOGS PA MTSAN MED SMON MED GNYIS MED YE SHES, RGYAL BA'I YUM ZHES STON PA'I BKA' THAMS CAD KYIS, DON GYI 'OD GSAL ZUNG 'JUG DANG BCAS PA DGONGS GZHIR BYAS NAS BRJOD PA RNAMS KYANG 'DI YI TSIG YIN TE, GSUNG RAB DE DANG DER NI, 'DI DAG LAS LHAG PA'I DGONGS GZHI GZHAN DAG MED PAR BSHAD DO, ,'PHROS DON NI, MDOR NA GANGG'A'I KLUNG GI BYE MA SNYED KYI SANGS RGYAS RNAMS KYIS ZUNG 'JUG GI RIM PA 'DI NYID THUGS

, ,SU CHUD PA LA BRTEN NAS YOD PA 'KHOR BA'I PHYOGS DANG, MED PA ZHI PA PHYOGS GCIG PA'I MTHA' SPANGS NAS, 'BRAS BU'I ZUNG 'JUG PHYAG RGYA CHEN PO'I BDAG NYID GRUB PA YIN NO,, 'DIS NI DUS GSUM GYI SANGS RGYAS THAMS CAD KYIS SLOB PA'I ZUNG 'JUG MNGON DU MDZAD PAR BSTAN TO, ,BZHI PA ZUNG 'JUG PA'I SPYOD TSUL GZHAN STON PA LA, ZUNG 'JUG GO 'PHANG LA GNAS PA'I, ,SLOB BZHIN PA YI RNAL 'BYOR CHE, ,ZUNG DU 'JUG PA BSGOMS GYUR BAS, ,SPYOD PA'ANG DE DANG GNYIS SU MED, ,JI LTAR BDAG NYID DE BZHIN DGRA, JI LTAR CHUNG MA DE BZHIN SRING, ,JI LTAR SMAD 'TSONG DE BZHIN MA, ,JI LTAR BRAM ZE DE BZHIN GDOL, ,JI LTAR BAGS PA DE BZHIN GOS, ,JI LTAR PHUB MA RIN CHEN DANG, ,JI LTAR CHAD DANG DE BZHIN GCI, ,JI LTAR BZA' BA DE BZHIN BSHAD, ,JI LTAR DRI BZANG GA BUR DAG ,DE BZHIN BSHAD LAS BYUNG BA'I DRI, ,JI LTAR BSTOD PA BYED PA'I TSIG ,DE BZHIN DU NI SMOD PA'I TSIG ,DRAG PO RDO RJE CAN DE BZHIN, ,JI LTAR NYIN MO DE BZHIN MTSAN, ,JI LTAR RMI LAM DE BZHIN MTHONG, ,JI LTAR 'JIG PA DE BZHIN GNAS, , JI LTAR BDE BA DE BZHIN SDUG ,JI LTAR SDANG BA DE BZHIN DU, ,MNAR MED MTHO RIS DE BZHIN TE, ,DE BZHIN SDIG DANG BSOD NAMS SO, ,DE LTAR SHES NAS YE SHES CAN, ,DOGS PA MED PAR THAMS CAD BYED, ,SBAS PA'I BRTUL ZHUGS KUN

BSGRUBS NAS, ,PHUN SUM TSOGS PA THAMS CAD 'GRUB, CES GSUNGS, DE LTAR ZUNG 'JUG GI GO 'PHANGS LA GNAS PA'I SLOB BZHIN PA'I RNAL 'BYOR CHEN PO DES ZUNG DU 'JUG PA BSGOMS PA STE, MNYAM GZHAG TU BDE STONG DBYER MED PA'I TING NGE 'DZIN LA MNYAM PAR 'THOG CING, MNYAM GZHAG DE LAS LANGS NAS, RIG PA BRTUL ZHUGS KYI SPYOD PA CI DANG CI BYED PA THAMS CAD MNYAM GZHAG GI TING NGE 'DZIN DANG GNYIS SU MED PA STE MNYAM GZHAG TU GOMS PA'I LHAN SKYES KYI BDE STONG DBYER MI PHYED PA'I RNAM ROL LAS MA GA-YOS PAR ZHI KHRO RAB 'BYAMS KYI DKYIL 'KHOR 'BUM PHRAG CIG CAR DU SPRUL BA DANG, RAGS PA'I SPRUL PA BYE BA MANG POS GDUL BYA GANG LA GANG 'DUL GYI MDZAD PA STON PA DANG, PHYOGS BCU'I SANGS RGYAS THAMS CAD KUN TU BZANG PO'I MCHOD SPRIN GYIS MNYES PAR BYED CING, GDAMS PA RGYA MTSO LTA BU GSAN PA DANG, ZHING RDUL MNYAM PA'I PHYAG RGYA LA SPYOD CING, RI DVAGS BSHOR BA SOGS THA MAL PA'I NGOR DMAN MCHOG GI SPYOD PA SNA TSOGS LA 'JUG PA YIN NO, ,BDAG NYID CHEN PO 'DIS THOG MA NYID NAS 'JIG RTEN CHOS BRGYAD SPANGS ZIN PAS, DE DAG MGO SNYOMS PA'I PHYIR MIN YANG, GSER DANG BONG BA MNYAM PA SMYON PA LTA BU'I BRTUL ZHUGS 'DI LTAR SPYOD DE, JI LTAR BDAG NYID GCES PAR BLTA BA DE BZHIN DU DGRA LA YANG DE LTAR BLTA BA'AM, YANG NA DGRA BZHIN BDAG DE LTAR BLTA BA DANG, JI LTAR CHUNG MA LA NGO TSA SPANGS PA DE

, ,BZHIN DU, SRING MO LA YANG MTSUNGS PA DANG, LDOG PA DANG, JI LTAR SMAD 'TSONG LA SPYOD PA DE BZHIN DU MA DANG, YANG NAM BZHIN DE LA'ANG NGO TSA BSTEN PA DANG, JI LTAR BRAM ZE DE BZHIN DU GDOL BA DANG, YANG NA GDOL BA BZHIN DU BRAM ZE DANG, JI LTAR RANG GI PAGS PA BZHIN DU GOS HRUL DANG, GOS HRUL BZHIN DU PAGS PA DANG, JI LTAR PHUB MA DANG RIN PO CHE MTSUNGS PA DANG, JI LTAR CHANG DANG DE BZHIN GCI STE DRI CHU DANG MTSUNGS PA DANG JI LTAR BZA' BA DANG BSHAD PA MTSUNGS PA DANG, JI LTAR DRI BZANG PO GA BUR DAG DANG, DE BZHIN DU BSHAD PA LAS BYUNG BA'I DRI NGAN MTSUNGS PA DANG, JI LTAR BSTOD PA BYED PA'I TSIG DANG, DE BZHIN DU NI SMOD TSIG MTSUNGS PA DANG; DRAG PO DBANG PHYUG CHEN PO DANG, RDO RJE CAN RDO RJE 'CHANG YANG DE BZHIN MTSUNGS PA DANG, JI LTAR NYIN MO LAS RNAMS BYED PA DE BZHIN DU MTSAN MO YANG BYED PA DANG, JI LTAR RMI LAM MI BDEN PA DE BZHIN DU MNGON SUM DU MTHONG THOS THAMS CAD KYANG DE LTA BLTA BA DANG, JI LTAR DGRA SOGS LA 'JIGS PA DE BZHIN DU, YID BRTAN PA'I GNAS LA'ANG 'JIGS PAR BYED PA DANG, JI LTAR BDE BA 'DOD PA DE BZHIN DU SDUG BSNGAL YANG 'DOD PA'AM, LDOG PA DANG JI LTAR SDANG BA'I DGRA DANG, BU LA YANG BYAMS SDANG MNYAM PA DANG, MNAR MED KYI SDUG BSNGAL MI 'DOD PA DE BZHIN DU MTHO RIS KYI BDE BA MI 'DOD PA DANG, YANG DE GO LDOG PA DANG, DE BZHIN DU SDIG PA DANG, BSOD NAMS

SPANG BLANG BYA BAR MI ZHEN PA, MDOR NA GANG SHAR BYA BYED THAMS CAD THA MAL GYI SNANG ZHEN DANG BRAL BAR ZUNG 'JUG BDE BA CHEN PO'I NGANG DU SPYOD DO, ,DE LTAR SHES NAS ZUNG 'JUG GNYIS SU MED PA'I YE SHES CAN DES, BYA BA THAMS CAD THOGS PA MED PAR BYED CING, LAM GZHAN GYIS THOB PA RNAMS KYIS KYANG MI SHES PA'I YE SHES KYI RANG BZHIN SBAS PA'I BRTUL ZHUGS KUN BSGRUBS NAS, PHUN SUM TSOGS PA THAMS CAD MYUR DU 'GRUB PAR 'GYUR RO, ,GSUM PA, BRTZAMS PA'I DGE BA BSNGO BA LA, ,MCHOG GYUR RIM PA LNGA PA NI, ,BSHAD NAS BSOD NAMS GANG THOB PAS, ,ZUNG DU 'JUG PA'I TING NGE 'DZIN, ,'DI YIS 'JIG RTEN ROL BAR SHOG ,CES GSUNGS, SNYIGS DUS KYI TSE THUNG GCIG LA SANGS RGYAS KYI SAR BGROD PAR BYED PA'I LAM MCHOG TU GYUR PA RIM PA LNGA PA 'DI NI, LEGS PAR BSHAD PA LA BRTEN NAS BSOD NAMS GANG THOB PAS MTSON PA'I DGE BA 'DI YI MTHUS, 'JIG RTEN GYI 'GRO BA MA LUS PAS ZUNG DU 'JUG PA'I TING NGE 'DZIN THOB NAS BDE BA CHEN PO'I DPAL LA ROL BAR SHOG ,MJUG BSDU BA NI, ZUNG DU 'JUG PA'I RIM PA SLOB DPON KLU SGRUB KYI ZHAL SNGA NAS KYIS MDZAD PA STE RIM PA LNGA PA'O, ,ZHES SO, ,MI SHIGS YI GE MCHOG GI DNGOS, ,'OD GSAL LHA YI LAM BZANG LAS, ,'KHRUNGS PA'I ZUNG 'JUG DBANG PO'I GZHU, ,'DI NI KHAMS GSUM 'GRO RNAMS LA, ,JI BZHIN 'DOD DGU'I CHAR 'BEBS PA'I, ,YID BZHIN NOR BU RDZOGS LDAN

, ,SPRIN, ,RIM PA LNGA PA'I RNAM PAR BSHAD PA'O, ,GSUM PA MJUG GI DON LA GSUM, DNGOS DANG, 'GYUR MDZAD PA'I SMON LAM, SGYUR BYED GANG GIS BSGYUR BA'O, ,DANG PO NI, SLOB DPON KLU SGRUB KYI ZHAL SNGA NAS KYIS MDZAD PA STE RIM PA LNGA PA RDZOGS SO, ,ZHES PA NYID DON GYIS THOB PAS TSIG DON YONGS SU RDZOGS PA MTHAR PHYIN PA'I DON BSDU BA'I TSIG PHRAD DO, ,GNYIS PA NI, 'PHAGS PAS MDZAD PA'I RDZOGS TSUL RIM PA LNGA, ,LAM LNGA SPYANG PHYIR BLA MA'I BKAS BSGYUR BAS, ,SGRIB PA LNGA BRAL YE SHES LNGA THOB STE, ,SKU LNGA MNGON SHES LNGA LDAN SANGS RGYAS SHOG ,CES GSUNGS, BLA MA'I BKAS BSKUL BA NI, BDAG NYID CHEN PO LHA BLA MA YE SHES 'OD YIN CING, LAM LNGA SBYANG PA, SGRIB PA LNGA DAG PA, YE SHES LNGA THOB STE, SKU LNGA MNGON SHES LNGA LNGAN GYI SANGS RGYAS SU SMON CING BSNGO BA'O,, ,,GSUM PA LO PAn GANG GIS BSGYUR BA NI, RGYA GAR GYI MKHAN PO A'A TZARYA SHRADDHA'A KA RA WA RMA DANG, ZHU CHEN GYI LOTZTSA BA DGE SLONG RIN CHEN BZANG POS BSGYUR CING ZHUS TE, SLAD KYI RGYA GAR GYI MKHAN PO KA MA LA GUPTA DANG, YUL DBUS KYI DBE DANG YANG GTUGS TE GTAN LA PHAB PA'O, ,ZHES SO, SMRAS PA, CHOS PHUNG PO BRGYAD KHRI BZHI STONG GI ,SNYING PO LAS KYANG SNYING PO MCHOG ,GRUB PA'I DBANG PHYUG BYE BA BRGYA, ,ZUNG 'JUG BDE BA CHEN PO'I DBYINGS, ,SKU GSUM GZHAL MED NYAMS DGA' BAR, ,YUD KYIS GSHEGS PA'I SHUL BZANG PO, ,'JIG RTEN GSUM GYI

RIN CHEN GCIG ,ZAB LAM RIM PA LNGA YI GZHUNG, ,RDO RJE 'CHANG ZHABS KLU SGRUB DANG, ,BLO BZANG RGYAL BA GNYIS PA YI, ,DGONGS DON JI BZHIN LEGS PAR BSHAD, ,'ON KYANG BYIS BLO MI GSAL ZHING, ,RDO RJE'I TSIG DON RTOGS DKA' BAS NYES BSHAD DRI MAS SBAGS SRID NA, ,YE SHES SPYAN LDAN RNAMS LA 'CHAGS, ,NONGS PA RGYU BCAS GZHOM DU GSOL, ,LEGS PAR BSHAD PA'I DGE PA'I TSOGS, ,ZLA ZER 'BUM GYIS RAB MYOS PA'I, ,GANGS RI'I TOG LTAR DKAR BA DE, ,'GRO KUN PHAN BDE'I RGYUR BSNGO'O, ,BDAG KYANG TSE RABS THAMS CAD DU, ,LAM MCHOG 'DI 'DOMS BLA MA DANG, ,GNAS LUS LONGS SPYOD GROGS LA SOGS, ,RGYAL BAS BSNGAGS BZHIN 'GRUB GYUR CIG ,CES MGON PO KLU SGRUB KYIS MDZAD PA'I RIM PA LNGA'I RNAM PAR BSHAD PA ZUNG 'JUG NOR BU'I BANG MDZOD CES BYA BA 'DI NI, DGE BA'I BSHES GNYEN 'GA' ZHIG GIS SNGA MO NAS BSKUL YANG BTANG SNYOMS SU LUS PA, SLAR MDO SNGAGS RAB 'BYAMS SMRA BA BLO BZANG BSTAN PA DAR RGYAS KYIS NAN CHER YANG YANG BSKUL BA LA BRTEN NAS, DPAL GSANG BA 'DUS PA'I RNAL 'BYOR PA BLO BZANG CHOS KYI RGYAL MTSAN GYIS CHOS GRVA CHEN PO BKRA SHIS LHUN PO GTZUG LAG KHANG DU SBYAR BA'I YI GE PA NI RI KHROD 'DZIN PA'I DKA' BCU PA SNYING STOBS RGYA MTSO'O,, ,,'DIS KYANG BSTAN PA RIN PO CHE PHYOGS DUS KUN DU DAR ZHING RGYAS LA YUN RING DU GNAS PAR GYUR CIG, ,,'DI'I RTZA BA RNAMS 'GYUR RNYING YIN LA, 'BRU CUNG

, ,ZAD MI GCIG PA NI, 'GYUR GSAR GYIS BSKYED BTON PA YIN NO, ,'DI NI SNGA PHYI'I SKYE BO 'GA', ,DENG DUS 'DUS PA'I RGYA MTSO CHER, ,THOS BSAM NGAL BA BSTEN RNAMS KYANG, ,MGON PO SANGS RGYAS GNYIS PA YI, ,GZHUNG MCHOG RIM LNGA'I TSIG DON LAS, ,BRTZAMS TE 'BEL BA'I GTAM BGYIS TSE, ,DGUN DUS KHU BYUG TSUL 'DZIN CES, ,BSTING TSIG SMRA PA'I GLANG CHEN GYI, ,MYOS BUM 'DRAL BYED GDONG LNGA PA'O, ,ZHES PA YANG RTZOM PA PO RANG NYID KYIS SMRAS PA'O,, ,,HI TA SU KHASHTZA KA RA BUDDHA DE SHA BIST'A RA BHA BA ,SVASTI, PHAN BDE'I 'BYUNG GNAS RGYAL BSTAN YONGS 'DU'I LDON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm, ,,