*, ,'DUS PA'I RTZA RGYUD KYI GLENG GZHI'I YI GE BZHI BCU'I BSHAD PA RGYUD DON GSAL BAR BKOD PA BZHUGS SO, ,
, ,NA MO MANYDZU GHO sh'A YA, BDEN GNYIS ZUNG DU 'JUG PA'I DAM TSIG GIS, ,BGRANG YAS SPRUL PAS 'GRO BA'I DON MDZAD PA, ,KHYAB BDAG RDO RJE 'CHANG LA GUS BTUD NAS, ,'DUS PA'I RGYUD KYI GLENG GZHI'I DON TZAM BSHAD, ,DE LA 'DIR 'DUS PA'I RTZA RGYUD KYI THOG MAR 'DI SKAD BDAG GIS THOS PA ZHES PA NAS BZHUGS SO ZHES PA'I BAR GYI DON 'CHAD PA LA GNYIS, YI GE BZHI BCU DGOD PA DANG, DE'I DON BSHAD RGYUD LA BRTEN NAS 'CHAD TSUL LO, ,DANG PO NI, SANG SKRi TA'I SKAD DU AE WAm MA Y'A SHRU TAm AE KA SMIN SA MA YE BHA GA W'A NA SARBA TA TH'A GA TA K'A Y'A WA KA TZI TA TA HRI DA YA BADZRA YO shI DA BHA GE shU PHI DZA H'A RA ZHES 'GYUR ZHING, BOD SKAD DU AE WAm 'DI SKAD, MA Y'A BDAG GIS, SHRU TAm THOS PA, AE GA SMIN SA MA YA DUS GCIG NA, BHA GA W'A NA BCOM LDAN 'DAS, SARBA TA TH'A GA TA DE BZHIN GSHEGS PA THAMS CAD KYI, K'A YA WA KA TZITTA SKU DANG GSUNG DANG THUGS KYI, HRI DA YA SNYING PO, RDO RJE BTZUN MO'I, BHA GE shU BHA GA LA, BI DZA H'A RA NI BZHUGS SO ZHES PAR 'GYUR RO, ,GNYIS PA LA BZHI, YIG DON, SPYI DON, SBAS DON, MTHAR THUG GI DON NO, ,DANG PO SNGON BYUNG LTAR NA, RGYUD KYI ?
, ,'DI SKAD SDUD PA PO BDAG GIS THOS PA NI DUS GCIG GI TSE NA RGYUD KYI STON PA BCOM LDAN 'DAS DE NI, DE BZHIN GSHEGS PA THAMS CAD KYI SKU DANG GSUNG DANG THUGS KYI SNYING PO RDO RJE BTZUN MO'I BHA GA'I MING GIS BSTAN PA'I YUL STONG PA NYID DANG DE MTSON BYED CHOS 'BYUNG GI NANG DU 'KHOR LOS BSGYUR BA'I LUGS CAN GYIS BZHUGS PA'I GNAS DER THOS SO, ,DE NYID RJES 'JUG GI NYAMS LEN DANG SBYAR NA LHAG MOS LUS LA BSDU BA YAN GYI SGRUB PA PO BDAG GIS THOS PA STE, BSGOMS PA'I LHAG MOS 'OD GSAL DU BSDUS PA'I DUS GCIG NA, BCOM LDAN 'DAS DE BZHIN GSHEGS PA THAMS CAD KYI SKU ZLA BA DANG GSUNG SA BON DANG THUGS PHYAG MTSAN DANG SNYING PO SKU YONGS RDZOGS LAS BYANG CHUB PA'I DANG PO'I MGON PO DE RDO RJE BTZUN MO'I BHA GA'I DBYIBS CAN GYI CHOS 'BYUNG GI NANG DU GZHAL YAS KHANG GI DBUS ZLA GDAN LA BZHUGS PAR BSGOM PA STE DON BSDUS PA'O, ,GNYIS PA LA GNYIS, 'DI SKAD KYI DON DANG, BDAG GIS THOS PA SOGS KYI DON BSHAD PA'O, ,DANG PO LA GNYIS, ,AE WAm DANG POR BRJOD DGOS PA DANG, DON DE BSHAD RGYUD KYI LUNG GIS BSGRUBS PA'O, ,DANG PO LA GNYIS, DRI BA DANG, LAN NO, ,DANG PO LA KHO NA RE, SDUD PA POS RGYUD SOGS KYI THOG MAR AI DAM SOGS MI BRJOD PAR AE WAm
KHO NA BRJOD PA CI YIN ZHE NA, GNYIS PA LAN NI, DE'I RGYU MTSAN YOD DE, AE WAm GYI YI GE GNYIS NI DE BZHIN GSHEGS PAS THABS SHES KHYAD PAR CAN MTSON BYED KYI BRDAR MDZAD PA YIN PAS NA, DE GNYIS KYIS THABS SHES KHYAD PAR CAN MTSON PA 'DRA BA AI DAm SOGS KYIS MTSON MI NUS PA'I RGYU MTSAN GYIS YIN PA'I PHYIR RO, ,GNYIS PA LA GNYIS, SHES BYED DRIS TE KHUNGS DGOD PA DANG, KHUNGS DE LAS JI LTAR GSUNGS PA'I TSUL LO, ,DANG PO NI, AE WAm GYIS DON DE LTAR MTSON PA GANG LAS GSUNGS ZHE NA, 'DUS PA'I BSHAD RGYUD LHA'I DBANG POS ZHUS PA LAS GSUNGS SO, ,GNYIS PA LA GNYIS, ZHU BA DANG, LAN NO, ,DANG PO NI, BRGYA BYIN GYIS GSOL BA, CI PHYIR 'DI SKAD CES BYA 'DI, ,GANG PHYIR DANG POR RAB TU SBYAR, ,CI 'DI BDE GSHEGS GSUNG YIN NAM, ,NYAN THOS KYIS BSHAD YIN NAM CI, ,BDAG GI SOM NYI 'DI DAG KUN, ,SRID MTHAR PHYIN PAS BSAL DU GSOL, ,ZHES ZHUS SO, ,DON NI BRJOD BYA CI 'DRA BA ZHIG MTSON PA'I PHYIR 'DI SKAD CES BYA BA STE AE WAm KYI YI GE 'DI GSUNGS PA DANG, RGYU MTSAN GANG GI PHYIR GSUNG RAB KYI DANG POR RAB TU SBYAR BA DANG, AE WAm ZHES PA'I TSIG 'DI CI BDE BAR GSHEGS PA'I GSUNG YIN NAM, 'ON TE DE LAS RGYUD THA DAD PA'I NYAN THOS KYIS TE SDUD PA POS BSHAD PA YIN NAM CI, BDAG GI SOM NYI GSUM PO 'DI DAG KUN SRID PA ZAD PA'I MTHAR PHYIN PA KHYED KYIS BSAL DU GSOL ZHES PA'O, ,GNYIS PA LAN LA LNGA, ZHU BA PO SPRO BA BSKYED NAS NYAN PAR GDAMS PA, YI GE GNYIS THABS SHES KHYAD PAR CAN DU 'GYUR TSUL, DE GNYIS KYI DE NYID SHES MA SHES PA'I PHAN YON DANG NYES DMIGS, DE RNAMS KYI GRUB PA'I DON, DES NA YI GE GNYIS KYI DE NYID LA GUS PAR BYA BA'O, ,DANG PO NI, DAM CHOS YON
, ,TAN SMRA BA YIS, ,LHA YI DBANG PO'I TSIG GSAN NAS, ,DE NAS LEGS SO ZHES PHYIN TE, ,BCOM LDAN 'DAS KYIS 'DI SKAD GSUNGS, ,ZHES PA STE, DAM PA'I CHOS AE WAm GYI YON TAN TE CHEN PO BA'I SANGS RGYAS KYIS LHA YI DBANG POS ZHUS PA'I TSIG GSAN NAS, DE NAS DE LA LEGS SO ZHES BYA BA BYIN TE BCOM LDAN 'DAS KYIS 'DI SKAD CES GSUNGS SO, ,GANG NA, GANG PHYIR THAMS CAD GZIGS PA YIS, ,DANG POR 'DI SKAD CES GSUNGS PA, ,DE NI GO RIM JI BZHIN DU, ,LHA YIS DBANG PO NYAN PAR GYIS, ,SHIG CES PA STE GO SLA'O, , GNYIS PA LA GSUM, AE WAm GSUNG RAB KUN GYI GZHI'I THABS SHES YIN TSUL, BDE CHEN 'DREN PA'I THABS SHES YIN TSUL, BDE STONG DBYER MED KYI THABS SHES YIN TSUL LO, ,DANG PO NI, CHOS KYI PHUNG PO BRGYAD KHRI DANG, ,BZHI STONG GI NI SPANGS SNYED KYI, ,KUN GYI GZHI DANG PHA MA NI, ,YI GE GNYIS SU DE BZHIN BSTAN, ,YI GE AE NI MAR GYUR LA, ,WA NI PHA ZHES BYA PAR GRAGS, ,THIG LE DER NI SBYOR BA STE, ,SBYOR DE SHIN TU RMAD BYUNG BA'O, ,ZHES PA STE, CHOS KYI PHUNG PO BRGYAD KHRI DANG BZHI STONG GI GRANGS JI SNYED PA DE SNYED KYI GSUNG RAB KUN GYI GZHI NI YI GE GNYIS SU BSTAN TE, DE YANG PHA DANG MA 'DUS NAS BU BSKYED PA JI LTA BA DE BZHIN DU'O, ,DE LA YI GE AE NI MA DANG 'DRA BAR GYUR PA YIN LA, DES SHES RAB KYI YI GE DBYANGS BCU DRUG MTSON NO, ,WA NI PHA DANG 'DRA BAR ZHES BYA BAR GRAGS TE, DES THABS KYI YI GE GSAL BYED SO GSUM MTSON LA, WA YI THIG LE NI DBYANGS GSAL DER NI STE DE DAG THABS SHES MNYAM PAR SBYOR BA MTSON PA STE, SBYOR TSUL DE NI SHIN TU RMAD DU BYUNG BA STE NGO MTSAR CHE BA'O, ,DE NI DPER NA, PHAS BU RIGS MI 'DRA BA DU MA'I THUN MONG BA'I RKYEN BYED LA
MAS NI BU'I RIGS THUN MONG MA YIN PA'I RGYU BYED CING, PHA MA GNYIS SNYOMS PAR ZHUGS PAS BU'I LUS 'GRUB PAR BYED PA DE BZHIN DU, DBYANGS RNAMS GSAL BYED KYI SROG TU ZHUGS PAS THUN MONG BA'I RKYEN BYED CING, GSAL BYED RNAMS KYIS THUN MONG MA YIN PA'I RGYU BYED LA, DBYANGS GSAL PHAN TSUN SBYAR BA LAS RIM PA BZHIN DU MING TSIG SOGS NGAG GI TSOGS DANG GSUNG RAB RNAMS KYANG 'GRUB BO, ,DE DON DANG SBYAR NA AES SHES RAB DON DAM DANG, WAS THABS KUN RDZOB BDEN PA DANG, THIG LES DE GNYIS DBYER MED DU SBYOR BA MTSON PA STE, DE DAG NI MDO SNGAGS GNYIS KA'I SPYI DON NO, ,GNYIS PA BDE CHEN 'DREN PA'I THABS SHES YIN TSUL NI, AE NI PADMA ZHES BSHAD LA, ,WA NI RDO RJE NYID YIN NO, ,THIG LE DER NI SA BON TE, ,DE LAS 'GRO BA GSUM RNAMS SKYE, ,ZHES PA STE, YANG AE YIG GRU GSUM NI DE DANG DBYIBS MTHUN PA'I RIG MA'I PADMA ZHES BSHAD LA, WA YIG ZLUM PO NI DE DANG DBYIBS MTHUN PA GTZO BO'I NGA RGYAL 'DZIN PA'I YAB KYI RDO RJE'I NOR BU NYID YIN NO, ,WA YI THIG LE NI RDO RJE DANG PADMA SBYAR BA DER NI BYUNG BA'I SA BON TE, GZHI LA SBYAR NA SA BON DE LAS 'GRO BA RAB 'BRING THA GSUM PO RNAMS SKYE LA, BSKYED RIM LA SBYAR NA GSHEGS PA DANG SEMS DPA' DANG KHRO BO RNAM PA GSUM SKYE'O, ,GSUM PA BDE STONG DBYER MED KYI THABS SHES YIN TSUL NI, AE NI SHES RAB NYID GYUR LA, ,WA NI RAB DGA'I BDAG PO'O, ,THIG LE MI SHIGS DE NYID DE, ,DE LAS YI GE NYID KYANG SKYE, ,ZHES PA STE, YANG AE YIG GRU GSUM GYIS NI RNAM THAR SGO GSUM GYI NGO BOR GYUR PA'I DE BZHIN NYID RTOGS PA'I SHES RAB NYID DU GYUR PA MTSON LA, WAS NI RAB TU STE MCHOG TU DGA' BA'I BDAG PO STE GTZO BO LHAN SKYES KYI DGA' BA MTSON ZHING, THIG LES NI BDE STONG DE GNYIS MI SHIGS PA STE MI BYED PAR SBYOR BA'I DE NYID DE, LAM DE GOMS PA LAS CHOS PHUNG BRGYAD KHRI BZHI STONG GI YI GE
, ,RNAMS NYID KYANG SKYE BA STE DE RNAMS KYI CHOS KYI 'KHOR LO BSKOR BA 'GYUR PA MTSON NO, ,DE DAG NI RIM PA GNYIS THUN MONG BA'I SPYI DON NO, ,GSUM PA YI GE GNYIS KYI DE NYID SHES MA SHES PA'I PHAN YON DANG NYES DMIGS NI, CHOS KYI PHYAG RGYA YI GE GNYIS, ,DE NYID BSHAD PA GANG GIS SHES, ,DE NI SEMS CAN THAMS CAD LA, ,CHOS KYI 'KHOR LO BSKOR BYED 'GYUR, ,'GRO BA GANG GIS YI GE GNYIS, ,MI SHES RTAG TU 'DON PA DAG ,DE NI SANGS RGYAS CHOS RNAMS LAS, ,PHYI ROL SBYOR SPANGS THUB PA BZHIN, ,ZHES PA STE, CHOS KYI PHUNG PO BRGYAD KHRI BZHI STONG GI DON LA RGYAS 'DEBS PA'I CHOS KYI PHYAG RGYA YI GE GNYIS PO'I DE KHO NA NYID SNGAR BSHAD PA LTAR GANG GIS SHES PA DE NI RING POR MI THOGS PAR SEMS CAN THAMS CAD LA CHOS KYI 'KHOR LO BSKOR BAR BYED PA'I SANGS RGYAS SU 'GYUR LA, 'GRO BA GANG GIS YI GE GNYIS KYI DE NYID MI SHES PAR RTAG TU 'DON PA DE DAG NI SANGS RGYAS KYIS GSUNGS PA'I BLA MED KYI CHOS RNAMS LAS PHYI ROL TU GYUR PA STE THABS SHES DBYER MED DU SBYOR BA SPANGS PA'I DKA' THUB PA PHYI ROL PA'I DRANG SRONG BZHIN NO, ,BZHI PA DE RNAMS KYI GRUB PA'I DON NI, AE WAm YIG GNYIS SGYU MA LA, , THAMS CAD MKHYEN PA 'DIR BZHUGS PAS, ,DAM CHOS BSTAN PA'I THOG MAR NI, ,AE WAm DE PHYIR RAB TU BSHAD, ,CES PA STE, SDUD PA POS DAM PA'I CHOS BSTAN PA'I THOG MAR AE WAm KHO NA RAB TU BSHAD PA'I RGYU MTSAN YOD DE, GANG GI PHYIR AE WAm GYI YI GE GNYIS KYI DON DAG PA SGYU MA'I SKU DANG DON GYI 'OD GSAL DNGOS PO GCIG PA'I ZUNG 'JUG LA RGYUD KYI STON PA THAMS CAD MKHYEN PA 'BRAS BU'I SKABS 'DIR BZHUGS PAS SO, ,DE RNAMS KYI DON BSDU NA CHOS KYI PHUNG PO ZHES PA NAS RMAD DU BYUNG BA'O ZHES PAS GSUNG RAB KUN YI GE GNYIS LAS 'GRUB PA DANG, DE KUN GYI BRJOD BYA
YANG YI GE GNYIS KYI DON DU 'DU BAR BSTAN PAS, YI GE GNYIS KYIS GSUNG RAB KYI TSIG DON THAMS CAD LA RGYAS 'DEBS PA BSTAN TE THUN MONG PA'O, ,DE NAS AE NI PADMA ZHES PA NAS YI GE NYID KYANG SKYE ZHES PA'I BAR GYI TSIGS BCAD DANG POS 'DREN BYED RTAGS KYI AE WAm DANG, DE LAS BDE CHEN 'DREN TSUL BSTAN TO, ,TSIGS BCAD GNYIS PAS RTAGS KYI AE WAm SBYAR NAS DRANGS PA'I LAM GYI AE WAm BDE STONG SBYOR BA BSTAN LA, DE NAS AE WAm YIG GNYIS SGYU MA LA, ,ZHES PA GNYIS KYIS 'BRAS BU'I AE WAm STON TE, GANG LA BRTEN NAS DE KHO NA NYID 'TSOL BA'I GSUNG RAB KYANG AE WAm DE'I DON GO RGYU YANG AE WAm, GO BA LA BRTEN NAS BSKYED PAR BYA BA'I LAM YANG AE WAm, DES THOB PAR BYA BA'I 'BRAS BU YANG AE WAm DU 'DU BAS NA AE WAm GSUNG RAB RNAMS KYI THOG MAR SMOS PA'O, ,DE LTAR NA AE WAm LA DBYE NA LNGA STE, BRJOD BYED SGRA'I AE WAm, BRJOD BYA DON GYI AE WAm, 'DREN BYED RTAGS KYI AE WAm, THOB BYED LAM GYI AE WAm, THOB BYA 'BRAS BU'I AE WAm MO, ,DE DAG BSDUS TE BSTAN NA, AES SHES RAB DBYANGS DANG WAS THABS GSAL BYED DANG THIG LES DE GNYIS SBYAR BA LAS GSUNG RAB 'GRUB PA NI DANG PO, ,AES DON DAM DANG WAS KUN RDZOB DANG THIG LES DE GNYIS ZUNG DU SBYOR BA NI GNYIS PA, AES PHYAG RGYA'I PADMA DANG WAS YAB KYI RDO RJE NOR BU DANG THIG LES DE GNYIS SBYOR BA NI PHYI'I 'DREN BYED RTAGS KYI AE WAm YIN LA, AES RTZA 'KHOR RNAMS DANG WAS DER BSGOM RGYU'I THIG LE DANG YIG 'BRU THIG LES DE DAG LA DMIGS PA GTOD PA NI NANG GI 'DREN BYED RTAGS KYI AE WAm STE DE GNYIS NI GSUM PA, AES STONG NYID RTOGS PA'I SHES RAB DANG WAS LHAN SKYES KYI BDE BA DANG THIG LES DE GNYIS DBYER MED DU SBYOR BA NI BDE STONG DBYER MED KYI AE WAm YIN LA, AES RIM PA GSUM PA'I SGYU LUS PA'I YE SHES DANG WAS DE'I SGYU MA'I SKU DANG THIG LES DE GNYIS DBYER MED DU SBYOR BA
, ,MTSON TE SBAS DON GYI BDEN GNYIS DBYER MED DANG, AES DON DAM 'OD GSAL DANG WAS KUN RDZOB SGYU LUS DANG THIG LES DE GNYIS DBYER MED DU SBYOR BA MTSON TE MTHAR THUG GI BDEN GNYIS DBYER MED DE BZHI PA'O, ,SGRIB PA SPANGS PA'I BDE STONG DBYER MED DANG BDEN GNYIS DBYER MED GNYIS NI LNGA PA 'BRAS BU'I AE WAm STE SNGA MA'I 'GROS KYIS GO BAR BYA'O, ,LNGA PA YI GE GNYIS KYI DE NYID LA GUS PAR BYA BA NI, DE BAS BRGYA BYIN LHA YI BDAG ,GAL TE RTAG PA'I GNAS 'DOD NA, ,YI GE SGYU MA DRAN BYA ZHING, ,DAM PA'I CHOS LA BLA MAR GYIS, , ZHES PA STE, SNGAR BSHAD PA'I DON DE BAS NA BRGYA BYIN LA LHA YI BDAG PO ZHES BOS NAS KHYED GAL TE RTAG PA'I GNAS PHYIR MI LDOG PA'I GO 'PHANG THOB PAR 'DOD NA YI GE GNYIS KYIS MTSON PA'I 'OD GSAL GYI YE SHES DANG DAG PA'I SGYU MA'I SKU GNYIS DBYER MI BYED PAR SBYOR BA DRAN PAR BYA ZHING, DAM PA'I CHOS KYI GNAD MTHAR THUG PA AE WAm GYI DON LA BLA MAR TE MCHOG TU SHES PAR GYIS LA NYAMS SU LONGS SHIG CES PA'O, ,GNYIS PA BDAG GIS THOS PA SOGS KYI DON BSHAD PA LA GNYIS, DNGOS DANG THIG LE YIG 'BRUR 'GYUR TSUL LO, ,DANG PO NI, 'KHOR LO BSGYUR BA'I NGO BO LA, , BDAG GIS THOS PA ZHES GSUNGS TE, ,SA BON NGO BOS GANG SPRUL PA, ,LHA RNAMS KYI NI 'KHOR LO MCHOG ,MCHOG TU DGA' BA'I DUS GANG YIN, ,DUS GCIG NA ZHES BSHAD PA YIN, ,DBANG PHYUG BRGYAD KYI BCOM LDAN 'DAS, ,BDE BA CHEN PO'I GNAS LA BZHUGS, ,'DI YI PHUNG PO LNGA RGYAL BA, ,DE BZHIN GSHEGS PA THAMS CAD YIN, ,DE YI BDAG NYID SKU GSUNG THUGS, ,RDO RJE THUGS 'DIR BDE CHEN PO, ,BTZUN MO LEGS SBYANGS PHYAG RGYA STE, ,LEGS SBYANGS PADMA BHA GA YIN, ,BZHUGS PA RDO RJE 'DZIN PA DANG, ,THIG LE'I GZUGS KYIS GNAS PA'O, ,ZHES PA STE, LHA'I 'KHOR
LO BSGYUR BA'I NGO BO GTZO BO'I NGA RGYAL 'DZIN PA'I SGRUB PA PO LA BDAG GIS ZHES GSUNGS SO, ,THOS PA ZHES GSUNGS PA NI YAB YUM SNYOMS PAR ZHUGS PA'I BYANG SEMS KYI SA BON 'DZAG PA DE YI NGO BOS GANG SPRUL PA STE, DE NI YUM GYI PADMAR BSKYED PA'I DKYIL 'KHOR RGYAL MCHOG GI LHA RNAMS KYI NI 'KHOR LO MCHOG YIN LA, DE LTAR SPRUL PA'I DUS NI YAB YUM MNYAM PAR SBYAR BA LAS MCHOG TU DGA' BA BSKYED NAS BYANG SEMS YUM GYI PADMAR ZHUGS PA'I DUS GANG YIN PA DE LA NI DUS GCIG NA ZHES RTZA RGYUD LAS BSHAD PA YIN NO, ,DE NI DBANG PHYUG BRGYAD KYI BDAG NYID BCOM LDAN 'DAS BDE BA CHEN PO'I GNAS BHA GA LA BZHUGS SO STE BZHUGS PA DER RO, ,'DUS PA 'DIR NI SGRUB PA PO 'DI YI PHUNG PO LNGA NI RGYAL BA DE BZHIN GSHEGS PA THAMS CAD YIN ZHES GSUNGS LA, DES NA SGRUB PA PO'I PHUNG PO LNGA PO DE YI BDAG NYID KYI LUS NGAG YID GSUM NI SKU DANG GSUNG DANG THUGS SO, ,THUGS TE SNYING PO RDO RJE NI 'DIR YAB YUM SNYOMS PAR ZHUGS PA LAS SKYES PA'I BDE BA CHEN PO'O, ,BTZUN MO NI LEGS PAR SBYANGS PA STE LHA MOR BSKYED NAS LUS LA LHA BKOD PA'I LAS DANG YE SHES KYI PHYAG RGYA GANG RUNG STE, LEGS PAR SBYANGS PA STE A'A LAS PADMAR BSKYED PA'I YUM GYI PADMA NI BHA GA YIN NO, , DE LA BCOM LDAN 'DAS BZHUGS ZHES PA'I BCOM LDAN 'DAS NI PADMA DER RDO RJE 'DZIN PA'I NGO BOR MOS PA'I THIG LE'I GZUGS YIN LA, DE'I GZUGS KYIS GNAS PA NI BZHUGS PA'O, ,GNYIS PA THIG LE YIG 'BRUR 'GYUR TSUL NI, CHA GNYIS PA NI DGU PA NYID KYIS BSHAD, ,SUM TU BCU PA LNGA PA'I SA BON NYID, ,CHA GNYIS LNGA PA DRUG PAS PHYE BA LAS, ,BYUNG BA 'DI NI THIG LE YIN ZHES BSHAD, ,CES PA STE, LHA MO BZHIS ZHUS PA LAS, CHA NI DBYANGS TE DE'I GNYIS PA NI A'A'O, ,DGU PA NI MA NING BZHI DOR PA'I AA NAS BGRANG BA'I DGU PA AO NYID KYIS BSHAD PA NI
, ,AO NYID DU BYA NA'O, ,MA NING Ri Li BZHI DOR BA'I AA NAS BGRANGS PA'I DBYANGS BCU GNYIS DANG, KA TZA tA'I SDE BA'I YI GE BCO LNGA STE NYER BDUN DANG TA SDE'I DANG PO GSUM BSNAN PAS SUM CU STE DE'I THA MA SUM CU PA DE'O, ,DE'I 'OG MA DHA NAS BGRANGS NA BCU PA LA'O, ,DE'I 'OG MA WA NAS BGRANGS NA LNGA PA'I SA BON NYA NYID DE, DON LA HA NYID THU BA YIN GYI DA DANG LA THU BA MIN NO, ,DE LTAR W'A DANG AOm DANG HA GSUM PO GZHIR BZHAG PA'I DANG PO LA CHA GNYIS TE RNAM BCAD KYIS BRGYAN PAS A'A:'O, ,AO LA BA SDE'I LNGA PA MA YIG THIG LER BYIN PAS AOm MO, ,HA LA DBYANGS DRUG PA A'U YIS PHYE BA LAS H'U'O, ,DE LA YANG MA YIG BYIN PAS H'Um MO, ,DE LTA BU LAS BYUNG BA'I 'BRU GSUM PO 'DI NI YUM GYI PADMAR PHYUNG BA'I THIG LE YIN ZHES BSHAD DO, ,DE GSUM LHA RANG RANG GI SA BON DANG BCAS PA SO GNYIS LAS LHA SO GNYIS BSKYED PA'I DON TE, DE DAG NI BSKYED RIM DANG THUN MONG BA'I SPYI DON NO, ,GSUM PA GLENG GZHI SBAS DON DU BSHAD PA LA GSUM, YI GE RE RE'I DON BSHAD PA DANG, DON BSDU PA DANG, AE WAm GYI DON DU 'DU LUGS SO, ,DANG PO LA BZHI, AE WAm SOGS YI GE BCU GSUM GYI DON, GA B'A NA SOGS YI GE BRGYAD KYI DON, KA SOGS YI GE BCU GCIG GI DON, shID BHA SOGS YI GE BRGYAD KYI DON BSHAD PA'O, ,DANG PO LA BZHI, GZHI LAM THUN MONG GI STONG PA GSUM GYI NGO BO DANG GO RIM, SNANG BA DANG RLUNG GI RANG BZHIN DANG SHES PA GZHAN SKYE TSUL, NYING MTSAMS SBYAR NAS KHAMS DANG PHUNG PO SOGS 'BYUNG TSUL, DON BSDUS TE 'KHOR BAR 'KHOR TSUL LO, ,DANG PO NI, RGYUD RDO RJE 'PHRENG BA LAS, AE NI SHES RAB DAM PA STE, ,'DOD CHAGS BRAL SOGS SKAD CIG BDAG ,SRID PA GSUM NA YONGS SHES PA'I, ,'DI NI RTZA BAR RNAM PAR BSTAN, ,CES PA STE, 'DIR AE ZHES PA'I AA NI SHES RAB
DAM PA SNANG BA MTSON PAR BYED PA STE, DE YANG 'DOD CHAGS DANG BRAL BA DANG LA SOGS PAS CHAGS BRAL BAR MA NAS PHRAG DOG GI BAR GYI RANG BZHIN SO GSUM GYI RTZA BAR RTZA RGYUD LAS SEMS SNANG BA 'DI NI RNAM PAR BSTAN NO, ,SKAD CIG BDAG STE RANG BZHIN GYI RTOG PA SO GSUM SKAD CIG DANG THANG CIG DANG YUD TZAM LA SOGS PA'I TSAD DU 'DOD KHAMS LA SOGS PA'I SRID PA GSUM NA NYAMS SU MYONG BA'I SGO NAS YONGS SU SHES PA'I TSUL GYIS SKYE BA'I DON NO, ,WAm, 'OD MA 'PHRENG BA LTAR MDZES SHING, ,CHAGS LA SOGS PA RAB BSKYED LDAN, ,SNANG BA MCHED PA RNAM PAR SHES, ,MING NI THABS ZHES BYA BA YIN, ,ZHES PA STE, WAm LA SHA STAm BSNAN PAS 'OD MA 'GRENG PA STE DE LTA BUR MDZES SHING 'DOD CHAGS DANG LA SOGS PAS ZHEN PA NAS GYA GYU'I BAR GYI RANG BZHIN GYI RTOG PA BZHI BCU RAB TU BSKYED PA'I NUS PA DANG LDAN PA STE, DE LTA BU'I SNANG BA MCHED PA'I RNAM PAR SHES PA ZHES PA'I MING CAN NI THABS ZHES BYA BA YIN NO, ,PA, RIG CHEN RANG NYID RTZA BA STE, ,ZHES PA NI, MA LA H'A BIRYA BSNAN PA NI RIG PA CHEN PO 'OD GSAL LO, ,LUGS MTHUN LA 'OD GSAL RANG NYID KYI RTZA BA NI MA RIG PA'O ZHES SBREL PAS NYER THOB BSTAN TE, SNGA MA GNYIS KYI SHUGS LAS NYER THOB DE RANG BZHIN GYI RTOG PA BDUN GYI RTZA BA YIN PA DANG, MING THABS SHES 'DRES MAR YANG GO BAR 'GYUR RO, ,YANG SNANG BA GSUM GYI SKYE BA'I GO RIM LA GNYIS, SKYE BA LUGS LDOG GI RIM PA DANG, THIM PA LUGS 'BYUNG GI RIM PA'O, ,DANG PO NI LUGS LAS LDOG PA'I MA RIG PA'O, ,MA RIG PA LAS KYANG 'DI 'BYUNG, ,DE LAS SNANG BA 'BYUNG BA'O, ,ZHES PA STE, SNANG BA GSUM SKYE BA NA LUGS LAS LDOG PA'I TSUL GYIS 'OD GSAL LAS MA RIG PA 'BYUNG BA'O, ,DE BZHIN DU MA RIG PA LAS KYANG SNANG BA MCHED PA 'DI 'BYUNG ZHING, SNANG BA MCHED PA
, ,DE LAS SNANG BA 'BYUNG BA'O, ,GNYIS PA THIM PA LUGS 'BYUNG NI, Y'A, RNAM SHES DANG POR 'JUG PA NI, ,SNANG BA MCHED PA'I MING DU STE, ,DE NI STONG PA CHER 'JUG LA, ,DE YANG 'OD GSAL BAR 'GRO'O, ,ZHES PA STE, Y'A LA TI BSNAN PA'I YA TI NI 'GRO BA'O, , 'GRO TSUL NI RNAM SHES DANG PO SNANG BA GANG DU 'JUG CING 'GRO BA NI SNANG BA GNYIS PA MCHED PA'I MING CAN DU THIM NAS 'GRO BA STE, MCHED PA DE NI GSUM PA STONG PA CHEN POR 'JUG LA, STONG CHEN NYER THOB DE YANG 'OD GSAL BAR THIM NAS 'GRO BAR 'GYUR BA'O, ,GNYIS PAR SNANG BA DANG RLUNG GI RANG BZHIN SOGS NI, SHRU, SNANG BA GSUM GYI MTSAN NYID CAN, ,GANG 'DIR RNAM SHES GSUM THOS PA, ,SEMS CAN KHAMS NI MA LUS PA'I, ,RANG BZHIN RTZA BA 'DI YIN NO, ,TAm, DE NI RE RE'I DON GANG BA, ,RLUNG GIS BLANGS NAS 'DZIN BYED LA, RLUNG DANG LDAN PA'I RNAM SHES NI, ,RTAG TU 'GRO LA GNAS PAR 'GYUR, ,AE, 'DI NI RLUNG KHAMS CHEN PO STE, ,RNAM SHES GSUM GYI BZHON PA YIN, ,DE YIS RANG BZHIN RTAG TU NI, ,JI LTA JI LTAR 'GRO BAR 'GYUR, ,ZHES PA STE, SHRU LA TAm BSNAN PA'I SHRU TAm NI THOS ZHES PA'O, , GANG THOS NA SNANG BA GSUM GYI MTSAN NYID CAN RNAM SHES GSUM PO THOS PA'O, ,GANG DU NA 'DUS PA'I SKOR 'DIR THOS SO, ,CI LTAR NA SEMS CAN GYI KHAMS NI MA LUS PA'I RANG BZHIN BRGYAD CU'I RTZA BA NI SNANG BA GSUM PO 'DI YIN PAR THOS, TAm NI DON ZHES PA STE, DBANG PO'I SHES PA LNGA RE RE STE SO SO LA DON YUL LNGA SO SOR SNANG BA DE NI DBANG SHES KYI BZHON PA'I RLUNG GIS BLANGS PA STE BSKYOD NAS RNAM SHES KYIS YUL 'DZIN PAR BYED, RLUNG GI BZHON PA DANG LDAN PA'I RNAM SHES NI DUS RTAG TU 'GRO BA LA GNAS PAR 'GYUR RO, ,'DIS NI RNAM SHES KYIS YUL 'DZIN PA
LA RLUNG GROGS SU NGES PAR STON NO, ,AE LA shA BSNAN PA'I AE shA NI 'DI ZHES PA'O, ,LAS KYI RLUNG 'DI NI BYED LAS KYI SGO NAS RLUNG KHAMS CHEN PO STE RNAM SHES GSUM GYI BZHON PA YIN NO, ,BZHON PA DE YIS RNAM SHES JE CHER RIM GYIS BSKYOD PA LAS RANG BZHIN GYI RTOG PA RNAMS RTAG TU NI JI LTA JI LTAR BSKYOD PA DE BZHIN DU 'GRO BA STE 'BYUNG BAR 'GYUR RO, ,DE YANG YE SHES RDO RJE KUN LAS BTUS LAS, RNAM PAR SHES PA DE'I BZHON PA NI RLUNG NGO, ,RLUNG LAS ME'O, ,ME LAS CHU'O, ,CHU LAS SA'O, ,DE RNAMS PHUNG PO LNGA DANG SKYE MCHED DRUG DANG YUL LNGA STE ZHES PA DANG, SNANG BA'I RGYUS RANG BZHIN RNAMS YANG DAG PAR 'BYUNG NGO ZHES GSUNGS PA BZHIN DU'O, ,GSUM PA NYING MTSAM SBYAR NAS KHAMS DANG PHUNG PO 'GRUB TSUL LA LNGA, KHAMS BZHI SKYE TSUL, PHUNG PO LNGA 'BYUNG TSUL, GZHI DUS KYI YE SHES LNGA 'BYUNG TSUL, SKYE MCHED DRUG 'BYUNG TSUL, GZHI DUS KYI RDOR BZLAS 'BYUNG TSUL LO, ,DANG PO NI, KA, SRA BA'I KHAMS DANG CHU NYID DANG, ,DE BZHIN ME DANG RLUNG DAG NI, ,RNAM PAR SHES PAS BLANGS NAS SU, ,SRID GSUM GNAS SU SKYE BAR 'GYUR, ,ZHES PA STE, KA LA GA N+YA tA BSNAN PA NI SRA BA'O, ,NYING MTSAMS SBYOR BA'I TSE SRA BA'I SA KHAMS DANG CHU'I KHAMS NYID DANG DE BZHIN DU ME DANG RLUNG GI KHAMS DAG NI YID KYI RNAM PAR SHES PAS BLANGS PA STE BZUNG NAS SU, 'GRO BA MCHOG 'BRING DMAN GSUM GYI SRID PA GSUM GYI GNAS SU SKYE BAR 'GYUR RO, ,RGYUD LAS RLUNG ME CHU SA BZHI RIM PAR SKYE BAR GSUNGS PA NI SHES PA'I RTEN BYED PA'I NUS PA JE RAGS SU SONG BA LA DGONGS KYI, GZHAN DU NA KHU KHRAG GI DBUS SU RNAM SHES ZHUGS TE NYING MTSAMS SBYAR BA'I RIG SU YANG 'BYUNG BA BZHI TZAM NI YOD DE, DE'I TSE KHU KHRAG GNYIS KYI SRA GSHER YOD PAS SA CHU'I KHAMS GNYIS YOD LA,
, ,DROD DANG RNAM SHES KYI BZHON PA'I RLUNG YOD PAS ME RLUNG GNYIS KYANG YOD PA'I PHYIR RO, ,GNYIS PA PHUNG PO LNGA 'BYUNG TSUL NI, SMIN, 'DI NI PHUNG PO LNGA RNAMS SU, ,'BYUNG PA 'DUS BYAS MTSAN NYID NI, ,GZUGS TSOR 'DU SHES 'DU BYED DANG, ,RNAM SHES NYID NI LNGA PA'O, ,ZHES PA STE, SMIN LA AA BSNAN PA NI 'DI'O, ,SNGAR BSHAD PA'I 'BYUNG BA BZHI 'DI YOD NA NI 'DUS BYAS KYI MTSAN NYID CAN GYI NI PHUNG PO LNGA PO RNAMS 'BYUNG BA STE, PHUNG PO LNGA NI GZUGS DANG TSOR BA DANG 'DU SHES DANG 'DU BYED DANG RNAM SHES KYI PHUNG PO NYID NI PHUNG PO LNGA PA'O, ,GSUM PA GZHI DUS KYI YE SHES LNGA NI, SA, MNYAM NYID SO SOR RTOG PA DANG, ,BYA BA SGRUB PA NYID DANG NI, ,ME LONG DANG NI CHOS KYI DBYINGS, ,'DI NI RNAM SHES LNGA PO YIN, ,ZHES PA STE, SA LA MA H'A BSNAN PA'I SA MA H'A NI MNYAM PA NYID DO, ,DE YANG MNYAM PA NYID DANG SO SOR RTOG PA DANG BYA BA SGRUB PA NYID DANG ME LONG LTA BU DANG NI CHOS KYI DBYINGS KYIS RNAM SHES 'DI NI LNGA PO YIN NO, ,BZHI PA SKYE MCHED DRUG NI, ,MA, YID KYI SKYE MCHED NYID DANG NI, ,MIG DANG DE BZHIN RNA BA DANG, ,SNA DANG LCE DANG LUS RNAMS TE, ,'DI NI SKYE MCHED RNAMS 'BYUNG BA'O, ,ZHES PA STE, MA NI M'A NA ZHES PA STE YID DO, ,MNGAL DU MING GZUGS 'GRUB PA'I RKYEN GYIS YID KYI SKYE MCHED DANG NI MIG DANG DE BZHIN DU RNA BA DANG SNA DANG LCE DANG LUS KYI SKYE MCHED RNAMS SKYE STE, 'DI NI MNGAL DU SKYE MCHED RNAMS 'BYUNG BA'O, ,LUS DANG YID KYI SKYE MCHED NI SNGAR NAS GRUB STE, MER MER PO DANG RNAM SHES NI DANG PO NAS GRUB PA'I PHYIR RO, ,DES NA 'DIR RIM GYIS RDZOGS PA'I DBANG DU MDZAD PA'O, ,DES NA SNGAR MA THOB PA GSAR DU THOB PA DANG THOB ZIN RDZOGS PA'I DBANG DU BYAS PA GNYIS YOD DO, ,LNGA PA GZHI DUS
KYI RDOR BZLAS NI, YE, GANG YANG KHAMS GSUM SEMS CAN RNAMS, ,SROG GI RTZOL BA LA BRTEN PA'I, ,GSANG SNGAGS RGYAL PO ZLOS BZHIN DU, ,MI SHES BSAM GTAN GLOG PA SPANGS, ,ZHES PA STE, YE LA WE BSNAN PA NI GANG YANG NGO, ,GANG YANG SA 'OG SA STENG SA BLA'I KHAMS GSUM PA'I SEMS CAN RNAMS SROG GI RTZOL BA RGYU BA 'BYUNG 'JUG LA BRTAN PA'I SNGAGS NYIN MTSAN KUN DU RLUNG GI GDANGS KYI AOm LA SOGS PA'I GSANG SNGAGS KYI RGYAL PO ZLOS BZHIN DU, DE LTAR YIN PAR MI SHES PAS DE'I DON LA SEMS PA'I BSAM GTAN DANG NGES DON GYI SNGAGS RLOG PA STE ZLO BA'I RDOR BZLAS LA BRTZON PA SPANGS SO, ,DES NA RDOR BZLAS LA 'BAD PAR BYA STE 'DIS NI NGAG DBEN BSTAN NO, ,BZHI PA DON BSDUS TE 'KHOR BAR 'KHOR TSUL NI, BHA, 'BYUNG BA 'DI LAS RANG BZHIN YANG, ,CHAGS DANG CHAGS MED LA SOGS PA, ,DE LAS DGE DANG MI DGE'I LAS, ,DE LAS SKYE BA 'BYUNG BA YIN, ,ZHES PA STE, BHA LA BANTI BSNAN PA'I BHA BANTI NI 'BYUNG NGO ZHES PA'O, ,'BYUNG BA SNANG BA GSUM PO 'DI LAS CHAGS PA DANG CHAGS MED LA SOGS PA'I RANG BZHIN GYI RTOG PA RNAMS SLAR YANG 'BYUNG BA'I SNGAR LTAR RO, ,RANG BZHIN GYI RTOG PA DE LAS NYON MONGS PA RNAMS DANG DE LAS DGE BA DANG MI DGE BA'I LAS GSOG GO ,LAS DE LAS SLAR YANG 'CHI BA'I 'OD GSAL LAS BAR DO GRUB NAS MNGAL LA SOGS PAR SKYE BA 'BYUNG BA YIN PAS SKYE 'CHI'I 'KHOR LO BSKOR BAR 'GYUR RO, ,LUGS 'BYUNG GI TSE NI RLUNG JE ZHEN JE ZHEN DU 'GRO BA'I TSUL GYIS 'CHI LA, LUGS LDOG GI TSE RLUNG JE RAGS JE RAGS SU 'GRO BA'I TSUL GYIS SKYE STE, DE DAG GI RTZA BA NI 'OD GSAL LAS 'DA' BA MED DO, ,DE RNAMS KYI DON BSDU NA, YAS NI BAR DO 'CHI BA'I TSE SNANG MCHED THOB GSUM RIM GYIS 'OD GSAL DU THIM TSUL DE BSTAN, MAS NI LUGS ZLOG GI TSE 'OD GSAL
, ,LAS SNANG BA GSUM 'BYUNG TSUL DE BSTAN, AE WAm MA GSUM GYIS NI RANG BZHIN LAS RTOG PA TSAN PA GSUM SKYE BAR BSTAN, SHRUS NI SNANG BA GSUM RANG BZHIN BRGYAD CU'I RTZA BA YIN PAR BSTAN, AES NI SNANG BA GSUM LAS RANG BZHIN RNAMS SKYE TSUL BSTAN, KA SMIN MA GSUM GYIS NI MNGAL DU KHAMS PHUNG SKYE MCHED RNAMS 'GRUB TSUL BSTAN, SAS NI BZHI DUS KYI YE SHES LNGA BSTAN, TAm GYIS NI PHYIR BTZAS PA NI DBANG SHES YUL LA 'JUG TSUL BSTAN, YES NI BTZAS PA'I TSE SNA SGO NAS RLUNG 'BYUNG 'JUG BYED TSUL BSTAN, BHAS NI 'KHOR BAR 'KHOR TSUL DE BSTAN NO, ,GNYIS PA GA B'A NA SOGS YI GE BRGYAD KYI DON BSHAD PA LA GNYIS, LUS DBEN BSGOM TSUL DANG, STONG PA GSUM MNYAM GZHAG TU BSGOMS NAS RJES THOB TU RGYAS 'DEBS TSUL LO, ,DANG PO LA LNGA, PHUNG PO LNGA RIGS LNGAR SGOM PA DANG, KHAMS BZHI YUM BZHIR SGOM PA DANG, MIG SOGS PA SNYING SOGS SU SGOM PA DANG, YAN LAG KHRO BOR SGOM PA DANG, GSANG CHEN RIGS GCIG PA'I LUS DBEN NO, ,DANG PO NI, GA ,'GRO BAR 'BYUNG BA'I PHUNG PO YANG, ,SANGS RGYAS LNGA YI BDAG NYID DE, ,MNGON PAR BYANG CHUB RNAM PA ZHES, ,MING GIS RAB TU BSKUL BA YIN, ,ZHES PA STE, GA LA TI BSTAN PA'I GA TI NI 'GRO BA'O, ,RIGS DRUG GI 'GRO BAR RANG RANG GI SKYE GNAS SU 'BYUNG BA'I PHUNG PO LNGA YANG GZUGS PHUNG RNAM SNANG SOGS SANGS RGYAS LNGA YI BDAG NYID DE, DE LNGA RE RE LA YANG SLAR RIGS LNGA'I MNGON PAR BYANG CHUB PA RNAM PA LNGA ZHES PA'I MING GIS RAB TU BSKUL BA STE GSUNGS PA YIN NO, ,GNYIS PA KHAMS BZHI YUM BZHIR SGOM PA NI, W'A NA, RLUNG DANG ME DANG CHU DANG SA, ,SPYAN LA SOGS PA BZHI PO STE, ,YE SHES BDAG NYID CAN GSUM DU, ,SHES BYA SANGS RGYAS
BYANG CHUB STER, ,ZHES PA STE, W'A NA GYI WA LA MU BSNAN PA'I WA MU NI RLUNG NGO, ,RLUNG DANG ME DANG CHU DANG SA'I KHAMS BZHI NI SPYAN DANG LA SOGS PAS M'A MA KI DANG GOS DKAR DANG SGROL MA BZHI'I NGO BOR BSGOMS PA STE, BSGOM TSUL NI MNYAM GZHAG TU PHRA MO BSGOMS NAS SNANG MCHED THOB GSUM GYI YE SHES GSUM GYI BDE STONG SBYAR BA'I MTHAR RJES THOB TU MNYAM GZHAG GI NYAMS MYONG DRAN NAS YUL DU SNANG BA KUN YE SHES GSUM GYI BDAG NYID CAN DU SHES PAR BYAS NAS LHA MO BZHI'I NGO BOR BSGOM PAS SANGS RGYAS KYI BYANG CHUB TSE 'DI LA STER BAR 'GYUR RO, ,GSUM PA MIG SOGS SA SNYING SOGS SU SGOM PA NI, SA, THAMS CAD DE BZHIN GSHEGS PA'I LUS, ,PHYAG RGYA BZHIS NI RGYAS BTAB CING, ,MIG LA SOGS PA'I BDAG NYID DER, ,SA SNYING LA SOGS RGYAL BA'I SRAS, ,ZHES PA STE, SA LA RBA BSNAN PA'I SARBA NI THAMS CAD DAM KUN NO, ,RANG NYID DE BZHIN GSHEGS PA THAMS CAD KYI LUS TE SKUR BSGOM MO, ,JI LTAR NA RANG LHAR BSGOMS PA'I SKU PHYAG TSAN GSUNG CHOS RGYA THUGS DAM RGYA 'PHRIN LAS LAS RGYA STE PHYAG RGYA BZHIS NI RGYAS BTAB CING BSGOM MO, ,DE YANG RANG LHAR BSGOM PA DER RGYAL BA'I SRAS PO SA SNYING LA SOGS PAS PHYAG RDOR DANG NAM SNYING 'JIG RTEN DBANG PHYUG SGRIL SEL 'JAM DBYANGS RNAMS RIM PA BZHIN DU, MIG DANG MA SOGS PAS RNA BA SNA LCE LUS YID KYI DBANG PO'I BDAG NYID DU BSGOM PAR BYA'O, ,BZHI PA NI, RBA, ROL BAS DGA' BA GANG YIN PA'I, , KHRO BO RGYAL PO STOBS CHEN RNAMS, ,DE NI PHYOGS MTSAMS NGO BO RU, ,DPUNG PA YAN LAG RNAMS SU BRTAG ,ZHES PA STE, AARBANTA NI 'DUL BA'O, ,ROL BA'AM 'DUL BA NI GDUG PA 'DUL BAS DGA' BA GANG YIN PA'I KHRO BO RGYAL PO STOBS CHEN PO PHYOGS DANG MTSAMS SRUNG BA'I NGO BO RU
, ,GNAS PA DE RNAMS NI DPUNG PA LA SOGS PA'I YAN LAG BCU PO RNAMS KYI NGO BOR BRTAG PA STE BSGOM MO, ,'DIR DPUNG PA ZHES PAS GSHIN RJE GSHED DPUNG BAR DGONG PAR BSTAN CES KHA CIG GSUNG YANG BRTAG PAR BYA BA'I GNAS TE, 'DIR DPUNG BA ZHES DANG POR 'BYUNG YANG GSHIN RJE GSHED DANG SBYOR DGOS PA'I NGES PA MED PA 'DRA STE, GONG DU YUM BZHI'I LUS DBEN GYI SKABS SU RLUNG DANG ME DANG CHU DANG SA, ,SPYAN LA SOGS PA BZHI PO STE, ,ZHES 'BYUNG YANG RLUNG DANG SPYAN MA SBYOR DGOS PA MA YIN PA'I PHYIR RO, ,'DIR BYAMS PA DANG KUN BZANG GNYIS KYI LUS DBEN DNGOS SU MA BSTAN KYANG RDO RJE 'PHRENG BAR GSUNGS PAS DE GNYIS LUS DBEN MED PA MIN NO, ,RGYUD PHYI MA DANG ZLA GSANG THIG LE LAS DAM PA'I RIGS NI RNAM PA BRGYA ZHES GSUNGS NAS KHRO BO BCU DANG BYAMS PA DANG KUN BZANG GI LUS DBEN MA GSUNGS PA LNGA BU YANG YOD DE RGYAS BSDUS SO, ,LNGA PA GSANG CHEN RIGS GCIG PA'I LUS DBEN NI, TA, DE DANG DE YI RIGS BYUNG BA'I, ,LHA DANG LHA MO THA DAD PA, ,DE NI YOD MIN DE MED KYANG, ,'GRO BA'I DON PHYIR RAB TU STON, ,ZHES PA STE, TA NI TATTA ZHES PA STE DE DANG DE'O, ,RIGS LNGA PO DE DANG DE YI RIGS LAS BYUNG BA'I SNGAR BSHAD PA'I LUS DBEN GYI LHA PHO DANG LHA MO RNAMS LA NGO BO THA DAD PA DE NI YOD PA MA YIN TE, THAMS CAD KYANG SKABS 'DIR GSANG CHEN RDO RJE 'CHANG GI RIGS GCIG TU 'DU BA'I PHYIR RO, ,DE YANG NGO BO THA DAD PA DE MED KYANG GZHI SO SO LA MOS PA'I 'GRO BA'I DON GYI PHYIR DU THA DAD PA DE RNAMS RAB TU STON PAR MDZAD DO, ,GNYIS PA STONG PA GSUM MNYAM GZHAG TU BSGOMS NAS RJES THOB TU RGYAS 'DEBS TSUL NI, TH'A, DE BAS GNYIS MED MTHONG BA YI, ,RNAL 'BYOR PAS NI YE SHES GSUM, ,MTHONG PHYIR DMAN DANG BAR MA
DANG, ,DAM PA'I YUL LA GZHAG PAR BYA, ,ZHES PA STE, TH'A LA STH'A TA BYAm ZHES BYAS PA NI BZHAG PAR BYA ZHES PA STE, ,KHA CIG 'DIR TH'A LA YI GE DE DAG BSNAN PAR 'DOD PA NI DON MIN NO, ,BDE STONG GNYIS SU MED PA'I YE SHES MTHONG BA STE MNGON DU BYAS PA YI RNAL 'BYOR PAS NI MNYAM GZHAG TU SNANG MCHED THOB GSUM KYI YE SHES GSUM MTHONG BA DE LAS LANGS PA'I DUS SU NI, GZUGS DMAN PA DANG BAR MA DANG RIM PA STE MCHOG GI YUL GSUM PO GANG SHAR BA LA MNYAM GZHAG GI BDE STONG DBYER MED KYI NAM ROL TU BZHAG PA STE LTA ZHING RGYAS GDAB PAR BYA'O, ,DE NYID GSAL BAR STON PA NI, GA, DBANG PO RANG NYID RANG YUL LA, ,'GRO BAR GYUR PA DE DANG DE, ,DBANG PO GANG DANG GANG SPYOD YUL, ,DE DE SNANG BA TZAM NYID DO, ,ZHES PA STE, GATZATSA TI NI 'GRO BAR 'GYUR BA'O, ,MIG SOGS DBANG PO RANG NYID RANG GI YUL GZUGS SOGS LA 'GRO BA STE 'JUG PAR GYUR PA'I YUL DE DANG DE DBANG PO GANG DANG GANG GI SPYOD YUL DU LONGS SPYOD PA DE DANG DE NI SNANG BA GSUM GYI YE SHES KYI BDE STONG DBYER MED PA TZAM NYID DO ZHES YANG DANG YANG DU BLTA BAR BYA STE, BDE CHEN 'BAR BA'I GROGS SU 'GYUR BA'I PHYIR RO, ,TA, DBANG PO DE DE'I LAM NAS NI, , SGRUB PA POS NI YUL THOB PA, ,DE BZHIN DE RNAMS MA LUS PAR, ,TSIM PAR BYA PHYIR DBUL BAR BYA, ,ZHES PA STE, TA LA TTA TTA �BSNAN PA NI DE DANG DE'O, ,MIG SOGS DBANG PO DE DANG DE'I LAM NAS NI SGRUB PA POS YUL GANG DANG GANG LONGS SPYOD PA THOB PA RNAMS GZUGS RDO RJE MA LA SOGS PAR BSGOMS TE, RANG RNAM SNANG SOGS DE BZHIN GSHEGS PA RNAMS SU BSGOM PA LA, YUL DE RNAMS DE DAG GI DBANG PO RNAMS TSIM PAR BYA BA'I PHYIR DU DBUL BAR BYA'O, ,GSUM PA KA SOGS YI GE BCU GCIG GI DON BSHAD PA LA LNGA, SGYU MA'I LUS DNGOS DANG
, ,YE SHES GSUM GYI THUN MONG MA YIN PA'I RNAM GRANGS, SPYOD PA BYED TSUL, THABS GANG GIS YE SHES GSUM SKYED PA, SGYU MA'I TING NGE 'DZIN GYI KHYAB PAR BYED TSUL LO, ,DANG PO NI, K'A, SKU GSUM DANG NI THA DAD PAR, ,SKYOB PA YIS NI YANG DAG BSTAN, , RDZOGS PA'I RIM PA'I SBYOR BA YIS, ,GCIG TU YANG NI 'GYUR BA YIN, ,Y'A, GANG ZHIG SANGS RGYAS SKU'I MTSAN NYID, ,KUN RDZOB BDEN PA GSUNGS PA NI, ,DE NYID RDZOGS PA'I SBYOR 'GYUR BAS, ,'OD GSAL BAR NI RNAM PAR DAG ,BH'A KA, TSIG GI LAM GYI YUL 'DI NYID, ,GTZO BO YE SHES SKU'I RANG BZHIN, ,SEMS CAN KUN LA PHAN PA'I PHYIR, ,'JA' TSON BZHIN DU SNANG BA YIN, ,ZHES PA STE, K'A YA NI SKU'O, ,LHAG MOS 'OD GSAL DU BSDUS PA'I CHOS SKU DANG, ,DANG PO'I MGON POR BSKYED PA'I LONGS SKU DANG, ,DE SPRUL SKUR BSGYUR BA'I SKU GSUM DAG NI NGO BO THA DAD PAR SKYOB PA YIS NI BSKYED RIM DU YANG DAG PAR BSTAN PAS, RIM PA DANG POR MOS PA YID BYED TZAM LAS LAM GYI SKU GSUM KHYAD PAR CAN SBYOR BA MED DO, ,GANG GI SKABS SU YOD NA, RDZOGS PA'I RIM LNGA'I SBYOR BA YIS TE RNAL 'BYOR GYIS BLOS MOS PA TZAM YIN PA'I SKU GSUM NGO BO GCIG TU YANG NI SBYOR BAR 'GYUR BA YOD PA YIN NO, ,THABS GANG GIS NA, Y'A DA NI GANG ZHIG GO ,GANG ZHIG SANGS RGYAS RDO RJE 'CHANG GI MTSAN DPES BRGYAN PA'I SKU'I MTSAN NYID DAM NGO BO KUN RDZOB BDEN PA SGYU MA'I LUS SU GSUNGS PA DE NYID NI, 'OD GSAL BAR NI RNAM PAR DAG PAR BYAS PA LAS RDZOGS PA'I RIM PA'I SKU GSUM NGO BO GCIG TU SBYOR BA DAG PA'I ZUNG 'JUG GI SKU 'GRUB PAR 'GYUR BA'O, ,B'A KA SA THA NI TSIG GI LAM MO, ,BLA MA'I TSIG GI LAM NAS SLOB MA LA SGYU MA LA SOGS PA DANG DPE DON DU SBYAR NAS BSTAN PAR BYA BA'I YUL SGYU LUS 'DI NYID
GTZO BO STE KHYAB BDAG GI YE SHES KYI RANG BZHIN GYI SKU YIN PAS YE SHES KYI SKU YIN LA, DE YANG SEMS CAN KUN LA PHAN PA'I GZUGS SKU'I THUN MONG MA YIN PA'I RGYU SGRUB PA'I PHYIR DU 'JA' TSON BZHIN DU SNANG BA'I SKUR SKYED PA YIN NO, ,GNYIS PA YE SHES GSUM GYI THUN MONG MA YIN PA'I MING GI RNAM GRANGS NI, TZI TA, SEMS DANG SEMS BYUNG MA RIG PA, ,THABS DANG SHES RAB NYER THOB DANG, ,STONG PA SHIN TU STONG PA DANG, ,STONG CHEN ZHES KYANG RAB TU BRJOD, ,CES PA STE, TZI TA TA NI SEMS SO, ,SNANG BA GSUM GYI MING GI RNAM GRANGS LA, SNANG BA LA SEMS DANG MCHED PA LA SEMS BYUNG DANG NYER THOB LA MA RIG PA DANG, YANG DE GSUM LA RIM PA BZHIN DU SHES RAB DANG THABS DANG NYE BAR THOB PA DANG, STONG PA DANG SHIN TU STONG PA DANG STONG PA CHEN PO ZHES KYANG RAB TU BRJOD DO, ,GSUM PA SPYOD PA BYED TSUL LA GSUM, SPYOD PA BYED PA'I DUS DANG BYED TSUL, SPYOD PA'I PHAN YON, DES TING NGE 'DZIN 'PHEL TSUL LO, ,DANG PO NI, TA, RANG BZHIN SNANG BA'I DBYE SHES NAS, ,DE NAS SPYOD PA RAB TU BYA, ,LAS KYI LUS NI YONGS SPANGS NAS, ,RDO RJE'I SKU NYID THOB PAR 'GYUR, ,HRI, THUGS LA 'JIG RTEN PA RNAMS KYI, ,DON SPYOD BZHAG NAS DE BZHIN GSHEGS, ,KUN RDZOB TU NI SKUR SPRUL NAS, ,JI LTA JI LTAR 'DOD LA SPYOD, ,CES PA STE, TA TA NI DE NAS SO, ,RANG BZHIN GYI RTOG PA DANG SNANG BA GSUM GYI YE SHES KYI DBYE BA STE KHYAD PAR NYAMS MYONG GIS SHES PAR BYAS NAS NI, DE NAS DE'I 'OG TU RDZOGS RIM PA'I SPYOD PA RAB TU BYA'O, , DE LTAR SPYOD PA BYAS PAS SNGON GYI LAS KYIS 'PHANGS PA'I RANG GI RNAM SMIN GYI LUS NI YONGS SU SPANGS PA STE DE LAS LOGS SU PHYE NAS RDO RJE'I SKU SGYU MA'I LUS NYID NI THOB PAR 'GYUR RO, ,RIM PA GSUM PA'I SGYU LUS 'DI YE SHES KYI SKU MTSAN NYID PA DANG RDO RJE'I SKU GTAGS PA BAR BSHAD LA, DAG
, ,PA'I SGYU LUS NI RDO RJE SKU MTSAN NYID PA'O, ,HRI DU NI THUGS SO, ,SGRUB PO'I THUGS TE SEMS LA 'JIG RTEN PA SEMS CAN YIN NO COG RNAMS KYI DON DU SPYOD PA BYA'O ZHES BZHAG NAS, DE BZHIN GSHEGS PA RNAM SNANG LA SOGS PA'I KUN RDZOB PA STE BCOS MA'I 'BAG GOS LA SOGS PA'I SKUR SPRUL PA STE CHA LUGS SU BSGYUR NAS RANG 'DOD YON GANG LA JI LTA JI LTAR SPYOD 'DOD PA DE LTA DE LTAR 'DOD YON LA SPYOD PAR BYED DO ZHES PA'I SA 'DIS SPYOD PA'I DUS KYI CHAS 'JUG STON NO, ,GNYIS PA SPYOD PA'I PHAN YON NI, DA, YID BZHIN NOR BU MCHOG BZHIN DU 'DOD PA THAMS CAD STER BAR 'GYUR, ,SANGS RGYAS RNAMS KYI PHUN TSOG KYANG, ,STOBS KYIS BLANGS NAS SPYOD PAR 'GYUR, ,ZHES PA STE, DA TI NI STER BAR BYED PA'O, ,SPYOD PA BYAS PA LA BRTEN NAS YID BZHIN GYI NOR BU MCHOG LA 'PHRAL GYI 'DOD DON THAMS CAD 'BYUNG BA DE BZHIN DU 'DOD PA'I DON 'JIG RTEN PA'I DNGOS GRUB THAMS CAD STER PAR 'GYUR LA, DER MA ZAD MCHOG GI DNGOS GRUB SANGS RGYAS RNAMS KYI PHUN TSOGS THAMS CAD KYANG SPYOD PA'I STOBS KYIS BLANGS NAS DE LA LONGS SPYOD PAR 'GYUR RO, ,GSUM PA DES TING NGE 'DZIN 'PHEL TSUL NI, YA, RNAL 'BYOR DBANG PO GANG GANG 'DOD, ,DE DE THOGS PA MED PAR BYA, ,MNYAM PAR MA BZHAG RNAL 'BYOR GYIS, ,RTAG TU MNYAM PAR 'JOG PAR 'GYUR, ,ZHES PA STE, YANG YANG NI GANG GANG NGO, ,RDZOGS RIM PA'I SPYOD PA PHYED PA'I RNAL 'BYOR DBANG POS NI RANG 'DOD YON GANG DANG GANG LA SPYOD PAR 'DOD PA DE DANG DE NI THOGS PA STE DGAG PA MED PAR LONGS SPYOD PAR BYA'O, ,MNYAM PAR MA BZHAG PA RJES THOB KYI TSE 'DOD YON LA ROL PA DE LTA BU'I RNAL 'BYOR GYIS NI DUS RTAG TU BDE STONG DBYER MED KYI DON LA MNYAM PAR 'JOG PAR 'GYUR RO, ,BZHI PA THABS GANG LA BRTEN
NAS YE SHES SKYED TSUL NI, BA, RDO RJE PADMA MNYAM SBYOR BAS, ,YE SHES GSUM GYI CHA RIG PA, ,GOS DANG MA GOS BLO CAN GYIS, ,DER NI BDE BAS RTAG TU GNAS, ,ZHES PA STE, BA LA DZRA BSNAN PA'I BADZRA NI RDO RJE'O, ,SGRUB PO'I RDO RJE DANG PHYAG RGYA'I PADMA MNYAM PAR SBYOR BA LA BRTEN NAS RLUNG THIM PA'I RIM PAS SNANG MCHED THOB GSUM GYI YE SHES GSUM PHYI CHA STE DBYE BA RNAMS RIG PAR BYAS PA DER NYON MONGS PA'I NYES DMIGS KYIS RGYUD GOS PA DANG DES RGYUD MA GOS PA'I RNAM DBYE SHES PA'I BLO GROS CAN GYIS BDE STONG SBYOR BAS RTAG TU STE DUS RING POR MNYAM PAR BZHAG PA LA GNAS PAR BYA'O, ,LNGA PA SGYU MA'I TING NGE 'DZIN GYIS KHYAB PAR BYED TSUL NI, DZRA, SGYU MA LTA BU'I TING 'DZIN GYIS, ,DNGOS BDAG KUN LA RNAM PAR ROL, ,SANGS RGYAS MDZAD PA BYED BZHIN DU, ,GTAN LA PHAB PA'I GZHI LA GNAS, ,YO, RNAM 'BYOR LHAG PA RNAL 'BYOR DANG, ,RNAM 'BYOR CHEN POR RANG NYID 'GYUR, ,RDO RJE CAN DANG MKHA' 'GRO DANG, ,GANG YANG RNAL 'BYOR DE RANG NYID, ,CES PA STE, DZRA LA DZIMBHA ZHES BYAS NA ROL BA'O, ,RANG SGYU MA LTA BU'I TING NGE 'DZIN LA GNAS PA NYID KYIS PHYI NANG GI DNGOS PO'I BDAG NYID KUN LA RNAM PAR ROL PA STE RANG SGYU LUS SU SNANG BA DE DANG 'DRA BAR BLTA BAR BYA'O, ,SANGS RGYAS KYI MDZAD PA NI THABS SNA TSOGS KYIS SEMS CAN GYI DON MDZAD PA YIN LA, SGYU LUS PA 'DIS KYANG DE LTAR BYED BZHIN DU MTHAR THUG GI DON GTAN LA BAB PA'I GZHI 'OD GSAL GYI RGYU LA GNAS MDZAD DO, ,YO GA NI RNAL 'BYOR RO, ,RNAL 'BYOR DANG DES MTSON PA'I RJES SU RNAL 'BYOR DANG LHAG PA STE SHIN TU RNAL 'BYOR DANG, RNAL 'BYOR CHEN POR TE DE BZHI'I DANG PO SBYOR BA'I GTZO BOR YANG SGYU LUS BAR DE NYID 'GYUR LA, RDO RJE CAN TE DKYIL 'KHOR RGYAL MCHOG GI GTZO BO DANG, 'KHOR GYI MKHA' 'GRO STE LHA PHO MO GANG YIN PA DER YANG RNAL 'BYOR SGYU LUS
, ,PA DE RANG NYID 'GYUR BAS LAS RGYAL MCHOG KYANG MTSON TE KHYAB TSUL LO, ,BZHI BA shID BHA SOGS YI GE BRGYAD KYI DON BSHAD PA LA DRUG ,SPYOD PA LA RTZOD PA SPONG BA, ,YE SHES KYI SKUS GNAS GANG DU SPYOD TSUL, YE SHES GSUM GYI THUN MONG PA'I MING GI RNAM GRANGS, SGYU MA'I SKU GANG LAS BSGRUB PA'I SGRUB GZHI, SPYOD PA'I DUS KYI KUN SPYOD RNAMS RDO RJE SEMS DPA'I SPYOD PAR BSTAN PA, RIM PA GSUM PA DANG LNGA PA'I SGYU MA'I SKU'I KHYAD PAR BSTAN PA'O, ,DANG PO NI, shI DA, BKAG PA DAG KYANG BYED PAS NA, ,BYA DANG BYA MIN RNAM SPANGS TE, ,PADMA LA NI 'DAM GYIS BZHIN, ,NGO BO NYID SHES GOS MI 'GYUR, ,ZHES PA STE, shI DA LA NI shA DH'I ZHES BYAS NA BKAG PA'O, ,THEG PA GZHAN DU 'DOD YON LA CHAGS PA BKAG PA DAG KYANG THEG PA 'DIR THABS MKHAS KYIS LAM DU BYED PAS NA, 'DI 'DRA BA 'DI BYAR RUNG BA DANG BYAR RUNG BA MIN PA GANG YIN NAM SNYAM PA'I RNAM RTOG SPANGS TE BYAS KYANG CHAG SOGS KYI NYES DMIGS NGAN 'GROR 'KHRID PA SOGS KYI RGYUD LA GOS PAR MI 'GYUR TO, MI GOS PA'I RGYU MTSAN NI CHOS RNAMS KYI NGO BO NYID DE, DE KHO NA NYID YONGS SU SHES PA'I BDE STONG SBYOR BA DANG LHA'I RNAL 'BYOR BRTAN PA SOGS KYI KHYAD PAR DANG LDAN PA'I PHYIR, MI GOS PA'I DPE NI 'DAM GYI DBUS SU SKYES PA'I PADMA LA NI 'DAM GYIS MA GOS PA BZHIN NO, ,GNYIS PA YE SHES KYI SKUS GNAS GANG DU SPYOD TSUL NI, BHA, YON TAN BRGYAD DANG NYER LDAN PAS, ,SEMS CAN THAMS CAD RIG 'GYUR ZHING, ,'JIG RTEN KHAMS NI MA LUS PAR, ,BDAG NYID YE SHES LUS KYIS SPYOD, ,GE, GTZO BO GANG DU SPYOD PA YI, ,DE YI KHYIM NI NAM MKHA' NYID, ,BDE BA CHEN PO'I TING 'DZIN GYIS, ,DE NYID DU NI RTAG PAR DGYES, ,ZHES PA STE, BHA BA HI NI 'GYUR RO ZHES PA'O, ,DBANG PHYUG GI YON TAN GZUGS PHRA BA
LA SOGS PA BRGYAD DANG NYE BAR LDAN PAS SEMS CAN THAMS CAD KYI SEMS KYI SPYOD PA RIG PAR 'GYUR ZHING, 'JIG RTEN KHAMS KYI ZHING NI MA LUS PAR RNAL 'BYOR PA BDAG NYID YE SHES KYI LUS KYIS SPYOD PAR BYED DO, ,GE HA NI KHYIM MO, ,GTZO BO GNAS GANG DU SPYOD PA YI NGA YI KHYIM NI NAM MKHA' LTA BU'I RANG BZHIN GYIS STONG PA NYID DE, LHAN SKYES KYI BDE BA CHEN PO'I TING NGE 'DZIN GYIS NAM MKHA' DE NYID DU RTAG TU DGYES PAR MDZAD DO, ,GSUM PA SNANG BA GSUM GYI THUN MONG BA'I MING GI RNAM GRANGS NI, shU, 'DI LA SNANG BA DBYE BA LA, ,THUN MTSAMS NYIN MO MTSAN MO YI, ,'JIG RTEN THA SNYAD BYAS PA YIS, ,YE SHES GSUM NI MTHONG PHYIR RO, ,BI, SNA TSOGS PA YI THA SNYAD DAG ,'JIG RTEN PAS NI YONGS BRTAGS PA, ,LAM GSUM GYI NI DBYE BA YIS, ,RNAM SHES RNAM PA GSUM 'BYUNG NGO, ,ZHES PA STE, AE shU NI 'DI LA'O, ,SNANG BA GSUM GYI DBYE BA 'DI LA THUN MTSAMS DANG NYIN MO DANG, MTSAN MO'I 'JIG RTEN GYI THA SNYAD BYAS PA STE, SNANG BA SOGS KYI YE SHES GSUM LA THA SNYAD DE LTAR 'DOD PA'I RGYU MTSAN NI KHYAD PAR CAN MTHONG BA'I PHYIR RO, ,BI TZI TRA NI SNA TSOGS SO, ,'JIG RTEN PAS NI YONGS SU BRTAGS PA'I SKYES PA BUD MED MA NING GSUM DANG, G-YAS G-YON DBUS MA GSUM DANG, 'JAM RTZUB BAR MA GSUM LA SOGS PA SNA TSOGS PA YI THA SNYAD DAG 'OD GSAL DU BGROD PA'I LAM GSUM GYI 'AM, DE LAS SKYE BA'I RIM PA'I DUS GSUM GYI NI DBYE BA YIS RNAM SHES RNAM PA GSUM 'BYUNG BA'I MING GI RNAM GRANGS SO, ,BZHI PA SGYU MA'I SKU GANG LAS BSGRUB PA'I SGRUB GZHI NI, DZA, SKYE DANG GNAS DANG 'JIG PA DANG, ,SRID PA BAR MAR GNAS PA STE, ,JI SNYED 'JIG RTEN GYIS BRTAGS PA, ,SEMS DANG RLUNG GI RNAM 'PHRUL LO, ,ZHES PA STE, DZA NA MA NI SKYE BA'O, ,SEMS CAN GYI SKYE BA DANG SKYES NAS MA SHI'I BAR DU GNAS PA DANG 'JIG PA STE 'CHI BA DANG, ,SKYE 'CHI'I BAR
, ,NA GNAS PA'I SRID PA BAR MAR GNAS PA STE SKYE BA LA SOGS PA JI SNYED PA 'JIG RTEN GYIS BRTAGS PA RNAMS KYI MTHAR GTUGS PA'I RTZA BA NI SHIN TU PHRA BA'I RLUNG DANG DE'I BZHON PA CAN GYI SEMS SU ZAD PAS, ,DE RNAMS NI SEMS DANG DE'I BZHON PA'I RLUNG GI RNAM 'PHRUL LO, ,LNGA PA SPYOD PA'I DUS KYI KUN SPYOD RNAMS RDOR SEMS KYI KUN SPYOD DU BSTAN PA NI, H'A, RGOD DANG RTZED MO BYAD PA DANG, ,GAR GYI RO DGUR LDAN PA DANG, ,SNGAGS DANG PHYAG RGYA RNAM RTOG PA, ,RDO RJE SEMS DPA'I SPYOD PA'O, ,ZHES PA STE, H'A SA NI RGOD PA'O, ,SPYOD PA'I DUS SU PHAN TSUN BLTAS TE RGOD PA DANG GLU DANG GAR GYI RTZED MO PHYED PA DANG, SGEG PA LA SOGS PA'I GAR GYI RO STE NYAMS DGU DANG LDAN PA DANG, NGAG TU SNGAGS SMRA BA DANG LUS KYI PHYAG RGYA 'CHING BA'I RNAM PAR RTOG PA THAMS CAD RANG NYID RDO RJE SEMS DPAR GNAS PA'I KUN TU SPYOD PA YIN NO, ,DRUG PA RIM PA GSUM PA DANG LNGA PA'I SGYU MA'I SKU'I KHYAD PAR BSTAN PA NI, RA, BDAG BYIN BRLAB CHEN MA GTOGS PAR, ,RIN CHEN GZHAN DAG 'DI NA MED, ,ME YIS SBYANGS PA'I NOR BU BZHIN, ,RANG BZHIN 'OD GSAL RNAM DAG LA'O, ,ZHES PA STE, RATnA NI RIN PO CHE'O, ,BDAG BYIN GYIS BRLAB PA CHEN PO'I SGYU LUS NI SHIN TU DKON PA DANG TSE 'DIR 'TSANG RGYA BA'I 'DOD DON STER BAS RIN CHEN MCHOG YIN GYI, DE MA GTOGS PAR RIN CHEN GZHAN DE DANG MTSUNGS PA SBAS PA'I SKABS 'DIR MED DO, ,SKU DE RANG BZHIN 'OD GSAL DU ZHUGS PAS RNAM PAR DAG PA STE STANGS NA ME YIS DRI MA LEGS PAR SBYANGS PA'I NOR BU BZHIN DU DAG PA'I SGYU MA'I SKUR 'GYUR BAS DE GNYIS KYI KHYAD PAR RO, ,GNYIS PA DON BSDU BA NI, DPAL LDAN 'DUS PA YONGS GSAL BA'I, ,BZHUGS PA'I TSIG DON 'DI DAG NI, ,RDO RJE 'PHRENG BA'I RJES 'BRANG NAS, ,'JAM PA'I DBYANGS
KYIS BSHAD PA YIN, ,ZHES PA STE, DPAL LDAN 'DUS PA'I RTZA RGYUD KYI 'DI SKAD NAS YONGS SU GSAL BA'I BZHUGS SO ZHES PA'I BAR GYI TSIG DON 'DI DAG NI BSHAD RGYUD RDO RJE 'PHRENG BA'I RJES SU 'BRANGS BA STE DE'I DBANG DU BYAS NAS RDO RJE 'CHANG GIS 'JAM ZHING SNYAN PA'I DBYANGS KYIS BSHAD PA YIN NO, ,GZHUNG 'DI DAG GIS SNANG BA SEMS SBAS DANG 'DOD CHAGS CHOS SBAS DANG KUN RDZOB SGYU MA'I SBAS PA GSUM KA STON PA'O, ,GSUM PA NI SNGAR BSHAD CING RGYAS PAR MTHA' GCOD DU 'BYUNG BA LTAR RO, ,YI GE BZHI BCU'I DON RNAMS LAM GYI RIM PAR BSGRIGS NA, AE WAm SOGS YI GE BCU GSUM GYIS GZHI DNGOS PO'I GNAS TSUL GTAN LA 'BEBS LA, LHAG MA NYER BDUN GYIS GNAS TSUL DE LAM DU 'KHYER BA'I LUS DBEN DANG SGYU LUS DANG SPYOD PA RNAMS STON NO, ,DE YANG GA W'A NA SARBA TA DANG YANG TE ZHES BA DRUG GIS LUS DBEN BSTAN TE, DES NI PHUNG PO LNGA'I LUS DBEN, WAN GYIS KHAMS BZHI'I, SAS SKYE MCHED DRUG GI ,RBAS YAN LAG GI ,TAS YUL LNGA'I, YANG TAS GSANG CHEN RIGS GCIG PA'I LUS DBEN RNAMS BSTAN LA, TZITTA TH'A shU BA GA STE DRUG GIS SEMS DBEN BSTAN TE, TZITTAS SNANG BA GSUM GYI THUN MONG MA YIN PA'I MING GI RNAM GRANGS DANG shU DANG PO GNYIS KYIS DE GSUM GYI THUN MONG BA'I MING GI RNAM GRANGS DANG, TH'A DANG GA GNYIS KYIS SEMS DBEN RJES THOB KYIS NYAMS LEN DANG, K'A YA WA GA DZRA LO DZA RA BDUN GYIS SGYU LUS BSTAN TE, DE YANG DZ'AS SGYU LUS KYI SGRUB GZHI, WA KA GIS SGYU LUS DNGOS, DZRA YO GNYIS KYIS SGYU LUS KYI MDZAD PA, K'A YA RA GSUM GYIS SGYU LUS KYI 'PHROS DON DANG, TA HRI DA YA BA shI BHA GA HA DGUS SPYOD PA DANG, DE YANG BAS SPYOD PA BYED PA'I GANG ZAG ,TAS DE BYED PA'I DUS, HRI YA GNYIS KYIS DE BYED TSUL, TA BHA GA GSUM GYIS DE'I PHAN YON, shI HA GNYIS KYIS DE LA RTZOD SPONG BSTAN TO, ,'DIR RDOR BZLAS MI GSAL YANG AE
, ,WAm SOGS BCU GSUM GYI NANG GIS YES GZHI'I RDOR BZLAS DNGOS SU BSTAN PA'I SHUGS LA NGAG DBEN GYI RDOR BZLAS KYANG BSTAN PA YIN NO, ,SPAS PA GSUM STON NA GANG DANG GANG GIS STON ZHE NA, AE WAm SOGS BCU GSUM DANG GA WA SOGS BRGYAD DANG CI TZU BI GSUM STE NYER BZHIS SNANG BA SEMS SBAS DANG, H'A Y'A WA KA DZRA YO DZ'A RA BDUN GYIS KUN RDZOB SGYU MA'I SBAS PA DANG, TA HRI DA LA BA shI BHA GA HA ZHES PA'I YI GE DGUS NI 'DOD CHAGS CHOS SBAS BSTAN TO, ,BZHI PA MTHAR THUG TU BSHAD PA NI, LUNG STON LAS, 'DI SKAD DE NYID BDAG GIS THOS, ,GSAL BA 'BA' ZHIG DUS YIN TE, ,RDO RJE GSANG DBANG BCOM LDAN 'DAS, ,RDO RJE DAM TSIG GSUM GYI MCHOG ,YE SHES DE BZHIN GSHEGS PA KUN, ,YE SHES PHUN TSOGS BSAM MI KHYAB, ,YOD MED GNYIS KA LAS 'DAS PA'I, ,GNAS MED GNAS PA ZHES BYA'O, ,NAM MKHA'I RANG BZHIN 'DI LAS NI, ,THAMS CAD MKHYEN PA'I YE SHES BSGOM, ,'GRO SNYING RNAM DAG CES BYA LA, ,THUB PA CHEN PO BZHUGS PAR MDZAD, ,CES PA STE, 'DI SKAD CES AE WAm GYI DON GYI GTZO BO 'OD GSAL GYI BDE STONG DBYER MED DANG ZUNG 'JUG GI BDEN GNYIS DBYER MED KYI YE SHES DE NYID BDAG GIS ZHES PA'I RNAL 'BYOR BA YIN LA, THOS ZHES PA NI DON DE MNGON DU MYUR BA'I SGO NAS RTOGS PA'O, ,BYANG CHUB TU BGROD PA NI SHIN TU GSAL BA STE MYUR BA'I DUS 'GA' ZHIG STE GCIG NA BCOM LDAN 'DAS NI RDO RJE MI PHYED PA STE ZUNG 'JUG DANG, GSANG BA NI SNGAGS KYI DON KUN BSDUS PA DANG DBANG PO NI GTZO BO'O, ,SKU GSUNG THUGS RDO RJE GSUM GYI SNYING PO NI RDO RJE GSUM DBYER MI PHYED PA LAS MI 'DA' BA'I DAM TSIG MCHOG RDO RJE 'CHANG NGO, ,DE BZHIN GSHEGS PA KUN GYI CHOS GANG DANG GANG YIN PA'I RANG BZHIN STONG PA NYID DE YUL JI LTAR GNAS PA BZHIN DU YUL CAN GYI YE SHES DER GSHEGS
SHING GNYIS PA MED PAR SBYOR BA DE MTHONG BA'I YE SHES KYI YON TAN PHUN SUM TSOGS PA BSAM GYIS MI KHYAB PA KUN TSANG BA STE, DE YANG MTSAN 'DZIN GYI DMIGS GTAD CUNG ZAD KYANG MED PAR RANG BZHIN GYIS YOD PA DANG GTAN MED PA DANG GNYIS KA DANG GNYIS KA MA YIN PAR NGO BO NYID KYIS GNAS PA'I MTHA' BZHI LAS 'DAS PA'I DON LA GNAS PA MED PA'I TSUL GYIS GNAS PA ZHES BYA BA'I MING GIS GSUNGS PA'I DON NO, ,NAM MKHA'I RANG BZHIN THAMS CAD STONG PA 'OD GSAL 'DI LAS NI THAMS CAD MKHYEN PA'I YE SHES ZUNG 'JUG BSGOM PA STE 'BYUNG NGO, ,'GRO BA RNAMS KYI SNYING STE SEMS KYI RANG BZHIN RNAM PAR DAG PA BHA GA ZHES DE SKAD BYA BA LA THUB PA RDO RJE 'CHANG CHEN PO BZHUGS PAR MDZAD DE BZHUGS TSUL NI GNAS MED PA'I TSUL GYIS TE SNGAR LTAR RO, ,'DI LA NGES DON GYI RDO RJE 'CHANG YAB YUM DANG DRANG DON GYI RDO RJE 'CHANG YAB YUM GNYIS YOD DO, ,DE LTA BU'I TSUL BZHIR BSHAD TSUL DE NYID MGON PO KLU SGRUB LAS DPAL LDAN ZLA BA DANG DE LAS RJE BTZUN BTZONG KHA PA CHEN POS RNYED PA STE BSHAD SROL MCHOG TU GYUR PA YIN NO, ,KHYAB BDAG RGYUD KYI STON PA DANG, ,DBYER MED BLA MA'I BSHAD SROL LTAR, ,'DUS PA'I RGYUD KYI GLENG GZHI'I DON, ,LEGS PAR BSHAD LAS SGOM PA'I DGES, ,RGYUD DON ZAB MO MTHA' DAG LA, ,
, ,LTA BA'I BLO MIG RGYAS GYUR TE, ,DE DON TSUL BZHIN SGRUB PA YIS, ,NYAMS LEN MTHA' RU PHYIN PAR SHOG ,KHYAD PAR 'DUS PA'I RIM GNYIS DON, ,JI BZHIN RTOGS PA'I RNAM DPYOD KYIS, ,BLO BZANG RGYAL BA'I MDO SNGAGS BSTAN, , RDZOGS PAR 'DZIN PA'I SKAL LDAN SHOG ,DE YI MTHU LAS MDO SNGAGS KYI, ,RTOGS PA MA LUS MNGON GYUR TE, ,MYUR DU KHYAB BDAG RDO RJE 'CHANG, ,ZUNG 'JUG GO 'PHANG THOB GYUR CIG ,(CES 'DUS PA'I RTZA RGYUD KYI GLING GZHI YI GE BZHI BCU'I BSHAD PA ZUR DU BKOD PA 'DI YANG, CO NE'I SLOB DPON PA SH'AKYA'I DGE SLONG GRAGS PA BSHAD SGRUB CES BYA BAS, RGYUD PA GRVA TSANG GI 'DUS PA'I RGYUD KYI 'CHAD NYAN LA PHAN GDAGS PAR 'DOD PA'I BSAM PAS SNGAR 'DUS PA'I RGYUD KYI t'IKKA SHIG BRIS YOD PA DE'I KHA SKONG DU BGYIS PA STE, BAR GYI YI GE PA NI RANG GI SLOB MA RI KHROD PA DGE SLONG SHES RAB BKRA SHIS SO,, ,,)MANG+GA LAm,,