'A Book to Please those with a Core of Goodness,' a Brief Explanation of the Very Essence of 'The Lamp that Illuminates, Totally, the Teaching on the Five Steps," on the Stage of Completion in the Teachings of the Glorious Secret Collection (Guhyasamaja)

*, ,DPAL GSANG BA 'DUS PA'I RDZOGS RIM RIM LNGA GSAL BA'I SGRON ME'I SNYING PO BSDUS PA SKAL LDAN DGYES BYED CES BYA BA BZHUGS SO, ,

, ` ,NA MO A'ARYA MANYDZU SH'I GHO sh'A YE, MTSAN DPE'I DPAL 'BAR LONGS SPYOD RDZOGS PA'I SKU, ,KHA SBYOR BDE STONG MCHOG LA RTAG ROL ZHING, ,SNYING RJES YONGS GANG RGYUN MI CHAD PA YI, ,YAN LAG BDUN LDAN RDO RJE 'CHANG DER 'DUD, ,GSANG BA KUN GYI MDZOD 'DZIN RDO RJE CAN, AINDRA BH'U TI BLO GROS RIN PO CHE, ,SA RA HA DANG KLU SGRUB 'PHAGS PA LHA, ,ZLA BA'I ZHABS DANG BCAS LA GUS PHYAG 'TSAL, ,RGYAL BA KUN GYI YAB GCIG 'JAM PA'I DBYANGS, ,RGYAL SRAS GZHON NU'I TSUL GYIS 'DZAM GLING 'DIR, ,RGYAL BA'I MDO SNGAGS BSTAN PA GSAL MDZAD PA, ,RGYAL BA GNYIS PA TZONG KHA PA DER 'DUD, ,MGON DE'I SRAS MCHOG MKHAS GRUB CHEN PO DANG, ,SHER SENG KUN DGA' DON GRUB PAn CHEN RJE, ,BSOD GRAGS YONGS 'DZIN BLO BZANG SBYIN PA DANG, ,BLO GROS RGYA MTSO'I MKHAS LA'ANG GUS PHYAG 'TSAL, ,RDO RJE 'CHANG CHEN RJE BTZUN TZONG KHA PA'I, ,LEGS BSHAD MTHAR THUG 'DUS PA'I RIM GNYIS SROL, ,PHYOGS KUN DAR ZHING RGYAS MOD RANG SKAL DANG, ,GZHAN PHAN CHED PHYIR RDZOGS RIM MDOR BSDUS BSHAD, ,'DIR RGYUD THAMS CAD KYI GTZO BOR GYUR BA DPAL GSANG BA 'DUS PA'I RDZOGS RIM 'CHAD PA LA GNYIS, LAM SPYI LA BSLAB TSUL DANG, 'DUS PA'I LAM LA BSLAB TSUL LO, ,DANG PO NI, THAR 'DOD KYI SKYES BUS LAS GANG LA JI LTAR BSLAB PAR BYA BA'I TSUL YOD DE, THOG MAR DKON MCHOG

, ,GSUM LA SKYABS SU SONG BA'I SGO NAS NGAN SONG GSUM LAS THAR BAR 'DOD PA'I SKYES BU CHUNG NGU DANG THUN MONG BA'I LAM LA BSLAB DGOS, DE NAS 'KHOR BA SPYI LAS THAR 'DOD KYI NGES 'BYUNG BSKYED DE SKYES BU 'BRING DANG THUN MONG BA'I LAM LA BSLAB DGOS, DE NAS GZHAN DON DU DMIGS NAS BYANG CHUB MCHOG TU SEMS BSKYED DE SPYOD PA PHYIN DRUG LA 'JUG 'DOD KYI SGO NAS SKYES BU CHEN PO'I LAM LA BSLAB DGOS PA'I PHYIR, DE LTAR LAM THUN MONG BAS RGYUD SBYANGS MA NAS SNGAGS LAM LA 'JUG DGOS PA YIN TE, DER MI 'JUG NA SKAL PA DMAN PA'I DBANG RTUL YIN PA'I PHYIR TE, RJES, THUN MONG LAM SBYANGS SNOD DU GYUR PA NA, ,THEG PA KUN GYI MCHOG GYUR RDO RJE'I THEG ,SKAL BZANG SKYE BO'I 'JUG NGOGS DAM PA DER, ,BDE BLAG NYID DU 'JUG ,CES GSUNGS SHING, RTOGS BRJOD LAS KYANG, 'DI NA RDZOGS SANGS RGYAS SU 'KHROD PA LA, ,ZAB MO RDO RJE THEG DANG PHAR PHYIN THEG ,RNAM PA GNYIS YOD GSANG SNGAGS PHAR PHYIN LAS, ,SHIN TU KHYAD PAR 'PHAGS PA YIN NO ZHES, ,NYI MA ZLA BA LTA BUR KUN TU GRAGS, ,TSIG DE BDEN PA'I TSIG TU 'DOD BZHIN DU, ,ZAB MO'I THEG DE JI LTA BU ZHIG CES, ,'TSOL BAR MI BYED MKHAS PA'I KHUR 'DZIN PA, ,DE 'DRA DE YANG SHES RAB CAN YIN NA, ,DE LAS GZHAN PA'I DBANG PO RTUL PO GANG, ,SHIN TU 'PHRAD DKA' GONG NA MED PA'I LAM, 'DI 'DRA YAL BAR 'DOR BA KYE MA'O MTSAR, ,DE NYID PHYIR NA RGYAL BA'I THEG PA MCHOG ,SANGS RGYAS LAS KYANG DKON

PA'I RDO RJE THEG ,DNGOS GRUB GNYIS KYI GTER GYUR ZAB MO DER, ,ZHUGS NAS 'BAD PA MANG POS RING DU SBYANGS, ,ZHES GSUNGS PA'I PHYIR RO, ,SNGAGS LAM LA 'JUG PA'I SGO DNGOS NI DBANG YIN TE, JI SKAD DU, SANGS RGYAS LAS KYANG DKON PA'I RDO RJE'I THEG ,SMIN BYED DBANG GI CHU BO'I 'JUG NGOGS DER, ,ZHUGS NAS ZHES GSUNGS PA LTAR GZHUNG DU MA LAS 'BYUNG BA'I PHYIR RO, ,DBANG THOB NAS DAM TSIG BSRUNG DGOS PA YIN TE, DAM TSIG NI DNGOS GRUB THAMS CAD KYI RTZA BA YIN PA'I PHYIR TE, RJES, DE TSE DNGOS GRUB RNAM GNYIS 'GRUB PA'I GZHI, ,RNAM DAG DAM TSIG SDOM PAR GSUNGS PA LA, ,ZHES GSUNGS PA'I PHYIR, KHYAD PAR DU BLA MED KYI RIM GNYIS SGOM PA LA DBANG BZHI THOB DGOS TE, BSKYED RIM SGOM PA LA BUM DBANG THOB DGOS SHING, RDZOGS RIM RDZOGS PAR SGOM PA LA DBANG PHYI MA GSUM THOB DGOS PA'I PHYIR TE, BUM DBANG GIS BSKYED RIM SGOM PAR BYED PA'I SNOD RUNG DU SGRUB CING, GSANG DBANG GIS SGYU LUS, SHER DBANG GIS 'OD GSAL, DBANG BZHI PAS ZUNG 'JUG SGOM PA'I SNOD RUNG DU BYED PAS, RIM PA BZHIN DU SPRUL SKU, LONGS SKU, CHOS SKU, ZUNG 'JUG GI SKU 'GRUB PA'I NUS PA KHYAD PAR CAN 'JOG PA'I PHYIR TE, RJES, DBANG BZHI BSKUR BAS SKU BZHI 'GRUB NGES KYI, ,NUS PA 'JOG BYED DRI MA RNAM PA BZHI, ,'KHRUD CING RIM GNYIS SGOM LA DBANG PAR SHOG ,CES GSUNGS PA'I PHYIR, BSKYED RIM GYIS RGYUD SMIN PAR BYAS NAS RDZOGS RIM BSGOM PA LA 'JUG DGOS PA YIN TE, RIM LNGA LAS, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ZHES GSUNGS PA'I PHYIR RO, ,GNYIS PA 'DUS PA'I LAM LA BSLAB TSUL LA GNYIS, GZHI DNGOS PO'I GNAS TSUL DANG, LAM BGROD PA'I RIM PA'O, ,DANG PO LA GNYIS, SPYIR BSHAD PA DANG, BYE BRAG TU BSHAD PA'O, ,DANG PO LA GSUM, LUS KYI GNAS TSUL, SEMS KYI GNAS TSUL, LUS SEMS THUN MONG PA'I GNAS TSUL LO, ,DANG PO LA RAGS PA, PHRA BA,

, ,SHIN DU PHRA BA GSUM YOD DE, RNAM SMIN GYI 'BYUNG LUS RAGS PA 'DI DANG PO DANG, RTZA RLUNG THIG LE GSUM NI GNYIS PA DANG, SNANG MCHED THOB GSUM 'OD GSAL DANG BZHI KA'I BZHON PAR GYUR PA'I RLUNG GSUM PA YIN PA'I PHYIR, GNYIS PA SEMS LA'ANG GSUM YOD DE, DBANG PO'I RNAM SHES LNGA NI RAGS PA, RTZA NYON DRUG ,NYE NYON NYI SHU, RANG BZHIN BRGYAD CU'I KUN RTOG RNAMS PHRA BA, STONG PA BZHI KA'I NGO BOR GYUR PA'I SEMS NI SHIN TU PHRA BA YIN PA'I PHYIR, GSUM PA LUS SEMS THUN MONGS PA'I GNAS TSUL LA GNYIS YOD DE, DA LTA KUN LA MNGON DU GYUR PA'I LUS SEMS 'DI RAGS PA DANG, SHIN TU PHRA BA'I RLUNG SEMS DNGOS PO GCIG PA NI PHRA BA YIN PA'I PHYIR RO, ,GNYIS PA LA GSUM, RTZA DANG, RLUNG DANG, THIG LE 'CHAGS PA'I TSUL LO, ,DANG PO NI, MNGAL DU 'JUG PA'I MDO LAS LUS LA RTZA BRGYAD KHRI YOD PAR BSHAD DE, LUS KYI MDUN RGYAB DANG, GA-YAS GA-YON RE RER NYIS KHRI NYIS KHRI 'CHAGS PAR BSHAD PA'I PHYIR BLA MED NAS BDUN KHRI NYIS STONG 'CHAGS PAR BSHAD CING, DE'I NANG NAS RTZA BRGYA NYI SHU GTZO BO DANG, DE'I NANG NAS GNAS NYER BZHI'I RTZA NYER BZHI PO GTZO BO DANG, DE'I NANG NAS RO RKYANG DBU MA GSUM GTZO BO YIN TE, DE GSUM GYIS SROG GI RLUNG DANG RNAM PAR SHES PA'I RTEN BYED CING, RTZA GZHAN RNAMS KYANG DE GSUM LA BRTEN NAS 'BYUNG BA'I PHYIR RO, ,RTZA JI LTAR 'CHAGS PA'I TSUL YOD DE, THOG MAR SNYING GA'I RO RKYANG DBU MA GSUM, SHAR GYI SUM SKOR MA, LHO'I 'DOD MA STE LNGA 'CHAGS, DE RJES NUB KYI KHYIM MA, BYANG GI TUM MO, ,DBU MA DANG LHAN CIG GNAS PA'I BDUD DRA LA MA STI BRGYAD 'CHAGS, DE BRGYAD LA NI SNYING GAR THOG MAR 'CHAGS PA'I RTZA BRGYAD CES BYA ZHING, DE NAS SUM SKOR MA LAS SHAR LHO'I RTZA 'DAB, 'DOD MA LAS LHO NUB, KHYIM MA LAS NUB BYANG, GTUM MO LAS BYANG SHAR GYI RTZA 'DAB GYES NAS SNYING GA'I RTZA 'DAB BRGYAD 'CHAGS PA'I PHYIR,

DE LTAR NA SNYING GA'I RTZA 'DAB BRGYAD DANG, SNYING GAR THOG MAR 'CHAGS PA'I RTZA 'DAB BRGYAD DON MI GCIG STE, RO RKYANG DBU MA GSUM DANG BDUD DRAL MA NI SNYING GAR THOG MAR 'CHAGS PA'I RTZA YIN KYANG SNYING GA'I RTZA BRGYAD KYI NANG TSAN MA YIN PA'I PHYIR, PHYOGS KYI RTZA BZHI LA 'BYUNG BA'I RTZA DANG, MTSAMS KYI RTZA BZHI LA MCHOD PA'I RTZA ZHES BYA STE, SNGA MA BZHI LAS 'BYUNG BA BZHI 'BAB CING, PHYI MA BZHI LAS GZUGS DRI RO REG BYA BZHI 'BAB PA'I PHYIR, RTZA BRGYAD PO DE LAS RLUNG KHRAG KHU BA GSUM GTZO BOR 'BAB PA'I CHA NAS GSUM GSUM DU GYES TE SPYI BO LA SOGS PA'I GNAS NYER BZHIR GNAS PA'I RTZA DE RNAMS LA NI GNAS NYER BZHI'I RTZA ZHES BYA STE, DE GANG ZHE NA, SKRA MTSAMS SU MI PHYED MA LA SOGS PA'I RLUNG 'BAB PA'I RTZA BRGYAD DANG, MCHAN KHUNG GNYIS SU SKYON LDAN MA LA SOGS PA'I KHRAG 'BAB PA'I RTZA BRGYAD DANG, RTAGS KYI RTZER SHIN TU BZANG MO LA SOGS PA'I KHU BA 'BAB PA'I RTZA BRGYAD DE BRGYAD TSAN GSUM LA RIM PA BZHIN DU THUGS DANG GSUNG DANG SKU'I RTZA ZHES KYANG BYA BA'I PHYIR, GNAS NYER BZHI'I RTZA DE RNAMS KYI STENG DU SNYING GAR THOG MAR 'CHAGS PA'I RTZA BRGYAD BSNAN PA'I RTZA SO GNYIS PO DE LA RLUNG DANG BYANG SEMS 'BAB PA'I RTZA ZHES BYA STE, MNYAM SBYOR LAS BYANG CHUB SEMS KYI RANG BZHIN RTZA, ,SUM CU RTZA GNYIS DAM PA YIN, ,ZHES GSUNGS PA'I PHYIR, BDUD DRAL MA NAS DE 'BAB PAR GSUNGS PA NI 'CHI BA'I TSE DANG LAM DUS LA DGONGS KYI, GZHI LA DE'I NANG NAS RLUNG DANG BYANG SEMS GANG YANG MI 'BAB STE, DE LA BDUD DRAL MA DANG, DUS KYI RTZA DANG RNAL 'BYOR MA RNAMS KYI 'GOG PA'I RTZA ZHES BRJOD PA'I RGYU MTSAN YOD PA'I PHYIR, GNAS NYER BZHI'I RTZA NYER BZHI PO RE RE LAS GSUM GSUM DU GYES PAS BDUN CU RTZA GNYIS SU 'GYUR LA, DE RE RE LAS STONG STONG DU GYES PAS STONG PHRAG BDUN DU RTZA GNYIS TE BDUN KHRI NYIS STONG, DE LAS STONG PHRAG NYER BZHI

, ,PA TSAN PA GSUM DU PHYE BA'I TSAN PA GCIG NAS GTZO BOR KHU BA, TSAN PA GCIG NAS GTZO BOR KHRAG ,TSAN PA GCIG NAS GTZO BOR RLUNG 'BAB PA GSUM LA RIM PA BZHIN DU SKU GSUNG THUGS KYI RTZA DANG, 'KHOR LO GSUM GYI RTZA ZHES BYA STE, RDO RJE 'PHRENG BA LAS, GSUM PO NYI SHU RTZA BZHIR 'GRO, ,DE LAS 'KHOR LO GSUM PHYE BAS, ,RTZA NI BRGYAD KYI DBYE BA LAS, ,SKU GSUNG THUGS KYI SNGAGS KYIS NI, ,GSUM PHYE BDUN CU RTZA GNYIS GSAL, ,DE LAS STONG DU RAB PHYE BAS, ,SO SOR SPRO BA'I BDAG NYID KYIS, ,STONG PHRAG BDUN CU RTZA GNYIS KYI, ,RTZA RNAMS KYI NI GRANGS ZHES BYA, , ZHES GSUNGS PA'I PHYIR, BSDU NA RTZA DE THAMS CAD SKU GSUNG THUGS KYI RTZA GSUM DU 'DU BA YIN TE, BYANG SEMS DKAR PO GTZO BOR 'BAB PA'I RTZA RNAMS SKU'I RTZA DANG, DMAR PO 'BAB PA'I RTZA RNAMS GSUNG GI RTZA DANG, RLUNG GTZO BOR 'BAB PA'I RTZA RNAMS THUGS KYI RTZAR 'DU BA'I PHYIR, RO RKYANG DBU MA GSUM GYI MING GI RNAM GRANGS YOD DE, DH'U TI, THUGS KYI RTZA, MUN PA'I RTZA, SGRA GCAN GYI RTZA, GNYIS SPANGS KYI RTZA RNAMS DBU MA'I MING DANG, GSUNG GI RTZA, 'DZIN PA'I RTZA, NYI MA'I RTZA, SHES RAB KYI RTZA, LONGS SPYOD KYI RTZA, RA SA N'A, RDUL GYI RTZA RNAMS RO MA'I MING DANG, SKU'I RTZA, ZLA BA'I RTZA, LA L'A NA, THABS KYI RTZA, SNYING STOBS KYI RTZA ZHES PA RNAMS RKYANG MA'I MING GI RNAM GRANGS YIN PA'I PHYIR, GZHAN YANG DBU MA LA DBUS KYI RTZA DANG, ROM LA G-YAS KYI RTZA DANG, RKYANG MA LA G-YON GYI RTZA ZHES BYA STE, GNAS TSUL DE LTAR DU GNAS PA'I PHYIR, RO MA G-YAS KYI RTZA YIN YANG KHAMS DMAR PO 'BAB PAS SHES RAB KYI RTZAR BRJOD PA DANG, RKYANG MA G-YON GYI RTZA YIN YANG KHAMS DKAR PO 'BAB PAS THABS KYI RTZAR BRJOD PA YIN GYI, DE LAS LDOG STE GSUNGS PA YANG YOD DE, G-YAS G-YON GYI DBANG DU MDZAD PA YIN PA'I PHYIR, RO RKYANG GNYIS KYIS DBU MA LA 'KHYUD PA'I MDUD PA GANG NA

YOD SA DER RTZA 'KHOR RE YOD DE, DE GNYIS RE RES SNYING GAR MDUD PA SUM BRTZEGS DANG, GZHAN RNAMS NA MDUD PA RE RE YOD PA'I PHYIR, MDUD MTSAMS NAS GYES PA'I RTZA 'KHOR CHE BA DE LA LNGA YOD DE, SPYI BOR BDE CHEN GYI 'KHOR LOR RTZA 'DAB SO GNYIS, MGRIN PAR LONGS KYI 'KHOR LOR RTZA 'DAB BCU DRUG ,SNYING GA CHOS KYI 'KHOR LO RTZA 'DAB BRGYAD, LTE BA SPRUL PA'I 'KHOR LOR RTZA 'DAB RE BZHI, GSANG GNAS BDE SKYONG GI 'KHOR LOR RTZA 'DAB SO GNYIS RNAMS SU YOD PA'I PHYIR, 'KHOR LO DANG PO BZHI'I RTZA 'DAB RNAMS SO SOR PHYE NA BRGYA NYI SHU YOD CING, RTZA RNAMS KYI GTZO BO YIN NO, ,RTZA 'KHOR CHUD PA LA GSUM YOD DE, SMIN MTSAMS SU RLUNG 'KHOR RTZA 'DAB DRUG PA, MGRIN PA DANG SNYING GA'I BAR NA ME 'KHOR RTZA 'DAB GSUM PA, NOR BU'I DBUS NA RTZA 'DAB BRGYAD PA RNAMS SU YOD PA'I PHYIR, BDE CHEN GYI 'KHOR LO DANG, LONGS SPYOD KYI 'KHOR LO DANG, CHOS KYI 'KHOR LO DANG, SPRUL PA'I 'KHOR LO DANG, BDE SKYONG GI 'KHOR LO ZHES BRJOD PA'I RGYU MTSAN YOD DE, RIM PA BZHIN DU BDE BA'I RTEN BYANG SEMS DKAR PO SPYI BOR GNAS PA DANG, RO DRUG LA LONGS SPYOD PA'I GNAS MGRIN PA YIN PA DANG, CHOS KYI RTZA BA SHIN TU PHRA BA'I RLUNG SEMS KYI RTEN MI SHIGS PA'I THIG LE SNYING GAR GNAS PA DANG, BDE CHEN SPRUL BYED KYI GTUM MO LTE BAR GNAS PA DANG, LHAN SKYES KYI BDE BA GTZO BOR GSANG GNAS NAS SKYONG BA'I RGYU MTSAN GYIS DE LTAR DU BRJOD PA'I PHYIR, RTZA DE RNAMS YIN BSDUS KYI TSUL GYIS RO RKYANG DBU MA GSUM LA 'DU BA MIN YANG, RTZA BA'I DBANG DU BYAS NA DE GSUM DU 'DU BA YIN LA, RTZA GSUM GYI NANG NAS DBU MA GTZO BO YIN TE, RO RKYANG GNYIS KYI RLUNG DBU MAR ZHUGS GNAS THIM GSUM BYAS PA LA BRTEN NAS LHAN SKYES KYI YE SHES 'CHAR BA SOGS YIN PA'I PHYIR, DBU MA'I YAN MAN GNYIS LAS SNYING GA'I DBU MA'I RTZA 'KHOR GTZO BO YIN TE, GZHI LA RNAM SHES DANG POR 'JUG PA DANG BAR DU GNAS PA DANG MTHAR 'PHO BA

, ,GSUM SNYING GA NAS BYED CING, LAM DUS SU DPE DON GYI 'OD GSAL 'CHAR BA'I GNAS KYANG SNYING GA'I DBU MA'I NANG YIN PA'I PHYIR TE, RJES, 'OD GSAL NYI MA SNYING DBUS 'CHAR BAR SHOG ,ZHES GSUNGS PA'I PHYIR RO, ,GZHI LA 'CHI DUS MA GTOGS RLUNG DBU MA'I NANG NAS YAS MAN THAL BYUNG DU RGYU BA MED DE, DER RO RKYANG GI MDUD PA DAM POS BCINGS PA'I PHYIR, 'ON KYANG DBU MA'I SBUBS STONG NA RLUNG GNAS PA TZAM NI 'DOD DGOS TE, RNAM SHES KYI BZHON PA'I RLUNG DANG SROG THUR GNYIS YOD PA'I PHYIR, GZHI LA 'CHI BA'I DUS SU DBU MA'I NANG NAS RLUNG LAS NYON GYI DBANG GIS RTZA MDUD RNAMS RDZOGS PAR GROL BAR 'GYUR PA'I PHYIR, RTZA GNYIS NAS RLUNG BZHI RGYU TSUL YOD DE, RO MA'I NANG NAS MA RLUNG GYEN RGYU DANG, RKYANG MA'I NANG NAS RLUNG GI RLUNG MNYAM GNAS GNYIS GTZO BOR RGYU LA, SROG THUR GNYIS RO RKYANG GNYIS NAS MNYAM RGYU BYED PA'I PHYIR RO, ,GNYIS PA RLUNG 'CHAGS TSUL YOD DE, MNGAL DU NYING MTSAMS SBYAR MA THAG PA'I TSE LHAN SKYES KYI RLUNG GI RGYUN PHYI MA ZHIG GSAR DU SKYE LA, DE NAS DE LAS SROG 'DZIN GYI RLUNG RAGS PA SKYE, DE'I TSE SEMS CAN DE'I LUS NYA'I RNAM PA LTA BUR YOD, DE NI ZLA BA DANG PO'I SKABS SU 'BYUNG, ZLA BA GNYIS PA LA SROG 'DZIN RAGS PA LAS THUR SEL GYI RLUNG SKYE, DE'I TSE SEMS CAN DE'I LUS 'BUR PO LNGA DOD PA RUS SBAL LTA BU, ZLA BA GSUM PA LA THUR SEL LAS MNYAM GNAS SKYE, DE'I TSE SEMS CAN DE'I LUS CUNG ZAD SGUR BA PHAG RGOD LTA BU, ZLA BA BZHI BA LA MNYAM GNAS LAS GYEN RGYU SKYE, DE'I TSE SEMS CAN DE'I LUS STOD CUNG ZAD RGYAS PA SENG GE'I RNAM PA LTA BU, ZLA BA LNGA PA LA GYEN RGYU LAS KHYAB BYED SKYE, DE'I TSE SEMS CAN DE'I LUS MI'U THUNG LTA BUR YOD, ZLA BA DRUG PA BDUN PA BRGYAD PA DGU PA BCU PA RNAMS LA RIM PA BZHIN DU, MIG GI SGOR RGYU BA'I RLUNG DANG SA RNA BA'I SGOR RGYU BA'I RLUNG DANG CHU, SNA'I SGOR RGYU BA'I RLUNG DANG ME, LCE'I SGOR

RGYU BA'I RLUNG DANG 'BYUNG BA RLUNG, LUS KYI SGOR RGYU BA'I RLUNG DANG 'BYUNG BA NAM MKHA'I KHAMS BU GA RNAMS RDZOGS PAR SKYE BA'I PHYIR, DE LNGA NI YAN LAG GI RLUNG LNGA DANG DON GCIG TU GSUNGS SHING, KLU DANG RUS SBAL DANG RTZANGS PA DANG LHAS SBYIN DANG GZHU LAS RGYAL ZHES PA'I THA SNYAD KYANG MDZAD DO, ,GSUM PA THIG LE 'CHAGS TSUL YOD DE, BAR DO'I 'CHI BA 'OD GSAL GYI RIGS 'DRA PHYI MA DE PHA MA GNYIS KYI KHAMS DKAR DMAR GYI DANGS MA DANG GCIG TU 'DRES NAS GONG BU'I GZUGS CAN DU GYUR TE, RIM GYIS SNYING GA 'CHAGS PA'I DH'U TI'I SBUBS STONG GI NANG DU GNAS PA DE LAS KHAMS DKAR PO LAS CHA GCIG CHAD NAS SPYI BOR GNAS PA LA SPYI BO'I HAm YIG CES BYA LA, KHAMS DMAR PO LAS CHA GCIG CHAD NAS LTE BAR GNAS PA LA LTE BA'I Am YIG CES BYA ZHING, KHAMS DKAR PO LAS RANG GI RIG RGYUN KHAMS DANG RKANG RUS TSIL RNAMS SKYE, KHAMS DMAR PO LAS RANG GI RIGS RGYUN KHAMS DANG KHRAG SHA LPAGS PA RNAMS 'BYUNG BA'I PHYIR RO, ,THIG LE DE LA NGO BO'I SGO NAS GNYIS YOD KYANG GNAS SKABS SAM GNAS DANG BYED LAS KYIS DBYE NA BZHI YOD DE, SNYING GA DANG NOR BU'I DBUS NA GNYID THUG BSKYED PA'I GNAS SKABS KYI THIG LE, MGRIN PA DANG GSANG GNAS SU RMI LAM BSKYED PA'I THIG LE, LTE BA DANG SPYI BO NA SAD PA BSKYED PA'I THIG LE, LTE BA DANG GSANG GNAS SU BZHI PA STE SNYOMS 'JUG GI GNAS SKABS BSKYED PA'I THIG LE RNAMS SU YOD PA'I PHYIR, BSKYED TSUL YOD DE, RLUNG DE DANG DER 'DUS PA'I DBANG GIS BSKYED PA'I PHYIR RO, ,DE LTAR GZHI'I GNAS TSUL SPYI DANG BYE BRAG GI SGO NAS BSTAN PA LA DGOS PA YOD DE, RDZOGS RIM GYI RTOGS PA SKYE BA LA RDO RJE'I LUS LA GNAD DU BSNUN DGOS SHING, DE LA NI RDO RJE'I LUS KYI GNAS TSUL SPYI DANG BYE BRAG RNAMS LEGS PAR SHES DGOS PA'I PHYIR RO, ,GNYIS PA LAM BGROD PA'I RIM PA BSHAD PA LA LNGA, RDZOGS RIM GYI SNYING PO AE WAm GNYIS KYI

, ,DON BSHAD PA, RDZOGS RIM GYI DBYE BA, GRANGS NGES, GO RIM, PHYE BA SO SO'I DON NO, ,DANG PO LA GNYIS, THUN MONG DU BSHAD PA DANG, SO SOR BSHAD PA'O, ,DANG PO NI, BLA MED KYI RGYUD THAMS CAD KYI DON RNAMS AE WAm LA SOGS PA'I YI GE BZHI BCU'I DON DU 'DU ZHING, KHYAD PAR DU THOG MA'I YI GE AE WAm KYI DON DU 'DU BA YIN LA, AE WAm LA DBYE NA GSUM YOD DE, THOB BYA 'BRAS BU'I AE WAm, THOB BYED LAM GYI AE WAm, 'DREN BYED RTAGS KYI AE WAm RNAMS SU YOD PA'I PHYIR, DANG PO LA GRANGS NGES KYI BSHAD PA GNYIS YOD DE, DRANG DON GYI DBANG DU BYAS NA AES STON PA BZHUGS PA'I GNAS RNAMS MTSON, WAS GNAS DE RNAMS SU BZHUGS NAS RGYUD GSUNGS PA'I STON PA MTSON, THIG LES CHOS STON PA DE MTSON LA, NGES DON GYI DBANG DU BYAS NA AES 'BRAS DUS KYI STONG NYID RTOGS PA'I SHES RAB DANG, WAS 'BRAS DUS KYI BDE BA CHEN PO DANG, THIG LES BDE STONG DBYER MED DU SBYOR BA DE MTSON PA'I PHYIR, DE LA 'BRAS BU'I BDE STONG DBYER MED KYI AE WAm ZHES BYA LA, BDEN GNYIS DBYER MED KYI AE WAm GYI DBANG DU BYAS NAS MTSON TSUL YOD DE, 'BRAS DUS KYI BDE STONG DBYER MED KYI YE SHES NI AE YIG GI MTSON DON DANG, DE'I GZUGS SKU NI WAm YIG GI MTSON DON DANG, DE GNYIS SKU THUGS SU DNGOS PO GCIG TU SBYOR BA NI THIG LE'I MTSON DON YIN PA'I PHYIR, GNYIS PA LAM DUS KYI DBANG DU BYAS NAS MTSON TSUL YOD DE, LAM DUS KYI STONG NYID RTOGS PA'I SHES RAB AE YIG GI MTSON DON DANG, DE'I BDE BA CHEN PO'I YE SHES WAm YIG GI MTSON DON DANG, DE GNYIS NGO BO DBYER MED DU SBYOR BA NI THIG LE'I MTSON DON YIN PA'I PHYIR, GSUM PA 'DREN BYED RTAGS KYI AE WAm GYI MTSON DON YOD DE, PHYI'I DBANG DU BYAS NA PHYAG RGYA'I PADMA NI AE YIG GI MTSON DON DANG, YAB KYI RDO RJE NI WAm YIG GI MTSON DON DANG, DE

GNYIS MNYAM PAR SBYOR BA NI THIG LE'I MTSON DON YIN LA, NANG LA SPYI BO DANG LTE BA'I RTZA 'KHOR GRU GSUM AE YIG GI MTSON DON DANG, SNYING GA DANG MGRIN PA'I RTZA 'KHOR ZLUM PO WA YIG GI MTSON DON DANG, RTZA 'KHOR DE DAG THABS SHES SU PHYOGS PA THIG LE'I MTSON DON YIN PA'I PHYIR RO, ,GNYIS PA SO SOR BSHAD PA LA GSUM, STONG PA BSHAD PA, BDE BA BSHAD PA, BDE STONG DBYER MED DU SBYOR TSUL BSHAD PA'O, ,DANG PO NI, AE YIG GIS RNAM THAR SGO GSUM MTSON PAS, STONG NYID RTOGS PA'I LTA BA PHU THAG CHOD PA MED NA AE YIG GI DON MA TSANG BAS CHOS RNAMS RANG BZHIN GYIS GRUB PAS STONG PAR RTOGS PA'I LTA BA RNAM DAG 'TSOL DGOS SO, ,LTA BA DE MDO SNGAGS KYI GZHUNG DU MA DANG KHYAD PAR RTZA RGYUD KYI LE'U GNYIS PA DANG DGU PA DANG BCO LNGA PA NAS RGYAS PAR BSHAD CING, STONG PA DE LA SGRAS BRJOD RIGS KYI SGO NAS DBYE NA BZHI YOD DE, GANG ZAG RANG RKYA THUB PA'I RDZAS YOD KYIS STONG PA'I STONG NYID DANG, GZUNG 'DZIN RDZAS GZHAN GYIS STONG PA'I STONG NYID DANG, BLO'I DBANG GIS BZHAG TZAM MA YIN PA'I YOD PA BZHAG ? PA'I STONG NYID DANG, GDOD MA NAS RANG BZHIN GYIS GRUB PAS STONG PA'I STONG NYID DANG BZHI YOD PA'I PHYIR, DE'I DANG PO NI RANG GRUB MTHA' SMRA BA THAMS CAD KYIS 'DOD PA'I THUN MONG BA DANG, GNYIS PA SEMS TZAM PA, GSUM PA RANG RGYUD PA, BZHI PA NI THAL 'GYUR PAS 'DOD PA'I STONG NYID YIN LA, 'DIR GTZO BO NI PHYI MA'I DBANG DU BYAS TE BDE STONG SBYAR NAS BSGOM DGOS PA YIN TE, RTZA RGYUD LE'U GNYIS PA LAS, RANG SEMS GDOD NAS MA SKYES PA, ,STONG PA NYID KYI RANG BZHIN NO, ,ZHES DANG, CHOS RNAMS RANG BZHIN 'OD GSAL BA, ,GDOD NAS DAG LA NAM MKHA' BZHIN, ,ZHES GSUNGS PA'I PHYIR, 'DIR BDE STONG SBYOR RGYU'I STONG PA DE LA YUL GYI DBANG DU BYAS PA DANG YUL CAN GYI DBANG DU BYAS PA GNYIS YOD DE, SBYOR TSUL LA NI YUL YUL CAN GNYIS RO MNYAM

, ,DBYER MED DU SBYOR BA DANG, YUL CAN YE SHES DANG BDE BA GNYIS NGO BO DBYER MED DU SBYOR TSUL GNYIS YOD PA'I PHYIR RO, ,GNYIS PA BDE BA BSHAD PA NI, AE WAm GYI WA YIG GIS LHAN SKYES KYI BDE BA CHEN PO MTSON PAS BDE BA DE MED NA WA YIG GI DON MA TSANG BAS DE BSKYED DGOS SO, ,DE YANG ZHI GNAS LA BRTEN PA'I LUS SEMS SHIN SBYANGS KYI BDE BA DE 'DIR STONG PA DANG SBYOR RGYU'I BDE BA MA YIN LA, DE BZHIN DU BSAM GTAN GYI NYER BSDOGS DANG DNGOS GZHI THOB PA'I BDE BA DANG STONG NYID RTOGS PA LA BRTEN NAS THOB PA'I ZAG MED KYI BDE BA DANG DBUGS 'BYUNG RNGUB BKAG NAS LHA'I RNAL 'BYOR BSGOMS PA LAS BYUNG BA'I BDE BA DANG, BSGOM PA'I LHA MO LA BLTAS PA DANG BGAD PA DANG LAG PA BCANGS PA TZAM LAS BYUNG BA'I BDE BA DANG, RLUNG DBU MA'I NANG DU THIM PA MIN PAR LAS DANG YE SHES KYI PHYAG RGYA LA MNYAM PAR SBYAR BA LAS BYUNG BA'I BDE BA DANG, THA MAL PA'I DBANG PO GNYIS SBYOR LAS BYUNG BA'I BDE BA RNAMS SKABS 'DIR STONG PA DANG SBYOR RGYU'I BDE BA MIN GYI, 'O NA JI LTA BU YIN ZHE NA, YOD DE, BSGOMS STOBS KYIS RLUNG DBU MAR ZHUGS GNAS THIM GSUM BYAS PA LAS BYUNG BA'I LHAN SKYES KYI BDE BA NYID, SKABS 'DI'I BDE STONG SBYOR RGYU'I BDE BAR 'JOG DGOS PA'I PHYIR RO, , GSUM PA LA GNYIS, DNGOS KYI DON DANG, BDEN GNYIS DBYER MED KYI AE WAm GYI DON BSHAD PA'O, ,DANG PO NI, AE WAm GYI THIG LES BDE STONG DBYER MED DU SBYOR BA MTSON PA YIN TE, DE MED NA THIG LE'I DON MA TSANG BA'I PHYIR RO, ,BDE STONG DBYER MED DU SBYOR TSUL YOD DE, LHAN SKYES KYI BDE BA DANG DE'I CHOS NYID NGO BO GCIG TU SBYOR BA LTA BU DANG LHAN SKYES KYI BDE BA DANG STONG NYID RTOGS PA'I BLO GNYIS ZIN BYA ZIN BYED DU SONG BA LTA BU TZAM NI 'DIR BDE STONG SBYOR BA'I DON MIN GYI, RLUNG DBU MAR ZHUGS GNAS THIM GSUM BYAS PA'I MTHUS YID KYI SHES PA LHAN SKYES KYI BDE BA'I NGO BOR SKYES PA

DES, YUL STONG PA NYID PHYIN CI MA LOG PAR RTOGS PA'I YUL YUL CAN RO MNYAM DU SBYOR BA DE SKABS 'DIR BDE STONG SBYOR BA'I TSUL DANG, YANG STONG NYID RTOGS PA'I BLO DANG LHAN SKYES KYI BDE BA NGO BO DBYER MED DU SBYOR BA NYID SKABS 'DIR BDE STONG SBYOR BA'I DON DU 'DOD PA YIN PA'I PHYIR TE, THABS SHES GRUB PA LAS, CHU DANG 'O MA 'DRES PA BZHIN, ,GNYIS MED RNAM PA'I SBYOR BA YIS, ,GNYIS PO 'DUS PA GANG YIN PA, ,SHES RAB THABS ZHES BYA BAR GRAGS, ,ZHES GSUNGS PA'I PHYIR, GNYIS PA LA GNYIS, BDEN GNYIS DBYER MED DU SBYOR TSUL DANG, DE SGRUB BYED KYI RIGS PA BSTAN PA'O, ,DANG PO NI, GSUNG RAB GZHAN NAS GRAGS PA'I BDEN GNYIS DANG, SKABS 'DI'I BDEN GNYIS MING 'DRA YANG DON MI GCIG STE, 'DIR BDEN PA GNYIS KYI THA SNYAD DE RDZOGS RIM PA'I LAM DANG 'BRAS BU'I DBANG DU BYAS PA YIN PA'I PHYIR TE, ,DE YANG RLUNG DBU MAR ZHUGS GNAS THIM GSUM BYAS PA LAS BYUNG BA'I STONG NYID RTOGS PA'I DON GYI 'OD GSAL DE 'DIR DON DAM DANG, DAG PA'I SGYU MA'I SKU DE 'DIR KUN RDZOB BDEN PA DANG, DE GNYIS NGO BO DBYER MED DU SBYOR BA DE 'DIR BDEN GNYIS ZUNG DU 'JUG PA'I DON YIN PA'I PHYIR RO, ,GNYIS PA DE SGRUB BYED KYI RIGS PA GANG ZHE NA 'DI LA BZHI YOD DE, GZUGS SKU'I RGYU LA BRTEN NAS SGRUB PA, SBYANG GZHI LA BRTEN NAS SGRUB PA, LHA BSKYED TSUL LA BRTEN NAS SGRUB PA, THABS SHES SBYOR TSUL GYI GNAD LA BRTEN NAS SGRUB PA RNAMS SU YOD PA'I PHYIR TE, DANG PO'I DBANG DU BYAS NA PHAR PHYIN THEG PA DANG RGYUD SDE 'OG MA GSUM DANG BSKYED RIM DANG RDZOGS RIM GYI RIM PA GSUM PA MAN CHAD DU GZUGS SKU'I RGYU TZAM YOD KYANG, GZUGS SKU DANG RNAM PA SHIN TU MTHUN PA'I RIGS 'DRA'I RGYU KHYAD PAR CAN MED LA, RIM PA BZHI PA'I DON GYI 'OD GSAL GYI BZHON PAR GYUR PA'I RLUNG 'OD ZER LNGA PAS NYER LEN DANG, DE'I 'OD

, ,GSAL GYI SEMS DES LHAN CIG BYED RKYEN BYAS PA LA BRTEN NAS BYUNG BA'I DAG PA'I SGYU LUS DE RDO RJE'I SKU DNGOS YIN ZHING, DE'I RIGS 'DRA PHYI MA ZHIG GIS NI GZUGS SKU'I DNGOS KYI NYER LEN KHYAD PAR CAN BYED PA YIN LA, GNYIS PA'I DBANG DU BYAS NA SBYAR GZHI LA 'CHI BA 'OD GSAL GYI RLUNG SEMS LAS BAR DO 'GRUB RUNG GI RLUNG SEMS DE NYID, 'DIR RNAL 'BYOR PA LA SGYU MA'I SKUR SGYUR BAR BYED PA'I PHYIR TE, RIM LNGA LAS, KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN 'GYUR, ,RDO RJE'I SKU YANG DE NYID DO, , ZHES GSUNGS PA'I PHYIR DANG, GSUM PA'I DBANG DU BYAS NA, BSKYED RIM MAN CHAD DU LHA BSKYED PA'I TSE STONG NYID KYI LTA BA SNGON DU BTANG NAS, STONG PA'I NGANG LAS LHAR LDANG BA ZHIG BSHAD KYANG SKABS DER MOS BLO TZAM MA GTOGS, LHA'I SKU DNGOS GNAS SU LDANG BA MED LA, RDZOGS RIM GYI SKABS SU NI STONG PAR ZHUGS PA'I MTHAR LHA'I SKU DNGOS GNAS SU LDANG BA CIG YOD CING, DE MED NA SNGAR DE LTAR BYAS PA THAMS CAD KYI DGOS PA'I GTZO BO MI 'BYUNG BAS, DPE DON GYI 'OD GSAL LAS DAG MA DAG GI LHA'I SKUR LDANG BAR YOD PAR GRUB LA, BZHI PA'I DBANG DU BYAS NA BSKYED RIM MAN CHAD DU THABS SHES NGO BO DBYER MED DU SBYOR BA'I LHA SKU THOB PAR MI NUS LA, RDZOGS RIM GYI LHAN SKYES 'OD GSAL GYI RLUNG SEMS DNGOS PO GCIG PA LA RANG 'BRAS CHOS GZUGS KYI SKU'I NYER LEN KHYAD PAR CAN YOD PAS, DE LAS THABS SHES NGO BO DBYER MED DU GYUR PA'I GZUGS KYI SKU DNGOS SU 'GRUB PAR 'GYUR BA'I PHYIR RO, ,DE LTA BU'I SKU DE NI LUS LA GNAD DU BSNUN PA MED NA MI SKYE BA LA DGONGS NAS GNAD DU BSNUN PA'I THABS GNYIS DGOS TE, PHYI PHYAG RGYA LA BRTEN PA DANG, NANG RTZA RLUNG THIG LE LA GNAD DU BSNUN PA'I THABS GNYIS GSUNGS PA'I PHYIR TE,

BSKYED RIM GYI SKABS SU SBYANG GZHI SKYE SHI BAR DO'I RIM PA GSUM DANG MTHUN PA'I LAM BSGOM PA YOD KYANG, GTZO BOR RDZOGS RIM GYI SKABS SU DE GSUM DANG RNAM PA SHIN TU MTHUN PA'I LAM SGOM PAR BYED PA YIN LA, DE YANG GNAD DU BSNUN PA'I THABS GNYIS LA BRTEN NAS RO RKYANG GI RLUNG DH'U T'IR THIM PA LAS SKYE 'CHI BAR DO GSUM DANG RNAM PA SHIN TU MTHUN PA'I LAM DUS KYI SKU GSUM LAS 'BRAS DUS KYI SKU GSUM SGRUB PAR BYED PA YIN PA'I PHYIR, DE'I TSUL 'CHI BA'I TSE RLUNG GZHAN RNAMS SROG 'DZIN PHRA BA LA THIM NAS 'CHI ZHING, 'CHI BA 'OD GSAL LAS LAS KYI RLUNG SHAR TE DE DANG RNAM SHES GNYIS LHAN CIG 'KHOR BAR SKYE BA YIN TE, LAS KYI RLUNG DE LAS CHAGS SOGS KYI NYON MONGS RNAMS SKYE LA, DES LAS DKAR NAG GNYIS BSAGS NAS YANG SKYE ZHING YANG 'CHI BA SOGS 'KHOR LO BSKOR BA BZHIN 'KHOR BAR 'JUG CING, DE'I GNYEN POR RIM LNGA BSGOMS PAS 'KHOR BA LAS LDOG PAR 'GYUR BA'I PHYIR TE, RDO RJE 'PHRENG BA LAS, JI LTAR MES BSREG DNGOS PO MED, ,RGYU MED PAR NI THIM NAS 'GRO, ,SLAR YANG SROG GI RLUNG SHA ZHES, ,LAS KYI RLUNG NI SNA TSOGS PA, ,DE NI LHAN CIG RNAM SHES DANG, ,SLAR YANG 'JIG RTEN GSUM DU GNAS, ,DE LAS LAS DANG DE LAS SA SKYE, ,DE LAS CHAGS SOGS BAG CHAGS DANG, ,DE LAS SLAR YANG 'CHI DANG SKYE, ,DE LTAR 'KHOR LO BSKOR BA 'DRA, ,SNGON BZHIN RDO RJE BZLAS BA SOGS, ,RIM GYIS DE YI DBYE BAR 'GYUR, ,ZHES GSUNGS PA'I PHYIR, GNAD DU BSNUN PA NI GONG DU BSHAD PA'I RTZA 'KHOR DE RNAMS KYI DBUS DANG, KHYAD PAR DU DH'U T'I'I YAR SNA MAR SNA GNYIS DANG LTE BA DANG SNYING GA'I RTZA 'KHOR GYI DH'U T'I'I NANG DU YIN LA, DE YANG RGYUD THA DAD NAS BSHAD PA'I RJES SU 'BRANG STE GRUB CHEN GYI BZHED TSUL CUNG ZAD MI 'DRA BA YOD DE, DUS 'KHOR BA NI DH'U T'I'I YAR SNER SOR SDUD DANG LTE BAR BUM PA CAN BSGOMS PA LA BRTEN NAS RLUNG DBUS MA'I NANG DU 'JUG PAR BYED DO, ,

, ,dAMBHI PA SOGS KYIS NI LTE BAR GTUM MO BSGOMS NAS 'JUG ,DRIL BU PAS NI SNYING GA DANG DH'U T'I'I YAR SNA MAR SNA GSUM LA DMIGS NAS 'JUG ,L'U HI BAS NI GTZO BOR LTE BA'I H'Um YIG LA DMIGS NAS 'JUG ,GSANG 'DUS YE SHES ZHABS LUGS PA NI, DANG PO SNYING KHA, DE NAS DH'U T'I'I MAR SNA, SLAR YANG SNYING GAR GNAD DU BSNUN NAS 'JUG ,'DUS PA 'PHAGS LUGS PA'I SKABS 'DIR DANG POR DH'U T'I'I MAR SNA, DE NAS SNYING KHAR GNAD DU BSNUN PA LA BRTEN NAS DBU MA'I NANG DU 'JUG PAR BYED PA'I PHYIR, DE THAMS CAD KYIS KYANG RLUNG DBU MAR BCUG NAS BDE STONG GI YE SHES BSKYED PA LA KHYAD PAR MED DE, DE LTAR BSGOMS PAS LTE GSANG GI GTUM MO SBAR TE SPYI BO NAS BYANG SEMS ZHU NAS DGA' BZHI 'DREN NUS PA LA KHYAD PAR MED PA'I PHYIR RO, ,LUGS DE THAMS CAD CIG CAR DU BYED DGOS PA MIN YANG, RGYUD DANG GRUB CHEN SO SO'I BZHED PA MI 'DRA BA RNAMS KYI KHYAD PAR SHES NA NI GNAD CHE BA YIN NO, ,GNYIS PA DBYE BA BSHAD PA LA GNYIS, DNGOS DANG, SBYOR DRUG RIM LNGAR SDUD TSUL LO, ,DANG PO LA JI LTAR GSUNGS TSUL YOD DE, RTZA RGYUD LE'U DRUG PA'I SNGAGS LA NGES RTOGS LUS KYI NI, ,ZHES SOGS GSUNGS PA'I RJES SU 'BRANG NAS SPYOD BSDUS LAS, LUS DBEN, NGAG DBEN, SEMS DBEN, SGYU LUS, 'OD GSAL, ZUNG 'JUG GI RIM PA DANG DRUG TU MDZAD, BSHAD RGYUD RDO RJE 'PHRENG BA'I RDO RJE BZLAS PA RAB SBYOR BAS, ,ZHES SOGS KYI RJES SU 'BRANG NAS 'PHAGS PA'I RIM LNGA DANG GLU BYANG GI RNAM GZHAG GNYIS LAS RDOR BZLAS SAM NGAG DBEN DANG POR BYAS PA'I RIM PA LNGAR BSHAD, ZLA BAS LE'U DRUG PA'I 'GREL PA'I RIM PA DRUG TU BSHAD CING, LE'U DANG PO'I 'GREL PAR BSKYED RIM DANG POR BYAS PA'I RIM PA LNGAR BSHAD, RDO RJE'I 'PHRENG BA'I GLING GZHIR LUS DBEN DANG NGAG DBEN GNYIS SEMS DBEN GYI SNGON 'GROR BYAS NAS RIM PA BZHIR YANG BSHAD

CING, DE LTAR BSHAD TSUL THA DAD PA DE DAG GI DGONGS PA NI MI 'GAL TE, DBYE BSDU MDZAD PA TZAM YIN PA'I PHYIR RO, ,GNYIS PA NI, SMON LAM LAS, SO SOR SDUD DANG BSAM GTAN SROG RTZOL DANG, ,'DZIN PA RJES DRAN TING 'DZIN YAN LAG DRUG ,YONGS SU SDUD PA'I ZAB LAM RIM PA LNGA, ,ZHES GSUNGS PA LTAR YIN LA, SPYIR SBYOR DRUG LA DUS 'KHOR NAS BSHAD PA'I SBYOR BA YAN LAG DRUG SOGS DU MA YOD KYANG 'DIR RGYUD PHYI MA LAS GSUNGS PA'I SBYOR DRUG RIM LNGAR SDUD TSUL STON PAS, DE'I TSUL YOD DE, LUS DBEN RJES THOB TU GANG SNANG BDE STONG GI RNAM ROL TU BLTA BA LA SOR SDUD DANG, DE'I GZUNG RNAM LHAR SHAR BA LA DMIGS PA BSAM GTAN DU BSHAD PAS, DE GNYIS LUS DBEN GYI NANG DU 'DUS, SROG RTZOL GYI GTZO BO RDOR BZLAS DANG DBEN GYIS BSDUS, 'DZIN PA NI DON GYI 'OD GSAL DU 'DU, RJES DRAN NI DON GYI 'OD GSAL LAS LUGS LDOG TU BYUNG BA'I NYER THOB NAS SMIG RGYU'I BAR LA BSHAD CING, TING NGE 'DZIN NI DAG PA'I SGYU LUS LA BSHAD PAS DE GNYIS ZUNG 'JUG GIS BSDUS, SEMS DBEN DANG RIM PA GSUM PA'I SGYU LUS NI SBYOR DRUG GI TSIG ZIN LA MED KYANG, DON GYI 'OD GSAL GYI SNGON 'GRO'I SNANG BA GSUM DANG SEMS DBEN GNAD MTSUNGS SHING, DAG PA'I SGYU MA'I SKU DANG RIM PA GSUM PA'I SGYU LUS GNYIS KYANG MTSAN NYID MTSUNGS PA'I TSUL GYIS BSDUS PA'I PHYIR RO, ,SPYIR RIGS LNGA DANG SKU GSUM LA SGRAS BRJOD RUNG GI SGO NAS DBYE NA DU MA YOD DE, GZHI DANG LAM GYI RIM LNGA GNYIS DANG, GZHI LAM 'BRAS GSUM GYI SKU GSUM GYI RNAM GZHAG KYANG MDZAD PA'I PHYIR, 'O NA, DE'I TSUL JI LTAR YIN ZHE NA, YOD DE, SKYES NAS MA SHI'I BAR DU RLUNG 'BYUNG 'JUG BYED PA NI GZHI'I RDOR BZLAS, 'CHI BA 'OD GSAL DU 'JUG PA'I SNANG MCHED THOB GSUM NI GZHI'I SEMS DBEN, 'CHI BA 'OD GSAL NI GZHI'I 'OD GSAL, BAR DO'I LUS NI GZHI'I SGYU MA'I SKU GNYIS KYI RIM PA DANG, 'CHI BA 'OD GSAL

, ,NI GZHI'I CHOS SKU, BAR DO NI LONGS SKU, SKYE BA NI SPRUL SKU DANG, YANG, ZHAG GCIG GI DBANG DU BYAS NA SAD DUS KYI DBUGS 'BYUNG 'JUG NI ZHAG GCIG GI RDOR BZLAS KYI RIM PA, GNYID LA PHYOGS PA'I SNANG BA GSUM NI DE'I SEMS DMIGS, GNYID KYI 'OD GSAL NI DE'I 'OD GSAL, RMI LAm KYI LUS KHYAD PAR CAN NI DE'I SGYU LUS, LUS KHYAD PAR CAN PHUNG PO RNYING PA LA ZHUGS PA NI ZHAG GCIG GI SPRUL SKU DANG, GNYID KYI 'OD GSAL NI ZHAG GCIG GI CHOS SKU, RMI LAM GYI LUS KHYAD PAR CAN NI DE'I LONGS SKU, LUS DE PHUNG PO RNYING PA LA ZHUGS NAS SAD PA NI DE'I SPRUL SKUR 'JOG PA YIN PA'I PHYIR RO, ,GSUM PA GRANGS NGES TSUL NI, 'DIR RDZOGS RIM GYI LAM LA RIM PA LNGAR GRANGS NGES PA YIN TE, MTHAR THUG GI 'BRAS BU BSGRUB PA LA BLTOS NAS LNGA PO DE DGOS SHING, DE LAS MANG MI DGOS LA, NYUNG NA MI NUS PA'I PHYIR RO, ,BZHI PA GO RIM NGES TSUL NI, GO RIM 'CHAD PA LTAR NGES PA YIN TE, SNGA MA SNGA MA SNGON DU MA SONG NA PHYI MA PHYI MA RNAMS MI 'BYUNG ZHING SONG NA 'BYUNG BA'I RJES SU 'GRO LDOG GRUB PA'I PHYIR, DE YANG MI SLOB PA'I ZUNG 'JUG GI SNGON DU SLOB PA'I ZUNG 'JUG 'GRO DGOS TE, DE THOB PA LA SNGON DU RIGS 'DRA'I RGYU THABS SHES NGO BO DBYER MED DU SBYOR BA'I ZUNG 'JUG GZHAN 'GRO DGOS PA'I PHYIR, SLOB PA'I ZUNG 'JUG GI SNGON DU DON GYI 'OD GSAL 'GRO DGOS SHING, DE'I SNGON DU RIM PA GSUM PA'I SGYU LUS 'GRO DGOS TE, ZUNG 'JUG NI RIGS 'DRA'I RGYU DE 'DRA BA LAS GRUB PA'I SKU CAN YIN PA'I PHYIR DANG, DE 'DRA BA'I SGYU LUS DE BAR DO DANG RNAM PA SHIN TU MTHUN ZHING DE'I SNGON DU 'CHI BA DANG RNAM PA SHIN TU MTHUN PA'I SEMS DBEN GYI RTOGS PA THOB DGOS, DE'I SNGON DU NGAG DBEN GYIS SNYING GA'I RTZA MDUD RDZOGS PAR GROL DGOS, DE'I SNGON DU DH'U T'I'I MAR SNA LTA BU LA GNAD DU BSNUN PA'I SGO NAS BDE CHEN LTAR SHAR BA'I LUS DBEN KHYAD PAR CAN THOB DGOS PA'I

PHYIR, DE DAG GI KHYAD PAR 'OG TU 'CHAD PAR 'GYUR RO, ,LNGA PA PHYE BA SO SO'I DON BSHAD PA LA GNYIS, DBEN PA GSUM GYI RDZOGS RIM DANG, BDEN PA GNYIS KYI RDZOGS RIM MO, ,DANG PO LA GSUM, LUS DBEN SKU RDO RJE, NGAG DBEN GSUNG RDO RJE, SEMS DBEN THUGS RDO RJE'I TING NGE 'DZIN LA BSLAB TSUL LO, ,DANG PO LA DRUG ,LUS DBEN RIM GNYIS GANG YIN, BSDUS ? BSKYED RIM DANG LUS DBEN KHYAD PAR CAN GYI GO RIM, LUS DBEN GYI NGOS 'DZIN, DE'I RAB DBYE, DE SOR BSAM GYI YAN LAG TU 'GYUR TSUL, DE JI LTAR NYAMS SU LEN PA'I TSUL LO, ,DANG PO NI, SNGA MA KHA CIG LUS DBEN RIL PO BSKYED RIM KHO NA DANG, YANG RDZOGS RIM KHO NAR 'DOD PA SOGS YOD KYANG, RANG LUGS NI LUS DBEN LA BSKYED RDZOGS GNYIS KA'I CHA YOD DE, LUS DBEN LA SPYIR STONG NYID RTOGS PA'I BLO'I GZUNG RNAM LHAR SHAR MA SHAR GNYIS YOD PA'I DANG PO LA ZHU BDES DES STONG NYID RTOGS MA RTOGS GNYIS RTOGS PA LA'ANG RLUNG DBU MA'I NANG DU THIM MA THIM GNYIS YOD PA LAS, SPYIR STONG NYID RTOGS PA DANG, ZHU BDE TZAM GYIS STONG NYID RTOGS PA'I BLO'I GZUNG RNAM LHAR SHAR BA NI BSKYED RIM LA'ANG YOD CING, DE YANG LHAG MOS LUS LA BSDU BA DANG, LUS DKYIL DANG, NYER BSDU DANG, YUL SNANG RDO RJE 'CHANG BSGOM PA'I SKABS SU YOD LA, RLUNG DBU MAR THIM PA'I SGO NAS ZHU BDES DES STONG NYID RTOGS PA'I BLO'I GZUNG RNAM LHAR SHAR BA'I TSUL GYIS PHUNG SOGS LHAR BSGOM PA'I LUS DBEN NI RDZOGS RIM GYI LUS DBEN DU 'JOG PA'I PHYIR, DE'I TSUL YANG, TSON RTZI GCIG NYID RI MO MKHAN GYI DBANG GIS RI MO SNA TSOGS SU SNANG BA DANG, GAR MKHAN GCIG NYID 'BAG CHAS KYI DBANG GIS GZUGS SNA TSOGS SU 'GYUR BA LTAR, BDE CHEN GYI GZUNG RNAM GCIG NYID RIGS LNGA LA SOGS PA'I LHA'I SKU SNA TSOGS SU SNANG BAR 'GYUR TE, JI SKAD DU, 'GRO BA 'DI KUN SANGS RGYAS LNGA BDAG NYID, ,GAR MKHAN DAG DANG RI MO BZANG LTAR SNANG, ,GANG DU BDE CHEN

, ,ZHES BYA GCIG BU NYID, ,GCIG BU NYAMS NI DU MA'I GAR MDZAD DO, ,ZHES GSUNGS PA'I PHYIR, ,DE LTA BU DE NYID 'BRAS DUS SU DNGOS GNAS SU YOD LA, LAM DUS SU NI BSGOMS STOBS KYIS 'BYUNG NGO, ,GNYIS PA BSKYED RIM DANG LUS DBEN KHRUD PAR CAN GYI GO RIM NGES TE, BSKYED RIM GYI SKABS SU LUS DBEN YOD KYANG PHAL PA'I TSUL GYIS 'BYUNG LA, RLUNG DBU MAR THIM PA LAS BYUNG BA'I LUS DBEN NI RDZOGS RIM NAS 'BYUNG BA YIN PA'I PHYIR TE, SPYIR BSKYED RIM RDZOGS RIM GYI RGYUD SMIN BYED YIN ZHING, BYE BRAG TU BSKYED RIM PA'I 'OG SGOR PHRA THIG BSGOMS PA NI RDZOGS RIM GYI PHRA MO'I RNAL 'BYOR GYI RGYUD SMIN BYED KHYAD PAR CAN YIN PA'I PHYIR TE, BSKYED RIM GYI SKABS SU DH'U T'I'I MAR SNAR THIG LE SNGON PO LA DMIGS PA RTZE GCIG TU GTAD NAS BSGOMS PAS, RLUNG DBU MAR ZHUGS GNAS THIM GSUM BYAS PA LAS BYUNG BA'I BDE CHEN GYI YE SHES NAM SKYES PA'I TSE, LUS DBEN RDZOGS RIM DU 'PHOS PAR 'JOG PA'I PHYIR RO, ,GSUM PA LUS DBEN NGOS 'DZIN LA, SNGA MA KHA CIG ,RANG GI LUS RAGS PA NYER LNGA'I NGO BOR LTA BA DE GZUGS KYI LUS DBEN DANG, LUS MI GTZANG BA'I RDZAS SO DRUG GI NGO BOR LTA BA DE RANG BZHIN GYI LUS DBEN, LUS SEMS TZAM GYI BDAG NYID DU LTA BA DE RNAM SHES KYI LUS DBEN, LUS LHAR BSGOMS PA DE TING NGE 'DZIN GYI LUS DBEN DU 'DOD KYANG DANG PO GSUM MI 'THAD CING, PHYI MA'I DBANG DU BYAS NA, DBEN GZHI DANG, DBEN BYED DANG, DBEN TSUL GSUM LAS DANG PO, RNAM SMIN GYI 'BYUNG LUS RAGS PA SPYI DANG, BYE BRAG PHUNG PO LNGA, KHAMS LNGA, DBANG PO LNGA, YUL LNGA, GZHI'I YE SHES LNGA STE NYER LNGA PO DE YIN, DE RNAMS LA CI'I PHYIR LUS ZHES BRJOD CE NA YOD DE, LUS KYI SKAD DOD K'A YA ZHES PA NI TSOGS PA DANG SPUNGS PA LA 'JUG PAS, SHA RUS BRDOS BCAS KYI PHUNG PO NI SHA'I

KHAM TSAD BSAGS PA'AM SPUNGS PA DANG, RAGS PA NYER LNGA'I GZUGS CAN RNAMS TSOGS PA'AM SPUNGS PA DANG, SEMS SEMS BYUNG RNAMS SKAD CIG SNGA PHYI'I TSOGS RGYUN DU MA DANG LDAN PAS NA LUS ZHES BRJOD PA YIN PA'I PHYIR, DBEN BYED NI LHAR MOS PA YIN LA, JI LTAR DBEN PA NI, THA MAL GYI SNANG ZHEN BGAG PA'I TSUL GYIS YIN NO, ,BZHI PA LA BZHI, DAM PA RIGS BRGYA'I LUS DBEN, DE NYID RIGS LNGA'I LUS DBEN, GSANG BA RIGS GSUM GYI LUS DBEN, GSANG CHEN RIGS GCIG GI LUS DBEN NO, ,DANG PO NI, RTZA RGYUD LAS, MDOR NA PHUNG PO LNGA RNAMS NI, ,SANGS RGYAS LNGAR NI RAB TU BSGRAGS, , ZHES GSUNGS PA LTAR GZUGS SOGS KYI PHUNG PO LNGA PO RE RE LA'ANG CHA SHAS LNGA LNGAR PHYE NAS, RIGS LNGA RE RE LA'ANG LNGA LNGAR PHYE BA'I TSUL GYIS SGOM PAR BYED PA NI PHUNG PO LNGA RIGS LNGAR SGOM PA'I LUS DBEN YIN TE, DE YANG DBYIBS KYI GZUGS DANG RNAM PA'I GZUGS DANG KHA DOG GI GZUGS DANG SNANG BA'I GZUGS DANG RIG BYED MA YIN PA'I GZUGS LNGA NI RNAM SNANG GI RNAM SNANG NAS RNAM SNANG GI MI BSKYOD PA'I BAR DU SGOM PAR BYED PA YIN LA, DE BZHIN DU BTANG SNYOMS KYI TSOR BA, BDE BA, SDUG BSNGAL, PAD RLUNG LAS BYUNG BA, 'DUS MKHRIS LAS BYUNG BA'I TSOR BA LNGA NI RIN 'BYUNG GI RNAM SNANG SOGS LNGA DANG, MI G-YO BA'I 'DU SHES DANG RKANG BZHI RKANG MED RKANG MANG RKANG GNYIS KYI 'DU SHES LNGA NI 'OD DPAG MED KYI RNAM SNANG SOGS LNGA DANG, LUS KYI 'DU BYED KHAMS GSUM NGAG THAR PA YID KYI 'DU BYED LNGA NI DON GRUB KYI RNAM SNANG SOGS LNGA DANG, MIG GI RNAM SHES SNA BA SNA LCE LUS KYI RNAM SHES LNGA NI RIM PA BZHIN DU MI BSKYOD PA'I RNAM SNANG NAS MI BSKYOD PA'I MI BSKYOD PA'I BAR DU SGOM PAR BYED PA YIN PA'I PHYIR, GNYIS PA NI RGYUD LAS, SA NI SPYAN ZHES BYA BA YIN, ,ZHES SOGS GSUNGS PA LTAR SA LA SOGS PA'I KHAMS BZHI YUM BZHIR SGOM PAR BYED PA NI KHAMS KYI LUS DBEN YIN TE, SA KHAMS

, ,LA PHYI NANG GNYIS LAS, NANG LA SKRA RUS PA SOGS DANG, PHYI LA RI RAB GLING BZHI STE PHYI NANG TSAN PA LNGA NI RIM PA BZHIN DU SPYAN MA'I RNAM SNANG SOGS DANG, CHU LA PHYI NANG GNYIS LAS NANG LA BAD KAN MCHE MA SOGS LNGA DANG, PHYI LA 'BAB CHU SOGS LNGA NI MA M'A KI'I RNAM SNANG SOGS DANG, ME LA GNYIS LAS NANG LA MGO PO'I DROD SOGS LNGA DANG, PHYI LA RDO LAS BYUNG BA'I ME SOGS LNGA NI GOS DKAR MO'I RNAM SNANG SOGS DANG, RLUNG LA GNYIS LAS NANG LA KHYAB BYED SOGS LNGA DANG, PHYI LA STENG RLUNG SOGS LNGA NI SGROL MA'I RNAM SNANG SOGS LNGAR SGOM PAR BYED PA YIN PA'I PHYIR, GSUM PA NI RGYUD LAS, RDO RJE'I SKYE MCHED BDAG NYID KYANG, ,BYANG CHUB SEMS DPA'I DKYIL 'KHOR MCHOG ,CES GSUNGS PA LTAR DBANG PO DRUG SEMS DPA' DRUG TU SGOM PA NI DBANG PO'I LUS DBEN YIN TE, DE YANG MIG GIS GZUGS GSUM 'DZIN PA SOGS LNGA NI SA SNYING GI RNAM SNANG SOGS DANG, RNA BA'I RANG BZHIN SOGS LNGA NI PHYAG RDOR GYI RNAM SNANG SOGS DANG, SNA'I RANG BZHIN SOGS LNGA NI NAM SNYING GI RNAM SNANG SOGS DANG, LCE'I RANG BZHIN SOGS LNGA NI 'JIG RTEN DBANG PHYUG GI RNAM SNANG SOGS DANG, LUS KYI DBANG PO SOGS LNGA NI SGRIB SEL GYI RNAM SNANG SOGS LNGAR SGOM PA YIN LA, GZHI DUS KYI ME LONG LTA BU'I YE SHES SOGS LNGA NI 'JAM DPAL GYI RNAM SNANG NAS DE'I MI BSKYOD PA'I BAR DU SGOM PAR BYED PA YIN PA'I PHYIR, BZHI PA NI RGYUD LAS, GZUGS SGRA LA SOGS SNGAGS PA YIS, ,LHA NYID DU NI RTAG TU BSGOM, ZHES GSUNGS PA LTAR GZUGS SOGS YUL LNGA RDO RJE MA LNGAR SGOM PAR BYED PA NI YUL GYI LUS DBEN YIN TE, DE YANG GZUGS SPYI TZAM PA SOGS LNGA NI GZUGS RDO RJE MA'I RNAM SNANG SOGS DANG, RNA BA'I NANG GI SGRA SOGS LNGA NI SGRA RDO RJE MA'I RNAM SNANG SOGS DANG, DRI SPYI TZAM PA SOGS LNGA NI DRI RDO RJE MA'I RNAM SNANG SOGS DANG, MNGAR BA'I RO SOGS LNGA NI RO RDO RJE MA'I RNAM SNANG SOGS LNGA DANG,

PHYAG RGYA DANG STAN GCIG PA'I REG BYA SOGS LNGA NI REG BYA RDO RJE MA'I RNAM SNANG SOGS LNGAR SGOM PAR BYED DGOS PA YIN PA'I PHYIR, RIGS BRGYA'I LHA RNAMS KYI RNAM SNANG GI RNAM SNANG DKAR PO DANG DE'I RIN 'BYUNG SER PO YIN PA SOGS SKU MDOG MI 'GYUR ZHING, PHYAG MTSAN NI RNAM SNANG GI RIGS LNGA THAMS CAD G-YAS 'KHOR LO RDO RJE PADMA DKAR PO, G-YON DRIL BU RIN CHEN RAL GRI 'DZIN PA YIN LA, DES GZHAN LA'ANG GO NUS SO, ,'DIR RIGS BRGYA BSHAD PA NI RGYUD KYI DNGOS ZIN GYI DBANG DU BYAS PA YIN GYI, SPYIR KHRO BO RNAMS DANG BYAMS PA KUN BZANG LA'ANG LNGA LNGAR DBYER RUNG BA YIN TE, LHA GZHAN LA RIGS LNGA LNGAR DBYER RUNG LA, DE BCU GNYIS LA LNGA LNGAR 'BYED MI RUNG BA'I KHYAD PAR MI 'THAD PA'I PHYIR RO, ,GNYIS PA RIGS BRGYA PO DE BSDU NA RIGS LNGAR 'DU BA YIN TE, RNAM SNANG NYI SHU PO RNAM SNANG GCIG TU SDUD PA NAS MI BSKYOD PA NYI SHU PO MI BSKYOD PA GCIG TU BSDUS TE SGOM PAR BYED PA'I PHYIR RO, ,GSUM PA NI LNGA PO DE YANG RIGS GSUM DU 'DU BA YIN TE, RIN 'BYUNG SKU RDO RJE RNAM SNANG, DON GRUB GSUNG RDO RJE 'OD DPAG MED, RDO RJE 'CHANG THUGS RDO RJE MI BSKYOD PAR BSDUS NAS SGOM PAR BYED PA YIN PA'I PHYIR TE, DE RNAMS DBEN GZHI LUS NGAG YID GSUM RNAM PAR DAG PA RDO RJE GSUM GYI RANG BZHIN DU 'DU BA'I PHYIR RO, , BZHI PA YOD DE, RIGS GSUM PO DE YANG RDO RJE 'CHANG GCIG TU BSDUS NAS SGOM PAR BYED PA YIN PA'I PHYIR RO, ,MDOR NA SNGAR JI SKAD BSHAD PA DE RNAMS NI RIGS BRGYA DANG LNGA DANG GSUM DANG GCIG GI LUS DBEN YIN TE, RGYUD PHYI MA LAS, DE NYID RNAM PA LNGA RU BSHAD, ,GSANG BA RNAM PA GSUM DU BSHAD, ,LHAG PA'I LHA NI GSANG CHEN TE, ,DAM PA'I RIGS NI RNAM PA BRGYA, ,ZHES GSUNGS PA'I PHYIR RO, ,LNGA PA NI, LUS DBEN MNYAM GZHAG LAS LANGS PA'I RJES THOB KYI SKABS SU MIG SOGS DBANG PO LNGA GZUGS SOGS YUL LNGA LA 'JUG PA'I TSE, YUL RNAMS BDE STONG GI RNAM ROL

, ,TU LTA ZHING YANG YANG LONGS SPYOD PA NI SOR SDUD YIN TE, RGYUD PHYI MA LAS, DBANG PO BCU PO RNAMS KYI YANG, ,RANG GI 'JUG GNAS THAMS CAD DU, ,'DOD PA SO SOR SDUD PAS NA, ,SO SOR SDUD PA ZHES BSHAD DO, ,ZHES GSUNGS PA'I PHYIR, DBANG PO BCU PO ZHES GSUNGS PA NI DBANG PO LNGA DANG DE'I YUL LNGA LA YANG DBANG PO'I SGRAS BRJOD PA YIN LA, 'DOD PA NI 'DIR 'DOD BYA YUL LNGA DANG, SO SOR NI YANG YANG GI DON YIN GYI, THA DAD PA'I SO SO PA'I DON MIN NO, ,SOR SDUD LA BRTEN NAS YUL LNGA LHAR SGOM PA'I RNAL 'BYOR NI BSAM GTAN YIN TE, RGYUD PHYI MA LAS 'DOD PA LNGA NI MDOR BSDUS NA, ,SANGS RGYAS LNGA RU SBYOR BA YIS, ,BRTAG PA BSAM GTAN ZHES BSHAD DO, ,ZHES GSUNGS PA'I PHYIR, BSAM GTAN DE LA NI YAN LAG LNGA YOD DE, DE'I TSE LHA'I NGO BO LA RTOGS PA NI RTOG PA'I YAN LAG DANG, ZHIB TU DPYOD PA NI SPYOD PA'I YAN LAG ,RTOG DPYOD GNYIS KYIS DRANGS PA'I STONG NYID RTOGS PA'I BDE CHEN GYI YID BDE NI DGA' BA'I YAN LAG ,DE DANG MTSUNGS LDAN GYI SHIN SBYANGS KYI BDE BA NI BDE BA'I YAN LAG ,DGA' BDE DE GNYIS DANG 'BREL BA'I STONG PA GSUM DANG, THAMS CAD STONG PA 'OD GSAL NI SEMS RTZE GCIG PA'I YAN LAG YIN TE, RGYUD PHYI MA LAS, GSANG BA GSUM BYUNG RTOG PA STE, ,DE YI LONGS SPYOD DPYOD PA'O, ,DGA' LA REG PA GSUM PA STE, ,BDE BAS BSDUS PA BZHI PA'O, ,SHES DANG SHES BYA BYUNG ZAD PA'I, ,RANG SEMS LNGA BAR SHES PAR BYA, ,SANGS RGYAS KUN GYI RANG BZHIN NI, ,THAMS CAD NAM MKHA' LA RAB GNAS, ,ZHES GSUNGS PA'I PHYIR, SHES PA DANG SHES BYA BYUNG BA ZAD PA'I DON YOD DE, SHES PA NI MIG GI RNAM SHES SOGS YUL CAN RNAMS DANG SHES BYA GZUGS SOGS YUL RNAMS STE, DE ZAD PA NI GZUNG 'DZIN RGYANGS CHAD DU SNANG BA BKAG NAS STONG PA'I 'OD GSAL BSGOM PAR BYA BA'I DON YIN

BA'I PHYIR RO, ,DRUG PA JI LTAR NYAMS SU LEN TSUL BSHAD PA LA GSUM, 'OG SGOR PHRA MO BSGOMS PAS RLUNG 'DU TSUL, ZHU BDE SKYE TSUL, SKYES PA'I TSE MNYAM RJES SU SKYONG TSUL LO, ,DANG PO NI, RDZOGS RIM SGOM PA'I RNAL 'BYOR PA DES, LUS DANG DUS DANG YUL DANG RLUNG GI GNAD BZHI LDAN GYIS BSGOM PAR BYA STE, LUS GNAD NA RNAM SNANG GI CHOS BDUN LDAN DANG, DUS NI SPYIR RGYUN DANG KHYAD PAR THO RANGS RIG PA DANGS BA'I DUS DANG PHYI DRO ME'I RLUNG DUS DANG, RLUNG NI 'BYUNG 'JUG RAN PAR BYED PA DANG, YUL NI SPYIR DH'U T'I'I NANG DANG SKABS 'DIR DE'I MAR SNE'I NOR BU'I NANG DU THIG LE PHRA MO LA DMIGS RTEN BYAS NAS SEMS ZHUGS PA BZHIN DU DMIGS NAS SGOM PAR BYED PA YIN PA'I PHYIR TE, RTZA RGYUD LE'U GSUM PA LAS, RIN CHEN CHEN PO KHA DOG LNGA, ,YUNGS DKAR GYI NI 'BRU TSAD TZAM, ,SNA YI RTZE MOR NAN TAN DU, ,RNAL 'BYOR CAN GYIS RTAG TU BSGOM, ,ZHES DANG, LE'U DRUG PAR YANG, AUTPAL MTHING GA'I MDOG 'DRA BA, ,RTZE MO LNGA PA KHYAD PAR DU, ,NAS KYI 'BRU TZAM NAN TAN GYIS, ,SNA YI RTZE MOR RNAM PAR BSAM, ,ZHES PA GNYIS KYIS BSTAN CING, DE'I DON RJES 'DUS PA'I SMON LAM LAS, NOR BUR THIG LE PHRA MOR SEMS BRTAN PAS, ,NYI MAS ZLA BA BZHUS PA'I BDUD RTZI'I RGYUN, ,LUGS 'BYUNG LUGS LDOG RIM PAS DRANGS PA YI, ,YAS BABS MAS BRTAN DGA' BZHI SKYE BAR SHOG ,CES GSUNGS PA LTAR YIN PA'I PHYIR, DE LTAR BSGOMS PAS RLUNG SEMS 'JUG PA GCIG PA'I GNAD KYIS GANG DU SEMS BZUNG BA DER RLUNG YANG RIM GYIS 'DUS TE RLUNG DBU MAR ZHUGS GNAS THIM GSUM BYED PA DE 'BYUNG ZHING, DE LA BRTEN NAS 'OD GSAL YANG 'CHAR LA, DE'I RTAGS JI LTAR 'BYUNG BA'I TSUL YOD DE, RLUNG ZHUGS PA'I RTAGS LA SNA BUG GNYIS NAS MNYAM RGYU SHED MTSUNGS SU 'BYUNG, GNAS PA NA SNA BUG GI RGYU BA CHAD, THIM PA LA, SA KHAMS THIM PAS

, ,SMIG RGYU LTA BU, CHU THIM PAS DU BA, ME THIM BAS ME 'KHYER, RLUNG THIM PAS MAR ME LTA BU'I SNANG BA 'CHAR BA'I PHYIR TE, ZHAL LUNG LAS, DE NAS GSANG BA'I THIG LE CHE, ,RAB TU PHRA THA GONG MA BZHIN, ,RANG SEMS DAL BU DAL BUS BZUNG, DNGOS PO MED PA'I GNAS SU 'GYUR, ,DE YANG BZUNG BA GOMS PA YIS, ,PHYIN LOG PA NI RNAM PAR LDOG ,SMIG RGYU LTA BUR SNAD PA NI, RTAGS NI DANG POR SHES PAR BYA, ,ZHES SOGS DANG, RGYUD PHYI MA LAS KYANG, MTSAN MA'I KHAMS NI RNAM PA LNGAR, ,BYANG CHUB RDO RJES GSUNGS PA YI, ,SMIG RGYU 'DRA BA DANG PO STE, ,DU BA LTA BU GNYIS PA YIN, ,MKHA' SNANG 'DRA BA GSUM PA STE, ,MAR ME LTAR 'BAR BZHI PA'O, ,SPRIN MED NAM MKHA' LTA BUR NI, ,RTAG TU SNANG BA LNGA PA'O, ,ZHES GSUNGS PA'I PHYIR, GNYIS PA NI, SPYIR GTUM MO SBAR NAS BYANG SEMS SPYI BO NAS ZHU BA LA NI LAM BSGOM MI DGOS, ,DE NI LAM MI SGOM PA LA'ANG 'BYUNG BA'I PHYIR RO, ,LAM BSGOMS NAS GTUM MO SBAR TE BYANG SEMS BZHUS PA'I DGOS PA NI, BDE BA 'BYUNG BA TZAM GYI CHED MIN GYI, LHAN SKYES KYI BDE CHEN BSKYED PA'I CHED DU YIN LA, DE RDZOGS PAR SKYE BA LA NI BYANG SEMS LTE BA MAN CHAD DANG, KHYAD PAR DU NOR BU'I RTZER SLEBS PA RE ZHIG 'DZIN NUS PA CIG DGOS TE, DE MED NA LHAN SKYES MTSAN NYID TSANG BA MI SKYE BA'I PHYIR, RLUNG THIM PA'I DBANG GIS BYANG SEMS ZHU BA NI, LHAN SKYES MA SKYES PAR DU PHYIR MI 'PHO STE, DE PHYIR BSKYOD PA'I RLUNG GI 'JUG PA ZHI NAS SKABS DER MA SKYES PA'I PHYIR RO, ,BYANG SEMS SPYI BO NAS MGRIN PA, DE NAS SNYING GA ,DE NAS LTE BA, DE NAS GSANG GNAS RNAMS SU SLEBS PA NA RIM PA BZHIN DU DGA' BA, MCHOG DGA', KHYAD PAR GYI DGA' BA, LHAN SKYES KYI DGA' BA STE LUGS 'BYUNG DANG, DE LAS LDOG PA'I LUGS LDOG GI DGA' BA BZHI SKYE BA YIN TE, RDO RJE 'PHRENG BA LAS, DE RJES LUGS 'BYUNG BSHAD BYA STE

BDE CHEN 'KHOR LO SPYI BO LA, ,DE NI DGA' BAR BSHAD PA YIN, ,LONGS SPYOD 'KHOR LO MCHOG DGA' DANG, ,DGA' BRAL CHOS KYI 'KHOR LOR GNAS, ,SPRUL PA'I 'KHOR LOR LHAN CIG SKYES, ,DGA' BA NYAMS SU MYONG BAR BYED, ,CES DANG, SPRUL PA'I 'KHOR LOR DGA' BA DANG, ,MCHOG DGA' CHOS KYI 'KHOR LOR GNAS, ,LONGS SPYOD BRAL BA'I DGA' BA DANG, ,LHAN CIG SKYES DANG BDE BA CHE, ,LUGS LDOG RIM PA ZHES NI GSUNGS, ,ZHES GSUNGS PA'I PHYIR, YAR MAR GYI DGA' BA RE RE LA BZHI BZHIR PHYE NAS BCU DRUG DANG, GSUM GSUM DU PHYE NAS BCU GNYIS SU 'GYUR BA YIN TE, BYANG SEMS DKAR PO 'BAB PA'I LDOG CHA NAS BCU DRUG DANG, DMAR PO 'BAB PA'I LDOG CHA NAS BCU GNYIS SU 'JOG PA'I PHYIR TE, PHYAG CHEN THIG LE LAS, RI BONG MTSAN MA'I CHA 'DI RNAMS, ,DGA' BA'I THIG LE BCU DRUG STE, ,A'A LI'I NGO BOR SHES PAR BYA, ,'KHOR LO BZHI RU RIM PA LAS, ,JI SKAD BSHAD RNAMS DE LTA NA'ANG, NYI MA BCU GNYIS RNAMS SU BSHAD, ,CES GSUNGS PA'I PHYIR, DE'I TSUL YOD DE, SPYI BO NAS MGRIN PA'I BAR CHA MNYAM BZHIR PHYE BA'I CHA MNYAM DANG POR BYANG SEMS SLEBS PA NA DGA' BA, GNYIS PAR MCHOG DGA', GSUM PAR KHYAD DGA', BZHI PAR LHAN SKYES KYI DGA' BA MYONG BA YIN LA DE BZHIN DU GNAS GZHAN LA'ANG RIGS 'GRE BA DANG, SPYI BO NAS MGRIN PA'I BAR CHA MNYAM GSUM DU PHYE NAS DANG POR DGA' BA CHUNG NGU, BAR BAR 'BRING, GSUM PAR DGA' BA CHEN PO MYONG BAR 'JOG CING DES GZHAN GSUM PA'ANG SBYOR PA YIN PA'I PHYIR, LUGS LDOG GI TSE BYANG SEMS DMIGS PAS GYEN DU ZLOG DGOS TE, RDOR 'PHRENG LAS, DE NYID STENG DU RGYU BA NI, ,RNAL 'BYOR PAS NI SGRUB PAR BYED, ,CES GSUNGS PA'I PHYIR, YAS BABS KYI DGA' BA LAS MAS BRTAN GYI DGA' BA KHYAD PAR DU 'PHAGS PA YIN TE, MAS BRTAN GYI DGA' BZHI GANG RUNG LA LHAN SKYES KYIS KHYAB PA'I PHYIR

, ,TE, YAS BABS KYI 'OD GSAL GYI MNYAM GZHAG GI RGYUN LAS MA LANGS PAR MAS BRTAN GYI DGA' BZHI 'DREN PAR BSHAD PA'I PHYIR RO, ,MAS BRTAN RDZOGS PAR 'DREN PA LA SNYING GA'I RTZA MDUD LHOD DU 'GRO DGOS TE, DE MA SONG NA MAS BRTAN GYI LHAN SKYES RDZOGS PAR 'DREN MI NUS PA'I PHYIR RO, ,GSUM PA MNYAM RJES SU SKYONG TSUL NI, PHRA MO'I RNAL 'BYOR BSHAD PA LTAR BSGOMS PAS RLUNG DBU MAR ZHUGS GNAS THIM GSUM BYAS STOBS KYIS, BYANG SEMS DKAR PO SPYI BO NAS DBU MA'I NANG DU BABS PAS REG BYA KHYAD PAR CAN SKYE, DES GZUNG DON DANG LUS DBANG KHYAD PAR CAN GYIS BDAG RKYEN BYAS NAS DBANG SHES KYI NGO BOR GYUR PA'I TSOR BA BDE BA SKYE, DES DE MA THAG RKYEN BYAS NAS YID SHES KYI 'KHOR GYI TSOR BA BDE BA SKYE, BDE BA DE NYID KYIS STONG NYID RTOGS PA'I BDE STONG BYER MED DU SBYAR NAS MNYAM BAR 'JOG CING, RJES THOB TU CHOS THAMS CAD RTOG PAS BTAGS TZAM MA GTOGS, RANG BZHIN GYIS GRUB PA RDUL TZAM YANG MED PA'I SNANG STONG TSOGS PA'I SGYU MA LTA BUR LTA BA DANG, CHOS THAMS CAD RANG BZHIN GYIS STONG YANG CHOS CAN SNA TSOGS SU 'CHAR BA NI RO GCIG DU MAR 'CHAR TSUL DANG, SNA TSOGS PA'I CHOS CAN RNAMS KYANG STONG PA'I NGANG DU RO GCIG TU LTA BA NI DU MA RO GCIG TU 'CHAR BA'I TSUL YIN PAR SHES NAS GANG SHAR STONG PA'I RNAM ROL YIN PA DE BZHIN DU, STONG NYID RTOGS PA'I BDE BA'I RNAM ROL YANG YIN PAR SHES SHING, DE LTA BU'I BDE STONG DBYER MED KYI YE SHES KYI GZUNG RNAM RIGS BRGYA LA SOGS PA'I LHAR 'CHAR PA LA SLOB PA YIN TE, SA RA HAS, BDE BA CHEN PO'I MCHOG BDE LA, ,BDAG DANG GZHAN DU YOD MA YIN, MDUN DANG RGYAB DANG PHYOGS BCU RU, GANG GANG MTHONG BA DE DE NYID, ,DE RING NYID DU MGON POR LTA 'KHRUL 'CHAR, ZHES DANG, RJES SMON LAM LAS, DE LAS LANGS TSE GANG SHAR SNANG BA KUN, RIGS BRGYA RIGS LNGA RIGS GSUM RIGS GCIG TU, ,'CHAR BA'I SKU YI RDO RJE'I TING

'DZIN GYIS, ,LUS DBEN SOR SDUD BSAM GTAN RDZOGS PAR SHOG ,ZHES GSUNGS PA'I PHYIR, GNYIS PA NGAG DBEN LA DRUG ,LUS DBEN DANG NGAG DBEN GYI GO RIM, NGAG DBEN BSKYED RIM DU 'DOD PA DGAG PA, NGAG DBEN GYI SHES BYA RLUNG GI DE NYID, SNGAGS KYI DE NYID NGAG DBEN SROG RTZOL GYI YAN LAG TU 'BYUNG TSUL, NGAG DBEN JI LTAR NYAMS SU LEN PA'I TSUL LO, ,DANG PO NI, LUS DBEN DANG NGAG DBEN GYI GO RIM NGES TE, NGAG DBEN GSUNG RDO RJE'I RNAL 'BYOR GYI SNGON DU LUS DBEN SKU RDO RJE'I RNAL 'BYOR 'GRO DGOS PA'I PHYIR TE, NGAG DBEN GYI RDOR BZLAS MTSAN NYID PA BYED PA PO LA LUS DBEN SKU RDO RJE'I RNAL 'BYOR THOB PA CIG DGOS PA'I PHYIR NGAG RDOR ZLAS KYIS SNYING GA'I RTZA MDUD RDZOGS PAR GROL PAR BYED PA LA, DE'I SNGON DU DH'U T'I'I MAR SNA SOGS KYI RTZA MDUD GZHAN GROL DGOS PA'I PHYIR, PHYI MA GRUB STE, GZHAN GROL NA SNYING GA'I RTZA MDUD GROL SLA LA, MA GROL NA NI DE GROL DKA' BA'I PHYIR RO, ,GNYIS PA LA KHA CIG NGAG DBEN BSKYED RIM DU 'DOD PA NI MI 'THOB DE, SPYOD BSDUS LAS, NGAG DBEN BSKYED RIM PA'I MNGON SUM GYI YUL MA YIN PAR DE LAS 'DAS PAR BSHAD PA'I PHYIR DANG, RIM LNGAR RDZOGS RIM GYI RIM PA LNGA BSHAD PA'I GO RIM GYIS KYANG GNOD PA'I PHYIR RO, ,GSUM PA LA BDUN, RLUNG NGAG RDOR BZLAS GSUM LA RIM GYIS BSLAB PA'I DON, RLUNG NGAG DE NYID SHES PA DANG MI SHES PA'I SKYON YON, RLUNG GI DBYE BA, PHYE BA SO SO'I DON, RLUNG RNAMS JI LTAR 'PHO TSUL, RLUNG GI BYED LAS, DE LA BRTEN NAS NYAMS LEN GYI GNAD SHES TSUL LO, ,DANG PO NI, THOG MAR RLUNG GI DE NYID DANG, DE NAS SNGAGS KYI DE NYID GNYIS THOS BSAM GYIS SHES PAR BYAS NAS, DE RJES RLUNG NGAG DBYER MED KYI RDOR BZLAS LA 'JUG DGOS PA YIN TE, RIM LNGA LAS, RLUNG GI DE NYID RIM GYIS NI, ,SNGAGS KYI DE NYID YANG DAG 'JUG ,SNGAGS KYI BSKYED PA RTOGS NAS NI, ,RDO RJE BZLAS PA LA NI SLOB, ,CES GSUNGS PA'I PHYIR, GNYIS PA NI, RLUNG GI DE NYID SHES NAS BSGOMS PAS PHAN YON CHEN PO DANG, MA SHES SHING MA BSGOM NA

, ,NYES DMIGS CHE BA YIN TE, RNAL 'BYOR PAS NI RLUNG BSGOMS NA, ,MYUR DU DNGOS GRUB THOB PAR 'GYUR, ,ZHES DANG, SDOM 'BYUNG LAS, RLUNG GI RNAL 'BYOR MI SHES DANG, ,GANG ZHIG SHES KYANG MI SGOM PA, ,DE NI SDUG BSNGAL SNA TSOGS KYIS, ,NYER 'TSE 'KHOR BA'I SRIN BUR 'GYUR, ,ZHES GSUNGS PA'I PHYIR, GSUM PA NI, RLUNG BCU MING GI RNAM GRANGS KYI SGO NAS BSTAN TSUL YOD DE, YE SHES RDO RJE KUN LAS BTUS LAS, RLUNG BCU LA KO tA KHYA LA SOGS PA SGRA JI BZHIN PA MA YIN PAR GSUNGS LA, RDO RJE'I SGO'I RGYUD LAS, SROG 'DZIN, THUR SEL, MNYAM GNAS, GYEN RGYU, KHYAB BYED DE RTZA BA'I RLUNG LNGA DANG, RGYU BA, RNAM PAR RGYU BA, YANG DAG PAR RGYU BA, RAB TU RGYU BA, NGES PAR RGYU BA STE YAN LAG GI RLUNG LNGA SGRA JI BZHIN PAR GSUNGS SHING, RGYUD RDOR 'PHRENG DANG LUNG STON GNYIS LAS, RTZA BA'I RLUNG LNGA SGRA JI BZHIN PA DANG, PHYI MA LNGA LA, KLU DANG RUS SBAL RTZANGS PA DANG, ,LHAS SBYIN DANG NI GZHU LAS RGYAL, ,ZHES SGRA JI BZHIN PA MA YIN PAR BSHAD PA'I PHYIR RO, ,BZHI PA LA GSUM, RTZA BA'I RLUNG GI DON, YAN LAG GI RLUNG GI DON, RLUNG GNYIS THUN MONG BA'I DON BSHAD PA'O, ,DANG PO LA, SNGAR BSHAD PA LTAR RTZA BA'I RLUNG LNGA NI RIM PA BZHIN MGON PO LNGA'I RLUNG DU 'JOG TSUL YOD DE, MI BSKYOD PA, RIN 'BYUNG, DON GRUB, 'OD DPAG MED, RNAM SNANG GI RLUNG DU 'JOG PA'I PHYIR, DE LHA MO'I DBANG DU BYAS NAS SBYOR TSUL YOD DE, MA M'A KI, SPYAN MA, SGROL MA, GOS DKAR, SPYAN MA'I RLUNG DU'ANG 'GYUR BA'I PHYIR, 'BYUNG BA'I DBANG DU BYAS NAS 'JOG TSUL YOD DE, CHU SA RLUNG ME NAM MKHA'I RLUNG YIN PA'I PHYIR, KHA DOG GI RIM PAR 'JOG TSUL YOD DE DKAR SER LJANG DMAR SNGON PO YIN PA'I PHYIR, GNAS KYI KHYAD PAR YOD DE, SNYING KHA GSANG GNAS LTE BA MGRIN PA LUS KYI TSIGS RNAMS LA GNAS PA'I PHYIR, SROG 'DZIN LA PHRA RAGS GNYIS LAS, SHIN TU PHRA BA NI SNYING GA'I DH'U T'E DBUS NA YOD DE, RDO RJE SNYING PO RGYAN LAS, SNYING GA'I

SHIGS PA, ,GSAL SHING MAR ME DAG DANG MTSUNGS, ,MI 'GYUR MCHOG TU PHRA BA STE, ,AA NI GTZO BO DAM PA'O, ,ZHES GSUNGS PA'I PHYIR, DE NI RLUNG MI SHIGS PA YIN LA, SPYIR MI SHIGS PA DE LA DU MA YOD DE, BYANG SEMS MI SHIGS PA DANG, GZHI'I 'OD GSAL DANG, PHRAG 'DZIN PHRA BA RNAMS SU YOD PA'I PHYIR RO, , RGYU TSUL GYI KHYAD PAR YOD DE, SROG 'DZIN, THUR SEL, MNYAM GNAS, GYEN RGYU, KHYAB BYED RNAMS RIM PA BZHIN DU SNA BUG GNYIS GNAS DAL BAR RGYU BA DANG, GNYIS KA NAS DRAG TU RGYU BA DANG, G-YON RKYANG NAS DAL BAR RGYU BA DANG, G-YAS RKYANG NAS DRAG TU RGYU BA DANG, GZHAL 'CHI DUS MI GTOGS MA RGYU BA'I PHYIR, DE NI RE RES GTZO BYAS NAS RGYU BA'I TSUL YIN GYI, GCIG GTZO BO DANG GZHAN GSUM 'KHOR DU BYAS NAS RGYU TSUL YOD DE, GYEN RGYU LTA BU GCIG LA MTSON NA, GYEN RGYU'I KHA DOG DMAR PO YIN PAS DE'I SHAN GYIS SROG 'DZIN LA DKAR LA DMAR BA'I MDANGS CHAGS, THUR SEL LA DMAR, MNYAM GNAS LJANG LA DMAR BA STE, 'JA' TSON BZHIN DU BYAS NAS RGYU BA'I PHYIR TE, RTZA RGYUD LE'U DRUG PA LAS, 'KHOR YANG KHYAD PAR DAG TU SPRO, ,ZHES GSUNGS PA'I PHYIR, DE LTAR 'JUG LDANG BYED PA'I RTZA BA'I GNAS YOD DE, RDOR 'PHRENG LAS, LKOG MA SNYING GA LTE BA DANG, ,GSANG BA'I PADMAR 'GRO 'ONG STON, ,ZHES GSUNGS PA LTAR YIN PA'I PHYIR, MGON PO BZHI'I RLUNG BZHI GANG RUNG RES GTZO BYAS NAS SNGAR LTAR DGU BRGYA BA PHRAG RE RGYU BA DE LA, LHA MO BZHIS BGOS PA'I TSE NYIS BRGYA NYER LNGA RE THOB LA, DE'I DBANG DU BYAS PA'I RGYU TSUL YOD DE, DE'I TSE MGON PO GANG GI RLUNG YIN PA'I MGON PO DE'I YUM GYI RLUNG GIS GTZO BOR BYAS NAS LHA MO BZHI'I RLUNG RIM PAR RGYU BA'I PHYIR TE, GYEN RGYUS GTZO BO BYAS NAS RGYU BA'I TSE NYIS BRGYA NYER LNGA PA DANG PO GOS DKAR MO'I RLUNG SNA BU'I STENG LA BRDAR NAS RGYU BA DANG, DE NAS NYIS BRGYA NYER LNGA PA GCIG SGROL MA'I RLUNG SNA BUG GI LOGS SU BRDAR NAS RGYU BA DANG, DE NAS NYIS BRGYA NYER LNGA PA GCIG SPYAN MA'I RLUNG SNA BUG GI DBUS THAD NAS RGYU BA

, ,DANG, DE NAS NYIS BRGYA NYER LNGA PA GCIG MA M'A KI'I RLUNG SNA BUG GI 'OG NGOS SU BRDAR NAS RGYU ZHING, DE YANG 'BYUNG BA CHUNG BA'I DBANG DU BYAS PA YIN PA'I PHYIR TE, LUNG STON LAS, GOS DKAR LA SOGS RIM BZHIN DU, ,STENG DANG GSEG DANG THAD KA 'OG ,ME DANG RLUNG DANG DBANG CHEN DANG, ,CHU STE SO SO'I DKYIL 'KHOR RO, ,ZHES GSUNGS PA'I PHYIR, DE LTAR NA 'BYUNG CHEN GYI DBANG DU BYAS PA'I MGON PO BZHI'I RLUNG DUS MNYAM DU RGYU YANG, 'BYUNG CHUNG GI DBANG DU BYAS PA'I LHA MO BZHI'I RLUNG RIM CAN KHO NAR RGYU STE, GCIG RJES SU GCIG RGYU BA BSHAD MA THAG PA LTAR YIN PA'I PHYIR RO, ,GNYIS PA YAN LAG GI RLUNG LA RGYU BA LA SOGS PA'I LNGA PO DE MGON PO LNGA'I RLUNG DU 'JOG TSUL YOD DE, RGYU BA RNAM SNANG, RNAM PAR RGYU BA RIN 'BYUNG, YANG DAG PAR RGYU BA 'OD DPAG MED, RAB TU RGYU BA DON GRUB, NGES PAR RGYU BA MI BSKYOD PA'I RLUNG YIN PA'I PHYIR, LHA MO'I DBANG DU BYAS NAS BSKYOD TSUL YOD DE, RIM PA BZHIN GZUGS SGRA DRI RO REG BYA RDO RJE'I RLUNG DANG, 'BYUNG BA'I DBANG DU BYAS NA CHU ME RLUNG NAM MKHA'I RLUNG, KHA DOG NI DMAR SNGO SER DKAR LJANG, GNAS NI SNYING GA'I SUM SGOR MA LA SOGS PA'I RTZA 'DAB LNGA NAS RIM GYIS BRGYUD DE, MIG RNA BA SNA LCE LUS DBANG GI CHA RNAMS SU RGYU BA'I PHYIR, YAN LAG GI RLUNG LNGA PO DE RNAMS DANG SROG 'DZIN RAGS PA STE DRUG GI STENG NAS GZUNG 'DZIN GYI RNAM RTOG BSKYED PA'I LDOG CHA NAS RLUNG BCU GNYIS SU 'GYUR BA YIN TE, RLUNG RANG RANG LA BRTEN PA'I RNAM SHES DRUG PO YUL DRUG LA G-YO ZHING 'DZIN PA'I CHA NAS 'DZIN PA'I RLUNG DRUG DANG, YUL DRUG GSAL BAR SNANG BA DANG BZUNG BA'I CHA NAS GZUNG BA'I RLUNG DRUG TU 'JOG PA'I PHYIR, SMON LAM LAS, GZUNG DANG 'DZIN PA'I RNAM RTOG BSKYED PA'I RLUNG, ,BCU GNYIS MI SHIGS THIG LER SDUD PAR SHOG ,CES GSUNGS PA NI 'DI BCU GNYIS LA DGONGS PA YIN NO, ,GSUM PA RLUNG RNAMS KYIS THUN MONG DU JI LTAR BYED PA'I

TSUL YOD DE, SPYIR RLUNG BCU MNGAL DU 'CHAGS PAR BSHAD KYANG PHYIR MA BTZAS BAR DU DBANG PO'I SGOR 'BYUNG 'JUG MI BYED CING, BTZAS NAS AA THUNG GI GZHIR GYUR TE NGAG SMRA BRJOD KYI BYA BA BYED LA, KHYAD PAR DU RTZA BA'I RLUNG GIS NI LUS G-YO 'GUL GYI BYA BA BYED, YAN LAG GI RLUNG GIS NI DBANG SHES YUL LA 'JUG PA'I BYA BA BYED CING, RNAL 'BYOR BA LA YI GE GSUM GYI GZHIR GYUR NAS RDOR BZLAS KYI BYA BA BYED PA DANG, SNYING GA'I MI SHIG PA LA THIM NAS GZHI LAM GYI 'OD GSAL 'CHAR BA SOGS KYI BYA BA BYED PA'I PHYIR, RNAM SHES YUL LA G-YO BA RLUNG GIS BYED PAS, RNAM SHES KYI BZHON PA NI 'DIR RLUNG YIN TE, RIM LNGA LAS, 'DI NI RNAM SHES BZHON PA STE, ,ZHES DANG, LUNG STON LAS, 'GRO BA YUL SOGS LAS BYED PA, ,'DIR NI DE LA BRTEN PA YIN, ,ZHES GSUNGS PA'I PHYIR, RNAM SHES RLUNG GIS G-YO BA'I DON NI RLUNG GROGS SU YOD PA'I SGO NAS RNAM SHES YUL LA 'JUG PA'I RGYU MTSAN GYIS YIN GYI, GZUGS G-YO BA BZHIN DU RNAM SHES LA G-YO 'GUL BYAR MED LA, RNAM SHES KYI BZHON PA YIN PA'I DON NI, RLUNG DANG RNAM SHES GNYIS MI RTA BZHIN DU NGO BO THA DAD PA'I TSUL DU YOD PAS MIN GYI, NGO BO GCIG LA LDOG PA THA DAD PA'I TSUL GYIS RTEN DANG BRTEN PA DPER NA, MAR ME DANG DE'I 'OD BZHIN DU 'GROGS NAS YUL LA 'JUG PAS YIN NO, ,YANG ZHA BO MIG CAN DANG LONG PA RKANG CAN GYI DPE LTAR PHAN TSUN BRTEN NAS YUL BGROD PA YIN YANG NGO BO THA DAD MIN ZHING, YUL GSAL BAR 'CHAR MI 'CHAR GNYIS YOD DO, ,LNGA PA LA GSUM, SNA BUG GI 'PHO BA, DKYIL 'KHOR GYI 'PHO BA, RTZA 'DAB KYI 'PHO BA'O, ,DANG PO NI, 'DIR ZHAG GCIG LA DBUGS 'BYUNG 'JUG GNYIS LA GCIG TU BYAS PA'I NYI KHRI CHIG STONG DRUG BRGYAR RGYU BA'I DBANG DU BYAS TE SNA BUG GI RGYU TSUL YOD DE, SROG THUR GNYIS KYIS GTZO BO BYAS NAS DGU BRGYA BA PHRAG BCU GNYIS RGYU BA'I TSE, SNA BUG GNYIS GA NAS DUS MNYAM DU RGYU BAS SNA BUG MI 'PHO LA, MI MNYAM GNYIS

, ,KYIS GTZO BYAS NAS DGU BRGYA PA PHRAG BCU GNYIS RGYU BA'I TSE RE RE LA 'PHO BA DRUG DRUG STE BCU GNYIS SU 'GYUR BA'I PHYIR, GNYIS PA YOD DE, DKYIL 'KHOR CHE BA'I DBANG DU BYAS NA BZHI PO RE RE LA 'PHO BA DRUG DRUG STE NYER BZHIR NGES LA, CHUNG BA'I DBANG DU BYAS NA, CHE BA'I 'PHO BA RE RE LA'ANG CHUNG BA'I 'PHO BA BZHI BZHI STE 'PHO CHUNG GO DRUG TU 'GYUR BA'I PHYIR, MA RGYUD SDOM 'BYUNG DANG BRTAG GNYIS LAS CUNG ZAD MI 'DRA BA ZHIG BSHAD DE, NYIN ZHAG GCIG LA DKYIL 'KHOR CHE BA'I 'PHO BA BCU DRUG DANG, DE LA LHA MO GNYIS BSGYUR BAS 'PHO CHUNG RE BZHIR BSHAD CING, DE YANG SNA BUG GI 'PHO BA BRGYAD DANG, SNA BUG MI 'PHO YANG DKYIL 'KHOR GYI 'PHO BA BRGYAD DU 'GYUR BA'I PHYIR, GSUM PA NI MA RGYUD NAS 'BYUNG BA LTAR YIN TE, DE YANG PHYI LA DBYUG GU DRUG RTZA BZHI YOD PA LTAR, NANG LA ZHAG GCIG GI NANG DU LTE BA'I RTZA 'DAB RE BZHI NAS DBYUG GU RE BZHI'I RLUNG RGYU, PHYI LA CHU TSOD SO GNYIS YOD PA LTAR, NANG LA SPYI BO'I RTZA 'DAB SO GNYIS NAS CHU TSOD SO GNYIS KYI RLUNG RGYU, PHYI LA 'PHO BA BCU DRUG YOD PA LTAR, NANG LA MGRIN PA'I RTZA 'DAB BCU DRUG NAS 'PHO BA BCU DRUG GI RLUNG RGYU, PHYI LA THUN TSOD BRGYAD YOD PA LTAR NANG DU SNYING GA'I RTZA 'DAB BRGYAD NAS THUN TSOD BRGYAD KYI RLUNG RGYU ZHING, DE YANG LTE BA, SPYI BO, MGRIN PA, SNYING GA'I RTZA 'DAB RNAMS LAS PHYI MA LAS SNGA MA NYIS 'GYUR YIN PAS, LTE BA'I RTZA 'DAB GNYIS KYI RGYU BA RDZOGS PA NA SPYI BO'I RTZA 'DAB GCIG NAS GNYIS PAR 'PHO BA DANG, SPYI BO'I RTZA 'DAB GNYIS RDZOGS PA DANG MGRIN PA'I RTZA 'DAB GCIG NAS GNYIS PAR 'PHO BA DANG, MGRIN PA'I RTZA 'DAB GNYIS RDZOGS PA DANG, SNYING GA'I RTZA 'DAB GCIG NAS GNYIS PAR 'PHO BA DUS MNYAM PA'I PHYIR RO, ,'O NA RLUNG BZHI PO SNA BUG GI 'PHO TSUL SOGS DE LTAR YIN NA, RO RKYANG DBU MA GSUM PO GANG LAS RLUNG GANG RGYU BA YIN ZHI NA

YOD DE, GYEN RGYU GTZO BOR RO MA DANG, MNYAM GNAS GTZO BOR RKYANG MA NAS RGYU ZHING, SROG THUR GNYIS RO RKYANG NAS MTSUNGS PAR RGYU BA'I PHYIR, DES NA RO RKYANG NAS RLUNG RGYU BA LA RES 'JOG DANG DUS MNYAM DU RGYU BA GNYIS YOD DE, ME MNYAM GNYIS GANG RUNG GIS GTZO BYAS NAS RGYU BA'I TSE RES 'JOG TU RGYU LA, SROG THUR GNYIS GANG RUNG GIS GTZO BYAS NAS RGYU BA'I TSE DUS MNYAM DU RGYU BA'I PHYIR, ZHAG RNAMS KYI THOG MAR RLUNG GANG RGYU TSUL YOD DE, RLUNG LTAS MA LOG PA DANG KHAMS SNYOMS PA'I DBANG DU BYAS TE DKAR PHYOGS KYI TSES GCIG GNYIS GSUM GYI SNGA DRO DANG PO MNYAM GNAS KYIS GTZO BYAS NAS DGU BRGYA PA PHRAG GCIG SNA BUG G-YON RKYANG DANG, BZHI LNGA DRUG GI SNGA DRO GYEN RGYUS GTZO BYAS NAS G-YAS RKYANG NAS RGYU BA DANG, YANG NAG PHYOGS KYI GCIG GNYIS GSUM GYI SNGA DRO DANG PO GYEN RGYUS GTZO BYAS NAS GA-YAS RKYANG NAS DANG, BZHI LNGA DRUG GI SNGA DRO MNYAM GNAS KYIS GTZO BYAS NAS DGU BRGYA PA PHRAG GCIG G-YON RKYANG NAS RGYU BA DANG, DE BZHIN DU DKAR NAG GI PHYOGS LA RE MOS SU RGYU BA'I PHYIR TE, SDOM 'BYUNG LAS, DKAR PO RNAMS KYI TSES GCIG NAS, ,YANG DAG 'RTZAMS TE NYIN GSUM RLUNG, ,ZLA BA LA RGYU THUN PHYED LA, ,DE NAS NYIN GSUM NYI MA LA, ,YONGS RGYU'I TSUL GYIS JI SRID RLUNG, ,DKAR PO'I TSES NI BCO LNGA'I BAR, ZHES DANG, NAG PO'I PHYOGS KYI TSES GCIG NAS, ,BRTZAMS TE NYI MA GSUM DU RLUNG, ,NYI MAR BRJOD LA SNGA DRO RGYU, ,JI SRID TSES NI BCO LNGA'I BAR, ,ZHES GSUNGS PA'I PHYIR, DE LTA BU'I RLUNG LTAS DE LOG NA SKYON JI LTAR 'BYUNG BA'I TSUL YOD DE, DE NYID LAS, NYI MA DRUG TU LOG PA LAS, GAL TE RLUNG NI RGYU BA NA, ,DE TSE RTZOD PA CHEN PO 'BYUNG, ,PHYOGS GCIG PHYIN CI LOG PA LAS, ,NAD NI CHEN PO KUN TU 'BYUNG, ,PHYOGS GNYIS PHYIN CI LOG PA LAS, ,SNYING SDUG GNYEN RNAMS RGUD PAR 'GYUR, ,PHYOGS GSUM PHYIN CI LOG PA LAS, ,ZLA DRUG RNAMS KYIS 'CHI BAR 'GYUR, ,ZHES

, ,GSUNGS PA'I PHYIR, 'DIR PHYOGS ZHES PA NI ZLA BA GCIG GI PHYED LA BYED PA YIN NO, ,RLUNG GANG RGYU BA'I TSE BYA BA GANG 'GRUB MI 'GRUB YOD DE, SA CHU'I RLUNG RGYU BA'I TSE BYA BA BZANG PO LA ZHUGS NA 'GRUB LA, ME RLUNG GNYIS RGYU BA'I TSE DRAG PO'I BYA BA 'GRUB KYI, ZHI RGYAS LTA BU MI 'GRUB PA'I PHYIR, DRI BA 'DRI BA'I TSE 'GRUB MI 'GRUB KYI KHYAD PAR YOD DE, 'DRI YUL DANG DRI BA PO GNYIS KA'I RLUNG RGYU TSUL MTHUN NA DRIS PA'I DON DE 'GRUB KYI, MI MTHUN NA MI 'GRUB PA DANG, YANG RANG GI DON LA RLUNG NANG DU 'JUG PA'I TSE 'DRI NA 'GRUB CING, PHYIR 'BYUNG BA'I TSE MI 'GRUB PA DANG, GZHAN DON LA DE LAS LDOG PA DANG, RLUNG NANG DU GNAS PA'I DUS SU 'DRI NA 'GRUB MI 'GRUB MA NGES PAR BSHAD PA'I PHYIR, DRUG PA RLUNG GI BYED LAS LA GNYIS YOD DE, SPYI DANG BYE BRAG GNYIS YOD PA'I PHYIR, DANG PO RLUNG GIS 'JIG RTEN PA LA 'KHOR BA'I BYA BA BYED TSUL YOD DE, SKYE 'CHI BAR DO GSUM PO DE RANG RGYU RLUNG GIS BYED PA'I PHYIR TE, SA CHU LA THIM PA NAS, NYER THOB 'OD GSAL LA THIM PA'I 'CHI RIM RNAMS RLUNG GI G-YO BA JE ZHAN JE ZHAN DU SONG BA'I SGO NAS 'BYUNG LA, 'CHI BA 'OD GSAL LAS BAR DO DANG NYER THOB GRUB PA YANG RLUNG GIS BYED CING, DE LAS MCHED PA, DE LAS SNANG BA, DE LAS RANG BZHIN BRGYAD CU'I RTOG PA RNAMS SKYE BA YANG RLUNG GI GA-YO BA JE CHE JE CHER GYUR PA'I SGO NAS 'BYUNG BA DANG, SKYE SRID DU NYID MTSAMS SBYOR BA DANG, NYID MTSAMS SBYAR BA'I TSE SNANG BA RNAMS KYI THIM RIM DANG SKYE BA'I RIM PA DANG, LUS 'PHEL BA'I RIM PA THAMS CAD RLUNG GIS BYED PA'I PHYIR RO, ,DE LTAR KUN RTOG BZHON PA'I RLUNG DANG BCAS PA LAS NYON MONGS SKYE ZHING, DES LAS DKAR NAG GNYIS BSAGS NAS 'KHOR BAR SKYE BAS 'KHOR BA'I 'JUG RIM NI RLUNG GIS BYED DO, ,DE NI THUN MONG GI BYED LAS YIN LA, SO SO'I BYED LAS YOD DE, SROG 'DZIN GYIS TSE GNAS PA DANG, RLUNG

GZHAN DBANG PO'I SGOR 'DREN, THUR SEL GYIS BSHANG GCI KHU KHRAG SOGS 'PHEN 'DZIN BYED, MNYAM GNAS KYIS BZA' BTUNG 'JU BA DANG DANGS SNYIGS 'BYED CING DANGS MA LUS LA 'GREM PAR BYED, GYEN RGYUS RLUNG STOD DU 'DREN PA DANG NANG DU SDUD PA DANG NGAG SMRA BA DANG BZA' BA DANG BTUNG BA'I BYA BA BYED, KHYAB BYED KYI LUS GA-YO BA DANG 'GRO 'ONG SOGS KYI BYA BA BYED, YAN LAG GI RLUNG LNGAS NI RIM PA BZHIN DU GZUGS MTHONG, SGRA THOS, DRI SNOM, RO MYONG, REG BYA MYONG BA'I BYA BA BYED PA'I PHYIR, GNYIS PA RNAL 'BYOR PA LA BYA BA LHAG PA BYED TSUL YOD DE, RDOR BZLAS BYAS PAS DNGOS GRUB RNAM PA GNYIS DANG, KHYAD PAR DU SHIN TU PHRA BA'I RLUNG SEMS LAS SGYU MA'I SKU 'GRUB PAR 'GYUR BA'I PHYIR RO, ,BDUN PA DE LA BRTEN NAS NYAMS LEN GYI GNAD SHES TSUL YOD DE, ZUNG 'JUG GI SKU 'GRUB PA LA SNGON DU SGYU LUS THOB DGOS SHING, DE 'GRUB PA'I CHED LUS LA GNAD DU BSNUN TSUL SPYI DANG KHYAD PAR DU RDOR BZLAS BYAS PA LA BRTEN NAS SNYING GA'I RTZA MDUD GROL TE DGA' BZHI SPYI DANG 'OD GSAL LHAN SKYES KYI BDE BAS STONG NYID RTOGS DGOS, DE LA NI RLUNG DNGOS DANG BRGYUD PA'I SGO NAS BSGOM PA SNGON DU 'GRO DGOS PA'I PHYIR RO, ,BZHI PA LA LNGA, SNGAGS BTU BA, SNGAGS KYI BRDA, SNGAGS KYI DON, SNGAGS KYI DON DAM PA, SNGAGS KYI RTZA BA AA THUNG BSHAD PA'O, ,DANG PO NI, DRANG DON GYI SNGAGS BTU BA'I GZHI NI DBYANGS GSAL RNAMS YIN TE, RTOG GSUM LAS, A'A LI K'A LI'I GRONG KHYER NI, ,GSANG SNGAGS 'BYUNG BA'I RTZA BA STE, ,ZHES GSUNGS PA'I PHYIR, BTUS PA'I SNGAGS LA SPYIR SNYING PO NYE SNYING RTZA SNGAGS SOGS MANG YANG 'DIR NI YI GE GSUM BTU BA YIN LA, 'THU TSUL YOD DE, AA AU MA GSUM LAS NI AOm DANG, AA AA DANG RNAM BCAD GSUM LAS A'A: HA AA MA GSUM LAS NI H'Um BTU BA YIN LA, DE RNAMS 'GYUR PA LAS YI GE GSUM 'BYUNG PA'I PHYIR

, ,DANG, SNGAGS GZHAN BTU TSUL RGYUD SO SO NAS BSHAD PA LTAR YIN PA'I PHYIR, BTU GZHI DANG BTUS PA'I SNGAGS RNAMS RIGS GSUM DU 'DU BA YIN TE, GSAL BYED DANG, LHA PHO'I SNGAGS DANG, AOm YIG RNAMS SKYES PA DANG, DBYANGS DANG LHA MO'I SNGAGS DANG A'A: RNAMS NI BUD MED DANG, RA LI BZHI DANG LHA PHO MO THUN MONG BA'I SNGAGS RNAMS DANG, H'Um NI MA NING GI YI GER 'JOG PA'I PHYIR, BTUS PA'I SNGAGS THAMS CAD LAS YI GE GSUM GTZO BO YIN TE, DE GSUM RDO RJE GSUM GYI SA BON YIN PA DANG, SNGAGS KYI LHA RNAMS KYANG RDO RJE GSUM DU 'DU BA'I PHYIR, DES NA YI GE GSUM DU SNGAGS THAMS CAD 'DU BAR GSUNGS PA YIN TE, DE YANG YIN BSDUS KYIS BSDUS PA MIN GYI, SNGAGS THAMS CAD KYI DNGOS GRUB 'GRUB PA'I BYED PA'AM NUS PA YI GE GSUM GYI RDOR BZLAS BYAS PA'I NUS PA LA YOD PAR SHES PA'I CHED YIN PA'I PHYIR, NGES DON GYI SNGAGS BTU GZHI DANG BTU TSUL YOD DE, RTZA NANG SO SO NAS DBYANGS GSAL GYI GDANGS MI GSAL BAR SGROGS PA'I RLUNG RNAMS NI BTU GZHI, RLUNG RNAMS LDANG 'JUG GNAS GSUM BYED PA SPYI DANG DE GSUM GYI RANG GDANGS YI GE GSUM GYI GDANGS SU SHAR BA'I RDOR BZLAS NI BTUS PA'I NGES DON DANG BTU TSUL YIN PA'I PHYIR, GNYIS PA SNGAGS KYI BRDA NI SNGAGS KYI MING STE, DE LA YANG SPRUL DANG MTHA' MED DANG MGO MED DANG BTUS PA BZHI DANG, SNYING PO DANG NYE SNYING DANG 'PHRENG SNGAGS SOGS DU MA YOD KYANG, 'DIR LDANG 'JUG GNAS GSUM GYI RANG GDANGS YI GE GSUM GYI GDANGS SU SBYAR PA NI SNGAGS KYI BRDA YIN TE, LUNG STON PA LAS, BRDA YI DE NYID GSUM GNAS PA, ,RANG BZHIN BZLAS PA'I MTSAN NYID DO, ,ZHES GSUNGS PA'I PHYIR, GSUM PA NI, SPYIR SNGAGS KYI DON LA DU MA ZHIG YOD KYANG, 'DIR YI GE GSUM GYI SNGAGS DON 'CHAD PA YIN LA, DE LA NI MTSON DON

DANG, DGOS DON GNYIS LAS, DGOS DON YOD DE, RLUNG SNGAGS DBYER MED KYI RDOR BZLAS BYAS PAS, MI SHIGS PA'I THIG LE LA RLUNG THIM PA LAS BYUNG BA'I 'OD GSAL GYI RLUNG SEMS DE NYID YONGS SU GYUR PA LAS SGYU MA'I SKUR BZHENGS PA NI SNGAGS KYI DON YIN PA'I PHYIR TE, LUNG STON LAS, DE NI YONGS SU GYUR PA'I GZUGS, ,LHA RU NYE BAR DMIGS PA'O, ,ZHES GSUNGS PA'I PHYIR, MTSON DON LA MANG DU YOD DE, SKU GSUNG THUGS MTSON PA DANG, LUS NGAG YID GSUM MTSON PA SOGS DU MA YOD PA'I PHYIR, BZHI PA NI, RTAG CHAD DANG BRAL BA'I DE BZHIN NYID NAM MKHA' LTA BU DANG LHAN SKYES KYI BDE BA CHEN PO'I YE SHES GNYIS RO MNYAM NGO BO DBYER MED DU GYUR BA'I TSUL GYIS RTOGS PA DE SNGAGS KYI DON DAM PA YIN TE, DE NYID LAS, 'GAG MED RAB TU ZHI BA STE, ,RTAG DANG CHAD PA RNAM SPANGS PA, ,DUS GSUM MKHYEN PAS MA BYAS PA, ,RTOG PA NAM MKHA' DBYER MED MTSAN, ,'DI NYID KHO NA DON DAM STE, , SO SO RANG RIG MTSAN NYID DO, ,ZHES GSUNGS PA'I PHYIR, LNGA PA NI, SNGAGS THAMS CAD KYI RTZA BA AA THUNG GI DRANG NGES SHES DGOS TE, DE SHES NA SNGAGS THAMS CAD KYI NGES DON SHES PAR 'GYUR BA'I PHYIR, DRANG DON GYI SNGAGS THAMS CAD KYI RTZA BA DRANG DON GYI AA THUNG YIN LA, NGES DON GYI SNGAGS THAMS CAD KYI RTZA BA NGES DON GYI AA THUNG YIN TE, DE NYID LAS, THUNG NGU MA LUS NGAG TU 'GYUR, ,GCIG MIN DU MA MA YIN NO, ,ZHES GSUNGS PA'I PHYIR, DE'I DON SPYOD BSDUS LAS GSUNGS PA LTAR BSHAD NA GNYIS, DRANG DON DANG, NGES DON NO, ,DANG PO NI, GANG ZHIG GANG LA CI PHYIR CI LTAR 'JUG PA'I TSUL BZHI YOD DE, GANG 'JUG NA DBYANGS GSAL GYI YI GES BSDUS PA'I NGAG TSIG RNAMS SO, ,GANG LA 'JUG NA RANG GI BRJOD BYA'I DON LA 'JUG ,CI'I PHYIR 'JUG NA BRJOD BYA GO BA'I CHED DANG AA THUNG SROG TU ZHUGS PA'I TSUL GYIS 'JUG ,TSUL JI LTAR 'JUG NA, LTAR ZHUGS PA LA BRTEN NAS MING TSIG

, ,SHO LO KA LA SOGS PA'I 'JIG RTEN DANG 'JIG RTEN LAS 'DAS PA'I GANG ZAG GI NGAG GI PHUNG PO RNAMS 'GRUB PA'I TSUL GYIS 'JUG GO ,ZHES BYA LA, GNYIS PA NGES DON NI, GANG 'JUG NA DBYANGS GSAL GYI MTSON DON RTZA BA DANG YAN LAG GI RLUNG RNAMS SO, ,GANG LA 'JUG NA NGES DON GYI AA THUNG MI SHIGS PA'I THIG LE LA'O, ,DGOS PA CI'I PHYIR 'JUG NA DON GYI 'OD GSAL 'DREN PA'I PHYIR DU'O, ,TSUL JI LTAR 'JUG NAS CHU LA THIM PA SOGS 'BYUNG BA'I THIM RIM GYIS 'JUG CES BYA BA'I PHYIR RO, ,SANGS RGYAS BCOM LDAN 'DAS RNAMS KYANG GZHI LAM GYI NGES DON GYI AA THUNG LAS BYUNG BA YIN TE, MTSAN BRJOD LAS, AA NI YIG 'BRU KUN GYI MCHOG ,DON CHEN YI GE DAM PA YIN, ,ZHES PA NAS, BRJOD PA KUN GYI RGYU YI MCHOG ,TSIG KUN RAB TU GSAL BAR BYED, ,ZHES DANG, SPYOD BSDUS LAS KYANG, DE LTAR NA DE BZHIN GSHEGS PA THAMS CAD AA'I RIGS SU GYUR PA DANG, AA RGYUR GYUR PA DANG, AA LAS NGES PAR 'BYUNG BA'O, ,ZHES GSUNGS PA'I PHYIR, RDO RJE SNYING PO RGYAN LAS, SNYING GIS DBUS NA MI SHIGS LA, ,ZHES SOGS SNGAR DRANGS PA'I LUNG DES KYANG NGES DON GYI AA THUNG SNYING GA'I MI SHIGS PA'I RLUNG BSTAN PA YIN TE, AA NI GTZO BO DAM PA'O, ,ZHES GSUNGS PA'I PHYIR, MI SHIGS PA PHRA BA'I RLUNG NI RIGS 'DRA NAM YANG RGYUN MI CHAD PA'I MI SHIGS PA YIN LA, THIG LE MI SHIGS PA NI 'CHI DUS SU 'PHO 'PHYUGS BYED DO, ,GZHUNG GZHAN DU MA LAS, AA K'A RO MU KAm SARBA DHARM'A: ZHES SOGS 'BYUNG BA'I SNGAGS DON NI, AA NI SKYE BA MED PA'I PHYIR CHOS THAMS CAD KYI RGO'I ZHES PA'I DON YIN LA, SPYOD BSDUS SU YANG DE KHUNGS SU MDZAD CING, DE'I NGES DON NI SPYIR 'DUS BYAS RANG BZHIN GYIS SKYE MED RTOGS PA'I SHES RAB DANG 'DIR BSGOMS STOBS KYIS RLUNG

THAMS CAD MI SHIGS PA'I RLUNG PHRA BA LA THIM PA LAS RANG BZHIN GYIS SKYE BA MED PA'I STONG PA NYID DANG DE RTOGS PA'I LHAN SKYES KYI YE SHES RO MNYAM NGO BO DBYER MED DU SONG BA NI, SANGS RGYAS KYI CHOS KHYAD PAR CAN THAMS CAD DANG ZUNG 'JUG GI SKU 'BYUNG BA'I SGO YIN PA'I DON TE, MTSAN BRJOD KYI LUNG DON YANG DE LTAR RO, ,NGES DON GYI AA THUNG RLUNG PHRA BA NI 'OD GSAL 'CHAR BA'I GZHI YIN PAS YIG 'BRU'I MCHOG DANG, RGYU MTSAN DES DON CHE BA DANG DAM PA YIN PA DANG, LUS KYI KHONG NAS 'BYUNG YANG DON DAM PAR SKYE BA MED PA DANG, RJOD BYED KYI TSIG RGYU MED PA'O, ,'ON KYANG BRJOD PA KUN GYI RGYU YI MCHOG ,ZHES SOGS RKANG PA GNYIS KYIS NGES DON GYI AA THUNG MI SHIGS PA'I RLUNG LAS RLUNG 'GA' ZHIG DBYANGS GSAL GYI NGO BOR GYUR NAS MGRIN PAR SLEBS PA NA SGRA GSAL BOR SMRA BAR 'GYUR BAS, DRANG DON GYI AA THUNG YANG NGAG TSIG GZHAN MA LUS PA'I RTZA BAR BSTAN PA YIN NO, , 'O NA LUNG STON GYI THUNG NGU MA LUS NGAG TU 'GYUR, ,ZHES PA'I DON AA THUNG NGAG TSIG MA LUS PA'I RTZA BAR BSTAN TSUL DE LTAR YIN NA, GCIG MIN DU MA MA YIN NO, ,ZHES PA'I DON GANG YIN ZHE NA YOD DE, NGES DON GYI AA THUNG DE RIM GYIS NGAG TSIG THAMS CAD KYI RTZA BAR 'GYUR BAS SKYE RIM GYI TSE GCIG MA YIN LA, NGO BO'I SGO NAS SAM THIM RIM GYI MTHAR DU MA MA YIN NO, ,ZHES PA YIN PA'I PHYIR RO, ,LNGA PA NGAG DBEN SROG RTZOL GYI YAN LAG TU 'GYUR TSUL NI, RGYUD PHYI MA LAS, YE SHES LNGA YI RANG BZHIN DBUGS, ,'BYUNG BA LNGA YI NGO BO NYID, ,GONG BU'I GZUGS KYIS PHYUNG NAS NI, ,SNA YI RTZE MOR RAB TU BRTAG ,RIN CHEN KHA DOG SNA LNGA PA, ,SROG DANG RTZOL BA ZHES BYAR BSHAD, ,RANG SNGAGS SNYING GAR BSAMS NAS NI, ,SROG NI THIG LER GYUR PA BZHAG ,ZHES PAS SROG RTZOL GSUM BSGOM TSUL BSTAN TE, RKANG PA DANG PO BZHIS GSANG BA'I

, ,SNA RTZER RDZAS KYI THIG LE DANG, DE NAS RKANG PA GNYIS KYIS GDONG GI SNA RTZER 'OD KYI THIG LE DANG, SNYING GAR ZHES PA MAN GYIS SNYING GA'I SNA RTZER SNGAGS KYI THIG LE BSGOM TSUL BSTAN PA'I PHYIR TE, GZHI DUS KYI YE SHES LNGA DANG, 'BYUNG BA LNGA'I NGO BOR GYUR PA'I RLUNG THIG LE'I GZUGS RANG DANG PHYAG RGYA'I DH'U T'I'I MAR SNA 'PHRAD MTSAMS SU BSGOM PA DANG, RLUNG THIG DE NYID YI GE GSUM GYI GDANGS DANG SBYAR TE STENG SGOR RDOR BZLAS BYED PA DANG, SNYING GA'I RTZA 'KHOR GYI DH'U T'I'I NANG DU THIG LE AA THUNG DANG BCAS PA BSGOM PAR BYA BA'I SROG RTZE RTZOL GSUM RIM PAR BSTAN PA'I PHYIR, DE LTAR BSGOMS PA'I RNAL 'BYOR GSUM LA SROG RTZOL ZHES BYA STE, SROG NI 'DIR TSE GNAS PA'I RLUNG DANG, RTZOL BA NI RING DU BSRING BA LA 'JUG PA'I RGYU MTSAN GYIS DE LTAR BRJOD PA'I PHYIR, 'O NA, SNGAGS RDZAS KYI THIG LE SGOM PA NA RLUNG LA DNGOS SU DMIGS PA MI 'DUG PAS SROG RTZOL DU JI LTAR 'GYUR ZHE NA, SKYON MED DE, RLUNG DBU MAR 'JUG PA'I THABS DNGOS YIN PAS SROG RTZOL DU 'GRO BA'I PHYIR RO, ,DRUG PA LA GSUM, SROG RTZOL GSUM SGOM PA'I RIM PA, RDOR BZLAS KYI THUN MONG MA YIN PA'I BYED LAS, DE LTAR BSGOMS PAS NYAMS MYONG SKYE TSUL LO, , DANG PO LA GSUM, SNYING GA'I SNA RTZER SNGAGS KYI THIG LE, GDONG GI SNA RTZER 'OD KYI THIG LE, GSANG BA'I SNA RTZER RDZAS KYI THIG LE BSGOM PA'I TSUL LO, ,DANG PO NI, SMON LAM LAS, THIG LE'I RGYAL PO SNGAGS KYI THIG LE MCHOG ,ZHES SOGS KYI RKANG PA BZHIS BSTAN PA LTAR TE, 'DI LA GNYIS, SNGAGS THIG NYE TSE BA DANG, SNGAGS 'KHOR SGOM PA'I TSUL LO, ,DANG PO NI RTZA RGYUD LAS, RIN CHEN CHEN PO KHA DOG LNGA, ,ZHES SOGS GSUNGS PA'I LUNG NI GONG DU DRANGS ZIN LA, DE'I 'GREL PA LAS, RIN PO CHE NI MI SHIGS PAR GRAGS PA STE, SANGS RGYAS

RIN PO CHE BSKYED PAS SO, ,ZHES SOGS BSHAD PA LTAR TE, 'DI SGOM PAR BYED PA LA, GNAS GANG DU, RTEN GANG GIS, TSUL JI LTAR DU, DBYIBS DANG KHA DOG GI KHYAD PAR, DE BSGOMS PA'I PHAN YON DANG LNGA'I, DANG PO NI, RTZA RGYUD LAS, DGON PA CHEN PO'I SA PHYOGS SU, ,ZHES SOGS KYIS BSTAN, GNYIS PA NI LUS DBEN GYI GSANG CHEN RDO RJE 'CHANG GI RNAL 'BYOR LA GNAS PAS SGOM, GSUM PA NI LUS DANG DUS DANG YUL DANG RLUNG GI GNAD BZHI DANG LDAN PAS SGOM, BZHI PA NI KU KU RI PAS THIG LE DKAR DMAR GA'U KHA SBYOR LTA BU DANG, ZHAL LUNG LAS DKAR LA DMAR BA'I MDANGS CAN DANG, SPYOD BSDUS DANG RIM LNGAR AA THUNG DANG BCAS TE BSGOM PAR BYA BAR BSHAD CING, RDO RJE 'PHRENG BAR H'Um DANG BCAS PAR BSHAD PAS RGYAS BSDUS SAM GANG RUNG GIS CHOG PA'O, ,LNGA PA NI, DE BSGOMS PA LA BRTEN NAS LHAN SKYES KYI BDE CHEN SKYE BAR MNGON BRJOD DANG, DRIL BU PAS KYANG BSHAD DO, ,GNYIS PA SNGAGS KYI 'KHOR LO SGOM PA RGYUD DANG 'PHAGS PA YAB SRAS KYIS GSAL BAR MA BSHAD KYANG, N'A RO PAS BSHAD PA LTAR LEGS PAS, DE'I TSUL NI SNYING GAR RTZA 'DAB BRGYAD PA SUM RIM MAM, RTZA 'DAB BRGYAD KYI NGO BOR MOS PA'I PADMA DMAR PO 'DAB MA LA BRGYAD PA SUM RIM GANG RUNG GI PHYI'I 'DAB MA LA DBYANGS YIG BCU GNYIS SNANG BA MTSON BYED KHA DOG DKAR PO, BAR PA LA MA YIG DANG KshA YIG DOR BA'I GSAL BYED MCHED PA MTSON BYED DMAR PO, NANG GI PHYOGS BZHI'I 'DAB MA GNYER THOB MTSON BYED Ri Li BZHI NAG PO, YI GE THAMS CAD THIG LES BRGYAN PA, RTZA'I BSGOMS NA NANG DU PHYI NANG DANG, BAD 'DAB LA 'PHRENG BSGRIGS KYI RNAM PAR GSAL GDAB CING, DBUS SU MI SHIGS PA'I THIG LE AA THUNG THUR DANG BCAS PA LA SEMS 'DZIN PA STE, DE YANG DH'U T'IR SDUD SLA BA'I CHE DU SGOM PAR BYED PA YIN GYI, NGES PAR BSGOM DGOS PA'I YAN LAG NI MIN TE, RGYUD DANG 'PHAGS PA YAB SRAS KYIS MA BSHAD

, ,CING MAR LUGS KYI GDAMS PA GCIG NAS SNGAGS 'KHOR MED PAR THIG LE AA THUNG DANG BCAS PA TZAM ZHIG BSGOM PAR GSUNGS PA'I PHYIR RO, ,GNYIS PA 'OD KYI THIG LE NI, SMON LAM LAS, GDONG GI SNA RTZER 'OD KYI THIG LE'I GDANGS, ,ZHES SOGS TSIGS BCAD GCIG GIS STON TE, 'DI LA BZHI, DGOS PA GANG GI PHYIR RLUNG GANG LA RDOR BZLAS BYA BA, GNAS GANG NAS, RLUNG NGAG DBYER MED DU SBYOR TSUL, RDOR BZLAS KYI DBYE BA'O, ,DANG PO NI, ZHI RGYAS KYI DNGOS GRUB KYI CHED DU RTZA BA'I RLUNG LA BYED PA, MNGON SHES KYI CHED DU YAN LAG GI RLUNG LA BYED PA, SEMS DBEN GYI STONG PA RNAMS BSKYED PA'I CHED DU RLUNG DGU LA RDOR BZLAS BYED PA GSUM LAS, 'DIR PHYI MA NYID YIN NO, ,GNYIS PA DANG GSUM PA NI SNYING GA'I MI SHIGS PA'I THIG LE LA DMIGS NAS RLUNG 'JUG LDANG GNAS GSUM GYI RANG GDANGS YI GE GSUM GYI GDANGS SU SHAR BA'I SGO NA BYED PA YIN GYI, RLUNG SNGAGS NGO BO THA DAD DU BYAS PA'I TSUL GYIS MIN TE, THA DAD DU ZHEN PA NI RDOR BZLAS KYI MI MTHUN PHYOGS YIN PA'I PHYIR TE, RTZA RGYUD LAS, SLONGS MO ZA ZHING MI BZLA STE, ,ZHES DANG, DE'I DON LUNG DON LAS, THA DAD YI GE SLONGS MO YIN, ,DE 'DON PA NI ZA BA STE, ,ZHES GSUNGS PA'I PHYIR, 'DIR RLUNG LDANG 'JUG GNAS GSUM YI GE GSUM DANG SBYOR TSUL YOD DE, RLUNG NANG DU 'JUG PA'I RANG GDANGS AOm GYI GDANGS DANG, GNAS PA'I RANG GDANGS A'A:'I GDANGS DANG, PHYIR 'BYUNG BA'I RANG GDANGS H'Um GI GDANGS SU SHANG SHAR BAR MOS NAS SNYING GA'I MI SHIGS PA'I THIG LE LA 'JUG LDANG GNAS GSUM BYED PA YIN PA'I PHYIR RO, ,BZHI PA DBYE BA LA GSUM STE, YUL DANG SNGAGS DANG GNAS KYI SGO NAS GSUM YOD PA'I PHYIR, DANG PO LA GNYIS TE, RTZA BA DANG YAN LAG GI RLUNG GI RDOR BZLAS GNYIS YOD PA'I PHYIR, DANG PO LA RTZA BA'I RLUNG BZHI DANG, GNYIS PA LA YAN LAG GI RLUNG LNGAR YANG DBYE'O, ,GNYIS PA LA

GNYIS TE, H'Um HO STE YI GE GNYIS KYI RDOR BZLAS DANG, AOm A'A: H'Um STE YI GE GSUM GYI RDOR BZLAS GNYIS YOD PA'I PHYIR, 'DI LA YI GE GNYIS KYI RDOR BZLAS BYED PA'I TSE RLUNG 'JUG LDANG GNYIS DANG SBYOR BA YIN LA, YI GE GSUM GYI RDOR BZLAS LA 'JUG LDANG GNAS GSUM DANG SBYOR BA NI BSHAD PA LTAR RO, , GAL TE GZHI LA RLUNG 'JUG LDANG GNYIS LA MA GTOGS PA'I GNAS PA ZUR DU MED PAS JI LTAR BYA SNYAM NA, SKYON MED DE, 'JUG LDANG GANG RUNG GI YUN TSAD DANG MNYAM PA'I GNAS PA RE CHED DU BYA DGOS PA'I PHYIR RO, ,GZHAN YANG RTEN GYI SGO NAS GNYIS TE, BSKYED RIM PA DANG, RDZOGS RIM PA'I RDOR BZLAS, GNYIS YOD CING, PHYI MA LA NGAG DBEN, SEMS DBEN, SGYU LUS, ZUNG 'JUG GI BZLAS PA DANG BZHI YOD PA'I PHYIR RO, ,GSUM PA RDZAS KYI THIG LE NI, SMON LAM LAS, THABS SHES GSANG BA'I RTZA MCHOG GNYIS KYI RTZER, ,ZHES SOGS RKANG PA BZHIS STON TE, 'DI LA GNYIS, RANG DANG LAS RGYA GNYIS DANG, RANG DANG YE RGYA GNYIS SNYOMS PAR ZHUGS PA'I BYANG SEMS DH'U T'I'I MAR SNA 'PHRAD MTSAMS SU THIG LE DMIGS RTEN DU BYAS NAS SGOM PA'I TSUL GNYIS YOD PA'I PHYIR, DE LTAR SGOM PAR BYED PA DE NI RLUNG DH'U T'I SDUD PA TZAM GYI PHYIR MA YIN TE, LUS DBEN GYI SKABS SU RLUNG DH'U T'IR SDUD PA'I NUS PA THOB PA'I PHYIR, DES NA DE LTAR SGOM PA LA DGOS PA YOD DE, SROG RTZOL SNGA MA GNYIS KYIS RLUNG BSDUS PA'I BOGS 'DON DU SONG NAS SNYING GA'I RTZA MDUD RDZOGS PAR 'GROL BA'I THABS KHYAD PAR CAN DU 'GYUR BA'I PHYIR, DE'I TSUL YOD DE, DE LTAR BSGOMS PAS BYANG SEMS ZHU BAS BDE BA DANG STONG PA BZHI SNGAR LAS KYANG LHAG PA KHYAD PAR CAN 'DREN NUS PA'I PHYIR RO, ,GNYIS PA LA GNYIS, RDOR BZLAS KYIS SNYING GA'I RTZA MDUD DGROL NUS PAR BSTAN PA DANG, DE DGROL BA DE RTZA MDUD GZHAN DGROL BA'I GTZO BOR BSTAN PA'O, ,DANG PO NI, RDOR BZLAS KYIS SNYING GA'I RTZA MDUD 'GROL

, ,BAR BYED DGOS TE, RDOR 'PHRENG LAS, SNGAGS KYI DE NYID KYIS DE 'BYED, ,RNAL 'BYOR MDUD PA BKROL NAS NI, ,RLUNG GI DE NYID DAG PA STE, ,KHYAD PAR DBYE BA'I SBYOR BA YIS, ,ZHES GSUNGS PA'I PHYIR, DGROL TSUL YOD DE, DPER NA, SNYUGS MA'I SBUBS 'GAGS PA THUR MAS SEL BA LTAR, RDOR BZLAS KYIS RIM GYIS SNYING GA'I RTZA MDUD LHOD POR BYAS NAS RDZOGS PAR 'GROL BAR BYED NUS PA'I PHYIR, RDZOGS PAR GROL BA'I TSE SNYING GA'I PADMA DE NYID GYEN DU LOG DGOS PA YIN TE, RDOR 'PHRENG LAS, SNYING GA'I PADMA STENG BLTAS 'JIG ,ZHES DANG, PHYAG CHEN THIG LE LAS KYANG, GANG ZHIG PADMA KHA SBUBS 'DI, ,SKAD CIG GIS NI GYEN DU 'GYUR, ,ZHES GSUNGS PA'I PHYIR, GZHAN YANG SNYING GA'I RTZA MDUD NI RDOR BZLAS KYIS RDZOGS PAR 'GROL DGOS TE, RTZA MDUD GZHAN LAS SNYING GA'I RTZA MDUD DGROL DKA' ZHING, DE MA GROL NA SEMS DBEN MTHAR THUG MI SKYE LA, DE SKYE BA LA SROG THUR BSRE DGOS, DE LA SNYING GA'I RTZA MDUD RDZOGS PAR GROL DGOS ZHING, DE NI RDOR BZLAS KYIS BYED DGOS PA'I PHYIR, DANG PO GRUB STE, RTZA MDUD GZHAN LA RO RKYANG GI MDUD PA RE RE LAS MED, SNYING GA'I DH'U T'I LA RO RKYANG GIS MDUD PA GSUM GSUM GYIS DKRIS PA'I PHYIR TE, RDOR 'PHRENG LAS, DE YANG DBYE BAR DKA' BA YI, , DBUS SU MDUD PA GSUM GYIS DKRIS, ,ZHES GSUNGS PA'I PHYIR, GNYIS PA GRUB STE, DE NYID LAS, SBYOR BA DE YANG MI SHES PAR, ,RLUNG 'DZIN PA LA RNAL 'BYOR GYIS, ,THOB PAR DKA', ,ZHES DANG, DBUS KYI MDUD BA DE YANG NI, ,DE PHYE NA NI DNGOS GRUB 'GYUR, ,ZHES GSUNGS PA'I PHYIR, RDOR BZLAS ZHES BRJOD PA'I RGYU MTSAN YOD DE, RDO RJE'I SKAD DOD BADZRA ZHES PA NI MI PHYED PA'I DON YIN PAS, RLUNG SNGAGS DBYER MI PHYED PA'I TSUL GYIS BZLA BAR BYA DGOS PA'I RGYU MTSAN GYIS DE LTAR BRJOD PA'I PHYIR, GNYIS PA LA, YI GE GSUM GYI DRANG NGES KYI SNGAGS BTU SHES DGOS PAS 'DI LA GSUM STE, DRANG DON GYI

AOm NI AA AU MA GSUM LAS BYUNG BA DE BZHIN DU SNYING GA'I SROG 'DZIN, MGRIN PA'I GYEN RGYU, SPYI BO'I BYANG SEMS GSUM NI RIM PA BZHIN DU AA AU MA GSUM GYI NGES DON RLUNG GNYIS DANG THIG LE GSUM, SPYI BO'I RTZA 'KHOR GYI DBU MA'I NANG DU SDUD PA NI, AOm YIG SPYI BOR 'GOD PA'I NGES DON, A'A: NI AA AA HA GSUM LAS BYUNG BA DE BZHIN DU SNYING GA'I SROG 'DZIN, MGRIN PA'I GYEN RGYU, GSANG GNAS KYI THUR SEL GSUM RIM PA BZHIN DU AA AA HA GSUM GYI NGES DON, RLUNG GSUM PO MGRIN PA'I RTZA 'KHOR GYI DBU MA'I NANG DU SDUD PA NI, A'A: YIG MGRIN PAR 'GOD PA'I NGES DON, H'Um NI HA A'U MA GSUM LAS BYUNG BA DE BZHIN DU THUR SEL, GYEN RGYU, SROG 'DZIN GSUM PO RIM PA BZHIN DU HA A'U MA GSUM GYI NGES DON, RLUNG GSUM PO SNYING GA'I RTZA 'KHOR GYI DBU MA'I NANG DU SDUD PA NI, H'Um YIG SNYING GAR 'GOD PA'I NGES DON YIN PAS SO, ,DRANG DON GYI BTU GZHI'I YI GE DE RNAMS LAS YI GE GSUM JI LTAR 'BYUNG BA'I TSUL YOD DE, AAS AU MTHONG NAS AOR SONG, DE LA MA YIG THIG LER BYIN PAS AOm DU SONG, AAS AA MTHONG BAS 'DRA BA'I YI GE LAS A'A RING POR SONG, HA DANG SA DANG RA SROG MED RNAM BCAD DU 'GRO BAS 'DIR HA RNAM BCAD DU SONG BAS A'A: HA SROG MED A'U RING PO LA BCUG PAS H'U YIG TU SONG, DE LA MA YIG THIG LER BYIN PAS H'Um YIG TU SONG BA YIN PA'I PHYIR, GSUM PA NYAMS MYONG JI LTAR SKYE TSUL LA GNYIS, SNYING GAR MI SHIGS PA BSGOMS PA'I NYAMS MYONG DANG, SROG RTZOL LHAG MA BSGOMS PA'I NYAMS MYONG SKYE TSUL LO, ,DANG PO NI SNYING GAR MI SHIGS PA BSGOMS PA LAS MTSAN MA LNGA'AM BRGYAD 'BYUNG BA YIN TE, ZHAL LUNG LAS GSUNGS PA LTAR, SA CHU LA THIM PA SOGS KYI RTAGS LNGA DANG, KU KU RI PAS BSHAD PA LTAR DE'I STENG DU SNANG BA GSUM DANG BCAS PA BRGYAD 'BYUNG BA'I PHYIR, GNYIS PA LA GSUM, RDOR BZLAS BYAS PAS ZLA BA SO SO'I NYAMS MYONG

, ,DANG, RDOR BZLAS KYIS RLUNG DH'UT'IR THIM PAR BYED TSUL, GTUM MO SBOR TSUL LO, ,DANG PO YOD DE, RDOR BZLAS BSHAD PA BZHIN ZLA BA DRUG BYED PA'I ZLA BA DANG PO LA, NYIN ZHAG GCIG GI RLUNG NYIS KHRI CHIG STONG DRUG BRGYA PO LHAG CHAD MED PAR SNYOMS PAR BYED, ZLA BA GNYIS PA LA RLUNG DE RNAMS THUN TSOD BRGYAD DU SNYOMS PAR BYED, GSUM PA LA RTZA 'KHOR RNAMS GSAL BOR MTHONG, BZHI PA LA RLUNG GI RGYU LUGS DANG KHA DOG GSAL BAR MTHONG, LNGA PA LA RLUNG RNAMS DBU MAR ZHUGS NAS THIM PAR RTZOM, DRUG PA LA SNYING GA'I RTZA MDUD RDZOGS PAR GROL NAS SEMS DBEN GYI RTOG PA SKYE BAR 'GYUR BA'I PHYIR RO, ,GNYIS PA YOD DE, RDOR BZLAS BYED PA'I TSE DANG POR 'JUG LDANG GNAS GSUM YI GE GSUM GYI GDANGS SU MOS PA TZAM DANG, DBU MA'I NANG NAS BYED PA YANG MOS PA TZAM YIN YANG, DE LTAR MOS PAS GOMS PA NA MTSAMS ZHIG NAS GNAS PA RING DU 'GRO ZHING 'BYUNG 'JUG THUNG DU 'GRO BAS, MTHAR GNAS PA 'BA' ZHIG TU 'GYUR BA'I PHYIR TE, LUNG STON LAS, GSUM PO DE NYID GCIG GYUR PA, ,'GRO BA MED CING 'ONG BA MED, ,CES GSUNGS PA'I PHYIR RO, ,GSUM PA NI, RDOR BZLAS BYAS PAS RLUNG THIM NUS KYANG, DES GTUM MO JI LTAR SBOR ZHE NA, YOD DE, THUR SEL LA RDOR BZLAS BYAS PAS GTUM MO SBAR NAS BYANG SEMS 'JU ZHING BDE CHEN BSKYED PAR BYED PA'I PHYIR TE, ZHAL LUNG LAS, SUM MDOR YE SHES ME 'BAR BAS, ,KHAMS ZHU NAS NI, ,ZHES GSUNGS PA'I PHYIR RO, ,SROG RTZOL GSUM BSGOMS PA'I DGOS PA'I SKABS DON YOD DE, SEMS DBEN SKYE BA'I CHED YIN PA'I PHYIR TE, SMON LAM LAS, SNA RTZE GSUM DU THIG LE RNAM GSUM GYI, ,ZHES SOGS RKANG PA BZHIS DE LTAR BSTAN PA'I PHYIR RO, ,GSUM PA SEMS DBEN LA LNGA, SEMS KYI CHOS NYID RTOGS DGOS TSUL, SEMS KYI RANG BZHIN GSUNG RAB LAS BSTAN TSUL, DE RTOGS PA'I THABS KHYAD PAR CAN BLA MED KYI

RGYUD YIN TSUL, RGYUD KYI DON SNANG BA DANG RANG BZHIN BSHAD PA, DE SHES PA'I PHAN YON DANG MA SHES PA'I NYES DMIGS BSHAD PA'O, ,DANG PO NI, RDOR BZLAS LA LOBS NAS TSE 'DIR 'TSANG RGYA BAR 'DOD BAS, SEMS KYI CHOS NYID RTOGS PA'I SEMS DBEN LA BSLAB PAR BYA DGOS TE, DE DGOS PAR TSAD LDAN GYI GZHUNG DU MA LAS GSUNGS PA'I PHYIR, GAL TE SEMS DBEN GYIS SEMS KYI RANG BZHIN CHOS NYID RTOGS NA, DON GYI 'OD GSAL DANG KHYAD MED DU 'GYUR ZHE NA, SKYON MED DE, MNGON SUM DU RTOGS MA RTOGS KYI KHYAD PAR YOD PA'I PHYIR TE, DON GYI 'OD GSAL GYIS DE MNGON SUM DU RTOGS CING, SEMS DBEN GYIS DON SPYI'I TSUL GYIS RTOGS PA'I PHYIR, GNYIS PA SEMS KYI NGANG TSUL GSUNG RAB NAS BSHAD TSUL YOD DE, LANG KAR GSHEGS PA DANG, BZANG SKYONG GIS ZHUS PA'I MDO DANG, RGYUD SDE DU MA LAS KYANG BSHAD PA'I PHYIR, MDO'I DBANG DU BYAS NA BZANG SKYONG GIS ZHUS PA DER SEMS KYI NGO BO DANG SKYE BA 'DZIN TSUL NI SHIN TU RGYAS LA ZAB PA ZHIG SNANG NGO, ,GSUM PA NI, SEMS KYI RANG BZHIN RTOGS PA'I THABS KHYAD PAR CAN NI BLA MED KYI RGYUD YIN TE, 'DUS PA LA SOGS PA'I BLA MED KYI RGYUD DANG, DE'I DGONGS 'GREL RNAMS LAS NI LHAN SKYES KYI BDE BAS STONG NYID RTOGS PA'I TSUL RGYAS PAR BSTAN GYI, RGYUD SDE 'OG MA DANG MDO SDE LAS NI DE MI STON PA'I PHYIR RO, ,BZHI PA LA BZHI, SNANG BA GSUM BSHAD PA, RANG BZHIN GYI RTOG PA BSHAD PA, PHYI NANG GI THABS KYIS YE SHES SKYE TSUL BSHAD PA, BDE STONG SBYOR TSUL BSHAD PA'O, ,DANG PO LA GNYIS, SNANG BA GSUM GYI MING GI RNAM GRANGS, SNANG BA GSUM SO SO'I MTSAN NYID BSHAD PA'O, , DANG PO YOD DE, RIM PA BZHIN DU SHES RAB, THABS, THABS SHES 'DRES MA DANG, SEMS YID RNAM SHES GSUM DANG, GZHAN DBANG KUN BTAGS YONGS GRUB GSUM DANG, ZHE SDANG 'DOD CHAGS GTI MUG GSUM GYI MING GIS SNANG BA MCHED PA NYER THOB GSUM BSTAN PA'I PHYIR RO, ,GNYIS PA DE GSUM GYI

, ,MTSAN NYID YOD DE, 'DI GSUM LA'ANG LUGS 'BYUNG LUGS LDOG GI SNANG BA GSUM GSUM YOD KYANG, THUN MONG DU STON GNAM G-YA' DAG PA LA MTSAN MO ZLA 'OD KYIS KHYAB PA LTA BU'I STONG SANGS DKAR LAM PA'I SNANG BA 'CHAR GYI, GZHAN MI 'CHAR BAS RAB TU PHYE BA'I YID KYI SHES PA DE, SNANG BA DANG PO'I MTSAN NYID, STON GNAM G-YA' DAG LA NYI 'OD KYIS KHYAB PA LTA BU'I STONG SANGS DMAR LAM PA'I SNANG BA 'CHAR GYI, GZHAN MI 'CHAR BAS RAB TU PHYE BA'I YID KYI SHES PA DE, MCHED PA'I MTSAN NYID, STON GNAM G-YA' DAG LA SROD KYI SMAG 'THUG POS KHYAB PA LTA BU'I STONG SANGS NAG LAM PA'I SNANG BA 'CHAR GYI, GZHAN MI 'CHAR BAS RAB TU PHYE BA'I YID KYI SHES PA DE, NYER THOB KYI MTSAN NYID DU RIGS PA'I PHYIR, DE LTA BU'I STONG PA GSUM GYI SNANG BA 'CHAR TSUL LA DNGOS DANG, CHA 'DRA GNYIS YOD DE, GZHI LA 'CHI DUS SU MTSAN NYID PA DANG, GNYID DUS SU CHA 'DRA 'CHAR LA, LAM DUS SU SEMS DBEN GYI SKABS LTA BU LA MTSAN NYID PA 'CHAR ZHING, DE'I SNGON DU RJES MTHUN TZAM 'CHAR BA'I PHYIR, SNANG BA DANG STONG PA'I KHYAD PAR CI LTAR YIN ZHE NA, YOD DE, SNANG BA GSUM NI SNANG BA 'CHAR TSUL GYI SGO NAS BTAGS LA, STONG PA NI KUN RTOG BZHON PA'I RLUNG DANG BCAS PA DE DANG DES STONG PA'I SGO NAS BRJOD PA'I PHYIR, GNYIS PA NI, SNANG BA'I RANG BZHIN GYI RTOG PA SO GSUM YOD DE, RIM LNGA LAS, CHAGS BRAL DANG NI BAR MA NYID, ,DE BZHIN DU NI CHEN PO DAG ,YID LA 'GRO ZHING 'ONG BA DANG, MYA NGAN LA SOGS GSUM DE BZHIN, ,ZHI DANG RNAM RTOG 'JIGS PA DANG, ,'JIGS PA BAR MA SHIN TU 'JIGS, ,SRED DANG SRED PA BAR MA DANG, ,SHIN TU SRED DANG NYER LEN PA, ,MI DGE BKRES DANG SGOM NYID DANG, ,TSOR DANG TSOR BA BAR MA DANG, ,SHIN TU TSOR BA'I SKAD CIG DANG, ,RIG PA PO DANG RIG 'DZIN BZHI, ,SO SOR RTOGS DANG NGO TSA SHES, ,SNYING RJE DANG NI BRTZE BA GSUM, ,DOGS DANG BSAGS PA NYID DANG NI, ,PHRAG DOG

CES NI BYA BAR GRAGS, ,RANG BZHIN SUM CU RTZA GSUM GANG, ,LUS CAN RNAMS KYI RANG RIG STE, ,ZHES GSUNGS PA'I PHYIR, MCHED PA'I RANG BZHIN BZHI BCU YOD DE, DE NYID LAS, CHAGS DANG ZHEN DANG DE BZHIN DGA', ,DGA' BA BAR MA SHIN TU DGA', ,RANGS DANG SHIN TU MA GU'I DANG, ,NGO MTSAR DE BZHIN RGOD PA DANG, ,TSIM DANG DE BZHIN 'KHYUD PA DANG, ,'O BYED DE BZHIN 'JIB PA DANG, ,BRTAN DANG BRTZON DANG NGA RGYAL DANG, ,BYA DANG 'BROG DANG STOBS DANG NI, ,SPRO DANG LHAN CIG SKYES NYID DANG, ,DE BZHIN LHAN CIG SKYES BAR MA, ,SHIN TU LHAN CIG SKYES DANG DREG ,RNAM PAR SGEG DAR ZHE 'GRAS NYID, ,DGE DANG TSIG GSAL BDEN PA DANG, ,MI BDEN PA DANG DE BZHIN NGES, ,NYE BAR MI LEN SBYIN PA PO, ,BSKUL DANG DE BZHIN DPA' BO DANG, ,NGO TSA MED DANG SGYU DANG GDUG ,MI BSRUN PA DANG GYA GYU NYID, ,MTSAN NYID BZHI BCU GANG YIN PA, ,ZHES GSUNGS PA LTAR YIN PA'I PHYIR, NYER THOB KYI RANG BZHIN BDUN YOD DE, ,CHAGS PA BAR MA'I SKAD CIG DANG, ,BRJED NGAS PA DANG 'PHRUL PA DANG, ,MI SMRAR GYUR DANG SKYO BA DANG, ,LE LO DE BZHIN THE TSOM STE, ,ZHES GSUNGS PA LTAR YOD PA'I PHYIR, ,KHA CIG SNANG BA GSUM DANG DE DAG GI RANG BZHIN RNAMS SPEL NAS SKYE BAR 'DOD PA NI MI 'THAD DE, SKYE BA'I TSE SNANG BA RNAMS SKYES PA'I RJES SU RANG BZHIN GYI RTOG PA SKYE LA THIM PA'I TSE RANG BZHIN RNAMS THIM PA'I RJES SU SNANG BA RNAMS RIM GYIS THIM PA YIN PA'I PHYIR RO, ,SNANG BA GSUM LA RANG BZHIN DE LTAR 'JOG PA'I RGYU MTSAN YOD DE, RANG BZHIN DE RNAMS RANG RGYU SNANG BA GSUM SO SO LAS BYUNG BA'I LAG RJES KYI 'BRAS BU YIN PA'I PHYIR RO, ,GSUM PA YOD DE, PHYI NANG GI RGYU GNYIS LAS, NANG RKYEN RDOR BZLAS DANG, SDUD RIM GNYIS DGOS SHING, PHYI RKYEN TSE 'DIR 'TSANG RGYA BA LA SEMS DBEN GYI RTOGS PA MTHAR THUG BSKYED DGOS, DE LA LAS RGYA DANG MNYAM PAR SBYOR DGOS PA'I PHYIR, DANG PO GRUB STE, RDOR BZLAS KYIS LAS RLUNG GI RGYU BA BKAG NAS STONG PA RNAMS 'DREN PA'I PHYIR TE, RDO RJE 'PHRENG BA LAS, RDO RJE BZLAS

, ,PA RAB SBYOR BAS, ,RLUNG GI MTSAN NYID SHES NAS NI, ,RNAM RTOG RLUNG RNAMS RNAM PAR GCOD, ,SEMS LA DMIGS PA THOB PAR 'GYUR, ,ZHES GSUNGS PA'I PHYIR, PHYI MA GRUB STE, LAS RGYA LA MA BRTEN NA SEMS DBEN MTHAR THUG BSKYED MI NUS PA'I PHYIR TE, YE SHES RDO RJE KUN LAS GTUS LAS, RDO RJE RANG PADMA YANG DAG PAR SBYOR BA NI, SEMS DANG SEMS LAS BYUNG BA DAG GI THABS SU GYUR BA'O, ,ZHES SOGS DANG, BHA GA DANG LINGGA YANG DAG PAR SBYOR BAR MI NUS PA DES NI BDE BA CHEN PO'I TING NGE 'DZIN MI RNYED DO, ,ZHES DANG RIM LNGA LAS, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON BAR 'GYUR, ,ZHES GSUNGS PA'I PHYIR, GAL TE SEMS DBEN MTHAR THUG 'DREN PA LAS RGYA LA BLTOS NA, LAS RGYA YANG YANG BSTEN DGOS SAM ZHE NA, YANG YANG BSTEN PA NGES PAR DGOS PA NI MA YIN TE, RIM LNGA LAS, LAN GCIG TZAM ZHIG MYONG NAS KYANG, ,RNAL 'BYOR STOBS KYIS 'GRUB PAR 'GYUR, ,ZHES PA LTAR LAN GCIG MTSON PA SNGON DU SONG NAS SHIN TU SPROS MED KYI SPYOD PA LA BRTEN NAS SEMS DBEN MTHAR THUG GI RNAL 'BYOR BSKYED NUS PA'I PHYIR, 'ON KYANG MKHAS GRUB NOR BZANG RGYA MTSO NI LAS RGYA LA RAGS MA LAS PAR TSE GCIG LA 'TSANG RGYA NUS PA ZHIG BZHED PAR SNANG NGO, ,BZHI PA NI, THABS DE LTA BU LA BRTEN NAS SNGAR BSHAD PA LTAR BDE STONG SBYAR NAS BSGOM PAR BYA ZHING, DE YANG STONG PA GSUM DANG 'OD GSAL GYI SKABS SU BDE STONG SBYAR NAS SGOM PAR BYED LA, STONG PA DANG PO GSUM GYI SKABS SU SNANG NGO DKAR DMAR NAG LAM PA'I RNAM PA 'CHAR YANG, NGES NGOR SNANG BA DE BKAG NAS STONG NYID 'DZIN STANGS KYI YUL DU BYAS NAS SGOM PAR GYED PA YIN NO, ,GAL TE 'DIR 'OD GSAL GYI STONG PA BSGOMS PA YOD NA, RJES SMON LAM LAS, STONG PA GSUM GYI SEMS DBEN SKYE BAR SHOG ,CES GSUNGS PA JI LTAR YIN ZHE NA,

SKYON MED DE, STONG PA BZHI PA NYER THOB TU BSDUS NAS BSHAD PA YIN PA'I PHYIR TE, 'DI LTAR NYER THOB LA DANG PO DRAN PA RNYED PA CIG DANG, BAR DU DRAN MED CIG DANG, MTHAR DRAN MED SANGS PA CIG DANG GSUM YOD PA LAS STONG PA BZHIR PHYE BA'I TSE DANG PO GNYIS NYER THOB DANG, PHYI MA 'OD GSAL DU SDUD LA, GSUM DU PHYE BA'I TSE GSUM PO STONG CHEN DU SDUD PAR BSHAD PA'I PHYIR RO, ,LNGA PA NI, SNANG BA GSUM LAM GYI NGO BOR BSKYED TSUL SHES MA SHES KYI PHAN YOD DANG NYES DMIGS YOD DE, DE SHES TE RGYUD LA BSKYED NA DPE DON GYI 'OD GSAL 'CHAR BA DANG, SGYU MA'I SKU 'GRUB PAR 'GYUR BA SOGS KYI PHAN YON DANG, MA SHES NA SNANG BA GSUM LAS RANG BZHIN GYI RTOG PA RNAMS SKYE ZHING, DES LAS BSAGS NAS 'KHOR BAR SKYE BA LEN PAR 'GYUR BA YIN PA'I PHYIR RO, ,GNYIS PA BDEN PA GNYIS KYI RDZOGS RIM BSHAD PA LA GNYIS, BDEN GNYIS SO SO'I RDZOGS RIM DANG, BDEN GNYIS DBYER MED KYI RDZOGS RIM MO, ,DANG PO LA GNYIS, KUN RDZOB SGYU LUS DANG, DON DAM 'OD GSAL LO, ,DANG PO LA GNYIS, DNGOS DANG, DE DANG 'BREL BA'I GDAMS PA'O, ,DANG PO LA GNYIS, NYAN PA POS JI LTAR BYA BA DANG, 'CHAD PA POS BSHAD PA'I RIM PA'O, ,DANG PO NI, 'DIR BSTAN SGYU LUS KYI GDAMS NGAG NYAN PA'I SLOB MA'I GTZO BO'AM KHYAD PAR CAN NI KHYAD CHOS BZHI DANG LDAN PA ZHIG DGOS TE, DBANG SKUR THOB CING BSKYED RIM MTHAR PHYIN PA, RGYUD SDE'I DON LA MKHAS PA, DBEN PA GSUM GYI RDZOGS RIM LA MOS PA, ZUNG 'JUG GI RDZOGS RIM LA MOS PA ZHIG DGOS PA'I PHYIR, DES DE NYAN PA'I PHYIR JI LTAR BYA BA'I TSUL YOD DE, BLA MA LA PHYI NANG GSANG BA'I MCHOD PA PHUL TE, ,KHONG STONG KHYOD KYI SKU LA MED, ,CES SOGS KYIS BSTOD CING GA-YOL BA 'DEBS DGOS PA'I PHYIR, DE YANG BSKYED RIM NAS DBEN PA GSUM GYI BAR LHA SKU MTSAN NYID PA MED 'DUG PAS, LHA SKU MTSAN NYID PA JI LTAR BSKYED

, ,CES 'DRI BA YIN NO, ,GNYIS PA LA GNYIS, SGYU LUS KYI SNGON DU JI LTAR BYA BA DANG, SGYU LUS KYI RIM PA NYID BSHAD PA'O, ,DANG PO NI, SLOB DPON GYIS DE LTA BU'I LHA SKU KHYAD PAR CAN JI LTAR BSKYED PA'I TSUL BSHAD PAR BYA'I NYON CIG CES PA SNGON DU BTANG NAS, DE'I TSUL NI, BDAG BYIN BRLAB LAS, BSKAL PA DPAG TU MED PAR NI, ,THOS PA'I PHA ROL PHYIN PAS KYANG, ,BLA MA'I BKA' MED SGYU MA NI, ,MNGON DU BYA BAR MI NUS SO, ,ZHES GSUNGS PA LTA BU'I RNYED DKA' BA'I SGYU MA'I SKU DE RNYED MA RNYED PA'I SKYON YON NI, RIM LNGA LAS BDAG LA BYIN GYIS BRLAB PA'I RIM, , GANG GIS RNYED PAR MA GYUR PA, ,MDO SDE RGYUD DANG RTOGS PA LA, ,DE YI NGAL BA DON MED 'GYUR, ,BDAG LA BYIN BRLAB RIM THOB PA, ,GTZO BO SANGS RGYAS KUN BDAG NYID, ,TSE 'DI NYID DU SANGS RGYAS NI, ,THE TSOM MED PAR 'THOB PAR 'GYUR, ,ZHES GSUNGS PA LTAR RO, ,GNYIS PA LA GNYIS, MAN NGAG GI GZHI 'DING BA DANG, SGYU LUS BSGRUB TSUL BSHAD PA'O, ,DANG PO NI, GZHI DUS SU RANG CHAS SU YOD PA'I SHIN TU PHRA BA'I RLUNG SEMS DNGOS PO GCIG PO DE SGYU LUS KYI SGRUB GZHI YIN TE, GZHI'I SEMS CAN 'CHI BA'I DUS BYAS NAS PHYI MA GLO BUR DU RANG DBANG GIS MI 'BYUNG GI ,RANG RGYU 'CHI BA 'OD GSAL GYI RLUNG SEMS TSOGS PA LAS BAR DOR SKYE ZHING, DE NAS SKYE SRID DU 'JUG PA YIN LA, DE NYID THABS MKHAS KYIS LAM DU BSGYUR NUS NA RNAL 'BYOR PA LA SGYU MA'I SKUR SHAR NAS 'TSANG RGYA BA'I PHYIR TE, RIM LNGA LAS, 'GRO KUN RANG DBANG MED PA STE, ,RANG DBANG DU NI 'BYUNG MA YIN, , DE YI RGYU NI 'OD GSAL BA, ,'OD GSAL THAMS CAD STONG PA'O, ,SEMS GANG GIS NI BYIS PA RNAMS, ,'KHOR BA'I 'CHING BAS BCINGS GYUR BA, ,SEMS DE NYID KYIS RNAL 'BYOR PA, ,BDE GSHEGS GNAS SU 'GRO BAR 'GYUR, ,ZHES GSUNGS PA'I PHYIR, YANG 'GRO BA'I SKYE 'CHI BAR DO

SOGS RANG RGYU SHIN TU PHRA BA'I RLUNG SEMS KYI RNAM 'PHRUL DANG, RLUNG SEMS PHRA MO DE 'GRO BA SNA TSOGS SU SKYE BA YIN TE, RDOR 'PHRENG LAS, SNYING POR GYUR BA RANG SROG LAS, ,KHAMS GSUM NA NI GZHAN MED DE, ,SGYU MA RLUNG GIS KHAMS GSUM PA, ,RMI LAM RMI PA BZHIN DU MTHONG, ,ZHES DANG, SKYE DANG GNAS DANG 'JIGS PA DANG, ,SRID PA BAR MAR GNAS PA STE, ,JI SNYED 'JIG RTEN GYIS BTAGS PA, ,SEMS KYI RLUNG GI RNAM 'PHRUL LO, ,ZHES DANG, LUNG STON LAS KYANG, 'DU SHES CAN DANG 'DU SHES MED, ,SEMS CAN DU BTAGS 'DIR GNAS PA, ,DE RNAMS RLUNG LAS BYUNG BA STE, ,SLAR YANG RLUNG LAS 'GAG PA YIN, ,RNAM PAR RTOG PA'I SEMS DE NI, ,'KHOR BA'I RGYA MTSOR GNAS GYUR KYANG, ,DE NI PHYIN CI LOG SONG BAS, ,KHYI DANG CE SPYANG GLANG PO DANG, ,SEMS DE RTAR YANG 'GRO BAR 'GYUR, ,ZHES GSUNGS PA'I PHYIR, GZHI'I SEMS CAN GYI SHIN TU PHRA BA'I RLUNG SEMS GNYIS TSOGS PA DE SGYU MA'I SKU'I SGRUB GZHI YIN TE, SEMS CAN GYI LUS SEMS LA RAGS PA GNAS SKABS PA'I LUS SEMS DANG, PHRA BA GNYUG MA'I LUS SEMS GNYIS YOD PAR NGES SHING, RAGS PA'I LUS SEMS 'DOR YANG, PHRA BA'I LUS SEMS GNYIS KYI RGYUN LAS SGYU MA'I SKU SGRUB PAR BYED PA'I PHYIR, DANG PO GRUB STE, SEMS CAN GYI LUS LA RNAM SMIN GYI 'BYUNG LUS RAGS PA DANG, DE DANG 'BREL BA'I SEMS DANG, SHIN TU PHRA BA'I RLUNG DANG DE DANG 'BREL BA'I SEMS PHRA BA GNYIS YOD PA'I PHYIR, GNYIS PA GRUB STE, RAGS PA'I LUS SEMS GNYIS NI CHU LA TSA BA LTAR GNAS PAS 'DOR RUNG YANG, PHRA BA'I LUS SEMS GNYIS NI CHU LA GSHER BA BZHIN GNAS TE 'BRAL DU MI RUNG BA'I PHYIR, GANG ZAG GCIG LA LUS SEMS PHRA RAGS GNYIS GNYIS YOD KYANG RGYUD THA DAD PAR NI MI 'GYUR TE, PHRA RAGS GNYIS SPYIR RTEN BRTEN PA YIN ZHING, DE GNYIS LAS GANG GIS BYA BA GTZO BOR BYED PA'I TSE, CIG SHOS BAG LA ZHA BA'I

, ,TSUL DU 'BYUNG BA'I PHYIR DANG, DUS THA DAD PA'I DBANG GIS NI, NGA DU MA SRID KYANG RGYUD THA DAD PAR MI 'GYUR BA BZHIN YIN PA'I PHYIR, SPYIR SHIN TU PHRA BA'I RLUNG SEMS GNYIS SGYU MA'I SKUR 'GYUR ZHES PA DANG, RLUNG SGYU MA'I SKUR 'GYUR ZHES BSHAD PA YOD KYANG SBOM THOG NAS YIN PAS, ZHIB TU NA SHIN TU PHRA BA'I RLUNG SGYU MA'I SKU'I LUS DANG, SHIN TU PHRA BA'I SEMS SGYU LUS PA'I SEMS SU 'GYUR ZHES KHYAD PAR PHYE NAS SMRA BAR BYA'I, SGYU LUS PA'I GDAGS GZHI'I RLUNG SEMS GNYIS SGYU LUS PAR KHAS BLANG BAR MI BYA STE, RLUNG DANG SHES PA TZAM GANG ZAG TU 'GYUR MI SRID PAS SGYU LUS PAR MI 'THAD PA'I PHYIR RO, ,DES NA GDAGS GZHI RLUNG SEMS PHRA BA GNYIS TSOGS PA'I STENG GI NGA ZHIG SGYU LUS PAR 'DOD RIGS TE, SPYIR LUS SEMS GNYIS SAM PHUNG PO LNGA TSOGS PA'I STENG NAS NGA'AM GANG ZAG TU 'JOG PA BZHIN NO, ,'O NA RJES GSAL SGRON LAS, GANG ZAG TU THA SNYAD 'DOGS PA'I GZHI'I GTZO BO RLUNG SEMS GNYIS YIN MOD, CES GSUNGS PA 'DIS PHRA BA'I RLUNG SEMS GNYIS GANG ZAG TU BSHAD PA MIN NAM ZHE NA MIN TE, DES DE GNYIS PO GANG ZAG GI GDAGS GZHIR BSTAN PAS GDAGS GZHI BTAGS CHOS SU MI 'THAD PA'I PHYIR RO, ,GNYIS PA LA GNYIS GZHUNG NAS BSHAD TSUL DANG, SGRUB TSUL YON TAN DANG BCAS PA'O, ,DANG PO NI, RIM LNGA LAS, DE NYID RLUNG DANG YANG DAG LDAN, ,RNAM SHES GSUM PO SLAR YANG NI, ,RNAL 'BYOR PA YI LUS SU 'GYUR, ,SGYU MA'I LUS ZHES DE LA BSHAD, ,CES SGYU LUS DE RLUNG SEMS TZAM LAS BSGRUB PAR BSHAD PA LTAR RO, ,TZAM SGRAS NI 'BYUNG LUS RAGS PA DANG KUN RTOG LTA BU GCOD KYI, SGRUB GZHI GZHAN GCOD PA MIN NO, ,SNANG BA GSUM RNAL 'BYOR BA'I SGYU LUS SU 'GYUR BAR BSHAD PA NI DE GSUM GYI BZHON PA'I RLUNG DANG BCAS PA LA DGONGS SO, ,GNYIS PA NI, SGYU LUS 'GRUB PA LA BSGOMS STOBS KYIS LUS PHRA RAGS GNYIS SO SOR 'BYED NUS PA ZHIG DGOS TE,

GZHI LA BAR DO 'GRUB PA LA LUS PHRA RAGS GNYIS SO SOR PHYE BA SNGON DU 'GRO DGOS PA'I PHYIR, LUS DE GNYIS SO SOR 'BYED PA'I THABS LA 'PHO BA DANG, GRONG 'JUG DANG, RDOR BZLAS GSUM YOD PA LAS 'DIR PHYI MAS 'BYED DGOS TE, DANG PO GNYIS KYIS LHA SKU 'GRUB MI NUS PA'I PHYIR, RIM PA GSUM PA'I SGYU LUS 'DI LA KHYAD PAR GYI CHOS DU MA YOD DE, RGYU'I KHYAD PAR, DUS KYI KHYAD PAR, GNAS KYI KHYAD PAR, NGO BO, KHA DOG ,DBYIBS, MTHONG TSUL, YON TAN, MTSON BYED, MTSAN GYI RNAM GRANGS, PHAN YON GYI KHYAD PAR RNAMS SU YOD PA'I PHYIR, RGYU'I KHYAD PAR YOD DE, RANG RGYU SEMS DBEN MTHAR THUG GI DPE'I 'OD GSAL GYI RLUNG SEMS TZAM GYI DNGOS KYI NYER LEN LAS BYUNG BA'I PHYIR, DUS KYI KHYAD PAR YOD DE, SEMS DBEN MTHAR THUG GI LUGS LDOG GI NYER THOB DANG DUS MNYAM DU 'BYUNG BA'I PHYIR, GNAS KYI KHYAD PAR YOD DE, DH'U T'I'I DBUS KYI NANG NGAM PHYI ROL CI RIGS PAR LDANG BA YIN PA'I PHYIR, 'DIR MKHAS PA KHA CIG NANG LDANG KHO NA DANG, 'GA' ZHIG NI PHYI LDANG KHO NA BZHED BZHED PA'ANG YOD DO, ,NGO BO'I KHYAD PAR YOD DE, SHA RUS SOGS DANG BRAL ZHING RLUNG SEMS TZAM LAS GRUB PA DANG DANGS SHING THOGS MED KYI SKU CAN YIN PA'I PHYIR, KHA DOG GI KHYAD PAR YOD DE, SGRUB GZHI SROG 'DZIN DANG MTHUN PA'I DKAR POR BSHAD PA'I PHYIR, DBYIBS KYI KHYAD PAR YOD DE, 'DIR RDO RJE 'CHANG YAB YUM GYI RNAM PA CAN DU 'GYUR BA'I PHYIR, MTHONG TSUL GYI KHYAD PAR YOD DE, SGYU LUS THOB PAS MNGON SUM DU MTHONG GI ,DE MA THOB PA'I SO SKYES MNGON SUM DU MI MTHONG BA'I PHYIR, YON TAN GYI KHYAD PAR YOD DE, MTSAN DPES BRGYAN CING, NAM MKHA' MDZOD LA MNGA' BRNYES PA DANG, TSE DE LA 'TSANG RGYA NUS PA'I YON TAN DANG LDAN PA'I PHYIR, MTSON BYED KYI KHYAD PAR YOD DE, SGYU MA, CHU ZLA, MIG YOR, SMIG RGYU, RMI LAM, BRAG CHA, DRI ZA'I GRONG KHYER, MI 'PHRUL, 'JA' TSON, GLOG ,CHU BUR, GZUGS BRNYAN TE DPE BCU GNYIS KYIS MTSON PA'I PHYIR, MTSAN GYI KHYAD PAR YOD DE,

, ,KUN RDZOB BDEN PA, SGYU MA'I SKU, BDAG BYIN RLABS, LONGS SPYOD RDZOGS SKU, RDO RJE'I SKU, DRI ZA'I SGRAS KYANG BRJOD PA'I PHYIR, PHAN YON GYI KHYAD PAR YOD DE, PHAN YON GYI GTZO BO NI DE THOB NA TSE DE LA 'TSANG RGYA NUS PA SOGS YIN LA, DER MA ZAD, SGYU LUS MA THOB KYANG DE'I KHYAD PAR JI LTA BU YIN LEGS PAR SHES SHING MOS PA TZAM LA YANG BSKYED RIM PHRA RAGS MTHAR PHYIN PA DANG 'DRA BA'I PHAN YON DANG, STONG NYID MNGON SUM DU RTOGS PA DANG 'DRA BA'I PHAN YON 'BYUNG BAR SPYOD BSDUS DANG YE SHES RDO RJE KUN LAS BTUS DANG, DE'I 'GREL PAR RJE NYID KYIS GSAL BAR BSHAD PA'I PHYIR RO, , GNYIS PA NI, SMON LAM LAS, SGYU MA LONGS SKU 'OD GSAL CHOS SKU DANG, ,SNA TSOGS SPRUL SKU GSUM LA RE RE ZHING, ,RNAM PA GSUM GSUM BSRE BA RNAM PA DGU, ,YONGS RDZOGS MAN NGAG GNAD LA MKHAS GYUR TE, ZHES GSUNGS PA LTAR 'CHAD PA LA GNYIS, GNAS SKABS GANG DU BSRE BA GANG SGOM PA DANG, BSGOM TSUL DNGOS SO, ,DANG PO NI, RLUNG DH'U T'IR THIM PA'I STONG PA BZHI 'DREN NUS PA NAS ZUNG 'JUG GI BAR GNYID KYI 'OD GSAL DANG BSRE BA DANG RMI LAM DANG BSRE BA DANG, YANG SEMS DBEN MAN CHAD DU 'CHI BA DANG BSRE BA DANG BAR DO DANG BSRE BA YIN TE, SGYU LUS THOB NA 'CHI BA DANG BAR DO'I BSRE BA MI DGOS PA'I PHYIR RO, ,GNYIS PA LA GNYIS, DBYE BSDU DANG, BSRE BA SO SO'I RANG BZHIN BSHAD PA'O, ,DANG PO LA RGYAS PAR DBYE NA, SAD DUS KYI SKU GSUM GYI BSRE BA DANG, GNYID DUS KYI SKU GSUM DANG, 'CHI DUS KYI SKU GSUM DANG BSRE BA STE DGU YIN LA, DE RNAMS BSDU NA GSUM DU'ANG 'GYUR TE, CHOS SKU LONGS SKU SPRUL SKU'I BSRE BA GSUM DU 'GYUR BA'I PHYIR, GNYIS PA LA GSUM GYI DANG PO SAD DUS KYI SKU GSUM DANG BSRE TSUL YOD DE, GNYID DU MA SONG BA'I SKABS SU DGA' BZHI DANG STONG BZHI DRANGS NAS BDE STONG SBYAR NAS SGOM PA NI CHOS SKU DANG BSRE BA, 'OD GSAL

LAS YID NGOR RAM, DNGOS GNAS LA SGYU MA'I SKUR LANGS PA RDO RJE 'CHANG DU SGOM PA NI LONGS SKU DANG BSRE PA, DE NYID PHUNG PO RNYING PA LTAR BSGOMS PA'I THUGS KAR YE SHES SEMS DPA'I TSUL GYIS 'JUG PA NI SPRUL SKU DANG BSRE BA YIN PA'I PHYIR, GNYIS PA GNYID DUS KYI BSRE BA GSUM YOD DE, DE YANG SAD DUS KYI BSRE BA BYED NUS PA ZHIG GIS GNYID KYI 'OD GSAL GYI DUS SU BDE STONG SBYOR BA NI CHOS SKU DANG BSRE BA, 'OD GSAL LAS RMI LAM GYI LUS SGYU LUS SU LANGS PA RDO RJE 'CHANG DU SGOM PA NI LONGS SKU DANG BSRE BA, DE PHUNG PO RNYING PA LA ZHUGS NAS SAD PA NI SPRUL SKU DANG BSRE PA YIN PA'I PHYIR, GSUM PA 'CHI DUS KYI BSRE PA GSUM YOD DE, 'CHI DUS KYI 'CHI BA 'OD GSAL CHOS SKU DANG BSRE BA, BAR DOR SGYU MA'I SKUR LANGS PAR MOS PA'AM, DNGOS GNAS SU LANGS PA LONGS SKU DANG BSRE BA, DE NYID SKYE GNAS GZHAN DU SKYE BA 'DZIN PA SPRUL SKU DANG BSRE PA YIN PA'I PHYIR, BSRE PA PHYI MA GSUM NI TSE 'DIR MCHOG MI 'GRUB KYANG, BAR DO 'AM SKYE BA BRGYUD NAS 'TSANG RGYA BA GNYIS KA DANG SBYAR BAR BYA STE, SMON LAM LAS, GAL TE 'DI DANG BAR DOR MCHOG 'GRUB PA'I, ,ZHES PA NAS, 'CHI TSE YID LA DGA' BA RGYAS PAR SHOG ,ZHES GSUNGS PA'I PHYIR, 'ON KYANG SKYE BA BRGYUD NAS 'TSING RGYA BA'I BSRE BA LA NI MOS PA YID BYED TZAM GYI BSRE BA BYED TSUL YANG YOD DO, ,GNYIS PA DON DAM 'OD GSAL GYI RDZOGS RIM LA GNYIS, RIM LNGA DANG SPYOD BSDUS LAS BSHAD PA'I DON DANG, RGYUD PHYI MAR 'DZIN PA'I YAN LAG TU GSUNGS PA'I DON NO, ,DANG PO LA GSUM GO RIM NGES TSUL SNOD RUNG DU BYA BA DANG BCAS PA, 'OD GSAL GYI GDAMS NGAG ,RIM PA DE LAM GZHAN GYI MTHAR 'ONG TSUL LO, ,DANG PO NI, STONG NYID MNGON SUM DU RTOGS PA TZAM NI RIM PA BZHI PA'I 'OD GSAL DU MI 'GYUR TE, DE NI PHAR PHYIN THEG PA'I BYANG SEMS DANG, NYAN RANG 'PHAGS PA LA'ANG YOD PA'I PHYIR, DES NA SPYIR DON DAM

, ,BDEN PA MNGON SUM DU RTOGS PA LA RIM PA GSUM PA'I SGYU LUS SNGON DU 'GRO DGOS PA NI MIN NO, ,'O NA JI LTAR ZHE NA, RIM PA BZHI PA'I DON GYI 'OD GSAL GYIS NYON SGRIB DNGOS SU SPONG NUS SHING, SHES SGRIB SPONG BA'I NUS PA KHYAD PAR CAN THOB PA LA SGYU LUS SNGON DU 'GRO DGOS TE, RIM PA GSUM PA'I SGYU LUS DE THEG PA GZHAN GYI GRANGS MED GSUM GYI BSOD NAMS KYI TSOGS KYI DOD THUB YIN LA, SGYU LUS DE 'OD GSAL DU SBYANGS PA'I MTHUS RIM PA BZHI PA'I 'OD GSAL DE SGRIB GNYIS SBYONG BA'I NUS PA SHIN TU MTHU CHEN DU 'GYUR PAS, SKU GNYIS 'GRUB PA'I RIGS 'DRA'I RGYU NGO BO DBYER MED DU SBYOR BA YANG CHES STOBS LDAN DU 'GYUR PA'I PHYIR RO, ,GNYIS PA NI, SKABS 'DIR 'OD GSAL GYI GDAMS NGAG NYAN PA'I SLOB MAS JI LTAR BYA BA'I TSUL YOD DE, RIM LNGAR, BLA MA DE NI MNYES BYAS LA, ,CI NUS PAS NI MCHOD PAR BYA, ,ZHES 'BYUNG BA LTAR, PHYI NANG GSANG BA'I MCHOD PA RNAMS KYIS MCHOD NAS GSOL BA GDAB CING, DBANG GSUM PA DNGOS DBANG DU BSKUR NAS 'OD GSAL GYI GDAMS NGAG 'BOG PA YIN PA'I PHYIR, 'OD GSAL GYI GDAMS NGAG SNGAR THOB KYANG 'DIR DON GYI 'OD GSAL GYI CHED YIN TE, GSAL SGRON LAS, SNGAR 'OD GSAL GYI GDAMS NGAG BSHAD KYANG 'DIR BSHAD MI DGOS PA GA LA YIN, ZHES GSUNGS PA'I PHYIR, 'DIR PHYI NANG GI MNGON BYANG GNYIS YOD DE, RIM PA BZHI PA'I DON GYI 'OD GSAL DE, SNANG MCHED THOB GSUM 'DAS PA'I MTHAR MNGON DU BYAS PAS CHA NAS NANG GI MNGON BYAD DANG, THO RANGS KYI DUS SU MNGON DU BYAS PA'I SGO NAS PHYI'I MNGON BYANG DU 'JOG PA'I PHYIR TE, RTZA RGYUD LAS, SKYA RENGS 'CHAR BA'I DUS SU NI, ,BSGOM PA'I MCHOG NI 'GRUB PAR 'GYUR, ,ZHES GSUNGS PA'I PHYIR, DE'I TSE BSAM GTAN GNYIS KYI SDUD RIS GTZO BOR BYED PA YIN TE, RANG GI

LUS KYI STOD SMAD NAS SNYING GAR SDUD PA'I RIL 'DZIN DANG, SNOD BCUD SDUD PA SNGON DU BTANG NAS RANG NYID SDUD PA'I RJES GZHIG GI BSAM GTAN GNYIS GTZO BOR SGOM DGOS PA'I PHYIR, BSAM GTAN GNYIS SGOM PA LA SEMS DPA' SUM BRTZEGS BYED MI BYED GNYIS YOD KYANG, BYA DGOS PA YIN TE; RANG DANG SEMS CAN THAMS CAD KYI LUS NGAG YID GSUM DBYER MED DU BYAS TE, RNAM SNANG 'OD DPAG MED MI BSKYOD PA GSUM DU RIM PA BZHIN DU SBYAR NAS SGOM PAR BYED PA NI, SKU GSUNG THUGS KYI DAM TSIG SEMS DPA' DANG, DE GSUM GYI THUGS KAR YI GE GSUM SGOM PA NI YE SHES SEMS DPA' DANG, DE GSUM GYI THIG LE'I NANG DU AA THUNG SGOM PA NI TING NGE 'DZIN SEMS DPA' YIN PA'I PHYIR TE, RTZA RGYUD LAS, SANGS RGYAS DKYIL 'KHOR DBUS GNAS PAR, ,BDAG GI LUS LA SNANG MDZAD BZHAG ,SNYING GAR YI GE AOm BSAMS LA, ,SNGAGS LA RNAM PAR SHES PA BSGOM, ,ZHES DANG, DE BZHIN DU 'OD DPAG MED MI BSKYOD PA GNYIS LA'ANG GSUNG THUGS DANG SBYAR NAS GSUNGS PA'I PHYIR, DE LTAR BSGOMS PAS DON GYI 'OD GSAL SKYES PA'I TSE, MA DAG PA'I SGYU LUS 'JA' YAL BA LTAR DAG NAS 'GRO ZHING, DE'I TSE LHAN SKYES KYI BDE BAS STONG NYID MNGON SUM DU RTOGS PA, BLA MED KYI MTHONG LAM THOB PA, DE'I SA DANG PO THOB PA, BDEN 'DZIN NAM NYON SGRIB KUN BTAGS LHAN SKYES GNYIS KA'I DNGOS GNYEN THOB PA RNAMS DUS MNYAM PA'I TSUL GYIS 'BYUNG NGO, ,SPYIR 'OD GSAL DE LA SGRAS BRJOD RIGS PA TZAM GYI DBANG DU BYAS NA, YUL GYI 'OD GSAL DANG, YUL CAN GYI 'OD GSAL GNYIS YOD PA'I DANG PO DANG STONG NYID DON GCIG ,GNYIS PA LA'ANG SPYI DON, SBAS DON, MTHAR THUG GI 'OD GSAL DANG GSUM, DER MA ZAD, GZHI'I 'OD GSAL DANG, LAM GYI 'OD GSAL DANG, 'BRAS BU'I 'OD GSAL ZHES PA'I

, ,THA SNYAD KYANG YOD DO, ,GSUM PA NI, KHA CIG PHAR PHYIN THEG PA BA SNGAGS BLA MED KYI LAM DU 'JUG DGOS NA, LAM GYI SKABS GANG NAS 'JUG SNYAM NA, 'DI LA MKHAS PA KHA CIG ,SA DANG PO NAS BCU PA'I BAR GYI BYANG SEMS SNGAGS LAM DU 'JUG PAR YOD DO ZHES BZHED MKHAS PA KHA CIG NI TSOGS LAM NAS 'JUG PA YOD LA, BYANG 'PHAGS RNAMS NI, SA BCU PA KHO NA NAS 'JUG CING, DE YANG SRID PA THA MA NAS 'JUG GO GSUNG, SBYOR LAM THOB NAS BLA MED KYI LAM 'OG MA NAS MI 'JUG PA'I RGYU MTSAN DU SBYOR LAM CHOS MCHOG GI BAR GYI BYANG SEMS RNAMS KYIS BSAM GTAN GYI DNGOS GZHI THOB PAS 'DOD PA LA 'DOD CHAGS DANG BRAL BA 'DOD KYANG, DE NI MI 'THAD DE, DE LTA NA DE RNAMS SNGAGS LAM DU GTAN MI 'JUG PAR THAL BA'I PHYIR TE, SA BCU PA'I MTHAR 'JUG NA NI DON GYI 'OD GSAL NAS 'JUG DGOS PAS DBANG GSUM PA DNGOS DBANG DU BSKUR BA YANG MI 'THAD PA'I PHYIR RO,, DER MA ZAD, SLOB PA'I ZUNG 'JUG PAS LAS RGYA LA BRTEN PAR BSHAD PA YANG MI 'THAD PAR THAL TE, DES NYON MONGS SPANGS ZIN PAS CHAGS PA DANG GTAN NAS BRAL ZIN PA'I PHYIR RO, ,DES NA LUGS SNGA MA NYID 'THAD PAR SEMS SO, ,PHAR PHYIN THEG PA PAR MA ZAD, RGYUD SDE 'OG MA PA GSUM YANG BLA MED DU 'JUG DGOS TE, 'DI RNAMS LA RANG RANG GI RIGS NGES MA NGES GNYIS SU DBYE DGOS PAS SO, ,SNGON STON PAS LHA'I BU MO THIG LE MCHOG MAR BRTEN NAS 'OD GSAL MNGON DU BYAS TE BYANG CHUB THOB PA'I TSUL BSTAN PA NI GZHAN DU SHES PAR BYA'O, ,'ON KYANG MTHAR SNGAGS LA ZHUGS PA NI RANG LAM DOR NAS SNGAGS LA ZHUGS PA MA YIN TE, RANG LAM GYI STENG DU SNGAGS LAM GYI BSNON MA BYAS PA TZAM YIN PA'I PHYIR RO, ,BSKYED RIM DANG, RIM PA DANG PO GSUM SNGON DU MA SONG BAR RIM PA BZHI PA MNGON DU BYED PA NI 'DI LA DMIGS BSAL YIN NO, ,GNYIS PA NI, RIM PA BZHI BA'I 'OD GSAL DE YAN LAG DRUG GI NANG NAS GANG YIN ZHE NA, 'DZIN PA'I YAN LAG

YIN TE, RGYUD PHYI MA LAS, RANG DBANG RIN CHEN DGAG PA YI, ,GZUNG BA 'DZIN PA YIN PAR BSHAD, ,CES GSUNGS PA'I PHYIR RO, ,GNYIS PA BDEN GNYIS DBYER MED KYI RDZOGS RIM NI, RIM LNGA DANG SPYOD BSDUS LAS GSUNGS BA LTAR ZUNG 'JUG 'GRUB LUGS STE, 'DI LA GSUM, DON GYI 'OD GSAL LAS LDANG TSUL DANG, MNYAM RJES KYI BYA BA DANG ZUNG 'JUG NGANG RJES RTZES DRAN DANG TING NGE 'DZIN GYI YAN LAG GANG NA 'JOG TSUL DANG BCAS PA DANG SPYOD PA DANG SA LAM GYI RNAM GZHAG GO ,DANG PO NI, RIM LNGA LAS, RANG BZHIN BCAS 'OD DE DANG DE, ,RNAM SHES RLUNG DANG LDAN PA YI, ,BDAG BYIN RLABS PA'I RIM KYIS KYANG, ,SEMS CAN DON DU LAN 'GA' BYUNG, ,JI LTAR DANGS PA'I CHU KLUNG LAS, ,NYA DAG MYUR DU LDANG BA LTAR, ,DE BZHIN THAMS CAD STONG GSAL LAS, ,SGYU 'PHRUL DRA BA 'BYUNG BAR BSHAD, ,CES GSUNGS PA LTAR, DON GYI 'OD GSAL LAS LANGS MA THAG NYER THOB GRUB PA DANG DUS MNYAM DU DAG PA'I SGYU MA'I SKU SLOB PA'I ZUNG 'JUG 'GRUB PAR 'GYUR BA YIN TE, SPYOD BSDUS LAS GNYID MYUR DU SANG BA'I DPES GSUNGS PA DANG, GZHI LA 'CHI BA 'OD GSAL LAS LANGS MA THAG BAR DO 'GRUB PA DANG SHIN TU MTHUN ZHING, RGYUD PHYI MA LAS KYANG, YUD KYIS YE SHES RDZOGS BYED PA, ,TING NGE 'DZIN CES BYA BAR BSHAD, ,CES GSUNGS PA'I PHYIR, DE'I DUS SU THOB PA'I ZUNG 'JUG DE SPANGS PA ZUNG 'JUG YIN TE, RIM LNGA LAS, 'KHOR BA DANG NI MYA NGAN 'DAS, ,RTOG PA GNYIS PO SPANGS PAS NA, ,GANG DU DNGOS PO GCIG GYUR PA, ,ZUNG DU 'JUG CES DE LA BSHAD, ,CES PA'I SKABS NAS BRTEN PA'I ZUNG 'JUG DE'I TSE GSAR DU THOB PA'I PHYIR, DE'I RJES SU DON GYI 'OD GSAL GZHAN MNGON DU MDZAD PA NA ZUNG 'JUG GI GTZO BO RTOGS PA ZUNG 'JUG DE THOB PA YIN TE, DE NYID LAS, KUN RDZOB DANG NI DON DAM GYI, ,RNAM DBYE SO SOR SHES NAS NI, ,GANG DU YANG DAG 'DRES GYUR PA, ,ZUNG DU 'JUG PA DE BSHAD DO, ,CES GSUNGS PA LTAR GYI ZUNG 'JUG DE THOB

, ,PA YIN PA'I PHYIR, 'O NA SNGAGS RIM SOGS LAS, LUGS LDOG GI SNANG BA'I MTHAR ZUNG 'JUG THOB PAR BSHAD PA DANG 'GAL LO ZHE NA, MI 'GAL TE, DE NI SNGON GYI MKHAS GRUB 'GA' RE'I BZHED TSUL BKOD PA YIN GYI, RANG LUGS KYI BZHED PA MTHAR THUG MIN PA'I PHYIR TE, BZHED PA MTHAR THUG NI GSAL SGRON MTHA' DPYOD, DNGOS GRUB SNYE MA SOGS NAS BSHAD PA LTAR BYA BA YIN PA'I PHYIR RO, ,GNYIS PA NI, RIM PA BZHI PA'I 'OD GSAL GYI BZHON PAR GYUR PA'I ZAG MED KYI RLUNG 'OD ZER LNGA PAS NYER LEN DANG, SEMS KYIS LHAN CIG BYED RKYEN BYAS PA LA BRTEN NAS BYUNG BA'I SGYU MA'I SKU CAN RANG GI RNAM SMIN GYI PHUNG PO RNYED PA LAS GO SA LOGS SU PHYE NAS BZHENGS PA'I SPANGS PA ZUNG 'JUG PA DES SLAR YANG MNYAM GZHAG TU ZHUGS NAS RTOGS PA ZUNG 'JUG MNGON DU BYED CING, RJES THOB KYI TSE RNAM SMIN GYI PHUNG PO RNYING PA LA ZHUGS NAS SPRUL SKU 'DZIN PA YIN TE, KLU BYANG GIS, YANG DAG MGON PO DE NYID NI, ,'BAD PAS SBAS NAS PHUNG PO YI, ,RIN CHEN ZA MA TOG TU BZHAG ,CES GSUNGS PA'I PHYIR, ,SPANGS PA ZUNG 'JUG DE RJES DRAN DANG TING NGE 'DZIN GNYIS KYI NANG NAS RJES DRAN GYIS BSDUS PA YIN TE, DE'I TSE BYUNG BA'I LUGS LDOG GI SNANG BA GSUM PO RJES DRAN GYIS BSDUS PA'I PHYIR TE, SMON LAM LAS, LUGS LDOG RJES DRAN ZUNG 'JUG TING 'DZIN DANG, ,ZHES GSUNGS PA'I PHYIR, 'ON KYANG GSUNG 'DI LTA BU LA BRTEN NAS SLOB PA'I ZUNG 'JUG THAMS CAD TING NGE 'DZIN GYI YAN LAG TU BZHED PA YANG SNANG NGO, ,RTOGS PA ZUNG 'JUG NI TING NGE 'DZIN GYI YAN LAG TU 'JOG STE, RGYUD PHYI MA'I LUNG DANG, SNGAR GYI SMON LAM GYI LUNG DES BSGRUB PA'I PHYIR RO, ,GSUM PA LA GNYIS, SPYOD PA DANG, SA LAM GYI RNAM GZHAG GO ,DANG PO LA GNYIS, SPYOD PA SPYI DANG, BYE BRAG GO ,DANG PO NI, SPYIR SPYOD PA LA GSUM

YOD DE, DMAN PA LA MOS PA LA CHAGS BRAL GYI SPYOD PA DANG, RGYA CHEN PO LA MOS PA LA SA DANG PHA ROL TU PHYIN PA'I SPYOD PA DANG, ZAB MO LA MOS PA LA 'DOD CHAGS KYI SPYOD PA GSUM BSTAN PA'I PHYIR, PHYI MA NI RGYUD SDE BZHI KA'I GDUL BYA'I DBANG DU BYAS SHING, KHYAD PAR DU BLA MED KYI DBANG DU MDZAD PA YIN TE, DES NI 'DOD YON SPYI DANG BYE BRAG LAS DANG YE SHES KYI PHYAG RGYA GNYIS KA LA LONGS SPYOD DGOS PA'I PHYIR, DE YANG GTZO BO'I DBANG DU BYAS KYI, BLA MED KYI GDUL BYAS CHAGS BRAL GYI SPYOD PA BSTEN MI RUNG BA YANG MA YIN TE, BLA MED KYI LAM NYAMS SU LEN PA'I RAB BYUNG GI RTEN KHYAD PAR CAN YOD PA'I PHYIR TE, JI SKAD DU, PHYI RU NYAN THOS SPYOD PA SPYOD, ,NANG DU GSANG BA 'DUS LA DGA', ,ZHES GSUNGS PA'I PHYIR, GNYIS PA NI, BLA MED KYI SPYOD PA LA DBYE NA GSUM YOD DE, SPROS BCAS, SPROS MED, SHIN TU SGROS MED KYI SPYOD PA GSUM YOD PA'I PHYIR TE, SMON LAM LAS, SPROS BCAS SPROS MED SHIN TU SPROS MED KYI, ,SPYOD MCHOG RNAM GSUM YONGS SU RDZOGS PAR SHOG ,CES GSUNGS PA'I PHYIR, YANG RTEN GYI SGO NAS BSKYED RDZOGS GNYIS KYI SPYOD PA DANG, DUS KYI SGO NAS DBYE BA DANG, 'BRAS BU'I SGO NAS DBYE BA DANG, BOGS 'BYIN PA'I SPYOD PA SOGS YOD DO, ,SPYOD PA GSUM GYI KHYAD PAR YOD DE, LAS RGYA DANG 'DRA 'BAG CHAS GOS SOGS YOD CING, BRDA DANG BRDA'I LAN SOGS BYA BA'I SPYOD PA DE SPROS BCAS KYI SPYOD PA DANG, LAS RGYA DANG 'DRA 'BAG SOGS YOD CING, BRDA DANG DE'I LAN SOGS BYA BA MED PA'I SPYOD PA DE SPROS MED KYI SPYOD PA DANG, BRDA'I SPYOD PA DE THAMS CAD SPANGS NAS YE RGYA DANG SNYOMS PAR 'JUG CING, GNYID KYI 'OD GSAL CHIG BSGRIL DU SKYONG BA'I SGO NAS BDE STONG GI YE SHES GTZO BOR SGOM PAR BYED PA'I SPYOD PA DE SHIN TU SPROS MED KYI SPYOD PA YIN PA'I PHYIR RO, ,GSAM PA LA GNYIS, DOD THUB KYI SGO NAS BSHAD PA DANG, NGO BO'I SGO NAS BSHAD PA'O, ,DANG PO NI

, ,BLA MED KYI RGYUD DAG LAS SA'I DBYE BA DU MA BSHAD DE, SA BCU DANG, BCU GCIG DANG, BCU GNYIS DANG, BCU GSUM DANG, BCU BZHIR BSHAD PA YANG YOD PA'I PHYIR, DE DAG NI DBYE BSDU MDZAD PA TZAM YIN GYI, 'GAL BA NI MED DE, DE YANG YONGS GRAGS KYI SA DANG PO NAS SA BCU BA'I BAR DANG, DE'I STENG DU SANGS RGYAS KYI SA KUN TU 'OD BSNAN PAS BCU GCIG ,DE'I STENG DU MOS SPYOD KYI SA BSNAN PAS BCU GNYIS, SLOB PA'I SA DGU DANG, BCU BA LA BCU BA TZAM DANG, DE'I KHYAD PAR GYI LAM DANG, BAR CAD MED PA'I LAM GSUM DANG, DE'I STENG DU KUN TU 'OD BSNAN PAS BCU GSUM, DE RNAMS KYI STENG DU MOS SPYOD KYI SA BSNAN PAS BCU BZHIR 'JOG PA'I PHYIR, SPYOD BSDUS 'GREL BAR MI 'DRA BA ZHIG KYANG YOD DE, SBYOR LAM DROD SOGS BZHI PO RE RE LA CHUNG 'BRING CHEN PO GSUM DU PHYE NAS BCU GNYIS DANG, DE'I STENG DU DON GYI 'OD GSAL BSNAN PAS BCU GSUM BSHAD PA'I PHYIR, RIMS GNYIS KYI SKABS DANG SA'I DOD THUB SBYOR TSUL YOD DE, BSKYED RIM MTHAR PHYIN PA SA BRGYAD PA'I DOD THUB, NGAG DBEN SA DGU PA, SEMS DBEN DANG SGYU LUS GNYIS SA BCU PA'I DKYIL STOD, DON GYI 'OD GSAL DANG ZUNG 'JUG SA BCU PA'I DKYIL SMAD DANG DOD THUB SBYOR PA YIN PA'I PHYIR, DE YANG BSKYED RIM SA BRGYAD PA DANG SBYOR TE, SNOD BCUD LA NGAG PA'I RTEN DANG BRTEN PAR 'CHAR BA'I GSAL SNANG BRTAN PO THOB PA NI, SA BRGYAD PAR ZHING DAG SBYOR THOB PA DANG CHOS MTHUN PA'I PHYIR, RDZOGS RIM GYI LUS DBEN DANG DAG DBEN GNYIS SA DGU PAR 'JOG STE, NGAG GI RTZA BA RLUNG LA DBANG THOB PA NI, SA DGU PAR CHOS STON PA LA DBANG BSGYUR BA DANG CHOS MTHUN PA'I PHYIR, SEMS DBEN DANG RIM PA GSUM PA'I SGYU LUS NI SA BCU PAR 'JOG STE, SHIN TU PHRA BA'I RLUNG SEMS LHAR DNGOS SU BSGYUR NUS PA DANG BSGYUR BA NI SA BCU PAR LUS DMAN PA'I RGYUR 'GYUR BA YANG LUS PHUN SUM TSOGS PA 'GRUB PA'I RGYUR BSGYUR NUS PA DANG, SANGS

RGYAS RNAMS KYI 'OD ZER CHEN PO'I DBANG BSKUR THOB PA DANG CHOS MTHUN PA'I PHYIR, RIM PA PHYI MA GNYIS RIM PA BZHIN DU SA BCU PA'I SMAD DANG DOD THUB SBYOR TE, BSOD NAMS DANG YE SHES KYI TSOGS GNYIS KYI NUS PA MTHU CHEN DU SONG BA NI SA BCU PA'I SMAD NAS TSOGS GNYIS RDZOGS PA DANG CHOS MTHUN ZHING, ZUNG 'JUG THOB NAS LAM GZHAN LA GSAR DU BSLAB MI DGOS PA NI RGYUN MTHA' DANG CHOS MTHUN PA'I PHYIR RO, ,GNYIS PA NGO BO'I SGO NAS 'JOG TSUL YOD DE, BSGOMS STOBS KYIS RLUNG DBU MAR ZHUGS GNAS THIM GSUM BYAS TE DGA' BZHI 'DREN MI NUS PA TSUN CHAD TSOGS LAM, DE NUS PA NAS SGYU LUS BAR TSUN CHAD SBYOR LAM, RIM PA BZHI PA'I DON GYI 'OD GSAL MTHONG LAM, SLOB PA'I ZUNG 'JUG SGOM LAM DU 'JOG CING, DE LA'ANG SHES SGRIB SPONG TSUL GYI SGO NAS SGOM LAM SKOR DGUR 'BYED PA YIN PA'I PHYIR, MDOR NA SLOB PA'I ZUNG 'JUG THOB NAS BSRE BA DANG SPYOD PA GSUM CI RIGS LA GOMS PAR BYAS PA'I MTHAR MI SLOB PA'I ZUNG 'JUG GI GO 'PHANG MCHOG MNGON DU BYED PAR 'GYUR BA YIN TE, RGYAS PAR NI GZHAN DU SHES PAR BYA'O, ,DE LTA BU'I GO 'PHANG TSE 'DIR MNGON DU BYED MI NUS PA DA LTA'I GANG ZAG GIS KYANG DER BGROD PA'I LAM GYI RIM PA SPYI DANG BSRE BA'I SKOR RNAMS LEGS PAR SHES PAR BYAS NAS YANG YANG YID LA GOMS PAR BYAS NA'ANG KHYAD CHE STE, RJE'I GSAL SGRON LAS, BSRE BA'I GDAMS NGAG LA MKHAS PAR BYA STE, DE LEGS PAR SHES NA DE TZAM MI NUS PAS KYANG YANG YANG YID LA BYAS NA, RMAD DU BYUNG BA'I BAG CHAGS BRTAN PO 'JOG PA'I PHYIR RO, ,ZHES DANG, DE TZAM GYI NUS PA MA THOB PAS NI 'CHI BA'I DUS SU 'ONG BA'I RIM PA RNAMS DA LTA NAS YANG YANG YID LA DRAN TE RGYUN LDAN DU GOMS NA, GOMS PA'I SHUGS KYIS 'CHI KHAR DRAN THUB NAS 'CHI BA'I STONG PA RNAMS NGOS ZIN PA 'BYUNG BAR MNGON TE,

, ,ZHES DANG, RJE'I GSUNG 'BUM THOR BU LAS KYANG, DE LTA BU MA THOB NA'ANG DA LTAR GYI DUS SU 'CHI BA'I TSE RTAGS BZHI DANG STONG PA BZHI 'CHAR BA YID LA DRAN PAR BYAS TE, ZHES PA NAS, DA GZOD 'CHI BA'I DUS KYI TSE RTAGS BZHI DANG STONG PA BZHI 'CHAR BA RNAMS NGOS ZIN PA DANG, BAR DO'I DUS SU BAR DO NGOS ZIN PA SOGS LA KHYAD PAR SHIN TU CHE BAR MNGON NO, ,ZHES GSUNGS PA'I PHYIR RO, ` ,SMRAS PA, RGYAL BA'I GSUNG RAB MA LUS PA'I, ,NGES DON MTHAR THUG BLA MED RGYUD, ,DE YI NANG NAS CHES ZAB PA, ,DPAL LDAN 'DUS PA'I RGYUD DU GRAGS, ,DON ZAB RIN CHEN 'OD DKAR CAN, ,KLU SGRUB YAB SRAS LA SOGS PA, ,MKHAS GRUB GDENGS CAN DBANG RNAMS KYIS, ,LEGS BSHAD GDENGS KA MCHOG GIS BZUNG, ,'ON TE DUS KYI CHU 'DZIN GYIS, ,NYE BAR SGRIB LA MNGON PHYOGS TSE, ,RGYAL BA GNYIS PAR GRAGS PA DE'I, ,LEGS BSHAD NYI MA'I DKYIL 'KHOR SHAR, ,MGON DE'I THUGS BCUD MTHAR THUG PA, ,RIM LNGA GSAL BAR BYED PA'I SGRON, ,DON 'GREL MKHAS PA'I LEGS BSHAD KYANG, ,RGYU SGAR BZHIN DU RNAM PAR BKRA, ,DE LTA NA YANG RANG SKAL DANG, ,MGON DE'I BSTAN DANG GZHAN LA YANG, ,PHAN SRID SNYAM NAS ZAB MO'I DON, ,CUNG ZAD BRJOD PA NYID DU THAL, ,TSUL 'DIR MA RTOGS LOG RTOG GIS, ,NONGS PAR GYUR RNAMS RAB 'CHAGS SHING, ,LEGS PAR BSHAD LAS THOB PA'I DGE ,MDO SNGAGS BSTAN PA RGYAS PHYIR BSNGO, ,CES 'DUS PA'I RDZOGS RIM RIM LNGA GSAL BA'I SGRON ME'I SNYING PO BSDUS PA ZHES BYA BA 'DI NI, CO NE'I KOO'U SHRI YES KYIS RANG DGON DU RGYUD KYI 'CHAD NYAN GSAR DU BTZUGS PA'I TSE, DE'I BLA MA'I GO SA'I THOG MAR GYUR PA SH'AKYA'I DGE SLONG BSHAD SGRUB MING CAN GYIS RJE YAB SRAS SOGS MKHAS PA DU MA'I MAN NGAG LA BRTEN NAS SBYAR BA STE, PHYIS DAD DANG RNAM DPYOD PHUN SUM TSOGS PA'I GNAS BRTAN CHOS RIN CHEN ZHES BGYI BA RGYUD GRVAR ZHUGS NAS SNGAGS RAM PA'I MTSAN GDAGS MDZAD PA'I TSE, GZHAN LA PHAN PAR 'GYUR SRID SNYAM NAS DAD PAS BAR DU BSGRUBS SO, ,BKRA SHIS,, ,,