*, ,DPAL RDO RJE 'JIGS BYED KYI RIM PA DANG PO'I KHRID RGYUN MAN NGAG SNANG BRNYAN KUN 'CHAR GSAL BA'I ME LONG ZHES BYA BA BZHUGS SO,, ,,
, ,NA MO GU RU BADZRA BHEE RA W'A YA, GRANGS MED RGYAL BA'I YE SHES PHUNG PO MA LUS GCIG BSDUS 'JAM PA'I DBYANGS, ,PHYI NANG GSANG BA'I GSHIN RJE GDUL PHYIR GTUM DRAG KHROS PA'I GAR MDZAD PA, ,BCOM LDAN DUS DGRA'I DBANG PO GANG DANG DBYER MED KUN MKHYEN TZONG KHA PA, ,DUS RNAMS KUN DU BDAG SNYING DBUS ROL 'BRAL MED RJES BZUNG BYIN GYIS RLOBS, ,BLO BZANG RGYAL BA GNYIS PA'I LUNG RTOGS CHOS, ,THUB BSTAN RNAM RGYAL KHANG BZANG RTZER BZUNG NAS, ,SKAL LDAN LEGS BRIS GZHON NU'I TSOGS RNAMS KUN, ,DBUGS 'BYIN BSHES GNYEN LHA DBANG YONGS LA 'DUD, ,GSANG CHEN MTHAR THUG BLA MED RGYUD KUN GYI, ,GTZO BOR GYUR BA GSHIN RJE GSHED PO YI, ,RGYUD RGYAL SNYING PO RIM PA DANG PO'I LAM, ,DAM PA'I GSUNG LA BRTEN NAS 'DIR BSHAD BYA, ,DE LA DPAL RDO RJE 'JIGS BYED KYI RIM PA DANG PO'I RNAM GZHAG BSHAD PA LA GNYIS, SPYI'I RNAM GZHAG MDOR BSTAN PA DANG, SKABS DON BYE BRAG TU BSHAD PA'O, ,DANG PO NI, STONG NYID LA RTZE GCIG TU GNYIS SNANG GI SPROS PA ZHI BA'I SGO NAS MNYAM PAR BZHAG PA'I SGRIB BRAL LHAN SKYES KYI BDE BA CHEN PO'I YE SHES DANG, RLUNG SEMS TZAM LAS GRUB PA'I BZHIN LAG GI RNAM PA CAN GYI SKU GNYIS NGO BO DBYER MI BYED PAR ZUNG DU 'JUG PA'I RGYAL BA'I GO 'PHANG NI, BLA MED KYI RGYUD DAG GI BRJOD BYA'I GTZO BO DANG, DE'I GDUL BYA'I THOB BYA MTHAR THUG YIN ZHING, DE YANG GZHI DUS NA SEMS CAN LA SHIN TU
, ,PHRA BA'I GNYUG MA'I LUS SEMS GNYIS YOD PA LA BRTEN NAS SGRUB PAR BYED PA YIN NO, ,DE LA GNYUG MA'I SEMS DANG LUS JI LTA BU ZHE NA BSDUS TE BRJOD NA, DANG PO SEMS DE NI, RANG NYID MNGON DU GYUR BA'I TSE SPROS PA'I MTHA' DANG BRAL BA STONG NYID MNGON SUM DU RTOGS PA LTA BU'I YUL SNANG CAN, SEMS CAN THAMS CAD KYI RGYUD LA THOG MA MED PA NAS SKAD CIG KYANG RGYUN MA CHAD PAR RJES SU ZHUGS PA, RANG GI NGO BO DRI MA'I RANG BZHIN DU MA SKYES PA'I GSAL RIG SHIN TU DAG PA, RKYEN LAS DANG NYON MONGS PA'I DBANG DU GYUR NA NI NGAN 'GRO DANG 'KHOR BA'I GNAS SU SKYE YANG, THABS MKHAS KHYAD PAR CAN DANG LDAN NA RANG 'BRAS SANGS RGYAS KYI YON TAN KYANG BSKYED NUS PA'O, ,RANG GI NGO BO LA DRI MA'I BSLAD PA MA ZHUGS PA SOGS KYANG DPER NA, GSER BZANG PO NI GA-YA' SOGS DANG BCAS PA'I TSE RANG GI NGO BO NI G-YAS SOGS DANG MA 'DES SHING, GZHAN GYIS 'BYED NUS PA DANG, DE BZHIN DU CHU NI RNYOG PA DANG BCAS NA'ANG RANG NGOS NAS DE DANG 'BRAL RUNG BA DANG, NYI MA'I 'OD DANG RLUNG NI GTZANG MI GTZANG GANG LA REG KYANG RANG NGOS NAS DE DANG MA 'DRES SHING 'BRAL RUNG YIN LA, DE DAG GI SKYON YON DANG RE ZHIG 'BREL YANG NGO BO NI DE DAG GI RKYEN GYIS BSGYUR MI NUS PA LTAR, GNYUG MA'I SEMS PHRA BA NI, DRI MA DANG BCAS PA'I TSE YANG DRI MA'I RANG BZHIN DU MA SKYES SHING DRI MA DANG 'BRAL RUNG DU GNAS PA ZHIG STE 'CHI BA 'OD GSAL GYI DUS SU MNGON DU 'GYUR RO, ,GNYIS PA PHRA BA'I LUS NI, SHIN TU PHRA BA'I SEMS DE DANG NGO BO GCIG CING DE'I BZHON PAR GYUR BA'I RLUNG SHIN TU PHRA BA STE SEMS DE DANG 'BRAL MI RUNG DU GNAS PA'O, ,SGRUB GZHI DE LTA BU LA BRTEN NAS THOB PA'I 'BRAS BU MTHAR THUG ZUNG 'JUG GI GO 'PHANG DANG, DE THOB BYED KYI LAM DANG BCAS PA NI, RDZOGS PAR RDO RJE 'CHANG GIS BLA MED KYI RGYUD LAS GSUNGS KYI, GZHAN
RGYUD SDE 'OG MA RNAMS DANG, THUN MONG BA'I MDO SDE LAS NI MA BSHAD DO, ,SPYIR BLA MED PA RGYUD LA'ANG DBYE BA DRUG YOD KYANG, 'DIR GSHIN RJE GSHED KYI DBANG DU BYAS NA, DE LTAR STON PA'I DPAL RDO RJE 'JIGS BYED KYI RTZA RGYUD RGYAS PA SHO LO KA 'BUM YOD PA NI, AU RGYAN MKHA' 'GRO'I YUL NA YOD KYANG, 'PHAGS BOD KYI YUL DU MA 'GYUR LA SLOB DPON L'A LI TAS RGYUD RGYAS PA LAS BYUNG BA NI DA LTA RTOG BDUN DU GRAGS PA 'DI NYID DO, ,BSHAD RGYUD NI, RTOGS GSUM DU GRAGS PA STE, 'DI YANG RTZA RGYUD NAS BSHAD PA'I 'KHRUL 'KHOR GYI GNAD GSAL BAR 'CHAD PA ZHIG GO ,SPYIR GSHIN RJE GSHED LA DMAR NAG 'JIGS GSUM YOD CING, DE YANG 'JAM DPAL NYID CUNG ZAD KHROS PAS DGRA NAG ,CHOS KHROS PAS GSHED DMAR, SHIN TU KHROS PAS 'JIGS BYED DE, DE DAG GI RGYUD KYANG BLA MED PA RGYUD KYI SDER GTOGS LA, SGRUB THABS KYI SKOR YANG, DPA' BO GCIG PA, RO LANGS BRGYAD SKOR, BCU GSUM MA, ZHE DGU MA SOGS YOD DO, ,DE RNAMS GANG NYAMS SU BLANGS NA 'JAM DBYANGS KYIS RJES SU 'DZIN YANG, LHAG PAR 'JIGS BYED LA BSTEN NA DES RJES SU 'DZIN PAR GSUNGS PAS NA, 'DIR 'JIGS BYED LHA BCU GSUM MA'I DBANG DU BYAS TE 'CHAD PAR 'GYUR RO,, ,,GNYIS PA LA GSUM, THUN GYI THOG MAR JI LTAR BYA BA, DNGOS GZHI LA JI LTAR BYA BA, MJUG DANG THUN MTSAMS SU JI LTAR BYA BA'O, , DANG PO LA GSUM, RDOR DRIL DANG NANG MCHOD BYIN GYIS BRLAB TSUL, SNGON 'GRO GTOR MA JI LTAR BYA TSUL, BDAG BSKYED MCHOD PA BYIN GYIS BRLAB TSUL LO, ,DANG PO NI, YID DANG MTHUN PA'I GNAS SU MCHOD RDZAS DANG BRIS SKU SOGS 'TSOGS PAR BYAS NAS, RO GDAN DU BSAMS PA'I STAN BDE BA LA KHA LHOR PHYOGS PA 'AM, DER PHYOGS PAR MOS TE, GSHIN RJE GSHED KYI BLA RGYUD GSOL 'DEBS SNGON DU BTANG LA, THOG MAR LHAR GSAL 'DEBS PA'I TSE, RANG GI PHUNG PO 'DI PHRA RAGS MA PHYE BAR STOD SMAD NAS RIM GYIS 'OD DU ZHU BAR BSAM, DE'I TSE BDAG DANG PHUNG PO SOGS KYI CHOS NI BRTEN NAS BTAGS PA LAS GZHAN DU RANG BZHIN GYIS MED DO SNYAM DU
, ,STONG NYID KYI LTA BA DRAN PAR BYED CING MNYAM PAR BZHAG ,STONG PA'I NGANG LAS RANG GI PHUNG PO RNYING PA'I GO SA DER SNA TSOGS PADMA PHYOGS BZHI'I 'DAB MA DMAR, ME RLUNG GNYIS SER, BDEN BRAL LJANG, DBANG LDAN NAG ,LTE BA LJANG, ZE'U 'BRU SER BA ZHIG THOL GYIS BYUNG BAR BSAM, DE'I STENG DU LTE BA DANG MNYAM PA'I NYI MA'I DKYIL 'KHOR DBYIBS ME SHEL GYI MAndAL LTA BU DMAR 'KHYIL LE BA ZHIG BYUNG BAR BSAM, LA YAR SNA TSOGS PADMA'I SNGON DU 'OD SNGON PO KHRU GDA BA SOGS CI RIGS BSAM PAR BSHAD PA BZHIN BYAS KYANG RUNG NGO, ,NYID DKYIL GYI STENG DU CHU LAS CHU BUR RDOL BA'I TSUL DU RANG GI GANG BA BDE STONG DBYER MED KYI YE SHES KYI NGO BOR GNAS PA YONGS SU GYUR PA LAS, DPAL RDO RJE 'JIGS BYED SKU MDOG MTHING NAG ,RVA SNGON PO RNON PO GNYIS DANG LDAN PA, MA HE RAB TU KHROS PA'I GDONG PA CAN ZHAL GCIG PHYAG GNYIS PA, SBOM ZHING THUNG LA SUS PA 'PHYANG BA, ZHABS G-YAS BSKUM ZHING G-YON BRKYANG BA'I STOBS KYIS BZHUGS PA, ZHAL RAB TU GDANGS SHING MCHE BA RNON PO BZHI GTZIGS PA, LJAGS GLOG LTAR 'KHYUG CING ZHAL NAS KHRAG RGYUN 'DZAG PA, SHANGS NAS RLUNG NAG 'TSUB PA, RAB TU BGRAD PA'I SPYAN GSUM NYI MA LTAR 'BAR BA SMIN MA DANG RDZI MA DANG SMA RA ME LTAR RAB TU 'BAR BA, ,DBU SKRA DMAR SER GYEN DU BRDZES SHING PHYAG GNYIS KYI MTHIL KHRAG RLON GYIS BYUGS PA LTA BU, PHYAG SEN RNAMS LCAGS KYU LTAR RNO ZHING RING BA, PHYAG G-YAS GRI GUG DANG G-YON THOD KHRAG 'DZIN PA'O, ,YUM RO LANGS MA SNGON MO GCER BU KHRO MO'I ZHAL CAN, G-YON THOD KHRAG 'DZIN PAS YAB KYI MGUL NAS BYUNG CING, G-YAS GRI GUG 'PHYAR BA, ZHABS G-YON PAS YAB KYI BRLA'I STENG DU 'KHRIL ZHING G-YAS BRKYANG BA, GNYIS KA'I SKU LAS 'OD ZER DMAR PO PHYOGS BCUR SGOR GYIS 'PHRO BA'I RTZE MOR YE SHES KYI ME DRAG TU 'BAR BA, THOD BSKAM LNGA'I DBU RGYAN DANG, RLON PA LNGA BCU'I DO SHAL 'PHYANG BA, YAB
RUS PA'I RGYAN DRUG DANG YUM PHYAG RGYA LNGAS BRGYAN PA SOGS DANG LDAN ZHING DVANGS SHING GSAL BA LA NGA RGYAL BZHAG GO ,'DIR RANG NYID LHAR BSKYED PA'I DGOS PA YOD DE, 'OG NAS 'BYUNG BA'I NANG MCHOD SOGS BYIN GYIS BRLAB PA'I CHED YIN PA'I PHYIR TE, DE'I THA MAL GYI SNANG ZHEN DANG LDAN PA'I SGO NAS MI NUS PAS, LHA'I NGA RGYAL GYIS BYED DGOS PA'I PHYIR RO, ,'DIR DOGS PA CUNG ZAD DPYAD NA, KHA CIG 'DI SNYAM DU 'DIR 'JIGS BYED DNGOS MA YIN BZHIN DU DNGOS YIN NO SNYAM DU 'DZIN CING BSGOM PAR MI RUNG STE, DE LTAR 'DZIN PA'I BLO DE LOG SHES SU 'GYUR BA'I PHYIR ZHE NA, DOGS PA DE NI SKABS 'DI 'DRAR MA ZAD, GZHAN DU'ANG SKYE BAS LAN 'DEBS SHES NA KHYAD CHE'O, ,DES NA SKABS 'DI LTA BU'I TSE BLO DE RTOG PA YIN YANG LOG SHES SU MI 'GYUR TE DUS DER DNGOS PO'I GNAS TSOD LA LHA DE DNGOS YIN PAR MI 'DZIN GYI MOS PA'I KHYAD PAR GYIS RE ZHIG LHA DE DNGOS SO SNYAM DU NGA RGYAL 'JOG PA YIN PA'I PHYIR RO, ,DPER NA, YID KYIS SPRUL BA'I MCHOD PA TZAM NI, MCHOD PA DE DANG DE DNGOS MA YIN BZHIN DU DNGOS SU MOS NAS PHUL CHOG PA DANG, MDUN DU TSOGS ZHING DU BZHUGS PA'I SKU BRNYAN RNAM, DE YANG MED KYANG SANGS RGYAS BYANG SEMS SOGS DNGOS SU BZHUGS PA'I MOS PA BYAS CHOG PA NI, MDO SNGAGS GNYIS KA NAS 'BYUNG BA BZHIN NO, ,DE'I TSE DNGOS PO'I GNAS TSOD LA YANG LHA DE DNGOS YIN PAR 'DZIN NA, BLO DE LOG SHES SU 'GYUR TE, DE'I TSE LHA DNGOS YIN MIN TZAM YANG LEGS PAR MA PHYED PA'I RMONGS PA CHEN POS LHA MA YIN PA'ANG LHAR ZHEN PA PHYIR RO, ,SKABS 'DIR MA ZAD, BSKYED RIM MTHAR PHYIN NAS LHA'I GSAL SNANG BRTAN PA'I TSE, LHA'I NGA RGYAL BCOS MIN DU 'BYUNG YANG DE'I TSE LHA DE NYID DNGOS YIN SNYAM DU MOS NGO TZAM MA YIN PAR DNGOS GNAS SU LHA DER 'DZIN ZHING KHAS LEN RIGS PA NI MA YIN TE, DRI MED 'OD LAS, BSGOM PA'I DBANG GIS PHUNG PO DANG KHAMS DANG SKYE MCHED LA SOGS PA DKYIL 'KHOR 'KHOR BA'I RNAM PAR 'GYUR TE, DE NYID KYIS NA SANGS RGYAS NYID DU
, ,YANG DE BZHIN GSHEGS PAS GSUNGS PA MA YIN NAM 'GA' ZHIG GI BSAM PA 'BYUNG BAR 'GYUR TE, ZHES DOGS PA BKOD NAS, LAN DU, 'ON KYANG THAMS CAD MKHYEN PA'I LAM NYAMS PA DE NI LOG PA'I NGA RGYAL GYIS ZIL GYIS GNON PAR GYUR NA, BDAG RDO RJE SEMS DPA' STOBS BCU PA'O ZHES DE LTAR RLOM PAR BYED DO, ,'DI NI STOBS BCU PA MA YIN TE, STOBS BCU PA'I 'GAL ZLA NYI TSE BA RMONGS PA CHEN PO'O, ,'DIR RNAL 'BYOR PA 'DI'I SANGS RGYAS NI SNGON MED PA SHIN TU RMAD DU BYUNG BA CHEN PO STE, SGRIB PA DANG LDAN PA'I PHYIR RO, ,ZHES GSUNGS SHING, SNGAGS RIM DU DE DRANGS NAS, DE'I DON 'CHAD PA NA, SKABS DER SANGS RGYAS THOB PAR RLOM PA DE NI SANGS RGYAS KYI MI MTHUN PHYOGS SU GYUR PA'I RMONGS PA CHEN PO YIN PAS, SGRIB PA DANG BCAS BZHIN DU SANGS RGYAS SU 'DOD PA NI SNGON MED PA'O ZHES BZHAD GAD KYI GNAS SU MDZAD, ,ZHES GSUNGS PA'I PHYIR RO, ,MDOR NA, LHA DE DNGOS MIN KYANG DE TSE DE DNGOS YIN SNYAM PA'I NGA RGYAL BYED PA MI 'GAL TE, DE LTAR THA MAL GYI SNANG ZHEN BKAG NAS MCHOG GI SNANG ZHEN BYAS PAS DGOS PA KHYAD PAR CAN DU MA 'GRUB PAR 'GYUR PA'I PHYIR TE, DE'I RGYU MTSAN RGYAS PAR NI GZHAN DU SHES DGOS, MOS PA'I KHYAD PAR RAM RTEN 'BREL GYI CHOS NYID BSAM GYI MI KHYAB CING, TSUL DER RTOG GE TZAM GYIS RIGS PAS GNOD PA MI NUS PA'I PHYIR RO, ,RDOR DRIL BYIN GYIS BRLAB PA'I TSUL NI GZHUNG LTAR LA, MTSON DON NI RDO RJES THABS KYI CHA THAMS CAD DANG DRIL BUS SHES RAB KYI CHA THAMS CAD MTSON LA, RDO DRIL GNYIS KAS DON DAM PA'I BYANG CHUB KYI SEMS MTSON NA YANG RANG LHAR BSKYED PA SKU'I DAM TSIG DANG, RDO RJE THUGS DANG, DRIL BU GSUNG DANG, RANG LHA YAB YUM DU BSGOM PA PHYAG RGYA'I DAM TSIG STE DE RNAMS DRAN PA'I SGO NAS RDOR DRIL BZUNG BAR BYA'O, ,DE NAS NANG MCHOD BYIN GYIS BRLAB PA'I TSUL LA BZHI, BSANG BA, SBYANG BA, BSKYED PA, BYIN
GYIS BRLAB PA DNGOS SO, ,DANG PO NI, HR'I: sht'I: BRJOD PA DANG MNYAM DU RANG GI SNYING GA NAS RANG 'DRA'I GSHIN RJE GSHED YAB RKYANG DPAG TU MED PA SPROS TE, NANG MCHOD KYI SGRUB GZHI LA GNAS PA'I BGEGS KYI TSOGS RNAMS SPRIN NAG RLUNG GIS BDAS PA BZHIN DU RGYANG RING DU BSKRAD PAR BSAM MO, ,GNYIS PA SBYANG BA NI, SVA BH'A WA'I SNGAGS BRJOD PA'I SGO NAS SNGAGS DE'I DON 'OG NAS 'BYUNG BA LTAR DRAN PAR BYAS TE STONG PAR SBYANG BAR BYA LA, DE'I DGOS PA NI THA MAL GYI SNANG ZHEN SBYONG BA DANG, MCHOD RDZAS BDE STONG GI RNAM ROL DU 'CHAR BA'I CHED DO, ,GSUM PA BSKYED PA NI, STONG PA'I NGANG LAS YAM YIG SNGON PO ZHIG THOL GYIS BYUNG BA 'OD DU MER GYIS ZHU BA LAS, RLUNG GI DKYIL 'KHOR SNGON PO GZHU'I DBYIBS CAN, BCAD KHA RANG DANG SGOR MO PHAR BSTAN PA, MCHOG MA GNYIS SU BUM PA NAS 'THON PA'I BA DAN GYIS MTSAN PA, DE'I STENG DU RAM LAS ME DKYIL DMAR PO ZUR GSUM PA ZUR GCIG RANG LA BSTAN PA ME 'BAR BZHIN PA DE'I ZUR GSUM GYI STENG DU AA DMAR PO 'AM DKAR PO RE RE, DE YONGS SU GYUR PA LAS MI MGO RLON PA'I SGYED BU GSUM GYI LTAG PA DBUS SU BSTAN PA'I 'DZOMS SU AA DKAR PO SNGA MA LAS CUNG CHE BA LAS THOD PA PHYI DKAR LA NANG DMAR BA DBUS YANGS SHING RGYA CHE BA, DPRAL BA RANG LA BSTAN PA'I NANG DU SHA LNGA DANG BDUD RTZI LNGA 'GOD TSUL MI 'DRA BA MANG YANG, 'DIR NANG GI SHAR LHO NUB BYANG DBUS SU RIM PA BZHIN DU MTSON BYA RNAM SNANG, RIN 'BYUNG, 'OD DPAG MED, DON GRUB, MI BSKYOD PA'I SA BON BRI PA BZHIN DU, BHRUm, Am, DZIm, KHAm, H'Um LAS BYUNG ZHING, BDAG GI BLA MA MKHAS PA KHA CIG SBYANG GZHI'I DBANG DU MDZAD NAS NGO BO RANG RGYUD KYI NYON MONGS PA GTI MUG NGA RGYAL SER SNA 'DOD CHAGS PHRAG DOG ZHE SDANG RNAMS RIM BZHIN YIN PA LA, ZHES GSUNGS PA LTAR RAM, KHA CIG 'DI LA KLAN KA 'TSOL 'DUG PAS YANG NA SPYI 'GRO LTAR NGO BO YE SHES YIN PA LA RNAM PA YANG, KHYI, GLANG CHEN, RTA, MI'I SHA RNAMS TSANG MA'AM
, ,GTUB PA GANG RUNG, MTSON BYED MING YIG DANG PO RIM BZHIN GO GU DA HA NA YIG GIS MTSAN PAR BSKYED DO, ,YANG SHAR LHO, LHO NUB, NUB BYANG, BYANG SHAR, DBUS DANG LNGAR RIM BZHIN, MTSON BYA SPYAN MA, MA M'A GI, GOS DPAR MO, SGROL MA, RO LANGS MA LNGA'I SA BON RIM PAR LAm MAm PAm TAm BAm LNGA LAS BYUNG ZHING, NGO BO RANG RGYUD KYI SA CHU ME RLUNG NAM MKHA' DANG RNAM SHES KYI KHAMS RNAMS SAM, YANG NA NGO BO YE SHES YIN PA LA RNAM PA DRI CHEN RAK TA BYANG SEMS DKAR PO RKANG MAR, DRI CHU DANG, MTSON BYED MING YIG DANG PO BIR SHU MA RNAMS KYIS MTSAN PAR BSKYED DO, ,DE YANG SBYANG GZHI DANG SBYAR NA RANG RGYUD KYI RLUNG LAS YAM DANG, RANG RGYUD KYI DROD LAS RAM STE DE GNYIS LAS RLUNG DKYIL DANG ME DKYIL BSKYED PA'AM, YE SHES LAS BSKYED PA GANG RUNG NGO, ME RLUNG GI SA BON STONG PA'I NGANG LAS BYUNG BAS NI STONG NYID KYI RNAM 'PHRUL DU BLTA BA DANG, SA BON LAS BSTOD PA NI MING RKYANG BTAGS YOD DU BSTAN PA NYID MTSON TE GZHAN LA 'ANG 'GRE, RLUNG DKYIL GYI 'OG RLUNG THUR SER, MES GTUM MO, MI MGO GSUM GYIS LUS NGAG YID GSUM THOD PA'I RDZAS KYIS SPYI BO'I BYANG SEMS RNAMS MTSON NO, ,SKABS 'DIR THOD PA RDZAS KYI SNOD DU 'JOG PA'I RGYU MTSAN YOD DE, THOD PA'I SKAD DOD KA P'A LA ZHES PA BDE SKYONG LA 'JUG PAS BDE STONG DBYER MED KYI YE SHES MTSON PA'I CHED YIN PA'I PHYIR, THOD PA BDE SKYONG GI SNOD YIN TE, BDE BA CHEN PO'I RTEN KUN DA LTA BU'I BYANG CHUB KYI SEMS NI SPYI BO'I RTZA 'KHOR NA GNAS PA'I PHYIR RO, ,KHA CIG THOD PA PHYI DKAR BAS KHAMS DKAR PO DANG BDE BA, NANG DMAR BAS KHAMS DMAR PO DANG STONG PA MTSON PAR 'DOD LA GZHAN DAG DE YAS LDOG STE MTSON PAR YANG BZHED DE MI 'GAL, DKAR DMAR GYIS NI KHAMS DKAR DMAR GYI 'DU 'PHROD DANG, THOD PA DUM BU GCIG PA DANG TSANG BAS NI BDE STONG DBYER MED MTSON NO, ,SHA LNGA BDUD RTZI'I RDZAS SU 'JOG PA'I RGYU MTSAN YOD DE, MTSON DON SNGAR BZHIN DANG,
SBYANGS TOGS SPAR GSUM BYAS NAS RANG NYID KYIS LONGS SPYOD PA DANG, DKYIL 'KHOR GYI LHA LA PHUL BAS DNGOS GRUB MYUR DU 'GUGS PAS LCAGS KYU LNGA DANG, DNGOS GRUB THAMS CAD GSAL BAR BYED PAS SGRON MA LNGA ZHES KYANG BRJOD PA'I PHYIR, DRI CHEN SOGS LNGA DER 'JOG PA'I RGYU MTSAN YOD DE, DE LNGA LUS ZUNG GI DVANGS MA YIN PAS, SBYANGS RTOGS SBAR GSUM BYAS NAS LONGS SPYOD CING PHUL BAS, RANG NYID LA 'CHI MED KYI GO 'PHANG STER BA'I RTEN 'BREL YOD PA'I PHYIR RO, ,'DIR SHA LNGA GSHEGS PA DE BZHIN GSHEGS PA LNGA DANG, BDUD RTZI LNGA GSHEGS MA YUM LNGA'I NGO BOR BYIN GYIS BRLABS NAS MOS DGOS TE, SA BON GYI BSKYED TSUL LAS DANG, PHYOGS MTSAMS SU 'GOD TSUL LAS 'GRUB PA'I PHYIR RO, ,SHA LNGA DANG BDUD RTZI LNGA LA MTSAN PA'I YI GE DE DAG NI BA LANG SOGS KYI MING YIG DANG PO YIN TE, GOO BA NI BA LANG, KU KU RA'I BYI, DAndI NI SO LDAN TE GLANG PO, HA YA NI RTA, NA RA NI MI STE DE RNAMS KYI DANG PO DANG, YANG, BI tA BSHANG BA, RAK TA KHRAG ,SHU TRA BYANG SEMS TE KHU BA, MANTRA RKANG MAR, M'U tA GCIN RNAMS KYI MING YIG DANG PO YIN PA'I PHYIR, MING YIG RNAMS NI 'GRENG STE GNAS SHING, DE DAG GI BAR SNANG LA STENG DU AOm DKAR PO, ,DE'I 'OG TU A'A: DMAR PO, ,DE'I 'OG TU H'Um SNGON PO'O, ,KHA CIG YI GE GSUM DE LAS LDOG STE GNAS PAR YANG BSHAD, BZHI PA BYIN GYIS BRLAB PA NI, RANG GI THUGS KA'I H'Um LAS 'OD 'PHROS, RLUNG DKYIL BA DAN DANG BCAS PA LA PHOG PAS, BA DAN G-YOB, RLUNG G-YOS, ME RAB TU 'BAR NAS THOD PA GDUNGS TE RDZAS RNAMS ZHU ZHING KHOL BA'I RLANGS PA YI GE GSUM LA PHOG PAS, DE GSUM LAS RIM PA BZHIN DU 'OD ZER 'PHROS PAS SKU GSUNG THUGS RDO RJE'I LHA TSOGS RNAMS BKUG NAS YI GE GSUM LA RIM PAR THIM PAS SKU GSUNG THUGS KYI BDAG NYID DU BSAM, YI GE GSUM YANG MAS RIM NAS THOD PAR LHUNG STE G-YAS
, ,SKOR DU LAN GSUM GSUM DKRUGS PA'I MTHAR ZHU BAS, H'Um GIS RDZAS KYI KHA DOG NGAN PA DRI MI ZHIM PA NUS PA DMAN PA'I SKYON SBYANGS NAS DVANGS SHING SNGO BA'I RANG BZHIN CAN DU BYAS PAR BSAM, AA: SA BDUD RTZI KHA DOG DMAR SER GYI RNAM PAR RAM SNGO DMAR GYI RNAM PAR BSGYUR, AOm GYIS BDUD RTZI ZAD MI SHES PA'I RANG BZHIN DU MANG POR SPEL ZHING KHA DOG DKAR DMAR DU BSGYUR BA'I MOS PA BYED PA'AM, YANG NA KHA DOG DMAR SER NYID DU GNAS PAR BYAS KYANG MI 'GAL, NGAG TU YI GE GSUM LAN GSUM BRJOD CING BYIN GYIS BRLAB PO, ,DE LA BSKYED PA NI, DAM TSIG PA'I RDZAS SAM BDUD RTZI YIN LA, RDO RJE GSUM BKUG NAS BSTIM PA NI YE SHES PA'I BDUD RTZI 'JUG PA'O, ,'DIR KHRID RGYUN 'GA' ZHIG TU LUS NGAG YID GSUM GYI SDIG SGRIB RNAMS KYANG THOD PA'I BDUD RTZIR THIM PAR MOS PA'I TSUL BSHAD LA, KHA CIG NI DE 'GOG PA SNANG STE BRTAG, ` GNYIS PA SNGON 'GRO'I MCHOD PA JI LTAR BYA BA NI, NANG MCHOD 'THOR BA DANG MNYAM DU 'AM MIN KYANG LAS SNGAGS BRJOD DE, BSANG BA DANG SBYANG BA NI NANG MCHOD KYI SKABS LTAR BYAS LA, BSKYED PA NI, STONG PA'I NGANG LAS RANG GI G-YON NAS G-YAS PHYOGS SU AA: DKAR PO BRGYAD TSAR BCU DRUG GAM TSAR GCIG 'PHRENG BYAS NAS 'GRENG BA 'OD DU ZHU BA LAS THOD PA DKAR PO YANGS SHING RGYA CHE BA DE'I GRANGS LDAN, DE DAG GI NANG DU BDE STONG GI YE SHES KYI CHA H'Um YIG SNGON PO RE RE 'GRENG STABS SU BYUNG BAR BSAM DE RNAMS ZHU BA LAS NGO BO YE SHES DE NYID LA RNAM PA G-YON NAS BRTZAMS TE, 'DIR DRAG PO'I DBANG DU BYAS NA, DGRA BGEGS KYI SNYING KHRAG GI MCHOD YON DANG, ZHABS BSIL, SNYING KHRAG GIS BSGOS PA'I DRI CHAB, DBANG BO'I ME TOG ,SHA CHEN DANG TSIL CHEN GYI BDUG SPOS, ZHUN CHEN GYI SGRON ME, SHA RUS KYI ZHAL ZAS, THOD RNGA DANG
RKANG GLING GI ROL MO STE, MCHOD RDZAS SO SO'I RNAM PA CAN, BYED LAS MGRON RNAMS KYI MIG SOGS DBANG PO DRUG GI SPYOD YUL DU ZAG MED GYI BDE BAR KHYAD PAR CHAN BSKYED PA'I NUS PA DANG LDAN PAR BSAM, 'KHRID YIG KHA CIG TU NGO BO LHA DANG MI'I YO BYAD DE DANG DE PHUN SUM TSOGS PA YIN PA LA ZHES KYANG 'BYUNG NGO, , DE NAS AOm AARGAm AA: H'Um, ZHES SOGS KYIS RDO RJE GSUM GYI NGO BOR BYIN GYIS BRLAB PO, ` ,SNGON 'GRO'I GTOR MA BYIN BRLAB NI, GTOR MA LA DMIGS TE BSANG SBYANG BSKYED PA NI, NANG MCHOD KYI SKABS LTAR RO, ,GTOR MGRON NI, RANG GI THUGS KA NAS RANG 'DRA'I KHRO BO G-YAS LCAGS KYU DANG G-YON ZHAGS PA THOGS PA BCU DRUG SPROS TE, PHYOGS SKYONG GSAL 'DEBS RGYAS PAR BYED NA, AOm HR'I: sht'I: ZHES SOGS BRJOD CING BKA' BSGO LA, SNGAGS DON NI, 'PHROG BYED MCHE BA RNAM PAR 'GYUR BA'I ZHAL CAN, MA RUNGS PA DBANG PO LA SOGS PA 'DI DAG 'KHOR DANG BCAS PA MYUR DU KHUG CIG CES PA'O, ,HR'I: NI 'PHROG BYED, shtR'I: MCHE BA, WI KRI TA RNAM PAR 'GYUR BA, AA NA NA GDONG NGAM ZHAL, AOm NI MGO 'DREN DANG H'Um DANG PHAt NI BSKUL BA, SARBA NI THAMS CAD, DU shtRAm NI MA RUNGS PA, AINDRA DMAR PO, ,A'A DI NA 'DI DAG ,P'A RI W'A RA 'KHOR BCAS, AA KARshA YA DZA NI MYUR DU KHUG CIG GO ,SPROS PA'I KHRO BO DE DAG LAS SHAR DANG LHO DANG BYANG DANG 'OG TU GNYIS GNYIS DANG MTSAMS BZHI DANG NUB RNAMS SU RE RE STENG DU GSUM RNAM PAR YOD PAS, PHYOGS SKYONG RNAMS KYI SNYING KHA NAS LCAGS KYUS BZUNG, MGRIN PA NAS ZHAGS PAS BCINGS TE BKAG NAS RANG DANG GTOR MA'I PHYOGS MTSAMS RNAMS SU 'KHOD PAR BSAMS LA, DE YANG, SHAR DU DBANG PO, ,DE'I G-YON DU NYE DBANG, LHOR CHOS RGYAL 'KHOR BCAS, DE'I G-YON DU GSHIN RJE, NUB DU CHU BDAG ,BYANG DU GNOD SBYIN, DE'I G-YON DU TSOGS BDAG ,BYANG SHAR DU DBANG LDAN, SHAR LHOR ME LHA, LHO NUB TU SRIN PO, ,NUB BYANG DU RLUNG LHA,
, ,DBANG PO'I G-YAS SU ZLA BA, NYE DBANG GI G-YON DU NYI MA, DE DAG GI RGYAB TU TSANGS PA, 'OG TU'AM CHU LHA'I G-YAS SU SA'I LHA MO, ,G-YON DU THAG BZAD RIS RNAMS KHA NANG DU PHYOGS PA, MNGON RTOGS NAS 'BYUNG BA LTAR RO, ,DE NAS KHRO BO RNAMS RANG GI SNYING KHAR BSDU, SLAR YANG KHRO BO PHUR BU THOGS PA BCU DRUG SPROS TE, SNGAGS BRJOD CING SNGAGS DON GZHAN 'DRA BA LA, K'I LA YA NI PHUR BU THOB CIG CES PA'O, ,KHRO BO DE DAG GIS PHYOGS SKYONG RNAMS KYI SPYI GTZUG NAS RKANG MTHIL GYI BAR PHUR BU BTAB PAS, GRUB PA BRGYAD KYI NANG TSAN GYI RIL BU'I BCUD LEN GRUB NA, RGAS KHOG GI LUS KYANG GZHON LUS LTAR 'GYUR ZHING, KHA DOG GSER LTAR 'ONG BA DE BZHIN DU 'DIR YANG, PHUR BUS REG PAS SKAD CIG GIS RDO RJE 'JIGS BYED YUM BCAS SU GYUR BA'I RIGS BDAG TU'ANG 'JIGS BYED YUM BCAS RE BZHUGS PAR BSAM, DE NI RGYAS PA'I DBANG DU BYAS LA, LHAR BSKYED PA NI THA MAL GYI SNANG ZHEN BKAG NAS LHA'I 'KHOR LOR 'CHAR BA'I CHED DO, ,GZHAN 'GUGS SNGAGS BRJOD NAS BKUG STE GSAL 'DEBS RGYAS PAR MI BYED PAR LHAR BSKYED PA NI 'BRING, SNGAGS KYANG MI BRJED PAR 'OD ZER TZAM GYIS BKUG NAS LHAR BSKYED PA NI BSDUS PA STE, RGYUN PA'I MNGON RTOGS LA NI GTOR 'BUL MA BYAS KYANG MI 'GAL, MGRON RNAMS KYI LJAGS RDO RJE RTZE GCIG PA DKAR PO 'OD KYI SPU GU CAN RNAMS SU GYUR PAR BSAMS LA, RANG GI SNYING KHA NAS LHA MO RO RDO RJE MA THOD PA THOGS PA BCU DRUG SPROS TE, RTZA SNGAGS TSAR GCIG BRJOD PA DE MNYAM DU LHA MO RNAMS KYIS BDUD RTZI NAS PHUD BCUS TE, MDUN GYI NAM MKHAR 'JIGS BYED KYI LHA TSOGS SKAD CIG GIS GSAL BA LA PHUL BAS BZHES NAS MGRON RNAMS SHA KHRAG GI GTOR MA LA LONGS SPYOD PA'I GNANG BA BYIN PAR BSAMS LA, LHA MO RNAMS KYIS SLAR YANG BDUD RTZI GRUS BCUS
NAS ZHES MGRON RNAMS LA 'BUL BAR BSAM, GTOR SNGAGS KYI DON, SNGAGS TSAN DANG PO BDUN GYI AOm YA SOGS BDUN NI AOm YA MAN TA KA H'Um PHAD CES PA STE, LHAG MA BDUN NI GSHIN RJE 'KHOR BCAS KYI MING DANG SPEL BA YIN LA, DGOS PA NI DE DAG GI RGYUD BYIN GYIS RLOBS PA'I CHED DO, ,BHU TZA RA NI, SA LA SPYOD PA CHOS RGYAL NANG SGRUB 'KHOR BCAS, PA TA LA TZA RA NI SA 'OG NA SPYOD PA STE TZA MUndI 'KHOR BCAS, KHE TZA RA YA NI MKHA' LA SPYOD PA STE DPAL LDAN LHA MO 'KHOR BCAS, P'U RA WA NAm GA NAm NI SHAR DU GNAS PA STE ZHI BA'I GSHIN RJE DKAR PO 'KHOR BCAS, DAKshI NA DI KA YA NI LHO PHYOGS PA STE RGYAS PA'I GSHIN RJE SER PO 'KHOR BCAS, PANYTZI MA NI NUB PHYOGS PA STE DBANG GI GSHIN RJE DMAR PO 'KHOR BCAS, AUTTA RA DI GA YA NI BYANG PHYOGS PA STE DRAG PO'I GSHIN RJE SNGON PO 'KHOR BCAS LA PHUL BAR BSAM, AOm AI SOGS KYI HR'I: sht'I SOGS BCU NI LAS SNGAGS KYI YI GE DANG, AI SOGS NI PHYOGS SKYONG GI MING YIG DANG PO SPEL BA STE, DGOS PA NI SNGAR BZHIN NO, ,DE YANG AI NI AINDRA STE DBANG PO'I MING YIG DANG PO, ,DE BZHIN DU YA NI YA MA STE GSHIN RJE'I, WA NI WA RU nA STE CHU LHA'I, KshE NI YA KshE STE GNOD SBYIN GYI MING YIG THA MA, KO NI KI'U SHIG BYIN GYI, AE NI AE DHA NI STE ME LHA'I, AA NI AA SHA SA STE KHRAG THUNG NGAM, AA BHI RAKshA STE MNGON PAR SRUNG BA SRIN PO'I, DE NI DE WA BA YU STE RLUNG LHA'I MING YIG DANG PO, ,BHYO NI SA STE SA'I LHA MO, ,SARBA THAMS CAD TE PHYOGS RNAMS LA SBYAR, BHU TE BHYA: NI, 'BYUNG PO RNAMS TE DE DAG GI 'KHOR DU 'ONGS PA'I 'BYUNG PO RNAMS LA'ANG 'BUL LO, ,SLAR YANG SPROS PA'I TZARTZI KA LA SOGS PAS MCHOD PAR BSAMS LA, AOm DA SHA SOGS KYIS MCHOD, DE YANG, DA SHA NI BCU, DIKKA NI PHYOGS, LO KA NI 'JIG RTEN, P'A LA SKYONG BA, SA P'A RI W'A RA 'KHOR DANG BCAS PA, AARGAm NI MCHOD YOD, PRA T'ITZTSA NI SO SOR BZHES SHIG ,H'Um SV'A H'A NI GZHI TSUGS ZHES PA STE, DE BZHIN DU SHAPTA'I BAR LA
, ,RIGS 'GRE, DE NAS NANG MCHOD KYANG PHUL LA, BCOM LDAN CHOS RJE SOGS KYIS 'PHRIN LAS BCOL, PHYOGS SKYONG RNAMS KYI SPYI BO'I RIGS BDAG GI THUGS KAR GSHIN RJE GSHED KYIS YIG BRGYAS BSKOR BAR BSAMS LA, DE'I YIG BRGYA BRJOD CING LHAG CHAD BSKANG, RIGS BDAG GI THUGS KA'I YIG BRGYA LAS BDUD RTZI'I RGYUN BABS PAS LHAG CHAD KYI NYES PA THAMS CAD DAG PAR BSAM PAR 'KHRID 'GA' ZHIG LAS BYUNG YANG, 'DIR YIG BRGYA BRJOD PA NI LHAG CHAD GSO BA'I CHED DU YIN PAS, DMIGS PA DE LTAR BYAS TSE MGRON GYI NYES PA DAG PA'I CHED DU BYAS PAR SONG PAS DPYOD, BZOD GSOL BYAS NAS RANG GNAS SU GSHEGS TE SGRUB PA PO'I 'PHRIN LAS BSGRUB PA'I CHED DU RANG PHYOGS SU 'KHOD PAR BSAM MO, ,'DI LA'ANG RANG DANG NYE BA'I PHYOGS MTSAMS SU 'KHOD PAR BZHED PA DANG, PHYOGS SKYONG RANG RANG GI BZHUGS GNAS SU 'KHOD PAR 'DOD PA'I TSUL GNYIS SO, , ` GSUM PA BDAG BSKYED MCHOD PA NI, MCHOD 'GO RANG GI G-YAS PHYOGS NAS BRTZAMS PA MA GTOGS BYIN RLOBS KYI SKABS SNGAR BZHIN DANG 'ON KYANG BRGYAD TSAR NI RGYAS PAR NA LHA GRANGS DANG MNYAM PA'O, ,SLOB DPON KHRI CHEN BLO BZANG DAR RGYAS ZHAL SNGA NAS NI, 'DI LTAR, 'KHRID RGYUN LA MED CING SGRUB THABS DANG MI MTHUN PA'I BDAG BSKYED 'BA' ZHIG GI TSE 'BUL BA'I YUL GANG YANG MED BZHIN DU PHYI NANG GSANG BA DE KHO NA NYID KYI MAndAL 'BUL BA'I KHRID BYED PA NI RJE'I DGONGS PA DANG 'GAL BAR BSHAD PAS, DE LTAR MDZAD PA NI 'KHRID RGYUN 'GA' ZHIG TU SNANG MOD, DKYIL 'KHOR SGRUB MCHOD KYI SKABS LTA BU YIN NA MA GTOGS, BDAG BSKYED KYI MNGON RTOGS RKYANG BA'I SKABS SU 'DIR MAndAL GYI RNAM GZHAG MDZAD PA NI MI RUNG BAR AE YIN MA SHES KYANG, CHO GA'I RNAM DBYE DOD PAR BYAS TSE 'BU LA MI DGOS PA YANG BDEN PAR MNGON NO, ,DE LTAR CHO GA GZHAN LA
YANG 'GRE BAS, 'DIR NI MI 'CHAD DO, ,DER MA ZAD, PAn CHEN DGE 'DUN RGYA MTSO DANG, PAn CHEN THAMS CAD MKHYEN PA RNAM PA GNYIS KYIS MDZAD PAR BCU GSUM MA 'DI BDAG MDUN THA MI DAD 'JUG PA GCIG YIN PAR RJE'I DGONGS PA YIN PAR BSHAD NAS BDAG MDUN GYI MCHOD PA GNYIS CHAB GCIG TU BYIN BRLAB BYA BAR GSUNGS LA, RGYAL DBANG LNGA BA DANG, CANG GYA ZHABS DRUNG SOGS NI, MNGON RTOGS RKYANG BA'I SKABS SU BDAG MDUN 'JUG PA GCIG MI GCIG PA'I THA SNYAD MI 'THOB PAR BSHAD PAS, 'DIR DE 'THAD PA LTAR MTHONG NGO, ,'ON KYANG KHONG RNAM GNYIS KYI DGONGS PA YANG DKYIL 'KHOR SGRUB PA LTA BA'I SKABS LA DGONGS PAR MNGON TE, GZHAN DU NA KLAN KA 'JUG CING, KHYAD PAR DU PAn CHEN RIN PO CHES DING SANG NAG 'GROS SU BKOD PA'I BAR MA 'DI GTOR 'BUL SKABS SLA CHOS SU SONG BAR BZHED PA'I PHYIR RO, ,RDO RJE SEMS DPA'I BSGOM BZLAS NI LOGS SU SHES PAR BYA LA, SKABS 'DIR KHA CIG NI, RDOR SEMS BSGOM PA'I TSE RANG NYID RDO RJE 'JIGS BYED YIN PA'I DMIGS PA NGES PAR BYED DGOS PAR 'DOD KYANG, KHO BO NI DE MI RUNG BA MIN YANG THA MAL PA'I RNAM PA CAN DU GSAL BA'I SPYI BOR RDOR SEMS BSGOMS NA LEGS SAM SNYAM, GAL TE MNGON RTOGS SNGA MA SONG ZHING, PHYI MA YANG 'JUG DGOS PAS LHA'I NGA RGYAL LAS MA 'DAS SO SNYAM NA MI 'GAL TE, LHA'I NGA RGYAL YANG BLOS GSAR DU BCOS PA YIN GYI, 'GYUR MED MIN ZHING, TSOGS ZHING GI THOG MAR YANG, RANG NYID 'JIGS BYED ZHAL GCIG PHYAG GNYIS PAR GSAM PA'I ZHES PA SLAR YANG LHAR BSKYED PAR BSTAN PA'I PHYIR RO, ,GNYIS PA THUN DNGOS GZHIR JI LTAR BYA BA LA, SGRUB THABS 'DIS MA TING NGE 'DZIN GSUM GYI CHINGS DANG, RNAL 'BYOR BZHI'I CHINGS GNYIS KA THOB PAS PHYI MA LA, RNAL 'BYOR DANG RJES SU RNAL 'BYOR DANG SHIN TU RNAL 'BYOR DANG RNAL 'BYOR CHEN PO BZHI STE, DANG PO NI, STONG NYID BSGOMS PA
, ,NAS RGYU RDO RJE 'DZIN PA'I BAR DANG, GNYIS PA NI, 'JAM DPAL GYI THUGS GAR NYI MA BSKYED PA NAS 'BRAS BU RDO RJE 'DZIN PA'I BAR DANG, GSUM PA NI MKHA' GSANG BYIN RLOBS NAS YE SHES KYI GZHAL YAS KHANG BSTIM PA'I BAR DANG, BZHI BA NI DE NAS BZLAS PA'I BAR RO, , 'DIR DANG PO'I DBANG DU BYAS NAS GSUM, DANG PO SBYOR BA, DKYIL 'KHOR RGYAL MCHOG ,LAS RGYAL MCHOG GI TING NGE 'DZIN LA BSLAB TSUL LO, ,DANG PO LA BZHI, 'CHI BA CHOS SKUR 'KHYER BA'I LAM KHYER YAN LAG DANG BCAS PA LA BSLAB TSUL, GANG DU 'TSANG RGYA BA'I RTEN GZHAL YAS KHANG BSKYED NAS BAR DO LONGS SKUR 'KHYER BA'I LAM KHYER RGYU RDO RJE 'DZIN PA BSKYED TSUL, SKYE BA SPRUL SKUR 'KHYER BA'I LAM KHYER 'BRAS BU RDO RJE 'DZIN PA BSKYED TSUL, SKU GSUM GYI GO 'PHANG 'DOD CHAGS KYI CHOS KYIS THOB PAR BSTAN PA'I PHYIR RIG MA'I 'DOD YON LA LONGS SPYOD TSUL LO, ,DANG PO LA GSUM, SDAGS SPYOD PA'I RTEN KHYAD PAR CAN 'DZAM BU GLING BA'I MI MNGAL SKYES KHAMS DRUG LDAN DU SKYE BA LEN PA'I RGYUR SKYES NAS MYONG 'GYUR GYI LAS MNGON PAR 'DU BYA BA DANG MTHUN PAR TSOGS ZHING MCHOD CING SDOM PA 'DZIN TSUL, DE'I 'OG TU 'CHIB 'OD GSAL MNGON DU BYED PA DANG CHOS MTHUN PAR YE SHES KYI SA BSGOM TSUL, 'BYUNG BZHI'I DKYIL 'KHOR BSKYED DE 'GAL RKYEN 'GOG PA'I PHYIR SRUNG 'KHOR BSGOM TSUL LO, ,DANG PO NI, RANG NYID 'JIGS BYED ZHAL GCIG PHYAG GNYIS PAR GSAL BA'I THUGS KAR SNA TSOGS PADMA DANG NYI MA LA GNAS PAS H'Um GI 'OD ZER GYIS LONGS SPRUL GYI 'JIG RTEN GYI KHA KHAMS MTHA' YAS MU MED PA RNAMS KYANG GSAL BAR BYAS DE NA BZHUGS PA'I ZHES SOGS KYI DON DRAN PA'I SGO NAS RDO RJE 'JIGS BYED BLA MA DANG BCAS PA MDUN GYI NAM MKHAR SPYAN DRANGS, DE'I TSE BLA MA NI SPYAN DRANGS PA'I 'JIGS BYED DE'I SPYI BO'I RTZA ZHAL GYI STENG, SRIN ZHAL GYI MDUN DU RIGS BDAG,
GI RNAM PAR YOD PAR BSAM, SPYAN 'DREN PA'I GNAS LA, SPYIR RANG BZHIN GYI GNAS ZHES PA, CHOS SKU LA RANG BZHIN GYI GNAS SU BYAS NAS GZUGS SKU'I RNAM PAR SPYAN 'DREN PA DANG, LONGS SKU LA RANG BZHIN GYI GNAS SU BYAS NAS SPRUL SKU'I RNAM PAR SPYAN 'DREN PA DANG, GNAS BYE BRAG PA 'OG MIN LTA BU DANG, RANG GI SANGS RGYAS KYI ZHING NAS SPYAN 'DREN PA SOGS LAS 'DIR NI LONGS SPRUL GYI ZHING NAS SPYAN 'DREN PA YIN NO, ,BLA MA YANG TZA BA'I BLA MA ZHES PA, DNGOS KYI BLA MA STE DBANG BSKUR RGYUD BSHAD MAN NGAG GNANG BA'I BLA MA RNAMS BLA MA GCIG TU 'DUS PAR BSAM PA'AM, SO SOR GANG BDE YIN LA, KHYAD PAR CHOS 'DI'I NYAMS 'KHRID KYI BLA MA'O, ,'OD ZER RANG GI SNYING KHAR BSDU ZHING DE NI SNYING KHAR RTZA 'KHOR YOD PA DOR RO, ,DE NAS GANG GI DRIN GYIS BDE CHEN GNAS, ,ZHES SOGS KYI TSIGS BCAD GCIG GIS BLA MA LA PHYAG BYA ZHING, DON NI, BLA MA GANG GI BKA' DRIN GYIS MTHAR THUG GI BDE BA CHEN PO'I GNAS NI, DUS SKAD CIG STE SNYIGS DUS KYI TSE THUNG GCIG LA THOB PAR 'GYUR BAR MDZAD PA'I BLA MA RIN PO CHE DBANG GI RGYAL PO DANG CHOS MTSUNGS PA'I 'BRAS DUS KYI RDO RJE CAN RDO RJE 'CHANG GI RNAM PAR BLTAS PA'I ZHABS KYI PADMO LA GUS PAS 'DUD DO CES PA STE, ZHABS KYI PADMO NI ZHABS NYID LA PADMO'I MING GIS BTAGS PA YIN GYI, PADMA'I GDAN NI MIN NO, ,DE'I DON YANG SKU'I CHA DMA' SHOS LA 'DUD PA NI SHIN TU'ANG GUS PA'I DON TE, YON TAN KHYAD PAR CAN GZHAN LA 'DUD PA LTA CI SMOS PA'O, ,GZUGS MCHOG SOGS KYIS 'JIGS BYED LA PHYAG 'TSAL ZHING, DON NI, 'BRAS DUS KYI BDE BA CHEN PO'I YE SHES GZUGS SKU'I RNAM PAR SHAR BAS NA GZUGS MCHOG ,CHES CHER KHROS PAS NA MCHOG TU DRAG PO CHE, MI MTHUN PA'I PHYOGS KUN LAS RGYAL BAS NA DPA' BO, ,SKU GSUNG THUGS KYI PHYI NANG GSANG BA'I GNAS RNAMS SANGS RGYAS KHO NA'I MNGON SUM GYI SPYOD YUL YIN PAS NA
, ,MCHOG GI SPYOD YUL CAN, GDUL DKA' BA PHYI NANG GSANG BA'I GSHIN RJE SOGS 'DUL BA'I SGO NAS SEMS CAN GYI DON MDZAD PA'I RDO RJE 'JIGS BYED LA PHYAG 'TSAL LO ZHES PA STE, DE LA DRANG NGES GNYIS YOD PA'I 'BRAS DUS KYI BDE STONG DBYER MED KYI YE SHES DE NGES DON GYI RDO RJE 'JIGS BYED DANG DE NYID GZUGS SKU'I RNAM PAR ROL PA'I 'JIGS BYED NI DRANG DON GYI RDO RJE 'JIGS BYED DO, ,DE NAS RANG GI SNYING KHA NAS TZARTZI KA SOGS MCHOD PA'I LHA MO BZHI PO RE RE YANG MANG DU SPROS TE, MCHOD YON SOGS KYIS MCHOD PAR BSAM DE YANG, AOm HRI: shtI: HAS MCHOD YON 'BUL ZHING, SNGAGS DON NI 'PHROG BYED MCHE BA GZIGS PA LA ZHES GANG LA 'BUL PA YUL GYI KHYAD PAR, AOm H'Um H'Um PHAt KYIS ZHABS BSIL, THA MAL GYI SNANG ZHEN BCAD DE BDE STONG GI RNAM SPRUL ZHES NGO BO'I KHYAD PAR, AOm WI KRI NAS GA GA: YIS HRI ,RNAM PAR 'GYUR BA'I ZHAL CAN SEMS CAN MA RUNGS PA BSGRAL BA'I SNYING KHRAG GI DRI ZHES RGYU'I KHYAD PAR, AOm KU MA RA R'U PI NI DZA: DZA: H'Um PHAt KYIS ME TOG ,YID DU 'ONG BA'I GTZUGS CAN CES RNAM PA'I KHYAD PAR, AOm HRI: HA HE PHAt KYIS BDUG SPOS, 'PHROG BYED DGYES PA'I CHED DU ZHES DGOS PA'I KHYAD PAR, AOm D'IBTA NAS SV'A H'AS MAR ME, DON NI, SPYAN GYI DBANG PO DGYES PA'I CHED DU ZHES YUL GYI GNAS GANG LA 'BUL BA'I KHYAD PAR BSTAN, ZHAS ZAS DANG ROL MO GNYIS RANG MING GIS SMOS PA NI THA MA'I GSAL BYED DE, KHYAD PAR DE LTAR SHES PA'I SGO NAS PHUL NA PHUL DU BYUNG BA'I MCHOD PAR 'GYUR BAR BSHAD DE, ,BSHAGS PA NI, SGO GSUM DANG 'BREL BA'I SDIG PA THAMS CAD BSHAGS PAR BGYI'O, ,TSUL JI LTAR NA 'DAS PA'I DUS SU RANG RGYUD LA SKYES SHING, DA LTAR GYI DUS SU RANG RGYUD LA BYUNG BA'I SDIG PA RNAMS NI DUG KHONG DU SONG BA LTA BU'I 'GYOD SEMS DANG BCAS TE BSAL BA STE BSHAGS PA'I SGO NAS MED PAR
BYA BA DANG, DER MA ZAD PHYIN CHAD MI BYED PAR TSOGS ZHING KHYED KYI SPYAN SNGAR KHAS BLANGS PA'I BSDOM PAR BRJOD DO, ,DUS GSUM GYI SDIG PA BSHAGS PA DE BZHIN DU DUS GSUM GYI BSOD NAMS THAMS CAD LA RJES SU YI RANG NGO, ,TSUL DE LTAR BYAS NAS BSAGS PA'I DGE PA RNAMS BDAG GZHAN KUN BLA MED RDZOGS PA'I BYANG CHUB TU BDE BLAG 'GRO BA'I RGYUR BSNGO'O, ,YANG NA BDE 'GRO BLA MED BYANG CHUB KYI RGYUR BSNGO BA'O, ,DKON MCHOG GSUM LA SKYABS SU 'GRO, ZHES SOGS RKANG BA BZHIS, SKYABS SU 'GRO BA DANG, SEMS CAN THAMS CAD 'KHOR BA DANG NGAN SONG LAS SGROL ZHING SANGS RGYAS LA 'GOD PA DANG, DE'I CHED DU BYANG CHUNG TU SMON PA'I SEMS BSKYED PAR BSTAN TO, ,LUS 'BUL BA NI, YON TAN RGYA MTSO LTAR TSAD MED PA'I TSOGS ZHING KHYED RNAMS LA BDAG GI LUS 'BUL ZHING, LAM BSTAN NI, SANGS RGYAS DANG DA'I SRAS BYANG SEMS RNAMS KYI 'BYER PA'I LAM DU GYUR BA SBYIN SOGS KYI TSUL DE, SKU GSUM DANG YE SHES LNGA LDAN GYI GO 'PHANG THOB PA'I PHYIR DU RAB TU DANG BAS RANG RGYUD LA BRTEN PAR BGYI'O ZHES PA NI DON BSDUS PA STE, 'DI NI 'JUG SEMS SU YANG 'GYUR RO, ,RIGS LNGA'I SDOM BZUNG NI, SANGS RGYAS BYANG CHUB SEMS DPA' KUN, ,ZHES SOGS KYIS STON TE, 'DI YANG DON BSDUN GZHAN RNAMS NI SLA ZHING, NYES SPYOD SDOM PA'I, DGE BA CHOS SDUD KYI, SEMS CAN DON BYED KYI TSUL KHRIMS GSUM DANG, DKON MCHOG GSUM LA SKYABS SU 'GRO BA LA NYIN MTSAN THUN DRUG TU SLOB PA 'AM SLOB 'DOD SBYOR BA NI, RNAM SNANG GI SDOM PA'I BSLAB BYA LA SLOB TSUL DANG, DE BZHIN DU, RGYAL BA'I THUGS NYIS SU MED PA'I YE SHES MTSON BYED KYI CHAGS TSAD DANG LDAN PA'I RDO RJE DANG, STONG NYID KYI RANG SGRA SGROGS PAR SEMS PA'I SGO NAS CHAGS TSAD DANG LDAN PA'I DRIL BU 'DZIN PA NI DRIL BU'I DAM TSIG DANG, RANG LHAR BSGOM NAS LAS DANG YE SHES KYI PHYAG RGYA TSUL BZHIN SNYOMS PAR 'JUG PAS LHA MCHOD
, ,PA NI PHYAG RGYA'I DAM TSIG ,RANG LA SNGAGS KYI LAM STON PA'I BLA MA MCHOD PA NI SLOB DPON GYI DAM TSIG STE, DE SNGAR BZHIN BSTEN PA NI, MI BSKYOD PA'I DANG, ZANG ZING GI SBYIN PA, CHOS KYI SBYIN PA, BYAMS PA'I SBYIN PA, MI 'JIGS PA SKYABS KYI SBYIN PA RNAMS SNGAR BZHIN BSTEN PA NI RIN 'BYUNG GI DANG, PHYI BYA SPYOD DANG, GSANG BA RNAL 'BYOR DANG RNAL 'BYOR BLA MED NYAN RANG BYANG SEMS KYI THEG PA GSUM GYI LUNG RTOGS KYI CHOS LA SNGAR BZHIN SLOB PA NI 'OD DPAG MED KYI DANG, PHYI NANG GSANG BA DE KHO NA NYID KYI MCHOD PA LA SLOB PA NI DON GRUB KYI RIGS KYI SDOM PA'I BSLAB BYA LA SLOB TSUL LO, ,MA BSGRAL BA SOGS NI NYON SGRIB LAS MA BSGRAL BA'I TSANGS PA DANG BRGYA BYIN SOGS BDAG GIS BSGRAL BAR BYA ZHING, SHES SGRIB LAS MA GROL BA'I NYAN RANG DGRA BCOM RNAMS BDAG GIS SGROL BA DANG, SDUG BSNGAL GYIS MNAR NAS DBUGS MA PHYIN PA'I SEMS CAN RNAMS BDAG GIS DBUGS 'BYUNG STE, SEMS CAN THAMS CAD MI GNAS PA'I MYA NGAN LAS 'DAS PA'I DBYINGS LA 'GOD PAR BYA'O ZHES PA'O, THUN MONG MIN PA'I SDOM PA 'DIR SMOS PA NI, SDOM PA SNGAR MED GSAR DU SKYE BA DANG, NYAMS PA SOR CHUD PA'I CHED DU MIN KYANG, SDOM PA SKYE ZIN GNAS PA DANG, GONG 'PHEL DU 'GYUR BA'I DGOS PA YOD DO, 'DIR SDOM PA MA BZUNG NA'ANG CHO GA LA CHAD LHAG TU NI MI 'GYUR RO, ,DE NAS TSAD MED BZHI BSGOM PAR BYA ZHING, DANG PO GSUM NI SPYI LTAR LA, BZHI PA BTANG SNYOMS NI, SEMS CAN THAMS CAD RNYED PA DANG, MA RNYED PA DANG, BDE BA DANG, MI BDE BA DANG, SNYAN PA DANG, MI SNYAN PA DANG, BSTOD PA DANG MI BSTOD PA'I 'JIG RTEN GYI CHOS BRGYAD MGO SNYOMS LA 'GOD PA DANG, GZUNG BA DANG 'DZIN PA'I CHOS LA PHYIN CI LOG TU 'DZIN PA'I RNAM PA RTOG PA DE DAG NYE BAR ZHI BA'I BTANG SNYOMS LA 'GOD PAR DAM BCA' BA'O, ,CHOS BRGYAD 'DREN TSUL LA MING MI 'DRA BA YOD KYANG DON 'DRA BA YIN NO, ,TSOGS
ZHING NI, MTHAR RANG GNAS SU GSHEGS PA DANG, DE NYID DU MI DMIGS PAR BSGOM PA DANG, RANG LA BSDU BA DANG, STONG PA NYID DU BSGOM PA RNAMS SU YOD PA LAS 'DIR PHYI MA LTAR RO, ,STONG PA NYID DU BSGOM PA LA MI DMIGS PA'I THA SNYAD MDZAD KYANG, RNAM BSHAD 'DOD 'JO LAS MI SNANG BAR BYAS PA TZAM LA MI DMIGS PA ZHES PA'I BSGOM TSUL YOD PAR BSHAD CING, MKHAS GRUB KYIS KYANG DE LTAR GSUNGS SO, ,TSOGS ZHING NAS 'DI'I BAR GYI MTSON DON NI SA BCAD KYI SKABS SU BSHAD CING 'CHAD PAR 'GYUR RO, ` ,GNYIS PA 'CHI BA 'OD GSAL MNGON DU BYAS PA DANG CHOS MTHUN PAR YE SHES KYI SA'I STONG NYID BSGOM TSUL LA GNYIS, SBYANG GZHI BSHAD PA DANG, DE DANG MTHUN PA LA STONG NYID BSGOM TSUL LO, ,DANG PO NI, 'DZAM BU'I GLING BA'I MI MNGL SKYES KHAMS DRUG LDAN GYIS 'CHI BA 'OD GSAL MNGON DU BYED PA'I TSUL YOD DE, DE 'CHI BA'I TSE THOG MAR SA CHU LA THIM PA'I SKABS SU PHYI RTAGS SU LUS BYING BA'I NYAMS DANG, NANG RTAGS SU SMIG RGYU LTA BU'I SNANG BA 'CHAR, CHU ME LA THIM PA'I SKABS KYI RTAGS SU MCHU DANG LCE BSKAMS SHING SO LA DREG PA CHAGS PA DANG, NANG RTAGS SU DU BA LTA BU'I SNANG BA 'CHAR, ME RLUNG LA THIM PA'I PHYI RTAGS SU LUS KYI DROD MTHA' NAS SDUD PA DANG, NANG RTAGS SU MKHA' SNANG MI KHYER LTA BU'I SNANG BA 'CHAR, RLUNG RNAM SHES LA THIM PAR BRTZAMS PA NA PHYI RTAGS SU PHYI'I DBUGS KYI RGYU BA 'CHAD CING, NANG RTAGS SU MAR ME 'BAR BA LTA BU'I SNANG BA 'CHAR, KUN RTOG G-YO BYED KYI RLUNG SNANG BA LA THIM PA'I SNANG BA RANG DUS SU STON GNAM G-YA' DAG PA LA ZLA 'OD KYIS KHYAB PA LTA BU'I DKAR LAM PA'I SNANG BA 'CHAR, DE MCHED PA LA THIM PA'I TSE DE LA NYI 'OD KYIS KHYAB PA LTA BU DANG, DE NYER THOB LA THIM PA'I TSE SROD KYI MUN PA 'THUG PO'I SMAG GIS KHYAB BLTA BU'I SNANG BA 'CHAR ZHING, NYER THOB DE 'OD GSAL BA THIM PA'I TSE SLONG BYED KYI RKYEN GSUM DANG BRAL BA'I THO RANGS KYI NAM MKHA' STONG SANG LTA BU'I SNANG BA 'CHAR BA'I
, ,SGO NAS DE MNGON DU BYED PA'I PHYIR RO, ,GNYIS PA LA GNYIS, SNGAGS GNYIS KYI DON BSHAD PA'I SGO NAS STONG NYID BSGOM TSUL DNGOS DANG, SBYANG GZHI DANG CHOS MTHUN SBYOR BA'I TSUL LO, ,DANG PO NI, SNGAGS GNYIS KYI DANG PO'I DON NI, AOm GYI AA AU MA GSUM GYIS SKU GSUNG THUGS RDO RJE GSUM MTSON ZHING, DE GSUM GCIG TU GYUR PA'I AOm GYIS RDO RJE GSUM DBYER MI PHYED PA DE MTSON, MTSON DON DE DRAN PA'I SGO NAS NGAG TU BRJOD NA BSOD NAMS MANG DU SDUD PAS NOR BU 'DZIN PA'I SNGAGS ZHES BRJOD DE, RGYUD RDO RJE RTZE MO LAS, AOm NI CI ZHIG YIN PAR BRJOD, ,MCHOG DANG NOR DANG DPAL DANG G-YANG, , SKAL BZANG RNAM PA DANG LDAN ZHING, ,DAM BCA' BA DANG BKRA SHIS DON, ,NOR BU 'DZIN PA'I SNGAGS SU BRJOD, ,ZHES GSUNGS PA'I PHYIR, SVA BH'A WA NI RANG BZHIN GYIS, SHUDDHA: NI RNAM PAR DAG PA, SARBA DHARMA NI CHOS THAMS CAD DE, YUL GZUNG BAS BSDUS PA'I CHOS THAMS CAD DANG RANG BZHIN GYIS RNAM PAR DAG PA'I DON DANG, SVA BH'A WA SHUDDHA NI SNGAR BZHIN DANG, AA HAm NI NGA'O STE YUL CAN NGA SOGS 'DZIN PAS BSDUS PA'I CHOS THAMS CAD RANG BZHIN GYIS RNAM PAR DAG PA STE, MDOR NA, GZUNG 'DZIN GYIS BSDUS PA'I CHOS THAMS CAD RANG NYID BDEN 'DZIN GYIS JI LTAR BZUNG BA LTAR MED PA NI RANG BZHIN GYIS RNAM PAR DAG PA'I DON NO, ,SNGAGS GNYIS PA'I DON AOm NI SNGAR BZHIN DANG, SH'U N+YA T'A NI STONG PA NYID, DZNY'A NA NI YE SHES, BADZRA NI MI PHYED PA, SVA BH'A WA NI RANG BZHIN, AATMA KO NI BDAG NYID, AA HAm NI NGA'O STE, YUL STONG PA NYID DANG YUL CAN BDE BA CHEN PO'I YE SHES DBYER MED PA'I LAM GYI CHOS SKU LA NGA RGYAL BZHAG NAS BSGOM PA'I DON TE, KONYA HAm, ZHES SUM 'KHYOG 'BYUNG BA NI PA L'U TA YIN PAS MIG 'DZUM GSUM YUN DU BKLAG DGOS PA'I DON NO, ,'DIR CHOS SKU LA NGA RGYAL 'JOG PA NI GZHI DUS DANG LAM 'BRAS KYI CHOS SKU GSUM LAS PHYI MA GNYIS YIN LA, 'BRAS DUS KYI CHOS SKU NI
SANGS RGYAS YIN KYANG DE LA NGA RGYAL 'JOG PAR BSHAD PA NI MOS PA GTZO BOR BYED PA STE, DE YANG RGYAL DBANG DGE 'DUN RGYA MTSO DANG, PAn CHEN THAMS CAD MKHYEN PAS 'BRAS DUS KYI CHOS SKU LA NGA RGYAL GTZO BOR BYED PAR BSHAD CING DE LTAR GSUNGS PA GZHAN YANG YOD LA, NAM MKHA' RGYAL MTSAN ZHABS NI LAM DUS KYI CHOS SKU LA BSHAD DE MI 'GAL LO, ,LAM DUS KYI SKABS SU YANG STONG NYID RTOGS MA RTOGS KYI DBYE BAS GNYIS SU 'GYUR LA, RTOGS PA LA'ANG BDE STONG DBYER MED KYI YE SHES SU SONG MA SONG GNYIS YOD DO, ,SPYIR BDE STONG DBYER MED KYI YE SHES DE LA SPYI DON SBAS DON MTHAR THUG GSUM YOD KYANG 'DIR DANG PO'I DBANG DU BYAS PA YIN LA, LAM DUS KYI LHAN SKYES KYI DBANG DU BYAS PA'I BDE STONG DBYER MED KYI YE SHES DNGOS NI BSGOMS STOBS KYIS RLUNG DBU MAR ZHUGS PA'I DBANG GIS GTUM MO SBAR BAS BYANG SEMS BZHUN NAS SKYES PA ZHIG DGOS TE, RIM LNGA GSAL SGRON LAS, BDE STONG SBYONG BAR GSUNGS PA'I BDE BA NI LHAN SKYES KYI DGA' BA YIN LA, DE THOG MAR SKYE BA NI RO RKYANG GI RLUNG AA WA DHU T'IR BTZUD PA'I DBANG GIS GTUM MO SBAR NAS BYANG SEMS BZHUS PA LAS SKYE LA, ZHES GSUNGS PA'I PHYIR RO, ,GZHI DUS KYI CHOS SKU NI RANG BZHIN GYIS MED PA'I STONG NYID DO, DE LA YUL GYI CHOS SKU ZHES THA SNYAD BYED KYANG CHOS SKU DNGOS MIN LA, DE RTOGS PA'I SLOB PA'I YE SHES RNAMS LA SKABS 'DIR YUL CAN GYI CHOS SKUR BRJOD PA'ANG BTAGS PA TZAM MO, ,RANG DANG TSOGS ZHING GI LHA DANG DE DAG LAS GZHAN PA'I CHOS THAMS CAD RANG RANG GI GDAGS GZHI CHA SHAS SOGS LA BRTEN NAS MING DANG BRDA LAS THA SNYAD KYIS BTAGS PA TZAM GYIS 'JOG PA'I PHYIR NA, DE RNAMS PHAN TSUN LTOS PA'I RTEN 'BREL YIN LA, LTOS MED RANG BZHIN GYIS GRUB PA'I RTAG MTHA', THA SNYAD DU BYA BYED MI RUNG BA'I CHAD MTHA', 'DI GNYIS SU RANG BZHIN GYIS GRUB PA DANG DE GNYIS
, ,KA MA YIN PAR YANG RANG BZHIN GYIS GRUB PA'I MTHA' BZHI DANG BRAL BAR BSHAD PA LTAR RAM, CUNG ZAD MI 'DRA BA RANG BZHIN GYIS GRUB PA'I RTAG MTHA', THA SNYAD DU MED PA'I CHAD MTHA', DE GNYIS SU GRUB PA'I RTAG MTHA', DE GNYIS GANG RUNG DU YANG MED PA'I CHAD MTHA' STE CHOS THAMS CAD RTAG CHAD KYI MTHA' BZHI DANG BRAL BA'I BDAG MED PA'I RANG BZHIN STONG PA NYID DU BSGOM MO, ,BZHI GSUNGS PA NI, BLO LA LTOS TE MTHA' GZHAN SEL BA'I MED YIN GYI, MTHA' BZHI KA'ANG RTAG CHAD KYI MTHA' GNYIS SU MI 'DU BA MIN NO, ,'DIR RANG BZHIN GYIS STONG CES PAS RTAG MTHA' SEL ZHING, BRTEN NAS BTAGS PA'I PHYIR ZHES PAS CHAD MTHA' SEL TE, THA SNYAD DU YOD PAS RANG BZHIN GYIS MED PA'I DON NO, ,DE YANG SPYIR CHOS THAMS CAD RANG BZHIN GYIS MED CING THA SNYAD DU YOD PAR MTHA' GNYIS DANG BRAL YANG, 'DIR BLOS 'DZIN TSUL LA LTOS NAS 'GOG PA YIN NO, ,'O NA, STONG NYID BSGOM RGYU YOD NA DE LTAR YIN MOD, STONG NYID THOS BYUNG GI SHES RAB TZAM GYIS KYANG MA NGES PA DAG GIS JI LTAR BYA SNYAM NA, RAB BYUNG NA STONG NYID BSGOMS BYUNG GIS RTOGS PA'AM, MED NA BSAM BYUNG DANG, DE YANG MED NA THOS BYUNG GI SHES RAB KYIS RTOGS DGOS PA NI, SKABS 'DIR YANG, SNGAGS KYI CHED DU BYA BA'I GDUL BYA LA DGOS PA YIN LA, GAL TE DE DAG MED NA, STONG NYID KYI GO BA MDOR BSDUS PA YIN NA'ANG RNAM DAG GI PHYOGS GTOGS ZHIG NGES PAR DGOS SO, ,GANG ZAG 'DI 'AM STONG NYID RTOGS PA ZHIG GIS KYANG, 'DI LTAR BYAS NA LEGS PAR BSHAD DE, RANG GI THUGS KHA NAS 'OD 'PHROS, SNOD BCUD LA PHOG PAS, DE RNAMS 'OD KYI RNAM PAR ZHU NAS RANG LA THIM, RANG NYID KYANG 'OD DU ZHU NAS MI SNANG ZHING MI DMIGS PAR BSAM, STONG NYID RTOGS PA MA YIN NA'ANG, RE ZHIG RANG GZHAN KUN RDZOB PA'I CHOS RNAMS BLO NGOR MI SNANG
BAR BYA STE, SPYIR CHOS RNAMS MED PA MIN KYANG DE LTAR MED PA BZHIN BYED PA NI, DGOS PA'I DBANG YIN PAS MI 'GAL BAR MA ZAD, RTEN DANG BRTEN PA BSGOM PA'I GROGS SU 'GYUR PA NI, RJE'I RNAM BSHAD 'DOD 'JO DANG, MKHAS GRUB NOR BZANG RGYA MTSO'I DGONGS PA'ANG YIN NO, , GZHAN YANG, KHO BO CAG GIS ZHUS PA'I 'KHRID RGYUN LAS, RANG YAB YUM GYI SBYOR MTSAMS DANG H'Um GI NA DA LAS 'OD ZER 'PHROS, TSOGS ZHING DANG SNOD BCUD LA PHOG PAS DE RNAMS 'OD DU ZHU NAS RANG LA THIM PAS SMIG SGYU LTA BU DANG, RANG GI STOD SMAD SOGS NAS ZHU STE THUGS KHA'I H'Um LA THIM PAS DU BA LTA BU DANG, H'Um GI ZHABS KYU'I A'U NI HA LA THIM PAS ME 'KHYER DANG, HA MGO BO LA THIM PAS MAR ME DANG, DE ZLA TSES LA THIM PAS SNANG BA DKAR LAM PA DANG, DE THIG LE LA THIM PAS MCHED PA DMAR LAM PA DANG, DE N'A DA LA THIM PAS NYER THOB NAG LAM PA DANG, N'A DA DE 'OD GSAL DU THIM PAS THO RANGS NAM MKHA'I RANG MDOG LTA BU'I SNANG BA SHAR BYUNG SNYAM DU MOS DGOS PAR BSHAD PAS, 'DI LTAR BYED PA NI 'CHI RIM DANG CHOS MTHUN SBYOR BA DANG, DE'I LAM KHYER LA PHAN CHE BA ZHIG GO ,GNYIS PA NI, SNGAGS GNYIS KYI DON DRAN PA'I SGO NAS STONG NYID SGOM TSUL 'DI LA 'CHI BA CHOS SKYUR 'KHYER BA'I RNAL 'BYOR DANG LAM KHYER ZHES BYA STE, SBYANG GZHI LA 'DZAM BU GLING PA'I MI MNGAL SKYES KHAMS DRUG LDAN ZHIG ,RANG GI GZUGS SOGS PHUNG PO LNGA, SA SOGS KHAMS LNGA, MIG SOGS DBANG PO LNGA, GZUGS SGRA SOGS YUL LNGA, GZHI DUS KYI ME LONG LTA BU'I YE SHES SOGS YE SHES LNGA STE RAGS PA NYER LNGA RIM GYIS THIM NAS 'CHI BA 'OD GSAL MNGON DU BYED PA DANG CHOS MTHUN ZHING, SGRUB PA PO RANG NYID KYI 'CHI BA SBYONG PAR BYED, RDZOGS RIM GYI SKABS SU BSGOMS STOBS KYIS RLUNG DBU MAR ZHUGS GNAS THIM GSUM BYAS PA LAS BYUNG BA'I DPE DON GYI 'OD GSAL DANG RNAM PA MTHUN PA DANG, DE LTA BU'I RTOGS PA SKYE PA'I DGE RTZA SMIN BYED DU 'GYUR,
, ,'BRAS BU'I SKABS SU YUL DAG PA GNYIS LDAN GYI DBYINGS DANG, YUL CAN SGRIB BRAL GYI BDE BA CHEN PO'I YE SHES GNYIS CHU LA CHU BZHAG BZHIN DU RO GCIG TU ZHUGS PA'I RGYAL BA'I THUGS YE SHES CHOS SKU DANG RNAM PA MTHUN ZHING, DE LAM DU BYAS PA'I TSUL GYIS MNGON DU 'GYUR BA'I NUS PA KHYAD PAR CAN 'JOG PA YIN PA'I PHYIR RO, ,SKABS 'DIR STONG NYID BSGOM PA LA YE SHES KYIS ZHES BRJOD PA'I RGYU MTSAN YOD DE, GZHI LA SNOD KYI 'JIG RTEN SNGA MA ZHIG STONG NAS NAM MKHA' STONG SANG DU GNAS PA DE NYID KYIS SNOD KYI 'JIG RTEN PHYI MA ZHIG GI RTEN BYED PA DE BZHIN DU, 'DIR BSGOMS PA'I STONG NYID KYIS 'BYUNG BZHI DANG RTEN BRTEN BA'I DKYIL 'KHOR DANG BCAS PA BSKYED PA'I GZHI BYED PA'I RGYU MTSAN GYIS DE LTAR BRJOD PA'I PHYIR, 'DIR STONG NYID BSGOMS PA LA DGOS PA YOD DE, GTZO BOR NI 'CHI BA CHOS SKUR 'KHYER BA'I LAM KHYER DANG, GZHAN GONG DU BSOD NAMS KYI TSOGS BSAGS NAS, 'DIR YE SHES KYI TSOGS GSOG PA DANG, STONG NYID RTOGS PA'I YE SHES KYI GZUNG RNAMS DE NYID RTEN BRTEN PA'I DKYIL 'KHOR GYI RNAM ROL DU 'CHAR BA'I ZAB GSAL GNYIS MED KYI RNAL 'BYOR KHYAD PAR CAN 'GRUB PA DANG, SRUNG BA'I MCHOG TU 'GYUR BA'I DGOS PA YANG YOD PA'I PHYIR RO, ,GSUM PA 'BYUNG BZHI'I DKYIL 'KHOR BSKYED NAS 'GAL RKYEN 'GOG PA'I CHED DU SRUNG 'KHOR BSGOM PA LA GNYIS, 'BYUNG BZHI BSKYED DE THUN MONG BA'I SRUNG 'KHOR BSGOM TSUL DANG, THUN MONG MA YIN PA'I SRUNG 'KHOR BSGOM TSUL LO, ,DANG PO NI, CHOS SKU 'BA' ZHIG LA MI GNAS PAR GZUGS SKUR LDANG NAS SEMS CAN GYI DON BYA'O SNYAM PA'I 'PHEN PA DANG LDAN PAS NUS NA BLO'I CHA PHYE STE, STONG PA'I NGANG LAS YAm SNGON PO ZHIG THOL GYIS BYUNG BA LAS RLUNG GI DKYIL 'KHOR DU BA'I MDOG CAN GZHU GDUNGS PA LTA BU'I MCHOG MA GNYIS SU RGYAL MTSAN DANG LCE GSUM PAS MTSAN PA, BCAD KHA PHYI LA BSTAN PA, DE'I STENG DU RAm DMAR PO LAS ME DKYIL ZUR GSUM
PA ZUR GCIG MDUN DU BSTAN PA, KHA LA ME 'BAR BAS MTSAN PA, DE'I STENG DU LAM DKAR PO LAS CHU DKYIL DKAR PO ZLUM PO DBUS SU BUM PA CHUS GANG BAS MTSAN PA, DE'I STENG DU LAM SER PO LAS SA DKYIL GRU BZHI PA ZUR BZHIR RDO RJES MTSAN PA, ,DE DAG GI YI GE RNAMS NYAL 'GRENG GANG BDE BYA'O, ,'DIR 'BYUNG BA RIM BRTZEGS BSGOM PA'I DGOS PA NI, SBYANG GZHI SNOD KYI 'JIG RTEN SNGA MA ZHIG STONG NAS PHYI MA 'CHAGS PA NA, DANG POR RLUNG DKYIL NAS 'CHAGS PA SOGS DANG CHOS MTHUN SBYOR BA'I CHED DO, ,DUS KYI 'KHOR LO'I LUGS LA ME DKYIL DNGOS GNAS PA YOD CING, MNGON PA NAS ME DKYIL DNGOS GNAS PA YOD PAR MA BSHAD KYANG SKYON MED DE, 'BYUNG BA GZHAN GSUM LA ME RDUL YOD PAS CHOS MTHUN DU SBYOR BA YIN PA'I PHYIR RO, ,SA DKYIL GYI DBUS STENG DU H'Um YIG SNGON PO ZHIG BYUNG BA ZHU STE, SNA TSOGS RDO RJE MNGON RTOGS LTAR GYI RVA CAN GYI LTE BA LA H'Um GIS MTSAN PA DBYIBS ZLUM POR RUNG, DE LAS 'OD ZER RLUNG DKYIL GYI 'OG TU 'PHROS PAS RDO RJE'I SA GZHI STE, SA DKYIL DANG STENG NGOS MNYAM PA BYAS KYANG MI 'GAL BAR SEMS, LOGS SU 'PHROS PAS RDO RJE'I RVA BA ZLUM PO 'OG GUR GYI SMAD LTA BU, STENG DU GDUGS BTEGS PA LTAR 'PHROS PAS TSA CHE'O STOD SOG GUR GYI STOD KYI RNAM PA CAN LTA BU'I RDO RJE'I GUR, YANG 'PHROS PAS GUR GYI 'OG DANG MTHA'I STENG GI MTSAMS SU RDO RJE'I BLA BRE BRES PA, RDO RJE'I SA GZHI RVA GUR RNAMS KYANG RDO RJE BSNEL MA'AM, CHU RGYUG 'BUM BRTZIGS GANG RUNG DU RDO RJE CHE BA RNAMS KYI KHONG SENG DU CHUNG BA RNAMS KYIS RDUL PHRA RAB KYI TSUL DU GTAMS PA BAR MTSAMS MED PA DUM BU GCIG TU GYUR PA'I PHYI ROL DU, DE DAG LAS 'PHROS PA'I YE SHES KYI ME RAB TU LBAR NAS BRTZAMS TE DKAR SER DMAR LJANG SNGO PA'I KHA DOG SNA LNGA PO 'JIG DUS KYI ME LTAR PHYOGS MTSAMS THAMS CAD
, ,TU 'PHRO BA, NAG PHYOGS PA RNAMS KYIS 'DA' NUS PA LTA ZHOG BLTAR MI BZOD PA, DKAR PHYOGS PA RNAMS KYIS YID DU 'ONG BA'I RNAM PA CAN DU MTHONG BAR BSAM PAR BSHAD DO, ,SRUNG 'KHOR 'DI BSGOM PA DE, SGRUB THABS BSGOM PA LA BGEGS KYI BAR CHAD MI 'BYUNG BA'I CHED YIN LA, DER MA ZAD THUN MONG MA YIN PA'I SRUNG 'KHOR YANG DE'O, ,GNYIS PA THUN MONG MA YIN PA'I SRUNG 'KHOR NI, RVA BA'I DBUS SU BHRUm SER PO ZHIG BYUNG BA YONGS SU GYUR PA LAS, BKA'I 'KHOR LO SER PO YE SHES BCU'I BDAG NYID LAS BYUNG BA'I RTZIBS BCU PA DBYIBS MDUNG LCAGS KYI SBUBS YANGS PA GNYIS KHA SPRAD PA LTA BU'I STENG 'OG GI RTZIBS GNYIS MDUNG RTZE GCIG PA'I RNAM PA LA, LTE BA'I PHRAD MTSAMS KYI PHYOGS BZHI DANG, MTSAMS BZHIR YU BA THUG PA'I RTZIBS RAL SO GNYIS MA LTA BU BRGYAD, LTE BA'I DBUS DANG STENG 'OG GI SBUBS STONG GI BAR SNANG DANG, PHYOGS MTSAMS KYI RTZIBS RNAMS KYI RTZE MO LA CUNG ZAD MA REG PA'I GNAS RNAMS SU SNA TSOGS PADMA DANG, ZLA BA DANG, NYI MA'I GDAN GSUM GSUM BRTZEGS PA'I DBUS KYI GDAN LA, RANG NYID GNOD MDZES RGYAL PO SKU MDOG DANG RTZA ZHAL MTHING KA, ZHAL GSUM KA'I DBU THOD KYI RDZA MA DANG MGRIN PA GCIG PA LA, SNYAN PHAN CHAD 'BUR PO GSUM DU DOD PA'I RNAM PA CAN, G-YAS G-YON GYI SOG PA'I DKAR YOL KHA GNYIS NAS DPUNG MGO GSUM GSUM YAS MAN DU GYES PA'I PHYAG DANG PO GNYIS KYI RANG 'DRA'I YUM LA 'KHYUD CING, G-YAS 'OG MA GNYIS RIN PO CHE DANG LCAGS KYU, G-YON 'OG MA GNYIS KYIS PADMA DANG ZHAGS PA 'DZIN PA, KHRO BO'I NYAMS YONGS SU RDZOGS SHING, G-YAS BSKUM G-YON BRKYANG NAS ME DPUNG 'BAR BA'I DBUS NA BZHUGS PA, YAB YUM SNYOMS PAR ZHUGS PA'I SBYOR
MTSAMS DANG THUGS KA'I SA BON GYI 'OD ZER GYIS, PHYOGS BCU'I SANGS RGYAS THAMS CAD KHRO BO BCU'I RNAM PAR SPYAN DRANGS, RANG GI ZHAL DU ZHUGS THUGS KAR CHAGS PA CHEN PO'I MES ZHU BA RDO RJE'I LAM NAS YUM GYI PADMAR SONG STE RANG MDOG CAN GYI THIG LE BCU DANG, DE LAS DE LTA BU'I H'Um RING PO BCUR GYUR PA ZHU BA LAS, KHRO BO BCUR GYUR H'Um RING PO ZHES PA LA KHA CIG A'U RING PO DANG LDAN PA'I H'Um LA 'DOD CING, LA LA H'Um YIG N'A DA CAN LA 'DOD DO, DANG PO LTAR NA H'Um THUNG DGAR BA'I CHED YIN LA, PHYI MA LTAR NA DPYAD DGOS SO, ,DE NAS 'KHOR GSHIN RJE GSHED SOGS NI SGRUB THABS BZHIN GSAL BTAB STE, RE RE NAS H'Um ZHES BRJOD DE BSKUL BA YUM GYI PADMA STE MNGAL GYI SGO NAS PHYIR SPROS, SHAR SOGS PHYOGS MTSAMS BRGYAD DANG, STENG 'OG GI GDAN LA G-YON BRGYANG GIS 'KHOD PAR BSAMS SHING, GZHAN BRGYAD KHA NANG LTA DANG, GTZUG TOR 'KHOR SGYUR NI, GTZO BO'I STENG GI MDUN ROS SU CUNG ZAD YOL BA'I GDAN LA ZHAL NUB DANG, RDO RJES 'OG NI GTZO BO'I 'OG GI RGYAB NGOS SU CUNG ZAD YOL NAS ZHAL SHAR DU GZIGS PA'O, ,SPRO BA'I TSE SLAR RANG GI THUGS KAR 'DREN PAR BSHAD PA NI, RGYAS PA'I DBANG DU BYAS PA YIN YANG, 'DON CHA'I TSIG ZIN DANG MI MTHUN PAR MNGON NO, ,KHRO BO THAMS CAD KYANG MCHE BA GTZIGS SHING, ZHAL SO SO YANG DMAR LA ZLUM PA'I SPYAN GSUM GSUM DANG LDAN PA SOGS SGRUB THABS LTAR DANG, 'JIGS SU RUNG BA'I RDO RJE CHE CHUNG SNA TSOGS DANG, BCU KA LA'NG KHRO CHUNG ZHUN MA'I KHU BA BYIR 'THOR BA LTA BU DANG, YE SHES KYI ME RVA BA'I PHYI ROL DU'ANG 'PHRO BAS GDUG PA CAN THAMS CAD TSAR GCOD PAR BSAM, DE YANG KHRO BO RNAMS KYIS RANG PHYOGS BZUNG NAS MI 'KHOR LA, 'KHOR LO NI SA GZHI RVA GUR KHRO BO RNAMS LA MA REG PAR G-YAS BSKOR DU MGYOGS PAR 'KHOR BAR BSAM ZHING,
, ,'DI LA KHRO BO'I SNGAGS BZLA BA DANG, 'KHOR LO 'KHOR BA'I GNAD, BSGRUB BYA SBA BA'I GNAD, KHRO BO ZHAL GZIGS PA'I GNAD, 'PHRIN LAS MDZAD PA'I GNAD RNAMS 'DOD NA, GZHAN DU SHES PAR BYA'O, ,GNYIS PA GANG DU 'TSANG RGYA BA'I GNAS KYI RTEN GZHAL YAS KHANG BSKYED DE BAR DO LONGS SKUR 'KHYER BA'I LAM KHYER RGYU RDO RJE 'DZIN PA BSKYED PA LA GNYIS, RTEN GZHAL YAS KHANG BSHAD PA DANG, LAM KHYER RGYU RDO RJE 'DZIN PA BSKYED PA'O, ,DANG PO LA GNYIS, GZHAL YAS KHANG GO DON DANG, GZHAL YAS KHANG DNGOS BSKYED PA'O, ,DANG PO NI, RANG NYID GNOD MDZES SU GNAS PA DE NYID YONGS SU GYUR BA LAS, SGRUB THABS NAS 'BYUNG BA BZHIN GYI RDO RJE SEMS DPAR GYUR, DE YANG ZHU BA LAS CHOS 'BYUNG PHYI DKAR LA NANG DMAR BA, 'OG TU PHRA ZHING STOD YANGS PA, DBYIBS CUNG ZAD MI 'DRA BA YOD KYANG DMAR GTOR MGO MJUG ZLOG PA LTA BU, ZUR GCIG MDUN DU BSTAN PA STE, CHOS 'BYUNG PHYI DKAR BAS BDE BA DANG, NANG DMAR BAS STONG PA MTSON PA'AM LDOG STE MTSON PA GANG BYAS KYANG MI 'GAL SNYAM, CHOS 'BYUNG NYID KYIS BDE STONG DBYER MED KYI YE SHES MTSON, ZUR GSUM GYIS RNAM THAR SGO GSUM DANG, SHES RAB MA'I BHA GA'I DBYIBS KYIS LHAN SKYES KYI BDE BA DANG, 'OG PHRA ZHING STOD YANGS PAS NI, MOS SPYOD KYI SA'I YON TAN PHRA ZHING SA GONG MA RNAMS YON TAN JE RGYAS SU YOD PA MTSON NO, ,CHOS 'BYUNG GI 'OG ZUR NAS PAm YIG LJANG KHU ZHIG BYUNG BA YONGS SU GYUR PA LAS, YU BA 'OG ZUR NAS 'THON PA'I SNA TSOGS PADMA LTE BA RGYA CHE ZHING 'DAB MA CHUNG PA STE 'DAB MA DKAR SER DMAR LJANG BA'I KHA DOG SNA TSOGS SPEL BA, 'DAB MA'I GRANGS RE BZHI'AM, SO GNYIS SAM, BCU DRUG YOD PA GANG RUNG, 'DAB MA'I SHAR GYI PHYI MTHA' NAS NUB KYI PHYI MTHA'I BAR SGO TSAD NYER GCIG STE CHA PHRAN GYA BZHI YOD
PA DANG, LHO MTHA' NAS BYANG MTHA'I BAR YANG DE LTAR YOD PA'I LTE BA LJANG GE SAR SER PO, ,LTE BA'I PHYI MTHA' NAS PHYI MTHA'I BAR GYI RGYA LA SGO TSAD NYI SHU STE CHA PHRAN BRGYAD CU'O, ,DE'I LTE BAR H'Um SNGON PO NYAL 'GRENG GANG RUNG LA SNA TSOGS RDO RJE'I RGYA NI PADMA'I LTE BA DANG MNYAM PA, RVA NYI SHU PA DANG BCU GNYIS PA GANG RUNG, RVA RNAMS PHYOGS MDOG GAM RVA KHRA GANG BDE, LTE BA SNGON PO, DBYIBS BRE LEB KHA SBUBS PA LTA BU GRU BZHI PA, DPANGS NI, CHA PHRAN BZHI DANG LNGA DANG CHA CHEN BZHI DANG LNGAR YANG BSHAD SNANG BA LAS RVA NYI SHU PA LA PHYI MA GANG RUNG, RA BCU GNYIS PA LA NI DPANG CHA CHEN GCIG TU BSHAD, DE GNYIS KA LA'ANG STE BA'I RGYAR SGO TSAD BCU GNYIS, RVA DBUS MA RNAMS KYI RTZA BA LA CHA PHRAN GSUM DBUS LA CHA PHRAN BZHI, RTZE MO LA CHA PHRAN GCIG ,PHYOGS RVA RNAMS KYI RTZA BA LA GNYIS, DBUS LA GSUM, RTZER CHA PHRAN SUM GNYIS, RVA THAMS CAD KYI SRID LA CHA PHRAN BCU DRUG ,PHYOGS RVA RNAMS DBUS RVA'I TSANGS THIG NAS PHYOGS PHYOGS SU CHA PHRAN BRGYAD RE SONG BA'I MTSAMS NAS RVA'I PHYI DANG, DRUG RE SONG PA NA NANG MTHA' 'THON ZHING, DBUS RVA'I CHA PHRAN GNYIS PHYIR SONG BA'I MTSAMS SU ZUG PA, CHA PHRAN GNYIS PHYOGS SU MA SLEB PA NI GUG PA'I CHA LA SONG BA DANG, ,DE RNAMS CHU SRIN GYI KHA NAS 'THON PA'O, ,DGOS PA NI GZHAL YAS KHANG GI RTEN GYI DON DU YIN LA, MTSON DON NI SNA TSOGS PADMAS 'KHOR BA'I NYES PAS MA GOS PA DANG, RDZOGS RIM GYI SKABS GNAD DU BSNUN PA'I RTZA 'KHOR MTSON, SNA TSOGS RDO RJES YE SHES LNGA DANG, RTEN BRTEN PA'I DKYIL 'KHOR RNAMS YE SHES LNGA'I RNAM ROL DU 'CHAR DGOS PA DE MTSON NO, ,GNYIS PA GZHAL YAS KHANG DNGOS BSKYED PA NI, SNA TSOGS RDO RJE'I LTE BA'I DBUS SU BHRUm DKAR PO LAS 'KHOR LO DKAR PO RDO RJE'I YU BA CAN GYI LTE BAR BHRUm GYIS MTSAN PA YONGS SU GYUR PA LAS, RNAM SNANG DKAR PO MNGON RTOGS BZHIN DANG, DBU BA LAS GZHAL YAS KHANG MTSAN NYID THAMS CAD
, ,YONGS SU RDZOGS PAR GYUR PAR BSAM, GZHAL YAS KHANG GI RGYA DPANGS NI, DE'I SHAR GYI NANG MTHA' NAS NUB KYI NANG MTHA'I BAR GYI RGYA TSAD NI CHA PHRAN BZHI LA SGO TSAD DU BYAS PA'I SGO TSAD BRGYAD, RTZIG PA LNGA BSDOMS PA'I ZHENG CHA PHRAN GCIG ,DPANGS CHA PHRAN BCU GSUM, DE'I STENG DU PHA GU DMAR PO DPANGS CHA PHRAN GCIG ,ZHENG CHA PHRAN PHYED GNYIS YOD PA'I PHYED RTZIG PA LAS PHYIR 'PHAGS PA'I PHYI NGOS SU RIN PO CHE ZUR GSUM DANG, ZLUM PO DANG, GRU BZHI LA SOGS PA KHA DOG SNA TSOGS PA SPEL BA 'BUR DOD BYAS PAS SMRAS PA, DE'I STENG GI PHYOGS BZHIR BAR 'TSAM PAR, RDO SMUG PO RDO RJE'I SNYING PO CAN GYI KA CHUNG RE RE DE'I STENG DU MU TIG DMAR PO'I PRE RE RE, DE'I STENG DU SPUG GI GZHU THUNG RE, DE'I MCHOG MA GNYIS SU SHEL GYI KA CHUNG RE, DE'I STENG DU BEE d'URYA SNGON PO'I BRE RE, DE'I STENG DU DNGUL GYI GZHU RING STE, LA LAR GZHU THUNG DE NYID SKOR RU KHAR BTANG BA'I PHYOGS BZHIR SHEL GYI KA CHUNG RE BYED PAR YANG BSHAD, DE DAG GI STENG DU GSER GYI SKA RAGS ZHENG CHA PHRAN GCIG PA LEB MOR YOD PA PHYOGS THAMS CAD DU 'KHOR MAR BTANG BA, TSUL DE LTA BUR BRTZEGS PA'I GSER GYI SKA RAGS BZHI KA BSDOMS PA'I DPANGS CHA PHRAN GCIG, ,KA PA BRE PHUL DANG BCAS PA GONG 'OG BZHI BSDOMS PA'I DPANGS LA CHA PHRAN GCIG STE THAMS CAD BSDOMS PA LAS CHA PHRAN GNYIS SO, ,KHYAD PAR DU GZHAL YAS KHANG GI ZUR DU RDO'I KA BA SOGS YOD PA BYA DGOS SHING, DE YANG GZHU GONG 'OG NI ZUR DANG 'THUN PAR BYA'O, ,PHYOGS BZHI'I RTZA THIG DANG TSANGS THIG 'PHRAD MTSAMS NAS G-YAS G-YON DU CHA PHRAN GNYIS SONG BA NA SGO TSAD GCIG NI SGO 'KHYUD, DE NAS KYANG CHA PHRAN GNYIS RE G-YAS G-YON DU SONG BA SGO 'GRAM, DE NAS CHA PHRAN GNYIS RE PHYIR SONG BA SGO LOGS KYI NANG NGOS, DE'I RTZIG GDONG GI BAR NA SGO MED PA MA GTOGS, YA THEM MA THEM 'GRAM RNAMS SGO JI LTA BA BZHIN BTZUGS PA'I YA THEM GYI RTZIG PA NI DPANGS JI LTAR RIGS PAR SGO LOGS KYI RTZIG
PA DANG MNYAM PAR BTANG BA, DE'I STENG DU PHA GU KA BA BRE PHUL SOGS KYANG SNGAR BZHIN NO, ,PHYOGS BZHI'I RTZA THIG DANG TSANGS THIG 'PHRAD MTSAMS NAS NANG DU CHA PHRAN RE SONG BA NA, GSER GYI RDO RJE RTZE LNGA BA'AM, RTZE GSUM PA'I 'PHRENG BAS ZLUM POR BSKOR BA LA DPANGS CHA PHRAN GCIG PA, DE DANG 'BREL BAR RDO RJE'I MIG MANGS RIS SU RGYUGS PA'I MTSAMS SU RDO RJE'I 'PHRENG BAR BRTAN PA'I KA BA ZHENG CHA PHRAN GCIG ,DPANGS CHA PHRAN BCU GSUM YOD PA PHYOGS BZHIR GNYIS GNYIS TE BRGYAD BTZUGS, DE'I PRE BA THU THUNG GZHU RING DANG BCAS PA LA CHA PHRAN GNYIS TE KA PA'I RTZA BA NAS DE'I BAR CHA PHRAN BCO LNGA, DE'I STENG DU GDUNG 'KHOR DPANGS CHA PHRAN GCIG PA, GDUNG 'KHOR DANG SHAR NUB LHO BYANG GI KA BA 'PHRAD MTSAMS SU GDUNG DANG STENG MNYAM PAR BYAS TE SNE MO BKAL PA'I GDUNG RING DPANGS CHA PHRAN GCIG PA THAL MAR BTANG BA, 'ON KYANG GDUNG 'DI GDUNG 'KHOR 'PHRAD MTSAMS SU BKAL BA DANG GDUNG GI STENG DU RANG SOR BZHAG PA GNYIS KYI KHYAD PAR LAS NANG GI DPANGS CHA PHRAN BCU DRUG DANG BCU BDUN DU'ANG 'GYUR BAS BRTAG ,GDUNG 'OG GI KA BA NI, TSANGS THIG DANG RDO RJE'I PHRENG BA 'PHRAD MTSAMS NAS G-YAS G-YON DU CHA PHRAN LNGA LNGA SENG BA'I MTSAMS NAS BTZUGS PA STE, 'DI'ANG RDOR 'PHRENG GI BAR DANG STENG DU GZHAG PA LA KHYAD PAR YOD PAS ZHIB CHA GYIS, DE LTAR BYAS PAS STENG 'OG GNYIS KA LA RE MIG DGU PA 'ONG, DBUS KYI RE MIG GRU BZHI PA MA GTOGS RE MIG GZHAN RNAMS KYI 'OG NGOS SU GNAM RGYAN, ,SHAR LHO NUB BYANG GI KA GDUNG RNAMS RIM PA BZHIN DKAR SER DMAR LJANG PA LA, RIM PAR 'KHOR LO NOR BU PADMA RAL GRIS MTSAN PA'O, ,PHYI 'KHYAMS GRU BZHI BA'I LCAM 'GEL BA'I TSUL NI, ZUR LCAM KHRA BO LCAM SNE PHYI MA LA CHU SRIN MA GA RA'I MGO YOD PA GSER GYI SKA
, ,RAGS RNAMS LA BKAL BA'I SNE MO GSER GYI SKA RAGS LAS CHA PHRAN PHYED GNYIS PHYIR THAL BA, NANG MA GDUNG 'KHOR ZLUM PO LA BKAL BA, DE BZHIN DU PHYOGS BZHI'I SGO 'KHYUD KYI NGOS NAS GDUNG PHRENG LA BTANG BA, SGO 'KHYUD PHAN TSUN GYI GSER GYI SKE RAGS GNYIS PA LA SNE MO BKAL BA'I ZHENG CHA PHRAN GCIG SRID CHA PHRAN LNGA PA LA LCAM SNE PHYI MA DANG, SGO 'KHYUD G-YAS G-YON GYI GSER GYI SKA RAGS RNAMS KYI STENG DU LCAM SNE PHYI MA CHA PHRAN RE RE PHYIR THAL BA'I MOR CHU SRIN MA GA RA'I MGO YOD PA DANG, LCAM SNE NANG MA RNAMS RDO RJE'I GDUNG ZLUM GYI STENG DU 'KHOR BAR BKAL, YANG GDUNG ZLUM GYI STENG DU PHYI MA DANG, NANG MA DBUS KYI RGYA THOD GRU BZHI PA'I GDUNG LA CHA PHRAN RE NANG DU THAL BA'I LCAM 'GEL, 'DIR PHYI NANG GI LCAM RNAMS CIG TU BYED PA'I SROL YANG SNANG STE MI 'GAL, SGO LOGS G-YAS G-YON GYI GSER GYI SKA RAGS KYI STENG DU CHA PHRAN RE RE'I SAR CHU SRIN GYI MGO YOD PA'I LCAM THUNG BTZUGS, LCAM GRANGS NI PHYOGS BZHIR NYER BRGYAD RE BYA BAR BSHAD, RGYA THOD GRU BZHI BA'I LCAM SNE NANG MA RNAMS KYI STENG DU GUD DU BTAGS PA'I BRE PHUL LCAM SNE SNGA MA RNAMS LAS CHA PHRAN PHYED RE NANG DU THAL BA'I SNE MO DANG, 'OG GI LCAM SNE GNYIS SU GSAL BYED KYI NOR BU DGA' BAS 'KHYIL BAS MDZES PAR BYA, 'GA' ZHIG LAS STENG DU BTAGS PA DE MI SNANG NGO, ,DE DAG LA GRAL BTANG STE THOG 'GEB, PHYI KHYAMS KYI LCAM SNE PHYI MA LA CHU SRIN GYI MGO BO YOD PA BYAS TE DE RNAMS KYI STENG DU GDUNG THUNG RE BTANG BA'I LAM SNE NI CHU SRIN GYI MGO PO YOD PA LAS CHA PHRAN PHYED KYIS RING BA'O, ,DE'I STENG DU BYA 'DAB BKAL BA'I SNE MO LA, RIN PO CHE'I SHAR BU DKAR PO SPYI BLUGS MCHU MED MGO MJUG ZLOG PA LTA BU 'AM,
DUS RGYAN RNYING BA'I ZA RA TSAGS LTA BU, BYA 'DAB ZHENG CHA PHRAN GNYIS, KHA CIG LTAR BYA 'DAB KYI RTZA BAR RAM, SHAR BU'I THAD KYI BYA 'DAB KYI STENG DU MDA' YAB DKAR PO PADMA 'DAB MA PHYED PA'I DBYIBS CAN, DPANGS ZHENG GNYIS KAR CHA PHRAN RE RE YOD PA PU SHU LTAR BSLANGS PA, CHU SRIN GCIG GI KHA NAS GCIG GI KHAR RIN PO CHE'I PHRENG BA'I DRA BA NYIS BSHIBS SU 'PHYANG BA, CHU SRIN RNAMS KYI KHA'I DBUS NAS RIN PO CHE'I BRA PHYED SUM BSHIBS SU 'PHYANG BA'I SNE MOR NOR BU SBOM PO GSER GYI PAtS BSDOMS PA, DRIL CHUNG DANG, RNGA YAB RIN PO CHE'I YU BA CAN BTAGS PA SPEL MAR BRGYAN PA, DRA BA PHYI MA'I KHUG PA'I DBUS SU NOR BU PA tAS BSDOMS PA CHE BA RE RE DANG, DE'I G-YAS G-YON DU CHUNG BA RE, CHU SRIN RNAMS KYI KHA 'GRAM G-YAS G-YON DU NOR BU PA tAS BSDOMS PA CHE BA RE DANG, DE'I 'OG TU CHUNG BA RE, DRA BA NANG MA'I STENG GI NANG NGOS SU KHA CIG TU PADMA LA ZLA BA PHYED PA LA LAR NYI MA LA RDO RJES ? PHYED PA, 'GA' ZHIG TU PADMA LA RIN PO CHE DMAR PO CHA DGU PA DANG, RDO RJE SNGON PO RTZE LNGA PA GYEN DU BSGRENG BA RNAMS NI SPEL MAR GNAS PA, DE DAG GI G-YAS G-YON DU ME LONG LA BTAGS PA'I GOS KHA DOG SNA TSOGS PA BYI'U KHRUG KHAR BSGRIGS PA'I 'PHAN CHUNG RE RE, DE'I G-YAS G-YON DU DE LAS THUNG TZAM GYI ME TOG SNA TSOGS PA'I 'PHRENG BA RE RE STE, DE RNAMS KYI RTZE MO ZLA PHYED RDO RJE SOGS LA MA REG PA'O, ,STENG GI ZUR BZHIR SPRE'U KHA NANG BLTA MJUG MA MDA' YAB KYI STENG DU BKAL PA LAG TU GDUGS 'DZIN PA RE RE'AM, YANG NA GSER GYI BUM PA CHA PHRAN GCIG PA BZHI NAS YU BA CHA PHRAN GNYIS 'THON PA'I G-YOGS CHA PHRAN GNYIS PA'I GDUGS DKAR PO DAR LCE'I SHAM BU DANG BCAS PA, ZLA PHYED RDO RJE TOG GIS MTSAN PA, GDUGS RTOG DANG BCAS PA'I DPANGS LA CHA PHRAN GSUM, G-YOGS LA CHA PHRAN PHYED GSUM, G-YOGS KYI STENG DU RIN PO CHE'I DRA BA DRA PHYED NYIL LER 'PHYANG BA'O, ,YONGS GRAGS KYI GDUGS LA SHAM BU 'DUG MOD, 'DIR GDUGS RANG LA DAR GYI SHAM BU YOD MED DPYAD DGOS PAR SNANG NGO, ,
, ,PHYOGS BZHIR MDA' YAB KYI STENG DU, GSER GYI BUM PA NAS 'THON PA'I RGYAL MTSAN DANG BA DAN BRGYAD BRGYAD BYED PA'I DON NI, PHYOGS RE RER RGYAL MTSAN GNYIS DANG BA DAN GNYIS RE STE, SO SOR BGRANG NA BCU DRUG 'BYUNG BA'I DON YIN GYI, PHYOGS RE RE NA RGYAL MTSAN BRGYAD DANG BA DAN BRGYAD YOD PA MIN NO, ,RGYAL MTSAN DANG BA DAN GYI KHYAD PAR NI, KHEBS KYI NANG DU DAR LCE GSUM PA SUM KHUG 'KHYOG CING 'GYING BA LA NI SROG CHAGS GSUM GYI MTSAN MA SOGS YOD PA RGYAL MTSAN DANG, DE MED PA NI BA DAN NO, , MTSAN MA DE LDAN GYI DAR LCE'I RTZER RNGA YAB DANG DRIL BU GA-YER KHA SIL SIL GYI SGRA LDAN NO, ,GZHAN YANG, NGANG PA KLU ZA BA DANG, RMA BYA DANG, MI'AM CI PHO MO RNAMS KYI MTSAN MA YOD PA NI RGYAL MTSAN DU'ANG BSHAD, SROG CHAGS GSUM NI, SENG GE RKANG PA BRGYAD NYA SPU RGYAS PA, CHU SRIN MA KA RA GSUM MO, ,SENG GE RKANG PA BRGYAD CES PA NI, SENG GE DANG MKHA' LDING 'DUS PA LAS BYUNG BA'I SENG GE STE, SENG GE'I SPAR MO BZHI DANG, KHYUNG GSHOGS GNYIS SDER MO GNYIS DANG BRGYAD YIN LA, SENG GE'I MGO BO LA KHYUNG GI MCHU CAN NO, ,NYA DANG SRAM LAS NYA SPU CAN DE MGO LUS NYA LA SRAM GYI MCHE BA DANG MJUG MA CAN NO, ,DUNG DANG CHU SRIN LAS CHU SRIN MA GA RA STE, LUS NI DUNG DANG CHU SRIN GYI MGO CAN NO ZHES BSHAD, G-YOGS SOGS NI SNGAR BZHIN NO, ,DBUS KYI RE MIG STENG DU GSER GYI RGYA PHIB 'BUBS TSUL NI, RGYA MTHONG GRU BZHI PA'I KHA GDANG GI MTSAMS BZHI NAS RTZA BA ZUG PA'I KA BA MGO MJUG BSAGS KHA CAN ZHENG CHA PHRAN GCIG DANG DPANGS CHA CHEN GSUM PA GNYIS GNYIS MGO SHAR NUB TU DUNG PA'I BAR DU SGROGS THUNG BTANG STE, DE'I STENG
DU RGYA PHIB KYI GDUNG ZHENG CHA CHEN GCIG DANG SRID SGO TSAD DRUG GAM LNGA YOD PA'I GDUNG LEB BTANG, PHYI KHYAMS GRU BZHI BA'I PHYOGS MTSAMS KYI KHA GDANGS LA KA BA BRE PHUL SOGS SNGAR BZHIN BYAS TE, CHA PHRAN RE RE'I PAR BTZUGS PA'I STENG DU GDUNG PHYOGS THAMS CAD DU THAL RGYUGS SU BTANG BA, KA BA NAS GDUNG GI BAR BSDOMS PA'I DPANGS LA SGO TSAD GCIG YOD PA, LCAM SNE NANG MA RGYA PHIB KYI GDUNG DANG SGROGS THUNG GNYIS LA BKAL CING, PHYI MA KHA GDANGS KYI GDUNG LA BKAL BA'I CHA PHRAN PHYED RE PHYIR THAL BA PHYOGS BZHI'I LCAM SNE PHYI MA RNAMS KYI STENG NGOS SU PAD 'DAB PHYED PA'I DBYIBS CAN GYI CHU SKYOR GYEN DU LANGS PA BYAS TE, RGYA PHIB KYI THOG 'GEB, RGYA PHIB KYI LHO BYANG GI GDUNG SNE GNYIS SU MGRIN PA DANG BCAS PA'I KHYUNG MGO'I RVA BAR DU YID BZHIN GYI NOR BU 'BAR BAS MTSAN PA, KHYUNG GI KHA NAS SKUD PA DMAR PO LAS BRGYUS PA'I RIN PO CHE'I PHRENG BA'I DRA BA DANG, DE'I G-YAS G-YON DU DRA BA PHYED PA 'PHYANG BA'I SNE MO SGROGS THUNG LA SLEB PA, LCAM SNE PHYI MA RNAMS LA'ANG CHU SRIN GYI MGO YOD PA'I KHA NAS DRA BA DRA PHYED 'PHYANG BA, DE LTA BU'I RGYA PHIB RTA RGYAB CAN GYI DBUS SU, GSUNG RGYUN 'GA' ZHIG LAS, GSER GYI KHANG BU DPANGS ZHENG GNYIS GAR CHA PHRAN GNYIS RE YOD PA'I NANG DU RDO RJE 'JIGS BYED KYI RGYUD RNAMS BZHUGS CES GSUNGS, LA LAR DE MED PAR, PADMA R'A GA'I PAD SPUNGS CHA PHRAN GNYIS PA BYA BAR BSHAD, DE'I STENG DU RIN PO CHE CHA DGU PA'I TOG DPANGS CHA PHRAN GCIG PA'I STENG DU RIN PO CHE'I RDO RJE RTZE LNGA PA SRID CHA PHRAN GCIG PA GYEN DU BSGRENG BA BYA BA DANG, LA LAR TOG GDUGS LTAR SUM BRTZEGS CAN DU BSHAD, GANG LTAR YANG GZHAL YAS KHANG GI 'OG GI MTHIL NAS TOG GI RTZE MO'I BAR SGO TSAD BRGYAD YOD PA BYAS TSE, RGYA MNYAM DPANGS MNYAM DANG
, ,'OG GI MTHIL NAS BAR GYI GDUNG GI BAR SGO TSAD BZHI YOD PAS RGYA PHYED DPANGS MNYAM MO, ,PHYOGS BZHI'I SGO 'KHYUD KYI STENG GI LCAM NI, SNGAR BSHAD PA'I PHYI KHYAMS GRU BZHI PA'I LCAM SNE PHYI MA 'PHEL BA'I GDUNG DANG, SGO 'KHYUD KYI PHYI NGOS SU GRANG LA BTANG BA'I GDUNG GNYIS KYI BAR DU LCAM BZHI PHRAD LA BTANG, SGO 'KHYUD PHYI NGOS KYI GDUNG DANG, SGO LOGS KYI STENG GI GSER GYI SKA RAGS THOG TU BKAL BA'I LCAM SNE PHYI MA GSER GYI SKA RAGS LAS CHA PHRAN PHYED PHYIR THAL BA, SGO 'KHYUD PHAN TSUN DU THAL BA'I LCAM SNER CHU SRIN GYI MGO BYA, SGO LOGS G-YAS G-YON GYI STENG DU PAD CHOD KYI PHUR BU BTZUGS TE CHU SRIN GYI KHA BYAS NAS THOG BKAB, DE LTA BU'I LCAM RNAMS KYI DPANGS LA CHA PHRAN PHYED DANG, GRAL MA THOG DANG BCAS PA'I DPANGS LA CHA PHRAN PHYED YIN PAS BSDOMS NA CHA PHRAN GCIG GO, ,SGO 'GRAM G-YAS G-YON DU SGO'I RU GZHI ZHENG CHA PHRAN PHYED PA, PHAN TSUN GYI 'GRAM GNYIS DANG STENG NGOS SU PAD CHOD YOD PA BTZUGS LA SGO GLEGS ZHENG CHA PHRAN PHYED GNYIS YOD PA 'BYED BSDOMS NAS BYED CING, PHYE TSE PHYIR 'GRO BA PHYOGS MDOG ,SGO'I YA THEM DANG GDUNG GI BAR DU SHAR DU 'KHOR LO DKAR PO NYIS BRTZEGS NYIS GSHIBS, DE BZHIN DU LHOR RIN PO CHE, NUB TU PADMA, BYANG DU RAL GRI RNAMS KYANG NGO, ,GZHAL YAS KHANG GI 'OG GI ZUR THIG GIS BCAD PA'I STENG 'OG RNAMS SHAR DKAR BA SOGS DANG, 'DIR RTZIG PA'I NANG THAMS CAD NI MDOG SNGON PO'O, ,SGO BZHI YANG PHYOGS MDOG ,RTZIG PA'I MTHA' SKOR DU 'DOR SNAM DMAR PO DPANGS CHA PHRAN GCIG ,ZHENG CHA PHRAN GNYIS YOD PA'I STENG DU LHA MO PHYAG NA MCHOD RDZAS SNA TSOGS
THOGS PA GAR STABS LA SOGS PA'I BZHUGS STANGS DANG, KHA DOG SNA TSOGS PA, GZHAL YAS KHANG LA PHYOGS TE MCHOD PA BYED BZHIN PA'O, ,SGO DANG SGO 'KHYUD KYI PHYI MTSAMS DANG GZHAL YAS KHANG GI PHYI NANG GI ZUR RNAMS SU ZLA BA PHYED PA LA RIN PO CHE DMAR PO DANG RDO RJE RTZE LNGA PAS MTSAN PA RE RE STE GRANGS NI NYER BZHI 'BYUNG YANG, MKHAS PA KHA CIG SO GNYIS SU BZHED DE BRTAG ,RTA BABS NI, SGO SO SO'I MDUN DU SNA TSOGS RDO RJE'I LTE BA ZAD MTSAMS SU BANG RIM THOG MA'I DPANGS DE DANG MNYAM ZHING, BANG RIM BZHI PA RE RE'I DANGS SU SGO TSAD RE DANG ZHENG CHA PHRAN GSUM SRID CHA PHRAN BCU DRUG TU MNYAM PA, DBUS RVA'I G-YAS G-YON DU BANG RIM RE RE LA'ANG THEM SKAS RIM PA BZHI BZHI'I 'AM LNGA YOD PA GANG RUNG, SNA TSOGS RDO RJE'I RVA DANG THEM LA GCIG GIS GCIG BSGRIBS PA MED CING GSAL BA, SNA TSOGS RDO RJE RVA GSUM MA LA DPANGS NI SGO TSAD GCIG NGES PAR DGOS SHING, ,DE LAS MA MTHOS KYANG MI 'GAL, THEM PA GONG MA'I G-YAS G-YON DU RVA RTZA BA'I THAD LA STEGS BU GRU BZHI PA JI LTAR 'TSAMS PA'I STENG DU PHYOGS RE RER G-YAS G-YON GYIS PHYE BA'I BZHI BZHI STE, GSER GYI BUM PA NAS THON PA'I STEGS KA BA BUM PA DANG BCAS PA'I DPANGS CHA PHRAN LNGA RE, RTA BABS DANG SGO LOGS NGOS KYI BAR NA CHA CHUNG GCIG STE KA BA RNAMS PHYOGS MDOG YIN LA, KA BA NANG MA DANG SGO LOGS PAR YANG CHA CHUNG GCIG GO ,'GA' ZHIG G-YAS G-YON RE RE RAG PA BZHI BZHI DANG, DE DAG GI STENG DU GDUNG BZHI 'GREL BA SOGS CUNG ZAD MI 'DRA BA'I LUGS KYANG YOD, GANG LTAR YANG KA BA'I STENG DU GDUNG BTANG NAS DE'I STENG DU SNAM BU DANG PO GSER SNAM SER PO, SRID CHA PHRAN PHYED GSUM RE YOD PA, DE'I STENG DU SNAM BU GNYIS PA SHAR BU DKAR PO BZHI SNGON PO LA DBYIBS SNGA MA BZHIN DU YOD PA,
, ,SNAM BU GSUM PA RIN PO CHE NI, GZHI DMAR PO LA ZUR GSUM DANG GRU BZHI SOGS KYIS MDZES PA STE, DE GNYIS KYI DPANGS CHA PHRAN RE RE DANG SRID CHA PHRAN GSUM GSUM, SNAM BU BZHI PA RTA RMIG NI GZHI LJANG KHU LA RTA RMIG GI RI MOS MTSAN PA, SRID CHA PHRAN LNGA SNAM BU LNGA PA MUN SNAM NI SNAM BU GONG 'OG GI BAR STONG STE, KA BA ZHENG CHA PHRAN GCIG ,DPANGS CHA PHRAN PHYED GNYIS RE PHYOGS MDOG CAN PHYI NANG DU BSGRIGS PA, SNAM BU DRUG PA WA RAndA NI KHA DOG SNA TSOGS PA, SRID CHA PHRAN LNGA, SNAM BU BDUN PA YANG MUN SNAM STE SNGAR BZHIN LA, KA BA DE'I PHYI MTHA' DANG MUN SNAM 'OG MA'I KA BA'I NANG MTHA' GNYIS THAD DRANG POR YOD PA, BRGYAD PA SHAR BU, DGU PA RIN PO CHE, BCU PA RMIG PA, BCU GCIG PA MDA' YAB RNAMS G-YAS G-YON DANG RGYAB 'BREL PAR GNAS PA'I KHA DOG DANG DBYIBS SNGAR BZHIN DANG, 'OG MA GSUM GYI SRID CHA PHRAN BCU BZHI DANG, MDA' YAB KYI SNAM BU'I SRID CHA PHRAN BCU STE, MDA' YAB DANG DE'I SNAM BU NI GCIG MIN NO, ,MUN SNAM GNYIS MA GTOGS PA'I SNAM BU RNAMS DPANGS CHA PHRAN RE RE DANG ZHENG SNAM BU THAMS CAD LA CHA PHRAN GSUM GSUM STE, CHA PHRAN BZHI BZHIR YANG RUNG BAR BSHAD, SNAM BU BZHI PA'I SRID LA CHA PHRAN GSUM BYED PA'I LUGS SNANG YANG, RTZA TSIG LAS LNGAR BSHAD PA DANG MI MTHUN NO, ,KHA CIG MDA' YAB KYI SNAM BU'I STENG DU SNAM BU DKAR PO MDA' YAB DANG KHA MNYAM PAR BYA BAR BSHAD CING, LA LAR DE MI 'BYUNG NGO, ,DE'I DBUS SU PHAN ZLA 'AM ZLA RGYANG GI STENG DU NI, GSER GYI 'KHOR LO RTZIBS BRGYAD PA, DPANGS ZHENG GNYIS KAR CHA PHRAN GNYIS SAM RE RE GYEN DU BSLANGS PA DE'I G-YAS G-YON DU RI DAGS PHO MO NYAL STABS SU GNAS SHING, MIG 'KHOR
LO'I RTZE MOR LTA BA'I DPANGS LA CHA PHRAN PHYED GNYIS SAM GCIG ,DE GNYIS KYI RGYAB TU MDA' YAB PHYI NANG GNYIS BTZUGS PA'I NANG MAR SPRE'U GDUGS 'DZIN PA DANG, PHYI MA LA GSER BUM DU RGYAL MTSAN DANG BA DAN SPEL MAR BYAS PA, WA RAndA'I SNAM BU'I STENG GI MCHOG MA GNYIS SU'ANG DE LTA BU DANG RTA MIG 'OG MA LA'ANG DE LTAR BYED PAR BSHAD CING MUN SNA GNYIS KYI STENG GI SNAM BU 'DEGS BYED KYI SENG GE RKANG PA BRGYAD PA DANG, RMYA BYA DANG MI 'AM CI'I GZUGS BRNYAN BYA BAR SNGAGS RIM NAS BSHAD DO, ,DE YANG WA RAndA SNAM BU NI SDOD MI NYAN PAR SNANG BA DE LA 'DEGS BYED 'DI BYAS NA LEGS SAm SNYAM, GLANG RGYAB KYI STENG GI NANG NGOS SU BLA RE RNAM PAR BKRA BA SRID CHA PHRAN DRUG PA DANG DRA BA DRA PHYED MDZES PAR BYAS PA, GSER SNAM LA BTAGS PA'I GOS KHA DOG SNA TSOGS SPEL MAR 'PHYANG BA SOGS SO, ,RTA BABS KYI G-YAS G-YON DU RDO RJE'I LTE BA DRUG PA LA GSER GYI BUM PA NAS 'THON PA'I DPAG BSAM GYI SHING LA LHA RDZAS KYI RIN PO CHE'I 'PHRENG BA DANG GOS 'PHYANG BA'I YAL GA DRUG PA CAN GYI DBUS MA LA KHYIM BDAG DMAR PO MDZOD LDAN KHA NANG DU PHYOGS PA, DE'I MDUN NAS BRTZAMS TE MTHA' SKOR DU YAL GA DRUG LA 'KHOR LO SER PO RTZIBS BRGYAD PA, NOR BU SER PO RTZIBS DRUG PA'AM SNGON PO RTZIBS BRGYAD PA, BUD MED SNGON PO, RTA MCHOG LJANG KHU, GLANG CHEN DKAR PO, DMAG DPON NAG PO RAL GRI CAN RNAMS SO, ,DE DAG GI STENG GI NAM MKHAR RANG PHYOGS KYI DE BZHIN GSHEGS PA'I MDOG CAN GYI GRUB CHEN RE, DE DAG GI NAM MKHA'I SPRIN GSEB NAS LHA'I BU KHA DOG SNA TSOGS PAS ME TOG BZUNG STE CHAR 'BEB PA'O, ,^RDOR RA ME RI DANG BCAS PA'I PHYI ROL DU DUR KHROD RNAMS KYIS BSKOR BA'I BUR KHROD BRGYAD NI, SHAR DU GTUM DRAG ,LHOR KENG RUS CAN, NUB TU RDO RJE 'BAR BA, BYANG DU TSANG TSING KHRIGS PA, BYANG SHAR DU HA HA RGOD PA, SHAR LHOR BKRA SHIS MCHOG GAM
, ,TSAL, LHO NUB DU MUN PA DRAG PO, NUB BYANG DU KI LI KI LI'I SKRA SGROGS PA RNAMS SO, ,DE NA GNAS PA'I SHING BRGYAD NI, SHAR DU N'A GA GE SAR, LHOR KAdKE LA, NUB TU TZUN TA, BYANG DU AA SHVAT'VA, BYANG SHAR DU NE GRO DHA, SHAR LHOR KA RANYDZA, LHO NUB TU PA tA BRGA, NUB BYANG DU BRTHI RNAMS SO, , SHING DE DAG GI RTZA BAR RIM BZHIN SHAR DU BRGYA BYIN DKAR PO, LHOR GSHIN RJE SNGON PO, NUB TU CHU LHA DKAR PO, BYANG DU GNOD SBYIN SER PO, BYANG SHAR DU DBANG PHYUG DKAR PO, SHAR LHOR ME LHA DMAR PO, LHO NUB TU SRIN PO SNGON PO, NUB BYANG DU RLUNG LHA DU BA'I MDOG CAN RNAMS RANG RANG GI BZHON PA LA ZHON TE ZHAL GCIG PHYAG BZHI PA DANG PO GNYIS THUGS KAR THAL MO SBYAR NAS G-YAS 'OG MA RNAMS KYIS RIM PA BZHIN RDO RJE DBYUG PA SPRUL NOR BU SKYUGS PA'I NE'U LE RTZE GSUM BGRANG 'PHRENG RAL GRI BA DAN BSNAMS PA DANG, G-YON THAMS CAD THOD KHRAG THUGS KAR BZUNG NAS RANG GI YUM LA 'KHYUD PA'O, ,SHING DE DAG GI RTZE MOR GNAS PA'I PHYOGS SKYONG RNAMS KYI BZHON PA'I GDONG BRNYAN GYI ZHING SKYONG BRGYAD NI, SHAR DU GLANG PO'I GDONG CAN DKAR PO, LHOR MA HE'I GDONG CAN SNGON PO, ,NUB TU SPRUL GDONG CAN DKAR PO, ,BYANG DU MI GDONG CAN SER PO, ,BYANG SHAR DU GLANG GDONG CAN DKAR PO, , SHAR LHOR RA SKYES GDONG CAN DMAR PO, ,LHO NUB TU RO LANGS GDONG CAN SNGON PO, ,NUB BYANG DU SHA BA'I GDONG CAN DUD KHA STE, DE THAMS CAD KYANG DRAG CING GTUM LA RDZU 'PHRUL CHE BA, ZHAL GCIG PHYAG GNYIS PA SHING GSEB NAS LUS PHYED PHYIR 'THON PA, G-YAS THOD PA KHRAG GI GANG PA 'DZIN CING, GA-YON THAMS CAD GTOR MA BZUNG NAS BREL BA'I TSUL DU GNAS PA'O, ,SHING DE DAG GI MDUN NGOS SU CHU BRGYAD DANG, DE DAG LA GNAS PA'I KLU BRGYAD NI, SHAR GYI CHUR NOR RGYAS DKAR PO, ,LHOR PADMA DKAR PO, ,NUB TU KA KO tA SNGON PO, ,BYANG DU 'JOG PO DMAR PO, ,BYANG SHAR
DU PADMA CHEN PO DKAR PO, ,SHAR LHOR DUNG SKYONG SER PO, ,LHO NUB TU RIGS LDAN DKAR PO, ,NUB BYANG DU MTHA' YAS SNGON PO, ,DE THAMS CAD KYANG ZHAL GCIG PHYAG GNYIS PA STOD LHA'I LUS DANG SMAD SPRUL MJUG CAN, DBU LA SPRUL MGO'I GDENGS GA BDUN DANG LDAN PA PHYAG THAL MO SBYAR NAS GTZO BO LA 'DUD PA'O, KLU DE DAG GI NAM MKHAR SPRIN BRGYAD NI, SHAR DU SGROGS PA, LHOR G-YO PA, NUB TU DRAG PO, ,BYANG DU CHER SGROGS PA, BYANG SHAR DU BRTAN PA, SHAR LHOR GANG BA, LHO NUB TU 'BEBS PA, NUB BYANG DU GTUM PA STE THAMS CAD KYANG GLOG 'PHRENG 'KHYUG CING 'BRUG SGRA SGROGS PA, SER BA DANG CHAR 'BEBS BA'O, ,DUR KHROD DER GNAS PA'I RI BRGYAD NI, SHAR DU RIN PO CHE'I LHUN PO, ,LHOR MA LA YA SER PO, ,NUB TU KE LA SHAR DKAR PO, ,BYANG DU MANDA RA LJANG KHU, BYANG SHAR DU DBANG CHEN NAG PO, ,SHAR LHOR SPOS DANG LDAN SER PO, ,LHO NUB TU GANGS CAN DKAR PO, ,NUB BYANG DU DPAL RI SNGON PO'O, , RI DE DAG LA GNAS PA'I MCHOD RTEN BRGYAD NI, SHAR DU RDO RJE DKAR PO, ,LHOR RDO RJE NAG PO, ,NUB TU RDO RJE CHAGS PA DKAR PO, ,BYANG DU RDO RJE 'DUS BYAS SER PO, ,BYANG SHAR DU RDO RJE THUGS DKAR PO, ,SHAR LHOR SKU RDO RJE DMAR PO, ,LHO NUB TU RIN PO CHE'I RDO RJE NAG PO, ,NUB BYANG DU CHOS RDO RJE LJANG KHU'O ZHES PA BZHIN NAM, YANG NA BRGYAD PO BYANG CHUB MCHOD RTEN GYI RNAM PA CAN NO, ,GZHAN YANG, KENG RUS DANG, GSAL SHING GIS PHUG PA'I RO DANG, SHING LA DPYANGS PA SOGS MNGON RTOGS BZHIN NO, ,SNGAR BSHAD PA DE DAG GI MTSON DON RAGS PA NI, DE YANG GZHAL YAS KHANG RNAM SNANG LAS BSKYED PA NI, GZHAL YAS KHANG GZUGS PHUNG RNAM PAR DAG PA RNAM SNANG GI NGO BOR MOS PA DE MTSON, GZHAL YAS KHANG GRU BZHI BAS NI, SANGS RGYAS DANG SEMS CAN GYI DE KHO NA NYID MI MNYAM PA MED PA DANG, SGO BZHIS NI RIM PA BZHIN DU, DRAN PA NYE BAR GZHAG
, ,PA BZHI, YANG DAG PA SPONG BA BZHI, RDZU 'PHRUL GYI RKANG PA BZHI, DBANG PO LNGA RNAM PAR DAG PA MTSON, RTA BABS KYIS BSAM GTAN BZHI, MCHOD PA'I LHA MOS TING NGE 'DZIN BZHI, RIN PO CHE'I RGYAN SOGS KYIS NI GDUL BYA'I RE BA SKONG BA, DRIL CHUNG GI SGRAS GDUL BYA LA CHOS STON PA, NANG GI RDO RJE'I 'PHRENG BA ZLUm POS CHOS KYI 'KHOR LO BSKOR BA SOGS DANG, DUR KHROD KYIS BDAG MED PA DANG, KENG RUS SOGS KYIS MI RTAG PA DANG 'KHOR BA'I NYES DMIGS MTSON, CHU RNAMS KYIS BYANG CHUB KYI SEMS, KLU RNAMS KYIS PHAR PHYIN SHING RNAMS KYIS RTZA MES GTUM MO, ,SPRIN GYIS BYANG SEMS DKAR PO, ,MCHOD RTEN RNAMS KYIS SKU GSUM GYI GO 'PHANG, GRUB THOB KYIS DE MNGON DU BYED PA'I GANG ZAG MTSON PA SOGS YIN NO, ,GNYIS PA BAR DO LONGS SKUR 'KHYER BA'I LAM KHYER RGYU RDO RJE 'DZIN PA BSKYED PA LA GNYIS, GDAN BSKYED PA DANG, DNGOS SO, ,DANG PO NI, RE MIG GRU BZHI PA'I DBUS SU YAM SNGON PO ZHIG THOL GYIS BYUNG BA 'OD DU MER GYIS ZHU NAS, RLUNG GI DKYIL 'KHOR KHA DOG NAG LA CUNG ZAD DMAR BA'I MDANGS CAN DBYIBS ZLUM PO DRAG TU G-YO BZHIN PA ZHIG TU GYUR, RLUNG DKYIL DE'I STENG DANG, NANG GI SHAR MA GTOGS PA'I PHYOGS GZHAN GSUM DANG, SGO BZHI'I NANG DU SNA TSOGS PADMA DANG, DE'I STENG DU NYI MA'I GDAN BCAS ZUNG RE RE, NANG GI SHAR GYI RE MIG GI NANG DANG RE MIG GI PHYI NANG GI GRVA BZHIR SNA TSOGS PADMA DANG ZLA BA'I GDAN ZUNG 'BREL RE RE BSAM MO, ,'DIR RLUNG DKYIL DE KHA DOG NAG PAS NI MNGON SPYOD KYI LAS SGRUB PA MTSON ZHING, ZUNG ZAD DMAR BAS GTUM MO 'ANG MTSON NO, ,GNYIS PA NI, 'PHEN PA SNGON DU BTANG NAS, GDAN DBUS MA NYI DKYIL GYI STENG DU DBYANGS KYI AA GNYIS KYI DANG PO AA THUNG SER
PO ZHIG BYUNG DE YONGS SU GYUR PA LAS ZLA BA'I DKYIL 'KHOR NYA GANG BA, STENG NGOS SU 'OD ZER DKAR PO 'PHRO BA ZHIG LA NGA RGYAL GZHAG ,DE'I STENG DU CHU LAS CHU BUR RDOL BA LTAR BYUNG BA'I DH'I: YIG SER PO SGRA LDAN 'OD ZER 'BAR BA LA SEMS BZUNG, DH'I YONGS SU GYUR PA LAS GSER GYI RDO RJE PHYED PA'I YU GCAN GYI RAL GRI SNGON PO SO GNYIS MA'I RNAM PA CAN GYI YU BA'I LTE BA 'AM, RAL GRI'I RTZA BA'I DBUS SU DH'I: SER PO MTSAN PA, DE LAS 'OD ZER 'PHROS, GSHEGS PA LNGA, GSHEGS MA LNGA, SEMS DPA' BCU DRUG ,SEMS MA BZHI, KHRO BO BCU SOGS KYI NGO BOR GYUR PA THAMS CAD 'JAM DPAL RIGS LNGA'I RNAM PA CAN, SHAR DANG SHAR LHO PA, LHO DANG LTO NUB PA, NUB DANG NUB BYANG BA, BYANG DANG BYANG SHAR BA STENG PHYOGS PA RNAMS RIM PA BZHIN DU, SKU MDOG NI SNGO SER DMAR LJANG DKAR PA STE PHYAG G-YAS RIM PA BZHIN DU, RDO RJE RIN PO CHE PADMA RAL GRI 'KHOR LO DANG, G-YON THAMS CAD NA PO TI 'DZIN PA'I RNAM PAR SPYAN DRANGS RAL GRI LA THIM PAS, DE YONGS SU GYUR PA LAS RANG NYID RGYU RDO RJE 'DZIN PA 'JAM DPAL GZHON NUR GYUR PA SKU MDOG SER PO GZHON NU BCU DRUG LON PA'I NA TSOD CAN, G-YAS RAL GRI 'PHYAR ZHING, G-YON SDIGS MDZUB DANG BCAS PAS GLEGS BAM THUGS KAR 'DZIN PA RGYAN THAMS CAD KYIS BRGYAN CING MTSAN DPE GSAL RDZOGS KYIS SPRAS PA SHIN TU PHRA BA'I RLUNG SEMS KYI RANG BZHIN CAN 'JA' TSON LTAR DANGS SHING GSAL BA ZHIG LA NGA RGYAL 'JOG GO ,DE LTAR BAR DO LONGS SKUR 'KHYER BA'I RNAL 'BYOR 'DI NI, GZHI DANG RNAM PA MTHUN TSUL YOD DE, GZHI LA 'DZAM BU'I GLING GI MI MNGAL SKYES KHAMS DRUG LDAN ZHIG GIS 'CHI BA 'OD GSAL MNGON DU BYAS NAS, 'OD GSAL DE LAS LANGS PA DANG DUS MNYAM DU 'OD GSAL DE'I GZHON
, ,PAR GYUR PA'I RLUNG 'OD ZER LNGA PAS NYER LEN DANG SEMS KYIS LHAN CIG BYED RKYEN BYAS TE, DNGOS GNAS LA RLUNG SEMS TZAM PAS DBANG PO KUN TSANG BA'I BAR DO'I LUS 'GRUB PA DANG RNAM PA MTHUN PAR RLUNG SEMS TZAM LAS GRUB PA'I RGYU RDO RJE 'DZIN PA MOS PAS BSKYED PA YIN PA'I PHYIR, RNAL 'BYOR 'DI LA BAR DO LONGS SKUR 'KHYER BA'I RNAL 'BYOR ZHES BRJOD PA'I RGYU MTSAN YOD DE, DE GZHI LA 'DZAM BU'I GLING PA'I MI MNGAL SKYES ZHIG GIS 'CHI BA 'OD GSAL MNGON DU BYAS PA'I MTHAR BAR DO'I LUS 'GRUB PA DANG CHOS MTHUN PAS SGRUB PA PO RANG NYID LA 'BYUNG 'GYUR GYI BAR DO SBYONG PAR BYED, RDZOGS RIM GYI SKABS SU DPE DON GYI 'OD GSAL GNYIS LAS SGYU MA'I SKU GNYIS 'GRUB PA DANG RNAM PA MTHUN ZHING, DE'I DGE RTZA SMIN BYED DU 'GYUR PA DANG, 'BRAS DUS KYI LONGS SKU DNGOS DANG RNAM PA MTHUN ZHING, DE DA LTA NAS LAM BYED KYI TSUL DU BSGOMS PAS SKU DE 'GRUB PA'I NUS PA KHYAD PAR CAN 'JOG PA'I PHYIR RO, ,RGYU RDOR 'DZIN BSKYED PA 'DI SPYANG GZHI PAR DO DANG CHOS MTHUN PA YANG YIN TE, RA MIG GI DBUS KYI RLUNG DE, 'CHI BA 'OD GSAL GYI BZHON PA'I RLUNG DANG, AA YIG LA BYUNG BA'I ZLA BA'I DKYIL 'KHOR DE 'CHI BA 'OD GSAL GYI SEMS DANG, DH'I: YIG SER PO BAR DO'I NGAG DANG, RAL GRI DE NI BAR DO'I YID DANG, DE LAS 'OD ZER 'PHROS TE BDE BAR GSHEGS PA SOGS SPYAN DRANGS PA SOGS BAR DO'I BYA BA DANG, DE RNAMS LAS 'JAM DPAL DU GYUR PA NI BAR DO'I LUS NGAG YID GSUM GCIG CAR DU GRUB PA DANG CHOS MTHUN PA'I PHYIR RO, ,DE BSKYED PA NI, SBYONG BYED LAM GYI SKABS DANG CHOS MTHUN TE, RE MIG GI DBUS KYI RLUNG DE SGYU LUS GNYIS KYI SGRUB GZHIR GYUR PA'I 'OD GSAL GNYIS KYI BZHON
PA'I RLUNG DANG, AA LAS BYUNG BA'I ZLA BA DE 'OD GSAL GNYIS KYI SEMS DANG, ZLA BA'I DBUS KYI DH'I: NI DAG MA DAG GI SGYU MA'I SKU GNYIS KYI GSUNG DANG, RAL GRI DH'I: SA MTSAN PA NI SKU DE GNYIS KYI THUGS DANG, DE LAS 'OD ZER 'PHROS BDE BAR GSHEGS PA THAMS CAD SPYAN DRANGS PA NI SKU DE GNYIS KYI MDZAD PA DANG, DE GNYIS LAS 'JAM DPAL DU GYUR PA NI 'OD GSAL GNYIS LAS SKU DE GNYIS 'GRUB PA DANG RNAM PA MTHUN ZHING DE LTA BU'I RTOGS PA SKYE BA'I DGE RTZA SMIN BYED DU 'GYUR BA'I PHYIR RO, ,DE BSKYED PA NI, 'BRAS BU'I GNAS SKABS DANG CHOS MTHUN TE, RE MIG GI RLUNG DE MI SLOB PA'I ZUNG 'JUG GI DNGOS RGYUR GYUR PA'I RLUNG DANG, AA YIG LAS BYUNG BA'I ZLA BA DE ZUNG 'JUG GI SKU DE'I DNGOS RGYU DON GYI 'OD GSAL DANG, ZLA BA'I DH'I: NI LONGS SKU'I NGAG DANG, RAL GRI NI LONGS SKU'I THUGS DANG, DE LAS 'OD ZER 'PHROS PA SOGS NI LONGS SKU'I MDZAD PA DANG, DE RNAMS LAS 'JAM DPAL DU BSKYED PA NI LONGS SKU DNGOS DANG RNAM PA MTHUN ZHING, DE LTA BU DA LTA NAS 'BRAS BU LAM BYED KYI TSUL DU BSGOMS PAS, MTHAR RGYAL BA'I LONGS SKU 'GRUB PA'I NUS PA KHYAD PAR CAN 'JOG PA YIN PA'I PHYIR, 'JAM DPAL GYI THUGS KA'I NYI MA NI, SBYANG GZHI DANG CHOS MTHUN SBYOR TSUL MED KYANG MTSON DON YOD DE, LAM DUS DANG 'BRAS 'DUS KYI 'OD GSAL GNYIS MTSON PA YIN PA'I PHYIR RO, ,GSUM PA SKYE BA SPRUL SKUR 'KHYER BA'I RNAL 'BYOR LA GNYIS, 'BRAS BU RDO RJE 'DZIN PA MNGON BYANG LNGA DANG MTHUN PAR BSKYED TSUL, ,DE NYIS SKYE PA SPRUL SKUR 'KHYER BA'I RNAL 'BYOR DU BSTAN PA'O, ,DANG PO NI, SNGAR BSTAN PA'I SKU PHRA BA DE THA MAL BA'I MIG GI SPYOD YUL MA YIN PAS, DE DE DAG GI YUL DU 'GYUR BAR BYA'O SNYAM PA'I 'PHEN PA BTANG NAS, 'JAM DPAL GYI THUGS KAR AA YIG LAS NYI MA'I DKYIL 'KHOR ZHIG BYUNG
, ,BAR BSAM, DE'I NGANG NAS SEMS CAN ZHI BAS GDUL BAR BYA'O SNYAM NAS, NYI MA'I DKYIL 'KHOR DE LAS 'OD ZER 'PHROS SEMS CAN THAMS CAD KYI SDIG SGRIB SBYANG BA SOGS KYI SGO NAS DE RNAMS KYI DON BYAS, PHYOGS BCU'I SANGS RGYAS BYANG SEMS THAMS CAD 'JAM DPAL RIGS LNGA'I RNAM PAR SPYAN DRANGS, DE RNAMS 'JAM DPAL DANG BCAS PA NYI MA LA ZHUGS PAS NYI MA'I DKYIL 'KHOR DE YANG 'OD ZER GYIS DPAG TSAD STONG PHRAG BRGYAR KHYAB PAR BYED PA'I NYI MA'I DKYIL 'KHOR CHEN POR GYUR PAR BSAMS NGA RGYAL 'JOG, DE'I DBUS SU H'Um YIG MTHING GA BZOD PAR DKA' BA'I 'OD ZER CAN ZHIG BSAMS TE, DE'I NGANG NAS ZHI BAS 'DUL MI NUS PA'I GDUG PA CAN CHUNG TU 'DUL BAR BYA'O SNYAM NAS H'Um YIG LAS YIG 'BRU TZAM MA YIN PAR H'Um ZHES PA'I SGRA 'BRUG STONG LTAR LDIR BA PHYOGS BCUR SPROS PAS 'DUG PA CAN DE RNAMS BTUL, SEMS CAN THAMS CAD KYI DON BYAS NAS H'Um YIG LA THIM PAR BSAM, H'Um YIG DE LAS KHRO BO'I RDO RJE KHA DOG NAG PO 'JIGS SU RUNG BA, PHYOGS RVA RNAMS SHIN TU GDENGS PA, LTE BA'I SGO NGA'I DBUS SU H'Um YIG GIS MTSAN PA ZHIG LA SEMS 'JOG DE'I NGANG NAS GDUG PA CAN 'BRING PO RNAMS 'DUL BA'I SGO NAS SEMS CAN GYI DON BYA'O SNYAM NAS, RDO RJE DE LAS RDO RJE PHRA MO'I TSOGS SPRO ZHING RDO RJE PHRA MO DE RNAMS LAS DANG DE SPRO BA DANG DUS MNYAM DU SANGS RGYAS SOGS BZHI DANG, RDO RJE 'JIGS BYED YUM BCAS DANG YUM MED DPAG TU MED PA SPROS, GDUG PA CAN RNAMS BTUL, ,SPRUL PA NAM MKHA'I KHAMS THAMS CAD, DPER NA, TIM GYI GANG BU LTAR PHAN TSUN GCIG LA GCIG CAR BA'I TSUL GYIS BAR 'TSAMS MED PAR GANG BA RNAMS, RANG RANG GI GDAN NYI MA LA GNAS
BA'I 'OD ZER DANG, YAB YUM SNYOMS PA BZHUGS PA'I BYANG CHUB KYI SEMS SOGS KYIS SEMS CAN THAMS CAD LA DBANG BSKUR, SGRIB BA SBYONG BA'I SGOMS SMIN PAR BYAS TE, RDO RJE 'JIGS BYED KYI GO 'PHANG LA BKOD, DE DAG SNGAR SPROS PA RNAMS DANG LHAN CIG TU 'DUS NAS, RTZA BA'I RDO RJE H'Um DANG BCAS PA LA THIM PAR BSAM STE NGA RGYAL 'JOG ,DE'I NGANG NAS SLAR YANG GDUG PA CAN CHEN PO 'DUL BA'I SGO NAS SEMS CAN GYI DON BYA 'O SNYAM DU 'PHEN PA BTANG STE, DE LAS KHA CHAD 'GYUR LTAR GYI 'BRAS BU RDO RJE 'DZIN PA YAB YUM GYI SKUR LDANG BA BYA'O,, ` ,,GNYIS PA NI, 'BRAS BU RDO RJE 'DZIN PA BSKYED PA 'DI LA SKYE BA SPRUL SKUR 'KHYER BA'I RNAL 'BYOR ZHES BYA STE, SBYANG GZHI DANG SBYAR TSE, PHA MA'I KHU KHRAG GI DBUS SU BAR DO'I RNAM SHES ZHUGS PA DANG CHOS MTHUN ZHING, SGRUB PA PO RANG NYID KYI MA DAG PA'I SKYE BA SBYONG BAR BYED, RDZOGS RIM GYI SKABS SU SGYU MA'I SKU GNYIS KYIS RAGS PA'I SPRUL SKU 'DZIN PA DANG CHOS MTHUN ZHING DE LTAR 'GRUB PA'I DGE RTZA SMIN BYED DU 'GYUR, 'BRAS DUS KYI LONGS SKU DNGOS KYIS 'DOD KHAMS SU RAGS PA'I SPRUL SKU STON PA DANG RNAM PA MTHUN ZHING DE DE LTA BU DA LTA NAS LAM BYED KYI TSUL GYIS BSGOMS PAS SPRUL SKU DNGOS GNAS PA 'GRUB PA'I NUS PA KHYAD PAR CAN 'JOG PA'I PHYIR RO, ,'DI BSKYED PA NI, SBYANG GZHI SKYE BA DANG CHOS MTHUN PA YIN TE, SNGAR GYI ZLA BA'I DKYIL 'KHOR DE PHA LAS THOB PA'I BYANG SEMS DKAR PO DANG CHOS MTHUN, 'JAM DPAL GYI THUGS KA'I NYI MA DE MA LAS THOB PA'I KHAMS DMAR PO DANG CHOS MTHUN, 'JAM DPAL DANG BCAS PA NYI MA LA ZHUGS PA NI KHU KHRAG GI DBUS SU RNAM SHES ZHUGS PA DANG CHOS MTHUN, ,'OD ZER GYIS DPAG TSAD STONG PHRAG BRGYAR KHYAB PA'I NYI MA'I DKYIL 'KHOR DU GYUR PA NI KHU KHRAG RNAM SHES GSUM 'DRES PA GSUM DANG CHOS MTHUN
, ,H'Um YIG DE MNGAL GYI GNAS SKABS SU NGAG SMRA BA'I NUS PA BYED PA LCE RKAN GRUB PA DANG CHOS MTHUN, KHRO BO RDO RJE NI MNGAL GYI YID DANG CHOS MTHUN, DE LAS RDO RJE PHRA MO SPROS PA NAS RDO RJE LA THIM PA'I BAR NI, MNGAL GYI SKABS SU SANGS RGYAS KYI SGRAS BSTAN PA'I PHUNG PO LNGA DANG, SEMS DPA'I SGRAS BSTAN PA'I DBANG PO LNGA, SEMS MA'I SGRAS BSTAN PA'I SKYE MCHED, KHRO BO'I SGRAS BSTAN PA'I YAN LAG RNAMS 'PHEL BA DANG CHOS MTHUN, ZLA BA DANG DE'I STENG GI NYI MA RDO RJE H'Um DANG BCAS PA LAS 'BRAS BU RDO RJE 'JIGS BYED DU GYUR PA NI MNGAL GYI LUS PHYI ROL TU BTZAS PA DANG CHOS MTHUN DU YOD PA'I PHYIR RO, ,SBYONG BYED LAM GYI SKABS DANG YANG CHOS MTHUN TE, 'JAM DPAL DANG BCAS PA NYI MA LA ZHUGS PA NI DAG MA DAG GI SGYU MA'I SKU GNYIS RANG GI SNGAR GYI PHUNG PO RAGS PA LA ZHUGS NAS LAM DUS KYI SPRUL SKU 'DZIN PA DANG RNAM PA MTHUN H'Um NI LAM DUS KYI SPRUL SKU DE'I GSUNG DANG, RDO RJE NI DE'I THUGS DANG RNAM PA MTHUN, DE LAS RDO RJE PHRA MO SPRO BA NAS RDO RJE LA THIM PA'I BAR NI SPRUL SKU DE'I MDZAD PA DANG RNAM PA MTHUN, DE RNAMS LAS 'BRAS BU RDO RJE 'DZIN PAR GYUR PA NI SPRUL SKU DE'I SKU DANG RNAM PA MTHUN ZHING, DE LTA BU 'GRUB PA'I DGE RTZA SMIN BYED KHYAD PAR CAN DU 'GYUR BA YIN PA'I PHYIR RO, ,SBYANGS PA 'BRAS BU'I GNAS SKABS DANG YANG CHOS MTHUN TE, 'JAM DPAL DANG BCAS PA NYI MA LA ZHUGS PA NI LONGS SKU DNGOS KYIS RAGS PA'I SPRUL SKU STON PA DANG CHOS MTHUN, H'Um DANG RDO RJE NI RIM BZHIN RAGS PA'I SPRUL SKU'I GSUNG THUGS DANG CHOS MTHUN, RDO RJE PHRA MO SPRO BA NAS THIM PA'I BAR NI SPRUL SKU DE'I MDZAD PA DANG CHOS MTHUN, DE RNAMS LAS 'BRAS BU RDO RJE 'DZIN PAR GYUR PA NI, RAGS PA'I SPRUL SKU DNGOS DANG CHOS MTHUN ZHING, DE DA LTA NAS 'BRAS BU LAM BYED KYI
TSUL DU BSGOMS PAS SPRUL SKU DNGOS GNAS PA 'GRUB PA'I NUS PA KHYAD PAR CAN 'JOG PA'I PHYIR RO, ,MNGON BYANG LNGA'I SGO NAS BYANG CHUB PA DANG CHOS MTHUN TE, AA YIG LAS BYUNG BA'I ZLA BA DE, ME LONG YE SHES KYI NGO BO ZLA BA LA BYANG CHUB PA DANG, DH'I: BSKYED PA NAS NYI MA'I DKYIL 'KHOR CHEN POR GYUR PA'I BAR NI MNYAM NYID YE SHES KYI NGO BO NYI MA LAS BYANG CHUB PA DANG, H'Um YIG MTHING GA NAS H'Um LA ZHUGS PA'I BAR NI SOR RTOGS YE SHES KYI NGO BO GSUNG SA BON LAS BYANG CHUB PA DANG, KHRO BO'I RDO RJE BSKYED PA NAS RDO RJE LA THIM PA'I BAR NI BYA GRUB YE SHES KYI NGO BO THUGS PHYAG MTSAN LAS BYANG CHUB PA DANG, ZLA NYI RDO RJE H'Um DANG BCAS PA LAS 'BRAS BU RDO RJE 'DZIN PAR GYUR PA NI CHOS DBYINGS YE SHES KYI NGO BO SKU YONGS RDZOGS LAS BYANG CHUB PA YIN PA'I PHYIR RO, ,TSOGS ZHING NAS 'DI'I BAR GYI LAM LNGAR 'JOG TSUL YOD DE, 'GRO BA BZANG POR SKYE 'GYUR LTA LAS BSAGS NAS MTHAR 'CHI BA'I SNGA ROL GYI SMIG RGYU'I BAR NI GZHI DUS KYI TSOGS LAM, SMIG RGYU NAS MNGAL DU 'JUG DUS KYI 'CHI BA 'OD GSAL TSUN CHAD NI GZHI DUS KYI SBYOR LAM, DE GNYIS GZHI DUS KYI MOS SPYOD KYI SA DANG SA BCU'I DANG PO, MNGAL DU NYING MTSAMS SBYAR MA THAG PA'I LUGS LDOG GI NYER THOB NAS MNGAL GYI SEMS CAN MGO MJUG MA BSGYUR GYI BAR ZLA BA BCU'I SKABS NI, RIM BZHIN GZHI DUS KYI SA GNYIS PA RAB TU DGA' BA NAS GZHI DUS KYI SA BCU GCIG PA CHOS KYI SPRIN, PHYI ROL TU BTZAS MA THAG PA NI GZHI DUS KYI MI SLOB LAM KUN TU 'OD YIN LA, DE YANG PHAR PHYIN THEG PAS SA BCU GCIG PA KUN TU 'OD YIN PAR 'DOD KYANG, 'DIR NI, MOS SPYOD KYI SA NI SA BCU PA'I DANG POR BYAS NAS, SA BCU PA LA BCU PA TZAM DANG, KHYAD PAR GYI LAM DANG, BAR CHAD MED PA'I LAM GSUM DU PHYE BA'I STENG DU KUN TU 'OD BSNAN PAS SA BCU BZHIR BYED KYANG DON LA MI 'GAL LO, ,DE DAG SBYONG BYED BSKYED RIM
, ,DANG SBYAR NA, TSOGS ZHING NAS SDUD RIM MA BYAS KYI BAR LAM DUS KYI TSOGS LAM, SDUD RIM BYED PA'I 'OD ZER SPRO BSDU'I SKABS SNGAGS GNYIS KYI DON BSGOMS PA NAS, 'JAM DPAL GYI THUGS KAR NYI MA'I DKYIL 'KHOR BSKYED PA'I BAR SBYOR LAM, NYI MA DE LAS 'OD 'PHROS PA NAS, 'JAM DPAL NYI MA'I DKYIL 'KHOR LA ZHUGS PA'I BAR NI MTHONG LAM, NYI MA'I STENG GI H'Um NAS RDO RJE'I LTE BA LA H'Um GIS MTSAN PA'I BAR NI SGOM LAM SA BCU GCIG ,RDO RJE DE LAS 'OD 'PHROS PA NAS TSUR MA BSDUS PA'I BAR NI SA BCU GNYIS PA KHYAD PAR GYI LAM DANG 'OD ZER RNAMS TSUR 'DUS TE RDO RJE LA THIM PA NAS RDO RJE 'JIGS BYED DU MA GYUR PA'I BAR NI BCU GSUM PA BAR CHAD MED PA'I LAM DANG, DER GYUR PA NI 'DIR SA BCU BZHI PA KUN TU 'OD RDO RJE'I SA STE MI SLOB LAM MO, ,BSDU NA, SBYANG GZHI'I SKYE BA LEN PO DE NYID, BSOD NAMS KYI LAS KYIS 'PHANGS PA LTAR PHUNG PO SNGA MA DOR NAS BAR DOR SKYES TE, DE NAS 'DZAM BU'I GLING GI DBUS SU MIR SKYE BA BZHIN DU, TSOGS ZHING LA BRTEN NAS BSOD NAMS KYI TSOGS BSAGS, 'CHI RIM LTA BU'I SNGAGS GNYIS KYI DON BSGOMS NAS, RGYU RDO RJE 'DZIN PAR BSKYED, DE LAS 'BRAS BU RDO RJE 'DZIN PA NI GZHAL YAS KHANG GI DBUS SU BSKYED PA'I TSUL TE RGYAS PAR GONG DU BRJOD ZIN TO, ,'DI YAN CHAD YUM BCAS TZAM NI DANG PO SBYOR BA'O, ,'BRAS BU RDO RJE 'DZIN PA GSAL 'DEBS TSUL NI, MNGON RTOGS KYI SKABS BZHIN TE, DE YANG DON GYI GTZO BO RNAMS BSDU NA, RANG NYID 'BRAS BU RDO RJE 'DZIN PA DPAL RDO RJE 'JIGS BYED SHIN TU KHROS PA SKU MDOG MTHING NAG ,DBUS KYI RTZA ZHAL DANG, G-YAS G-YON GYI RVA RTZA'I ZHAL GSUM GSUM STE BDUN PO SNYAN TSUN GYI DBU THOD DANG MGRIN PA GCIG PA LA SNYAN PHAN CHAD 'BUR MO BDUN DOD KYI TSUL LTA BU LA BZHUGS ? ZHAL DANG 'KHOR ZHAL 'DOD TSUL MI 'DRA
BA YOD KYANG 'DIR ZHAL 'KHOR TSUL NI, RTZA ZHAL NAG PO MA HE'I GDONGS CAN, DE'I STENG DU SRIN ZHAL DMAR PO ZHAL NAS KHRAG 'DZAG PA, DE'I STENG DU 'JAM DPAL GYI ZHAL SER PO YID TZAM KHROS PA, RVA'I RTZA BA'I G-YAS KYI ZHAL GSUM GYI DBUS MA SNGON PO, ,DE'I G-YAS ZHAL LTAG PA'I PHYOGS SU GNAS PA DMAR PO, ,G-YON ZHAL RTZA ZHAL PHYOGS SU GNAS PA SER PO RVA RTZA'I G-YON ZHAL GSUM GYI DBUS MA DKAR PO, ,G-YAS ZHAL DUD KHA RTZA ZHAL PHYOGS SU YOD PA G-YON ZHAL NAG PO LTAG PA'I PHYOGS SU YOD PA STE, KHRO ZHAL BRGYAD KYI SPYI BOR RUS PA'I 'KHOR LO RTZIBS BRGYAD PA RE RE, MDUN GYI RTZIBS LNGA BA'I MU 'KHYUD KYI STENG DU DRAG PO'I THOD SKAM LNGA LNGA, DE RNAMS KYI KHA NAS RUS PA'I DRA BA DRA PHYED 'PHYANG BA SOGS DANG, SNYAN G-YAS G-YON GYI SNER RUS PA'I 'KHOR LO LA RUS PA'I DRA PHYED SUM BSHIBS 'PHYANG BA, 'DI MA HE'I, SNYAN LA MI BDE BAS ZHIB CHA GYIS, MGUL PA'I THAD DU RUS PA'I 'KHOR LO RTZIBS BCU DRUG PA, DPUNG MGO G-YAS G-YON DU 'KHOR LO RTZIBS BRGYAD PA'I DRUG PA, RGYAB DU DE LTA BU, 'KHOR LO RNAMS KYI MTSAMS SU RUS PA'I DRA BA LNGA BSHIBS SAM BDUN SKOR KHAR BTANG NAS SPREL BA, 'KHOR LO RNAMS LA RUS PA'I DRA PHYED SUM BSHIBS SU 'PHYANG BA, SNYING KHA'I THAD KYI MDUN RGYAB DU 'KHOR LO RTZIBS BRGYAD PA RE DANG, RUS PHRENG NYIS BSHIBS PHRAG GONG G-YAS NAS MCHAN KHUNG G-YON DANG PHRAG GONG G-YON NAS MCHAN KHUNG G-YAS SU BTANG BA'I MDUN RGYAB KYI 'KHOR LOR SBREL BA DANG 'KHOR LO DER RUS PA'I DRA PHYED SUM BSHIBS SU 'PHYANG BA NI NYI GDAN LA MA SLEB TZAM MO, ,PHYAG ZHABS KYI MKHRIG MA'I MDUN DU 'KHOR LO RE, DE RNAMS KYI BAR RUS PA'I DRA BA NYIS BSHIBS KYIS SNGAR BZHIN SBREL BA DANG, RUS PA'I DRA PHYE SUM BSHIBS KHA YAR BLTA BA, DBUR DPUNG
, ,RGYAN DANG, GRU MO'I RGYAN DANG, ZHABS KYI PUS MO'I RGYAN SOGS KYANG SHES PAR BYA, SPRUL GYI MCHOD PHYIR THOGS NI G-YAS G-YON DU SE RAL KHAR BYAS PA'O, ,'JAM DPAL GYI ZHAL CUNG ZAD KHROS SHING, DBU SKRA LHAS MAR BSLABS PA'I SNE MO NANG DU BKUG PA'I RTZE MOR NOR BU YU BA CAN GYIS RAL PA'I THOR COG GI SROG SHING BYAS PA, RAL PA BSGYUR THAG LEN GNYIS DKRIS PA'I STENG GI KHUGS DANG, G-YAS G-YON GYI KHUG PA GNYIS TE ZUR PHUD LNGA LDAN CES GSUNG LA, YANG THOR TSUGS STENG NGOS SU KHUG PA GCIG DANG ZUR BZHIR KHUG PA RE RER YANG BSHAD PA LTA BU DANG, ME TOG GIS THOD BRGYAN CING, RIN PO CHE'I DBU RGYAN SNYAN RGYAN DANG BCAS PA'O, ,PHYAG RGYA'I TSUL NI, DPUNG MGO G-YAS G-YON GYI SOG PA'I DKAR YOL GYI KHA RE RE'I NANG DU G-YAS G-YON GYI PHYAG BCU BDUN BCU BDUN GYI TSIG MGO RNAMS TSUD PA, DE YANG MDUN PHYAG BRGYAD DANG RGYAB PHYAG BRGYAD RNAMS STENG 'OG TU BSGRIGS PA, RGYAB MDUN GYI PHYAG RIM PA GNYIS SU BSGRIGS PA'I GYES MTSAMS NAS 'THON PA'I PHYAG GNYIS KYIS GLANG LPAGS 'DZIN PA DANG, MDUN PHYAG BRGYAD GNYIS KYI G-YAS DANG POS GRI GUG DANG, G-YON DANG YOS THOD PA BZUNG NAS SUM GYI MCHAN 'OG NAS 'KHYUD PA, YUM RO LANGS MA SNGON MO ZHAL GCIG PHYAG GNYIS KYIS GRI THOD BZUNG NAS SNGAR BZHIN YAB LA 'KHYUD PA'O, ,PHYAG GI SOG PA'I DKAR YOL ZHES BSHAD PA NI, YE SHES KYI SKU 'JA' TSON LTA BU LA DE KHO NA LTAR YOD PA'I NGES PA MED MOD, 'ON KYANG DPE TZAM LA MI 'GAL LO, ,PHYAG MTSAN GZHAN GO SLA ZHING, BHI DHI PA LA NI, LCAGS KYI MDUNG THUNG GI RNAM PA CAN GYI LCAGS DBYUG SNE PHRA BA'I RTZER RMA BYA'I
SGRO'I CHUN PO BYAS PA, GTUN SHING NI DKYIL PHRA LA SNE MO SBOM PA, CHU GRA NI DPUNG MGO NAS CUNG ZAD 'ONG BA'I DPUNG MGO RGYAS SHING SKED MAN PHRA BA, KA NA YA NI MDUNG LA ZHAGS PA BTAGS PA, KHA tVAm KA NI BDE MCHOG GI PHYAG MTSAN LTA BU, 'KHOR LO NI RAL GRI SO GNYIS MA'I RNAM PA CAN GYI GCOD PA'I 'KHOR LO RDO RJE THO BA NI RVA NYI SHU PA YANG BSHAD CING, YU BA'I RTZE DANG THO BA'I MGO LA RDO RJE RTZE LNGA PA PHYED PA CAN NO, ,ME THAB NI GRU GSUM LA ME SGO RE YOD PA KHA LA ME 'BRAR BA'O, ,THOD TSAL NI MI MGO RLON PA'I YA THOD SKRA DANG BCAS PA'O, ,SDIGS MDZUB NI, SDIGS MDZUB BYAS PA'I LAG PA 'DZIN PA'O, ,'PHAN RTZE GSUM PA NI, MDUNG RTZE GSUM PA LA BTAGS PA'I DAR LCE GSUM PA'I 'PHAN NO, ,RLUNG RAS NI ZUR GSUM PA'I DAR KHRA'O, ,ZHABS KYI GYES TSUL YANG G-YAS G-YON GYI ZHABS BRGYAD PO RE RE NAS MDUN RGYAB TU BSGRIGS PA'I 'OG GI SROG CHAGS RNAMS NI ZHABS DANG MGO STON PHYOGS MTHUN PAR RGYAB TU MNAN PA'O, ,SROG CHAGS GZHAN NI SLA ZHING, BYA CHEN PO NI LUS NAG LA MGO DANG MCHU DKAR BA'I 'OL BA STE, YONGS GRAGS NI NE LE'O GSUNG, KHYIM BYA NI LUS NAG LA SHA'I SKED SKOR CAN MI SKAD SMRA BA'I BYA ZHIG GO ,BZHAD NI LUS DKAR LA MCHU SER BA MGUL PA KHRA BO CAN GYI BYA ZHIG ,'KHOR ZHAL CAN GYI TSANGS PA GDONG BZHI PA DANG, DBANG PO DKAR PO, ,KHYAB 'JUG NAG PO, ,MGRIN SNGON CAN RNAMS G-YAS KYI ZHABS 'OG TU DANG, GDONG DRUG DMAR PO, LOG 'DREN GLANG GDONG CAN DKAR PO, , ZLA BA DKAR PO, ,NYI MA DMAR PO RNAMS G-YON GYI ZHABS 'OG TU MNAN PA'O, ,PHYAG G-YAS RNAMS KYIS PHYAG MTSAN DANG BCAS PA'I SDIGS MDZUB CUNG ZAD KHA 'OG TU BSTAN NAS GDENGS PA DANG, G-YON RNAMS KYIS PHYAG MTSAN DANG BCAS PA'I SDIG MDZUB
, ,CUNG ZAD KHA GYEN DU BSTAN NAS GDENGS PA'O, ,LHA DE'I RGYAN PHYAG MTSAN RNAMS NI YE SHES KYI RANG BZHIN DU MOS DGOS PAR MA ZAD, ZHABS 'OG GI 'JIG RTEN PA DANG SROG CHAGS RNAMS KYANG YE SHES KYI NGO BOR MOS DGOS PA YIN LA 'JIG RTEN PA DE RNAMS ZHABS 'OG TU MNAN PAR BSGOM PA NI DE DAG ZIL GYIS GNON PA'I MTSON BYED DO,, RANG NYID DAM TSIG SEMS DPA'I THUGS KA'I ZLA GDAN LA, SHIN TU PHRA BA'I RLUNG SEMS KYI RANG BZHIN CAN GYI YE SHES SEMS DPA' 'JAM DPAL SNGAR BZHIN DANG, DE'I THUGS KA'I GNAS SU A'A LAS NYI DKYIL GYI DBUS SU, GNYUG MA'I SEMS KYI NGO BO TI NGE 'DZIN SEMS DPA' H'Um YIG MTHING GA 'OD ZER LNGA 'PHRO BA, YUM NI BSHAD ZIN PA LTAR TE, PHYAG RGYA LNGA NI DBU'I 'KHOR LO SNYAN RGYAN MGUL RGYAN GDU BU SKE RAGS RNAMS SU BSHAD, DAM TSIG PA NI YE SHES PA 'GRO BA DANG 'DU BA'I GZHI YIN PAS DE LTAR BSHAD CING, YE SHES SEMS DPA' NI, 'DIR BDE STONG DBYER MED KYI YE SHES BZHON PA'I RLUNG DANG BCAS PA LHA SKU'I RNAM PAR SHAR BAS NA DER BRJOD LA, TING NGE 'DZIN SEMS DPA' NI, GANG LA DMIGS NAS BSGOMS PAS TING NGE 'DZIN KHYAD PAR CAN SKYE BA'I RGYU BYED PAS NA DE LTAR BSHAD DO, ,SEMS DPA' SUM BRTZEGS BYAS PA SBYANG GZHI DANG SBYOR TSUL YOD DE, DAM TSIG SEMS DPA' NI RANG GI RNAM SMIN GYI LUS RAGS PA DANG CHOS MTHUN, YE SHES SEMS DPA' NI GNYUG MA'I RLUNG SEMS GNYIS KYI NANG MAR RLUNG DANG CHOS MTHUN, TING NGE 'DZIN SEMS DPA' NI DE GNYIS KYI NANG NAS SEMS DANG CHOS MTHUN PA'I PHYIR RO, ,DE NI LAM GYI SKABS DANG MTHUN TE, DAM TSIG SEMS DPA' NI DAG MA DAG GI SGYU MA'I SKU GNYIS PHUNG PO RAGS PA LA ZHUGS NAS RAGS PA'I SPRUL SKU 'DZIN PA DANG CHOS MTHUN, YE SHES SEMS
DPA' NI RAGS PA'I SPRUL SKU GNYIS KYI THUGS KA'I SGYU MA'I SKU GNYIS DANG CHOS MTHUN, TING NGE 'DZIN SEMS DPA' NI SGYU MA'I SKU GNYIS KYI RGYUD KYI YE SHES DANG CHOS MTHUN PA'I PHYIR, DE NI 'BRAS BU DANG YANG MTHUN TE, RIM PA BZHIN DU SPRUL SKU LONGS SKU CHOS SKU DANG RNAM PA DANG MTHUN PA'I PHYIR RO, ,BZHI PA RIG MA DANG SBYOR TSUL NI, YAB KYI GSANG GNAS H'Um SNGON PO ZHIG TU GYUR PA DE ZHU BA LAS RDO RJE SNGON PO RTZE LNGA PA RVA DBUS MA SBUGS STONG GI RNAM PA CAN GYI BU GAR PHAt YIG SER PO MGO NANG DU BSTAN PAS BAR MTSAMS MED PAS BKAG PA, 'DI LA PHYI YONGS GRAGS LTAR LA RDO RJE GZUGS BRNYAN SHAR BA BZHIN DU'ANG BSHAD, YUM GYI GSANG GNAS H'Um LAS PADMA DMAR PO 'DAB BRGYAD SBUB SBUB BA ZE'U 'BRU SER PO DANG BCAS PA'I LTE BAR SBUG GU KHONG SENG DU PHAt KYIS BKAG PAR BSAM, DE LTAR BSAM PA LA DGOS PA YOD DE, YAB KYI GSANG GNAS KYI RTZA 'DAB BZHI PA'I RTZA 'KHOR DH'U T'I DANG BCAS PA RDO RJE RTZE LNGA PAS MTSON YUM GYI GSANG GNAS KYI RTZA 'KHOR BRGYAD YOD PA NI, PADMA 'DAB MA BRGYAD PAS MTSON, AOm DANG A'A: GNYIS KYIS YAB YUM GYI BYANG SEMS DKAR DMAR GNYIS MTSON PA'I PHYIR RO, ,'DIR RANG DANG RIG MA'I LUS LHAR SGOM PA LHA'I 'DU SHES, MKHA' GSANG BYIN GYIS RLABS TE YI GE BKOD PA SNGAGS KYI 'DU SHES, THABS 'DI LA BRTEN NAS ZAG MED KYI BDE BA MNGON DU BYA'O SNYAM PA CHOS KYI 'DU SHES TE, 'DU SHES GSUM DANG LDAN DGOS LA DE LTAR DRAN BZHIN PAS SNYOMS PAR 'JUG CING, AOm SARBA TA TH'A GA TA SOGS BRJOD PA'I SGO NAS RJES CHAGS KYI NGA RGYAL 'DZIN PA YIN TE, DON NI, AOm NI SNGAR BZHIN DANG, SARBA TA TH'A GA TA NI DE BZHIN GSHEGS PA THAMS CAD, AA NU R'A GA NI RJES SU CHAGS PA BADZRA NI RDO RJE, SVABH'A WA TH'A NI RANG BZHIN GYI A'ATMA KAm NI BDAG NYID, AA HAm NI NGA'O STE, DE BZHIN GSHEGS PA THAMS CAD KYI RJES SU CHAGS PA'I RANG BZHIN GYI BDAG NYID NGA'O SNYAM DU NGA RGYAL
, ,BYA BA YIN PA'I PHYIR, DE LTAR PHYAG RGYA DANG SBYAR BA LA DGOS PA YOD DE, CHAGS PA LAM DU BYAS PA LA BRTEN NAS BDE STONG DBYER MED KYI YE SHES BSKYED PA DANG, RTEN DANG BRTEN PA'I DKYIL 'KHOR YE SHES DE'I RNAM ROL TU 'CHAR BA DANG, RDZOGS RIM GYI BDE STONG DBYER MED KYI YE SHES KHYAD PAR CAN SKYE BA'I DGE RTZA SMIN BYED DU 'GYUR BA'I CHED YIN PA'I PHYIR RO,, ,,GNYIS PA DKYIL 'KHOR RGYAL MCHOG GI TING NGE 'DZIN 'CHAD PA LA GSUM, DKYIL 'KHOR BA'I LHA SPROS TE MDZAD PA MDZAD NAS DKYIL 'KHOR LA 'GOD PA BSKYED MCHED SOGS BYIN GYIS RLOB PA, YE SHES PA DGUG GZHUG DBANG BSKUR RGYAS 'DEBS PA'O, ,DANG PO LA GNYIS, LHA BSKYED PA DANG, SPROS TE 'PHRIN LAS MDZAD NAS DKYIL 'KHOR LA 'GOD PA'O, ,DANG PO NI, GONG DU BSHAD PA LTAR NGA RGYAL BZUNG STE, RANG GI THUGS KA'I H'Um LAS 'OD ZER LCAGS KYU LTA BU PHYOGS BCUR SPROS BAS MKHA' KHYAB KYI SANGS RGYAS THAMS CAD 'JIGS BYED ZHE DGU MA 'AM 'JIGS BYED YAB YUM KYI RNAM PAR SPYAN DRANGS, RANG GI RTZA ZHAL DU BCUGS THUGS KAR SLEB BA NA CHAGS PA CHEN PO'I MES ZHU NAS THIG LE CHEN PO GCIG TU GYUR, SKU'I DBYIBS RGYUD RDO RJE'I LAM NAS YUM GYI PADMAR SONG STE THUGS KHAR SLEBS PA NA THIG LE CHA GNYIS SU GYUR, DE'I TSE PHAt YIG GNYIS GYI ZUR CUNG ZAD PHYE BAR MOS DGOS SO, ,CHA GCIG 'OD DU ZHU NAS BHRUm DKAR PO ZHIG TU GYUR PA LAS RDOR RVA SOGS MED PA'I GZHAL YAS KHANG GSAR BCAS DANG, THIG LE CHA GCIG GDAN DE RNAMS KYI STENG DU CHA BCU BDUN DU GYUR PAR BSAM, DE RNAMS YONGS SU GYUR PA LAS DBUS SU H'Um LAS RDO RJE SNGON PO RTZE LNGA PA LTE BA LA H'Um GIS MTSAN PA SOGS RANG GI SA BON LAS PHYAG MTSAN BSKYED PA SGRUB THABS BZHIN DANG, DE RNAMS LAS LHA'I TSOGS SPROS 'GRO BA'I DON BYAS NAS PHYAG MTSAN
DANG SA BON LA THIM PA LAN CI NUS BYAS PA'I MTHAR, PHYAG MTSAN RNAMS 'OD DU ZHU NAS, DBUS KYI GDAN LA DPAL RDO RJE 'JIGS BYED SOGS LHA BCU GSUM THOD PA BZHI DANG BCAS PA BCU BDUN DU GYUR PAR BSAM MO, ,SPYIR YAB KYI PANG NAS YUM GYI MA 'KHYUD PA YIN YANG 'DIR TZA RTZI KA SOGS BZHI'I PANG NAS YAB BZHIS 'KHYUD PAR BYA DGOS SO, ,GNYIS PA LHA SPROS NAS MDZAD PA MDZAD DE BSDUS NAS DKYIL 'KHOR LA 'GOD PA'I TSUL NI, LHA DE DANG DE'I SGO NAS ZHE SDANG SOGS 'DI DANG 'DI SBYANG BAR BYA'O SNYAM DU 'PHEN PA BTANG NAS, AOm HNY'I: shR'I: SOGS BRJOD DE DANG POR GTZO BO YAB YUM BSKUL BAS, YAB YUM GRANGS MED PAR GYUR NAS YUM GYI BA SPU'I SGO NAS SAM MNGAL SGO NAS PHYIR SPROS TE, PHYOGS BCUR SONG, SEMS CAN THAMS CAD KYI ZHE SDANG SBYANGS, DE RNAMS CHOS KYI DBYINGS KYI YE SHES LA BKOD, SPRUL PA RNAMS YAB YUM ZUNG GCIG TU 'DUS NAS, RANG NYID YAB YUM GNYIS SO SO LA THIM PAR BSAMS SHING, 'DIR LHA RNAMS YUM GYI THUGS KA NAS PHABS TE YAB KYI RDO RJE'I LAM NAS THUGS KAR DRANGS, YAB NYID KYI THUGS KA NAS PHYIR SPRO BA'I KHRID RGYUN YOD KYANG, GSANG 'DUS DANG SBYAR TSE MI 'THAD PA MI SNANG YANG, 'DON CHA'I TSIG ZIN DANG MI MTHUN SNYAM, DE BZHIN DU AOm DZI NA RDZIG SOGS RE RE NAS BRJOD PAS GTI MUG GSHIN RJE GSHED SOGS RE RE NAS GRANGS MED PAR GYUR PA PHYIR SPROS TE, SO SO NAS MDZAD PA MDZAD ZIN PA NA BSDUS TE LHA SO SO DANG THOD PA BZHI RNAMS RANG GI GDAN LA 'KHOD PA DANG GZHAL YAS KHANG DAM TSIG PA'I GZHAL YAS KHANG LA THIM PAR BSAM, YAB YUM ZUNG RE RE SEMS CAN RE RE'I SPYI BOR 'KHOD DE SBYOR 'TSAMS NAS SPROS PA'I 'OD GYIS SEMS CAN DE DANG DE DAG GI NYES SKYON SBYONG PA DANG, THUGS KA SOGS NAS SPROS PA'I 'OD ZER GYIS SBYONG BA CI RIGS BYA'O, ,'DIR 'GOD RGYU'I LHA YAB YUM RNAMS SO SOR
, ,PHYE NA NYER DRUG YOD KYANG, YAB YUM ZUNG RE RE GCIG TU BGRANG BA'AM, DE BZHIN GSHEGS PA BZHI'I YUM RNAMS TZA RTZI KA SOGS BZHIR 'DU BA DANG, YUM BZHI'I YAB RNAMS DE BZHIN GSHEGS PA BZHIR 'DU BA'I TSUL GYIS LHA BCU GSUM DANG, THOD PA BZHI STE BCU BDUN NO, ,DE BZHIN GSHEGS PA LNGA NI, DKYIL 'KHOR GZHAN GYI MI BSKYOD PA SOGS LNGA DANG, RO LANGS MA NI RDO RJE DBYINGS KYI DBANG PHYUG MA 'AM M'A MA KI DANG, TZA RTZI KA SOGS SPYAN SOGS BZHI, THO BA GSHIN RJE BSHED SOGS NI GSHIN RJE GSHED SOGS BZHI, SHAR LHO SOGS BZHI'I THOD PA BZHI NI, RIM PA BZHIN DU GZUGS DANG DRI RDO RJE MA'I NGO BO DANG, SGRA RDO RJE MA RO RDO RJE RJE MA REG BYA RDO RJE MA'I NGO BO DANG, BZHI KA'ANG CHOS DBYINGS RDO RJE MA'I NGO BO YIN NO, ,SBYANG GZHI NYON MONGS PA LNGA DANG KHAMS BZHI NI GO SLA YANG, BDUD BZHI LAS PHUNG PO'I BDUD NI NYER LEN GYI PHUNG PO LNGA DANG, NYON MONGS PA'I 'DUD NI RTZA NYON DANG NYE BA'I NYON MONGS PA RNAMS DANG, 'CHI BDAG GI BDUD NI LAS NYON GYI DBANG GIS SROG DBANG 'GAG PA'I CHA DANG, LHA'I BU'I BDUD NI DGE BA'I CHOS LA BAR DU GCOD PA'I CHA DANG DGA' RAB DBANG PHYUG LHA BU STE, 'ON KYANG BRGYA BZHI'I CHO GA LAS BDUD BZHI KA LA GANG ZAG ZHIG KYANG BSHAD DE BRTAG GO ,DKYIL 'KHOR RGYAL MCHOG GI LHA BSKYED PA 'DI, SBYANG GZHI DANG CHOS MTHUN MI SBYOR YANG, SGYU LUS DANG, ZUNG 'JUG GI SKABS SU MA DAG PA'I SNOD BCUD SBYOR BAR CHOS MTHUN ZHING, 'BRAS BU LONGS SPYOD RDZOGS SKUS RTEN BRTEN PA'I DKYIL 'KHOR BYE BA SPRUL NAS SNOD BCUD SBYONG BA'I SGO NAS SEMS CAN GYI DON MDZAD PA DANG CHOS MTHUN NO, ,'GA' ZHIG 'DIR PHYOGS SKYONG DGUG BSKYED BYED KYANG, DE NI DKYIL 'KHOR SGRUB PA DANG 'JUG PA BDAG TU BYED PA'I SKABS YIN NA MA GTOGS ,MNGON RTOGS RKYANG PA'I SKABS
'DIR MI 'THAD PAR BSHAD PA BZHIN MTHONG NGO, ,'ON KYANG DENG SANG GI PHAR MA DER SKABS 'DIR PHYOGS SKYONG DGUGS BSKYED BYAS SNANG YANG, CHO GA'I RNAM DBYE LEGS PAR PHYE BA ZHIG MA YIN PAR GSAL LO, ,MNGON RTOGS 'DI RJES MDZAD PAR GYIS SNANG YANG, RJE NYID KYIS MDZAD PA'I MNGON RTOGS KHA BSKANG BA ZHIG YIN KYANG, RJES MDZAD PA NI MA YIN PAR NGES SO, ,GNYIS PA SKYE MCHED SOGS BYIN GYIS BRLAB PA LA GNYIS, SKYE MCHED BYIN GYI BRLAB PA DANG, SKU GSUNG THUGS BYIN GYIS BRLAB PA'O, ,DANG PO NI, GTZO 'KHOR THAMS CAD KYI RTZA ZHAL GYI SPYAN GNYIS GNYIS SU RDO RJE MIG SOGS KYI NGO BO KshIm DKAR PO SOGS KYI NGO BOR BSGOM PA'AM, YANG NA, MIG 'BRAS DANG NGO BO DBYER MED PA'I KshIm SOGS RE RE BYUNG BA YONGS SU GYUR BA LAS 'KHOR LO DKAR PO SOGS DANG, DE LAS RDO RJE MIG DKAR PO SOGS MNGON RTOGS BZHIN BSKYED PA ZHAL PHYIR BLTA BA YAB RKYANG ME LONG NANG DU GZUGS BRNYAN SHAR BA LTA BU 'AM YUM BCAS KYANG RUNG BAR BSHAD LA, RDO RJE MIG NAS RDO RJE YID KYI BAR NI RIM PA BZHIN DU, SA SNYING PHYAG RDOR NAM SNYING 'JIG RTEN DBANG PHYUG SGRIB SEL KUN BZANG RNAMS DANG DON GCIG GO ,DES NA BLA MA KHA CIG RDO RJE YID 'JAM DBYANGS LA BZHED PA NI 'THAD SNYAM PA MED DO, ,GNYIS PA SKU GSUNG THUGS BYIN GYIS BRLAB PA LA GNYIS, RDO RJE GSUM BSKYED DE YE SHES PA SPYAN DRANGS NAS MCHOD PA'I TSUL DANG, BYIN GYIS BRLABS NAS NGA RGYAL 'DZIN PA'I TSUL LO, ,DANG PO NI, LHA THAMS CAD KYI THUGS KAR H'Um SNGON PO LAS RDO RJE SNGON PO RTZE LNGA BA'I LTE BA'I NANG DU H'Um LAS RDO RJE SNGON PO DANG, DE LAS THUGS RDO RJE SGRUB THABS LTAR BSKYED, MGRIN PA'I RTZA 'KHOR YOD PAR A'A: LAS PADMA DMAR PO A'A: SA MTSAN PA DANG, DE LAS GSUNG RDO RJE, SPYI BO'I RTZA 'KHOR YOD PAR AOm LAS 'KHOR LO DKAR PO AOm GYIS MTSAN PA LAS
, ,SKU RDO RJE DANG, DE RNAMS KYI THUGS KAR RANG RANG GI PHYAG MTSAN GYI LTE BAR SA BON GYIS MTSAN PA CAN DU BSKYED, DE NAS RANG DANG RDO RJE GSUM GYI LHA'I THUGS KA'I SA BON GYI 'OD ZER GYIS PHYOGS BCU'I SANGS RGYAS THAMS CAD RDO RJE GSUM GYI RNAM PAR NAM MKHA'I KHAMS GANG BA SPYAN DRANGS TE, AOm HR'I: sht'I: HA SOGS KYIS MCHOD CING, DE'I TSE MCHOD PA'I LHA MO RIM BZHIN SPRO ZHING BSDU'O, ,GNYIS PA BYIN GYIS BRLABS NAS NGA RGYAL 'DZIN PA NI, RANG GI THUGS KA'I H'Um GI 'OD ZER GYIS THUGS RDO RJE, GSUNG RDO RJE SKU THUG RDO RJE RNAMS RIM PAR BKUG NAS LHA RNAMS KYI RDO RJE GSUM LA RIM PAR BSTIMS PA DANG NGA RGYAL YANG DE LTAR BYA, KHA CIG RANG 'DRA GNYIS PA RE CHAD NAS THIM PAR BSAM PA YANG LUGS GCIG STE DE MA BYAS KYANG CHOG NGA RGYAL 'DZIN PA'I SNGAGS KYI DON AOm SARBA TA TH'A GA TA'I DON NI SNGAR BZHIN DANG, TZITTA NI THUGS, W'AKKA NI GSUNG, K'A YA NI SKU STE, LHAG MA NI SNGAR LTAR TE, DON BSDU NA, DE BZHIN GSHEGS PA THAMS CAD KYI SKU DANG GSUNG DANG THUGS RDO RJE'I RANG BZHIN GYI BDAG NYID DE NGA'O SNYAM PA'I NGA RGYAL BYA BA'O, ,'DIR THUGS BYIN RLABS SNGON DU 'BYUNG BA NI 'JAM DBYANGS SHES RAB 'AM THUGS KYI LHA YIN PA DANG, DES RJES SU 'DZIN PA'I TSE SNGON DU SGRUB PA PO'I YID BYIN GYIS RLOB PAR BYED PA SOGS KYI SGO NAS YIN NO GSUNG, GSUM PA YE SHES PA 'GUG GZHUG DBANG BSKUR RGYAS 'DEBS LA GNYIS, YE SHES PA BKUG NAS GZHUG PA DANG, DBANG BSKUR NAS RGYAS 'DEBS PA'O, ,DANG PO NI, 'JAM DPAL RANG BZHIN MAS SPYAN 'DREN PA SNANG BA LA, KHA CIG BDAG BSKYED KHO NA LA DE MI DGOS PAR GSUNG PA LTAR RAM, GAL TE 'DIS SPYAN 'DREN NA, LAS BYED SPRUL PA GSHIN RJE 'KHOR DANG BCAS, ZHES PA NI, DPA' GCIG GI DBANG DU BYAS LA, 'DIR GTI MUG GSHIN RJE GSHED SOGS 'KHOR DANG
BCAS, ZHES BSGYUR BAR MDZAD PA LTAR THANG SNYAM MO, ,'JAM DPAL RANG BZHIN MA'I DON BSDU NA CHOS SKU'I DBANG DU BYAS TSE 'JAM DBYANGS KYI RANG BZHIN STONG PA'I CHOS SKU NI CHOS KUN LA NAM MKHA' LTAR KHYAB PAS GNAS BYE BRAG PA'I NGES BZUNG MED DO, ,DE'I PHYIR SNGAR MA SLEB PA'I GNAS SU GSAR DU 'GRO 'ONG GI BYED PA DANG BRAL BA'O, ,YANG DBYAR SOGS DUS BZHI NI GZHAN ZHIG NAS TSUR 'ONG BA LTA BU MA YIN PAR NYI MA'I BGROD PA'I DBANG GIS DE DANG DER BYUNG BA LTAR, THUGS RJE CHEN PO YANG SEMS CAN RJES SU 'DZIN MI 'DZIN GYI 'GRO 'ONG LTAR SNANG YANG PHYOGS RIS KYI 'GRO 'ONG MED PAS THAMS CAD LA KHYAB PO, YANG ZLA BA'I GZUGS BRNYAN NI CHU NANG DU 'CHAR YANG DER MI 'PHO BA LTAR SPRUL PA YANG DE DANG DER 'PHO BA MED KYANG, CHU GAR YOD SAR ZLA BA'I GZUGS BRNYAN 'CHAR BA LTAR GDUL BYA GAR YOD DER SPRUL PA SNANG BAS NA, DES 'DIR BDAG GIS SPYAN 'DREN ZHES SOGS NI GO SLA'O, ,DES NA SNGAGS TZAM GYIS SPYAN 'DREN PA'I DBANG DU BYAS NA, AOm HR'I: HA BHO SOGS KYI DON YOD DE, AOm NI BSHAD DZIN, HR'I: 'PHROG BYED, HA BZHAD PA'AM RMAD BYUNG, BHO KYI, MA H'A CHEN PO, KRO BHA KHRO'O, A'A GATZTSA A'A GATZTSA NI TSUR BYON GNYIS, AATMA KA BDAG NYID, P'ATZTSA MCHOD PA, PRA TI SO SO, GRA HA ZHES SHIG ,PRA RA S'A DA DANG BA 'AM BKA' DRIN BDAG ,DH'I MAN BLO, KU RU MDZOD CIG ,SV'A H'A NI GZHI TSUGS SHIG PA STE, BSDU NA, AOm 'PHROG BYED RMAD BYUNG KYEE KHRO CHEN, ,TSUR BYON TSUR BYON BDAG GI NA, ,RAB DANG MCHOD PA SO SOR BZHES, ,BDAG LA BLO LDAN BKA' DRIN MDZOD, ,SV'A H'A ZHES BRJOD CING BSAM, DE NAS HR'I: shRthI: BRJOD CING KHRO BO SPROS NAS PHYI NANG GI BGEGS BSKRAD, HR'I: sht'I: HA SOGS KYIS MCHOD LHA SPROS TE MCHOD PA 'BUL, MUNGGAR DZA ZHES BRJOD CING PHYAG RGYA BYA, DE'I TSE SHAR GYI SGO BAS PHYAG MTSAN 'PHYAR TZAM GYI BRDA' BYAS PAS,
, ,YE SHES PA RNAMS DAM TSIG PA'I STENG DU KHA LTA PHYOGS DAD MTHUN PAR BKUG NAS BRTZEGS PA LTAR BYA, DANtA H'Um ZHES PAS, LHO SGO NAS BRDA BYAS PAS YE SHES PA RNAMS DAM TSIG PA SO SO LA THIM NAS 'DRES PAR BSAM, PADMAS GYIS, YE SHES PA RNAMS RANG RANG GI DAM TSIG PA SO SO DANG DBYER MED SONG NAS DGYES BZHIN BZHUGS PAR BSAM, KHANG LA HO SA LHA RNAMS SGRUB PA PO'I DBANG DU BYAS PAR BSAM ZHING, DE GNYIS KYI TSE YANG SGO PA GNYIS KYI PHYAG MTSAN GYI BRDA BYAS PAR BSAM MO, ,GNYIS PA DBANG LHA SPYAN DRANGS NAS MCHOD PA SOGS NI, SLAR YANG AOm HR'I: TA SOGS BRJOD CING THUGS KA NAS 'OD ZER 'PHROS, PHYOGS BCU'I SANGS RGYAS THAMS CAD SPYAN DRANGS TE, SNGAGS TZAM GYIS MCHOD, SANGS RGYAS RNAMS NI ZHES SOGS KYI DON, JI LTAR BLTAMS PA SOGS DANG 'DRA STE, DE YANG SH'AKYA THU PA SOGS SKU BLTAMS MA THAG PA'I TSE, LHA KLU SOGS KHRUS GSOL BA LTAR, DAG PA'I LHA'I CHU STE YE SHES KYI BDUD RTZI'I CHUS SPYI BO NAS DBANG BSKUR BAS SKU GANG, DRI MA DAG PA SOGS YIN LA, GTZO BO'I RTZA ZHAL GYI TSANGS BUG GI STENG DU MI BSKYOD PA ZHAL GCIG PHYAG GNYIS RDOR DRIL 'DZIN PA YUM BCAS SAM, YAB RKYANG SA GNON MNYAM GZHAG GI PHYAG RGYA CAN RDO RJE SKYIL MO KRUNG GIS BZHUGS PA, SHAR DANG SHAR LHO BA SOGS KYANG SHES PAR BYA ZHING, YAB RKYANG YIN NA SPYI 'GRO LTAR RO, ,'DIR BDAG MDUN THA MI DAD MIN PAS GTZO BO LAS BYE MI DGOS TE MCHOD PA RNAMS THUGS GA NAS SPROS PA'I LHA MO RNAMS KYIS MCHOD PAR BSAM DGOS PAS SO, ,DKYIL 'KHOR SGRUB PA'I BDAG MDUN THA MI DAD YIN NA GTZO BO LAS GNYIS SU PHYE STE MCHOD CING, DBANG LHA RANG NYID LA BSDU, RGYAS BTAB PA NI, LHA DE DANG DE RNAMS RIGS DE DANG DER SHES PA'I CHED DO, ,GSUM PA LAS RGYAL
MCHOG GI TING NGE 'DZIN LA BZHI, MCHOD BSTOD JI LTAR BYA BA, BSKYED RIM GYI DMIGS PA JI LTAR BYA BA, DGA' DRAN TSUL, BZLAS PA BYA TSUL LO, ,DANG PO NI, MCHOD PA SNGAR BYIN GYIS MA BRLABS NA, 'DIR BRLABS TE, AOm Y'A MANTA KA SA BHA RE W'A RA AARGTAm PRA T'ITZTSA SV'A H'A NAS SHA PTA'I BAR GYIS MCHOD PA'AM, YANG NA, HR'I: HA SOGS KYI MTHAR, 'DOD YON SNGAR BZHIN SBYAR, 'DI LTAR BYED PA NI RJE'I DGONGS PAR MNGON LA, 'ON KYANG TSIGS BCAD DANG SBYOR NA RGYAL BA RNAMS NI ZHES SOGS LTA BU DANG, BDAG MDUN THA MI DAD LA TSIGS BCAD SNGAGS DANG BCAS PA BRJOD, LA CIG TU RGYAL SRID BDUN YANG 'BUL BAR BSHAD LA, KHRID RGYUN 'GA' ZHIG LAS DE 'BUL BAR MI SNANG BAS CI RIGS SU BYAS KYANG MI 'GAL, DE DAG NI PHYI BUM DBANG DANG 'BREL BA'I MCHOD PA'O, ,DRI CHAB SNGON DU 'BYUNG BA'I RGYU MTSAN YANG SNGAR LTAR RUNG BAR BSHAD, NANG MCHOD NI, RE MIG DBUS MA'I STENG GI NAM MKHAR RTZA BRGYUD BLA MA RNAMS KYIS GANG BAR BZHUGS PAR MOS PA 'AM, GTZO BO'I RTZA ZHAL GYI STENG GI RIGS BDAG GI BLA MA'I THUGS KA'I ZLA GDAN GYI DBUS SU RTZA BA'I BLA MA DANG MTHAR BRGYUD PA'I BLA MA RNAMS KYIS BSKOR NAS BZHUGS PAR BSAMS LA, G-YON PA'I MTHEB SRIN GYIS SMIN MTSAMS NAS NANG MCHOD GYEN DU GTOR BAS, BLA MA RNAMS KYI LJAGS 'OD ZER GYI SPU DGUS BRANGS NAS GSOL BAS THUGS RGYUD TSIM PAR BSAMS TE, MTSAN MTHAR 'BRU GSUM BTAGS TE 'BUL, RANG GI SNYING KHA'I THAD NAS DKYIL 'KHOR BA'I LHA SO SO'I SNGAGS KYI MJUG TU 'BRU GSUM BTAGS LA 'BUL ZHING RGYUD SDE BZHIR 'BREL GYI YI DAM RNAMS DANG 'JIG RTEN LAS 'DAS PA'I CHOS SKYONG LA YANG 'BUL, LTE BA'I THAD NAS DPA' BO DANG DPA' MO RNAL 'BYOR MA RNAMS DANG, DUR KHROD KYI PHYOGS SKYONG SOGS LA 'BUL, PUS MO'I THAD NAS GZHI
, ,BDAG GNYUG MAR GNAS PA DANG SEMS CAN THAMS CAD LHAR GYUR PA LA 'BUL LO, ,DE NAS 'OD ZER GYIS PHYOGS BCU'I SANGS RGYAS BYANG SEMS 'JAM DPAL GSHIN RJE GSHED KYI RNAM PAR SPYAN DRANGS NAS RANG GI LUS LA THIM PAR BSAMS LA, BDUD RTZI MYANGS PAS BDE CHEN SKYES PAR BSAM, DE'I TSE LJAGS 'OD ZER GYI SPU GUS NANG MCHOD GSOL BAR BSAMS PA THAMS CAD LA 'DRA STE, GSANG DBANG DANG 'BREL PA'I MCHOD PA'O, ,YAB YUM SNYOMS PAR ZHUGS PA'I LHAN SKYES KYI BDE BAS, DKYIL 'KHOR BA THAMS CAD TSIM PAR BSAMS PA NI SHER DBANG DANG 'BREL PA'I MCHOD PA'O, ,BDE BA DES STONG NYID LA RTZE GCIG TU MNYAM PAR 'JOG PA TSIG DBANG DANG 'BREL BA'I DE KHO NA NYID KYI MCHOD PA'O, ,BSTOD PA NI, GNYIS MED THUN MONG MA YIN ZHES SOGS KYIS BSTOD CING, DE YANG 'JIGS BYED GSHIN RJE GSHED LA PHYAG 'TSAL BSTOD, ZHES PA YAN GYIS 'KHOR NAMS KYIS GTZO BO DANG, GSHIN RJE GSHED PO RAB BRJID PA, NAS PHYAG NA RAL GRI PHYAG 'TSAL BSTOD CES PA'I BAR GYIS GTZO BOS 'KHOR DANG, SLAR YANG SANGS RGYAS KUN GYI ZHES SOGS TSIGS BCAD GCIG GIS 'KHOR RNAMS KYIS GTZO BO LA BRAG CHA'I DBYANGS BZHIN DU BSTOD, DE DAG GI DON BSDUS TE BSHAD NA, LHAN SKYES KYI BDE BA CHEN PO'I YE SHES THUN MONG MA YIN PA DE NI YUL SHES BYA THAMS CAD LA KHYAB PA'I SKU RANG GI NGO BOR 'CHANG ZHING, THUGS RJE CHEN PO 'GRO BA KUN LA SNYOMS PAR MDZAD PA'I THABS KYI SGO NAS RGYAL BA THAMS CAD BSKYED PAS RGYAL BA KUN GYI YAB DANG, CHOS DBYINGS DE BZHIN NYID LA RO GCIG TU GYUR PA'I SHES RAB KYI SGO NAS DE THAMS CAD BSKYED PAS, DE'I YUM DANG, DE LTAR YIN NA'ANG YE SHES SEMS DPA' RGYAL SRAS GZHON NU'I TSUL 'DZIN PAS
DE'I SRES KYI KHYAD PAR LDAN PA DANG, CHOS KYI SKU LAS MI G-YO ZHING 'GRO BA LA RIS SU BCAD PA MED KYANG, SA 'OG SA STENG SA BLA GSUM GYI GDUG PA CAN MA LUS PA 'DUL BA'I PHYIR DU KHRO BO'I DBANG PO GSHIN RJE GSHED KYI RNAM PAR BSTAN PA LA PHYAG 'TSAL LA BSTOD CES PA NI GTZO BO'I BSTOD PA'I DON BSDUS PA'O, ,'KHOR LA BSTOD PA'I DANG PO GTI MUG GSHIN RJE GSHED NI, GSHIN RJE GSHED PO RAB TU 'JIGS PA GTI MUG 'JOMS PAR BYED PA'I RDO RJE'I NGO BO KHYOD NI STON PA SANGS RGYAS KUN GYI SKU RDO RJE'I NGO BOR BLTAS NAS PHYAG 'TSAL BA DANG, GNYIS PA SER SNA GSHIN RJE GSHED NI, PHRA MA DANG NGA RGYAL SER SNA SOGS 'JOMS PAR BYED PA'I RDO RJE SANGS RGYAS THAMS CAD KYI THUGS RDO RJE DANG MTSUNGS PAR BLTAS NAS PHYAG 'TSAL BA DANG, GSUM PA 'DOD CHAGS GSHIN RJE GSHED NI, 'DOD CHAGS 'JOMS PAR BYED PA'I RDO RJE SANGS RGYAS THAMS CAD KYI GSUNG RDO RJE DANG MTSUNGS PAR BLTAS NAS PHYAG 'TSAL BA DANG, BZHI PA PHRAG DOG GSHIN RJE GSHED NI, PHRAG DOG 'JOMS PAR BYED PA'I RDO RJE SANGS RGYAS THAMS CAD KYI SKU RDO RJE DANG MTSUNGS PAR BLTAS NAS PHYAG 'TSAL BA DANG, SLAR YANG GTZO BO NI SANGS RGYAS THAMS CAD KYI DNGOS PO STE NGO BO YIN PA DANG, SANGS RGYAS THAMS CAD GCIG TU 'DUS PA DANG, SANGS RGYAS THAMS CAD KYI GTZO BO YIN PA'I SGO CAS BSTOD CING PHYAG 'TSAL BA YIN NO, ,SPYIR GSHIN RJE'I THA SNYAD LA PHYI NANG GSANG BA'I GSHIN RJE GSUM YOD PAS, DE'I GSHED PA'ANG PHYI NANG GSANG GSUM YOD DE, DE YANG LAS KYI GSHIN RJE SOGS GZUGS CAN GYI RJE RNAMS PHYI'I GSHIN RJE DANG, DE'I GSHED NI LHA DRAG POR KHROS PA'I 'JIGS BYED 'KHOR BCAS LTA BU DANG, LAS NYON RNAMS NANG GI GSHIN RJE DANG, ,DE'I GSHED NI BDE STONG DBYER MED KYI YE SHES LTA BU DANG, ,RO RKYANG DU RGYU BA'I LAS RLUNG NI GSANG BA'I GSHIN RJE DANG, DE'I GSHED NI RO RKYANG GI RGYU BA DHVYAH'IR ZHUGS GNAS THIM GSUM BYED PA LTA BU YIN
, ,PA'I PHYIR TE, DAR PAN A'A TZARYAS, PHYI DANG NANG DANG GZHAN RNAMS KYI, ,DUS DGRA'I TSUL DU SHES PAR BYA, ,ZHES GSUNGS PA'I PHYIR, SKABS 'DIR 'JAM DPAL GSER MDOG MAS BSTOD PA NI, SPROS PA LA DGA' NA MA GTOGS MI DGOS PAR BSHAD CING, BSTOD PA DE BDAG MDUN THA MI DAD KYI SKABS DANG, GTOR 'BUL GYI BSKYED CHOG RGYAS PA BYED PA'I TSE 'DON DGOS SO,, GNYIS PA BSKYED RIM LA DMIGS PA JI LTAR BYA BA NI, 'GO NAS 'DI'I BAR GYI DMIGS RNAMS KYI SKABS DE DANG DER DE LAS GZHAN PA'I DMIGS PA MI MTHUN PA'I RNAM RTOG YID LA MI BYED CING, BYING RGOD KYI DBANG DU MA SONG BA DANG, SBYANG GZHI SBYONG BYED DO LEGS PAR PHROD PA DANG, RTEN BRTEN PA RNAMS 'JA' TSON LTAR GSAL BA LA NUS PA CI YOD KYIS BSLAB ZHING, DE YANG THOG MAR 'JOG BSGOM LA GTZO BO ZHAL GCIG PHYAG GNYIS PA'I SKU SPYI NAS GSAL NA DE LA DANG, MI GSAL NA SKU'I CHA GANG GSAL BA LA SEMS 'DZIN CING, SKU YANG DANG POR RGYAN MED DANG, CUNG ZAD GOMS NA RGYAN BCAS DANG SKU YONGS RDZOGS DE LA RIM GYIS YUM DANG 'KHOR BSNAN TE RDZOGS PAR 'CHAR BA LA BSLAB, GOMS NA SNGA MA MDOR BAR PHYI MA GSAL 'DEBS DGOS PA DANG, RAGS PA BRTAN NA PHRA MO'I RNAL 'BYOR LA BSLAB PA SOGS RGYAS PAR NI GZHAN DU SHES DGOS, LHA GANG DANG GANG LA YANG DE DANG DE DNGOS YIN NO SNYAM DU NGA RGYAL BYA DGOS TE, DE NI LHA MYUR DU 'GRUB PA DANG, LAS GANG BYED KYANG NUS PA DANG LDAN PA SOGS DGOS PA KHYAD PAR CAN YOD PA'I PHYIR RO, ,SGRUB THABS THUN BZHIR BYAS NAS BSGOM PA'I TSE, THOG MTHA' GNYIS RGYAS SHING BAR PA BSDUS PA DANG, THOG MA RGYAS SHING GZHAN GSUM BSDUS PA DANG, YANG BZHI GA RGYAS PA DANG, DMIGS BSAL BZHI KA'ANG BSDUS PA BYED PA'I LUGS BSHAD LA, DE'I BYED TSUL YANG LEGS PAR SHES DGOS, BSDUS TE BYED TSUL NI BDAG GIS GZHAN DU BSHAD ZIN PAS MI SPRO'O,, ,,
GSUM PA DAG PA DRAN PA NI, ZHAL DGU NI, MDO'I SDE, LUNG DU BSTAN PA'I SDE, TSIGS SU BCAD PA'I SDE, DBYANGS KYIS BSNYAD PA'I SDE, CHED DU BRJOD PA'I SDE, GLING GZHI'I SDE, RTOGS PA BRJOD PA'I SDE, 'DAS PA BRJOD PA'I SDE, SKYES RAB KYI SHIN TU RGYAS PA'I SDE, RMAD DU BYUNG BA'I SDE GTAN LA DBAB BA'I SDE STE GSUNG RAB YAN LAG BCU GNYIS PO DE RNAMS YAN LAG DGUR 'DUS PA'I SGO NAS CHOS STON PA MTSON LA, YAN LAG DGUR BSDU TSUL YANG, CHED BRJOD DANG RTOGS BRJOD KYI SDE GNYIS GLING GZHI'I NANG DU BSDUS NAS GCIG TU BYA ZHING, TSIGS SU BCAD PA'I SDE NI DBYANGS KYIS BSNYAD PA'I SDER BSDUS NAS GCIG TU BYAS PAS DGU'O, ,DE LTAR BYUNG BA 'AM 'DAS BRJOD KYI SDE GLING GZHI'I YAN LAG TU BSDU BA'I LUGS KYANG SNANG, RVA GNYIS KYIS NI THUN MONG PA'I DBANG DU BYAS NA, KUN RDZOB BDEN PA DANG, DON DAM BDEN PA GNYIS MTSON LA, THUN MONG MA YIN PA'I DBANG DU BYAS NA KUN RDZOB SGYU MA'I SKU DANG DON DAM 'OD GSAL GYI YE SHES GNYIS SO, ,PHYAG SO BZHI DANG DE'I STENG DU SKU DANG GSUNG DANG THUGS TE GSUM BSNAN PA'I SO BDUN GYIS NI LAM BYANG CHUB KYI PHYOGS KYI CHOS SO BDUN MTSON TE, DE YANG, DRAN PA NYER GZHAG BZHI, YANG DAG SPONG BA BZHI, RDZU 'PHRUL GYI RKANG PA BZHI, DBANG PO LNGA, STOBS LNGA, BYANG CHUB KYI YAN LAG BDUN, 'PHAGS LAM YAN LAG BRGYAD DE SO SOR PHYE NA SO BDUN NO, ,ZHABS BCU DRUG GIS NI, RTOGS BYA NANG STONG PA NYID LA SOGS PA BCU DRUG DANG, DE RTOGS BYED KYI LAM BDE BA CHEN PO RGYAS PA'I RANG BZHIN CAN YIN PAS YUM DANG SBYOR BA, STONG NYID BCU DRUG RTOGS PA'I BDE STONG DBYER MED KYI YE SHES MTSON BYED ZHABS BCU DRUG GIS ,NANG GI CHOS DANG, PHYI DANG, PHYI NANG GNYIS GA'I CHOS SOGS BDEN PAR 'DZIN PA'I BDEN 'DZIN BCU DRUG MTSON BYED GYI MA LA SOGS PA BCU DRUG ZIL GYIS GNON PAR
, ,MTSON PA'I CHED DU DE DAG ZHABS 'OG TU BRDZIS PA'O, ,YANG, MI LA SOGS PA BRGYAD NI, RIL BU'I GRUB PA DANG, DE BZHIN DU MIG SMAN DANG, RAL GRI DANG, SA 'OG TU 'GRO BA DANG, NAM MKHAR 'PHUR PA DANG, LUS MI SNANG BA DANG, 'CHI MED DANG, NAD KUN 'JOMS PA'I DNGOS GRUB STE BRGYAD DANG, BYA RGOD SOGS BRGYAD NI, SKU'I DBANG PHYUG DANG, DE BZHIN DU GSUNG DANG, THUGS DANG, RDZU 'PHRUL DANG, KUN 'GRO DANG, GNAS DANG, CI 'DOD BSKYED DANG, YON TAN GYI DBANG PHYUG STE BRGYAD DAG PA MTSON PA YIN LA, DE LTA BU'I SANGS RGYAS KYI GO 'PHANG DE SGRIB BYED KYI DRI MAS G-YOGS PA DANG BRAL BA NI GCER BUS MTSON PA DANG, SKRA GYEN DU BRDZES PA NI MYA NGAN LAS 'DAS PA STE, MTHAR THUG GI THAR PA'AM CHOS SKU MTSON PA'O, ,DE DAG NI MDOR BSDUS PA YIN ZHING, DAG PA RGYAS PAR NI L'A LI TA'I GZHUNG DANG, SO NA SHR'I DANG RDO RJE GRUB PA'I 'GREL PAR BSHAD CING, DE YANG ZHE DGU MA LAS, ZHAL DGU GZA' DGU ,SPYAN NYER BDUN RGYU SKAR NYER BDUN DANG SBYAR NAS BSHAD PA SOGS YOD KYANG MA BRIS,, ` ,BZHI PA BZLAS PA BYA TSUL LA, PHRENG BA BYIN RLABS NI MNGON RTOGS BZHIN NAM GTZO RKYANG DU BSKYED PA GANG RUNG BYAS TE, DE YANG ZHI KHRO SBRAG SGRUB THUN MONG MA YIN PA 'DOD NA, LOGS SU SHES PAR BYA ZHING, THUN MONG BA NI YE SHES SEMS DPA'I THUGS KAR NYI GDAN ZLA GDAN DANG, DE'I STENG DU 'KHOR LO RTZIBS DRUG PA DANG, H'Um YIG DH'I: YIG TU BSGYUR BA LA, MDUN NAS BRTZAMS TE G-YAS BSKOR DU RTZIBS DRUG LA AOm AA RA PA TZA NA BKOD, YIG 'BRU RNAMS 'KHOR LO LA MA REG TZAM DU GNAS PA'I 'KHOR LO G-YAS SU 'KHOR BA'I TSE YIG 'BRU G-YON DU 'KHOR BA LTA BU LAS 'OD ZER 'PHROS LUS KYI NANG THAMS CAD GANG SGRIB GNYIS MI SHES PA'I MUN PA 'THUG PO DANG BCAS PA THAMS CAD BSAL NAS SHES
RAB KYI SNANG BA THOB, 'OD ZER PHYIR 'PHROS SEMS CAN THAMS CAD LA PHOG PAS DE RNAMS KYI MI SHES PA'I MUN PA THAMS CAD BSAL, SHES RAB KYI SNANG BA KHYAD PAR CAN LA BKOD PAR BSAM LA AA RA PA TZA BZLA'O, ,YANG NA ZLA GDAN GYI DBUS SU DH'UI: DANG MTHA' SKOR DU AA RA PA TZAS BSKOR NAS BZLAS PA BYA'O, ,DE NAS GDAN 'KHOR LO YIG 'BRU DANG BCAS PA NYI DKYIL DU GYUR, DH'I: YIG KYANG H'Um YIG TU GYUR PA'I PHYI ROL TU MDUN NAS BRTZAMS TE G-YAS BSKOR DU PHYI NAS RIM PA BZHIN DU RTZA SNGAGS LAS SNGAGS YA M'ANTA KA RNAMS G-YAS SKOR GYIS 'KHOD PAR BSAM, DE'I TSE DBUS KYI H'Um YIG LA SEMS BZUNG LA, LHA 'GUG PA'I BSAM PAS BGRANG PHRENG MI MGO'I 'PHRENG BAR GSAL BA'I SMIN MTSAMS NAS GTZO RKYANG NGA MA RTEN BRTEN PA YONGS RDZOGS RE 'BEBS PA'AM H'Um YIG RE CHAD DE SNYING KHA'I H'Um YIG LA THIM PAR BSAMS LA PHRENG RDOG RE DBAB PA DANG, LHA THAMS CAD KYI ZHAL NAS SNGAGS 'DON PA DANG, SNGAGS 'PHRENG LAS 'OD ZER SPRO BSDU SOGS GZHAN MNGON RTOGS DANG BSNYEN YIG SOGS LAS SHES PAR BYA'O, ,YA MA R'A DZ'A'I SNGAGS DON LA, YA MA NI GSHIN RJE, R'A DZ'A NI RGYAL PO, SA DO GANG DU, ME YA BDAG LA, YA ME GSHIN RJE MO DO CHOS, RU nA DGRA, YOD MI 'BYUNG BAR, YA DA GANG ZHIG ,YO SKYE GNAS, NI RA YA GTAN NAS, KshE YA ZAD PAR BYED PA, YA KshE GNOD SBYIN MO, YATZTSA GANG YANG, NI R'A MA YA NI 'GRUL PAR MDZOD CIG PA STE, 'DI'I NGES DON GYI BSHAD PA DE DANG CUNG MI 'DRA'O, ,HR'I: shdRIm: SOGS NI 'PHROG BYED MCHE BA RNAM PAR 'GYUR BA'I ZHAL CAN NO, ,YA M'ANTA KA NI GSHIN RJE MTHAR BYED CES PA'O, ,BADZRA BE RA YI SOGS NI RDO RJE RO LANGS MTSUR SPYON CES PA STE GZHAN SLA'O, ,GTI MUG GSHIN RJE GSHED KYI SNGAGS BZLA BA'I TSE TZA RTZI GA'I YAB KYI THUGS KHAR YANG SNGAGS
, ,PHRENG 'GOD PA SOGS BYA BAR BSHAD CING, MTHAR YIG BRGYA BZLA, GRUB NA THUN THAMS CAD DANG, MA GRUB NA THUN THA MA'I MTHAR GTOR MA 'BUL ZHING, RGYUN GYI RNAL 'BYOR LA YOD DAM MED KYANG RUNG, GTOR MGRON YANG RGYAS BSDUS CI LTAR BYED KYANG LOGS SU BSKYED DGOS KYI, DING SANG PHAL CHER GYIS 'DON PA LTAR GCIG TU MI BYA'O, ,'BUL RGYU'I GTOR MA'I RDZAS NI, RGYU ZAN DANG, SRAN MA DANG, SHA DANG, NYA SHA DANG, CHAN THUG DANG, 'KHUR BA DANG, CHANG DANG, CHU DANG, SGO SKYA DANG, 'O MA SOGS DANG, GZHAN YANG CI RIGS PAR BSHAD CING 'BUL TSUL NI SNGAR BZHIN NO,, ^ GSUM PA MJUG DANG THUN MTSAMS SU JI LTAR BYA BA NI, DUR KHROD SRUNG 'KHOR DANG BCAS PA GZHAL LAS KHANG LA THIM PA SOGS KYIS NYER BSDU BYAS NAS 'OD GSAL LAS SLAR LANG SKAD CIG GIS LHA'I SKUR LDANG NGO, ,'DI LTAR BYAS PA'I DGOS PA NI, RDZOGS RIM GYI SKABS SU 'CHI RIM BZHIN DU RLUNG RNAMS SNYING KHA'I MI SHIG BA'I THIG LE LA BSDUS PA'I 'OD GSAL LAS SGYU MA'I SKUR LDANG BA'I DGE RTZA SMIN BYED DU 'GYUR BA'O,, THUN MTSAMS SU YANG LHA'I NGA RGYAL LA CI NUS SU GNAS PA DANG, LUS NGAG GI BYA BA RNAMS KYANG LHA'I SGO GSUM GYI MDZAD PAR BLTA ZHING, BZA' BTUNG GTOR MA LTAR BYIN GYIS BRLABS TE, KHA THAB KHUNG, LAG PA GNYIS DGANG BLUG ,BZA' BTUNG BSREG RDZAS SU MOS NAS LHA THAMS CAD 'DUS PA'I BDAG NYID SNYING KHA'I TING NGE 'DZIN SEMS DPA' LA 'BUL, NYAL BA'I TSE SNOD BCUD 'OD GSAL DU BSDUS NAS LTA BA DRAN BZHIN PA'I NGANG NAS NYAL BA DANG, LDANG BA'I TSE TZA RTZIG SOGS KYIS BSKUL BAR MOS PA DANG, KHRUS KYI TSE DE RNAMS KYIS KHRUS BYA BAR MOS PA NI, KHRUS KYI RNAL 'BYOR RO, DE LTAR NYAMS SU BLANGS PAS RDZOGS RIM
GYI RTOGS PA KHYAD PAR CAN SKYE BA'I RGYUD SMIN PA DANG, LHAG PA'I LHAS TSE RABS KUN TU RJES SU 'DZIN PA DANG, TSOGS BDE BLAG TU RDZOGS NAS MYUR DU 'TSANG RGYA BA SOGS DON PHUN SUM TSOGS PA THAMS CAD 'GRUB PAR 'GYUR BAR GSUNGS PA LA NGAS PA DRANGS TE, DE DAG LEGS PAR 'GRUB PA'I RTEN DU DBANG THOB NAS DAM TSIG DANG SDOM PA TSUL BZHIN DU SRUNG BA'I SGO NAS THA NA THUN RE TZAM YANG NYAMS SU LEN PA LA 'BAD PAR BYA ZHING, DAL BA DON LDAN DU BYA'O,, ,,SMRAS PA, 'JAM DPAL ZHI KHRO DUS KYI MTHA' 'DIR YANG, ,NGUR SMIG GAR GYIS RNAM ROL BLA MA MCHOG ,KUN MKHYEN CHOS KYI RGYAL PO BTZONG KHA PA'I, ,THUGS BCUD SNYING PO MAN NGAG 'DI KO MTSAR, ,TSUL 'DIR BRTEN PA'I LEGS BSHAD MANG MOD KYI, ,DAM PA'I GSUNG GIS BSKUL ZHING RANG NYID KYANG, ,CHOS KYI BGO SKAL 'DOD PAS GZHUNG MANG LA, ,JI BZHIN 'DRIS PA'I TSUL GYIS 'DI NYID BGYIS, , GANG 'DIS MI 'DOD GYA GYUS YID DKRUGS PA'I, ,BLO NGAN PHYOGS LHUNG CAN LA DGA' SPRO'I DPAL, ,STER BAR MI NUS 'ON TE GZUR GNAS 'GAR, ,CUNG ZAD PHAN PAR SRID TSE DON DANG BCAS, ,'DIR 'BAD LAS BYUNG LEGS SPYAD AAMRi TA, ,JI SNYED BDAG RGYUD RIN CHEN K'A LA SHAR, ,GCIG TU 'KHYIL BA GANG DE 'GRO BA KUN, ,'CHI MED ZUNG 'JUG GO 'PHANG THOB PHYIR BSNGO, ,CES PA 'DI NI, LUGS GNYIS KYI MNGA' BDAG CHEN PO KO'U SHRI NANG SO YES KYIS DON GNYER CAN 'GA' ZHIG LA PHAN PA'I DON DU DGONGS NAS, GNANG SBYIN DANG BCAS TE GSUNG GIS BSKUL BA LA BRTEN NAS, SLOB DPON RIN PO CHE RDO RJE 'CHANG CHEN PO BLO BZANG SBYIN PA DANG KHRI CHEN BLO BZANG DAR RGYAS RNAM PA GNYIS KYI DRUNG DU CHOS 'DI'I DBANG RGYUN DANG, KHYAD PAR SNGA MA'I DRUNG DU 'DI'I NYAMS 'KHRID RDZOGS PAR BLO 'DZIN GYI TSUL DU THOB CING, GSHIN RJE GSHED KYI RNAL 'BYOR LA NYAMS LEN PHYOGS
, ,TZAM ZHIG BGYID PAR RLOM PA DANG, 'DIR CO NE'I SNGAGS DANG MTSAN NYID KYI BLA MA'I GO SAR GNAS PA'I SH'AKYA'I DGE SLONG BSHAD SGRUB MING CAN GYIS, 'DI SKOR GYI GZHUNG MANG PO MTHONG BA LA BRTEN, 'DI LAS RGYAS PAR SPRO NUS MOD KYANG MANG DU DOGS NAS CUNG ZAD BSDUS PA'I TSUL GYIS SBYAR BA'O, ,LEGS BSHAD DRI LDAN RTZI MA GHIS,, GZUR GNAS SOM NYI'I DUG SEL KYANG, ,PHRAG DOG GYA GYU'I DUG 'CHANG BA'I, ,LTO 'PHRO'I RIGS KYIS KHA LA 'DOD,, CES KYANG SMRAS SO, ,MANGGA LAm,