*, ,MKHA' 'GRO BRTAN BZHUGS SKABS KYI LHAN THABS BZHUGS SO, ,
, ,(DE YANG ^SKYABS MGON YAS PHYIN DANG RANG GI DGE BA'I BSHES GNYEN LA SOGS PA YUL KHYAD PAR CAN GYI GANG ZAG GI SKU TSE'I BAR CHAD SEL ZHING, ^ZHABS PAD BRTAN PA'I RTEN 'BYUNG GI SGO 'PHAR BSGRIGS PA'I SKABS MKHA' 'GRO'I BSU BZLOG DANG 'BREL BA'I GTOR GLUD GTONG NA SKU GLUD BCA' BA NI, BRTAN BZHUGS 'BUL YUL GANG YIN PA DE'I KHRUS CHU SKU LUS KYI DRI MA BSRES SHING SMAN SNA DANG RIN PO CHE'I PHYE MA BTAB PAS 'BRU SNA LNGA'I DAR PHYE SBRUS PA'I ZAN LA MI PHYUGS RIGS MI GCIG PA DU MA'I KHA SNA'I RLANGS DBU GAS KYIS BDUG STE, SKU GLUD YUL DE'I KHRU GANG LONG BA NYAMS DANG CHA LUGS DOD CING, LAG PA GNYIS SNYING GAR SKYABS SBYIN GYI TSUL DANG, RKANG PA 'GROS STABS CAN DU YOD PA ZHIG BZOS, BSE'I SHA ,DUNG GI RUS PA SOGS GLUD RABS NAS 'BYUNG BA RNAMS GNAS SO SOR MTSON PA RE BCUG ,MIG GNYIS SU RAm, RNA BA GNYIS SU YAm, SNA BU GA GNYIS
, ,SU KHAm, KHA LA LAm, SNYING GAR AI RNAMS SHOG BUR BRIS PA GZHUG ,GYON 'PHROS GOS TSAD MA'AM DUM BU BSKON, SHING SNA GANG 'DZOM DANG, LO'I KHAMS MTHUN CHA GA 'JA' RIS SU BRES PA'I NAM MKHA', BAL TSON GYIS SPRAS PA'I RGYANG BU DANG BCAS PA GZUGS, SRIN BYA 'UG PA SOGS LTAS NGAN GYI BYA SGRO SNA TSOGS PAS SPRAS, MTHA' SKOR DU GSER DNGUL ZANGS LCAGS, DAR SNA, GOS SNA, PAGS RIGS, 'BRU SNA, BZA' BTUNG SNA TSOGS PAS BSKOR, GLUD CHUNG SOR BZHI PA LO GRANGS KHA DOG DKAR SER DMAR LJANG SNGO NAG KHRA BO RNAMS BYA SPU SNA TSOGS DANG BAL TSON GYIS SPRAS PA, GRANGS DANG 'DOG DE MTSUNGS KYI GTONG CHUNG MTHEB KYU CHANG BU DANG BCAS PA, GRUB NA GLUD CHE CHUNG THAMS CAD GTZANG CHU, KHRON PA, LU MA, GANGS CHU, GA-YA' CHU SOGS CHU SNA GANG 'DZOM GYIS KHU BA BYAS SHING, GLUD CHE BA LA, ME LCAGS BRDAB PA'I ME, GTZUB SHING BRDAR BA LAS BYUNG BA'I ME, THOG LAS BYUNG BA'AM, SNUM KHOL GYI NANG CHU BLUG PA
LAS BYUNG BA'I ME, RGYUN BZHAG GI ME'AM SDE DGON GYI THAB KYI ME, RLUNG GA-YAB KYIS SBAR BA'I ME LA SOGS PA YANG 'DZOM NA BLUG PAR BSHAD DO, ,DE NAS BSU BZLOG CHO GA DNGOS GZHI GZHUNG LTAR LA, RDO RJE SLOB DPON KHRI LA BZHUGS SU GSOL MTSAMS GTOR MA DANG GLUD CHE CHUNG THAMS CAD BSANGS SBYANGS,) STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA'I NANG DU AOm A'A: H'Um ZHU BA LAS BYUNG BA'I GTOR MA BDUD RTZI'I RGYA MTSO CHEN PO DANG GLUD DANG DKOR CHA RNAMS RANG RANG GI MING YIG DANG PO THIG LES BRGYAN PA YONGS SU GYUR PA LAS, PHUNG KHAMS SKYE MCHED THAMS CAD TSANG ZHING 'DOD PA'I YON TAN LNGA DANG LDAN PA'I GLUD BZANG MKHO RGU'I LONGS SPYOD ZAD MI SHES PA'I GTER DANG LDAN PA NAM MKHA' MDZOD KYI RANG BZHIN CAN DU GYUR (PAR BSAM LA 'BRU GSUM DANG NAM MDZOD KYI SNGAGS RGYA DANG, SPRO NA, SNGAGS DRUG PHYAG RGYA DRUG GIS BYIN GYIS BRLAB LA,) BDAG GI BSAm PA'I STOBS DANG NI, ,(ZHES SOGS BDEN STOBS BRJOD,) H'Um, CHOS DBYINGS DAG PA'I ZHING KHAMS DANG, ,'DZAM GLING NYER BZHI'I GNAS YUL NAS, ,'JIG RTEN 'DAS DANG MA 'DAS PA'I, ,MKHA' 'GRO DAm CAN RGYA MTSO DANG, ,SRID PA 'KHOR BA'I GNAS YUL NAS, ,SDE BRGYAD GDON BGEGS LAN CHAGS SOGS, ,MCHOD SBYIN MGRON DU GYUR TSAD KUN, ,GNAS 'DIR SPYAN 'DREN GSHEGS SU GSOL, ,
, ,KHYAD PAR RDO RJE SLOB DPON CHER, ,GDUNG SEMS 'PHRENG BA'I MKHA' 'GRO MA, ,MKHA' SPYOD ZHING GI BYA MA RTA, ,BSUN MA'I TSOGS RNAMS MGRON DU SPYON, (,ZHES MGRON SPYAN DRANGS MKHA' 'GRO DNGOS SU YOD NA NANG DU GTONG ZHING DAR THAG BZUNG NAS PHYOGS SO SOR 'KHOD,) H'Um, SNYIGS DUS MI RNAMS GA-YO SGYU DANG, ,DAM TSIG SEL BAS DBYEN SPYOD PAS, ,RIG 'DZIN BLA MA THUGS SUN TE, ,MKHA' SPYOD ZHING DU DGONGS PA GTAD, ,MGO NAG MI YIS MA TSOR BAR, ,MKHA' 'GRO'I TSOGS RNAMS BSUN MAS BREL, ,DAM CAN RGYA MTSO LAS LA GZHOL, ,GDON BGEGS RKYEN TSOGS BSKUL LA RINGS, ,DA NI NYAMS CHAG MA LUS BSKANG, ,SKU YI DAM SEL LUS KYIS BSHAGS, ,GSUNG GI DAM SEL NGAG GIS BSHAGS, ,THUGS KYI DAM SEL YID KYIS BSHAGS, ,SNYIGS DUS SKYE BO'I NGAN SPYOD KYIS, ,RIG 'DZIN BLA MA MKHA' 'GRO'I TSOGS, ,THUGS 'GAL NONGS GYUR JI SNYED KUN, ,DAM TSIG GTZANG MA'I TSOGS KYI GRAL, ,'DIR 'DUS BDAG CAG RTZE GCIG PAS, ,BSHAGS PAS LHAG MED BYANG GYUR CIG ,NYAMS GRIB MA LUS DAG GYUR CIG ,MKHA' 'GRO DAM CAN RGYA MTSO KUN, ,NYAMS CHAG BSKANG BAS DGYES PAR MDZOD, ,MCHOD GTOR RGYA MTSOS DGYES PAR MDZOD, ,TSOGS KYI 'KHOR LOS DGYES PAR MDZOD, ,GDUNG BA'I DBYANGS KYIS DGYES PAR MDZOD, ,MKHA' 'GRO SHUGS
'GRO 'JIG RTEN RIGS, ,SDE BRGYAD GDON BGEGS MGRON KUN KYANG, ,MDOS GLUD GSER SKYEMS RGYA MTSO DANG, ,MCHOD SBYIN GTOR MAS TSIM PAR MDZOD, ,SNANG SRID MDOS SU BSHAMS NAS 'BUL, ,NAM MKHA' MDZOD DU BSGYUR NAS 'BUL, ,SKU GLUD MI LAS DGA' BA 'BUL, ,'DOD YON NAM MKHA' BKANG STE 'BUL, ,GTOR TSOGS LHUN POR SPUNGS NAS 'BUL, ,SKYEMS PHUD RGYA MTSOR BSKYIL NAS 'BUL, ,BRNGAN DANG BRDZONG LA DGYES RGUR ROL, ,KUN KYANG MNYES SHING TSIM PAR MDZOD, , ` SHAR NAS RDO RJE MKHA' 'GRO MA, ,SNGON MO 'BUM GYIS DAR THAG SDUS, ,LHO NAS RIN CHEN MKHA' 'GRO MA, ,SER MO 'BUM GYIS DAR THAG SDUS, NUB NAS PADMA MKHA' 'GRO MA, ,DMAR MO'I 'BUM GYIS DANG THAG SDUS, ,BYANG NAS LAS KYI MKHA' 'GRO MA, ,LJANG MO 'BUM GYIS DAR THAG SDUS, ,DBUS NAS BUDDHA MKHA' 'GRO MA, ,DKAR MO 'BUM GYIS DAR THAG SDUS, , SNA TSOGS MKHA' 'GRO SHUGS 'GRO YIS, ,GDUNG SEMS 'PHRENG BA'I DAR THAG SDUS, ,DAM CAN RGYA MTSO SDE BRGYAD SOGS, ,BSUN MA'I DPUNG TSOGS THAMS CAD GSHEGS, ,RDO RJE SLOB DPON ZHING 'DIR NI, ,SANGS RGYAS BSTAN PA'I SROG SHING DU, ,BSKAL BRGYAR BZHUGS PAR GSOL 'DEBS NA, ,BSUN MA'I TSOGS RNAMS ZLOG TU GSOL, ,SDE BRGYAD GDON BGEGS THAMS CAD KYI, ,BAR CHAD RIGS RNAMS MA LUS
, ,ZLOG ,BYUR DANG GLENG GZHI LTAS NGAN ZLOG ,SKEG DANG SRI NGAN LANGS PA ZLOG ,CHAG CHE NYAM NGA MTHA' DAG ZLOG ,(GAL CHEN GYER TSIG LAN GSUM SOGS GRANGS GSOG ,GYENG TSIG LAN GSUM BYED NA GNYIS PA'I, SHAR NAS RDO RJE SOGS KYI SKABS TSIG MTSAMS DANG BSTUN NAS DAR THAG LAS KYI RDO RJES BSDUS TE SO SOR SBYIN, BSUN MA'I TSOGS RNAMS ZLOG TU GSOL GYI SKABS MKHA' 'GRO MA RNAMS MDOS GLUD PHYOGS SU KHA BSGYUR TE GSUM PA BSNGO, ,DE NAS MDOS KHA BSGYUR LA,) DA NI BSUN MA'I MGRON TSOGS KUN, ,NYAMS CHAG BSKANG ZHING MCHOD TSOGS KYIS, ,DGYES SHING TSIMS NAS RANG RANG GI ,GNAS SU SKAD CIG BADZRA MU: SDE BRGYAD GDON BGEGS LAN CHAGS KYANG, ,KHRO GTUM RNGAMS SEMS KUN SPANGS NAS, ,BYAMS DANG ZHI BA'I BSAM PA YIS, ,RANG RANG GNAS SU TSIMS SHING DENGS, ,GAL TE DA DUNG MI 'GRO BAR, ,'KHON PA'I SEMS KYIS GNAS BYED NA, ,'BUM PHRAG KHRO BO KHROS PA YIS,, MGO BO TSAL BA BRGYAR 'GAS SHING, ,LUS NI DUM BU STONG DU BYED, ,DE PHYIR KHE NYEN LEGS BSAM NAS, ,LA 'UR RANG RANG GNAS SU DENGS, ,AOm BADZRA RAKshA RAKshA H'Um, (ZHES BSUN MA'I TSOGS RNAMS PHYI MIG MI LTA BAR BSKRAD, DE NAS BLA MA LHAR BSKYED MCHOD BSTOD MJUG YE SHES TSE 'DZIN MKHA' 'GRO MA RNAMS KYIS TSE BCUD 'GUGS PA'I MOS PA DANG BCAS MDA' DAR GA-YOB CING,) H'Um HR'I: SKU GSUM ZHING DANG NYI SHU RTZA BZHI YI, ,NGO MTSAR RGYAN DANG BKOD RAB 'BAR BA'I ZHING, ,
'JA' ZER SPOS SPRIN ME TOG MDANGS MDZES KUN, ,LHA DANG LHA MO'I 'OD KYI GUR KHANG 'KHRIGS, ,SHAR PHYOGS RDO RJE'I RIGS KYI ZHING MCHOG NAS, ,ME LONG YE SHES GSAL 'TSER d'A KI MA, ,'BYUNG LNGA SKYE 'GRO SKU GSUM RGYAL BA SOGS, ,SNANG SRID 'KHOR 'DAS DVANGS MA'I BCUD KUN BSDUS, ,RDO RJE SLOB DPON SKU LA STZAL DU GSOL, ,BSKAL PAR SKU MCHOG MI 'GYUR BRTAN PA DANG, ,RDO RJE'I RIGS KYI TSE YI RIG 'DZIN THOB, ,DPON SLOB MI 'BRAL LHAN CIG 'GROGS PAR SHOG ,LHO PHYOGS RIN CHEN RIGS KYI ZHING KHAMS NAS, ,MNYAM NYID YE SHES GSAL 'TSER d'A KI MA, ,'BYUNG LNGA SKYE 'GRO SKU GSUM RGYAL BA SOGS, ,SNANG SRID 'KHOR 'DAS DVANGS MA'I BCUD KUN BSDUS, ,RDO RJE'I SLOB DPON SKU LA STZAL DU GSOL, ,BSKAL PAR SKU MCHOG MI 'GYUR BRTAN PA DANG, ,RIN CHEN RIGS KYI TSE YI RIG 'DZIN THOB, ,SLOB DPON MI 'BRAL LHAN CIG 'GROGS PAR SHOG ,NUB PHYOGS PADMA RIGS KYI ZHING KHAMS NAS, ,SOR RTOG YE SHES GSAL 'TSER d'A KI MA, ,'BYUNG LNGA SKYE 'GRO SKU GSUM RGYAL BA SOGS, ,SNANG SRID 'KHOR 'DAS DVANGS MA'I BCUD KUN BSDUS, ,RDO RJE SLOB DPON SKU LA STZAL DU GSOL, ,BSKAL PAR SKU MCHOG MI 'GYUR BRTAN PA DANG, ,PADMA RIGS KYI TSE YI RIG 'DZIN THOB, ,DPON SLOB MI 'BRAL LHAN CIG
, ,'GROGS PAR SHOG ,BYANG PHYOGS LAS KYI RIGS KYI ZHING KHAMS NAS, ,BYA GRUB YE SHES GSAL 'TSER d'A KI MA, ,'BYUNG LNGA SKYE 'GRO SKU GSUM RGYAL BA SOGS, ,SNANG SRID 'KHOR 'DAS DVANGS MA'I BCUD KUN BSDUS, ,RDO RJE SLOB DPON SKU LA STZAL DU GSOL, ,BSKAL PAR SKU MCHOG MI 'GYUR BRTAN PA DANG, ,LAS KYI RIGS KYI TSE YI RIG 'DZIN THOB, ,DPON SLOB MI 'BRAL LHAN CIG 'GROGS PAR SHOG ,DBUS PHYOGS THUGS KYI RIGS KYI ZHING KHAMS NAS, ,CHOS DBYINGS YE SHES GSAL 'TSER d'A KI MA, ,'BYUNG LNGA SKYE 'GRO SKU GSUM RGYAL BA SOGS, ,SNANG SRID 'KHOR 'DAS DVANGS MA'I BCUD KUN BSDUS, ,RDO RJE SLOB DPON SKU LA STZAL DU GSOL, ,BSKAL PAR SKU MCHOG MI 'GYUR BRTAN PA DANG, ,THUGS KYI RIGS KYI TSE YI RIG 'DZIN THOB, ,DPON SLOB MI 'BRAL LHAN CIG 'GROGS PAR SHOG ,MI ZAD SKU DANG 'JA' 'OD YIG 'BRU DANG, ,SNA TSOGS PHYAG MTSAN ME TOG CHAR SIL ZHING, ,BKRA SHIS NGO MTSAR BKOD PA'I RDZAS MCHOG KUN, ,THUGS GSUNG SKU YI DKYIL 'KHOR LA THIMS NAS, MI GA-YO 'DZAM GLING BSTAN PA'I SGRON ME DANG, ,'GRO BA'I DED DPON DAM PAR MNGA' GSOL LO, ,MTHO STOBS NUS PA'I BDAG POR DBYUGS DBYUNG NGO, ,BKRA SHIS MI 'GYUR BRTAN PAR GSOL
BA 'DEBS, ,RJE BTZUN BLA MA SKU TSE RAB BRTAN CING, ,(SOGS BRJOD DE TSE'I MDA' DAR BLA MA'I PHYAG TU PHUL, DE NAS DNGOS GRUB BSKUL BA'I GSOL 'DEBS DANG BZLAS PA MAndAL TSE RDZAS 'BUL BA SOGS GZHUNG LTAR BYA'O, ,BDE MCHOG DKAR PO DANG 'BREL BA'I SKABS THUGS RTEN PHUL BA'I RJES SU TSE 'BRANG 'BUL BA NI,) BDE STONG LHAN SKYES SGYU 'PHRUL RDO RJE'I GAR, ,'KHOR 'DAS TSE BCUD DPAL GYI SNYING PO 'DI, ,PHUL BAS RJE BTZUN BLA MA RDO RJE 'CHANG, ,BDE MCHOG DPA' BO'I NGO BOR ZHABS BRTAN SHOG , (CES PHUL, GRUB RGYAL LUGS KYI BRTAN BZHUGS 'DI GA'I 'DON CHOG PAR MA DANG, RTA TSAG GSUNG BDE MCHOG DKAR PO'I BRTAN BZHUGS GNYIS NANG BZLAS PA'I MJUG ,SKU GSUNG RTEN DANG, TSE RDZAS, SNA BDUN, RDZAS BRGYAD RNAMS PHUL RJES, GSOL 'DEBS MAndAL 'BUL BAR GSUNGS KYANG, DENG SKABS LAG LEN LA BZLAS PA'I MJUG GSOL 'DEBS MAndAL RGYAS PA PHUL RJES, SKU GSUNG THUGS RTEN DANG, TSE RDZAS, SNA BDUN RDZAS BRGYAD SOGS 'BUL TSIG DANG BSTUN 'BUL BA 'BREL CHE ZHING 'JUG PA BDE BAS DE LTAR MDZAD, TSOGS 'KHOR YOD NA BZLAS PA'I MJUG GSOL 'DEBS MAndAL GYI GONG DU 'BUL, BDE MCHOG DKAR PO'I SKABS RDZAS BRGYAD PHUL RJES, BLA MA RNAMS LA GSOL BA 'DEBS, ZHES SOGS 'DON ZHING, BSU BZLOG RGYAS PA SKU GLUD GTONG BA SOGS DANG 'BREL SKABS MKHA' 'GRO'I DAR THAG BSDU BA SNGON DU SONG ZIN PAS, MTSAMS 'DIR, SHAR RDO RJE'I RIGS KYI SOGS DAR THAG BSDU BA'I SKOR BZHAG NAS GZHAN CHA TSANG 'DON ZHING, SKU GLUD BSNGO BA SOGS 'DI DANG MA 'BREL BA'I SKABS, DAR THAG BSDU BA DANG SHAR RDO RJE'I RIGS KYI SOGS MTSAMS
, ,(SU DKYUS LTAR BYA'O, ,ZHES PA 'DI NI LCAGS SPRUL LOR RNAM GRVA BKRAS KHANG SPYI SO RNYING PA RNAMS NAS ^GONG SA ^SKYABS MGON SKU 'PHRENG BCU BZHI PA CHEN POR BDE MCHOG DKAR PO DANG 'BREL BA'I BSU BZLOG BRTAN BZHUGS 'BUL SKABS, SPYIR NA TSE DPAG MED 'CHI MED LHA LNGA DANG 'BREL BA'I BSU BZLOG CHO GA RGYAS PA BZHUGS KYANG, GRUB RGYAL LUGS DANG, BDE MCHOG DKAR PO SOGS DANG 'BREL BA'I BRTAN BZHUGS SKABS, RGYUN PAR LAS CUNG RGYAS TZAM SKU GLUD GTONG TSUL SOGS SBYAR BA NAG 'GROS SHIG MED STABS, DA LAM SKU GLUD BSNGO BA DANG, BSUN MA BZLOG PA'I TSIG RNAMS ^RDO RJE 'CHANG PHA BONG KHA PA'I GSUNG SOR BZHAG THOG ,BCA' GSHOM DANG, GLUD BYIN BRLAB SOGS DAM PA'I GZHUNG GZHAN NAS KHA BSKANGS TE, BLA MA'I PHYAG LEN LTAR MDZAD LUGS KYI LHAN THABS 'DI BZHIN SKU BCAR MTSAN ZHABS DGA' LDAN KHRI BYANG SKYE MING PA NAS SUG BRIS SU BKOD DE RIGS BRGYA'I KHYAB BDAG ^SKYABS MGON SRID SKYONG YONGS 'DZIN STAG BRAG PAndI TA CHEN PO'I SPYAN LAM DU PHAB NAS DAG PAR BGYIS TE RNAM GRVA'I SNGAGS CHOG GI GRAS SU GZHUG PA LAGS PAS YID CHES PA'I GNAS SU BZUNG 'TSAL LO,,) ,,MANGGA LAm,, ` , ,MGON PO PHYAG DRUG PA'I GRIB SEL GYI RNAL 'BYOR NYAMS SU LEN TSUL BZHUGS SO, ,BLA MA DANG MGON PO DBYER MED PA'I ZHABS LA PHYAG 'TSAL LO, ,('DIR DPAL YE SHES KYI MGON PO PHYAG DRUG PA'I GRIB SEL GYI RNAL 'BYOR NYAMS SU LEN TSUL NI, YI DAM GYI BDAG BSKYED SNGON DU 'GRO BA'I SGO NAS MCHOD GTOR BYIN RLABS NAS BZUNG BLA MGON DBYER MED KYI RNAL 'BYOR ZIN TE BSHAGS PA'I MTSAMS BAR 'CHAR CAN BSKANG CHOG
NANG GSAL LTAR BYA ZHING, DE NAS,) MGON PO'I SPYI GTZUG TU DRIN CAN RTZA BA'I BLA MA SKU MDOG DKAR PO PHYAG GA-YAS SHEL GYI RDO RJE RTZE LNGA PA THUGS KAR BSNAMS PA, PHYAG GA-YON BDUD RTZIS GANG BA'I THOD PA MNYAM BZHAG GI STENG NA 'DZIN PA, ZHABS RDO RJE SKYIL MO KRUNG GIS BZHUGS PA, SKU LAS 'OD ZER GYI TSOGS DPAG TU MED PA 'PHRO BA'I THUGS KA NAS 'OD ZER GYI TSOGS 'PHROS PAS PHYOGS BCU'I SANGS RGYAS THAMS CAD SKU RDO RJE RNAM PAR SNANG MDZAD DKAR PO, GSUNG RDO RJE 'OD DPAG MED DMAR PO, THUGS RDO RJE MI BSKYOD PA SNGON PO'I RNAM PAR SPYAN DRANGS TE MDUN GYI NAM MKHA'I KHAMS THAMS CAD SPRIN GYI PHUNG PO 'KHRIGS PA LTAR DU BZHUGS PAR GYUR, BLA MA YI DAM SANGS RGYAS BYANG SEMS RDO RJE GSUM GYI LHA TSOGS RNAMS KYIS BDAG GI RTZA BRGYUD KYI DPAL LDAN BLA MA DAM PA RNAMS KYI SKU GSUNG THUGS LA BRTEN PA'I DAM TSIG NYAMS CHAG THAMS CAD BYANG ZHING DAG PAR BYIN GYIS BRLAB TU GSOL, ZHES GSOL BA BTAB PAS SKU RDO RJE RNAMS KYI THUGS KA NAS AOm YIG DKAR PO YIG BRGYA 'OD ZER DKAR PO DANG BCAS PA BYUNG STE MGON PO'I SPYI BO'I BLA MA'I SMIN MTSAMS SU THIM STE, SMIN MTSAMS KYI NANG THAMS CAD AOm YIG YIG BRGYA 'OD ZER DANG BCAS PAS GANG, BLA MA'I SKU'I DAM TSIG NYAMS CHAG THAMS CAD DAG PAR GYUR (PAR BSAMS LA, YIG BRGYA BRGYA RTZA GCIG GAM NYUNG MTHAR NYER GCIG BZLA, DE
, ,NAS,) GSUNG RDO RJE RNAMS KYI THUGS KA NAS A'A: YIG DMAR PO YIG BRGYA 'OD ZER DMAR PO DANG BCAS PA BYUNG, BLA MA'I MGRIN PAR THIM PAS MGRIN PA'I NANG THAMS CAD A'A: YIG YIG BRGYA 'OD ZER DANG BCAS PAS GANG, BLA MA'I GSUNG GI DAM TSIG NYAMS CHAG THAMS CAD DAG PAR GYUR (PAR BSAMS LA, YIG BRGYA GONG BZHIN BZLA,) THUGS RDO RJE RNAMS KYI THUGS KA NAS H'Um YIG SNGON PO YIG BRGYA 'OD ZER SNGON PO DANG BCAS PA BYUNG, BLA MA'I THUGS KAR THIM PAS THUGS KA'I NANG THAMS CAD H'Um YIG YIG BRGYA 'OD ZER DANG BCAS PAS GANG, BLA MA'I THUGS KYI DAM TSIG NYAMS CHAG THAMS CAD DAG PAR GYUR (PAR BSAMS LA; ;YIG BRGYA GONG BZHIN BZLA, DE NAS,) SLAR YANG BLA MA RDO RJE GSUM GYI LHA TSOGS RNAMS KYIS BDAG DANG SEMS CAN THAMS CAD KYI MYUR MDZAD YE SHES KYI MGON PO 'KHOR DANG BCAS PA'I SKU GSUNG THUGS LA BRTEN PA'I DAM TSIG NYAMS CHAG THAMS CAD DAG PAR BYIN GYIS BRLAB TU GSOL, ZHES GSOL BA BTAB PAS MGON PO'I SPYI GTZUG GI BLA MA'I SPYI BO NAS AOm YIG YIG BRGYA 'OD ZER DKAR PO DANG BCAS PA BYUNG, MGON PO'I SMIN MTSAMS SU THIM PAS, SMIN MTSAMS KYI NANG THAMS CAD AOm YIG YIG BRGYA 'OD ZER DANG BCAS PAS GANG, MGON PO'I SKU'I DAM TSIG NYAMS CHAG THAMS CAD DAG PAR (BSAMS
LA; YIG BRGYA GONG BZHIN BZLA,) BLA MA'I MGRIN PA NAS A'A: YIG YIG BRGYA 'OD ZER DMAR PO DANG BCAS PA BYUNG, MGON PO'I MGRIN PAR THIM PAS, MGRIN PA'I NANG THAMS CAD A'A: YIG YIG BRGYA 'OD ZER DANG BCAS PAS GANG, MGON PO'I GSUNG GI DAM TSIG NYAMS CHAG THAMS CAD DAG PAR (BSAMS LA, YIG BRGYA GONG BZHIN BZLA,) BLA MA'I THUGS KA NAS H'Um YIG YIG BRGYA 'OD ZER SNGON PO DANG BCAS PA BYUNG, MGON PO'I THUGS KAR THIM PAS THUGS KA'I NANG THAMS CAD H'Um YIG YIG BRGYA 'OD ZER DANG BCAS PAS GANG, THUGS KYI DAM TSIG NYAMS CHAG THAMS CAD DAG PAR (BSAMS LA, YIG BRGYA GONG BZHIN BZLA, DE NAS,) MGON PO'I GNAS GSUM LAS YI GE GSUM YIG BRGYA 'OD ZER DANG BCAS PA DKAR DMAR MTHING GSUM RIM PA BZHIN DU BYUNG NAS GNOD SBYIN BZHI DANG LHA MO LA SOGS PA'I 'KHOR RNAMS KYI GNAS GSUM DU RIM PA BZHIN THIM ZHING, GNAS GSUM YI GE GSUM YIG BRGYA 'OD ZER DANG BCAS PAS RIM GYIS GANG BAS 'KHOR RNAMS KYI SKU GSUNG THUGS KYI DAM TSIG NYAMS CHAG THAMS CAD DAG PAR (BSAMS LA, YIG BRGYA GONG BZHIN BZLA, DE NAS,) SLAR YANG BLA MA RDO RJE GSUM GYI LHA TSOGS RNAMS KYIS BDAG SOGS SEMS CAN THAMS CAD KYI TSE 'KHOR BA THOG MED NAS BSAGS PA'I LUS NGAG YID GSUM GYI SDIG SGRIB NYES LTUNG DANG, DES BSKYED
, ,PA'I PHYI NANG GI 'GAL RKYEN MI GTZANG BA'I GNOD PA THAMS CAD BYANG ZHING DAG PAR MDZAD DU GSOL, ZHES GSOL BA BTAB PAS MGON PO'I SPYI BOR BZHUGS PA'I BLA MA'I SMIN MTSAMS DANG, MGON PO'I SMIN MTSAMS NAS AOm YIG YIG BRGYA 'OD ZER DKAR PO DANG BCAS PA BYUNG, RANG GI SMIN MTSAMS SU THIM PAS SMIN MTSAMS KYI NANG THAMS CAD AOm YIG YIG BRGYA 'OD ZER DANG BCAS PAS GANG, LUS KYI SDIG SGRIB DAG ,BLA MA DANG MGON PO'I SKU'I BYIN RLABS MA LUS PA THOB PAR GYUR (PAR BSAMS LA, YIG BRGYA GONG BZHIN BZLA,) BLA MA DANG MGON PO'I MGRIN PA NAS A'A: YIG YIG BRGYA 'OD ZER DMAR PO DANG BCAS PA BYUNG, RANG GI MGRIN PAR THIM PAS MGRIN PA'I NANG THAMS CAD A'A: YIG YIG BRGYA 'OD ZER DANG BCAS PAS GANG, NGAG GI SDIG SGRIB DAG ,BLA MA DANG MGON PO'I GSUNG GI BYIN RLABS MA LUS PA THOB PAR GYUR (PAR BSAMS LA, YIG BRGYA GONG BZHIN BZLA,) BLA MA DANG MGON PO'I THUGS KA NAS H'Um YIG YIG BRGYA 'OD ZER SNGON PO DANG BCAS PA BYUNG, RANG GI SNYING KHAR THIM PAS SNYING GA'I NANG THAMS CAD H'Um YIG YIG BRGYA 'OD ZER DANG BCAS PAS GANG, YID KYI SDIG SGRIB DAG ,BLA MA DANG MGON PO'I THUGS KYI BYIN RLABS MA LUS PA THOB PAR GYUR (PAR BSAMS LA, YIG BRGYA GONG BZHIN BZLA, DE NAS,) SLAR YANG
BLA MA DANG MGON PO'I GNAS GSUM LAS, AOm A'A: H'Um GSUM YIG BRGYA 'OD ZER DKAR DMAR MTHING GSUM DANG BCAS PA BYUNG, RANG GI GNAS GSUM DU THIM PAS LUS KYI NANG THAMS CAD 'BRU GSUM YIG BRGYA 'OD ZER DKAR DMAR MTHING GSUM DANG BCAS PAS GANG, SGO GSUM GYI SDIG SGRIB BAG CHAGS DANG BCAS PA DAG ,BLA MA DANG MGON PO'I SKU GSUNG THUGS YON TAN 'PHRIN LAS DANG BCAS PA'I BYIN RLABS MA LUS PA THOB PAR GYUR (PAR BSAMS LA, YIG BRGYA GONG BZHIN BZLA, DE NAS,) H'Um; RDO RJE 'CHANG DANG DPAL LDAN SHA BA RI, ,(ZHES SOGS BSHAGS PA TSAR NYER GCIG GAM BDUN 'DON, DE NAS,) SLAR YANG BLA MA YI DAM SANGS RGYAS BYANG SEMS RDO RJE GSUM GYI LHA TSOGS RNAMS KYIS BDAG GI RTZA BRGYUD KYI DPAL LDAN BLA MA DAM PA RNAMS KYI SKU GSUNG THUGS LA BRTEN PA'I DAM TSIG NYAMS CHAG THAMS CAD BYANG ZHING DAG PAR BYIN GYIS BRLAB TU GSOL, (ZHES PA NAS, BSHAGS PA 'DON PA'I BAR GONG BZHIN BYA, DE LTAR LAN GRANGS MANG NYUNG JI LTAR 'OS PA LONGS SKABS DANG BSTUN NAS BYAS RJES MGON PO'I TSOGS 'KHOR BYIN GYIS BRLABS NAS 'BUL ZHING, GRANGS BRGYA RTZA TZAM BSAGS PA'I MTHAR BSKANG RDZAS BYIN BRLABS NAS BZUNG GTOR 'BUL GTOR BRDZONGS SOGS KYI BAR GZHUNG LTAR BYA, TSOGS LHAG BTANG STE, BSTOD PA MAN CHAD DKYUS BZHIN BYA'O, ,NYIN GCIG LA THUN GCIG BYED NA DE LTAR BYA, THUN GNYIS GSUM LTA BU BYED NA SPYAN 'DREN DANG BSKANG BA, BSTOD PA
, ,RNAMS CUNG ZAD RGYAS BSDUS SKABS BSTUN BYA ZHING, GRIB SEL GYI BZLAS PA DANG BSHAGS PA RNAMS GONG BZHIN BYA DGOS, TSOGS 'KHOR THUN RE BZHIN 'BUL THUB NA LEGS SHING, MA THUB NA THUN PHYI MAR PHUL YANG RUNG NGO, ,ZHES PA 'DI NI DPAL LDAN 'BRAS SPUNGS BKRA SHIS SGO MANG GRVA TSANG GI MKHAN PO LAS THOG PA BSHES GNYEN CHEN PO NGAG DBANG NYI MA'I GSUNG GIS BSKUL BA BZHIN, YONGS 'DZIN KHRI BYANG SKYE MING PAS GZHUNG DANG DAM PA'I PHYAG BZHES LTANG YI GER BKOD PA LAGS SO,, ,,DGE LEGS 'PHEL,, ,,