*, ,NAD PA'I DON DU SROG GLUD GTONG TSUL MDOR BSDUS BZHUGS SO, ,
, ,DPAL RTA MGRIN LA PHYAG 'TSAL LO, ,('DIR NAD PA'I DON DU SROG GLUD GTONG TSUL MDOR BSDUS NI, NAD PA'I LUS KYI DRI MA DANG KHRUS CHUS KHU BA BYAS PA'I GLUD GZUGS SKYE MCHED DOD PA MTHO GANG LAS MI CHUNG BA DANG, DE'I MTHAR GLUD CHUNG GANG MANG, RA LUG GI GZUGS SNA TSOGS, GLUD RDZAS SNA TSOGS BCAS BSHAMS LA, YI DAM RTA MGRIN GYI RNAL 'BYOR RGYAS BSDUS GANG RIGS SNGON DU BTANG STE, GLUD BYIN GYIS BRLAB PA NI,) RANG NYID LHA YI THUGS KA NAS, ,RAm YAm KHAm LAS ME RLUNG CHUS, ,YAS KYI DNGOS 'DZIN BSREG GTOR BKRUS, ,RANG MING THIG LES BRGYAN PA LAS, ,RIN CHEN RANG BZHIN MI BO CHE; ;SNA TSOGS RGYAN BKOD BKRA BA DANG, ,SHA RGYAS MDZES PA'I RA LUG TSOGS, ,DBANG PO TSANG ZHING BKRAG MDANGS RGYAS, ,'DOD PA'I YON TAN LNGA LDAN PAS, ,SA GZHI'I KHYON KUN
, ,GANG BAR GYUR, AOm SARBA BID P'U RA P'U RA, SU RA SU RA, A'A WA RTA YA A'A WA RTA YA HO: BADZRA SPHA RA nA KHAm, (LAN GSUM,) AOm SVA BH'A WA BI SHUDDHE (SOGS SNGAGS DRUG DANG, PHYAG RGYA DRUG GIS BYIN BRLABS,) BDAG GI BSAM PA'I (ZHES SOGS BDEN STOBS BRJOD, MGRON 'GUGS PA NI,) NA MO, RTZA BRGYUD BLA MA YI DAM DKON MCHOG GSUM, ,KHYAD PAR RTA MCHOG ROL PA'I LHA TSOGS DANG, ,DPA' BO MKHA' 'GRO CHOS SKYONG SRUNG MA'I TSOGS, ,SNGAGS DANG TING 'DZIN SLU MED RTEN 'BYUNG GI ,BDEN PA'I MTHU YIS NAD PA 'DI NYID KYI, ,TSE SROG LUS LA GNOD CING 'TSE BYED PA'I, ,NAD BDAG 'DRE GDON LAN CHAGS GNYER BA KUN, ,SKAD CIG NYID LA GNAS 'DIR MCHIS PAR GYUR, ,(CES LAN BDUN NAM GSUM SOGS BRJOD, GLUD BSNGO BA NI,)
KYEE; NGAR GYI GLUD BZANG RIN CHEN 'DI, ,LUS NGAG YID GSUM 'DI LA TSANG, ,DBANG PO'I SGO LNGA 'DI LA TSANG, ,SKYE MCHED BCU GNYIS 'DI LA TSANG, ,PHUNG PO RNAM LNGA 'DI LA TSANG, ,RNAM SHES TSOGS BRGYAD 'DI LA TSANG, ,MI BAS GLUD BZANG YA LA LA, ,BZA' BAS KHA DRO THIBS SE THIBS, ,ZA 'OG GOS LA RIN CHEN RGYAN, ,MKHO RGU'I LONGS SPYOD BSAM MI KHYAB, ,KHAM SA'I LUG NI BAL RE BZANG, , KHAM SA'I RA NI 'O RGYUN BZANG, ,PHYI NAS BLTAS NA KHAM LAGS KYANG, ,NANG NI RIN CHEN SNA DGU NYID, ,'DOD YON RNAM LNGA LHUN GYIS GRUB, ,'DI 'DRA'I GLUD BZANG YA MTSAN CAN, ,NAM MKHA' MDZOD KYI RANG BZHIN CHE, ,SPYAD PAS ZAD MI SHES PA 'DI, ,LHA BDUD CHEN PO'I PHYAG TU 'BUL, ,BTZAN DANG RGYAL PO'I x SMAN DANG MA MO'I x KLU DANG SA BDAG x GSHIN RJE YI DVAGS x THE BRANG 'GONG PO'I x SHI 'DRE GSON 'DRE'I x GNOD BYED LHA 'DRE YONGS LA 'BUL, ,BSAD PA LUS KYI GLUD DU 'BUL, ,'PHROG PA NOR GYI GLUD DU 'BUL, ,NA MI PHOD KYI GLUD DU x 'CHI MI PHOD KYI x THUGS LA GNAG PA YOD SRID NA, ,GLUD 'DI LONG LA BZOD PA BZHES, ,BU LON CHAGS PA YOD SRID NA, ,MI LAS LHAG PA'I GLUD KYIS 'JAL, ,LHA 'DRE'I ZA RES BABS SRID NA, ,GLUD 'DI LONG LA ZA KHA SPOS, ,
, ,SHVO DANG RGYAN LA BABS SRID NA, ,SHVA RDE GTOR LA RGYAN KHA BSGYUR, ,KHRAM LA BABS NA KHRAM KHA PHYIS, ,MI 'DI NAD LAS GROL BAR MDZOD, (,CES BRJOD LA GLUD BSNGO, GLUD GRANGS GSOG BYED TSE,) KYEE; NGAR GYI GLUD BZANG RIN CHEN 'DI, ,(ZHES PA NAS 'DI'I BAR GRANGS GSOG ,DE NAS,) SDIG PA CI YANG MI BYA ZHING, ,DGE BA PHUN SUM TSOGS PAR SPYAD, ,RANG GI SEMS NI YONGS SU DUL, ,'DI NI SANGS RGYAS BSTAN PA YIN, , DKON MCHOG GSUM GYI BDEN PA DANG, ,CHOS SKYONG SRUNG MA'I MTHU STOBS DANG, ,LAS 'BRAS RTEN 'BREL BDEN PA'I STOBS, ,MCHOD SBYIN 'DI YI NUS PA YIS, ,DMIGS YUL NAD PA 'DI NYID KYI, ,NAD GDON BAR CHAD ZHI GYUR CIG , GNOD BYED LHA 'DRE THAMS CAD RNAMS, ,GLUD BZANG DKOR CHA 'DI KHYER LA, ,MI 'DIR GNOD 'TSE MA BYED PAR, ,RANG RANG GNAS SU DA SONGS SHIG ,SUMBHA NI (SOGS DRAG TU BRJOD, GLUD GTOR RNAMS DOGS PA YOD PHYOGS SAM, GNOD PHYOGS BTANG LA BSRUNG 'KHOR BSGOM,) 'BYUNG PO GANG DAG PHYOGS 'DIR LHAGS GYUR TAM, ,SA'AM x SKYE RGU x NYIN DANG x SPYOD PAR SHOG ,(CES BSNGO BA BYA'O, ,ZHES PA 'DI YANG LA HOR SPI TI'I YUL DU NAD PA TSABS CHEN GYI DON DU RA LUG SOGS BSAD DE LHA 'DRER SROG TSAB TU GTONG SROL YOD PA, PHYIN CHAD GLUD GTOR BSNGOS 'THUS PA BYED RGYU'I GLUD CHOG TU KHRI BYANG SPRUL MING PAS GLUD CHOG GZHAN DAG LA TSIG ZUR 'PHRI SNON GYIS BKOD PA'O,,) DGE LEGS 'PHEL,, ,,