*, ,GRO MO DUNG DKAR DGON GYI SRUNG MA BTZAN RGOD NAM MKHA' SBAR 'DZIN GYI GSOL MCHOD BZHUGS SO, ,
, ,NA MO GU RU BADZRA BHEE RA WA YA, MA RUNGS GDUL DKA' 'DUL BA'I GTZO, ,GSHIN RJE'I GSHED LA GUS BTUD NAS, ,DRAG RTZAL THOGS MED BTZAN RGOD CHE, ,NAM MKHA' SBAR 'DZIN MCHOD CHOG 'BRI, ,(DE LA 'DIR 'JAM MGON RGYAL BA GNYIS PA TZONG KHA PA CHEN PO'I BSTAN PA BSTAN 'DZIN SPYI DANG, KHYAD PAR GRO MO BLA MA RIN PO CHE NGAG DBANG SKAL BZANG DPAL BZANG PO'I SLOB BRGYUD RNAMS SRUNG ZHING SKYONG BA'I BTZAN RGOD CHEN PO NAM MKHA' SBAR 'DZIN LA GSOL MCHOD 'BUL BAR 'DOD PA'I SGRUB PA POS, GNAS GTZANG MA YID DU 'ONG BAR STEGS KYI KHAR SHA KHRAG GIS BRGYAN PA'I BTZAN BSHOS DMAR PO ZUR GSUM, DE'I RGYAB NGOS SU BDUD DANG KLU GZHI BDAG GIS MTSON PA'I 'KHOR TSOGS RGYA MTSOR 'BUL RGYU'I MTHEB KYU GANG MANG GIS BSKOR BA DANG, SMAN RAG ,CHU GNYIS NYER SPYOD DANG BCAS PA BSHAMS LA, RANG NYID YI DAM RDO RJE 'JIGS BYED KYI RNAL 'BYOR RGYAS BSDUS GANG RUNG DANG LDAN PAS, MCHOD GTOR RNAMS BLA MED SPYI 'GRE LTAR BYIN GYIS BRLAB, RTEN BSKYED PA NI LAS SNGAGS KYIS
, ,BSUNGS), SVA BHA WA (SA SBYANGS,) STONG PA'I NGANG LAS RANG GI MDUN DU KHRAG ZHAG GI RGYA MTSO CHEN PO RBA RLABS GNAM DU 'PHYO BA'I KLONG NA ME RLUNG DMAR NAG 'BAR ZHING DRAG TU 'KHRUGS PA'I NANG BAM RO BSNOL BA'I STENG DU, MTHONG BA TZAM GYIS DGRA BGEGS YONGS KYI TZITTA DUM BUR 'GAS SHING RAB TU KHROS PA'I GYI LING SNGON PO'I STENG DU HR'I: YIG DMAR PO, DE LAS 'OD ZER DRAG CING RTZUB PA 'PHROS, BLO BZANG RGYAL BA'I BSTAN DGRA MTHA' DAG TSAR BCAD, ,TSUR 'DUS, YONGS SU GYUR PA LAS, GDUG CAN YONGS KYI GSHED MA BTZAN RGOD CHEN PO NAM MKHA' SPANG 'DZIN SKU MDOG RAB TU DMAR BA PAD RAG LHUN POR NYIN BYED STONG GI RTZE DGAS 'KHYUD PA LA CO 'DRI BA, KHRO ZHING GTUM LA KHRO GNYER SMIN MTSAMS SU BSDUS SHING, YA SOS MAS MCHU MNAN PA, ZHAL GCIG PHYAG GNYIS PHYAG GA-YAS 'BAR BA'I RAL
GRI DGRA LA 'PHYAR ZHING, PHYAG GA-YON SDANG DGRA'I SNYING KHRAG GIS BKANG BA'I THOD PA DANG, DGRA BGEGS KYI SKE NAS 'CHING BA'I BTZAN ZHAGS DMAR PO 'DZIN PA, DBU LA DAR DMAR GYI THOD GSOL ZHING, RAB BYUNG GI CHA BYAD CAN, SKU LAS ME LCE KLOG LTAR 'KHYUG CING, GNAM LCAGS KYI TSVA TSVA 'PHRO BAS BLTA BAR MI BZOD PA, BZHON PA'I STENG NA RGYAL PO ROL PA'I STABS KYIS 'GYING BA, LHA KLU SRIN PO, BDUD BTZAN SOGS SRID GSUM SDE BRGYAD 'BYUNG PO'I 'KHOR TSOGS DPAG TU MED PAS BSKOR BA, GTZO 'KHOR THAMS CAD KYI SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS BTZAN RGOD CHEN PO NAM MKHA' SBAR 'DZIN 'KHOR DANG BCAS PA SKAD CIG GIS GNAS 'DIR SPYAN DRANGS (PAR BSAM,) H'Um; LHUN GRUB GDOD NAS DAG PA'I GZHAL YAS NAS, ,BSTAN PA BSRUNG LA THOGS MED RDZU 'PHRUL CAN, ,KHRO GTUM MI BZAD NAM MKHA' SBAR 'DZIN CHE, ,MA THOGS RINGS PA'I TSUL GYIS DA TSUR BYON, ,RDO RJE 'DZIN PA KALPA BHA DRA YI, ,SPYAN SNGAR ZHAL BZHES DAM BCA' NYER DGONGS NAS, ,BDAG CAG YON MCHOD DGON GNAS BCAS PA LA, ,BRTZE ZHING DUNG BA'I THUGS KYIS GSHEGS SU GSOL, ,SDANG DGRA MA LUS PHYE MAR RLOG PA DANG, ,SGRUB LA RNAM BZHI'I 'PHRIN LAS BSGRUB PA'I SLAD, ,DENG 'DIR GDUNG BA'I DBYANGS
, ,KYIS SPYAN 'DREN NA, ,'KHOR TSOGS SA CHEN 'GENGS BZHIN GSHEGS SU GSOL, ,AOm DHARMA P'A LA MAH'A B'A LA NA PHRA R'A KRA MA BI YA TA PRA DHA YA DHA RA SA PA RI W'A RA AE HYA HI DZA: H'Um BAm HO: DAM TSIG PA DANG GNYIS SU MED PAR GYUR, PADMA K'A MA LA YE STVAm, AOm DHARMA P'A LA BI YA TA PRA DHA MA DHA RA SA PA RI W'A RA AARGHAm (NAS,) SHAPTA'I (BAR GYIS MCHOD LA, SNGAGS DER 'BRU GSUM BTAGS PAS NANG MCHOD KYANG 'BUL, GRIB SEL GYI DMIGS PA DANG BCAS YIG BRGYA BZLAS MTHAR, BSHAGS PA BYA BA NI,) H'Um, SKU GSUM LHUN GRUB RDO RJE 'CHANG LA SOGS, ,DNGOS BRGYUD BLA MA YI DAM DKYIL 'KHOR DANG, ,KHYAD PAR BTZAN RGOD NAM MKHA' SBAR 'DZIN CHE, , 'KHOR DANG BCAS PA BDAG LA DGONGS SU GSOL, ,BDAG CAG RMONGS DANG BAG MED DBANG GYUR PAS, ,KHAS BLANGS DAM SDOM TSUL BZHIN MA BSRUNGS SHIG ,BCAS DANG RANG BZHIN NYES LTUNG NONGS PA'I TSOGS, ,THAMS CAD 'GYOD PA DRAG POS SNYING NAS BSHAGS, ,KHYAD PAR BTZAN RGOD DRAG PO 'KHOR BCAS LA, ,GTANG RAG DUS GTOR YOL ZHING DAM TSIG 'GAL, ,MCHOD RDZAS MI GTZANG 'BAGS DANG PHUD NYAMS SOGS, ,SKU GSUNG THUGS DANG 'GAL BA MA LUS BSHAGS, ,(ZHES BSHAGS PA BYA ZHING, BSKANG RDZAS BYIN RLABS SPYI 'GRE LTAR DANG, BSKANG GTOR NANG MCHOD LTAR BYIN SA BRLABS LA,) H'Um, KUN BZANG BDE STONG DBYER MED LHA LAM LAS, ,DNGOS BSHAMS YID SPRUL
SNA TSOGS MCHOD PA'I SPRIN, ,BTZAN RGOD CHEN PO 'KHOR BCAS SPYAN LAM DU, ,ZHING KUN RGYAS PAR 'GENGS PAS MNYES GYUR CIG RAKNYA DMAR CHEN KHOL BA'I AARGHAm DANG, ,DAM NYAMS GDUG CAN BSGRAL BA'I DBANG PO LNGA, ,SHA CHEN GU GUL BSREG PA'I DUD SPRIN 'KHRIGS, ,NYI ZLA'I 'OD 'JOMS ZHUN CHEN SGRON ME 'DIS, ,BTZAN RGOD NAM MKHA' SBAR 'DZIN THUGS DAM BSKANG, ,'KHOR TSOGS BYE BA'I THUGS DAM BSKANG GYUR NAS, ,RNAL 'BYOR YON MCHOD SRUNG ZHING SKYONG BA DANG, ,SDANG DGRA TSAR GCOD RNAM BZHI'I 'PHRIN LAS MDZOD, ,KHRAG ZHAG MKHRIS PA'I DRI CHAB DMAR SER 'KHYIL, ,SHA RUS PHUNG POR BRTZEGS PA'I ZHAL ZAS DANG, ,DUNG CHEN RKANG GLING THOD RNGA'I SGRA DBYANGS SOGS, ,'JIGS RUNG SRIN PO LA 'OS NYER SPYOD 'DIS, ,BTZAN RGOD x 'KHOR TSOGS x RNAL 'BYOR x SDANG DGRA x SKABS GSUM 'CHI MED BDUD RTZI'I MCHOD YON DANG, ,YID 'ONG GANGGA'I ZHABS BSIL DAL GYIS 'BAB, ,RAB RGYAS ME TOG SNA TSOGS GE SAR DGOD, ,LHA LAM 'GENGS PA'I DRI ZHIM BDUG SPOS 'DIS, , BTZAN RGOD x 'KHOR TSOGS x RNAL 'BYOR x SDANG DGRA x SA GSUM MUN SEL 'OD 'BAR SGRON ME DANG, ,TZAN DAN GA BUR SPOS CHU 'KHYIL BA'I RJING, ,ZHAL DU BDA' BA'I LHA MI'I BZA' DANG BCA', ,SNYAN BRJID ROL MO'I SGRA DBYANGS SNA TSOGS 'DIS, BTZAN RGOD x 'KHOR TSOGS x RNAL 'BYOR x SDANG DGRA x YID 'ONG GZUGS DANG SGRA SNYAN DRI MCHOG DANG, ,RO BRGYA'I BCUD BZANG 'JAM MNYEN REG BYA'I TSOGS, ,STAG GZIG CE SPYANG RTA GA-YAG BYA KHYI SOGS, ,SPYAN GZIGS SROG CHAGS GNAM
, ,SA GANG BA 'DIS, ,BTZAN RGOD xxx BDUD SDE'I SROG RTZA GCOD PA'I RAL GRI DANG, ,DAM NYAMS BLA TSE 'CHING BA'I BTZAN ZHAGS DMAR, ,DGRA BO'I THOD KHRAG DAR DMAR 'GYING THOD DANG, ,RAB BYUNG CHAS KYI GOS BZANG SNA TSOGS 'DIS, ,BTZAN RGOD x 'KHOR TSOGS x RNAL 'BYOR x SDANG DGRA x GLOG 'OD RNAM PAR 'KHYUG PA'I RTZE DGA' CAN, ,LHO SPRIN SNGON PO'I PHUNG PO GA-YO BA BZHIN, ,'JIGS RUNG GYI LING RLUNG LTAR RAB 'PHYO PA, ,GLING BZHI YUD KYIS BSKOR BA'I BZHON PA 'DIS, ,BTZAN RGOD x 'KHOR TSOGS x RNAL 'BYOR x SDANG DGRA x TING 'DZIN SNGAGS RGYAS BDUD RTZIR BYIN BRLABS PA'I, ,DAM RDZAS GTOR MA RI RAB LTA BUR SPUNGS, ,SMAN RAG BDUD RTZI'I BTUNG BA MTSO LTAR BSKYIL, ,DGRA 'JOMS RDO RJE'I GO MTSON DPAG MED 'DIS, ,BTZAN RGOD x 'KHOR TSOGS x RNAL 'BYOR x SDANG DGRA x BKRA SHIS RTAGS RDZAS RGYAL SRING RIN CHEN BDUN, ,RI RAB GLING BZHI NYI ZLA GTER BUM SOGS, ,LHA DANG MI YI DPAL 'BYOR MA LUS PA, ,'DZAD MED NAM MKHA' MDZOD KYI RANG BZHIN 'DIS, ,BRTZAN RGOD x 'KHOR TSOGS x RNAL 'BYOR x SDANG DGRA x DRI BRAL SHEL NGOS 'PHOS PA'I GZUGS BRNYAN BZHIN, ,DRAG RTZAL KHRO GTUM DPA' BO'I SKUR SHAR YANG, ,KUN RTOG SEMS KYI RI MOR BTAGS PA TZAM, ,GNYIS MED GNYIS SU SNANG BA'I GDENG TSAD KYIS, ,BTZAN RGOD x 'KHOR TSOGS x RNAL 'BYOR x SDANG DGRA TSAR GCOD RNAM BZHI'I 'PHRIN LAS MDZOD, (,CES BSKANG BA DANG, CHOS SKU MA'I BZLOG PA, MTHUN GRUB MA BCAS BTANG LA, BZLAS DMIGS DANG BCAS)
AOm BI YA TA PRA DHA MA DHA RA SV'AH'A, (ZHES BZLAS MTHAR YIG BRGYA, GTOR MA NANG MCHOD LTAR BYIN GYIS BRLABS LA,) BTZAN RGOD CHEN PO'I LJAGS 'OD ZER GYI SPU GUS GTOR MA'I BCUD DRANGS TE GSOL BAR GYUR (PAR BSAM,) AOm DHARMA P'A LA BI YA TA PRA DHA MA DHA RA SA PA RI W'A RA AI DAm BA LING TA KHA KHA KH'A HI KH'A HI, (LAN GSUM GYIS 'BUL,) AOm DHARMA P'A LA BI YA TA PRAm DHA MA DHA RA SA PA RI W'A RA AARGHAm (NAS,) SHAPTA'I (BAR GYIS MCHOD, SNGAGS DE LA 'BRU GSUM BTAGS PAS NANG MCHOD KYANG 'BUL, MKHA' 'GRO SPYI GTOR DANG, GZHI BDAG DKAR GTOR BCAS BSNGO, BSTOD PA NI,) H'Um; PAD RAG RDUL MANG BRTZEGS PA'I LHUN PO LA, ,NYI 'OD 'BUM GYI RTZE DGAS 'KHYUD PA BZHIN, ,BLTA BAR MI BZOD DPA' GTUM NYAMS BRGYA'I GAR, ,BTZAN RGOD NAM MKHA' SBAR 'DZIN BSTOD PAR BGYI, ,BDUD SDE TSAR GCOD 'BAR BA'I RAL GRI GA-YAS, ,GA-YON PA BTZAN ZHAGS DMAR PO DGRA LA 'DEBS, ,DMAR CHEN THOD KHRAG DRON MO HUB KYIS ROL, ,DAM NYAMS SROG GI GSHED MA KHYOD LA BSTOD, ,RDZU 'PHRUL SHUGS LDAN GYI LING LA BCIBS NAS, ,SKAD CIG NYID LA BSTAN DGRA'I RJES GCOD CING, ,DAM LDAN RNAL 'BYOR YON MCHOD BU BZHIN DU, ,'BRAL MED SKYONG MDZAD DGRA LHA KHYOD LA BSTOD, ,RING NAS SMON LAM RTEN 'BREL BTZAN PO'I MTHU, ,STOBS SU SMIN PA'I DREGS BYED DRAG SHUL CAN, ,DGE LDAN BSTAN DANG BSTAN 'DZIN SRUNG BA LA, ,GA-YEL MED BSTAN SRUNG CHEN POR BDAG BSTOD DO, ,TSUL BZHIN BSTEN NA SNYING NYE 'DOD DON SKONG, ,'GRAS SHING 'KHUN RTAGS MTSAN 'PHRAL LA STON, ,'PHRIN LAS GLOG LTAR MYUR BA'I RDZU 'PHRUL GYI, ,MTHU LDAN BTZAN RGOD CHEN
, ,POR BDAG BSTOD DO, ,SNGON TSE RJE BTZUN NGAG DBANG SKAL BZANG DANG, ,RGYAL CHEN SHUGS LDAN RTZAL GYIS BKA' BSGOS BZHIN, ,THUB BSTAN BYE BA'I YANG SNYING TZONG KHA PA'I, ,RING LUGS PHYOGS DUS KUN TU 'PHEL BAR MDZOD, ,DE 'DZIN SKYES MCHOG RNAMS DANG KHYAD PAR DU, ,DRIN CAN BLA MA'I SKU TSE MDZAD 'PHRIN RGYAS, ,'DUS PA'I SDE 'DI THUGS MTHUN KHRIMS GTZANG ZHING, ,BSHAD SGRUB LONGS SPYOD YAR NGO'I ZLA LTAR SPEL, ,YUL PHYOGS 'DIR YANG DUS KYI RGUD PA KUN, ,NYI 'OD REG PA'I BA MO BZHIN BCOM NAS, ,MI PHYUGS BDE ZHING YUL 'BROG DGE MTSAN DAR, ,BDE SKYID DGA' STON SNANG BAS KHYAB PAR MDZOD, ,BSTEN CING MCHOD PA'I YON MCHOD MI NOR KUN, ,DUS DRUG SRUNG SKYOB MEL TSE MI GA-YEL BAR, ,RNAM BZHI'I 'PHRIN LAS GANG DANG GANG BCOL BA, ,BSAM DANG RE BA JI BZHIN MYUR DU SGRUBS, (,ZHES BSTOD, BSKUL BYA BAR 'DOD NA,) H'Um: BTZAN RGOD DRAG PO KHRO GTUM CAN, ,NAM MKHA' SBAR 'DZIN BDAG LA DGONGS, ,RNAL 'BYOR DPON SLOB YON MCHOD LA, ,GNOD CING 'TSE BA'I DGRA BO 'DIS, ,BLA MAR SMOD CING BSTAN LA GNOD, ,DGON GNAS DGE 'DUN RNAMS LA 'TSE, ,YUL KHAMS SKYE 'GRO'I BDE SKYID 'JOMS, ,KHYAD PAR BDAG CAG YON MCHOD LA, ,GNYA' NAS GNON CING RKANG NAS 'DREN, ,MA NYES KHA GA-YOGS KHA MCHU 'DZUGS, ,NOR LA BRNGAMS SHING SROG LA BDO, ,SNGA DGRA BYAS SHING PHYI DGRA SEMS, ,DES NA MTHU STOBS CHER BSKYED DE, ,
MTSON CHA'I RNO NGAR DA PHYUNGS LA, ,GNOD BYED SDANG DGRA BRGYUD PAR BCAS, ,MING TZAM MED PAR CHAM LA PHOBS, ,KHRAG GIS RAB GSHER DGRA BO'I SNYING, ,'BAR BA'I SBAR MOS MYUR PHYUNG STE, ,RAB GDANGS ZHAL GYI DKYIL 'KHOR DU, ,STOBS SHIG KHRO GTUM BTZAN GYI RGYAL, ,DAM NYAMS DGRA BO 'DI RNAMS LA, ,LTAS MTSAN NGAN PA'I CHO 'PHRUL DANG, ,DUG MTSON MU GE'I GNOD PA SOGS, ,MI 'DOD SNA DGU MYUR DU THONGS, ,DGRA LA RBAD DO MTHU MA CHUNG, ,BSKUL LO DRAG PO'I LAS LA BSKUL, ,MCHOD DO DAM NYAMS KHRAG GIS MCHOD, ,BCOL BA'I LAS LA RTZAL MA ZHAN, ,GAL TE LAS 'DI MA SGRUB NA, ,BSTAN SRUNG KHROD NA NGO RE TSE, ,BSTEN CING MCHOD PA'I DGOS PA BRAL, ,DE BAS DGRA BGEGS TSAR CHOD CIG ,(CES BSKUL, TSOGS MCHOD 'BUL TSE, DNGOS GZHI'I CHO GA RGYAL CHEN SHUGS LDAN GYI TSOGS MCHOD PHYOGS LAS RNAM PAR GYAL BA'I DGA' STON BZHIN BTANG LA, KHA CHE DMAR POR TSOGS MCHOD PHUL ZIN PA'I MTSAMS DER,) PHYI NANG x DGRA BGEGS x ZAG MED x BDE STONG x BTZAN RGOD NAM MKHA' SBAR 'DZIN MNYES PHYIR 'BUL, ,BZHES NAS BLO x BDAG CAG x SRUNG SKYOB RNAM BZHI'I 'PHRIN LAS GA-YEL MED MDZOD, (,CES 'BUL, MNGA' GSOL NI,) GANG ZHIG BSTEN NA MI 'BRAL SRUNG ZHING SKYOB, ,BCOL BA'I 'PHRIN LAS MA LUS THOGS MED DU, ,SGRUB MDZAD NAM MKHA' SBAR 'DZIN BTZAN RGOD CHE, ,BSTAN
, ,SRUNG DGRA LHA'I GTZO BOR MNGA' GSOL LO, (,ZHES BRJOD, MJUG TU GTANG RAG BZOD GSOL SOGS SPYI LTAR BYA'O, ,ZHES PA 'DI YANG GO STOD DUNG DKAR DGON GYI SBYIN BDAG DGA' GLING BON TSANG NANG MI RNAMS NAS DUNG DGON GNAS SRUNG BTZAN RGOD NAM MKHA' SPAR 'DZIN GYI BSKANG CHOG CHA TSANG ZHIG GSAR RTZOM DGOS ZHES YI GE'I LAM NAS RTEN BCAS BSKUL BA'I NGOR, YONGS 'DZIN KHRI BYANG SPRUL MING PAS SHING KHAMS 'GROS LDAN GYI LO'I GA-YANG DKAR ZLA BA'I YAR TSES BZANG POR SBYAR BA'O,,) ,,GRO STOD DGA' GLING BON TSANG NANG MI RNAMS NAS RGYU SBYAR PAR DU BSKRUN PA DGE LEGS 'PHEL,,