A Collection of Practices of Supplication and Offering, to Invoke the Mighty Deeds of Various Protectors of the Dharma who have Pledged Their Assistance

*, ,DAM CAN CHOS SRUNG KHAG GI GSOL MCHOD 'PHRIN BSKUL SNA TSOGS BZHUGS SO, ,

, ,('DIR 'JAM MGON TZONG KHA PA DANG, MYUR MDZAD MGON PO, RGYAL CHEN RDO RJE SHUGS LDAN RNAMS LA TSOGS MCHED 'BUL BAR 'DOD PAS TSOGS KYI YO BYAD RNAMS 'DU BYA LA, RANG NYID SKAD CIG GIS MYUR MDZAD MGON PO'I SKUR BSKYED DE, SNOD BCUD BYIN GYIS BRLAB PA NI,) H'Um, RANG NYID MYUR MDZAD MGON PO'I SKUR GSAL BA'I, ,THUGS KA'I H'Um YIG 'OD ZER 'PHRO 'DU YIS, ,SNOD BCUD KUN SBYANGS DAG PA RAB 'BYAMS KYI, ,BRTAN GA-YO'I DKYIL 'KHOR 'KHOR LOR RDZOGS PA'I DBUS, ,DBANG PO DRUG LA DGA' BSKYED MCHOD PA'I RDZAS, ,TSOGS GTOR 'DOD YON KUN BZANG SPRIN DU GTIBS, ,KUN KYANG SEMS NYID BDE CHEN STONG PA'I GSHIS, ,ZAG MED 'DOD RGU'I DPAL 'BYOR CHEN POR GYUR, (,TSOGS GTOR RNAMS NANG MCHOD LTAR BYIN GYIS BRLABS LA, MGRON SPYAN 'DREN PA NI,) H'Um, STENG PHYOGS DGA' LDAN CHOS KYI

, ,PHO BRANG NAS, ,SKYABS GNAS KUN 'DUS RTZA BA'I BLA MA DANG, ,DBYER MED RGYAL BA GNYIS PA BLO BZANG GRAGS, ,MCHOG GSUM RGYA MTSO'I TSOGS BCAS GSHEGS SU GSOL, ,'JIGS RUNG BSIL BA TSAL GYI DUR KHROD NAS, ,DRAN PA TZAM GYIS BAR GCOD KUN SEL ZHING, ,MCHOG THUN DNGOS GRUB CHAR 'BEBS THUGS RJE'I GTER, ,MYUR MDZAD BLA MGON DBYER MED GNAS 'DIR GSHEGS, ,GAR BZHUGS RDO RJE'I PHO BRANG YANGS PA NAS, ,RNAL 'BYOR RE SKONG SNYING GI NOR BU MCHOG ,'JAM MGON BSTAN SRUNG RDO RJE SHUGS LDAN RTZAL, ,'KHOR TSOGS RGYA MTSOR BCAS PA GNAS 'DIR GSHEGS, ,PADMA KA MA LA YE STVAm, (ZHES SPYAN DRANGS NAS BZHUGS SU GSOL LA, TSOGS MCHOD 'BUL BA NI,) H'Um, ZAG MED BDUD RTZI'I RGYA MTSOR BYIN BRLABS SHING, ,BDE SKYONG SNOD DU GTAMS

PA'I TSOGS MCHOD 'DI, ,RIGS KUN KHYAB BDAG 'JAM MGON BLA MA DANG, ,DNGOS BRGYUD DRIN CAN BLA MA'I TSOGS LA 'BUL, ,DGYES BZHIN BZHES NAS GSANG GSUM RDO RJE'I BYIN, ,BDAG CAG LUS NGAG YID LA ZHUGS PA'I MTHUS, ,MDO SNGAGS LAM GYI BGROD PA MYUR RDZOGS TE, ,ZUNG 'JUG GO 'PHANG 'THOB PAR MDZAD DU GSOL, ,H'Um, ZAG MED x BDE SKYONG x YI DAM SANGS RGYAS BYANG SEMS NYAN RANG SOGS, , MCHOG GSUM RGYAL BA RGYA MTSO'I TSOGS LA 'BUL, ,DGYES BZHIN BZHES NAS RNAL 'BYOR BDAG CAG RNAMS, ,'PHRIN LAS RNAM BZHI GRUB PA BRGYAD LA SOGS, ,MCHOG THUN DNGOS GRUB 'DOD RGU'I DPAL YON LA, ,CI DGAR LONGS SU SPYOD PA'I DNGOS GRUB STZOL, ,H'Um, ZAG MED x BDE SKYONG x MYUR MDZAD MAH'A K'A LA PHYAG DRUG MGON, ,GRANGS MED 'KHOR TSOGS RGYA MTSOR BCAS LA 'BUL, ,DGYES BZHIN BZHES NAS RNAL 'BYOR BDAG CAG RNAMS, ,BAR GCOD BDUD SDE'I GA-YUL LAS RNAM RGYAL TE, ,SNYING DBUS BLA MA MGON PO DGYES PA'I GAR, ,RTAG TU 'DOD RGUR RTZEN PA'I DGA' STON STZOL, ,H'Um, ZAG MED x BDE SKYONG x BSTAN SRUNG RGYAL CHEN RDO RJE SHUGS LDAN RTZAL, ,RIGS LNGA 'KHOR TSOGS RGYA MTSOR BCAS RNAMS LA, ,SNGAR BCOL LEGS PA'I GTANG RAG GNYAN PO DANG, ,DA BCOL LEGS PA'I GSOL 'DEBS GNYAN POR 'BUL, ,

, ,BZHES NAS RNAL 'BYOR BDAG CAG 'KHOR BCAS KYI, ,PHYI NANG GSANG BA'I 'GAL RKYEN KUN ZHI ZHING, ,TSE DPAL BSOD NAMS LUNG RTOGS YON TAN SOGS, ,SRID DANG ZHI BA'I LEGS TSOGS YAR ZLAR SPEL, ,'KHOR 'DAS BRTAN GA-YO'I 'DOD RGU MA LUS PA, ,RANG GZHAN DON GNYIS SGRUB PA'I RKYEN DU KHUG ,GNOD CING 'TSE BA'I MI DANG MI MIN KUN, ,GANG 'DUL RKYEN DANG 'TSAMS PAR RMEG MED CHOMS, ,MDOR NA GZHIS BYES NYIN MTSAN DUS KUN TU, ,MI 'BRAL 'GROGS PA'I SRUNG SKYOB GA-YEL MED MDZOD, (,DE NAS TSOGS PHUD BTEGS LA,) GZIGS SHING MDZES PA DAM PA'I CHOS, ,'DI LA THE TSOM BYAR MI RUNG, ,BRAM ZE GDOL BA KHYI DANG PHAG ,RANG BZHIN GCIG TU DGONGS TE ROL, ,(ZHES 'BUL, LEN PA POS PAD KOR DANG BCAS,) BDAG NYID RGYAL BA KUN GYI DNGOS, ,DPAL MGON NAG PO CHEN PO STE, ,YE SHES BDUD RTZI'I RGYA MTSO CHE, ,LHA RNAMS TSIM PAR BYA PHYIR ROL, ,(CES BRJOD DE TSOGS LA ROL, TSOGS LHAG BSDUS LA, 'BRU GSUM GYIS BRLABS NAS,) H'Um, ZAG MED x BDE SKYONG SNOD DU GTAMS PA'I TSOGS LHAG 'DI, ,PHUD LA MI DBANG LHAG LA DBANG BA YI, ,SRID GSUM SDE BRGYAD 'BYUNG PO'I TSOGS LA 'BUL, ,BZHES NAS RNAL 'BYOR BDAG CAG DPON SLOB KYI, ,MI MTHUN RKYEN NGAN THAMS CAD ZHI BA DANG, ,MTHUN RKYEN LEGS TSOGS MTHA' DAG 'PHEL BA SOGS, ,BSAM PA'I DON KUN 'GRUB PA'I 'PHRIN LAS MDZOD, ,CES LHAG GTOR PHYI ROL TU SKYEL, (DE NAS MDUN GYI NAM MKHAR

BZHUGS PA'I SKYABS YUL RAB 'BYAMS RNAMS DBUS KYI 'JAM MGON BLA MA LA THIM, DE NYID MYUR MDZAD MGON PO LA THIM, DE NYID RANG LA SHIN TU DGYES PA'I TSUL GYIS RANG MGON POR GSAL BA'I SPYI GTZUG NAS DH'U TI'I LAM BRGYUD SNYING GA'I DBUS KYI MGON PO LA THIM PAS RANG SEMS BLA MGON DBYER MED DU GYUR, CHOS SKYONG RGYAL PO CHEN PO YANG 'KHOR RNAMS GTZO BO LA THIM ZHING, GTZO BO RANG LA DGYES SHING CHAGS PAS JE CHUNG DU GYUR PA RANG GI SNYING GA'I MGON PO'I THUGS KA'I H'Um LA THIM PAS THUGS YID GCIG TU 'DRES TE NAM YANG 'DU 'BRAL MED PAR DBANG DU GYUR PAR MOS LA BDE STONG GI NGANG DU CUNG ZAD BZHAG ,'DI NI SNYING CHU BSRE BA ZHES RGYAL CHEN DBANG MED 'DU BA'I DMIGS GNAD THUN MONG MIN PA YIN NO, ,SKYABS GNAS MA LUS 'JAM MGON BLA MAR SHAR, ,KUN KYANG BLA MGON DBYER MED MYUR MDZAD GAR, , DE KUN RANG SEMS GNYUG MA LHAN SKYES NGANG, ,RO MNYAM RNAL 'BYOR SKYONG DER SHUGS LDAN DGYES, ,ZHES PA 'DI NI LUNG DANG MNGON PAR RTOGS PA'I DPAL GYIS MTHO BA RAK RA MCHOG SPRUL RIN PO CHE'I BZHED PA SKONG SLAD YONGS 'DZIN KHRI BYANG SKYE MING PAS, CHU STAG GNAM LO GSAR PA'I TSES GCIG NYIN SBYAR BA'O, ,(DGE LEGS 'PHEL,,) ,, ` NA MO GU RU BADZRA PA nI YA, ('DIR RNAM SRAS MDUNG DMAR CAN LA SPYI STABS 'BUL BAR 'DOD PAS STEGS KYI KHAR RGYAN GYI GTOR MA, SHA KHRAG GIS BRGYAN PA'I DMAR GTOR, DZAMBU TI PA'I ZHAL ZAS ZAS SNA SHING THOG SNA TSOGS DANG BCAS PA, RGYA JA, 'O MA, DAR BA, SHING THOG GI KHU BA GANG RIGS KYI GSER SKYEMS RNAMS BSHAMS, GZHAN YANG RNAM SRAS KYI 'BUL GTOR, GZHI BDAG GTOR MA, CHU GNYIS NYER SPYOD DANG BCAS PA'ANG BSHAMS LA, BLA GAB MED PA'I

, ,SAR MAR DKAR DANG SPOS DKAR BSRES PA'I BSANGS RDZAS KYI DUD PA THUL BAR BYAS LA, MCHOD GTOR RNAMS CHO GA BZHIN DU BYIN GYIS BRLABS, BDAG NYID KYI THUGS KA'I H'Um LAS 'OD ZER 'PHROS PAS, 'OD ZER SNE LA KHRO BO 'DOD PA'I RGYAL PO LCAGS KYU ZHAGS PA THOGS PA BYUNG STE, RI RAB LHUN PO'I BYANG PHYOGS NAS RGYAL CHEN RNAM SRAS MDUNG DMAR CAN 'KHOR DANG BCAS PA BADZRA SA MA DZA: (LCAGS KYU'I PHYAG RGYA DANG BCAS,) MGON PO KUN GSHEGS THUGS DAM CAN, , DA LTA SNYIGS MA LNGA YI DUS, ,THAMS CAD NYON MONGS 'DAM BYING BAS, ,MTSAMS MED LNGA NI KUN TU SPYOD, ,GZIGS SHING GSHEGS PA'I GNAS NGAN YANG, ,SH'AKYA SENG GE'I SPYAN SNGA RU, ,THUGS DAM GANG BZHES DE DGONGS LA, ,'DREN PA'I BSTAN PA BSRUNG BA DANG, ,SEMS CAN KUN GYI DON SLAD DU, ,BYANG GI PHYOGS NA BZHUGS PA RNAMS, ,SEMS CAN DON PHYIR GSHEGS SU GSOL, ,BEE, RI RAB LHUN PO'I BYANG PHYOGS NAS, ,KHAMS GSUM DBANG SDUD RGYAL PO CHE, ,SKU MDOG DMAR GSAL KHRO CHAGS GAR, ,MDUNG DMAR NE'U LE PHYAG NA BSNAMS, ,GNOD SBYIN NOR BDAG PHO MO DANG, ,KLU CHEN BRGYAD SOGS 'KHOR DANG BCAS, ,DUNG BA'I DBYANGS KYIS SPYAN 'DREN NA, ,DAM TSIG DBANG GIS GNAS 'DIR GSHEGS, ,AOm BEE SHRA MA nA SA P'A RI WA RA SA M'A DZA: AOm BEE SV'AH'A, AOm BEE SHRA MA nA AA KARshA YA DZA: BEE RING PO BRJID BAG DANG LDAN PA MIG 'DZUM SUM CU SO GNYIS KYI YUN TSAD DU BRJOD, AA MRi TA'I SNGAGS KYIS PHYI 'BRANG GI BGEGS BSKRAD, RGYAL PO'I THUGS KAR PADMA 'DAB BRGYAD KYI 'DAB MA RE

RE LA BEE BZHI BZHI, BDAG MDUN GYI THUGS 'OD ZER GYI LCAGS KYUS SBREL BAR GYUR, (CES BRJOD CING BSAM, SPYAN 'DREN GYI TSE ROL MO DRAG LA YUN RING BAR BYED, MDUN GYI RGYAL PO LA DBU RGYAN GSOL BAR MOS LA COD PAN GYI PHYAG RGYA DANG BCAS,) AOm RATNA MU KU tA AA BHI shE NYTZA H'Um, (ZHES PA DANG,) BEE SHRA MA nA AARGHAm (NAS SHAPTA'I BAR GYIS MCHOD,) SA BRGYAD SEMS DPA' RIN CHEN MANG, ,THUGS RJES GNOD SBYIN SKUR SPRUL PA, ,'DOD RGU DBANG DU BYED PA'I LHA, ,MDUNG DMAR 'DZIN LA PHYAG 'TSAL LO, ,(ZHES BSTOD,) RGYAL PO CHEN PO 'KHOR DANG BCAS PA'I LJAGS (ZHES PA NAS,) GSOL BAR GYUR, (RDO RJE THAL MO KHA GYEN DU PHYE LA,) AOm AA MRi TA x AOm BEE SHRA MA nA SA P'A RI WA RA AI DAm BA LIm GRIHTU (SOGS, ZHES LAN BDUN GYIS DBUL,) AOm BEE SHRA MA nA YE SA P'A RI WA RA AARGHAm (NAS) SHAPTA'I BAR GYIS MCHOD,) RIN CHEN MDZES PA'I PHO BRANG NA, ,KHRO CHAGS 'JIGS PA'I RNAM 'GYUR GAR, ,STOBS CHEN 'OD 'BAR KHAMS GSUM 'GUGS, ,BGEGS 'JOMS MDUNG DMAR 'DZIN LA BSTOD, ,BYANG PHYOGS RGYAL PO RNAM THOS SRAS, ,NAM MKHA' MDZOD LA MNGA' BRNYES PA, ,ZHI RGYAS DBANG GI LAS MDZAD PA'I, ,SRAS DANG BLON PO SGO MA DANG, ,GNOD SBYIN BYE BA'I TSOGS DANG BCAS, ,'KHOR BCAS MA LUS THAMS CAD KUN, ,MCHOD GTOR RGYA MTSO 'DI BZHES LA, ,RNAL 'BYOR BDAG CAG 'KHOR BCAS RNAMS, ,BU SDUG BZHIN DU BSKYANG BA DANG, ,TSE BSOD MNGA' THANG LONGS SPYOD SPEL, ,'DOD RGU YID BZHIN 'GRUB PA DANG, ,LUNG RTOGS YON TAN 'PHEL BAR MDZOD, ,GZHAN YANG BDAG CAG 'KHOR BCAS LA, ,LOG PAR ZHUGS

, ,PA'I DGRA DANG BGEGS, ,DE YI PHRU MA GZHOM PA DANG, ,GTAN NAS BRLAG PA'I 'PHRIN LAS MDZOD, ,DE LTAR BCOL BA'I LAS 'DI DAG ,DAM TSIG LDAN PA KHYED RNAMS KYIS, ,SNGON GYI THA TSIG RJES DGONGS LA, ,MA GA-YEL DA LTA 'GRUB PAR MDZOD, (,CES 'PHRIN LAS BCOL, GZHI BDAG GTOR MA BSNGO, DE NAS TSOGS PA RNAMS BZHENGS NAS DBU ZHVA GYON TE,) H'Um, KHAMS GSUM BRTAN GA-YO DBANG SDUS RGYAL PO CHE, ,RNAM MANG THOS SRAS DRAG PO'I SKUR BSTAN PA, ,'DOD RGU'I CHAR 'BEBS GNOD SBYIN MDUNG DMAR CAN, ,SRAS MCHOG GZA' CHEN GTUM DRAG RA H'U LA, ,GNOD SBYIN DHA NA GNOD SBYIN KA LA DANG, ,KU BE RA DANG GNOD SBYIN BUM SNA DANG, ,GNOD SBYIN DUNG SNA GNOD SBYIN SNA GSUM DANG, ,GNOD SBYIN SNA CHEN LCAGS KYU ZHAGS PA MA, ,LCAGS SGROG DRIL BU MA SOGS 'KHOR DANG BCAS, ,BKA' SDOD DAM CAN RGYA MTSO'I DMAG TSOGS DANG, ,GNOD SBYIN NOR LHA NOR BDAG TSOGS DANG BCAS, ,YUL LHA GZHI BDAG GNYAN PO 'KHOR DANG BCAS, ,'DIR GSHEGS RGYAN GYI GTOR MA 'DI BZHES SHIG ,SHA KHRAG DMAR GYI GTOR MA x DZAMBU TI PA'I ZHAL ZAS x GTZANG MA PHUD KYI GSER SKYEMS x SNGA BCOL LEGS PA'I GTANG RAG GNYAN POR GTONG, ,DA BCOL LEGS PA'I GSOL 'DEBS GNYAN POR BZHES, ,'KHOR RNAMS SKYONG ZHING BGEGS RNAMS BZLOG PA DANG, ,SDANG BA'I DGRA DANG GNOD PA'I BGEGS LA SOGS, ,BDUD DANG BAR DU GCOD PA RNAM MANG PO, ,THAMS CAD RDUL PHRAN BZHIN DU BRLAG PA DANG, ,BSTAN PA RGYAS PA'I LAS 'DI KHYED KYIS SGRUBS, ,

(ZHES DANG,) SRID ZHI'I DPAL 'BYOR (MA SOGS KYIS 'DOD DON ZHU,) AOm, KHYED KYIS SEMS CAN DON KUN MDZAD, (NAS,) SLAR YANG 'BYON PAR MDZAD DU GSOL, ,BADZRA MU: SPYAN DRANGS PA'I YE SHES PA RANG GI GNAS SU GSHEGS PAR GYUR, (CES BRJOD CING BSAMS LA, GTOR MA'I RTZE NAS BLANGS TE BYANG PHYOGS KYI NAM MKHA' LA GTOR BAR BYA'O, ,ZHES PA 'DI YANG RGYA GAR 'PHAGS YUL DU BYES PHEBS DGA' SHAR NYAG RE KHANG TSAN GYI DGE 'DUN SPYI NAS KHANG TSAN GYI SRUNG MA RGYAL PO CHEN PO RNAM SVAS MDUNG DMAR CAN LA SPYI STABS KYI GTOR MA 'BUL TSUL ZHIG DGOS ZHES LO SHAS SNGON NAS BSKUL MA GNANG BYUNG YANG, BAR LAM RIM 'GYANGS LUS PA NYE CHAR RMI LAM GYI NYING 'KHRUL DU GANG MYUR DGOS PA'I MTSAN MA ZHIG BYUNG BAR BRTEN YONGS 'DZIN KHRI BYANG SPRUL MING PAS 'PHRAL MAR SUG BRIS BGYIS PA'O,, DGE LEGS 'PHEL,, ,, *, ,NA MO BADZRA P'A nI YA, ('DIR RGYAL CHEN RNAM SRAS MDUNG DMAR CAN GYI BSKANG CHOG DANG 'BREL BAR GA-YANG 'BOD BYA TSUL NI, MCHOD GTOR, PHYE MAR, MDA' DAR, GSER SKYEMS SOGS RGYAS PAR BSHAMS LA, YI DAM GYI BDAG BSKYED SNGON DU 'GRO BAS MDUN BSKYED CHOS SKYONG 'KHOR BCAS BSKYED CING, SPYAN 'DREN, BSKANG BA, BZLAS PA, GTOR 'BUL RNAMS ZIN MTSAMS PHYI ROL TU BSANGS KYI DUD SPRIN 'THUL ZHING, NANG DU GSER SKYEMS PHUL RJES, ROL MO DBYANGS DANG BCAS, THUGS DAM BSKUL BA NI,) BEE, RI RAB BYANG PHYOGS KHYOD BZHUGS SHING, ,KA L'A PA YI GRONG KHYER SKYONG, ,SHAMBHA LA YI YUL BSRUNG BA'I, ,GNAS SRUNG RGYAL PO BSTOD PAR BYA, ,MGUL 'PHRENG 'JOMS SHING RAB RGOD 'DED, ,SPRIN LAS RGYAL BA MYOS PAR MDZAD, ,MI YI SHING RTA'I BZHON PA CAN, ,

, ,SDE DPON LUS NGAN PO KHYOD BSTOD, ,RDO YI LHUNG BZED 'BUL LA BRTZON, ,'DUL SNGAGS BYANG SEMS BSTAN SKYONG ZHING, ,SH'AKYA SENG GE'I BKA' SDOD PA, ,RGYAL BA'I SRAS KHYOD LEGS PAR BSTOD, , RTA SNGON MDUNG THUNG 'BRAS SPOS DRI, ,LUG SHA 'BRAS CHANG GRI SNYING DGA', ,KHANG BRTZEGS GTOR MA'I RO BCUD ZA, ,SENGGE'I BZHON PA CAN KHYOD BSTOD, ,DMAG GI LAS LA RTAG TU DGYES, ,SBYIN SKYES GA-YUL NGOR BRTUL PHOD PA, ,BRA NYE SKYES KYI GSHED GYUR PA'I, ,DPA' BO'I DBANG PHYUG KHYOD NYID BSTOD, ,NAM MKHA'I THIG LE RGYA MTSO DGA', ,PHRAG PA GA-YAS GA-YON LA BKOD CING, ,HA HA HO HO'I BZHAD SGRA CAN, ,NGAL BSOS PO KHYOD BSTOD PAR BGYI, ,DBYANGS CAN NOR RGYUN SBAS MO DANG, ,WA RA LI DANG DMAG DPON BRGYAD, ,GNOD SBYIN BYE BA 'BUM GYI SDE, ,KUN NAS RAB TU DANG BAS BSTOD, ,'DOD PA KHAMS KYI DNGOS GRUB KUN, ,YANG DAG PAR NI LEGS GRUB CING, ,JI LTAR 'DOD PA'I SKYE BO KUN, ,RING POR MI THOGS DBANG DU BSDUS, ,THUN MONG MIN PA'I 'DOD PA'I DON, ,MYUR DU 'GRUB CING CI BDE BAR, ,LUS NGAG YID GSUM BRAN GYUR TE, ,BSGO BA'I DON LAS 'DA' MA GYUR, ,LUS KYIS LEGS PAR RIM GRO BYED, ,NGAG GIS MTHA' DAG DANG DU LEN, ,YID KYIS SANGS RGYAS LTAR MTHONG BAS, ,RAB TU NYE BAR GNAS PAR MDZOD, ,TSUL KHRIMS BZANG ZHING MOS GUS CHE, ,TSE DANG BSOD NAMS DPAL 'BYOR RGYAS, ,KUN GYIS DANG BAS BSTOD BYED CING, ,NGA RGYAL MED PAR 'TSO BAR

MDZOD, ,MDOR NA 'DOD PA'I DON MA LUS, ,'BAD PA MED PAR LHUN 'GRUB CING, ,CHOS KYI RGYAL PO TZONG KHA PA'I, ,GZHUNG DON MTHAR PHYIN SHIS PA STZOL, ,(ZHES PAn CHEN DPAL LDAN YE SHES KYIS MDZAD PA 'DI 'DON, ,DE MDA' DAR DANG, DKAR MO LAG GA-YAS GA-YAB CING,) BEE, GSANG 'DZIN PHYAG NA RDO RJE'I BKA' SDOD GTZO, ,DBANG MDZAD DBANG GI RGYAL PO MDUNG DMAR CAN, ,NYI MA STONG GI GZI LDAN GAR DGU'I NYAMS, ,MKHA' 'GRO NOR LHA GTER BDAG GNOD SBYIN SOGS, ,BKA' NYAN LAS BYED PHO NYA'I TSOGS DANG BCAS, ,DUNG BA'I DBYANGS KYIS THUGS DAM RGYUD BSKUL NA, ,DBANG SDUD 'PHRUL GYI ZHAGS PA GLOG LTAR 'KHYUG ,KHAMS GSUM 'GUGS BYED LCAGS KYU RNON PO DANG, ,'OD DMAR GLING BZHI GA-YO BA'I CHO 'PHRUL GYIS, ,'KHOR 'DAS BRTAN GA-YO DPAL 'BYOR 'BYUNG BZHI'I BCUD, ,KHAB LEN RDO DANG LCAGS PHYE'I NGANG TSUL BZHIN, ,GNAS 'DIR GA-YANG DU 'GUGS PA'I LAS MDZOD CIG ,STENG PHYOGS LHA YI DPAL 'BYOR PHUN TSOGS DANG, ,'OG PHYOGS GDENGS CAN KLU YI NOR BU'I GTER, ,BYANG PHYOGS GNOD SBYIN DBYIG GI BANG MDZOD GA-YANG, ,BKRA SHIS GNAS 'DIR PHYVA DANG GA-YANG DU KHUG ,YANGS PA'I NOR 'DZIN LTE BAR GNAS BCAS SHING, ,SKAD RIGS CHA BYAD DBYE BA THA DAD PA'I, ,RKANG GNYIS MI YI BLO DANG NUS RTZAL GA-YANG,, BKRA SHIS GNAS 'DIR x MNGA' 'BANGS BYAMS BRTZES SKYONG BA'I RJE BO DANG, ,KHRIMS SROL SRONG POR SKYONG BA'I BLON PO DANG, ,ZHI DUL DGE BCUR SPYOD PA'I 'BANGS KYI GA-YANG, ,BKRA SHIS x RIN CHEN SNA LNGA GOS DAR SNAM RAS DANG, ,SMAN

, ,'BRU ZAS SNA JA MAR 'O ZHO SOGS, ,MKHO RGU KUN NAS 'DZOMS PA'I LONGS SPYOD GA-YANG, ,BKRA SHIS x MYUR MGYOGS SHUGS LDAN RTA MCHOG RVA LUG GA-YANG ,'BRI MDZO 'O MA'I RGYUN 'DZIN 'DOD 'JO'I BA, ,GSHIN PA'I ZHING SAR LO LEGS 'PHEL BA'I GA-YANG, ,BKRA SHIS x LUS SEMS BDE BAR BAG PHEBS GNAS MAL DANG, ,LOG 'TSO MA 'DRES CHOS MTHUN ZAS SKOM BCUD, ,DRANG SRONG RIG 'DZIN GRUB PA'I TSE YI GA-YANG, , BKRA SHIS x LUNG RTOGS SNYING RJE LDAN PA'I BLA MA DANG, ,BLO GSAL DAD BRTZON LDAN PA'I SLOB MA DANG, ,DAD DANG 'BYOR LDAN YON BDAG 'DZOMS PA'I GA-YANG, ,BKRA SHIS x LTA SGOM SPYOD PA MA NOR YONGS SU DAG ,LUNG RIGS NANG BYAN TSUD PA'I SH'AKYA'I SRAS, ,BSHAD SGRUB GNYIS 'DZOMS DGE 'DUN GRANGS MED GA-YANG, ,BKRA SHIS x RGYAL BA GNYIS PA'I LEGS BSHAD LA BRTEN NAS, ,THUB GSUNG MA LUS 'GAL MED GDAMS NGAG TU, ,SHAR BA'I RNAM DPYOD MKHA' LTAR YANGS PA'I GA-YANG, ,BKRA SHIS x GZHUNG DON PHRA ZHIB RIGS PAS DPYOD PA DANG, ,DPYAD DON GO BAS SKYONG BA'I 'JOG BSGOM GYIS, ,RGYAL BA'I DGONGS BCUD RGYUD LA RNYED PA'I GA-YANG, ,BKRA SHIS x BCU PHRAG RIG PA'I GNAS LA MKHAS PA DANG, ,RNAM DAG BSLAB PA'I KHRIMS KYIS BTZUN PA'I DPAL, ,GZHAN PHAN RO GCIG GZHOL BA BZANG PO'I GA-YANG, ,BKRA SHIS x 'PHAGS BOD MKHAS PA'I 'CHAD RTZOD RTZOM PA DANG, ,GRUB BRNYES RNAL 'BYOR BYE BA'I

NYAMS RTOGS RTZAL, ,RANG GZHAN DON GNYIS DPAL DU CHE BA'I GA-YANG, ,BKRA SHIS x MDOR NA SRID ZHI'I LEGS TSOGS PHYVA GA-YANG KUN, ,'OD ZER SNA LNGA BKRA SHIS RDZAS RTAGS KYI, ,RNAM PAR GNAS 'DIR BKRA SHIS 'KHYIL LI LI, ,MI 'GYUR MI SHIGS RTAG TU BRTAN GYUR CIG ,(CES BRJOD CING TSIG DON DANG MTHUN PA'I DMIGS GNAD NAN TAN DU BYA, DE NAS BSTOD PA SOGS DKYUS LTAR 'JUG PAR BYA'O, ,ZHES PA 'DI YANG RGYA GAR 'PHAGS YUL DU BYES PHEBS DGA' SHAR NYAG RE KHANG TSAN GYI DGE 'DUN RNAMS NAS KHANG TSAN GYI SRUNG MA RGYAL CHEN RNAM SRAS MDUNG DMAR CAN GYI BSKANG CHOG DANG 'BREL BAR GA-YANG 'GUGS NGAG 'DON BYA TSUL ZHIG DGOS ZHES RTEN BCAS BSKUL MA GNANG BA'I BZHED SKONG DU YONGS 'DZIN DGA' LDAN KHRI BYANG SPRUL MING PAS SBYAR BA'O,, DGE LEGS 'PHEL,, ,, ` BAL YUL MCHOD RTEN GYI GNAS SRUNG MA MO PUKKA SIDDHI'I GSOL MCHOD BZHUGS SO,, ` BAL YUL MCHOD RTEN CHEN PO BYA RUNG KHA SHOR GYI GNAS SRUNG MA MO CHEN MO PUKKA SIDDHI MCHOD PAR 'DOD PAS MCHOD GTOR SOGS 'DU BYAS LA, RANG NYID SLOB DPON CHEN PO PADMA 'BYUNG GNAS KYI RNAL 'BYOR RGYAS PA'AM, DE MIN RANG NYID SLOB DPON CHEN PO GU RU SNANG SRID ZIL GNON GYI SKUR SKAD CIG DRAN RDZOGS SU BSKYED DE MCHOD GTOR BYIN GYIS RLOB PA NI,) AOm SVA BHA WAS (SBYANGS,) STONG PA NYID DU GYUR, STONG PA'I NGANG LAS BANDHA DUM BU GSUM PA'I NANG DU AOm A'A: H'Um ZHU BA LAS BYUNG BA'I MCHOD GTOR RNAMS DGRA BGEGS BSGRAL BA'I SHA YI RI BO, KHRAG GI RGYA MTSO, ,RUS PA'I GRAM KHROD THANG MAR BRDAL BAS STONG GSUM 'GENGS PA ZAG PA MED PA'I YE SHES KYI BDUD RTZI'I RGYA MTSO CHEN PO NYID DU GYUR (PAR BSAM LA,) AOm A'A: H'Um, (LAN GSUM BRJOD,) RANG GI

, ,MDUN DU KHRAG GI RGYA MTSO RBA RLABS CHAL CHIL GA-YO BA'I DBUS SU MA MO CHEN MO PUKKA SIDDHI SKU MDOG DMAR SER ZHAL GCIG PHYAG GNYIS ZHAL MCHI BA GTZIGS SHING, SPYAN RTZA KHRAG LTAR DMAR BA, PHYAG GA-YON ZHING BCU TSANG BA'I DGRA BGEGS KYI BAM RO THUGS KAR 'DZIN CING, PHYAG GA-YAS KYIS BAM RO'I RGYU MA DRANGS SHING ZHAL DU GSOL BA, ME DPUNG RAB TU 'BAR BA'I DBUS NA ZHABS GNYIS BRKYANGS SHING BZHENGS PA, RAL PA NAG POS RANG GI RGYAB NON PA 'JIGS SU RUNG BA'I SKU CAN DU GYUR, RANG NYID PADMA 'BYUNG GNAS SU GSAL BA'I THUGS KA NAS 'OD ZER 'PHROS PAS LHUN GRUB BRTZEGS PA'I DUR KHROD CHEN PO NAS MA MO CHEN PO PUKKA SIDDHI 'JIG RTEN DREGS PA'I 'KHOR TSOGS SNANG SRID MA MO 'BUM PHRAG DANG BCAS PA MCHOD SPRIN GTOR MA'I MGRON DU SPYAN DRANGS, BADZRA SA MA YA DZA: DZA: H'Um; YUL GYI MING NI BAL BO'I YUL, ,'DOD RGU GA-YANG DU CHAGS PA'I GNAS, ,MTHONG GROL BYA RUNG KHA SHOR ZHES, ,NGO MTSAR MCHOD RTEN SRUNG BA'I GTZO, ,RNAL 'BYOR SKYONG BA'I SRING GCIG MA, ,MA MO CHEN MO PUKKA SI, ,SNGON TSE PADMA 'BYUNG GNAS KYIS, ,BKA' BSGOS DAM LA BTAGS PA'I TSE, ,RANG RTAGS SROG GI SNYING PO PHUL, ,MCHOD RTEN SKYONG BAR ZHAL GYIS BZHES, ,DE RING RNAL 'BYOR BDAG CAG GIS, ,KHYOD NYID SGRUB CING SPYAN 'DREN NA, ,MA MO 'BUM SDE'I 'KHOR DANG BCAS, ,MKHA' LA SPRIN LTAR GTIBS LA BYON, ,BAR SNANG GLOG LTAR 'KHYUG LA BYON, ,MA THOGS MYUR DU

GSHEGS SU GSOL, ,PUKKA SIDDHI TZITTA SA MA YA DUNG DUNG HRIm HRIm DZA: DZA: DVANGS BSIL BDUD RTZI'I MCHOD YON DANG, ,DAG BYED ZHABS BSIL 'DI 'BUL NA, ,BZHES SHING DRI MA KUN SBYANGS NAS, ,DGYES PA CHEN POS GDAN LA BZHUGS, ,SA MA YA TIshthA LHAN, GTZANG ZHING GTZANG MAR RAB SBYAR BA'I, ,ME TOG BDUG SPOS SNANG GSAL DRI, ,ZHAL ZAS ROL MO 'DOD YON LNGA, ,DBANG PO TSIM BYED MCHOD PA'I TSOGS, ,DNGOS BSHAMS YID SPRUL MTHA' KLAS PA, ,GUS PA CHEN POS LEGS 'BUL NA, ,SGRUB MCHOG RNAL 'BYOR SKYONG BA DANG, ,BSTAN PA SRUNG PHYIR BZHES SU GSOL, ,H'Um; BRJOD BRAL LHAN SKYES BDE BA CHE, ,SNANG STONG SGYU MA'I SPRIN GROL BA, ,SNGAGS RGYAS BYIN BRLABS MCHOD PA'I RDZAS, ,NAM MKHA' GANG BAS MCHOD PAR BGYI, ,SHA RUS GTOR MA RI LTAR SPUNGS, ,BDUD RTZI SMAN GYI MCHOD PA DANG, ,DMAR CHEN RAKTA'I RGYA MTSO 'DIS, ,PUKKA SIDDHI'I THUGS DAM BSKANGS, ,GNAM LCAGS 'BAR BA'I MCHU SDER CAN, ,BYA ROG KHYUNG SOGS GDUG CAN BYA, ,MKHA' LA LANG LING GAR BYED 'DIS, ,PUKKA SIDDHI'I x RVA GDENGS 'JIGS PA'I NGAR SGRA CAN, ,GA-YAG RGOD MA HE'I TSOGS RNAMS DANG, ,SGA SRAB CHAS MDZES RTA MCHOG GIS, ,PUKKA SIDDHI'I x KHRO GTUM GDUG PA'I GCAN GZAN TSOGS, ,BAM CHEN 'DRAD CING NGAR SKAD SGROGS, ,KHYI NAG DOM LTAR 'PHYO BA 'DIS, ,PUKKA SIDDHI'I x 'JAM PA'I SPU LDAN RA DANG LUG ,KHRAB RMOG DGRA STA GRI MDUNG MDA', ,DGRA 'JOMS GO MTSON SNA TSOGS KYIS, ,PUKKA

, ,SIDDHI'I x LHA MI KLU YI RIN CHEN SOGS, ,MKHO RGU'I LONGS SPYOD SPYAN GZIGS KYIS, ,GNAM SA BAR GSUM GANG BA 'DIS, ,PUKKA SIDDHI'I x GZHAN YANG MA MO DGYES PA'I RDZAS, , BSTEN PA'I RDZAS DANG BSKANG RDZAS SOGS, ,MA TSANG MED PA'I MTHUN RDZAS 'DIS, ,PUKKA SIDDHI'I x SNANG BA SNOD LA STONG PA BCUD, ,ZUNG 'JUG MCHOD MCHOG KUN TU BZANG, ,'GAG MED SMRA BSAM BRJOD 'DAS KYIS, ,PUKKA SIDDHI'I x MA MO 'BUM GYI x SHA ZA BYE BA'I x DAM SKONG NYAMS CHAG GSOS GYUR NAS, ,RNAL 'BYOR DPON SLOB YON MCHOD KYI, ,MI MTHUN RKYEN DANG BAR CHAD SEL, ,BSAM DON LHUN GYIS 'GRUB PAR MDZOD, ,DZNY'A NA d'A KI PUKKA SIDDHI MAH'A BA LIDTA KH'A HI, MAH'A PANYTZA AA MRi TA LA KH'A HI KH'A HI, H'Um; 'CHI MED GRONG GI KHENGS 'PHROG NE P'AL YUL, ,YON TAN DU MAS MNGON 'PHAGS BSOD NAMS ZHING, ,RANG BYUNG MCHOD RTEN BYA RUNG KHA SHOR SKYONG, ,LHUN GRUB BRTZEGS PA'I DUR KHROD CHEN PO RU, ,'JIG RTEN 'DAS KYANG 'JIG RTEN CHA LUGS 'DZIN, ,SRUNG MTSAMS BRAL YANG DAM TSIG RJES SU SNYEG ,'DOD CHAGS BRAL YANG RJES CHAGS DGA' BSKYED MA, ,KHRO MED KHRO TSUL MA MO CHEN MOR BSTOD, ,RNAM KUN MCHOG LDAN CHOS DBYINGS SGYU MA'I RTZAL, ,GNAS YUL DUR KHROD DU MAR ZHI KHRO'I GAR, ,CIR YANG BSGYUR BA'I SKU CAN 'PHRUL MO CHE, ,DZNY'A NA d'A KI PUKKA SIDDHIR BSTOD, ,RAB DMAR KHRAG MTSO 'JING CHEN 'KHRUG PA'I KLONG, ,NYI MA BYE

BA'I LUS CAN KHRAG MIG MA, ,STONG KHAMS 'GENGS PA'I RAL PA MUN LTAR GTIBS, ,'JIGS RUNG MA MO'I GTZO MO KHYOD LA BSTOD, ,MI BZAD KHRO GTUM RNGAMS PA'I SBAR MO YIS, ,BSTAN DGRA'I NANG KHROL 'DREN CING CHEM CHEM GSOL, , DMAR CHEN KHRAG 'THUNG MCHE BA RAB 'BAR MA, ,SROG BDUD SHA ZA MKHA' 'GRO CHEN MOR BSTOD, ,RES 'GA' SGEG MDZES ROL PA'I CHU SGROS KYI, ,'DAB RGYA 'DZUM PA'I TSEMS PHRENG GE SAR 'OD, ,RNAL 'BYOR BUNG BA GZHON NU DNGOS GRUB KYI, , MGRON DU 'BOD 'DRAR KUN NAS BZHAD LA BSTOD, ,BLTA BAS MI NGOMS YID 'PHROG ZLA BA'I BZHIN, ,RJES CHAGS 'OD RNON 'KHYUG PA'I ZUR MIG MDA', ,SPROS PA'I MOD LA THUB KUN DKA' THUB KYI, ,BRTAN PA 'PHROG BYED DPAL GYI LHA MOR BSTOD, ,MNYEN LCUG 'KHRIL LDEM ROL PA'I SGYU RTZAL GYIS, ,RGYAL KUN DGYES PA SKONG BA'I RDO RJE'I YUL, ,HE RU KA: DPAL BKA' YI PHO NYA MO, ,PUKKA SIDDHIR GRAGS PA KHYOD LA BSTOD, ,SNGON TSE CHE MCHOG HE RU KA: DPAL DANG, , PADMA 'BYUNG GNAS RGYAL BAS BKA' BSGOS SHING, ,DBANG BSKUR DAM TSIG BSGRAGS PA'I GSANG BA'I GTAM, ,GA-YEL MED SNYING GI THIG LER BKOD PA BZHIN, ,RGYAL BA'I BSTAN DANG BSTAN 'DZIN SKYONG BA DANG, ,SKYE RGU'I BSOD NAMS ZHING MCHOG MCHOD RTEN CHER, ,MI DANG MI MIN 'BYUNG BZHI'I GNOD PA SRUNGS, ,MCHOD TSOGS RGYA MTSO MI NYAMS 'PHEL BAR MDZOD, ,RNAL 'BYOR BDAG CAG YON MCHOD 'KHOR BCAS LA, ,MA LTAR BRTZE ZHING SRING LTAR DUNG BA YIS, ,PHYI NANG

, ,'GAL RKYEN KUN ZHI BSAM PA'I DON, ,MA LUS LHUN GYIS 'GRUB PA'I 'PHRIN LAS MDZOD, ,(CES BSTOD CING 'PHRIN LAS BCOL, YIG BRGYA DANG, BZOD GSOL SOGS MJUG CHOG SPYI LTAR BYA'O, ,ZHES PA 'DI YANG BAL YUL MCHOD RTEN CHEN PO BYA RUNG KHA SHOR GYI GNAS SRUNG MA MO PUKKA SIDDHI'I MCHOD CHOG 'DI LTA BU ZHIG DGOS ZHES BOD DGON DGA' LDAN CHOS 'PHEL GLING GI MKHAN 'DZIN SOG SPRUL GU RU DE WA RIN PO CHE NAS RTEN BCAS BSKUL MA GNANG BA BZHIN, YONGS 'DZIN DGA' LDAN KHRI BYANG SPRUL MING PAS SNGON YOD GSOL MCHOD RNYING PAR GZHI BCOL TSIG SBYOR PHAL CHE GSAR DU BSGRIGS TE SBYAR BA'O,, ,,DGE LEGS 'PHEL,, ,, ` DREGS PA'I SDE DPON GNOD SBYIN TZI'U DMAR POR TSOGS GTOR 'BUL BAR 'DOD PAS, TSOGS RDZAS SPYI LTAR BSHAMS LA, RANG NYID YI DAM RTA MGRIN DU BSKYED, ,TSOGS BYIN GYIS BRLAB PA NI,) AOm HR'I: PADMA NA TA KRi TA H'Um PHAt, (KYIS BSANGS,) H'Um, RDO RJE LTA BU'I YE SHES KYIS, ,CHOS RNAMS THAMS CAD SGYU MAR RIG ,RIG PA'I YE SHES RAm YAm KHAm, , TSOGS KYI DNGOS PO BSREG SBYANG BKRU, ,RAm YAm KHAm, TSOGS KYI YO BYAD STONG PA'I NGANG, ,AA LAS BDE SKYONG KA P'A LA'I, ,SNOD DU 'BRU GSUM ZHU BA LAS, ,'DOD YON LNGA LDAN PHUNG POR GYUR, ,AOm A'A: H'Um, (LAN GSUM GYIS BRLABS, MGRON SPYAN 'DREN PA NI,) H'Um; GSUNG GI RDO RJE GAR DBANG SNANG MTHA' YAS, ,MA CHAGS MTSO SKYES PADMA KA RA RJE, ,RGYAL BA GNYIS PA BLO BZANG GRAGS PA SOGS, ,RTZA BRGYUD BLA MA'I TSOGS RNAMS GSHEGS SU GSOL, ,KHRO RGYAL RTA MGRIN RDO RJE

'JIGS BYED SOGS, ,BGRANG YAS YI DAM ZHI KHRO'I LHA TSOGS DANG, ,DPA' BO MKHA' 'GRO CHOS SKYONG SRUNG MAR BCAS, ,TSOGS KYI MCHOD PA'I MGRON DU GSHEGS SU GSOL, ,GDUG CAN DGRA BGEGS DPUNG TSOGS BRAG RI'I SPO, ,MI BZAD MTHU STOBS GNAM LCAGS THOG ZER GYIS, ,SKAD CIG THAL BAR RLOG MDZAD TZI DMAR BA, ,TSOGS KYI MCHOD PA'I x BTZAN DMAG 'BUM SDE KLU DMAG NYI KHRI DANG, ,DREGS PA SDE BRGYAD RU 'DREN SDE BZHI SOGS, ,GNAM SA BAR SNANG 'GENGS PA'I 'KHOR TSOGS RNAMS, ,RINGS PA'I TSUL GYIS MGRON DU GSHEGS SU GSOL, ,(TSOGS GTOR 'BUL BA NI,) H'Um; STONG GSUM LTAR YANGS MTSAN LDAN THOD PA'I NANG, ,SBYANGS RTOGS SBAR BA'I SHA KHRAG TSOGS GTOR 'DI, , PADMA 'BYUNG GNAS BLO BZANG GRAGS PA SOGS, ,DNGOS BRGYUD DRIN CAN BLA MA'I TSOGS LA 'BUL, ,BZHES NAS RNAL 'BYOR BDAG CAG YON MCHOD KYI, ,NAD GDON GPHYI NAD 'GAL RKYEN KUN ZHI ZHING, ,BSAM DON MA LUS LHUN GYIS 'GRUB PA DANG, ,MCHOG MTHUN DNGOS GRUB MA LUS STZAL DU GSOL, ,H'Um STONG GSUM x SBYANGS RTOGS x PADMA DBANG CHEN KHRO BO'I RGYAL PO SOGS, ,BGRANG YAS YI DAM ZHI KHRO'I TSOGS LA 'BUL, ,BZHES NAS x NAD GDON x BSAM DON x MCHOG MTHUN x H'Um, STONG GSUM x SBYANGS RTOGS x RNAL 'BYOR BU BZHIN SKYONG BA'I DAM TSIG CAN, ,DPA' BO MKHA' 'GRO CHOS SRUNG TSOGS LA 'BUL, ,ZHES NAS x NAD GDON x BSAM DON x MCHOG MTHUN x H'Um; STONG GSUM

, ,SBYANGS RTOGS x KHRO GTUM BTZAN GYI RGYAL PO YANG LE BER, ,RNAL 'BYOR DGRA LHA CHEN PO MNYES PHYIR 'BUL, ,BZHES NAS x NAD GDON x BSAM DON x 'PHRIN LAS RNAM BZHI'I BYA RA GA-YEL MED MDZOD, , H'Um, STONG GSUM x SBYANGS RTOGS x BSTAN DGRA'I SROG GCOD BTZAN DMAG 'BUM SDE SOGS, ,LAS BYED DREGS PA SDE BRGYAD TSOGS LA 'BUL, ,BZHES NAS x NAD GDON x BSAM DON x 'PHRIN LAS RNAM BZHI'I BYA RA GA-YEL MED MDZOD, , CES 'BUL, (DE NAS LAS KYI RDO RJES TSOGS PHUD BTEGS LA,) HO: DPA' BO CHEN PO DGONGS SU GSOL, ,'DI LA THE TSOM MI BYA STE, ,BRAM ZE KHYI DANG GDOL PA RNAMS, ,DBYER MED GCIG TU RTOGS LA ROL, (,ZHES BRJOD, LEN PA PO RNAMS KYIS,) H'Um, BDAG NYID RGYAL BA KUN GYI DNGOS, ,BCOM LDAN RTA MCHOG ROL PA STE, ,YE SHES BDUD RTZI'I RGYA MTSO CHE, ,LHA RNAMS TSIMS PAR BYA PHYIR ROL, ,AA HO MAH'A SU KHA, (ZHES BRJOD DE BLANGS, TSOGS LA ROL RJES, LHAG MA BSDUS LA,) RAm YAm KHAm, AOm A'A: H'Um, STONG GSUM x SBYANGS RTOGS SBAR BA'I LHAG MA'I GTOR MA 'DI, ,SHA ZA DBUGS LEN LAS BYED 'BYUNG PO SOGS, ,LHAG MA'I MGRON GYI TSOGS RNAMS TSIMS PHYIR 'BUL, ,GNOD PA'I DGRA BGEGS THAL BA'I RDUL DU RLOG ,RNAL 'BYOR BCOL BA'I 'PHRIN LAS SGRUB PAR MDZOD, (,CES LHAG GTOR BTANG, MJUG CHOG BSKANG CHOG GI GZHUNG LTAR BYA'O,, ZHES PA 'DI YANG LDAN MA LAB MKHAN CHEN BLA BRANG GI GSOL DPON THUB BSTAN DGE LEGS NAS BSKUL BA LTAR, YONGS

'DZIN KHRI BYANG SKYE MING PAS SBYAR BA'O,, DGE LEGS 'PHEL,, ,, ` ,BSTAN SRUNG BSE KHRAB CAN DANG, RGYAL CHEN SHUGS LDAN GYI GTOR 'BUL MDOR BSDUS BZHUGS SO,,) ` H'Um, RANG BZHIN DBYINGS DANG GAR BZHUGS GNAS MCHOG NAS, , BSE YI KHRAB CAN SPRUL PA RNAM DRUG DANG, ,RGYAL CHEN SHUGS LDAN RIGS LNGA 'KHOR TSOGS BCAS, ,DAM TSIG DBANG GIS GNAS 'DIR GSHEGS SU GSOL, ,SNA TSOGS MCHOD PA'I RDZAS DANG YO BYAD KYIS, ,YONGS SU GTAMS PA'I RNGAM BRJID PHO BRANG DBUS, ,RANG RANG DGYES PA'I STAN DANG BZHON PA'I STENG, ,BRTZE ZHING DUNG BA'I TSUL GYIS BRTAN PAR BZHUGS, ,STONG GSUM LTAR YANGS MTSAN LDAN THOD PA'I NANG, ,RI LTAR SPUNGS PA'I SHA KHRAG GTOR MA'I TSOGS, ,ZAG MED BDUD RTZI'I NGO BOR BYIN BRLABS PA, ,BSTAN SRUNG CHEN PO 'KHOR DANG BCAS LA 'BUL, ,(GTOR MA SNGAGS KYIS 'BUL BAR SPRO NA LJAGS BYIN GYIS BRLABS LA BSKANG CHOG LTAR SO SOR 'BUL,) ZHI DRAG NYER SPYOD 'DOD YON RIN CHEN BDUN, ,BKRA SHIS RTAGS RDZAS SPYAN GZIGS SROG CHAGS DANG, ,KHRAB RMOG GO MTSON PHYI NANG GSANG RTEN SOGS, ,MTHUN PA'I DAM RDZAS MA TSANG MED PA RNAMS, ,KUN BZANG NAM MKHA' MDZOD DU GTAMS PA 'DIS, ,BSTAN SRUNG 'KHOR BCAS DGYES PA SKONG BYED NA, ,BDAG CAG RMONGS DANG BAG MED DBANG GYUR PAS, ,NONGS PA GANG MCHIS YONGS SU BYANG BAR MDZOD, ,BDE CHEN SNYING RJE'I NGANG LAS MA GA-YOS KYANG, ,MA RUNG 'DUL PHYIR KHRO GTUM DRAG PO'I GAR, ,MYUR MGYOGS THOGS MED RNAM BZHI'I 'PHRIN

, ,LAS KYIS, ,RGYAL BA'I BSTAN PA TSUL BZHIN SKYONG LA BSTOD, ,SNGON TSE RIG 'DZIN RTZA BRGYUD BLA MA YI, ,SPYAN SNGAR ZHAL BZHES DAM BCA' NYER DGONGS LA, ,THUB BSTAN SPYI DANG DGE LDAN LUGS BZANG MCHOG ,GEGS MED PHYOGS BCUR DAR ZHING RGYAS PAR MDZOD, ,BSTAN 'DZIN DAM PA'I TSOGS RNAMS ZHABS BRTAN CING, ,BZHED DGONGS 'PHRIN LAS BSTAN 'GRO'I GSOS SU SMIN, ,DGE 'DUN SDE RNAMS BSLAB GSUM NYAMS LEN DANG, ,'KHOR LO GSUM GYI MDZAD BZANG 'PHEL BAR MDZOD, ,'JIG RTEN KHAMS SU NAD MTSON MU GE SOGS, ,SNYIGS DUS RGUD PA'I MUN PA KUN BSAL NAS, ,CHOS 'BYOR BDE SKYID PAD MO STONG GI 'DZUM, ,'PHRIN LAS NYI MA 'BUM GYIS YONGS SU PHYES, ,KHYAD PAR BDAG CAG DPON SLOB MI NOR KUN, ,KHYED LA SNYING NAS RE BAS GNYER GTOD NA, ,GZHIS LAM BYES GSUM KUN TU SKAD CIG TZAM, ,'BRAL MED SRUNG SKYOB BYA RA MEL TSE MDZOD, ,SDANG BA'I DGRA SOD GNOD PA'I GDON BGEGS THUL, ,MI MTHUN RKYEN ZLOG TSE DPAL GRAGS 'BYOR SPEL, ,SGRUB PA'I RTAGS PHYUNGS BSAM PA'I RE BA SKONGS, ,BCOL BA'I 'PHRIN LAS MA LUS MYUR DU SGRUBS, ,(ZHES PA 'DI YANG BSTAN SRUNG CHEN PO BSE KHRAB CAN DANG RGYAL CHEN RDO RJE SHUGS LDAN CHABS CIG PA'I GTOR 'BUL 'PHRIN BCOL 'KHYER BDE ZHIG 'BRI DGOS ZHES MTHA' KLAS BSTAN 'GRO'I DPAL MGON BRAG GA-YAB CHE TSANG HO THOG THU RIN PO CHE NAS BSKUL MA GNANG BA BZHIN, RING NAS BSTAN SRUNG CHEN PO 'DI GNYIS KYIS NYE BAR BSKYANGS PA'I GYI NA PA YONGS

'DZIN KHRI BYANG SKYE MING PAS SBYAR BA'O,, DGE LEGS 'PHEL,, ,, ` RGYAL CHEN SHUGS LDAN GYI 'PHRIN BCOL BZHUGS SO,,) ` DRAN PA TZAM GYIS BAR GCOD KUN SEL ZHING, ,'PHRIN LAS SGRUB MDZAD RGYAL CHEN SHUGS LDAN RTZAL, , DAM RDZAS MCHOD GTOR RGYA MTSO 'DI BZHES LA, ,BDAG GIS BCOL BA'I LAS 'DI SGRUB PAR MDZOD, ,KHAMS GSUM 'GRO BA'I PHAN BDE KUN GYI GZHI, ,THUB BSTAN SPYI DANG KHYAD PAR TZONG KHA PA'I, ,LUGS BZANG NAG PHYOGS RLUNG GIS MI GA-YO BAR, ,BSHAD SGRUB RGYAL MTSAN PHYOGS BCUR TSUGS PAR MDZOD, ,'JIG RTEN KUN TU 'BYUNG BZHI'I GNOD PA DANG, ,NAD YAMS DMAG 'KHRUG MU GE'I 'JIGS PA SOGS, ,SNYIGS MA'I RGUD TSOGS MUN PA KUN ZHI NAS, ,BDE SKYID BKRA SHIS SNANG BAS KHYAB PAR MDZOD, ,KHYAD PAR RING NAS BSTAN SRUNG DBANG PO KHYOD, ,BSTEN CING MCHOD PA'I RNAL 'BYOR BDAG CAG GI ,SGO GSUM BYA BAR BCAS PA'I GNYER KHA KUN, ,SNYING NAS GTAD DO GA-YEL MED SRUNG MDZOD LA, ,NAD RIMS GDON BGEGS DUS MIN 'CHI BA DANG, ,BYUR DANG CHAGS CHE SKEG SRI BAR GCOD SOGS, ,PHYI NANG MI 'DOD RKYEN NGAN MA LUS PA, ,NYI 'OD REG PA'I BA MO BZHIN DU MDZOD, ,TSE DANG BSOD NAMS 'DOD RGU'I LONGS SPYOD DANG, ,LAM GTZO GSUM DANG RIM GNYIS RNAL 'BYOR SOGS, ,SRID ZHI'I DGE LEGS DPAL YON JI SNYED PA, ,DKAR PHYOGS ZLA BA'I RJES SU 'GRAN PAR MDZOD, ,BSTAN DANG 'GRO BA'I PHAN BDE'I DON CHEN SOGS, ,CHOS SRID LEGS TSOGS SGRUB LA MTHUN PA'I RKYEN, ,DREGS

, ,LDAN LHA MI'I MKHO RGU'I DPAL 'BYOR KUN, ,DBANG MDZAD DON YOD LCAGS KYUS GA-YANG DU KHUG ,DNGOS DANG BRGYUD NAS GNOD CING 'TSE BYED PA'I, ,MI DANG MI MIN 'BYUNG PO MA LUS PA, ,BZLOG MED SPU GRI 'BAR BA'I MTSON RNON GYIS, ,TSAL BAR KHOS LA SROG DBUGS ZAS SU LONGS, ,YID LA BRNAG PA'I 'DOD DON BYA BA RNAMS, ,SGRUB LA 'GAL RKYEN BAR GCOD KUN ZHI NAS, ,BSAM DANG RE BA'I TSAD DU LEGS SMIN PA'I, , GLOG LTAR MYUR BA'I 'PHRIN LAS RTAGS THON MDZOD, ,MDOR NA DUS KUN RNAL 'BYOR BDAG CAG DANG, ,'BRAL MED LUS DANG GRIB MA BZHIN 'GROGS TE, ,YE SHES SPYAN GYI BYA RA MI GA-YEL BAR, ,SRUNG SKYOBS 'PHRIN LAS MDZOD CIG SHUGS LDAN RTZAL, ,(ZHES PA 'DI YANG RA KA RA RIN PO CHES BSKUL GNANG LTAR, YONGS 'DZIN KHRI BYANG SKYE MING PAS SBYAR BA'O,, DGE LEGS 'PHEL,, ,,) ` KYEE, 'JAM DPAL KHROS PA'I SKU, ,'JIGS MDZAD DPA' BO'I GAR, ,MTHU LDAN DGRA LHA'I GTZO, ,RDO RJE SHUGS LDAN RTZAL, ,BSTEN NA SNYING NYE ZHING, ,DAM LDAN BU BZHIN SKYONG, ,RBAD NA MTHU CHE ZHING, ,DRAG SHUL THOG LAS CHE, ,DGRA LA KHROS PA'I TSE, ,BDUN BRGYUD RTZAD NAS GCOD, ,RNAL 'BYOR BDAG CAG GIS, ,GTOR MA RI LTAR SPUNGS, ,SMAN RAK MTSO LTAR BSKYIL, ,RTEN RDZAS SKAR LTAR BKRAMS, ,BZA' BTUNG PHUD KYIS MCHOD, ,CI 'DOD DGYES PA BSKANGS, ,DUNG BAS KHYOD 'BOD NA, ,SNYAN GYI DBANG PO GSON, ,

RTAG TU KHYOD BSGRUBS NA, ,BSGRUBS PA'I RTAGS PHYUNGS SHIG ,BKA' DANG BSTAN PA SRUNGS, ,DGYES PA'I ZHAL STON CIG ,SKYOB PA'I DGRA LHA MDZOD, ,PHO NYA MNGAG GZHUG MDZOD, ,SRUNG BA'I MKHAR RDZONG MDZOD, ,MI NOR GNYER KHA MDZOD, , NYIN GYI BYA RA DANG, ,MTSAN GYI MEL TSE MDZOD, ,RGYAB KYI SLOG PA MDZOD, ,MDUN GYI 'KHAR BA MDZOD, ,CHU LA ZAM PA DANG, ,BRAG LA THEM SKAS MDZOD, ,PHAR 'GRO'I SKYEL MA DANG, ,TSUR YONG BSU MA MDZOD, ,'GYEL NA KHYOD KYIS SLONGS, , BRJED NA KHYOD KYIS BSKUL, ,NA NA SMAN PA MDZOD, ,DUG NA RTZI SMAN THONGS, ,SPO LA DAR 'PHYOR CIG ,KHROM LA DUNG BUS SHIG ,MNYAM GNYIS GSHAGS 'GYED NA, ,GSHAGS KHA KHYOD KYIS THOB, ,MNYAM GNYIS RTZAL 'GRAN NA, ,RTZAL KHA KHYOD KYIS BSTOD, ,MNYAM GNYIS RGYAN 'GYED NA, ,RGYAN GYI RNO MGYOGS THON, ,MNYAM GNYIS DPAL 'GRAN NA, ,DPAL GYI RU DAR SGRENGS, ,SDANG BA'I DGRA BO SOD, ,GNOD PA'I BGEGS TSOGS THUL, ,LOG PAR BLTA BA SGROL, ,BYUR DANG LTAS NGAN ZLOG ,LEGS PA BRGYA DANG SPROD, ,NYES PA STONG DANG BSNOL, ,RE BA'I BAR CHAD SOL, ,BSAM DON MA LUS SGRUBS, ,(ZHES PA 'DI LCAGS PHAG BOD ZLA DANG PO'I TSES GCIG NYIN KHRI BYANG PAS BRIS PA'O,, DGE LEGS 'PHEL,, ,, ` MTHU LDAN BTZAN RGOD KHA CHE DMAR PO'I GTOR 'BUL 'PHRIN BCOL MDOR BSDUS BSHAN PA RNAM ROL ZHES BYA BA BZHUGS SO,,) H'Um, DMAR NAG KHRAG MTSO RAB 'KHRUG BTZAN GYI YUL, ,MTHO BRTZEGS ZANGS BRAG DMAR PO'I GZHAL YAS NAS, ,RDO RJE SHUGS LDAN

, ,BKA' SDOD LAS MKHAN CHE, ,BTZAN RGOD KHA CHE DMAR PO DA TSUR BYON, ,RNGAM BRJID DBANG DRAG ROL PA'I PHO BRANG DBUS, ,RAB DMAR RDZU 'PHRUL SHUGS LDAN RTA MCHOG STENG, ,'JIGS RUNG DPA' BO ROL PA'I GAR DGU YIS, ,RNAL 'BYOR 'PHRIN LAS SGRUB PHYIR BRTAN PAR BZHUGS, ,LHA MI'I BZA' BCA' BTUNG BA RGYA MTSO DANG, ,DGRA BGEGS BSGRAL BA'I SHA KHRAG GTOR MA'I TSOGS, ,ZAG MED BDUD RTZI'I NGO BOR BYIN BRLABS NAS, ,BTZAN RGOD CHEN PO 'KHOR DANG BCAS LA 'BUL, ,NYER SPYOD 'DOD YON BKRA SHIS RDZAS RTAGS BRGYAD, ,RIN CHEN SNA BDUN RDO RJE'I GO KHRAB DANG, ,RGYAN GOS BZHON PA SPYAN GZIGS SROG CHAGS SOGS, ,PHYI NANG DAM RDZAS MA TSANG MED PA RNAMS, , TING 'DZIN SNGAGS RGYAS 'DOD RGUR BYIN BRLABS PA, ,KUN BZANG NAM MKHA' MDZOD KYI RANG BZHIN 'DI, ,BZHES LA NYAMS CHAG MA LUS SOGS PA DANG, ,THUGS DAM GNYAN PO YONGS SU SKONG BAR MDZOD, ,BSTAN DGRA DAM NYAMS 'DUL LA CHE BA'I STOBS, ,MI ZAD MKHA' DANG MNYAM PA'I DRAG SHUL CAN, ,KHRO GTUM BTZAN GYI RGYAL PO KHA CHE DMAR, ,RNAL 'BYOR DGRA LHA CHEN PO KHYOD LA BSTOD, ,SNGON TSE RIG 'DIZN RTZA BRGYUD BLA MA YIS, ,'DA' DKA' RDO RJE'I RI MO GTZUG TU BKOD, , BDUD RTZI'I RO MCHOG LCE LA BZHAG NAS NI, ,DAM TSIG GNYEN PO BSGRAGS PA DGONGS MDZOD LA, ,THUB BSTAN BYE BA'I YANG SNYING TZONG KHA PA'I, ,LUGS BZANG BSHAD DANG SGRUB PAS PHYOGS BCUR RGYAS, ,BSTAN 'DZIN DAM PA'I TSOGS RNAMS

ZHABS BRTAN CING, ,BZHED DGONGS PHAN BDE'I SNYING POR SMIN PAR MDZOD, ,DGE 'DUN SDE RNAMS THUGS MTHUN KHRIMS GTZANG ZHING, ,CHOS 'BYOR 'DOD RGU DBYAR GYI MTSO LTAR 'PHEL, ,NAD MTSON MU GE'I MING YANG MI GRAGS PAR, ,YUL KHAMS BKRA SHIS BDE SKYID LDAN PAR MDZOD, ,BSTAN DANG BSTAN 'DZIN YON MCHOD DGON GNAS LA, ,SDANG ZHING GDUG PA'I SEMS 'CHANG DGRA BGEGS KUN, ,MTHU STOBS RDO RJE'I MTSON CHAR 'BUM PHAB STE, ,RJES SHUL MED PAR THAL BA'I RDUL DU RLOGS, ,KHYAD PAR BDAG CAG RNAMS KYIS DUS KUN TU, ,KHYOD BSTEN KHYOD BSGRUB KHYOD GSOL KHYOD MCHOD NA, ,MTSAN NAS 'BOD TSE BTZAN RGOD SNYAN MA SRA, ,GA-YAB PA'I TSE NA DGRA LHA SPYAN MA RTUL, ,DGRA LA RBAD TSE BTZAN RTA BANG MA BUL, , LAS LA BSKUL TSE MTHU DANG RTZAL MA ZHAN, ,DGYES PA'I ZHAL STON SGRUB PA'I RTAGS PHYUNGS SHIG ,SDANG BA'I DGRA SOD GNOD PA'I GDON BGEGS THUL, ,NAD MTSON MTHU BYAD KHA SMRAS GLENG GZHI SOGS, ,MI 'DOD RKYEN NGAN BAR CHAD MA LUS SOL, ,TSE DANG DPAL BSKYED SNYAN PA'I GRAGS PA SGROGS, ,MI NOR PHYUGS SPEL CI 'DOD RE BA SKONGS, ,MDOR NA GZHIS LAM BYES GSUM THAMS CAD DU, ,'BRAL MED LUS DANG GRIB MA BZHIN 'GROGS TE, ,NYIN MTSAN DUS DRUG SRUNG SKYOB MI GA-YEL BAR, ,BCOL BA'I LAS KUN MYUR DU SGRUB PAR MDZOD, ,(CES MTHU LDAN BTZAN RGOD KHA CHE DMAR PO'I GTOR 'BUL 'PHRIN BCOL MDOR BSDUS BSHAN PA RNAM ROL ZHES BYA BA 'DI NI, 'JAM MGON RGYAL BA'I RING LUGS LA MI PHYED PA'I DAD GUS LHAG PAR BRTAN CING, LUGS BRGYA'I

, ,DPAL MNGA' DBUS MDA' DPON BKRA SHIS DPAL RAL MCHOG NAS BSKUL MA MDZAD PA BZHIN, BSTAN SRUNG 'DI NYID DANG RING NAS SNYING DU NYE BA YONGS 'DZIN DGA' LDAN KHRI BYANG PAS SBYAR BA'O,, DGE LEGS 'PHEL,, ,, ` SPANG LUNG RI KHROD KYI GNAS SRUNG BTZAN RGOD CHEN PO'I 'PHRIN BSKUL BSAM DON MYUR 'GRUB CES BYA BA BZHUGS SO,,) H'Um, 'JIGS RUNG DBANG DRAG ROL PA'I GZHAL YAS SOGS, ,GAR BZHUGS RDO RJE'I PHO BRANG YANGS PA NAS, ,GA-YU DMAR RGYAL CHEN DREGS PA'I DPUNG DANG BCAS, ,THUGS DAM GNYAN PO DGONGS LA DA TSUR BYON, ,MDUN DU TING 'DZIN SPRUL BA'I DKYIL 'KHOR DBUS, ,BTZAN RTA DMAR PO RLUNG LTAR 'PHYO BA'I STENG, ,MDUNG RNON ZHAGS PAS BSTAN DGRA CHAM LA 'BEBS, ,BDUD 'DUL DPA' BO CHEN PO BRTAN PAR BZHUGS, ,ZHI DRAG NYER SPYOD 'DOD YON RNAM PA LNGA, ,BKRA SHIS RDZAS RTAGS RGYAL SRID RIN CHEN BDUN, ,SPYAN GZIGS SROG CHAGS SNA TSOGS BZHON PA DANG, ,RGYAN GOS MTSON CHA SRA BRTAN RDO RJE'I GO, , ZHIM RGU'I BZA' BCA' BTUNG BA'I BYE BRAG DANG, ,SMAN RAK GTOR MA RI DANG RGYA MTSO TZAM, ,SKU GSUNG THUGS DANG PHYI NANG GSANG RTEN SOGS, ,DGYES PA'I DAM RDZAS MA TSANG MED PAR BSHAMS, ,MDOR NA SEMS NYID MA BCOS STONG PA'I GSHIS, ,BDE CHEN NYAMS BRGYAR BSKYOD PA'I CHO 'PHRUL LAS, ,SRID GSUM MKHO RGU'I DPAL 'BYOR MA LUS PA, ,CI 'DOD RGYAN GYI 'KHOR LOR YONGS SHAR BA, ,SNGAGS RGYAS NAM MKHA' MDZOD DU SPEL BA 'DI, ,BSTAN SRUNG CHEN PO KHYOD

LA LEGS 'BUL NA, ,DGYES BZHIN BZHES NAS THUGS DANG 'GAL BA YI, ,NYAMS CHAG MA LUS YONGS SU BSKANG BAR MDZOD, ,MI BZAD MTHUGS STOBS RDO RJE'I DRAG SHUL GYIS, ,DAM NYAMS DGRA BGEGS PHYE MAR BRLAG MDZAD CING, , BSTAN DANG BSTAN 'DZIN BU BZHIN SKYONG BA LA, ,GA-YEL MED BTZAN RGOD CHEN PO KHYOD LA BSTOD, ,PADMA DBANG CHEN RTZA BRGYUD BLA MA DANG, ,BSE YI KHRAB CAN RDO RJE SHUGS LDAN GYIS, ,BKA' BSGOS DAM LA BZHAG PA'I THA TSIG BZHIN, ,BDAG GIS BCOL BA'I LAS 'DI SGRUB PAR MDZOD, ,THUB BSTAN SNYING PO 'JAM MGON TZONG KHA PA'I, ,RING LUGS PHYOGS DUS KUN TU DAR ZHING RGYAS, ,DE NYID TSUL BZHIN 'DZIN PA'I SKYES BU RNAMS, ,SKU TSE BRTAN CING 'PHRIN LAS 'PHEL BAR MDZOD, ,DGE 'DUN SDE RNAMS THUGS MTHUN 'DUL KHRIMS GTZANG, ,BSHAD SGRUB CHOS SPYOD YAR NGO'I ZLA LTAR 'PHEL, ,LJONGS 'DIR DUS KYI RGUD PA KUN ZHI NAS, ,BDE SKYID RDZOGS LDAN SNANG BAS KHYAB PAR MDZOD, ,BSTAN DANG BSTAN 'DZIN YON MCHOD 'KHOR BCAS LA, ,GNOD CING 'TSE BA'I DGRA BGEGS MA LUS PA, ,GANG 'DUL RKYEN DANG 'TSAM PAR TSAR BCAD NAS, ,DKAR PHYOGS RGYAL BA'I BA DAN KHYOD KYIS SGRENGS, ,KHYAD PAR BDAG CAG DPON SLOB MI NOR GYI, , GNYER KHA MA LUS KHYOD LA NYER GTOD NA, ,BSTEN CING MCHOD PA'I TSE NA SNYING MA RING, ,DUNG BAS BOS PA'I TSE NA SNYAN MA SRA, ,LAS LA BSKUL BA'I TSE NA BANG MA BUL, ,DGRA LA RBAD PA'I TSE NA RTZAL MA ZHAN, ,GZHIS BYES KUN TU LUS DANG GRIB

, ,MA BZHIN, ,SKAD CIG TZAM YANG 'BRAL MED SRUNG MDZOD LA, ,NAD GDON RKYEN NGAN BAR CHAD ZHI BA DANG, ,MTHUN RKYEN LEGS TSOGS MA LUS 'GRUB PA SOGS, ,GANG BCOL 'DOD PA'I DON RNAMS MA LUS PA, ,MYUR DU SGRUB PA'I 'PHRIN LAS GA-YEL MED MDZOD, ,(CES RVA SA SPANG LUNG RI KHROD KYI GNAS SRUNG BTZAN RGOD GA-YU DMAR RGYAL PO CHEN PO'I 'PHRIN BSKUL 'KHYER BDE 'DI LTA BU ZHIG DGOS ZHES SPANG LUNG RI KHROD KYI DBU MDZAD SER SPOM BYAMS PA YON TAN DANG, MGON PO BA SPOM RA MI LI TSUL KHRIMS RIN CHEN GNYIS NAS RTEN BCAS BSKUL BA'I NGOR, ^SKU BCAR MTSAN ZHABS DAR HAN DGA' LDAN KHRI BYANG SPRUL MING PAS SBYAR BA DGE LEGS 'PHEL,, ,, ` THA 'OG CHOS RGYAL LA CHAD THO'I GTOR MA 'BUL TSIG ,) SNGON TSE KUN BZANG DPAL GYI DKYIL 'KHOR DU, ,DPAL CHEN CHE MCHOG KHRAG 'THUNG HE RU KAS, ,DBANG BSKUR DAM LA BTAGS PA'I THA TSIG BZHIN, ,MCHOD GTOR 'DI BZHES BCOL BA'I 'PHRIN LAS MDZOD, ,DE RJES MCHIMS PHU SHEL GYI BRAG PHUG TU, ,RIG 'DZIN MTSO SKYES PADMA THOD PHRENG GIS, ,SROG GI SNYING PO BLANGS TE DAM BZHAG LTAR, ,MCHOD GTOR x THA MAR MKHAN CHEN BLO BZANG DON GRUB KYIS, ,SDE 'DI'I SRUNG MA'I GTZO BOR MNGA' GSOL ZHING, ,GNYER GTAD DAM TSIG BSGRAGS PA DENG DGONGS LA, ,MCHOD GTOR x DA LTA RIG 'DZIN RNAL 'BYOR BDAG CAG GIS, ,RTAG TU MCHOD BSTOD 'BAD PA LHUR LEN CING, ,SNYING NAS BSTEN PA'I KHREL GZHUNG MA BOR BAR, ,MCHOD GTOR 'DI BZHES BCOL BA'I

'PHRIN LAS MDZOD, (,CES PA 'DI YANG SER SMAD MKHAN RIN PO CHE BANG RI SPRUL SKUS BSKUL GNANG LTAR, YONGS 'DZIN KHRI BYANG PAS SBYAR BA'O,, DGE LEGS 'PHEL,, ,,` SMAR KHAMS LA 'OG GI GNAS SRUNG RDO RJE KHRO 'BAR LA TSOGS GTOR 'BUL BAR 'DOD NA, YO BYAD 'DU BYAS TE, YI DAM RTA MGRIN LTA BU'I RNAL 'BYOR DANG LDAN PAS BYIN RLABS SPYI LTAR BYAS LA, MGRON SPYAN 'DREN PA NI,) MTSO SKYES RDO RJE 'JAM MGON BLO BZANG GRAGS, ,DBANG CHEN KHRO RGYAL RTA MCHOG ROL PA SOGS, ,BLA MA YI DAM CHOS SKYONG SRUNG TSOGS BCAS, ,TSOGS KYI MCHOD PA'I MGRON DU GSHEGS SU GSOL, ,KHYAD PAR BSTAN SRUNG DGRA LHA MTHU RTZAL CAN, ,RDO RJE KHRO 'BAR SRING MO STAG SPYANG MA, ,STONG GSUM SDE BRGYAD DREGS PA'I 'KHOR DANG BCAS, ,TSOGS KYI MCHOD PA'I MGRON DU GSHEGS SU GSOL, (,ZHES SPYAN DRANGS, TSOGS 'KHOR DNGOS GZHI 'BUL BA NI,) HO: ZAG MED BDE CHEN TSOGS KYI MCHOD PA 'DI, ,RTZA GSUM KUN 'DUS MAH'A GU RU DANG, ,DBYER MED 'JAM DPAL RDO RJE TZONG KHA PA, , DNGOS BRGYUD DRIN CAN BLA MA'I TSOGS LA 'BUL, ,BZHES NAS 'DIR TSOGS RNAL 'BYOR BDAG CAG LA, ,GSANG GSUM RDO RJE'I BYIN BRGYA DBAB TU GSOL, ,HO: ZAG MED x PADMA GAR DBANG KHRO BO'I RGYAL PO DANG, ,YI DAM DPA' BO MKHA' 'GRO CHOS SKYONG SOGS, ,MCHOD 'OS SRI ZHU'I MGRON RNAMS KUN LA 'BUL, ,BZHES NAS RNAL 'BYOR BDAG CAG 'KHOR BCAS LA, ,MCHOG THUN DNGOS GRUB MA LUS STZAL DU GSOL, ,HO: ZAG MED x DRAG RTZAL MTHU STOBS GNYAN GYUR

, ,DGRA LHA'I GTZO, ,RDO RJE KHRO 'BAR SRING MO STAG SPYANG MA, ,MCHED 'KHOR GNAM SA 'GENGS PA'I TSOGS LA 'BUL, ,BZHES NAS RNAL 'BYOR BDAG CAG 'KHOR BCAS LA, ,SRUNG SKYOB LAS BZHI'I 'PHRIN LAS GA-YEL MED MDZOD, ,(CES 'BUL, DE NAS LAS KYI RDO RJES TSOGS PHUD BTEGS LA,) DPA' BO CHEN PO DGONGS SU GSOL, ,'DI LA THE TSOM MI BYA STE, ,BRAM ZE KHYI DANG GDOL PA GSUM, ,DBYER MED GCIG TU DGONGS TE ROL, , (ZHES 'BUL, RNAL 'BYOR PA RNAMS KYIS,) BDAG NYID DPA' BO KUN GYI GTZO, ,BCOM LDAN RTA MCHOG ROL PA DNGOS, ,BDE CHEN TSOGS KYI 'KHOR LO CHE, ,SPYAD PAR BYA YI AA LA LA, ,(ZHES BLANGS, TSOGS LHAG NI,) HO: BKA' GNYAN LAS BYED BTZAN DMAR STONG LA SOGS, ,SNANG SRID SDE BRGYAD DREGS PA'I DMAG TSOGS RNAMS, ,LHAG MA'I TSOGS KYI GTOR MA 'DI LONGS LA, ,RNAL 'BYOR 'PHRIN LAS MA LUS TSUL BZHIN SGRUBS, ,(ZHES LHAG GTOR BTANG BAR BYA'O, ,ZHES LA 'OG BTZAN RGOD RDO RJE KHRO 'BAR LA TSOGS GTOR 'BUL TSUL 'DI 'DRA ZHIG DGOS ZHES SBAG SA NAS 'BRAS BLO GLING GRAGS PA KHANG TSAN 'DUS SPYIS BSKUL MA GNANG BA BZHIN,) YONGS 'DZIN KHRI BYANG SKYE MING PAS GA-YAR KHRAL TZAM DU SBYAR BA'O,, DGE LEGS 'PHEL,,) ,, ` NA MO BADZRA BHEE RA W'A YA, ('DIR KHA SHANG DGON DGA' LDAN BKRA SHIS CHOS GLING GI GNAS SRUNG RGYAL CHEN RDO RJE DRAG RTZAL MCHOD PAR 'DOD PAS, MCHOD GTOR SPYAN GZIGS SOGS LEGS PAR 'DU BYAS LA, RANG YI DAM GYI RNAL 'BYOR LA GNAS PAS SNGAGS DANG PHYAG RGYA DRUG GIS

BYIN GYIS BRLABS TE,) H'Um; 'JAM DPAL RDO RJE BLO BZANG RGYAL KUN GTZO, ,PHYI NANG GSHIN RJE 'JIGS MDZAD MA HE'I GDONG, ,'PHROG BYED MCHE BA 'BAR BA'I GAR DGU YIS, ,DNGOS GRUB RIN CHEN BYE BA CHAR DU PHOBS, ,DBYINGS DANG RO MNYAM BDE CHEN KUN GSAL KLONG, ,RTEN 'BYUNG MA 'GAGS SNA TSOGS MCHOD PA'I SPRIN, ,RGYA DANG PHYOGS SU MA CHAD 'BYAMS KLAS PA, ,KUN BZANG NAM MKHA' MDZOD DU GTIBS GYUR CIG ,'JIG RTEN MCHOD BSTOD DREGS PA'I DKYIL 'KHOR NAS, ,DPAL CHEN BKA' SDOD RGYAL BA'I BSTAN PA SKYONG, ,RDO RJE DRAG RTZAL KHA SHANG RGYAL PO CHE, ,RNAL 'BYOR 'PHRIN LAS SGRUB PHYIR GSHEGS SU GSOL, ,MDUN DU RIN CHEN 'OD 'BAR GZHAL YAS KHANG, ,DAM RDZAS MCHOD TSOGS YONGS SU DKRIGS PA'I DBUS; ;GANG DGYES STAN DANG BZHON PA MDZES PA'I STENG, ,BRTZE ZHING DUNG BA'I TSUL GYIS BRTAN PAR BZHUGS, ,(ZHES SPYAN DRANGS, BSHAGS PA BYA BA NI,) KYEE; BDAG SOGS MA RIG 'THIB POS YONGS NON ZHING, ,RMONGS DANG BAG MED DBANG DU GYUR PA YIS, ,KHYED KYI THUGS DANG 'GAL BA GANG BGYIS PA, ,SNYING NAS BSHAGS SO TSANGS PA STZAL DU GSOL, (,DE NAS BSKANG BA BYA BA NI,) KYEE; MCHOD YON RGYA MTSOR 'KHYIL BA'I RLABS PHRENG GA-YO, ,ZHABS BSIL GANGG'A'I RGYUN BZANG DAL GYIS 'BAB, ,'DAB RGYAS ME TOG GE SAR 'DZUM PA DGOD, ,DRI ZHIM BDUG SPOS LHA LAM 'GENGS PA 'DIS, ,RGYAL CHEN RDO RJE DRAG RTZAL 'KHOR BCAS KYI, ,THUGS DAM BSKANG NGO LAS BZHI'I DNGOS GRUB STZOL, ,SNANG GSAL SGRON MES NYI ZLA'I SNANG

, ,BA 'PHROG ,TZANDAN GA BUR SPOS CHU'I RDZING BU 'KHYIL, ,RO BRGYA'I ZHAL ZAS LHUN PO'I SPO LTAR MTHO, ,SNYAN 'JEBS 'GYUR BA'I ROL MO'I SGRA DBYANGS KYIS, ,RGYAL CHEN x THUGS DAM x SMAN PHUD JA CHANG 'O ZHO'I BTUNG BA DANG, ,RAKTA DMAR CHEN KHRAG GI RGYA MTSO 'KHYIL, ,DAM RDZAS GTOR MA'I RI BO MKHA' LA BSNYEGS, ,DRAG PO'I NYER SPYOD MTHUN PA'I RTEN RDZAS KYIS, ,RGYAL CHEN x THUGS DAM x GZHAN YANG SPYAN GZIGS GO MTSON SNA TSOGS DANG, ,'DOD YON SNA LNGA RGYAL SRID RIN CHEN BDUN, ,BKRA SHIS RDZAS RTAGS GLING BZHI RI RAB SOGS, ,LHA MI'I DPAL 'BYOR MA TSANG MED PA 'DIS, ,RGYAL CHEN x THUGS DAM x RTOGS NA LHUN GRUB RANG SNANG RIG PA'I RTZAL, , MA RTOGS SROG GCOD 'JIG RTEN DREGS PA'I GZUGS, ,GNYUG MA'I GSHIS LAS GZHAN DU RGYAL PO CHE, ,MA DMIGS RO GCIG NGES PA'I RNAL 'BYOR GYIS, ,RGYAL CHEN x THUGS DAM x MTHUN PA'I DNGOS GRUB MA LUS PA, ,DENG 'DIR BDAG LA STZAL DU GSOL, ,'KHOR DANG BSTAN PA LONGS SPYOD RNAMS, ,RGYAS PAR MDZOD CIG SRUNG MA'I TSOGS, ,RGYAL PO CHEN PO 'KHOR DANG BCAS PA'I LJAGS 'OD ZER GYI SBU GUS GTOR MA'I BCUD DRANGS NAS GSOL BAR GYUR, AOm MAH'A R'A DZA SA PA RI W'A RA AI DAm BA LIm TA KHA KHA KH'A HI KH'A HI, (LAN GSUM,) AARGHAm (SOGS KYIS MCHOD, 'BRU GSUM BTAGS PAS NANG MCHOD 'BUL, BSTOD PA DANG 'PHRIN LAS BCOL BA NI,) KYEE; RGYAL KUN GSUNG GI RDO RJE 'OD MI 'GYUR, ,SOR RTOG YE

SHES DUS KYI ME LCE'I GZUGS, ,DGRA LHA SKYES GCIG GCIG LAS DU MA'I GAR, ,STON MDZAD SPRUL PA'I RGYAL PO CHEN POR BSTOD, ,KHYOD SKU LA LAR RAB BYUNG 'GYING BAG TSUL, ,RE 'GA' SKYES PA STAG SHAM RAL GRI CAN, ,GANG 'DUL ZHI KHRO MA NGES RNAM 'PHRUL GYIS, ,BSTAN DGRA TSAR GCOD RNAL 'BYOR SKYONG LA BSTOD, ,SRID GSUM SROG DBUGS ZOS KYANG MA TSIMS PAR, ,GNAM SAR GDANGS PA'I ZHAL NAS H'Um H'Um GI ,GAD BRGYANGS 'BRUG STONG DRAG POR GLAL BA'I MOD, , GDUG CAN TZITTA DUM BUR BKAS LA BSTOD, ,KHYOD THUGS BDE CHEN GZHON NU'I LANG TSO NI, ,STONG NYID DGA' MAR 'GROGS PA MI 'DOR YANG, ,SNA TSOGS 'PHRIN LAS CHU ZLA BYE BA'I GZUGS, ,NAM YANG RGYUN CHAD MED PAR STON LA BSTOD, , SNGON TSE DPAL CHEN CHE MCHOG HE RU KA: PADMA 'BYUNG GNAS BLO BZANG GRAGS PA SOGS, ,RIG 'DZIN BRGYUD PA'I SPYAN SNGAR ZHAL BZHES PA'I, ,DAM BCA'I RI MO SNYING LA BRIS PA DGONGS, ,THUB BSTAN SNYING PO 'JAM MGON TZONG KHA PA'I, ,BSTAN PA'I GDUGS DKAR SA GSUM KHYON DU KHYAB, ,BSTAN 'DZIN GSER GYI NYA MO 'KHYUG ? 'KHYUG PAS, ,BLO BZANG BSTAN PA'I RGYA MTSO MDZES PAR MDZOD, ,BSLAB GSUM NOR BU'I GTER GYIS YONGS GANG BA'I, ,RIG GROL BUM BZANG PHAN BDE'I 'DOD PA 'JO, ,LJONGS 'DIR BDE SKYID PADMO GSAR PA'I 'DZUM, ,RNAM PAR BZHAD PA'I DGA' STON 'PHEL BAR MDZOD, ,'PHRIN LAS GA-YAS 'KHYIL DUNG GI SGRA DBYANGS KYIS, ,MI MTHUN RGUD PA'I RIMS NAD DRUNG NAS ZHI, ,LEGS TSOGS

, ,DPAL GYI BE'U'I DRA MIG BRGYA, ,'KHYUD MOR BRES PA'I DGE MTSAN RGYAS PAR MDZOD, ,KHAMS GSUM BRTAN GA-YO'I LEGS TSOGS MA LUS PA, ,DBANG SDUD DBANG GI RGYAL MTSAN SRID RTZER SGRENGS,, DRAG SHUL GNAM LCAGS 'BAR BA'I 'KHOR LO YIS, ,NAG PHYOGS SGRA GCAN MGO BO RTZAD NAS CHOD, ,MDOR NA BDAG CAG YON MCHOD 'KHOR BCAS KYIS, ,RGYUN DU KHYOD GSOL KHYOD BSTEN KHYOD 'BOD NA, ,RTAG TU LUS DANG DRI BZHIN MI 'BRAL BAR, ,SRUNG ZHING SKYOB PA'I 'PHRIN LAS GA-YEL MED MDZOD, (,DE NAS BZOD GSOL GSHEGS GSOL SOGS SPYI LTAR BYA'O, ,ZHES PA 'DI NI PHRAN DGA' LDAN KHRI BYANG SPRUL MING PA SA STAG LOR RGYA BAL GNAS MJAL DU BSKYOD DE TSUR LAM 'DI GA'I MCHOD YON RNAMS KYI THUGS 'DOD BZHIN KHA SHANG DGON DU SA YOS GNAM LO GSAR PA'I DGA' STON LA ROL SKABS RGYAL POR GSOL MCHOD 'DI 'DRA ZHIG DGOS ZHES SBYIN BDAG SA DH'AR BHA RA AIN CHUNG 'JAM DPAL CHOS 'PHEL LAGS NAS BSKUL BA'I NGOR, LO GSAR TSES GCIG GI NYIN DE NYID LA SBYAR BA DGE LEGS SU GYUR CIG , ,,